Page 1


DIABIERNA 07 MAART, 2014

23

Radisson a premia Mark Lyttleton-Frances di Aruba como su Gerente General di Aña Radisson Aruba Resort, Casino & Spa ta orguyoso di por anuncia cu Gerente General Mark Lyttleton-Frances a wordo nombra como e 2013 Radisson Gerente General di Aña na e Carlson Rezidor Hotel Group 2014 Radisson & Radisson Blu® Americas Business Conference cu a tuma luga recientemente na e Radisson Blu Mall of America na Bloomington, MN. “Mi ta honra cu e premio aki,” tabata e palabranan di Mark Lyttleton-Frances, gerente general na Radisson Aruba Resort, Casino & Spa. “E ta nifica masha hopi ora bo ta wordo reconoci pa bo coleganan, y esaki ta inspira mi pa posiciona Radisson Aruba como un di e resortnan lider den salud y bienestar den Caribe. Esaki tabata un prome aña increibel

y mi por mira dilanti riba hopi aña mas.” Bou di Mark su direccion, Radisson Aruba tambe a ricibi e 2013 President’s Award, cual ta e honor di reconocemento mas halto denter di e Carlson Rezidor Hotel Group. E premio ta reconoce e resort su staff increibel pa nan compromiso excelente na envolvimento cu e huespetnan, esfuersonan extraordinario den crea strategianan nobo pa logra nan metanan di entrada y ganashi; y nan prestacion en general, cual ta refleha nan pasion y dediacion na e resort. Procedente di Zuid Afrika, Mark a supervisa propiedadnan di luho rond di mundo pa mas di 20 aña. El a tuma e decision conciente pa forma parti di e ekipo di Radisson Aruba pa

Directiva di Stichting BOB Aruba a bishita Gobernador

Algun dia pasa miembronan di Stichting BOB Aruba, e fundacion cu lo bai haci screening riba cancer na pecho, a haci un bishita na Gobernador Sr.Fredis Refunjol. Durante e encuentro ameno aki, directiva a splica Gobernador di e trabaonan di e fundacion aki y a presenta e Plan di accion. Sr. Gobernador a haci masha hopi pregunta y a keda hopi entusiasma cu tur loke e a tende. Tambe Sr. Refunjol lo bay sigui tene su mes na altura di e progreso di e fundacion aki y lo yuda te na unda cu por. Riba e potretnan por mira miembronan di directiva, Sra. Idelle Orman, representando Mary Joan Foundation, Sra. Enrita Werleman, cofundadora y office manager, Sra. Vanessa Williams, presidente, Sr. Gobernador Fredis Refunjol, Sra. Fayona Flanegin, vice presidente y representando KWF, Dr. Rose-Ann Anthony, tesorero y miembro Sra. Edwina de Cuba. Pa mas informacion semper por yama oficina di Stichting BOB Arub di 8-12 na telefon 5881212.

un gran parti debi na e compania su sosten den crea programanan orienta riba un estilo di bira saludabel, cu en berdad ta ofrece e turista di awendia e opcion di mas importante – esta di por scohe. E ta hibando Radisson Aruba activamente den e otro direccion di e imagen tradicional di un resort Caribense door di strategicamente introduci cuater elemento — Sosiego & Relahacion, Nutricion & Dieet, Rehubenecimento, y Ehercicio & Fitness — bou di cual tur programa, actividad y concepto ta wordo incorpora. Un trainer personal certifica, Mark tambe ta guia aventuranan, excursionnan di fitness, y otro actividad di huespet riba e propiedad y rond di e isla. Tambe el a crea e General Manager’s Challenge, un evento cu a inspira su empleadonan pa

haci un caminata di cinco kilometer pa un meta caritativo, y pa perde mas di 1,000 liber colectivamente. E oasis tropical oasis di e AAA Four Diamond Radisson Aruba Resort, Casino & Spa ta invita tur hende pa bishit’e na su ubicacion riba e santo blanco di Aruba su famoso Palm Beach. E resort di 15-acre a gana varios premio y recientemente a mehora su mes via un renobacion di $30 miyon, y ta situa 15 minuut for di Aeropuerto Internacional Reina Beatrix, y un

caminata cortico for di Aruba su centro di compras y come. Cu un architectura y diseño distinto, y hardinnan di e clase mas halto den un ubicacion centralisa, e resort ta atrae turistanan y famianan cu ta keda bin bek, hopi di cual a bin ta conoce e staff personalmente. Pa bishita Radisson Aruba Resort, Casino & Spa, y pa conoce Mark, por fabor bishita www. radisson.com/palm-beachhotel-aw/aruaruba pa reservacionnan y informacion adicional.

Parke Nacional Arikok tin Anochi di Pelicula mañan Diasabra dia 8 di maart parke nacional Arikok lo ta organisado su di dos anochi di pelicula pa 2014 na unda differente documentario tocante di naturalesa lo wordo mustra. E biaha aki lo mustra dos episodio di e serie di BBC ‘Atlas of the Natural WorldWild South America’ cu serienan ‘Lost World’ y ‘Might Amazon’. E biaha aki kier comunica especialmente na tur mayor cu e enfoke lo ta riba tremendo escena di naturalesa y menos riba commentario. Bishitante di tur edad ta bon bini pa bin disfruta un anochi placentero bou di e tremendo cielo di nos parke nacional. Asina parke kier crea conscientizacion di e importancia di naturalesa. E anochi di pelicula ta completamente gratis cu posibildad pa cumpra cuminda crioyo y algo di bebe na prijs rasonabel. Ta encurasha un y tur pa trece un jacket. E anochi di pelicula lo tuma lugar desde 7:30 pm pa 9:30 pm na dilanti ‘Visitors Center ‘di parke nacional. Pa mas informacion bishita nan pagina di facebook; Facebook.com/ArikokNationalPark


DIABIERNA 07 MAART

, 2014

FAM TRIPS NA PERU

Fam Trips organisa pa Avianca y Latin American Trips

Grupo di agencia di biahe di Aruba, Corsou y Bonaire lo descubri destino turistico: Peru ArubAwe dunando cobertura exclusivo Despues di varios dia di planificacion y hopi expectativa un grupo reconoci di agencianan di biahe di Aruba y Corsou a inicia diaranson ultimo un “Fam Trips” na Peru, patrocina pa Avianca y Latin American Trips (www.latinamericantrips.com). E agencianan di biahe invita for di Aruba ta: Aldo Travel y Discovery Travel N.V. For di Corsou: Mau-Asam Travel; A-1 Travel & Tours; S.E.L. Maduro & Sons Inc, V.I.P. Travel y Indigo Tours Curacao E ta un bishita turistico y promocional pa descubri loke e pais Andino aki ta ofrece na su bishitantenan. ArubAwe como e media oficial invita pa e fam trips aki ta inicia awe un cubrimento informativo durante e siguiente dianan pa asina ilustra nos lectornan riba e diferente hotel, restaurant, transporte y sitionan turistico, etc cu ta forma parti di e experiencia aki. E biahe aki logicamente ta inclui Machu Picchu, un joya arkeologico di e cultura indjan Inca. ArubAwe ta invita su lectornan pa descubri hunto cu cada dia cu aspectonan turistico di Lima, Mar Lima, Cusco, Valle Sagrado, y Machu Picchu. Nos lo clausura nos cobertura periodistico cu un resumen general di e Fam Trips aki. Cada dia ta yen di hopi actividad y sitionan interesante cu lo contribui seguramente pa un bon impresion y recuerdo di Peru como un destinacion turistico masha atractivo. LIMA Despues di un bon biahe for di Oranjstad te Lima di alrededor di 2.837 kilometer abordo di e flota moderno di Airbus A320 di Avianca, nos a yega ayera madruga na Lima. E ciudad aki a ricibi nos cu un clima masha fresco di 20 C, pero mas calido tabata e bin bini di e guia turistico di Latin American Trips, esta Yobana cu a ricibi nos cu un sonrisa amplio cu a alegra spiritu despues di varios ora di vuelo. E grupo a ser aloca den e hotel Bitania, un hotel masha confortabel y agradabel situa den e sector residencial di Miraflores. E ta un hotel safe y strategicamente bon situa cu ta facilita bo transportacion na e diferente sitionan di interes turistico na Lima. Nos plan ta di disfruta di un bista magnifico y bunita di Oceano Pacifico y parke di Amor. Tambe nos lo haya un bista di e mahestuoso Huaca Pucllana (pirámide pre-inca, 400 d.c). Tambe nos lo bishita e districto residencial

di San Isidro cu su bunita parke “El Olivar”. E meta di nos bishita na Lima ta di disfruta di tur loke e ciudad capital di Lima ta ofrece, specialmente su historia, rikesa colonial y gastronomia reconoci mundialmente. Bo tabata sa cu a lo largo di e costa Peruano ta existi mas di 2500 diferente sorto di sopi, y mas cu 250 postre tradicional. Entre su rikesanan di arkitectura colonial nos ta realisa un recorido den e centro historico di Lima, caminda nos ta bishita Plaza San Martin, tambe e Iglesia di San Pedro,un patrimonio di e ciudad aki cub ta ser destaca pa su arte arditectonico Barroco di siglo XVII. Otro sitio masha importante na e Plaza de Armas, unda ta ser localisa e Palacio di Gobierno of bestuurkantoor di Lima, e Municipalidad di Lima, E Palacio Arzobispal y tambe nos lo bishita “E Catedral”. Otro sitio masha interesante cu nos ta bishita y cu nos ta bin cu mas detaye mañan ta e Convento y Misa di Santo Domingo, unda ta sosega e restonan di e Santonan Peruano, esta Santa Rosa di Lima, San Martin de Porras y San Juan Macías. Ayera tardi tin plania di bishita tambe e Museo Rafael Largo Herrera, un museo cu ta exhibi un coleccion grandi di ceramica, paña y obhetonan traha cu oro di e culturanan pre-Inca y Incas. Ta ser exhibi e famoso sala di arte erotico pre hispanico, algo masha unico den mundo cu un coleccion di 45 mil pieza, cada un ta un joyas riba su mes. Otro atractivo turistico interesante loke ta ser yama como Circuito Magico di Awa. E ta manera un show di awa di mas cu 13 fontein, cada un cu su propio caracteristicanan di awa, luz, musica y imagen presenta pa e famoso Parke di Reserva, e ta ser considera e sitio urbano mas bunita di Lima, cu a gana un Record Guinnes como e compleho di fontein mas grandi di mundo. Nos ta cera nos programa di ayera di 10’or di mainta te cu 10’or anochi cu un ambicioso cena den e Hotel Nobility. Lectornan di ArubAwe keda pendiente cu nos lo bin mañan cu mas informacion y potretnan di nos bishita na Lima rumbo pa Machu Picchu, e Ciudad Sagrado di e pueblo Incanan.

8


Ata 7314  
Read more
Read more
Similar to
Popular now
Just for you