Page 6

6 KIVALLIQ NEWS, Wednesday, May 16, 2018

news

ᓄá·∆¿ÖÀî

r?9o3u iWK5, WzJx8i, mw 16, 2018

ᐊᖁᓐᓂᐅᔪᒥ ᓄᑖᖑᔪᒥ ᐃᓕᓐᓂᐊᕐᓂᐅᔪᒥ ᓯᕗᓪᓕᖅᐹᒥ ᐱᒋᐊᕈᑕᐅᔪᒥ ᐱᓕᕆᐊᖑᔪᒥ ᐱᕗᑦ ᑐᙵᕕᖃᑦᑎᐊᖅᑐᒥ ᐅᖃᐅᓯᐅᓂᖓᓂ ᐊᕐᕕᐊᓂ ᖁᑦᑎᒃᑐᒥ ᐃᓕᓐᓂᐊᕐᕕᖓᓐᓂ ᐱᓕᕆᐊᖑᔪᖅ, ᓱᓕ ᐱᒋᐊᓕᓵᕐᓂᖓᓂ, ᐊᑭᓕᖅᓱᐃᕙᓪᓕᐊᕗᖅ ᐊᖏᔪᓂ ᑮᓇᐅᔭᓕᐅᖅᑕᐅᓂᖏᓐᓂ ᑕᒪᑐᒪᓂ ᐃᓕᓐᓂᐊᕐᓂᕐᒧᑦ ᐊᕐᕌᒍᖓᓐᓂ ᔮᓐ ᐊᕐᓇᓗᒃᔪᐊᖅ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᐊᕐᕕᐊᓂᑦ. ᐃᓕᓴᐃᔩᑦ ᐊᖓᔪᖅᑳᖓ ᕉᒥᐆ ᕗᐊᓐᓇᐃ ᐅᖃᓚᐅᖅᐳᖅ ᐱᔪᓐᓇᖅᑎᑦᑎᓕᕐᓂᖅ ᐃᓕᓐᓂᐊᖅᑎᓂᑦ ᐅᕘᓇ ᐃᓄᑐᖃᖅᑎᒍᑦ ᐃᓕᓐᓂᐅᕐᓂᐅᔪᒥ ᐊᒻᒪ ᖃᐅᔨᒪᓂᖅᓴᓄᑦ ᐃᓕᓐᓂᐊᖅᑎᑦᑎᓂᐅᔪᒥ (ESTEEM) ᐱᓕᕆᐊᖑᔪᖅ ᑲᑐᔾᔭᐅᓪᓗᓂ ᐊᒃᓱᕈᕈᑕᐅᕗᖅ ᐅᑯᓇᓂ ᑕᒪᒃᑭᓂ ᐃᓄᖕᓄᑦ ᐊᒻᒪ ᖃᓪᓗᓈᓄᑦ ᐃᖅᑲᓇᐃᔭᖅᑎᓄᑦ ᐃᓕᓐᓂᐊᕐᕕᖕᒥ. ᐱᓕᕆᐊᖑᔪᖅ ᐃᓱᒪᒋᔭᐅᓚᐅᖅᐳᖅ ᐃᖅᑲᓇᐃᔭᖅᑎᐅᔪᑦ ᐃᓱᒪᒃᓴᖅᓯᐅᕆᑎᓪᓗᒋᑦ ᐱᓕᕆᔾᔪᓯᐅᔪᓂ ᐊᖏᒡᓕᒋᐊᖅᑎᑦᑎᓂᕐᒧᑦ ᐃᓕᓐᓂᐊᕐᕕᖕᒥ ᐅᐸᑦᑎᐊᖃᑦᑕᕐᓂᐅᔪᒥ ᐊᒻᒪ ᐃᓱᒪᒃᓴᖅᓯᐅᕆᓚᐅᖅᐳᑦ ᖃᓄᐃᒻᒪᑦ ᐃᓕᓐᓂᐊᖅᑎᒥ ᐃᓕᓐᓂᐊᕈᒪᓇᔭᕐᓂᖓᓂ, ᐅᖃᓚᐅᖅᐳᖅ. “ᑐᕌᖓᓂᐅᔪᖅ ᐅᕙᑦᑎᓐᓂ ᑐᓂᓯᓚᐅᖅᐳᖅ ᐃᓱᒪᒃᓴᖅᓯᐅᕈᑎᒃᓴᓂᑦ ᐊᒻᒪ ᐱᕕᒃᓴᖃᕐᓂᕐᒧᑦ ᐃᖅᑲᐅᒪᓂᕐᒧᑦ ᑭᓱᓂ ᐊᑐᐃᓐᓇᖃᖅᑎᑦᑎᓂᑦᑎᓐᓂ ᐃᓕᓐᓂᐊᖅᑎᑦᑎᓐᓄᑦ,” ᐅᖃᓚᐅᖅᐳᖅ ᕗᐊᓐᓇᐃ. “ᐃᓕᓐᓂᐊᖅᑎᐅᓐᓂᕈᒪ, ᑭᓱᒥᑦ ᐅᐸᒍᑎᖃᕈᒪᓇᔭᖅᐳᖓ ᐅᕗᖓ ᐃᓕᓐᓂᐊᕐᕕᖕᒧᑦ? ᖃᓄᐃᑦᑐᓂ ᐱᓕᕆᐊᖑᔪᓂ ᐅᕙᓐᓂᑦ ᐃᑲᔪᕋᔭᖅᐸᑦ ᖁᓱᓂᕐᒧᑦ ᐊᑲᐅᙱᓕᐅᕈᑎᖃᕈᒪ ᐊᒃᓱᕈᕈᑕᐅᔪᓂᓪᓘᓐᓃᑦ ᐅᖃᓕᒫᕐᓂᓐᓄᑦ ᓇᐃᓴᐅᓯᕆᓂᕐᒧᓪᓘᓐᓃᑦ – ᐅᕝᕙᓘᓐᓃᑦ ᐅᓇ ᐃᓕᓐᓂᐊᕐᕕᒃ ᐅᕙᓐᓂ ᐃᑲᔪᖅᓱᐃᔪᓐᓇᕋᔭᖅᐸ ᐊᑐᕐᓂᖃᕈᒪ ᐃᓚᖏᓐᓂ ᐊᒃᓱᕈᕈᑕᐅᔪᓄᑦ ᐃᓕᓐᓂᐊᕐᕕᐅᑉ ᓯᓚᑖᓂ?” “ᑕᐅᑐᒃᑕᑐᐊᖃᑲᐃᓐᓇᓕᓚᐅᖅᐳᒍᑦ ᐃᓕᓐᓂᐊᖅᑏᑦ ᐱᔭᕆᐊᓕᖏᓐᓂ, ᐅᓇᑐᐃᓐᓇᐅᙱᑦᑐᒥ ᐃᓱᒪᓇᓱᐊᕐᓂᕐᒧᑦ ᐱᓕᕆᓂᐅᔪᓂ ᐊᔭᐅᕆᓂᕐᒧᑦ ᐃᓗᐊᓄᒃᑲᓐᓂᖅ,” ᐅᖃᒃᑲᓐᓂᓚᐅᖅᐳᖅ. ᓴᓇᓚᐅᖅᐳᑦ ᐱᔪᓐᓇᖅᑎᑦᑎᓕᕐᓂᖅ ᐃᓕᓐᓂᐊᖅᑎᓂᑦ ᐅᕘᓇ ᐃᓄᑐᖃᖅᑎᒍᑦ ᐃᓕᓐᓂᐅᕐᓂᐅᔪᒥ ᐊᒻᒪ ᖃᐅᔨᒪᓂᖅᓴᓄᑦ ᐃᓕᓐᓂᐊᖅᑎᑦᑎᓕᐅᔪᒥ ᐱᓕᕆᐊᖑᔪᒥ ᐃᓕᓐᓂᐊᖅᑏᑦ ᐱᔪᓐᓇᖅᓯᕚᓪᓕᕈᓐᓇᕐᓂᕐᒧᑦ ᐊᒻᒪ ᑲᑎᙵᓂᖃᕐᓗᑎᒃ ᐃᓕᖅᑯᓯᖓᓐᓄᑦ ᐊᒻᒪ ᐃᓄᑐᖃᖏᓐᓄᑦ, ᐅᖃᓚᐅᖅᐳᖅ.

“ᐃᓕᓐᓂᐊᖅᑎᑦᑎᓐᓂ ᐱᔪᒪᔭᕗᑦ ᕿᒪᐃᒍᑎᒃ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᓯᕗᓕᐅᖅᑎᙳᕐᓗᑎᒃ ᓄᓇᓕᖕᓂ ᐊᒻᒪ ᑕᒪᒃᑭᓂ ᓄᓇᕗᒻᒥ ᐊᒻᒪ ᑲᓇᑕᒥ ᑭᒡᓕᐅᔪᓄᑦ,” ᐅᖃᓚᐅᖅᐳᖅ ᕗᐊᓐᓇᐃ. ᐊᔾᔨᐅᙱᑦᑐᒥ ᐃᓕᓐᓂᐊᖅᑎᒧᑦᑐᕌᖓᓂᖃᖅᑐᒧᑦ ᐊᒻᒪ ᐊᒃᓱᕈᖅᓯᒪᔪᒥᐅᖃᐅᔾᔨᓂᐅᔪᒥ ᐱᔪᓐᓇᖅᑎᑦᑎᓕᕐᓂᖅ ᐃᓕᓐᓂᐊᖅᑎᓂᑦ ᐅᕘᓇ ᐃᓄᑐᖃᖅᑎᒍᑦ ᐃᓕᓐᓂᐅᕐᓂᐅᔪᒥ ᐊᒻᒪ ᖃᐅᔨᒪᓂᖅᓴᓄᑦ ᐃᓕᓐᓂᐊᖅᑎᑦᑎᓂᐅᔪᒥ ᐱᓕᕆᐊᖑᔪᖅ ᓴᖅᑭᑎᑦᑎᓯᒪᕗᖅ ᖁᑦᑎᒋᐊᖅᓯᓂᐅᔪᒥ ᑕᒪᐃᑎᒍᑦ ᐅᐸᑦᑎᐊᖃᑦᑕᕐᓂᐅᔪᒥ ᐊᒻᒪ ᐱᐅᔪᒥ ᐊᒃᑐᐃᓂᖃᖅᐳᖅ ᖃᔅᓯᒐᓚᖕᓄᑦ ᐊᑐᓂ ᐃᓕᓐᓂᐊᖅᑎᐅᔪᓄᑦ. ᕗᐊᓐᓇᐃ ᐅᖃᓚᐅᖅᐳᖅ ᑐᓂᓯᓂᕐᒥ ᐊᓯᐊᒎᖅᑐᒥ ᐃᓂᒃᓴᖃᖅᑎᑕᐅᓂᕐᒥ ᑭᐅᔾᔪᑎᐅᕗᖅ ᑕᐃᒃᑯᓄᖓ ᐃᓕᓐᓂᐊᖅᑎᐅᔪᓄᑦ ᐊᒃᓱᕈᕈᑎᖃᖅᑐᓄᑦ ᐃᓕᓐᓂᐊᕐᕕᐊᕈᓯᖏᓐᓂᑦ – ᑎᑎᕋᕐᕕᓕᐊᖅᑎᑕᐅᙱᖔᖅᖢᑎᒃ ᐊᒻᒪ ᐊᖓᔪᖅᑳᖏᑦ ᐅᖃᓗᒡᕕᐅᓇᑎᒃ – ᐊᒻᒪ ᑐᓂᓯᓪᓗᓂ ᐃᓂᐅᔪᒥ ᐱᕙᓪᓕᐊᑎᑦᑎᔪᓐᓇᕐᓂᖏᓐᓂ ᑲᒪᒋᔭᖃᕈᓐᓇᖅᓯᓂᐅᔪᒥ ᐊᔪᙱᓐᓂᐅᔪᓂᑦ ᐊᒻᒪ ᐃᓕᑦᑎᓗᑎᒃ ᖃᓄᖅ ᐃᒻᒥᓂᒃ-ᐊᐅᓚᑦᑎᑦᑐᓐᓇᕐᓂᖏᓐᓂ. ᐊᑕᐅᓯᖅ ᐊᖏᓛᖑᔪᒥ ᐃᓚᒋᔭᐅᔪᒥ ᐱᓕᕆᐊᖑᔪᒥ ᐱᓕᒻᒪᒃᓴᕐᓂᖅ ᐱᓕᕆᕕᐅᕗᖅ, ᕗᐊᓐᓇᐃ ᐅᖃᓚᐅᖅᐳᖅ ᓲᕐᓗ ᐃᒡᓗᑉ ᐃᓄᖃᕐᕕᒋᔭᖓᑎᑐᑦ ᐃᓂᐅᔪᖅ ᐃᓕᓐᓂᐊᕐᕕᖕᒥ. ᐱᓕᕆᕕᒃ ᐊᑦᑎᖅᑕᐅᓯᒪᕗᖅ ᐃᓄᐃᑦ ᐱᓐᓇᕆᔭᖏᓐᓂ ᐊᔪᙱᓐᓂᐅᔪᓂ ᐱᔪᓐᓇᕐᓂᐅᔪᓄᑦ ᐊᒻᒪ ᐋᖅᑭᒋᐊᑦᑎᐊᖅᓯᓂᐅᔪᒥ. “ᐃᓕᓴᐃᔩᑦ ᐊᖓᔪᖅᑳᖓᑕ ᑐᖓᓕᖓ, ᓈᓐᓯ ᐅᓗᐊᑦᓗᐊᒃ, ᐃᓱᒪᒋᔭᖃᓚᐅᖅᑐᒥ ᐊᑎᖓᓐᓂ ᓴᙱᔪᒥ ᐃᒃᐱᒍᓱᖕᓂᖃᓚᐅᕐᒪᑦ ᐅᓇ ᐊᓯᐊᒎᖅᑐᒥ ᐃᓂᐅᔪᖅ ᐃᓂᐅᓪᓗᐊᖅᐳᖅ ᐃᓕᓐᓂᐊᖅᑏᑦ ᐱᔪᓐᓇᕋᔭᕐᓂᖏᓐᓂ ᐃᓅᓯᕐᒧᑦ ᐊᔪᙱᓐᓂᐅᔪᓂ ᐱᔭᕆᐊᓕᒥᓂᑦ,” ᐅᖃᓚᐅᖅᐳᖅ ᕗᐊᓐᓇᐃ. “ᓴᓇᓯᒪᕗᖅ ᐃᓂᐅᓪᓗᓂ ᐃᓕᓐᓂᐊᖅᑎᓄᑦ ᐃᑲᔪᖅᓱᐃᓂᖅᑖᕈᓐᓇᕐᕕᒋᔭᖓᓐᓂ ᐱᔭᕆᐊᓕᖏᓐᓂ ᑲᒪᒋᔭᖃᕈᓐᓇᕐᓂᕐᒧᑦ ᐊᒃᓱᕈᕈᑎᒋᔭᒥᓂᑦ ᐊᒻᒪᓗ, ᐊᒻᒪᑦᑕᐅᖅ, ᑕᐅᑐᒃᑕᑐᐊᖃᑲᐃᓐᓇᕈᓐᓇᕐᓗᑎᒃ ᐃᓕᓐᓂᐊᕈᑎᒥᓂᑦ, ᐊᙳᑎᓇᓱᐊᕐᓗᑎᒃ ᐱᓕᕆᐊᒃᓴᒥᓂᑦ ᐊᒻᒪ ᐱᔭᕇᖅᓯᓇᓱᐊᕐᓂᕐᒧᑦ

ᐲᑕ ᐊᐅᓚᑦᔪᑦ ᐃᓕᓐᓂᐊᖅᑎᑦᑎᕗᖅ ᐳᕌᓐᑎᓐ ᑰᓕᒥ, ᓴᐅᒥᖓᓐᓂ, ᐊᒻᒪ ᕕᓕᑉ ᐅᑲᑦᓯᐊᕐᒥ ᐱᓕᕆᑦᑎᐊᒃᑲᓐᓂᕐᓂᐅᔪᓂ ᐊᖅᓵᕋᐅᑎᓂᕐᒧᑦ ᔮᓐ ᐊᕐᓇᓗᒃᔪᐊᖅ ᖁᑦᑎᒃᑐᒥ ᐃᓕᓐᓂᐊᕐᕕᒦ ᐊᕐᕕᐊᓂᑦ ᖃᖓᒃᑲᓐᓂᐅᓚᐅᖅᑐᒥ ᐃᓕᓐᓂᐊᕐᓂᕐᒧᑦ. ᐃᓄᐃᑦ ᐃᓕᖅᑯᓯᖓᓐᓂ ᐊᒻᒪ ᐃᓄᖕᓂ ᐃᓚᐅᑎᑦᑎᓂᐅᔪᒥ ᐊᖏᔪᒥ ᐊᑐᕐᓂᖃᐅᑎᖃᕐᔪᐊᖅᐳᑦ ᐃᓕᓐᓂᐊᕐᕕᐅᑉ ᓄ ᑖᖑᔪᒥ ESTEEM-ᒥ ᐱᓕᕆᐊᖑᔪᒥ.

photo courtesy of Gord Billard

Peter Aulatjut teaches Brandon Curley, left, and Phillip Okatsiak the finer points of the arm-pull at John Arnalukjuak High School in Arviat earlier this semester. Inuit culture and student inclusion play large roles in the school’s new ESTEEM program. ᐱᓕᕆᑦᑎᐊᕈᓐᓇᕐᓂᐊᕐᒪᑕ ᐃᓕᓐᓂᐊᕐᓂᖏᓐᓂ.” ᐊᑕᐅᓯᖅ ᐃᓕᓐᓂᐊᖅᑎᐅᔪᖅ ᐃᓕᓐᓂᐊᕆᐊᖃᑦᑕᙱᓯᒪᔪᖅ ᐅᐸᓚᐅᖅᐳᖅ ᕗᐊᓐᓇᐃᒧᑦ ᖃᐃᖁᔨᓪᓗᓂ ᐃᓕᓐᓂᐊᖅᑎᐅᔪᒧᑦ ᐊᒻᒪ ᐃᓚᒌᖏᓐᓂ ᑕᑯᑎᑦᑐᒪᓪᓗᓂᒋᑦ ᐃᓂᐅᔪᒥᑦ ᐊᒻᒪ ᐅᓂᒃᑲᐅᑎᓪᓗᓂᒋᑦ ᐊᑲᐅᓂᐅᓂᐅᔪᓂᑦ, ᐃᓚᖃᖅᑐᒥ ᒪᕐᕈᓪᓗᐊᓂ ᐃᖅᑲᓇᐃᔭᖅᑎᐅᔪᓄᑦ ᐃᓂᒋᔭᖓᓐᓃᓪᓗᑎᒃ, ᓇᐅᑦᑎᖅᓱᖅᐸᒡᓗᑎᒃ ᐃᒡᓗᕈᓯᐅᔪᒥ

ᖃᖓᓕᒫᑦᑎᐊᒃᑯᑦ. ᐃᓕᓐᓂᐊᖅᑎ ᐅᑎᓚᐅᖅᐳᖅ, ᐅᐸᒐᔪᒃᖢᓂ ᐃᒡᓗᕈᓯᐅᔪᒥ ᐊᒻᒪ ᐱᓕᕆᖃᑎᖃᖅᖢᓂ ᒥᐊᓂᖅᓯᔨᐅᔪᒧᑦ ᐃᓅᓯᓕᕆᔨᐅᔪᒧᑦ ᐊᒻᒪ ᐃᓕᓴᐃᔩᑦ ᐊᖓᔪᖅᑳᖓᑕ ᑐᖓᓕᐊᓂ. “ᖁᕕᐊᑉᐳᖓ ᐅᖃᕐᓂᕐᒧᑦ ᐃᓕᓐᓂᐊᖅᑎᐅᔪᖅ ᐃᓗᐊᓃᓚᐅᕐᓂᖓᓂ ᐊᓯᐊᒎᖅᑐᒥ ᐃᓂᐅᔪᒥᑦ ᖃᐅᑕᒫᒥ ᓱᒃᑲᐃᑦᑐᒥ ᑐᒃᓯᕋᖅᐸᓪᓕᐊᓂᖓᓂ ᐅᑎᖅᐸᓪᓕᐊᓂᕐᒧᑦ ᐃᓕᓐᓂᐊᕐᕕᐊᕈᓯᕐᒧᑦ,

ᐊᒻᒪ ᒫᓐᓇ ᑐᕌᖓᓂᖃᑦᑎᐊᖅᐳᖅ ᐃᓱᓕᑦᑎᓛᓕᕐᓂᖓᓂ,” ᐅᖃᓚᐅᖅᐳᖅ ᕗᐊᓐᓇᐃ. ᐅᑯᐊ ᒥᑭᑦᑐᑦ ᐱᓕᕆᑦᑎᐊᕐᓂᕐᒧᑦ ᐅᓂᒃᑲᐅᓯᐅᔪᑦ – ᐊᒻᒪᓗ ᖃᔅᓯᐊᕐᔪᖕᓂ ᑕᐃᒪᐃᓯᒪᔪᒥ ᑕᒪᑐᒪᓂ ᐊᕐᕌᒎᔪᒥ – ᐱᔪᓐᓇᖅᑎᑦᑎᕗᖅ ᐃᖅᑲᓇᐃᔭᖅᑎᓂᑦ ᑕᑯᓂᖏᓐᓂ ᐱᕙᓪᓕᕈᑕᐅᔪᓂᑦ ᐱᓕᕆᐊᖑᔪᓂ ᑕᐃᒪᐃᖏᓐᓇᕐᓂᐊᕐᓂᖓᓄᑦ ᓯᕗᓂᒃᓴᒧᑦ, ᐅᖃᓚᐅᖅᐳᖅ.

Newkivalliq  
Newkivalliq