GAKOAK Jasotako emaitzak direla eta, jarraian aurkeztuko ditugun gakoak modu kokatu batean ulertu behar dira. Bertan partekatzen ditugun ideiak eta lanean jarraitzeko hariak ezin dira inondik inora orokortu, testuinguru bakoitzaren espezifikotasuna kontuan hartu behar dugulako. Hala ere, pentsatzen jarraitzeko galdera esanguratsuak planteatzen dizkigute. #ELKARLANA Eskola espazioen inguruan pentsatzen jartzen garenean, elkarlanean, koordinatuta eta koherentziarekin jardutea ezinbestekoa dela iruditzen zaigu. Eskola bat eraikitzen den unetik eta baita ondoren eraldaketan sartu nahi baldin badugu ere, arkitekto edo eraikuntzako arduradunek eta hezkuntza adituek bat etorri, elkarren ikuspegiak entzun eta ados jarri behar direla uste dugu.
espazioak lurralde estatiko bat ulertzetik aldaketa konstantean egon daitekeen faktore bat bezala ulertzeak eta birpentsatze konstante batean egoteak gehiago hurbilduko liguke ikasirakaskuntza esperientzia esanguratsuagoetara. Beste alde batetik, hezkuntza perspektiba transdisziplinar batetik lan egiteak rol ezberdinak nahasi eta bizitzara gehiago gerturatzen diren ikaskuntza esperientziak diseinatzea ekarri dezake. #JOLASLIBREA Jolasa haurraren jarduera nagusia da, haurtzaroaren kulturaren funtsa. Jolasa da haurrak mundua behatzeko eta mundua eraikitzeko duen bidea eta behar biologikoa izateaz gain, ikasketa prozesurako zein haurraren garapenerako aukerak ematen ditu. Hala ere, gaur egun bereziki adin batetik aurrera praktikan garrantzia gutxi ematen zaio jolasari eta sarri denbora galtze gisara ikusi ohi da. Jolasa denbora galtzea baino, denboran galdu eta munduarekin topo egitea dela aldarrikatu nahi dugu.
Honela, eta egoera hau beste maila batera eramanez, interesgarria litzateke ikastetxearen agente bat arkitektoa bera izatea. Alde batetik,
- 45 -