Page 1


DIABIERNA 11 APRIL , 2014

10

Aruba Meets Europe ta ‘stepping stone’

Pa logra miho posicion pa Aruba riba mercado Europeo Tur mercado di turismo di Europa pa Aruba, cu excepcion di Scandinavia, a mustra un crecemento durante di e prome kwartaal di 2014. Esaki ta e resultado di hecho cu Europeanonan a dicidi di biaha un tiki mas atrobe, di un bon planning di parti di Aruba Tourism Authority (ATA) Europa y di cambionan cu a wordo haci den inversionnan pa cu publicidad y e forma cu Aruba ta presenta su mes na e persona cu ta planeando su vacacion, asina Tirso Tromp a splica. Como “Area Director” di ATA Europa, Tirso Tromp ta actualmente na Aruba como un di e anfitrionnan di un grupo di 40 partner clave pa nos turismo procedente di e mercado aki. Aruba Meets Europe ta nomber di conferencia aki, organisa pa ATA y e partnernan local den turismo na Aruba pa e representantenan di tour operatornan y aerolinea nan Europeo. E conferencia, unda cu Aruba ta invita partnernan importante y partnernan potencial pa nos turismo pa bishita nos

isla pa haya un “first hand experience” y negocia cu partnernan local, ta tuma luga cada pasa un aña. Tirso Tromp ta splica cu na e ultimo Aruba Meets Europe a conta cu presencia di 34 participante y cu e aña aki tin 40 participante, y cu esaki ta duna un indicacion cu e situacion economico na Europa ta mehorando, e companianan aki ta habri pa haci negoshi y ta interesa den bende Aruba como destinacion turistico. Ademas, loke ta destaca ta cu e strategia nobo di Aruba pa posiciona nos isla mas halto cu resto di Caribe y diversifica e mercado, tin efectonan positivo. Tirso Tromp ta splica cu e situacion economico na Europa en general no ta bon, tin un crisis, pero Aruba a logra di cambia su strategia, posiciona e isla mas halto cu resto di Caribe y awendia ta uza e fondonan disponibel pa publicidad y mercadeo dirigi directamente na e mercado meta (target market), o sea ta mas dirigi den e compra

di publicidad y ta percura pa publicacion y cobertura ta den e medionan cu nos bishitante potencial ta lesa y wak. E ehecutivo ta añadi cu sigur na Hulanda cu e campaña nobo “Ontsnap de massa” (scapa di e multitud), nos isla ta profila su mes como un destinacion un tiki mas exclusivo y sigur mas trankilo. E campaña “Ontsnap de massa”, cu potretnan nobo y un imagen nobo, a capta atencion y hasta Aruba a gana un campaña di publicidad cune, unda cu e prome premio tabata un campaña di billboard, algo cu a yuda bon den apoya e promocion di nos isla. Tambe Aruba ta captando atencion riba Zoover.nl cu ta comparabel cu Tripadvisor. com, pero pa e mercado Hulandes y ta nomina pa e Zoover awards. Te cu dialuna, Aruba tabata den e Top 3 y ATA a yuda boost e votonan pa Aruba, animando via di aruba.com, Facebook y Twitter pa e fannan di Aruba sigui vota pa nos pais gana e premio prestigioso aki.

Esaki ta e resultado di un esfuerso combina, unda cu a reuni cu e compania di publicidad di Aruba na Hulanda y a splica nan cu Aruba mester “traha mas duro na comunica mas fuerte kico Aruba ta, pa diferencia nos mes di nos competencia aun mas,” Tirso Tromp ta comenta. Aruba ta mirando interes nobo y creciendo for di operadornan den e categoria mas halto, esta e “luxury operators” y for di paisnan manera Italia y Reino Uni, algo cu ATA ta hopi contento cune y ta prueba cu e esfuersonan pa diversifica y expande e mercado for di Europa ta dunando resultado. For di Italia y Inglatera tin tour operators presente na Aruba Meets Europe 2014 y tin bon expectativa tanto di banda di e paisnan aki como di banda di Aruba pa crea un relacion di trabao fuerte cu ta duna resultado positivo.            “E Aruba Meets Europe aki ta un bon stepping stone pa nos

posiciona Aruba mas halto ainda,” Tirso Tromp ta subraya. E ta splica cu e desaroyonan nobo tumando luga na Aruba ta atrayendo e atencion necesario y spera; renobacion y mehoracion na diferente hotel y sigur e apertura di The Ritz-Carlton ta yamando hopi atencion. Ademas di e apertura di Aruba su prome hotel di 5 strea y desaroyonan faborabel na diferente hotel y den e area di actividad y servicio, Tirso Tromp ta menciona e caya grandi renoba, e adkisicion di e tram, desaroyonan riba area di desaroyo duradero, y e desaroyo di e linear park como elementonan nobo cu ta atrae atencion nobo y ta hungando un rol den e mercadeo di Aruba como destinacion turistico.

Caminda di Cruz Pilato ta condena Hesus na morto Hesus ta tuma cruz riba su schouder stimacion cu Dios tata pa nos. El a entrega su mes Yiu pa nos. Huan Apostel ta bisa: “Asina tanto Dios a stima mundo cu El a duna nos su Yiu Unigenito, pa kende cu kere den Dje lo no bay perdi ma lo tin bida eterna. Dios no a manda su Yiu na mundo pa condena mundo, ma pa mundo haya salbacion pa medio di Dje”, Huan 3:16,17 L. Cristo a entrega su mes pa nos. T. Pa asina nos tambe entrega nos bida na sirbishi di nos rumannan.

L. Nos ta adora Bo Cristo y nos ta bendiciona Bo. T. Pasobra Bo a salba mundo pa Bo Santa Cruz. L. Pasion y morto di Cristo ta manifesta

L. Oh Señor, Bo no a duda pa sacrifica bo Yiu, pa nos haya bida. Haci pa e amor cu nos mester tin pa cu otro sea sin limite, manera esun di Bo pa cu nos. Pa medio di Cristo nos Señor. T. Amen L. Oh, Dios tene misericordia. T. Cu nos pober pecador.

L. Nos ta adora Bo y nos ta bendiciona Bo T. Pasobra Bo a salba mundo pa Bo santa cruz. L. Pa medio di Cristo Hesus Dios Tata a stima nos prome. Huan Apostel ta bisa: “Den esaki Dios su amor a manifesta su mes denter di nos, cu Dios a manda su Yiu Unigenito den mundo pa nos lo biba pa medio di Dje. Den esaki amor ta consisti: No ta nos a stima Dios, ma ta El a stima nos, y a manda su Yiu como sacrificio di reconciliacion pa nos picanan. Keridonan, si Dios a stima nos asina tanto, nos tambe mester stima otro”, 1 Huan 4:9-11 L. Cristo a entrega su mes pa nos. T. Pa asina nos tambe entrega nos bida na sirbishi di nos rumannan. L. Oh Dios, Bo a stima nos prome cu nos

por a conoce Bo. Laga pa bo amor sea e forsa cu ta guia tur nos sentimentonan. Pa Cristo nos Señor. T. Amen L. Oh, Dios tene misericordia. T. Cu nos pober pecador.


DIABIERNA 11 APRIL, 2014

11

Minister Otmar Oduber durante conferencia di AME

Pa eleva calidad di producto ta inverti den proyecto y programanan

bisa cu e no lo menciona tur e

loke ta trata contribucion na

proyecto y programanan den

nos GDP, cu un 84% y tambe

cual ta invirtiendo, pero si a

cu sector laboral, cu casi 86%.

bisa cu dentro di algun aña, e

Pesey e ta bisa cu ta com-

sector publico y priva lo a in-

prendibel cu mientras ta focus

verti cerca di un biyon den ren-

riba ofrece un experiencia di

ovacionnan, proyectonan di in-

vakantie excelente, tambe a

Minister Otmar Oduber di-

Aruba, nos ta busca eleva e

bisando cu e ta conecta e ci-

frastructura y mehoracionnan

pone metanan ambicioso pa

aranson mainta a dirigi su

calidad di nos producto y pe-

udad: museonan, monumen-

importante.

aumenta entradanan di turis-

mes na tur esnan presente na

sey a inverti asina hopi y lo

tonan y shopping ta bira mas

Como ehempel Minister Odu-

mo pa nos isla, pasobra “Tur-

e conferencia di AME (Aruba

sigui inverti den proyectonan

accesibel. “Awor cu Cultura a

ber a bisa cu AAA ta invirtien-

ismo TA nos negoshi”.

Meets Europe) caminda el a

y programanan cu ta eleva e

wordo agrega na mi portfolio,

do continuamente den su

papia riba e diferente proyec-

calidad di vida pa nos habitan-

mi ta poniendo hopi enfasis

infrastructura y servicionan y

Finalizando e mandatario a

tonan realiza, den proceso di

tenan y bishitantenan. Hacien-

den expande e experiencianan

tin planea pa inverti 300 mi-

bisa “Aruba tin un great mo-

realizacion y tambe esunnan

do esaki ta crea e oportunidad

cultural.

yon Dollar den e proximo 10

mentum. Nos ta spera cu boso

cu ta biniendo na fabor di tan-

pa bishitantenan mezcla cu

ATA y tur e stakeholders tam-

añanan pa nan por keda dilan-

bishita aki recharge boso cu

to bishitante como localnan.

localnan.

be lo promove mas como parti

ti y tambe pa responde na e

entusiasmo y energia renova.

Ademas el a enfoca riba su

Linear Park ta un bon ehempel

di e vacacion na Aruba. San

desaroyonan di e industria.

Aruba ta dunando bosonan e

vision y esun di Gabinete Mike

di con tur hende ta disfruta,

Nicolas lo bira un centro di her-

Di otro banda, mustrando e

hermentnan y ta boso opor-

Eman II en general, esta eleva

cana, jog y core bicicleta cu

encia cultural, presentando e

importancia di turismo pa nos

tunidad pa inspira y convence

calidad di Producto Aruba pa

bista riba lama.

esencia y autenticidad di e ci-

isla, Minister Otmar Oduber a

boso clientenan cu nan mester

bienestar di nos tur.

Tambe

udad y su hendenan”.

duna di conoce cu turismo a

bin Aruba pa recharge y re-en-

E mandatario a bisa cu como

menciona e proyecto di tram

Continuando e mandatario a

yega na un nivel mas halto pa

ergiza nan mes tambe”.

Minister

Oduber

a


DIABIERNA 11 APRIL 2014

PAGINA 51

DIARIO

Aruba Tourism Authority ta hopi optimista cu e mercado Europeo

Tour Operatornan hopi entusiasma pa sigui bende Aruba ORANJESTAD (AAN): Diferente mercado existente pero tambe esnan nobo den e continente Europeo ta na Aruba e siman aki pa e evento “Aruba Meets Europe” cu ATA hunto cu AHATA ta organiza cada pasa un aña. Mas o menos 40 participante for di –entre otro- agencianan di publicidad y tour operatornan ta mustrando masha in-

teres den nos isla como producto turistico pa biaheronan Europeo. Ronella Tjin Asjoe-Croes, C.E.O di Aruba Tourism Authority a splica cu e mercado Europeo ta representa 8.8% di total di bishitantenan cu ta yega nos isla. Aña pasa e mercado a cay cu 3.4% sinembargo e aña aki, apenas den e prome kwartaal, ya ta

notando un crecemento di 6.1%. “Nos mester bis’e cu hopi cautela si, pero nos ta mirando señalnan di recuperacion”, asina Ronella Tjin Asjoe-Croes a anuncia. Den esey ATA a splica cu Hulanda ta keda nos mercado mas grandi for di Europa y ey a nota un crecemento den e prome kwartaal di e aña aki cu 7.5%. E crecemento no ta limita solamente na Hulanda sino otro mercadonan tambe ta mustrando mas interes den Aruba. Mester menciona cu Scandinavia so te awor a nota un caida, aunke cu ATA tabata consciente di esaki y a inclui e caida di antemano den nan proyeccionnan caba. “Mi tin cu bisa cu e aña a cuminsa bon, retonan ta sigui, pero e mercado semper a keda stabiel. E ta un mercado atractivo, Europeonan ta keda un averahe di mas dia ora nan bin di vakantie y como tal e ta un mercado importante pa nos”, asina

Ronella Tjin Asjoe-Croes a enfatisa. E Presidente y C.E.O. di AHATA, James Hepple, a sigura cu e mercado Europeo ta mustrando crecemento remarcabel. Hopi turista for di Europe, specialmente Honey Mooners, ta combina un vakantie na Florida (USA) cu Aruba. Pa e mercado di Alemania, AHATA ta remarca cu Aruba ta haciendo esfuerso pa atrae e bishitantenan. “. “Manera tur hende por nota, nan tin un economia hopi fuerte, pues locual nos mester di eynan ta airlift y nos ta trahando duro riba dje. Alemania ta un mercado cu hopi potencial”, asina James Hepple a duna di conoce. Gobierno di Aruba, por medio di Minister di Turismo, Otmar Oduber, a mustra su satisfaccion pa e trabao cu ATA ta desplegando y con, apesar di e retonan economico na Europa, cu toch nos a logra mantene un stabilidad den cantidad di turistanan yegando for di e continente Europeo y hasta un crecemento. Minister Otmar Oduber ta contento cu Aruba Tourism Authority ta sigui mantene un bon relacion cu operadornan na Europa, den un esfuerso pa nan manda mas turista pa nos isla. Durante Aruba Meets Europe ta un tremendo oportunidad pa expone nos avancenan, e inversionnan miyonario haci den nos

infrastructura, den mehora e producto turistico y sin lubida apertura di Ritz Carlton riba nos isla. Ta cambionan positivo cu nos mester mustra na tur e participantenan, cu ta esunnan cu mester bay bende nos isla como destinacion turistico den nan pais. Harry Rowe di e agencia Black Tomato cu ta promove Aruba na Inglatera a bisa di a keda masha impresiona cu nos beachnan, calor di nos hendenan y siguridad cu nos isla ta brinda nos turistanan. Ta e prome biaha cu e ta bishitando nos isla y ta regresa awor cu masha bon experiencia, cla pa sigui promove nos destinacion como atraccion turistico den Caribe pa e mercado Ingles. Matteo Bolognesi di e agencia Eden Viaggi for di Italia a conta cu e atraccion principal di Aruba pa e mercado Italiano ta nos beachnan, specialmente pa e “honey mooners” cu kier relaha y pasa un bon vakantie. Aruba Meets Europe a cuminsa diamars atardi y lo sigui te cu diasabra mainta. Aruba Tourism Authority ta contento cu e participacion, debi cu a bin mas hende cu dos aña pasa. Hopi di e participantenan ta na Aruba pa prome bes, pues lo regresa nan pais cu hopi informacion y un bon experiencia riba nos isla, cu awor nan lo mester bay conta otronan y convence nan pa bin Aruba pa pasa vakantie.


PAGINA 72

DIABIERNA 11 APRIL 2014

DIARIO

Remitido

Oracion pa awe: Mi Dios, yuda mi ta amabel den mi trato na cada persona cu awe Abo pone riba mi caminda di bida, p’asina bo palabra bira concreto y visibel.

Directiva di Centro di Bario Playa Pabao ta cumpli du e tristo deber di anuncia fayecimento di

Tesencio Reinaldo Luis Vingal Fundador y promer presidente di nos organisacion Nos ta desea su esposa Bertha y demas famia hopi forsa den e dianan dificil aki Luisito, sosega na pas

Specialista den seguro di entiero

Presenta pa: (297) 582-4427 info@onderlingehulp.com

Den nomber di Rev. Pastoor Daniel W. Szoila, CSMA, nos ta haci un invitacion pa un Santo Sacrificio di Misa pa nos Grandi y Enfermonan manera ya a bira un tradicion na nos Misa Birgen di Fatima Dakota. Nos ta haci un jamada na yiunan, nieto-, nietanan pa trece nos Grandi-, Enfermonan na e Santo Sacrificio di misa aki. Dia: 21 di april 2014 Hora: 9’or di mainta Misa: Misa di Fatima na Dakota. Rumannan laga nos bini hunto pa nos entrega nos enfermdadnan na pia di Cruz di Hesus Cristo y gradici’e pa tur e gracianan y e bendicionnan recibi. Ban keda medita riba e pasion, morto y resureccion di nos Salvador Hesu Cristo. Cu nos dushi Mama Maria keda intercede pa nos cerca su yiu.

Den bo man mi ta entrega mi spirito: Bo ta salba mi, Senjor, Dios di berdad! Salmo 31:5

Condolencia na Famia Thedora Cu fayecimento di

Nota di Pesame

Jeronima Iris Thielman Theodora

Cu profundo tristesa staf y personal di Maria Goretti College a tuma nota di fayecimento di;

Fecha nacemento 20 Juli 1940 Fayece 4 april 2014 na Bonaire

Juf. Margo Croes Na bida ex-cabesante di Maria Goretti College, Paradera. Nos ta desea famia hopi forsa den e momentonan dificil aki. Cu Juf. Margo drumi dushi den brasa di señor.

Experience Lodge No.1 and Bath Sheba Chapter No.1 ta participa fayecimento di

Venerable Sylvan Paul Tur miembro ta invita pa asisti na e ceremonia di entiero pa 10.30 na Temple di Lodge

Na bida ruman di nos miembro - peningmeester y hungador di F.C.Roma Pedro Theodora mihor conoci como Patchie E defunto a biba na Aruba tambe na Wayaca bisiña di Papito Comenencia Cu Dios descansa su alma y duna forza na e famia. Di parti di miembronan di F.C. Roma.

Quality Appliances & Airconditioning Repair & Service N.V. Den nomber di staff y personal di Quality Appliances, nos ta anuncia cu profundo tristeza na nos curazon noticia di fayecimento di

Sr. Sylvan Paul (na bida tata di nos colega Fabian Paul) Nos ta desea su famia hopi forza den e dianan venidero.

Pa avisonan di morto

morto@diario.aw

Cu st. Paul sosega na paz den reino di Señor. Alaves nos kier a avisa nos clientela cu Diabierna dia 11 di April nos lo ta habri di 8’or te cu 1’or di merdia.

Aruba mester adapta na e turistanan cruzando Sasakiweg na pia? Awo si ta bon nos! Nos na Aruba mester cambia full nos sistema di trafico pasobra “algun turista” ta dicidi di cruza caya na un manera iresponsabel na altura di SuperFood Sasaki?? Mi ta kere cu e gerencia di e hotelnan den e vecindario aki mester mustra nan huespednan cu e caminda aki ta un “highway” y cu ta sumamente peligroso pa crusa e caya aki, comosifuera e ta igual cu un di e cayanan no mucho druk den Playa nan ta crusa. Ami sigur lo no para pa ningun hende of baha velocidad pa permiti hende crusa aki poniendo mi mesun seguridad na peliger door di expone mi mes na e riesgo di worde gedal di patras pa otro vehiculonan cu ta transita ariba e caya di trafico di 80 km pa ora aki. Ta e bishitantenan mester cumpli cu nos reglanan y no cu ta anos cada biaha mester cambia nos reglanan pa nan. Gerencia di La Cabana y Tropicana mester informa nan huespednan cu si nan kier cruza anto nan mester hasi esaki na e luznan di trafico cu ta keda un tiki mas pariba di e lugar na unda nan ta cruzando. Si cuminsa para y duna nan chens di crusa anto esaki por bira un mal costumber y nan lo cuminsa subi caminda sperando cu trafico lo mester para pa nan y corda cu ta un “highway” esaki ta. Un Automobilista.

Asistencia pa tiramento di piedra ORANJESTAD (AAN): Relaciona, cu tin poco tirado di piedra den vecindario di Caya Danza, central di polis a despues di a ricibi e yamada a dirigi polis di Noord den e direccion menciona. Den area di “Taco Bell” polis a topa dos mucha homber cual nan descripcion ta cuadra cu e informe suministra di parti central di polis. Ambos hoben a wordo debidamente atendi pa e patruya. Nan a declara di ta bay direccion di Moomba beach pa bay landa y nan a wordo cori for di e sitio.


Pagina 19

Diabierna 11 April 2014

Noticia Local Mas interes di operadornan di tour for di Europa

ARUBA TOURISM AUTHORITY HUNTO CU AHATA TOPANDO CU MAYORISTANAN DEN "ARUBA MEETS EUROPE" Pa di 23 aña dirigentenan di turismo di Aruba ta topa cu mayoristanan for di e continente Europeo, conoci como "Aruba Meets Europe". E reunionnan a inicia dialuna atardi mientras cu e intencion ta pa sigui te cu diasabra. Un total di 40 participante a yega for di Hulanda, Alemania, Italia, Inglatera, Finlandia, Dinamarca, Suecia, Austria, Belgica, Irlanda y Spaña. Tirso Tromp, gerente di e continente Europeo pa ATA a duna di conoce cu Europa ta saliendo for di retonan economico y asina tin mas oportunidad pa turismo pa nos isla. Mientras cu varios aerolinea a cuminsa papia di cambio di avion pa acomoda mas asiento pa Aruba y otronan ta aumenta vuelonan, tur cos ta mustra cu e aña aki nos lo por conoce un aumento. Esaki tambe ta mustra den e cifranan pa 2014 te cu luna di Maart, na unda Europa a aumenta cu 6.14% den turismo pa nos destinacion. Durante "Aruba Meets Europe" lo probecha bishita di e 40 participantenan pa mustra nan e cambionan cu tin riba nos isla, entre otro e esfuerzonan pa embeyece centro di ciudad, nos tram pa mobiliza turistanan, Linear Park y asina por sigui menciona. Aruba kier mustra e participantenan di AME kico tur ta haciendo pa nos hisa e calidad di nos producto turistico. Diamars anochi e delegadonan a wordo yama un caluroso "bonbini" cu un recepcion na Divi Aruba Phoenix Beach Resort. Diarazon

mainta e reunionnan oficial a inicia na Rennaissance Convention Center, den cual por a aprecia Ronella Tjin Asjoe-Croes, C.E.O di ATA cu un discurso masha elocuente pa tur e participantenan. Minister Otmar Oduber tambe tabata presente y a hiba palabra na e ocasion aki. Merdia e eventonan a sigui na Radisson Aruba Resort y despues nan a bay riba un asina yama 'site inspection’ di varios hotel. Despues di un dia interesante yena cu reunion y inspeccion di hotelnan, e participantenan a disfruta di un recepcion bon organiza na Hyatt Regency y despues pa nan sigui disfruta cocktails na Sopranos.

Ata 11414