Page 1


Ta hopi importante

FISCAL

Ambos sospechoso di menaza den libertad

pa nos tin bo informacionnan corecto. Yena e formulario cu ta obtenibel na ELMAR of riba www.elmar.aw

CELEBRANDO 33 AÑA CU PUEBLO Aña 36 ▪ No. 9969 - 1,50 Florin

DIAHUEBS 24 APRIL 2014

A atende mas pacient cu aña pasa, pero menos caso di “emergencia”

Semana Santa relativamente trankil pa Departamento di Emergencia di Hospital Dentro di dos siman e decision lo ta conoci

Luchtverkeersbeveiliging lo bira un fundacion of un NV di Gobierno ORANJESTAD (AAN): Diamars a promer reunion di e stuurgroep pa verzelfstandiging di luchtverkeersbeveiliging a tuma lugar caminda un di e palabracionnan na cual a worde yega ta cu e organizacion na momento cu e bira independiente e lo tin un structura huridico di sea un fundacion of un NV di Gobierno. E stuurgroep ta consisti di un presidente (apunta pa Minister di Transporte), un secretario (personal di Departamento di Recursonan Humano) y 4 miembro ( representante di Minister di Finanzas, representante di Departamento Huridico, representante di trahadornan y representante di STA). E promer reunion di e stuurgroep a worde presidi pa Minister Otmar Oduber mes y aki a delinea e puntonan di salida. Esaki nan ta entre otro cu tur trahador ta bay over den e organizacion

Accion di limpieza diadomingo 4 di Mei den Centro Deportivo Rooi Afo BIKKER

nobo y cu nan no lo bay atras den salario. A palabra tambe cu tin dos alternativa pa loke ta e structura huridico di e organizacion indpendiza, sea e ta bira un fundacion of e ta bira un NV di Gobierno. Den e cuadro aki, Departamento Huridico lo entrega dentro di poco un nota caminda ta aparece tur e pros y contranan di cada un di e opcionnan

pa asina dentro di dos siman e stuurgroep lo por tuma un decision definitivo pa loke ta e structura huridico di dje. Un otro palabracion importante cu a yega na dje ta cu durante e proximo reunion lo entrega e plan van aanpak na Minister Oduber. Meta di e proceso aki ta keda pa e por ta un entidad totalmente independiente pa dia 1 di november 2014.

Cuater Polis a celebra 30 aña trahando den Cuerpo Policial ORANJESTAD (AAN): Cuater polis a ricibi nan decreto gubernamental despues di a cumpli 30 aña trahando den e organizacion Policial. E cuater miembronan di Cuerpo Policial cu a celebra e aniversario aki ta Shirland Daly di e departamento di ‘Bijzondere Verordeningen’; Carlos Muller di e departamento di Recherche di Noord; Alvin Lake, kende ta un pilar den e departamento cu ta otorga permisonan y Andy Young di e departamento di Re-

SERLIMAR

cherche di San Nicolas. Trinta aña ta un asina yama “ambtelijke mijlpaal” cu poco hende ta alcansa y

pesey a haci uzo di e oportunidad pa celebra e ocasion aki.

Gobierno mes ta haci maluso di leynan laboral Minister Yrausquin:

Ami no a entrega keho na husticia ORANJESTAD (AAN): “Mi lo kier clarifica cu na ningun momento mi a haci denuncia na autoridadnan hudicial di nos Pais di un of otro menasa”, asina Minister di Finansa, Juan David Yrausquin, a skirbi riba su pagina di Facebook. E mandatario a splica cu “Como politico bo ta haya bo mes ta tuma decisionnan fastioso na bienestar general y futuro generacion, den e cuadro aki bo cu tin un lomba hancho, mi ta consciente di esaki y cu e conocemento aki mi a cuminsa y lo sigui eherce mi trabao”. Mas leu e mandatario a enfatisa cu si autoridadnan ta evalua cu algun menasa ta serio suficiente pa actua riba nan mes, e ta kere esey ta na e autoridadnan mes pa evalua y splica.


DIAHUEBS 24 APRIL 2014

PAGINA 3

DIARIO

A atende mas pacient cu aña pasa, pero menos caso di “emergencia”

Semana Santa relativamente trankil pa Departamento di Emergencia di Hospital ORANJESTAD (AAN): E weekend cu a pasa di Pasco Grandi compara cu añanan atras a bay relativamente

trankil. E registracion di pacient a tuma luga desde diahuebs 6or di atardi te cu diamars 6or di mainta. Loke si

ta importante pa menciona ta cu a atende 142 pacient mas cu aña pasa. Si parti esaki den e 9 wardanan, ta resulta den

un promedio di 44 pacient pa cada warda. Di e total pacientnan cu Departamento di Emergencia a atende 71 a worde admiti den Hospital. Di e 398 pacientnan cu Departamento di Emergencia a mira 11 tabata pa maltrato, 6 pacient cu a accidenta y 3 pacient cu intoxicacion. Di e 20 pacientnan aki 7 a worde admiti den Hospital. Loke si ta remarcabel ta cu a atende menos pacient cu intoxicacion di alcohol, pero si e casonan di maltrato a keda halto. Importante pa menciona ta cu e promedio cu cada pacient mester a warda tabata 1ora y 35 minuut cual ta uno abou compara cu otro paisnan rond mundo. ‘Huisartsenpost’ (HAP) a

atende un total di 273 pacient durante e fin di siman largo, cu ta un promedio di 60 pacient pa cada warda. Esaki ta mas pacient compara cu e fin di siman largo di Carnaval 60. Departamento di Emergencia di Dr. Horacio E. Oduber Hospital ta conclui cu Semana Santa a bay toch relativamente trankil, aunke a mira mas pacient compara cu aña pasa. Esaki ta debi cu mayoria pacient tabata hende malo cu de facto no necesariamente tabata un caso di emergencia. Un pabien na e team di Departamento di Emergencia cu a traha duro y un biaha mas a pone e pacient na prome luga durante e fin di siman largo tras di lomba.

Durante control rigoroso

Polis a tuma varios auto sin seguro valido den beslag ORANJESTAD (AAN): Siman pasa un team di cuater Polis hunto “Chef van Dienst” Tony Yearwood a tene un control di trafico na dos diferentelugar den Oranjestad. E enfoke tabata pa controla si automobilistanan tabatin e seguro di nan auto na ordo. A cuminsa mainta banda di 8:30AM na e crusada di Kamerlingh Onnestraat banda di La Salle College y a sigui despues pa e crusada dilanti misa di Playa. E control pa cu seguro ta riba peticion di departamento di trafico, cu a constata cu tin demasiado chauffeur ta core auto sin seguro valido. Esaki ta contra ley y ta trece cune situacionnan inhusto, cu consecuencianan financiero pa e otro chauffeur, ora e persona sin seguro causa un accidente. Apenas algun minuut despues cu Polisnan a cuminsa controla, ya tabatin cuater auto para cla pa takel hiba na e garashi di polis na Balashi. Cuerpo Policial a confisca e autonan aki y e doño y/of chauffeur ta hay’e back na momento cu e por presenta un prueba di seguro valido pa e auto. E consecuencia di falta di un seguro valido no ta keda solamente na exigencia di prueba di pago di seguro y pago di e takelwagen (Afl. 175), pero tambe ta envolve un boet considerabel y un tarifa di Afl. 25 pa dia pa cada dia cu e vehiculo keda para na Balashi. Polis ta pidi pa tur doño di auto pa cumpli cu nan responsabilidad di sigura nan auto, maske ta WA; pa nan tene na cuenta cu e vehiculo mester ta gekeur pa DTI; y ta

pidi pa chauffeurnan tambe paga bon tino y respeta ley y reglanan di trafico pa evita accidente. E boet pa falta di un “keuringsbewijs” valido so caba ta Afl. 200. Tony Yearwood a splica cu durante control di trafico Polis sa topa cu chauffeurnan cu no tin rijbewijs valido, no a laga keur nan auto na tempo, no a paga belasting (plachi di number) y tampoco tin nan seguro paga.

E boetnan ta acumula y por spera riba un total cuantioso pa paga. Controlnan di trafico rigoroso di parti di Cuerpo Policial ta sigui henter aña como un recordatorio pa tur chauffeur tin nan documentonan na ordo y pa garantisa siguridad den trafico pa medio di conscientisacion di e importancia pa respeta leynan y reglanan di trafico.


PAGINA 37

DIARIO

DIAHUEBS 24 APRIL 2014

Digicel Aruba orguyoso di ta partner di Traimerdia

ORANJESTAD (AAN): Den Traimerdia, Digicel a haya un partner valioso pa inverti un donacion cu e compania di telecomunicacion tabata buscando pa haci na Aruba. Den cuadro di e promesa di e compania pa “Ta Extraordinario”, Digicel tabatin como meta pa contribui na un comunidad mas fuerte y positivo, y a bin riba e idea pa presenta un

proyecto pa nos hobennan y contribui cu nan enseñansa y consecuentemente nan futuro carera na school y den trabao. Traimerdia ta un programa di despues di school cu a worde crea pa gobierno di Aruba na aña 1996 pa brinda guia y cuida mas di 1000 mucha di 4 pa 12 aña den oranan di atardi. Den schoolnan rond Aruba a crea e centronan unda e muchanan ta ricibi guia

cu huiswerk, nan ta hunga y participa na programanan cu ta promove siñamento y creatividad. Lesamento ta un di e factornan mas importante den enseñansa y algo cu ta worde promovi hopi na Traimerdia. E deseo di e centronan tabata pa tin un programa dinamico, cu un contenido interesante cu e muchanan lo disfruta di dje y gerencia di Digicel sin pensa dos biaha a dicidi di percura pa e fondonan pa haci esaki posibel. Asina, desde 2012, Digicel a bira un partner di Traimerdia y e mas di 1000 muchanan cu ta pasa nan atardi na e centronan di dialuna pa diabierna. E programa di lesamento a resulta den un exito rotundo. Cu fondonan provee pa Digicel, Traimerdia awendia ta presentando e programa di lesamento cu ta yuda e muchanan den e desaroyo di nan habilidad pa lesa. E

programa ta worde presenta den forma di un tema central, unda cu cada centro ta scoge su mesun tema cu tur e vocabulario cu ta pertenece na e tema aki. E tema aki ta bira tambe e inspiracion pa otro actividadnan, incluyendo obra di man, cu ta worde ofreci na e centro durante e periodo cu esaki ta worde ofreci cu e programa di lesamento. Pa loke ta 2014, Digicel ta sigui cu su envolvimento cu Traimerdia. Digicel no solamente ta contribui cu e fondonan necesario pa cumpra mas buki, pero tambe miembronan di gerencia y personal a compromete nan mes pa ta mas envolvi cu e programa. Esaki ta encera cu nan lo ta bishitando e centronan y lo contribui na e programa di lesamento. “Ta un placer pa Digicel ta parti di e programa fabuloso aki. Nos ta disfruta di e oportunidad unico pa

contribui directamente den e desaroyo di nos muchanan extraordinario. Cu e programa di lesamento, nos ta yuda Traimerdia promove amor pa lesamento y e desaroyo di habilidad cu ta beneficioso pa nan pa resto di nan bida, sea cua sea e carera escolar y despues di trabao cu nan scoge,” asina Elaine Singh a comparti. Na momento cu e di dos ciclo di e programa di lesamento cuminsa na luna di Mei, gerencia y personal di Digicel lo haci mas bishita na centronan di Traimerdia. Aki nan lo wak con e programa ta worde desaroya y presenta y nan lo hunga un rol activo y yuda guia e muchanan durante e lesamento. E prome centro cu a ricibi bishita di e team di Digicel ta Traimerdia Oranjestad situa den Sint Franciscus y Bon Bini College na Oranjestad.

OHL Arellano encarga cu renobacion y ampliacion di Dr. Horacio Oduber Hospital ta splica:

Nos a plania y kier traha cu trahadonan di Aruba

ORANJESTAD (AAN): Despues cu representante di OHL Arelleano, Frank Vilar, a firma un acuerdo cu Stichting Onroerend Goed Aruba (S.O.G.A.) y demas

stakeholdernan di e proyecto di renobacion y ampliacion di dr. Horacio Oduber Hospital, el a splica di ta contento di por yuda den construccion di un facilidad di e magnitud aki

pa pueblo di Aruba. “E ta bay ta un facilidad ‘state-of-the-art’, nos tin e experiencia den e tipo di proyectonan aki y nos ta cla pa cuminsa y crea trabao tambe pa localnan den e proyecto. Nos a team-up cu varios contratistanan local pa asina mantene e mayoria di e forsa laboral aki na Aruba mes, beneficiando asina e economia local di e isla.” E ultimo aki tabata un exigencia di gobierno pa percura cu mayoria di trahado local por haya oportunidad den e proyecto mas grandi y importante di e ultimo decadanan na Aruba. E compania a establece un webportal caminda un y tur cu kier busca trabao den e proyecto por haci esaki facilmente. “Una bes bo log-in bo ta haya un lista di tur e trabaonan disponibel, indicacionnan con pa aplica y bo por aplica online tambe,” Sr. Vilar a splica y “esaki ta importante pa

sub-constratistanan tambe, pasobra nan tambe por busca e tipo di trahadonan cu nan tin mester di nan for di e sistema aki. Cu e facilidad digital aki nan por drenta den contacto cu nan facilmente.” Segun e representante di OHL Arellano, e manera di traha aki ta un costumber di nan compania den tur nan proyectonan. “Nos ta haci esaki na Miami y den tur nos proyectonan na Merca pa asina esnan interesa por aplica pa trabaonan cu tin disponibel den nos proyectonan online mes. Den e caso aki nos ta plania y kier traha cu trahadonan di Aruba.” Sr. Vilar ta splica cu di nan parti nan un tin project-manager, project-engineer y projectaccountant cu ta bay traha for di Aruba. “Tambe nos kier tin nos project-supervisornan di Aruba mes y nos a entrevista algun caba.” Banda di nan tambe nan ta trece un project-supervisor specialisa

y cu tin experiencia amplio den proyectonan relaciona specificamente cu salud publico. OHL Arellano tin experiencia amplio di proyectonan exitoso den mundo di salud. Pa menciona algun ehempel na Merca por tuma trabaonan cu nan a haci na Baptist Cardiac & Vascular Institute, Holy Cross Hospital Urgent Care Center, Boca Raton Regional Hospital, Marcus Neuroscience Institute, Miami Children's Hospital, South Miami Hospital, Bascom Palmer Eye Institute, Mercy Hospital Emergency Department, Mount Sinai Medical Office Building, St. Catherine's West Rehabilitation Hospital y St. Lucie Medical Center. Proyecto di renobacion y ampliacion di dr. Horacio Oduber Hospital ta cuminsa Mei awo cu preparacionnan. Ta premira cu trabaonan mes ta cuminsa rond of un poco prome cu Augustus y tin un duracion di 2 aña.

Hoh 24414  
Read more
Read more
Similar to
Popular now
Just for you