Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 27/2010 - 17 de messel 2010 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Museum

8

aaaaa

A Nürnberg y Milan L Museum de Gherdëina va n tournée, almanco cun n valgun espunac. La scultura de Oswald von Wolkenstein a ciaval fata da bera Batista Moroder da Jumbierch ie da udëi te na gran mostra dl Germanisches Nationalmuseum a Nürnberg. D’autra mëndra vedla scultures à l Museum de Gherdëina mprestà per la Triennale dl Museo del Design de Milan.

Tëmp Liede

Autonomia ai ladins tl Comun General

Comentar de pruma

La nueva istituzion nasciuda ai 14 de messel te Fascia vegn conscidreda sciche n ejempl de strutura autonoma che podessa garaté per i ladins, sce ai à la vueia de colaboré soura i confins fora

Cajo Egartner

10

Olimpia te Gherdëina Tl 2013 uniràl metù a jì te Gherdëina la “Olimpiada de sport populer dl IVV”. Jì da mont su, jì cun la roda y nsci via, ma zënza vester sot a prescion y zënza messëi bater zachei.

Jogn

16

Kyrios a Salzburg Tl di dla Unité ladina esponenc da dutes les valedes se à abiné tla senta dl Comun General de Fascia per rejoné dles prospetives per l’autonomia ladina. (d.m.c.) Ivan Lezuo, Antone Polam, Luigi Chiocchetti, Silvano Ploner, Elsa Zardini, Cristina Donei y Marco Pizzinini.

Le cor de jogn à rapresentè Südtirol pro le “Bundesjugendsingen 2010”

Mostres

20

La vita te n jüch Te Istitut Ladin él gnü daurì la mostra “Yo-Yo” de Dumëne Comploi.

Porsones

22

Nos y Terence Hill Cirillo Clara y Giuvani Rubatscher joblenëia tl film “Un passo dal cielo”. Intervista

Teater

24

“Hotel Paradiso” Cun le tòch dla Familie Flöz dala Germania é pié ia a Al Plan le festival “Ater-te-ater”.

FassaBike

26

Co la roda su l’ert Intervista a Stefano Davarda de la sociazion FassaBike che à portà te Fascia la disciplina del downhill per dèr lèrga a n turism per joegn

Ala à cernù i 14 de messel, data storica y rica de significac per i ladins, la Procuradoura dl Comun General de Fascia, Cristina Donei, per l ensediament ofizial dla nueva istituzion autonoma de val. Na dezijion scialdi apriejeda da la Union Generela di Ladins y da la Union di Ladins de Fascia che à endrezé na debatuda tla senta dl Comun General a Poza per recordé i varesc fac dai ladins per chirì la reunificazion y per analisé les prospetives per l popul dles Dolomites, ence a la lum dl ejempl de chesta Istituzion che permet gran autonomia.

A daurì la enconteda, che à vedù la partezipazion de jent da dutes les valedes ladines, él sté l president dl’Union di Ladins de Fascia Silvano Ploner, che ti à lascé do la parola al vizepresident dl’Union Generela y reprejentant dl Comun de Mareo dr Marco Pizzinini, al dr Antone Polam, president dl Istitut Cultural Ladin Majon di Fascegn y president onorar dl’Union di Ladins de Fascia y a Ivan Lezuo, che à porté dant na relazion sota e articoleda sun trei conzec fondamentai per l davegnì di ladins: identité, unité y autonomia.

La presidenta dl’Union Generela di Ladins Elsa Zardini à laudé l livel de autonomia arjont dai ladins de la Provinzia de Trent, auzan fora les desferenzies de situazion anter i ladins y ala à recordé la gran emportanza dla tera, che l popul ladin mess cialé de mantegnì e no vene fora. Les Dolomites, patrimone dla Umanité, é nost gran patrimone, ma i messon recordé, y ne permete nia che la politica se desmentie, che chest patrimone ne é nia fat demé de crep, ma ence de jent, i ladins. va inant a plata 5

de Iaco Rigo

I recorënć ćianta devënta tl cajo Egartner (SVP) che lasciarà śëgn le consëi provinzial de Südtirol, deache al n’ess nia podü gnì lité aladô dla Curt de cassaziun. So avocat Brandstätter les à porvades dötes, ćina al’ultima istanza nazionala, por defëne so mandant, speran tl ultim gre a Roma che la Cassaziun vëighes ite la incongruënza danter i dui sistems de lita di consëis provinziai dl Trentin y de Südtirol che forma deboriada le consëi regional. Egartner é n cajo che fajarà strada, i caji sciöche chël de Egartner ne sozedarà nia plü tan atira. “Zënza licare n’él degun tort!”, chësc dit vel inće por düć i caji tla storia passada, olache degügn n’à presentè recurs por i fai, orüs o nia orüs. Y la negligënza che an podess capì? Na porsona intenzionada a ciapé tla politica ne po nia ester tan negligënta che ara se suravëiga süa posiziun de nia-litabilité. De te’ “politics” n’alda nia tla gran politica olache al vëgn tut dezijiuns importantes y fat leges che messass spo gnì respetades da düć.

Iniustizia “patentin” de Carlo Willeit Sauridanzes por le bilinguism, degöna por le trilinguism! L’ultima norma de atuaziun al statut de autonomia sön le bilinguism va tlermënter cuntra la sconanza dla mendranza ladina, cuntra la scora y le lingaz ladins. Degügn o massa püć dij ćiamò val’ canche al vëgn fat val’ de falz y de dann por i ladins; chësc é le cajo dla ultima norma de atuaziun söl bilinguism. Le ladin, la scora ladina, le trilinguism vëgn indöt ignorà, no ma da Roma mo inće dai amisc da Balsan. La comisciun dai sis che à laorè fora la proposta é metüda adöm da 3 todësc y trëi taliagn, düć che conësc nosta realté. La scora ladina de vigni sort y grandëza é la sora bilinguistica y trilinguistica y śëgn van a ti „scinchè“ le bilinguism a taliagn y todësc, a chi che à scores monolinguistiches. va inant a plata 2


Letres y Atualité

nr. 27 / 17 de messel 2010

Da les zentrales de partic politics y listes

Lîtes de comun

Durnwalder y le daz söi jus Al é oramai tler che i ladins n’ô degun daz, mo ô chirì d’atres soluziuns por smendrì le trafich sön i jus! La stlüta por val’ ores al dé a na moda da pormëte l’anuzamënt di jus por n turism plü sostenibl é la proposta che va por la maiù pert! Al é tler che por i residënć mëssel gnì garantì le transit. L’afrunt dl presidënt dla junta provinziala, che ô tres mëte sö le daz é n afrunt ti confrunć di ladins. Politicamënter él na proa por odëi tan che la SVP Ladina cunta a Balsan. L’introduziun a forza dl daz sön i jus, tan inant che Durnwalder sarà bun da portè tres chësta proposta, dess inće

fà ponsè sura i ladins de tan debojëgn che ai à de na maiù autonomia tles dezijiuns.

Nia fà marketing cun l’inom Dolomiti La proposta presentada al Parlamënt por mudè l’inom dla provinzia de Belun te Belluno Dolomiti, dijon danter l’ater che cun chësc gniss chësta provinzia identificada sciöche la provinzia dles Dolomites, n’é nia da azetè. De te’ propostes mëss gnì concordades danter dötes les provinzies. Implü ne dess nia l’inom Dolomiti gnì strumentalisé da n valgügn por fins de marketing.

An dess se cruzié deplü dl popul che vir tles Dolomites, di ladins y di problems de chisc, che mëss vire despartis danter trëi provinzies.

Indenité de trilinguism Al personal che laora fora dles valades ladines tl’aministraziun publica ne ti vëgnel nia paié fora l’indenité de trilinguism. Chësc é n dërt che ti speta. Ladins Dolomites se damana che la Junta Provinziala mëtes a desposiziun les somes nezessares por paié fora la indenitè. Ladins Dolomites

Iniustizia “patentin” va inant da la pruma plata

Trat adöm pon descrì la regola nöia insciö: chi che ciafa na zertificaziun de conescënza dl talian o dl todësch, o de intrami, da pert de n istitut che corespogn tl cheder de referimënt europeich al livel de nüsc patentins A-B-C, ne à nia plü bria da fà l’ejam dl lingaz zertifiché. Danter chisc istituć ciafunse: le Goethe-Institut, la Società Dante Alighieri, plü zëntri universitars de linguistica y la uniun dles universitês popolares todësces. En n`atra strada por se sparagné l’ejam de bilinguism

A (cun düć chi dessot sambëgn) é fà la matura te na scora todëscia y l’universitè taliana o al contrar la matura de na scora taliana y l’universitè todëscia. Olà é mo mai la scora ladina y la zertificaziun dl ladin? Ignó! Ai somëia ćinamai stlüć fora expressis verbis (comma 9-quinquies). Olà é atlò i ladins cun söa imersciun totala, da pici insö, tl talian y todësch, cun de gragn sacrifizi y renuzies al lingaz dla oma, mo cun na formaziun bilinguistica sostanziala che vel dui iadi i zertificać dl cheder europeich? Sce i ladins n’ô paié lassura por gauja

dl tratamënt preferenzial di lingac y dles scores talianes y todësces, val debujëgn de na norma de autaziun integrativa, da fà con prescia, che reconësc la scora alta ladina ala per dla scora todëscia y taliana por le reconoscimënt dl patentin A tl lingaz dla o dles universitês y dl patentin B te vigni cajo cun la matura sora. Implü vala da ti reconësce al istitut universitar de linguistica da Porsenù la competënza da zertifiché la conescënza dl ladin ala per di atri istituć tl cheder de referimënt europeich.

miec „desfata“, feter na cossa sciche storicamënter „Waterloo“, ti tëmps dla vieres de Napulion, o canche i talians, sciche „campions n cëria“ à nce ëi messù udëi ite che la scuadra da duta chëla giames miliarderes, fova per unì batuda ora de ciamp da na puera Slovachia suvënz sotsvilupeda, che valova sun papier mé plutosc puech, y che l ne ti prufitova plu nët nia l fat de avëi da si pert, sciche „cë“ y trainadëur n bel gran Marcello Lippi, da n bel gran cuntrat y nsci dit „emolumënc “ scandalëusamenter tla stëiles. Monce la gran Ngheltiera, dessegur una dla nazions piunieres te chësc sport, tan amà sun dut l mond, à messù dut omla y descunseleda tré ite la coda do n resultat negatif de 0 a 4, ulache i „gran tudësc“ ova inò fat na si gran partida, y fat crëier a milions de si „fans“ che ëi ëssa plu dessegur abù nce la bona chertes per se maië ala fin la tëurta ntiera, per chëla che dut l mond se zera tan termënt, cun mans y cun piesc. Chësc fova mé n valgun caji de „pierses“ grandiëuses tl cheder dl gran „football“ europeich tradiziunel. Nëus spetadëures mesans: A vel maniera ti fej a n spetadëur mesan - y che ne n’ie nia laite te na sort de pascion stra-stramba o belau te na forma de malatia psicologica - mpue‘ mel l cuer, o l vënter, per uni scuadra che muessa la dé su, y che per una o l’autra gauja muessa jì ora de chël bel ciamp dala gran speranzes y

aspitedes „da paravis“, cun la partida perduda: nce sce duc si jugadëures à fat l mascimo, y ie sautei sciche mascins, cialova datrai ora sciche persones droghedes, y à, a vel’ maniera „suà sanch“!...datrai y purtruep nce te situazions ulache i gran „arbitradëures“ à udù mpue’ de massa, o povester nce mpue‘’ massa puech! No pa? A chi ne ti à pa nia fat na cërta mueia y gaujà n cër’ sentimënt de cumpascion y patimënt, canche chëla bela scuadra de de biei atlec dala „pel de culëur“, ch’i biei atlec dl Ghana, a messù pierder y finé si gran batalia sportiva, do che l se ova purtà pro chëla si „chance“ unica de pudëi fé mo chël gol tl ultimiscimo menut!?...y la gran Ghana fova iusta mo la ultima de chëla bela „scuadres africanes“! Ce gran muëia! Nsci ons tëut cumià da n gran sport mundiel nce cun na cërta legrima sun nosc uedli, nes dajan apuntamënt, o nes dijan n assudëi sportif inò te 4 ani: „sciani“, a dì de nosc ujins badioc!

Che i omi de comun da Corvara n’é nia stà bogn te tan de sentades da mëte la junta, chël desplej sigü, deache na bela figöra ne féjon nia, él pö le su comun de döt Südtirol che à ciafè n comissar. Mo chësc é n problem dla jënt da Corvara. Mo n valgönes conscidraziuns generales oressi injuntè a ći che é bele gnü scrit. - Ći porsones de na lista che va te junta, chë dezijiun mëss vigni lista instëssa podëi tó; degöna lista ne po i scrì dant chësc al’atra lista. Chësta regola democratica mëss valëi por düć. - Na lista che à na maioranza te consëi él tler che mëss inće la ciafè te junta, scenò n’él por nia che la popolaziun ti ais dè a öna na lista plü usc co al’atra. - Al me plej deplü, sce jënt à le coraje da mëte sö na lista de partì co sce ara à na lista de paîsc (neutrala n’é degöna), mo fej dedô

impò politica de partì. Orëi ti ascogne ia ai litadus le corù politich di candidać y dô les lîtes se trà surajö n corù de partì politich ne n’é nia dërt. Rodunt deache ladins mina da s’ascogne do le spiné de n partì politich, ài tan püch da dì a Balsan y vëgn derata püch respetà. I speri che Corvara ciafes na bona aministraziun de comun che fejes na politica iüsta che respetëia les leges! Nos adorun porsones de carater che i tëgnes bot a vigni speculaziun y ne conësces nia sbordenaries no “plajëis” dubiusc söl ćiamp dl frabiché. Al é bele gnü venü fora trö’ demassa y al pê che chësc bur’ marćé paz y de gran dann ai ladins vais tres inant. Cis i ombolć mëss porvè a vigni fosa da arforè chësta svenüda de tera ladina a mans forestes. Lois Trebo, Badia

Critiché Ći che me parënta le plü é, canche an alda critican iniüstamënter jënt che se prô cun pîsc y cun mans da daidé. N püch oressi inće tó ite te chësc pinsier, nosc ploan Siur Heinrich, che prô te vigni manîra poscibla da acontentè y daidé la jënt. Tles supliches ćiarel da tó ite dötes les situaziuns che nes stà a nos düć a cör y les porsones che

à debojëgn y impò vëgnel critiché! Iö me damani ma sce chi che sa da critiché, fajess döt miù acontentan dötes les “lönes” de jënt! Ponsun ma n pü’ do ći benedisciun che i ùn da avëi ćiamò n prou, àl n’é pa nia plü tan logich! Ruth Erardi, Al Plan de Mareo

I Mundiei ie finei I „Mundiei“ dl palé o „football“: n gran mëns de emuzions y de delujions! Cun na partida scialdi cumbatuda, spetaculera, scialdi valiveda ora y de studio y for de gran tenscion, ie n dumënia ai 11 de lugio, cun feter dut l mond che cialova pro, tenian dai uni, i spanuei, o dai autri, i olandejes, o stajan defin neutrei, ie jita a finé chësta edizion dl 2010 tl gran „South Africa“, y nsci unida metuda „ad acta“! La gran emuzions y nce la gran mueies: l ie inò stat na manifestazion sportiva dl juech al palé o dla codla cun da stramp de gran emuzions, y scialdi suvënz nce cun de gran delujions, de grandiscima delujions, sciche l ie nce normal te duta la cosses dl sport. N se mbincëssa gën che duc pudëssa vëncer! Ma ajache, ala fin dla finedes, possa mé una na scuadra y una na nazion ruvé dancà, muessa duta l’autres mefun se cuntenté cun l resultat che les à sapù da arjonjer - plutosc fiaco o plutosc bon, o mesan, o plutosc stlet, y datrai nce scialdi stlet - y nsci ti auzé l ciapel a chëla scuadra che à sapù da se la fé valëi ala fin, y ti lascé valëi na sort de gran prestige ala nazion che à n l ultimo pudù tò la bela gran Copa tla mans y la auzé su tl ciel! Nia da ascuender pona cërta sciautrides y cërta delujions pesoces, al lim de na desperazion culetiva; per ejëmpl canche la „grande nation“ franzëusa à messù se rënder cont che la fova fata, o

2

www.lauscdiladins.com

Oscar Prinoth de J. da Brida, Urtijëi Priesc d’abonament anual: per la Talia: 54,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 27 / 17 de messel 2010

Adum abiné la clef per daurì i usc de nost davegnì Do da l’enconteda con la presidenta Elsa Zardini porta dant l conseier ladin Luigi Chiocchetti conscidrazions y aprijament sun l’ativité y l empegn dla Union Generela di Ladins dles Dolomites En vender ai 9 de messel éi abù a Urtijei na enconteda con la presidenta dla Union Generela di Ladins dles Dolomites Elsa Zardini. Chest moment de confront me dà la poscibelté de fé l pont sun valch chestion che ie rate cis emportanta per l davegnì di ladins, souraldut en referiment a la volonté de jì inant adum y ai varesc da fé per giaté la sburla che nes deide a ti cialé al davegnì con n obietif, chel dla unité di ladins y dla promozion y l svilup de nosta mendranza. Ie vue dantdaldut mostré mie aprijament senzier y l rengraziament per l impegn y i sforc fac da la Generela per stravardé, valorisé y svilupé nosta cultura, nost lingaz y nosta tradizion y per la capazité de cialé sourafora i confins politics y geografics che spartesc su nostes valedes. N laour y na vijion che nes à dé la poscibelté de ne trabunì nia l fil che lieia duc i ladins dles Dolomites. Sciche reprejentant ladin tles istituzions a Trent, souraldut sciche Assessour per les Mendranzes dla Region Trentin Südtirol, éi cialé y cialaréi de sostegnì y daidé i projec y les scomenciadives dla Generela ajache ie crieie che chesta A ssoz iaz ion ae na p er t fondamentala per l davegnì di ladins. La Generela meina inant projec adressés envers l’unité ladina y la colaborazion anter les valedes, projec che à sciche fondament la segureza che demé duc a una podaronse pensé a n davegnì olache nosta identité vegne reconesciuda sciche n valour y nia demé sciche n element de folclor. Na idea, na vijion che fej pert de me, che i sotescrive y sostegne. Un di projec de majera emportanza é La Usc di Ladins, organ ofizial dla informazion scrita per ladin. Chest boletin, che à festejé da puech siei 60 agn de ativité, é tamben n strument de informazion ma ence n strument de unificazion.

Per porté inant chesta ativité, mess vigni ann la Generela damané contribuc a la Region passan fora tres n sistem burocratich lonch y rie zenza ester segura che l finanziament vegne conzedù. Mia volonté é chela de mete a jì na forma de sostegn corent che ti assegureie a la Generela, ann per ann, l budget nezesciar per sia ativité culturala y de informazion, zenza messei se tò la bria de fé domandes. Sun chest argoment, y plu en general sun i projec de informazion y comunicazion per ladin, ence a la lum di strumenc nuefs che la televijion digitala nes met a desposizion, éi cialé plu che na outa de abiné fora momenc de confront con i reprejentanc politics dla Provinzia de Bulsan ma ie é vedù na volonté schersa de colaborazion, de fé adum.

De chest vers se à la Provinzia de Trent mostré plu acorta y sensibla devers di bujegns dla Generela che vegn reconesciuda sciche “na organisazion che à raijes sotes tl teritore dla Ladinia, che porta dant y met a jì vigni ann truepes scomenciadives culturales, linguistiches y editoriales, de spas y per tegnì adum dret significatives, y che arjonc resultac emportanc per i ladins che sta tl raion dolomitich y a ciaval anter les provinzies de Trent, Bulsan e Belun”, na organisazion che à sciche sie organ ofizial La Usc di Ladins, “soul sfuei ladin scrit dut per ladin, mané te passa 3800 copies tles families y anter la jent dles valedes ladine s , stamp é dl dut autonomamenter da passa caranta agn y caraterisé da contegnus informatifs y culturai de cualité

auta”. Per chestes rejons àla dezidù de conzede n finanziament diret che ti vegn paié fora vigni ann a la Generela con na convenzion aldò. Per contra éi con gran desplajei sapù da la presidenta Zardini che la Provinzia de Bulsan ne à, a mete man dal 2009, dé degun contribut per l’ativité culturala dla Generela, mostran, purempò, de ne ti dé nia l dret peis al svilup dla mendranza ladina y al prozes de unificazion che la Generela porta inant con impegn y determinazion. En cont de reconesciment ti éi recordé a la presidenta Zardini che la Provinzia de Trent à dé, con la istituzion dl Comun General de Fascia, n auter segnal fort de stima per i ladins. Al se trata de n ent che pò se empervalei de na forma potenta y nueva de autonomia y che à anter les finalités de sie Statut

chela “dla promozion e dl smaiorament di raporc de cooperazion istituzionala y culturala con les autres comunités ladines a livel regional y european” y ti sporc a duta la comunité ladina poscibeltés nueves per mete a jì scomenciadives de utl a renforzé l’unité dla popolazion, laoran ence en colaborazion con la Generela y con la Lia di Comuns Ladins. Per strenje ciamò de plu i raporc anter chisc organs podéssen pensé de resservé tla Lia n post per l Comun General de Fascia a na maniera che al devente plu saurì mete a jì projec unitars olà che an podessa mete adum dutes les energies, les capazités y les competenzes profescionales y economiches desponibles. Ciamò, duc a una podessa i ladins avei na ousc forta ence tl contest dl’Euregio, l’Euro Region tl zenter dl’Europa che damana y declara sie peis ti confronc dl’Europa. A la fin éi volù ti dì fora ciamò na outa a la presidenta Zardini che nos ne podon nia, ence sce tla provinzia de Belun ne vegn i ladins nia stravardés y valorisés sciche sun nost teritore, core l risch de i trabunì do streda y che al é debujegn de sostegnì y daidé do la volonté de ester da nuef na comunité soula. Perchel ie ti dé dut mie sostegn a Elsa Zardini y ti feje n envit a duc i ladins acioche ei se sente pert de chest projet per abiné d’autres y semper nueves formes concretes de colaborazion y cooperazion che nes meine adum envers l’unité ladina. Ie volesse che l gran laour fat te chisc agn da la Generela ne vegne nia desconesciù y arbandoné per rejons che ne à con l ladin puech o nia a che vedei y che abinassanse, forc de nosta identité, de nosta storia y de nost lingaz, duc adum, la clef per daurì i usc de nost davegnì. Luigi Chiocchetti

L’Ena Ladina: canche cultura y turism se anconta Do l suzes dl ann passà vëniel metù a jì te Sëlva n’autra edizion dl’Ena Ladina, dedicheda ala cultura y ala tradizions danter passà, prejënt y daunì Sëlva - Chësta scumenciadiva ie unida a s’l dé per l segondo ann ndolauter de gra ala cunlaurazion danter Lia de Turism de Sëlva y Istitut Ladin Micurà de Rü. N’ena ntiera dedicheda ala cultura ladina, nia mé penseda per i seniëures ma dantaldut per la jënt da tlo. Ntan duta l’ena dai 18 ai 25 de lugio vëniel pità te Sëlva plu manifestazions liedes ala usanzes, ala rujeneda y cultura, ala spëisa tipica da zacan de nosc raion. La cultura ladina, la plu vedla de dut Südtirol, ie mo dassënn nraviseda y sentida dala

populazion tres si rujeneda, l’ert dl ziplé y la usanzes. L prinzip per n luech turistich, dantaldut per l instà, per chël che à da n fé cun nosc luesc, ie chël de mustré su la particulariteies che n à y che d’autri luesc, ne n’à nia. L lecort che n seniëur se tol pea a cësa dala feries ie chësta particulariteies che Gherdëina possa mustré su: nosta storia, nosta cultura y dantaldut nosta rujeneda ladina y perchël à la Lia per l Turism de Sëlva deberieda cun l Istitut Ladin Micurà de Rü laurà ora n program aldò. Ntan chëst ena vëniel ënghe

metù a jì n pitl curs de ladin per i seniëures che unirà stlut ju cun na raida culturela de viers de Val, pona aut ora per la Via Crucis y ju de viers dla sënta dl Istitut Ladin Micurà de Rü. La raides cultureles vën pitedes da juni nchin utober for de vënderdi dala 9.30 ala 12.30. Chëi che ëssa nteres de fé pea possa se lascé nuté su pro la Lies Turistiches de Gherdëina o diretamënter te hotel ulache l seniëur ie de albierch. N lunesc ai 19 de lugio saràl dala 21.00 na sëira de nfurmazion cun l professëur Alberto Giacobbi

che rejona de: “La storia di Ladins tla Dolomites” te Cësa de Cultura de Sëlva. La jirà inant n merdi ai 21 de lugio cun n cunzert dl Cor “Sasslong” sun Plaza Nives. L mierculdi lonch arà l tema “Viver la tradizions”. L unirà prejentà d’uni sort de lëures y tradizions da zacan te nosta valeda. N juebia ai 22 de lugio vàla inant cun l cunzert dla Mujiga de Sëlva sun Plaza de Chemun, n vënerdi ai 23 de lugio sunerà dala 17.00 la grupa dai corni da mont de Gherdëina y dala 21.00 iel l cunzert de ValgardenaMusika “Chorus Sine

Nomine” te dlieja de Sëlva. Oradechël uniràl pità ntan duta l’ena la cësadafuech tipica ladina. Zacan cujinòven cie che l paur ova nstës da garat y nchin ncueicundì ne se à, n cont dla spëisa te Südtirol o te Gherdëina, nia mudà truep. Plu ustaries de Sëlva pieta ntan l’Ena Ladina n menù de degustazion de spëisa da zacan. Duc ie nviei de cuer a ciarcë la spëisa y l plajëi dla sëures. Sambën se mpàiel la bria de passé a cialé cie che l vën pità y jì per n struf nzescul tl tëmp...(dv) www.lauscdiladins.com

3


Atualité

nr. 27 / 17 de messel 2010

La usc ladina al telefonn dla regiun Tone dal Migo d’Al Plan de Mareo é ruvé por laur dan 34 agn a Trënt, al é romagnü fedel a so datur de laur che é la Regiun Trentin-Südtirol. I sun stà a le ciafè I à spo podü fà concursc interns por ruvé al post che i sun śëgn, chël da assistënt aministratif.”

Tö baies cun tüa fia ladin? “Poa, i à dagnora baié ladin impara.”

Tö dijes che al t’un ’crësc dötaurela ćiamò do Al Plan y to inćiasa? “Poa, a me m’un àl dagnora inchersciü.”

Ćiodì pa? “Deache al é mi lingaz dla uma y le ladin i po ester d’öga por le dagnì.”

Ćiodî este pa impò stè spo tlo Trënt? “Mia fomena che laurâ te spitol â le problem, por gnì a Balsan, cun le patentin de bilinguism y por ëra fóssel stè n gran problem da ciafè sö da nos le medemo laur sigü cun le sistem de patentin che é te Südtirol.” Tone Willeit dal Migo dan le Palaz dla Regiun a Trënt.

Porsones - Tone Willeit s’aspeta ala staziun dles ferates a Trënt, te n pröm domisdé che à alzè les temperatöres sura i 30 gres. N ël tla mesa eté bel ros tl müs - por merit de na vacanza a Menorca tles Baleares (Catalugna/Spagna) - nes salüda por nes acompagné spo da ël a ćiasa y plü tert ti ofizi dla Regiun. Tone Willeit é d’Al Plan, plü avisa dal Migo a Mantëna, al abitëia cun süa fomena Liliana y süa fia Alessandra te na ćiasa familiara, che alda pro na ligna de ćiases sön la costa nord sura le Castello del Buonconsiglio, residënza storica di vëschi da Trënt, chi che à inće lascè sües pedies tla Diozeja de Porsenù/ Balsan y tles valades ladines ćina t’Ampëz. L’ofize por les mendranzes linguistiches à süa sënta tla ćiasa dla Regiun, iadelà dl parch cun la bela gran scultöra de Dante dan ala staziun dles ferates tl zënter de Trënt. Daite da chësc palaz rovunse a na alzada dessura tl ofize de Tone Willeit y inće spo te chël resservé al diretur d’ofize, le sig. Sieghard Gamper, che provëgn dala Venusta y abitëia da tröc agn cun la familia a Trënt. Tone Willeit nes cunta - cun süa usc che i conesciun dal telefonn dagnora grata a gauja de na operaziun ales cordes vocales - de so laur, y al nes mëna inće spo tl ofize de Gamper, olache i imparun da conësc le dr. Günther Hofer, dirigënt dla Repartiziun III “Mendranzes linguistiches y integraziun europeica”. Cun i sigg. Hofer y Gamper s’la cuntunse plü dî sön la Regiun y süa funziun, sön sü ofizi y inće söles chestiuns che toca plü daimprò i ladins: les iniziatives da daidé do cun contribuć, les dificoltês liades ales

prozedöres de conzesciun de contribuć y le dagnì di aiüć ti tëmps de crisa che mët intres plü tla smorzia i capitui dles casses publiches. A Tone Willeit i unse fat te chësta ocajiun deplü domandes. La Usc di Ladins: Tan dî este pa bele a Trënt? Tone Willeit: “34 agn.” Y śëgn pënseste da jì en ponsiun? “Poa, n ater agn jarai en ponsiun. Sce ai me lascia jì.”

Da olà é pa töa fomena? “Ara é de n pice paisc dlungia Trënt, a 30 km, da Bleggio Superiore, n paisc tles Vals Judicaries, y tlo Trënt se sìntera da ćiasa.” Mo tö ne te sontes impò nia tan dalunc d’Al Plan chilò Trënt, te capitëies impò gonot tla Val Badia. “Poa, al dédaincö àn pö l’auto, y cun l’auto éson tosc tla Val Badia. Ćina che mia uma ê ćiamò a ćiasa ruvâi gonot a ćiasa, sö dal Migo, a Mantëna, mo śëgn ch’ara é te Ćiasa de palsa ta San Martin vai sö a la ciafè vigni trëi edemes zirca y inće a ciafè mi fredesc.”

Aste laurè düć i agn pro la Regiun? “Da canche i sun ruvé a Trënt bëgn.”

Intratan é inće Trënt gnüda plü bela? “La cité é gnüda trö’ plü bela i ultimi agn, ara é plajora, al é bel da vire chilò. Implü ài mia familia chilò, y la ćiasa che i s’ùn fat sö, che n’é nia dalunc dal Castello Buonconsiglio.”

Ćiodî este pa ruvé a Trënt? “Al m’ê gnü dit che al foss stè chilò pro la Regiun n post de laur publich resservé ai ladins.”

Y intratan é inće Al Plan mudé? “Al Plan é mudé cotan, al é n pice spavënt!”

Da n dé al ater? “Poa! Canche al m’ê ruvé adalerch la cherta che i ciafâ le post, ài fat la cufer. Da n dé al ater.”

Ćiodì pa? “La jënt à nuzé y spaterlè massa terac, al é gnü fat massa speculaziun. Al é gnü frabiché fora de mosöra, al vëgn odü le consum, i scioldi... Al vëgn inće baié trö’ massa de scioldi, chësc n’é pa tan val’ de bel!” Tö m’as inće cuntè che t’ess orü te cumprè n cuatier sö Al Plan, por jì sö plü gonot.. “Scê, chël é vëi, mo i prisc é massa alć, spo ne pon nia dër pormez. Al é jënt incërch, foresć, che à tan de scioldi, y chësta jënt rovina paisc y ćes.”

Do tan d’agn de laur pa? “Caranta.”

Ći fajôste pa denant de laur? “I ê moler.” Ći laurs preodô pa le post nü? “I ê pro le zentralin dla Regiun. Mo spo sunsi - cun i problems dla usc che i â - gnü spostè intres plü insö ti ofizi. Intratan âi inće bele fat dui agn de scora alta, da gheometer, che i â messü lascè spo deache i â la möta picera da ćiarè laprò y mia fomena â i turnusc te spitol ćina da sëra tert. Ara ne jô nia plü da pordüje do.

www.lauscdiladins.com

Töa fia baia inće todësch, desche ara foss cherscida sö a Al Plan? “Ara à imparè todësch a scora y à fat inće l’université a Desproch y śëgn tìgnera scora de lingaz todësch.” Por ëra ne fóssel spo degun problem da fà le trilinguism te Südtirol? “Ara à bele fat laota le patentin A, canche ara studiâ ćiamò.” Ći sozedel pa insciö de bel a Trënt? Ći fajëise pa tl tëmp lëde? “I jun fora bindićé a manifestaziuns y a teater amatorial y nia, chësta aisciöda sunse jüs cotan al festival de film da munt.” Trënt é te na posiziun geografica ideala danter nord y süd, nia dalunc n’él Balsan y l‘Austria, y nia dalunc n’él le mêr... “I sun dlungia a Balsan, i sun daimprò al’Adria, al é vëi. Al vëgn dit che Trënt ne sa gonot nia sce ara é bele a süd o bele a nord. Chësta mentalité danterìte é inće da odëi fora tla storia y tla politica - ćina al dédaincö.” Él pa problems a Trënt cun y por i imigrà? Te sònteste instës n pü’ n “imigré”? “Nou, iö ne me sënti personalmënter nia n imigré y i n’à nia cuntra l’imigraziun y i n’à degügn preiudizi cuntra la jënt che vëgn da foradecà. Iö instës po ma

Cô s’à pa mudé Trënt te düć chisc agn che t’es chilò? “La cité s’à mudé dër tröp. Laota n’ê nia döt tan romenè sö y bel. Trënt é bela, daite y defora. Sce al n’é n bel dé nia plü laur, spo podessel gnì val’ problems. Śëgn naota é la situaziun cun l’imigraziun controlada, y chësc ôl ester. Iö mëssi dì che i sun inće ruvé tröp fora por le monn, i sun na porsona daverta al monn. La situaziun da ester chilò Trënt mëssi dì che m’à inće dër daidé, por capì i atri y me daurì ai atri, al ater. I sun na porsona n pü’ spaia y al n’é nia dagnora stè saurí por me.” Ći pënseste pa, canche na porsona dles vals ladines telefonëia tla Regiun y tö pos la saludé por ladin? “Chësc suzed almanco n per de iadi al’edema, al é val’ dër de bel.” Sce tö vas n ater ann en ponsiun, toma pa spo demez to post? “I arati che inće sce iö sarà demez, spo jarala impò inant. Scê, spo saral ma le problem che al ne gnarà nia plü baié ladin te chësta ćiasa.” Tö mëss avëi le trilinguism, mo te t’as baudié plü gonot che te ne ciafes nia paié le trilinguism... “I ne le ciafi nia paié döt, i ciafi ma paié mez por le lingaz ladin, y chësc ne sunsi nia bun da capì. Chësc n’é nia dër dërt, mo ć’ôn pa fà, al é na cuestiun politica y de chësc él miù nia baié.” La Regiun podess davëi gnì partida sö deplëgn tles döes provinzies y tomè spo demez. Foss pa chësc dër stlet por le ladin, o magari miù? “Chël foss dër stlet. Fascia foss ćiamò plü destacada da nos ladins de Südtirol. Ara é bele śëgn destacada dales atres döes valades ladines dla Regiun deplü co laota. La Regiun é chilò inće por lié adöm, y nosc ofize dles mendranzes é chilò por düć i ladins, sperun inće indoman!” (intervista: iaco rigo)

Mo te Mareo él inće gnü fat de beles cosses? Por ejëmpl le Parch natural Fanes - Senes Braies cun döt incërìa? “Al é vëi. I ùn inće de beles cosses.” Cô se stara pa cun i ladins a Trënt? “I n’en conësci n valgügn de Fascia, che i vëghi plü gonot. Spo n’ài incuntè inće un da Rina, mo i ne sa nia olache al é ruvé.”

4

Ći dificoltês à pa portè le fat che tüa fia baia cun te ladin? “Dificoltês? Degönes! Canche ara ê söi dodesc agn âi capì che ara se dodâ da baié cun me ladin dan ai atri. Spo i âi dit: sce tö te dodes da olà che te vëgnes, spo aste ruvé! Da chël dé inant bàiera dagnora ladin cun me, inće dan ai atri. Y al dédaincö bàiera ion ladin.”

dì che i à albü fortüna chilò Trënt.”

La scultöra de Dante Alighieri tl parch dla staziun dan al Palaz dla Regiun.


Atualité

nr. 27 / 17 de messel 2010

Autonomia ai ladins tl Comun General La nueva istituzion nasciuda ai 14 de messel te Fascia vegn conscidreda sciche n ejempl de strutura autonoma che podessa garaté per i ladins, sce ai à la vueia de colaboré soura i confins fora va inant da la pruma plata

Paroles de salut é ruvedes tres letra ence dal president dla Provinzia de Trent Lorenzo Dellai y da la presidenta onorara dla Generela Ilda Pizzinini, che no à podù tò pert. L conseier ladin Luigi Chiocchetti à porté dant l aodanza che al sie

ence tla politica manco rie colaboré sourafora i confins aministratifs che despartesc i ladins, y che i ladins dles autres valedes ne vegne nia conscidrés “de serie B o C” dai reprejentanc politics. La Procuradoura dl Comun General de Fascia, Cristina Donei, prejenta a la debatuda adum con

na dejina de componenc dl Consei General, à rejoné de na gran responsabelté che i ladins ti à sourandé a la nueva istituzion fasciana, damanan l aiut de dut l Consei per podei daidé i ladins a porté inant sies aspirazions. L prum Comun General dla Ladinia, él vegnù dit te deplù

intervenc, pò ester l ejempl dret de na forma istituzionala che à la p o s c i b el té d e co l ab o ré autonomamenter soura i confins fora. Entratant é la forma concreta de colaborazion aministrativa reprejenteda da la Lia di Comuns Ladins y al é te chest organism che

la Procuradoura dla nueva istituzion de val messessa abiné la dreta lerch. I reporton chesta setemana valch toch dai intervenc portés dant a la scontreda. La setemana che vegn ti lasciaron lerch a la relazion de Ivan Lezuo, che é jì ite sot tles chestions dla storia y dl davegnì di ladins. (lg)

“Fascia é segn la valeda ladina che à la maioura autonomia” Dal intervent dl vizepresident dla Union Generela, Marco Pizzinini Encuei é veramenter n dì storich per vosta comunité, ma al é ence n dì storich per duc i Ladins dles Dolomites. Ai 14 de messel dl 1946 se damanova Sisto Ghedina y Guido Iori Rocia sun l jouf dl Sela na “aministrazion autonoma per les valedes ladines”, y encuei, 64 agn dedò, pòn dì che la comunité de Fascia ti é roveda daimpró a chest travert, con l’istituzion dl “Comun General de Fascia”. Perchel me congratuleie con duc chi che à colaboré per arjonje chest gran travert: i raprejentanc politics de Fascia, che é stés bogn de laoré

fora y porté inant con consecuenza n projet politich che ti dà na gran autonomia a vosta valeda, y ence i politics y raprejentanc dla provinzia de Trent, che à tout su y azeté chest projet, no con la tema de perde influs, ma con la lungimiranza de chi che à capì che la sussidiarité é dagnora steda l pont de forza de na bona aministrazion de nosc raions da mont. Al sará d’autri che rejonarà sun l’importanza dl “Comun General” per vosta comunité, ie volesse demé dì n valgunes paroles sun l’importanza che chest dì à per i

autri Ladins dles Dolomites. Fascia é segn la valeda ladina che à la maioura autonomia. I spere che i raprejentanc politics fasciagn, i ombolc y la Procuradora dl Comun General, anuzeie chesta autonomia ence inant per daidé i autri Ladins che à manco autonomia. Per i Ladins de Fodom y de Anpezo é l sostegn fascian te chisc ultims agn sté fondamental per arjonje almanco chel puech che ai à arjont. De front a chisc ladins, ne se à Fascia nia comporté desche l rich avaron che dà demé ca les « fregoles », ma desche l fré plu vedl, che veid l

debojegn di autri y che sa y à sapù da partì. Per i Ladins de Souramont él fondamental che chesta generosité fasciana vae inant. Chesta nueva autonomia dessa Fascia ence adoré per fé vegnì ciamò plu strenc i liams interladins. Ombolc de Fascia, Procuradora Generela, dediti na sburla a la Lia di Comuns ladins! Zacai messa tré l ciar! Vos aveis l’autonomia per l fé! Y daidésse ence inant con l liam linguistich interladin, con la promozion dl Ladin Dolomitan! Zenza n lingaz de scritura per duc i Ladins ne sarà i Ladins mai un n

popul, ma dagnora demé de piceres comunités spidicedes su che messa tó su passivamenter duc i influsc che vegn da defora. Stimés raprejentanc de Fascia, daidede la Union Generela sun sie troi de reunificazion di Ladins dles Dolomites daite di confins dla region Trentin-Südtirol! Cheriede te vostes comunités, te vost Comun General, y ence a Trent, n clima anter la popolazion y la politica che é a una con chest gran projet storich, con chest gran travert, te chel che ence l Comun General de Fascia ciafassa sie compliment plu bel!

“N pent sora i confins per na neva coscienza interladina” Da l’intervent del President de l’Union di Ladins de Fascia Silvano Ploner A inom de l’Union di Ladins de Fascia ve sporje l più bel salut e benvegnù a chesta scontrèda. Na dì storica per i ladins e per Fascia doi outes storica e emportanta, per chest rengrazie la procuradora Cristina Donei per aer cernù apontin i 14 de messèl per enscinuèr l nef Comun General de Fascia. Anché Fascia pea via na storia neva con chela de vardèr inant, te na vijion olache empegn e responsabilità va al pas co l’ocajion de arvejinèr ai sentadins la aministrazion, de rejer na val che da Moena enfin a Cianacei à de besegn de na politica che sapie tor dezijions per l ben comun, n ben comun che se l fèsc coi mestieres, ma ence con politiches che sapie tegnir adum la Val sot l profil di raporc sozièi e de la comunanza. Recordon l’empegn de chi che é vegnù dant da nos, Guido Iori Rocia e Sisto Ghedina col moviment Jent Ladina Dolomites, perché zenza de ic no fossa stat nesciuna radunanza

sun Sela del ’46. L professor Max Tosi con sia Union culturèla a Maran, e tropes etres, desche Domenico Pettena, Simone Sommavilla e Giacomo Jellici da Moena, che per Fascia sotescrivea l statut de la Union generèla di ladins del ’51. Passan fora la storia, de jent che aea ensomesc ladins cialan a l’unità e a l’autonomìa se n troa fora e fora, no serf stèr chiò a fèr duc i inomes che da Cianacei a Moena à leà sia vita a la cauja ladina, politica e culturèla. Ma nos ades sion chiamé a vardèr inant e al davegnir de noscia autonomìa. Chela autonomìa che dant da dut cogn esser n conzet etich, n conzet che à rejon de esser e de se sperlongèr tel temp perché miora de la burocrazìa statala, perché miora de l’aparat zentrèl, perché miora te la doura de la ressorses. Fascia donca col Comun Generèl podarà portèr tel mond ladin dolomitich n model nef, n model che podarà esser n pent envers na neva forma de coscienza

L'intervent dantfora de Silvano Ploner, president de l'Union di Ladins de Fascia, che adum con la Generela à endrezà la scontrèda per i 14 de messel.

interladina. L davegnir de n popol, aldelà di confins, se l fèsc libran la forza de la colaborazions e del barat de la esperienzes. L davegnir de l’Europa ne chiama a na vijion federativa olache la sotemiscion a n stat, a na provinzia o a na region no podarà più passenèr deldut col sentiment de partegnuda a n popol. Cree che la provinzia de Trent abie entenù chest tant tel moment che l’à volù antizipèr n model de

federalism padan vertical olache la competenzes fenissa te man a provinzies e region, per tor la strèda di comuns e de la comunanzes de Val. Tinùltima volesse jontèr amò doi robes. La pruma l’é l’augurie che l’esperienza del Comun General de Fascia posse troèr lèrga ence dalaìte de la Lia di Comuns Ladins, te chest moment l soul ent che dassen podessa ge dèr gaissa a politiches che va sorafora i jouves. La seconda

l’é n envit al respet per la istituzions e a rejonèr a na vida forta e co na ousc soula contra chi che amò dant che l nasce se tol la libertà de delegitimèr tras i sfoes e te la ostarìes l Comun General, la val de Fascia te sia unità e degnità, violentan tel medemo temp la istituzions e l’empegn de duta chela jent che à vivù, se à dat jù e se à spenù te la segureza che l resultat finèl paarà jù chi che à abù l coraje de l’utopìa.

“Aon da stravardar n patrimonie comun per ge l consegnar a nesc fies” Da l’intervent del president de l’Istitut cultural ladin Antone Polam L Comun General e l’Unità Ladina. Na istoria che vegn da dalonc, documentèda ti egn de gra al contribut fondamental de Pare Frumenzio Ghetta che à regoet duc i veiores documenc. L ben comun l’é n prinzip che à semper vidà nesc aves. Bèsta pissèr a l’ejempie de la regola de Dèlba: 7 majes de peres bachegn che empegna duc si bens per anché e per l davegnir. “Omnes illi vicini concorditer”, duc a una, “obligarunt omnia sua bona presentia et futura...”

Aon da stravardar n patrimonie comun per ge l consegnar a nesc fies. La Comunità de Fascia se cruziaa de duc i fac, ma soraldut de defener i enteresc di Fascegn, i deric e la usitèdes, ma ence de la nomina di medizi, de la strèdes, fieres, marcé, pascui e de la defendura di confins. Danilo Dezulian del Garber rechies dijea: ”l popul ladin se salva dut entriech o no l se salvarà nia daldut” cheste parole le à gran fondament. Che contribut pélela dar Fascia a la Comunità Ladina de la

Dolomites? N segnal fort de voler venjer la endesfida de saer se rejer enstessa, de star ensema, se sorapear l’ombrìa di ciampanii. Demò a chesta vida Fascia podessa doventar n ejempie ence per Badia e Gherdena de se meter ensema te Comunanzes de Val; la radunanza di ombolc, ló che ades dojessa troar post ence l Procurador, la podessa pontar endò demez con neva gaissa. Ensema ence con Fodomes e Ampezegn desche del 1946 sun Sela, en pruma fila sot la vida de Sisto Ghedina e Guido Jori Rocia

per ruar endò te n medemo raion aministratif: la Region Trentin Sudtirol. Fascia ge va dò a n troi emportant envià via da nesc aves. Recordon la vera di 30 egn de noscia jent per arjonjer n Comprenjorie Ladin separà da Fiem e chiò na part fondamentala l l’à abuda Moena, tera del giudize Jellici, de poec e inteletuai, musizisć e artisć, desche l Canori. Ejempies forc de l’autonomìa te l’autonomìa ne vegn da paìjes desche la Val d’Aran te la Catalunia co na percacenta politica

linguistica, autonomìa te la scola, defendura del teritorie. L’ùltim President de la Comunità de Fascia l’é stat l Maester Valantin Polam che del 1954, dò 29 egn a cef de chesta istituzion, te sie ùltim testament l ge auguraa al nef president na atività autertant scì longia. Augures che ge fajon de cher a Cristina Donei, ence ela persona de scola, desche l Maester Polam. Augures de n bon lurier percheche con gaissa l nef Comun General ge vae dò al troi de nesc aves vidé dal prinzip del ben comun. www.lauscdiladins.com

5


Atualité

nr. 27 / 17 de messel 2010

Adincuntra ala Trienala Ladina SisartisćmetaràforasüesoperesalaTrienalaLadinatlMuseumLadinĆiasteldeToraSanMartindeTor.Lafestadedauridadlamostrasaràlevëndresai23demessè. AlconcursporlaterzaediziundlaTrienalatlĆiasteldeToràtutpertindöt36artisćdalesvaladesladinesdlesDolomites,diGrijunsydlFriûl.Ipresentunedemapor edema dui profii di artisć selezionà EstherSchena

Nasciüda dl 1976 a Coira (Svizera), chersciüda sö a Müstair (Grijuns), vir y laôra a Turic Formaziun 2006 Semester foradecà, School Of The Museum Of Fine Arts Boston 2003-07 Stüde dl’Ert Figurativa, F+F Scora d’ert y design, Turic 2000-01 Sojornanza de stüde, Academia dl’ert Firenze 1990-2000 Curs de scora d’ert figurativa, St. Gallen Mostres individuales 2009 TAGLIAR IL VENT Galaria Fravi, Domat Ems 2008 “FERM ADA SÜN

DUMONDA , HALT AUF VERLANGEN” Kunstraum R57, Turic Mostres coletives 2010 MUSEUM LADIN ĆIASTEL DE TOR, San Martin de Tor, Badia / Talia KULTURSOMMER MELS, DENKPAUSE, Kunst im öffentlichen Raum, Mels SG IDENTITÉ SUISSE Centre PasquArt Biel / Bienne 2009 LIEBER MALERIN MALE MICH conzet de Anja Moers, Station 21, Turic HERR BRUN conzet de Johanna Bossart, KunstRaum R57, Turic 2008 BILDWELTEN 2, esposiziun de dezëmber KunstRaum R57, Turic SCHWEIZ FÜR ALLE! Pasinger Fabrik Minca ATYPISCHES UTOPISCHES Kulturgucker Babette Werth, Berlin ERSTE KERNAUSSTELLUNG Kunsthalle Frauenfeld PLATTFORM 08, EWZ Unterwerk Selnau, Turić 2007 DICHTE BILDWELTEN esposiziun de dezëmber KunstRaum R57, Turic DIPLOMAUSSTELLUNG, F+F Scora d’ert y design, Turic

AUSEINANDERSETZUNG, Universitätsspital, Turic 2006 KUNSTAUSSCHAUSTELLUNG, Galaria Nordstrasse, Turic THE WALL: GRAPHIT PLUS TWO, bf Annex Gallery, Boston THE SCROLL Project Space, SMFA Boston 2005 FLUFF ANTI FLUSS – Fash’N’Riot, Coleman Projects, London 2004 USE-GO-ART Alte Usego, Olten

2002 KUNST UND LANDSCHAFT Kulturgucker, Kabinettausstellung, Berlin 2001 EXPOSIZIUN DA NADAL, Museum Chasa Jaura, Valchava Reconescënzes 2010 Sojornanza foradecà /Cité internationale des arts Paris 2009 Pest, Ćiantun Grijuns

mët adöm impresciuns dl momënt chîtes, delicates. En pert sciöche tocada dal flash, recorda sü laûrs i trompe-l’oeils o les fotografies dl momënt; l’aiet dl caje pónera spo ite avisa. Sce an ti ćiara plü daimprò s’intënn l’osservadù indere che l’opera emanëia na composiziun costruida, gonot inće malinconica. I chedri sgrafodëia morjel sön la spersa dla vita da vigni dé idiliaca y n’ascogn nia dainré prospetives da stè ert. Na critica chîta se fej lerch tl cheder, te chël che n angel de marlüca pasciü verda sön televijiun, deperpo che les noeles va inant, y che al vëgn incundé vigni dé catastrofes nöies. Mo ala fin ti nen vara ala artista plü co ater dla osservaziun chîta dla vita da vigni dé co de anotaziuns critich-soziales. Inće sce al manćia rapresentaziuns de porsones se mëtel adöm tles series de chedri tòch por tòch portraits intims. Fostüs lascià indô y ogeć, cun chi che la porsona se fej ia da ion o cosses che vëgn ascognüdes iadô portes dan dai edli foresć, dà dant caraters y trasmët vijiuns personales. (Charlotte Matter)

Esther Schena se fej lerch te sü chedri depënć te interiurs foresć y

Rubrica en colaboraziun cun le Museum Ladin

Adincuntra ala Trienala Ladina SisartisćmetaràforasüesoperesalaTrienalaLadinatlMuseumLadinĆiasteldeToraSanMartindeTor.Lafestadedauridadlamostrasaràlevëndresai23demessè. AlconcursporlaterzaediziundlaTrienalatlĆiasteldeToràtutpertindöt36artisćdalesvaladesladinesdlesDolomites,diGrijunsydlFriûl.Ipresentunedemapor edema dui profii di artisć selezionà RomanaPrinoth

Nasciüda dl 1960 a Porsenù (Südtirol). Ara é chersciüda sö te Gherdëna te na familia de comerzianć y de artisć. Le nene Luis Senoner sciöche inće Guido Anton Muss é dui artisć conesciüs. Romana s’interessëia bele da jona ala fotografia. Do avëi arjunt la laurea te Storia dla preistoria y dl’archeologia ti vara do ćina a 40 agn al’ativité scientifica. Danter l’ater éra

6

www.lauscdiladins.com

presënta tl le proiet “Ötzi”, l’om dla dlacia. Dedô se dà jö Romana Prinoth ma plü cun la fotografia. Ara vir cun süa familia a Desproch.

imajes stares y statiches, ara stimolëia l’osser vadù y l’osservadëssa da se confrontè cun süa opera. Sce an se dà jö cun i laûrs dla fotografa spo vëgnon atira invià da se chirì na lerch tl chino spiritual che vignun à ite te ël. L’astraziun y l’anonimité perd süa importanza zentrala y se trasformëia te na cuestiun concreta y intima de vignun... (Lisa Trockner, Face to Face)

Ćerna dles mo stre s plü importantes: 2005 Fiamme e ceneri, Fotoforum West, Desproch 2006 Transitions, galaria foto forum, Balsan 2007 Flowers, Kunstraum Cafè, M i t t e r h o f e r, Sanćiana (Balsan) 2008 Verwandlungen – Metamorfosi, galaria dles porjuns, Kaltern (Balsan) Agn alalungia à Romana Prinoth fat jö ciüfs zënza lascè do. Vigni flu svilupëia n so carater y n profil daldöt particolar. La fotografia dla contrada é, sciöche i ciüfs, dedicada ala dorada cörta dl momënt: ma che le movimënt ne n’é chilò nia sotmetü a val’ d’ater, mo propi metü al pröm post. Da

Cun süa fotografia cheriëia Romana Prinoth comunicaziun danter stimui, perzeziun y sensaziuns. L’artista se trasformëia te n meso danter monn defora y monn daite. Les fotografies respidlëia dagnora indô danü les proieziuns de chël che les tol sö, insciö sciöche sce ares foss metüdes dan da n spidl, che ne mostra nia dainré sferes nia conesciüdes de se instësc. (Lisa Trockner) na ferata en movimënt o fora d’auto tëgnera tóch imajes che chir ma n iade su süa lerch te chësc punt d’odüda y cun chësta incadratöra. Inće sce ai é en movimënt ćiara fora n lëgn, na brüscia... gonot

sciöche n momënt tignì tóch. “Ara nen va dla löm, pordërt ma dla löm” dij Prinoth. (Karin Dalla Torre, Transitions) Romana Prinoth ne se dà degönes

Rubrica en colaboraziun cun le Museum Ladin


Atualité

nr. 27 / 17 de messel 2010

Aiut Alpin Dolomites de Armin Moroder Cun l bel tëmp y l gran ciaut iel stat chisc dis da muever uni di plu iedesc cun l joler y la scuadra de sucors. Nia mé te nosc raions vëniel cherdà l joler, ma canche l ie debujën y la scuadres de sucors de chëi raions ie bele mpeniedes, se damànden nce l aiut dla scuadra staziuneda a Puntives. Nscila iel stat per n ntervënt pra l lech artifiziel de Forte Buso dlongia Bellamonte, ulache a n ël che fova tl lëur de taië n lën ti òvel dat l bòt. I joleri de Trentino emergenza fova bele mpeniei te d’autri ntervënc y nscila à l 118 de Trënt tëut su cuntat cun Bulsan, che à pona tëut la dezijion de fé muever l joler da Gherdëina. Sambën che nchin pra chësc lech fòvel plu menuc de jol y canche n fova ruei permez al desfertunà à l dutor riesc udù che l ne fova plu nia da n fé. L ël fova mort dal bòt y nia ne ëssa plu pudù l purté n vita. Sun l post fòvel nce na ambulanza dla USL de Trënt; y da Moena fòvel unì cherdà i destudafuech.

Mut se fej mel cun la roda Na desfertuna à abù n pitl mut de 13 ani che furnova cun si roda ju per na streda tres l bosch y ova perdù l cuntrol dla roda. Nscila iel tumà firan su per la sief dlongia streda. Ël semiova riesc scialdi grief y de prëscia l àn menà te spedel ulache n valgun dis do àn audì che l pitl mut ne fova per fertuna nia plu n pericul de vita. Da chësc ciaut suzédel nce che vel un, dantaldut jënt de tëmp, se n sta mel: tlo chërden unitant nce l 118 per n aiut. Nscila univa mandà l joler a Terenten, ulache n’ëila fova unida stleta y n minova che velch ti ëssa picià. L dutor dl Aiut Alpin ruvà adalerch à tosc capì che l problem fova n auter. L’ëila fova suieda ora, si corp ova riesc debujën de

ega. Prësc ti jìvela pona nce miec.

Gran beca a Neumarkt N cajo ulache n ël se ova fat dassënn mel ie suzedù a Tluses. N laurant dla Bulgaria ulova spusté velch danter l camion y l tòch che taca do. Ma tlo ne n’ie velch nia jit dl drë viers y ël ie restà amez ite, se schician dassënn n jenodl. L ova n gran mel y l dutor à n iede riesc cialà de ti tò l mel cun na spriza, dan l curé pona mo sun l post y l mené cun l joler te spedel. Na gran sperduda se à tëut n ël de Neumarkt che fova te verzon y se lijova la zaita. Te n colp fòvel iló na gran beca che l à picià y n ne savova nia ce cunseguënzes che chësc pudëssa avëi. Nscila àn cherdà l 118 che à riesc mandà l joler cun l dutor che à nce pea na spriza contra de tei caji.

Golf: sport priculëus? Chi se pensëssa pa che l sport dl Golf ie priculëus? Do chësc pòssen l miné: n ël de 72 ani che jugova a Golf a Petersberg ie sbriscià ora y tumà sun l pra. N ova nscila cherdà na ambulanza pensan che l ne n’ie segurdeno velch de grief. Ma canche l’ambulanza cun i sucoridëures fova ruveda sun l post univa l ël for plu y plu stlet y nscila àn tëut la dezijion de cherdé l Aiut Alpin. Do la vijita dl dutor l àn ciarià tl joler y menà te spedel de Bulsan. L gran ciaut de chisc dis ti à nce dat da cë a n alpinista tudësch che fova tl lëur de unì da Rodela ju. L univa for plu y plu stlet y prësc fova ruvà permez l judacrëp dl’Auta Fascia, Stefano, che ova bele scumencià a ti dé la prima cures. L dutor unit adalerch cun l joler à pona pensà al rest y a l fé mené tl spedel de Ciavalëis. Nce n ël y n’ëila de Minca che fova tl lëur de fé na jita sëura St. Pauls y se ova perdù à udù cun legrëza coche l Aiut Alpin univa adalerch a ti judé. I

jiva a crì la drëta streda da jì inant, ma te n colp ie l ël sbriscià ora, se fajan mel ala giama. Nscila àn cherdà l joler ma l ne fova nia saurì da i abiné pervia che i fova te n raion ulache l ie truep bosch. Mpo ie l ntervënt jit a bon fin.

Uedli y oredles daverc sun la sozieté ladina d’aldidancuei N valgönes domandes a Romano Obwegs, cogo chef al Hotel Christiania a La Ila

Mëter a verda al tëmp Daduman ie l tëmp suvënz scialdi bel y n miena de pudëi fé na gran jita o de se arpizé sun vel’ crëp zënza problems dl tëmp. Ma nscila ne n’iel nia for. Domesdì pòssel datrai nce unì n temporal che mët i alpinisć n deficultà. Nscila iel suzedù n dumënia ai 13 de lugio, ulache domesdì via se ova l tëmp stlut ite y l ova scumencià a pluëi cun de gran tarluies. L joler univa cherdà te trëi luesc tl medemo tëmp. Sun l segondo ciampani dl Sela fòvel truepa jënt che se à duta giapà l tëmp. N jëunn dla Ungaria de 27 ani fova ora insom dl crëp, canche per vel’ gauja iel unì cëurn y ie tumà ju per truep metri, se mazan sun l colp. Tl medemo tëmp fòvel pona nce da julé a purté aiut a doi alpinisć che fova sot ala jeta sun l segondo ciampanil de Mëisules. Chisc àn ciarià tl joler y menà al segur. Y mo n iede fòvel da ruvé sun n ciampanil dl Sela a tò doi alpinisć y i purté al segur sun jëuf de Sela. Nteressant per l pilot ie dessegur stat n ntervënt sun la streda de Gherdëina puech dan Pruca, ulache un dala roda fova frit te n camion che ova dsarà ite te n colp dan ël. L fova na luegia scialdi strënta, che se à damandà duta la esperienza dl pilota per pudëi dé sëura dlongia l desfertunà. Avisa sun la streda àn pona dat sëura y la peles dl joler petova belau dales pertes. Ma cun gran bravura ie dut jit a bon fin. Chël dala roda ie ruvà te spedel y l joler do l ntervënt inò tl hangar a Puntives.

Cungres di Testemons de Iehova I Testemons de Iehova à ncurajà i vijitadëures dl cungres a ruvé plu daujin a Die. Chësc fova la tematica dl cungres che ie stat dai 2 ai 4 de lugio a Persenon tla Sala dl sport “Ex-Coni”, ulache l se à lascià batejé cin’ jëuni Persenon - Pra l cungres iel unì trat su la dumanda de “Cie nes mpedësc pa de avëi na amezizia plù strënta cun Die, y co stàla pa cun chëi che ne crëia nia?” Cun respet iel unì ejaminà plu minonghes y ideies, coche scrij i Testemons de Iehova, che ie “segures che chiche liej la Bibia cun nteres - nce sce l ne possa nia udëi Die - possa nriescer truep n con’ de si persunalità y coche n possa ti ruvé plù daujin. Un di mumënc de majera mpurtanza ie stat n dumënia domesdì. L ie unì purtà dant n pez che se à purtà pro tl prim secul do Gejù Crist. Chësc pez à fat capì tan dassënn che l ti sta a cuer a Die de salvé la persones che ti sta daujin canche l tulerà demez dala tiera dut l stlet.” (dl)

Dancà y da na pert

La Usc: Ëise metü man la sajun? Ëise tröp laur? Romano Obwegs: “I un metü man dër bun. I sperun che le tëmp dëides inant.” Cô dess pa le tëmp daidé? “Al dess roamgne inant desche al é, madër nia gnì massa frëit.” Cara é pa la derzada che te arjignes le plü ion? “Aladô di ghesć che i à. Al n’é nia tan da chirì fora la derzada che plej, mo la saù che i plej ai ghesć.” Cara é pa la derzada che te arjignes le plü ingert? “La derzada che i arjigni le plü ingert é ći che i mëssi arjigné le plü debota che ara va. Chësc ne me büta nia. Massa prescia ne büta mai.” Mëteste averda da olache le patüc che tö adores vëgn? “Imprömadedöt ćiari da olache al vëgn y sce le raport cualité - prisc stimenëia bëgn. Al n’é por nia tó patüc massa ćer, sce an sa che al vëgn ma da dalunc adalerch y so prisc é ma gnü slunfé sö dal marćé.” Y le biologich? “Al é ma n tant interessant, al é rî da capì ći che é biologich. Sce le biologich vëgn da n ćiamp tles vijinanzes de na fabrich o autostrada, spo ne sai nia tan biologich che al po ćiamò ester.” Ći adora pa n bun cogo dantadöt? “Na gran creativité. Na gran motivaziun. Na gran ligrëza da porvè fora dé por dé, chirì fora val’ de nü.” Ći fejte pa canche t’as stress? “Le stress é da desćiarié sön i hobbies che an à: por me la musiga, le lì. Denant él indere da ćiarè da

avëi püch y degun stress.” Fejte les tutres cun la rezëta de tüa uma o cun le liber da cujinè “So kocht Südtirol”? “Les rezëtes che i adori do da 35 agn da cogo vëgn ćiarades do y intres mudades. Sides chësta rezëta co chë atra mëss gnì pessanada ai tëmps y al patüc che an à a desposiziun.” Aconsiëieste da mangé fonguns de nüsc bosc? Sce scê, ćiodì pa? “I fonguns é val’ che plej y ne plej nia. Śëgn che al é sbrochè fora indô la rabia, él da odëi... Fonguns é na cossa n pü’ ala moda, mo le trend di fonguns é n pü’ passè.” Ćiodì é pa le trend passè? “Deache i fonguns é na cossa n pü’ strabaciada, da de vigni sort de faturs, n pü’ desco les balotes: ares vëgn arjignades industrialmënter y venüdes al ghest desche ares foss gnüdes fates te ćiasa.” N bel dé: olà oresste pa jì en vacanza? “Al me savess bel te na cité olache al é tröc museums y tröpa ert da odëi.” Sóneste ćiamò la chitara? “Poa, feter vigni dé. Ara é n pü’ desco le pan por me.” Cal é pa le grup de musiga che te aldes le plü ion? “N grup che i à ascutè dër tröp é i Dire Straits, y canche le grup é jü indalater spo Mark Knopfler.” Sce te podess chirì fora danter ester n chitarist rock conesciü a livel internazional o n prinz d’Inghiltera, ći chirisste pa fora? “Ester n chitarist rock internazional. Dessigü!” (ir)

Batëisum a Persenon per cin’ Testemons de Iehova. www.lauscdiladins.com

7


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

nr. 27 / 17 de messel 2010

N viac tl mond ti tieres Liejer, liejer, liejer: 10ejima edizion dl Bibliofestival: chëst ann n viac tl mond di tieres. Leprò n cuncors a pert per i sculeies dla scola mesana Liejer - Cie ie pa plu de bel ntan l instà che se n sté petei ju a surëdl cun n bel liber tla man? Per ti fé unì mo plu la gola de liejer n liber ai mutons dla scola elementera ntan la sajon ciauda, mët la biblioteca Tresl Gruber de S. Cristina a jì n cunlaurazion cun i maestri dla scola elementera l Bibliofestival 2010. Da mez juni inant bele pudova i sculeies inò se mpresté ora y liejer na mont de libri n con’ dl argumënt di tieres: stories de tieres da tlo y da oradecà, libri de fotografies di tieres de dut l mond, cunties, lijëndes y nfurmazions dut ntëur ai tieres, stories ntressantes, da rì y nce de teles che fej unì la pel de gialina. Sce te ues savëi tan de giames che à la furfejidles, cie che maia la lores, tant che vëija na talpina, pona vië te biblioteca y fé pea pra l Bibliofestival. Pità vëniel na gran cumpëida de libri, libri per ladin, tudësch, talian y nglëisc! Uniun che fej pea giapa n pitl pas, ulache l possa scrì ite i libri che l se à mprestà ora. Y chëi che à liet cin’ o plu libri nchin ai 26 de setëmber, unirà nviei ala gran festa dl „Bibliofestival 2010“. Duc i mutons ie nviei de cuer a fé pea y a liejer truep libri. Bele per l decimo iede ndolauter

mët la bibliotech Tresl Gruber a jì l Bibliofestival per ti fé unì ueia de liejer ai sculeies nce ntan i mënsc da d’instà.

Na scumenciadiva che nasc tl 2001 L fova l 2001, canche Maria Cristina Senoner, la coordinadëura dla biblioteca, ova fat la pruposta de mëter a jì nce te Gherdëina na tel azion. L’idea fova riesc ududa de bon uedl sibe dal cunsëi de biblioteca y pona via per l instà dai mutons y dai genitores. Sce l Bibliofestival ie nchinamò tan garatà, pona ie chёsc mé l merit dla bona cunlaurazion danter la passa vint ulenteres che lёura te biblioteca “Tresl Gruber” a S. Cristina, la maestres y i maestri de scola y l diretëur dla Direzion Raionela de Sëlva-S.Cristina Anton Senoner. La pert finanziela vёn curida dal Chemun y dal Cunsëi de Furmazion de S. Cristina y dala Cassa Raiffeisen de Sёlva. Perchёl n gra de cuer a chёsta istituzions. Mé de gra a si sustëni ti garàtel for inò ala biblioteca Tresl Gruber de urganisé de bela manifestazions y pité nsci ai l e të u re s n p ro g r a m d e manifestazions rich y da truepa

variazion.

Pest de leteratura Per i mutons dla scola mesana àn pensà de mëter a jì n auter cuncors y plu avisa l “Siegerbuch wird gesucht! Welches Jugendbuch macht das Rennen? Deutscher Literaturpreis 2010”. Uni ann vëniel sëurandat l pest “Deutscher Literaturpreis”. Pra la fiera dl liber a Leipzig d’ansciuda vëniel lascià al savëi i libri numinei per l pest. Chisc vën ala fin liec y giudichei da plu giuries. L titul che à venciù cunesceràn pona d’autonn pra la fiera dl liber a Frankfurt. Chëst ann possa duc inò ndeviné pea y vëncer. N possa jì a se tò i libri numinei tla biblioteca Tresl Gruber, tla biblioteca Oswald von Wolkenstein o tla biblioteca de val S. Durich. Nchin ai 8 de utober àn dl’aurela de i liejer y de dé ju si minonga persunela per l liber che dëssa vëncer. L daussa for mé unì mprestà ora da iede a iede mé un n liber per doi enes. Do che n à liet l liber, iel da scrì ite la valutazion tla zedula aposta che n giapa tla biblioteches. Chësc dëssa vester de aiut a to la dezejion per l liber che vencerà. N dumënia ai 23 de utober, di nternaziunel

dla biblio-teches, uniràn sëura chiche à venciù. L fossa bon tò pea uni iede la zedula aposta canche n porta de reviers n liber. Ala fin dla azion la mëten tla urna, nscila pòssen fé pea pra l’estrazion. N à doi pusciblteies de vëncer: un n pest prinzipel unirà trat ora danter chëi che à liet duc i sies libri y dat ju la stima per l liber plu lità; truep d’autri biei pesć unirà trac ora danter chëi che à liet almanco cater libri

Lecurdan Tresl Gruber N curt mo zeche per lecurdé la persunalità a Tresl Gruber. chëla che l ti ie unì dedicà la biblioteca a S. Cristina. Tresl Ladin. Anda Tresl fova nce drët Gruber ie nasciuda ai 4 de utober ativa tl ciamp soziel y duc si lëures 1897 a Urtijëi y chersciuda su sun y si arpejon ala metù a despusizion l luech da Ulëta a S. Cristina. Do per fins de bën. avëi finà l studium de storia dl’ert Per si gran cuntribut ala cultura a Bologna òvela nsenià per truep y al mantenimënt dla rujenda ani, danter l auter a Bulsan y a ladina ie la biblioteca a S. Cristina Maran. unida dedicheda a d’ëila. Tresl L’architeta y artista ie stata Gruber ie morta ai 13 de jené dl cofundadëura dla Union di Ladins, 1978. à publicà plu libri per ladin y ie Daniela Villotti stata la prima ëila a rujené tl Radio

A Nürnberg y Milan L Museum de Gherdëina va n tournée, almanco cun n valgun espunac. La scultura de Oswald von Wolkenstein a ciaval fata da bera Batista Moroder da Jumbierch ie nchin de nuvëmber da udëi te na gran mostra dl Germanisches Nationalmuseum a Nürnberg Museum de Gherdëina Oradechël ie plu pec de vedla scultures de Gherdëina bele da merz incà metui ora sun la Triennale dl Museo del Design a Milan. Tl Germanisches Nationalmuseum a Nürnberg iel ai 8 de lugio 2010 unì inaugurà la gran mostra „Mythos Burg“. Per chësta

mostra à l Museum de Gherdëina mprestà ca la scultura de Oswald von Wolkenstein a ciaval fata da bera Batista da Jumbierch tl ann 1916. L Germanisches Nationalmuseum ie la majera istituzion naziunela che documentea dal 1852 incà la storia y cultura de duc i raions de rujeneda tudëscia. La mostra speziela „Mythos Burg“ (L mit di ciastiei) lascia udëi 650 espunac y uel purté a cunescënza de n majer publich la nrescides plu nueves n con’ dl argumënt di ciastiei dal Medieve insù nchin te nosc tëmps. Una na sezion dla mostra ie dedicheda ala biografies de cater ciavalieres, danter chisc nce Oswald von Wolkenstein (1377-1445). Da udëi dlongia la scultura de Gherdëina ie nce la „Liederhandschrift B„ cun l pultret drët cunesciu dl poeta ciantautor medievel y na vedla ududa di Oswald v. Wolkenstein a ciaval, scultura de bera sedims de Val de G. Batista da Jumbierch, 1916. La scultura ie nchin Seelos. ai 7 de nuvëmber tl Germanisches La scultura Nationalmuseum a Nürnberg. mostra Oswald da

8

www.lauscdiladins.com

ciavalier dla Tiera Santa cun speda y ova na funzion particulera lieda ala prima gran viera. Coche „Wehrmann“ dassòvela judé per abiné adum i finanziamënc per la vëidues dla viera. Chiche dajova n cuntribut pudova aldò dla mesura dl sustëni bater ite na brocia urnamentela sun la figura dl ciaval. Tl 1962 ie la scultura unida duneda al Museum de Gherdëina dal fi dl artista, bera Oswald Moroder. La mostra „Mythos Burg“ resta davierta nchin ai 7 de nuvëmber dl 2010. La segonda pert dla mostra dal titul „Mythos Herrschaft“ ie da udëi tl Deutsches Museum a Berlin. D’autra mëndra vedla scultures à l Museum de Gherdëina mprestà per la Triennale dl Museo del Design de Milan, giaurida bele de merz de chëst ann. L fil cueciun dla Triennale 2010 uel ti jì dò ala relazions de nteres che luna ora danter l design modern y la tradizions locales. Chësa mostra resta mo davierta nchin de fauré 2011. L Museum de Gherdëina à al mumënt tl lëur mo de plu de d’autra dumandes per cunlaurazions per mostres spezieles oradecà. Cun mprësć de pec ora dla culezion „Luis Trenker“ uniràl giaurì ai 19 de setëmber na pitla mostra tl „Stolz Museum“ a Sest/Sexten. Paulina Moroder Museum Gherdëina

Ntreda dl Germanisches Nationalmuseum fotografeda n ucajion dla giaurida dla mostra ai 8 de lugio de chëst ann.


Gherdëina

nr. 27 / 17 de messel 2010

Per lecurdé Karl Unterkircher La cësa polifunziunela nueva sun Plaza Nives tl zënter de Sëlva ti ie unida dedicheda a Karl Unterkircher, l gran alpinista de livel nternaziunel de Sëlva. Ai 10 de lugio domesdì iel stat la inaugurazion ufiziela. Oradechël ti iel unì sëurandat a n alpinista che se à fat merit, l “Karl Unterkircher Award”

La cësa sun Plaza Nives te Sëlva à giapà l inuem de Zënter Karl Unterkircher.

Ueli Steck a venciù l Karl Unterkircher Award.

Alpinism - Doi ani iel ca da canche la burta nutizia dla mort de Karl Unterkircher ai 15 de lugio dl 2008 sun l Nanga Parbat se à sparpanià ora sëura duta Gherdëina. N bur’ colp per duc chëi de familia y per duta la cumenanza dla valeda. Karl fova bënulù da duc y l à lascià n gran uet. L’arpizedes de Karl Unterkircher, chësc alpinista de gran talënt, lià da stramp a si ncësa, ie jites ite tla storia, ora che tl Guiness di primac, se davanian nsci plu recunescimënc.

de Karl. L material ie sas dolomit, lën de ciarieja y la scrites de inox. Na cumbinazion che passena penseda da Gerold Moroder da Pradel, n cumpani de Karl, che à bele fat l monumënt n lecort a Karl che ie śën da udëi tl ciamp de basa dl Nanga Parbat.

Vita curta ma ntensiva N lecort al alpinista de ezezion Karl Unterkircher iel unì sëurandat per l prim iede l pest „Karl Unterkircher Award“. Cun chësc pest dëssa, aldò dl dejidere dla fundazion, l inuem de Karl Unterkircher vester inant prejënt tl ciamp alpinistich. L ie unì unerà alpinisć che se à tl 2009 fat meric straurdineres. La vita de Karl ie stata curta ma ntensiva. Per gran sensazion à dat tl uedl tl 2004 si arpizeda dl Mount Everest (8.850 metri) y dl K2 (8.611 metri) te mé doi mënsc y uni iede zënza l aiut dla bombules de ossigen. Na prestazion de marueia ie zënzauter nce stata la prima arpizeda dl parëi nord dl Gasherbrum II tl 2007, recunesciuda tl ciamp alpin coche la majera arpizeda ti ultimi dejeneies.

Caranta vies nueves de Karl Atif fòvel nce tla Dolomites, ulache l à stlut ju bën 40 arpizedes nueves. Unterkircher à oradechël

arjont la Andes y la pizes plu autes dla Patagonia, dan lascé la vita, tl parëi nord Rakhiot dl Nanga Parbat tl Pakistan. Karl ie stat dal 2005 al 2008 presidënt dl Aiut Alpin, coche cumëmber di Catores y mëinacrëp; ël ne n’à mei desmincià si ravises.

Cësa polifunziunela nueva Per lecurdé y uneré chësc gran alpinista ova la Jonta de Chemun de Sëlva da dant bele da n pez tëut la dezijion de numiné la cësa polifunziunela nueva sun Plaza Nives aldò de chësc uem che à danter l auter nce giapà na uneranza dal Chemun tl 2004. Karl ie n ejëmpl per i jëuni che vën do. Avëi gën la natura, crëier te chël che n se tol dant y de ulëi jì la streda dla vita cun artenienza y cunvinzion fova si moto. La festa n si unëur ie unida metuda a jì n sada ai 10 de lugio dala 5 domesdì. Tlo iel nce unì prejentà da pert de „Sportmeet” l proiet umaniter „Karl Unterkircher – Lhasa Tibet”, per judé i mutons da iló, urganisà da Karl nstës.

“Karl Unterkircher Award” Sibe ai 9 che ai 10 de lugio iel unì prejentà proiec y da dedò premià per l prim iede te Sëlva n alpinista straurdiner cun l pest “Karl Unterkircher Award”. Per chësc iel unì numinà cin’ alpinisć o grupes de alpinisć de duta l’Europa. Danter l auter Simone Moro y Denis Urubko per la prima arpizeda d’inviern, de fauré, sun l Makalu. Simon Anthamatten, Samuel Anthamatten y Michael Lerjen per la giaurida de na via

La Grupa de lëur cun Kurt Diemberger.

direta nueva tl stil alpin sun l parëi sud-est dl Jasemba de utober. Marko Prezelj, Rok Blagus y Luka Lindic per trëi vies nueves: Bhagirathi IV, III y II de setëmber, Robert Jasper y Roger Schaeli per la prima arpizeda liedia dla “Japaner-Diretissima” sun la Eiger Nordwand de agost y Ueli Steck per si prestazions straurdineres polivalëntes: la Schimd-Route sun l parëi nord dl Matterhorn te n’ëura y 56 menuc de jené, la Golden Gate-Route (8a) sun l El Capitan de mei, l’arpizeda dl Gll de lugio, coche nce dl Makalu de setëmber. Duta chësta arpizedes ie unides fates ntan l 2009. L “Karl Unterkircher Award” ti ie jit al alpinista dla Sivzra Ueli Steck, nia mé per si prestazions alpinistiches sambën de livel aut, ma dantaldut per l respet che l à daniëura desmustrà sibe per i crëps che per la natura n generel.

Iuria de esperc La iuria che fova metuda adum da Ines Papert (alpinista), Hans Kammerlander (alpinista), Rolander Larcher (alpinista), Volker Leuchsner (capo-redadëur dla revista spezialiseda “Klettern”) y Carlo Caccia (I)-mountaineering journalist of the magazine ALP+, à fat ora ala fin chiche giaperà l pest d’unëur. Chësc à giapà na scultura de sas dolomit y n pest de scioldi de passa 3.000 euro. Nce ai autri partezipanc ti iel unì sëurandat na scultura cun leprò n pest de scioldi de 1.000 euro. L pest de unëur ie de 30x30 cm y pëisa zirca 10 kg. L reprejënta la pizes de Saslonch, l simbol de Gherdëina y tlo iel sentà ite l retrat

Films y documentazions Pra la doi sëires iel oradechël unì prejentà i proiec di numinei, tres films y documentazions sun Plaza de Chemun. Ntan la prima sëira, vënerdi, iel unì auzà ora da pert dla diretëura dla Lia dl Turism de Sëlva Ellis Kasslatter, che la show muessa jì inant, che uel dì che l inuem y chël che Karl à fat muessa viver inant. Mplu iel unì dit che chësta scumenciadiva ne n’ie nia n cuncors, ma n pest zënza fin de davani, l prim te Südtirol. Da dedò iel unì prejentà la prima grupa de alpinisć: Simone Moro y Denis Urubko y de biei chedri de si arpizedes. N ie jic inant cun Robert Jasper & Roger Schäli, Simon Anthamatten y Samuel Anthamatten y Michael Lerjen. N sada sëira iesen jic inant cun la prejentazion di proiec de Marko Prezelj y Rok Blagus y Luka Lindic; Ueli Steck.

Giaurida ufiziela dla cësa sun Plaza Nives N sada dala cinch domesdì iel unì giaurì ufizialmënter la cësa polifunziunela sun Plaza Nives te Sëlva dal inuem „ Zënter Karl Unterkircher.“ Prejëntes fova plu autoriteies, danter l auter i ambolc de Urtijëi Ewald Moroder y de S. Cristina Eugen Hofer, cumëmbri

dla Jonta y dl Cunsëi de Chemun de Sëlva coche nce truep alpinisć y mëinacrëp dla valeda. La festa ie unida giaurida cun sunedes da pert de na grupa de strumënc de banda da tlo. Da dedò iesen riesc passei ala rujenedes ufizieles. La diretëura dla Lia dl Turism de Sëlva Ellis Kasslatter à te chësta ucajion auzà ora che l ie n di speziel. Lecurdé Karl ti dedican chësta cësa fova bele tla ntenzions dl ambolt da dant Roland Demetz, idea che ie pona unida sëurantëuta y purteda a bon fin dal ambolt nuef Peter Mussner. Nce Mussner à auzà ora te si rujeneda i meric de Karl y l ie drët che l vënie lecurdà inant nce tl daunì. Silke Unterkircher à ala fin mo rengrazià duc canc, danora l ex ambolt Demetz, l ambolt da śën Mussner y duta la grupa che à judà pea acioche l proiet vede a bon fin. L ambolt Mussner y l ex ambolt Demetz à ala fin mo descurì la scrita sun l parëi dedorapert dla cësa, ulache n puderà damoinlà liejer «Zënter Karl Unterkircher». Nscila resterà Karl inant danter nëus cun si ejëmpl sot de umanità senziera.

La fundazion L gremium dla fundazion per l pest ie metù adum da Silke Unterkircher, vëidua de Karl, l fra de Karl, Peter Unterkircher, y si coordinadëur Herbert Mussner. Dl patrozine se à tëut sëura Florian Mussner, assessëur ladin per la scola y cultura. L „Karl Unterkircher Award“ unirà da moinlà sëurandat uni ann. Daniela Villotti

Duc i premiei che à fat pea pra l Karl Unterkircher Award. www.lauscdiladins.com

9


Gherdëina

nr. 27 / 17 de messel 2010

Na streda de festa La streda nueva de zircumvalazion a S. Cristina ne à nia mé purtà pro a smendré l trafich, ma nce che n posse mëter a jì de blòta festes sun streda dl zënter y sté n cumpania cun mujiga y de bon cëives

S. Cristina - Avisa nscila iela stata n vënerdi sëira dan otodì ai 9 de lugio a S. Cristina tl raion da jì a pé dala sies da sëira inant. Truepa jënt de S. Cristina y de duta la valeda, coche nce truep seniëures, se à nuzà dla bona sëira,

sarëina y ciauda, per festejé deberieda l instà, scutan su mujiga rock dla grupa di jëuni „Vicious“, mujiga moderna-nostalgica dla grupa „Nostalgic Dance Band“ y mujiga da mont di „Giango’s Oberkrainer“. I restauranc, la

ustaries y i hotiei dl zënter de S. Cristina, deberieda cun la Lia dl Tennis de S. Cristina, la Chemun y la Lia dl Turism, se à purvà dassënn a fé garaté la festa, dajan ora da bever y da maië. Sambën ne manciòvel nia l’animazion per

i pitli mutons: nsci pudova i mutons se lascé depënjer l mus cun d’uni sort de biei culëures; l clown „Mago Remi“ fajova d’uni sort de matades. La festa à durà giut y resterà dessegur nce giut tl lecort de duc chëi che à tenì tan

bën adum per la mëter a jì y speron nce de duc chëi che ie unii a passé n valgun’ëura de devertimënt. A n auter ann! Per la Lia dl Turism S. Cristina, Katrin Perathoner

N valgun mumënc dla festa a S. Cristina.

Olimpia te Gherdëina Tl 2013 uniràl metù a jì te Gherdëina la “Olimpiada de sport populer dl IVV”. L IVV ie la Federazion nternaziunela de sport populer Manifestazions - N vënerdi ai 9 de lugio se àl abinà tl Luxemburg 103 delegac dla Federazion nternaziunela de sport populer (“IVV - Internationaler Volkssport Verband”) n reprejentanza dla assoziazions cumëmbres de 26 nazions. Cun na vela sucrëta iel unì lità l luech ulache l sarà d’ansciuda dl 2013 la trëdescejima “Olimpiada de sport populer ”dl IVV. La Federazion nternaziunela de

sport populer IVV fova unida metuda su tl 1968 da federazions de sport populer di Paejes Tudësc, dla Svizra, dl Liechtenstein y dl’Austria. Sciche sport populer iel minà: jì da mont su, jì cun la roda, jì cun i schi y nsci inant, ma zënza vester sot a prescion y zënza messëi bater zachei. L ie bele 5.500 assoziazions cumëmbres y danter chëstes vëniel metù a jì uni ann ntëur a 7.500 manifestazions dl

IVV, cun passa 15 milions che fej pea.

La delegazion de Gherdëina La reprejentanza de Südtirol tl Luxemburg fova metuda adum dal presidënt dla Lia dl sport populer de Südtirol (“SVV - Südtiroler Volkssport Verband”) Friedrich Ploner, da Reinhold Bernardi presidënt dla Lia di Ciambonfs, da Josef Kelder presidënt dla Lia per l Turism de Sëlva y da Günther Pitscheider diretëur dl Cunsorz dl Turism de Gherdëina. Ëi à purtà dant la candidatura de Gherdëina per la Olimpiada de sport populer IVV tl 2013. D’autra candidatures fova dla Norvegia, dl’Austria y dla Cina.

Gherdëina vënc

Da man ciancia: Reinhold Bernardi, presidënt dla Lia di Ciambonfs y delegat IVV, Giuseppe Colontonio vize-presidënt IVV, Josef Kelder presidënt dla Lia per l Turism de Sëlva, Friedrich Ploner presidënt dl SVV y delegat IVV y Günther Pitscheider diretëur dl Cunsorz Turistich.

10

www.lauscdiladins.com

Na tel Olimpiada vën urganiseda uni doi ani te n auter Stat, ulache l ie nce na assoziazion cumëmbra dl IVV. Tl 2009 fòvela stata a Yamanashi tl Iapan, tl 2011 uniràla urganiseda a Antalya tla Turchia y tl 2013 unirà chësta gran manifestazion pona a s’l dé te Gherdëina, sciche luech de Südtirol. Bele do la prima cumpededa dla

ujes ova Südtirol y nsci Gherdëina cun 59 ujes sun 103 bele arjont la maiuranza assoluta. Nsci ie Gherdëina bel snel unida detlareda ufizialmënter sciche luech dla 13ejima Olimpiada de sport populer dl IVV. Da n dì per Gherdëina ova zënzauter la gran vela de nfrastrutures sportives che on te nosta valeda, l gran livel dla

prestazions y dl servisc ai ghesć, i mplanc portamont, i hotiei y sambën nce la vela de manifestazions a livel mundiel che vën daniëura pitedes ne nosta valeda. La Olimpiada unirà metuda a jì d’ansciuda dl 2013. L proscimo var sarà de mëter su n cumité de urganisazion per scumencé a lauré de viers de chësta gran manifestazion. (id)


Gherdëina

nr. 27 / 17 de messel 2010

“Inant cun jënt jëuna” N possa bele tré la prima cuntlujions n con’ dla Jonta y dl Cunsëi nuef tl Chemun d’Urtijëi, metù adum da dodesc reprejentanc dla SVP, set dla Lista Urtijëi y un di “Freiheitlichen”, de ndut n iel 14 de nueves Urtijëi Chemun - L ambolt Ewald Moroder ie de chëla che n à abinà la drëta jënt per la ncëries spezifiches per l Chemun cun la majera cumpëida de abitanc te Gherdëina, ma cun l mënder raion y che mostra nsci su bujëns particuleres: “Jënt jëuna che à ueia de lauré y de mené inant bën l lëur bele fat y nvià via, njuntan ideies nueves, sibe te Jonta che te Cunsëi.” Moroder uel vester l ambolt de duc canc tl luech y avëi na bona cunlaurazion y dialogh cun duc sun Chemun, coche l dij. Al ambolt ti ons fat n valguna dumandes: USC: Do doi mënsc dala veles de Chemun, pòssen pa bele fé mpue’ de bilanz n con’ de Jonta y Cunsëi nuef? Ewald Moroder: Danora muessi bën auzé ora che l me sà da stramp da muië che l ne n’ie nia unit a s’l dé na coalizion cun la Lista Urtijëi. Per chësta rejon se n ie depona nce jit Leo Moroder, che ti ultimi cin’ ani fova vizeambolt. On for laurà

bën deberieda y l me desplej de coche la ie jita. Perchël éi messù cialé de mëter adum na Jonta cun mé cunselieres dla SVP. L ie dut jënt jëuna, jënt n gran pert nueva che à ueia de lauré, cun ideies nueves che ie na premissa fundamentela per jì inant. Sambën ne n’iel per n ambolt nce nia tan saurì canche te jonta n iel sun set bën cinch de nueves, ma ie vëije chësc cun otimism. L ie dut jënt nueva te Chemun, na bona cunlaurazion danter duc, da coche l semea? Sci, chësc fat ie da bestia bel. N scumëncia a se cunëscer, a lauré deberieda. Per na aministrazion ie chësc chël che n adrova. Ajache la jënt jëuna dà ite sëur y druch y chël adurvons tl daunì, davia che se on tëut dant truep. La Lista Urtijëi ie śën al’oposizion: co iela pa a lauré inant te chësc cuntest nuef? Ne son segurdenó usei a lauré inant tl’oposizion cun jënt che nchin

dan puech fova cun nëus te coalizion. Ma mpo iel la cundizions tlo de lauré bën. Ie son a una sce i porta de bona prupostes, costrutives. Ma sce les ie strumentalisedes o nchinamei politiches ne les azeteréi nia. Sce l unirà mé fat politica o purtà prupostes uetes o fé mé per fé ne jiràla sambën nia. Spere che de chësc viers ne sìbel nia problems che ne ti uega sambën a deguni, ala fin. Cie se aspieta pa la jënt d’Urtijëi do Vosc ntënder da na aministrazion publica? La jënt se aspieta da na aministrazion che l vënie laurà bën y dantaldut per duta la cumenanza y per l luech. Savon che i scioldi y i finanziamënc sarà de manco ti proscimi ani. Mpo saràl mi mpëni de ne auzé nia la chëutes, ajache sé che la families te Gherdëina se stënta bele nsci a jì inant, ajache tlo ie l viver plu cër che nzaul d’auter. Nosc program che on purtà dant dan la

veles ie struturà bën y uleron l tré tres l miec che la va ti proscimi cin’ ani. La priurità de lëur, al mumënt a Urtijëi? La priurità ie dessegur mëter a

post n valguna strutures publiches, coche l ressanamënt dla ex scola elementera, ulache sibe la Scola de Mujiga de Gherdëina che la biblioteca de val S. Durich arà si sënta nueva drët aspiteda. Pona la pruietazion, l ngrandimënt y la ijulazion dla scola mesana, ulache l ie n finanziamënt dl 80% da pert dla Provinzia, la utia de Resciesa che ie bele a n bon pont y ulache on da garat i finanziamënc. L mancia mo i finanziamënc per la ex scola elementera, ma a vel’ maniera i abinerons bën ca. Pona sambën mo cumedé su n valguna stredes y tretuars melciafiei. N Vosc dejidere persunel per l daunì dl Chemun d’Urtijëi? Dantaldut la sanità, ajache coche n dij: sanità ne n’ie nia dut ma zënza sanità ie dut nia. Perchël, sce on chëla, puderons fé truep a bën dla cumenanza dl luech y dl Chemun d’Urtijëi.

L ambolt de Urtijëi Ewald Moroder.

Daniela Villott

I pensieres dla Lista Urtijëi Tla senteda de Cunsёi de Chemun nstadì iel uni prejentà l program dla SVP per i cin’ ani che vën. La Lista Urtijёi ne dà nia pro chësc program cumenanza che se vёn y che se sёnt bёn te nosc bel luech, tò demez l trafich o miuré la Plaza de dlieja y Plaza S. Antone, realisé la streda tl raion artejanel dala Sia ora y lascé pro a artejans de fé cuatieres nce te de mëndri loc. Ne ulon nia che nosc artejans y zitadins muessa jì a sté oradecà canche l fossa mesun che i possa sté tlo.” Duc chisc ponc ne ulova la SVP nia avёi tl program per i proscimi cin ani, scrij la Lista Urtijёi, che à “nce spiegà la mpurtanza dla scola mesana. I lёures de ressanamёnt udui dant ne tleca nia y l fossa debujёn de la fé su da nuef, nce sce chёl cumpurtёssa de messëi aspité mo vel’ann deplù.”

Utia de Resciesa: “Sudesfazion y delujion” Canche l fova da dé pro l njenië ite dla utia de Resciesa, à la Lista

Urtijёi, coche l vën scrit, “fat doi prupostes: rёnder la utia adateda ala persones cun handicap y la zertifiché cun l sigil europeich Ecolabel. La Lista Urtijёi à purtà dant la proposta che vёij dant de cunsentì a persones cun handicap de pudёi jì tla utia de Resciesa. N se à fat marueia che la utia ie unida proieteda zёnza cunscidré i rёms architetonics y perchёl ulova la Lista Urtijёi che l unissa mo proietà n bani a livel dla ustaria y almanco una na majon adateda a persones cun handicap. Ajache per la maiuranza fòvel plu mpurtant che i lёures pra la utia unissa finei mpue’ dant, à la Lista Urtijёi purtà dant do na gran descuscion la pruposta de cumpromis che chisc lёures vёnie fac ti doi ani che vёn.” La Lista Urtijëi scrij ala fin che “la SVP ne à nia dat pro la pruposta de zertifiché la utia cun l sigil europeich Ecolabel. Nsci ёssa l Chemun la segurёza che tla utia

dl Chemun tl Parch Naturel Puez Odles, arpejon mundiela dla natura, vёniel sparanià ega, energia y smendrà l refudam, che l vёnie adurvà prudoc da paur da tlo y nsci sensiblisà nosc zitadins y turisć a stravardé l ambient. L fossa nce stat n ejёmpl per d’autra strutures. La resposta che chёsc var ëssa purtà custimënc sёuraprò ne n’ie nia da azeté per la Lista Urtijёi, davia che l fossa mé stat da spënder na pitla soma y che n ova bele rujenà de chёsc ti ultimi doi ani tla vedla aministrazion de Chemun. L ie da muië che i cunselieres dla SVP ne sёnt nia daujin chёsta tematica, nce ajache Urtijёi fej pert dla Lianza per l Tlima y l Ecolabel vёn retlamisà dala Provinzia de Bulsan,” critichea i cunselieres de Chemun dla Lista Urtijëi, Costanzi Alberto, Goller Gerlinde, Goller Martina, Insam Claudia, Irsara Raimond, Schrott Claudia y Urthaler Claudia. (dl)

La cësa de Chemun a Urtijëi.

Urtijëi Chemun - La Lista zivica Lista Urtijёi à tёut posizion n con’ dla senteda de Chemun ai 6 de lugio, “sun cosses che manciova defin sun l program y à nsci nce arjont che chisc ponc ie unic tёuc ite: lёures de canalisazion per spartì l’eghes pazies y blances, fé n stude de fatibltà per fé ora l tòch de tunel sun Puent de Pana per manifestazions, baraté ora man man la vedla lumes dla luminazion publica cun de nueves a LED per sparaniё lectrisc y mёter a jì proiec sun l tlima a livel de aministrazion per sensiblisé y purté daujin la tematica dl ambient

ala populazion dl luech.” Inant scrij la Lista zivica Lista Urtijёi che “la SVP ne à nia nunzià te si program y niancanó azetà la prupostes dla Lista Urtijёi n con de chisc argumёnc: museré l aria, ngrandì l Parch Naturel Puez Odles dantaldut śёn che sun Resciesa iel unì fat de grandiscimi lёures, abiné na miёura soluzion per l’antëna dai fonins tla streda Pedetliva, savan che via n Sureghes n iel udù dant mo una!, tré manco sel d’inviern, ntegrazion dla persones da oradecà che viv y lёura te nosc luech, per ne avëi nia te n daunì cumenanzes paraleles, ma na sёula

L Cunsëi de Chemun de Urtijëi. www.lauscdiladins.com

11


Gherdëina

nr. 27 / 17 de messel 2010

N trapulon furnì da preve

La mostra di cueres Chedri de Martha Silbernagl, dal titul „Cueres“, ie mutui ora te na mostra tl Café Surëdl a Urtijëi Ert - Dut l ann iel da udëi vel’ de bel tl Café Surëdl a Urtijëi. Un n iede iel fotografies y l auter iede na mostra de n artista dla valeda. Śën iel per cin’enes alalongia da udëi chedri de Martha Silbernagl, nce cunesciuda sciche „la stria dl Scilier“ a Ciastel. Ëila ne n’ie nia na stria ria. La stria Martha acumpanieia i pitli mutons y la pitla mutans te si raion magich y spetrel, ulache la conta stories y lijëndes de Mont de Sëuc. L ie na gran legrëza per i mutons y nce per Martha nstëssa. Martha à fat na furmazion profesciunela coche rajuniera tl ITC. Ëila à laurà te chësc ciamp per sies ani, per se dé pona ju cun si gran pascion, la pitura. Martha depënj aldò de coche la se sënt iusta. I cueres à n gran senificat per ëila: „Tla vita dëssen se lascé nspiré de si sentimënc.“ Si chedri à nce mpue’ de magia laite. Depënc cun tecnica mescededa te truep culëures, ài na fazion dl’ansciuda. Amez ite iel i cueres te grandëzes y cuantiteies desferëntes. Uni iede canche n ti cëla vëijen zeche de nuef, n ne se stufa mei de ti cialé.

N cheder de Martha Silbernagl.

Do che l Café Surëdl ie inò tla sënta vedla, tl fabricat tla streda Roma, iel bele inò unì metù a jì n valguna mostres. L vën nce metù a jì manifestazions cun autores de libri, teatri dala popes, festes de cumplì di ani per i pitli y cunzerc, l proscimo sarà ai 30 de lugio cun Max Kastlunger.

Cun i cin’ lauranc cun capaziteies particuleres uel l Café Surëdl tò su cuntat cun la jënt y chësta manifestazions y mostres ie na bona ucajion. L Café ie daviert da lunesc nchin sada dala 10.00 ala 19.00. Lara Sacco

Te Gherdëina iel unì dat sëura n preve che ne fova niancanó n preve. L trapulon jiva ncantëur furnì da preve a vënder santes y calëndri Sëlva - Inò n cajo da desplajëi ulache l vën fat da mat cun l bon cuer dla jënt. I Carabinieri à dat sëura nstadì n ël n pension dl Piemont. L ël de 70 ani jiva ncantëur, aldò di Carabinieri de Urtijëi, furnì da preve. Chësc ie sambën contra la lege. L ël ti à dat tl uedl ai Carabinieri te Sëlva, jan da ustaria a ustaria y ti pitan ai turisć, per na dunfierta de scioldi, calëndri y santes d’uni sort, furnì fòvel cun n guant fosch, na ciamëija grija y n culer blanch. Oradechël òvel ntëur al col na culana cun na crëusc, bel da udëi sëura l camejot. Canche i carabinieri à damandà y cuntrulà i documënc dl ël, ài messù cunstaté che l ne fova degun preve. L piemontesc se à mustra dan i Carabinieri coche “pëtler”, che proa a rafé adum scioldi, per se paië si feries te Gherdëina te n hotel da 3 stëiles. I Carabinieri de Urtijëi ti mët a cuer a chëi che à da n fé cun l turism de cherdé riesc su l numer de telefonn 112, canche i vëija

persones che se cumporta te na maniera fetra o suspetëusa. Nscila pudëssen stlarì riesc caji de fufules, rubaries y auter y schivé situazion ncompres a dann dla jënt. (dv)

Te Sëlva iel unì abinà n trapulon che dijova de vester n preve.

Viver per l’ert Josef Kostner da Stlujuc à n sada ai 10 de lugio prejentà si liber nuef cun laite gran pert de si lëures artistics, sibe de scultura che de grafica Ert - La gran forza de Josef Kostner da Stlujuc ie tla scultura, ma nce tla grafica, coche n vëija tl liber nuef che ie unì prejentà tla galaria de antichità Digart a Urtijëi deberieda cun truepes de si opres. Pra la prejentazion iel unit adalerch truepa jënt nteresseda a si lëures coche nce autoriteies, danter l auter Luigi Meneghelli, l critich d’ert che à judà a scrì l liber, o l ambolt de Urtijëi Ewald Moroder. Pra la festa à sunà Max Castlunger y Emanuele Valentini. Aldò de Josef Kostner y si muta Valentine passenea chësta mujiga dassënn pra la figures y i chedri.

Prejentazion dla muta Valentine Ntan la festa à rujenà la muta Valentine, cialan de purté plu

„Sentive de messëi fé“

Kostner ie dutes de peton, n material rie da lauré ma nia tan cër’ da cumpré. Tl scumenciamënt messòvel lauré cun chësc material ajache l ne pudova nia lauré cun l bront per gaujes economiches, ma cun l tëmp iel deventà na si carateristica de lauré cun peton.

Josef Kostner da Stlujuc ie nasciù te na familia de scultëures. Bele da jëunn òvel nscila abù l mesun de pudëi ziplé y de mustré si capaziteies. Do che l ova finà la Scola d’Ert y l diretëur ova udù si gran fortl, àl scumencià a nsenië te chëla scola. Te si tëmp liede stajòvel a cësa a fé si opres. Ël ne les fajova nia per les vënder, ma ajache l sentiva de messëi les fé. Ora de si atività artistica ne òvel nia d’autri nteresc. La scultures de Josef

A fé na tel opra ne adurvòvel nia mé truep tëmp, ma nce truepa forza, l fova n lëur sfadiëus, che ti fajova dal’autra pert scialdi plajëi. Per ël ie si opres coche pitli popesc fac cun n gran amor. Per fé na tel opra messòvel dant fé na strutura de fier ulache l metova su la mauta. Do chësc fajòvel n negatif de ghips, per jeté pona ite l peton. Da dedò metòvel su na patina che ie da uni lëur autramënter. Josef Kostner fajova si opres coche

daujin ala jënt la opres de si pere, ëila che l cunësc bele duta si vita y l capësc te si opres. Ëila à ulù ti dé da ntënder ala jënt la emuzions che la à giapà pea da pitla cun n pere che vivova per si ert.

Pra la giaurida y la prejentazion dl liber nuef de Josef Kostner.

14

www.lauscdiladins.com

Una dla truepa grafiches.

les ti savova beles a d’ël y nia coche n auter les ëssa abudes gën.

Mostra y liber Pra la prejentazion iel unì metù ora sun la 30 opres de scultura y de grafica che ne n’ie nia da udëi tl liber. L’idea de fé n liber ie stata de Valentine. Ëila ulova cun chësc liber purté la opres de si pere per dut l mond y te galaries nternaziuneles. Nce sce Josef Kostner ie scialdi cunesciù ulova Valentine l fé cunëscer mo deplù y ti dé l drë’ merit. Pra la publicazion se tràtel de doi libri: un dedicà ala scultura y l auter ala grafica. Tl liber ne n’iel nia truep de scrit, ma truepa de beliscima fotos dla opres. L test ie unì metù ju da Francesco

Buttarini y Luigi Meneghelli, doi critics d’ert. La biografia ie unida scrita da Georg Demetz. Dut l liber ie scrit per talian y nglëisc; l ie unì cris ora chësta doi rujenedes per pudëi mandé chësc liber per dut l mond. Tl liber iel nce n test scrit da Josef Kostner nstës, per tudësch, tl ann 1983. Te chësc liber vëijen che Josef Kostner ie n artista cumplet per si capaziteies scultories, pitoriches y nce letereres, cun la poejies che l à scrit ntan si vita. A publiché l liber à judà l assessëur ladin Florian Mussner, l Chemun de Urtijëi y la familia Kostner nstëssa. La mostra tla streda Digon 18 ie mo davierta nchin duman dumënia 18 de lugio.

Trëi figures de peton realisedes da Josef Kostner.

Marlis Schenk


nr. 27 / 17 de messel 2010

Storia dl mëis

Manifestaziuns tl dagnì

Sciöche sè

“I t’ô bun sciöche al sè da cujiné!”

Al ê n iade n re che â inom Enrì Le Sapiënt. Al â trëi fies: Alba, Bettina y Carlotta. Dles trëi êl Carlotta che tirâ dant, mo chësc ne podô le re sambëgn nia dì. Al ê gnü l’ora da chirì na suzessuria por le tronn y le re chërda ite les trëi fies y les damana: “Cares mitans, tan bun m’orëise pa?” La plü vedla respogn: “Pere, iö t’ô tan bun sciöche ala löm dl dé, sciöche al sorëdl che i dà vita ai ciüfs. Tö es mia löm!”. Döt contënt dij le re a Alba da se sentè jö a süa man dërta y chërda spo Bettina. Chësta i respogn insciö ala domanda: “Pere, iö t’ô bun sciöche al maiù tesur dl monn, tüa sapiënza vel deplü co l’or y les peres

prezioses. Tö es mia richëza!” Ćiamò plü contënt dij le re a Bettina da se sentè a süa man ciampa y chërda l’ultima fia, Carlotta. “Y tö, mia picera? Tan bun m’osta pa?” i damánel cun usc morjela. La fia i ćiara bel fit ti edli y respogn: “Pere, iö t’ô bun sciöche al sè da cujiné!” Le re ne crëi nia a ći che al à pormò aldì y damana: “Ći aste dit?” “Pere, iö t’ô bun sciöche al sè da cujiné”. Le re é dër dessenè y respogn cun tonn grou: “Canaia! Co te pormëteste pa da me dì na te’ cossa? Vatun demez, i n’ô nia plü t’odëi! T’es dejarpada!”. La püra Carlotta s’un va demez

Usc dal Alt de siur degan Franz Sottara

Vagnele dla 16. Domënia dl Ann C (Lc.10,38-42) Canche Gejù jô a Ierusalem storjôl ion pro a Betania tla ćiasa dles sorus Marta y Maria. Al ê por ëres na gran festa canche Gejù passâ y n gran onur da podëi le ospité y le socodì. Marta ê chëra che fistidiâ da ti cujiné val’ de bun da mangé, deperpo che Maria se sentâ jö dlungia Gejù y ascutâ pro ći che al dijô. Gejù aprijâ sigü dër chësta atenziun da pert dles

döes sorus. Intrames orô pö ti mostrè, vignöna a süa moda, süa ligrëza da podëi le tó sö te süa ćiasa. Incö é nosta ćiasa, nosta familia y inće nosc cör na sort de Betania y nos sun Marta y Maria. Gejù vëgn a nes ciafè inće nos, y inće a nos nes dìjel ći ch’al ti dijô inlaôta ales döes sorus. A Marta, che al odô döt agitada y plëna de fistidi y laûr ti dijôl: “Marta, ne stè a te cruzié massa por les tröpes cosses che t’as da fà! T’es al prigo de te desmentié che al é ćiamò val’ plü de important!” Maria laldâl, deache ara â capì che la vita ne n’é nia ma fata de laûr, strès y fistidi, mo an adora inće le chît y la pêsc dl cör, por podëi aldì y medité ći che Gejù nes dij. “Ora et labora – perié y laurè” ê la regola de san Benedet por sües comunitês, na regola che vêl tres ćiamò, y inće por nos. I ùn debojëgn de laurè, mo inće perié, de fà mo inće de stè chîć. I inviun Gejù da gnì da nos, sciöche al gnô inlaôta a Betania y i nes tolun a cör ći che Gejù y inće Marta y Maria ô nes dì incö a nos!

dal ćiastel dlun’ pitan y lascia zoruch le rëgn de so pere. Ara ciafa laûr te ćiasadafüch dl re confinant y deache ara é bela, prossa y na bona cöga, devëntera tosc la pröma cöga dl re. N dé röiel adalerch re Enrì. Düć dijô che al â la ria y ê su. Al â albü trëi mitans, la pröma ê sciampada cun n chitarist dla California, la secunda ê jüda tl’Australia a trà sö cangurs y l’ultima âl ël parè demez… Carlotta â atira conesciü so pere. Ara s’â dè dër da fà por cujiné de bones derzades, mo impede sè âra tut indlunch zücher. La marëna ê deventada n festival dles müses: düć ćiarćiâ y spodâ fora tl serviet. Le re, döt dessenè â lascè cherdè adalerch la cöga. La picia Carlotta ê atira gnüda y â dit: “N dé sunsi gnüda parada demez da mi pere deache i ti â dit che i ti orô bun sciöche al sè da cujiné, che i dà saù ala spëisa. Insciö, por ne ti dè nia n ater desplajëi, ài cujiné cun zücher impede co cun sè.” Re Enrì ê lovè sö cun i edli plëgns de leghermes: “Mia fia, al é le sè dla sapiënza che baia. Prëibel pordoneme y azeta mia corona.” Al ê gnü fat na gran festa y düć pitâ leghermes de contentëza, mo chëstes ê sarades, nia da zücher... Gonot messunse perde o nes destanzié dales porsones ch’i ùn incëria, por capì tan importantes y speziales che ares é. Storia de Bruno Ferrero Adataziun tl ladin de Iris Agreiter

Dala SKJ da Balsan Ai 18 de setëmber 2010 tëgn la SKJ le convëgn d’altonn (HerTa - Herbsttagung), cun chël che al mët man n ann de laûr nü. I mëmbri dla SKJ s’incunta n iade al ann por ćiarè zoruch al ann de laûr stlüt jö y por tratè le program dl ann che vëgn. Te chësta ocajiun vëgnel inće presentè le tema dl ann. Al é na ocajiun por gnì lassura dles novitês dla SKJ y por conësce l’oferta de chësta lia por la jonëza. Informaziuns ciafon pro Martina y Katrin al nr. 0471/970890

Lovè dl sorëdl sön Pütia Por düć i jogn dla valada, al 1. de agost. Gnide tröc!

Oraziun de Taizé Le grup Taizé Val Badia inviëia düć da tó pert vigni terzo vëndres dl mëis ala ora de Taizé, dales 20.00 te capela a Oies. La proscima incuntada sarà ai 20 de agost.

Edema di Jogn 2010 L’Edema di Jogn sarà dai 6 ai 12 de setëmber.

I jogn s’incunta indô... Na mëssa di jogn n iade n pü’ atramënter

Do mëssa él gnü fat na griliada. Les liagnes é apratades y arjignades da gnì sorvides.

Ai 20 de jügn é la mëssa grana a San Martin gnüda festejada inće sciöche mëssa por i jogn dla valada. Le tema dla mëssa ê “scalins”. I podun paragonè nosta vita a na stiga fata de scalins: datrai é i scalins saurisc y nia sfadiusc, mo al é inće de chi momënć olache al nes manćia les forzes tles iames por jì sö inant. Do mëssa él gnü venü produć fać dai popui dl’Africa. Ći che é gnü trat ite ti é jü a Pauli, che é pié

ia por la tera di mori, le Kenja. Da marëna ciafâ i jogn dai paîsc desvalis na bona griliada arjignada ca cun ligrëza, danter na ciacolada y na bona spëisa. N domisdé de aorela cörta ne podô sambëgn nia manćé y insciö é inće chësta bela domënia jüda a piz. I orésson tó l’ocajiun da rengrazié düć chi che à portè pro al garatè dla festa y a chi che a daidé de val’ vers da fà para. Ala proscima!

Na cartada ne s’à valgügn nia lascè sciampè.

Sön la plata internet www. skj.bz.it pon ciafè informaziuns de pröma man sön l’ativité. Danter l’ater él inće la poscibilité da s’abonè a na newsletter por ester dagnora informà. Por i grups de jogn che organisëia mësses y zelebraziuns de dlijia él na seziun “JuGo-Online”, olache an po se desćiarié jö - do avëi fat la registraziun - de vigni sort de tesć, oraziuns y meditaziuns.

Publiché tla plata di jogn Sce n jonn o na jona oress publiché val’ tla plata di jogn (esperiënza personala, fotos o d’ater), pòi se mëte en contat cun alma79@dnet.it. Dilan!

Ofize dl Sorvisc ai Jogn Le Sorvisc ai Jogn Val Badia lascia alsavëi che l’ofize é davert dal lönesc al vëndres, dales 8.00 ales 12.00 y dales 14.00 ales 18.00.

www.lauscdiladins.com

15


nr. 27 / 17 de messel 2010

I Kyrios à rapresentè Südtirol tl’Austria Dai 26 ai 30 de jügn à le cor Kyrios tut pert sciöche ghest ala incuntada di cors di jogn dl’Austria a Salzburg

Cör de Gejù a La Ila En domënia ai 13 de jügn, festa dl Sacher Cör de Gejù, à i Jogn da La Ila organisé na griliada y da jì a fà füch. Düć i jogn s’à incunté pro la grilia sot la plaza de Piz La Ila, olache ai à ciafè na bona liagna apratada da Julian, vizepresidënt di jogn. Canche la plöia à n pü’ dè do, sunse jüs sön la goba dl giat

dla pista Gran Risa, olache al ê gnü arjigné n bel gran müdl de lëgna da impié sö. Inće sce al é stè na sëra da plöia, él garatè de beliscimes ores por stè en compagnia te na atmosfera da stè saurì. I Jogn da La Ila rengrazia chi che à daidé organisé, che la festa podess garatè. (Jogn La Ila)

I jogn da La Ila à impié sö n bel füch sön la goba dl giat.

Festa dl Cör de Gejù I Kyrios à podü rapresentè Südtirol pro le “Bundesjugendsingen 2010” tl’Austria.

Ai 26 de jügn sunse pià ia da Badia incër les 9 da doman por jì a Salzburg al “Bundesjugendsingen 2010”. Chësta é na manifestaziun che vëgn tignida vigni trëi agn y vëgn organisada dal Bundesministerium. A chësta manifestaziun vëgnel invié düć i cors che stlüj jö cun n bun resultat i concursc a livel regional. Chësc ann à podü tó pert 79 cors da döta l’Austria. I Kyrios à albü la onur da rapresentè Südtirol, che é gnü invié sciöche ghest por l’ocajiun. Indöt à tut pert a chësc evënt daimprò da 2.000 ćiantarins jogn, da mituns dla terza tlassa dla scora elementara ćina a jogn dles scores altes. Les rapresentaziuns de vigni cor é gnüdes partides sö te deplü dis, tres döt le dé y te salfs desvalis. La sabeda domisdé él gnü daurì la manifestaziun cun n conzert tl Großes Festspielhaus. Da sëra sunse spo ćiamò jüs a ascutè sö n conzert de deplü cors. La domënia sunse jüs a mëssa tl dom, olache al é gnü sonè la Krönungsmesse de W. A. Mozart. Te chësta ocajiun unse inće ćiantè düć deboriada deplü “Choräle” de J. S. Bach.

Na odüda sön la cité de Salzburg.

16

www.lauscdiladins.com

Do mëssa s’à scialdi tröc ćiantarins incuntè tla plaza dla “Alte Residenz” por ćiantè val’ ćiantia en compagnia y dedô unse ćiantè fora por les plazes tl zënter storich. Le lönesc unse spo tut pert a n concurs da ćiantè olache i ùn portè dant deplü ćianties dan da na juria. Danter chëstes n’êl döes che é gnüdes scrites por l’ocajiun y che i ne conesciôn nia. Chëstes unse messü imparè ite te n cört tëmp. Da sëra unse ascutè sö le conzert “Pop voices”, na serada de ćianties interpretades da de vigni sort de cors de jogn. Le mertesc dales 17.00 él spo stè la gran festa de contlujiun tla Felsenreitschule, olache al à tut pert tröpes autoritês. Te chësta ocajiun à ćiantè 9 cors, por rapresentè i 9 “Bundesländer”. Por Südtirol à i Kyrios portè dant na ćiantia ladina, che é gnüda tuta sö bun dal publich. Da sëra él spo ćiamò stè na bela festa te tendun. Te nosc tëmp lëde unse vijité na mineora dl sè a Bad Dürrenberg, olache na guida nes à splighé sciöche al gnô bele dan da 2500 agn trat fora le sè dales mineores de pera sot tera. Le sè à portè pro al arichimënt dla cité, y suradöt

dles istituziuns de dlijia. Chëstes mineores é dër lunges y passa ia le confin danter Austria y Germania. N ater dé domisdé sunse jüs a ćiarè la “Festung Hohensalzburg” - tan co le simbol dla cité de Salzburg - ch’é gnüda lasciada fà sö tl ann 1077 dal prinz Gebhard I. von Helffenstein. Sambëgn unse inće albü nosta aorela cörta cun matades, karaoke, tröp devertimënt y a gauja de na corëta fasciana inće n nês sangonus… Chisc dis a Salzburg, la “cité dla musiga”, é stà por düć n arichimënt musical, mo inće na ocajiun por renforzè ćiamò deplü le liam di mëmbri te nosc grup. N rengraziamënt particolar i va a Klaus Nothdurfter, presidënt dl Ofize dl Laûr por y cun la Jonëza dla Provinzia de Balsan, che à fat a na moda che ara jiss da realisé chësta bela esperiënza. Bel dilan inće a Silvia Alfreider. A nosc dirighënt Andrea Tasser ti vàl n gran dilan da pert de düć i Kyrios che vëiga tres indô ite cun ći impëgn che al se dà jö cun le cor y sü mëmbri. Informaziuns plü menüdes sön la manifestaziun pon ciafè sön la plata internet http:// www1.akzente.net/.

N valgügn componënć di Kyrios.

Le füch di Jogn da La Pli.

Ai 13 de jügn él ste le dé dla festa dl Cör de Gejù y desche la tradiziun ô, tóchera da jì a fa i füć poranche al vëgn scür. La Jonëza d’La Pli ne s’à nia lascè sciampè chësta ocajiun da podëi stè indô n pü’ adöm. Bele dis danfora êl gnü coiü adöm n gröm de lëgna por che le fü garetes. Do la prozesciun fora Brach é i pröms pià ia por arjigné ca döt cant por la griliada. I atri s’à incuntè sö Planeta por pié sö deboriada a pè cuntra Prades, olache i coghi aspetâ bele cun de bones liagnes pratades. Desche ara à orü ester, n’à le tëmp daldöt nia daidé impara… Al dramâ bele da domisdé incà. Mo por nosta morvëia n’él impò ćiamò stè de chi

che s’an à infidé adalerch. Do la griliada s’unse metü sön tru por jì fà le füch. Inće sce al ploiô s’àl impò impié sö desch’al alda. Cis dî n’àl indere nia tignì y tosc metôn man da sintì le frëit. Sön na tara s’an sunse düć sciampà ite te ütia bona ćialda. Dailò n’êl de chi che ciantâ, d’atri cartâ a batadù y s’la ciacolâ. En chë sëra unse odü che ara va da stè en compagnia inće sce le tëmp n’é nia le miù y che al basta ma da tignì adöm, spo é döt che po garatè. Dilan a chi che à daidé che la festa garetes y a düć chi che é gnüs en chë sëra cun nos sön Prades. (Consëi dla Jonëza d’La Pli)

Jonëza d’La Pli adassosta te ütia. Ara é jüda da impié sö le füch, inće sce al â ploiü döt le domisdé.


nr. 27 / 17 de messel 2010

Les somënzes metüdes da Luis Lintner florësc La Ćiasa dla Solidarieté a Porsenù: na strotöra che i deura les portes a porsones che à pordü la speranza, y ti pîta na poscibilité da stè indô sön sües iames. Pröma pert

Le diretif dla HdS - la Ćiasa dla Solidarieté a Porsenù.

A Porsenù él te n ex-seminar di fredesc combonians na ćiasa de solidarieté che tol sö la scomodité y promöi l’integraziun, la convivënza y solidarieté danter porsones en dificoltè che vëgn da cultures desvalies. Tl recort de n prou de Südtirol che é gnü copè tl Brasil. Kouame Rose Amou Sandrine de 23 agn à n müs da mëte te cheder. Le recort de sües porsones cares che ara à lascè zoruch tla Costa d’Avorio i fej gnì i edli da leghermes. Lajö él ma desgrazies y meseria. So cör é indere plëgn de speranza. Da n pêr de mëisc éra tla Talia, por rajuns de stüde. Ara ô se scrì ite ala Facoltè de Soziologia al’Université de Trënt, mo da fà l’ejam de talian ne röiera nia inant. I ti aconsiun da s’un jì indô zoruch a ćiasa y da gnì n ater iade. Sigü n’é so paîsc n’é nia le miù post por imparè le talian, porchël romagnera. Le problem é co suravire. Ara prô da ciafè na soluziun, ćina che la fortüna la condüj a Porsenù. Dailò él jënt che te dëida, sce ara po. Sandrine va dailò y inće por ëra se deura les portes dla Ćiasa dla Solidarieté Luis Lintner. “Ai m’à tut sö bun. Ai m’à impormetü che ai me dëida, deache i aspeti inće n te’ pice viadù”. Inće Sedik Sadoun, n jonn irachenn sciampè dal spavënt dla vera, à sciöche Sandrine ciafè alberch y sostëgn; Rosa, na mëda dl post romagnüda sora, n vagabund che à damanè do alberch por ti sciampè ales nöts frëides; al é inće n ex-prijonier, condanè por avëi copè na porsona, che n’à plü degügn al monn, y che prô da se romëte, te chësta familia, che al conscidrëia por le pröm iade sciöche süa dërta familia... Indöt él incër caranta porsones da trëdesc paîsc desvalîs. Danter ëi na coada de cater families cun n gröm de mituns. Süa vera i fej da sotfunz ala conversaziun cun Karl Leiter, un di animadus dla Ćiasa dla solidarieté, adöm a Alexander Nitz y Edmund Gasteiger.

Karl me cunta sciöche ël y n gröm d’atri dl grup de volontars da Porsenù afrontëia i problems scomoć da vignidé, che les dificoltês d’aldedaincö fej gnì tres plü rî y ficiusc, dantadöt canche al tira ite les tröpes porsones dal süd dl monn che é gnüdes chilò da nos por avëi na poscibilité tl dagnì. Le “co” se trasformëia te n proiet che ô promöie l’integraziun, la convivënza en pêsc y la solidarieté danter porsones en dificoltè, se ispiran ai prinzips cristiagn y soziai, sön chi che al se basëia i ideai dla Ćiasa dla Solidarieté. Les porsones vëgn da cultures, religiuns y generaziuns desvalies. Karl y sü amisc é da na vita te chësc laûr. L’aventöra mët man l’ann 2002, mo ara à sües raîsc te d’atres stories, te d’atres esperiënzes che Karl ô chilò dër ion nes recordè.

La storia mët man dalunc N capitul dla storia vëgn scrit i agn nonanta, canche na studënta universitara che vëgn dala Germania fej na inrescida sön le monn dl volontariat ti posć olache al vëgn baié todësch. Ara röia inće te Südtirol, olache ara ciafa na realtè che ara ne s’ess nia aspetè. Ara ciafa n volontariat dër vital; ti atri paîsc olache ara é stada n’àra ciafè fora degun interes y mobilisaziun por le volontariat. Da ti mostrè i resultać ai volontars da Porsenù stlüjera jö plü o manco insciö: “Ne ves vëgnel nia imënt da laurè por nia? Ne liëise nia i folieć che cunta de püra jënt che vëgn tres plü dala meseria?” Chësc é feter sciöche n invit da la dè sö. Karl é ite ćina al col te chël mer de “nia”. Al é mëmber dla OEW (Organisation für eine solidarische Welt) y comentëia insciö: “Dl 1980 unse metü sö por pröms tla Talia les “botëghes dl monn”, sön l’ejëmpl de d’atri paîsc. La banca alternativa superëia la logica paternalistica dl’oferta y ti surandà ala jënt dala

meseria n credit cun la intenziun da ti dè plü responsabilité y i daidé da ester indô bogn da se trà sö da susc.” Da inlaôta él passè 30 agn y i fać à desmostrè che chësc credit rapresentëia la dërta strada por mudè les cosses. Sce te ne dëides nia les porsones te sü posć, éres sforzades da se chirì altró les soluziuns, gaujan insciö sigü deplü problems. „Chilò da nos – dij Karl – n’é les zifres di imigrà nia tan granes sciöche tles gran citês (za. le 7 %), mo ares basta por mëte döt sotissura, dandadöt danter i berbesc, che ne se stà nia saurì te döt chësc moscedoz de razes, religiuns y cultures”. Karl va inant: “I savun bëgn la teoria che döta la jënt é anfat, mo i miscionars nes cuntâ che al é dër rî da daidé les porsones dl süd dl monn, ausades da vire “ala jornada” y che ne sa nia da s’organisé.”

Che nes scinca pa na ciasa? ´ Sëgn él n compit di volontars dla OEW. Ai é independënć por orentè y ne ciafa degun finanziamënt dales istituziuns, y gnanca n cuatier olache ai pois laurè cun pêsc. Do ester saltà n gröm de iadi da n post al ater, féji fora da publiché na inserziun tla stampa locala: “Che nes scinca pa na ćiasa?” “Degügn ne s’à scinché nia - se recorda Karl - mo i ùn fat tan inant, por che al vëgnes baié dla situaziun. Püć dis dedô s’á lascè adintëne n miscionar combonian gnü zoruch dal Brasil, che nes à metü a desposiziun l’ex seminar dla congregaziun a Porsenù. Chësc ne gnô nia plü adorè por manćianza de vocaziuns”. Les tratatives à metü man. Al ô ester incër cincanta incuntades denant che i patri dl convënt dais pro al barat. Ai se tëm che ai vais alania, por gauja di cosć de manutenziun de n te’ gran frabicat. Ala fin röion a na contlujiun: I combonians dà pro da podëi anuzè la ćiasa zënza pretëne i scioldi por l’afit. I volontars mët man da s’armöie cun prudënza porvia dles perplessitês motivades di patri, y deache ai n’ô nia depëne finanziariamënter dales atres istituziuns. “Por ester alternatifs y independënć, messânse nes chirì adöm i finanziamënć”, dij Karl, “ti damanan ales porsones che i ospitân y che sciafiâ, da nes paié intant por l’afit, ćiaran da tignì ite i cosć por les spëises de manutenziun. Insciö fajônse döt le laûr y i surantolôn les inćiaries poscibles. I sun pià ia canche i ùn salpü avisa co mëte man y canche i ùn conesciü dötes les modalitês dl laûr che ê da fà.” Al ê l’ann 2002. Avisa chi dis, ai 16 de mà, à traficanć de droga copè

N ejëmpl dles meseries che an incunta fora por le monn.

pater Luis Lintner, n prou jonn da Aldein, che ti à inće fat impresciun a n gröm de jogn da chilò, por le stil y le tignì adöm dla vita. “A öna cun i combonians - va inant Karl - ti unse metü so inom ala ćiasa.” Insciö mëton man da tó sö tl gran frabicat de vigni sort de jënt: L’Oew ciafâ finalmënter na sistemaziun y, tla logica dl autofinanziamënt, la Scora lëdia Waldorf “ che n’à degügn problems de scioldi y spo n gröm d’atri grups, ćina a deventè a Porsenù y por i paîsc incëria n zënter important dl volontariat y dl impëgn sozial, cun de vigni sort de iniziatives por promöie la

solidarieté, la partezipaziun, l’integraziun, la mondialité, la pêsc. L’acoliënza y le sostëgn ales porsones en dificoltè sides da chilò co da d’atri paîsc dl monn, romagn la majera ativité dla ćiasa. Presidënta de chësta ćiasa é Petra Erlacher, daidada da n diretif cun Joachim Holmann, Günther Innerebner, Carlo Pizzinini y Veronica Fratelli. Al é dagnora valgügn che tlocora pro porta dla ćiasa. (Test original de Piero Lazzarin, tut fora dal “Messaggero di Sant’Antonio Padova” d’aurì 2010. Traduziun ladina de Karlheinz Rubatscher)

Liber dl mëis Ai me dijô ’ël’: “Sie nannten mich ’Es’” de Dave Pelzer N trauma por l’infanzia: ćina a 12 agn vëgn Dave Pelzer maltratè da süa uma - na alcolista - ćina a rovè daimprò ala mort. Canche degügn n’odô nia, gnôl castié da ëra: ël ne ciafâ plü nia da mangé, al gnô sforzè da dlotì i escrëmenć de so pice frè, al gnô inće dramè dassënn o al ti gnô ficé n cortel tl magun, deache al n’â nia fat ia i laûrs de ćiasa tl cört tëmp prestabilì dala uma. Te scora cunta süa uma che al tira ca vertores por iustifiché les gran botes che al à sura döt le corp. Dave n’â nia plü na vita da porsona, al gnô maltratè cun tortures, ćina che n bel dé vëgnel daidé da n so maester, che le tira fora da chësc infern. Le cuertl dl liber de Dave Pelzer. Ai 5 de merz dl 1973 mët man por Dave na vita nöia. Ćiodì m’é jü dër a cör, la vita crödia de che Dave gnô tan maltratè, Dave y i tröc maltratamënć al deperpo che la uma socodî sü ordinn dl dé, por n pice möt che atri trëi fredesc, romagn n mistêr. ess le dërt da odëi le bel dla vita Chësta é na storia sozedüda te so plü bel florì. Vigni möt é na davëi, che cunta dl coraje de n scincunda y à le dërt da vire te möt da ne la dè nia sö, mo da na familia che ti scìnches amur. combate por la vita. Chësc liber (Alma Frenademez)

www.lauscdiladins.com

17


nr. 27 / 17 de messel 2010

Pruma edizion del “Gust de la Lum” Pea via te pec dis l nef projet de animazion da d’istà proponet da la sociazion Fassa Lux per i joegn fascegn anter i 12 e i 15 egn Amò pec dis e se taca! Ai 26 de messal pea via na scomenzadiva neva te Fascia, na “pruma edizion” de n projet de animazion da d’istà per joegn anter i 12 e i 15 egn, chi che é mìngol massa gregn per jir a “Estate ragazzi” ma no amò assà per tacar via con n lurierot che empienesce ite i meisc ciauc. Sarà 6 setemane de star ensema, dal lunesc al vender, da da doman bonora prest enscin mese le 5 domesdì, per ruar endodanef a scola de setember bie pussé e ciareé. N projet, chel del “Gust de la Lum”, nasciù per volontà de la sociazion Fassa Lux e sostegnù dai Comuns de Fascia, che vel ge dar l met ai joegn fascegn de se troar duc dessema, per far grop, per se cognoscer miec enstesc e per se arvejinar a dut chel che de gran e bel i à apede: jent, tradizion, natura, cultura. Con senta te l’oratorie de Poza, l grop de zirca 35 bec vidà dai trei animatores Sara Riz, Vanessa Tomasi e Thomas Zulian, l se spostarà inant e endò per la val, per se mever fora con sport e

desvalive atività e per descorir ciantons riches de marevea, persone che à fat zeche de particolar per noscia comunanza, posć mìngol sconec che n muie fosc no à nience mai sentù, atività tradizionale che à scrit la storia de nesc giaves. Aron l met de rencurar n bel ort, en part jà envià via, olache podaron strapiantar valch ciof de salata e n pec de ravanìe, per veder crescer nosce piantine e per poder en ùltima se le magnar con gust. Jiron te pra a far sech descheche per centenees i à fat su per le vere fasciane, proaron a cognoscer mìngol miec atività desche chele del malghèr, del bacan e del moliné. Jiron sa mont, se sà ben, per

sperimentar l “Gust de la fadìa” e emparar a star te anter le crepe co l’aiut de n menacrep o de n bon

cognoscidor de l’ambient; per ruar a amar e a respetar dalbon nosce Dolomites , aprijiade te dut l mond, cognon dant de dut le vardar fora e le cognoscer dalvers. Sarà giornade dedicade a cerir e a lurar fora i riches minerai che l’é anter i Munciogn e l Ciadenac, en colaborazion coi esperc enre s cidore s che colaborea col museo mineralogich de Sèn Jan, e dis per jir tel bosch a fonghes, semper vardan che che se tol sù e che che se cojina. L program perveit ence giornade fora da Fascia, per veder ence zeche de enteressant che l’é tel Trentin o tel Sudtirol, e che no semper co le scole se rua a arjonjer. No menciarà momenc de devertiment, anter tornoes

sportives, jeghes, atività creative e segur mìngol de temp se ge l dedicarà a la jent, a le sociazion e a le realtà fasciane, percheche i joegn posse se domanar fora, se rejonar en tra de ic e ence con persone grane e de esperienza, per aer n cader più chiar del valor del volontariat e del far zeche per i autres. Chest l’é nosc “Gust de la Lum”: na bela scomenzadiva per enlumenar nosc patrimonie ambiental e cultural, ma per ge dar luster soraldut a nesc joegn, prejent e davegnir de Fascia, percheche tel confront e te la cognoscenza de chel che i à entornvìa, i posse cognoscer ence mìngol de più enstesc, soa fadìa, soe pascion e soa part emportanta per meter adum na sozietà miora. Chisc l’é nesc obietives: se aon enjignà e endrezà per ruar a i arjonjer! Sarone bogn de l far? De setember ve contaron coche la é jita... Sara, Vanessa, Thomas

Dapò doi egn amò ensema! De bele atività sporc l Zenter Joegn de Moena che envìa duc a veder l Talent Show 2 Bondì a duc, me prejente, son Biju Vadagnini da Moena e son l president de la sociazion del Zenter Joegn de Moena. Ve scrive sun chesta piata per ve contar de le desvalive atività fate ensema a sti jovegn che i va da la prima mesana al terzo an de la scola auta. Dut l’é tacà de firé del 2009 canche ge é domanà al Comun de Moena de poder proar a far valch per sti jovegn che no i aeva n post olà star e nience nesciugn che cherdesse te sove capazità. A la prima riunion se à prejentà béleche 40 tosac enjignè per tacar via na neva aventura ensema. I à proponet sacotante atività per se devertir e emparar valch ensema. Anter le atività l’é stat fat serade per jir col stroset, n bon numer de feste, pizade, sion jic coi feres e a Gardaland. Dapò é scrit jù ence n projet per joegn sonadores ensema a La Grenz co la colaborazion de La Risola. Te chest projet i joegn

18

www.lauscdiladins.com

fajea n cors per miorar chel che i saeva su la musega e sui strumenc che jà i sonava per dapò prejentar n bel spetacol duc ensema. Ma la roba più bela che i à fat l’é stat l “Talent Show” che chest an l’é stat fat per la seconda oita. Al Talent à laorà scaji 80 tosac, chi che fasc i truches, chi i costumes, chi a le lum o a la musega, e chi a la regìa e c.i.... L’é stat beliscim veder chi più gregn che jiva d’acort con chi più picoi e i laorava ensema per un soul obietif: mosciar a duc chenc so talent. E coscì i à prejentà bai, cianzon, sketch e i à ence sonà. Ensema ai tosac, noi animatores, aon dezidù de dorar l vadagn del spetacol per adotar doi popes da dalonc de l’India. Ensema a me à laorà doi tose, Susanna Gandini da Vich e Giulia Compagnoni da Moena, le me à aidà fin dal scomenz e le à cherdù a sta proponeta e per chest cogne ge dir n gran develpai.

Mie rengraziament più gran però l va a sti tosac che ogne dì i me empienisc l cör de alegrìa e i me dasc la gaissa per jir inant, ence per l studie che fae te sto ciamp, olache volesse deventar n bravo educator per tosac de chesta età, enfati son al secondo an de scienze de l’educazion ju a Verona. L zenter joegn l’é avert a duc chenc da Moena e de la val, se i volesse vegnir i é i benvegnui. Ence chest istà, desche l’istà passà, se à dat jù con so desponibilità scaji 17 tosac del zenter joegn e aon metù ensema l Junior Club, che se pol dir che l’é n zenter joegn da d’istà out ence ai turisć dai 11 ai 18 egn e duc chi che völ vegnir, dute atività debant. Sti 17 tosac i é en gamba e braviscimes animatores e anter gites e sport i é enjignè a ve far devertir per dut istà e ve far cognoscer autres tosac per far autre amicizie. Amò n rengraziament a la Usc di Ladins che ne é semper

vegnuda dò e che ne à lascià chest post per se esprimer e mosciar nosce scomenzadive. Finisce col ve enviar endò danöf a veder l “Talent Show 2” ai 31 de aost al

Navalge da le 21.00. Develpai a duc chi che cres te sti joegn... e develpai a miöi joegn. Biju


nr. 27 / 17 de messel 2010

Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Ega frësca por la munt Sön Munt de Senes él gnü benedì le resservar dal’ega nü, che à śëgn na capazité de 180mile litri

Tratan la benedisciun dl resservar nü.

Al é rovè adalerch na bela cumpëda de jënt sön Munt de Senes.

Senes - En domënia dan otedé él stè sön Munt de Senes na festa plajora y scëmpla, en gaujiun dla benedisciun dl resservar dal’ega nü, mo inće de pastöra y armënć. Na festa dala scemplité che an ciafa feter ma plü tla vita da paur sö alalt tles munts, olache an desmëntia - danter la bela natöra - le progrès y le strès che caraterisëia nosta vita da vignidé.

Le maurigo Engelbert Ploner nes cunta che la strotöra ê bindebò ademal. I mürs tirâ sfësses y lasciâ oramai ite inće l’ega dla plöia, insciö che l’ega n’ê feter gnanca plü da bëre. Insciö àn metü man da ponsè a n resservar nü. D’isté dl 2008 éra stada tan inant che an à podü mëte man cun i laûrs. L’isté dl ann do ê le resservar dan man por gnì anuzè. La strotöra nöia à na capazité de 180.000 litri, insciö che an po garantì ega nëta sides por i bojëgns de paurs y armënć, co inće por les üties che i pîta alberch y restoraziun ala jënt. Le cost di laûrs é de chi 114.000,00€, finanzià al 70% dala

Dan le resservar nü él rovè adalerch na bela cumpëda de porsones. Danter ëi le maurigo de Senes y presidënt dla Interessënza Engelbert Ploner da Pinei y le

maurigo da denant Tone Erlacher de Lombolt. Ala pert inće les autoritês de comun cun l’ombolt Albert Palfrader y l’assessur ai paurs Richard Erlacher, sciöche inće i verdabosc cun le diretur dl Ispetorat Forestal da Bornech Silvester Regele y deplü paurs y famëis.

Plü capazité por l’ega nëta Tla munt de Senes él na sora fontana de ega da bëre, y por l’abiné sö êl gnü fat n resservar cun na capazité de chi 10-12.000 litri d’ega.

Provinzia, en pert dal’Interessënza y en pert inće dal ostì de Senes.

Benedisciun sön tier y porsona L’ombolt Palfrader à te so salüt orü rengrazié l’Interessënza che à fistidié da portè inant i laûrs. “I podun dì che i sun düć fis de paurs. Fistidié dla munt ô inće dì fistidié de nosta tradiziun, de nosta cultura, de nüsc valurs”, à dit l’ombolt. Le ploan signor Heinrich à spo cherdè jö la benedisciun sön le resservar nü. Al à benedì inće les massaries y perié la proteziun de Chël Bel Dî

sön düć i tiers y la jënt che laora te munt, sciöche inće sön la pastöra. Perié él gnü do la sconanza da rî tëmp y rogossies, do sorëdl y plöia tla dërta mosöra. Do la pert ofiziala y la pert sacrala, é düć rovà adöm tla Üćia Munt de Senes, olache al é gnü sorvì na bona marëna, acompagnada dales melodies di orghi da man. Le maurigo Engelbert Ploner stlüj jö insciö: “N rengraziamënt i va al comun y ai verdabosc por la bona colaboraziun che an à albü, ala Provinzia, a chi dl comitê dla interessënza por le sostëgn y a düć chi che à daidé por che l’opera pois garatè”. (pablo)

Chëres y chi dl trentecinch

Pilores desvalies

“De bel y de burt unse passè, nia dagnora saurì n’é l’ tru stè, mo la tlassa dl ’35 é sterscia y stranciosa sciöche n bel pinch!”

Orcena dla Transalp y lotaria a Antermëia

Iubileums - Chëres y chi nasciüs l’ann 1935 di paisc da Calfosch, Corvara, San Ćiascian, La Ila, Badia, San Martin y Lungiarü, é ruvà adöm ai 23 de jügn, de mercui domisdé, por jì a conzelebré cun siur Degan Franz Sottara na santa mëssa a Sares y

passè ilò na aurela cörta y gnì spo dedô a Runch de Badia a cëna. Cun 75 agn é i trëi cherć de seco arjunt, y scebëgn che le grup dla tlassa é gnü mënder dala festa di 70 incà, él da ćiarè inant cun coraje y buna löna - sciöche la rima scrita y dita sö por chësta ocajiun dij, y

inant, zitat: “Al é bel pudëi vigni dé luvè y jì, sënza messëi se lascè socodì... Pur düt l’ bëgn che Dî tla vita se à dè, orunse de cör l’ rengrazié; perian che Ël se stais tres dlungia inant, y ćiarun che Ël pois ester de nos n pü’ cuntënt.” (ir)

Les fotografies te cortina Tla ediziun d’La Usc di 10 de messè ài publiché na orcena dal titul “La Transalp y degun respet”. Do che plü porsones m’à baié ados, oressi prezisé che i retrać n’ài nia fat personalmënter, mo é gnüs tuć - sciöche dè dant tles dedascalies - diretamënter dal sît www. tourtransalp.de. Sc’i foss stè söl post de porsona, éssi invié i ziclisć da jì fora de cortina plü co da fà na fotografia. Intratan él gnü fora details tres plü da parentè en cunt di ziclisć

dla Transalp y dl respet por la cortina. Chisc va bëgn sura le mangé fora.

Pesć dla lotaria Le grup di jogn da Antermëia à organisé ai 11 de messè la estraziun dl “Kirschtamichl”. I publicun i numeri dles zetoles fortunades: 97 blanch, 159 blanch, 571 ghel, 950 blanch, 149 blanch, 994 blanch, 447 blanch, 450 blanch, 272 ghel, 945 ghel. Sce valgügn ess davagné n pest, pòi cherdè sö le nr. 348/3977744. (pablo)

Le grup da bëgn mesa la Val Badia che à fat la festa di 75 agn. www.lauscdiladins.com

19


Val Badia

nr. 27 / 17 de messel 2010

“Yo-Yo”, la vita te n jüch

I te scinchi... tëmp

Mostra dl artist, designer y architët Dumëne Comploi a San Martin de Tor. Al zënter pon odëi na gran “Mickey Mouse” realisada cun 1.881 fis y bachëć

Te Ćiasa de Palsa a San Martin vëgnel chirì volontars che dais ca tëmp por mëdes y berbesc . I ùn baié cun Erwin Penazzi, che mët a desposiziun so tëmp por i atri. Al baia de na esperiënza “che po inće n pü’ te mudè la vita. Tl positif sambëgn!”

“Mickey Mouse”, istalaziun realisada cun 1.881 fis dal alt y bachëć de plastica döra.

Ert - La pröma mostra de na ligna da d’isté, organisada por le pröm iade dal’EPL - Ert por i Ladins tl gran salf dl Istitut Ladin a San Martin de Tor, é gnüda daurida dan otedé, le vëndres sëra, ala presënza dl presidënt dl Istitut Ladin Hugo Valentin, dl surastant dl’EPL y curadù de chëstes mostres Iaco Rigo, dl artist Dumëne Comploi y dl atur y reladù Simon Kostner. Le componist jonn Alexander Kaiser s’à tut le tëmp da gnì te chësta ocajiun a sonè deplü de sü toć - por la gran ligrëza de n publich gnü da dalunc y daimprò. “I m’à dejidré na musiga che passenass deplëgn te mia mostra, Alexander Kaiser sona le medemo co ći che iö dessegnëii y realisëii”, chëstes les parores dl artist Comploi en relaziun ala musiga cornisc dla mostra. Do i salüdi de Hugo Valentin y Iaco Rigo, à Simon Kostner instradè söla mostra y söla vita dl autur di laurs Dumëne Comploi che à studié a Vìena y vir atualmënter a Los Angeles tl’America. Kostner à splighé “ala man” cun parores scëmples le genius creatif y le resultat de Comploi, pian ia dal’architetöra, che po avëi n so

conzet d’avijinamënt ala contrada tles munts, mo ne mëss nia plü l’avëi tan sterch tla gran metropola. Tla gran cité à l’architetöra na maiù liberté da podëi mostrè forma y estetica, da deventè inće n jüch de formes y flessibilité funzionala. Kostner é inće jü ite tl design che Comploi mostra cun val’ ejëmpli de fotografies y videos tl’esposiziun a San Martin de Tor. Spo él inće ruvé a i dediché na osservaziun ala gran sorücia, “Mickey Mouse”, realisada amez le gran salf da Dumëne cun 1.881 fis y bachëć, la chirì y l’odëi é n jüch interatif cun le publich. “Le titul dla mostra é pö ’yo-yo’, avisa le jüch che se desfej y se fej indô sö, y l’istalaziun dla sorücia dess invié a varié ia y ca, pormez y dainciarà, sciöche nosta vita s’l damana intres indô”, insciö à stlüt jö Simon Kostner. Le gran aplaus do süa introduziun à desmostrè l’aprijamënt da pert dl publich che à podü stè adöm dedô pro n bufet, frësch y tradizional, arjigné dala familia Comploi cun tröpes mans che à daidé. La mostra po ćiamò gnü odüda ćina en lönesc ai 19 de messè, vigni dé dales 10.00 ales 12.00 y dales

14.00 ales 19.00.

Trëi domandes La Usc: Ći fin fajarà pa Mickey Mouse cun i 1.881 fis y bachëć? Dumëne Comploi: "I ne sa nia. Intant l’ài fata y les fotogrtafies dl laur ài." Sce degügn ne la cumpra, vëgnera tuta jö? "Sce, ilò vëgnera tuta en toć y metüda ia inzai. Ara jiss pa bëgn da la mëte sö te n ater post. Zacò jìssera da la trasportè." Ći te romagnarà pa a te da chësta esperiënza a San Martin? "N gröm! N’esperiënza é inće chëra da podëi avëi n gran bel salf a deposiziun. Spo él inće laprò l’esperiënza da arjigné ca la mostra, da la costruì söl post y la tëne sö. Y la belëza da podëi fà val’ chilò da nos, olache i ruvâ ma por palsè. Chësta mostra cun les munts incërìa, é daldöt nöia por me. Y chilò ài podü laurè cun les dites che i conesciô, te n liam personal y amical cun düć. A LA mëssi dagnora me cruzié de döt, dal material ala organisaziun, zënza avëi amizizies." (ir)

Tratan la zerimonia de daurida, da man ciampa: Dumëne Comploi, Simon Kostner, Iaco Rigo y Hugo Valentin.

20

www.lauscdiladins.com

Sozial - A San Martin de Tor éson tl laûr da dortorè sö la Ćiasa de Palsa. I berbesc y les mëdes podarà spo jì te na strotöra che respogn ales esigënzes d’aldédaincö. Mo a San Martin ne bàion al momënt nia ma de esigënzes struturales, an baia inće de esigënzes umanes. Cun le fat che la jënt vëgn incö tres plü vedla, vëgn inće tres plü alt le numer de berbesc y mëdes dla Ćiasa che n’é nia bogn da se fà le goern da susc y adora assistënza tresfora. Al é porsones plü püres, mo inće tres plü sores, che perd tres plü y plü le contat cun la sozieté y vëgn sburlades tl’isolaziun. Por chëstes y d’atres rajuns à la direziun dla Ćiasa de Palsa da San Martin invié ia na campagna - sce an ô la tlamè insciö - por sensibilisé jënt da dè ca na pert de so tëmp por le bëgn de chëstes porsones. Tëmp da investì por i pité intratenimënt, aorela cörta, dit plü scëmpl: compagnia. Scinché ca tëmp por i atri é n gran valur, cun chël che an po portè n pü’ de sorëdl tl cör de chës porsones che vëiga gonot grisc. Vigni porsona po se mëte a desposiziun por fà n sorvisc. An n’ô chilò nia mëte n limo d’eté. Insciö él p. ej. na scolara de pröma mesana che va vigni tant a sonè i orghi da man por val’ ora. Por pité compagnia ti làscion libertè ala fantasia. An po acompagnè i berbesc n tòch a spazier, an po ti lì dant valch, o - sciöche la scolara - sonè dant n stromënt. Ći che cunta é se dè jö impara. Por i studënć po chësc sorvisc de volontariat inće ester n vantaje, él pö la poscibilité da abiné adöm punć de credit por la matura. Chi che oress fà volontariat, po s’anunzié al nr. de telefonn 0474/523112 y damanè do Albina Sottara o Gitti Pizzinini. Erwin Penazzi é n volontar che mët a desposiziun cotan de tëmp por la Ćiasa de Palsa. A ël unse orü ti damanè deplü sön sües motivaziuns y so sorvisc.

Nët nia de extra. Degönes cualitês. Por dè na man bàstel l’orentè y, dijessi, n pü’ de interès por i atri. Erwin, cuntéde n pü’ ći che i fajëis atualmënter por la Ćiasa de Palsa, ći sorvisc Ëise pa surantut? Tröp vëgni cherdè por menè mëdes y berbesc dal dotur, dlafora. Chësc feji dër ion, inće sce datrai nen sozédel de vigni sort. Datrai vai inće a Bornech a cumprè ite o a do val’ y sce al é debojëgn, vëgni inće cherdè de nöt a stè pro val’ püre che ne po nia gnì lascè su. Y spo dëidi de tan en tan le verdaćiasa te laûrs, olache un da su se fej ert. Sëgn unse spo inće metü man da acompagnè val’ berba o mëda che é söl scagn da rodes ala mëssa dla domënia. N sorvisc dër scëmpl, olache i dëidi para. Co podess pa na istituziun sciöche la Ćiasa de Palsa davagné laprò porsones che se dà ca debann por i atri? Chësc è rî da di. Te n tëmp olache tan tröc i salta do a de vigni sort de cosses, à la porsona de tëmp plü püćia lerch. Iö arati che la Ćiasa de Palsa fejes dërt da apelè y da chirì sostëgn da volontars. Al é pa bëgn porsones che podess se lascè ite da daidé cotan. Mo forsc adora la jënt ćiamò n pü’ de tëmp da s’ausè al’idea da jì a fà volontariat te na Ćiasa de Palsa. Ći é pa do Osta minunga important te n sorvisc de volontariat? Sciöche i à bele dit, vëighi dërt che an prô da sensibilisé la jënt al gran valur dl volontariat. La ligrëza y la contentëza che an ciafa da daidé porsones fej crësce y madorì le volontar instës. An ciafa n sëns, n orientamënt, che po inće te mudè n pü’ la vita. Tl positif, sambëgn! Test y intervista: pablo/Ćiasa de Palsa

La Usc: Erwin, Os laurëis bele plü agn sciöche volontar pro la Ćiasa de Palsa. Co Ves él pa gnü l’idea y cara é pa la motivaziun da fà volontariat? Erwin: Sciöche i à podü jì en ponsiun, me savôl tl pröm dër bel da n’avëi plü degügn dovëis, degügn crüzi de laûr y tan tröp tëmp por me. Sotman indere orôi y ôi impò ćiamò fà val’ por i atri. Sce an po di insciö, sinti na gran ligrëza y na certa sodesfaziun da daidé fora olachessî. Tl paîsc da San Martin Ves conësc la jënt por Osta gran desponibilité y förtl da dè na man. Ći cualitês ôl pa ester por fà volontariat?

Jì n tòch a spazier cun na mëda sön le scagn da rodes. Chësc é ma un di sorvisc che Erwin Penazzi fej sciöche volontar pro la Ćiasa de Palsa.


Val Badia

nr. 27 / 17 de messel 2010

Gares garatades

Ala scolina da d’isté

Le grup di Stödafüch jogn da La Val à arjunt le pröm post pro les gares provinziales por la medaia d’arjënt a Lana

Mareo é un di 33 comuns de Südtirol che pîta na “scolina da d’isté”, cater iadi al’edema. Gran é stè l’interes da pert dla jënt

Lies - Pro les gares provinziales di stödafüch stades a Lana, à le grup di Stödafüch jogn da La Val indô tignì alalt l’inom dla uniun. Do les bunes prestaziuns arjuntes ti agn passà, à le grup en chësc ann concuisté le pröm post söla gara por la medaia d’arjënt. Chësc suzes ti ê bele n iade garatè al grup di jogn da La Val, plü avisa dan da 7 agn a Toblach.

Al Plan - Chisc dis é piada ia te 33 comuns de Südtirol la “scolina da d’isté” pitada dala cooperativa soziala “Kinderfreunde”. Danter chisc comuns alda inće chël de Mareo, olache ara é garatada tres l’interessamënt de Assoziaziun Turistica y Comun da pité chësc sorvisc tratan l’isté: por i ghesć che ai pois lascè jö por val’ dé al’edema sü mituns, mo inće por la jënt dl post, che à esigënzes desvalies por i lascè jö inće ma val’ dé al’edema. L’interes te Mareo é stè gran y al é gnü tut sö dai “amisc di mituns” passa 50 iscriziuns. “L’oferta pitada tres l’acompagnamënt da d’isté di Kinderfreunde é da odëi sciöche contribut concret por lié familia y laûr. Le conzet é caraterisé Tla scolina da d’isté po i mituns imparè de da na gran flessibilité. Do vigni sort. che i geniturs à fat l’iscriziun, poi tó la dezijiun dé por dé sce a fà de vigni sort de jüć. Al ne condü le möt o manco. Da paié él manćia gnanca les jites y les vijites sambëgn ma i dis che le möt vëgn a strotöres o uniuns. Le program condüt adalerch”, dij la manajadëssa po gnì odü diretamënter söl sît di "Kinder-freunde" Sonia Huber. w w w. k i n d e r f re u n d e . i t . Y Te döt Südtirol él incër 120 dal’assoziaziun vëgnel lascè alsavëi acompagnadësses y acompagnadus. che al é ćiamò la poscibilité da se Pité vëgnel n program desvalì, cun scrì ite. Por la jënt dl post él gnü edemes a tema olache al vëgn tratè preodü prisc speziai. Le sorvisc i tiers, i mistiers, stories, ega, dërć vëgn pité te Mareo cater iadi di mituns y i.i. I mituns po fà al’edema, por mituns dai 3 ai 11 esperimënć, sciöche inće jì alaleria agn. (pablo)

Söla gara por la medaia de brom é le grup rovè “ma” al 11. post, por n pice fal che ti é sciampè ite

tl’eserzitaziun. Al é da parentè che por gauja de chësc fal à le grup da La Val injomè por püch la c u alif ic a z iun ale s g are s internazionales. Mo le resultat arjunt dai jogn da La Val é te vigni cajo da ester plü co contënć. Chësc suzes é le früt dl gran impëgn y dles tröpes proes (zirca 30) che é gnüdes fates da merz incà. Le grup vëgn assistì y alenè bele da deplü agn da Diego Tschaffert y Stefan Colz. Ales gares che é gnüdes tignides ala fin de jügn a Lana à tut pert indöt 86 grups di jogn da döt

Südtirol. Na bela aventöra por i jogn é vigni iade dlungia les gares inće l’aćiampamënt cun les tendes, che döra dal vëndres ala domënia, olache al röia adöm passa 1000 jogn y 200 acompagnadus. Inće d’atri grups dla Val Badia à tut pert ala gara tignida a Lana, plü avisa i grups da Corvara y Calfosch, La Ila, Badia, San Martin y Lungiarü. Söla plata internet dla uniun provinziala di stüdafüch (www. lfvbz.it) pòn odëi les tlassifiches cun i düć i resultać dles gares. (sc)

Le grup da La Val cun i assistënć Stefan y Diego.

Som de mezisté de Iaco Rigo

“Le chît te stüa”, cun ghesć d’al dédaincö y n ghest da laota che s’à inrabié te nüsc tëmps.

Impresciun - “Do che t’as sonè le triangul, vëgneste perié da nia plü baié, por döta la sëra...” I jun alaleria y i variun dal Hotel La Perla ia y sö cuntra la ćiasa da paur, tignida sciöche zacan canche ara gnô abitada. Al é n museum etnografich, arpejun y testemonianza de nüsc antenać y nosc tëmp passè, dai inverns frëić y nêsc dlacià sura strasoć dürs, n lëgn che à n tof de cënć de borduns che l’à puzenè jö y de borba che l’à spo indô ajié, tofs de vita da zacan, saus

impelzades te nüsc recorć, vites de destins y soldas a palsa indô a ćiasa por saludé y indô pié ia, tl forest, tla vera. Brëies da funz gracioses por vigni vare che dà sura, rams che ćiara sö sparagnà dal fraidimënt dl tëmp. Nos düć scutun chìć te chëstes stües vedles - desco dan na fossa de vita amada y passada, massa gonot desmentiada. Nos düć scutun cun nostes parores, al pê na óna de respet por chësta vita amarsciada chilò dan nüsc edli, sot nüsc ćialzà, tla ciafa de n cornel che i piun ite

zënza gnì slomenà. Porchël él inće lerch da ponsè sura, desco te n som, te na morvëia, te n mister... desco fà pert de na fiaba. Y por le pröm momënt sintiunse tan ütl che al é chësc chît, tan plëgn y tan püch öt. Y spo teniade sozedel che zbergli röia adalerch - dal’animaziun programada, mo al é sciöche ai stlutass fora dal tëmp passè che i viun bele n pez... y spo n scior cun n cufer capitëia adalerch, ne capësc nia olache al é ruvé, rabësc incërch... ‘eh mo, é i tëmps mudà?’... y roda incërch. Y spo nes liëia düć adöm n fi cöce de lana de n lomescel gros, sciöche i messasson gnì lià a chisc tëmps passà, a nostes raisc... düć deboriada, o gnì destuć dala liberté da s’un jì da chësc monn massa vedl, ne podëi nia rumpì fora indô te nosta realté da vigni dé, moderna, comota, che à inće na boćia daverta, che tira le fle, che po baié. Le teater programè va inant - por fortüna, le fi vëgn taié ia, i podun indô nes möie. Mangiun dal bufet... ai nes jüta do n bun vin blanch. Jun spo indô alaleria, düć bi chìć fora y jö por pre, dlungia urć de leć tröc vërć ia, ruvan al Morin y ala sgnécora dles plantes y saus, bela tignida. Zënza baié y aldì les usc di atri ciàfon lerch por tofè les saus incër nos ia, i profums dla natöra: dl’achilea, dla mënta, dl jalvà, dl

basile... I jun ite te restorant, tla Stüa de Michil, por la cëna al chît. I se sentun jö te öna de chëstes stües da zacan, familiares y tradizionales, brëies ladines por nosta pel ladina, cun scagns dürs pormez a nosc sentè dür, ladin sciöche nüsc crëps dolomitics. Düć scuta incërìa, les prömes zetoles de dialogs mët man da rodè, da un al ater, vignun à na pëna y n smaz de papiers por comuniché, la boćia al plü s’la rî, a un o l’atra i sciàmpel n sodlot o n rì. Le rest y l’incërìa é chît. Inće da ćiasadafüch fora ne rondenësc nia ater co le chît, cô cujini mo i coghi cun le chef Spicocchi? An bër y mangia ponsan a ći che an bër y mangia, an n’à nia bria da ponsè ales parores che an é por tëne sön mësa, degügn ne dij che te baies indô n iade “damat” o “matades” o che t’es desco dagnora “critich”, o “polemich”. Zënza usc sunse düć anfat y degügn ne mëss fà i gragn, i maius y i mius, cun capì ći saù da nagoles atempades che chësc bun vin dla Franzia à, tan dî che al é mo stè tla bot. Tan bel, che an po n iade tignì la müsa, y lascè jorè i pinsiers olache ai ô jì, indô y inant, dles perts fora y dlungiaìa, demez da chësc post frëm che é porchël massa prigorus deache an podess injomè val’, pormez a na vita plü da vera y tam-tam, olache mia usc va pa

insciö sot inće sce i me proi tan da aconsié chësc y l’ater por mudé n pü’ le monn, portè na vijiun che magari Obama podess tó sö... menè speranza olache i savun che ara ne sarà por nia, jödapé dl’Africa o ia tl Tibet, anfat... tlo él n iade chît y le chît pê ester na iustizia... por chi dla richëza y chi dla meseria! Animaziun se fićia ite te mi pinsiers desco na saìta, al é da rì, zbergli, n scior indô cun n cufer capitëia adalerch, al ô mangé para, mëss se fà lerch danter les mëses, al é gnü desmentié... dal tëmp, dla modernité? L’animaziun öga desco intermezzo, por trà ia le tëmp da na derzada al’atra, y plü tert se ajunta ćiamò ai zbergli y al scior na musiga de ćiampaneles y tlunches de vaćes a pascentada. Eh mo, olà sunsi pa? L’organisaziun à spo inće ponsè a jüć, y a nes invié nos, ghesć por na sëra tl chît, da na stria che nes li nostes cualitês y nüsc defeć dales mans, dai edli, dai ćiavëis. Ći monns fora dal monn te chësta sëra chîta dal mezisté, cun n past de ćiasadafüch tan rafinada y eleganta, tl chît de nüsc pinsiers che à finalmënter podü scutè n iade pro a ći che i sotpinsiers dij. Chisc adora inće n iade süa lerch y süa aurela cörta, seriosa y spo indô ligherzina, te na nöt tan ćialdina sot les stëres tan lominoses dl paisc da Corvara. www.lauscdiladins.com

21


Val Badia

nr. 27 / 17 de messel 2010

La protesta é romagnüda defora da üsc Dejedot é stà i punć al ordinn dl dé pro la sentada de comun a San Martin de Tor. Aproè le documënt programatich dl ombolt. Tla chestiun dles ëres n’él stè degöna protesta San Martin - Ti ultims dis à l’ombolt dl Comun da San Martin Heinz Videsott albü da sćiampì cun les critiches rovades adalerch dal Comitê provinzial por la valianza di dërć, deache al n’é te junta de comun degöna ëra. Le medemo comitê â incundè da invié ia na aziun de protesta por la sentada de comun di 9 de messè, mo la protesta é stada fora. Al ne s’à presentè degügn, cun la motivaziun che al n’ê nia al ordinn dl dé la trataziun dla chestiun “ëres”. Insciö é chël che ess podü deventè n punt prinzipal, ma deventè na “desvalia”, zënza degöna dezijiun. L’ombolt Videsott à impröma lit dant la cherta che le comitê por la valianza di dërć à menè adalerch. Danter l’ater à l’ombolt critiché che al é na desvalianza danter le test talian y chël todësch dla lege regionala che regolëia la presënza dles ëres te junta. Inant à Videsott inće recordè che deplü comuns de Südtirol regolëia la chestiun tl statut sciöche ara é a San Martin, tanco che al mëss ester trëi ëres te consëi por che öna ais le dërt da rovè te junta. Insciö éra p.ej. inće a La Val, olache al é trëi ëres te consëi, mo degöna te junta, deache degöna ne s’à metü a desposiziun. Por le momënt ne gnaràl n iade nia trat

Le consëi de comun da San Martin pro süa pröma sentada stada de jügn.

zoruch la deliberaziun dla nominaziun dla junta, sciöche damanè dal comitê provinzial deboriada cun l’assessur provinzial Roberto Bizzo. An aspetarà bonamënter le recurs, che po gnì fat ćina a 60 dis do che la delibera é jüda en forza.

“Scê” al documënt programatich Söi punć ordinars dla sentada êl do l’aproaziun dl protocol

l’aproaziun dl documënt programatich dl ombolt. Tla pert generala dl documënt à l’ombolt alzè fora na miù colaboraziun danter les fraziuns. Dötes les categories dess ciafè sostëgn y a düć déssel i gnì garantì i sorvisc de basa (strades, ega, desgorta dl refodam etc.). Les tarifes dess romagne basses, mo zënza nen paié lassura tla cualité. Les uniuns dess ciafè sostëgn finanziar y moral y al dess gnì garantì na bona colaboraziun cun les uniuns y les istituziuns

comunales y suracomunales. Tla secunda pert é l’ombolt passè a proieć plü concreć, da realisé “aladô dles poscibilitês finanziares dl comun”. Pro chisc alda le zënter scolastich a San Martin, ciafè na soluziun por locai dles uniuns y plaza dla segra a Lungiarü, ampliamënt dl salf dles manifestaziuns a Antermëia, sciöche inće l’ingrandimënt dl magazînn di stödafüch y dla scolina. Al dess gnì sistemè les plazes a Picolin, ressanè la condüta dal’ega danter San Martin y Lungiarü y potenzié la condüta dal’ega a Antermëia. Tl documënt vëgnel inće dant la realisaziun de raiuns nüs por le frabiché alisiré y por l’artejanat, mantignì strades, sëmenes y trus y realisé marciapîsc, porvè da realisé n berch sön la Gran Ega, dortorè les plazes tla vila da Seres, valorisé la cultura da paur, l’architetöra y la contrada, valorisé le parch natural Pöz Odles. Ti details gnaràl tut en conscidraziun i punć di programs dles trëi listes. Na novité podess inće ester spo la realisaziun de na plata d’informaziun de comun, che informëia i zitadins regolarmënter sön chestiuns de comun. Da pert di aconsiadus da Lungiarü él gnü la orentè da laurè fora n conzet por le paîsc, olache an valutëia

sistematicamënter les prioritês y i proieć da portè inant por le paîsc.

Nominaziuns Inant éra jüda cun na ligna de nominaziuns. Sylvia Frenner é gnüda nominada raprejentanta de comun tl consëi dla biblioteca de val, l’ombolt Videsott y le vizeombolt Dolorico Mischì raprejentarà le comun tl consorz di comuns dl raiun de confluënza dles eghes BIM. Sylvia Frenner y Giovanni Costa fajarà pert dla comisicun por la formaziun dles listes di iudicadus popolars. Tla comisciun por la detlaraziun de inabitabilité de abitaziuns rovaràl ite dlungia le dotur E.Agreiter (suplënta Margarete Mahlknecht) inće le tecnich de comun Mauro Crepaz (suplënta Sylvia Frenner); Gottfried Trebo, Sylvia Frenner y Roman Clara fajarà pert dla comisciun litala de comun, sü sostituć é Felix Graffonara, Davide Erlacher y Roland Dapoz. Tla comisciun por l’assegnaziun dles abitaziuns dl Istitut por le frabiché sozial él gnü nominé por le comun Sylvia Frenner (suplënt Philip Tolpeit). Tl comitê dles scolines de comun él rovè ite Gottfried Trebo, en ćiaria por i agn de scora 2010/11 y 2011/12. (pablo)

Cirillo, Giuvani y Terence Hill Pro le film “Un passo dal cielo”, che vëgn tut sö chëstes edemes ite en Braies, joblenëia inće Cirillo Clara da Lungiarü y Giuvani Rubatscher da San Martin. A ëi ti ùnse damanè ći che ai nen dij de chësta esperiënza patricolara Televijiun - Al ê stè bindebò de noela che Terence Hill, conesciü suradöt ti films fać deboriada cun Bud Spencer, foss stè le protagonist de n film a perts te Südtirol. Le titul dê impröma ester “L’uomo dei boschi”, mo é spo gnü mudè te “Un passo dal cielo”. Al vëgn bele dassënn fat les registraziuns. Terence Hill sarà tl vistimënt da verdabosc y arà da fistidié de de vigni sort de stories y avenimënć danter la natöra dles Dolomites. Tut sö vëgnel incër Sanćiana y ti bosc incër le Lêch de Braies. Magari n’él nia düć che sa che danter les comparüdes tl film él inće dui ladins, plü avisa Cirillo Clara da Lungiarü, 52 agn, y Giuvani Rubatscher da San Martin, 69 agn, cun chi che i ùn orü s’la ciacolè n pez y ti damanè ći che ai nen dij de chësta esperiënza particolara. La Usc: Dantadöt ves damani a intrami, ći ves à pa motivé da s’anunzié por fà para te chësta produziun televisiva? Cirillo Clara: I à odü le placat y i ê dantadöt corius da odëi sciöche al vëgn fat n te’ film, porchël m’ài anunzié. Giuvani Rubatscher: Iö à bele n iade albü l’ocajiun da fà para pro le film “Bergkristall - verirrt im Schnee” cun Tobias Moretti, che é gnü tut sö inće ite a Türesc, porchël âi bele na certa pratica y insciö ài inće chësc iade orü fà para.

22

www.lauscdiladins.com

Cirillo Clara y Giuvani Rubatscher compariarà tl film “Un passo dal cielo”, cun Terence Hill.

Al é sigü tröc che s’à anunzié. Ëise pa messü joblenè dant valch por gnì tuć sö? Cirillo: Nos ùn ma messü prejentè dui retrać y dè jö nüsc dać y le nr. de telefonn, spo, sce le regist nes aratâ adatà, nes tolôi. Joblenè n’unse nia messü. Giuvani: Chësta é la medema dita che à inće fat le film ta Türesc, porchël pòl ester che ai me conesciô bele. Esses pa podü ves imaginé che i fósses tla vita rovà n iade a tó pert pro n film cun Terence Hill? Cirillo: Feter imposcibil, mo al é val’ de fortiscimo. Al é na bela

esperiënza da podëi tó pert, cun n atur sciöche Terence Hill, che é conesciü feter sura döt le monn. Dal vì ne l’âi ćiamò mai odü. Ëise pa albü l’ocajiun da baié cun Terence Hill de porsona? Cirillo: I ùn albü l’ocajiun da le saludè, mo nia deplü. I ti à damanè co che ara jô y co che ara i plajô. Al n’é nia la poscibilité baié tröp, deache düć oress baié impara, y chëra ne va nia Giuvani: Ël à sigü inće tröp da se studié jö, àl pö n gröm de tòć da joblenè. Ćiüna sarà pa osta pert?

Giuvani: Te mia pert ài de vigni sort de dificoltês. I mëssi joblenè na porsona che é rovada tles ciafes de n lu. I ćiari pa bëgn fora bindebò mal. Cirillo: Iö mëssi fà le iagher. I mëssi tignì chît n ćian. Al vëgn spo alerch Terence Hill che damana ći che al é stè, y iö respogni che al é gnü atachè chësc ël, y dedô le ćian.

che po baié, ater co i aturs che joblenëia.

Tan de iadi ëise pa bele messü jì a tó sö? Giuvani: I sun jüs n iade su. Cirillo: Inier (en domënia adr) nes ài cherdè y plü dessigü, sce ara va bun, él da jì a Roma.

Śëgn che i ëis fat les prömes scenes, ćiüna é pa osta impresciun? Cirillo: Al é da spavënt interessant da odëi sciöche al vëgn laurè. Döt vëgn bel arjigné ca, les telecameres é sön scines. Al é na tecnica de morvëia. Sce te ne vëighes nia, ne poste nia t’l imaginé.

Giuvani, él pa tröpa desfarënzia danter l’esperiënza ta Türesc y chësta produziun? Giuvani: Al é n pü’ atramënter. Ite Türesc gnôl tut sö n film su, chësc é indere n film a perts y chël é desvalì. Ta Türesc gnôl tut sö d’invern y dailò âi fat 10 dis de registraziuns sciöche comparüda. Por fortüna n’àn nia messü odëi dötes les scenades ch’i à messü fà. Co é pa la jënt dla produziun? Cirillo: ai é pa düć dër da orëi bun. Co funzionëiera pa tratan les registraziuns? Él bindebò de sciosciüre? Giuvani: Nou, chël no. Canche al vëgn dè le ciak, spo n’él plü degügn

Ëise pa messü porvè tröc iadi la scena ćina che ara é garatada? Giuvani: I ùn messü porvè 4-5 iadi ćina che ara é jüda. Le regist stà te na sort de tënda a ćiarè y sce la scena ne va nia bun, éra da fà danü, ćina che ara ti va a scüsa.

Comparîse pa ma te na pert sora, o ves él pa bele gnü damanè da tó pert pro deplü episodes? Cirillo: Chël é da odëi. Al vëgn ćiarè ći porsones che öga por certes scenes, porchël pol ester che i gnunse damanà plü iadi. Ciafëise pa paié valch? Cirillo: I ciafun 73,00€ al iade y la marëna, mo te n te’ cajo él bele ma bel da podëi tó pert. I foss ion jü plü iadi. Śëgn odunse pa. Ves ài pa dit tan dî che ara podess doré? Cirillo: Dit nes ài incër jenà. Intervista: Pablo Palfrader


Val Badia

nr. 27 / 17 de messel 2010

Energia eletrica por l’auto

Stephan Clement surastant

A San Martin pòn śëgn inće fossenè energia por auti, scooter y segway eletrics. Al é la pröma fossenara de chësta sort tla Talia y la SEA, che à fistidié da la mëte sö, mët a desposiziun l’energia debann ćina dl 2011

La SVP da San Ćiascian à lité so surastant. Augusto Manco é vize

San Martin - Le Comun da San Martin de Tor à la pröma fossenara eletrica coliada a internet dla sort ChargePoint dla Talia. Chëstes les parores de Martin Clara, presidënt dla cooperativa SEA (Sorvisc Energia Ambiënt), che à podü inaudè en sabeda dan otedé la fossenara nöia y inće l’auto eletrich dl model Fiat Panda, che gnarà anuzè por le sorvisc de assistënza. Por mëte sö la fossenara eletrica à le Comun metü a desposiziun n post da parchè sön la picia plaza danter la dlijia y la botëga de alimentars, incertlada da na strisciora vërda, chël corù che i vëgn atribuì al’energia alternativa, prodüta cun la forza dla natöra. Martin Clara à podü saludè chësc domisdé cotan de jënt rovada adalerch sigü inće por interes y curiosité da odëi davijin la fossenara eletrica, che ne dà por süa strotöra sigü nia al edl, mo é n sëgn sterch che la SEA à orü mëte por jì danfora cun le bun ejëmpl y se destanzié dal petröre. “Al mët man na perioda nöia dla mobilité y i sun dla convinziun che śëgn vara finalmënter da smendrì bel plan l’incuintamënt, la vera, le stöp y nia inultima la dependënza dal petröre che gnarà ti proscims agn tres plü ćer. La tecnologia

L’ombolt Heinz Videsott à tachè ite l’auto eletrich dla SEA pro la fossenara nöia. Dlungia le presidënt dla cooperativa Martin Clara.

l’impormët, inće sce i cosć é ćiamò n pü’ alć”, à dit Martin Clara te so salüt, sotrissan l’importanza che n valgönes aziëndes cun idealism por l’inovaziun vais danfora cun la sperimentaziun y s’la làsces inće

N screenshot de sciöche an po ćiarè do le funzionamënt dla fossenara te internet.

Gran interes por la fossenara da pert dla jënt.

costè valch. “L’Uniun Europea - é jü inant Clara - ô finanzié la realisaziun dla rëi da ćiarié sö chisc mesi y chësc é indispensabl por che la mobilité eletrica pois se svilupè, deache zënza la poscibilité da ćiarié les patrîs, ne vëgn chisc auti nia cumprà.” Clara à inće alzè fora l’importanza che l’energia che an adora vëgnes da fontanes renovables, sciöche ega, sorëdl, vënt, biomassa, por che la mobilité eletrica ais n bilanz neutral de CO2. Inće chilò va la SEA danfora, cun chësta fossenara che vëgn alimentada da energia fotovoltaica de süa produziun. “I sperun che d’atri nes fejes do - à stlüt jö Clara - Nos orun porvè fora avisa sciöche ara funzionëia y ćiügn che é i vantaji y i cosć." La fossenara ne pîta nia la poscibilité da ćiarié sö auti, mo inće scooter o i segway, i injins da döes rodes che an vëiga tres plü gonot inće chilò da nos. Do les parores dl presidënt à inće saludè l’ombolt Heinz Videsott, denant co passè spo ala benedisciun de auto y fossenara da pert de siur ploan Paul Campei. L’ombolt instës à spo podü por pröm tachè ite la Panda dla SEA tla fossenara, che gnarà anuzada dal colaboradù por jì söl laûr y por fà intervënć de assistënza. Inant éra jüda cun spligaziuns plü menüdes sön le funzionamënt dla fossenara y sön l’auto eletrich. Cun musiga y n renfrësch é la festa de inaudaziun jüda a piz. La fossenara sarà śëgn a desposiziun dla jënt. Chi che ô l’anuzè, po damanè do na cherta aposta che va debojëgn por l’ativé. La cherta à n cost una tantum de 30,00€. L’energia eletrica instëssa mët la SEA a desposiziun debann ćina ala fin dl 2011. Dedô él gnü preodü na tarifa de 10,00€ al mëis, por na cuantité de 200 kWh. (pablo)

San Ćiascian - Chisc dis él rovè adöm le consëi SVP da San Ćiascian por la sentada costituënta, olache Stephan Clement é gnü lité surastant y Augusto Manco sciöche so vize. Clement à rengrazié por la crëta che ti é gnüda dada: “I orun tó ite la popolaziun tles tematiches importantes y tó dezijiuns ponsades por n bun dagnì dl paîsc da San Ćiascian, che an po arjunje dantadöt tres na politica iüsta, discusciuns davertes y la colaboraziun de düć”. Le surastant à splighé che le travert dl comitê é chël da renforzè la crëta dla popolaziun tla SVP y chël da svilupè idees y strategies por le dagnì dl comun. “Les porsones dess ciafè tla SVP de paîsc so pröm partner politich, por odëi inće tl dagnì la SVP sciöche so daćiasa politich”, é jü inant Clement. L’omb olt de B adia Iaco Frenademetz à recordè i traverć che la SVP à arjunt söl ćiamp dl’autonomia de Südtirol: “Chësc é garatè por mirit dl Landeshauptmann da denant Silvius Magnago y dl tignì adöm dla popolaziun todëscia y ladina. Da chësc messunse nes tó n ejëmpl”. Le surastant SVP dla Val Badia Klaus Winkler à injuntè che i comitês SVP de paîsc conësc la situaziun söl post y raprejentëia n liam diret

cun i aministradus de comun. Winkler ti à assigurè al comitê da San Ćiascian döt le sostëgn. Ligrëza por la nasciüda dl comitê nü à inće desmostrè le vizesurastant dla SVP Val Badia Manfred Vallazza: “Bele dî ânse le travert da mëte sö n comitê a San Ćiascian y śëgn éra garatada. La SVP Ladina crësc inant.” Dlungia Clement y Manco, él tl comitê ćiamò Vito Agreiter, Roland Ploner, Gustav Rudiferia, Roman Rudiferia, Alex Rudiferia, Manuela Agreiter Plankensteiner y Elisabeth Sorarù. (SVP Ladina/pablo)

Le surastant Stephan Clement.

L’orcena dal’edema Tradiziuns descreditades Che al é gnü fat na sort de show d’infora y strabacè a na te’ moda da pert de nosta jënt da n avenimënt sön strada, chësc é no ma da desplajëi y da parentè, mo al é da dodè y al nes descreditëia lunc y lerch. I me damani, a ći punt che an é rovà! A tröpes ëres ti àl sigü dè n dlai y s’à spordü, canche ares à odü chë I guanć en gaujiun de na noza pro la fotografia che é n scandal! An ess fat Maratona. cotan miù da ne la publiché nia. Che an prô da ti fà odëi ai I m’ess aspetè cotan de foresti de nostes tradiziuns é sigü protestes tl foliet ladin y cis da dërt, mo al depënn döt co y pert de lies culturales che é pö olache an ti les mostra. An mëss gnüdes metüdes sö por mantignì ponsè che tröc foresti s’intënn y coltivé les usanzes y tradiziuns atira, sce al i vëgn metü dant na ladines. cossa sinziera o ma improvisada Al é da sperè che nostes y intomenada adöm. Chësc él tradiziuns vëgnes respetades y sozedü da püch pro la Maratona dades inant cun le respet che dles Dolomites, sciöche an à odü ares se mirita, por süa gran da na fotografia publicada dan importanza che ares à tres albü otedé. Le bel guant da paur de por nosta jënt nia ma da paur. nostes jones y umes é da vedla Les ëres é inviades da tó le guant tradiziun incà tres ma gnü tut da paur dales gran festes de dlijia dales festes de dlijia y da na noza. y dailò po le turist amiré chësc Nostes ëres à dagnora portè bel guant che vëgn portè cun chësc guant cun gran respet y scerieté, dignité y respet! dignité, él pö le plü bel guant che nostes ëres â y à. Lois Trebo

www.lauscdiladins.com

23


Val Badia

nr. 27 / 17 de messel 2010

Pice gran teater “ater-te-ater” é sön tru, le program va inant śëgn n iade cun na spazirada teatrala da Tolpëi a Biëi a La Val spazier dla sabeda sëra é ponsè por n publich adult, rezité gnaral por todësch, al vëgn damanè la prenotaziun. La medema “Die Kleinste Bühne der Welt” (Germania) joblenarà inće la domënia, ala Majun a Biëi a La Val, dales 11.00 inant. Le titul é “Fünf Stücke Glück”. I medemi jobleri dla sabeda sëra portarà dant stories, inće tres plü manires da rezité, por todësch. Ponsè é le spetacul por n publich de mituns dai sis agn insö y adulć.

“Gli equilibristi - primo quadrimestre” Momënt fora dal toch talian “Gli equilibristi”.

Teater/1 - Incö sabeda ai 17 de messè 2010, dales 18.00 inant, saral “Die Kleinste Bühne der Welt” (Germania) che fistidiarà da joblenè söl iade, te n spazier danter na vila y l’atra a La Val. Le toch é gnü scrit y vëgn joblenè da Hedwig Rost y Jörg Baesecke. “Te döes stües vedles, pro n paur y te na majun vëgnel en chësta sëra ospité döt le monn – tles stories cuntades! Na storia dl’Etiopia, na liënda da Minca, na balada da temëi dl’eté medievala, na storia sapiënta dl’Europa dl Ost, na opera de Wagner en miniatöra, dër na cörta relaziun de vita fora dla

tradiziun di Inuit”, él scrit tl program. Destenüdes fora por cater viles da paur a La Val él da odëi na desëna de rapresentaziuns teatrales cörtes y emozionantes, te n moscedoz de teater de figöra, musiga, stories cuntades y ert figurativa. Les organisadësses dl proiet “ater-teater” scri: “Cosses daldöt da vigni dé joblenëia para, deplü teatri en miniatöra y na vidora, che ne sona nia mâ musiga, mo che cunta inće stories. De ći désson pa se fà deplü morvëia – dla varieté di contegnüs, di posć for dl normal o dla maniera da fà teater di dui cuntastories?” Le

ite tratan n ann de laur plü co 30 aturs, auturs, studënć jogn danter i 14 y i 25 agn. Le toch gnará portè dant por talian le mercui y la jöbia ai 21 y 22 de messè 2010 tl salf manifestaziuns a Al Plan, por gragn y jogn.

Rosa e cruna Inće la Majun da Rumestluns a La Val deventarà paiun de teater. La sabeda y domënia ai 24 y 25 de messè 2010, dagnora dales 21.00, saral le Teater Muntanellas (Svizera) che portarà dant le toch “Rosa y

cruna” de John Boynton Priestley. “Le toch é n inn al’esistënza umana, scemia che le toch é scür de carater. Al é l’inom dl’ustaria che tl toch ciafa n significat simbolich che vëgn splighè insciö ala fin: ’Sce la vita é na risa, spo é la mort la corona.’” Le plurilinguism di Grijuns é da ćiasa inće danter i mëmbri dl grup de teater Muntanellas. Tl toch “Rosa e cruna” pòn sintì fora la convivënza da vigni dé di lingac desvalies sciöche les formes dialetales todësces “Bündnerdeutsch y Walserdeutsch”, le talian y i dui idioms grijuns sursilvan y surmiran.

Le Teatro dell’Argine (San Lazzaro di Savena, Bologna) gnarà tla Val Badia cun le toch “Gli equilibristi – primo quadrimestre” de Giulia D’Amico, Pietro Floridia y Andrea Paolucci. Tl program vëgnel scrit: “N palch de 4x3, n parëi stort, cater aturs dër jogn. N sotissura de situaziuns y de gags porsora la scora de inier y chëra d’aldédaincö, chëra di bugn studënć y de chi che é tomà. Na rapresentaziun che cunta dal punt de odüda de cater jogn n univers fat de emoziuns co va al estrem, n monn olache al é ’o döt o nia’...” “Gli equilibristi” é n proiet te döes pertes, te dui cuadrimestri, döes rapresentaziuns desvalies che à tut

Groaries tl “Hotel Paradiso” Debut garatè por le festival internazional de teater “Ater - te - ater”. La Famile Flöz dala Germania à salpü da cöie n publich numerus, cun n tòch ambientè te n hotel demorvëia, olache al sozed de döt y deplü

N cogo demorvëia cujina tl Hotel Paradiso... y ne siëia nia ma sö ćern de tier.

Teater/2 - Cun le teater “Hotel Paradiso” dla Familie Flöz dala Germania, él gnü daurì en mertesc ai 13 de messè a Al Plan le pröm Festival Internazional de Teater batié cun l’inom “Ater - te - ater”. Le tòch portè dant dai jobleri todësc à zënz’ater respognü al sëns plü strënt dla orentè dl’organisaziun, chëra da ti pité a nosta jënt n ater teater sön paladina.

24

www.lauscdiladins.com

“Hotel Paradiso” i baiâ ados a gragn y pici. Öna dles particolaritês ê sigü che i aturs joblenâ cun mascheres de plastica, zënza anuzè le stromënt dla parora. Al é stè n spetacul de apresciapüch n’ora y mesa, olache la Familie Flöz à salpü da trà l’atenziun de n publich che à implì fora deplëgn i passa 100 posć a desposiziun tl salf dles manifestaziuns. Cun süa moda da

s’armöie, ài salpü inće zënza parores da i trasmëte ai spetadus de contegnü. La storia é ambientada te n hotel - le Hotel Paradiso, che tira alerch sü ghesć por süa fontana d’ega che impormët varijun. Le möt de ćiasa somia le gran amur y deperpo àl da sćiampì cun la só por le manajamënt dl hotel. La uma prô a süa moda groia da i tignì indalater y apajé ia les stritaries. Danterìte vëgnel na fancela che aroba fora i ghesć y n cogo che siëia sö ćichessî, nia ma la ćern de tier. Tla finada él inće da ascogne ia n mort, insciö che ghesć y personal vëgn trać ite te situaziuns intravaiades y püch plajores. Tl tòch vëgnel dant cotan de figöres: familiars, personal, ghesć, jandarmi y leri, porchël é la sorpresa ćiamò gnüda ala fin, canche le publich é gnü lassura che por döt chësc “teater” êl ma cater jobleri susc, che à desmostrè deplëgn süa maestria da se sentè ite te personalitês y perts desvalies. La êrt dla Familie Flöz vëgn aprijada lunc y lerch, ći che an po odëi dal program de chësc isté, cun teatri desvalis sön paladines dla Talia, Germania, Francia, Spagna, Austria, Norvegia, Colombia y Israel. Le festival “Ater-te-ater” é gnü organisé dal’assoziaziun ErehwoN, por man de Valentina Kastlunger,

Inće i ghesć vëgn intravaià tles morvëies dla familia.

Bernardetta Nagler, Erica Castlunger, Barbara Tavella y Ursula Tavella. Al va inant ćiamò

ćina ai 25 de messè, cun le program che i ciafëis tl articul dessura. (pablo)

I aturs à salpü da se davagné le publich: l’aplaus final é stè lunch y sterch.


nr. 27 / 17 de messel 2010

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Tel Comun General l ben comun Pruma sentèda ofiziala col jurament de la Procuradora Cristina Donei e la nomina de la encèries

La pruma sentèda ofiziala del Comun General de Fascia a Sèn Jan.

Sèn Jan - Pruma sentèda ofiziala del nef Comun General de Fascia en mércol ai 14 de messèl del 2010, tel dì de l’unità ladina. N moment storich per la val de Fascia che é stat spartì e sostegnù con gaissa ence da raprejentanc ladins de l’autra valèdes dintorn l Sela, rué a Sèn Jan per l moment de reflescion. La sentèda é stata reta da Gino Fontana, l conseier più de età, che te sia paroles dantfora à recordà la valuta de chesta giornèda. “Ai 14 de messèl del 1946 – l’à recordà – se binaa sun Sela passa 3.000 ladins per protestar contra la spartijon e per dir adaut che i volea star ensema, autonomes. Col Comun General de Fascia taca ite n percors de autonomìa che verc la strada de l’autogoern per duc i ladins.” L prum adempiment burocratich l’é stat l’ejam de la condizions de litabilità e de compatibilità de la Procuradora litèda e di 31 componenc del Consei General.

Soula ousc de contra l’é stat chela de Emilio Talmon che à let jù n document de critiches contra l Comun General, la Procuradora e l derit de partegnuda de Moena a la Val de Fascia. Contestazions che aboncont no à troà nesciun éjit. La litazion per l president e i vize presidenc del Consei no à abù empedimenc. Gregn batimans se à levà per la nomina de Cesare Bernard, nef president del Consei general e per i doi vize te la persones de Francesca Dorich e Christian Lorenz. L moment più rich de emozions l’é stat l jurament de la Procuradora Cristina Donei, che co la man sul cher, à jurà dant per ladin e dò per talian. Solidarietà, libertà de gestion e identità, l’é stat i trei conzec maores che l’à uzà fora te so intervent de salut. “Chisc l’é i prinzipies che tolon fora da la storia de la Comunità de Fascia e che, enceben che sie passà n muie de temp, podon zenz’auter fèr nesc,

e gé spere e me augure che i posse ispirèr chest nef ent acioche l dovente la sćiantiva esprescion de la val te la gestion del ben comun.” Dapò l’envit a levèr en pe e recordèr con n menut de acort nesc aves, chi che ti egn passé se à dat jù per arjonjer l ben comun: “Pissà ai 14 de messèl del 1946 canche la valèdes ladines, enlouta muie manco stravardèdes che ades, les à abù la determinazion de desmostrèr sia volontà de esser conscidrèdes n unicum. Chesta l’é na debita morala ti confronc de la jent che dant da nos se à dat jù (da Ezio Anesi, a Danilo del Garber, a Guido Iori Rocia, a Giacomo Jellici e a duc chi che ai 14 de messèl del 1946 i à desmostrà sia identità sun Jouf de Sela). Vardon de no ge dèr delujion.” La Procuradora à dapò nominà l’ombolt Mariano Cloch vize procurador e l’à comunicà la competenzes dates sù ai componenc del Consei di ombolc. L’envit a lurèr e se dèr jù con gaissa per l ben comun é ruà ence dal conseier provinzièl Luigi Chiocchetti che à serà sù co la paroles che é states scrites tel statut del Comun General. “Noscia istoria ne consegna na esperienza veiora olache i fascegn à sapù tegnir fora gregn peisc piutost che renunzièr a la istituzions comunitères e a la tradizions di aves (p. Frumenzio Ghetta). Ades scomenza n temp nef olache chesta istituzions comunitères pel jir inant demò se les ge va dò al prinzip, sinzier e de dejenteressà, del ben comun.” (mci)

Val de Fascia

N nef adempiment fiscal Dal prum de messèl la Agenzìa de la Entrèdes à indicà la speises con l’obligh de trategnuda del 10% su lurieres de restruturazion edilizia e sparagn energetich L’Agenzìa de la Entrèdes à publicà l provediment 30 jugn del 2010 en cont de l’atuazion de la trategnudes fiscales sui bonifiches di contribuenc con chela de se emprevaler di agravies che se pel tor demez o per chi che perveit la detrazion de stéora da poder durèr te la declarazion di vadagnes. L provediment ampò à troà fora demò doi detrazions sun cheles che se pel aplichèr la trategnuda. Se trata di intervenc de restruturazion edilizia (bonus 36% con trategnuda) e recalificazion energetica (bonus 55%): te chisc doi caji, te chela che se ge paa con bonifich a chi che fèsc i lurieres, vegn aplicà la trategnuda del 10% che la banches o la Postes Taliènes cogn tegnir endò e paèr. Chesta mesura é stata envièda via dal Decret Lege 78/2010 che ades l’é te la fasa de converscion en lege. La norma dèsc l’obligh de trategnuda del 10% a tìtol de acont de la couta sui vadagnes che i cogn paèr i benefiziaries, con oblianza de compensazion, che ge pervegn ai istituc de credit o a la Postes. La medema norma ge dèsc sù a la Agenzìa de la Entrèdes l’encèria de tor fora la speises agevolèdes – fontèna de agravies che se pel tor demez – che col paament les aessa fat aplichèr la trategnuda, a pontèr via dal prum de messèl del 2010. Per l Goern la trategnuda sui lurieres de edilizia à l’obietif de fèr ciutèr fora dut chel che l’é sot èga, ajache somea che vèlch impresa no declaree duc i vadagnes ence se les

dèsc fora la fatura e les ciapa i paamenc travers bonifich. La trategnuda de acont del 10% sui bonifiches darà l met enveze de ge jir dò miec al percors di paamenc e l Fisco podarà encassèr scioldi dantfora: vegn stimà presciapech 700 milions de euro, vedù che del 2009 duta does la detrazions à troà aplicazion su speises per 7 miliarc de euro. Ma colunes él pa la modalitèdes de versament e zertificazion? Tel chèder del medemo provediment l’Agenzìa à deschiarì i adempimenc de banches e Postes: dantdaldut ai sogec ge pervegn de paèr la trategnuda travers model F24 con codesc tribut 1039, te la sezion “Erario”; dant che vae fora i 28 de firé de l’an dò i cognarà ge zertifichèr ai benefiziaries del bonifich l’import de la somes paèdes fora e de la trategnudes fates; dinùltima i cognarà reportèr te la declarazion di Sostituc de stéora (i datores de lurier), travers l model 770, i dac relatives al benefiziarie, la somes creditèdes e la trategnudes fates. L’obligh donca ge pervegn a la banches o a la Postes ma la impresa che fèsc i lurieres la se veit tegnir endò, al paament de la fatura, chesta neva trategnuda fiscala; l contribuent che à fat i lurieres podarà scomenzèr a se emprevaler de la agevolazion demò con la declarazion di vadagnes de l’an dò. Renato Nazario Micheluzzi comerzialist

I sorainomes di paìjes protagonisć te anter i tobié Veies tobié e ciantons se à viventà per sporjer magnères, musega e legreza Cianacei - Ence chest an la festa te anter i tobié ta Cianacei no podea che se orir co la defilèda fora per l paìsc. La defilèda é stata orida da la Mùsega Auta Fascia e serèda dai Ciantarins da Soraga, e viventèda da la prejenza de Forgian, la mascotte de la festa, e enscinamai da n “procurador” dut regolà de òr, che ruà sun paladina l’à volù fèr massa l blaga e... l se à ben ciapà la resposta aldò da la

La mascotte Forgian à viventà la festa.

vera Procuradora, Cristina Donei en persona. Jent da ogne paìsc de la val se à metù a la leta per fèr garatèr l tem de chest an: i sorainomes di paìjes de Fascia. Duc à trat cà i guanc veies che i aea sun sotcuert: i “beles” da Penìa, i “roces” da Dèlba, i “pazedins” da Cianacei, i “botaces” da Grìes, i “beches” da Ciampedel, i “stramaraces” da Fontanac, i “louves” da Ciampestrin, i “pelacrisć” da Mazin, i “musciac” da Pera, i “brujasanti” da Moncion, i “ciavai” da Poza, i “sciori” da Vich, i “strions” da Soraga e i “porcìe” da Moena. Dò aer fat l giro fora per la pèrt veia de Cianacei i é rué te piaz olache sun paladina a prejentèr l’era Gabriele Valentini “Mambo” e Giorgio Pedron, che i à spiegà l segnificat de ogne sorainom. De gra al Comitat de endrez, en sàbeda dadoman l’era jà dut vertech. Te ogne cianton de strèda Dolavila enscin su da la veia caserma di studafech e dintornvìa la gejia de Sèn Florian, se podea scutèr de bela mùsega, vijitèr i tobié tiré a luster per l’ocajion e soraldut magnèr e beiver ogne sort de golosarìa. Na marena o na cena desche ti miores restoranc

enscin a n bon café de òrc. N gran lurier che ence chest an à vedù la partezipazion de n muion de gropes e sociazion de volontadives; ence l preve à metù fora te gejia de Sèn Florian de bie chèdres de la festes più emportantes de l’an. Per l quinto an de seghit te piaz de Sèn Florian l’era ence Radio Gherdena con Egon Vinatzer che à p or tà dant debatic e aprofondimenc. En sabeda sul tem de la Dolomites Patrimonie de l’Umanità à rejonà l diretor de l’Istitut cultural ladin Fabio Chiocchetti, l diretor de l’Apt Andrea Weiss, l’ost de la Val Badia Michil Costa e l vize president de l’ofize turistich de Selva Christian Linder. Dapò i microfons é passé al conseier provinzièl ladin Luigi Chiocchetti, a la procuradora Cristina Donei e ai neves ombolc de Fascia Mariano Cloch, Renzo Valentini, Tullio Dellagiacoma e Franco Lorenz. Na bela festa che à viventà duta Cianacei che, enceben che da zeche ora sie ruà ence la tampesta, ge à dat l met ai ghesć e soraldut a nos fascegn de fèr n vèrech endò tel temp e aprijièr amò n’outa l patrimonie artistich e culturèl de noscia val. (vr)

Luigi Chiocchetti e Cristina Donei con Egon Vinatzer tel stand de Radio Gherdena.

La defilèda à moscià i sorainomes di fascegn. www.lauscdiladins.com

25


Val de Fascia

nr. 27 / 17 de messel 2010

Sa mont co la roda, per chiamèr te Fascia ence n turism joen Intervista a Stefano Davarda da Ciampedel, promotor e president de la sociazion FassaBike che à slarià fora la disciplina del downhill te noscia val

I compagnadores del FassaBike, apede a ge dèr lèrga al downhill, i mena stroz gropes de jent co la roda su per nesc monc.

L’é ruà a nosc apuntament de duta prescia sun sia roda da mont. L’era giusta vegnù jù da Belvedere olache ensema a sie amisc l’é dò a comedèr fora la pistes e enjignèr duta la neves de chest istà. El l’é Stefano Davarda da Ciampedel e sia pascion per la roda da mont l l’à tel sanch. Fassa Bike l’é l’inom de sia sociazion. Dò i prumes egn de “rodaggio” la é stata bona de ge fèr arjonjer n bon svilup te noscia val a chesta disciplina, aprijièda dai joegn ma ence da jent più grana che vegn da dut l mond per proèr l downhill, la discesa, o la raides con la roda entornvìa l Sela. Na gran sodesfazion de n grop de amisc. Che él FassaBike? “Nos sion na sociazion sportiva de pascioné nasciuda del 2007, sion n grop de joegn che ge à semper piajù jir co la roda e sion resté fasciné da chesta disciplina de jir ju per i erc e l bosch. Se aon pissà de fèr chesta pistes per fèr proèr zeche de nef, ma ence per fèr vegnir mìngol de turism joen, enceben che se veit jent dai 14 ai 50.” Co éla nasciuda chesta sociazion? “Se aon troà na sera ta la Montanara a se beiver zeche. Anter na roba e l’autra se aon pissà de fèr zeche te Fascia ence per la rodes da mont. Aon metù l projet su la chèrta e da aló sion partii con na valutazion di pro e di contra. Volaane spenjer no demò l downhill,

ma ence la roda da mont. L’é massa na vergogna che chiò te Fascia no sie na pista per la rodes. Aboncont aon prejentà chest projet de jené del 2007. Aon chiamà l’ombolt da Cianacei, chel da Ciampedel e i raprejentanc de la SITC e dò n trat i ne à dat l consens. Coscita l’é tacà via dut. Sion jic a svilupèr n projet a 360 gradi con percorsc de downhill e ence de compagnament per la raides sa mont con la rodes.” De cotenc siede? “Sion n grop de 12 guides compagnadores, porton la jent con la roda da mont a fèr l giro del Saslench, del Latemar, te Val Sèn Nicolò e ence l giro di cater pasc, lench 60 km: chest l’é n muie aprijià, tant da la pèrt più sorida en sens orarie che da l’autra, con maor dislivel demò per jent che à giames. Apede a chest, nos jon ence stroz per la val con la families che vel jir a se fèr na raida enlengia Veisc. Dapò na pèrt sion fissi ti park: 4 sun Belvedere e un sun Bufaure. L’é William Basilico (Willy), Roland Rasom (Roccia), Matteo Soraperra (Russo) e gé Dava. A Poza l’é Mauro Tarter (Ninja). Willy l se dèsc da fèr con la sociazion e la relazions col publich, Ninja l’à l’encèria de gestir la pèrt del marketing e la convenzions coi enc locai e dapò gé fae la pèrt grafica, sit internet e scartabìe enlengia i percorsc. Chest an dapò aon avert doi park per i bec, un a Poza e un a Cianacei, percheche i se arvejine a la roda da mont.”

Chest lurier ve empegnel dut l dì? “Ei, percheche l’é semper da ge stèr dò a dut, dant a comedèr la pistes e i percorsc, e dapò coi ghesć.” Tenc de percors aede? “Aon 2 percorsc sun Belvedere, un più sorì e l’auter de manco, e n auter percors da Pecol a Cianacei. Aon toc de pista lurèda tel teren, paraboliche e utèdes. L’é dut percorsc che pel fèr ence un che vel se arvejinèr per la pruma outa e proèr. Volassane fèr na neva pista a Ciampedel ajache i ne à domanà e coscita la jent podessa veder più posć. Dapò volassane n fèr n’autra aló da Crist de Trunden sun Bufaure. Chest fossa dassen n bel percors, podessa doventèr un di più bie d’Europa. Aon fat la domana ma se cogn spetèr la dezijions del Comun de Poza e de la SAT e dapò sun Bufaure la cabines de l’impiant les porta demò na roda a l’outa. Tel cajo de na gara se cognessa garantir na portèda minima de rodes per no fèr massa cajin. A la gara ta Cianacei l’an passà l’impiant l jia dò e dò e amò l’era la couda che spetèa.” Aede endrezà ence gares? “Acà doi egn aon fat na gara a livel european, la “IXS”, la era da Pecol a Cianacei. L’an passà enveze aon fat na gara de Copa Italia a livel european che jia da Col di Rosc a Pecol. L’era jent da duta Europa ma ence da la Nuova Zelanda e da l’Australia. Semper l’an passà aon

fat na gara del Trivenet tel zircuit talian. Ma chest an aon dezidù che no n endrezon più.”

azidenc, demò 3 o 4, ma l’era demò brac o giama rotes. Chi che fèsc downhill i sà che l’é da meter vèrda.”

Perché pa? “Dò la esperienzes de l’an passà aon abù ence n bon recognosciment da l’organ ofizièl de la rodes (UCI - Unione ciclistica internazionèla) che adertura ne à scrit na letra de merit per l bon lurier fat e per l’estro che aon de endrezèr. I ne à proponet de tegnir na gara de Copa del Mond. L problem l’é che, apede al downhill ge volessa ence n percors de crosscountry e soraldut per na garejèda de chest nonzech ge volessa n muie de finanziamenc. Per la fèr assane besegn de n muie de jent. Endrezèr gares l’é na gran fadìa e canche l’é ora sion semper i medemi che fèsc. Nos no vadagnon nia, enceben che fajon na gran reclam e empienion n muie de hotìe con i atlec che se tol dò atrezisć, manager, amisc e familiares. Chest an se aon pissà de no fèr più gares, l’an che vegn se vedarà. Ades ponton a miorèr la calità di percorsc.”

Dajede en dotazion ence elmec o protezions? “Na, ma aon n regolament. Canche se fèsc l bikepass se cogn firmèr na chèrta per se tor la responsabilità e azetèr la regoles da respetèr.”

Che mioramenc aede fat? “Enceben se respet ai etres egn sion mìngol più tardives per colpa del temp e de la neif te la pèrt bassa da Pecol a Cianacei, aon metù presciapech 15 passadoes (north shore) en dut 300 metres de passadoes de legn. Aon ja abù n bon suzess de gra al passaparola anter duc i raider che va stroz per i park. Canche i vegn sù i domana olache les é e da sera via i te disc che ge à sapù dassen bel. Dapò aon da fèr na pista neva ence sun Belvedere. Aon jà i permesc ma mencia amò la conzescion edilizia. Da l’an passà aon mudà ence la segnaletica per la pistes. Aon metù dut nef dai sostegnes che tegn sù i scartabìe a duta la indicazions e la mapes de la pista e di park. Volon che sie dut scrit delvers percheche nos ge tegnon n muie a la segureza. La SITC ne met a la leta la protezions dintornvìa la pista e aon metù ence madroc sui èlbres olache l’é più pericolous. Volon dassen fèr n saut de calità e fèr de gregn mioramenc, no jir inant col freno a man tirà ma proèr a fèr n vèrech inant. Se volon doventèr gregn cognon fèr ogne an miec.” En cont de la segureza, aede mai abù azidenc? “Te duc chisc egn sion semper stac n muie ascorc e aon abù pec

Che se pelel fèr con l bikepass? “L bikepass l pel valer na dì, na setemèna o ence duta la sajon. Chi che se enscinua a noscia sociazion i à ence n rebas sui priesc del “stagionale” e na arsegurazion. A tor a fit na roda se ciapa ence la protezions. Aon ence na promozion “all inclusif”. Per 75 euro se pel aer bikepass per na dì con impianc portamont e pistes, roda a fit e na guida che te ensegna. Nosc obietif l’é arvejinèr l maor numer de ghesć. Con chesta promozion, che dèsc ence la guida, un che no à mai proà l pel se sentir più segur.” Siede leé ence a l’Apt? “Per l’Apt luron doi dis en setemèna. Na dì per i gregn e na dì per i bec. Ge ensegnon a jir con la roda, ge dajon la pruma indicazions percheche al de là del downhill, ence la roda da mont l’à na sia tecnica.” Él cresciù n muie l numer de chi che vegn te Fascia per jir con la roda da mont? “Ei. Dal prum al secondo an aon abù l dopie de numer de bikepass venui. Da 460 a 900. L’an passà n’aon venù 1300-1400. Chest an, ence col catif temp che l’é stat, aon abù jà passa 200 persones. Dapò se aon fat inant desche sociazion e sion su n muie de siti internet, adertura sul forum de rodes da mont più emportant de la Tèlia. (www.mtbforum.it). Aon abù bon ejit ence sui sfoes, sun “Tutto MTB” e sun sfoes todesc. Chest fin de setemèna l’é vegnù fora n articol ence su Sport Week de la Gazzetta dello Sport. Dapò aon fat n video che podessa esser conscidrà n picol film de 20 menuc. L’é stat fat da Thomas Mendini (Mendo) e se pel l veder sul sit internet de Fassa Bike e su Facebook. L’é stat n gran lurier ma ence na gran sodesfazion. Aon lurà con doi telecameres high definition, doi cavalec e n suport fat fèr aposta dal faure per meter su la telecamera e sion rué ence su la guida di bikepark d’Europa.” Donca na gran sodesfazion? “Ei. L’é ence bel veder che i vegn a te domanèr de poder fèr n articol e de esser cognosciui daperdut. Sion stolc, l’é na gran sodesfazion partir con nia e ruèr a chest pont. Ence vin Gherdena e vin Badia i volessa fèr vèlch da coscita. Ben segur che ence la jent dal post se la vel vegnir più che bolentiera ge ensegnon e la porton a fèr na raida. Cognon rengrazièr i Comuns, l’Apt e soraldut la SITC che ne deida dassen n muie.”

I riders de FassaBike sun si neves percorsc. (foto Matteo Soraperra)

26

www.lauscdiladins.com

Intervista de Valentina Redolfi


Val de Fascia

nr. 27 / 17 de messel 2010

“Ladinhotel” per valorisèr nosc patrimonie identitèr I joegn hotelieres de Fascia à portà dant idees e proponetes per la creazion de n club de prodot

I joegn hotelieres a la scontrèda te Museo.

Cultura e turism - En mércol ai 30 de jugn te senta del Comprenjorie ladin de Fascia, l’é stat la pruma scontrèda con argoment Ladinhotel, olache l’é stat envià duc i operatores del setor. Sabrina Rasom per cont del Comprenjorie ladin e Linda Debertol per i joegn hotelieres del Trentin les à coordenà i lurieres, a chi che à tout pèrt n muie de hotelieres de la val. Dantfora Sabrina Rasom à rejonà de l’Aisciuda Ladina 2010, la setemèna del lengaz e de l’identità ladina che vigni an tol cà n aspet desvalif de la sozietà fascèna e che chest an à abù per tem “ladin e economìa”. Da la pruma scontrèdes anter l Comprenjorie e i joegn hotelieres che se à metù a la leta per endrezèr l’Aisciuda ladina, l’é vegnù fora dotrei proponetes e obietives che doventarà i requisic a chi che i hotìe cognarà responer per poder meter fora l logo Ladinhotel. Linda Debertol, responsabola de chest projet, à recordà dantfora la scontrèda endrezèda dal Gat (Joegn hotelieres del Trentin) de november del 2009 te sala Heilmann del Museo ladin de Fascia, olache i operatores del turism se aea scontrà dessema con i raprejentanc de la cultura

(Comprenjorie ladin de Fascia, Istitut cultural ladin), coi ombolc de la val e col diretor de l’Apt de Fascia, per se confrontèr su l’argoment economìa, turism e identità linguistica e culturèla, a chela che aea tout pèrt ence l’Asat (Sociazion di hotelieres de la Provinzia de Trent) co la marketing manager Monica Basile. Da chesta scontrèda l’era nasciù l’idea di joegn hotelieres de Fascia de ge portèr dant a duc i hotelieres n projet, apontin l Ladinhotel, per valorisèr nosc patrimonie identitèr, col ge meter dant ai ghesć nosc esser ladins. La proponetes metudes ensema te chesta ùltima scontrèda l’é dantfora la creazion de n forum o sit internet olache i hotelieres abie l met de se baratèr esperienzes su l’argoment identità e turism e, leà a chest, la creazion de n “club de prodot” apontin co l’inom Ladinhotel. Apede sarà la proponeta de ge sporjer ai ghesć l Ciocoladin de Reinhard (nasciù te l’Aisciuda ladina de chest an da na idea de la conditorìa Reinhard da Vich), chela de n pìcol scrit da meter te la informazions che se ge enjigna ai sciori te la cambres - co la descrizion di valores linguistics, culturèi e identitères che fae capir che noscia

valèda la é desferenta da etres lesc - e chela de na pìcola biblioteca tematica su nosc raion (ge domanan aiut a l’Istitut cultural ladin). Autra proponetes l’é na colaborazion strenta col Museo ladin per engaissèr nesc ghesć a jir a l veder (tant te sia senta de Poza che te la sentes sul teritorie), la traduzion ence per fascian di sic internet di hotìe, di menues, di scartabìe informatives jà taché fora per etres lengac e na regoeta de pensieres de benvegnù o de bon dì per fascian. L ladin te chest cajo no l’é segur n met per se tirèr più jent, ma per ge fèr vegnir ai ghesć la voa de saer e de cognoscer miec e più a fon noscia realtà. Na idea curiousa vegnuda fora te chesta scontrèda l’é ence chela de ge sporjer ai ghesć curc corsc de lengaz ladin, acioche i posse se n jir da Fascia con na pìcola cercia de noscia rejonèda, estra che de noscia tradizions, de noscia storia e de noscia cultura. Delaìte da l’Aisciuda Ladina l’é ence stat metù a jir n concors olache ai bec de la Scola d’Èrt de Poza ge é stat domanà de creèr n logo per l Ladinhotel che l vegnarà durà desche simbol da tachèr fora ti hotìe che tolarà pèrt a chesta scomenzadiva. Duc i lurieres é stac metui fora ence te chesta scontrèda e i é a la leta aló dal Comprenjorie ladin per esser duré ence te autra ocajions. La Scola de Fascia à semper moscià gran sensibilità per sie teritorie e per l setor del turism en particolèr: i bec de la Scola d’Èrt de Poza à jà vent acà dotrei egn l concors metù a jir da l’Asat col titol “L turism: na idea mia”, olache a la scoles del Trentin ge vegnìa domanà de dessegnèr sia idea de turism, e te l’Aisciuda ladina de chest an la ge à ence sport a duc i hotelieres n tabarel con la scrita “rejonèr ladin, rejonèr col cher”. I tabarìe i é stac dac fora ence te la scontrèda di 30

I studenc premié per l concors Ladinhotel.

de jugn e i é amò a la leta te senta de Comprenjorie. Te la serèda l’é vegnù fora la obiezion che noscia identità e cultura no l’é segur la rejons che porta l ghest te Fascia. Linda Debertol à sotrissà che l projet Ladinhotel no vel esser n marketingtool per se tirèr neves sciori. Ben segur chi che vegn chiò i lo fèsc per noscia natura e nesc monts, no per fèr turism culturèl, l projet Ladinhotel ampò vel ge moscèr e ge fèr capir sobito al ghest che l’é te n raion con n lengaz e na cultura particolères. I joegn hotelieres, col didament del Comprenjorie e de la Consulta ladina, volessa soscedèr ti sciori, tras de picola robes e segnes originèi (scrites per ladin, rimes e dic, informazions e c. i.), la voa de saer de più, de domanèr e de cognoscer. I volessa che, canche sie ghesć se n va a cèsa, i conte ben segur di bie monts, del raion da schi più gran d’Europa, de la raides, ma ence de aer cognosciù na mendranza linguistica e culturèla, de aer sentù rejonèr n lengaz nef e de aer vedù usanzes e tradizions desvalives che à lascià l segn te sie recorc. I joegn hotelieres sà de no aer enventà no sé che, i vel demò moscèr

na identità culturèla e linguistica che la é pèrt de sia vita e de sia sensibilità. Dut chest aboncont – i disc – cogn vegnir fora a na vida sćiantiva, zenza voler demò se moscèr, zenza che Fascia se mete su na paladina faussa. Dut chel che vegnarà fat cognarà esser la verità e la realtà de n popul che vif coscita vigni dì. Descheche à dit Claus Soraperra te l’ocajion de la scontrèda de november del 2009: “No desmostraron mai de esser fascegn percheche se tiron ite l camejot o tacon fora na bandiera. Desmostraron che sion fascegn demò se l sention daìte”. I joegn hotelieres tol sù bolintiera la idees e la osservazions de duc i coleghes che à jà fat zeche de chesta sort te sie hotel e i é averc al confront e a chesta neva endesfida. Duc chi che vel pel manèr ite reflescions e consees a chesta direzions: Linda Debertol, responsabola projet LadinHotel (linda@hotel-astoria. net); Guglielmo Lasagna, presidente GAT (info@hotelandes.com); Sabrina Rasom, responsabola de l’Ofize servijes linguistics e culturèi del Comprenjorie ladin de Fascia (cultura.compfassa@c11.tn.it)

la beleza.” L moment of i z ial de l’inaugurazion é stat viventà da la musega doucia de la chitara del fi de Tiziano, che col didament de so maester, à portà dant “chèdres de èrt musicala”. Per se n fèr marevea de la gran

espressività e naturaleza di chèdres de Tiziano Franchini l’envit l’é chel de jir te refuge Fuciade. No se podarà fèr condemanco de vegnir ciapé ite dai pensieres de la persones che se se troarà tedant.

L grop de lurier Ladinhotel

I retrac pensierousc Tel refuge Fuciade l’é stat metù fora na esposizion de chèdres de l’artist Tiziano Franchini Èrt - Na mostra de pitura te n refuge no se la veit de spes. Na mostra, amò apede, fata no da chèdres de ambient e paesajes, ma da retrac de persones che pech o nia deldut à a che fèr, culturalmenter, coi monc e co la natura, l’é n fat dalbon originèl. La mostra de retrac del pitor da Rorei Tiziano Franchini, che troa alberch via per dut istà tel refuge te Fuciada de Sergio e Manuela Rossi, l’é na esposizion che auza fora la beleza, te sia forma più completa che l’é l’om, che l vegn depent desche refless assolut de la beleza ma che no l nea la forza che vegn da la natura. L’é per chest che la mostra de l’artist Franchini troa te chest ambient, un di ejempies maores de la beleza de la natura, sia paladina più adatèda. Na esposizion dassen originèla che Sergio e Manuela, da semper sensìboi a la desvaliva formes de èrt, à metù fora con piajer te la

sales del refuge. Chèdres più gregn e etres più pìcoi, retrac de persones che palesa sentimenc fons e forc. Tiziano Franchini l’é laureà en architetura, l se cruzia de aredamenc e l se à arvejinà a la pitura tèrt. Na ispirazion madura che vegn dal piajer de enrescir l’ènema umèna. L’endreza pecia mostres, ma sia pitures é dassen aprijièdes e defat l’à ciapà ence desvalives pesć, segn de chesta sia capazità de depenjer n vis, na esprescion, n portament, ma soraldut la dinamica di sentimenc de la persones. A l’inaugurazion de la mostra “Retrac”, en vender passà tel refuge Fuciade, à tout pèrt apede ai familières e peconc de l’artist, ence l giornalist Giorgio Dal Bosco e l critich d’èrt Maurizio Scudiero. “L’èrt de Franchini – à dit Scudiero – no la chier a duc i cosć la beleza ma piutost na vijion chièra, pureta e essenzièla, olache nia destol da

l’atenzion per l soget, de spes soul te n ambient scur e nut. Se vèlch oget vegn depent te sia composizions, se trata semper e demò de ogec de aredament, porzions de poltrones o de mobilia, che fèsc pèrt de fat de sie mond. Franchini te si retrac depenc na umanità a nos vejina – à amò dit Scudiero – ma che el l’é bon de meter béleche “fora dal temp” percheche chel che la porta dalonc daldidanché l’é chela inclinazion “pensante” e l pensier dura en ebicait.” L’artist Tiziano Franchini, dassen n muie emozionà, à palesà so fon rengraziament a duc chi che ge à didà a meter fora la mostra e soraldut a Sergio e Manuela Rossi che ge à dat alberch te refuge. “Son dassen onorà e content de aer podù portèr mie chèdres fin cassù, te chest cianton maraveous – à dit Franchini – l’ambient ideèl olache la jent se ferma a pissèr e aprijièr

Monica Cigolla

L moment de inaugurazion de la mostra “Retrac” de Tiziano Franchini. www.lauscdiladins.com

27


Val de Fascia

nr. 27 / 17 de messel 2010

Na rica paladina culturèla Via per dut istà na lingia de apuntamenc a Cianacei e a Moena con autores e protagonisć de la cronaca leterèra

L'alpinista Nives Meroi sarà a Cianacei per “ParoleVistaDolomiti" en sabeda ai 24 de messèl.

La scritora e giornalista Cinzia Tani prejenterà a so liber “La migliore amica" tel chèder de “Moena Incontri".

numeres, apede a l’autor e co l’autor, ajache sobito dò sarà l met de rejonèr e de ge strenjer la man ai protagonisć de chesta gran stories. L prum apuntament en calandèr l’é en mèrtesc ai 20 da les 21.00 te piaz Marconi co l’autora Laura Mancuso, femena de Angelo D’Arrigo, om sìmbol de la pascion per l sgol e l’aventura, che prejenta l liber “In volo senza confini”. Angelo D’Arrigo dijea “L sgol l’é pascion. Da l’aut l mond l’é desvalif.” Ai 26 de mèrz del 2006 l se desfantèa tel ciel con n pìcol velivol da turism, no pilotà da el. L dì dò, en mércol ai 21, te piaz Marconi, auter autor de nonzech pascionà de mont: Franco Brevini, professor de letradura talièna a l’università de Bergamo e colaborador del Corriere della

ParoleVistaDolomiti Per l terzo an vegn endrezà a Cianacei la scomenzadiva “ParoleVistaDolomiti”. N event che sporc n calandèr rich de proponetes che va inant via per dut istà, de gra a la colaborazion anter Virna Pierobon e Domenico Volcan de la majon di libres de Cianacei. L piaz de Cianacei sarà la paladina de desvalives apuntamenc con autores e protagonisć de la cronaca leterèra talièna, apede che a cognosciui personajes che conta de sia impreses sa mont. “ParoleVistaDolomiti 2010” propon percorsc che permet de se confrontèr con stories, aventures, troes dal padiment a la descorida, da la mont ai

Sera, prejenta so liber “La sfinge dei ghiacci”. En sàbeda ai 24 l’apuntament te piaz de Cianacei sarà enveze co l’alpinista Nives Meroi che contarà de sia aventures sa mont. En mèrtesc ai 27 de messèl l’enconter se tramudarà te sala 2 del chino Marmolèda de Cianacei con “Ida Dalser, la donna di Mussolini”, raprejentazion del liber de Marco Zeni te na foja musicala e teatrèla da man de la compagnìa Eos de Busan. I apuntamenc jirà inant ence via per l meis de aost con scritores de nonzech desche Gian Antonio Stella che prejentarà so liber “La Casta”, n “liber-inchiesta” dat fora del 2007 che rejona de sfrelausc e privileges de la politica talièna, l scritor trentin Franco Stelzer con l liber “Matematici nel sole”, la scritora Francesca Melandri, che à n leam particolèr col Sudtirol, che rejonarà de so liber ”Eva Dorme” che conta ence di avenimenc del popol sudtiroleis e amò la scritora Antonia Arslan, de naa armena, cognosciuda per si libres “La masseria delle Allodole” e “La strada di Smirne”.

Moena Incontri Ence via per chest istà 2010 l’Assessorat a la cultura del comun de Moena, co la preziousa colaborazion de Cristina Donei, met dant “Moena Incontri 2010” n carnet n muie rich de apuntamenc che sporc na enteressanta oportunità de enconter e de confront con i desvalives protagonisć de la paladina culturèla locala e nazionèla. N mix de proponetes che vel esser momenc de arichiment e de reflescion, leé al

confront con proponetes culturèles n muie desferentes anter de eles. De gran prestije donca i ghesć che ruarà a Moena a scontrèr turisć e jent del post. Se taca ite en jebia ai 22 de messèl da les 21.00 te sala grana de la scoles de Moena con Sandra Tafner e Lucio Tonina che prejenta l liber “Terra dalle parole antiche. Storie ed immagini di un altro Trentino”. L dì dò, en vender ai 23 de messèl, domesdì da les 17.00 te piaz de Sotegrava l’autora Cinzia Tani prejenta so liber “La migliore amica” e amò en sàbeda ai 24 da les 21.00 te gejia de Sèn Vile de Moena l professor Giampiero Giuliucci con “Nel mezzo del cammin di nostra vita” l lejarà toc da la Divina Commedia col compagnament de mùsega de orghen. Se jirà inant dapò en mèrtesc ai 27 de messèl te gejia de Sèn Vile con l conzert de la Corala Ensemble Canticum Novum: Requiem de John Rutter col compagnament de l’orchestra di arlieves de la scola de musega L Pentagramma de Fascia e Fiem e en jebia ai 29 de messèl la paladina sarà endò piaz de Sotegrava olache vegnarà portà dant n talk show su “La TV che verrà” col diretor de Italia 1 Luca Tiraboschi e l’entrategnidor televisif Pierluigi Oddi. L meis de aost se verc con n autor dassen cognosciù. En lunesc ai 2 da les 21.00 te la scoles de Moena Erri De Luca prejentarà so liber “Il peso della Farfalla”, dapò ghest a Moena sarà ence l’alpinist Maurizio Zanolla “Manolo” che rejonarà de sia impreses alpinistiches e de sia filosof ìa per jir sa mont. Serarà su la manifestazion l scritor Giancarlo

Signore col liber “Storia delle a b i t u d i n i a l i m e nt a r i ” n aprofondiment del tem de l’alimentazion da la preistoria al didanché che envìa a na reflescion sun chel che se magna e coche se l magna te noscia vita da duc i dis.

Encontres co la filosofìa N’autra lingia de scontrèdes de gran enteress proponetes via per l’istà a Cianacei, de gra a la colaborazion anter “ParoleVistaDolomiti” e la biblioteca, l’é i “Encontres co la filosof ìa”, dai 4 de aost al prum de setember, per se arvejinèr a n percors de cognoscenza del pensier filosofich modern. Cinch scontrèdes coi filosofes Andrea Genovese e Nicola Zuin che rejonarà sul tem “La tema e la marevea – La sozietà de la tema”. I argomenc porté dant, semper da les 17.30 te sala de consei del comun de Cianacei, sarà n muie scempies e donca de enteress per duc. Se taca ite donca en mércol ai 4 de aost con “La tema de l’auter desche fondazion de la politica moderna”, Hobbes e Rousseau. Ai 11 de aost l’argoment sarà “La tema de l’imobilità”, l capitalism aldò de Smith, Marx e Weber. Se jirà inant ai 18 de aost co “La tema del nemich”, Carl Schmitt a la enrescida de la reijes perdudes de la lege. Amò n apuntament ai 25 de aost co “La tema del piajer”, la reflescion de la Scola de Francoforte su la sozietà tecnologica borghese. Ùltim apuntament al prum de setember con “La tema de no esser (se enstesc)”, Hegel la dialetica “servo padrone”.

Chi él pa? Soluzion del retrat su La Usc nr 26 “Gempele”, stat ombolt de Soraga, l numer 3 l’é Paolina Zulian de la Sera, cugnada de Gempele e mère del numer 1, Paolin Rossi del Lote (per cont de Anna fossa enveze l fra de Paolin, don Piergiorgio). A ne dèr la soluzion, apede a Anna, l’é stat ence Giuliana Zulian

L retrat che aon publicà la setemèna passèda ne era stat portà da Anna Rossi Zulian. L’era stat fat te Fuciada, dedant a la ciajaa de chi de Vecio apede Refuge anter i egn ’50 e ’60 e l’é sù col numer 2 Giuseppe Rossi de Vecio, cognosciù ence desche

de Berto dal Sester, Rita Rossi del Baila, Rita Brunel de Nando, Lino Soraperra Medico e Antonietta Pederiva. En cont de la numer 3 Rita Brunel ne à dit che fossa enveze Erminia Rasom in Brunel (sia mère), che te Fuciada la jìa a tor èga apede al bait de Gempele. Purampò ence

se la somea la é grana, Rita del Baila ne disc che canche l’é stat fat chel retrat Erminia (chela é del 1927) la era più joena, e donca chela femena, descheche à dit ence Anna e Lorenza, cogn esser apontin Paolina, che enveze la era del 1905. Rita del Baila e Lorenza Rossi ne

10 2 3 1

28

www.lauscdiladins.com

8

9 2 1

3

6 4

5

7

à dat ence na corezion en cont de la soluzion del retrat publicà su La Usc nr 25, con su l pelegrinaje a Loreto. Mencèa defat i inomes de trei persones tedò, ence ic fascegn, e più avisa: nr. 12 Alberto Zulian dal Sester, 10 Agnese Zulian de Berto dal Sester e nr 13 Anna Rossi de Gempele. Ge sporjon n bel develpai a duc chi che ne à didà ence chest’outa a troèr fora la jent, e chesta setemèna ve meton dant n retrat che no cognessa esser tant senester... se no auter su la clas di conscric no l’é dubies... e donca endèna no ve dijon de auter. Speton voscia respostes te redazion a Sèn Jan per telefon o fax al numer 0462.764545, o per mail a la direzion lausc@ladinsdefascia. it. Ve envion desche semper a chierir fora e ne portèr i retrac veies che aede te majon, per seghitèr a viventèr noscia rubrica e ne didèr a meter ensema vèlch mizacola de la storia de noscia jent.


nr. 27 / 17 de messel 2010

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Cinchmile firme per salvé le scòle da mont I é stade consignade al vizeprescident del consei regional Matteo Toscani nte na manifestazion n Ègort. Andrea Crepaz, prescident del consei d’Istitut del Comprensif de Alie:”Fodom l à da tignì auna per salvé sue scòle” Scòla - Cuaji 5000 mile firme a sostén del document “Na scòla da mont non n è n prrivilegio ma la na nezessité” i é stade consignade al vizeprescident del consei regional Matteo Toscani nchëstadì a la manifestazion metuda a jì dal Istitut Comprensif de Cencenighe sul Broi de Ègort. Na giornada de protesta contra i tai pervedus da la lege Gelmini, che riscia de fè saré souradut le picole scòle da mont. Mprumadedut per l numer minimo de 10 tosac pervedus per clasce, che daperdut nte le picole realté no se rua a seguré. E po’ per i gròsc tai al personal docent e nia docent ( bideli ), che mët a riscio troc servisc de la scòla. La manifestazion l’é scomenciada bele a Cencenighe, ulàche na cincántina de persone, con tabele e stiscions, i è piade via n “procescion” per rué fin sul pré

ntaméz Ègort, ulàche i spetáva i rapresentánc politizi, con capicomuns de duta la valada del Agordin, ence l consiadous regional Dario Bond, l onorevol Gidoni e i assessori provinziai Templari e De Gan. Troc i intervenc dei rapresentánt de la scòla, da la prescidenta del Consei d’Istitut de Cencenighe Daniela Murer a nen student del istitut Follador de Ègort, Eddy Gaspari, per sotlineé che nte la scòla no se po’ taié senza cialé la realté geografica. Perciéche jì a scòla sa mont l é plu difizile che n planura. A saré le picole scòle se crea na mascia de problemi, dal traspòrt al fat che vignarà creé pluriclasci ence de 18 tosac, con clasci ence no damprò ( ejemple na pruma e na terza ), con dut chël che chëst comportarà per la cualité del insegnament. L cosiadou

regional del Pdl Dario Bond l se l’à ciapada col dirigent scolastich de la Region Palumbo, che, a suo di, la no ten n consciderazion le particolarité e i problems de le scòle da mont. “No se po’ de la colpa ai dirigenc del Stato se davòvia l é dezijion politiche” à rebatù l colega n Region e ex prescident de la Provinzia Sergio Reolon ( Pd ). L assessor De Gan l à lascé al savei nveze de le ncontade pervedude i dis che ven a Roma col diretor general de la Publica Istruzion e a Venezia col assessor Donazzan e l à sotlineé l’emportánza de avei n dirgent scolastich provinzial fiscio. Sul ejit de l’encontada on sentù l’opinion del prescident del consei d’Istitut del Istitut Comprensif de Alie Andrea Crepaz e del assessor comunal a l’istruzion Claudio Sorarui. “De positif” disc Crepaz,

“s’à vedù l’unité de intenc da pèrt de aministrazion publiche e de le comunité n general, 5000 firme no i é puoce, per fè capì a la politica la contrarieté de la jent. Me pèr de vedei che popolazion e i politizi i é mpuò dalonc ence se chisc ultimi nsomeia che i se diebe da fè, o almánco coscita i disc, per fè capì l problema a Venezia e Roma. Nvalgugn i à atachè i Proveditori che aplicheia la lege da sourc. Ma i s’à desmentié de dì che la lege l’è ilò da doi agn e che “valgugn” l’à aprovada. Percié se muoveli demé ades ? Le legi, se i è, le va aplicade. Autramente, se i é sbaliade, no l é che no i à da ester aplicade, ma le po’ o le mossa ester cambiade. No son d’acòrdo gnánca con Gidoni, che l s’à ciapé chèlche sciolada da la jent, cánche l à dit che i “juosc” se i fèsc a livel regional e che

l’autorité zentrala la conta demánco. La lege l’é ilò e i numer i é chi. Ades se tratarà de controlé se i politizi i se darà da fé per prové de mudé sta lege. I organizadous de la manifestazion i à damané de ester contatèi cánche se savarà vèlch.” Nfin ncora na consciderazion su la situazion de la scòla da Fodom, ulàche no máncia i tosac ma máncia mpò “i numer” per via de chi va fòravia. “L é debujen che la comunité fodoma tegne auna per smendré plu che se ciafieia i eféc de la lege Gelmini. Come comunité podón n pèrt ester protagonisć de nòste fortune o sfortune, coche plu oute à dit i assessori Templari e Sorarui. Se se tignón chilò i tosac podón fé souravive nòste scòle. Sedenò, coche se disc, chi che è gauja de suo mèl i brègle lori nstësc.” (ls)

La “trippa” per na scolina n Etiopia

La Siègra de S.Iaco la fèsc l tris

“Insieme si Può” da Fodom mpegné a daidé l proget de Padre Bepo Detomaso per l paisc de Daye

Trei dis de festa sot al tendon a La Plié. Domënia premiaziazion de le copie de spoji e benediscion de la nuova bandiera de la Bánda da Fodom.

Come ogni ann, n ocajion de la Siègra de S. Piere a Paul sa na Rèba, l grop “Insieme può” l à nvié via na scomenciadiva de solidarieté per daidé i miscionari fodomi nte chèlche suo proget ju per le miscion de l’Africa. Come ? Co nen piat de “trippa”. “Na marëna ncin chèra dijeise vos, souradut n Etiopia” conta l sourastánt del grop “Isieme si Può” Marilena Dander. “Ma proprio chëst menù n’à mpermetù de daidè nòst Padre Bepo Detomaso “Tono” che da nen tòch l n’ava scrit del proget per na scolina a Daye, un dei troc puori paisc de na sua apròchia, con troc tosac. La scolina la podëssa deventé n pont de riferiment per le puore fameie, siebelo sot l aspét igienich – sanitar che educatif. Mplù i tosac i assa n past segur al di. Come se pòlo scouté davánt a duc sti tosac che damana de ester daidèi? Coscita

eco rué la Divina Provvidenza sot forma de nòst bechè Checo “Pëzol”, che l ne damana de podei ne scinché 50 chili de trippa. Con sua braura, i cuoghi Rosalba e Siro, per plu dis, i s’à neté le trippe e i à fate deventé n piat special per l di de la siègra da Rèba. E pò no podëva mancé crafons mòri, canifli, strudel, krapfen e autre sgolosarie njignade da nòste cuoche de bona volonté. A di la verité sonve nicn cruzièi a vedei dut chël “ben de Dio” njigné da ester venù e cherdonve de avei ncin esageré a paricé su duta chëla manduca. Nveze bele da le 11 dadomán del di de la siègra, trippa e ròba doucia i eva fenìs. Per chëst dijon n bel Diovelpaie a duc chi che à contribuì e daidé prò. Chi che volëssa de na mán a daidé Padre Bepo i po’ clamé ai numer 0436 79180 o al 0436 7291 (Rita).

La cuoga Rosalba la mostra con sodisfazion la “trippa” njignada per daidé l proget de na scolina per la paròchia de Padre Bepo Detomaso n Etiopia.

Su per Settsass, “su le pedie de nuosc vegli” Suzéss per la scomenciadiva dei donadous de sánch Donadous de sánch - I eva de cuaji sessánta ndomënia passada chi che à tout pèrt a la 6° edizion de“Caminon su le pedie de nuosc vegli”, la scomencidiva dei donadous de sánch da Fodom, nviada via ncora da Sergio Masarei per se fè na bela caminada nte luosc puoch cugniscius de la valada. La giornada l’eva stada perveduda ntel prum per domënia 20 de jugn, ma l’ava mossù ester sburlada plu nnavánt per via che n chël di l ava fat ju la nei. Dut auter l temp nchëstadì, che l à scinché na bela giornada che sorogle che nvoiëva proprio a jì da mont su. La clapada l’é piada via da Ciastel, viasada dal Lino de Crust, del vièrs de Valparola fin Sa le Laste”, ulàche se ncroja i teriòi de Valparola e chël che gira dintourn Settsass. N bel tòch, che passa ntaméz a bòsch, al cospét de le crëpe de Sass de Stria. Da ilò i é

outèi sot le crëpe del Settsass per Sto viade l rengraziament l va a al rué su dal Lièch de Gèrda e po’ fin “Lino de Crust” da Ciastel che l n’à ju dal tablé del “Ruge” e del “Dindo”, visé su per chi teriòi e al Ruge e al ulàche i s’à fermé a marëna. L temp Dindo che i n’à metù a dispojizion l é ste onést fin a la fin, perciéche l tablé.” L apuntament spò l é per davòmesdì i à lascèi ence toruné a n auter ann per jì “su le pedie de le machine mpruma che vegn n nuosc vegli.” (ls) scravac. Content l secretèr de la sezion da Fodom dei donadous de s á n c h Fa b i o Denicolò “Cru”. “La giornada l’é dalvièrta a duc” l disc,”ntel plen spirito del doné l sánch. Coscita s’à l muot de jì a cugnësce cèlche bel luoch e sen ste na giornada auna n compagnia sa Nvalgugn dei partezipánc sun “Plán de la bela mont, n semplizité. Freina.”

La Siègra de S.Iaco la fèsc l tris. Chël che oramèi l é deventé un dei apuntamenc “de paisc” plu sentùs, auna a S. Maria Maiou, sto ann l se slèrgia. Trei dis de festa, con deplù apuntamenc sot al tendon metù a jì dal Coro Fodom, che avarà suo “clou” la domënia co la S. Mëssa e la premiazion de le copi de spoji de festegeia plu agn de nòze. Per l’ocajion la Bánda da Fodom la benedirà ence la nuova bandiera. Chëst l program. Vender 23 de lugio, da le siech da sëra, giourirà l tendon nte plaza nuova ulàche se podarà cené ence co nen bon piat de seppie co la polenta. Da le vòt piarà via l intratenimetn mujical col grop dei “Dual Pikers”. Sabeda da sëra, da le cater davòmesdì, ntei locai de la calònia da La Plié, giourirà la pesca pro – miscion. Da le siech davòmesdì tourna a giourì ence l tendon co le specialité da mangé e deplù juosc. Da le 8, mujica e bal per duta sëra col grop fascián dei “Pazedins”. La giornada de domënia la scomenciarà da le 9 co la S.Mëssa, celebrada da Mons. Pietro Bez e acompagnada dal Coro de Gliejia S.Iaco, co la partecipazion de nvalgugn strumentisć de la Bánda da Fodom e l soprano Ana st a sia ………..Nt ánt la celebrazion vignarà, come ogni ann, premiade le copie de spoji, na chindejina ndut, che festegeia i vinticinch, caránta, cincánta e

sessánta agn de nòze. Da le diesc e mesa davántmesdì gioura ndavò l tendon co la poscibilité de marené. Davò mëssa, sun plaza davánt gliejia, la Bánda da Fodom la benedirà la nuova bandiera. La festa la jiarà nnavánt per dutól davòmesdì co la mujica. Da le doi e mesa scomenciarà l gran conzèrt co la “Filarmonica di Colloredo di Prato” (Ud) e de la Bánda da Fodom.

Trei dis de festa per la Siègra de S.Iaco a La Plié.

Da le vòt da sëra l gran final coi “Südtiroler Alpenband”. Da le vòt e mesa estrazion dei numer de la loteria de S.Iaco. Sesaben che duc i é nvièi de cuor a tò pèrt. (ls)

Trator rebalté Burta aventura per l Robert da Lasta che nchëstadì l s’à rebalté co la machina da sié ntánt che l siëva chële vare sot Foram. L meśo l i é sbriscé e l s’à fermé davò 50 metri nte nen èlber. L à ciafié dël nstëss a clamé aiut e sul pòst i é ruade scuadre dei studafuoch da Fodom

e Ègort, Crousc Bláncia e aiut alpin, che i l’à mbarelé e trat su per po’ ester mené al ospedèl de Belum col elicòtero del Suem118, na bona con demé mpuò de òsc roc. Ma l’assa podù jì peso. Al Robert i auguri che l pòbe prëst varì e se remëte ence da pèrt de la redazion de La Usc. www.lauscdiladins.com

29


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Anpezo

nr. 27 / 17 de messel 2010

San Giorgio da Anpezo

Alpis su ra crodes

Un laoro fato da ra nostra Scora d’arte, ruà fin a Venezia

Tośate da duta Italia, su ra nostra zimes, a mostrà de ese pronte par fei ra guera, ignante de moe par chera dasen

Ra profesoresa Fausta Tocchio, el studente Mattia Menardi Menego, de ra scora d’arte de Anpezo, e ra scultura de San Giorgio che el copa el drago.

In śiro par ra laguna de Venezia ‘l una barca che r’à su San Giorgio, che el copa el drago. Chesta barca, pizora, r’é un “puparìn”, cemodo che se disc par venezian. Ra scultura, de len de ciarieja, ra rua da Anpezo: a ra fei ‘l é stà Mattia Menardi Menego, un de i studentes de ra nostra Scora d’arte, drio chel che i à insegnà el so profesor Sebastiano Privitera, che ‘l insegna plastica. A i domandà chesto laoro ‘l é stà ra profesoresa Fausta Tocchio: i anes pasade chesta femena r’é stada preside de ra scora superiores de Anpezo. Ades ra laora inze una scora de Venezia, ma ra se recorda polito de chel che i é boi de fei, i studentes de ra scora anpezana. Coscita Mattia Menego el s’à betù a lourà, ignante co ra creda, dapò co ‘l len e de seguro ‘l à abù tanto acaro anche so pare Mauro, che ‘l é profesor de ra medema scora d’arte. E cisà cuanto acaro che ‘l arae abù so nono Silvio.

El diario de guera de Poulino Zardini Un outro libro, par conosce algo depì, de ra nostra storia. Ai 23 de luio s’in parla a “Una montagna di libri” bete aduna ci che scrie e ci che lieśe. R’é śuda polito e coscita, par chesto istade, ‘l à parecià algo de noo, e de pi gran, par vinte otes, intrà luio e agosto. Se scomenza proprio ai 23 de luio, de un vendres, inze ra sala de comun Don Pietro Alverà, e se scomenza co ra storia de Anpezo. Chel di sarà el profesor Paolo Giacomel a contà de el so ultimo libro, fato co r’Union de i Ladis de Anpezo, tolesc fora da ‘l diario lascià da Paolino Zardini. Chesto libro ‘l é un diario de guera, dal 1915 al 1918, che el conta de ra struscies, ra fadies, ra paures de chesto śoen, intrà Anpezo, Son Pouses, el Col de Lana, ra Val Badia, ra Pustertal, el Trentin, fin in Asiago.

El vis śentil de ‘na tośata, sote ‘l elmo da guera, co ra pena da Alpin, scondù inpó ra cana de un s-ciopo.

Par ra esercitazion Falzarego 2010 i ea de trezento e zincuanta, e dodesc ‘s ea femenes, i Alpis su par ra Tores de Fouzarego e el Col de i Bos. A mostrà a dute, cuanto varentes che i é, cemodo che i s’à parecià polito, ades che trope de lore i à da moe, da śì in Afghanistan. I Alpis i é senpre conpagne, ma i à senpre algo de noo. Coscita no basta pi ra crodes de ciaśa, ma ‘l é da śì anche indalonśe, agnó che no se se parecia par ra guera, par finta, ma se ra vive, ogni di, ra guera vera. “I ultime ane i Alpis i é mudade” – ‘l à recordà chel di, su un Fouzarego, el jeneral Alberto Primicerj, capo de el Comando truppe alpine da Bolsan. Con el ‘l ea el jeneral Adriano Novelli, alpin anche el, che ‘l é capo de el Comando forze terrestri de ‘l Esercito talian. El jeneral Novelli ‘l à vorù recordà i tre valore che i à da aé, chiste śoen, par śì adora a par mostrà duto chel che i à fato in Fouzarego, su par ra crodes, par aria: i à da saé obedì, da ese pareciade polito e da aé corajo. E de corajo, chi śoen, in à mostrà asei, su par ra vies de croda, tacade a un funazo, o su par ‘na teleferica, intrà doa crodes, o sote un elicotero, o mangare a dià ‘na man a calchedun che s’aea

fato mal, o ferì da un nemigo. Duto par finta, se sà, ma ca de poche mesc, de otobre che vien, in Afghanistan, canche ra Brigata Julia r’arà da i dà el canbio a ra Taurinense, duto chesto sarà par dasen, sarà el pan de dagnadì. A i vardà, chiste ome e chesta femenes co ra mondura, ‘l ea anche outre melitare, de i esercite de outre state, da r’Ungheria e da ra Slovenia. Daante de lore, el jeneral de corpo d’armata Giuseppe Valotto, che ‘l é el Capo de stato maggiore de ‘l Esercito talian, ‘l à recordà che ades, intrà i melitare taliane che ‘l é in Afghanistan, ‘l é propio i Alpis a ese ciamade a ‘l laoro pi greo. Da otobre che vien, intrà de lore, sarà anche alcuante de el 7. Reggimento da Belun. Duto chesto inze un Esercito che muda, dapò che no n’é pi ra naia, dapò che i no te ciama pi par forza, ma te vas tu, se t’as voia. O se t’as biśoin, cemodo che suzede senpre demanco a ra nostra śente, de ra rejos de ‘l Nord, e senpre depì a i śoen da ra Puglia, da ra Campania, da ra Sicilia, che i bete una mondura par ciatà un laoro. Tanto, i à isteso da s’in śsì da ra so ciaśa, da ra so tèra, se i à chera de magnà, de vive. Mangare par śì a morì. (mdm)

“El diario de guera de Poulino Zardini de Zardin – scrie el consilio de ra Union de i Ladis de Anpezo – ‘l é un outro toco de storia del nosc paes, a se śontà pede a ra testimonianzes de outre anpezane che à vito i dis triste de ra Prima Guera. Da chesta pajines, scrites di par di, vien fora ra voia de vive, ra forza de volontà, el spirito, ‘l amor par ra familia, ra deozion par el Signor e ra Madona de ra Difesa, de un tośato che, cemodo che ‘l é suzedù a tante outre, ‘l à abù da vive i pi biei anes de ra so śoentù in guera”.

Poulino Zardini de Zardin, da śoen, co ra mondura da melitar, canche el scrie el so diario de guera.

Se parlarà de ra nostra storia, ai 23 de luio, canche scomenzarà “Una montagna di libri”, voruda da Francesco Chiamulera. Chesto

30

www.lauscdiladins.com

śoen, de Anpezo, ‘l à vorù scomenzà ‘l inverno pasà, par vede cemodo che ra podea śì, a se ciatà e parlà de libre, con i autore, par

Par stanpà chesto libro, ‘l é stà anche ra Schützenkompanie Anpezo Hayden che à dià ‘na man. El libro se ‘l ciatarà da cronpà in Cooperatia. Ai regoliere ruarà una zedola, co ‘l numero che vien de el sfoi Ciaśa de ra Regoles, par podé spende algo de manco, a ‘l cronpà.

Ome e elicotere intrà ra Dolomites, par se parecià a fei polito ra guera, intrà ra crodes de ‘l Afghanistan.


Anpezo

nr. 27 / 17 de messel 2010

Ra vita ra pasa, intor ra Penes Ra festa e i recorde, i biei pensiere de agnere e el despiajé de ancuoi, par chel che ‘l é suzedù su par ra Penes de Potor

Ra festa intrà ra crodes, par i cuaranta ane de i refuje e de i inpiante de Potor.

Domegna ai 27 de śugno ‘l é stà fato una gran festa, su da ra Penes de Potor, par i cuaranta ane de i refuje e de ‘l inpianto; ‘l é stà ‘na bela festa, sentuda da un grun de

śente, śoena e manco śoena, par i anpezane, par i Scoiattoli e par ra Guides de Anpezo. A dì mesa ‘l é stà frate Leone, co ‘l Coro Cortina e ra so canzos, su chel sorei, daante

a ‘l refujo. Chel di ‘l ea tanta śente, dute alegre, par el bon tenpo e el cioudo, dute i se r’à goduda, anche co ‘l bon disnà, parecià da Giuliana e Lorenzo e da i suoi de ciaśa. Par

fei su el refujo Scoiattoli i à scomenzà de doi, i prime tenpe: Lorenzo Lorenzi e Giusto Zardini, dapò Giusto el s’à tirà fora, par outre inpegne, e coscita duto ‘l é śù senpre inaante con Lorenzo e Giuliana che, dapò, i à pasà a i so fioi, che ancuoi i và inaante polito. Chel di, a ra festa, ‘l ea anche Claudio Zardini de chi de Jino, che ‘l à scomenzà con chi outre, śa cuaranta ane, e ‘l à fato el bar ristorante Bai de Dones; chel di ‘l aea acaro de aé un grun de parsones śo par pede, e de fei festa. Poche dis dapò, ai 12 de luio, on abù da scorśe chesto òn, che ‘l ea de ‘l 1933, ‘l ea un de i Scoiattoli, un arteśan varente, co ra so botega de fouro, inze a Brite de Val, e ‘l aea abù chera de bete a śì un local, lasù sote ra Penes. Chel ‘l é un posto che ‘l é algo de bel, con pistes da schie, che moe de ogni ver, ‘l é un sito che el te resta inze ‘l cuor, canche te ‘l conosces. Io conoscio a menadeo chi site, da canche see famea. Se tolea su i incante de ra Regoles, par seà chera bona erba de monte e, par anes, son śuda coi miei de ciaśa, su par Naerou e i Pianes de Fouzargo. Alolo sote ra Penes ‘l é el refujo vecio, che par anes ‘l é stà ogà da Annamaria Zardini Lareja, una parsona che, co ra so sinpatia e bona voia de fei, ra s’à tirà de chel ver tanta clientela e inze chel posto

‘l é senpre un grun de śente, depì ancora, dapò che i à daerto ‘l inpianto, che el porta su tanta śente, d’istade e d’inverno. Coscì, inze un vede e no ‘ede, se rua su da ‘l refujo Scoiattoli. Ei sentù che, in chel di, de ra festa, Bortolin Bartoldo el s’à desciadenà, tanto alegro, siesto, el no s’à fato stà co ‘l ciantà e co ‘l sonà. Io conoscio polito Bortolin, che ‘l é stà un de chi che à fato nasce i Scoiattoli, de ‘l 1939, e ‘l é guida alpina. Basta recordà ra festa de ra clase de ‘l 1922, par conosce Bortolin, che ‘l é de conpagnia, ‘l é un de ra leje. Auguro de cuore a chesto refujo Scoiattoli che el vade inaante benon, tanto d’isatede che d’inverno, e che se pode contà inaante, senpre biei momente, pasade aduna, intrà de anpezane e foreste. Varentes, chi che à abù ‘sta bela pensada, de fei su chel refujo, che domina ra nostra Dolomites. Che el lasce, inze ra storia de ra guides de Anpezo, biei recorde, par chi che vien drio, par ra śoentù de ‘l di de ancuoi, che r’à tanto biśoin de aé boi eśenpie, de vive meo, de śì d’acordo e se dià, un co ‘l outro. R’union fesc ra forza, el disc un vecio proverbio, e con chesto se và polito. Teśele Michielli Hirschstein

Un ospedal par vardà inaante

Fregores

Algo de noo, e de bel, par el Codivilla: rua outre doi dotore, par prozede senpre meo: Stefan Hofer da Parsenon e Federico Botto da Padova

Alcuanta noes in curto, dal paes e da fora

El dotor Stefan Hofer, dapò cuaranta ane su ‘l ospedal de Parsenon, el rua a ‘l Codivilla in Anpezo. Con el, da setenbre, tornarà el dotor Federico Botto.

Rua algo de noo, par el nosc ospedal Codivilla Putti, e el rua da Parsenon. Da alcuante dis ‘l é drio a lourà in Anpezo el dotor Stefan Hofer, che ‘l é stà par cuaranta ane inze ‘l ospedal de ra zità de ‘l Südtirol, e primario par i ultime vintesete ane. Con el, ‘l à portà algo de noo, par ra operazios che i fesc a ‘l os de ‘l galon, canche ra leśura ra no laora pi polito, e beśen bete inze ‘na protesi. El dotor Hofer el laora su ‘l daane, de ra leśura, e no inpó, cemodo che se fajea ignante. “Se laora su ‘na toura fata aposta – el me conta – e se dora strumente

e atreze diverse. El chirurgo el pó lourà con un outro dotor, inveze de in aé pede doi, cemodo che se fajea ignante. Coscita se sparagna. El vantaśo pi gran ‘l é che no se taia i muscole e i nerve de ra culata. El tai ‘l é tropo pi pizo, poche zentimetre, coscita el marà el perde manco sango e no n’é biśoin de in donà, o de dorà el so, che s’i aea tolesc ignante. El sente manco mal, gouja che no se taia i muscole e i nerve, coscita se pó el bete in pes pi in prescia e el fei caminà pi presto. Ocore manco tenpo, par vegnì de meo, e el resta de manco su ‘l ospedal. Coscita el pó tornà a ciaśa soa, se moe da so posta, fei ra so robes”. Su ‘l ospedal de Parsenon, el dotor Hofer i chi che louraa con el, i à fato supośo otozento, de chiste intervente, inze i ultime tre ane, coscita se pó dì che i à inparà polito. Ades el ‘l à portà chesta operazion al Codivilla, agnó che ‘l à tacà a lourà martes 6 de luio. “Par i prime doi dis ei beleche fato alcuanta operazios – el me conta – e ei chera de vegnì in Anpezo duta ra setemanes, par me fermà alcuante dis. Ca al Codivilla m’ei ciatà propio polito, ei abù ‘na gran bona inprescion de chi outre dotore, de ‘l ospedal, de cemodo che se laora: ‘l é ‘na bona sala da fei ra operazios, el parsonal ‘l é varente, parecià, ‘l à voia de lourà aduna con

chi outre. A Parsenon ruaa un grun de śente, da duta ra rejos d’Italia, par fei chesta operazion: io vorarae in portà alcuante in Anpezo, da ca inaante. Ei lourà par cuaranta ane a Parsenon, ades son in penscion, ma credo de aé ancora algo de bon, da i dà a chi outre”. Beśen contà che el dotor Hofer ‘l à acaro de vegnì in Anpezo anche par outra cuestios: da anes i sà bel śuià a golf, coscita el podarà se ra gode, fora par Fraina: “Conoscio polito ra val de Anpezo, son vegnù tropa otes, pi che see d’inverno, par me montà coi schie, o outra otes, par convegne de dotore, ca al Codivilla. Ma ades ei algo depì, che me ciama ca: ei chiza de śuià a golf, a Fraina, agnó che i à daerto da poche dis, e dute i m’in parla propio polito”. Stefan Hofer el no n’é ‘l unico dotor noo, che rua in Anpezo; ca de un pei de mesc scomenzarà a lourà, da primario de ortopedia, el dotor Federico Botto, ben conosciù, inze ‘l nosc paes, gouja che ‘l à fato ca ra scores, a ‘l liceo scientifico, e dapò de s’aé laureà ‘l à scomenzà a fei el so laoro a ‘l ospedal Codivilla. Tropa parsones, in Anpezo e inze i paesc ca pede, ‘s à podù proà cuanto varente che ‘l é, pi che see canche el varda drio el śenoio. Ades el laora a Abano, pede Padova, inze ‘na clinica; el tornarà in Anpezo co ‘l 13 de setenbre che vien. (mdm)

Un rebalton par doa rodes Par una setemana e pi, da lunes 19 fin a mercui 28 de luio, i betarà sote sora duta ra strades e i piazai par ra machines, che ‘l é sote ra jeja e ra ciaśes de Comun e de ra Regoles. Par podé fei una gara de bike, inze piaza, i à chera de sarà strades, de fei doi pontes via sora el stradon, de bete via ra machines da i piazai. A ‘l Sestier de Cortina i é stà domandà de tramudà ra so festa canpestre deboto inze piaza, là dal vecio mercà. Sabeda 24, par sié ores indrioman, sarà un grun de bike a core inaante e indrio, su par piaza, intrà ra Cooperatia e ra Ciaśa de Comun, e ‘pò śo par Revis. Se sà che, ogni ota che se fesc algo, no se contenta mai negun, ma cisà cuante che se và adora a in contentà, ‘sta ota, e cuante inveze che i arà algo da dì.

Rua ra Fiorentina Un paes duto viola, par doa setemanes, da i 15 a i 30 de luio, par ra Fiorentina, ra scuadra de balon che ra rua danoo in Anpezo, dapò de ese stada de ‘l 2009. Da chel che i à dito, ‘l an pasà i s’à ciatà propio ben, i à abù acaro de chel che ‘l é stà parecià par lore, de ‘l hotel, de el pra inze a Fiames, de ra bona aria fresca, inveze de el cioudo che ‘l é in śo. Da un an

e pi, inze ‘l nosc paes, se se domanda se chesto ‘l é algo de bon, se ‘l é fato polito, se ‘l é algo da fei, se torna i conte, intrà i sode che se spende e chel che se ciapa. Dute disc ra soa, dute i ra pensa cemodo che i vó, ma ‘l é seguro e zerto che no n’é nuia, ancuoi, in Italia, che feje susuro, che moe ra śente, che feje bateboi, su par ra gaśetes e fora par el radio e el televisor, conpain de el balon. E alora balon.

Golf par piaza Ancuoi beśen senpre se inventà algo de noo, ogni di, se se vó fei susuro, fenì su par ra gaśetes, o fora par television. Coscita ‘sto an, in Anpezo, i se r’à pensada bela: betose a śuià a golf. Ma no su ‘l pra, intrà Fraina e Coiana, agnó che ‘l é el golf noo: no, ciaton fora algo de outro. Coscita i à śuià sul cuerto de ‘l stadio de ra jaza, su ra pista da schie de Tofana, su ‘l souto da schie fora a Śuel, finamai par piaza, intrà ra boteghes, sote el cianpanin. I à ciamà alcuante parsonaje, pi o manco conosciude, pi che see del sport, soralduto dal Sudtirol, i à betù ‘na maza sun man, alcuanta balotes daante, da res petà inze ra buja. Dute con gran acaro, dute parsuaśe. E cisà ce che sarà da se spetà, par ‘l an che vien. www.lauscdiladins.com

31


Sport

nr. 27 / 17 de messel 2010

Le Tennis Club Ladinia à metü man süa ativité

Saltè ala Tiefroschtn X-Trem 2010

N sport, passatëmp y divertimënt por pici y gragn. Alenamënć y inće turniers

Inće trëi scuadres de Badiasport à tut pert ala gara da saltè sö por munt. I fredesc Ivan y Diego Tschaffert é gnüs diejimi te süa categoria

Tennis - Cun i pröms de mà àl metü man i cursc por i mituns dla scora elementara y mesana söi ćiamps da tennis das La Ila y Corvara, cun i maestri Rony Profunser y Klaus Planinschek. Al curs à tut pert 80 mituns sot ai 14 agn di comuns de Badia y Corvara. Al é gnü fat 10 leziuns de pratica,

che é spo gnüdes stlütes jö cun na picera griliada, olache düć à podü ruvé adöm y se mangé valch. I cursc jarà inant inće tratan y mëisc de messè y agost, olache al gnarà perfezionè la tecnica por chi che à bele metü man da d’aisciöda, y se stlujarà jö cun le turnier che gnarà tignì la pröma edema de

setëmber. Intratan à inće metü man l’ativité por i seniors (sura i 15 agn), le campionat à metü man i pröms de messè y jarà inant ćina i ultimi d’agost. La novité de chësc ann sarà chilò che vignun śoga cuntra vignun. La direziun i aoda ćiamò a düć i sozi na buna sajun sportiva y n bun divertimënt sön i ćiamps dl tennis!

Saltè - Ai 10 de messè él gnü organisé la 8. ediziun dla Tiefroschtn X-Trem, gara a dui da saltè sö por munt. Le start ê dales 9 da doman a Lappach, dlungia le lêch artifizial Neves, a 1865 m d’altöra. Le pröm chilometer ê tl plan incër le lêch, por saltè spo sö por na forcela ërta ćina sö dala Edelrauthütte a 2545 m y dal’atra pert jö. Le percurs condüjô spo inant sö por la Kuhscharte, la Malga Gruipa, la Hochsägescharte a 2642 m, cun travert dlungia la Tiefrastenhütte a 2312 m, sura Terenten. Indöt êl da curì na destanza de 23 km cun n deslivel de 1580 m. Le percurs ê

dër tecnich y al orô ester na gran conzentraziun por ne rovè nia fora dla sëmena strënta y dër da peres. Laprò ê tröc toć dl percurs ćiamò da nëi, en particolar l’ultima forcela. Inće trëi scuadres de Badiasport à tut pert a chësta desfida. Dër n bun resultat é gnü arjunt dai fredesc Ivan y Diego Tschaffert. Cun n tëmp de 2:41.34 s’ài plazè al 10. post tla categoria di ëi. Dër bun inće le 4. post de Andreas Irsara y Patrizia Taibon tla categoria mix, cun n tëmp de 3:05.47. Claudia y Benno Canins é rovà al 15. post tla categoria mix, cun n tëmp de 3:30.05. (badiasport)

N grup de n curs cun le maester Klaus Planinschek y le presidënt Leo Pitscheider.

La Sampdoria ghesta a Moena

I fredesc Ivan y Diego Tschaffert.

I jiadores “blucerchiati” jia anché domesdì sul ciamp Benatti contra la Monti Pallidi Balon - I é rué a Moena en sàbeda passèda i jiadores de la Sampdoria, che da 9 egn a dò a dò, stèsc presciapech n meis al fresch te Fascia per se enjignèr al miec per la neva sajon de balon. L’é defat dal 2002 che i “blucerchiati” se arcedea sul ciamp de balon Benatti ma podessa esser l’ùltim an se l contrat no vegnarà renovà. La dezijions vegnarà toutes dai neves dirigenc, soraldut dal diretor generèl Sergio Gasparin. A portèr la Samp a Moena per la pruma outa l’era stat l’ex dirigent Marotta che te la Fata de la Dolomites se à perscin comprà na cèsa. La Sampdoria e l’Apt de Fascia é dò aboncont che se met d’acort. Endèna chisc dis l nef alenador Mimmo Di Carlo, te sia viesta de generèl de fer, l’é dò che l fèsc lurèr dassen si omegn. L’à spartì la squadra te doi gropes, un se arcedea te palestra e un sul ciamp, per l’alenament di portieres enveze l’à fat pompèr sù n pop jigant. Ma no mencia i momenc de relax e de paussa. En lunesc passà à compì i egn i jiadores Antonio Cassano (28) e Gianluca Curci (25). I compagnes e i dirigenc à enjignà doi tortes e i ge à fat festa dò cena te l’Hotel Dolomiti, senta de la formazion. Cassano l’é ruà te Val de Fascia en gran forma (l se à tanche maridà), per el l’é la quarta sajon a la Sampdoria, n record che nesciugn, nience el, se spetèa de arjonjer. Chisc dis passé i atlec de la Samp à fat vèlch partida de alenament

32

www.lauscdiladins.com

Zermatt y Zugspitze Doi garejedes de sauté da mont su estremes l ultimo fin dl’ena

Anché domesdì la Sampdoria jia contra la squadra del Busan.

coi jiadores de la Monti Pallidi che é semper vertia a sporjer so didament desche pont de referiment per la squadra ghesta, e en mercol l’é stat la partida da peconc de Cassano e compagnes contra la formazion de cèsa, che à vedù la formazion de la Liguria aeer la soramessa per XaX contra i moenac, che aboncont i à fat na bela fegura. Anché domesdì, da les 17.00 sul ciamp Benatti, la Samp jiarà contra

l Busan, en mèrtesc ai 20 de messèl contra i Bocs KSC (na squadra unghereisa de serie B), e ai 5 de aost semper da les 17.00 sul ciamp de Moena i jiarà contra l Sudtirol, squadra che é passèda chest an te la Lega Pro Uno. Ma a Moena chisc dis se rejona ence de marcià del balon ajache l’é proprio l moment che se dezide la formazion per la neva sajon de sport. La Samp restarà te Fascia enscin ai 7 de aost.

Sauté - N sada iel stat tla Svizra la 9. edizion dl Zermatt Marathon, che fej ënghe pert dl Mountain Marathon Cup. Pià via vëniel a St. Nikolaus a 1.085 metri, l travert ie sun l Riffelberg am Gornergrat a 2.585 metri. L Zermatt Marathon ie na fadia unica, la ie una dla maratones che se damanda l plu da sé nstës. I prim vint km da St. Nikolaus nchin a Zermatt sàuten tla valeda a man ciacia dl Vispaufer. A Zermatt tla Bahnhofstrasse iel pona l travert per la mesa maratona. Da tlo vàla inant sun streda naturela nchin sun Sunnegga. Da Gant, do na trassa plutosc ala ndrëta y pona dala Riffelalp a 2.222 metri scumëncia permò la fadia. Ajache i ultimi chilometri iel mo da fé belau 400 metri de deslivel nchin al travert a 2.585 metri sun l Riffelberg am Gornergrat. L deslivel che n à da saute ie de 1.944 metri. Nce n atleta di Gherdëina Runners Cassa Raiffeisen de Ciastel, Peter Perathoner, se à tëut su per l segondo iede ndolauter chësta fadia, se plazan nce chëst ann al prim post te si categuria, la M60, y al 744. post te chëla generela cun n tëmp de 4.32.08. De ndut à fat pea pra chësta maratona 843 ëi y 198 ëiles. Venciù chësta edizion

à Wieser Patrick dla Svizra cun 3.09.34, dan Gerd Frick de Maran cun 3.13.36. La proscima ndesfideda de Peter ie pona l Jungfrau Marathon de setëmber. A udëi sce l ie bon de arjonjer nce chëst ann la vënta de categuria dla Mountain Marathon Cup.

Zugspitz Extremberglauf N dumënia ai 11 de lugio iel stat per l 10. iede l Internationaler Zugspitz Extremberglauf. Chi, di atlec che sauta da mont su, ne ulëssa pa nia sauté sun la mont plu auta di Paejes Tudësces? Trueps ie bele sautei pea pra chisc 2.235 metri de deslivel, y vën for inò a fé pea. Per trueps ie chësta sort de garejeda na ndesfideda cun sé nstës a ruvé su nchina ai 2.962 metri sun l pont plu aut dla Zugspitze. Per trueps ie i 18 km che ie da sauté na finamira che mé i plu asvelc ie boni de sauté te doi ëura. Pià via vëniel a 1.020 m a Ehrwald per ruvé a 2.929 sun la Zugspitze. Fat pea à de ndut 580 cuncrënc; l miëur tëmp dl di ie stat de 2.06.39. Nosc atleta Georg Demetz di Gherdëina Runners Cassa Raiffeisen de Ciastel se à plazà al 49ejim post cun n tëmp de 2.51.01. (mp)


Sport

nr. 27 / 17 de messel 2010

Verena Hofer vënc S. Cristina L TC S. Cristina/Sëlva à metù a jì dai 3 ai 10 de lugio l turnoi de tennis naziunel de terza categuria che fej pert dl circuit Raiffeisen Tennis Grand Prix 2010. Pra la categuria dl’ëiles à la jugadëures de Gherdëina duminà, la finela di ëi ie fineda via cun mpue’ de polemiches Tennis - La Lia dl tennis de S. Cristina/Sëlva à inò n iede fat l sforz de urganisé per l cuinto iede ndolauter na tel manifestazion, che ne n’ie no mé n mpëni urganisatif, ma nce tacà a truepa spëises danter montdepesc´ che vën spartì ora, paiamënt dl arbitradëur, codles per i juesc y per la plazes de juech. Ma dut adum iel velch de positif, l vën pità n livel de juech da stramp bon y nosc jugadëures à la puscibltà de fé pea y nce de mescedé pea pra i miëures.

L turnoi dl’ëiles Nscila n fòvel pra l’ëiles de ndut trëdesc de scrites ite, do regulamënt for te n tabelon de selezion, ulache la plu dëibles aldò dla tlassifica persunela peia via dovia y la miëures ruva pona ite ti cherc o gor te semifinela. Y propi per chësta sort de tabelon se adròven pa menadrë’ duc i dis a desposizion per cialé de ruvé cun i juesc de finela de sada cialan, sce la va, de ne ti fé fé deguna partides doples ai partezipanc. Y n vënerdi fòvel te semifinela restedes la cater „teste di serie“ che à cumbatù per se davanië la finela: tla perta auta dl tabelon se à ancuntà Diana Moroder de Urtijëi (tlassificheda 3.2) batan Verena Kostner de Sëlva (tlassificheda 3.5) te doi set per 6 a 4 y 6 a 2. La segonda finalista ie unida ora dal juech danter Hofer Verena de Urtijëi (tlassificheda 3.3) y Claudia Marini de Kaltern (tlassificheda 3.4). Tlo ie Verena mo stata bona de raidé l juech, vencian cun n dopl 6 a 4 do che la ova perdù l prim set a trëi tl tiebreak. La finela, jugheda n sada domesdi dala cinch, udova

favoriseda Diana Moroder, almanco sun l papier. Ma Verena ie ala fin stata bona de se fé sie l segondo titul chëst ann te n terza categuria, vencian cun l punteje de 6 a 2 y 7 a 6 (6) do che la fova zeruch 6 a 1 tl tie-break.

L turnoi di ëi Pra i ëi fòvel de ndut 32 partezipanc, n bel numer, ma puec terza categuria, mé trëi y chisc ti l’à nce fata a ruvé te semifinela. Pra chësta categuria iel n iede unì fat n tabelon de cualificazion da sëidesc y i ot che à venciù ie pona unii metui ite tl tabelon a selezion. La partides ie jites inant do program nchin pra la semifinela tla pert bassa dl tabelon, ulache David Kostner de Sëlva ndesfidova Jacopo Agosti (tlassificà 3.5) de Maran. La partida semiova bele tan che fineda, David fova danora 6 a 1 y 4 a 0, da tlo inant àla pona mudà y l atlet de Maran ie unì for plu y plu segur. Ala fin iela jita ora 1 a 6, 7 a 6 (2) y 6 a 2 per Agosti che à dessegur venciù per si merit. Ma cieche ne ti à nia plajù, no ai urganisadëures, no al arbitradëur y dantaldut nia al averser te finela ie l fat che l jugadëur à dit do la partida che l ova bele destinà de se n pië via al mer n sada danmesdi y ne fossa perchël nia stat tlo per la finela. Chësta cosses vën dant datrai che vel un o vel auter ne possa nia plu jughé na proscima partida, te n tel cajo, sce n ie tl lëur de vëncer, ti dan la man al averser sun l matchball renunzian ala partida per ti jì ancontra ala urganisazion y per schivé de giapé straufonghes o gor scualifiches. Nscila àn mpo cialà de abiné na soluzion fajan la finela riesc do l

I premiei cun l arbitradëur Raffaele Sibilio, l maester Stefano Bassetto y l presidënt Alex Runggaldier.

segondo juech de semifinela, for sambën sce l finalista ëssa azetà de spilené mo na segonda partida. Y la semifinela tla pert auta ie stata dut auter che scëmpla per Fabio Selle de Bulsan (tlassificà 3.1) contra Patric Prinoth de S. Cristina (tlassificà 4.1). L bulsanin à messù sué la set ciamëijes per vëncer contra l jëunn de Gherdëina, che fova sambën scialdi mutivà, ma dantaldut scialdi bon, sibe

tecnicamënter che taticamënter y che à n chëla sëira dala set, spilenà una de si miëura partides de for. Selle à venciù te doi set per 6 a 4 y 7 a 6 (4), dant ova Patric mo abù n set ball tl segondo set sun l punteje de 5 a 3. La finela, ie coche dit pona unida jugheda puech do chësta partida y Selle se à pona trat zeruch do che l ova perdù l prim set per 7 a 5 y 1 a 0 tl segondo contra Agosti. Da frësch y cun la

lum dl di fóssela bonamënter jita ora scialdi autramënter, ma chël ne possen ënghenó di cun segurëza tl tennis, segur ie che duc à mparà „si lezion“, sperons almanco. N de gra ai urganisadëures dla lia dl tennis de S. Cristina/Sëlva, al arbitradëur Raffaele Sibilio y a duc i sponsores che sustën chësc sport. Alex Runggaldier

Patric vënc l Nike te Puster Patric Prinoth dl T.C. S. Cristina/Sëlva à venciù l titul tla categuria sot a 14 ani pra la 21ejima tapa dl Nike Junior Tour de tennis stata a S. Georgen te Puster dai 3 ai 11 de lugio Tennis jëuni - Pra chësc campionat vëniel adalerch scialdi de bon jugadëures mpue’ da duta la Talia, tla categuria sota 14 ani n fòvel cincanta tl tabelon de cualificazion y 24 te chël finel y Patric à batù damprovia Alessandro Favero (6/4 6/2), pona Filippo Lombardini (6/1 2/6 6/1), te semifinela Davide Costanzi (6/1 6/1) y te finela Matteo Fortini te doi set per 6 a 2 y 6 a 1. Cungratulazion a Patric che fajerà proscimamënter mo pea vel tapa per se cualifiché per l Master che sarà de setëmber. Alex Runggldier Verena Hofer à venciù si segondo turnoi de terza de chëst ann.

Patric cëla inant cun otimism.

Diana Moroder à messù ti la zeder te finela. www.lauscdiladins.com

33


Informazions y Manifestazions Avisc Proieć da d’isté por mituns mët man I proiec da d’isté metüs da jì dal Sorvisc ai Jogn adöm al Raiun Sozial Val Badia mët man. I mituns y les mitans che s’à scrit ite é invià da se presentè ai 19 de messè dales 10.00 a Calfosch, dan la Ćiasa dles Uniuns, a Badia te scora elementara, a San Ćiascian te scora elementara, a La Val te scora elementara, a Lungiarü te scora elementara, a Al Plan te scora mesana y a Rina te scora elementara. Festival por mituns

En mertesc ai 20 de messè dales 17.00 vëgnel metü da jì tl parch di tiers a Corvara n domisdé dediché ai mituns, cun strinëć y jüć cun n grup de clowns. La pasciun por les erbes: al nasc n grup de apascionades

Le Consëi de Formaziun La Val à formè n pice grup dles apascionades dles erbes (Heilkräuterfreundinnen) che se incunta n iade al mëis, le lönesc dales 20.00, te biblioteca a La Val. La proscima incuntada sarà ai 26 de messè. Al é na ocajiun por baratè fora nostes esperiënzes cun les erbes, por baié dles erbes, co les adorè, co les conservè, por che la pasciun y la ligrëza por les erbes che crësc te nüsc urc’ y te nostes munts crësces tres deplü. Udiënzes cun l’Uniun di Ostis

La Uniun di Ostis HGV tëgn udiënzes inće tla Val Badia, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen a La Ila. Jita dla tlasse de chi dl 1980 Düć i nasciüs l’ann 1980 dla Val Badia s’arjigna da festejé i 30 agn. Ai 23 y 24 d’otober gnaràl metü da jì na jita de dui dis. Al vëgn bele śëgn invié da se tignì lëde le terminn. Museum davert döta l’edema

De messè y d’agost romagnarà le Museum davert döta l’edema, inće de lönesc dales 10.00 ales 18.00, zënza dé de palsa. Museum de Gherdëina daviert plu giut d’instà

Ntan i mënsc de lugio y agost ie l Museum de Gherdëina daviert da lunesc nchin vënderdi for dala 10.00 – 12.00 y dala 14.00 – 18.00. Un n di al’ena iel daviert nce da sëira y plu avisa de juebia, dala 20.00 – 22.00 y pona mo la dumënia domesdì dala 15.00 – 18.00. Per nfurmazions o per apusté na vijita meneda, pòssen cherdé su l 0471 797554. Jì a pe y jì a crëp. Gran vela de libri tla biblioteca T. Gruber Ntan dut l instà iel tla bibliotea “Tresl Gruber” a S. Cristina na gran vela de libri da jì sa mont, da jì a crëp o cun la roda tla Dolomites. Ai amanc dla natura y dla mont ti vëniel metù a despusizion libri, chertes per jì sa mont y zaites. Chisc unirà sambën nce mprestei ora. Bibliofestival 2010 te biblioteca T. Gruber

I sculeies possa se mpresté ora y liejer truep libri. Chëst ann se raida dut ntëur al mond di tieres. Sce te ues savëi tan de giames che à la furfejidles, cie che maia la lores, tant che vëija na talpina, pona vie te biblioteca T. Gruber y fé pea pra l bibliofestival 2010. Pità vëniel na gran cumpëida de libri sun l argumënt, libri per ladin, tudësch, talian y nglëisc. Fé pea nce tu! Chiche ëssa mo vel’ dumanda po’ sambën cherdé su te biblioteca 0471/790016. Biblioteca T. Gruber davierta nce da sëira

Orar de giaurida dla bibliotech: merdi dala 15.00 ala 18.00; mierculdi dala 8.30 ala 11.30, dala 15.00 ala 18.00 y dala 19.30 ala 21.30; juebia dala 8.30 ala 11.30 y dala 15.00 ala 18.00; vënderdi dala 15.00 ala 18.00; sada dala 19.30 ala 21.00; dumënia dala 9.45 ala 11.30. La biblioteca T. Gruber ie davierta de mierculdi sëira mé de lugio y d’agost. La bibliotecheres nvieia duc canc a se nuzé dla bela sëires per unì te biblioteca. Debant al Museo ogne lunesc

Enscin ai 30 de aost, ogne lunesc, l Museo Ladin de Fascia orirà si ujes debant e se podarà ite a veder la sales espositives a Sèn Jan da les 10.00 a les 19.00. Amò apede se podarà se emprevaler de la vijita vidèda compagné dai operatores del Museo per fèr n viac te la storia, la cultura, la tradizions di Ladins de Fascia da la preistoria a anchecondì. La vijites vidèdes vegn fates da les 10.30, da les 15.30 e da les 17.30 al cost de 2,00 euro.

Musiga

nr. 27 / 17 de messel 2010

♦ Curs da cujiné y Pic Nic di Dolomitics Chësc isté vëgnel metü da jì dui cursc da cujiné cun i coghi da stëres “Dolomitics”, che inviëia inće ai 12 d’agost al pic-nic tradizional sön Piz Sorega, chësc ann davert al publich Por le pröm iade gnaràl metü da jì tratan chësc isté dui cursc da cujiné alaleria, cun i “Dolomitics” Norbert Niederkofler dl restorant St. Hubertus, Claudio Melis dl restorant La Siriola y Arturo Spicocchi dl restorant La Stüa de Michil. Le pröm curs gnarà tignì le vëndres ai 23 de messè dales 17.30 sön plaza de Comun a Corvara. Le secundo sarà le mercui ai 28 de messè, tres dales 17.30 en gaujiun de “Paîsc in festa” sön I coghi “Dolomitics” Claudio plaza dla scora elementara da San Ćiascian. La tematica de Melis, Arturo Spicocchi y intrami i cursc é “La tradiziun contemporana di Dolomitics: Norbert Niederkofler. derzades da incö, ingrediënć da inier”. I trëi coghi, conesciüs a livel internazional, i darà ai partezipanć n valgügn consëis d’öga, che an po adorè te ćiasadafüch. Düć é dër bel invià da tó pert, zënza messëi s’anunzié danfora. Sciöche vigni ann, vëgnel inće chësc ann metü da jì le tradizional “Pic Nic di Dolomitics” sön i prà de Piz Sorega, cun la novité che al sarà por le pröm iade davert inće al publich. La ediziun de chësc ann gnarà metüda da jì la jöbia ai 12 d’agost 2010, da misdé inant. Al zënter de chësta ediziun, dal tema “dal’inovaziun ala tradiziun”, sta la colaboraziun danter turism y agricoltöra cun i produć tipics de Südtirol. Al gnarà fat n confrunt danter la ćiasadafüch ladina, portada dant dai paurs de Badia, cun la ćiasadafüch di coghi da stëres Michelin dl’Alta Badia. Ći che vëgn trat ite jarà en benefiziënza al “Südtiroler Bäuerlicher Notstandsfond”. I posć por le Pic Nic di Dolomitics é limità, porchël mësson s’anunzié pro les Assoziaziuns Turistiches dl’Alta Badia ai numeri 0471/836176 (Corvara) o 0471/847037 (La Ila).

Temp lede Marcià di pulesc per mutons a Urtijëi Ncuei sada ai 17 de lugio sun plaza Rezia, dala 15.00 ala 18.00. N uel ti dé na sburdla a mutons dla scola elementera y mesana a fé zeche de utl cun si roba da fé damat cun chëla che i ne se tripa bele giut nia plu. La scumenciadiva ie di Buteghieres de Urtijëi y ora che purté mpue’ de vivanda tl luech àla nce n si valor pedagogich. L vën scudì 5,00 €, che ti jirà al Medicus Comicus, che piterà n chësc di n program de devertimënt per mutons. La roba da vënder dëssa vester nëta, nia rota y avëi l priesc lessù. Uniun muessa nstës se njenië ca l stont che ie de za. 2 x 1 m2. Trix sot ala stëiles

N mierculdi ai 21 de lugio a Urtijëi sun la pitla plaza S. Antone dala 20.00. La grupa Trix nvieia granc y families cun mutons dai 8 ani insù a jughé dedora sot ala stëiles y a fé juesc da mëisa cun la lum de cëiresc dala 20.00 ala 23.00. Sce l fossa bur’ tëmp unirà la festa fata dedite tla Cësa per jëuni, ert y cultura.

Teater “Die Kleinste Bühne der Welt”

Incö sabeda ai 17 de messè dales 18.00 gnaral metü da jì tla cornisc de “ater-te-ater” na spazirada teatrala da Tolpëi a Biëi (La Val) cun “Die Kleinste Bühne der Welt” (Paisc Todësc), tl lingaz todësch. Chësc pröm spazier é aratè por adulć y al orarà ester la prenotaziun. Le dé do, la domënia ai 18 de messè dales 11.00, saral spo tla majun da Biëi a La Val la “Kleinste Bühne der Welt” che portarà dant “Fünf Stücke Glück” por todësch, en chësc iade por mituns dai sis agn insö, cun sü adulć. “Teatro dell’Argine”

Le mercui ai 21 de messè y la jöbia ai 22 de messè dagnora dales 21.00 saral - tla cornisc de “ater-te-ater” - tl Salf manifestaziuns a Al Plan le Teatro dell’Argine (San Lazzaro di Savena, Bologna) che portarà dant “Gli equilibristi” de Giulia D’Amico, Pietro Floridia e Andrea Paolucci. Le teater sarà por talian, aratè él dantadöt por adulć y jogn. “Rosa e Cruna”

La sabeda ai 24 de messè y la domënia ai 25 de messè dagnora dales 21.00 saral tla majun a Rumestluns (La Val) - tla cornisc de “ater-te-ater” - le Teater Muntanellas (Svizera) che joblenarà “Rosa e Cruna” de John Boynton Priestley, por todësch, talian y rumanć. Adulć y jogn é invià.

Spetacol “L secret del lech de l’ercabuan”

En jebia ai 22 de messèl da les 14.00 sun Gardecia vegn spilenà “L secret del lech de l’ercabuan”, spetàcol de l’Istitut Cultural Ladin portà dant con la colaborazion de la sociazion Neuma e l sostegn de l’APT de Fascia. L spetàcol, che porta dant la lejendes del Latemàr, enterza la narazion per talian e la cianties per ladin sun tesć de Fabio Chiocchetti e museghes de Gianfranco Grisi. Sun paladina la ciantarina Noemi Iori, i sonadores de la sociaizon Neuma e l’ator Paolo Vicentini. Se l temp no permet l spetacol vegnarà portà dant da les 17.30 te sala grana de l’Istitut Ladin a Sèn Jan.

Dotors y Apoteches Dotor

“Dajaloo”: jazz talian e percuscions del Senegal

L dutor de servisc dala 10.00 da duman de n sada 17 de lugio nchin la 8.00 da duman de n lunesc 19 de lugio ie l dutor Giuliano Piccoljori de S. Cristina, tel. 0471/792282. Le dotur en sorvisc ti tla findledema di 17 y 18 de messè ti comuns de Badia, Corvara y La Val, é le dotur Martin Spechtenhauser, La Ila, tel. 0471/844200. Ti comuns de Mareo y San Martin saràl en sorvisc le dotur Erhard Spies, Al Plan de Mareo, tel. 347/4798885.

Tel projet “Dajaloo”, che per african vel dir “se someèr”, l grop “Africa Djembè Junior” sona ensema con Pietro Tonolo ai sax, Giampaolo Casati a la tromba e corneta, Roberto Rossi a trombon e concoles e Giancarlo Bianchetti a la chitara eletrica. La tournee che va fora per duta la Tèlia rua ence te Fascia con 2 apuntamenc: anché, sabeda ai 17 de messèl da les 14.00 te Fuciada (se fossa burt temp da les 21.00 te tendon de Soraga) e doman domenia ai 18 de messèl da les 16.00 a Moena te Pala da Rif (se fossa burt temp da les 21.00 te Navalge).

Apoteches L’apoteca de servisc che à daviert ora dl orar ordiner da n vënerdi (dala 19.00) ai 16 de lugio nchin n vënerdi ai 23 de lugio ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 16 de messè al vëndres ai 23 de messè, é chëra da San Martin/Picolin, tel. 0474/523020.

34

www.lauscdiladins.com


nr. 27 / 17 de messel 2010

♦ Segonda “Biennale Gherdëina“ L se trata de na mostra de ert de al didancuei de artisć dl Südtirol. Da udëi dai 19 de lugio nchin ai prims de utober tl raion da jì a pe a Urtijëi. Vernissage n lunesc ai 19 de lugio dala sies da sëira sun la pitla plaza de S.Antone

Informazions y Manifestazions Iniziatives Sportives Garejeda de reining N dumënia ai 25 de lugio iel a Runcadic tla stala dai ciavei, dala 9.00 inant na garejeda de jì a ciaval al’americana che fej pert dla garejedes per l Südtirolreining. L sarà plu categuries per mutons y per granc. L unirà nce dat ora da maië y da bever a duc. Duc ie nviei a unì a cialé la garejedes. La palestra de arpizeda Nives ie davierta

Deberieda cun l Chemun de Urtijëi gëura la Lia per l Turism de Urtijëi la sajon culturela de chësc instà cun la segonda “Biennale Gherdëina“. Chësta mostra vën a se l dé uni doi ani danter l auter nce a Urtijëi. Per la mostra de chëst ann iel unì cris ora cinch artisć dl Südtirol, danter chisc n iel cater de Gherdëina, che se à bele fat cunëscer oradecà cun si lëures. La opres de ert che unirà prejentedes ie unides fates aposta per la mostra y unirà metudes ora tl raion da jì a pe de Urtijëi, dai 19 de lugio nchin ai prim de utober. Les passenea ite drët bën tl luech, da una na pert vëniel respetà la natura y la cuntreda y dal’autra pert iel da udëi l’architetura y la costruzion particulera dla opres ntësses. L se trata de criazions de ert de al didancuei ora de mesura. I materiai che ie unic adurvei dai artisć ie lën, sas, bront, fier y aluminio. L troi di artisć scumëncia cun na scultura monumentela de Arnold Holzknecht, nasciù tl 1960, viv y lëura a Urtijëi, dal l titul “roba da se tripé de Gherdëina”. L a criazion repre-jënta la popa de lën, l simbol di juesc per La figures de Gerald Moroder. pitli mutons che univa ziplei ntëur l 1800 te Gherdëina. L artista à mantenì sibe la carateristiches dl juech uriginel coche nce l muvimënt dla articulazions . La segonda opra de ert ie dl’artista Wilma Kammerer, nasciuda a St. Lorenzen tla valeda de Puster ulache la viv y lëura. L se trata de doi “ape piaggio”, l pitl veicul che fova unit sun l marcià tl 1948 y deventà cun i ani n mit. Les ie unides metudes una sëura l’autra y a chësta maniera vëniel ora n’opra de ert drët particulera. L vën mustrà ironicamënter coche pudëssa cialé ora na verscion nëubla de chësc veicul plutosc scëmpl. Nia da sëuraudëi ie “The rising star” la criazion de Philipp Messner, nasciù tl 1975 a Urtijëi, viv y lëura a Minca. Per realisé chësta opra à l’artista tacà adum plu plates de aluminio te na figura tridimensciunela, te chësc cajo na stëila, ulache l ie mesun de se spidlé te si gran sperses. La trëi scultures de Gerald Moroder, nasciù tl 1972 a Milan, viv y lëura śën a Urtijëi, ie mudeledes tulan la tiera cuecena y da ciauc dla mont de Resciesa. La figures longes y megres ie na secuenza de na figura singula che, choche l vën mustrà tres l autra doi figures, se romp bel plan. La lingia de opres fina sun la “pista” longia y ërta de Peter Senoner, nasciù tl 1970 a Bulsan, lëura y viv a Laion. Al scumenciamënt de chësta “pista“ se arleva la statua de bront ndureda “Cor“, na figua tëuta ora dla mitologia di Inca. L corp de Cor, na figura zënza nes, ie mez persona y mez die, reprejënta na vijion, n prototipo a chël che l ti ie unì sentà ite proteses artifizieles. Pra la giaurida dla “Biennale Gherdëina” uniràl nce dat ora n catalog cun i comentars dla aministradëura dla mostra, Chiara Canali y nce na ilustrazion dla opres.

Iadi, Jites y Escurscions Iade tl Vietnam

Amez otober vëgnel metü da jì n iade de 12 dis tl Vietnam, cun Marion Posch. An jarà a vijité le nord cun Hanoi, y fajarà n iade sön la barca tla baia de Halong (UNESCO). An rovarà spo tla cité imperiala de Hué, Hoi-An (UNESCO), y tl süd a Saigon/Ho Chi Minh. An starà suranöt te hotì da 4 stëres. Por informaziuns: Marion al nr. 335/6164156. Jita pra l lech de Obernberg - Steiner Alm - Portjoch - Sandjoch

La grupa “Nëus jon pa bel plan” dla Lia da Mont de Gherdëina mët a jì n dumënia ai 25 de lugio na jita pra l lech de Obernberg tl Nordtirol. La jita longia: dal lech jons suvier nchin sal Portjoch che ie nce la sëida danter l Austria y la Talia. Da iló va l troi inant ala ndrëta nchin tal Sandjoch y juvier inò pra l lech. L deslivel ie de 650 metri. Da jì iel 6 ëura. Jita curta: dal lech jons dl viers dla Steineralm y ju pra l lech. Deslivel 400 metri y 4 ëura da jì. La iscrizions vën piedes do, a Urtijëi tla butëiga dai ciofs Inge, a S.Cristina tla butëiga Sport Service y te Sëlva tla butëiga Bruno Riffeser.

I orares de giaurida ie de lugio, agost y setëmber, uni di dala 17.30 nchin la 22.00. De sada ie la palestra stluta. Per i trëi mënsc da d’instà pòssen nce fé l abunamënt. L priesc ie de 30 euro. Nfurmazions pra Manuel Nocker, 334/5497706 o tl ufize di mëinacrëp, 0471/794133. Jì a fé pallavolo

Duc i jëuni de Gherdëina ie nviei a unì a fé pallavolo, uni mierculdi tl ciamp da pallavolo de Mulin da Coi. Se ancunton uni ena per dut l instà for de mierculdi sëira, dala 19.00 inant. Per fé pea ne àn nia drë de se scrì su, l tleca unì a fé pea. Per plu nfurmazions pòssen zënzauter cherdé su tl ufize dla Nëus Jëuni Gherdëina l numer 0471/799006. 12. Turnier de nöt a La Val

L’U.S. La Val organisëia dal 31 de messè fina al 1. de agost 2010 (dala sabeda sëra fina ala domënia da doman) la 12. ediziun dl turnier de calceto de nöt por scuadres dl tëmp lëde (5 śogadus + portier), söla plaza dl palê sintetica “Plans” a La Val. Al po tó pert fina 20 scuadres. Iscriziuns fina ala jöbia ai 22.07.2010 pro Klaus Rubatscher al nr. 335/6905507 o tres fax al 0474/523035 o cun e-mail a klaus@verginer.bz.it y le paiamënt dl prisc d’iscriziun de 120 €. Pesć: 1. post 600,00€, 2.post 400,00€, 3.post 200,00€, “pozer” 200,00€. 3. Viola Football Camp a La Val

L’Uniun dl Sport La Val lascia alsavëi che en chësc ann gnaràl indô organisé söla plaza dl sport Plans le “Viola Football Camp” por düć i mituns de nosta valada nasciüs dal 1996 al 2001. Le camp gnarà tigní dai 23.08 ai 28.08.2010. Informaziuns y inscriziuns pro Fabian Sottara sot al nr. 333/4750466 (do les 5 da sëra) o sot a www.uslaval.it. Trèr co l’archet La sociazion arcieres de Jian, fèsc a saer che l’é stat avert l nef ciamp per tirèr co l’archet aló da la partenza de la ex sentadoa a Jian, vejin a la pista per la rodes, ogne mércol sera da les 21.00 a les 23.00 e de sàbeda e domenia da les 14.30 a les 19.00. Se pel tor a fit l’archet e proèr l percors 3D te anter l bosch. Per maor informazions vijitèr l sit internet www.arcieriziano.it opura telefonèr al 340.6862187. 13^ Dolomites Sky Race e Memorial Diego Perathoner L’é en cors la 13° edizion de la manifestazion de corsa a pe più emportanta de l’an: la Dolomites Skyrace, edizion dedichèda a Diego Perathoner, ideator e organisador de chesta manifestazion. Dò la pruma proa vender per l titol mondièl de “Vertical Kilometer”, doman, domenia ai 18 de messèl, la garejèda ponta via da les 8.30 te Piaz Marconi, da les 12.30 sarà la marena per i atlec al parch de Cianacei e da les 14.30 te piaz de Cianacei sarà la premiazions e la consegna del Prum Trofeo Memorial Diego Perathoner, che vegnarà assegnà a l’atlet che à arjont l resultat mior te la edizion 2010 de Dolomites Skyrace e Sellaronda Skimarathon, la doi garejèdes da d’istà e da d’invern voludes dal joen da Cianacei mort te la val Lastìes.

Avisc Da Nadar a Franz Pascalin

Dò l gran suzess de “Pascalin Project” endrezà per l cedean da la mort del prum fotograf de la Dolomites Franz Dantone Pascalin, i doi artisć fascegn Claus Sorapera e Manuel Riz endreza endò na serèda en onor del fotograf da Grìes, en mercol ai 21 de messèl da les 9 da sera aló dal teater de Ciampedel.

♦ Corusc y fantasia Invit ala mostra de Giuvani Frenademez (La Ila) y Guido Tavella (Badia) I dui artisć dauriarà süa mostra en vëndres ai 23 de messè dales 19.00 tl Salf dla Cassa Raiffeisen a La Ila. La mostra romagnarà metüda fora dai 23 de messè ćina ai 16 d’agost 2010, vigni dé dales 16.00 ales 19.00 y dales 20.00 ales 22.30.

Viac dl KVW tla Svizra

La trëi grupes dl KVW de Gherdëina mët a jì l viac da d’autonn dai 6 ai 10 de utober. N jirà tl Berner Oberland a ti cialé ala zità de Bern y ai lec Thunersee y Brienzersee, ma nce al Wallis cun Sion y Sierre. Sce l ie bel tëmp puderà chiche uel nce jì sun l Jungfraujoch. N passerà nsci a Montana, Montreux, Fribourg y Disentis y su per i biei jëufs cunesciui dla Svizra. Duc i scric ite al KVW, ma nce i nteressei a chësc viac ie nviei a unì pea. N puderà se scrì ite da n lunesc, 2 de agost inant, pra la purtines dla Cassa Raiffeisen de Sëlva, ulache n giaperà nce l program plu avisa. Rëgn rich de peres y spirit Ai 24 de messè, gnaral metü da jì n pelegrinaje sciamanich cun Maria Röck tl raiun dl Latemar. Maria Röck é na praticanta sciamanica tla “Wayna Fanes Tradition”, na tradiziun che liëia adöm la sapiënza y la conoscënza dles Andes y l’arpejun mitich-sciamanica dles Dolomites. Prenotaziuns y infromaziuns ćina dui dis dan l’apuntamënt: tel. 347 2387077. Laurs de Guido Tavella (Badia) y Giuvani Frenademez. www.lauscdiladins.com

35


Informazions y Manifestazions Chino y Films Robin Hood a La Ila En mertesc ai 20 de messè pëia ia les serades de chino a La Ila. Al gnarà mostrè le film Robin Hood. La presentaziun mët man dales 21.00, tla Ćiasa de Cultura a La Ila. Organisaziun: AT Badia. Al chino de Cianacei

Insnet sabeda ai 17 da les 21.15 se pel veder “Prince of Persia: le sabbie del tempo” film de Mike Newell con Jake Gyllenhaal, Toby Kebbell e Alfred Molina. Doman domenia ai 18 da les 21.15 te sala 2 se podarà veder “La nostra vita” de Daniele Luchetti con Elio Germano, Isabella Ragonese e Raoul Bova. En lunesc ai 19 da les 21.15 vegn moscià “Matrimoni e altri disastri” de Nina de Majo con Fabio Volo, Margherita Buy e Luciana Littizzetto, en mèrtesc ai 20 semper da les 21.15 se podarà veder “Wolfman” thriller de Joe Johnston con Anthony Hopkins, Benicio Del Toro e Emily Blunt. En mercol ai 21 de messèl da les 17.30 vegn moscià “Tata Matilda e il grande botto” na comedia ence per bec e da les 21.15 “Iron Man 2” de Jon Favreau con Robert Downey Jr. e Gwyneth Paltrow. En jebia ai 22 de messèl semper da les 21.15 se podarà veder “Sex and The City 2” na comedia de M.P.King con S.J.Parker C.Nixon, K.Cattrall e K.Davis. Al chino de Pardac

Insnet sabeda ai 17 e en domenia ai 18 messèl da les 21.15 se pel veder l film “A-Team” de John Singleton e Joe Carnahan con Patrick Wilson e Ernst Harth. En lunesc ai 19 semper da les 21.15 se podarà veder enveze “Agorà” en film de Alejandro Amenabar con Rachel Weisz, Rupert Evans, Max Minghella e Oscar Isaac. Al chino de Tieser Insnet sabeda ai 17 e doman domenia ai 18 de messèl da les 21.15 vegn moscià “Robin Hood” de Ridley Scott, con Russel Crowe, Cate Blanchette e William Hurt. En lunesc ai 19 e en mèrtesc ai 20 de messèl semper da les 21.15 se pel veder “Sex and The City 2”, comedia de Michael Patrick King con Sarah Jessica Parker. En mercol ai 21 e en jebia ai 22 da sera vegnarà moscià “The Twilight saga: Eclipse” de David Slade con Kristen Stewart, Robert Pattinson e Taylor Lautner, enveze en jebia ai 22 e en vender ai 23 da les 17.00 se podarà veder l film “Dragon trainer” n film di Dean DeBlois e Chris Sanders con Jay Baruchel, Gerard Butler, America Ferrera, Craig Ferguson. En vender ai 23 e en sabeda ai 24 da les 21.15 sarà enveze en program “Iron Man 2” de Jon Favreau con Robert Downey Jr., Gwyneth Paltrow, Don Cheadle, Scarlett Johansson. Al chino de Ciavaleis

Insnet sabeda ai 17 de messèl da les 16.30 e da les 21.15 e doman domenia ai 18 demò da les 21.15 vegn moscià l film Disney “Toy Story 3” de Lee Unkrich.

nr. 27 / 17 de messel 2010

♦ Simons Summerparty Bele per l terzo iede vëniel metù a jì te Sëlva na party da d’instà per lecurdé Simon Andergassen, mort te na desgrazia sun streda de nuvëmber 2008. La festa ie ai 24 y ai 25 de lugio te Sëlva Si pere Andreas y n valgun cumpanies uel tenì vif l lecort de chësc jëunn da ulëi bon y uel se ancunté pra n doi dis de bona ueia tla garage Andergassen te Sëlva. Sun l program iel truepa mujiga, davia che Simon nstës fova n pasciunà de cianties y de suné. N sada ai 24 de lugio meterà la festa man dala 3 domesdì y dala ot inant saràl la bands “Blues Breakers”, “Vicious”, “Rock Air” y l “dj Ema” a lascé audì d’uni sort de cianties. L di do, n la dumënia ai 25 de lugio uniràl metù man dala 9 danmesdì n “Frühschoppen”. Oradechël saràl nce da udëi n valgun de biei auti americans. Chël che unirà trat ite unirà dat n benefizënza. Nfurmazions plu avisa giàpen cherdan su la butëiga dai ciofs Andergassen, tel. 0471/795545. L placat che nvieia ala festa.

Referac Debatit sul raport anter etica e economìa

En vender ai 23 de messèl da les 21.00 tel Chino Marmolèda (sala 2) tel chèder de “Ispirazions da d’istà” vegn endrezà l debatit “Dèr per aer, dèr per doer, dèr per amor: la sceltes te l’economìa”. Tol pèrt Stefano Zamagni professor ordenèr de Economia Politica a l’Università de Bologna, president de l’Agenzìa per le ONLUS e consultor del Pontificio Consiglio “Giustizia e pace”; Savino Pezzotta deputat al Parlament talian, jà secretèr nazionèl de la CISL e Riccardo Felicetti, imprenditor titolèr del Pastificio Felicetti. “Moena Incontri”

Musiga Cunzert dla Company of Music

N vënerdi ai 23 de lugio dala 21.00 te dlieja de Sëlva. La Company of Music, ie n cor da camera sot ala direzion de Johannes Hiemetsberger y l unirà ciantà pec de Frank Martin, Iannis Xenakis, Francis Poulenc y Claude Debussy. Musical-Show di ani setanta

“Die verrückten Siebziger” reprejentazion teatrala cun cianties cunesciudes dla grupa ABBA, Boney M. y d’autres, n merdi ai 27 de lugio sun la ”Kalterer Seebühne”. Metù a jì dala Mëisa turonda dl’ëiles. L unirà jit cun la curiera da Sëlva demez, fermedes Ciampinëi y Plaza Nives, dala 19.00, da S.Cristina, fermeda Maciaconi dala 19.10 y a Urtijëi, dala butëighes Despar y Hofer dala 19.15. Priesc 49 euro per la curiera y la cherta de ntreda. Da paië ite iel nchin ai 24 de lugio pra la Cassa Raiffeisen de Sëlva “Musical”. Prëibel fé a l savëi ulache n sënta ite tla curiera. Cunzerc per judé la jënt dl’Africa

La band “Westbound“ dl dutor Toni Pizzecco mët a jì na lingia de cunzerc per judé la jënt dl terzo mond y dantaldut l spedel Attat tl’Etiopia. I proscimi cunzerc sarà n sada ai 31 de lugio a Torri del Benaco, n vënerdi ai 6 de agost a Malcesine, n sada ai 18 de setëmber a Persenon y n sada ai 2 de utober a Maran. Duc i cunzerc scumëncia dala 9.00 da sëira. Val Badia Jazz Festival

I conzerć dl Val Badia Jazz Festival va inant en doman domënia ai 18 de messè dales 11.00 inant, sön le paiun da Corvara o, tl cajo de bur’ tëmp, tl salf dles manifestaziuns F.A. Rottonara. Te chësta ocajiun podaràn ascutè sö le conzert dl grup “Pamstiddn Kings” cun tòć jazz, rock y pop. En mercui ai 21 de messè podaràn ascutè sö dales 21.15 inant le conzert de Alan Farrington, tla patisserie Hotel Tablé a Corvara. L’artist ćianta y sona cun la chitara tòć originai y d’atri tòć che à influenzè so percurs musical. Incuntada di orghi da man dla Ladinia

En gaujiun dles manifestaziuns por la “Cultura da Munt” sön Börz vëgnel metü da jì incö sabeda ai 17 de messè dales 16.00 inant na incuntada di orghi da man dla Ladinia. Düć chi che sona chësc stromënt o val’ ater laprò te nostes valades ladines (inće i scolars dles scores de musiga!) é invià da tó pert por presentè n valgügn tòć. Les iscriziuns vëgn fates al momënt. Inće chi che ascuta ion i orghi da man é sambëgn dër bel invià da balè y ćiantè para! Ćiantè fora por les üties

En doman domënia ai 18 de messè vëgnel metü da jì le pröm conzert dla rassegna “Cantando per rifugi…Almsingen”. Dales 13.30 inant ćiantarà sö dala Ütia Las Vegas da San Ćiascian le cor di alpini “Monte Corvino” da Gessate (MI). Serada folcloristica a Corvara

Tl salf dles manifestaziuns F.A. Rottonara da Corvara gnaràl metü da jì en mercui ai 21.07 dales 21.15 na serada folcloristica, olache an podarà tó pert al conzert de n valgügn grups locai: le Cor Armentara, le grup Bal Popular Val Badia y la Böhmische da La Val.

36

www.lauscdiladins.com

Rich program de apuntamenc coi libres e i autores ence te chest istà a Moena con “Moena Incontri”. En jebia ai 22 de messèl da les 21.00 te sala grana de la scoles de Moena Sandra Tafner e Lucio Tonina prejenta l liber “Terra dalle parole antiche. Storie ed immagini di un altro Trentino”. L dì dò, en vender ai 23 da les 17.00 te Sotegrava Cinzia Tani prejenta so liber “La migliore amica” e en sàbeda ai 24 da les 21.00 te gejia de Sèn Vile l professor Giampiero Giuliucci lejarà toc da la Divina Commedia col compagnament de orghen te la serèda dal titol “Nel mezzo del cammin di nostra vita”. “ParoleVistaDolomiti”

Ence chest an Cianacei ge dèsc lèrga a la cultura e la letradura con “ParoleVistaDolomiti”. N rich program che pea via chesta setemèna con 3 scontrèdes da les 21.00 te Piaz Marconi: en mèrtesc 20 de messèl con Laura Mancuso, femena de Angelo D’Arrigo, che prejentarà l liber “In volo senza confini”, la sera dò, en mercol ai 21, con Franco Brevini che portarà dant “La sfinge dei ghiacci” e en sabeda ai 24 l’alpinista Nives Meroi prejentarà l liber dal titol “La mia montagna”.

♦ La Jöbia da Corvara, novité dl isté 2010 Le zënter da Corvara gnarà animé da festa y devertimënt vigni jöbia, dai 22 de messè ai 26 d’agost: conzerć de musiga jazz tla strada prinzipala stlüta al trafich di auti y devertimënt por i mituns cun le grup “Tiatro” Le zënter da Corvara gnarà stlüt al trafich di auti vigni dé dai 26 de messè ai 27 de agost, te cer’orars. Por ti dè plü n gran valur al zënter dl paîsc él gnü ponsè da ti dediché na sëra al’edema ala musiga y al devertimënt. Al é nasciü insciö la “Jöbia da Corvara”, che raprejentëia la novité dla sajun da d’isté por ći che reverda les manifestaziuns da sëra te paîsc. Vigni jöbia, dai 22 de messè ai 26 de agost, dales 17.00 ales 19.00 y dales 21.00 ales 22.00, gnaràl metü da jì tla zona da jì a pè tl zënter de paîsc n gröm de manifestaziuns desvalies cun musiga, jüć y strinëć: n program desvalì cun musiga jazz y le festival por mituns cun le grup “Tiatro”. Implü sarà chëstes sëres inće les botëghes dl paîsc davertes. La jöbia ai 22 de messè se spostarà le Val Badia Jazz Festival tl zënter da Corvara. An podarà odëi y ascutè sö le grup P-Funking Band, metü adöm da 18 jogn danter i 22 y i 27 agn. La filosofia dla “marching band” é chëra da mëte adöm musiga y movimënt por na interpretaziun desvalia dl jazz, funk, rhythm’n’blues y soul. Ćina ala jöbia ai 26 de agost gnaràl baratè jö danter esibiziuns da pert di mius sonadus de jazz conesciüs a livel internazional (ai 22 de messè, ai 5 y ai 19 de agost) y i festivals por mituns (ai 19 de messè, Le grup “P-Funking Band” sarà ai ai 12 y ai 26 de agost), olache clowns y striuns pitarà intratenimënt por gragn y pici. 22 de messè a Corvara.


Informazions y Manifestazions

nr. 27 / 17 de messel 2010

Musiga

Mostres

Iubileum di 175 agn dla Müjiga de Badia: n’edema de festejamënć Incö sabeda ai 17 de messè mët man i festejamënć por le iubileum dla Müjiga de Badia, che jarà inant ćina ai 25 de messè. Al é gnü metü sö n tendun olache al vëgn pité döta l’edema conzerć, spëisa y boanda. En cört le program: incö sabeda dales 21.00 sona la Musiga da Comerio, en doman domënia dales 11.00 matinée cun la Böhmische dla Müjiga de Badia. Dales 14.00 conzert cun i musicontri da n iade. En lönesc ai 19.07 dales 21.00 vëgnel prejentè tla Ćiasa J.B. Runcher le liber “175 agn Müjiga de Badia”. Le mertesc ai 20.07 dales 20.30 pòn odëi dal vì la proa generala dla musiga. En jöbia ai 22.07 dales 21.00 vàra inant cun n conzert dla Musiga da Fones, le vëndres ai 23.07 dales 20.00 inant sonarà le grup Acoustic Project y la Spolpo Blues Band. La sabeda ai 24 de messè dales 19.00 tignarà la Müjiga di Jogn n conzert, por ti lascè dales 20.30 la paladina ala Müjiga de Badia por le conzert de iubileum, cun la prejentaziun dla CD “Vire la Müjiga”. Dales 22.00 inant: musiga cun le grup “Saxroyal”. La domënia ai 25.07 descedarà la musiga döt le paîsc bele dales 6.30. Dales 9.30 ingrès y dedô mëssa sonada y ćiantada dala musiga cun i cors de Badia. Dales 12.00 inant conzerć cun les musighes da San Ćiascian y La Ila, dales 14.00 defilada y dales 16.00 inant conzerć cun les musighes da Poza, Cortina y Eltersdorf. Dales 18.00: musiga da bal cun i “Fegerländer” y dales 20 estraziun dla lotaria. “Artband” anter musega e mont

Mostra Dolomites UNESCO - vernissaja A Al Plan de Mareo él da odëi dai 16 de messè ćina ai 9 d’agost na mostra alaleria dal titul “Dolomites Patrimone mondial UNESCO”. La vernissaja vëgn tignida en mercui ai 21 de messè dales 18.00, te plaza de paîsc. Do le salüt dl ombolt Albert Palfrader baiarà l’assessur provinzial Michl Laimer dles Dolomites - patrimone mondial UNESCO. Le fotograf dla natöra Alfred Erardi baiarà de sciöche al nasc les imajes, por i passè spo la parora a Marco Pizzinini - presidënt dl comitê de gestiun dl parch natural Fanes-SenesBraies y a Renato Sascor dl Ofize Parcs Naturai, che baiarà dl tema “30 agn Parch Natural Fanes-Senes-Braies”. La vernissaja vëgn stlüta jö cun n renfrësch. Josef Kostner artist

La mostra de si lëures sarà da udëi nchin duman ai 18 de lugio tla galaria de antichità Digart a Urtijëi/Runcadic. Josef à dedicà si vita al’ert. L gran nteres per dut y la ueia de fé, ne l à mei lascià sté chiet. L ie na gran streda tl’ert chëla che Josef Kostner à fat. Perchël iel bel a mustré su l svilup de n tel artista, che se à dedicà cun cuer y ana al’ert y ala cultura. Ti prim ani ie l’opres de Josef mo plu fines, ma cun i ani devënta si linies for plu segures y ti lascia mé plu lerch al essenziel. L’esprescion sterscia de si lëures ne lascia, chël che ti cela, nia zënza emozion. L inviern tla Dolomites

En domenia ai 18 de messèl a Soraga te tendon vegn endrezà na serèda che met ensema la pascions per i monc, per la musega rock, per la tradizions e l lengaz ladin e per la donazions de sanch. L dotor Massimo Ripamonti, col didament del Comun de Soraga e de l’ADVSP, à endrezà chesta serèda de “orizonc de musega storia, imagines, e alpinism estrem. Tolarà pèrt la “Blood Rockers Band” e l nef grop “I ciantarins da Soraga”, che portarà dant ence cianties modernes per fascian. Sarà ence Toni Valeruz, Heinz Mariacher, Luisa Iovane e Bruno Pederiva che rejonarà e mosciarà video e foto sun sia pascion per la crepes.

L Fotoclub Gherdëina se à mpensà de purté ite mpue de frësch cun la pultredes tëutes su ntan n di de marueia da d’inviern te chisc dis ciauc da d’instà. L ie na bona ucajion per lascé udëi nosc biei raions che on ntëurvia te dut n auter guant che no coche l se prejënta śën. La fotografies metudes ora ie te na gran mesura de 60 x 40 cm y ie unides fates da cumëmbri dl Fotoclub Gherdëina. La mostra ie tla sala dla Lia Mostra d’Ert sun plaza S. Antone a Urtijëi y ie davierta uni di dala 10.00-12.00, 17.00-19.30 y 21.00-22.30 nchin ai 25 de lugio.

“Encresciadum” a La Grenz

Mostres de Gerald Moroder de Rico

Te sie empegn per sporjer de bela serèdes de musega dal vif, la sociazion La Grenz à da semper n eie ascort envers la esprescions de la musega ladina. En vender ai 23 de messèl da les 21.30 te la senta de la sociazion te strada Saslonch a Moena sarà Silvia Donati, la ciantarina del CD de jazz ladin “Encresciadum”, che ensema coi musizisć Alfonso Santimone al piano, Marco Privato al contrabas e Gianni Bertoncini a la baterìa portarà dant cianties dal Cd jà nominà e ence etres toc de so repertorie.

Mostra persunela a Bibione: “Il gesto e la forma”. Bibione, Spazio Arte Lido dei Pini, giaurida ai 18 de lugio dala 20.30, davierta nchin ai 24 de lugio. Mostra coletiva “(un) defined 10” a Maran tla vedla casermes F. Rossi. Da udëi nchin ai 25 de lugio. www.undefined.net. Mostra coletiva “O genießt die Augenblicke” da udëi dut l instà tl Labyrinthgarten dl Weingut Kränzl a Tscherms.

“The Rosenberg Trio” sun Duron per “I Sons de la Dolomites”

Asveri viv sun i coi daujin a Piacenza deberieda cun si tieres, che ie zënz’auter i prutagonisć de si cuntedes de fantajia depëntes sun tëila. Tres si sënies liedesc, l culëur da tan de vivanda y la cumposizions ireguleres nes tol l artista pra la man y nes mëina delà dal reél mpian inò su te nëus la sensibltà de n mut. Tla pitures fates da permò giapa l culëur la sëuravënta y ne à nia tan na fazion de nmaginazion passiva ma fej plutosc sauté ora na produzion drët ativa dla nmaginazion. I chedri de Asveri ie da udëi tla Galaria Ghetta a Urtijëi, streda Rezia 59, nchin ai 5 de agost.

N auter apuntament de “I Sons de la Dolomites” é en program chisc dis te Fascia: en mèrtesc ai 20 de messèl da les 14.00 al Refuge Micheluzzi te Val Duron sora Ciampedel vegnarà portà dant n conzert de musega gypsy jazz del grop “The Rosenberg Trio”. L program entriech de la manifestazion che perveit n grum de spetacoi te dut l Trentin é da poder veder sui sit www.isuonidelledolomiti.it “I Monti Pallidi” inset jun Navalge

Sabeda ai 17 de messèl a Moena vegn portà dant l conzert-spetacol “I Monti Pallidi”. Se trata del frut de na colaborazion anter la Scola de Musega “Il Pentagramma” e la sociazion “Liberenote” de Firenze, che col maester Marco Papeschi à portà dant per l terzo an n stage per joegn musizisć a Moena. Ti egn passé l stage se aea serà sù coi spetàcoi “Ciadina” e “Scaes”, che metea ensema la esprescion de la musega a cheles de poejìa e video, vardan a la cultura e a la contìes de noscia tera. Ence chest an la lejendes de la Dolomites é protagonistes del spetàcol che à per argoment la Crepes spavides: i joegn musizisć del stage dal titol “Recitar Cantando” sonarà la museghes di maestres Davide Fensi sot la reta del maester Papeschi, i atores dirà sù i tesć taliegn de Giovanni Esposito e l Cor di bec de la scola de Musega “Il Pentagramma” de Fascia e Fiem ciantarà la cianties per ladin su la crepes spavides scrites per l’ocajion, con tesć de Stefen Dell’Antonio Monech e museghes de Ilario Defrancesco. Sarà segur n bel spetacol insnet da les 21.00 tel teater de Navalge a Moena.

Mostra de Gianfranco Asveri

Cueres de Martha Silbernagl

La mostra de Martha Silbernagl dal titul ”Herzen”, ie da udëi nchin ai 7 de agost tl Café Surëdl a Urtijëi, che ie daviert da lunesc nchin sada dala 10.00 ala 19.00. Mostra cun i artejans dl’Unika a Burnech

Ëi mët ora si lëures a Burnech tl palaz de chemun. Sëuraprò ala scultures de uni artist, uniràl nce metù ora na pitla grupa di tifosi. I pec metui ora ie coche for unicac di artisć de Gherdëina ziplei a man da fonz ora. La mostra resta davierta nchin ai 10 de setëmber da lunesc nchin vënerdi, 8.30 - 12.30. “Yo - Yo” de Dumëne Comploi La mostra romagn daverta vigni dé dales 10.00 ales 12.00 y dales 14.00 ales 19.00, ćina en lönesc ai 19 de messé 2010.

♦ Trienala Ladina

♦ Segra a S.Cristina

Vernissaja chësc vëndres ai 23 de messè, dales 18.00

La Mujiga de S.Cristina nvieia duc de cuer a doi dis de festa n ucajion dla segra dl luech ncuei sada ai 17 y duman dumënia ai 18 de lugio, tl zënter dal sport Iman cun ola dala fertuna y truepa de bela mujiga

Le Museum Ladin Ćiastel de Tor a San Martin de Tor inviëia ala daurida dla mostra 3ª Trienala Ladina dal titul “Mirrored stories - stories spidlades” en vëndres ai 23 de messè dales 6 da sëra. Tla mostra dl Museum plü importanta de chësc ann saral da odëi operes de artisc ćernüs da na juria internazionala y plü avisa Claus Vittur, Barbara Tavella, Esther Schena, Romana Prinoth, Peter Demetz y Veronica Zanoner. Da amirè saral inće la scoltöra dl davagnadù dl 2^ Pest artistich de scoltöra Richard Agreiter. Te chësta ocajiun tignarà la grupa Kind of Camilla n conzert. La mostra restarà daverta spo ćina ai 31 d’otober 2010 tratan i orars dl museum.

Na bela festa per duc chëi che l ti sà bel la mujiga. Chësc ie chël che la Mujiga de S.Cristina se à tëut dant de pité per la segra de chëst ann. La festa sumencerà ncuei sada, dala sies da sëira cun de bona spëisa, buandes y mujiga dla grupa “Pamstiddn Kings”, grupa de strumënc a fla che cun bateria y usc sona mujiga cunesciuda che va dal jazz nfin al hard rock. La sëira finerà via tla “Schnapsbude” cun mujiga metuda su da DJ Ondi. Inant jiràla duman dumënia, do la gran mëssa ntëur la 10.00 danmesdì cun la defileda y l cunzert dla mujiga de Partschings. Dala 13.00 inant saràl da audì la Traminer Big Band de y cun l sunadëur de tumbrëta drët cunesciù, Karl Hanspeter y da sëira dala 17.00 inant saràl da audì la “Innsbrucker Böhmische”. Pra la ola dala fertuna saràl da vëncer 10 de biei pesc’, coche n’ena de crociera sun l mer per 2 persones, cater dis per 2 persones te n beliscimo hotel tla Toscana y de autri biei pesc’. Unide duc a segra de S. La mujiga de S.Cristina. Cristina. www.lauscdiladins.com

37


Informazions y Manifestazions Cursc Curs da dessigné y da depënje Le Consëi de Formaziun da La Val mët da jì n curs da dessigné y da depënje cun Barbara Tavella y Claus Vittur. Le curs mët man en lönesc ai 26 de messè dales 20.00, te scora elementara a La Val. An s’incunta indöt 8 iadi, tres de lönesc y mercui. Le cost dl curs é de 70,00€ a će. Infos y prenotaziuns al nr. 338/1807072 (Paula). Ziplé cun la sia a motor

Tla Scola prufesciunela per l Artejant artistich a Urtijëi, 2. partimënt, cun n maester dla Scola. L curs vën tenì da merdi 20 de lugio nchin juebia 22 de lugio, dala 8.00 ala 18.00 per de ndut 24 ëura. L priesc ie de 92,00 € per persona. Se scrì ite pòssen te scola, tel. 0471/796733.

nr. 27 / 17 de messel 2010

Mostres y Auter Anter la jent: i “musc” dessegné da Lugi Canori Enscin ai 21 de messèl jun Navalge a Moena de pel veder la mostra de dessegnes “Anter la jent/Tra la gente” de Luigi Canori, endrezèda da l’Istitut Cultural Ladin en colaborazion col Comun de Moena. L’esposizion é averta da les 17.00 a les 19.00 e da les 21.00 a les 22.30. Dai 9 de aost enscin ai 3 de setember chesta mostra, che met dant per la pruma outa l valor del musizist moenat ence desche “artist del lapisc” vegnarà metuda fora a Sèn Jan, te la sala grana de l’Istitut Ladin.

Per duc i sculeies dla scola mesana, dai 2 ai 6 de agost, dala 14.00 ala 16.00, tla scola mesana de Urtijëi, cun dr. Vito Miribung. N mpera a adurvé l aparat digitel, a lauré ora fotografies cun Gimp y Photoshop, n va tl studio dl Fotoclub Gherdëina a fé fotos. Chëi che uel possa fé pea pra n cuncors de fotografia. L curs costa 70 euro. Da se scrì ite iel pra l Servisc Furmazion, tel. 0471/773225.

Mostra de retrac “I Cucaloch” La resta fora jun Navalge a Moena enscin ai 21 de messèl, la mostra de fotograf ìes de “I Cucaloch”, 5 amisc da Moena pascioné de retrac, de la natura e de la roba beles che vel envièr sia jent e i ghesć a vardèr più da vejin dut chel che de bel l’é entornvìa nesc paìjes. La mostra é da poder veder duc i dis da les 17.00 enscin les 19.00 e da les 21.00 enscin les 22.00. Via pe l meis de aost i retrac de chisc bravi fotografes pascioné, compagné da bela didascalìes per ladin e talian, sarà da poder veder tel Museo Ladin a Sèn Jan.

Curs de tudësch y talian per sculeies dla scola elementera

Desmostraziun de tambürli nüs

Un n curs de talian ie a Urtijëi te scola elementera dai 19 nchin ai 30 de lugio, danmesdì dal lunesc nchin vënerdi, per duta la tlasses, dala prima ala cuinta elementera. Te Sëlva, te scola elementera iel n curs de tudësch, dai 19 nchin ai 30 de lugio, danmesdì dal lunesc al vënderdi, per duta la tlasses, dala prima ala cuinta elementera. Referënta ie la scola de rujeneda Alpha Beta. Nfurmazions plu avisa, tel 0471/773225.

Max Castlunger presentarà le dé mercui ai 21 de messè 2010 dales 15.00 inant n grup de tambürli nüs, de de gragn dimenjiuns, al Parch di jüć tl raiun Pëspësc a Al Plan. Ara se trata de tambürli de acià caraibics “steel pan”, che gnarà sonà en combinaziun cun percusciuns africanes.

Curs de lauré ora fotografies cun Gimp y Photoshop

Jì a ciaval

L vën metù a jì cursc de jì a ciaval per mutons da 10 ani insù y per jëuni da 18 ani insù. Per nfurmazions plu avisa prëibel cherdé su l Zënter dai Ciavei a Runcadic, numer 338/2430900. Curs da nodè por mituns dla elementara Le curs mët man en lönesc ai 19 de messè dales 9.00, te nodadoia a La Ila y vëgn organisé dala US La Ila. Por informaziuns plü menüdes y prenotaziuns pòn tó sö contat cun i referënć dl curs: Ubi Valentini al nr. 0471/839714 y Leo Pitscheider al nr. 0471/847142.

Chedri de Tone Rungger dal Ferber

Da odëi tratan i dis da d’isté tla galaria dl Cafè Hotel Teresa a Al Plan de Mareo. Fotografia y PUHIN

Le fotograf artistich Simon Perathoner de Gherdëna metarà fora tl Istitut Ladin a San Martin de Tor na süa mostra personala en mertesc ai 27 de messè dales 20.30. Ara restarà daverta tratan i orars d’ofize dl Istitut Ladin ćina ai 4 d’agost. La medema sëra dla daurida gnaral metü da jì la presentaziun dla revista culturala PUHIN da pert dl team redazional, y l’uniun Lia Mostra d’Ert da Urtijëi (Circolo) se presentarà tla Val Badia.

Curs da jadiné

L’Ice Club Alta Badia mët da jì n curs da jadiné por mitans y mituns, le lönesc y la jöbia dales 15.00 ales 16.00, dai 22 de messè ćina ai 10 de setëmber. Por informaziuns: tel. 0471/836097.

Segres y Festes Festa sön Munt da Rina

En domënia ai 25 de messè organisëia i Stödafüch da Rina la festa sön Munt da Rina. Le program vëiga danfora dales 10.30 la mëssa ćiantada y sonada dal Cor Col dla Vedla y dal Trio di corgn da munt. Dales 12.00 pitarà la Musiga da Rina n conzert. Dales 14.00 vara inant cun musica tradizionala cun le grup “Die Südtiroler”, cun intratenimënt da pert di platleri da Lijun. Preodü él inće da trà ala scëiba cun pesć. Por spëisa y boanda él fistidié y inće por n sorvisc de trasport shuttle dal ćiamp dal sport demez. Festa alaleria a Pidrô

Te chësta findledema di 17 y 18 de messè vëgnel metü da jì a Pidrô na festa alaleria. Incö sabeda sëra dales 20.30 inant party cun DJ y le “manz mecanich”. En doman domënia ai 18 mët man la festa dales 10.00 cun la santa mëssa. Dales 11.00 matinée cun la Böhmische da La Val, dales 14.00 defilada, dales 14.15 conzert dla Musiga da Sarnthein, dales 16.15 conzert dla Musiga da La Val. Dales 19.00 musiga da bal cun “Die 3 Schneidig’n”. Por spëisa y boanda él fistidié y por i mëndri saràl le ćiastel de gume por trà salć. Festa cun i draguns En domënia ai 25 de messè dales 15.00 vëgnel metü da jì tl ćiamp dal palê da Corvara na festa di draguns (aquiloni) por düć. I istruturs dl’assoziaziun Alba Vita insëgna les tecniches da se fà y da lascè jorè i draguns. An po se scrì ite diretamënter pro le ćiamp dal sport, dales 13.30 inant.

Sozial Na sëira a Persenon Jëuni cun desturbs psichics tl’età danter 18 y 35 ani se anconta cun ulenteres. N juebia ai 22 de lugio, dala 19.30 se urtons sun plaza S. Antone. I nteressei a fé pea possa se nunzië nchin a n di dan la ancunteda pra Barbara Dorfmann, cherdan su l 0471 798015, ulache i giapa nce nfurmazions plu avisa sun la scumenciadiva metuda a jì dal Servisc Soziel de Gherdëina. 4° scontrèda Lies da mont di joegn En domenia ai 18 de messèl la sezion di joegn del Cai Sat Zenter Fascia endreza ti Monciogn la 4° scontrèda de la lies da mont di joegn de Fascia e Fiem. L program l perveit de se troèr da les 8.15 aló da Capitel te la Mont de Poza. Dò pontarà via la raides che troarà n moment de paussa da mesa les 11 per fèr mìngol de marendel portà da cèsa. N’outa rué duc te la Mèlga di Monciogn, da les 12.30 vegnarà ofizièda la messa. Sobito dò ge vegnarà sport a duc na bona marena e dapò tacarà ite la ativitèdes de devertiment che jirà inant per dut l domarena. I saluc en program per les 5 da sera serarà su chesta dì gustegola per i joegn de la lies da mont de Fascia e Fiem.

♦ Guanć da zacan en mostra Dai 19 ai 26 de messè él da odëi tl Museum Ladin Ćiastel de Tor na mostra di guanć da zacan tla Val Badia

“Cultura da munt” inće cun “Roda de Pütia”

La lia “Cultura da Munt” adöm cun uniuns da San Martin, Lungiarü y Antermëia, mët da jì en chësc isté indô n program de intrategnimënt sön la munt de Börz sura Antermëia tl comun de San Martin de Tor che pëia ia en sabeda, ai 17 de messè 2010, dales 16.00, cun na indunada de grups de orghi da man; dales 19.00 saral l’inaudaziun ufiziala dl cërtl “Cultura da munt 2010”. Respetivamënter en domënia ai 18 de messè y la domënia do, ai 25 de messè, saral la “Roda de Pütia” che vëiga danfora nü palses sön le iade, olache al gnarà presentè valch sön la cultura, la storia y l’orela cörta dl monn ladin. Les üties incër Pütia arjignarà ca de vigni sort de spezialitês culinares. Festa y Bal dles Stries Le vënders, ai 23 de messè, saral spo dales 10.00 inant la Festa dles Stries, cun n program cun mituns, defilada, sonns di corns da munt y tla finada le “Bal dles Stries”.

Tradizion y Usanzes Mostra de guant da zacan

Da en lönesc, ai 19 de messè, al lönesc do, ai 26 de messè, dales 20.00, saral da odëi tl Museum Ladin “Ćiastel de Tor” na mostra de guant da zacan dla Val Badia. La mostra restarà daverta ćina ai 31 de messè. I guanć da zacan testemoniëia la vita de nosta jënt dandaìa.

38

www.lauscdiladins.com

I guanć da zacan fej pert de nosta tradiziun. Ai testemoniëia la vita de nüsc antenać. Te Museum Ladin a San Martin de Tor gnaràl daurì en lönesc ai 19 de messè dales 20.00 na mostra de troht y guanć da zacan dla Val Badia, che vëgn en pert ćiamò incö tuć ca en caujiun de festes de dlijia o manifestaziuns culturales de majera importanza. I guanć metüs fora fej pert dla coleziun privata de Irma Trebo da San Martin de Tor. La mostra sarà da odëi ćina al lönesc ai 26 de messè, dal lönesc ala sabeda dales 10.00 ales 18.00 y la domënia dales 14.00 ales 18.00. L’organisaziun é tles mans dla Uniun di Ladins dla Val Badia, en colaboraziun cun le Museum Ladin.


Religion y Anunzies

nr. 27 / 17 de messel 2010

Vangel dla Domenia

Condolianzes Le consëi d’aministraziun, le consёi de control, la direziun y i colaboradus dla Cassa Raiffeisen Val Badia tol pert de cör al dolur che nosc aministradù

16. Domënia ia por l’ann C, ai 18 de messè 2010 Dal vagnele do San Lüca 10, 38-42

Georg Mutschlechner à sintì port la mort de so pere

Giovanni Mutschlechner y ti sporj a ël y sü familiars les condolianzes plü sintides. Cassa Raiffeisen Val Badia Corvara , 8 de messè

Te chël tëmp é Gejù rové te n paîsc, y na ëra, che â inom Marta, l’à tut sö döt valënta te süa ćiasa. Ara â na só che â inom Maria. Maria s’â sentè pormez ai pîsc dl Signur y ti ascutâ pro a sües parores. Marta indere ê döt ocupada da le socodì. Ara ti é jüda pormez y à dit: “Signur, ne t’un fêjeste nia d’infora che mia só me lascia döt le laûr a mé sóra? Dìi pö ch’ara me dëides!” Le Signur à respognü: “Marta, Marta, tö te fejes n gröm de fistidi y de bries. Mâ öna na cossa va debojëgn. Maria à lité la miù pert, chësta ne dess nia ti gnì tuta.” Parora dl Signur. - Lalt a té, Gejù Crist!

Recordanza

Na aziun dles Cöres dla Val Badia “L’amur ne mör nia, al ciafa entres endô en tru da ti sciampé ala mort” (G. von Le Fort)

Lois Valentin +19.07.2008 - 19.07.2010 Lois, belo 2 agn èl passé da canche Chël Bel Dio a cì à orü te cherdé. Gran è l’encorsciomun do tè y tres maiù l’öt che t’as lascé, mo dé por dé vìreste ennant te nüsc cörs y te nüsc recorć. La mëssa dal ann sarà en doman domëgna ai 18 de messé ales 6.30, te dlijia d’Al Plan. Dër bel iolan a düć chi co prëia y se recorda de ël tles oraziuns. La familia

Lecort

"Iö feji impara!" Por 10 agn alalungia ài tut pert ativamënter ala vita dla dlijia tl consëi de ploania. Te chësc tëmp ài imparè da conësce damì la situaziun soziala y religiosa de nosta comunité. Sciöche mëmber dl consëi de ploania m ài dagnora Lydia Zingerle, 72 sintì püch preparada por chësc laûr y à agn, Corvara metü man de lì y de medité plü gonot la parora de Dî, che m à arichì spiritualmënter y à consolidé l amizizia cun Chël Bel Dî. I à dè mi contribut cun ligrëza y entusiasm. I à albü delujiuns, sciöche pro vigni laûr, mo in㶛e de gran sodesfaziuns, che m à stimolè da dè ca mi tëmp lëde por le bëgn dla comunité. Porchël: no ester gram, fà para. In㶛e tö es cherdè a colaborè por che le rëgn de Dî pois crësce. Ai 7 de novëmber 2010

Ti rì y ti vester senzier à lascià n sëni te nosc cueres. De gra Karl, per dut chël che te ies stat per nëus. Ulon lecurdé nosc Karl ntan la santa mëssa ncuei sada ai 17 de lugio dala 18.30 tla dlieja dla Madona de Sëlva. De gra de cuer a duc chëi che unirà a mëssa y che nes stà for daujin cun urazions y pensieres.

Karl Unterkircher mort ai 15.07.2008 sun l Nanga Parbat .

él les lîtes di consëis de cöra. ´ Tö a desposiziun! Mëtete ince

Rengraziamont Ai 7 de messé nes à lascé tla eté de 92 agn nosc pere, fre, nene y nenun

Hans Mutschlechner dal Pech

Silke cun Alex, Miriam y Marco Erich y Caterina cun Peter

I orèssun rengrazié de cör düć chi co à tut pert ales corones, co nes à dit o scrit parores de confort o à fat en sorvisc, y è gnüs ala sopoltöra. Iolan a düć chi co s’al recorda tles oraziuns. Iolan a chi co à fat spënores de ciöf, de ćiandëres o a fin de bëgn.

Lecort L ie passà n ann da canche vo doi uemes, tati y nëine nes ëis lascià. Resterëis fort e nosc cueres.

I familiars

1. Anuel

Rengraziamënt

Bruno, cun recunescënza se lecurdons de té duman dumënia ai 18 de lugio ntan la santa mëssa dala 9.30 te dlieja de Urtijëi.

Senoner Bruno “dla Tinderla“

Leonhard, tu nes mances dassënn. Drë’ massa abenëura te n ies jit. Se lecurdon de té cun amor duman dumënia ai 18 de lugio ntan la santa mëssa dala 18.30 te dlieja de S.Cristina.

Ai 11 de lugio nes à lascià tla età de 56 ani nosc bon uem, tati y fra

Bruno Senoner Perathoner Leonhard “da Praplan“

Pension Elisabeth 20.05.1954 11.07.2010 Rengrazion de cuer duc chëi che ti ie stac daujin ntan si malatia. De gra nce a seniëur Raimund per avëi liet la santa mëssa de sepeltura.

De gra a duc chëi che unirà ala mësses de anuel y a chëi che se lecorda de ëi cun de bon pensieres y urazions.

La familia Diana cun Alan y André

La fenans Rita y Anita cun Milena y Pauli

Paussa tla pesc de Die.

www.lauscdiladins.com

39


Congratulazions y Inserac

nr. 27 / 17 de messel 2010

Crì da laour Congratulazions

a noscia Elena che la se à laureà. Da chi de cèsa Verona, ai 6 de messèl 2010

En jöbia ai 8 de messè unse podü festejé i 80 agn de nosc pa

Pire da Sotrù La mama y nos mituns oressun ćiamò ti dì dilan de ći che al à fat y fej por nos düć, y dandadöt ti audunse sanité y ćiamò döt le bun!

Düt l’bun a

nosta tota Manuela che cumplësc i agn ai 21 de messè. Tües fioces Julia y Hanna y i familiars

A Monica Tenc de egn l’é passà da canche la scola tu as scomenzà semper de gran sodesfazion tu ne as dat e ades che la matura tu as fenì con l 100 tu ne as dalbon stupì. Per chest volon te rengraziar, n mont de congratulazion te far e dut l ben per l davegnir te augurar. Mama, papà con Ivan e Nikole

A nosta mama y oma che à compli inîr ai 16 de messè i 55 agn ti aodunse de cör düt le bun tröpa ligrëza y sanité inće por le dagnì. Cun l’ ocajiun ti dijunse n bel giulan por düt ći che ëra fej por nos. Patrick y Manuela cun Max y Susan Anita y Gabriel cun Miriam y Laura Roberta y le nene

Cungratulazions a nosta

Claudia ”Tlot” Ani iel sën ca che a studië te es dassënn sfurzà. Ncuei finalmënter l gran di ie ruvà, ulache duc canc cun té se cungratulerà. De nëus dutes scialdi plu lezitënta ies stata, per stlù ju ti studi a Trënt, mparà es sciche na mata. Truep auguresc per l daunì te mbincions, y dassënn festa cun te ncuei fajerons!!! N pussi da ti cumpanies Kati, Heiduz, Tine, Mina, Tscho, Elena, Maria Tine, Caro, Caroline

40

www.lauscdiladins.com

N ël chir laûr sciöche chelner por salf, bar o val’ de té, da atira. Prëibel cherdè sö le 333/6704519 - Dino. (25/10) ••• Na ćiamenëssa, taliana, cun esperiënza chir laûr por la sajun da d’isté, da atira. Prëibel cherdè sö le 338/3375382. (25/10) ••• N studënt de 24 ani de Stuttgart chier n lëur da agost nchin ala fin de setëmber te na butëiga, te sala o a lavé ju. Ël sa da rujené tudësch, nglëisc, spanuel, portughesc y mpue de talian. Per nfurmazions cherdé su prëibel l +4917638074159 o scrì na e-mail a lipperemix@hotmail.com. (25/10) ••• N ël chier da lëur coche barista per l mëns de agost y n’ëila chier da lëur a rumé su la majons, tramedoi per l mëns de agost. Tel. 388/0548762. (25/10) ••• N ’ël chir n laûr sciöche fadöt o lavataîs. Prëibel cherdè so le 338/1404096. (25/10) ••• L vën cris n lëur a judé te cësadafuech per dut l ann o per la sajon. Tel. 328/2062651. (25/10) ••• L vën cris n lëur a judé te cësadafuech. Prëibel cherdè sö le 331/8488445. (25/10) ••• Na ëra chir n laûr sciöche chelnera de salf. Prëibel cherdè so le 338/1195680. ••• N’ëila chier da lëur a rumé su la majons, sce l ie mesun te Gherdëina. Prëibel cherdé su l 328/0606551. (25/10) ••• N’ël chier da lëur a lavé ju o a fé d’uni sort de stroc, te Gherdëina. Tel. 377/1406737. (25/10) ••• N’ël chier da lëur a lavé ju o a fé d’uni sort de stroc, te Gherdëina. Tel. 327/3469334. (25/10) ••• N’ëila cun esperienza chier da lëur a cialé sun jënt de tëmp, te Gherdëina. Tel. 340/5298027. (25/10) ••• N’ëila chier da lëur a rumé su majons o cuatieres, nce mé n valgun dis al’ena. Prëibel cherdé su l 340 7258366. (26/10) ••• N’ëila chier da lëur a rumé su majons o te na cësadafuech. Tel. 349/8474988. (26/10) ••• N’ëila chier da lëur per n 3-4 ëura al di, a rumé su o a cialé de pitli mutons, sce l ie mesun te Gherdëina. Tel. 320/9128432. (26/10) ••• L vën cris n lëur a fé d’uni sort de stroc o sciche idraulicher (mparà ora). Tel. 380/ 6352993. (26/10) ••• L vën cris a Urtijëi n lëur a mez tëmp per danmesdì sciche barista. Tel. 329/4123241. (26/10) ••• N’ëila de 30 ani chier per da sëira, do la 8.00, n lëur. Ëila rejona talian, nglëisc, rus y n puech nce tudësch. Tel. 327/1968597. (26/10) ••• L vën cris n lëur da sciafèr (patent C) o da pacherista. Prëibel cherdé su l 338/7780366. (26/10) ••• N jonn de 26 agn dla Polonia, scerio, chir laûr sciöche lavataîs, fa-döt, tl raiun de Corvara te hotì olache al ciafa inće da dormì. Cun esperiënza. Baia inće talian. Tel. 320/8031230. (26/10) ••• N ël chier da lëur te Gherdëina. L ie unfat de ce lëur che l se trata. Tel. 328/2863341. (27/10)

Da vende Da vëne a n bun prisc n üsc de lëgn cun telare mosöres 95 x 200 cm te de bunes condiziuns. Tel. 333 9671105. (26/10) ••• Da vëne a n bun prisc na finestra de plastica Feba dles mosöres 90 x 90 cm te de bunes condiziuns. Tel. 333 9671105. (26/10) ••• Da vëne a n bun prisc 2 de beles löms de fer batü te de bunes condiziuns. Tel. Tel. 333 9671105. (26/10) ••• Da vëne a n bun prisc mëses y scagns de lëgn te de bunes condiziuns. Tel. Tel. 333 9671105. (26/10) ••• Al vëgn venü n ćiaval da dressage, American Saddlebred, 9 agn, pros y dër afidabl. Tel. 335/6088668 y email: claudia@yahoo.it. (27/10)

Da chirì L vën cris na mascin da sfënder lënia. Tel. 340 2825175. (26/10) ••• Al vëgn chirì n gratun da taché do a na Fiat Panda. Tel. 329/2266670. (27/10)

Da scinché ia L vën dat ca n fonz de brichettes de lën dur (rëur), de 45 m2. Chiche ie nteressà possa cherdé su l 977423 uni di dala 13.00 ala 15.00. (27/10)

••• N ël cun esperienza chier da lëur coche segondo cuech te Gherdëina. tel. 388/3434602. (27/10) ••• N ël cun esperienza chier da lëur te Gherdëina a lavé ju o coche laurant te na fabrich. Tel. 389/7940618. (27/10) ••• N’ëila cun esperienza chier da lëur coche cuega o segonda cuega. Tel. 328/1473891. (27/10) ••• N’ëila cun esperienza chier da lëur a cialé de na persona de tëmp te Gherdëina. Tel. 320/4636405. (27/10) ••• Na jëuna che à bele laurà te Gherdëina chier da lëur a rumé su , coche aiut ciulea, coche baby sitter o nce da lodnera. Tel. 366/1118386. L ne va nia debujën de n cuatier. (27/10)

Gnü ciafé Tl zënter d’Al Plan él gnü ciafè n bel papagal bröm. Chi che l’ess manćia po telefonè a Leotraude Baur al nr. 338/4212101. (27/10)

N garnì a Calfosch chir na ćiamenëssa por 3 edemes de agost. Prëibel cherdè sö le 0471/836244.

L vën cris n/na assistënt/a per l dutor dai dënz Testa a Urtijëi, cun o zënza esperienza, a tëmp plën, per dut l ann. Prëibel cherdé su l 0471/786112.

Residence Ćiasa Giardun a La Ila chir por atira na ćiamenëssa a mez tëmp. Por informaziuns prëibel cherdè sö le 335/6761788.

Furnaria Gasser a La Ila chir da atira na barista/boteghiera por la sajun da d’isté o inće por döt l’ann. Prëibel telefonè al 0471/847102.

La Skiarea Miara a Al Plan de Mareo chir por la sajun da d’invern n cassier/na cassiera por l’ofize dl schipass. Prëibel cherdè sö le 0474/501366.

Basic Agency chir na porsona por la contablté y servisc comerziai. Enterescià prëibel cherdé sö le 0471/847744.

La firma Heimtex a Urtijëi chier n lerner che ëssa legrëza a mparé l lëur da sotler. Prëibel cherdé su l numer 0471/797997. info@heimtex.it

La botëga Sport Lagazoi a San Ćiascian chir da atira por döt l’ann 1 por fà la contabilité a tëmp plëgn o mez tëmp. Por informaziuns telefonè al 0471/849328 o al 335/6761788

I cumprun lignan vedl de vigni sort (tafladöres, brëies de func, lëgns scadrà...) Rustikalholz Promberger Tel. 340/8107918.

Da vëne n prè cun tablè indöt 22.000 mq, tl raiun Arlara-Corvara. Telefonè al numer 339/2201941.

Les Ploanies d’Al Plan y La Pli chir 1 assistënt/a pastoral/a a tëmp plëgn o inće a mez tëmp. Este na porsona che à vëia da laurè a contat cun la jënt y da i dè espresciun a süa creativité, te n ćiamp olache te pos fà valch inće por tüa personalité y tüa vita spirituala? Spo este la dërta porsona por nos. Al vëgn damanè: - motivaziun religiosa - la capazité da laurè cun jënt y da laurè autonomamënter - flessibilité. Les porsones che à stlüt jö i cursc de teologia tira dant, mo al vëgn inće pité la poscibilité da laurè y da i fà i cursc deperpo. I periun da menè ite les domandes cun curriculum vitae y foto a: Ploania d’Al Plan, siur Heinrich Perathoner, str. Catarina Lanz 46, 39030 Al Plan de Mareo. Le terminn por dè jö les domandes é i 16 d’agost 2010.


La Usc di Ladins