Issuu on Google+


WWW.ARUBAWE.COM

1,50

DIALUNA 31 MAART , 2014

DIALUNA 31 MAART, 2014

DJOKOVIC TA GANA RAFAEL NADAL DEN FINAL DI MIAMI

DE LA SALLESTRAAT 41 A TEL: 5881500 FAX 5824937

Florin

P20

arubawe2012@gmail.com

ARUBADAG UN DIA DI UNION PATRIOTICO

Premier Mike Eman a duna lectura na New York University P3 PR di DPL ta reacciona riba articulo publica den prensa

Tur persona y buscado di trabao ta wordo atendi debidamente DPL ta fungi como “puente” entre buscado y dunado di trabao P2

ABONA RIBA Celebracion di Dia Nacional di Aruba na Hulanda, a tuma luga ayera diadomingo den Broodfabriek na Rijswijk. E evento di Arubadag un bira un biaha mas celebracion di union, di re-encuentro entre Arubianonan biba na Hulanda, caminda tambe a asisti hopi di nos hermana islanan di Corsou, Bonaire y Sint Maarten. Un evento na cual a asisti Prome Minister Mike Eman, Minister di Cultura y Turismo Otmar Oduber, y tambe Ministernan Plenipotenciario di Aru-

ba, sr Alfonso Boekhoudt y di Corsou sra Marvelyne Wiels y varios invitado. Manera ya ta un tradicion e celebracion a tuma luga colma di actividadnan musical y bailabel caminda tambe por a bolbe purba cantidad di cuminda “crioyo” cu hopi biba n Hulanda ta haya falta di esakinan. Pag. 8-10-11-16

30 fl pa luna Pensionado: 25 fl Tel: 5881500


DIALUNA 31 MAART

, 2014

10

‘Arubadag ta celebracion di nos identidad’

‘Arubadag ta mas cu unicamente celebracion cu nos a haya nos mesun bandera y himno. E ta nifica un manifestacion puro di nos amor pa nos patria, aprecio pa nos mesun cultura, orguyoso ariba nos identidad.. y sigur un celebracion di nos autodeterminacion. Ta exactamente e experencia aki cu nos tur cu otro lo mester cultiva.

Si bo ta leu for di bo patria y bo mester adapta bo mes na un hogar nobo, esey no mester bai a consequencia di bo identidad. Nos metanan ta sinta den nos mesun forsa, ancra den pasado, pero cu e simbolonan cu awe nos ta celebra. Nan lo guia nos den e direccion pa un mihor porvenir den nos di “dos patria”. Esaki Minister Plenipotenciario di Aruba sr. Alfonso Boekhoudt a bisa den su discurso durante

di Arubadag na Rijswijk. Esaki ta e prome Arubadag den cual e ta funciona como anfitrion. E mandatario a bisa e celebracion di Aruba tabata unicamente posibel cu e coopera-

cion di e personal di Gabinete di Aruba, e grupo grandi di boluntarionan. ‘Un evento cu na prome instante tabata dirigi ariba e comunidad Arubiano na Hulanda, pero cu tempo a crece bira un even-

to multicultural. Tambe loke ta haci e celebracion na Hulanda unico, ta un grupo grandi di Arubiano cu ta bin Hulanda special pa e celebracion aki,’ asina sr. Boekhoudt a bisa.


DIALUNA 31 MAART, 2014

11

‘Arubadag ta expresion di hermandad, solidaridad y cooperacion’ ‘E dia aki ta un dia yena cu di hermandad, solidaridad y cooperacion. Tambe e ta un dia cu un sentimento profundo pa amor pa nos prohimo.’ Esaki tabata palabranan di Prome Minister di Aruba sr. Mike Eman durante di su discurso na Arubadag. E mandatario a bisa cu Aruba e ultimo dianan a mustra mundo cu aunke e ta un pais chikito, a capta atencion di mundo pa e manera cu Aruba a logra enfrenta e crisis. ‘Un crisis unda e refineria a cera. Nos a tuma e oportunidad unico pa bin cu inversionnan den nos barionan, traha na e posicion di esunnan di menos recurso, traha na un bon relacion den reino y bin cu un vision strategico. Un caminda cla pa cana pa un miho futuro. E retonan ta grandi! Asina Prome Minister Mike Eman a bisa. Finalmente sr. Eman a bisa cu esaki no unicamente ta un dia pa Aruba, pero pa henter Reino


DIALUNA 31 MAART

, 2014

16

Gran celebracion di Arubadag na Broodfabriek na Rijswijk

Na Broodfabriek na Rijswijk a tuma luga ayera celebracion di Arubadag 2014. Minister Plenipotenciario de Aruba sr. Alfonso Boekhoudt – anfitrion di e evento – den e sala di recepcion a ricibi e huespuednan. Entre nan Minister di Turismo, Transporte y Cultura di Aruba sr. Otmar Oduber, Minister Plenipotenciario di Corsou sra. Marvelyne Wiels, Minister Plenipotenciario di St. Maarten sr. Mathias Voges, diferente parlamentario di Hulanda y miembro di Staten di Aruba sra. Desiree de Souza-Croes. Embahadornan di diferente pais, manera Colombia, El Salvador tambe a duna acto di

presencia, mescos cu ta e caso di ambtenaarnan di Cas di Corsou y ministerionan Hulandes; Representantenan di organisacionnan Arubiano y hopi relacionnan di Gabinete di Aruba. E parti oficial a cuminsa cu un bon bini di e maestra di ceremonia Zayenne van Heesen-Lacle. E cantamento di himno nacional ‘Aruba Dushi Tera’ tabata na encargo di Mitchell Tromp. Durante e parti oficial por a scucha discurso di e mandatarionan. Despues e parti cultural a continua cu e grupo di baile “Kids and Youth in Action” cu a bai-

la dos piesa pa e publico presente. E banda K’Ribe a duna un tremendo presentacion cu un repertorio cu a consisti di musica tradicional di Aruba y na final a trece e invitadonan y e publico presente den ambiente di carnaval. Cu e zonido di brass band “La Negra Brassband” e clausura e parti oficial. E parti festivo a conta cu actuacion di Vince Irie y Offshore, Recruitz, Kuenta i Tambu, Jeon & ATA Niro. The Failures y Tsunami. Tur esaki cu presentacion di e conocido dj y animado Arubiano Ruben “Scorpio” Garcia.


DIALUNA 31 MAART

, 2014

SEÑOR TA BISA“CONFIA DEN SEÑOR, SEA FUERTE, BO CURASON TUMA CURASHI. SI, CONFIA DEN SEÑOR!”, SALMO 27:14

Bosmanwet: un splinter pa tapa henter un balki E miembro di Tweede Kamer, Andre Bosman for di algun tempo caba a presenta un proposicion di ley, caminda e ta kere cu Hulanda mester evita cu hobennan problematico for di Corsou, Aruba y otro islanan di Caribe, lo drenta Hulanda sin mas. No solamente hobennan cu historia criminal, pero tambe hendenan cu no tin cierdo educacion of no tin forma di cuminsa un bida nobo na Hulanda. Tweede Kamer siman pasa a cuminsa trata e ley aki, cu na inicio no ta mustra cu ta conta cu mucho sosten di miembronan di Parlamento pero e solo hecho cu henter e asunto aki ta sigui ainda den discusion, ta crea un ambiente di incomodidad y di falta di respet pa e otro partnernan den Reino Hulandes. Fuera di Bosman tin otro politiconan tambe a yega di vocifera nan mes den un forma igual pa loke ta trata ciudadanonan di Caribe Hulandes, entre nan e conocido y controversial Wilders, kende den e dianan aki ta ser cuestiona pa su propio compatriotanan. Contenido di e concepto di ley cu a bira conoci como”Bosmanwet” en realidad ta ser considera contradictorio y hasta descriminatorio, ya cu en realidad na Hulanda mes na e momentonan aki, tin desaroyonan criminal tumando luga cu simplemente mester a duna Bosman un otro vision di loke ta henter e contenido di su concepto di ley. Al contrario Bosman como legislado na e momentonan aki, mester tin man yen con nan mes ta bay para e ola di violencia y crimen cu tin den henter e pais, caminda bida di hende ya no ta wordo balora manera mester ta. Su propio compatriotanan Hulandes, ta comportando nan mes asina malo y asina criminal, cu ciudadanonan di Caribe Hulandes, no mester bin na remarke mes pa cualkier medida of accion.

Pa menciona algun recien na Hulanda, mester menciona cu e institucion cu ta trahando y luchando contra distribucion di pornografia di mucha, esta “Meldpunt Kinderporno,” a anuncia oficialmente cu Hulanda a bira e pais caminda mas “kinderporno” ta circula y el a aumenta te cu 23.378 caso, un aumento di 3500 compara cu casonan di 2012. Un crimen serio y cu tin tendencia alarmante di sigui aumenta den e aña aki mientras cu tin otro casonan di maltrato serio, caminda ningun ciudadano di Caribe Hulandes ta envolvi. Aña pasa mucha y hobennan hunto cu hende grandi, a maltrata un Hues di Liña na un wega di futbol, cu consecuencia cu e persona aki a fayece, mientras cu tabatin varios caso di maltrato di esunnan cu ta dirigi weganan di futbol na Hulanda. Tin casonan serio di maltrato di hende, scopmento di hende den cabes,

lagando esakinan seriamente herida atras, loke tambe a sosode e fin di siman aki y den ningun di e casonan aki, tin hende di Corsou, Aruba of otro islanan envolvi. Na 2013 tin casonan realmente dramatico, caminda un tata a mata su dos yiunan, otro hoben di 17 aña a mata su ex amiga cu su ruman y mama, dor di kima nan den nan cas, y aki tampoco ta trata di criminalnan di Caribe Hulandes. Un ex Minister Hulandes a wordo mata den su garashi di cas, sin cu te awe a haya e asesinonan mientras cu tin cantidad di hoben cu a bira victima di otronan, den un sistema alarmante. Mucha y hobennan, kende nan edad ta varia entre 14 pa 20 aña, a bin ta cometiendo actonan criminal increibel rond Hulanda y e ola di violencia aki no tin nada di haber cu presencia di hobennan di Corsou, Aruba of un di e otro islanan. Cu tin of tabatin problema cu hoben-

nan di Caribe Hulandes ta algo cu no por nenga pero pa bay over na implemente un ley cu ta kita derecho di un ciudadano Hulandes den e forma cu e Bosmanwet kier haci esaki, ta algo sumamente controversial y cu sin duda mester ta algo inceptabel. Den e caso aki Andre Bosman ta perde realidad den su propio pais for di bista, caminda e energia y trabou cu e ta gasta en su esfuerso pa impone un ley asina, e por uza esaki pa yuda su propio hendenan cu ta wordo acosa na e momentonan aki, pa un ola di crimen cu no tin nada di haber cu hobennan procedente di Caribe. Tin actonan criminal cu ta ser cometi na Hulanda den ultimo dos aña, cu antes no tabata e caso, caminda hendenan ta wordo asesina, tira mata den porta di nan cas, ta wordo elimina y comportacion agresivo di hobennan cu ta ataca otro lagando hobennan seriamente herida cu sla na cabes y curpa. Bosman ta contra hobennan di Cariba Hulandes, Wilders contra di Marokano y Musulmannan, y tin mas politico cu mesun pensamento, pero e tipo di politiconan aki ta mira e splinter den wowo di otronan, sin realisa cu den nan wowo mes tin un balki grandi y pisa ta colga. Ta di carga speransa cu tin politiconan Hulandes cu por rasona, cu por realisa kico ta husto y inhusto, cu lo no sostene e ley aki manera Bosman ta pretende cu e mester wordo introduci. Plasterk tambe a mustra siman pasa cu e ta contra di e Bosmanwet pero a mustra cu mester bin c’un areglo con pa move den Reino Hulandes, ya cu e Hulandes Europeo no por move cu asina facilidad rumbo di Caribe Hulandes mester e situacion ta viceversa. Sinembargo a base di dialogo sano y serio, e tipo di asunto aki por wordo regla y defini pa tur hende cu ta forma parti di Reino Hulandes, ta carga mesun derecho cu su compatriota.

2


DIALUNA 31 MAART, 2014

3

Premier Mike Eman a duna lectura na New York University ‘Robert F. Wagner Graduate School of Public Service’, un di e facultad di New York University (NYU), frecuentemente ta invita personalidadnan conoci den politica pa duna lectura na studiantenan. Aña pasa por ehempel exProme Minister di Inglatera Gordon Brown (2007-2010) a duna un lectura den su calidad di enviado di Nacionnan Uni di Educacion. Segun Katty Jones, Director of Global Program Services di ‘Robert F. Wagner Graduate School of Public Ser-

vice’, nan tabata tin conexion cu e oficina di Minister Plenipotenciario di Aruba na Washington y tabata contento di por a invita Prome Minister Mike Eman pa duna un charla na e studiantenan di NYU. Principalmente pasobra e estudio ta relaciona cu loke Aruba ta haciendo na e momentonan aki riba tereno di urbanisacion. ‘Wagner Graduate School of Public Service’ tin un programa di Planificacion Urbano: Public and Nonprofit Management and Policy, y Health Policy

Rutte ta pidi Corsou despensa pa expresion riba Zwarte Piet

Mark Rutte a pidi despensa na Minister Presidente di Corsou Ivar Asjes pa su expresionnan curioso riba Zwarte Piet. Su comentario cu su ‘amigonan na Antias Hulandes ta contento cu e fiesta di Sinterklaas pasobra nan no mester pinta nan cara a hala hopi atencion riba e islanan di Caribe Hulandes. Rutte a bisa esaki durante e conferencia di prensa na comienso di e cumbre riba siguridad nuclear. “Si ami mester hunga pa Zwarte Piet, anto e ta tuma mi dianan pa kita tur e pintura for di mi cara,” Rutte a bisa mas cu un siman pasa. Y su amigonan na Antias no conoce e molester aki. Insulto “No tabata mi intencion pa insulta ningun hende,” Rutte a bisa den fin di siman. El a sigui bisa cu e mes a yama Asjes pa splica cu e tabata un comentario poco for di luga. Y cu Asjes lo a accepta e palabranan di disculpa. Rutte no a bisa si el a yama Prome Minister di St. Maarten y Prome Minister di Aruba, Sr. Mike Eman. No ta pa prome biaha cu Rutte ta mete den e discusion riba Zwarte Piet. Aña pasa el a contesta un pregunta bisando cu “Zwarte Piet ta preto, Y mi no por cambia nada na esey.” DELIBERACIONNAN Sinembargo, tin suficiente indicacion cu ya pa lunanan tin deliberacionnan secreto tumando luga na Hulanda riba e futuro di Zwarte Piet. Tanto oponentenan como esnan cu kier mantene e figura kier presenta un plan conhunto prome cu Juli, unda nan lo kier dileña con mester sigui cu e tradicion di Sinterklaas. Aña pasa e emocionnan a bay hopi halto ora cu criticonan a mustra cu Zwarte Piet ta simbolo di racismo y sclavitud. Esaki a causa un discusion enorme y un disgusto cerca fanaticonan di e fiesta di mucha.

Management. Pero tambe e ta un scol interdisciplinario di Servicio Publico. E hobennan, el a splica, ta studiando algun di e temanan cu Aruba ta trahando riba dje, manera desaroyo socio-economico y con esaki ta wordo relaciona cu e bienestar general, y energia renovabel. “Nan ta studiando planificacion urbano y kico esaki lo ta pa ciudadnan, metropolisnan,

tambe ta studiando temanan cu ta implica salud global y desaroyo, y con tur esaki ta impacta e planificacion.” Tur esaki, el a agrega, ta relevante na loke Aruba ta trahando riba dje awor pa bira totalmente sostenibel pa 2020. Loke sra. Jones a haya masha interesante den e contacto cu e tabata tin cu Prome Minister Eman di Aruba tabata su

trabou pa conecta e Public & Private Partnership pa “converti su vision den accion. Pero tambe e compromiso personal cu bo ta sinti cu e tin pa cu e vision y e hendenan di Aruba, e conexion cu e ta haci riba sostenibilidad y ecologia, y e bienestar di su hendenan. Tur esaki combina cu e forma participativo (Dialogo Social) cu esaki ta tuma luga. E ta algo grandi,” sra. Jones a comenta.

Interupcion di Servicio di DATA, SMS Y VOICE Postpaid,Prepaid y Postpaid Hybrid SETAR ta informa cu debi na trabounan riba e red 3G lo tin interupcion di servicio di DATA, SMS y VOICE pa duracion di 30 minuut pa tur cliente di 3G di Postpaid,Prepaid y PostPaid Hybrid:

Diamars 1 di April 2014 entre 1’or y 3’or di marduga. Porfabor tene cuenta cu esaki pa preveni cualquier inconveniencia.


DIALUNA 31 MAART

, 2014

32

Team Mary Joan Foundation Biblioteca Nacional a participa cu Aruba Doet Ronny Alders, coordinador di Green Education Symposium:

ta ‘trendsetter’ den Green Education y ta sostene gobierno cu e vision ‘green’

Na 2012 Biblioteca Nacional Aruba a organisa e prome Green Education Symposium (GES) pa mas o menos 2 mil alumno y docente di scolnan secundario den Renaissance Conference Center. E exito tabata asina grandi, cu publico a pidi pa sigui cu ne y asina a dicidi pa haci e di dos aña pasa na Westin Resort. Atrobe 2 mil alumno y maestro a atende y keda hopi satisfecho pa cual e aña aki ta organisa e di tres edicion. Studiantenan lo atende entre 4 y 11 di april proximo, sesionnan cu ta bay tuma luga den Cas di Cultura y e tema pa 2014 ta ‘Sustainable Food Supply.’ Pa tal motibo Biblioteca Nacional ta traha hunto cu Santa Rosa y tambe Bureau Innovatie. Den apenas tres aña, e Aruba Green Education Symposium a demostra cu esaki ta un simposio educativo internacional cu participacion di oradornan di Merca, Hulanda y Aruba, cada un profesionalnan riba nan tereno. Nan ta comparti e conocemento cu nan a saca for di estudio haci den diferente topico y scenario. “Nos ta masha contento cu e cooperacion cu nos ta haya internacional. Aruba ta hopi gusta internacionalmente. Nan mes ta acerca nos cu nan kier bin duna lectura na Aruba,” asina Ronny Alders, coordinador di e comision organisado a duna di conoce. En berdad e agenda Green cu Gabinete Mike Eman ta carga, ta haci e organisacion di e Green Education Symposium, no solamente mas facil pero tambe interesante, segun Alders. “Biblioteca Nacional Aruba ta e ‘trendsetter’ den Green Education y ta sostene gobierno cu e vision ‘green.’ A ricibi premio na entre otro, Merca y tambe ta ser pidi pa duna splicacion di kico tur ta haciendo na Aruba cu e hobennan y nan educacion riba temanan ambiental y di sostenibilidad. P’esey a pensa cu ta bon pa organisa e evento aki tur aña. Di e manera e studiantenan cu ta pasa di aña ta keda haya e informacion aki pa yuda nan mes y nan scol. “E mester bira algo structural. E enfoke principal ta keda e alumnonan di Aruba,” Alders a bisa. E comision ta trahando duro pa bin cu un programa bon hinca den otro cu lo sorprende tur studiante y participante na e evento.

Den weekend a tuma luga e proyecto nacional “Aruba Doet” di CEDE Aruba, cual a hala hopi atencion den nos comunidad. Mary Joan Foundation cu ta un organisacion cu ta traha pa esnan cu tin cancer na pecho tambe a uni nan mes na e proyecto aki. Como fundacion semper nos ta traha na beneficio di nos clientenan, pero riba e dia special aki a duna amor y atencion na nos grandinan y asina aki tambe aporta na Aruba DOET. Un grupo di nos boluntarionan di fundacion a uni nan mes hunto cu e boluntarionan di Centro Kibrahacha 60+ pa asina binda nos grandi nan un mainta ameno den un bus tour. Nos grandi nan a disfruta di sinti nan mes manera un turista riba nan isla y a bishita entre otro: Ayo Rock Formation, Natural Bridge, Bushiribana, Kapel di Alto Vista como tambe nos Linear Park.Voluntarionan a pone ambiente cu guitara, maraca y tambu y asina hunto cu nos grandinan a canta canticanan popular di antes.

Corsow y St. Maarten a felicita Aruba cu su dia

Minister Plenipotenciario di Corsou Sra. Marvelyne Wiels y Minister Plenipotenciario di St. Maarten Sr. Mathias Voges a tene un discurso den cual nan a felicita den nomber di nan gobierno y e pueblo di Corsow y St. Maarten, Aruba cu e celebracion na Hulanda di nan dia nacional Dia di Himno y Bandera. Minister Wiels a referi na e frase den e himno di Aruba “grandeza di bo pueblo ta su gran cordialidad” como e miho expresion di e identidad Arubiano. Minister Plenipotenciario di St. Maarten sr. Mathias Voges a cuminsa bisa cu esaki ta di su cuater anja cu e ta presencia Arubadag como

minister di St. Maarten. ‘Un pais cu semper e experencia un relacion hopi positivo y close cu Aruba. Den nos historia comun cu ta bay hopi aña atras nos a traha ariba diferente tereno cu otro den beneficio pa nos pueblonan. Nos ta experencia cu te ainda e cooperacion ta positivo y constructivo. Den e contexto aki mi kier a gradici colega Boekhoudt pa e bunita y bon cooperacion durante e ultimo lunanan’, segun e mandatario di St. Maarten. Sr. Voges a termina cu declamacion di un poesia di Howard Schnauber titular “I am the Arubian flag”. Potret cortesia di Nico van der Ven.


DIALUNA 31 MAART 2014

Prome Minister directamente for di Schiphol pa Rijswijk pa topa cu Arubianonan celebrando Arubadag

ORANJESTAD (AAN): Diadomingo na Rijswijk, Hulanda, Arubianonan a celebra ‘Arubadag’. Prome Minister despues di tabata na New York pa

PAGINA 11

DIARIO

ricibi un premio relaciona cu e renobacion urbano di e ultimo aĂąanan na Aruba, a sali pa Hulanda pa atende e famoso forum “TEDxBinnenhofâ€? cu ta tuma luga awe.

Pero asina mes cu su agenda, cu riba e diadomingo tabata yen, e no por a keda sin bishita e celebracion di Arubadag na Hulanda. For di Schiphol, Prome

Minister a sali directamente pa Rijswijk pa topa cu e comunidad di Aruba na Hulanda y e comunidad Hulandes presente na e celebracion anual aki. Durante di e celebracion, Prome Minister Mike Eman a tene un discurso breve, pero cu contenido hopi importante y bunita pa e relacionnan entre Aruba, Reino y Hulanda. Tur presente tabata hopi entusiasma pa e discurso elocuente y di presencia di e Prome Minister di Aruba compaĂąando nan riba e dia special pa e comunidad Arubiano na Hulanda.

               

                                         

                          !   !      "   

     #     ! "#      $   ' ()* +,!   %%% "##$ ,  "#+

           !"##$  %&  !"##!


DIALUNA 31 MAART 2014

PAGINA 3

DIARIO

ARUBA NO POR BIRA UN MINI-HULANDA DEN CARIBE! Mi no sa kico e intencionnan ta, pero no ta aceptable e intencion di converti nos isla den un mini Hulanda sembra den Caribe. Tin demasiado mas factor cu ta separa nos cu tin cu ta uni nos bao e mesun dak. Pesey mi no ta compronde e idea di traha fietspad banda di e careteranan nobo cu ta bao construccion caba, o cu ta bay ser construi proximamente. E metodo di transporte di nos pueblo ta auto, no bicicleta. Claro cu nos tin deportistanan cu ta dedica nan mes na caredanan di bicicleta, loke ta bon y sano, pero mi no conoce esnan cu ta bay trabao cu nan y ta usa nan como nan forma natural di transporte, o sea di tur dia. E idea ey, mescos cu e tram, ta crea hopi preocupacion pasobra e ta indicativo di un intento di copia for di Hulanda loke no tin un aplicacion normal riba nos isla. Ban pone e idea ey definitivamente un banda, pa e no bira otro sorto di tram cu ta bay crea divisionnan di pensamento ireconciliable. Gobierno mester concentra riba e solucion di nos problemanan financiero, no crea gastonan cu ta agrega na nan. Si mester haci inversion pa di berdad impresiona o logra atrae mas voto, anto concentra riba e ampliacion di hospital, entre otro, y introduci un estructura na aeropuerto cu ta facilita e bida di nos turistanan, no amarga nan poniendo nan para den rijnan cu ta yega te caya. No ta pa capricho nos ta contra e tram, sino cu e ta un gasto grandi di Gobierno cu no ta recuperable. E no por ser considera un inversion pasobra e no ta trece ni un cent back den caha di Gobierno. Al contrario, su mantenimento tur luna ta bay causa gastonan adicional (di personal y funcionamento) pa un Gobierno cu mester tin como prioridad lucha pa solventa e deficit gigantesco cu nan mes

a crea. Un fietspad ta otro gasto mas cu no ta cay den e area di inversion, pasobra loke ta bay gasta riba dje tampoco ta recuperable. Nos no tin nada contra Hulanda, pasobra nos a logra hopi beneficio di dje den e siglonan di su apreciable presencia na Aruba. Nos tin su nacionalidad, cu ta un di e mihornan na mundo, y nos a hereda di dje e concepto di Ley y Orden, basa riba disciplina y bon comportamento. Pero, e idea di trece mas y mas Hulandes pa ocupa puestonan di importancia den e departamentonan publico no ta parcemi un medida progresista, sino entreguista. Nos no tin pakico purba complace e Gobierno di Hulanda actuando manera un cacho chikito cu ta sacudi rabo cada biaha cu nos ta den nan presencia. Laga nan keda cu nan custumbranan y idiosincracia, y laga nos keda cu esnan di nos. Purba imita nan o importa for di nan habitonan cu no ta pas cu nos caracternan o nos forma di ser no ta parcemi prudente ni aceptable. Na Aruba tin suficiente hende bon prepara pa ocupa cualke puesto cu por ta vacante. Nos ta un Pueblo orguyoso di su trayectoria, y nos a yega hopi leu den e dificil arte di administra nos propio bienesnan, pesey nos no por tolera o permiti cualke cambio cu por altera e orden di cosnan na Aruba. Nos tin un autonomia logra a base di un lucha largo y fuerte, y ningun parti di dje ta negociable pa fabornan cu nos no tin pakico pidi. Mi a acompaña Betico cu a lidera e lucha pa e autonomia ey, y a logra e Status Aparte cu nos tin awor, un tiki getornu na dje, pero ainda viable y aceptable. Ban conserva loke ta di nos, y ban mehore te unda cu nos por, y permitimi bise abiertamente y cu orguyo: nos por!

Prome Minister Mike Eman cu un tremendo discurso na ocasion di Dia di Aruba na Hulanda

ORANJESTAD (AAN): Asina cu el a yega Schiphol, Prome Minister Eman a sali directamente direccion pa Rijswijk unda e comunidad Arubiano na Hulanda a celebra Arubadag diadomingo ultimo. Arubianonan cu ta traha of studia na Hulanda ta celebra Arubadag cuminsando caba for di aña 1976. E celebracion ta un fiesta special na honor di “Dia di Himno y Bandera” di Pais

Aruba. Riba e dia special aki a invita Prome Minister pa duna un discurso na honor di e dia special aki. Sr. Eman su discurso tabata uno hopi elocuente y cu un mensahe hopi esencial di hermandad y cooperacion entre Aruba, Reino y Hulanda. “E hecho cu nos ta celebra dia di Aruba cu asina hopi entusiasmo y optimismo no ta unicamente un expresion di orguyo nacional di nos pueblo,” Prome Minister sigura cu, “e ta un ex-

presion tambe di hermandad, di solidaridad y di cooperacion. Un expresion cu nos ta cana hunto den e mesun direccion pa futuro cu sentimentonan profundo pa nos prohimo.” “Pueblo di Aruba, awe nos ta celebra algo grandi. Un dia nacional cu ta pone e curason di cada Arubiano ta palpita yen di emocion,” sr. Eman a sigui, expresando cu hopi sentimento, “pero yen di determinacion tambe, pa nos por sigui sirbi

nos pueblo y nos pais.” Nan ta precisamente e sentimentonan cu Prome Minister a yega cu ne na Hulanda. Un isla chikito a ricibi ayera un premio sumamente grandi y importante na New York, den Waldorf Astoria, for di ‘American Council of Engineering Companies’. E 'Diamond Award', a keda otorga na e proyecto di ‘streetcar’ relaciona cu e desaroyonan di renobacion di Oranjestad. Aruba a gana e premio aki pa su vision y e curashi pa a enfrenta retonan grandi cambiando e for di un crisis, pa un oportunidad extraordinario di renobacion. Prome Minister Mike Eman a enfatisa cu, “mundo no a keda sin ripara con un isla chikito cu retonan grandi, despues cu refineria a cera y despues di un crisis mundial, a inverti den renobacion di su ciudadnan, renobacion di su barionan y duna sosten na e poder di compra di esnan menos fortuna y mas afecta. Tambe a traha duro den reconstrui relacionnan den reino a base di un situacion win-win y tambe a base di un vision strategico cu a trece nos hunto.” Prome Minister sin

duda ta referi na e trabaonan hunto cu Hulanda pa e Hub comercial entre Latino America y Continente Europeo, manera “Europe Meets the Americas.” Prome Minister: “awe tin harmonia un bes mas y tin un vision comparti, tin pasion atrobe y un caminda nos dilanti cu ta hopi cla. E caminda pa e miho y e brug pa futuro no ta semper esunnan mas facil pa cana. Den Bijbel ta papia cu e porta pa futuro y e miho caminda, no ta tur ora e esunnan di mas facil. Pero nos no a nace pa tuma unicamente e camindanan di mas facil of pa pasa riba e camindanan cu menos obstaculo di bida,” Sr. Eman a sigui sigurando cu, “nos a bin hunto pa pasa riba e retonan, exitosamente hunto cu ciudadanonan di nos isla y e esunnan di Reino.” Finalisando Sr. Eman a pidi tur presente pa, “laga nos tur celebra, laga nos tur bisa, biba Aruba, biba Reino. Nos tin un vinculo fuerte cu otro y nos tin trabaonan grandi nos dilanti. Ban traha hunto, ban sigui padilanti, Biba Aruba, biba Reino Hulandes.”


Hol 31314