ANNO XVIII NUMERO 12 ● dicembre 2012 (153)
Il alto: Albero augurale di Natale allestito dall’Amministrazione Comunale di Saviano in località ’Ncoppa Viamonte, nel sito che fino al febbraio scorso era quello del mitico “Frasso”. Obiettivo Saviano esprime alle istituzioni pubbliche locali, e alla cittadinanza tutta, auguri di serene festività natalizie e d’un anno nuovo fecondo di pace e d’ogni bene. ■
P O E S I A NOTTE ’E NATALE Notte ’e Natale nasce ’o Bammino ih quanto vale luce ’e stellina! ’Sti lampadine tutte appicciate, chillu cammino mo s’’è schiarato. Stélla cometa segnata ’a via, te dice ’a meta, lla nasce Ddio. ’Stu piccerillo ommo s’è fatto: è comm'a cchillo chistu ritratto. Sìmmele a nuje «chistu guaglióne»: nun se ne fuje rumróre ’e truóno. Chillu delóre l'ha suppurtato,
N AT A L I Z I A stette tre ore ’ncroce 'nchiuvato. Nu sciammo ’e sango scorre ’stu iuórno, pietà ca manca ’nfucato ’o furno. Ggente nun sente Vinto sciusciato Chi vatte ’e diénte Chesta nuttata.
D I
G I O V A N N I
E passanno ’e nnuttate chelli ccose vedute: cuórpo stritto cu n'ato pe ’stu friddo sentuto. ’A putéca 'nzerrata mo Giuseppe ’ha tenuto: ’o llignammo tagliato maje ’na porta fernuta.
’O PRESEPE MORENTE
Chella seca fermata ’o silenzio sentuto: nun se sente ’a cantata chistu iuorno venuto.
E Natale è turnato ’o Bambino è nasciuto, quanno chisto è passato vide ’e fа ’na fujuta.
’A paciénza arrossata mo Giuseppe ’ha tenuto: d’’o destino assegnato se n’è proprio futtuto.
`Na figlióla ’mprenata ’a chist'ommo patuto, chillu cuórpo acchiappato sotto ê mmane è fernuto. Se ne fanno’mpastate pe ’stu ppane cresciuto! ’E ppanelle ’nfurnate dinto ô furno arrustute.
Senza latte è restato ’stu criaturo nasciuto: va cercanno a ’stu pate; forte siente ’a chiagnuta. CU TTANTA ZAMPUGNARE... Cu ttanta zampognare nun nc’è chi fa ’a nuvena:
T A U F E R
’stu fatto costa caro perció nisciuno ’o tene. Pe ffà ’sta funziona Ll’hê ’a tènere ’int'ó core: Si manco te n'adduone che ffaje po pe cca ffora?! Te suonne ’stu mumento ca nasce lu Bammino, si guarde e tiene mente vide ch'èи n'ammuina. E fanno sempe chesto: se pigliano ll'annóre, a chi niente le resta ’stu pаrpeto ’int'ó core. E dint’ó core niente ’sta voce ch'è abbrucata: ’Nu sacco de lamiénte ’stu fatto maje scurdato. E mo Natale vene e nasce lu Bammino, e chi ne’ ’a fa ’a nuvena? Chi ’o vede stu matino? (Dal volume ’E surche attorno all’anema, Marzo 2012. pp. 121-122, 140;141-142)■