Page 1

Vol. XXIX No. 27

Kartin: VENGHNUAI Chhuak Chanchinbu Y.M.A. BRANCH

Dt. 3.7.2011 Phek - 1

Kumpuan Thupui Khawtlang nun siam \hat ( For private circulation only ) Vol. XXIX No. 27

Kartin Chhuak Chanchinbu

Thalai kohkhawm hlawhtling taka hman a ni Venghnuai Branch YMA in a lo rel tawh angin ni 1.7.2011 (Zirtawp) zan khan venchhung \halai kum 14-25 inkar te kokhawmin Pu Vanneihtluanga, Chanmari chuan thu a rawn sawi a, hetah hian \halai 221 zet hming ziah chinah an kal a, Branch YMA chuan kal zawng zawng chungah lawmthu a sawi a ni. Inkhawm hi Branch President Pu C. Lalrindika’n a kaihruai a, Pu Vanneihtluanga hian \halai kalkhawm te chu kumpuan “Khawtlang nun siam\hat” hmangin chhiatni chungchang te, zirna te, aia upa zahte leh ngaihsan tur dik ngaihsan kawngah te zirtirna a pe a, kalkhawmten hlawkthlak an ti hle a ni. Kalkhawm te hian intiamkamna an nei bawk.

Branch YMA chuan a ngenna ngaipawimawh a kal zawng zawng \halai te chungah te, nu leh pa mahni fate kaltir zawng zawng chungah te lawmthu a sawi a, he intawhkhawmna hian vengchhungah rah\ha a chhuah ngei ang tih pawh a beisei tlat a ni. Tin, hemi zan hian Branch Committee member bakah Section Committee Member-te an tel bawk a ni.

Basketball

Local Council Ngenna

Basketball Coaching a thlawnin pek tum a ni a, vengchhung mi Basketball lama tui mi chuan ni 6.7.2011 (Nilaini) hmain Pu Malsawmkima Fanai s/o F. Liankhama, CBS hnenah inhriattir tur a ni e.

Anganwadi Centre II sak mek \anpuina chu tunkar chho hian mi tlawmngai te hnenah rawn khawn a ni dawn a. |anpuina lo pe turin Co-ordination committee chuan vengchhung mi te a ngen tak meuh meuh a ni. ICSD in a beisei ang chuan Angandadi sakna tur hian atam thei ang ber mipui thawhhona neih a beisei a, Centre I sakna ah khan hnatlang \um 3 neih a ni a, Centre II ah hian Sorkar a\anga sum duhzat hmuh anih tak loh avangin inthlahrung tak chungin \anpuina kan beisei a ni tiin Local Council chuan veng mipuite a ngen a ni.

Bo chhar

Pu H. Rothanga, KCS te kawtchhak kawngpui ah pawisa chhar a ni a, a neitu dik tak chuan a tih bo ni leh pawisa zat chiang taka sawiin Pu Zahmingliana, TTS te inah lam theih a ni e.

Damlo/lo chhuak

Pu Zohmingthanga h/o Pi C. Lalhriatpuii, TTS chu Alpha Hospital-ah enkawl mek a ni. Tv. K. Laldinthara s/o K. Vanlalthara, KCS chu Alpha Hospital a enkawl a nih hnuin a lo chhuak.Pi C. Lalawmpuii w/o K.C. Lalrinmawia, TTS chu Aizawl Hospital-a enkawl a nih hnuin a lo chhuak. Tv. Rama c/o Pi Zaneihi, TTS chu Kulikawn Damdawiin a enkawl a nih hnuin a lo chhuak bawk.

Cricket Cricket player zawng zawng te vawiin chhun dar 12:00 hian player affiliation chungchang ngaihtuahin Tv. V. Malrosanga te in ah inhmuhkhawm tur a ni.

YMA Hall chei YMA Hall stage chu carpet thar phah a ni a, darthlalang, electrict leh tuizem te tunhnai khan siam\hat a ni bawk.

Dt. 3.7.2011 Phek - 1

Sunna Pu Thangdingliana h/o C. Lalnuntluangi, Treasurer, Thakthing Branch YMA, Thakthing Jt. YMA a Committee Member ni bawk chu ni 1.7.2011 (Zirtawp) zing dar 1:00 khan Pneumonia natna avangin a boral a, he mi ni vek hian vui nghal a ni. Venghnuai Branch YMA chuan Pu Thangdingliana hi a ui em em a, a kalsan tak a nupui leh a chhungte kan tawrhpui tak zet a ni.

Camping

Central YMA buatsaihin ni 27 June - 9 July chhung hian Krista Hnungzuitute |awng\ai Bethel Camping Centre, Chawnpui-ah ruihhlo ngaite leh hmeichhe humsual dai te pualin chhandamna camping neih mek a ni a, he Camping ah hian Pu Lalsanglura Ralte, Sons of God Ministry chu Speaker ah hman a ni. Camper hi 450 chuang zet a ni a, Camping a lut ten chhandamna changa camping hlawhtling tak neih a nih ngei theih nan Central YMA leh Branch YMA chuan mipuite \awng\ai pui turin an ngen a ni.

Hall duty

A hnuai ami ang hian YMA Hall duty siam a ni a, hei hi Section hruaituten hriattirna ah lo ngaih tur a ni. 1. TTS - July leh October 2. KCS - August leh November 3. CBS - September leh December

Lentupui man LENTUPUI man khawn a lo hun leh ta a, tun \umah hian JUNE thla man khawn tur a ni. LENTUPUI semtute kan inhriattir a, tin, mipuite \hahnem ngai taka a man hi lo pe turin kan in ngen bawk a ni.


Vol. XXIX No. 27

Kartin Chhuak Chanchinbu

Dt. 3.7.2011 Phek - 2

|HALAI KOHKHAWM Hlimthla

EDITORIAL BOARD Chairman

: C. Lalengliana 9612586062 Editor : Samson Lalthanmawia 9862879752 Jt. Editor : V.Malrosanga 9612155393 News Editors: Vanlalhruaia Vanchhawng 986240335 Wilfred Lalrintluanga 9774376680 C. Zonunmawii 9862459243 Cir. Manager: K.Lalromawia 8974801875 E-mail : ltp_vh@rediffmail.com

Editorial Lehkha zir san hi a van \ha teh kher em aw!! nga timaw? E le, mi te zah phurhna a ni tlat a lawm, mi te’n min nuih mai mai thei tlat lo, awm \ha duh vak lo leh mi awm herh hrim hrim te kan ni a nih ngawt loh chuan. Chu lovah pawh kan hmel en aia kan lo zirsan daih phei chuan mi te min hmuhsit deuhna kha in let thawkin ngaihsan rukna khan a let daih a. Amarawh chu kan zirsan ang aia kan chet a fuh loh vaih erawh chuan mite inngaih nih leh hi har veng veng tak a ni. Hei erawh kan hriat reng a \ul thung; hetianga kan hna lak dan kalphung hi a nih reng chuan zirsan leh degree neih tam hi intodelhna leh ei hmuhna a ni hauh lo tih erawh i chiang ang u. Dik tak leh a tling te’n an chanvo tur dik tak an luah theih hunah chuan kan lehkha zirsan leh thiamna hian awmzia a nei ngei ang. Hetiang hian i ngaihtuah ngai em? Mahni thawh tawk leh thiam zawng zahpui lova rinawm leh taima taka thawkte din chhhuahna khawvelah kan awm mek. Kan hnathawh lai chu eng ang hna pawh ni rawh se, mite hmuhsit theih lova a siam theitu leh itawm taka siam theitu chu keimah hi ka ni kan tih ngam a hun ta hle. Mahni nih loh pui anga insawi ai chuan mahni nihna leh dinhmunah chiangin hna hnuaihnung a awm lo, kan \angkaina leh thawh theih a in ang lo mai zawk tih kan chian hunah chuan kan intodelh ngei ang.

=

Sunna

=

Pi Lalthlengliani hi Darthangvunga leh Ngurchhawni te fa pali zinga a upa ber niin ni 8.2.1959 khan Venghnuai ah a lo piang a, a boral hian a pasal Lalsawmliana leh a fate panga, mipa pahnih leh hmeichhia pathum a kalsan a ni. Pi Thlengi hi mi inngaitlawm, zak zum leh LALTHLENGLIANI (1959 - 2011) \awngtlem tak a ni a, Kohhran leh khawtlangah theihtawp chhuahin a thawk \hin a ni. Kumin a\ang hian a hriselna a insawi sel \an a, damdawiin ah leh inlamah te theihtawp chhuahin an inenkawl a, thinro bakah chuap T.B a nei tih hriat a ni a, ni 26.6.2011 (Thawh\anni) khan min boral san ta a ni.


Vol. XXIX No. 27

Kartin Chhuak Chanchinbu

Dt. 3.7.2011 Phek - 3

Kan duai dawn lo - An Observer Ni 1.7.11 zana Venghnuai \halai kum 14-25 inkar kan han inhmu khawm zet kha chu a ropui hle mai, ka ngaihtuah chian hian kha huna kal te kha an vannei thlawtin ka hria. Hmanni lawkah nu leh pa an ko khawm a, YMA Hall a lenglo khawp kan kal khawm thei te, hman zan lawka \halai kum 14-25 inkar kalkhawm pawh mi 220 chuang lai kan ni thei han hmuh khan ‘Khawtlang Nun Siam |ha’ tur hian nu leh pa \halaite hi kan lo inpeih hle a ni tih a hriat a, kan khawtlang nun a chhe lai siam \ha tur leh a pawp lai bel \ha tura kha tiang zatin ke kan pen chuan engah nge Venghnuai-ah hian hma a sawn loh teh reng ang le. Tunah hian Venghnuai-ah hian mihring cheng mi 1500 chaung vel kan awm velin a hriat a chung zinga mi 800 bawr vel chu khawtlang nun siam \hat tumin kan in hmu khawm tawh a, puitling kum 25-40 inkar ho hi han in ko khawm leh ta i la. Mi pakhat lek pawhin Venghnuai a tih hming \hata, a tih hmingchhiat theih chuan Venghnuai mi zawng zawng 90% in khawtlang nun siam \hat kan duh tlat chuan ngahnge Venghnuai hian hma a sawn loh anga, a hming \hat loh teh lul ang. Hei hi chhiarkawp chhut dana a dik dan chu a ni. Amaherawh chu chutiang ni lova, inkohkhawmna-ah tam ringawta a tihhlawhtlinaah ke pen leh ta si lovin, kan sawi ho leh kan thu ngaihthlak te kha sawi liamin ngaithla liam ta ni i la, kan sum leh tha sen te khan awmzia a nei hauh lovang. Mahse thil \ha tih duh kal khawm kan nihna khan thla ava ti muang teh lul em. Hman zana |halai kal khawm te’n kha tiang ang thu kan ngaithla thei kha kan vanneih zia kan hria em? Kan YMA hruaitu te ka a\ang pawn kan la hre kher lo mai thei. Khatiang ang taka kan ngaithla \ha te,kan tui pui te han hmuh khan Venghnuai-ah hian misual rual chu kan awm lo chiang a ni tih a hriat. Thusawi kan ngaithlak hnua kan hruaitu

ten Kan khawtlang tana kan thawh tur leh Khawtlang Nun a lo \hatna tur a tana an thu ziah kut dinglam phara kan nemngeh han hmuh te khan hnuk a ulh ani.. Hei hi a lawm Venghnuai \halai rual kalkhawm te’n khawtlang tana an thutlukna chu : 1. Tunlai khawvel \hang zel leh hmasawn zelah mi kan buai tawh hle, chutiang a nih avang chuan Mizo Tlawmngaihna hi chhawm nun \hat a chhem alh leh zual a lo ngai ta, chumi a nih avang chuan keini Venghnuai nula tlangval, \halai te hian tun aia nasa lehzuala \anlak a ngai kan ti a, chumi ti hlawhtling tur chuan theihtawp chhuah nise kan ti. 2. Tunhma a khawtlang nun siam\hat hna thawktu leh khawtlang innghahna kan nu leh pa, rual u zawk tena an lo ken kawh thin kha a \ha kan ti a, keini pawhin chhunzawm ve a, khawtlang tana innghahna tlak leh thlamuantu nih ngei hi \ha kan ti. 3. Aia upa zah hi Mizo nunze mawi ber te zing a mi leh mizo

nih tinuamtu, ti hming\ha tu a nih ang ngeiin Aia upa zah hi chhawm nun leh zuala thangthar lo awmzel tur te nunah tuhngheh leh zual nise \ha kan ti. 4 Vengchhung-ah chhiat tawk an awm hian \halaite hi kan inthlahdah tan ta deuh a, veng a mualpho hma ngei hian tunhmaa kan tih \hin leh kan chhunzawm mek mitthi lumen leh khawhar in kal hi \halai te hian uar leh zual sauh sauh a \an lak thar leh zual nise \ha kan ti. 5. Hmasawna hma lam pan zel tur kan nih angin tunlaia thiamna leh hmasawnna te hi zui chungin \an i la thar i la, amaherawhchu tunlaia hmasawnna chi hrang hrang leh hmanraw chi hrang hrang avang erawh chuan kan nun hi tih chhiat kan phal lova, khawtlang, ram tan, chhungkaw tan, kohhran leh keima tan \angkai taka hman \heuh ni rawh se. 6. Venghnuai hi ruihhlo ina a tihchhiat kan phallo.

HENGTE HI KA SIAM THEI

) ) ) )

Certificate frame Photo frame Citation frame Poster frame Nalh takin ka siam thei e, min rawn pan ve rawh PC Rothanga Venghnuai (2-1) Ph : 9612567182

THISEN, ZUN, EK, KHAK TEST CHI HRANG HRANG |HA LEH RINTLAK I KAWTKAI AH NGEI A TIH THEIH TA. INLAMAH PAWH KOH THEIH KAN NI E. A hmun : DR. C. Dothanga Building (Electric Office Chung) Thakthing Dam Veng A hun : 7 a.m - 10 a.m NITIN (Mon- Sat) (6-2) CONTACT : 0389-2315852


Vol. XXIX No. 27

Kartin Chhuak Chanchinbu

LENTUPUI tì tî

Hriatzauna Company-a thawh tumte duhthusam engnge? India rama \halai, companya thawh tumte hian, hmeichhe lamin an office nawm dan leh a awmna (location) an thupui ber laiin, mipa lam chuan company chu sum chungchangah a ngialnghet tawk em? tih an thupui ber thung niin company a hnathawk hrang hrangte ngaihdan lakna thar berah tarlan a ni. Hemi chungchang survey buaipui tute hi Ma Foi Randstad an ni. Hnathawktu ngah zual company tarlante chu:– Infosys, TCS, Larsen & Toubro, NTPC, ONGC, Toyota and Oracle (Source:yahoo)

Lei (Bridge) sei ber

Qingdao Jiaozhou Bay Bridge, China ami hi tuipui (sea) chunga sak lei sei ber a ni a. 36.48 kilometers zeta sei niin, Qingdao khawpui leh Huangdao District inkalpawhna atana lei \angkai tak a ni.

Source:yahoo

Rihanna che chhia

Z

aithiam lâr Rihanna chu Edmonton, Canada-a stage-a a zai laiin a pheikhawk keartui sang over chi a bun avangin, a ke a chhep sual a, thlirtu mipui 16,000 chuang hmaah stage-ah a lum tual mai. Hetia a chetsual hnu hian professional tih takah a tho leh vata, a zai chhunzawm leh nghal hmiah hmiah tho mai a ni awm e.

Source:Agencies

Kan veng hi a la thlaphan thlak lohin ka hre thar ta. Tunhnaiah khawtlang nu leh pa te YMA in min ko khawm a, chu mi rah ngei chu niin a lang kan veng chhiat tawhah nidang aia \ha in vengchhung \halai te kan che a, thlan lai, kuang zawn, khawhar in kal kan \ha vek in a lang. Thil lawmawm tak a ni. Kan veng \halai te kan harh \an, kum 14-25 inkar kohkhawm pawh hian rah \ha a chhuah ngei ang tih ka ring tlat. -8014342593

Mizo tawng zirna Hran pa : Hran pa hi mi tam takin remchang vak lovah pawh an hmang \hin. |awng chaltlai deuh hlek anih vangin hman zen zen chi a ni lo viau “Ka duh hran pa lo” tih aiin “Ka duh lem lo ve,” tih a amwi zawk.

Hma la : Hma la hi Kohhranah \awng pawimawh tak a ni ta. “Ram thima kan hma lak nan” tih a tam viau, mahse, “Hma bak” sawi nan pawh hman pawlh a ni ta a, hman fimkhur deuh zawk a \ha awm e.

Na a nei ang : Thu a sawi ang tih aiin “Thu sawina a nei ang” tih kan ching ta viau. “Naktuk zanah kan Pastor-in thu sawina a nei ang” tih chu, “Naktuk zanah kan Pastor in hmui a nei ang” tihna a ni mai awm e. “Minister a lokal dawn am Local Council President chaw eipuina a nei ang” te kan ti a. A chaw eipuina chu thleng nge ni a, dawhkan nge, enge hriat a har hle. “Minister a lokal dawn a, Local Council President in a thleng ang” emaw, “A Mikhual ang” emaw, “Local Council President inah chaw a ei ang” emaw ti ila, a dik zawk viau a ni.

Dt. 3.7.2011 Phek - 4

Silai huang U Alianpuii te’n zan men rei ka thei lo an ti hi a mak ka ti. - Nl Mski A mut chu a chhuak hma, mahse a mengrei thei a lawm. - A dinsangi(Hriatpuitu) Pi Bedi: Pa-a, kan dawr signboard hi kan siam \ha leh tawh dawn em ni ang ? Dr Zorama: Pawisa a hek mai mai lo maw, Nu-i ? Pi Bedi : A \ul ka tih hi ngatinge maw i hnial \alh zel le, mi kan rawn der ve che a. Dr Zorama : Tak takin i thu thu a lawm (A ti leh duai zel) YMA Hall rawng hnawih a piang hian U Chawitea hian a in rawng a thlak ve ziah, YMA Hall rawng nen a in ang zel leh nghal - Tluangtea Zan 100 meuh mai \hulh miah lova han lena a kal lam haw lam hruai ziah te chuan min duh lo thei lo. - Biakrema Pu Rinsanga (Lawmsiami) : Jojo lut tawh i la, Sermon a hun leh tawh a nia. Jojo-a : Ngawirawh, ka la chiri laklawh a. (Chiri chiang ve khawp mai, amah pawn a hre thei tlat) Pu KC- a thlan laive pawh a berh ber a, a \awngtam ber bawk ninawm tak a ni. -Tv Hriata (Engkim hria) Kan Pastor TT khel chak YMA tukverha a lawnlut lai hi ka hmu chak ngawt mai. -Pu Mapuia(Kelchaw) Nula inleng neilo pawh ka ni bik lova, ka haw nghal a ngai. - Papari

Pi Thani Buhfai |ha!!

An official organ of Young Mizo Association Venghnuai Branch, Aizawl, Mizoram - 796005

Lentupui 3 July  

Venghnuai Branch YMA Chanchinbu : Lentupui

Read more
Read more
Similar to
Popular now
Just for you