Page 1

Le Foafoa o Samoa

email: lefoafoaosamoa@gmail.com

Aso Lua 08 Aperila 2014

Fa’alaeiau le Faamasino Sili e fa’aoga le fa’atofalaiga nai lo le fa’amasino.

Tusia: Le Foafoa o Samoa - Apia.

O

le tatalaina o le ofisa tutotonu a le faalapotopotoga a le Accredited Mediator Association of Samoa (AMSA) i Mulinuu ua faamalosiau atu ai foi ma lana afioga i le Faamasino Sli ia Patu Tiavaasue Falefatu Sapolu i tagata ina ia faaogaina lea auaunaga nai lo le taufetuli mai i le Faamasinoga e soalaupule

ai a latou mataupu. Na saunoa le afioga ia Patu, o le autu tonu o le faavaeina o le AMSA, ina ia mafai ai ona faatalanoa ma soalaupule mataupu a tagata nai lo le tau o lava i le faamasinoga e aumai ai se faaiuga. O le manatu a lana afioga, o le faatalanoaina o mataupu a tagata e tele ni famanuiaga e maua mai ai. E le gata e faia

lava e itu uma o le a talanoa lefaaiuga o se mataupu ae e mautinoa lava e manumalo uma itu e lua e ala ini maliega e ona taunuu iai sea mataupu. O le isi itu, e taugofie le totogiina o le tagata o le a fai ma soupu (mediator) i le va o itu o le a finau. O lea mau na saunoa iai le afioga i le Faamasino Sili, o se faiga e nonofo filemu ma fealofani ai foi itu e lua. Afai oni feeseeseaiga i le va o ni tagata faipisinisi po’o ni aiga ae o’o i luma o le Faamasinoga, e mautinoa, e amea ane lea faamasinoga ua malepelepe ai foi ma ia faiga paaga poo aiga. Ae a mafai ona faatalanopa ma soalaupule ma fefaaaliai mafuaaga e le fiafia ai le isi i le isi itu, e mafai lava ona teuteu i tua i ni maliega autasi iai itu uma o se faatalanoaga. Ae a o’o i le faamasinoga ia mataupu, e tasi lava le itu

e malo aua o le faaiuga o le a faia e le faamasinoga i lalo o le tulafono patino i se mataupu o loo finauina. O le tausaga ua mavae na faia ai aoaoga o i latou ua tofia e avea ma mediator e faatalanoaina mataupu i lalo o le taitaiga a nisi o aii ma tamaitai mai Perestania ma Ausetalia. O le vaiaso ua tuanai na faamuta ai le polokalame sa faatupeina e le faalapotopotoga a le

International Financial Funds ma o lea ua taatia atu loa i sui o le AMSA latou te faatautaia ma faataunuuina le faia o ia faatalanoaga. Na faaali mai e le Peresetene o le AMSA le afioga ia Maiava Visekota Peteru o i latou ua faauuina mo lea tautua e aofia ai loia, fomai, o tausi tusi ma soo se tagata lava ua maea aoaoina i lalo o le polokalame a le AMSA.

Lua moliaga fa’asaga i Paso le aiga i le mafuaga le alii fasioti tagata mai ua fa’amuta ai le soifua. Ulutogia.

E

lua moliaga ua molia ai nei le alii mai Ulutogia o Sua Mapu Pepa i lona tagatavaleina o nisi o alii o lona lava aiga i le masina ua mavae. E lei tuuina mai se tali a Sua pe na te ioe pe tete’e i ia moliaga ma ua toe tolopoina ai lea mataupu i le lua vaiaso o i luma. Na teena foi e Sua le poloaiga a le Faamasinoga ina ia faia se loia e tulai mo ia. Peitai, ona o le matuia tele o moliaga faasaga i le alii, o lea na faia ai e le Faamasinoga le poloaiga mo se loia e totogi e le Malo ae tulai mo Sua. Ua toe momoli atu nei o ia i le pasina i Tafaigata e talia ai lona toe tulai i luma o le faamasinoga. O le faalavelave o lo’o molia ai Sua lona fasiotia lea o ni alii se lua i le aso 07 Mati 2014 i Ulutogia lava. I le mau na tuuina mai e le ofisa o

L E

leoleo, o Sua na aafia i ni feeseeseaiga i le va ma i laua ua maliliu i le afiafi o le aso 06 Mati i Ulutogia lava. O loo masalomia o fanua ma tuaoi le mafuaaga o le pisa. Peit-

Sua Mapu Pepa ai, na maea ona toe teuteu lea feeseeseaiga i le afiafi lava lea. Peitai, na faateia leoleo i le pou i Lalomanu ina ua vili atu le aiga mo se fesoasoani ma o lea na faataalise atu ai loa ma logo mai le ofisa tutotonu i Apia. Taua e le Komesina Lagolago o le Matagaluega o Leoleo, o Sua na alu i fale o e ua maliliu ma

tagavaleina i lau ao loo momoe. O se tasi o nei alii na matua afaina lona faaii (tulou) ina ua sogi e Sua faapea foi ona ia tasogi i le si alii i totonu ao moe foi o ia. Taua e Fauono, o se tasi lenei o faalavelave matuia ua ia vaai iai talu ona tautua i le matagaluega. O nei gaoioiga na faia e Sua i le vaveao ma o le taimi lea ua gase le momoe e tagata. Ona o le tuga o le faalavelave aemaise le tulaga e ono o’o iai le soifua o le alii pe ana maua e tagata o le nuu, o lea na matua saili ai e leoleo le alii o Sua i lea lava vaveao ma auina mai loa ma taofia i lalo o le vaaiga a leoleo. Na fapea foi ona auina atu se alii fomai o le mafaufau na te iloiloina le mafaufau o Sua pe iai se faaletonu. O le aso 14 Aperila lea ua faamoemoe e toe vaalau ai lea mataupu

M I T A M I T A G A

O

Tusia: Le Foafoa o Samoa - Apia;

O

lo’o tu’ufesili pea mafaufau o le aiga o le alii na maliu i le vaiaso ua tuanai i le mafuaaga ua tupu ai lea mala i lo latou aiga. O lenei faalavelave o loo aafia ai se aiga o se alii loia iloga i Samoa ae tainane foi le sa avea ma Konesula o Samoa i atunuu i fafo. O le ua maliu o se alo faasino i lea alii loia. E tusa ai ma le molimau a se tasi e latalata i le aiga o le alii ua maliu, o lea alii e iai se gasegase e maua ai. O se tagata e le fiafia e auai faatasi i ni mea e tumutumu ai tagata ma e tele lava ina nofonofo i lona potu ma fai lava ana ia galuega. Peitai, o le aso lea na tupu ai le faalavelave, sa malaga tafafao ai ma se tasi o ona uso agai i Siumu. O le toe foi mai o lea tafaoga na omai ai ma malolo i le vaega tonu i Tiavi o lo’o tafe ai le afu (water) E faapea le tala , sa tuufesili le alii i lona uso poo le vaega foi lea na maliu ai se alii papalagi ina ua oso i le vanu lana taavale. Na umi se taimi o tutu ai i lea nofoaga ma taumafa a la

S A M O A

O

tapaa. Ina ua toe foi mai i laua i le fale i Malifa, na o lona uso na savali i totonu o le fale ae faalogo mai, ua toe ola le taavale. E oso mai fafo ua u atu tua o le taavale ua toe malaga agai i luga atu i Tanugamanono ma o lea na oso ai loa le uso o le alii i le isi taavale ma tuliloa le malaga a lona uso. E ui lava o lea na iloa atu le taavale a lona uso ae sa fai lava si saoasaoa o le malaga a le alii. I molimau a e na vaaia lea faalavelave, e lei tu le taavale ae na ona malaga atu lava agai sa’o loa i lalo o le vanu ma maliu ai lava. O le aso Tofi na sei mavae atu nei na falelauasi ai lea alii. O le lona lua ai lea o tagata ua maimau o laua soifua i lea nofoaga. O le tausaga ua mavae na os ai foi imlalo o le vanu lava lenei se alii palagi mai Amerika ina ua tulai mai ni feeseeseaiga ma ona matua. O lea alii ua leva ona aumau i Samoa ma ona matua ma e faia se pisinisi i Samoa nei.

A U S E T A L I A

2 1

Lefoa080414p21  
Read more
Read more
Similar to
Popular now
Just for you