Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 48/2010 - 11 de dezember 2010 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Badia

4

Cherta di toponims

aaaaa

Le Comun de Badia é le pröm comun dla Val Badia che à dan man na cherta valgamia completa sön i toponims.

Cuer

Plu scioldi per ciases vedles

Comentar de pruma

L Consei provinzial de Südtirol à fat fora de auzé i contribuc per l ressanament de ciases vedles, nia bele sot sconanza

Integraziun

7

Melfurmazion Chësta ie na storia de na melfurmazion dl cuer, na storia jita ora bën, per fertuna. La storia de Sofia Dejori.

8

Ciambonfs

Generela La lia di apasciunei dla jites, i Ciambonfs de Gherdëina, à nstadì abù si reunion generela.

Musiga

14

Cor da San Martin Da 25 agn à Iarone Chizzali tles mans la bachëta dl cor de dlijia. Na ocajiun por festejé.

Corvara

Ski Fever

Rottonara à metü sö la junta ma cun les usc de süa lista. Intervista a Dalponte, che nes confida n socrët.

20

Festa por la Crusc Blanćia La seziun dla Crusc Blanćia Alta Badia à complì i 40 agn.

Energìes alternatives

L’imigré tla Talia che damana na permisciun de sojornanza darà jö aladô de na norma jüda en forza ai 9 de dezëmber 2010 n ejam de talian. La Junta provinziala de Südtirol é tl laur da mëte en forza inće l’oblianza da i fà n test / na proa de todësch, dlungia ala taliana. Dl lingaz ladin n’à ćina śëgn baié degügn! Sce i todësc de Südtirol se bat bele tan por che la jënt che vëgn a laurè y stè te Südtirol da fora dla Talia sais almanco n pü’ de todësch, spo messass Balsan, o la Regiun TN/BZ, desco rapresentanza democratica garanzia dla mendranza ladina inće se damanè n test de ladin por chi imigrà che vëgn a laurè y a stè tles valades ladines. Damana pa i ladins demassa? Sce la resposta é “scê”, spo messass inće bastè che i imigrà te Südtirol sais dlungia a so lingaz dla uma, y evnetualmënter d’atri, “ma” talian. Le lingaz é la porta por na integraziun sozial-culturala, inće tla Ladinia. O vel ma chësc por le rest dl monn?

17

Junta en pè

La Ila

de Iaco Rigo

21

Biogas te Fascia? Francesco Rasom da Vich rejona de l’ùtol che n impiant per la produzion de biogas podessa portèr ai bachegn.

Aodanzes da Nadel te "La Usc di Ladins" La Usc di Ladins gnirà fora ciamò con does edizions dant Nadel, plu avisa ai 18 y ai 24 de dezember. Menede adorassé na mail a info@ pentagon.it, o telefonede al 0471 790052, per resservé na lerch a les aodanzes (ai augures) che I voleis i fe a vosc clienc y a vosc amisc!

La Provinzia à fat fora de dé ca plu finanziamenc per salvé la cubatura vedla. Sun la foto: ciases vedles tla vila de Ciaseles/La Pli de Mareo. Foto: Mario Clara/Madem

Atualité - L argoment é sté al ordin dl di dla reunion ordinara dl Consei provinzial de Südtirol dl 1. de dezember y é gnu traté pona doi dis do. La proposta de aporvé n articul de lege che menassa do intervenc de dortorazion y de recuper per salvé ciases ratedes tradizionales y ence artistichculturales fova gnu prejenté dai consiliers dla SVP Sepp Noggler, Arnold Schuler, Elmar Pichler-Rolle, Veronika Stiner y Martha Stocker. L articul é spo davei gnu aprové con

15 sci, cinch nia y sies astenjions. La bona novela é l’aprovazion de chest articul che preveid l aument di contribuc per l ressanament de ciases vedles nia sotmetudes a na sconanza monumentala o de ensemble. Ence truepes ciases dla Val Badia y de Gherdeia tomassa ite tla lege nueva di aiuc per salvé cubatura vedla.

Ma... La manco bona novela é che chest

articul nuef n’à al moment degunes disposizions d’esecuzion y resta perchel senza scioldi. Te temps de sparagn n’él nia plu tant saurì de giapé ressorses, ence sce an sa a Bulsan che senza scioldi ne vel chest articul tla pratica nia. Tla discuscion dantfora a la deliberazion él gnu rejoné de “conservé l daciasa”, fe n vare concret per salvé pert de nosta cultura storich-culturala. Trupes frabiches de mesc (luesc da paur) messa va inant a plata 2

Le borjù (la fiëura) por le gran schi alpinn crësc indô. Tla Ladinia s’arjìgnel da ruvé indô i mius atleć dl monn, Al Plan de Mareo (Plan de Corones) por la gara de Copa Europa, Gherdëna y l’Alta Badia por la Copa dl Monn. Te Ampëz ruvarà spo de jenà indô les atletes de Copa dl Monn. La Ladinia y süa jënt é liada al gran schi mondial, dai prinzips incà canche al ê gnü ponsè ales prömes gares y ai schiclubs. I schi ne foss nia plü da odëi desgorć dala Ladinia, le sport di schi é gnü n fatur economich y nia ma sportif y sozial tla Ladinia. Spo él inće anfat sce le schi n’é nia ma plü “schi alpinn” tl sëns tradizional, mo inće snowboard, ez. Avëi al dedaincö ćiamò gares de Copa Europa y dl Monn te ćiasa n’é indere bele da n pez incà nia ma plü le reconoscimënt de na bona “organisaziun” y n bel “budget”, mo dantadöt n suzes dla dediziun, diplomazia, PR y costanza. Les gares de Copa Europa y dl Monn tla Ladinia é n resultat inće dl carater di ladins, dotà y arjignà dagnora da se porvè, mëte en pratica les idees, i stè do ćina al resultat y al suzes. (ir)


Letres y Atualité

nr. 48 / 11 de dezember 2010

Le teater “La zia d’America e il colesterolo” a Al Plan A La Usc di Ladins: critiché le lingaz cun chёl che n autur scrì so teater é püch democratich y nia cultural. Al Plan é y romagnarà speri - n post olache la cultura à lerch. Spo sce al vëgn n dé inće

scrit teatri por ladin o todёsch o ingleje laprò, dailò prëibel y Dî ti al paies. Christian Ferdigg, Al Plan de Mareo

Resposta I n’ô nia adorè la parora “critica” en cunt de mi articul. Mia intenziun n’ê sigü nia chëra da critiché le teater instës o i jobleri. Le grup s’à porvè y à metü en pè n spetacul ligherzin y plajor, ći che é ma da laldè. Le dovëi d’La Usc é chël da sensibilisé da tó ca nosc lingaz y te mi articul n’arati nia

Plu scioldi per ciases vedles al didancuei zessé per ciases nueves, y perchel él de mete en pratica na lege che i garantesc ai patrons che n ressanament de na ciasa vedla ne costa nia deplù che na costruzion nueva. Na proposta podessa ence ester chela de deslié l patron de na ciasa da paur vedla sun n luech da paur da la cubatura plena dl luech, enscì podessel se fe su na ciasa nueva dlongia la vedla cialan tl medem

temp de ressané la ciasa vedla, y la salvé enscì da la rovina. La Ladinia messa cialé de conservé l plu che ala va les ciases vedles de valuta tradizionala y culturala, senza rovonse n dì a messei jì a ti cialé a les ciases da paur de nosc antenac ti museums etnografics fora dla Ladinia (p.ej. a Dietenheim). L’architetura auda pro nosta storia, y sferié ju l’architetura tipica da paur de nostes valedes vuel dì ne avei degun interes per nosta storia y

cultura.

Les viles La lege dla sconanza dles viles tla Val Badia ne cleca nia per salvé les ciases vedles, al plu végnel conservé la “forma” de convivenza architetonica, chestes ciases po tamben ence ester modernes per salvé la “forma” dla vila; a chest pont giatonse spo na vila ladina con ciases modernes, al post dla vila ladina con ciases tradizionales. (ir)

Na lauda a nosc Chemun de Urtijëi! Basite tla cësa de cultura Luis Trenker iel na sala lucënta per ert y cultura, y pona servijes saniteres da primat. Y l vën rumà su da marueia! Danora n pensier de democrazia ”de facto” Cun nosta pitla pëna, datrai de velch nce spiza y sterscia, ne schiverons tl daunì de nosta vita nia de mëter scialdi a verda dla cosses te nosc chemun y nce de chëles ”sun Chemun”, per auzé ora zënza deguna sort de tëmes reverenzieles y zënza jenudlamënt o sometuda psicologica, dut chël che ie debujën che vënie udù, cunscidrà y dit, dantaldut nce cun spirt ”cristian“. De chësc viers ons la miëura ntenzion, ajache n spirt jurnalistich daviert y cun l mascimo de lum linëusa ie debujën te na sozietà y te na valeda, nce chëla de Gherdëina, che ie suvënz massa stluta te si crosa temënta, y perchël nce plëina de ipocrisies, de oportunisms y de cunveniënzes egoistiches. La boniscima strutura tla Cësa de Cultura basite Ncuei ons l’idea de mëter iustamënter a lujer na cossa che vel plumes linëuses y de bona paruda sun l ciapel dl’aministrazion de nosc Chemun de Urtijëi. N possa bën dì che nosc Chemun à sapù da fé, y nce da vaghé, pra l bon lëur de derturamënt y de renuvamënt y feter de „ressurezion“ dl Palaz dai Cungresc - che ie sën deventà la Cësa de Cultura „Luis Trenker“ - l custimënt de n local damat bel y grant per la funzion „vitela“ de servisc saniter y de „chegadoies“, na pruietazion y n lëur

2

www.lauscdiladins.com

che ie defin garatà, che ie iló bel lucënt y grandiëus, che n ne ëssa nia pudù se l nmaginé miëur y plu funziunel! On dessegur bele duc pudù se rënder cont cun nosc uedli, y dla medema idea y cunvinzion ie daniëura nce i truep patins, seniëures y turisć de nosc luech, tanc che ie de transit o fërms ntëur chëla plazes de nosc zënter, y che ne mancia nia de vester termënt cuntënc de n tel servisc ala ngranda. Nce sce l ëssa da vester datrai na gran curiera plëina de jënt, ie la cumpëida da chegadoies, maschil y feminil, tan granda y aldò, y dut al mascimo nët y lucënt, che n possa mé ti dé dl Vo a chësc bon servisc, che ti fej nce gran unëur a nosta cumenanza de buteghieres, osć, hotelieres, banchieres, y mo duc i autri. Nëus raton belau de no se falé a se tò a dì che n servisc saniter - n cont de n bujën fisiologich universel dla jënt - de tan na bona struturazion y grandëza, ne n’iel inió, lonc y lerch, a viagë nce te plu Stac y paejes dloncora, y che te nosc cajo pudëssela belau se traté de n primat „da Guiness“, che nosc Chemun se à te chësc cajo lascià custé! No pa? Monica y Claudia Perathoner de Caio y da Lip Unfat „da primat“ y bon ie nce l lëur y servisc de tenì nët y de rumé su chësta luegia. Y chësc lëur mpurtant ie tla mans y tla respunsabltà dla jëuna da tlo Monica Perathoner de Caio, che ne sparania nia fadies y si lezitënza arpeda unica, per avëi for dut nët y a puntin, che l ne pudëssa nia vester miëur y al ordn, cun i truep seniëures che ne

Pablo Palfrader

De gra

L Consei provinzial de Südtirol à fat fora de auzé i contribuc per l ressanament de ciases vedles. va inant da la pruma plata

da avëi ofenü l’ater lingaz. Sce valgügn s’à sintì atochè de chësc vers, me desplejera. Chësc n’à nia da fà cun püćia democrazi a , che i arati personalmënter te chësc contest na parora vagada.

sparania ënghenó cun i cumplimënc. Cun duc si biei ciavëi da tortli y si sveltëza arpeda ie pona Monica sambën nce scialdi cuntënta y sudesfata, ma la ne desmëncia nce nia de dì che l ie nce na si cumpania, Claudia Perathoner da Lip, che ti ie for gën a despusizion y cunlaurazion, te mumënc y situazions ulache ëila adurvëssa aiut. Na drëta situazion dl se judé un cun l’autra, sciche l fova scialdi „usus“ tl mond da dant, dan nosta sozietà tan sëurastimeda y sëuramendeda dai computer, video y internet, y scatules d’uni sort! No pa? Na pitla cossa sëuraprò N pitl cunsëi bënminà, y plu dessegur dl viers per nosc Chemun. Ne fóssel pa drët che l unissa, dant o do, da vel’ artejan o da vel’ artista - y de chëi ne n ons pu te nosta valeda nia la ciarestia - che l unissa studià vel’ da zeche, vel’ merca o vel’decurazion, vel’curnejon o vel’sort de „nvenzion“, ntëur ala porta daujin y ala „viereda“ dl Local dala Mostres, magari nce cun scritures spezifiches leprò, da pudëi scialdi saurì y te na moda spontana se udëi ora, nce „esteticamënter“, che tlo vàn ite ti servijes saniteres, y tlo vàn ite tl gran local dla mostres y dl’ert!? Oscar Prinoth de Josef da Brida, Urtijëi Priesc d’abonament anual: per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

La grupa Gaudium ulëssa rengrazië de cuer duc canc chëi che ie unic al cunzert d’Avënt n sada dan otodì tla dlieja d’Urtijëi.

L Cor Gaudium rengrazia nce de cuer per la bona man che trueps à dat. Helmuth Senoner, Sëlva

Parola y parolata dl ann  Al vegn chirì la „parola“, la „parolata“ y la “frasa” dl ann 2010. Cie che à fat rejoné i Ladins y la jent dl Südtirol tl ann 2010 Lengaz - Per l sest iade vegn i Ladins y la jent dl Südtirol damaneda da fé propostes te un di trei lingac dla provinzia per la “parola” y la “parolata” dl ann. Cie avenimenc à pa gaujé les majeres discuscions y fat rejoné l plu la popolazion tl ann 2010 tla Ladinia y tla provinzia da Bulsan? Y cie paroles ài pa tout per rejoné de chisc avenimenc? Chestes é candidates per la “parola dl ann 2010”. Y sce chestes paroles ne é nia tant garatedes, sce ales prova da abelì o da ascone la realté, o sce ales ne porta nia respet per les persones, spo è chestes candidates per la “parolata dl ann 2010”. Per l prum iade végnel ence chirì la “frasa dl ann 2010”. Chesta frasa pò ester n zitat che resplidleia te na maniera ejemplara cie che la jent pensa, o n titul de foliet che à gaujé discuscions, o na afermazion/ declarazion che à scassé su l’opinion publica. An ne à nia bria da giustifiché les propostes, demé per la “frasa dl ann” podessa na picera

spligazion ester de utl per la juria. Les propostes pó vegnì manedes ite te duc trei i lingac fina ai 31 de dezember 2010 a la mis c ion: sprache@ kulturinstitut.org, Südtiroler Kulturinstitut, Schlernstraße 1, 39100 Bulsan/Bolzano/ Bozen. Les propostes pó ence vegnì dedes ju (tratant l meis de dezember) ti ponc de recoiuda organisés: - la biblioteca Provinziala Dr. Friedrich Teßmann, Bulsan - la biblioteca universitara a Bulsan y Persenon - EURAC, Bulsan De jené 2011 saràl spo na juria che chir fora anter dutes les propostes rovedes ite les “paroles”, “parolates” y “frases dl ann” dl ann per vigni lingaz. L’azion dla “parola dl ann” vegn metuda a jì da: EURAC, Istitut per Comunicazion Spezialistica y Plurilinguism; Université Ledia de Bulsan, Zenter Linguistich y Facolté de Scienzes dla Formazion; Biblioteca provinziala Dr. Friedrich Teßmann; Post linguistich dl Istitut cultural dl Südtirol.

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 48 / 11 de dezember 2010

Premie de reconescenza a cater rumanc Nia manco che 17 premies à l cianton Grijon dé fora dant da puech a persones dret atives sun ciamps desvalifs

Dancà y da na pert Uedli y oredles daverc sun la sozieté ladina d’aldidancuei Arnold Holzknecht da Martin de Urtijëi Scultëur y nseniant

Felix Giger. (foto: www.rtr.ch)

Rumanc - L premie dla cultura che amonta a 30.000 SF é ju al storich Georg Jäger. I premies de promozion de 20.000 SF a cef é jus a nuef persones; chel de reconescenza, ence de 20.000 SF, á giaté set persones y de chestes é cater rumanc: Anna–Alice Dazzi per sie laour de convinzion a favour dl Rumantsch Grischun, l lingaz unitar dl Grijon; Corin Curschellas é na ciantarina, componista y poetessa; Josias Just é n clarinetist conesciù a livel nazional.

Premie de reconescenza a Felix Giger Al à podù pié do l premie de reconescenza per sie gran laour sun l ciamp dl lingaz rumanc. Audion mo valch de plu menut. Felix Giger é nasciù ai 22 de jené dl 1946 a Surrein/Sumvitg. L ginase ál fat tla scola claustrala de Mustér, spo do la matura ál studié a l’université de Fribourg filologia romanza: franzeis, spagnol y rumanc. Dl 1973 àl arjont l licenziat, spo s’àl sposté a Salamanca tla Spagna per studié spagnol. Dl 1976 s’ál vestì l ciapel academich a Fribourg. Al é atira ju a laoré da assistent scientifich al Istitut dl Dicziunari Rumantsch Grischun –DRG, dal 1980 ensù él sté redadour y dal 1989 inant, do Alexi Decurtins, redadour capo. Giger fova ben spezialisé y motivé per sourantò chesta enciaria de gran inom y pom. Dal 1984 al 89 à Giger tegnù lezions de lingaz y leteratura rumancia a la université de Fribourg. Dal 2004 fin al 2010 é Giger sté redadour ordinar. Sen vìvel en pension a La Palma sun les ijoles Canarias.

Atif per l DRG y la leteratura Felix Giger à da mostré su na ativité de fonz y laours competenc per l rumanc; al à laoré tl chiet, sie impegn tl Istitut dl DRG a Coira é sté sie ciamp de vita. Al s’ova enjigné ca ben tratant siei studes y pratica per l post de laour a cef dl DRG. L contegnù de sie laour é sté plu avisa: inventarisé l patrimone linguistich dl Grijon rumanc, prejenté y splighé l patrimone lessical de duc i idioms dl lingaz matern en pericul. Ti 14 agn a cef dl DRG él antervegnù les gran inovazions tecniches digitales. Felix Giger à abù na posizion clef pro l DRG fin al 2004. L DRG é un di pioniers di cater vocabolars nazionai. Ben 30 agn alalongia à

Anna-Alice Dazzi Gross. (foto: www.rtr.ch)

Felix Giger laoré al servisc dl DRG. Al à arichì l DRG con paroles de valuta y à slargé l ciamp leterar rumanc con operes de stil y contegnù moderns. Al à metù ju na documentazion de basa dla favela rumancia con studié, enresce y apliché; chesta é na gran arichiment letarar rumanc. Felix Giger é sté confondadour y redadour con Iso Camartin dla revista “Litteratura” dal 1978 – 1990. Al à mostré ardiment per la leteratura rumancia. Felix Giger é autour y raprejentant de n jender de lirica rumancia moderna. Scrit àl n grum de operes, scialdi lirica y i prums comics rumanc a colour. Al à dé n gran contribut a la cultura tegnan referac sun la leteratura y i idioms rumanc. (da LQ 22.11.2010)

Premieda Anna - Alice Dazzi Gross Plu de 25 agn s’à chesta studiousa da S–chanf engajé per l lingaz y la cultura rumancia. Per sia gran ativité a favour dl rumanc, te comiscions y istituzions desvalives, àla podù pié do n pest de reconescenza da 20.000 SF sourandé dal cianton Grijon l ann 2010. Chesta gran linguista à de gran meric per l svilup dl Rumantsch Grischun (rumanc grijon) che ala à acompagné da la cuna ensù sciche dependenta dla Lia Rumancia; ala s’à batù per l lingaz sciche meso de comunicazion tl sens plu ampl.

Scolazion dal prof. H. Schmid Anna-Alice Dazzi Gross é nasciuda a Samedan dl 1958. Te sie paisc nadalin àla fat la scola primara y mesana (encuei Academia Engiadina); do la matura àla studié a Turic romanistica: franzeis, talian y rumanc. Ala é steda scolara dl prof. Heinrich Schmid, ideadour dl rumanc grijon; ala s’à lascé apascioné per la linguistica comparativa che confronteia i lingac. Heinrich Schmid à descedé te Anna-Alice Dazzi Gross l entusiasm per l rumanc grijon. Bele denant che ala ruve i studes àla laoré adum con Georges Darms pro la Lia Rumanica desche colaboradoura scientifica per l’elaborazion dla basa per la formazion dl lingaz standard. Dl 1982 ova Heinrich Schmid metù adum les diretives per la formazion dl rumanc grijun (Richtlinien für die Gestaltung einer gesamtbündnerischen Schriftsprache: Rumantsch

Grischun). L laour de basa per la formazion dl lingaz souraregional rumanc grijon á Anna–Alice Dazzi Gross elaboré con Georges Darms: l Pledari grond y la Grammatica elementara dal rumantsch grischun. Ala ti è steda do n temp dret intensif a la realisaziun y promozion dl rumanc grijun tegnan cursc y tolan pert a discuscions scialdi critiches y cialdines.

Miec cialé soura antersies fora Con sie impegn profescional da menadoura dl “Post da rumantsch grischun” y plu tert desche diretoura dla partizion “Linguistica Applitgada” pro la Lia Rumancia àla abù plena liberté da laoré y ruvé adum con jent de autri idioms, con chi di autri lingac nazionai. Dl 2008 éla vegnuda comembra dla direzion dla Lia Rumancia y responsabla dla partizion “Linguistica Applitgada”; emplù s’àla engajé sciche dozenta te istituzions publiches dasvalives. Anna–Alice Dazzi Gross é steda souraplù 10 agn raprejentanta dla Svizera pro l Consei d’Europa per la “Cherta europeica dles minoranzes linguistiches” a Strasbourg, cie che é sté per ela dret enteressant y de gran utl per l rumanc. Do l stude fòssela gen juda foradecà ma la ocajion de tré su l rumanc grijon l’à tant afascineda che ala é endò juda tl Grijon y é resteda ilò.

Co vàla pa cun l curs da sëira tla Scola d’Ert? Mé bën! L ie n curs per sculeies; ma n gran pert iel pra l curs jënt granda che se nteressea dl’ert y dl dessëni, da vint a 65 ani, ëi y ëiles. Fajon dassëni. Chi ie pa miëures, i sculeies o i granc, i ëi o l’ëiles? Te chësc ciamp ne n’iel nia de miëures o manco de miëures. Duc mpera da duc, me sàl a mi. Ajache uniun porta ite zeche de sie, che l auter ne à nia; sibe tecnica che maniera de udëi l mudel che i dessënia iusta. Da mi pert cëli de i renfurzé te chël che i à bele y de i avisé; me nmagine che i abina ora l plu zënza ti sfurzé su zeche che ne n’ie nia sie. Co iela pa cun i mudiei? Fajon act, y perchël ne n’iel nia saurì a abiné zachei che sta de mudel. Tole l’ucajion de fé a l savëi y de damandé nce tres la USC de unì a sté de mudel. Paion nce, y do la rata monce bën, dijëssi.

Ert, te chësc cajo l dessëni, ne n’ie nia mé tecnica, ma zeche deplù. Per chël che se dà ju cun l’ert, che fej te mi cajo pea l curs, iel sciche n training, per tenì n forma si vivanda artistica. De regula se dài ju inant cun l dessëni a cësa. L dessëni, la rissa, ie l prima esprescion artistica, dala prima jënt ai pitli mutons, l iel mesun de esprescion plu spontanea y ndrëta. Cun l dessëni iel mesun se udëi sé nstësc y pona nce de mustré zeche. Dut ntëur dà l dessëni sudesfazion. Co udëis’a Vo l livel artistich te Gherdëina? Uel pa la crisa che ie stata y che ie n pert mo for dì che l livel ie plu bas, te Gherdëina? No, dijësse al cuntrer. Te caji de crisa muessen scumencé a pensé do y pona se muevel nce inò zeche. Na crisa ie for nce na chance nueva. Ntervista de David Lardschneider

Nia adoré l cender ma mangé l fuech L rumanc manacia de ruvé tla Engiadina Auta scialdi sot les rodes te sie ester; al é ilò la tendenza de tegnì dal vedl y de se saré ju dal nuef. Ma tradizion ne vuel nia di: “Tò ca l cender, ma mantegnì l fuech!” (G. Mahler). Perchel é Anna–Alice Dazzi Gross tres steda per l rumanc grijon; degugn ne pò dì che al ti feje dann ai idioms ma l rumanc grijon é l fuech per i idioms, che ai se mantegne vifs y ne vegne nia roba da museum. Nosta premieda ne se sent nia stancia do da 30 agn de ativité per l rumanc y ala ne volessa nia mudé laour mo ben avei plu temp per ela enstessa. A la premieda Anna–Alice Dazzi Gross volonse ti fé nostes gratulazions y ti aodé trueps agn de ativité creativa inant a begn dl rumanc grijon y di idioms che vegn arichis y renforzés da chest (da LQ 24.11.2010). (Lois Trebo/ev) www.lauscdiladins.com

3


Istitut Ladin "Micurà de Rü"

nr. 48 / 11 de dezember 2010

Le pröm comun é chël de Badia Le pröm gran laûr é stlüt jö, la pröma cherta completa tla Val Badia di toponims ladins é dan man. Le laûr de archirida, racoiüda y publicaziun di inoms jarà inant inće por i atri comuns. Chësc resultat fej pert dl proiet de toponomastica dl Istitut Ladin "Micurà de Rü" popolares “L’America” = gonot vëgn n inom adorè sciöche simbol “Ćiaunü” = inom che vëgn bunamënter da “ćiamp nü” “Nauiëis” = toponim nia tler La racoiüda te toponims locai, la registraziun de chisc y implü la produziun de chertes geografiches é operes fondamentales: nia ma por conësce damì n raiun, mo inće por le valur conservatif y normatif che ares à dal punt de odüda linguistich.

Sinergies Na foto de Badia da Sas dla Crusc jö, olache an vëiga la forma naturala dl raiun: plans, coi, bosć y prà, les categories che vëgn dant le plü tla banca dać di toponims de Badia.

porsones, referimënć a stories popolares y te d’atri caji ciàfon parores storpiades cun le passè dl tëmp. Tröc é spo inće i toponims che n’é nia dër tlers, olache an podess dè deplü interpretaziuns.

N valgügn ejëmpli

www.lauscdiladins.com

Sodesfaziun Al é na gran sodesfaziun da odëi le resultat final: dales mapes blanch y fosch cun i numeri scrić sö a man éson rovà ala publicaziun de döes chertes cun na cualité dër alta, modernes y digitales. Tla banca dać, olache al é gnü scrit sö dötes les variantes y de plü informaziuns, pol gnì injuntè inoms o gnì fat coreziuns te vigni momënt. An podarà injuntè fotografies, registraziuns (inće fonetiches), scrì sö la storia y l’etimologia dl inom. Tl dagnì podaràn fà archirides desvalies y portè dant le proiet tles scores. Implü él preodü la publicaziun te internet che i dà la poscibilité de azès a düć i interessà. La cherta di toponims ladins devënta a chësta manira na cherta via, rica de particolars y dantadöt dër daimprò dala jënt.

“Oies” = toponim che vëgn dala parora avói(es) = parü, pantan, tera mola “La Ćialćiara” = al po ester che al dedaincö n’él ignó da odëi na ćialćiara, mo le toponim nes cunta che ara é stada “San Ćiascian” = tla toponomastica ciafon gonot inoms de sanć. La jënt à orü datrai mudé l’inom vedl de n paîsc y adorè chël de n sant (San Ćiascian ê dandaìa “Armentarora”, che vëgn da “armënt”) “Büja dal Lu”, “Plan dai Lersc” = toponims che nes dà informaziuns sön i tiers y les plantes dl raiun “Sotsas” = referimënt ala strotöra naturala dl raiun “Plan dles Stries” = liëndes o stories

Le grup de laûr lié a chësc proiet, cun ala pert le presidënt dl Istitut Ladin Albert Videsott, le diretur dl Istitut Ladin Leander Moroder y l’Ombolt de Badia Iaco Frenademetz.

An à metü fora les propostes y invié la popolaziun a tó vijiun, por comedè y ajuntè val’ inoms.

4

ći che reverda l’ortografia y la Junta de Comun à inultima dè le bëgnstè por jì en stampa. Na fasa importanta de chësc gran laûr é la georeferenziaziun, che ô dì lié la banca dać ala cherta digitala. Le laûr é gnü fat dal dot. Elmar Irsara de Badia.

Detail dla cherta topografica, gnüda stampada sön papier.

En colaboraziun cun l’Istitut Ladin "Micurà de Rü"

Atualité - L’Istitut Ladin “Micurà de Rü” cun sües sëntes te Gherdëna y tla Val Badia se dà jö bele da plü co trënt’ agn cun inrescides scientifiches por daidé mantignì y portè inant le lingaz y la cultura ladina. I proieć de toponomastica (dal grech topos = post, paîsc, onoma = inom), espresciun importanta de na cultura, toca pro les ativitês prinzipales dl Istitut Ladin. I inoms di posć nes condüj derevers a chël che n lingaz da vigni dé po avëi pordü y tl medemo tëmp inće a chël che al à conservè. Chësta sciënza jona (autonoma impormò do le 1850) dëida capì la storia de n post, deache i inoms à n lian strënt cun le raiun y la jënt che à vit y vir dötaurela ilò. An podess dì che la toponomastica é n archif de storia. Dai inoms pon capì ći popolaziuns che é passades te n post y à lascè pedies tl lingaz. Te nosc raiun pon ciafè sëgns de n lingaz dantadöt latin, mo inće venetich y celtich. Al vëgn gonot baié inće de n sostrat retich, mo le material che le documentëia é plütosc püch. Implü nes cunta la toponomastica inće la storia dla fauna y dla flora de n raiun. Al vëgn dant inoms de

Le proiet dl Istitut Ladin é gnü invié ia dal Istitut Ladin bele dan da zacotagn de agn cun la racoiüda di toponims di comuns dla Val Badia y de Gherdëna y la stampa dla cherta dl Comun de Santa Cristina (en colaboraziun cun le Cunsëi de Furmazion). Śëgn éson rovà ala stampa dles chertes de Badia en colaboraziun cun le Comun de Badia y cun le sostëgn finanziar dla Regiun Trentin-Südtirol, dla Fondaziun dla Cassa dl Sparagn y

dl Assessorat por la Scora y Cultura Ladina dla Provinzia de Balsan. Ara se trata de na cherta ortofoto y de na cherta topografica (te n format de 1:12.500 cun details a 1:5.000) cun lassura macro- y microtoponims ladins. La racoiüda é gnüda fata aladô de n sistem coordiné cun chël dl’Université da Desproch, che é gnüda inćiariada da fà la racoiüda por le rest de Südtirol. A chësta manira gnarà i toponims ladins integrà tla banca dać de Südtirol. N grup de porsones insignades jö é jü ti paîsc a damanè fora almanco trëi testemoni por vigni toponim: i iagri, i verdabosć, chi dla forestala y la jënt plü vedla. Metü man ànse cun mapes metüdes a desposiziun dala forestala y sön chëres ch’an scriô n numer por vigni inom. Le toponim gnô spo scrit ite te na banca dać filemaker cun la descriziun, la categoria, les variantes de pronunzia y anotaziuns desvalies. Dilan ales porsones che à dè ca so tëmp àn coiü adöm por Badia na lista de ca. 1.400 toponims. Les proes de stampa é gnüdes metüdes fora ti salf de comun por ti dè la poscibilité a döta la popolaziun de ti ćiarè y fà mudamënć o injuntes. La lista é spo gnüda controlada por


Université

nr. 48 / 11 de dezember 2010

“Dè respostes significatives” Simposium di esperć dl turism a Bornech - Trends cun la relevanza di produć Na novité dl congres é la mësa torona, chësc iade dedicada al’industria. De ći tematiches él pa gnü baié? La “Industry Session” sciöche an dij é davëi n format nü al intern dla CBTS. N grup de esperć (prof. Thomas Bausch dla Hochschule da Minca, Martin Bertagnolli dla SMG y Wolfgang Wagner de Bayern Marketing), à baié dla inrescida di marćià, dles informaziuns che al ô ester, dles informaziuns che an po adorè; dit en cört: ći esperiënzes à pa i pratics cun la inrescida di marćià tl turism. I organisadus dl congres CBTS 2010 a Bornech. Dmc le professur Oswin Maurer, la professuria Serena Volo y le coordinadù dl stüde de management dl turism Hugo Götsch.

Dal 1. ai 4 de dezëmber él gnü tignì a Bornech le terzo simposium sön le comportamënt di consumënć tl turism (CBTS 2010, congres dl turism), organisé dal zënter de competënza por le management y economia dl turism (TOMTE). I ùn baié cun le prof. Oswin Maurer, che é deboriada cun la dozënta Serena Volo responsabl por le simposium. Ola él pa gnü metü l’azënt pro le terzo congres sön le comportamënt di consumënć tl turism? Prof. Oswin Maurer: En chësc iade él gnü metü l’azënt sön co che l’oferënt reagësc en cunt dles ghiranzes di turisć che se müda tres indô, y ći impulsc che arà tl dagnì majera importanza, sides tla sciënza co tla pratica. I turisć se comporta aldedaincö atramënter co inier, y en doman se comportarài ćiamò n iade atramënter. Le svilup de metodes

che po capì y splighé chëstes mudaziuns de comportamënt, y impulsc sön co che chisc resultać po gnì concretamënter aplicà tl’economia dl turism: chësc stà al zënter dla CBTS 2010. Le congres ti baiâ ados a scienzià y professurs dal setur dl turism - ći ütl po pa chësc setur davagné dala conferënza? Les propostes y i resultać che i ùn presentè é de relevanza direta por le setur dl turism en general, sciöche inće por vigni singola impreja - anfat sce te Südtirol o a livel internazional. Al é gnü mostrè sö trends che sarà te val’ agn relevanć por le produt, mo dantadöt poscibilitês sön co che i resultać dles inrescides po gnì tuć ca tla pratica, ći domandes che les imprejes mëss se fà tl dagnì y inće, ći che desfarenziëia na buna inrescida di marćià da na stleta.

I temesc che an à tratè jô dales forzes culturales che caraterisarà le turism dl dagnì, ćina ala critica che danter teoria y pratica él n gran fossè. Co él pa gnü ćernü i temesc? I temesc dles sessiuns desvalies s’orientâ ales domandes y ai problems plü atuai tl setur dl turism a livel internazional. Pro le lîta di temesc unse dër metü averda, deache i n’orôn nia baié di standards dl passè, mo pité impulsc de inrescida y de implementaziun orientà sön le dagnì. Pro öna dles conferenzes metodiches plü importantes d’Europa tl ćiamp dla inrescida sön le turism él en chësc iade cotan de inrescidus dala Cina y dal’Asia - n sëgn che le turism crësc cotan dailò? Nou, mo n sëgn che al é dailò dër de bogn inrescidus y pratics. Por nos él inće n sëgn, che le zënter TOMTE vëgn odü tres la CBTS öna dles istituziuns de inrescida de gran livel söl ćiamp internazional, inće te paîsc sciöche la Cina o la Tailandia.

Na sëra sön l’inrescida y l’inovaziun A Porsenù él gnü tignì la serada “Inovaziun y inrescida”, fora dla ligna de manifestaziuns “Brixen im Dialog”. L’iniziativa ê piada ia dala Facoltè de Sciënzes dla Formaziun dla ULB y dala cité da Porsenù, por cherié tla cité dl Isarch na plataforma de savëi y discusciun. Baié à le prof. Massimo Tagliavini y la prof. Susanne Elsen, intrami dla ULB, l’impresar Federico Giudiceandrea y le diretur d’ofize Andrea Zeppa. En rapresentanza dl assessur provinzial Roberto Bizzo, à le diretur d’ofize dr. Andrea Zeppa schizé i pilastri dla politica dl’inovaziun te Südtirol: le sostëgn de proieć che vëgn fać dales imprejes instësses tl ćiamp dla inrescida, les istituziuns scientifiches (Université y EURAC), i sorvisc tles assoziaziuns o strotöres (p.ej. TIS y Federaziun dles Imprejes) y sciöche cuarto pilaster le parch tecnologich che an à l’intenziun da realisé. “Investì tl’inovaziun ô dì investì te na ativité che ascogn doìa n gran risch, pòra pö ester destinada da n’ester stada por nia.” Le prof. Massimo Tagliavini, degan dla Facoltè de Sciënzes Naturales y Tecnica, à presentè süa Facoltè metüda sö dl 2007, che s’à bele svilupè cotan. “Danter i faturs de na inrescida de suzes fej pert do mia minunga personal dër cualifiché, i finanziamënć aladô y la capazité di inrescidus da se dè jö cun les

dërtes domandes.” Tagliavini à alzè fora che la Facoltè é bele stada bona da cherié a livel local sinergies cun le monn dles imprejes. L’inj. Federico Giudiceandrea à baié dl tema “Hightech te Südtirol - ći dagnì pa?”, presentan la situaziun spezifica de Porsenù. “Fora dla firma Durst él veramënter garatè n HighTech-Cluster”, na rëi de alta tecnologia. Les firmes é esponüdes ala concorënza internazionala y mëss podëi ester concorenziales cun firmes te d’atri paîsc, olache le pëis dles cutes é cotan manco dramatich. Ćiamò él la produtivité che les salva, mo por gauja dla manćianza de personal cualifiché vëgn chësc tres plü rî: “Chilò à l’Université na relevanza zentrala, dantadöt tla formaziun tecnica.” La professuria Susanne Elsen dla Facoltè de Sciënzes dla Formaziun à baié dl tema “Inrescida por inovaziuns soziales y svilup sozial de dorada”. Ara à presentè sües inrescides tl ćiamp dla soziologia. “Nos viun tla sozieté dla postchersciüda, chilò ne sciafia n svilup che à superè i limić dla chersciüda nia plü da jì a öna cun na chersciüda cuantitativa.” Do i referać él garatè na discusciun via, olache le publich à metü sön mësa deplü tematiches: i laûrs tecnics sciöche garanć por le dagnì, la lege sön l’inovaziun te Südtirol y le tëmp d’aspeta massa lunch do le sostëgn al’inovaziun.

Dmc le prof. Massimo Tagliavini, la prof. Susanne Elsen, l’ing. Federico Giudiceandrea, Andreas Zeppa y la moderadëssa Stephanie Risse, scienziada tla Facoltè de Sciënzes dla Formaziun.

Gran aflus por le camion de Fraunhofer Biografies linguistiches cité cun le majer interes, êl stort pro 1.900 porsones.

Le prof. Dominik Matt, professur tla Facoltè y diretur dl FraunhoferInstitut dla Talia y le prof. Massimo Tagliavini, degan dla Facoltè de Sciënzes Naturales y Tecnica à fistidié da lascè gnì adalerch le camion.

Tla findledema di 26 y 27 de novëmber é le camion de Fraunhofer stè chit dan la Université de Balsan y à descedè plü interes co te dötes les atres citês todësces:

bëgn 2.100 südtiroleji é storć pro tl camion por s’informè ti ćiamps dla sanité, ambiënt, energia, sigurtè, comunicaziun y mobilité. A Magdeburg, che ê ćina śëgn la

“Chësc gran interes por la sciënza nes fej dër plajëi”, à sotrissé le prof. Massimo Tagliavini, degan dla Facoltè de Sciënzes Naturales y Tecnica, y le prof. Dominik Matt, professur tla Facoltè y diretur dl Fraunhofer-Institut dla Talia cun sënta a Balsan. Ëi à fistidié da lascè gnì adalerch le camion Fraunhofer a Balsan. Südtirol ê l’ultima staziun tla cornisc de na tournee de dui agn. Te chisc dui dis él gnü mostrè la invenziun plü conesciüda dl Fraunhofer-Institut : dö es minicameres da dlotì, che sostituësc i dolurs de na spidlada di baroć (Darmspiegelung). Laprò él gnü mostrè sö le mp3-player, la poscibilité da ćiarié le fonin cun le ćialt dl corp y cotan d’atres aplicaziuns concretes fora dal monn dla sciënza.

Ai 29 y 30 de novëmber él gnü tignì tla Université Lëdia de Balsan le simposium “Sprachbiografien” (biografies linguistiches), pro chël che la professuria Rita Franceschini â invié adalerch linguisć da döta l’Europa y dl’Australia Dui dis ti à i linguisć dediché al’analisa y al confrunt de sü stüdi sön l’influs che esperiënzes linguistiches po avëi te rapresentaziuns biografiches. Le reladù prinzipal prof. Tim McNamara dla Université de Melbourne à baié te so referat davert al publich dl filosof Jacques Derrida, de sües osservaziuns linguistiches sön le poêt todësch-ebraich Paul Celan, sciöche inće Nietsche.

Tla discusciun scientifica él gnü metü a confrunt biografies linguistiches. “Por mantignì te n tëmp plü lunch les esperiënzes dl plurilinguism, vëgnel fat intervistes biografiches cun n zënter naratif, olache al vëgn cuntè plü co ater, por capì sciöche al vëgn tut sö le lingaz te situaziuns desvalies”, dij l’organisadëssa dl Workshop prof. Rita Franceschini, direturia dl zënter de competënza di lingac tla ULB.

Pro le simposium sön les biografies linguistiches. www.lauscdiladins.com

5

En colaboraziun cun la Université Lëdia de Balsan

Le camion dl Fraunhofer-Institut é inće rovè a Balsan, tla cornisc de na “tournee” de dui agn. Südtirol é stada l’ultima staziun y tl medemo tëmp chëra che à descedè le majer interes da pert dla jënt


Atualité

nr. 48 / 11 de dezember 2010

La creativité lumineia anter les tasces de Gana Gran suzes per l concurs de ”La Usc dles Ladines” y per la mostra enaudeda chisc dis passés te Museum Ladin de Fascia. Passa 150 tasces metudes fora y 21 de chestes premiedes da does giuries desferentes

Olimpia Rasom, Antone Polam e Lucia Gross tratan l'enaudazion dla mostra y valch una dles tasces metudes fora.

Ert - Chisc dis passés se à l Museum Ladins de Fascia fornì su sciche n atelier de ornamenc de gran moda, ti dan lerch a ogec particolars, che restarà fora enchin ai 6 de jené: les tasces dl concurs dla revista Gana, che les letoures y i letours de “La Usc dles Ladines” à podù realisé aldò dl chertamodel che fova vegnì enjonté al sfuei, fat da la dessegnadoura profescionista Arianna Traila. N alestiment bendebot scempl y tant dret da passé adascousc, ti lascian la dreta lerch y valorisan ciamò deplù dutes les operes, passa 150 tasces artistiches, metudes fora tant te entreda che te sala Heilmann. N spetacul de teiles y autri materiai de vigni sort, naturai y sintetics, de colours y de decorazions. N trionf de originalité tles tasces, realisedes da jent de vigni sort y eté, da ciasarines, profescionistes, studentes y studenc, anter i autours fòvel ence na bona prejenza de ei. Tasces da olache al vegn a la lum emozions desvalives, douces te valch una y plu agressives te valch autra, ma te dutes na sensazion speziala. A dé l benvedù te Museum,

6

www.lauscdiladins.com

adum con Olimpia Rasom, Lucia Gross y Ingrid Runggaldier dla redazion de Gana, é sté l president dl Istitut Cultural Ladin y president onorar dl’Union di Ladins de Fascia Antone Polam, che à porté ence l salut dla presidenta dl’Union Generela Elsa Zardini. Polam ti à sport i complimenc a la redazion de Gana per la bela idea y al à auzé fora l’emportanza de n oget scempl sciche na tascia de teila, recordan cheles con les manties de fer doredes da nostes aves y meres per jì a provede. Ogec scempli ma emportanc, de nosta vita da vigni dì, deventés ades ence ert. En ocajion dl’enaudazion dla mostra él sté ence la premiazion di davagnadours. Dlongia les trei tasces che, sciche prevedù dal regolament, se essa davagné i pesć maiours, trei fins de edema de viac y wellness, él vegnì pensé de premié ence i autri laours ti dan la poscibelté a duc i prejenc de fé sies valutazions. Duc à giaté na z e d o l a y d ap ò , co n l acompagnament de valch soneda de Elisa y Martina al sax, ài taché ite a se cialé entourn y osservé bel polito les tasces. Da cheles coi bechec a cheles coi ciodi, con su

besties o ciofs, botons o toc de scorza de alber o de pomaranc, a cheles fates con de vedli lenzuei da fen a cheles fates con toc de zaites o tasces de plastica rezicleda. Y ciamò de pelicia, de pel, de jeans, o de papier... A dì fora dret, nen fòvel tant de beles de chestes tasces che a messei n chirì fora demé trei él sté dassen rie per duc. Empò, do ti avei cialé a duta l’esposizion, à duc podù scrive ite l numer dles trei tasces preferides y anter does ciacoles, doi grostoi, mingul de vin y de té ciaut enjignés y dac fora da Ketty e Monica, él ruvé l moment tant speté dla premiazion y dla consegna di pesć da pert de Ingrid Runggaldier dla redazion de Gana, l’artista da Urtijei Irene Schmalzl, la ensegnanta y storica dl’ert Lorenza Florian, la dessegnadoura profescionista Arianna Traila y la ensegnanta de projetazion dl drap Marlene Kostner. Al é sté dassen na bela scomenciadiva, che à vedù la sodesfazion de chi che à metù a jì, de chi che à fat la tascia y ence demé de chi che fova ilò per curiosé entourn. Na mostra desvaliva dal solit, fata da artisć desferenc y da operes speziales. Vedei duta adum chesta marevueia de colours y de fantasia é valch che emplenesc de plajei, de gaissa y de vueia de fé. Al ne fova nia debujegn de ester sartours o ensegnanc de ert per tò pert al concurs, ma l resultat é sté ezelent: al paia dassen la speisa da jì a cialé! La mostra resta fora enchin ai 6 de jené tl Museum Ladin de Fascia, olache ala é da podei vedei ti orars canche les sales espositives é davertes: enchin ai 19 de dezember dal mertesc a la sabeda da les 15.00 a les 19.00 y dai 20 de dezember duc i dis da les 10 a les 12.30 y da les 15.00 a les 19.00.

Trei davagnadours y trei segnalés da la giuria tecnica Al ne é sté nia saurì per la giuria tecnica chirì fora les trei tasces davagnadoures. A la fin é l prum post jù a la tascia fata da Roberta Francato, chirida fora per l’armoniosité dl’opera, ajache ala à sapù interpreté la tradizion con gran originalité adoran materiai naturai con na decorazion fina, en sintonia con l teritore. L secont post é vegnù arjont da Raffaella Rella con sia tascia scempla y eleganta tl medem temp, olache l contrast de materiai originai é sté bon de crié n oget dassen monejel y deletoul da manejé. L terz post é jù a Valentina Perut, che à interpreté l tem a na maniera dassen originala y à arjont l resultat decoratif demé laoran l drap monejel. Dlongia chestes trei à la giuria chirì fora d’autres trei tasces, segnaledes con menzion speziala: la “Sweet Bag” de Elena March, fata duta de zucher, se à davagné la segnalazion per avei doré materiai nia

convenzionai; la tascia de Tommaso Comelli, che ti à jonté ite a la teila filec de fer y plastica, la menzion per l coraje creatif y la forza espressiva y n pest spezial per la sensibilité ecologica é jù a Rita Mair, che à laoré con l acherle na veta fata de tasces de nylon rezicledes.

Les tasces preferides dal publich 1. La giuria ”popolara”, che tolova ite duc i prejenc, à lité les tasces de: 1. Alex Dellantonio (nr 12); 2. Tommaso Comelli (34); 3. Rita Mair (85); 4. Nicole Lorenz (49); 5. Davide Vanzo (18); 6. Gianna Dessì (62); 7. Veronica Moser (144); 8. Marco Daprai (9); 9. Cristina Costa (151); 10. Maria Pezzedi (73); 11. Sofia Ghetta (48); 12. Chiara Ghetta (4); 13. Anastasia Campagna (59); 14. Alice Scalet (16); 15. Rosmarie Burchia (147).

Rengraziamenc La scomenciadiva dla tascia de Gana é dassen garateda ence de gra a la desponibelté, al empegn, al sostegn y al aiut de n grum de jent. Olimpia Rasom. Lucia Gross, Ingrid Runggaldier y Erika Castlunger dla redazion de Gana vuel ti sporje n bel dilan a: Fabio Chiocchetti y Daniela Brovadan dl Museum Ladin de Fascia; Arianna Braila y Enrico Doriguzzi per l alestiment dla mostra; Gian Paolo y Pier Giorgio dla Rasom Wood Techonology

per les strutures; Nadette Bertolini dla Agenzia Viajes Doltour per i pesć; Lara Steffe y Miriam Weber dla Scola d’Ert de Poza per la bela colaborazion; l’Union di Ladins de Fascia e l’Union Generela di Ladins dla Dolomites per la pert finanziara; Lorenza Florian, Meme Kostner y Irene Schmalzl per avei fat pert dla giuria y ciamò a Irene Schmalzl per avei dessegné un a un i atestac de partezipazion, y per finì, se sà ben, a dutes e duc chi che à tout pert al concurs.


nr. 48 / 11 de dezember 2010

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

La melfurmazion dl cuer Chësta ie na storia de na melfurmazion dl cuer, na storia jita ora bën, per fertuna. La storia de Sofia Dejori. N nvit a ti judé ala lia provinziela fova permò unida data, la mort che giauriva si portes! L piec dl piec. Y śën, l miec dl miec. Sofia fova sana y nton, la jiva a cësa, per resté iló zënza problems, cun si surans Verena y Daniela, aspitan la pitla sor, Ylvie, che canche les sarà majeres jiràla de carté deberieda, y iló n uelel vester cater.

Sensiblisé de viers dla melfurmazion dl cuer

La familia Dejori al mer. Sofia ie la segonda da man ciancia.

Persones - Heidi Rungger de S. Cristina de Plan da La Sia y Werner Dejori de Sulé de Urtijëi se marida de setëmber dl 1999. Prësc vën l amor curunà, coche n dij, dala pitla Verena. Pona da Daniela, Sofia y ala fin da Ylvie. Cater mutans de ndut, na gran familia. Do y do che les nasciova, la mutans, semiòvel che dut jissa bën, dut semiova a post, almanco te n prim mumënt. Danz che l semiova mé. Ajache doi dis do che Sofia, la terza muta, fova nasciuda, sautòvel ora n problem. La duturëssa a Persenon udova che cër’ valores ne fova nia drëc y mandova inant la pitla Sofia per cuntroi plu a puntin tl spedel de Bulsan.

Da n spedel al auter

ie che i dutores dij che i muessa aspité la proscima ëures sce la muta se stabilisea. O nce nia, chësc ie tler, nce sce nscila ne l ovi nia dit. L ie pona menuc, ëures y dis sun odles, de ndut undesc dis. Ti muta sëula, te n spedel dalonc, tacheda ite te n grumon de cabli. La va, per tan rie che l ie da dì, de vita o de mort. La vita che ie permò unida data, la mort che gëura si portes. L piec dl piec. L scumëncia n calvare, n iede i prim dis, cun la fertuna che la situazion dla muta se ova stabilisà. Chësc fova mpurtant per vester pona boni de fé l ntervënt, l’uperazion che ulova dì stlù l busc y ti fé da nuef na pert dl’aorta. L cuer ie laite te n sachetl; da tlo ài tëut na pitla pert organica dla pitla

Sofia, zeche scialdi de pitl.

L ntervënt va bën Lascion da na pert details plu tecnics, i dutores de Padua, de gran spezialisć, ie stai boni de ti vester al problem cun n ntervënt. Da auzé ora iel che l ie stat mé un n ntervënt sëul, y sëuraprò mo cun materia organica. Coche dì, l ne n’ie nia stat debujën de ti fé na protesa, coche l ie te n valgun caji. Śën se tratòvela da aspité coche fossa stata la reazion dl corp de Sofia. Ma, per fertuna y propi per fertuna, l ntervënt ova tan butà che do catordesc dis pudova Sofia bele jì a cësa. Zeche de mat! O miec zeche de bel, che plu de bel ne pudëssel nia vester. La vita che

Na storia che ie coche na fabula, na storia che ie fineda via bën, cun happy end. Heidi y Werner à ulù cunté la storia, per sensiblisé de viers de problems che possa unì ora da melfurmazions dl cuer, ma nce per dé inant la nfurmazion y ti dé forza y curaje a duc chëi che unissa tuchei da vel’ da te tel. Oradechël dài da lecurdé che l ie, a livel provinziel de Südtirol, nce na assoziazion dal inuem „Cuer de mutons - Kinderherz - cuore di bimbo“. Do la ntraunida cun la muta Sofia se à Heidi y Werner lascià scrì ite te chësta assoziazion.

„Cuer de mutons Kinderherz - cuore di bimbo“ Uni ann nàscel te Südtirol danter 50 y 60 mutons y mutans cun melfurmazions dl cuer. Un sun trëi muessa unì uperà mo ntan l prim ann de vita. I genitores à a de teles na situazion de gran stress, truepes ie la tëmes, truepes la melsegurëzes, truepes la dumandes. Tati y mami se sënt suvënz lascei da sëui. L se

trata de na situazion majera che ëi, y l ti ughëssa a pudëi se giamië esperienzes cun d’autri genitores. Propi perchël uel la lia „Cuer de mutons - Kinderherz - cuore di bimbo“ dé aiut, respostes, nfurmazions y sustëni, ma dantaldut forza y speranza. La sënta dla lia de Südtirol ie a Mitterplars 54 a 39022 Algund, tel. 366 3636030, e-mail info@ kinderherz.it. La presidënta ie Martina Ladurner. La lia dà nfurmazions cuncretes, porta inant cuntac y l mesun de se giamië esperienzes y juda nce cun scioldi, canche l ie debujën. L’assoziazion de Südtirol ie nce tacheda ite te na rë a livel d’Europa, na lia tët dal inuem ECHDO. La diretëura ie Hermine Nock. La sënta ie tla Kasinostraße 84 a 52066 Aachen, telefonn 0049-241-91 23 32, plata internet. www.bvhk.de

Sëira a fin de bën Dajon mo da lecurdé che n mierculdi ai 15 de dezëmber dala 18.00 iel a Bulsan tl Campo Franco, dlongia la Plaza Walther, na sëira a fin de bën, cun l presidënt dla Provinzia Luis Durnwalder y d’autra autoriteies y d’uni sort de artisć, cun n program nteressant de mujiga y de devertimënt. Duc ie nviei de cuer a programé per chël di de jì a Bulsan, y de jì da sëira a ti cialé ala bela manifestazion per pitli y granc. Sambën rengrazien bele danora dla bona man. David Lardschneider

Te spedel de Bulsan se ài pona ntendù tan grieva che la situazion fova, mandan inant la pitla Sofia al plu prësc de viers dl spedel de Padua, tlinica spezialiseda per la malatia. La muta ova na malatia al cuer, plu avisa na melfurmazion dl cuer. Tl cajo de Sofia n defet ntraventriculer, n busc danter la doi cameres dl cuer; y oradechël ti manciòvel mo n tòch de aorta. Per Heidi y Werner n colp ora dla set mesures. I genitores muessa se n jì a cësa zënza la pitla Sofia de doi dis. „N majer colp ne pudëssel nia vester!“ dij mami Heidi.

N pudova me aspité La prima nfurmazions a de teles

Tati Werner cun Sofia.

Sa mont.  

Sentadoia sun Sela

Fabricat dla vedla scola

La segonda Cumiscion provinziela per la cuntreda à n merdi ai 30 de nuvëmber, tratà na stazion nueva sun Jëuf de Sela per na sentadoia. L proiet ie unì azetà cun vel’cundizions.

L proiet ejecutif dla vedla scola elementera a Urtijëi ie nstadì unì tratà y azetà dala Cumiscion tecnica provinziela

Lifc - La sentadoia sun Jëuf de Sela, che fej pert dla Selaronda, dëssa unì fata da nuef y ngrandida cun stuei da sies lueges. L proiet fova bele unì azetà dala Cumiscion provinziela per la cuntreda. N merdi ai 30 de nuvëmber iel unì tratà l proiet dla stazion nueva japé. “Chësc proiet ie unì azetà te si terza verscion, do che l ie unì laurà ora

da nuef a una cun l’autorità provinziela per la cuntreda y cun l Chemun de Sëlva per la fé passené miec tla cuntreda,” spiega l presidënt dla cumiscion Ariano Oggiano. La stazion nueva unirà frabicheda sun na spersa de 900 metri cuadrac, n pert sot a tiera y n pert sëura tiera. I patrons muessa garantì che l vënie zarà ju la vedla

stazion, che l vënie menà demez l material y che l vënie fat crëscer ite sromes ala cuntreda, sënies di lëures. Per la segurëza de chëi che va cun i schi dëssel unì fat na sief permez al tët dla stazion. Per frabiché l lift nuef se à la Segonda Cumiscion provinziela per la cuntreda damandà na cauzion de 80.000 euro. (usp)

Urtijëi - A cundizion de vel’ pitla mudazions tecniches, à la cumiscion provinziela azetà la verscion ejecutiva dl proiet per cumedé ca la vedla scola elementera sun plaza de S. Durich a Urtijëi. L proiet che vëija dant n custimënt de 3,279

milions de euro à l fin de ti pité na lerch plu adateda a ativiteies cultureles. La Biblioteca de valeda S. Durich y la Scola de Mujiga de Gherdëina giaperà nce do chisc lëures la majera lerch te chësta cësa. (usp)

www.lauscdiladins.com

7


Gherdëina

nr. 48 / 11 de dezember 2010

I Ciambonfs se anconta per stlù ju l ann

Dala Bulgaria te Gherdëina

La lia di apasciunei dla jites, i Ciambonfs de Gherdëina, à tenì n juebia ai 25 de nuvëmber si reunion generela

Mi esperienza sciche maestra tla Scola de Mujiga de Gherdëina. N valgun pensieres

I Ciambonfs tla ”Pitla Sala” te Sëlva n ucajion dla reunion generela.

Dala Bulgaria te Gherdëina: Lilia Ianeva Valentinova, nsenianta tla Scola de Mujiga de Gherdëina.

Lies - Na bela cumpëida de scric ite dla Lia di Ciambonfs se à ancuntà coche da tradizion dan la fin dl ann, te pitla sala dla Cësa de Cultura de Sëlva, per fé mpue l pont dla situazion, udëi cie che l ie unì fat, audì cie che l se lascëssa fé tl daunì y zënzauter nce per uneré i cumëmbri plu fediei dla lia. L presidënt dla lia Reinhold Bernardi à nce abù l unëur de pudëi saludé sustenidëures y autoriteies, nsci nce l ambolt de Sëlva Peter Mussner, l presidënt dla Lia dl Turism de Sëlva Josef Kelder y l presidënt dl SVV Friedl Ploner. Plajëi àl nce fat a pudëi ti sëruandé na uneranza a bën catordesc cumëmbri che ie bele 15 ani pra la lia y trëi à pudù pië do l diplom per vester nchinamei 25 ani pra la Lia di Ciambonfs. De ndut cumpëida la Lia 263 scric ite, de chisc n iel 48 de Urtijëi, 56 de S. Cristina, 145 de Sëlva y 14 da oradecà. N cont dl’atività dla Lia se cunzentrea chësta dantaldut sun i mënsc da d’ansciuda y d’instà, che ie plu adatei per fé jites y marces. N à fat pea pra 84 marces te plu provinzies dla Talia, ma n ie n valgun iedesc nce furnei plu dalonc a fé pea pra de tel manifestazions podistiches, sambën coche bele

plu suvënz ti Paejes Tudësc y tl’Austria, oradechël nce tla Slovenia, tla Ungaria y tla Svizra. Nteressanta ie la statistica n cont dla marces de chësc ultim ann, che mostra su che n à fat 22.530 km cun l pulmin o cun auti privac per ruvé ti luesc dla manifestazion, y fat pea àl na mesaria de 7,12 scric ite pra uni marcia. N à nce metù ju mpue de tlassifica che mostra ciuni che ie stac i cumëmbri plu lezitënc, for n cont de fé marces ntan chësc ultimo ann: Vinatzer Paul de S.Cristina 75, Mussner Emil de Sëlva 63, Sordo Robert de Laion 50, Bernardi Reinhold de Sëlva 46, Delucca Carlo de Urtijëi 42, Fontana Freddy de S. Cristina 36, Demez Gothard de Sëlva 30, Bergamo Giorgio de Gruaro (VE) 20, Bernardi Angelo de Sëlva 28, Stuffer Cornelia de Urtijëi 16, Bernardi Annelies de Sëlva 15, Demez Elfriede de Sëlva 13, Stefanato Luciov S. Stino L. (VE) 12, Demetz Richard de Sëlva 10, Demetz Solderer Margareth de Urtijëi 10, Holzknecht Hubert de Urtijëi 10, Runggaldier Otto de Sëlva 8, Barosco Renzo de S. Stino L. (VE) 6, Delucca Greti de Urtijëi 4, Senoner August de Sëlva 4, Perathoner Anselmo de Sëlva 3, Perathoner Josef Lip de Urtijëi 3,

Runggaldier Adolf - Pubi de Sëlva 3, Senoner Margareth de Sëlva 3. Oradechël coche savon ne fej i Ciambonfs nia mé pea pra marces, ma i mët nstësc ënghe a jì uni ann na marcia da d’inviern y de setëmber la marcia tradiziunela de Luis Trenker, che se damanda daniëura n gran mpëni da pert di cumëmbri y nce de cumpanies y cunescënc che dà na man. Deberieda cun la Lia dl Turism vëniel pona metù a jì l’enes de escurscions, de lugio y de setëmber, ntan chëles che i Ciambonfs mëina turisć y nteressei ora per nosta montes y valedes. Ucajions de aurela longia toca sambën ënghe leprò pra chël che la lia fej y sëuraprò – coche l ie bele cunesciù – feji nce truep de bën y juda chëi che ie manco furtenei. L davani dla majera manifestazion va a fin de bën, d’instà se tol sëura l presidënt Reinhold cun Emil, Paul y Gotthard de mené uni juebia jëuni y manco jëuni cun handicap a fé vel’ jita. Uni ann de dezëmber mët la Lia pona mo a jì na festa da Nadel per i andicapei, cun pitla marënda, mujiga y devertimënt.

Olimpiada de jì da mont su L presidënt Reinhold Bernardi à ntan la senteda generela pudù dé mo na bela nutizia: de lugio de chëst ann iel furnà cun n valgun cumëmbri dla lia provinziela dl SVV (lia dl sport populer de Südtirol) a Luxembourg al cungres nternaziunel IVV, ulache l fova da lité chi che dassova pudëi mëter a jì la olimpiades de escurscionism tl 2013. Südtirol se ova candidà cun Gherdëina per chësc avenimënt y bel mpont, cun gran legrëza y suzes ài venciù chësta vela se davanian la crëta dann al’Austria y la Cina.

L presidënt dla Lia dl Turism de Sëlva Josef Kelder, l ambolt Peter Mussner y l presidënt Reinhold Bernardi che ti sëurandà l diplom a Tullio Mussner per vester 25 ani pra la lia.

8

www.lauscdiladins.com

Do la relazions y rujenedes ufizieles à duc i prejënt mo pudù jì a se tò velch de bon dal bel buffet, njenià su da Beate Runggaldier y si mut Matteo, ulache i ova purtà su drë dl dut, dal salà al dëuc propi na gran vela dla miëur spëisa. La sëira ie pona fineda via cun l nvit da pert dl presidënt y si cunsëi a duc chëi che ti sà bel a jì a pe y fé mpue de muvimënt magari nce n cumpania de unì pra la lia y fé pea la jites y marces che vën a s’l dé via per l ann. (uk)

Persones - Ie é inuem Lilia Ianeva, son nasciuda tla Bulgaria y vive da cin’ ani incà te Südtirol. La me va drët bona tlo, y l ie defin normal che unitant me màncel mpue’ mi ncësa. Dan doi ani ie nasciuda mi pitla popa Liliana, y coche l ie saurì da ntënder se à da ntlëuta mudà plu cosses te mi vita. É scumencià a valorisé la cosses plu mpurtantes dla vita, coche la familia, y a udëi ite mpo deplù ciuna che dëssa vester nosta streda de vita. L’ulentà de ulëi capì la persones, la comunicazion, l dialogh, chëstes ie cosses de gran mpurtanza per mé. A chësta moda se sënten ulachemei da cësa, nce sce n viv te chël mumënt dalonc da si ncësa. Mé nscila iel mesun viver miec y se giaurì ala vita. Mé nscila iel mesun avëi la lidëza, vester boni de avëi n balanz danter l lëur, danter l perfeziunamënt de sé nstësc, mantenian inant na gran artenienza a fé mujiga.

Te Scola de Mujga te Gherdëina Duta chësta bela cosses éi inò abinà tla Scola de Mujiga de Gherdëina, tres l mesun de nsenië te chësta scola! Śën éi 34 ani, é mparà a cianté y a suné l tlavier da canche é ot ani, cële de jì inant, é nce nsenià te plu scoles tla Bulgaria coche nce tla Talia. É mparà a rujené te plu rujenedes, danter chëstes l rus, l franzëus, l talian y l tudësch, y sambën l bulgar. Bel me savëssel mo a mparé l ladin. Muesse bën dì che feter inió ne éi mo abinà tan na gran ueia de fé, tan na bona cunlaurazion da pert di studënc, cun na gran ueia y energia per mparé sciche te Gherdëina! Y nscila nce la boniscima cunlaurazion, despunibltà y profesciunalità da pert dla direzion tla persona de Vinzenz Senoner. Ne savësse śën nia da respuender sce chësta ie na carateristiga dla jënt ladina, o sce chësta cualiteies ie nscila danter chëi che se dà ju cun la mujiga te Gherdëina.

La furmazion dla usc Ie nsënie la furmazion dla usc, dantaldut cun de majeri studënc, la majera pert ciantarins nce cumëmbri di cores de Gherdëina. Chësta disciplina se damanda na gran sensibltà y cunversazion, dut ie scialdi ndividuel, la va for inò debujën de abiné la drëta maniera

de nseniamënt per uniun ndividualmënter. Ntan trëi dis al’ena lëuri a Urtijëi, ulache anconte for inò na gran maduranza. L lëur da maester ie chël de vester boni de dé inant, ma ie me é rendù cont de giapé de reviers scialdi deplù! L me sà suvënz che i studënc me nsënia a mi, y nia ie a d’ëi! Pudësse ve cunté n grumon de bela esperienzes, truep de biei mumënc che ne me desminceré plu dessegur mei te mi vita.

L tlavier L me sà nce da stramp bel a ti nsenië l tlavier a n valgun sculeies plu jëuni, n lëur mo plu dlicat permez al lëur cun i majeri studënc. La va for inò, iede do iede, de abiné, de se udëi ora l talënt ndividuel, povester mo deplù che pra i majeri studënc. Da mé ora toca la mujiga pra chëla gran disciplines da mëter ite pra la prima lueges di valores dl’umanità. Povester ie la mujiga na cossa defin naturela, avisa sciche l’aria che trajon ite uni di. Per ntënder mo miec dut chësc, me sàl che suvënz vàl debujën de scuté su cie che nes dij nia mé nosc cë, ma nce nosc cuer, y purvé a l mëter n pratica tla vita da uni di. Ie rate che a chësta maniera ie dut cant destinà a crëscer inant, y che plu dessegur durerà chisc valores inant tl tëmp. Lilia Ianeva Valentinova


Gherdëina

nr. 48 / 11 de dezember 2010

Ciau, Maddalena! Ciau, Maddalena. Te n ies jita, lascian ti familia, ti cumpanies. Lascian n gran uet te duta la valeda y pra duc chëi che te à cunesciù. Nce ie é pudù te cunëscer, coche maester te Scola d’Ert a Urtijëi. L maester nsënia, i sculeies scota su y mpera. Ma nce tlo iel laite n raport, chël de udëi che la bute, te scola. Y mo plu bel iel pona, nce sce l ne vën nia dit, a udëi coche la persona crësc y se njënia ca per l daunì. Coche la se njënia ca per la vita. L ie i ani, dan y do la matura, ulache n vëija, n sënt la vita che ie ti sculeies, canche n ti cëla. Nscila nce pra té, plëina de vita, de vivanda, de legrëza. Povester cun vel’ pitl defet, coche duc nëus, ma monce chël dalaibon, bënuluda da

duc, mpenieda tla cumenanza. Ativa tl lëur y nce tl tëmp liede. Y propi ntan l tëmp liede te n ies jita, l fil dla vita ie unì taià. Massa abenëura, cun n ciuldì y n percie massa grant. A chësta dumandes ne n’iel nia mesun respuender. Ma l resta l lecort de té, l lecort de ti vita, n lecort che ne se n va niancanó cun la mort. L lecort de na muta jëuna, dalaibon y plëina de vita. Ciau, Maddalena, y cëla ju unitant a mami y tati y a ti sor, a duc i tiei de familia, a duc ti cumpanies, per ti sciaudé mpue’ l cuer, coche te es fat ti ultimi vintun ani. David Lardschneider

Marcià da Nadel a S.Cristina Urmei iel bele na pitla tradizion: l Marcià da Nadel a S. Cristina ie uni ann na atrazion per i patins y la jënt da tlo S. Cristina - L Tëmp d'avënt à scumencià y nscila nce l marcià da Nadel te S. Cristina. N pitl blòt marcià, dalonc dai marcëi dla gran ziteies. Chëst ann se mostra l marcià te na bela culissa da d'inviern y nvieia duc canc a passé de biei mumënc d'avënt, sciche l di de San

Miculau n dumënia ai 5 de dezëmber, ulache l ie stat festa sun marcià da Nadel te S. Cristina. Ntëur mesa la cinch ie passà San Miculau per cunté de si vita y per partì ora a duc i pitli na blòta scincunda. Scialdi plajëi fej la blòta utia dl pech che njënia ca la pasta per n bon pan y la lascia cuejer tl fëur da pan, n fëur a lënia. Oradechël pudòven y n puderà nce duc i dis de marcià che à mo da unì cialé pro y judé pea, dantaldut i mutons, ala paura Renate, che fej d’uni sort de sondles. Chëstes pòssen ciarcë y tò pea cësa. Nce i scultëures de S. Cristina ziplerà pra la gran cripl y dajerà nscila n S. Miculau ie unit adalerch sun l marcià da cuntribut culturel al marcià. Sambën ne mancerà nia la Nadel de S. Cristina.

reprejentazions de plu grupes de mujiga.L marcià da Nadel ie na luegia de ancunteda, per cumpré velch de blòt per la festes. N vënerdì passà ai 3 de dezëmber iel unì giaurì. Plu stonc pieta nchin ala fin de dezëmber bisaneles d’uni sort, roba dëucia per la festes da Nadel, marcanzia sticheneda y da se furnì, ceramica y purzelana, libri y chedri, scultures de lën, criples, la chiena, cosses da fé damat, cëiresc, decurazions per l lën da Nadel y auter de blòt. N possa mefun sentì y udëi na atmosfera d’Avënt y da Nadel. Coche uni ann iel zeche che ne n’ie nia plu da pensé demez. Da dlonch caprò vëniel jënt a ti cialé y a passé vel’ëura de urela curta. L Marcià da Nadel ie daviert chësc fin dl’ena ai 11 y 12 de de dezëmber, ai 17 ai 18 y ai 19 y mo dai 26 nchin ai 30 de dezëmber for dala diesc danmesdì ala set da sëira. (kp/dv)

Orange juice nuef Ad’ëura cun l scumenciamënt dl mëns de dezëmber iel unit ora na edizion nueva dla revista Orange Juice ITC Raetia News. Chëst iede mo plu nfurmatif y da culëur Zaites - Per l nono ann ndolauter iel mesun publiché chësta revista de nteres y che à daniëura n gran suzes. La pieta la puscibltà de se fé n cheder generel de cie che la scola pieta, l svilup, cie che se muda tresora y de ce viers che n uel lauré tl daunì. Platernan tla revista tómel tl uedl che l ie nce pra chësta edizion na gran vela de tematiches atueles, liedes ai jëuni ma nia mé, cun statistiches d’uni sort drët ntressantes che va dai lëures da d’instà fac dai studënc y dala studëntes, ala tematica atuela di cinch o sies dis de scola ntan l’ena, la risies y i vantajes de internet y mo deplù. Oradechël pòssen liejer ntervistes a n valgun ex studënc dl ITC Raetia d’Urtijëi che à fat cariera te ciamps desferënc. Articuli iel nce n con’ dla tematica di imigrei che vën tlo da nëus a lauré, de n ann scolastich oradecà cris ora da pert de doi studëntes dl Istitut Tecnich Cumerziel coche esperienza de vita, pona l pont de ududa de doi studëntes dla Norvegia che fej n ann de scola tl ITC. Valutà vëniel l pro y contra de na ferata te Gherdëina. Articuli iel mo n con dla viulënza, dl bulism, dla zensura. Tematiches dut auter che saurides y che se damanda gran mpëni y tëmp a crì ora, mo plu a scrì y a les lauré ora te na maniera adateda. Sambën vën duc i articuli metui adum dai studënc nstësc, cun la cuordinazion dla professëura Ilari Noci, che dà ca cun gran mpëni truep de si tëmp acioche la revista giape la drëta vëta y ch’l zeche deplù che fej pona deventé la revista Orange Juice tan uriginela y prijeda. Gran cunsëns iel nce da

L’ultima edizion de Orange Juice.

pert dl diretëur dla scola Bruno Senoner, che sustën deplën la scumenciadiva, che ie ntant bele na tradizion dla scola. Dessegur na bela sperienza per duc i studënc che lëura pea acioche l garate velch de bel y che posse se lascé udëi. La scola cëla propi de ti dé a duc i mesuns aldò, che va debujën per arjonjer cër’ traverc che vën damandei y pertendui tl mond dl lëur de ncueicundì, per slargë l savëi scolastich y culturel, per avëi na bona fundamënta de furmazion generela y spezifica, zënza lascé da na pert l aspet dl’educazion avisa tan mpurtant y dla bona cuscienza soziela per n cuntat aldò tla sozietà multiculturela de nosc raions. Te chësc cheder cëlen de tò su nce studënc da oradecà, purtan pro a fé unì plu saurii barac culturei per fé cunëscer nce d’autra realteies, che ie for n arichimënt persunel per uni sculé. La revista ie da garat tla scoles y tla strutures publiches. Na udleda se paia dessegur. La revista ie unida data ora cun l sustëni dla Ntendënza dla scola ladina. (dv)

www.lauscdiladins.com

9


Gherdëina

nr. 48 / 11 de dezember 2010

Cumplì setant’ani Da puech à Zenz Runggaldier de Poza cumplì setant’ani. Carant’ani de lëur per la Copa dl Mond dl Gherdëina Copa dl Mond/1 - Zenz Runggaldier de Poza, mëinacrëp cunesciù de Santa Cristina, maridà cun Lidia Malfertheiner da Vidalonch de Urtijëi, trëi mutons, se cruzia chëst ann per l ultimo iede dla segurëza per la doi garejedes de Copa dl Mond de Gherdëina. Dan puech à Zenz Runggaldier cumplì i ani che ie unii festejei pra na blòta ancunteda deberieda cun si cumpanies che njënia ca l purtoi Saslonch per la garejedes. Zenz ova scumencià tl 1969 a lauré pea cun l cumité de urgansazion, l ann dan i Campiunac dl Mond dl 1970, a taché su la rëies de segurëza sun la sëides dl purtoi. A Zenz Runggaldier ti ons fat n valguna dumandes. USC: Co te lecordes’a de chisc carant’ani passei? Zenz Runggaldier: I ie passei via aslune. É for laurà cun legrëza y cun l cuer. Te lecordes’a vel’ ntraunida particulera? Me lecorde che sun mur de Sochers fova n tel atleta frit ite tla rë. Ratove che l fossa unì ju na bomba, tan adaut fova stat l stlef. Zeche de mat! L atleta se lamentova, ma ala fin se òvel pa mé fat mpue’ mel al jenodl. Al didancuei ie l purtoi plu lerch, y i atlec ne ruva nia plu via tan daujin ala rëies. La rëies fova ntlëuta feter medemes sciche al didancuei, nia vel’ d’auter. Cieche se à mudà

Zenz Runggaldier ntan l lëur pra la rë.

ie i telons che n mët sëuravia. Tan de rëies vëniel pa metù su al didancuei?  De ndut iel 5 km de rëies A, ntlëuta n fòvel 800 metri, chëles ie la grandes che messon taché su sun de gran pei de fier y pona les tré coche i uemes dla FIS se l damanda. Tachedes ite vënieles cun ciarieles y carabinri. Al didancuei ie danz dut plu saurì. Se nuzon dl tractor bele de utober per mené la roba; ntlëuta scumencians permò n valgun dis dan la garejeda a fé chisc lëures. Messan furé ju tl fonz y palé ora la nëif. La rëies A va dai mures ju nchin ai Sauc dl Camel y pona dal “Jagherhaus” demez nchin ju tl travert. Tan giut vëniel pa laurà?

Zenz Runggaldier cun si cumpanies.

Scumencion de utober via, lauron n doi enes per njenië ca dut y pona mo n trëi enes dala fin de nuvëmber demez nchin trëi dis do la garejeda. Datrai fajons nce vel’ lëur d’instà via, o che messon tò ju vel’ rë do la sajon da d’inviern. Cumporta pa chësc lëur nce vel’ pericul? Sci, ajache son for n 5-6 metri alauta per taché ite la rëies. N iede fòvel crepà via na stangia, ma per fertuna ne se ova deguni fat mel; assan pudù s’la giapé ados. Al didancuei ie duta la stanges de fier y nia plu de acel. Les ie dutes unides baratedes ora. Articul y ntervista de Gernot Mussner

Horst n con’ de Zenz USC: Cie dij pa l respunsabl dl purtoi, Horst Demetz, n con’ de Zenz Runggaldier? Horst Demetz: Duta la scuadres dl purtoi rengrazia Zenz per chël che l à fat te chisc carant’ani. Ël à for laurà cun gran mpëni y savëi, che l à nce dat inant ai jëuni. De nuet ne durmìvel datrai nia, ajache l pensova coche n pudëssa mëter a post vel’ roba, ajache da cësa via udòvel ca sun purtoi. Muesse bën dì che ne son nia a una che l lascia, sën do la garejedes… Zenz ie un di pueces che à for

judà, dantaldut a pensé pea. L lascia contra mi ulentà… (ger)

Zenz Runggaldier.

Miguel y si team Uni roda à si mpurtanza. La sala stampa vën njenieda ca ann per ann dal team de cunlauradëures dla Copa dl Mond cun l respunsabl Michael “Miguel” Moroder Copa dl Mond/2 - “De regula vëijen “mé” la garejedes, ma n ne se rënd nia cont de cieche l ie dut dovia, pra la garejedes de Copa dl Mond tlo te Gherdëina. Permò a lauré pea vëijen cieche y coche ie dut cant, tan de lëur che l ie dovia.” Paroles de Michael “Miguel” Moroder, respunsabl per njenië ca la sala stampa, deberieda cun si cunlauradëures. La ie propi nscila: jan tres la strutures dla Copa dl Mond vënien uni ann sëura tan de jënt che lëura pea, tan de cosses che n muessa cunscidré. Coche dì, l ie rodes che va una tl’autra, una cun l’autra. De grandes y de pitles, ma uniuna dla medema mpurtanza.

I media ne n’ie nia mé zeche che n vëija te televijion; dovia iel n gran lëur de urganisazion, n gran lëur de truep cunlauradëures. Chëst ann ons pudù s’la ciaculé tla sala stampa, tla palestra a S. Cristina, cun Miguel Moroder y cun si cunlauradëures, che on n mumënt desturbà ntan l lëur, ntan che i njëniova ca mëises y stuei y tuvaies. L se trata de Otto Runggaldier, che ie bele da vint ani leprò, y de Ernst Demetz, Hans Canazei y Felix Mussner. “L ie bel a lauré cun ëi, i ie boni de lauré y dalaibon, y unitant n dij Felix nce una da rì,” conta Miguel. Nce la bidela dla palestra Evelyn Tommasini juda

pea a njenië ca dut cant. I lauranc de Chemun ti sauta ite ai lëures ntëur palestra, canche l ie debujën, coche per ejëmpl chisc dis a palé nëif. Ma lascion cunté Miguel Moroder: “Plu da giut fova la sala stampa te cësa de Chemun de S. Cristina. Iló fova dut mënder, y dut jiva tres telefonn. I jurnalisć dajova inant si articuli per telefonn, perchël fòvel for mpurtant a purté adalerch cabines dal telefonn. Cun l internet se à mudà dut cant,” auza ora Miguel, che à tëut su l lëur da Othmar Runggaldier: “ël me à nce nsenià ju!” Ma inant n con’ di lëures: “N iede fòvel da mëter ite

Da man ciancia: Michael “Miguel” Moroder, Hans Canazei, Felix Mussner, Otto Runggaldier y Ernst Demetz.

10

www.lauscdiladins.com

n fonz de lën te palestra. Ma chël fova ngali finà su. Sën, da n 5-6 ani incà, metons ite n tepih, n fonz de filz. Chësc buta danz deplù: l ie plu ciaut, l ie manco fuera, l ne n’ie nia l pricul de sbriscé.” Miguel Moroder conta di prësciapuech 350 jurnalisć che vën adalerch uni ann. Uniun giapa n stuel y na mëisa, ulache l ie duc i njins per taché ite si computer pra internet. De n valguni sàl da dì che

i se sënta for tla medema luegia. Miguel y si cunlauradëures ie ntan i dis dla garejeda for a desposizion, sce l ie da fé vel’ lëur. La garejedes nstësses va nce ëi a se cialé, via Ruacia. Y chël se meriti zënzauter! Ajache i ie, duc deberieda y nce sce mé puec l sà, na roda mpurtanta dla garejedes de Copa dl Mond te Gherdëina. David Lardschneider


Gherdëina

nr. 48 / 11 de dezember 2010

“Doi bedaies olimpiches” La Sezion de sport da d’inviern di Carabinieri de Val te Sëlva ie una dla diesc sezions dal sport sot al cumande dl Zënter dal sport Carabinieri de Roma. Na prejentazion

Atletes y atlec dla Sezion de sport da d’inviern di Carabinieri de Val te Sëlva. Amez l cumandant Davide Carrara.

Carabinieri de Val - A cë dla Sezion de sport da d’inviern di Carabinieri de Val te Sëlva cun n setanta atlec, tecnics y trainadëures iel al didancuei l Maresciallo Davide Carrara, sustenì dai doi de Gherdëina Alfred y Günther Runggaldier. I inuemes di atlec plu cunesciui ie Peter Fill, Patrick

Staudacher y Federica Brignone per l schi alpin, Giorgio Di Centa y Pietro Piller Cottrer per l schi nordich, Armin Zöggeler y Christian Oberstolz per la luesa, Lukas Hofer per l biathlon, mé per fé n valgun inuemes. Coche dij i respunsabli à i Carabinieri de Val la fertuna de avëi si caserma te na cuntreda de marueia, adateda per l sport, cun i purtoies da pudejé y dai schi che pëia via bel dal Zënter. Oradechël iel strutures aldò per l training, na palestra cun dut laite, na sauna, skiroom. A desposizion di atlec ie l fisioterapista-massajadëur Einar Prucker. Da ti dé dl Vo ie nce la cësadafuech cun cueghes dl militer. Al cumandant dla Sezion de sport da d’inviern di Carabinieri de Val te Sëlva Maresciallo Davide Carrara ti ons fat n valguna dumandes. Cie mpurtanza à pa na Grupa dal sport militer tla cariera de n atleta? Ie rate che l sibe n var fundamentel per la cariera de n atleta. L ie l var danter l sport fat coche devertimënt de viers dl sport fat coche lëur. Pudëi jì ite te na grupa dal sport militera uel dì deventé profesciunisć. La pascion de un devënta n lëur. N vën paiei per fé training y garejedes per si Corp Militer y n à la segurëza de avëi n lëur per l daunì. Ciuni ie pa stai i miëur resultac dla sajon passeda? Zënzauter la doi bedaies olimpiches de Vancouver cun l arjënt de Piller Cottrer y l bront de Zöggeler. On venciù la Copa dl Mond FIS Marathon Cup cun Fabio Santus. Armin Zöggeler à venciù si 9. Copa dl Mond cun la luesa. De gran mpurtanza ie pona nce i Campiunac taliani assoluc de schi nordich, ulache son stai boni de plazé sibe tla 30 km che tla 50 km cater carabinieri ti prim cater posć! Da ne se desmincë nia ie pona la bedaia d’arjënt pra i Mundiei

Juniores de schi alpin de Federica Brignone, che ie cunesciuda nce per avëi arjont n plazamënt da podest tl slalom lerch de Aspen (USA) bele tla cuinta garejeda de Copa dl Mond! Y i atlec dl Südtirol? Sce jon a ti cialé disziplina per disziplina, pudons dì che l resultat de majer prestisc ie unì arjont da Patrick Staudacher cun l terzo post te Copa dl Mond propi tla garejeda n cësa, pra l super G de Gherdëina. Oradechël à Staudacher venciù i campiunac taliani sibe tla libra che tl super G. Tla libra se à plazà segondo n auter carabinier, l jëunn Hagen Patscheider, che uel desmustré tant che l vel chëst ann. For pra i Campiunac taliani ons da mustré su doi bedaies d’arjënt, una dl maró Alexander Ploner d’Al Plan tl slalom lerch, do na sajon n "crescendo", l’autra de Patrick Thaler tl slalom. Y pona iel mo la Coppa Italia Assoluta venciuda da Jonas Senoner de Santa Cristina. Co iela pa tl schi nordich? Pra l schi nordich ons venciù la bedaia de bront pra i Campiunac taliani Team Sprint cun l atleta olimpich de Vancouver David Hofer de S. Cristina, y la bedaia d’arjënt cun Debora Agreiter da La Ila; ëila ie stata bona de deventé campiunëssa taliana juniores, vencian la garejeda de Copa Europa propi tla Val Badia. La prima sajon ntiera de Copa dl Mond ie unida fata dal biathleta jëunn Lukas Hofer; tla stafëta àl nce arjont si prim podest. Hofer, che ie doi iedesc campion dl mond juniores, à coche trainadëur nosc tecnich Andreas Zingerle y messerà desmustré si talënt nce danter i “big”. Y tla luesa? Tl sport dala luesa ie n grant coche Zöggeler stat bon de vëncer si cuinta bedaia olimpica te si cuinta partezipazion pra la Olimpiades; oradechël àl venciù si 9. Copa dl

Mond, coche dit. Da auzé ora iel la beliscima garejeda de Copa dl Mond a Dispruch, cun Zöggeler prim y Wilfried Huber segondo: doi carabinieri ti prim doi posć. Huber à finà via si atività l ann passà; da chëst ann ie Huber, che à fat pea sies Olimpiades, tecnich dla Naziunela. Nce tl dopl ons venciù la Copa dl Mond, de gra a Christian Oberstolz, che à danz abù na gradiscima desfertuna pra la Olimpiades, ulache l à “mé” tlecà per la bedaia de lën, y mé per puec milijims. Program y obietifs dl Zënter dal sport Carabinieri de Val? Chëst ann iel i Mundiei de luesa a Cesana T.se. Nosc Armin Zöggeler y David Mair y tl dopl Christian Oberstolz y Patrick Schwienbacher à de bona pusciblteies de arjonjer de bon resultac. I Campiunac d’Europa de biathlon under 26 ie chëst ann a Ridnaun; tlo possa Lukas Hofer dì la sia. I Mundiei de schi nordich ie a Holmenkollen tla Norvegia; speron che Florian Kostner sibe bon de mustré si talënt. Pona iel mo i Mundiei de schi alpin a Garmisch. Tlo iel plu atlec che

Debora Agreiter.

purverà de arjonjer de bon resultac,… nëus ti tenion i punies. Nia desmincë ne ulëssi la jëuna badiota Debora Agreiter, deberieda cun la trentina Gaia Vuerich tramedoves cun l tecnich Pepi Ploner - che sarà pra i Mundiei Juniores dessegur danter la favorites. Per i jëuni dl schi alpin cialerà nosc trainadëur Martin Karbon de fé inò jì inant Senoner te Copa Europa y Pirmin Anstein tl zirtl de Coppa Italia. Articul y ntervista de David Lardschneider

Alexander Ploner, Davide Carrara y Jonas Senoner. www.lauscdiladins.com

11


Gherdëina

nr. 48 / 11 de dezember 2010

Wilhelm Senoner y l vënt suvier Scultures sugestives iel stat da udëi a Minca, tl Frauenhofer-Haus, l Istitut de Tueda, Nrescida y Inuvazion. Wilhelm Senoner ti à dat ala mostra l inuem “Aufwind” reprejentea la crëta tla inuvazion, tla tecnologies nueves, la speranza dl viers de n colp de vënt for nuef de energia che l’ert se tol pea.”

Pars pro toto

Wilhem Senoner n ucajion dla giaurida.

Ert - “Aufwind”, l titul dla mostra de Wilhelm Senoner de Urtijëi, mostra che ie stata da udëi d’autonn nchin ala fin de nuvëmber, ie rie da ciancé tl gherdëina. La parola possa

avëi truepa nterpretazions, coche scrij la critica d’ert Grazia Chiesa: “Ciancià ala lëtra uel la parola dì “Sun l vënt”. A chësta maniera uelela reprejenté che la va suvier, la

Hansjörg Bullinger, Hansi Felder y Leo Andergassen.

A Minca iel unì metù ora chindesc scultures y diesc chedri de Wilhelm Senoner. La scultures ie de za. 170 cm; l se trata de figures simbol, tëutes ora dala massa de jënt, sortes de persones universeles, te chëles che l’umanità ntiera, duta, ie reprejenteda, coche dij inant Chiesa. L ie per ejëmpl l ël che pënsa: la persona che va nce contra l vënt ie na persona che cumbat per si ideai, che ne se lascia nia destò canche la ne va nia, y propi cun l sustëni dl vënt iela bona de arjonjer si traverc. La persona desnuda, l ël desnut ie ghert y segur de sé nstës, l sà n nëut n con’ dla ressurses che ie te si corp y te si mënt, y l sà da aspité sun l drë’ mumënt, sun l “kairòs” a dì di vedli grecs, per les dé inant. L ël cun la zigara ie dal’autra pert l cumpani che nes nvieia a nes goder la vita, l à na gran esperienza y perchël iel bon de nes dé segurëza y gheneda. L’uriginalità dla scultures, nscila for la critica d’ert Grazia Chiesa, ie pra l’opres de Senoner tla forma plastica uriginela, tl basrelief y tl sëni grafich che lascia pro de ne messëi nia fermé, de ne messëi nia rumpì su la risses. Ciantons y

spiritualità ie tëuc su tl’ana dl artista Senoner, deventan materia essenziela coche esprescion dl raport cun la realtà, giapan vita tla risses y ti volumina de uni si opra.

La giaurida Pra la giaurida dla mostra de Wilhelm Senoner ala fin de setëmber iel unit adalerch a Minca na bela cumpëida de jënt y nce truepa autoriteies. Danter l auter Leo Andergassen, diretëur de Repartizion per la scunanza di bënns culturei dla Provinzia de Bulsan. Ël ie jit ite tla vita dl artista Senoner dal scumenciamënt incà, auzan ora danter l auter la gran ndividualità, la particularità dl’opra de Senoner, la forma plastica, l relief deberieda cun l sëni grafich, che ti dà na gran dinamizità, de muvimënt de viers dl daunì. L ie scultures che fej pensé,

Tëmp y temperatures ntan l mëns de nuvëmber de chëst ann te Sëlva a 1595 metri

12

www.lauscdiladins.com

cun vel’ di de mez y mez, y ie pona inò finà via sun l burt. L ie stat n bur’ nuvëmber, un di plu burc di ultimi vint ani, nce sce l ne n’ie stat degun temporal ntan l mëns de nuvëmber. L ie stat mé trëi dis de dut sarëinn; 9 dis ova bruma daduman. L nuvëmber de chëst ann ie coche dit stat n bur’ mëns, sciche n valgun nuvëmbri su per i ani ani sessanta y setanta. Sarëinn iel stat trëi dis, undesc de mez y mez y sëidesc dis de bur’ tëmp. Dodesc dis iel stat da vënt. Pluët al mesanmënter, cun ot iedesc cun 60 mm de ega. Ncantëur fòvel mol, la

funtanes purtova bëndebot de ega per la sajon. Nevët àl trëdesc iedesc, nchin ju tl paesc, cun 71 cm de ndut; do la rata truep. Sëura i doimile metri àl nevët nce mo plu suvënz, Iló fòvel ala fin de nuvëmber na giama de nëif. Ti ultimi dis de nuvëmber ovi pudù fé truepa nëif cun i canons, pervia dl gran frëit. Ai 30 dl mëns fòvel bën 33 cm de nëif te n luech da dumbria dala ot da sëira. Mé trëi dis iel stat da scrì su n con’ dla nverscion termica, cun ciaut alauta y frëit ala bassa. Josef Mussner

David Lardschneider

N valguna scultures de Wilhelm Senoner. Ntan la giaurida iel nce unì sunà de bela mujiga cun l sax.

N bur’ nuvëmber Sëlva - L mëns de nuvëmber 2010 ie stat plu frëit che chël dl ann passà, cun 0,46 C° degré de mesana, permez ai 1,72C° dl 2009. Chël uel dì che la mesaria ie stata de -1,29 C° sot ala temperatura dl mëns de nuvëmber dl ann passà. L di plu frëit éi muserà ai 27 dl mëns cun na mesana de -9,33 C° y na minima, for ai 27 de nuvëmber, de -13,5 C°dala cinch daduman. L di plu ciaut éi muserà ai 1. dl mëns cun 6,33 C° de mesana y na mascima ai 5 dl mëns de 12,00 C° ntëur mesa la doi domesdì. L mëns à scumencià sun l burt,

che dà l mesun de dialogh, dla dialetica, coche n juech de ping pong, che lascia pro a chiche ti cëla de se udëi ora elemënc carateriei y persunei che ie nce te té nstës, coche mesun de identificazion. L ie jënt, persones, che reprejentea n dut deberieda, nia l ndividuum. Jënt che on nce cunesciù, che ie danter nëus, che reprejentea uniun de nëus. Paroles de reflescion y de lauda iel nce unit da Hansi Felder, diretëur de Repartizion per l artejanat, la ndustria y l cumerz dla Provinzia de Bulsan. Felder ie jit ite tla pert istituzionela, lieda al cumerz y ala inuvazion tecnologia, ie pu l Frauenhofer-Haus l majer Istitut de Tueda, Nrescida y Inuvazion d’Europa. La giaurida dla mostra ie unida fata dal presidënt dl Istitut Hansjörg Bullinger.

Nëif assé te Sëlva.


nr. 48 / 11 de dezember 2010

GherdĂŤina

www.lauscdiladins.com

13


Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

nr. 48 / 11 de dezember 2010

Reconoscimënt y dilan Le Cor de Dlijia da San Martin de Tor à metü da jì la festa de Santa Zezilia de chësc ann sot la merscia di 25 agn de direziun de Iarone Chizzali. Da śëgn inant odarunse Rosamunde Irsara Videsott ala bacheta San Martin de Tor - Chësc ann à San Martin de Tor orü festejé Santa Zezilia la pröma domënia d’Advënt, dantadöt por avëi la partezipaziun de Pater Urban Stillhard dla Organisaziun di Cors de dlijia de Südtirol. La gauja por mëte en pé na festa de Santa Zezilia particolara ê dada inće dal mudamënt che le Cor à albü tl ultim tëmp, chël da passè la bachëta dal maester dl cor Iarone Chizzali ala maestra dl cor Rosamunde Irsara Videsott. La presidënta dl Cor de Dlijia da San Martin Monica Trebo à orü invié ala festa döta la comunité dl paisc da San Martin, y inće les rapresentanzes desferëntes di atri cors de dlijia dla Val Badia, dla Scora de musiga dla Val Badia y dl’EPL Ert por i Ladins. Döt ći che Iarone Chizzali, nasciü dl 1946 y chersciü sö a Antermëia, à fat por la musiga de dlijia y profana dla Val Badia, dla Ladinia y de döt le Raiun alpinn se merita le reconoscimënt y n gran dilan, dlungia ala festa da San Martin dër garatada te dlijia y dedô tl Salf dl Istitut Ladin. Iarone Chizzali ê gnü a stè a San Martin dl 1975, olache al â spo defata metü man da daidé fora l’orghelist y dirighënt Sepl Frenner da Lovara. Dl 1985 à spo Iarone Chizzali surantut ofizialmënter la direziun dl Cor y l’ativité da orghelist. Iarone s‘à inće fat merić desco dirighënt dl Cor Jepele Frontull, desco rapresentant dla Val Badia tla Comisciun diozejana a Balsan, tl distret de Puster di Cors de Dlijia y tla junta dl’EPL - Ert por i Ladins, olache al à inće arvenü le gran cor dla Val Badia a Roma y pro les döes festes a Badia en onur dl Sant da Oies. A Roma é Iarone inće ruvé cun le Cor y cun la Musiga dla Val Badia pro la festa de inaudaziun dl lëgn da Nadè. N contribut important à Iarone dè inće por le ćiantè liturgich, p.ej. le liber “L’ Saltier”, deboriada cun Siur Iaco Ploner y Tone Gasser. Iarone à inće n talënt da compositur y aranjadù, cotantes é sües ćianties sacrales y profanes che an po aldì intres indô.

Mëssa solëna En onur dla patrona dl ćiantè de dlijia Santa Zezilia à le Cor da San Martin orü presentè na mëssa

Mudaziuns ai regolamënć Le consëi de comun da La Val s’à abiné ai 26 de novëmber te süa cuinta sentada de chësc ann. Pro les dezijiuns de majera importanza él da recordè n valgönes mudaziuns a regolamënć comunai y al plann dla contrada Pater Urban, Tone Gasser y Siur Paul i à surandè l’onoranza de 25 agn da dirighënt y orghelist a Iarone Chizzali.

acompagnada söl orghe da Martin Kostner y da set stromënć a archët (sis vidores y n celo), döt musizisć chersciüs sö tl paisc da San Martin; la mëssa ćiantada y sonada é stada la “missa fac bonum” dl componist todësch Valentin Ratgeber (1682 – 1750). Deplü ćianties é inće gnüdes acompagnades söl orghe dal iubilar Iarone Chizzali instës.

www.lauscdiladins.com

Onoranzes por i agn torogn

Tratan mëssa te n intermezzo él spo gnü invié da dessura jö (olache al ê le Cor) ćina sö dant te presbitere le iubilar Iarone Chizzali y le presidënt dl Consëi de ploania Tone Gasser (che ćianta instës pro le Cor de Dlijia). En inom dla jënt da San Martin y da foradecà à Tone Gasser tignì na laudatio por Iarone Chizzali y Pater Urban cun Siur ploan Paul Campei i à spo surandè al iubilar le diplom por i 25 agn da dirighënt y orghelist, na onoranza partida fora dal’organisaziun di Cors de dlijia de Südtirol.

Danter val’ bela ćiantada ligherzina y originala ite, portada dant cun gran fle dal Cor, à spo la presidënta Monica Crepaz Trebo orü i surandè a deplü ćiantarines y ćiantarins le diplom por l’ativité de agn torogn: 50 agn: Anna Verginer Pescoller, Emma Sorà Schuen, Milio Clara 40 agn: Tone Gasser (stè inće por 20 agn surastant dl Cor), Anna Sorà, Pepi Trebo 10 agn: Valentina Barbolini, Lucia Pedevilla; la presidënta à spo presentè les ćiantarines y le ćiantarin nüs (Karin Tavella, Helene Chizzali, Sara Ploner, Esther Rives, Manuela Ploner, Dennis Schanung).

Retrać di tëmps passà

Agape

Te Salf d’Istitut Ladin à spo la jënt dl paisc y les autoritês de paisc y da foradecà podü se sentè jö por n program plü profann. Danter i ghesć êl inće Otto Rubatscher dl Maier, stè maester de Iarone y por tröc agn orghelist dl Dom da Porsenù y Rudi Chizzali, fre de Iarone, maester de musiga y dirighënt de cor. L’Ombolt Heinz Videsott à dit n valgönes parores de lalt por le iubilar y inće por düć i ćiantarins y i musizisć che abelësc la vita dla comunité da San Martin, y i à inće surandè a inom dl Comun

Do plü ćianties dl Cor, acompagnades inće dai orghi da man de Pio Pescoller y söl tlavier da Martin Kostner, à la jënt podü s’la cuntè ćiamò pro n renfrësch tenü sö te foyer dl Istitut da pert dl’Uniun dles Patrones da San Martin. Le Cor s’à spo da misdé incunté por la marëna de Santa Zezilia, deboriada cun le iubilar y sü familiars. Cun le bel ćiantè y musiga d’orghi da man él garatè n domisdé plajor; an à podü stlü jö na festa che romagnarà dî ti recorć. (ir)

N “Dî s’l paies!”

Iarone mostra söa ligrëza por la festa tan garatada.

14

na scultöra de lëgn de Sanza Zezilia sciöche dilan. Mostrè él spo gnü diapositives fora dl’ativité dl Cor de Dlijia dal do-vera incà y dantadöt fora di ultimi 25 agn sot la direziun de Iarone Chizzali.

Danter i ghesć presënć él inće stè Rudi Chizzali y Otto Rubatscher.

La Val - Insciö él gnü fat na integraziun al regolamënt por l’assegnaziun de sperses ti raiuns artejanalai. La mudaziun reverda la dorada dles gradatöres che é gnüda fissada te 3 agn, avisa sciöche chëres por le frabiché alisiré. Fina śëgn n’êl preodü degun termo por la validité. Al é inće gnü prezisé che la gradatöra atualmënter en forza tomarà cun la fin de chësc ann. N valgönes mudaziuns él inće gnü aproè al regolamënt söl fabriché. Insciö él danter l’ater gnü integrè le regolamënt cun les desposiziuns nöies revardëntes i inter vënć nia sostanz iai (Bagatelleingriffe) aproades dala Provinzia. Al é spo ćiamò gnü injuntè val detail por les prescriziuns che reverda la costruziun de tablà da munt. Inće pro le regolamënt de comun por la determinaziun di contribuć de conzesciun él gnü fat n valgönes integraziuns por ći che reverda le prolungiamënt dles conzesciuns

da frabiché y le paiamënt di contribuć de urbanisaziun ti raiuns d’espanjiun. Pro le regolamënt comunal por l’aplicaziun dla tarifa por la gestiun dl refodam él gnü fat na prezisaziun che reverda le ciomënt organich. Le consëi à spo aproè na proposta de mudaziun al plann dla contrada (Landschaftsplan), plü avisa por ći che reverda le frabiché tles viles. Chilò él gnü preodü la poscibilité da curì i tëć dles majuns cun plates scöres grijes impede cun scianores ti caji olache al é la nezescité da istalè implanć de ventilaziun por sećé le fëgn. Al é gnü dit che por gaujes tecniches ne funzionëia nia chisc implanć sce la curidöra dl tët é de lëgn. Por che chësta mudaziun vais en forza messaràra ćiamò gnì aproada dai ofizi provinziai por la sconanza dla contrada. Ala fin él ćiamò gnü aproè na mudaziun al plann de atuaziun por le raiun “Plaiac 1”, portada dant dai proprietars Carlo y Alexander Comploi. (sc)

Batadù y ola dla fortüna En Santa Tarina él gnü tignì a Corvara le batadù tradizional, davagné da Kurt Taibon y Lois Pedevilla. Por l’ocajiun él inće gnü trat fora pesć dala ola dla fortüna Corvara - En Santa Tarina ai 25 de novëmber él segra da Corvara, n dé che vëgn tignì inće ia por l’edema cun de gragn festejamënć. Dlungia la mëssa solëna tóchera domisdé inće da cartè a batadù y da sëra da balè en comapgnia. I Destüdafüć da Corvara, che fistidiëia dl’organisaziun, à metü inće chësc ann en pè na bela festa. Pro le batadù dl domisdé, che fej pert dl Batadù ladin cun La Val y Rina. Le batadù de chësc ann é gnü davagné dai cartadus Kurt Taibon y Lois Pedevilla. Secundi é gnüs

Romina Castlunger y Irmgard Trebo, terzi Cirillo Clara y Paolo Tolpeit. Le pröm pozer ti é jü a Alex Craffonara y Harald Huber, le secundo a Carlo Pitscheider y Lucia Pitscheider. I stödafüch rengrazia düć i sponsors che à dè n contribut. I publicun chilò inće i numeri fortunà fora dla ola dla fortüna: 2011, 1500, 2639, 8195, 8517, 8301, 8153, 4318, 5596, 6487, 8553, 2652, 2984, 5031. Por damanè do i pesć por cherdè sö le numer 338/8541778 o le 335/8335841.


nr. 48 / 11 de dezember 2010

Val Badia

www.lauscdiladins.com

15


Val Badia

nr. 48 / 11 de dezember 2010

Danter ligrëza y agonism Intervista cun le presidënt dl schiclub d’Al Plan Giovanni Complojer, che nes dij deplü sön ći che al ô ester por jì le tru dl schi agonistich, dla gran dezijiun, dl interes da pert di geniturs y di sacrifizi Al Plan - Dan da püch à le Schiclub d’Al Plan tignì la sentada generala, olache le presidënt Giovanni Complojer (Jonson) y i maestri alenadus di mituns à portè dant en cört n resocunt sön les ativitês dla lia, che cumpëda chësc ann passa 200 tesserà FISI. La sentada garatâ püć dis dan le Bal dl Schi Club, che é gnü organisé indô do val’ agn de chît, y à albü n bel suzes de partezipaziun. Ala sentada à tut pert inće le presidënt onorar Hans Erlacher, che é stè por bëgn 57 agn a će dl schiclub. An à orü mëte man cun n menüt de chît en recordanza de Siegfried Frontull de Mareo, por tröc agn alenadù dl schiclub y maester de schi. A Jonson unse orü ti damanè val’ deplü sön l’ativité dl schiclub. La Usc: Giovanni Complojer, podésses nes fà n pice bilanz dl ativité dl ann passè? Giovanni Complojer: Tl invern passè unse indô albü dui grups de mituns dl Schi club che fajô gares, n iade i baby-jogn che garejëia tl rode VSS, spo i maius che garejëia tl Grand Prix Raiffeisen. I maius vëgn alenà da David Clara y i mëndri da Marco Mutschlechner y Roland Erlacher. Indöt unse albü 25 mituns che à fat gares. I sun inće stà bogn da fà de bi resultać. Dui atleć dl schiclub é gnüs campiuns provinziai: Philipp Graefe d’Antermëia y Matia Tolpeit da La Val. Cin’atleć de nosc schiclub à inće tut pert al Leistungszentrum Kronplatz: chisc

Giovanni Complojer.

vëgn alenà da Klaus Kastlunger. Dër bun é jüs i cursc da jì cui schi deboriada cun les scores de schi, olache i ùn podü cumpedè 87 mituns. Impröma fajô chisc mituns ma la sabeda curs. Da dui agn incà vëgnel fat dui iadi al’edema. Da chisc cursc vëigon spo i mituns che à maiù ligrëza y che ô jì inant. Chisc fej le salt tl schiclub, olache al é trëi iadi al’edema alenamënt. Ne vëgnel pa nia n pü’ tröp danter schiclub y d’atri cursc de y fora dla scora? Sambëgn che al é de vigni sort, danter scora, cursc de musiga y schiclub. Iö diji dagnora insciö: chi che ô fà para pro le schiclub, mëss

avëi trëi cosses che stimenëia adöm: i geniturs mëss avëi ligrëza, spo mëss sambëgn inće i mituns avëi ligrëza, deache al n’é nia ma trëi iadi al’edema alenamënt, mo al é inće les gares olache al é tröc sacrifizi da fà. Le terzo aspet é i cosć. Le jì cui schi é na chestiun n pü’ ćera, danter materiai, jì incërch etc. Ćina che un mët man vara plü saurì, mo canche ara vëgn da tó pert inće a gares FIS, spo mëss un tó na dezijiun de ći vers che al ô jì. Combiné scora cun le jì cui schi n’é nia dagnora saurì, cis i mëisc da d’invern. Sc’i tolun ca l’ejëmpl di Mölgg, odunse avisa tan de sacrifizi che ai à messü fà. No ma ëi, mo inće i geniturs, zënza desmentié spo inće la gran dezijiun da tó chë strada. Por fortüna éra jüda bun, mo al à orü ester gran impëgn. Tan de mituns tol pa ite le schiclub. É pa l’interes jü sö ti utims agn o él pa ćinamai jü zoruch? Al é stè val’ agn che al jô zoruch, canche an à metü man da pité cursc da jì cui schi dales scores infora. La Provinzia i dê n contribut ales scores dai schi por fà chisc cursc, che ê ma n iade al’edema. Tröc geniturs odô te chisc cursc na oferta dër bunmarćé y d’öga. Chël n’ê indere nia n dër’ alenamënt. Jì ma n iade al’edema cui schi é massa püch. Spo unse metü man da fà dui iadi

al’edema y da dant’ann incà é le numer de mituns indô jü sö y insciö é inće gnü maiù le numer de mituns che passa inant al schiclub. Chësc ann unse tl schiclub 26 mituns plü 4 tl Leistungszentrum Kronplatz, tanco n’unse 30 che fej agonism. Chilò él da tignì cunt che nosc schiclub tol ite ma Al Plan y La Pli, a pert val’ ezeziuns, porchël ne podunse sigü nia fà confrunć cun l’Alta Badia o Gherdëna, che é cotan maius. Chësc ann unse inće pité cursc de preparaziun d’isté, i sun jüs dui iadi söi dlacias a fà alenamënt, porchël aratunse che i podunse ester competitifs. Chël é sambëgn inće na motivaziun por i mituns. I fredesc Mölgg y inće Alexander Ploner é pià ia cun le schiclub d’Al Plan, à fat le salt y é śëgn campiuns dl schi mondial, inće Reinhard Erlacher é rovè pro i campiuns dla brëia. Tan tira pa chisc atleć i pici che vëgn docà? Sambëgn é chisc atleć na gran motivaziun por chi che vëgn docà. Avëi trëi atleć te copa dl monn é na desmostraziun che te nosc schiclub él les condiziuns da imparè. Mo i le diji ćiamò n iade, dantadöt chës trëi cosses ch’i à dit denant mëss stimenè adöm. Al é val’ caji olache al foss mitans o mituns che ess de bones cualitês, mo al manćia la sbürla da pert di geniturs. Sciöche dit, al é n gröm de sacrifizi doìa y alüsc manćia inće le tëmp. Dl ater vers à geniturs plü ion sce le möt o la möta impara n mistier, impede

co jì le tru di schi. Jì cui schi ma insciö alüsc y pretëne da rovè te copa dl monn, chëra ne va nia. Dailò mëss un ester propi n “fuoriclasse”. Dl ater vers él da dì che tó la dezijiun da jì le tru dl schi agonistich n’é dî nia ćiamò na garanzia che an röia inant. Bëgn porchël. Le fin plü important dl schiclub vëighi iö chël da ti insigné ai mituns da jì cui schi, ći che é te nosc paîsc de turism n sport dër important. Por chi che à interes él inće la poscibilité da fà maester de schi. Chi che ô fà chësc mistier, mëss ester stè te n schiclub, zënza n’àl degöna poscibilité. Chëra de maester dai schi é sigü na bela maestria chilò da nos. Ola ô pa le schiclub d’Al Plan miorè? Ći ghiranzes ëise pa? Val’ iade s’aspetàsson magari che i geniturs foss plü “fanatics” - sce i po adorè chësta parora. Al n’é inće de chi che critichëia che al vëgn damanè demassa dai mituns y che ai é spo stüfs, canche ai à 12-13 agn, y lascia döt. Al n’é nia saurì. Magari pòi bën dì a chësc punt che pro la sentada generala falâ gran pert di geniturs de nüsc 26 atleć de chësc ann. Chësc m’à n pü’ desplajü. Almanco un de familia de chi che à i mituns pro le schiclub, m’essi bëgn aspetè. Iö la vëighi insciö, che sce an à interes por le möt o la möta che va a schiclub, fóssel bëgn dërt da jì chël su iade al ann ala incuntada. Intervista: Pablo Palfrader

******* Le ćiantun dla Uniun******* Reuniun generala cun presentaziuns La Uniun di Ladins dla Val Badia mët da jì ai 19 de dezëmber la reuniun generala, olache al gnarà presentè döes publicaziuns nöies En domënia ai 19 de dezëmber, dales 18.00 inant, tignarà la Uniun di Ladins dla Val Badia süa reuniun generala tl gran salf dl Istitut Ladin “Micurà de Rü” a San Martin. Te chësta ocajiun gnaràl presentè en cört l’ativité di ultimi agn: Publicaziuns por pici y gragn y na ligna de manifestaziuns valgamia interessantes. Pro vigni iniziativa à le Consëi dla Uniun inće ćiarè de sostignì auturs, scriturs, artisć y ćiantauturs por ti dè na poscibilité implü de crësce profescionalmënter y inteletualmënter, inće deache ëi rapresentëia la piza de diamant dl monn cultural ladin.

Secundo Conzil Vatican, mo vëgn śëgn cun la manćianza de proi inće te nosta valada tres plü atuala. Chësta publicaziun, che é gnüda ćiarada jö da siur Iaco Ploner y dal prof. Ulrich Fistill, vëgn dada fora cun l’autorisaziun dl vësco Karl Golser. L’idea de dè fora la verjiun

Lîtes dl consëi Sön le program dl domisdé él inće les lîtes dl consëi nü che dess portè inant l’ativité dla Uniun por i proscimi trëi agn. Düć chi che é regolarmënter scrić ite ala Uniun por l’ann 2010 arà le dërt de lité y de gnì lità te Consëi. Aladô dl statut röiel ite i pröms 6 lità, i atri 6 mëmbri vëgn spo cooptà te n secundo momënt, tignin cunt che düć i paîsc dla Val Badia dess ester rapresentà, tan inant ch’ara va.

Zelebraziun dla Parora de Dî Te chësc contest gnaràl inće presentè le liber nü “Zelebraziun dla Parora de Dî por domënies y festes”, na publicaziun por tignì funziuns sacres alternatives ala mëssa. La zelebraziun dla Parora de Dî vëgn bele racomanada dal

16

www.lauscdiladins.com

ladina cun composiziuns musicales de Iarone Chizzali é piada ia da Tone Gasser en gaujiun dl curs por conduturs dla zelebraziun dla Parora de Dî gnü tignì a San Martin l’ann 2008/09. Al gnarà metü fora sön mësa i “365 díć/proverbs por ladin” cun n pinsier por vigni dé, bele gnüs presentè dal marćé d’Advënt d’La Spona a Pidrô.

Le cuertl dl liber “Zelebraziun dla Parora de Dî por domënies y festes”.

La roda dl monn te 80 tambürli Por stlüje jö en belëza la sëra

gnaràl presentè dales 20.00 l’ultima ch’an li le liber. publicaziun dla Uniun: “Roda dl Düć é dër monn te 80 tambürli” de Max bel invià da tó Castlunger da San Martin, cun pert ala reuniun generala dla dessëgns de Maria Pezzedi da San Uniun di Ladins y da gnì ala Ćiascian. Ara se trata de n liber cun presentaziun dl proiet de Max CD, ponsè dantadöt por mituns Castlunger “La roda dl monn te bele n pü’ plü gragn, mo inće por 80 tambürli”. (wp) porsones adultes, che contëgn n monologh de n jonn che pëia ia dala Val Badia y roda fora por le monn, passan da n continënt al ater. Dlunch olach’al röia impàrel da conësce popolaziuns de chëres ch’al â mâ aldì cuntan da d’atri, al vëiga de vigni sort de cosses nöies, al alda le sonn de stromënć y i versc de de tiers esotics. Tla storia cùntel y baia de so iade. Sön na CD pòn ascutè la storia y i sonns che dëida En gaujiun dla reuniun generala gnaràl inće descedè la fantasia presentè “La roda dl monn te 80 tambürli” de tratan ch’an ti ćiara y Max Castlunger.


Val Badia

nr. 48 / 11 de dezember 2010

Ju de Frara davert? O nia?

“Uniun” fej la forza Tla pröma sentada dl consëi nü dl comun da Corvara àn inće metü sö la junta, mo ma Uniun dij de scê. Adüm s’ess damanè n budget a desposiziun por “so assessur” al turism y an s’ess inće damanè n assessur dla fraziun da Pescosta

La junta nöia dl Comun de Corvara: Stefan Costa, Daniel Alfreider, l’ombolt Robert Rottonara, Nadja Alfreider, Hubert Costner.

Corvara - Robert Rottonara é ombolt dl comun da Corvara y à inće na junta cun 3 assessurs di “sü”. Mo ma Uniun à dit de scê ala junta de Rottonara, deperpo che Adüm à tignì adöm y n’à nia alzè sö la man, por deplü rajuns. La pröma sentada â söl program sciöche da iter normal le joramënt dl ombolt, la convalidaziun dl consëi y spo la presentaziun dla proposta de junta. Le pröm inćiamp àn incuntè pro la convalidaziun dl consëi, olache le consëi à messü lité dui iadi. Un n iade por convalidè 14 aconsiadus y na lîta a pert por l’aconsiadù Raimund Alfreider. Sön segnalaziun de Franz Pedratscher ne podess l’aconsiadù Alfreider nia fà pert dl consëi, àl pö na “lite pendente” cun le Comun. Le secretêr Vinzenz Clara à chilò splighé por menü. Inće sce la sentënza sön la chestiun dan signoria danter Raimund Alfreider y Comun é bele gnüda pronunziada ai 13 d’otober, vêl la chestiun sciöche “ćiamò tl’aria” ćina a canche ara passa “in giudicato”, cossa che sozed 6 mëisc do la sentënza. Le consëi à impò dit de scê a maioranza, cun un n astegnü y un n contrar. Cun la convalidaziun de Alfreider arata Pedratscher che le consëi ti déures

les portes a plüres, che vigni porsona po portè dant. Da süa pert à Alfreider splighé che al orarà s’informè por menü sön la chestiun y spo tó na dezijiun.

La junta L’ombolt Robert Rottonara é jü inant cun la presentaziun de süa proposta de junta, che é spo inće gnüda litada a maioranza. Daniel Alfreider sarà assessur al’urbanistica, Hubert Costner ai laûrs publics, Nadia Alfreider al sozial y ala cultura. Sciöche su assessur dla lista Adüm él gnü nominé Stefan Costa, che à ciafè l’assessorat al turism. La proposta de Rottonara é ma gnüda litada dala lista Uniun. I aconsiadus de Adüm s’à astegnü, por rajuns desvalies.

Budget resservè por le turism, assessur da Pescosta Le capolista de Adüm Hubert Dalponte à splighé che süa lista s’ess acontentè de n assessur su, ma sce al foss stè l’assessur al turism y sce chësc ess albü a desposiziun n cer’ budget da podëi se gestì

Le capolista de Adüm Hubert Dalponte, le secretêr de comun Vinzenz Clara y l’ombolt Robert Rottonara.

autonomamënter; budget tut dal avanz de aministraziun. Secunda critica de Dalponte: sön i 15 aconsiadus de comun n’él bëgn ot dla fraziun da Pescosta, mo gnanca un n’à ciafè lerch te junta. En cunt dl budget resservè à Rottonara respognü che vigni assessur dess gnì tratè anfat y che an ćiararà da daidé canche al va debojëgn. L’ombolt s’à detlarè cuntra n budget resservè al assessorat al turism, por ne imobilisé nia scioldi, che ne podess spo gnanca gnì tuć ca tl cajo che al foss bojëgns de n ater vers. En cunt di aconsiadus da Pescosta à Rottonara splighé che inće Adüm ess podü propone n assessur dla fraziun da Pescosta y che al n’é nia te süa orentè da cherié n terzo ćiampanì tl comun. “Düć i assessurs dess laurè por le bëgn de döt le comun.” Tratan i 10 menüć de palsa à Rottonara inće damanè sü aconsiadus da Pescosta sce ai ess orü jì te junta. La resposta é - sciöche an podô s’l aspetè - stada negativa, insciö che Uniun à desfat le grop y döt tomâ zoruch tles mans de Adüm.

N comun despartì? Tut la parora à inće l’ex candidat da ombolt Franz Pedratscher, che à sotrissé i aspeć portà dant da Dalponte, mo s’à inće damanè l’ombolt da fà vari concreć por cujì la despartiziun danter la popolaziun, che s’à cherié cun les lîtes d’aisciöda. Rottonara: “Iö n’à nia l’impresciun che al sides tan na gran despartiziun. Al pê deplü na situaziun che nes vëgn depënta dant. Al é śëgn da daurì na plata nöia por le Comun de Corvara”, à stlüt jö l’ombolt. Le Consëi à insciö dè jö süa usc. Inće sce ma na pert dl consëi à dit de scê, à Corvara śëgn indô n’aministraziun “regolara”. Do la sentada s’à düć tochè la man y śëgn tóchera da mantignì les impormetüdes. Dancà chëra de intrames les listes, da orëi laurè por le bëgn de döta la comunité. (pablo)

Hubert Dalponte lasciarà le consëi de comun da Corvara. Al nes dij ći che l’à motivé da fà chësc vare, sce la delujiun dles lîtes à cherié sfësses tla lista “Adüm” y nes revelëia inće ći che l’assessur Mussner ti à dit tratan la presentaziun dla Copa dl Monn La Usc: Hubert Dalponte, stimenëiera pa che i orëis se trà zoruch dal consëi de comun y ćiodì pa chësc vare? Hubert Dalponte: Iö â candidé por fà l’ombolt, nia por fà l’aconsiadù, che i à bele fat massa tröc agn. Iö starà te consëi ćina da d’aisciöda y ti lasciarà spo lerch a n jonn, Oliver Mersa. I ess ion sce ël podess ite te consëi y podess se fà süa Hubert Dalponte lasciarà le consëi da esperiënza te comun. d’aisciöda: “Nia n tort ala lista, mo n bëgn ai Cun chësc vare n’ôi nia jogn.” ti fà n tort ala lista, mo n bëgn ai jogn. Adüm, no pa? Nos ùn damanè un n assessur y Ne sarà pa i litadus nia chël messunse bëgn podëi nes chirì desplajüs, do che ai Ves à dè la fora zënza nes lascè condizonè. crëta, y orô ćinamai Ves odëi söl Nos ùn chirì fora Stefan Costa, che é na porsona varënta por le turism scagn da ombolt? I speri che i litadus ne sides nia y i gragn evënć. desplajüs. Franz Pedratscher restarà düć i cin’ agn te consëi. Ël Co definìsses pa le tlima tla à süa esperiënza y é sigü na porsona lista Adüm do les lîtes? Por la varënta. Iö arati che i litadus m’ess convalidaziun dl aconsiadù plü ion odü sciöche ombolt co Raimund Alfreider n’ëise nia lité sciöche aconsiadù. cun öna na usc, pro la junta bëgn. À pa la delujiun da avëi “pordü” La lista Adüm à ciafè les lîtes lascè sfësses tla lista? Ma nou, sot a chësc aspet n’ôi l’assessorat al turism, mo nia cun le budget resservè sciöche nia dì che al sides stè na delujiun. “Adüm” s’â damanè. Sc’i ciarëis I savun düć la gauja che i n’ùn nia doprò, ésses pa messü ves damanè davagné. Robert s’à lascè fà jö cun valch deplü? i assessurs provinziai y cun le Nos ân damanè l’assessur al Landeshauptmann. Dötes les turism cun n pice budget resservè, cosses che Heinz Kostner y che por che al ess podü s’armöie. Sce Franz Pedratscher n’é nia stà bugn nos ésson salpü che ai s’ess ma dè da portè inant por le Ju de Frara, l’assessorat zënza n budget, s’ésson parôl te n colp che jiss da fà. Cun les fotos cun i assessurs él stè bun damanè dui assessurs. da ti fà gola ala jënt. Valgügn dij che le comun é Canche iö sun stè ala despartì te döes perts, l’ombolt presentaziun dla gara de copa dl Rottonara arata de no, co la monn, m’é l’assessur Mussner gnü odëise pa Os? pormez y m’à dit che al n’â nia Iö crëii che la jënt da Corvara y impormetü che la strada de Ju de Calfosch ne sides nia jënt che se Frara romagness daverta, y che al porta do sënns tl tëmp. La tendënza ess messü le smentì publicamënter. de nosta jënt é chëra da fistidié y Nosta lista à indere messü curè le turism y desmentié chëstes combate cun dötes chëstes robes. Na cossa che restarà, n punt impormetüdes y insciö unse pordü nia bel por Robert, é che al n’à nia colpi. Laprò él da dì che i ùn albü ponsè a n assessorat dla fraziun da n comissar che à laurè sis mëisc Pescosta, canche al é 8 aconsiadus alalungia por ti splanè la strada a da Pescosta sön 15. Robert. Śëgn s’abinarunse sciöche lista Robert à damanè tla palsa a na cëna por tlarì döt y i s’la fajarun tratan la sentada sü aconsiadus indô bona. I sun porsones varëntes da Pescosta y chi à düć dit de nou y an mëss inće savëi da perde. a n post te junta. Insciö ves àl Intervista: Pablo Palfrader sciurè zoruch le palê a os de

www.lauscdiladins.com

17


Val Badia

nr. 48 / 11 de dezember 2010

Cô à pa inom chël fop?

“I ùn arjunt l’obietif”

Badia é le pröm comun dla Val Badia a avëi na cherta valgamia completa di inoms di posć, di rüsc, di coi, dles pares, di fops, di parüsc... Cotan de interes da pert dla jënt

Le terzo numer dla revista “Enrosadira” é dan man

Le cuertl dla ediziun nöia de “Enrosadira/Inrosadöra”. Tratan la sëra de presentaziun a Badia. Leander Moroder y Silvia Liotto cunta söla cherta di toponims ladins nöia.

Badia - Ala festa de presentaziun de chësc bel resultat tla Ćiasa Runcher a Badia â invié l’Istitut Ladin “Micurà de Rü” y le Comun de Badia. Chëstes döes istituziuns publiches à inće albü l’iniziativa da menè inant le laur de archirida di inoms sön teritore di paisc de Badia, San Ćiascian y La Ila. Por ester stè le tert domisdé de na domënia d’Advënt, cun les strades dla valada cochessî, s’à abinè cotan de jënt tl salf dla Ćiasa Runcher a Badia, por aldì val’ deplü sön le laur che à messü gnì fat por arjigné ca la cherta di toponims ladins dl comun de Badia. La cherta é da ciafè stampada da pert de döta la jënt y tl format digital pro l’Istitut Cultural y le Comun. Danfora él gnü le salüt da pert dl Ombolt de Badia Iaco Frenademetz y dl presidënt dl Istitut Ladin Albert Videsott, spo él stè l’assessur provinzial ladin Florian Mussner che à cuntè söl’importanza dl’archirida, dla racoiüda y dla publicaziun di inoms ladins te nüsc paisc, por che ai ne vais nia a perde y pois gnì adorà indô danü dales generaziuns plü jones. Le diretur dl Istitut Ladin Leander Moroder y la colaboradëssa Silvia Liotto à spo cuntè cun l’acompagnamënt dla proieziun powerpoint söl laur

18

www.lauscdiladins.com

destrighé da pert dl Istitut Ladin. L’impliada dl Istitut Silvia Liotto à coordinè döt le laur, danter la verificaziun y coretëza di inoms che ê gnüs bele chiris adöm dal Istitut Ladin dan passa vint agn y la colaboraziun cun l’assessur Elmar Irsara dl Comun de Badia por l’inserimënt di dac tl computer. Silvia Liotto à inće cuntè sö val’ aspet dla nasciüda di toponims, che cunta te tröc caji dala “natöra” dl post, mo inće dala funziun che chësc sit â por l’agricoltöra, dl liamënt cun families y lüsc, y inće cun avenimënć naturalistics y desgrazies (roes resp. caji de mort, ez.). Leander Moroder à dit che i inoms ladins à inće da nen fà cun l’identité ladina y nia ma cun n aspet local, deache tröc inoms vëgn dant te döta la Ladinia y é da aratè n gran patrimone cultural. Anunzié à Moroder inće la funziun che le presidënt dl Istitut Ladin da denant Hugo Valentin à tla comisciun por la regolamentaziun dla toponomastica de Südtirol. Alzé fora él gnü inće l’importanza che toponims ladins à tla storia dla toponomastica fora dla Ladinia te Südtirol, por ejëmpl Valdaura, Vandoies - inoms ladins che le fascism à surantut tl lingaz talian ofizial dötaurela anuzà.

Elmar Irsara à spo cuntè söles banches dać gnüdes adorades por l’inserimënt, l’archiviaziun y publicaziun de chisc 1.400 toponims ladins dl comun de Badia. Al à mostrè cô che les tecnologies dl setur funzionëia, mostran le procedere dla georeferenziaziun (lians danter plü programs). La georeferenziaziun é la gran revoluziun di sistems dles chertes geografiches y mapes, inće deache an po pié ia tl’archirida di pośc, di inoms y inće ciafè spo plü spligaziuns y anotaziuns sot al “toponim”. Chëstes anotaziuns cunta deplü söla racoiüda di dać, dles coordinades di sit, dla storia di inoms (etimologia) y inće dles variantes al inom publiché. Le Comun de Badia i partiarà fora la cherta a düć i zitadins dl comun. La cherta po inće gnì cumprada al prisc de na desëna de euro, “al foss na bela scincunda por la jënt de Badia jüda a stè foradecà” - à dit l’Ombolt Frenademetz. I inoms ladins de nüsc posć (gragn o pici) é desco na porsona che sa da cuntè. I messsun ćiarè da i tignì sö, da i adorè, inće tl turism; i lascè ma sön na cherta stampada sona massa da “archif ” y “repert museal”. (ir)

Publicaziuns - Dodesc mëisc, trëi numeri, milesc de copies. Le numer da d’invern dla revista “Enrosadira/Inrosadöra” é dan man, le magazînn ponsè por i sciori che vëgn en vacanza tles Dolomites, na revista aprijada dantadöt dala jënt dl post. Feter setanta plates de articui (por talian y inglesc), fotos y noeles fora dal monn dl schi, dl sport, dla cultura y dl devertimënt. Y sambëgn n gröm de curiositês. Val ejëmpl? Püć sa che un di “Spaghetti western” plü conesciüs, le film “Il Grande silenzio” dl 1967 cun Klaus Kinski, é gnüt fat propi danter Falzares. Milesc de leturs, turisć mo inće badioć, po se tó para le numer nü dla revista “Enrosadira/ Inrosadöra - Magazine delle Dolomiti”, che an ciafa debann ti ofizi dles assoziaziuns turistiches dl’Alta Badia. Iadô él n laûr fat da

na desëna de cronisć y volontars, cun tröpa pasciun. La revista é nasciüda incër Antonio Signorini, jornalist da Roma y ghest da tröc agn te nostes munts. “Chëra che ê dal mëteman ma na idea, é tosc deventada na realtè importanta. I ùn arjunt nosc obietif ”, spliga le diretur Signorini. Por la pert grafica dl proiet s’à cruzié Gustav Willeit da Corvara; Daniel Töchterle da Pedraces à coordiné la redaziun y Roberto Pallestrong de Pedraces à tut tles mans le retlam. Da injuntè él che propi por mirit dl interes y dl retlam, tres maiù tl foliet, de dites y comerzianć, pòn se ponsè de jì inant zënza de gragn festidi. Inće chësta ota él da ciafè de vigni sort: na picia reportaja sura le film far-west de Sergio Corbucci “Il Grande silenzio”, cun l’atur todësch Klaus Kinski y Jean-Luis Trintignant, che à albü sciöche paladina propi la Ladinia; na jita tla storia dl schipass tles Dolomites “Dala cherta a punć al chip”; les fotos particolares “inier y incö” de Daniel Töchterle; chëres artistiches de Gustav Willeit; na intervista cun le campiun Alberto Tomba. Y spo: le paslunch cuntè da Katia Pizzinini; n retrat de Concetta Bonaldi al pionier y maester de schi Carlo Costner; i Pooh; la Copa dl monn, l’êrt de Maria Pezzedi y tröp d’ater laprò. Sigü él che te manco de dodesc mëisc de storia à la revista bele odü n gran suzes, ara à ciafè so publich, y à dan i edli idees y proieć desvalies che ara ô ćiamò concretisé. (Elmar Burchia)

Jonson é surastant Le comitê SVP nü da La Pli de Mareo à lité Giovanni Complojer sciöche surastant. “I alzarà fora concretamënter les domandes ćialdes che reverda nosta fraziun”, à assigurè Complojer La Pli de Mareo - Le surastant nü dla SVP da La Pli Giovanni Complojer tol ite le post de Richard Erlacher, che arà śëgn l’inćiaria da vize. Paul Pedevilla, Felix Ploner, Lois Peslalz, Hansi Comploi y Beatrix Terrabona fej pert dl consëi. Le travert dl comitê nü é da laurè fora propostes y provedimënć da portè ite tla politica de partì y tla politica dla provinzia. Complojer se damana che döta la popolaziun da La Pli se portes ite ativamënter tla politica, nia ma chi dl comitê. Le surastant nü à rengrazié düć por la desponibilité da laurè para, alzan fora en particolar le laûr dl surastant da denant Richard Erlacher. Pro la proscima sentada dl comitê déssel gnì metü i azënć por i proscimi vari dl comitê da La Pli. “I ti darun tröp valur a na colaboraziun costrutiva cun les fraziuns vijines”, à dit Giovanni Complojer. “N barat de pinsiers y esperiënzes cun i comitês SVP di paîsc vijins dess ester fondamënta por la realisaziun de proieć deboriada.” La vizepresidënta

dla SVP Paola Bioc Gasser y le surastant SVP dla Val Badia Klaus Winkler ti fej les mius aodanzes al surastant da La Pli Giovanni Complojer por süa inćiaria nöia. “Complojer é na porsona daverta y rodunta, sciöche inće n dër tiroleje. Al à na orëdla daverta por les chestiuns dla jënt de so paîsc.” (comunicat SVP Ladina)

Giovanni Complojer, alias Jonson, é surastant nü dl comitê SVP da La Pli.


Val Badia

nr. 48 / 11 de dezember 2010

Nüsc bi posć te n clich La pröma ediziun de “win san martin”, n concurs fotografich metü da jì dal’Assoziaziun Turistica da San Martin de Tor é stè n bel suzes. L’esperiënza podess jì inant inće en ater ann bonn de 250,00 euro, le terzo post arjunj n bonn de 50,00 euro, le cuarto de 30,00 euro y le cuinto de 20,00 euro.

Tolpeit: “I motifs tira”

La juria metüda adöm da Gustav Willeit, Iaco Rigo, Michael Moling, Philipp Tolpeit, Gerd Irsara, Barbara Zardini y Paul Erlacher.

Fotografia - Le tema de chësta pröma gara a pesć dl’Assoziaziun Turistica da San Martin de Tor é stè “La particolarité de nosc comun te n clich”. Ćina la fin d’otober él ruvé adalerch n bel jop de fotografies, y nia dötes ma dl’aisciöda y dl isté, öna o l’atra inće de contrades altonares y invernales. Paralelamënter ala presentaziun dles fotografies tl’AT da San Martin s’à avié inće la plata “Ass. Turistica San Martino in Badia” söl portal sozial Facebook, cun na bela atenziun da pert dl publich y cun la lita - a tëmp tomè

- dl retrat “Le ćiastel verda San Martin” da pert de 105 amisc dla plata de San Martin sön Facebook. Al autur, Fabrizio Morosini da Milan, i vàl insciö n voucher (n bonn) dla valüta de 200,00 euro.

166 retrać Ala fin de novëmber é ruvada adöm na juria por i ćiarè ales fotografies dades jö y por les valuté. Le presidënt dl’Assoziaziun Turistica Philipp Tolpeit à saludé i mëmbri dla juria, perian do la desponibilité y la sensibilité por

ćerne les cinch fotografies che ess podü abinè n pest. Les fotografies ê gnüdes chirides fora te na pröma ćerna de 51 da pert dl’Assoziaziun Turistica y spo stampades sön papier por na parüda plü pratica y por la poscibilité da les arcunće öna dlungia l’atra söl la gran mësa dl salf de consëi tla ćiasa de comun a San Martin de Tor.

Pütia y Ćiastel de Tor I motifs fać jö le plü pro le concurs é stà Pütia y le Ćiastel de Tor. Pro les sis fotografies dl pest

premiades n’él ma öna che n’à nia chisc dui motifs da cliscê, chëra de Rudi Moling che rapresentëia la ćiasa dl Maier iadô les löms de n auto che passa sön strada. Chësta fotografia é gnüda aratada dala juria “la plü arjignada ca, la plü ideada”. Al pröm post él ruvé la fotografia de Francesco Cosi che mostra n tablé da munt cun iadô Pütia y n anel de ćiarü incërìa. A chësc pröm post i vàl n bonn de 350,00 euro, da consumè ti eserzizi turistis dl raiun dl’AT San Martin de Tor. Le secundo pest abina n

Le pröm pest dla juria i é gnü surandè a chësta foto de Francesco Cosi dal titul “Fà la scogna cun Pütia”.

Secundo tlassifiché: Michael Sanden da Minca cun “Museum Ladin”.

Inće n retrat dl invern é ruvé pro les top-five. L’autur é Albert Zingerle d’Antermëia.

Le scior Ermes Carraro é ruvé cun chësta foto dal titul “Gnì derevers da Lungiarü” al cuinto post.

L’idea dl’AT San Martin y so presidënt Philipp Tolpeit é chëra da mëte da jì - do chësta pröma esperiënza - na secunda ediziun, Tolpeit: “Impröma ponsânse da la mëte da jì d’invern, mo al gnarà l’aisciöda”. Söla domanda ćiodì che an à ponsè a chësc concurs nes cunta Philipp Tolpeit “por abinè adöm retrać de nosta contrada y nosc daćiasa, material da podëi adorè tles situaziuns desferëntes y inće por fà retlam. An ô lascè baié i ghesć da San Martin y i paisc dlungia cun süa odlada y sü motifs plü ćers, “chësc é dessigü la pröma testemonianza, y le plü bel y miù retlam” dij Tolpeit. L’AT da San Martin é tl laur da promöie sü sorvisc dantadöt tres internet, y de bi motifs de posć y natöra tira l’edl. Söla domanda ćiodì che al é saltè fora che Pütia y le Ćiastel de Tor é i motifs plü presënć, respogn Tolpeit: “An vëiga a ći che le scior ćiara, y bel por nos él da savëi che le scior i ćiara ai crëps, ala natöra, ai ciüfs... y spo inće ai frabicać desco le Ćiastel de Tor y Museum Ladin, che é tesur storich y inće cultural.” Les viles àn albü n pü’ manćia pro chësc concurs, l’isté de vacanza a San Martin, Lungiarü y Antermëia pö fat dantadöt da natöra y Dolomites. (ir)

Le terzo pest: Rudi Moling da San Martin de Tor à presentè chësta foto sot al titul “L’ iade tl rëgn dla cultura y storia”.

Gran interes él inće stè por chësc concurs sön Facebook. I vijitadus à podü dè jö söes preferënzes. www.lauscdiladins.com

19


Val Badia

nr. 48 / 11 de dezember 2010

Döt le bun por i 40 agn La seziun dla Crusc Blanćia Alta Badia ê la cuinta de Südtirol, canche ara é gnüda metüda sö de dezëmber dl 1970. Śëgn àn festejé le compliann toronn di 40 agn y à deboriada cun valgügn di protagonisć ćiarè zoruch a sciöche strotöres y sorvisc s’à mudè

Mësa torona cun valgügn protagonisć: Elmar Irsara à intervisté Heinrich Aichner - pröm dependënt y caposorvisc dal ćina dl 1977, André Miribung - caposorvisc dal 1991 al 2006, y Thomas Dejaco - caposorvisc dal 2006 incà.

La Ila - Al é oramai passè 40 agn da chël 1970, ann olache inće l’Alta Badia à ciafè süa seziun dla Crusc Blanćia. Laôta êl la cuinta de döt Südtirol. Dl 1968 s’â le Comun da Corvara cumprè n’ambulanza por pité socurs, tosc spo inće le Comun de Badia. Dedô ti é chëstes gnüdes surandades ala seziun. Le iubileum àn orü festejé indertöra, impröma cun na santa mëssa te dlijia da La Ila, zelebrada da siur Angel Complojer, un di pröms volontars dla Crusc Blanćia, por se spostè spo jö Boscdaplan a La Ila, olache la Crusc Blanćia à da püć mëisc süa sënta nöia. Dailò à le caposeziun da incö Paolo Anvidalfarei podü saludè tröc ghesć, danter chisc i ombolć de Corvara, Badia y La Val, autoritês dla verda forestala y dles forzes dl ordinn, sciöche inće rapresentanć dl turism y dla Crusc Blanćia provinziala y locala.

Da na ćiamena a Corvara ala sënta a La Ila La festa por i 40 agn é stada na ocajiun por descedè tröpes recordanzes de na uniun che an ne podess incö nia plü ponsè demez dal’Alta Badia, sce an tol en conscidraziun le gran bojëgn che é suradöt de sajun, canche al é te nüsc paîsc cotan de sciori. N valgügn “protagonisć” tla storia dla Crusc Blanćia Alta Badia Heinrich Aichner, André Miribung y Thomas Dejaco à podü instësc cuntè sciöche

le sorvisc y inće les ghiranzes dla jënt s’à mudè cun le passè di agn. Sce i “agnui ghei” à incö na sënta moderna y ampla a La Ila, spo messâ Heinrich Aichner, pröm dependënt y responsabl dla seziun ćina dl 1977, stè inlaôta te n te’ rî cuzo de 12 mq a Corvara. Tla ćiamena êl scrivania, let, cagadù, ćiasadafüch, döt insuralater. D’invern, messâl fà alüsc sorvisc 24 ores sön 24. La jënt tlocorâ pro porta, o telefonâ diretamënter. La zentrala dl 118 ê ćiamò dalunc y gnarà pormò metüda sö dl 1993.

Na miù formaziun y tres plü volontars Formaziun êl inće püćia y degöna. Aichner cunta: “N pü’ de pröm aiüt, lié ferides y reanimaziun”. Le compit ê chël da condüje i feris le plü debota che ara jô te ospedal, canche le dotur ne podô nia daidé. André Miribung é dal 1981 incà volontar dla Crusc Blanćia y é stè dal 1991 ćina dl 2006 caposorvisc. Al à cuntè danter l’ater che la formaziun se fajô chi agn vigni uniun n pü’instëssa, deperpo che aldedaincö vëgnera coordinada da Balsan infora y é sura döt Südtirol la medema, sciöche le caposorvisc Thomas Dejaco à splighé inant. N volontar mëss incö fà chës 130 ores de teoria y 300 ores de pratica por podëi pité socurs. Mudè s’à le sorvisc de vigni vers, dai injins che é gnüs tres deplü y plü profescionai, les ambulanzes, i

La seziun Alta Badia à podü surandè deplü onoranzes.

20

www.lauscdiladins.com

materiai y inće i salamënć de sorvisc. Mudè s’àra cotan inće cun i volontars. Aichner à cuntè che laôta n’êl feter degügn che s’anunziâ de süa bona. An messâ motivé tres indô por ciafè porsones che ess daidé. Chësc poèster inće deache l’assoziaziun ê püch conesciüda. Dl 1979 podôn cumpedè 22 volontars, aldédaincö n’él bëgn 71 che dëida para. Tla seziun dl’Alta Badia laora inće 6 dependënć, che röia a 11 tratan la sajun da d’invern, y laprò n sorvidù zivil. Dal 2005 incà à la seziun Alta Badia inće n grup di jogn, che cumpëda al momënt 37 jones y jogn danter i 13 y i 19 agn. Chisc vëgn acompagnà da 8 assistënć (volontars dla CB) y dal responsabl dl grup Nicolò Miribung. D’atri grups che fej pert dla seziun é le grup RUD (Realistische Unfalldarstellung), nasciü dl 2006, che fistidiëia da arjigné ca feris te na maniera dër realistica por les eserzitaziuns, por che inće i volontars pois ester plü arjignà tl cajo de debojëgn real. Nominé él inće gnü l’Assistënza Spirituala, che fej pert dla seziun dla CB da Bornech, mo cür inće la Val Badia. Dl grup da Bornech fej pert cater ladins.

Reconoscënza por ombolć y volontars Tratan la festa di 40 agn él inće stè l’ocajiun da sporje plü rengraziamënć.

Le caposeziun Paolo Anvidalfarei à orü recordè l’impëgn di comuns, che à dagnora sostegnì l’ativité, nia inultima c un la realisaziun dla sënta nöia. I ombolć à insciö podü pié do na picia recordanza. Laprò àn inće podü onorè deplü volontars che po festejé chësc ann i 10 agn d’ativité: Werner Complojer, Elisabeth Clara, Manfred Clara, Rosmarie Dapunt, Alois Frenademetz, Marco Irsara, Marco Pizzinini, Le cuertl dl liber sön i 40 agn dla seziun. Albin Rubatscher y Ramona Rubatscher. 40 agn. Inant à la Crusc Blanćia inće La festa é jüda a piz jöbas, olache podü presentè n pice liber che cunta al é gnü tenü sö n renfrësch por i cun test y tröc retrać la storia dla antergnüs. (pablo) Crusc Blanćia Alta Badia te chisc

I paziënć mëss gnì condüć a Bornech D’isté él gnü fora na regolamentaziun a livel provinzial che la Crusc Blanćia ne po nia plü condü i paziënć cun i auti convenzionà dal dotur privat. Ći dij pa le caposeziun Paolo Anvidalfarei?

sciöche al toca.

La Usc: Paolo Anvidalfarei, ći comporta pa chësta novité por la seziun Alta Badia? Paolo Anvidalfarei: Al é na diretiva gnüda fora por döt Südtirol. D’invern é chësc por nos n pü’ na strentöra, deache i messun condüje cun i auti convenzionà düć i paziënć te ospedal a Bornech. Por fortüna n’é nia düć nüsc auti convenzionà. Cun i atri auti podunse inant jì dai doturs privać (a La Ila le dot. Spechtenhauser, adr). Jì a Bornech ô dì por nos che i sun por vigni intervënt döes o trëi ores söl iade. Sce al é tröc intervënć, spo stënton n pü’, ajache i intervënć se conzentrëia scialdi tles medemes ores dl dé. Mo i arati che i sunse bogn da ciafè la miù soluziun por i paziënć, che ai ciafes n sorvisc

Ći dij pa i ostis, o chi dai lifć? Plü él por i paziënć. I odarun śëgn sciöche ara va. I speri che i sunse bugn da ciafè n compromis inće cun le 118, che é dër desponibil, deache al conësc bun nosta situaziun. Important él che le paziënt n’ais nia bria da aspetè, da se doré mè, y che an pois pité n bun sorvisc.

Ći perzentuala de paziënć vëgn pa condüta ćina ćiamò dai doturs privać? Tla sajun da d’invern, sön 1.200 paziënć za. le 30%.

Le spitol da Bornech à bele n gran laûr d’invern. Messarëise pa condü cotan plü paziënć lafora? I n’ô nia dì che al nen röies tanć te n iade implü. Le spitol da Bornech arati che sides pa bëgn organisé tan bun che al é bun da gestì na te’ situaziun. Te nosc cajo ôl mefo dì 2-3 paziënć al dé implü. Intervista: Pablo Palfrader

Le caposeziun da denant Konrad Videsott y le caposeziun da incö Paolo Anvidalfarei.


nr. 48 / 11 de dezember 2010

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Da la piscigna al biogas Francesco Rasom da Vich peissa che aer te Fascia n impiant per la produzion de biogas podessa esser de gran ùtol per duc i bachegn

L’impiant de biogas de Prato allo Stelvio serf na cincantina de bachegn.

Energìe alternative - Acà vèlch setemèna a Poza, per endrez de la sociazion Transdolomites, tel cors de na scontrèda dedichèda al metan e ai combustìboi che se pel renovèr l’é stat rejonà ence de co desfrutèr miec de chest vers la grascia e la piscigna. N aspet n muie enteressant che l’é stat uzà fora l’é la oportunità sporta dal prozess de la digestion anaerobica, che degradea la sostanza organica e produsc biogas, che pel vegnir durà per l’energìa eletrica e digestato, materièl organich frutous per engrascèr l teren ma che, lurà fora, no l fèsc più puza. Francesco Rasom, bacan da Vich, era prejent a la scontrèda e ge aon domanà sia opinion. Che peisseste del met de produjer energìa da la grascia? Francesco Rasom: “Gio me aee jà enteressà de chest argoment acà valch an. Me aee enformà e ge aee portà mìngol de documentazion sui cosć de n impiant per la produzion de biogas a Dino Detomas, del Consorzie Eletrich, per cognoscer soa opinion. Da me en fora l’é n argoment n muie sentù anter i

Francesco Rasom.

bachegn, sa Vich segur.” Da te en fora, fossel n cost massa aut pissar che ogni bacan abie so impiant? Podessel esser enveze de ùtol che vegne realisà n impiant unich per duc, magari sot forma de consorzie? “Chel che aee vardà gio l costaa 300.000 euro, zenza contar i contegnidores, donca segur na speisa massa grana per n bacan demò. Se se volessa ruar a aer n ùtol ge n volessa pa ben un unich e soraldut poder troar zachei che ge stae apede ai bachegn, descheche podessa esser per ejempie l Consorzie Eletrich. Da me en fora ence ic podessa aer so ùtol ajache col biogas i podessa far jir n generator.” Aede mai rejonà anter de voi sun chest tem? “Fin ades na, ma gio peisse che i fosse duc a una, ajache i se n miorassa duc, ence le firme più pìcole, che ades le para fora la grascia con la barela ogne dì, e fossa de gran ùtol ence per la reclam de la Val.” Peste ne spiegar coche vegn gestì la grascia te na stala? “L’é de gran vasche, che pel tegnir 3 meisc, 6 meisc o adertura n an, olache rua dut l material che se tira fora canche vegn netà la stala, più oute en dì, aldò de la sort de stala, che pel esser con le bestie ledie o leade. Te cheste vasche la puza no se la sent ajache l material l’é cet.” Co se podessel gestir donca l conferiment del material te n ipotetich impiant zentral? “Dantdaldut ge volessa capir cotant gran che l cognessa esser l’impiant, ence percheche no l’é dit che tel davegnir sie semper l medemo numer de bachegn che l’é ades. Dapò ge volessa capir cotant de spes che ge vel ge menar l material percheche l posse jir, l’é chest l gran problem da ressolver. Ence percheche chiò da noi d’invern per 6 meisc no se pel se

mever e d’istà endò no se se mef per respet del turism, donca resta dassen pech temp ùtol, mìngol d’uton e mìngol d’aisciuda. Se podessa magari pissar de far vasche dopie, a na vida che, dò che l’é stat lurà, l material podessa vegnir depojità e dò se podessa jir a se l tor e l durar desche concim. Servissa ence a crear n post de lurier percheche, se se fajessa na sozietà o na coprativa, se podessa tor apontin na persona che l’à so trator e so bot che la fae i viajes de conferiment e che la porte deretorn l prodot lurà fora.” Chi él che podessa far chest studie? “Da me en fora la dotora Silvia Silvestri, de la Fondazion Mach de l’Istitut Agrarie de Sèn Micel, che l’à rejonà a la scontrada, fosc la podessa l lurar fora.” Per chel che revarda l sistem de distribuzion del concim lurà fora, él debesegn de na atrezatura desvaliva respet a chela che i à jà i bachegn? “Ei, ma l’é na atrezatura che se pel aplicar su le bot. Chi che l l’à proada però l’à dit che no la va, la é dò e dò embociada percheche l’é pìcole canele che le va fin jabas e laìte passa demò roba lujia. Se vegnissa fat n impiant enlouta se podessa montar ló n separator per spartir l dur dal lujech, dapodò l dur l va ben te ort, su per le piste, chel no l’é n problem, l va ben dut intorn. Ma ge vel n ”retorn” de valch sfera percheche l’é l problem di viajes da ressolver.”

Val de Fascia

“Ge volessa che i bachegn se mete ensema” A la serada su la energìes alternatives l’era prejent ence l diretor del Consorzie Eletrich de Poza, Dino Detomas. Ge aon domanà ence a el na valutazion sun l’argoment. Te àla sapù enteressanta l’oportunità sporta dal prozess de digestion anaerobica per produjer energìa? Dino Detomas: “Ei, peisse che sie n muie enteressant. Poder durar la grascia desche concim ma con n muie manco puza e tel medemo temp poder ence produjer energìa fossa dassen de gran ùtol. L’é doi condizion che ge volessa che se verifiche per poder rejonar concretamenter de produzion de biogas te nosc raion: prum de dut che i bachegn i se mete ensema e dapodò che se podessa otegnir la lege provinziala che permete de meter ite la produzion de biometan te la rei publica del gas metan. Ge vel defat che la grascia vegne conscidrada no desche refudam ma desche sot prodot. Fosc chest obietif se podarà l’arjonjer jà dant che vae fora l’an. L Consorzie fasc valif per la produzion de energìa eletrica: canche la mencia l la compra da la rei publica e canche l n’à de arvanz l ge la zet. Ge volessa poder far coscì ence per l biogas

acioche ence i bachegn podessa aer n ùtol e no demò le struscie.” L Consorzie podessel tor dant l’idea de se meter apede i bachegn te la gestion de n impiant de chesta sort? “Te chela che i bachegn se metessa ensema e i portassa dant n projet, na proponeta concreta, l consei de aministrazion del Consorzie no l’aessa nesciun problem a l’analisar e far na valutazion, l’à semper tout dant idee e proponete che ge é stat prejentà. Dapodò ge volessa veder se fossa possìbol la meter en doura, ma seguramenter l la tolessa dant.”

Dino Detomas.

Cognoscer l’Alzheimer e sia problematiches La neva sociazion “Rencureme” se met dant de sensibilisèr la comunanza su la malatìa de l’Alzheimer e sia conseguenzes su la vita da duc i dis de chisc malé e de sia families Sanità - Ai 14 de dezember del 2010 da mesa les 9 da sera te sala grana de la Scoles de Moena la neva sociazion “Rencureme” de Fiem e Fascia met a jir, col patrozinie del Comun de Moena, na scontrèda dal tìtol: “Cognoscer e conviver con la malatìes del cef che vegn ca col vegnir veies”. Con chesta scomenzadiva la sociazion vel dèr n contribut a la cognoscenza e a la sensibilisazion envers la malatìa de l’Alzheimer che, conscidrà che la popolazion é dò che doventa semper più veia, l’à e l’arà col temp n peis semper più fort te noscia sozietà. L program de la serèda perveit la testimonianza de vèlch familièr, ma ence relazions mediches desche chela del dotor Luca Nardelli, Ofizièl Sanitèr del Distret Sanitèr de Fiem e Fascia, che metarà al luster l’emportanza

de poder fèr la diagnosi dantfora, i desturbes del comportament caujé da la malatìa, i benefizes de che chi de familia pel se emprevaler. Rejonarà ence la professora Annalisa Zorzi, presidenta de la sociazion e i medizi de familia dotora Monica Costantini e dotor Guido Dalprà. La scontrèda à ence l’obietif de ge domanèr maor atenzion al mond de la politica envers chesta sort de patologìa che peisa vèlch outa n muie su la families tocèdes. Sarà ence l’ocajion per sotrissèr l besegn de se atrezèr miec sul teritorie acioche la generazions madures e de età posse semper goder de respet, cures e degnità ence canche la fragilità se fèsc sentir de pien, acioche chest no sie demò n problem individuèl ma na costion de duta la comunanza che se n tol cura.

Él mai stat tout dant chest argoment da le aministrazion? “Na, ma per ejempie noi con la aministrazion da Vich no aon nesciuna sort de problem, aon domanà per i depòjic de le grasce, i é ence desponìboi a ne troar fora na zona per chest depòjit, ma se fossa na possibilità coscita embendapò l’impiant i lo podessa far desche Comun General.” Intervista de Cristina Marchetti www.lauscdiladins.com

21


Val de Fascia

nr. 48 / 11 de dezember 2010

Smaorèr noscia cultura personèla Per l secondo an de seghit Teresa Lorenz e l diretif de la Ual à dezidù de meter a jir l cors de scola politica che à abù dassen n bon ejit

Teresa Lorenz secretèr politich de la Ual

Politica - Per l secondo an, per endrez de de la Ual e de Teresa Lorenz, secretèr politich del moviment, l’é stat metù a jir te Fascia l cors de Scola Politica, con l’obietif de arvejinèr la jent a la politica e ge dèr l met a duc de poder entener miec n muie de aspec de noscia vita de duc i dis. Desche l’an passà, n pont de referiment emportant tel meter a jir chesta scomenzadiva l’é stat Andrea Rizzi, joen dotor en giurisprudenza. Ence chest uton a tor pèrt a la 7 lezions che aea per tem la politica leèda a nosc teritorie, l’é ruà jent da duta Fascia. Enceben con vèlch pìcol pensier Teresa Lorenz se à dit contenta per l bon ejit che l cors l’à abù ence chest an, no demò da man di partezipanc ma ence di professores. L’obietif, che l’era chel de fèr più rica noscia cultura personèla l’é stat arjont, donca ades no resta che se pissèr a co fèr amò miec per l’an che vegn. Co éla jita chest an? Teresa Lorenz: “La é jita ben ence chest an, son stata proprio

contenta. Aon chiamà ence professores che l’era jà stat l’an passà, desche l prof. Manzin, e te chela ocajion a scutar l’é ruà beleche 50 persone; ence canche aon rejonà de la storia de l’autonomìa l’é stat n muie de jent, e più o manco sion semper stac entorn le 30, 40 persone. L bel, che l’an passà l’aon vedù demò en part, l’é che te ogne lezion l’é stat fat domande e intervenc e l coment di relatores a la fin de le scontrade l’é stat chel de dir “belle le domande”. L’é stat proprio na partezipazion ativa, donca se à vedù che la jent é vegnuda percheche la volea portar a ciasa zeche, chest te fasc piajer.” Colun él stat l’obietif de chest cors? “Sion ponté demez da chel che aon fat l’an passà e sion jic inant a endrezar chisc 7 encontres. Aon vardà che sie semper n argoment leà al teritorie, ence se valch outa se à tratà ence argomenc più gregn che i à na valuta più slariada fora, desche per ejempie chel de filosofìa de la pruma outa che un aessa podù ence dir “ma àl a che far chest col ladin, o no?” Enveze, en realtà, ence chisc argomenc a la fin i ne tocia a duc, i à a che far con la vita de duc i dis. La neva de chest an l’é stat le doi scontrade de economìa che é state endrezade aldò de la domana de l’an passà e cogne dir che, soraldut te chela con Stefano Robol, diretor de la Trentino Sviluppo, l’é stat proprio bel, ajache l’à ben spiegà che che fasc Trentino Sviluppo, ma l’à portà ence soa esperienza che la é stata aprijiada. L’obietif l’é che la jent la vegne, e che i professores i ne dae valch bon stimol. Che ne stimolee ence noi e che ne dae da pissar e da veder le robe te n’autra prospetiva, ence te la pratega, per ejempie lejer n

sfoi e entener miec chel che l’é scrit, e veder se se é bogn de far n rejonament tedò. Dapò dò cheste 7 scontrade no l’é che se vegne fora che se sà dut, ma se se ciapa segur valch spenta de più.” Co él stat l’endrez? “La Ual se à pissà de jir inant col cors e dapò gio me é pissà cai che aessa podù esser i argomenc. Dò de chest é rejonà con Andrea che l me à semper didà col contat coi reladores. Canche i contaton dant da dut ge dijon che chel che sion dò a far, l’é n cors de politica per la jent, che cogn aer contegnui prezisc e spieghé a na vida sorida, e veide proprio che duc chenc i vegn e i rejona ence demò de 5 conzec e i se sproa a i spiegar a na vida sorida, coscita che le robe dapò le reste. Noi jon dret a rejonar coi reladores e per l contat coi professores de giurisprudenza fasc Andrea, enveze chi autres, desche l diretor de Trentino Sviluppo, son jita gio. Se a l’ùltim moment cognessa vegnir a menciar zachei, percheche no i pel più vegnir, fasc Andrea Rizzi. Chest an no l’é mai sozedù ma l’an passà scì.” Che peissela la jent, che opinion èla abù? “Ge à sapù bel e i é stac contenc de esser aló e di rejonamenc che l’é stat fat.” La jent èla tout pèrt a duta canta la scontrèdes? “L’é stat n bel grop de persone che é vegnude béleche semper, autres enveze i é vegnui a scutar demò valch argoment. La soula roba che me à endespiajù l’é che no l’é stat n muie de prejenze da man del diretif slarià de la Ual. Veide che vegn n muie de tesseré Ual, ma no veide da man di autres na gran partezipazion. L cors l’é

Te l’ùltima lezion col professor Diego Quaglioni se à rejonà de autonomìa.

avert a duc, ma se me peisse a duc chi joegn che ence chest an se à arvejinà al Comun General, me peisse che ence ic i aessa podù portar a ciasa zeche dal cors. L’obietif de la Ual te l’endrezar chest cors l’é stat ence ge dar l met de aer na formazion a la jent che se arvejina a le aministrazion. Dut chest me lascia da pissar.” Aede jà tacà a pissèr a l’an che vegn? “Na, pissà amò na, ma per ejempie me é stat domanà che sie zachei che scrive jù, che l fae la relazion de la serada, percheche se per cajo valch sera no se pel jir l’outa dò i podesse saer che che l’é

stat dit. Chest me sà segur bel e se vedarà se se sarà bogn de l far.” Èste abù critiches da man de la jent? “Na, chel na.” Donca se vedaron l’an che vegn? “Ei, l’intenzion l’é chela de jir inant, cognon amò veder con che argoment e co far giust, ma l faron. Ence demò per dute le 30, 40 persone che é semper vegnude e che le à abù piajer de tor part, peisse che ge vel ge dar l met de vegnir amò. Intervista de Valentina Redolfi

Amò l Fedaa protagonist del consei de Comun de Cianacei N lonch consei de Comun olache se à rejonà ence de la circonvalazions, de la zentralina idroeletrica e de la neva comiscions Cianacei - Pecia jent à tout pèrt al lonch consei de Comun de Cianacei, ma fosc, ence se no cognessa esser coscì, l’é la realtà di consees de comun. Pecià aboncont ajache i argomenc a l’orden del dì chest’outa i era n muie e i era ence n muie enteressanc. Anter la variazions de bilanz e etres argomenc più tecnics l’é stat ence rejonà de la costion de la strèda de Fedaa e de la circonvalazion de paìsc, argomenc uzé fora da la lista “Diritti Sociali nella Cominità Ladina” e de la formazion de trei comiscions voludes da la lista “Ensema se pel”. En cont de la domana de reprojetazion de la circonvalazion de Cianacei no l’é stat nia da fèr, la maoranz a à rebadì che l’aministrazion de Cianacei no vel fèr l medemo fal che à fat Ciampedel e risièr de trèr inant per diesc egn zenza ruèr a fèr nia. Per chel che vèrda la strèda del

22

www.lauscdiladins.com

Fedaa da man de Enzo Soraperra l’é stat dit fora dret che dò 30 egn l Comun de Cianacei l cognessa vardèr de se dèr da fèr n’outa per dutes per ressolver i problemes de transit. L’à rejonà de “ingenuità de chi che à volù enscin ades ge creer a la contìes” e l’à dit amò che “l’é stat na gran mencianza de volontà politica da man de la istituzions che per 30 egn à portà dant strategìes falèdes.” Chela del Fedaa l’é na strèda che colea doi provinzies e no l’é possibol che te dut l Trentin la Provinzia abie fat galarìes e super strèdes, ma che te 30 egn sun Fedaa no la sie stata bona de ressolver l problem. L conseier de mendranza Enzo Soraperra à domanà donca che l Comun de Cianacei ciape te man la situazion n’outa per dutes e che l spenje la Provinzia a meter en segureza duta la strèda, e no demò l toch fin sun Fedaa. Dò n’ora de discuscion entornvìa chest emportant pont l Consei de Comun

à aproà dut a una la mozion. Vedaron ades coche se moarà

I conseieres de Comun de Cianacei.

l’aministrazion, che da la ùltima neves l’arà sun chest argoment ence

l sostegn del Comun General de Fascia. (vr)


Val de Fascia

nr. 48 / 11 de dezember 2010

Sèn Nicolò strenc adum la comunanza

Ence a Vich l’é ruà San Nicolò

A Poza la sagra se smaora an dò an tolan ite semper de più la jent e la sociazions del paìsc

“Doi nojele, n pugn de douces, na sportola de pomarances… n preve con l ceston, doi burc diaoi co na puza da bech e n veie co la barba biencia e i eies de bontà! Ciao San Nicolò, l temp no te à mudà, t’es semper l’amich di piciui e di gregn e ence chest an t’es vegnù a portar pasc e ciaut te nosce stue! Dintorn banch da fornel dijon n’Ai Maria e te preon, vardene via e no lasciar che l temp l trae te n cianton l bel recort che tu ne lasce ogni an che tu passe. Ciao San Nicolò e… a n’autra più doucia!!!

Sèn Nicolò te gejia de Poza coi bec e coi conscric, che l’é anter i maores protagonisć de la sagra. (foto Alessio Deluca)

Poza - L’é stat dalbon na bela sagra per duta la jent da Poza che en lunesc à festejà l patron del paìsc. La dezijion de tegnir la festa ai 6, enceben che sie stat de lunesc, se à desmostrà endoinada e la partezipazion é stata dassen grana via per dut l dì. I Krampus regolé sù descheche carenea per far spaent, i busiaa per l paìsc jà da le sere dant, e en lunesc da doman i se à binà ence chi sun piaz de Sèn Nicolò, da olache l’é peà via la defilada per jir fin jun gejia, con la Musega, le autorità, la jent, e soraldut sul londò l Sènt patron, con sia longia barba biencia e sie guant da Vescof. N Sèn Nicolò dalbon valent, che chest an l’aea adertura “i eies del ciel”, l’à encantà duc i bec, e apede a n picol don no l’à mencià de ge far ence valch racomanazion a chi pìcioi. E a la fin l’à abù n bel pensier ence per i bec manco fortuné, vejins e dalonc, e l ge à sport le boneman che l’aea binà sù a le sociazion Bambi e Operazione Mato Grosso. Dò la bela messa ofiziada da don Pio e don Giuseppe duc se à tramudà te tendon, olache presciapech 450 persone à ciapà n rich piat con polenta, liania, formai, craut, fajei... e ence n bon toch de peta da bachec. De gra al Comun de Poza e al Comitat

Manifestazion la bona marena, che chest an per la pruma outa é stata enjignada per endrez di gropes miscionaries Operazione Mato Grosso e Freinademetz, ge é stata sporta ai bec de le popolare e de la scolina e chel che é vegnù ite (ence dai béleche 200 basć de la cena) é jit dut al ben de le miscion. L coinvolgiment semper maor de le sociazion e de la jent (e no demò chi da Poza, ma ence i volontadives da Pera e da Vich à didà, sorafora l ciampanil), l’é stat la rezeta miora che à fat garatar la festa. Dò marena i bec se à godù n sach con l spetàcol di “Fratelli Al” e dapò per endrez de la sociazion Bambi i à podù librar soa creatività e ence se passar n bel moment coi giaves, che i é stac

contenc de poder paar la coriosità di pìcoi de saer co che l’era Sèn Nicolò n’outa... zachei se n’à ence fat marevea de sentir che nesc giaves enlouta i aea i denz per poder zacar le nojele... A la fin la recognoscenza di pìcoi per nesc giaves se à palesà te n bel tabelon pien de colores e tace de pìcole man, che dijea n fort “Devalpai”. No l’é mencià se sà ben l’aprijià conzert de la Musega da Poza, che con soa “verve” la é bona de endeletar dalbon soa jent, e dapò l’é stat endrezà ence chest an la loterìa per l’oratorie e la “conta de le borele”: endoinar tante de borele che l’é sul trator l’é doventà oramai na endesfida anter la jent da Poza, e chest an l’Operazione Mato Grosso à volù pissar ence ai bec da chiò, apede che a chi de le Ande, e i ge à sport l recavà de chest jech a “Bambi”. N gran detelpai de vif cher é ruà per chest da le volontadive de la sociazion che deida i bec che à problemes de sanità, e che no le se lo spetaa proprio: l’é stat n bel varech envers na colaborazion semper maora anter le sociazion e la jent, tel segn de na comunanza semper più solidala e che tegn adum. E per fenir, desche semper da Sèn Nicolò, no l’é mencià i conscric, che con si bie ciapìe da fiores e cordele e soraldut con si gramiai brugn depenc a na vida gustégola, artistica e ironica, i à tout part a la festa dut l dì, fin da sera, canche co la musega di Alpenboys duc à podù se far cater bai en legreza. (lg)

L’èrt de didèr Studenc e ensegnanc de l’Istitut d’Èrt endreza na cena de solidarietà per l projet Ecuador Poza - Na cena pureta de ingredienc ma rica de solidarietà. L’é na scomenzadiva nasciuda da la

L’esperienza fata del 2009 te l’Ecuador à lascià l segn ti joegn de la Scola d’èrt de Fascia, che vel portèr inant l projet ence del 2011.

sensibilità de vèlch ensegnant e student de l’Istitut d’Èrt de Poza per la popolazions manco fortunèdes e pissèda per finanzièr l projet “Da la Dolomites a le Ande” che da l’an 2009 lea la Val de Fascia a l’Ecuador. L’intenzion de chest grop de ensegnanc e studenc l’é chela de jir defat ti vilajes de le Ande per ge passèr sia cognoscenzes artistiches e didèr chesta jent a se enjignèr n davegnir personèl tel mond del lurier. Ajache no i à a la leta scioldi assà per comprèr dut l materièl che serf da ge sporjer a la jent ti posć de l’Ecuador olache i jirà, l’é stat dezidù de endrezèr na cena per tor sù bonamans. L’é emportant ge dèr dut l sostegn possìbol percheche

chisc joegn studenc posse fèr chesta esperienza umana e profescionèla e percheche i posse jir a donèr sia competenzes a chi che amò no les à. La “Cena Pro Ecuador – l’èrt de didèr”, co la colaborazion del chef Luca Rasom, se tegnarà en jebia ai 16 de dezember da les 19.15 aló da l’Oratorie de Poza. Per rejons organisatives ge vel se prenotèr al numer de telefon 0462 763702. N bel develpai dantfora a don Giuseppe Da Prà per sia desponibilità e a duc chi che volarà se troèr en compagnìa per spartir n piat de solidarietà. Duc é envié de cher!

Serena e Ivan

I studafech à festejà Sènta Bèrbola Passa 160 volontadives del Distret de Fascia se à binà ta Cianacei per onorèr sia Patrona e i se enjigna a endrezèr l campionat talian de schi che sarà dai 20 ai 22 de jené te noscia val Cianacei - En sabeda passèda, ai 4 de dezember, l’é stat na dì desvaliva per i passa 160 studafech de la Val de Fascia, da Soraga a Cianacei, che i se à troà da sera duc ensema ta Cianacei per festejèr la patrona Sènta Bèrbola che, dessema a Sèn Forgian, vèrda via i duc studafech. L prum moment de la festa l’é stat la messa zelebrèda te gejia del Sacro Cher dal curat don Stefen che endèna messa à rengrazià più outes i studafech per l gran servije che i fèsc per noscia comunanzes, troan anterite ence desvalives leames anter la letures e l vangele de chela dì anter i ensegnamenc del Segnoredìe e l se meter a la leta di studafech. Fenì che l’é stat chesta pruma pèrt religiousa, i se à spostà duc aló dal chino Marmolèda olache l’é stat n moment mìngol più istituzional, co l’adunanza de distret, dassen emportanta per fèr l bilanz anuèl de la ativitèdes e programèr l davegnir. A dèr l benvegnù, a sporjer n salut e n gran develpai a pompieres e aministradores l’é stat l’Ispetor del Distret de Fascia Rinaldo Debertol, che à portà dant chel che l’é stat tel 2010 e chel che sarà te l’an che vegn. Mascimamenter l se à fermà a prejentèr chi che cognessa esser i doeres di studafech e la preparazion che i cogn aer per poder entervegnir tel temp più curt possibol e te la maniera miora. Per chest, ence del 2009 l’é stat metù a jir desvalives corsc de agiornament per esser semper enjigné delvers e bogn de durèr la fornimenta semper maora. Dò de chest l’Ispetor à portà dant i numeres di intervenc fac chest an dai studafech de duta la val: passa 550. Anter chisc 12 feghes te la cèses, 27 azidenc te strèda, 34 de didament al socors con l’elicoter e passa 50 de suport a manifestazions. Apede i intervenc, soraldut d’aisciuda e d’uton, te ogne paìsc

ogne setemèna vegn fat ejercitazions e manutenzion. Per chel che vèrda l’an che vegn, jà de jené i studafech fascegn sarà ciapé da l’endrez de la vinteseteisema edizion del Campionat Talian de schi di studafech che vegnarà fat dai 20 ai 22. Chest event vedarà ruèr te Fascia passa mile atlec de duta la Tèlia. L 2011 sarà n an rich de corsc e emportant ence per la neva fornimenta che vegnarà dat fora, soraldut per la neva tecnologìa digitala con de neva radio per na comunicazion miora. Novitèdes ence dal pont de veduda legislatif, tant a livel provinzièl che de Comun Generèl. Doi paroles les é states spenudes da man de l’Ispetor ence per recordèr l’emportanza di joegn e del grop di studafech arleves, che lascia pissèr positif per l davegnir. Aldò del bilanz à volù tor parola ence la doi maora fegures politiches e istituzionèles de noscia val, la Procuradora Cristina Donei e l Conseier Luigi Chiocchetti. Duc e doi ge à sport n gran develpai ai studafech per dut chel che i fèsc e per chel che i raprejenta, tant te noscia comunanzes che per duc chi che i ne veit da fora. Orgolie e ejempie, mascima per i picoi e i joegn che, descheche à dit Luigi Chiocchetti, i veit tel studafech na fegura forta, segura, sìmbol de disciplina e didament. N gran rengraziament l’é stat fat ence per la families di studafech che ge stèsc apede e les soporta l mencèr da cèsa. A serèr su chest moment l’é stat chiamà sun paladina i ombolc e i comandanc de Fascia che un a un ge a consegnà i atestac e n gran develpai a chi che à arjont i 15, 20, 25, 30 e 35 egn da studafech. Dò de gregn batimans e n picol marendel, i studafech i é ponté via ti respetives paìjes per serèr sù la festa co na bona magnèda e dotrei bai. Cristoforo Debertol

L logo di campionac taliegn de schi di Studafech. www.lauscdiladins.com

23


Val de Fascia

nr. 48 / 11 de dezember 2010

25 egn de empegn e ensegnamenc preziousc Na bela festa per i jomelign Con la messa e la premiazion di più fidei l’é stat fat festa per l chèrt de secol de l’Università de la jent de età te Fascia

La Procuradora, la Sorastanta e i aministradores de Fascia à tout pèrt a la festa per i 25 egn de l’Università per la jent de età a Poza.

Poza - No somea nience vera che sie passà dut chest temp, e enveze scì, l’é ja passà 25 de egn da canche la dotora Rita Tentori, enlouta secretèra del Comun de Poza, se aea pissà de portèr dant ence te Fascia n cianton de formazion per la jent de età. Dò chesta proponeta l’aministrazion de comun, vidèda enlouta da Danilo Dezulian, l’à tout sù l’empegn e anchecondì da l’università de la jent de Fascia l’é stat arjont de gregn resultac. Ades, an 2010, i scric ite i é 66 con na età che va più o manco dai 65 en sù. En particolèr la media di partezipanc é entorn i 75 egn, na media piutost auta e che moscia la volontà e l piajer de tor pèrt a la ativitèdes de l’università che via per l’an les perveit lezions teoriches e corsc de ginastica. La senta te duc chisc egn no la se à mai spostà da Poza e per chi che é dalonc l’é a la leta n servije de trasport sport dal Comun General e spartì dapò fora per i Comuns. Dò duc chisc egn donca, en

vender ai 3 de dezember l’é ruà ence l moment de fèr n bilanz e se fermèr amàncol per na dì per fèr festa duc ensema. Da les 3 domesdì te gejia de Poza l’é stat na bela messa ofizièda da Don Giuseppe che à sotrissà l’emportanza te noscia comunanza de la jent de età. “No se lascia mai de emparèr”, l’à dit, con chela che no demò la jent de età, tras chesta università no la lascia mai de emparèr, ma ence tel vers che veit nesc giaves desche n

ejempie e n model da tor dant. Sion più che dut nos che da ic no lasciaron mai de emparèr. Dò messa te sala de consei del Comun de Poza l’é stat fat mìngol de festa averta con i intervenc de salut di aministradores de val, che no à volù mencèr a chesta ocajion per ge sporjer n fort rengraziament a duc i prejenc, e ence a chi che per problemes de sanità no à podù tor pèrt. Per l’ocajion l’era la Procuradora Cristina Donei, la Sorastanta Mirella Florian e i raprejentanc di comuns de Fascia: Lara Brunel, Renzo Valentini, Renata Mattevi, Lucia Deluca e Manuela Rossi. La jent de età l’é dassen n patrimonie per duta noscia sozietà e per l davegnir de nesc joegn. Demò pissan a dut chel che i à passà fora te sia vita duc nesc veies i à n valor spezièl e de pruma emportanza, ùtol soraldut a tegnir ensema duc nos fascegn, dai più pìcoi ai più gregn. Duc chi che à podù no i à volù mencèr a la festa per chest emportant cedean, che à dat l met ence de premièr i “studenc” più fidei con 10, 15, 20 e 25 egn de partezipazion. Recordon, anter chisc, la studenta più veia con 25 egn de iscrizion a l’Università, che l’é Teresina Sopperra da Pera. (vr)

N muie de “studenc” se à binà te sala del Consei de Comun de Poza per festejèr l cedean de sia Università.

L’Enzo Cioto e l Vigilio Trinele à endrezà n bel moment de legreza per i “medemi” de Moena

L grop de jomelign da Moena con l’Enzo e l Vigilio, don Enrico Conci e Luigi Chiocchetti.

Moena - La vea de Sèn Nicolò no l’é stat la festa demò per i più pìcoi, ma ence per duc i jomelign del paìsc de Moena, olache n’é adertura 44. La bela idea de binar ensema i jomelign é nasciuda da l’Enzo Chiocchetti Cioto che ensema al Vigilio Chenetti Trinele i se à empensà, anter na ciacola e l’autra al bar, che fossa stat dassen bel endrezar valch da gustégol. Coscita i à contatà duc i jomelign, i à manà fora i envic, i à resservà na saleta al bar Faloria, i à comanà n bon marendel e i se à dat apuntament per en domenia ai 5 de dezember. L’Enzo, aidà da soa femena Maria Angela e dal Vigilio, l’à pensà proprio a dut: l ge à enjegnà na bela rösa a le femene e valch da doic e n pìcol peluche a duc i più pìcoi. E no basta, i se à recordà de festejar ence duc i Nicola, Nicole, Nicolina, Nicoletta e Nicolò. Pecià che no duc i à tot sù l’envit, ma i più feruscoi i se à godù la festa e i ge à fat na spana de cör a l’Enzo che l ge à metù empegn e pascion per endrezar dut aldò. L’Enzo, te so descors de salut, l’à volù ge sporjer n develpai a duc

i jomelign, ai genitores di pìcoi e en particolar a le femene che “con più sacrifizie le ne porta al mondo.” Ence Don Enrico Conci e l vize president de la Region TrentinSüdtirol Luigi Chiocchetti i à portà so salut e chel de l’aministrazion. “Voi jomelign siede fortuné, percheche siede dopies e podede portar l dopie contribut a la comunanza.” – l’à dit Chiocchetti. L’Enzo Cioto l’à dapò volù recordar ence duc chi che mencia, de sie defat i é resté soi, ence l’Enzo e l Vigilio. Anter duc i 44 jomelign, l’é 4 cobie mescedade, 3 cobie con demò femene e 12 l’é cobie con jomelign omegn. A chesta festa, che é stata endrezada per la prima oita, à tout part gregn e pìcoi. Le doi jomeline Giada e Giorgia De Palma é state dassen contente de se troar ensema: “Sion jite ence a la scontrada di jomelign de duta la Talia a Rimini – le à dit - e aon cognosciù n muie de jovegn desché noi.” Dò na bela viva, i se à sentà jù a se magnar valch duc ensema, a se far cater ciacole e se cognoscer miec anter jomelign, per se dar endò apuntament a n auter an. (mci)

Chi él pa? Soluzion del retrat su La Usc nr 47 A ne dèr la soluzion, apede a la medema Ester Gross, l’é stat Fausta e Adele Pollam del Maester, Giuseppina Rossetti, Antonietta Pederiva Winterle e Lino Medico che ne à dit ence de che an che i era. Sul retrat l’é: 1. Carlo Lorenz

L retrat che aon publicà la setemèna passèda ne era stat portà da Ester Gross de Ciaria e l’era stat fat l dì de la noza de Mario Pollam de Ciascian, studafech da Vich, con Mafalda Trottner del 1965.

1

2

5

3

4

24

www.lauscdiladins.com

6

7

Boret (del 1920); 2. Carlo Gross Ciaria stat comandante di studafech (del 1897); 3. la sposa Mafalda Trottner de Lonch (del 1941); 4. Mario Chiocchetti de Roja (del 1932), per Lino e Fausta e Adele podessa esser enveze un di frades de la sposa; 5. l spos Mario Pollam de Ciascian (del 1940); 6. Raimondo Vian de Cornet a ciaf di studafech (del 1907) e 7. Leo Anes de Bafo (del 1928). Chesta setemèna ve meton dant n retrat fat sui portoes de schi e speton voscia respostes dant de en mèrtesc per telefon o fax al 0462.764545, o per mail a la direzion lausc@ladinsdefascia.it. Ge sporjon n bel develpai a chi che se sproa a troèr fora la jent e a chi che ne porta i retrac, e i ne deida coscita a viventèr chesta rubrica e a meter ensema vèlch mizacola de storia de noscia jent: ve envion a ve fèr inant per ciapèr en don na publicazion de l’Union di Ladins.

3 1 2


nr. 48 / 11 de dezember 2010

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Doi laour a cost śèro per l Comun

Nuos consiadous al Cèsa de Jan

Grazie ai finanziamenc de Region e Bim. N previjin ence de ncassé 24 mile euro mplù da l’Ici

Pellegrini sprelongia suo mandat da prescident fin de mèrz

Comun - Strada de Fráncia e laour a le scòle a cost śèro per l Comun. Chëste le ( bone ) novité vignude fòra ntel l ultimo consei de comun che pervedëva n pont sol da descore fòra. Na cuestion deldut burocratica, per mpermëte a l’aministrazion de comedé decà e delà mpuò de capitoi del bilánz, ma che no n à sparagné chèlche bela sorpreja per le casse del Comun. N particolar per chël che auda prò doi laour publizi, che, grazie ai finanziamenc de Region e Bim, i s’à paié fòra al 100%. Un l é chël de la nuova strada de Fráncia, finanzié sul Psr ( Plán de Svilup Rural ) con 180 mile euro. Con chëst proget l Comun da Fodom, cajo plu unich che raro, l é rué secondo n graduatoria, davò demé a un prejenté dal Comun de Belum. Na outa otignù chëst contribut, l’aministrazion la n’à damané n auter al Bim, che l dáida prò a progec bele

Còl - I dis passèi al Istitut Cèsa de Jan l é ste clamé ite consei cultural, consei de aministrazion e la sentada de sòzi per descore fòra e pianifiché le ativité per i agn che ven e l bilánz de previjion ladavò. L Istitut no l é recugnisciù come istituzion, ma l é n’associazion che laora souradut grazie a contribuc conzedus ann per ann su prejentazion de deplù progec de finanziament. Ogni ann spò l è debujen de porté nnavánt n gran laour de programazion per podei seguré la continuité de le scomenciadive bele nviade via e l personal che vòl per svilupé i progec pervedus. Grane novité

finanzièi per daidé i comuns a curì la pèrt che i é spetëssa de cofinanziament. E ence da chilò l’è ruada la bela notizia del stanziament de autri 66 mile euro, che de fat mpermët al Comun de se vedei finanziada la strada al 100%. Con chëst, l’aministrazion l’à podù antizipé a sto ann de nvié via l bándo per i laour, garanzia mplù che i loaur i pòbe scomencé e magari ence ester fenìs via per l ann che ven. L secondo laour l é chël del rifaciment del tët de la scòla elementare da La Plié, bele fenì via ai prums de setembre. Proprio per avei rué i laour mpruma del temp pervedù, l Comun l à ciapé come premio da la Region, autri 15 mile euro, l 10% del impòrt dei laour. A chisc s’à njonté autri 22 mile euro del Bim che à mpermetù ence chilò de curì cuaji deldut la speisa. Content l assessor al bilánz Claudio Sorarui. “Co on fat ju l bilánz sonve stèi scialdi prudenc” l disc. “Ma pò

una ndavò l’autra i è ruade chëste bele notizie che n’à mpermetù de avei dut n atif sto assestament de bilánz.” Bone nuove ence del vièrs de l’Ici, che per st’ann l’assa da porté nte le casse del Comun 24 mile euro mplù. L Comun l à po’ dezedù de mpieghé sul capitol per l’enciaria a la progetazion de laour, i 28 mile euro che restáva dal avánz de aministrazion 2009. Del vièrs de le speise de investiment l é ste ntegré l fonz de riserva n previjion de speise, come per ejemple chële per palé la nei, che podëssa sauté fòra via per dizembre. L é ste spò ntegré: con 5000 euro l capitol manutenzion del patrimonio comunal ( per laour al zenter servisc de Rèba ), con 10 mile 800 chël per compré atrezadure e aredamenc per la cèsa da paussé Vila S.Ijep, con 36 mile chël per la manutenzion de le strade de Comun (asfalti) e 20 mile per la strada “Andrac – Larcionei”. (ls)

Ma la coerenza dei politizi belumac ulà ela?

davò le ultime sentade per l Consei Cultural e per chël de aministrazion. Ntel prum l é ste slargé l numer dei componenc che veiga ades ence la prejenza de la dott.sa Sabina De Cassan. Ntel secondo l é ste nominé Stefano Verocai n raprejentánza del Comun de Cortina e Sofia Vallazza per l’Union dei Ladign da Còl. A l’ordine del dì de l’assemblea dei sozi, auna a l’aprovazion del bilánz de previjion, spetáva ence de voté l nuof prescident del istitut, per via che chël atual, Nani Pellegrini, l à fenì suo mandat de cater agn. Ma la votazion, sentuda la disponibilité de Pellegrini, l’é stada sburlada a mèrz del 2011. (sl)

Ci valent S.Nicolao..ci poura i “krampuz” Tradizion respetada ja Còl. Aprezé l davòmesdì co i “Attori per caso”e l coro “Sui sentieri del canto”

Duc i partic, fòra che la Lega, sostén l referendum per “Belluno Autonoma”. Ma co l à fat i trei comuns ladin no dijëveli che con chëst no se va da deguna pèrt? L comitat che sostén l referendum per damané l’autonomia de la Provinzia de Belum e po’ che chësta passe sot la region Trentin – Südtirol l à coiëst su 16 mile 500 firme nte zirca doi meisc. Prëst le vignarà prejentade al consei provinzial, che pò l avarà da dezide se mëte a jì l iter per rué a nen refenrendum, coche bele fat a Lamn, Sovramonte, ntei trei comuns ladins de Fodom Còl e Ampëz e a Sappada. Fin chilò nia de coscita marevoia. Chi no metësselo na firma per vèlch da de tèl ? La no costa nia, no t’as da te mpegné a fè nia. Gnánca da pensé su ci che te fajësse se n di del bon chëst podëssa suzede. Percié no firmé per la prospetiva de na bela ciouriada ? Ence perciéche i medemi promodous del referendum, sun suo scito internet, i disc ciaro che delà per duta na Proviniza, no l é gnánca pervedù da la Costituzion. Chëst vòl di che le poscibilité che vegne aprové l referendum da pèrt de la Court Costituzionala i é mánco de śèro. L articol 132 l descor che i comuns po’ damané de cambié region, no duta na Provinzia.

Politicánc senza plu idee Chël che lascia del bon de marevoi e fèsc ndessené, n particolar chi comuns, come Fodom, Còl e Ampëz, che i à fat n referendum per rehon storico – politiche e culturai, l é mprumadedut l comportament e l ategiament da pèrt dei partic n Provinzia de Belum n cont de chësta scomenciadiva. Duc, fòra che la Lega Nord, che nveze, almánco a parole l’à très dit de sostignì le aspirzion dei comuns ladins, i l’à sostignuda a gran ousc. S’à sentù di che chësta l’é na gran oportunité per la Provinzia. Ence se pò plu de un à mossù amëte che a la fin se trata de n’azion portada nnavánt per disperazion, perciéche chësta Provinzia la no sa plu a ci se taché

per no jì a remengo sot l peis del spopolament, de la disocupazion creada n particolar ntel Ciadoure, da le gran fabriche de oglèi che à saré una davò l autra. La proposta de referendum l’é stada aprovada cuaji a l’unanimité da le assemblee provinziai de chèlche partit, come per ejemple l Pd. A sosten de chëst “vare” che assa da fè la Provinzia, s’à esponù ence singoi politizi. Un per duc l onorevol Maurizio Paniz (Pdl), che à definì l refenrendum, nte n’intervista a Radio Cortina, come “na gran oportunité per la Provinzia de Belum.” De na scomenciadiva da sostignì perciéche democratica e dut l bla bla bla che n bon politico e n bon avocat sa da trè fòra. Ma come ? No n evelo proprio dël, auna a troc suoi coleghi de duc i schieramenc politizi, fòra che la Lega, che taiëva ju del referenudm dei comuns ladin co l di che l é demè n at da secessionisć, che no portarà mèi a nia, che degun comun sen jiarà dal Veneto. E pò che chëst l é demé oportunism, che chisc comuns i lo fèsc demé per cuestion de sciòldi e che la cultura e la storia i é demé na scusa. Finamèi vigniva metù n dubio che l dut siebe legal, perciéche a fè l referendum l eva trei comuns auna. No n evelo dël, auna a troc autri, a di che nveze toca tò via le region autonome, che duc à da ester compagn? Ncuoi che n comitat ics ipsilon, no i medemi comuns, enc de le istituzion plu damprò a la jent coche suzedù a Fodom Còl e Ampëz, i se mët n testa de fè n referendum, recordónlo, gnánca pervedù da la Costituzion, nlouta ie da l plen sostén. Nten colp chëst no l é plu secessionism ma at democtatich. Nten colp dut l é legal, ence se coscita no l é. Saralo n cajo che per sostignì coscita dassën sta proposta de referendum, partic e politicánc belumac i abe speté de vedei cotánte de firme che l comitat l eva bon de coie su ? No de segur. Perciéche chëst

l eva chëla che assa fat la diferenza. Se le firme le fossa stade doi o trei mile i no s’assa scomodé. Ma co le elezion a le porte, chèl politico no sostignisselo 16 mile firme? A desmostrazion, ncora nviade, che a lori i é nterescia demè i voti, i gragn numer e no le dománde, ben plu legitime e motivade, de na popolazion de mendránza come chëla storia ladina n Provinzia de Belum. Chël che n ven fòra l é cuadro da se avilì de na clasce politica, chëla belumata, senza plu idee. Che cor davò a ilujion, a ciauriade. Che no i bogn de mëte mpé n proget concret per chëst teritòrio che no l à mèi bu n’unité, perciéche metù auna da realté storicamente e culturalemnet massa desferente ntra de dële. N teritòrio che l é drio a jì a remengo, che vignarà sefoié e nglotì prësta da la Provinzia de Trevijo, coche ipotizeia Bortolo Mainardi, consiadou cadorin de l’Anas. E nos con dël se la politica no se spazarà a concretizé chël che s’damané co l referendum del 2007.

Istituzion strumentalizade L secondo aspét che lascia l èje nte la bocia l é vedei coche, ence a livel local, se strumetalizeie n at democratich come l referendum per passé de Region, pervedù da la Costituzion. L comitat promodou del l referendum provinzial e i politizi belumac che l sosten, i no s’à mèi sconù a di che chësta a la fin l’é na provocazion, n modo come n auter per otignì atenzion, vedù chël che l é suzedù per Fodom, Còl e Ampëz. Ma coscita se sminuìsc l gran valour che à l referendum e souradut se sminuìsc l emportánza che l à per la voia de rinunificazion de le popolazion ladine. E pò se se fèsc de marevoia se la jent no l’à plu respét e la crei très demánco nte le istituzion. Dut cosciderazion da se mëte via e tò ca co la se tratarà de jì a voté. (ls)

L coro dei tosac “Sui sentieri del canto”.

Còl - Come da tradizion, domënia 5 de dizembre la Pro Loco de Còl e nvalgugn volontars i à metù a jì la festa de S.Nicolao. Na festa trop spetada dai tosac che, bele da le 4 davòmesdì, i à mplenì i sèlf de le ex scòle elementari, auna a genitori, nòni, paejagn e jent dai paisc dintournvia. L davòmesdì l è pié via co l spetacol teatral dei “Attori per caso” che i à nterpreté la storia de Pinocchio. La braura dei artisć l’à tignù fats e passé a duc na bela ora n alegria con una de le storie per tosac plu cugnisciude. Po l é ste la outa de l’ejibizion dei tosac del coro “Sui sentieri del canto” che, sot la direzion de Roberta Codalonga, i à fat scouté su nvalgune

bele ciántie ntánt che ruáva S. Nicolao. E S. Nicolao l é rué puntual su nen ciar, auna a doi ángioi e i “krampuz”. Coscita, ntánt che la nei tomáva ju fiscia, i tosac i s’à metù n fila per ester damanèi fòra se i savëva le orazion. A duc S. Nicolao no n à mancé de scinché n sciachét de douc, barbagigi e mandarini, ntánt i che krampuz i fajëva scherzi a duc. Per duc chi che à tout pèrt no no n é mancé ciastegne, thè, brulé e biscoti fac n cèsa per l’ocajion. I organizadous i rengrazia duc chi che à daidé prò e i se augura che n auter ann se ciafieie ndavò a mëte a jì n S.Nicolao ncora plu rich de alegria. (La Pro Loco de Còl e i volontars)

S.Nicolao l é rué acompagné dai ángioi. www.lauscdiladins.com

25


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Anpezo

nr. 48 / 11 de dezember 2010

Un socorso par ra Dolomites

Libera nos, Domine

Se scomenza a lourà senpre depì aduna, inze ra nostra tre provinzies, de Belun, Bolzan e Trento, par se ciatà, se conosce, se cordà e podé fei ancora meo i socorse in croda. Ra prima scentada in Anpezo, ra ota che vien, de maśo de ‘l 2011, a Trento

Pensiere su ‘l tenpo d’outon, che ‘l é un di par sorte

El nosc elicotero de el Suem da Piee, su ra Tore Granda de ra Penes de Naerou; chesto ‘l é ‘l elicotero che ‘l é tomà, inze ‘l Ru de ra Graes, sabeda 22 de agosto 2009.

Par lourà polito, par reduje algo depì, beśen lourà aduna con chi outre. Un fesc par un, doi fesc par tre, i dijea. I ‘l à pensà anche chi de el socorso in croda, che i dora ‘l elicotero, de ra tre provinzies de Belun, de Bolzan e de Trento. Canche i s’à ciatà, in Anpezo, i à dito che ‘l é biśoin de se cordà, un co ‘l outro, de ese pronte a moe fora aduna, canche suzede algo de burto, in croda, che i ome i à da fei coinpain, de ca e de là de un confin, se i fesc el medemo jesto, el medemo laoro. Dapò chesta prima ota, i à deziso de se ciatà almanco doa otes a ‘l an, con chera de fei senpre meo, par ese pi svelte, a dià chi outre, che i à pi biśoin. In Anpezo s’à parlà de ‘l elisoccorso, de chesta machina, che ra rua da ‘l ziel, e che ra sparagna un grun de laoro, de fadia, de

pericol, par i ome, che ‘na ota i aea da śì senpre in croda, co ra cordes, i ciode, bel o burto che fose. Ma, ancora ancuoi, calche ota ‘l elicotero el no và adora a oujorà, parcé che ‘l é scuro, parcé che ‘l é caligo, e beśen tornà a moe a ra vecia, cemodo che se fajea ‘na ota. In Anpezo, inze ra sala cultura Don Pietro Alverà, betuda par deban da el Comun de Anpezo, a voré chesta scentada ‘l é stà el Suem 118 de Belun e ra II Delegazion del Cnsas, el Corpo nazional de el socorso alpin e speleolojico Dolomiti Bellunesi. “On fato duto chesto par bete aduna i tecniche e chi de i servizie de socorso co ‘l elicotero de ra tre provinzies de Belun, Bolzan e Trento – el me disc el dotor Giovanni Cipolotti, primario de el

Suem de Piee de Cadore – par podé lourà dute a ra medema moda, fei duto conpain, e se cordà, canche ‘l é da fei un socorso aduna, cemodo che suzede, inze i poste de confin, su ra crodes de ra Dolomites”. A chesta prima riunion ‘l ea śente de i servizie de elisocorso de ra provinzia de Bolzan e de ‘l Aiut Alpin Dolomites, de ra provinzia de Trento, del Cnsas de Belun, Trento e Bolzan, betude aduna da el Suem de Belun. Intrà i zavarie pi grei, ‘l é stà dito de cordà ra trasmisscios radio, intrà i elicotere e ra stazios de el socorso, ra tre zentrales operatives; ‘pò beśen aé ra medema cartes, ra coordinates jeografiches, da se ciatà fora, agnó che ‘l é da fei el socorso; beśen aé i medeme orarie de laoro, no che calchedun tache ignante o fenisce dapò, pi che see par ra ores pi difiziles, su ‘l sol fiorì, o su ‘l leà de ‘l soroio, da bonora; duto un discorso aposta ‘l é da fei par ra laines, el pericol pi gran, su ra nostra crodes, d’inverno. “A se ciatà, a se parlà, a se cordà, se và adora a se conosce, e coscita se pensa de podé lourà meo, da ca inaante, pi svelte e pi segure, par dià ra nostra śente e i foreste, che i và su par ra crodes – el śonta pede el dotor Cipolotti - ma ‘l é soutà fora un grun de outra robes, de discute, da se parlà, da in saé depì. In parlaron danoo, dute aduna, ‘st’outra ota che se ciataron, e ‘sta ota sarà inze ra zità de Trento, par el mes de maśo de el 2011”.

Dapò tanta pioa, el tenpo somea che el bete ra testa a posto, a vede cuante dane che ‘l é suzedù, con duta ‘sta pioa. El Veneto ‘l é stà tocià malamente; in tanta ciaśes ‘l é rua r’aga, families intieres ‘s é restades netes de lescia, inze poca ores, tanta aziendes ‘s à abù dane, el laoro de ‘na vita intiera, de sacrifizie e zaarie. Duto cuanto s’à podù vede par television e lieśe da i jornai, cuanto che ‘l é stà destruto, in poco. I Venete, śente che à abù senpre tanta voia de lourà e de bete pede, di par di, par reduje algo de ‘l ver e stà segure, par i anes che vien drio, i à tanto padì. Fesc tanto burto, vede e sentì sta robes: ci che laora e sparagna, i pó capì ce che vó dì restà senza nuia. Fejéa pecà, a vede chera por śente, con boteghes destrutes, pien de aga, in ogni cianton, machinarie da no

podé pi dorà, cianpe enpide de aga e de pantan, destruto duto el laoro de anes. Ades speron che duto se bete a posto e che chera por śente r’ebe ra forza de śì inaante e ciapà inze da capo, che el Goerno i die una man, e cuante chi che pó, con sode o chel che i à,che dute i torne a vive e ese pi in pasc, par el so doman. No ‘l é solo el Veneto: anche in basa Italia ‘l é stà tanto dan, intrà r’aga e ra roes, a scuerśe su duto. Casù, intrà ‘sta crodes, son pi segure, anche se ón da pensà che ‘l é senpre da stà de sguaita, par ra laines, par ra roes, ma speron che ra Madona de ra Difesa ra see senpre con una man sora de nośoutre, da no aé da vive con chesta burta desgrazies śo par sora. Teśele Michielli Hirschstein

Ra ciaśes, i cianpe, ra strades: duto sote r’aga, par ra agajon che r’à petà su ‘l Veneto, su chera por śente.

I schie e ra storia de Anpezo Una bela mostra, in Ciaśa de ra Regoles, nasciuda da ‘l amor de Ijuco de Zenzo, portà inaante da Roberto Girardi Beta e so fiol Mauro. I atreze e i canpioi, de ‘na storia coscita longa, coscita bela. Un sport che ‘l à mudà ra sozietà e r’economia de el paes e de ra so śente

El nosc canpion Bruno Alberti, che el strenśe inze man un de i “so” schie, che i portaa el so gnon, fate in Anpezo, da ra vecia fabrica Morotto, a ra mostra in Ciaśa de ra Regoles.

I schie i é ruade, a ra fin de ‘l Otozento, a mudà ra storia de Anpezo. Da ‘l prin di, che calchedun à scomenzà a slezià su ‘l gnee, con chera brees sote i pes, no n’é pi stà conpain de ignante. Alolo dapò de ra Prima guera , el turismo ‘l à enpì

26

www.lauscdiladins.com

anche ‘l inverno, che ignante ‘l ea solo che d’istade, e duto par i schie, par i ski, cemodo che i dijea inalora. Par in saé depì, de chesta storia, coscita longa, se pó śì a vede ra bela mostra, che ‘l é in Ciaśa de ra Regoles, par doi piane, de sote e de

sora. Se ciata de duto. Pi che see schie, de duta ra epoches, da i pi vece a chi pi noe; ‘l é fora finamai i schie de Kristian Ghedina Broco, chi che ‘l à dorà a Kitzbuehel, par fei chel souto, śo da ‘l pe de ra pista Streiff, chera ota che ‘l à daerto fora ra janbes, a 137.2 chilometre a r’ora. A bete aduna chesta mostra ‘l é stà Mauro Girardi beta, aduna con so pare Roberto, ma duto nasce da el material che ‘l à betù via, par anes, Luigi Zambelli, el nosc Ijuco de Zenzo, un de i prime maestre de schie de Anpezo, un de chi che à betù aduna ra Scora Cortina, de ‘l 1933, par anes paron de chera botega Olimpia, inze piaza. Ignante de morì, el ‘l à lascià ra so colezion a Roberto Beta. Pede a i schie, a i scarpoi, a duta ra sortes de atache, da canche se doraa un venco incrojà, a ra stringhes de corame, a ra banda, a ‘l azal, fin a chi pi moderne, se ciata un grun de robes, alcuantes propio stranbes. Se vede el vecio souto de Śuel, fato de len, de trae, che ‘l ea su l col de ra Viza de San Roco, fato su par i Mondiali de el 1941, ignante de fei su chel de peton, par ra Olinpiades del 1956. I ‘l à fato in

pizo, ma ‘l é gran isteso, da podé vede polito cemodo che ‘l ea. Se vede ra vecia machines, da storze ra brees, pi che see de frasin, da fei schie. Chel di che i à daerto ra mostra, ‘l ea un grun de śente, ‘l ea trope vece canpioi de schie. Manciaa Carleto Lete, morto da poche dis: i aea domandà a el de taià el nastro, de inaugurà ra mostra, inveze el no n’é śù adora. Coscita ‘l ea i so neode, doi pizete che i cresce drio ra so fates; i à dà a lore ra forfesc, par taià el nastro. “Chesta mostra r’à da śoà propio par chesto – el me conta Mauro Beta – par fei conosce ra storia de i schie, de i nostre canpioi, de el nosc paes, a i śoen de ancuoi e a chi de doman. Voron recordà ra storia de i schie, ignante dorade par se montà, fora laoro, mangare de ‘l domegna, e dapò deentade un atrezo de laoro, par tropa śente, a i fei ciapà ben da sode. I schie i à mudà ra storia de Anpezo, e ra mostra ra ‘l fesc vede. Con chera, se sà, de śì adora a fei un museo de i schie, de ‘l śì in croda, de el sport in Anpezo”. Intrà dute chi outre, ‘l ea Bruno

Alberti Nito, el nosc Bril, cemodo che ‘l é conosciù in Anpezo, un de i canpioi de i anes Zincuanta e Sesanta. Intrà dute chi outre, che ‘l é fora inze ra mostra, ‘l é anche i schie Bruno Alberti, che i fajea inze ra fabrica de ra Morotto, inze a Fiames, ignante de ra sarà. “Ei un grun de recorde, leade a i schie – el me disc el Bril – e dute biei, de canche fajee ra gares, de canche i ei dorade par lourà”. “Anpezo ‘l ea un paes che ignante el vivea de canpagna, de bosco, de besteame – ra śonta pede Giovanna Martinolli, loudaduó a ra cultura de el Comun de Anpezo – e coscita ‘l é restà fin deboto de ‘l Noezento, con nafré de turismo d’istade. Dapò ‘l é ruà i schie, a mudà duto, a portà ra śente d’inverno, i foreste, e a fei deentà Cortina una de ra stazios de turismo pi conosciude par duto el mondo, fin a ra Olinpiades de el 1956”. De schie, in é anche de pi noe, fate dapò de chel an, deboto fin ancuoi. Fin a i schie, se dijea, de Kristian Ghedina, che el doraa par ra gares. E ra storia, se sà, ra no n’é fenida, ma ra và inaante anche ancuoi. Ogni di. (mdm)


Anpezo

nr. 48 / 11 de dezember 2010

Ra Young Band par ‘l Avento

Fregores

I musicantes pi śoen de ‘l paes, coscita varentes

Alcuanta noes in curto, da Anpezo e da fora El Vajont el rua in Anpezo Ra desgrazia de el vajont, de i 9 de otobre de ‘l 1963, r’é ra pi granda, de cheres fates da ‘l òn, suzeduda in Italia. Chel rejistro el no n’à tocià noma el paes de Longaron, o ra provinzia de Belun, ma ‘l é ruà daparduto. Par ‘sto an, anche in Anpezo se vó fei algo, par se recordà de chel che ‘l é suzedù inalora: coscita s’à vorù parecià ‘na mostra de fotografies, inze el Comun Vecio, daerta par ‘l inverno, da sabeda 11 de dezenbre inaante, fin ai 29 de jenaro 2011. “Chesta mostra ra me lea ancora depì a ci che ón śo par pede – ‘l à dito el Comun de Anpezo – e ra me dia a no desmenteà, par vede de no se falà danoo, de no fei i medeme sbalie. E se recordon dute che, inalora, el nosc paes ‘l ea stà pede a chel de Longaron. A trope i sovien de i pizete de Longaron, che i vegnia a scora fin casù, da nośoutre, par calche tenpo, dapò de ra desgrazia, e s’i vedea con chera fazes pardudes. Se recordon che ‘l é stà anche marangoi de ‘l nosc paes, co ‘l cuore jonfà da ‘l despiazer, a fei fora ra cases, da seporì i morte. Dute nośoure ón vito el Vajont, inze de nos, e ra fotografies che podon vede, inze ‘l Comun Vecio, es me mena su chestra strada de ‘l recordo”. Ra mostra r’é daerta dute i dis, da martes a domegna, de ‘l dapò disnà, dares 17 ares 19.30.

El Coro Cortina par r’agajon de el Veneto El Coro Cortina ‘l à ciamà un grun de śente, inze ra jeja de San Iaco, sabeda ai 4 de dezenbre, par un conzerto gospel. Chera parsones ‘s à abù bon cuore e ‘l é stà strutà su 1.100 euro, da i dà a chera por śente, de el Veneto, che r’à pardù tropo, o finamai duto, par r’agajon de ra setemana pasades. Chera sera r’é stada pareciada aduna co ra Associazione per lo sviluppo delle attività corali. E coscita s’à podù fei el conzerto, aduna co ‘l coro Affetti Sonori, che el vien da Trebaseleghe, pede Padova. Dapò de ra prima tre canzos, ciantades da el Coro Cortina, ‘l é stà chiste cantore venete, direte da ra maestra Rossella Bottacin, a scioudà chera sera, co ‘l fiedo defora, con tropa bela canzos, intrà ra pi conosciudes de el gospel, fin a “Oh happy day”, a sarà ‘na bela sera de musica.

Robes de ‘l outro Geo Magnàs e sarvije anpezane i é stade toleste śo sabeda ai 4 de dezenbre, sote el padeon de ra musica, inze piaza, da i ome de ra trasmiscion “Cose dell’altro Geo”, de Rai Tre, che i fajarà vede el prin de l an 2011. Massimiliano Ossini, che l oga chesto programa, l à parlà con alcuante coghe de i nostre ristorantes, de casunziei, de pucia e de formei. A ra doa

femenes in jaida i à domandà algo su i sarvije e i à fato fei i augure de bon an a dute i amighe de “Cose dell’altro Geo”, par anpezan.

El gastaldo de Ciadin Ra jeja de ra Madona de ra Salute de Ciadin r’à el gastaldo noo.

teleferica in Faloria, e ‘pò in Cinque Torri, a vede ra Tre Zimes de Laaredo, e dinultima ra zità de Venezia. Par ades, no se vó dì duto, se vó parecià algo de scondon, da i fei ‘na mereea. Dinultima, dapò che i s’in śirà da Anpezo, i restarà in śiro par r’Italia, par outra doa setemanes. Canche i sarà inze ‘l nosc paes, i ciatarà dute alośo inze ra ciaśes, inze ra families, de chi medeme śoen che i ea stade azetade in Astralia, de aprile de ‘sto an.

Ra Casa rurale par i studentes

Ra confraternita, che ra s’à ciatà vendres pasà, ai 3 de dezenbre, r’à zernù fora Andrea Menardi Diornista, da Ronco, che el vien dapò de Silvio Menardi Menego e de Mario Caldara Partel, dute e doi morte, in poche mesc. Ma el laoro el no n’é fenì, ‘l é un outro braghier da se ciarià; ades se và a vede de un nonzolo, che el tiene polito chera bela jeja, una de ra pi benvorudes de duta ra val de Anpezo, da ra nostra comunità. Vó ese calchedunc he vade a daerśe ra jeja, da bonora, e a ra sarà, da dasera, mangare a ra netà, a bete fora i fiore, inze i pitere, a dià ‘na man, canche ‘l é da dì mesa. Cemodo che suzede par duta ches’outra jejes, de Anpezo, se vorarae che fose calchedun de el vilajo, che stà śo par pede a ra jeja, senza aé biśoin de fei masa strada, par ruà da indalonśe.

Studentes intrà Australia e Anpezo D’ousciuda de ‘sto an, de aprile de ‘l 2010, alcuante studentes de ra scora alberghiera de Anpezo i é śude in Australia, a Frankston, pede Melbourne, a ciatà i śoen de chel paes, a se conosce, a inparà algo de noo. Canche i é stade là, i nostre tośate i à ciatà alośo inze ra families de chi so amighe noe, e i à inprometù de i rende el bon azeto. Ades ‘l é duto deziso, deboto duto pronto: i australiane i ruarà in Anpezo d’ousciuda de ‘l 2011, par ‘na setemana, da i 3 a i 10 de aprile, de chinesc studentes e tre profesore: da bonora i śirà a scora, a inparà a fei da magnà, a lourà inze bar e in sala, a r’alberghiera, ma i vedarà anche algo de ra scora d’arte, cemodo che se inpara a lourà el len, o a stà su ‘l terei. De ‘l dapò disnà se pensa de i menà su par ra nostra crodes, in outo, parcé che i pode vede ra nostra bela Dolomites, i menarà su co ra

In duto se conta 24 mile euro, ruade a 110 śoen, i premie de studio che ra Casa rurale e artejana de Anpezo e de ra Dolomites r’à dà fora anche ‘sto an, par i studentes che vive inze ra vales, agnó che ra banca ra laora, da Anpezo a ra Val de ra Boite, da ‘l Cadore de meśo a ‘l Agordin, da Zoldo a ra Valbeluna. Ra zerimonia par dà fora chiste premie r’é stada vendres, ai 10 de dezenbre. De chi 110 śoen, coscita varentes, 49 i é de ra scora superiores, 61 de ra università. Par ciapà el premio ‘l ea da ese brae, da aé almanco ra media de 8, par ra scora superiores e de 28 par r’università; ‘l é stà premie anche par chi śoen che i s’à diplomà, con almanco 80/100, e par i laureade, con 103/110 o depì. Intrà de lore, in é stà 39 che i à ciapà i vote pi oute che se podea. Chiste premie de studio i toma inze un projeto pi gran, che ‘l à gnon “Banca de i śoen”, fato par dià dute chi che và sui banche, da ra scoreta a r’università. Chiste tośate i pó anche domandà sode a d’inpresto, par deban, par se cronpà el conputer.

Anpezo al cinema Dute se sà che in Anpezo ‘l é stà fato un grun de film, par duta ra storia de el cinema. Calche ota ‘l é stà gran rejistes, atore de i pi varentes, outra otes ‘l é stà fato chi film nafré da ride, che vien fora da Nadà, conpain de el paneton. Coscita s’à vedù lourà, inze ‘l paes e su par ra nostra crodes, Vittorio De Sica e Ermanno Olmi, Jean Jacques Annaud e Blake Edwards, ma anche i fardiei Vanzina. Un de i ultime atore a zerne ra nostra Dolomites, un de i pi conosciude par el mondo, ‘l é stà Sylvester Stallone, par el so Cliff hanger, ma ignante ‘l ea stà Roger Moore, a fei un de i film de 007 “Noma par i to oce”. Ben, ades ‘l é anche un libro, agnó che se pó ciatà inze duto chesto; ‘l é stà fato da Ludovica Damiani e i à dià ‘na man Paolo Mereghetti e Rolly Marchi. I me ‘l à mostrà sabeda ai 4 de dezenbre. Se lieśe e se vede un grun de robes, che mangare no se saea, a tuoi par man chesto bel libro gran, pien de fotografies. E se ciata anche algo su ra nostra Dolomites, parcé che de chi film, trope i conta propio de ra nostra crodes.

Par inparà polito algo, ‘l é meo scomenzà da śoen. A chesto i à pensà, inze ra Banda de Anpezo e inze ra scores de ‘l paes, cheres de ‘l Istituto comprensivo e de el Polo Valboite, coscita ‘l é scomenzà i corse de musica che i à portà a fei nasce ra Young Band. E s’à podù scotà chiste pizete, chel di che i à nizà el lunario de Avento, fato anche sto an, su ra funestres de el Comun Vecio, agnó che pasa duta ra śente. Su chel palazo ‘l é iusto vintezinche funestres, una par ogni di, da el 1 de dezenbre a Nadà, e ‘sto an i à betù fora outretante depente de anjolete, toleste da ra storia de r’arte. R’idea r’é stada de ra profesoresa Irene Pompanin Marco, che r’é consiliera, in comun, aduna con Giovanna Martinolli, luodaduó a ra cultura, e co ‘l profesor Paolo Barozzi. Chel di che

i à daerto ra prima funestra e mostrà el prin cuadro, par invià i dis de ra festes, alolo dapò ‘l é stà un conzerto pizinin de chiste pizete de ra Young Band, che i à sonà alcuanta musiches, ogade da ‘l so diretor Antonio Rossi, che ‘l é el maestro de ra Banda de Anpezo. Un grun de śente, inze piaza, à podù scotà e i petà ra mas a chiste pizete, suposò de cuaranta, da 9 a 14 ane. Daante de dute, i jenitore, i none, i parentes de chiste śoen. Da ‘l ziel vegnia so nafré de gnee, a fei ancora pi bel chel momento, a fei vegnì inze dute i cuore nafré de spirito de ‘l Nadà. E dute i é restade, co ra bocia daerta, a scotà chesta śoentù, coscita varente, ‘ste pize musicantes, coscita intonade e cordade intrà de lore. Ades no resta che spetà un’outra ocajion, par vede che i cresce, par i scotà.

I pize de ra Young Band sote el gnee, daante a ‘l Comun vecio, canche i à nizà el lunario de Avento.

El don de San Nicolò Un libreto, un śogo, un grun de disegne, par inparà o par se recordà alcuanta bela robes, de ra cultura ladina anpezana I sarvije a ra vecia, i fiore e ra ‘na ociada su i vocabolarie de natura, i atreze che no se dora anpezan, par ciatà algo depì. deboto pi, i monumente de ‘l paes: Inze piaza, el Santo ‘l é ruà a portà se ciata duto chesto, e algo pede, i so biei, e boi scartozete, de dute i inze ra cartes de el śogo che ‘l à colore, pareciade aduna co i vorentie portà San Nicolò, in vea de ra so de r’Ulda, con inze alcuanta festa, ai 5 de dezenbre, inze ra piaza carameles e el libreto, el śogo da de Anpezo. Anche par ‘sto an, el taià fora. In é vanzà alcuante, el Santo ‘l à lourà aduna co r’Union Santo el i à lasciade a r’Ulda, e de i Ladis de Anpezo e co ra grafica calchedun ‘l é beleche pasà inze ‘l Francesca Gaspari de Min. El śogo ufizio de piazeta San Franzesco, in ‘l é inze un libreto, el numero 12, Ciaśa de ra Regoles, a s’in tuoi su. da canche r’Ulda r’à scomenzà a Parcé che ‘l é anche ci che in vó doi: ciamà danoo San Nicolò. Par śuià un da bete pede a chi outre, de i se bete poco: ignante ‘l é da taià fora anes ignante, su ra scanzia ladina ra 54 cartes, co ra forfesc, o co ‘l de ra libreria, e chel outro da iatà lineal e ra britola, o el taiarin. I pi fora, par śuià, mangare in familia, pize, che i ebe ocio, che i se feje dià i fioi con pare e mare. Chi che à da un gran. Dapò se bete fora sun ancora acaro de dorà ‘l anpezan e toura ra cartes scarades, co disegno de el fei soravive. de sote, scondù. A rodoleto, ogni śogador el volta doa cartes: se el res ciata conpagnes, el res venze, sedenò el res lascia agnó che ‘s ea, danoo voltades, scondudes. Beśen aé memoria, par chesto śogo, conosciù co ‘l gnon de Memory, ‘l é da se recordà agnó che ‘l ea el palegren, o r’edelbaa, o ra Ciaśa de i Pupe, o ra bandiera ladina, o mangare r’ua spinela. E ci che no sà San Nicolò e i pizete, in festa, inze ra piaza de ra paroles, el pó śì a dà Anpezo. www.lauscdiladins.com

27


Sport

nr. 48 / 11 de dezember 2010

N bravo a Herbert

Garejeda FIS di jëuni te Val

Resultac dla trëi scuadres de Schach de Gherdëina tl Campiunat provinziel a scuadres. I plu jëuni à fat pea pra l Grand Prix a Tramin y n bel resultat per la Lia Schach Gherdëina vën dal turnoi per i vierces

La mutans dl Schi Club Gherdëina te na grandiscima forma. Janina Schenk y Tatiana Nogler Kostner la plu asveltes. Bront per Kathrin Insam bront. L Schi Club Gherdëina prim tla tlassifica dla scuadres cun Janina, Tatiana, Alex Scapolan y Bernd Spiess

Schach - Terzo di de campiunat ai 4 de dezëmber per la scuadra de Gherdëina che juega te serie A. Te chësc juech à l Gherdëina I batù l ARCI Bulsan per 4,5 a 1,5. Nce chëst iede ie l resultat finel unì arjont cun nia puecia fadia. Da auzé ora iel zënzauter che Bruno Goller à fat si prima partida tla serie A, la vencian cun merit. Tla tlassifica ie śën doi scuadres danora, l Gherdëina I y l Richter/Lask Bulsan I, tramedoves cun 6 ponc y 14,5 ponc ndividuei. Bon terzo ie al mumënt l Merania, ënghe cun 6 ponc, ma cun 12,5 ponc ndividuei. La partida dl iede che vën sarà bonamënter chëla che arà la majera cunseguënza sun l campiunat: n arà da se museré ai 18 de dezëmber a Bulsan cun l Richter/Lask Bulsan l, per s’la fé ora per la prima pusizion te tlassifica. Serie B: Per l terzo iede ndolauter à l Gherdëina II finà via a pèr per 2,5 a 2,5, chëst iede cun l Lana, che ie śën al prim post tla tlassifica dla serie B cun 4 ponc. Cun si 3 ponc ie l Gherdëina II al setimo post. Dut cant desmostra che truepa scuadres dla serie B ie plu o manco al medem livel y perchël iel al mumënt danter la prima y la dodescejima scuadra mé trëi ponc de defrënza. Serie C: N bel suzes à abù l Gherdëina III, che à arjont n cësa n bon 2,5 a 2,5 cun la segonda scuadra dl Deutschnofen. Da auzé ora ie dantaldut la bela vënta dl jëunn sculé Matthias Kasslatter che à pudù se cunfrunté per l prim iede cun n auter jugadëur tl campiunat provinziel a scuadres. Tla tlassifica dla serie C ie la terza scuadra dl Gherdëina da abiné a mez ite cun 3 ponc.

Turnoi nternaziunel di vierces o persones cun n handicap ala vista Dai 19 ai 21 de nuvëmber iel stat a Bulsan tl Zënter di vierces San Rafael la 18ejim edizion dl turnoi nternaziunel di vierces o persones cun n handicap ala vista. A mëter a jì chësta manifestazion à judà pea Herbert Grossrubatscher dla Lia Schach Gherdëina. Fat pea àl de ndut 24 jugadëures dla Germania,

Herbert Grossrubatscher ie ruvà 2. pra l turnoi nternaziunel di vierces o persones cun n handicap ala vista.

Slovenia, Austria, Svizra y Talia, danter chisc nce trëi jugadëures de nosta provinzia. Do sies partides tl sistem svizer àl venciù l tudësch Hans Peter Kuhlmann cun 5 ponc. Boniscimo segondo ie ruvà Herbert Grossrubatscher de Urtijëi – che viv y lëura a Bulsan – cun 4,5 ponc dan l auter tudësch Andreas Illic. L campion talian n cëria Marco Casadei ie ruvà cuarto. Da dì iel che i jugadëures che fej pea pra chësc turnoi ne vëija nët nia o vëija la mëisa dal Schach te na maniera scialdi dëibla y perchël vën la gran pert de chësta partides jughedes zënza udëi la figures. Al incontra iel doi mëises dal Schach, una per uni jugadëur, la mossa vën cunedida

a usc y pona materialmënter spusteda sun uni mëisa dal jugadëur che possa nscila tuché la figures per se lecurdé ulache les ie pusiziunedes. L ie zeche de rie da se nmaginé per duc chëi che à la fertuna de udëi bën o mesanmënter bën. La Lia Schach Gherdëina se cungratulea cun si cumëmber Herbert Grossrubatscher per si beliscimo resultat!

Grand Prix di jëuni a Tramin N dumënia ai 28 de nuvëmber, se àl ancuntà 61 jëuni y jëunes per l segondo di dl Grand Prix di Jëuni a Tramin. Dla Lia Schach Gherdëina àl fat pea Matthias Kasslatter y Gabriel Prinoth, tramedoi tla categuria sot a 12 ani y Nadia Kasslatter tla categuria dla mutans sot a 10 ani. I jëuni messova jughé de ndut nuef partides, duc te una na grupa, ma cun tlassifiches defrëntes per categuria. Sot a 12 ani ie Matthias Kasslatter cun si 4,5 ponc ruvà bon sesto y si cumpani de Lia, Gabriel Prinoth, à arjont l setimo plazamënt cun 4 ponc. La miëura dla categuria dla mutans sot a 10 ani fova, bele inò, Nadia Kasslatter cun 4,5 ponc.

3. di de campiunat 04.12.2010 Gherdëina I 4½ : 1½ Arci Scacchi BZ 1 Bernardi Ruben 1 : 0 Rinaldo Gaetano 2 Demetz Rainer ½ : ½ Pollana Marco 3 Moroder Stephan 1 : 0 D’Ambrosio Luca 4 Moroder Thomas 1 : 0 Pichler Klaus 5 Prinoth Franz 0 : 1 Stivaletta Andrea 6 Goller Bruno 1 : 0 Rizzardi Roberto Gherdëina II 2½ : 2½ Lana 1 Scola Matteo ½ : ½ Hölzl Matthias 2 Knottner Klaus ½ : ½ Pichler Norbert 3 Grossrubatscher Johann ½ : ½ Del Rosso Peter 4 Moroder Richard 0 : 1 Kofler Albin 5 Prugger Iacun 1 : 0 Unterthurner Walter Gherdëina III 2½ : 2½ Deutschnofen II 1 Demetz Ernst 1 : 0 meisa ueta 2 Taschler Pauline 0 : 1 Ebner Fabian 3 Demetz Valentine 0 : 1 Pichler Johannes 4 Delago Elisabeth ½ : ½ Kofler Stefan 5 Kasslatter Matthias 1 : 0 Thurner Philipp

Nudé, jì cun la roda, sauté N dumënia ai 5 de dezëmber à na atleta di Gherdëina Runners Cassa Raiffeisen de Ciastel fat pea pra la 17. edizion dl Laguna Phuket Triathlon tla Tailandia Triathlon - Pra chësc triathlon se tratòvela de nudé 1,9 km, de furné cun la roda 90 km y la fin de sauté mo 21,2 km. Danter i favoric fòvel l campion dl mond y ”Ironman” a Kona dl 2008 y 2009, Craig Alexander dl’Australia, che ne n’ie chëst iede nia stat bon de se tlassifiché ti prims trëi. Venciù chësta edizion à pra i ëi O’Donnell Timothy cun n tëmp de 3:49:42, segondo ie ruvà l talian Cigana Massimo cun 4:01:52 y terzo Fukui Hideo cun 4:04:00. Pra l’ëiles à venciù Carolin Steffen cun n tëmp de dut adum 4:20:13, segonda ie

28

www.lauscdiladins.com

Melissa Rollison cun 4:24:53 y terza Belinda Granger cun 4:30:49. Francesca Tibaldi, di Gherdëina Runners, ie cun n tëmp de 4:44:01 stata la miëura dla talianes y se à tlassificà 10. tla categuria generela dl’ëiles y prima tla categuria F 35-39. Ëila à metù plu avisa 29 menuc y 21 secunc a nudé, 2:32:32 cun la roda y 1:38:13 a sauté. De ndut àl fat pea 100 ëi y 100 ëiles. Deplù ne pudòvel nia fé pea. Bën trëi ëiles y undesc ëi dla Talia se à tëut la bria de fé chësc viac lonch per fé pea pra chësta cumpetizion. (mp)

Francesca Tibaldi.

Schi alpin - Plu de 200 jëuni danter 15 y 20 ani à fat pea n dumënia ai 5 de dezëmber l slalom strënt FIS dl zircuit Finstral Cup. L fova la prima garejeda de chësta sajon metuda a jì dal Schi Club Gherdëina Ca ssa Raiffeisen de Sëlva. I atlec ie unic adalerch da dut Südtirol, da plu provinzies dla Talia dl Nord y da oradeca. Nce i sculeies dla sezion sport dl ITC de Urtijëi à desmustrà che i se à njenià ca sciche l toca. La garejeda ie stata n drë suzes per l Schi Club Gherdëina, che à metù a jì dut cant a puntin: l purtoi fova njenià a puntin, acioche L Schi Club Gherdëina ie cun i bon resultac de duc i atlec ebe la si atlec ruvà prim te chësta garejeda te Val. medema chance y i ulenteres à juda dut ntëur: sciche plazamënt tla tlassifica generela. verdiaportes, per slizië y njenië ca Da auzé ora ie nce l beliscimo 7. l purtoi, a ti pité ai atlec velch da plazamënt de Melissa Perathoner. pestlé y de bon té ciaut y nsci fé A pensé che la fej l prim ann garaté tan bën chësta garejeda de garejedes FIS, àla fat cun chësc livel aut. Nce l Zënter di Carabinieri resultat de bon ponc. (Lidia y Carletto da Frëina/hutia Ciampac Bernardi) ie stac drët ospitai. L Schi Club Gherdëina Cassa Raiffeisen de Sëlva Tlo dessot i plazamënc di rengrazia duc canc. miëures y de chëi dl Schi Club Gherdëina: Ma dantaldut ti àla butà ai atlec Aspirantes mutans (1994/95): de nosc club che à fat pra chësc 1. Tatiana Nogler Kostner slalom de beliscimi ponc FIS. 1.48.79, 2. Roberta Midali (Talia dl Ajache l n fova de boni che à fat Nord) 1.49.02, 3. Elke Wagmeister pea, ne fova la defrënzees di tëmps (Prad)1.50.67, 7. Melissa danter i prims y chëi dovia nia tan Perathoner, 11. Andrea Skaar (Nor./ grandes. Bën 27 mutans y 42 ITC Urtijëi), 12. Giorgia Camiletti, mutons ie ruvei sot ai 100 ponc 13. Gasser Nathalie, 21. Karin FIS. Frener. Juniores mutans (1991/93): L a garejeda fova drët emoziunënta nchin ala fin canche 1. Janina Schenk 1.48.12, 2. Janina Schenk à venciù mé de 2 Carmen Geyr (Wipptal) 1.48.16, centejimi dan la segonda Carmen 3. Kathrin Insam 1.49.63, 9. Teresa Geyr dl Wipptal y Tatiana Nogler Mahlknecht, 11. Nina Stuflesser, Kostner à, cun na beliscima segonda 12. Silvia Insam, 16. Claudia Hafner, manche, mo arjont l terzo 21. Nathalie Nogler Kostner. Aspiranc mutons: 1. Alex Hofer (TZ Scilier) 1.47.89, 2. Maximilian Messner (TZ Scilier/ITC Urtijëi) 1.49.90, 3. Roland Erschbaumer 1.50.65, 9. Alex Scapolan, 14. Klaus Oberrauch, 14. Diego Cappadozzi, 17. Mirko Perathoner. Juniores mutons: 1. Aaron Hofer (Wipptal) 1.45.69, 2. Pietro Franceschetti (TN) 1.46.21, 3. Fabian Bacher (Forestela) 1.46.24, 15. Bernd Spiess, 17. Matthias Alber, 20. David Senoner, 35. Luca Chiodi. I plazamënc y i tëmps plu avisa pòssen liejer do sun la plata internet L podest dla juniores cun Janina Schenk (1.) www.sciclubgardena. y Kathrin Insam (3.). info


Sport

nr. 48 / 11 de dezember 2010

Campiunat bëndebò valif Scialdi valiva iela jita per l Gherdëina I a Verdings, ulache i à ala fin o perdù. L Gherdëina II vënc na bela partida contra l Plose II ora de cësa lingia de colps stajòvela 1 a 1 per i chidladëures cun i averseres che ova batù ju trëi chiedli deplù. Do la segonda lingia fova i chidladëures for mo cun unfat ponc y la defrënza de chiedli se ova auzà a 10. Scumencià àla tla ultima lingia bëndebò bën, ulache n fova dan i ultimi 30 colps de bën 20 chiedli danora. Sun na tela se tratòvela chi che ova n pue’ de fertuna da si pert. I averseres ie stac boni de suné a rumé ju y nsci ti iesi inò passei dant al Gherdëina. Ala fin ti manciòvel mé 13 chiedli ai nosc y la vënta ti ie jita al Verdings. Purempò ie l Gherdëina do chësta prima pert al 4. post, destachei mé de 4 ponc dai prims. L miëur dl di ie stat Josef Klotz cun 546 chiedli.

Thomas Demetz 487 Guido Stuffer 493

Verdings I - Gherdëina 5:3 Chidlé - L Gherdëina I pierd a Verdings mé de 13 chiedli do che i fova ti ultimi 30 colps de 20 chiedli danora. Ala fin dla prima

Resultac persunei: Josef Klotz 546 Georg Sommavilla 513 Siegfried Prinoth 508 Flavio Prinoth 506

Serie D-nord

Resultac Persunei: Albert Moroder 563 Viktor Werdaner 547 Hansi Demetz 529 Konrad Malsiner 521 Ivan Moroder baratà ora cun Pauli Wanker 500 Michael Moroder 443

La squadra ladina à perdù tant contra l’Asiago che contra l’Alleghe

Hockey - Te la pruma de la doi partides de la setemèna tanche fenida, l Fascia é jit a troèr i campions da la Etelia de l’Asiago. No l’é stat de segur na partida sorida per i ladins che i à cognù fèr zenza Piffer, Locatin, Manfroi e Nemecek, endèna che l’Asiago à podù jièr con dut l grop entrìech. Tel prum temp l Fascia l’à jià n bon hockey, ma no l’é stat bon de fèr ite nience n gol, l’Asiago enveze l’é stat bon de petèr l disch te l’usc fascian endèna na mischia sot l’usc de Doyle. L secondo temp enveze i fascegn i se à delegà desche la giacia sot al soreie: i à ciapà 5 goi, e i n’à fat ite demò un con Edwardson. Via per l terz temp i jiadores de l’Asiago i à fat “accademia” zenza spenjer più che tant, e l Fascia l’é stat donca bon de fèr ite so secondo gol co na bela trata de Sullivan.

La seconda partida de chesta setemèna la é jièda dal Fascia contra i jormegn de l’Alleghe tel terz derby de la Marmolèda de la sajon. Chesta l’era na partida che i fascegn i cognea venjer a ogne cost, per no perder ponc dal grop che stèsc tanche sora te la classifica. Per chesta partida l Fascia l troa da nef Nemecek e Locatin. Ma la partida no la va descheche se podessa pissèr, defati tel prum temp i fascegn i fèsc pech jech e l’Alleghe, zenza padir n muie, l se porta inant de doi goi ti prumes doi “powerplay” a so favor. Ence tel secondo temp la storia no la muda più che trop, l grop agordin fèsc ite etres doi goi che sera la partida, ence se se cogn dir che l Fascia l’à jià miec, zenza esser bon però de fèr ite i goi che ge aessa servì per stèr te la partida. L terz temp no dèsc n muie de respostes e l fenesc con n gol per man, Giudice per l Fascia. Chesta l’é la quarta partida de fila che l Fascia l pert, per poder ruèr otaves e jir ite ti “playoff ” se cognarà tachèr a fèr da nef ponc te la partides che à da vegnir, percheche ence l Cortina, che l’era a l’ùltim post, l’é dò che l jia n bon hockey e l se trèsc sù te la classifica. (t2o)

portà de bogn resultac per la squadra fascèna e fazile la partida contra l’Alleghe, fenida 5 a 1, la é stata dezisiva per ge fèr pissèr ai aministradores del team fascian che Posma no podea più esser l caoch giust te chesta situazion. Duta la dirigenza, l staff tecnich e i sostegnidores de la squadra ladina à rengrazià Mike per l’empegn desmostrà ti meisc de lurier ge auguran l miec per sia cariera del davegnir. Endèna, spetan la nomina del nef arcedador del Val de Fascia, la banca vegn vidèda da Luigi Marchetti e Martino Soracreppa.

L diretif à manà a cèsa l’arcedador Mike Posma

Resultac Under 18: l’Under 18 de la seconda divijion à jià en domenia ai 5 de dezember contra l’H.C. Brunico e l’à vent per 6 a 2 con goi de Michele Marchetti (1), Nicola Deluca (2), Massimo Valeruz (1) e Martin Castlunger (2).

Endèna la vea de la Conzeta la Sportiva Hockey Club Val di Fascia à fat a saer che Mike Posma no l’é più l’arcedador de la squadra maora. La ùltima partides no à

secunda scuadra da Ratschings. La superiotité dles marores vëigon pro le vantaje dla soma totala di chidli atocà, che ê de 109 do la pröma seria da 120 bòć y é aumentè a bëgn 316 por la fin dla partida. Cun na media de 506 cuntra na media de 427 dles aversares, ti à ma öna dles patrones de ćiasa lascè ia le punt a süa aversara, tratan che les atres trëi s’l’à fata avarëi. La miù dla partida é stada Valeria Federa cun 514 chidli.

Valeria Federa é stada la miù dles ëres cun 514 chidli.

Plose II - Gherdëina II 2:6

Doi burta partides per l Fascia

Mike Posma no sarà più l’arcedador del Val de Fascia.

Pordüdes por Mareo I y Mareo II, devënta por les ëres. Chi da La Ila à messü sburlè la partida

Na partida da puecia storia ie stata chëla dl Gherdëina II a St. Andrä, ulache chiedla l Plose II. I chidladëures de Gherdëina ie mucei bel snel danora n cont si chiedli: bën 48 chiedli batui ju deplù. A 112 ie auzeda la defrënza di chiedli do la segonda lingia di colps. Per l Plose ne fòvel plu nia da n fé, finan via la partida cun 117 chiedli batui ju de manco che i chidladëures de Gherdëina. Cun na bela mesaria de 517,2 chiedli à l Gherdëina venciù per 6 a 2. L miëur dl di ie stat Albert Moroder de Ronc cun 563 chiedli batui ju.

Serie B-ost Pauli Wanker à fat si prim partida.

La pröma pert dl campionat va a piz

Squadres mendres Resultac Under 11: l’Under 11 à jia en sabeda ai 4 de dezember contra l’HC Val de Non e l’à vent per 19 a 0. I goi é stac segné da Federico Merli (1), Stephan Deluca (2), Dennis Kustatscher (1), Alfeo Deluca (3), Leonardo Deflorian (4), Nicola Defrancesco (1), Andrea Ploner (3), Marco Silvestri (1) e Francesco Rossi (3). En domenia ai 5 de dezember l’à jià contra l’HC Asiago e l’à vent per 3 a 2 coi goi Andrea Ploner, Alfeo Deluca e Giuliano Talmon.

Chidlé Val Badia - Le Mareo I à stlüt jö la pröma pert dl campionat al nono post, cun na pordüda te ćiasa cuntra la Hölzerne 9. Le Mareo II à mantignì l’otavo post cun na pordüda cuntra Pfeffersberg, i pröms tla tlassifica. La scuadra dles ëres à ćiamò döes partides da desfiré l’ater edema y la scuadra da La Ila à messü sburlè la partida cuntra Plose.

Seria A2-ost Mareo - Hölzerne 9: 2 - 6 Le Mareo I à messü se dè sot te ćiasa cuntra i chidladus dla Hölzerne 9 da Tlüses por 2 a 6, cun na media de 526, tratan che i aversars à arjunt na media de 540,3. La pröma seria da 120 bòć é jüda fora 1 a 1, mo la Hölzerne 9 â n vantaje de 61 chidli. Pro la secunda seria ti é trami i punć jüs ai ghesć, che à inće aumentè le vantaje a 106. Inultima à un di patruns de ćiasa batü so aversar y ai à recuperè valgügn chidli, mo le svantaje ê ala fin de 86 chidli. Le miù dl Mareo é stè Lois Ellecosta cun 561 chidli. Tla tlassifica é le Mareo al nono post. Resultać personai: Lois Ellecosta, 561 Pire Rungger, 554 Tone Call, 550 Tone Tavella, 509 Matteo Ties, 495 Claudio Moling, 487 Tlassifica dla seria A2-Ost do la pröma pert dl campionat 1. Prichsna, 18 punć 2. Naturns, 16 p. 3. Hölzerne 9, 13 p. 4. Goldene 9, 12 p. 5. Redant, 11 p. 6. Ahrntal, 10 p. 7. Kiens, 10 p. 8. Hauenstein, 10 p. 9. Mareo, 9 p. 10. Falzes, 9 p. 11. Bruneck 67, 7 p. 12. Jenesien, 7 p.

Resultać personai: Valeria Federa, 514 Gerda Complojer, 513 Gabriella Ties, 511 Margareth Complojer, 486

Seria C-nord Pfeffersberg I - Mareo II: 8 - 0 Cuntra Pfeffersberg, i pröms tla tlassifica dla seria C-nord, n’à le Mareo II albü degöna chance da rovè pro punć tla chidlara da Feldthurns. I maroi à arjunt na media de 477,5, cuntra na media de 520,7 di aversars. Degügn n’é stà bogn da davagné le punt cuntra so aversar diret y inće pro la soma totala di chidli rosedà à i patruns de ćiasa da impröma inant albü le nes danfora. Do la pröma seria da 120 bòć âi n vantaje de 50 chidli, che é aumentè a 143 pro la secunda seria, por rovè ala fin a 259 chidli. Le mairont di maroi é stè Simon Complojer cun 510 chidli. Tla tlassifica é le Mareo al otavo post. Resultać personai: Simon Complojer, 510 Lois Agreiter, 492 Claudio Moling, 479 Christian Ties, 477 Norbert Trebo, 468 Lois Craffonara, 439 Tlassifica dla seria C-Nord do la pröma pert dl campionat 1. Pfeffersberg, 21 punć 2. Löwen, 15 p. 3. Hölzerne 9, 14 p. 4. Flagger, 14 p. 5. Villnöss, 12 p. 6. Pfalzen, 12 p. 7. Ratschings, 10 p. 8. Mareo II, 9 p. 9. Plose, 8 p. 10. Kiens, 6 p. 11. La Ila, 6 p. 12. Ahrntal, 3 p.

Seria B-ost feminila Mareo - Ratschings: 5 - 1 La scuadra dles ëres s’à tignì le secundo post tla tlassifica cun na devënta tlera, te ćiasa cuntra la

Tone Call à cun 563,4 la miù media dl Mareo I, do la pröma pert dl campionat. www.lauscdiladins.com

29


Sport

nr. 48 / 11 de dezember 2010

La sajon scumëncia drët bën Prima garejedes per i atlec de Gherdëina. Ntan l ultim fin dl’ena fòvel la prima garejedes de Copa Italia de biathlon te Antholz Biathlon - La garejedes sprint y ”a inseguimento” valova per truep atlec nce coche cualificazion per pona jì inant tla Copa dl Mond, Copa Europa o per i Campiunac dl Mond Juniores. Sibe atlec che trainadëures fova drët curiëusc de udëi coche la stajova cun la preparazion fata ntan dut l instà. N à abadà che n grum de atlec fava scialdi nervëusc, dantaldut dan la prima garejeda. Nsci iela stata che Samuel Mussner à falà sies colps sun diesc, ma se à mpo tlassificà al 5. post pra i juniores, sëni che la prestazion sun i schi fova scialdi bona. L di do tla garejeda a ”inseguimento” se àl pona trat inant al 3. post cun cin fai sun vint. A Alexia Runggaldier che garejea chëst ann per le Fiamme Oro de Moena, ti àla bele riesc butà deplù. Falan mé un n colp iela l prim di ruveda segonda dla juniores, mantenian si bon

Carmen Runggaldier vënc cun gran determinazion si prima garejeda de chësta sajon.

plazamënt l segondo di cun mé trëi fai. Maikol Demetz ie, tla categuria di jëuni, l prim di ruvà 5. stlupetan cater iedesc dlongia via. L di do

al pona trat ite doi posizions, se tlassifican 3. cun cin fai. Tla medema categuria ie Miran Mittermair ruvà tramedoi dis 11., falan respetivamënter trëi y set colps. Tla categuria dla mutans plu jëunes ne ti àla a Carmen Runggaldier l prim di nia tan butà, cun cin fai se àla tlassificà 6., ma l di do àla ulù ti la fé a dutes. Cun inò cin fai, ma chëst iede sun vint colps, ti iela jita dant a duta si cuncurëntes, vencian si prima garejeda da chëst ann. Janpiere Prugger à mustrà l prim di si cualiteies pra l scies, se tlassifican 6. cun mé un n fal. L di do ulòvel povester de massa y trajan bën trëdesc colps dlongia ora iel tumà de reviers al 15. post. Pra l’ëiles seniores ie Christa Perathoner, che garejea per l Esercito, ruveda doi iedesc 3. cun tramedoi doi dis cin fai a stlupeté. (ts) 

Hockey Gherdëina jëuni Resultac dla scuadres di jëuni dl Hockey Club Gherdëina. Turnoi nternaziunel Under 14 cun la scuadra de Südtirol Hockey/Jëuni - La Under 20 ova n sada ai 4 de dezëmber da jì a Cortina a fé si partida. Scumencià ài povester cun mpue’ puecia cunvinzion. Do diesc menuc fajova l Cortina l prim gol, ma al Gherdëina ti iela garatà de valivé ora mo tl prim tëmp. Under 20 Tl segondo paròvela che la jissa miec. Bel snel iesen stac boni de fé doi goi y de avëi nsci mpue’ de fla, coche n dij. Purmpò ie l Cortina, mo puech dan la fin dl segondo tëmp, stat bon de scurté la destanzes. L stajova 3 a 2 per l Gherdëina. L terzo tëmp ova iusta scumencià y l fova bele 4 a 2 per l Gherdëina, ma l fova mo dut n tëmp da jughé y te chël possa se mudé truep. Do cin’ menuc toca l Cortina te cassa, n valgun menuc do inò y la sta a pèr. Tramedoi scuadres se zera mo per se tré la vënta da si pert. A un n menut dan la fin ie i patrons de cësa boni de se bater tres y de vëncer n cësa per 5 a 4. I Tëmps ie jic ora 1:1, 1:2, 3:1).

Under 18 La Under 18 ie n la sëira de San Miculau furneda a Asiago. Tlo ovi da se cunfrunté cun i segondi te tlassifica y perchël ne n’ovi segurdenó da se aspité na partida saurida. Sce l prim tëmp fova scialdi valif, iesi tl segondo stac boni de se bater tres, jan danora de trëi goi y de mantenì l terzo tëmp la sëuravënta vencian ala fin per 8:4 cun i tëmps jic ora 2:2, 4:1 y 2:1. Under 13° La scuadra dla 13A ie jita ai 8 de dezëmber sun Renon per l campionat. Do na partida plutosc fiaca à i mutons dl Gherdëina perdù per 8 a 4. Speron che n dumënia contra l Kaltern n cësa ti bùtela deplù. Under 10 La scuadra dla U10 à fat pea n dumënia ai 5 de dezëmber n turnoi de San Miculau a Bulsan tl Palaonda. I mutons dl Gherdëina ie ruvei terzi, vencian una na partida y n perdan doves. Venciù l turnoi à l Fiemme dan l Bulsan. Al ultimo post se à

tlassificà l Latsch/Vinschgau. Ntan la premiazion iel nce ruvà sun dlacia San Miculau y ti à purtà a duc i mutons na bedaia y n San Miculau de ciculata.

Turnoi a Persenon Turnoi nternaziunel de S. Miculau dai 3 ai 5 de dezëmber a Persenon. La selezion U14, cun leprò nce n valgun jugadëures de Gherdëina, à tlo fat pea: contra l Trentin ài venciù 3:0 y 4:0, contra l Venet ài venciù per 5:0 y pona valivà ora per 2:2, contra l Tirol ài venciù 7:0 y 5:1, contra l Piemont ài venciù 3:1 y 4:0, contra l Bayern ài perdù 0:2 y venciù 1:0, contra la Lombardia ài venciù 5:0 y 3:0. Cun chisc resultac iesi ruvei a 21 ponc, unfat coche l Bayern. Chësc ulova pona dì che chësta doi scuadres messova s’la fé ora tla finela a chi che ti jiva l trofeo. Venciù à l Bayern per 4:1 y à nsci pudù se tò pea a cësa l pest de S. Miculau. (im)

I mutons dla Under 10 cun San Miculau che partësc ora pitli San Miculau de ciculata, a man drëta l trainadëur dla Under 10 Stefan Glira.

30

www.lauscdiladins.com

Na prima ucajion per se museré cun i autri La sajon nueva dla sezion pudejé dl Schi Club Gherdëina Cassa Raiffeisen de Sëlva à scumencià n dumënia ai 5.12. cun la prima garejeda a Toblach tla Val de Puster Pudejé - Chësta garejeda che fej pert dl zircuit Copa Banca Populera valova nce coche Copa Italia. I atlec à garejà tla tecnica tlassica sun na trassa danter i 1,5 km i plu pitli y 10 km la categuries junior, senior y master. Avisa sun chësta trasses se musererà te n mëns i miëur atlec de pudejé te doi garejedes de Copa dl Mond. Do n instà lonch cun n grum de alenamënc sfadiëusc aspitova duc ert de pudëi scumencé cun la prima garejedes y se museré cun i autri atlec. N valgun atlec dl Schi Club Gherdëina Cassa Raiffeisen de Sëlva à purtà drët de bon resultac, da vel’un se ëssen povester aspità mpue deplù, ma la sajon ie mo longia y nsci ti mbincions a duc n bel inviern cun truepa sudesfazions. (ck) Chisc ie i resultac di atlec de Gherdëina: Mutans 3,0 km: 4. Demez Lea 12’16; 9. Prinoth Verena 12’57. Mutons 4,0 km: 9. Sordini Rico 18’10; 14. Perathoner Matthias 20’07. Alieves mutans 4,0 km: 6. Kostner Valentina 18’05; 7. Pitscheider Mirjam 18’21; 8. Stuflesser Valeria 19’48. Alieves mutons 5,0 km: 6. Demetz

Johannes 17’41; 15. Insam David 21’28. Jëunes 5,0 km: 2. Kasslatter Elisa 18’59. Jëuni 10 km: 5. Oberbacher Alex 33’45; 15. Moroder Fabio 39’55. Juniores mutans 5,0 km: 5. Ploner Nadia 18’34. Juniores mutons 10 km: 9. Oberbacher Pauli 31’40.

Garejeda per la “Copa Italia” Senior 10 km: 6. Kostner Janmatie 27’58. Master A1 10 km: 3. Kostner Florian 27’46.

Elisa Kasslatter vënc la bedaia d’arjënt.

I jogn dl Interclub a San Siro Garatada é la trasferta por odëi davijin la partida dl Inter cuntra le Parma. La proscima trasferta da d’aisciöda Palê - Inće sce les condiziuns dl tëmp ê stletes, cun nëi sön l’autostrada, plöia y frëit, sunse stà bogn da rovè a San Siro cun nüsc jogn scrić ite al Inter Club Alta Badia, por la sora partida che nosta scuadra dl cör, l’Inter, à śoghé da misdé. L’Inter à śoghé cuntra le Parma y à davagné por 5 a 2. N rengraziamënt ales families che ti à dè la poscibilité ai mituns da tó pert a chësta trasferta, a Bruno y Adelheid por la desponibilité y a Luca y Fabio dl

I jogn dl Interclub é jüs a Milan.

Inter Club por l’organisaziun. Dilan al sponsor che nes à metü a desposiziun i bonns por na pizza por nüsc jogn iscrić y sambëgn n dilan a düć i partezipanć. N rengraziamënt - ironich y particolar - orésson ti sporje a nosc presidënt y a nos vize, che n’à nia podü tó pert. Nos s’l ùn godüda n monn. N’atra trasferta podess garatè da d’aisciöda, cun na “escursciun” a Milan, panin y liagna dan le stadium, y n renfrësch denant co pié zoruch. (Inter Club Alta Badia)


nr. 48 / 11 de dezember 2010

Chino y Films Al chino de Cianacei En sabeda ai 11 de dezember da les 21.00 se pel veder l spetacol de teater “Punta Emma” dedicà a l’artist da Poza Tony Gross. En domenia ai 12 de dezember da les 21.15 vegn moscià Unstoppable – Fuori e Controllo. En vender ai 17 da les 21.00 conzert da Nadèl de la Musega de l’Auta Fascia. en sabeda ai 18 da les 21.15 e en domenia ai 19 da les 17.30 e da les 21.00 se podarà veder l film “Le cronach di Narnia – Il viaggio del veliero”. Al chino de Pardac

En sabeda ai 11 e domenia ai 12 de dezember da les 17.00 se podarà veder “Winx Club” e da les 21.15 “Harry Potter e i doni della morte”. En vender ai 17, en sabeda ai 18 demò da les 21.15 e en domenia ai 19 ence da les 17.00 vegn moscià en 3D “Le Cronache di Narnia – Il viaggio del veliero”. Al chino de Tieser

En sabeda ai 11 e domenia ai 12 de dezember da les 21.15 vegn moscià “Benvenuti al sud” e semper en sabeda ai 11 e domenia ai 12 da les 17.00 se podarà veder “Raperonzolo”, l’ùltim film de la Disney. Al chino de Ciavaleis

En sabeda ai 11 e en domenia ai 12 de dezember da les 21.15 se podarà veder “Last Night”. En vender ai 17 e en sabeda ai 18 da les 21.15 vegn moscià “The Tourist” e en domenia ai 19 da les 21.00 se pel veder l musical “Hello Dolly”. Filmclub tla sala di jëuni “Saut“ a Urtijëi Da śën inant, uniràl mustrà regularmënter films uni prima sada dl mëns. L unirà mustrà uni iede n auter film, che unirà pruietà sun gran tëila. Nvion duc de cuer a unì a cialé uni prima sada dl mëns dala 20.30 tla sala di jëuni “Saut“ a Urtijëi, n bel film. Duc ie nviei a purté idees y prupostes de films che n pudëssa mustré plu inant. L prugram di films che unirà mustrei ti proscimi mënsc ie da abiné sun nosta plata internet www. njg.it

Iniziatives sportives Decima edizion dla Val Gardena Ciasp

L’Atletica Gherdëina Cassa Raiffeisen mët a jì per l decimo iede na garejeda y na cumpetizion nia sportiva de jì y sauté cun la ciaspes sun Mont de Pana, n dumënia ai 23 de jené 2011. Chësta cumpetizion fej pert dla Coppa Italia, 10 garejedes te duta la Talia, ulache sce n fej pea 6 garejedes te 6 provinzies defrëntes, puderàn vëncer de biei pesć. Plu nfurmazions sot a atleticagherdeina.it o Valgardena.it sot a highlights.

Informazions y Manifestazions ♦ Fitz Roy y

Cerro Torre Sëira de chedri a culëures cun i doi arpizadëures che ie ruvei sun chësta doi pizes Adam Holzknecht y Hubert Moroder di Catores mustrerà chedri a culëures y cunterà de si arpizeda sun chisc doi crëps tla Patagonia. Tëmp de puec dis iesi stac boni de ruvé sun chësta doi pizes dla Andes sun l cunfin danter Argentina y Cile. La sëira sarà n mierculdi ai 15 de dezëmber, dala 20.30 tla Cësa de cultura a Urtijëi. Adam Holzknecht y Hubert Moroder sun piza dl Fitz Roy.

♦ Festa di 90 ani dla Lia Mostra d’Ert Senteda generela, festa di 90 ani dla Lia Mostra d’Ert y prejentazion dl film de Matthias Höglinger sun la storia dla Lia Mostra d’Ert dal 1920 a ncueicundì L cunsëi dl Circolo - Lia Mostra d’Ert Ve nvieia de cuer ala senteda generela y ala festa di 90 ani dla Lia Mostra d’Ert, cun prejentazion dl film de Matthias Höglinger dla storia dla Lia Mostra d’Ert, n vënerdi ai 17 de dezëmber dala 20.30 tl self dla mostres dla lia a Urtijëi. L unirà nce fat n rëndicont dl’ativiteies dla Lia Mostra d’Ert de chëst ann y de chël che se on tëut dant per l 2011 y l unirà prejentà l bilanz dla lia. N chëla sëira uniràl nce lità l cunsëi nuef. Duc ie nviei de cuer a passé y a fé na viva cun l vedl y l cunsëi nuef.

Sozial Festa da Nadè dl KVW

Le KVW inviëia vëdui, vëdues y porsones sores da gnì en sabeda ai 18 de dezëmber dales 14.00 tla mensa dl KVW da Bornech a na festa da Nadè. Prenotaziuns pro la rapresentant/le rapresentant dl KVW de osc paîsc, ćina ai 15 de dezëmber. Secudì zachei de familia a cësa

L Servisc soziel y saniter nvieia duc i familieres nteressei ala ancunteda dla grupa de autoaiut de chëi che à zachei de familia da secudì, n lunesc ai 13 de dezëmber dala 16.00. L’ancunteda sarà a Urtijëi tla Cësa de Paussa San Durich tl 5. partimënt. Referënta sarà Carmen Kostner. Jon a jadiné

Jëuni cun desturbs psichics tl’età danter 18 y 35 ani se anconta cun ulenteres, n juebia sëira ai 16 de dezëmber, dala 19.30, sun plaza de Sant Antone. Jiron a jadiné y da dedò saràl mo na pitla festa da Nadel. I nteressei a fé pea possa se nunzië nchin a n di dan la ancunteda pra Barbara Dorfmann, cherdan su l 0471 798015, ulache i giapa nce nfurmazions plu avisa n con’ dla scumenciadiva metuda a jì dal Servisc Soziel de Gherdëina. Deberieda: Festa da Nadel

N juebia ai 16 de dezëmber se ancunterons dala 16.00 – 18.00 tla sala dla sentedes dl Servisc Soziel a Urtijëi per festejé deberieda Nadel. ”Deberieda” ie na grupa, na ucajion per se ancunté, danter persones che à problems psichics o de sozialisazion, cun ulenteres. Per nfurmazions plu avisa pudëis cherdé su Ulrike Rabanser, tel. 0471/798015.

L prim cunsëi dla Lia Mostra d’ ert tl ann 1920.

♦ Mostra da Nadel La lia che se dà ju cun lëures fac te cunvënt “ Verein Freunde der Klosterarbeiten Südtirol“ nvieia de cuer a na mostra che ie da udëi nchin ai 13 de dezëmber tla Cësa de Cultura “Luis Trenker“ a Urtijëi L unirà metù ora de uni sort de lëures fac te cunvënt, bambins de cëira, urnamënc fac cun perles, plates de mitel y fil de or, ert sacrela y de autra decurazions. La mostra ie davierta dala 9.30 nchin ala 12.00 y dala 14.00 nchin ala 18.00.

Dotors y Apoteches Dotor

L dutor de servisc dala 8.00 da duman de n sada 11 de dezëmber nchin la 8.00 da duman de n lunesc 13 de dezëmber ie l dutor Aba Fallaha de Sëlva, tel. 0471/794111 o l 0471 797540. Le dotur en sorvisc tla findledema di 11 y 12 de dezëmber, ti comuns de Mareo y San Martin de Tor, é le dotur Ziad Barakat, Al Plan de Mareo, tel. 334/2484784. Ti comuns de Badia y Corvara saràl en sorvisc le dotur Guido Caretta, Calfosch/Corvara, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënerdi (dala 19.00) ai 10 de dezëmber nchin n vënerdi ai 17 de dezëmber ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc fora dl orar ordinar, dal vëndres ai 10 de dezëmber al vëndres ai 17 de dezëmber, é chëra da La Ila, tel. 0471/847152. N bel bambin de cëira. www.lauscdiladins.com

31


Informazions y Manifestazions

nr. 48 / 11 de dezember 2010

♦ Skitoursprint sot les stëres La gara cun les pels é söl program en sabeda ai 18 de dezëmber a Badia. Pest spezial por chi che romagn ti 10 menüć En sabeda ai 18 de dezëmber organisëia Badiasport la 4. ediziun dla g ara de nöt “Skitoruensprint sot les stëres” a Badia. Le start é dales 20.00 dlungia la Ütia Tamà sön la pista da La Crusc. Al é impröma da fà n rait a val ćina ala staziun dl lift y spo da mëte sö les pels por jì indô sö Le “Skitourensprint sot les stëres” röia chësc ann a süa cuarta ediziun. zoruch ćina ala Ütia Tamà, olache al é le travert. La premiaziun cun pasta party é inće tla Ütia Tamà. Ai atleć che é bogn da curì le percurs tl tëmp te 10 menüć ti aspétel n pest spezial. Le tëmp record dl percurs é de Filippo Beccari cun 10:01! Por iscriziuns y informaziuns www.badiasport.org, posta@ badiasport.org, o fonin 339/3935143.

Referac Prevenziun da lovines y l’ARWA La Lia da Munt Ladinia lascia alsavëi che al vëgn organisé ai 15 de dezëmber dales 20.00 na serada sön la prevenziun cuntra les lovines y por imparè da adorè l’ARWA (pipser), tl salf dla Cassa Raiffeisen a La Ila. Informaziuns plü menüdes pro Isidoro Pezzedi al nr. 347/0408270.

Teater “Punta Emma”: Tony Gross recordà a teater Rua ence te Fascia l spetacol de Teater scrit da Mario Vanzo per recordèr l’alpinist e artist Tony Gross da Poza. Nasciù per endrez del Zenter de èrt contemporanea de Ciavaleis, chest spetacol, interpretà dal bravo ator Andrea Brunello e viventà da la cianties per ladin del grop “Gaudio Musicale”, é stat portà dant forin Fiem con gran suzess e ades l sarà da poder veder ence te Fascia, en sabeda ai 11 de dezember da les 21.00 tel Chino de Cianacei. Duc é envié de cher. Teater tla sala di jëuni Saut

Ncuei sada ai 11 de dezëmber meterà la Nëus Jëuni Gherdëina a jì n “Improvisationstheater” dal titul “Schlag auf Schlag” tla sala di jëuni “Saut“ a Urtijëi. Tlo se tràtel de scenes de teater fates dant dai atëures dl “Forumtheater Südtirol”, che traterà de viulënza y agrescions, y daldò puderà la jënt dl publich fermé te uni mumënt la scena, fé mudazions y dì coche la dëssa jì inant per purté uni situazion a na bona soluzion y fé a na maniera che la scenes vede a finé bën. Duc ie nviei a unì a ti cialé, ma sambën nce a fé pea ativamënter a chësc teater, mpue’ autramënter. La ntreda ie coche for per duc debant, l teater scumëncia dala 20.30.

Avisc

Presentaziuns

Scontrèdes te biblioteca de l’Istitut Ladin L’Istitut Cultural Ladin endreza te sia biblioteca scontrèdes orides a duc i enteressé a la cultura e al lengaz, ence per fèr cognoscer i strumenc a la leta. En mèrtesc ai 14 de dezember da les 17.30 se rejonarà de “I Ladini della Val di Fassa e la loro variabilità genetica a confronto con le altre popolazioni trentine e ladine dolomitiche” con la dotora Valentina Coia, che portarà dant i resultac del projet BIOSTRE. Vegnarà ence prejentà l sistem digitèl SCRIN, l patrimonie culturèl ladin on-line. Fausto De Stefani a Cianacei L Val de Fascia Climbing en colaborazion con l Socors Alpin Auta Fascia l’endreza na serèda con Fausto De Stefani, alpinist de nonzech empegnà te na emportanta atività de volontariat tel Nepal. Con chesta ocajion vegnarà consegnà la ofertes toutes sù da la doi sociazions desche sostegn de solidarietà per nesc amisc: Alex. Diego, Erwin, Luca e Dimitri. Duc chenc é envié a tor pèrt a chesta scontrèda emportanta che se tegnarà en jebia ai 16 de dezember da les 20.45 aló dal Chino Marmolèda de Cianacei. A teater coi bec a Moena Se sera sù la 8^ rassegna provinzièla de teater amatorièl per i joegn che roda fora per l Trentin, e che veit anter si partezipanc i Amisc del Teater de Moena. A Moena ló dal teater de la Ciasa de la comunanza en domenia ai 12 de dezember da les 16.30 l’é en program l’ùltim apuntament con “Natale sta arrivando” del grop “Appunti e scarabocchi” de Gardol. Marćé da Nadè sön plaza de comun a Corvara En chësc ann vëgnel por le pröm iade metü da jì n pice marćé da Nadè, sön plaza de Comun a Corvara. Tles cater ćiasotes vëgnel venü de vigni sort de patüc da Nadè, sciöche articui de artejanat, decoraziuns da Nadè o inće spezialitês y produć tipics dl post. La cripele en grandëza naturala, metüda sö sön paiun te plaza de Comun fajarà da cornisc al pice marćé, che sarà davert dai 3 ai 12 de dezëmber y dai 18 de dezëmber ai 6 de jenà, vigni dé dales 16.00 ales 19.00. Cunsulënza sun l’energia L Chemun de Urtijëi fej a l savëi ai zitadins de Urtijëi che n lunesc ai 13 de dezëmber saràl te cësa de chemun na cunsulënza sun l’energia. Per nfurmazions plu avisa y per fé ora n terminn possa duc i nteressei cherdé su tl ufize dla chëutes, 0471/782060. Trasmiscion sun l duvier de cësa N lunesc ai 13 de dezëmber saràl da audì dala 11.00 danmesdì na trasmiscion te Radio Gherdëina sun l duvier de cësa di sculeies y coche n possa judé - “Hausaufgaben helfen, aber wie?” L rujenerà Iris Schwarzmeier y l dutor Otto Delago. La trasmiscion vën metuda a jì dala Grupa Uemes y Fenans. Chertes per l nightbus Tl ufize dla Nëus Jëuni Gherdëina iel da śën inant la puscibltà de cumpré la chertes per l Val Gardena Nightbus. Chëst ann pòssen cumpré bele danora chertes per una na nuet che costa 4,00 € l’una, y n possa nce se cumpré chertes dal valor de 25,00 € cun chëles che n possa furné 10 iedesc duta nuet. La chertes per un n viac singul pòssen mé cumpré diretamënter tla curiera. Les costa 2,50 €. Purtruep ne iel chëst ann nia plu n abunamënt per dut l ann. La chertes cumpredes ne n’à deguna data de scadënza, chël uel dì che n possa les cumpré danora y les adurvé canche n uel nchin ai 18.06.2011. Per cumpré la chertes y per plu nfurmazions sun l nightbus sons gën a despusizion tl ufize dla Nëus Jëuni Gherdëina tla cësa per i Jëuni, ert y cultura a Urtijëi, sun plaza de S.Antone, tel 0471/799006. Pastlenè y stories da Nadè te biblioteca La Biblioteca Sas dla Crusc inviëia mitans y mituns dla scora elementara a domisdà te biblioteca, olache al vëgn pastlenè y cuntè stories da Nadè. I terminns é: en mercui ai 15.12 dales 15.00 a La Ila, en jöbia ai 16.12 dales 15.30 a La Val y en lönesc ai 20.12 dales 15.00 a Calfosch, dagnora te biblioteca.

32

www.lauscdiladins.com

Prejentazion dl Calënder de Gherdëina 2011

L apuntamënt tradiziunel cun la prejentazion dl Calënder de Gherdëina sarà chëst ann n vënerdi ai 17 de dezëmber dala 18.00 tla Cësa di Ladins. L calënder vën bele ora dal ann 1911 incà, mé danter la doi vieres ne n’iel nia unit ora, y pona inò dal ann 1948 inant uni ann, nchin ncueicundì. Truep zitadins de Gherdëina à inò scrit articuli nteressanc acumpaniei da de bela fotografies. La sëira dla prejentazion unirà abelida da na grupa de sculeies dla Scola de Mujiga de Gherdëina che sunerà sun si strumënc de banda. Prejentazion dla Cronica de Sëlva

L Cunsëi de Furmazion nvieia duc ala prejentazion n dumënia, ai 19 de dezëmber dala 20.30 te cësa de cultura Oswald von Wolkenstein de Sëlva. Nosta Sëlva, dala scuviertes sun Plan de Frea nchin a luech de turism cunesciù tla Elpes. Referënt sarà Rudolf Mussner y d’autri. Ntan la sëira uniràl mustrà de vedla fotografies y l unirà ciantà cianties storiches purtedes dant dal Cor de Sëlva.

Cursc Ćiasa de checs da mil

Le Zënter Families Mareo organisëia por sü mëmbri n domisdé, olache i mituns y les mitans dla elementara po se fà na ćiasa de checs da mil (Lebkuchen) - öna por familia. Invià é inće i geniturs da gnì a fà para. An s’incunta en mercui ai 15 de dezëmber dales 15.00, tl salf dla refeziun dla scora mesana. Chi che é interessà, mëss se scrì ite pro Rosmarie al nr. 0474/506035 (ćina ai 14 de dezëmber). Le cost é de 5,00€ a möt.

♦ Festa de Santa

Lizia En lönesc ai 13 de dezëmber vëgnel festejé a Lungiarü le patrozine de Santa Lizia. Lizia vëgn da Luzia, che ô dì lominosa. La santa vëgn venerada sciöche proteturia dla löm di edli y dla löm dla fede. La ploania da Lungiarü i dà le bëgngnü a düć canć ala festa de so patrozine en lönesc ai 13 de dezember. Dales 8.30 saràl la corona y dales 9.00 la santa mëssa solëna. Dô mëssa ti pîta l’uniun dles patrunes a düć val’ de ćialt dan ćiasa dla scora. Te salf dl paîsc vëgnel ince tignì le marćé de Santa Lizia, organisé a sostëgn dl cor de dlijia. Le marćé é davert en domënia ai 12.12 y le lönesc- Santa Lizia - do la santa mëssa, ćina dales 12.oo. Bëgngnüs Santa Lizia, proteturia dla löm dla fede y dla löm di edli. ala festa!


nr. 48 / 11 de dezember 2010

♦ Copa Europa de paslunch tl’Alta Badia Chësta findledema ai 11 y ai 12 de dezëmber vëgnel metü da jì tl Zënter de Paslunch Alta Badia tla localité de Armentarola/Sarè a San Ćiascian les gares de paslunch di ëi y dles ëres, che vel por la Copa Europa “Fis Opa Continental Cup” Ara se trata de n apuntamënt gnü oramai tradiziun por l’Alta Badia, che po mëte da jì manifestaziuns de paslunch a livel europeich bele por le terzo iade, chësc inće por mirit dla bona organisaziun y dles bones condiziuns dla pista tles ediziuns passades. Le Comitê d’Organisaziun, cun a će Carlo Mellauner y le sostëgn da pert dl’Assoziaziun Turistica de Badia, laora bele da mëisc zënza lascè do por podëi ti pité ai atleć y ai spetadus na manifestaziun ezelënta. Ti ultims agn él gnü fat deplü laûrs por miorè la pista de paslunch. Aldédaincö ciafon cater pistes omologades dala FIS. Insciö à le Zënter de Paslunch Alta Badia döt ći che an adora por l’organisaziun de gares a livel nazional y internazional. Por le garatè dla manifestaziun vëgnel rengrazié le Comun de Badia, le Consorz Turistich Alta Badia, la Provinzia Autonoma da Balsan, la Cassa Raiffeisen Val Badia y düć i sponsors privać. Le program: Sabeda ai 11.12.2010 - gares individuales de tecnica tlassica 9:30: Start 5 km ëres - junior 10.00: Start 10 km ëres 10.30: Start 10 km ëi - junior 11.15: Start 15 km ëi 13.00: premiaziun al travert Domënia ai 12.12.2010 - Mass Start free 9.30: Start 10 km ëres - junior 10.00: Start 10 km ëres 10.30: Start 15 km ëi - junior 11.15: Start 15 km ëi 12.30: Premiaziun al travert

Informazions y Manifestazions Mostres Bianco e Morucchio met fora a Ufofabrik Enscin ai 13 de jené del 2011 te la galarìa de Ert d’Aldidanché Ufofabrik, Str. del Marchiò 6 a Moena, l’é da poder veder la mostra personèla dopia di artisć Fabio Bianco e Andrea Morucchio. Mostra de Helene Demetz

La mostra de Helene Demetz “Pra l’ega“, ie da udëi nchin ai 23 de dezëmber, tl Café Surëdl a Urtijëi. L orar de giaurida dl Café Surëdl ie da lunesc nchin a sada dala 10.00 - 19.00. I dodesc purtons, de Sergi Barnils

La mostra ie tla galaria Ghetta a Urtijëi sun la pitla plaza de S. Antone. Sergi Barnils mët ora na lingia de pitures che ie unides fates aposta per chësta mostra y che ne ie perchël mo mei unides metudes ora. L artista se à dat ju dantaldut cun na vijion che ël à de na Gerusalem nueva coche scrit tl’ apocalissa tla bibia. La opres de ert metudes ora reprejënta la speranza y la marueia. La mostra sarà da udëi nchin ai 8 de jené dl 2011. Mostra de cripeles de Gherdëina

La mostra de cripeles de Gherdëina ie a Bassano del Grappa, tla “Chiesetta dell’Angelo” y vën metuda a jì dall’ “Assessorato alla cultura” de Bassano del Grappa deberieda cun l Museum de Gherdëina. La mostra resterà davierta nchin ai 23 de jené dl 2011 dal merdi nchin ala dumënia dala 15.00 - 19.00. Śarà ai 24, 25, y 31 de dezëmber y ai 1. de jené. L profil de Rusina Peter Lentsch y Martin Steinkasserer nvieia de cuer ala mostra de caricatures de Egon Moroder Rusina unides ora sun la zaita “Südtirol Profil “ ti ani danter l 1993 y l 1996, tla praxis di doi dutores dal’ëiles Lentsch y Steinkasserer, tla streda Cassa dl Sparani 8 a Bulsan. Pra i chedri metui ora se tràtel de caricatures che mostra su situazions politiches y sozieles particuleres de Südtirol. L ie dut ilustrazions depëntes (a man!), desseniedes fac cun gran acribia. La mostra resta davierta nchin de auril de n auter ann, for da lunesc nchin a vënerdi dala 9.00 - 16.00. “Majons intimes“, mostra de Peter Demetz y Robert Bosisio

La mostra ie a Bologna tl Artforum, via Dei Bersaglieri 5/E. I doi artisć meterà ora si ultimi lëures che spidlea l stude che ëi fej sun l spazio fisich y psicologich. La prejënza de figures, o portes o vieresc ne uel nia mustré su velch de romantich, ma la persona che ti cëla al’opres de ert dëssa plutosc ti cialé cun n uedl critich y cialé de abiné respostes ala dumandes che la scultures y pitures ti fej. La mostra sarà da udëi nchin ai 28 de jené dl 2011, da merdi nchin a vënerdi 10.00 – 12.30 y 15.30 – 19.30. De sada, dumënia y lunesc muessen fé ora n terminn per pudëi jì a ti cialé. www.artforum.it

Temp lede Storia da Nadel N juebia ai 16 de dezëmber dala trëi domesdì saràl inò ëura per la storia da Nadel tla biblioteca San Durich. Otto Dellago lijerà dant na storia tla rujeneda tudëscia, sculeies dla Scola de Mujiga sunerà n valgun pec da Nadel y daldò uniràl pità panettone y zeche da bever a duc. Mëisa de libri sun l “Avënt tla families“

Pastelné y sté deberieda ntan l tëmp d’Avënt. Tla biblioteca Tresl Gruber a S. Cristina, iel da udëi nchin ai 20 de dezëmber na bela mëisa de libri n cont dl tëmp d’Avënt. La ie da udëi ntan i orares de giaurida dla biblioteca. La Copa Europa de paslunch é oramai n apuntamënt fis tl’Alta Badia.

Musiga Ćianties, musiga y parores por arjunje solidarieté

I cors da Calfosch y Corvara ćianta por benefiziënza, te dui conzerć d’Advënt. I apuntamënć é por en doman domënia ai 12 de dezëmber dales 20.30, tla dlijia da Calfosch, y en jöbia ai 16 de dezëmber dales 20.30, te dlijia da Corvara. Al sarà da aldì le Cor “Pro Voxis” y le “Quintett Herum”, sciöche inće n trio de stromënć a fle. Tratan le conzert gnaràl inće portè dant pinsiers poetics. Cun ćianties, musiga y parores ôn ti portè aiüt ala jënt de Shihosana tl Limpopo, na regiun isolada dl Südafrica. Les spënores i jarà al’assoziaziun “Action aid”, che prô bele da tröc agn da combate la povertè y les iniustizies. Cun la musiga ô i cors sensibilisé al dovëi de daidé chi che é tla stënta. Conzerc da Nadèl de la Museghes

Per Nadèl la Museghes se à endrezà per ge sporjer a duta la popolazion n bel conzert da Nadèl. La Musega Auta Fascia ve speta en vender ai 17 de dezember da les 21.00 aló dal Chino Marmolèda de Cianacei. La Musega da Vich speta sia jent en sabeda ai 18 de dezember da les 21.00 aló da la sala de consei de Comun de Vich. Cunzert dl’Orchestra di Jëuni de S. Cristina

Ncuei sada ai 11 de dezëmber saràl da audì n bel cunzert cun l’ Orchestra di Jëuni de S. Cristina deberieda cun l “Vinzentiner Knabenchor”, l “Vinzentiner Mädchenchor“ y l cor “Pizzicanto“ dla Musikhauptschule Dornbirn dl’Austria. L cunzert sarà dala 16.30 y dala 19.30 tla Kapuzinerkirche de Persenon. L unirà purtà dant la Antoniusmesse de Joseph Gregor Zangl, l “Prelude“ ora dl “Te Deum“ de Marc Antoine Charpentier y l pez “Caresse sur l’océan.“ L cunzert finerà via cun la Adventsmusik de Anton Heiller.

Festa da Nadel

N dumënia ai 19 de dezëmber meterà la grupa Uemes y Fenans a jì na festa da Nadel per duc i seniores, a Urtijëi te cësa de cultura dala 15.00. Festa da Nadel La grupa di seniores de S. Cristina nvieia de cuer n juebia ai 16 de dezëmber dala doi domesdì a na pitla festa da Nadel tla sala de Chemun. L calënder de Avënt a Urtijëi

Ncuei sada ai 11 de dezëmber saràl tla butëiga dal guant Piz Blanch na proa dl guant da dessot tla dlaciadoia. Duman dumënia ai 12 de dezëmber uniràl cuntà dala 4 domesdì de bela stories da Nadel per pitli mutons tla butëiga Monika. N lunesc ai 13 de dezëmber degustazion de ciajuei tla butëiga Berna. N merdi ai 14 de dezëmber degustazion de ciculata tla butëiga L Gulëus. N mierculdi ai 15 de dezëmber puderàn jì a spaz cun chëntli mpiei dala 5 domesdì. N juebia ai 16 de dezëmber saràl tla butëiga Avesani Primizie na degustazion de vin y ciociul. Tla butëiga Flaim puderan purvé ora aparac da museré la distanzes y cunfrunté roles. N vënerdi ai 17 de dezëmber saràl dala 17.30 la premiazion dl Super-G di ëi y la prejentazion di atlec dla libra sun plaza de Sant Antone. Dala 6 da sëira saràl tla Cësa di Ladins la prejentazion dl Calënder de Gherdëina 2011. Trix

N sada ai 18 de dezëmber saràl dala 14.00 inant n domesdì de juesc da mëisa per families y mutons dla scolina, scola elementera y mesana a Urtijëi te calonia. Ulëis’a mparé a cunëscer d’autra families y d’autri mutons a chëi che l ti sà bel a fé juesc da mëisa? Pona ie l domesdì Trix iust l drët per vo. Trix da sëira Da sëira pona juesc da mëisa per jëuni y granc a Urtijëi te Cësa di Jëuni, Ert y Cultura dala 20.00. Ueia de ve devertì te na blòta cumpania? La sëira de juesc da mëisa Trix ie pona iust l drët per vo.

www.lauscdiladins.com

33


Informazions y Manifestazions

nr. 48 / 11 de dezember 2010

♦ Che ô pa daidé te

Mostres Mostra cun Ivan Lardschneider La mostra “I am abnormal“ ulache l artista de Sëlva Ivan Lardschneider mët ora deberieda cun d’autri artisć de dut l mond ie a Berlin, Linienstr. 154. N possa jì a ti cialé nchin ai 13 de jené 2011 da merdi nchin a vënerdi dala 15.00 – 20.00. De sada iela davierta dala 13.00 – 18.00. Plu nfurmazions sot a www.abnormals.org

n grup motivé? La uniun sportiva da San Ćiascian ô tó ite jogn y manco jogn te sües ativitês, y chir porchël porsones motivades dl paîsc da dè so contribut a bëgn dles ativitês dl tëmp lëde

Ai 16 de dezëmber cumplësc

Trina y Giuditta

L’Uniun Sport Amatoriala San Ciascian é da agn ativa tla promoziun de ativitês dl tëmp lëde. Al ô ester tres indô idees nöies, propostes, impulsc. Porchël chir la uniun sportiva jones, jogn y inće manco jogn dl paîsc da San Ćiascian, che ess ligrëza da laurè y daidé adöm a n grup motivé. I fins prinzipai dla uniun é la promoziun da ativitês dl tëmp lëde y la gestiiun de infrastrotöres sportives. Por plü informaziuns pon tó sö contat cun Thomas Pescollderungg al nr. 338/1807080 o Stefan Clement al nr. La Uniun Sport San Ćiascian chir porsones 335/5366372. motivades.

Iadi, Jites y Escurscions Viac culturel y jites a Malta

La Lia da Mont Gherdëina mët a jì n viac de cultura y jites a Malta, n l’ Ena Santa 2011. Nfurmazions plu avisa giapeis da Arthur, 0471/786368. Iscrizions nchin ai 6 de jené dl 2011. Jites cun i catores

I Catores meterà inò a jì n auter ann de bela jites nteressantes. De jené dl 2011 uniràl jit sun l Kilimanjaro, de mei uniràl jit 17 dis a fé n trekking tl Perù y de setëmber y utober uniràl jit 40 dis sun l Cho Oyu, 8.201 metri. La jita sun l Mount Meru y l Kilimanjaro sarà dai 16 nchin ai 29 de jené. L se trata de n trekking tla Tanzania sun la piza plu auta dl cuntinënt African, l Kilimanjaro 5.895 m. Per se atlimatisé uniràl fat danora l Mount Meru, 4.600 m. Do che n ie jic sun piza uniràl mo fat doi biei Safari per udëi i tieres dl’Africa. Per nfurmazions plu avisa pudëis damandé Adam Holzknecht, 335/6253156 o scrì a adam@catores.com

♦ Trekking tl Perù La scola de alpinism Catores prejenterà n lunesc ai 20 de dezëmber na jita sun la montes dl Perù per chëst ann d’ansciuda Hubert Moroder y Adam Holzknecht prejenterà l trekking che i ulerà fé de mei de chëst ann che vën tla Cordillera Blanca tl Perù. Ntan la doi enes de jita aràn la puscibltà de fé vel’ piza per chëi che uel, y de vijité l luech de Machu Picchu. Velch deplù sun chësc trekking ie nce bele da pudëi liejer sun la plata di Catores www.catores.com. La sëira de prejentazion sarà ai 20.12., dala 20.30 tl ufize di Mëinacrëp sun plaza Stetteneck a Urtijëi.

dl Schützer 88 ani.

Cungratulazions de cuer y per l daunì mo truepa legrëza y sanità. I doi nepoc y i ujins.

Christin 20 agn él bele passè da canche t’as metü man da zapurè. Na bela müta da urëi bun este deventada, messun ma dì che t’es dër garatada. Deache dër bun te urun, na bela festa pur te fajarun! Che te restes inant sciöche t’es te aoda de cör Tü geniturs cun Patrick, Andreas, Barbara y to Michael

Stasi de Costata complësc 94 agn. Ala Oma döt le bun!

Canche an po ai 16 de dezëmber 94 agn festejé, mësson dì che le tomp è empò snel passé. Che la vita n’è nia en trù roduntafora, aste enstëssa proé y porchël s’aste nos düć con töes corones entres dassënn daidé. Ligrëza orunse en cösc dé de festa te scinché y da Chël Bel Dio, sanité y benedisciun docà, te perié. Dër bel iolan de döt ći che t’as fat y fejes ćiamó te dij de cör Elvira con Ruth y Renate adöm con les mius aodanzes da töa só Paola adöm con Maria, da to fré Pire con Veneranda, Lois de Costata con familia y la familia da Kranebitten

Al nòst prescident e fondadou de la “Società Impianti Turistici Boé”  

Ugo de la Malia. L consei de la Sit Boé auna ai colaboradous, L Alpamayo.

Machu Picchu.

A Stefan Demetz de Sulé

che à cumplì 85 ani ai 10 de dezëmber ulons ti mbincé dut l bon y che l posse mo jì giut da mont su. Chëi de familia

34

www.lauscdiladins.com

per i tuoi 80 agn i te augura tánta sodisfazion con chël che, con tánta pasción e sacrifizi, t’as metù mpé.


Inserac , Religion y Anunzies

nr. 48 / 11 de dezember 2010

Da chirì

Crì da laour N ël chier da lëur a lavé ju o a fé d’uni sort de lëures. Ël à bele cin ani de esperienza te Gherdëina. Sce l ie mesun chierel da lëur te Gherdëina o ntëurvia. Tel. 339 8665047. (46/10) ••• N ël chier da lëur sciche aiut-cuech, a lavé ju o a fé d’uni sort de stroc. Ël à cater ani de esperienza te hotiei de nosc raion. Tel. 327 5782628. (46/10) ••• N ël chier da lëur a fé d’uni sort de stroc te n hotel, nce lëures de manutenzion, l à la patent B. Sce n cajo nce a lavé ju. Tel. 347 1477192. (46/10) ••• N jëunn de 29 ani chier da lëur coche cuech y segondo cuech. Tel. 349/7188365. ••• Na jëuna dla Serbia cun esperienza chier da lëur coche chelnera o a rumé su majons. Tel. 320/0481214. (46/10) ••• N ël dla Talia chier da lëur te n restaurant, coche barista o nce pra n lift. Tel. 329/6461350. (46/10) ••• N jonn chir n laûr tla Val Badia cun na ćiamena por dormì. Al é anfat de ći laûr che al se trata. Ël sa püch talian y ingleje Tel. 0471/843189. (46/10) ••• N’ëila cun esperienza chier da leur sciche cuega, ciche aiut- cuega o a judé te cësadafuech. Preibel cherdé su l 349/8474988. (46/10) ••• N’ëila dla Romania de 30 ani che vif a S.Cristina chier da lëur a cialé de na persona de tëmp o a rumé su majons. Tel. 366/7016703. (47/10)

••• N’ëila chier da lëur a cialé de pitli mutons a S.Cristina o te Sëlva dala 5 domesdì inant. Tel. 347/8589029. (47/10) ••• Na jona dla Val Badia chir da laûr sciöche massöra por trëi dis al’edema domisdé. Prëibel cherdè sö le nr. 347/7440514. (47/10) ••• N jëunn chier da lëur coche aiut cuech o a lavé ju. Tel. 327/8378389. (47/10) ••• N jëun chier da lëur te Gherdëina, puscibilmenter te Sëlva, a purté ora buandes,a judé te cësadafuech, o a lavé ju taieresc. Tel: 333/8124204. (47/10) ••• L ven cris da lëur coche chelner de sala. Tel. 389/1103169. (48/10) ••• N ël cun esperienza chier da lëur coche cuech. Tel. 392/1513805. (48/10) ••• N jëunn di Paejes Tudësc chier da lëur a judé te na cësadafuech, a fé de uni sort de stroc te n hotel, da vardian o nce a cialé de na persona de tëmp. Ël sà la rujenedes tudësch y nglëisc. Tel. 0049/15222009851, email brunogroening@web.de. (48/10) ••• N ël chier da lëur coche pizzaiolo o a judé te cësadafuech o coche vardian. Tel. 339/7280128. (48/10) ••• N ël chier da lëur a judé te cësadafuech, a lavé ju o a fé de uni sort de stroc. Tel. 338/7732267. (48/10) ••• N ël chier da lëur a lavé ju, l à bele laurà

truep ani te Gherdëina. Tel. 335 7008955. (48/10) ••• N ël chier da lëur sciche aiut-cuech o scenó nce a lavé ju. L à fat la scola de hotelaria a Agrigento. Tel. 320/3131381. ••• Na ëra cun esperiënza chir laûr a romenè sö ćiamenes cun na ćiamena a Al Plan. Tel. 328/4721667. (48/10) ••• Na ëra che sà l ingleje chir laûr a romenè sö majuns. Tel. 329/2782743. (48/10) ••• Na ëra da San Ćiascian chir por la sajun da d’invern n laûr pur n valgünes ores da domisdé inant, 3 - 4 dis al’ edema. Tel. 393/6509591. (48/10) ••• N’ëila chier da lëur a rumé su majons o a cialé de pitli mutons part time, sce la va a Urtijëi. Tel. 331 5635788. (48/10) ••• N ël chier da lëur. Ël sà da lauré cun l computer y la rujenedes talian, nglëisc y spanuel. Tel. 349/6385306. (48/10) ••• Na ëra dla Talia che à bele tröc agn de esperiënza chir laûr tla Val Badia a romenè sö apartamënć. Tel. 338/3375382.

La Scora de Schi da La Ila chir na colaboradëssa por l “asilo neve“. Prëibel telefonè al 0471/847258.

Vangel dla Domenia 3. Domënia d’Advënt, ann A, ai 12 de dezëmber 2010 Dal vagnele do San Matî, 11, 2-11 Te chël tëmp â Jan aldì te porjun dles opres de Crist. Sön chëra àl ortié sü discepui da d’ël y ti à dit de le damanè: “Este tö chël che dess gnì, o messunse aspetè n ater?” Gejù ti à respognü: “Jide y cuntedi a Jan ći ch’i aldis y odëis: i verc vëiga indô, i paralisà va, i levrusc vëgn nëć, i surć alda; i morć ressorësc, y ai püri ti vëgnel incundé le vagnele. Beât chël che ne se scandalisëia nia de mè.” Do ch’ai s’un ê jüs, à Gejù metü man da baié ala meja porsura Jan; al dijô: “Ćî orôse pa odëi, canch’i êse jüs fora tl desert? N fostü menè dal vënt? O ćî orôse pa odëi, canch’i êse jüs fora? N ël te n vistimënt fin? Chi che porta guanć fins ciàfon ti palasć di resc. O por ćî êse pa jüs fora? Por odëi n profet? Scê, i ves diji: i ëis inće odü val’ deplü co n profet. Ël é chël, de chël ch’al vëgn dit tla Scritöra: i te mëni mi anunziadù danfora; al dess arjigné le tru por tè. Amen, chësc ves diji: “Danter la jënt nen n’él stè degun plü gran co Jan Batista; mo le plü pice tl rëgn dl cil é plü gran co ël. Parora dl Signur. – Lalt a té, Gejù Crist!

Lecort

L vën cris n pitl cuatier o monolocal a S.Cristina o a Urtijëi da sën inant. Tel. 320/7109821. (46/10) ••• L vën cris na majon o n pitl cuatier per

Maddalena Ploner Massa grant ie l uet che te es lascià danter nëus. Tu ies for stata na bona cumpania, for tlo te uni mumënt canche te adurvan. Cun te iel for stat bel, suvënz nce da rì. De té nes réstel truep de biei lecorc. Maddalena, te sares for danter nëus, te nosc cuer.

••• N ël da tlo chier na majon a Urtijëi per la sajon da d’inviern. Chiche ëssa velch da pité ie prià bel de cherdé su l 338/5027357. (48/10)

Da vende A Urtijëi vëniel vendù a n bon priesc n tlavier da mur fosch dla marca FeurichLeipzig, acurdà y scialdi bën tenì. Nteressei possa cherdé su l 339 7069013. (46/10) ••• Da vëne na gabia per trasport de n cián nuova, marca Ferplast, 100 x 60 x 66 cm, euro 60,00. Da vëne na branda nuova, 100 x 60 cm a 20 euro. Tel. 333/3285343.

••• Da vëne a bun prisc 1 schipass da 25 agn insö por la pert d’ Al Plan, (Picolin fina Plan de Corones). Tel. 338/1277295. ••• Al vëgn venü schi da tour (Freeride) Dynastar mod. Legend 8800 cun atać Dynastar Legend nüs (zënza pels) a 290,00€. Tel. 345/4579275. (47/10) ••• L vën vendù an bon priesc 2 pèr de schi

Al vëgn scinché ia na vidrina cun dlaciadoia da bufé por i gostà ,mosöra 70/120. Tel 0471/836031. (46/10)

••• A Urtijëi vëniel dat ca doi popagaies da culëur dla sort ”Inseparabili/

da gara model da chëst ann, dla marca Fischer GS RC4 World Cup Junior, lunghëza 1,60 cm cun atachs Freeflex Z11 y doi pèr de schi da gara model da chëst ann, Fischer SL RC4 World Cup Junior, lunghëza 1,40 cm cun atachs Freeflex Z11. Tel. 346/3755464. (48/10) ••• Da vëne n auto dla marca Mitsubishi, pick-up american, Sport 2, dl 2007. Tel. 335 6943528. (48/10)

Unzertrennliche” da de biei culëures, cun na bela gabia leprò. Tel. 340 9105878 (Dino) (48/10)

Na butëiga de Sëlva chier na lodnera per dut l di o nce mé per domesdì. De dumënia ne àla nia drë de lauré. Prëibel cherdé su l 0471/794293.

Sport Kostner a Corvara chir 1 colaboradù/ëssa por le repart alimentars por la sajun da d’invern. Prëibel telefonede al 0471/836117 orar de ofize. I se aspetun!

Hotel Villa Eden a Corvara chir n/na secreter/ia cun esperiënza y de bunes conoscënzes de talian y todësch. Prëibel telefonè al 0471/836041 o menè le curriculum a info@villaeden.com

La dita de custruziun Bioc Bau Srl chir por le proscim ann n pröm laurant, moradus spezialisà. Prëibel telefonè al 0474/523127.

Da scinché ia

Al vëgn chiri a Calfosch na ćiamenëssa por les sabedes y domënies. Prëibel telefonè al 0471/836244.

L vën cris per mez n di o nce per dut l di na lodnera da sën inant per na butëiga dala chiena te Sëlva. Prëibel cherdé su l 0471/795160.

Residence Sottsass a La Ila chir ëres a puzenè. Prëibel telefonè al 0471/847158 o al 339/8383892. Ütia La Brancia a San Ćiascian chir por la sajun da d’invern n/na chelner/a dl post a ores. Prëibel telefonè al 347/0408270.

N mierculdi ai 8 de dezëmber nes à lascià nosta cumpania

*02.03.1989 +08.12.2010

n jëunn. Tel. 348/5791314. (47/10) ••• Al vëgn chiri da cumprè por 80,00 euro na mascînn da lavè a Badia, da istalè. Tel. 333/2946535. (47/10)

Residence Sidonia a Corvara chir na ëra dl post a puzenè apartamënć les sabedes. Prëibel cherdè sö le 0471/836741.

Grupa Aspiag cunzessioner dla marches

la majera firma cumerziela tla region Trentin – Südtirol cun 50 filieles y 160 butëighes chier n/na beché. L vën damandà de savëi da lauré da beché, serietà sun l lëur, mpëni, de se prejenté da plajëi y de savëi la rujenedes tudësch y talian. L vën pità la puscibltà de furmazion y de lauré te n team jëunn y dinamich. La stiera da tò ite ie tla butëiga a Urtijëi. Sce chësta stiera te savëssa bela manda ti curriculum a: PERSONALABTEILUNG ASPIAG SERVICE GmbH streda Buozzi,30 – 39100 Bulsan, fax 0471/241883 e-mail: manuela_girelli@despar.it nfurmazions sun la privacy pòssen udëi sun la plata www. despar.it

Ti cumpanies Alessandra, Anna, Laura, Marlies, Milena y Silvia. Barbara, Pepi y Caroline, Ve son daujin, tl pensier; ma nce sce adurvëis zeche sons for tlo per Vo, coche Maddalena fova for tlo per nëus. La supeltura ie a Urtijëi n sada dala 14.00 da cësa Praruf demez, streda Rumanon 28.

Rengraziamënt I tolun comié da nosc pere

La dita Adang Termosanitar a La Ila chir da atira 1 lerner che à ligrëza da imparè le laûr da montêr. Telefonè prëibel al 0471/839766.

Pasquale Irsara d’ Bernert Pescol - Badia *28-03-1921 +26-11-2010 I familiars oress rengrazié danfora la Crusc Banćia y l’ Dotur Di Marino dl guern che ai à fat por nosc pere. I rengraziun siur Degan Franz Sottara, i ministranć, l’ Cor de Dlijia, chi di confaruns, chi che l’à condüt, i iagri che l’à portè y la Müjiga di Iagri. N dilan a chi che à dit dant les corones y a chi che à arjigné la fossa. A düć chi che é gnüs ales corones y ala supultüra, y a chi che à ofrì a fin de bëgn i sporjunje n “Dî s’l pàies”! I familiars

La botëghes Lagazuoi a S.Ćiascian chir por la sajun da d’invern 1 boteghiera cun esperiënza y conoscënza di lingac. 1 porsona por le repart dai schi. Prëibel telefonè al 335/6810026 o al 0471/849328.

Per doi persones, vëniel fita via n cuatier mpue ora de Urtijëi. Preibel cherdé su l 335/1541673 L vën vendù n pra da mont de 5 hectar cun n medel y n tublà ressanei,te na bela luegia panoramica sun Mont de Sëuc. Prëibel cherdé su l Immobilien Büro Real 07 GmbH al 335/220542. www.real07.com Te n residence a La Val vëgnel venü l’ultim apartamënt convenzionè cun 110 m2 y garage. Prëibel cherdè sö le 335/6167989.

Hotel Garni Elisir Ćiaulunch/Corvara chir por la sajun da d’invern 1 tornanta ćiamenëssa 3 dis al’edema (cun la sabeda) danmisdé. Prëibel telefonè al 388/8485004.

Ütia Punta Trieste a Corvara chir na barista da atira. Prëibel telefonè al 0471/836643.

www.lauscdiladins.com

35



La Usc di Ladins