Issuu on Google+


DIALUNA 24 FEBRUARI , 2014

2

SEÑOR TA BISA““PORDONA UN NA OTRO, MANERA DIOS A PORDONA BOSO TAMBE DEN CRISTO”, EFESIOS 4:32

Angustia cu disturbio di WhatsApp E tabata un angustia pa hopi hende riba Diasabra. Nan WhatsApp no tabata funcciona. Algun na Venezuela te hasta a acusa Gobierno di Nicolas Maduro di a stroba e forma di comunicacion. WhatsApp e servicio di mensahe cu siman pasa a pasa pa Facebook pa un suma di 19 biyon dollar, a cay afo pa cuater ora largo y poco poco a bin bek den servicio. E kehonan tabata na nivel mundial. Na Aruba tambe hopi hende a keha hopi y a hasta bisa di ta cla pa busca otro alternativa. Via Twitter a informa otro cu WhatsApp a cuminza traha atrobe, pero no tabata posibel pa manda potret. Y esnan cu a instala WhatsApp di nobo no por a manda informacionnan

nobo. Na Hulanda a drenta algun diez mil keho den un paar di ora, ya cu e disturbio den e trafico di mensahe tambe tabata grandi. WhatsApp mes a laga sa cu mester spera mas disturbio den e trafico di mensahe den proximo simannan y hasta lunanan. E servicio a crece den un tempo rapido como e alternativa mas importante pa mandamento di mensahe. Rond mundo, como 450 miyon hende ta uza WhatsApp pa un forma gratis pa manda mensahe, potret y video, haciendo uzo gratis di Internet.  Pero, ora cu a bira conoci cu Facebook a cumpra WhatsApp, mesora a bin protesta. Miles di hende a cambia pa e servicio di mensahe Telegram despues di

a tende cu Facebook a cumpra WhatsApp. Na Hulanda so a bin 800 mil registro. Internacionalmente

tin como 100 usuario nobo pa seconde cu a registra pa Telegram, cu ta un servicio di comunicacion via internet cu por

baha pa medio di un app. Esaki, apesar cu hopi ta considera cu te ainda e opcionnan di WhatsApp ta mas amplio.

Pronostico hopi positivo pa e zomer aki Aerolinea nan lo pone mas asiento pa Aruba lombia y Brazil. Venezuela cu un situacion interno delicado a mustra un crecemento di 27%. Turismo for di Europa tambe a subi cu 8.1%, ora compara cu aña pasa.

E cifranan di turismo pa luna di januari 2014 ta hopi positivo, Aruba a conta cu un crecemento di 9.4% compara cu e mesun luna na aña 2013.

E continente Norte Americano den su totalidad a crece cu 4.9% den luna di januari, aunke cu tabatin reto pa motibo di “snowstorm” den diferente area na Merca.

E continente Mericano a crece cu 5.4%. E mercado Latino Americano den su totalidad a crece cu 23.6%, incluyendo bunita cifranan di turistanan yegando for di Venezuela, Co-

Pa loke ta e temporada di zomer di e aña aki, aerolineanan a fiha nan schedule y inclui esaki den nan sistema y por mira un aumento significante den cantidad di asientonan disponibel pa Aruba. Pa ‘zomer’ cu den termino di schedule di aviacion ta core di 1 di april te cu 31 di october, por mira un aumento di 11% den cantidad di asiento. Esaki ta consisti di +9% for di Merca, +20% di Latino America y +27% for di Europa. Un cantidad total di 63,900 asiento adicional pa Aruba. Copa Airlines por ehempel a anuncia caba cu na luna di juni lo tin no menos di 11 vuelo pa siman, cu ta inclui destina-

cionnan conexionnan pa y for di Brasil, Argentina, Colombia y Chile. Riba su mes e vuelonan aki ta encera no menos di 376 asiento extra pa siman. For di Merca, e aerolinea nan Jet Blue y US Airways a anuncia 11 vuelo extra durante e temporada di zomer. Delta y American Airlines tambe a anuncia cambio di avion pa Aruba, cu ta haci cu lo tin mas asiento disponibel. Southwest Airlines tambe a anuncia cu lo agrega 4 vuelo adicional for di Atlanta y Baltimore, cu lo inicia desde luna di juli proximo. Cu e anuncio aki, Aruba Tourism Authority ta convenci cu e temporada di zomer ta mustrando masha prometedor pa nos isla como destinacion turistico. Mas aerolinea, mas asiento y mas frecuencia sin duda lo traduci den mas turista y ingreso pa medio di turismo pa nos isla.


DIALUNA 24 FEBRUARI , 2014

7

Venezolanonan ta keda fiel na Aruba! Turismo for di Venezuela ta creciendo pa algun luna consecutivo “Nos ta siguiendo e desaroyo aki masha di cerca, pero e mercado di Venezuela a yega di pasa den e tipo di retonan asina caba den pasado y semper a sa di surpasa tur obstaculo. Un cos nos por ta sigur, Venezolanonan ta keda fiel na Aruba”, asina Ronella Tjin Asjoe-Croes, CEO di Aruba Tourism Authority a bisa riba preguntanan relaciona cu e situacion tumando luga na e di dos mercado turistico mas importante pa Aruba. Aruba Tourism Authority (ATA) tin e responsabilidad pa distribui y coordina esfuersonan di mercadeo pa loke ta e industria di turismo pa Aruba. Di tur forma y tur banda ta monitor situacionnan cu por ta trendnan positivo, pero tambe trendnan cu por forma un menasa pa e stabilidad di nos industria. E crecemento continuo y desaroyo inmensamente positivo di e ultimo añanan aki ta algo cu ATA ta cuida y vigila di cerca. Ronella Tjin Asjoe-Croes, kende ta CEO di ATA, ta splica cu e esfuersonan di mercadeo di parti di ATA na Venezuela a wordo baha te na e nivel mas basico, unda cu ta teniendo cuenta cu un sentido di convivencia, pero tambe simplemente cu e hecho cu no ta tur promocion ta efectivo na e momentonan aki. Tjin Asjoe-Croes ta subraya cu Aruba Tourism Authority tin basta tempo ta trahando duro na e ampliacion y diversificacion di e mercado Latino Americano pa Aruba y  a aumenta esfuersonan den otro paisnan. Entre otro a atrae e aerolinea LAN for di Colombia, cual tin un parti grandi di e mercado na Chile y Peru

y tin facilidad pa “link” nan vuelonan mas conviniente pa turistanan cu kier biaha pa Aruba for di e paisnan aki. Ademas tin e relacion fructifero cu otro aerolinea manera ta e caso cu Avianca cu pa medio di Bogota ta ofrece bon conexionnan pa Argentina y otro paisnan y den caso por ehempel di Centro America, a cuida e relacion cu Copa, cual tin conexionnan excelente y ta ampliando e capacidad di stoelnan pa Aruba proximamente. Aruba Tourism Authority tin metanan pa cu crecemento di e cantidad di turista cu ta bin Aruba, pero tambe e calidad den poder di compra di e turistanan cu ta scoge Aruba como nan destinacion pa vakantie. Continuamente ATA y su partnernan tin nan bista fiha

riba e metanan aki y ta reuni tocante diferente escenario cu por ta beneficioso of no beneficioso pa nos turismo. Den e caso di Venezuela, Ronella Tjin Asjoe-Croes a splica cu a haci diferente calculacion mara na scenarionan y te cu awor un di e esunnan di mas drastico ta un caida di 30% den turismo for di Venezuela. E ta splica cu den e caso aki, un bahada asina drastico, ainda Venezuela lo keda e di dos mercado mas grandi pa Aruba y e nivel di cantidad di turista baha bek na e nivel cu e tabata na 2012. ATA no ta mira esaki pasando ainda, pero ta prepara pa cualkier eventualidad. Te na fin di januari 2014, ATA y su partnernan a registra un crecemento di 27% den yegada di turista di estadia (stayover) for di Venezuela, ora compara esaki cu e cifranan di januari 2013. ATA ta sigui monitor e situacion, teniendo na cuenta e posibel caida di airlift pa via di problemanan cu divisa nan for di Venezuela, como tambe e situacion general di e pais. Ronella Tjin Asjoe-Croes ta expresa cu ATA semper ta hopi cauteloso cu e inversion di e fondonan di mercadeo y semper ta busca e opcion mas efectivo cu ta duna bon resultado. E resultado di tur accion y inversion ta wordo midi. “Nos tin tur e data aki y sigur nos lo sigui cu e enfoke pa zorg pa nos logra resultadonan asina positivo, pero tambe haci’e na e miho manera cu ta posibel,” el a bisa.



Ata 24214