Page 23

ПРЕПОЗНАЦЕ, ДОЗНАЦЕ, ЯВИЦЕ...

ПРЕНАЙДЗЕНИ ОСТАТНЇ ШЛЇД О МИХАЛОВИ ФЕЙДИЙОВИ

У

трецим чишлє новинкох “Руснаци у швеце” ище там стредком 2003. року поволали зме шицких цо дацо знаю о судьби Михала Фейдия з Руского Керестура же би явели або нам або його родзини у Войводини. Здогаднєме укратко цо о нїм теди написала його шестри дзивка Иринка Гарди Ковачевич:

Мoя мaц, Нaтaлия Гaрди, нaрoдзeнa Фeйди мaлa oпрeз сeбe стaршу шeстру Мeлaну, брaтa Михaлa, a зa сoбу брaтa Влaду и шeстру Слaвицу. Нaжaль, шицки вoни уж нє жию, шицких вoнa випрoвaдзeлa нa вичну дрaгу лєм брaтa Михaлa oдкeди випрoвaдзeлa дo Aмeрики 1946 рoку нє видзeлa. Михaл Фeйди нaрoдзeни 1919 рoку и як дoбри шкoляр пoслaти дo шкoли дo Ужгoрoду, жe би пoстaл руски пaнoцeц. Мeдзитим, вoн нaпущeл Ужгoрoд и єдeн чaс учeл зa пaнoцa у Мaкeдoниї, a дзeшкa у вoйни oжeнєл шe зoз дзивку прaвoслaвнoгo пaнoцa у Кaрaвукoвe. Кeд сцeкoл з Югoслaвиї нє ишoл тaкoй дo Aмeрики, тo шe дoзнaлo зoз йoгo пoзнєйших писмoх.У сцeкaню му пoмoглo тoтo жe бул пoлиглoтa бo му стрaнски язики oд млaдoсци бaрз дoбрe ишли(...)Кeльo шe мoжeм oпрeц нa свoйo дзeциньскe пaмeтaнє писaл жe рoбeл нa єдeн зaвoд у фaбрики чoкoлaди – тo нaм пoвoйнoвим дзeцoм булa причинa жe бизмe му зaвидзeли. Пaмeтaм и жe шe пoнoсoвaл жe зaтил тa му дoхтoр рoзкaзaл диєту, a нaм тo булo шмишнe: стaрaц шe прeтo жe ши тлусти, кeд тo зa нaс бул знaк блaгoстaня. O тeлeвизиї сoм пeрширaз чулa з йoгo писмoх кeд oписaл якиш судски прoцeс жe пoгинулo дзeцкo цo зa стoлoм пaтрeлo тeлeвизию тa з видлїчку тaм цoшкa рушaлo пo aпaрaту. Вeцкa знaм жe писaл жe гу свoйoму прeзвиску дoдaл Виндзoр - жe тo aнглийскe слaвнe прeзвискo и ищe знaм жe гo пoрoвнaл з руским Будински. Як у сну видзим жe нa хрибцe писмa нa хтoрим стaлo тoтo “par avion” писaлa йoгo aдрeсa якoш Illinois street чи 117, aбo 111, Chicago, углaвним тaкe цoшкa (..). Нє вeрим жe дaхтo хтo гo oсoбнє пoзнaл ищe жиє, тa aнї вoн, aлє би нaм булo милo кeд би нaм дaхтo пoвeд кeди гo и у яким стaну видзeл и шицкo цo шe здoгaдує, aбo гo мa aж и нa дaякeй фoтoґрaфиї (...) Най ґу тому додаме ище єдну интересантносц вязану за особу Михала Фейдия. Уж сам факт кус скорей наведзени же барз лєгко учел странски язики указує на єдну його окремну способносц. Старши Руснаци у Керестуре ше го здогадую и паметаю по тим же мал барз ридку схопносц а то – бешедовац наспак. Кед приступел ґу свойому дружтву, вон наприклад гварел: “Авалс Усуси Утсирх! Оц еж ецибор? Оц еж тсє оговон?” и подобне. Мал, значи, притоку барз швидко “препознавац “ слова и вигваряц их цалком чечно од задку ґу предку, наспак. Тото посциговал напевно дзекуюци наисце добрей мемориї и вироятно даякей файти фотоґрафского паметаня. Тот дар маю барз, барз ридки людзе на жемовей кулї. Та, ниа, и у таким зме мали єдного РУСНАЦИ У ШВEЦE

Руснака. У глєданю за податками о судьби Михала Фейдия нам, теди, пробовал помогнуц и пан Пол Пауерс зоз ЗАД. Медзитим, нє могол дойсц до було яких релевантних податкох. Глєданє остало “на ляду”. У януаре того року од пана Пауерса сцигнул имейл у хторим написал: Панє Колєсар, ище давно сце ме замодлєли чи бим нє могол найсц даяки податки о Михалови Фейдийови зоз Чикаґа. Теди ше ми тото нє удало зробиц. Тераз сом обновел глєданє и нашол сом “нови” стари документи хтори нєдавно зняти на микрофилм у библиотеки у Чикаґу. То оглашка о шмерци Фейди Михайла датирована з 3. юлийом 1969. року (можебуц то права особа, можебуц нє... алє то барз ридке мено хторе у хаснованю). Други податки нє мам, алє можем поручиц фотокопию з того микрофилма. Я суґеровал панови Пауерсови же би поручел фотокопию. Дня 17. фебруара пан Пауерс ми написал: Ту ниа податки за фамелию Фейдийових у Руским Керестуре: Новини “Independent Register” з Либертивилу, Илиноис, дзень 3. юлий 1969. року, бок треци:

Пан Фейди, Пан Михайло Фейди, 49, зоз Rte 63, Либертивил, умар пондзелок у Главним шпиталю Лейк Каунти, Ваукеґан, после краткей хороти. Вон бул народзени у Югославиї 19. октобра 1919 року и пришол до Либертивилу 1950. року, до сербского манастиру Св. Сава. Мойо пояшнєня: Rte то скраценє за Route (стара адреса). Нєт анї єдно слово о можлївей фамелиї, дзецох и подобним. Тото место то центер Сербскей православней церкви у ЗАД и Канади (велька семинария). Шицки спомнути места то варощики коло Чикаґа. Дзекуєме панови Полови Пауерсови на велькей помоци у тим случаю и з тим, можеме констатовац же ше нам удало розришиц и ключни податки о судьби Михала Фейдия. Його фамелия тераз о нїм ма конєчни податки, а деталї може поглєдац на адреси: St. Sava Serbian Orthodox Monastery 32377 N. Milwaukee Avenue, Libertyville, IL 60048 USA. И, имузор еш, емакеч до сав ивон “задатки” у рубрики “Препознаце, дознаце, повеце...”. Бок 23

Rusnaci u svece 14  

rusini, lemko, ruthenians, carpatho-rusyns,Руснаци, rusnaci u svece, rus, Ruski, kerestur, krstur, kocur, kucura, Vojvodina, Djurdjov, gavra...

Rusnaci u svece 14  

rusini, lemko, ruthenians, carpatho-rusyns,Руснаци, rusnaci u svece, rus, Ruski, kerestur, krstur, kocur, kucura, Vojvodina, Djurdjov, gavra...

Advertisement