Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 48/2011 - 09 de dezember 2011

Florian Mussner

2

10 agn assessour Florian Mussner é da diesc agn encà assessour provinzial a Bulsan. Al à invié i colaboradours di massmedia ladins a na induneda.

Biblioteches

Estrazion dles partides

Comentar de pruma

La selezion ladina jugarà a la “Europeada 2012” dla Sassonia tl grup trei contra i croac tla Serbia, i turcs tla Grecia y i frisc dl nord tla Germania

Manovra salveza

16

Cunsëi nuef Nstadì iel stat la reunion generela dla Biblioteca San Durich, cun vela dl cunsëi.

Urtijëi

18

Malans Uni ann iel l medemo. Ma uni ann iel nce bel, nce sce duc se tëm. L malan va ncantëur, l malan ie tlo, l malan vën for plu y plu daujin.

Calënder de Gherdëina

19

Prejentazion La Union di Ladins de Gherdëina nvieia duc de cuer ai 16 de dezëmber dala 18.00 tla biblioteca dla Cësa di Ladins a Urtijëi ala prejentazion dl Calënder de Gherdëina 2012.

Fascia

24

Vich zenza auti L’aministrazion de comun à enaudà la neva strèda che tol fora l trafich dal zenter de paìsc.

Turism

29

Sentada cun comié Tla sentada generala dl’AT Badia àn tut comié dal diretur Manfred Canins y presentè le diretur nü Roberto Huber.

Dlijia

32

Öna na unité La Val Badia formarà öna na unité pastorala. A Badia él rovè adöm proi y consëis de cöra por nen baié.

Badia

33

Dè por ciafè Le Comun de Badia à onorè i volontars che dà ca tëmp debann por i atri.

Tratant l’estrazion steda a Berlin al 1. de dezember 2011. L jugadour dla scuadra nazionala dla DDR Hansjürgen “Dixie” Dörner da Dresden y Danko Handrick. (foto: Hatto Schmidt/Dolomiten)

Atualité - L grup te chel che i Ladins à da jughé sia pruma Europeada dla storia y la pruma pert dla Europeada 2012 n’é dessegur nia l plu saurì. L’estrazion dl prum de dezmber a Berlin à porté a lum l ragrupament dles vint scuadres dles mendranzes autotones y regionales. I grups é endut cinch, partis su da la letra A a la E. Con la prejenza de trupes delegazions di popui y dles scuades che fajarà pert de chesta Europeada tla Lausitz (per i ladins fova sun l post l acompagnadour Giorgio Costabiei y en raprejentanza dla Region TN/BZ l’assessoura Martha Stocker), él gnu trat fora i grups dla pruma fasa dl campionat europeich che gnirà tegnù tla Lausitz (Sassonia) tla Germania dai 16 ai 26 de jugn dl 2012. Chest campionat per les scuadres de mendranzes etniches gnirà tegnù avisa les medemes edemes dl Campionat Europeich UEFA (che ne sarà nia dalonc da la

Lausitz, tla Polonia y tla Ucraina). I organisadours dla Europeada 2012 sarà l’Union Federala dles Nazionalités Europeiches (FUEN) y la Domowina, Union di Sorbs dla Lausitz. La pruma edizion dla Europeada é gnuda a s’l di dl 2008 ti Grijons tla Svizera, con l suzes final dla scuadra de Südtirol, metuda adum ufizialmenter da todesc y ladins.

ciafé la scuadra favorida di südtiroleisc todesc, i todesc dla Ungaria, i caraciais tla Ruscia y i todesc dla Danimarca. Tl grup E él i daneisc dla Germania, i zimbri dla Taliam i galeisc dla Gran Bretagna y i ozitans dla Francia.

I grups L grup A é metù adum dai sorbs tla Germania, todesc dla Polonia, slovens dl’Austria y de na selezion de plu mendranzeas dla Estonia. Les scuadres di Roma dla Ungaria, di todesc dla Ruscia, di retormans dla Svizera y di slovacs dla Ungaria fej pert dla seconda grupa. L grup C é metù adum dlongia ai Ladins dai turcs dla Trachia (Grecia), dai croać tla Serbia y dai frisc dl nord dla Germania. Tl cuart grup él da

Giorgio Costabiei, ambasciadour dla “Selezion Ladina”, a l’estrazion a Berlin. foto: Hatto Schmidt/Dolomiten

de Iaco Rigo

I sindacac y la CEI protesteia cuntra la manovra laurada fora y proponüda da Monti por salvè la Talia. Dantadöt les mosöres por les ponsiuns y la presciun fiscala cun l’ICI pesarà söles families y i lauranć dla Talia cun davagn mesan-bas. La CEI, conferënza episcopala taliana, critichëia dantadöt la püćia conscidraziun che la manovra i dà ai patrimoni y davagns alć. Sce al é vëi che le 10% di zitadins dla Talia tin le 50% dla richëza tla Talia - spo ne cuadrëia davëi i cunć de Monti nia. Por che chësta manovra passes adora le govern le bëgnstè dantadöt dai “berlusconians”, y desche chisc la pënsa en cunt dles cutes sön i gragn patrimoni savunse. La manovra toca düć bele cun l’ICI y l’aumënt dl’IVA al 23%. Aladô dles organisaziuns di consumadus Adusbef y Federconsumatori spenarà na familia mesana cun i dui geniturs y n möt y n davagn neto total de 32.000,00 euro y sparagns bancars de 50.000,00 euro, bëgn 1.173,00 euro deplü al ann, chësc dal 2014 inant. Meton laprò la ćiaria dles manovres Berlusconi podess la goba gnì ćiamò plü posoćia (an baia dl dopl dla manovra Monti). A chësta “frelada” por salvè la Talia dal bancrot ne i sciampa degügn, gnanca Südtirol. Tl’aria romagnel bëgn ma la domanda: “É la Talia stada por 60 agn alalungia ma na vaćia da muje fora, zënza che an s’ess cruzié da i dè inće assà da mangé?”

Avis Vostes aodonzes y reconescenzes da Nadel

I i meton a cuer a nosc letours y clienc che La Usc di Ladins é n bon strument per publiché y mané fora les reconescenzes y aodanzes da Nadel a duc i paisc y a la jent ladina, tles vals y fora per l mond. La Usc di Ladins gnirà ciamò fora dant Nadel i doi vendres ai 16 y 23 de dezember 2011, y dedò endò per l Ann Nuef la juebia ai 5 de jené 2012. Nuzede la bona ocajion y metesse en contat con info@pentagon.it o tel. 0471 790052 (Agenzia Pentagon).


Zoom

nr. 48 / 09 de dezember 2011

Ancunteda dl assessëur Florian Mussner cun jurnalisć ladins Mussner à nstadì nvià i jurnalisć ladins a n gusté-ancunteda; per l’ucajion àl rujenà di diesc ani de si mandat, de cie che l à arjont y nce dla cunlaurazion cun i mass media ladins y dla prospetives de svilup di media

L assessëur Provinziel Florian Mussner ntan si ntervënt.

Politica/1 - “Ai 12 de dezëmber iel diesc ani che é scumencià cun mi ncëria da assessëur,” à dit Florian Mussner cun referimënt al ann 2001, canche l fova unì cherdà ite te Jonta provinziela de Bulsan coche assessëur ladin cooptà, per unì pona lità tl 2003 y tl 2008. Per Mussner iel stat “diesc ani de gran sudesfazion, nce de bona cunlaurazion cun i mass media ladins, che me à cumpanià y nce cialà de mé; posse dì cun legrëza de vester for stat scialdi prejënt ti media ladins. L tleche pensé a Trail, ulache l ie uni di danter 45.000 y 48.000 südtiroleri che cëla pro; Trail ie nscila na usc che va dloncora te Südtirol, tla cëses di ladins ma nce di autri.” Mussner ie jit inant cun si paroles, dijan che l spera che nce da si pert ébel purtà zeche te chisc diesc ani. L assessëur à lecurdà coche l ova scumencià, tl 2001, canche l ova mo do la rata puecia cunescënzes dl aparat aministratif y politich dla Provinzia de Bulsan, y coche si cumpanies de Jonta ti fova stai daujin, tres ancuntedes

nfurmatives. Mussner: “Te chisc diesc ani iel do mi ntënder stat n mudamënt per i ladins, tl vester ladins: l ie la naturalëza tla detlarazion de vester ladin, l ie la legrëza de dì che n ie ladin. Mpurtant me sàl che duc vive cun naturalëza si vester ladins, te si identità de singul y de cumenanza.” Florian Mussner à lecurdà che bele tl 2001 ova ël udù ite l bujën dla cultura dl sparanië, che l à pona purtà inant nchin a ncuencundì, ulache l bujën de sparanië ie mo majer, cun la crisa y cun l’acurdanzes a livel statel.

Scola, cultura y rujeneda ladina “La scola, la furmazion ie de gran mpurtanza. La furmazion ie la fundamënta dla persona, la muda la maniera de viver. Scola ie cultura, cultura ie scola. Tl ciamp dla scola auta sons stai boni de arjonjer la segonda ëura de ladin. A livel de Südtirol iel bele unì dat pro che n uel cunzeder l patentin de

trilinguism B per chiche à fat diesc ani de scola paritetica cun l ejam de maduranza. Śën muessa la cuestion unì trateda tla Cumiscion di 6. Monti à plu che auter da cialé de mëter a post la finanzes stateles, ma l Guviern muessa pa bën nce cialé de d’autra cuestions dla jënt. L ie pu nce n Ministere aposta per la scola y i bënns culturei, y ie rate che la cuestion unirà dessegur purteda inant.” Nscila Mussner, che à auzà ora che tl ciamp dla scola iel unì auzà la stieres per i ladins de 12%. Dal’autra pert à Mussner auzà ora cun mueia che plu scoles tla valedes ladines à messù unì stlutes, ma do si ntënder messòven tenì cont dla razionalisazion a livel statel y provinziel cun n numer minimo de sculeies. “Massa puec sculeies ne possa nia vester bon, no per la furmazion no per la pert soziela.” Te si ncëria coche assessëur per i lëures publics y l patrimone per la strutures publiches à Mussner auzà ora la strutures che n à pudù fé ti ani, per la scola y per la cultura di ladins. “Chisc fabricac ie na bona fundamënta per l daunì.” Nce tres la lege provinziela numer 21, chëla cun i capituli de bilanz de cumpetënza dl presidënt dla Jonta provinziela, iel unì purtà inant finanziamënc a bën dla strutures y di nvestimënc per la cultura y scola ladines, à sotrissà Mussner. N con’ dla direzions dla scoles autes à l assessëur auzà ora cun legrëza che l ie unì mantenì trëi direzions, nce sce l numer de sculeies te chësta scoles tla valedes ladines ie do la rata pitl, scialdi dessot ala ndicazions stateles y provinzieles. Priesc d’abonament anual: per la Talia: 59,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Alexander Stuffer y Egon Vinatzer.

2

www.lauscdiladins.com

Info abonament: Tel. 0471/789294

Drët ie per Mussner stat la dezijion de ne purté nia inant l ladin dolomitan: “Ie son for mo dla minonga che na rujeneda ne possa nia unì mudeda cun n’autra, tulan y tres mi persunalità y mi vester. La drëta streda per Gherdëina y Badia ie che n cële de avëi per i doi idioms paroles nueves che vënie ora da un di doi idioms, zënza paroles doples. Dal cuntat cun i espunënc istituzionei di Grijons éi udù che la rujeneda standard ie per i grijons n gran problem."

RAI Ladina Mussner à n con’ dla RAI Ladina segurà che la cuestion vën purteda inant, che Durnwalder à da permò

rujenà cun Roma, che ti à segurà che n uel giapé na soluzion. Mussner: “Povester vàla de stlù ju zeche, messon mo avëi mpue’ de pazienza. Nce sce l ie na reduzion di finanziamënc cialerons inant, tres l assessorat per la cultura y rujeneda ladina, de mëter a desposizion scioldi. Per la trasmiscion Trail dan la 20.00 ne puderàn nia avëi tëmp sëuraprò, ma njuntà al nutizer tudësch “10 nach 10” puderàl unì a s’l dé n Trail plu lonch.” Do l ntervënt de Mussner iel mo stat na descuscion pra chëla che n à rujenà dantaldut de cuestions che à da n fé cun l jurnalism ladin y n con’ dla realtà ladina. (c. articul a pert). (dl)

Karl Insam y Luis Mahlknecht. Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Zoom

nr. 48 / 09 de dezember 2011

“Zënza la colaboraziun suraconfin ne vàra nia!” Florian Mussner sön la cuestiun de n daz por i jus dolomitics. Discusciun daverta sön deplü argomënć cun i colaboradus di massmedia ladins de Südtirol

L’assessur provinzial ladin Florian Mussner tratant l’incuntada cun jornalisć ladins dla provinzia de Balsan.

Politica/2 - Do so statement, i à l’assessur Florian Mussner passè l’atenziun ai colaboradus dla stampa y televijiun ladina, daurin inće la discusciun sön i temesc ćialć atualmënter.

Rai Ladina Le jornalist dla RAI Ladina Erwin Frenes à metü sön mësa la noela altonala de na espanjiun di programs ladins dla RAI a Balsan y dl potenziammënt dla strutura, baian inće en monü canche le telejornal ladin TRAIL podess spo jì en ona y te na lunghëza preodüda de 10 menüć. “I taliagn n’é nia a öna da messëi dè jö dales 19.50 bele la ligna dl canal regional de RAI 3 por TRAIL”, à dit Frenes; bunamënter ne jarara gnanca cun i todësc da baié sce la Tagesschau podess mëte man dales 20.05, da pesé fora él inće les propostes da ponsè a na trasmisciun televisiva a bunora da doman y inće plü tert da sëra. Mussner à dit che al é davëi tl’aria na proposta de espanjiun dles trasmisciuns ladines dla RAI, cun l’istituziun de na redaziun autonoma ladina. Por n tëmp de trasmisciuns ladines plü tert da sëra ne vëiga l’assessur Mussner degun problem, bëgn indere da ruvé a n compromis che i va bun a düć trëi i grups de lingaz por i telejornai danter les 19.30 y les 20.30. Mussner vëiga inant la poscibilité che la Provinzia y la Regiun pò surantó cosć por la realisaziun de programs ladins nia preodüs dal palinsest (program danfora dles trasmisciuns). Le programist dla RAI Ladina Leo Senoner à baié dla dependënza organisativa y püćia autonima atuala dla RAI Ladina, al vëiga de chësc vers i ladins tla smorzia di taliagn y todësc, dantadöt por ći che reverda le mëte a desposiziun deplü tëmp de trasmisciun. Aziché à Senoner inće le problem dl trilinguism por i colaboradus dla RAI Ladina a Balsan, olache Mussner à respognü che “le nia

reconoscimënt dla capazité de conoscënza di trëi lingac romagn n problem”, Mussner inant: sön mësa él inće la proposta da mëte sö l’indenité dl terzo lingaz di ladins fora dles vals ladines aladô de tan che chisc à da anuzé efetivamënter le lingaz ladin sön so post de laur. Frenes dla RAI à incé metü sön mësa la ghiranza de tó sö n meteorologh ladin tla zentrala dl tëmp a Balsan, ći che l’assessur Mussner ne vëiga nia saurì da realisé.

Fondo Brancher L’assessur Florian Mussner ne i à degöna crëta al Fondo Brancher y ai finanziamuenć destinà da Balsan y Trënt ai comuns de confin dles döes provinzies. “I vëighi de gran dificoltês che al pois bëgn saltè fora val’ de ütl da chësc Fondo, odarun”, dij Mussner. Te chësc Fondo él inće da ciafè les propostes por amplié le sorvisc de rezeziun digitala di programs dla RAI regionala da Balsan y dl Sender Bozen cun laprò i ladins ia ti comuns de Soramunt, y n finanziamënt por la stampa ladina ti trëi comuns de Fodom, Ampëz y Col.

Les scores che stlüj Sön mësa él ruvé inće la problematica dl spopolamënt y dla ćiarestia de mituns te val’ paisc dles döes valades ladines de Südtirol, tan che al à messü bele gnì - y che al messarà bunamënter tl dagnì gnì - stlüt la scolina y la scora de pröm gre. Do che Calfosch é romagnü zuenza scora, vëgn i edli puntà söl paisc da Rina, le mënder di trëi paisc de Mareo. Mussner à dit che baldi ne pòl nia gnì metü en aziun d’atri criters por tignì na scolina y scora aldefora de chël de n numer precar de mituns. “Sce chësc numer é massa bas, spo ne podunse nia plü tignì les scores davertes, i dì messunse inće che na scora cun püć mituns, y chisc partis sö te

deplü tlasses, ne porta nia plü la sozialisaziun che i mituns y geniturs ess ion, ilò él miù sce an mët adöm deplü paisc te na scolina y scora.”

La funziun di massmedia ladins I massmedia ladins à inće le compit da anuzé y trasmëte n lingaz ladin coret y bel. Le redadù de La Usc di Ladins de Gherdëina David Lardschneider à metü sön mësa la cuestiun che i jornalisć y programisć ladins à dantadöt le compit da anuzé y inće insigné n bun ladin. Lardschneider à spo metü sön mësa la proposta dla istituziun de na agenzia stampa ladina che podess alisiré le laur di massmedia. Lardschneider à critiché la ideologisaziun da pert dla politica de La Usc di Ladins y dl Ladin Standard. Alexander Stuffer dl Ofize stampa provinzial de Balsan à cuntè söla dificolté da ciafè parores ladines nöies, p.ej. definiziuns por sorvisc nüs dla man publica. “Da s’aodé él na bona colaboraziun anter i media ladins y i istituć culturai, dantadöt por Gherdëna y Badia l’Istitut Cultural Ladin te Sëlva y a San Martin de Tor”. Stuffer s’à inće bele metü en contat cun Marco Forni dl sorvisc linguistich dl Istitut Ladin “Micurà de Rü”, por ciafè n aiüt por anuzé les dërtes parores, inće de na fondamënta scientifica iüsta. Alzé fora tla discusciun él inće gnü le debujëgn da avëi vocabolars ladins ajornà y adatà por podëi laurè bun, l’assessur Mussner à de chësc vers impormetü da se de da fà al intern dl Istitut Ladin “Micurà de Rü” por menè do la publicaziun de stromënć por scrì ladin y vocabolars atuai.

“Dolomiten”. Martina Rier de Radio Gherdëina à recordé che chësta trasmitënta mët en ona bëgn dodesc ores al dé notizies y programs por la maiù pert tl lingaz ladin y che al ne dess nia gnì sotvaliuté l’importanza che Radio Gherdëina à por la jënt ladina. Egon Vinatzer à portè le salüt dl patrun de Radio Gherdëina y à inće baié dles poscibilitês nöies che i ladins à cun imprejes privates sciöche le TCA.

sön chësc passaje él avisa stè i comuns dl’atra pert che s’à damanè na colaboraziun. Mussner inant söla cuestiun di jus: “Al vëgn dagnora ma baié dl daz, mo iadô stàl na vijiun tlera de cô che an podess valutè deplü i jus, inće dal punt de odüda de ecologia y de strutöres por le tëmp lëde; por ejëmpl podésson realisé sön Frara strutöres de palsa y de indunada por chi dles rodes.”

I jus

“I sun a desposiziun!”

Na domanda é inće tomada söla cuestiun dla viabilité sö por i jus de Südtirol y söl daz di jus. Mussner à chilò dit tlermënter che la Provinzia de Balsan ne pò nia jì da sora, al ô ester la colaboraziun cun i comuns iadelà di jus por fà n plann che va spo inće bun. Por la cuestiun dl Stilfser Joch y le daz che gnarà

Tla intervista dla RAI Ladina do la discusciun à dit l’assessur Florian Mussner da ester ion tla politica, che l’inćiaria y le laur che al fej i dà plajëi y sodesfaziun, y che al se metarà ion indô a desposiziun por n mandat ales lites provinziales te dui agn, ajuntan “sce i vëgni damanè.” (ir)

Martina Rier y Leo Senoner.

TCA, Radio Gherdëina y Dolomiten Presënć ala indunada tl local di jogn “Saut” a Urtijëi ê inće deplü colaboradus de Radio Gherdëina, TCA y Luis Mahlknecht dla www.lauscdiladins.com

3


Atualité

nr. 48 / 09 de dezember 2011

Na vijita al Ciastel d’Andrac I laours de manutenzion y restaur é ruvés a na fin y l Ciastel d’Andrac podarà tost vegnì davert al publich. I on enconté l architet che ti é ju do ai laours, Marino Baldin, che nes à condut a l vijité Andrac - Les prumes notizies storiches soura l ciastel d’Andrac va zeruch ai agn entourn al 1000 can che l vescul da Persenon ova fat su n ciastel per desmostré si gran podei y per defene si interesc. Notizes plu consistentes onse empermò dal 1200 inant, can che al é ruvé tles mans dla familia Schoneck (Colbello) che l ova ciapé en feudo dal vescul. Dl 1331 ova i Schoneck endere messù ti lascé l ciastel a la familia de Avoscan, che ova prové dal porté, adum con les mineores dl Fursil de Col de Santa Lizia, sot al Patriarcat de Aquileia. Sci, la storia dles mineores dl Fursil é belapontin lieda con chela dl Ciastel d’Andrac. Chesta descorida é vegnuda porteda a lum tres i laours de restaur. I on enconté l architet Marino Baldin che nes à condut a vijité l Ciastel d’Andrac y che nes à conté sia storia. L ciastel d’Andrac é na costruzion dret particolara y la pruma cossa che toma al uedl can che an ti ciala, sun la pert a sud, é chel gran sas, l sas sun chel che al é vegnù fat su. An ne é feter nia bogn da vedei fora enfin olà che la natura ruva, y olà che al met man l laour dla persona. L Ciastel se identificheia con i creps en sotfonz y al per che al fejes ence al pert dla natura.

Na acordanza per ciapé i finanziamenc Dl 1986 à metù man i laours de restaur dl ciastel che à permetù, adum con la documentazion ciapeda ti archivs de stat de Aunejia y de Bulsan, tl archiv Ferdinandeum de Innsbruck y tl archiv vescovil da Persenon, de recostruì duta sia storia. L ultim laour, n pont per i ruvé permez, é sté fat dl 2002. Dapò, per trueps agn é l ciastel resté sclut. L Ciastel fova de proprieté dl Stat, ma dapò longes tratatives ova l comun da Fodom arjont la poscibelté da podei l restauré. Tres la acordanza Interreg IV Talia Austria TransMuseum che cuei adum sies membri, la comunité montana Centro Cadore, la Region dl Venet, la Region Autonoma Friuli Venezia Giulia, la comunité montana dla Carnia, l distret de Landeck y l comun da Fodom, él vegnù ciapé i finanziamenc per fé laours de restaur, recostruzion, manutenzion y per mete su implanc de segurté y n implant museal. “L prum laour che é vegnù fat - nes spliga l architet Baldin - é sté l tet, ajache a gouja dla neif y dla plueia se ruvinova l ciastel tres deplù.” L tet é de viere. “Viere, fer y legn é i materiai che i on adoré - conta Baldin - ajache i implanc che i on fat ne mess nia dé massa al uedl. La jent ne mess nia i cialé al laour che i on fat ie y mi colegs, Francesco Da Rin y Agostino Hirschtein, ma al ciastel enstess.”

La “strada de la vena” y les mineores dl Fursil La pruma tapa de nosta vijita al

4

www.lauscdiladins.com

Sun n parei dla ciamena secreta él n busc, bonamenter fondamental per i studi d’astronomia de Nicolaus Cusanus.

Ciastel é defora. I ti cialon a chesta costruzion straordinara sun la pert a sud y l architet met man da conté: „ Tratant i laours él vegnù fat descorides dret emportantes.Tl ourt dl ciastel él vegnù ciapé i resć de na fujina olà che al vegniva laoré l fer. I à atira pensé che l ciastel ess abù zeche da fé con les mineores dl Fursil, che ne é nia dalonc da chilò.” An à enrescì y ciapé fora che l fer vegniva avisa porté adalerch da Col per vegnì laoré tla fujina dl Ciastel d’Andrac. Y al ne é nia n caje che la decadenza dl ciastel vais auna con la scluta dles mineores. L fer vegniva porté adalerch tres la “strada de la vena”; ence chesta é vegnuda a lum tres i laours fac sun l Ciastel. “Al é sté poscibl da desmostré l esistenza de na streda adoreda per conduje l fer da Col enfin a Persenon. - nes dij Baldin - Chesta streda, la “strada de la vena” é bonamenter vegnuda fata su anter l XV y l XVI secul per mete en comunicazion l vescul con les mineores y con chel material per al tant remuneratif.” La streda passova tres Larzonei, “i on enconté jent plu vedla che se recorda dla streda”, conta Baldin. La streda metova en comunicazion donca les mineores dl Fursil con l Ciastel y con l Valparola, passan tres la localité de Larzonei. Dal jouf de Valparola ruvova l fer a Piculin y dapò, tres l jouf de Börz, a Persenon.

Patriarcat de Aquileia. Can che l vescul n’en fova vegnù soura, ovel metù sot assediament l ciastel, ma Guadagnino fova sté bon da sciampé tres n passaje secret. Chest contova la lienda, ma tres i laours é l passaje da veira vegnù a lum. De secret, tl ciastel d’Andrac, ne fòvel endere nia demé l passaje, ma ence na ciamena. A chesta ovon azes tres na buja ascognuda tla ciamena dl capitan. Cie che é enteressant dla ciamena secreta é n busc sun parei. “Atira ne capìvon nia la funzion de chest busc - dij Baldin - ie ove pensé che al essa podù ester n busc per vedei les steiles”. La previjion dl architet Baldin ne é bonamenter nia steda tant faleda. Un di ghesć plu emportanc dl Ciastel d’Andrac fova sté l filosof Nicolaus Cusanus tratant che al fova vescul da Persenon. “Al possa ester, - dij Baldin - che chel busc sie sté fodamental per si studi d’astronomia.”

La decadenza d’Andrac Chel che an pò vedei aldidancuei é l implant fat su dl 1300, restruturé dapò l meldefuech che l ova desdrut dl 1483. Ma laours de restruturazion y recostruzion él vegnù fat davignora, enfin al 1700, can che al à metù man la decadenza de Andrac che, sciche bele dit, é juda auna con la scluta dles mineores dl Fursil, l ann 1755. Dailò é l ciastel passé tles mans dl Stat, de Tirol, che l ova vendù dl 1808 a n om dl post, a Andrea Faber da Cernadoi. L conzet de ben cultural ne fòvel a chi temps nia ciamò y l ciastel ova metù man da vegnì adoré sciche cava. Al é vegnù despoié de dut l aredament, enfinamai dl tet y al à metù man da tomé adum. Tratant la Gran Vera él ciamò na outa sté vitima di bombardamenc y dedò é l material da demolizion

L architet Marino Baldin.

che fova resté vegnù adoré per recostruì les ciases entourn via. Tant grana fova la meseria. Dl 1986, can che i laours de restruturazion ova metù man, fova l ciastel demé plu na ruina.

N museum “volutamenter minimalist” Dant podòven ti cialé al ciastel mé da defora, ma “con la bela sajon” dij Baldin, podaràn l vedei bonamenter ence daite. Con i finanziamenc él vegnù metù apost, ence per cie che reverda la segurté, y al é sté fat su na strutura museala

“volutamenter minimalista, - dij Baldin - per ti dé emportanza dantaldut al ciastel." Al sarà tofles de veire con notizies storiches scrites per talian y per ingleis y audioguides per talian, todesch, franzeis y ingleis vegnirà metudes a desposizion di vijitadours. Al sarà da vedei does teches olà che al vegnirà metù fora i reperc ciapés tratant les escavazions, n pice model dl ciastel recostruì e n video con na recostruzion en 3d. I aspeton l’aisciuda donca per jì a vijité l ciastel d’Andrac y per descorì dutes sies maravueies. (katia pizzinini)

D’autres descorides enteressantes Truepes d’autres é stedes les descorides enteressantes. An à capì, per ejempl, ciuldì che l ciastel porta l inom Andrac. “Al é poscibl che dant fòvel n auter ciastel chilò, conta Baldin - na tor pensònse, con n mur che se stlujova, sun la pert orientala, entourn al gran sas via. Enscì se formòvel na galaria, da chela che an ova azes al ciastel. Al fova n porte lonch y strent, n “andito” con l’entreda a forma de A: da chilò l inom Andrac.” Ma descorides enteressantes n’en él ciamò. Can che l ciastel fova passé tles mans dla familia de Avoscan fòvel sté en gran prigo, ajache Guadagnino de Avoscan ova aprofité dl ciastel y dles mineores per fé i interesc dl

L entreda dl “andito” a forma de A che ti da l inom al Ciastel.

L tet é de viere, per cialé fora plu natural.


Atualité

nr. 48 / 09 de dezember 2011

N CD nuef per l Coro Cortina “Voci senza confini” à inom l CD nuef dl Coro Cortina che vegnirà prejenté en ocajion dl conzert tegnì ensnuet, vender ai 9 de dezember, da les 21.00 tla gliejia de San Filip y San Iaco, a Cortina Musiga - L Coro Cortina é nasciù dl 1965 sciche cor da mont di ei (òme). Dl 1967 él ruvé sot a la direzion de Giancarlo Brecani, musicologh y critich musical, che à porté ite na maniera nueva da cianté, la “nuova coralità italiana” de chela che l Coro Cortina é n precursour. Can che Bregani é passé a mioura vita, dl 1987, é la bacheta ruveda tles mans de Benedetto Fiori y dl 2007 él spo sté l rode (tùrno) de Marino Baldissera, che é l diretour atual. Baldissera à arjont (darśónto) l diplom tl conservatore de Milan y à ence esperienzes tl ciamp dla composizion y dl ensegnament. L Coro Cortina é n cor dret conesciù, dantaldut fora per i paisc todesc olà che al à tout pert a trueps concursc y a trasmiscions te radio y televijion. Cenc é i conzerc tegnus ti salfs plu emportanc de duta Europa, sciche per ejempl tl Mozarteum de Salzburg, tl Conzertgebouw de Amsterdam, tl Haydensaal de Eisenstadt y tla Stadthalle de Vienna, tl salone dei Cinquecento a Firenze y tla sala dei Corazzieri tl Quirinale, a Roma. Emplù é l cor ampezan vegnù chirì fora per fé da sotfonz musical en ocajion dla inaugurazion dl semester talian de presidenza al Consei dla Union Europea. Fora dl’Europa à l cor fat tournées ti Stac Unis d’America, tl Canada y tl Brasil y à registré plu de un n CD. Tl moment é l cor metù adum da 36 membri y si repertore compeda zirca 140 cianties popolares, tradizionales, ma ence plu modernes. Per n’en savei deplù onse enconté si president, Mauro Alverà: La Usc: Te carant’agn de storia à l Coro Cortina arjont n gran suzes... Mauro Alverà: Sci, te carant’agn onse arjont n suzes che puec à arjont tla Talia. Al é de marevueia (stràgno) che, per tant emportanta che la musiga sie te nost Paisc, ne à i cors nia tant n gran suzes. Nos son plu conescius foradecà (fòra del paés), tla Germania, tl’Austria y tla Francia, stac che à na maioura cultura corala. Fajeise donca plu conzerc

foradecà che tla Talia? Sci, i on bele n program de conzerc tl Austria y tla Germania per l 2012. Ma de spes jònse ence a cianté te Südtirol. Ultimamenter sonse stés a Eppan y a Scenna. É pa i membri dl Coro Cortina demé de Cortina? Aldidancuei é i membri 36. De chisc é plu o manco mec da Cortina, i autri vegn dal Ciadoura: da San Vi, da Burcia y da La Pli. Can y olà eise pa fat vost ultim conzert? I son stés a Klagenfurt y spo a Graz ai prums de november. A Klagenfurt sonse stés inviés da na radio locala olà che i son stés en direta per n’ora, i on prejenté nostes cianties y i on fat intervistes. Al é sté n gran reclam, nia mé per nos, ma ence per Cortina y per Ampez. A Graz onse endere (invéze) cianté te n salf dl ‘500 apeina restruturé. Ala fin dl conzert batova l publich mans y piesc, cie gran emozion! Chestes emozions nes despaia (refónde) dut l impegn che i meton fora per l ann. É pa l impegn da cianté te n tel cor tant gran? Sci, empò (aséi). I nes enconton (se ciatón) does outes a l’edema per fé les proves y spo fajònse zirca 30 conzerc al ann. L impegn é gran, ma l suzes che i on nes recompenseia. Ma i pense che l gran impegn sie la gouja per cie che tan puec joegn vegn docà. Ne fajeise nia per tré adalerch joegn? Sci, l ann passé onse metù da jì l projet “I Śoen dl Coro Cortina”. Al é sté na bela scomenciadiva (idéa), trueps à tout pert y i on ence fat conzerc deberieda, ma purtruep al tout pert demé mutans (tośìtes). Y nos son pu n cor de ei. N auter projet emportant é “Cortina Incanta”... Cortina Incanta é n projet che vegn metù da jì per fé conesce l cor ence a la jent de nost paisc. Al vegn invié adalerch ence cors da foradecà che cianta tles uties, tles gliejies y ti salfs de Cortina. L ann passé fòvel ruvé adalerch n cor svizer y dant da doi agn un da la

L Coro Cortina sun les Cinque Torri.

Corea. Al é na scomenciadiva interessanta che inaugureia la sajon da d’isté. Cie sort de cianties cianteise pa? Trueps pensa che i son n cor da mont che cianta demé cianties da mont. Ma ala ne é nia enscì ajache nost repertore cuei adum cianties nazionales y internazionales de vigni sort, da cheles plu popolares, a spirituals y gospel. An l veid ence da nost ultim CD. Podeise nes dé n valgunes antizipazions sun l CD nuef? Sci, al à inom “Voci senza confini” y al vegnirá prejenté ai 9 de dezember tratant n conzert che i tignaràn tla gliejia de San Filip y San Iaco. L repertore de chest CD é dret desvalif, al va dal “Va pensiero” dl Nabucco a “Pie Jesus” de A. L. Webber. Cianties da mont n’en él mé una o does.

ampezanes? I cianton cianties ladines: fodomes, grijones, furlanes, ma nia ampezanes. I on chirì, ma i ne on nia ciapé cianties per ampezan. La cultura musicala é dret emportanta te Ampez, la “banda” à 150 agn de storia, ma al per che les cianties ne sie nia te nosta cultura. Cianteise ence messes? Te nost repertore ne él nia truepes cianties religiouses, scialdi mé gospel y spiritual. Ma sce al va de bujegn ciantònse pa ben ence messes.

Sci, ajache tles gliejies é la acustica dret bona. Ence i proscimi conzerc tégnaronse tles gliejies de La Pli y Burcia tl Ciadoura y a Santa Lucia del Piave (TV). Cie sort de conzerc él pa? Al é conzerc da Nadel. I volòn conté la storia dl Nadel tres nostes cianties y does ousc che conta, una maschila y una feminina. Al é na cossa veramenter emozionanta. Porteise ence dant cianties che vos componeis? No, ma nost diretour armoniseia cianties y les adateia al cor y a nostes ousc.

Ma fajeis gonot i conzerc te gliejia...

Intervista de Katia Pizzinini

Tant de CDs eise pa bele dé fora? I on registré set LPs, sies CDs y doi videos. I LPs onse registré con la firma profescionala Telefunken y spo i onse prejenté fora per i paisc todesc, te programs televisifs de musiga, olà che al fova ence i ciantarins todesc plu conescius. Una na outa onse davagné l pest dl publich. Dapò onse tout su n impresar da Lienz che nes à porté fora per l’Austria y con al onse ence registré val’ CD. Tratant la trasmiscion tla radio a Klagenfurt.

Cianteise ence cianties

L president dl Coro Cortina Mauro Alverà. www.lauscdiladins.com

5


Atualité

nr. 48 / 09 de dezember 2011

Inò grandiëus l cunzert dla ”rock-star” Zucchero Ala fin de nuvëmber tl stadio dala dlacia a Bulsan, cun passa siesmile che se à mplenì l cuer de saludé per tudësch, cun ”ciau B ozen, dankeschön und aufwiedersehen”, ajache chisc taliani ne n’ie pu nce no tan da ulëi mel y stlec coche i vën tlo da nëus massa suvënz y massa gën fai ora.

L furnimënt y si prejentazion per l uedl

L scenar dla “Chocabeck Tour”. (Duta la fotos: Simone di Luca)

Mujiga/1 - ”Grande, grande ... grande“ fova la paroles senificatives te na gran ciantia cunesciuda de Mina, la bona ciantarina taliana de Cremona che se à fat n gran inuem, che fova stata la ”non plus ultra” ti ani ’70 y ’80 tl mond dla mujiga y dla ciantia tl stivel talian. Chësta paroles toca scialdi avisa chël che ie stat l cunzert ”rock-blues” de ”berba” Zucchero Fornaciari de Reggio Emilia (de chësta zità

tl’Emilia Romagna fova nce Luciano Pavarotti, na rechia, l bon ciantarin tla mujiga lirica), n mierculdi ai 23 de nuvëmber tl Palaonda de Bulsan. Grant, grandiscimo, enorm l suzes y l aprijamënt che Zucchero à inò abù te nosta provinzia, ulache l ie te si cariera urmei bele ruvà scialdi suvënz, y ulache l tën chësc si cunzert nce per de plu grupes etniches, nia mé per chëla taliana, ne se desmincian perchël nce no

Zucchero ie daniëura nce for mpue’ stravagant y l cunescion bele da si gran ciapel, che fova blanch chëst iede, cun si guant plutosc scëmpl y ala bona, cun na sort de joca scialdi uriginela, chëst iede plutosc strënta y che ti ruva nchin ja i jenodli, de n culëur grisc scur, povester ajache son d’autonn, cun na brea plutosc strënta – povester nce ajache l ie deventà scialdi plu megher permez a coche l fova ti ani passei, y pona nce cun doi varëtes sluminëntes te doi dëic de si man drëta! ... ma degun udleies scures da surëdl chëst iede y perchël cun i uedli biei davierc per ti cialé, zënza sfauzamënt, a si publich che ti stajova daujin y dansù y nce a duc i spetadëures che stajova y messova sté scialdi dalonc; passa siesmile persones danter ëi y ëiles, che fova unic al gran cunzert, jënt de duta la categuries sozieles y daniëura nce ora de uni età, cun propi trueps nce bel plutosc inant ti ani. Chisc ultimi à dessegur nce pudù sentì, se goder y se lascé savëi bel, dantaldut pudan se sentì tendenzialmënter ”mo jëuni”.

La cianties

I musizisć che acumpaniëia Zucchero ntan la tour ie de gragn profesciunisć. Sun l retrat cun Mario Schilirò y la ćiantarina “foscia” de maruëia Kat Dyson.

A de teles vëniel daniëura for inò purtà y metù a lujer dassënn si beliscima cianties, cun chëles che l ciantarin rock de Reggio ove bele cuncuistà n cër mond dan za. 25 - 30 ani! Mé per dì cianties coche Diamante, mineda ie tlo si lava, Overdose d’amore, Dune rosse, Nei tuoi occhi, Sogno, Il diavolo in mè, Baila, Bacco perbacco y nsci inant. Duta chësta si cianties dl

Na impresciun Zucchero, n ćiantautur da dejenns sön paladina, mo che chërda intres ćiamò adalerch n gröm de apascionà Musiga/2 - Al ê da se mëte sön tru adora assà, sce an orô ciafè n bun post tl Palaonda - Eiswelle da Balsan, almanco por chi che â comanè n post da stè en pè. Defata do les 8 da sëra, za. n’ora denant che le conzert metess man, éson ćiamò bunoris y insciö se plazunse a püć metri dala paladina. I diji nos deache iö y mi compagn Gustl incuntun defata n grup de ladins. Al n’é nia i pröms ladins y al ne sarà nia i ultims, deache la Val Badia y i m’imaginëii incé Gherdëina, ê scialdi bun rapresentada. Al é n pez che an aspeta y al é dërt sce le conzert mët man. I organisadus la tol avisa cun la puntualité y chël é polito. Aplausc y cighi canche la gran cassa se deura y plan plan vëigon impröma i pîsc, iames, büst, müs. Zucchero y so

6

www.lauscdiladins.com

team de profescionisć é sön paladina. Al sarà n conzert de döes ores. La pröma pert é dedicada deplëgn ala scëiba nöia “Chocabeck”, insciö se tlama inće süa tour. Na buna ora de spetacul, olache chi che sa bele i tesć ćianta lezitënć impara, ciga, sciüra, alza les mans. La secunda pert é spo dedicada a ćianties vedles, bele conesciüdes, mo intres ćiamò beles, che descëda recorć, emoziuns. L’atenziun se sposta val’ iade plü söla melodia, val’ iade söi tesć, spo söi musizisć. Döt passenëia. Döes ores él passè. Zucchero y i sü stlüj jö le conzert. “Per colpa di chi” é la ćiantia de contlujiun, öna de chëres che à fat gran suzes. Spo n salüt “Ciao Balsan”, dij Zucchero. Les portes se deura, i milesc de spetadus va plan plan al’aria. Sodesfaziun,

ligrëza. N bel conzert. Al à paié la mëia. (pablo)

Zucchero: sües ćianties - vedles o nöies - descëda intres emoziuns. (Foto: Simone di Luca)

Zucchero sun paladina. Mujiga de gran tlassa.

scumenciamënt de si vita cun la mujiga, suvënz scialdi svaiedes, stersces y agressives – ma cun danterite nce scialdi de fines y da na cunsistënza sutila – ie te chësta si performance unides cumpletedes da na lingia de cianties plu jëunes y nueves, ora de si produzion tlameda ”Chocabeck”, parola che vën dal dialet emilian de si familia de bacans y tlo manipuleda tla grafia sambën! Danter chëstes fòvel Il suono della domenica, Soldati, È un peccato morir, Vedo nero, Un uovo sodo, God bless the child ... y chëst’ultima te n boniscimo nglëisc, che l ne ie nia da se fé marueia de si suzes desmesurà nce tla sales londinejes, sciche per ejëmpl la mitica ”Prince Albert Hall“ dla metropola britanica!

La ciantarina ”foscia” de marueia Segur de no sëuraudù ne n’à la jënt che daujin dai autri 10 mujicisć strambi de virtà y de talënt, fòvel bele dal scumenciamënt, daujin y dala man dl ”prim atëur”, na stëila negra o foscia, dessegur dl’Africa o dala Antilles delà dal ozeann, che cun si strumënt y si liniamënt fisich y de muvimënt, fova povester ënghe

de gauja, che cun chëla mujiga ti stajova feter ora l fla a nia puec! No pa?

La scenografia Cun n pitl mer de lumes n muvimënt y cun ch’i tarluies de na gran variazion y fantajia, unìven metui ite te na sort de mond fantasmagorich, y tl prim mumënt feter ”celestiel”, y pona piova via la scenografia cun na sort de pitl cufer da zacan, ch’i cufri fac de n carton scialdi sterch y ciulei adum mé cun n spech, y chësc cufer se giauriva bel plan, lascian cumparì n puech al iede l artist cun si ”band”, sentà y pona mpe bel tamez ... y avisa la medema scenografia ie pona nce stata ala fin, do la cianties mo sëuraprò, cun l medem cufer che se stlujova inò ntan l ”deliri”“ y i musc cuntënc de passa siesmile persones, che ova pudù se n goder de na performance ”rock” y blues, che tambën i jëuni che nce i manco jëuni ne se desmincerà nia tan prësc. De gra Zucchero, giulan y dilan nce dala Ladinia dla Dolomites. Oscar Prinoth de Josef da Brida - Urtijëi


Université

nr. 48 / 09 de dezember 2011

La enrescida tl turism

Festejé y crié contac

Dal 1. ai 3 de dezember él vegnù tegnù a Bornech per l cuarto iade l simposium internazional sun l comportament dl consum tl turism CBTS

La Facolté de Informatica à complì si prims 10 agn - trei trois de stude

Endut él vegnù prejenté chisc dis passa 60 contribuc atuai sun la enrescida dl turism. La CBTS 2011 é vegnuda completeda da n coloquium de dotorang sot la direzion dl prof. Gursoy dla Washington State University/ USA, y con n workshop sun la meta-analisa, manejé dal prof. Michael Bosnjak dla Facolté de Scienzes Economiches dla Université Ledia de Bulsan. La CBTS 2011 à metù l azent y l focus sun impulsc inovatifs y resultac relevanc per la pratica, che pò ence vegnì metus en pratica tla realté sudtiroleisa.

Dmc l prof. dr. Oswin Maurer (diretour TOMTE), prof. Gianna Moscardo (James Coock University, Australia - Keynote Speaker), prof. dr. Michael Bosnjak (vizediretour TOMTE), dr. Serena Volo (vizediretoura TOMTE).

D’autri temesc tratés pro la CBTS 2011 é stés l turism tl raion alpin, l turism dl golf, l mudament dles generazions, internet y Web 2.0 tl turism y categories de turism con ghiranzes particolares.

A Bornech él ruvé adum enrescidours y pratics renomés da endut 30 nazions, danter chestes Australia, USA, Singapur, Sudafrica, Cile. I esperc à prejenté i resultac de sies enrescides y à metù sun la meisa de discuscion ence trends, impulsc y metodes

L simposium CBTS (Consumer Behavior in Tourism Symposium 2011) a Bornech reprejenteia na pert dles ativités dl Zenter de Competenza TOMTE (Enrescida tl ciamp dl management y dl’economia turistics) tla Facolté de Scienzes Economiches. (vic)

per la enrescida. La conferenza a Bornech é da entene sciche laboratore scientifich per l turism. Ala vegn organiseda dal prof. Oswin Maurer y la dra. Serena Volo, y giata gran aprijament danter i professours dl setour.

Ai 2 y 3 de dezember à la Facolté de Informatica dla Université Ledia de Bulsan podù festejé i 10 agn da sia fondazion. La Facolté é vegnuda istituida dl 2001. Da chel ann enant àla arjont truep: dutes trei les poscibeltés de stude (bachelor, master, dotorat) é vegnudes stabilisedes, l personal ensegnant é aumenté, al é vegnù arjigné ite trei zentri de competenza, la enrescida interdisciplinara é vegnuda premieda deplù outes, y nia ala fin él vegnù renforzé la colaborazion con i datours de laour dl post. La Facolté à sclut ju na ligna de convenzions, anter l’auter con l Comun de Bulsan, l Eurac, l TIS, l distret sanitar y l’Azienda Energetica dla Val d’Isarch. De chestes convenzions nen aprofiteia tres trames les perts. L vender dantmesdì s’à la Facolté pensé valch de particolar, sot al titul: “Anniversar y Networking Time - Graduates

meet Industry”. Assolvenc dla Facolté à podù enconté reprejentanc dla industria, te sescions clamedes “2 Minutes Madness”: te prejentazions de 2 menuc à i reprejentanc dla industria prejenté sies firmes y i assolvenc si projec de conclujion. L fin fova chel de crié contac nuefs; al pò ester che al sibe rové adum datours de laour y colaboradours dl davegnì. Dedò ésen passés ala premiazion di miours projec de conclujion, da pert dl prof. Giancarlo Succi. Domesdì é la festa juda enant: do l salut da pert di ghesć d’onour y na picera entroduzion sun la storia de suzes dla Facolté, à rejoné trei esperc sun les endesfides tl ciamp dla informatica. L prof. Christian Jensen à rejoné dl “Spatial Web Querying”, les domandes spaziales tl web, l prof. Maurizio Martelli à rejoné dla funzion tiranta dla informatica tla sozieté y l prof. Matthias Jarke à tegnù na relazion sun les desfides tla enrescida tres i sistems de informazion mobii. La sabeda ai 3 de dezember é vegnuda dedicheda ala festa de sourandeda di diploms.

“Se formé ledesc y pensierousc” L convegn é vegnù tegnù dal 1. ai 3 de dezember. Chest apuntament à sclut ju la enrescida trienala “Sciacaré - concordé la formazion” finanzieda da la Provinzia de Bulsan y cureda dal prof. Nicola Lupoli, dozent de pedagogia tla Facolté. “La enrescida à porvé de capì sciche i prozesc de formazion pò alesieré l troi deberieda de ei y eles desvalifs, avijinés ma nia unis da les migrazions”, spliga l prof. Lupoli. Tl stude àn cialé sun la cualité dla integrazion te Südtirol, cialan deplù ala dimenscion culturala che sun les condizions materiales: “Tles identités sotes dles persones fej coa i pericui di conflic plu riei. La soula medejina che joa é la conescenza

reziproca, l dialogh, l confront, l respet dla d i v e r s i té y s i a valorisazion sciche oportunité per cresce deberieda”, dij Lupoli. L convegn dal titul “Se formé ledesc y pensierousc” ova l fin da definì l scenar europeich dles enrescides sun temesc dla istruzion y dla formazion tratant l cors Tla senta universitara a Persenon. dla vita de duc i zitadins. costruì n sotfonz cultural che Pro la esigenza da fé pié via n promueves la coesistenza, la svilup economich che assigureie universalité y la indivisibelté di derc. l’ocupazion, vàl ence debujegn de (cde)

L logo per l iubileum dla Facolté de Informatica.

Cineis tratant marena La Facolté de Scienzes Economiches à tegnù n seminar tratant marena (Lunchseminar), che fova dediché al tema Cina y si conzet de legislazion (“fazhi”) cineis (danter l’auter “Germogli di società civile in Cina”). L dozent ghest à conté che la Cina ti ciala ence al tratament dles mendranzes ti autri stac, ma ciamò scialdi da dalonc. Tla Université Ca’ Foscari a Aunejia, olache l prof. Cavalieri ensegna, él sun l program 40 lingac, con n azent particolar ai lingac dl orient. L “seminar tratant marena” é sté per i studenc de Scienzes Economiches dla Université Ledia de Bulsan na lezion con azent sun la discuscion, per jì plu sot ti trends y tles contradizions tla legislazion cineisa atuala. (vic)

La pronunzia desvaliva dla letra ‘r’. Na tematica enteressanta, argoment de n convegn

Renzo Cavalieri, professour de dert cineis tla Université Ca’Foscari a Aunejia, à rejoné sun envit dla prof. Laura Valle di trends y les contradizions tla legislazion moderna cineisa. Derc de mendranza te Südtirol y tla Cina, la comprenjion giuridica tla Cina en general y la ert de porté plu davejin n sistem giuridich europeich do l model leninistich con gran influs dla politica. Chisc ponc à l professour Renzo Cavalieri traté te na maniera enteressanta y tlera. L professour ti à bele dediché n valgunes publicazions al dert

“r-atics-3 – workshop on the phonetics, p h o n o l o g y, sociolinguistics and typology of rhotics.” Sot a chest titul él vegnù tegnù tla ULB ai 2 y 3 de dezember l terzo convegn internazional dediché ai sonns ‘r’ ti lingac dl monn. L convegn é gnù organisé da Lorenzo Spreafico y Alessandro Vietti - membri dl Zenter de Competenza di Lingac manejé da Rita Franceschini. Al pò ester de marevueia che al ti vegnes dediché n convegn al stude sun i sonns dl ‘r’, ma en realté pòn giaté da chisc studi cotant de impulsc pratics: an pò pensé al svilup de pratiches

La professoura Laura Valle y l professour Renzo Cavalieri.

Faszinazion ‘r’

8

www.lauscdiladins.com

mioures y che và miec per la reabilitazion logopedica (savoves pa che i defec de pronunzia dl sonn ‘r’ auda danter chi che vegn diagnostichés l plu sovenz?); al pò nasce l’idea de strategies plu efizientes per l’insegnament di lingac foresć (al basta pensé ala variabelté dl sonn ‘r’ tl ingleis britanich, american, australian); o... per la ressoluzion de malfac: te na punteda dla seria “Law&Order: Criminal Intent” é un di assassins vegnù identifiché propi per merit dl stude dla pronunzia de sia ‘r’, che fova desvaliva respet a chela dla persona sospeteda dal meteman!

L placat dl convegn.

En colaborazion con l’Université Ledia de Bulsan

La formazion di imigrés adulc é sté tema de n convegn tla Facolté de Scienzes dla Formazion


Atualité

nr. 48 / 09 de dezember 2011

Leames per se tegnir i joegn te Fascia La Procuradora Cristina Donei à prejentà doi projec ouc ai joegn per i didèr a scola e per schivèr la “fuga di cervelli” fascegn

Radunanza de l’Istitut Ladin e inaudazion de la neva sala del Museo dedichèda ai tempes neves

Joegn - Tel chèder de la dezijion de ge dedichèr l 2012 a la formazion dal pont de veduda sozièl, economich, ambientèl e per duta la desvalives clasc de età, enstadì l’é stat rejonà de la lingia de projec pervedui per l’an che vegn e prejentà i prumes doi jà envié via. L prum, “Ensema amò più bel”, l se ouc ai joegn de la mesènes; l’auter, “Leames: en rei con tia val” l’é stat pissà per i joegn che fèsc e che à fat l’università.

Ensema amò più bel L projet “Ensema amò più bel”, prejentà en lunesc ai 28 te la Sorastanza a Poza, l’é nasciù dal Comun general en colaborazion col Servije Sozièl del CGF, la Scola Ladina e l Decanat de Fascia, e l vegn portà dant da la Coprativa sozièla da Trent “Projet92” con senta ence a Ciavaleis. L’obietif l’é chel potenzièr l didament ai genitores e ai joegn de noscia val, metan en doura la Lege Provinzièla sul benesser de la families. L projet, a chel che se pel se scriver ite debant, l’à l fin de ge meter apede ai joegn de la scola mesènes n sostegn per l’endrez di percorsc de studie e di doveres che ge vegn dat per cèsa. Se trata de 2 ores en setemèna, fac con Biju e Karin de la Coprativa “Projet92”, te oratorie de Poza e te la scola mesènes de Moena e de Ciampedel, olache i bec pel esser didé tel studie. I oraries é stac fat aldò del servije publich e ence per chest i genitores che era a la prejentazion, che i à jà fies che à tacà a tor pèrt a la lezions, i à palesà aprijiament e sodesfazion per la scomenzadiva, sostegnuda con forza da la Procuradora.

Leames: en rei con tia val Prejentà en vender ai 2 de dezember, l projet l’é dassen inovatif, l prum de chesta sort no demò te val ma ence tel Trentin e adertura te la Tèlia. Sia emportanza é stata sotrissèda da la Procuradora Cristina Donei, da la Conseiera de parità Eleonora Stenico, da la professora Claudia Mammani, cognosciuda te Val per la colaborazion con la Scola de Fascia, da la Sorastant Mirella Florian, dal Vizeprocurador Mariano Cloch e dai joegn che à tout pèrt a la scontrèda.

Pìcola rubrica de informazion culturèla

La Conseiera de parità, Eleonora Stenico, la professora Claudia Mammani, e la Procuradora Cristina Donei endèna la prejentazion.

Prejentà apontin da Claudia Mammani, l projet l se met dant de investir sui joegn e si talenc. Contra la “fuga di cervelli” da noscia valèdes, percheche l’é giust che i joegn vae a studièr e fèr esperienzes foradecà, ma l’é giust e fossa bel che i vegne de retorn per portèr chiò chel che i à emparà e dèr n contribut inovatif e na crescimonia a duta Fascia. I obietives metui dant dal projet Leames, che tol ite 825 joegn fascegn, l’é prum de dut che l joen sie fascinà da la possibilitèdes de vita e de lurier de Fascia. Dapò ge vegnarà dat maor lèrga tras l protagonism di joegn enstesc tel ciamp sozièl, del lurier e culturèl, con n’atenzion particolèra per la femenes. L terz obietif l’é didèr l joen a cerner sie davegnir universitarie, acioche l sapie se orientèr su la basa de la possibilitèdes de lurier che l’é te Fascia. Per arjonjer chest l’é stat pissà de se mever con n sistem spezifich. Donca con n maor dialogh e meisa torones anter joegn, aministradores e operatores sozio – economics, e dapò meter ensema na lista de duc i joegn che é jic o che va a l’università, percheche se podesse aer na statistica de sia cernudes e de si enteresc. Chest l’é l scomenz de na rei de colaborazion percacenta sul teritorie che, desche duta la Tèlia, l padesc la “privazion” de si fies, a descapit de la comunanza e ence di joegn enstesc. Ejempies positives del fenomen del “rientro dei cervelli”, ence chiò te Fascia, ne fèsc entener l’emportanza del projet. Te na intervista sun chest sfoi, Fiorenzo Perathoner ne aea dit che sia capazità più grana, che à portà a l’inovazion ti impianc portamont,

la é vegnuda dal fat che l’aea portà te Fascia chel che l’aea vedù e emparà foradecà; e endèna la prejentazion de Leames l’é stat fat l’ejempie de Gianni Rasom da Vich, enjegner informatich chiamà ite da Londra per lurèr per l Dolomiti Superski. Endèna la prejentazion l’é stat prejentà doi scomenzadives de valuta outes a la formazion di joegn.

Joegn protagonisć del lurier Portà dant da Susanna Chiocchetti, referenta tecnica del Pian joegn de zona “La Risola”, l projet che apontin La Risola metarà a la leta de duc i joegn de Fascia vel fèr rejonèr de lurier i joegn, per ge dèr l met de aer na mior cognoscenza e n sostegn te la enrescida del lurier e per l miorament de sia condizion per chi che à ja n lurier. L cors perveit n campus de dotrei dis che didarà i joegn a se cognoscer miec e dò desvalives momenc per tratèr i temes de “autoimprenditorialità” e “business plan” e per scontrèr testamonesc del mond economich te Fascia.

Cors de politica Prejentà da Teresa Lorenz, l Cors de politica de la UAL che à serà sù ai 28 de november sia terza edizion l’é l soul ejempie te Fascia de formazion politica per i joegn. Portan te val desvalives personajes de nonzech del mond del derit, de la politica e de l’economìa, chest cors à metù a la leta na ocajion de arichiment cultural e personèl emportant per entener miec la realtà de duc i dis, de noscia val, del Trentin e del mond. (vr)

En ocajion de la radunanza anuèla de l’Istitut Cultural Ladin de Sèn Jan, programèda per en sabeda ai 10 de dezember da les 17.00 te Museo Ladin de Fascia, vegnarà prejentà la neva esposizion de la sala de Museo dedichèda ai “tempes neves”. L’esposizion met al luster coche la trasformazion fona de la strutures sozièles entravegnuda te l’ùltim centené à portà i Ladins a na neva percezion de sie habitat e a la redefinizion de sia identità. A partir da la “descorida” de la Dolomites da man de studié, geologhes , etnografes e esploradores, l nef alestiment met dant testimonianzes, retrac e ogec leé al scomenz del turism e de l’alpinism, fenomegn che a partir da l’Otcent portarà al desvanir de l’economìa da paur e al svilup del turism de massa. L prozess de formazion de na “coscienza identitèra” te la popolazion ladina vegn raprejentà simbolicamenter tras n diorama de gran fazion scenografica, fat da sie manichins zipié dal scultor de Ortijei Filip Moroder Doss, che porta dant l’evoluzion de la mondura ladina tel Nefcent, canche l guant da festes tradizionèl scomenza a esser durà desche element distintif de partegnuda e donca codificà ence desche mondura

di gropes de folclor. La seconda pèrt de la sala mena dret te la dimenjion d’aldidanché e tel rich mond olache anchecondì se palesa l’identità ladina anter tradizion e globalisazion: èrt, mùsega, letradura, teater. Chiò, tel nef spazie pissà dai architec Weber e Winterle, fèsc bela parbuda la operes de doi artisć visuèi d’aldidanché: “La Mort e la Meseria”, lurier de la canadeisa Althea Thauberger per la mostra internazionèla “Manifesta 7”, e “<Turism_Ambient>”, del fascian Claus Soraperra, ispirèda a la fotograf ìes de Franz Dantone Pascalin; operes emblematiches che porta dant na letura del dut personèla de la tradizion ladina, la pruma filtrèda da na stilisazion estetica refinèda, la seconda proponeta a na vida più ironica, scinamai autocritica. Amò apede cater neva postazions multimediales dèsc l met de se arvejinèr al rich chèder de la produzion culturèla ladina d’aldidanché, olache l’identità ladina del mond de anchecondì se palesa e seghita a troèr neva formes. L nef alestiment é avert al publich a partir dai 10 de dezember. L Museo Ladin de Fascia é avert dal mèrtesc a la sabeda h. 15.0019.00.

Assegnes de studie dal Comun general L’é temp per fèr domana enscin ai 20 de dezember L Comun General de Fascia, aldò de l’articol 72 de la L.P. dai 7 de aost del 2006, nr 5, met a la leta di studenc che é residenc ti Comuns de Fascia, che fèsc l prum e l secont livel de istruzion e formazion, che à i requisic pervedui, assegnes de studie e didamenc per l viac per l’an de scola 2011/2012. La domanes les cogn vegnir portèdes dant aló dal Comun general de Fascia a Poza dant da les 17.00 de en mèrtesc ai

20 de dezember del 2011. Copies del bando e di modui de la domanes i é la leta sul sit internet del Comun general de Fascia www. comungeneraldefascia.it Per de autra informazions se pel se oujer aló da l’Ofize Istruzion del Comun general o ai numeres 0462762158 e 0462-764500, dal lunesc a la jebia da les 8.30 a les 12.30 e da les 14.00 a les 17.00, de vender da les 8.30 a les 12.00.

N assistent cultural per l’ICL L’é temp enscin ai 28 de dezember per portèr ite la domana per poder tor pèrt al concors

Ence n muie de joegn à tout pèrt a la scontrèda.

L’Istitut Cultural Ladin fèsc a saer che, aldò de la delibera del Consei de Aministrazion n. 39 dai 21 de november 2011, vegn metù a jir n concors publich per ejames per tor sù a temp indeterminà personal de la fegura profescionèla de assistent cultural/informatich, categorìa C, livel de basa, 1^ posizion de paament del ruol unich del personal de l’Istitut Cultural Ladin. Per poder tor pèrt al concors, estra che i requisic de lege, vegn domanà l diplom de scola auta. La domanes de

amiscion al concors, metudes jù sun papier scempie, cognarà ruèr ló da l’Istitut Cultural Ladin a Sèn Jan, strèda de la Pieif n. 7 a Vich, dant che sie fora les 17.00 dai 28 de dezember 2011. Per aer copia integrala del bando de concors e de autra informazions sun chest argoment se pel se oujer al Secretariat de l’Istitut (tel. 0462/764267 - fax 0462/764909) o ge manèr na e-mail a la direzion: info@istladin. net www.lauscdiladins.com

9


Atualité

nr. 48 / 09 de dezember 2011

Dancà y da na pert Uedli y oredles daverc sun la sozieté ladina d’aldidancuei Doi ciacole con Monica Todesco, infermiera al ospedel de Ègort

Le “redditometro” Novitês por mosoré le davagn

L’Agenzia dles Entrades à presentè ai 25 de otober n stromënt statistich nü por controlè che le davagn dè dant tla detlaraziun dles cutes sides bëgn dërt. Chësc stromënt nü é gnü metü sö dal “Decreto Anticrisi” D.L. n. 78 dl 2010 y al à valüta da jenà 2012. Le fin é chël da combate l’evajiun fiscala, che é tla Talia dër alta, zirca le 17% dl PIL. Ara se trata dl “redditometro”

Ci é pa avisa le “redditometro” y cô funzionëiel pa? L’intenziun dl “fisco” é chëra da identifiché i contribuënć, che ascogn ia davagns por nia paié la cuta. L’aministraziun finanziara fej n control dër scëmpl; al vëgn metü en relaziun la capazité de spëisa cun le davagn detlarè. Chësta capazité vëgn calcolada cun referimënt ales informaziuns sön le standard de vita, che é rapresentades dales spëises plö importantes che an à albü ia por l’ann. Chëstes informaziuns vëgn racoiüdes vigni iade che i dun dant nosc codesc fiscal, por ejëmpl canche i cumprun n auto, canche i stlujun jö contrać, yii.

Cun le 01.07.2011 él gnü metü sö en meso por relevè les spëises sura i 3.600,00 euro. Les spëises che surapassa i 3.600,00 euro (por ejëmpl la spëisa de alberch o les cumpres te butëga) mëss ti gnì comunicades al Ufize dles Entrades, da pert dla banca, dal gestur dla cherta de credit o dal imprenditur (“esercente”) por chël che al é gnü fat la spëisa. Sce en contribuënt detlarëia te n ann por ejëmpl 35.000,00 euro de davagn y les spëises é de 60.000,00 euro, spo él valch che ne stimenëia nia. Por aratè fora la relaziun danter spëises y davagn à le fisco metü adöm n valgügn indesc, che tol cunt inće dles carateristiches dla famila y dl post olache ara vir. Le software dl fisco sarà insciö bun da dè n ater pëis a na cumpra fata a Palermo da n abitant da Palermo o a na cumpra fata a Milan da n abitant da Milan. Inće le pëis de na cumpra fata da na familia de cater porsones n’é nia medemo co chël de na cumpra fata da na familia metüda adöm da na persona sora.

Cares é pa les spëises che vëgn tutes en conscidraziun? La capazité redituala vëgn mosorada cun referimënt a 100 usc de spëisa, che vëgn ragrupades te 7 gran categories: - abitaziuns (por ejëmpl l’abitaziun prinzipala, secunda ćiasa, spëises de gestiun de ćiasa, finanziamënć, yii.) - mesi de trasport (auto, motor, barches, yii.) - assiguraziuns y contribuć - spëises por l’istruziun (scolina, afit dl apartamënt por le studënt universitar, yii.) - ativitês sportives y spëises por le tëmp lëde; - d’atres spëises importantes (ornamënć de valüta, donaziuns volontares, yii.) -investimënć imobiliars y mobiliars (terac, fabricać,obliaziuns, fonds de investimënt y d’atri produć

finanziars).

Vëgnel apliché a düć i contribuënć? Nou, ma ales porsones fisiches. Por les sozietês vëgnel adorè d’atri stromënć de control por stimè le davagn. Por les sozietês piceres y mesanes vëgnel apliché i stüdi de setur. I stüdi de setur funzionëia feter ala medema manira. An mëss respogne a n per de domandes che reverda les carateristiches tecniches dla sozieté, che an ne ciafa nia tl bilanz, sciöche por ejëmpl le consum de energia eletrica, i pernotamënć y les presënzes di sciori yii.; cun chësc meso éson bogn da ciafè fora incongruënzes tles resultanzes contables.

Vëgn le “redditometro” ativé automaticamënter? Le “redditometro” vëgn ativé dal Ufize dles Entrades canche al vëgn constatè na desfarënzia sura le 20% dl davagn sciazè. Te chësc cajo se tràtera ma de na segnalaziun, cun chëra che le contribuënt vëgn invié a se presentè por s’la fà fora y por dè dant les motivaziuns che à portè a na desfarënzia. Sce le scostamënt é gran y le contribuënt ne sa nia da le iustifiché, vëgnel mené fora n azertamënt por relevè le dër davagn.

Ćiügn é pa i vantaji/ svantaji de chësc sistem? Le vantaje é dessigü che le “redditometro” pò daidé arbassè l’evajiun fiscala, mo i indesc adorà ne respidlëia nia dagnora la realté. Jelena Comploi, SEVE - Studio Verginer, Stüde de comerzialisć y consulënć dl laûr, tel. 0471 836520

Südtirol: edema de scora da 5 dis? La Junta provinziala à fat en pröm vare Politica - La Provinzia de Südtirol à menè en lönesc sëra n comunicat stampa che baia che la Junta provinziala à fat le pröm vare dlvers dla regolamentaziun nöia dl calënder scolastich. Tl comunicat pòn lì danter l’auter: “Te Südtirol metarà man tl dagnì les leziun n’edema denant de setëmber y ares se rovarà n’edema dedô de jügn, tignon cunt di ejams. ‘Sön chësc argomënt é düć a öna - à sotrissé Luis Durnwalder – ajache sce an va da 34 a 36 edemes de leziun vàra da gestì l’orar a na manira plü flessibla’. A öna düć trëi

i grups linguistics sön l’oportunité de fissé l’edema da 5 dis por scolines y scores elementares, compromis plü rî por les scores mesanes y altes. ‘La basa - à splighé le Presidënt dla Provinzia - sarà l’edema da 5 dis, deperpo che al toma la poscibilité dl sistem moscedè cun l’alternanza dles sabedes’.” L’edema da cin dis é donca preodüda por scolines y scores elementares, da arlungé a sis dis por scores mesanes y altes. Chësta é la pert zentrala dl’acordanza de mascima, che n’é nia ciamò definitiva, arjunta tla Junta

provinziala sön le calënder scolastich. “Ara se trata de n’intenüda che garantësc sides l’autonomia scolastica co l’armonisaziun dl calënder”, à dit le Presidënt dla Provinzia Luis Durnwalder. Inće les scores arà śëgn da dì la söa. “La discusciun é stada lungia tla Junta provinziala sön le calënder scolastich, argomënt sön chël che al é gnü fat ti ultimi mëisc de gran discusciuns cun posiziuns inće desfarëntes danter le monn linguistich todësch y chël talian”, scri la Provinzia. (ir)

Monica, da cotánc de agn elo che te fèje l’infermiera e percié asto dezedù de fe sto laour. L é dal 1987. Ma, l’é tres stada na mia pascion, fin da cánche sonve na tosata al elementari. M’à tres plajù pensé de daidé e ste coi autri. Ncuoi vol n cors de laurea curta per fe l infermier. Co t’as scomencé ti nveze? Nlouta bastëva avei sedësc agn e avei fat na scola de 3 agn. Co mi e fenì le mesane, è fat n cors da sartorëssa per rué a avei l’eté e po e fat sti trei agn e tost scomencé a laoré. Penseto che siebe polito che ncuoi se mosse fe n cors de laurea ( ulàche i fesc ence pratica ) fosselo meio che i aspirán infermeiri i feje plu esperienza sul ciám ntei ospedei? Crei che fossa meio che i studie ncin demánco, che trop po se se l desmentia e i feje nveze plu pratica nte ospedel. Ence perciéche l é n laour ulache t’as tres velch da mparé e da mossei te agiorné, per ejemple a douré nuos machinari. Chësta l’é na profescion che l’é ence na “miscion”. Cotánt contelo l fator personal ? Zerto, mprumadedut te mosse “l sentì” sto mestier. Dut se po mparé, come fe na puntura o auter, ma l é souradut de gran mportánza ester bogn de ste n contat co l malé, ie descore. L malé l a gran debujen de chëste, ence perciéche co te stas mel t’es nte na condizion “inferior” e spo t’as debujen de sentì valgugn damprò. L infermier l se ciapa ntra l dotor e l malé. Elo difizile gestì chësta pojizion? Toca savei da medié, rencuré l malé, i é de segurëzza. E l raport coi dotori com’elo?

Dut dipende tres da la persona che t’as davánt, ma l à da ester tres de gran colaborazion, sedenò la no va. Nte ci reparti asto laoré ti? Mi laore al poliambulator, spo i passe ncin duc. No son come chi che resta nte un sol, che i veiga ogni di n malé e sua evoluzion. Mi me passa davánt tres de autra jent. Chela elo l’esperienza plu bela e chëla plu burta che t’é capité? Ma proprio perciéche, come dit, passé plu reparti l é difiziel da di. N general pos di che me sa bel cánche, per ejemple, veighe le analiji de trope persone e dute che sta ben. Nveze l é plu burt cánche te mosse vedei che valgugn i a n burt mel. Cotánt difi zile elo gestì l’emotivité davánt a nen malé, magari che à l destin segné? L é difizile da di coche l é. N general pos di che forsci l’emotivité la se fesc sentì deplù se l malé l te recorda na situazion tua che magari t’é suzedù nte fameia. Sedenò reste asse destacada. Po, l é burt l di, ma col temp te te use ence. I disc tres che máncia infermieri. Percié chëst secondo ti? Mi me sa plucheauter che i é mel metus fora. Nte troc ospedei i infermieri i mossa fe l secreter. Po l é ospedei che i n’à n souraplù, per ejemple nju, e autri che i é senza. Ma pense che siebe ence na cuestion de responsabilité. Ncuoi i fesc saurì a te denunzié e nte nost laour l é saurì a se sbalié magari a fe n’iniezion o auter. Consiësseto n joven a fe chëst laour? Se l a chësta pascion de segur, perciéche l é n laour che te da ence tánte sodisfazion.

www.lauscdiladins.com

11


Atualité

nr. 48 / 09 de dezember 2011

Polesc suvier per la garejedes de Copa dl Mond te Gherdëina N lunesc ai 5 de dezëmber à la FIS à dat lum vërda per la garejedes de Super G y de Libra sun la Saslonch n vënderdi y sada de chëst’ena che vën

L purtoi Saslonch n lunesc de chëst’ena.

Copa dl Mond Gherdëina Stefania Demetz fova n surëdl, per la cuntentëza. Cun ëila fova cuntënc, ma propi scialdi cuntënc, duc i respunabli dl „Sasslong Classic Club“, duc i cunlauradëures, ma sambën nce duta la jënt de Gherdëina y duc y pasciunei dl sport dl schi. Helmuth Schmalzl, Race Director FIS, ie unit adalerch coche respunsabl per cialé sce la nëif y l purtoi de Gherdëina ie adatei per la garejeda ai 16 y ai 17 de dezëmber sun la Saslonch. La FIS à dat l bënsté per la garejedes. Nce sce la cundizions ne fova n lunesc ai 5 de dezëmber mo nia defin a puntin, iel unì tenì cont dla bona previjions meteo, cun l frëit che univa docà per i proscimi dis, da merdi nchin juebia de chëst’ena, a na maniera che l se lascia mo fé nëif aldò, assé per avëi pona cundizions de purtoi che va bën per la doi garejedes. N cumplimënt perchël a dut l cumité y aparat de urganisazion. La diretëura generela Stefania Demetz tol l’ucajion de rengrazië nce tres la USC “la Sozietà Sasslong Spa che à, cun si mplant da fé nëif straurdiner

Stefania Demetz.

12

www.lauscdiladins.com

Cuntrol dla nëif.

de ntëur a 100 canons, fat n lëur da ti dé dl Vo, dajan n cuntribut fundamentel.” Demetz ie n surëdl, cun raies de legrëza. Ajache cie fóssel pa stat sce la resposta fossa stata negativa? Demetz. “Nun n "njet" dla FIS fóssel stat truep szenars: n iede n dann de image ora dla set mesures per duta Gherdëina. Dal pont de ududa de urganisazion fóssel pona stat n ann de lëur trat demez. A livel emuzionel fóssel stat zeche de burt, nianca no da dì, ove bele fat pea n iede che i ova desdit la garejedes, y chël ie n gran colp che son suntënta de ne avëi nia messù tenì ora mo n iede, ajache iló te tómel ados dut!“ La fazion negativa fossa stata te plu ciamps. L tleca pensé a tan de jënt che vën te Gherdëina, che va te albierch, che compra l schipas, che compra ite tla butëighes, che va tla ustaries. L unissa a mancë i za. 150 jurnalisć, duta la scuadres cun si cumpaniadëures, duc i spetadëures che compra la chertes de ntreda. Nsciuma, l se trata for de n grandiscimo „indot”, nce sce rie da calculé avisa. “Zënza la garejedes fossa Gherdëina stata

Horst Demetz, Helmuth Schmalzl y Rainer Senoner.

deserta l’ena che vën, cun na fazion ndrëta de mancianza de cash ti ciamps desferënc dl turism n generel y dl’urganisazion dla garejedes cun duta la manifestazions ntëurite. Coche cumitat ons na assicurazion cun n broker franzëus, paian i premi ora dla bilanz de Copa dl Mond; fussan curii per l dann economich, danz che l fossa pona premi plu auc da paië ti ani da unì," à dit Demetz.

La garejedes vën fates! Ma la resposta dla FIS ie stata positiva. Y chël uel dì inò cumpetizions de livel mundiel te Gherdëina. Danz che śën iel da se paré ite la manies, mo deplù, ajache de regula àn trëi enes de tëmp per fé duc i lëures do l "nulla osta" dla FIS. Chëst ann ie l tëmp danz scialdi curt. L ie na lingia longia da tlo a Bulsan de lëures che ie da fé. L ie da mëter la rëies B dedite, rëies plu basses, chilometri y chilometri de rëies. La rëies A fova bele unides metudes dant. La rëies A ie la grandes grandes cun pei, dedora pert. Oradechël iel da mëter ju duc i madroc, tëiles da sbriscé che peia

Ntan l cuntrol sun purtoi.

su n cajo che n toma, zënza che l prim colp sibe massa sterch. Trueps ie i lauranc che muessa dé gas. L ie la scuadres dla rëies, coche dit. Pona i respunsabli de sezions de purtoi che à sot a d’ëi d‘autra jënt che se cruzia di madroc y dla tëiles y dla strutures y di njins che va debujën. Pona chëi che va cun l giat dala nëif, sibe chël dl „Sasslong Classic Club“ che chëi dla Sozietà “Sasslong Spa”. L ie da fé l profil de garejedea, cun la drëta linia de garejeda per i sauc y coi, na cuestion de cumpetizion, ma nce de segurëza y de omogeneità dl percurs. Chisc dis univa pona bele adalerch la trupes de televijion, che muessa purté su la pedanes o palcs per la telecameres, cun duc i cabli che ie da mëter ju. Da njenië ca iel la sub-regia televijiva amesa purtoi y la regia generela japé, ja Ruacia. L ie l cronometraje, cun duc i ponc de cronometraje y si fotozelules. Pona iel japé da njenië ca l stadio, per la televijions, i media, per i atlec y per l publich. Da njenië ca iel l raion dla Gobes de Camel per l publich, cun la utia per i vips. Lajù iel l ticket point. Do y do iel pona duc i furnidëures che vën

adalerch cun camions y camions de roba per la pert sportiva y per la pert gastronomica. L ie da njenië ca la tenda vip hospitality, i igloos. L ie da mëter su i megascherms, i mplanc de amplificazion. Stefania Demetz: “L tleca pensé a Ruacia coche la ie d’instà y coche la ie ntan la garejedes de Copa dl Mond: na pitla zità.” Ma pona iel mo i lëures te palestra de Santa Cristina, cun la sala stampa da njenië ite, cun duta la cunescions de livel aut per la stampa, per la fotos, i video, i articuli. L ie l ufize de garejeda te Sëlva, tla Pitla Sala, coche pont de referimënt per duta la scuadres y coche luegia per la sentedes. N con’ dl sucors ie la mpustazion bele fata, cun duc i dutores dla scuadres, cun l Aiut Alpin, la Crëusc Blancia y Cuecena y i Carabinieri de Val y la forzes dl ordn n generel. Nsciuma, n lëur grant. M n lëur che duc fej gën, cun mpëni, pascion y cumpetënza. Ajache l ie fum blanch per la garejedes de Copa dl Mond te Gherdëina, y la show possa go on! David Lardschneider


nr. 48 / 09 de dezember 2011

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Resposte “blindade”. L é polemica L Capocomun siera ite la sentada sneza discuscion su l’interogazion. Ndessenada la mendránza:”No l é democrazia.” Chël che l assessor a responù a le dománde fat nte l’interogazion Comun - Discuscion blindada a l’interogazion su ufize turistich e polemica tra Aft e Scola Schi. Protesta la mendránza:”No n é democrazia.” La dezijion del Capocomun Ugo Ruaz de saré ite la sentada tost davoche l assessor Manuel Roncat l ava liet ju l’ultima resposta a l’interogazion prejentada dal grop de opojizion “Fodom Domán” e no lascé lerch spo de fat a la discuscion, l’à lascé de stuch i medemi consiadou de mendránza e la tropa jent binada ntel self de consei per chël che l eva speté come l pont plu ciaut ( l eva l ultimo al ordine del di ) del consei comunal. “Onve da respone a l’interogazion e chëst on fat. Auter no n eva da njonté” a dit l Capocomun mpruma de saré ite la sentada. Nel lonch document, la mendránza la fajëva na longia cronistoria de la cuestion del ufize turistich, che per ntánt l vignarà metù nte fabricat de len e de la polemica ntra Aft e Scola de Schi, che a porté a l’esclujion de chësta ultima da l’associazion turistica. Trëdesc dománde a l assessor Manuel Roncat che a ciapé autretánte resposte scrite liete ju nte consei. Ncan, domanáva l’pojizion, l assessor alo sapu de le intenion dei maestri de giourì n’ativité ntl Zenter Servisc e chëla ela stada ntel prum sua pojizion ? “È sapù de chëst de merz” a responu Roncat. “Demè plu nnavánt e sapu che l eva l’intenzion de fe n’autra sozieté demè de na pert dei maestri. Ntel prum i é dit che de boteighe da mpresté schi n’é bele 4 e de prové de pensé a vèlch de auter. De chësta ntenzion e nformé l Capocomun a la fin de jugn e la jonta ite per agost” a responù ncora Roncat a na’utra dománda.” Ncan, damanëva la mendránza, l’assessor alo bu

l’idea de mëte l ufize turistich nte la senta de la scola de schi e percié alo cambié idea ?”Davò l 20 de lugio” l’é stada la resposta, “cánche s’à scomencé a la tofé che sarëva Dolomiti Turismo. No n é mei cambié idea e no n e tout pert al cda de Aft del 15 de setembre perciéche laorëve. Nten’autra dománda l’opojizion la volëva savei ncan che l’é stada l’encontada ntra maestri de schi e Comun e de ci che l é ste descorëst. “On descorëst de la proposta de sposté l’ativité economica ntei locai del vegle ambulator, lascé l lerch al Comun per l ufize turistich ulà mëte ite siebelo Aft che l personal de la Provinzia tres che l vegne garantì da la medema. L dut a temp determiné. No savonve cotánt che fossa ste, spo on fat fora de se ciapé nte na setemana.” Nte l’interogazion, l grop de mendránza l volëva po savei perciéche l assessor Roncat no l clamé ite per temp dute le pert ntourn a na taula e no lascé coscita che dut degenereie. “S’on muovëst apëna che on tofé che siere Dolomiti Turismo e che siere l ufize” l à responù. “Se per degenerazion se ntën l’esclujion de la Scola de Schi da Aft chëst l é suzedù demé perciéche no l’à retrt la difida del legal e mané le scuse a Aft. No me mpaze ntel perciéche la scola schi no la l a fat. Se nveze se ntën l fat che siebe nasciù na seconda scola schi, preie de giré la dománda al cosiadou Igor Masarei, che l é un dei promodous. Le licenze comerzia i é libere e na scola schi l’é n’ativité comercial. La proposta dei maestri de mëte l’ufize turistich nte sua senta l’é stada fata al 24 de otobre, cánche oramei l eva bele ste nvié via le cherte e l

nuof prefabricat de len l eva ste ordiné. L’aministrazion” l à dit ncora per respone a n’autra dománda, “no la crei segurnò che chësta soluzion siebe l meio per turisć e operadous. Ma l’é na soluzion. L’aministrazion” l à po ataché, “la crei nveze che l’enlota jonta de comun nte agni 2006 – 2008 l’assa almánco podù, per nteresc publich, ejerzité l dërt de prelazion cánche l é ste venù l local ulche l ufize turistich l eva ite da 40 agn. No sonse chilò con soluzion provijorie. L prefabricat l restarà almánco doi agn.” Nte le ultime dománde l’opojizion la zebichëva l’aministrazion sul destin del proget del nuof ufize turistich e “Casa Bimbo”, de la segiovia Arabba Fly, se chëst vignarà descorëst fora co la jent e su cié che l Comun l a n mente de fe per promuove l turismo de la val. “On nvié la progetazion che prejentaron sui Fondi Brancher de merz via e n descoraron col Comitat Frazional. Ma, l à nveze ataché Roncat, elo ste descorëst davántvia coi fodomi che à nvesti scioldi a Precumon l cambiament de destinazion a alberghier a residenzial che no n a portè ne nuos posć let ne ativité comerziai ? Ela sta descorësta fora Arabba Fly o l aument de cubatura nte la nuova śoan nta l Fever ? Penson, l à saré ite co l di ju le scomenciadive prejentade sui Fondi Bracher per l turism, “che no siebe i scioldi ma i progec chël che vol.” I fodomi a l dërt de savei ci che suzede e ci che l’é drio a porté duta sta cuestion” a dit l di davò l Capogrop de mendránza Leandro Grones ntel comenté chël che l eva suzedù nte consei. “No l é mei suzedù. Son n democrazia. Ma tournaron de segur sul argoment.” (ls)

Piano Casa, l comun sburla dut ai Pati Resta fora da le deroghe i zentri storizi e le ativité comerciali Ence l comun da Fodom, come troc autri comuns de la provinzia, l a rezepì l nuof “Piano Casa” de la Region con trope limitazion. La nuova norma pensada dal goviern Berlusconi, la mpermetëva a le Region de aprové nte sue legi urbanistiche, deroghe e ampliamenc a prume e seconde cese, co la scusa de de na sburla al mondo del fabriché. Na scomenciadiva che ava tost nconté le proteste de chi che vedëva nte chëst n’oportunité de or per la speculazion. “La lege” a spieghé l urbanist del Comun Mauro De Conz, clamé per spieghél a cuestion al consei de comun e a la jent che scoutëva su, “l’a bu n bon suzess ntei comuns de planura. Mánco nveze ntei comuns da mont, n particolar chi turistizi, ulàche le aministrazion le s’à sentù passade soura a sua competenza sul fabriché.” De Conz l à conté de coche i comuns, n particolar chël de Cortina, i abe prové de mëte limitazion a chësta lege. N particolar ulache se perveiga che per podei otignì n ampliament

baste se mpegné a mëte la residenza ntel comun per almánco doi agn. Na vera “manna dal ciel” per la speculazion. “L e ste prové de auzé chëst lime a 7 agn, per fe n ejemple” l a conté. “Ma dute le sentenze dei ricorsc che l é ste fat i a anulé chisc provedimenc.” Ntánt la Region l a aprové n nuof Piano Casa, ulache se mpermët i ampliamenc ence ntei zentri storizi, che mpruma i eva restei fora. Per chëst l Comun l a bu da agiorné l Prg per adoté ( la lege la l empermët ai enc locai per nvalgune dispojizion) chële pert de la norma che l vol. L’aministrazion l’à coscita confermé, coche le va bele ste aprové nte la pruma delibera de adozion del Piano Casa, che le deroghe le podarà tres vignì aplicade su le prume cese. Resta fora nveze i zentri storizi e le ativité produtive. “L’aministrazion” a spieghé l urbanist, “l a pensé che l eva per nia aprové na tel norma, che no mpermët de controlé ci che ven fat perciéche per fe i laour basta demé prejenté na Dia, cánche nte n per

de agn, co l’aprovazion dei Pati, i Comun i avarà la plena liberté de dezide a conzede i laour ntei zentri storizi senza l’aprovazion de region e province ( a pert ulache a da di la sua le Sourantendenze ). A chësta moda se podarà valuté meio cajo per cajo. Le ativité produtive nveze i é restade fora percieche i a bele na poscibilité de se slargé col “Sportello Unico”. Critica sul provediment la mendránza. “Son dacordo sul debujen de tutelé l teritorio” a dit l capogrop Leandro Grones. “Ma on constaté la dezijion de lascé fora i residenc che sta ntei zentri storizi, che i é la magioránza, da la poscibilité de podei pro ai contribuc ma souradut de otignì chi ampliamenc pervedus da la lege regional per se slargé e se fe plu bela la cesa. Nte doi agn l’aministrazion no l’à ciapé, ntánt che se speta l’aprovazion del Pati, soluzion ai problemi liei al fabriché ntei zentri storizi. E coche tres suzede, co máncia le soluzion, se dezide de sburlé nnavánt le dezijion.”

Fodom

Sesántaset mile euro de Ici recuperada L Comun paia fora i privac per i tarens dourei per slargé strade e plaze Comun 2 - Na bocia de aria per le casse del comun da scioldi de Ici recuperada e dai paneli fotovoltaici. Da nen contenzious nvié via dal Comun per conto suo contra la sozieté “Arabba srl” ( l servisc de riscoscion de le coute de comun l é gestì da la Comunita Montana ), nte le casse comunai l é tourné ben 130 mile euro da Ici e Tarsu. De chisc l Comun l ava pervedù a bilánz de n recuperé demé 50 mile, che i eva bele stei mpegnei per nvalgune speise. I 67 mile euro i e ruei spo come n bel regal da Nadel davántfora “e se perveiga den recuperé almánco autri 17 mile” a dit l Capocomun. “Chëst grazie a nuosc ufizi che i a laoré polito. Se onse lascé dut n mán a la Comunita Montana chis scioldi no i onse mei vedus.” L pico capital l é bele ste mpieghé con 50 mile euro per fè nuove ijole ecologiche a Pieve Liviné, 12 mile euro per compré tarens, 1000 euro per apalc, 500 euro per la gestion del patrimonio e 1.500 euro da destiné a la protezion zivila. A scomencé a fruté ence i paneli solari metus sul tët de la scola, che ntei meisc da d’istè i à fat corente per 5 mile euro. Autri 10 mile euro

i é ruei dai permesci per fabriché e autritánc i e stei pervedus dal contribut che l Bim conzede a le fameie dei studenc che no po plu usufruì de Unico Studenti per l trasport. “Na ousc chësta difizile da cuantifiché” a spieghél assesor al bilánz Claudio Sorarui. “Troc no n a plu fat l abonament stagional perciéche l no convigniva. Speron che l Bim diebe l contribut ence per chi che a fat chël setemanal e su le corse ugnole.” Co la delibera sul “Plán de le alienazion e Valorizazion del Patrimonio Imobiliar” l consei de comun l a de nfin via libera al risarciment, n dut zirca 32 mile euro, per duc chi toc de tarens che ntei agn passei l Comun ava tout ite per slargé strade o plaze. N general se trata de pichi toc de taren. Per chelche un l Comun l ava damané i permesci ma mei paié fora. Nte autri l medemo Comun l ava ence frazioné l taren e fat su mur, ma senza mei damané i privac. Na cuestion dalvierta da agn con plu de 200 privac. No con duc s’à ciafié a saré ite le partiche, perciéche, per ejemple, nten valgugn caji i paroni dei tarens ntratánc i e morc e no l e ste fat le sucescion. (ls)

Ladins e Cimbri se nconta Na delegazion del Istitut Ladin Cèsa de Jan l’è juda a ciaté i coleghi del Kulturinstitut Lusèrn a Luserna Mendránze - Sabeda 19 de novembre nvalgugn rapresentánc e colaboradous del Istitut Cultural Ladin Cèsa de Jan i s’à nconté coi coleghi che laora ntel Kulturinstitut Lusèrn, l Istitut Cultural Cimbro de al mendránza todëscia de Luserna. N’ocajion de barat cultural ntra doi enc che a le medeme finalité; chële de tignì su, promuove e valorizé l patrimone etnografich e cultural de la mendránza. A l’encontada a tout pert, ntra i autri, l prescident del istitut Cesa de Jan Nani Pellegrini, l diretor del Istitut Cimbro Fiorenzo Von Kastelé e Sieghard Gamper, diretor del Ufize Mendránze de la Region Trentin - Südtirol. Ativité, scomenciadive, programs e esperienze i é stei i argomenc prinzipai tratei ntánt l’encontada, davò avei vijité la senta del istitut. La bela giornada d’auton l’à fat da

soeja per podei ence se cialé dintournvia. La discuscion l’é tomada sun troc argomenc, n particolar su le scomenciadive per la promozion e valorizazion del patrimone lingustich a le nuove generazion. No n é mancé chelche riferiment ence ai problemi reai che ogni di i doi enc i nconta ntel porté nnavánt le ativité. La giornada l’é po juda nnavánt co la vijita a la cèsa mujeo “Haus von Prükk”, vegla cesa fata fora, che caraterizeia la tipica cesa da bacán cimbra, de gran mportánza percieche la mostra l liam ntra Luserna e l’ert de la laorazion dei sasc. E l enter de documentazion Luserna, ulache la delegazion ladina l’à podù vedei de bele mostre che spiega la storia e la vita de chësta picol comunité de mendránza todëscia del Trentin. (sl)

Raprejentánc del Istitut Cesa de Jan e del Kulturinstitut Lusèrn. www.lauscdiladins.com

13


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

nr. 48 / 09 de dezember 2011

Da i boise a i canoi da gnee

R’arcia de Ronco

Ra storia de el Consorzio par r’aga de Azon. Intrà dute se fesc duto. Ra struscies de i nostre vece, che i s’à sacrificà, par lore e par nośoutre

Ra sozietà Gsp r’à fato un laoro, par comedà el dan de el guergno, de setenbre

śente. Inalora negun, o poche, aea r’aga in ciaśa: par i vilaje ‘l ea i brente de ra vila, agnó che dute śia a laà, a tuoi r’aga co i sece, a beerà ra besties. De spes ‘l ea aga sporca, da parù, menada co i boise de pin, sbujade par longo, co ra truela da boise. I ra tolea inpó ciasa, pede a ‘l vilajo, parcé che no se Nośoutre beon ra nostra aga – i scrie, bule de podea i fei fei masa ra so storia, chi de Azon. strada. Alolo dapò de ra Prima guera, canche Una ota, canche se scriea o se el paes ‘l à scomenzà a mudà, co lieśea de storia, ‘l ea solo ra storia ‘l turismo che ruaa daparduto, s’à de i parsonaje pi grei, de i fate pi scomenzà a capì che ‘l ea da fei grei: de Cesare e de Carlo Magno, outramente. Intrà ra śente de de Napoleone o de Garibaldi, de Azon, de dute i vilaje sote ra ra Prima o de ra Seconda guera. Tofana, e chera da Ronco, i s’à Dapò ‘l é vegnù ra scora de i pensà de śì a tuoi r’aga pi in outo, Annales, in Francia, a me insegnà su a Rumerlo, agnó che in ea tanta, che se pó, che ‘l é da scrie anche e bona. Dito, fato, ma ‘l é stà da ra storia pi pizora, chera da radegà, par anes, co ‘l Comun, dagnadì, chera de i ome e de ra agnó che ‘l ea ruà i Fascistes, co ‘l femenes, de i fate pi menude, che Podestà. E ‘pò ‘l ea ra boes, a roinà suzede daparduto. Ra storia de i el laoro, fenì da poco. E ‘pò el vilaje, no solo chera de ra capitales, stradon da pasà, co r’Anas che de ra zitàs pi grandes, de i state. betea i bastoi intrà ra rodes. Coscita se capisce parcé che in Dinultima ra viles, i sciore, senpre Anpezo ‘l é stà scrito un libro noo, pi biśoin de aga, e chera da Rumerlo ades, par Nadà: ra storia de el ra no n’ea pi asei, e ‘l ea da śì pi in Consorzio par r’aga de Azon. su: a Fedarola, agnó che ‘l é ra Nasciù de ‘l 1931, chesto Consorzio vasches de Comun, par menà r’aga ‘l aea da responde a ‘l biśoin de ra in Pocol. E ‘pò no basta ancora, se

rua su da ra Agaroles, pede Bain de Dones, e dinultima a ra Spones de Cianzopè, co ‘l laoro pagà da chi de i inpiante, che i dora r’aga da fei gnee pestizo, d’inverno, canche no in é asei de chel bon. Aga da bee, aga da se laà, ma anche aga da fei corente, co ra prima zentrale, a Jilardon, de ‘l 1955, e ‘pò con chera de Rumerlo, de ‘l 2006, e cisà che no in rue un’outra, ca de nafré, śo pede a ra Boite. El studio de storia, śù inaante par deboto un an, intrà ra cartes, i documente, ra testimonianzes de ra parsones, ‘l é stà fato da Marco Dibona Moro; śo da ‘l pe de ‘l libro ‘l é un studio tecnico, de cemodo che ‘l é ra fontanes, ra vasches, i tube, ra zentrales, fato da ’l inśegner Roland Bernardi da Laste, neodo de chel Anjelo che ‘l é stà, par anes anorum, el sacretario de el Consorzio. “Che i se pense, i nostre sozie, che ancuoi i à r’aga in ciaśa, de chel che i à padì i so vece, i so pares, par darśonśe chesto tanto – el me disc Bepe Constantini Ghea, presidente de el Consorzio – chesto libro ‘l ón vorù propio par lore, par se recordà de chel che i à fato. El nosc Consorzio el pó śì inaante, el pó vive, ma ‘l é da aé el medemo spirito de i nostre vece: ‘l é da aé voia de fei, da ciapà inze, da lourà aduna. Intrà dute, se fesc duto”.

Ra majia de ra spazadures Ci che cura fora, el fesc algo de bon, e de bel, par el e par dute. Zerne i pegnate, el viere, ra plastica, ra carta, par sparagnà e par precurà

Su ‘l palco de el cinema Eden, el Profesor e Robi, a i insegnà a i pize de Anpezo cemodo che ‘l é da fei, par sparagnà e par precurà ‘l anbiente, canche se bicia via ra spazadures.

Su ‘l palco de ‘l cinema Eden i ea de doi: el Profesor e Robi. Daante de lore, scentade śo, ‘l ea i pizete de Anpezo, chi de ra scoreta e chi de ra popolares. Dute aduna i no stajea, coscita i à abù da i partì fora, in doa otes, parcé che i ea supośò de cuatrozento. Portade da ra maestres, i é śude a inparà algo par ra vita: ra soa e chera de ‘l so paes. I à inparà che manco spazadures fenisce in chipa, e meo ‘l é. I à inparà che inze ra spazadures se pó ciatà ancora algo che ‘l é ancora bon, da dorà: dijon de el viere, ra carta,

14

www.lauscdiladins.com

i pegnate de banda, i copete de aluminio, ra plastica. A strutà su e a lourà duto chesto se reduje algo che ‘l é danoo bon, e che el costa de manco: se tien neto e se sparagna. A voré fei chesta lezion, a i pi pize, a i zitadis de un doman, ‘l é stà ra sozietà Conseco, che ra laora par el Comun de Anpezo, par i tende cemodo che vien strutà su ra spazadures e propio par insegnà ce che ‘l é da fei, ma pi che see ce che no n’é da fei. E dute i à algo da inparà, i pi pize e i pi grei. Fosc

‘l é propio chi de ‘na zerta età che stenta depì, a inparà a curà fora ra spazadures, chel che se bicia via, parcé che ‘na ota no se ‘l fajea, canche lore i ea pize. E alora se scomenza da i pi śoen, chi de ancuoi, parcé che sarà lore a vive el mondo de doman, che dute speron el see pi neto e pi bel. Su ‘l palco ‘l é stà el Profesor, nascé scienziato, nafré strion, a fei calche majia, par i insegnà a ra famea. Co ‘l so fei da tentorìn, ‘l ea Robi, un pupo, ‘na marioneta, sbalzin conpain de i pizete che ‘l ea in sala. Dapò de chesta lezion, se vedarà de insegnà anche a chi nafré pi grei, de ra scora meśanes, ma a lore se parlarà outramente, senza i jeste che se fesc par i pizete: co ra lezios, inze ra clase, par ra scores, parcé che lore i é pi madure. Strutà su polito, partì fora, no n’é solo un valor par ‘l anbiente. Ca de nafré el podarà śoà anche par ra nostra scarseles, gouja che se śirà presto a pagà un tanto, par ra spazadures, par chel che se produje. Pi s’in mena in chipa, pi se paga. Coscita dute arà pi acaro de i pensà sora, ignante de bicià via, e de bete una boza de ca, un pegnato de là, un scartozo, un copeto. Par sparagnà, e par amor de ‘l so paes. (mdm)

Sote ra ciaśes de Ronco, agnó che ‘l é chel piei che rua śo inze ra Boite, se vede un laoro noo, fato ades d’outon de ‘sto an, i mesc pasade, de otobre e noenbre, da ra società Gsp de el Bim da Belun. I à comedà fora chel ru, che el pasa śo intrà duto el vilajo, e che ‘l ea śù par sora, co r’agajon ai 17 de setenbre de ‘sto an, canche s’aea inlagà anche el Caśel, alolo de sote, śo pede a ‘l ponte de ra Zesa. Par chel ru, agnó che pasa anche ra scortes de ‘l vilajo, i à fato su ‘na arcia de len e de sasc, con chera che ancuoi se disc bioinśegneria, par tegnì su ra tèra, agnó che ‘l aea sboà śo. Ignante i à betù una scorta pestiza, de plastica, da fei pasà r’aga, grosa 45 zentimetre, coscita da podé lourà segure e sute. Dapò i à betù śo outre tube, ancora pi grei, da 60 zentimetre, ben scondude sote tèra, che no s’i vede. Chiste tube i é ruade aposta da ra Svizera, agnó che i é sude a i tuoi con un camion. Via par sora, i à abù da fei su chesta arcia, outa alcuante metre. Coscita ades i é dute pi segure, chi che vive e laora là pede, a scomenzà da i hotiei Beppe Sello e Nevada, a ra botega de mecanico, a ra ciaśes, senza se desmenteà de ‘l stradon de ra Dolomites, che el pasa alolo sora. Dinultima, par un

bel vede, i à ingarià, restelà, semenà valmesc, che s’inprade danoo. Se sente de spes, e pi che mai ‘sto outon, de desgrazies, par duta Italia, de agajos, de roes che se mena via ra ciaśes, ra strades, i pontes e calcheota finamai ra parsones. Penson a chel che ‘l é suzedù in Toscana, in Liguria, inze ra rejos de el sud d’Italia. In Anpezo s’in sà algo: duta ra nostra storia r’é segnada da ra roes, da ra boes. El cuore de ‘l paes, ra piazes intor ra jeja de San Iaco e el cianpanin, ‘l é nasciù su ‘na gran roa, vegnuda śo da Staulin. Pi pede a nośoutre, de ‘l Otozento, in é stà de outres: se pó se pensà de chera de Pecol, che r’à menà via alcuanta ciaśes e alcuanta de chera por parsopnes ’s à abù da ciapà ra valijia e s’in śì. Chesto ‘l é chel che ‘l é suzedù a i jenitore de Alexander Girardi, che i é ruade fin a Graz, agnó che ‘l é nasciù chesto ator e cantante. Ben, par se defende da ra roes, par no ris-cià ra agajos, una de ra roba iustes da fei r’é propio chera de netà fora i rus, de fei su ‘na arcia, agnó che ra ocore, de i tende a ‘l so teritorio, con amor. Chel che i fajea i nostre vece, che i ‘l à fato par anes anorum, e chel che ancuoi, inveze, calche ota el mancia propio.

R’arcia noa, a Ronco, sote el stradon, fata su “a ra vecia”, de les e de sasc.


Anpezo

nr. 48 / 09 de dezember 2011

El gnee de San Nicolò

Cortina 2017 a ‘l mercà de Nadà

Ra tradizion pi bela, par i pizete. I done de ‘l Santo: algo de bel, algo de bon, ra canzos de el coro Soen in festa. Ma i grei i domanda algo depì

Duto el laoro de i śoen de el comitato, par se fei conosce, in Italia e fora

El Santo de i pize, aduna co i anjolete, su ‘l landò, tirà da un bel caal, intanto che i dioule i bordelea par piaza.

“A San Nicolò i ei domandà de portà nafré de gnee, in Anpezo, parcé che ‘sto an el no n’é ancora ruà, e ón biśoin. Somea che i no s’ebe intendù polito, co ra Postes, e ra letra ch’i aon mandà ra no n’é ruada. Ades ‘l à dito che i parla, a ‘l Banbin, e cisà che par Nadà el rue dasen, el gnee”.

El capocomun de Anpezo ‘l à chera de smatisà; Andrea Franceschi de Matia i conta chesta storia, a i pizete, che ‘l é par piaza, lunes ai 5 de dezenbre, canche rua el Santo. Scentà su un landò, con doi guciar e doi anjolete śo par pede, San Nicolò ‘l à un grun de dioule, che i core par piaza, i fesc

un susuro da no crede, co ra ciadenes, un biroc co ‘l fó, ra scuriades, i corne e chera burta zefes. “No stajede a aé festide – el disc el santo a i pizete – parcé che i dioule i no ve fesc nuia, se se boi, se se stade varentes”. Dapò ‘l à dito ‘na orazion, con lore, co ra maśadio, el s’à tanto gran racomandà che i see boi, intrà de lore, a scoreta o a scora, e co i so jenitore. Dinultima i à saludade, ‘l é montà danoo su ra caroza, su e śo par piaza, tirada da chel bel caal negro. Intanto ra śente podea scotà ra bela canzos de el coro “Śoen in festa”.Anche par ‘sto an, cemodo che suzede da tredesc anes, s’à mantegnù chesta tradizion, diade da ‘l Comun e da ra Union de i Ladis de Anpezo, cemodo che r’à recordà Elsa Zardini Soriza, canche r’à menzonà ra femenes de r’Ulda, che es dia ‘na man a San Nicolò, par el so laoro. Inze chel scartozeto, con alcuanta carameles, algo de dolze, i pize i à ciatà un outro don, un śogo duto par lore e par ra so families: el lunario de ‘l Avento. Di par di, par spetà el Signor che nasce, co i numere, tacade su par ra jeja de ra Madona de ra Difesa, in onor de i siezento ane de ra festa de Voto, che toma de ‘l 2012. De inze de ogni numero, ‘l é el Vanjelo, de Luca e de Matio, con un verseto de Isaia, a contà de ‘l Signor che rua su ra Tera, par dute nośoutre. “Augure sinziere d’ un Nadà co ra vostra śente – r’à scrito dinultima r’Ulda – in bona armonia rue el prin de ‘l an, ve porte salute e tanta fortuna, aduna co ‘l pensier che ra Madona ve precure”. (mdm)

Alcuanta noes in curta, da ‘l paes e da fora Ra note de i 2 de dezenbre, śa doi ane, de ‘l 2009, ra vosc de don Claudio Sacco ra s’à studà, sote ‘na laina, su ‘l Pore. Chel pree, che ‘l é ancora ancuoi tanto benvorù in Anpezo, el no n’à lascià solo chera scines, co i schie, su ‘l gnee, ma drio de el ‘l é restà ra zapores, a segnà el troi agnó che camina un grun de śente, tropa parsones. Par no perde chel che el m’à lascià, ‘l é stà scrito un libro. E ades ‘l é alcuante amighe da Borgo Piave, a Belun, agnó che don Claudio ‘l ea stà pioan, che i à betù aduna ra fondazion “Amighe de don Claudio”, ogada da Fravio Reolon, con chera de fei algo, par ra sozietà, ra cultura, ra relijon. Ci che vó se notà inze, el pó i domandà a Angela Alberti Nito al 349 2218514.

Premie a i studentes de ra Casa Rurale I é de cuarantaun, i studentes

che i à ciapà i premie de studio, vorude da ra Casa rurale e artejana de Anpezo e de ra Dolomites, par i comune de Ponte nelle Alpi, Belun e de ‘l Alpago. Ra zerimonia r’é stada vendres ai 2 de dezenbre, a Polpet. A i dà fora chieste premie a i śoen pi varentes ‘l ea Roger De Menech, capocomun de Ponte, e Giacomo Giacobbi, vize presidente de ra Casa. Dute e doi i à dito che i à acaro se chesta śoentù ra cresce polito, ra inpara, ra se parecia par podé un doman lourà inze ‘l so paes. Chesta ‘l ea ra prima ota che ra nostra Casa ra fajea chesta zerimonia a Ponte, agnó che r’à daerto ‘na filiale, da alcuante ane. Ra medema zerimonia poche dis dapò, mercui ai 7 de dezenbre, in Anpezo, par i studentes de dute chi outre comune, agnó che ra banca ra laora: Anpezo, Val de ra Boite, Cadore, Zoldo, outo Agordin. In duto, par chesto an, ‘l é stà dà premie a zento e vintezinche studentes, de duta ra provinzia, par pi de 27 mile euro.

vede: pecà par ra Copa Europa de snowboard, che r’aea da ese ades de dezenbre, in Faloria, e che i no n’à podù fei, parcé che mancia gnee. Dapò sarà ra Copa del mondo de schie, de jenaro, in Tofana. Ma sarà anche algo de bel par piaza: se parla de el Top of The Dolomites music festival: sedesc artistes, inze sié poste, par el paes, a sonà, a fei bona musica, a ciapà inze i śoen. Da i 10 de dezenbre fin a i 14 de jenaro, ogni setemana sarà algo da fei, da vede, da scotà. Par fenì, dapò de ra gares de Copa del mondo, a i 22 de jenaro, rua el World Snow Day, par duta ra families, par dute i śoen, da i fei conosce el gnee, i schie, el sport. Par fei dute chiste laore, ‘l é biśoin de śente, che die ‘na man, e chi de Cortina 2017 i à beleche ciatà trope śoen, con bona voia de fei, de ese, par lore e par el so paes.

I śoen de Cortina 2017 inze piaza, daante a una de ra ciaśetes de len, de ‘l mercà de Nadà.

A se reede, Avio Amor par el sport e par ra famea, bon cuore, inze un omazon che ades el manciarà

Fregores Par don Claudio Sacco

Una ciaśeta de len, con inze un grun de robes, da i vende a chi che pasa, a ‘l mercà de Nadà, in Anpezo, inze piaza, propio sote el cianpanin. Da alcuante dis i é là che i laora, i śoen de el comitato Cortina 2017; i s’in à inventà un’outra, par se fei conosce, par fei saé a dute, in Italia e fora, che Cortina ra vó i Mondiali 2017 de schie. Chesto ‘l é un outro laoro, che el và a se śontà a dute chi outre. A scomenzà da ‘l sfoi, che el vien fora ‘na ota a ‘l mes, par talian e par ingleje, agnó che se lieśe su duta ra noes, de el comitato. Finamai con algo par ladin anpezan. El vien mandà daparduto, a pi de mile parsones, talianes e forestes, par el mondo de ra Fis, de el sport, de i jornalistes. Intanto se varda a ra manifestazios, che se speta ca de nafré in Anpezo, agnó podé se fei

Varente Tamaz El Comitato olinpico talian i à dà ra stela de bronsś a ‘l merito de ‘l sport a Gianfranco Talamini, che dute conosce par Tamaz, in Anpezo e fora. Parcé che el ‘l é conosciù daparduto, agnó che se śuia a hockey; da anes anorum ‘l é inze co ra Nazionale taliana, dapò ese stà inze ra Sportivi ghiaccio Cortina. Inze ‘l nosc paes ‘l é stà presidente de i Sestiere de Anpezo, el dia ‘na man a ra Dobbiaco – Cortina su i schie da fondo e par ra Copa de ‘l mondo de schie. Dapò de ese stà un grun de anes in Comun, el laora inze ‘l ufizio Skipass, in stazion. Una vita intiera, cemodo che se vede, par el sport: se capisce coscita el premio che i à dà el Coni. A i dì gramarzé, par duto chel che ‘l à fato, e che el fajarà inaante, ‘l é stà el presidente de el Coni Gianni Petrucci, co ‘na letra che i à lieto a Pedavena, a ra festa de ‘l sport, in provinzia de Belun, agnó che Tamaz ‘l é sù a se tuoi ra stela de bronśo.

Avio de Martin da Padola in sora e che fajea surizion a dute ci Comelego ‘l é vegnù a lourà da śoen che no ‘l conoscea e inveze ‘l ea bon ca in Anpezo, ‘l à ciatà ‘l amor de come el pan. Cardeme a mi che ei so femena Maria Antonietta Dadié lourà tante anes con el. Son ben Bechìn, e ca ‘l à betù su familia. ‘L segura che anche da Lasù el tienarà ea propio na copia intiada, coronada de ocio ce che son drio fei par da tre fioi: ignante Michela, ‘pò chesta bela Atletica e se fajaron Lorenzo - so pare inze un stanpo algo de malamente de calche ver - e Roberta. Avio ‘l à senpre abù el me lo fajarà capì. Io che son pascion par el sport: ‘l à scomenzà stada par anes pede Avio, da drio schie co i so fioi e ‘l à sta trope alenatrice, vardarei de portà inaante anes inze ’l consilio del Sci club ra so volontà: portà i śoen inze ’l Cortina. Dapò ‘l é śù inaante inze sport inze una moda sana e r’Atletica Cortina agnó che ‘l à stà divertente. chinesc ane presidente, senza mai Gramarzé Avio, gramarzé mancià a ra gares de ‘l Canpionato presidente, te sos sta da sen “un Cadorin e del Canpionato de ra gran”! provinzia. Avio el se godea proprio Laura Antoniacomi tanto co sto inpegno, aśà che el i vorea un gran ben a ra famea e el fajea de duto par stà con lore. Dapò de ogni gara el i ofria un panin e algo da parà śo e despes par viaśo ves ciaśa el se fermaa a San Vido a toi un jelato par dute. Chesto ‘l ea Avio, un òn tanto jeneros anche se ‘l ea un omazon I pize de r’Atletica, in sfilada par piaza, par ra gran co ‘na osc forte, che Festa de ra Bandes, in Anpezo. Inpó, a i tende, ‘l ea no se lasciaa zapà senpre Avio. www.lauscdiladins.com

15


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

nr. 48 / 09 de dezember 2011

Cunsëi nuef per la Biblioteca San Durich

Mozions y bilanz

Nstadì iel stat la reunion generela dla Biblioteca San Durich

Pra la proscima senteda de Chemun a Urtijëi uniràl tratà l bilanz de previjion y l program di lëures publics, ma nce plu mozions dla Lista zivica Urtijëi y di Freiheitlichen. Ngrandì la scola mesana

Biblioteches - N mierculdi ai 30 de nuvëmber dala sies da sëira se à i cumëmbri dla Lia per la Biblioteca y l’autoriteies cun a cë l ambolt de Urtijëi abinà tla sënta provisoria tla Cësa de Cultura basite per audì mpue’ coche la ie jita ntan l ann. Do la statistiches, che ie for n elemënt mpue’ da stufé y che n muessa cialé de purté dant te na maniera nteressanta, iesen passei al’apruazion dl bilanz dl 2010 y dl bilanz de previjion per l 2011. I revisores di conc di ultimi ani, Max Moroder, Loris Ongaro y Johann Grossrubatscher, ne fova nia prejënc ma i ova bele dat da ntënder che i cialerà tres la contes dla biblioteca nce per i proscimi trëi ani. De chël iesen drët cuntënc, ajache l se trata de persones drët cumpetëntes y che se dà ca uni ann per chësc lëur. A ëi ti jiva n gran rengraziamënt da pert dl presidënt Edmund Dellago.

Vela dl cunsëi nuef Da dedò iel stat la veles. L’istituzions che ie bele de dërt tl Cunsëi ova bele danora fat a l savëi chi che dëssa damoinla i reprejenté. Per l Departimënt educazion y cultura ladina (ex Istitut Pedagogich Ladin) réstel inant Erna Flöss, per la Direzion dla scolines “Ladinia” Sofia Moroder, per l Cunsëi de Pluania de Urtijëi Alexander Prinoth, per la Lia Mostra d’Ert Nadja Mair, per la Biblioteca Tresl Gruber Thea Demetz, per la

L presidënt Edmund Dellago cun l ambolt de Urtijëi Ewald Moroder n ucajion dla senteda generela dla Biblioteca San Durich.

Biblioteca O.v.Wolkenstein Dietrich Mussner, per la Biblioteca dla Union di Ladins de Gherdëina Giulia Senoner y per l Chemun de Urtijëi Lara Moroder. La doi scoles autes à ulù avëi da śën inant doi reprejentantes, Silvia Lantschner per l Lizeum d’Ert Cademia y la Scola Profesciunela, y Gudrun Mussner per l ITE Raetia; la Direzion Raionela dla scoles de ublianza de Urtijëi à nciarià Marina Demetz mpede Simonetta Pancheri. L Chemun de Ciastel ne à mo nia fat a l savëi l inuem de si delegà, bonamënter resteràl inant Raffaella Rella, che lëura nce te biblioteca. Pona iesen passei ala vela dl

presidënt. Edmund Dellago ie inò unì nciarià tres atlamazion y à azetà si ncëria per i proscimi trëi ani. La Lia per la Biblioteca San Durich ie reprejenteda mé plu da doi persones, dal presidënt nstës y da Lidia Moroder, che ie unida liteda da duc i prejënc, davia che l Chemun de Urtijëi à renunzià de numiné doi persones per l Cunsëi. Ala fin à mo l ambolt Ewald Moroder tëut la parola per rengrazië dla bona cunlaurazion y à laudà la Biblioteca sciche istituzion nia mé culturela ma nce soziela. Duc se à mo fermà per se la ciaculé mpue’ y per pesslé velch. Al nuef Cunsëi ti va i miëur auguresc. (klaudia)

Urtijëi Chemun - L Cunsëi de Chemun de Urtijëi se anconta per na senteda ai 15 de dezëmber dala 16.00, per traté chësc ordenn dl di: 1. Dé pro l protocol dla senteda dl Cunsëi de Chemun dl 14.10.2011, dat ju tl ufize secretariat dl Chemun. 2. Mozion di cumëmbri dla grupa de cunsëi dla Lista zivica Urtijëi n con’ dl mëter a despusizion finanziamënc per scrì ora studies/nrescides. 3. Mozion di cumëmbri dla grupa de cunsëi dla Lista zivica Urtijëi n con’ de ngrandì l parch naturel Puez-Odles. 4. Mozion di cumëmbri dla grupa de cunsëi dla Lista zivica Urtijëi y dl cunselier de Chemun Martin Kofler di Freiheitlichen n con’ dl taië pont per pont la registrazion audiovijiva dla sentedes de Cunsëi. 5. Dé pro l bilanz de previjion 2012 di Destudafuech ulenteres

de Urtijëi. 6. Dé pro l bilanz anuel de previjion 2012, la relazion de previjion y de program y l bilanz per plu ani 2013-2014. 7. Dé pro l program generel di lëures publics y l plann de finanziamënt revardënt, ann 2012. 8. Azeté la sëurandata debant de grunc - tòch dla vedla streda statela SS 242 tl C.C. de Urtijëi. 9. Demanialisé plu pertes de grunt. 10. Dé pro l regulamënt n con’ di critères cualitatifs y cuantitatifs per la determinazion dl refudam speziel nia periculëus da traté coche refudam de cësa. 11. Dé pro l regulamënt per fé lëures, cunsënies y servijes n ecunomia. 12. Ngrandì y ressané la scola mesana de Urtijëi - dezijion de mascima n con’ dla realisazion de na garasc sot a tiera o de na palestra/aula magna. 13. Comunicazions.

Aron Demetz a Viena Nstadì iel unì giaurì a Viena na mostra persunela de Aron Demetz dal titul „la natura umana“ Ert - N juebia ai 17 de nuvëmber à l artista cunesciù de Sëlva metù ora tla galaria Castyourart tla Gumpendorfer Straße 55, bën 18 lëures, n valguni de chisc fac ultimamënter. Dlongia si lëures figuratifs bele drët cunesciui, schiche la figures de lën ulache l cë vën curì cun reja, iel da udëi figures zipledes de grandëza naturela che vën pona brujedes (carbonisedes),

y che ti dà na esprescion particulera. Da udëi iel nce lëures de bront, schiche la figura dal titul „Heimat“ (ncësa), che raprejënta na figura stiliseda cun ravises drët fines che muev dai dëic i dai piesc. Na bela metafora. Sciche dij bele l titul dla mostra se tràtel dla reprejentazion te n prim mumënt dla natura umana, ma che va pona via, a bën udëi, tla „conditio umana“, te nosc

vester. Pra chësta ucajion iel nce unì fat n film documentar n con’ de Aron Demetz, drët garatà, ulache l artista prejënta na pert de si lëures, cuntan nce dla realisazion de na figura zipleda dal scumenciamënt nchin al lëur finà. La mostra sarà davierta nchin ai 14 de jené dl 2012. Lorenz "Lel" Großrubatscher

L Cunsëi de Chemun de Urtijëi.

Ti ultimi carant’ani ne n’iel mei stat tan ciaut Tëmp y temperatures ntan l mëns de nuvëmber 2011 te Sëlva (1595 metri)

Aaron Demetz ntan l lëur.

16

www.lauscdiladins.com

N lëur de Demetz.

Tëmp - L mëns de nuvëmber 2011 ie stat plu ciaut che chël dal ann passà cun 2,68 C° de mesana (0,46 C° tl 2010), doi degré sëura la mesana di ultimi 40 ani. + 2,22 C° sëura la temperatura dl mëns de nuvëmber dl 2010. L di plu frëit éi muserà ai 19 dl mëns cun na mesana de 0,17 C° y na minima for ai 9 de nuvëmber de - 4,00 C° dala cinch daduman. L di plu ciaut éi muserà ai 6 dl mëns cun 7,83 C° de mesana y na mascima ai 6 dl mëns de 11 C° ntëur mesa la doi domesdì. L mëns à scumencià sun l burt cun vel’ di mez y mez, dopro iel for stat bel nchin ala fin dl mëns. L ie stat n beliscimo nuvëmbre (l mëns de nuvëmber 1979 fova mo plu bel, ma nia tan ciaut).

N possa dì che nuvëmber ie stat n mëns sun l bel y scialdi ciaut (l plu ciaut da canche scrije su l tëmp). Degun temporal ne n’iel stat ntan l mëns de nuvëmber, mé sies dis cun bruma daduman. Sarëinn iel stat bën vint dis, sies de mez y mez y mé cater dis de bur’ tëmp. Diesc dis iel stat da vënt. Pluët àl bën scialdi puech, te trëi iedesc mé 9 mm de ega. L ne n’ie nia drë mol ncantëur, la funtanes porta mesan ega per la sajon. Ti ultimi dis de nuvëmber ài pudù fé puecia nëif cun i canons, pervia dla temperatures autes. Ai 30 dl mëns ne fòvel deguna nëif nchin su a 2500 metri de autëza. Bën dejenuef dis fòvel da scrì su sun la nverscion termica (plu ciaut alauta che ala bassa).


Gherdëina

nr. 48 / 09 de dezember 2011

Training dla mënt

Rodes Gherdëina cëla inant Nstadì iel stat la reunion generela dla lia Rodes Gherdëina, cun la vela dl cunsëi y program per l 2012

Cësa de Paussa - L vën dantaldut rujenà de fac y ntraunides suzedui canche la persones fova pitles y pona jëunes, esperienzes fates canche les jiva a scola, di juesc da zacan y di lecorc de vita danter i diesc y vint ani. La jënt conta scialdi di tëmps de viera, dla vita da paur da ntlëuta y coche i messova lauré y judé a cësa. L vën pona rujenà de chël che la persones cujinova y dla spëisa che les maiova gën da jëunes. Sëuraprò vëniel purvà a lecurdé chël che ie suzedù dan n mëns, dan n’ena o l di dant, ulache les ie jites, cieche les à maià, coche l ti à sapù y nsci inant. I ghesć dla Cësa de Paussa possa nce cunté coche i

L cunsëi nuef dla Lia Rodes Gherdëina.

Lies - Coche uni ann fina via la sajon de jì cun la roda cun na bona cëina. Chëst ann iela stata tl Hotel Brunello. L presidënt Guido Demetz à rengrazià duc chëi che nes à juda dut l ann, privac, istituzions, y i cumpanies dl sport dala roda. Da dedò a n valgun cunselieres cuntà n curt dl’atività dla lia Rodes Gherdëina. Lecurdon la garejeda tradiziunela cun la peves pra la Raida Ladina, la prejentazion dl furnimënt nuef, la garejeda y curs de roda da mont mtb di jëuni, jites cun la roda, y chëst ann d’autonn la garejeda soziela deberieda cun i

Cun la roda n azion.

Danter l’ativiteies d’uni sofrt che l vën pitedà ala jënt che viv tla Cësa de Paussa, iel nce l training dla mënt, che à la finalità de tenì n forma l cervel y che joa a mëter al ordn pensieres y lecorc

Gherdëina Runners sun Resciesa. Cun legrëza àn udù che la sala dl Hotel Brunello fova plëina de atlec y simpatisanc che ie scric ite tla lia Rodes Gherdëina. Canche fina la sajon de jì cun la roda iel for bel a se ancunté per rujené dla fadies o ntraunides fates. Sambën ulëssi nce tò l’ucajion per rengrazië Fabio Brunello per si ospitalità.

Vela dl cunsëi N ucajion dla reunion generela iel nce stat la vela dl cunsëi nuef dla lia Rodes Gherdëina. Chëstes ie jites ora nsci: Guido Demetz inant presidënt, Herbert Stuffer vizepresidënt, Günther Perathoner cassier, Günther Nocker pulmin y Raida Ladina, Flavio Goller media y jëuni, Georg Schenk magasinier, Viktor Kostner sënta, Salvatore Carnibella, Karl Runggaldier, Helmuth Lardschneider, Thomas Ferrari, Filippo Passaro, Fabio Marcheori cunselieres. Do sies ani de ulentariat à Klaus Galiani tëut la dezijion de ne fé nia plu pea tl cunsëi nuef. Ulon ti sentì gra per dut l mpëni y per l lëur fat. Y cun gran plajëi pudons dì che nce Filippo Passaro y Fabio Marcheori

passova la festes,la usanzes y la tradizions tla families. L vën nce fat juesc, pra chëi che la persones muessa aguzé la mënt, l ti vën liet dant n tòch de storia y la jënt possa dì coche la va a finé. L vën fat juesc da ndeviné, dumandes n con’ de dic y manieres de dì, y l vën nce mparà ite cianties cun tesc´ drët scëmpli. L training dla mënt ie scialdi de utl ala persones, l descëida l nteres y porta pro a fé passé l tëmp te na maniera sarëina y plajëula. Per la Cësa de Paussa, Erica Senoner

se à metù a desposizion a ti judé ala lia te si ncëria da cunselieres.

L program 2012 Per l 2012 iel bele unì fat mpue’ de program. Per ntant iel unì fat ora che Rodes Gherdëina mët a jì la garejeda finela dla Raida Ladina ai 21 de merz, da Plan nchina sa la utia Salei. L ie unì rujenà dla garejeda cun la roda da streda sun Frea y de na garejeda VSS di jëuni sun Ciandevaves/Pana. L curs de mtb cun i jëuni scumëncia tl mëns de mei. L program plu avisa unirà permò ora tl ann 2012.

Training dla mënt tla Cësa da Paussa.

Plata internet Cun legrëza pudons auzé ora nosta plates internet www. ro d e s g h e rd e i n a . i t , w w w. raidaladina.it y w w w. pevesgherdeina.it, ulache l ie mesun giapé d’uni sort de nfurmazions. L presidënt Guido Demetz tol l’ ucajion de ti mbincé tres la USC a duc i cunselieres y a duc i simpatisanc dla rodes n bon Nadel y n bon Ann Nuef 2012. Flavio Goller

Cumëmbri dla Lia rodes Gherdëina. www.lauscdiladins.com

17


Gherdëina

nr. 48 / 09 de dezember 2011

L malan te nëus Uni ann iel l medemo. Ma uni ann iel nce bel, nce sce duc se tëm. L malan va ncantëur, l malan ie tlo, l malan vën for plu y plu daujin

San Miculau zacan

San Miculau, l angiul y i malans tl 1943 a Urtijëi.

Malans a Urtijëi, cun Martin y si mami.

Tradizions - L sëul che ne ova deguna tëma fova Martin. A d’ël ti savòvel bel, a udëi i malans. Che ti ova iusta fat unì l nes fosch. Ma chël toca leprò, se à dit Martin. Y

L malan: burt y rie, o mpo bel y mie?

18

www.lauscdiladins.com

chël ti à nce tëut mpue’ la tëma a si oma, che se à pona monce nfidà a se lascé fé na foto, deberieda cun i malans. Chël ne se ëssela mei nfidà, dan n valgun ani. Ma Martin

ti à dat da ntënder che i malans a Urtijëi ie zeche de normal, i toca pra la tradizion. Y coche da tradizion iel truep jëuni de Urtijëi che se tol la bria, la dl’aurela, l mpëni de fé i malans. Chël uel dì che zachei de familia, mami o lava che l sibe, ti fej l guant, a si mut, a si nepot. Plu che n lëur ie chël amor. Un cun l auter se depënji mus y brac dut da fulim. L ie n gran lëur dovia, a fé l malan. Per tenì su la tradizion. Ma nce ajache uniun sà che l malan ie te nëus, y che l ie miec a ti cialé al malan, che a l scué sot a tepih, a fé finta de nia. Permò da dedò iel bel sce l vën San Miculau, valënt, cun giauloni y biguli y sondles y papes, ajache la vita ie nce surëdl. La vita ie surëdl ajache l ie l fuech, l fuech dl infiern, di malans de Urtijëi. David Lardschneider

Lorfa fata da Albert Moroder Sodlieja senior tl 1924.


Gherdëina

nr. 48 / 09 de dezember 2011

***** L cianton dla Union*****

Union di Ladins de Gherdëina

Prejentazion dl Calënder de Gherdëina 2012 La Union di Ladins de Gherdëina nvieia duc de cuer ai 16 de dezëmber dala 18.00 tla biblioteca dla Cësa di Ladins a Urtijëi ala prejentazion dl Calënder de Gherdëina 2012 Calënder - Truep zitadins de Gherdëina à inò s cr it ar tic uli nteressanc n con’ de argumënc d’uni sort, cumpaniei da de bela fotografies. Coche bele da tradizion iel nce poejies ladines tl “Calënder 2012”, pona mo vel’ storia per l tëmp d’Avënt y chëst ann monce na ciantia da Nadel, n pitl pez de teater da rì (vedl) mo mei publicà y truep d’auter.

Ntraunides nteressantes L calënder di mënsc ie chëst ann unì dedicà a ntraunides mpurtantes La prima plata dl Calënder de Gherdëina tratedes ti “Calëndri” de 2012. A pert vëniel chëst ann nce dat ora la duc chisc ani y che à senià restampa dl prim Calënder de Gherdëina. la storia de Gherdëina. N

à ulù tuché mpue’ duc i ciamps, lecurdé ntraunides nteressantes suzedudes te Gherdëina da canche l ie unit ora l prim “Calënder” nchin a ncueicundì, ti ciamps desvalifs coche chël culturel-ladin, chël sportif, ma nce chël religëus, chël artistich y nsci inant.

Cësa di Ladins, str. Rezia 83, Urtijëi nr. de telefonn 0471 796870, fax 0471 781570 e-mail: info@ulg.it Orares al publich: lunesc y merdi dala 16.00-18.00, mierculdi, juebia y vënderdi dala 10.0012.00.

abelida da na curnisc mujighela cun la Grupa di Corni da Mont de Gherdëina. Ne lascëve nia mucé chësta manifestazion, pra chëla che l sarà nce mesun pudëi cumpré l Calënder de Gherdëina 2012, nce na bela

idea da scinché da Nadel. Trueps se ncunforta bele a pudëi tò tla mans la edizion nueva dl “Calënder de Gherdëina”, publicazion che à te duc chisc ani giapà na luegia de unëur te n grumon de biblioteches privates de nosta cëses!

Restampa dl prim Calënder Ntan la sëira vëniel nce prejentà la restampa dl Calënder de Gherdëina 1911, n gaujion di cënt ani da canche l ie unit ora l prim “Calënder”. Sëuraprò vëniel purtà dant la chertes nueves de audanzes, stampedes chëst ann per de plu sortes de ucajions y desseniëdes dal’artista de Sëlva Ulrica Senoner.

Na bela scincunda da Nadel La sëira dla prejentazion unirà

N valguna chertes da Nadel nueves, desseniëdes da Ulrica Senoner.

Pestaria, refudam maroca y recycling Nstadì iel stat te Sëlva la prejentazion dl sistem nuef per abiné adum l refudam te Sëlva, cun la tle eletronica, la ijules ecologiches y l “kit” Sëlva - Tan de jënt ne n’iel monce no mei stat pra i cunzerc dla Mujiga de Sëlva. La sala dla Cësa de Cultura de Sëlva fova tocia y plëina de jënt. L fova la prejentazion dl sistem nuef per abiné l refudam, n vënderdi sëira ai 2 de dezëmber. L ambolt Peter Mussner, l vizeambolt y assessëur cumpetënt Adrian Senoner y l njenier nciarià per l sistem nuef Corrado Giacomelli à spiegà coche n muessa fé, tl daunì, te Sëlva, cun la pestaria. La va de despartì, per avëi material rezitlabl y avëi l manco che la va pestaria nia rezitlabla.

Trueps à bele giapà kit y tle Bele n vënderdi ai 2 de dezëmber iel stat mesun per la families y i

privac de se tò pea kit y tle. L sistem nuef scumencerà permò cun l ann nuef. Ntant possa mo duc chëi che ne l à mo nia jì a se tò kit y tle te Cësa de Cultura de Sëlva, mo n lunesc, merdi y mierculdi ai 12, 13 y 14 de dezëmber, do che l ie bele stat mesun jì nce chëst’ena. L Chemun ova bele dat inant nfurmazions a puntin sun la plata de Chemun „Sëlva Ncuei“; chiche ëssa perdù la plata possa jì te uni mumënt tla plata internet dl Chemun de Sëlva y se desćiarië la tabela publicheda sun la zaita „Sëlva Ncuei“ n con’ de co despartì l refudam. La maniera de despartì vel per privac y families, ma sambën nce per hotiei, pensions, garnis, residenc y fitamajons. L resta, aldò dla grandëza dla cësa y dla valutazion de uniun, de se tenì la condla dala pestaria nia

La cunlauradëures de Chemun à abù y à n gran lëur a dé ora „kit“ y tleves.

rezitlabla, che vën pona fata paië aldò di litri, o aldò dl volumen, chël uel dì, nia aldò dl pëis!

„Despartì y sparanië“ Coche bele repurtà tla USC nstadì iel un n messaje: “Plu che te despartësces, plu che te sparanies.” Te Sëlva iel unì fat ijules ecologiches, ulache l ie metù ju te tiera, giavei ite, containeri per l papier, la scipa, l refudam organich y la pestaria nia rezitlabla. Duta l’autra pestaria possa unì purteda tl zënter de Piciulëi. Per pudëi jì ite tla ijules ecologiches y tl zënter de Piciulëi muessen avëi la tle eletronica, scenó ne rùven nia ite. Duta la families y duc chëi che paia la chëuta per la pestaria giapa na tel tle. Nsciuma, l ie da se usé a truepa nuviteies, te Sëlva, n con’ dla pestaria. Duc à giapà o possa mo jì a se tò n kit, chël uel dì sportules o tasces aposta per mëter ite scipa, papier, bozes de plastica, bostli. “Per uni sort de pestaria iel na resposta,” dij l njenier Giacomelli. L’idea de basa ie che sce l zitadin se mpenieia pona iel bon de schivé pestaria che pëisa sun l tacuin. Da paië na tarifa saràl nce tl daunì, ma l ie unì laurà ora n tarifer plu avisa, aldò dla families, dla categuries sozieles y economiches; mé per fé n ejëmpl vëniel desferenzià nce danter la butëighes, sce l ie n friser o na butëiga che vënd roba da maië y per la cësa, cun l prim che à manco pestaria che no l segondo. Chësc mé per dì che n à cialà de fé paië plu sun mesura, almanco ràten. I

Da man ciancia: l vizeambolt y assessëur cumpetënt Adrian Senoner, l ambolt de Sëlva Peter Mussner y l njenier Corrado Giacomelli.

hotiei y pensions y garnis y residences y fitamajons arà inant si condla per la pestaria nia rezitlabla, y nce plu condles per l material rezitlabl. La finalità dl sistem nuef per abiné la pestaria

ie chëla de cialé che l refudam nia rezitlabl vënie for manco y manco, de viers de n manejamënt nuef, n daunì cun manco pestaria. David Lardschneider

Tan che duta Sëlva ie unida adalerch te Cësa de Cultura de Sëlva, per audì la nuviteies n con’ dl manejamënt nuef dla pestaria te Sëlva. www.lauscdiladins.com

19


Gherdëina

nr. 48 / 09 de dezember 2011

Secco Abinei La produzion nueva de mujiga dla grupa Secco ie unida prejenteda cun n bel cunzert Mujiga - N vënderdi dan otodì àn nvià a n cunzert tla sala dla Mujiga de Urtijëi tla cësa di jëuni ert y cultura. Chësta sala nianca no tan pitla fova tosc plëina de jënt y do l salut da pert dl assessëura per la cultura dl Chemun de Urtijëi, Lara Moroder, à i Secco riesc scumencià cun n pez drët da druch, che à bel riesc sciaudà ite l’atmosfera lascian sentì al publich iló te sala la pascion y la legrëza per fé mujiga da pert de duc i cater cumpunënc dla grupa: Tobias Delago usc, chitara y armonica a bocia, Peter Demetz bas y segonda usc, Gerald Moroder bateria, percuscions y segonda usc, y Georg Mussner al tlavier y segonda usc. La na se tratova chëst iede nia de n cunzert sciche zënza, che chërda daniëura adalerch truep apascinei jëuni y nce manco jëuni dla mujiga rock melodica suneda dai Secco che lascia nce for inò audì pec de gran suzes di ani setanta y otanta, ma de prejenté si segonda CD dal titul ”Abinei”. A defrënza dla prima produzion iel sun chësta unì tëut su dut cianties scrites dai Secco nstësc y dutes per gherdëina. N à nsci pudù se scuté su un ndolauter i pec nueves, prejentei n iede da un y pona dal auter cumpunënt dla grupa a desmustrazion che duc tla grupa vel unfat y à la medema mpurtanza. Chësc àn nce pudù se audì ora tla pert strumentela, ulache l ti univa n iede dat plu pëis a un n strumënt y pona inò a n auter. Davia che sun chësta CD nueva iel nce n pez cun acumpaniamënt de flicorn, à Jonas Pitscheider de Urtijëi sunà pea ntan l cunzert pra plu pec pitan nsci per chësta sëira na verscion mpue particulera dla cumposizions. La maniera lesiera y da plajëi de coche la grupa di Secco se à prejentà, à duc canc che fova unic adalerch drët sapù da prijé, pudan se goder na bela sëira de mujiga y ne i lascian ala fin nia mé jì nsci zënza che i ne n’ebe cunzedù dant mo n bis.

Secco ”Abinei” Coche dit ie chësta la segonda produzion dla grupa de Gherdëina. Ntan che l prim CD unit ora tl 2009 dal titul “Vëira” fova na registrazion dal vif cun pec scric nstësc y ”covers”, ie “Abinei” unì

tëut su te n studio, plu avisa da Davide Records tla Val Badia. La cianties sun chësc CD ie dutes tla rujeneda de Gherdëina, ora che ”Aperitif ”, che ie n pez strumentel. Duta la 12 cianties ie coche dit unides scrites dai cumpunënc di Secco. Sce i Secco ie cun l cianté per ladin povester tachei a n raion plutosc delimità, ie la tematiches che vën tratedes tla cianties defin universeles. N possa dì che duta la cianties rejona de relazions nterpersuneles, sciche per ejëmpl de relazions danter genitori y mutons, de relazions danter persones che se à gën o nce de persones che se stënta tla relazions cun i autri. Nce pensieres che à da n fé cun la relazion che n à cun sé nstësc abìnen, per ejëmpl tla ciantia ”Sun piza”.

Vel’ pensier di autores sun uniuna dla cianties: ”Aperitif ” ie la ciantia che gëura l CD, n pez che i Secco à mpruvisà te studio de registrazion. A scuté su plu avisa se ntënden che la raida di acorc ie la medema de ”Spana de nés”, ciantia che stluj ju chësta produzion. ”Lanenà” conta de n ël che breva tan bon che l ie a ti la taché al’ëiles, ma ala fin di conc ne ti bùtela mpo no drë… L se trata de na ciantia saurida da scuté su ulache duc i strumënc à feter l medemo pëis. ”No te n jì” ie na ciantia plëina de nchersciadum, sibe tla paroles che nce tla mujiga. Nce sce l cë dij che l ie drët che n lascia ora, ulëssa l cuer mpo mo dì ”no te n jì...“. Do n scumenciamënt ciarià se archieta la mujiga bëndebot, per arjonjer ala fin inò na gran energia, sustenida dassënn dala pert cianteda. ”Sun piza” nasc da n’idea de Martin ”Buldy” Moroder, n bon cumpani di Secco. Datrai iel drët a se fé nstësc n pensier, se damandan a cie che l se paia a ti dé mpurtanza tla vita. Chësta ciantia vën arichida dassënn dal flicorn sunà da Jonas Pitscheider. L solo ala fin ora ti dà ala ciantia na emuzion particulera. ”Set contra un” ie na ciantia plutosc curta, ma scialdi agressiva. Chësta agressività se spidlea nce tla paroles, vel’un se sënt pa bëndebot ghert canche si cumpanies ti tën la scela, ma

canche l ie pona da sëul, pona muda la situazion. La agressività vën sustenida dal ritm dur dla bateria y auzeda ora dal solo de orgun. ”Da pitl” ie propi l cuntrer de ”Set contra un”, na ciantia melodica baseda sun l sonn mujel dla chitara. Cie se lecòrden pa de canche n fova mo pitli, cun ce età scumëncen pa a se ”ciarië” de lecurdanzes? Pensieres che n se fej canche n à pitli mutons. Tla segonda pert, canche l zapa ite bel plan la bateria y la meludies de tlavier y armonica a bocia, àn dl’aurela de crì respostes a chësta dumandes dla vita. ”Paroles” Paroles che pudëssa fé mel, paroles che ufënd y che n ne se desmëncia pa tan snel... Tan ert se féjen pa datrai a se scusé ora? Chësta ie la ciantia plu longia dl CD, la dura belau 9 menuc, ma cun na ntroduziun ulache chitara y tlavier se barata ju la pert prinzipela, amez a n valguna batudes de bateria bela sëules da chëles che l crësc ora l solo de chitara y refrains a plu ujes ie la ciantia scialdi cumpleta , nteressanta y mpo saurida da scuté su. ”Abinei” ti da l inuem a duta la produzion, nce sce la ne n’ie nia la plu reprejentativa n cont dl stil di Secco. La ciantia ie baseda sun l ritm, chitara bassa (nce dopla) y bateria. Nfati, plu che la ciantia va inant y plu che la giapa na semea da ”disco”. ”Hotel Mama” ie scialdi curta y sona belau sciche n retlam, per chël hotel che pieta dut y ne costa belau nia: Hotel Mama. La ie suneda a na maniera di ani ’60, cun l tlavier dal sonn ”Honky Tonk” y la bateria y la chitara bassa che ti dà l drë sgors. ”Superbon” ie na persona segura de avëi for rejon, che dij for si minonga y ne ti lascia valëi nia ai autri. Ma dant o do toma pa nce l superbon sun l nés. Na ciantia ironica sibe tla mujiga che nce tla paroles, dantaldut tla pitla pustejeda tamez. ”Nuvëmber” ie l mëns plu grisc y depressif dl ann, vëniel dit. La paroles va a cuer, l mel de zachei che ie daujin a nëus nes fej povester mo plu mel y sté ert che no vel’ crëusc che nes toca nstësc. L pez ie caraterisà da n ritm scialdi plan y pesoch, la chitara bassa che va ju, mo plu bas che zënza, y l ciantà

L cuiertl dl CD nuef.

belau svaià spidlea l sentimënt de dut chësc. ”Spana de nés” juda a ruvè inò ora dal sentimënt depressif, belau negatif dla ciantia dant. Nce sce la sceca datrai ne dëssen nia la dé su, n dëssa inant se purvé, datrai nce ti la vaghé, che dant o do bùtela! Tlo iel mé usc y tlavier, ma la ie mpo na ciantia che ie nasciuda da pensieres, ideies y mpëni de duc cater i Secco!

Ma can se à pa i Secco perdrët metù adum? L fova l ann 2002 y l fova iust passà n ann da canche i ”Revel” ova tenì si ultim cunzert, ulache l fova, ora dla furmazion tradiziunela, n chël iede nce leprò Georg Mussner cun l tlavier. Ël y Tobias Delago se à dopro abinà datrai per suné deberieda. Nsci ovi mparà ite n valguna cianties, l fova la gran cianties tlassiches dl rock de grupes coche Eagles, Supertramp, Elton John y n.i.. Chëstes ovi pona sunà dant l prim iede d’ansciuda dl 2002 te na ustaria. Plajù ài dassënn cun si revival de ch’sta vedla cianties. L ann do se à tacà ite mo n ex Revel, Gerald Moroder cun la bateria y mo n ann do Peter Demetz bassista di Helios, duc adum cun la medema pascion per la mujiga.

Per l’ultima edizion dl Ladiniatour ài pona scrit n trëi cianties per gherdëina y da chësc mumënt inant ài scumencià a se dediché deplù ai pec scric nstësc, lascian vester bel plan i covers. Te chisc mo nia cis 10 ani de atività, ài sunà ntëur n 70 iedesc, scialdi te ustaries o te de mëndra sales y pra festes, ulache duc se devertiva da mat a scuté su y balé sun si mujiga. I fova na grupa for plu y plu damandeda. Nce sce duc cater ie ntant peresc de familia – de chël àn nce pudù se ntënder ti cuntenuc dl’ultima cianties – y à nce si mpënies de lëur, abini mpo for mo l tëmp de se dediché ala mujiga y vester scialdi produtifs. Sun la dumanda de ciunes che ie la sudesfazions a fé mujiga coche ëi fej, nes à Tobias Delago – che n possa dessegur cunscidré mpue l’ana dla grupa – respundù che l ie na gran sudesfazion a udëi che la jënt ti scota su y mët nce scialdi a verda a cie che i cianta, y pona iel bele bel a suné deberieda, mplu iesi nce deventei de bon cumpanies y chël vel ënghe truep. Dessegur se ncunforta truep de si fans bele sun l proscimo cunzert di Secco, ma śën cun l CD nuef àn la ucajion de se i scuté te uni mumënt canche n uel.

I Secco cun Jonas Pitscheider al flicorn, che à sunà pea per chësta ucajion. www.lauscdiladins.com

21


GherdĂŤina

22

www.lauscdiladins.com

nr. 48 / 09 de dezember 2011


Gherdëina

nr. 48 / 09 de dezember 2011

I Kostner da Stlejuc Jon inant cun la segonda pert dl articul n cont dl lën de descendënza di Kostner da Stlejuc de Urtijëi publicà tla Usc di 11 de nuvëmber y dla gran stëila dl film, Kevin Costner, che aldò de nrescides fates dal prof. Edgar Moroder, pudëssa vester n descendënt di Kostner che univa da Bula ju Families - L plu vedl antenat de Kevin, che messëssa vester unit ju dal pitl mesc de Costa sa Bula, se n ie jit da Gherdëina bele ntëur l ann 1620. L prim emigrant di Costner da Bula dëssa vester stat n Adam (Odum) Costner. Adam fova n mut de Christoff Costner (za. 1540 - 1596) da Bula y de Ursula Schgortiarin (da Scurcià). Christoff fova patron de doi mejes: l mesc de Costa y chël de Dëur (Unteruhr), for sa Bula. Adam fova nasciù ntëur l 1581, si fredesc Leonhardt y Valier y la sor Anna fova nasciui danter l 1575 y l 1579. Sun l lën de descendënza metù adum da Hanns Engl ne iel purtà ite nia che Adam Costner fossa stat maridà. L fat che Adam ne fova ntëur l 1605 mo nia maridà, fej pensé che l se n ie jit demez da Bula. Pian da Bula demez se n ie pa bën mo de tei jic tl furest, a sté datrai scialdi dalonc, persones da talënt, no mé dan cënc de ani, ma nce tl ultimo secul. N valgun mënsc do mi lëtra tla California, me à anda Milia Insam, la vëidua de bera Hermann Kostner da Stlejuc cuntà, che n di ie cherdà n patin tudësch da d’ëila y ti à cuntà feter la medema storia dla pruvenienza de Kevin Kostner. Chësc patin ne cunesciova sergur de no l archivar dl Chemun de Sacramento. Kevin Costner, chësta gran persunalità dl film, se dedichea da n doi ani incà plu ala mujiga moderna che al mond dl film. Ël nstës sona n doi strumënc pra na grupa de mujiga che ël à metù su. Dan zirca trëi ani à Kevin Costner cuntà tla televijion tudëscia che si plu vedl antenat Costner, ntëur l 1600, ova inuem Adam y fova dl Südtirol. Sce chësc stimenea, pona ne fóssel nia puech! Pra i plu vedli Costner da Bula, tla prima sies generazions, vën l inuem de familia for scrit cun ”C” y nia cun ”K”. L pustom C ie ortograficamënter drët, ajache chësc inuem vën ca da Costa, Cost (Geländerippe, Leite), che nchin tl 1650 ne univa mei scrit cun ”K”. Di inuemes dla familia Kostner, ie Costa l plu vedl, pona vën Costner y permò ti ultimi, zirca 250 ani, vëniel ades for scrit Kostner. L ie da se fé marueia, sce la ie mo al didancuei nscila, che mé a New York dëssel viver ntëur 150 persones

L cuiertl dl liber scrit da Silvana Silvestri sun Kevin Costner.

cun l inuem Costner. Sëura l majer stradon de Chicago pòssen liejer l inuem Kostner Avenue, scrit grant. Ciun Kostner dl’Amercia arà pa abù l gran unëur che si inuem ie da liejer sëura n stradon. Do la bela cunferënza de Hanns Engl sun i Kostner, me à un damadà: “Se pàiel pa a fé na tueda tan granda y ria per na familia tlo da nëus?” Sun na tela éi respundù nsci: “Sci, l se paia, dantaldut per savëi, chi che nëus son.” Ntëur l 1980 se à Kevin Costner maridà cun Cyndi Silva y ie pona deventà pere de doi mutans, che se tlama Lily y Annie y de n mut. Dl gran atëur Kevin Costner scrij la Brockhaus Enzyklopädie: Kevin Costner, atëur, reghisser y produtëur de films, american, ie nasciù a Los Angeles tla California ai 18 de jené dl 1955. Ël fej dai ani 1980 films n prima persona. Repurton tlo i inuemes de n valguni de si films cunesciui belau sëura dut l mond: “Fandango”, propi n bel film de jëuni y jëunes dl’America ti ani 1970, n film cunsià y finanzià dal reghisser american cunesciù Steven Spielberg. Chësc film à auzà dassënn l carisma de Kevin. “All American Boys” 1979; “American Flyers” 1985; “Easy Rider”; “The Untouchables”, 1986; “L’uomo dei sogni”; “Indiana Jones”. Tl 1985 àl nce fat l film “Silverado”, n film western cun pistoleros tipich per Kevin Costner. Silverado ie n pitl luech tla pert uzidentela di USA. Bën si majer suzes tl ciamp dl film ie n western grandiëus di Indians dl’America dal titul “Dance with the wolf” (Bala cun l lëuf ), 1990. Pra chësc film à Kevin fat l prim atëur y tl medem tëmp nce da reghisser. Te chësc film da stramp bel y nteressant, che dura cater ëura, rejona i Indians Sioux per l prim iede te n film si rujeneda lakota, n lingaz nia indoeuropeich, na rujeneda de chëla che nëus ne ntendon nët nia, n lingaz parënt cun l navaho. Per chësc film ie Costner unì premià cun bën set Oscar. Pona àl danter l auter mo fat i films: John Fitzgerald Kennedy (sun la mort a Dallas tl Texas), 1991; “Robin Hood” (rë di leresc), 1991; “Waterworld” (n film dla gran mpurtanza dl’ega), 1995; Open Range (gran raions), 2003. Sibe coche atëur che coche reghisser àl fat de ndut plu de trënta films. Kevin Costner ie propi na bela persona. Te duc chisc ani, do che ove mandà ch’la lëtra al Chemun de Sacramento éi pensà do suvënz a chi che Kevin de Los Angeles pudëssa semië. Sé bën che chësc ie n argumënt scialdi zite. Danter uemes Kostner da Stlejuc d’al didancuei pudëssel mpue semië a Raffael dl Aiut Alpin, ma nce a doi de si nepoc, mutons dl fra Igor Kostner. La genealogia, la scienza dl stude dla families, nsënia che persones de una na slata se semea datrai per cënc de ani, per ejëmpl i renianc di Habsburger tl’Austria, ulache pudon cunscidré te portrec dal 1500 inant nchin tl ultim secul, mé per dì belau l medemo nés. Povester pudëssa Kevin Costner nstës nes dé na man a crì si antenac

Kostner Avenue, na gran cuntreda de Chicago.

plu vedli. Studië duc i Kostner de Gherdëina, nce chëi de Sëlva y pona i truep Kostner tl’auta Val Badia, bën nia o puech parënc cun i Costner da Bula y chëi da Stlejuc, na tel tueda fossa mo plu ria da fé y plu longia. Tl ann 1991, canche Kevin ova permò 36 ani, iel unì stampà n liber cun na biografia dl atëur cunesciù, cun l titul “Kevin Costner Biografie” de Keith Todd, editëur Heyne, a Minca. Te chësc liber iel scrit danter l auter che l ie de descendënza dl’Irland da pert de si oma y dai Paejes Tudësc da pert dl pere. Tl 1998 iel unit ora n bel liber sun Kevin Costner per talian, cun 128 plates y truepa fotografies nteressantes, scrit per talian dala biografa Silvana Silvestri, editëur Gremes, Roma. La Silvestri scrij te chësc liber: “Kevin Costner ie nasciù a Lynwood, daujin a Los Angeles. La familia Costner ie ruveda tla California dal Oklahoma.” A plata 5 de chësta biografia scrìjela nce: “Kevin Costner è da parte del padre di origine tedesca (danter chisc univa zacan per cënc de ani calculei

nce i Ladins), da parte della madre è di origine irlandese. Questa miscela rende Kevin tipicamente internazionale e gli dà anche originali caratteristiche di tenacia e d’autonomia“. Kevin y si pere Bill Costner, de mestier eletricher, ova cunesciù, canche Kevin fova mo pitl, persunalmënter l desseniadëur renumà y produtëur de films d’animazion Walt Disney (1901 1966). Disney ie na persona cunesciuda mpue sëura dut l mond. Nce ël abitova a Los Angeles tla California. Śën pudëis liejer na cossa ades nia da crëier. L’ava de Walt Disney fova na Call de Al Plan de Mareo tla Val Badia. Disney ova abù gran suzes l livel mundiel cun si films, tl prim desseniei y pona depënc: Mickey Mouse (scumencià tl 1927), Donald Duck, 1932, pona “Schneewittchen y i set morcs”, 1937, pona “Bambi” tl 1942, per numiné mé i plu cunescui. L ie dessegur rie desmustré che Kevin ëssa abù antenac Costner tan

dalonc da si ncësa d’al didancuei. Ma l ie nce rie desmustré l cuntrer. Śën fóssel bën ëura che vel’ jëunn o jëuna dla gran slata di Kostner crissa do n cont de Kevin Costner cun i njins eletronics d’al didancuei. N cunsëi de chësc viers, dessegur nteressant, fossa crì do te un di doi stati di USA, tl Montana o tl Utah. Iló iel bele dai ani l majer computer dl’America, povester dl mond. Iló ie scric su anagraficamënter ades duc i zitadins di USA, dl Canada y de plu stati dl’Europa, nce dla Talia. Iló pudëssen unì sëura sun truep. Chisc doi articuli per la Usc éi praticamënter scrit per uneré l grandiscimo lëur de tueda sun la families Kostner de Stlejuc, fat n gran pert da Hanns Engl de Bulsan. Leteratura de referimënt: Silvestri Silvana ”Kevin Costner”, Gremese Editore, Roma, 1998 - Todd Keith: “Kevin Costner” Biografie, Wilhelm Heyne Verlag, München, 1991 Brockhaus Enzyklopädie, liber nr. 6. Prof. Edgar Moroder

Fotografia n ucajion dla noza d’or de bera Heinrich Kostner da Stlejuc. Davia che l n ie stat deplù che se à damandà sce l fossa mesun nrescì i inuemes de duc chisc che ie sun la fotografia, prions bel sce l ie zachei che savëssa chi che chësta persones ie, de l fé a l savëi ala redazion dla Usc. Mpue coche l vën bele da n struf incà fat sun la plates dla Val de Fascia uniràl pona te n segondo mumënt publicà la fotografies cun duc i inuems. www.lauscdiladins.com

23


Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

nr. 48 / 09 de dezember 2011

Zenter zenza auti a Vich L’é stat enaudà la neva strèda, che darà l met de serèr al trafich l zenter del paìsc fazile jà chest invern

L tai de la veta l’é stat l moment “clou” de l’inaudazion de la neva strèda.

Vich - L’era raprejentà duta la comunanza en sabeda passèda a la zerimonia de inaudazion de la varianta de Vich, la strèda che tolarà zacan demez l trafich dal zenter del paìsc. La Jonta de comun, l’autoritèdes locales e provinzièles, la Musega da Vich, la sociazions de paìsc con i Maestres de schi, l Socors da Mont, i Studafech, i Alpins, i Paicenadores e n grum de sentadins, enceben che la giornèda no sie stata anter la miores dal pont de veduda meteorologich, i

à tout pèrt a l’event spetà da egn e i à scutà la paroles de l’assessor provinzièl Alberto Pacher, ruà per l’ocajion: “La varianta ge ret al paìsc sie zenter che doventa ades n’area urbana zenza trafich”. Pacher l’à ence aprijià n muie la bela acolienza che ge é stat resservà da noscia jent. Emozion e content l’é stat palesà da l’ombolt da Vich Franco Lorenz Meca che à sotrissà che l’òpera é stata possìbola de gra a la aministrazions da dant che les à envià via l percors, a la Provinzia

se sà ben e ai sentadins che à sapù spetèr. N rengraziament l’é jit ence a la firmes Collini e Misconel che à realisà la strèda. Ence l’assessor Luigi Chiocchetti se à dit sodesfat e l’à auspicà che chest sie n travert ma ence n pont da olà pontèr via per arjonjer etres obietives. L’à recordà defat che ence la circonvalazions de Ciampedel-Cianacei e cheles de Soraga e de Poza speta amò de vegnir realisèdes. A chest propojit l’assessor Pacher à arsegurà che “la Provinzia seghitarà te la òperes stradèles che à n peis su la calità de la vita di sentadins, ence se l Goern nazionèl ne chiamarà a n nef contribut economich. Chesta sort de òperes conservarà aboncont la priorità de nosc program de intervenc”. Dò i descorsc ofiziai e la benediscion del piovan da Vich don Erminio Vanzetta, l’é ruà l moment del tai de la veta: l’ombolt Franco Lorenz, didà da l’assessor Pacher e a la prejenza de la Procuradora Cristina Donei, de l’assessor provinzièl Luigi Chiocchetti e di funzionères provinzièi enjegneres Raffaele De Col e Luciano Martorano, l’à abù l’onor de averjer ofizialmenter la strèda. La zerimonia se à serà sù con na viva e n marendel enjignà da

l’aministrazion e sport a duc tel local sot la scola populères.

Numeres e dac de l’intervënt La statèla 241 del jouf de Ciareja l’à na gran emportanza tel sistem regionèl de la strèdes ajache la taca la statèla del Prener con la SS 48 de la Dolomites e la spartesc bona pèrt del trafich anter Busan e Cianacei, Moena e Pardac. Via per la sajon da d’istà l trafich mesan l’é de presciapech 4 mile auti en dì, con momenc olache se passa via ence i 7 mile. Fin ades la strèda che rua da Ciareja ju la passèa fora per l paìsc de Vich. L’òpera, pissèda donca per librèr l zenter dal trafich e miorèr l’azess ai impianc portamont de Vich, la é

stata spartida te doi intervenc del cost en dut de 9,30 milions de euro: l prum, avert al trafich jà de aost del 2010, col nef pent sun ruf de Pantl, che desvìa l trafich envers la neva circonvalazion e apontin la strèda enaudèda ades, portèda a compiment te cater egn. Longia 525 m. e lèria 8, la strèda é classifichèda de categorìa F e l’à doi utèdes e na galarìa artifizièla de 97 m. Enlongia l percors l’é pervedù i marciapé de porfir per chi che va a pe e òperes per miorèr l’inseriment ambientèl con èlbres, sieves, parèdes fonoassorbentes de legn e l’instalazion de sparàngoles de protezion de legn o legn e acèl. Ades mencia amò l coleament anter strada Rezia e la neva circonvalazion, lurier che vegnarà fat amò dant che vegne Nadèl. (cri.m)

Autoritèdes locales e provinzièles se à binà per la zerimonia.

No l’é assà demò la rodadoa de Parèda Longia sentèda te Comun de Cianacei che à vedù desvaliva discuscions sui ponc più emportant a l’orden del dì

La prejentazion del “Piano Stralcio de la mobilità” al Consei del Comun de Cianacei.

Cianacei - Durà 4 ores, l Consei de Comun de Cianacei stat en mercol ai 30 de november l’à trat cà tropes argomenc, lascian per ùltim la discuscion sul “Piano Stralcio de la mobilità” proponet dal Servije Infrastrutures de la Provinzia de Trent, de chel che l’é jà stat rejonà ence te etres paìjes de Fascia. Per chel che revèrda apontin Cianacei, la varianta proponeta e che jissa ben fossa chela che partissa da la rodadoa aló da Pent de Sera a Ciampedel e la jissa en ite te galarìa enscin aló da Ciasates per dapò passèr via i pré, l ruf e ruèr a la rodadoa de Parèda, tedant a l’Hotel Ciasel. L’é proprio l pont de ruèda de la neva strèda che no ge à comedà a la mendranza, più avisa a Gigio Dantone e Enzo Soraperra, che i domana de aer na soluzion desvaliva che fae a na vida che no rue dut l

24

www.lauscdiladins.com

trafich te chela pìcola rodadoa. Ic proponessa de jir fora con na strèda mìngol più en ite, envers Dèlba coscita che n doman - disc Enzo Valeron – se podessa se leèr co n’autra strèda che rue fin al prum torniché de la strèda che va sui jouves. Chesta proponetes da ge manèr a la Provinzia les podessa ampò slongèr i tempes de realisazion de l’opera (che scomenzarà del 2013) e per chest l’assessor Enzo Iori à palesà la volontà de portèr inant l projet coche l’é, e de ge domanèr a la Provinzia n’autra possibola strèda che vae ence ta Dèlba. Gigio Dantone à rebadì l besegn che la vegne amàncol metuda ite sobito “se no, desche semper, dò sarà massa tèrt”. Apede a la strèda te paìsc, l’é stat rejonà ence de la proponetes per l jouf de Sela, dijan che la soluzion

de la PAT no la va tant ben ajache no la tegn cont de l’idea de l’aministrazion de fèr na galarìa tedò l’Hotel Maria Flora sun Sela e sun Fedaa: vegn domanà fort che vegne fat galarìes avertes e no se peisse de poder jir inant con la doura di gasex.

Varianta del 2010 del pian regolator En cont de urbanistica à soscedà vèlch critica ence l pont 10 a l’orden del dì en cont de na varianta al pian regolator aproèda te Comun amò de mèrz del 2010 che à ciapà enstadì vèlch osservazion da la Provinzia. Più avisa vegn scrit che per l restaure de chi dotrei fabricac sa Lorenz e sal Vera l’é debesegn de n pian complessif de “recupero” spezifich per la frazions en costion e dapò la Provinzia vel ence che

per la forenadoa Dèlba- Col di Rosc vegne fat la VAS (Valutazion ambientèla strategica). Riccardo Nemela e Enzo Soraperra de la mendranza à domanà che l’aproazion de chest pont vegne sburlèda al consei dò, ajache no n’é stat rejonà te la comiscion urbanistica e no l’é n pont sorì, ma la maoranza no à azetà, dijan che se podarà n rejonèr ence dant che se rue a la seconda adozion de la varianta. La votazion sun chest pont se à donca serà sù con 10 stimes a favor, 1 de contra (Enzo Soraperra), e 4 astegnui (Bernard, Nemela, Dantone e Debertol).

Stadie de la giacia N auter pont che à empegnà i conseieres per na bona ora l’é stat l’istituzion del servije publich per l stadie de la giacia de Dèlba per l’afidament de la gestion de l’impiant sportif, ajache a la fin de chest an jirà fora l contrat a la sozietà G.I.S.P.O. Tour S.r.l che à en gestion dut l stadie. Sarà n contrat dal 1^ de jené del 2012 enscin ai 31 de dezember de 2015, ge volarà tegnir avert per amàncol 7 meisc a l’an (3 d’istà e 4 d’invern) e se cognarà se cruzièr di agravies su la gestion ordenèda, la manutenzion e l’energìa eletrica de competenza (ampò l’80% del consum de gaselech l’é su la spales del Comun). Chi che se tolarà sù la gestion i arà la pista

de la giacia, i deregoladoes, la sales per fitèr i feres, i doi bares, la palestra, l cartier al prum pian, la sala stampa e la boteiga. No vegn gestì enveze l’impiant fotovoltaich che l’à n’autra concescion a inom de la Sportiva Hockey Club Val de Fascia, e i garasc e l magasin te la pèrt sud-est del fabricat che i é del Comun. La mendranza à uzà fora dubies soraldut en cont al problem de la gestion de l’energìa eletrica e di consumes de l’impiant fotovoltaich. L’ombolt à fat a saer che ades, col fat che se à metù ite l “servije publich”, l Comun podarà aer n control maor de la gestion del stadie e fèr respetèr oraries, tarifes e dut chel che l’é stat metù tel contrat, che no l’é desche tel privat. L’assessor Enzo Iori, tinùltima à fat a saer che, enceben che l stadie sie n gran cost per l Comun, no se n pel fèr con de manco ajache se no fossa empossibol tegnir en pé la gestion del fabricat. A la fin duc 15 i conseieres i à lità a una per l’istituzion del servije publich e per fèr pontèr via la gara de apalt per la gestion. L dubie ampò resta te anter i sentadins sul percheche la gestion del Stadie de Dèlba, olache va su la giacia bec da duta Fascia e jia la soula squadra de Serie A de dut l Trentin, cogne pesèr demò sul Comun de Cianacei. Valentina Redolfi


Fascia

nr. 48 / 09 de dezember 2011

L Comun general de Fascia no l pel vegnir spartì La mozion portèda dant da Emilio Talmon al Consei general à abù 28 stimes de contra, 2 a favor e una astenjion Politica - Fosc, n’outa per dutes, l’ùltim Consei General à metù la parola fin a la costion “Moena ladina o no”. No l’é stat bandiera de la 7 regoles de Fascia e cartograf ìes spezifiches che tegne. La mozion portèda te Consei da Emilio Talmon sui confins storics del teritorie ladin-fascian à abù 28 stimes de contra, 2 a favor (Emilio Talmon e Luca Guglielmi) e 1 astegnù (Nicola Ganz). Tedant a dut l Consei, Talmon à let jù enstes la mozion che l’aea prejentà e che disc che “l’Autonomia Ladina Dolomites, a la enrescida de la verità storica de la crescimonia culturèla e economica del Popul Ladin, no la pel no segnalèr a duta la popolazion ladina e a la Autoritèdes e a la Istituzions, l fat che la cartograf ìa anchecondì publichèda, ence a livel provinzièl, la someassa falèda e la sfaussassa i reèi confins de la mendranza etnica ladina. L fal cartografich fossa che l paìsc de Moena l’é ite te Fascia”. A sostegn de chest te la mozion vegn portà 7 documenc enjonté, na citazion touta sù da un di libres de Carlo Artoni olache l’é scrit che: “del 1803... l secolèr confin politich, metù a sud de Soraga, l spartìa la Comunanza de Fascia da la Magnifica Comunità de Fiem”, e amò vegn portà i dac del Dombrament del 1910 ruan enscin anchecondì canche Moena la se troa a aer n auter comprenjorie de schi, na desvaliva gestion di giagres, di studafech e di bosć e che donca, per dut chest “La Fata de la Dolomites no l’aessa derit a fèr pèrt de Fascia” e vegn domanà che “l Consei general l rejone a na vida fona e spezifica de l’argoment en costion e donca l deliberee per sotrissèr l’emportanza storica e l’atualità di confins segnalé sora per n renforzament di valores de

partegnuda e de identità e per na mior gestion del teritorie de la popolazion Ladina – Fascèna”. Sun chest tel Consei se à levà desvaliva respostes, da cheles più fones e tel sentiment ladin de Marcellino Chiocchetti Cenchen che l’à portà dant studies universitaries europeans e fac storics documenté su la prejenza de desvaliva persones da Moena che se à dat jù fin dal scomenz per arjonjer l status de mendranza ladina. Dapò, contra la mozion del conseier Talmon, l’é stat i intervenc de Francesca Dorich, Norbert Bernard e amò de la Procuradora Cristina Donei. Te la declarazion de stima, l conseier Luca Guglielmi, enceben che l’abie palesà de no esser a favor de na spartijon de la val, l’à sotrissà che se te la mozion l’é demò da recognoscer n confin storich, l’é giust l recognoscer percheche l’é n confin reèl. A sostegn de l’unità de la Val e no de la spartijon de Moena, al President Cesare Bernard ge é stat prejentà ence na “contromozion”, leta jù da Franco Lorenz e firmèda da duc i ombolc de la val, da la Procuradora e da n muie de conseieres che con forza i à domanà al Consei general “de tor ofizialmenter posizion per sostegnir con ferma convinzion e per sotrissèr con forza chel che disc l’articol 1 del Statut del CGF, conantadir che l teritorie de l’Ent l corespon ai teritories di Comuns de Ciampedel, Cianacei, Mazin, Moena, Poza, Soraga e Vich e l no pel vegnir spartì”. La votazion de chesta “contromozion” met fosc n’outa per dutes la parola fin, ajache di 31 conseieres demò Talmon se à dit de contra, Ganz l se à endò astegnù

e duc i etres 29 (ence Guglielmi) i se à dit a una. (vr)

Etres ponc Sui etres ponc a l’orden del dì se é jic inant belebon sorì. Con duta la stimes a una l’é stat aproà la mozion per tegnir sù la senta de Ciavaleis del Tribunèl de Trent e l pian organich di intervenc de politica linguistica per l’an 2012. La soula domana sun chest pont la é ruèda dal conseier Emilio Talmon che l’à domanà chi che l’é la sociazion Fassa Lux percheche ence ela, ensema a autra sociazions o jent, à portà dant n projet per l pian linguistich. La domana de Talmon à troà resposta dal conseier Gino Fontana che l ge à dit che a la sociazion Fassa Lux ge vegnarà fat na intervista su La Usc di ladins. Nos speron dassen che per la setemèna che vegn la domanes jà manèdes per mail ai responsaboi de la sociazion les troe responeta. L’é stat aproà ence la convenzion coi 7 comuns per regolamentèr adum la regoeta de fonches e i regolamenc del Comun general. Sul regolament del funzionament del Consei de Procura l’é stat portà dant n emendament su l’art 12, comma 2 e 3, su l’incompatibilità di aministradores che farà pèrt del consei de Procura, che ampò no

La Procuradora Cristina Donei à rebadì l’unità de Fascia.

l’é passà, donca i limic che arà n aministrador per podèr lurèr per l CGF i é resté a 50.000 euro per i lurieres e a 25.000 per la consulenzes. (vr)

Neves da la Procuradora A la fin del Consei la Procuradora Donei à portà dant vèlch neva sul Comun general. Aldò de la Linies programatiches, che perveit che ogne an vegne dedicà a n tem particolèr, l’é stat dit che l 2012 sarà l’an de la Formazion dal pont de veduda sozièl, economich, ambiental e per duta la desvalives fasces de età. L’é stat metù en consaputa del finanziament per fèr fora la caserma neva senta de l’Anffas e che l’é stat tout sù 2

operatores sozio sanitères per l CGF che tacarà a lurèr dal 1° de jené. Autra informazions é ruèdes sun doi conzerc che vegnarà endrezà per didèr la sociazion Lifeline Dolomites: te gejia de Poza ai 16 de dezember col Cor Valfassa e l cor di joegn, e te gejia de Moena ai 21 con Angela Chiocchetti. Tinùltima l’é stat fat a saer che se é dò che se laora per meter en rei l sit internet del Comun general e chi de duc i Comuns de Fascia, e amò en cont de tecnologìa la Procuradora à avisà che l’é a la leta de duc chi che n’aessa debesegn l nef strument per fèr videoconferenzes, posizionà te sala grana del Comun general, che l’é stat comprà da la PAT per 60 mile euro. (vr)

I conseieres del Comun general de Fascia à tout dant enstadì la mozion de Emilio Talmon.

Cognoscer, per miorèr nosc davegnir Con Tiziano Salvaterra che à rejonà del svilup di raions da mont, e Fabio Chiocchetti che à rejonà del percors cultural e politich fat te Fascia, se à serà sù la scola politica de la UAL Politica - Se à serà su con bon ejit la 3^ edizion de la scola politica de l’Union Autonomista Ladina, endrezèda soraldut de gra a l’empegn de Teresa Lorenz e Andrea Rizzi, per n publich en gran pèrt de joegn. Te una de la ùltimes scontrèdes l’é ruà a Sèn Jan Tiziano Salvaterra, dozent de economìa e da semper n muie ascort a la problematiches di joegn e de la formazion, envià a rejonèr de chel che l’é – à dit Andrea Rizzi – un di fatores più emportanc de l’economìa: l “capital uman”. Gé me cruzie de svilup local di raions da mont d’Europa, – à dit Salvaterra - raions che, desche chel de Fascia, n’outa i era purec, anché i pel esser riches, e no se sà colun che podarà esser so davegnir. Chest davegnir l’é te man de chi che vif te chisc teritories, e anchecondì per ic l’é più senester cerner l troi giust, ajache la globalisazion ne tol la libertà de

cerner, la ne lea tant a livel educatif che economich a dinamiches che vegn dezidudes utró e dalonc. Él donca amò lèrga anchecondì per l svilup de na comunanza da mont? E che él che determinea sia vita? N teritorie vif percheche vegn desfrutà sia ressorses e prodoc, de ogne sort (naturèl, finanzièl, tecnologich e c.i.) che demò se i vegn desfruté i doventa “valor”. L’om da semper chier de fèr chest tant mudan so teritorie, ampò no semper l crea valor, vèlch outa alincontra l lo dessata, se l “cost” l’é maor che si benefizies. Se cogn donca semper se domanèr se chel che fajon à maor cost o maor benefize, e chi che l’é che paa e chi che se miora, te n valor no demò economich ma complessif. Per esser bogn de jir envers n svilup de ben-stèr (e no de ben-aer) cognon donca esser bogn de se librèr dai leames, che no ne lascia cerner ma demò “jir dò”, e podon

se n librèr demò travers la cognoscenza, che l’é la capazità de saer vèlch, l fèr tie e l fèr doventèr vèlch de ùtol per la vita. Emparèr a se orientèr te la sozietà olache se vif: demò a chesta vida la ressorsa umana pel doventèr dassen “capital”. Someèa n argoment deldut desferent, chel portà dant te l’ùltima scontrèda da Fabio Chiocchetti, diretor de l’Istitut cultural e militant che à vivù en pruma persona l percors del moviment ladin, chiamà

Tiziano Salvaterra e Fabio Chiocchetti à portà so contribut a la scola politica de la UAL.

a fèr n excursus storich per cognoscer i vèresc che à portà Fascia, con l’Union di Ladins dant e a la UAL dò, a arjonjer i recognoscimenc giuridiches e istituzionèi che ades aon. Pean via dal 1945, canche “Jent ladina Dolomites” domanèa recognoscimenc a livel cultural, politich, istituzionèl, aministratif, giuridich e economich, Chiocchetti à recordà la “utèda politica” de l’Union di Ladins ti egn ’70, e l’intuizion de Danilo Dezulian dal Garber che del ’83 à fat nascer la UAL. E dapò la candidatura e i evenc che à portà Ezio Anesi a raprejentèr i ladins a Trent e a Roma, e Bepe Detomas al Parlament, che ge à fat arjonjer e fosc despassèr ai fascegn l livel de tutela che aea i ladins del Sudtirol. Enscin al ’97, canche la UAL aea endrezà te Fascia n convegn con esponenc politics de desvalives partic e teritories per rejonèr de

“La rejons de la mendranzes tel davegnir de l’autonomìa” e olache (enlouta Chiocchetti l’era secretèr politich de la UAL) l’era stat dessegnà l percors de na politica concreta envers traverc arjonc, desche l Comun General e na scola ladina autonoma, o manco arjonc, desche na mior colaborazion anter istituzions autonomes ladines. Na piata de storia che podea someèr deldut desleèda dai conzec economics e de svilup de Salvaterra e da chel fil che à vidà la scontrèdes de chesta terza edizion de scola politica de la UAL, ma che enveze la se lea ite patoch. Defat ence i pionieres che à segnà la storia culturala e politica de Fascia l’é ejempies de coche n “capital uman”, fat de ferstont e anteveder, ma ence de ideèi, valores e desponibilità, à sapù esser “capital economich” per l svilup de noscia comunanza. N ejempie da no desmentièr. (lg) www.lauscdiladins.com

25


Fascia

nr. 48 / 09 de dezember 2011

Recorc de Sèn Nicolò a Moena

Le aventure de Gasparotto

De bela statues de legn, trates cà da Franco Dezulian, les moscia l lurier di studenc de la Scola d’èrt del Zerilo Dellantonio Bora

I bec de “I Amisc del Teater” de Moena à spilenà na gustégola comedia per la rassegna provinziala de teater amatorial

Momenc de la comedia spilenada dal grop de bec de “I Amisc del Teater”. La statues de legn zipièdes per la tradizion de Sèn Nicolò a Moena.

Reinhold Cigolla con sia statua.

Èrt - Enstadì nosc fideil letor Reinhold Cigolla de Fieck l’é ruà te senta de La Usc a Sèn Jan per ne contèr de n bel recort leà a la tradizion de Sèn Nicolò, vivù acà n muie de egn, canche l’era n joen student a la Scola d’èrt del Zerilo Dellantonio Bora. L recort l’é vegnù cà percheche Reinhold l’é stat chiamà da Franco Dezulian che l ge à domanà de jir a firmèr la statues che l’aea fat enlouta con duc si compagnes de scola, apontin a Moena e che les

Chest l’é stat segur n bel recort per Reinhold Cigolla che l’à fat la statua de Sèn Nicolò sul musciat ma ence per duc chi zipiadores che i à fat i etres personajes. De chisc l’era: Battista Defrancesco “Zanòt, cicino”; Giovanni Defrancesco “Giuselon”; Flora Dellantonio del Tomasin che l’aea fat doi statues; Umberto Dellantonio Gianotin; Tone Gross Punz; Maria Lorenz; Ida Zanoner “Gabana” e Piergiorgio Zulian da l’Ejator che l n’aea fat doi. (vr)

moscia la tradizion de Sèn Nicolò a Moena olache amò anchecondì i bec i va stroz per paìsc a sonèr i bronsins per chiamèr l Sènt. Enlouta, del 1952, endèna lezion i scolees del Zerilo Dellantonio i aea zipià fora chesta statues e ades Franco Dezulian l’é jit a ge domanèr a la Scola d’èrt, più avisa a Mirko Decrestina, se l ge scrif sun ogne statua l’inom del bez o la beza che l’aea zipièda fora e che i aea scrit l’inom su la statua demò col lapisc.

I conscric en viac a Roma N bel grop de fascegn del 1964 à endrezà ence chest an na bela raida. Chest’outa i é jic te la capitala Do i bie viajes fac chisc egn passé a Barcelona e a Napoli, no podea esser vera che chest an i conscric del 1964 i renunzie a sia oramai “tradizionèla” (eh jà, l’età avanza...) raida, e i se n stae a cèsa. Enscin béleche en ùltima someèa che no vegn fora nia, ma a la fin, ampò, la é jita! Destinazion Roma. De 16 i é peé via co la ferata, se sà ben con tant de “cuccetta”: scioldi trac demez, che tant nesciugn à dormì endèna l viac.

I conscric del ’64 a Roma.

26

www.lauscdiladins.com

La “città etena” l’à spetà nesc fascegn a brac averc... e no la ge à nience dat l sgrijol de n fora program desche vèlch cevila straouta o vèlch tacuin robà: chest’outa dut é jit via lizech, no à servì che nesciugn di conscric se regole da polins o da infermieres. La Basilica de Sèn Piere, l Colosseo, la Fontana de Trevi, Piaza Navona e Piaza de Spagna, te l’itinerarie turistich de la capitala no i se à fat mencèr

proprio nia... ence na sciampèda al Quirinal a veder se da chela jù i tachèa a fèr bontà! L’é stat dassen doi bie dis, passé en compagnìa e en legreza, bon magnèr e beiver.... e per chest l grop vel ge dir n gran develpai soraldut a la conscrites che desche semper se dèsc jù: se no fossa cheles doi, no vegnissa mai fat nia... e speron pa che les posse endrezèr ence l’an che vegn!

Teater - Dò aer lascià en pasc, zacan, le gialine paraboliche e aer manà “en penscion” i atores più veies, mìngol per via di guanc che no ge jìa più e mìngol ence percheche béleche béleche no i ge stajea nience più sun paladina, i à tout cà na neva storia e i se à endodanef prejentà al publich de la rassegna provinziala de teater amatorial per bec, che te chesta 9^ edizion porta te Oratorie de Moena cater spetàcoi dassen gustégoi. En domenia ai 20 de november l’é ruà la Filo “Vi.Va.” de Vigolo Vattaro “Grop Joegn” che à spilenà “La vera storia de Biancaneve” e enstadì enveze l’é stat l moment tant spetà coi atores de ciasa. L grop de bec de “I Amisc del Teater” de Moena, chest’outa sie atores zis feruscoi, à prejentà l tòch nef dal tìtol “Le avventure di Gasparotto”. Gasparotto l’é n bez desche n muie su la tera, n tipo normal... se no fossa per soa gran fantasìa. Ensema a soa più gran amica Lotte l’enventa neves jeghes, l scontra personajes cerc e animai che rejona, l ciapa i superpoteres di supereroes, l fasc enscinamai n viac su la luna olache l scontra l’om de laton e l se lo tol dò canche l va de retorn su la tera. Saral dut realtà o frut de so ciaf che seghita a smachinar idee e pensieres? Ma da zeche ora la fantasìa fenesc e ... a che jione? “Son stuf de star tedant a la televijion, de jiar a la playstation e i jeghes che va a baterìe no i funziona più”. Che far? Bastassa demò se vardar dintorn e descorir endodanef l bel del jiar coi jeghes scempies de n’outa: n caret de legn, na slìnzola, n archet, n yo-yo, na popa de peza. Tinùltima l’é amò i jeghes più bie! Cheste l’é le aventure de Gasparotto. E voi che aventure volassade viver?

Complimenc ai pìcoi atores e a duc chi che à didà a meter en scena chesta comedia, pissada da dut l grop ensema, co la regìa de l’Ilaria Chiocchetti del Pelin e l didament de soa sor Chiara che é semper vertia a dir ite, del barba Marcelin che se cruzia de dut chel che besegna, de l’àmeda Irma che à fat i guanc, de Nicolò, Leonardo, Luca e Alex a le lum. Na comedia gustégola, con efec sonores e scenics scempies ma percacenc, che à dassen engaissà l publich ence percheche i atores, soraldut chi prinzipai Andrea e Asia, i é stac bravi a interagir con duc i pìcoi te sala. Inant che la rassegna provinziala vegne serada sù l’é amò en calandar doi apuntamenc. En domenia che vegn, ai 11 de dezember, a Moena ruarà la compagnìa de teater “Appunti & Scarabocchi” de Gardol che spilenea “A.A.A. Cercasi Befana!!!”, dapò ai 18 de dezember sarà enveze l’ùltim apuntament co la compagnìa “Argento Vivo” de Cognola col tòch “Amico Nuovo”. L’orarie l’é desche semper da les 16.30. Se vedon a teater!! (mci)

I comedianc de Moena se à vadagnà l batiman del publich.


Fascia

nr. 48 / 09 de dezember 2011

“Jan l’é stat bon de ne trasmeter la pascion e la dedizion” Renata Dantone da Dèlba la conta del cors de cojina tegnù a Moena da Jan Chiocchetti del Bernart, a chel che la tol pèrt da ben 18 egn

Na lingia de piac enjigné tel cors de cojina col chef Jan Chiocchetti del Bernart da Moena.

Cojina - Te chisc ùltimes tempes l’é stat metù a jir desvalives corsc de cojina: a Vich, da man de la sociazion Cheghes de Fascia, ence vin Badia, che somea dassen aprijié, a giudichèr dal gran numer de jent che tol pèrt. Ence sun nosc sfoi ge é stat amò dat lèrga a artìcoi che conta apontin del bon ejit de chesta scomenzadives gastronomiches che ite per anter les vegn endrezèdes fora de sajon te noscia val. Aon sapù che l’é na femena che tol pèrt a un de chisc corsc da ben 18 egn. Se trata de Renata Dantone da Dèlba che la ne à contà mìngol de sia esperienza. “L’é 18 egn che tolon pèrt a chest cors de Jan del Bernart da Moena, che l se à metù a desposizion con

la familia Chiocchetti ju a l’Hotel Serenella. Canche sion peé via l’era ence Alfredo Chiocchetti, i prumes trei o cater egn, dapodò l’é se n jit da chiò e l’é restà demò Jan”, l’à tacà via Renata. L’é dassen n cors “trasversèl” chel de Moena, che tol ite jent joena e jent mìngol manco, che rua da tinsom Penìa fin ja Pardac. “Nos no aon pa tema de jir “fora confin”... e n’é adertura un che vegn da Reggio Emilia béleche duc i egn, aposta per chi dotrei dis de chest cors”. L’é presciapech na ventina de jent a l’outa, béleche semper i medemi, tant coghi profescionisć che ciasalines, e vigni an se n jonta ite ence valgugn de neves. L vegn metù a jir duc i egn semper a la fin de november o ai

prumes de dezember, en basa a la desponibilità de Jan e l va inant per cinch dis, da mesa les 6 domesdì fin les 11 da sera. “L’é n muie bel se troèr ensema, dapodò rencuron e meton via dut te cèsa da fech. Duc speta chest moment da poder jir al cors, canche l’é dai Sènc i se telefonea e i se domana se Jan l’à chiamà per avisèr canche taca l cors”. Con gran gaissa Renata ne conta che “se empèra la tecniches, duc i sistemes e la fantasìa, ence l piat somea n chèder per coche l vegn fornì sù. Ne sà proprio bel, aon emparà n muie, da poder ge sporjer tant ai ghesć che aon fora per nesc hotìe che da poder fèr rezetes scempies e fèr bela fegura te cèsa. Jan l’é stat bon de ne trasmeter la

pascion e la dedizion. Chi che disc che no i é bogn de fèr da magnèr l’é dut bujìes, ajache se é emparà gé, che no saee fèr nia, pel emparèr duc, ma ge vel volontà, l’é chest l secret, no demò orir n cocol e trèr te fana”. La pascion e la volontà donca somea esser i ingredienc più emportanc per cojinèr delvers, ma se sà ben, autertant emportant l’é cognoscer la carateristiches di magnères: per ejempie saer coluna sort de cèrn comprèr ite e co la chejer per otegnir l resultat mior, medemo vèl per la verdures e dut l rest. Al cors se empèra ence chest aspet de gran valuta. “Te cojina no te pes tegnir cont – disc Renata – vèghete la roba giusta!”

Apede Renata l’é n’autra veterana del cors, Giuliana Longo da Pardac: ensema les à metù ensema na regoeta de rezetes te n liber. Ades les vardarà de tirèr inant amò n an o doi per realisèr na seconda regoeta e dapodò ge lascèr lèrga ai joegn. Sarèl vera che no les tolarà più pèrt? “Voi ge sporjer n gran detelpai a la familia Chiocchetti – fenesc fora Renata - ajache l’é Donatella che la ne scrif jù la rezetes, Lisa che la lèva la toaes e la pezes che duron, Jan che l’é bravo e desponìbol: defat canche son en dificoltà, che no sé co jir inant, ciape l telefon e l chiame e el, con bela maniera, l sà te didèr fora te ogne moment, l’é dassen n gran sostegn e n pont de referiment”. (lg/cri.m)

Chi él pa? Soluzion del retrat su La Usc nr 47 L retrat che aon publicà la setemèna passèda en ocajion de la festa de Sènta Bèrbola l fèsc pèrt di retrac fac da Giulio e Pio Florian de Ciout da Poza publiché tel liber “Mia Jent, mie Paìsc” dat fora chest an e l’é su l grop di Studafech da Poza con la neva motopompa. A ne dèr la resposta l’é stat Irma de Giancarlo Trottner de Uc, Giuseppina Rossetti, Franca Trottner de Uc, Lino Soraperra Medico e Remo Bernard de Cechinol. Lino ne à dit che l retrat era stat fat del 1954 sa Meida dedant al veie

“Albergo Al Cervo” (jal Fritz) e l ne à ence dit de che an che l’é o l’era duc chisc studafech. Sul retrat l’é: 1. Alfredo Pescol de Badia del 1901; 2. Marino Florian de Ciout del ’23; 3. Luigi Costazza de Barat (Luigi Nel) del ’19); 4. Gustavo Zanet dal Lò del ’22; 5. Ermanno Pescol de Badia del 1904; 6. Andrea Cincelli da la Zeli del ’22; 7. Lino Lorenz de Jan (Mecanco) del 1909; 8. Lodovico Bernard (Vico Mucia) del ’20; 9. Gino Pescol de Badia del ’39 (fi del n 5 e più tart doventà ence el studafech); 10. Mario Florian da la Roja del ’27;

11. Giuseppe Cincelli (Bepo Zul) del ’22; 12 Flavio Zanel dal Lò del ’28; 13. Luigi Florian de Ciout del ’23; 14. Sergio Deluca Zocol del ’24; 15. Oto Florian Roja del ’26; apede zenza numer: Giorgio Cincelli de Zul del ’24 e Tullio Pezzei Mongo del ’22; 16. Fosco Pezzei de Tach del ’22; 17. Luigi “Gigio” Grasser del ’25; 18. Vico Bernard de Cechinol (de Much) del 1912. Ence chesta setemèna ge sporjon n bel develpai a duc chi ne deida ogne setemèna a meter ensema noscia rubrica. Chest’outa ve meton dant n retrat n muie veie, che ne é

stat portà da Renato Soraruf de la Checa da Poza e l’é sù jent che chest an compissa ben 110 egn. Ve envion a ne dèr voscia resposta dant da mèrtesc sera te redazion, ence per telefon o fax al 0462.764545 o per mail a la direzion lausc@ ladinsdefascia.it. Chi che troa fora amàncol la metà de la jent che l’é sul retrat ciapa en don n liber o n CD de musega da l’Union di Ladins

16

de Fascia. Desche semper ve envion ence a chierir fora i retrac veies che aede te vèlch crigna e ne i portèr te redazion a Sèn Jan, olache podon i tor sù col scanner e ve i dèr de retorn sobito. A chesta vida ne didède a viventèr chesta rubrica e a meter ensema vèlch mizacola de storia de noscia jent. Develpai!

17

17 9

18

14

15

13

16 9

10

15

1

14

2

13

12

12 11

11

3

10

8

7

7

8

6

1

5

2 4 6

3

4

5

www.lauscdiladins.com

27




La Usc de la scola_ _ _

nr. 48 / 09 de dezember 2011

Studièr a Persenon per ensegnèr te na scola plurilingue Intervista a Fernanda Favè, che se à laureà chest an con na tesi per fascian e l’à jà tacà a ensegnèr te la Scola de Fascia Fernanda Favè, da Cianacei ma oramai sentadina de Vich, se à laureà l meis de messèl passà a la Facoltà de Scienzes dla Formazion de l’Università ledia de Busan co na tesi dal tìtol “Don Massimiliano Mazzel, na vita a servije del ladin”. Enstadì l’é stat la proclamazion e Fernanda é stata chiamèda a rejonèr a inom de dut l grop de neolaureèdes de la sescion ladina de chesta facoltà. Aon rejonà con ela per entener miec che sort de percors che l’à fat, se l’é stat senester e se la ge l conseassa a joegn e joenes de Fascia che se met dant n davegnir te l’ensegnament. Fernanda, este la soula fascèna che se à laureà a Persenon? ”Chest an siere la soula fascèna, ma dant da me l’an passà se à laureà Monika Rizzi da Ciampedel. Con me, chest an, l’era cinch gherdeneres e una badiota.” Co éla che te t’ès pissà de jir a fèr l’Università a Persenon? “Me é pissà de jir a Persenon percheche volee doventèr maestra, volee la spezialistica e aló l’é la soula scola te region che abilitea a doventèr maestres. Cogne esser sinziera: timpruma volee me enscinuèr te la sezion talièna, percheche saee che te chela ladina l’era più senester per via del todesch. Dapò son stata tirèda ite, ence mìngol per forza, da Monika Rizzi, la pruma che l’aea fata. Chesta sezion la é pissèda per i badioc e gherdeneres che i à la scola “paritetica” per talian, todesch e ladin e i cogn se formèr sun duc trei chisc lengac.” Co éles spartides la sezions? L todesch e l talian cognessa esser presciapech mez e mez. Fin l’an passà se podea se cerner fora instesc l lengaz per i ejames e donca se podea ence jir su la perzentuala de 60% de un e 40% de l’auter. Con chest an enveze dezide i professores. Per ladin l’é da fèr presciapech 3 ejames a l’an staboi. L’é doi professores ladins: Paul Videsott e Theodor Riffeser. La lezions vegn fates per gherdener e badiot, ma gé é semper podù fèr i ejames per fascian. Timpruma per me l’é stat senester entener, gé no saee tropa paroles e donca cognee semper ge domanèr a mia compagnes. Per ejempie la parola “giulan” ge é metù n bon trat a capir che vel dir detelpai. Ades enveze entene dut. L gherdener l’entenee mìngol de

che sé l talian, l todesch e l ladin e che l vegn recognosciù te la scola.” Aldò de tia esperienza de studie de che peisseste che sie de besegn te la scola te Fascia? “Se rejonon del fascian peisse che sion a n pont n muie bon, ence co la sperimentazion che vegn fata a Poza e a Soraga che la dèsc n livel ezelent de ladin. Per chel che vèrda l todesch mie ensomech fossa aer la scola desche vin Gherdena e Badia, n livel paritetich di doi lengac. La sperimentazion che son dò che fae gé, aldelà de colun lengaz che se doura, peisse che la sie emportanta percheche la dèsc l met de lurèr sun più lengac.” Fernanda Favè a la proclamazion de sia laurea a l’Università de Persenon.

più respet al badiot, fosc percheche i à ite più paroles todesces. A vardèr endò é abù na gran fortuna a poder me arvejinèr a duc chisc idiomes.” E dapò te ès dezidù de fèr ence la tesi per fascian... “Ei, e chest an son stata demò gé che la é fata per ladin. L’an passà n’era una per dolomitan fata da na tousa gherdenera, l’era la pruma en assolut per ladin.” Co éla pa che te ès cernù de la fèr per fascian? “É cernù de la fèr per fascian ajache n’aee jà fat una per todesch e me é pissà che a n fèr una per talian ge rue amò, per ladin enveze l’era la soula ocajion. Mie professor Paul Videsott l’é stat segur n muie content de chesta mia dezijion, e con sie didament é cernù dapò l’argoment. El m’à portà dant dotrei personajes da enrescir. É cernù la fegura de don Massimiliano Mazzel ajache l’era da Cianacei desche gé e no saee nia de chesta persona, demò che sie inom l’é sul dizionèr fascian.” Coluna él la robes più curiouses che te ès troà sun don Mazzel? “Na roba che no saee l’é che l ladin l’é ruà te scola de gra a sie enteress personèl, el enlouta l’era president de l’Union di Ladins de Fascia, e te chi tempes vegnìa domanà l ladin te scola, el e etres dotrei se à dat jù percheche vegnisse ensegnà cultura ladina te scola. Dò l’é jit ite ence l lengaz. L’é stat n personaje ence n muie contestà. Tropa jent che é domanà fora i l’à prejentà sot na lum critica. Ence a

stèr dò ai documents l’é vegnù fora na persona che no volea se espor massa. L’era massa leà a la politica, no l volea se tor de contra la DC, e no l lo à fat nience canche ge é stat domanà fora dret da si conseieres, per chest l se à tout de contra l Consei. Se jon endò ti egn l’aea ben fat ence n muie de roba bones, ma chela scontrèda stata al chino Crescenzia de Vich, un di ùltimes fac publiches, la vegn recordèda da tropes e donca l vegn recordà mèl proprio percheche l’é se n jit smacan l’usc.” Te dijees che t’ès jà fat na tesi per todesch? Donca no t’ès abù problemes per chest lengaz... “Gé é fat l liceo linguistich a Cavaleis e son stata n an entriech a Salzburgh a fèr l quarto an de scola. Dapò inant che jir a Persenon aee fat n’autra laurea a Trent a l’università de mediazion linguistica. Col todesch no é mai abù de gregn problemes, aee jà n livel aut, l C1. Canche son ruèda a Persenon no l’é stat dut un tant sorì te la lezions dutes per todesch, soraldut per la paroles tecniches per ejempie de pedagogìa. Ma no son mai stata bocèda ai ejames, magari no ruèe al 30, ma son semper ruèda a ciapèr 27 o 28. Me sente de dir che a vardèr indò l’é stat senester ma l’é zenz’auter da poder fèr. Ades per jir ite i vel l livel B1 de todesch che no l’é aut, fora dal liceo se vegn fora col B1 e donca bastassa. Se me vegnissa domanà de conseèr valgugn dijesse che segur a fèr la sezion talièna l’é più sorì, ma a fèr chela ladina se ciapa zeche de più. Soraldut i te ensegna

desvalif, ajache i professores i vegn da n’autra cultura e tradizion didatica, i vegn da la Baviera, da l’Austria. I te ensegna n muie de robes che te la sezion talièna no te empères.” Che velel dir? Peste ne fèr n ejempie? “I laora n muie co la clasc averta, “Openearbeit”: tu desche ensegnant no t’es mai tedant ai scolees a ge fèr lezion frontèla, descheche sion usé chiò te la Tèlia; i bec empèra da soi ge dajan l material, tu te cognes aer ben chièr che che i à da fèr, ma no te entervegnes tel lurier. Dapò i laora te “Stazionenlernen”: te ge enjignes ai bec la stazions, che fossa i ponc de lurier, ic cogn jir da n pont a l’auter, ma no te cognes mai entervegnir, i empèra da soi. Me peisse che se aesse fat la sezion talièna me menciassa dut chest e fossa pecià percheche l’é dassen emportant, l’é na vida de ensegnèr al pas coi tempes.” Ades ensegneste te la scola de Fascia? “Ei, é ciapà post a scola con n projet Clil, ensegne scienzes per todesch te la quintes populères de duta la val. L’é n projet nef che l’é partì da la Provinzia: gé rejone duta l’ora todesch e ge ensegne apontin la materia de scienze. Dai 15 de dezember dapò tolaré sù ence la catedra de ladin te la scola de Vich e te cater classes de Poza. Gé laore de gra al fat che é studià te la sezion ladina a Persenon, percheche ajache no é amò l patentin de ladin per ensegnanc, posse ensegnèr per via de mie diplom de laurea che disc

Peisseste che anchecondì i dozenc abie de bogn percorsc de formazion per poder ensegnèr ladin te la scola de Fascia? “Aldidanché a livel de populères i rua n muie enjigné. Ades ge vel aer la laurea spezialistica per ensegnèr che chiò pel te dèr demò l’Università de Persenon, donca se vegn fora segur n muie enjigné. Ma l’é na gran desferenza fèr l percors talian e ladin. Te chel talian de ladin no vegn fat nia. Demò da chest an, che vegn mudà ordenament, vegn fat ejames su la realtà ladina. Ben segur se n ensegnant fèsc l percors talian l’é enjignà a fèr l maester de clas, dapò per chel che vèrda l ladin l cogn se miorèr di corsc che l’é chiò te val.” Che te dèjela de più la sezion ladina? “A stèr te la sezion ladina se laora n muie a confront coi Grijons, l’é ejames entrìesc che porta dant la situazion ti Grijons. Sion ence stac via a veder la scoles, gé é emparà n muie a veder coche i laora. Gé peisse che ge volessa che chi che vel lurèr te Fascia i cogne se formèr te la sezion ladina, per aer ence l confront con autra realtèdes. Se peissa semper che a ensegnèr chiò bèsta l talian, da na man pel esser vera, perché n’é pec ensegnanc che ge vegn domanà de ensegnèr ladin, ma amàncol cogner jir a veder coche laora i etres.” Conseasseste la sezion ladina ai joegn fascegn che se met dant tl davegnir de jir a ensegnèr? “Segur, ge dijan ence che l’é mìngol più da fèr, ma la te aur n mond, ence percheche se veit coche i laora te l’autra valèdes ladines. Sion semper en rei con Fiem e Cembra ma mai coi etres ladins, l’é emportant soraldut per dapò se tegnir i contac coi coleghes de l’autra valèdes. L conseasse de cher. Senester l’é ben, ence gé pissèe de no esser bona, enveze... se studia mìngol de più, ma a la fin se à zeche de più!” Ge dijon develpai a Fernanda Favè per sia respostes, e ge auguron de cher n bon lurier te la Scola de Fascia.

Zacan la é fenida.... ades duc a fèr festa.

28

www.lauscdiladins.com

Fernanda con sia pìcola Katia.

Intervista de Lucia Gross


nr. 48 / 09 de dezember 2011

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Rècord y surapassè indô le miliun de presënzes Dal 1987 al 2010 é i perontamënć registrà dal’AT, Assoziaziun Turistica, de Badia chersciüs da 763.000 a 1.018.800, dl 33,5%. I agn 1988 - 1990, olache al n’ê gnü degöna nëi, él stè le gran manco. Interessant él che i inverns dedô cun püćia nëi n’à nia albü de gran mudaziuns AT Badia/1 - Tröpa jënt à orü g nì ala re uniun anuala dl’Assoziaziun Turistica de Badia la fin de novëmber tla Ćiasa de cultura a La Ila. Al é stè na reuniun dër importanta, dantadöt por le comié dl diretur Manfred Canins y la presentaziun dl diretur nü Roberto Huber. Inće por chësc motif é stada chësta reuniun na retrospetiva sön le chert de seco dl’ativité dl’AT sot la direziun de Manfred Canins.

Dal ann passè incà él gnü registré la soma rècord de presënzes de passa n miliun de ghesć ti hotì y tles ćiases d’La Ila, Badia y San Ćiascian.

Aumënt dl contribut

Novité Ofize stampa L’Ofize stampa dl Consorz Turistich Alta Badia cun sënta tl’AT a La Ila arà dala fin dl ann inant indô sü colaboradus y portaûsc söl post: Nicole Dorigo y Stefanie Irsara. Insciö ne se cruziarà nia plü Christian Pizzinini di contać cun i jornaliśc y i massmedia dla Talia. L’Alta Badia va zoruch ala formula iniziala, se fajon döt te ćiasa aldefora dl laur por la stampa dl marćé ingleje che funzionëia deboriada cun le Consorz Turistich de Gherdëna.

Paslunch a livel mondial Le presidënt dl’AT Andrea Pertot à tla sentada inće recordé les strutöres y i sorvisc nüs, realisà da pert dl’AT o - te söa colaboraziun - da pert dl Comun de Badia y dla Provinzia de Balsan y Regiun TN/

Tratan la reuniun generala a La Ila.

BZ: danfora i ufizi nüs dl’AT a San Ćiascian, le Museum ”Ursus Ladinicus”, le Tru di Artisć, i dui antersisc (a Rainé a Badia y pormez ala Gran Ćiasa a La Ila). Deplü intervënć él gnü fat tl zënter da paslunch a San Ćiascian, la strutöra é śëgn arjignada por gares de copa dl monn. Le presidënt dl’AT à chilò orü rengrazié Carlo Mellauner y Rinaldo Crepaz por sü crüzi y so laur. Na parora de dilan i é jüda inće ala Lia da Munt Ladinia - CAI Val Badia sot le manajamënt de Nato Flatscher, por les tofles di trus y dles sëmenes, proiet che

gnarà ruvé dldöt l’ann 2012.

Sorvisc transfer pot l’Alta Badia Inće por chësc invern él preodü le sorvisc transfer dai aeroporć de Aunejia y staziun de Mestre por l’Alta Badia. Le sorvisc pòn prenotè söl sit www.cortinaexpress.it ”Plü passajiers che al é y manco che le sorvisc costa”, à dit Pertot, porchël ogassel che i ustis fajess retlam aladô. Por i ghesć dai aeroporć da Bergamo y Verona él en funziun le sorvisc Terravision che pò gnì prenotè ćina te Sëlva, da ilò inant él l’AT de Badia che se crüzia dl trasport ćina ti hotì, cun prenotaziun 72 ores dan le iade. Dal raiun dl Ruhr (D) él n autobus che vëgn tl’Alta Badia n iade al’edema, da prenotè sön internet ala plata "grafreisen.de".

Armani al post dla Colmar

Odüda söi totai dles gnüdes y dles presënzes dala fin dl ann 2007 ala fin dl ann 2011.

L’Alta Badia desco raiun schiistich elitar laora cun deplü sponsors. Dlungia ala Cassa Raiffeisen Val Badia che dëida pro cun 55.000,00 euro al ann, él la BMW y Armani (chësta tolarà ite le post dla Colmar). Le contrat cun Armani é de trëi agn, por le pröm ann vëgnel ite la zifra de

80.000,00 euro y por i agn do la zifra de 90.000,00 euro al ann. I maestri de schi baratarà fora aladô dl contrat nü so guant (döes divises) al prisc smendrì por n total de 45.000,00 euro, partis sö sön dui agn.

Les statistiches Le diretur Manfred Canins à spo presentè les statistiches, cun la sajun dl ultim isté dl plü 5,9% dles gnüdes y dl plü 6,5% di pernotamënć. La permanënza mesana di ghesć é stada de 5,85.

Le presidënt dl’AT Andrea Pertot à inće baié dles cutes dl turism che dess gnì realté proscimamënter. Al à dit che al vëgn baié da damanè dal scior danter 1,00 y 2,00 euro a nöt desco cuta de sojornanza y implü na cuta por düć i imprenditurs desco contribut al turism. Ćina che chëstes cutes ne vëgn nia metüdes sö, mëss l’AT instëssa ćiarè da trà ite les ressorses. Por le 64% mëss l’AT sostegnì instëssa l’ativité. Le contribut che vëgn porchël damanè inant dai mëmbri dl’AT gnarà inće inant alzé dl 1% implü respet al’inflaziun di contribuć obligać.

Bilanz 2012 Le diretur Canins à inće presentè le bilanz por l’ann 2012, che s’avaliëia fora sön 1,402 miliun de euro, les entrades vëgn ite por le 64% dai mëmbri y por le 10,7% dala Provinzia (contribuć ordinars). Les maius spëises por l’ann nü i é destinades al paslunch cun l’implant de inevamënt sides por la pista Armentarola co por chëra da paslunch. (ir)

”N bel giulan, Manfred!” Retrospetiva dal diretur, dal 1987 incà, che tol śëgn comié AT Badia/2 - Chësta ultima reuniun dl’AT de Badia é stada na incuntada sot la merscia dl comié de Manfred Canins. Ël à instës orü avëi na lerch por presentè inće a forma multimediala na sintesa dl’ativité fata te chisc tröc agn. Mo ći che al é da alzé fora dai agn de colaboraziun de Canins é dantadöt le potenzial de vijiuns y de adeguamënć ai debujëgns dl tëmp. Chësc é indere gnü fat respetan le bilanz sides dl’AT de Badia co (dal 1997 incà, canche al ê gnü metü sö) dl Consorz Turistich Alta Badia. Dala relaziun de Canins él da aldì fora l’apel da destiné deplü scioldi tl dagnì por le marketing. Da tignì cunt dles vijiuns al’avanverda, dles aziuns publizitares y de marketing, manifestaziuns , strutöres , organisaziun di ofizi dl’AT y motivaziun dl personal, ne vàra nia te na relaziun generala. Tla sentada dl’AT él inće gnü presentè le diretur general nü dl’AT de Badia, Roberto Huber. Ël à instës saludé i mëmbri dl’AT, l’aministraziun y sü colaboradus. A Huber i él jü les mius aodanzes, y Manfred Canins instës s’à damanè dlungia al diretur Huber n colaboradù aposta ma por le marketing. Na conscidraziun de Canins sön ći che é jü manco bun te düć chisc agn é che al à adorè gonot n gröm de energies por avalié fora discusciuns danter les

N aplaus y giulan al diretur Manfred Canins!

categories desco ustis, impresars di lifć, restoranć, ez.. ”Forsc unse dl 2012 odü ite che düć à söa importanza y che le turism é na morona che adora düć i anì”, à dit Canins. N so dejider él inće che al vëgnes les cutes söl turism, por che les AT pois mëte finalmënter döt le pëis sön so laur y sön afronté i debujëgns dl tëmp. Canins ćiara donca intres ćiamò inant, inće sce al romagn ala fin dla reuniun a La Ila impò tl’aria na impresciun inchersciora che val’ é davëi stlüt jö, mo che an mëss ćiarè inant . (ir) www.lauscdiladins.com

29


Val Badia

30

www.lauscdiladins.com

nr. 48 / 09 de dezember 2011


Val Badia

nr. 48 / 09 de dezember 2011

Advënt cun les families Families d’Al Plan à fistidié por n mëteman sintì dl tëmp d’Advënt. Al é gnü arjigné les gherlandes, benedides pro le rorate dles families. N cor de mituns à ćiantè la mëssa y dedô é düć gnüs invià a marëna. Mituns abelësc inće la plata dla cöra

Danter fanes y fornel Les Eres tl Artejanat Val Badia á organise ai 21 y 22 de novëmber n curs da cujiné salvarjina, tla mensa “La Ćiasota” a Pidrô Mitans y mituns cun les gherlandes d'Advënt, dan la cripele de plaza.

Al Plan - L’Advënt é n tëmp particolar, al é n tëmp de reflesciun y de preparaziun. Suradöt por i mituns él n tëmp sintì, rich de simboi y de sentimënt. Vigni dé él le rorate te dlijia, gonot a intenziun de na uniun. La pröma domënia d’Advënt él da tradiziun le rorate dles families, che va a öna cun la festa de benedisciun dles gherlandes, che vëgn tignida pormò da püć agn. Le Zënter Families Mareo â bele le dé denant invié les families da gnì te salf di jogn a fà deboriada la gherlanda d’Advënt, che gnô spo benedida le dé do. Sce la partezipaziun n’é ti ultims dui agn nia stada dër alta, él rovè adöm en chësc ann incër 40 mituns, che à fat l’ingres te dlijia cun les gherlandes, deboriada cun le ploan y i ministranć. Val’ mitans y mituns dla elementara à inće fat de bi dessëgns da Nadè. Chisc gnarà publicà daimpròia tla plata dla cöra, che vëgn fora ćina da Nadè te na bela iesta da corusc. Le rorate dles families é stè na funziun sintida. Bele les edemes denant s’â les families incuntè a fà proa da ćiantè, insciö che ara é jüda

da mëte sö n pice cor che à abelì tombola, olache al é saltè fora val’ la funziun cun ćianties nadalines. bi pesć. Sciöche les families à Benedì él gnü les gherlandes che deboriada arjigné ca, insciö àres dê gnì impiades tles ćiases, mo inće deboriada inće fistidié da romenè la gran gherlanda che é gnüda sö le salf y mëte döt apost. Sce düć metüda fora tla cripele sön plaza dëida, spo é le laûr tosc fat, y an à de paîsc. Chësta gherlanda vëgn sintì n bel sentimënt de lasciada fà da dui agn incà colaboraziun y comunité. Dilan a dal’Assoziaziun Turistica d’Al Plan düć chi che à contribuì.(pablo) y la Ploania fistidiëia spo che al sides vigni sëra zacai che impëia y destöda les ćiandëres. Impormò ai 24 de dezëmber, do les Madoines di mituns, gnaràl condüt te cripele le Bambin. Les families à en chësc ann fistidié de n program rich y ampl por mëte man deboriada l’Advënt. Le cor, le domisdé por fà les gherlandes, l’abelimënt dla mëssa. Do mëssa ê dötes les families inviades da jì te salf dles manifestaziuns a marëna. Al é rovè adöm incër 100 porsones, y por düć él gnü arjigné ca na bona pasta. Les duciaries do marëna â les families instësses portè da ćiasa. Le domisdé é jü inant cun jüć por i pici y val’ cartada, y denant che la festa La plata dla cöra vëgn d’Advënt abelida jiss a piz él ćiamò gnü fat la dai dessëgns di mituns dla elementara.

I partezipanć che é jüs a imparè da cujiné.

Cursc - Le curs é gnü tignì te döes sëres dal cogo Hannes Pignater da Laiun, che à portè dant so savëi cun gran profescionalité, te na manira scëmpla y saurida da capì. Hannes Pignater é stè campiun dl monn di mistiers tla gara “World Skills 2003” a St. Gallen. I orésson

veramënter ti fà i complimënć por ći che al nes à insigné da pert de dötes les 15 porsones - danter chëstes inće 3 ëi - che à tut pert al curs. N dilan ti va inće ala cooperativa soziala “La Ćiasota” che nes à metü a desposiziun la ćiasadafüch.

Döes derzades che an à cujiné pro le curs

www.lauscdiladins.com

31


Val Badia

nr. 48 / 09 de dezember 2011

La Val Badia formarà öna na unité pastorala

L’ega dai “mirachi”

Reuniun di proi y di consëis de cöra dla Val Badia cun le vicar general Josef Matzneller y le diretur dl ofize pastoral dla diozeja siur Eugen Runggaldier. N grup de coordinaziun fistidiarà da invié ia la unité pastorala te nosta valada. Tl dagnì: öna na mëssa dla domënia te vigni ploania, cun val’ ezeziun

Śëgn à inće Mareo y le Bagn indô l’ega da solper por la sanité. Benedis i laurs y la ćiamena nöia al Hotel Aqua Bad Cortina

Proi y rapresentanć di consëis de cöra dla valada pro la incuntada a Badia.

Dlijia - Tröp àn aldì baian de unitês pastorales, altrò te Südtirol éres bele na realtè - insciö inće te Gherdëna, che forma na unité pastorala dal 1. de setëmber incà. Śëgn tocaràra inće ala Val Badia. La jöbia ai 24 de novëmber podésson definì na data storica. En chë sëra él rovè adöm proi y consëis de cöra dla Val Badia por baié concretamënter de sciöche la unité pastorala dess gnì inviada ia. Por l’ocajiun él rovè alerch le vicar general Josef Matzneller y le diretur dl Ofize Pastoral dla diozeja siur Eugen Runggaldier. Le vicar general à impröma tignì na picia relaziun sön la “Pastorala che se müda”, olache al à recordè la situaziun di proi te Südtirol: al é indöt 308 proi diozejans (püch manco co 200 proi te n ordinn) y de chisc à 139 bele complì i 75 agn - l’eté dla ponsiun. Tles 281 cöres de nosta diozeja él indöt 150 proi atifs. Al é porchël fosch sön blanch che i proi ne podarà tl dagnì nia plü fistidié de dötes les cöres, mo che intres plü cöres arà da se partì le famëi dles animes. La pastorala instëssa messarà garatè intres deplü cun l’aiüt di laics, che podarà surantó plü responsabilité y inće plü parora. Por ti fà frunt ala ćiarestia de proi à la Diozeja de Balsan-Porsenù cherié les unitês pastorales, olache deplü cöres vëgn liades sot a n ploan su tlamè “moderadù”, che é spo le ploan ofizial dla unité. “Sce an ô tignì inant düć i sorvisc inće soziai dla dlijia, spo messunse partì sö damì i proi, y al ô ester l’engajamënt de tröc volontars y inće de jënt formada,” à dit Matzneller. Te Südtirol unse al momënt 21 diaconns, incër 400 maestri de religiun y 4 assistënć pastorai. Chësta ultima figöra profescionala chersciarà tl dagnì sigü deplü, y inće la Val Badia podess chilò trà gran öga da tó sö na te’ porsona.

che à portè n gröm de mistiers nüs. Inlaôta êl na dlijia dl popul, olache düć fajô impara - alüsc inće por druch da pert dla sozieté. Incö va a dlijia chi che s’la sënt. Inlaôta êl na dlijia che fistidiâ de döt, incö ôl ester l’aiüt di laics y chilò - à dit le vicar - à le II. Conzil Vatican daurì les portes por n majer contribut di laics y por formes nöies de liturgia.

Les fases dla unité tla Val Badia Tl passè s’àn dè jö inće cun la domanda, sce la Val Badia dê ciafè öna na unité pastorala o deplü. Chësta sëra ê tanco düć a öna che öna na unité sides la miù soluziun, por evité da nen cherié impröma döes, y messëi spo do püć agn jì zoruch a öna sora. Siur Eugen Runggaldier é jü ite plü avisa tles trëi fases che acompagnarà la creaziun dla unité pastorala tla Val Badia. Tla fasa de planificaziun vëgnel planifiché sciöche la unité pastorala dess pié ia. Chësc compit vëgn surantut da n grup de proiet, metü adöm dai proi dla valada y da n mëmber por vigni cöra dla valada. Chësc grup é gnü metü sö chësta sëra y gnarà acompagnè da siur Gottfried Ugolini y dal’assistënta pastorala da Balsan Patrizia Schwienbacher. Chësc comité laurarà deboriada incër mez ann, por passè spo ala fasa de realisaziun, olache le grup de proiet formarà le consëi dles cöres, n organn nü, metü adöm dai proi, da n mëmber di consëis de

Ćiarestia liada al mudamënt dla sozieté “Ćiodì él pa ćiarestia de proi?” é na domanda che le vicar à metü sön mësa. Na resposta àl ciafè tla gran mudaziun dla sozieté, da na sozieté prinzipalmënter paurila a na sozieté cun tëmpli dl turism, cun so svilup

32

www.lauscdiladins.com

Le vicar general Josef Matzneller tëgn süa relaziun.

cöra dla valada y eventualmënter d’atri colaboradus. Chësc consëi à le compit da coordiné les cöres, les aziuns deboriada, les iniziatives de formaziun. La secunda fasa él preodü che döres incër n ann, por passè spo ala terza, che é chëra dla istituziun ofiziala dla unité. Le vësco darà fora le decret, che ti dà ala unité la forma iuridica. Al gnarà nominé le prou moderadù, la unité ciafarà so inom ofizial. Chësc sozedarà canche la unité à bele forma concreta y canche le consëi dles cöres aratarà la unité madüda por pié ia. Da dì él che le consëi dles cöres ne sarà nia na sostituziun di consëis di paîsc, mo plü co ater n consëi de coordinaziun. Ti paîsc instësc romagnaràl i consëis atuai, che se tlamarà teams pastorai.

“Öna na mëssa dla domënia por vigni paîsc” Les diretives pastorales dla unité pastorala dij danter l’ater che les cöres romagnarà en pè ćina che al é vita. Sce al n’é te na cöra plü degöna funziun la domënia, sce la comunité ne röia nia plü adöm, n’à na cöra nia plü rajun da ester y gnarà liada a n’atra cöra. Sigü él che an messarà inće s’ausè tl dagnì a manco mësses, sot al motto: “Te vigni cöra öna na mëssa (o na zelebraziun dla Parora) dla domënia”. Ezeziun fajarà ma i paîsc olache la dlijia é massa picera, olache al é gran turism o olache la cöra à na comunité de deplü lingac. Na gran importanza arà porchël inće les atres formes liturgiches dlungia la mëssa. Ponsun chilò suradöt ales zelebraziuns dla Parora de Dî, che po gnì tignides inće da laics - cun la formaziun aladô. Bele dan val’ agn él tla Val Badia gnü tignì na formaziun por tignì chëstes zelebraziuns, cun la partezipaziun de incër 30 porsones.

La fontana nasc a na altëza de 1.240 metri sura le Bagn ia y sö, cun na temperatöra de 6,5°C. Al d é d a i n c ö é l ’e g a reconesciüda desco “ega minerala” dal’autorité de Südtirol. Ala daurida a Al Plan él ruvé adalerch inće la cluster manager Manuela Irsara dl TIS, seziun “Badl”; “Badl” é na organisaziun südtiroleja Odüda tla “ćiamena dai bagns” nöia. che cöi adöm, Bagns - La sajun da d’invern a documentëia, sostëgn, aconsiëia y Al Plan à metü man cun na novité promöi i bagns de vigni sort, che y na atraziun, al é gnü daurì la vir śëgn na sort de renascimënt. ćiamena di bagns a ega da solper Dlungia ai bagns te ega minerala tl hotel Aqua Bad Cortina, al “Bagn” podunse ćiafè i bagns da fëgn che é na cultura inće secolara di posć - desche la jënt dl post dij. La ćiamena nöia pòn arjunje de prà da munt te Südtirol. I bagns dal’entrada ite y sö por n valgügn porta inće dlungia ai efeć positifs scalins dla stiga. La pröma söl corp (cuntra artosa, iscies, impresciun vëgn dala löm che reuma, problems de digestiun y de lomina en chësc danmisdé palsa) dantadöt n relassamënt por roduntaite, spo dal bun tof da cier mënt y psica, ći che po gnì aconsié che profumëia la ćiamena. Les döes ti tëmps de spazamënt general y vasches da bagn é stopades pro por stress. tignì la dërta temperatöra. Chi che Ala daurida ofiziala dla “ćiamena fej bagn é oć cuntra l’orì de sorëdl. dal bagn” él ruvé adalerch inće le Le material dles vasches é val’ de dotur idrologh Giancarlo Levra y spezial y straordinar, n cuarzit le consulënt d’impreja David d’arjënt, che dess menè y portè la Raccanello. Levra à cuntè söi sanité tl corp. contegnüs dl’ega dal Bagn y sön i L’ega dal Bagn é na ega minerala, minerai desfarënć y sü efeć positifs aratada plajora y bona por la sanité söla porsona. Raccanello à splighé dl corp. Chësta ega vëgn analisada cô che al é gnü a s’l dè i laurs por le pröm iade dl 1890, ara vëgn arjigné ite indô i bagns y la ćiamena descrita desco na ega solfata, dai bagns. Por i laurs cun i bagns y fluorata, calcica con iod y fostüs de por la revalutaziun de chësta ega bor, barium y brome. An ciafa inće ôl ester na gran sensibilité y pasciun, fostüs importanć de litium, na l’ega é da odëi y tratè desco n gran medejina por i desturbs al aparat bëgn natural y inće suranatural. L’ega é n tesur y mëss gnì tratè dai nerfs. L’inom “Cortina” a Al Plan va sciöche tal - inće la benedisciun derevers al ann 1741, canche i dal Cil jö, cherdada da siur ploan pröms documënć baia dla ostaria Heinrich Perathoner, ingrandësc y Cortina; tl liber catastal dl 1780 trasmët l’aura incër l’ega dal Bagn pòn spo aldì por le pröm iade dla ia. Ma sce an crëi al bel y bun che fontana y di bagns, conesciüs lunc l’ega po fà, déuron instësc düć i y lerch. sënsc por na maiù sanité. (ir)

Plü valüta por i laics I laics arà tl dagnì na gran importanza y surantolarà inće funziuns de direziun tles ploanies. Bele Papa Benedët se damanâ dan dui agn na valorisaziun di laics, canche al à dit: “Al ô ester na mudaziun de mentalité. I laics ne dess nia ma gnì odüs sciöche colaboradus, mo sciöche responsabli dl ester y dla opera dla dlijia, al dess gnì sostignì na tlassa de laics madüda y engajada.” Le vicar general à sotrissé plü iadi l’importanza dla colaboraziun danter les cöres instësses, olache al é de significat. La colaboraziun àl definì na chanche, por sfrutè damì le gran potenzial y i talënć tles cöres y avëi n majer resservar de forzes. “I vagun val’ de nü cun Dî. Chël Bel Dî mëna la dlijia inće incö”, à dit siur Runggaldier. Y la dlijia tolarà inće chësc iade la ota, sce le renovamënt garatarà no por rajuns d’organisaziun, no por rajuns de strotöra, mo suradöt dala fede infora. (pablo)

Tratan la conferënza por le renascimënt di bagns a ega da solper tl hotel Aqua Bad Cortina a Al Plan. Da man ciampa: Manuela Irsara, Giancarlo Levra, Nicol Alberti (gestur dl hotel y di bagns), David Raccanello y siur Heinrich.


Val Badia

nr. 48 / 09 de dezember 2011

Dè por ciafè En sabeda dan otedé à le Comun de Badia invié dötes y düć i mëmbri dles uniuns de volontariat a na picia festa, tignida tla Ćiasa de Cultura a La Ila

Onoranza por i rapresentanć de uniuns musicales.

La Ila - Püćes edemes denant che le 2011, ann dediché a livel europeich al volontariat, se stlujess jö, à l’aministraziun comunala de Badia cherdè ite dötes les uniuns de volontariat por onorè süa ativité. Dai cors ai amisc di ćiavai ala biblioteca “Sas dla Crusc” ales uniuns di ëi y dles ëres: düć canć ê rapresentà por pié do les onoranzes surandades dai assessurs de Comun. Lois Kastlunger, moderadù dl domisdé, à daurì la festa cun parores de Kofi Annan, stè por diesc agn secretêr general dles Naziuns Unides, aladô de chël che al va debojëgn dl impëgn di volontars por che la speranza do uniun ne restes nia ma n dejidêr mo pois se realisé.

Tan de mans che dëida debann L’ombolt Iaco Frenademetz à saludè les passa 60 uniuns soziales, culturales y sportives, rovades adalerch. Al à sotrissé l’importanza che dötes chëstes uniuns à por mëte a jì de vigni sort de manifestaziuns a livel de comunité, por mantignì les tradiziuns y les usanzes, nia ma tl ćiamp dla dlijia, mo inće dl turism. Da alzè fora particolarmënter é chi volontars y chës volontares che porta aiüt tl caje de desgrazies, sce an se fej mè o sce an é püri. Al dedaincö ne jìssera nia plü da s’imaginé n monn zënza Crusc Blanćia o d’atri sorvisc che an po cherdè canche al fala valch. Da recordè inće döt ći che vëgn fat tl chît, olache an n’alda o

Deplü surastanć de uniuns desvalies.

ne vëiga gonot nia. Parores de rengraziamënt i é jüdes a dötes y düć chi che dà ca so tëmp a bëgn de valgügn d’atri zënza porchël se damanè n paiamënt, a chi che é jüs danfora cun le bun ejëmpl, cherian insciö na comunité che sa da se daidé fora.

dles porsones de bona orentè. La ćiarité é la pröma pera dla fede. I volontars é porchël n pü sciöche le bun samaritan che dëida le iudeo o sciöche chi che fej politica zënza despartì o economia zënza scioldi.

Fà dl bëgn al proscim

Do dal dotur à Alex Pitscheider, n jonn de Badia de 21 agn, portè dant süa esperiënza de volontariat. L’ann de volontariat che al à fat pro la Crusc Blanćia a La Ila do la maturité arjunta tl Istitut Tecnich Comerzial a Porsenù l’à inće daidé se tlarì les idees sön so dagnì. Al dedaincö stüdiel tla Claudiana a Balsan por deventè infermier. Alex à incorajè dassënn i jogn y les jones da dè ca so tëmp por i atri. Chësc nia ma por ti fà dl bëgn a valgügn mo inće por imparè instësc tröp y por rové a na maiù contentëza tla vita.

Siur degan Iaco Willeit à portè dant na picia oraziun religiosa, cun chëra che inće ël à sotligné la importanza dla cherdada de vignun por ti fà dl bëgn al proscim. Al à daurì so intervënt cun na picia storia di tëmps di romans: döes ëres dess s’avëi incuntè y öna dess ti avëi mostrè al’atra dötes les richëzes y les belijies che ara â. Canche chësta ti à damanè al’atra olache ëra â sües richëzes, dess chësta avëi tut tla man sü mituns y avëi dit: “Chësta é mia richëza”. Avisa sciöche i mituns é la richëza dla familia, insciö é i volontars la richëza dla comunité.

“Perde por abiné” Inće le dotur de comun, Giuseppe Di Marino, à salpü da tochè le cör dl publich cun sües parores. Al à portè dant pinsiers dër soć, lià al “Lalt dl volontariat”. Al à metü man so discurs cun chëstes parores: “Perde por abiné” y “Dè por ciafè”. Al é important che an s’un stais bëgn sides fisicamënter co inće spiritualmënter sce an ô arjunje le bëgnester. Y chël é pö n travert che vignun oress arjunje. Le volontariat é la misciun

I surastanć dles uniuns sportives à pié do la onoranza.

Na esperiënza de n jonn

Teater ironich y plajor Denant che al gniss partì fora les onoranzes a dötes les uniuns, à Simon Kostner portè dant te na manira plajora-ironica süa vijiun de volontariat. Cun reflesciuns che lascia dër ponsè sura sön le comportamënt tles uniuns y sön la importanza dles uniuns, àl salpü da mëte a rì le publich rové adalerch te de plü momënć. Te na uniun désson s’un stè saurì. Dessigü, an fej valch por i atri, mo an po inće se la dè bona, ćiodì pa nia cun n pü de aurela cörta, na bona ćiastegnada vigni tan o inće val’ jita. Volontariat n’ô nia ma dì

fà, mo inće stè pro valgügn.

Onoranzes por les uniuns La festa é gnüda stlüta jö cun la surandada di diploms a dötes les uniuns soziales, culturales y

sportives. Dedô é düć gnüs invià a n bufê y a n pice momënt de aurela cörta tl foyer dla Ćiasa de Cultura. La cornisc musicala é stada tles mans de n cuartet de trombëtes, sot ala direziun de Markus Willeit. (test: daria valentin, fotos: werner pescosta)

Edith Dapoz Valentini, assessuria al sozial dl comun de Badia, deboriada cun le moderadù Lois Kastlunger.

Simon Kostner à pité n bel teater.

Rapresentanć dles uniuns dles ëres, di ëi y di jogn. www.lauscdiladins.com

33


Val Badia

34

www.lauscdiladins.com

nr. 48 / 09 de dezember 2011


Val Badia

nr. 48 / 09 de dezember 2011

Chi dl 1971 a cëna

L’orcena dal’edema

Cincantecinch nasciüdes y nasciüs dl 1971 de döta la Val Badia à tut l’ocajiun da festejé sü pröms 40 agn, recordan inće chi dl ann che é bele passà a miù vita Tëmp lëde - En sabeda ai 26 de novëmber é chi dl 1971 dla Val Badia rovà adöm. Scomencè unse cun na bela mëssa a Oies, dita da siur Pire y abelida da trëi ćiantarines de Badia. Deache nos dl 1971 ùn compagnes y compagns che nes à lascè trö’ massa adora por stè cun

Chël Bel Dî, unse orü i recordè tla funziun cun le lominus dles ćiandëres arjignades por mëte söles fosses di defunc. I se recordun de Cinzia, Bruna, Hubert, Othmar y Gualbert cun gran incherscimun, inće sce ai vir inant te nüsc pinsiers y nüsc cörs. Do la santa mëssa unse

passè na bela serada tl Hotel Störes a San Ćiascian, pro na buna cëna y de bela musiga sonada da “PowerJoe”. A inom dl comitê d’organisaziun oressi rengrazié düc chi che à daidé y contribuì che la festa garêtes. Y i oress ćiamò injuntè: bel él stè y ala proscima! (Verena)

Ać de vandalism Tratan i mëisc da d’isté él sozedü ti bosc da Lungiarü y söl confin cun San Martin cosses che n’à nia ma desplajü, mo che ê deventades prigoroses por la sanité de jënt

Na loja da iagher rosedada sotissura.

Sciöche dessigü tröc sa o à datrai odü, él ti bosc - te cer posć - sides ia por tera co inće sö por val’ lëgn, de te’ piceres baraches, les lojes da iagher, conesciüdes cun l’inom todësch “Bodensitze” o “Hochsitze”. Chëstes apostaziuns, che vëgn arjignades sön aproaziun y consëns dl proprietar dl bosch o dl prè, vëgn adorades dai iagri por l’osservaziun dla salvarjina o por l’assosta dal rî tëmp tl cajo de debojëgn. Insciö inće ti bosc da Lungiarü y San Martin, olache al é te plü posć gnü arjigné de te’ lojes.

Incuntada por la cëna de chi dl ‘71 a San Ćiascian.

Düć foran Zillertal Chi dl 1981 é jüs dui dis en jita por festejé l’eté torona de 30 agn Tëmp lëde/2 - I nasciüs dl 1981 po chësc ann festejé i 30 agn. Por l’eté torona él gnü organisé tla findledema dl 1. y 2. d’otober na jita dla tlassa por düć chi dla Val Badia. Pià ia éson la sabeda da doman

cun travert foran Zillertal a ćiarè le gnì de munt, che vëgn festejé indertöra te chi posć. Sön la festa êl n gröm de jënt y aorela cörta bel assà. Le dé dedô unse lité da jì a se fà na roda cun la ferata storica de Zillertal, da Jenbach ćina sön

l’Achensee, lêch che pîta n scenar demorvëia. Dailò sunse stà a marëna y dedô sunse plan plan pià zoruch cuntra ćiasa. Al é stè na bela jita, plëna de compagnia y devertimënt. Al proscim iade indô.

Prigo por la porsona Sozedü él che les pices baraches ia por tera (Bodensitze) gnô n iade indôlater rosedades y chësc intres indô danü - te deplü posć. Pro les lojes alalt (Hochsitze) éra jüda tan inant che al é gnü porvè pro deplü da les rosedè cossa che n’é nia daldöt garatada - mo che à fat deventè la costruziun malsigüda y prigorosa! Insciö inće pro les litres da jì sö tles lojes di iagri. Ares é gnüdes

rotes! Él mo invalgò inće val’ litra che é gnüda rovinada, a na moda che ara se spaches impormò canche le iagher va sö? Canche la cossa gnô tan prigorosa y fata cun malizia, é i fać sambëgn gnüs dà dant pro les autoritês.

Ćiodì pa? An po se damanè: ći porta pa zacai a fà val’ de te’? Na minunga cuntra la ćiacia? Cuntra i iagri o por ti fà de dann? Deache al é val’ che destürba la natöra? Por ći gauja mai? O gnôl veramënter porvè da fà a na manira che val’ iagher tomass jö y se fajess mè dassënn? Se rënd pa chëstes porsones cunt che cun chisc ać de vandalism ne féji nia ma danns materiai, mo ai mët veramënter al prigo la sanité de jënt? Por le dagnì pòn ma s’aodè che les cosses di atri vëgnes respetades y che degügn - mai - ne mëtes al prigo la sanité dles porsones! P.S y C.H a inom di iagri da Lungiarü y San Martin de Tor

N bel retrat de grup por chi de 30 agn.

Batadù y lotaria Les zetoles fortunades trates fora en gaujiun dla segra de Santa Tarina Lotaries - Le paîsc da Corvara festejëia la segra de Santa Tarina le dé che ara toma, ai 25 de novëmber. I stödafüch dl paîsc à inće iniann indô invié da gnì a fà festa. Do la mëssa ćiantada éra jüda inant tl salf dles manifestaziuns cun le batadù, che ê le secundo apuntamënt por le Batadù Ladin. Davagné à en chësc dé i cartadus Kurt

Taibon y Lois Pedevilla, secundes é gnüdes Teresa Gasser y Rosa Winkler, terzi Urban Willeit y Giuseppe Dapunt. Le pröm pozer s’à assigurè Roman Senoner y Hubert Senoner, le secundo pozer Ossi Runggaldier y Raimund Mussner. Te chësta ocajiun él inće gnü invié ia na ola dla fortüna. Les zetoles fortunades porta chisc

Pro chësta baraca él gnü fat dann pro la litra da jì sö.

numeri: 2970, 8321, 0974, 7347, 6317, 3503, 4608, 7255, 0668, 6271, 5053, 3525, 8552, 3528, 6535, 2563, 5020, 5226, 4977, 0578, 3459, 4087. I pesć pòn damanè do ćina al 31 de dezëmber 2011 al 338/8541778 o al 335/8335841. I Destüdafüch da Corvara rengrazia düć i sponsors, dites y botëghes che à dè ca pesć. (pablo)

www.lauscdiladins.com

35


Val Badia

nr. 48 / 09 de dezember 2011

Sochedì na vita i atri! Mëda Tarejia Ferdigg de Poldele complësc 80 agn. Ara stà incö a Porsenù y da 30 agn incà fejera de vigni sort de sorvisc por les monies clarisses y à n cör davert por i atri Porsones - Al é tres tröpes porsones plënes de ideai che laora tl chît zënza damanè bëgn dî n paiamënt no n reconoscimënt por le bëgn di atri, de jënt vedla, de amarà, de drogà, de alcolisć, de sciampà y tribolà, de istituziuns religioses y sanitares. Cis chësta ota - Ann Internazional dl Volontariat - é la comunité debit da valutè le laûr de tan de porsones plënes de mirić por le bëgn di atri. Öna de chëstes porsones é mëda Tarejia Ferdigg da Costalungia a Rina che vir a Porsenù y che i orun n pü’ recordè.

La familia de mëda Tarejia Ferdigg Danter Costalungia Dessot y Dessora passa la strada da jì da Rina cuntra Antermëia. Da Costalungia inant röion ite dales prömes ćiases che fej pert dla cöra d’Antermëia, mo che alda pro le comun de Mareo; do la vera les àn destacades dala cöra da Rina por i ascortè a chisc abitanć cotan le tru da jì a dlijia y a scora. L’inom dl lüch Costalungia é sciöche cognom de familia gnü mudè sides dai todësc che dai taliagn: Castlunger, Kastlunger y Costalunga. Mëda Tarejia é nasciüda a Costalungia Dessot (Rina) tla ćiasa

Dan le convënt dles clarisses.

La familia de Poldele: Tarejia (*1931), Franz (*1930), Iarone (1921 2007), Angel (*1925), Carlo gnü P. Merch (1923 - 2004), Maria (monia 1924 - 2003). Dessot él Lena (*1933), uma Lisl (+1959 ), Tarina (*1927), le pere Angel (+1934).

de Poldele, ai 12 de dezëmber 1931. La uma de Tarejia ê Lisl Clara (+1959) da Val y le pere Angel Ferdigg (+1934). Tarejia Ferdigg à albü 8 fredesc y sorus. Le fre Carlo é jü pro i patri franzescans (Pater Merch) y dl 1949 àl dit mëssa noela. Al à studié lingac y à insigné tla scora di franziscans a Balsan latin y talian; al é stè cotan d’agn capolan de porjun. Tröc agn àl fistidié da ti dè val’ de ćialt o almanco n panin

ai plü püri dla droga, dal alcohol y dles porjuns che mazâ döt le dé a porta di franziscans. La só Maria è gnüda monia de Don Bosco.

Le füch desdrüj la ćiasa Tarejia é jüda a Rina a scora, spo ésera rovada fora San Laurënz a imparè da cujì; ara savô da fà dër de bel patüc. A Costalungia àl dl 1953 dè jö le tonn y la vila é jüda

I nüc mëda Tarejia y so om Franz.

en föm y les families é rovades te de gran meseries. La uma de Tarejia é romagnüda sora cun 8 de pici mituns; cun l’aiüt de de bona jënt ésera jüda da fà sö valch y da la trà inant; la uma de Tarejia se debitâ vigni ota che zacai mazâ a porta, deache ara ne n’â nia scioldi da paié i orâs y artejagn. Tarejia é stada 2 agn fancela a Moriun, spo ti àra fat 2 agn le guern a süa uma che é morta dl 1959. Tarejia é spo jüda a fà la fancela de ćiasa ia en Ampëz pro families. Dl 1968 àra maridé le tistler Franz Burchia da Antermëia che i morî bele do da 2 agn. Ara é spo indô rovada ia en Ampëz fancela de ćiasa. Bëgn 30 agn àra socodì a Porsenù tl “Bürgerheim” berbesc y mëdes che ara â tan ion.

Inće en ponsiun a daidé Da canche ara é en ponsiun, va mëda Tarejia impò tres a daidé berbesc y mëdes, a i romenè sö i apartamënć, a jì n pü’ fora de ćiasa, a i cuncè guant y a ti al superscè. Ara romëna sö la dlijia di franziscans y ti fej da 30 agn incà la postina ales monies clarisses: ara ti porta la posta, va dala banca, ti ufizi, ara à da 30 agn lavè la dlijia dles monies, ara va por ëres a cumprè ite - döt chësc féjera zënza damanè valch.

Na gran pasciun de mëda Tarejia é stada le cartè; ara n’â pa nia ion sce ara messâ perde, dailò ponsâra codî do, sciöche ara ess podü fà. Incö ti mànćel i compagns y les compagnes dl jüch, tröc s’an é bele jüs iadelà.

Na porsona soziala Mëda Tarejia ne n’é nia na porsona spauia; ara ti va pormez a chichessî a damanè de vigni sort, spo vëgnera lassura che ch’al é; insciö féjera cun l’ombolt y le vësco y d’atres porsones nia ma de dlijia. Ara conësc tröpa jënt y s’la fej bona pro düć. Ara mëna na vita dër scëmpla, é sparagnënta, ara é de bun cör, ara à tröp dessorora por i püri y ara se mantëgn tres bela sana intun. Degügn ne ti dess chi 80 agn che ara complësc śëgn de dezëmber. N gran dilan a mëda Tarejia por döt ći che ara à fat de bëgn ala comunité, ales families, ala jënt vedla y püra, ai müciadures che ne sa olà ia y de ći mort morì. Che ara pàlses n pü’ y restes sana, che al i sais inant bel a Porsenù, olache ara se sënt daćiasa do tan d’agn de sorvisc. Döt le bun por i 80 agn ti aoda süa parentela y cis les monies clarisses Sr. Angela y Sr. Monica Pitscheider da Ruac de Badia. (Lois Trebo)

En ponsiun por palsè.

Santa Zezilia cun onoranzes Inće a Corvara àn fat festa por Santa Zezilia. Cun l’ocajiun él gnü partì fora döes onoranzes y n cheder de mirit

N valgügn ćiantarins deboriada cun siur Andreas Perathoner jö Rungg.

Santa Zezilia/Corvara Sciöche vigni ann, à i Ćiantarins da Corvara orü onorè süa santa patrona, che ćiara jö sön ëi y ti

36

www.lauscdiladins.com

scinca benedisciun. Ai 20 de novëmber à le cor de dlijia ćiantè la santa mëssa y surandè les onoranzes. Le surastant Raimund

Irsara à surandè deboriada cun le dirighënt Franco Pizzinini y siur Andreas döes tofles de mirit: Elisabeth Penazzi à podü pié do chëra de 25 agn d’ativité, tratan che Josef Passler à ciafè chëra di 10 agn. Na onoranza y n rengraziamënt particolar ti é jü a Pio Dorigo che n’é nia plü tla uniun, mo che à ćiantè y sonè i orghi por dër tröc agn. Le bel cheder depënt a man da Raimund Mussner ciafarà dessigü n post particolar te süa stüa. Do la funziun é i ćiantarins jüs düć deboriada jö Rungg a marëna, olache al s’â abiné inće le Cor de Dlijia d’Al Plan, che à daidé pro a ralegrè la bela atmosfera. Sambëgn n’él nia gnü sparagné la usc.

I Ćiantarins da Corvara à surandè döes onoranzes y n cheder de mirit: da man ćiampa le surastant Raimund Irsara, le dirighënt Franco Pizzinini, Pio Dorigo, siur Andreas Perathoner, Josef Passler y Elisabeth Penazzi.


Letres y Minonghes

nr. 48 / 09 de dezember 2011

La strada de Ciampian a Vich e noscia arpejon Da n sabeda 3 de dizember se pel viajar su la neva varianta de Vich. Desché dute le strade, na uta fate se le doura, e no se peissa più se le podea esser metude te un auter lech o fate a un autra vida. Coscita suzet co l’auto. Can che se l’à, se se l ten. Ma purampò valch conscidrazion su la strada de Ciampian pel esser fata. Vich l’é n paìsc a economia turistica e donca l’aea debesen de tor demez l trafich da te anter le ciase. Nesciun scior vel troar sa Mont chel che jò te zità cogn soportar par forza. Ma Ciampian erel l post più adatà? La strada de Ciampian tol demez dalbon le machine da dut Vich? Parché Costa, Val, Col da la Sia, Solar cogn soportar na neva strada te dant le ciase, e Piz de Val e Fontana à l medemo trafich da dant? No fossel stat più utol far n tunel da Lilo - jun Golbia - sot o dalavìa da Costa e che l rue aló da Murada par dapò se ciapar co na utada a U o n rondel te strada de Careza? La strada te tunel no aessa dat dimpaz a nesciugn, fossa stat sparagnà Ciampian. L tunel fossa stat demò 200 mt. più lonch, aessa fosc - die fosc - costà mingol de più (sessaben dute le robe fate polito

le é ciare! No se pel partender de ciapar na Ferrari a l prijie de na FIAT 500!) ma l se aessa tegnù dut l paz, l bordel e l entesseament daìte, la strada fossa stata manco erta e daldut sconeta. Jun Ciampian - olache con trei picui ponc de legn sun ruf de Vael se pel ruar en curt da dute le man de Vich - se aessa podù, par ejempie, librar l ruf dai mures, ge dar n ghebo più natural, l valorisar, far n biotopo (peisse a Corvara), endrezar n percors co l’element “Aga”, tant da la man naturalistica - desvalivanza e valor biologich (piante-fiorespesc-bestie) - che nvers a l’atività e l’ingegn de l’om - molin-fojina-sia veneziana e c.i.. Aessa podù doventar n zenter ludich e de sport lijier - zenza gran atrezature, da durar conforma le sajon - par bec, gregn e giaves, te mez paìsc. Cheste robe le é state scrite e dite da vint egn en cà. I veies aministradores à volù alincontra “valorisar” la STRADA. L “boton vert del venter” de Vich l’é doventà na strada, (cost medie 3 miliarc de veie lire vigni 100 (cent!) metres: i pai da la lum cognessa esser de or!), bela, ma semper strada. Desché se fossa na strada che Vich vel vener e no l bel,

Dales zentrales di partis politics l vert, la pasc, l chiet, la natura, n ultima, dut chel che l Scior cer sa Mont. Bon, oramai la é fata; Ciampian é stat destrabonì zenza nesciun respet par l’orografia e par la morfologìa di lesc e, colpa ence l nef parcheggio, no l’é più possibol na letura del contest ambiental unitar metù nsema dal ruf de Vael, sie spone, l ciadin de Ciampian con sun l’or le vile de Costa, Val, Col da la Sia, Solar. N bel esempie de co che i Ladins ge tegn a so teritorie. Sessaben nisciuna colpa à i Aministradores de anchecondì che i se à troà la malagrazia ndreazada. Ma chest cogn esser n nsegnament, a na vida che da chiò inant le robe vegne fate polito, con ferstont, valutan semper se l’é amò autre, valch outa miore soluzion, da chi che mai portade dant. Chel che vegn fat cogn durar 100 egn zenza perder e far perder (peisse demò a l’hotel Renato, ma ence a le ciase, vejine o manco vejine, che nscin ades era n pasc e zenza porcarìe tedant) de valuta a chel che stasc dintorn. Mascima se sun chesta valuta e de chesta valuta vivon e vadagnon. DUC.

La SVP À giapà l „Lauf-PASS“ a Viena!

Otto Lorenz de Bora, Vich

Chisc dis passei à ino n iede na delegazion dla SVP fat na escursion a Viena, per petlé che l ti vënie cunzedù na zitadinanza DOPLA ai tudësc y ai ladins de Südtirol. La SVP à bonamënter debujën de fé DE tel azions per tizé tl scontro etnich, de chël che ëi viv y te chësc mumënt monce per destò si eletëures dala question dla SEL. Per cie che reverda la cuestion dla zitadinanza dopla che ëi uel arjonjer, sambën nce per i ladins iel da dì, che ne cunësc deguni, almanco danter la jënt ladina, che ne à mei sentì l bujën de velch da de tel. Coche n à pudù ntënder iesi a Viena plutosc unii tëui y jic, y chësc da mé ora nce cun rejon. Mpede l pas ài giapà l „Lauf-PASS“, dijëssa l tudësch. Nëus vivon te Europa y son zitadins europeics, che bonamënter dant o do deventerà un n Stat cun plu regions, ulache la jënt arà plu o manco y medemi dërc y duvieres. Perchël pòssen dì che la SVP viv tl passà. Cun chël scenar europeich ne sarà i tudësc nia plu na mendranza y

di jëuni dl Chemun de Sëlva, che à tëut su y purtà inant cun tan de legrëza l’idea che l FJ Gherdëina ova ntlëuta laurà ora y prejentà al Chemun.

Dessegur ie chësc n var inant per purté l jëunn plu daujin al Chemun, per fé a na maniera che l sibe plu nteres da pert dla politica per i jëuni y nce che i jëuni ebe plu nteres per

l sarà mé plu bujën che la mendranza ladina vënie scuneda. Tlo saràl da udëi sce nëus son njeniei a chëla ndesfideda. L unirà ora mo plu tler che messon vester nëus nstësc a la vëncer. Per ruvé mo n iede de reviers al’azion politica purteda inant dala SVP a Viena, ulache, coche l ie da liejer sun si plata internet, motivei chësc fat che nce ai zitadins de rujeneda taliana dl’Istria y dla Dalmazia ti iel ntlëuta unì cunzeduda la nazionalità taliana. Paradlé la storia da ntlëuta, cun chëla da śën te Südtirol fej mé chëi che ne à degun argumënc y jënt despereda, che ne sà nia plu cie se lascé tumé ite per mëter sotsëura. Sce la SVP uel fe zeche per l bën dla jënt ladina, ne dëssi nia pensé ala zitadinanza dopla, ma a nes cunzeder plu autonomia y nia for me desfruté nosta mendranza per jì ncantëur a fé si propaganda. Walther Kasslatter, Runcadic Ladins Dolomites

Plata di jeuni tla zaita de chemun de selva Uramei iel passà passa n ann da canche l ie la plata di jëuni tla zaita de Chemun. Ulësse rengrazië de cuer i „Jëuni de Sëlva“ per l mpëni che i à desmustrà, se tulan su l

mpëni de scrì articuli y purté ite nfurmazions nteressantes per i jëuni, na forma de ulentariat per ti dé plu usc ai jëuni dl luech! Mo n rengraziamënt ti va ai respunsabli

la politica. N de gra a duc vo che nes ëis sustenì ativamënter. Max Mussner,, Vizeportausc dla „Freiheitliche Jugend“ per l raion Bulsan y ujinanzes

Ence a Bulsan l palù Duc à fat de gragn uedli a lieje edema per edema noeles tres plu pazes y entortes vegnudes a lum tla SEL. “Der Sumpf” é l titul sun l cuertl dla revista edemanala ff. Al vegn rejoné de n palù; duc sà che zapé ite per n palù é pericolous ajache an pò ence jì sot

Chisc fova a cef dla SEL - Klaus Stocker (sel.bz.it), Franz Pircher (altoadige.it) y Maximilian Rainer. (sel.bz.it)

Politica - Rodunt chi dles enciaries plu autes dla SEL à sfruté la ocajion per fé enteresc privac; duc chisc é jus sot, é vegnus destouc da sia enciaria. Degugn ne s’essa mai aspeté che al fossa sauté fora a Bulsan na tel cossa tant paza. Empruma à Bulsan prové de bagatelisé la storia tourbla dla SEL, ma spo se à ence la magistratura entenù che al fova valch de fret te chesta sozieté publica, che zertes cosses é vegnudes conzedudes per “amicizia”. L procuradour Rispoli à dit: “Te na aministrazion ne pò amicizia nia conté”. Ence Durnwalder é vegnù cherdé da Rispoli per audì sce al savova valch de plu dles sciacaredes de chi dla SEL y de siei tirafii dovia. Cie che fej de marevueia é che al ne dessa

avei sapù nia - enscì àn podù lieje tla stampa - cie che al vegniva patucé te na sozieté perauter controleda da la Provinzia. Ma te Südtirol é rodunt chest sistem l plu gaiert y slarié fora: an à demé bria de conesce les dretes persones per ruvé plu saurì inant. Conscidron mo sciche truepes enciaries publiches é vegnudes dedes via: te conseis de aziendes, de istituzions, de sozietés, de banches, de autostredes, de ferates, de musei, de istituc, de consultes, dla RAI. Nia demé pro la SEL y la SAD ma feter dlonch él raprejentanc o amisc dl gran partit. An à podu lieje che l sourastant dla SEL Klaus Stocker fej pert de 17 conseis de aministrazion!!! Al é vegnù normal che jent va

da doman adora a Bulsan a fé coda per ti porté dant al sourastant dla provinzia siei problems; chest pérel che ence ombolc sie sforzés de fé. An conta che an arjonj enscì cotant deplù che sce an mana demé ite a Bulsan i papiers biei suc a valch assessour. Vegnìssel fat na politica neta y giusta, ne jìssel nia debujegn de jì a Bulsan a petlé. Durnwalder se la à n puech sdraneda con la superfesta de sie compliann che à costé n grumon de scioldi; an baia de 39.000,00€. Al ova dit dantfora che al paiova dut el cun si scioldi privac, ma a la fin à ence istituzions davert la bursa dai scioldi. Y spo s’à la Université da Bulsan astilé plutost mel da ti dé a sia biblioteca l inom d e D u r n w a l d e r. N t e l comportament é conesciù ti sistems totalitars sciche ‘cult dla personalité’, te nosc raions él - o fòvel - endere vedla tradizion che an tol demé ca inoms de persones bele mortes per batié stredes, ciases y istituzions publiches (cfr. Micurà de Rü, Tita Altonn, Jepele Frontull, J. B. Runcher). Al fej ciamò plu de marevueia che la glorificazion dl gran capo vegne fata te na istituzion academica che à inom ‘Université ledia’. Te Südtirol pol ormai sozede de vigni sort de stramboces!

Al é tres vegnù tant laudé l sistem Südtirol y bravé che al funzioneia tant endertura y che la aministrazion é duta tant sana, de scandai nience la ombria. Ma spo via dedò cialela fora dut autramenter! Chest scandal ti à fat a Südtirol dret n sclet inom. An n´essa mai sospeté na tel cossa tant tourbla y paza. Nos ne on nia plu bria de brontolé soura chi da sot Salurn ju che trapoleia zenza lascé do. Scuton ma chiec y provon de remoné fora de stalot nost

scich! La magistratura dijarà la sia y i creie che ala ae cotant da dì. Al é da spere che al vegne a lum cie che é vegnù combiné contra la lege y che i responsabli vegne touc docà. An spera che al vegne ence a lum te d´autres aministrazions provinziales y comunales cie che ne é nia giust. I joegn ne dess nia giaté la imprescion che “i gragn” pò sbordené pascius depierpul che n auter vegn straufé sce al roba n zacotant de poms. (Lois Trebo/ev)

La Université Lëdia da Balsan. (Foto: www.bischoffkopp.ch) www.lauscdiladins.com

37


Sport

nr. 48 / 09 de dezember 2011

L Fascia no é bon de ciapèr l’outa Dò la partida perduda contra l Cortina, l Fascia no venc nience contra l Valpusteria, pruma squadra en classifica

Mattia Bernard l’é stat un di miores del Val de Fascia.

Hockey Fascia - No l’é segur bon temp per l Fascia che no l’é stat bon de venjer nience te l’ùltima partida te cèsa contra l Valpusteria. Dò l 3 a 1 vin Ampezo, de chel che vegn scrit te l’articol chiò sotite, en sabeda ai 3 de dezember, per la 20^ partida de campionat l Val de Fascia l se à scontrà su la giacia de cèsa contra i jiadores de la Pustra. La spetadives per l bon ejit de

la partida les era dassen autes per i patrons de cèsa, che i se à prejentà duc su la giacia, fora che l numer 9 Rudy Locatin, che enstadì l’é stat operà al jeneie. Da duta la squadra, da la sozietà sportiva e ence da man noscia ge fajon a Rudy n gran braciacol per sia varijon... Forza Rudy! Te speton l più prest possibol... amò più fort che dant e, per endèna, speron de te veder a partida a fèr l tifo duc ensema per l Val de Fascia. Ma vegnon endò a la partida. I ghesć, ence zenza Ling, i se prejenta ta Dèlba dassen en forma percheche te sia ùltima doi partides i aea vent contra Vipiteno e Valpellice. I prumes menuc de jech i é chiec, desche se la doi formazions les se studiassa una co l’autra. L’atenzion del publich se auza canche l Valpusteria ceida segnèr col numer 13, Patrick Bona, ma la traversa sèlva l Fascia che coscita l ciapà endò gaissa e l segna la pruma rei de la partida: Chelodi e Snetsinger i se passa l puck che

l rua tedant a la steca de Sullivan, che no l pèrt ocajion e l tira dret te la gabia aversaria, fajan sutèr l publich e auzèr la bandieres biences e brunes di ultras fascegn. La rei la desceda amò de più l Valpusteria che l proa l’assaut a la gabia de Doyle con Scandella, Magnan e Jensen, zenza ampò passèr via la bela parèdes del portier ladin. L prum temp l se sera sù con n moment de distrazion de Matt Piva che fèsc inirèr l publich, e no demò... del Fascia. Defat l’atacant pert l puck te zona neutra e l ge dèsc l met a Crepaz de trèr dret te gabia del Fascia e segnèr l’1 a 1. Tel secondo temp la emozions per l publich les é dutes ti prumes 10 menuc de jech. Al 6° Chelodi e Sullivan i rua apede al gol, ma i ciapa l fer. La lege del sport ampò la é dura e i ghesć al 7° i segna l 2 a 1 con Tauber. L ladins no zede e l’é Turon che al 10° menut l fèsc endò sperèr l Fascia e si pascioné segnan la rei del 2 a 2. Te l’ùltim temp se veit su la

giacia doi squadres belebon zaches, con na gran voa de se portèr a cèsa la venta. Da pèrt del Val de Fascia no mencia segur de bela azions de atach, soraldut cheles de Bernard e Castlunger (i miores su la giacia), ma tinultima l’é l’atacant puster Roman Erlacher a descancelèr la speranzes di fascegn e segnèr la rei de la venta. 20^: Va l Valpusteria

de Fa s c i a 2a3

Classifica Serie A dò la 20^ giornèda Val Pusteria 42 ponc Cortina 39 ponc Busan 39 ponc Pontebba 32 ponc Alleghe 29 ponc Val de Fascia 26 ponc Asiago 24 ponc Renon 23 ponc Vipiteno 23 ponc Valpellice 20 ponc Resultac de la squadres mendres del H.C. Fascia: En domenia ai 4 de dezember

i pìcoi de l’Under 8 i à jià l prum enconter del Tornoi a 4 squadres con la formazions HC Fiemme, HC Cornacci e HC Pergine. L’Under 12 à jià en mercol ai 30 de november ta Dèlba tel Campionat Trentin contra l’HC Cornacci e l’à vent per 7 a 4 con 2 goi de Gioele Rosa, e 1 per om de: Francesco Giuliani, Francesco Rossi, Mattia Lastei, Sebastiano Rossi e Gianluca Vukojevic. L’Under 12 à jià ence en sabeda ai 3 de dezember tel Campionat Venet contra l’HC Asiago e l’à perdù per 3 a 4. Di fascegn à segnà 2 goi Stephan Deluca e 1 Andrea Ploner. L’Under 16 à jià en sabeda ai 3 de dezember contra la SHC Pieve di Cadore e l’à vent 8 a 2 con 3 goi de Matteo Dantone, 2 goi de Nicholas Zulian, e dapò un per om de: Luca Ploner, Luca Lauton e Lorenzo Paolinetti. L’Under 20 à jià ai Bornech en vender ai 2 de dezember contra l’HC Pusteria Jr e l’à perdù 7 a 2, con duc doi i goi de Patrick Meneghetti.

Sauté tres la galaries dla minieres dal sel Tl ultim tëmp à atlec di Gherdëina Runners fat pea pra cumpetizions mpue particuleres, una fova n ”Ironman” tl Mexico y l’autra fova ënghe drët na sfadiëusa y particulera ulache la se tratova de sauté tres na miniera lasceda su Sauté - Ai 27 de nuvëmber àn metù a jì l ”Ford Ironman Cozumel” tl Mexico. Tlo fòvel da nudé per 3,8 km pona da furné cun la roda per 180 km y ala fin mo sauté 42,2 km. Nce una na atleta di Gherdëina Runners Cassa Raiffeisen de Ciastel à fat pea pra chësta cumpetizion y l se trata plu avisa de Francesca Tibaldi. La atleta de 36 ani se à tlassificà al boniscimo 8. post cun n tëmp finel de 10:01:39, ëila à abù 58 menuc y 22 secunc a nudé, 6:16:47 cun la roda y 3:40:24 per sauté. Francesca Tibaldi garejova tla categuria dla elite, chël uel dì cun i miëures che fajova pea pra chësta garejeda. Prima ie ruveda

Benz Simone dla Svizra cun n tëmp finel de 9:14:08, segonda Tojsich Sonja di Paejes Tudësc cun 9:23:15 y terza De Groote Sophie dl Belgio cun 9:26:07. N sada ai 3 de dezëmber fòvel ora i Tudësc na garejeda particulera ma sfadiëusa. L se trata dla 4. edizion dl Untertage-SparkasseMarathon ti Paejes Tudësc, y plu avisa tl Brüggmann-SchachtSonderhausen na miniera dal sel ulache l ie unì laurà mo nschin tl 1989 y che ie pona unida mudeda te miniera de avenimënc da pudëi jì a vijité. Perchël pòssen se nmaginé drët bën che chësta fova na

maratona mpue speziela, ajache di de ndut 5,27 km fòvel da sauté per 700 metri sot a tiera ite. L deslivel fova de 110 metri. La temperatures pra chësta cumpetizion fova de zirca 25 gradi cun 30% de tume. Duc i cuncurënc, l n possa fé pea al plu 400, muessa ntan duta la maratona avëi n casco cun na lum sun l cë. Prim se à tlassificà Karol Grunenberg cun n tëmp de 3:02:44, segondo Lasse Jensen 3:26:19 y terzo Ulrich Amborn 3:29:07. Georg Demetz di Gherdëina Runners se à tlassificà 27ejim cun n tëmp de 3:57:30 y al 7. post tla categuria M40. Coche Georg nes

à cuntà fòvel na maratona bëndebò sfadiëusa, cun temperatures danter 22 y 30 gradi. L univa a dì tres ce galaries y tuniei che n sautova tres. L fonz fova a strufs da sel y sbavize. Chësta fova per Georg la cuarta maratona chëst ann. L ann passà n òvel fat set. L’ultima garejeda ulache l fajerà pea atlec di Gherdëina Runners sarà l BOclassic a Bulsan n l ultimo dl ann, di de San Silvester ai 31 de dezëmber. Ulon ntant ti mbincé a duc i cumëmbri y sportifs bon Nadel y n bon ann nuef, y ti sentì gra a duc i media che à for dat inant la nfurmazions. (mp)

Georg Demetz che à fat pea la maratona sot a tiera.

L derby ladin va al Cortina

La venta dl Under 20 a Eppan

L Hafro Cortina bat per 3 a 1 l Fascia, ma ne pò fé nia contra l Ritten

Na scuadra sterscia che fej speré te n bon davegnì: i atlec dl Under 20 à batù per 6 a 0 l Eppan, ence per merit de si alenadour Marco Scalpinello, che é tl laour da porté chisc atlec joegn ai livei plu auc dl hockey nazional

N moment tratant l derby ladin.

Hockey - L Hafro Cortina, che tratant i ultims dis de campionat à perdù l prum post dla classifica, à prové da l reconcuisté en juebia seira tl derby ladin contra la

38

www.lauscdiladins.com

scuadra de Fascia. L Fascia à desmostré atira da ester en forma sun l ciamp aversar y à belapontin davagné l prum temp con n gol de Matt Piva. Ma tla seconda frazion de juech se à la scuadra ampezana batù per la parité, arjonta al 35.53 con n gol de Curtis Fraser. Tl mete man dl terzo drittel se à mudé la situazion con n gol, segné en situazion de power play da Jonas Johansson. Luca Felicetti à spo tla fineda firmé l gol dl 3 a 1 metan

enscì al segur la venta de sia scuadra.

Desfata a Ritten per l Hafro Cortina Do la partida perduda contra l Bulsan, tl 19ejim di de campionat, fova la vueia de vence dla scuadra dl Ritten grana. Bele atira éla juda en vantaje con Mac Faulkner, n vantaje che é tost sté radoplé con n gol dl capitan May en situazion de power play. La fineda é steda n assalt dla scuadra ampezana che à podù segné n gol a 19 seconc da la fin, che ne à endere nia basté per porté a ciasa la venta. (Fontana: comunicat stampa dla LIHG)

Hockey Under 20 - En sabeda é la scuadra de hockey Under 20 de Cortina juda en trasferta a Eppan per cueie adum ponc emportanc per arjonje l plu atira poscibl l livel plu aut dla classifica. La superiorité dla scuadra ampezana an podù vedei bele dal prum menut y à doré enfin a la fin dla partida. Dopleta de Damiano Bravin, con gol al 8.37 y al 18.54, à caraterisé l prum temp. Tl mete man dl secondo temp é la scuadra de Eppan steda n puech plu agressiva, ma tost à Riccardo

Lacedelli firmé l gol dl 3 a 0. L 4 a 0, al 10.55, é sté di jomelins Rapisarda y l gol de Simone Larese à fat scluje l secondo drittel sun l resultat de 5 a 0. Tl terzo temp él ciamò sté Carlo Salvetti che à fat n gol sun azion personala y à fat deventé 6 i goi ampezans. L Under 20 à dé la bela imprescion da ester na scuadra sterscia che fej speré te n bon davegnì per l hockey ampezan. (Comunicat stampa de Sportivi Ghiacci Cortina - Luca Dell’Osta)


Sport

nr. 48 / 09 de dezember 2011

De biei resultac per duta la scuadres Na bona ena per la scuadres dl Hockey Club Gherdëina Hockey/Jëuni - L’ena passeda ie propi stat na bona ena per la scuadres defrëntes dla hockey. Sciche ài granc dla A2 che ie stac boni de bater i gran favoric de Naumarkt nsci ie nce plu scuadres di jëuni states bones de se davanië la vënta contra averseres riei da bater. La Under 8 ne n’à nia jugà ntan

chësc ultim fin dl’ena, ëi à fat pea pra l turnoi tradiziunel de San Miculau a Sterzing n l di dla Imaculata. Ntan che la scuadra dla Under 10 ie furneda a Neumarkt a fé pea inò pra n turnoi mescedà ova i mutons dla Under 14 si ultima partida dla prima pert dl campiunat

n cësa contra la scuadra dl Kaltern. La U14 de Kaltern ne n’à nchinamò perdù nianca no una na partida y nce chëst iede semiòvel che i vencëssa, davia che l Gherdëina à fat na stleta partida y do l segondo tëmp stajòvela 2:1 per i averseres. Ma coche la ie datrai tl juech dl hockey pòssela se raidé tëmp de puec menuc. Al Gherdëina ti àl

tlecà 26 secunc per fé trëi goi canche l maniova mé mo doi menuc ala fin y nsci à i mutons pudù fé festa, ajache i à venciù per 4:2 cun i tëmps jic ora 1:1, 0:1, 3:0. L Gherdëina ie śën al segondo post te tlassifica y te doi enes jiràla inant cun la prima ot scuadres che se ancunterà doi iedesc, n iede ora de cësa y n iede n cësa, per s’la fé ora per l titul provinziel de Südtirol y per la cualificazion per i campiunac taliani. Speron che la ti bute inant nscila. La Under 16 ie n sada furneda a Alleghe per jughé contra la scuadra da iló. L Alleghe se à desmustrà plu sterch y à purvà dla dutes trajan n grumon de iedesc sun cassa, ma nosc boniscimi verdiaporta à tenì dut cie che fova da tenì y nsci à l Gherdëina venciù la partida per 2:1 cun i tëmps jic ora 1:0, 1:0, 0:1.

La scuadra la Under 14. Prima rissa da m.c.: Jan Moroder, Damian Bergmeister, Alexander Scherlin, Leo Kostner, Juri Runggaldier, Jan Demetz, Lukas Piazza. Segonda rissa da m.c.: Vittorino Delucca (trainadëur), Leo Holzknecht, Marcel Comploi, David Pescosta, Lukas Demetz, Diego Glück, Andreas Senoner, Davide Demetz, Patrick Demetz, Andreas Vinatzer, Roland Flöss (trainadëur). Terza rissa da m.c.: Ivana Holzknecht (acumpaniadëura), Mike Windegger, Bean Schmalzl, Martin Senoner, Hannes Kasslatter, Andrea Demetz, Marco Schenk, Thomas Perathoner, Florian Moroder, Alex Grossrubatscher y Christof Piazza (acumpaniadëur).

La Under 18 ie n mierculdi ai 30 de nuvëmber furneda a Bulsan a fé si partida de campiunat. I ne à nia fat n bon juech, ma contra na scuadra plutosc dëibla ài mpo venciù saurì per 7:4 cun i tëmps jic ora 2:0, 2:1, 3:3. N dumënia ai 4 de dezëmber ie pona chisc mutons furnei a Cortina per jughé contra la scuadra da iló. Cun la scuadra nia al cumplet àn fat drët na bona partida che la scuadra de cësa ie stata bona de valivé ora

permò puec secunc dan la fin. La partida ie nsci jita ora a pèr per 1:1 cun i tëmps jic ora 0:0, 0:1, 1:0. Inier juebia 8 de dezëmber, di dl’Imaculata, à la U18 abù na partida n cësa contra l Alleghe. Coche la ie jita ora saràl da liejer tla proscima Usc. La Under 20 dl Sterzing/ Gherdëina ie n sada furneda a Milan a fé si partida, che i à venciù do la rata saurì. Ntan che tl prim tëmp fòvela mo mpue nteressanta, iesi tl segondo tëmp stai boni de fé la defrënza ne ti lascian tan che deguna lerch al Milan. Tl terzo tëmp ài pona tenì l resultat vencian la partida per 5:1 cun i tëmps jic ora 2:1, 3:0 y 0:0. Per la U20 se fermerà śën per n doi enes l campiunat davia che l sarà i Campiunac dl Mond Under 20 dla grupa B prima divijion a Tychy tla Polonia dai 12 ai 18 de dezëmber. L’ena dant se abinerà la scuadra naziunela taliana mo per n valgun dis de alenamënc a Sterzing. Nce pra chisc Campiunac dl Mond arà n valgun jëuni de Gherdëina l unëur de fé pea: l ie unì cherdà ite Gabriel Lang, Gabriel Vinatzer che fej nce pra la scuadra de A2 dl Gherdëina, Diego Kostner che juega bele da plu ani pra l Lugano y Martin Rabanser che ie pra Jr. Rangers de Boston. Leprò saràl nce l jugadëur dl Fascia Martin Castlunger. (im)

La Copa dl Mond scumëncia bën per Evelyn Insam Cun cundizions tlimatiches ncompres unìvel nvià via la prima garejeda de Copa dl Mond tla storia dl saut cun i schi dl’ëiles n sada ai 3 de dezëmber a Lillehammer tla Norwegia. Al start nce la jëunes dla scuadra naziunela taliana cun Evelyn Insam che ie bele tl prim saut bona de se tlassifiché danter la primes diesc

La scuadra naziunela taliana dl’ëiles de saut cun i schi.

Saut cun i schi - L ie n gran mumënt per l’ëiles dl saut y aldò fova nce la tenscion dla atletes. La trëi atletes de Gherdëina Elena Runggaldier, Lisa Demetz y Evelyn Insam sciche nce Roberta D’Agostina dl Friul fova ruvedes tl paesc dla Scandinavia cun de gran speranzes. Bele l di dant ntan la proes òven udù che la fossa deventeda dut auter che saurida. Cater ëura àn abù per ti dé la

puscibltà a duta la cuncurëntes de fé almanco doi sauc de proa, for inò messòven aspité pervia dl gran vënt. Nce n l di dla garejeda, ai 3 de dezëmber ne fova l tëmp nia scialdi miëur, per la atletes fòvel dut auter che cundizions a drët che restëssa mesanmënter valives. Dantaldut Evelyn à mustrà tan aut che ie al mumënt l livel dla sautadëures dla scuadra naziunela A dla Talia. Cun

sauc de 83 y 87 metri àla arjont n boniscimo sesto plazamënt. Che la ie te na bona forma à nce Lisa Demetz pudù desmustré. Ëila ie sauteda 81 y 84 metri lonc, che ti à purtà la 18ejima pusizion. Manco butà ti àla a Elena Runggaldier y a Roberta D’Agostina, che ne n’ie gordeno states bones de ciafië cun la cundizions, ma nce ëiles ie states bons de se miuré cun l segondo saut de n valgun plazamënc. Cun la campiunëssa mundiela Daniela Iraschko dl’Austria, Anette Sagen dla Norvegia, la iapaneja Sara Takanashi y la americana Sarah Hendrikson fòvel nce na cuncurënza scialdi sterscia. La americana ova bele cun i sauc plu lonc tla proes desmustrà che la ie tla miëur’ forma. Nsci iela stata nce tla garejeda ulache la ie stata te tramedoi sauc la miëura. Do ëila se àl tlassificà la franzëusa Coline Mattel dan ala tudëscia Melanie Faisst. La Iraschko, pur fajan de biei sauc, à messù se cuntenté chëst iede cun l cuarto plazamënt.

Copa dl Mond de saut cun i schi dl’ëiles Lillehammer (NOR) HS100 ai 3.12.2011 1. Sarah Hendrikson USA 100,5m/95,5m/277,0 p.

2 . C o l i n e M attel F R A 92,0m/87,0m/247,7 p 3. Melanie Faisst GE R 88,5m/93,0m/245,5 p. 4. Daniela Iraschko AUT 88,0m/92,5m/240,4 p. 5 S a r a Ta k a n a s h i J P N 86,5m/87,5m/234,9 p. 6 . Ev e l y n I n s a m I TA 83,0m/87,0m/232,6 p. 1 8 . L i s a D e m e t z I TA 81,0m/84,0m/213,7 p. 24. Elena Runggaldier ITA 82,0m/83,0m/200,4 p. 25. Roberta D’Agostina ITA 84,0m/79,0m/196,2 p.

Cun la Usc di Ladins y Radio Gherdëina tla Val de Flëm a cialé ala garejedes nordiches Nce plu daujin da nëus aràn tl scumenciamënt dl ann nuef la ucajion de udëi i atlec dla disciplines nordiches che se mesura te plu cumpetizions. La Usc di Ladins y Radio Gherdëina meterà a jì da Gherdëina demez na curiera, o nce plu curieres, per furné via tla Val de Flëm per viver pea chësta bela cumpetizions y fé tifo per nosc atlec n ucajion dla finela dl Tour de Ski ai 7 y 8 de jené a Ciavaleis/ Cermis, per la garejeda de saut dl’ëiles ai 14 y 15 de jené a Pardac y per chëla di ëi de saut y

Evelyn Insam ruva sesta tla prima garejeda de Copa dl Mond dl’ëiles.

cumbinazion nordica ai 4 y 5 de fauré for a Pardac. I nteressei possa se nunzië da Radio Gherdëina, cherdan su l numer de tel. 0471 797415. Sce n furnea pea cun la curiera giàpen la cherta de ntreda ala garejedes per 10 € y n pachetl per i fans cun tumbrëta, forbes da se depënjer su y n bonn de 10 € per na cherta da n di sun i mplanc dla Val de Flëm y Obereggen. www.lauscdiladins.com

39


Sport

nr. 48 / 09 de dezember 2011

Lukas Runggaldier doi iedesc ti prims diesc

Pröma pert stlüta jö

Bën à nce scumencià la sajon per i atlec dla scuadra naziunela taliana de cumbinazion nordica cun n plazamënt sensaziunel de Alessandro Pittin dl Friul y n beliscimo decimo y cuinto plazamënt de Lukas Runggaldier

Tles ultimes edemes à la scuadra dl HC Alta Badia U14 śoghé trëi partides. La pröma seria de partides é rovada y i pici badioć é terzi te tlassamënt

I atlec dla scuadra taliana de cumbinazion nordica Lukas Runggaldier, Giuseppe Michielli, Alessandro Pittin y Armin Bauer.

Cumbinazion nordica - Nce i atlec dla cumbinazion nordica fova ntan la fin dl’ultima ena a Lillehammer a se museré tla garejedes de Copa dl Mond. N sada ai 3 de dezëmber à l atlet furlan Alessandro Pittin cun si segondo plazamënt purtà n gran resultat storich, che ne n’ie do chël de Andrea Longo tl ann 1997 mei plu unì arjont, nce sce Pittin à bën bele vënciù bront pra la olimpiades y ie zapà trëi iedesc sun l terzo scialdier tla Copa dl Mond. Tla garejeda de n sada ne n’àn pervia dla stleta cundizions dl tëmp cun vënt y nëif nia pudù fé la garejeda de saut y n à nsci tëut ca i resultac dl “Competition Provisorial Round” che fossa sciche de dì i sauc de proa fac l di dant y ie piei via aldò de chësta tlassifica tla 10 km de pudejé tla tecnica liedia: 19. Lukas Runggaldier, 29.

Alessandro Pittin, 35. Giuseppe Michielli y 50. Armin Bauer. Sun i schi fova i atlec taliani duc scialdi n forma cun dantaldut Pittin che ie stat bon de tré ite na pusizion ndolautra nchin a arjonjer i prims trëi y cumbater tl sprint sun i ultimi metri per l prim post che ala fin se à l norvegesc Haavard Klemetsen fat sie y ie danter l auter per ël la prima vënta. Scialdi bën à nce Lukas Runggaldier fat sun i schi passan via mé 20 secunc do l prim l travert y se tlassifican nsci al bon 10 plazamënt. Nce Armin Bauer à mo fat na boniscima garejeda ruvan de truepa pusizions plu inant, ma davia che l fova do l saut plutosc dovia iel ala fin sautà ora per ël n 39. plazamënt. L di do n dumënia ai 4 de dezëmber unìvel garejà te na formula nueva per la cumbinazion

nordica, ulache l vën aldò dl resultat arjont tl saut dat raides de straufonga da fé sun i schi. Per l saut che l tudësch Eric Frenzel ova fat ne n’àl giapà nianca na raida de straufonga y à nsci pudù se fé i 10 km de pudejé restan for danora. Ma inò n iede iel stat i atelc dla scuadra taliana a la fé nteressanta, cun bën trëi garejadëures ti prims dejesset. Lukas Runggaldier che ova da fé doi raides de straufonga à for tenì pea cun i prims dancà, ma per l sprint ala fin ti manciòvel la forza y l à nsci messù se cuntenté cun l cuinto plazamënt che ie purempò scialdi n bel resultat, che desmostra deberieda cun chël dl di dant che Lukas toca urmei pra i miëures de chësta disciplina. Pittin che ova urtà scialdi vënt tl saut, ruvan 38 ejimo, à messù fé cater raides de straufonga. Inò iel stat bon de fé na boniscima garejeda de pudejé y se à ala fin davanià l decimo post. Scialdi bën à nce Armin Bauer fat, che cun na bela garejeda se à tlassifica sciche 17ejim. Lillehammer (Nor) ai 3.12.2011: Gundersen HS100/10 km 1. Haavard Klemetsen (Nor) 27:44.4, 2. Alessandro Pittin (Ita) +0.2, 3. Tino Edelmann (Ger) +8.8, 4. Jason Lamy Chappuis (Fra) +10.1, 5. Christoph Bieler (Aut) +11.6, 6. Eric Frenzel (Ger) +11.7, 7. Bjoern Kircheisen (Ger) +12.1, 8. Fabian Riessle (Ger) +13.0, 9. Magnus Krog (Nor) +20.1, 10. Lukas Runggaldier +20.2, 39. Armin Bauer (Ita) +2.22.7, 47. Giuseppe Michielli (Ita) +2.56.4, Lillehammer (Nor) ai 4.12.2011: Penalty race HS138/10 km 1. Frenzel Eric (Ger) 28:38.5, 2. Lamy Chappuis Jason (Fra) +17.4, 3. Kircheisen Bjoern (Ger) +20.6, 4. MOAN Magnus H. Byaasen (Nor) +21.0, 5. Runggaldier Lukas (Ita) +22.3, 6. Riessle Fabian (Ger) +28.8, 7. Lacroix Sebastien (Fra) +29.4, 8. Bieler Christoph (Aut) +30.8, 9. Kokslien Mikko (Nor) +44.6, 10. Pittin Alessandro (Ita) +1:07.8, 17. Bauer Armin (Ita) +1:28.7, Michielli Giuseppe (Ita) nia cualificà.

Lukas Runggaldier.

Hockey Alta Badia/U14 - Le HC Alta Badia U14 à soghé ai 6 y ai 11 de novëmber a Corvara cuntra le HC Pustertal y l’EV Bozen 84. I mituns badioć à pordü intrames les partides. Cuntra le HC Pustertal ài sigü śoghé sot sües capazitês. I badioć à trat tröc iadi te porta di aversars, mo le puck n’orô nia jì te. Dal’atra pert à i pustri trat püć iadi te porta, mo à fat gol. La partida é jüda fora 5 a 3 por le HC Pustertal. La partida di 11 de novëmber cuntra l’EV Bozen é stada na partida particolara. Al ê da śoghé cuntra la scuadra dl ex alenadù dl HC Alta Badia. I mituns badioć ess sambëgn fat ion bela figöra, mo pià ia ési cun le pè falè: do 5 menüć êi bele zoruch de 3 goi. Da chël momënt él spo gnü fora la dërta motivaziun di badioć, che é tosc stà bogn da arjunje le 3 a 3. Le secundo tëmp ài stlüt jö cun n vantaje de 6 a 5. Tl terzo tëmp, en pert por la manćianza de conzentraziun, en pert por les dezijiuns dl arbiter nia iüstes, à i aversars parejé y é jüs en vantaje davagnan la partida por 8 a 6. Inće

Nia massa butà Cun la partides purtruep perdudes contra l Birchabruck per l Gherdëina I y chëla contra l Funes per l Gherdëina II, se stluj ju la prima pert dl campiunat, che jirà permò inò inant amez jené Chidlé - Bëndebò valiva iela stata a Deutschnofen, ulache l Gherdëina I à chidlà n vënderdi contra l Birchabruck. Permò sun la penultima chidladoia à l Gherdëina messù ti la zeder al Birchabruck. l ie stat n juech valif, ajache do i prim cater chidladëures stajòvela 2 a 2 cun mé nuef chiedli de defrënza per l Birchabruck. L manciova mo 60 colps y l juech fova mo for valif 3 a 3 y 8 chiedli de manco. Pona ti àla bëndebò butà a n chidladëur de Birchabruck che sun una na chidladoia à batù ju bën 163 chiedli jan nsci danora de passa 40 chiedli. Ti ultimi 30 colps à l Gherdëina mo trat ite 25 chiedli, ma l ne fova nia assé per vëncer.

Serie B-est Birchabruck - Gherdëina 5:3

Desdites la garejedes de pudejé sun Pana La garejedes FIS/OPA che fova sun l program per i 10 y 11 de dezëmber sun i purtoies dl zënter de pudejé sun Ciandevaves àn messù desdì pervia tl tëmp y dla ciarestia de nëif Pudejé - Te n comunicat stampa mandà ite ai 2 de dezëmber àn dat chësta nutizia. L cuordinadëur OPA, Pepi Ploner, à spiegà che do avëi cialà do avisa l purtoi y aldò dla previjions dl tëmp per i dis che vën, che vëija danora mé puecia nëif y cun n purtoi plutosc mujel, iesen stac sfurzei a desdì la garejeda. ”L nes desplej propi a messëi desdì”, à dit la diretëura generela

40

www.lauscdiladins.com

Stefania Demetz, ”ajache duta la urganisazion à laurà cun gran pascion. Rengrazie perchël duc chëi che se à tan dat ca.” Nce al ambolt de S. Cristina Eugen Hofer ti àl sapù scialdi sciot che n à messù desdì y à mo abù paroles de lauda p er i urganisadëures che à laurà cun gran ntujiasm y na prufesciunalità propi de ejëmpl.

Pepi Ploner, l cuordinadëur OPA per la Talia.

sce i badioć à pordü, ài zënz’ater desmostrè da ester al’altëza dla scuadra pröma tla tlassifica. Ai 27 de novëmber, cun la partida cuntra le HC Eppan, à le HC Alta Badia U14 rové la pröma fasa dl campionat a 2 lignes. Do trëi partides pordüdes à la scuadra badiota indô ciafè le dër tru cuntra la scuadra da Eppan. Cuntra le HC Pustertal, l’EV Bozen 84 y HC Vinschgau à manćé la conzentraziun che a portè ales 3 pordüdes. Tla ultima partida n’é le HC Alta Badia gnanca pié ia dër bun, do mez le pröm tëmp à spo n bel gol de Max Schrott sblochè la scuadra che à ćiamò segnè n iade 2 menüć dedô. Tl secundo y terzo tëmp à i mituns badioć fat 7 d’atri goi. Le resultat final é stè de 9 a 2 por le HC Alta Badia, cun 5 goi de Max Schrott, 2 de Gabriel Seppi, 1 de Andrea Pedevilla y 1 de Aaron Planatscher. Al ti fajarà sigü bun ai mituns palsè n püch. La proscima fasa metarà man de jenà. L’Alta Badia à stlüt jö al terzo post do le EV Bozen y le HC Vinschgau. (am)

de 4 chiedli per l Funes.

Serie D-nord Gherdëina - Funes 2:6 Resultac persunei: Manfred Wanker 527 Helmuth Schieder 521 Viktor Werdaner 519 Konrad Malsiner 519 Ewald Insam 492 Michael Moroder 490 Cun chësta partides ie fineda via la prima pert dl campiunat, ulache n vëija l Gherdëina I al 5. post dla tlassifica dla serie B-est y l Gherdëina II al 7. post dla serie D-nord. L campiunat jirà inant do mez jené cun la partides de ëuta. L club de chidlé de Gherdëina ti mbincia a duc n bel Nadel y dut l bon per l ann nuef. (gs)

Resultac persunei: Guido Stuffer 534 Georg Sommavilla 528 Werner Runggaldier 527 Thomas Demetz 526 Armin Moroder 506 Flavio Prinoth 477 Dessegur massa aut ie l resultat dl Funes contra l Gherdëina II. La fertuna pòssen bën dì che ie stata dala pert di funesseri. Ti cialan plu avisa ai resultac di chidladëures (che n possa udëi sun la homepage dl club) vëijen che doi ponc di chidladëures ie jic a chëi de Funes batan ju manco chiedli y vencian sun una na chidladoia mé de un n chiedl. Ala fin fòvel mo na defrënza

Georg Sommavilla dl Gherdëina I.


Sport

nr. 48 / 09 de dezember 2011

Garejedes FIS cun suzes

La pröma pert é jüda a piz

Nstadì iel stat doi garejedes FIS drët garatedes de Super G da Piz Sela ju sun Plan de Gralba. Nce truep atlec da tlo à fat pea, se davanian truep ponc FIS

Al terzo post dla tlassifica à la scuadra dles ëres stlüt jö la pröma pert dl campionat da chidlé. Les scuadres di ëi é indere da ciafè jödapè dla tlassifica

Schi alpin - Bën 164 i atlec che ie piei via, de 13 nazions. Pra tramedoi la garejedes fòvel for trëi atlec dl’Austria sun l podest. Tl prim Super G à venciù Patrick Schweiger dan Markus Duerager y Mario Karelly. Miëur atleta dl Südtirol ie stat Stefan Thanei dla Venuesta. Tl segondo Super G inò

trëi austriacs sun l podest: Markus Duerager prim dan a Daniel Danklmeier y Clemens Dorner. Stefan Thanei, inò miëur de chëi da tlo, ie ruvà 23ejim. Coche à spiegà l diretëur de garejeda Rainer Senoner iel unì arjont l ubietif de ti dé a atlec jëuni

l mesun de jì a se tò bele tl scumenciamënt dla sajon ponc mpurtanc tla desziplines debota: Dantaldut tl segondo Super G à i atlec de Südtirol abinà adum truep ponc FIS. Duc i resultac sot a http://w w w.fis-ski.com/uk/ disciplines/alpineskiing/results. html. (dl)

La scuadra dl Mareo I. Dancà él Matteo Ties, Tone Call y Christian Ties. Iadedô él Pire Rungger, Simon Complojer y Lois Agreiter.

Un di doi podesć dla garejeda FIS sun Plan de Gralba, cun, da man ciancia, Erich Demetz, Hans Schneider y Rainer Senoner.

Copa dl Mond de Schi Ala fin de nuvëmber iel stat la prejentazion dla garejedes de Copa dl Mond te Gherdëina y Badia Schi - Coche da tradizion iel ala fin de nuvëmber y al scumenciamënt de dezëmber for la prejentazion ai media dla garejedes de Copa dl

Mond de schi alpin te Gherdëina y Badia. Una na prejentazion ie unida fata tl Hotel Laurin a Bulsan, l’autra a Dispruch tl Casino. La

manifestazion va ite te n cheder de marketing y de publizità per la garejedes de livel mundiel. (Deplù sun la plates 12, 22, 30) (dl)

Chidlé Val Badia - L’edema passada é la pröma pert dl campionat da chidlé jüda a piz, la secunda pert metarà man la terza edema de jenà dl ann che vëgn. Ma la scuadra feminila dl Mareo po mostrè sö de bogn resultać: cun 8 devëntes y 4 pordüdes àra fat 16 punć y é al terzo post tla tlassifica dla seria B feminila, ma trëi punć do les prömes. Le Mareo I à albü na stleta pröma pert y é da ciafè al ultim post tla seria A2 cun 5 punć, do döes devëntes, na parejada y 8 pordüdes. Le Mareo II, che é inće al ultim post tla tlassifica dla seria C-ost cun 2 punć, à ma davagné öna na paritda y les atres 10 àl messü se dè sot ai aversars. Miù à chidlé la scuadra da La Ila (inće tla seria C-ost), che é al nono post cun 8 punć, do 4 partides davagnades y 7 pordüdes.

Seria A 2-ost Kiens - Mareo I: 6 - 2 Cun la stleta media de 480,3 n’à i maroi nia albü tröp da dì a Kiens. I patruns de ćiasa à albü da impröma inant na marcia implü y à davagné intrami i punć di confrunć direć dla pröma seria da 120 bòć. La secunda y la terza seria é jüdes fora 1 a 1. Mo inće pro la soma totala di chidli atocà â Kiens ala fin dla partida n vantaje de 120 chidli, cun na media de 500,3. Le mairont dl Mareo é stè Lois Ellecosta cun 527 chidli. Resultać personai Lois Ellecosta, 527 Tone Call, 523 Pire Rungger, 509 Matteo Ties, 462 Simon Complojer, 448 Lois Agreiter, 413

Seria B-ost feminila

Cunlauradëures di cumitac de urganisazion de Copa dl Mond te Gherdëina y Badia.

Kiens - Mareo: 0 - 6 Inće la scuadra dles ëres à śoghé süa partida a Kiens. Cun na media de 480,3 ti é les marores bëgn stades de tröp suraće ales chidladësses dl post, che à arjunt na media de 447. Dötes cater à batü sües aversares diretes y inće pro la soma totala di chidli atocà âres aumentè le vantaje da 16 chidlido la pröma seria da

120 bòć, a 133 por la fin dla partida. La miù dla partida é stada Valeria Federa cun 501 chidli. Resultać personai Valeria Federa, 501 Flora Weiss, 498 Gerda Complojer, 464 Gabriella Ties, 458

Seria C-nord La Ila - Hölzerne 9: 2 - 6 Do che i chidladus da Tlüses â davagné i pröms dui punć di confrunć direć y trat fora n vantaje de 85 chidli pro la pröma seria da 120 bòć, à i badioć smendrì le svantaje a 74 pro la secunda seria, davagnan inće un n punt di confrunć direć. Un n punt inće pro la terza seria por La Ila, che rovâ tres plü pormez inće pro la soma totala di chidli, mo ala fin à la Hölzene 9 salvè n vantaje de 29 chidli. Le mairont di badioć é stè Carlo Valentini cun 541 chidli. Resultać personai Carlo Valentini, 541 Erwin Crazzolara, 533 Christian Pedratscher, 525 Albert Tavella, 512 Gianfranco Thaler, 470 Fritz Planinschek, 455 Mareo - Flagger: 3,5 - 4,5 Na paritda interessanta à śoghé le Mareo II cuntra i Flagger da Sterzing. Inće sce i maroi â ala fin dla partida n svantaje de bëgn 207 chidli pro la soma totala di chidli atocà - cun na media de 483,3 -, âl falè püch che ai ne arjunjess na parejada. Trëi di maroi à batü so aversar diret y un à parejé cun le so (dui set da 30 bòć porom davagnà y la medema soma totala di chidli), rovan insciö al resutat final de 3,5 a 4,5. Le mairont dl Mareo II é stè Norbert Trebo cun 536 chidli. Resultać personai Norbert Trebo, 536 Lois Craffonara, 514 Gottfried Dapunt, 498 Claudio Moling, 490 Tone Hochwieser, 473 Franz Ploner, 389 www.lauscdiladins.com

41


Sport

nr. 48 / 09 de dezember 2011

N ann cun de bela sudesfazions

Resultać söi jadins

N dumënia ai 20 de nuvëmber iel stat la ”Festa dl tennis” metuda a jì dal cumitat provinziel de Bulsan dla federazion de tennis taliana. Nviei fova duc i atlec y la atletes che à venciù tl 2011 tituli pra i campiunac talians y provinziei tla categuries de singuler y a scuadres

Les atletes dl Ice Club Alta Badia à garejé a Cortina y a Ćiavalëis

Tennis - Chëst ann se ova la lia dl tennis de Kaltern pità per mëter a jì la manifestazion ulache l vën adalerch atlec, trainadëures, acumpaniadëures y genitores da dut l Südtirol, sambën i miëures. Danter chisc n fòvel nce n valguni de Gherdëina che ie stac boni de se fé valëi te si categuries. Nscila à chisc atlec pudù pië do na uneranza: Verena Hofer, titul talian tla categuria de singuler Under 14, titul de singuler pra i campiunac provinziei de terza categuria, titul de vizecampiunëssa U14 y titul pra l master Fit U14 y U16, Diana M o r o d e r, vizecampiunëssa de singuler tla categuria Open, Patric Prinoth, titul provinziel de singuler de terza categuria, Jasmin Senoner vizecampiunëssa U14 de singuler, Jonas Ciechi campion provinziel Under 13 y che à venciù l titul pra l Master U14, la surans Ellen y Laura Mair vizecampiunësses U10 a scuadres. Jit pea cun i atlec de Gherdëina ie nce l cumpani de alenamënt

Diana Moroder, Verena Hofer, Ellen y Laura Mair, Jonas Ciechi y Michael Kerschbaumer cun Patrick Prader y Stefano Bassetto.

Michael Kerschbaumer de Persenon, che à venciù l titul de vizecampion pra l Master Fit U14 de singuler. Na lauda a duc chisc tennisć

per si biei suzesc y n de gra a si trainadëures Stefano Bassetto y Patrick Prader. Alex Runggaldier

Jadiné - Feter vigni findledema é öna o l’atra atleta dl Ice Club Alta Badia impegnada te na competiziun de jadiné, cun de bogn resultać danter les atletes de Südtirol. Ai 26 y 27 de novëmber à Sofia Targhetta - premiada cun le cuinto post pro le concurs Atleta Junior dl Ann dles valades ladines - tut pert ala pröma “Gara Nazionala novice y juvenile” a Cortina d’Ampëz. Do avëi portè dant sides le program cört che chël lunch, àra stlüt jö al 10. post, mo é pröma danter les atletes de Südtirol. Inće les atres atletes à tut pert a na gara de livel nazional, le pröm trofê “Fiemme on ice” a Ćiavalëis. Al podô to pert atleć te categories desvalies. Pro le grup “Propaganda” à tut pert - te öna de sües prömes gares - Denise Irsara, cun n bun 11. post. Tles categories “Esordiënć A” à tut pert Marianna Bologna. Tla categoria “Esordiënć B” é le numer dles atletes dl Ice Club Alta Badia stè majer, cun Diana Pizzinini (13. post), Sara Costamoling (14.) y Ellen Pedevilla (16.), mo danter les atletes che rapresentâ Südtirol éres respetivamënter 1., 2. y 3. N’atra atleta che à garejé te chësta categoria y che à inće desmostrè

na bona preparaziun é Ulla Ebblin. Tles categories di Prinzipianć A y B à garejé Anna Costa y Anna Frenademez (intrames 4. post danter les atletes de Südtirol tla categoria che ares rapresentëia). Inće Melanie Ploner à tut pert a chësta gara, tla categoria Cadëć, rovan al 14. post (2. danter les atletes de Südtirol). A dötes chëstes jones ti aodunse de gran sodesfaziuns tl sport che ares pratichëia, deache iadedô él n alenamënt costant, tut sö cun scerieté y impëgn. (valentina)

Anna Frenademetz dertan so balet a Ćiavalëis.

La Lia dal Schach tol cumià da si cumëmber La Lia Schach Gherdëina lecorda Benedikt Bernardi. I campiunac a scuadres y di jëuni ie ntant jic inant cun drët de bon resultac

Benedikt Bernardi, cumëmber dla lia dal Schach.

Schach - N lecort al cumëmber Benedikt Bernardi (1930-2011). Ai 24 de nuëmber ie unit a mancë l cumëmber dla Lia Schach Gherdëina Benedikt Bernardi. La Lia Schach Gherdëina l rengrazia de cuer per l servisc che ël à fat per passa 30 ani, scumencian dala fin di ani ’70 dl secul passà al autonn de chëst ann, nchin che l ie stat bon de judé. Zënza si cuntribut ne fossa la Lia Schach Gherdëina nia iló ulache la ie śën! Benedikt fova daniëura drët da ulëi bon, chiet y oml, for tlo per judé, ne pertendan mei nia. Si prejënza pra la manifestazions de Schach, scebën for mpue scunduda, nraiova bënulëi y sté bën. Tan de chilometri de streda (l sarà desëines de milesc!) à pa ël fat cun si auti, tulan pea si mut Ruben y truepiscimi jugadëures, coche dit, per passa 30 ani! Tan de iedesc à pa

42

www.lauscdiladins.com

ël judà a mëter su mëises, spusté stuei, njenië ca la mëisa de desmustrazion, taché ite aparac, purté y jì a tò documënc de uni sort pra aministrazions, banches, posta y nsci inant! Monce lavà ca l fonz à ël. Tan de iedesc à pa ël acumpanià Ruben per i cursc di sculeies, per i campiunac dla lia, provinziei y naziunei, per i turnoies tla Talia y oradecà y per duta l’autra manifestazions! Benedikt fova perchël bën cunesciù y stimà da duc i jugadëures de Schach. Y chël àn udù n ucajion de si mort, ulache truepiscimi apasciunei de Schach à mandà si pensieres y ie unic a vedlé y a l acumpanië sun si ultimo viac sun la Tiera. Che Te posses paussé tla Pesc de Die. Nëus ne Te desminceron mei!

i mutons sot a 10 ani ie Elia Bergmeister ruvà sesto cun 4 ponc.

Nadia Kasslatter prima dla mutans sot a 10 ani!

Bele dal scumenciamënt dla scoles mët la Lia Schach Gherdëina a jì l lunesc de Schach per mutons y mutans, uni lunesc dala doi a mesa la trëi domesdì tla local tl segondo partimënt dla Cësa de Cultura de Urtijëi. Duc i jëuni, unfat sce cumëmbri o no, ie nviei de cuer a unì y fé al Schach. L ie for n cumëmber dla Lia iló a respuender a dumandes y a judé.

Ai 13 de nuëmber iel stat l segondo turnoi dl Grand Prix di jëuni 2011/12, avisa a Tramin. Cin’ jëuni dla Lia Schach Gherdëina à jugà pea. Nce chëst iede à David Dejori fat 5 ponc sun 9 partides. Cun chësc resultat à ël arjont l bon cuinto plazamënt tla categuria sot a 14 ani. Nono te chësta categuria ie ruvà Gabriel Prinoth y 15ejimo Matthias Kasslatter, tramedoi cun 4 ponc. L ie da auzé ora che chisc sculeies à permò 12 ani, ma muessa jughé cun jëuni sot a 18 y 14 ani. L prim post tla categuria mutans sot a 10 ani se à davanià cun merit Nadia Kasslatter cun 5 ponc. Danter

Grand Prix di Jëuni a Kardaun ai 4 de dezëmber – Nadia Kasslatter inò prima dla mutans sot a 10 ani! L terzo turnoi dl Grand Prix di jëuni ie stat l’ultima dumënia ai 4 de dezëmber a Kardaun. Cun 5 ponc ie David Dejori inò ruvà cuinto tla categuria sot a 14 ani, Gabriel Prinoth cun si 4 ponc ie ruvà al 15ejim plazamënt. Y inò n bel suzes per Nadia Kasslatter, che fajan 5 ponc à venciù inò n iede tla categuria dla mutans sot a 10 ani. Danter i mutons de chësta categuria ie Elia Bergmeister cun 3,5 ponc ruvà al nono post.

Lunesc de Schach per i sculeies

43. Campiunat provinziel a scuadres – Gherdëina I a var plën! Serie A: La prima scuadra dla Lia Schach Gherdëina ie mueda drët bën tla sajon dla serie A 2011/12. Per l segondo di ai 19 de

nuëmber fova l Gries de Bulsan a Urtijëi l averser di ladins. L ann passà ova l Gherdëina per l prim iede tla storia perdù l’ancunteda cun i bulsanins y perchël ova i patrons de cësa ntenzion de se refé. Y nscila iela stata. L Gries Bulsan ie unì batù cun gran determinazion per 4 a 2. Venciù à Rainer Demetz, Martin Oberrauch y Thomas Moroder, remis à fat Ruben Bernardi y Stefan Moroder. Doi enes do, ai 3 de dezëmber, à l Gherdëina I batù oradecà l Tluses cun n 5,5 a 0,5 sëch, finan via la lingia de trëi ancuntedes nia venciudes cun l Tluses ti ultimi ani. Venciù si partides à Rainer Demetz, Stefan Moroder, Thomas Moroder, Franz Prinoth y Christian Grossi, na bona remis sun la prima mëisa à fat Ruben Bernardi cun l maester FIDE Gerd Schacher, un di miëur jugadëures dla region. Da auzé ora iel per la statistica, che sibe Thomas Moroder che si fra Stefan Moroder à l’ultima sada fat tramedoi l 100ejim pont tl campiunat provinziel! L Gherdëina I ie a chësta maniera al mumënt al segondo post tla tlassifica dla serie A cun 6 ponc, do l Merania y dan l Milland, tramedoi ënghe cun 6 ponc. Inant vàla bele chësta sada ai 10 de dezëmber n cësa dala 16:00 tla pitla sala dla Cësa de Cultura de Urtijëi cun l Ehrenburg. Duc i nteressei ie nviei a unì a cialé pro! Serie B: Manco de bona nutizies iel da repurté per la segonda scuadra dl Gherdëina tla serie B. Tl segondo di n cësa àn arjont n resultat a pèr

de 2,5 a 2,5 cun l Ridnaun, ulache duta la partides de Matteo Scola, Andreas Runggaldier, Klaus Knottner, Bruno Goller y Richard Moroder ie jites ora remis. A Taufers al incontra, à l Gherdëina II perdù per 1,5 a 3,5, ulache Johann Grossrubatscher à venciù y Manuel Taschler à fat remis. Al mumënt ie l Gherdëina II al penultimo post dla tlassifica dla serie B cun un n pont sëul. La va perchël propi de vëncer la proscima ancunteda n cësa cun l Wipptal ai 10 de dezëmber per fé n var inant tla tlassifica y se spusté dai plazamënc ulache n manacia de tumé ju. Serie C-est: La terza scuadra dl Gherdëina à scumencià l campiunat dla serie C-est drët bën, fajan n bel pareje cun l Tluses II. Te chësta ucajion à venciù Elisabeth Delago y David Dejori, che à fat pea l prim iede na partida dl campiunat provinziel, desmustran na gran maduranza per n mut de 12 ani! Remis à fat Günther Demetz. Oredacà cun l Arci Bulsan II ie pona stat l resultat de 2 a 3, ulache l plu vedl dla Lia Schach Gherdëina, Rifat Kazazi, y un di plu jëuni, David Dejori, à venciù si partides. L Gherdeina III ie śën al cuinto/ sesto post dla tlassifica cun un n pont, ma permez al’autra scuadres cun na ancunteda de manco. Ai 10 de dezëmber a Urtijëi sarà l Burnech III l proscimo averser y bonamënter saràl da udëi da pert de tramedoi scuadres mé jugadëures jëuni. (rd)


nr. 48 / 09 de dezember 2011

♦ Corale S. Cecilia de Tavernola Bergamasca Cunzert de mujiga sacra n sada ai 10 de dezëmber dala 17.00 te dlieja de Urtijëi L Cor de dlieja de Urtijëi à pudù cianté chëst ann d’ansciuda na santa mëssa a Tavernola Bergamasca, n pitl luech sun l lech de Iseo. Do mëssa ova l cor deberieda cun l’urchestra mo tenì n pitl cunzert te dlieja. Chësc fova unit a s’l dé sun nvit dl cor de Tavernola, che unirà n sada a Urtijëi per tenì n cunzert te nosta dlieja. L se trata de n L Cor de dlieja de Urtijëi a Tavernola. cor de gran tradizion, metù su bele tl 1896. Da trëdesc ani incà ie l cor sot ala direzion dl dirighënt jëunn Alessandro Foresti. Pra l cunzert che sarà da audì n sada ai 10 de dezëmber dala 5 domesdì te dlieja de Urtijëi puderàn audì la Missa Criolla cunesciuda y Navidad Nuestra de A. Ramirez y mo n valgun d’autri pec, acumpaniei dala grupa de strumentisć “Jatun Nan” dla Bolivia. Solista pra chësc cunzert sarà la sopranista Margherita Chiminelli, na ciantarina de livel nternaziunel. L Cor de dlieja de Urtijëi nvieia duc canc a unì a scuté su.

♦ Conzerć de musiga baroca solëna En sabeda ai 10 de dezëmber dales 20.00 te Dlijia da San Laurënz y en domënia ai 11 de dezëmber dales 17.30 te Dlijia de Badia. Direziun: Alberto Promberger. Entrada debann cun spënora lëdia Sot la direziun de Alberto Promberger portarà dant l’ensemble de strumënć de banda “musica sacra” sot la direziun de Alberto Promberger na desëna de composiziuns gnüdes scrites tal tëmp baroch danter le ‘500 y le ‘700 dai componisć De Lassus, Gabrieli, Handl Gallus, Canali, Chilese, Rovensky, Corelli y Battista. Le grup conzertant é metü adöm da Markus Erlacher, Florian Künig, Le grup “musica sacra” inviëia a dui conzerć. (foto: Stephan Christian Pallestrong, Niederegger) Martin Deval (düć cater trumbëta), Thomas Baur, Gregor Pedevilla, Hannes Zingerle, Michl Vikoler (düć cater possauna), Vigil Kronbichler (corn) y Ulrich Ritsch (tuba).

♦ Conzert d’Advënt

Informazions y Manifestazions Iniziatives sportives Aspetan la Copa dl Mond L comitat de organisazion de Cortina 2017 met da jì evenc musicai y dj sets tles uties de Cortina, aspetan l 14.01, di dla gara de Copa dl Mond. En doman, sabeda ai 10 de dezember saràl l event “Welcome Winter” tla utia Col Druscié. Per infos: www. cortina2017.it. Prejentazion dl Hafro Cortina

Ensnuet, vender ai 9.12 saràl tl zenter de Cortina na gran festa dl hockey con la prejentazion di sogadours dla scuadra de seria A. I sogadours respognarà a les domandes di fans y firmarà autograms. La manifestazion metarà man da les 17.30. Senteda generela straurdinera dl SC Gherdëna

La senteda sarà ai 12.12.2011 dala 7.30 a S.Cristina tla sënta dl schiclub streda Dursan 80. Iscrizions per la Gardenissima Duc chëi che uel se scrì ite ala Gardenissima che sarà ai 1. de auril 2012 possa bele śën l fé y muessa avëi n zertificat dl dutor y la cherta dla FISI. L ie nce mesun de fé la cherta FISI canche n se scrij ite. L formuler per la iscrizions ie da giaté sot a www.gardenissima. eu Iscrizions per la Sellaronda Hero

La proscima edizion dla garejeda cun la roda da mont sarà ai 23 de juni dl 2012. Nfurmazions per l’iscrizions giàpen sot a www.sellarondahero.com Udù dant iel ntan l’edizion dl 2012 nce na garejeda per i pitli mutons Hero Kids, n dumënia ai 24 de juni. L’ Atletica Gherdëina scumëncia inò si atività

Duc i mutons nasciui tl ann 2004 o dant possa se scrì ite a Urtijëi, tla palestra dla scola elementera, n lunesc ai 12.12.2011 dala 18.00 nchin al 20.00. Nfurmazions plu avisa pra Kostner Walter, 338/5949765 o pra Lambacher Doris, 333/5835917.

Musiga Conzert da Nadèl de la Musega Auta Fascia

En domenia ai 18 de dezember da les 20.45, te Chino Marmolèda de Cianacei, Conzert da Nadèl de la Musega Auta Fascia, prejentà da Francesco Mazzel. Apede a la musega sarà ence n moment de letura de poejies ladines e a la fin del conzert, per duc n pìcol marendel dat fora dal grop de la Marchetenderes. Cunzert de Avënt

N sada ai 17 de dezëmber saràl te dlieja de Urtijëi n cunzert de Avënt cun l Latzfonser Viergesang, la Stubenmusik aus dem Schwarzwald, l Trio dl’Ëiles cun Otto Dellago y na grupa de sunadëures jëuni de Urtijëi. Cunzert dl brassensemble “Da Blechhauf’n“ I Jëuni de Mujiga de Gherdëina nvieia de cuer al cuarto cunzert dla sajon che sarà ncuei, 9 de dezëmber dala 20.30 te cësa de cultura de Urtijëi. L sunerà i “Da Blechhauf ’n“. La chertes de ntreda ie da giapé sciche for pra la cassa al priesc de € 15,00 y € 8,00 (per chiche à manco de 26 ani o à l “Kulturpass”). Conzert dl Coro Cortina

Ensnuet, vender ai 9 de dezember da les 21.00 tla gliejia de San Filip y San Iaco, en ocajion dl conzert dl Coro Cortina vegniràl prejenté si cd nuef dal titul “Voci senza confini”. L’entreda é debant. Conzert del chitarist Lorenzo Frizzera

Insnet vender ai 9 de dezember, te la senta de La Grenz te strada Saslonch a Moena, la musega taca bonora: da les 20.30 tel chèder del projèt “Fèr Musega ensema” de La Risola duc podarà scutèr l conzert-lezion de Lorenzo Frizzera, chitarist de gran braùra e dozent de chitara al CDM, Zenter de Didatica de la Musega de Rorei.

Tla Dlijia de Badia, cun deplü cors y grups de stromënć En vëndres ai 16 de dezëmber 2011 dales 20.30 gnaral metü da jì te Dlijia de Badia n conzert d’Advënt cun chëstes formaziuns: Cor dles ëles Kèrygma, Cor di ëi de Badia, Cor di mituns, Terzet Syntonia, Puschtra Vielsaitign y Turmbläser Badia. Al sarà na bona ocajiun por ascutè sö melodies y musiga por l’Advënt y le Nadè.

Temp lede La sajun mët man

Incö vëndres ai 9 de dezëmber dales 21.15 vëgnel metü da jì sön la pista “Calfosch” tl zënter da Calfosch na festa por le mëteman dla sajun da d’invern, cun defilada de moda cun presentaziun dles marches plü conesciüdes de guant da d’invern, na chentlada y füć artifiziai. Al ne manćiarà nia vin cöt y musiga. Pastlenè por Nadè te biblioteca

Tles biblioteches da Calfosch y La Ila vëgnel pastlenè por Nadè. Mituns y mitans dla elementara é invià en lönesc ai 12 de dezëmber dales 15.00, te biblioteca a Calfosch, en mercui ai 14 de dezëmber dales 15.00, te biblioteca a La Ila. Organisaziun: Biblioteca Sas dla Crusc. Atmosfera da Nadel te biblioteca de Sëlva

La biblioteca Oswald von Wolkenstein nvieia ai 11 y 18 de dezëmber dala 10.00 nchin ala 12.00 a unì te biblioteca pra zeche de ciaut da bever, sondles y n bel liber te na atmosfera che fej pensé al Nadel. Nadel te biblioteca San Durich Tratan le “Adventsingen” a Minca/München tla Heilig Geist Kirche dan otedé, a chël che i grups de Badia (70 indöt danter ćiantarines, ćiantarins y musizisć) à tut pert. Le medemo conzert gnarà tignì spo ai 16 de dezëmber a Badia.

La biblioteca de Urtijëi nvieia duc i mutons a unì ai 15 de dezëmber dala 15.00 a scuté su de bela stories da Nadel. Da dedò uniràl pità a duc panettone y zeche da bever.

www.lauscdiladins.com

43


Informazions y Manifestazions Dotors y Apoteches Dotors L dutor de servisc dala 8.00 da duman de n sada 10 de dezëmber nchin la 8.00 da duman de n lunesc 12 de dezëmber ie l dutor Aba Fallaha de Sëlva, tel. 0471/794111 o l 0471 797540. Le dotur en sorvisc tla findledema di 10 y 11 de dezëmber, ti comuns de Mareo y San Martin de Tor, é le dotur Aldo Marcocci, Al Plan de Mareo, tel. 0474/501039 o 338/7280518. Ti comuns de Badia, Corvara y La Val saràl en sorvisc le dotur Guido Caretta, Calfosch/Corvara, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënerdi (dala 19.00) ai 9 de dezëmber nchin n vënerdi ai 16 de dezëmber ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). L’apoteca en sorvisc tla Val Badia fora dl orar ordinar, dal vëndres ai 9 de dezëmber al vëndres ai 16 de dezëmber, é chëra da La Ila, tel. 0471/847152.

Trasmiscions TV y Radio Prisma - Garejeda de copa dl Mond a La Ila

Tla edizion de Prisma di 14 de dezëmber, da audì dala 11.00 danmesdì sun Radio Gherdëina uniràl rujenà dla garejedes de copa dl mond che unirà fates a La Ila sun la Gran Risa ai 18 y 19 de dezëmber. L unirà nce cuntà de duta la manifestazions ntëurvia dan y ntan i dis de garejeda. Te studio saràl Marcello Varallo, presidënt dl cumité de urganisazion cun si vize Andy Varallo. Ntan la trasmiscion uniràl nce fat cunliamënc al telefonn cun plu respunsabli de purtoi, dl tendon y autri. Moderazion y coordinazion Egon Vinatzer. “Mascherèdes perdudes, faceres retroèdes” sun TML

La setemèna che vegn “L Cianton de l’Istitut” sun TML met dant l program “Mascherèdes perdudes, faceres retroèdes” con Virgilio Soraperra de la Zoch che ne met dant vèlch aspet curious del Carnascèr. Oraries: lunesc h. 15.45; mèrtesc h. 18.15; mercol h. 21.45; jebia h. 20.15.vender h. 11.30; sabeda h. 17.30; domenia h. 21.00. “Ercaboan” e “Fac mac” sun TML

Sul canal TML ogne sabeda va fora na neva trasmiscion de “Ercaboan” con orarie 18.45; 21.00; 23.00 e replica la domenia h. 7.15; 12.00; 14.30; 18.00; 20.15 e dapò duta la setemèna. Sobito dò se pel veder “Fac Mac”, l program di joegn de La Risola. Duta la produzions televisives de Ercamedia é da poder veder ence sul sit: www.tvladina. com. Kairos: L lech del spirit, l temp de l’ènema

Sun TML de sabeda e domenia se pel veder na neva trasmiscion dal titol “Kairos. L lech del spirit, l temp de l’ènema” olache vegn let l Vangile con l coment de n preve fascian. Chest program va fora en sabeda da les 15.30, 18.15, 20.45 e 22.45 e de domenia da les 10.30, 12.45, 16.45, 19.00 e 23.15.

nr. 48 / 09 de dezember 2011

Avisc Reuniun generala dla Lia da Munt Ladinia - CAI Val Badia En doman sabeda ai 10 de dezëmber dales 19.30, tla Ćiasa J.B. Runcher a Badia, cun ressümé dl’ativité 2011 y la presentaziun dl calënder dles manifesatziuns y escursciuns nü. Dedô aorela cörta cun val’ da mangé y da bëre. L Museum de Gherdëina ie daviert

L Museum de Gherdëina ie daviert nchin a n dumënia 11 de dezëmber, dala 10.00 danmesdì nchin ala 12.00 y domesdì dala 14.00 nchin ala 17.00. Tla culezion de scultures iel da udëi na bela documentazion de mandli dla criples y criples de Gherdëina dal 17ejim secul nchin ala prima mesaria dl 20ejim secul. L museum gëura pona inò dai 26 de dezëmber inant. Radunanza generala de l’ICL “majon di fascegn”

L’Istitut Cultural Ladin “majon di fascegn” chiama ite sia Radunanza generala en sàbeda ai 10 de dezember, da les 17.00 te Museo Ladin de Fascia a Sèn Jan. L’é ence l’ocajion per veder l nef alestiment de la sala 5 del Museo dedichèda ai tempes neves. Picol marcià de Nadèl

La Parochia de Pera endreza n picol marcià de fornimenc fac a man e douces da Nadèl. Dut chel che vegn tout sù jirà a sostegn di bec de Betty Sommavilla a Kimbondo tel Congo e per la cèsa di bec de Fabrizia Salvadori de l’Operazione Mato Grosso a Tomanguina, tel Perù. L marcià te Calonia de Pera é avert en sabeda ai 10 de dezember h. 14-20 e en domenia ai 11 h. 9-12 e 16-20. Nadal sa Vich Te Piaz de Vich, enscin ai 10 de dezember (h. 15.00-18.30), l’é l marcià da Nadal “Picol, bon e bel” che serf ence a finanziar l’oratorie e autre scomenzadive benefiche. Stroz per l paìsc se pel veder ence chest an le crìpele sui festii: la mapa é a la leta te ofize di foresć e te le boteighe de Vich.

Cursc Curs de schialpinism Cun i mënacrëp Simon Kehrer, Max Willeit y Ingo Irsara, cun pëis sön jì a nëi intiera y adoranza dl pipser. I partezipanć dess avëi schi, pels, sonda, badì y pipser. Le pipser pòn inće s’imprestè dales lies da munt. Curs de cater dis, dui iadi sabeda y domënia. Infos y prenotaziuns pro Ivo Valentini al 0471/844115 do les 19.00. Curs de paslunch La Scora de Paslunch da San Ćiascian mët da jì n curs por mituns dles elementares y mesanes, cun i maestri Giorgio, Egon y Maria, tl zënter de paslunch a San Ćiascian. Le curs mët man le vëndres ai 6 de jenà dales 14.00 y va inant por indöt 8 iadi, vigni vëndres dales 14.00 ales 16.00. Al vëgn fat trëi grups. Interessà po cherdè sö le 0471/849610.

Referac

A teater coi bec a Moena

Prevenziun da lovines y adorè le pipser (ARWA) Les Lies da Munt Val Badia mët da jì en jöbia ai 15 de dezëmber dales 20.00 n referat cun Isidoro Pezzei, olache al gnarà baié dla prevenziun dales lovines cun proa ARWA. Le referat vëgn tignì tl salf dla Cassa Raiffeisen a La Ila. Infos al 347/0408270.

Te la 9^ rassegna provinzièla de teater amatorièl per bec endrezèda da la Co.F.As en colaborazion co la filo “Amisc del Teater” de Moena, en domenia ai 11 de dezember da les 16.30 tel teater parochial de Sèn Vile i pìcoi atores de la Compagnìa “Appunti e Scarabocchi” de Gardol porta dant la comedia “AAA Cercasi Befana!!!”.

Les apariziuns de Santa Maria La Uniun dles Patrones da San Martin inviëia a na serada cun siur Vito DeVido, olache al gnarà baié dles apariziuns de Santa Maria. L’apuntamënt é por en lönesc ai 12 de dezëmber dales 20.00, tl salf di stödafüch a San Martin.

Teater

♦ Skitoursprint - 100,00€ te 10 menüć

♦ Marcià da Nadel a S.Cristina

La gara vëgn tignida en doman ai 10 de dezëmber dales 20.00 a Badia. Chi che stà sot i 10 menüć ciafa n pest de 100,00€

Nce chëst ann ve nvions a unì a ti cialé al marcia da Nadel tradiziunel a S. Cristina. Ntëur a n gran lën da Nadel ons njinià ite per vo de pitla cëses cun de uni sort de gulesaries, urnamënc y decurazions da Nadel

Badiasport organisëia en doman sabeda ai 10 de dezëmber la 5. ediziun dla gara de nöt Skitoursprint. Le start é dales 20.00 dlungia la Ütia Tamà sön la pista da La Crusc. Al é impröma da fà n rait a val ćina ala staziun dl lift y spo da mëte sö les pels por jì indô derevers ala Ütia Tamà, olache al é le travert. Por le pröm iade vëgnel inće fat A Badia vëgnel indô organisé le Skitoursprint. na categoria “Hobby” y “Jogn”. Por le plü asvelt y che é bun da stè sot i 10 menüć, él n pest de 100,00€. La premiaziun é incër les 20.30 tla Ütia Tamà. Ala fin vëgnel trat fora de bi pesć. Por iscriziuns y informaziuns jì sön le sît www.badiasport.org. o dan la gara, dales 18.30 inant, tla Ütia Tamà.

44

www.lauscdiladins.com

Oradechël pudëis nce udëi roba fata a ciauza, mandli dla cripl, codles de scipa y cëiresc, chertes da Nadel y auter. Vel dis suneràl nce i mutons dla Scola de Mujiga sun l marcià da Nadel. N dumënia ai 18 de dezëmber y n merdi ai 27 de dezëmber sunerà la Mujiga di Jëuni dala 17.00 de bela meludies da Nadel. Chëst ann ie l marcià Sun l Marcià da Nadel a S.Cristina iel da udëi de biei urnamënc y da Nadel sa Dos, tla decorazions da Nadel. plaza da parché i auti. L marcià ie da udëi nchin ai 30 de dezëmber, 9.12. - 11.12. dala 10.00 nchin ala 19.00, 16.12. - 18.12 dala 10.00 nchin ala 19.00, ai 23.12. sarà daviert dala 10.00 nchin ala 19.00, ai 24.12. dala 10.00 nchin ala 16.00 y dai 26.12. - 30.12. dala 10.00 nchin ala 19.00.


Informazions y Manifestazions

nr. 48 / 09 de dezember 2011

♦ Cunzert d’Avënt

Chino

L ensemble vocal Gaudium de Gherdëina nvieia n sada ai 10 de dezëmber a doi cunzerc d’Avënt cun nterprec drët cunesciui. L prim cunzert sarà dala 17.00 te dlieja dla Madona de Sëlva y l segondo dala 20.30 tla dlieja di Domenicans a Bulsan Ora dl ensemble vocal Gaudium saràl nce da audì Heidi Pixner cun l’erpa y l cuartet de ëi Schnittpunktvokal dla Ciarinza, (Austria) che ve tulerà demez, cun si sonns, dai pensieres dl note da uni di, per ve traspurté te emuzions de n sëmi da festa. L program vëija dant pec tradiziunei de nosc raions, mujiga d’Avënt da zacan coche nce n valguna cumposizions de al didancuei. Danterite unirà la mujiga acumpanieda da dessënies fac al mumënt cun sablon. Lascëve ncanté!

Chino Eden Cortina Insnuet vender ai 09.12 saràl da vedei l film nuef de W. Allen “Midnight in Paris”. En sabeda ai 10.12 pòn vedei “Un giorno in più” y domesdi l film d’animazion “Happy feet 2”. Lunesc, mertesc y mercui é dis de palsa y la juebia vegniràl lascé vedei “Tower Heist: Colpo ad alto livello”, con B.Stiller y E. Murphy. Per infos: 0436/881851

Sozial Festa da Nadè por vëdues, vëdui y porsones sores Le KVW dl raiun da Bornech inviëia ala festa en sabeda, ai 17.12.2011 dales 14.00, tla mensa dla scora profescionala a Bornech. Pinsier religius de siur Franz Sottara y ćianties da Nadè dles sorus Moling de Cestun da La Val. Prenotaziuns ćina ai 15.12 pro la rapresentanta dl KVW de paîsc o pro Hilda Sottara al 338/9231013. Marcià da Nadel dla “Locia“. Nosc prudoc ie da udëi y cumpré nchin a dumënia 11 de dezëmber tla Cësa de Cultura a Urtijëi, 9.00 - 12.00 y 15.00 - 19.00. Dé l bòt y trauma al cë

L Servisc Soziel de Gherdëina mët a jì cun Gertrud Calenzani na grupa de autoaiut per familieres y persones che à abù n trauma al cë o che ti à dat l bòt. N puderà rujené de si sperienzes y giapé nfurmazions. La prima ancunteda sarà ai 12 de dezëmber dala 3 domesdì, tla sënta dl Servisc Soziel a Urtijëi, streda Purger 16 (vedl spedel). Per nfurmazions plu avisa pòssen cherdé su l Servisc Soziel, 0471/798015. Conzert de la Caritas te Fascia

En domenia ai 11 de dezember da les 20.30, te gejia de Pera, la comiscion Caritas en colaborazion coi i cori di joegn prejena “Cianta e prea co noi la legreza del Nadèl del Segnoredìe”, na serèda de reflescion con paroles e cianties.

♦ N Nadel de ciculata La Lia Mostra d’Ert mët a jì n curs per mparé a fé roba dëucia cun l cunditer Manuel Marzari, n vënderdi ai 16 de dezëmber dala 20.00 tla cësadafuech dl Circolo (prim partimënt) a Urtijëi

Na tëurta de ciculata. (foto de Manuel Marzari)

Mparon a lauré cun la ciculata per fé roba dëucia coche crucanc, pan de bananes, mousse y cremes, da prejenté te goc o sciche finger food. L curs sarà per talian. Do avëi mparà da cuech, à Manuel Marzari fat n curs de spezialisazion per deventé cunditer, jan pona a lauré tla gastronomia de livel scialdi aut. Per l curs muessen se lascé nuté su (max. 20 posć). Priesc dla sëira, 25,00 € a persona. Per se scrì ite y giapé nfurmazions plu avisa pòssen cherdé su l 333/6870283.

Mostres Cortina y l Nuefcent: les plu beles operes dl museum Mario Rimoldi

Les operes de artisć emportanc sciche De Chirico, Sironi, Campigli, Music, Morandi, Depero e Vedova sarà da vedei dal 7.12 al 15.04.2012 tl museum de ert moderna de Cortina, che é davert vigni di da les 10.00 a les 12.30 y da les 15.30 a les 18.30. Infos: www. regole.it/musei/ita/Rimoldi. Mostra de fotografies

La fotografies dl 4. cuncors de fotografia dl Fotoclub Gherdëina per jëuni, premiedes y chëles “senialedes“ sarà da udëi nchin ai 18 de dezëmber tla sala di jëuni “Saut” a Urtijëi. Mostra de Christian, Stl Holzknecht y Gerald Moroder

Chësta mostra ie da udëi a Tscherms, tl Kränzelhof, tl restaurant Miil, Gampenstr. 1 nchin ai 29 de jené 2012, da merdi nchin a sada, 12.00 – 15.00 y 18.30 – 23.00. De dumënia iela davierta dala 12.00 nchin ala 15.00. Mostra de criples

A Urtijëi sun la promenada “Luis Trenker“ iel da udëi na bela mostra de criples. Padiglione Italia a Torino

Gerald Moroder meterà ora na si scultura tl Padiglione Italia dla Bienela de Unieja, a Torino, Palazzo delle Esposizioni, corso Massimo d’Azeglio 15. Chësta mostra å Torino vën metuda a jì n ucajion di 150 ani dl’unità dla Talia. La giaurida dla mostrà sarà ai 17 de dezëmber dala 19.30. La mostra sarà da udëi nchin ai 30 de jené.

♦ Viac tl mond dl pier

♦ Festa de Santa

L Circolo - Lia Mostra d’Ert à l plajëi de Ve nvië n juebia, ai 15 de dezëmber dala 20.30 tla biblioteca d’ert dla lia sun plaza Sant’Antone 102 a Urtijëi, a na sëira de nfurmazion y de degustazion dedicheda al pier

Lizia

Cie ie pa perdrët pier? Co vëniel pa fat? Cie sortes de pier iel pa y ciunes ie pa la desfrënzes? Cie fej pa ora n bon pier y ulà n giàpen pa? L unirà prejentà na desëina de sortes de pier che n puderà sambën nce ciarcë. N muessa se lascé nuté su, (max. 20 posć). Priesc dla sëira: 20,00 € a persona. Per se scrì ite y giapé nfurmazions plu avisa pòssen cherdé su l numer de telefonn 333/6870283.

En mertesc ai 13 de dezëmber vëgnel festejé a Lungiarü cun solenité le patrozine de Santa Lizia La Ploania da Lungiarü i dà le bëgngnü a düć i devoć de Santa Lizia. La santa vëgn invocada por la proteziun di edli y dla fede. La festa vëgn tignida en mertesc ai 13 de dezëmber. Dales 8.30 saràl la corona, dales 9.00 la santa mëssa solëna. Dô mëssa ti pîta la uniun dles ëres a düć val’ de ćialt dan ćiasa dla scora. Te salf dl paîsc vëgnel inće tignì le marćé de Santa Lizia, organisé a sostëgn dl cor de dlijia. Le marćé é davert en lönesc do la prefestiva dles 20.00 y le mertesc - Santa Lizia - do la santa mëssa, ćina dales 12.oo, y domisdé dales 14.oo ćina ales 16.oo. Santa Lizia, proteturia di edli y dla fede. Ara vëgn Bëgngnüs ala festa! festejada ai 13 de dezëmber a Lungiarü. www.lauscdiladins.com

45


Congratulazions

nr. 48 / 09 de dezember 2011

Ejëmpli vives de ulentariat culturel ladin Persunaliteies dla valedes ladines de Gherdëina y dla Val Badia che se à dat cà per fé viver la cultura ie unides uneredes ai 5 de dezëmber dal Assessorat provinziel ladin. Te na pitla festa a La Ila cun la cornisc dla ujes dl Cor Raiëta da La Val à l assessëur Florian Mussner sëurandat uneranzes a n reprejentant di ulenteres per uni chemun

Persunaliteies uneredes per si ulentariat culturel ladin cun l assessëur Florian Mussner y Alexander Prinoth y Alexander Piccolruaz dl Ufize Cultura Ladina. I premià da man ciancia: Lois Huber, Siur Iaco Ploner, Lois Trebo, Elisabeth Penazzi, Hermann Kostner, Emil Perathoner, Edgar Moroder y Iarone Chizzali. (foto: Cultura Ladina/Irsara)

Onoranzes - L ulentariat ie na seva mpurtanta dla sozietà: chësc ie ai 5 de dezëmber unì recunesciù y sorissà cun truepa scumenciadives dl di nternaziunel dl ulentariat. N cont dla Cultura Ladina recunësc l Assessorat provinziel ladin l gran valor di ulenteres che da cà tëmp, mpëni y energies per la cumenanza. Nsci àl unerà persunaliteies di 9 chemuns ladins de Gherdëina y dla Val Badia che se à fat merit per si atività de ulentariat culturel. La prupostes de chësta persunaliteies

de ejëmpl ie unides dai chemuns. “L ulentariat ie funtana de svilup de valores de solidarietà, partezipazion y ntegrazion”, à dit Florian Mussner, fajan referimënt ala fazion sun la cumenanza. Tl cajo dla cultura ladina ie l ulentariat na seva che tën su cultura y rujeneda. “La man publica mët a desposizion strutures, ma me cun la legrëza y l se dé da fé di ulenteres garata nce na cultura viva y sentida”, à dit l assessëur. L’ulentrairat ie a La Ila nce unì valorisà per la fazion che l à sun la

persona che se da cà: l nes dà la puscibltà de mparé truep, l gëura portes y urizonc nueves. Nsci à l assessëur ladin auzà ora l dé dl ulenter che giapà nce de reviers legrëza y puscibltà de svilup personel, nsci porta l ulentariat richëza persunela a chiche giapa y a chiche dà. “Te nosc tëmps de individualism y de na cumenanza carateriseda dala tecnica ulons rengrazië persunaliteies che se à dat ca zënza paiamënt y che se à fat unëur”, à l

diretëur de repartizion Alexander Prinoth mutivà la uneranza. De plu unerei à detlarà de pië do la uneranza nce a inuem de duc i autri che se dà ca ulenteres. Deplù nfurmazions sun la motivazions da pert di chemuns per les personaliteies premiedes purtarà La Usc di Ladins te n’ena. (ofize stampa pruvinziel/as)

I premiei Elisabeth Penazzi - Chemun de

Corvara Pacifica Glück Lardschneider Chemun de Sëlva Lois Trebo - Chemun de Badia Emil Perathoner - Chemun de Santa Cristina Iarone Chizzali - Chemun de San Martin de Tor Edgar Moroder - Chemun d’Urtijëi Siur Iaco Ploner - Chemun d’La Val Hermann Kostner - Chemun de Ciastel/Frazions Ladines Lois Huber - Chemun de Mareo

N bel benvegnù al pìcol Ai 14 de dezëmber complësc

Davide de “Mesì” la bela eté de 60 agn. Döt le bun, ligrëza y sanité t’aoda Annamaria, Christine, Reinhard cun Sarah y dantadöt l’mino Fufi.

Luca ruà ai 22 de november a ge portèr tanta legreza a duta sia familia. Al pìcol fra Nicolò, a la mama Cecilia e al papà Raffaele ge fajon la più bela congratulazions Da duc i parenc da la Val de Sora

Cungratulazions a Augurun a

Diego Senoner

nosc Philipp

per avëi finà i studies arjunjan l ”Master of Science in Energy Management” a Stirling tla Scozia

düt l’bun pur avëi stlüt jö i stüdi de economia tla université de Parma.

Dut l bon per ti daunì te mbincia Tati, Mama y Daniel cun Sabina e Simone duc chëi de familia

A nosc Toni che cumplësc ai 7 de dezëmber i 60 agn ti aodunse düt düt le bun. Tröpes ligrëzes y sodesfaziuns mo dandadüt sanité. Da tüa fomena Clara, da Helga, Elmar y Stefanie

A Bernd, Vito, Ivan y Raimund Sies pitla cëures sons, y dut l di sun nosc luech stajons y se lascé sun la persones per l maië messons. Dut l inviern n bon fën iel njenià ca, che chisc 4 berbesc per nëus à njenià. Zënza pensé giut y nia se sparanian, ài tëut ca fauc y restel coche n fajova mo zacan! Sià ju dut l pra ëis cun lezitënza y zënza dal lëur ve desgatië, acioche nëus dut l inviern onse da maië. De gra da Max, Moriz & Team

46

www.lauscdiladins.com


Inserac, Religion y Anunzies

nr. 48 / 09 de dezember 2011

Chirì da laour N jëunn chier n lëur a judé te cësadafuech, l à bele esperienza y à bele laurà te plu luesc te Südtirol. L crissa n lëur te Gherdëina. Tel. 388/9920630. (46/11) ••• N ël chir laûr sciöche lavataîs, fant de ćiasa o portier de ćiasa. Tel. 366/2703569. (46/11) ••• N ël moldavo, 46 ani, chier da lëur per la sajon da d’inviern o nce per dut l ann, te Gherdëina, sciche autista (duta la categuries) o nce d’autra sortes de lëur sciche judé te cësadafuech, ... Tel. 329/8769397. (46/11) ••• N ël chier da lëur da vardian, te n bar o a fé de uni sort de lëures. Tel. 327/9224134. (46/11) ••• N’ëila da tlo chier da śën inant n lëur a mez tëmp a paidelné. Tel. 338/1568397. (46/11) ••• N ël che à bele laurà n valgun ani te Gherdëina chier n lëur coche segondo cuech o nce a mpresté ora schi. Tel. 340/9384211. (46/11) ••• N jëunn chier n lëur a judé te cësadafuech, l à bele esperienza y à bele laurà te plu luesc te Südtirol. L crissa n lëur te Gherdëina. Tel. 388/9920630. (46/11) ••• N’ëila chier da lëur sciche lodnera o a cialé de pitli mutons, de jënt de tëmp o zachei che à de bujën de unì secudì. Sce l ie mesun te Gherdëina. Tel. 340/5298027. (46/11) ••• Na jona chir laûr da secreteria a Al Plan o incëria. Tel. 366/3165773. (46/11) ••• N ël chier da laûr sciöche lavataîs, fant de ćiasa o portier. Tel. 366/2703569 (46/11) •••

N jëunn chier da lëur te Gherdëina sciche ciulier te sala, l à bele esperienza de lëur te chësc raion y l rejona trëi rujenedes: talian, tudësch y franzëus. Tel. 347/6042008. (46/11) ••• N’ëila chier da lëur te Gherdëina a cialé de jënt de tëmp (badante) a tëmp plën o a ëures. Ëila à bele esperienza te chësc lëur. Tel. 388/1437655. (46/11) ••• N ël chier da lëur. L ie unfat de ce lëur che l se trata. Tel. 340/5494048. (47/11) ••• N’ëila chier da lëur coche barista o a rumé su majons. Tel. 331/7457821. (47/11) ••• N’ëila chier da lëur a rumé su majons. Tel. 347/2657145. (47/11) ••• N jëunn chier da lëur a lavé ju, a judé te cësadafuech o scenó nce sciafer, te Gherdëina. Tel. 333/1954565. (47/11) ••• N’ëila chier da lëur a rumé su majons o a cialé de na persona de tëmp cun albierch. Tel. 329/1380496. (47/11) ••• N’ëila chier da lëur a rumé su majons te Gherdëina. Tel. 320/7538650. (47/11) ••• N jëunn chier da lëur a lavé ju, a judé te cësadafuech o scenó nce sciafer, te Gherdëina. Tel. 333/1954565. (47/11) ••• N jëunn dla Serbia che sà talian chier da lëur da chelner. Tel. 392/8079088. (47/11) ••• Na jëuna chier da lëur a rumé su majons te Gherdëina. Tel. 389/9285066. (47/11) ••• N ël chier da lëur coche segondo cuech te Gherdëina. Tel. 328/5512756. (47/11) ••• Na studënta dla Val Badia chir n laûr

tratan les vacanzes da Nadé, i fins dl’edema y les Vacanzes da Carlascé. Tel. 335/7879518. (47/11) ••• N’ëila chier da śën inant da lëur a rumé su, a fé de uni sort de lëures, da badanta, fancela, baby sitter o sarturëssa. Tel. 320/2116066. (48/11) ••• N ël chier da lëur da pizzaiolo. Tel. 328/8893540. (48/11) ••• N ël chier da lëur coche segondo cuech, chelner o nce portier te n hotel. Tel. 327/5516366. (48/11) ••• N ël chier da lëur, l ie unfat de cie lëur che l se trata. Tel. 327/3116349. (48/11) ••• N ël cun 6 ani de esperienza chier da lëur da segondo cuech o a lavé ju. Tel. 340/8068580. (48/11) ••• N ël chier da lëur a lavé ju o a fé de uni sort de stroc, te Gherdëina, da śën inant. Tel: 333/8356981 (48/11) ••• N ël chier da lëur da vardian, a cialé de na persona de tëmp o a fé de uni sort de lëures. Tel. 366/7016703. (48/11) ••• L vën crì da lëur a cialé de na persona de tëmp o a fé vel lëur te n hotel, te verzon. Tel. 329/1380496. (48/11) ••• Na jëuna cun esperienza sciche lodnera, ciuliera o barista chier n lëur a tëmp plën, sce l ie mesun te Gherdëina y ulache la giapëssa nce da pudëi sté. Prëibel cherdé su l 389/1230632. ••• Na jëuna cun esperienza chier da lëur a Urtijëi a cialé de pitli mutons n 5 ëura al di, a rumé su majons da 3 – 5 ëura al di. Tel. 331/5635788. (48/11) •••

La firma Demac de Sëlva chier da śën inant n respunsabl per la produzion cun cualificazions tecniches, 1 a dessenië sun Autocad per l ufize tecnich 1 per l ufize da cumpré ite. Prëibel cherdé su l 0471/794355 ntan l orar de ufize.

Hotel Garni Elisir Ćiaulunch/ Corvara chir da jenà a merz na ćiamenëssa/ tornanta por 3 dis al’ edema (cun la sabeda). Prëibel telefonè al 0436/79145 o al 388/8485004 o menè na mail a info@hotelelisir.eu

Da vëne tl zënter dl pasc a La Ila tla Val Badia döes ćiamenes hobby (hobbyraum) cun 2 bagns eventualmënter inće ma öna na ćiamena cun un n bagn, ćiodì pa nia da adorè por le personal? Prëibel cherdè sö le 335/7794582 ti orars de ofize.

La Scola de Schi de Sëlva chier n/na secreter/a na persona per l mprëst dai schi. Prëibel cherdé su l 0471/795156 o l 335/204278.

Residence Alta Badia a Calfosch chir por la sajun da d’invern 1 ëra a puzenè dal lönesc ala sabeda por 3 ores al dé domënia lëde. Prëibel cherdè sö le 335/7875219.

Da vende L vën vendù n pèr de ciauzei da jì cun i schi dla marca Nordica, model Dobermann, fosc, numer 37, tan che nueves. Tel 333/3200737. (46/11) ••• Da vëne 4 cërtli de fer por Caravelle o Transporter 7J x 17, nüs e originai Volkswagen. Tel. 339/8817965. (46/11) ••• L vën vendù na televijion nueva, a Urtijëi. Tel. 340/5298027. (46/11) ••• L vën vendù na mascin da suië besc dla AEG Lavaterm 530 tan che nueva. Priesc100,00 euro. Tel. 340/5780120. (47/11) ••• Al vëgn venü n jopel (Jacke) de plöma dla Bailo, corù fosch, mosöra L, sciöche nü, a dër n bun prisc. Tel. 333/9293877.

••• Da vëne n grup de fanes dla Imco (13 fanes cun cuertli, scorapasta y dui cops). Tel. 339/6449947. (47/11) ••• Al vëgn venü 2 motoslites, na Artic Cat F1000 mascin da sport a 9.000,00 euro y na Ski Doo Yeti 600, mascin da laûr a 4.800,00 euro. Tel. 348/7073294 do les 18.00. (48/11) ••• Al vëgn dé ia an bun prisc, lüms de fêr batü, te de bunes cundiziuns. Tel. 335/5943250. (48/11) ••• Al vëgn venü na copia de casses Mackie SRM 450, 400 watt l’öna, componënć rcf, a 800,00 € da tratè. Laprò él inće mazes dla Proel y tascia por le trasport. Da vëne n mixer adorè püch a 200,00

€, n amplificadù por chitara acustica transistor 60 watt, entrada dopla Jac y XLR vignun cun regolaziuns y efeć dedicà, a 300,00 € y na chitara tlassica cun preamplificadù multifunziun DSP, a 600,00 €. Tel. 339/2932910 o info@ jeanruaz.ait (48/11) ••• Da vëne a bun prisc 1 schipass da 25 agn insö por la pert d’ Al Plan, (Piculin fina Plan de Corones). Tel. 338/1277295. ••• L vën vendù lumes per n ufize y lumes, iluminazion per locai coche n ufize o na butëiga sun scines. Oradechël vëniel vendù n tët de pëc cun Fastlock UNI per la pert dancà de na cësa, 11,60 metri lerch, 2,30 metri aut y 2,60 metri sot cun salieries. Tel. 335/6891845. (48/11) •••

Da chirì Na maestra dl ITC chier de prëscia n pitl cuatier per una na persona, per l ann de scola, a Urtijëi. Tel. 349/4350839. (45/11) ••• Na ëra dl post chir n apartamënt tl’ alta Val Badia por döt l’ann. Tel. 345/8332214 (da sëra). (45/11) ••• Doi jëuni da tlo chier n pitl cuatier per la sajon da d’inviern, dal scumenciamënt de dezëmber nchin Pasca, o per dut l ann. Tel. 333/2119418. (45/11) ••• Tla Val Badia vëgnel chirì n monolocal

La firma Petrolcalor a Puntives chier n sciafèr da tlo cun patent C y pusciblmënter ADR Tel. 0471/798197

o n pice apartamënt da tó en afit por döt l’ann. Tel. 347/9435523 o sghi@ inwind.it (45/11) ••• L vën crì da cumpré n auto de segonda man ntëur ai 1000 €. Tel. 334/7206663 do la 14.00. (46/11) ••• Ëila moldava chier n monolocal a Urtijëi o daujin, da śën inant. Tel. 329/8769397. (46/11) ••• L vën crì guant da d’inviern per na muta da 6 – 8 ani y n mut da 11 – 14 ani. Tel. 331/1102162. (46/11)

••• L vën crì n cuatier o na majon cun bani per 2 persones da tò afit dal 1. de dezëmber nchin ai 31 de merz. Tel. 335/563007. (47/11) ••• N pêr chir n apartamënt tla Val Badia. Al à inće referënzes. Al paia alplü 600,00€. Tel. 328/7935384. (47/11) ••• L vën cris de vedla menëides, nce de or, de vedla colezions y uneranzes da cumpré. Tel. 0043/650/7543330 o brutuss@gmx.at (48/11) •••

inserac@ lauscdiladins.com

A San Linert de Badia vëgnel afité ia n apartamënt de za. 90 m2, a jënt da chilò. Telefonè prëibel al 349/6675851.

chir 1 lerner da carozier 1 secreter/ia 1 colaboradù pro la pumpa dal penzinn. Al dess ester jënt jona, flessibla y cun tröpa vëia. Prëibel telefonè al 0471/839865 o al 335/242193.

Residence Sidonia a Corvara chir na ëra dl post a puzenè apartamënć les sabedes. Prëibel cherdè sö le 0471/836741.

I chiriun n eletrizist cun esperiënza y ligrëza da laurè tl ćiamp dla termoregolaziun y dl’automaziun. La Val, Zona artejanala. Tel. 0471/843162.

Al vëgn dè en afit da aurì 2012 inant le Sporthotel Teresa a Badia. Interessà po menè na mail a info@baccichetto.com

Tistlaria Perathoner te Sëlva chier n fant cun esperienza. Prëibel cherdé su l 0471/773222 o l 339/4268143.

La Qbus s.r.l. a Badia chir 1 secreter/ia por döt l’ann. Por informaziuns prëibel cherdè sö le 0471/1886636 o menè na mail a info@qbus.it

Hotel Serena a Badia chir na ćiamenëssa por la sabeda dales 8.30 ales 11.30 dai 14 de jenà inant ćina ala fin dla sajun. Prëibel cherdè sö le 0471/839664.

La botega dal guant La Rajeta a Corvara chir na lodnera por la sajun da d’invern. Por informaziuns prëibel cherdè sö le 0471/836191 o le 335/6916271.

Vangel dla Domenia Terza domënia d’Advënt, ann B, ai 11 de dezëmber 2011

Rengraziamënt

Dal vagnele do San Jan, 1, 6-8.19-28

Josef Comploi dl Cosmea *09.05.1919 - + 27.11.2011 Ulon rengrazië de cuer duc chëi che nes ie stac daujin te chisc dis plëns de tristëza per tò cumià da nosc Tati. L ie stat dassënn de cunfort a udëi tan de recunescimënt, stima y amezizia da duc chëi che l cunesciova. Rengrazion duc de cuer. Kathi y Familia N rengraziamënt particuler a nosta “Tante Ida“ che ti ie for stata daujin.

Al é lovè sö n chestian, che ê menè da Idî; so inom ê Jan. Al é gnü sciöche testemone a ti dè testemonianza ala löm, por che düć röies tres ël ala fede. Ël ne n’ê instës nia la löm, al â mâ da ti dè testemonianza ala löm. Chësta é la testemonianza de Jan: “Canche i iüdes â ortié da Ierùsalem infora proi y lević da d’ël cun la domanda: ‘Chê este pa tö?’, àl confessè y n’à nia loghenè; al à confessè: ‘Iö ne sun nia le Messia’. Ai l’à damanè: ‘Chê este pa spo? Este Elìa?’ vY al à dit: ‘I ne le sun nia’. ‘Este tö le profet?’ Al à respognü: ‘Nou’. Dailò l’ài damanè: ‘Chê este pa tö? I messun ti dè resposta a chi che nes à menè. Ći nen dìjeste pa de tè instës?’ Al à dit: ‘Iö sun la usc de chël che scraia tl desert: avaliedi le tru al Signur!, sciöche le profet Isaìa à dit.’ Danter chi ch’ê gnüs ortià a damanè, êl inće farisês. Ai à damanè Jan: ‘Ćiodî batiëieste pa spo, sce te n’es no le Messia, no Elìa, no le profet?’ Al ti à respognü: ‘Iö batiëii cun ega. Amesa os ite n’él un, ch’i ne conescëis nia, ël é chël che vëgn do da mè, y iö ne sun nia dëgn de ti desćiolè i ćialzà.’ Chësc é sozedü a Betània, söl’atra pert dl Iórdann, olache Jan batiâ.” Parora dl Signur. - Lalt a té, Gejù Crist!

www.lauscdiladins.com

47


La Usc di Ladins  

edition 4811

Read more
Read more
Similar to
Popular now
Just for you