ШВЕТ НАУКИ И ТЕХНОЛОҐИЇ Рутенпрес и МАК Промоция мастер роботи Александри Лендєр < < < < ШЕСТА < < < < < < ПУБЛИКАЦИЯ У < < ЕДИЦИЇ < < < > < < < < У Заводзе за културу войводянских Руснацох у Новим Садзе 13. децембра представена мастер робота Александри Лендєр з Вербасу „Литературноисторийни дискурс драмского додатку часописа Шветлосц у периодзе од 1952. року по 2010. рок”, хтора друкована як шеста публикация у Едициї иновациї „Владимир Ґарянски”. Александра после промоциї виявела же вибрала праве тоту тему за свою мастер роботу прето же вше на даяки способ була у театре и читала досц драмски тексти, та єй виглєдованє и анализованє нє були проблем. 14 – Єднак сом уживала у науковей часци, односно у читаню текстох и анализи, алє и у виглєдовацкей часци, пренаходзеню числох Шветлосци, статьох хтори пишу о театралним живоце и вообще, драмскей творчосци ■ МАК 12/2017 при нас, Руснацох, у периодзе од 1952–2010. рок. Пренашла сом 132 числа Шветлосци хтори у себе маю драмски тексти – писани у ориґиналу по руски, лєбо преложени, а анализовала сом 63 тексти руских авторох. То барз вельке жридло текстох по руски хтори можу буц хасновити нашим драмским дїячом же би ше здогадли на даєдни тексти хтори маме уж порихтани по руски, а и анализа текстох може буц интересантна тим хтори ше занїмаю з литературу, заинтересовани су за историю, же би видзели хтори ше то тексти прекладало, у хторим чаше и на хтори теми писали нашо одредзени авторе – толкує Александра. Кед слово о авторскей рускей драми, у роботи як найчастейши мотиви препознати питанє идентитету, вири и завичаю. Окреме акцентовани през остатнї роки пороснути тренд писаня монодрамох и диялоґних формох у одношеню на зложенши драмски форми. – Окреме ми мило же на промоциї були и даєдни нашо визначни писателє и виглєдоваче драмского живота при нас, так же ше после промоциї предлужело дискусию – гварела вона. О роботи хтору Александра одбранєла влонї на Одсеку за русинистику Филозофского факултета бешедовали ментор др. Стеван Константинович и авторка, а о значеню Едициї за промовованє наукововиглєдовацкей роботи при младих Руснацох о. д. директора Заводу за културу войводянских Руснацох Анамария Ранкович. Фото: Вероника Вуячич