Page 1

ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ ᐅᖃᓕᒪᒐᖅ

ᓄᓇᕗᒻᒥ ᐱᕙᓪᓕᐊᑎᑦᑎᔨᐅᔪᑦ ᑮᓇᐅᔭᑎᒍᑦ ᑲᑐᔨᖃᑎᒌᖏᓐ ᐊᕿᓱᕐᑕᑦ ᐅᑯᓇᖓᓐ ᓄᓇᕗᒻᒥ ᐱᕙᓪᓕᐊᑎᑦᑎᔨᐅᔪᑦ ᑮᓇᖑᐅᔭᑎᒍᑦ ᑲᑐᔨᖃᑎᒌᖏᓐ


ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ: ᐅᖃᓕᒪᒐᖅ

ᐃᓗᐊᓂᑐᑦ ᓱᑯᑦᑎᐊᓂᓐᓂᖏᓐ ᑐᑭᖏᑦ ᓇᐃᓈᖅᑕᐅᓯᒪᔪᑦ................................................................................................................4 ᓇᓗᓇᐃᖅᓯᒍᑎᖓ..............................................................................................................................5 ᑎᑎᖅᑲᖅ ᐊᖓᔪᖅᑳᖓᓐᓂ ᓄᓇᕗᑦᒥ ᑭᓇᐅᔭᑎᒍᑦ ᐱᕙᓪᓕᐊᑎᑦᑎᔨᐅᔪᑦ ᑲᑐᔾᔨᖃᑎᒌᖏᑦ..........................................................................................................................5 ᑭᓲᕙ ᐅᖃᐅᓯᓕᕆᓂᕐᒧᑦ ᐱᖁᔭᖅ?...............................................................................................7 ᓇᑭᙶᖅᓯᒪᓪᓚᕆᓐᓂᖓ ᓄᓇᕗᒻᒥ ᐅᖃᐅᓯᓕᕆᓂᕐᒧᑦ ᒪᓕᒐᖏ.............................7 ᐃᓕᓴᕆᔭᐅᓯᒪᔪᓄᓐ ᐅᖃᓯᕐᓄᓐ ᐱᖁᔭᖅ........................................................................11 ᐃᓄᐃᑦ ᐅᖃᐅᓯᖓᓐᓂ ᓴᐳᔾᔨᓂᕐᒧᑦ ᐱᖁᔭᖅ................................................................11 ᓱᒻᒪ ᓄᓇᕗᑦ ᐱᔭᕆᐊᖃᓚᐅᖅᑲ ᐅᖃᐅᓯᓕᕆᓂᕐᒧᑦ ᐱᖁᔭᕐᒥᑦ?......................................13 ᑭᒃᑯᓐᓄᑦ ᐱᖁᔭᖅ ᑐᕋᖓᓂᖃᖃ?..............................................................................................15 ᐱᓗᐊᕐᓗᒋᑦ ᐱᔨᑦᑎᕈᑏᑦ........................................................................................................15 ᖃᓄᐃᒍᑎᖃᓗᐊᖏᑐᑦ ᒪᓕᒐᕐᓄᓐ....................................................................................16 ᑕᐃᒪᓕ ᖃᓄᐃᓕᐅᕆᐊᖃᖁᖓ ᒪᓕᑦᑎᐊᕈᓐᓇᕐᓂᐊᕋᒪ.....................................................17 ᒪᑯᐊ ᐃᓄᑦᑎᑐᓕᕆᐊᖃᓪᒪᕆᑦᑐᑦ

. .................................................................................17

ᓇᐃᓇᕐᓯᒪᓪᓗᑎᒃ ᑭᓲᓂᖏᓐ ᑐᑭᓕᐅᕐᑕᐅᔭᕆᐊᓖᑦ.............................................18 ᐊᕿᓱᐃᓂᖅ ᐅᖃᐅᓯᕐᒥ ᐸᕐᓇᐅᑎᓕᐅᕐᓂᕐᒧᓐ: ᑕᒪᓐᓇᓕ ᐅᖃᐅᓯᕐᒧᓐ ᐸᕐᓇᐅᑎᒧᓐ ᑭᓲᕙ, ᐊᒻᒪᓗ ᖃᓄᖅ ᓴᖀᔪᓐᓇᖁᖓ?.........................19 ᓱᒻᒪᓪᓕ ᐅᕙᖓ ᐊᑲᐅᓴᖏᒐᓱᒍᓐᓇᖁᖓ? ............................................................................21 ᓇᒻᒥᓂᖁᑎᖃᕐᑑᑉ ᐊᑐᕈᓐᓇᕐᑕᖏᓐ ᒪᓕᒋᐊᖃᕐᓂᕐᒧᓐ...............................................21 ᐃᓅᓯᕐᒧᓐ ᐱᔪᑎᖃᕐᓂᕐᒧᓐ ᒪᓕᓐᓂᖅ...............................................................................21 ᑕᐃᒪᓕ ᐃᑲᔪᕐᑕᐅᔪᓐᓇᖁᖓ ᒐᕙᒪᒃᑯᓐᓂᓐ ᒪᓕᒍᓐᓇᕐᓂᐊᕋᒪ?......................................23 ᑕᐃᒪᓕ ᓱᒐᔭᖃ ᒪᓕᓐᓂᖏᑯᒪᓐ?...............................................................................................24 ᐊᑲᐅᓴᖏᑐᑉ ᐊᑐᕆᐊᖃᕐᑕᖏᓐ.........................................................................................24 ᖃᓄᐃᓕᖓᑎᑦᑎᒋᐊᕈᓐᓇᕐᓂᐅᔪᖅ ᒪᓕᑦᑐᒍ ᒪᓕᒐᖅ..................................................26 ᐃᓚᑲᓐᓂᖏᓐ A: ᖃᐅᔨᒋᐊᕐᕕᐅᔪᓐᓇᕐᑐᑦ ᐊᒻᒪ ᐊᑐᕐᑕᐅᒋᐊᕈᓐᓇᕐᑐᑦ...........................27

ᐊᔾᔨᓕᐊᕆᔭᐅᔪᑦ 2015 ᓄᓇᕗᑦᒥ ᑭᓇᐅᔭᖃᕐᑎᑦᑎᓂᕐᒧᓐ ᐱᕙᓪᓕᐊᑎᑦᑎᓂᐅᔪᑦ ᑲᑐᔾᔨᖃᑎᒌᑦ

ᐋᖅᑭᓱᖅᑕᐅᔪᑦ ᐃᑲᔪᖅᑕᐅᓪᓗᑎᑦ ᐋᕐᓗᒃ ᐱᓕᕆᔨᖏᓐᓂᓐ ᓄᓇᕗᑦᒥ ᑭᓇᐅᔭᖃᕐᑎᑦᑎᓂᕐᒧᓐ ᐱᕙᓪᓕᐊᑎᑦᑎᓂᐅᔪᑦ ᑲᑐᔾᔨᖃᑎᒌᑦ ᖁᔭᓐᓇᒥᕈᒪᕗᑦ ᓄᓇᕗᑦ

3

ᒐᕙᒪᒃᑯᖏᓐᓂᒃ ᐃᓕᖁᓯᓕᕆᔨᑯᓐᓂᒃ ᐊᒻᒪᓗ ᐱᕙᓪᓕᐊᔪᓕᕆᔨᓂᓐ ᐃᖏᕋᔪᓕᕆᔨᓂᒃ ᐃᑲᔪᕐᑐᐃᓂᖏᓐᓂᒃ ᑭᓇᐅᔭᖃᕐᑎᑦᑎᓂᒃᑯᑦ

­—


ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ: ᐅᖃᓕᒪᒐᖅ

ᑐᑭᖏᑦ ᓇᐃᓈᖅᑕᐅᓯᒪᔪᑦ ᐅᑯᐊ ᐊᑐᐃᓐᓇᐅᑎᑕᐅᕗᑦ ᓇᓗᓇᐃᖅᓯᓂᖏᑦ ᓇᐃᓈᖅᑕᐅᔪᓂᑦ ᐊᑐᖅᑕᐅᔪᑦ ᑕᕝᕙᓂ ᐅᖃᓕᒫᒐᓕᐊᒥ. ᓇᐃᓈᖅᓯᒪᓂᖓ

ᑐᑭᖓ

GN

ᓄᓇᕗᑦ ᒐᕙᒪᖓ

ILPA

ᐃᓄᐃᑦ ᐅᖃᐅᓯᖏᓐᓂᑦ ᓴᐳᔾᔨᓂᕐᒧᑦ ᐱᖁᔭᖅ

NEDA

ᓄᓇᕗᑦᒥ ᑭᓇᐅᔭᑎᒍᑦ ᐱᕙᓪᓕᐊᑎᑦᑎᔨᐅᔪᑦ ᑲᑐᔾᔨᖃᑎᒌᖏᑦ

NWT

ᓄᓇᑦᓯᐊᖅ

OLA

ᐃᓕᓴᕆᔭᐅᓯᒪᔪᒧᓐ ᐅᖃᐅᓯᕐᒧᓐ ᐱᖁᔭᖅ

OLC

ᐊᓪᓚᕕᐊ ᐅᖃᐅᓯᓕᕆᔨᒃᑯᑦ ᑲᒥᓯᓇᖓ

ᓇᓗᓇᐃᖅᓯᒍᑎᖓ ᑎᑎᖅᑲᖅ ᐊᖓᔪᖅᑳᖓᓐᓂ ᓄᓇᕗᑦᒥ ᑭᓇᐅᔭᑎᒍᑦ ᐱᕙᓪᓕᐊᑎᑦᑎᔨᐅᔪᑦ ᑲᑐᔾᔨᖃᑎᒌᖏᑦ ᖁᕕᐊᓱᑉᐳᖓ ᓴᖅᑭᑎᑦᑎᔭᕆᐊᔅᓴᖅ ᐃᓚᒋᔭᐅᔪᑎᓕᖁᑎᑦᑎᓐᓄᑦ ᐊᑐᕆᐊᓕᑦᑎᓐᓂᑦ ᒪᓕᓐᓂᕐᒧᑦ ᓄᓇᕗᑦ ᐅᖃᐅᓯᓕᕆᓂᕐᒧᑦ ᐱᖁᔭᖓᓂᑦ. ᑖᓐᓇ ᐃᓄᐃᑦ ᐅᖃᐅᓯᖓᓐᓂ ᓴᐳᔾᔨᓂᕐᒧᑦ ᐱᖁᔭᖅ ᐊᒻᒪᓗ ᓄᓇᕗᑦᒥ ᐅᖃᐅᓯᓕᕆᓂᕐᒧᑦ ᐱᖁᔭᖅ ᐊᔾᔨᐅᖏᒻᒪᕆᑉᐴᒃ ᐊᒻᒪᓗ ᐱᒻᒪᕆᐅᑎᑦᑎᓪᓗᑎ ᐋᖅᑭᓱᖅᓯᒪᓂᖓᓄᑦ ᒪᓕᒐᐅᑉ, ᓇᓗᓇᐃᖅᓯᓪᓗᓂ ᖃᓄᖅ ᑐᓴᖃᑦᑕᐅᑎᕙᒻᒪᖔᑦᑕ, ᒐᕙᒪᓕᕆᓂᕐᒧᑦ ᐊᒻᒪᓗ ᓇᒻᒥᓂᖃᕐᓂᕐᓕᕆᓂᕐᒧᑦ ᓄᓇᕗᑦᒥ. ᑭᓯᐊᓂ ᑕᐃᒪᙵᓂᑦ ᑖᒃᑯᐊ ᐱᖁᔮᒃ ᐊᓂᒍᖅᑎᑕᐅᓚᐅᖅᓯᒪᒐᓗᐊᖅᑎᓪᓗᒋᑦ, ᐊᒥᓱᑦ ᐃᓄᐃᑦ - ᓇᒻᒥᓂᓖᑦ, ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ, ᐊᒻᒪᓗ ᐊᒥᓱᑦ ᓱᓕ ᑕᒪᔅᓱᒥᖓ ᐊᑐᓕᖅᑎᑦᑎᔭᕆᐊᓕᐅᒐᓗᐊᑦ ᐱᖁᔭᖅᒥ - ᐊᐱᖅᓱᖃᑦᑕᖅᓯᒪᕗᑦ ᖃᓄᐃᓕᐅᖓᓪᓚᕆᒃᑲᓗᐊᕐᒪᖔᑕ, ᑭᓱᓂᑦ ᐊᑐᕆᐊᖃᕐᒪᖔᖅ, ᐊᒻᒪᓗ ᖃᖓ ᐊᑐᓕᖅᑎᒋᐊᖃᕐᒪᖔᑕ. ᓂᕆᐅᓇᖅᑑᒐᓗᐊᖅ ᑖᓐᓇ ᑎᑎᕋᖅᑕᐅᓯᒪᔪᖅ ᓇᓗᓇᐃᓯᔪᑕᐅᒍᓐᓇᓂᐊᕐᖓᑦ ᐊᒥᓱᓄᑦ ᐊᐱᖅᑯᑎᐅᔪᓄᑦ, ᐊᒻᒪᓗ ᐊᑐᐃᓐᓇᐅᑎᑦᑎᓗᓂ ᐃᓕᓐᓂᒃ ᖃᐅᔨᒋᐊᖅᕕᐅᔪᓂᑦ ᐊᒻᒪᓗ ᐃᑲᔪᕈᑎᔅᓴᐅᒍᓐᓇᖅᑐᓂᑦ ᐊᐱᖅᑯᑎᔅᓴᖃᒃᑲᓐᓂᕐᓂᕈᔅᓯᓘᓐᓃᑦ ᐅᕝᕙᓘᓐᓃᑦ ᑐᑭᓯᒋᐊᒃᑲᓐᓂᕈᒪᒍᔅᓯ. ᖃᓄᐃᓕᐅᕐᓂᕆᒋᐊᖃᖅᑕᕗᑦ ᑲᑐᔾᔨᖃᑎᒌᖑᓪᓗᑕ, ᐃᑲᔪᖅᓱᐃᓗᑕ ᐊᒻᒪᓗ ᐱᕙᓪᓕᐊᑎᑦᑎᒐᓱᐊᕐᓗᑕ ᒪᑭᒪᓇᓱᐊᕈᑎᔅᓴᓂᑦ. ᑖᓐᓇ ᑕᑯᓐᓇᖅᑐᒍ, ᐅᖃᐅᓯᓕᕆᓂᕐᒧᑦ ᐱᖁᔭᖅ ᐃᓱᒫᓗᑎᖃᖅᑐᖅ ᐊᑦᑐᐊᔪᒧᑦ ᐱᖅᑯᓯᕐᓄᑦ, ᑕᐃᒃᑯᓄᖓ ᐱᒍᒪᓇᓱᐊᕐᓂᐊᖅᑐᓄᑦ ᐊᒻᒪᓗ ᓇᒻᒥᓂᓕᖁᑎᑦᑎᓐᓄᑦ. ᖃᐅᔨᒪᒐᓗᐊᖅᑐᒍᑦ, ᑭᓯᐊᓂ, ᑕᒪᓐᓇ ᐱᕙᓪᓕᐊᔪᓕᕆᓂᕐᒨᖓᔪᖅ ᓄᓇᕗᑦᒥ ᐊᑦᑐᐃᓂᖃᒻᒪᕆᒻᒪᑦ ᖃᓄᐃᙱᑦᑎᐊᕋᓱᐊᕆᐊᖃᕐᓂᑎᓐᓂ ᐊᒻᒪᓗ ᖃᓄᐃᙱᑦᑎᐊᕆᐊᖃᕐᓂᖏᓐᓂᑦ ᓄᓇᓕᒥᐅᑕᐅᔪᑦ; ᐃᒻᒪᖄ ᑲᓇᑕᓕᒫᒥ ᓇᒻᒥᓂᓕᖁᑎᓖᑦ, ᒐᕙᒪᖏᑦ, ᑮᓇᐅᔭᓕᐅᕋᓱᐊᖅᑎᐅᒐᑎ ᑲᑐᔾᔨᖃᑎᒌᖏ ᐊᒻᒪᓗ ᐱᖅᑯᓯᓕᕆᓂᕐᒧᑦ ᐃᖅᑲᓇᐃᔭᖅᑎᖏᑦ ᑲᑎᙵᓂᖃᓗᐊᙱᑦᑐᑦ ᐊᑦᑐᐊᔪᓄᑦ ᐃᓚᒌᓄᑦ ᐊᒻᒪᓗ ᐱᖅᑯᓯᕐᓄᑦ. ᐅᖃᐅᓯᖓ ᓄᓇᕗᑦᒥ, ᐃᓄᐃᑦ ᐅᖃᐅᓯᖓ, ᐱᒻᒪᕆᐅᕗᖅ ᐱᖅᑯᓯᖓᓄᑦ ᐃᓄᐃᑦ. ᑲᑎᒍᑕᐅᓪᓗᓂ ᐃᓄᓐᓄᑦ ᐊᒻᒪᓗ ᓄᓇᓕᒥᐅᓄ, ᐅᕙᑦᑎᓐᓂ ᓇᓗᓇᐃᖅᓯᕗᖅ ᑭᓇᐅᓂᑦᑎᓐᓂ, ᐊᒻᒪᓗ ᐊᔾᔨᐅᖏᑎᑦᑎᒻᒪᕆᑦᑐᓂ ᑲᓇᑕᓕᒫᒥ. ᐅᖃᐅᓯᓪᓗᐊᑕᕆᔭᐅᓪᓗᓂ ᐱᓕᕆᕕᓪᓗᐊᑕᐅᔪᓄᑦ; ᐊᒻᒪᓗ ᐃᓚᖏᓐᓄᑦ ᐱᓕᕆᕕᐅᔪᓄᑦ - ᐳᓚᕋᒃᑐᓕᕆᓂᕐᒧᑦ, ᐃᖏᕐᕋᔪᓕᕆᓂᕐᒧᑦ, ᑐᔪᕐᒥᕕᓕᕆᓂᕐᒧᑦ, ᓴᓇᙳᐊᖅᑐᓕᕆᓂᕐᒧᑦ ᐊᒻᒪᓗ ᐋᖅᑭᓯᒍᑕᐅᓯᒪᓪᓗᓂ ᓄᓇᕗᑦᒥ ‘ᓴᓇᔭᐅᓯᒪᔪᖅ’. ᑖᒃᑯᐊ ᐱᔾᔪᑎᐅᔪᑦ ᐱᔾᔪᑎᒋᓪᓗᒋᑦ, ᐱᒻᒪᕆᐅᕗᖅ ᑕᒪᓐᓇ ᑐᑭᓯᐅᒪᑦᑎᐊᕐᓗᒍ ᓇᑭᙶᕐᓂᕆᓯᒪᔭᖓ ᐊᒻᒪᓗ ᐋᖅᑭᒃᑕᐅᓯᒪᔪᑦ ᐱᖁᔭᖅᒧ, ᐊᒻᒪᓗ ᓇᓗᓇᖖᒋᑦᑎᐊᕐᓗᑎᑦ ᖃᓄᐃᓕᐅᖅᑕᐅᔭᕆᐊᓖᑦ ᐊᒻᒪᓗ ᖃᓄᐃᓕᐅᕈᑕᐅᒍᓐᓇᖅᑐᑦ ᐱᖁᔭᕐᒧᑦ.

— 5 ­—


ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ: ᐅᖃᓕᒪᒐᖅ

ᑖᒃᑯᐊ ᑎᑎᖅᑲᓕᐊᕆᔭᐅᓯᒪᔪᑦ ᐃᓕᓐᓂᒃ ᑭᐅᔪᓐᓇᖁᓇᐅᔫᒐᓗᐊᑦ ᓄᑖᒧᑦ ᐱᖁᔭᕐᒧᑦ ᐊᐱᖅᑯᑎᒋᔭᕐᓄᑦ: ᐊᒻᒪᓗ ᐊᑐᐃᓐᓇᐅᑎᑦᑎᒍᓐᓇᑎᐊᕐᓗᓂ ᐊᑐᖅᑕᐅᒍᓐᓇᖅᑐᓂᑦ ᖃᐅᔨᒋᐊᖅᕕᔅᓴᐅᔪᓂᑦ ᑖᒃᑯᐊ ᐱᔨᑦᑎᖅᑕᑎᑦ ᑐᑭᓯᒋᖃᕈᑎᔅᓴᑲᓐᓂᖏᓐᓄᑦ ᐊᒻᒪᓗ ᐃᑲᔪᖅᓱᐃᒍᑎᔅᓴᖏᓐᓄᑦ. ᐊᑐᕈᓐᓇᖅᑕᐃᑦ ᖃᓄᑐᐃᓐᓇᖅ; ᓇᒻᒥᓂ ᑐᑭᓯᒋᐊᕈᑎᔅᓴᓐᓄ, ᐅᕝᕙᓘᓐᓃᑦ ᑲᑎᖃᑎᖃᕐᓂᐊᕈᕕᑦ ᐅᕝᕙᓘᓐᓃᑦ ᐃᓕᓐᓂᐊᑎᑦᑎᒍᑎᔅᓴᓂᑦ ᐱᓕᕆᑎᑦᑎᓂᐊᕈᕕ ᓄᓇᓕᔅᓯᓐᓂ. ᐊᒻᒪᓗ ᖃᐅᔨᑲᕐᑕᐅᓗᑕ ᖃᓄᖅ ᐃᓱᒪᒻᒪᖔᖅᐱᑦ: ᑐᓴᕈᒪᐃᓐᓇᖅᑯᒍᑦ ᐃᓕᔅᓯ ᐅᖃᐅᓯᔅᓴᖏᓐᓂ!

ᑭᓲᕙ ᐅᖃᐅᓯᓕᕆᓂᕐᒧᑦ ᐱᖁᔭᖅ? ᓇᑭᙶᖅᓯᒪᓪᓚᕆᓐᓂᖓ ᓄᓇᕗᒻᒥ ᐅᖃᐅᓯᓕᕆᓂᕐᒧᑦ ᒪᓕᒐᖏ ᑖᒃᑯᐊ ᖃᓄᐃᓐᓂᐅᓯᒪᓕᖅᑐᑦ ᒪᕐᕉᓐᓂᒃ ᐅᖃᐅᓯᓕᕆᓂᕐᒨᖓᔪᑦ ᓄᓇᕗᒻᒥ:1

ᑮᑦ ᑰᓕᐊᐃ ᐊᖓᔪᖅᑳᖅ, ᓄᓇᕗᑦᒥ ᑭᓇᐅᔭᖃᕐᑎᑦᑎᓂᒃᑯᑦ ᐱᕙᓪᓕᐊᑎᑦᑎᔨᐅᔪᑦ ᑲᑐᔾᔨᖃᑎᒌᖏᑦ

ᐅᓪᓗᖓ

ᖃᓄᐃᓕᐅᕐᓂᖏᑦ

ᐊᐃᐳᕉᓪ 1st, 1999

ᓄᓇᕗᑦ ᐱᓪᓗᓂ ᓄᓇᑦᓯᐊᖅ ᐅᖃᐅᓯᓕᕆᓂᕐᒧᑦ ᐱᖁᔭᖓᓂ.

ᓅᕖᕙ 1999

ᐄᕙ ᐋᕆᐊᖅ ᓯᕗᓪᓕᖅᐸᐅᓪᓗᓂ ᐅᖃᐅᓯᓕᕆᓂᕐᒧᑦ ᓄᓇᕗᒻᒥ ᑲᒥᓯᓇᖓᓄᑦ ᑎᒃᑯᐊᖅᑕᐅᓪᓗᓂ.

ᐅᑐᐱᕆ 30th, 2000

• ᐅᖃᐅᓯᓕᕆᓂᕐᒧᑦ ᐱᖁᔭᖅ ᐋᖅᑭᒋᐊᖅᑕᐅᕗᖅ ᐊᑐᖅᑐᓴᒧᑦ ᑭᖑᕖᔪᒧᑦ ᐅᖃᐅᓯᓕᕆᓂᕐᒧᑦ ᑲᒥᓯᓇᒥᑦ ᐃᓕᓴᕆᔭᐅᓯᒪᔪᓄᓐ ᐅᖃᐅᓯᖅ ᐱᖁᔭᑎᒍᑦ • ᒪᓕᒃᑐᒍ ᐃᓚᖓ 29 ᐅᖃᐅᓯᓕᕆᓂᕐᒧᑦ ᐱᖁᔭᖓᓂᑦ, ᑖᒃᑯᐊ ᒪᓕᒐᓕᐅᕐᕕᔪᐊᖅ ᓄᓇᕗᑦᒥ ᓴᖅᑮᓪᓗᑎ ᑲᑎᒪᔨᕋᓛᓂ ᕿᒥᕐᕈᔨᐅᓂᐊᖅᑐᓂᑦ ᒫᓐᓇᐅᔪᒥᑦ ᐃᓗᓕᕆᔭᖏᑦ ᒪᓕᒐᓕᕆᓂᕐᒨᖓᔪᑦ, ᓴᖅᑭᖅᑕᐅᓯᒪᓂᕆᔭᖏᑦ, ᐊᒻᒪᓗ ᐊᑑᑎᖃᕐᓂᕆᔭᖏᓐᓂ. ᐃᓚᖓ 29 ᐱᔭᕆᐊᖃᖅᑎᑦᑎᒋᕗᖅ ᐅᖃᐅᓯᓕᕆᓂᕐᒧᑦ ᑲᒥᓯᓇᖓᓐ ᐱᓕᕆᖃᑎᖃᕐᓗᑎ ᒪᓕᒐᓕᐅᖅᕕᔾᔪᐊᒥ ᕿᒥᕐᕈᓂᖃᖅᑎᓪᓗᒋᑦ ᐊᐅᓚᓂᕆᔭᖓᓂᑦ.

• ᐅᖃᐅᓯᓕᕆᓂᕐᒧᑦ ᐱᖁᔭᖅ (ᐃᓕᓴᕆᔭᐅᓯᒪᔪᓄᓐ ᐅᖃᐅᓯᖅ ᐱᖁᔭᑎᒍᑦ) ᐃᓕᓴᖅᓯᕗᖅ ᐊᓪᓚᓂ ᑯᕇ, ᓯᐱᐅᐊᓐ, ᑖᒡᕆᕝ, ᒍᐃᑦᓯᓐ, ᐃᓄᒃᑎᑐᑦ, ᑲᓇᓐᓇᖅᐸᓯᖓ ᓯᓚᐃᕕ ᐊᒻᒪᓗ ᐅᐊᓐᓇᖅᐸᓯᖓ ᓯᓚᐃᕕ, ᐅᐃᕖ ᐊᒻᒪᓗ ᖃᓪᓗᓈᑎᑐᑦ ᐅᖃᐅᓯᖃᖅᑐᑦ ᓄᓇᕗᒻᒥ. • ᓄᓇᕗᑦ ᒐᕙᒪᒃᑯᖏᑦ, ᑲᑎᒪᔨᖏᑦ ᐊᒻᒪᓗ ᐃᖅᑲᓇᐃᔭᖅᑎᖏᑦ, ᐃᖅᑲᖅᑐᐃᕕᓕᕆᔨᒃᑯᑦ, ᐊᒻᒪᓗ ᒪᓕᒐᓕᐅᖅᕕᔾᔪᐊᖅ ᐱᔨᑦᑎᕆᐊᖃᖅᑯᑦ ᐅᖃᐅᓯᓪᓗᐊᑕᕆᔭᐅᕙᑦᑐᒥᑦ ᐊᑐᕐᓗᑎ. • ᑖᓐᓇ ᓇᓗᓇᐃᖅᓯᒍᑎᖓ ᐅᖃᐅᓯᓕᕆᓂᕐᒧᑦ ᐱᖁᔭᕐᒥᑦ ᐅᖃᕐᖓᑦ ᓴᖅᑭᖅᑕᐅᓯᒪᒻᒪᑦ ᑕᐃᒫᓪᓗᐊᖅ ᐱᔨᑦᑎᖅᑕᐅᔭᕆᐊᖃᕐᓂᖏᑦ ᐅᐃᕖᑎᑐᑦ ᐊᒻᒪᓗ ᖃᓪᓗᓈᑎᑐᑦ, ᐊᒻᒪᓗ ᑖᓐᓇ ᓄᓇᖃᖅᑳᖅᓯᒪᔪᑦ ᐅᖃᐅᓯᓪᓗᐊᑕᖓ “ᐃᓕᓴᕆᔭᐅᓯᒪᓂᐊᖅᑯᖅ”.

— 7

ᐊᓪᓚᕕᖓ ᐅᖃᐅᓯᓕᕆᓂᕐᒧᑦ ᑲᒥᓯᓇᐅᑉ ᓄᓇᕗᒻᒥ

1

­—


ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ: ᐅᖃᓕᒪᒐᖅ

ᒪᐃ 2001

2000-2001 ᐊᕐᕌᒍᑕᒫᑦ ᐅᓂᒃᑳᓕᐊᖅ

ᔮᓐᓄᐊᕆ 18th, 2002

• ᐅᖃᐅᓯᓕᕆᓂᕐᒧᑦ ᑲᒥᓯᓇ ᐊᑯᑭᑦᑐᓄᑦ ᐳᓛᕆᐊᖅᑐᖅ ᐃᓕᒃᑲᓐᓂᕆᐊᖅᑐᖅᑐᓂ ᐅᖃᐅᓯᓕᕆᓂᕐᒧᑦ ᐋᖅᑭᓱᖅᓯᒪᓂᕆᔭᖏᓐᓂ ᐊᒻᒪᓗ ᖃᐅᔨᒍᒪᓪᓗᑎ ᑖᒃᑯᐊ ᐊᑯᑭᑦᑐᒥᐅᑦ ᖃᓄᖅ ᐅᖃᐅᓯᕐᒥᓂᑦ ᑲᓛᓪᓕᓱᑦ ᐊᐅᓚᒃᑎᒍᓐᓇᑦᑎᐊᐸᒻᒪᖔᑕ ᓄᖅᑲᖓᑎᑦᑎᒐᓱᑦᑐᑎ ᑕᒪᓐᓇ ᐅᖃᐅᓯᖅ ᐊᑐᖅᑕᐅᓂᖓ ᔭᒐᐃᑎᑦᑕᐃᓕᓂᕐᒧᑦ. • ᐊᓪᓚᕝᕕᖓ ᐅᖃᐅᓯᓕᕆᓂᕐᒧᑦ ᑲᒥᓯᓇ ᓴᖅᑭᑎᑦᑎᕗᖅ ᕿᒥᕐᕈᔭᐅᓯᒪᔪᓂᑦ ᐅᖃᐅᓯᓕᕆᓂᕐᒧᑦ ᐱᕙᓪᓕᐊᔭᐅᔪᓂᑦ ᐊᑯᑭᑦᑐᓂ ᐱᕙᓪᓕᐊᔭᐅᑎᓪᓗᒍ ᕿᒥᕐᕈᓂᖅ ᐅᖃᐅᓯᓕᕆᓂᕐᒧᑦ ᐱᖁᔭᕐᒥᑦ. • ᐅᖃᐅᓯᓕᕆᓂᕐᒧᑦ ᑲᒥᓯᓇᖓ ᐊᑐᓕᖁᔨᕗᖅ ᐱᓕᕆᖃᑎᒌᓪᓗᑎ ᐊᖓᔪᖅᑲᐅᑎᐅᔪᑦ ᐱᕙᓪᓕᐊᑎᑦᑎᓗᑎ ᐅᖃᐅᓯᓕᕆᓂᕐᒧᑦ ᖃᓄᐃᓕᐅᖓᓂᖏᓐᓂ ᑖᓐᓇ ᐃᓄᒃᑎᑐᑦ ᒐᕙᒪᒃᑯᓐᓄᑦ, ᐅᖃᐅᑕᐅᓯᒪᓪᓗᓂ ᕚᑐᕐᔅ ᐋᖅᑭᓱᖅᑕᐅᓯᒪᔪᑦ, ᐊᒻᒪᓗ ᐱᐅᓯᕙᓪᓕᖁᓪᓗᒋᑦ ᐱᔨᑦᑎᕈᑏᑦ ᐅᖃᐅᓯᕐᒥᓂ ᐊᑐᕐᓗᑎ. • ᐅᖃᐅᓯᓕᕆᓂᕐᒧᑦ ᑲᒥᓯᓇ ᐱᖁᔨᒻᒥᔪᖅ ᓴᖅᑭᖅᑕᐅᓗᓂ ᐅᖃᐅᓯᓕᕆᓂᕐᒧᑦ ᑲᒪᔪᑎᓴᐅᒐᔭᖅᑐᓂᑦ ᑖᒃᑯᐊ ᐋᖅᑭᓱᖅᑕᐅᓯᒪᖁᓪᓗᒋᑦ ᐃᓄᐃᑦ ᐅᖃᐅᓯᖓ ᒐᕙᒪᒃᑯᓐᓂᑦ. ᐊᓪᓚᕝᐊ ᐅᖃᐅᓯᓕᕆᔨᒃᑯᑦ ᑲᒥᓯᓇᖓᑕ ᓴᖅᑭᑎᑦᑎᕗ “ᐊᑐᓕᖁᔭᐅᔪᑦ ᐱᔾᔪᑎᓕᓐᓄᑦ ᐊᓯᔾᔨᖅᑕᐅᓂᖓᓄᑦ ᐅᖃᐅᓯᓕᕆᓂᕐᒧᑦ ᐱᖁᔭᖅ.” ᐃᓚᖏᑦ ᐊᑐᓕᖁᔭᐅᓯᒪᔪᑦ ᐅᑯᓂᐊ ᐱᖃᓯᐅᑎᓯᒪᕗᑦ:

• ᐱᑕᖃᕆᐊᖃᕐᓂᖓᓂᑦ ᒪᕐᕉᓐᓂᒃ ᐅᖃᐅᓯᓕᕆᓂᕐᒧᑦ ᐱᖁᔭᕐᒥᑦ: • ᓄᑖᖅ ᐅᖃᐅᓯᓕᕆᓂᕐᒧᑦ ᐱᖁᔭᖅ ᐊᑐᓕᖅᑎᑦᑎᒍᓐᓃᖅᑐᓂ ᓄᓇᖃᖅᑳᖅᓯᒪᔪᓕᒫᓄᑦ ᐅᖃᐅᓯᖏᑦ ᓄᓇᕗᑦᒥ, ᐊᒻᒪᓗ ᑕᐃᒫᓪᓗᐊᑯᑦ ᐱᔪᓐᓇᑎᑦᑎᓗᓂ ᐱᖁᔭᕐᒥ ᐅᖃᐅᓰᕐ ᐃᓕᓴᕆᔭᐅᓯᒪᔪᓕᒫᑦ, ᐃᓄᒃᑎᑐᑦ, ᐅᐃᕖᑎᑐᑦ ᐊᒻᒪᓗ ᖃᓪᓗᓈᑎᑐᑦ. • ᐱᖁᔭᑲᓐᓂᖅ ᑖᓐᓇᓗ ᑐᕌᖓᔪᖅ ᑕᒪᓐᓇ ᓴᐳᑎᓯᒪᒐᓱᓐᓂᐊᕐᓗᒍ ᐊᒻᒪᓗ ᓴᙱᑎᒃᑲᓐᓂᕋᓱᓐᓂᐊᕐᓗᒍ ᐃᓄᐃᑦ ᐅᖃᐅᓯᖓ.

ᑏᓯᕙ 2003

ᑲᑎᒪᔨᕋᓛᑦ ᕿᒥᕐᕈᔪᑦ ᐅᖃᐅᓯᓕᕆᓂᕐᒧᑦ ᐱᖁᔭᕐᒥᑦ ᑕᐃᑲᓂ ᒪᓕᒐᓕᐅᖅᕕᔾᔪᐊᕐᒥ ᓴᖅᑭᑎᑦᑎᕗᑦ ᑭᙳᓪᓕᐹᖓᓂᑦ ᐅᓂᒃᑳᓕᐊᖑᓯᒪᔪᒥᑦ. ᐊᑐᓕᖁᔭᐅᓯᒪᔪᑦ ᐅᑯᓂᖓ ᐱᖃᓯᐅᑎᓯᒪᕗᑦ: ᓴᖅᑮᓗᑎᑦ ᓄᑖᒥ ᐅᖃᐅᓯᓕᕆᓂᕐᒧᑦ ᐱᖁᔭᕐᒥᑦ ᐃᓕᓴᖅᓯᒪᔪᓂᑦ ᐅᖃᐅᓯᖏᓐᓂᑦ ᐃᓄᐃᑦ, ᐅᐃᕖ ᐊᒻᒪᓗ ᖃᓪᓗᓈᑎᑐᑦ.

• ᓴᖅᑮᓗᑎᑦ ᐱᔾᔪᓐᓇᐅᑎᐅᔪᒥᑦ ᑖᒃᑯᐊ ᐋᖅᑭᓱᖅᑕᐅᓗᑎᑦ ᐃᓄᒃᑎᑐᑦ ᑐᑭᒋᔭᖏᑦ; • ᓴᖅᑮᓗᑎ ᐃᓄᒃᑎᑐᑦ ᐅᖃᐅᓯᕐᒧᑦ ᓴᐳᑎᔪᑎᔅᓴᒥᑦ (ᐅᐊᑦᑎᐊᕈᙳᕐᖓ ᐊᑎᖃᖅᑐᖅ “ᐃᓄᐃᑦ ᐅᖃᐅᓯᖓ” ᐊᑐᖅᑕᐅᓕᖅᑐᓂ). • ᑎᒃᑯᐊᖅᓯᓪᓗᑎᒃ ᒥᓂᔅᑕᒥ ᖁᕝᕙᕆᐊᖅᓯᒍᓐᓇᓂᐊᕐᓗᓂ, ᐱᐅᓯᕚᓪᓕᑎᑦᑎᓗᓂᓗ ᐱᒻᒪᕆᐅᓂᖓᓂᑦ ᐅᖃᐅᓯᕐᓂᑦ ᐃᓕᓴᕆᔭᐅᓯᒪᔪᓂᑦ, ᐊᒻᒪᓗ ᑲᒪᒋᔭᖃᕐᓂᐊᕐᓗᓂ ᓴᖅᑮᓂᕐᒥᑦ ᐅᖃᐅᓯᓕᕆᓂᕐᒧᑦ ᐱᖁᔭᕐᒥᑦ. • ᕿᒥᕐᕈᓂᖃᓚᐅᖅᑎᓪᓗᒋᑦ ᐊᕐᕌᒍᓄᑦ ᑕᓪᓕᒪᓄᑦ ᖃᓄᖅ ᐊᑑᑎᖃᓪᓚᕆᓐᓂᖓᓂᑦ ᐱᖁᔭᖅ(ᐃᑦ). 2004

• ᐅᖃᐅᓯᓕᕆᓂᕐᒧᑦ ᑲᒥᓯᓇ ᐊᒻᒪᓗ ᐃᖅᑲᓇᐃᔭᖅᑎᖏᑦ ᐳᓛᕆᐊᖅᑐᑦ ᑯᐸᐃᒃ ᓄᓇᓕᐸᐅᔭᖓᓄᑦ ᑲᑎᒪᖃᑎᖃᕆᐊᖅᑐᖅᑐᑎᑦ ᐊᓪᓚᕕᖓᓄ ᐅᖃᐅᓯᓕᕆᓂᕐᒧᑦ ᐅᐃᕖᑎᑐᑦ, ᐊᒻᒪᓗ ᒥᓂᔅᑕᕆᔭᖓᓂᑦ ᐱᖅᑯᓯᓕᕆᔨᒃᑯᑦ ᖃᐅᔨᒐᓱᐊᕆᐊᖅᑐᖅᑐᑎᑦ ᐃᓄᐃᑦ ᐅᖃᐅᓯᖓᓐᓄᑦ ᐱᔪᓐᓇᐅᑎᒐᔭᖅᑐᓂᑦ. • ᐊᓪᓚᕕᖓ ᐅᖃᐅᓯᓕᕆᓂᕐᒧᑦ ᑲᒥᓯᓇᐅᑉ ᓴᖅᑭᑎᑦᑎᕗᖅ ᐸᐃᑉᐹᒥᑦ ᐊᑐᖅᑕᐅᒍᓐᓇᖅᑐᓂᑦ ᐅᖃᐅᓯᕐᒧᑦ ᐱᔪᓐᓇᐅᑎᐅᔪᓂᑦ. • ᐅᖃᐅᓯᓕᕆᓂᕐᒧᑦ ᒪᓕᒐᕐᓅᖓᔪᓄᑦ ᑲᑎᒪᔨᕋᓛᑦ ᓴᖅᑭᖅᑕᐅᕗᖅ ᐊᑐᐃᓐᓇᐅᑎᑦᑎᓂᐊᕐᓗᓂ ᐊᑐᖅᑕᐅᒍᓐᓇᖅᑐᓂᑦ ᐅᖃᐅᓯᓕᕆᓂᕐᒧᑦ ᐱᖁᔭᕐᒥᑦ. ᐃᓚᒋᔭᐅᔪᑦ ᐱᖃᓯᐅᑎᕗᑦ ᐊᓪᓚᕕᖓ ᐅᖃᐅᓯᓕᕆᓂᕐᒧᑦ ᑲᒥᓯᓇᖓ, ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃᑯᑦe

— 9 ­—


ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ: ᐅᖃᓕᒪᒐᖅ

ᔮᓐᓄᐊᕆ 2005

ᐊᓪᓚᕕᐊ ᐅᖃᐅᓯᓕᕆᓂᕐᒧᑦ ᑲᑭᓯᓇᐅᑉ ᓴᖅᑭᑎᑦᑎᕗᖅ “ᐱᐅᖅᓱᐊᕐᓂᖅ ᐃᓄᐃᑦ ᐅᖃᐅᓯᖅᑕᕆᔭᖏᓐᓂᑦ ᓄᓇᕗᑦᒥ”. ᑖᓐᓇ ᐸᐃᑉᐹᖅ ᓇᓗᓇᐃᖅᓯᕗᖅ ᐱᐅᖅᓱᐊᕋᓱᐊᕐᓂᕐᒧᑦ ᐅᖃᐅᓯᕐᒥᒃ, ᐊᒻᒪᓗ ᖃᓄᐃᓕᖓᓂᖏᑦ ᐅᖃᐅᓯᓕᕆᓂᕐᒧᑦ ᑲᒥᓯᓇᖓᑕ ᐊᑐᓕᖅᑕᐅᖁᔨᔪᑎᖏᑦ ᓴᖅᑭᖅᑕᐅᕙᓪᓕᐊᓂᐊᖅᑎᓪᓗᒍ ᐃᓄᐃᑦ ᐅᖃᐅᓯᖓᓄᑦ ᐱᖁᔭᖅ.

ᒫᑦᓯ 2007

ᒪᓕᒐᖅᔪᐊᖅ 6 ᐊᒻᒪᓗ 7, ᐅᖃᐅᓯᓕᕆᓂᕐᒧᑦ ᐱᖁᔭᖅ ᐊᒻᒪᓗ ᐃᓄᐃᑦ ᐅᖃᐅᓯᖓᓐᓂ ᓴᐳᔾᔨᓂᕐᒧᑦ ᐱᖁᔭᖅ, ᓴᖅᑭᖅᑕᐅᕗᑦ ᐊᒻᒪᓗ ᐊᕕᑦᑐᖅᓯᒪᔪᓂᑦ ᑲᑎᒪᑎᑦᑎᓂᖅ ᐊᑐᖅᑕᐅᓪᓗᓂ ᑕᖅᑭ ᐊᑕᐅᓯᖅ ᐊᓂᒍᖅᑎᓪᓗᒍ.

ᔫᓂ 2007

ᒪᓕᒐᖅᔪᐊᖅ 6 ᐊᒻᒪᓗ ᓴᖅᑭᖅᑕᐅᕗ ᓯᕗᓪᓕᖅᐹᒥ ᐊᒻᒪᓗ ᐊᐃᑉᐹᓂ ᐅᖃᓕᒫᖅᑕᐅᖁᓪᓗᒍ ᒪᓕᒐᓕᐅᖅᕕᔾᔪᐊᕐᒥ.

ᓰᑎᐱᕆ 4, 2007

ᐅᖃᐅᓯᓕᕆᓂᕐᒧᑦ ᑲᒥᓯᓇᖓ ᑐᓐᓂᖁᑎᖃᖅᑯᖅ ᐊᔭᐅᖅᑏᑦ ᑲᑎᒪᔨᕋᓛᖏᓐᓄᑦ ᐊᑐᓕᖁᔭᐅᔪᓂᑦ ᐊᓯᔾᔨᖅᑕᐅᒍᑎᖏᓐᓂᑦ ᒪᓕᒐᖅᔪᐊᖅ 6 ᐊᒻᒪᓗ 7.

ᔫᓂ 4, 2008

ᐅᖃᐅᓯᓕᕆᓂᕐᒧᑦ ᐱᖁᔭᖅ ᐊᓂᒍᖅᑎᑕᐅᕗᖅ ᓄᓇᕗᑦ ᒪᓕᒐᓕᐅᖅᕕᔪᐊᖓᓂ. ᐊᖏᖅᑕᐅᔭᕆᐊᖃᕐᓂᖓᓄᑦ ᒐᕙᒪᑐᖃᒃᑯᓐᓄᑦ ᑖᒃᑯᐊ ᐊᑦᑎᓂᖅᓴᒨᖅᑕᐅᓂᐊᖅᑎᓪᓗᒋᑦ ᐱᖁᔭᐅᑉ ᐃᓗᐊᓂ. ᓯᓚᐃᕕ ᐊᒻᒪᓗ ᑕᓇᐃ ᐅᖃᐅᓯᖏᑦ.

ᓰᑎᐱᕆ 18, 2008

ᐃᓄᐃᑦ ᐅᖃᐅᓯᖓᓐᓂ ᓴᐳᔾᔨᓂᕐᒧᑦ ᐱᖁᔭᖅ ᐊᓂᒍᖅᑎᑕᐅᕗᖅ ᒪᓕᒐᓕᐅᖅᕕᔾᔪᐊᕐᒥ. ᐊᑐᓕᖅᑎᑕᐅᓪᓗᓂᓗ ᖃᐅᑎᓪᓗᒍ.

ᔫᓂ 1, 2009

ᒐᕙᒪᑐᖃᒃᑯᑦ ᐊᖏᖅᓯᒪᔪᑦ ᓄᓇᕗᑦ ᐅᖃᐅᓯᓕᕆᓂᕐᒧᑦ ᐱᖁᔭᖓᓂᑦ, ᐊᒻᒪᓗ ᑕᐃᑯᙵᖅᑕᐅᓪᓗᓂ ᐃᑦᑐᐃᑦ ᑲᑎᒪᔨᖏᓐᓄᑦ. ᑕᐃᑲᓂ ᔫᓂ 4, ᑖᒃᑯᐊ ᐃᑦᑐᐃ ᑲᑎᒪᔨᖏᑦ ᑐᓐᓂᖁᑎᖃᖅᑐᑎ ᒪᓕᒐᓕᕆᓂᕐᒧᑦ ᐊᒻᒪᓗ ᒪᓕᒐᕐᔪᐊᓄᑦ ᑲᑎᒪᔨᕋᓛᖏᓐᓄᑦ. ᑕᕝᕘᓇᔅᓴᐃᓇᕐᓗ ᐊᖅᑯᓵᖅᑕᖅᑐᓂ ᒪᓕᒐᓕᐅᖅᕕᔾᔪᐊᕐᒧᑦ ᔫᓂ 11, 2009.

ᐃᓕᓴᕆᔭᐅᓯᒪᔪᓄᓐ ᐅᖃᓯᕐᓄᓐ ᐱᖁᔭᖅ ᓄᓇᕗᑦ ᓴᖅᑭᖅᑕᐅᓚᐅᕐᖓᓂᑦ ᐊᕐᕌᒍᐊᓂ 1999, ᐱᑐᐃᓐᓇᓚᐅᖅᑯᖅ ᓄᓇᑦᓯᐊᖅ ᐅᖃᐅᓯᓕᕆᓂᕐᒧᑦ ᐱᖁᔭᖓᓂᑦ. ᐱᔾᔪᑎᖃᕋᓗᐊᖅᑎᓪᓗᒍ ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ, ᐱᔾᔪᑎᖃᓗᐊᓚᐅᙱᒻᒪᑦ ᖃᐅᑕᒫᑦ ᓄᓇᕗᑦᒥ ᐊᑐᖅᑕᐅᕙᑦᑐᒥ. ᑕᐃᑲᓂ ᔫᓂ 4, 2008, ᑖᓐᓇ ᓄᑖᖅ ᓄᓇᕗᑦᒥ ᐅᖃᐅᓯᓕᕆᓂᑦᒧ ᐱᖁᔭᖅ ᐊᖏᖅᑕᐅᓚᐅᖅᑯᖅ ᓄᓇᕗᑦ ᒪᓕᒐᓕᐅᖅᕕᔪᐊᖓᓂ ᐊᒻᒪᓗ ᑕᕝᕗᖓᔅᓴᐃᓐᓇᖅ ᐊᖅᑯᓵᖅᑐᓂ ᒐᕙᒪᑐᖃᒃᑯᓐᓄᑦ ᑕᐃᑲᓂ ᔫᓂ 11, 2009. ᑖᓐᓇ ᓄᑖᖅ ᐱᖁᔭᖅ ᓴᖅᑭᑎᑦᑎᓪᓗᓂ ᐃᓄᐃᑦ ᐅᖃᐅᓯᖓᓐᓂ (“ᐃᓄᒃᑎᑐᑦ”), ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᓂᐊᕐᓗᑎ ᐅᖃᐅᓰᑦ. ᐱᖁᔭᖅ ᐃᓗᓕᖃᖅᑯᖅ ᐱᔪᓐᓇᐅᑎᓕᒫᓂᑦ ᐊᒻᒪᓗ ᐱᔭᐅᔭᕆᐊᓕᓐᓂ ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ ᐅᖃᐅᓯᓕᓐᓄᑦ, ᑖᓐᓇᓗ ᐃᓄᐃᑦ ᐅᖃᐅᓯᖓ ᑕᐃᒫᓪᓗᐊᓕᖅᑎᑕᐅᓪᓗᓂ - ᑕᒪᓐᓇᓗ ᓯᕗᓪᓕᖅᐹᖑᓯᒪᔪᖅ ᑕᐃᒪᓕᖓᓂᖓ ᑲᓇᑕᓕᒫᒥ.

ᐃᓄᐃᑦ ᐅᖃᐅᓯᖓᓐᓂ ᓴᐳᔾᔨᓂᕐᒧᑦ ᐱᖁᔭᖅ ᐊᖏᖅᑕᐅᓪᓗᓂ ᓯᑎᐱᕆ 2008, ᐃᓄᐃᑦ ᐅᖃᐅᓯᖓᓐᓂ ᓴᐳᔾᔨᓂᕐᒧᑦ ᐱᖁᔭᖅ ᓇᓗᓇᐃᖅᓯᕗᖅ ᑖᒃᑯᐊ ᐃᓄᐃᑦ ᓄᓇᕗᑦᒥ ᐱᔪᓐᓇᐅᑎᖃᕐᓗᑎ ᐊᑐᕐᓂᕐᒥᑦ ᐃᓄᐃᑦ ᐅᖃᐅᓯᖓᓐᓂ, ᐊᒻᒪᓗ ᑖᒃᑯᐊ ᖃᓄᐃᓕᐅᕈᑕᐅᔪᑦ ᓴᐳᔾᔨᓂᐊᕐᓗᑎᑦ ᐊᒻᒪᓗ ᐱᕚᓪᓕᑎᑦᑎᓗᑎᑦ ᐃᓄᐃᑦ ᐅᖃᐅᓯᖓᓐᓄ ᐊᒻᒪᓗ ᐃᓄᐃᑦ ᐱᖅᑯᓯᖏᑎᒍ ᓇᓗᓇᐃᖅᑕᐅᔪᓂ. ᑖᓐᓇ ᐅᖃᐅᓯᕐᒧᑦ ᓴᐳᔾᔨᓂᕐᒧᑦ ᐱᖁᔭᖅ ᐱᔭᕆᐊᖃᖅᑎᑦᑎᕗᖅ ᒐᕙᒪᒃᑯᑦ ᐱᓕᕆᕕᓕᒫᖏᑦ ᐊᒻᒪᓗ ᐃᖅᑲᓇᐃᔭᖅᕕᖏᑦ ᓴᐳᔾᔨᓂᐊᕐᓗᑎ ᐊᒻᒪᓗ ᐱᕚᓪᓕᑎᑦᑎᓗᑎᑦ ᐃᓄᐃᑦ ᐅᖃᐅᓯᖓᓂᑦ, ᐊᒻᒪᓗ ᓄᓇᕗᒻᒥ ᖃᐅᑕᒫᖅᓯᐅᑎᓂ ᐃᓕᓐᓂᐊᖅᕕᓐᓂ ᐊᒻᒪᓗ ᐃᖅᑲᓇᐃᔭᖅᕕᓐᓂ ᐊᑐᖅᑕᐅᓂᖏᓐᓇᖅᑎᑕᐅᓗᓂ. ᐃᓄᐃᑦ ᐅᖃᐅᓯᖏᓐᓂᑦ ᓴᐳᔾᔨᓂᕐᒧᑦ ᐱᖁᔭᖅ ᑐᕌᒐᕆᔭᖏᑦ ᑕᐃᒫᓪᓗᐊᕋᓗᐊᕐᒪᖔᑕ: •

ᐱᕚᓪᓕᑎᑦᑎᓗᓂ, ᓴᐳᔾᔨᓗᓂ ᐊᒻᒪᓗ ᐊᑐᓕᖅᑎᑦᑎᑲᓐᓂᕐᓗᓂ ᐃᓄᐃᑦ ᐅᖃᐅᓯᖓᓐᓂ, ᐊᒻᒪᓗ ᐱᔪᓇᑎᑦᑎᓗᓂ ᐃᓄᐃᑦ ᐅᖃᐅᓯᖓᓂᑦ ᐊᑐᕐᓗᓂ ᒪᓕᒃᑕᐅᔭᕆᐊᓕᓐᓂ, ᐱᓕᒻᒪᔅᓴᐃᓗᓂ ᓱᕈᓯᕐᓂᑦ ᑖᒃᑯᐊ ᐃᓐᓇᕈᕋᓱᐊᕐᓂᖏᓐᓄᑦ ᖃᐅᔨᒪᑎᑦᑎᐊᕐᓗᒋᑦ ᐃᓄᐃᑦ ᐅᖃᐅᓯᖓᓂᑦ ᐊᒻᒪᓗ ᐊᑐᕈᓐᓇᑎᐊᕐᓗᑎᑦ; ᐃᖅᑲᓇᐃᔭᕈᓐᓇᕐᓗᑎᑦ ᐊᑐᕐᓗᑎᑦ ᐃᓄᐃᑦ ᐅᖃᐅᓯᖓᓂᑦ ᐊᒡᒍᑐᖅᓯᒪᔪᓂ ᒐᕙᒪᐃᑦ ᐱᓕᕆᕕᖏᓐᓂ, ᐃᑲᔪᖅᓱᐃᔪᒥᑦ ᑭᒃᑯᑐᐃᓐᓇᐃᑦ ᐱᔨᑦᑎᖅᑕᐅᓂᖏᓐᓄᑦ ᐊᒻᒪᓗ ᐱᖃᑕᐅᔪᐃᓐᓇᐅᖑᓐᓇᕐᓗᑎᑦ ᐃᓄᐃᑦ ᑕᕝᕙᓂ;

ᐃᓄᐃᑦ ᐅᖃᐅᓯᖓ ᐊᑐᖅᑕᐅᓗᓂ ᖃᐅᑕᒫᖅᓯᐅᑎᓂᑦ ᐱᔨᑦᑎᕈᑎᓂᑦ ᐊᒻᒪᓗ ᑐᓴᐅᒪᖃᑦᑕᐅᑎᓕᕆᔪᑎᓄᑦ ᒐᕙᒪᒃᑯᓐᓂ, ᓄᓇᓖᑦ ᒐᕙᒪᖏᓐᓂ ᕼᐋᒻᒪᓚᒃᑯᓐᓂ, ᓄᓇᓕᓐᓂ ᐱᓕᕆᕕᐅᔪᓂ ᐊᒻᒪᓗ ᓇᒻᒥᓂᓕᓐᓄᑦ.

— 11 ­—


ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ: ᐅᖃᓕᒪᒐᖅ

ᓱᒻᒪ ᓄᓇᕗᑦ ᐱᔭᕆᐊᖃᓚᐅᖅᑲ ᐅᖃᐅᓯᓕᕆᓂᕐᒧᑦ ᐱᖁᔭᕐᒥᑦ? ᑖᒃᑯᐊ ᑐᑭᓯᒋᐊᕈᑎᐅᔪᑦ ᐱᔭᐅᓯᒪᔪᑦ ᓄᓇᕗᑦ ᒐᕙᒪᒃᑯᖏᑦ ᐅᖃᐅᓯᕗᑦ ᐸᕐᓇᐅᑎᖓ ᓴᖅᑭᑎᑦᑎᕗᖅ ᐊᑉᐸᑲᓐᓂᖅᓯᒪᓪᓗᓂ ᐊᕙᑎᓂᑦ ᐊᕐᕌᒍᓂᑦ ᐊᓂᒍᖅᑐᓂᑦ ᐃᓄᒃᑎᑐᑦ ᖃᐅᔨᒪᓂᕐᒥᑦ, ᐃᓄᒃᑎᑐᑦ ᐅᖃᐅᓯᓪᓗᐊᑕᕆᔭᐅᓂᖓ ᐊᑐᖅᑕᐅᖃᑦᑕᕐᓂᖓᓂᑦ, ᐊᒻᒪᓗ ᐃᓄᒃᑎᑐᑦ ᐊᖏᕐᕋᐅᑉ ᐃᓗᐊᓂ ᐊᑐᖅᑕᐅᖃᑦᑕᕐᓂᖓᓂᑦ.

ᓇᓗᓇᐃᔭᐃᓯᒪᔪᖅ : ᐃᓄᐃᑦ ᓇᓗᓇᐃᕐᓯᒪᓂᖏᓐ ᐅᖃᕈᓐᓇᓪᓚᕆᑦᑐᑦ ᐊᒻᒪ ᐊᖏᕋᒥᓐᓂ ᐅᖃᐅᓯᖃᕐᐸᑦᑐᑎᒃ, ᓄᓇᕗᑦ, 1996-20112 ᐅᖃᐅᓯᕗᑦ ᐸᕐᓇᐅᑎ ᓇᓗᓇᐃᖅᓯᔪᖅ:

“ᐊᑉᐸᐹᓕᖅᓯᒪᓂᖓ ᓈᓴᐅᑎᓂᑦ ᐃᓄᐃᑦ ᐅᖃᐅᓯᖏᓐᓂᑦ ᐊᑐᖅᐸᑦᑐᑦ ᐃᓄᒃᑎᑐᑦ ᐊᖏᕐᕋᒥᓂ ᐃᓱᒫᓗᓇᖅᑐᒦᓕᖅᑯᖅ. ᐊᖏᕐᕋ ᐱᒻᒪᕆᐅᓛᖑᑎᓪᓗᒍ ᐅᖃᐅᓯᕐᒥᑦ ᐊᑐᓕᖅᑎᑦᑎᑲᓐᓂᓂᒃᑯᑦ ᑭᖓᕚᓴᑎᓐᓄᑦ. ᐊᒥᓲᓂᖅᓴᐃᑦ ᐊᖏᕐᕋᕆᔭᐅᔪᑦ ᐊᑐᖃᑦᑕᕈᓐᓃᖅᑲᑕ ᐃᓄᒃᑎᑐ ᐅᖃᐅᓯᖓᓐᓂᑦ, ᑕᒪᓐᓇ ᐃᓄᒃᑎᑐᑦ ᐅᖃᐅᓯᖅ ᔭᒐᑉᐸᓪᓕᐊᓂᐊᖅᑯᖅ ᓯᕗᓂᕆᓂᐊᖅᑕᑎᓐᓂ.

2

ᐅᖃᐅᓯᕗᑦ-ᐃᓗᓕᖃᐅᕈᓘᔭᖅᑐᖅ ᐸᕐᓇᐅᑎᐅᔪᖅ ᐱᔾᔪᑎᓕᒃ ᐅᖃᐅᓯᓕᕆᓂᕐᒧᑦ ᐱᖁᔭᕐᒧᑦ ᐊᒻᒪᓗ ᐃᓄᐃᑦ

13

ᐅᖃᐅᓯᖓᓐᓂ ᓴᐳᔾᔨᓂᕐᒧᑦ ᐱᖁᔭᖓ - 2012-2016, ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᓈᓴᐃᔩᑦ ᑲᓇᑕᒥ, 2011 ᑲᓇᑕᓕᒫᒥ ᐃᓪᓗᒥᐅᖃᑎᒌᓄᑦ ᖃᐅᔨᓴᐅᑏᑦ ᐊᒻᒪᓗ ᓈᓴᖅᑕᐅᓯᒪᔪᑦ 2011 ᐋᖅᑭᓱᖅᑕᐅᓯᒪᔪᑦ

­—


ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ: ᐅᖃᓕᒪᒐᖅ

ᐃᓄᐃᑦ ᐃᓅᓱᒃᑐᖏᑦ ᐅᑦᑐᖅᑕᐅᒍᑎᖃᖅᐸᓪᓕᐊᓕᖅᑯᑦ ᐱᖅᑯᓯᐅᑉ ᐊᔾᔨᒌᙱᓐᓂᖓᓂ. ᖃᓪᓗᓈᑎᑑᖓᔪᑦ ᐊᒥᓱᑦ ᐊᑐᖅᑕᐅᓪᓗᐊᑕᖅᐸᑉᐳᑦ ᓄᓇᕗᑦ ᐃᓗᐊᓂ. ᐃᓄᐃᑦ ᐃᓅᓱᒃᑐᖏᑦ ᐃᓱᒫᓗᒍᑎᖃᖅᐸᓪᓕᐊᒻᒪᕆᓕᖅᑯᑦ ᓈᓚᖃᑦᑕᓂᕐᒥᑦ ᐊᒻᒪᓗ ᐅᖃᖃᑦᑕᐅᑎᓂᖅᓴᐅᓕᖅᑐᑎᑦ ᖃᓪᓗᓈᑎᑐᑦ ᐊᒻᒪᓗ ᔭᒐᐃᕙᓪᓕᐊᓂᖅᓴᐅᓪᓗᑎ ᐅᖃᕈᓐᓇᓂᕐᒥᑦ ᐃᓄᒃᑎᑐᑦ. ᐅᖃᖃᑦᑕᖅᓯᒪᓕᖅᑐᑎᓪᓗ ᐃᑲᔪᖅᑕᐅᔭᕆᐊᖃᕐᓂᕐᒥᓂᒃ ᐅᖃᐅᓯᖏᓐᓂᑦ ᖃᑕᙳᑎᒌᑎᒍᑦ, ᓄᓇᓕᐅᖃᑎᒌᑎᒍᑦ ᐊᒻᒪᓗ ᐃᓕᓐᓂᐊᕐᓂᖏᑎᒍᑦ.

ᑭᒃᑯᓐᓄᑦ ᐱᖁᔭᖅ ᑐᕋᖓᓂᖃᖃ?

ᑕᒪᓐᓇ ᐱᒻᒪᕆᐅᓂᖓ ᐃᓄᒃᑎᑐᑦ ᐊᔾᔨᒌᙱᓚᖅ ᒪᓕᒃᑐᒋᑦ ᐊᕕᒃᑐᖅᓯᒪᔪᑦ, ᑎᑎᖅᑐᒐᖅᑕᐅᓯᒪᑎᓪᓗᒍ ᐊᔾᔨᖑᐊᖓᓂ 2. ᑖᓐᓇ ᐅᖃᐅᓯᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᖅ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᒥᒃᓴᐅᓴᑕᐅᓯᒪᕗᖅ ᑖᓐᓇ ᐅᖃᐅᓯᕐᓂᑦ ᐊᑐᓕᖅᑎᑦᑎᑲᓐᓂᕋᓱᓐᓂᖅ ᐊᕕᑦᑐᖅᓯᒪᔪᓂᑦ ᐊᑯᓂᐅᑎᒋᓂᐊᖅᑐᒋᔭᐅᓪᓗᓂ ᐊᕐᕌᒍᓄᑦ 20 ᑎᑭᓪᓗᒍ ᐊᕐᕌᒍ 40-ᒧᑦ ᑖᒃᑯᐊ ᐅᖃᐅᓯᕐᒥᓂᑦ ᐊᑐᖃᑦᑕᓂᖅᓴᐅᐸᑦᑕ ᒫᓐᓇᐅᔪᒥᑦ ᐊᖏᕐᕋᖏᓐᓂ, ᓄᓇᓕᖏᓐᓂ ᐊᒻᒪᓗ ᐃᓕᓴᕕᓐᓂ. ᐃᓱᒫᓘᑎᑕᖃᕐᒥᔪᑦ ᐅᖃᐅᓯᕐᒥᑦ ᔭᒐᐃᔭᐅᕙᓪᓕᐊᔪᓂᑦ ᓄᓇᕗᑦ ᓄᓇᓕᖏᓐᓂ, ᐱᓗᐊᖅᑐᒋᑦ ᑲᖏᖅᖠᓂᖅ, ᖃᒪᓂᑦᑐᐊᖅ, ᓴᓂᑭᓗᐊᖅ, ᐃᖃᓗᐃᑦ ᐊᒻᒪᓗ ᐊᐅᓱᐃᑦᑐᖅ.

ᐱᖃᓯᐅᑎᓯᒪᓯᓐᓈᕆᕗ ᓇᒻᒥᓂᖃᕐᓂᕐᒧᑦ - ᓇᒻᒥᓂᓖᑦ. ᐱᔾᔪᑎᒋᓪᓗᒍ ᐃᓄᐃᑦ ᐅᖃᐅᓯᖓᓂᑦ ᓴᐳᔾᔨᓂᕐᒧᑦ ᐱᖁᔭᖅ (ᐊᒻᒪᓗ ᑖᓐᓇ ᐅᖃᓕᒫᒐᖅ), ᐅᑯᐊ ᓇᒻᒥᓂᖃᕐᓂᕐᒨᖓᔪ ᐱᖃᓯᐅᑎᓪᓗᒋᑦ:

ᑕᒪᒃᑯᐊᓗ ᐃᓱᒫᓘᑎᒋᔭᐅᖏᓐᓇᖅᑐᑦ ᓄᓇᓕᓕᕆᓕᓂᕐᒨᖓᔪᑦ ᐊᒻᒪᓗ ᐱᔨᑦᑎᖅᑕᐅᒍᑎᑦ. ᐅᑯᐊ ᐱᖃᓯᐅᑎᓯᒪᕗᑦ ᐱᔨᑦᑎᕈᑎᖏᑦ ᒐᕙᒪᑐᖃᒃᑯᑦ, ᐊᕕᑦᑐᖅᓯᒪᔪᓂᑦ ᒐᕙᒪᒋᔭᐅᔪᑦ, ᓄᓇᓕᓐᓂ ᕼᐋᒻᒪᓚᒃᑯᑦ ᐊᒻᒪᓗ ᓇᒻᒥᓂᓕᖁᑎᓄᑦ ᐱᔨᑦᑎᕐᓂᐅᕙᑦᑐᖅ ᓄᓇᕗᑦᒥ. ᐅᓪᓗᒥᒧᑦ ᖃᓪᓗᓇᐅᔭᕈᓐᓇᖏᑦᑐᐃᑦ ᐃᓄᐃᑦ, ᐱᓗᐊᖅᑐᒥ ᐃᓐᓇᑐᖃᐃᑦ, ᐅᖃᖃᑦᑕᖅᑯᑦ ᐱᓂᕐᓗᒃᑕᐅᓱᒋᓕᖅᑐᑎᒃ ᓇᒻᒥᓂᖅ ᓄᓇᖁᑎᒥᓂᒃ. ᑕᒪᒃᑯᐊ ᐊᐳᖅᑕᕈᑕᐅᔪᑦ ᐅᖃᐅᓯᕐᓄᑦ ᐱᓪᓗᒋᑦ, ᑕᐃᒫᓪᓗᐊᖑᔪᒃᑯᑦ ᐱᑕᖃᐅᓂᖃᖅᐸᙱᓚᑦ ᐱᒻᒪᕆᐅᔫᒐᓗᐊᓄᑦ ᐊᒻᒪᓗ ᐱᔨᑦᑎᕈᑎᑐᐃᓐᓇᕐᓄᑦ ᑕᒪᒃᑯᓄᖓ ᑲᓇᑕᒥᐅᑕᓕᒫᓄᑦ ᐱᔨᑦᑎᕐᓂᐅᕙᑦᑐᑦ ᖃᓪᓗᓈᓄᑦ ᐅᕝᕙᓘᓐᓃᑦ ᐅᐃᕖᓄᑦ.

ᐱᓗᐊᕐᓗᒋᑦ ᐱᔨᑦᑎᕈᑏᑦ

ᐊᓂᒍᖅᑐᓂᑦ ᒐᕙᒪᓄᑦ ᐊᐅᓚᑕᐅᔪᑦ ᐊᒻᒪᓗ ᒪᓕᒐᓕᐊᖑᔪᑦ, ᐅᑯᑎᒎᓇᓘᓐᓃᑦ ᐊᐅᓪᓚᖅᑎᑕᐅᓂᖏᑦ ᐃᓄᐃᑦ ᐃᓕᓐᓂᐊᕆᐊᖅᑎᑕᐅᓪᓗᑎ, ᐊᑦᑐᐃᓂᕐᓗᐃᓯᒪᒻᒪᕆᑉᐳᑦ ᐊᒻᒪᓗ ᐊᑦᑐᖅᑕᐅᓂᖃᖅᑐᒥ ᓱᕋᐃᓯᒪᓪᓚᕆᒃᑐᑎᑦ ᐃᓄᐃᑦ ᑭᓇᐅᓂᖏᓐᓂ, ᐱᖅᑯᓯᖏᓐᓂᑦ, ᐊᒻᒪᓗ ᐅᖃᐅᓯᖓᓂᑦ. ᑲᓇᑕᒥ ᐊᖏᔪᖅᑳᕐᔪᐊᕆᓚᐅᖅᑕᖓ ᒪᒥᐊᓚᐅᖅᓯᒪᕗᖅ ᔫᓂ 2008 ᑖᓐᓇᓗ ᑐᙵᓱᒍᑎᒋᔭᐅᓚᐅᖅᑐᓂ ᐱᒋᐊᕈᑕᐅᓂᐊᕐᓗᓂ ᒪᒥᓴᕐᓂᒃᑯᑦ, ᑭᓯᐊᓂ ᓱᓕ ᐊᒥᓱᒻᒪᕇᑦ ᐱᓕᕆᐊᖑᔭᕆᐊᖃᕐᖓᑕ ᑖᒃᑯᐊ ᑲᒪᒋᓪᓚᕆᓐᓂᐊᕐᓗᒋᑦ ᐅᓪᓗᒥᐅᔪᖅ ᓱᓕ ᐊᑲᐅᙱᓕᐅᕈᑕᐅᔪᑦ ᐊᒻᒪᓗ ᐱᓂᕐᓗᒃᑕᐅᔪᑦ ᑕᐃᒃᑯᓄᖓ ᐃᓄᒃᑎᑐᑦ ᐅᖃᐅᓯᖃᖅᑳᖅᓯᒪᔪᓄᑦ, ᐃᓄᒃᑎᑐᑦ ᐅᖃᐅᓯᑐᐊᓕᓐᓄ ᐅᕝᕙᓘᓐᓃᑦ ᐅᖃᐅᓯᕐᓗᐊᑕᖃᖅᑐᓄᑦ ᐃᓄᒃᑎᑐᑦ.”

ᑖᓐᓇ ᐃᓄᐃᑦ ᐅᖃᐅᓯᖓᓂ ᓴᐳᔾᔨᓂᕐᒧᑦ ᐱᖁᔭᖅ ᐃᓗᓕᖃᖅᑯᖅ ᑕᒪᒃᑮᓐᓂᒃ ᐃᓗᓕᖃᖅᑯᖅ, ᑎᑎᕋᖅᑕᐅᓯᒪᔪᓂᑦ ᐊᒻᒪᓗ ᐋᖅᑭᓱᖅᓯᒪᓂᕆᔭᖓᓂᑦ ᐊᑦᑐᖅᑕᐅᔪᑦ ᐱᓕᕆᕖᑦ. ᑖᒃᑯᐊ ᐱᖃᓯᐅᑎᓯᒪᕗᑦ, ᓄᓇᓕᓐᓄ, ᓄᓇᓕᓐᓂ ᐱᓕᕆᕕᐅᔪᓄᑦ, ᐃᓄᐃᑦ ᐱᓕᕆᕕᖁᑎᖏᓐᓄᑦ, ᐃᓚᒌᔅᓴᓄᑦ, ᐃᖅᑲᓇᐃᔭᖅᑐᓕᕆᔨᓄᑦ, ᐊᒻᒪᓗ ᒐᕙᒪᐃ ᓯᓚᑖᓂ ᐱᓕᕆᕕᐅᔪᓄᑦ, ᐱᖃᓯᐅᑎᓪᓗᒋᑦ ᓄᓇᓕᓐᓂ ᕼᐋᒻᒪᓚᒋᔭᐅᔪᑦ, ᒐᕙᒪᑐᖃᒃᑯ ᐊᒻᒪᓗ ᐊᒡᒍᑐᖅᓯᒪᔪᓄᑦ ᒐᕙᒪᒋᔭᐅᔪᑦ.

“ᑯᐊᐳᕇᓴᐅᔪᖅ, ᓇᒻᒥᓂᖃᖃᑎᒌᑦ, ᓇᒻᒥᓂᖅᓱᖅᑐᑦ, ᐃᓚᒌᓴᒃᑯᑦ, ᑲᑐᔾᖃᐊᑎᒌᑦ, ᑯᐊᐸᓕᕆᔨᒃᑯᑦ, ᐃᖅᑲᓇᐃᔭᖅᑐᓕᕆᔨᒃᑯᑦ ᑭᒡᒐᑐᖅᑎᖏᑦ ᐅᕝᕙᓘᓐᓃᑦ ᐊᓯᖏᑦ ᒐᕙᒪᐅᑉ ᐃᓗᐊᓃᙱᑦᑐᑦ ᑎᒥᐅᔪᑦ ᐊᐅᓚᓂᖃᖅᑐᑦ ᓄᓇᕗᒻᒥ, ᑖᒃᑯᐊ ᐃᓕᔭᐅᓯᒪᙱᒃᑲᓗᐊᖃᑕ ᑎᒥᖏ ᓄᓇᕗᑦ ᐃᓗᐊᓂ.” ᑖᓐᓇ ᐅᖃᐅᓯᓕᕆᓂᕐᒧᑦ ᒪᓕᒐᐅᔪᖅ ᐱᑕᖃᐅᖅᑯᖅ ᑐᕌᖓᔪᓄᑦ ᐱᔨᑦᑎᕈᑎᓂᑦ ᓇᒻᒥᓂᖅᓱᖅᑐᓂᑦ ᐊᒻᒪᓗ ᐃᓄᓐᓄᑦ ᑎᒥᒋᔭᐅᔪᓂᑦ.

ᐃᓄᐃᑦ ᐅᖃᐅᓯᖓᓂᑦ ᓴᐳᔨᓂᕐᒧᑦ ᐱᖁᔭᖅ (ᐃᓚᖓ 1, ᐊᑖᓂ 3(2) ᓇᓗᓇᐃᕆᒃᑲᓂᖅᑯᑦ ᐱᒻᒪᕆᐅᓂᖓᓂᑦ ᐃᓄᐃᑦ ᐅᖃᐅᓯᖓᓂᑦ ᐊᑐᕐᓗᓂ ᐊᑐᐃᓐᓇᐅᑎᑦᑎᓂᕐᒥᑦ “ᐱᔭᐅᔭᕆᐊᓖᑦ” ᐱᔨᑦᑎᕈᑎᖏᑦ ᐊᒻᒪᓗ “ᐃᓪᓗᒥᐅᖃᑎᒌᓄᖓᔪᑦ, ᓱᕕᐅᕕᓕᓐᓄᑦ ᐅᕝᕙᓘᓐᓃᑦ ᑲᒪᒋᔭᖃᕐᓂᕐᒧᑦ ᐱᔨᑦᑎᕈᑏᑦ”. 1. ᐱᔭᐅᔭᕆᐊᓕᓐᓄᑦ ᐱᔨᑦᑐᕈᑏᑦ • ᐱᔭᐅᔭᕆᐊᓕᓐᓄᑦ ᐱᔨᑦᑎᕈᑏᑦ ᐅᑯᓂᖓ ᐱᖃᓯᐅᑎᓯᒪᕗ ᑐᐊᕕᕐᓇᖅᑐᓕᕆᓂᕐᒧᑦ ᐊᒻᒪᓗ ᐸᖅᓴᐃᔪᓕᕆᓂᕐᒧᑦ ᐱᔨᑦᑎᕈᑏᑦ, ᐅᕝᕙᓘᓐᓃᑦ ᑕᐃᒫᓗᓪᐊᐸᓗᒃᑯᑦ ᐱᔨᑦᑎᕈᑎᐅᔪᑦ ᐅᕝᕙᓘᓐᓃᑦ ᓄᖅᑲᑎᑦᑎᒐᓱᓐᓂᕐᒧᑦ (ᐱᖃᓯᐅᑎᓪᓗᒋ ᐃᓯᖅᐸᓪᓕᐊᔪᑦ ᐅᕝᕙᓘᓐᓃᑦ ᑭᐅᔨᐅᓂᕐᒧᑦ ᐱᔨᑦᑎᕈᑏᑦ); ᐊᒻᒪᓗ ᖃᓄᐃᙱᑦᑎᐊᕋᓱᐊᕐᓂᕐᒧᑦ, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪᓗ ᐃᔭᒐᖅᑖᕐᕖᑦ ᐱᔨᑦᑎᕈᑎᖏᓐᓄᑦ. 2. ᐃᓪᓗᒥᐅᖃᑎᒌᓄᖓᔪᑦ, ᑐᔪᕐᒥᕕᓐᓄᑦ ᐅᕝᕙᓘᓐᓃᑦ ᑐᔪᕐᒥᐊᖃᕐᓂᕐᒧᑦ ᐱᔨᑦᑎᕈᑏᑦ • ᐃᓪᓗᒥᐅᖃᑎᒌᓄᑦ ᐱᔨᑦᑐᕈᑏᑦ ᐱᖃᓯᐅᑎᓯᒪᔪ ᐆᒻᒪᖁᓯᓕᕆᓂᖅ, ᐅᖅᓱᐊᓗᒃ, ᐃᒥᖅ, ᐊᒻᒪᓗ ᐅᖃᓚᐅᓯᕆᓂᒃᑯᑦ ᑐᓴᐅᒪᔪᑏᑦ (ᐅᖄᓚᐅᑎᒃᑯᑦ, ᐊᒻᒪᓗ ᖃᕋᓴᐅᔭᒃᑯᑦ) • ᑲᒪᒋᔭᖃᕐᓂᕐᒧᑦ ᐱᔨᑦᑎᕈᑏᑦ ᐱᖃᓯᐅᑎᓪᓗᒋᑦ ᓂᕆᕖᑦ, ᐃᓪᓗᕋᓛᒥ ᐊᑐᖅᑐᐊᑎᑦᑎᔩ% ᐊᒻᒪᓗ ᑐᔪᕐᒥᕕᓕᕆᔪᑏᑦ ᐱᔨᑦᑎᕈᑎᖏ. • ᑐᔪᕐᒥᕕᖃᖅᑎᑦᑎᓂᕐᒧᑦ ᐅᕝᕙᓘᓐᓃᑦ ᐃᓪᓗᖃᕐᓂᕐᒧᑦ ᐱᔨᑦᑎᕈᑏᑦ 3. ᐊᓯᖏᑦ ᐃᓕᔭᐅᓯᒪᔪᑦ ᐱᔨᑦᑎᕈᑏᑦ • ᐊᓯᖏᓐ ᓇᓗᐃᕐᑕᐅᓯᒪᔪᑦ ᐱᔨᓯᕈᑕᐅᔪᓐᓇᕐᑐᑦ ᐊᑲᐅᓇᕐᓯᒪᓱᒋᔭᖏᓐ ᑲᒥᓯᓇᖓᑕ ᐳᕐᑐᓂᕐᐸᑦ ᑲᑎᒪᔨᖏᑕ “ᓴᕿᕐᓯᒪᔪᑦ ᖃᓄᐃᓕᐅᖃᑕᕐᓂᖏᓐ ᒪᓕᑦᑐᒋᑦ ᐅᕝᕙᓗᓂᓐ ᐱᒻᒪᕆᐅᓱᒋᔭᐅᓪᓗᑎᒃ ᑭᒃᑯᑐᐃᓐᓇᕐᓄᓐ.”

— 15 ­—


ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ: ᐅᖃᓕᒪᒐᖅ

ᐃᓚᖏᓐᓂᑦ ᒪᓕᒃᑕᐅᔭᕆᐊᓕᓐᓂᑦ ᓇᒻᒥᓂᓕᓐᓄᑦ ᐊᒻᒪᓗ ᐱᓕᕆᕕᐅᔪᓄᑦ ᐱᔨᑦᑎᕈᑎᖃᖅᐸᑦᑐᓄᑦ ᑖᒃᑯᓂᖓ ᐱᒻᒪᕆᐅᓂᖏᓐᓄᑦ. ᑖᓐᓇ ᐱᖃᓯᐅᑎᓯᒪᕗᖅ ᐊᑐᐃᓐᓇᐅᑎᑦᑎᓗᓂ ᑎᑎᖅᑲᑎᒍᑦ ᐊᒻᒪᓗ ᐅᖃᐅᓯᒃᑯᑦ ᐃᓄᓐᓄᑦ ᐊᑐᕐᓗᓂᓗ ᐃᓄᐃᑦ ᐅᖃᐅᓯᖓᓂᑦ ᐅᑯᓂᖓᓕᒫᑦ ᐊᑐᖅᑕᐅᔪᓂᑦ • • • • • •

ᑐᓴᖅᑎᑦᑎᒍᑎᓕᒫᑦ ᐅᖃᐅᔨᒋᐊᕈᑏᑦ ᐊᑐᐊᒐᖏᑦ ᑐᕌᖓᔪᑦ ᐊᑐᖅᑐᐊᖅᑎᒧᑦ ᐅᕝᕙᓘᓐᓃᑦ ᓂᐅᕕᖃᑦᑕᖅᑐᓕᕆᓂᕐᒧᑦ ᐱᔨᑦᑎᕈᑏᑦ ᑕᖅᑭᑕᒫᑦ ᐊᑭᓕᕆᐊᓖᑦ ᐊᑭᓕᖅᑕᐅᒍᒪᔪᑏᑦ ᐊᓯᖏᓪᓗ ᑕᐃᒫᓪᓗᐊᐸᓗᒃ ᐱᔨᑦᑎᕈᑏᑦ ᑐᕌᖓᔪᑦ ᐃᓄᐃᑦ ᐅᖃᐅᓯᖓᓂᑦ ᐅᖃᐅᓯᓖᑦ ᐊᓯᖏᑦ ᑐᓴᐅᒪᖃᑦᑕᐅᑎᓕᕆᔪᑏᑦ ᑖᔅᓱᒪ ᑲᒥᓯᓇᐅᑉ ᑲᑎᒪᔨᓄᑦ ᐊᑐᖅᑕᐅᒋᐊᖃᖅᑐᒋᑉᐸᒋᑦ ᓴᖅᑭᑎᓐᓂᐊᕐᓗᑎ ᖃᓄᐃᓐᓂᕆᔭᖓᓂᑦ ᐅᕝᕙᓘᓐᓃᑦ ᐊᑦᑐᖅᑕᐅᒍᑎᐅᒍᓐᓇᖅᑐᑦ ᐱᒻᒪᕆᐅᔪᒃᑯᑦ ᐃᓄᓐᓄᑦ.

ᖃᓄᐃᒍᑎᖃᓗᐊᖏᑐᑦ ᒪᓕᒐᕐᓄᓐ

ᑕᐃᒪᓕ ᖃᓄᐃᓕᐅᕆᐊᖃᖁᖓ ᒪᓕᑦᑎᐊᕈᓐᓇᕐᓂᐊᕋᒪ ᒪᑯᐊ ᐃᓄᑦᑎᑐᓕᕆᐊᖃᓪᒪᕆᑦᑐᑦ ᒪᓂᒪᑎᑦᑎᓂᖅ ᒪᓕᑦᑐᒍ ᐅᓇ 1 s.3(1) ᐅᕙᓃᑐᖅ ᐃᓄᐃᑦ ᐅᖃᐅᓯᖓᑕ ᓴᐳᒻᒥᔭᐅᓂᖓᓄᑦ ᐅᕙᓃᑐᖅ ᐃᓄᐃᑦ ᐅᖃᐅᓯᖓ ᑎᑎᕋᕐᓯᒪᑎᓪᓗᒍ ᐊᑭᓐᓇᒥ ᐊᒻᒪᓗ ᒪᓂᒪᓴᐅᑎᐅᓗᓂ ᑮᓇᐅᔭᓕᐅᕈᑎᒋᓇᓱᐊᕐᓗᒍ. ᐃᓄᑦᑎᑐᖓᒐᓗᐊᖃᑦ, ᐅᕝᕙᓘᓂᓐ ᐃᓅᔨᖓᔪᕐᑎᑐᑦ ᐊᖏᓂᖓ ᑕᐃᒪᐃᓗᐊᕆᔭᕆᐊᖃᖃ ᐅᖃᐅᓯᕐᒧᓐ ᐊᑐᕐᑕᐅᒥᔪᒧᓐ ᐃᓅᑎᑐᖓᖏᑦᑐᒧᓐ. ᓇᓗᓇᐃᑯᑕᑦ

ᐃᓄᐃᑦ ᐅᖃᐅᓯᖏᓐᓂᑦ ᓴᐳᔾᔨᓂᕐᒧᑦ ᐱᖁᔭᖅ ᐱᔪᓐᓇᑎᑦᑎᕗᖅ ᐊᓪᓚᕕᐊᓂ ᐅᖃᐅᓯᓕᕆᓂᕐᒧᑦ ᑲᒥᓯᓇᐅᑉ ᐊᒻᒪᓗ ᓄᓇᕗᑦᒥ ᐃᖅᑲᖅᑐᐃᕕᓕᕆᔨᒃᑯᓐᓂᑦ ᑖᒃᑯᐊ ᐊᑐᙱᓂᖅᓴᐅᒍᓐᓇᕐᓗᑎᑦ ᒪᓕᒃᑕᐅᔭᕆᐊᓕᓐᓂᑦ ᐱᖁᔭᐅᑉ ᐊᑕᓃᑦᑐᓂᑦ ᑐᕌᖓᔪᓂᑦ ᓇᒻᒥᓂᖅᓱᖅᑐᓂᑦ ᐱᓕᕆᕕᐅᔪᓂᑦ, ᐊᒻᒪᓗ ᐊᓯᔾᔨᖅᑕᐅᓗᑎᑦ ᑐᑭᓯᓇᖅᑎᐊᕆᐊᕐᓗᒋᑦ ᑐᓴᒪᔪᑎᓕᕆᓂᐅᕙᑦᑐᑦ ᐅᕙᓘᓐᓃᑦ ᐱᔨᑦᑎᕈᑎᐅᔪᑦ ᐃᓄᐃᑦ ᐅᖃᐅᓯᖏᓐᓂ.3 ᑭᓯᐊᓂ, ᓇᒻᒥᓂᖃᖅᑑᔪᖅ ᑕᑯᔅᓴᐅᑎᑦᑎᓗᓂ ᐃᒪᐃᒋᐊᖃᕋᔭᖅᑐᖅ:

ᒪᓕᑦᑐᒍ ᐅᓇ 1 s.3(1) ᐅᕙᓃᑐᖅ ᐃᓄᐃᑦ ᐅᖃᐅᓯᖓᑕ ᓴᐳᒻᒥᔭᐅᓂᖓᓄᑦ ᐅᕙᓃᑐᖅ ᐃᓄᐃᑦ ᐅᖃᐅᓯᖓ ᑎᑎᕋᕐᓯᒪᑎᓪᓗᒍ ᐃᓄᑦᑎᑐᖓᒐᓗᐊᖃᑦ, ᐅᕝᕙᓘᓂᓐ, ᐊᖏᓂᖓ ᑕᐃᒪᐃᓗᐊᕆᔭᕆᐊᖃᖃ ᐅᖃᐅᓯᕐᒧᓐ ᐊᑐᕐᑕᐅᒥᔪᒧᓐ ᐃᓅᑎᑐᖓᖏᑦᑐᒧᓐ ᑭᒃᑯᑐᐃᓐᓇᕐᓄᓐ ᓇᓗᓇᐃᕐᓯᔪᑎᒧᓐ, ᐱᖃᓯᐅᑎᓪᓗᒋᑦ ᑐᐊᕕᕐᓇᑐᕐᓯᐅᑎᑦ ᓇᓗᓇᐃᑯᑕᑦ ᐊᒻᒪ ᓇᓗᓇᐃᑯᑕᑦ ᐊᓂᕕᓐᓄᓐ.

ᓂᕿᑕᕐᕖᑦ ᐊᒻᒪ ᓂᐅᕕᕐᕖᑦ ᓇᓗᓇᐃᕐᓯᓯᒪᓲᖑᒻᒪᑕ ᖃᓄᐃᑦᑑᓂᖏᓐᓂᒃ ᓂᖀᑦ ᐅᕝᕙᓘᓂᓐ ᑭᓲᓂᖏᓐᓂᒃ, ᐊᖁᑎᒋᓂᐊᕐᑐᑰᓚᐅᕋᓂ ᐅᕝᕙᓘᓂᓐ ᐃᓕᔨᕕᓐᓂ. ᑖᑯᐊᓕ ᐃᓱᒪᖏᔭᐅᓱᖑᕗᑦ “ᑭᒃᑯᑐᐃᓐᓇᕐᓂᒃ ᖃᐅᔨᑲᐃᔪᑎᐅᓪᓗᑎᒃ”, ᑖᑯᐊᓗ ᐱᑕᖃᕆᐊᖃᓪᓚᕆᑦᑐᑎᒃ ᐃᓄᑦᑎᑐᑦ, ᐊᓯᐊᒍᓪᓘᓂᓐ ᐅᖃᐅᓯᐅᔪᒃᑯᑦ.

ᑖᓐᓇ ᑎᒥᐅᔪᖅ ᓴᖅᑭᖅᑕᐅᔪᖅ ᐱᔾᔪᑎᖃᓗᐊᕐᓗᓂ ᐱᖅᑯᓯᑐᖃᖓᓄ, ᓴᖅᑭᔮᖅᑎᓂᖓᓄᑦ, ᓴᙲᑎᑦᑎᓗᓂ ᐅᕝᕙᓘᓐᓃᑦ ᐱᕚᓪᓕᑎᑦᑎᓂᐊᕐᓗᓂ ᐃᓄᐃᑦ ᐅᖃᐅᓯᕆᙱᑕᖏᓐᓂᑦ ᐅᕝᕙᓘᓐᓃᑦ ᐱᖁᓯᖓᓂᑦ ᓄᓇᓕᓐᓄᑦ; ᐅᕝᕙᓘᓐᓃᑦ ᑖᓐᓇᓗ ᒪᓕᒃᑕᐅᔭᕆᐊᓕᒃ ᓴᖅᑭᑎᑦᑎᓂᐊᖅᑯᖅ “ᐊᒃᓱᕈᕐᓇᖏᑦᑐᒃᑯᑦ.”

ᑖᒃᑯᐊ ᒪᓕᒃᑕᐅᔭᕆᐊᓖᑦ ᐃᓄᐃᑦ ᐅᖃᐅᓯᖓᓐᓂ ᓴᐳᔾᔨᓂᕐᒧᑦ ᐱᖁᔭᖓᓂᑦ ᐱᓕᕆᔪᑕᐅᓗᑎ “ᐊᒃᓱᕈᕐᓇᖏᑦᑐᒃᑯᑦ”4, ᐊᓪᓚᕕᖓ ᐅᖃᐅᓯᓕᕆᓂᕐᒧᑦ ᑲᒥᓯᓇ ᕿᒥᕐᕈᖃᑦᑕᓂᐊᖅᑯᑦ ᐅᑯᓇᓃᑦᑐᓂᑦ: • • • •

ᖃᓄᐃᑦᑐᑐᐃᓐᓇᐃᑦ ᐊᑲᐅᙱᓕᐅᕈᑕᐅᔪᑦ ᐱᔾᔪᑎᓖᑦ ᖃᓄᐃᙱᑦᑎᐊᕆᐊᖃᕐᓂᕐᒧᑦ ᐊᒻᒪᓗ ᐊᑦᑕᓇᕐᔭᐃᓯᒪᑎᑦᑎᓂᕐᒧᑦ ᓇᒻᒥᓂᓕᖁᑎᐅᔪᒧᑦ, ᐃᖅᑲᓇᐃᔭᖅᑎᖏᓐᓄᑦ, ᐅᕝᕙᓘᓐᓃᑦ ᐱᔨᑦᑎᖅᑕᖏᓐᓄᑦ; ᑕᐃᒫᓪᓗᐊᙳᖏᑐᒃᑯᑦ ᖃᓄᐃᓕᐅᕈᑕᐅᔪᓂᑦ ᐱᒻᒪᕆᐅᔪᓂᑦ ᑐᕌᒐᕆᔭᐅᔪᓂᑦ, ᐅᕝᕙᓘᓐᓃᑦ ᐊᐅᓚᓂᐅᔪᓂᑦ ᓇᒻᒥᓂᕆᔭᐅᔪᓂ; ᐊᓱᒻᒪᕆᒃ ᐊᑦᑐᕐᓯᓂᕆᔪᓐᓇᕐᑕᖓᓄᓐ ᓇᒻᒥᓂᖁᑕᐅᔪᑉ ᖃᓄᐃᓕᐅᕐᓂᖓᓄᓐ ᑕᑯᐊ ᑲᓄᐃᓕᐅᕆᐊᖃᓪᓚᕆᑦᑐᑦ ᒪᓕᑎᐊᕈᓐᓇᖁᓪᓗᒋᑦ; ᐊᒻᒪᓗ ᐊᖏᓂᕆᔭᖓ, ᖃᓄᐃᓂᕆᔭᖓ ᐅᕝᕙᓘᓐᓃᑦ ᐊᐅᓚᓂᕆᒍᓐᓇᖅᑕᖓ ᓇᒻᒥᓂᕆᔭᐅᔪᖅ.

ᓇᒻᒥᓂᓕᖁᑎᒋᔭᐅᔪᖅ ᐊᑦᑐᐃᓂᕐᓗᒃᑕᐅᓂᐊᖅᑲᑦ ᓇᓕᐊᒍᑐᐃᓐᓇᖅ ᑕᕝᕘᓇ ᐃᓄᐃᑦ ᐅᖃᐅᓯᖏᓐᓂ ᓴᐳᔾᔨᓂᕐᒧᑦ ᐱᖁᔭᕐᒧᑦ, ᑖᓐᓇ ᐅᖃᐅᓯᓕᕆᓂᕐᒧᑦ ᑲᒥᓯᓇ ᐃᓱᒪᔅᓴᕐᓯᐅᕈᓐᓇᖅᑯᖅ ᖃᓄᐃᒍᑕᐅᒍᓐᓇᕐᓂᖓᓂᑦ ᓇᒻᒥᓂᓕᖁᑎᒋᔭᐅᔪᖅ.

ᑭᖑᖅᕖᓂᖅ ᒪᓕᒐᖅᑎᒍᑦ ᐊᑕᐅᖅᑕᐅᔭᕆᐊᓕᒻᒥᑦ ᐊᓯᐊᓄᑦ ᐱᒡᒐᓇᕈᑎᖃᙱᓂᖅᓴᐅᔪᒧᑦ ᐱᓇᓱᐊᕐᓂᐊᕐᓗᒍ

ᖃᓄᐃᓐᓂᐅᔪᑦ ᐃᓅᓇᓱᐊᕋᓱᐊᕐᓂᕐᒧᑦ ᐱᒡᒐᓇᕈᑎᐅᔪᑦ

3 4

ᑭᓲᓂᖏᓐᓂᒃ ᓇᓗᓇᐃᕐᓯᔪᑏᑦ

ᓱᓕᑦᑕᐅᖅ ᐃᓱᒪᓴᕐᓯᐅᕈᑎᖏᔪᓐᓇᕐᒥᔭᖓ ᓂᕿᑕᕐᕕᐅᑉ ᐃᓚᒋᔭᐅᔪᓐᓇᕐᓗᓂ ᐅᖃᐅᓯᕐᒧᓐ ᐸᕐᓇᐅᑎᓕᐅᕐᓂᕐᒧᓐ ᓇᓗᓇᐃᕐᑐᕐᓯᒪᓗᑎᒃ ᖃᓄᐃᑦᑐᓂᒃ ᑕᒪᑯᐊ ᓂᖀᑦ ᐃᓚᔭᐅᓯᒪᒻᒪᖔᑕ ᓂᕿᓕᐊᖑᓪᓗᑎᒃ. ᑕᒪᓐᓇᓕ ᑕᐃᒪᐃᑦᑑᐸᑦ ᐃᑲᔪᕋᔭᕐᒪᓐ ᑭᓱᒥᒃ ᐃᓚᖃᐅᕐᒪᖔᑕ ᑕᒪᑯᐊ ᐃᓚᖏᓐ ᓂᕿᓄᑦ ᑎᒥᖏᑎᒍᑦ ᐊᑐᕐᑕᐅᓲᖑᒻᒪᑕ ᐅᕝᕙᓘᓂ ᐊᓯᖏᓐᓄᓐ ᐋᓂᐊᓕᕈᑎᒋᔭᐅᔪᓐᓇᕐᑐᓄᓐ. ᐊᑭᓕᕋᓴᐃᑦ ᐊᒻᒪ ᓇᓕᖃᐃᑦ “ᖁᔭᓐᓇᒦᒃ ᓂᐅᕕᕆᐊᕐᓯᒪᖃᐅᒐᕕᑦ”... ᐊᒻᒪᓗ ᐊᓯᖏᓐ ᖃᐅᔨᑲᐃᔪᑕᐅᓲᑦ ᑎᑎᕋᕐᓯᒪᔪᑦ ᑭᒃᑯᑐᐃᓐᓇᕐᓄᓐ ᓴᕿᓲᑦ ᓇᓕᖃᕐᓂ ᓴᕿᔭᕆᐊᖃᓪᓚᕆᑭᕗᑦ ᐃᓄᑦᑎᑐᑦ. ᑕᕿᑕᒫᖅ ᐊᑭᓕᕐᓱᕆᐊᖃᕐᐸᑦᑐᑦ, ᐊᑭᓕᕋᓴᐃᑦ, ᖃᐅᔨᑲᐃᔪᑏᑦ, ᐅᖃᐅᔨᒋᐊᕈᑏᑦ ᐊᒻᒪᓗ ᖃᓄᐃᓕᐅᕆᐊᓖᑦ ᐃᔨᓯᕐᓂᐅᓂᐊᕐᑐᓄᓐ, ᐊᒻᒪᓗ ᐊᓯᖏᓐᓄᓐ ᐊᔨᐸᓗᖏᓐᓄᓐ ᑐᑭᓯᒋᐊᕈᑎᓴᑦ ᐱᑕᖃᕆᐊᖃᖁᑦ ᒪᓕᓪᓗᒍ ᐃᓄᐃᑦ ᐅᖃᐅᓯᖓ ᓴᕿᓯᒪᑦᑕᖃᑎ ᑭᓱᓂ ᐱᓕᕆᓯᒪᒻᒪᖓᑕ ᐅᕝᕙ<ᓂᓐ ᐅᕙᓃᐸᑦ ᐃᓚᖓᓂ 1, s.3(2) ᑕᕙᓂ ᒪᓕᒐᕐᒥ. ᑐᑭᓯᒋᐊᕐᕕᒃ ᐅᓇ ᐃᓄᐃᑦ ᐅᖃᐅᓯᖓᓄᓐ ᓴᐳᒻᒥᑦᑎᓂᕐᒧᓐ ᒪᓕᒐᖅ ᐃᒪᐃᑎᑦᑎᒋᐊᖃᖁᖅ ᓇᒻᒥᓂᖁᑎᓕᓐᓂᒃ ᐊᑐᐃᓐᓇᖃᕐᑎᑦᑎᓗᑎᒃ ᑐᑭᓯᒋᐊᕐᕕᐅᔪᓐᓇᕐᑐᒥᒃ ᐊᒻᒪᓗ ᐃᔨᓯᕈᓐᓇᕐᓗᑎᒃ ᐊᑐᕐᓗᑎᒃ ᐃᓄᐃᑦ ᐅᖃᐅᓯᖓᓂᒃ; ᑕᒪᓐᓇᓗ ᑲᒪᒋᔭᐅᔭᕆᐊᖃᖁᖅ ᑕᒪᑯᓇᖓᓐ ᓇᒻᒥᓂᖁᑎᓕᓐᓂᓐ. ᑕᒪᓐᓇᓕ ᐃᒫᒃ ᑐᑭᖃᖁᖅ ᑕᐃᒪ ᓂᐅᕕᕋᕐᑎᐅᔪᖅ ᐃᓯᕐᓂᖃᑦ ᓂᐅᕕᕐᕕᒻᒧᓐ ᐅᕝᕙᓘᓂᓐ ᓇᒻᒥᓂᖁᑎᒋᔭᐅᔪᒧᓐ ᐅᕝᕙᓘᓂᓐ ᐅᖃᓚᓐᓂᖃᑦ ᑖᑯᐊᓕ ᐱᔪᓐᓇᕐᓂᖃᖁᑦ ᐅᖃᕈᓐᓇᕐᓗᑎᒃ ᐃᓄᑦᑎᑐᑦ.

— 17 ­—


ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ: ᐅᖃᓕᒪᒐᖅ

ᐱᔨᓯᕐᑕᐅᖁᔪᒧᓐ ᑐᓴᐅᒪᖃᑦᑕᐅᑎᖃᑎᖃᕐᓂᖅ ᓂᐅᕕᕋᕐᑎᐅᔪᕐᓕ ᐅᕝᕙᓘᓂᓐ ᐱᑕᖃᕐᑎᑦᑎᕙᑦᑐᒧᓐ ᖃᐅᔨᒋᐊᕐᕕᐅᔪᓐᓇᕐᑐᖅ ᑎᒥᐅᔪᖅ ᐅᕝᕙᓘᓂᓐ ᓇᒻᒥᓂᖁᑎᖃᕐᑐᖅ ᐱᔪᒪᓐᓂᖃᑦ ᓇᓪᐊᓂᑐᐃᓐᓇᖅ ᐊᑐᕈᒪᓗᓂ ᐃᓕᓴᕆᔭᐅᓯᒪᔪᒥᒃ ᐅᖃᐅᓯᕐᒥᒃ ᑐᔅᓯᕋᕐᑕᖓᒍᑦ ᑭᐅᔭᐅᔪᓐᓇᕆᐊᖃᖁᖅ ᐅᖃᐅᓯᒃᑯᑦ. ᑭᓱᑐᐃᓐᓇᕐᒧᓐ ᐅᖃᐅᓯᐅᔪᖅ ᐃᓄᐃᑦ ᑭᓯᐊᓂ ᑐᑭᓕᐅᕆᔪᓐᓇᖁᑦ ᖃᓄᐃᑦᑐᑐᐃᓐᓇᒃᑯᑦ ᐃᓄᐃᑦ ᐅᖃᐅᓯᖓᒍᑦ (ᐃᓄᑦᑎᑐᑦ ᐊᒻᒪ ᐃᓄᐃᓐᓇᕐᑐᑦ ᑕᒫᓂ ᓄᓇᕗᒻᒥ ᑭᓯᐊᓂ ᐱᔨᓯᑕᐅᓐᓂᖃᑕ. ᑖᑯᐊᓕ ᑕᒪᕐᒥᑦᑎᐊᖅ ᑐᕋᕐᓂᖃᖁᑦ ᑎᑎᕋᕐᓯᒪᔪᒃᑯᑦ ᐊᒻᒪᓗ ᐅᖃᖃᑎᒋᓐᓂᒃᑯᑦ. ᐃᓚᒋᓪᓗᒋᑦ ᐅᑯᐊ ᓈᒪᐅᑎᒃᑯᑦ ᐱᔪᒥᓇᕐᑎᑦᑎᑲᓂᕐᓂᒃᑯᑦ, ᐅᖃᐅᔨᒋᐊᕐᓂᒃᑯᑦ ᐅᕝᕙᓘᓂᓐ ᖃᓄᐃᓕᐅᕐᑕᐅᔭᕆᐊᖃᕐᑐᓂᒃ ᐊᑐᖃᑦᑕᕐᓂᖏᓐᓂᒃ ᑭᓱᑐᐃᓐᓇᐃᑦ ᐅᕝᕙᓘᓂᓐ ᐱᔨᓯᕈᑎᓂᒃ, ᐊᒻᒪ ᑕᕿᑕᒫᖅ ᐊᑭᓕᕐᓱᕆᐊᓕᓐᓂᒃ, ᐊᑭᓕᕋᓴᓂᒃ ᐅᕙᓗᓐᓂᑦ ᐊᓯᖏᓐᓂᒃ ᑐᓴᕐᑎᑎᔪᑕᐅᔭᕆᐊᓕᓐᓂᒃ ᐃᓄᓐᓄᓐ ᑕᒪᑯᓄᖓ ᐃᓄᑦᑎᑐᑦ ᐅᖃᐅᓯᖃᕐᑐᓂᒃ. ᐃᓚᒋᒻᒥᔭᖓ ᐆᒪ ᐃᓄᐃᑦ ᐅᖃᐅᓯᖓᓄᓐ ᓴᐳᒻᒥᑦᑎᓂᕐᒧᓐ ᒪᓕᒐᖅ ᐱᔪᑎᒋᓪᓗᒍ ᑭᒃᑯᑐᐃᓐᓇᕐᓂᒃ ᐱᔨᓯᓂᕐᒧᓐ ᑕᒪᓐᓇ ᐊᕋᒍᖃᑦᑕᓂᐊᕐᑐᓂ ᐊᒥᓱᓂ ᐱᕙᓪᓕᐊᑎᑕᐅᓂᐊᖁᖅ. ᑖᑯᐊ ᐊᒥᓲᓂᕐᓴᑦ ᐃᓚᒋᔭᖏᓐ ᑕᕙᓃᑐᑦ ᒪᓕᒐᕐᒥ ᐊᑦᑐᕐᓯᓂᖃᓗᐊᕋᔭᖁᑦ ᑕᒪᑯᓂᖓ ᓇᒻᒥᓂᖅ ᐊᐅᓚᑦᑎᔪᓂᒃ ᐊᑐᓕᕐᑎᑕᐅᒐᔭᖁᑦ ᐊᒻᒪ ᐊᑐᕐᑕᐅᒋᐊᓯᒐᔭᕐᑐᓂ ᖃᐅᔨᓴᕐᑕᐅᓗᓂ 2016ᒥ. ᐱᒻᒪᕆᐅᓂᕐᐹᖑᔪᖅ ᒪᓕᒐᕐᒦᑐᖅ ᑐᓴᕐᑕᐅᔭᕆᐊᖃᕐᓂᕐᐸᖅ ᓴᕿᔭᕐᑎᑦᑎᒍᑕᐅᔪᓕᒫᓐ ᖃᓄᐃᓂᐅᓂᐊᕐᑐᓂᒃ, ᓇᓗᓇᐃᑯᑕᐃᑦ ᐊᒻᒪ ᑎᑎᖃᐃᑦ ᑐᓂᔭᐅᓂᐊᕐᑐᑦ ᐱᓕᕆᖃᑎᒋᔭᐅᕙᑦᑐᓄᓐ ᐅᕝᕙᓘᓂᓐ ᑭᒃᑯᑐᐃᓐᓇᕐᓄᓐ, ᐃᓄᐃᑦ ᐅᖃᐅᓯᖓ ᐊᑐᕐᑕᐅᔭᕆᐊᖃᓚᕆᐳᖅ ᐅᕝᕙᓘᓂᓐ ᐊᓚᒐᐃᓐᓂᖓ ᐊᖏᓂᕐᓴᐅᔭᕆᐊᖃᖁᖅ ᖃᓪᓗᓈᑎᑐᕐᑐᒥᒃ.

ᓇᐃᓇᕐᓯᒪᓪᓗᑎᒃ ᑭᓲᓂᖏᓐ ᑐᑭᓕᐅᕐᑕᐅᔭᕆᐊᓖᑦ ᐅᑯᐊ ᓇᐃᓇᕐᓯᒪᓪᓗᑎᒃ ᓇᒻᒥᓂᖁᑎᖃᕐᑐᑦ ᑐᑭᓕᐅᕆᐊᖃᕐᑕᖏᓐ ᐃᓄᑦᑎᑐᑦ; • • • • • • • • • • • • • • • • • • •

ᓇᓗᓇᐃᑯᑕᖏᓐ ᐃᒡᓗᐃᑦ ᓇᓗᓇᐃᑯᑕᖏᓐ ᐃᖏᕋᓲᑦ ᓇᓗᓇᐃᑯᑕᖏᓐ ᐊᐅᓚᓂᒋᓂᐊᕐᑕᖓᑕ ᐃᑲᕋᖏᓐ ᓄᖃᖓᕕᐅᔪᓐᓇᕐᑐᑦ ᓇᓗᓇᐃᑯᑕᖏᓐ ᓇᐅᑯᕆᐊᖃᕐᓂᒃᑯᑦ ᓇᓗᓇᐃᑯᑕᑦ ᓇᓗᓇᐃᑯᑕᖏᓐ ᐱᔨᓯᕈᑕᐅᔪᑦ ᐅᕝᕙᓘᓂᓐ ᑭᓱᑐᐃᓐᓇᐃᑦ ᑭᓲᓂᖏᓐ ᐊᑭᓐᓇᒥᐅᑕᑦ ᖃᐅᔨᑲᐃᔪᑏᑦ ᐊᓂᕖᑦ ᓇᓗᓇᐃᑯᑕᖏᓐ ᓂᕆᕕᓐᓂ ᓂᕆᔭᓴᐃᑦ ᑐᔪᕐᒥᕕᒻᒥ ᐃᓗᕈᓯᕐᒥᒃ ᖃᓄᐃᓕᐅᕆᐊᖃᕐᓂᐅᔪᑦ ᐃᔭᒐᐃᑦ ᐊᑐᕆᐊᖃᕐᓂᖏᓐᓄᓐ ᖃᐅᔨᑎᑦᑎᒋᐊᕈᑏᑦ ᓇᒻᒥᓂᖁᑎᓕᒻᒧᓐ ᑐᓂᔭᒐᐃᑦ ᖃᐅᔨᒪᑎᑦᑎᔪᑏᑦ ᑎᑎᖃᖏᑎᒍᑦ ᓇᓗᓇᐃᑯᑕᑦ ᐃᖏᕐᓇᕈᑎᒃᑯᑦ ᓄᖃᑎᑦᑎᒍᓐᓇᕐᓃᑦ ᑐᓂᐅᖃᒐᐃᑦ ᐅᕝᕙᓘᓂᓐ ᐅᖃᓕᒫᒐᕋᓛᑦ ᖃᐅᔨᑎᑦᑎᒋᐊᕈᑏᑦ ᐱᔪᒥᓇᕐᑎᑦᑎᒋᐊᑲᓂᕐᓂᕐᒧᓐ ᐅᖃᓕᒫᕋᓴᑦ ᓈᓚᐅᑎᒃᑯᑦ ᒪᓂᒪᓴᐅᑎᖃᕐᓂᖅ ᑏᕕᒃᑯᑦ ᒪᓂᒪᓴᐅᑎᖃᕐᓂᖅ

• • • • • • •

ᖃᕋᓴᐅᔭᒃᑯᑦ ᐱᕙᓪᓕᐊᔪᑎᒍᑦ ᐅᖃᓕᒪᒐᕐᑎᒍᑦ ᐱᔪᒥᓴᐅᑎᖃᕐᓂᖅ ᐅᖃᓚᐅᑎᒃᑯᑦ ᓇᓗᓇᐃᕐᑐᐃᓂᖅ ᑎᑎᖃᐃᑦ ᑕᕿᒥ ᐃᒻᒪᒍᑎᒥᓂᕐᒧᓐ ᐃᒥᕐᒧᓐ ᐊᑭᓕᕆᐊᓖᑦ ᑕᕿᒥ ᐅᕐᓴᒍᑎᒥᓂᕐᒧᓐ ᐊᑭᓕᕆᐊᓖᑦ ᑐᓴᐅᒪᖃᑎᒋᓐᓂᕐᒧᓐ ᑕᕿᒥ ᐊᑭᓕᕆᐊᓖᑦ

ᐊᕿᓱᐃᓂᖅ ᐅᖃᐅᓯᕐᒥ ᐸᕐᓇᐅᑎᓕᐅᕐᓂᕐᒧᓐ: ᑕᒪᓐᓇᓕ ᐅᖃᐅᓯᕐᒧᓐ ᐸᕐᓇᐅᑎᒧᓐ ᑭᓲᕙ, ᐊᒻᒪᓗ ᖃᓄᖅ ᓴᖀᔪᓐᓇᖁᖓ? ᑖᓇᓕ ᐅᖃᐅᓯᕐᒧᓐ ᐸᕐᓇᐅᑎᐅᔪᖅ ᐊᑐᕐᑕᐅᔪᓐᓇᖁᖅ ᖃᐅᔨᒪᔪᑎᐅᔪᓐᓇᕐᒪᓐ ᑖᓇ ᓇᒻᒥᓂᖁᑎᒋᔭᐃᑦ ᒪᓕᑲᓗᐊᕐᒪᖓᖅ ᐅᒥᖓ ᐃᓄᐃᓐ ᐅᖃᐅᓯᖓᓂ ᓴᐳᒥᑦᑎᓂᕐᒧᓐ ᒪᓕᒐᕐᒥᒃ. ᐊᕿᓱᕐᓯᒪᓪᓗᓂᓗ ᖃᓄᖅ ᐊᕿᑦᑎᕋᓴᐅᒻᒪᖓ ᐱᕙᓪᓕᐊᓂᕆᔪᓐᓇᕐᑕᖓᓂᒃ ᐃᓕᓐᓂᒃ ᐃᑲᔪᑎᒐᔭᕐᒪᓐ ᓇᓗᓇᐃᕐᑐᐃᔪᑕᐅᓗᓂ ᐃᕝᕕᑦ ᖃᓄᐃᓕᐅᕆᐊᖃᕐᓂᕆᔭᖏᓐᓂᒃ, ᐊᒻᒪ ᖃᐅᔨᒪᔪᑎᒋᓗᒍ ᖃᓄᓪᓚᕆᒃ ᐊᒻᒪ ᖃᖓᑯᑦ ᓴᕿᕆᐊᖃᕋᔭᕐᒪᖓᕐᐱᐅᒃ. ᑕᒪᓐᓇᓗ ᐸᕐᓇᐅᑎᒋᓯᒪᔭᐃᑦ ᑭᒃᑯᑐᐃᓐᓇᕐᓄᓐ ᐊᑐᐃᓐᓇᐅᔭᕆᐊᖃᖁᖅ ᕿᒥᕈᔭᐅᔪᓐᓇᕐᓗᓂ. ᐃᑭᐊᕐᓯᕕᒻᒧᓐ ᐃᓕᔪᓐᓇᖃᑦ ᐅᕝᕙᓘᓂᓐ ᓴᕿᔭᕐᑎᒍᓐᓇᕐᑕᐃᑦ ᐅᖃᓕᒪᒐᐅᓗᓂ ᐃᕝᕕᑦ ᑐᖓᓱᐊᑎᑦᑎᕕᖓᓂ. ᐅᖃᐅᓯᕐᒧᓐ ᐸᕐᓇᐅᑎᐅᔪᖅ ᑕᐃᒪᐃᓚᕆᒋᐊᖃᔭᖏᓚᖅ; ᑕᒪᓐᓇᓕ ᐃᑲᔫᑎᒋᒐᓱᑐᐃᓐᓇᕐᒪᓐ ᓇᒻᒥᓂᖁᑎᖃᕐᑐᓂᒃ ᒪᓕᑦᑎᐊᕋᓗᐊᕐᒪᖔᑕ ᓄᓇᕗᑦ ᒪᓕᒐᖓᓂᒃ. ᐱᑲᔫᑎᒋᔪᓐᓇᕐᑐᖅ ᑕᒪᑯᓂᖓ ᐱᖃᑎᖃᖃᑕᓂᕐᒥᒃ ᓂᐅᕕᕆᐊᕐᐸᑦᑐᓂᒃ, ᐱᓗᐊᕐᑐᒥᒃ ᑕᒪᑯᓂᖓ ᐊᑕᐅᓯᑐᐃᓐᓇᕐᒥᒃ ᐅᖃᐅᓯᕐᒥᒃ ᐅᖃᕈᓐᓇᕐᑐᓂᒃ. ᐊᕿᓱᐃᔪᓐᓇᖁᑎᑦ ᐊᒻᒪ ᑐᓂᔪᓐᓇᕐᑐᒋᑦ ᐅᖃᐅᓯᕐᒧᓐ ᐸᕐᓇᐅᑎᓕᐊᕆᓯᒪᔭᑎᑦ ᑕᐃᒪᐃᒍᒪᓐᓂᕈᕕᑦ ᑕᒪᓐᓇᓗ ᖃᐅᔨᒪᔪᑎᒋᔪᓐᓇᕐᑐᓂ ᒪᓕᑦᑎᐊᓂᕐᓂᒃ ᐅᖃᐅᓯᕐᒧᓐ ᒪᓕᒐᐅᔪᓂᒃ, ᐅᕝᕙᓘᓂᓐ ᖃᓄᖅ ᓴᕿᔭᕐᑎᑦᑎᒐᔭᕐᒪᖓᕐᐱᑦ ᐱᔨᓯᕐᓗᑎᑦ ᐊᑐᕐᓗᒍ ᐃᓄᑦᑎᑐᑦ ᐅᖃᐅᓯᖅ. ᐱᓛᒃ ᑕᐃᒪᐃᒋᐊᖃᑐᐃᓐᓇᕆᐊᖃᖁᑎᑦ ᐊᕿᓱᐃᔭᕆᐊᖃᕐᑐᑎᑦ ᐅᖃᐅᓯᕐᒧᓐ ᐸᕐᓇᐅᑎᓕᐅᕐᓂᕐᒥᒃ, ᑭᓯᐊᓂᓕ ᖃᐅᔨᓴᕐᑕᐅᓐᓂᕈᕕᑦ ᐅᖃᐅᓯᓕᕆᓂᕐᒧᓐ ᑲᒥᓯᓇᖓᓄᓐ, ᐅᕝᕙᓘᓂᓐ ᑕᐃᒪᐃᖁᔭᐅᓐᓂᕈᕕᑦ ᐃᖃᑐᐃᕕᑎᒍᑦ. ᐱᓄᐃᑦ ᐅᖃᐅᓯᖓᓂᒃ ᓴᐳᒥᑦᑎᓂᕐᒧᓐ ᒪᓕᖓ ᐃᒪᐃᓕᖓᕗᖅ, ᐃᓚᖓᓂ4, s.29, ᓇᓗᓇᐃᕐᓯᓯᒪᕗᖅ ᖃᓄᐃᑦᑐᓂᒃ ᐱᑕᖃᕆᐊᖃᕐᒪᖓᖅ ᑖᓇ ᐅᖃᐅᓯᕐᒧᓐ ᐸᕐᓇᐅᑎᐅᔪᖅ.

(a) ᑎᒥᐅᔫᑉ ᖃᓄᐃᓕᐅᕐᓂᐊᕐᓂᖓᓂᒃ, ᐊᑐᐊᒐᖏᓐᓂᒃ ᐊᒻᒪ ᐊᑐᕐᑕᐅᖃᑦᑕᕈᒪᕐᓂᐊᕐᑐᓂᒃ ᑐᓴᐅᒪᖃᑦᑕᐅᑎᓂᕐᒧᓐ ᓴᕿᔭᕐᑎᑦᑎᓂᕐᒧᓐ ᐅᕝᕙᓘᓂᓐ ᐱᔨᓯᓂᕐᒧᓐ ᑭᒃᑯᑐᐃᓐᓇᕐᓂᒃ ᑕᐃᒪᐃᒋᐊᖃᕐᑐᓂᒃ ᑖᓇ ᒪᓕᒐᖅ ᒪᓕᓪᓗᒍ; (b) ᐊᕿᓯᒪᓗᓂ ᐱᒋᐊᕋᔭᕐᓂᖓᓂᒃ ᐊᑐᕐᑕᐅᒐᔭᕐᑐᖅ, ᐊᑐᐊᒐᑦ ᐅᕝᕙᓘᓂᓐ ᖃᓄᐃᓕᐅᕈᑕᐅᖃᑕᕋᔭᕐᑐᑦ;

— 19 ­—


ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ: ᐅᖃᓕᒪᒐᖅ

(c) ᓇᓗᓇᐃᕐᓯᒪᓗᓂ ᑖᓇ ᑎᒥᐅᔪᖅ ᖃᑦᑎᓂᒃ ᐃᖃᓇᐃᔭᕐᑎᖃᕐᒪᖓᖅ, ᐱᑕᖃᑲᓪᓚᐸᑦ ᐃᓄᑦᑎᑐᑦ ᐅᖃᕈᓐᓇᓪᓚᕆᑦᑐᓂᒃ ᐊᒻᒪ ᑐᓴᐅᒪᖃᑕᐅᑎᖃᕈᓐᓇᕐᓗᓂ ᐅᕝᕙᓘᓂᓐ ᓴᕿᔪᓐᓇᕐᓗᓂ ᐱᔨᓯᓂᕐᒥᒃ ᑭᒃᑯᑐᐃᓐᓇᕐᓄᓐ ᐃᓄᐃᑦ ᐅᖃᐅᓯᖓ ᐊᑐᕐᓗᒍ ᑕᐃᒪᐃᒋᐊᖃᕐᑐᓂᓗ ᑖᓇ ᒪᓕᒐᖅ ᒪᓕᑦᑐᒍ; ᐊᒻᒪ (d) ᖃᓄᕐᓗ ᑖᓇ ᑎᒥᐅᔪᖅ ᖃᐅᔨᒪᒐᓱᐊᕋᔭᕐᒪᖓᖅ ᐱᑕᖃᕋᓗᐊᕐᒪᖓᖅ ᐃᓄᐃᑦ ᐅᖃᐅᓯᖓᓂᒃ ᐸᕐᓇᐅᑎᖓᓂᒃ ᐊᒻᒪ ᐊᑐᐃᓐᓇᐅᓂᖓᓂᒃ ᑐᓴᐅᒪᖃᑦᑕᐅᑎᖃᑎᒋᒋᐊᖃᕐᓂᕐᒧᓐ ᐅᕝᕙᓘᓂᓐ ᐱᔨᓯᓂᒃᑯᑦ ᑭᒃᑯᑐᐃᓐᓇᕐᓂᒃ ᑕᒪᓐᓇ ᐃᓄᑦᑎᑐᑦ ᐅᖃᐅᓯᖅ ᓴᕿᔮᓚᕆᑲᓗᐊᕐᒪᖓᖅ.

ᓱᒻᒪᓪᓕ ᐅᕙᖓ ᐊᑲᐅᓴᖏᒐᓱᒍᓐᓇᖁᖓ? ᓇᒻᒥᓂᖁᑎᖃᕐᑑᑉ ᐊᑐᕈᓐᓇᕐᑕᖏᓐ ᒪᓕᒋᐊᖃᕐᓂᕐᒧᓐ ᑕᐃᒪ ᐊᒥᓲᒪᑕ ᐱᔪᑕᐅᒻᒪᑕ ᒪᓕᒋᐊᖃᕐᓂᕐᒧᓐ ᐅᖃᐅᓯᕐᒥᒃ ᒪᓕᒐᕐᓂᒃ. ᑖᓇᓕ ᑕᑯᓐᓇᖓᕐᑐᒍ ᓇᒻᒥᓂᖁᑎᖃᕐᑐᖅ ᓄᓇᕗᒻᒥ, ᓯᕗᓕᕐᐹᖑᔭᕆᐊᖃᕐᒪᓐ ᐊᒻᒪ ᐱᒻᒪᕆᐅᓂᕐᐹᖑᓪᓗᓂ ᑕᐃᒫᑭᓯᐊᓂ ᐊᐅᓚᑦᑎᐊᕈᓐᓇᕐᒪᓐ ᑕᐃᒫᒃ ᓇᒻᒥᓂᖁᑎᖃᕐᓂᐅᔪᖅ. •

ᐅᖃᐅᓯᕐᒧᓐ ᐸᕐᓇᐅᑎᐅᔪᖅ ᓱᓕ ᐃᓚᖃᕆᐊᖃᖁᖅ ᐃᒪᐃᑦᑐᓂᒃ: • • •

ᓇᓗᓇᐃᕐᓯᒪᓪᓚᕆᑦᑐᓂᒃ, ᖃᐅᔨᒋᐊᕋᓴᐅᔪᓂᒃ ᑐᕋᕐᓂᖃᑦᑎᐊᕋᓗᐊᕐᒪᖔᑕ ᓴᕿᔪᓐᓇᕐᓗᑎᒃ ᒪᓕᒍᓐᓇᕐᓂᖏᓐᓂᒃ ᑖᓱᒥᖓ ᒪᓕᒐᕐᒥᒃ; ᐊᑐᐃᓐᓇᐅᓂᖓᓂᒃ ᖃᐅᔨᓴᕈᑎᓴᐅᒐᔭᕐᑐᒥᒃ ᓇᓗᓇᐃᕐᓯᔪᑎᒋᔪᓐᓇᕐᓗᓂ ᐊᐅᓚᓂᖓᑕ ᐊᑐᐃᓐᓇᐅᓂᖓ ᖃᖓᑯᑦ ᐅᓪᓗᖓ ᐃᓄᐃᑦ ᐅᖃᐅᓯᖓ ᐸᕐᓇᐅᑎᐅᑉ ᑐᓂᔭᐅᒐᔭᕐᓂᖓᑕ; “ᐊᑐᐃᓐᓇᓪᓚᕆᐅᓂᖓ”; ᓇᓗᓇᐃᕐᓯᓯᒪᔪᖅ ᐃᓄᐃᑦ ᖃᐅᔨᒪᔭᕆᐊᖃᖁᑦ ᐱᔨᓯᕐᓂᖅ ᐅᖃᐅᓯᖅ ᐊᑐᕐᑕᐅᔪᓐᓇᕐᓂᖓᓂᒃ.

ᓇᒻᒥᓂᖁᑎᒋᔭᐅᔪᖅ ᓄᓇᕗᒻᒥ ᐱᕚᓕᕐᑎᑕᐅᔪᓐᓇᖁᖅ ᐊᒻᒪ ᐊᑐᐃᓐᓇᖃᕐᑎᑦᑎᔪᓐᓇᕐᑐᓂ ᖃᓄᑐᐃᓐᓇᖅ ᓇᒻᒥᓂᖁᑎᖃᕐᓂᖅ ᐱᔨᓯᕈᓐᓇᕐᓗᓂ ᐊᑐᕐᓗᒍ ᐃᓕᓴᕆᔭᐅᓯᒪᔪᖅ ᐅᖃᐅᓯᖅ ᑕᕙᓂ ᓄᓇᓯᐊᓂ ᑕᐃᒫᒃ ᐱᕚᓕᕈᓐᓇᕐᒪᕆᑉᐳᖅ, ᓂᐅᕈᑎᖃᑲᓐᓂᕈᓐᓇᕐᑐᓂᓗ, ᐊᒻᒪ ᑭᓱᓂᒃ ᐱᑕᖃᕐᑎᑦᑎᔪᓐᓇᕐᓗᓂ ᐊᒻᒪ ᐱᔨᓯᕈᓐᓇᕐᓗᓂ ᓇᐅᑯᓕᒫᖅ ᐊᔨᒌᖏᑦᑐᑎᒍᖅ ᐱᓕᕆᖃᑎᒋᔭᐅᕙᑦᑐᒃᑯᑦ. ᑕᐃᒪᐃᑎᓪᓗᒍ ᐊᓱᒻᒪᕆᒃ ᐃᓕᓐᓂᒃ ᐊᑭᑦᑐᕋᐅᑎᖃᑎᖃᑦᑎᐊᕈᓐᓇᖁᖅ ᑕᒫᓂ ᓄᓇᓯᐊᓂ ᐊᒻᒪ ᓂᐅᕈᑎᖃᕋᓱᐊᕐᓂᕐᒧᓐ ᐸᕐᓇᐅᑎᒧᓐ ᐃᓚᒋᔪᓐᓇᕐᑕᖓ ᐊᒻᒪ ᓴᕿᔪᑎᒋᑲᓐᓂᕈᓐᓇᕐᑐᓂ. ᓇᒻᒥᓂᖁᑎᖃᕐᑐᑦ ᐊᑲᐅᓴᓂᖏᑦᑐᑦ ᑖᓱᒥᖓ ᐅᖃᐅᓯᐅᑉ ᒪᓕᒐᖓᓂᒃ ᓇᒧᓐ ᓴᒋᐊᖃᕐᓂᕐᒥᒃ ᓄᖃᑎᑦᑎᒍᓐᓇᕋᔭᖏᑐᒐᓗᐊᖅ ᐊᒻᒪ ᑕᒪᑯᐊ ᓈᒪᓴᖏᑦᑐᑦ ᐃᑲᔫᑎᒋᔪᓐᓇᕐᑐᓄᓐ ᐊᑐᐃᓐᓇᐅᑎᑦᑎᕕᐅᒐᔭᖁᑦ, ᐅᕝᕙᓘᓂᓐ ᐊᑭᓖᔭᕆᐊᖃᖓᓕᕐᓗᓂ ᓇᒻᒥᓂᖁᑎᓕᒃ ᒪᓕᒍᒪᖏᓐᓂᖓᓄᓐ. ᓱᓕ ᐱᐅᒐᔭᖏᒥᒻᒪᓐ ᐊᑲᐅᖏᓐᓂᖓᓄᓐ ᐱᔪᑎᒋᓪᓗᒍ ᑕᒪᓐᓇ ᒪᓕᒍᒪᖏᓐᓂᐅᔪᖅ, ᑖᑯᐊᓕ ᓇᒻᒥᓂᖅ ᑲᒪᒋᐊᖃᓕᕋᔭᕐᒪᑕ ᐊᑭᓕᖁᔭᐅᔪᓂᒃ ᐅᕝᕙᓘᓂᓐ ᐊᑲᐅᓴᓂᖏᑦᑑᑉ ᐊᑭᖃᕆᐊᖃᕐᓂᖓᓄᓐ ᐊᑭᖃᓪᓚᕆᑲᔭᕐᒪᓐᐃᕝᕕᑦ ᓇᒻᒥᓂᖁᑎᖓᓄᓐ. ᑖᓇᓕ ᒪᓕᓐᓂᖅ ᒪᓕᒐᕐᓂᒃ ᐊᓱᒻᒪᕆᒃ ᑕᑯᓐᓇᕐᑕᐅᓗᓂ ᐱᐅᒋᔭᐅᓗᓂ ᓂᐅᕕᕋᕐᑎᐅᕙᑦᑐᓄᓐ, ᖁᔭᓕᒐᔭᕐᑐᑎᓪᓗ ᐅᖃᐅᓯᕐᒥᒃ ᐊᑐᕈᒪᔭᒥᓐᓂᒃ ᐱᔨᓯᕐᑕᐅᔪᓐᓇᓂᐊᕐᒧᓐ, ᑖᓇᐅᒐᓗᐊᕐᑎᓪᓗᒍ ᒪᓕᒐᖅ ᒪᓕᑦᑕᐅᔭᕆᐊᖃᕐᓂᖓ. ᑕᒪᓐᓇᓕ ᐱᕚᓕᑎᑦᑎᒍᓐᓇᒻᒪᕆᑉᐳᖅ ᑕᐃᒪᐃᓚᕆᑲᔭᕐᑐᓂᓗ ᓂᐅᕕᕋᕐᑎᐅᔪᑦ ᖁᕕᐊᓱᕚᓕᕐᓂᖏᓐᓂᒃ ᓈᒪᓴᑐᐊᕈᑎᒃ ᐅᖃᐅᓯᐅᑉ ᐊᑐᕐᑕᐅᓂᖓᓂᒃ. ᑕᒪᓐᓇᓗ ᒪᓕᓐᓂᖅ ᐊᑐᐃᓐᓇᐅᑎᑦᑎᑲᓐᓂᕋᔭᕆᕗᖅ ᐊᑭᖃᖏᑦᑐᒥᒃ ᒪᓂᒪᑎᑦᑎᑲᓐᓂᕈᓐᓇᓂᕐᒥᒃ, ᑕᒪᑯᐊ ᐊᑐᕆᐊᖃᕐᑐᑦ ᒪᓕᑦᑎᐊᑐᐊᖃᑕ ᐅᑯᐊᖑᓪᓗᑎᑦ ᐊᓪᓚᕕᖓ ᐅᖃᐅᓯᓕᕆᓂᕐᒧᓐ ᑲᒥᓯᓇᑉ “ᐅᖃᐅᓯᕐᒧᓐ ᐱᔪᓐᓇᕐᓂᖃᒪᕆᑦᑐᑦ” ᖃᓄᐃᓕᐅᕋᓴᓄᓐ, ᐃᓕᓴᕐᓯᒍᓐᓇᕐᑐᑦ ᑲᔪᓯᕙᓪᓕᐊᑎᑦᑎᓂᕐᒧᓐ ᐅᖃᐅᓯᐅᑉ ᐱᕙᓪᓕᐊᓂᖓᓂᒃ.

ᐃᓅᓯᕐᒧᓐ ᐱᔪᑎᖃᕐᓂᕐᒧᓐ ᒪᓕᓐᓂᖅ ᐅᑯᐊ ᐃᓚᖏᓐ ᐱᔪᑎᖏᓐ ᓱᒻᒪ ᒪᓕᓐᓂᖅ ᐅᖃᐅᓯᐅᑉ ᒪᓕᒐᖏᓐᓂᒃ ᐱᐅᔪᓂᖓᓂᒃ ᑕᒪᓐᓇ ᑕᑯᓐᓇᕐᑐᒍ ᖃᓄᐃᓕᖓᔭᕆᐊᖃᕐᓂᖓ. • •

ᐃᓄᐃᑦ ᐊᒥᓲᓂᕐᐸᖑᒻᒪᑕ ᓄᓇᕗᒻᒥ. ᑕᐃᒪᐃᑎᓪᓗᒍᓕ ᑖᑯᐊ ᓇᒻᒥᓂᖁᑎᒋᔭᐅᔪᒧᓐ ᐊᑐᐃᓐᓇᖃᕆᐊᖃᖁᑦ ᐊᒻᒪᓗ ᐱᔨᓯᓂᕐᒧᓐ ᐅᖃᐅᓯᕐᒥᓐᓂᒃ ᐊᑐᕐᓗᑎᒃ. ᐊᒥᓲᓗᑎᒃ ᐃᓄᐃᑦ ᐃᓐᓇᑐᖃᐅᔪᑦ, ᐊᓱᒻᒪᕆᓪᓗ ᐅᐱᒋᔭᐅᑦᑎᐊᕐᑐᑎᒃ ᐃᓄᓐᓂᒃ ᑕᒫᓂ ᓄᓇᕗᒻᒥ, ᐊᑕᐅᓯᕐᒥᓪᓗ ᐅᖃᐅᓯᖃᑐᐃᓐᓇᕐᑐᑎᒃ ᐊᒻᒪ ᖃᓪᓗᓈᑎᑐᑦ ᐅᖃᕈᓐᓇᕋᑎᒃ. ᑖᑯᐊᓕ ᓇᒻᒥᓂᖁᑎᒋᔭᐅᔪᓄᓐ ᐱᔭᕆᐊᑐᔪᕐᓯᐅᓂᐊᖃᑕ ᐱᔨᓯᓂᕐᓄᓐ, ᑕᒪᓐᓇᓗ ᐊᑦᑐᕐᓯᓂᖃᕈᓐᓇᕐᒪᓐ ᐱᐅᖏᑐᒃᑯᑦ ᐃᓅᓯᕐᒧᓐ.

— 21 ­—


ᑕᐃᒪᓕ ᑕᒪᐅᓇ ᐊᔨᒌᖏᑐᑎᒍᑦ ᐱᔨᓯᓂᒃᑯᑦ - ᐳᓚᕋᑦᑐᓕᕆᓂᑯᑦ, ᐃᖏᕋᔪᓕᕆᓂᒃᑯᑦ, ᑐᖓᓱᐊᑎᑦᑎᓂᒃᑯᑦ, ᓴᓇᖃᑦᑕᓂᒃᑯᑦ ᐊᒻᒪ ᐃᓕᖁᓯᖅ ᐊᑐᕐᓗᒍ ᐃᖃᓇᐃᔭᕐᕕᐅᔪᓐᓇᕐᓂᖓᒍᑦ ᐊᒻᒪᓗ ᐊᓯᖏᑎᒍ - ᐃᓄᐃᑦ ᐅᖃᐅᓯᖓ ᐊᓱᒻᒪᕆᒃ ᐱᒻᒪᕆᐅᔪᒪᓐ ᐊᒻᒪᓗ ᐊᔨᒋᔭᐅᖏᒻᒪᕆᑦᑐᓂ ᑕᒫᓂ ᓄᓇᕗᒻᒥ “ᐊᔨᐅᒐᓂ”, ᑕᒪᓐᓇᓗ ᐊᓱᒻᒪᕆᒃ ᐱᒻᒪᕆᐅᔪᓗᓂ ᓄᓇᑎᓐᓄᓐ ᓴᕿᑎᑲᓐᓂᕆᐊᖃᕐᒪᓐ ᐊᒻᒪ ᐸᕿᔭᐅᑦᑎᐊᕐᓗᓂ ᐃᓅᓯᕐᒧᓐ ᐊᒻᒪ ᓇᒻᒥᓂᖁᑎᖃᕐᓂᖅ ᐱᔪᑎᒋᓪᓗᒍ.

ᑕᐃᒪᓕ ᐃᑲᔪᕐᑕᐅᔪᓐᓇᖁᖓ ᒐᕙᒪᒃᑯᓐᓂᓐ ᒪᓕᒍᓐᓇᕐᓂᐊᕋᒪ? ᐃᑲᔪᕈᓐᓇᕐᑐᑦ ᐅᖃᐅᓯᕐᒧᓐ ᐸᕐᓇᓂᕐᒧᓐ ᐃᑲᔪᑲᓐᓂᕈᓐᓇᑐᑦ, ᑐᑭᓯᒋᐊᕐᕕᓴᑦ ᐊᒻᒪ ᐊᑐᕐᑕᐅᔪᓐᓇᕐᓂᖏᓐ ᐅᕙᖓᕈᓐᓇᖁᑦ: •

ᓄᓇᕗᑦ ᒐᕙᒪᖓ ᐊᓪᓚᕕᖓᓂᓐ ᐅᖃᐅᓯᓕᕆᓂᕐᒧᓐ ᑲᒥᓯᓇᐅᑉ 630 Queen Elizabeth II Way (P.O. Box 309), Iqaluit, Nunavut, X0A 0H0 ᐃᖃᓚᐅᑎᖓ: 1 (867) 975-5080 ᐊᑭᖃᖏᑐᖅ ᐅᖃᓚᐅᑦ: 1 (877) 836-2280 ᓱᑲᑦᑐᖅ: 1 (867) 979-7969 ᐃᖏᓇᕐᑕᐃᕈᑎᖓ: langcom@langcom.nu.ca ᑐᖁᕐᓯᕕᖓ: http://langcom.nu.ca/

ᓄᓇᕗᑦ ᒐᕙᒪᖓᑕ ᐱᕙᓪᓕᐊᔪᓕᕆᔨᒃᑯᑦ ᐊᒻᒪ ᐃᖏᕋᔪᓕᕆᔨᒃᑯᑦ ᐅᖃᓚᐅᑎᖓ: 1(888) 975-5999

ᐃᓄᐃᑦ ᐅᖃᐅᓯᖏᓐᓂᒃ ᑕᐃᒍᓯᓕᐅᕐᑏᑦ ᐅᖃᓚᐅᑎᖓ: 1(867) 975-5553 ᐊᑭᖃᖏᑐᖅ ᐅᖃᓚᐅᑦ: 1(855) 232-1852

ᐊᓯᖏᓐ ᐃᑲᔪᕈᓐᓇᕐᑐᑦ ᐅᑯᐊ ᑲᑐᔨᖃᑎᒌᖑᔪᑦ ᐃᑲᔪᕐᑐᐃᔪᓐᓇᖁᑦ ᐊᔨᒌᖏᑐᒃᑯᑦ ᐃᑲᔪᕐᓗᑎᒃ ᓇᒻᒥᓂᖁᑎᖃᕐᑐᓂᒃ ᒪᓕᑲᓗᐊᕐᒪᖓᑕ ᐃᓄᐃᑦ ᐅᖃᐅᓯᖓ ᓴᐳᒻᒥᔭᐅᓂᖓᓄᓐ ᒪᓕᒐᕐᒥᒃ: • • • • • •

ᓄᓇᕗᑦ ᒐᕙᒪᖓ ᐃᓕᖁᓯᓕᕆᔨᒃᑯᑦ ᑲᑭᕙᒃ ᑲᑐᔨᖃᑎᒌᖓ ᑭᕙᓪᓕᕐᒥ ᑲᑐᔨᓪᓗᑎᒃ ᐱᕙᓪᓕᐊᑎᑦᑎᔪᑦ ᕿᑎᕐᒥᐅᓐ ᐃᓄᐃᑦ ᑲᑐᔨᖃᑎᒌᖓ ᓄᓇᓕᓐᓂ ᐱᕙᓪᓕᐊᔪᓕᕆᔨ ᕼᐊᒻᒪᓚᒃᑯᑦ ᐊᒡᓚᕕᖓᓂᑐᖅ ᓄᓇᕗᒻᒥ ᐱᕙᓪᓕᐊᑎᑦᑎᔨᐅᔪᑦ ᑮᓇᐅᔭᑎᒍᑦ ᑲᑐᔨᖃᑎᒌᖏᓐ

867 979 4620, exdir@nunavut.com


ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ: ᐅᖃᓕᒪᒐᖅ

ᑕᐃᒪᓕ ᓱᒐᔭᖃ ᒪᓕᓐᓂᖏᑯᒪᓐ? ᑭᓇᑐᐃᓐᓇᕐᓕ ᐃᓱᒪᓐᓂᕈᓂ ᐱᔪᓐᓇᐅᑎᖓ ᐱᔨᓯᕐᑕᐅᓂᕐᒧᓐ ᐅᖃᐅᓯᒥᒃ ᐊᑐᕈᓐᓇᕐᓂᖓᓄᓐ ᐊᑐᕐᑕᐅᔪᒪᓐᓂᖏᐸᑦ ᖃᓄᐃᑦᑐᑐᐃᓐᓇᕐᒧᓐᑎᒥᐅᔪᒧᓐ ᐅᕝᕙᓘᓂᓐ ᓇᒻᒥᓂᓕᖁᑎᒋᔭᐅᔪᒧᓐ, ᒪᓕᓪᓗᒍ ᐃᓄᐃᑦ ᐅᖃᐅᓯᖓ ᐸᕿᔭᐅᒋᐊᖃᕐᓂᖓᓄᓐ ᒪᓕᖓᖅ ᑖᑯᐊᓕ ᐅᕐᓂᓗᒍᓐᓇᖁᑦ ᐱᔪᑎᒋᓗᒋᑦ ᑖᑯᐊ ᒪᓕᒍᒪᓐᓂᖏᑐᑦ ᐊᖁᑎᖃᕐᓗᑎᒃ ᐅᖃᐅᓯᓕᕆᓂᕐᒧᓐ ᑲᒥᓯᓇᒥᒃ. ᑖᓇᓕ ᓴᕿᓂᖃᑦ ᑕᐃᒫᓐ, ᖃᐅᔨᓇᓱᑕᐅᓕᕋᔭᖁᖅ ᒪᓕᓪᓗᒍ ᓇᓗᓇᐃᔭᕐᓯᒪᓂᖓ ᐅᕙᓂ ᐃᓄᐃᑦ ᐅᖃᐅᓯᖓ ᓴᐳᒻᒥᔭᐅᒋᐊᖃᕐᓂᖓᓄᓐ ᒪᓕᒐᕐᒥ.

ᐊᑲᐅᓴᖏᑐᑉ ᐊᑐᕆᐊᖃᕐᑕᖏᓐ ᐊᑐᕐᑕᐅᔪᓐᓇᕐᓂᖓᓄᓐ ᓇᓗᓇᐃᔭᐃᓯᒪᓂᖓ ᒪᐱᕐᑐᒐᐅᓂᐊᕐᑐᒦᑐᖅ ᓇᓗᓇᐃᕐᓯᓯᒪᕗᖅ ᐊᑐᕐᑕᐅᔪᓐᓇᕐᑐᒥᒃ ᓴᕿᕐᑐᖃᕐᓂᖃᑦ ᐊᑲᐅᓴᖏᓐᓂᐅᔪᒥᒃ ᐱᔪᑎᖃᕐᑐᒥᒃ ᑲᑐᔨᖃᑎᒌᒥᒃ ᐅᕝᕙᓘᓂᓐ ᓇᒻᒥᓂᖁᑎᒋᔭᐅᔪᒥᒃ ᒪᓕᓪᓗᒍ ᒪᓕᓯᒪᖏᓐᓂᖏᓐᓂᒃ ᐅᕙᓃᑐᓂᒃ ᐃᓄᐃᑦ ᐅᖃᐅᓯᖓᓂᒃ ᓴᐳᒥᓂᕐᒧᓐ ᒪᓕᒐᕐᒥᒃ:

ᐃᓚᖏᓐ ᓇᓗᓇᐃᔭᕐᓯᒪᔪᒧᓐ ᓴᕿᔪᑎᒋᑲᓂᕐᒥᔪᑦ ᐱᔪᑎᒋᓪᓗᒍ ᒪᐱᕐᑐᒐᕐᒥ ᓇᓗᓇᐃᕐᓯᓯᒪᔪᒧᓐ: •

• •

ᐃᓱᒫᓗᑎᐅᔪᕐᓕ ᐅᖃᐅᓯᐅᔪᓇᖁᖅ ᐅᖃᐅᓯᑐᐃᓐᓇᐅᓗᓂ ᐅᕝᕙᓘᓂᓐ ᑎᑎᕋᕐᓯᒪᓗᓂ. ᑖᓇᓕ ᐃᓱᒫᓗᑎᖃᕐᑐᖅ ᐅᖃᐅᓯᖃᕈᓐᓇᖁᖅ ᐃᓱᒫᓗᑎᒋᔭᒥᓂᒃ ᐅᖃᐅᓯᕐᒥᒃ ᐊᑐᕐᓗᓂ ᓇᓕᐊᓂᑐᐃᓐᓇᖅ ᐃᓕᓴᕆᔭᐅᓯᒪᔪᒥᒃ: ᐃᓄᑦᑎᑐᑦ, ᖃᓪᓗᓈᑎᑐᑦ ᐅᕝᕙᓘᓂᓐ ᐅᐃᕖᑎᑐᑦ. ᑖᓇ ᓴᕿᔪᖅ ᐃᓱᒫᓗᑎᒋᔭᒥᓂᒃ ᓇᓗᓇᐃᕐᓯᕕᐅᒐᔭᖁᖅ ᐃᓱᒫᓗᑎᒋᔭᖓ ᐱᔭᐅᓯᒪᓂᖓᓂᒃ, ᓇᓗᓇᐃᕐᑕᐅᓯᒪᓗᓂ ᐃᓅᑉ ᐊᑎᖓ ᑕᕙᓃᓂᖓᓂᒃ ᐊᓪᓚᕕᖓᓂ ᐅᖃᐅᓯᓕᕆᓂᐅᑉ ᑲᒥᓯᓇᖓᑕ ᑖᓇᓗ ᑕᒪᑐᒥᖓ ᑲᒪᓕᕋᔭᕐᒪᓐ. )ᓕ ᑐᑭᓯᒋᐊᕈᑎᓴᑲᓐᓂᕐᓂᒃ ᐱᔪᒪᔪᖃᑐᐃᓐᓇᕆᐊᖃᖁᖅ ᑖᓇ ᐊᓪᓚᕕᖓ ᐅᖃᐅᓯᓕᕆᓂᕐᒧᓐ ᑲᒥᓯᓇᐅᑉ ᖃᓄᐃᒍᑕᐅᔪᒥᒃ ᑐᑭᓯᓯᒪᑦᑎᐊᓂᐊᕐᒪᓐ; ᐃᒪᐃᓕᖓᔪᓐᓇᖁᖅ ᑖᓇ ᐊᓪᓚᕕᖓ ᐅᖃᐅᓯᓕᕆᓂᕐᒧᓐ ᑲᒥᓯᓇᐅᑉ ᑐᑭᓯᒐᓱᐊᕈᓐᓇᖁᖅ ᐃᓱᒫᓗᑎᖃᕐᑐᒥᓐ. ᐅᖃᐅᓯᓕᕆᓂᕐᒧᓐ ᑲᒥᓯᓇ ᐊᖀᔪᓐᓇᖁᖅ ᓇᓗᓇᐃᕐᓯᒍᓐᓇᕐᑐᓂ ᐊᕿᑦᑕᐅᔪᓐᓇᕐᓂᖓᓂᒃ ᐱᔭᕆᐊᑭᑦᑐᒻᒪᕆᐅᓗᓂ ᐊᒻᒪ ᓴᕿᕐᑐᖃᖏᑲᓗᐊᖃᑦ ᖃᐅᔨᓴᕐᓂᓪᓚᕆᐅᔭᕆᐊᓕᒻᒥᒃ ᐊᕿᔪᓐᓇᕆᕗᖅ ᑕᒪᑐᒧᖓ ᐱᔪᑎᖃᕐᑐᒧᓐ. ᑕᐃᒪᐃᓐᓂᖃᓪᓕ ᑖᓇ ᐅᖃᐅᓯᓕᕆᓂᕐᒧᓐ ᑲᒥᓯᓇ ᐊᖏᖃᑎᖃᕈᓐᓇᖁᖅ ᐱᓕᕆᕕᐅᔪᒥᒃ, ᑲᑎᒪᔨᓂᒃ, ᑎᒥᐅᔪᒥᒃ, ᓄᓇᓕᐅᑉ ᑲᑎᒪᔨᖏᓐᓂᒃ, ᓇᒻᒥᓂᖅ ᐊᐅᓚᑦᑎᔪᒧᓐ ᐊᖏᔪᖃᖓᓐᓂᒃ, ᖃᓄᐃᓕᖓᒋᐊᕈᑕᐅᓂᐊᕐᓂᖓᓄᓐ. ᑲᖑᓇᕐᑐᓕᕆᓂᖅ ᐊᒻᒪ ᖃᐅᔨᔭᐅᔭᕆᐊᖃᖏᓐᓂᖏᓐᓂᒃ ᐃᓄᒻᒧᓐ ᐱᔪᑎᖃᕐᑐᓂᒃ ᓯᕗᓕᕐᐸᐅᑎᒋᐊᖃᑕᖓ ᑖᓱᒪ ᐅᖃᐅᓯᓕᕆᓂᕐᒧᓐ ᑲᒥᓯᓇᐅᑉ. ᑭᓯᐊᓂ ᐊᕿᔪᖃᕐᓂᖃᑦ ᓄᖃᑎᑦᑎᒋᐊᕐᓂᕐᒧᓐ ᐅᕝᕙᓘᓂᓐ ᖃᐅᔨᓇᓱᑦᑕᐅᒋᐊᖃᕐᓂᖓᓄᓐ ᐃᓱᒫᓗᑎᐅᔪᖅ, ᑖᓇᓕ ᖃᐅᔨᑲᕐᑕᐅᔭᕆᐊᖃᕋᔭᖁᖅ ᑎᑎᖃᑯᑦ ᐊᑦᑐᕐᑕᐅᓂᖃᕐᓂᐊᕐᑐᖅ, ᑕᒪᓐᓇᓗ ᑕᐃᒫᑭᓯᐊᓂᐅᓪᓗᓂ, ᐃᒪᐃᒋᐊᖃᑐᐃᓐᓇᕆᐊᖃᕋᔭᖁᖅ ᓴᕿᔭᕆᐊᖃᑐᐃᓐᓇᕆᐊᖃᓕᕐᓗᓂ ᐃᓱᒫᓗᑎᖃᕐᑑᑉ ᐊᑎᖓᓂᒃ ᐊᒻᒪ ᐊᓯᖏᓐᓂᒃ ᑐᑭᓯᔪᑎᓴᐅᑲᓐᓂᕐᑐᓂᒃ.

ᒫᓇᐅᔪᕐᓕ, ᖃᐅᔨᓇᓱᓪᓚᕆᓐᓂᕐᒧᓐ ᐊᑐᕆᐊᖃᕐᑐᖅ ᐃᓱᒪᕐᓱᑎᖃᖏᓐᓂᕗᖅ ᐅᑯᓄᖓ ᒪᕈᓐᓄᓐ: • •

ᓄᓇᕗᒻᒥ ᑎᒥᐅᔪᒧᓐ ᐅᕝᕙᓘᓂᓐ ᓄᓇᓕᐅᔪᒧᓐ ᓇᒻᒥᓂᖅ ᐊᐅᓚᑦᑎᓗᑎᒃ ᑲᑐᔨᖃᑎᒌᖑᔪᓄᓐ

ᐅᑯᐊ ᓴᕿᕆᐊᖃᖁᑦ ᓄᓇᕗᒻ ᑎᒥᐅᔪᒥᒃ ᐅᕝᕙᓘᓂᓐ ᓄᓇᓕᐅᔪᖅ ᐊᑲᐅᒋ’ᔭᐅᒍᓐᓃᓂᖃᑦ ᓱᕋᐃᔪᒥᓂᐅᓗᓂ ᐅᖃᐅᓯᕐᒧᓐ ᐱᔪᓐᓇᐅᑎᐅᔪᒥᒃ: • •

ᐊᕿᓱᕐᓯᒪᓂᖓ 3: ᖃᐅᔨᓇᓱᐊᕐᓂᕐᒧᓐ ᐊᖁᑎᐅᒋᐊᖃᕐᑐᓂ ᐊᕿᓯᒪᓂᖓ

ᑖᓇᓕ ᐅᖃᐅᓯᕐᒧᓐ ᑲᒥᓯᓇ ᖃᐅᔨᓇᓱᓕᕋᔭᖁᖅ ᑖᓱᒥᖓ ᐸᓯᔭᐅᔪᒥᒃ. ᐅᖃᐅᓯᕐᒧᓐ ᑲᒥᓯᓇ ᑎᑎᕋᕆᐊᖃᓕᕋᔭᖁᖅ ᐅᓂᑳᕐᓗᓂ ᖃᐅᔨᔭᒥᓂᕐᒥᓂᒃ; ᑖᓇᓕ ᐊᐅᓚᕐᑎᑕᐅᓕᕐᓗᓂ ᐱᓕᕆᕕᐅᔪᒧᓐ ᐅᕝᕙᓘᓂᓐ ᑎᒥᐅᔫᑉ ᐊᖏᔪᖃᑯᕕᖓᓄᓐ ᓇᓗᓇᐃᕐᓯᓯᒪᓗᓂ ᐃᓱᒫᓗᑕᐅᔪᒥᒃ, ᐊᔨᖓᓂᒃ ᐱᑎᑕᐅᓗᓂ ᐱᔪᒪᓯᒪᔪᖅ ᐊᒻᒪ ᓯᕗᓕᕐᑎᒧᓐ ᐊᒻᒪ ᐱᓕᕆᕕᐅᔫᑉ ᒥᓂᔅᑕᖓᓄᓐ. ᑕᐃᒪᓕ ᓇᓗᓇᐃᕐᑕᐅᑉᐸᑦ ᐊᑲᐅᖏᓕᐅᕈᑕᐅᓯᒪᔪᖅ, ᑖᓇ ᐅᖃᐅᓯᓕᕆᓂᕐᒧᓐ ᑲᒥᓯᓇ ᐊᑐᕐᑕᐅᓕᖁᔨᒧᑎᒥᓂᒃ ᓴᕿᔪᓐᓇᖁᖅ ᐱᓕᕆᕕᐅᔪᑉ ᐊᖏᔪᖃᑯᕕᖓᓄᓐ ᐅᕝᕙᓘᓂᓐ ᓄᓇᓕᒻᒧᓐ ᓇᓗᓇᐃᕐᓯᓯᒪᓗᓂ ᖃᓄᖅ ᐊᕿᒋᐊᕈᑎᓴᐅᔪᓐᓇᕐᑐᓂᒃ ᐊᑲᐅᖏᓕᐅᕈᑕᐅᔪᒧᓐ ᓇᓗᓇᐃᕐᓯᒪᓗᓂᓗ ᖃᖓᑯᒐᔭᕐᒪᖓᖅ ᐅᓪᓗᖓ ᐊᒻᒪ ᐱᕕᓴᖃᕐᑎᑕᐅᓗᓂ ᑐᓴᕋᓱᓐᓂᕐᒥᒃ ᖃᓄᐃᓕᕐᓂᖓᓂᒃ. ᖃᓄᐃᓕᒋᐊᕐᑐᖃᕐᓂᖏᐸᑦ ᐅᕝᕙᓘᓂᓐ ᐅᓂᑳᓕᐊᕆᓯᒪᔪᖅ ᑐᓂᔭᐅᓐᓂᖏᐸᑦ ᓇᓗᓇᐃᕐᓯᒪᓂᖓ ᐅᓪᓗᖅ ᒪᓕᓪᓗᒍ, ᑖᓇᓕ ᐅᓂᑳᓕᐊᕆᓯᒪᔪᖅ ᑐᓂᔭᐅᒍᓐᓇᕆᕗᖅ ᒪᓕᒐᓕᐅᕐᕕᐅᑉ ᐅᖃᕐᑎᖓᓐᓄᓐ, ᑖᓇ ᐊᖀᔪᓐᓇᕐᓯᒐᔭᖁᖅ ᐅᓂᑳᒥᒃ. ᐅᖃᐅᓯᓕᕆᓂᕐᒧᓐ ᑲᒥᓯᓇ ᑐᔅᓯᕋᕈᓐᓇᕆᕗᖅ ᓄᓇᕗᑦ ᐃᖃᑐᐃᕕᖏᓐᓄᓐ ᐊᕿᒋᐊᕈᑕᐅᔪᓐᓇᕐᑐᒥᒃ.

— 25 ­—


ᖃᓄᖅ ᒪᓕᕝᕕᓴᐅᒻᒪᖓᖅ ᓄᓇᕗᒻᒥ ᐅᖃᐅᓯᑦ ᒪᓕᒐᖏᓐᓂᒃ: ᐅᖃᓕᒪᒐᖅ

ᑭᓯᐊᓂ ᐃᒪᐃᓐᓂᖃᑦ, ᖃᐅᔨᓇᓱᓐᓂᐅᔪᖅ ᖃᐅᔨᓐᓂᖃᑦ ᐅᖃᐅᓯᕐᒥᒃ ᓱᕋᐃᔪᖃᕐᑐᒥᓂᐅᖏᒋᐊᖓ, ᑖᓇ ᐅᖃᐅᓯᕐᒧᓐ ᑲᒥᓯᓇ ᓴᖀᓕᕋᔭᖁᖅ ᑎᑎᕋᕐᓯᒪᔪᒃᑯᑦ ᖃᐅᔨᔭᒥᓂᒃ ᓇᓗᓇᐃᔭᐃᓯᒪᔪᓂᒃ.

ᐱᔪᑎᒋᓪᓗᒍᓕ ᓇᒻᒥᓂᕐᑐᓂ ᑲᑐᔨᖃᑎᒌᖑᔪᖅ, ᐅᓪᓗᖓᓂᒃ ᓇᓗᓇᐃᕐᓯᓯᒪᔭᕆᐊᖃᖁᖅ ᖃᖑᑯᑦ ᐃᓄᐃᑦ ᐅᖃᐅᓯᖓ ᓴᕿᕐᑕᐅᒐᔭᕐᒪᖓᖅ ᓄᓇᕗᑦ ᒐᕙᒪᒃᑯᖏᑕ ᒥᓂᔅᑕᖏᓐᓂᒃ ᓯᕗᓂᓴᐅᑉ ᓯᕗᓂᓴᐅᑉ ᐃᓕᓴᕆᔭᐅᓯᒪᔪᒧᓐ ᐅᖃᐅᓯᕐᒧᓐ ᐱᖁᔭᖅ ᐊᒻᒪ ᐃᓄᐃᑦ ᐅᖃᐅᓯᖓ ᐸᕿᔭᐅᒋᐊᖃᕐᓂᖓᓄᓐ ᐱᖁᔭᖅ ᓇᓗᓇᐃᕐᓯᓯᒪᒻᒪᑎᒃ ᐊᑲᐅᓴᖏᓐᓂᕐᒥᒃ ᓴᖀᔪᖃᕈᓐᓇᕐᓂᖓᓂᒃ ᓇᓪᓕᐊᓄᑐᐃᓐᓇᖅ ᑎᓴᒪᐅᔪᓄᓐ ᐃᓕᓴᕆᔭᐅᓯᒪᔪᓄᓐ ᐅᖃᐅᓯᕐᓄᓐ ᒪᓕᑦᑕᐅᑦᑎᐊᕈᓐᓂᕐᓯᒪᓕᕐᓂᖏᓐᓄᓐ ᐅᕝᕙᓘᓂᓐ ᐅᑐᕐᑕᐅᖏᓐᓂᖏᓐᓄᓐ, ᐱᔪᑎᒋᓪᓗᒍ ᐱᕕᓴᖃᑎᑕᐅᖏᓗᐊᕐᓂᖓᓄᓐ ᓄᓇᕗᑦ ᒐᕙᒪᒃᑯᖏᓐ ᒫᓇᐅᔪᖅ ᑕᑯᓐᓇᒐᖃᓗᐊᕐᒪᑕ ᑭᓯᐊᓂ ᐊᑲᐅᓴᖏᓐᓂᐅᔪᓂᓐ ᐃᓄᑦᑎᑐᑦ ᐅᖃᐅᓯᖅ ᐊᑐᕐᑕᐅᖏᓐᓂᖓᓂᒃ ᑕᐃᒪᐃᒋᐊᖃᕋᓗᐊᕐᑎᓪᓗᒍ ᒪᓕᒐᖅ ᒪᓕᑦᑐᒍ.

ᐃᓚᑲᓐᓂᖏᓐ A: ᖃᐅᔨᒋᐊᕐᕕᐅᔪᓐᓇᕐᑐᑦ ᐊᒻᒪ ᐊᑐᕐᑕᐅᒋᐊᕈᓐᓇᕐᑐᑦ ᑕᐃᒪ ᑕᕙᓂ ᑎᑎᕋᕐᓯᒪᔪᒥ ᐅᖃᐅᓯᕆᓂᕐᒧᓐ, ᐊᓪᓚᕕᖓ ᐅᖃᐅᓯᓕᕆᓂᕐᒧᓐ ᑲᒥᓯᓇᐅᑉ ᐊᒻᒪ ᐃᑭᐊᕐᓯᕕᖓ (http://langcom.nu.ca/) ᐃᑲᔪᕈᓐᓇᖁᖅ ᑕᒪᑐᒧᖓ ᐊᑲᐅᓴᖏᓐᓂᕐᒧᓐ ᐅᖃᐅᓯᕐᒧᓐ ᒪᓕᒐᐅᔪᓂᒃ. ᖃᐅᔨᒋᐊᕐᕕᐅᔪᓐᓇᕐᑐᑦ ᐅᖃᐅᓯᕐᒧᓐ ᒪᓕᒐᐅᔪᓂ ᐊᑐᐃᓐᓇᐅᓪᓗᑎᒃ ᖃᐅᔨᒋᐊᕐᕕᓴᐅᒋᕗᑦ ᐃᑭᐊᕐᓯᕕᓐᓂ. •

ᖃᓄᐃᓕᖓᑎᑦᑎᒋᐊᕈᓐᓇᕐᓂᐅᔪᖅ ᒪᓕᑦᑐᒍ ᒪᓕᒐᖅ ᓇᓗᓇᐃᕐᓯᓯᒪᒻᒪᓐ ᑎᑎᕋᕐᓯᒪᓂᖓᓂ 33 ᐅᕙᓂ ᐃᓄᐃᑦ ᐅᖃᐅᓯᖓ ᓴᐳᒻᒥᔭᐅᒋᐊᖃᕐᓂᖓᓂᒃ ᒪᓕᒐᕐᒥ, ᑎᑎᕋᕐᓯᒪᑲᓂᕐᓂᖓ ᐅᕙᓂ ᐃᓕᓴᕆᔭᐅᓯᒪᔪᓂ ᐅᖃᐅᓯᕐᒧᓐ ᒪᓕᒐᖓᓂ, ᖃᐅᔨᓇᓱᓐᓂᐅᔪᖅ ᐱᔭᕆᕐᓂᖃᒍ ᐅᖃᐅᓯᓕᕆᓂᕐᒧᓐ ᑲᒥᓯᓇᐅᑉ ᐊᒻᒪ ᑎᒥᐅᔪᖅ ᐅᕝᕙᓘᓂᓐ ᓇᒻᒥᓂᖁᑎᒋᔭᐅᔪᖅ ᓱᕋᐃᔪᒥᓂᐅᓂᖓᓂᒃ ᒪᓕᒐᕐᓂᒃ ᐊᒻᒪ ᖃᓄᐃᓕᒋᐊᕐᓯᒪᖏᐸᑦ ᐊᕿᒋᐊᕈᑎᓴᐅᔪᒪᕐᓂᐊᕐᑐᓂᒃ ᑖᑯᓄᖓ ᓱᕋᐃᔪᑎᒋᓯᒪᔪᓄᓐ ᐃᓱᒫᓗᓴᕈᑕᐅᓯᒪᔪᓄᓐ, ᑖᑯᐊᓕ ᐊᑭᓖᑎᑕᐅᔪᓐᓇᖁᑦ: • •

ᑭᓇᑐᐃᓐᓇᖅ ᐊᑭᓕᕋᓴᓂᑦᑎᑕᐅᔪᓐᓇᖁᖅ ᐅᖓᑖᓅᖏᑐᖅ $5,000; ᑎᒥᐅᔪᖅ ᑯᐊᑉᐳᕆᓴ ᐅᕝᕙᓘᓂᓐ ᐃᓕᓴᕆᔭᐅᓯᒪᓗᓂ ᑎᒥᕈᕐᓯᒪᔪᖅ, ᐊᑭᓕᕋᓴᓂᑦᑎᑕᐅᔪᓐᓇᖁᖅ ᐅᖓᑖᓅᖏᑐᖅ $25,000.

ᓄᓇᕗᑦ ᒐᕙᒪᖓ ᑕᑯᓐᓇᖁᖅ ᑕᒪᓐᓇ ᖃᓄᐃᓕᖓᑎᑦᑎᒋᐊᖃᓂᖅ ᑭᖑᓕᕐᐸᖑᓗᓂ ᐊᑐᕐᑕᐅᒐᔭᕐᓂᖓᓂᒃ; ᓄᓇᕗᑦ ᒐᕙᒪᖓ ᐃᒪᐃᓕᖓᔪᒪᒻᒪᓐ ᐱᓕᕆᖃᑎᖃᕈᓐᓇᕐᓗᑎᑦ ᓇᒻᒥᓂᖁᑎᓕᓐᓂᒃ ᐊᕿᖃᑎᒋᓇᓱᐊᕐᓗᒋᑦ ᒪᓕᒐᐅᑉ ᑐᕋᒐᕆᔭᖓᓂᒃ. ᒐᕙᒪᒃᑯᑦ ᖃᐅᔨᒐᓱᒍᒪᒻᒪᓐ ᐊᑐᕆᐊᖁᔨᓪᓗᓂ ᓴᖏᔪᒻᒪᕆᒻᒥᒃ ᐱᕙᓪᓕᐊᑎᑦᑎᓂᕐᒥᒃ ᑕᒪᑯᓂᖓ ᓇᒻᒥᓂᖅ ᐊᐅᓚᑦᑎᔪᓂᒃ ᓄᓇᕗᒻᒥ, ᐊᒻᒪ ᐱᔪᒪᓂᖃᑦᑎᐊᕐᑐᓂ ᐅᖃᖃᑎᖃᕈᓐᓇᕐᓗᓂ ᑕᒪᑯᓂᖓ ᐊᐅᓚᑕᐅᔪᓂᒃ ᑕᒪᓐᓇ ᐊᕿᑎᐊᕐᓯᒪᔪᓐᓇᓂᐊᕐᒪᓐ ᐱᐅᔪᓗᓂ ᐊᒻᒪ ᐱᔨᓯᕐᓂᖅ ᐊᑐᐃᓐᓇᐅᑎᐊᕐᓗᓂ ᐊᒥᓱᓄᓐ ᐃᓄᓐᓄᓐ ᖃᓄᑐᐃᓐᓇᖅ ᓄᓇᕗᒻᒥ... ᑖᑯᐊ ᐊᑐᕐᑕᐅᒋᐊᕈᓐᓇᕐᑐᑦ ᐃᓕᔭᐅᓯᒪᕗᑦ, ᑭᓯᐊᓂ ᖃᓄᐃᓕᖓᒋᐊᕈᓐᓇᖑᓱᒻᒪᓐ ᑖᓇ ᓄᓇᕗᑦ ᒐᕙᒪᖓ ᖃᓄᐃᓕᖓᑎᑦᑎᒋᐊᕈᓐᓇᕐᓗᓂ ᓇᒻᒥᓂᖁᑎᒋᔭᐅᔪᖅ ᐅᕝᕙᓘᓂᓐ ᑳᐸᓂᐅᔪᑦ ᐱᔪᒪᓐᓂᖏᐸᑕ ᑕᒪᑯᐊ ᓂᐅᕕᕋᕐᑎᐅᕙᑦᑐᑦ ᐱᔭᕆᐊᖃᕐᑕᖏᓐᓂᒃ, ᑖᑯᐊᓗ ᐊᒥᓱᓂᕐᐹᖑᓪᓗᑎᒃ ᐃᓄᐃᑦ, ᓯᕗᓕᕐᐸᐅᑎᑕᐅᔭᕆᐊᖃᕐᑐᑎᒃ. ᓄᓇᕗᑦ ᒐᕙᒪᖓ ᐃᓕᓴᕐᓯᑎᐊᖁᖅ ᐱᔭᕆᐊᑐᔪᓐᓇᕐᓂᖓᓂᒃ ᐱᔪᓐᓇᓪᓚᕆᑦᑐᒥᒃ ᐃᓄᑦᑎᑐᑦ ᑐᑭᓕᐅᕆᓂᕐᒧᓐ ᐱᔨᓯᓂᕐᒧᓐ, ᐱᔪᑎᒋᓪᓗᒍ ᑕᒪᑯᐊ ᑕᐃᒪᐃᑐᒥᒃ ᐱᓕᕆᐊᖃᕐᑐᑦ ᐊᓱᒻᒪᕆ ᐱᔭᐅᔪᒪᒻᒪᑕ. ᑕᒪᓐᓇᓕ ᒫᓇᐅᔪᖅ ᖃᓄᐃᓕᖓᓂᖓ ᕿᒥᕈᔭᐅᕗᖅ ᐊᒻᒪᓗ ᐃᓕᓴᕆᔭᐅᔪᑎᑖᕈᓐᓇᓂᕐᒧᓐ ᐱᕙᓪᓕᐊᑎᑕᐅᓪᓗᓂ ᑕᒪᑯᓄᖓ ᑐᑭᓕᐅᕆᔨᐅᕙᑦᑐᓄᓐ ᐱᐅᔪᒻᒪᕆᓐᓂᒃ ᐱᑕᖃᕈᓐᓇᓂᐊᕐᒪᓐ ᐊᒻᒪ ᖃᐅᔨᒪᔭᐅᓗᑎᒃ ᐊᑐᐃᓐᓇᐅᔪᑦ ᖃᑦᑎᐅᓂᖏᓐᓂᒃ. ᓄᓇᕗᑦ ᒐᕙᒪᖓ ᑕᐃᒪᐃᑦᑐᒥᒃ ᐃᓱᒪᓴᕐᓯᐅᕈᑎᖃᒻᒪᕆᓐᓂᐊᖁᖅ ᖃᐅᔨᓴᓕᕐᓂᖃᑕ ᒪᓕᒐᐅᔪᖅ ᒪᓕᑦᑕᐅᑎᐊᕋᓗᐊᕐᒪᖔᑕ.

ᐊᕿᓱᐃᓂᕐᒧᓐ ᐃᓄᐃᑦ ᐅᖃᐅᓯᖓᓂᒃ ᐸᕐᓇᐅᑎᒥᒃ, ᑖᓇ “ᐃᓄᐃᑦ ᐅᖃᐅᓯᖓᓄᓐ ᐸᕐᓇᐅᑎᓕᐅᕐᓂᕐᒧᓐ ᐊᑐᕐᑕᐅᒋᐊᕈᓐᓇᕐᑐᑦ ᑕᒪᑯᓄᖓ ᓇᒻᒥᓂᖅ ᐊᐅᓚᑦᑎᔪᓄᓐ” ᐱᔭᓴᐅᕗᖅ ᐅᕙᖓᓐ: http://langcom.nu.ca/sites/langcom.nu.ca/files/ InuitLanguagePlanGuidelines%20-%20ENG_0.pdf ᓴᕿᕐᑎᒐᓴᐅᒻᒥᔪᑦ ᐅᕙᓃᑐᑦ ᑎᑎᖃᑯᕕᒻᒥ “ᖃᓄᖅ ᒪᓕᒋᐊᑲᕐᒪᖓᖅ: ᐃᓄᐃᑦ ᐅᖃᐅᓯᖓᓂ ᓴᐳᒥᑦᑎᓂᕐᒧᓐ ᐱᖁᔭᖓ” http://langcom.nu.ca/sites/ langcom.nu.ca/files/OLCN%20HowToGuide_ENG.pdf ᐱᑕᖃᑲᓐᓂᕆᓪᓗᓂ ᑐᑭᓯᒋᐊᕈᑎᓴᑲᓐᓂᕐᓂᒃ ᒪᑐᒧᖓ ᐃᓄᐃᑦ ᐅᖃᐅᓯᖓᓄᓐ ᐸᕐᓇᐅᑎᒥᒃ ᐊᒻᒪ ᐅᑦᑐᕋᐅᑎᐅᔪᒥᒃ ᖃᓄᐃᑦᑑᔪᓐᓇᕐᓂᖓᓂᒃ ᐊᒻᒪ ᐊᔨᒌᖏᑦᑐᓂᒃ ᓈᒪᒋᔭᐅᒐᔭᕐᑐᓂᒃ ᑎᑎᖃᕐᑕᐅᓯᒪᓗᑎᒃ ᓇᓗᓇᐃᕐᓯᔪᑎᐅᔪᑦ ᐊᒻᒪ ᑎᑎᕋᕐᓯᒪᓂᖏᓐ, ᐊᓯᖏᓪᓗᑕᐅᖅ ᐃᑲᔫᑎᒋᔪᓐᓇᕐᑐᑦ ᐱᑕᖃᕆᕗᑦ. ᐅᑯᐊᓕ ᑕᕙ ᐊᐱᖁᑕᐅᓗᐊᖃᑕᕐᑐᑦ ᐱᑕᖃᕆᓪᓗᑎᒃ ᐃᒪᐃᑦᑐᓂᒃ ᑐᑭᓯᒋᐊᕈᑎᓴᓂ ᐃᑲᔫᑎᒋᔪᓐᓇᕐᑐᓂᒃ ᖃᐅᔨᒋᐊᕐᕕᓴᐅᔪᓐᓇᕐᑐᓂᒃ ᖃᓄᖅ ᑕᒪᑯᐊ ᑐᑭᓕᐅᕐᑕᐅᔪᓐᓇᕐᒪᖓᑕ: http://langcom.nu.ca/sites/langcom.nu.ca/ files/Frequently%20Asked%20Questions_1.pdf

— 27 ­—


Iqaluit, Nunavut X0A 0H0 scMstz: (867) 979-4620 hv5g6: (867) 979-4622 exdir@nunavuteda.com

ᓄᓇᕗᒻᒥ ᐱᕙᓪᓕᐊᑎᑦᑎᔨᐅᔪᑦ ᑮᓇᐅᔭᑎᒍᑦ ᑲᑐᔨᖃᑎᒌᖏᓐ

NEDA: How To Comply with Nunavut's Language Acts - Handbook - IK  

Official Languages Act When Nunavut was created in 1999, it inherited the Northwest Territories Official Languages Act. While it dealt with...