Page 1

A 澳聞不聞不問 B 廣告不可不看 C 睇肉兒童不宜 D 副刊不值一提

愛 瞞 日 報

網址:idaily.newmacau.org

愛 瞞 日 報 CONCEALING DAILY NEWS

出紙一大張 瞞遍全澳市民 2011年第1期

“普普”“選選”出面向澳人拜年 【正苦發炎人失暈稿】由於我們的突手 離岸崔除夕夜嘴生痱滋講唔到野,新春 前他又離岸好忙唔得閒露玉臉,所以我 們特衰正苦在今年新春請出兩位可愛的 民主大熊貓“普普”“選選”代離岸崔 同大家拜個年!祝大家兔年健健康康唔

使入山頂!外勞唔會搶飯碗!上到公屋 有樓住!專才認證有歸宿!通脹拜拜唔 氣谷!也祝我地特衰正苦做野效率可以 快D,民主政制改革積極D,庸才高官可 以醒D,唔好再夾埋商人掠澳人水,可 以盡快收回閒置土地,同埋努力完成

2012萬九公屋,好讓我們的堯堯唔使上 斷頭台。 最後,我們為澳門的未來作出祝願和努 力,為澳門民主社會發展作出政制改革 的呼喊,“2019,普選特首!” 祝大 家新春快樂,兔年吉祥!

辛亥革命一百週年紀念又關崔氏大會 【狗報訊】今年係“辛亥革命 ”一百周年,兩岸多個城市都 準備大搞活動紀念慶祝學習回 憶咁話喎。武漢、廣州都爭住 建紀念館,唔通有錢分?當真 ,可知依家搞活動多數都有大 筆金額資助或有利潤收益,既 可在旅遊、文化、教育等方面 賺番一筆,又以此作政治思想 教育同各位洗洗腦。呢方面澳 門當然就唔執輸,唔理個革命 本身跟澳門有多大關係,新年 初始就嗱嗱臨先成立了一個“ 愛瞞地區紀念辛亥革命一百周 年活動疽積痿員會”,仲為了 同心同金唔俾其他人瓜分,該 疽痿會正副主席竟然係吹氏堂 兄弟細槍和細瓶!成立後就立 即北上武昌紀念學習,真係快 過坐高鐵嘞。看來依個痿員會 咁穩陣,啊細安突手就唔使擔 心,實抽水攞滿分啦!

新澳門學社 暨 愛瞞傳媒集團出版 有好橋或投稿:28973750@newmacau.org

非賣品


B

愛 瞞 日 報

廣告不可不看

網址:idaily.newmacau.org

法司陳師奶 戰隊唯一女性,卻厚顏有術,喜與 熊貓作伴。法術十年不變,戰術保 守,賴死唔走,對於成員更換的問 題,她表示“沒有共識”喎。必殺 技是“塵厲法霉掌”。 Dislike

保司張角嬅 紀律部隊出身,口技一般,調兵優 於單刀獨鬥。統令部下不作為,常 遁地少露於地上,無能庸碌,坐等 退役。必殺技是“保命藏身術“。 Dislike

財司談八元 出招不見影,開數摸不住。財司那 那渣渣,數理計不清,雖能量豐富 ,卻無能力出絕招,光一肚子力量 ,唯有靠放屁發威,以及千萬外勞 手下。必殺技是“百倍超脂死光” 。 Dislike

工司流堯堯 悲情人物,身背萬九之諾,隨時爆 煲被焚。他面對:膠通、菲灰、龔 屋等幾大神獸,隻身應戰,恐怕陣 亡。必殺技:“一萬九千伏電擊” 。 Dislike

社司章魚 得個講專員,維生指數加碼增能量 ,但千七文養老金就唔加,擺明刻 薄老人家。醫鳥素質差,健康難保 障,教育質素低待整。面對多方敵 軍包圍,需逐一擊破。必殺技是“ 耳圓飲茶術”。 Dislike

突首吹細鞍 五司戰隊的上司,負責包庇五位成 員,無作戰能力,純粹擺樣。因經 常離開基地,故予人神秘感,屬隱 藏人物。必殺技:“減艷金分響” 。 Dislike

新澳門學社 暨 愛瞞傳媒集團出版 有好橋或投稿:28973750@newmacau.org

非賣品


C 睇肉兒童不宜

愛 瞞 日 報

網址:idaily.newmacau.org

《逼逼逼》交通厭 澳門交通 真係亂到無譜 車龍太長 血壓激動更高 你逼我逼 爭位唔係咁易 Let`s go I wanna 鐘佢 汪雲局長 你亂泊車 似有月薪三萬 有膠警抄你六舊怎算好 你小我小 車位都係咁少 Let`s CRY I wanna 鐘佢 汪雲局長 逼逼逼逼逼 等巴士人都傻 逼逼逼逼逼 唔見細佬 我今夜同你坐巴士 一齊變沙甸魚 盧九出三盞燈居然都等半個鐘 你今夜跟我發誓 不再坐巴士 逼逼逼逼逼 行路最好~~~~~~~~~ 澳門咁細 車多就一定死 規劃唔做 實遲早會失控 你逼我逼 真係要諗諗計 Let`s THINK I wanna 鐘佢 汪雲局長 誰的老母 天天都被人CALL 交通局長 點會知道痛苦 你逼我逼 將佢推上巴士 Let`s DO I wanna 鐘佢 汪雲局長 逼逼逼逼逼 私家車要減量 逼逼逼逼逼 公交優先 三間巴士變公營 以為好鬼醒 查實靠政府經營真係好鬼擔心 萬一服務質素無變 班次又咁少 逼逼逼逼逼 (行路氹仔) 我今日同你推廣一齊行路 就算是落街打包只有三個路口 請今天拋棄觀念 “揸車有FACE” 逼逼逼逼逼 行路最好~~~~~~~~~

《小明去澳門》 *小明去澳門 木屋區舊地遊 小明問阿媽 "間劉記呢係咪仲有!" 小明去青洲 等巴士發吽逗 想嚟飲咖啡 "家陣青洲乜都無" #青洲街坊確最善 熱鬧兼寫意 點知拆遷猛咁o趙 你我真谷氣 官商一體惡勢力 差佬理得你? 三口一家無屋住 諗吓真激氣咯 一屋一個家 一屋一萬三 你話家貴定屋貴 其實乜嘢都冇得計 居民仲慘過牲畜 寒冬無奈何處歸 你拆佢打居民慘 佢拆你 佢幫佢 實唔驚各位 官商勾結要和睦 拆完換地互包容 一齊o黎扮傻唱隻歌仔 萬九公屋冇閉翳 Repeat*# 去房屋局等社屋濟 無家無助點可以唔批 以前就話租屋慳D使 而家租金高過鬼 四千蚊啜聲就冇 將來外勞多得無得砌 澳門街其實都係一家人 樹同根, 水同源 以民為本, 陽光施政 唔做河蟹打橫o黎 Repeat# 小明去澳門 爭公義為自由 碼頭被押返 "家陣澳門真恐怖"

倒場最新遊戲推介:剪膶老虎機 今期各大倒場都紛紛推出由慰生局最新引進的“剪膶老虎機”遊戲,愚樂無 窮。此台經正苦和垃圾會“煙”級認證,具有最新民意“過濾”功能,“煙 ”味十足,注入慰生局剪膶局長的厚顏無齒肖象,一眾玩家誓要打倒呢隻“ 老虎”。據倒場負責人私下透露,他們相信能打出“三個禁煙”圖案的機率 微乎其微;而訪問那些試玩過的倒客表示,最常出現的圖案是“兩個剪膶中 間夾住個骷髏”和“兩隻狗中間夾住個剪膶”。當然了,“三個禁煙”圖案 值數百億“獎金”喎!倒場邊會俾你咁易中架!(特約記者 超勁報導) 新澳門學社 暨 愛瞞傳媒集團出版 有好橋或投稿:28973750@newmacau.org

非賣品


D 副刊不值一提

愛 瞞 日 報

網址:idaily.newmacau.org

“賭聖”邀你一齊討論《控煙法》立法 請將你想表達的意見或心聲寫在下面,然後沿虛線剪下寄回「南灣巴掌圍斜巷6號嘉華閣2樓A《愛瞞日 報》收」 或 傳真至28974379。我們會收集大家的意見或心聲,要求政府盡快提交《控煙法》修訂本。 1. 你支持室內全面禁煙嗎? 支持 不支持 姓名:____________________ 2. 歡迎寫上你對《控煙法》立法的意見或心聲: 性別:____________________ 年齡:____________________ 職業:____________________ 新澳門學社 暨 愛瞞傳媒集團出版 有好橋或投稿:28973750@newmacau.org

非賣品

愛瞞日報 - 2011年1月  

新澳門學社 暨 吳國昌、區錦新、陳偉智議員辦事處 出版

Read more
Read more
Similar to
Popular now
Just for you