Issuu on Google+


DIAMARS 01 APRIL, 2014

3

Rapport di ONU riba riesgonan di calentamento global ta pinta un panorama scur pa humanidad Problematica di calentamento global ta hibando nos humanidad y henter mundo na riesgonan evidente y completamente nobo. Asina un rapport cu a ser divulga ayera y traha pa un team distingui di cientificonan di Nacionnan Uni (ONU) a adverti riba cambionan climatico cu ta biniendo y cu lo tin efecto severo contra nos tur. E desasternan di siglo 21, manera ola di calor na Europa y candela forestal na Merca, ademas e situacion di sekedad na Australia y inundacion fatal na Mozambique,

Tailandia y Pakistan ta pone den evidencia con vulnerabel nos humanidad ta dilanti cambionan extremo di nos clima, asina e rapport traha pa e team intergubenamental riba Cambio Climatico a bisa. “E cambionan ta tumando lugar rapidamente, y esakinan ta haci cu e riesgonan ta birando mas grandi”, asina Chris Field di Instituto Carnegie pa Ciencia y autor principal di e rapport encuestion a bisa. E peligernan lo bira mas grandi manera e cambionan den clima lo aumenta, y niun hende ta scapa di dje, e autornan di e rapport a indica.

Mas cu 100 gobierno a aproba di forma unanime e sumario di 49 pagina skirbi pa e grupo ganado di premio Nobel. E sumario aki ta dirigi pa e lidernan politico, y nan ta menciona e palabra “riesgo” cantidad di biaha den e rapport aki cu totalmente ta compronde 32 volumen. E riesgonan cu nan ta presenta ta grandi y chikito, y nan ta den tempo presente y futuro, den mondi y den ciudadnan grandi, asina e rapport ta indica. Algun lugar lo tin demasiado awa, y otronan no suficiente, ni sikiera awa pota-

Sr. Mirto Granadillo recordando 25 aña di CATA

“Continuidad den turismo ta e miho cos cu por tin...” Recientemente, “Conferencia Anual de Turismo de Aruba” (CATA) enfoca riba e mercado Latino Americano a celebra su 25 aña di existencia. Un pionero di CATA ta sr. Mirto Granadillo kende a relata riba evolucion y importancia di CATA awendia. “Mi por bisa den un solo palabra cu CATA a bira un exito”, el a declara durante un entrevista cu ArubAwe. E ta mira cu despues di 25 aña CATA ta refleha un crecemento den tur sentido. El a bay bek cinco lustro pasa ora cu e simia di CATA a keda sembra, caminda e tabata un cu a yuda pa sembra y muha e simia aki te ora cu el a nace y crece. “E mata di CATA a crece”, el a bisa. E ta declara cu prome cu CATA ya caba nan tabatin reunion cu e operadonan di turismo di afo na Aruba, pero e tabata tuma lugar di forma individual. E ta recorda cu un dia conversando na oficina di AHATA nan a yega na un conclusion cu nan tabata haciendo hopi evento riba e mesun cos, ya cu e reunion basicamente tabatin di haber cu planificacion. “E ora nos a dicidi di trece tur hunto Aruba den un festividad”, sr. Granadillo a bisa. El a bisa cu e prome CATA a wordo haci como prueba pero e evento aki a bay asina exitoso cu el a crece te cu awe. E ta menciona cu e tempo cu CATA tabata den pamper e cantidad di camber tabata menos, y tambe e parti tecnologico cu a crece

Un pionero di CATA ta sr. Mirto Granadillo, kende a relata riba evolucion y importancia di CATA awendia.

tanto awendia, antes practicamente no tabata existi. Sr. Granadillo tambe e haci honor y reconocimento na tur esunnan cu tambe a yuda sembra e simia di CATA, entre otro ex-director di ATA, Rory Arends, Eline Bartels-Daal (q.e.p.d) kende a caba di fayece, Harold Malmberg cu tabata sostene CATA. Sr. Granadillo ta bisa cu hopi humildad cu e tempo aya tur e hendenan aki tabata su tutor y despues e mes a bira tutor di otro generacion di ATA. Asina poco poco CATA a bin creciendo, y e persona cu e tempo aya tabata encarga cu Latino America, sra. Miriam Dabian tabata un fiel colaborado di sr. Granadillo. Sra. Dabian a traha inicialmente como directora di ATA na Colombia, y despues cu el a bolbe Aruba el a bira encarga cu nos mercado turistico pa Latino America. E a bisa cu e palabra CATA a nace ora cu nan a sinta y busca

un nomber pa e evento aki, pero a yega un momento cu nan mes a bin na conclusion pa kico no bin cu otro nomber similar na ATCA cu tabata existi caba y cu tabata dirigi specificamente pa nos operadornan di turismo na Merca. “Nos a haci un wega di palabra y asina CATA a bin nace precies cu loke e ta representa, esta e Conferencia Anual de Turismo de Aruba”, sr. Granadillo a indica. Sr. Granadillo ta destaca cu un cos bon cu Aruba tin den tur sentido incluso na nivel gubernamental, ta cu “loke ta bon ta continua, aunke lo por bin un cambio di partido of un cambio di gobierno...” E ta haya esaki hopi substancial, y un clave di nos exito como pais ta bay rond di e mentalidad di continuidad. E ta haya cu “continuidad den turismo ta e miho cos cu por tin”, y e ta mira cu despues di 25 aña CATA ta un resultado di esey. Igualmente sr. Granadillo ta haya importante cu nos por haci uzo ainda di e conocemento y experiencia di persona cu a duna su aporte den diferente area di nos pais. Pesey e ta señala cu hopi biaha e ta aprecia ora cu e ta ser invita den eventonan cu ta concerni na nos turismo, aunke actualmente e no ta traha mas activamente. Pero e ta haya cu e contacto semper ta keda, y e tin cu bisa cu semper cu “nan tin mester di mi, semper mi ta cla para pa esey...”, el a declara na ArubAwe.

bel. Otro riesgonan menciona den e rapport aki ta relaciona cu e prijsnan y disponibilidad di alimentonan, crisisnan financiero y incluso riesgonan di guera. Nan ta pinta un panorama nada alentador debi na e calentamento global cu lo supone un menasa creciente pa salud di hende. E team di cientificonan destaca di ONU ta pidi pa tur gobierno cuminsa actua lihe pa contraresta e efectonan di produccion di dioxido di carbono (CO2) Ta asina cu e rapport ta proyecta cu e calentamento

global lo por reduci e produccion economico mundial entre un 0.2 y un 2.0% pa aña si e nivel di temperatura ta subi 2 grado centigrado. “Den e proximo decadanan, e cambionan climatico lo tin efectonan principalmente negativo”, Michel Jarraud, secretario general di Organisacion Meteorologico Mundial (OMM), kende a sigura cu e ciudadnan, eco-sistema y reservanan hidrico ta ser haya den zona di riesgo. Igualmente Jarraud a declara cu e pobernan y e vulnerabelnan lo ta esunnan mas afecta.

Lo reintegra personanan cu ta ricibi bijstand den mercado laboral

Un di e metanan principal di Minister Paul Croes durante gobernacion 2013-2017 ta pa aumenta participacion di diferente gruponan den nos comunidad, entre otro den nos mercado laboral. Traha tin diferente beneficio pa e individuo: e ta aporta na su desaroyo propio, e ta hisa su autoestima y e ta hacie mas productivo y menos dependiente di otronan. Departamento di Labor y Investigacion (DAO), Departamento di Asunto Social (DAS) y Departamento di Progreso Laboral (DPL) a firma un convenio, cu ta stipula cu nan lo traha hunto intensivamente pa reintegra tur persona cu ta ricibi bijstand den nos mercado laboral. Lo cuminsa enfoca primeramente riba esnan cu por traha (arbeidsgeschikt) y cu tin menos tempo den bijstand. Siguientemente lo sigui cu e grupo cu tin poco mas dificultad pa subi mercado laboral of cu tin mas tempo den bijstand. E maneho nobo aki lo drenta na vigor entrante 31 Maart, 2014. Entrante e fecha aki Departamento di Asunto Social y Departamento di Progreso Laboral lo cuminsa yuda tur esnan cu por traha, pero cu pa un motibo of otro no ta logra haya un trabou riba nan mes y pa e motibo aki ta depende di apoyo di gobierno pa por mantene nan mes. Claramente e meta aki no ta posibel sin ayudo y cooperacion di otro stakeholders importante den nos comunidad.


DIAMARS 01 APRIL, 2014

5

Parlamentario Rene Herdé

Entrada poa cada camber den turismo ta sigui crece Bon indicador di con ta bayendo cu turismo! “Loke un camber di hotel ta genera den averahe a crece di $ 127.05 pa $158.14 dollar den e periodo di 2009 pa 2013. E cifranan aki ta di AHATA. E cifra aki ta un bon indicador di cuanto turistanan ta gasta na Aruba. Nos ta contento cu e cifranan aki. Nan ta mustra e crecemento di calidad y entradanan di turismo. Nos ta contento cu e trabou duro di tur hende cu ta traha den turismo y pa turismo den un of otro forma, ta duna su fruta. Nos ta masha agradecido na nan tur!” Asina e lider di e fraccion di AVP a declara despues di a haya e analysis di desaroyo di turismo den e ultimo cuatro aña y mey, y e perpectivanan pa e añanan cu ta bin. REALIDAD Rene Herdé: “Nos ta contento cu nos ta haya e cifra y analisisnan aki pa wak di serca con turismo ta desaroya. E ta duna nos e realidad cla di con nos ta para. Turismo ta nos economia y nos mester sa unda nos ta para na tur momento. Nos ta lamenta

pesey tambe cu pa un motibo of otro, miembronan di oposicion no kier accepta e realidad cu turismo ta bay bon. Nan no ta parse di kier kere cu apesar di e crisis den mundo y den paisnan bisiña importante pa nos turismo, cu e resultadonan economico ta bon. Ta parce cu pa un motibo of otro nan kier pa cos bay malo pa Aruba. Con otro pa splica nan forma di e troce e realidad?” REVPAR For di e analisis ta saca afor cu segun tur e indicadornan importante, turismo ta bayendo bon. Un di e indicadornan importante di con ta bayendo cu turismo ta e cifranan di entrada pa cada camber. E indicador aki ta wordo yama e REVPAR. (“Revenu per available room”) E cifra aki ta indica cuanto un camber di hotel na Aruba den average ta produci cada biaha cu e wordo usa. E ultimo cifranan ta mustra cu e REVPAR pa Aruba a subi di $127.05 pa $158.14 dollar den e periodo di 2009 pa 2013. Pa hotelnan y pa gobierno e ci-

franan aki ta un di esnan mas importante pa midi con turismo ta produci. Un REVPAR mas halto ta indica entre otro cu turistanan ta gasta mas pa nan camber

y esey kier men entre otro cu Aruba ta atrae turistanan cu un capacidad di compra mas halto. Rene Herdé: “Esey ta netamente loke nos mester. Mas

turista cu ta gasta mas na tur cos na Aruba. E cifranan aki ta alentador y ta motibo pa sigui sostene e maneho nobo di turismo for di fin di 2009. Ta riba e caminda aki nos mester sigui.”

Shandra John

“Un danki na tur cu nan sosten na Arubadag 2014’

INTERUPCION DI CORIENTE En conexion cu trabaonan necesario, coriente lo wordo interumpi: diahuebs, 3 di april 2014 for di 8:00 a.m. te cu 4:00 p.m. den den vecindario di:

• Seroe Pita (un parti)

• Cashero (un parti)

• Tamarijn (un parti)

• Santa Cruz (un parti)

• Piedra Plat (un parti) Presidente di e Comision Arubadag 2014 sra. Shandra John tabatin palabra di gratitud pa tur esunnan cu a duna nan aporte na celebracion di Arubadag den Broodfabriek na Rijswijk. Den su discurso na Arubadag sra. John a bisa cu na Hulanda ta celebra e dia nacional di Aruba casi dos siman despues di 18 di maart. Mientras cu 18 di maart no ta un dia nacional na Hulanda, nos lo mester keda tene Arubadag riba un diadomingo. Foto adhunto cortesia di Nico van der Ven.

• Ayo (un parti) • Babijn (un parti)


DIAMARS 1 APRIL 2014

PAGINA 15

DIARIO

Minister Otmar Oduber durante presentacion na inversionista y entrepreneurs na Hulanda

Den 4 aña di tempo tur indicador clave di turismo a bin ta extremadamente positivo A mustra riba e importancia di turismo y y su impacto riba nos economia

ORANJESTAD (AAN): Dialuna atardi Minister Otmar Oduber tabatin e placer di dirigi su mes na un grupo grandi di inversionista y entrepreneurs

presente na Malietoren Zaal na Hulanda. Meta principal di e presentacion tabata pa mustra e importancia di turismo y su impacto riba nos economia.

E discurso di Minister Oduber a bin despues di e momento historico unda cu nos Promer Minister Mike Eman a participa den TED-x na Binnenhof. El a bisa cu turismo a bin ta e pilar di nos economia desde 1986, pero cu e ciere recien di e refineria, e impacto di industria di turismo riba nos economia a bira hopi mas tangibel. Segun e World Tourism and Travel Council, ta mustra cu turismo na 2013 a contribui cu 84% na nos GDP y cu 86% na empleo; nos isla tin e posicion number 1 na mundo den ambos categoria. “Esey ta un dependencia hopi grandi. Nos no por subestima e importancia di e industria aki. Mirando cu industria di turismo ta asina vulnerabel y asina reactivo na eventonan mundial, ta nos responsabilidad pa hacie mas sostenibel cu ta posibel”, Sr. Otmar Oduber a indica na e publico presente. Pa tal motibo na 2009 a determina pa nos ta dos stap dilanti di nos competidornan, trahando e caminda pa un desaroyo exitoso. E promer punto pa realiza tabata e transformacion di ATA for di un departamento di Gobierno den un Sui Generis, e meta aki a wordo logra na 2010 y a logra redobla e marketing dollar y a aumenta e sostenibilidad. E mandatario a mustra tambe e

varios ventaha cu Aruba ta conta cune manera ta lider den Caribe, posicionamento fuerte den e mercadonan principal, posicion geografico, facilidadnan di preclearance Mericano y wordo reconoci como un destinacion turistico di nivel halto. “Nos vision tabata di sobresali como un destinacion turistico a traves di un desaroyo sostenibel”. Minister Oduber a expresa na e invitadonan presente cu e

obhetivonan di maneho tabata inclui aumenta e cantidad y specialmente e calidad dibishitantenan pa por sigura beneficionan economico no solamente pa hotelnan,pero pa tur sector y henter comunidad, ademas di enrikece e experiencia di tanto nos bishitantenan como di nos propio hendenan. Despues di esaki Minister di Turismo a elabora riba e desaroyonan na aeropuerto, den centro di ciudad, mehoracion di nos beachnan, restauracion di nos monumentonan y e inicio di e construccion di e caretera entre Oranjestad y San Nicolas como un di e formanan pa promove inversionnan na San Nicolas. A resalta e relacion di Public Private Parnerships cu lo yega pronto na un total di 1 biyon Dollar. Continuando, el a bisa cu a inverti tambe den educacion y servicio turistico. “Nos esfuerzonan pa keda dos stap dilanti a mustra bon resultadonan te na e momentonan aki. Den 4 aña e placa cu turistanan ta laga atras a aumenta cu 21.7%, Banco Central a informa cu actividadna economico a expande cu 3.9% den GDP en terminonan real y ta atribui esaki na un crecemento fuerte den e demanda turistico. Aumento di yegadanan di bishitantenan stay-over den e ultimo 4 añanan tabata di 20.5% y di bishitantenan crucero di 13.4%. E ganashi pa camber disponibel a aumenta cu 24.7% den 4 aña y e prijs averahe pa camber di hotel a subi cu 18%. Es decir, tur e indicadornan clave di turismo tabata extremadamente positivo y a contribui grandemente na nos economia, Minister Otmar Oduber a indica.


Ata 1414