Issuu on Google+

FAUNA D`ASTURIES

TRABAYU DE LOS ESCOLINOS Y ESCOLINES DE 5u CURSU


EL ASTURCÓN El asturcón ye una raza de caballu rústicu y de pequeñu tamañu d´ orixen asturianu, n´ España. Forma parte de les races qu´ habitaben dende l´ antigüedá los territorios de montañes dende la Cordillera Cantábrica hasta los Pirineos occidentales Esti animal tien la grupa inclinada, cola de munchu pelu. Un gran arcu costal con un frente pectoral musculáu reposa sobre unes extremidaes fines con cascos pequeños y redondeados mui resistentes. Tien una altura media de 1,20 m. Ye un animal fácil de montar porque tien un caminar característicu, que amás permite-y dir fácilmente pela montaña. Los astures usábenlos como animales pa montar y de tiru, n` algunos casos pudieron ser utilizaos con fines alimenticios o de sacrificiu, como así s`atopó nos restos alcontraos nes excavaciones arqueolóxiques del castru de Noega en Xixón (Asturies).

Los romanos apreciaron la so fuerza y enerxía y usáronlos pa trabayar nes mines. Güei los últimos asturcones redúcense al monte Sueve, nel oriente d´Asturies, ente los conceyos de Parres, Piloña, Caravia y Colunga, y solamente queden unos pocos exemplares protexíos.

TRABAYU FECHU POR PAULA, CAMILA Y JAIME


EL GALLU MONTÉS El urogallu cantábricu, que ye, la especie asturiana de situación más precaria. Tratase d´ una subespecie endémica de la cordillera Cantábrica . La población del gallu montés menguó un 57 por cientu en dos décades (1982-2002), sigue disminuyendo a un ritmu alarmante y nun llega a los 500 exemplares adultos. Amás, les aves alcuéntrense agrupaes y ningún de los grupos sumen los 100 individuos que los expertos consideren el mínimu necesariu pala su viabilidá. Tal comu tán les coses, el gallu montés desapaecerá enantes del añu 2020. Vive nes viesques de coníferes, más abiertos, con fueyes que pueden proporciona-y comida tol añu. Ye la gallinácea más corpulenta d´ Europa, fai vuelos cortos y con gran ruíu. Ye sedentariu y lleguen a vivir hasta 20 años. Vive nos bosques de fayes, carbayos y bedules asturianos. Aliméntase de felechos, brezos, de los brotes tiernos de fayes de les cañes altes, flores de plantes, larves, insectos, fueyes de carrascu, "arándanos", servales, abellotes, etc. El corteyu entama a finales de febreru y a finales de mayu ye el momentu más culminante, el machu fai una danza circular en suelu, alredor de la hembra, nun puntu de reunión , onde los machos pónense gafos , dempués del apareamientu el machu retorna a la so vida ermitaña. El ñeru failu la hembra nel suelu, al pie d´ un árbol y en casu d´ apuru vase, cubriendo los güevos de tierra y fueyes. Polo xeneral sólo sal adelante un pitu y con suerte esnala a partir de los 15 ó 20 días d´ edá. Los pitos al pocu de ñacer vanse del ñeru y tapécense ente la vexetación.

TRABAYU FECHU POR

SARA , IVAN Y JUAN CARLOS


EL LLOBU Los llobos miden ente un y dos metros y el so collor pue ser de blancu a prietu, con combinaciones de oru, marrón y roxu. Una camada de llobinos pue ser de munchos collores. Los colmillos d` un llobu puen midir hasta 6 cm. de llargu. El llobu vive de 6 a 12 años dentro d` un territoriu establecíu. Los llobos son animales persociables. Viven, viaxen y cacen en grupos mui organizaos, normalmente de 6 a 12 animales. Cada grupu tien una pareya dominante, el machu domina a los machos y la fema a les demás femes. Los llobinos tomen sólo lleche durante un mes y lluéu comen comida pre-dirixida por otros miembros del grupu. A vegaes los cachorros llevanten una patina pa pidir comida. Cuando los cachorros son tovía mui pequeños, otros llobos de la manada facen de "niñeres", cuidando a los pequeños cuando la ma va a beber agua, facer exerciciu o facer les sos necesidaes.

Los llobos tienen munches formes pa comunicase a través d´ aullíos, gruñíos, lladríos, golor y llinguaxe del cuerpu. Usen la cola pa tresmitir fuerza, sumisión, agresión y miéu. Los llobos usen los sos aullíos pa anunciar su presencia y avisar a los foriatos. Tamién los que formen el grupu aúllen pa localizase un a otru cuando tán lloñe. Algunas persones creen que los llobos facen el so famosu aullíu simplemente pa divertise.

TRABAYU FECHU POR: ALBA, MARÍA Y MIGUEL


EL OSU PARDU El osu ye un de los animales más grandes - los machos pueden llegar a pesar hasta 780 kg. El su pesu varía según la estación del añu - na seronda pesen muncho más que na primavera. Esto ye porque durante la seronda comen munchu pa lluéu sobrevivir ensin problemes la hibernación durante l´ iviernu. El cuerpu mide ente 172 y 284 cm y el rabu de 6 a 22 cm. Viven ente 20 y 25 años. Normalmente los osos tan siempre solos, exceutu les hembres que viven con los sos esbardos.

L´ esbardu ye el más pequeñu de toles críes de los mamíferos en comparación col pesu de les sos mas. Cuandu ñacen, los esbardos pesen sólo unos 350 gramos. Les hembres suelen parir ente 2 y 4 esbardos y estos tan cola ma de 2 a 4 años antes d´ independizase. Aliméntense de yerba, raíces, insectos, pescáu, fruta y pequeños mamíferos. Gústa-yos muchísimo el salmón.

Nun ye fácil contar los osos d´ un territoriu. Ye una especie forestal, difícil de ver y en xeneral ye imposible estremar unos individuos d` otros. Pa evaluar la su población, lo más recomendable ye contar el númberu de oses con críes, ya que tan más tiempu en territorios más delimitaos y facen desplazamientos de menor alcance, lo que facilita la so diferenciación.

TRABAYU FECHU POR JAVIER, JORGE Y FRANCISCO


EL RAPOSU El raposu (Vulpes vulpes), amás d` astutu ye intelixente (como bien recueyen cuentos y fábules populares y cultes), ye un de los predadores más afortunaos. El progresivu retraimientu d` osos, llobos y águiles, causáu pol home, eliminó tolos enemigos naturales, beneficiándose asina de la comida qu´ esti deshecha y abandona nos vertederos. Tá dotáu d` un guapísimu pelaxe roxu, rematáu con una soberbia cola empenachada, cualquiera que lu viere nun escaez la so imaxen. Amás, los güeyos oblicuos , de color miel, el so focicu afiláu y les sos oreyes tieses ,dan-y una guapura pocu usual . Los sos sentíos tán extraordinariamente desarrollaos , n` especial el del olfatu que ye agudísimu y permite-y salvase de les trampes y cepos que el home-y pon, facilmente. La so actividá entama al tapecer y dura tola nueche hasta l`arborcer pero nun ye raru atopalu, pol día , n´ aquellos llugares tranquilos, onde l´ hombre xeneralmente nun merodea .El so territoriu ye d´ unos 4 km2 y tá perfeutamente delimitáu por señales de olor , reconocíes perfácil por otros individuos , o mismamente pol home , ya que el su olor ye mui penetrante. D`otra miente, ye común que varios individuos compartan un mesmo territoriu, sin provocar na más que breves escaramuces. El celu entama nel mes de xineru: los machos peléense poles hembres hasta que se xunten les pareyes ,echando asina a los demás machos . La hembra escava , entonces, una cubil percuriosa con escapes o salides de emerxencia y qu´ usará durante años si nun ye molestáu o descubiertu. Na primavera , pare 4 ó 5 críes. Durante 4 selmanes son alimentaes por la lleche de la ma , creciendo rápidamente; ye entonces cuando apaecen pola entrada de la madriguera , sin alexase y entamen a xugar ensin parar , siendo esti un de los meyores y más guapos espectáculos de la naturaleza. Al pocu tiempu , acompañen a so ma nes correríes hasta que abandonen la madriguera y entamen a preparase pa ser el animal meyor adaptáu de la nuestra fauna .

TRABAYU FECHU POR ALEJANDRO Y NAHUEL


EL SALMÓN Son pexes clupeidos que tienen una enorme importancia económica a pesar del reducíu númberu d´ especies. Tán difundíos poles agues dulces y salaes, fríes o templaes del hemisferiu norte. Tienen el cuerpu allargáu, fusiforme, con numeroses escames mui implantaes na piel, que ye mui resbaladiza. Esta familia comprende el salmón y la trucha en sus diferentes variedaes, toes elles pues pescase nos ríos asturianos. El salmón propiamente dichu ye un típicu pez migrador. A los 3 ó 4 años abandona les agues marines y remonta les agues de los ríos europeos, onde va a reproducise, superando con tenacidad los numerosos ostáculos qu´ alcuentra. Los alevines permanecen 2 ó 3 años nes agues dulces y lluéu baxen a la mar. Ente les variedaes de los salmónidos tán el salmón del Atlánticu el salmón del Pacíficu, la trucha común, trucha arco iris, trucha alpina, etcétera. Dende tiempos inmemoriales, el salmón del Atlánticu protagoniza un popular espectáculo n´ Escocia. En esta época podrás velos nalando corriente arriba.

N´ Asturies el primer salmón que se pesca na temporada llámase “el campanu” ye un exemplar que tien un gran valor ente los aficionaos a la pesca y gran valor económicu nos meyores restaurantes de la capital. Los principales ríos salmoneros d`Asturies son: Narcea, Sella, Nalón, Cares, Esva y Eo.

TRABAYU FECHU POR RUBÉN Y MARA


FAUNA D´ASTURIES