Page 3

DIAHUEBS 13 MAART

, 2014

2

SEÑOR TA BISA“STOP CU TERKEDAD, RESPETA SEÑOR Y BIRA LOMBA PA MALDAD. ESEY TA UN REMEDI CU TA LAGA BO KEDA SALUD, ALGO CU TA REFRESCA BO CURPA”, PROVERBIONAN 3:7,8

PvdA y VVD ta pega cu otro riba ley pa Antiano PvdA no ta de acuerdo cu e plannan di VVD pa rechasa ciudadanonan cu poco perspectiva for di Corsow, St. Maarten y Aruba. PvdA ta exigi un adaptacion grandi na e proposicion di e ley di iniciativa di Andre Bosman di VVD. Miembro di Tweede Kamer pa VVD Andre Bosman a diseña e ‘Bosmanwet’ pa ‘Antianonan’ cu kier biba mas largo cu seis luna na Hulanda, cumpli cu por lo menos cu un di cuater criteria pa asina por haya un permiso di estadia. Ta trata aki di e criteria di trabou na Hulanda, tin suficiente entrada, ta accepta na un estudio reconoci na Hulanda of tin famia na Hulanda. Ley fundamentalmente diferente Den e proposicion di e ley, ta trata hendenan den forma diferente, a base di nan etnicidad y esey no por, ta e argumento di miembro di Tweede Kamer di PvdA Roelof van Laar. “Lo mester bin un ley cu ta fundamentalmente diferente si kier haya aprobacion di PvdA.” Van Laar ta haya cu mester mira na e nivel di educacion y/of si e persona tin un carta di bon conducta of no. Bosman segun Van Laar ta scohe pa stroba tur Antiano pa establece nan mes na Hulanda. Cu esey, e proposicion ta bay mucho mas leu cu e intencion di e ley, cu ta evita cu Hulandesnan Antiano criminal y cu poco perspectiva bay biba na Hulanda y cay mas atras ainda. Un analista a describi cu e dos posicionnan aki, banda di e penalisacion di ilegalidad ta otro diferencia di opinion sensitive riba tereno di imigracion entre e dos partnernan di coalicion. Oposicion Pero otro partidonan tambe tin critica fuerte. D66 ta haya cu e iniciativa di Bosman mester bay den bari di sushi. GroenLinks tin miedo pa un ‘unicum bergonsoso.’ ChristenUnie tin un cantidad

di obhecion y SP ta hopi critico. CDA tambe kier ahustacionnan, pero ta sinti si cu ta momento cu algo ta sosode. Ya a cuminza cu algo pues ta ora pa caba cu n’e, e partido a laga sa. PVV si ta hopi positivo pa e ley di iniciativa di Bosman, y te hasta ta haya cu e maneho por bira mas stricto ainda.

André Bosman (VVD)

Presidente di Fundacion BOB Aruba, sra. Vanessa Willems

Si bo ta detecta cancer hopi tempran tratamento lo ta menos invasivo y menos mutilante

Problematica di cancer di pecho ta un preocupacion grandi den nos comunidad. E casonan ta sigui aumenta y mester haci mas esfuerso pa preveni y conscientisa nos hendenan riba e problematica aki. Presidente di fundacion Bevolkingsonderzoek Borstkanker Aruba miho conoci como BOB Aruba, Vanessa Willems a sali dilanti di prensa pa nos pueblo en general ta miho informa cu tin mas fundacion cu ta percura pa preveni specialmente nos hende muhe riba cancer di pecho. E ta un fundacion cu a ser lanta dia 12 di October 2012, kiermen e aña aki nan ta celebra dos aña di existencia. E fundacion aki a ser lanta cu e meta di realisa investigacion pa detecta cancer na pecho di un forma preventivo den un

laso di tempo hopi tempran ora cu no tin sintoma ainda, cu ta e forma di prevencion mas efectivo.

ti algo den nan pecho. Via mamapolis e persona ta haya tur cos regla den menos di un siman.

“Si bo ta detecta e cancer na un momento hopi tempran e tratamento di dje ta menos invasivo, y menos mutilante tambe”, asina presidente di BOB Aruba a bisa. Aunke el a bisa cu nan no ta preveni cancer pero nan ta purba di detecte tempran pa e persona por trate di un modo mas facil y chikito posibel.

E pashent ta presenta generalmente dialuna y riba e mesun dia aki e persona ta haya mas potret si ta necesario, y demas test pa diagnostica e situacion di e pashent, y evalua e posibilidad cu tin pa yude debidamente. Tur esakinan riba e mesun dia. Pa diabierna ya nan tin e resultado di e testnan pa asina determina si e ta cancer of no. Nan ta percura pa no tin tardansa y pa tur cos ta keda regla den menos di un siman.

Sra. Willems a bisa cu nan a dicidi di lanta e fundacion aki ya cu nan a detecta ora cu nan a cuminsa structura e trayecto aki cu e pashent cu cancer di pecho mester cana un caminda largo na Hospital. Nan a dicidi di institui un “mamapoli”, caminda nan ta atende pashentnan cu ta sin-

“Nos ta duna e garantisa tambe cu hendenan cu ta aplica pa e mamapoli ta haya un cinta denter di dos siman”, asina presidente di BOB Aruba a bisa.

Hoh13314  
Hoh13314  
Advertisement