Page 1


Trassg taba aburríu, caleyando pente la ciudá arrodiáu de coches y ruíu, muncho ruíu.Voces, sirenes, tubos d’escape… Ensin saber qué facer, vió un edificiu perguapu. Con una fachada que-y llamo l’atención.Tanto-y prestó qu’adientró nél.

1


Yera un muséu.El Muséu de los Istrumentos Musicales y, anque paeza mentira, nesti muséu de la música, lo qu’había yera silenciu…un gran silenciu que como un airín frescu de veranu pasaba per tolos cuartos del edificiu, como mandando callar. 2


Y mandaba callar per una importante razón, porque gracies a esi silenciu y al pasar xunto a los estremaos istrumentos qu’ellí había, producíase la maxa. Una maxa que facía posible escuchar el soníu de caún de los estraños artiluxos colos que Trassg diba topándose y asina, casi ensin querer, anició un viaxe musical que lu llevó per diferentes países . De les percusiones d’África a les de la India.

3


Llegando a Asia, onde los istrumentos del Tíbet ficiéronlu imaxinar altes montañes cubiertes cola ñeve onde ‘l gong resonaba como un ecu d’esquilones repitiendo ensin fin un tilín, tilón, tilín.

4


Como pequeñes campanes que suenen nel valle, nos valles d’Asturies ente montañes o nes grandes llanures de la meseta. Repicando puntuales, anunciando la nueva hora. Tin…Tin…Tin…Tin…Tin…les cinco. Marcando’l pasu del tiempu, convirtiéndose en compañeres, amigues, vecines qu’adientren pente les puertes y les ventanes. 5


Y lleguen hasta la sala, onde alcuentren al so hermanu pequeñu, el reló de paré que ruempe’l silenciu y que coles sos campanaes tin…tin…tin…tin…tin… respuende que sí ,que son les cinco .Y sigue pasando’l tiempu. 6


Entós Trassg tien un sobresaltu, escucha ‘l soníu de les cuerdes movíes peles tecles del clavecín y entama un viaxe nel tiempu nel que va probando unos grandes istrumentos, qu’al tocalos van dexando colar al aire una prestosa melodía,din,don,dan,don.

7


Un tres otru va tanteando los teclaos, moviendo รกxiles los deos entes les tecles que convierten en notes les vibraciones de les cuerdes nel aire: do,si, la, sol ,fa ,mi re, do.

8


Y per un momentu, Trassg siéntese un gran concertista, en mediu d’un auditoriu onde’l públicu ta atentu a les sos manes, que mueve acariciando l’aire enantes de posase con cuidáu sobre les tecles del pianu.

9


Gracies a la maxa del musĂŠu Trassg va daprendiendo a tocar caĂşn de los istrumentos que se-y apaecen peles sales. Y per mui raros que sean y mui vieyos que ten, Trassg ye quien a facelos sonar.

10


Dándo-y al rabil o pasando l’arcu peles cuerdes de la viola o del violín.

11


Nel violonchelu o cola guitarra rompiendo’l silenciu con rasgaes notes .

12


Que lu lleven hasta l’arpa onde la maxa de la música vuélvese más maxa, llevándolu a lexanos tiempos nos qu’abulten bailar les fades alredor de la so canción. 13


De repente’l soníu suena a metal que taraza l’aire,moviéndolu con violencia.¡Tantararán! 14


Convirtiendo los pulmones en mĂĄquines de facer mĂşsica , fuerte, sonora,ronca, que se torna dulce y harmoniosa al pasar pela madera de les flautes. 15


Tantu cambiu de soníu ,de diseñu y material lleven a Trassg a investigar na fabricación de los istrumentos.Intentando alcontrar ente los llibros el so preferíu.

16


La so búsqueda llévalu a manipular unos oxetos raros de los que sal música, como si pequeños maestros istrumentistes tuvieren metíos dientro d’ellos. Pero non, sólo son los oríxenes de la música grabada.

17


Maquinaries estravagantes qu’al poneles en funcionamientu suenen como una orquesta.

18


Y como toles músiques, interpreataes per solistes o conxuntos, inviten al baile. Son como pequeñes discoteques pero mui grandes si se comparen coles pequeñes dimensiones de les actuales mp2,mp3,mp4 . Sigles, que non singles, que se repiten como un estribillu hasta l’infinitu mp2,mp3,mp4…

19


Animáu per esi estribillu Trassg intenta cantar, pues la voz ye un istrumentu importante de modalidaes de la música como la coral, el pop, el jazz,el rock y la música tradicional interpretada con dalgunos de los istrumentos qu’acaba d’escuchar. 20


Trassg nun se decide, nun sabe cual ye’l so istrumentu preferíu.Piensa que tampocu tien muncha prisa pa decidilo y que nesti momentu, lo meyor, ye escuchar bona música, interpretada per grandes maestros. Y pesllando los güeyos déxase llevar pelos paisaxes imaxinarios onde lu tresporten los acordes que suenen con harmonía. 21


Esti cuentu fízose especialmente pa los neños y neñes de les escueles infantiles de Samartín del Rei Aurelio ‘l 27 d’abril de 2011, pa celebrar con ellos el Día del Llibru. Xosé Ramón Martín Ardines

22


Millions discover their favorite reads on issuu every month.

Give your content the digital home it deserves. Get it to any device in seconds.