Issuu on Google+


PAGINA 29

DIARIO

DIASABRA 15 MAART 2014

Cu un cariño special pa pashentnan di dialyse

Centro di Nefrologia di Hospital ta conmemora “Dia Mundial di Riñon”

ORANJESTAD (AAN): E di dos diahuebs di maart ta e dia cu mundo medico ta conmemora Dia di Riñon, unda cu ta para keto riba e

importancia di cuido di e organo vital aki. Ta haci uzo di e ocacion pa promove consciencia pa cu cuido y tratamento apropia. E aña aki e Centro di Nefrologia di Dr.

Horacio Oduber Hospitaal ta enfoca riba e pashent mes tin diferente regalo y un treat special prepara pa e pashentnan. Ademas, e Centro a organisa

un conferencia di prensa pa corda miembronan di nos comunidad di Aruba riba e importancia di cuido apropia di e riñonnan y Nefrologo dr. Romeo Kock a anuncia cu otro aña e departamento aki lo organisa un congreso un biaha mas pa comparti informacion relevante tocante diagnostico, cuido, y mas cu trahadonan den salubridad y otro interesadonan. Julien Garcia, di e dialyse kliniek di Hospital a splica cu e pashentnan lo wordo malcria un poco cu un dushi treat, lo hunga un wega di bingo cu nan y lo tin diferente regalo, incluyendo T-shirt pa tur pashent y algun premio bunita. Garcia a gradici e sponsornan pa e dia aki, cual ta Lite Life (compania di transport pa pashent), La Linda, Marietje Printing, RBC Bank y Superfood. El a subraya cu ta importante pa pone enfasis riba e importancia di dialisis y mensahe principal pa e pashentnan, cual ta cu bida ta sigui y mester sigui apreci’e! Dr. Romeo Kock a splica cu actualmente na Aruba e situacion ta bao control pa loke ta e capacidad di servicio di dialisis, unda cu tin 85 pashent ta acudi na Hospital y 40 pashent na IMSAN pa hemodialyse y tin 20 pashent cu ta haci nan mesun dialisis na cas, cual ta e dialisis peritoneal. E cantidad di casonan, esta mas of menos 140, pa Aruba ta hopi, dr. Kock a bisa, añadiendo cu algun tempo pasa tabata asina cu Aruba mester a recori na e opcion pa manda pashentnan afo pa haci dialisis pasobra no por a acomoda tur pashent manera mester ta na Aruba. E decision aki tabata a consecuencia cu Aruba conoce un crecemento significante di pashent nobo aña pasa cu mester a wordo acomoda pa dialisis cronico y acuut. Ta keda bin pashent nobo, dr. Kock a bisa. El a splica cu mayoria di e personanan cu ta sufri di malesa di riñon ta diabetico y/of ta sufri di presion halto y den algun caso ta trata di personanan cu tin malesa di riñon den famia. El a elabora: e prome

causa di malesa di riñon na Aruba ta diabetes y e di dos ta presion halto y ta esencial pa pashentnan cu ta sufri di e dos malesanan aki controla nan malesa bon pa esaki no resulta den daño na e riñon, cual cu tempo ta bira pio y por causa cu e organo aki ta stop di traha. Dr. Kock a pone enfasis riba e importancia di cuido propio; “E ta simpel, si bo cuido bo salud, bo ta cuida bo riñonnan tambe.” E specialista a pidi pa specialmente pashentnan cu ta wordo manda pa e departamento di nefrologia no spanta ora cu e tratamento cu rekeri, esta dialisis ta wordo menciona. No keda sin bay e cita y no keda sin sigui instruccionnan pa bolbe y sigui e tratamento necesario, pasobra ora cu acudi despues cu kehonan ya e riñon(nan) por ta hopi mas pio. “Dialisis NO ta mata bo”, Dr. Kock a subraya, añadiendo cu e malesa di riñon no ta curabel, pero si por trat’e cu dialisis, unda cu e pashent por sigui biba cu e malesa. Ta lamentabel ora e pashent ta spanta y no ta acudi na e specialista of no ta bolbe pa su tratamento. E specialista a indica tambe cu ta sumamente importante pa pashentnan di diabetes y presion halto y personanan cu tin malesa di riñon den famia controla e funcionamento di nan riñonnan regularmente. E chekeo aki ta consisti di simpel testnan di sanger y orina cu por wordo pidi pa e dokter di cas tambe. Mayoria di pashent di malesa di riñon cu ta cuminsa tuma dialisis na Aruba ta entre 55 pa 60 aña, pero tin algun pashent mas jong tambe, kende principalmente ta diabetico. Cuida bo salud, control a riesgo pa bira un pashent di dialisis. Esaki por pa medio di miho custumber diario manera come saludabel, stop cu salo, practica mas movecion y bebe mas awa. Daño na e riñon manifesta su mes di pero despues di algun prevencion ta e miho pa evita esaki.

no ta biaha, aña y forma


DIASABRA 15 MAART 2014

PAGINA 9

DIARIO

Tin indicacion cu, aparentemente:

Pacient a lanta for di soño baña den sanger na Hospital debi na descuido cu infuse

ORANJESTAD (AAN) – Aparentemente, na Hospital dr. Horacio Oduber, ainda tin cierto enfermeranan cu ta neglisha nan pacientnan te pone nan peligro di morto. Logicamente no por generaliza, pasobra tin enfermeranan hopi dedica y cuidadoso cu nan pacient danki Dios, sinembargo no ta tur tin e vocacion, of kizas nan ta perde e sensibilidad na caminda y a bira indiferente caba pa e dolor di e ser humano. Nos redaccion a wordo informa di un caso hopi reciente, unda cu, aparentemente, un pacient cu algun aña atras for di un caida a haya un lesion fuerte pa cual mester a wordo opera pa recupera su movecion, locual no a bay facil y e mester a sigui drenta Hospital cada bez pa tratamento. E pacient, afortunadamente,

tabata den man di tres specialista hopi bon riba kendenan e tin nada di keha pero mucho di gradici. Sinembargo, su experiencia mas reciente den e afdeling mes tabata traumatizante pe, segun e relato duna na nos redaccion. Despues cu el a pasa den algun test hopi pisa, entre otro, na su lomba cu a lague sumamente cansa, el a wordo hiba na e piso unda e mester a drumi cu infuse na su braza. Tin indicacion cu prome cu nan a cambia e awa di bida pe, e verpleegster a lague un rato cu e angua pega na su braza pa despues bin conecte na e infuse. Den esey, un persona cu ta haci oracion cu pacientnan a bin sinta reza cune, y a bise cu Dios ta cune, y el a bay. Segun e version, e pacient cu infuse pega na su man, a bay den soño profundamente

te cu meymey anochi el a lanta full muha. El a puntra su mes kico ta pasando cu el a suda asina hopi, y ora el a hala e laken a bin ripara cu e tabata baña den sanger, full su curpa y e cama. E pacient a cuminza grita pa auxilio y ora e enfermera a drenta den e camber e mes a spanta, y a core busca ayudo. E ora ey el a puntra e pacient “na unda el tapadera di e infuse ta?” E pacient a contesta cu con e por sa, e no a mishi cu e infuse, e mes cu a bin kita un infuse pa pone otro, ta esun cu mester sa. E pacient a sinti cu ta Dios a lante for di soño, pasobra si el a tarda mas e lo no spierta nunca mas y lo a desangra, pero berdad manera e persona cu a bin reza cune a bise “Dios tabata cune”. Tin indicacion tambe cu dia cu el a haya salida, e

Specialista a bise cu e tin cu bolbe pasobra ainda falta algo chikito pa haci cune, pero el a informa e docter di kico a pasa y a bise cu e ta spera den Dios cu nunca mas e lo mester drenta Hospital, cu e ta prefera di keda cu loke a falta y siña biba cune, pasobra el a haya hopi miedo di Hospital. Aparentemente, docter a reuni cu e personal tocante e incidente, pero di eynan e asunto no a pasa. Ta parce cu famia di e pacient kier a duna keho, pero nan sa cu esaki lo no a prospera tog manera a sosode cu diferente otro caso di negligencia cu nunca nada a sali na cla, y nan a prefera di lague pa Dios. E pacient ta sinti cu el a

scapa pasobra Dios a haci un milagro cune, y pe esey ta importante, pero e ta spera cu ningun otro pacient den Hospital pasa den un situacion similar, djis pa descuido y negligencia di un verpleegster. Podise esaki ta consecuencia di e scarcedad di personal cu tin na Hospital den practicamente tur piso, pero si e pacient ta na prome lugar tog e atencion mester tey y no cu nan bida por ta na peligro pa falta di cuido y no pa motibo di un malesa terminal. Trece un alerta ta e motibo cu e relato aki a wordo duna na nos redaccion, door di un pariente di e pacient cu si no kier a laga e asunto aki muri sin mas.

Telefonnan di DIARIO 582-6747 Fax 582-8551


Hoh15314