Page 1


DIAHUEBS 06 MAART, 2014

11

Directora di ATA Ronella Tjin Asjoe-Croes

Ta aplaudi iniciativa di Gabinete Mike Eman II pa presenta nan vision Gobierno, management team, NGO, companianan di gobierno y instancianan, manera Aruba Tourism Authority (ATA). E Directora Ehecutivo di ATA Ronella Tjin Asjoe-Croes tabatin palabra di elogio pa e meta tras di e reunion ya cu “mi ta haye hopi bon. Un pabien na Gobierno di Gabinete Mike Eman II pa e iniciativa aki,” el a sigura.

E reunion cu Gabinete Mike Eman II a tene cu hefenan di departamento di Gobierno a wordo aprecia. Esaki ta pa motibo cu e informacionnan ricibi e mainta aki for di e Minister-

nan cu ta forma parti di Gobernacion di Aruba, a dunanan un bista con nan ta bay fit den e vision amplio di esaki. “Diensthoofden overleg” a reuni tur hefe di departamentonan di

E ehecutivo ta di opinion cu meta di e “Diensthoofdenoverleg”, pa integra manehonan, uno hopi positivo. Staff y personal di cada departamento, instancia of compania tin awo e informacion pa por prepara y pone enfoke riba e vision di gobernacion. Mas ainda cu a

invita tambe entidadnan ‘sui generisis’ manera ATA mes. “Integra maneho di e forma aki ta hopi bon pa por tin integracion na nivel Gubernamental, pero tambe cu e diferente entidadnan entidad, companianan priva di Gobierno y NGO’s. El a splica cu cada departamento of entidad tin plannan bon cu ta trahando riba nan y cu ta importante cu nan ta conoci tambe den e circulo di gubernamental. Den esaki ta masha importante integracion, pesey tambe e ehecutivo di ATA ta aplaudi e iniciativa aki cu ta trece tur e participantenan mas cerca di otro y duna nan contribucion. Pa loke ta presentacion di e

Ministernan e mainta aki, el a bisa cu e presentacionnan a duna e participantenan un bista mas amplio, e plachi mas completo, y por a mira e vinculo di un cu otro di e caminda cu ta canando. “Mi ta sali hopi mas informa di loke ta pasa y cu un sentimento positivo y inspirativo, cla pa sigui traha hopi duro riba e diferente plannan. Nos tur tin un meta y esey ta pa contribui pa un miho Aruba, cual tabata parti di e sesion di awe mainta.” Aruba Tourism Authority ta un departamento cu a haya su entidad nobo bou di Gabinete Mike Eman I, bou maneho di Minister di Turismo Otmar Oduber.


DEPORTE Awe

DIAHUEBS 06 MAART, 2014

19

Marriott Hotel, Divi Village, Flora Market y Caribbean Drip Irrigation ta cla pa enfrenta otro dialuna dia 10 di Maart

Dialuna anochi tur e represantantenan di Marriott Hotel, Divi Village, Flora Market y Caribbean Drip Irrigation a reuni pa e ultimo biaha prome cu e prome wega di dia 10 di Maart na Centro di Bario Brazil. Tur e representantenan presente di cada compania a discuti tur e reglamentonan di e wega na unda cu a pone hopi enfasis ariba e orario di cuminsa e wega. E team cu no yega na tempo lo wordo descualifica for di e wega ey. Tur team mester tin damas pa hunga of lo hunga cu 3 hungador masculino. Lo cuminsa cu e prome wega Dialuna dia 10 di Maart na Centro di Bario Brazil pa 7’or y mey y e ultimo wega ta dia 7 di April. Marriott Hotel y Divi Village lo cuminsa e

prome wega na unda cu despues lo sigui cu Flora Market y Caribbean Drip Irrigation. A presenta tur e premionan na tur e representantenan di cada compania na unda cu nan por a wak cua premio nan lo tin cu bay lucha pa. Marriott Hotel lo bin cu nan uniform blauw, Caribbean Drip Irrigation tin 3 uniform cu nan lo usa pa cada wega. Flora Market tin uniform blanco cu blauw. Mientras cu Divi Village no a laga sa su color di uniform ainda. Un cos ta sigur cu tur wega ta amistoso na unda cu e 3 refereenan ta bay guia tur e weganan. Nos ta haci un yamada na tur trahador di e companianan cu ta hungando y tambe na tur esnan cu ta interesa pa bin apoya e hungadornan.

Argentina ta empata sin gol na Rumania cu un Messi perdi E seleccion Argentino a empata sin gol diaranson den un partido amistoso contra Rumania na Bucarest, cu un Leo Messi apaga, den un di e ultio testnan di e seleccion Suramericano prome cu Mundial di Brasil. Apesar cu e Argentinonan a domina e bala y tabatin chens mas visibel di gol, nan no tabata capaz di marca den e porteria Rumano. E tabata un wega hopi simpel di e ekipo Albiceleste, cu tampoco a sirbi pa kita e dudanan cu tin riba e ekipo di Alejandro Sabella, principalmente den e aspecto defensivo. “Mi ta kere cu e prome tempo tabata hopi pareu, pero den e di dos parti nos a domina y nos tabatin chens pa anota,” Sabella a splica despues di e wega. “Nos a merece e victoria,” el a sigura.

Rumania, un seleccion incapaz di clasifica pa un Mundial desde 1998 y cu apenas a presiona Argentina, tabatin mester di solamente algun hugada di contragolpi pa duna e porteria defendi pa Sergio Romero un poco susto. Sergio Romero, ta un di esnan mas destaca den e Albiceleste apesar di su poco actividad den Monaco Frances. E localnan hasta por a gana cu un gol anula den e prome tempo, den un hugada dudoso den cual supuestamente e bala supuestamente a pasa e linea di fondo. Solamente na final, cu e desgaste fisico di e Rumanonan, e Argentinonan tabata parce di e logra controla e situacion y incluso por a anota por medio di Ezequiel Lavezzi (84) den e ultimo hugada di peligro di e wega, cu Cosel Pantilimon a deshaci di dje cu un gran parada.


PAGINA 16

DIARIO

Tiro supuestamente scucha na Esmeralda

DIAHUEBS 6 MAART 2014

Proceso pa independizacion di Controladornan Aereo a inicia

ORANJESTAD (AAN): Diamars mainta Minister Otmar Oduber a reuni cu Management Team di Departamento di Aviacion Civil pa papia riba e diferente posibilidadnan cu lo por tin pa loke ta e futuro di controladornan aereo, iniciando asina un proceso cu lo mester conduci na nan independizacion for di Departamento di Aviacion Civil. Ta asina cu for di basta aña caba e independizacion di controladornan aereo tabata den pipe line. ICAO a realiza diferente audit na nos isla y cada biaha tabata bin dilanti cu no ta deseabel pa e organo di control ta den e mesun organizacio di esun di trabounan di toren, nan a expresa na varios ocasion cu nan kier mira un separacion di trabounan di ehecusion cu esun di supervision y maneho. Asina, despues di e proceso di reorganizacion cu a tuma lugar den Departamento di Aviacion Civil a yega turno pa atende cu e independizacion di controladornan aereo. Minister hunto cu Management Team di Departamento di Aviacion Civil a palabra cu lo bin cu un stuurgroep cu lo guia henter e proceso aki. Intencion ta cu lo logra un instancia/organizacion cu por ta para financieramente riba su mesun pia. Meta cu a wordo estableci ta cu pa mas tarda 1 di november 2014 henter e proceso aki mester ta cla y por conta cu un entidad di controladornan aereo independiente. ORANJESTAD (AAN): Diaranzon mainta a scucha tiro dilanti di Esmeralda 81. Ora e bisiña a sali nan a bisa cu nan a mira un Nissan Sentra color Cora lo a pasa los tiro riba e cas. Polis a bai papia cu bisiña cu pa colmo ta doño di un Nissan Sentra cora. Polis a atende cune pero esaki no tabata esun cu a los tiro y nan a lage bai. No por a mira ningun prueba tampoco cu por ta procedente di un arma di candela.

Telefonnan di DIARIO 582-6747 Fax 582-8551


Ata 6314