Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 50/2010 - 24 de dezember 2010 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Mëinacrëp

11

aaaaa Flavio Moroder Flavio Moroder de Urtijëi a cë di mëinacrëp y mëinaschi de Südtirol.

Liber

N Bon y Bel Nadel!

Editorial

Les aodanzes dess ence ruvé ti paisc manco fortunés de chest mond y ti cuers dla jent che n'à no amor no pan. A nos nes aodonse manco tam-tam y stress, y n pue de chiet per conzede de pensé ai misters che sta viadò a dut l profan

14

Nosta Sëlva L liber „Nosta Sëlva“ ie na cronica vivuda dal scumenciamënt nchin al didancuei. N liber che conta a puntin la storia dl luech de Sëlva.

Bula

Cun legrëza fajons a l savëi che l ie unì finà via i lëures de ressanamënt de un di trëi mulins sa Bula.

17

Elsa Zardini, presidente Union Generela di Ladins dla Dolomites

Mutans tla Mujiga Co iela pa unida a s’l dé che la mutans ie ruvedes pra la Mujiga de Sëlva? Bera Toni Demetz de Plan conta de coche la Mujiga de Sëlva ie stata la prima a tò su nce mutans.

EPL

23

Tosc a Balsan L’ann 2011 gnaral inaodè le “Tru di Artisć” danter La Ila y San Ćiascian y arjigné ca la mostra coletiva por la Galaria Prisma a Balsan.

Uniun di Ladins

25

Publicaziuns nöies N liber nü por zelebré la santa mëssa y n liber cun CD sön la “roda dl monn cun 80 tambürli”.

Fascia

27

Amisc ence tel Nepal L’alpinist de nonzech Fausto De Stefani te Fascia per na serèda dedichèda a la mont, a la solidarietà e ai cinch amisc.

Copa dl Monn

35

Deslajëi “talian” Gran spetacul sön la Gran Risa por la 25ejima ediziun de copa dl monn, mo i “azzurri” é zoruch.

L’é oramai Nadà e ogni an da stà stajon me sovien ra paroles del nosc Decan Siur Anjelo Dapunt, che l éa el mè catechista canche śie a scora. El dijea: - I anjele del ziél che i à anunzià ra nascita de l nosc Signor i ciantaa “Gloria in excelsis Deo et in terra pax hominibus”. Chesto ve augureo a vosoutre pize “PAX”! Donca pasc, salute, alegreza a dute i Ladìs, a ra nostra sènte che tanto ra bisoign aldidancuoi de chiste valore sinziére, par podé seguità a vive inze chesto paradis, che m’ é sta donà e che nos on el doér de precurà e salvà da ra speculazios, da ci che vo sofeà ra nostra cultura e da ci che me vò tegnì spartide fora.

15

I mulins

Lies

N bon Nadà!

La jënt y la dlijia La bela cripela baroca fora dla Gliejia de Sacun te Gherdeina. Foto: Museum de Gherdëina

Referimënt por i ladins y inće por i atri Da trëi edemes incà é Alexander Piccolruaz presidënt nü dla Comunanza Ladina a Balsan. I sun jüs a le ciafè por ti fà val’ domanda Uniuns - Dai pröms de dezëmber incà à la Comunanza Ladina a Balsan n presidënt nü. Ara se trata dl jonn Alexander Piccolruaz, chersciü sö a Corvara. Ël laora da plü agn incà tl Ofize dla cultura ladina sot al Assessorat Ladin tla Strada Binder y vir inće a Balsan. Al surantol le tomun che la jona

Silvia Alfreider à arvenü i ultimi trëi agn. Cun Alexander Piccolruaz s’l’unse cuntada. La Usc: Tan gran é pa l’interes por na uniun sciöche la Comunanza Ladina a Balsan?

Dala pert ladina y dala pert di atri? Alexander Piccolruaz: “Zënz’ater él plü bel sce i ladins che vir y laora a Balsan formass n pü’ na comunité. I ùn la Comunanza Ladina, la Consulta Ladina dl Comun y istituziuns va inant a plata 3

L’Astat, l’ofize de statistica dla Provinzia de Balsan à dè fora les zifres sön la pratica religiosa di südtiroleji. Śëgn püch dan Nadè, n tëmp olache tröc va a dlijia, ti ćiara l’Astat ala situaziun plü davijin. Dala statistica, che se referësc al 2010, vëgnel fora che le 30,8% di südtiroleji (dai 6 agn insö) va te dlijia almanco n iade al’edema, le 53,6% plü iadi al ann, deperpo che le 15,7% ne va mai te dlijia o te n ater post de cultus. La situaziun é desvalia danter paîsc y cité. Ti pici comuns da na pert fora él le 39% dla jënt che va te dlijia n iade al’edema, tles citês bele ma plü le 20%. Chi che ne va mai te dlijia é tles citês bëgn le 26%, cuntra le 7,9% ti pici comuns. De gran desfarënzies él inće danter ëi y ëres. Le 33,8% dles ëres va te dlijia almanco n iade al’edema, pro i ëi ma le 27,5%. Danter le 2002 y le 2010 é la perzentuala de chi che va te n post de cultus almanco n iade al’edema jüda tresfora jöpert, plü avisa dal 41,8% tl 2002 al 30,8% tl 2010. Dl ater vers é inće chersciü le numer de porsones che ne va mai te dlijia. Dal 11,1% dl 2002 al 15,7% de chësc ann. (pablo)


Letres y Atualité

nr. 50 / 24 de dezember 2010

Raion da jìa pe de Urtijëi blanch

Dilan! lascé l raion da jì a pe ma nce l troi sun la vedla streda dla ferata plu giut blances curides de nëif.

L raion da jì a pe a Urtijëi. Foto de Claudio Cainelli.

Lëtra dla Lia per Natura y Usanzes al Chemun de Urtijëi, ala Lia per l Turism de Urtijëi, ala Lia di Osć-HGV de Urtijëi, ala Lia di buteghieres de Urtijëi, ala Scola de Schi de Urtijëi, ala zaita Dolomiten, ala zaita Usc di Ladins. La descuscion sun l tré sel che ie stata ala fin de utober a Urtijëi à purtà te duta Gherdëina na ressunanza positiva. On pudù udëi cun legrëza che duc i lauranc, tan

bën di Chemuns che nce dla Provinzia, se à purvà a sparanië cun l sel da tré sun streda. Nce da gran pert dla jënt fòvel da audì scialdi ujes positives n chësc cont. L raion da jì a pe y la vedla streda dla ferata a Urtijëi fova belau doi enes bela blances, curides de nëif. Monce jì cun la luesa pudòven amesa l zënter de Urtijëi, y belau duta la jënt fova scialdi cuntënta. Perchël fajons nëus la pruposta de

Chësc pudëssen arjonjer lascian la nëif tumeda sun streda, sciche l ie bele uni purvà ora o, sce l va debujën, menan adalerch nëif frescia. Chësta messëssa pona unì laureda cun n pitl giat dala nëif, o canche l unissa lize raudleda su cun n njin aposta (chësc njin ie unì purtà dant ntan la descuscion dessëura nunzieda dal respunsabl per l rumé la stredes de Davos). Nscì pudëssen povester vester boni de tenì l raion da jì a pe, ma nce l troi dla ferata n doi nchin trëi mënsc curii de nëif. Chësc ëssa n valor turistich nia da puech, che ti fajëssa na gran legrëza ai seniëures, ma nce ala jënt dl luech. Nsci pudëssa i maestri de schi fé plu suvënz si manifestazions ju per l raion da jì a pe, ma nce d’autra sortes de sport da d’inviern, sciche l pudejé o l slusé pudëssa unii mustrei ju per l raion da jì a pe. Cun de biei saluc, Karl Vinatzer y Peter Kostner Lia per Natura y Usanzes

Straverdé crëps y i Plans de Cunfin N “sci” da Urtijëi L Cunsëi de Chemun de Urtijëi à tl’ultima senteda dat pro de ulëi sustenì i Chemuns de cumpetënza per mëter Saslonch, Sasplat y Mëisules sot a scunanza tl patrimone mundiel Unesco.

che ie la majera richëza per duc i zitadins de Urtijëi. Do che doi cunselieres dla SVP ova lascià la sala iusta dan la votazion de chësc pont, ie la delibera passeda cun duc a una.

Sun pruposta dla Lista Urtijëi iel unì juntà ala delibera nce i Plans de Cunfin cun la funtanes dal’ega,

L ne sarà nia l Chemun de Urtijëi a tò la dezijion che l vënie a se l dé, ma l ie de gran valor che

Urtijëi ie a una sun la mpurtanza de straverdé nosc crëps y la funtanes dal’ega de Cunfin! Lista Urtijëi: Martina Goller, Gerlinde Goller, Raimond Irsara, Claudia Urthaler, Claudia Insam, Claudia Schrott, Alberto Costanzi

Gran suzes dl Conzert d’Advënt Calfosch y Corvara

Nos ves ringraziun de cör, os Ćiantarins da Calfosch y Corvara, Cor Pro VoXis, Quintett Herum, Costabiei Barbara, Clara Melanie y Chiara Dellosto, y döta la jënt

por les ofertes fates, os che i ëis cun osc impëgn dè a nos y a nosta jënt na löm de speranza por le dagnì che à da gnì! Dilan!

Pest per teses de laurea sun la scola Cuncors - L Istitut Pedagogich Ladin nvieia duta la studëntes y i studënc ladins che à fat na tesa de laurea cun argumënc dla scola ti ani danter l 2008 y l 2010 a dé ju si lëures. I argumënc possa traté la storia, l svilup y l funziunamënt de una o de plu scoles, ma nce la didatica y cuntenuc dl nseniamënt y nce i fins educatifs dla scola. I lëures muessa unì dac ju te na forma stampeda (nia mé sun

CD-ROM) tl Istitut Pedagogich nchin ala fin de jené dl 2011. L unirà dat ora trëi de majeri pesć de 1.000,00 euro prun y de plu pesć danter 300,00 y 500,00 euro aldò dla cualità di lëures. Istitut Pedagogich Ladin Streda Pintri - Bindergasse Via Bottai 29 39100 Bulsan - Bozen - Bolzano www.pedagogich.it tel. 0471 417030

L’ ega de duc per nteresc privac Son dla minononga che sce privac tol per fé strom ega di ruves che ie de duta la cumenanza, dassëssa l Chemun giapé almanco

l 51% dl davani dla zentrela dal strom. N pudëssa scumencé cun l 30%, ma ruvan do diesc ani al 51% dl

davani per l Chemun y dl 49 % dl davani per i privac. Markus Senoner, Sëlva

La storia de “Shrek” Co che na caricatura po gnì malinterpreteda

I doi protagonisć dl liber y film “Shrek”, l’orco y l musc.

En placat al film; l musc ne desceda dessegur nia valch de negatif.

“La Usc di Ladins” à publiché dant val’ meis de setember 2010 sciche vigni meis la “Patofia”, na plata de comics realiseda en colaborazion con l caricaturist Manuel Riz. En chest iade n’à chesta patofia nia me fat rì y pensé do costrutivamenter nosc letours, ala à ence descedé malers te un y l

auter. Dessegur ne fova l’intenzion dl artist Riz y dla editoura La Usc di Ladins nia chela de ofene zacai, laprò l assessour provinzial ladin dr. Florian Mussner. Riz à nuzé l cast dl liber scrit da William Steig (y publiché dl 1990) y l film d’animazion che é gnu fora sun la trama dl liber de Steig. Ma

2

www.lauscdiladins.com

cie conta pa perdret la storia de Shrek? Shrek é n orco che é gnu desgort da ciasa y che slenderneia encantourn. Sun si iade él bon de se fe n amich, n musc, che i dà ence de bogn conseis... La figura dl musc tl film n’é dessegur nia de mete en juech y corelazion con la definizion y l significat de “musciat” che nos nuzon tla Ladinia per raté na persona da tec (totl). Sce valch letour y les persones “animedes” tl comic de Riz essa interpreté fauzamenter l messaje dl caricaturist y s’an essa impermal, podonse me i mete a cuer che ala nes desplej dret truep. La redazion Priesc d’abonament anual: per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 50 / 24 de dezember 2010

Referimënt por i ladins y inće por i atri Da trëi edemes incà é Alexander Piccolruaz presidënt nü dla Comunanza Ladina a Balsan. I sun jüs a le ciafè por ti fà val’ domanda va inant da la pruma plata

publiches sciöche l’assessorat provinzial ladin y l’IPL, che laora por i ladins. La Comunanza dess ester dantadöt na ocajiun por s’incuntè, n post por ruvé adöm, nos ladins, y inće spo na uniun che dess se lascè adintëne ti programs de manifestaziun inće por i nia ladins.” Tan debujëgn à pa i ladins a Balsan da incuntè d’atri ladins? “Al é dagnora bel da ruvé adöm danter ladins y s’la cuntè por ladin, y chësc pòn inće organisé n pü’. I ladins adora n punt de referimënt, ai dess savëi che i ladins à na poscibilité inće da organisé indunades y spo da stè adöm.” Al vëgn baié che al é a Balsan 600 - 700 ladins? “Al é inće chi che dij che al n’é sö por 1.000. Sambëgn mësson odëi spo sce chisc ladins é de secunda o terza generaziun. I numeri cunta indere ma cuantitativamënter.” N’él pa nia da parentè che i ladins a Balsan n’é nia plü atifs politicamënter y n’à nia na süa rapresentranza - te ći partì dagnora - tl Comun de Balsan? “Scê, chël é sambëgn negatif. Mo les istituziuns y l’ofize dla Consulta Ladina romagn atifs y chël é bun.” Tla Val Badia àn n pü’

l’impresciun che i ladins a Balsan é cotan dalunc? “Iö ne vëghi i ladins a Balsan nia tan sciöche na comunité isolada o stlüta fora dai atri. I ladins s’à integré tla vita di atri a Balsan, tol pert al’oferta culturala de todësc, taliagn y de d’atri.” Él important che i ladins se mostres? “Chël oressi davëi iö me tó a cör sciöche presidënt dla Comunanza, y i oress laurè un n iade internamënter y spo inće dlvers da comuniché forapert. Inće i ladins à na söa cultura y ara é vitala te chësta provinzia. Chësc oresson inće nos da Balsan mostrè.” Tan dess pa la Comunanza se dè da fà por i dërć di ladins, p. ej. ćiases di ladins che vir y laora a Balsan? “Ester él n compit plü dla politica, mo trà l’atenziun sön val’ problem arati che aldes pro na uniun sciöche la Comunanza.”

“Le lingaz é dër important, i oresson inće menè do cursc de ladin y partì fora publicaziuns por i ladins. Deboriada cun la Consulta Ladina y l’Istitut Ladin ’Micurà de Rü’.” La Usc di Ladins oress invié la Comunanza Ladina da mëte adöm na plata di ladins a Balsan n iade al mëis, aratëise chësta forma de comunicaziun importanta y da podëi realisé? “I m’l tolarà a cör, al foss dessigü na plataforma importanta por la comunité ladina a Balsan. Al podess deventè na süa plata, n forum inće por comuniché danter ëi, y lascè al savëi inće ai atri ladins nia a Balsan sües ativités, sü programs, sü problems y ći che i sta a cör.” Intervista y foto: Iaco Rigo

Ći se tolëise pa dant sciöche presidënt? “I oress n pü’ tó ite i jogn, i baié ados ai jogn. Al momënt unse püć jogn, inće por gauja che la mobilité pormët al dédaincö da gnì a Balsan a laurè y spo da jì da sëra o le vëndres sëra a ćiasa tles vals ladines.” Tan important é pa pordërt le lingaz ladin por la Comunanza y por i ladins a Balsan?

Aiut Alpin Dolomites Chësta ie stata n’ena plutosc chieta per la scuadra dl Aiut Alpin, che à dantaldut abù da fé per pité assistënza pra la proves y la garejedes de Copa dl Mond te nosc raion. Per chësta garejedes iel bele truep ani che l Aiut Alpin mët a despusizion si njins cun l joler y la scuadres de uemes de sucors y dutores che ie staziunei sun l purtoi n cajo de bujën. Per fertuna pòssen dì che l ne n’ie ntan chësta garejedes mei stat de bujën de n ntervënt particuler. Sot al cuordinamënt de Othmar Prinoth vën chësc servisc fat scialdi a puntin y truepa d’autra stazions de Copa dl Mond de schi nes nvidieia per la urganisazion y profesciunalità che vën piteda te Gherdëina y Badia. Ora de chësc iel stat n valgun ntervënc, trëi de chisc plutosc grieves, ulache i schiadëures se ova fat mel dassënn al cë y te chisc caji iel for da lauré metan scialdi a verdaa. Bëndebò paieda s’l à n ël de Pavia de 64 ani, che fova tumà sun Mont de Sëuc sun l purtoi ulache l vën muserà l slune tl jì ndrët. N auter cajo ie stat sun Plan de Corones, ulache n ël de Forlì fova tumà batan dassënn l cë sun fonz, tant che nce sce l ova sëura n casco iel restà plu giut da nescia. L terzo ie stat sun la Plose, ulache n jëunn de 19 ani de Praga se ova fat na gran bota tl cë. Tecnicamënter rie ie stat n ntervënt sot ala Fannerspitze te Ahrntal, ulache l fova da purté aiut a n schialpinista che fova

de Armin Moroder tumà a jì cun i schi a nëif ntiera y se ova fat bëndebò mel a na giama. Te chël raion fòvel scialdi da nibl y da vënt y nscila à l pilot messù mustré duta si profesciunalità per fermé l joler tl aier sëura l ferì y l vericelista à lascià ju l sucoridëur avisa pra l desfertunà. N l à ciarià tl sach y trat su tl joler, ulache l dutor ti à dat la prima cures dan che l ruvëssa te spedel. N ntervënt particuler iel stat per n mené n pazient dal spedel de Persenon te chël de Bulsan. L fova n pitl che fova unit al mond da permò y ova problems de sanità. Nscila àn ciarià tl joler l pitl cun la ”incubatrice” ulache l fova laite y mëtan a verda dassënn iesen julei da Persenon a Bulsan. Iló iel pona riesc ruvà tla mans di dutores che ti à dat la drëta cures y n à pona audì che l pitl se n sta bele śën scialdi miec. Ajache chësta ie l’ultima edizion dla nutizies dl Aiut Alpin dan la festes, tol la scuadres la ucajion de mbincé a duc drët n bon Nadel y fertuna tl ann 2011.

Alexander Piccolruaz.

I Trëi Rêsc ćianta por le Brasil Chisc dis rodarà i Rêsc fora por les ćiases de Südtirol a portè la Bona Noela. Cun les spënores vëgnel sostegnì passa 100 proieć de solidarieté, chësc ann en particolar le Brasil, olache al laora inće le miscionar siur Robert Sottara Rêsc vëgn aprijada y cun le ćiantè di mituns vëgnel coiü adöm ann por ann cotan de spënores por daidé la jënt manco fortunada. Dl 2010 êl rovè adöm 1.345.573,71€. Passa 100 é i proieć soziai y pastorai che vëgn sostegnis vigni ann tres chësta aziun.

Aiüt por le Brasil

Cun l’aziun 2011 vëgnel sostegnì la jënt dl Brasil.

Sozial - Ara é indô tan inant. I dis che vëgn piarà ia incër sismile mituns y jogn de döt Südtirol por portè la Bona Noela de Nadè fora por les ćiases. La tradiziun di Trëi

Chësc ann ôn portè sostëgn suradöt tl Brasil. Tles vijinanzes dla cité de Governador Valadares vir y laora tröc de pici paurs. Por gauja dles dificoltês de comerzialisaziun de sü produć n’él tröc che sciampa tla cité, olache ai vëgn sfrutà y toma tla povertè. L’organisaziun C.A.T. (Centro Agroecologico Tamanduà) sostëgn chisc paurs. Al vëgn cherié posć olache i paurs po vëne sü produć, por ti garantì insciö entrades regolares. Al momënt tol ite l’organisaziun 100 families da 16 comunitês desvalies. Da chësta organisaziun él nasciü na cooperativa, che à realisé cun le sostëgn dl comun de Governador Valadares n gran magazînn por i produć bio di pici paurs: chësc é

n ater vare tl vers de plü autonomia. N travert é inće la formaziun di paurs tles tematiches che reverda la coltivaziun, mo l’organisaziun n’à tla cité nia la lerch por organisé chëstes formaziuns. An ô porchël amplié la sënta dla CAT, por cherié chësta lerch y laprò val’ ćiamenes por che i paurs pois stè suranöt, deache tröc mëss gnì da dalunc adalerch.

Sostëgn al miscionar Robert Sottara Söl ur’ dl Rio Maderia vir i Ribeirinhos. Le miscionar combonian Robert Sottara acompagnëia dailò 12 comunitês che vir dlungia rü. Al manćia dailò suradöt l’ega da bëre, mo inće mascînns por l’agricoltöra, forza eletrica y d’ater. Garantì l’azes al’ega da bëre alda pro i traverć de Robert Sottara y chësc travert vëgn sostegnì cun les spënores di Trëi Rêsc de Südtirol.

N film tla televijiun - inće por ladin La Schira Jonila de Südtirol - che

I “Trëi Rêsc” da Calfosch cun le vësco Karl Golser, l’ann passè a Porsenù.

manajëia l’aziun di Trëi Rêsc tla diozeja de Balsan - Porsenù, à realisé n film, che sarà da odëi ai 26 de dezëmber dales 20.20 y ai 3 de jenà dales 18.00 sön le Rai Sender Bozen. La verjiun ladina é da odëi ai 30 de dezëmber dales 20.45 sön la Rai Ladina.

Lascéde ite i Trëi Rêsc A Calfosch jarà i rêsc p.ejëmpl

ai 28 y 30 de dezëmber y ai 3 y 5 de jenà. A Al Plan ai 4 y 5 de jenà. Sön üsc vëgnel lascè la scrita “C+M+B”, che stà por “Christus Mansionem Benedicat” (Crist benedësc chësta ćiasa), mo inće por i inoms di rêsc: Caspar, Marciun y Baldessé. La jënt é inviada da lascè ite i rêsc te ćiasa y por na spënora de bona man vëgnel bele damperfora rengrazié de cör. (pablo) www.lauscdiladins.com

3


Atualité

nr. 50 / 24 de dezember 2010

Telegram Cunsumadëures Finalmënter iel d’inviern: Co jì tres la sajon frëida y resté n forma! Al bujën de sciaudé l corp possen ti unì ancontra nce tres d’autri mesuns ora che cun spëisa rica de calories, deuciaries y alcol. Teies da ierbes, jopes de verdura o jopes da cërn sciauda l corp da dedite ora y cuntën mé puecia calories. nce l’atività fisica dedora sciauda l corp: chi che se tòl la bria de jì a pe debota o fé jogging nce cun bur’ tëmp vën a cësa cuntënc y sciaudei ite. D’inviern buons manco che d’instà. Suvënz se falons danter sëit y fam y maion zeche mpede bever deplù. Canche on na drëta fam iel perchël na bona cossa bever n got d’ega dan maië dassënn. D’inviern possel nce vester na bona idea jì datrai tla termes o te na nudadoia o se fé n bel bani a cësa per se sentì bën. No cumprëde roba dëucia: dessegur nen giapëis scincà assé. Sce ëis bele maià assé rengraziëde y dijëde de no sce zachei ve pieta da maië, y ne lascëve nia jì pra la buandes alcoliches y massa dëuces. Cialede de valivé ora n i dis de festa marëndes y cëines cun la dëuciaries che maieis danterite. Y pra i autri cëifs cialëde de maië plutosc lesier ve tenian deplù a jopes de verdura o salates.

Canche l venditëur de mubilia ne mëina nia adalerch la marcanzia... Ultimamënternes vëniel tla ZCS a urëdla belau uni di lamentanzes nueves n cont de cunsënies de mubilia tardives o defin nia fates. La lege vëij per fertuna danora soluzions per de tei caji. Dantaprima iel da tlarì duc i aspec pratics y legai dl cuntrat. Metëde verda pra paiamënc te rates: la normes atueles vëij defati danora, che n mprëst che ie unit fat n cunliamënt de na compra de marcanzia possa mé unì deslià sce l liam funzionel danter l cuntrat de compra y l cuntrat dl mprëst ie desmustrà. Desdì l cuntrat ie a uni moda n var che n dassëssa permò fé do se l’avëi penseda bën – sibe che n à metù a jì n paiamënt a rates o no – ajache la contrapert se tulerà bonamënter n aucat che defenderà si nteresc y chësc uel dì che l cajo pudëssa finé dan sunieria. I/la cunsumadëures fej bon a damandé do tla ZCS o pra n aucat de crëta. Chëi, a chëi che dut chësc ne ti scusa nia muessa avëi pazienza y ti fé prëscia ai venditëures de mubilia – povester jòel a vester mpue nsistënc.

Condominiums: manco chëutes (IVA) sun l gas metan Dal 2008 paien per l gas metan per l’adurvanza privata nchin a 480 m³ n priesc plu bas de chëuta sun l valor njuntà (IVA) de 10%; l’adurvanza de plu che 480 m³ ie sometù a na chëuta sun l valor njuntà normala dl 20%. L problem

4

www.lauscdiladins.com

internet tlarësc l aucat Giese che si studio legal ne à nia da nfé cun chisc e-mails. La ZCE ti cunsiëia perchël ala persones che giapa chësta e-mails de les iniuré y de ne les paië a deguna maniera. Nfurmazions plu avisa: www. euroconsumatori.org.

ZCS: basta cun la pruibizion di pëires dla lum!

N bon té sciauda da dedite ora.

per abitanc de cëses cun de plu families cun sciaudamënt zentrel y ega ciauda: pervia che l cunliamënt al gas ie mé un, vën la chëuta mé lasceda do sun i prim 480 m³ – ënghe sce l sta te cësa 5, 10 o deplù families. L’agenzia dla ntredes à śën dat ora n decret che mostra te n’autra direzion: la soma dla chëuta a miëur marcià de 10% sun l gas metan per l sciaudamënt y l’ega ciauda per l ’a d u r v a n z a p r i v a t a t e condominiums y cooperatives vën śën lasceda pro per 480 m³ multiplichei per l numer di cuatieres. Oradechël possen damandé do de giapé de reviers la somes dla chëuta che n à paià de massa dal 2008.

Smartphones o fonins massa acorc? I fonins tradiziunei ie urmëi deventei na sort de dinosaurs tecnologics: for plu cunsumadëures dezid de se cumpré n Iphone o na sort de model ala semea de n’autra marca. I smartphones ie de drë pitli computeri, tres chëi che n possa se nuzé de uni sort de programs y aplicazions („apps“) defrëntes. Chisc telefonns va tresora a se tò dassëui si updates dal Internet, suvënz zënza che i nuzënc y la nuzëntes se n rënde cont. Permò canche l utënt/la utënta muda pona la tarifa o canche la tarifa de promozion toma, o sce n va bel scëmpl te n stat oradecà, vën i cunliamënc a Internet te n iede ratei cun la tarifa normala (y „normal“ ie a uni moda „cër“). Lamentanzes vën de regula refudedes, ajache l pitadëur dl servisc possa desmustré avisa i cunliamënc. Chi che ulëssa mpò se nuzé dl smartphone, dassëssa perchël deativé i cunliamënc automatics o almanco crì ora na tarifa che straverda da de burta sperdudes.

For plu pazienc chier si dutor di dënz oradecà Uni terza persona se nfurmea pra nosc zënter de consulënza n

cont de tratamënc pra l dutor di dënz oradecà. Nosc servisc de consulënza (cëla plann di terminns sun la ultima plata) ie unit njinià ite dala Zentrela Cunsumadëures per sustenì i pazienc/la pazientes. Aldò di dac ufiziei revardova l 10 nchin al 16% dla dumandes de cuntribuc prestazions n cont de proteses de dënz y aiuc ortopedics dl gramblin tl ann 2008. La tendënza de se lascé curé i dënz oradecà ie bonamënter da splighé pervia dla gran retlam y de na ufierta bën urganiseda. For plu de moda ie pachec de viages de feries cumbinei cun n tratamënt di dënz. I pazienc y la pazientes ie segures che l ie tlo da nëus y oradecà de bon dutores di dënz y manco de bon dutores di dënz. Rie iel mé abiné l drë dutor a n priesc da fundamënt. Tla ZCS vëijen sambën l bujën de jì nce tlo da neus de viers de n servisc dentistich che la jënt ébe l muet de se paië. La ZCS cunsiëia a uni moda de se lascé fé na ufierta scrita da n dutor di dënz da tlo dan jì oradecà a se lascé curé(formuler dla ZCS, da ciarië jù da: www.verbraucherzentrale. it).

Cajo nuef de fregatures tres internet: ghiranzes fauzifichdes de n aucat Ultimamënter se à pra la ZCS inò anunzià de plu cunsumadëures ajache i à giapà na e-mail cun n nvit de paiamënt pervia che i ëssa cumetù na ufenduda dl copyright. Chël che à mandà la e-mail se dajova ora coche n cër avocat cun l inuem Florian Giese. Chësc ie propi n aucat, ma l ne à nia da nfé cun chësta e-mails y l ie nstës na vitima di trapulons dl internet. Ai cunsumadëures ti vëniel dit de messei paië “….la ndenisazion dl dann de 100 Euro nchin ai …. segures y a na maniera nia cumplicheda cun na chertaUKASH. Sce ne ulessais nia azeté chësta maniera de paiamënt ....... resta la ghiranza de paiamënt ufizielmënter mpé y la pruzedura de istrutoria unirà nvieda via cun duta la cunseguenzes.” Sun si plata

A livel dla UE muessa la pruibizion di pëires dla lum unì abrogheda. Chësc ie cie che la ZCS se damanda cun la lampes d’energia rotes do avëi udù i tesć dl Ministere per l ambient tudësch. Sibe la lumes cun 5 miligram che teles cun 2 miligram de mercur gauja canche les se romp na cunzentrazion dl mitel pesoch che ie 20 iedesc plu auta dl valor ndicatif lascià pro per i locai dedite. Dantaldut per mutons y l’ëiles che aspieta reprejentea chësc n pericul dla sanità nia da puech. Dantaldut per la majons di mutons, per scoles, selfs de sport o scolines cunsiëia l UBA (Umweltbundesamt o Ministere per l ambient) lampes d’energia che ne se romp nia y che sibe njupedes o che ébe d’autra mesures de segurëza acioche les ne se rompe nia. Sun l marcià iel da abiné auternatives, ma chëstes ie cëres y plu ncompres. I guvierns muessa de chësc viers defënder i cunsumadëures. Produtëures y marcadënc dassëssa śën ti reter i scioldi ai tlienc per i prudoc melsegures. “L ne ie nia puscibl che n prudot segur vënie pruibì y che l vënie remplazà da n prudot nia segur”, critichea la ZCS.

Mprësć: Definizion dl tas de nteres ne muda nia Dai 3 de dezëmber 2010 val n forza na nuvità mpurtanta per duta la sortes de mprësć. (D.l. n. 141 di 13 d’agost 2010). L art. 118 dl test unich dla banches ie unit refurmalà y n à defrenzià danter cuntrac a dureda nia determineda (sciche p.e. n contocurënt o na fido zënza lim de tëmp) y cuntrac a dureda limiteda o determineda avisa (sciche p.e. n credit). Per la prima categoria vëniel cunfermà l dërt dla banca de mudé unilateralmënter la cundizions dl cuntrat – tasc de nteres, priejes y d’autra cundizions. Per la segonda categoria s’à la regules alincontra mudà. N curt: sci ala mudazion unilaterela dl’autra cundizions dl cuntrat (y nce chësc mé sce l ie na rejon giustificheda) p.e. dla spëises de ncassamënt per la rates , ma no per la mudazion dl tas de nteres fissà tl cuntrat. Chësc uel dì cuncretamënter che l tas de nteres vën adotà per dut l tëmp dla dureda dl cuntrat coche l ie fissà tl cuntrat: sambën che l tas de nteres se adaterà inant ala situazions dl marcià tl cajo de credic variabli o a index, ma l ne possa prinzipielmënter nia plu unì mudà.

Fé dl bën canche n compra ite Fé dl bën possen ënghe canche n va a cumpré ite uni di. Te

butëighes dl mond, te butëighes de prudoc biologics y ti supermarcei possen cumpré ite prudoc dl marcià giust. „Marcià giust“ uel dì che i paures ti paejes plu pueresc giapa n priesc giust per si marcanzia y possa nsci seguré si esistënza. Chi che uel perchël cumpré per scinché da Nadel o per d’autra ucajions, ma nce pra la compres da uni di té, café, dëuciaries, roba da se tripé, antlaries, strumënc o stofs dl marcià giust, compra y scinca legrëza y sustën d’autra persones. Infos sot a: http://www. bottegadelmondo.bz.it/.

Cuntrol anuel dl contocurënt Da canche i fic ie tumei y la spëises ie chersciudes se paiel a tenì de uedl i cosć dl contocurënt canche n fej i conc trimestrei o almanco ala fin dl ann. Acioche l cuntrol sibe plu saurì iel puscibl se nuzé dla tabela dla ZCS. Chësta mostra la pusizions di cosć di contocurënc. N chir ora la pusizions dai estrac dla banca o n se les damanda dala banca. Chësc costa mpue de tëmp y mpëni, ma l juda ala fin a sparanië. http://www. verbraucherzentrale.it/ download/11v11d17000.doc

Superenalotto: defendura di jugadëures, prevenzion dla dependënza dal juech L jackpot de 168 milions de euro (situazion di 20.10.2010) ulëssa trueps se seguré: de setëmber iel unit jugà per na media de 11,6 milions d'euro al di, de chëi che l stat scudësc belau l mez tla forma de chëutes (l 49,5%). N grandiscimo afar per l fisch: cun chisc juesc tòlel ite n 4000 euro al menut; da jené nchin de setëmber dl 2010 monta chësc a na soma de 1 na miliarda y 58 milions d'euro. Y mo n valguna zifres: la puscibltà de fé n sies ie de 1 a 622.614.630. N cunfront: La probabltà de unì tuchei dal tarlui tl tëmp de n ann ti Stac Unifiei ie de 1 a 750.000. La ZCS se damanda plu trasparënza sun l marcià dl juech de fertuna. Ajache l ie scialdi desvient fé retlam cun la soma mascima de n juech de fertuna zënza dé vel' ndicazion sun la probabltà de vëncer o pierder. Leprò ie mo da tò n cunscidrazion l fat che i juesc de fertuna ie suvënz n viz cun na potenzialità auta de dependënza. Tla purteles de cunsulënza dla ZC vëniel for inò persones che chir aiut ajache i ne ie nia boni de lascé de jughé y che ie te de gran deficulteies: revina finanziela y revina dla families ie la cunseguenza. L vën oradechël nce lecurdà che tla Talia vel for mo la pruibizion assoluta de vënder loc de loteries da oradecà.

L'autorità de verdia straufa venditëures d'energia 5 venditëures d'energia – Edison Energia, Enel Energia, Eni, Sorgenia y Hera Comm – ie unic straufei


Atualité

nr. 50 / 24 de dezember 2010

dal'autorità de verdia per l strom y l gas AEEG cun na sanzion de de ndut plu che 1,8 milions. La gauja che à purtà ala straufonga fova contes puech tleres. Sun chëstes manciovel defati na sëuraududa ressuntiva (l "quadro sintetico"), da chëla che i tlienc/la tlientes possa debota se udëi ora i dac plu mpurtanc dla conta, ma nce na sëuraududa detalieda dla tarifes coche la ie scrita dant ("quadro dei corrspettivi"). L'autorità de verdia ti à oradechël cumetù ai venditëures de lascé vester duc i cumpurtamënc che ne respetea nia i nteresc di cunsumadëures.

Mudazion dla tabela milejimela: la maiuranza ie assé L problem dl mudamënt dla tabela milejimela vën for ora canche n coproprieter ngrandësc si pert de imubilia, p.e. fajan ora de na terassa n verzon da d'inviern o, sce l sta tl partimënt plu aut, auzan l tët. A chësta maniera avanea i milejims de si proprietà y la tabela milejimela mussëssa unì mudeda. La sunieria de Cassazion à śën mudà cun na dezijion (sentënza n. 18477 di 9 d' agost 2010) l prinzip nchin śën valëivl. per l'autorisazion dla mudazion dla tabela milejimala ne iel da moinlà nia plu debujën che duc i cumpatrons sibe a una, ma l ie assé dla maiuranza dla persones presëntes tla senteda.

La chëuta per la televijion: esenzion per persones sëura i 75 ani Cun la zirculera n. 46/E di 20 de setëmber 2010 dla Agenzia dla Ntredes iel finalmënter unì determinà la cundizions per la esenzions dai paiamënc dla chëutes per la televijion per persones atempedes che fova bele unides delibredes cun la lege dl bilanz 2008. Dal paiamënt dla chëuta possel unì delibrà chëla persones che à 75 ani o plu y che à n davani (l sie y chël dl partner) sota 516,46 euro per 13 mënsc dl ann zënza cumpunënc de familia che viv pea. I links per i formuleres y d'autra nfurmazions ie da giaté sun www. verbraucherzentrale.it sota FAQ.

Bonus soziel per contes d'energia La ZCS lecorda che l ie nce mesun te Südirol fé dumanda de giapé l bonus soziel: la dumanda muessa unì fata sun formuleres aposta che n possa jì a tò o dal chemun o da na istituzion delegheda dal chemun (p.e. n patronat) y muessa unì inò dac ju iló. I sconti possa unì acumulei y lascia pro n sparani da 82 a 360 euro al ann. Deplù nfurmazions ie da giapé sun la plata www. verbraucherzentrale.it sota FAQ.

La fin dla tasces de nylon Bele per chëst ann fovel udù danora tla Talia la fin di sachetli de nylon nia biodegradabli (lege dl bilanz 2007). Sachetli de nylon à na biodegradabltà de nchin 1000 ani y possa, sce scirmei demez zënza dé ahta, dezipé l ambient y mëter tl pericul tieres salveresc. Dantaldut i tieres dl mer miena

che i ie zeche da maië, i dlot y mor pona. L autonn passà à l guviern delibrà de sburdlé l tiermul dla pruibizion di sachetli de n ann. I defensëures dl ambient se tëm śën che la dezijion da snait y moderna pudëssa unì trata ora ala longia. Chi che uel cumpré ite a na maniera ecologica y cuscienta dassëssa lascé vester i sachetli de nylon y se nuzé de na tascia de bambesc, iuta o de zënza vel material. La tasces de stof da adurvé plu che un n iede ie dessegur la mieura soluzion. Per fé na tascia de nylon adrova i produtëures gasuel, energia y ega. La tasces de stof y i cuntenidëures da adurvé plu iedesc ie dal pont d'ududa dl ambient scialdi miëures. Oradechël muessen monce paië per la tasces de nylon nuzedes dai venditëures per ti fé retlam, ma tlo ne po'n legalmënter fé nia. Ma i/la cunsumadëures possa dezider nstësc sce i/les ne uel nia plu gën ti mustré la cherta cuecena ai sachetli de nylon.

Sustëni nuef dl fotovoltaich: në’ deguna bona previjions L sustëni nuef dl fotovoltaich che jirà n forza dai 31 de dezëmber 2010 purterà cun sé scurtamënc di cuntribuc per i cunsumadëures de nchina l 16%. Nce per i mplanc fotovoltaics che unirà metui a jì dai prim de jené 2011 vëij la lege de sustëni nsci danora scurtamënc. Tl 2011 unirà la tarifes smendrides uni cater mënsc da n 3% a 5%. Ala fin dl ann purterà chësc a n smendrimënt di sustenimënc de nchina 16% sce cunfruntei cun la situazion da śën. Nsci l vëij danora la lege de sustenimënt (D.Min. Sviluppo Economico 06/08/2010, publicheda tla Gazëta Ufiziela n. 197 di 24/08/2010). Pervia che ora dla mesura dl mplant y si ntegrazion architetonica sarà nce la data de canche l mplant ie unit metù a jì de mpurtanza per l'autëza dla tarifes de sutenimënt, dassëssen se nfurmé avisa. Plu nfurmazions a plata www.verbraucherzentrale. it

La banches talianes ti sauta tla fuies a si tlienc La Cumiscion dla Union europeica a Bruxelles critichea inò i cosć massa auc di contocurënc tl'Europa. Tla Talia muessa i tlienc/ la tlientes paië particulermënter truep per n cont de banca. L Cumisser dla Union europeica Michel Barnier, che ie respunsabl dl marcià intern, à aldò de nfurmazions ti media, scrit na lëtra ala assoziazions dla banches europeiches per les mëter a cunescënza de na nrescida fata dal'autorità de chëla che l ie a cë. Aldò de chësta nrescida ie la banches talianes y chëles spanueles particulermënter cëres. N conto cun cherta bancomat, fic de descurida y telebanking costa n 300 euro al ann. I Paejes Tudësc y l'Austria ie cun si respetivamënter 100 y 140 euro te n raion de cosć mesan. Tla Bulgaria, tl Portugal y ti Paejes Basc giapen l medemo per manco che 50 euro. La gran defrënzia ie na ndicazion che tlo iel zeche che ne va nia sun l marcià. Pervia che la gran defrënzia ne ie nia da splighé iel śën i tlienc/la

tlientes che dëssassa se cruzië de mudé y jì pra la banches che pieta si prudoc plu a bon marcià – chësc ie cie che cunsieia la ZC.

Dietes ora de bostl: chi tòl pa propi ju? Semea che les ne vede propi mei ora de moda, la dietes tla forma de piles y polvri ora di bostli. Les remplazea cëifs cun "shakes" y "barëtes", fej retlam cun slogans che sona bën y vën per solit mé vendui tres internet o da porta a porta. Per tò ju de pëis zënza ne tò su inò debota ne iel n generel nia assé tò ite un de chisc prodoc - de chësta minonga ie la ZC (cëla: http://www.vz-nrw.de/ UNIQ128757945909439/ link2650A.html) di Paejes Tudësc. Si cuntlujion: "Fé chesta dietesformula zënza ne mudé no la usanzes de maië y fé plu muvimënt (rezetes y plates de nfurmazion cun eserzizies de ginastica ne ie nia assé!) ne fej dessegur nia bon ala sanità pervia dla fazion io-io." Y davia che chisc preparac ne ie ënghe nia iust bon marcià, iel bën da se damandé sce l ne ie nia dantaldut l tacuin che tòl ju de pëis.

Stritoc cun la banca? L se paia vester ustinei Datrai ne iel nia assé de na lamentanza scrita; n ie sfurzei a fé deplù per arjonjer si dërc. I/la cunsumadëures fej bon a ne dé su nia massa debota si lamentanzes, ma a vester n pue' ustinei y a nuzé duc i strumënc che la leges y la pratica de lëur ti pieta ai tlienc y ala tlientes dla banches: purtela de cunziliazion pra la Zentrela Cunsumadëures, sunieria arbitrela, plura. For plu suvënz conta cunsumadëures de stritoc jic a bon fin sce la lamentanza fova giustificheda. Chësc ie nce puscibl de gra al aiut dla ZCS. Tlo n curt l se dejëujer de na retlamazion: Mandé la lamentanza al ufize re tl a m a z i o n s d l a b a n c a (recumandeda cun rezevuda de reviers) La banca muessa respuender tl tëmp de trënta dis de calënder (ma la ne possa nce nia respuender) Do 30 dis possa i/la cunsumadëures damandé aiut pra la purtela de cunziliazion dla ZCS o n alternativa for do 30 dis de calënder, purté l stritoz dan la sunieria arbitrela dla banches (cëla: www. arbitrobancariofinanziario.it)

mo n iede te doi ani 2 ani, secuestrazion dl veicul (nia sce l ie de na terza persona, te chësc cajo vën l tëmp de suspenscion dla patent slungià dl dopl). Tl cajo de n nzidënt: sce zachei gauja na desgrazia da cioch ie la straufonghes doples y l veicul vën secuestrà per 180 dis (30 dis, sce l ie de na terza persona.

Metëde verda! Lim dl nul-promile per: jëuni nchin 21 ani, chi che à permò fat la patent (avëi la patent B da manco che trëi ani; chësc vel nce per chëi che à messù fé la patent da nuef do che la ti ie bele unida tëuta n iede), sciafers de n veicul cun de ndut plu de 3,5 tones de pëis (p.e. n SUV che se tira do na berca) y sciafers de TIR de prufescion. L lim nulpromile vel nce per jëuni y jëunes dal motorin.

Feries da infiern? Nsci ruvëis pra vosta rejon! Cie fé canche l jol vën anulà, i cufri ne cumparësc nia sun la vëta o sce l hotel à messù stlù pervia de n'agajon? Meldefuech y agajons ulache n fej feries, straics, fai pra la prenutazions, se amalé dan pië via y mo truepa d'autra cosses: canche n va n vacanza possa truep jì stort. Per ti vester d'aiut ai cunsumadëures te de tel situazions ova la Zentrela Cunsumadëures Europeica (ZCE) de Bulsan dat ora l cudejel de nfurmazion "Ratgeber Reisen - Damit Ihre Rechte nicht Urlaub machen"; la brosciura nueva tòl ite duta la nfurmazions che possa nteressé chëi che ie de viac y che uel cunëscer si dërc y duvieres. Deplù nfurmazions sun: www. euroconsumatori.org

Milions dai Stac Unifiei d'America: inò comunicazions fauzes de avëi venciù N cunsumadëur de Bulsan se à fat scialdi marueia canche l à, nia da giut, cialà te si castl dala posta abinan iló na lëtra dai Stac Unifiei dl'America – l mitënt semiova vester n'autorità dala denuminazion misteriëusa R.O.P.R. L se tratova de na comunicazion de paiamënt: Mo tl 2010 ti ëssel dassù unì paià ora na soma de nia manco che 2.500.000 de euro. La ZCE de Bulsan cunësc da ani chësta sort de fufula cun comunicazions de venciuda fintes. Na metoda che vën purteda inant

da ani ie la lëtres dla loteria spanuela . Na ling ia de cunsumadëures nes à cuntá de "avëi venciù" te n iede, zënza ne avëi mei jugà, milions al lot y che i ëssa dassù ti mandé si dac persunei, de banca y la copia de si cherta d'identità a n numer de fax o a n'adres e-mail. Ma canche l cunsumadëur/la c unsumadë ura tòl p ona efetivamënter su cuntat cun i mitënc dla lëtra, messëssel/ messëssela do y do paië ite milesc de euro per curì, a dì de chisc, cërta spëises burocratiches. L ti vën nce fat prëscia cun la viertla che la venciuda jissa sce no perduda. Sce l cunsumadëur/la cunsumadëura paia, pona ie chi scioldi sambën perdui. La ZCE cunsiëia for de no reagì a tel lëtres y dantaldut de no dé ca dac persunei o dla banca, de no mandé copies dla cherta d'identità y de no fé paiamënc danora.

Google Street View: la situazion legala muessa unì tlarida Davia che l ie śën da udëi for plu stredes sun la plataforma GoogleStreet-View se aspieta i/la cunsumadëures nce cër tlarimënc. Ma Google y l parlamënt a Roma ne tlarësc nët nia. Puerëmpò ne se dassëssa i/la cunsumadëures nia se lascé rujené ite uni sort de melsegurëzes, ma valuté avisa y sce n cajo cuntesté. Tla descuscion n cont dl mëter man de Google Steet View ti cumët la ZCS al legislatëur de Roma de crië tan tosc che la va cundizions tleres per de tei servijes. Nsci messëssa danter l auter nce unì garantì la rejon de cuntestazion. Nchin śën azetea Google chësta cuntestazions plutosc mé ora de si bona.

Despusizions nueves dl trafich sun streda: limitazion dla concurënza pra la scoles de furné cun l auto La despusizions nueves dl trafich sun streda y i regulamënc d'esecuzion che ie jic n forza d'agost ti porta ala autoscoles ma nce ai/ ala sciaferes di auti dl daunì n valguna nuviteies. Danter l auter iel udù danora che i/la gestëures de na scola da furné cun l auto muessa pité cursc per duta la categories de patent. Al didancuei iela mo nsci che n valguna scoles pieta mé cursc per auti y motores/ motorins. I regulamënc d'esecuzion

Trafich sun streda: promiles cëres Cun la jita n forza dl Codesc dla streda nuef iel unit metù su straufonghes plu rigurëuses tl cajo che n furnea da ciocs sun streda: 0,51 – 0,80o/oo: Straufonghes da 500 a 2.000 Euro, suspenscion dla patent da 3-6 mënsc, 10 ponc. 0,81 – 1,50o/oo: Straufonghes da 800 a 3.200 Euro, straufonga d'arest nchina 6 mënsc, suspenscion dla patent da 6 a 12 mënsc, 10 ponc Sëura 1,5 o/oo: Straufonghes da 1.500 a 6.000 Euro, straufonga d'arest da 6 a 12 mënsc, suspenscion dla patent da 1 a 2 ani, 10 ponc, anulamënt dla patent sce l suzed

Mëter a verda cun l alcol canche n va cun l auto! www.lauscdiladins.com

5


Atualité vëij danora che i gestëures de n'autoscola sibe nce atrezei per l nseniamënt a furné cun duc i veicui (auti, motores, camions y curieres), ma cundechël ie i gestëures nuefs de fat stluc ora dai cunsorc esistënc. Chësta mesures gauja na limitazion de concurënza bendebò granda. L'autorità antitrust se à perchël bele ativà de chësc viers se damandan dal Parlamënt y dal Guviern che chësta regulamentazion unisse revijiuneda. Dantaldut sentirà i tlienc/la tlientes dl'autoscoles la cunseguenza de chësta limitazions. Walther Andreaus, l diretëur dla ZCS, dij n chësc cont: "Sce la cuncurënza vën limiteda nfluenzea chësc for i priejes di servijes dla scoles." Per la ZCS va chësta regulamentazion nueva contra la diretives europeiches sun i servijes y chësc uelela perchël ti fé al savëi

nr. 50 / 24 de dezember 2010

ala Cumiscion UE. L travert dla diretives sun i servijes ie de tò y tres a livel europeich la limitazions per i gestëures de servijes, ma cie che suzed tlo va propi contra chësta ntenzions.

Biguli ala vitamines – iesi pa bën adatei per mutons? „Da can incà ti des'a a ti mutons n 'leca leca'?“, damanda na oma a n'autra oma te n retlam. La resposta: „Da canche l nen ie tei cun vitamines“. Cie dessessans'a mparé da n tel dialogh? Roba dëucia da vitamines ie a vel moda miëura che roba dëucia zënza vitamines. Ma chël ne ie nia vëira. La vitamines ne ie nia „de valuta“, ma n arichimënt che ne joa nia – bel scëmpl n truch de marketing cun chël che n proa bele da 50 ani a

trapulé i/la cunsumadëures: "de valuta" per chi che vënd, ma nia per chi che compra y cunsumea. I biguli da vitamines ne ie nia miëures y nia plu stlec che d'autra roba dëucia. Ma i genitores dassëssa sambën pensé: sce i maia bele roba dëucia, pona almanco tela da vitamines, l ne po pu no vester de dann, unfat sciche pra la buandes o pra i floc d'avëina. Ma sce n maia massa spëisa arichida cun vitamines possel propi vester de massa y fé mel. Oradechël ti vëniel comunicà ai pitli che la roba dëucia ie unfat sana che versura y verdura. Ma iust per i pitli iel de mpurtanza che i mpere a deferenzië roba dëucia da d'autra maiadives. Roba da zucher ne daussa nia ti dé l'idea che la sibe "de valuta" y cundechël sana a na moda che n ne posse nia renunzië lessù. Deplù nfurmazions: www. abgespeist.de .

Canche n pez de guant va perdù tl netamënt chimich ... ... po vala n iede de mantenì la calma. Ajache n à la rejon de n rembursamënt dl dann pervia che l servisc de netamënt chimich, che tòl n custodia l guant, nen à nce la respunsabltà . L dërt de rembursamënt dl dann dassëssa pusciblmënter unì damandà per scrit (model www.provinz.bz.it/ verbraucherberatung/Detail_d.

N bon priesc pra l dutor dai dënz.

aspx?CASE_ID=801 ). Canche n determinea la soma muessen tenì cont de n smendrimënt dl valor (n pez che ie vedl n valgun ani ne vel p.e. nia tant che n pez nuef ). L smendrimënt dl valor possa nce unì calculà aldò de na tabela che ie da udëi sun la plata www. verbraucherzentrale. it/18v446d20517.html .

ademplimënt grief) à l cumpradëur la rejon de se retré dal cuntrat. La firma de finanziamënt muessa ti paië a reter la rates bele paiedes y se les damandé dal venditëur; rembursamënt antezipà: chësc possa unì fat uni mumënt y l debit che resta muessa unì smendrì di nteresc y dla spëises che ie mo da paië alò dl cuntrat.

Credic per l cunsum: regules nueves

Tarifes a bon marcià pra l dutor di dënz

Dal scumenciamënt dl 2011 velel regules nueves per i credic per l cunsum (DL n. 141 di 13 d'agost 2010). Danter l auter vëniel purtà ite chësta nuvieteies de mpurtanza: Rejon de retrata: i/la cunsumadëures possa se retré dal cuntrat de credit zënza spëises sëuraprò y zënza cumiscion tl tëmp de 14 dis do che l cuntrat ie unit stlut ju; TAEG: l tas de nteres anuel global efetif muessa cuntenì duta la spëises dl credit, chësc uel dì nce la premies d'assegurazion, la spëises per l scudimënt dla rates, i cosć aministratifs per l cont o la cherta revolving (sce chëstes ie de ublianza per la cunzescion dl credit); Retlam: chësc muessa vester tler y cuntenì ejëmpli scëmpli cun l tas de nteres, l TAEG, la rates y la soma dl credit; marcanzia nia cunsenieda: sce l venditëur ne tën nia ite l cuntrat (l muessa se traté de n nia

Tl cheder de n'acurdanza dl'assoziazion naziunela di dutores di dënz ANDI cun l Ministere per la Sanità pieta undesc dutores di dënz de Südtirol priejes soziei per cër tratamënc, p.e. per vijites, igena di dënz y nseniamënt n cont dla igena dla bocia per 80,00 Euro o dentiera da tò ora de reja artifiziela (spartì lassù y lajù) a 550,00 Euro. A cie cundizions che n possa avëi azes a chisc servijes (davani, deliberazion dal ticket, ...) possen udëi sun la plata web dla ZCS. I 11 dutores di dënz ie: Arzt Erich, Bulsan; Bianconi Stefano, Bulsan; Falcerti Emilio, Laives; Folchini Maria Grazia, Bulsan; Milanese Paolo, Bulsan; Morrione Maurizio, Bulsan; Mueller Herbert, Schlanders; Tamanini Hermann, Bulsan; Von Johnston Gilbert, Bulsan y Serafini Alberto, Bulsan. Verscion ladina de Ingrid Runggaldier

Scioldi ai Chemuns ujins La provinzies de Belun y Sondrio à gran nteres ai 40 milions de euro che la Provinzia de Bulsan à tres l’acurdanza de Milan udù dant per proiec che reverda chemuns ujins Aministrazion - Te si senteda de n lunesc ai 20 de dezëmber à la Jonta provinziela de Bulsan spezificà che chisc scioldi dëssa mé unì adurvei per i chemuns che va a sëida. L’acurdanza de Milan vëija dant che la Provinzia de Bulsan sëurantole proiec tl cuntest de duvieres statei per n custimënt de 100 milions de euro al ann. De chësta soma ie 40 milions udui dant per proiec de cunlaurazion y cunliamënt cun chemuns dl’autra provinzies che va a sëida cun la provinzia de Bulsan. Cuncretamënter se tràtel de cin’ Chemuns belunesc y doi tl Sondrio. L’autra Provinzies ulëssa che i caranta milions unissa metui deberieda cun chëi de Trënt te n fond y che de chisc scioldi pudëssa nce se nuzé chemuns ujins de chëi che va a sëida cun la region TrentinSüdtriol. Tla cunferënza stampa riesc do la senteda dla Jonta provinziela à l presidënt Durnwalder detlarà che a Bulsan ne puderàn nia azeté la pruposta dl’autra provinzies. “On udù dant chisc scioldi per avëi na sëida culturela y de nfrastrutures plu mujela de viers de nosc chemuns ujins, ma nia per finanzië nteresc dl’autra provinzies,” à dit Durnwalder. “Sëuraprò à Trënt scialdi plu chemuns ujins y perchël se spartissa i scioldi de Bulsan nce sun chëi, cossa che ne ulon nia ajache la se trata de nosc raions de sëida.” La Jonta provinziela de Bulsan ie a una per proiec sëuracumenei y chël uel di

6

www.lauscdiladins.com

scumenciadives che toca nce l raion dla provinzia de Bulsan.

nëif sun la stredes (Ciaulonch) y l trasport de prim aiut.

Raport danter Fedom y Corvara

Cunlaurazion cun Cortina

Durnwalder à dan a jurnalisć fat referimënt al raport y cunliamënt danter Fedom y Corvara ulache l ie sculeies de Rèba y Fedom che vën menei a scola a Corvara. Nscila pudëssel unì fat strutures a Corvara che va nce a bën di ujins de sëuramont. Danter i ejëmpli dl presidënt dla provinzia iel nce unì tucà l mantenimënt y l rumé dla

I 40 milions pudëssa, aldò de Durnwalder, nce unii tëuc ca per nvië via na miëura cunlaurazion cun Cortina, fajan nvestimënc per l spedel de Sanciana/Innichen, nuzà nce dala jënt de Cortina, l purtoi da pudejé y streda dala rodes danter Toblach y Cortina o l zënter culturel “Grand Hotel” de Toblach. Co che l dëssa unì nuzà i 40 milions, ann per ann, dëssa nce traté

na cumiscion nterprovinziela. “L fossa miec sce la sënta de chësta cumiscion unissa metuda a Cortina y no a Verona,” à dit Durnwalder. N con’ de proiec culturei à l presidënt dla provinzia dit che per proiec de cultura ladina pudëssel nce unì tëut n cunscidrazion chemuns ujins cun i chemuns che va a sëida cun la provinzia de Bulsan. N merdi ai 21 de dezëmber fòvel udù dant na senteda a Roma cun l minister Roberto Calderoli per stlarì co y te ce maniera che possa unì adurvei i 40 milions de euro ud Degun cuntinghënt per nia

comuniteres Sëuraprò ai lauranc de sajon nia europees ne damanderà la Provinzia de Bulsan degun lauranc per l cuntinghënt de dut l ann da ora dl’Europa. La Jonta provinziela à te si senteda di 20 dezëmber ulù fé chësc var per dé n sustëni ala jënt da tlo che ne à degun lëur. La Provinzia de Bulsan possa ann per ann damandé al guviern de Roma la lizënza per n cuntinghënt de lauranc nia europees. Per lëures de sajon tl turism y agricultura fòvel bele unì damandà lizënza per 800 lauranc. Per lëures ntan dut l ann ne iel unì damandà nianca na lizënza. “Tla provinzia ons danter 8.000 y 10.000 zënza lëur, l’economia dëssa n iede dé da lëur a nosta jënt, nce sce i costa n fruz deplù,” à dit Durnwalder tla cunferënza stampa do la senteda dla jonta.

Priejes fabriché La Jonta provinziela à adatà la tarifes de custimënt de frabiché, che vën adurvà sciche basa per straufonghes. Uni mez ann vëniel adatà la tarifes de custimënt de frabiché. Tla senteda di 20 de dezëmber à la Jonta provinziela dat pro de auzé l priesc aldò de valores laurei ora dal istitut de statistica, per meter cubich da 330 a 333 euro. L priesc per meter cuadrat ie da 1.320 unì adatà a 1.333 euro, che fej ora n aumënt de 1%. Chisc priejes vel per i prim sies mënsc dl 2011. (usp) La Jonta provinziela de Bulsan.


Atualité

nr. 50 / 24 de dezember 2010

Dancà y da na pert Uedli y oredles daverc sun la sozieté ladina d’aldidancuei

Stalking, canche zacai vëgn porseghità “Stalking” é na parora ingleja che definësc le comportamënt de na porsona che porseghitëia zacai, le sprigorëia, le spaurësc y le tormentëia - a chësta moda. Cun decret nr. 11 di 23 de forà dl 2009, trasformè tla lege 38/2009, él jü en forza l’articul nü 612-bis dl codesc penal intitolè „atti persecutori“. La norma nöia straufa chël che manacia y destürba zacai plü iadi y te n modo dër insistënt, tan da i fà gnì gran tëma y preocupaziun ala vitima. Le strauf preodü por chësc comportamënt é na “pëna de detenziun” che va dai sis mëisc ai cater agn. La sanziun vëgn aumentada sce la vitima é la fomena o l’om da chël/ra che an s’à lascè, o sce la vitima é n jonn, na ëra che aspeta o na porsona cun dejabilitês.

Le comportamënt ilegal La lege proibësc düć i comportamënć che sceca y destürba n ater, te n modo che al vëgnes n dër tormënt. Chësc po gnì fat por ejëmpl cun lëtres, telefonać, e-mails o sms, scincundes o inće vijites, sce chëstes n’é nia orüdes dala porsona mirada.

La reaziun Le comportamënt fastidius po gnì straufè sce la vitima mët man da se cruzié y se temëi seriosamënter o sce ara mëss se fà fistidi por la sigurté y incolumité inće di parënć o de zacai che ti sta dlungia. Chësta burta tëma (o stress) mëss ester seriosa, mo ara ne mëss nia ester patologica. La porsona che destürba cun insistënza po inće gnì straufada sce la vitima mëss mudè so modo da fà o da vire, por evité le tormënt (p.e. sce ara mëss mudé strada por jì al laur o ne po nia plü s’infidé te cer’ locai).

´ pòn pa fà por se Ci defëne? La vitima di tormënć à na spana de tëmp de sis mëisc por dè dant (denunzié) dan ales autoritês le comportamënt fastidius dl delincuënt. Denant pòn indere impò informè les autoritês de sigurté publica, che damana al cuestur da amonì la porsona che destürba. Te chësc cajo él spo le cuestur che i racomana al tormentadù da lascè en pêsc la vitima y da se tignì ales regoles.

Doi ciacole con Andrea Crepaz “Mariuc”, previjor del temp al Zenter Levine de Rèba

Les conseguënzes Sce la vitima dà dant (“plüra” o “denunziëia”) la porsona che la tormentëia y la fej patì o sce le delincuënt ne zeda nia, do l’amonimënt dal cuestur, da dè fistide, spo él l’autorité publica che tol en conscideraziun le cajo y metarà da jì n prozes penal. Al tormentadù i pòl gnì intratan proibì da jì pormez ala vitima o a sü parënć o inće da nia jì ti posć olache la vitima laora o se tin sö.

N per de ejëmpli An po baié de stalking sce n om tormentëia la fomena che ô le lascè, l’apaissa sön strada, söle laur y ti fej tëma che ëra se sint tl dovëi da messëi jì a vire te n ater paisc. (Cassaziun, 5 de messè 2010, nr. 25527). Al é inće proibì da i telefonè dër gonot a na porsona, ti scrì dër tröc sms y e-mails, ti scraié do en publich o ćinamai baié porsura ëra cun sü compagns, sce chësc gaujëia gran soferënza y tëma tla vitima (Cassaziun, 21 de setember 2010, nr. 34015). Al é gnü aratè responsabl da avëi violé l’art. 612-bis l’ël che apaissa dagnora na möta dan scora, ti aspeta, proa da ti baié ados y ti fajô gnì na dërta tëma, che ara n’orô gnanca plü jì fora de ćiasa (Cassaziun, 26 de merz 2010, nr. 11945). I laori te n ofize de na istituziun publica, olache i sun gnü tut sö cun mansciuns y competënzes descrites avisa. Al suzed intres deplü che nosta surastanta ne me dà nia le laur che foss de mia competënza y me tormentëia cun ne me lascè fà nia y lascè fà mi laurs a d’atri che n’é nia tan competënć aladô de titui y esperiënza. Cô poi pa me fà avarëi mi dërć? Por podëi respogne cun prezijiun ala domanda mësson ti ćiarè avisa al contrat de laur che é gnü firmé y al contrat coletif che vëgn apliché te chësc cajo. Dit en general, mëss le laurant podëi desfiré chës mansciuns por chëres che al é gnü tut sö y che é preodüdes dal contrat de laur, en conformité al contrat coletif. Le datur de laur à indere la poscibilité da i surandè al laurant inće d’atres mansciuns (an ti dij „ius variandi“), che po ma ester mansciuns ecuivalëntes o plü altes co chëres che gnô fates ćina ilò. Al laurant i pòl gnì surandè de mëndres mansciuns ma te caji d’ezeziun y ma sce le laurant instës é a öna cun chësta dezijiun dl datur.

Al dependënt publich i pòl ma gnì surandè mansciuns ecuivalëntes, nia mansciuns plü altes y bëgn mai de mëndres mansciuns. Le datur mëss respetè la profescionalité dl laurant y mëss inće ti dè la poscibilité da fà so laur. Sce le datur de laur i surandà al dependënt d’atres mansciuns o ne le lascia nia laurè zënza na rajun, y fej insciö stè inré le laurant, spo pòra inće se tratè de n cajo de „mobbing“. L’articul 2087 dl codesc zivil i dà dant al datur da preservè la profescionalité di dependënć y inće süa integrité fisica y personalité morala. Le datur trasgredësc chësta desposiziun normativa sce al müda les mansciuns dl laurant ma por le tichiné y tormentè o por le desgorje (an ti dij „mobbing“). Sce le datur é n funzionar publich, spo é chësc comportamënt inće n reat do l’art. 323 dl codesc penal. Le laurant po ghiré dal datur che al ti surandais les mansciuns do contrat. Sce le contrat coletif dà dant n prozedimënt particolar, spo mëssel gnì respetè chël. Le dependënt po inće porvè n tentatif de reconziliaziun dan a na comisciun aposta o lascè la soluziun dl conflit a n vicar d’arbitrat. Zënza po le laurant atira i fà causa al datur y damanè l’assegnaziun ales mansciuns contegnüdes tl contrat o a d’atres mansciuns ecuivalëntes. Laprò pòl gnì damanè la retüda dl dann ala profescionalité o al dann patì dala decualificaziun, sce an po desmostrè chësc dann (cfr. Cassaziun 26 de jené 2010 nr. 1575, Cassaziun 8 de jügn 2009 nr. 13173, Tribunal de Milan 17 de jügn 2009 n. 2593). Sambëgn pòn inće damanè la retüda dl dann moral, sce le comportamënt dl datur à provochè gran soferënza y patimënt. Sce le datur é n funzionar publich, pòl inće gnì spôrt denunzia dan ales autoritês publiches. av. dra. Manuela Obojes, Ofize da avocat Wörndle (Balsan Tlüses - La Ila)

Andrea, co se deventelo previjor del temp? N Italia ejiste na laurea n meteorologia.. Davánt chèlche ann i ava metù su n cors de meteorologia a l’université de Ferrara che l’é sot chëla de Bologna. De sciòlito deventa previjor n laureé n fisica, perciéche i studia fisica de l’atmosfera.. Mi è fat n percors ncin particolar. Da laureé n scienze forestai, è studié davò meteorologia e climatologia per fè l concors per rué al Zenter Levine e ilò m’è fat l’esperienza. Ncuoi le previjion del temp le ven cialade trop e i à gran implicazion nte la sozieté. Basta pensé al turism, ulàche duc ciala al temp per se muove. O per la protezion zivila, co se trata de se alerté se rua burt temp. Ci peis ali chisc fators ntel fè na previjion ? Crei che no se mosse pensé a chëst, perciéche co te pense che te condizionei vèlch, nlouta t’es ti nstëss condizioné ntel tuo laour. T’as da ester ogetif, cialé ci che te disc i modiei matematizi sul temp che vignarà. Zerto te pòs te sbalié. Per chël che nos don ence na percentual de atendibilité sul boletin del temp. Po’ ester doi fai: o l é l model matematich che sbalia, o l é l previjor che sbalia al interpreté. Co se trata de protezion zivila l’é plu zitia. Ilò se deventa ncin plu prudenc. Ma l é n auter risćio. Che à dé fòra massa alarms con fazilité po’, co l é del bon, degugn plu crei. Ve capitelo de ve sentì asenade da valgugn perciéche ei sbalié le previjion. Uuh. Te fajësse vedei chèlche fax che ne rua. Valgugn senza cheriánza. Autri ence con chèlche rejon de se lamenté. Ncuoi se sent previjion del temp daperdut. Su internet l é sciti de ogni sòrt che te perveiga l temp. Cotánt elo da i é crei e souradut a chèi ? L problema n Italia l é che

máncia n servisc meteorologich nazional che da l’ufizialité de le previjion, coche nveze l é per ejemple n Austria, Francia ez. Nos on l’aeronautica, l “Centro Epson” e po i zentri regionai, l’Arpa, coche son nos. E po’ l é sciti privac. No savësse te di chèi che l é i meio. L é troc servisc regionai che fèsc de bone previjion, ence perciéche l’aeronautica militar la no po’ jì puchetánt ntel particolar. T’as descorst e sent trop nominé sti modiei matematizi per fè le previjion. Se pòlo di n curt ci che l é. L model matematich l peia via da dac reai mesurèi da radiosonde, come l’umidité o la temperatura, l vent, la prescion, dal livel del mèr e con formule matematiche l rua a pervedei coche sarà l temp nte un, doi trei, cater cinch dis. Spò co le previjion le disc una per vièrs, da ci dipendelo? Da chël che on dit ndënt: dal model matematich sbalié o da l’interpretazion sbaliada. Cotánt elo da ie crei a chi che da le previjion davánt na setemana, n meis o deplù ? Ilò ven douré autri sistemi, che se baja su la statistica. I ciala coche s’à evolù l temp davántvia co s’à prejenté na zerta situazion de temp baje a ulàche i eva le perturbazion, l vent e coscita nnavánt e drio chël i fèsc la previjion. Ma na previjion che abe na bon atendibilité la no va plu nnavánt dei cinch dis. Se sent très di che l temp no l é plu come nviade. Cotánt elo vera e cotánt nveze elo n’impresción ? Trop l é imprescion, perciéche se se recòrda demé cánche per ejemple l é ste tropa nei o deguna. De segur la tièra l’é drio a se sciaudé. Se veiga po’ che l temp l deventa très plu mèlsegur, con trsè plu caji o de gran ploie o e gran sëce.

www.lauscdiladins.com

7


Atualité

nr. 50 / 24 de dezember 2010

Steger y le teater politich Impröma Barbara Repetto y Christian Egartner, śëgn mëss inće Dieter Steger lascè le consëi provinzial. Do la sentënza dl Tribunal da Balsan à Steger lascè alsavëi che al se tirarà zoruch. Le consëi provinzial ne fej nia na bela figöra Politica - Le presidënt dl consëi provinzial de Südtirol Dieter Steger (SVP) à lascè alsavëi che al lasciarà süa inćiaria cun i 25 de jenà 2011, do che le Tribunal da Balsan â detlarè cun na sentënza di 19 de novëmber che al n’ess nia podü gnì lité pro les provinziales dl 2008. Steger ess podü fà recurs, mo al à optè da se trà zoruch. Le recurs cuntra la nia-litabilité de Steger ê pié ia da Roland Lang dl partì Südtiroler Freiheit. Steger é insciö la terza “vitima” do les ultimes lîtes provinziales. Impröma â l’assessuria Barbara Repetto (PD) messü lascè le scagn, spo l’aconsiadù Christian Egartner (SVP) y śëgn Steger, düć trëi por la medema gauja: al momënt dla lîta êi tl consëi d’aministraziun de na sozieté cun partezipaziun dla Provinzia. La plü burta figöra fej chilò le consëi provinzial y i partis. I ùn te Südtirol na lege litala vedla 30 agn, che impormët interpretaziuns de vigni vers - chësc vëigon inće dales sentënzes y dai arać pronunzià, che va gonot te direziuns desvalies. Magari éra stada orüda insciö sciöche tan d’atres leges - por pité de pici büsc da ti sciampè. Śëgn é la SVP vitima de öna de chëstes leges. Che bëgn trëi aconsiadus mësses lascè le scagn por plü o manco la medema rajun é por n

8

www.lauscdiladins.com

politich, che al à inće lascè odëi te chisc agn te süa inćiaria da presidënt dl consëi provinzial. Steger é stè n presidënt che à porvè da ester garant de döt l’organn. Al à chirì le dialogh cun düć i partis - ći che é priorité te süa funziun. Chësc ti à p or tè lalć inće dal’oposiziun, y te val’ caji ê chësta posiziun “neutrala” inće na spina tl üf por la SVP, ći che ti à portè a Steger nia püćes critiches da pert di sü. Chësc é inće sozedü da püch, canche Dieter Steger sarà presidënt dl consëi Steger à azetè les milesc provinzial ćina ai 25 de jenà 2011. (Foto: de plates cun propostes svpartei.org) de mudaziun al bilanz organn che messass conësce defin provinzial, portades ite dai partis la lege na burta figöra, che ti tol d’oposiziun todësc. credibilité. Sce i trëi aconsiadus ne L’esperiënza de chësta legislatöra, podô nia gnì lità - y a chësta Riccardo dello Sbarba di Vërć l’à contlujiun é rovè le Tribunal - él definida la “legislatöra de chi che dërt che ai mësses jì. Impò ne podô nia gnì lità”, sarà na leziun romagnel zoruch na saù antia. Al por le dagnì. Śëgn scraia düć che pê che i recursc sides gnüs detà da la lege litala mëss gnì revijionada sënns y stlet sanch personal danter y de chësc vers gnaràl laurè. Da süa i politics, plü co dal prinzip de pert à Steger dit che dl 2013 se iustizia che i protagonisć bandorëia. candidaràl indô. Speran che düć i Cun le fat che Steger ne fejes nia candidać ais dailò les chertes en recurs, àl desmostrè n bun stil regola. (pablo)

Dala Jonta provinziela Chëuta auti Tant che dëssa unì paià l lëur de aministrazion dla Cumenanzes de raion à la Jonta provinziela de Bulsan ai 20 de dezëmber fat ora per l ann 2011. La chëuta per l auto ne unirà tl ann nuef nia mudeda. L ann passà fova la chëuta per l auto unida smendrida de 10%. L presidënt Durnwalder à fat a l savëi che per l 2011 ne unirà chësta chëuta nia auzeda y resta nscì unfat.

Paiamënt per ncëries La ncëria da presidënt de cumenanza raionela vën paieda cun 5.127 euro lordo sce l ne se trata nia de n ambolt. Presidënc de cumenanza che ie nce ambolt giaperà tl 2011 4.395 euro lordo. “Tenian cont dla gran respunsabltà ie chësc paiamënt iustificà,” à dit Durnwalder do la senteda dla Jonta provinziela, “la nflazion dal’ultima mudazion fossa stata de 11%, ma la Jonta provinziela à dat pro n adatamënt de 7%”. La Jonta provinziela à nce dat pro l paiamënt per la cumiscion di mejes. Aldò dla grandëza dl chemun vëniel paià danter 170 y 200 euro lordo.

Trëi proiec pilot sanità La Jonta provinziela à dat pro trëi proiec de prova a sustëni de jëuni, jënt de tëmp y persones che à debujën de cures. Jëuni y pitli cun dificulteies che

à debujën de cures y cumpaniamënt generel dëssa pudëi viver a cësa, te si ambient naturel. Do chësta vijion à i assessëures provinziei dat pro n proiet pilot de cures psicologiches y psichiatriches udan dant che i jëuni o pitli ne muessa nia viver ora de cësa. La mira de chësc proiet ie na ntegrazion tla familia, scola y vita soziela te puech tëmp. Nce per l servisc paliatif uelen purvé n proiet che lascia pro che la persones n pont de mort posse sté a cësa. “Tla valutazions naziuneles son tl’ultima posizion ajache ne on nia drë’ liec per chësta persones,” à dit Durnwalder te cunferënza stampa. L proiet vëija dant che dutores y chëi de familia se feje ora deberieda n program de cures y cuordineie l servisc. “Ala familia a cësa ti vëniel dat la garanzia che te uni mumënt possi se damandé n aiut y n sustëni. “Chësc ne fajons nia mé ajache l costa demanco, ma dantaprima ajache l ie na forma de cura plu umana,” nsci Durnwalder do la senteda dla Jonta provinziela. L terzo proiet reverda l servisc de cura via per l di. L ie caji ulache la persones ie massa bones per les mëter te spedel y massa stletes per resté da sëules a cësa. L proiet dëssa da una pert tò ju lëur ala strutures, dé la puscibltà de cures a cësa y garantì na bona cuordinazion dl servisc. N pratica se tràtel de servijes ambulanc per pazienc n tan l di, a na maniera che i possa giapé n servisc efizient y che i possa l medemo di inò jì a cësa. (usp)


Atualité

nr. 50 / 24 de dezember 2010

“LinMiTech” met en rei la tecnologìes per i La Scola d’Èrt met fora a lengac mendres del Trentin Riva del Garda Na neva sociazion che tol ite ladins, mochegn e zimbres con la soravèrda scientifica de la Fondazion Kessler per ajornèr e svilupèr i strumenc per l tratament informatich del lengaz

Fabio Chiocchetti.

Mendranzes - Se l’é vera che per aer poder soraviver anchecondì n lengaz, soraldut se mender, l no pel fèr condemanco de se confrontèr con la neva tecnologìes e se emprevaler de la oportunitèdes che les dèsc, se pel entener l’emportanza che à scomenzadives desche la naa de na neva sociazion che se met dant apontin la gestion, la manutenzion e l svilup de la ressorses e di strumenc per l tratament informatich del lengaz. Defat per otimisèr e razionalisèr l lurier che de chest vers era jà stat envià via jai egn da l’Istitut Culural Ladin “majon di fascegn”, da pech l’é stat formalisà la sociazion “LinMiTech Trentin, tecnologìes e politiches per i lengac mendres”. LinMiTech, acronim de “tecnologìes per i lengac de mendranza” tol ite l’Istitut Cultural Ladin de Fascia e i Istituc Culturai Mochen e Zimber e amò apede desche sozi scientifics CELCT (Zenter de valutazion de la tecnologìes per i lengac e la comunicazion, de la Fondazion Bruno Kessler) e TalenT. Se aon fat spieghèr vèlch de più dal diretor de l’Istitut Ladin de Fascia, Fabio Chiocchetti, che l’é stat nominà president de chesta neva sociazion. Che él LinMiTech, coluns él si obietives e co laorela? Fabio Chiocchetti: “LinMiTech l’é na sociazion che tol ite i utenc de n sistem per la gestion e l tratament informatich del lengaz che se à svilupà “open source”, donca a la leta per più sogec. L’é na sociazion lijiera, che serf per tegnir contat anter i sozi fondadores, donca l’Istitut de Fascia, chel mocheno e chel zimber, che l’é chi che doura l sistem e i é enteressé a l mantegnir e l svilupar per si besegnes, chi l vocabolar, per la toponomastica o auter amò. Noi aon mìngol avert la strada: l’Istitut de Fascia à tacà a spenjer de chest vers per l’area ladina soraldut da canche l’é peà via l projet Spell, ma ades ence i Istituc mochen e zimber à lassù de autre aplicazion, chi per la toponomastica, chi per la lessicografìa, che doura l medemo sistem articolà de gestion di dac, e ence Paul Videsott con la catedra de ladinistica l’é te chest moment

n utent de chest sistem, per la gestion de tesć leterares del ladin. L’idea é nasciuda dal fat che demò per mantegnir chest sistem, chesta “infrastrutura”, ge vel ogne an n bon cost, donca enveze che paar ogneun na quota, se aon pissà che l’é benfat se meter ensema te na programazion comuna e se spartir i oneres de gestion. Apede ai sogec utenc, donca i trei Istituc, l’é autres doi componenc che fasc da suport tecnologich e scientifich: Talent, che fossa linguisć e informatics che crea la “interfaccia” aldò del besegn, e la FBK (Fondazion Bruno Kessler) te na funzion de supervision e control scientifich. Dapò autres utenc, desche per ejempie apontin Paul Videsott, i podarà vegnir ite desche sozi “enjonté”, e didar a investir per svilupar funzionalità più rafinade olache i à più de besegn, e dute chesta funzionalità dapò le pel ge servir a duc. Defat dò l prum varech de arsegurar la manutenzion, l secondo varech l’é chel de poder programar dessema le azion de implementazion e svilup del sistem. Chel che vegn fat per una realtà l’é sobito a la leta ence per i etres; se muda fora i dac con chi che se referesc a n’autra realtà linguistica, ma l sistem de gestion, la prestazions e la funzionalità vegn svilupade en sinergìa, ensema. No se cogn partir duc da zero ma ogneun l pel pear via da olache l’é ruà chel auter.” Podone proar a ge spiegar miec a chi che no é del mestier co che funziona chest sistem? “Chest sistem de gestion l’é n software n muie gran che l’é bon de gestir gran cantità de dac e de meter en relazion chisc dac a na maniera da responer ai besegnes di lengac de mendranza. Fae n ejempie: noi no aon demò, descheche fossa ti gregn lengac de maoranza, na serie de parole per ladin che corespon a le parole per talian, ma sot na parola per ladin standard aon ence duta la documentazion di autres idiomes no fascegn, percheche i materiai che l’Istitut à metù laìte l’é chi de Spell, de dute le 5 variante e ence le sotvariante con la documentazion te colun vocabolarie che la é registrada e te coluna forma. Coscì se gio chiere “ciasa”, me vegn fora ence “cèsa”, perché l sistem me dasc la conescion anter le variante. Dapò chesta banca de dac lessicografica la laora ence en relazion al coretor ortografich, che l pel jir a se tor i “lemmi” che ge vegn ite da la banca de dac e far automaticamenter ence la declinazion, la coniugazion de verbes e sostantives, man a man che se i met ite. E ence l corpus di tesć vegn metù en relazion, donca no l’é robe separade, ma n motor de enrescida che gestesc dut chest muion de robe. Chest l’é prezious ence per far n vocabolarie, ajache l te permet de veder jà béleche descheche l vegnissa stampà e l pel te far sorì l revers de n vocabolarie, che no l’é banal desche utar n liber sotesora. E l medemo sistem l pel

vegnir durà ence per gestir dac de la toponomastica: vegn metù ite i inomes de lesc e i dac cartografics, de descrizion geografica e de georeferenziazion. I dac vegn conleé e se pel jir a veder olache l’é l post e che che l’é, se l’é n pra, n busc o che auter. La logica l’é la medema, e no l’é ogne software bon de far chest.” Chi él che l’à fat? “La pruma empostazion era stata fata, semper su n software “avert” da l’Irst de enlouta, ades FBK. Dapò l’é stat tout ite la Open Lab che l’à lurà fora n sistem global de gestion di dac linguistics (de lessich, tesć, corezion e c.i.) pissà apontin per i lengac de mendranza. Chest l’é aplicà al sardo, a l’ozitan e donca metù a la proa, sperimentà ma ence svilupà col contribut de desferente realtà; chiò te l’area ladina l’é stat mìngol nosc Istitut che à portà inant, semper con chela de tegnir ensema duc i idiomes ladins, e no de i spartir.” Donca l’é ite l’Istitut de Fascia, ma l sistem laora sun duc i idiomes ladins? “Più che auter podon dir che l material che l’é ite l’é dut chel lurà fora ai tempes del Spell, l’é ite ence semper più material de Fodom, Col e Ampez, perché con la Cèsa de Jan se seghita a lurar, i tesć i vegn ciarié laìte e i vocabolaries i doura chela basa struturala aló.” Colun él l cost de n sistem de chesta sort? “No aon mai calcolà tant de investiment che ge à volù per ruar a chest moment, ma segur l’é n bon cost demò per mantegnir l sistem funzional, perché per ejempie canche muda Java (“l linguaggio”) se cogn agiornar dut a la neva version, e dapò ge vel meter ite le neve funzion che de outa en outa se veit l besegn; en dut se calcola che posse vegnir fora dai 15 ai 20 mile euro a l’an, spartii per i trei utenc. Noscia idea fossa chela, con l’an che vegn, de tor ite ence l’Università de Busan-Persenon e dapò ence i enc teritoriai, che a la fin ence chisc i doura l sistem, e de chest vers se cognarà vardar de far a na maniera che l vegne durà semper de più.”

N mond de creatures fantastiches nasciù da la fantasìa di studenc de l’Istitut fascian se à vadagnà i prumes pesć al concors “Cesare Malossini” e la paladina de la galarìa Zivica

Èrt - L Zircol “Ars Venandi”, con l patrozinie del Comun de Riva del Garda, l’à metù a jir la terza edizion del concors artistich “Cesare Malossini”, con chela de smaorèr ti joegn e tel mond de la scola la sensibilisazion di temes leé al raport anter l’om e la besties te l’ambient da mont. L Pest, dedicà a la fegura de l’ombolt da Riva mort del 2003, l’é resservà a òperes de pitura, de grafica e design, de computer grafica, sul tem de l’ambient da mont, realisèdes da arlieves de istituc de èrt del Trentin o da sociazions culturèles artistiches con vigni tecnica, acrilich, elech, colores a aga e a tempera, su ogne suport, ence cd. Chest concors à abù dassen gran bon ejit per la Scola d’Èrt Bepin Soraperra de Poza e trei studenc de l’Istitut fascian se à vadagnà con medem merit l prum pest. Se trata de Giordano Faustini con “Papavero rosso (con spago)”, na òpera che bina adum tecnica e fantasìa te la composizion del tulin checen; Veronica Moser con “Ape vanitosa”, per la fantasìa te l’elaborazion n muie articolèda e Federico Costanzo con “Ippogrifo”, per la rievocazions leterères e storiches dassen garatèdes. La jurìa à ence segnalà desvalives lurieres meritégoi de studenc de la Scola d’èrt de Poza: “Cane-scimmia” de Silvana Jovino, uzèda fora per la braùra tel dessegn e te la tecnica; “Scoiattolo” de Marco Brigadoi, per la raprejentazion n muie fideila de l’aspet naturalistich e per la

prezijion grafica; “Giglio dai grattacieli di New York” de Veronica Morandini, per la fantasìa e l messaje de pèsc sport; “Pesce in rilievo” de Alexander Dellantonio, per la bela composizion en pian e en relief del soget; “Cervofenicottero” de Sara Sommavilla, per i colores e la braùra tel dessegn, òpera chesta cernuda ence desche logo de duta la manifestazion artistica. “La enrescida di studenc pea via da la reproduzion de fotograf ìes de na cobia de besties realisèda travers n lurier academich de gran realism scientifich” – l’à dit la professora Lorenza Florian – l vèrech dò l’é stat “n moment più creatif che met al luster na dimenjion fantastica che vegn ca da la fujion di doi elemenc: doi realtà, che someassa no aer neto nia da spartir, de gra a l’èrt bona de utèr sotessora la regoles, les se troa a conviver e a se confoner, rebaltan sia medema identità. Chisc lurieres dèsc l met de “aprijièr da na man la doura de na tecnica assimilèda con sapienza e da l’autra i met al luster la intenzions artistiches di studenc, frut de na fantasìa e de na imaginazion straordenères” à dit amò Lorenza Florian. La òperes de la Scola d’Èrt é states metudes fora te la Galarìa zivica G. Craffonara de Riva del Garda, che restarà averta fin ai 6 de jené, de vender, sàbeda e domenia da les 4 domesdì a mesa les 7 da sera (la restarà serèda ai 24, 25, 26 e 31 de dezember e al prum de jené de l’an nef ).

Colun él l ruol del president? “L’é più che auter n ruol de coordenament, ajache noi desche Istitut sion jà mìngol più ite; se trata de far la relazion de l’atività, meter jù n pìcol bilanz per gestir entant cheste ressorse, na quota de 1500 euro per i sozi. Ades la pruma roba da far l’é meter a post i raporc con la Provinzia che la ge dae sù formalmenter a LinMiTech l server metù a la leta e vardà via da Informatica Trentina, che ne garantesc ence per problemes de segureza desche black-out.” Intervista de Lucia Gross

La esposizion de la òperes di studenc de la Scola d’èrt de Poza metudes fora te la galarìa Zivica de Riva del Garda. www.lauscdiladins.com

9


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

nr. 50 / 24 de dezember 2010

Utia de Resciesa N merdi iel unì metù su la plachëta de tlima A plus. Simon Holzknecht da Martin ie l ost dla utia nueva sun Resciesa l ie unì fat trëi proiec te un n iede: la ferata, la canalisazion dl’eghes fosces y dl’ega da bever, y la utia. N gra de cuer nce al Ufize Tecnich dl Chemun de Urtijëi, cun Wolfgang Mussner y si cunlauradëures.

Tofla Tlima A plus

La utia de Resciesa.

Resciesa - La festa scumëncia bele daduman, n merdi dala diesc. Na bela cumpëida de reprejentanc dla dites, di Chemuns y di media se anconta pra Cësa de Chemun a Urtijëi. Y pona vàla via y su, cun la ferata nueva de Resciesa, cun Rainer da Lësc che fej da patron de cësa. Da dedò na pruzescion che va ora a pe. Tullio Mussner, presidënt dla

Lia da Mont de Gherdëina, mët su la bela bandiera dla Lia pra utia nueva. L ambolt Ewald Moroder saluda duc canc, conta de coche la ie unida a s’l dé y rengrazia de cuer Tullio Mussner - che se n tën de bon - y la Lia da Mont. Paroles de rengraziamënt nce da pert de Tullio Mussner a aministrazions y lauranc. L ambolt Moroder à auzà ora che

Do la paroles de salut y rengraziamënt vëniel metù su la tofles de cësa tlima A+, per la gran cualità energetica dl fabricat, proietà dal njenier Flavio Mussner y si team. La dita Resch de Blumau à metù ite si know how, l manager Norbert Lunger ie unit adalerch n si reprejentanza, truepa dites de artejans da tlo à judà pea, l’aministrazions à laurà pea. Ala fin dla finedes pòssen dì che l ie śën inò la utia de Resciesa: propi bela! Na bela ustaria, na bela stua da sté saurì, n fëur cun ban’ da furnel, majons per chëi che va da mont su, una cun 14 liec, doves cun cater y una cun ot liec. Oradechël iel doi majons da doi a pert cun docia y

Sun la cësa vëniel metù su la plachëta Tlima A plus.

toilette. Sce l ie mo zachei che ne à nia na utia da mont, te Gherdëina, pona iel zënzauter na bona idea de jì su sun Resciesa per n valgun dis, cun duta la familia.

Custimënc y dac I dac ie che la utia à custà ades 2 milions de euro. De chisc ie 500.000 euro unic ite dala Provinzia, tres l cuntribut dl Ministere naziunel per l ambient, coche conta Bernd Moroder, for understatement y gran espert, sce zachei ne l savëssa mo nia. L rest, ades 1,5 milions de euro, ie unì paià dal Chemun de Urtijëi nstës. Zeche vën ite de fit. L Chemun de Urtijëi rata che chësc manejamënt ie mutivà dala fazion soziela, dala rejon de n cuntribut ala Lia da Mont cun mile cumëmbri te Gherdëina, dala cunscidranzion dla mpurtanza dl’atività de tëmp liede y de sport, ma nce de fins turistics te nosta valeda. Duta la critiches de manejamënt dl Chemun coche mprenditür dëssa se destudé, coche

l vën dit, “tl pensier che l Chemun à cumprà per ti vester ala spiculazion: sce n privat ëssa cumprà, pona “mohlzeit”, o bon apetit.” I espunënc dl’oposizion dl Chemun de Urtijëi se tën zeruch cun critiches, auzan ora che la utia ie garateda y “ajache ncuei iel n di de festa,” dantaldut cun l pensier de viers de Simon, che scumëncia śën si atività de ost de Resciesa. Ntant iel unì dat ora la lizënza de adurvanza da pert dl Chemun, l ie unì fat via cun l cuntrat de fit de cater plus cater ani, ntant iel nce - propi sun l fil de lana per ncuei - unit ite la lizënza dal assessorat Berger. Coche dì, gran ëura de jì su, la portes ie daviertes, da ncuei vënerdi 24 de dezëmber, ueia de Nadel inant!

Daviert ades dut l ann Na utia de lën, cun na bela stua. Na utia che Simon y si fëna Andrea tenirà davierta ades dut l ann, coche dij l ost Simon: “Dsareron iusta n

Ntan la festa sun Resciesa.

La utia dedite.

Simon Holzknecht: “Son massa cuntënt!”

10

www.lauscdiladins.com


Gherdëina

nr. 50 / 24 de dezember 2010

Flavio Moroder de Urtijëi a cë di mëinacrëp y mëinaschi de Südtirol N auter de Gherdëina, do Othmar Prinoth che fova ënghe presidënt de chësta lia, à sëurantëut chësta ncëria

N tel di ne n’iel no maiuranza no oposizion.

valguna enes per jì n vacanza cun mi familia.” Ala mutans Nadine de ot ani y Nicole de 9 ani ti sàl bel a vester lassù, plu gën jìsseles bele śën su unì di. Nce Lukas, vint ani ie cuntënt dla situazion nueva.

Na utia per chëi da tlo “Na utia per chëi da tlo,” nscila se mbincia y rata l ost Simon, che ie “tl setimo ciel, do vint ani che me mbince vel’ da de tel.” Tla utia saràl da pudëi se bever zeche, n śoft y n bon got y coche dlonch sa mont na jopa, trëi spaghëc y trëi nudli, na liania, bales y tris, patac y lat. Te cësadafuech iel “la maghëta”, coche n dij y coche vëija chiche à uedl, la cuega Rosanna, dala Puglia. Una che sà cieche ie la cësadafuech, coche dassëssa vester la cësadafuech, che cunësc la sëures italiches ma che sà nce da fé bales y derzëdes de nosc raions. Ajache savëi ie savëi. Marina ti juda bele śën te cësadafuech, ma la ti sauterà ite te

utia dlonch ulache l jirà debujën.

A carté y cun la peves Ntant à Simon bele cumprà la chertes, che l ti savëssa bel sce la jënt unissa su a carté, danterëures. Pona iel lerch per chëi dala peves. Pitl tip: l ie n local aposta per se lavé ju, monce da se lavé i piesc, l njin da sciaudé i ciauzei ntan che n se tira sëura i scarpëc y n va su a se maië n bucon do vester jic cun la peves. Truepa grupes à bele apustà per na cëina, ma Simon ne uel nia dé ca dut l local, iusta mez, per n 25 persones, “ajache l sarà for zachei che vën su mé nscila, y l ie drët che ëi giape lerch!” Tla sala iel zirca 40 lueges da senté. Pona iel mo l’idea de Simon de mëter a jì l vënerdi da mont, uni ena, cun mujiga dal vif, for do la cinch-la sies, sibe d’inviern che d’instà. Nsciuma: l ie stat n di de festa, per l Chemun de Urtijëi, per la Lia da Mont y nce per Simon y si familia.

Rosanna y Marina ntan che les fej bales.

L mur a sëch.

Da se mbincé iel che dut garate, che la utia de Resciesa sibe na luegia de ancunteda, dantaldut per chëi da tlo. Ajache burt ne n’iel pa nia, sun Resciesa, l panorama ie pa for mo un di plu biei, di plu biei dl mond! Flavio Moroder, l presidënt nuef di mëinacrëp y mëinaschi de Südtirol.

David Lardschneider

La bandiera dla Lia da Mont de Gherdëina pra utia.

Lies - La ncëria da presidënt di mëinacrëp y mëinaschi ie per ti trëi ani che vën tla mans de Flavio Moroder. N ucajion dla senteda generela, che ie stata tl scumenciamënt de dezëmber, fòvel chëst ann nce da lité l cunsëi nuef. Chësc cunsëi nuef se à pona abinà ai 13 de dezëmber y tlo ie Flavio Moroder da Resciesa de Urtijëi unì lità presidënt cun duc a una. Do Siegfried Messner, Erich Gutgsell, Othmar Prinoth y Toni Stocker ie ël l cuinto presidënt, che ie a cë dla Assoziazion de lëur y dla Camera de lëur. Anton Obojes de San Laurënz ie unì lità vizepresidënt. L ie mo doi d’autri ladins te cunsëi: Reinhard Senoner de Sëlva y Enrico Baccanti de Corvara. I autri cumëmbri dl cunsëi ie: Veit Bertagnolli de Bulsan, Kurt Stauder de Toblach, Toni Stocker de Prad y Kurt Walde de Burnech. Per Flavio Moroder fòvel perdrët velch che l ne se ëssa mei aspità, l ne n’ova nianca no mei pensà ala ncëria da presidënt. L se ova metù a despusizion per l cunsëi, per pudëi de iló si cuntribut persunel ala lia. Ma la reunion generela a tëut la dezijion de ulëi na mudazion y chësta ghiranza uel Moroder adempì cun legrëza. Dessegur ne n’iel nia n lëur saurì. Flavio Moroder ie nuef te chësc ciamp y dantaldut tl prim saràl de bujën dl aiut y dla cumprenscion di autri mëinacrëp che à plu sperienza.

A d’ël ti stàl a cuer de tré ite tl’atività duc i cumëmbri dl cunsëi. Te cunsëi uniràl partì su i lëures, chël uel dì plu cumëmbri de cunsëi dëssa tò su respunsabltà per i ciamps de lëur y duvieres d’uni sort. Tlo tóchel leprò de renfurzé la cunlaurazion cun la grupa de furmazion che nsënia ju i jëuni y fej i ajurnamënc periodics, l cuntrol dla contabltà y aministrazion, i cuntac plu soc cun Roma, Milan y cun la aministrazion provinziela coche nce cun i ufizies cumpetënc, la prejënza ti media, i cuntac cun la union nternaziunela dla lies di mëinacrëp IVBV y i sponsores. Oradechël ulëssa Moroder lauré ora i cuntac cun i raions singuli y n pënsa tlo a ancuntedes uni tant cun i reprejentanc de raion.

Flavio Moroder Maridà y pere de doi mutons y na muta, iel bon de mëter dut sot a un n tët. Un di mutons ie l arpizadëur cunesciù Rudi Moroder, che à arjont ti ultimi ani drët de bon resultac tl freeclimbing a livel naziunel y nternaziunel. Moroder ie da 25 ani incà cumëmber di Judacrëp Gherdëina y fova per 10 ani l secreter. Deberieda cun Bruno Walpoth à Moroder metù su te Gherdëina la grupa de arpizeda sportiva “ASK”, che à al mumënt 85 jëuni, lia che ie prijeda y che à n gran suzes. (dv)

www.lauscdiladins.com

11


Gherdëina

nr. 50 / 24 de dezember 2010

I sculeies tl Parlamënt a Viena La cuarta tlas dla Scola d’Ert Cademia de Urtijëi à reprejentà Südtirol n ucajion dl di dla mendranzes linguistiches tl Parlamënt a Viena

I referënc tl Nationalrat.

Scola - La presidënta dl Parlamënt dl’Austria Mag.a Barbara Prammer à nvià ite la IV. tlas dla Scola d’Ert Cademia al di dla mendranzes linguistiches tl Parlamënt a Viena. La manifestazion ie unida metuda a jì deberieda cun l “Österreichisches Volksgruppenzentrum”. Sepp Kusstatscher y Hubert Frasnelli ti ova bele d’ansciuda dl 2010 fat la pruposta al respunsabl dl Österreichisches Volksgruppenzentrum Hubert Mikel de nvië ite nce na tlas de Südtirol, fajan l inuem dla Scola d’Ert de Urtijëi. N gra de cuer perchël a dui trëi. L Colegh di dozënc dla Scola à sun chëla tëut su cun legrëza l nvit, dajan pro de lascé jì la cuarta tlas. I sculeies dassova unì cumpaniei dal diretëur Karlheinz Mureda y dai nsenianc Andreas Linder y David Lardschneider.

dla Scola d’Ert y dl sistem de scola tla valedes ladines tla Provinzia de Bulsan. Bele ntan l viac oravier ai 17 de utober iel stat na lingia de referac da pert di sculeies, ulache n à bele pudù nriescer truep dla zità de Viena y n generel dl’Austria. L viac fova drët cumedëul, ans pu na curiera da cincanta cun l sciafer Lukas Profanter. I sculeies che jiva a reprejenté Südtirol tl Parlamënt fova Karin Bernardi, Michela Cagol, Giampaolo Callegari, Lara Domeneghetti, Sofia Huber, Gloria Insam, Elisa Kasslatter, Jasmin Kiem, Simona Kostner, Anna Vera Moroder, Veronica Moroder, Franz Germano Mussner, Vanessa Runggaldier, Maria Magdalena Schönweger, Raissa Senoner, Sarah Solderer, Thomas Johannes Spitaler y Patrick Wieser.

Referac y depliants

N lunesc ai 18 de utober fòvela pona tan inant. L fova l di dla mendranzes linguistiches tl Parlamënt a Viena. L se à abinà esperc y 120 sculeies de plu scoles de mendranza de duta l’Austria, ma nce una na scola cun deguna realtà de mendranza. A chësta maniera iel unit a s’l dé n cuntat danter plu realteies de scola, y nce na descuscion y n barat n con’ dla situazions cultureles desferëntes. I sculeies à oradechël prejentà criativamënter l sistem de scola tla Ladinia y la realtà culturela de nosc raions. Lara Domeneghetti à rujenà

Riesc scumenciòven a se njenië ca. I sculeies giapova la ncëria de se nfurmé n con’ dla cuestions istituzioneles y storiches dl’Austria, n con’ dla mendranzes y de si defendura, ma nce n con’ dla realtà culturela, economica y soziela dl’Austria y de Viena. Oradechël jìvela nce de dé nfurmazions cuncretes, da uni di, coche per ejëmpl dla metropolitana o di taxi y de coche n se muev a Viena. L maester de grafica Andreas Linder à njenià ca n folder cun nfurmazions

Te Parlamënt a Viena

sun ncëria dla Scola d’Ert. Ëila fova senteda dancà cun la presidënta dl Nationalrat Barbara Prammer y i autri espunënc dla scoles, ntan che i sculeies fova sentei sun i stuei di parlamenteres austriacs. Lara à saludà per ladin y talian, y stlarì pona a puntin coche l cëla ora la scola te nosc raions, ciuna che ie la situazion particulera dla mendranzes de Südtirol y dat n mpuls de viers dla cunvivënza.

Program culturel La IV. tlas à pona nce tëut l’ucajion de jì a ti cialé, ntan i dis a Viena, ala istituzions de furmazion tl ciamp dl’ert, a academies, universiteies y d’autra scoles. Sambën iel stat nce vijites ala strutures cultureles y d’ert plu cunesciudes de Viena. Danter l auter iel stat la vijita al Stefansdom y ala Kärntnerstraße (ulache n à sambën ciantà la ciantia “I will wieder hoam…). N merdi ons fat duc deberieda na raida panoramica y culturela cun curiera tres Viena, cun spiegazion da pert de na esperta. Nscila iel stat mesun se fé n cheder plu a puntin dla zità de Viena. L prim pit stop ie unì fat pra la Cësa y pra l Museum de Hundertwasser, cun si formes y culëures particuleres. Da dedò à Franz Bestagno, diretëur criatif de una dla majera firmes de retlam dl’Austria, la Demner, Merlicek & Bergmann www.dmb.at, spiegà de si vita, de coche l ova fat la Scola

d’Ert a Urtijëi per jì inant cun si lëur tla capitela de Viena. Bestagno à spiegà a puntin ciunes che ie la cualiteies che n muessa avëi per fé streda tl mond dl retlam, mustran nce la strutures y coche l vën laurà te firma. L fova pona gran ëura de jì sun l Naschmarkt a se maië na piculëza.

I vampires che cianta N highlight fòvel pona n merdi sëira, canche son jic a ti cialé al Musical Tanz der Vampire, cun chël che Gherdëina à pu n liam particuler, do che l film fova zacan n gran pert unì tëut su sun Mont de Sëuc. Chësc film se ans cialà bele danora te scola, coche nce l documenter che fova unì fat dan n valgun ani da Matthias Höglinger. L livel di ciantarins y di balarins, la beliscima coreografia y l flair particuler dl Teater Ronacher nes à lascià n beliscimo lecort, na

ntraunida particulera da se tò pea per for. “Lascia tumé la ciadëines dla moral, y vië cun mé per n viac sun l’eles dla nuet,” ie mé un di zitac ciantei, tipics dl musical.

Vijites a museums I proscimi dis iel stat inant vijites a museums y istituzions cultureles, coche Belvedere, Schönbrunn, l Kunsthistorisches Museum y a mostres d’uni sort coche de Picasso o Klimt. Danterite nce na vijita a na scola de comics, ulache n’autra ex sculea dla Scola d’Ert, Lea Runggaldier, à cuntà de coche la ie unida a s’l dé che la à cris ora chësta scola y ciun che ie l iter per ruvé ite.

Dal Mc Donald’s al Heuriger N mierculdi sëira sons stai pra l

La ex sculea dla Scola d’Ert Lea Runggaldier à prejentà la scola de comics de Viena ulache ëila studieia.

La cuarta tlas dla Scola d’Ert de Urtijëi dan l Parlamënt a Viena.

12

www.lauscdiladins.com

Lara Domeneghetti.


Gherdëina

nr. 50 / 24 de dezember 2010

Prim pest per n studënc d’ert Luca Hallenstein, sculé dla “Cademia” se davania l prim pest a Suzzara, per si lëur ziplà Ert - Tla zità de Suzzara dlongia Mantua vëniel tenì da diesc ani incà n cuncors artistich naziunel de depënjer, grafica y scultura. Pra chësc cuncors dal titul “Arte in Arti e Mestieri” fòvel chëst ann per l segondo iede nce na sezion resserveda a jëuni sculeies dla scoles d’ert y dla academies talianes. Perchël iel stat na gran sudesfazion per la Scola d’Ert Cademia de Urtijëi a audì che n si sculé à pudù pië do, cun n lëur ziplà a scola cun l professëur Anselmo

Obletter, l recunescimënt dl prim pest. Cun la figura dl corp de n’ëila zënza cë, braces y giames tla pusizion dinamica da balarina, à l jëunn sculé sapù da s’la fé valëi cun la soluzion formela ispireda al tradiziunel, ma te na vijion moderna – coche l ie da liejer tl catalogh dla mostra dl instà passà. La scultura “Zënza titul”, zipleda tl lën de ciarieja, ulache l sculé Luca Hallenstein ova desmustrà si uriginalità, ie da ntlëuta resteda a Suzzara.

Dan la cësa de Hundertwasser.

Heuriger, per na cëina tipica, na sort de törggelen tla zità de Viena, coche da tradizion per chësta zità. N con’ dl maië se à i sculeies riesc abinà ora dlongia l hotel na filiela de Mc Donald’s. Y nscila se à trueps nfirà ite tan che duta l’ena de cheesburger y hamburger y chicken Mc Nuggets, dut salansà ju cun brëntes de Cola. Y pona nce de Dönar Kebab, cun n local aposta che fova ënghe dlongia l hotel. Nia mancë ne pudòvel sambënzënza de jì a se maië n bon tòch de tëurta cumpanià da na melange, l café tipich, tl Hotel Sacher. La cumpania à a de teles ënghe si lerch, y perchël

iesen nce passei, per maniera, a saludé i patrons di locai dl Bermudadreieck, ajache scenó se n ëssi abù mpermel, a savëi che la Scola d’Ert de Urtijëi fova c’ora y ne tlamova niancanó a saludé...

Na jita garateda Dut adum na jita garateda, cun n program istituzionel, culturel, furmatif y de cumpania. Deguni ne n’ie jic perdui, deguni ne se à fat mel. La sëula nota negativa ie i doi tacuins rubei, nce sce l maester ti l’ova mo cumetuda, de ne tò nia pea ncantëur per Viena, tacuins y

tasces cun dut laite, ma de spartì su scioldi y chertes y fonins y adresses te plu fuies, sce la va te joca o dancà dla brea. Ma mei de majeres! N rengraziamënt particuler ti va al ntendënt dla scola dla valedes ladines Roland Verra, al assessëur provinziel Florian Mussner y al presidënt dla Jonta provinziela Luis Durnwalder per l sustëni che i à dat ezeziunalmënter, se tratòvel pu de na jita istituzionela, de reprejentanza tl Parlamënt. David Lardschneider

Cun Franz Bestagno, ex sculé dla Scola d’Ert, diretëur criatif dla Demner, Merlicek & Bergmann www.dmb.at.

www.lauscdiladins.com

13


Gherdëina

nr. 50 / 24 de dezember 2010

Nosta Sëlva, l liber Nosta Sëlva: cronica vivuda dal scumenciamënt nchin al didancuei. N liber che conta a puntin la storia dl luech de Sëlva Cunsëi de Furmazion de Sëlva Wilma Linder. Ëila à rengrazià dantaldut Rudolf Mussner per si gran lëur de cuordinazion, l Istitut Ladin Micurà de Rü, che à fat duta la cumedures de ortografia che jiva debujën, y duc chëi che a vel’ maniera à laurà pea acioche dut posse garaté sciche l toca.

Valor storich-culturel

Rudolf Mussner.

Sëlva - Ai 19 de dezëmber iel stat te Cësa de Cultura de Sëlva la prejentazion ufiziela dl liber “Nosta Sëlva”. N liber scrit per gherdëina de 652 plates y 670 fotografies drët beles y de gran senificat storich, che documentea avisa la storia dl luech de Sëlva, dala testemunianzes di prim nridlamënc nchin al luech renumà de turism de ncueicundì.

La prejentazion La sëira à metù man dala 8 cun de bela cianties da zacan per ladin ciantedes dal Cor de Sëlva, che à saludà l gran publich ruvà adalerch per la prejentazion. Da dedò à Alex Runggaldier da Merch, che à menà tres la sëira, saludà i prejënc y nvià via la sëira. L à auzà ora n curt i aspec plu mpurtanc che à purtà ala publicazion dl liber y ti à pona dat la parola ala presidënta dl

Linder à mo sotrissà che la ie cuntënta che nce Sëlva à śën n si liber, liber che testemunieia si storia, si svilup, dal scumenciamënt nchin al didancuei. Te n luech coche Sëlva, che lëura truep mënsc al ann cun l turism, ulache n se vëija do la rata dinrer y n à puech tëmp per i raporc nterpersunei, iel bel a udëi che l ie nce dl’aurela y ueia de fé velch de storich-culturel che dëssa vester na testemunianza de utl che resta per duta la cumenanza de Sëlva. “Ulësse saludé duta la autoriteies prejëntes, l assessëur provinziel ladin Florian Mussner che à daniëura sustenì l proiet, l ex ambolt de Sëlva Roland Demetz che fova un di prim sustenidëures, l ambolt da śën Peter Mussner, l’assessëura de Sëlva Milva Mussner, l referënt per la cultura Dietrich Mussner y duc i prejënc. L fej legrëza a udëi n gran publich nteressà de udëi y capì de cie che trata l liber y coche l cëla ora, aspet che spidlea pu l nteres per nosta storia y svilup. Cun l’ucajion ulëssi rengrazië duc chëi che à laurà y judà pea a vel’ maniera. Spere che l sibe per duc velch de

L Ghetun dl 1960. I auti dan cësa fova ntlëuta mo bënudui. La Gërva ie l sëul frabicat che ie restà medem dedoravia dal 1924 inant.

ntressant da liejer y da cialé, nce per i seniëures che ruva tlo da nëus,” à dit la presidënta dl Cunsëi de Furmazion Wilma Linder. La sëira ie jita inant cun la prejentazion dl liber te na maniera nterativa da pert de Alex Runggaldier che fajova dumandes y lijova dant uni tant vel’ pitla pert ora dl liber y Rudolf Mussner che prejentova l liber cun l aiut de fotografies, per uni capitul la plu senificativa, auzan ora i aspec plu mpurtanc liei al argumënt, sotrissan l cuntenut y n generel nce l svilup dl luech ti ani passei. Dut ntëur drët garatà, davia che la jënt pudova se fé n cheder tler dl liber y giapova ueia de platerné laite. N à cialà de nriescer mpue’ n con’ de uni ciamp: dala urbanisazion dl luech, ala storia di ciastiei, di luesc da paur y si inuemes y auter, dut aspec che ie bën bele unic tratei, ma nia te na maniera tan sota y laureda ora.

na publicazion te trëi rujenedes, ladin, talian y tudësch, ma pona iel unit ora tler che i argumënc fova trueps y che l fossa mé stat puscibl fé n liber sciche l toca scrijan l liber te una na rujeneda, mbën per gherdëina. L’idea ie unida laureda ora da pert dl Cunsëi de Furmazion de Sëlva y tëuta su positivamënter dal’assessëura per la cultura da ntlëuta Nadia Nocker y dal ambolt Roland Demetz. Tosc do che Rudolf Mussner dl Aghel fova jit n pension, se àl sëurantëut l lëur dut auter che saurì de cuordiné na

Na idea nasciuda dan cin’ ani L’autoreiteies pra la prejentazion.

14

www.lauscdiladins.com

La idea ie nasciuda dan cin’ ani, tl 2005. Tl prim unìvel rujenà de

L Cor de Sëlva à ciantà.

publicazion che trata la storia y la vita de Sëlva. Do cin’ ani de gran lëur y cruzi iela śën tan inant che l liber ie dan man. Dla storia y svilup de Sëlva manciòvel n liber spezifich. Sambën iel scric ti Calëndri de Gherdëina y d’autri scric n cont dl luech de Sëlva, ma l manciova velch de laurà ora a puntin che tulëssa ite mpue’ duc i aspec, y de chësc viers àn pona ulù jì inant. L liber à de ndut 17 capituli che va dala geologia ala storia dl luech, dala dlieja y vita religëusa, l alpinism, turism, artejanat, lëur da paur, inuemes de mejes sciche


Gherdëina

nr. 50 / 24 de dezember 2010

I mulins sa Bula Cun legrëza fajons a l savëi che l ie unì finà via i lëures de ressanamënt de un di trëi mulins sa Bula

Valantin Senoner da Dorives (nasciù ora Dlaces) y si mut Mëine (dan la prima viera).

nce la prejentazion dla lies de Sëlva.

L lëur de Rudolf Mussner Mussner à cris material, fotografies y nutizies ti archifs de Chemun, dla Lia de Turism y dla Pluania. Da chësc iel pona unit a s’l dé dan doi ani la bela mostra de vedla fotografies cuordineda da pert de Dietrich Mussner de Curzelon y Marta Senoner dl Ploc te Cësa de Cultura. I prim trëi ani iel mé unì cris adum nutizies, depona à Mussner scumencià a mëter ju velch de scrit. La pert plu zitia fova chëla de co traté la pert dl fascism y dla opzion. L jiva nce debujën de mëter su cërta regules sun ciuna persones che vën nunziedes. Ala fin fòvel pona l auter gran lëur de njenië ca

l liber per la stampa, n lëur drët sfadiëus, ajache l ne daussova nia mucé ite fai. „L bel fova che é udù crëscer l liber man man, y chël me dajova la ueia de jì inant. Tenian l liber tla man iel bën na cërta emuzion dovia y spere che chëi che l liej ebe la medema sensazion,“ nsci Rudolf Mussner.

L liber Tesć de cuordinazion generela: Rudolf Mussner. Cun scric de Herwig Prinoth, Georg Mischi, Erich Demetz, Paul Senoner, Josef Mussner. L liber ie unì publicà cun l sustëni da pert dl Assessorat dla Region per la mendranzes, dla Provinzia Autonoma de Bulsan, dl Chemun de Sëlva y dla Cassa

Raiffeisen de Sëlva; zënza chësc aiut ne fóssel nia stat mesun dé ora l liber. L liber ie da cumpré tla biblioteca de Sëlva y tla butëighes Minishop Avi, tl Gardena Center, tl Bazar Moser y Maciaconi. N pënsa nce de repurté dant o do l liber, scurtan tl talian y tl tudësch mpue’ i tesć, a na moda che nce i patins posse se liejer l liber y mparé a cunëscer la storia rica de Sëlva. Dl bel cialé ora dl liber se à cruzià l studio Pentagon che à nce fat la scansions dla fotos y purtà pro cun si ideies y cunsulënza al garaté dla publicazion. Stampà iel unì dala Athesia de Bulsan, de ndut n iel unì lascià fé 1200 esemplars. L priesc de venduda ie de 40 euro.

Bula - Pudëi mantenì chësc mulin per l daunì ie de gran mpurtanza per nosta cultura, ajache l ie na testemunianza dla vita da paur coche la fova mo nianca tan da giut. Mé sce mantenion i mulins sa Bula per l daunì possa la generazions che vën do nëus udëi y mparé coche l univa majenà la blava y l orde te nosc raions, y nsci giapé na mprescion de n aspet drët mpurtant dla vita da uni di de nosc antenac. Sëuraprò ie chisc mulins i ultimi che on mo te Gherdëina y tres chël possi dessegur vester de nteres nce per l turism. Ntan i lëures de ressanamënt àn messù fé dantaldut cumedures pra i mures de mulin, ma nce pra la pertes de lën: l tët, la stua dl muliné, la stua dla rodes, la salieries y la roia. Dut chësc ie sambën mé stat mesun cun l aiut di patrons, de

truep ulenteres y sambën ënghe cun l gran aiut finanziel de plu istituzions publiches. N rengraziamënt particuler ti va al assessëur Florian Mussner y ala Region Autonoma Trentin-Südtirol - Ufize per la mendranzes linguistiches, al Chemun de Ciastel, ala Fundazion dla Cassa dl Sparani, ala Lia per l Turism de Urtijëi, ala Cassa Raiffeisen de Ciastel, ala Cassa Raiffeisen de Sëlva, al njenier Siegfried Comploj, ala firma da muradëur de Welponer Gotthard, ala firma da zumpradëur de Wanker Walter y ala firma Bauelement Rier KG de Ciastel. N auter ann d’instà uniràl fat na blòta pitla festa pra i mulins sa Bula, ulache l sarà da udëi i lëures che ie unic fac y sambën uniràl lascià jì l mulin. Per la Lia Natura y Usanzes, l presidënt Karl Vinatzer

Daniela Villotti

L mulin da Bula che ie unì derturà su.

Parëi de arpizeda Te Cunsëi de Chemun vëniel mo tratà danter l auter i regulamënc dl trafich y dl fabriché n con’ dl plann raionel de Mont de Sëuc y l bilanz de previjion Luis y Batista Mussner de Paulin y Ferdinand Glück ntan na paussa sun i “Cin Dëic”.

L liber "Nosta Sëlva", che conta a puntin la storia dl luech de Sëlva.

Sëlva Chemun - N merdi ai 28 de dezëmber dala 20.00 iel te Sëlva na senteda de Cunsëi de Chemun, ulache l vën tratà chësc ordenn dl di: 1. Cumunicazions dl ambolt. 2. Apruazion dl bilanz de previjion per l ann finanzier 2011, cun la relazion previjiunela y programatica y l bilanz plurienel per i ani 20112013. 3. Apruazion dl La Cësa de Chemun de Sëlva. program generel dla opres publiches per l ann 2011 y 6. Mudazion sustanziela dl plann di planns finanziei che toca leprò. de atuazion dl raion per nfrastutures 4. Ejam y apruazion dl bilanz de ti raions da ji cun i schi “Piazzaprevijion dl ann 2011 di Ciampinoi”. Destudafuech Ulenteres de Sëlva. 7. Sëurandeda dla gestion dl parëi 5. Plann raionel Mont de Sëuc - artifiziel de arpizeda. bënsté n con’ dla mudazion di 8. Partezipazion dl Chemun de articuli 4 („Regulamënt dl frabiché“) Sëlva tla “Lia Cësa de Paussa y 8 („Regulamënt dl trafich“) dl Gherdëina”. 9. D’uni sort. D.P.J.P. nr. 269/V/81. www.lauscdiladins.com

15


Gherdëina

nr. 50 / 24 de dezember 2010

Gherdëina tla Fledermaus

Unika a Algund

Nce sunadëures y ciantarins de Gherdëina à fat y fej pea pra la Operëta Fledermaus de Johann Strauß. Priska Malsiner y Paul Demetz sun palch cun artisć cunesciui coche Clara Sattler y Konrad Huber

Tl cheder dla manifestazion „Ars et Vinum“ che ie stata d’autonn a Algund ie unì metù adum, coche dij l titul, l vin cun l’ert. Chëi de Gherdëina à mustrà si lëures

Autoriteies y espunënc dl’Unika pra la manifestazion „Ars et Vinum“ che ie stata d’autonn a Algund. Fotos: www.byou.it

I ciantarins dla Operëta Fledermaus n ucajion dla premiere de Persenon. (Fotos: Südtiroler Operetten-Spiele/ Komödie Brixen2010)

Mujiga - Te trëi ziteies de Südtirol iel stat da udëi y da audì la Operëta Fledermaus de Johann

Strauß: a Bulsan, a Sterzing y a Persenon. Truepa jënt de Gherdëina ma

Paul Demetz dan l cheder dl Coser Luis Durnwalder.

nce dla Val Badia ne se à nia lascià tò de jì a ti cialé. La premiere de Bulsan ie bele stata ai 12 de nuvëmber, a Persenon ai 4 de dezëmber. La meludies dla Fledermaus ie scialdi cunesciudes, y l ie for bel a pudëi les scuté su. Da auzé ora Priska Malsiner soprann, che à mustra n livel aut sibe tl cianté che tla pert de teater, reprejentan Adele. Y a ti cialé a Paul Demetz de Sulé, che fova l vardian de prejon Frosch y che à na pert rujeneda, te vëniel for da damandé “Ma tan bon iel pa?” L Musical sarà mo da udëi ai 28, 29 y 30 de dezëmber for dala ot da sëira tl Forum a Persenon. Chertes danora 0472 275588. Dirighënt ie l professëur Othmar Trenner. L pez vën nszenà da Leo Ploner. (dl)

Ert - L assessëur provinziel Florian Mussner à per l’ucajion reprejentà ufizielmënter la Jonta provinziela de Südtirol ntan la festa de prejentazion dla manifestazion. Ntan la giaurida dla ntraunida che à pona durà trëi enes iel nce stat la premiazion dl cuncors de etichetes dal vin. Dlongia i artisć dl’Unika à Friedrich Gurschler de Schnals y

Ntan la prejentazion.

Maestri de schi a Roma Sun nvit dla Camera Naziunela di Maestri de Schi à set maestri de schi de Südtirol pudù jì a na udienza privata dal Papa Maestri schi - L ne n’ie zeche da uni di, de pudëi ti tuché la man al Papa Benedët XVI pra na udienza persunela. Set maestri de schi de Südtirol ne se à nia lascià mucé chësta ucajion. L derijënt dla Grupa de

lëur dla Scoles de Schi de Südtirol y diretëur dla Scola de Schi de Sëlva Flavio Prinoth ti à sëurandat na scincunda al al Papa Benedët XVI. Per l’ucajion à i maestri de schi nce pudù rujené n curt cun Si Santità. (dl)

Flavio Prinoth cun l Papa Benedët XVI a Roma.

16

www.lauscdiladins.com

Set maestri de schi de Südtirol ie jic a a Roma per na udienza.

Karl Gasser de Tluses metù ora si lëures. La manifestazion à dat l mesun de ciarcë bën 400 vins da duta la Talia y truepa sortes de ciajuel, danter l auter l ciajuel Sennkas de Stephan Haller de Algund. La manifestazion à abù n gran suzes. Y n auter ann saràla inò tan inant, trëi enes alalongia scumencian ai 14 de nuvëmber. (dl)


Gherdëina

nr. 50 / 24 de dezember 2010

Mutans tla Mujiga

Liejer y libri tla fotografia

Co iela pa unida a s’l dé che la mutans ie ruvedes pra la Mujiga de Sëlva? Bera Toni Demetz de Plan conta de coche la Mujiga de Sëlva ie stata la prima a tò su nce mutans

La plu bela fotografies dl cuncors ”Ie lieje, perchël sons ie” ie metudes ora da udëi tla bibliotech de val S. Durich a Urtijëi

Foto dla Mujiga de Sëlva cun mutans, fata ai 26 de setëmber dl 1971 do l cunzert.

Fotografia de Klaus Auer, che à si ravises te Gherdëina.

Lies - La Mujiga dl Südtirol ie la prima tl Südtirol che à tëut su mutans a suné, chëi de Pruca ova na muta che jiva a judé ora pra vel’ cunzert. Ma cialonsi damprovia. D’inviern dl 1970 ova n turista de Geesthacht (Hamburg) albergià cun si cumpanies te Sëlva, te La Tambra, y à udù la defileda coche les fajon tlo. Chësc ti à sapù scialdi bel y de marueia, dantaldut la trohtes. Ël ti à pona damandà al patron de cësa sce l fossa mesun che la Mujiga de Sëlva jissa te si luech a fé pea na festa. De chësc ons rujenà tl cumité y do avëi damandà i musicontri y mantenian i cuntac tres posta y telefonn se àl purtà pro che ai 18 de juni dl 1970 sons piei via per Geesthacht per cin’ dis. Iló fòvel trëi dis de festa. La sada fòvel na defileda cun plu mujighes, belau dutes cun mutans. Deberieda cun una na mujiga ons nce fat n cunzert. Nce chësta Mujiga ova plu mutans, monce doves che sunova la posauna zënza tlopes: nëus fan ënghe trëi posaunes, ma mé una zënza tlopes. Do la festa se ons ie y Andrea da Costa rujenà de chësta ntraunida y ajache Andrea se ova bele tëut dant de nsenië ju

Cuncorsc - Chëst ann d’instà iel unì metù a jì da pert dla Lia dla Biblioteches de Südtirol (Südtiroler Bibliotheksverband) n cunlaurazion cun duta la biblioteches l cuncors “Ie lieje, perchël sons ie“. Duc i letëures pudova fé pea mandan ite na fotografia per una dla cater categuries: Luesc ulache l vën liet, persones che liej, libri che viagia y tëmpli per libri. La giuria metuda adum da n fotograf, n graficher, na bibliotechera, na persona dla Lia dla Biblioteches y una dl Ufize per

de jëuni, ti ovi dit: “Ne pudons’a nia nce nëus tò su mutans pra la Mujiga?” Andrea ne savova nia cër’ co se n dì, ma de no ne òvel enghedenó dit. L lunesc domesdì fans pona ruvei de reviers y n chëla sëira fans mo jic a suné a Sn. Pluan.

Descuscion te cumité Pra la prima senteda do l viac a Geesthacht éi purtà dant al prim pont de tò su nce mutans pra la Mujiga. Ce spavënt, l fova stat sciche runcé te n furmië! Ove messù dì de lascé vester chësc pont y de jì inant cun d’autri ponc. Pra la proscima senteda éi lascià chësc pont ala fin, sot a “D’uni sort”. Iló éi putà dant cun n auter tonn: “Iel pa mesun tò su mutans tla Mujiga o ne n’iel pa defin nia mesun?” Per n mumënt iel stat chiet, pona à dit Oswald dl Scoiattolo: “Ie ne vëije nia ite percie che n ne possa nia tò su mutans tla Mujiga, d’autra Mujighes ciafieia ënghe limpea, ie ësse bele ulù l fé da giut!” Oswald fova bele l plu vedl tl cumité y fova nce stat dirighënt; nsci òvel nce mpue’ de parola. La minonga se ova pona mudà,

la maiuranza fova a una.

N la Segra cun la mutans Sun chësc se ons pona cruzià, Andrea y ie, de abiné mutans y mutons che ova ueia de unì pra la Mujiga, per i nsenië ju, per ti cumpré i strumënc adatei y nsci via. N la Segra de Sëlva ai 26 de setëmber dl 1971 se à la Mujiga de Sëlva prejentà cun undesc musicontri nueves, cin’ mutans y sies mutons. Ai 10 de utober ons fat pea pra na festa dla Mujighes a Maran. Sun la plaza ulache se an metù su unìvel ca de tei jëuni de d’autra Mujighes a ti cialé a ch’sta mutans; i fajova pa mé uedli a ti cialé a d’ëiles. La zaita Dolomiten ova scrit l di do mesa na plata de chësta ntraunida. Hans Nagele, l secreter dl VSM, la Lia provinziela dla Mujighes de Südtirol, ova njenià n scrit cun la foto da mëter tla plata culturela dla Lia provinziela, ma l se ova amalà y nscila ne n’ie l articul mei unì publicà. Povester che per chëi che à fat inant chësc lëur ti fans nëus massa pitli. Toni Demetz de Plan

Biblioteches y letura dla Provinzia à cris ora la plu beles danter 323 fotografies. N vënderdi ai 26 de nuvëmber iel stat la premiazion. 24 letëures de Gherdëina à fat pea, y Klaus Auer, che sta a Girlan y che à si ravises a Urtijëi, se à tlassificà al terzo post. Tla sala de letura dla Bibliotech San Durich iel śën da udëi la fotografies bela grandes de chëi che à venciù. Nchin ai 5 de jené ie duc i nteressei nviei a unì a ti cialé ntan l’ëures de giaurida.

Doves dla fotografies premiedes.

www.lauscdiladins.com

17


nr. 50 / 24 de dezember 2010

Jons’a al “Pinocchio”? Nce de jené 2011 scumenceràn inò cun l “Pinocchio”. L se trata de na ancunteda per genitores y si pitli mutons, ulache l ti vën pità la ucajion de se abiné cun d’autri mëndri per passé mpue de tëmp deberieda L proiet “Pinocchio”, metù a jì dal VKE sezion Gherdëina, ova inò scumencià de jené dl 2010. Ntan l ann 2010 iel unit a s’l dé 62 ancuntedes, ulache l ie stat nchin a 25 families che à fat pea, se urtan tla “majon dl muvimënt” dla scolina Salieta.

Nce a S. Cristina y te Sëlva vëniel metù a jì per l prim iede la grupa “Pinocchio” Dl’ancunteda “Pinocchio” se àn nuzà per fé damat deberieda nce ti mënsc plu frëic dl ann, canche n ne possa nia sté dedora coche d’instà. “Tl medemo mumënt fòvel nce na bona ucajion per la umans y i peresc per mparé a se cunëscer miec”, nsci l respunsabl dla grupa “Pinocchio” de Urtijëi, Harry Kasslatter. La grupa “Pinocchio” ie penseda dantaldut per families che à mutons che ne va mo nia ala scolina. A

Tla majon dl muvimënt possa i pitli se scarpeté ora.

Urtijëi tla scolina Salieta vëniel metù a despusizion la “majon dl muvimënt” dala 4:00 ala 6:00 domesdì. D’instà possa la grupa se abiné nce dedora te verzon dla scolina. Duc chëi che uel fé pea pra l “Pinocchio” muessa vester scric

ite tl VKE. La iscrizion per l ann 2011 costa 15,00 € per familia. Chi che uel fé pea pra l “Pinocchio” 2011 possa cherdé su dala 9:00 ala 11:00 danmesdì l numer de telefonn 339 4153350 per Urtijëi, 339 6931587 per S. Cristina y 339 6202160 per Sëlva.

Nadel ie sentì l bujën de fé na legrëza Cun la scumenciadiva de ”Nadel tla scatula dai ciauzei” àn chëst ann inò pudù ti fé na legrëza a mutons manco furtenei. La scincundes dates ju ie ruvedes chëst ann tla Moldavia

Velch se à tëut la bria de fé su drët bel la scatula.

L’azion “Nadel tla scatula dai ciauzei” o ”Weihnachten im Schuhkarton” ie unida stluta ju ai 30 de nuvëmber. Cun legrëza fajons a l savëi che tla biblioteches de Gherdëina iel unì dat ju 461 scatules dai ciauzei y sëuraprò mo dunfiertes per curì i custimënc dl trasport. Te dut Südtirol iel unì dat ju 5.409 pachetli, na gran cumpëida, plu che l ann passà. Duc chisc pachetli àn purtà a Maran, da iló i àn mandei a Berlin tl magasin zentrel, ulache l vën njenià ca i papieresc de dogana per i mandé tla Moldavia, un di paejes plu pueresc dl’Europa. L ie bel a udëi che uni ann iel for plu y plu jënt che fej pea pra

18

www.lauscdiladins.com

N auto res de pachetli ie muet a Urtijëi.

chësta scumenciadiva. Rengrazion de cuer duc chëi che à dat ju i pachetli cun d’uni sort de roba da adurvé y da se tripé, chëi che à dat n cuntribut a forma de scioldi, la butëighes, la banches de Gherdëina y de Bulsan y duc chëi che à dat roba che fej plajëi ai mutons. Trueps à metù leprò na cherta, na si fotografia o de si familia cun scrit “Bon Nadel”. Na grupa dl Südtirol ie pieda via n lunesc, ai 13 de dezëmber, per udëi persunalmënter la situazion tla Moldavia y à partì ora i pachetli da Nadel. Deberieda cun d’autra grupes, nce dl’Austria, iesen jic te scolines, scoles, spediei, families, cëses de mutons

sëui a ti purté l “Nadel te na scatula dai ciauzei”. Giut danora se à i mutons ncunfertà sun chësc di, ajache l ne n’ie per ëi nia unì ann nsci che i possa fé pea na tel festa da Nadel cun tan de bela scincundes. Tla scoles à i sculeies cun si maestri njenià ca na pitla festa a chëi che ti à purtà la scincundes, ciantan y dijan su poejies da Nadel, n pitl sëni de recunescënza per chël che i à pudù pië do. Nsci ons nce nëus na gran sudesfazion che cun Vosc cuntribut ons pudù ti fé na gran legrëza a n grum de mëndri dla Moldavia. Die Ve l paie y de bona festes! L team de Gherdëina

La cësa Locia ressaneda y ngrandida Do 18 mënsc che n à frabicà y da n drë bel surëdl àn ai 5 de nuvëmber pudù inauguré cun na bela festa la strutura per jënt cun anticap a Urtijëi

Trueps à udù per l prim iede chësta cësa da dedite y se à fat marueia de urté n ambient tan daviert y deletëul, de cie che l vën pità, dl savëi da fé y dla pusciblteies de chëi che lëura y sta tlo. Ai vijitadëures ti iel unì prejentà coche l vën laurà tla berstotes, tla sënta de sustëni per l di y ti cuatieres de chëi che ie nciasei tla Locia. Trueps à tëut su l nvit ala festa de benedescion, nsci nce l sëurastant provinziel Durnwalder y i assessëures Richard Theiner y Florian Mussner, ma nce ambolc da śën y da dant di chemuns cumëmbri dla Cumenanza de raion Salten-Schlern, reprejentanc dla politica y economia sciche nce zënza truepa jënt y familieres. L ambolt Ewald Moroder à cun si salut nvià via la pert ufiziela dla festa. „Nëus son stolz, che chësta strutura ne n’ie nia unida studieda ora sun na mësa de ufize”, àl dit y à rengrazià duc chëi che à judà pea acioche la restruturazion dla cësa Locia garate aldò di bujëns de chëi che lëura y sta iló. N gra particuler ti ie nce jit al vedl ambolt Konrad Piazza y al presidënt dl Cunsorz di Chemuns Gherdëina-Ciastel, Bruno Senoner, che à sustenì dassënn l proiet dla Locia. Per l finanziamënt de duc chisc lëures, che à custà 5,1 milions de euro, à l presidënt dla Cumenanza de raion, Albin Kofler rengrazià l guviern provinziel y à pudù auzé ora nce cun mpue de superbia che n ie stac boni de sparanië 160.000 euro. Cun gran legrëza y sudesfazion àl mo pudù fé a l savëi de mo n valguna d’autra strutures de chësta sort che la Cumenanza de raion SaltenScilier à pudù sëurandé a si destinazion. Laudà ne n’iel nia mé unit l lëur de restruturazion garatà, ma nce la mutivazion y l ntujiasm cun chël che la derijënta Sabine Rifesser mëina la cësa y i y la 30 cunlauradëures che ti sta do y

sustën i 38 ghesć de chësta strutura. Do la benedescion dla cësa da pert de Sn. Digan Vijo Pitscheider, àn pudù taië la pinta che i secudii dla cësa ova zerilà te na maniera drët particulera. La festa ie unida ncurnejeda dala mujiga dla berstot che sona sot ala bachëta de Werner Landthaler.

Na cësa che à si storia La berstot prutejeda Locia per jënt cun andicap ie śën da belau 30 ani incà y da 25 ani iela sot a un n tët cun l cunvit y la sënta de sustëni per l di, tla cësa che fova ntlëuta unida cumpreda dal Cunsorz di Chemuns de Gherdëina y Ciastel. L cunvit, la sënta de sustëni via per l di y l Café Surëdl, de chël che n à da permò festejà i 10 ani, ie unic menei nchin ala fin dl 2003 dala Lebenshilfe. Sce la aministrazion dl frabicat fova dant passeda tla mans de plu istituzions, vën dal 2004 duta la cësa meneda dala Cumenanza de raion SaltenSchlern. Davia che la cësa fova dant na ustaria, ne fòvela danz no njenieda ite per persones cun andicap y la berstotes te cësa fova spartides su mpue dlonch ora. Do l renuvamënt iel śën da garat de ndut 23 lueges da lauré tla berstot da marangon, tla berstot da tiejer y cujì, tla grupa combi y tla grupa criativa, plu de 7 lueges iel tla sënta de sustëni cun bani de cura leprò y 12 lueges iel per chëi che sta for tla Locia, 4 de chëstes te n cuatier cun ntreda per si cont, che ie śën despartides defin dala strutures adurvedes via per l di. Te cësa iel coche dit nce na ustaria publica che uega da strutura de reabilitazion per 6 persones cun andicap, la ie drët bënududa dala jënt y pieta na bona puscibltà per la ntegrazion soziela.


Na dezijiun che mëss madorì

Advënt N dé sciöche n ater, n momënt sciöche tanć, dis, mëisc, agn ài iö chilò passè, mo impò me sa chësc le miù tëmp da te dì

Intervista a na familia che à tut sö l’inćiaria de familia afidatara

de cör giulan!

Dessëgn de mëda Antonia Mair.

nr. 50 / 24 de dezember 2010

Aodanzes Stimà amisc, benefaturs y volontars dla Ćiasa de Palsa Ojöp Frëinademetz! I sun rovà ala fin dl ann y i oress tó l’ocajiun por Ves dì (tres La Usc di Ladins, impede menè fora lëtres) n gran dilan de döt le bëgn che i ti ëis fat ala jënt che vir te Ćiasa de Palsa. Dilan por l’aiüt finanziar y por le tëmp lëde che

Inće te nosta valada vëgnel chirì geniturs afidatars.

Ëise pa bele esperiënzes cun jogn o mituns che à dificoltês te familia? Scê, nosta familia à podü fà na esperiënza cörta, mo intensiva y positiva. Conescëise porsones/families che à tut sö n möt en afidamënt o é na familia afidatara? Messëise

Ćiünes é pa do Osta minunga les dificoltês plü ries da soportè, canche an tol n möt o na möta en afidamënt? Le momënt ch’al vëgn n möt o na möta te ćiasa é n momënt dër delicat por döta la familia y sambëgn inće por le möt. La familia ne conësc nia le möt y le möt ne conësc degügn de familia y gnanca l’ambiënt te chël che la familia abitëia; te chësc pröm tëmp mëss porchël düć avëi tröpa paziënza y ne pretëne da degügn demassa. An mëss i lascè tëmp a düć da imparè da vire cun chësta situaziun nöia. I mituns de familia mëss imparè da azetè che la mama y le tati n’é nia ma plü chilò por ëi, mo inće por l’ater möt; sciöche geniturs mësson chilò inće mëte dër averda y porvè da ti dè a vigni möt ći che al adora. Al po gnì sö gelosies y chësc é spo sigü dër rî da afrontè. Odëise dërt che i mituns mantëgnes le contat cun süa familia? Ći esperiënzes Ëise pa de chësc vers? Scê, i vëighi dër important che i mituns ais inant n bun contat cun la familia, ai dess savëi che süa familia é y resta chëra, te chëra che ai é chersciüs sö, y ai ne dess nia avëi l’impresciun che tla familia “nöia” é döt bun, döt bel y dërt, mo ai dess odëi ite che chësta familia dëida le möt y süa familia te n momënt de “crisa”. Nosta familia à albü dër n bel y n bun contat cun

la familia dl möt, n contat che à arichì nosta familia y dessigü inće la familia dl möt.

I laûrs va inant

Podëise Ves imaginé da ti orëi bun a n möt o na möta nia conesciüda? Scê, zënzater. Vigni möt y vigni möta é na creatöra unica y sa da se fà orëi bun!

Situaziun atuala te Ćiasa de Palsa a San Martin

Tan inant po pa chësc fat Ves daidé personalmënter? Ći cambiamënt Ves aspetëise pa por Os instësc? Tó sö n möt o na möta é na dezijiun che te fej madorì, na dezijiun che te fej odëi cosses da n’atra perspetiva y che te dà inće tröpes sodesfaziuns y ligrëzes. Dal’atra pert este tres inće confrontada cun tü limić y te mësses odëi ite che te pos fà tröp, mo nia döt.

Da mëisc vëgnel laurè por ressanè la Ćiasa de Palsa a San Martin de Tor, “I sun tl rovè i laûrs”, dij le presidënt Hans Pescoller, “al é ma plü val’ mëndres cosses da stlü ia y i aratun da podëi stlü jö i laûrs bele chisc dis”. Śëgn vëgnera da arjigné ite la strotöra. Val’ laûrs é bele gnüs dà ia, sciöche chi por l’aredamënt dla ćiasadafüch (dita Niederbacher

Tan inant s’la debitëise pa? O s’la confortëise plütosc? Por le moment ne podunse nia plü tó sö en möt en afidamënt, deache nosta situaziun familiara ne s’l pormët nia, mo i speri che i podarun te n dagnì indô n iade fà na te’ esperiënza. La dezijiun de tó sö en möt por n afidamënt n’é nia saurida y al dess ester n resultat de na reflesciun sota, cun na gran responsabilité. Mituns en afidamënt à döes families, la familia originara y la familia afidatara. Süa situaziun de vita y de familia i costa ai mituns tröpa energia. Le ponsè dla familia afidatara sön la familia originara dl möt influësc sön le ponsè y le sintì dl möt en afidamënt, che che ëi é. Deventè na familia afidatara ô dì n gran cambiamënt por la familia instëssa, deache al ô di ti fà lerch a n möt o na möta, che dess gnì azetè y respetè sciöche al é, cun so passè, sües usanzes, le daidé da sozialisé cun i atri y da svilupè sü potenziai, mantignin i raporć cun sü geniturs. Por de vigni sort de informaziuns sön l’afidamënt, telefonede al numer 0474/412925 o scriede ala mail pflegeanvertrauung@bzgpust. it.

Le Presidënt Hans Pescoller

da Kaltern) y chi por la lavandaria (Hotel Service de Crazzolara Christian - San Ćiascian). Chisc dis déssel gnì dè ia inće i laûrs da tistler. Le consëi d’aministraziun é contënt da avëi stlüt jö i laûrs y confida da podëi mëte a desposiziun la Ćiasa de Palsa nöia de jügn o messè 2011, tan inant che al ne vëgn nia impedimënć danterìte.

Da taié fora ................................................................................................................................................................................

Numeri nüs di sorvisc sanitars Le raiun soziosanitar da Picolin lascia alsavëi che i sorvisc sanitars à numeri de

telefonn nüs. I numeri di sorvisc soziai romagn i medemi.

Ofize

Numer de telefonn

Sorvisc aministratif

0474/58 61 20

Ambulatore infermieres

0474/58 61 28

Sorvisc dotur di dënz

0474/58 61 30

Logopedia

0474/58 61 31

Fisioterapia

0474/58 61 35

Ginecologia

0474/58 61 40

Mëde di tiers ofizial

0474/58 61 43

Sorvisc por dieta y nudrimënt 0474/58 61 44 Zënter a Pedraces

0474/58 61 55

..........................................................................................................................................................................................................................................

Os ëis tut la dezijiun da se mëte a desposiziun por tó sö a tëmp determiné n möt/na möta che à debojëgn de Osc aiüt. Ći ves à pa sburlè da tó chësta dezijiun? Da tó te familia la dezijiun de tó sö n möt che à debojëgn, n’é nia na dezijiun saurida. Al é do mia minunga dër important che intrami i geniturs sides a öna y che inće i mituns de familia vëgnes arjignà ca bun (do l’eté) a chësc vare. Al é ideal sce inće i nenesc y les lâs é a öna. Por nos él stè propi le debojëgn dl möt instës y de süa familia che nes à sburlè da dì de scê. I messun inće dì che te chël momënt ê nosta situaziun de familia che s’l pormetô. Iö sciöche uma de dui mituns sun ćiamò a ćiasa y i ne laori nia fora de ćiasa. Chësc à dessigü contribuì da tó na dezijiun positiva.

fà n curs o gnëise sostignis dai sorvisc? I ne conësci nia porsones che à tut n möt en afidamënt, mo i à lit n liber y inće aldì bele de esperiënzes de n valgönes families. Al esist plü poscibilitês da tó sö n möt. Al po gnì tut sö a tëmp plëgn o a tëmp parzial o inće ma por n cört tëmp n valgönes ores. Por tó sö n möt en afidamënt a tëmp plëgn o a tëmp parzial mëss i geniturs fà n dialogh cun n espert dl sorvisc sozial y cun n psicologh, dedô él chisc che vëgn a ti ćiarè al apartamënt te chël che te vires y spo dai n bunarat, che dij sce la copia é te chësc momënt adatada da tó sö n möt o manco.

..........................................................................................................................................................................................................................................

L’afidamënt familiar dëida crësce n möt y la familia instëssa. Por mituns che vir al momënt zënza n ambiënt familiar adatè, pòl ester important da ciafè por n tëmp cört stabilité te n’atra familia, olache ai vëgn tuć sö cun sü debojëgns, cun afetivité y al ti vëgn dè ći che ai adora por crësce. L’afidamënt familiar é na alternativa al istitut y al i pormët a tröc mituns y jogn te dificoltês da crësce cun l’aiüt de na familia. La familia po ti pité al möt gonot trö’ deplü co n istitut: amur, respet, crëta, relaziuns, y i. i. Te nosta valada vëgnel tres deplü chirì families che oress tó sö l’inćiaria, nia dagnora saurida, sciöche familia afidatara. I ti ùn fat na picia intervista a na familia che à tut la dezijun da tó sö chësta inćiaria y responsabilité. Danter l’ater ti unse damanè co che la dezijun é madorida y sce l’inćiaria comporta na gran responsabilité y n crësce personal.

i ti ëis scinché a nüsc berbesc y a nostes mëdes. La Ćiasa de Palsa ti aoda a düć n bun Nadè de pêsc y ligrëza y n Ann Nü plëgn de sanité y fortüna.

...............................................................................................................................................................................

www.lauscdiladins.com

19


Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

nr. 50 / 24 de dezember 2010

MareoMobil te scora mesana Ai scolars dla pröma mesana d’Al Plan ti él gnü dè informaziuns sön la mobilité te so comun

N dé me ponsâi... Na reflesciun sön Santa Claus... o sön le Pice Bambin?

L’anuzamënt dl sorvisc de trasport publich ti é gnü portè plü daimprò ai scolars de pröma mesana.

Al Plan - Mareo ô ti dè plü pëis ala mobilité plü lisiera, che scona l’ambiënt. Da otober 2009 é le comun de Mareo tl proiet “Comuns mobil”, che promöi ativitês de svilup dla mobilité “lisiera”, dl anuzamënt dl sorvisc de trasport publich. L’ofize provinzial dla mobilité y le Klimabündnis Tirol é i portadus de chësc proiet Interreg IV Talia - Austria, che vëgn cofinanzié cun scioldi dl fond europeich por le svilup regional.

Le Comun ô sostignì y portè danter la jënt i vantaji dla mobilité lisiera. Un n vare é stada la incuntada cun scolares y scolars dla pröma mesana d’Al Plan. Cun ejëmpli pratics y eserzizi ti él gnü portè dant ai jogn les poscibilitês da s’armöie te Mareo cun i mesi publics. La referënta Maria Gufler ti à mostrè ai scolars sciöche an lî i orars dles corieres, ći sort de chertes che an ciafa te Südtirol y co che le sistem tarifar é metü sö.

Le manajadù dl ofize dla mobilité te comun, la verda de comun Hugo Sottrovisch, à inće tut pert ala incuntada cun i scolars y ê a desposiziun por de vigni sort de informaziuns. Por informaziuns plü menüdes pon jì sön internet, sön la plata www.gemeindenmobil. it, sciöche inće s’oje al responsabl tl comun de Mareo Hugo Sottrovisch, tel. 0474/503754, e-mail: hugo.sottrovisch@ gemeinde.enneberg.bz.it.

Zacan n dé ascutâi da doman Ö3. Te un di tröc sketch da rì dij un: “I sun gnü lassura che al n’é gnanca Santa Claus (Babbo Natale) che porta les scincundes. Al é le pice Bambin!” Chësta m’à salpü da rì, mo tl medemo momënt me ponsâi che al podess pa ester assà che tröc fejes confujiun. Mefodër dan val’ dis dijô n te’ möt che le Pice Bambin vëgn cun la liösa a sciurè les scincundes da ćiamin jö. Haaaa?

atmosferes magiches, y chël berba cun braia, mantel y ciüria cöcena, che ti porta les scincundes ai mituns plü prosc. Ći à pa chilò ćiamò da chirì n te’ püre bambin nasciü te na stala, danter bo y müsc, al frëit, tla povertè plü sota? I damani cun n sofl de provocaziun.

I ne me feji nia morvëia. Le Santa Claus american (che é por ater na figöra inventada ispirada a San Micurà), à oramai fat iruziun inće tles cultures dl Pice Bambin. An nen vëiga inće te nüsc paîsc olachessî de chisc berbesc che s’arpiza sö por i sorasc dles ćiases. Tratan döt l’Advënt y śëgn da Nadè vëigon tla tele v ijiun le s f ic tions amer ic ane s , c un süe s

Al à scê da chirì. Santa Claus é inventè, al é fantasia. Santa Claus aspeta i mituns ti gragn zëntri comerziai. Santa Claus, por tan da orëi bun y magich che al vëgnes rapresentè, é comerz, consumism, n strabac de chël San Micurà che à vit davëi, che â al zënter de süa vita l’amur y la buntè por i plü debli. Le Pice Bambin Gejù no, chël n’é nia fantasia, al n’é nia ti zëntri comerziai. Al ne te chërda nia y ne te sforza nia. Al é dailò, tla cripele simbolicamënter, y al t’aspeta. Sce t’os l’incuntè, àl val’ da te dì. Nia tl fracac, mo tl chît, de to cör. Bun Nadè. (pablo)

Santa Claus....

... o Pice Bambin?

N bel grup de ministranć nüs A Badia él gnü tut sö 14 ministranć nüs y an à śëgn n bel grup de 70 sorvidusc Badia - En la secunda domënia d’Advënt él gnü tut sö tla cöra de Badia 14 ministranć nüs, che ti é gnüs presentà ala popolaziun en gaujiun de na mëssa da festa. Siur degan Franz Sottara à splighé tan important che le sorvisc di ministranć é y à inće tut l’ocajiun

por rengrazié düć i ministranć che sorvësc ann por ann sö da altè, cun tröpa ligrëza y lezitënza. Do mëssa ti à siur degan surandè ai ministranć n pice reconoscimënt. Da d’altonn êl gnü fat festa por tó comié da 8 ministranć, che lasciâ le sorvisc por rajuns d’eté. Śëgn

I ministranć nüs cun siur degan Franz Sottara y i acompagnadus.

20

www.lauscdiladins.com

àn podü nen tó sö 14 de nüs. A Badia cumpëdon insciö bëgn 70 ministranć atifs. So acompagnadù Klaus Untersteiner cun Lisa Untersteiner y Matthias Burchia, ti aoda ai ministranć nüs döt le bun y tröpa ligrëza pro le sorvì a mëssa.


Val Badia

nr. 50 / 24 de dezember 2010

“La mosöra dl amur é amè zënza mosöra” Intervista de Massimiliano Sposato ala monia Maria Monica (Maria) Moling da La Val por la trasmisciun “Porta la tua luce”, trasmetüda da Radio Sacra Familia en chësc ann general, sciöche arichimënt por la porsona. I po dì de avëi passè mia eté da picera y dedô da jona cun na buna vita de comunité, sides te familia sciöche inće defora dala familia, liada ales porsones che ê incër me ia y che gnê a nes ciafè y olache vigni ghest ê bëgnodü, inće sce al â la meseria. Tan bela che la vita é m’à inće fat capì les pices spazirades dla domënia cun i geniturs, olache suradöt nosc pere nes à daidé da daurì i edli y amiré les belëzes dla natöra che Dî à cherié. I me recordi ćiamò sü edli plëgns de morvëia por n pice ciüf te tru y süa amiraziun por le florì dl sorëdl.

La monia Maria Monica Moling da La Val.

Porsones - Maria Moling é nasciüda dl 1946 sciöche plü vedla de 6 mituns y 6 mitans dla familia de Maria Terza y Tita Moling de Cestun da La Val. Dô la scora elementara fata a La Val, àra laurè d’isté a ćiasa y n per d’agn d’invern dai maestri Lezuo a Corvara. Dl 1968 éra jüda te convënt a Porsenù, dailò àra fat la scora mesana y le noviziat. Dl 1971, do la profès, éra rovada a Balsan tla clinica S. Maria, olache ara à fat la scora da infermiera y la formaziun da caposalf. Sciöche infermiera àra laurè tla clinica S. Maria y tl Grieserhof ćina dl 1982. En chësc ann éra jüda tl Camerun tl’Africa sciöche monia miscionara, sciöche ara se dejidrâ bele da canche ara ê jüda te convënt. Do 8 agn éra indô gnüda zeruch aladô dla orentè de sües superiures, por laurè sciöche infermiera tla clinica S. Maria y tl Grieserhof, strotöres menades dales monies terziares. Dal 1995-96 éra stada tl’Inghiltera a fà na formaziun de psicologia y spiritualité. Ara laora dötaurela tla clinica S. Maria y pîta inće acompagnamënt religius y spiritual. Na pasciun che ara coltivëia te so püch tëmp lëde é la pitöra. Cares é pa stades les cosses che t’à daidé da picera da capì tan bela che la vita é? Maria Monica Moling: I à de beles recordanzes de canche i ê picera: na gran familia cun n pere dër religius y na uma che laurâ dër tröp. Al gnê ćiantè y i s’abinân gonôt düć deboriada, inće cun i vijins. Nosta ćiasa che â inće n morin, ê grana y daverta a düć. I me recordi che al ê rovè adalerch n iade en Vëia de Nadè n petler: mi pere l’â tut sö sciöche le Pice Bambin y ti â dit a mia uma da ti arjigné n bel let. Nos mitans y mituns l’ân tut sö le pröm momënt sciöche n desturb. I jôn ion cun nosc pere jö dala capela da Pidrô a perié. Le pere liô tröp y nes cuntâ inće tröp. I jüć ê scëmpli y fać de materiai naturai, i ân le bosch dlungia ćiasa. Le pere y la uma â na gran ligrëza cun le ćiantè y le pere sonâ datrai la zitra. Chëstes esperiënzes à acompagnè mia infanzia y à descedè te me la ligrëza por le ćiantè y por la musiga en

Co é pa nasciüda tüa vocaziun religiosa a contat cun la jënt che patësc? I arati de avëi albü de bugn ejëmpli te familia. A ćiasa êl na gran sensibilité por les misciuns. Al gnê lit i folieć di miscionars y dles monies tles misciuns. Al gnê vit solidarieté cun chi che â debojëgn. Eco, magari m’él restè propi chësc: chël de daidé ion y cun le cör la jënt che à debojëgn. Dlungia döt le bun y bel ch’é stè te familia, él inće la soferënza y la fadia da la trà inant. Sciöche plü vedla de 6 mitans y 6 mituns ài inće sintì na gran responsabilité bele da jona y i à imparè da fà sacrifizi y da i ofrì sö a Chël Dî, sciöche i aldî gonôt dijon da mia uma. I arati de avëi ciafè chësc sciöche insegnamënt y da chësc é nasciüda na vocaziun por mia vita. I chirî bele da jona momënć de chît por capì cal che ess podü ester mi tru de vita. Cun le tëmp ài capì y sintì ći che é por me plü important: dediché mi tëmp a jënt püra y che à debojëgn de aiüt. Poste nes cuntè val’ dl ordin religius de chël che te fejes pert? I feji pert dla Congregaziun dles Monies terziares, na congregaziun che tol ite oraziun y ativité. Nosta fondadëssa é Maria Hueber - na ëra y monia da Porsenù cun n gran coraje. Adöm a n’atra monia àra metü man dl 1701 la vita te convënt s’orientan do la regola dl terz ordin de San Francësch, cun l’impëgn de ti jì do y vire cun autentizité le Vagnele sciöche Gejù Crist s’l’à insigné tres San Francësch y plü

avisa cun scemplëza, umilté y letizia. I porvun da vire en reconoscënza y amizizia. Co é pa fat to dé de laûr y tla comunité? Mi dé mët man cun la oraziun tla comunité, canche i rovun adöm dales 5.30 da doman te nosta capela por le lalt y la zelebraziun dl’eucaristia. La vita de oraziun y la vita tla comunité é por me dui pilastri fondamentai de mia vita. Mi dé de laûr mët man cun deplü laûrs y sorvisc p. ej. tl laboratore dla clinica toli jö sanch, i ti dedichëii deplü ores al dé al laûr d’ofize tl’entrada: dè informaziuns, respogne al telefonn y da zirca n ann sunsi responsabla por l’animaziun tla repartiziun dla jënt atempada cun maraties croniches. Chësc mi impëgn y compit de animadëssa me fej gran ligrëza, porćiodì ch’i po daidé cun le portè n pü’ de löm y speranza a tan de porsones gonot sores y tralasciades. I proi da tó ite les porsones atempades, da les daidé da gnì fora de süa isolaziun tres le jüch de grup y le jüch creatif. Daidé dëida la musiga y le ćiantè - i à odü porsones che cun le vare de n bal à podü se sintì zeruch te süa jonëza y vire insciö de bi momënć.

Pest por trëi injiniers L’Alta Badia à orü premié la fedeltè dla BMW Turism - Da 25 agn incà é la BMW ghest dl’Alta Badia. Tl Hotel La Majun de Roberta Rinna Mellauner él gnü premié i trëi injiniers dla ćiasa automobilistica todëscia, che vëgn tl’Alta da n chert de secul incà, plü iadi al ann, por porvè fora i prototips nüs. I premià é Michael Debes, Reinhard Appel y Günther Sokoll, che à podü pié do le reconoscimënt en presënza dl ombolt de Badia Iaco Frenademetz, dl presidënt dl Consorz Turistich Alta Badia Andy

Pertot y dl responsabl por les strades provinziales Albert Deval. Les strades da munt dl’Alta pîta condiziuns otimales por i test cun i auti, che vëgn fać fora de sajun. L’impat publizitar n’é nia da sotvalutè. Ti ultims agn él nasciü na colaboraziun importanta cun la BMW Italia, che organisarà de merz le 2. BMW XDrive, olache an po porvè fora i ultimi modei. La pröma ediziun dl evënt à albü bindebò de suzes. (ofize stampa alta badia)

De ći à pa debojëgn la jënt atempada recoverada? La jënt atempada à do mia minunga debojëgn de porsones che ascuta sö cun le cör so bojëgn d’amur, so ester porsones inće cun i problems che la vita ne ti à nia sparagné. Ai à debojëgn de gnì ascutà sö y capis, de gnì rencurà y amà. Datrai ài inće debojëgn de se sintì ćiamò d’ütl por valgügn, de gnì tuć sö sciöche porsones, de gnì cherdà por inom. Ai adora valgügn dlungia che ascuta sö cun paziënza y dediziun les stories de süa vita. Y ći insegnamënt toleste pa da Gejù Crist? Sc’i ti ćiarun a Crist, spo unse te ël le gran maester dl amur - amè sciöche al nes à amè. La mosöra dl amur é amè zënza mosöra y zënza ghiré val’ zeruch. Gejù Crist nes à insigné co incuntè l’atra porsona y sciöche chësc nes dëida da jì ite tl monn dl ater.

Pro la premiaziun di trëi injiniers a La Ila.

A ćiasa cun la uma. www.lauscdiladins.com

21


Val Badia

nr. 50 / 24 de dezember 2010

Comitê nü dles patrones Loise Clara Verginer romagn surastanta dla uniun Lies - Ai 26 de novëmber à l’Uniun dles Patrones da San Martin de Tor tignì tl salf di stödafüch la reuniun generala. Söl ordinn dl dé êl preodü les lîtes dl consëi nü por i proscims 5 agn. Surastanta dles patrones é gnüda confermada Loise Clara Verginer, dla junta fej pert Rita Verginer Vantsch, Rosamunde Videsott Irsara, Valeria Castlunger Mailänder, Lucia Sorà Tschaffert, Alma Dapoz Pescollderungg y Hildegard Costa Flatscher. Ala reuniun à tut pert inće la surastanta dles Patrones de Puster

Marianne Kiebacher, le vizeombolt dl comun da San Martin de Tor Dolorico Mischi y Herbert Videsott por l’uniun di paurs. Tratan la reuniun él gnü portè dant l’ativité desfirada ia por l’ann. Al é inće gnü surandè val’ onoranzes; les patrones plü de tëmp, che s’à tres dè jö cun le laûr da paur, à podü pié do n smaz de ciüfs. Cun ligrëza à les patrones podü ti surandè n scech al Bäuerlicher Notstandsfond por daidé paurs en dificoltè. Chësc por mirit dles patrones che s’à dè tan da fà söl marćé da San Scimun, pro

le stont dles tutres. Passè ia unse n bel domisdé en compagnia cun na buna spëisa. Porchël orunse ti aodé a dötes les patrones da San Martin de Tor de beles festes da Nadè cun n valgönes parores: che le Bambin nasciü portes te ostes families les dërtes scincundes: pêsc, armonia y ligrëza. L’ann nü ô dì speranza, n lominus nü, pinsiers nüs y trus nüs che porta al travert…. N bun scomenciament dl ann ves aoda dötes les patrones da San Martin de Tor. (Patrones San Martin de Tor)

Bun Nadè y bun ann

Dancà dmc Hildegard Costa Flatscher, la surastanta dles patrones de Puster Marianne Kiebacher y Alma Dapoz Pescollderungg. Iadedô dmc Valeria Castlunger Mailänder, le rapresentant di paurs Herbert Videsott, Rosamunde Videsott Irsara, Rita Verginer Vantsch, Loise Clara Verginer y Lucia Sorà Tschaffert.

Le Rait a Bad Tölz Paurs y patrones da San Martin é jüs a Bad Tölz por le “Rait de San Linert” Iadi - Ai 6 de novembër à l’uniun dles patrones y di paurs da San Martin fat n iade deboriada a Bad Tölz a ti ćiarè al “Leonardiritt”. Te chësc paîsc él ai 6 de novëmber n dé de festa, deache ai se recorda de San Linert. I ùn podü odëi

apresciapüch 83 ćiars infornis sö dër da festa y sön i ćiars êl jones y ëres cun la troht, la musiga, proi y ministranć y i.i. I ćiavai che tira i ćiars, mo inće chi che à tut pert ala defilada, ê gnüs arjignà ca cun tröp savëi y

Le grup che à tut pert al iade a Bad Tölz.

22

www.lauscdiladins.com

dër da festa. Do na bona marëna sunse indô pià zoruch cuntra ćiasa, por che i paurs y les patrones che à tut pert podôis rovè zoruch adora assà por ojorè. A düć y a dötes ti àl salpü bel. (rita verginer)

N ann s’arjigna indô da jì a piz. La redaziun d’La Usc dla Val Badia oress ves fà a düć os leturs y leturies les mius aodanzes de n Bun Nadè y n bun ann nü. I ves aodun che i podëise passè ia de beles festes y che l’ann nü ves portes tröpes ligrëzes y benedisciun. I orun inće tó l’ocajiun por rengrazié dötes chës porsones che nes à dè n contribut ia por l’ann, cun articui, informaziuns, retrać, critiches y lalć. I nes liarun indô tl ann nü. Nosta redaziun palsa śëgn ćina ai 2 de jenà 2011. Nosc ofize a San Martin sarà indô davert en lönesc ai 3 de jenà. L’ofize a Badia romagnarà stlüt ćina ai 23 de jenà. La Redaziun


Val Badia

nr. 50 / 24 de dezember 2010

L’EPL ćiara inant cun otimism y entusiasm Deplü i proieć odüs danfora tl dagnì: colaboraziun al completamënt dla pröma fasa dl “Tru di Artisć” danter San Ćiascian y La Ila, cursc de formaziun individuala dla usc y na mostra coletiva i pröms mëisc dl 2012 a Balsan Al Plan - Passa 35 porsones dles seziuns “ert figurativa”, “leteratöra” y “cors de dlijia” à tut sö l’invit da gnì ala reuniun generala dl’EPL - Ert por i Ladins tl Hotel Teresa a Al Plan de Mareo. Por la ligrëza dl presidënt Iaco Rigo àl podü gnì aprovè le cunt de cassa scrit a zifres fosces y presentè deplü proieć por le dagnì. Cuntè en cört él gnü söla ediziun numer 50 dl Calënder Ladin, gnüda fora dan da püćes edemes, spo söl’atra ativité ordinara desfirada cun de bugn resultać chësc ann 2010 che va a piz. I dui mëmbri dl’EPL Michael Moling y Gustav Willeit à spo presentè söl gran linzó le “Tru di Artisć” che é tla fasa de proietaziun. Al momënt vëgnel chirì adöm les dites che podess fà i banć, les tofles, l’entrada dl “Tru” y i ultims sponsors y mezenać por cumprè les prömes sis operes di artisć EPL da mëte sö en ur’ dl “Tru”. Por en ater ann, de messè, podess le “Tru” gnì daurì, y dedô le arichiaran cun d’atres scultöres, istalaziuns y inće cun n maiù

program de cornisc.

Calënder Ladin 2012 Le cuertl dl “Calënder Ladin 2012”, che gnarà fora tl altonn dl 2011, gnarà realisé dal artist Markus Moling da La Val. Ël ponsarà inće da fà les grafiches ai mëisc y a na süa presentaziun tl Calënder Ladin che röia feter te vigni ćiasa dla valada.

Cursc individuai dla usc Aprovè él gnü la proposta da pert dla seziun di cors de dlijia da scrì fora y mëte da jì cursc individuai dla usc tla Val Badia. I invić y l’informaziun i ruvarà ćiamò ai cors de dlijia che fej pert dl’EPL.

Mostra EPL n iade a Balsan La mostra coletiva dl’EPL söl program dl 2011 gnarà spostada de val’ mëis, deache de forà dl 2012 fóssel la poscibilité da mëte fora tla

Galaria Prisma a Balsan (gestiun dl “Südtiroler Künstlerbund”). Ćina ilò s’arjignarà ca i artisć cun i laurs, por che la mostra pois inće garatè dal punt d’odüda cualitatif.

Colaboraziun a proieć desvalis Por l’ann che vëgn 2011 i darà l’EPL la colaboraziun indô ales manifestaziuns “cultura da munt” sön Börz/Antermëria y inće al proiet inizié dal Sorvisc ai Jogn Val Badia “Musical ’cuntra löm’”. Te chësc ultim contest se cruziarà l’EPL da organisé y coordinè i tutores por i grups creatifs y artistics por la realisaziun dl scenar, di costüms, dla grafica y dla plata internet.

Aurela cörta Do la reuniun generala à le diretif dla uniun EPL invié ala cëna da Nadè te ćiasa y a na viva cun les mius aodanzes da Nadè y por l’Ann Nü. (ir)

Lites por trëi agn I iscrić dl’Uniun di Ladins Val Badia é ruvà adöm a süa sentada generala inće por lité le consëi nü San Martin - Reuniun generala dl’Uniun di Ladins Val Badia en domënia sëra ai 19 de dezëmber 2010 tl Gran Salf dl Istitut Ladin a San Martin de Tor. Do la relaziun dl presidënt dla Uniun Werner Pescosta sön l’ativité di agn passà 2009 y 2010 y la presentaziun dl liber nü söla “Parora de Dî” (ćiara articul a pert te chësta ediziun), él inće gnü metü da jì les lites por renovè le consëi dla Uniun por d’atri trëi agn. Sön 27 zetoles de lita dades jö (cun alplü cater preferënzes) él stè le presidënt atual Werner

Pescosta che à pié do 19 usc, dan a Tone Gasser y Carlo Suani, y spo Giuvani Mischì, Michaela Vittur y Michael Moling. I sis aconsiadus nominarà śëgn le presidënt y chir spo fora les sis porsones da cooptè tla pröma reuniun che gnarà metüda da jì i pröms dis de jenà. Sambëgn gnaral impröma tignì cunt de chës porsones che à ciafè usc dales lites por ći che reverda i mëmbri da cooptè, mo al po inće ester d’atri critêrs (p.ej. che vigni paisc dla valada messass pordërt ester rapresentè te consëi). (ir)

Tratan la reuniun dl’EPL a Al Plan. Al é inće gnü proieté la proposta y le conzet dl “Tru di Artisć” danter La Ila y San Ćiascian. De messè dl ann 2011 déssel gnì daurì ofizialmënter.

www.lauscdiladins.com

23


Val Badia

nr. 50 / 24 de dezember 2010

La liturgia dla parora L’Uniun di Ladins Val Badia à dè fora n bel liber por zelebré la santa mëssa les domënies y les festes. Ara se trata dla versciun ladina dl liber “Wort-Gottes-Feier Werkbuch für die Sonn- und Festtage” gnü fora dl 2004. Traduziun de Tone Gasser, consulënza y letorat de siur Iaco Ploner y siur Ulrich Fistill

Ala reuniun anuala dla Uniun Ladins Val Badia. An vëiga le consëi dla Uniun (gran pert di mëmbri de chësc consëi ê presënć), y siur Iaco Ploner cunta dl laur lunch y zite da arjigné i libri da mëssa, y por la mëssa y liturgia, por ladin.

Publicaziuns - L’Uniun di Ladins acompagnëia cun chëstes parores la publicaziun de chësc liber nü de 226 plates, fat ia te na bela iesta cöcena: “Dal momënt ch’al é intres manco proi y ch’al sarà intres plü rî, dantadöt te nüsc

24

www.lauscdiladins.com

paisc, che i proi sides bugn da dì tan de mësses co dandaìa, messarà i laics bel plan mëte man da zelebrè la liturgia dla parora. Por chësc fin s’à l’Uniun di Ladins surantut da dè fora n liber cun i tesć y les oraziuns.”

Tratan la presentaziun a San Martin de Tor él stè le presidënt dl’Uniun di Ladins Werner Pescosta che à invié le coordinadù dl proiet Tone Gasser a cuntè söl laur che s’ascogn do la publicaziun nöia ia. Tone Gasser à dit da avëi fat la

traduziun de chësc liber tan important por nüsc tëmps y le dagnì, olache i fedei messarà zelebrè intres deplü la liturgia zënza prou. Sües traduziuns él stè siur Iaco Ploner che à ćiarè jö y à limé. Inće na delegaziun di proi dla Val Badia y siur Ulrich Fistill en inom dl Vësco Karl Golser i à ćiarè jö al “manuscrit” de Tone Gasser. Le Vësco scri te süa presentaziun dl liber danter d’ater: “Gejù Crist nes à impormetü da ester danter nos ite. Chësc vel dantadöt ilò, olache la Parora de Dî vëgn protlamada y zelebrada. Le Secundo Conzil Vatican à porchël dè l’inćiaria da promöie Zelebraziuns dla Parora de Dî (lat. sacra Verbi Dei celebratio), y plü avisa tres zelebraziuns en la vëia dles gran festes, i dis da laur d’Advënt o de Carsëma sciöche inće les domënies y les festes, cis te chi posć, olach’al n’é degun prou a desposiziun; te chësc caje dess n diaconn o n’atra porsona inćiariada dal Vësco condüje la zelebraziun’ (SC 35). Tla Val Badia él gnü tignì n curs de formaziun por conduturs y conduturies dla Zelebraziun dla Parora de Dî. Chësc é stè n contribut concret por la promoziun de chëstes zelebraziuns. I ves prëii da curé tles ploanies dl decanat chësta forma de zelebraziun liturigica. Les zelebraziuns dess

inće gnì tignides tl lingaz dla uma, chël ô dì por ladin. Porchël jôl debojëgn dla traduziun dl liber todësch “Wort-Gottes-Feier Werkbuch für die Sonn- und Festtage”. (ir)

Le coordinadù y tradutur dla versciun ladina dl liber dla “Zelebraziun dla Parora de Dî” Tone Gasser.


Val Badia

nr. 50 / 24 de dezember 2010

Le monn tl sonn dles percusciuns Liber nü dl’Uniun Ladins Val Badia “Roda dl monn te 80 tambürli” de Max Castlunger y ilustraziuns de Maria Pezzedi, cun laprò musighes da ciafè tla CD metüda tl liber

Le grup porta dant “Malaika”, bunamënter la ćiantia d’amur dal’Africa plü conesciüda dl monn.

Publicaziuns - Max Castlunger presentëia bele da agn na “süa” versciun dl’aventöra da rodé fora por le monn aladô de Jules Verne, y chësc nia ma cun test y parores: dantadöt cun le sonn dles percusciuns plü autentiches y tipiches di posć. Chësc so proiet s’à arichì intres deplü cun geografia y musighes, y dantadöt cun stromënć da percusciun. Y śëgn él deventè n liber ilustré, che à inće laprò na CD cun la naraziun y les musighes tutes sö p ro fe s c i o n a l m ë nte r. M a x Castlunger sona instës desënes y desënes de percusciuns, por le proiet de publicaziun àl ciafè le suport de Jack Alemanno, Emanuel Valentin, Cristina Cau y Gabriele Gubbelini.

Tambürli vàra inće da se fà instësc te ćiasa - ejëmpl de trëi tambürli de lëgn realisà a San Martin de Tor sön idea de Max Castlunger.

“Le liber y la CD contëgn n monologh de n jonn che pëia ia dala Val Badia y roda fora por le monn, passan da n continënt al ater. Dlunch olach’al röia imparel da conësce popolaziuns de chëres

ch’al â ma aldì cuntan da d’atri, al vëiga de vigni sort de cosses nöies, al alda le sonn de stromënć y i versc de n gröm de tiers esotics”, él scrit jö tl esposé ala publicaziun nöia dl’editur. Al é n monn de morvëia y al é n monn plëgn de sonns, chël che nos podun vire te chësta scincunda y aventöra vita. Tan de popui che al é, tan de lingac, tan de cultures che an pò odëi y incuntè, y düć porta pro a realisé fora de nosc monn n puzzle tan gran y spës. Max Castlunger à orü presenté instës le liber nü, dijon dilan a Maria Pezzedi che à fistidié dles ilustraziuns y rengrazian l’editur l’Uniun Ladins Val Badia. Max Castlunger à cuntè che le monn é tan rich de cultures che an ne sciafia nia da imparè da les conësce dötes bun assà, mo che al dédaincö é inće la Val Badia bele confrontada cun tröpa jënt da foradecà che à tröpa cultures desvalies y nia ćiamò conesciüdes. So proiet da mëte te n liber y sön na CD “na roda dl monn tres 80 tambürli” é n tentatif, n “iade” da n post al ater, por jì a i ćiarè plü avisa

musicalmënter ai atri, dal’Asia al’Africa, dal‘Europa al’America, por nia desmentié spo l’Australia cun so stromënt tradizional, le didjeridoo. Tres na proieziun multimediala cun toć de naraziun y sonns taià fora dala CD à Max Castlunger dè na bona ćerćia dl contegnü de chësta publicaziun dopla (liber y audio), y dedô àl invié sü colegs musizisć Jack, Emanuel y la ćiantarina Cristina a presentè dal vi ći che é le süch dl proiet, la musiga. Tla presentaziun musicala à Max Castlunger inće cuntè sön deplü percusciuns, mostran inće chëres che ël à realisé a San Martin fora de plü bores: trëi tambürli de lëgn. Laprò èl stè da aldì de gran oles de metal percussionistiches, desco le “steel pan” y le “hang”. Da aldì él spo inće stè la ćiantia Malaika, portada dant dai trëi musizisć y ćiantada da Cristina Cau. Max Castlunger à spo ala fin de chësta bela sesciun musicala orü recordè le dé, süa festa de compliann, cun invié düć a na boćia de prosëch bel frëch. (ir)

www.lauscdiladins.com

25


Val Badia

nr. 50 / 24 de dezember 2010

Nüsc hotì y süa gestiun Te na serada a Corvara él gnü baié dl turism tla Val Badia. Te chësta ocajiun él inće gnü presentè na analisa sön la situaziun patrimoniala y reditiva dl 55% di hotì dla categoria plü alta de nosta valada

Mësa torona a Corvara: Andy Pertot dl Consorz Turistich Alta Badia, Manfred Vanzi dla Cassa Raiffeisen Val Badia, Luca Verginer - studënt d’economia, Hubert Obwegs - diretur dla Cassa y Helmut List de Kohl & Partner.

Turism - Tla Val Badia àn albü ti ultims agn n aumënt costant dles sojornanzes (pernotamënć). Tröc ostis arata indere che chisc dać ne sides nia realistics, che l’ativité ne sides nia plü tan profitabla sciöche n iade, che le davagn vais zoruch. An sa che i ùn tla Val Badia prisc mesanamënter plü alć co altró te Südtirol. La rentabilité messass porchël ester assigurada, inće sce i cosć é gnüs maius. O él mo propi la gestiun superfiziala di cosć che condüj a n resultat manco bun? Tröpes domandes, a chëres che an à porvè da respogne te na serada organisada a Corvara, tres la colaboraziun danter les assoziaziuns turistiches y la Cassa Raiffeisen Val Badia.

Le turism é chersciü Le presidënt dl Consorz Turistich Alta Badia Andy Pertot à pité n cheder sön le svilup de gnüdes y sojornanzes di ultims trëi agn tla Val Badia. An à odü n aumënt costant y tl 2010 él rovè alerch bëgn 486.867 sciori, che à lascè registré 2.733.518 sojornanzes. La dorada mesana dles vacanzes é insciö de 5,6 dis; n dat che é lisiermënter jü zoruch ti ultims agn. L’invern fej fora le 62% dles sojornanzes totales y à albü n aumënt dl 3,2% respet a dan dui agn. L’isté crësc te na maniera plü sterscia y à albü tla

26

www.lauscdiladins.com

medema perioda n aumënt dl 8,96%. Le marćé talian dominëia cun le 64% dles sojornanzes, chël todësch fej fora le 21%. Cun de pices desfarënzies da localité a localité, àn odü che i marćià dl est é chersciüs te na manira esponenziala.

Investimënć inće ti agn de crisa Inant éra jüda cun na analisa dla situaziun patrimoniala y reditiva di agn 2008/2009, portada dant da Manfred Vanzi - responsabl dl repart credić dla Cassa Raiffeisen Val Badia - y dal studënt de economia Luca Verginer. Al é gnü analisé le 55% di hotì da 3, 4 y 4s stëres dla valada. Imprömadedöt él gnü presentè statistiches dla chersciüda di eserzizi, di pernotamënć y di posć da dormì tla valada. Al é gnü fora che la chersciüda é stada sura la mesana provinziala, ći che confermëia i dać positifs presentà dales assoziaziuns turistiches. Interessant él che inće sce al é stè agn de crisa danterìte, él impò gnü investì inant tl amodernamënt cuantitatif y cualitatif dles strotöres. I ostis à finanzié gran pert di laûrs instësc, ma en pert s’ài anuzè dl finanziamënt da pert de terzi. Dala inrescida sön le cunt economich dles imprejes analisades, él gnü fora che chëstes à cherié n

cash flow/flus de cassa al neto di amortamënć, fić, cutes y davagn dl 27,2% dl volum d’afars complessif, na zifra dër buna sce ara vëgn confrontada cun d’atres realtês turistiches dla provinzia de Balsan. Le miù resultat vëgn dai hotì a 3 stëres cun le 28%. Sce an confrontëia i resultać cun i dać mesans metüs a desposiziun dal WIFO, dal stüde Kohl & Partner por l’Austria o da d’atres localitês turistiches, vëigon che le flus de cassa y le ROI (Return on Investment) é dër bun, insciö inće le cost por le personal, deperpo che le cost por les materies prömes (spëisa etc.) é en confrunt a d’atres realtês feter massa alt. Cun n raport de 1:1,67 danter volum d’afars y debić totai éson sot la mesana dada dant. Al vëgn fora che la dorada mesana por paié zoruch le debit é de 6,15 agn, respet ai 13,4 agn che vëgn dà dant dal WIFO. L’indebitamënt mesan por eserzize analisé é de 1,95 miliuns de euro.

I top 5 sciöche ejëmpl Al é spo gnü analisé i top 5, i cin’ eserzizi cun la rentabilité plü alta. Chisc po gnì tuć ca sciöche punt de referimënt por düć i eserzizi che ô arjunje n bun resultat. Da chësta analisa vëigon che i top 5 à n cash flow dl 46%, l’adoranza de materia pröma dl 14%, personal 20%, n

capital so dl 30%, n ROI dl 30% y na dorada mesana de 3,6 agn por paié zoruch i debić.

Ara va bun, mo an po miorè Le stüde realisé dala Cassa Raiffeisen Val Badia desmostra döt adöm che: ti ultims agn é le cash flow jü lisiermënter zoruch, deache i cosć por le personal y chi por les materies prömes é jüs söpert; l’indebitamënt é sot la mesana provinziala; la bona reditivité y capitalisaziun dles aziëndes fej a na moda che la dorada da paié zoruch le debit bancar sides de apresciapüch 5 agn, aratan inće tl dagnì i medemi dać gestionai y zënza l’ipotesa de investimënć

straordinars nüs; le setur é stè bun da sfrutè al miù le smendrimënt di fić, destinan gran pert dl sparagn o al smendrimënt dl debit y/o al finanziamënt parzial de investimënć nüs.. Por podëi mantignì la spana de rentabilité atuala y/o miorè la rentabilité di eserzizi él plü poscibilitês: aumentè le volum d’afars cun l’aumënt di dis cun i leć plëgns; controlè y monitorè tresfora la situaziun finanziara y economica, smendrin i cosć y en particolar les spëises por les materies prömes che resultëia altes, zënza che la cualité nen pàies lassura, mantignin adatè o alt le livel di prisc. En pratica é chësta na desmostraziun che les cosses va bun, mo che al é dagnora poscibilitês da miorè. (nd/pablo)


nr. 50 / 24 de dezember 2010

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Val de Fascia

Crepes da lejenda, solidarietà e jent da mont L’é chisc i temes de la scontrèda endrezèda dal Socors da Mont Auta Fascia e dal Val de Fascia Climbing con l’alpinist Fausto De Stefani, olache l’é stat recordà Alex, Diego, Erwin, Luca e Dimitri

Cianacei - Vindedò gregn orizonc, en prum pian i musc lumenousc de Alex, Diego, Erwin, Luca e Dimitri sui crepes o coi schi, moscé sul scherm de la sala conferenzes del chino de Cianacei col compagnament de na musega de gran emozion. Ai 16 de dezember l’enconter con l’alpinist Fausto De Stefani l’é pontà via con la lègremes serèdes tel col e chela forèda de dolor che se palesa danef, zenza redenzio, vigni outa che vegn recordà Dantone, Perathoner, Prinoth e Riz. Te la sala l’era i familières di menacrepes, sepolii da na levina acà n an te la Val Lasties, de Dimitri Rizzi, mort endèna che l jìa te la neif entrìa ai 7 de oril de chest an, n gran numer de joegn e i raprejentanc del Val de Fascia

Climbing e del Socors da Mont, che à metù a jir l’event. I doi gropes à basà la serèda su alpinism, solidarietà e i cinch amisc bogn de desmostrèr, te la forma più nòbola, sie amor per i crepes. Na vita rica de altruism chela di menacrepes fascegn, metuda apede a chela de De Stefani. Cincantaot egn, da Mantova, De Stefani l’é un di pec che l’é ruà sun duc i 14 otmile de la Tera zenza ossigen. Ma, dò egn spenui a secodir la pascion che l’à portà più che na outa a tocèr l ciel del Nepal, l’alpinist del 2000 l’à scomenzà con la sociazion “Senza frontiere” a regoer fondi per realisèr, te la “terra degli dei”, scoles, convic e n poliambulatorie. N projet che per l’alpinist à raprejentà “i crepes più auc e senestres, ma più bie”. A l’òpera de gran valor de De Stefani,

president ence de Mountain Wilderness, i climbers e i socoridores fascegn à volù ge donèr

5 mile euro regoec en memoria di amisc che no i é più. Erwin Riz stimèa la scomenzadiva – l’à dit Stefano Bonello, president del Val de Fascia Climbing, ge dajan l’assegn - e nos ben bolintiera se aon dedicà deldut a chesta cauja. Na donazion che didarà l rescat sozièl de vèlch bez de Kirtipur. Zità pureta vejina a Kathmandu, olache l’é la scoles Rarahill Memorial. Te chesta scoles con tulins dal soreie, aules de chimica e computer, orc e na mensa che dèsc fora 480 bèsć en dì, i bec studia per doventèr compagnadores eco-ambientèi, n lurier prezious per fèr cognoscer la richezes del Nepal: natura e

turism. Enstadì donca l’é stat fat sù n pent anter i eroes de Fascia e chi bec salvé da la fam per n davegnir de speranza. E coscì a na vida scempia, i musc aiegres di pìcoi nepaleisc de De Stefani, moscé te n filmat de Sandro Tamanini a la fin de la serèda, i à chietà jù l dolor del scomenz, lascian l post a n gran sens de serenità. Complimenc a chi che à endrezà: Stefan Valentini, Mauro Dorigatti, Fabio Romelli, Matteo Soraperra, Jacopo Ferrari, Luca Micheluzzi, Mara Dorich e Stefano Bonello. Elisa Salvi

Tel chino de Cianacei l'enconter con l'alpinist Fausto De Stefani à metù l'azent sul spìrit del jir sa mont ma ence su la solidarietà.

Recordèr l’amor per la mont de Dimitri Ta Cianacei ge é stat dedicà a Dimitri Rizzi na dì de sport en segureza per portèr inant e smaorèr la pascion del freestyle e che à dat l met de stèr duc ensema sot la neif ti ciampes da schi tedant a la scola l’é stat sconet vèlch premie che se cognea jir a se chierir endò con l’arva. Dut chest l’é stat fat con n obietif scempie ma prezis, chel de portèr inant e slarièr fora l spirit del freeride en segureza, en recort de chel che aea scomenzà e che volea portèr inant Dimitri. A la fin de la dì no l’é mencià n pìcol moment ofizial te Scola de schi, olache l’é stat rengrazià duc chi che à tout pèrt che i à palesà sia gran sodesfazion troan dassen de ùtol sibie la spiegazions teoriches che la pratega. L gran rengraziament dapò l’é jit a duc chi che se à dat jù per portèr a compiment chesta bela dì de festa per recordèr na persona spezièla e emportanta, che é semper tel recort de duc i amisc

e i coleghes de la scola de schi che à volù ge fèr onor con chesta dì. Da man de Mauro Tarter e del diretor Luciano Fosco l’é stat uzà fora la forza de chesta sort de scomenzadives che tras l recordèr e l rejonèr é bones de portèr inant te n spirit gaert n amor per la mont n muie gran e fon, che l se à palesà chest’outa a na vida n muie bela tras la pratega del freeride en segureza e soraldut del stèr duc ensema. La dì se à serà sù con de bie premies dac fora tant ai joegn che ai maestres che se à dat jù per endrezèr, anter momenc de comozion, sodesfazion per l bon ejit de la dì, e la speranza che l’an che vegn la podesse esser amò più grana e con amò più jent apede. (vr)

Duc ensema se strenc te n braciacol apede a Giorgia e a Alessandro, fra de Dimitri. (foto Tomaso Luzzana)

Cianacei - L’é stat na dì en onor de Dimitri Rizzi, chela endrezèda en domenia ai 19 de dezember su la neives del Belvedere, dedichèda al freeride te duta sia variantes, pissèda dant da dut da Giorgia Lorenz e Roland Rasom. A compagnèr l grop de joegn che à tout pèrt l’é stat Roberto Platter menacrep, Roland Rasom per la brea, Patrick Rasom per l schi, Mauro Tarter e Stefano Martinello per l telemark.

Per slarièr fora l sport e la segureza la dì la é pontèda via aló da la Scola de schi de Cianacei olache l’é stat fat l control del materièl. Sobito dò duc 9 i partezipanc i é jic sun Pecol olache l’é stat fat doi raides de sciudament per dapò se troèr duc ensema al ciamp base aló dal Ciampolin olache la guida Roberto Platter à tegnù na lezion de teorìa generèla sui pericoi del freeride e de canche se va a neif entrìa e l ge à ensegnà

co fèr te na condizion de pericol. Dapò l grop l’é stat spartì en doi e un a l’outa à podù fèr pratega te na ejercitazion de enrescida sot la neif con la doura de l’arva. endèna che l’auter grop l’é jit a fèr na proa lijiera te la neif entrìa. Dò che duc chenc se à endò ciarià de neva energìa con na bona marena en compagnìa se é endò ponté via coi schi per dut l domarena e entorn les 4 duc se à binà endò tedant a la scola de schi de Cianacei olache

Maestres e amisc de Dimitri te la ejercitazion su la doura de l'arva. (foto Tomaso Luzzana)

www.lauscdiladins.com

27


Val de Fascia

nr. 50 / 24 de dezember 2010

L liber de contìes en don L’Union di Ladins ge à sport “Picole lum da Nadal” al Zìrcol de Poza e l’Università de la Terza Età

Poza - L’é stat dassen n don aprijià chel che l’Union di Ladins de Fascia à volù ge sporjer a la jent de età del Zìrcol de Poza e de l’Università de la Terza Età, enstadì en ocajion de sia festes da Nadèl: l bel liber de contìes de Maria Teresa Fanton Crepaz “Picole lum da Nadal”. Na publicazion rencurèda e gustégola che noscia jent de età podarà durèr per ge lejer sù la contìes a si nevoes o ence bele demò se les scutèr registrèdes sul CD enjontà, endèna chesta festes da Nadèl. L’autora de la contìes e di dessegnes la ge à dit a si veiac del Zìrcol de Poza che l’Union di Ladins à realisà so ensomech: binèr ensema i scric metui jù chisc egn passé e i publichèr te chest beliscim liber. Maria Teresa Fanton Crepaz à sotrissà l’emportanza de lejer e scriver tel lengaz fascian, l lengaz de la mère e de usèr via nesc pìcoi a sentir l son douc de chest lengaz. Amò apede l’à uzà fora l’emportanza de ge lejer la contìes ai bec: aldidanché anter televijion, playstation e computer no se troa più

l temp per se sentèr jù e se lejer na bela contìa. L president onorarie de l’Union Antone Polam, che ge à dat fora i libres ai sozi del Zìrcol, l’à dit che “inant de far l dotor dai bec é fat l dotor de ciasa e cogne dir che da la jent de età é semper abù na gran lezion de umanità, siede na fontana de cognoscenza e vardà de ge la passar a chi che vegn dò.” L president del Zìrcol Luciano

Crepaz à dit che la contìes les é tant beles che paassa la speisa les traslatèr e les dir sù ence per talian per no se serèr te nosc pìcol mond ma per ge fèr cognoscer ence ai bec foresć la contìes de noscia tradizion. L’é ence da dir che chesta contìes no à ite demò referimenc a la festa religiousa del Nadèl ma les trasmet valores universèi e atuèi che va sorafora la fe e donca les auza fora i ensegnamenc del volontariat, de l’azetanza, de la spartijon. L liber “Picole lum da Nadal” l’é dassen ne bela publicazion da sporjer desche don da Nadèl, e de gra al sostegn di comuns de Fascia l ge é stat sport ence ai bec te n muie de scoles de noscia val, per chest l’Union di Ladins à tout sù con piajer l’envit de ge l sporjer ence a la jent de età, no demò al Zircol ma ence a l’Università de Poza e l vegnarà portà ence te cèsa de Paussa. Chi che volessa i pel amò i troèr da comprèr te vèlch boteiga de Fascia, te Istitut Ladin e se sà ben te la senta de l’Union di Ladins de Fascia a Sèn Jan. (mci)

I sozi del Zircol de la Jent de età de Poza é stac zis contenc del liber ciapà en don.

Scolees e ensegnanc ge à sport a duta la families i augures de bona festes ciantèr e tel spilenèr. I bec de la populères de Poza i à envià i compagnes di etres paìjes a scutèr n bel conzert portà dant te tendon de la manifestazions e chi de Soraga i se à troà duc chenc te Pluriuso. I ensegnanc de la scola de Soraga chest an i se à dat jù col lengaz ladin e i scolees à spilenà de bie tòc de teater duc per fascian che à metù al luster i valores de la solidarietà, de l’azetanza di bec foresć te la

I scolees de Soraga à spilenà de bela scenetes per fascian.

28

www.lauscdiladins.com

Sonar sot l’alber la vea de Nadal, l conzert da Nadal e jir a ge sonar a le femene di museganc la sera de Sèn Salvester l’é usanze che enlaùta i ge tegnìa n muie

I sonadores da Vich sot l’alber da Nadal te piaz.

De bela festes de Nadèl Temp de Nadèl e de festes, zacan ence per i scolees che pel se emprevaler de dotrei dis de paussa per se pussèr, jir coi schi, col stroset e se goder. Ma inant de la festes i à volù ge sporjer a duta la families i augures de Nadèl e i à portà dant, ensema con si ensegnanc, de bie momenc de festa. Dò aer lurà con gaissa e pascion via per dut l’uton i à portà sun paladina cianties e scenetes e i à desmostrà duta sia braùra tel

“No se pel menciar a le tradizion”

scola, de la valivanza. I più gregn enveze se à mudà te personajes de la contìes che se à troà zenza lurier percheche i bec aldidanché no lec più i libres de contìes. L’é stat dassen bel scutèr chisc bec rejonèr fascian, ence i bec marochins, pakistans e de mèrelenga talièna. N bel compliment a duc i scolees e a la maestres che à tout sù chesta endesfida desmostran la valuta e la percacenza de la scola plurilingue. (mci)

Tradizion - Che bon ciaut che l’é te stua, tanche tizà te muscia, na pegnata de bon vin ciaut che boi sun fregolar e sora desch n cop de douces fac co na veia rizeta de mia mare. Varde fora par fenestra, che scurenta not, de gra che chel alber da Nadal ju te piaza l lumenea che l’é n piajer. No se veit nesciugn che busia... Ma, speta, speta, chi él?! Olà val Elio col clarinet sot brac, no l’é mia proa de Banda stasera!! Vin stradon veide ence Giovanin, Adriano, Fabio “Canucia”, l “Veie”!! O Segnor, no sarà mia ... ma scì l’é la vea de Nadal, son fora de calandar, cognon jir a sonar sot l’alber! Me tole l bas e ponte demez, che ciaf!! No se pel menciar a le tradizion, e chesta par la Musega da Vich l’é una de chele sentude tal cher, regolé da zivilist e sonar “Stille Nacht” en onor de la vegnuda del Bambin! Enlaùta i partìa da Col da la Sia, dò i jia te piaza ló da l’Hotel Vigo e ta Grava e dò duc a Maitin! Jent n jìa teis a scutar, ades enveze col benesser e la sozietà che cor più emprescia dal temp, n’é amò pec che vegn dò. Anché con dì se fasc l medemo percors co na jonta aló da l’Hotel Cima Dodici ta “Ciurc” e sal Piz vejin festil, olache Renzo de Canucia de solit l ne onc ite co na bona sgnapa da zacan!! Na uta i tegnìa ence conzert l dì de Nadal, semper te piaza, ence se fajea freit. Carleto “Iagher” me à dit che endana che i sonaa “Polka

francese” Checo Poldin, che l sonaa l cartin (no l’é n bicer de vin, l’é n pìcol clarinet) no l’é stat bon de far l’assolo parché se aea giacià l strument e l maester l’à fat scomenzar danef la sonada!! Ve n conte amò una, ajache nesciugn i la sà, o pec, e l’é semper storia da enlaùta, ence da grignar, se volon...! La sera de Sèn Salvester i jìa a sonar a le femene di museganc, i pontaa demez de cinch o sie e i jìa fin sun Piné. L’era avert su da Ilda de Fiech, che la tegnìa n pìcol bar. I beea zeche e dò ju te Tamion coi strosec, ju da Luijio dal Paula, olache i ciapaa òrc e ciarn e chest entorn mesanot pissave! Auter che jir a sbarar boc e petardi!! Da chela i se tramudaa ja Larcioné, ma nesciugn moea, duc che dormìa (capirede ben, da le doi de not). E donca i pontaa via endò sui strosec coi strumenc per aria che no i se smazotee su massa e ju par Arjelé a jir ja Soraga. I jìa sal pech, i magnaa n bon pec de panec e da le set da doman i montaa sun coriera e i vegnìa a ciasa, e domesdì conzert dal prum de l’an te piaza, dut a post!!” Talpai Carleto de me aer contà zeche da bel e valch da grignar sun coche fajaade a viver la musega ence fora vea!! Se vedon e se sention, e a n’autra... più curiousa! Ivan de Pino de Vigìle


Val de Fascia

nr. 50 / 24 de dezember 2010

Ge dèr lèrga ai gregn evenc per ghesć e fascegn “Entertainment Village”: n gran projet per dèr na neva prospetiva de valuta turistica, zenza desmentièr l leam col teritorie

L Bambin nasc te la cripeles fascènes Da Moena enscin ta Penìa se pel aprijièr i bie prejepies enjigné sù con pascion dai volontadives Te la comunità fascèna la religion à semper abù gran emportanza, en particolèr endèna l’invern canche, tel passà, l lurier da bacan vegnìa lascià sù per via de la neif e la families se binèa adum te la cèses. Jà da vèlch an desvaliva sociazions de la val con la colaborazion de artejegn del post à viventà de bela esposizions de crìpeles a l’averta, n contribut de magìa a l’atmosfera del Nadèl te Fascia. Pontan demez da Moena chest an se pel veder la bela cripeles enjignèdes sù dai volontadives tel cianton de Turchia; a Soraga, per l quarto an, fora per dut l paìsc e ti ciantons più carateristiches l’é endò da poder aprijièr la scomenzadiva “Doi varesc anter le cripele”; a Vich l’é endò stat endrezà l concors “Prejepies sui festii” co la partezipazion de 16 cripeles spartides fora sun dut l

tegnir del comun de Vich. Ence tel paìsc de Poza, per l secondo an, la parochia à envià la comunanza a fèr sù de bela cripeles enlumenèdes con n percors studià fora aldò. Jan più en ite se pel troèr la bela gran cripela te la giacia che l Comun à fat sù tel piaz de Mazin e tinsom del dut, ti paìjes de Cianacei, Grìes, Dèlba e Penìa, parochia e comunanzes à endrezà ence chest an l concors de la cripeles a l’averta. Te ogne ofize di foresć se pel troèr la cartines che moscia belapontin i percorsc fora per i paìjes per aprijièr chisc bie segnes del Nadèl e per tegnir sù la veiora tradizion de jir a prejepies. Cripeles fates a man, con materièl puret, rencurèdes te ogne particolèr, che ne envìa a ge jir dò a la lum de la gran steila per descorir l miràcol de la Net Sènta.

Da man dreta Walter e Monica Nicolodi, Rosanna Depaul e Mauro Tarter endèna la conferenza de inaudazion.

Cianacei - L’é l’ùltim vèrech de n projet maor, chel che en sabeda ai 18 de dezember à portà a l’inaudazion del nef local al scomenz del paìsc de Cianacei: “Hexen Club”. L’é mudà l lengaz ma l segnificat l’é semper chel: stries. L’é passà tropes egn da canche aló l’era la discoteca “Le streghe” e ades la familia Nicolodi se à pissà de ge dèr na neva viesta a chel post e orir da nef i ujes a la jent de Fascia e ai ghesć. Chesta l’é stat ence l’ocajion per prejentèr dut l projet, che vel ge dèr lèrga ai gregn evenc per ghesć e fascegn, e che per la gestion l tol ite jent dal post desche Mauro Tarter, Rosanna Depaul, Alessandro Cianchetta e Cristina Dellantonio e colaborazions da fora desche chela con la discoteca Papeete de Milano Marittima e la Circus de Brescia. L’Hexen Club l’é n bel local olache i colores checen e neigher fèsc da patrons e i é prejenc te ogne particolèr e ence te la mondura de dut l staff. N post gran che da na pèrt ge lascia lèrga al bal e a la musega più moderna e che te l’autra sala enveze l dèsc l met de stèr più

sorì, olache vegn manà musega dai egn ’70 a chela de nesc tempes. Ampò, la neva no l’é demò la discoteca, ma la filosof ìa che l’é te sot: l’“Entertainment Village” n post dut dedicà ai spetacoi e a n devertiment san e en segureza. Dut chest l’é stat palesà delvers te la conferenza stampa endrezèda per l’inaudazion ofiziala, olache l’é stat portà dant la neva prospetives uzèdes fora dai frèdes Monica e Walter Nicolodi, e ence da Mauro Tarter e Rosanna Depaul, che laora laìte da l’ambit de la comunicazion e de la relazions con l publich a chel de l’aministrazion. L local vel esser n pont de referiment per dut l turism, ma ence per la jent de Fascia che l’à chela de portèr dant gregn evenc che pel tor ite n muie de jent, ajache l’Hexen l’é coleà dal daìte con l Gran Tobià Taverna Teater, na gran sala che pel tegnir ite béleche 1000 persones. Donca l zil l’é chel de leèr i doi ambienc e i fèr doventèr n train per scomenzadives de gregn evenc, chi gregn evenc che se à jà tacà a veder chiò te Val e che l’é en

La sala del Gran Tobià Taverna Teater.

program per la sajon da d’invern 2010/2011. Anter chisc ge vegnarà dat lèrga ence ai presciapech mile studafech che ruarà te Fascia da duta la Tèlia per i Campionac taliegn de schi dai 20 ai 22 de jené. Aspet mìngol sconet ma n muie emportant l’é ence la segureza de duta la jent che é tegnuda sot vèrda da personal calificà e da la colaborazion con la forzes de l’orden. Leà a chest descors donca no podea mencèr n servije de trasport, “Night Shuttle” che l’é jà atif da les 8 da sera enscin les 4 dadoman da Penìa fin sa Vich e metù a jir de gra a la colaborazions coi Comuns de la val. Se tacarà via apontin l’ùltim de l’an con n Gran Galà con l comich Gianni Giannini, n tribut a Lucio Battisti e 4 dj a l’Hexen. Ai 2 e ai 5 de jené vegnarà portà dant n musical e ai 3 a ai 4 de jené n spezièl dal vif dedicà a Vasco Rossi. Dapò ai 3 ruarà Paolo Migoni, ai 12 Giorgio Verduci e ai 13 Paolo Labati, comics de Zelig e amò per se fèr doi grignèdes per Colorado Café ruarà al Gran Tobià Gabri Gabra ai 7 e Laura Magni ai 9. Tinùltima ai 14 de jené ruarà ence Lucio Gardin. Donca l’é chest l “Vilaje del devertiment”, n post olà stèr ben e olà fèr zeche da nef. L’idea no la é segur nasciuda per cajo ajache i patrons, ma ence chi che ge laora ite, i à viajà stroz per la Tèlia, l’Europa e l mond e, amò apede, i à na gran esperienza col ghest. L titolèr Walter Nicolodi l’à ence sotrissà che te dut chest projet fin dal scomenz l’é semper stat la colaborazion con l’Apt de Fascia che, desche semper, la dèsc sie sostegn a duta la scomenzadives ùtoles per l teritorie. A duc nos ades no ne resta che jir a veder! (vr)

La gran cripela te la giacia endrezèda te piaz dal Comun de Mazin.

La Usc ve speta endò de jené, en bèrba a la postes! Stimé letores de La Usc di Ladins, chest che aede te man l’é l’ùltim numer de chest sfoi. L’ùltim, se sà ben, per l’an 2010. L prum numer de l’An Nef sarà chel che vegnarà fora dò Pèsca Tofènia, bonamenter en lunesc ai 10 de jené, percheche oramai descheche saede la posta no vegn più portèda fora de sàbeda te noscia majons. Abià pazienza, amò per n’outa. L’é stat n muie de aboné che ne à chiamà per ne fèr a saer che i ciapa nosc sfoi de lunesc, mèrtesc, e vèlch outa ence più tèrt o nia deldut: la distribuzion de la posta te chest ùltim temp l’à abù de gregn problemes. Nos no ge n podon nia, ampò desche redazion aon vardà chel che podaane fèr, e sion dò che se endrezon per fèr vegnir fora l sfoi de vender, e aon abù ence arsegurazions da man de l’ofize zentral de la posta de Ciavaleis che se se enjignon a fèr vegnir

fora la Usc na di dant, ic se empegna a la consegnèr a duc i aboné apontin de vender. Chest percheche La Usc seghite a esser n sfoi vejin a la jent, ajornà e atuèl. Ne endespièsc per i dejèjes che aede abù chisc meisc passé e Ve domanon de seghitèr a ne dèr la creta col renovèr l’abonament. Podede vegnir te senta de l’Union di Ladins a Sèn Jan (redazion de La Usc), ence chisc dis sot la festes. L’ofize restarà avert dai 27 ai 30 de dezember da les 9.00 a les 12.00 inantmesdì e con en lunesc ai 3 de jené inant endò co l’orarie da les 8.30 a les 12.00 e da les 14.00 a les 18.00. Tolon l’ocajion per Ve sporjer de bie augures de Bon Nadèl e de n An nef rich de pèsc, sanità, fortuna, amor e ... de neves dal sfoi La Usc di Ladins!!

www.lauscdiladins.com

29


Val de Fascia

nr. 50 / 24 de dezember 2010

Conzert de Rengraziament de la Musega da Vich Duc speton l Bambin! L’é stat serà sù l’an de festejamenc per i 190 egn de vita e a duc i ge à sport de bie augures Vich - Su par l todesch i lo chiama Abschied Konzert, conzert de fin de l’an, noi l’aon notà sù desche “Conzert de Rengraziament”, chel che aon tegnù en sàbeda ai 18 de dezember te senta de Comun de Vich. Ogne grop à soa storia, ogne an à soa neva e noi proprio chest an festejon i 190 egn de vita, 190 ciandeile da destudar, ma sion amò joegn e con n spirit da rebaltar la tera dai pìe su dret! Descheche dijee l’é stat metù a jir n conzert par ge dir devalpai al paìsc, a la jent che semper ne é apede e ne vel ben, ai museganc de ades e chi da enlaùta e a chi che à troà l vial de la pasc del Paradis e che tant à fat e lurà par tegnir la Musega adum ence te chi momenc olache somea che vae dut jù par dò brea! L’é stat na serada de musega tipica de folclor e sonade da “sti egn” endrezade con amor e emozion da nosc maester Alessandro Ghetta. Sion ponté via co na bela marcia “Mit Spiel Voran” e de seghit

“Rosamunde”, “der Waldsänger”, “K.K.”, “Südtiroler Standschützen”! E no podea menciar n maestous “Gloria Sanctis” par rengraziar l Segnoredie che l’é semper apede noi e l ne deida a jir inant con fe e devozion. Ite par anter l’é stat ence sport na picola medaa de na “chiaf de violin” a chi che par 30 egn e passa à sonà ta la Musega e che amò ades i fèsc laìte so servije!! De gra ence al vize capo comun Giorgio Mazzel e a nosc president Donato Calligari che i à metù dant con parole de cher l’emportanza che à i joegn par l grop, ajache no l vae a morir, ma che i tegne semper adiment tant che à fat i veies parcheche l reste san e vif! La Musega da Vich à vivù momenc forc, de legreza e union, ma la n’à passà ence de grieves olache demò la pascion e la forza dal cher di museganc à fat scì che no vae dut en aschie. Sion apontin jic inant con l conzert con sonade tipiche da la Boemia sche “Olimpiade” e “Bohmische Traum” e par serar sù la serada no podea menciar na bela

ciantia da Nadal: “Stille Nacht” ciantada da noscia museganta Elisa de Ciancele con sotite le note sotile de na part de la Musega. Zachei ge à lascià na lagrima, valgugn à serà i eies par se n jir con l pensier te chela maraveousa melodìa e par se goder chela ousc arjentina che scì bel la viajaa anter la jent e i strumenc! Brava “Lilì”! E l’é coscita che sion rué a la fin con n gran batiman e augures par l davegnir, e dò, duc a festejar a l’Hotel Andes con golosarìe e n bon bicer par na viva! É vedù n gran grop de museganc ma soraldut de amisc e frades, leé da n fort sentiment che l’é la musega, che se tegn par man e seghita n viac che no arà mai fin. No l’é ostacol, no l’é confin che podesse fermar noscia storia, storia che cresc e... che no fenesc!! Ve salude, augures de Bone Feste a duc e se l papier no fenesc e l lapisc no se consuma massa ve scrivaré amò n auter an! Saluc e ... a n’autra più veia!

Per spetèr l Picol Bambin, en domenia a Poza se à binà pèstres, ciantores e rees, che compagné dal son de la zampognes i é jic ju per Meida ensema a la Madona e Sèn Giusef. Dal Piaz de Sèn Nicolò fin jun Piaz del Malghèr l viac l’é n muie più curt che chel fat acà passa 2000 egn dai doi sposc sènc da Nazareth

Ivan de Pino de Vigìle

enscin a Betlem... ma segur chiò enstadì l tempram era n muie più freit che enlouta te la Tera Sènta. Col retrat de chisc bec che se à enjignà e regolà sù tant delvers e i à ciantà con braùra e devozion per onorèr l Picol Gejù, ence l’Union di Ladins Ve augura de Bona Festes! Augures!!

La Musega da Vich en conzert te sala de Comun.

Chi él pa? Soluzion del retrat su La Usc nr 49 L retrat che aon publicà la setemèna passèda ne era stat portà da Carlo Rossi del Baila. A ne dèr la soluzion l’é stat l medemo Carlo e Ernesto Brunel da Soraga che l’é ence sul retrat

e l ne à dit che l retrat l’é stat fat entorn i egn ’64/’65 en ocajion del 25° o 30° cedean da preve de Don Arnaldo Rizzoli. Ence Lino Soraperra Medico l’à proà a responer ma no l’à troà fora i

inomes giusć Sul retrat l’é: 1. Mario Pederiva regolà da preve; 2. Vito Giuliani e 3. Ernesto Brunel. Chesta setemèna jon endò sun Ciaslir de Vich e speton voscia

30

29

28

27

deida coscita a viventèr chesta rubrica e a meter ensema vèlch mizacola de storia de noscia jent: ve envion a ve fèr inant per ciapèr en don na publicazion de l’Union di Ladins.

respostes per telefon o fax al 0462.764545, o per mail a la direzion lausc@ladinsdefascia.it. Ge sporjon n bel develpai a chi che se sproa a troèr fora la jent e a chi che ne porta i retrac, e i ne

26

24

23

21

22

25 31

20 10

11

13

12

14 15

9 2 1

8

www.lauscdiladins.com

18 17

16 5

6 7

3 3 1

30

19

2

4


nr. 50 / 24 de dezember 2010

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Nadèl sul Aconcagua

L’opinion

Gianpaolo Soratroi, auna a Danilo Scòla i provarà de rué sunsom la mont che coi 6959 metri l’é la plu auta del continent americán

N cont del referendum provinzial

Spedizions - L 22 de dizembre na picola spedizion dal Agordin la piarà via a la outa de l’Argentina per prové de jì sul Aconcagua, la mont che coi suoi 6959 metri sul livel del mèr, la raprejenteia l “tët de le Americhe”. Protagonisć de l’aventura doi alpinisć che fèsc pèrt del aiut alpin: Danilo Scola de Sappade, tecnico de la stazion del aiut alpin de la Val del Biois e Gianpaolo Soratroi, volontar de la stazion del aiut alpin da Fodom. I doi alpinisć, se le condizion de la glac ie l’empermetarà, i jiarà su per la “Diretta dei polacchi”, na via dalvièrta l 8 de mèrz del 1934 da na spedizion polaca. L program de la spedizion l perveiga n trekking per rué fino al ciámp baje de Plaza Argentina a 4200 metri sul livel del mèr, da ulàche scomenciarà la difi zile faje de aclimatazion. N sceguito i doi i jiarà très plu nsu fin ai ciámp auc fin japél glacé. L teantatif de rué sunsom l é pervedù per i prums diesc dis del

duta la credibilité che on bu fin ades da pèrt de la Provinzia de Bolśàn. Se don ju le firme meton en dubio nòst referendum che, bele per suo cont, l à na strada ёrta e complicada. Come che à osservè Renzo Poletti, promodou del referendum a Lamon, chёl che vòl mëte a jì la Provinzia l é na copia tardiva de chël che nos on fat. E fossa nia na picola complicazion per l iter e l bon ejit de nòst referendum . La dignité che nòsta jent à dagnëra mostré, no ston a la smazé via. (Nani)

I bacagn sul Lunare 2011 Dodesc meisc n compagnia de chi che ncora laora la tièra Na veduda del Aconcagua. Davántsu la parei est, co la “Via dei Polacchi”.

meis de jené. Na delegazion dal Agordin la tourna spò sul Aconcagua davò l’ultima spedizion che de jené del 2005 l’ava vedù

mpegnèi i Gir de Ègort. Nlouta i eva stèi de vòt i alpinisć che i eva ruèi sul mont plu aut del continent americán. (sl)

I tosac mpara a fè teater Co na raprejentazion, s’à fenì via l cors de teater per i tosac de le elementari metù a jì dal Istitut Cèsa de Jan. D’invièrn via l proget va nnavánt con chi de le mesane Teater - N domënia ai 19 de dizembre da le 20:30, ntel sèlf del Taulac a La Plié l é ste na picola raprejentazion de teater de vòt tosac e tosate de la scòla elementare da La Plié che à tout pèrt, ite per novembre e dizembre, a nen cors de teater metù a jì dal Istitut Cultural Ladin Cèsa de Jan, sot la coordinazion de Erika Castlunger. L cors l è pié via ai 17 de nove,bre. Linda  Dorigo, Milly Crepaz, Claudia Denicolò, Petra Crepaz, Naim Rudatis,  Denis Foppa e Samuele De Riva i s’à nconté per cinch viadesc, très la juoba

No ston a se lascé strioné dal referendum che la provinzia de Belum la disc de paricé prò per sua autonomia o per ji co la Region Trentin - Südtirol. La jent chilò la no n’é nia contraria che Belum damàne sua autonomia, ma no se vegne a damané a nòsta jent de voté ncora nviade, ajache ntel referendum del 2007 la s’à bele pronunzié e orienté a na moda ciara, auna co le aministrazion comunai. Fossa da “chiègapensiér” (voltafaccia) dé la firma a chi che va n giro a tò su consens. Perdónse

davòmesdì, à mparé da de esprescion con suo còrp a sensazions e emozions. Ntratánt l cors l è ste fat souradut eserzizi de improvijazion teatrala per fè crësce ntei tosac e nte le tosate la fantajia, la creativité, esezizi de grop per se cugnësce meio un con l auter e nstësc, eserzizi per la concentrazion e per se scouté un con l auter. I tosac e le tosate i à po’ nventé nte pichi grop, deplù scene curte. Chëste, che i é stade raprejentade n domënia, i é stade nventade souradut dai tosac. Erika i à demé

de l titol e spò lori s’à nventé dut: ci personagi che ogniun fajëva, co se muove e ci di. L obietif del cors de teater per i tosac e le tosate de la scola elementare l eva chëla che fè crësce nte lori la crëta de ste davánt al publich, de descore davánt n sèlf plen dejent e souradut de fè viggnì fòra la gran fantajia che i tosac e le tosate à daìte. De fouré vignarà metù a jì, très dal Istitut Cultural Ladin Cèsa de Jan, n cors de teater per i tosac e le tosate de le scòle mesane.

I bacagn da Fodom i é i protagonisć del Lunare 2011 dé fòra da l’Union dei Ladins da Fodom. Davò le mëde e i bèrbisc da nzacan, le jovene, sto viade le “veline” per ogni meis del ann sarà jent nte stala o che ten na vacia per na ciavëza. N setor ncora vif nta Fodom chël del laour da bacán respét a ju chilò, ence se l é proprio cassù che se sent ncora deplù le dificolté che vif n general la categoria ntra “quote latte”, lat e cèrn che ven chissà ulà e coscita nnavánt. L lunare l se gioura con doi plate dedicate a autritánc gragn sens de speránza per l davignì de l’agricoltura da Fodom: la lateria da Renac e i tosac, i jovegn fioi dei bacagn da ncuoi che “n domán”, coche disc i autors del lunare Nani e Benigno Gòbo, “chèlche un farà ben l bacán.” E po’ un n davò l auter i contadins ncora n ativité, co nen valgugn dac su l’azienda: cotánt de vace nte stala, tánt de etari che i sieia. Su ogni plata ence na foto per recordé dute le sòrt de formai che fèsc la lateria da Renac. “Chi elo chësta jent” scrif la prescidenta de L’Union dei Ladins da Fodom Daniela Templari nte le parole de prejentazion.”No crei che le sozieté ntiera de Fodom e le istituzionnstësse le sabe chi che i è e souradut ci servisc che i fèsc al paisc. Fodom l vòl ester n paisc agrituristico, ma i media i descor demè de alberghi e de lifc, de

La cuartela del lunare.

manifestazions, de posti lec e nò de chi che l agriturismo i lo fèsc dal bon, con convinzion, fadie e segur puoch recugnisciment. Paia la speisa” a sièra ite,” cugnësce plu damprò chësta jent e l laour che la fèsc per l ambient e la vocazion agrituristica de nòsta val. Chilò tolon ca le stale plu grane e spò nvalgune plu picole, senza tò via nia de emportánza a chi che nte chëst lunare 2011 no n’à podù rué ite.” Le foto i é de Nani, Verena, ester e Lucia. L Lunare 2011 de l’Ulf se ciapa dal compré nte le boteighe da Fodom, a la lateria e l vignarà mané deban a duc i abonèi a la Usc di Ladins. (sl)

Bone feste da la redazion Co le feste da Nadèl se sièra ite n auter ann ence per la Usc di Ladins. Autri dodesc meisc ulàche nòst e souradut vòst fòlgio l à prové de porté nte le cèse informazion e cultura. L 2011 l sarà n ann de gran rivoluzion per La Usc. Nte le prume setemane del jené, l fòlgio l vignarà druché fòra da na nuova stamparia. Chëst cambiament, dezedù dal editor, la Generala, l ven fat souradut per cuestion economiche. La nuova stamparia, la Alcione de Trënt, l’à na gran profescionalité, ma ntel scomencé podarà ester vèlch che, ben da capì, po’ no jì deldut dërt. Nlouta damanon fin da ades perdonánza. L secondo gran cambiament, cuaji epocal volësse di per nòst fòlgio, sarà chël del dì che se rua nte le cèse. Fin ades duc e stèi très usèi a ciapé e

se lieje La Usc de sabeda. Nte chisc ultimi agn, gauja i tai al personal da pèrt de le Poste, da spëss l giornal l érué l lunesc o ence l mèrtesc. Con jené n duta Italia i postin no laorarà plu la sabeda. Per chëst la redazion la sarà sforzada de njigné prò l giornal a na moda che l rue de vender. No sarà saurì. Per chëst damanon ence la colaborazion de chi che liec a ne fè avei le notizie e l material che se vòl che vegne publiché al mascimo per l lunesc da sëra. De grane sfide ne speta. La redazion la volëssa ntánt auguré ai colaboradousc e chi che ne liec de bone feste, a se auguré che duc i abonèi renove la crëta ntel fòlgio e che se njonte ence de nuos. A duc Bon Nadèl e Bon Ann. De Cuor. (Lorenzo Soratroi Redadou da Fodom)

N moment ntratánt na raprejentazion. www.lauscdiladins.com

31


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Anpezo

nr. 50 / 24 de dezember 2010

Vinze zimes, par vinte rejos

Un sorei su ra Dolomites

Ra storia e ra jeografia de r’Italia, par i zento e zincuanta ane da canche ra s’à betù aduna. Un projeto de el Cai e de ra Guides de Anpezo

Dapò de un istade e un outon, strache de laore, i à fenì de fei fora noo el refujo Averau, su su ra forzela, intrà ra val de Anpezo e chel de Col de Santa Luzia Nuia de meo, par mostrà i laore, de fei una bela festa, co i amighe, co ra śente, e coscita i s’à ciatà, de ‘l domegna, ai 19 de dezenbre, a i 2.416 metre, intrà ‘l Averau e el Noolou, inze chel refujo che ‘l é un de i diesc pi biei, e pi boi, de duta ra Alpes, drio chel che ‘l à scrito el Sunday Times, dapò de aé zercà chel che se parecia lasù inson. Sandro Siorpaes e so femena Paola i à daerto ra portes, i à dà el bon azeto a ra śente, chera bonora, e dute à podù vardà ra bela cameretes, su de sora, sote cuerto, co ra funestres che varda ves ra Marmolada, fora in son, o ves ra Tofana, da cher’outra, co ra Rozes coscita pede che somea de slongà un brazo e ra tocià. Alcuanta

cameres ‘s é pi pizores, da doi poste, cheres pi grandes da sié a diesc parsones, par i grupe, a ‘l posto de chi vece cameroi da vinte parsones, che uśaa ‘na ota. I paroi de ciaśa i à fato gustà, a dute, algo de bon, vegnù fora da chera cujina, e s’à podù se scentà śo inze ‘l bar, inze ra sala noa, fata fora, e trope i à vorù stà su ‘l sorei, agnó che se vede indalonśe, par duta ra Dolomites, de dì e di note. Aì, parcé che Sandro e Paola Siorpaes i à chera de fei, anche par ‘sto an, ra zenes da dasera, da śì su co ra motoslita e dapò s’in vegnì śo co ‘l scuro, mangare co ‘lcocio, o co i schie, a lusc de luna, su ‘l colmin de luna, o co ra steles, a mostrà ra strada. (mdm)

De febraro, co i schie e ra peles, aduna co ‘l Cai e ra Guides, su ‘l Etna, par inparà a conosce ra crodes de duta ra rejios de chesta Italia, coscita vecia, coscita śoena.

Ci che pensa che ra crodes es tiene aduna ra śente, inveze de ra partì, ‘l é d’acordo con chel che r‘à projetà ra sezion de Anpezo de el Club alpin talian, aduna co ra nostra Guides, par el 2011, canche se recorda i zento e zincuanta ane de r’unità d’Italia. El Cai ‘l à pensà de śironà par chesta tèra, pi che see su ra crodes, e de darśonśe vinte zimes, in vinte rejos. Calcheduna ra sarà pi difizile, da ruà su in son, e penson a ‘l Monte Bianco, in Val d’Aosta, o a ra Ponta Nordent, in Piemonte. Su outra zimes se podarà dorà i schie, co ra peles, su ‘l gnee de ’l inverno, cemodo che sarà su ‘l Etna, in Sicilia, de febraro, o su ra nostra Marmolada, de maśo. Su alcuantes se podarà finamai dorà ra roda, ra bike: par el Cimone, in Emilia Romagna, e par el Saccarello, in Liguria. Par outra crodes se stajarà fora pi dis, a fei un trekking, e sarà mangare da se moe co ‘l aereo e co

‘l pullman. Chesto projeto i ‘l à betù aduna ra sezion de Anpezo de el Cai e el nosc grupo de ra Guides. ”Son parsuaśa che chesta ra see ‘na bona ocajion par conosce ra nostra tèra, o almanco i poste agnó che ‘l é crodes, in śiro par ra bela rejos de r’Italia – ra me disc Paola Valle de Moris, presidente de el Cai – ma a viaśà se podarà conosce anche ra storia, r’arte, el magnà, de i poste agnó che se rua. Par chesto i domando a i nostre sozie, ma anche a chi de el Cai de outra sezios, a se notà inze, par vegnì a fei chiste viaśe, aduna con nośoutre”. Ra Guides de Anpezo es s’à betù aduna a ‘l Cai, par ‘sto projeto, co ‘l gnon “Vinte zimes, par vinte rejos”, e el presidente Franco Gaspari Moroto el śonta pede: “Inze chesta tèra, coscita ‘na bela, ‘l é śente e cultures indalonśe, una da r’outra; basta vardà ‘na carta, par vede che una tèra coscita longa e

strenta, intrà el mar, ra no pó che aé un grun de robes, outramente una da r’outra. Par ra orografia, r’Italia r’é piena de crodes, calche ota coscita indalonśe, diverses intrà de eres. Basta se pensà de ra Alpes e de ‘l Aspromonte, de ‘l Etna e de ra Dolomites, par inpizà ra fantasia de ci che à acaro de śì in croda. Par capì, beśen conosce, ‘l é biśoin de viaśà, e nośoutre alpinistes podaron aprofità de i zento e zincuanta ane de r’Italia, par ra conosce meo, par śì a vede crodes de outra nazios, par inparà ce che ‘l é de conpain e ce che ‘l é de outramente, par ra crodes e par duto el resto, inze chesto mosaico talian”. Par in saé depì, par dapò se notà inze, se s’à chera, se pó śì a i domandà a chi de ra sezion de el Cai, inze el so sito, daante a ra stazion, sote el stradon Marconi, o i mandà ‘na mail a segreteria@caicortina.org

Sandro e Paola Siorpaes, in forzela Averau, con inpó ra Tore Granda de ra Penes de Naerou.

Fregores Alcuanta noes in curto, da Anpezo e da fora Coro Enrico Zardini In Anpezo ‘l é nasciù un coro noo: ‘l à gnon Coro Polifonico Enrico Zardini e el so diretor ‘l é Simone Nuciotti. Chesto śoen a ra fin del 2009 ‘l à betù aduna na trentina de parsones, da 14 a 50 e pasa ane, con chera de fei un conzerto in memoria de Claudio Del Favero, un amigo morto in croda. Posto che ‘l an pasà s’in é śù un grun de parsones, leades da ra pascion par ra crodes, come Marco Da Pozzo, i ome de ‘l elicotero Falco del Suem, Bibi Ghedina e Lino de Mente, don Claudio Sacco Sonador, el conzerto de i 23 de maśo 2010, pensà e vorù par un solo, l é sta dedicà anche a chi outre. El coro, dapò chera prima esperienza, ‘l à destinà de śì inaante col ciantà e ‘l à paricià el conzerto de Nadà, che s’à podù scotà, inze ra jeja de San

32

www.lauscdiladins.com

Iaco, sabeda ai 18 de dezenbre. I à zernù fora musiches de Joseph Ignaz Schnabel, Georg Friedrich Handel, Charles Camille Saint-Saens, Lorenzo Perosi, Sergej Vasil’evic Rachmaninov, Jakob Ludvig Felix Mendelssohn. Dinprin i à ciantà su da ‘l orghin, sonà da Lorenzo Pagnini, dapò i s’à betù daante ‘l altà, aduna con el flouto de Daria De Boni, i clarinete de Ilaria Menardi e Gaia Lacedelli, ra tronbes de Fabio Pavanello e Andrea Hirschstein, el corno de Dario Dibona e el tronbon de Mattia Majoni. I sode sturtade su, a ra fin, i é stade dorade par dià na man a i Venete, ruinade da ra agajos de ra setemana pasades. (Szi)

Marina Dalus e da Silvano Squizzato. Marina, fia de Luciano Dalus e de ra maestra Elisabetta Menardi Diornista, ra vive da anes fora da ‘l paes, ra viaśa par ra strades de ‘l mondo, e inze chesto libro r’à betù algo de duto chel che ra conosce. Dute nośoutre, inze ‘l nosc vive, calche ota daerśon ‘na parentesi, che dapò mangare ra se sara. Calcheduna no śon adora a ra sarà, ra resta daerta. Chesto suzede a Sofia e a Marco, chi doi che i se ciata, inze ‘l libro, a contà ra so stories. E i é anpezane anche i cartoi de el libro, co ra fotografia e ra grafica, fates da Alberto Manaigo.

Parentesi

Coi schie di note

Un bel libro, da lieśe, da cronpà, da donà, ades che ‘l é Nadà, ‘l é “Parentesi”, scrito da ra anpezana

Suzede senpre pi de spes de vede śente che và coi schie di note. Suzede su par ra pistes, agnó che i

se moe co ra peles, a sfiadazà, par ruà in refujo, a se ciatà e a ra menà. Suzede fora par i bosche, su a strades, i troes pi cete e scondude. Suzede finamai inze ‘l paes, su ra vecia Farata de ra Dolomites, ades che i à scarà fora el gnee, su ‘l toco in inze, ves Ra Era, par parecià ra pista par ra gara de el Tour de Ski, da r’Epifania. Là ‘l é bel, parcé che ‘l é i farai da strada, a fei lustro, che somea de di. I à scomenzà ‘l an pasà, a lascià el gnee su ra vecia farata, e ra śente r’à abù acaro, chi de ‘l paes e i foreste. Inze un paes, intrà ra crodes, a vede gnee, a zapà su ‘l gnee, no n’à da ese ‘na mereea. Coscita se dora manco jera e manco sa, e ‘l inverno ‘l à un outro saó.

Par ra fin de ‘l an I maestre de ra scora de schie

Cortina, chi co ra gucia rosa, par s’intende, i à chera de me fei un bel don, anche ‘sto an. Ai 30 de dezenbre, de ‘l śoiba, i podaron vede su i schie, su ‘l gnee, in pista, co ‘l chentl sun man. I anes pasade, calche ota i aea vorù se mostrà par piaza, agnó che i biciaa el gnee, par fei ‘na pista, ma ‘l ea masa laoro, e duto costaa masa. Ignante i stajea su par ra pistes, mangare a Socrepes, ma i ea indalonśe da ra śente. Coscita, par ‘sto an, i s’à pensà de fei algo de noo: lore i sarà su ra pista Canalon, sote ra Tofana, e s’i vedarà su, da ‘l paes. Con lore sarà ‘na telecamera, da i mostrà inze piaza, agnó che i betarà fora un gran schermo. E coscita, con chera lumes, inze ‘l scuro de ra note, i me fajarà, a dute, i augure par un bon an noo. E nośoutre con lore.


Anpezo

nr. 50 / 24 de dezember 2010

Una vita par dià chi outre

Ce ‘na bona machina El scultor Andrea Gaspari ‘l à fato ‘na machina de cicolato, che s’à vedù par duta Italia

Ra sezion de Anpezo de ra Crosc bianca da Bolzan, i premie par i pi varentes, ra machina noa, el laoro de un outro an, e i é 35, da canche r’é nasciuda, de ‘l 1976

Carlo Alberto Delmonego, el capo servizio, daante a ra machina noa, de ra Crosc bianca de Anpezo.

Ra Porsche Panamera, fata fora da Andrea Gaspari e da Mirco Della Vecchia, par ra prima Eurochocolate Ski, in Anpezo.

Un outro bel laoro, ‘sta ota anche dolze, par ‘l artista anpezan Andrea Gaspari de Min. Chesta ota ‘l à lourà par alcuante dis, par ra prima edizion de Eurochocolate Ski 2010, ra manifestazion che r’à portà, par cuatro dis, un mondo bon e dolze, inze ‘l nosc paes. Da un grun de toche de cicolato, alcuante cuintai, Andrea ‘l à fato fora ‘na machina, una Porsche Panamera da corsa, aduna co ‘l maestro Mirco Della Vecchia, da

Limana, che ‘l é uśà a fei fora statues, par chesta sorta de manifestazios. Andrea ‘l à fato anche ra schirates, de cicolato anche cheres, da i dà a i atletes de el snowboard, che ‘l ea in Anpezo, chi dis. Coscita el nosc scultor anpezan, che el vive e el laora pede a Milan, canche el no n’é in śiro par el mondo, elprozede co ra so arte e ades el dora anche el cicolato, dapò de aé lourà su ‘l len, el gnee e ra jaza, ra piera, el lido,

el peton, duta ra plastiches che se pó se imajinà, el viere e cisà ce outro. Chera machina, pareciada inze piaza de Anpezo, lustra de i cristai Swarovski, son śude adora a ra fei ruà finamai su ‘l TG1, da dasera de domegna 19 de dezenbre, e ‘l é stà de seguro algo de bon, par el turismo in Anpezo, a ‘na setemana da ‘l Nadà, vede algo de noo, de stragno, de curios, de bel, da ra nostra val.

Un paes pi poereto Pensiere e pugnos su ra vita del paes Se sente de inpiante da schie, che daerśe par ra stajon e i no disc nuia a i rifuje che i à intorno, par festide che i pode se organiśà par tenpo, e coscita i inpiante moe, co i rifuje śo par pede ancora sarade. Se vede inpiante che daerśe solo agnó che rua anche ra machines, e no n’é pistes del ver, e agnó che ‘l é bel, duto resta sarà. Se vede tabeles, con scrito “rifujo daerto”, che vien spacades su, ogni secondo di. Se vede diviete par ra machines, su duta ra strades fora man, anche su cheres che porta a i riguje pede el paes, e se sente de chi che fesc servizio co ra jeep, che i porta ra śente solo agnó che i vó lore, no agnó che vó ra śente, e inze zerte luoghe de ‘l paes i se refuda de śì. Se sente che el Comun el fesc de duto, par parà fora da una so ciaśa doi fardiei, che fesc pan, par lascià chera ciaśa voita patoca. No

n’elo asei ciaśa voites, śo par Cortina, chel che par zivil ‘l é el centro, e no se vedelo asei, cemodo che deenta una ciaśa che ra resta voita? Śo par el centro ‘l é alcuanta ciaśes, che una ota ‘s ea hotiei, che varda fora coscita polito che, ci che vien par ra prima ota, i se tol de seguro una storia de el paes, par vede se inze i ultime diesc ane ‘l é stà una guera, co i bonbardamente. E se sente anche che chi che à ra agenzies, i stenta senpre depì a fità ra ciaśes, che senpre depì res resta voites. Parcé ra śente ara da vegnì ancora inze un paes, agnó che se ciata senpre de manco? ‘L é ben vero che ‘l é bela crodes, ma ‘l é anche vero che, canche ‘l é guergno, ra crodes no se res vede propio, e alora ce vanzelo, de bel? Parcé i sciore ai da vegnì ca, canche poco pi indalonśe i ciata de duto e de pi, par pasà polito ra vacanza, co ‘l guergno e co ‘l bon

tenpo? E nośoutre, cuanto betone a capì che ra cativeries, che se fesc, contro chi che à ancora voia de fei algo, res se volta contro el paes intiero, che a chesta moda el deenta senpre pi voito e senpre pi poereto.

Trentazinche ane de Crosc Bianca, par Riccardo Renato Da Col: ra sezion de Anpezo ra i à fato ‘na gran festa, chera sera de ra zena,par ra fin de ‘l an. Con el, i à ciapà un don anche Massimo Antonelli, Severino Darman, che ‘l é da Rocia, e Paolo Gross, dute e tre parcé che ‘l é chinesc ane che i é inze ra Crosc Bianca. A i strenśe ra man, a dute lore, ‘l ea el capocomun Andrea Franceschi de Matia, aduna co i loudaduós de Comun Marco De Biasi e Enrico Pompanin Marco, el capo sezion de ra Crosc bianca Lavinio Zandanel, el capo servizio Carlo Alberto Delmonego. Dapò ‘l é stà dà fora outre premie, a dute i vorentie che i à fato pi de dojento ores de servizio, de ’l 2011. Con chesta zena, dute aduna, in bona armonia, ‘l é stà sarà un outro an de laoro, da canche ‘l é nasciù ra Crosc Bianca in Anpezo, el 1 de jenaro de el 1976. Ignante ‘l ea una anbulanza de el Comun, śo a Socus, e Renato Da Col el ra ogaa śa inalora. Ancuoi, inze ra sede de Begontina, ‘l é sete machines, i laora de noe, sote paron, e in é outre doi che i vien in stajon, pede a deboto otanta vorentie, ome e femenes, śoen e manco śoen. De chiste, in é tredesc

che i à tacà da poco, alolo fenì el corso, par se parecià. Trope de chiste vorentie i vien da fora de Anpezo, da chi outre paesc ca pede, da el Cadore, da ra val de ra Boite, ma alcuante i rua anche da ‘l Agordin, da ‘l Comelego, finamai da Feltre, e i fesc dojento chilometre ogni ota. El medemo di de ra zena, sabeda ai 18 de dezenbre, ‘l é stà dito mesa, de ‘l dapò disnà, inze ra jeja de San Iaco, e dapò ‘l é stà ra benedizion de ‘na machina noa, su ‘l sagrà de ra jeja. Chesta machina i ra dora pi che see par portà ra śente, ra no n’é ‘na anbulanza. Ma ra pó anche core, da un ospedal a ‘l outro, par portà sango, canche i ciama, che ‘l é prescia, che ‘l é biśoin, par calchedun che stà mal. Inze ‘sta machina, stà inze ra careghes co ra rodes, da scentà su ci che stenta a se moe. I pó ra dorà par fei viaśe, e stà inze de un grun, canche ’l é da śì a fei corse, da inparà algo de noo, algo depì. Ades ‘l é drio a scomenzà i laore, inze ra sede de Begontina, da ra comedà fora, da ra slargà, da fei stà meo ra parsones e ra machines. Parcé che i pode fei senpre meo el so laoro, che ‘l é chel de dià chi outre, de me dià, dute nośoutre. (Mdm)

Tiziana Ghedina Baśilia Da ra redazion: Par rispeto de ra libertà de stanpa, e de ra libertà de dute, de dì el so pensier, beton fora chesto articolo, su ra pajina de Anpezo de La Usc di Ladins, anche se no son de ‘l duto parsuaśe de chel che ‘l é scrito. Pi che see, penson che inze un paes, inze una comunità, ‘l é regoles, par vive aduna polito, e no se pó se ra ciapà co i entes che i res fes rispetà. Elsa Zardini Soriza Presidente Union de i Ladis de Anpezo e Union generela di Ladins dles Dolomites.

Dute aduna, par i premie: el capo sezion Lavinio Zandanel, el capo servizio Carlo Alberto Delmonego, con Riccardo Renato Da Col, Massimo Antonelli, Severino Darman e Paolo Gross, co ‘l capocomun de Anpezo Andrea Franceschi de Matia. www.lauscdiladins.com

33


Sport

nr. 50 / 24 de dezember 2010

La “Erta” é de Kalle Le campiun finlandeje Kalle Palander davagna le gigant de Copa Europa sön la pista “Erta” a Al Plan de Mareo cun le setim post, do avëi fat n fal. Doìa inće i atleć ladins: Julian Pizzinini é tomè fora tla pröma manche, Stephan Miribung n’é nia stè bun da se cualifiché por la secunda, Jonas Senoner à stlüt jö al 49. post. Nia tut pert n’à i atleć de ćiasa Manfred Mölgg y Alexander Ploner, che s’arjignâ da garejé püć dis dedô sön la Gran Risa. Ploner â davagné le slalom lerch sön la Erta dl 2008. Da agn organisëia le comitê d’organisaziun Al Plan Events cun a će Willy Kastlunger dal Medo gares de Copa Europa a Al Plan. La dediziun che vëgn metüda tl’organisaziun ti à portè tl cërtl dl schi le surainom de “Rêsc dla Copa

Europa”. Palander à podü pié do n scech de 2.000,00€, Borsotti de 1.400,00€ y Pinturault de 900,00€. Le cuarto y le cuinto, Marcus Sandell (FIN) y Christoph Noesig (AUT) ciafâ respetivamënter 400,00€ y 300,00€. La gara é gnüda tuta sö y é stada da odëi ai 22.12 sön Rai Sport. Por chi che oress odëi val’ momënć dla Copa Europa sön la Erta, él inće la poscibilité da s’oje al sît de Al Plan Events www. alplanevents.it, olache al é da odëi n video de passa 7 menüć. I sforc dl Comitê d’Organisaziun vëgn fać nia inultima por mostrè le förtl da organisé gares de livel alt y podëi magari n dé ospité na gara de copa dl monn. An odarà. (pablo)

Le podium de Copa Europa sön la Erta cun i pröms cinch tlassificà. A man dërta Matthias Prugger dl Skirama Plan de Corones y Georg Mutschlechner - presidënt dla sozieté di lifć d’Al Plan. (Foto: Igloo Foto - Alfons Facchini)

Schi alpin - Kalle Palander conësc düć tl cërtl de copa dl monn de schi alpin. L’atlet finlandeje, ann 1977, à sön so cunt 14 devëntes te copa dl monn y indöt bëgn 30 plazamënć ti pröms trëi, tanco àl püch y nia da ti invidié ai mius. Sciöche preparaziun al slalom lerch dl’Alta Badia, olache al à por ater

arjunt süa ultima devënta ai 16 de dezëmber dl 2007, à Palander tut pert al gigant sön la “Erta”. La pista spetacolara che verda sura Al Plan dales tëmples da Sarjëi jö, é aprijada dai atleć por süa dificoltè tecnica. Palander à respognü al invit y à davagné la

gara cun 18 centejims de vantaje sön l’azzurro Giovanni Borsotti, y 28 centejims sön le franzeje Alexis Pinturault. Aspetanza êl por le südtiroleje Florian Eisath, che à davagné le gigant dl ann passè sön Pré da Peres. Cun 88 centejims de svantaje sön Palander, àl messü s’acontentè

Le davagnadù Kalle Palander cun le chef de Al Plan Events Willy Kastlunger. (Foto: Igloo Foto - Alfons Facchini)

Śoghé é inće compagnia

Ivo Zulian rua prum sul Brocon

A Corvara él gnü tignì la 18ejima ediziun dl trofeo de tennis “Raiffeisen”

Con na temperatura de -15 l’atlet fascian venc la garejèda endrezèda tel l’ambit de Dolomites Sot la steiles

Tennis - Gran suzes à indô albü la 18.ma ediziun dl Trofê Tennis Raiffeisen, metü da jì tla hala de tennis a Corvara dai 6 ai 20 de novëmber. Indöt él stè 25 partezipanć che à tut pert. Chisc é gnüs partis sö te 3 grups – singul “A”, singul “B” y dopl. Bele da agn é le turnier de tennis na ocajiun por fà rovè adöm düć i apascionà de tennis dla Val Badia. Nia ma le śoghé a tennis n’é important, mo inće le rovè adöm y s’la cuntè en compagnia dan y do les partides. La premiaziun é gnüda tignida ai

La premiaziun dl turnier.

34

www.lauscdiladins.com

20 de novëmber pro le bar dl tennis a Corvara. La familia Pepi Profunser rengrazia düć i partezipanć y acompagnadus che à tut pert cun gran engamamënt ala 18ejima ediziun dl trofê de tennis.

Resultać Grup A: 1) Achim Vinatzer, 2) Luigi Tasser, 3) Heinz Kaneider, 3) Sandro Huber, 5) Franz Dapoz, 5) Renato Costamoling, 5) Devis Castlunger, 5) Fabio Palla, 9) Edi Bernardi, 9) Menix Oberbacher,

9) Günther Huber, 9) Carlo Erlacher, 9) Werner Burchia. Grup B: 1) Ernst Dapunt, 2) Renè Sorà, 3) Peter Pescollderung, 3) Renè Pescollderung, 5) Nicolas Seppi, 5) Diego Mussner, 5) Andreas Pescoll, 5) Uli Costabiei, 9) Silvano Seppi, 9) Christian Rottonara. Dopl ëi: 1) Achim - Luigi, 2) Sandro - Heinz, 3) Devis - Renato, 3) Cesco - Günther, 5) Uli Andreas, 5) Carlo - Norbert.v

Schi alpinism - En sabeda ai 18 de dezember per l zircuit de net Dolomites Sot la Steiles l’é stat endrezà la seconda edizion de la Lunagaro, garejèda de net con le pel dal Pas del Brocon fin sul Mont Agaro. I era ben 145 i atlec che i se à troà tedant a la linia de partenza per pontèr via te na garejèda n muie senestra dal pont de veduda de la temperatures, ma che à vedù fin dal prum moment l’atlet di Bogn da Nia Ivo Zulian se portèr tedant ai etres. N toch en su l’é stat ampò passà via da Davide Pierantoni e da Federico Pat. Ma desche semper Zulian no l se à fat sprigolèr e più o manco sui 2000 metres del spiz del Mont Agaro el l’é sprizà dant e con gran forza e energìa l se à portà tedant a duc. Ruà sunsom l se à trat fora coran le pel e l se à petà tel toch a jir en ju, ruan coscita a se meter endò le pel per fèr dut soul l’ùltim pìcol toch che ge à dat l met de venjer la garejèda con n temp de 28 menuc e 3 seconc. Sobito dò da el l’é ruà so compagn de squadra di Bogn da Nia Marco Facchinelli, che à serà sù te 28’ e 29’’ e terzo Federico Pat de la Carbonstreet de Feltre con 28’ e 57’’. Per la eles prum post per la trentina Roberta Secco del Ski Sèn

Martin con n temp de 37’e 49’’, seconda Monica Sartogo che cor per F/US Aldo Moro che à serà su con n temp de 39’e 07’’ e terza Nada De Franceschi de la Dolomiti SkiAlp con n temp de 45’ e 05’’.

N’autra garejèda venta per Ivo Zulian da Soraga.


Sport

nr. 50 / 24 de dezember 2010

Desplajëi “scuadra taliana” Sön na pista dlaciada pro, la “Gran Risa”, é vigni concorënt ruvé forainsom sües forzes. I “matadurs” locai Manfred Mölgg y Alexander Ploner al 13 respetivamënter al 14ejim post

Trëi slaloms lerć, trëi devëntes chësc ann por Ted Ligety. Fotos (dötes 4): Freddy Pnaninschek/La Ila

Alta Badia - Gran festa indô en domënia söles nëis dl’Alta Badia por la gara de Copa dl Monn, le slalom lerch di ëi. La “Gran Risa” é öna de chës pistes che se damana döt dai concorënć, cun n deslivel de 448 metri, na ertité ćina al 53% y na ertité mesana dl 36% àldera pro les pistes plü impegnatives di schi. Inće en chësc iade àn podü odëi tan che la pista se damana dai atleć, y nia ma forza tles iames, mo inće döt le förtl dl material y dl arjignamënt dles lames di schi.

I dać danfora: Ted Ligety à metü sö n rècord, nia ma personal: cun la devënta de chësta gara a La Ila àl davagné trëi iadi indolater n slalom lerch de Copa dl Monn FIS, y Ligety romagn le campiun de disciplina da bate te chësta sajun. Secundo y terzo é gnüs dui franzeji, Richard y Fanara. Fanara é le su atlet dla secunda manche che röia jö sot al menüt y 14 secunć. Y i azzurri pa? Le pröm tl tlassamënt final ciafunse al diejim post, Davide Simoncelli, nia dalunc dai dui maroi

Mölgg y Ploner. Alexander Ploner ê ćiamò diejim do la pröma manche, mo à lascè cotan de tëmp sot i schi tla secunda, Mölgg é stè bun da se rofà da na pröma manche olache al ne s’à nia ciafè massa bun cun les condiziuns. Les critiches por i stleć resultać di azzurri é jorades adalerch en domënia sëra y en lönesc n pü’ da döta la Talia: olà é pa les prestaziuns che an ê ausà da odëi i ultimi agn? Bunamënter é la stampa massa atira arjignada a critiché canche ara va mal, y massa püch arjignada da daidé canche ara va manco bun! Sambëgn manćia n pü’ chi super-bugn resultać dles ëres y di ëi de schi alpinn talian a livel de Copa dl Monn, mo i ùn inće bele odü Manuela Mölgg sön paiun (a Sölden) y Mandred Mölgg pröm do la pröma manche de slalom strënt a Val d’Isere. Mal ti éra inće jüda söla Gran Risa ala scuadra austriaca, le miù - Stephan Görgl - ciafunse al nono post, Benjamin Raich é tomè fora bele tla pröma manche. La gara tl’Alta Badia é indô stada n gran spetacul nia ma sportif, mo inće organisatif. Tröpa prominënza cun laprò le Minister Frattini y le presidënt dla Junta provinziala de Südtirol Durnwalder s’à bele lascè

L Memorial Anesi amò a Byggmark La garejèda de Copa Europa sun Aloch a Poza à abù bon ejit, ma nience n talian é ruà sul podie Slalom - Con gran suzess tant a livel de partezipazion che de endrez, sul portoi de Aloch a Poza en vender ai 17 de dezember atlec da dut l mond se à binà per la 9^ edizion de la garejèda de Copa Europa de ic, Memorial “Ezio Anesi”. La giornèda é peèda via jà da les 11.00 da doman con la riunion de la jurìa con l’austriach Micheal Hubert, l giùdize arbiter Markus Waldner de la FIS e l diretor de gara Daniel Dorigo. Da les 16.30 per la pruma manche dessegnèda da Jacques Theolier se à prejentà passa 100 atlec da dut l mond che à cognù se sproèr te na garejèda de 200 metres de dislivel con na neif era otimala, ma ence con n gran freit col vent che no à lascià de pizochèr e na temperatura de 8 degrees sot zero. Anter duc l più spetà l’era l’òr olimpich a Vancouver Giuliano Razzoli, che l’à fenì la pruma manche al prum post con l temp de 52.27, ma ampò a la fin no l’é stat bon de responer a la spetadives del publich, desche perauter duc si compagnes che i à lascià ti sostegnidores taliegn mìngol de delujion. Desche l’an passà, defat, ence chest an a ruèr sul sćalin più aut l’é stat l joen atlet del ’85 Jens Byggmark da la Svezia tedant a l’amer ic a Nolan Ka sp er, protagonist de na seconda manche strepitousa (dò la pruma l’era

Giuliano Razzoli à encantà l publich te la pruma manche a Poza, ma dapò l se à mìngol perdù te la seconda. (foto Ralf Brunel)

adertura 25°) e a l’austriach Wolfgang Hoerl. Razzoli enveze no à sapù interpretèr delvers l portoi metù jù dal svizer Werner Zurbuchen e l’à cognù se encontentèr de la medaa de legn, sul portoi del Ski Stadium de Aloch che l cognosc benon, ajache apontin chiò con sia squadra l se enjigna dut invern a la garejèdes de Copa del Mond col projet “Piste Azzurre”. Prestazion bona ence se no ezelenta per l’atlet de cèsa Stefano Gross da Poza, che con na bona seconda manche l’à recuperà doi posizions ruan a la fin al 18° post, secondo dò da Razzoli anter i

taliegn. Bon ejit ence per l’auter fascian en gara, Francesco Romano da Cianacei, che à fenì fora sia gara al 37° post, 5° talian dò da Razzoli, Gross, Giovanni Borsotti (24°) e Roberto Nani (26°). I etres taliegn no é rué junsom la gara: fora jà te la pruma manche Patrick Thaler, Matthias Thaler, e Stephan Miribung, e no calificà Jonas Senoner; enveze Cristian Deville, che aea anunzià sia partezipazion, no l’era al start. Aboncont de segur ence per chest an la Copa Europa de ic é jita a bon fin con gran sodesfazion de chi che à lurà, de chi che à dat so sostegn e de chi che à tout pèrt.

I dui atleć maroi é jüs a se tó sü numeri de piet: Manfred Mölgg y Alexander Ploner.

odëi la sabeda sëra tl restorant Moritzino sön Piz La Ila en gaujiun dla cëna eleganta y elitara. Do la gara spo la domënia sëra s’à le presidënt dl Comitê de Copa dl Monn Alta Badia Marcello Varallo mostrè contënt cun l’andamënt dla manifestaziun. Al é öna dles plü beles tapes dla Copa dl Monn, y cun n panorama dolomitich de morvëia incërìainće la plü bela Buna organisaziun, bela sodesfaziun. “perla” dl carosel de Copa. Presidënt CO Marcello Varallo y so möt (ir) Andy.

I Joegn de l’Hockey va inant con gaissa La Tèlia pèrt a Montpellier e venc a Marsilia e i joegn de hockey de Fascia venc sun ogne ciamp giacià Hockey - L’Hockey Val de Fascia somea aer vent na pruma batalia: chela con la LIGH che no volea permeter de tachèr ite a jièr n chèrt d’ora più tèrt (da les 20.45 enveze che da les 20.30) per ge jir encontra ai ghesć che te chest temp de festes rua te Fascia e che i pel ge dèr mìngol de sostegn concret a la casses de la sozietà apede che de sostegn moral ai jiadores su la giacia. Somea donca confermà che la partides al Gianmario Scola podarà scomenzèr da trei chèrc da les nef, metan dant, amàncol per n’outa, i besegnes di spetatores enveze che chi de la televijion. Via per la setemèna passèda l campionat maor é restà cet per i empegnes de la nazionèla te la Franzia. La Tèlia, che veit te sia files i fascegn Luca Felicetti, Diego Iori, Rudy Locatin e Stefano Marchetti, à defat jià doi partides da peconc con franzousc: la pruma con la squadra de Montepellier olache i taliegn à perdù per 2 a 4 (e un di goi é stat segnà dal fascian Luca Felicetti) e la seconda a Marsilia, olache i taliegn se à tout la reventa e i à fenì fora venjan 4 a 2. Endèna che speton de veder co che jirà l derby anter Fascia e Cortina, che en domenia ai 26 de dezember veit una contra l’autra su la giacia de Dèlba la doi squadres ladines che é junsom la classifica, vardon co che l’é jit i empegnes di

joegn de l’Hockey Club Val de Fascia. I più pìcoi de l’Under 9 “Learn to Play” i à jià en domenia ai 19 de dezember a Piné e i se à batù contra l’H.C. Cornacci, l’H.C. Nuovo Fiemme e l’H.C. Piné. Chisc tornoes no perveit venjidores o venc. L’Under 11 à jia en sabeda ai 18 de dezember contra l’H.C. Val di Sole e l’à vent per 15 a 1. I goi é stac segné da Stephan Deluca (2), Leonardo Deflorian (1), Alfeo Deluca (4), Andrea Ploner (3), Nikolas Zanoner (1), Davide Rasom (1); Giuliano Talmon (1), Nicola Defrancesco (1) e Dennis Kustatscher (1). L’Under 13 à jia en domenia ai 19 de dezember contra l’H.C. Pergine e l’à vent per 4 a 2 con goi de Nicola Barbolini (2), Massimo Zanet (1) e Davide Schiavone (1). I bec de l’Under 15 i à jià en jebia ai 16 de dezember contra l’H.C. Cornacci e i à vent per 4 a 3 con 3 goi de Marco Marzolini e un de Matteo Dantone. Tinùltima l’Under 18 de la seconda divijion à jià en domenia ai 19 de dezember contra l Pontebba e l’à vent per 15 a 2 con goi de Cesare Sottsass (2), Massimo Valeruz (1), Matteo Dantone (1), Gabriele Vieider (1), Damiano Casagranda (1); Nicola Deluca (1), Mark Trottner (2), Loris Vanzetta (3) e Michele Marchetti (3). www.lauscdiladins.com

35


Sport

nr. 50 / 24 de dezember 2010

Beliscima garejedes te Gherdëina Povester se àl tratà dla plu bela garejedes de for, te Gherdëina. L purtoi Saslonch fova chëst ann dur dur, do che l ova nevët, pona unit ciaut y pona n gran frëit. Chël uel dì che per chiche ruvova dancà messòvel buté dut cant: forma generela, forma dl di, schi, tuta, la drëta linia y povester nce mpue’ de fertuna che son stat bon de vëncer. Son cuntënt, l ie per mé n beliscimo di!“ Klaus Kröll dl’Austria ie ruvà cuarto, Walchhofer cuinto. L franzëus Guillermo Fayet ie stat bon de arjonjer l sesto post cun l numer de pië via 49. Peter Fill ie ruvà 15ejim, Werner Heel se à plazà al 20ejim post. Dut adum pòssen dì che ai azzurri ne ti àla nia massa butà.

Stefania Demetz

L podest dla Libra.

Copa dl Mond - Na gran garejeda de Super G à fat Michael Walchhofer dl’Austria, che à desmustrà n vënerdi ai 17 de dezëmber de ne vester mo giu’ de no vedl cun si 35 ani. L à batù cun n tëmp de 1.34.35 menuc n gran Stephan Keppler, tudësch, de 0,67 secunc y Erik Guay de 0,81 secunc. Per Walchhofer iel bele l cuarto iede che l vënc sun la Saslonch. Benjamin Raich y Romed Baumann ie ruvei cuarto y cuinto. Miëur di azzurri ie stat Werner Heel,

setimo.

La libra de n sada Na surpreja iel pona stat n sada tla libra. Silvan Zurbriggen dla Svizra ti ie stat a duc i cuncurënc. Zurbriggen ne ova mo mei arjont n podest tla libra. L à batù de 0,06 se cunc Rome d B aumann dl’Austria. Terzo Didier Cuche. Zurbriggen à cuntà de coche l pensova bele dala cinch daduman ala Gobes de Camel: „Nia da crëier,

I mutons che à trat ora i numeri.

La festa sun Plaza de Sant Antone a Urtijëi.

36

www.lauscdiladins.com

Cuntentiscima la presidënta dl Cumité de urganisazion Stefania Demetz: „Tramedoi garejedes ie states spetaculeres. Nce sce n valguni ie tumei ne se à deguni fat gran mel. Son duc scialdi cuntënc,“ à dit Stefania Demetz do la garejedes. Problematich sarà l finanziamënt dla garejedes per n auter ann, che ne n’ie mo nia segurà.

Festa sun Plaza Na beliscima festa iel stat sun Plaza de Sant Antone a Urtijëi n vënerdi sëira, ulache l ie stat uneranzes cun la prejënza danter l auter de Erich Demetz, Edmund

Michael Walchhofer à venciù l Super G.

Dellago, Eberhard Schmalzl, Carletto Senoner, Gustav Thöni y

Coche n jiva cun i schi zacan.

Bernhard Russi, ma nce de Isolde Kostner. L ie unì festejà i carant’ani


Sport

nr. 50 / 24 de dezember 2010

Al Ski College dut l podie a Sèn Vit I joegn atlec de la Scola de Fascia é rué prumes ence vin Rèba e a Madonna de Campiglio

Mujiga da druch sun Plaza de Sant Antone.

di Mundiei dl 1970 cun n bel film che mustrova mprescions de ntlëuta. Cun la curnisc de de bela mujiga da druch dala Serbia iel stat la premiazion dl Super G. Mutons y mutans da tlo à pona trat ora i numeri per la Libra. Gernot Mussner à menà tres la sëira, desmustran de vester n

plusvalor a de teles, per coche l sà da nterpreté si lëur de muderazion, ma nce per si cunescënza dla rujenedes veramënter a puntin: gherdëina, tudësch, talian, nglëisc y franzëus, ma nce cun saluc te d’autra rujenedes, coche per ejëmpl per slovenn o finlandes. Cun Gernot

fej duta Gherdëina na bela figura. Y Gherdëina fej sambën na bela figura per coche i urganisadëures y duc i ulenteres sà da njenië ca la garejedes, per si mpëni y gran cumpetënza. Cungratulazions y de gra, y ala proscima! David Lardschneider

La copa sciche miëur schi club N dumënia ai 19 de dezëmber iel stat la prima garejeda Grand Prix Raiffeisen per la doi categuries mutons y alieves. L ie unì garejà chëst iede sun i purtoies dl Gitschberg sëura Meransen prestazion de Giulia Demetz y de Alex Vinatzer tla categuria ”ragazzia”. Giulia con n bon numer da pié via, ie ruveda daujin al miëur tëmp dl di te chësta manche. Pra i alieves iel stat na drëta ndesfideda danter chëi de Gherdëina, ulache pra la mutans à venciù Nicol Delago dan Giulia Longo. Pra i mutons à venciù Matteo Demetz, do che Alexander Prast, che ie ënghe scrit ite tl Schi Club Gherdëina y che do la prima manche fova prim, ie tumà bëndebò burt puech dan l travert. Per fortuna che, ora de na delujion persunela, ne ti iel suzedù nia.

Matteo Demetz à venciù pra i aliefs y si sor Giulia pra i ”ragazzi”.

Schi alpin - La cundizions semiova bones, ma do y do se àl trat ite la nibles purtan nscila a udëi scialdi melamënter l fonz danter l slalom lerch, cun leprò n frëit che jiva ti osc. Purempò à la gran pert di atlec desmustrà de vester usei nce a de tel cundizions. La garejeda ie jita drët bën per l Schi Club Gherdëina. I trainadëures Heinz Goller, Uli Perathoner, Manuel Insam, Mark Vinatzer y Raphael Senoner à purtà a cësa la copa che jiva ala miëura Lia, tulan i resultac di cin’ miëur atlec te chësta garjeda. Tlo pòssen dì che l ie da auzé ora dantaldut la

Tlo i resultac: Cat.”ragazzi” 1998/99 Mutans: 1. Demetz Giulia 52.98, 2. Stuffer Magdalena 55.53, 3. Hofer Carmen 55.83, 6. Kostner Verena 57.32, 10. Dander Elisabeth 57.78, 13. Runggaldier Teresa 58.62, 16. Kropfitsch Maria 59.23, 17. Bauer Sara 59.27, 20. Cipolla Manuela 1’00.27, 21. Goller Nadia 1’00.77, 22. Mahlknecht Lina 1’00.83, 23. Goller Anna 1’02.29, 26. Mussner Michela 1’03.77, 27. Senoner Lisa 1’05.10; Mutons: 1. Stampfl Niklas (Gitschberg) 56.33, 2. Vinatzer Alex 56.34, 3. Nogler Kostner Mirko 56.41, 4. Werdaner Andrea 56.51, 8. Moroder Johannes 57.45, 9. Perathoner Ivan 57.82, 12. Cason Mattia 58.09, 14. Galiani Alex 58.17, 20. Triulzi Giancarlo 59.35, 21. Ciechi Mike 59.48, 23. Bauer

Florian 1’00.07, 25. Martiner Moriz 1’00.51, 30. Baumgartner Patrick 1’01.60, 32. Moroder Robin 1’02.13, 34. Perathoner Pauli 1’02.99, 35. Avesani Gabriel 1’03.16, 37. Ploner Robin 1’04.64, Cat. Alieves 1996/97 Mutans: 1. Delago Nicole 1996 1’44.63, 2. Longo Giulia 1’46.10, 3. Weissteiner Lisa (Gitschberg) 1’49.27, 4. Insam Vivien 1’50.22, 11. Mahlknecht Marie 2’06.78; Mutons: 1. Demetz Matteo 1’43.19, 2. Rainer Peter (Wipptal) 1’46.92, 3. Pernthaler Simon (Funes) 1’47.71, 4. Vinatzer Filip 1’49.32, 6. Kerschbaumer Samuel 1’51.10, 11. Runggaldier David 1’55.19, 15. Tuccari Carlo 1’58.93, 16. Kasslatter Luca 1’59.18.

Giulia Demetz.

Val de Fascia - Somea che chesta sajon per Ski College de Poza sie nasciuda sot na bona steila chest an, percheche apontin l calandèr de la garejèdes ge à jà portà de bogn resultac ai atlec de la Scola de Fascia. Anter lezions sui portoes e sui benc de scola, i joegn atlec i à garejà en domenia ai 19 de dezember a Sèn Vit de Ciador per la gara Fis Junion endrezèda da la region Venet, che à vedù l podie pien demò de fascegn. A venjer l’é stat Andrea Rovisi, che se à lascià vindedò la schena i compagnes de squadra Kevin Giuliani e Bruno Amplaz. A ge stèr dò ai bec che fèsc la quinta del Lizeo e de la Scola d’èrt, desche arcedador l’é Lorenzo Cemin del Ski Team Fascia, che ensema a chisc bec l’à arjont de bogn resultac e donca de gran sodesfazions. Da no se desmentièr ence di resultac porté a cèsa dai atlec del Ski College te la garejèda Fis vin Rèba, olache prum l’é ruà Mauro Rasom, e te chela a Madonna de Campiglio, con la venta de Tommaso Donei.

Na bela sodesfazion per i atlec e per dut l staff del Ski College de Fascia: tant i componenc che se cruzia de la pèrt sportiva che chi che ge stèsc dò soraldut al percors scolastich, i se à dit stolc, percheche proprio con chesta ventes se pel veder l frut de dut chel che l’é stat semenà ti 5 egn passé. L’empegn e la fadìes da man de duc les é states n muie, ma les é states segur preziouses per arjonjer i prumes posć tel sport, ma ence a scola.

Lorenzo Cemin arcedador del Ski College.

Cater prims cun doppietta de Samuel Mussner Ntan la fin dl’ultima ena se àn te Martell inò muserà te doi garejedes de Copa Italia, mpurtantes per truep atlec per se davanië la cherta da jì cun la naziunela taliana ai Campiunac dl Mond junior y di jëuni Biathlon - I atlec dl SC Gherdëina Cassa Raiffeisen de Sëlva à cun scialdi de bon resultac de stlupeté arjont bën set plazamënc da podest. L prim di fòvel na garejeda ndividuela, ulache l stlupeté ie de gran mpurtanza; ne giàpen pa per uni fal di vint colps n menut de straufonga! Chël se à nosc atlec drët metù do na urëdla, a scumencé da Carmen Runggaldier che cun mé doi fai à venciù cun passa n menut sun la segonda. Maikol Demetz à te chësta garejeda desplazà si cuncurënc: nce ël cun mé doi fai àl destacà l segondo de bën trëi menuc. L terzo atlet che ie ruvà sun l scialier plu aut dl podest fova Samuel Mussner cun trëi fai. Nce per ël fova chësc resultat drët mpurtant per pudëi se bater mo inant per n post pra i mundiei junior. Pra la mutans junior ne ti àla a Alexia Runggaldier nia tan butà a stlupeté. Cun sies fai iela mpo stata bona de se davanië sun i schi n terzo post. L di do fòvel na garejeda plu curta cun mé doi linges pra l scies y una na raida de straufonga de 150 metri per uni fal. De fé chësta raides ne ulova Carmen nia n savëi, tucan dui diesc i colps. Purtruep sentìvela mo mpue la garejeda longia dl di dant y à messù cumbater per se davanië l terzo post. Si sor Alexia, ënghe mpue plu stancia che l di dant, ie ruveda segonda cun un n fal.

La bela surpreja ie inò unida da Samuel che cun un n fal y sbriscian via sun i schi cun n slune stramp, possa cun si prim post inò se cunsië dan ai trainadëures dla naziunela per la garejedes de livel plu aut. La garejedes de biathlon jirà inò inant a mez jené, ti lascian ai atlec mpue dl’aurela da se paussé ora dala fadies fates nchinamò y scumencé inò l ann 2011 tan bën coche i à finà via chësc ultimo. Ulessan nsci ti mbincé a nosc tifosi che vën a nes cialé, che pënsa a nëus o nes tën daniëura i punies, de bela festes y n bon ann nuef. (ts)

Samuel Mussner. www.lauscdiladins.com

37


Sport

nr. 50 / 24 de dezember 2010

Elena Runggaldier sun l scialier de bront

Pigneter prim sun Plan de Gralba

La atletes talianes dl saut cun i schi ie for inò che mira ai plazamënc plu dancà. A Notodden tla Norvegia ie la sautadëura de S. Cristina stata bona de se davanië l beliscimo terzo plazamënt, cun Lisa Demetz tosc do al otavo post. L di do ie Evelyn Insam stata la miëura dla talianes

Sun l purtoi dala lueses sun Plan de Gralba iel n dumënia ai 19 de dezëmber unì garejà cun la tizi per la cualificazion naziunela

Uni iede n fòvel almanco una danter la primes diesc, y cunscidran che n à laurà te na maniera da vester n forma per i campiunac dl mond, rata l trainadëur che l ie dessegur mo velch laite n cont de plazamënc. Doi enes cun sies cumpetizions de Continental Cup ne n’ie nia na cossa da nia, sce n tën mo cont che plu iedesc ala sciacà cun i viages da n luech al auter. Ma cun sudesfazion per i resultac arjonc puderà śën la atletes se n julé a cësa per la feries da Nadel dessegur meritedes. (uk)

FIS Continental Cup Notodden (NOR) L podest cun Jessica Jerome (2.), Daniela Iraschko (1.) y Elena Runggaldier (3.)

Saut cun i schi/ëiles - Cun vel’ da problems à la atletes dla scuadra talian messù se prejenté ala garejeda. Ntan l viac de viers dla Norvegia iel jit perdù n valgun cufri. La atletes de Gherdëina fova nsci sfurzedes a se mpresté ora una cun l’autra vel’ pez. Lisa y Elena messova ti dé inant i ciauzei y l casco a Simona y Barbara. Velch propi de ncomper y che desturba la cunzentrazion per la garejeda, dantaldut nce per Simona y Barbara che ova da fé si prima garejeda de Continental Cup de chësta sajon. Les ne n’ie nia states bones de se usé ite ai ciauzei fulestieres y ne n’ie nia states bones de se cualifiché per l segondo saut. Nce Evelyn ie mé stata bona de sauté 79 metri lonc ruvan 33ejima. A Lisa Demetz y a Elena Runggaldier ti àla al incontra propi scialdi butà. Do l prim saut fova Lisa al cuarto post y nce sce la ova mpue da ciampì cun la sanità àla nce tla segonda manche fat drët n bel saut che à valù ala fin l otavo plazamënt per ëila. Na gran fertuna à Elena abù tl segondo saut, cun cundizions da stramp bones iela stata bona de fé cun 96,5 metri l miëur saut dla segonda manche. Dal 10. plazamënt do l prim saut se àla nsci trat inant nchin sun l scialier de bront. Roberta

D’Agostina ie ruveda 27ejima. Inò nia da bater ne fova Daniela Iraschko dl’Austria, che ova tla prima manche fat l saut plu lonch dl di che fova de 97 metri. La americana Jessica Jerome ie cun mé mez n pont deplù che Elena ruveda segonda. Tla garejeda dl di do fova duta la atletes scialdi adum. N chësc di fova Evelyn Insam la miëura dla talianes, arjunjan l 10. plazamënt. Elena ne n’ie nia stata bona de purté mo n iede l rendimënt dl di dant se tlassifican al 13. post. Cun la defrënza de mé mez n meter se à Lisa Demetz tlassificà riesc do Elena. Per l’autra jëunes dla scuadra taliana iela n la sada jita miec che l di dant. Roberta D’Agostina ie ruveda 24ejima, Simona Senoner y Barbara Stuffer, che garejova l prim iede tl Continental Cup de chësta sajon ie ruvedes 40ejima y 41ejima. La franzëusa Corinne Mattel ti à metù na fin ala lingia de vëntes dla Iraschko, che ie chëst iede zapeda sun l scialier dessot. L terzo plazamënt ti ie jit ala tudëscia Melanie Faisst. L trainadëur Fabian Ebenhoch ie drët cuntënt cun i resultac ntan chësta doi ultima enes, che ie states scialdi mpeniatives per la atletes.

Vënderdi ai 17.12.2010 1. Daniela Iraschko AUT 97,0+95,5 m, 254,0 p. 2. Jessica Jerome USA 94,0+91,5 m, 242,5 p. 3. Elena Runggaldier ITA 90,5+96,5 m, 242,0 p. 8. Lisa Demetz ITA 94,0+88,0 m, 232,5 p. 27. Roberta D’Agostina ITA 86,0+81,0 m, 193,0 p. 33. Evelyn Insam ITA 79,0 m, 86,5 p. 44. Simona Senoner ITA 66,0 m, 55,5 p. 45. Barbara Stuffer ITA 64,0 m, 52,0 p. Sada ai 18.12.2010 1. Corinne Mattel FRA 90,5+92,0 m, 238,5 p. 2. Daniela Iraschko AUT 90,0+93,0 m, 230,0 p. 3. Melanie Faisst GER 94,5+ 87,0 m, 228,5 p. 10. Evelyn Insam ITA 88,0+87,0 m, 213,5 p. 13. Elena Runggaldier 84,5+87,5 m, 209,0 p. 14. Lisa Demetz ITA 84,5+87,0 m, 207,5 p. 24. Roberta D´Agostina 86,0+81,0 m, 193,0 p. 40. Simona Senoner ITA 66,0 m, 55,5 p. 41. Barbara Stuffer ITA 64,0 m, 52,0 p.

Micol Testor pavel de òr La pìcola balarina del Val de Fascia Artistico Ghiaccio rua pruma a Feltre Bal sui feres - En domenia passèda a Feltre l’é stat metù a jir l trofeo nazionèl “Ice Angels Feltre”. Ruà a sia seconda edizion, chest trofeo, dedicà ai atlec joegn che no à amò l’età per tor pèrt a la garejèdes te la categorìes federèles, l’é dassen na oportunità ezelenta per mesurèr la capazità e la valuta di più pìcoi. E te chesta ocajion l’é vegnù fora la braùra de Micol Testor, atleta de 7 egn di Pavei d’Arjent de l’Artistico Ghiaccio de Fascia, che se à vadagnà l prum post conferman sia calità tel jir coi feres e i bogn livìe arjonc de gra a sie talent ma ence a la pazienza e a la capazità di alenadores Valerji, Elena ed Olga, che ades i à ence l didament de l’assistenta Viviana Felicetti, che da semper ge va dò con n muie de atenzion no

38

www.lauscdiladins.com

demò a la atletes più granes ma ence a la più pìcoles. A la medema competizion à tout pèrt ence Valery Iori de 9 egn che se à vadagnà n bon 5° post e Ester Maria Vian de 7 egn, ruèda al 6° post. Con chisc resultac i Pavei d’Arjent se conferma sunsom la classifica nazionèla palesan apontin che chel arjont a Feltre l’é l sesto prum post de la sajon, apede a doi piazamenc sul secont sćialin e etres bogn resultac fac dal scomenz de la sajon. La sozietà fèsc a saer che i corsc de introduzion al bal sui feres debant i va inant vigni sabeda da les 10.15 a les 11.00 e vigni mercol da les 14.15 a les 15.00 demò endèna la vacanzes da Nadèl. Da pèrt del diretif e del staff

tecnich del Val de Fascia Artistico Ghiaccio e da la 85 atletes scrites ite vegn dat l più vif augure per n Nadèl maraveous e n Bon An Nef a duc i letores e a duc i sponsor e a la istituzions che à semper sostegnù sia atività.

L podest dla categuria di seniores cun Anton Blasbichler (2.), Patrick Pigneter (1.), y Rudi Resch (3.) cun l ambolt de Sëlva, Peter Mussner, y l presidënt de Lueses Gherdëina Leander Moroder.

Slusé sun purtoi naturel - La garejeda dl’ultima dumënia sun Plan de Gralba ie stata scialdi nteressanta, davia che l à fat pea la gran pert dla scuadra naziunela, cun leprò i campions dl mond Patrick Pigneter y Renate Gietl, y la campiunëssa d’Europa junior Evelyn Lanthaler. Oradechël fova sun Plan de Gralba nce Toni Blasbichler (doi iedesc campion dl mond, Rudi Resch y Stefan Gruber, atlec che à bele davanià garejedes de Copa dl Mond). Sambën che ala fin ie l miëur tëmp stat chël de Patrick Pigneter, che semea che degun ne n’ie bon de bater al mumënt, coche l à iust nce demustrà pra la garejedes de Copa dl Mond tla Ruscia.

N à pudù se museré cun i miëures Ce bela ucajion per i jëuni atlec de Südtirol y de Gherdëina a pudëi udëi chisc atlec de marueia y pudëi museré si tëmps cun chisc. Iust perchël se pàiel povester a auzé ora l plu asvelt dl club Lueses Gherdëina, Alex Bernardi de Urtijëi (1995), che ie slusà te n tëmp de 1.14.93, ntant che l campion dl mond Pigneter ie ruvà tl travert do 1.04.64 menuc! Ma nce duc i autri atlec jëuni se à fat unëur y n possa propi se nmaginé ce legrëza che i muessa avëi sentì a pudëi fé pea pra la medema garejeda cun i miëures dl mond. L club Lueses Gherdëina ie stat bon de njenië ca sciche l toca bele per mez dezëmber l purtoi dala lueses sun Plan de Gralba sot a Piz Setëur ju. Judei nce dal Chemun de Sëlva che à metù sot a tiera i calons dal’ega che ie de bujën per blandé la pista y fé dlacia, y à nce ngrandì l raion dl travert. Oradechël iel chëst ann nce stat mesun mëter su la cësa dl travert, paieda n gran pert dala Fundazion Cassa dl Sparani. Nce suinsom pra l start iel unì metù su na ciasota per chëi che mesura i tëmps. A chësta maniera se fej l club plu saurì a njenië ca l purtoi sciche l toca y i atlec possa se alené zënza messëi for jì oradeca.

Kornprobst Mark (Völs), 5. Gasser Lukas (Völs), 6. Kompatscher Laurin (Völs), 7. Hofer Philip (Lueses Gherdëina), 8. Holzknecht Rafael (Lueses Gherdëina), 9. Runggaldier Rafael (Lueses Gherdëina), 10. Haller Lukas. Alieves mutans: 1. Plieger Sandra (Feldthurns) 1.17.96, 2. Hofer Daniela (Passeier) 1.23.00, 3. Pfeifer Mara (Völs) 1.29.13, 4. Goller Verena (Lueses Gherdëina) 1.29.67, 5. Ploner Alexandra (Lueses Gherdëina) 1.29.74, 6. Ploner Stefanie (Lueses Gherdëina) 1.35.50. Aliefs mutons: 1. Staffler Elias (St. Walburg) 1.14.97, 2. Schwarz Felix (St. Walburg) 1.15.24, 3. Haselrieder Philip (Völs) 1.15.46, 4. Heel Alexander (Passeier), 5. Runggaldier Ujep (Lueses Gherdëina), 6. Gaio Manuel (Fiera di Primiero) Aspirantes mutans: Pinggera Greta (Laas) 1.09.10, Planötscher Carmen (Völs) 1.10.49, Bachmann Sara (Latsch) 1.12.45, Gasser Katharina (Völs). A spi r anc mutons : 1. Kerschbaumer Martin (Feldthurns) 1.07.46, 2. Profanter Dominik (Villnöss) 1.09.39, 3. Folie Armin (Passeier) 1.12.35, 4. Bernardi Alex (Lueses Gherdëina), 5. Gaio Simone (Fiera di Primiero). Juniores ëiles: 1. Lanthaler Evelin (Passeier) 1.09.25, 2. Obrist Alexandra (Latzfons) 1.09.79, 3. Gruber Sarah (Latzfons) 1.11.79. Juniores ëi: 1. Gruber Alex (Villanders) 1.05.86, 2. Brunner Lukas (Latzfons) 1.08.19. Seniores ëiles: 1. Gietl Renate (Feldthurns) 1.07.28, 2. Schwarz Melanie (Latsch) 1.09.70. Seniores ëi: 1. Pigneter Patrick (Völs) 1.04.68, 2. Blasbichler Anton (Esercito) 1.05.31, 3. Resch Rudi (Tiers) 1.06.14, 4. Gruber Stefan (Latzfons), 5. Kerschbaumer Martin (Feldthurns), 6. Breitenberger Florian (St. Walburg).

Repurton i resultac Sculeies mutons: 1. Gufler Lukas (Passeier) 1.15.58, 2. Haselrieder Florian (Völs) 1.20.16, 3. Prünster Moritz Renate Gietl à venciù pra l’ëiles. Tlo cun (Passeier) 1.20.36, 4. l ambolt de S. Cristina Eugen Hofer.


nr. 50 / 24 de dezember 2010

Te si pitla mans se gëura l mond Te si pitla mans se gëura l mond, te si pitla mans iel bon ciaut, y ch’l mond, ch’l gran mond ie iló, l ie iló dan té. Tanc ne n’à pa plu degun sëmies, y tu, ce fertuna, te posses secudì ti sucrët te ti cuer, y duman, sciche n sofl lesier, dan a ti viere, ti suenn, l aspieta sun té. Te si uedli, é udù la lum da Nadel, te ch’l papier, na scincunda, na stëila unica, la plu rera: la legrëza. Y tu te fërmes, tla prëscia, tla fuera, y i autri va inant, ma tu, ies mo for iló, se tulon dl’aurela, un per l auter, ce donn … l majer. Ulrica Perathoner

Informazions y Manifestazions Mostres Mostra dl artista Manuel Marzari La mostra RiCicli – ReCycles ie tl self dla mostres dla Lia Mostra d’Ert a Urtijëi y ie davierta nchin ai 07.01.2011. L orar de giaurida ie dala 10.00 - 12.00 y dala 16.00 - 18.00. Stluta ai 25.12.2010 y ai 01.01.2011. I lëures de Manuel Marzari, nasciù tl 1981 se stiza sun doi seves: la pascion per la rodes y la ueia de scuvierjer, zënza cunfins, de n mut che tòl ndolauter cosses y juesc per capì coche i ie fac. Chësta pascion porta pro a adurvé la vedla rodes coche simboi dl valor dl tëmp. Dant a nosc uedli se prejënta n mosaich de refudam de zità dl’era post-ndustriela, de cosses che à perdù si ntegrità. Ma l efet ne n’ie nia chël che se sperdon o che se dessenon, davia che tla nterpretazion de Manuel vën ora la forza vitela, na vijion positiva da chëla che nasc na belëza particulera. Mostra de Criples dl’ UNIKA

Tl cheder dla manifestazion “100 Presepi a Spinea“ fej chëst ann nce pea l’ UNIKA cun na bela mostra de criples. I cumëmbri Deiana Diego, Demetz Fabian, Demetz Lorenz, Holzknecht Sigmund, Filip Moroder Doss, Mussner Gregor, Mussner Josef Zorz, Perathoner Roland, Piazza Ivo, Senoner Klaus y Senoner Richard prejënta de biei lëures sun la nascita de Gejù. La mostra resterà davierta nchin ai 9 de jené 2011, da merdi nchin a vënerdi dala 15.30 – 18.30 de sada, dumënia y la festes dala 10.15 – 12.15 y dala 15.30 – 18.30. Lunesc stlut. Mostra de criples de Gherdëina

La mostra de criples de Gherdëina ie a Bassano del Grappa, tla “Chiesetta dell’Angelo” y vën metuda a jì dall’ “Assessorato alla cultura” de Bassano del Grappa deberieda cun l Museum de Gherdëina. La mostra resterà davierta nchin ai 23 de jené dl 2011 dal merdi nchin ala dumënia dala 15.00 - 19.00. Śarà ai 24, 25, y 31 de dezëmber y ai 1. de jené. “Majons intimes“, mostra de Peter Demetz y Robert Bosisio

♦ Bun dé y Bun Ann a Corvara A Corvara mët man le 2011 cun n spetacul de füć artifiziai Le paisc da Corvara ti dà le bëgnodü al Ann Nü 2011 cun na bela festa sön pista. La manifestaziun gnarà metüda da jì en Nanü, al 1. de jenà 2011 dales 21.15 sön la pista Col Alt tl zënter dl paisc. Sciöche vigni ann organisëia inće en chësc ann la Scora dai Schi da Corvara-Ladinia n rai söi schi cun i chentli. Sot le Sassongher gnaral realisé n gran lëgn da Nadè cun i chentli da pert de n grup de Alpini. Dedô podarà i spetadus ćiarè pro al gran spetacul de füć de artifize, che iluminarà döt le paisc cun i tröc corusc. A chësta moda ô l’Assoziaziun Turistica Corvara-Calfosch, la Scora dai Schi da CorvaraLadinia adöm a döt le paisc da Corvara i aodè ai sciori y ala jënt dl post n Bun Ann Nü 2011, plëgn de contentëza, Corvara aodarà inće chësc iade n Bun Ann cun n bel serenité y tröpa sanité. spetacul de löms y corusc.

Musiga y Conzerc Conzert da Nadè dla Müjiga de Badia Le conzert da Nadè é bele deventè na tradiziun. Dal 2004 incà vëgnel tignì vigni dui agn, y cun chësc apuntamënt musical stlüj jö la Müjiga de Badia l’ann iubilar. Le conzert vëgn acompagnè dal cor di mituns dla scora elementara de Badia y dala solista Silvia Alfreider. Al gnarà damanè na spënora lëdia, che ti gnarà surandada a na familia dla Val Badia che à debojëgn. Conzert Gospel te la Pieif de Sèn Jan En mercol ai 29 de dezember te la Pieif de Sèn Jan da les 21.00 conzert da Nadèl de musega Gospel de Cassandra Matthews & the San Francisco Gospel Divas, con Cassandra Mathews tastiera e vocals: Elisa Anderson sopran; Bernetta Dunham aut e Karen DeVone tenor. Bozen Brass Quintet en conzert En mèrtesc ai 28 de dezember te gejia parochiala de Moena da les 9 da sera conzert del Bozen Brass Quintet. Conzerc de l’Ensemble Canticum Novum L’Ensemble Canticum Novum porta dant doi bie conzerc da Nadèl, en mèrtesc ai 28 de dezember da les 9 da sera te gejia de Sèn Vile a Moena e la sera dò, en mercol ai 29 de dezember, semper da les 9 da sera, te gejia parochiala de Pera.

La mostra ie a Bologna tl Artforum, via Dei Bersaglieri 5/E. I doi artisc’ meterà ora si ultimi lëures che spidlea l stude che ëi fej sun l spazio fisich y psicologich. La prejënza de figures, o portes o vieresc ne uel nia mustré su velch de romantich, ma la persona che ti cëla al’opres de ert dëssa plutosc ti cialé cun n uedl critich y cialé de abiné respostes ala dumandes che la scultures y pitures ti fej. La mostra sarà da udëi nchin ai 28 de jené dl 2011, da merdi nchin a vënerdi 10.00 – 12.30 y 15.30 – 19.30. De sada, dumënia y lunesc muessen fé ora n terminn per pudëi jì a ti cialé. www. artforum.it Esposizions te la galarìa Ufofabrik Enscin ai 13 de jené del 2011 te la galarìa de Èrt Contemporanea Ufofabrik, Str. del Marchiò 6 a Moena, l’é da poder veder la mostra personèla di artisć Fabio Bianco e Andrea Morucchio. Mostra dles Dolomites - UNESCO tla Ćiasa dl Parch Natural a Al Plan

De jügn 2009 é de gran perts dles Dolomites gnüdes tutes sö tla lista dl Patrimone mondial dl’UNESCO. Insciö vëgn chëstes contrades reconesciüdes sciöche uniches a livel modial. L’esposiziun di fotografs dl Fotoclub Val Badia mostra fotografies di crëps stlauris y dles plü beles contrades dles Dolomites. La seleziun de fotos é da odëi dai 28 de dezëmber 2010 ćina al 31 de merz 2011, dal mertesc ala sabeda dales 9.30-12.30 y dales 16.00-19.00 tla Ćiasa dl Parch Natural Fanes-Senes-Braies.Por informaziuns, tel. 0474/506120, e-mail: info.fsp@provinz.bz.it. L’entrada é debann! Tasces de Gana en mostra Resta fora enscin ai 6 de jené 2011 te la Sala Heilmann del Museo Ladin de Fascia la esposizion de la passa 150 tasces de Gana. La bela mostra é da poder veder ti medemi oraries del Museo: duc i dis da les 10 a les 12.30 e da les 15.00 a les 19.00.

♦ Christmas on ice Śën tl tëmp da Nadel, n merdi ai 28 de dezëmber dala 21.00 tl stadio Pranives de Sëlva, uniràl inò metù a jì la manifestazion de jadiné artistich I atlec dl Eisclub Gherdëina se prejënta al publich deberieda cun jadinadëures dl Südtirol y de autri atlec cunesciui a livel naziunel. L fajerà pea Stefania Berton y Ondrej Hotarek na copia de jadiné dla Talia y la Hot Shivers, na grupa de jadiné sincronisà. Chëst ann saràl nce leprò la campiunëssa Carolina Kostner sun chëla che duc se ncunforta bele. Chertes danora iel da giapé tla Lies dl Turism de Gherdëina, tla butëiga dal sport Dolomiti Adventures te Sëlva y sot a info@eisclubgardena.com. L priesc de ntreda ie de 20,00 € per i granc, de 8,00 € per mutons nchin a 14 ani y i pitli nchin a 6 ani possa ite debant. Carolina Kostner. (foto de Max Pattis) www.lauscdiladins.com

39


Informazions y Manifestazions ♦ Fin dl ann tl Museum Ladin

nr. 50 / 24 de dezember 2010

Chino y Films

A San Martin de Tor vëgnel metü da jì en jöbia ai 30 de dezëmber na festa particolara por stlü jö l’ann, cun chentlada da Piculin jö, musiga y füć artifiziai tl’urt dl Museum En chësc ann organisëia le Museum Ladin Ćiastel de Tor, l’Assoziaziun Turistica San Martin de Tor y l’Uniun dl Sport San Martin na festa por la fin dl ann, tl areal dl Museum Ladin sön Tor. L’apuntamënt é por i 30 de dezëmber. Program Dales 21.00 inant sona la Böhmische da San Martin de Tor tl Museum Ladin; 21.30 chentlada cun chentli sön la pista Piculin; 22.00 füć artifiziai tl areal dl Museum Ladin - t’urt dl ćiastel vin cöt y checs; Le Museum pîta na fin dl ann sugestiva. (Foto: 22.15 ola dala fortüna cun de bi pesć - les misign) zetoles é da ciafè tl’Assoziaziun Turistica da San Martin y en chësta sëra inće tl Museum Ladin; Le Museum Ladin resta davert debann dales 20.30 ales 24.00, cun audioguida pàion por chësta sëra 2,00€; Shuttle bus debann dala plaza da parchè dl lift da Piculin dales 20.45 ales 21.30 y dales 22.30 ales 23.30. Düć é dër bel invià a saludè l’ann nü adöm te chësta cornisc tan sugestiva.

Dotors y Apoteches

Al chino de Cianacei En sabeda ai 25 e en domenia ai 26 de dezember da les 17.30, 20.00 e 22.00 se pel veder l film comedia “Natale in Sud Africa”. Te la sala 2 en sabeda ai 25 da les 17.00 e da les 21.15 vegn moscià enveze l film de animazion “Le avventure di Sammy” e en domenia ai 26 ti medemi oraries “Le Cronache di Narnia – Il viaggio del veliero”. Doi film en program ence en lunesc ai 27: da les 17.30 e 21.30 l film dramatich “Un altro mondo” e da les 17.00 e 21.15 l film Disney “Rapunzel. L’intreccio della torre”. En mèrtesc ai 28 da les 21.30 “We want sex” e te la sala 2 da les 17.30 e 21.15 l film de animazion “Magamind”; en mercol ai 29 da les 17.30 e 21.30 “La banda dei Babbi Natale“ con Aldo, Giovanni e Giacomo e en jebia ai 30 ti medemi oraries “Benvenuti al Sud”. Semper ai 30 da les 17.00 e 21.15 vegn dat fora amò “Le Cronache di Narnia – Il viaggio del veliero” e en vnder ai 31 demò da les 17.00 “Le avventure di Sammy”. La programazion enscin ai 9 de jené sun sit www.cinemacanazei.com Al chino de Tieser En vender ai 24 e en sabeda ai 25 de dezember da les 17.00 vegn moscià l film Disney “Magamind”; en domenia ai 26 da les 17.00 se pel veder “Le avventure di Sammy” e da les 21.15 l film comedia “Benvenuto al Sud”. En lunesc ai 27 de dezember da les 17.00 e da les 21.15 “La banda dei Babbi Natale“ con Aldo, Giovanni e Giacomo; en mèrtesc ai 28 da les 17.00 “Harry Potter e i doni della morte” e da les 21.15 “The Tourist”. En mercol ai 29 da les 17.00 e 21.15 “Le Cronache di Narnia” e en jebia ai 30 da les 17.00, 19.00 e 21.30 “Natale in Sud Africa”. La programazion enscin ai 9 de jené é a la leta sun www.cinematesero.com

Iadi, Jites y Escurscions Viac culturel y jites a Malta

La Lia da Mont Gherdëina mët a jì n viac de cultura y jites a Malta, n l’ Ena Santa 2011. Nfurmazions giapëis da Arthur, 0471/786368. Iscrizions nchin ai 6 de jené dl 2011. Jites cun la peves

Dotor

L dutor de servisc dala 10.00 da duman de n vënerdi 24 de dezëmber nchin la 8.00 da duman de n lunesc 27 de dezëmber ie l dutor Giuliano Piccoljori de S. Cristina, tel. 0471/792282. L dutor de servisc dala 10.00 da duman de n vënerdi 31 de dezëmber nchin la 8.00 da duman de n lunesc 3 de jené ie l dutor Simon Kostner de Sëlva, tel. 0471/794002 o l 0471/798626. L dutor de servisc dala 10.00 da duman de n mierculdi 5 de jené nchin la 8.00 da duman de n vënerdi 7 de jené ie l dutor Valentin Tröbinger de Sëlva, tel. 0471/773073. Le dotur en sorvisc tla findledema di 24 y 25 de dezëmber, ti comuns de Mareo y San Martin de Tor, é le dotur Ziad Barakat, Al Plan de Mareo, tel. 334/2484784. Ai 26 de dezëmber saràl en sorvisc le dotur Edoardo Agreiter, San Martin de Tor, tel. 0474/501927. Ti comuns de Badia y Corvara saràl en sorvisc ai 24 y 25 de dezëmber le dotur Martin Spechtenhauser, La Ila, tel. 0471/844200. Ai 26 de dezëmber le dotur Guido Caretta, Calfosch/Corvara, tel. 0471/836870 o 337/616080. Apoteches

L’apoteca de servisc che à daviert ora dl orar ordiner da n vënerdi (dala 19.00) ai 24 de dezëmber nchin n vënerdi ai 31 de dezëmber ie chëla de Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). L’apoteca de servisc che à daviert ora dl orar ordiner da n vënerdi (dala 19.00) ai 31 de dezëmber nchin n vënerdi ai 7 de jené ie chëla de Urtijëi, telefonn 0471/796125 (orar de giaurida 8.00-12.00/15.00-19.00). Les apoteches en sorvisc fora dl orar ordinar, dal vëndres ai 24 de dezëmber al vëndres al 31 de dezëmber, é chëres da Corvara, tel. 0471/836173, y Al Plan, tel. 0474/501240.

La scola de alpinism Catores mët nce chëst ann inò a jì jites saurides cun la peves per ëiles che scumëncia a jì cun la peves o che ie nce bele jites datrai. L unirà nce fat na grupa che fej jites plu longes per chëles che à bele mpue de esperienza. L unirà fat 4 jites te Gherdëina o nce oradecà. La prima grupa jirà la juebies y la segonda la sades. La prima jites sarà n sada ai 8 de jené y n juebia ai 13 de jené. Per nfurmazions plu avisa pudëis cherdé su Dieter Demetz, 333/3085846 o 0471/798527.

Iniziatives sportives Decima edizion dla Val Gardena Ciasp

L’Atletica Gherdëina Cassa Raiffeisen mët a jì per l decimo iede na garejeda y na cumpetizion nia sportiva de jì y sauté cun la ciaspes sun Mont de Pana, n dumënia ai 23 de jené 2011. Chësta cumpetizion fej pert dla Coppa Italia, 10 garejedes te duta la Talia, ulache sce n fej pea 6 garejedes te 6 provinzies defrëntes, puderan vëncer de biei pesć. Plu nfurmazions sot a atleticagherdeina.it o Valgardena.it sot a highlights.

Messa de Recordanza Recordon nesc cater amisc

En domenia ai 26 de dezember l’é giusta n an da canche te la Val Lastìes l’é vegnù jù la levina che ne à portà demez Luca, Erwin, Diego e Alex. Nesc cater agnoi del socors vegnarà recordé te chela dì da les 14.30 te gejia di Sènc Felip e Giacum a Ciampedel e dapò da les 20.00 te gejia del Sacro Cher a Cianacei. Chesta zelebrazion da sera vegnarà ofizièda da monsegnor Lauro Tisi, Vicare general de la Diozesa de Trent, e la vegnarà compagnèda dai cores di joegn de Fascia, che i portarà dant per la pruma outa la ciantia fascèna dedichèda ai amisc se n jic.

♦ Orars nüs dl Museum por d’invern

♦ Turnier de calceto a Rina

Tratan les festes da Nadè pîta le Museum orars speziai. Ćina Pasca saràl spo davert trëi dis al’edema domisdé

Por le secundo iade mët da jì i Jogn da Rina le turnier de calceto te palestra. Ai pröms ti spétel n pest de 300,00€

L e Mu s e um Ladin Ćiastel de Tor mët indô man la sajun da d‘invern. Cun n orar sp ez ial tratan le tëmp da Nadè, é le museum davert vigni dé dales 14.00 ales 18.00, dai 26 de dezëmber ćina ai 9 de jenà. Festejede cun nos la fin dl Ann cun chentlada, füć artifiziai y Le Museum Ladin a San Martin de Tor müda i orars, śëgn d’invern. musiga ai 30 de dezëmber, dales 20.30 inant, cun entrada debann tl museum (ćiara manifestaziun a pert). Dai 12 de jenà inant fina Pasca, resta le Museum Ladin davert vigni mercui, jöbia y vëndres dales 14.00 ales 18.00. Le Museum Ladin a San Martin de Tor aoda de bones festes y n Bun Ann Nü.

40

www.lauscdiladins.com

En sabeda ai 8 de jenà 2011 mët da jì i Jogn da Rina n turnier de calceto, te palestra da Rina. Al vëgn śoghé cun scuadres da 4 porsones plü le portier. Da davagné él 300,00€ sciöche pröm pest, 200,00€ por i secundi y 100,00€ por i terzi. Les iscriziuns vëgn tutes sö pro Michael al nr. 349/5432762. Da se scrì ite él anter i 5 de jenà 2011.

Pro la pröma ediziun dl turnier te palestra a Rina. Ai 8 de jenà 2011 éra indô tan inant.


nr. 50 / 24 de dezember 2010

♦ “Salve, puellule!”

Informazions y Manifestazions Avisc

Conzerć dl ensemble "Il Pinzimonio Vocale" y compagns por saludè le viadù nasciü tla stala de Betlehem Ai 28 de dezëmber dales 20.00 tla dlijia da La Val, y ai 29 dales 20.00 tla dlijia de Santa Cristina saràl da aldì le grup „Il Pinzimonio Vocale“ adöm a Esther Crazzolara y Josef Höhn ala vidora, Riccardo Coelati ala viola da gamba y Armin Engl al orghe. Al gnarà pité musighes de componisć dal Pröm Baroch desche J. H. Schein, H. Schütz, D. Buxtehude, Chr. Sätzl, G. Victorinus, G. Carissimi, H. Schmelzer, A. Mazak. La musiga da Nadè che gnarà portada dant é gnüda scrita te posć dër desvalis y é inće n spidl di tëmps y di raiuns olache “Il Pinzimonio Vocale” sarà ara é nasciüda. Insciö cunta la musiga de J. H. Schein y H. da aldì te dui conzerć a La Schütz , nasciüda tratan la vera di trënt’agn a Leipzig y Dresden, dl pice möt che vëgn sön chësc monn desche n re Val y a Santa Cristina. plëgn de forza y dla gran schira de agnui che incünda süa gnüda. D. Buxtehude, che à vit plü tert tla cité de Lübeck, scri na musiga plü plena y da festa, che dess ispiré düć i cristians da laldè le Crist redentur dl monn. G. Carissimi, che à vit a Roma, te na cité plëna d’ert figurativa, de pitöres y scultöres, fej n retrat dër realistich dl pice möt, che se döra fan y frëit y é tl medemo tëmp nosc re y fi de Dî. I atri componisć fej pert dl ambiënt musical dl süd dla Germania y dl’Austria.Chisc scri musiga dër devertënta, solara y ćinamai n pü’ stravaganta, por fà sintì döta la ligrëza dl Nadè. Düć chi che é coriusc inće da aldì chësta musiga y da se ralegrè cun chisc sonns, é dër bel invià ai conzerć. A düć chi che vëgn a nes ascutè tratan l’ann, che nes sostëgn y nes dëida, i aoda l’ensemble „Il Pinzimonio Vocale“ n bun Nadè y n bun ann nü.

Cursc Cursc de ginastica por mituns L’Uniun dl Sport Diletantistich da San Martin organisëia n curs de ginastica por mituns cun Davide Moling. I cursc vëgn tignis indöt 10 iadi, te palestra da San Martin. Ai mët man ai 27.12.2010, dales 15.00 ales 16.30 por mituns da 5 a 7 agn, dales 17.00 ales 18.30 por mituns da 8 a 10 agn. An s’incunta por trëi iadi al’edema. Al gnarà tratè movimënć importanć aladô dl’eté. Por se scrì ite telefonè prëibel al nr. 340/5090762. Le numer de partezipanć minim é de 4 porsones, y le mascim de 14. Le cost é de 50,00€. Curs de paslunch

La Scora de Paslunch da San Ćiascian organisëia indô por la proscima sajun da d’invern n curs de paslunch por mituns dles scores elementares y mesanes, cun i maestri Giorgio, Egon y Maria. Le curs vëgn tignì tl zënter de paslunch a San Ćiascian, vigni vëndres dales 14.00 ales 16.00, por indöt 8 iadi. An mët man en vëndres ai 7 de jenà 2011 dales 14.00 y al gnarà fat trëi grups: le grup di bogn (skating), n grup di manco bogn y n grup de prinzipianć (intrami tecnica tlassica). I interessà po se lascè mëte sön lista cherdan sö le numer 0471/849610. Arpizé sön la dlacia

I mënacrëp Max & Simon adöm cun la Lia dai Crëp mët da jì n curs da arpizé sön dlacia. Le curs döra dui dis, ai 8 y 9 de jenà 2011. Da se prenotè él n’edema danfora. Por jogn ćina 18 agn él la lia da munt che dà na picia sovenziun. Por informaziuns y prenotaziuns pòn cherdè sö Simon al 349/3845283. Curs per fé maestri de schi La Scola de Schi de Sëlva mët a jì n curs de preparazion ala selezion per l ejam per maestri de schi cun Catherine Senoner. L curs ie dai 8.01.2011 inant. Per iscrizions y nfurmazions pudëis cherdé su l 333/7107394 o scrì a catherine.senoner@yahoo.it

♦ Figöres de

lëgn en movimënt Ćina ai 6 de jenà 2011 podaràn odëi tl salf dles manifestaziuns d’Al Plan na mostra dles “figöres de lëgn en movimënt” de Giovanni Flöss da San Martin En mercui ai 22.12 él gnü daurì tl salf dles manifestaziuns d’Al Plan na mostra de benefiziënza olache an po aprijé les “Figöres de lëgn en movimënt” de Giovanni Flöss da San Martin (+2008). La mostra sarà daverta ćina ai 6.01.11, dales 16.00 ales 19.00. Stlüta éra ai 24, 25 y 31.12 y al 01.01 y 02.01.2011. N valgönes operes de Giovanni Flöss che é da odëi a Al Plan.

Orar dl Museum de Gherdëina L Museum de Gherdëina ie daviert dai 26 de dezëmber nchin ai 9 de jené uni di dala 10.00 nchin ala 12.00 y dala 14.00 nchin ala 17.00. Stlut n San Silvester y n l Ann Nuef. Orar dla biblioteches ntan Nadel L vën fat a l savëi che danter Ueia de Nadel y S. Guania ie la trëi biblioteches publiches de Gherdëina daviertes chisc dis: biblioteca San Durich, dai 27 nchin ai 30.12. y dai 2 nchin ai 5.1.2011; biblioteca Tresl Gruber, dai 27 nchin ai 30.12. (mé danmesdì) y dai 2 nchin ai 5.1.2011; biblioteca Oswald von Wolkenstein, dai 26 nchin ai 30.12. y dai 2 nchin ai 5.1.2011. Duc i autri dis sarà la biblioteches śaredes. Orar dla biblioteca dla Lia Mostra d’Ert La biblioteca dla Lia Mostra d’Ert resta śareda dai 27 de dezëmber 2010 nchin ai 9 de jené 2011 pervia dla festes da Nadel y dl Ann Nuef y gëura inò ai 10 de jené 2011. Chertes per l nightbus Tl ufize dla Nëus Jëuni Gherdëina iel da sën inant la puscibltà de cumpré la chertes per l Val Gardena Nightbus. Chëst ann pòssen cumpré bele danora chertes per una na nuet che costa 4,00 € l’una, y n possa nce se cumpré chertes dal valor de 25,00 € cun chëles che n possa furné 10 iedesc duta nuet. La chertes per un n viac singul pòssen mé cumpré tla curiera. Les costa 2,50 €. Purtruep ne iel chëst ann nia plu n abunamënt per dut l ann. La chertes cumpredes ne n’à deguna data de scadënza, chël uel dì che n possa les cumpré danora y les adurvé canche n uel nchin ai 18.06.2011. Per cumpré la chertes y per plu nfurmazions sun l nightbus sons gën a despusizion tl ufize dla Nëus Jëuni Gherdëina tla cësa per i Jëuni, ert y cultura a Urtijëi, sun plaza S.Antone, tel 0471/799006. Sentada generala dla Lia da Munt La Val La Lia da Munt da La Val inviëia düć i iscrić, simpatisanć y amisc dles munts y dla natöra ala reuniun generala en San Stefo de Nadè dales 18.00, tl salf dles uniuns a La Val. Söl program él: relaziun dl’ativité 2010 cun proieziuns, presentaziun dl program 2011, lîtes dl consëi nü y inultima liagnes y craut por düć. La Lia da Munt chir jogn/jones y manco jogn/jones por colaurè te sües ativitês. Porchël inviunse porsones motivades, inće dai atri paîsc dla valada, da se lascè adintëne al numer 340/6816332. Orars dl Sorvisc ai Jogn Al vëgn lascè alsavëi che i orars d’ofize dl Sorvisc ai Jogn é śëgn dales 8.00 ales 16.00. Arpizé söla dlacia y pista dla liösa A Lungiarü él gnü metü sö chesc ann, tl ćiamp dl sport, na dlacia artifiziala, olache an po arpize, le mertesc y le vëndres sëra dales 19.30 ales 22.00. Infos sot a www.uslungiarue.it. La pista dla liösa "Do Juvel" é daverta mertesc y jöbia dales 19.00 ales 21.30.

A nosc bun Franzl, Siur Degan, che complësc en Nadè 75 agn: döt le bun de cör te augurun sanité, ligrëza y benedisciun. Dilan de tüa oraziun te stlüjes ite bëgn vignun, inće nos orun perié, che le Signur ois te daidé. Tòlete inće n pü’ de tëmp da palsè y da gnì a ćiasa a se ciafè, cun ligrëza nos te aspetun, ćiudi che t’orun tan bun. Dennis y Iris, Fabian y Elias cun l Tata, la Mama y la Lâ Hilda.

Por i 60 agn les mius aodanzes ala

Emma de Börz

Te chël bel post a pé de Pütia te godest’ cun to Milio chë picia ütia, lunc y lerch da en gröm conesciöda cun töa ćiasadafüch fejte indlunch paröda. A pici y gragn ti fejte les matades dötes y bëgn püć va da porta fora cun les mans ötes. Spo canche l’laûr se desfanta en pü’ ia cun en tacuin bel pasciü él da pié ia: tl’Africa, Australia, Tera Santa y desert chilò a Dubai col foliet ladin davert. Che t’ais ćiamò die sanité y vëia da slonderné chël orunse nos che t’orun bun de cör t’aodé. To “Amore”, to fre y töes sorus cun families

www.lauscdiladins.com

41


Congratulazions y Inserac

nr. 50 / 24 de dezember 2010

A chël pic’ cricio…

Anna

I 25 dl 12 é chilò, a fà festa cul tacuin plëgn juns’ impò. I 18 ast’ cumplì, y tres plö “pros” aste da gnì. “Ast capì”? Da fà festa cun na gran sëi ti este tres bun, sciöche n te’ “pic’ bambin” a fà festun. Ala patent aste da punsè, y da fà taxi a nos aste da fà.

è śën “doturia de infermieristica”. I ti fajun i mius complimonć y ti aodun trepa ligrëza y suzes sön so tru profescional! Chi de familia, compagns y compagnes

Merk, Freddy, Felder, David y Guz Da scinché ia

Cungratulazions a

Lukas Mussner

che à arjont l dutorat cun l ejam de stato de geologia. Cun gran legrëza te mbincions dut l bon de cuer per ti daunì profesciunel. Cumplimënc da Mami y Tati, Christine y Felix y ti fredesc.

A Urtijëi vëniel dat ca doi popagaies da culëur dla sort ”Inseparabili/

Unzertrennliche” da de biei culëures, cun na bela gabia leprò. Tel. 340 9105878

inserac@lauscdiladins.com Aziënda sanitara de Südtirol Raiun Sanitar da Bornech Avis publich Al vëgn lascè al savëi che tl Raiun Sanitar da Bornech vëgnel scrit fora döes störes por le tëmp de cinch agn:

Aiai ći mé, le 2 s’an è! A nosc tati

primar/ia (diretur/ia) por le repart de chirurgia generala (ospedal da Sanćiana). La störa é resservada al grup linguistich todësch. Al vëgn damanè l’atestat de bilinguism A.

Stefan de Col les mius aodanzes por le complì dai 30 agn ai 28.12 da

primar/ia (diretur/ia) por le repart de pediatria (ospedal da Bornech) La störa é resservada al grup linguistich todësch. Al vëgn damanè l’atestat de bilinguism A. Le terminn por menè ite les domandes: anter les 12.00 di 17.01.2011.

Melanie, Jasmin, Martina y Renate.

Ai 25.12 él

nosc Christian che cumplësc i 18 agn. I te augurun de cör düt l’bun, tröpa ligrëza y sanité. To tati, tüa mama y tües sorus Elisa y Elena

I formulars por la domanda y informaziuns plü menüdes pòn ciafè tl ofize por concurs y assunziuns Bornech, str. Spital 11, 39031 Bornech tel. 0474/586027-28-36 sciöche inće sön la plata internet www.amtfuereinstellungenundwettbewerbe@sbbruneck.it. Al vëgn chirì a Calfosch na ćiamenëssa por les sabedes y domënies. Prëibel telefonè al 0471/836244.

Crì da laour L ven cris da lëur coche chelner de sala. Tel. 389/1103169. (48/10) ••• N ël cun esperienza chier da lëur coche cuech. Tel. 392/1513805. (48/10) ••• N jëunn di Paejes Tudësc chier da lëur a judé te na cësadafuech, a fé de uni sort de stroc te n hotel, da vardian o nce a cialé de na persona de tëmp. Ël sà la rujenedes tudësch y nglëisc. Tel. 0049/15222009851, email brunogroening@web.de. (48/10) ••• N ël chier da lëur coche pizzaiolo o a judé te cësadafuech o coche vardian. Tel. 339/7280128. (48/10) ••• N ël chier da lëur a judé te cësadafuech, a lavé ju o a fé de uni sort de stroc. Tel. 338/7732267. (48/10) ••• N ël chier da lëur a lavé ju, l à bele laurà truep ani te Gherdëina. Tel. 335 7008955. ••• N ël chier da lëur sciche aiut-cuech o scenó nce a lavé ju. L à fat la scola de hotelaria a Agrigento. Tel. 320/3131381. ••• Na ëra cun esperiënza chir laûr a romenè sö ćiamenes cun na ćiamena a Al Plan. Tel. 328/4721667. (48/10) ••• Na ëra che sà l ingleje chir laûr a romenè sö majuns. Tel. 329/2782743. (48/10) ••• Na ëra da San Ćiascian chir por la sajun da d’invern n laûr por n valgünes ores da domisdé inant, 3 - 4 dis al’ edema. Tel. 393/6509591. (48/10) ••• N’ëila chier da lëur a rumé su majons o a cialé de pitli mutons part time, sce la va

42

www.lauscdiladins.com

a Urtijëi. Tel. 331 5635788. (48/10) ••• N ël chier da lëur. Ël sà da lauré cun l computer y la rujenedes talian, nglëisc y spanuel. Tel. 349/6385306. (48/10) ••• Na ëra dla Talia che à bele tröc agn de esperiënza chir laûr tla Val Badia a romenè sö apartamënć. Tel. 338/3375382. ••• N’ ëila da tlo chier da lëur 2 - 3 iedesc al’ena, da sëira. Tel. 338/5207964. (49/10) ••• N’ ëila chier da lëur a rumé su. Tel. 349/3336850. (49/10) ••• N jëunn de 34 ani dla Slovachia chier da lëur a lavé ju o a fé de uni sort de lëures. Tel. 334/9666912. (49/10) ••• N’ ëila chier da lëur a cialé de na persona de tëmp te Gherdëina. Tel. 340/5298027. ••• N’ ëila cun esperienza chier da lëur a rumé su majons per la sajon da d’inviern. Tel. 328/3474246. (49/10) ••• N ël de 34 agn, cun esperiënza chir da laûr da śëgn inant sciöche pizzaiolo, poscibilmënter tla Val Badia. Prëibel telefonè al 327/3240545 o al 333/8543074. ••• L vën cris per na jëuna dla Sardegna che à bele laurà plu ani te Gherdëina n lëur te Gherdëina y n monolocale o na majon da śën inant. - Tel. 347 4459611. (49/10) ••• N ël de 45 ani chier da leur da śën inant a fé d’uni sort de leures y stroc o a judé te cësadafuech. Ël à nce la patent per l camion y se pitëssa a fé l camionista. Tel. 329/8769397. (50/10)

••• L ven cris da lëur sciche segondo cuech, a fé de uni sort de lëures, a lavé ju o a cialé de na persona de tëmp. Tel. 345/3375092. (50/10) ••• Al vëgn chirì laûr tla Val Badia sciöche chelner por bar o salf. Tel. 347/5454476. ••• Al vëgn chirì laûr sciöche chelner por bar o salf tla Val Badia. tel. 380/3472423. ••• N’ëila chier da lëur a rumé su majons o coche chelnera te n restaurant o n bar. Tel. 348/2545660 o 331/7794405. (50/10) ••• Na jëuna chier da lëur te Gherdëina coche barista. Tel. 320/6665063. (50/10) ••• Na jëuna chier da lëur a rumé su majons. Tel. 320/9137004. (50/10) ••• N ël cun esperienza chier da lëur coche cuech. Tel. 340/1948496. (50/10) ••• L vën crì n lëur da cuech o capo partita tla Val Badia. tel. 328/0854548. (50/10) ••• N ël chier da lëur coche cuech. Tel. 328/6436902. (50/10) ••• N’ëila chier da lëur a rumé su majons. Tel. 340/6194567. (50/10) ••• Na familia chier n cuatier te Gherdëina, a Laion o nce a Pruca per dut l ann. Tel. 320/2248691. (50/10) ••• N’ël chier da lëur a lavé ju, a judé te cësadafuëch o a fé de uni sort de stroc. El à nce la patent y se pitëssa a furné cun l taxi. Tel. 377/1721764 (Altamar).

Hotel Luxor & Cairo **** Lido di Jesolo chier per la sajon da d’instà n chef capo partita chelneri/es per la sala na persona respunsabla per la sala na barista na persona che juda te reception. Prëibel mandé l curriculum a info@luxorcairohotel.it Telefonn 335/5446372.

La botëghes Lagazuoi a S.Ćiascian chir por la sajun da d’invern 1 boteghiera cun esperiënza y conoscënza di lingac. 1 porsona por le repart dai schi. Prëibel telefonè al 335/6810026 o al 0471/849328.

La dita Adang Termosanitar a La Ila chir da atira 1 lerner che à ligrëza da imparè le laûr da montêr. Telefonè prëibel al 0471/839766.

L vën vendù n pra da mont de 5 hectar cun n medel y n tublà ressanei,te na bela luegia panoramica sun Mont de Sëuc. Prëibel cherdé su l Immobilien Büro Real 07 GmbH al 335/220542. www.real07.com

Al vëgn venü n prè da munt Gp 3520/Lungiarü. Telefonè al nr. 348/2640093.

(Dino) (48/10) •••

Na firma de computer a Urtijëi chier n tecnich cun esperienza tl ciamp dla rë y dla nstalazion y n tecnich per la hardware che ebe n stude de nfurmatica o l diplom dla scola auta HTB. L vën nce pità n cuatier a Urtijëi. Prëibel cherdé su l 0471/789400.

Ćiasa Hermine a La Ila chir na ëra a puzenè por les sabedes. Prëibel cherdè sö le 0471/847322 o le 338/3853054.

La Scora de Schi da La Ila chir na colaboradëssa por l’“asilo neve“. Prëibel telefonè al 0471/847258.

La dita da idraulicher Ploner Moritz a Badia chir da atira 1 laurant imparè fora 1 lerner. Prëibel telefonè al 335/6155706.

Le Cor de Dlijia d’Al Plan chir por atira n/na dirighënt/a che à interes y vëia da laurè adöm a porsones motivades y cun na gran ligrëza da ćiantè. Telefonëia prëibel al nr. 0474/501040. Residence Sidonia a Corvara chir n’ ëra dl post a puzenè apartamënć les sabedes. Prëibel cherdè sö le 0471/836741. Hotel Maciaconi te Sëlva chier per la sajon da d’inviern n’ëila a rumé su majons. Prëibel cherdé su l 0471/793500.


Inserac, Religion y Anunzies

nr. 50 / 24 de dezember 2010 Da chirì N ël da tlo chier na majon a Urtijëi per la sajon da d’inviern. Chiche ëssa velch da pité ie prià bel de cherdé su l 338/5027357. (48/10) ••• Na familia de 3 persones chier n cuatier cun ciulé y garage da tò a fit a Urtijëi da auril dl 2011 inant per dut l ann.

Chiche ëssa velch da pité ie prià bel de cherdé su l 366/4630714. (49/10) ••• L vën cris prei da sië a Urtijëi y ntëurvia. Tel. 335/5425828. (49/10) ••• L vën cris n cuatier per 3 persones te Gherdëina per dut l ann. Tel.

L vën vendù an bon priesc 2 pèr de schi da gara model da chëst ann, dla marca Fischer GS RC4 World Cup Junior, lunghëza 1,60 cm cun atachs Freeflex Z11 y doi pèr de schi da gara model da chëst ann, Fischer SL RC4 World Cup Junior, lunghëza 1,40 cm cun atachs Freeflex Z11. Tel. 346/3755464. (48/10) ••• Da vëne n auto dla marca Mitsubishi, pick-up american, Sport 2, dl 2007. Tel. 335 6943528. (48/10)

••• L vën vendù n per de ciauzei nueves, mei adurvei da pudejé, Salomon SNS Pilot numer 39 da “pattinaggio“. Tel. 338/3340111. (49/10) ••• Al vëgn venü n pêr de schi da möt/möta dla marca Salomon, cun atać 110 cm, a 35,00€, spo ćialzà dai schi Nordica cöci, mosöra 19-20.5 (corespogn al nr. 32-33) al prisc de 30,00€. Al vëgn venü inće n pêr de schi da paslunch (skating)

328/7303601. (50/10) ••• L vën cris n cuatier per dut l ann a Urtijëi da sën inant. Tel. 328/9108904. (50/10) ••• L vën cris na majon per duta la sajon a Urtijëi o a S.Cristina da sën inant. Tel. 389/1103169. (50/10)

Da vende Atomic Beta cun atać Salomon, 184 cm, a 50,00€. Telefonè al nr. 338/9771629. (49/10) ••• L vën vendù ciauzei da jì cun i schi Nordica Dobermann 130, mesura 42. Tel. 346/3543254. (50/10) ••• Al vëgn venü n Pegeout 207, 110cv 1.6 HDi, fosch metalisé, sport, 37.000 km, dl 2006, a 8.000,00 €. Tel. 339/4268390. (50/10)

Recordanza

Othmar Costabiei *11/12/1971 +26/12/2009 N ann él bele passè da canche tö se as lascè. Inće sce l’ tëmp passa sciöche n tarlì, l’ gran öt che te as lascè ne va nia da implì. Mo che tö n’ se lasciaras mai susc nos savun, che t’ restaras pro nos te vigni cossa che i fajun. Te vires inant cun nos dé pur dé, to bel rì, tüa bona lüna, la man da dè che te âves pur nos düć. Mai degügn de chisc bi recorć che t’ se as lascè pudarunse se desmentié.

Vangel dla Domenia Domënia dla Sacra Familia, ann A, ai 26 de dezëmber 2010

La mëssa dl ann por nosc caro Othmar sarà in dumënia ai 26 de dezëmber dales 18.30 tla dlijia da Corvara.

Dal vagnele do San Matî, 2, 13-15.19-23 Canche i studià dles stëres s’un ê indö jüs, ti él comparì a Ujöp tl som n agno dl Signur y à dit: “Lê sö, tol le möt y süa uma y sciampa tl Egit; romagn dailò ćina ch’i ne comani val’ d’ater; deache Eròdes chiriarà le möt por le copè.” Sön chëra é Ujöp lovè sö de nöt y s’un é sciampè cun le möt y süa uma tl Egit. Dailò él romagnü ćina che Eròdes ne é mort. Deach’al dô s’ademplì ći che le Signur à dit tres le profet: “Fora dl Egit ài cherdè mi Fi.” Do che Eròdes ê mort, ti él comparì a Ujöp n agno dl Signur tl som y à dit: “Lê sö, tol le möt y süa uma, y va tla tera de Ìsrael; ćiodiche chi, che ti sitâ ala vita dl möt, é morć.” Dailò él lovè sö y é jü cun le möt y süa uma tla tera de Ìsrael. Do ch’al â indere aldì, che tla Iudea regnâl Archelàus impede so pere Eròdes, se temôl da jì dailò, y deach’al â ciafè tl som na racomanaziun, él jü tl raiun dla Galilea y s’à lascè jö te na cité dal inom de Nàzaret. Deach’al dô s’ademplì ći che é gnü dit tres i profeć: “Ël gnarà nominé Nazarenn”.

Recordanza

Giacomo Castlunger *26.07.1930 +05.01.2009 De bi dis uns’ passè adüm a te y te nüsc cörs Este tres presënt. Ingrid y familiars

Parora dl Signur. - Lalt a té, Gejù Crist!

Recordanza

Rengraziament 26 de dezember n an dò

Diego.

Dò longia malatìa l’é se n jit te la Pasc del Segnoredio

L’é passà n an 1 an: 12 meisc: 365 dis

Giacomo Pellegrini,

Se cognessa jontèr ite “da canche no t’es più con nos”, ma no sé cotant che sibie giust dir chest. L prum pensier dadoman t’es tu; l’ùltim da sera. L neif e ne sà de te veder jir coi schi anter chi sbiauches de neif lijieres. L’é soreie e l pensier va a ti, che te ge volees tant revel ben a chi dis piens de lum. Cenon e te nosc cef te sention amò grignèr, brindèr, con chel “zigo-zago” demò tie. Tia prejenza la é tant revel forta da fèr mèl, enceben che, e chest l’é n gran confort, i recorc de te i é demò bie, “i ne tegn compagnìa, bendeché i ne fèsc sgrignotèr e i ne sciauda l cher”. Ma chel rai de felizità che semper te aees dintorn, no l troon più, e la legreza che scialdi te portèes ne noscia cèses... somea scì dalènc. No troon più la paroles per dir l vet che l’é restà, ma se l’é vera che mor demò chi che vegn desmentià, tu te vivrès per semper! E per semper nos te diron DETELPAI per chel che te ne ès lascià e soraldut pe esser stat... cosssì... coche te eres tu: DIEGO

Gigio de Zetola da Soraga   Lo recorda con gran encresciujum la femena Pierina, i fies Maria e Roberto con la nora Adriana e duc chi de ciasa. N bel develpai a duc chi che à tout part a noscia manconia.

Partezipazion L’Aministrazion de Comun, l personal e duta la Comunanza de Soraga tol part a la manconia de so Ombolt e de chi de ciasa per la departida del pare

Ma acà n an vèlch se à fermà e noscia vites no sarà mai più cheles da dant

Giacomo Pellegrini

Ciao Diegolino

Soraga, ai 17 de dezember del 2010

I tie de cèsa

Recordanza

Recordanza

29.12.2007 - 29.12.2010

26.12.2009 – 26.12.2010

Diego

Silvano Depaul

Dut l’é mudà ma no l’amor che sente per te

L’é jà 3 egn che no t’es più con nos ma ti es semper te nesc cheres

Anita

To fra Mauro con Adriana, Manuel e Marica

www.lauscdiladins.com

43



La Usc di Ladins