Issuu on Google+


DIAHUEBS 13 FEBRUARI , 2014

4

Mester a garantisa informacion corecto

Plasterk a sobrevivi e debate den Tweede Kamer Minister pa Asuntonan Interno di Hulanda y Relacionnan den Reino Ronald Plasterk a sobrevivi un mocion di desconfianza den Tweede Kamer ayera, danki na e sosten di e partidonan di oposicion SGP y ChristenUnie. Pero, esaki no ta un sosten sin mas. Di otro banda, e mocion di desconfianza cu tabata entrega pa lider di D66 Alexander Pechtold a lanta hopi disgusto cerca lider di PvdA Diederik Samsom, kende no a compronde e paso. E diferencia den opinion ta afecta e relacion ya cu D66 ta crucial pa e sosten di oposicion na e cuadro financiero di gabinete Mark Rutte II. Hopi hende tabata anticipa e debate cu a bin despues cu a resulta cu Plasterk a sconde informacion riba e practicanan di scucha yamadanan telefonico, cu na prome instante a mustra cu tabata un asunto di NSA, cu ta e servicio di siguridad nacional Mericano. Pero a resulta cu tabata e propio servicionan di inteligencia di Hulanda mes cu a colecta como 1.8 megadata, cu no ta necesariamente yamadanan di telefon, sino e datonan di e yamadanan aki. Tweede Kamer a reuni henter dia, te den oranan laat di

anochi, y mayoria fraccion di oposicion tabatin un opinion pisa contra e Minister. Pechtold a bisa cu e Minister a perde e confianza door di a specula riba e datonan telefonico y despues pa no rectifica ora cu el a ripara cu e tabatin’e robez. Pero dos di e tres partidonan cu ta sostene e cuadro financiero di Gabinete Rutte II, esta SGP y ChristenUnie si a keda cu e confianza den Minister Plasterk. D66 cu ta partido di oposicion cu mas asiento den Eerste Kamer (cinco asiento) y cu a mustra sosten na e plannan financiero di Gobierno, no kier sigui cu Plasterk. Segun Diederik Samsom, mayoria den Tweede Kamer a accepta e palabranan di despensa di Plasterk y tin un consenso memey di fraccionnan pa no papia riba e forma di traha di e servicionnan di inteligencia mas. “Esaki a keda acepta, y ta incomprendibel cu a entrega e mocion di desconfianza. Esaki no ta un estilo cu ta cuadra den un debate democratico.” Pechtold a reacciona bisa cu e ta compronde cu Samsom tabata emociona despues di un anochi largo di debate, pero a enfatisa cu e fraccion y otronan cu a sostene e mocion ta basa riba otro argumentonan cu

esun cu coalicion a uza. Y e argumento diferente aki no mester trece un problema pa e colaboracion cu tin entre e gabinete y e tres partidonan di oposicion, riba e palabracionnan financiero. Pasobra esakinan no tin nada di haber cu e forma con e servicionan di inteligencia ta traha y con Plasterk ta dirigi nan. Pero e rechaso di Samsom pa e forma di actua di Pechtold lo no contribui na un bon relacion entre ambos lider politico. Segun analistanan, e ta conoci cu e dos lidernan aki no ta e miho amigonan. Tabatin varios momento cu a nota diferencianan di opinion fuerte entre ambos durante e negociacionnan pa e acuerdo di presupuesto. Pechtold como tal ta prefera pa papia cu Prome Minister Rutte y Minister Dijsselbloem di Finanzas y Minister Asscher di Asuntonan Social ora ta yega na e negociacionnan financiero. Samsom a laga sa di kier papia cu Pechtold riba e asunto di Plasterk. Servicionan di Inteligencia Aunke cu no a bay den profundidad riba e forma con e servicionan di inteligencia ta acumula nan datonan, Tweede Kamer tabata kier si cu mester bin un otro forma

Registro Civil y Censo

Desde 23 di september 2009 a introduci cuatro fingerprint digital den e paspoort Hulandes. Entrante 20 di januari 2014 esaki a wordo reduci na dos fingerprint digital den Reino Hulandes. E paspoort lo tin solamente dos fingerprint digital. Den e paspoort modelo nobo, e peticionario lo mester laga pone solamente su fingerprint digital di su wijsvinger robes y drechi. Otro cambionan Antes tur paspoort tabata valido pa cinco aña. Entrante 9 di maart 2014 venidero e paspoort pa personanan riba 18 aña lo bira valido pa un periodo di dies aña. Pa personanan menor di edad (bou di 18 aña) e validez lo keda cinco aña. E gastonan pa paspoort actualmente ta Afl 115,- . Door di e cambionan den ley di paspoort di Reino Hulandes, e tarifa cu Aruba tin cu paga pa cada paspoort a subi. Censo a avisa gobierno di e cambio aki y gobierno lo tin cu dicidi riba e cambio di tarifa y prijs nobo pa paspoort. No lo por tuma peticion pa paspoort dia 6 y 7 di maart 2014 En conexion cu e cambio di ley aki, dia 6 y 7 di maart 2014 no lo por tuma peticion pa paspoort. Dia 10 di maart 2014 lo sigui atende tur peticion atrobe.

pa duna informacion riba AIVD y MIVD. Un raport existente ta bisa caba cu mester amplia e area di trabou di AIVD pero cu alabez mester reenforsa e supervision riba e instancia, particularmente na nivel di Minister y e supervisor CTIVD. D66 y VVD kier pa e comision cu ta trata e tema aki, e asina yama ‘commissie stiekem’ den cua lidernan di fraccion ta haya informacion clasifica riba e trabou di e servicionan, keda elimina. E comision Asuntonan Interior mester haya mas poder. Tanto Plasterk como e Minister di Defensa Hennis-Plasschaert lo bolbe Tweede Kamer otro luna pa duna nan reaccion riba e ponencia aki. Ambos a bisa cu nan no por splica riba e 1.8

megadata, sin keda di splica e forma con AIVD y MIVD ta traha. SGP a bisa di a sostene Plasterk pero no sin mas, pasobra en todo caso e Minister a laga mustra con cos no mester bay. Consequentemente analistanan ta bisa cu esaki ta e ultimo oportunidad di Plasterk, kende ya no por permiti su mes haci un eror, y ta den un situacion hopi comparable cu e ex Secretario di Estado Frans Weekers kende mester a entrega su retiro despues di un mocion di desconfianza sosteni tambe pa ChristenUnie y SGP. Plasterk mes a garantiza cu den futuro e lo percura cu e lo coregi cualkier informacion incorecto sin mester warda pa Tweede Kamer haci e preguntanan.

“E DIFERENCIA DEN RADIO”

Variashon den Programashon Musical, Informativo, Noticiero y Entretenimiento.


DIAHUEBS 13 FEBRUARI , 2014

ING ta confia investigacion di Banco Central Europeo Investigacion di e Banco Central Europeo, ECB riba e posicion financiero di banconan Europeo lo yuda drecha e confianza den e sector aki. Esaki ta locual Presidente di Directiva di ING Ralph Hamers a bisa na momento di presenta e cifranan annual di e multinacional financiero. E resultadonan di e investigacion lo por crea cierto incertidumbre na prome instante, particularmente den e zona di euro, mirando cu e probabilidad ta grandi cu no tur banco lo pasa e asina yama stress test. Ta trata aki di e asset quality review, cu mester demostra si un banco tin e likidez necesario pa wanta cualkier crisis. Pero, e resultado lo produci mas cu tur cos advertencianan. Y na final, e lo percura pa mas confianza. “Y pesey nos ta haci’e tambe, pa nos tur mehora.” ING ta spera cu e siman aki ainda lo tende cua ta e portofolionan na recurso y prestamo cu ECB lo analisa mas profundamente. Segun e Director di Risico Wilfred Nagel, e ta sali di e punto di bista cu ta trata aki di tur e portofolionan grandi manera prestamonan di hypoteca na Hulanda, Belgiva y Alemana, e buki di comercio internacional y e bienes raices comercial. Banco Central di Hulanda Banco Central di Hulanda di su banda tambe a ehecuta un investigacion na e propiedadnan comercial cu ta den man di banconan y ING a haya un bon evaluacion. “E resultadonan tin nada di efecto riba e resultadonan di e compania mes,” Hamers a bisa. ING mester a reserve como 560 miyon euro den e kwartaal tras di lomba pa pagonan cu no a bin aden, y ta proyecta cu e situacion lo keda mescos ten a memey di e aña aki prome cu e costonan baha. Pa motibo di situacion economico dificil y malo, hopi compania tin problema pa cumpli cu nan obligacionnan financiero cu ING. Tambe doñonan di cas ta haya nan mes mas regular den problema pero asina mes e cantidad di mal pagadonan ta hopi limita, segun ING.

5



Hol 13214