Issuu on Google+

Cuando Hitler robó el conejo rosa, Judith Kerr Anna e a súa acomodada familia han de deixar Berlín pola oposición do seu pai ao movemento antisemita de Hitler. Atópaste ante un emotivo relato que narra dramática situación dos refuxiados políticos e dos seus fillos. A medida que avanzamos na lectura comprobamos que máis alá do horror e da inxustiza, agroma a solidariedade, a tolerancia e o amor.

Diario, Ana Frank

Este relato verídico narra a particular situación de Ana Frank e a súa familia no seu intento de escapar da represión nazi. Nestas páxinas compartirás os seus sentimentos e emocións no tempo que estivo escondida no desván dunha vivenda. O testemuño de Ana Frank serve para coñecer os horrores do nazismo en toda a súa dimensión e dureza.

Usha, María Reimóndez Usha é unha rapaza galega que vai vivir coa súa nai a India. Alí aprende unha nova lingua, o canarés; fai novos amigos; coñece costumes e lendas e enfróntase a situacións novas e imprevistas. Da man de Usha coñecerás unha realidade e cultura distintas que de seguro te apaixonarán.

Tristes armas,

Marina Mayoral

Esta novela conta as vivencias dunha familia separada pola Guerra Civil e o exilio a Rusia. Estamos ante unha obra que nos fala sobre as consecuencias da guerra, a amizade, a descoberta do amor e da vocación persoal e o valor das ideas.

O neno do pixama a raias, John Boyne

Bruno, un neno de 9 anos, múdase coa súa familia a unha casa onde hai unha cerca. O protagonista faise amigo dun rapaz do outro lado que viste un estrano pixama a raias. Nesta obra atoparás unha emocionante historia sobre a opresión, a inxustiza e a amizade.

Dahdahwat. Leyendas indias norteamericanas Compilación de seis lendas dos indios nativos norteamericanos que falan sobre o amor, a amizade, o perdón e o profundo respecto á natureza.

Irmán do vento, M. Lourenzo González Khaled é un mozo irakí que, como outro rapaz calquera, ten unha familia, amigos, casa, vida, amor e proxectos. Ata que, de súpeto, chega a guerra. Esta é a crónica da destrucción de todo canto Khaled é e soña ser. Mais tamén é unha novela de aventuras sobre a loita contra esa situación imposta e pola recuperación da dignidade e o respecto.

A revolta dos animais, George Orwell Os animais dunha granxa botan aos humanos e crean un sistema de goberno propio que acaba por se converter nunha tiranía brutal. Esta obra constitúe unha análise sinxela e formidable da corrupción que xera o poder a calquera nivel.

Fahrenheit 451, Ray BradburyTim Hamilton Novela gráfica sobre a narración homónima. Fahrenheit 451 -temperatura á que arde o papelrelata a historia dun bombeiro que ten como misión queimar libros por orde dun Estado represor. É tamén a historia da pequena resistencia que tenta preservalos sexa como sexa.


Siddhartha, Hermann Hesse Relato da vida do hindú Siddharta e da súa viaxe persoal en busca da sabiduría. Siddharta representa as arelas de atopar o esencial de un mesmo, o orgullo do individuo enfrontado ao mundo e á historia.

La voz dormida, Dulce Chacón Novela histórica ambientada na posguerra española na que un grupo de mulleres presas no madrileño cárcere das Ventas alza a bandeira da dignidade e da coraxe como única arma posible para enfrontarse á humillación, a tortura e a morte.

Maus, Art Spiegelman Maus. Relato dun supervivinte narra a historia do pai do autor, xudeu polaco, durante a Segunda Guerra Mundial, así como as complicadas relacións entre pai e fillo durante o proceso de elaboración da historieta. Ratosxudeus e gatos-alemáns como metáfora da ratoeira na que se converteu a Polonia ocupada polo nazismo.

IRMAUS Celso Emilio Ferreiro Camiñan ao meu rente moitos homes. Non os coñezo. Sonme estranos. Pero ti, que te alcontras alá lonxe, máis alá das sabanas e das illas, coma un irmáu che falo. Si é túa a miña noite, si choran os meus ollos o teu pranto, si os nosos berros son igoales, coma un irmáu che falo. Anque as nosas palabras sean distintas, e ti negro i eu branco, si temos semellantes as feridas, coma un irmáu che falo. Por enriba de tódalas fronteiras, por enriba de muros e valados, si os nosos soños son igoales, coma un irmáu che falo. Común temos a patria, común a loita, ambos. A miña mau che dou, coma un irmáu che falo.

LECTURAS POLA PAZ E A NON VIOLENCIA

BIBLIOTECA CURSO 2010-2011

IES MIGUEL ÁNGEL GONZÁLEZ ESTÉVEZ CARRIL, VILAGARCÍA DE AROUSA


Lecturas a propósito do Día da Paz