Issuu on Google+


Библия Удмурт кылын

д 1

ПАТРИАРХ МОСКОВСКИЙ И ВСЕЯ РУСИ АЛЕКСИЙ "24." апреля__ i&L г. № -fo Г У

119034 Москва, Чистый пер. 5

Г-же А.

ОПЛИКАЙНЕН,

Заведующему Отделением финно-уторских языков Института перевода Библии

В ответ на Вашу просьбу от 4 апреля с .г . - сообщаю: Мною дано благословение Преосвященному Епископу Ижевскому и Удмуртскому Палладию оформить диакона Михаила Атаманова для работы над переводом Библии на удмуртский язык.

ПАТБИАРХ МОСКОВСКИЙ И ВСЕЯ РУСИ


У

Библияез берыктйсьлэн азькылыз Кузё-Инмармы Иисус Христос Инмысь Атаймы доры ӝутскон азяз Аслаз дышетскисьёсызлы-апостолъёслы берпуметйзэ, тужгес но бадӟымзэ, быдэс дуннеез выльдытйсь, югдытйсь курон-косонзэ вераз: «Мынэлэ быдэс дунне вылэ но вань адямиослы тодытэ Евангелиез. Оскись мурт, пылатэм мурт утемын луоз, нош кин ӧз оскы, судэ сюремын луоз» (Марк 16:15-16). Гажано лыдӟись эше, удмурт калык! Тон али нырысьсэ ас кияд кутйд вордэм анай кылынымы гожтэм дунне вылысь тужгес но дунозэ, номырин но Чошатыны луонтэм, визь-нод, тодонлык сётйсь, улыны дышетйсь книгаос пӧлысь Книгаез - Библияез. Кунъёсын, калыкъёсын визьлыко кивалтйсьёс, тодосчиос, кылбурчиос, философъёс Библия сярысь тазьы шуылйзы: «Дунне вылын та дырозь поттэм вань книгаос пӧлысь Библия самой дуноез луэ» (П. Генри); «Библия вань адямиослы быдӟымлэсь но быдӟым пайда сётэ. Библияез кулэтэм карон - дуннелык азьын йыруж лэсьтон луэ» (Э. Кант); «Инмартэк но Библиятэк дуннеен шонер кивалтыны уг луы» (Д. Вашингтон); «Кузё-Инмаре! Мар книга та Священной Гожтэм! Кӧня паймымонэсь ужъёс возьматско, адямилы кыӵе кужым та книга пыр сётйське! Инмар кылэз тодытэк улон калыкез быронэ вуттэ» (Ф. Достоевский) но мукет та выллем визьмо веранъёс пото дунне вылысь сйё-дано адямиослэн кылысьтызы-ымысьтызы. Удмурт калык, шумпоты! Туннэ нуналысен, та быдӟым Книга асьме кылын печатласькем бере, асьмелэн вордэм анай кылмы дунне вылысь тужгес азинскем кылъёс пӧлы пыриз. Дунне вылын 6 сюрслэсь ятыргес кылъёс вань, нош 475 кылэ гинэ берыктэмын ай быдэсэз Библия. Библия кыл потэмын грек кылысь: со «трос книгаос» шуэмез возьматэ. Зэм но, Библия сылэ кык люкетлэсь: Вуж Сйзёнлэсь - отчы пыро 39 книгаос но Выль Сйзёнлэсь - отчы пыро 27 книгаос. Вань на канонической луисьтэм 11 книгаос. Библия гожтэмын Дунне Кутйсь Кузё-Инмар дорысь потйсь Святой Дух пыр, соин ик та книгаосты, черк-славян кылын вераса, «богодухновенноесь» шуо: Инмарлэн быръем муртъёсыз - пророкъёс, апостолъёс - вылэ Святой Дух васькем бере гинэ та священной кни­ гаос гожтэмын вал. Быдэс Библиялэн шорсюлмыз луэ Инмар Пи Иисус Христос Мес­ сия сярысь дышетон: Вуж Сйзёнын Сое, Солэсь лыктонзэ возьмало,


VIII

Книга поттӥсьлэн азькылыз «Библия» - грек кыл, «книгаос» шуыса берыктйське. Библия - со люкам-огазеям книгаос, христианъёс (оглюкетэз - иудейёс но мусульманъёс) понна та Священной Гожтэм. Библияез кык люкетлы висъяны луэ: 1) Вуж Сйзён (Ветхий Завет). Вуж Сйзёнэ пырись 39 книгаос гожтэмын Иисус Христослэн вордскемезлэсь азьло сюрс но ӝыны аръёс ӵоже вашкала еврей но арамей кылъёсын, татын вылй саклык висъяське Инмарлэсь еврей калыкен кусыпъёссэ возьматонлы. Вуж Сйзёнысь книгаос тодмато еврей калыклэн кылдон но азинскон сюресэныз, осконэн герӟаськем законъёсыныз, израиль мерлыкысь улон-вылонлэн радлыкъёсыныз, Инмарез данъясь синмаськымонэсь кылбуръёсыныз но кырӟанъёсыныз, улонвылон сярысь муресь малпанъёсыныз-малпаськонъёсыныз, азьпал улон сярысь тодытонъёсын но трос мукет паймымонэсь, тодон-валан сётйсь иворъёсын. Кутсконысьтыз вить книгаосты «Моисейлэн Вить Книгаосыз» яке «Моисейлэн Законэз» шуыса нимало, малы ке шуоно еврей калыклэн вашкала улон-вылон сюрес вылаз та адями туж бадӟым инты басьтйз, со Инмарен но Солэн калыкеныз кусып возись, соос вискын сылйсь вал. Таос бере радъясько ини мукетъёсыз книгаос, кудъёсаз возьматйсько Кузё-Инмарлэн сётэм музъем вылаз израиль калыклэн улонэз, та улосъёсты киултыны но асьсэлы люкет музъем карыны соосты Ачиз Кузё-Инмар бакель кариз; та книгаосын возьматэмын израиль эксэйёслэн, азьвалтйсьёслэн вормонъёссы, азинлыкъёссы, усьылон-погран дыръёссы но. Таосыз бере интыясько Инмарез данъяны, визьлыкен улыны дышетйсь кылан-бурано книгаос. Вуж Сйзён йылпумъяське бадӟымъёсызлэн но, покчиосызлэн но пророкьёслэн гожтосъёсынызы, кинъёс Кузё-Инмарлэсь кылзэ калыклы тодытылйзы, Солы оскиськымонэсь луыны ӧтьылйзы. 2) Выль Сйзён (Новый Завет). Татчы пыро 27 книгаос. Соос гожтэмын вашкала грек кылын Ии­ сус Христос вордскем бере асьме эралэн I-тй даураз. Выль Сйзёнлэн шорсюлмыз луо ньыль Ӟеч Иворъёс - Евангелиос, отын вераськон мынэ дуннеез Утисьлэн, Иисус Христослэн, улонэз, дышетонэз, кулонэз но Солэн улӟыса султонэз сярысь. Ӟеч Иворъёс бере интыяське «Апостолъёслэн ужъёссы». Таяз сйё-дано ужын ивортйське КузёИнмармылэн Иисус Христослэн Инме ӝутскемез бере Солэн дышет-


IX скисьёсызлэн - апостолъёслэн - улон-вылонзы, христиан черкъёслэн (огазеяськонъёслэн) кылдон сюрессы, апостолъёслэн Рим кунэ Дышетӥсьсылэсь Ӟеч Иворзэ вӧлмытэмзы. Апостолъёслэн ыстэм гожтэтъёссы (Посланиоссы) вуизы соку гинэ кылдылыны кутскись христиан осконэ выжем калыклэн черкъёсаз, соосын кивалтйсьёс, нимысьтыз адямиос доры. Соосты апостолъёс дышетйзы Кузё-Инмарлы ярамон ужъёс лэсьтыса улыны, кивалтыны, тыршизы осконзэс му­ ром ытыны. юнматыны, шуг-секытлыкъёслэсь кышкатэк Ӟеч Иворез калыклы тодытыны. Берпуметйез книга - со Иоанн апостоллэн гож­ тэм Усьтнськон книгаез, отын вераськон мынэ дунневыл калыклэн азьпал адӟонъёсыз. Инмарлэн пумитъяськись кужымъёсты вормонэз сярысь. Священной Гожтэм йылпумъяське христиан калыклэн Инмарлы вазиськонэныз: «Кузё-Инмаре Иисус, лыкты!»

Библияез удмурт кылэ берыктон Та вакытлы быдэс Библия берыктэмын ини дунне вылысь 475 кылъёсы, нош солэн люкетъёсыз, нырысь ик, Евангелиос яке кудйз ке огез книга, берыктэмын 2 сюрслэсь но ятыр кылъёсы. Книгаос пӧлысь Книга - Библия - дунне вылын тужгес вӧлмемын, солэн туж трос лыдӟисьёсыз. Тйляд али кияды кутэм книгады дасямын Библияез берыктонъя Институтын. Удмурт кылэ Библияез берыктыны басьтйськимы 1991 арлэн нырысетй палараз Москва но Ӟуч кунысь Алексий II Патриархлэн бакель каремезъя. Нырысетй нуналысен кутскыса Библия потытозь берыктон ужын сюлмысътыз тыршиз-ужаз протодиакон Михаил Атаманов (Ижкар), нош берыктон ужлэсь ӟечлыксэ вашкала еврей, грек оригиналъёсъя эскериз-чаклаз Институтын ужась Марья Картано (Хельсинки), эскерон-чаклан ужын солы юрттйзы Библияез вӧлмытонъя огазеяськем эштосъёсын (Рединг) ужась консультантъёс. Янгышъёссэ-шекъёссэ эскерись корректоръёс ужазы котькуд книга бордын, быдэс Библия печате вуытозь. Библияез удмурт кылэ берыктон уж 22 ар кыстйськиз. Та дыр куспын нимысьтыз книгаосын печатласькизы Марклэн гожтэм Евангелиез (1991 арын); Ӟеч Ивор (1992); Псалтирь (1994; 1999; 2009); Апос­ толъёслэн ужъёссы (1996); Выль Сйзён (1997); Иона пророклэн книга­ ез (2004); Исаия пророклэн книгаез (2005); Эксэйлыкъёслэн книгаоссы (2006); Иовлэн книгаез (2007); Библияысь веросъёс (2003); Нылпиослы Библия (2001). Библияез удмурт кылэ берыктонын 40 сюрслэсь ятыр кылъёс кутэмын, соос пӧлын вань трос инты, адями но мукет нимъёс, уката


XII

ЙЫРЪЯН Вуж Сйзён Улон-вылон ....................................................... Ул.-выл................................ 3 Потон..................................................................Пот.................................... 78 Л евит..................................................................Лев................................... 143 Лыдпусъёс ......................................................... Лыд................................. 191 Кыкетй Закон .................................................... 23ак..................................258 Иисус Навинлэн книгаез...................................Нав.................................. 314 Судьяослэн книгазы..........................................Суд...................................353 Руфьлэн книгаез.................................................Руф...................................389 Эксэйлыкъёслэн нырысетй книгазы................1Экс.................................. 394 Эксэйлыкъёслэн кыкетй книгазы.....................2Экс................................. 443 Эксэйлыкъёслэн куинетй книгазы...................ЗЭкс................................. 483 Эксэйлыкъёслэн ньылетй книгазы ................. 4Экс................................. 531 Паралипоменон. 1-тй книга............................. Шар.................................575 Паралипоменон. 2-тй книга............................. 2Пар................................ 617 Ездралэн нырысетй книгаез ............................Езд................................... 671 Неемиялэн книгаез........................................... Неем. ............................. 686 Есфирьлэн книгаез ........................................... Есф..................................707 Иовлэн книгаез.................................................. Иов ................................ 724 Псалтирь ...........................................................Пс.................................... 765 Соломонлэн мадёнъёсыныз книга ................. Мад.................................865 Екклесиастлэн - тодытйсьлэн - книгаез.........Еккл.................................900 Соломонлэн кырӟанъёс пӧлысь кырӟан книгаез...................................... ...... Кырӟ................................ 913 Исаия пророклэн книгаез.................................Ис.................................... 919 Иеремия пророклэн книгаез ............................Иер.................................. 996 Иеремиялэн бӧрдонэз........................................Бӧрд............................... 1078 Иезекииль пророклэн книгаез..........................Иез................................. 1085 Даниил пророклэн книгаез ............................. Дан................................. 1161 Осия пророклэн книгаез ...................................Ос................................... 1190 Иоиль пророклэн книгаез.................................Иоил.............................. 1201 Амос пророклэн книгаез...................................Ам.................................. 1205 Авдий пророклэн книгаез.................................Авд................................. 1214 Иона пророклэн книгаез...................................Ион................................ 1215 Михей пророклэн книгаез ............................... Мих................................ 1218 Наум пророклэн книгаез .................................Наум............................. 1224 Аввакум пророклэн книгаез ............................Авв................................. 1227 Софония пророклэн книгаез ............................Соф................................. 1230 Аггей пророклэн книгаез .................................Агг................................. 1234 Захария пророклэн книгаез ............................. Зах.................................. 1236 Малахия пророклэн книгаез ............................Мал................................ 1249


XIII Выль Сйзён Матфейлэсь Ӟеч И вор........................................Мф............................ . Марклэсь Ӟеч И во р........................................... Мк.................................. Лукалэсь Ӟеч Ивор ........................................... Лк................................... Иоаннлэсь Ӟеч И в о р ..........................................Ин.................................. Апостолъёслэн ужъёссы ...................................Ап.уж............................. Иаков апостоллэн ыстэм гожтэтэз ................. Иак................................. Петр апостоллэн ыстэм нырысетй гожтэтэз .. Шет.............................. Петр апостоллэн ыстэм кыкетй гожтэтэз.......2Пет............................... Иоанн апостоллэн ыстэм нырысетй гожтэтэз ...................................... 1Ин................................. Иоанн апостоллэн ыстэм кыкетй гожтэтэз ... 2Ин............................... Иоанн апостоллэн ыстэм куинетй гожтэтэз .. ЗИн............................... Иуда апостоллэн ыстэм гожтэтэз ................... Иуд................................. Рим карын улйсьёслы ыстэм гожтэт ..............Рим................................ Коринф карын улйсьёслы ыстэм нырысетй гож тэт..........................................1Кор............................... Коринф карын улйсьёслы ыстэм кыкетй гож тэт............................................... 2Кор............................... Галатияын улйсьёслы ыстэм гожтэт................Гал.................................. Ефес карын улйсьёслы ыстэм гожтэт..............Еф................................... Филиппы карын улйсьёслы ыстэм гожтэт . . . . Фил............................... Колоссы карын улйсьёслы ыстэм гож тэт.......Кол................................. Фессалоника карын улйсьёслы ыстэм нырысетй гож тэт..........................................1Фес................................ Фессалоника карын улйсьёслы ыстэм кыкетй гожтэт............................................... 2Фес................................ Тимофейлы ыстэм нырысетй гож тэт..............1Тим............................... Тимофейлы ыстэм кыкетй гожтэт................... 2Тим............................... Титлы ыстэм гожтэт.......................................... Тит................................. Филимонлы ыстэм гожтэт............................... Филим............................ Еврейёслы ыстэм гожтэт ................................. Евр................................. Иоанн апостоллы усьтйськон .......................... Усьт................................

Ватсэтъёс-приложениос Удмурт-ӟуч кыллюкам ............................................................................. Ӟуч-удмурт кыллюкам............................................................................... Валэктонъёс................................................................................................ Библияын пумиськись праздникъёс ........................................................ Нуналлэсь но уйлэсь кузьдалазэс мертан .............................................. Библияын пумиськись мертэтъёс, коньдонъёс-дунъёс.......................... Мутус суредъёс...........................................................................................

1255 1301 1330 1378 1415 1466 1472 1478 1481 1487 1488 1489 1491 1513 1534 1549 1556 1564 1569 1574 1579 1582 1588 1592 1595 1596 1612

1639 1646 1649 1659 1661 1662 1665


МОИСЕЙЛЭН НЫРЫСЕТЙ КНИГАЕЗ

УЛОН-ВЫЛОН 1-тй ЛЮ КЕТ 1 Кутсконаз ик Инмар инмез но музъемез кылдытйз. 2 Музъем вылтустэм, тырттэм вал, пыдэстэм ву дунне вылын тём-тём пеймыт улйз. Инмарлэн Духез вулэн йылтйз поръяса ветлйз. 3 Соку Инмар шуиз: «Югыт мед луоз». Югыт л у и з.4Югытлык ӟеч луэ шуыса, Ин­ мар адӟиз; соку Инмар югытэз пеймытлэсь висъяз. 5Инмар югытэз нунал шуыса нимаз, нош пеймытэз - уй. Ж ыт вал, ӵукна вал: одйг нунал. 6Инмар шуиз: «Ву шорын юн-чурыт инты* мед луоз, со вуэз вулэсь мед висъялоз». [Тазьы ик луиз.]7Инмар юн-чурыт интыез кыл­ дытйз: юн-чурыт инты улысь вуэз юн-чурыт инты вылысь вулэсь (огогзылэсь) висъяз. Тазьы луиз. 8 Инмар юн-чурыт интыез ин шуыса нимаз. [Инмар та умой шуыса адӟиз.] Ӝыт вал, ӵукна вал: кыкетйез нунал. 9 Инмар шуиз: «Ин улысь ву одйг интые мед люкаськоз, сюйвыл мед потоз». Тазьы ик луиз. [Ин улысь ву ас интыосаз люкаськиз но, сюйвыл потйз.] 10Инмар сюйвылэз музъем шуыса нимаз, нош вуослэсь огазе люкаськонзэс зарезь шуыса нимаз. Инмар адӟиз, та умой шуыса. 11 Инмар шуиз: «Музъем [ас выжыезлы, аслыз укшась] вож узьым, кидыс кизись турын мед будэтоз, музъем вылысь ас выжыез­ лы укшась кидысо емыш сётйсь писпу мед будэтоз». Тазьы ик луиз. 12Музъем вож узьым будэтйз, ас выжыезлы, [аслыз укшась] кидыс ки­ зись турын, ас выжыезлы укшась кидысо емыш сётйсь писпу будэтйз. Инмар адӟиз, та умой шуыса. 13Ӝыт вал, ӵукна вал: куинетйез нунал. 14Инмар шуиз: «[Музъемез югдытон понна,] нуналэз уйлэсь висъян понна, паймымон тодметъёс мед луозы шуыса, вапумъёсты, нуналъёсты, аръёсты тодман понна инлэн юн-чурыт интыяз югыт сётйсь макеос мед луозы; 15музъемез югдытон понна соос инлэн юн-чурыт инты вылаз югдытыса улйсьёс мед луозы». Тазьы ик луиз. 16Инмар кык туж бадӟымесь югдытйсь макеосты кылдытйз: бадӟымезгес югдытйсь макеез нуналэн кивалтон понна, пичизэгес югдытйсь макеез - уен кивалтон понна; кизилиосты кылдытйз; 17'18музъем вылэ югыт сётон понна, нуналэн но уен кивалтон понна, югытэз пеймыт­ лэсь висъян понна Инмар соосты инбаме пуктйз. Инмар адӟиз, та умой ш уы са.19Ӝыт вал, ӵукна вал: ньылетйез нунал. *1:6 юн-чурыт инты - твердь (небесная)


4

УЛОН-ВЫЛОН 1, 2

20 Инмар шуиз: «Уяса, нюж кыстйськыса ветлйсь улэп лулъёсын вуос мед пачылмозы; музъем вылтй, инметй тылобурдоос мед лобалозы». [Озьы ик луиз].21Инмар бадӟымесь чорыгъёсты кылдытйз, вуысь асьсэ выжылы укшась вань пӧртэм пумо уяса, нюж кыстйськыса ветлйсь улэп макеосты поттйз, пӧртэм пумо вань тылобурдоосты ась­ сэ выжылы укшатыса кылдытйз. Инмар адӟиз, та умой ш уыса.22Соосты Инмар, тазьы шуыса, бакель кариз: «Пиялэ, йылэ, зарезьёсысь вуосты пачылмытэ, тылобурдоос музъем вылэ мед йылозы». 23Ӝыт вал, ӵукна вал: витетйез нунал. 24 Инмар шуиз: «Музъем вылэ пӧртэм пумо, асьсэ выжылы ук­ шась улэп макеос - пудо-животъёс, нюж кыстйськыса ветлйсьёс, луд пӧйшуръёс - мед потозы». Тазьы ик луиз.25Инмар кылдытйз пӧртэм пумо луд пӧйшуръёсты, пудо-животъёсты, музъем вылтй нюж кыстйськыса ветлйсьёсты, асьсэ выжылы укшасесь карыса. Инмар адӟиз, та умой шуыса. 26 Инмар шуиз: «Асьмелэн тусбуймылы, Асьмелы укшась адямиез кылдытомы; зарезь чорыгъёсын, ин тылобурдоосын, [пӧйшуръёсын,] пудо-животэн, быдэс музъемен, вань нюж, гыж кыс­ тйськыса ветлйсьёсын адями кузёяськыса мед улоз». 27 Инмар адямиез Аслыз укшатыса кылдытйз, Инмарлы укшатыса сое кылдытйз; пиосмуртэн кышномуртэз кылды тйз.28Инмар соосты бакель карыса шуиз: «Йылэ, трос луэ, музъемез тырмытэ, сое киулады кутэ; зарезь чорыгъёсын, [пӧйшуръёсын,] ин тылобурдоосын, [котькыӵе пудоживотэн, быдэс музъем вылэн,] вань нюж кыстйськыса ветлйсьёсын кузёяськыса улэ». 29 Инмар шуиз: «Тани, Мон тйледлы музъем вы­ лысь кидыс кизись пӧртэм пумо турынъёс сётй, кидысо емыш сётйсь пӧртэм писпуос сётй: ваньмыз таос тйледлы сиыны яралозы; 30нош вань луд пӧйшуръёслы, вань ин тылобурдоослы, музъем вылтй нюж ветлйсьёслы - вань улэп макеослы вож турын-куарез сиёнлы сётй». Тазьы ик луиз. 31 Инмар адӟиз, Солэн Аслаз вань кылдытэмез туж умой луэ шуыса. Ӝыт вал, ӵукна вал: куатетй нунал. 2-тй ЛЮКЕТ 1Тазьы кылдытэмын вал ин но музъем - ваньмыз, мар вань соос пушкын. 2 Сизьыметй нуналлы Инмар лэсьтоно ужъёссэ быдэстйз; сизьыметй нуналаз вань ужъёссэ быдэстэм бере Со ш утэтскиз.3Ин­ мар сизьыметй нуналэз бакель кариз, дун-чылкыт кариз; уго Аслэсьтыз лэсьтэм, кылдытъям вань ужъёссэ быдэстэм бераз та нуналэ Ин­ мар шутэтскиз. 4-5 Тани инлэн но музъемлэн кылдэмзы - кутсконаз ик, Инмар Кузё-Инмар музъемез но инмез, бусыысь котькудзэ куакез но бусыысь котькудзэ турын-куарез кылдытон вакытэ, соос музъем вылын


314

КЫКЕТЙ ЗАКОН 34

мез, Иерихон нёжаллэсь ӵошкыт интыоссэ, Пальмаё городэз, Сйгор городозь кыстйськись музъемез.4Соку Кузё-Инмар солы шуиз: «Тани Мынам Авраамлы, Исааклы, Иаковлы тазьы вераса сйзем музъеме: ’’Тынад кидысэдлы-выжыедлы сое сёто”; аслад синмыныд сое адӟыны Мон тыныд луонлык сётй, но тон отчы уд пыры». 5Кызьы вераз вал Кузё-Инмар, отчы, Моав музъеме, кулйз Моисей, Кузё-Инмарлэн ляльчиез;6сое ватйзы Моав музъемысь нёжалэ, БефФегорлы ваче беринэ, но сое ватэм интыез туннэ нуналозь но нокин но уг тоды.7Моисейлы кулыкуз сю кызь арес вал; нош солэн синмыз ӟеч адӟе вал, кужмыз но солэн ӧз лябӟы .8Израиль пиос Моав нёжалын, [Иерихон вӧзын, Иордан дурын] куамын нунал ӵоже Моисеез жаляса бӧрдйзы, буре вайизы. Моисей пумысен бӧрдон, ӝожъяськон нуналъёс ортчизы. 9 Навинлэн Иисус пиез визьлыклэн духеныз тыр луиз, малы ке шуоно Моисей со вылэ кизэ понйз, израиль пиос солы тэрытскизы, лэсьтйзы озьы, кызьы Кузё-Инмар Моисейлы косон сётйз. 10Израильлэн Моисей кадь пророкез ноку но ӧй ни вал, сое Кузё-Инмар ваче ымныр адӟыса тодэ вал, 11Кузё-Инмар сое Египет музъеме фараонлы, солэн вань ляльчиосызлы, быдэс музъем вылаз улйсьёслы паймымон тодметъёс, паймымон ужъёс возьматыны ыстйз, 12быдэс израиль калык азьын Моисей кужымзэ, быдӟымесь паймымон ужъёс возьматъяз.

ИИСУС НАВИНЛЭН КНИГАЕЗ 1-тй ЛЮКЕТ 1 Кузё-Инмарлэн ляльчиез Моисей кулэм бере Навинлэн Иисус пиезлы, Моисейлэн ужась-тыршисезлы, Кузё-Инмар шуиз: 2 «Мои­ сей, Мынам ляльчие, кулйз: султы но Иордан вамен выж, тон но, ты­ над вань калыкед но израиль пиослы Мынам сётэм музъемам пыре. 3 Кыӵе гинэ инты вылэ пыдтышты уз лёгиськы, сое Мон тйледлы сёто, кызьы Мон Моисейлы верай: 4 луоё кыр дунне бордысен кутскыса, Ливанысен кутскыса быдӟым шур дорозь, Евфрат шур дорозь, хеттейёслэн быдэс музъемзы, быдӟым зарезьлэн, шундылэн пуксён палыз, тйляд улон интыды луоз.5Вань улон нуналъёсыд ӵоже тыныд пумит сылыны нокин но уз чида. Кызьы Мон Моисеен огазьын вал, озьы ик тонэн но валче луо: тон дорысь уг палэнскы, тонэ огнаддэ уг кельты.6Юн сыл, кышкасьтэм лу; уго тон та калыклы киулаз музъем сётод, сое Мон соослы сёто шуыса, атайёссылы кыл сётыса сйзи.7Тон


ИИСУС НАВИН 1, 2

315

гинэ юн сыл, чик кышкасьтэм лу, Моисей ляльчиелэсь тыныд сётэм быдэссэ законэз туж тыршыса уть, быдэсъяса ул; со бордысь бурпала но, паллян пала но эн кожылы, ваньзэ быдэсъяно ужъёстэ визьлыко мед лэсьтод шуыса. 8Та законэн книгаез кылыд-ымыд верамысь медаз дугдылы; нош тон соя уй но, нунал но дышетскы, мар отын гожтэмын, ваньзэ сое ӝик-ӝик быдэсъяса мед улод: соку тынад улон сюресэд азинлыко мыноз, визьлыко улод-вылод. 9Тани Мон тыныд косон сётйсько: юн сыл, кышкасьтэм лу, эн курда, эн куалекъя; уго кытчы гинэ тон уд мыны, котьку но тонэн огазьын луоз Инмаред Кузё-Инмар». 10 Соку Иисус калыклэн эскерись-чакласьёсызлы косон сётыса ш уиз:11«Стан пыр ортче но калыклы косон сётыса шуэ: ’’Сюрес вылэ потыны асьтэлы сиён дасялэ, уго куинь нунал ортчыса, [атайёстылэн] Инмарзылэсь Кузё-Инмарлэсь тйледлы люкетлы сётэм музъемзэ басьтон понна тй Иордан сьӧры мыноды”». 12Нош Рувимен Гад выжыослы, Манассия выжылэн ӝыны люкетэзлы Иисус шуиз: 13«Тодады вае али Кузё-Инмарлэн ляльчиезлэсь Моисейлэсь тйледлы тазьы вераса косэмзэ: ’’Инмарды Кузё-Инмар тйледлы та музъемез сётйз, отын каньылэн, кышкатэк улыны мед быгатоды шуыса”. 14Кышноосты, нылпиосты, пудо-животты мед кылёз Иордан сьӧры, Моисейлэн тйледлы сётэм музъемаз; нош тй ваньды, ожмаськыны быгатйсьёс, ожмаськон тйрлыкъёс кутыса, агай-вынъёстылэн азьпалазы мыныса, Иордан шур вамен потэ но соослы юрттйське, 15[Инмарды] КузёИнмар агай-вынъёстылы но тйледлы кадь ик каньыл улон сётытозь; Инмардылэсь Кузё-Инмарлэсь соослы сётоно музъемез соос но лю ­ кетлы басьтытозь; соку тй асьтэлэн люкет музъем вылады берытске но Кузё-Инмарлэн Моисей ляльчиезлэсь Иордан сьӧры, шундыӝужан пала тйледлы сётэм музъемзэ киулады басьтэ».16Соос Иисуслы ответ сётыса шуизы: «Мар гинэ тон милемлы уд косы, ваньзэ быдэстомы, кытчы гинэ тон милемыз уд ысты - мыномы; 17кызьы ми Моисей­ лэсь котьку но кылзйськыса улймы, озьы ик тынэсьтыд но верамъёстэ кылзйськыса уломы: Инмаред Кузё-Инмар гинэ тонэн валче мед луоз, кызьы Со Моисеен огазьын вал; 18кин ке тынад косонэдлы пумит султйз ке, тынэсьтыд солы быдэстыны косыса верам кудзэ ке но кылдэ ӧз ке быдэсты, - ваньзы сыӵе муртъёс виемын луозы. Но юн сыл, кышкасьтэм лу!» 2-тй ЛЮКЕТ 1Иисус, Навинлэн пиез, Сйттимысь лушкемен кык чакласькисьутчаськись муртъёсты ыстыса шуиз: «Мынэлэ, учкелэ-эскере музъе­ мез, Иерихонэз но». [Кык егит пиос] мынйзы но, [Иерихонэ вуыса], калгись кышномуртлэн юртаз пыризы, солэн нимыз Раав, уйзэс по-


686

НЕЕМИЯ 1, 2

НЕЕМИЯЛЭН КНИГАЕЗ 1-тй ЛЮКЕТ 1 Ахалиялэн Неемия пиезлэн кылъёсыз. Кислев толэзе, кызетй арын, мон Сузы шоркарын вал. 2Агай-вынъёсы пӧлысь одйгез, Ханани нимоез, Иудеяысь лыктйз, соин ӵош кӧня ке мурт вал. Соослэсь мон улэп кылем иудейёс сярысь юай, кинъёсты пленэ ӧз нуэ, озьы ик Иерусалим сярысь но ю ай.3Соос мыным шуизы: «Пленэ нуытэк кылемъёс ас шаеразы ик уло, туж ёрмыса-ӝикаса уло, соосты ултйяло; Иерусалимлэн борддорез куашкатэмын, солэн капкаосыз тылын сутэмын». 4Та кылъёсты кылэм берам мон пукси но бӧрдыны кутски, кӧня ке нунал ӝожомыса ветлй, визяй, Инмысь Инмар азьын вӧсяськи но 5шуи: «Инъёслэн Инмарзы Кузё-Инмар, быдӟым но кышкыт Инмар, сйзён-косонэз утись, Тонэ яратйсьёслы, Тынэсьтыд курон-косСгЕгвёгтз-быдэсъяса улйсьёслы гажан-жаляндэ возьматйсь! 6 Пельёсыд сакесь мед луозы, синъёсыд усьтэмын, Ас ляльчиедлэсь вӧсяськемзэ кылон понна табере мон уй но нунал Израильлэн пиосыз, Тынад ляльчиосыд пумысен вӧсяськисько, израиль пиослэн сьӧлыкъёссы понна ӧпкелисько, Тон азьын ми сьӧлыкамы, сьӧлыкамы - мон но, атаелэн выжы-кумыез но. 7 Тон азьын ми йыруж лэсьтйсьёс луимы, куронкосонъёстэ ӧм уте, пуктон-косонъёстэ, законъёстэ но, кудъёссэ Тон Ас ляльчиедлы, Моисейлы, сйзид. 8Ас ляльчиедлы, Моисейлы, сйзьыса, тазьы верам кылдэ тодад вай: ”Тй йыруж лэсьтйсьёс луиды ке, Мон тйледыз мурт калыкъёс пӧлы пазьго.9Нош Мон пала берытскиды ке, Мынэсьтым курон-косонъёсме утиды ке, быдэсъяды ке, инлэн пумаз ке но тй уллямын луиды, отысь Мон тйледыз люкало но Аслам быръем интыям ваё отчы Аслэсьтым нимме юнматон понна”. 10Соос уго Тынад ляльчиосыд, Тынад калыкед, Аслад туж бадӟым кужыменыд, Аслад кужмо киыныд Тон соосты мозмытйд. 11 Кузё-Инмаре, Тонэ тэльмырыса курисько: Ас ляльчиедлэсь вӧсяськемзэ кылыны пельыд сак мед луоз, Ас ляльчиосыдлэсь вӧсяськемзэс кыл, соос Тынад нимыдлэсь кышкаса-куалекъяса улыны ярато. Али нош Ас ляльчиедлы ӟеч мылкыддэ возьматы, та адямилэн (эксэйлэн) гажан-жалян пӧлаз пырты». Мон эксэй дорын вина омыръясь вал. 2-тй ЛЮКЕТ 1 Нисан толэзе, Артаксеркс кызетй арзэ эксэйын пукыку, со азьын вина сылйз. Мон винаез кутй но эксэйлы сётй, со азьын ӝожлыко


НЕЕМИЯ 2

687

ӧй адӟиськы кадь мыным потйз. 2Нош эксэй мыным шуиз: «Малы тынад ымнырыд ӝож тусъем: тон уд висиськы, висёнэд ӧвӧл, нош сюлмад куректон улэ-а?» Мон туж юн кышкатски.3Соку мон эксэйлы шуи: «Пумтэм вапумъёс мед улоз эксэй! Кызьы мынам ымныры ӝож уз улы, куке атайёсылэн городзы, соослэн шайгуосын городзы куштйськемын, солэн капкаосыз тылын сутэмын!» 4 Эксэй мыным шуиз: «Мар тыныд кулэ?» Мон Инмысь Инмарлы вӧсяськи.5Мон эксэйлы шуи: «Эксэйлы ярамон ке, ляльчиед тынад мылкыдыдлы тупа ке, монэ Иудеяе ысты, атайёсылэн шайгуосынызы городэ, сое мон тупатыны мед быгатом».6Эксэй но солэн вӧзаз пукись эксэй кышно мыным шуиз: «Кӧня дыр кыстйськоз сюресэд, ку тон берен вуод?» Кӧня дыр кулэ луонэз верай но, эксэй ӟеч эриксэ вераз монэ лэзён пумысен.7Эксэйлы мон шуи: «Эксэйлэн ӟеч эрикез вань ке, мыным шурсьӧр улосвылъёсын кивалтйсьёслы гожтэт мед сётысал, - Иуде­ яе вуытозям пырпотыны мед лэзьысалзы, 8эксэй нюлэсэз возьмась Асафлы но гожтэт мед гожтысал, - Инмар корка бордысь капкаосты, кар борддорез лэсьтыны, аслым улыны корка пуктыны но коръёс мед сётысал». Мар кури, эксэй мыным сётйз, уго Инмарлэн ӟеч лэсьтйсь киыз мон вылын вал. 9 Шурсьӧр улосвылъёсын кивалтйсьёс доры лыктыса, эксэйлэсь гожтэтъёссэ сётй. Нош эксэй монэн ӵош ожен кивалтйсьёссэ вал вылын ветлйсь ожгарчиосынызы ӵош ыстйз. 10Та сярысь Санаваллат, хорон пи, но Товия, аммон ляльчи, кылйзы но, кӧтсы урод луиз, израиль пиос понна сюлмаськись адями лыктэм шуыса. 11Иерусалиме вуэм но отын куинь нунал улэм берам ,12- нокинлы номыр вератэк, Инмар мар мынам сюлмам понйз Иерусалим пумы­ сен, - уйин султыса, мон бордын ветлйсь кӧня ке муртъёсты сьӧрам кутй; мон дорын нокыӵе но пудо-живот ӧй вал, кин вылын мон лыктй, сое вератэк. 13Уйин, Нёжал капка пыр Дракон ошмес азьтй мыныса, Кыед капка доры вуи но Иерусалимлэсь куашкатэм борддоръёссэ учки, солэсь тылын сутэм капкаоссэ но. 14Ошмес капка доры, эксэй ӵыпет доры мон вуи, но отын интыез ӧй вал пуконо ишакелы отй ортчыны. 15Соку мон уйин нёжал кузя берен туби но борддорез учкыса-чакласа ветлй, нош ик Нёжал капка пыр потыса, дорам бертй. 16Кузёйыръёс ӧз тодэ, кытчы мон ветлй, мар мон карисько: иудейёслы но, священникъёслы но, нимо-дано адямиослы но, кузёйыръёслы но, мукетъёсьг.лы но ужез быдэсъясьёслы та дырозь мон номыр но ӧй усьтылы. 17Соослы мон шуи: «Тй адӟиськоды ук кыЧе шуге-леке асьмеос сюремын; Иерусалим тырттэм кельтэмын, солэн капкаосыз но тылын сутэмын; мыном но Иерусалимлэсь борддорзэ лэсьтом, азьланяз таӵе мыскыл карыса воземын ум ни л уэ».18Соослы мон верай Инмарлэн киызлэсь мыным ӟеч лэсьтэмзэ, озьы ик эксэйлэсь мыным


ПСАЛТИРЬ 1,2

765

ПСАЛТИРЬ l -тӥ К А Ф И ЗМ А *

1-тй ПСАЛОМ Давидлэн крезъгурез. 1 Шудо со мурт, кудйз сьӧлыклэсь кышкасьтэмъёслэн кенешазы уг ветлы, сьӧлыкоослэн сюрес вылазы уг сылы, сантэмасьёслэн люкаськоназы уг пукы; 2 Кузё-Инмарлэн законэз бордын солэн вань мылкыдыз, Солэсь законзэ со уй но, нунал но дыш етэ!3Кошкись ву дуре мерттэм писпу кадь со, аслэсьтыз емышсэ дырыз дыръя сётэ, солэн куарез но уг шуя; котькыӵе ужын, мар гинэ со уг лэсьты, азинлыкез вань. 4 Нош сьӧлыклэсь кышкасьтэмъёс сыӵеесь ӧвӧл: соос - тӧл пельтыса нуэм тузон кадесь.5Соин ик сьӧлыклэсь кышкасьтэмъёс судын сылыны уз чидалэ, сьӧлыкоос шонер улйсьёслэн кенешазы улыны уз быгатэ. 6 Шонер улйсьёслэсь сюрессэс Кузё-Инмар тодэ, нош сьӧлыклэсь кышкасьтэмъёслэн сюрессы быроз. 2-тй ПСАЛОМ Давидлэн крезъгурез. 1 Малы калыкъёс бугыръясько, калык выжыос ярантэм уж лэсьтыны ӧдъяло?2Музъем выл эксэйёс ӝутйсько, кивалтйсьёс Кузё-Инмарлы пумит карисько, Солэн Вӧйын Зырӟыса Пуктэмезлы пумит куспазы кенеш ортчытыса шуо: 3«Пазьгоме соослэсь зйбетсэс, куштоме вылысьтымы сьӧлтэтсэс».4Инмын Пукись соосты серекъялоз, КузёИнмар соосты возьытэ вуттоз. 5Ас йыркуреныз соосты куалекъятоз, вожез потыку, соослы шуоз: 6«Сйонэ, Аслам святой гурезям, вӧйын зырӟыса, Эксэйме пуктй».7Кузё-Инмарлэсь пуктонзэ иворто, Со Мыным шуиз: «Тон Мынам Пие, тунн�� Мон Тонэ вордскытй.8Кур Мынэсьтым, Мон калыкъёсты Тыныд люкетлы сёто, пумысеныз пумозяз музъемез Тынад киулад сёто. 9 Корт бодыеныд Тон соосты пазьгод, горшокез кадь соосты пыргытод». 10Озьыен, визьмасъке, эксэйёс, валатске, музъем выл судьяос! 11 Кузё-Инмарлы кышканэн тыршыса ужалэ, сюлэмды куалекъяса, [Со азьын] ш умпотэлэ.12Со вожзэ медаз *1:0 Вашкала христиан черкын, 5-тй даурысен кутскыса ини, Псалтирез 20 кафизмаослы люкизы: арня куспын быдэс Псалтирез, 150 псаломъёсты, чирдыса (лыдӟыса) пыр потылйзы, нош Быдӟым Визь (пост) дыръя - 2 пол. Кема сылыны секыт, соин ик пуксьыса кылзйськылйзы: кафисма грек кылын «пукисько; пукон» шуэм луэ.


766

ПСАЛТИРЬ 2, 3, 4

потты, сюрес вылады медад быре шуыса, Пиез сйлы карелэ, уго со­ лэн вожпотонэз ӝоген ӝуатскоз. Ваньмыз Солы оскиськыса улйсьёс шудоесь. 3-тй ПСАЛОМ 1Авессалом пиезлэсь пегӟыса улыкуз Давидлэн гожтэм крезьгурез. * 2Кузё-Инмаре! Макем йылйзы тушмонъёсы! Тросэз мыным пумит султо. 3 Тросэз лулылы шуо: «Инмар бордын солы утиськон ӧвӧл». 4Нош Тон, Кузё-Инмаре, азьысьтым щитэ, мынам данэ, Тон мынэсьтым йырме ӝутйськод. 5 Куараме поттыса, Кузё-Инмарлы вазиськисько но, Аслаз святой гурезьысеныз Со монэ кы лэ.6Выдйсько мон. изисько но султйсько, Кузё-Инмаре монэ утьыса возе уго. 7 Сюрссюрсэн котыр ласянь мыным пумит султэм калыклэсь мон уг кышка. 8 Кузё-Инмаре, султы! Инмаре, уть монэ! Вань тушмонъёсылэн бамазы Тон чабкиськод, сьӧлыклэсь кышкасьтэмъёслэсь пиньёссэс пыргытйськод. 9 Кузё-Инмар бордын утиськон. Аслэсьтыд калыктэ бакель карыса возиськод. Д ан Атайлы, Пилы, Святой Духлы, али но, котьку но, пумтэм вапуме. Аминь.'

4-тй ПСАЛОМ 1Хорлэн кивалтйсезлы. Сиё шудонъёсын. Давидлэн крезьгурез. 2 Мон вазиськыку, кыл монэ, шонерлыкелэн Инмарез! Ӝикыт интыез Тон мыным паськыт карылйд. Жаля монэ, кыл мынэсьтым вӧсяськемме.3Адями пиос! Мынам данэ кема-а саптаськыса улоз на? Кема-а алекъяськыса улонэз яратоды на, пӧяськонэз утчалоды на? 4Тодэлэ, Кузё-Инмар святойзэ Аслыз бырйиз шуыса; Кузё-Инмарлы вазиськисько ке, Со монэ кылэ. 5 Йыркуръяськыса эн сьӧлыкалэ: кӧлан интыысеныды сюлмыныды малпаське но шып кариське.6Шонер улонлэсь курбонъёссэ ваелэ но Кузё-Инмарлы оскиськелэ.7Тро­ сэз шуо: «Кин милемлы ӟечлыкез возьматоз?» Кузё-Инмаре! Ымнырыдлэсь югытсэ ми вылэ пиштыты! 8Няньзы, виназы, [вӧйзы] трос луэм дырысен Тон мынэсьтым сюлэмме шумпотонэн пачылмытйд. 9Каньылак выдо но умме усё, уго одйг Тон гинэ, Кузё-Инмаре, мы­ ным кышкатэк улон сётйськод.

*3:1 2 Экс. 15:13-17:22 *3:9 Та вӧськылъёс борды ватсасько на: «Аплилуия, аллилуия, аллилуия, дан Тыныд, Ин­ маре! (3 пол). Инмаре, жаля! (3 пол). Дан Атайлы, Пилы, Святой Духлы, али но, котьку но, пумтэм вапуме! Аминь».


МАТФЕЙЛ ЭСЬ ӞЕЧ ИВОР 1-тй ЛЮКЕТ 1 Авраамлэн Пиезлэсь, Давидлэн Пиезлэсь, Иисус Христослэсь Чыжы-выжыоссэ веран. 2Авраамлэсь Исаак вордйськиз; Исааклэсь Иаков вордйськиз; Иаковлэсь Иуда но солэн агай-вынъёсыз вордйськизы; 3 Иудалы Фамара кышноезлэсь Фаресэн Зара вордйськизы; Фареслэсь Есром вордйськиз; Есромлэсь Арам вордйськиз; 4 Арамлэсь Аминадав вордйськиз; Аминадавлэсь Наассон вордйськиз; Наассонлэсь Салмон вордйськиз;5Салмонлы Рахава кышноезлэсь Вооз вордйськиз; Воозлы Руфь кышноезлэсь Овид вордйськиз; Овидлэсь Иессей вордйськиз; 6 Иессейлэсь Давид эксэй вордйськиз. Давид эксэйлы азьвыл Уриялы бызем кышноезлэсь Соломон вордйськиз;7Соломонлэсь Ровоам вордйськиз; Ровоамлэсь Авия вордйськиз; Авиялэсь Аса вордйськиз; 8 Асалэсь Иосафат вордйськиз; Иосафатлэсь Иорам вордйськиз; Иорамлэсь Озия вордйськиз; 9 Озиялэсь Иоафам вордйськиз; Иоафамлэсь Ахаз вордйськиз; Ахазлэсь Езекия вордйськиз;10Езекиялэсь Манассия вордйськиз; Манассиялэсь Амон вордйськиз; Амонлэсь Иосия вордйськиз; 11Иосиялэсь Иоаким вордйськиз; Вавилонэ кужмысь келян азьын Иоакимлэсь Иехония но солэн братъёсыз вордйськизы. 12Вавилонэ кужмысь келям бере Иехониялэсь Салафииль вордйськиз; Салафиильлэсь Зоровавель вордйськиз; 13 Зоровавельлэсь Авиуд вордйськиз; Авиудлэсь Елиаким вордйськиз; Елиакимлэсь Азор вордйськиз;14Азорлэсь Садок вордйськиз; Садоклэсь Ахим вордйськиз; Ахимлэсь Елиуд вордйськиз; 15Елиудлэсь Елеазар вордйськиз; Елеазарлэсь Матфан вордйськиз; Матфанлэсь Иаков вордйськиз; 16 Иаковлэсь Мариялэн кузпалыз Иосиф вордйськиз; Мариялэсь Христос шуон Иисус вордйськиз.17Озьыен, Авраам бордысен кутскыса Давид дорозь ваньмыз дас ньыль выжы; Давид бордысен Вавилонэ куж­ мысь келятозь дас ньыль выжы; Вавилонэ кужмысь келян дырысен Христос дырозь дас ньыль выжы. 18 Иисус Христослэн вордйськонэз тазьы вал: Солэсь Анайзэ Марияез Иосифлы курам бере, соослэн огазе кариськемзылэсь азьвылгес, Мариялэн пушказ Святой Духлэсь нуны луонэз тодмо луиз. 19Нош Солэн кузпалыз Иосиф, шонер улйсь мурт, Сое шарае поттонтэм вылысь лушкемен Сое лэзьыны турттйз. 20 Нош куке со та сярысь


1256

МАТФЕЙ 1, 2

малпаз, соку ик солэн уйвӧтаз Кузё-Инмарлэн Кылчинэз лыктыса шуиз: «Иосиф, Давидлэн пиез, кышнодэ Марияез ас дорад пыртыны эн кышка: Со пушкысь вордйськоно нуны Святой Духлэсь луэмын уго. 21 Пи нуны ваёз но тон Солы Иисус* ним сётод. Ас калыксэ Со сьӧлыкъёслэсь утёз».22Ваньмыз та Кузё-Инмарлэн пророк пыр верам кылыз быдэсмон понна луиз, кудйз шуэ: 23 «Тани Нылмурт карттэк секытэн луоз, Пи нуны ваёз но Солы Еммануил ним сётозы, ”асьмемын И нмар” шуэм луэ со».*24Изьыса султэм бераз Иосиф лэсьтйз озьы, кызьы сое Кузё-Инмарлэн Кылчинэз косйз, - кышнозэ ас дораз пы ртйз.25Мария Пи нунызэ вайытозь, Иосиф Сое ӧз тоды. Вордскем Нунылы со Иисус ним сётйз. 2-тй ЛЮКЕТ 1Ирод эксэйын пукон нуналъёсы, Иудеяысь Вифлеем карын Иисус вордйськем бере, Иерусалиме шундыӝужан палась визьмочиос лык­ тыса шуизы: 2«Кытын Иудеялэн вордйськем Эксэез? Шундыӝужан палась ми Солэсь ӝутскись кизилизэ адӟимы но Солы йыбырттыны лыктймы ».3Тае кылэм бере Ирод эксэй куалектйз, соин валче быдэс Иерусалим но. 4 Калыклэсь вань архиерейёссэ но книга тодйсьёссэ люкаса, соослэсь со юаз: «Кытын Христос вордйськыны кулэ?» 5Соос солы шуизы: «Иудеяысь Вифлеем карын, уго пророк пыр тазьы гожтйськемын: 6”Тон но Вифлеем, Иуда музъем, Иудалэн валтйсь городъёсызлэсь номырин но пичи ӧвӧл; тон бордысь Эксэй потоз, Со Мынэсьтым израиль калыкме утёз”».*7Соку Ирод визьмочиосты лушкемен ӧтиз но кизили потэмлэн дырыз сярысь ю алляськиз.8Соосты со Вифлееме келяса шуиз: «Мынэлэ, Нуны сярысь рос-прос юалляське, шедьтйды ке, мыным ивортэлэ, мон но Солы мыныса йыбырттысал» .9Эксэйлэсь верамзэ кылзйськем беразы соос кошкизы. Тани, шундыӝужанысь адӟем кизилизы соослэн азязы мынйз, Нунылэн кыллён интыез шоры вуыса, со дугдйз. 10Кизилиез адӟыса, соос туж юн шумпотйзы. 11 Корка пырем беразы Анаеныз, Марияен, Нуныез адӟизы но Со азе пыдесъяськыса йыбырттйзы; дуно шыкысысьтызы поттыса, Солы зарни, ладан, смирна* кузьмазы. 12Уйвӧтазы Ирод доры мыныны лэзисьтэм ивор басьтэмзы бере соос мукет сюрестй ас шаеразы кошкизы. 13 Соос кошкем бере Кузё-Инмарлэн Кылчинэз Иосифлы уйвӧтаз возьматйськыса шуиз: «Султы, басьты Нуныез, Солэсь Анайзэ но *1:21 Иисус, грек кылын Иесус, потэмын Иешуа вашкала еврей ним бордысь, кудйз «Кузё-Инмар уте» шуэм луэ *1:23 Ис. 7:14 *2:6 Мих. 5:2 *2:11 смирна - мирра писпулэн ческыт зыно сирез


1330

МАРК 16

19Дышетскисьёсыныз вераськем бераз Кузё-Инмар Инме ӝутскиз но Инмарлэн бурпалаз пуксиз. 20 Нош дышетскисьёсыз потйзы но пӧртэм интыостй Ӟеч Ивор тодытыса ветлйзы. Кузё-Инмар соослы юрттйз, верам кылзэс пӧртэм тодметъёсын юнматъяз. Аминь.

ЛУКАЛЭСЬ ӞЕЧ ИВОР 1-тй ЛЮ КЕТ 1Ми куспын зэмос луэм учыръёс сярысь тросэз веросъёс кылдытъяны кутскизы ни бере, 2 кудйз сярысь милемлы самой кутсконысеныз ик Кылэз адӟемъёс но Солы служить каремъёс ивортйзы, - 3соку мон но малпай: ваньзэ кутсконысеныз ик пыр-поч эскерыны но радызъя тыныд гожтыны, гажано Феофил,4тон мед тодод, со дышетон, кудйныз тон тодматскид, оскиськымон луэ шуыса. 5 Иудеяын, Ирод эксэй луон нуналъёсы, Авиялэн черодысьтыз За­ хария нимо священник улйз. Солэн Елисавета нимо кышноез Аа­ рон выжыысь вал. 6 Инмар азьын кыкназы но соос шонер улйзы, Кузё-Инмарлэсь вань курон-косонъёссэ, радъянъёссэ шекланытэк быдэсъяса улйзы. 7 Соослэн нылпизы ӧй вал, Елисавета уго нылпи вайисьтэм вал. Кыксы но соос арескын мӧйыесь вал и н и .8Одйг пол, черодэз вуыса, Инмар азьын служить карыкуз, 9 пус чӧлтыса, кы­ зьы каро вал священникъёс, солы Кузё-Инмарлэн храмаз ладанэн ӵындытыны пыроно луиз. 10Ладанэн ӵындытон дыръя вань калык педлон вӧсяськылйз. 11 Соку Захариялы Кузё-Инмарлэн Кылчинэз возьматйськиз, со Кылчин, ладан ӝуатыса, курбон сётон ӝӧклэн бурпалаз сылйз. 12Сое адӟыса, Захария куалектйз, кышканы кутскиз. 13Нош Кылчин солы шуиз: «Эн курда, Захария, тынад вӧсяськемед кылэмын, кышноед Елисавета пи нуны ваёз, солы Иоанн ним сётод. 14Тыныд шумпотон, шулдыръяськон луоз, солэн вордйськемез понна тросэз ш умпотозы.15Уго со Кузё-Инмар азьын быдӟым луоз, вина но, сур но уз юы, анаезлэн пушказ ик Святой Духен тыр луоз. 16Троссэ Из­ раиль пиосты Инмарзы Кузё-Инмар пала берыктоз.17Атайёслэсь сюлэмъёссэс нылпиоссы пала берыктыны, кылзйськисьтэмъёсты шонер улйсьёслэн визьлыко сюрес вылазы берыктыны, Кузё-Инмарлы калыкез дасян понна Илиялэн кадь духен но кужымен Кузё-Инмарлэн азьтйз со мыноз».18Захария Кылчинлы шуиз: «Кызьы мон сое тодом? Мон уго пересь ини, кышноелэн но аресэз бадӟым ини». 19Кылчин


ЛУКА 1

1331

солы ответ сётыса шуиз: «Мон - Гавриил, Инмар азьын сылйсь, тонэн вераськыны но та ӟеч иворез тыныд вераны ы стэмын.20Тани, тон кылтэм улод. Ас дыраз быдэсмоно верам кылъёслы оскымтэед понна та быдэсмон нуналозь тынад вераськемед уз луы ».21 Со дыре калык Захарияез витьыса улйз, паймиз солэн храмын ӝегамезлы.22Со потйз но соослы номыр но верамез ӧз луы. Соос валазы, со храмын адӟон адӟиз шуыса. Соосын со кипусъёс пыр гинэ валэкъяськиз, вераськемез ӧз л у ы .23Служить карон нуналъёсыз йылпумъяськем бере дораз бертйз.24Та нуналъёс бере солэн кышноез Елисавета нуны ваёно луиз. Вить толэзь ӵоже адямиослэсь ватыса улйз. Елисавета ш уиз:25«Адямиос пӧлын монэ медаз ни ултйялэ шуыса, монэ жаляса, та виын тазьы лэсьтйз Кузё-Инмаре». 2бКуатетй толэзез мыныку, Инмар Гавриил Кылчинэз Галилеяысь Назарет каре,27Давид юртысь Иосиф нимо пиосмуртлы курам Ныл доры ыстйз. Со Ныллэн нимыз - Мария. 28Кылчин Со доры пырыса шуиз: «Шумпот, Дэлето! Кузё-Инмар Тонэныд; кышноос куспын Тон бакель каремын».29Сое адӟыса, солэн кылъёсызлэсь Со кепыраз, малы меда та таӵе ӟечкылан шуыса малпаз. 30 Кылчин Солы шуиз: «Эн кышка, Мария, Тон Инмар дорын дэлет басьтйд.31Тани Тор секытэн луод, Пи ваёд но Солы Иисус ним сётод. 32 Со луоз быдӟым, Вылысь Инмарлэн Пиез шуыса нимаськоз. Солы Инмар Кузё-Инмар Давидлэсь, Солэн атаезлэсь, эксэй пуконзэ сётоз. 33 Пумтэм дауръёс ӵоже Иаковлэн юртэзлы Со эксэй луыса пукоз, Солэн Эксэйлыкезлэн пумыз уз луы». 34 Нош Мария Кылчинлы шуиз: «Кызьы та луыны быгатоз, куке Мон пиосмуртэз уг тодйськы?» 35Кылчин Солы ответ сётыса шуиз: «Святой Дух Тон вылэ васькоз, Вылысь Инмар­ лэн кужымез Тонэ шобыртоз. Соин ик Тынэсьтыд вордйськем ДунСьӧлыктэм Инмар Пи шуыса нимаськоз. 36Тани, Елисавета но, Ты­ над выжы-кумыед, нылпи вайисьтэм шуо вал, пересь даураз пи нуны ваёно луиз, солэн куатетй толэзез ни .37Уго Инмарлэн одйгез но верам кылыз быдэсмытэк уз кыльы».38Соку Мария шуиз: «Тани Мон КузёИнмарлэн ляльчиез; тынад кылыдъя Мыным мед луоз». Собере Кы л­ чин Со дорысь палэнскиз. 39 Со нуналъёсы Мария султйз но дыртыса гурезё шаере, Иудалэн городаз, мынйз, 40 Захариялэн корказ пырыса, Со Елисаветаез ӟечкылаз.41Елисавета Мариялэсь ӟечкыламзэ кылэм бере солэн пушказ нуныез вырӟиз; Елисавета Святой Духен тыр луиз.42Бадӟым куараен вазиськыса шуиз: «Кышноос пӧлысь ваньмызлэсь золгес Тон ба­ кель каремын, бакель каремын Тынад пушкысьтыд емышед но!43Кытысен та ӟечлык мыным: Кузё-Инмарелэн Анаез мон доры лыктйз? 44Уго Тынад ӟечкылан куараед кылйськыку, нуны шумпотыса пуш­ кам вырӟиз.45Шудо Оскем Мурт - Кузё-Инмарлэн Солы верамез бы-


1472

ИАКОВ 5

19 Агай-вынъёсы! Тй пӧлысь кин ке но зэмлыклэсь палэнскиз ке. нош кин ке сое берен зэмлык пала берыктйз к е,20тодэ: сьӧлыко муртэз ӧрекчаськон сюрес вылысь берыктйсь мурт лулзэ кулонлэсь уте. солэн трос сьӧлыкъёсыз куштйсько шуыса.

ПЕТР АПОСТОЛЛЭН ЫСТЭМ НЫРЫСЕТЙ гожтэтэз 1-тй ЛЮКЕТ 1 Петр, Иисус Христослэн апостолэз, Инмарен быръемъёслы, мурт шаерын - Понтын, Галатияын, Каппадокияын, Асияын, Вифинияын - пазьгиськыса улйсьёслы. 2Инмар Атайлэн мылкыд каремезъя, Дух пыр дун-сьӧлыктэм карыса, тй быръемын Иисус Христослэсь кылзйськон но Солэн Вирыныз сузяськон понна. Дэлет тйледлы! Тупаса улонды мед йылоз. 3 Инмар, Кузё-Инмармылэн Иисус Христослэн Атаез данлыко! Аслаз быдӟым ӟечлыкеныз, Иисус Христослэн кулэмысь улӟыса султонэз пыр, асьмеды выльысь вордскытйз улэп улонлы оскиськон сётон понна. 4Сисьмисьтэм, саптаськисьтэм, шуясьтэм-куасьмисьтэм люкет сётйз, со асьме понна Инмын возиське. 5 Оскон пыр Инмарлэн кужыменыз шобыртэмъёс, берпуметй нуналъёсы усьтйськись утиськонэн утемын луоды. 6 Та пумысен шумпотэлэ, та виын пӧртэм визь сынаськонъёсын сэрен ӧжытак куректоно ке но луиды. 7 Эскеремчаклам осконды тыл пыр эскерем-чаклам ышись-бырись зарнилэсь но дуногес. Иисус Христос лыктыку, ушъян, сй-сан, данлык мед басьтоды. 8 Иисус Христосэз адӟытэк но яратйськоды, та дырозь Сое тй ӧд адӟе, но Солы оскыса, вераны луонтэм, туж дано шумпотонэн шумпотйськоды. 9 Озьы асьтэ осконэн лулдэс утёнэ вуиськоды. 10Та утиськонэз утчазы, эскеризы-чаклазы пророкъёс. Соос азьвыл ик веразы тйледлы дасям дэлет сярысь. 11Эскеризы-чаклазы, кудйз вылэ но кыӵе дырлы возьматылйз соос пушкысь Христослэн Духез, куке Со азьвыл ик Христослэсь курадӟонъёссэ но соос бӧрсьы лыктйсь Солэн пиштйсь данлыкез сярысь тодытъяз. 12Соослы усьтэмын вал: соос асьсэлы ӟечлык утчаса ӧз улэ, асьмелы ӟеч карон понна ужасатыршыса улйзы. Инмысен лэзем Святой Духен тыр луыса Ӟеч Ивор вайисьёс та сярысь тйледлы тодытйзы. Кылчинъёслэн но та сярысь туж тодэмзы потэ.


1 ПЕТР 1, 2

1473

13 Соин ик, визьдылэсь куссэ думыса, сэзь улыса, быдэсак оскиське Иисус Христослэн лыктон дыръяз тйледлы сётйськись дэлет вылэ. 14 Кылзйськись нылпиос кадесь луэлэ, мугордылэн кулэ каронъёсызлы кузёяськыны эн сётйське. Соос тй пушкын уло вал, куке тй утиськон сярысь номыр но уд на тодйське вал. 15Тйледыз ӧтем ДунСьӧлыктэмлэсь адӟем карыса, тй асьтэос но быдэс улон-вылонады дун-сьолыктэмесь луэлэ; 16 Гожтэмын уго: «Дун-чылкытэсь луэлэ, Мон дун-чылкыт уго».17Атай шуыса нимаськоды ке Сое, Кудйз, ымныр шоры учкытэк, ужъёсъя ваньзэ судить каре, соку та дунне вылысь улон нуналъёстэс Солэсь кышкаса ортчытэ. 18Тй тодйськоды, атайёсты бордысь потэм алекъяськыса улонлэсь сисьмись азвесен яке зарниен тй мозмытэмын ӧвӧл шуыса, - 19тй мозмытэмын чик шектэмсьӧлыктэм, дун-чылкыт ыжпилэн кадь, Христослэн дуно Вирыныз. 20Со дунне кылдытонлэсь азьвыл ик дасямын вал ни, нош лыктйз тй понна берпум дыръёсы.21Со пыр Инмарлы оскыны кутскиды, Кудйз Сое кулэмысь улӟытыса султытйз но Солы пиштйсь данлык сётйз. Соин ик тйляд осконды но, оскиськонды но Инмар дорын мед луоз. 22 Дух пыр зэмлыклы тэрытскыса, ымныр шоры учкытэк, агайвынлыко яратон понна асьтэлэсь лулдэс чылкытатэ, котьку но огдэс огды чылкыт сюлэмен яратэлэ.23Сисьмись кидыслэсь ӧвӧл, сисьмисьтэмлэсь, улэп но пумтэм дауръёс улйсь Инмар кыл бордысь выльысь вордскемъёс тй луиды. 24 Уго котькудйз но лулмугор - турын кадь, адямилэн данэз но - турын пӧлысь сяська кадь: турын куасьмиз но, солэн сяськаез усьылйз;25нош Кузё-Инмарлэн кылыз пумтэм дауръ­ ёс улэ. Та самой со кыл, кудйз тйледлы Ӟеч Ивор шуыса тодытйське. 2-тй ЛЮКЕТ 1Озьы, котькыӵе уродлыкез, котькыӵе кескич ужез, чеберъяськонэз, вожъяськонэз но котькыӵе урод кылын вераськонэз палэнтэ. 2Али вордскем вож нуныос кадь яратэлэ дун-чылкыт кыл йӧлэз, со бордысен тй мед будоды но утиськон мед шедьтоды шуыса. 3Уго тй оскалтйды ини, Кузё-Инмар ӟечлыко ш уыса.4Со доры, улэп из доры, адямиосын кулэтэм карем, нош Инмарен быръем дунолыклэн матаз м ы ны са,5асьтэос но, улэп изъёс луыса, асьтэдыз духовной корка пуктыны сётэ, дун-шектэм священство луэ, Иисус Христос пыр Инмарлы ярамонэсь духовной курбонъёс сётон понна.6Священной Гожтэмын верамын уго: «Тани, Мон Сйонэ инъетлы йыр из понйсько, быръемзэ, дунозэ; Солы оскись мурт возьытэ уз усьы». 7Тйледлы, оскисьёслы, Со дунолэсь но дуно луэ, нош оскисьтэмъёс понна - «из, кудзэ корка пуктйсьёс кулэтэм каризы, но кудйз корка сэреглэн улаз инъет йыр луиз, канжаськон излы, ӵемтйськон излы пӧрмиз».8Инмар кыллы тэрытскытэк улйсьёс со борды канжаськыло. Сыӵе уго соослэн адӟонзы.


1574

КОЛОССЫЫН УЛЙСЬЁСЛЫ 4

пӧлысь ик потэмын уго. Татысь вань ужъёс сярысь соос тйледлы вералозы. 10 Аристарх, монэн ӵош пытсэтын пукись, тйледлы салам вера. Озьы ик салам вера Марк - Варнавалэн матысь ӵыжы-выжыез, со сярысь мон тйледлы таӵе косон ыстй: тй доры лыктйз ке, сое куно каре.11Салам вера Иисус но, сое ваньмыз Иуст шуыса нимало. Христослы оскыны кутскем иудейёс пӧлысь таос гинэ Инмар Эксэйлык понна монэн ӵош ужало-тыршо. Соос мынам шумпотон вайисьёсы. 12Тйледлы салам вера Епафрасты, Иисус Христослэн ляльчиез. Со котьку но тй понна сюлмысьтыз вӧсяське, тй дун-шектэмесь мед луоды но Инмарлэсь эриксэ быдэсъян мылкыдын ялан мед улоды ш уы са.13Тйледлы ивортйсько: тй понна, нош озьы ик Лаодикияын но Иерапольын улйсьёс понна Епафрас туж сюлмаськыса-тыршыса ужа. 14Тйледлы салам вера Лука, врач, гажано мурт, нош озьы ик Димас. 15Лаодикияысь агай-вынъёслы, Нимфанлы но солэн гуртаз люкаськись черк калыклы салам вералэ. 16 Та гожтэтэз тй асьтэ дорын лыдӟиды ке, сое Лаодикияе ыстэ, отысь черкын но сое мед лыдӟозы. Лаодикияысь вуэм гожтэтэз тй но лыдӟе. 17Архипплы вералэ: Кузё-Инмарлэсь солы сётэм ужан-тыршонэз со вань сюлэмзэ поныса мед быдэсъялоз. 18Салам веранъёсме мон, Павел, ас киыным гожтй. Монэ, жильыетын пукисез, эн вунэтэ. Инмарлэн дэлетэз ваньды бордын мед улоз. Аминь.

ПАВЕЛ АПОСТОЛЛЭН ФЕССАЛОНИКА КАРЫН УЛЙСЬЁСЛЫ ЫСТЭМ НЫРЫСЕТЙ ГОЖТЭТЭЗ 1-тй ЛЮКЕТ 1 Павел, Сйлуан но Тимофей - Инмар Атай но Кузё-Инмар Ии­ сус Христос бордын улйсь Фессалоникаысь черклы: Инмар Атаймылэсь но Кузё-Инмарлэсь Иисус Христослэсь дэлетсэ, каньыллыксэ тйледлы сйзиськомы.


1 ФЕССАЛОНИКАЫН УЛЙСЬЁСЛЫ 1, 2

1575

2 Ваньды понна ялан Инмарлы тау кариськомы, вӧсяськыкумы тйледыз тодамы вайиськомы. 3Тйлесьтыд осконэн ужамдэс, яратыса тыршемдэс, Кузё-Инмармы Иисус Христос вылэ оскиськыса, чидаса улэмдэс Инмар Атаймы азьын ялан тодамы вайиськомы.4Инмарен яратэм агай-вынъёсы, ми тодйськомы, тйледыз Инмар бырйиз шуы­ са. 5Милям тодытэм Ӟеч Ивормы тй доры кыл вылын гинэ ӧз вуы, кужымен, Святой Духен со вуиз. Мур осконэн ми сое тодытймы. Тй асьтэос но тодйськоды, кызьы ми тй дорын тйледлы ӟеч лэсьтыны тыршыса улймы. 6 Куректыса-кайгырыса улон дыръяды но Святой Духлэн дэлетэныз Инмар кылэз тй шумпотыса кабыл басьтйды. Милесьтым но, Кузё-Инмарлэсь но адӟем карыса улыны тй кутскиды. 7Соин ик Македонияысь но Ахаияысь вань оскисьёс понна тй адӟем карымон муртъёс луиды .8Кузё-Инмарлэн кылыз тй пыр Македонияе но Ахаияе гинэ ӧз вӧлмы, тйляд Инмарлы осконды мукет интыосын но тодмо луиз. Милемлы номыр сярысь но вераны кулэ ӧвӧл ни.9Уго соос асьсэос верало, кызьы ми тй доры вуимы, кызьы тй улэп, зэм Инмарлы ужан-тыршон понна, сульдэръёслы-идолъёслы йыбыртъянлэсь куштйськыса, Инмар пала берытскиды 10но Инмысь Солэн Пи­ езлэсь лыктэмзэ возьманы кутскиды, Кудзэ Со кулэмысь улӟытыса султытйз - Иисусэз, вуоно вожпотонлэсь асьмемыз Мозмытйсез. 2-тй ЛЮКЕТ 1Агай-вынъёсы, тй асьтэос тодйськоды, милям тй доры ветлэммы юнме гинэ ӧй вал ш уыса.2Нош талэсь азьвыл, кызьы тй тодйськоды, Филиппы карысен трос курадӟонъёс, ултйянъёс чидано луимы. Инмармы милемлы юрттйз чик кышкатэк Инмарлэсь Ӟеч Иворзэ тй до­ рын тодытыны, туж ке но та ужлы пумитъяськизы. 3Милям дышетонамы ӧрекчаськонэз, кескич малпанэз ӧвӧл, нокинэ но пӧяны ми ум тыршиське. 4 Инмарлэн Ӟеч Иворез тодытыны быръем адямиосыз кадь ми вераськомы. Адямиослы ум, Инмарлы яраны тыршыса вераськомы, - милесьтым сюлэмъёсмес чаклась-эскерисьлы. 5 Кы­ зьы тй тодйськоды, тй азьын ноку но ми чеберъяськыса-пӧяськыса ӧм вераськылэ, асьмелы пайда поттон мылкыдмы но ӧй вал: Ин­ мар адӟись! 6Тйлесьтыд но, мукетъёслэсь но адямиослэсь милемды данъямзэс ум утчаське: 7Христослэн апостолъёсыз луиськомы бере, ми быгатысалмы тйлесьтыд троссэ курыны, но ми тй пӧлын зйбытвостэм улймы, - нунызэ нонтйсь анай кадь, кызьы со лякытэн утялтэ аслэсьтыз нылпиоссэ.8Ми тйледыз вань лулынымы-сюлмынымы яратймы, соин ик Инмарлэсь Ӟеч Иворзэ гинэ ӧвӧл, асьмелэсь лулмес но тйледлы сётыны дасесь вал, сокем тй милемлы дуноесьгажаноесь луиды .9Агай-вынъёсы, тй тодйськоды на милесьтым тыршеммес, жадьытозь-катьтэммытозь ужаммес. Уй но нунал ужамы,


1639

УДМУРТ-ӞУЧ КЫЛЛЮКАМ агай-вын: 1) брат (Ул.-выл.37:4; Мф.1:2); 2) единомышленник; едино­ племенник (Ул.-выл.29:4; Пот.2:11; Ап.уж.2:29); 3) последователь учения Иисуса Христа (брат во Христе) (Мф.23:8; Ап. у ж. 15:23) ад пыдэс - преисподняя (Пс.48:15; Мад.15:11; 23:14) адӟись: адӟись-верась, адӟись-тодытӥсь - свидетель (Ул.-выл.31:44; Лыд. 35:30; 23ак.19:18) адӟон: 1) видение (Лыд.24:4; 1Экс.З:1; Ис.1:1); 2) судьба, рок, удел, участь (Ул.-выл. 18:25; Иов 20:29; Еккл.2:14) азон-калгон - блуд, разврат, непотребство (Мад.2:14; Иез. 16:31; Ос.2:2) азыса-калгыса юрӟым улон - непотребство; блуд, блудодеяние; раз­ врат (Мк.7:22) алекъяськон - суета; суматоха (Иов 7:16; Пс. 61:10; Еккл. 1:2) бакель карыны - благословить (Ул.-выл. 1:22,28; Лыд.6:23-24; 23ак. 11:26-27; Мф.5:44; Мк.10:16; Ап.уж.3:25; Евр. 11:20) бискыли (колды яке сукыри) - каравай хлеба (Лев.24:5; 2Экс.6:19; Пот.29:23) бӧльмы - притвор; загородка (Шар. 26:18; Иез.40:7; Ин. 10:23) бӧляк-бече - семейство, патронимия (атай выжы) (Лыд. 7:2) букро - плевелы (Мф. 13:25) бычкы - пила (2Экс. 12:31; ЗЭкс.7:9; Ис.10:15) визь: 1) ум; разум; сообразительность (Иов 28:28; Пс.15:7; Мад. 16:22; Мк.6:2; Лк.21:15); 2) пост (ЗЭкс.21:9,27; Иер.36:9; Мк.9:29; Ап.уж. 13:3) визьлык - мудрость; премудрость (Пот.31:3; 23ак.34:9; ЗЭкс.З. П ) визяны - поститься, соблюдать пост (2Экс.12:16; 2Пар.20:3; Ис.58:3; Мф.4:2) визь сынаны - искусить, искушать (Пот. 17:2,7; Лыд. 14:22; Мф.4:1) визь туганы - соблазнить, соблазнять; ввести в заблуждение (Ул.выл.3.13; 23ак.13:13; Мф.24:4) вӧйпу - маслина (оливапу) (Ул.-выл.8:11; Пот.23:11; 27:20) вуӝ-гозы - тетива (Суд. 16:7-9; Пс.10:2) вылэ ӝутон - возношение (Пот.29:28; Лев.7:32; 23:12) выт - подать; пошлина; дань; налог (Ул.-выл.49:15; 23ак.20:11; Нав. 16:10) гажан-жалян - милость; жалость; милосердие ( Ул. -выл. 19:19; Пс.43:27; Лк.1:50; Рим.3:24; Еф.2:8) гайтан - шнур; перевязь (Ул.-выл.38:18,25; Еккл.12:6) гижлочер - проказа (Пот.4:6; Лев.13; Лыд.5:2)


1649

ВАЛЭКТОНЪЁС Аарон - Моисейлэн агаез, нырысетйез священник; Аарон бордысь потэм пиос гинэ священник луыны быгато вал (Пот.4:14; 28:130:10; Лыд.3:1-4). аваддон - адлэн пыдэсыз; пыдэстэм дунне; еврей кылысь берыктыса ’кулон-бырон’ шуэм луэ (Иов 26:6; Мад. 15:11; 27:20). авва - арамей кылын ’атай’ шуэм луэ; Инмысь Атайлы но тазьы вазиськылйзы (Мк. 14:36; Рим.8:15; Гал.4:6). Авраам - туала еврей, араб калыкъёслэн вашкала атайзы. Со борды­ сен кутскиз одйг гинэ Зэм Инмарлы оскон; Инмарлэн эшез шуы­ са со нимаськиз (Ул.-выл. 12-25; Ин.8:39-40; Иак.2:23). ад (евр. шеол, грек гадес) - кулэмъёслэн лулзылэн улон интыез (1 Экс.2:6; Пс.15:10); сьӧлыкоослэн кулэм беразы курадӟон интызы (Пс.9:18; Лк. 16:23). ад пыдэс - преисподняя; сьӧлыко лулъёслэн курадӟон интызы (Пс.48:15; Мад.23:14). Адам - еврей кылысь адом удмурт кылэ ’адями’ шуыса берыктйське; Адамен Еваез - нырысь адямиосты - Инмар сюйысь кылдытйз, пельтыса лул пыртйз но Едем садэ шумпотыса-куаныса улон азе интыяз; сьӧд кый - сьӧд тушмон - Еваез ӧрекчаса, лэзьымтэ емышез сиытйз, нош Ева Адамез сиытйз. Та уж Инмарлы туж ярантэм вал, Инмар соосты та дунневыл райысь (узьмакысь) улляз. Адам пыр солэн нылпиосыз, дунне вылысь вань калык вань дауръёс ӵожелы сьӧлыке пыриз (Ул.-выл. 1:26-28; 2:7-8,15-25; 3:1-24; Рим.5:12,14). Адями Пи - тазьы чем дыръя Ассэ Ачиз нималляз Иисус Христос (Мф.8:20; Мк.2:28; Лк.5:24; Ин.1:51). Адями Пилэн лыктонэз ся­ рысь веразы вашкала пророкъёс но (Дан.7:13-14). аллилуия - еврей кыл, ’Кузё-Инмарез ушъялэ’ шуэм луэ ( Шар. 16:36; Усът.19:1,3,4,6). Та кыл ӵемгес Псалтирьын пумиське (Пс. 103:35; 104:45; 105:48). Альфа но Омега: Альфа - грек алфавитысь нырысетй буква, нош Омега алфавитысь берпуметй буква; Кузё-Инмармы Иисус Хрис­ тос Ассэ шуэ: «Мон - Альфа но Омега, кутсконэз но пумыз...» (Усът.1:8; 21:6; 22:13). аминь - еврей кылын амен ’зэм ик, озьы, шонер’ шуэм луэ (Лыд.5:22; 23ак.27:15-26; Рим.9:5; 1Кор.14:16). анафема (грек кыл) - люкемын-куштэмын, каргамын; Инмарлы пумитъяськисьёс черклэсь люкемын луыны быгато (Рим.9:3; 1Кор. 16:22).


1659

БИБЛИЯЫН ПУМИСЬКИСЬ ПРАЗДНИКЪЁС Суббота (еврей кылын: Шабат) Инмар сизьыметй нуналлы лэсьтоно ужъёссэ быдэстйз: сизьыметй нуналэ, вань ужъёсыз бере, Со шутэтскиз. «Инмар сизьыметй нуналэз бакель кариз, дун-чылкыт кариз; уго Аслэсьтыз лэсьтэм, кылдытъям вань ужъёссэ быдэстэм бераз та нуналэ Инмар шутэтскиз» ' Ул.-выл.2:3).

Сйнай гурезьысен Кузё-Инмар Моисей пыр 10 курон-косонъёс сётйз, соос полысь одйгез - ньылетйез курон-косон - тазьы чузъяське: «Суббота нуналэз тодад возь, дун-чылкытэн сое мед ортчытод. Куать нунал ужа, со дыре вань ужъёстэ лэсьты, нош сизьыметйзэ - суббота нуналэз - Инмаредлы Кузё-Инмарлы сйзь» (П от .20:8-10). Вашкала еврейёс субботалэсь кузьдалазэ лыдъяло вал пятницае шунды пуксем дырысен кутскыса субботае шунды пуксён дырозь. Пасха. Юмал нянь сиён праздник (еврей кылын: Песах. Мацот) Еврей калык нисан яке авив (апрелей март вискысь) толэзьлэн 14-тй нуналаз чылкыт, шектэм ыжпиез, Инмарлы тау карыса, курбон сётыса, арлы быдэ Пасхаез пумитаз. Египет музъемысь пегӟемзэс буре вайыса, курбон ыжпилэсь сйльзэ котькуд семьяын курыт турынъёсты юмал нянен куртчыса сиё. Пегӟон нуналазы няньзэс чырсатыса пыжыны дырзы ӧй ни вал, пыжизы юмал куен ик; сизьым нунал ӵоже, та праздникез ортчытыкузы, еврейёс юмал нянь гинэ сиё ' Пот. 12; Евр. 11:28).

Еврейёс Пасхаез - самой быдӟым праздниксэс - пумитаны дасяськыку, соослэн кивалтйсь йыръёссы - архиерейёс, саддукейёс, фарисейёс - Инмар Пиез, Иисус Христосэз, виыны судэ сётйзы, кортӵоганы сётйзы. Озьы Инмарлэн Дун-Шектэм Ыжпиез курбонлы сётэмын вал, нош Со кулонэз вормыса улӟыса султйз но Аслаз ДунСьӧлыктэм Вирыныз котькудзэ Солы оскись, Солэсь кылзэ быдэсъяса улйсь адямиез сьӧлыкъёслэсь мозмытйз, Инмысь Атаезлэн Эксэйлыказ пырыны дасяз. Христослэн кирос бордын кулэмезлы, кулэмысь улӟыса султэмезлы сйзьыса, христианъёс Пасхаез ортчыто (Мф.2б:2; Ж 14:1; Лк.22:1; Ин. 11:55; Усьт.5:9).

Лымшор удмуртъёс христиан Пасхаез Быдӟымнал яке Акашка шуо, уйпал удмуртъёс - Великтэм. Та нимъёс праздниклэсь пуштроссэ уг усьто, соин ик берыктон ужамы черк-славян кылын кутйськись Пасха кылэз кельтймы.


уипал

шт

у/

"Ч- Антонийлэн \ изкарез

И ЕРУСАЛИМ ИИСУС ХРИСТОС У Л О Н ВА КЫ ТЭ

Голгофа

Вифлеем аорес

Енном нёжал •НК


Библия