Issuu on Google+

r u g n u r ð

103 i ð r æ miðlaf

jöl F ð a l ttab

ölubl t . é 1 , r r F u rgang á . 3 , 9 0 Vor 20

Ritstjórn: Axel Ingi Árnason, Bjarni Þórodsson, Gréta Kristín Ómarssdóttir, Sindri Geir Óskarsson, Þorvaldur Örn Davíðsson.

Hönnun og umbrot: Sindri Geir Óskarsson, Þorvaldur Örn Davíðssson


Fíkniefnaleitarhundur velkominn í skólann Skólaráð veitti á síðustu önn Lögreglunni á Akureyri leyfi til að koma með fíkniefnaleitarhund til að lykta af nemendum innan skólans og finna vímuefni, ef einhver eru. Reglulegar heimsóknir eru gerðar í skólum á borð við Fjölbrautarskólann í Breiðholti, engin efni hafa þar fundist. Aðeins ein fíkniefnaleit hefur verið gerð hér í MA og fundust engin efni, og búast má við sömu niðurstöðu úr öðrum heimsóknum. Lögreglan hefur unnið mikið og gott starf að undanförnu í baráttunni gegn útbreiðslu eiturlyfja en mikilvægt er að standa vörð um þau gildi sem skólasamfélagið heldur uppi, einnig er mikilvægt er að sitja ekki gagnrýnislaus hjá þegar vegið er að friðhelgi nemenda. Þessi ákvörðun Skólaráðs hefur fengið misjafnar móttökur. Sumum finnst í besta lagi að fíkniefnaleitarhundur komi og lykti af nemendum í sínum athafna- og griðastað, jafnvel þó sumir séu ólögráða. Öðrum þykir ákvörðunin ekki vera í takt við þá „vímulausu” ímynd sem skólinn hefur státað sig af. Einnig má gagnrýna þessa ákvörðun í ljósi þess að enginn forvarnarfulltrúi er starfandi við skólann en í því felst ákveðin tvískinnungur . Sumir gamalgrónustu kennarar skólans fordæma þessa ákvörðun á grundvelli menningar hans. Í flestum framhaldsskólum er skólastofum læst í frímínútum, en hér í MA skilja flestir kennarar þeirra hafurtask eftir þegar þeir sækjast kaffisopans. Í kvosinni skilja nemendur gjarnan eftir fartölvur sínar og skólabækur eftir í fjarveru sinni. Menning skólans er traust. Traust sem verður að vera gagnkvæmt, milli nemenda og starfsmanna. Um leið og traustið hverfur úr skólanum rofna þessi tengsl og skólinn tekur á sig iðnaðar-gráan lit. Að sjálfsögðu leynast svartir sauðir innan hvers hóps en fara ætti með gát í svo afdrifaríkar aðgerðir sem hafa það eitt í för með sér að grafa undan einkennisorðum skólans Virðing, Víðsýni og Árangur. Hversu miklu frelsi eru einstaklingar í lýðræðissamfélagi tilbúnir að fórna í slíka aðför sem hefur svo takmarkaðan ávinning eins og raunin er. Þessi ákvörðun er liður í því að færa skólann í ópersónulegra umhverfi sem er ekki samkvæm glansímynd hans. Burtséð frá þessum skoðunum má samt segja að heimsóknir lögreglunar birti ranga og óréttláta mynd af MA-ingum því þeir hafa svo sannarlega ekki unnið til. Þorvaldur Örn Davíðsson


Leynimakk bakvið tjöldin?

Eins og allir vita þá verður útskriftarferð hjá okkur þriðju bekkingum núna í september. Þess vegna höfum við þurft að standa sjoppuvaktina í frímínútum og hádegishléum vetrarins og selja lakkrís, kaffi og klósettpappír til þess að afla fjár fyrir þessa ferð svo að hver og einn þurfi nú að borga sem minnst. En nú í febrúar, heilum 7 mánuðum áður en það á að leggja í hann, þá eru við látin skrifa af eða á á 100% bindandi lista um það hvort að við ætlum að fara í ferðina eða ekki. Hefði ekki verið hægt að bíða með þennan lista í tvo mánuði í viðbót? Hefði þá ekki frekar verið hægt að áætla hversu miklu okkur tækist að safna og í þokkabót vitað betur hvernig ástandið í þjóðfélaginu væri. Með hliðsjón af gengi krónunar og þess háttar. Þegar maður vissi þetta datt manni í hug leynimakkið við yfirtöku ríkisins á Glitni. Öllum var haldið í óvissu þangað til það var búið að taka ákvörðunina. Eru þetta ásættanleg vinnubrögð? Ég veit ekki með ykkur en mér finnst það ekki. Okkar ástsæla þriðjabekkjarráð ber það fyrir sig að ferðaskrifstofan geti ekki gefið þeim tilboð nema að vera búin að fá nákvæman fjölda nemenda sem ætla í ferðina. Mér finnst þetta samt frekar hæpið. Ég hef velt því fyrir mér að þegar maður hefur verið að fara í hópferðalög í gegnum tíðina þá hefur maður ævinlega fengið drög að kostnaði miðað við áætlaða stærð hópsins. Af hverju er það ekki hægt í þessu tilfelli? Við því er sennilega ekki til neitt einfalt svar og hefur ferðaskrifstofan sínar ástæður fyrir þessu fyrirkomulagi. Það er eflaust hægt að finna fjölmargar skýringar, og kannski eru þær allar jafn réttar eða allar jafn rangar. Ein

þeirra gæti verið slæm staða íslenskra fyrirtækja og dökkar horfur í íslenskum efnahagsmálum, en það er ekki hægt að svekkja sig á þessu endalaust. Þetta er bara svona og við verðum bara að lifa með því. Ég hef heyrt það á samnemendum okkar að það eru ekki allir á eitt sáttir með þetta fyrirkomulag og ég alveg sammála þeim. Nú er mál að hætta þessari neikvæðni þar sem þessi grein er farin að styttast í annan endann og hrósa þriðjabekkjarráðinu fyrir það sem mér finnst að þau eigi hrós skilið fyrir. Í fyrsta lagi vil ég þakka þeim fyrir það að vera tilbúin til þess að vinna að undirbúningi þessari útskriftarferðar okkar í sjálfboðavinnu. Fyrir utan það að vera í fullum skóla og vinnu bætist það við að þurfa að skipuleggja fjáröflun fyrir útskriftarferðina okkar. Það er ekki starf fyrir alla. Þessi hópur á skilið allt það jákvæða umtal sem hann hefur fengið og meira en það. Útfrá þessari grein er hægt að skilja það að ég sé óánægður með störf þriðjabekkjarráðs í vetur. En svo er aldeilis ekki. Ég er mjög sáttur með þeirra störf og er viss um að ég hefði ekki náð að gera betur. En það er þetta litla atriði með þennan 100% bindandi lista í byrjun febrúar sem mér finnst rétt að gagnrýna. Annars vil ég þakka ykkur sem nenntuð að lesa þessa grein til enda og vona að umræða skapist í framhaldinu.Þá hef ég náð því fram sem ég vildi með þessari grein.

Ari Hólm Ketilsson 3. G


r i ð u a s vartir

S Sú bylting sem nú stendur yfir í þjóðfélaginu hefur ekki staðið mjög lengi, en á þessum vikum síðan búsáhaldabyltingin hófst hefur ýmislegt áunnist með mótmælum. Þau hafa farið fram um land allt, en verið einna mest áberandi í höfuðborginni. Flestum kröfum mótmælenda hefur verið mætt og oftast hafa mótmælin farið friðsamlega fram, en því miður eru svartir sauðir innan allra hópa. Fyrst ber að nefna þá sem mótmæla á rangan hátt. Það er til dæmis ekki mótmælendum til framdráttar að einhverjir kasti múrsteinum eða gangstéttarhellum í lögregluna, fólk sem gerir slíka hluti á ekki heima í hópi friðsamra mótmælenda. Það sem er ekki heldur gott er það að krakkar í kringum fermingaraldur nýti tækifærið og fái útrás meðan að á mótmælum stendur – þau hafa ekkert að gera þarna nema í fylgd með einhverjum sér ábyrgari. Það er svo hægt að deila um það hvort það sé gott eða slæmt að kveikja elda, en var ekki að minnsta kosti komi tími á að losna við þetta tré úr miðbænum? Í öðru lagi hafa þónokkrir lögreglumenn gert sig seka um athæfi sem þeirri stétt er ekki boðlegt. Því miður virðist sem svo að sumir einstaklingar innan lögreglunnar taki hlutina afar persónulega, eins og til dæmis sá sem snappaði þegar ljósmyndari tók af honum sárasaklausa mynd. Ljósmyndarinn var handtekinn og myndavélin gerð upptæk, kortið formatað og honum sleppt aftur innan nokkurra tíma. Hann var síðan ekki lengi að ná myndinni aftur og birta hana á netinu til að sýna hversu bjánalegt þetta var af lögreglumanninum að bregðast svo hart við.

Einnig er erfitt að skilja afhverju ljósmyndarar og myndatökumenn fréttamiðla eru slíkir þyrnar í augum lögreglunnar, þvi að þeir voru gasaðir án afláts í alþingisgarðinum 20. janúar s.l. En það má samt ekki gleyma því að þetta eru einungis svartir sauðir, og það má ekki dæma alla stéttina út frá hegðun þeirra. Lögreglan hefur sýnt fádæma þolinmæði, eins og þegar hún stóð aðgerðarlaus þegar skyri rigndi yfir hana. Einnig er vert að minnast á það þegar mótmælt var í Seðlabankanum og Geir Jón einfaldlega talaði við fólkið og fólkið talaði á móti. Á endanum lauk mótmælunum án þess að grípa þyrfti til úðabrúsa eða múrsteina.

Að lokum er ekki annað hægt en að tala stuttlega um sauðina í seðlabankanum, því miður virðist einungis einn stjórnenda þeirrar ágætu stofnunar vera með einhverju viti. Það er erfitt að réttlæta það að fara ekki eftir því sem yfirmaður þinn biður, samanber svar Davíðs Oddssonar við bréfi Jóhönnu Sigurðardóttur, en það hlýtur að vera útskýrt með því að seðlabankastjórarnir séu með vit, kjark og manndóm á við sauði.

Stefán Erlingsson 3. G


Þegar skammdegið er búið að draga mann niður í þunglyndi og maður er sokkinn svo djúpt að ekkert lítur út fyrir það að maður komist einhvertíma úr þessu ástandi, þá verður mörgum hugsað til sumarsins. Íslenskt sumar er dásamlegt. Bjartar nætur. Stillt og fallegt veður, þó kemur fyrir að rigning og rok láti sjá sig og þá aðallega á Suðurlandinu, en við erum nú einu sinni komin af víkingum svo að við látum ekki smáræði eins og það á okkur fá. Það verður spennandi að sjá hvernig næsta sumar á eftir að reynast Íslendingum. Þá kjósa eflaust margir að halda sig innan við landsteinanna frekar en að sleikja sólina á Spáni eða í öðrum framandi löndum. Júnímánuður er gleðimánuður í augum margra, þá klárast skólinn og sumarfríið tekur við. Hjá flestum tekur þó við sumarvinna og er um að gera að ákveða hvaða helgar menn skuli taka frá í sumar til að fara á hinar ýmsu hátíðir sem einkenna Íslenskt sumar. Lýðveldisdagur okkar Íslendinga eða 17.júní er einn helsti viðburður mánaðarins. Sá dagur er merkisdagur í lífi MA-inga þar sem brautskráning er þennan dag, sem og á sama tíma koma einnig gamlir stúdentar, og halda daginn hátíðlegan ásamt vinum og kunningjum. Undanfarin ár hafa Bíladagar á Akureyri einnig verið haldnir þessa sömu helgi. Ein helsta hátíð júlímánaðar er LungA. Komin er dagskrá fyrir hátíð næsta sumars (2009) en hún verður haldin frá 13 til 19.júlí. Þar er hægt að taka þátt í allskyns smiðjum og svo eru margir sem fara bara á hátíðina fyrir þá frábæru tónleika sem eru ævinlega í boði. Ágústmánuður mundi ég segja að væri viðburðamesti mánuður sumarsins en þar spilar inní að Verslunarmannahelgin. Úr mörgu er að velja um verslunarmannahelgina en helstu staðirnir sem nefna mætti eru Þjóðhátíð í Vestmannaeyjum sem er alltaf vinsæl hátíð, Neistaflug á Neskaupstað verður sífellt fjölmennari, Hátíðarhöld á Akureyri hafa verið einkennandi fyrir gott veður undanfarin ár svo að margir leggja leið sína þangað, Síldarævintýrið á Siglufirði stendur einnig til boða og síðast en ekki síst er Innipúkinn sem haldinn er á NASA í Reykjavík en það er tilvalin hátíð fyrir fólk sem er ekki mikið fyrir að gista í tjaldi eða vill ekki hætta á leiðindaveður, þar sem hátíðin fer eingöngu fram innandyra. Menningarnótt í Reykjavík er haldin í lok ágúst en hún hefur verið árlegur viðburður frá árinu 1996. Er Menningarnótt stór atburður en talið er að um 100.000 manns mæti árlega. Svo er hægt að kalla Akureyrarvökuna síðasta viðburð sumarsins, þar sem skólinn tekur svo við stuttu eftir en hún er haldin í lok ágúst. Allir ættu að taka sér smá frí frá vinnu í sumar og skella sér á eina eða fleiri af þessum hátíðum því að sama hvað verður fyrir valinu ættu allir að geta fundið eitthvað við sitt hæfi!

H

ar

sk

eld

ah

va

ð?

Eyrún Inga Jóhannsdóttir 3.F


Löngufrímó Síðan ég hóf nám í MA hafa löngufrímó alltaf verið eins, hvern einasta dag, ár eftir ár. Busarnir sitja í norðurenda kvosarinnar, annar og þriðji bekkur fá sína bása, fjórðu bekkingar sitja í Suðurendanum og telja sig eiga skólann. Á veggnum fyrir ofan busana hafa íþróttatöffararnir komið sér vel fyrir og skoða þaðan úrvalið af busastelpunum ásamt því að hvíla lúin bein eftir átök gærdagsins, Í svala horninu sitja svo Bjarni Jónasar og félagar hver öðrum sóðalegri. Þeir spila þar Football Manager og eru með læti. Stjórnin og önnur félagasamtök biðja umsjónarmenn að koma inn í H8 á meðan Sverrir Páll röltir um og tekur myndir af liðinu. Ofan á þetta allt koma svo slæmu dagarnir þar sem Jón Már flytur gríðarlega uppbyggilegar og skemmtilegar ræður. Síðan ég hóf nám í MA hef ég setið á mínum stað og beðið eftir því að sá dagur komi að þetta glataða kerfi hrynji. Hversu gott væri það ef busarnir gerðu uppreisn og ef artí lið tæki sig til og tyllti sér í svala hornið hans Bjarna.

Þennan dag myndu fjórðu bekkingar líklegast missa stjórn á skapi sínu. Bjarni og félagar fengju loksins að nota byssurnar sínar eftir margra ára þjálfun, berja á artí liðinu og útkoman yrði stríð í kvosinni sem annar og þriðju bekkingar fengju að njóta. Sportararnir á veggnum myndu líklegast slást hópinn, njóta gleðinnar og hjálpa vinum sínum í svala horninu að yfirbuga artí liðið. Þessum degi bíð ég spenntur eftir og vona ég að busarnir taki sig til í andlitinu og geri uppreisn svo að löngufrímó verði einn daginn skemmtilegar. Höfundur er Þunglyndur.

Björn Ingason 3. G


Líf í löngu

Eins og önnin blasir við okkur núna mætti segja að félagslífið væri ekki alveg á sínum hæsta tindi. Þá er ég alls ekki að fullyrða að það sé ekki gott, ég er bara að segja að það gæti verið betra. Samstaða okkar menntskælinga sem fyrir löngu náði frægum titli, í Gettu Betur og líka Morfís fær ekki að njóta sín þetta árið. Að vísu halda aðrir árlegir atburðir sínu striki, eins og söngkeppnin, Stiðarvaukur og Viðarstaukur og ekki síst uppfærsla leikfélags MA á söngleiknum Kabarett. En væri ekki hægt að fylla upp í þetta félagslega skarð með því að nota tímann þar sem við öll þjöppum okkur saman í kvosina okkar og gæða þessar 20 mínútur lífi? Hljómsveitir geta spilað, hljóðfæraleikarar, nemendur með málefni, leikhópar geta komið með einn góðan spuna eða þá kvikmyndagerðamenn geta sýnt eina stuttmynd. Allavega þykir mér það frekar litlaust að þessar frímínútur einkennist eingöngu af tilkynningum frá stjórninni eða 80’s tónlist. Aldrei á minni menntaskólagöngu hef ég séð nokkurn nemenda rakkaðan niður fyrir að koma efni sínu eða hæfileikum á framfæri. Allt er mögulegt og allt er skapandi, nemendur í tómatabúningum, legó útgáfu af King Kong, hvað sem er. Söngsalir mega náttúrulega aldrei deyja út, allir fyrstu bekkingar eiga að fá að kynnast þessu

týpíska, flotta félagslífi sem einkennir MA. Auðvitað er það synd og skömm að fá ekki að fara í neinar stuðningsferðir suður en það er ekkert annað að reyna gera sem best úr ástandinu. Ef ákveðna daga í viku væru einhverjar uppákomur, af einhverju tagi, þá myndi fólk ekki hika við að láta sjá sig í löngu. Síðan gæti einhver skemmtileg uppákoma snemma að morgni verið góð byrjun á löngum skóladegi. Ég meina hvenær væri Þorlákur Axel ekki til í að troða upp sem Láki Funk í örfáar mínútur? Hann myndi hugsanlega geta toppað Herbert, hver veit. Ég veit allavega að ég myndi vera með bros yfir andlitinu það sem eftir væri dags. Það gæti vel verið að sumir séu bara týpurnar sem vilja bara fá að borða nestið sitt í friði, hálfsofandi undir hettunum á peysunum sínum, en það hlýtur nú að vera minnihluti. Það er okkar verk að fylla uppí þessa eyðu í félagslífinu, hvort sem það sé með skemmtiatriðum í löngu eða með einhverjum örðum hætti. En mitt álit er það að löngu sé góður vettvangur.

Ninna Rún Pálmadóttir 3.H


Að ferðast ódýrt

Stór hluti nemanda ákveður að fara ekki beint í skóla eftir stúdent heldur taka sér frí til að vinna eða læra. Vegna ástandsins í dag gætu þó margir farið að endurhugsa hugmyndina um að ferðast, enda ekki ódýrt fyrir Íslendinga að fara á flakk í útlöndum. Það eru samt fullt af leiðum til að ferðast á ódýran hátt og vinna í skiptum fyrir mat, húsnæði og reynslu. Það eru allskonar sjálfboðaliðastörf í boði í dag og oft fyrir góð málefni. Þar sem það er oft mikið ferli að taka þátt í slíku hvað varðar tryggingar og annað getur þáttökugjaldið orðið frekar hátt. Samtökin Wwoof (wwoof.org) hjálpar einstaklingum að finna sér sjálfboðavinnu á sveitabýlum sem sérhæfa sig í lífrænt ræktuðum afurðum þeim að kostnaðarlausu. Hljómar kannski ekki alltof spennandi en framboðið er ótrúlegt og í flestum löndum heimsins. Það getur verið einn einstaklingur að vinna í einu og upp í nokkra tugi einstaklinga. Vinnutímarnir eru oftast ekki langir og matur og gisting er innifalin. Help Exchange (helpx.net) er svipuð samtök en þau bjóða upp á fleiri möguleika en þá að vinna á sveitabýli. Þar er í raun hvað sem er í boði; vinna á gistiheimilum, þrif, barnagæsla og svo framvegis. Fyrir þá sem hafa áhuga á því að kynnast menningu lands og fólki þess betur en bara með því að vera túristi eru þetta mjög flott tækifæri. Couchsurfing (couchsurfing.com) er örugg síða þar sem gestrisið fólk býður ferðalöngum upp á gistingu heima hjá sér að kostnaðarlausu. Ef þú ert notandi á síðunni getur þú flett í gegnum fullt af fólki sem býður upp á gistingu í einstökum borgum. Það er samt ætlast til að fólk líti á þetta frekar sem tækifæri til að kynnast öðrum en að fá fría gistingu. Það er líka hægt að hitta innfædda og fá sér kaffi eða drykk og kannski smá skoðunarferð um borgina eða bæinn. Á heimasíðunni er líka spjallborð með mörg hundruð hópum sem inniheldur upplýsingar um nákvæmlega allt sem þú þarft að vita sambandi við ferðalög. Þeir allra hörðustu sem stefna á heimsreisu eftir útskrift geta fundist flugfargjöldin til annarra heimsálfa frekar há. Þess vegna eru í boði svokallaðir „kringum jörðina“ miðar, fáanlegir hjá flugfélaginu Star Alliance og Oneworld. Þar velur viðkomandi eina borg sem brottfarar og komustað og það er hægt að stoppa þrisvar til fimmtán sinnum á leiðinni. Rúmlega 150 flugvellir eru í boði. Eini gallinn við þennan kost er að ferðin verður að vera skipulögð nákvæmlega áður en þú ferð af stað, en sumum finnst betra að ákveða næsta viðkomustað á meðan ferðalaginu stendur. Þessir hringmiðar geta kostað nokkur hundruð þúsund en margborga sig eins og ástandið er í dag. Einhverjir hafa líklega hugsað sér að flytja til útlanda til að fara í nám eða bara vinna og þá er fínt að vera búin að finna sér einhvern samastað áður. Heimasíðan Craiglist eru alger gullmoli þar sem nánast hver einasta stórborg í heiminum á sínu undirsíðu með auglýsingum um húnæði, vinnu og hvað er í gangi hverju sinni. Gumtree er síðan breska útgáfan af Craiglist en er samt með einhverjar undirsíður fyrir borgir utan Bretlands. Oft eru í boði herbergi eða íbúðir bara yfir nokkrar vikur eða mánuði. Marta Sigríður Róbertsdóttir 3. F


Gettu Betur hneykslið Eins og flestum nemendum hér við Menntaskólann á Akureyri ætti að vera kunnugt nú þegar þá er Gettu Betur lið okkar dottið úr leik í lokaumferð útvarpsins þetta árið. Ekki einungis er þetta súrt að við (nemendur skólans) komumst ekki með besta klapplið allra menntaskólanna í beina útsendingu sjónvarpsins heldur er það afar umdeilt hvernig úrslit fóru en þau úrslit sem voru látin standa voru MA 22 – 23 FS eftir bráðabana sem margir vilja meina að hafi aldrei átt að eiga sér stað. Þegar langt var á liðið á keppni, það langt að keppni var lokið og sigur okkar sýndist vera í höfn þá tilkynnti umdeildur dómari keppninnar, Davíð Þór Jónsson, að FS-ingar virðast hafa svarað spurningu fyrr í keppninni rétt eftir að lagt hafi verið sömu spurningu fyrir einn helsta stærðfræðing landsins til að staðfesta svarið við spurningunni hvað sú tala nefnist sem segir til um hversu hægt eða hratt fall er vaxa í tilteknum punkti. FS-ingar svöruðu réttu svari, hallatala, en þarna má setja spurningarmerki við það að hringt sé í aðila sem ekki að keppninni standi. Hvert er hlutverk spurningarhöfundar og dómara ef þeir geta ekki svarað eigin spurningum og til að bæta gráu ofan á svart var umdeildur Davíð Þór búinn að segja í beinni setningar eins og „ég ætla bara að sitja á þeim svörum sem hér voru komin á blað“ og bætti Eva María (spyrill) því við „þetta er bara eins og hver annar fótboltaleikur, dómarnir standa á meðan leikur stendur yfir og ekki er dæmt eftir á“. En allt kom fyrir ekki og dómnum var breitt þannig grípa þurfti til bráðabana. Því miður var þetta ekki eina umdeilda dómgæslan þetta kvöld og ekki sú umdeildasta. Í næstu spurningu á eftir er spurt um fjall sem heitir Tálkni (ekki Tálknafjall). FS-ingar, alls ekki vissir með svarið, giska út í loftið á svarið Tálknafjall. Davíð þór bregst við með þessum afar yggjandi

orðum „fjallið heitir TÁLKNI (sagt mjög skýrt), en ég held að Tálknafjall.. geti hérna... það hlýtur fjandakornið að hérna (stamar a-ið nokkrum sinnum) gilda sem rétt svar“. Langar mig hér fyrst að vitna í reglugerð Gettu Betur. 16. Úrskurðarvald dómara. Ríkisútvarpið mun eins og jafnan áður kappkosta að svör við öllum spurningum séu óyggjandi. Svörin eru staðreynd með upplýsingum frá fyrstu hendi eftir því sem tök eru á. Allt spurningaefni er skoðað ofan í kjölinn af spurningahöfundi, dómara, spyrjanda og dagskrárgerðarfólki. Svarið Tálknafjall er afar yggjandi og að margra mati óásættanlegt. Í þessu tilviki var greinilega spurningarefnið ekki skoðað ofan í kjölinn, allaveganna ekki eins og með hallatöluspurninguna þar sem var gripið til þess snjallráðs að leggja hana undir stærðfræðing. Ég spyr mig, af hverju var þetta svar þá ekki lagt undir landfræðing, íslensku kennara eða prófað að fletta upp á orðinu í orðabók? Þetta nýyrði er ekki til staðar. Stigavörður keppninnar (Ásgeir Erlendsson) reyndi að réttlæta þetta á heimasíðunni gettubetur.is með því að vitna til fjallsins Hests sem að í daglegu máli er vitnað til sem Hestfjalls. En eins og honum var bent á þá er þetta dæmi ekki sambærilegt þar sem að Hestfjall er notað í daglegu máli en Tálknafjall heyrir ekki sögunni til. Einnig má minnast á að t.d. Hvassafell og Hvassafellsfjall eru tvö mismunandi fjöll og væri því ekki gefið rétt fyrir annað ef spurt væri um hitt. En Ásgeir stigavörður var einmitt í liði Verzlunarskóla Íslands í úrslita viðureigninni árið 2006 þar sem Ásgeir og hans liðsfélagar voru kjöldregnir 34-22 og við tókum hljóðnemann heim norður. Ásgeir virðist ennþá vera eitthvað sár enda var hann með skítlegt glott á andliti sínu þegar hann var að draga til næstu umferðar í kastljósi og minnst var á að það vantaði MA í pottinn.


Hinn umdeildi dómari Davíð Þór svaraði bréfi inspectrix MA með sínu eigin bréfi þar sem að hann biður keppnislið MA afsökunar á því að hafa varpað fram spurningu um efni sem var svo langt handan hans eigin þekkingarsviðs að hann hafði engar forsendur til að vega og meta svarið sem fram kom á grunni síns eigin þekkingar. Einnig segir hann í sama bréfi að hann hafi einungis byggt ákvörðun sína um að nýyrðið Tálknafjall væri réttlætanlegt svar á málkennd sinni og tilfinningu sem að verður að þykja frekar yggjandi. Hann segist líka hafa hringt í vin sinn sem um árabil vann og bjó á Tálknafirði og sagði vinur hans við hann að dómgæsla Davíðs gæti orkað tvímælis sem enn og aftur gerir niðurstöðu Davíðs afar yggjandi. Þetta er ekki í fyrsta skiptið sem að við menntskælingar lendum í yggjandi klóm umdeilds Davíðs því að í keppninni MA - Verzló árið 2007 dæmdi hann okkur í óhag fyrir að segja

að franski þjóðsöngurinn héti La Marseille, þar þurfti að fá mjög nákvæmt svar, en það er La Marseillas. Annaðhvort eru endingar orða hættar að hrjá dómgreind Davíðs eða þá að sumir þurfa einfaldlega að vera nákvæmari en aðrir í svörun þegar að Davíð dæmir? Að lokum þakka ég þeim Gunnari, Svölu og Einari Bessa fyrir góða frammistöðu í báðum keppnunum, en maður vinnur víst ekki dómarann í neinni keppnisgrein. Hasta la Victoria!

Bjarki Kristjánsson 3.H


Lödrungur 1. tölublad