Issuu on Google+


WWW MATRIMONIO

Joran lo casa den Prison “Piedras Gordas

Ta hopi importante pa nos tin bo informacionnan corecto. Yena e formulario cu ta obtenibel na ELMAR of riba www.elmar.aw

CELEBRANDO 33 AÑA CU PUEBLO Aña 36 ▪ No. 9981 • 1,50 Florin

Diabierna ta yega prome vuelo pa Aruba di Airbus 330 di KLM usando “bio-fuel”

DIALUNA 12 MEI 2014

TRANSITO

Minister Otmar Oduber orguyoso cu Aruba a haya e promer “Driving Simulator” den Caribe RESCATE

Mucha di 3 aña por poco a perde su bida den piscina

ORANJESTAD (AAN): Diabierna awor dia 16 di mei nos lo yama bonbini na e prome vuelo di e avion Airbus 330 di KLM, for di Amsterdam pa Aruba uzando “bio-fuel” como combustibel. Ademas di celebridadnan Hulandes y ehecutivonan di KLM, Gobierno Hulandes y Schiphol Group, abordo di e avion lo tin e cinco finalistanan di “Green Aruba Challenge”. Por lesa mas di esaki den e edicion aki.

Miembronan di comunicacion a saca un man pa Kankerfonds ORANJESTAD(AAN): Diasabra den oranan di atardi por a mira presencia di varios miembro di comunicacion riba L.G. Smith Boulevard na altura di Bestuurskantoor. nan a participa den accion di WKF pa yuda recauda foto. Den e edicion aki por mira fotonan di e accion y lesa mas di esaki.


DIALUNA 12 MEI 2014

PAGINA 3

DIARIO

Diabierna ta yega prome vuelo pa Aruba di Airbus 330 di KLM usando “bio-fuel” Utilities Aruba N.V. ta partner orguyoso di KLM pa “Green Aruba Challenge”

ORANJESTAD (AAN): Diabierna awor dia 16 di mei nos lo yama bonbini na e prome vuelo di e avion Airbus 330 di KLM, riba e vuelo for di Amsterdam pa Aruba uzando “BIO-FUEL” (“biokerosene”) como combustibel. KLM ta bula cu e avion aki pa otro destinacionnan caba, pero ta pa prome biaha cu e lo baha na Aruba. Drs. Franklin Hoevertsz, Director di Utilities Aruba N.V.

a expresa cu nan ta masha contento di a  worde scogi pa KLM como un partner den e programa special, un competencia cu ta promove sostenibilidad, como sosten pa Aruba su vision di hisa e nivel di sostenibilidad riba nos isla. Ademas di celebridadnan Hulandes y ehecutivonan di KLM, Gobierno Hulandes y Schiphol Group, abordo di e avion lo tin e cinco finalistanan di “Green Aruba Challenge”. KLM a lansa e competencia aki pa celebra e prome vuelo riba biofuel pa Aruba y a cuminsa cu un yamada pa interesadonan pa contribui cu un idea cu ta beneficia desaroyo pa sostenibilidad na Aruba. Na Hulanda a logra haya mas di 50 participante na e “Green Aruba Challenge” pero e hurado a scoge 12 finalista, kende riba dia 9 di mei a de-

fende nan proyecto dilanti un comision di experto. Di e 12 finalistanan, e hurado a scoge cinco finalista, cu lo ta riba e vuelo pa Aruba riba dia 16 di mei proximo. Drs. Franklin Hoevertsz a añadi cu diasabra awor dia 17 di mei, Aruba lo ta anfitrion di e gran final di “Green Aruba Challenge”, unda e cinco finalistanan lo defende na proyectonan dilanti un cuerpo

di hurado cu na final lo scoge un solo ganado. E evento aki lo tuma luga na Europe House riba Sasakiweg, cu presencia di ehecutivonan halto di KLM, Gobierno di Hulanda, Gobierno di Aruba y expertonan riba tereno di tecnologia y sostenibilidad. Tur instancia cu ta cooperando cu Green Aruba Challenge di KLM ta hopi entusiasma cu e competencia, cu

a capta bastante atencion na Hulanda. Danki na e generosidad di e sponsornan, esta Renaissance Aruba Resort & Casino, R.E.Yrausquin & Sons, SETAR NV y NV ELMAR, den colaboracion cu KLM, e ganado lo ricibi dos biaha dos ticket di KLM pa bin Aruba, dos biaha dos siman di estadia na Aruba, dos biaha dos siman di huur di auto y dos biaha dos siman di MiFi. Loke ta hopi special di e proyecto aki ta e balor di implementacion, esta cu e proyecto presenta lo mester por worde implementa na Aruba. Esaki tabata un di e exigencianan di KLM, pasobra e compania kier contribui na e desaroyonan tumando luga na Aruba y consecuentemente a dicidi di atrae expertonan di pafo di Aruba tambe pa duna nan contribucion cu ideanan fresco.


PAGINA 8

DIALUNA 12 MEI 2014

DIARIO

‘Green Vision’ di Aruba ta sigui cosecha su frutonan cu KLM Aruba a haya otro aliado fuerte y solido ORANJESTAD(AAN): Den KLM Aruba a haya un partner balioso den logra su vision 2020. Cu vision 2020 Aruba tin un meta fiho su dilanti: un futuro berde y duradero bou liderazgo di Prome Minister Mike Eman. Pa logra e meta aki Aruba a cuminsa cu un proyecto unico pa haci e isla ‘sabi y duradero’. Duradero den e sentido fisico di e palabra door di bay en busca di fuentenan di energia duradero, door di desaroya deep sea cooling pa suministra coriente na hotelnan y tambe door di pone menos presion riba e medio ambiente door di transforma sushedad den energia. Cu programanan nacional manera Green Aruba, Green Gateway, Bo Aruba, Bo Bario Gabinete Mike Eman I y II a pone un base solido pa promove crecemento economico, husticia social y concientisacion di medio ambiente pa mehora e calidad di bida di tur Arubiano. E lucha di felicidad ta e piedra clave di e enfoke di Aruba manera acorda den Dialogo Social. Gobierno di Aruba a pone como meta pa logra e 100% di durabilidad aki door di tuma e decision cu esaki ta bay bira e forma di biba na Aruba.

KLM ta scoge Aruba pa haci su prome buelo di bio fuel: Den su lucha tenaz Gabinete Mike Eman a haya un otro aliado fuerte y solido den e compania di aviacion KLM. E compania a bin cu un iniciativa fantastico den cual Aruba ta hunga un rol eminente. KLM ta lider den sostenibilidad riba tereno di aviacion. A busca te a logra haya verf pa pinta e avionnan di KLM cu no ta dañino pa media ambiente y esaki no tabata tur. Otro siman dia 16 di mei KLM ta sali di Amsterdam direccion Aruba riba su prome buelo di bio fuel. Esaki ta un tremendo logro y cu a scoge Aruba ta danki na e perseverancia y pasion di Prome Minister Eman pa loke

ta durabilidad. Un pasion cu a capta atencion di otronan tambe, manera TNO, Carbon War Room di Sir Richard Branson y Universidad di Harvard. Awor KLM ta un partner mas riba e agenda berde di Aruba cu ta

worde guia pa e campaña ‘Green Aruba – Our road to 2020”. Green Challenge: Aparte di ta pone Aruba riba mapa mundial un bes mas cu e prome buelo riba bio fuel, KLM a bin cu un competencia yama ‘Green Challenge’ na unda e compania di aviacion ta reta mundo pa brinda un contribucion den realisacion di e agenda di durabilidad di Aruba. E isla kier ta completamente berde na 2020. Despues cu TNO, Carbon War Room di Sir Richard Branson, embahador di sostenibilidad Wubbo Ockels a brasa plan 2020 di Aruba, e compania di aviacion KLM awor tambe a uni su mes na e metanan ambicioso di Gabinete Mike Eman. Mensahe via video pa mundo por participa na Green Challenge

Prome Minister Mike Eman den un mensahe via video algun siman pasa a invita hendenan cu mente creativo riba un plan mundial pa participa na e ‘KLM Green Challenge’ di KLM y manda nan ideanan aden cu ta aplicabel pa haci Aruba mas duradero ainda. Prome Minister Eman “Mi ta haya e iniciativa aki di KLM uno fantastico y di gran importancia pa Aruba. Un tremendo proyecto”. Mientrastanto a scoge e 5 finalistanan cu ta bin Aruba riba e buelo di KLM dia 16 benidero. Su dia siguiente nan ta worde evalua pa un hurado cu ta consisti di Prome Minister Mike Eman, CEO di KLM Camiel Eurlings y J.van Gronden di Wereld Natuur Fonds. Aruba ta briya un bes mas.


Hol 12514