Issuu on Google+

DIASABRA 15 FEBRUARI , 2014

4

Segun minister Alex Schwengle

Nombramento di director medico di hospital mester ta pronto y transparente Fundacion pa Hende Muhe den Dificultad Bo kier papia? Minister di Salud, Alex Schwengle a indica cu e proceso pa nombra un director medico di hospital, ta uno cu ta rekeri normalmente su tempo. E ta un trabou asina importante cu un pakete grandi di responsabilidad cu normalmente ta demanda un procedura di tres pa seis luna por lo menos. Naturalmente Minister Schwengle ta mira cu den e caso particular aki nan no mester warda tanto tempo asina pa nombra un director medico nobo di hospital, ya cu tin hopi trabou grandi andando, entre otro e construccion y renobacion di hospital, y tambe e CAO. E ta kere cu raad van toezing nobo mester improvisa y mira con nan ta haci nan procedura mas dinamico pa bin na un di-

rector nobo. Minister Schwengle a bisa cu e ta prefera pa e proceso aki lo ta uno lo mas transparente posibel. Alomenos e ta kere cu e procedura no mester bay completamente segun e protocol di solicitud, sino cu nan mester haci e proceso mas cortico pa asina hospital lo tin un director medico mas pronto posibel. Igualmente el a bisa cu mester tene cuenta cu hospital ta bay cambia di structura, y esaki kiermen cu logicamente mester duna e director nobo un contracto temporal, y no di cuater aña. E mandatario a bisa cu raad van toezing a bira mas abierto despues cu e discusion tabata andando. E ta kere cu esaki no ta mara mas na tres y mester bin cu un analisis pa e situacion

di Aruba pa wak cual structura ta pas miho. El a bisa cu tin diferente sorto di structura, pa ehemplo tin hospital cu un of dos te hasta tres director. Tin un structura di un director cu un management team. E ta haya cu idea di tres director ta crea un trias unda nan ta busca cada bes un consenso, caminda bo tin un presidente y dos advisor banda di dje. E no ta haya e idea aki malo pero ora cu ta ser papia di tres director mester tene cuenta cu e salario lo ta eventualmente mescos tres biaha, y e ta haya cu esaki no ta necesario. Minister Schwengle a culmina bisando cu esaki ta un decision cu nan no a tuma ainda riba structura con e hospital lo ser administra.

Telefon: 588-1500 Fax: 582-4937 UN CORANT OTRO

Director

Editor-in-Chief Hareld Faro

Nos t’ey: pa scucha, yuda, guia Yama: 583 5400 - Primavera 1-B Dialuna – Diabierna 8 am - 5 pm

“E DIFERENCIA DEN RADIO”

Variashon den Programashon Musical, Informativo, Noticiero y Entretenimiento.

Assistant Editors Maritza Maduro Benjamin Romero Elizabeth Guanipa

Sales Exceutive Supervisor

Accountant Dept Thaira Lin

Directora Zaira Lin

Contributing Editor Dilma Arends

Layout Design Oscar Palomino

E opinion di nos colaboradoman no ta ferieha a pensamiento di Cas Editorial.

EMAILS: aviso@arubawe.com /// arubawe2012@gmail.com /// WEBSITE: www.arubawe.com


WWW TRAFICO

Caos den trafico riba boulevard (pag 21)

Ta hopi importante pa nos tin bo informacionnan corecto. Yena e formulario cu ta obtenibel na ELMAR of riba www.elmar.aw

CELEBRANDO 33 AÑA CU PUEBLO Aña 36 ▪ No. 9929 • 1,50 Florin

Causa principal di morto na Aruba ta cancer na pecho y cancer na prostaat Colegio Arubano un biaha mas tabata den ambiente di Dia di San Valentino

ORANJESTAD (AAN): Ayera Colegio Arubano a celebra Dia di San Valentino. Tur alumno di school a presenta cu nan Uniform Poloshirt cora y a saca hopi potret. Hopi flor a wordo reparti pa e muchanan di Key Club Colegio Arubano. Diabierna tabata e dia 14-02-14, algo cu lo ripiti atrobe te aki 100 aña.

DIASABRA 15 FEBRUARI 2014

PRODUCCION

WEB a habri porta pa publico mira con ta produci awa


DIASABRA 15 FEBRUARI 2014

PAGINA 3

DIARIO

Causa principal di morto na Aruba ta cancer na pecho y cancer na prostaat

ORANJESTAD (AAN) – Drs. Maribel Tromp, Hefe di Epidemiologia y Investigacion na Departamento di Salubridad Publico, a menciona den entrevista cu Matutino DIARIO, cu nan tin dos forma pa registra cancer. Uno ta locual nan ta yama incidencia cu ta e casonan nobo cu ta surgi cada aña den nos poblacion, y tambe nan ta registra e mortalidad causa pa cancer, pues ta dos

diferente cifra nan ta maneha. Pa loke ta trata mortalidad e datonan mas actual ta di aña 2011. Cifranan ta cana un aña atras, pasobra e datonan for di docter ta cana un proceso largo prome cu nan yega na Salubridad Publico y nan ta haya nan for di Departamento di Patologia di Lands Laboratorio, cu ainda no a entrega e datonan di 2012 y 2013.

Drs. Maribel Tromp a menciona cu cancer, te ainda, ta e di dos causa di morto na Aruba, y den e ultimo analisis aña pasa e ta alcanzando e mortalidad door di malesanan cardiovascular cu ta e causa number uno. Relaciona cu e incidencia, of casonan nobo pa aña, drs. Tromp a indica cu e tipo di cancer cu mas tanto nan ta registra cerca hende muher, ta cancer na pecho y cerca hende homber ta cancer di prostate. Locual drs. Tromp a enfatiza ta cu por ripara cu e casonan di cancer na pecho a aumenta e ultimo añanan, aunke no ta alarmante pero si un tendencia na subi. No obstante, mester tene na cuenta cu awendia tin un clinica pa test cancer na pecho y cu esaki ta wordo detecta hopi mas lihe y por haya pacient cu cancer den un fase

Gentleman agreement di dr. Falconi lo wordo presenta na Hunta nobo di Supervision

ORANJESTAD (AAN) – Señora Gina Maduro, presidente di sindicato ABV, a señala den conferencia di prensa cu nan tambe ta un parti activo den e dialogo cu ta tumando lugar na Hospital, hunto cu Minister di Salud Publico. Sra. Maduro a subraya cu e ultimo dialogonan a bay den hopi bon esfera, y cu apesar cu nan tabata tin impase danki na intermediacion di Mediador sr. Anselmo Pontilius, por a yega na otro pa Hospital bay dilanti, pasobra nan tin e mesun meta. Dialuna cu ta bin e dos kroon leden lo wordo nombra y cu poder di Dios pronto e Hunta di Supervision lo wordo forma y instala pa asina nan por sigui dilanti tambe.

Sra. Maduro a agrega cu di parti di ABV nan a referi na e gentleman agreement, y Minister di Salubridad a bisa nan cu e lo presenta esaki na e Hunta di Supervision nobo, y cu lo keda na nan si nan ta honre of no. E dama a subraya cu e Hunta di Supervision lo no por keda mucho largo sin un director medico, pasobra tin hopi trabao pa haci, e organizacion tin cu sigui y nan CAO cu ta hopi primordial pa e trahadornan mester wordo negocia. Sra. Maduro a remarca cu ABV lo duna tur su colaboracion pa yega na un mehor solucion pa Hospital. Algo cu a keda hopi cla ta cu tur stakeholders ta di acuerdo cu e statuto mester wordo cambia, y ABV

ta contento cu nan tur ta riba e mesun linea. Tambe nan ta di acuerdo cu mester cambia e structura di Hospital, entre otro nan ta mira e conveniencia di nombra un director pa termino largo y no pa un of dos aña, manera ta e caso actualmente. E ta di acuerdo cu e Hunta di Supervision mester ta mas transparente y balansa, manera tin den otro departamentonan di gobierno, unda tin representantenan tambe di dunador di trabao y di trahador. El a subraya cu no mester ta mescos pero alomenos tin den dje personanan cu sa di cuido tambe pa trece un balansa. El a subraya cu conhuntamente lo sinta analiza kico ta mas beneficioso pa Hospital. ABV tin speranza cu dr. Falconi por bin como director medico interino pa sikiera un seis luna, pasobra e tabata den e negociacion caba y e sa kico ta pasando den Hospital, pero ta keda na e Hunta di Supervision nobo si e ta honra e parti aki.

hopi tempran, cu por wordo atendi mas rapido, y esey ta haci cu e cantidad ta aumenta pa aña. Esaki ta e caso tambe pa cancer di prostate cerca hende homber cu aunke tin e impresion cu nan no ta screen, tog tin casonan detecta den un fase hopi tempran. Drs. Maribel Tromp a indica cu generalmente ta fayece como 600 persona na Aruba, anualmente, di cual entre cien pa doscien ta debi na cancer. Tin e cifranan di incidencia ta hopi importante, pasobra aunke no por evita por yuda si pa baha e cifranan aki, door di concientiza e comunidad na ki momento por haya cancer. Pero tambe ta importante pa nos hendenan biba mas largo den nos comunidad, pero saludable. E dama a subraya cu awendia e cuido medico

ta asina bon na Aruba cu un persona por biba añanan largo cu cancer, pero bao di tratamento. Sinembargo, esaki ta trece cune cu e calidad di bida di e persona ta bay atras y e gastonan di cuido medico ta aumenta. E cifranan ta yuda Departamento di Salud pa pronostica kico ta bay ta e situacion aki un par di aña pa loke ta regarda cancer. E tema di cancer ta wordo discuti cu cierto fundacionnan cu cualnan Departamento di Salud tin link cu nan y ta forma parti di dje. Tambe nan ta sinta cu nan personal di maneho pa planea e maneho pa e añanan venidero, y nan ta wordo pidi pa haci investigacion riba e cifranan cu tin, pa specifica cierto programanan of maneho riba e areanan aki.

Na Hulanda minister Plasterk a wordo presiona pa baha pasobra el’a gaña Parlamento,

Na Aruba ministernan ta gaña parlamento sin duna cuenta

ORANJESTAD (AAN): Segun MEP, hopi ta esnan cu a sigui e debatenan na Hulanda caminda cu e minister encarga cu asuntonan di Reino Plasterk mester a duna cuenta den Parlamento. Plasterk, conoci como un minister cu ta gusta bai programanan di television y radio pa papia, na october ultimo den un programa di television a declara cu autoridad mericano ta tap telefon di miyones di persona na Hulanda. Despues a resulta cu no tabata autoridad mericano, sino ta autoridad hulandes mes a tap e telefonnan y manda informacion pa Merca. Plasterk ta e minister encarga cu Veiligheidsdienst di Hulanda cu a hasi e tapmento. Ora Plasterk a haya sa esey, e no a informa Parlamento hulandes cu el a duna informacion incorecto. Pero siman pasa e berdad a sali afo ora cu un di esnan cu a wordo scucha a cuminsa cu un caso den corte, y asina henter mundo a haya sa cu Plasterk a gaña.  Diamars ultimo e mester a duna cuenta na Parlamento Hulandes, cu a baha pisa riba dje, te hasta a bin cu un mocion di desconfiansa pa baha e minister. Plasterk a cuminsa cu pidi disculpa, y admiti su eror, y el a priminti cu e lo no comete e eror aki nunca mas. El a ripiti su arepentimiento varios biaha y pidi disculpa tambe varios biaha. Parlamento Hulandes a lag’e pasa e biaha aki, pero e confiansa den su persona ta hopi atacha. Hopi na Hulanda ta pensa cu e lo tuma honor na su mes pronto y retira pasobra e ta un berguensa pa e pais. Si compara e caso aki cu ministernan y parlamento na Aruba, bo ta mira claramente cu Hulanda ta un pais den cual democracia ta funciona, y cu Aruba ta mas bien un republica di banana. Pasobra ken cu hinca den su cabes pa cuestiona un minister aki na Aruba, e poder di AVP ta manda intimida bo, silencia bo, menasa bo. Y si porfin un minister bai Parlamento pa duna cuenta, e gritonan di desesperacion di e lider di fraccion berde Baba Herde sigui pa Melvin Tromp y Marlon Sneek ta purba intimida nan. Y si nan no logra intimida nan ta manda Jennifer Arends-Reyes chercha di otro hende cu sonidonan di porco. Y como ultimo recurso, e presidente di parlamento lo interumpi esnan di MEP cu ta cuestiona gobierno, cuminsando cu lider di MEP den intentonan infantil di saca di envidia. Democracia di republica di banana ta locual Parlamento di Aruba a para bira.


PAGINA 8

DIASABRA 15 FEBRUARI 2014

DIARIO

A bin hunto den conferencia di prensa:

Minister di Salubridad y ABV a haya otro y ta para tras di puntonan comun

ORANJESTAD (AAN) – Diabierna mainta a tuma lugar un conferencia di prensa na Hospital dr. Horacio Oduber, cual a wordo yama pa Minister di Salud Publico dr. Alex Schwengle hunto cu Sindicato ABV, cu presencia tambe di ODEA. Minister Schwengle a habri e rueda di prensa cu e tema di Raad van Toezicht y con e desaroyonan aki ta aworaki. E dignatario a señala cu tin varios dialogo caba a tuma lugar cu ta debi na e impase cu tabata tin pa tempo caba entre e Hunta di Supervision y ex- director Medico di Hospital. E mandatario a wordo acerca pa purba yega na un solucion riba e impase aki, cu na principio tabata mustra cu lo por logra pero na final esey no a sosode y a culmina cu e decision di e Hunta di Supervi-

sion di tuma su retiro alavez cu e contrato di e Director Medico a termina. E mandatario a trece dilanti cu tabata tin algun diferencia di opinion entre su persona y otro stakeholders, y por ta e ta bay existi ainda, pero den un pais democratico, tin diferencia di opinion ta algo sano y “sano ta pa nos por dialoga cu otro y yega na un solucion” dr. Schwengle a expresa. E dignatario a subraya cu mirando e metanan mas importante nan a sinta dialoga y a papia tocante e diferencianan di opinion cu su persona y ABV tin, y a yega na otro back den sentido cu nan a realiza cu un obhetivo tin, y algo cu nan tin na pecho en comun ta cu Hospital mester di paz y trankilidad, un bon guia y duna e servicio cu mester brinda na tur pacient, cliente y trahadornan na HOH. Nan a yega hopi lihe na otro den e aspecto aki y nan tur ta para tras di otro pa sostene esaki. Tambe nan ta di acuerdo cu e sistema con e Hunta di Supervision ta funciona, no ta esun di mas adecua. Esaki ta nifica cu tin aspectonan cu no ta cuadra cu e normanan di gobernacion di bon calidad cu nan tin cu eherce awendia, segun e dignatario. Bon gobernacion no kiermen

LONG LIFE Tel: 588-0846 / 745-9154 FURA Tela nobo Y a yega DRECHA yama nos pa TUR BO oferta. MUEBLES DI CAS OF OFICINA Y TRABOU DI CARPINTERIA.

solamente, tin e calidad pa por haci cierto trabao pero tambe ta rekeri di hendenan cu por tin un vision total pa wak no solamente nan propio experticia pero wak hopi mas leu, vooral cu salubridad ta algo hopi importante cu ta toca nos tur. E titular di Salud a agrega cu bon gobernacion ta rekeri di hopi transparencia, dialogo, unda cu e voznan di diferente grupo por haya un caminda. El a agrega cu otro aspecto cu ta hopi importante y sigur na Hospital, ta cu mester tin control. “No por ta asina aki cu Raad van Toezicht ta un grupo cera, y cu nan mes ta forma nan mes cada bez y cu nos no tin transparencia, con nan ta yega na elegi miembronan nobo”, e dignatario a subraya. E mandatario a subraya cu nan ta bay sigui dialoga y

Dios duna pa aki dos siman tin cla e asina yama “Advies Document” cu ta bay wordo entrega na e Raad van Toezicht nobo, y den dje lo apunta tur e puntonan cu nan a nombra y ta bay duna conseho pa cambia nan statuto, pa asina trece mas transparencia, por tene mas dialogo y mas cooperacion y di e manera aki Hospital por bay hopi mas dilanti. Minister Schwengle a indica cu el a keda di nombra den nomber di gobierno, e dos kroon leden nobo, pero nan a prefera pa esaki sosode dialuna otro siman, pasobra nan ta den combersacion cu e Hunta di Supervision saliente, cu lo retira na momento cu e dos miembronan nobo tuma nan posicion. E mandatario ta spera cu di aki nan por bay mas leu y cu den lapso di dos siman por ta mas leu cu un Hunta di Su-

pervision nobo. El a gradici su coleganan cu a propone varios nomber di candidato di bon calidad, y nan lo traha un lista completo cu tur e nombernan y lo splica di con nan ta hendenan cu por funciona hopi bon den un Raad van Toezicht di Hospital. E ora ey Raad Toezicht mes lo nombra e ultimo cinco miembronan y hasta esaki, den futuro, mester bay na un manera mas habri ainda, segun e mandatario a enfatiza, y esaki lo wordo poni tambe den e Advies Document. Falta despues pa nombra un director medico nobo, y pa e contrato colectivo di e trahadornan sigui su caminda locual ta hopi importante tambe pa trece paz y trankilidad na Hospital y ta un derecho di e trahadornan tambe, e dignatario a acentua.


Hoh15214