Page 1

Edishon #2

Dos a bai i dies a keda! Bo a para ketu i pensa ku ya kaba e di dos luna di aña a pasa asina lihé? Para ketu i tuma un momentu pa wak bek i reflehá. Dos luna a bai i dies a keda! Via Transishon tei atrobe i ta karga ku informashon interesante, bunita i balioso. Nos ke sigui enkurashá bo pa manda bo preguntanan, remarkenan i ideanan pa nos pa

Via Transishon | Ministerio di Tráfiko, Transporte i Planifikashon Urbano

asina nos por informá bo mas mihó na info.vvrp@gobiernu.cw. E via transishon aki lo kubri diferente tema interesante manera: - Workshop riba Seguridat di nos Haf - Domein ku tremendo eskurshon i training - ‘Media Offensief’ di C&V - Jenni: 35 aña den servisio di Gobièrnu!

1


Warda Kosta Merikano ku Workshop riba Seguridat di Haf na MAC Nos koleganan na Outoridat Marítimo di Kòrsou resientemente a risibí un training sumamente interesante serka Warda Kosta Merikano. E training tabata tokante seguridat di nos Haf i tambe partisipantenan a hasi un ehersisio di kon pa manehá emergensia. E training tabata for di 27 di febrüari te ku 1 di mart.

(CPS), Kuerpo Polisial i tambe Duana. E workshop a kubri kódigonan internashonal di Seguridat di Barku i Hafnan, responsabilidatnan di Warda Kosta, kon pa analisá riesgonan di seguridat i otro asuntunan di seguridat di haf manera entre otro seguridat di barkunan krusero. Direktor di MAC, Sr. Sierhuis, huntu ku e Kònsùl Merikano Sra. Valerie Belon a entrega sertifikado na tur e partisipantenan na final di e training. Durante di e seremonia aki Sra. Belon a enfatisá e importansia di e relashon ku tin entre e industria marítimo aki na Kòrsou i esun Merikano.

Huntu ku nos koleganan di MAC tabata tin tambe representantenan di Curacao Ports Authority (CPA), Refineria Isla, Kuerpo di Bombero, Curacao Drydock Company, Warda Kosta di Karibe Hulandes, Curacao Port Services

Via Transishon | Ministerio di Tráfiko, Transporte i Planifikashon Urbano

E training tabata un éksito total i e oportunidat tremendo pa sigui desaroyá e relashon entre warda kosta merikano i mundu marítimo di Kòrsou

2


Domeinbeheer ku tremendo eskurshon i training! Domeinbeheer rumbo pa ekselensia den un afan pa sigui tin bon laso di komunikashon i trabou interno, a organisá djaweps 21 di febrüari, un eskurshon kombiná ku teambuilding pa nos koleganan na Domein.

lunch, i a kontinuá parti atardi ku sekshon di Teambuilding. Durante di e training aki a repasá logronan di e aña ku a pasa, i fiha meta i direkshon pa aña 2013.

Meta di e dia aki tabata pa por duna tur empleado informashon tokante di proyektonan ku domeinbeheer ta trahando riba dje pa adelanto di nos komunidat.

E proyektonan ku nan a bishita, ku splikashon amplio di desaroyadonan ta: Piscadera Harbour Village, C-tex, Zen city , i Montaña abou.

Ku e salida aki, Domeinbeheer ta sigui duna importansia na un bon laso di komunikashon tantu interno komo eksterno i kontinuá ku motivashon di tur Domeiners, pa por sigui duna mas mihó servisio na komunidat, i sigui traha riba mas proyektonan pa nos komunidat.

Seguidamente e tim a sigui pa Amazonia pa einan nan topa ku Minister Balborda i Direktor di Sektor Sra. Gonzalez Manuel. Akinan nan por a disfrutá di momentunan sosial huntu durante

Via Transishon | Ministerio di Tráfiko, Transporte i Planifikashon Urbano

3


‘Media-offensief’ Komunikashon ta algu sumamente importante, tantu komunikashon interno komo komunikashon eksterno. Den e kuadro, aki i ku e medidanan ku ta introdusiendo, ta mas importante ainda pa gobièrnu komuniká di un forma transparente i komprendibel pa henter komunidat. Ta importante pa pueblo komprondé dikon mester tuma e medidanan i kiko e ta nifiká pa nos i pa Kòrsou den futuro. Riba petishon di Konseho di Minister, Komunikashon i Informashon (C&V) ta kuminsá ku un asina yama ‘Media-offensief’. Kiko ta ‘Media-offensief’? Mediaoffensief ta un strategia den kual un organisashon, den e kaso aki nos komo gobièrnu, ta aserka Medionan di Komunikashon na un manera hopi mas agresivo pa duna nan informashon di diferente tópiko relashoná ku maneho di gobièrnu. Aki ta trata di loke nos ta yama di un asina yamá ‘free publicity’. Kon e ‘Media-offensief’ lo bai ta? C&V a traha afsprak ku diferente medio di komunikashon pa, den un kantidat di talkshows durante henter siman, duna informashon.

Via Transishon | Ministerio di Tráfiko, Transporte i Planifikashon Urbano

Minister por skohe pa bai tambe, dependé e tópiko, ku un eksperto riba e materia. C&V den koperashon ku e Account Manager di Komunikashon di kada Ministerio huntu ku e kolaboradó PR di Minister ta traha e sitanan pa mandatarionan. Den kua programa Ministernan ta duna informashon? Por spera diferente Minister mas frekuentemente den programanan manera entre otro Bon Nochi Kòrsou na TeleCuracao FM, Kòfi i Notisia na CBA, Splendor di Dia na Radio Hoyer, Nieuwsweek na Dolfijn FM i hopi mas. Kon lo informá nos komo ámtenar? Den VVRP nos lo sòru pa abo komo ámtenar ta bon na altura di tópikonan aktual i importante via di emailnan titulá 'VVRP News' ku ta duna informashon. Mas informashon. Pa mas informashon, reakshon i/òf idea, bo por mail nos libremente na info.vvrp@gobiernu.cw. Nos tin hopi informashon kaba i ta ansioso pa kompartí esaki ku bo. Pues hasi uso di nos email adrès awe mes!

4


Jenny: Selebrando 35 aña den servisio di Gobiernu Nos tin diferente kolega ku ta selebrá kantidatnan grandi aña den servisio. Nos ta apresiá kada unu masha hopi mes! E biaha aki nos ke duna atenshon na un di nan ku ta masha konosí! Sra. Roxienne “Jenny” Albertina resientemente kumpli 35 aña di servisio komo un empleado públiko. Jenny ta konosí komo un kolega ku ta yuda, sostené i preokupá pa ku situashon di su koleganan. Ningun tipo di trabou no ta un problema pe, debí ku e ta siña i komprondé kualkier materia hopi rápido. Durante dje 35 aña di servisio e la funshoná komo kordinadó di diferente proyektonan, konsehero di vários mandatario, duna training komo fasilitado i trainer, i aktualmente e ta den e funshon di kolaboradó di maneho den e Ministerio di Tráfiko, Transporte Públiko i

Via Transishon | Ministerio di Tráfiko, Transporte i Planifikashon Urbano

Planifikashon Urbano. E la sigui masha hopi training i estudio, debí ku e ta kere ku un hende mester keda traha riba su propio desaroyo konstantemente. Su lema ta “ku nunka no ta lat pa siña”! E ta kere ku un hende no mester ta perfekto, pero si tin di traha pa logra “ekselensia i éksito” den tur loke e ta hasi”. E ta remarká ku kada hende mester sa ta kua ta su debernan i tambe su derechinan. Jenny ta konosí tambe komo un persona ku ta sirbi nos komunidat den su totalidat den diferente otro tipo di funshon. Di parti di Ministerio di Tráfiko, Transporte Públiko i Planifikashon Urbano nos ke felisitá Jenny ku su hubileo i ke yam’é danki pa tur loke e la nifiká pa Gobièrnu di Kòrsou i tambe nos komunidat.

5

VIA Transishon Februari 2013  

Newsletter di Ministerio di Trafiko, Transporte i Planifikashon Urbano

Read more
Read more
Similar to
Popular now
Just for you