Issuu on Google+


DIAMARS 25 MAART

, 2014

16

‘Student Leadership Summit 2014’ a bira un exito extraordinario

Pa di tres aña consecutivo ‘Kiwanis Circle K Club of the University of Aruba’ a organisa y a haci Student Leadership Summit miho conoci como SLS bira un realidad. SLS ta un concepto di entrenamento pa stimula caracteristicanan natural di un lider. Hoben studiante di entre otro Colegio EPI y tambe Universidad di Aruba a participa den e programa aki plania y ehecuta den tres dia. Riba e prome dia cual tabata e “Meet and Greet”, tur participante, e grupo organisado y tambe e oradornan internacional y local invita na e evento a

conoce otro y a pasa un rato ameno den e veranda bunita y cu clase di Aruba Racquet Club. Dia 2 a enfoca riba e topiconan; visiona y priorisa. Dia 3 a enfoca riba e otro cuater topiconan cu tabata; encurasha, podera, incorpora y evalua. E seis topiconan aki ta locual ta forma parti di E-six Framework di e buki ‘The student Leadership Guide’ scirbi pa autor Brendon Burchard, cu den ingles ta; empower, embody, envision, enlist, evaluate and encourage. Tanto oradornan internacional como oradornan local esta: Sra. Joyce Bartels Daal, Srta.

Kelly Leach, Srta. Maria Fernanda Gándara Gil y Sr. John Shertzer a sa di cumpli cu e tarea importante di encurasha un y tur presente pa desaroya e lider cu ta biba den nan persona, como cu e aña aki SLS a carga e tema ; “Expand the leader within you”. Kiwanis Circle K Club of the University of Aruba ta gradici tur esnan cu a participa den SLS 2014 y tur e sponsornan cu a sostene y coopera pa cu e proyecto aki. Danki na Universidad di Aruba, FreeZone Aruba, Ennia, Centro di Desaroyo Aruba (Cede),

Royal Bank (RBC), Carribbean Mercantile Bank N.V. (CMB), Tropicana, La Cabana Beach Resort and Casino Aruba,

Arubabank, Elite Productions & Entertainment, Aruba Tourism Authority Aruba (ATA) y Smith & Dorlas.


DIAMARS 25 MAART, 2014

3

Segun CEO di ATA, Ronella Tjin Asjoe-Croes

ATA a traha obhetivonan pa supera un miyon di turista na 2014 Pero no solamente riba cantidad sino riba calidad di turistanan

CEO di Aruba Tourism Authority (ATA) sra. Ronella Tjin Asjoe-Croes a presenta un resultado positivo pa loke a nifica e presencia di e turistanan Latino Americano na nos isla. El a indica cu no solamente e cantidad di bishitante Latino Americano a aumenta significativamente, sino tambe e calidad di e turistanan Latino

Americano, ya cu nan presencia a nifica hopi pa nos economia local, nos solamente riba gastonan di preparacion di biahe pa Aruba, sino locual nan a laga den divisa durante nan estadia na Aruba. “Den general Aruba a bira consistente den su crecemento (turistico) den e ultimo tres añanan”, asina CEO di Aruba

Merca a suspende dunamento di visa na Caracas E medida ta afecta residentenan na Aruba cu mester di visa pa bay Merca Gobierno di Merca a dicidi di suspende tur tramite di visa di turismo ya sea pa prome biaha of pa renobacion den nan embahada na Caracas (Venezuela) pa falta di personal. E medida aki a ser adopta despues cu presidente Nicolas Maduro di Venezuela a pidi pa expulsa varios funcionarionan consular di Merca. “Como resultado di e reciente expulsion di varios consul, y di e tardansa di e gobierno Venezolano pa duna visa na e funcionarionan nobo, nos ta lamenta cu embahada no lo por traha cita pa esunnan cu ta solicita visa pa prome biaha”, asina vocero di Departamento di Estado sra. Marie Harf a laga sa. Harf a bisa cu solamente nan lo atende e casonan di emergencia y el a recomenda e Venezolanonan cu pa prome biaha ta realisa e tramite pa solicita un visa di turismo y negoshi (visanan tipo B-1 y B-2), pa nan acudi na otro consuladonan of embahadanan Mericano. E medida aki tambe ta afecta e personanan residencia na Aruba cu mester di un visa di turismo pa biaha Merca. Ainda no a ser informa si e solicitud aki pa visa lo ser atendi den e Consulado di Merca na Corsou, manera a yega di sosode den pasado.

Tourism Authority (ATA) sra. Ronella Tjin Asjoe-Croes a declara. El a bisa cu mirando e obhetivo cu ATA a traha pa 2014, Aruba ta preparando su mes pa bay over riba e linea di un miyon di turista cu ta bishita nos isla. El a bisa cu e entrada pa turismo a representa un solido desaroyo y e tereno aki a mustra un crecemento di un 5.2% te hasta e di tres kwartaal di 2013, segun dato di Banco Central di Aruba. El gradici tur esunnan presente na CATA cu a contribui grandemente pa e resultado exitoso na aña 2013, ya cu e logro aki ta danki tambe pa nan apoyo, compromiso y colaboracion pa comercialisa y mercadia e destino Aruba. El a bisa cu ATA y nan socionan local lo traha den e proximo tres aña , esaki conforme cu nan plan di negoshi 2014-2017, riba diferente prioridadnan clave. Pues mirando pa futuro

e halto ehecutivo di ATA a destaca cu tanto e sector turismo y industria di biahe ta continua dinamico. “E ta un industria cu e crecemento mas rapido di mundo unda e negoshi di mercadeo di turismo lo sigui como uno masha compleho”, el a declara na CATA 2014 cu a celebra e aña aki 25 aña di existencia. OBHETIVONAN PA 2014 Tjin Asjoe-Croes a bisa cu ATA cu ta e oficina principal di promocion di turismo pa Aruba a cuminsa replantia nan trabou y di e forma aki nan kier sigura cu nan lo por mehora nan obhetivonan na base continuo. El a indica cu e obhetivonan di ATA pa aña 2014 tin di haber cu aumenta e cantidad total di yegada anual pa un 6%. Igualmente aumenta e promedio diario di gastonan di turismo pa un 1% compara cu 2013. Tambe mantene of aumenta e servicionan aereo cu nos

tin actualmente for di e mercadonan clave pa sostene e crecemento di bishitantenan pa Aruba. Y tambe mantene e cantidad di turistanan crucero na e nivelnan di 2013. Pa loke ta e obhetivo di logra un crecemento di un 6% riba e cantidad di bishitante pa 2014, directora di ATA, Tjin Asjoe-Croes ta considera cu berdaderamente e ta un cifra halto pero e tin su base riba e fuerte resultado di e mercado di Merca, den combinacion cu un mercado Latino Americano fuerte. Esaki ta nifica un crecemento di un 2% pa e di tres mercado mas grandi pa Aruba, esta Canada y un crecemento modera for di Europa. Tjin Asjoe-Croes a bisa cu ademas di trece un cantidad desea di bishitantenan, tambe ATA kier trece un bon calidad di turistanan pa asina sigura rendimento atractivo pa nos isla, y tambe pa e socionan di ATA.

Sector turistico a contribui grandemente

Den crecemento economico di Aruba den 2013 Minister Otmar Oduber sumamente satisfecho cu cifranan di Banco Central Den e actualizacion di Banco Central di Aruba pa loke ta e estimacion di Aruba su Producto Domestico Bruto (PDB) pa 2013 y 2014, por lesa for di e entidad renombra aki cu nan ta estima cu e actividadnan economico den 2013 a expandi cu 3,9% den termino real, pa un gran parti causa dor di un crecemento fuerte di e demanda turistico. Minister di Turismo Otmar Oduber ta sumamente satisfecho cu e resultado aki, cual ta demostra cu e trabounan cu a bin ta haciendo ultimo añanan conhuntamente cu sector priva y partnernan den e industria aki a bin ta dunando su frutanan. Importante pa menciona cu Banco Central ta indica cu turismo stay-over a aumenta cu 8,3% y cu ta premira cu e ingresonan relata na esaki lo subi cu 6,1%. Mas ainda, nan ta menciona cu pa 2014 econo-

mia lo sigui wordo sosteni pa sector turistico. Nan ta anticipa cu apertura di Ritz Carlton y renovacion di cambernan di Holiday Inn lo duna un boost adicional, mientras cu e ciere y renovacion di Westin lo mitiga e boost aki. Banco Central ta expresa tambe den su relato cu e aumento den inversion y e prestacion fuerte premira den sector turistico lo aumenta e cantidad di personanan emplea, cual lo por causa un crecemento den consumo priva cu 2,0%. Esaki ta cifranan hopi positivo cu ta refleha e atencion cu industria di turismo a bin ta hayando caminda e parti importante ta cu for di 2009 a tuma e decision di estrecha e lazonan cu e partnernan tanto local como internacional, buscando asina e mihor desaroyo pa nos principal pilar economico enfocando riba calidad sin lubida cantidad.


DIAMARS 25 MAART

, 2014

6

Sr. Freddy Vargas di ministerio di Energia di Aruba

Aruba autosostenibel 100% pa 2020 ta un compromiso Comunidad lo beneficia aki 5 pa 7 aña Sr.Freddy Vargas kende ta advisor di ministerio di Energia di Aruba y di Prome Minister di Aruba riba tereno di sostenibilidad, a realisa un presentacion den seno di e Conferencia Anual di Turismo di Aruba (CATA) 2014, caminda el a trece dilanti tur esfuerso y proyecto di energia berde of limpi cu gobierno ta bin realisando pa Aruba bira e prome pais autosostenibel di energia alternativo den henter mundo. Sr. Vargas su presentacion tabatin di haber cu Aruba autosostenibel energeticamente pa aña 2020. El a bisa cu e meta pa Aruba bira e prome isla autosostenibel di energia limpi haciendo uzo di solo, biento y lama ta un “meta hopi serio cu nos tin y un compromiso cu

nos a haci den e conferencia di Rio”. El a laga sa cu e meta ta cu Aruba lo bira e prome isla di mundo cu lo bay tin energia 100% sostenibel. El a indica cu esaki no ta algo facil, y tampoco e meta aki a ser logra den otro paisnan, specialmente e paisnan cu no tin energia hidroelectrico of posnan di petroleo. Durante e seccion di pregunta, sr. Vargas a laga sa cu despues di e inversion cu lo wordo haci den diferente proyecto pa produci energia berde, aki 5 pa 7 aña comunidad di Aruba lo saca probecho di esaki ya cu nan lo beneficia di un reduccion significativo riba prijsnan di e servicionan basico.

El a bisa cu considerando cu Aruba ta un isla chikito nos tin un gran fluctuacion di prijs cu ta relaciona cu e prijs internacional di e petroleo. “Entre mas caro se pone el petroleo mas caro se pone los precios de la isla en general”, el a bisa na Spaño. Esaki tambe tin su influencia riba e prijs cu un turista mester paga pa bishita nos isla, specialmente ticket aereo y tarifa di camber di hotel. Pesey el a resalta cu sostenibilidad di energia di Aruba ta un factor hopi importante ya cu esaki lo tin un impacto economico hopi positivo y un stabilidad cu ta facilita reduci e factornan cu prijsnan lo sigui subi na Aruba.

Sr. Freddy Vargas kende ta advisor di ministerio di Energia di Aruba y di Prome Minister di Aruba riba tereno di sostenibilidad.



Ata 25314