Page 1

portadoura dla onoranza claus gatterer 2012

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 47/2012 - 30 de november 2012 online sun

7

Religion

Avënt 2012 „Avënt jì pea, ma fé cie limpea? N Avënt mo dut da udëi!“ Reflescions de Sn. Digan Vijo Pitscheider.

Fascia

De gragn films de de pitli popui “L’ert da bradlé deberieda” é l titul traslaté tl ladin dl film che à venciù chisc dis la cuarta edizion dl concurs de films de mendranzes europeiches. La marevueia: la gran cualité enfin tl detail di films dla finala y la importanza che l film à al di da encuei per les mendranzes y ence duc i autri

12

La sia L frabicat de la Frazion de Poza é stat renovà e laìte troarà post na sezion del Museo ladin dedichèda al “segat”.

Persones

14

Dut l bon, Rafael! Rafael Kostner à nstadì cumplì sessant’ani. Na bela ucajion per ti fé festa, tla sënta dl Aiut Alpin a Puntives.

Batadù

17

Pasquale y Robert L KVW de S. Cristina à nstadì metù a jì n batadù da 64 te cësa de Chemun de S. Cristina.

Al Plan

I paurs s’indüna

Badia

27

Dui iadi vint Le Cor dles Ëres Kèrygma y le Cor di Ëi de Badia à intrami podü festejé le iubileum de 20 agn.

Val Badia

28

Turism tl’Alta Les assoziaziuns turistiches de Badia y da Corvara/Calfosch à tignì süa reuniun generala, olache al é gnü fat n bilanz dl isté y presentè les novitês.

“La Usc” di letours

Letres I ciafeis ence te chesta edizion minunghes, osservazions, conseis, aodanzes, toutes de posizion y critiches.

32

La Catalunya de Iaco Rigo

Artur Mas, caput dl CiU (Convergència i Unió) y president dla Generalitat, essa volù deventé con chestes lites l eroe dl Stat Catalan, ma la jent le à archité. El ova dit che sce si partì essa venciù les lites, spo éssel metù de jì l referendum per despartì la Catalunya da la Spagna. Sen messaral tré naota l fle, ajache l CiU à davagné “mé” 50 scagns sun i 135. Y al messarà rejoné con i autri, ence con i partis nia sezescionistics, sce al se stenta tant de lié n program de coalizion con la ERC-Cat Sí (Esquerra Republicana de Catalunya), partì che sosten l’independenza catalana y à arjont 21 mandac tl parlament catalan. Vedaron! Duta l’Europa à cialé dant otedì dl vers dla Catalunya - sce l partì de Mas essa stravenciù, spo essa deplù regions y raions de mendranzes bonamenter vedù che al é gnu l dret moment de auzé la bandiera per jì n troi plu autonomistich y independent.

Le tëmp é rî

26

Pro la reuniun di paurs dla Val Badia él gnü metü sön mësa de plü cuestiuns. Danter chëstes cataster, burocrazia, raport cun le turism y cuotes dl lat.

Comentar de pruma

L atour Jannik Lorenzen y l regist Peter Schønau Fog peia do tla Husumhus a Hüsem/Husum tla Nordfrisia l Award dl “4th European Minority Film Festival”. Al medem film i él ence ju l pest dl publich.

Atualité - Cater films te chesta finala sunsom la Germania, tla tera di Frisc dl Nord, cater films lonc per la maioura pert 100 minuc, de cater raions culturai distanziés con lingac ratés “manco esponus” de vigni versc: Frisia dl Vest, Südjutland, Slovachia y Paîsc Bascs. De plu é ence stés i films curc proietés fora concurs tl Chino Center de Hüsem, y de gran interes é steda la prejentazion ufiziala da pert dla RTR (Radiotelevisiun Svizra

Rumantscha) dl projet “Da les Alpes ai Mers”, na seria de ben 13 documentars sun mendranzes europeiches realiseda per la trasmiscion “Cuntrasts” che i vedon ence te gran pert dles valedes ladines. Tl Schloss zu Husum à l jornalist rumanc y manajadour de chest projet Ruedi Bruderer mostré un di prums films touc su per la seria, dediché ai Frisc tl Nord dla Germania. L film é gnu proieté esclusivamenter con comentar fris

y sottitui todesc.

Organisazion tet di nordfrisc culturala y politica Chest festival de films a Hüsem é gnu metù de jì da la “Friisk Foriining”, la organisazion dla mendranza linguistica nordfrisa sunsom la spona a vest de Schleswigva inant a plata 2

Indô n iade à le rî tëmp tochè la Talia, dantadöt i raiuns incër Massa Carrara y Grossetto. Impormò dan chinesc dé êl stè gran alarm dla Proteziun Zivila te chisc posć. La politica y la jënt pê n’avëi tles mans degügn stromënć por archité chëstes rogossies. Inće te nostes valades él intrês indô prigo de rogossies, roes y rotes, podruns cogherëia jö te strada. Laûrs vëgnel intrês indô fat por parè da prighi, sura les strades y en ur’ di rüs, les organisaziuns dla Proteziun Zivila y dl pröm aiüt é arjignades ca ala miù. Por ći che ara va da fà! Al é n pice spavënt da messëi vire cun la tëma da rogossies y catastrofes ambientales, te n iade pôres ester chilò y desdrü cotan, i ruviné la vita ala jënt. “A fulgore et tempestate, libera nos, Domine” él tradiziun da perié te nostes valades, che na oraziun podess impò ćiamò nes salvè dales tëmes y dai prighi! Al n’é ma na cherdënza o n fantinamënt - fantinamënć n’él bëgn d’atri assà incër nos ia. Chi che se damana aiüt dal Alt à almanco ćiamò respet da val’, y te vigni cajo ài na gran crëta tl bun y tl iüst. Respet! Forsc messunse mëte man da mudé nosc modo da ponsè, por nen gnì fora da n gröm de creises. (ir)


Zoom

nr. 47 / 30 de november 2012

De gragn films de de pitli popui “L’ert da bradlé deberieda” é l titul traslaté tl ladin dl film che à venciù chisc dis la cuarta edizion dl concurs de films de mendranzes europeiches. La marevueia: la gran cualité enfin tl detail di films dla finala y la importanza che l film à al di da encuei per les mendranzes y ence duc i autri analises dla giuria film per film. L film vestfris é gnu realisé con puec mesi, tratant che les autres produzions se roda dutes tles speises soura l milion de euro fora. L film basch trata na storia de familia, la familia é importanta ti Paisc Bascs, l film laora su ence l raport problematich che an po avei con na persona tant vedla. Do dut cie che ala à fat tla vita de bon per duc, ne pòssen nia la desmandré te na ciasa de paussa. Na critica a la cualité dl film é chela che la lava instessa ne rejona feter nia tl film, ala fej mé y “desfej” mé, ala é misteriousa sciche n “spirit”, y che l film se ciaria man man che al se svilupeia con na saour massa dramatica y ence assurda.

va inant da la pruma plata

Holstein, organisazion che se dà da fé per lingaz, cultura y politica. La Friisk Foriining met de jì y sosten na gran cuantité de ativités che dess jì a ben dl lingaz fris y dla cultura frisa. Laprò él ence l laour per i mutons y i joegn, cursc de lingaz per vigni eté, iadi internazionai de stude, la produzion de media audiovisuai moderns y la colaborazion strenta con d’autri grups de mendranzes t’Europa. la Friisk Foriining é ativa sun trueps ciamps politics y se lascia raprejenté tres l partì SSW (“Südschleswigscher Wählerverband”) tl consei provinzial dl Schleswig-Holstein. Da mei 2012 encà é l SSW ence tla coalizion de govern (“Kieler Koalition”), fata deberieda con i Verc y la SPD. Coordineda é gnuda chesta cuarta edizion dl festival da Gary Funck, aministreda da Manfred Nissen, trami colaboradours dla Friisk Foriining. La juria é steda metuda adum da Onno Falkena (jornalist vestfris pro l foliet Omrop Fryslân), prof. dr. Elin Fredsted dl Istitut per lingaz daneis y literatura y didatica dl’Université de Flensburg, y Iaco Rigo (jornalist y diretour de La Usc di Ladins).

I films dla selezion “Merke Blues”: n film de 60 minuc, realisé dl 2012 tla Vestfrisia (Paisc Basc), de lingaz vestfris, con sottitui ingleisc, la regia é de Jan Tijsma. Merke Blues (che podessa ester per ladin “blues dl marćé dla segra”) descriv la storia de n om joen che ruva te si paisc vestfris do ot agn che al é sté fora per l mond. Al va sun la festa de paisc y incunta na sia compagna di agn da laota y chestiana de si fre mort dant puec agn te n inzident de streda. Al met man da relazion danter i doi. “Merke Blues” é gnu fat con n budget puech aut de 20.000,00 euro, duc i atours é amatours. L film n’à - ence per gauja dl budget precar - nia podù tegnì l vare con i autri films en gara. “Urteberri on, Amona!”: n film basch dla Spagna, realisé dl 2009, dura 97 minuc, tl lingaz basch con sottitui ingleisc, regia: Telmo Esnal. Le titul podessa dì per ladin: “Bon Ann Nuef, lava!”. Al se trata de na comedia scura sun i problems che la familia de Mari à con sochedì sia lava. La lava Mari se damana dut l

A Hüsem tratant la prejentazion dla seria di documentars sun mendranzes, realiseda da la RTR con la coordinazion dl jornalist rumanc Ruedi Bruderer (dancà, secont da man ciancia).

temp y impegn da pert de sia fia Maritxu, tant inant che l om de Maritxu organiseia da la conduje te na ciasa da paussa. Chest vegn organisé aldò che Maritxu ne sae nia... Ma la storia ne é nia tant saurida sciche al per, no la lava ne vuel sté tla ciasa de paussa, no sia muta Maria ne glot cie che al i vegn fat viadò l spinel. L regist Telmo Esnal descriv i conflic con na saour de humor y tira empò la atenzion sun la tema da la surité, la perduda di valours morai, egoism y la deujinté tles families. “Cigán”: che vuel dì “zigainer” per ladin, film de 100 minuc, fat dl 2011, lingac: romanes (di Roma) y slovach, con sottitui ingleisc, regia de Martin Sulik. Al vegn conté la storia de Adam, n mut de n paisc Roma tl Ost dla Slovachia. Si pere vegn copé y sia oma marida l fre de si ex om; chest tira ite l mut Adam te si afars pac, Adam ruva sun la scleta streda. Sia chestiana joena vegn venuda sciche nevicia a na familia rica, Adam vegn gran da n di al auter. N dì, canche Adam vegn lassoura che so pere de “len” ova copé si pere, làscel jì ciarà dut si senn sun si berba... Al é na storia con de beles imajes de na valuta documentara, y mujiga dret originala. Ence l tai é dret garaté. “Kunsten at græde i kor” (per ladin: l’ert da bradlé en cor) é n film tout su tla Danimarca, dl 2006, al dura 106 minuc. L “lingaz” rejoné é l südjutlandeis (dialet dl daneis

dla Danimarca dl Süd), con sottitui ingleisc. La regia é de Peter Schønau Fog. L film conta dl mut Allan che les proa dutes per salvé sia familia da paur fora tla campagna. Allan tegn da si pere, pensa che dut sie normal canche si pere à deprescions, lascia fora sies agressivités y se damana consolazion y confort (ence sessual) da pert de sia fia joena. La mama de Allan fej sie laour da boteghiera sun l luech (vene produc da paur), ma ne vuel savei nia di problems che si om à, da seira vala te let do avei tout ite n sonifer. Al é n film che laora su trueps tabus familiars y ence soziai. L libret é gnu scrit aldò dl roman dal medem titul de Erling Jepsen.

2

www.lauscdiladins.com

Sinti y Roma reconesciùs Puec dis dant l festival a Hüsem é i Sinti y Roma todesc dl SchleswigHolstein gnus reconesciùs da si Bundesland sciche mendranza linguistica, “chest vare é storich”, à comenté l premier dl Bundesland Torsten Albig a Kiel. Tl SchleswigHolstein vìvel chi 5.000 Sinti y Roma. Si lingaz, l romanes, auda pro i lingac dla Cherta europeica dles rujenedes regionales y minoritares; al é n lingaz che s’à

Fora dla critica dla giuria En gaujion dla seira gala él gnu prejenté en curt con intervistes ai regisć resp. produzenc, i films stés en gara y ence sourandé spo i doi pesć dl concurs: chel dl publich y chel dla giuria. Venciù à te trames les categories l medem film, “Kunsten at græde i kor”, na produzion - sciche dit - daneisa tla verjion südjutlandeisa. I reporton n iade te plu perts fora dla laudatio porteda dant dal president de juria Onno Falkena: “I volesse me congratulé con duc chi che à daidé pro de realisé chisc cater films dl festival, l livel de chesta edizion é sté plu aut che chi di ultims agn. Sce chisc films é rapresentatifs per i raions y grups de lingaz de mendranza, spo - volessen dì - che al se trata de na industria che va ben, ma ala n’é nia enscì. La produzion de film de lingaz de mendranza é dret iregolara, ence tla Vestfrisia, y te trueps posć dla Europa él dret rie de fé films con la

Priesc d’abonament anual:

De plu é ence stés i grups che à soné y cianté ti lingac de mendranza desferenc: la joena ciantadoura frisa Gina, la ciantarina Ginger Redcliff y le duo Ludwig y Angelika d’La Pli de Mareo (sul retrat) che à daidé prejentè le "ethnical project" d’La Pli de Mareo.

crisa che i vivon. Empò, nos podon avei chilò na edizion dret interessanta y ence de marevueia de films de mendranza.... Mia critica é indere che massa puecia jent se tol l temp de cialé chisc films. Per les edizions tl davegnì me speti n plann de promozion plu efizient, ajache i films y l concurs s’l merita. Ciuldì pa nia invié adalerch ghesć per plu dis, ti pitan na vacanza lieda al concurs, con de vigni sort de atrazions, servisc y iadi per cialé i posć y la natura? I messon nes lascé tomé ite valch che tira la jent y la atenzion, ence con l aiut di social media, l internet, ez..” Onno Falkena à spo conté dles

Sun l film slovach él da dì che al é na produzion nia Roma sun la vita di Roma. Al vegn conté de sciche chisc viv, nia dagnora ne resta i cliscés lesiers, an à l’imprescion che al i vegn dé fle ai pregiudizes. Bele conté sun na popolazion con generalisazions é n gran fal.

per la Talia: 64,00 euro. Foradecá: Raion 1 - Austria, Paejes Tudësc y Svizra: 64 euro per la zaita plu 86 euro per la posta, de ndut 150 euro. Raion 2 - Rest dl’Europa: 64 euro per la zaita plu 136 euro per la posta. De ndut 200 euro. Raion 3 - Dedora dl’Europa: 64 euro per la zaita plu 236 euro per la posta, de ndut 300 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Zoom

nr. 47 / 30 de november 2012

svilupé dal Sanskrit indian vedl, i Roma y Sinti fova ruvés te Europa da l’India ca. Al di da encuei vìvel tla Germania chi 60.000 Sinti todesc y chi 10.000 Roma todesc. 500.000 Sinti y Roma te duta Europa à messù perde sia vita per l Olocaust. Y cie fej pa i Statesc fora dla Germania al di da encuei? Dantaldut tla Francia y tla Talia él gnu metù de jì i ultims agn azions - en pert ence planifichedes politicamenter - de discriminazion y tormentazion ti confronc di Sinti y Roma. L reconesciment di Sinti y Roma tl Schleswig-Holstein dess davei ester dant ai uedl de chesta sort de politica dejumana ejemplara y “storica”.

“N pest por la destabuisaziun!” Iaco Rigo é stè mëmber dla giuria al “4th European Minority Film Festival 2012” de Hüsem (Schleswig-Holstein). Intervista

Tratant la zerimonia de premiazion: Gary Funck (coordinadour dl festival y moderadour dla seira), Miren Aperribay (persona de contat per l film basch en gara), Telmo Esnal (regist dl film bach), Antje Arfsten (comoderadoura dl festival).

Laudatio “Kunsten at græde i kor”

vigni mur de sia ciasa y a desman de vigni compromis.”

La professoura universitara Elin Fredsted à rejoné en inom dla giuria sun l film daneis, dijan che i posć, i scenars é biei y che la mujiga che an auda - da Janis Joplin a Franz Schubert - soporta l’atmosfera y le travaiamënt emotif, si compliment i va ence al componist daneis dles mujighes originales che vegn dant. “Ence i atours jobleneia davei ben, dantaldut l mut Allan raprejenté da Jannik Lorenzen. La trama se fira inant de n vers lesier y nia pesoch. La cossa veramenter speziala de chest film é che al vegn laoré su tabùs familiars y intims, la funzion che le mut à y che al mostra tres si uedli y si paroles, é chela de ester portadour fedel dl afet per si familia y si pere, y dl auter vers ence n testimone y denunziant che cie che sia sor mess vive é n picé da condané dalonc da

Can pa n film ladin? I ladins dles Dolomites n’à ciamò degun film profescional che podessa ester a l’auteza dl livel premié a Hüsem. Sce an pensa che ben trei films dla finala 2012 a Hüsem é gnus realisés con n budget entourn y soura l milion de euro, spo ne podaronse nience nes l somié - naota sen! La domanda é indere chesta: tant nes lascionse pa costé d’autri projec, d’autres publicazions y d’autri spetacui, y tant fóssen pa bogn organisativamenter de avié via la produzion de n film ladin de cualité? Tla Slovachia àn realisé n film tl lingaz romanes, con i Roma, tres l aiut de esperc de vigni vers, jent che à na gran cultura de tó su films y de se adaté a les situazions locales. Te vigni cajo formassa n film ladin profescional l sens de

apartenenza dla jent ladina a si paisc, sia valeda y si grup de lingaz, y renforzassa l’identité ladina de nosta jent. Al di da encuei podéssen fé de vigni sort dl vers de adoré l ladin pro i films, al bastassa ence bele de organisé per films interessanc internazionai i sottitui per ladin, i lascian tl lingaz original. L lingaz original dl post auda pro la jent y les stories che vegn dant - chest pòssen vedei y sentì for indò canche an ciala n film nia doplé (“film doplé” vuel dì che al é gnu fat la traduzion di monologs y dialogs touc su originai, y spo chisc é gnus registrés a na moda sincronn al post di originai). Per enjigné i sottitui ladins bastàssel da se mete en contat con i produzenc di films, l laour foss al di da encuei tosc fat, la proiezion te na valeda ladina ence. Con n pue de bona volenté y val’ idea jìssela da fé de vigni sort, al ne mess pa nience dagnora ester n milion de euro. (ir)

La juria é stada metüda adöm da Onno Falkena (jornalist vestfris pro le foliet Omrop Fryslân), prof. dr. Elin Fredsted dl Istitut por lingaz daneje y leteratöra y didatica dl’Université de Flensburg, y Iaco Rigo (jornalist y diretour de La Usc di Ladins).

Cater dis à duré chësta esperiënza, 1.200 km dala Val Badia cuntra nord, tla tera di Frisc dl Nord. Da Hamburg demez àn ćiamò chës döres ores de strada, te n’ora da Hüsem sö pôn ruvé söla ijola di promis, Sylt. Da chësta sajun é i dis bele scialdi cörć, al vëgn dé do les nü da doman y scür bele les cater domisdé. La Usc: Le pröm iade tla Nordfrisia? Iaco Rigo: “Nou, i sun bele ruvé canche i â 25 agn chilò sö, tla Nordfrisia y tl Jutland, deache i â n compagn a Silkeborg tla Danimarca. Spo dan diesc agn zirca sunse stè a Flensburg, nia dalunc da Hüsem, a n Congres dles mendranzes europeiches, organisé dala FUEN. Chi posć é valgamia atramënter por nos, te vigni cajo dër bi por me, y la jënt me sa dagnora dër da orëi bun. Spo la situaziun di lingac y di dialeć é plü spëssa y zitia co chilò da nos - me sàl n iade a me.” Co sëise pa ruvé a tó pert ala giuria de chësc Festival de films? “D’isté fora m’à telefonè la Friisk Foriining por me invié da tó pert ala giuria, y i à dè pro, deache i films y le monn dl film me plej da pice insö. Por l’organisaziun êl inće dër important, da avëi zacai te giuria che n’â nët nia da nen fà diretamënter cun les mendranzes tratades ti films en gara.” Cater é stà i films dla finala dl concurs. Cun ći criters é pa chisc gnüs chiris fora? “Al vëgn fat tröc films te lingac dles mendranzes t’Europa, chësc ne minasson nia desco ladins. Ponsun che al é de gran cultures de mendranza t’Europa, desco i bascs y i catalans, y te n gröm de raiuns él na maiù tradiziun da fà films co chilò da nos. Por me él stè na gran morvëia da odëi tan de films che al é incërch. N criter por chirì fora i films da presentè ala finala y donca al festival, é sambëgn chël lié ala natöra de mendranza instëssa: an ćiara che i lingac baià sides de mendranza o de pici, che i lingac che vëgn dant sides desfarënć un dal ater y inće i raiuns “filmà” sides dalunc un dal ater. Laprò vëgnel che i films mëss ester originai y n tant lunć.”

Cun ći criters à pa la giuria premié le film daneje? “Al é n film sterch, da na buna strutöra dada dal libret, che tol ite deplü aspeć, zënza che chisc vëgnes tratà superfizialmënter o placativamënter. Le film é lesier y cunta tröp y dij tröp: de afet, familia, deblëza, possès, intimité y inće de temesc tabuisà dala sozieté, sciöche la maladoranza di mituns por sessualité. Por me él un di plü bi films che i à odü ćina śëgn!” Tan de importanza i él pa gnü dè al aspet linguistich? “Interessant él che sce an ne capësc nia le lingaz original tl film, spo ćiàron ma i sottitui cörć y an se conzentrëia cotan deplü sön ći che suzed y ći che an vëiga, y an vir le sonn dles parores - desche al aldiss pro i sonns dla natöra, di vari, dla musiga sotite, ez. Insciö vëigon inće che vigni lingaz a n so sonn y che chël alda pro chës porsones y pro chi paîsc ilò. I sa che i atri mëmbri dla giuria capî almanco un n lingaz di dui films en gara, le vestfris resp. le südjutlandeje. Al n’é nia gnü dè jö valutaziuns söla cualité o richëza leterara di lingac.” Davagné à “Kunsten at graede i kor”, n film daneje che trata tematiches dër stersces, co é pa chëstes gnüdes tutes sö dal publich? “Tröc dl publich à dit che ai é romagnüs dër tocà dai tabùs laurà dal film, mo bunamënter à spo tröpa jënt premié avisa chësc coraje de produturs, regist y aturs.” À pa la giuria tut la dezijiun al’unanimité? “I ùn düć albü plü o manco les medemes conscideraziuns por i films, y ala fin él stè por nos dër tler y saurì da dì ći film che ess ciafè le Award 2012.” Tan interessant é pa le monn dl film por n scritur sciöche te? “Sce un scrî cunties, romanns y teatri, spo s’impënsel y vëighel tresfora tratan che al scrî porsones, comportamënć, incuntades, momënć, avenimënć, scenars... N pü’ sciöche an le ciafa dant te n film.” Intervista de Katia Pizzinini www.lauscdiladins.com

3


Atualité

nr. 47 / 30 de november 2012

Pest de prestisc por l’inrescida scientifica La romanista Heidi Siller Runggaldier à podü pié do

Vigni parola conta! Nience l ann 2012 resta zenza paroles. Al vegn endò chirì la parola y la parolata dl ann 2012. Propostes te duc trei i lingac pò vegnì fates fina ai 31 de dezember Lingaz - ”Vertrauenskrise, indignato y Ursus ladinicus” chestes trei paroles todescia, taliana y ladina é stedes sintomatiches per cie che à fat rejoné l Südtirol tl 2011. A les paroles ”Treuhandgesellschaft, indennità y Fondo Brancher” ti à la juria endere sourandé l titul puech laudatif de ”parolates”.

Marjan Cescutti (surastant dla lia por le sostëgn ala formaziun y ativité scientifica de südtirolesc tl’Université da Desproch y presidënt dl Südtiroler Kulturinstitut), prof. Heidi Siller Runggaldier, prof. Sabine Schindler (vizedireturia por l’inrescida dl’Université da Desproch), Gerhard Brandstätter (presidënt dla Fondaziun dla Cassa dl Sparagn de Südtirol).

Reconoscimënt - Tl salamënt dl pice museum archeologich tla sënta zentrala dl’Université da Desproch à ai 20 de novëmber 2012 Heidi Siller Runggaldier podü pié do le pest por prestaziuns particolares tl’inrescida, che vëgn dè fora vigni dui agn dala dala Fondaziun dla Cassa dl Sparagn de Südtirol. Dlungia ëra él inće gnü premié d’atri cater studiusc che s’à fat mirit tl ćiamp scientifich. Heidi Siller-Runggaldier é dal 2002 incà professuria por sciënzes de romanistica tl Istitut de Romanistica dl’université da Desproch, de chël che ara é inće stada dal 2003 al 2007 süa direturia. Dal 2004 al 2006 àra vistì l’inćiaria da vizepresidënta dl’ assoziaziun

todëscia di talianisć (Deutscher Italianistenverband), dal 2007 incà éra mëmbra dl Bureau de la Société de Linguistique Romane y tl 2004 éra gnüda decorada cun l’ordinn Stella della Solidarietà Italiana. Chirida fora é gnüda la professuria Heidi Siller Runggaldier “por so laûr d’inrescida de alt livel tl ćiamp dla romanistica, dantadöt por stüdi fać söla sintassa, söla semantica, tla linguistica cognitiva y confrontativa sciöche inće tla tipologia di lingac y tla gramatica” insciö la motivaziun portada dant en ocajiun dla surandada da Gerhard Brandstätter, presidënt dla Fondaziun. N oget de stüde particolar é por Heidi Siller Runggaldier daimpröma incà

dagnora inće stè le ladin che ara ejaminëia söla basa de aspeć dla sistematizité y inće söla basa de problems soziolinguistics . Atualmënter descrira te n proiet scientifich adöm ai dui germanisć Peter Gallmann (université de Jena) y Horst Sitta (université de Turic/ Zürich) les gramatiches di trëi lingac baià y scrić tl Südtirol (ladin, todësch, talian) y mët a confrunt sües strotöres. Chësc laûr dess dantadöt portè conescënzes pratiches por i insegnanć di lingac y contribuì a na majera sensibilité por la plurilingualité. Ala professuria Heidi Siller Runggaldier les mius audanzes dal monn ladin cun l’audanza da inrescì inant cun ligrëza y suzès! (gm/rb)

Sen scomencia l’archirida endò: cie paroles - magari ciamò dldut nueves - à pa caraterisé l 2012? Y ciunes é pa puech garatedes, prova da abelì o da ascone la realté, o ne porta nia respet per les persones y é perchel candidates per la ”parolata” dl ann? Vigni parola conta! Chest é l apel di organisadours dla scomenciadiva ”Parola y parolata dl ann 2012 tl Südtirol”.

Chi che à propostes da dé ju, pò l fé dret saurì sun la plata internet www.wopapa.it o con la posta al Südtiroler Kulturinstitut, Schlernstraße 1, 39100 Bulsan. Ence la biblioteca provinziala Dr. Friedrich Teßmann tòl su propostes. L’azion dla «parola dl ann» vegn metuda a jì dal Post linguistich dl Istitut cultural dl Südtirol, dal Istitut per Comunicazion Spezialistica y Plurilinguism dl’ EURAC, dla Facolté de Scienzes dla Formazion dla Université Ledia de Bulsan y dala Biblioteca provinziala Dr. Friedrich Teßmann. De jené 2013 saràl spo na juria che chier fora anter dutes les propostes rovedes ite les «paroles» y «parolates dl ann» per vigni lingaz.

Al vegn cherì la parola y parolata dl ann. Vigni parola conta!

Verra y l sparani te scola

Comunicaziun y coreziun

L ntendënt per la scoles di luesc ladins dla Provinzia de Bulsan Roland Verra dij la sia n cont dla dumandes che vën fates da plu pertes pervia dla mesures de sparani ududes danora tl ciamp dla educazion

Publicaziuns - Chi che oress ion cumprè le liber ”Signai y bai tla Val Badia”, dè fora dala Uniun Maestri Ladins, le ciafa inće tla biblioteca dl Istitut Ladin ”Micurà de Rü” a San Martin de Tor, al prisc de 10,00€.

Scola - Verra dij tlo che l ie de mpurtanza fundamentela che l vënie stravardà la ressurses per la istruzion y la furmazion a uni livel, dantaldut per la mendranza ladina. La scolina y la scola ie fundamenteles per l daunì de na cultura y de na populazion de mendranza y l sistem educatif ladin se damanda bele n gran sforz sëurora da pert de duc i nsenianc, tenian cont dl plurilinguism de nosc model

educatif y dla cumpetënzes particuleres che n muessa ti garantì a nosc sculeies. N con’ dla tematica di menuc che muessa unì ntegrei tla scoles mesanes y autes, sce la lezions dura manco de n’ ëura, lecorda l ntendënt Verra che l cuntrat coletif dla scola vëija bele śën danora la ativiteies educatives che muessa unì garantides n chësc cont y che vën bele fates iusta te nosta scoles

L ntendënt Roland Verra danter sculeies y nsenianc dl Lizeum d’Ert.

4

www.lauscdiladins.com

ladines te na mesura scialdi auta. Nia per ultimo se damanda n bon nseniamënt n sforz de preparazion y de cumedura che ne vën suvënz nia udù da dedora via y perchël nia cuantificà aldò. Te chësta ucajion ulëssa l ntendënt auzé ora la cualità dl lëur fat dai nsenianc ladins, coche l vën desmustrà dai resultac arjonc, dantaldut tla cumpetënza plurilinguala, zertifichei cun nrescides scientifiches y cun dac statistics. Seguré chisc bon resultac se damanda nce che l vënie garantì la ressurses che va debujën, davia che l sistem educatif di luesc ladins tuchëssa mo da unì svilupà, dantaldut per chël che à da n fé cun la pusciblteies furmatives tla scoles autes y profesciuneles. Nscila Verra. Njunton che l fossa bel sce l ti unissa dat ala scola, ai nsenianc, a duc chëi che lëura laite, l recunescimënt che i se merita, mpede drajé ju, coche l vën fat da plu pertes ultimamënter. David Lardschneider

Tl articul sön la festa di 50 agn dla Uniun Maestri Ladins, publiché tla ediziun dl’edema

Le liber ”Signai y bai tla Val Badia” ciafon inće t’Istitut Ladin.

passada, él gnü scrit adinfal che al ê presënć danter i mëmbri fondadus Sepl Moling, che é indere bele passè a miù vita dan val'agn. Le mëmber fondadù presënt che manćiâ tl articul é l’ex ispetur dles scores Lois Ellecosta. I nes scusun por le fal. (pablo)


Atualité

nr. 47 / 30 de november 2012

Dancà y da na pert Uedli y oredles daverc sun la sozieté ladina d’aldidancuei

La reforma dles normes dl condomine

Ivan Peristi, fisioterapista y duzënt universiter de Urtijëi

Ai 20 de novëmber 2012 él stè le Senat che à aproè definitivamënter le dessëgn de lege che dà dant la reforma dles normes de nosc ordinamënt che regolëia le condomine de Manuela Obojes

Canche na cossa é de proprieté de deplü porsones, pôn baié de comuniun. Le condomine é na forma particolara de comuniun, olache al é perts dla cossa en proprieté estlusiva y d’atres perts é en comuniun. Chësc suzed canche na ćiasa é de proprieté de plü porsones, olache vignun é proprietar estlusif de so apartamënt, mo indere le tët, les stighes, yii, é de proprieté comuna de düć canć.

Regolamentaziun dl condomine Le condomine vëgn regolè da nosc Codesc Zivil, mo inće da d’atres normes particolares. Fina śëgn àn odü che chëstes normes ne bastâ nia por evité dötes les stritaries y dificoltês te n condomine. Porchël él gnü aproè la reforma, che dà dant les mudaziuns dles normes conesciüdes fina śëgn. La reforma mëss impormò gnì publicada sön la Gazëta Ufiziala dla Republica.

Les novitês - les perts en comun de düć i proprietars La normativa nöia dà dant avisa les perts dla ćiasa che ti é comunes a düć i comproprietars, en particolar dötes les perts che vëgn anuzades da düć, desco le grunt, les fondamëntes, i mürs maestri, les tres, y tëć, les stighes, inće le lift, i ros dl’ega, dl s cialdamënt o dl condizionamënt dl’aria, yii. Les perts en comuniun po gnì anuzades da düć en proporziun al valur dl’unité imobiliara de proprieté dla

porsona. An ne po nia renunzié al dërt da anuzé chëstes perts en comuniun. Do la reforma pòn indere renunzié al implant da scialdè che é de düć, por mëte n scialdamënt privat, mo ma sce chësc ne comporta nia de gran spëises o descuilibri de funzionamënt ai atri comproprietars. Les perts en comuniun de düć i proprietars ne po generalmënter nia gnì despartides, ater co sce la divijiun ne porta degügn svantaje y i partezipanć dl condomine dà le consëns.

Manutenziun o sostituziun dles stighes o di lifć Les stighes o i lifć de na ćiasa cun plü proprietars mëss gnì mantegnis y sistemà dai proprietars di apartamënć che i anüza. Les spëises por i laûrs vëgn partis sö por le mez en rajun dl valur dla proprieté de vignun y por l’ater mez en proporziun al’altëza dl’alzada dl apartamënt.

Videocontrol dles perts en comun L’assemblea di comproprietars dl condomine po deliberé che al vëgnes istalè n implant de control tres videoregistraziuns dles perts en comun dl edifize. Por l’aprovaziun dla deliberaziun mëssel gnì arjunt chël numer de usc che rapresënta la maioranza di presënć ala reuniun y almanco le mez dl valur dl edifize.

dant les normes por l’anuzada dles cosses en comun y la spartiziun dles spëises, yii. Aladô dla normativa nöia, ne po chësc regolamënt nia proibì da tignì tiers te ćiasa.

Aministraziun Le Codesc Zivil, mudé dala reforma nöia, dà dant che l’assemblea dl condomine mëss nominé n aministradù canche i partezipanć dl condomine é plü co ot. Sce chësc ne vëgn nia fat dal’assemblea, spo él l’autorité iudiziaria che chir fora l’aministradù, sön domanda de un n comproprietar o dl vedl aministradù. L’aministradù é nominé por un n ann y al resta en ćiaria ćina dui agn, sce al ne vëgn nia revochè. La revoca dl aministradù po dagnora gnì deliberada dal’assemblea o inće gnì dada fora dal’autorité iudiziara, canche l’aministradù ne dà nia cunt dla gestiun dl condomine o tl cajo de gran iregolaritês. Chëstes po ester, por ejëmpl, iregolaritês fiscales o de paiamënć, canche al ne vëgn nia convochè regolarmënter l’assemblea por l’aproaziun dl rendicunt condominial, yii.

D’atres novitês

Regolamënt dl condomine – tiers de ćiasa

La reforma nöia à portè ite ćiamò d’atres novitês che reverda l’assiguraziun dl aministradù, le cunt bancar dl condomine, yii. Chisc temesc gnarà tratà plü avisa do la publicaziun dla lege nöia.

Canche al é te n edifize plü co diesc partezipanć dl condomine, mëssel gnì fat n regolamënt che dà

av.dra. Manuela Obojes, Stüde Wörndle & Partner (Balsan - Tlüses - La Ila - Eppan)

Sce an ô vire te n condomine mësson respeté de vigni sort de regoles.

Iel pa plu bel a ti fé massajes ai ëi o al’ëiles? Pu bën mpo al’ëiles. Cie sort de massajes fajëis’a? Dantaldut massaje terapeutich, chël uel dì canche l ie n problem de sanità, coche mel al spinel, mel ai jenodli, mel ala sciables. Ma l ie da stlarì zeche danora: la jënt rata for che l fi soterapista feje “mé” massajes. Ma chël ie mé un n ciamp de atività. L fisioterapista fej oradechël nce la mubilisazion. Chël uel dì canche la lesures ne se muev nia, canche les ie blochedes, pona iel mi ncëria chëla de fé a na maniera che les giape inò si funziunalità. Co ti dàn pa inò chësta funziunalità ala lesures? Tlo iel tecniches spezifiches, l vën dantaldut a dì ulache l ie l problem. Uni strutura, minà coche lesura , à n’autra biomecanica. Per ejëmpl se muev na sciabla te una na maniera , n jeno dl dut autramënter. Aldò dla luegia ulache l pazient à mel, tòlen una o l’autra tecnica. Che fossa? Danter l auter la mubilisazion, coche dit, ulache n proa, o drucan o destiran o raidan o dut adum, a miuré inò l muvimënt. Plu inant iel pona la tecnica dla manipulazion. Chësta vën dantaldut fata pra l mel al spinel. Y tlo cëli de deliberé l muvimënt tl fil dl spinel, te uni anel dl fil dl spinel. L se trata tlo de n lëur bëndebot dlicat y zite. Co ie pa tlo la prozedura? N iede feji ponder l pazient aldò de si tipologia de mel, chël uel dì a ventrons, sun l spinel o da na pert, aldò dla tecnica che ie mëte n droa. Cun mi mans feji sun l spinel o pra l col muvimënc fins, per mëter mo n iede la persona te na posizion aldò che che se damanda la terapia spezifica. Ilò vàla inant cun n mpuls, pitl, dlicat, ma fat aslune, ulache n aud ora ch’l pitl

“click”. Chël uel pona dì che l’articulazion se à deliberà. L mpuls ie for mé fisich, o iel pa nce tlo elemënc mpue’ manco ortodosc, aldò dl ntënder de nosta jënt, de ti dé energia che va sëura l muvimënt fisich ora? Te chisc caji spezifics iel na cossa fisica. L pensier de dé inant energia ie plucheauter lià ala cumpunënta psicologica de raport cun l pazient. Ciuna ie pa la psicologia che Vosc lëur se damanda? Dantaldut iel drët ti dé segurëza a chiche vën da mé. Chël uel dì che bele danora proi a stlarì, deberieda cun l pazient, cieche l à, ciuna terapia che l va debujën, tan giut che la dura, y ciun che i resultat che ulon arjonjer, deberieda. Ciuna ie pa stata Vosta furmazion? Do l ejam de maduranza che é fat tl ITC, sons stat bon de passé l ejam per unì tëut su tla Università Claudiana a Bulsan, iel pu tlo n “numerus clausus. Te mi cajo fòvel 200 candidac y mé chindesc à pudù zapé ite tl prim ann de Università. Do éi fat n master tla Università de Medejina de Genova, cun spezialisazion tla reabiltazion di problems tla muscules y ti osc. Iló sons restà da cunlauradëur, ruvan ite tl staff de duzënc. Cie cumporta pa Vosc lëur da duzënt? Vede trëi iedesc al ann a Genova, te mi grupa che à da n fé cun la furmazion n con’ dla patologies dl col, ti nsenions ai studënc, tres teoria y pratica, a ti vester ala desfunzions dl col. A Salzburg éi fat l diplom de fiioterapia sportiva. Oradechël lëuri a Urtijëi, coche cunlauradëur liede, tla tlinica 181 a Urtijëi. Ntervista de David Lardschneider

www.lauscdiladins.com

5


Atualité

nr. 47 / 30 de november 2012

La musega de la mendranzes sgola en aut Dò la selezions de “Suns”, stata a Udin ai 2 de november, doman sabeda prum de dezember rua te la Asturies la finèla del Liet International, che à compì 10 egn Musega - Se ar vejina l’apuntament finèl per l festival Liet International 2012. La maor manifestazion europeèna dedichèda a la cianties de mendranza, che l’an passà aea abù sia finèla a Udin, con la partezipazion del grop badiot “Cuntra Löm”, é en program chest an te la Asturies, apontin doman, sabeda prum de dezember. Al Liet International tolarà pèrt ence i 2 venjidores de la selezion “Suns 2012”, metuda a jir a Udin ai 2 de november tel Teater Palamostre, per endrez de l’ARLeF e de Radio Onde Furlane e col sostegn de la Provinzia e del Comun de Udin. A chesta serèda gustégola, prejentèda con fèr ferùscol da Gigi Patruno e Mojra Bearzot, col didament “intrusif” di “Cjastrons”, aea tout pèrt 9 artisć o gropes, raprejentanc de la mendranzes Franco-provenzala, Sarda, Furlana, Catalana de l’Alguer, Ozitana, Croata del Burgenland e ence Ladina. A raprejentèr i ladins, descheche

I catalegn da l’Alguer Claudia Crabuzza e Claudio Gabriel Sanna venjidores del pest de la jurìa a Suns. (foto: Andrea Tomasin)

aane jà scrit, l’era stat l ciantautor badiot Jean Ruaz, con la ciantia che ge dèsc ence l titol a si nef cd, “Perde”, che Jean l’à registrà a Cuba con musizisć da aló, ma che a Udin l’à portà dant compagnà da Loris Dallago a la baterìa, Francesco Dallago al bas, Elisa Pisetta a la chitara e Matteo Cuzzolin al sax.

L grop furlan “Jonokognos” che a Udin i se à vadagnà l’azess a la finèla de gra a la stimes del publich. (foto: Andrea Tomasin)

A conquistèr l’azess al Liet International l’é stat a la fin i Catalegn da l’Alguer Claudia Crabuzza e Claudio Gabriel Sanna, che con na ciantia de stel piutost tradizionèl dal titol “Qui trista que es la tarda” i se à vadagnà l pest de la jurìa, e i furlegn Jonokognos, che col stel più rock de la ciantia “Mai

mai” i à ciapà enveze l pest del publich. Liet l’é na manifestazion nasciuda te la Frisia per endrez de Onno Falkena che dal 2002, con la Fondazion Frisian Liet International, la é stata slarièda fora a duta l’Europa. Te chest festival, che va fora en Eurovision e ence tras internet, ge vegn dat lèrga ai lengac mendres de duta Europa e l’é descomanà prejentèr cianties per ingleis o ti etres lengac europeans maores e nazionèi. Chest an l Liet rua per la pruma outa te la Spagna, stat dassen rich dal pont de veduda de la mendranzes linguistiches, e l vegn endrezà te la zità de Gijón (Xixón en asturian) loghèda sul mèr, su la costa nord de la penisola, e più avisa tel teater de Llaboral Ciudá de la Cultura. La kermesse pearà via da les 21.15 e a tor pèrt sarà 11 gropes o sìngoi ciantores, raprejentanc de 11 desvaliva mendranzes linguistiches europeènes: Asturian, Basch, Breton, Catalan de Sardegna, Corsican, Furlan, Frisian, Gaelich,

Ence l badiot Jean Ruaz à tout pèrt en raprejentanza di ladins a la selezion del Liet International a Udin. (foto: Andrea Tomasin)

Cors intensif per operatores turistics te Fascia Identità, lengaz, storia e cultura de na comunità de mendranza, ensegnà ai operatores foresć per endrez de Ladinhotel, Comun general e Museo ladin de Fascia Turism e cultura - La Sociazion Ladinhotel, metuda adum da n grop de hotelieres fascegn vidé da la sezion locala di Joegn hotelieres del Trentin (Giovani albergatori del Trentino - GAT) col coordenament di Servijes linguistics e culturèi del Comun General de Fascia, l’à sotscrit na convenzion con l’Istitut cultural ladin “Majon di Fascegn” – Museo ladin de Fascia, per slarièr fora na cognoscenza madura de la realtà de mendranza ladina, per caraterisèr l’oferta turistica con n valor enjontà originèl e de calità, tel chèder di “Amisc del Museo”. En curt, l club “Amisc del Museo” se met dant apontin de meter ensema na rei de sostegnidores de la cultura ladina e del Museo che tol ite, anter l’auter, la categorìa “Promotores” che per veit agevolazions e scomenzadives resservèdes ai operatores turistics. Aldò de na reflescion tel chèder de la scontrèdes de la Sociazion “Ladinhotel” l’é da pech vegnù fora l besegn de formèr i operatores/ animatores no da chiò; jà da vèlch an hotìe, comitac manifestazions e scoles de schi se emprevèl de chesta persones per i servijes de

6

www.lauscdiladins.com

entrategniment per i ghesć, tant gregn che picoi. L Comun General de Fascia se à fat portaousc de chest besegn e tras i Servijes linguistics e culturèi ge à domanà a l’ICL – Museo Ladin de Fascia de endrezèr n curt percors formatif spezifich per operatores su la realtà identitèra fascèna, a na vida che i posse ge portèr dant ai ghesć percorsc de animazion originèi e locai e esser enjigné a prejentèr la val de Fascia te sia carateristiches (teritorie, lengaz, tradizions, letradura, teater...) più particolères, che pel tirèr l’atenzion e respetèr la domana ence del turista più curious. Descheche disc ence la hoteliera de Ladinhotel Linda Debertol, l’é emportant che duta la ativitèdes, ence cheles proponetes da Fassalandia, les posse spieièr noscia tera e noscia cultura, per no ge fèr fèr ai bec demò robes, desche la “baby dance”, che se troa medemes ti lesc de vacanza te dut l mond.

Articolazion e tematiches Per chest l’é stat dezidù de meter a jir n cors intensif de 12 ores spartì te trei giornèdes aló da la sala “Luigi

Heilmann” del Museo Ladin, out dantdaldut ai operatores che fèsc pèrt de la Sociazion, ma avert ence a duc i enteressé, dò se aer enscinuà. La tematiches portèdes dant tociarà i ponts de maor emportanza per la comunanza ladina de Fascia: valguna informazions geografiches e culturèles sul teritorie fascian, la storia de la val con referiment a dut l raion ladin, l lengaz, la usanzes, la tradizions de n’outa e i tempes neves. Apede a chesta informazions generèles, la scontrèdes darà ence indicazions su etres materièi e struments a la leta di ghesć. Amò apede vegnarà dat informazions su l’Istitut cultural ladin, la strutura e l’articolazion del Museo e, tras ejercitazions pratiches, se proarà a portèr la nozions emparèdes te atività de jech e entrategniment più leèdes a la cultura locala.

Program L cors se dejouc ai 17, 18 e 19 de dezember, da les 14.00 a les 18.00 te sala “Luigi Heilmann” del Museo Ladin de Sèn Jan, con chest program: En mercol ai 17: h. 14.00-16.00 Fascia, geografìa e aspec del paesaje;

h. 16.00-18.00 Introduzion al lengaz ladin. En jebia ai 18: h. 14.00-16.00 Fascia tel jir di secoi (con anteprima video); h. 16.00-18.00 Temes e fegures de la contìes te la tradizion a ousc. En vender ai 19: h. 14.0016.00 L Museo de mendranza, percors de vijita vidèda; h. 16.0018.00 Sperimentazions pratiches.

Cosć e enscinuazions L cors é debant per chi che tol pèrt ajache i cosć vegn touc sù dal Comun General de Fascia. Per rejons de endrez l’enscinuazion cogn esser fata te Museo Ladin (ence per telefon 0462.760182) dant dai 15 de dezember.

Plattdüütsch (bas sasson), Sami e Udmurt de la Federazion Russa. L’é enteressant che per la finèla te la nazion spagnola a Udin sie stat selezionà, apede al grop furlan “Jonokognos”, na ciantia te la mendranza catalana de l’Alguer. Autra partezipazion particolèra l’é chela de la joena ciantarina de mendranza Sami de la Norvegia, Inger Karolina Gaup, che l’à demò 17 egn. Apede chisc l’é i ferùscoi Basches “Enkore” da Bilbao, l grop polifonich “Dopu cena” da la Corsica, e l grop de cèsa “Asturiana Mining Company”, che à vent l “Premiu al Meyor Cantar”. Amò de la competizion farà pèrt Brian Ó hEadhra, Gaelich da la Scozia, la band Udmurta “Ivan Belosludtsev & 4 Cheber Pios”, la ciantarina Bretone Lleuwen, “The Voodoolectric” de la Bassa Sassonia e la doi joenes da la Frisia che se prejenta con l’inom de Yldau. Doman da sera l conzert vegnarà dat fora da les 21.30 sul sit www. rtpa.es (Radiotelevision del Principado de Asturias) e se podarà ence votèr la ciantia preferida, ajache desche semper l’é pervedù, apede al venjidor ofizial cernù da la jurìa, ence n pest spezièl dezidù dal publich te sala e sul web. Maor informazions sul Liet International sul sit www.lietinternational.com (sit de la Foundation Liet International) o su www.liet-asturies2012.com (sit de chesta edizion con i partezipanc e la cianties) e ence te Facebook: www. facebook.com/liet.international e Twitter: www.twitter.com/liet2012. Lucia Gross

Assegnes de studie L Comun general de Fascia met a la leta di studenc residenc te Fascia che fèsc l prum e l secont livel de istruzion e formazion e che à i requisic pervedui, assegnes de studie e didament per l viac per l’an de scola 2012/2013. La domanes cogn vegnir portèdes dant al Comun general de Fascia - Str. di Pre de gejia 2 - 38036 Poza, dant da les 16.30 de jebia ai 20 de dezember del 2012. Copies de l’avis e di modui de la domanes i é a la leta sul sit internet del Comun g e n e r a l : w w w . comungeneraldefascia.tn.it e per ogne autra informazion se pel se oujer aló da l’Ofize Assistenza Scolastica del Comun general ai numeres 0462-762158 e 0462-764500 te orarie de ofize (8.30-12.30 e 14.00-16.30 da lunesc a jebia e 8.30-12.00 de vender).


Avënt

nr. 47 / 30 de november 2012

Avënt 2012: n Avënt mo dut da udëi! De Sn. Digan Vijo Pitscheider Avënt jì pea, ma fé cie limpea? Ann per ann n Avënt che vën y se n va. N Avënt per uni ann? L se trata de na pert de tëmp, na lingia de dis, n numer de dumënies, cater. Cun l Avënt scumëncia l ann nuef dla dlieja, ulache l vën prejentà, zelebrà y vivù l gran mistere de Die danter nëus, tl nascer, viver, murì y ressuscité te Gejù Crist per nëus! Ciuldì pa? L sëni dl Avënt ie la curona vërda cun i cater cëiresc violec. Tl jì ite tl Avënt, tl tò su si surtimënt y tl jì pea cun l Avënt, s’ancuntons cun l linëus dla gran bona speranza y legrëza dla festa da Nadel. A chësc sons bele mpue usei. L Avënt y l Nadel à for zeche de nuef per nëus, zeche che ne on mo mei abù nchinamò!

zachei che pudëssa stlarì l scur dla mort che mord dloncora. L drë’ amich dla persones, l benefatëur elegant de nosc viver na vita sun i fonc de nosta tiera da bujes, l cumpani de mania lergia che partësc cun i afamei l pan da uni di, l mëinacrëp dai vares asvelc che nes mëina alauta y che nes juda a udëi ora dut l lerch y l bel dl’autëza che se auza sëura nosta vita ora. Laite tla nuvità y tla nuvela dl prim Avënt iel la resposta a de tel dumandes de nëus, jënt che chier, spera, prëia, aspieta ert y cëla plu lonc y plu avisa. L angiul Gabriel nes fej a l savëi te Maria che l Imanuel nes vën ancontra bel plan y chiet, scëmpl y oml. Si inuem cunedësc cie che ël nes porta: l vën Die nstës, l gran Die dl ciel y dla tiera, de duta la criazion y de duta la criatures y partësc su y partësc ora si vita, si grazia, si buntà, si misericordia, si forza, si benedescion, si perdon y si pesc a duc chëi che viv cun na bona ulentà. Y tlo leprò sons magari nce nëus. Pona pòssel scumencé l Avënt nuef!

N Avënt frësch y bon de nes pië ite y de nes sturcé? Ma iel pa pra l Avënt zeche de marueia che descëida ora, zeche che plej, zeche de nuef che n possa adurvé cuncretamënter tla vita, zeche che nes toca daujin, zeche per se njenië ca, zeche che n ne se aspieta nia ajache l vën dal cuer dl “grant y defin auter” che ie per nëus Die, zeche che va sot y arzica l cuer? Iel pa tl Avënt zeche che nes pëia ite tl “vedl sistem“ dl vester usei a viver uni di, zeche che nes scassa su? Porta pa l Avënt zeche de bon da suflé demez l stuep o l cënder o la crosta dl burëi destudà ju de nosc pitl crëier cristian? N crëier safuià dal busiamënt dl sauté tlo y iló, dl messëi arjonjer bel avisa chël y mo chël auter, dl se fé pensieres y dl vester sëura l pensier, dl se cruzië cun fiëura y stress de abiné adum chësc y chël, dl se ncunferté, se stancë, se falé, se fé mel, s’la bravé, se lamenté y se brujé i dëic tla cunfujion dl pitl o gran menescel di fii ntorc, curc o lonc y da grops, dla stories, lonc y lerch, che vën adalerch saurì y a bon marcià, ite tla sajon nueva dl digitel, dl druché mé n dëit y nscila pudëi cumandé ite te nosta stua l sotsëura dl mond ntier. Possa pa l Avënt chëst iede ti dé fuech al burvëi da fulim dl rest de nosc speré, prië, zelebré, aspité, dejidré? À pa l Avënt te si linëus la tiza de na speranza nueva y ntiera, frëscia y bela? Zeche che stiza a cuntat con nosta pitla

La curona d’Avënt.

Segondo argumënt

Sn. Vijo Pitscheider.

speranza spriguleda y ascunduda?

N Avënt da sustanza che ti dà sëur y stile a n viver na vita che nes fej unëur? Ciuldì vëniel pa Avënt? Cie anunzieiel pa y cie pòrtel pa? Ulà dàl pa sëura? Chi arjónjel pa y chi muevel pa de vel’ viers? Chi arzìchel y tóchel pa? Chi se muev pa aldò dl Avënt? Ie son a una cun mé de tò su y tò ite te mi microcosm strënt y sutil la forza defin nueva y revoluzionera dl Avënt 2012. Y sce nce Vo Ve fajëis n pensier de chësc viers y Ve muëis aldò dl vënt dl Avënt, se ancuntons tla legrëza de n viver derzà su y auzà ite tl bel y sann, tl beat y tl cuntënt che l Avënt nes pieta, nes garantësc y nes fej avëi zënza cuchenië! L Avënt à si in-put che nes porta

al out-put, ulache l vën metù adum la cundizions per n viver aldò dla denità y dla speranzes plu stersces dla persones.

Argumënc L triangul de argumënc per se mbincé dal viver realistich n bon Avënt:

L prim argumënt Tl pitl zirtl o zircus dla vita, strënt y stramp da uni di ne pòssel nia vester stlut ite y stlut ju defin l ntier dla vita dla persona, che fossa l fla y la fadies dla vita, l strabacé tl sté mpe y tl tumé dla persona, l pensé, l nventé y i afares dla jënt, la forza dla speranza y l grum de padernostri de uni generazion; l festide, l duré y l supurté dla puera jënt, l mel y l patì di amalei, stentei, tralascei, cundanei; dut l cigamënt, i brions y l svaië di pitli y di granc, di vierces y di sëurc, di valënc y di descrianzei, di chiec y de chëi che se lascia su, de chiche auza la man y de chiche fej l puni te fuia. Te si storia longia, storta y ërta à la persones for crì, oradecà y sëurora, zeche o zachei cun d’autra ideies, programs de vita, forzes viteles, grazies, fertunes, ejëmpli che tira y tira su, aiuc tla deblëzes y tla strëntes dl viver, cunfort y laudes per si suzes, cun na bona man y n bon cuer, cun la bela manieres dla grazies debant. Cialé y udëi sëurora, ora dla trapula y dla gabia di dis y di ani sun chësta tiera! Udëi coche la pudëssa se mëter a jì sun i troies de nosta vita tla cumpania de n bon cumpani y amich. Speré sun

Union sëura che te dut chël che la scienza y la tecnica à studià ora y nventà, à fat y à dat ora sun i marcëi cëres dl marcià globalisà, y te dut chël che n possa avëi cun scioldi te tacuin o tl bancomat, ne n’iel nia laite chël che fej ora na vita de plën. La persones à n cuer, n’ana, n spirt do chël che l ti ncrësc. La patësc l nchersciadum do l deplù y l massa amor dla vita liedia y sana, dl viver tl jì plu y plu permez al travert de na vita nueva zënza stënta y strambaries da nia, na vita a bon fin, na vita mudeda ora te na vita ora tl tëmp muserà y cumpedà sun chësc mond, na vita tëuta su tl cuer de n Die ulache duc possa vester cun l tëmp da cësa! L Avënt njenia ca l’ancunteda dla persones cun si Die, tl bambin tla stala de Betlem! La vita ie fata d’ancuntedes,

ulache la pascion y la simpatia de Die per si jënt trasfurmea nosta vita te na vita che va su tl levé dl surëdl tl ciel de Chël Bel Die, viac che unirà cumpletà tla resurezion!

Terzo argumënt L ie dis o mumënc ulache n se sënt sëui, dernei, revinei, descunselei, lascëi da na pert, perdui, schivei, trascurei da duc, desfidënc, n à tëma de jì ala nia. Esperienzes de chësta sort y chësta sort de sentimënc ie la proa che uni persona, tert o abenëura, à debujën de n sustëni che la tira ora dl mel dla deprescion, dla desperazion, dl melcuntënt, dl pericul de lascé tumé dut o de la dé su. Adurvon te nosc daujin y tl cërtl de nosc muvimënc zachei che possa nes mplenì de si forzes criatives cun n gran spirt sterch y sane y possa nes delibré dala tëila d’arani che nes safuieia che n’udon nia plu l fil che va suvier y che ie tacà ite tla gran man de Die criatëur. L Avënt juda a nes taché ite deplù te chësc fil che ti dà direzion, urientamënt, legrëza, forza, bunder y tenscion a uni nosta vita. Nscila ie la vita che se fej y se desfej n daunì tla belëza y richëza de si ravises tla devinità a paravis. L Avënt avisa nosta vita sun n troi che va aut ora y che va for inant y che porta bën, ajache l porta ite tl mister dla redenzion realiseda per duc da Die te si Fi, nosc Seniëur Gejù Crist! Sce son plu o manco a una sun chësc, pona nes perions ca la grazia y la forza spirituela de n Avënt bon y sant!

Avënt 2012 coche medejina Avënt 2012: n Avënt mo dut da udëi, da pië do, da mëter a jì, da pudëi adurvé, da viver di per di, tl chiet, tl scuté, tl scuté su la parola de Die, tl medité, tl amor a si jënt, tl perië y tl crëier tla medejina che i sacramënc ufrësc!

www.lauscdiladins.com

7


Atualité

nr. 47 / 30 de november 2012

Diploms por diesc ladines Tla Facolté de Sciënzes dla Formaziun a Porsenù ti él dan chinesc dé gnü surandè i diploms ai studënć che à stlüt jö le stüde. Inće dies jones de Gherdëna y dla Val Badia à podü le pié do Université/1 - Stlü jö le stüde universitar é n gran momënt tla vita de na jona o de n jonn. Al é na festa, l’arjunjimënt de n gran travert che an s’â metü dant. Le vëndres ai 16 de novëmber é gnü chësc gran dé por na ligna de studëntes y studënć dla Facolté de Sciënzes dla Formaziun da Porsenù, gnôl pö surandè i diploms. Te chësta ocajiun à inće diesc studëntes ladines podü pié do le diplom da pert dl retur dla université Walter Lorenz y dl degan dla Facolté Franz Comploi. Ëres à stlüt jö le curs de laurea de Sciënzes dla Formaziun Primara. Ara se trata (do alfabet) de: Anna Demez, Evelyn Grossrubatscher, Veronica Moling, Angela Obojes, Manuela Ploner, Daniela Rier, Susan Rubatscher, Silvia Ruggeri, Elis Sottara y Elisa Willeit. Tl salf dla aula magna à inće ringhinì le ladin. Al é stè la studënta Susan Rubatscher de Badia che à surantut le salüt, olache ara à alzè fora la valüta da podëi studié te so lingaz dla uma. I orun reportè so discurs deplëgn.

N onur studié por ladin ”Bun domisdé a düć y a dötes, iö sun Susan Rubatscher de Badia. Incö dla Surandada di diploms oressi Ves saludé en raprejentanza dles studëntes y di studënć ladins te chësta université. Do avëi stlüt jö l’ejam de madorënza tl lizeum pedagogich a Porsenù ai metü man

l’université de Sciënzes dla Formaziun a Porsenù. Tl pröm ann ê döt nü por me: ambiënt, compagnes y professurs. Plan plan ai imparè da conësce porsones nöies dla Val Badia y dles atres valades ladines, cun chëres ch’i à costruì na bela amizizia, cun chëres ch’i à podü me stè saurì, vire y imparè tröpes cosses nöies. Tl secundo ann de université unse nos studëntes dla repartiziun ladina, adöm a nüsc professurs, albü la poscibilité de fà na escursciun tl Friûl, por odëi la situaziun de nüsc vijins furlans. I à atira dit de scê a chësta ocajiun. Cun mies compagnes y i professurs sunse pià ia da Porsenù por chësta esperiënza nöia. I ùn odü deplü posć desdrüć y recostruis dal gran tremoroz dl Friul, mo suradöt unse albü la poscibilité de jì te scores o scolines, olache al vëgn baié y insigné le furlan. Tl terzo ann de université nes él gnü dè por le pröm iade a nos studëntes dla repartiziun ladina la poscibilité de fà n practicum de döes edemes ti Grijuns. Inće en chësc iade ài atira anuzé l’ocajiun. Inpröma sunsi stada a Coira, na gran cité ti Grijuns, olache al é ince scores paritetiches sciöche tla Val Badia y te Gherdëna. Te chëstes scores vëgnel insigné le rumanć. Dedô sunsi jüda por 10 dis a Scuol tl’Engiadina, chilò ài podü jì te scolina y te scora. I à podü tó pert al insegnamënt, te scolina y te scora olache i à odü che ti pröms trëi agn

Susan Rubatscher de Badia tëgn le discurs. Dlungia él dmc i dui direturs dl curs de stüde professur Paul Videsott y la professuria Annemarie Saxalber, le degan dla Facolté prof. Franz Comploi y le retur prof. Walter Lorenz.

de scora vëgnel insigné döt por ladin. I à podü baié y ti insigné na ćiantia te mi idiom badiot. Iö me sënti fortunada, fortunada da avëi podü studié te trëi lingać. Nos ladines podun tó pert ales leziuns talianes, ales leziuns todësces, mo suradöt te nosta université de Porsenù unse la poscibilité de studié inće por ladin. Inće mia tesa de laurea ài podü scrì cun le professur Paul Videsott por ladin, plü avisa por ladin dolomitan. I à fat na inrescida sön l’adoranza dl lingaz ladin te dlijia tles cinch valades ladines. Al m’à salpü n gran onur da podëi me dè jö, scri y presentè mia tesa te mi lingaz dla uma. Ći che iö po me tó para dales leziuns ladines n’é nia ma la gramatica o le contegnü dla storia y la geografia dla Ladinia, mo inće le gran amur por la cultura y le

mantegnimënt de nosc lingaz ladin. I rengrazi i professurs por döt le savëi che ai m’à dè inant y por l’entusiasm da jì a insigné te scora che ai m’à trasmetü. I à imparè da

conësce la gran richëza da savëi y podëi studié te trëi lingac. I à passè n bel tëmp tl’université y i ćiararà zoruch, ponsan ai bi momënć, ales beles esperiënzes y ales tröpes cosses ch’i po me tó para, y de cör oressi rengrazié düć chi che m’é stà dlungia y m’à daidé ti agn de stüde tl’université da Porsenù. I ti aodi ales studëntes y ai studënć che vëgn do de passè n bel tëmp te université, de anuzé y aprijé les poscibilitês che vëgn pitades por arichì le savëi y costruì de bogn raporć che po gnì tignis vis inće tl dagnì.” La festa é gnüda abelida dal cor dl’université sot la direziun de Stephen Lloyd. Nia manćé n’à n pice renfrësch por ”bagnè ite” le travert important arjunt. (pablo)

Dmc Susan Rubatscher, Elisa Willeit, Manuela Ploner, Evelyn Grossrubatscher, Daniela Rier, Anna Demez, le prof. Paul Videsott, Silvia Ruggeri, Angela Obojes, Elis Sottara y Veronica Moling.

Mendranzes s’enconta La repartizion ladina dl’Université Ledia de Bulsan à te sie viade de stude podù conesce deplù mendranzes todesces tl Friul Université/2 - Al é oramai tradizion che la repartizion ladina dla Facolté de Scienzes dla Formazion da Persenon met da jì, vigni doi agn, n viade de stude ti Grijons y tl Friul. Chisc viadi i pieta ai studenc y a les studentes la poscibelté de conesce plu daimprò les realtés y les particolarités dles autres mendranzes retoromanes. En chest iade éson ence stés tl Friul, ma a vijité les mendranzes todesces che viv dailò. L grup è vegnù acompagné dal prof. Paul Videsott, dala dr. Genny Ploner, dal dr. Theodor Rifesser y dal espert Luis Prader, persona de referiment per dutes les isoles linguistiches todesces a sud dles Alpes. La pruma stazion é steda

Zapoles/Bladen/Sappada, tla provinzia de Belun, olache al é sté ocajion da enconté ensegnantes y espertes tl ciamp linguistich. L viade é spo jù inant contra Sauris/Zahre, conesciù anter l auter ence per la produzion de jambon. Al se trata de n pice paisc tl cuer dla Cernia. L paisc con plu o manco 400 abitanc mantegn encuei, dilan a sia posizion particolara y scialdi isoleda, sie lingaz todesch arcaich. Ence sce la situazion de chestes mendranzes parova te n prum moment plutost dalonc da nosta realté, onse tost podù vedei che sie lingaz é scialdi dlongia al dialet todesch de nosc vijins de Puster. L viade se à spo condut tla Val Cjanâl/Kanaltal/Val Canale olache

L grup che à tout pert al viade dant al comun de Pontebba.

8

www.lauscdiladins.com

le contest plurilinguistich i damana truepes energies a les scoles locales. La val, che confineia con l’Austria y la Slovenia, ne l’à nia dagnora saurida tl ensegnament di lingac. Al defora dl talian y dl furlan végnel ence ensegné l todesch y l sloven, te valch scola laprò l ingleis. Sovenz mess les scoles speré te n espert da defora per podei garantì almanco n valgunes ores d’ensegnament te chisc lingac. Sce chest espert essa da maneé, é dut tles mans di ensegnanc de classa, che pò, aladò dles normes nazionales, vegnì da duta la Talia adalerch y ne à nia dagnora la competenza di lingac locai. Sciche ultim travert sonse rovés a Timau/Tischlbong, olache i un odü anter l’auter la ciasa dl pere

de nost vescul, Dr. Ivo Muser. En general onse podù vedei tantes de dificoltés che chestes mendranzes à di per di. L mantegniment dl lingaz dla oma é sovenz demé garantì dilan al gran empegn de insegnanc y de esperc che se dà da fé te sie temp lede per enjigné ca libri y publicazions. Ei ofresc su temp y de gran fadies per podei i pité ai scolars ence demé de pici momenc olache l lingaz y la cultura locala pò jì endò a sies raisc. Tres endò nes él vegnù presenté la problematica da messei realisé dut l material didatich te deplù minivarietés, daviache esperc ova consié l’insegnament dles piceres variantes locales y nia chel dl todesch standard. Na dezijion che vegnirà

Con chi dla scola elementara da Cleulis. (Entrames les fotos: Theo Rifesser)

magari endò mudeda, desche al nes è vegnù dit. Al plu tert chilò an vedù dutes les paraleles con l mond ladin. Sce i penson a nost lingaz ladin, podonse veramenter nes dì contenc de dut cie che é vegnù fat te chisc agn. I podon ester sodesfac che i prums vari per n lingaz scrit unifiché é bele vegnus fac, podessa pu ester chest n di l pont de forza che à daidé y deida mantegnì vì nost lingaz dla oma. Per stlu ju volessa i studenc y les studentes che à tout pert a chest viade rengrazié de cuer dutes les persones che à porté pro a sie garaté y ai se aoda che chesta inziativa poe vegnì metuda a jì ence ti proscims agn. (René Pescoll)


nr. 47 / 30 de november 2012

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

N recort per chi che à dat sia vita per i etres Te Piaz Marconi a Cianacei, l’artist Reinhold Cigolla à endrezà na zerimonia de prejentazion e inaudazion del monument a recort di cater componenc del socors morc te Val Lastìes

Fascia

6 neves maestres fascegn de schi e de brea Dò n an e mez de cors de pratega e teorìa, sul Tonale ence 6 fascegn é doventé maestres de schi o de brea

Jent e autoritèdes se à binà te piaz per l’inaudazion del monument en recort di 4 omegn del Socors.

Sozietà - Pissà e realisà da Rinaldo “Reinhold” Cigolla de Fiech, l monument a Alex, Diego, Erwin e Luca, morc endèna na operazion de socors te Val Lasties ai 26 de dezember del 2009, l’é stat enaudà e benedì enstadì te Piaz Marconi a Cianacei. N moment de gran comozion dant de dut per la families e i amisc che no vif dì zenza pissèr a chisc si fies, omegn, pères e amisc. Ma ence “n recort che é semper vif te noscia comunanza. Na ferida che sangonea amò, soraldut ades che sion vejins al Nadèl e a l’aniversarie”, à dit la Procuradora Cristina Donei, prejenta ence ela a la zerimonia ensema a l’ombolt de Cianacei, Mariano Cloch e ence al President de la Provinzia de Trent, Lorenzo Dellai, e amò desvalives raprejentanc del volontariat, del sport e del mond politich e economich. Vidèda da Francesco Mazzel de l’Ors, la zerimonia é stata rica de sentiment, de parola sinzieres e, no podea che esser coscita, ence de comozion. “La vita va inant – à let jù da sia poejia Marika Detone, ameda de Diego – ma l recort l’é semper te nesc cheres, e l ne met dant demò bie recorc e momenc de legreza”. Per sotrissèr l valor del momunent, l’artist Reinhold ge tegn a dir che “l’é fat soraldut per i joegn, per chi che no va più te cortina. Ades chi che passarà da chiò i podarà se recordèr de chisc cater amisc, che per me l’era desche cater fies, e chel che i à fat”. I ne à portà dant na gran lezion de vita che ades duc pel lejer apontin sul monument “no l’é amor più gran che dèr la vita

per i etres”. Dellai ge à strent la man a Reinhold e l l’à rengrazià per chesta scomenzadiva che va sorafora l’aspet artistich: “desgrazies desche chestes - à dit l president de la Provinzia - les cogn vegnir recordèdes percheche les fèsc pèrt de noscia comunanza e les ne deida a entener l valor de la vita e a ge dir detelpai a chi che, te la sozietà, i laora per i etres”. Chièr l referiment al Socors da mont, “l’ènema miora de la Val de Fascia e del Trentin”. E da pèrt del president del Socors da mont del Trentin, Roberto Bolza l’é ruà l rengraziament perché “la vejinanza de la comunanza te chisc caji l’é sostegn e didament per dut l Socors”. L’ombolt de Cianacei, ence a inom de chel de Ciampedel, l’à palesà l’emportanza de chisc cater omegn che era dò e dò te la sozietà e che i se dajea jù no demò te so mestier, ma ence tel volontariat e te desvalives setores de la comunanza. L monument – à dit amò Mariano Cloch – l’é stat metù proprio tel lech olache pèrt la Dolomites SkyRace e olache passa ence la Sellaronda Skimarathon, duta doi garejèdes pissèdes e metudes a jir da Diego Perathoner”. L’opera de Reinhold, n bron te n toch de granit resa de Pardac che recorda l Pordoi, é stata fata sù per nia de gra a la colaborazion de desvaliva persones: la frazion de Grìes, con Silverio Pezzei che ge à dat l teren da pojèr l’opera; Luciano Boninsegna da Pardac per l sas; l Comun de Cianacei e Roberto Ongari per l’enlumenèr; la Sitc che à portà e metù jù l sas; Enrico

Marchetti per i lurieres da murador; la familia Guglielmi per aer dat a d’imprest l’eletrich e dapò la sociazion “Per no desmentièr” con Luciana Detomas e Alessio Deluca che à didà a endrezèr l’event. La zerimonia te Piaz de Cianacei se à serà sù con la benediscion del monument da pèrt de don Stefen Maffei, che à envià duc ensema a preèr ogne dì l Segnoredìe, che l ne ensegne a ge jir dò a chisc ejempies e a viver te chest mond col cher. A la fin n auter moment dassen spezièl l’é stat con la doucia paroles de Marika Detone. L’envit da pèrt de Reinhold l’é ades se troèr endò duc ensema ai 26 de dezember dedant a chest monument con na pìcola ciandeila, per recordèr amò n’outa, con n’Aimaria, Alex, Diego, Erwin e Luca. Valentina Redolfi

Develpai De cher volassane ge sporjer n gran Develpai a Reinhold Cigolla per aer creà chela bela scultura che semper recordarà ence a chi che vegn dò i cater fenc de la Val Lastìes. Develpai ence al Socors, a Don Stefen per sia benediscion, a Claudia e Linda per esser vegnudes col guant a Radio Studio Record a ai giornalisć e duc chi che à rejonà e che à tout pèrt.

Schi - Enstadì sul Tonale l’é stat i ùltimes ejames del cors per doventèr maestres de schi e de brea con la Provinzia de Trent. I scric ite ai cors, che é jic inant da l’aisciuda del 2011 enscin a ades, i à cognù passèr desvalives ejames de pratega (desche emparèr duta la curves) e de teorìa (fisica, storia e regolamenc) su la desvaliva disciplina sportives su la neif. Ai ejames à tout pèrt en dut 67 eles e ic (44 per l schi e 23 per la brea). De duc chisc l’era ence sie fascegn, e duc chenc doventé apontin maestres de chesta doi disciplines. Chisc l’é: Lorenzo Battisti, Robert Cecco, Giulia Deluca, Alice Guelfi e Corinne Rasom per l schi e Davide Chiocchetti per la brea. Chisc maestres, scric ite te l’albo profescionèl de la Provinzia de Trent, é abilité a l’ejercizie de la profescion te dut l Trentin zenza de etres adempimenc. Enveze, aldò

de la neva Lege Provinzièla numer 22 di 31 de otober del 2012, chi che é scric ite ti albi profescionèi de autra regions e de la Provinzia de Busan, per poder fèr i maestres sun nosc tegnir i cognarà passèr n ejam de cognoscenza del teritorie e de la normativa provinzièla. (vr)

La stema di maestres del schi del Trentin.

Neva calonia a Cianacei Col scomenz de la catechesi a Cianacei, don Stefen Maffei à benedì la neva calonia, fata fora via per l’istà Cianacei - La é stata benedida enstadì da so preve, don Stefen Maffei, la calonia de Cianacei. N moment de valuta spartì con duc i bec di cater paìjes del Comun de Cianacei, che dò la fin de la lezions i se à binà te gejia del Sacro Cher per la messa de scomenz de la catechesi. Dò la messa, duc ensema, é jic tedant calonia per tor pèrt a la benediscion del nef frabicat, fat fora via per l’istà passà. Descheche à dit don Stefen Maffei, “la calonia, ades più che dant, sarà n lech de enconter per duc i bec de la catechesi, per l grop “adolescenti” e ence per l Cor de gejia, che podarà fèr chiò sia proes

e portèr inant l’empegn te la comunanza. N lech de enconter fat proprio per ic, che i troe chiò neves momenc de condivijion e legreza te l’ensegnament del Segnoredie”. La neva calonia ades l’à trei bela sales a cheles che ge é stat dat l’inom de la trei gejies de Cianacei e Grìes: la sala del Sacro Cher ite dret, la sala Madona de la Neif e la sala Sèn Florian. Dò la benediscion, compagnèda ence da n muie de servidores e dal Cor de gejia, duc chenc à podù jir a vijitèr la trei sales, e i à ciapà n pìcol don. (vr)

Familia Perathoner

L monument de Reinhold Cigolla e apede l’artist col president de la Provinzia de Trent Lorenzo Dellai.

La neva parbuda de la calonia de Cianacei. www.lauscdiladins.com

9




La Usc de la scola _ _ _

nr. 47 / 30 de november 2012

I dozenc del Liceum a scola de design

Formazion anter coleghes

Con na bela raida a Unejia l’é tacà via n cors de agiornament per ensegnanc sul mond del design, che l’era jà peà via l’an passà, per ge stèr dò ai gregn mudamenc che caraterisea chest setor

Te la scolines provinzièles de la Scola Ladina de Fascia, l’é stat envià via n projet che dèsc l met a la maestres de se spartir competenzes e cognoscenzes anter de eles

Scola - Aldò de la reforma Gelmini, ence la scola autes de Fascia à podù cerner de fèr vèlch mudament per chel che vèrda la oferta formativa. Dò na longia reflescion sul davegnir de l’istitut d’èrt, l’é stat dezidù de l fèr doventèr no na scola profescionèla, ma n liceum artistich. Te chesta ocajion l colege di dozenc à volù se emprevaler del mudament, domanan no demò l cors de studies con la direzion de Design, che ge pervegnìa automaticamenter, ma ence n cors de èrts de la fegura, dalajà che gran pèrt de si dozenc à abù sia formazion te la academies taliènes e soraldut su la spezialisazion de èrt de la fegura. L’entusiasm anter i dozenc l’é stat dalbon gran. Per meter a jir chesta sort de direzions, la gaissa di professores à palesà jà l’an passà la voa de se agiornèr, aldò del mudament che, soraldut tel mond del design, se verifica dì per dì. L’an passà donca l’é peà via l cors con 20 professores scric ite, no demò del Liceum del Design e de la Èrts de la fegura, ma ence coleghes de la mesènes. L cors à pervedù desvalives momenc de

formazion, scontrèdes con designers che vegn cà da la facoltèdes universitères, con l’aprofondiment de la costions filosofiches e conzetuèles, scontrèdes coi esperc del MART de Rorei, didèdes ence da la vijites a la mostra sul Post Modernism, scontrèdes dedichèdes a la didatica coi professores universitères de la facoltà de Design de Busan, laboratories con esperc desche chel fat jun Busan tel studie Kuadrat, olache se à vedù coche la fotograf ìa pel didèr te la promozion de n prodot. Fin d’aisciuda, canche i professores é jic a Milan per veder l Fuori Salone, l distret del design leà a la Trienala de Milan. Dò l suzess e la gaissa anter i professores, palesèda te la cena de fin de cors, ence chela dedichèda al design (donca a tema!), duc adum ge à domanà a la Sorastanta de poder seghitèr, metan a jir endò l cors, chest’outa Design 2. L cors se met dant de agiornèr e svilupèr la cognoscenzes e la competenzes di ensegnanc su la oportunitèdes sportes da la neva direzion de design, svilupèr la capazitèdes

tecniches e tor sù cognoscenzes e capazitèdes con i software spezifics te la projetazion, programèr e ge portèr dant ai studenc lezions atuèles e enteressantes leèdes al design. L’endrez formatif l’é stat fat fora dal professor Claus Soraperra, che adum coi etres dozenc l chier de proponer la cossa miores. De l’organisazion enveze se à cruzià la professora Barbara Fanton. Con l’an de scola tanche tacà l’é pontà demez l prum apuntament di corsisć con la vijita a la Bienala de Architetura de Unejia. Dapodò se jirà inant de dezember con la vijita ai laboratories del design de la Fornace de Asolo te la provinzia de Treviso; via per de jené 2013 l’é pervedù l’enconter a Poza con Arnaldo Tranti, l designer che à vent l concors per l logo Dolomites Unesco, a chel che tolarà pèrt ence i studenc; de mèrz sarà la vijita a la firma Thun de Busan, l meis dò a Poza l’enconter con l’imprenditor de la firma Vist del Sudtirol, ence chest a la prejenza di studenc e, per fenir, i prumes de mé la raida a Monaco per vijitèr la Berufschule, la scola profescionèla. (cs/cri.m)

L grop de maestres che se à binà per emparèr la cianzons per ladin metudes ensema da sia colega Mariagrazia Spinel.

Scolina - Mariagrazia Spinel e Stefania Paluselli l’é doi maestres de la scolines provinzièles de Fascia. La pruma la ensegna a Pera e la seconda a Soraga. Proprio ela does l’é stat la prumes che à dezidù de tor pèrt al projet “Open Space” proponet da l’Ofize Infanzia del Servije istruzion de la Provinzia de Trent. Se trata de na vida desferenta de formazion anter coleghes, che dèsc l met de spartir l saer de ogneuna coi compagnes de lurier de duta la val. Te la scolines provinzièles de la Scola L adina de Fascia , coordenèdes da la dotora Tatiana Soraperra, chesta doi maestres à metù a la leta una de sia competenzes per ge les ensegnèr a l’autra maestres. La maestra Mariagrazia tel setor de la musega e la maestra Stefania te chel de la prejentazions col computer. Enstadì, endèna la formazion de musega, sion jic a cognoscer chest projet.

Mariagrazia Spinel e la musega

L grop de ensegnanc a la Bienala de Unejia.

Open Day a la Scola de Fascia En sabeda prum de dezember la scoles autes aur si ujes per didèr a cerner l davegnir formatif Poza - Ence chest an ge vegn dat l met a duc i studenc de la mesènes e a si genitores de vijitèr la scola autes de la Scola Ladina de Fascia: l Liceum de la Èrts, l Lizeo Scientifich e l Lizeo Ladin di Lengac. I bec e sia families pel cognoscer l’oferta formativa e

10

www.lauscdiladins.com

tor pèrt al workshop di studenc che vegn fat doman, sàbeda prum de dezember, e en mercol ai 19 de dezember, da les 9.00 a les 12.00 e da les 14.30 a les 17.30. Genitores e studenc podarà jir a vijitèr la scola e rejonèr coi professores, per n saer de più di desvalives corsc de studie e ence del Projet

Ski College. Per aer maor informazions l’é a la leta i referenc, l prof. Claus Soraperra (Liceum de la Èrts) al numer de telefon 0462 763575 e l prof. Domenico Bravi (Lizeo Scientifich e di Lengac) al numer de telefon al 0462.763702.

Ne conta la maestra Mariagrazia che “ajache gé sone mìngol la chitara, ge ensegne a l’autra maestres la cianzons che é fat per ladin. No é studià musega, ma la chitara l’é n strument che é semper durà te l’atività didatica. Per ladin materièl no n’é trop, e canche l’é da fèr la programazion per la setemènes per ladin cognon vardèr de se enjignèr dut l materièl. Chest vel dir ence se enventèr naines, rimes, cianzons, stories, contìes. Ajache saon che ai bec la musega la ge sà bela e l’é na vida per didèr i bec a memorisèr parola neves, é enjignà dotrei cianzons adatèdes per compagnèr la dì de la scolina. Desche per ejempie canche se fèsc la ferata per jir te bagn, canche se cogn se trèr ite la mènies, canche se bat la mans per tirèr l’atenzion o fèr acort o ence cianzon aldò de l’ativitèdes che fajon”. Enstadì la maestra Mariagrazia se à binà con tropa maestres de la scolines de Fascia e la ge à prejentà n cd che l’à registrà ela ensema a sia fia. L’é 13 cianzons per ladin (Gigio cunel, La ferata, Bertol pea

via, La gialina, L’ef, L pìcol pesc, L’uton, Rua Sèn Nicolò, Sion duc ensema, La garejèda tel bosch, La stria Maria, La cianzon di numeres) e 3 per talian che vegn durèdes te la setemènes de talian. En cont del raport coi bec e l ladin, semper la maestra Mariagrazia, ne conta che “ai bec ge sà bel, ma dijon che la situazion del ladin, a Pera, la é n muie positiva ajache l ladin l’à reijes fones. I bec i rejona per ladin e ge sà bel ciantèr ence per ladin, l’é na roba che ge vegn zenza problemes. Chel che veide l’é che la musega la deida soraldut per emparèr la paroles che tel rejonà no vegn fora de spes. Se te empères vocaboi, inomes de besties con la cianzon, veide che i bec i se les recorda sobito. L’é giust che i bec veide jà dal scomenz che duc doi i lengac i à la valiva emportanza. Chest per nos l’é la roba più bela, ic sà che se pel rejonèr talian e ladin a la medema vida”.

Stefania Paluselli e la pascion del computer Via per de jené, la maestra Stefania enveze ge ensegnarà a sia coleghes co fèr na prejentazion col computer, col program PowerPoint, che te la scolina vegn durà per la serèdes con i genitores, per ge fèr veder coche se laora via per l dì. Ma apede a chest, ne disc Stefania, “chest strument se l doura ence coi bec. Giusta chisc dis aon fat na prejentazion di doi bec virtuèi che ne deida a rejonèr talian a la scolina, se aon pissà che i vegn da la Sizilia e coscita ge aon fat veder l’Etna, l mèr. A chesta vida ge resta de più e ge vegn più gaissa a veder fotograf ìes bela granes sul scherm”. Ence Stef ania , de s che Mariagrazia, no à fat corsc spezifics per ge ensegnèr a l’autres. “Al scomenz aee mìngol de dubies, percheche é emparà da soula a durèr PowerPoint, ma dapò l’era da ge spieghèr a mia coleghes, e ajache valguna me à ence dit che ge aessa enteressà, me é pissà che l faré, spere demò de esser bona de l fèr delvers”. (vr)


Fascia

nr. 47 / 30 de november 2012

Na bela dì de festa per noscia jent de età

Prest ence Pororo rejonarà ladin!

L Comitat manifestazions à endrezà n bel moment de legreza co la messa e la marena. L grop di Joegn ge à donà ai giaves na cripela fata da ic enstesc

Via per la setemènes che vegn sarà la selezions anter i scolees de la clasc 3^ e 4^ populères che vel se meter a la leta per l dopiage

N bel retrat en ocajion de la festa per la jent de età de Mazin.

Mazin - En sabeda ai 24 de november del 2012, l Comitat manifestazions de Mazin à volù ge endrezèr, descheche vegn fat vigni an da n trat de temp en cà, na pìcola festa per la jent de età. Con gaissa chest picol grop de volontadives à volù se meter a la leta per ge fèr viver na dì de legreza a jent che à n’arpejon zis fona da ne donèr. A la dir duta, ence l soreie no l se à sparagnà e, con si raes, l’à fat a na vida che la legreza de la festa la sie maora. Timpruma Don Giuseppe, con apede Don Luigi, à dit messa te la gejia de Sènta Maria Madalena a Mazin, olache à tout pèrt n grumon de jent de età de dut l comun. Endèna la funzion, estra apede, l’é stat recordà la jent che no la é più. Endèna perdicia Don Giuseppe l’à palesà coche fora per la cèses cognessa esser n don aer jent che à coscì n gran valor e esperienza, che cognessa vegnir tout de più en conscidrazion. A la fin de la messa, l’ombolt de Mazin, Fausto Castelnuovo, a inom ence del Comitat manifestazions, à fat sie descors per rengrazièr chisc “giaves” che i à tout pèrt a la festa. L’é stat fat dotrei foto per recort, e dò se se à scontrà duc tal Tobià del Cuch olache Monika e Graziano ensema ai fies, i à endrezà na bona

marena per duc. Canche l’é stat ora de dèr fora l douc e l café, anter na ciacola e l’autra, l’é ruà adalèrch l grop di Joegn de Mazin. Chest grop, ti meisc passé, se à dat jù n muie per poder ge portèr dant n pìcol don da ge sporjer a chisc nesc “giaves” en ocajion de chest moment endrezà per ic e, con gran sodesfazion, i à podù ge donèr a vigni un na cripela de legn dassen n muie bela e aprijièda. Se sà ben, descheche se à sentù dir, ge é stat dat n valor più gran a chest prejepie, ajache l medemo no l’é stat comprà, ma fat a man e donà col cher. A duc chi che à tout pèrt l Comitat manifestazion a volù ge sporjer n recort de chesta festa, e a duta la femenes ge é stat donà n

fior. Per fenir l domesdì con chela ponta de legreza, no podea mencèr Tone à endeletèr duc con sie strument e sia musega aiegra che à engaissà nesc giaves a se fèr ence doi sauc con n bal. Ma no la é amò fenida: per serèr sù chesta festa ben segur che no se podea fèr condemanco de n bon brulé fers o na bona chichera de te con apede dotrei castagnes. Dassen na dì piajegola che à fat sentir manco soula chesta generazion de jent, che, descheche se à sentù da zachei, da la gaissa per se enjignèr delvers per chesta festa, la era jà vertia canche da doman l’é levà soreie. L Comitat manifestazions de Mazin

L grop de joegn ge à sport ai giaves na bela cripela fata da ic enstesc.

L’a n 2013 portarà per duc i bec de Fascia na bela neva. Dò l cognosciù personaje de Louf Albert, prest sul c anal de la mendranzes de la provinzia de Trent TML vegnarà manà fora n auter gustégol carton I gustégoi personajes del cartoon Pororo. dessegnà, dut per fascian. Se trata de Pororo, n prodot L projet belebon cognosciù ajache se pel l veder sun Rai Yoyo, l canal Per utèr l cartoon de Pororo dal telematich de la Rai dedicà ai bec. talian al fascian l’é de besegn de L’é n projet ideà da Fulvio De troèr n grop de bec che vel se meter Martin Pinter e sostegnù dal Comun a la leta per ge dèr sia ousc al general de Fascia e da l’Istitut Ladin protagonist e a si amisc. “majon di fascegn”, che perveit de Via per chisc dis passé ai scolees manèr fora sun TML en dut 26 de la populères de Fascia ge é stat episodies. Chesta puntates dura 6/7 moscià vèlch puntata de Pororo per menuc, con ite la sigla, e les é dassen talian, per ge fèr cognoscer miec i da grignèr per i bec, apede che esser personajes ma ence per ge fèr n strument didatich ùtol e deletégol entener ai ensegnanc la gran valuta per slarièr fora l lengaz ladin anter didatica che pel aer chest strument, che l’é stat pissà apontin per i bec i pìcoi. de chesta età. La storia Dapò via per la setemènes che vegn vegnarà fat la selezion de la Realisèda al computer co na oujes a chela che pel tor pèrt i grafica 3D, creèda dal corean Cho scolees de la clasc 3^ e 4^ de la Jong chesta deletégola serie animèda scoles populères de Fascia, ma l’é la é ambientèda te l’Antartich e la emportant che i saesse rejonèr ne porta a la descorida de la delvers fascian. I bec che vel tor aventures de n pìcol pinguin e de pèrt a la selezion cogn ge fèr saer si gustégoi amisc. Te n lech n muie sia desponibilità a la maestres de dalonc l’é na chieta ìsola corida duta scola. Luciana Detomas se cruzia de neif e giacia, che nesciugn amò de la traduzion del test e Loreta cognosc: no se la troa nience te la Florian ge starà dò a la pèrt didatica, chèrtes geografiches. Sun chesta artistica e espressiva del dopiage. pìcola ìsola l’é n vilaje de pìcola La registrazions vegnarà fates te 9 besties. Chiò stèsc Pororo, n pinguin outes via per l domesdì, fàzile de inteligent e semper vertech a neva sàbeda o dò les cinch domesdì. I esplorazions, che é semper bon ence bec che vel se meter a la leta per de se meter te la petoles. Duc i proèr l’esperienza del dopiage per protagonisć à na personalità n muie fascian cogn se empegnèr a portèr desferenta: i pel n combinèr una a compiment duta la registrazions. più che l diaol e no esser mai d’acort La puntates vegnarà manèdes sun nia, ma nia podarà mai roinèr fora sun TML e dapò les vegnarà sia fona amicizia che l li portarà a ence regoetes te doi DVD. se didèr fora semper ti momenc de Donca bec, no ve resta auter che dificoltà. ve fèr inant! (mci)

Festa solene per la Virgo Fidelis Te gejia di Sènc Felip e Giacum i carabinieres de l’Arma e de l’ANC de Fascia i se à binà per onorèr sia patrona, la Virgo Fidelis Sozietà - Ence chest an i carabinieres de Fascia a festejà la Virgo Fidelis. N moment solene zelebrà te gejia di Sènc Felip e Giacum, olache don Luigi Trottner à recordà la fegura de la Madona patrona di carabinieres e l’à sotrissà l’emportanza de l’Arma e di carabinieres che, su l’ejempie de fideltà incondizionèda a la Virgo Fidelis, porta inant so lurier e empegn ence te situazions de pericol. Te gejia de Ciampedel se à binà la autoritèdes de l’Arma di carabinieres, con l comandant de la compagnìa de Ciavaleis, Capitan Andrea Moglia, che é dò a doventèr Maggiore, e l comandant de la stazion de Cianacei, Luogotenent Gianpaolo Saggese. Apede l’era

ence i membres de l’ANC, la sociazion nazionèla di carabinieres che te Fascia é stata metuda sù e vidèda per passa 20 egn dal Sottenent Fortunato Bertolini e che ades veit jir inant Andrea Dantone e Tiziano Davarda. A la festa l’era ence etres gropes: i Alpins de la Val de Sora vidé da Cristian Dantone, i Studafech con l’ispetor Rinaldo Debertol e la Crousc Biencia de Cianacei col president Diego Salvador. Amò apede l’era l president de la Sitc Paolo Fosco e chel de la Ciampac Tullio Pitscheider, a desmostrèr la colaborazion e l bon raport anter i carabinieres e la sozietà, e no mencèa i ombolc de Mazin, Ciampedel e Cianacei, Fausto Castelnuovo, Renzo Valentini e

Mariano Cloch. La festa se à serà sù con l’Orazion a la Virgo Fidelis leta jù dal Luogotenent Saggese e dò i raprejentanc e i carabinieres de l’ANC é jic a la cena sozièla al Tobià de Ciampedel. Angelo Fosco, Engel de Jan Maria, che l’era tel grop sportif di carabinieres e l fajea garejèdes de schi, ne à contà che “ogne an vae a chesta festa con piajer, per recordèr i egn passé con mi compagnes e i bie momenc de sport passé ensema”. Enstadì, te gejia de Ciampedel l’é stat festejà ence Sènta Zezilia, patrona di ciantores e di musizisć. L cor de Ciampedel ge à fat onor con cianties gregoriènes che à valorisà amò de più la zerimonia. (vr)

L grop di carabinieres e de l’autoritèdes che à tout pèrt a la festa de la Virgo Fidelis te gejia de Ciampedel. www.lauscdiladins.com

11


Fascia

nr. 47 / 30 de november 2012

La sia: n patrimonie de noscia storia che ciapa nef luster L frabicat de la Frazion de Poza é stat fat fora da nef. Laìte troarà post ence na sezion del Museo ladin con zenter didatich sul bosch e la ativitèdes leèdes al legn domanan che l se cruzie de fèr fora na sezion del Museo.

La Sia de la Frazion de Poza à ciapà neva parbuda.

L’à dassen n muie de lurieres e projec, te chisc tempes, la Frazion de Poza. L maor, ruà oramai a compiment, l’é chel ta la sia, sa Meida. Chiò, descheche ne à dit l capofrazion de Poza, Giorgio Locatin de Patron, se é peé via dant da dut dal besegn de la serèr sù, a na vida che ence d’invern l segat posse lurèr en condizion più “umane”. Apede a la sia l’é ence na ciaseta, e ajache ge vegnìa metù man al frabicat l’é stat dezidù de meter a post ence chesta pèrt. Per chest la Frazion à pissà de la destinèr a zenter didatich: chest ge à permetù de ciapèr finanziamenc publiches destiné a ativitèdes culturèles e a la mendranzes linguistiches. I lurieres del prum stralcio, chel de la sia, i é fenii jà del 2011 e i à costà entorn 223 mile euro, con n

contribut de 90.000 euro dal Servije Foreste e Fauna de la PAT; etres 60.000 euro é stac touc adimprest a tas zero dal Fondo Forestal Provinzièl, e l rest é stat metù da la Frazion enstessa. Ades l’é ruà a compiment ence l secondo stralcio, chel de la pèrt de frabicat destinèda al zenter didatich, che l’à domanà na speisa de 312 mile euro. Chisc lurieres à abù finanziamenc per passa 176 mile euro da la Provinzia, etres 50 mile euro é rué da la Region e amò apede l’é stat n contribut de 25 mile euro del Comun de Poza. Su projet de Fabrizio Gross la firma Futuredil de Tieser à fenì de comedèr la ciaseta, olache jubas troa lèrga n pìcol ofize per l segat, e sun aut apontin l zenter didatich. Per chest la Frazion de Poza à tout contat con l’Istitut Cultural Ladin,

“Ades – ne à dit amò l Capofrazion de Poza - aon fat i projec ence per la sistemazion de la doana, che la é visavì a la sia e la é metuda n muie mal, per far fora l magasin de bree per la sia. Aon fat far l projet en prescia per poder manar jù la domana de finanziament per de setember, percheche fazile l’é l’ùltim an che se à l met de ciapar zeche. Per meter a post duta chest’area ne sà emportant poder restruturar chest frabicat, e dapò pech più en ju l’é ence la veia ciuciaa, e ence a chela fossa bel poder ge meter man, per ge far veder ai scolees ence olache se fajea la calzina (ciauc). Ge aon domanà al Comun se i podessa ne sostegnir per la meter a post, noi segur no podon l far. La Frazion semper ta la sia l’à fat far ence preventives per i aparac per automatisar e modernisar l sistem per uzar sù le bore, e chest l’é n auter lurier bon ciar, sarà zirca 150.000 euro, che cognon far con nesc scioldi.”

N muie de projec per la Frazion de Poza “L vadagn che aon a vener l legnam – ne à dit amò Giorgio Locatin - l serf a paar le speise de la Frazion, no vanza n muie; se vegn venù valch teren l vadagn pel vegnir reinvestì sul teritorie. Cognon veder che che podon

A man dreta l frabicat olache troarà lèrga l zenter didatich, e a man cencia la doana.

meter a bilanz, per l lurier de la doana fazile se cognarà jir al 2014, perché per l 2013 cognon far intervenc de maor prescia per le malghe sun Contrin e ti Munciogn. Prum de dut per esser a post co le norme chest’aisciuda cognaron far la neva buja da la grascia sun Contrin, e sarà 30.000 euro de lurier. Del 2012 la Frazion l’à ence paà n terz del cost de la strada che va sun Contrin, e ence la malga aessa besegn de far danef l cuert e autres lurieres. Ma dant, amò del 2013 cognon far intervenc te le zentraline per le malghe de Contrin e di Munciogn. Te chela de Contrin cognon far na preja neva, perché ades no ne vegn garantì l’aga per far jir la zentralina de la malga. Assane cognù la ciapar dai alpins,

che i à fat la preja en aut per l refuge: noi i aon lascé passar coi tubi, aon lascià meter la vasca e ence far l piaz per l’elicoter sun chel de la Frazion, de contra ic cognea ne garantir l’aga, ma i la dora duta per l refuge e noi aon cognù far jir dut istà l generator. Ti Munciogn sposton la zentralina più en bas, junsom l Campìgol, coscì se vadagna 50 metri de dislivel e con la medema aga se rua a far 5 kw de più, che ades se cogn semper destacar valch aparat percheche n sie assà. Dapò cognon far valch mudament de coltura per miorar l pascol ti Munciogn, olache se à remboschì ite, aon jà portà i projec en conzescion edilizia. Cognon veder co che podon far per troar i scioldi per duc chisc lurieres.” (lg)

Conjobièr cultura e atività produtives, anter passà e anchecondì Obietives e potenzialitèdes del projet de na sezion del Museo ladin dedichèda al “Segat” L’ocajion sporta da la Frazion de Poza a l’Istitut Cultural Ladin, per fèr fora aló da la Sia de Poza n zenter didatich, la é stata touta sù sobito con piajer. “Aon semper volù – à dit l diretor de l’Istitut Ladin Fabio Chiocchetti – portèr l museo sul teritorie enveze che l serèr ite dut te na soula strutura, per leèr i segnes del passà con la realtà de la val da anchecondì, te n confront che ge permete a la comunanza, e soraldut ai scolees, de lejer ence la dinamiches de mudament che à segnà noscia storia. Dò aer recuperà e metù a jir la Sia a èga de Penìa e l Molin de Pezol a Pera, l projet de la sezion del Malghier te la neva Mèlga a Pera à avert la strèda a la sezions che se lea diretamenter con la realtèdes produtives de noscia val, te n confront anter passà e anchecondì e te n raport de colaborazion anter cultura e atività economica. La Sia de Poza respon patoch a chesta concezion.” I scolees (ma ben segur ence i gregn, tant fascegn che ghesć) podarà donca aer n confront anter i sistemes per seèr e lurèr l legn da n’outa e de ades: i podarà veder la Sia de Penìa e l Molin de Pezol, te n percors sul teritorie o ence (soraldut d’invern, canche chest l’é più senester) travers video e modelins en sćiala che troarà lèrga te la Sia, olache tel medemo temp da n gran vierech i podarà veder

12

www.lauscdiladins.com

dal vif co che laora anchecondì n segat con aparac modergn. Te la sezion museala-didatica de la Sia de Poza i vijitadores podarà ge jir dò vèrech dò vèrech a la cedena produtiva del legn, n ben prezious te l’economìa de Fascia: dal bosch, con la carateristiches e i inomes de la piantes, a la tecniches de lurier del boschier; dal mestier del segat enscin a chel del marangon, con duta sia èrts. De relief de chest vers sarà la rica esposizion de èrc da marangon e tisler de l’Otcent e N e fce nt , co n d u t a s i a documentazion aldò, metuda a la leta del Museo ladin da Jan Batista Chiocchetti Cherlo da Moena. Postazions multimediales per poder veder filmac e retrac, tabeles LIM per na didatica interativa, desć e carieghes e na regoeta de publicazion sul tem completarà la sezion didatica.

l diretor Chiocchetti – e canche la Scola ne à domanà na indicazion per studièr fora n projet, me é pissà che lurèr ensema a la projetazion de la sezion del museo te la sia de la Frazion de Poza sie dassen adatà.” La proponeta é stata touta sù con gaissa, e la Scola à lurà fora n projet spartì sun doi egn che à inom “Dò l troi del legn”, che veit na fona colaborazion con l’Istitut e l Museo ladin. Chest an vegn lurà su la projetazion, l’alestiment e la cognoscenza di ogec etnografics de la cultura materièla, l’an che vegn vegnarà lurà sui percorsc de vijita, la ativitèdes didatiches, i materièi informatives e tinùltima ence su la promozion de la sezion e la sperimentazion de l’ativitèdes. Prum de dut, su domana de la

Scola, l Museo à metù jù n percors formatif con scontrèdes tant te Museo che te clas, con esperc de l’Istitut e del Museo medemo e ence da fora, desche l’antropologh Cesare Poppi, l professor Ernesto Francalanci e l’enjegner Norbert Bernard. Se é peé via ai 7 de november col professor Poppi, che à rejonà de la concezion, la strutura e l’organisazion del Museo de Fascia, jan ite ence te la soluzions espositives, la tecniches de comunicazion e i aparac didascalics. Dapò con la responsabola di servijes educatives del Museo, Daniela Brovadan, dozenc e studenc à podù cognoscer miec la sezions del Museo sul teritorie, e con l diretor Fabio Chiocchetti più avisa i criteries de projetazion e realisazion

de la sezion del Malghier. Ai 21 de november te Museo l’é ruà Jan Batista Chiocchetti Cherlo, che l’à portà dant na enteressanta e sćiantiva lezion etnografica, prejentan sia colezion de èrc da marangon e tisler con si inomes ladins; en mercol passà la lezion é stata fata “sul post” aló da la sia de Meida, e ai 4 de dezember l’ùltima lezion sarà dedichèda a l’emportanza de la didatica te la projetazion. A chest percors à tout pèrt dozenc e studenc de la classes III di Lizei Artistich e Linguistich e ence ensegnantes de la scola populèra, ajache sia colaborazion sarà de ùtol per envièr i scolees a regoer fontènes scrites e a ousc e ogec etnografics sul teritorie e a cèsa. (lg)

Na bela colaborazion anter Museo e Scola Apontin aldò del prinzip del “museo sul teritorie”, de tor ite la istituzions e la realtèdes locales, tel projet del zenter didatich de la Sia de Poza l’é stat tout ite ence la Scola de Fascia. “La Fondazion Cassa de Sparagn aea metù fora n bando de concors per n projet che lee la cultura a l’ativitèdes produtives – à dit amò

La scontrèda de formazion te Museo ladin con Jan Battista Chiocchetti Cherlo, che à prejentà si èrc da marangon e da tisler, che vegnarà metui ora te la sezion museala te la Sia de Poza.


Fascia

nr. 47 / 30 de november 2012

I Conscric del ’64 anter èga, vin e cultura ju per Peschiera

Retrac per solidarietà

De n bel grop i à tout pèrt a la bela raida anter la cèvenes de l’Amarone e la storia de la Tèlia... con de bela gran grignèdes

L nef liber de fotografìes de Doriano Brunel e Arturo Rossi vegn prejentà en sabeda ai 7 de dezember per sostegnir i projec del grop miscionarie Freinademetz

I conscric del ’64 te la cèvenes de l’Amarone.

Sozietà - Oramai l’é na tradizion e ence chest an no podea mencèr la raida di conscric del 1964. Per festejèr i 48 egn l’idea l’era chela de jir a Peschiera, se fitèr na roda da mont e jir enscin a Mantova, 43 chilometres a jir e 43 a vegnir de retorn. Duc engaissé i é donca ponté via per n fin de setemèna de sport, dai 10 ai 11 de november. Ma nience fèr aposta, chest an l temp l se à metù de contra e con la gran piovetes che l’é stat te duta la Tèlia te chel fin de setemèna, ence i 15 conscric del ’64 i à cognù renunzièr a la raida con la roda. “Per colpa de l’aluvion aon fat na raida culturala, e te anter duta chel’aga aon troà ence de bon vin... Sion ponté via con la vijita a le cianeve de l’Amarone en Valpolicella”, ne à conta Emma e Monica, che ence enstouta é vegnudes a ne dir coche la é jita ju per l Garda. Te chesta cèvenes i à podù aprijièr de bon vin da 16° e ence emparèr coche l vegn fat. Ge é stat moscià coche vegn “empassì” l’ua e dut l prozediment che porta a la realisazion de chest vin de nonzech te dut l mond. L’é stat proprio na bela dì da grignèr olache, disc la doi conscrites, “se aon grignà giusta teis e se aon godù n mond: con dute le aluvion che l’é stat,

nience l vin no ne à arneà”. E dò chesta bela vijita i conscric no i se à fat mencèr nience na cena de pesc al restorant “La Barcaccia”, chesta veia bèrca sul lech che ades l’é un di restoranc più cognosciui de dut l Garda. En domenia, la pievia no à lascià paze e coscita i é jic inant con la raida culturèla. Monté duc sun coriera i é jic a vijitèr San Martino della Battaglia, olache te la seconda vera de indipendenza ai 24 de jugn del 1859 l’é stat scombatù la storica “battaglia di Solferino e San Martino” anter l’eserzit austroungarich e chel del Regn de Sardegna

vidà dal re Vittorio Emanuele II, un di fondamenc de la naa del Regn de la Tèlia. Proprio a San Martino i conscric fascegn à vijità la torn dedichèda a Vittorio Emanuele II, l museo e l’ossarie. Ma ence chiò la raida te la cultura de la Tèlia no podea che se serèr sù con la cultura de la cèses da fech, e coscita duc ensema i é jic a Valeggio sul Mincio a se “far na bona magnada de tortellini fac te ciasa – disc Emma e Monica – e dò mesdì aon vardà de se tirar a ciasa dant che le mete ne sere le strade”. Coscita ence per chest an se à serà sù la bela raida di conscric del ’64, de chi “irriducibili” che no à renunzià nience con brac o giames fates ite tel śes. Ades i peissa jà al davegnir, sun chel che i à la idees chières: per i 49 egn i jirà a Amsterdam e per i 50 i peissa jà a na bela crociera. Da pèrt de Emma e Monica “n develpai a chi che endreza ogne an. Volassane se enjeneiar duc a la “Meca”, che la seghite coscita, a endrezar cheste bele raide”... e chiò l referiment e l rengraziament, per chi che no l’aessa entenù, l’é a la conscrita Luisa. A nos no ne resta che spetèr, e veder se i conscric del ’64 i vegnarà ence l’an che vegn a ne contèr del viac a Amsterdam. (vr)

Duc ensema en vijita a San Martino della Battaglia.

Doriano Brunel con so liber, ensema a Padre Hugo Rios, pediatra te l’ospedèl de Kimbondo.

fortuné.” Te chest nef liber l’é stat regoet na lingia de fotograf ìes de Doriano e de Arturo dassen maraveouses, l’é n melaur de colores, de viveza, de emozions fortes, de sentimenc e de sgrijolons... Ite per anter l liber, che l’é scrit per talian, ladin e ingleis, se pel troèr ence vèlch contìa de Maria Grazia Pozzato coi dessegnes de Marcella Dagostin, pèrts che compagna e fèsc amò più rich dut l lurier. La publicazion é stata fata adum con la Fondazion Don Orione, e l’à abù l patrozinie de la Region Trentin Südtirol e del Comun general de Fascia. L liber “Immagini per un sorriso” vegnarà prejentà en vender ai 7 de dezember te teater de l’oratorie de Poza da les 20.30 e l vegnarà venù dal Grop Miscionarie Freinademetz per sostegnir i projec de la pediatrìa de Kimbondo e la cèsa e tislerai di bec de Tomanguina tel Perù. A la prejentazion tolarà pèrt l Cor di bec da Poza. (mci)

Publicazions - “Retrac per n grignot” l’é l nef liber che prest aron l met de tor te man e sfoèr fora con cura e atenzion. Chela cura e atenzion che metassane tel tor sun gremen i pìcoi de Mama Betty Sommavilla, arbandoné te ospedèl de Kimbondo o i bec de Tomanguina tel Perù. L’é n fil che lea la neva publicazion de retrac de Doriano Brunel e Arturo Rossi al grop miscionarie Freinademetz ajache belapontin i doi amisc, pascioné de fotograf ìa, à volù meter endodanef a la leta na pèrt de si retrac per fins de solidarietà, dò l prum liber “Natura, amor per la vita” dat fora acà vèlch an per sostegnir la sociazion “Bambi”. “Con noscia fotograf ìes – scrif i doi amisc – volon chierir de spartir la emozions che ne dèsc chesta pascion ence con chi che no pel viver chesta esperienza e chisc momenc en pruma persona. E per ge dèr n valor amò più aut a chesta emozions, ne pièsc che i éjic de nosc empegn i posse vegnir regoec ence da chi che é manco

Chi él pa? Soluzion del retrat su La Usc nr 46 del 2012 Descheche aane jà scrit, l retrat publicà su l’ùltim numer de La Usc di Ladins l ne era stat portà da Renato Soraruf de la Checa da Poza. L retrat l tol jù i conscric del 1900 e donca l’é

stat n muie senester troèr la soluzion. A responer, apede al medemo Renato, l’é stat demò Lino Soraperra Medico, che l ne à dit che sul retrat l’é: 1. Carlo Cinzol de Mareo; 2. Francesco

6

1

2

10 5

3

7

4

9

11

8 12

Locatin de Gac; 3. Giuseppe Florian “Bepeto”; 4. Pellegrin Trottner de Anz; 5. ; 6. Vito Zacchia de Jampiete; 7. Nicolò Pezzei (Coleto) de Peter; 8. Cirillo (Zerilo) Deluca de Nenucia; 9. Luigi Cincelli de Piz; 10. ; 11. Battista Deluca (Tita) de Gostin de Cruf; 12. Alfonso Gross de Ciaria. Ge sporjon n bel develpai a chi che ne à didà ence chest’outa a meter ensema na mizàcola de noscia storia. Enstouta ve meton dant n retrat che vegn da la Val de Sora, fat sun Pecol del 1948. Ve preon de ne dèr voscia resposta al più tèrt per en mèrtesc dal mesdì te redazion, ence per telefon o fax al 0462.764545 o per mail a la direzion lausc@ ladinsdefascia.it. Ve recordon che chi che ne dèsc la resposta giusta o troa fora amàncol la maor pèrt de la jent

sul retrat i ciapa en don n liber o n CD de musega, sporc da l’Union di Ladins de Fascia. Desche semper ve envion ence a chierir fora i retrac veies che aede te vèlch crigna e ne

i portèr te redazion a Sèn Jan, olache podon i tor sù col scanner e ve i dèr de retorn sobito; a chesta vida ne didède a viventèr chesta rubrica.

10

8

9 11 5 6

3 1

7

2 4

www.lauscdiladins.com

13


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

nr. 47 / 30 de november 2012

Dut l bon, Rafael!

Jëuni sauta a Berlin

Rafael Kostner à nstadì cumplì sessant’ani. Na bela ucajion per ti fé festa, sambën na festa che l ne se aspitova nia, ora la sënta dl Aiut Alpin Dolomites a Puntives

Chëst ann iel unì metù a jì, te na cunlaurazion cun l local di jëuni Saut y l zënter per i jëuni Prad am Stilfser Joch y Naturns, n viac a Berlin cun jëuni sibe de Gherdëina che nce de d’autri luesc de Südtirol

dla cualiteies de Rafael,” nscila Costamoling.

“Na persona de respet”

Rafael Kostner cun si fëna Maddalena, si mut Luca a man ciancia y si mut Daniel a man drëta, cun Verena y la pitla Giulia.

Persones - Rafael ne savova nia, canche i siei de familia à dit che i jiva a cëina. L ne savova nia che la cëina fova ora Puntives, tla sënta dl Aiut Alpin. Ma propi iló l ài menà, ai 14 de nuvëmber, l fajan unì ora de auto y pona via de viers dla sënta. Che fova scura, per la surpreja. Ma danz che i uedli, dla desëines y desëines de persones che fova iló lunova mpo, y mo dan che i ëssa mpià la lum, se à Rafael rendù cont che i ti ova metù a jì na festa. Unic fovi duc: i siei de familia, i cumpanies dl Aiut Alpin, di Catores, di Judacrëp, di Mëinacrëp y dl’autra lies de sucors, cumpanies, autoriteies, de Gherdëina, Badia, Ampëz, Fedom y Fascia, dala provinzies de Bulsan, de Trënt y de Belun, mpue’ da dlonch caprò. N bel busiamënt iel stat, na festa meriteda, per Rafael y si sessant’ani, ma nce a chël che Rafael à fat y arjont dantaldut per la cumenanza.

Costamoling, l ova riesc udù ite che la jiva de giapé na soluzion. Rafael ie stat bon de tré ite la urganisazions de sucors, dla valedes ladines, ma nia mé. La jiva de mëter mpe l Aiut Alpin Dolomites AAD. Cun duta la problematiches che l fova ie Rafael stat bon de purté dut a bon fin, conta Willy, lecurdan che “la istituzions politiches fova dutes contra nosta idea de elisucors. Rafael ne udova nia mé 5 cm dan si nés, ël à for udù lonc, l à for ntendù che n ne daussa mei resté zeruch, che la va de vester for ajurnei, n con’ de joleri, n con de judacrëp, tl raport cun la istituzions,” conta inant Costamoling, auzan ora che “Rafael à for mantenì l raport cun la politica y i tecnics dla Provinzies, for cun gran diplomazia y umltà, spiegan for inò la situazion. Duc i autri ëssa perdù la pazienza, ma Rafael no, y śën iel la realtà dl AAD l resultat

Coche persona vëija Willy si cumpani Rafael “na persona che se fej for respeté, che sce l ie zeche da dì pona te l dìjel sun l mus. Defati n iel nce trueps che cëla de no l dessené, ajache iló manaci de se giapé na resposta bëndebot ndrëta.” Nsciuma, l ie mpue’ dai estri, conta Willy de Rafael, ma n pitl defet puderàl bën nce ël avëi. Dut ntëur iel da dì che duc à n gran respet de Rafael. Willy 70 ani, ti mbincia a Rafael, 60 ani, “che l ruve a 70 ani cun l ardimënt che l à sën, y tënie mo inant diesc ani cun si atività, pona per ntlëuta sperons che l sibe jënt jëuna che tole su la ncëries.” Max Mutschlechner de Fanes, cunià de Rafael, conta de coche i doi fredesc Igor y Rafael jiva, dan mpo mpue’ de ani, a mutans sun Fanes, de coche i fajova cumedia cun si ciapel de cuiam da cowboys. Ala fin se ova i doi fredesc maridà doi surans, l medemo di, Rafael cun Maddalena, Igor cun Verena. “L fova stat la majera noza d’Al Plan”, conta Max de Fanes. Truep iel stat da cunté, ntan la bela festa a Puntives, da lecurdé, da ciaculé y nce da balé. Coche n toca da fé pra na bela festa, tan deplù canche la ie per n uem coche Rafael, “hombre vertical”, coche dijëssa i spanuei. Ad multos annos y de gra de dut, Rafael! David Lardschneider

Rafael Kostner y si meric per l Aiut Alpin Willy Costamoling conta de Rafael, che l cunësc da 25 ani incà. Rafael che fova sëurastant di Judacrëp de Gherdëina, y tres ël iel unit a s’l dé na bona cunlaurazion danter Badia y Gherdëina, canche l fova dant mo mpue’ de ciampanil. Ntlëuta univa l elisucors fat dai saudeies, ma do n struf ovi fat a l savëi che i ne ëssa nia plu fat inant, ne metan nia plu a desposizion njins y mascins y joleri. Rafael fova stat l deus ex machina, conta Willy

La bela tëurta per l cumplì di ani.

Jëuni - De ndut pudòvel jì pea 31 persones, de chëles n fòvel sëidesc de Gherdëina. La finalità primera ne fova nia mé chëla de ti cialé ala zità, ma dantaldut de udëi coche l vën laurà tla lia Gangway y mparé a se cunëscer plu avisa danter jëuni dla provinzia. Sëuraprò se àn mo ancuntà cun i jëuni de Berlin/Lichtenburg. Astrid, cunlauradëura dl Saut deberieda cun doi cumëmbri dl cunsëi dla NJG, à cumpanià la grupa dai 10 ai 14 de lugio. N à pudù paredlé la vita de zità cun chëla de na valeda coche tlo da nëus. N ie furnei cun la berca sun la Spree, n à vijità l Fernsehturm, la galaria East side Gallery, l Brandenburger Tor y l Mauermuseum pra l Chackpoint Charly. La grupa ie chersciuda adum dassënn. Drët dervertì se à duc a fé shopping, y nce ntan la Bluemanshow tl cabinet dla figures de cëira de Madame Tussaud. Cun i jëuni de Berlin àn nce fat

Trëi mumënc dl viac a Berlin.

14

www.lauscdiladins.com

na grilieda tl zënter per i jëuni, y davia che i giaurirà tosc n café per i jëuni, ti àn damandà a nosta grupa tlo dla provinzia de purté ideies per n inuem adatà y nce coche n pudëssa njenië ite l café a na moda da se n sté saurì laite. Criatività fova damandeda. D’autonn ie pona i jëuni de Berlin unic a Prad am Stilfser Joch. I ie stai te Südtirol n’ena ntiera, se fajan n cheder de coche l vën vivù te n luech tipich dla provinzia zënza MC Donalds & Co. Sce n cëla śën de reviers pòssen dì che l viac a Berlin ie stat n viac che à purtà truep n cont dl nseniamënt, dl devertimënt y dla cultura; l ti à drët plajù a duc. N’autra finalità primera di cumpaniadëures, plu avisa di cunlauradëures di zëntri per i jëuni de Südtirol, fova chël de fé ruvé adum jëuni da plu pertes dla provinzia de Bulsan, cossa che ie drët garateda. (karin)


Gherdëina

nr. 47 / 30 de november 2012

Se judé cun la natura I uelesc essenziei vën tëuc ora da plantes y possa nes varì te na maniera naturela, cis śën che l scumëncia a unì su la prima nsferdides. Doi espertes dla Butëiga dl Mond à dat de bon cunsëies tla biblioteca S. Durich a Urtijëi

Uelesc essenziei - Nsferdides, tos, fiëura, problems de digestion, ma nce emuzions de melcuntentëza o de deprescion y truepa d’autra malaties psichiches o fisiches se lascia varì te na maniera naturela. Śën che scumëncia l inviern ie l corp suvënz plu zite per d’uni sort de bateries y virus. Per nes dé n valguna nfurmazions n con’ di uelesc essenziei y nes nsenië a varì cun la forzes dla natura à la doi espertes Karin Planker y Christa Moroder fat na bela prejentazion n vënderdi ai 15 de setëmber tla biblioteca S. Durich a Urtijëi.

I uelesc essenziei y si fazions I uelesc essenziei ie prudoc de metabulism dla plantes. L uele se abina adum tla giandlujes, che n possa udëi dai mandarins coche pitli ponc fosc sun la stlofa. Tres la destilazion dla pertes spezieles dla planta, giàpen pona i uelesc essenziei y ega che tofa drët bon, per ejëmpl l’ega da rojules. Chësta ega dassëssen tò per i pitli mutons y per i fantulins, ajache ëi ie plu

sensibli a tofs stersc. I fantulins che ie tl grëm dl’oma ie bele boni de tufé mo dan che i mpera a audì. I uelesc essenziei al incontra à n tof scialdi plu sterch y perchël tléchel mé puecia gotes per fé fazion. Bele sun l ciof o sun l frut à chisc uelesc la funzion de ciacé demez bateries y virus o de scuné da frëit o ciaut. Chësta fazions à i uelesc nce tl corp. Ëi passa tres l sistem linfatich y ruva pona tl ipotalam, l raion tl cë che ie respunsabl per duc nosc sentimënc, nosc istinc, nosc ormonns y cumanda perchël nce sce on suenn o son descedei. L tof nes toca tl nconsce, ajache l fova l prim sentimënt che àn sun chësc mond. La doi espertes dla Butëiga dl Mond nes à prejentà n valguna plantes che fej la majera fazion. Ëiles à scumencià cun l uele de pomarances, che ie n uele tipich da d’inviern, ajache l nes juda te mumënc de tristëza, de deprescion o de tëma. Bele i romans adurvova chësc uele contra la zelulite o do de gran banchëc, per ti judé ala digestion. Sce n mët l uele sun la pel, dassëssen mëter a verda de ne jì nia tl surëdl, ajache l pudëssa purté pro a iritazions dla pel. L spighët, per tudësch “Lavendel”, nes conta bele cun si inuem la fazion che l à. L nes leva ora l corp mazan truep bateries. N valgun spediei tla Franzia puzenea la majons cun na peza da uele de spighët y dejenfetea nscila l spedel te na maniera naturela. L spighët ie na planta che valivea ora nosc sentimënc: canche son nervëusc nes archietel y canche on tëma nes dàl forza. Sëuraprò bùtel per brujedes o tenscions. L uele de eucaliptus ie bon per nosc col y per l fuià blanch. Cis

d’inviern pòssen l tò contra nsferdides, “Asthma” o “Bronchitis”. N auter uele essenziel vën dala planta “Lemongrass” che crësc tl’India. Chësc uele joa contra mosces y nsec. Sce n mescëida ite n valguna gotes te n shampoo naturel, pona féjel nce fazion contra i podli. L uele dl “Lën da Té” al incontra dejenfetea la pel y possa perchël unì tëut contra pujiei o ponc dla pel, acne, baruies o l fonch di piesc. Pra i uelesc essenziei desferenzieien i uelesc fundamentei, i uelesc dl cuer y i uelesc dl cë. L “Sandelholz” per ejëmpl, coche n dij per tudësch, che vën tëut dala ravises dl lën rer che crësc tl’India, nes porta de reviers nosta fundamënta.. Sce n mescëida uelesc essenziei, dassëssen for mescedé da 2 a 5 uelesc dla categuries desferëntes. Crì ora i uelesc dassëssen for fé cun l istint.

Manieres de se nuzé di uelesc essenziei I uelesc póssen mëter sëura na pitla lintierna y fé n bon tof te stua o te majon. Sce n ulëssa pudëi sentì l bon tof nce canche n ne n’ie nia te cësa, pòssen n mëter su n valguna gotes sun n fazulët. Sce n à mel nzaul, iel bon mëter su na peza cun gotes de uele sun la luegia ulache n sënt mel. Ma nce te śolbes, tla sauna o pra massajes possa i uelesc essenziei vester de utl. N possa nce tò i uelesc te n bel bani, coche fajova Cleopatra. I uelesc ne se lascia nia mescedé adum cun l'ega y perchël fóssel bon a mescedé tl prim mpue’ de uele cun lat, brama, miel o sel y mëter ite pona chësc mescedoz tl’ega dla baniadoia. La Butëiga dl Mond ulëssa rengrazië la doi referëntes per la cunlaurazion cun la biblioteca y ti mbincé a duc che i posse se lascé savëi bel y saurì cun i uelesc essenziei. Per la Butëiga dl Mond, Sofia Stuflesser

Duta la vita per la mujiga N ucajion dl cunzert de S. Zezilia, che ie stat ai 18 de nuvëmber te dlieja da Bula, iel unì sëurandat uneranzes a trëi musiconc che ie bele da truep ani pra la Mujiga Bula - Do la prima pert dl cunzert, ulache l fova da audì la Mujiga da Bula y l Cor de Dlieja da Bula, fòvel nce chëst ann lerch per paroles de salut y uneranzes. Trëi cumëmbri dla Mujiga da Bula, che ie ruvei pra la Mujiga canche i fova mo de tei mutons y che fova da ntlëuta for leprò pra proes y cunzerc, à chëst ann pudù pië do de bela uneranzes da pert dl Chemun de Ciastel y dla Lia dla Mujighes de Südtirol VSM. L se trata de Vigil Runggaldier, tenor, y de Johann Goller, tlarinet, tramedoi cun n atività de 50 ani, y de Leonhard Goller, tumbrëta, cun n atività de 60 ani. Per l Chemun de Ciastel à l ambolt Andreas Colli sëurandat la uneranzes y rengrazià per l gran mpëni ntan duc chisc ani de atività per l bën dla cumenanza. Johann Großrubatscher à liet dant y

sëurandat la uneranzes da pert dl VSM. Ël à sambën nce rengrazià dl gran mpëni y mustrà su te na maniera tlera cieche l uel dì a vester sessant’ani pra la Mujiga: sce n fej cont che danter proes y cunzerc iel da suné n 60 iedesc al ann, pona rùvel adum te 50 o 60 ani de atività ades 3.000 dis che Leo, Vigil y Hons à dat ca per l suné. Davia che l ne n’ie nia uni ann da festejé n’atività de 60 ani, ti à la Mujiga mo sëurandat a Leo Goller n bel portret sciche sëni de recunescimënt. A dui trëi i cumëmbri che ie bele dai ani de gran mpurtanza y de gran valor per nosta Mujiga ti mbincions sambën mo truepa legrëza cun l suné y sanità, nsci che pudon mo fé cont cun vo ti proscimi ani. Per la Mujiga da Bula, Christine Wanker

Sa Bula iel unì dat ora plu uneranzes a cumëmbri dla Mujiga.

Uelesc essenziei. Doi mumënc dla manifestazion metida a jì debereida danter la Butëiga dl Mond la Biblioteca San Durich. www.lauscdiladins.com

15


Gherdëina

nr. 47 / 30 de november 2012

Doicënt ani de stories di fredesc Grimm Mé puec ne cunësc nia la stories di fredesc Grimm, pra chëles che restan ncantei a les audì canche fan pitli y se ncunfertan uni iede canche l’oma les lijova dant, descedan l nteres a giaurì nstësc n viere sun ch’l mond tan faszinënt

Doplportrait di fredesc Wilhelm Grimm (a man ciancia) y Jacob Grimm, de Elisabeth JerichauBaumann tl 1855.

Grimm - Y ti cialan a uni plata dl liber n iede, doi, de plu iedesc… „Co jiràla pa inant?“ fova la dumanda che nes jiva ntëur l cë y canche truep floc de nëif tumova dal ciel se nmaginans che „Frau Holle“ scassëssa ora i liec. Ma nce śën vën su cërta emuzions a les audì, pudan nsci mo mpue’ se nsemië sciche canche fan mo te coa y che fej daniëura bon.

Ma chi fova pa perdrët i fredesc Grimm? Jacob, nasciù ai 4 de jené dl 1785 a Hanau y mort ai 20 de setëmber dl 1863 a Berlin, y Wilhelm, nasciù ai 24 de fauré dl 1786 a Hanau y mort ai 16 de dezëmber 1859 a Berlin, ova mé pudù viver n valgun ani de fantulëza sarëina, davia che l pere fova bele mort tl 1796 y si oma fova resteda vëidua cun sies mutons y na gran stënta. Per pudëi se finanzië l stude tl “Lyceum Fridericianum” fova Jacob y Wilhelm sfurzei a jì a Kassel a lauré. Bele da sculeies fova madurida la pascion de culeziuné libri y nce tesć. Ma Wilhelm ova purtruep giapà na malatia de desturbs al cuer y problems de tré l fla, de chël che l ova patì nchin che l fova n vita. Do avëi stlut ju cun suzes i studies fova Jacob jit tl 1802 a Marburg a studië lege y si fra Wilhelm n ann do. Per l prim iede fova i doi fredesc unii sfurzei a se despartì, a pensé che i abitova daniëura tla medema stua y durmiva te un n liet.

Chi ti ova pa dat la sburdla a se dé ju cun la leteratura? La zità de Marburg ne n’ova descedà deguna emuzions ti doi fredesc, ma la cuntreda ntëurvia ti savova danz scialdi nteressanta. A pèr cun l stude se giauriva urizonc nueves tl mond dla leteratura, dantaldut tres l cuntat cun l professëur de iura jëunn Friedrich Carl de Savigny, n uem de cultura y cun vijions daviertes per chëi tëmps. Riesc òvel udù ora l talënt de Jacob (tlo iel da lecurdé che Jacob Grimm à dat ora tl 1854 deberieda cun si fra Wilhelm l prim vocabuler tudësch Der Grimm che vën ratà

16

www.lauscdiladins.com

l vocabuler de majera valuta dla rujeneda tudëscia) ti dajan la sburdla a se dé ju cun la poejia dl Medieve. Tres Savigny, che fova n studiëus tipich dl Muvimënt Romantich, ruva i doi fredesc a cuntat cun l cërtl dla “Heidelberger Romantik” y tres si reprejentanc Clemens Brentano y Achim von Arnim giapi la mpulseda a culeziuné stories populeres („Volksmärchen“). I reprejentanc dla “Aufklärung” ova desprijià la stories, dijan che l se trata de credënzes, ma l Muvimënt Romantich ova per fertuna dat vita a n vënt frësch y a n auter pont d’ududa. Tres l nflus de Johann Gottfried Herder, che ova purtà la poejia populera „Volkspoesie“ ti salons, ova n valgun studiëusc scumencià a culeziuné, ntëur la fin dl 18ejim secul, na lingia de stories populeres (Volskmärchen). Jacob y Wilhelm ti ova nce judà a Brentano y Arnim pra l proiet dla vedla cianties tudësces “Des Knaben Wunderhorn”, pra chëla che fova pona nce madurida l’idea de jì na si streda. Tl scumenciamënt ti ovi dat na man a Clemens Brentano a crì stories, ma chësc uem ne ti fova nia plu stat do a chësc proiet. Y coche l destin ova ulù, se ova per fertuna i fredesc Grimm tenì su na copia de dut y tres la sburdla de Achim von Arnim, che i ova mandei pra si editëur de Berlin, fòvel unit ora l prim liber ai 20 de dezëmber dl 1812 cun la dedica al prim pop de Arnim “A si fëna Elisabeth von Arnim per si pitl Johannes Freimund”. L liber ie unit tradujà te 160 rujenedes y à arjont l primat tla storia dla cultura tudëscia a pèr cun la bibia de Luther.

Arpejon Unesco Tl 2005 ie i manuscric de Kassel („Kasseler Handexemplare“) unic tëuc su tl’arpejon documentaria mundiela dla UNESCO. Giut alalongia fova i autëures stac boni de fé crëier ala jënt che i ova abinà la stories jan tla stues dla jënt ala bona via a scuté su coche i s’la cuntova o nce ntan che i paures laurova ti ciamps o de tel landes filova, ma ntant àn abinà ora che i mediatëures fova persones studiedes, dla Bourgeoisie y dantaldut de pruvenienza ugonota, che ova nce la padrunanza dla rujeneda franzëusa. Tlo iel da

Frau Holle.

lecurdé la muta de n pluan Friederike Mannel, la surans Hassenpflug y nce la familia di apotecri Wild, che fova nce si ujins y cumpanies. La families Haxthausen y Droste-Hülshoff ti ova sëurandat ai fredesc Grimm stories de Westfalen. Ma la persona plu mpurtanta per la culezion dla stories y la sëula che fova unida nunzieda da Wilhelm, tla segonda edizion dl liber “Kinder- und Hausmärchen” unit ora tl 1815, ie Dorothea Viehmann.

dessënies dl fra Ludwig Emil Grimm, cunesciù coche bon moler y nzijëur tl ram (nasciù ai 14 de merz dl 1790 a Hanau y mort ai 4 d’auril 1863 a Kassel) y che fova ënghe unì tëut su tl cërtl di “Heidelberger Romantiker” per merit de si fredesc. L Brüder Grimm Museum tl Palais Bellevue a Kassel festejea

chëst ann i 200 ani dla stories di fredesc Grimm cun plu mostres spezieles y nce cun na mostra permanënta dedicheda ala vita de Jacob y Wilhelm y nce a si fra l moler Ludwig Emil Grimm (nfurmazions plu avisa pòssen giapé sot a www.grimms.de). Ulrica Perathoner

Da chi ova pa perdrët Jacob y Wilhelm Grimm la ideies per si stories? L ie da dì che l ne se tratova nia mé de stories cuntedes dala jënt de Hessen „Ächt hessisch“, ma i doi fredesc fova nce jic a tué do scric y ova fat nrescides de duta la leteratura uzidentela. L nflus fova unì dantaldut dala culezion de stories talianes y franzëuses dl 16ejim y 17ejim secul y mascimamënter da Charles Perrault, che ova publicà si stories tl 1697 a Paris, danter l auter: “Cazina cuecena” (“Rotkäppchen”), „Cenderela“ (“Aschenputtel”), „La bela ndurmenzeda tl bosch“ (“Dornröschen”) o „L giat cun i stivei“ (“Der gestiefelte Kater”), ma lauredes ora per n publich de nëubli y cun n fin dramatich. I fredesc Grimm ova abinà passa 200 tesć cialan de purté ite muvimënt tla szenes y nce inuvazions tla rujeneda poetica tudëscia, ma cun manieres de dì scëmples. La stories ne n’ie nia liedes a n luech o al tëmp. Les conta dla metamorfosa di persunajes, dla vita y dla mort, de tieres y de cosses che rejona, de n suenn che dura cënt ani y che la mort ne n’ie nia la fin dla vita. I persunajes ie partii su te boni y te stlec. Ma tla stories di Grimm ie ala fin for dut al ordn y „sce i ne n’ie mo nia morc pona vivi mo śën“.

Ma ciunes fova pa la critiches?

L moler Ludwig Emil Grimm te n autoretrat dl 1813.

Jochen Seeger, “Cazina Cuecena”.

Tl scumenciamënt univa ratedes la stories, aldò de Brentano, da stufé, miec dit de n livel massa populer y puech artistich. Les ova permò abù suzes tres la publicazion de na “mëndra edizion” (“Kleine Ausgabe”) cun na cerduda de 50 stories y tlo fova la gran atrazion i

Prima plata ilustreda dla prima edizion dl 1812 de Ludwig Grimm.


Gherdëina

nr. 47 / 30 de november 2012

Doi sezions, trëi pusciblteies

Pasquale y Robert vënc

Nce chëst ann à l istitut tecnich economich ITE “Raetia” de Urtijëi pudù ti mustré la scola auta y L KVW de S. Cristina à nstadì metù a jì n batadù da 64 te cësa de Chemun de S. Cristina si atività ala terza tlasses dla scoles mesanes de Sëlva - S.Cristina y de Urtijëi te doi dis desferënc, urganisei a puntin

Robert dla Rives y Pasquale da Scimenon ne fova nia da bater.

Tl labor de chimica a fé munëides d’or.

Scola - I dis à scumencià cun na ciantia di Cominais, la grupa de mujiga dla scola, metuda adum da sculeies de duta la tlasses. Da dedò à pona sies studënc purtà dant n pitl teater, spligan te na maniera scëmpla y da rì coche la scola ie strutureda. Nscila à i sculeies dla mesana pudù ti ruvé plu daujin ala realtà dla scola auta, scutan su cun nteres. Mplu iel unì mustrà na prejentazion PowerPoint de duta la ativiteies extrascolastiches di ultimi ani. Per finé via à l diretëur Bruno Senoner mo stlarì plu avisa la desferënzia danter la sezions y à auzà ora che cun l proscimo ann uniràl a se l dé doi de gran nuviteies: dal ann de scola 2013/2014 inant arà nce i sportifs dl Iceclub l mesun de jì a scola tl ITE, pratican ntan n valgun' ëura de scola si atività sportiva. Oradechël uniràl nsenià rus tla sezion turism. Uni sculé à pona trat ora n numer da na scatula, aldò de chël iesi unic partii su te de pitla grupes. Uni grupa à fat pea pra doi workshops a cajo, uniun de n’ëura, metui a jì dai sculeies dl ITE.

Danter chisc fòvel l mesun de udëi coche l vën laurà tl labor de chimica, de biologia, tla firma simuleda ARTEMIDA, o ntan l'ëures de storia, geografia, nglëisc y spanuel. Dala undesc, per la pausa, à uni sculé dla scola mesana mo giapà na piculëza da pestlé y velch da bever. N gra ti va a duc chëi che à judà

Ntan l workshop.

pea a urganisé chisc doi biei dis y speron che nce ai sculeies dla mesana ti ebe plajù chësta scumenciadiva, che desmostra for inò che la scoles autes de Gherdëina ie daviertes ala inuvazions y ti pieta ai sculeies materies che unirà for plu y plu mpurtantes tl daunì. Nathalie Stuffer per l ITE

Lies - Jënt jëuna y manco jëuna, da Bula nchin te Plan, se à ancuntà y ncunfertà a pudëi fé pea chësc batadù n sada domesdì ai 17 de nuvëmber. Da mesa la trëi à Leo Senoner, che à cialà che dut vede a puntin, pudù nvië via chësc batadù. Ulon mo l rengrazië per l bon lëur che l à fat! Chi che venciova l prim iede, pudova carté inant per l prim post, i autri cartova per l pozer. N possa dì che l juech fova scialdi cumbatù: anda Mena y bera Rudi da Scimenon manaciova de bater ora si mut Pasquale, ma ala fin ài mpo messù ti la zeder. Venciù a sambën i miëures: Pasquale da Scimenon y Robert dla Rives. Segondi ie ruvei Inge y Konrad de Urtijëi, terzi Josef de Col y Toni dl Tina de Sëlva y cuarti anda Mena y bera Rudi da Scimenon, che à passa 80 ani.

Pozri à fat Max d’Ansl y Andreas da Scimenon, segondi ie tlo ruvei Annemarie dl'Anospe y Rosmarie de Villa Laura. Duc chisc à pudù pië do de biei pesć. Da dedò à duc mo giapà na bona liania cun craut y n à pudù mo s’la carté mpue’ pra n bon got. Na gran lauda ti va ala vizepresidënta dl KVW Ingrid Runggaldier, che se à cruzià y à metù a jì drët bën l batadù, che ti à plajù dassënn a duc. L KVW tol mo l’ucajion de rengrazië l’aministrazion de chemun che à fat deberieda cun la banca chësta bela sala de Chemun, de chëla che duta la lies se noza dassënn. De gra a duc y assudëi n sada ai 1. de dezëmber, tla gran sala de Chemun pra la Generela dl KVW de S. Cristina. (ku)

Trëi! Batadù dl KVW a S. Cristina.

www.lauscdiladins.com

17


Gherdëina

nr. 47 / 30 de november 2012

Copa dl Mond de schi 2012 Y ntant iel bele la 45edizion dla “Saslong Classic”. L purtoi Saslonch, n mit dal 1969 nchin al didancuei. La garejedes de schi ie te Gherdëina ai 14 y 15 de dezëmber. Nstadì iel stat la prejentazion a Bulsan Helmut Schmalzl, supervisëur dla FIS per la segurëza di purtoies de Copa dl Mond, ie n lunesc ai 3 de dezëmber”.

La nuviteies

Pra la cunferënza stampa a Bulsan iel unì prejentà la garejedes de Copa dl Mond tlo da nëus. (foto Freddy Planinschek).

Copa dl Mond - L purtoi Saslonch ie ratà da for incà un di purtoies plu lonc y faszinënc danter i percursc de garejeda de Copa dl Mond de schi. La “Saslong Classic” festejea chëst ann si 45ejima edizion cun la garejedes ai 14 y 15 de dezëmber, n vënderdi ai 14 cun l start dala 12.15 la garejeda de Super G, y n sada ai 15 for dala 12.15 la libra. Pona iel mo la garejeda via i

18

www.lauscdiladins.com

badioc. N dumënia iel l slalom lerch a La Ila, prima manche dala 9.30h y segonda dala 12.30h.

“Co stàla pa cun i purtoies y la nëif? “On bele scumencià ai prims de utober a mëter su la rëies de segurëza sun dut l percurs y dal’ena passeda inant laurons cun druch

per njenié ca i doi percursc de garejeda. De gra ala Sozietà di lifc “Saslong AG” dl aiut, iel bele unì fat truepa nëif, ma per njenië ca i purtoies defin messëssel danz mo unì n valgun dis de frëit. Aldò dla previjions dl tëmp iel udù dant na arbasseda dla temperatures per chësta fin dl’ena,” nsci l diretëur de garejeda Rainer Senoner, che jonta che “l cuntrol dl purtoi da pert de

Stefania Demetz, aministradëura dla “Saslong Classic”, porta dant la nuviteies de chësta 45ejima edizion: “La Saslonch à da for incà abù n uedl particuler per si fans y per ti unì ancontra ai bujëns di fans, dantaldut ai jëuni, unirà dut l parterre de garejeda njenià ca cun azes internet WIFI debant, a na moda che duc possa partezipé ativamënter, metan si fotografies o comentares diretamënter tl internet. L sarà inò n program rich ntëurvia, y sambën nce la defileda di fans tres l luech de S. Cristina. Tl raion dl travert uniràl per duc i spetadëures metù su n tendon, la “Saslounge”. L se trata de doi ambienc desferënc, un modern y jëunn dal inuem “Feel Free”, y un plu elegant, l “Platinum”, ulache l sarà nce mesun de se apusté na mëisa. Nueva ie chëst ann nce la plata internet www.saslong.org cun plu nfurmazions y na pert mpurtanta dedicheda ai Social Media sciche Facebook y Twitter. N team de redazion de de ndut set persones, danter fotografs, jurnalisć, tradutëures y curespundënc purterà dant la nutizies da Gherdëina te dut l mond 24 ëura sun 24 ntan duta

l’ena de Copa dl Mond”. Stefania Demetz rengrazia l vizepresidënt dla FISI Reinhard Schmalzl dla prejënza y porta dant la bona cunlaurazion danter la “Saslong Classic” y la FISI, cun l merit dl presidënt nuef Flavio Roda iel inò mesun de lauré inant deberieda per l bën dl sport dai schi.

La mpurtanza dla garejedes te TV Nfurmazions n con dla mpurtanza y l valor dla trasmiscion n direta (life) dla garejedes tres televijion y i mudamënc tla tecnica de registrazions ie unides purtedes dant dal presidënt dla “Saslong Classic” Edmund Dellago. Per finé via la cunferënza stampa à l Presidënt dl Cumité de Copa dl Mond FIS Erich Demetz laudà l’urganisazion y auzà ora la mpurtanza per Gherdëina de avëi la garejedes de Copa dl Mond dan Nadel. Truepa d’autra nazions fossa ënghe nteressedes a chësc y tl daunì iel pra la Copa dl Mond zënzauter udù dant mudamënc, dantaldut pra l’evoluzion dla tecnica, ma l ie da stramp mpurtant che l prinzip de na tel manifestazion sportiva ne vënie nia mudà per ti jì do a na idea fauza de spetacul. Plu nfurmazions sun la plata internet www.saslong. org Irene Delazzer


nr. 47 / 30 de november 2012

Redadoura Katia Pizzinini lunesc y mertesc a La Plie de Fodom, tel. 0436 7472 mercui y juebia a Cortina d’Anpezo, tel. 0436 868615 - katia.usc@rolmail.net

Souramont

Na vita anter i libri Intervista a Cristina Menardi “Lucabeca”, che é juda en pension dapò 41 agn de servisc tla biblioteca comunala de Cortina d’Ampez. Ampez - “Can che n liber deventa n compagn, l passatemp plu bel. Al te conduj te n auter mond, al te ensegna, al é dailò can che te l chires.” Dapò 41 agn passés anter i libri, tla biblioteca comunala ampezana, é Cristina Menardi juda en pension. Sia pascion per la letura y per si laour nes àla conté te na intervista, te chela che ala à ence volù recordé les beles amizizies che é nasciudes con i letours, a chi che ala à semper sapù da consié val’ (algo) de bel da lieje. La Usc di Ladins: Can eise pa metù man de laoré tla biblioteca comunala de Cortina? Cristina Menardi:I é scomencé de luìo dl 1971. I ove apeina sclut ju la scola alberghiera y, tl chirì n laour, ae conesciù la persona che laorova dan’ da me tla biblioteca, daverta dl 1970. Ala ne podova nia plu porté inant chest laour y perchel me ae ie prejenté y i son vegnuda touta su. I eis fat la scola alberghiera, ma i seis juda a laoré te biblioteca. Fòvel pa chest l laour che i oves pensé de fé? Al fova n bon post de laour y spo tratant i agn de scola ove fat na tesina sun la biblioteca d’Ampez: magari él stè n segn dl destin. Esses pa pensé de fé tant die alalongia chest laour? Sce i pense zeruch ne n’esse mai dit che che i fosse steda tant die te biblioteca, ma chisc 41 agn é jolés. I fove dret joena can che i é metù man, i ne n’ove nia ciamò 17

agn. I son ruveda te na biblioteca picera, con manco de 2.000 libri y i son chersciuda empera con ela. I é fat cursc, i é ciapé val’ consei da la bibliotecara da denant; val’ fal ae dessegur ence fat, ma chi toca laprò.

al ann y i on messù se sposté trei outes per motifs de lerch. I fòven dla convinzion che la senta tl Comun Vecio fossa steda chela definitiva, ma la lerch met man de mancé ence chilò. L comun metarà en pé n Polo Cultural che i darà ence lerch a la biblioteca, na biblioteca che à oramai plu de 26.000 libri, anter chi che é sté comprés y les donazions da pert de unions o ence de privac. Emplù fajonse pert de na rei de biblioteches provinziales, che permet l emprest interbibliotecar, donca é plu de 300.000 i titui che vegn metus a desposizion di letours.

Co él pa sté da jì en pension dapò tant de agn? Samben él sté gran cambiament, dapò avei fat per 41 agn alalongia les medemes ativités y i medems orars. Al nasc n vuet, che i ne n’é per fertuna nia ciamò sentì ajache i é abù truep da fé. Cie che me mancia é dantaldut l raport con i letours. Te chisc agn él nasciù de beles amizizies, i é de spes dé conseis sun i libri da lieje. I doves donca dant ai letours cie libri lieje? Samben! Al ne n’é nia semper saurì (fazile) da dé conseis, ajache n liber é val’ de sogetif, ma ciamò sen me fermei su can che ai me enconta per me damané cie libri lieje. Che chier pa fora i libri da espone te biblioteca? I libri vegn chiris fora da na comiscion y al vegn ence tout en consciderazion les propostes che i letours fej. Ie é ence datrai chirì fora val’ liber, val’ scrit che ne fova nia ciamò vegnù compré y che al fova per me emportant da avei. Dapò 41 agn eise spo ciapé n bel reconosciment dal Comun… L Comun i sourandà n reconosciment a chi che laora per

Concors metù da jì da La Usc di Ladins.

É pa i letours mudés te chisc agn? Cristina Menardi Lucabeca é juda en I letours é plu o manco pension dapò 41 agn de servisc tla dagnora restés unfat. Ala biblioteca de Cortina d’Ampez. se trata dantaldut de persones anter i 35 y i 60 trueps agn a si servisc: chest fej n agn. Truepa é la jent che ruva te gran plajei. Plu de maravueia me biblioteca tratant la sajon, à endere fat i ciofs y les scincundes dantaldut tratant i meisc da d’isté. che i é ciapé da colegs y dai letours dla biblioteca. I ne me l esse nia Jeise pa ciamò datrai te aspeté. biblioteca? Samben. I ove pensé che i esse Co se à pa svilupé la biblioteca podù lieje deplù sen che i son en de Cortina te chisc 41 agn? pension, ma fina sen ne n’ae nia Ti prums agn fòvel truepa jent abù massa temp. I spere de avei che vegniva adalerch a se empresté plu temp d’invern, ajache i vue me fora libri, ma al nen fova ciamò tegnì ajorneda. scialdi puec. I on spo metù man Tant de libri lijeise pa? de compré anter i 800 y 1000 libri I lieje almanco un n liber al meis, de spes de plu, al depen da la sort de liber. Te mia vita pense de avei lit almanco mile libri, sibe per laour che per pascion.

Manéde vostes fotografies a la miscion e-mail katia.usc@rolmail.net o per posta a la misciun: Redazion “La Usc di Ladins”, Self dei Ladins c/o ex Hotel Dolomiti, 32020 Fodom/Livinallongo (BL). Les fotos vegnirà ence publichedes sun la plata de Facebook “L sonn fodom tla Usc” olà che duc podarà dé ju si aprijament. Chisc vegnirà touc en consciderazion da la giuria per la valutazion finala.

“El sonn de la natura sun Mont da Ornela.” Foto de Delunardo Martina da Fodom.

Cal é pa vost liber preferì? Al me plej dantaldut i romans. Un di libri che i é aprijé deplù é “Come un romanzo” de Daniel Pennac. Al é n pue’ sciche na bibia che dà dant al letour i comandamenc, cie lieje, co lieje y cie ne lieje nia. Der me plej ence i libri de Margaret Mazzantini. I

pense che al mess nasce n sentiment anter l liber y l letour, perchel ae pa scialdi dagnora volù chirì fora i libri da soula, zenza me lascé dé conseis dai autri. Él n liber che i voleis aconsié ai letours dla “Usc”? Al me toma ite “Accabadora” de Sabrina Murgia, scritoura che i ove conesciù chilò a Cortina, can che ala fova vegnuda adalerch per prejenté si liber. Cie é pa per vos l liber? L liber é per me n compagn, n passatemp. Lieje te deura a n auter mond, al te ensegna da rejoné y da scrive. Te n mond informatizé sciche chel d’aldidancuei, cie valour à pa da vos enfora n liber? La emportanza de n liber é per me tant grana che i ne son nia bona da la cuantifiché. Ma ie pense ai libri de papier, no ai e-books, che pò ester comoc, mo ai porta a la mort dles biblioteches. Tant bel él pa da podei tegnì n liber tles man, dal platernè, dal mete te na libreria y podei endò i tò ca can che an vuel? Cal é pa donca da vos enfora l davegnì di libri. Penseise che ai sides destinés a morì fora? Al podessa ester, ma i spere ben de no. Aldidancuei, con computers y fonins, végnel lit de manco, ma n davegnì zenza libri fossa per me scialdi da la ria vueia. Sce al ne vegnissa n di nia plu publiché libri, fòsses pa bona de ves convertì a la tecnologia? Dampruma messassa duc i libri che é sun chest mond vegnì borjés, sciche tl liber "Fahrenheit 451". Ma i pense che i ne podesse mai sté zenza lieje, perchel messasse pa mé me convertì. (Intervista de Katia Pizzinini) La biblioteca de Ampez é daverta dal lunesc a la juebia da les 15.00 a les 20.00 y l vender da les 9.00 a les 11.00 y da les 15.00 a les 18.00.

Cristina à ciapé deberieda con Carla Dimai Cascian (a man dreta) n reconosciment da pert dl Comun d’Ampez per i trueps agn de ativité. www.lauscdiladins.com

19


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

nr. 47 / 30 de november 2012

I gnomes de ciaśa

Ra fraina de San Roco

Da ra Regoles e da ‘l Istituto cultural ladin, un laoro de gran valor. Ra toponomastica ra conta ra vita de ra śente

No se podarae pasà, né co ra roda, né a pe

In Anpezo se conta almanco 1.650 gnomes de luoghe, su par i bosche, su par ra montes e ra crodes, su ra ares inze ra nostra val. Che studia chi gnomes ‘l é ra toponomastica, che r’é una scienza de gran valor, par inparà tropa robes de ra storia, de ra parlada, de ra vita de un paes. Par ra festes,

i regoliere i podarà ciapà el noo atlante toponomastico, fato da ra Regoles d’Anpezo, un laoro invià via da ‘l istituto cultral ladin Cesa de Jan, da Col de Santa Luzia. I à lourà drio, par sete ane, par strutà su dute chi gnomes. I prime a ciapà par man chel laoro ‘l é stà Stefano Lorenzi de ra Becaria e Antonella

Ogni posto de chesta val ‘l à un gnon, par ra ares, inze ‘l bosco, su par ra montes e ra crodes.

Manaigo de Dea : i à vardà drio i archivie, vecia cartes, documente, fin a i libre pi noe. Dapò i à domandà a tropa parsones, pi che see i pi vece de ‘l paes, par vardà drio chiste gnomes, bete via chi conpagne, in ciatà fora de outre, strutà su, ignante che fose masa tarde, duto chel che ra śente ra s’à pasà, par duta ra nostra storia, a vosc, da un a ‘l outro. Dute gnomes inparade da ci che à lourà, inze i poste, una vita intiera, a seà fen, a strutà su legnes, a śì a ra caza. Coscita souta fora el Pian de i moscite, el Van de i zerve, el Parù de ra faa, i Tizoi storte e dute chi outre gnomes, un pi bel de chel outro. Fin ancuoi, el libro pi bel, su ra toponomastica, ‘l é “Pallidi nomi di monti” de Lorenza Russo, fato fora da ra so tesi de laurea. Ades rua chesto atlante, fato da ra nostra śente, par ra nostra śente, par dute nośoutre. Par Nadà ruarà inze ra ciaśes de dute i regoliere chesto sciatul, con inze ra mapes, con su i gnomes. Coscita fenirà el laoro de ci che ‘l à vorù, betù aduna e stanpà. Ades scomenza un outro laoro, par dute nośoutre: ‘l é da i vive, chi luoghe.

El pontejel de Pian de ra Spines Algo de noo, algo de vecio, par ci che dora i schie da fondo. Un valor par el sport, e algo de bon, par el turismo inze ra nostra val Par doa stajos no s’à podù pasà, ma ‘sto inverno se podarà danoo se montà, co i schie da fondo, a man dreta de ra Boite, inze a Fiames, su ra bela pista de Pian de ra Spines. Ra sozietà Gis, de el Comun de Anpezo, ra podarà bicià, via par sora r’aga, chel pontejel de len, cemodo che se fajea ‘na ota. “Ei acaro de podé daerśe danoo chera pista – el me disc Nicola De Santis, presidente Gis – parcé che i anes pasade aon proà, con chera de bete a posto duta ra cartes che ocore, ma ‘l ea senpre calchedun che me dijea de no. Ades dute podarà tornà a fei chel śiro, un de i pi benvorude, intrà dute i setanta chilometre de ra nostra pistes par i schie da fondo”.

In Anpezo ‘l é alcuanta pistes par el skating, duto longo ra vecia farata, da Anpezo fin a Ospedà, Sorabances, Carbonin, Landro, Toblach. Conpain par ra 3G, ra pista par i pi varentes. E danoo su in Son Śuogo, agnó che ‘l é chi biei aniei de pista, par i sportive, i turistes, i atletes. De spes se ciata ra scines, śo par pede, da podé śì anche co ‘l pas alternà. Inveze da Fiames in inze, ves Pian de ra Spines, e ‘pò Pian de Loa, se varda de lascià algo noma par ci che à acaro de stà inze ra scines. Manciaa, i anes pasade, chel benedeto pontejel de len, da bete d’outon, da tuoi via d’ousciuda, canche el delega. “Chesto an s’à ciatà ra strada

iusta, intrà duta chera cartes, par śì adora a bete danoo chel ponte, che el resta solo par ra stajon d’inverno, dapò se ‘l tol via – el śonta De Santis – con chera piencia se pó pasà da man dreta a man zanca de ra Boite e chi co i schie i pó se fei duto el śiro de Pian de ra Spines, un posto che ‘l é ‘na mereea, inze ‘l Parco de ra Dolomites de Anpezo”. “I arà acaro dute i sportive de Anpezo – el me disc dinultima el presidente – ma anche dute chi che laora par el turismo, parcé che ‘l ea trope foreste che, ‘ste ultime doi ane, i me domandaa de bete danoo chel pontejel, par podé pasà da cher’outra e se fei chera pista, che i sà coscita ‘na bela, a trope de lore”.

Ra pista par i schie da fondo, da Fiames in inze, ves ra galeries de Pezovico, su ra vecia farata de ra Dolomites.

20

www.lauscdiladins.com

Ra strada r’é sarada, intrà el Col de San Roco e ra Boite, da Socus a śì fora a Socol.

No n’é pasc, par chera strada, śo par pede ra Boite, intrà Socus e Socol. Ra tabela, ra cejura, el pefèl, i me disc che beśen i tende, da i sasate che pó tomà śo, da chera sponata inpó el col de ra viza de San Roco, agnó che ‘l è su el souto par i schie. Se sà, mangare ra śente ra pasa isteso, ra dà ‘na bona ociada, ra i tende, ma ra pasa. Calche laoro ‘l é stà fato, i à betù funaze de azal, ‘l é calche rede, da ciapà inze i sasate, co ra ruspes i à jaà e menà via el material, ma no śoa. A fei el troi, chel tizon che moe da Pian da Lago, fin su in son de el col, se pasa via par sora chera boa e se vede polito che là ‘l é duto che s’in và śo. Canche pioe, co ra brentanes d’outon, co i sguaze d’istade, ra jera ra gramorea, i sasate i se moe, ra piantes es se roesa. De otobre, fora a Borcia, canche i é tornade danoo inze ra Comunità montana de ra Val de ra Boite, chi da Anpezo i à menzonà chesto laoro, che ‘l é stà fato, e i à dito cuanto che ‘l è burto,

a vede ra strada sarada, co ra tabeles e ra cejura. Pi che see par chi de ra roda, che i arae da pasà da chera, par śì in fora, ves el Cadore. Ma ‘l é anche tropa śente che à acaro de caminà, de se fei cuatro pasc, da chera, inze ‘l ceto, śo par pede r’aga, da pian, senza fadia, che ‘l é algo de bel. E, ormai che son drio, vardon cemodo che se disc, par anpezan, chera che par talian r’é ra frana. Da ‘l vecio in fora se pó dorà ferna, che se ciata inze i vece toponime, su par chera spones, agnó che ancuoi ‘l é Lazedel e Meleres. Ma se pó anche dì fraìna, un outro toponimo, che ‘l é fazile capì. Se rua a ruoiba, mangare dito ruoibes, a ‘l plurale, e anche ca podon dute se pensà de i gnomes de i luoghe, con chesta parola. Su par Cianderies ‘l é ‘na strada, che i à betù gnon Via Ruoiba. Se inveze el tarén el se moe pian, nafré a ra ota, da roa pason a boa, e anche de chestes in ón pi de una, inze chesta nostra val de Anpezo.

Ra tabela su ‘l Crojà Un outro segn de devozion Manciaa, da calche tenpo, ra chera vera, sentuda de inze. Cisà nostra tabeles, su chesta pajina de ci che à betù chera scrita, ma no La Usc. Calche ota ‘ste anes, aé conta el saé. Chel che conta ‘l é de ciatà ra fotografia e alcuanta righes, podé ruà fin là, par ra lieśe, e par par tropa tabeles, de cheres che se ra mandà a mente. Ogniun de vede par piaza e de cheres che se nośoutre pó i dì gramarzé a ‘l ciata foravia, par el bosco, su ra Signor, canche se rua su in son de crodes. Calche ota ‘s é là par ‘na croda, o inze un outro bel posto, recordà fate o parsonaje de ra da sole, o con calchedun, che s’à nostra storia, outra otes es me fesc acaro de aé śo par pede. E dute nafré pensà sora. Suzede fora da ‘l podon el preà, el Signor, de me Crojà, agnó che rua śo ra strada da conzede de podé caminà inaante, bosco, da Sonforcia, inpó Col par duta ra nostra vita. Jarinei. Un’outra strada ra và in fora, fin su ‘l confin con chel da San Vido, da ‘l Becolongo. Un’outra ra và śo, ves el caśon e ‘l albergo de Col de Vido e ves Socol. Par ra dì curta, ‘l é un crojà de strades, a i dà el gnon a chel caśon. Su par pede un sasato, ‘l é tacà su un Cristo. E ‘l é ‘na tabela, pizora, de ran lourà, con su ‘na orazion. Somea nafré de scotà ra canzon “Signore delle cime” de Bepi De Marzi, canche el domanda de podé śì su par ra crodes; ‘l é un Ra orazion a ‘l Signor, che i à tacà su, su ‘l len segn de devozion, de de el Cristo, pede el Caśon de el Crojà.


Anpezo

nr. 47 / 30 de november 2012

Da Anpezo a Ponte

Ra Fregores

El viaśo de ra nostra Casa, nasciuda a ra fin de ‘l Otozento, voruda da i nostre vece. I conte de ‘ste ane. Ra fadia par ra crisi, ra fiduzia de ra śente

Alcuanta noes in curto, da ‘l paes e da fora

Da zinche ane ra Casa rurale e artejana de Anpezo e de ra Dolomites, r’unica banca de ra provinzia de Belun, ra laora anche śo a Ponte nelle Alpi, par ra śente che stà inze ra Val Beluna, in Alpago, inze chi outre paes śo par pede. Nośoutre de Anpezo ón da aè acaro che chesta istituzione, nasciuda ca a ra fin de ‘l Otozento, ades ra see ruada fora par Cadore, in Agordin, in Zoldo, e ‘pò śo par Belun. Duto ‘l é nasciù par ‘l antivede de el pree badioto don Alfonso Videsott, che ‘l à tegnù aduna ra nostra śente, artejane e contadis, canche ‘l ea pi biśoin de ancuoi, canche ra parsones es se diaa, una co ‘l outra. “On daerto a Ponte alolo ignante de ra crisi economica de ‘l 20082012, che no son ancora fora, e propio ra crisi ra m’à dià a fei capì el valor de ‘na banca cooperativa, fata da ra parsones, che es stà aduna” – el me disc Alberto Lancedelli Ieza, el presidente de ra Casa. Dapò i me porta alcuante numere, de ‘l laoro che i fesc a Ponte. “Par ogni euro che r’à tolesc su, ra Casa ra in à dà fora 1,8, deboto doa otes tanto. Da ‘l 2011, daparduto, ra banches ‘s fermes, de fato es no conzede pi sode. Inveze a Ponte son cresciude, par chesto, de el 15 par zento. Drio chel che me disc ra Banca d’Italia,

inze ‘l comun de Ponte nelle Alpi ogni parsona ra bete via, in banca, supośò 8 mile euro e ra banches in dora 17 mile; in śiro par ra provinzia de Belun se pasa a 15 mile e 23 mile euro. A lieśe chiste numere, podarae someà che a Ponte i fose manco sciore. Inveze, a nosc aviśo, ‘l é un ben, parcé che ‘l é da recordà che a Ponte ‘l é senpre pi śente che rua a stà (11% depì, inze i ultime diesc ane), ‘l é un paes agnó che se vive e se laora polito. Basta dì che, da Legambiente, ‘l à ciapà el premio par tre ane

indrioman, de ‘l 2010, de ‘l 2011 e par chesto 2012, parcé che ‘l é el comun agnó che se struta su meo ra spazadures, agnó che i res zerne polito. Inze chesta comunità, ra nostra Casa de Anpezo e de ra Dolomites r’à pi de zento sozie e inveze i é deboto de trezento, de sozie, che i vien da i paes śo par pede”. Lunes ai 26 de noenbre ‘l é stà fato nafré de festa, śo a Ponte, par chiste zinche ane, de ‘na storia noa e bela. (mdm)

San Nicolò. (foto: kirchensite.de)

Rua San Nicolò

Ra Casa rurale e artejana de Anpezo r’à daerto a Ponte nelle Alpi el 1 de dezenbre 2007: da inalora ‘l é pasà zinche ane.

Par ‘l albergo de Col de Vido El laoro de ra Regoles de Anpezo, par mantegnì ra nostra val. Ra storia pi vecia de i ome, che i à fato tanto, par disegnà el paes Par ladin anpezan, albergo ‘l é un raro, inze ‘l bosco, con nafré de monte, mangare con calche bela ciocia, agnó che el pastor el tien a sosta, da dasera, ra besties. Inze ‘l vocabolario de el dotor Angelo Majoni de el 1929 se lieśe algo de bel, doa righes, che sà da poesia: “Plaga pascoliva con pochi alberi vetusti, attorno alle cascine delle alpi; in sulla sera il pastore vi raduna il bestiame, per albergarlo durante la notte”. Nuia da spartì, donca, intrà albergo e hotel, intrà i foreste e ra fedes, ra armentes. In Anpezo, trope alberghe i à sarà, chi hotiei de i turistes, ma anche chi de i pastore, da canche s’à lascià via i laore in canpagna. I brascioi i cresce, el noelame el se magna el pra, el bosco el torna a se toi chel posto, che ’na ota ‘l ea so, ignante de el laoro de i ome, portà inaante par mile ane. Ra Regoles de Anpezo, da calche an, ‘s à cheres de tornà nafré indrio. Es vó netà fora i alberghe, almanco alcuante, i pi biei, par no desmenteà, par no perde propio duto. E ‘pò beśen dì che in Anpezo ‘l é drio a nasce nafré de amor noo, par chesto mondo, par chesto laoro, in canpagna, drio besteame, e coscita vó ese outre poste, outra montes, agnó monteà. I à fato un gran laoro a i Ronche da Ciae, su sora ‘l

ospedal Codivilla e Putti, agnó che i à taià śo tropa piantes, jaà su ra zoches, ingarià el pra, da podé portà ra besties. I à fato algo fora a Col de Vido, de sote e de sora de chel vecio caśon de len. Son deboto su chel da San Vido, pede a ‘l confin, fora de Col Jarinei, deboto sote ra Rochetes. Poco pi in su ‘l é un outro caśon, chel de el Crojà. I à fato nafré de netija, i à petà śo alcuanta piantes, strutà su i rame, ra dascia, i à daerto danoo ‘l albergo. Coscita ades se pó lieśe danoo una vecia pajina de ra storia de ‘l paes. A moe da Socol, co ‘na

bela caminada, su par el bosco, se rua fin fora in son de chel de Anpezo, inze ‘l ceto, a se vardà d’intorno. No se podarae se pasà meo, ‘na bonora d’outon. E, par śontà pede algo de storia, conton de chel pizeto che, a ra fin de ‘l Otozento, el fajea el vida, el diaa el pastor de Col de Vido. Chel pizeto, che el ruaa da Ciae, co ra britola ‘l à lascià el so gnon, su un trao de len, de chel caśon. Chel medemo gnon che ades ‘l é fora, inze el cuore de Anpezo, su chera doa tabeles, inze piaza Angelo Dibona.

Podeelo mancià? Zerto che no! Ai 5 de dezenbre, anche ‘sto an, cemodo che ‘l é tradizion, el Santo de ra famea el ruarà danoo, par ra ciaśes, ma ignante par piaza. El vedaron de ‘l dapò disnà, co ‘l scuro, suà in caroza, parcé che el fesc fadia, ‘l é vecio, se sà. A i dià ‘na man, e anche chesta r’é una tradizione, sarà chi de ra Union de i Ladis de Anpezo e alcuante de ra Filodramatica. Con el sarà alcuante anjolete, śo par pede, a ‘l dià par dà fora i done a i pizete. Pi indalonśe, i dioule. Con chera de scomenzà a i fei conosce nafré depì, e meo, chiste por dioule, senpre bartaśade. Inveze i é biei, i pó fei ra so bela fegura, cemodo che se sà polito, pi che see inze ‘l mondo todesco, agnó che par i Krampus i fesc finamai ra sfilades, cemodo che suzede in Pusteria.

Nuia de noo, par el Codivilla In ciou de tanto, a Venezia, in Rejon, canchedun se pensa de el Codivilla, de el nosc ospedal. Mai che i se pense algo de bon, mangare de me dì ce che suzede, se el pó śì inaante, e cemodo. I domanda inveze de tornà indrio, cemodo che ‘l ea ignante de ‘l 2003, canche someaa ‘l aese da sarà, da un di a ‘l outro, parcé che ra Rejon no ‘l vorea pi. Chesta ota ‘l é el grupo de ra Federazion de ra sinistraRifondazione comunista a ‘l domandà, par vosc de el consilier Pietrangelo Pettenò. E ‘l à anche prescia: duto arae da suzede ignante de i 31 de dezenbre. Da ‘l 1 de jenaro i arae da desfei ra sozietà Istituto Codivilla Putti spa, che ‘l é ades. Intrà duta ches’outra stranbaries, el disc che in Anpezo no rua marade da outra rejos, da fora de el Veneto. Inveze basta śì a vede i numere, che i dà su a ‘l Codivilla, par capì che trope, soralduto su ‘l ospedal Putti, i vien da duta Italia, parcé che là i é boi, da nonanta ane, de fei vegnì de meo, da ra infezios de i osc. Ogni ota, inveze de parlà par deban, sarae da se informà ignante.

Burta noes par ‘l ospedal de San Candel Lun noa, cioudo de soroio, par ra ciaśeta de len, el caśon de el pastor, ades che i à netà fora ‘l albergo de Col de Vido.

Nuia de bon, de chel che se sente, da ‘l ospedal de San Candel. I à

festide che ra Provinzia de Bolzan r’ebe da obedì a chel che disc el ministero de ra Sanità, da Roma, e che see da taià 42 liete, inze i ospedai de ra Val Pusteria, intrà Bruneck e San Candel. Coscita ‘l é nasciù un comitato, de ra śente de ‘l posto, che ra vó ignante de duto saé ce che suzede. E ón nafré de festide anche in Anpezo, parcé che trope de nośoutre i à acaro de zerne chi ospedai, se ‘l é biśoin. Ades, de dezenbre, i se ciatarà, a Bruneck, intrà Richard Theiner, loudaduó de ra Provinzia de Bolzan, e Roland Griessmair, presidente de ra Comunità de ra Val Pusteria. Dapò se podarà in saé algo depì.

Par Sant’Andrea Ai 30 de noenbre, par Sant’Andrea, fenisce ra festes de ra confraternites, de ra jejetes, che ‘l é in śiro par ra viles, par i vilaje de Anpezo. Par ultimo, se rua su in Col, su chera erta, co ra mesa, ra devozion, ma anche co ra festa, co ra voia de se ciatà, in ciaśa, de stà aduna. E coscita fenisce ‘l an, che ‘l ea scomenzà, ai 11 de febraro, par ra Madona de Lourdes, su da ra jeja de Gnoche, r’ultima ruada, intrà dutes, i prime ane de ‘l Noezento. Alolo dapò, ai 16 de febraro, tocia a Sant’Uriana, ra santa Giuliana da Alverà. E ‘pò, una areota, duta ra jejes de ra val, a pasà fora par San Roco, śo a Cianpo par San Candel, su par Ciae, con Sant’Antone, fin inze a Ciadin, da ra Madona de ra Salute, alolo ignante de Sant’Andrea, a fenì ‘l an.

El mercà de Nadà Ra ciaśetes de len ‘s é beleche par piaza, betudes fora a ra fin de noenbre, canche ‘l ea ancora taren. Ades basta che rue el gnee, e ‘pò el mercà de Nadà ‘l é pronto. Dinultima ocore che rue ra śente, a cronpà, parcé che sedenò ce mercà elo. Anche par ‘sto an, in Anpezo se prozede con chesta tradizion, che i sà tanto bela a i foreste, ma che ra no me despiaje gnanche a nośoutre. Somea nafré de ese inze par de cà, inze ra zitàs de el Tirol, de r’Austria, fin in Baviera, agnó che i parecia proprio polito, par ra festes de Nadà e de ‘l Prin de ‘l an. www.lauscdiladins.com

21


Fodom

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 47 / 30 de november 2012

N “Davòmesdì Fodom” ntel senn de la mujica e del lengaz ladin Festegiada S. Zezilia. Don Luigi del Favero:”Chi che disc che no se ciánta plù i no cugnësc Fodom.” Le elezion del nuof consei de l’Ulf

Coro Fodom e Bánda i à saré ite la manifestazion con “Ulà che la Marmolada”.

Cultura - Proprio n gran, bel e blot “Davòmesdì fodom” chël che l é ju n scena ndomënia passada. N davòmesdì ulàche à trionfé la cultura, la mujica, nost lengaz ladin, la voia de ste auna, de fè vèlch auna. Protagoniste de dut chëst le realté mujicai de la valada, che, forsci per l prum viade, le s’à biné auna nte na manifestazion per i fodomi, per nosta jent. Autonzensament ? No de segur. Ánzi, come che à recordé ence Nani Pellegrini, datrac son massa puoc coscenć del gran patrimone mujical che on che l fajon cugnësce puoch fòravia. Ma da spëss ence a nos autri, ntra de nos. L’ocajion l’é stada dopla: festegé S. Zezilia, patrona de la mujica e la prejentazion del libret “Fodom n muujica”, metù auna da Nani Pellegrini e dé fòra da L’Union dei Ladins da Fodom. Libret che coia auna e prejenta la storia de le realté mujicai ncuoi ative nte la val. L davòmesdì l é scomencé da le 3 davòmesdì co la S. Mëssa nte la gliejia de Rèba, ulache à tout pèrt duc i ciántarins e i musicisć, acompagnada dal Coro de Gliejia S. Iaco. “Ève tout pèrt a nen convegno davò l Concilio Vaticano

L Pico Coro Col de Lana.

La Bánda da Fodom.

22

www.lauscdiladins.com

– à conté don Luigi ntánt la perdìca – ulache n gran teolog e studious l descorëva de la vijion de la sozieté vignuda fòra dal Concilio. I prevesc che scoutáva su ngalin i à fat n’oservazion: Nos son duc destinéi a fè i prevesc de picole parochie. Co podónso apliché chëste teorie ? Se volei eduché e fè ste auna la jent – à responù l teolog – meté su n coro. Nniò plu che nten coro se mpara a se ncordé e se acordé coi autri. Dute doi parole che ven da “cuor”. E po’ l à continué: “Ncuoi se disc che no se ciánta plù. Ma chi che disc coscita i no cugnësc Fodom.” Davò la gliejia s’à mplenì ence l self dei congresc, ulache l apuntament cultural l é ju nnavánt, metù a jì da l’Union dei Ladins. Sot a la coordinazion de Gianpaolo Soratroi, dute le realté mujicai de la valada i é passade sun palco per chëla che l’é stada ben trop deplù de na scempla “passerela”. L é toché a la plu jovena de le associazion, la Bánda da Fodom, direta per l’ocajion da Giuliano Federa, “rompe la glac”, con doi tòc: “Ireland of legend end lore” e “Instant concert”. Dai strumenc s’é passèi po’ a la ousc, col Coro S. Iaco, che

L Coro S. Iaco.

La cuartela del libret “Fodom n mujica”.

l à prejenté doi toòc de mujica sacra, co le parole per fodom: “Signour cialeme, scouteme, dáideme” ( mujica de Ignatius Mitterer e parole de Denni Dorigo ) e na bela nenia a “San Nicolao, co la mujica de Ilario Defrancesco e le parole de Erica Roilo. L é ste spò la outa de chi mendri del Pico Coro Col de Lana, “ulache se arleva i musicisć” à recordé l prejentadous, che i à fat scouté su trei tòc: “I agn da scòla”, “”Ciantonmo tosac” e “Melodia”. Na blota sorpreja per duc l é ste l intermez, che à bu come

L Coro de le Ële Col de Lana.

L Pico Coro Col de Lana.

Marina e Roberto ntel duet “Son nnamoré”.

protagonisć l Roberto Marchione”Bèci” e la Marina Dorigo. I doi ciántarins i à regoiëst de gragn batimán co nen duet metù auna da Nani Pellegrini dal titol “Son nnamoré”, acompagné dal Oscar Nagler. N inn al amour per fodom. Davò le sonade e le ciantade, no podëva mancé l bal co l Grop da Bal da Fodom, che proprio sto ann complësc i 30 agn de ativité. Sciode che no siebe gran estro de festegé. “L grop l risćia de saré perciéche máncia jent – à dit l prescident Pierina Foppa, che per

chëst l’à fat n apél a chi che à pascion per l bal. I balerins ncora n ativité i à prejenté trei bai:”L bal del ciapel”, “L moleta” e l “Bal del molin.” Trei ence le ciántie prejentade dal “Coro de le Èle Col di Lana”, n’autra bela realté, nasciuda ntel 1999 e che l’à bele al atif ence n cd. Le ciántarine i à cianté:”Ti ricordo”, “Bel fodom” e “Che sarà”. E per saré ite l é ju sun palco l Coro Fodom, che sto ann festegeia i 40 agn de ativité e l à n cantier suo secondo cd. “Cánche tournarà l’aisciuda” e “Alegri fodom” doi dei tòc prejentèi. L terzo, “Ulà che la Marmolada”, cianté co l acompagnament de la Bánda da Fodom, l à fat da sigla final de la manifestazion, con dut l publico che ciantáva auna e batëva le man. “Da pel de pita” à scrit valgugn su Facebook. E come no ié de rejon. A la fin duc i ciántarins e i musicisć i s’à biné a cëna ntei self de la cajerma “Gioppi”, metùs a dispojizion dal marescial Vittorio Pallabazzer. Ntánt la manifestazion l é ste tignù ence le elezion per l nuof consei de l’Union dei Ladins da Fodom. I resultac i viganrà fac a savei la setemana che ven. (ls)

L Grop da Bal da Fodom.


Fodom

nr. 47 / 30 de november 2012

Rèba e Malga Ciapela à prejenté sue finai del “Lattebusche”

Tourna ence sto ann l Dolomiti Ski Shuttle

La manifestazion la vignarà fata l 9 e 10 de mèrz. “N onour per nos la ospité – à dit i presidenc dei sci club “Arabba” e “Sci Nordico Marmolada”

L transfer co la coriera che porta i sciori che ven da l’Itali a e da foravia dai aeroporti e stazion dei treni direti su le piste del Dolomiti Superski

Schi - L circuito de schi alpin e de fondo “Lattebusche” per “Baby” e “Cuccioli” , rué oramei a la 35. edizion, l é ste prejenté nchëstadì a la bireria Pedavena. Sto ann l teater de le finai l se despartirà su per le doi specialité ntra Rèba e Malga Ciapela, grazie a la colaborazion ntra l Sci Club Arabba e l Sci Nordico marmolada. Rèba l é l prum viade che la ospiteia chësta prestigiosa manifestazion. L Comitat Fisi Veneto l è njigné a n’autra stagion de schi. Bele sta setemena i é scomenciade nvalgune gare nte deplù teatri de gara su dute le Èlpe per i jovegn e le jovene del Veneto, ma come da tradizion a signé l via ufi zial a la stagion l’é stada la presentazion del “Grand Prix Lattebusche”, manifestazion, forsci, che plu cualificheia l’ativité del Comitat. Rué a la 35.edizion, l é l circuito de schi alpin e de fondo resservé ai chi mendri de le categorie “Baby” e “Cuccioli”. “Se scomenciarà l 6 de jené e l é n program 35 gare – à spieghé l sourastánt de la manifestazion Luigi Giustina. Come dit le finai le vignarà fate l 9 e l 10 de mèrz. La formula del circuito l’é confermada co la novité che che le finai del del schi alpin le valarà ence come prova de cualificazion al nuof Criterium nazional jovanil, proponù da la Fisi. Ence sto ann continuarà la tradizion de assegné na borsa de studio ntitolada a Ivano Giop, ideadou de la manifestazion, metuda a dispojizion da la fameia: la fëmena Piera e l fiol Stefano.

Le finai a ciaval del Padon “Mëte a jì le finai l’é na bela sfida – i à dit a na ousc sola i presidenc del Sci Club Arabba Ivan Petri e del Sci Nordico Marmolada Germano D e l l ’A n t o n e .

I organizadous a Pedavena co la soèja dei guánc.

“Rengrazion la Fisi Veneto che la n’à de chësta poscibilité. L é bele chèlche meis che on scomencé a laoré perciéche i doi dis de gare i vade al meio e i pòbe ester n’ocajion de divertiment e per se confronté per nuos jovegn. Per chësta prejentazion i doi sci club i à volù porté ence vèlch che raprejenteie le tière ulache i atlec ruarà a core. A fè da soèja spò i guánc tradizionai e le speise da nzacan che i é jude via come l pán al “buffet” final. Trop aprezada ence la prejentazion n “power point” de la manifestazion, che à de ai troc raprejentánc dei sci club ruèi da dut l Veneto, n’idea ciara e tecnica de le location.

L program Se scomenciarà vender da sëra, 8 de mèrz, co na fiacolada dei atlec su la pista del Burz. Sabeda le “finaline”: su la pista “Cherz 2” per l schi alpin e a Malga per l schi da fondo. Domënia le finai. Teater de gara per l schi alpin l’ultimo

tòch de la pista “Burz” per i “Baby” e la pista “Podoi” sun Pordou per i “Cuccioli”. Très sul plán de Malga Ciapela le gare de schi da fondo. A la fin le premiazion ntel tendon sciaudé che vignarà metù su ntel piazal davò gliejia a Rèba. N cajo de burt ntel sèlf dei congresc. Trope le associazion che darà na mán per n event che portarà ntra Fodom e la ValPettorina plu de mile persone ntra atlec e le fameie.” La prejentazion l’é juda nnavánt co l salut del prescident de la Fisi Veneto Roberto Bortoluzzi. “Son njignei a chësta nuova stagion. N grazie a Lattebusche che l ne sosten nnavánt e a duc i dirigenc e tecnici dei sci club che i laora ogni di per fe gran nost moviment.” “Lattebusche l é riconoscent al teritorio ulache l laora e per chëst l sosten le manifestazion che chilò ven fate, n particolar per i jovegn – coscita Antonio Bortoli, diretor general de Lattebusche. “Al Gran Prix po’. Lattebusche l é afezioné perciéche nte chisc 35 agn l’é chersciuda auna, proprio come l circuito, per se trasformè da realté local a n’azienda che laora nte dut l Veneto.

Le autre manifestazion

I presidenc dei sci club organizadous de le finai coi dirigenc de la Fisi.

Auna la Gran Prix Lattebusche, l é ste prejenté ence le trope manifestazion che vignarà fat l inviern che ven ntel Veneto: ntra chisc i Campionac Mondiai Master de schi da fondo, n program a Asiago dal 14 al 23 de faurè, la Copa Europa de snowboard l 22 e 23 de dizembre a Cortina, l Campionat Talán Jovegn de schi da fondo a Boscochiesanuova dal 8 al 10 de fauré, la final nazional del Trofeo de le Region, n program a Falcade l 16 e 17 de merz. Mplù sarà lerch per i tradizionai circuiti del schi alpin jovanil: l Grand Prix Aviva per “Ragazzi” e “Allievi” e la “Copa Veneto – Energia Pura” per la categoria “Giovani”. A pedavena l’é sté lèrch ence per le prejentazion de le scuadre del Comitat 2012 – 2013 e de l’ajenda – lunare. (ls)

Per chi che dezide de jì n vacánza n treno o n aereo ntel comprensor del Dolomiti Superski, dal 6 de dizembre al 7 de auril 2010 vignarà ndavò metù a jì l servisc de transfer co la coriera che colegheia i aeroporc internazionai de Venezia “Marco Polo” e Treviso “Canova” e la stazion dei treni de Venezia – Mestre co le ski area “Civetta”, Falcade – S. Pelegrin” e “Rèba – Marmolada”. L obietif del Dolomit Ski Shuttle l é chël de fè rué plu saurì i sciori che rua col aereo, nte dute le localité del Dolomiti Stars, senza che i mosse douré le coriere de linea, con duc i problemi de cambié treno o coriera e orari che l plu de le oute no se confèsc. L servisc l ven fat demè su prenotazion al scito dolomitistars.

dolomiti.org e se po’ l douré ntel fin setemana e la juoba con deplù corse via per l dì e da sëra. Per mièrcoi 26 de dizembre e 2 de jené, n ocajion de le feste, vignarà fat ence corse mplù. “L é bele ste plu de 200 persone a prenoté” spiega Stefano Mannelli, diretor de Dolomiti Stars. N dato nteresciánt se se ten cont che la stagion da d’invièrn l’a ncora da pié via. L é n servisc che plèsc ai sciori. L ann passé, ence se l eva puocia nei, s’ava registré n 10% mplù respét a l ann davánt. Son contenc de avei confermé la stazion dei treni de Venezia – Mestre e de avei ndavò metù su le corse de la juoba per nzentivé l weekend lonch. L lo testimonieia i troc aprezamenc che on ciapé da sciori e jent del setor.”

Dut plen per l teater de”Ra Filodramatica d’Anpezo” I atori ampezagn i à ndavò bu n gran suzess con suo tòch de teater Teater - Ci saralo ste nte chël baul che à passé 150 agn de storia a Cortina ntel teater dal titol “El brašón de ra jenia” ( L èlber de la crica ) che Ra Filodramatica d’Anpezo l’à prejenté nsabeda passada sa na Rèba? Òr e arjent ? N tejòro de vegle monëde ? No l savaron mèi. Chël che savon de segur l é nveze che, i bravi atori de Ra Filodramatica, i à porté ndavò nta Fodom n bel tòch de teater. E chi che a tour pèrt, l sèlf dei congresc l eva plen, i s’à passé na bela sëra de divertiment e de cultura..Na raprejentazion de cualité, souradut perciéche la storia l’eva stada scrita da lori nstësc. N senn de maduránza che ven da 25 agn de ativité. Plu de 30 i atori passèi sul palco del sèlf dei congres, pico per n teater che Ra Filodramatica ava njigné co na scenografia grana tánt da fè crei de ester proprio nte la conca de Anpëz, coche s’à podù vedei a le raprejentazion al Alexander Girardi Hall de Cortina. Ma chëst no n à zerto tout nia al “phatos” de la scena. Sarà ence perciéche i atori ampezagn i à dassën giánn l publico fodom.

“L é n bel publico, ciaut e che ne da trope sodisfazion – i à dit plu oute a la fin de la sëra.La storia, ntel suo fil condutor, l’assa podà ester suzeduda nte ognouna de nòste val turistiche. N paisc che vif del laour da contadin, con sue struscie, sue beghe ma ence suoi valour senzier, nte puoc agn l se ciapa ntaméz al via vai de foresti, che veiga le mont demè co la scenografia den gran teater e la jent del luoch come de tèl “comparse” da tò ca cánche comeda. E la jent del luoch, da l’autra pèrt, che veiga chisc come le “star” del cinema, da nvejié e i é fe dut chël che i vòl, da desot e da adòs. Po i temp i cámbia. L consumism l “consuma” i uns e i autri. Resta chël baul, che s’à porté davò n mistero ma ence le malizie e le cativerie de jent che per dël o per auter, i s’à morenté ju ntra de lori. La riflescion Ra Filodramatica l’à fata sul suo, sui ampezagn “Ma gnánca i fodomi no i é farina da fè ostie” l à dit a la fin de la raprejentazion l caleghé, nte la storia ju n malora con sue cinch boteighe. Che l abe rejon ? (ls)

“N moment ntratánt la raprejentazion.” www.lauscdiladins.com

23


Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

nr. 47 / 30 de november 2012

Aiüt tres la chinestetica En mertesc ai 6 de novëmber él gnü metü da jì tl Raiun Sozial a Picolin na incuntada de informaziun teoretica y pratica sön la chinestetica. N aiüt inće por chi che fistidiëia de porsones atempades o püres a ćiasa Walter Bortolon, operadù sozioassistenzial y trainer de chinestetica. A ël ti unse fat n valgönes domandes por ciafè informaziuns plü menüdes sön chësta tecnica.

Walter Bortolon.

Picolin - Al domisdé él rové adalerch porsones che socodësc a ćiasa familiars püri y/o vedli, por ciafè informaziuns sön cô fà da socodì zënza ciafè mè de spiné y por se sconè le corp. I ùn imparè da ascutè sö le corp y chël dla porsona che i curun, a na moda da

coordiné bun movimënć y se fà plü saurì tla cura. Al é gnü fat plü eserzizi por capì ći dificoltes che porsones à, canche ares n’é nia plü bunes da s’armöie bun, y por odei cô che an po se fà saurì tla cura. La incuntada é gnüda tignida da

La Usc: Ći é pa la chinestetica? Walter Bortolon: Chinestetica é n conzet dl imparè che se basëia sön les esperiënzes; tres les esperiënzes de movimënt desvalies imparunse da conësce tres damì nosc corp y i sun insciö tla condiziun de laurè cun na gran capazité d’adatamënt cun na gran capazité de adatamënt. An dëida por daidé y nia por stè te tru. Al n’esist nia le dërt o le falè, mo l’ideal y le manco ideal, deache vigni porsona é desvalia. Sön ći prinzips se basëia pa chësta tecnica? Pro la chinestetica se tràtera ma en pert de na tecnica, chinestetica é na filosofia de vita che se basëia sön le prinzip dl aiüt por l’autoaiüt. Po pa ma personal cualifiché adorè chësta tecnica? Chinestetica é vigni porsona buna de fà y dess porchël inće gnì

adorada da düć. Al mët man dala cöna. Cô me comporti pa cun le popo canch’i ti müdi le panolin? Le feji zënza trà ite le möt o ćiari che la müda dl panolin devëntes n’ativité deboriada? Tòli les esigënzes di jogn söl scerio o vai ma do a mies aspetatives? Te n raport danter 2 porsones vëighi la chinestetica sciöche na pert dër importanta; la vita dess jì deboriada y nia dlungia l’ater. Olà pòn pa imparè chësta tecnica? T’Europa él za. 1.000 alenadus de chinestetica che porta inant tres cursc desvalis chësta filosofia/ tecnica. Ti aconsiëise chësta tecnica inće ai familiars che cura amarà? Sce bëgn, ćiodì pa? Chinestetica ti vëgn sambëgn inće aconsiada al grup de familiars che cura i amarà. Vigni porsona che s’ocupëia dla chinestetica ciafa la poscibilité da se dè jö cun so corp y spirit y po insciö slarié fora sües perspetives. Tratan n curs po le partezipant, tres i tröc eserzizi pratics, avisa osservè y sintì, a na

moda de podëi adorè a ćiasa chëstes esperiënzes aladô de sües esigënzes. Ciünes é pa les maius dificoltês por porsones che curëia zacai a ćiasa? Porsones che curëia dî a ćiasa à gonot de vigni sort de mai, problems al cör y al magun. Te tröpes situaziuns él conflić danter la funziun de vignun; por ejëmpl canche i mituns ćiara di geniturs y surantol te na certa manira la funziun da genitur. Y ala fin él na domanda che püć se fej: sunsi iö bun da ćiarè de zacai? Ći pòn pa fà decuntra? La cossa plü importanta é da ćiarè de se instësc; sce iö me stà bun spo ti dai inant chësc ala porsona de chëra che i ćiari. Sce i ne me stà nia bun, spo ne sunsi nia bun da pité na buna assistënza. Ći che dëida tröp é fà vigni movimënt ponsan a ći che i feji. Sce an à val’ mè, désson atira fà val’ decuntra, y por evité i mai désson dagnora ćiarè da avëi la dërta posiziun tratan la cura. Michaela Taibon por le grup de autoaiüt

Döes onoranzes da ”Sessanta” Le Cor de Dlijia d'Al Plan à festejé Santa Zezilia y surandè inće trëi onoranzes: döes por bëgn 60 agn d'ativité Al Plan - Sce an alda baian de ”sessant’agn” d’ativité pro na lia, spo mësson n iade se lascè passè chësta zifra fora por le će. Sessant’agn é passa mez secul, al é passà mesa na vita, cun danterìte dötes les mudaziuns soziales, religioses y storiches che i à caraterisà. Le Cor de Dlijia d’Al Plan à festejé en domënia dan otedé ”süa” patrona Santa Zezilia, ćiantan na bela mëssa por la

comunité. Te chësta ocajiun à la presidënta Chiara Marcocci inće albü le gran plajëi da onorè dui ćiantarins por bëgn 60 agn de ativité. Agnes Oberbacher y Albert Willeit à intrami arjunt n travert che püć é bugn da arjunje, sciöche la presidënta à inće alzè fora: ”Al alda laprò na gran forza de orentè, deache al n’é nia dagnora saurì dantadöt d’invern - da lascè la stüa

buna ćialda do n dé de laûr por jì a proa a se lascè ’tichiné’ dai dirighënć”, àra dit. Le Cor podô surandè chësc dé ćiamò na terza onoranza de 15 agn. Por la presidënta n onur particolar, êl pö so pere Aldo Marcocci che podô la pié do. Al é stè le ploan siur Heinrich Perathoner che ti à surandè ai trëi onorà le cheder de reconoscimënt cun l'atestat.

Dancà i trëi onorà dl Cor de Dlijia d’Al Plan: dmc Aldo Marcocci, Agnes Oberbacher y Albert Willeit. Iadedô dmc la dirighënta Sybille Prader, le ploan siur Heinrich Perathoner, la presidënta dl Cor Chiara Marcocci y l’orghelist Renzo Huber.

24

www.lauscdiladins.com

Passa 100 ores porom Chiara Marcocci à inće tut l’ocajiun da presentè en cört l’ativité dl cor, che é rovè adöm 37 iadi por proes y 25 iadi a ćiantè pro les mësses, danter chëstes inće les döes mësses particolares menades en ona tres la RAI nazionala. ”Vigni ćiantarin y vigni ćiantarina à dè ca debann 105 ores y mesa de so tëmp”, à cumpedè adöm la presidënta,

zënza tignì cunt dles sopoltöres y dles ores spenüdes por le laûr da tignì les notes, le salf, sentades y cursc de formaziun. Chësc ann él inće gnü pormez na ćiantarina nöia: Irene Della Gaspera. Do mëssa s’à le cor ćiamò conzedü val’ momënt d’aorela cörta tla ostaria da Runcac, olache al é inće stè l’ocajiun da s’la cuntè y da festejé deboriada chisc tröc agn de impëgns y ativité. (pablo)


Val Badia

nr. 47 / 30 de november 2012

”Vire la Bibia” cun düć i sënsc Te Istitut Ladin a San Martin de Tor él metü fora na mostra sön la Bibia, olache an po branćé, odëi, tofè y sambëgn inće aldì. Deplü é inće les manifestaziuns de cornisc

Tratan le referat de siur Pire.

San Martin - La Sacra Scritöra é le ”pan” por i cristiagn, la Parora de Dî ala basa de nosta religiun. La Bibia é - sciöche an dij tl lingaz modern - n ”best seller”. Tan gonot che an ćiara o lì laìte, é spo na cuestiun personala de vignun. Cun na mostra particolara ô les Sorvisc ai Jogn daidé portè la Sacra Scritöra plü davijin ala jënt. ”Vire la Bibia” se tlama l’esposiziun che an s’à imprestè ca dala Lichtenburg da Nals, na mostra che é intres sön tru fora por paîsc y citês de nosta provinzia. Sciöche le titul dla mostra dij bele, ciafa le vijitadù la poscibilité da ”vire” Sacra Scritöra cun düć i

sënsc - branćé, odëi, tofè, aldì. An po branćé ite y odëi davijin la gran ćerna de ogeć metüs fora, che dëida da se proietè cun le pinsier ćina zoruch te chi agn che i libri é gnüs scrić; an po tofè les erbes che vëgn dant sovënz tla Parora de Dî, an po sambëgn inće lì tles tröpes Bibies metüdes fora, y al ne manćia nia l’aldì: chilò me referësci ai referać de aprofondimënt che gnarà pità tratan i dis dla mostra. En gaujiun dla daurida stada en lönesc ai 26 de novëmber, à siur Pire Irsara tignì n pice referat sön ”La tle da daurì la Bibia”. ”Nosc contat cun la Bibia se limitëia gonot ma ala liturgia”, à dit siur Pire, y les

rajuns poester por le referënt che an ne se tol nia le tëmp, che an n’à mai imparè da lì la Bibia, o inće che dan le II. Conzil Vatican êl ćinamai proibì da la lì - magari inće por na certa tëma da pert dla Dlijia che la jënt la interpretass mal. ”La tle da daurì la Bibia é chëra da la tó tles mans y da s’infidé da lì laìte, inće a ćiasa”, à dit siur Pire. Tl referat él spo jü ite plü avisa tla domanda ”Co poi pa iö lì la Bibia por la capì?” Ala fin dl referat àn inće podü se sentè ite tla festa de Pasca dandaìa, ćiarćian le pan insuz y zënza lové, l’erba, la sona de ćern (pordërt êl jambun de agnel), acompagné da n gote de vin. Te chësta mostra ciafon plü poscibilitês da ti jì pormez ala Sacra Scritöra. Chi che oress la vijité po le fà ćina ai 6 de dezëmber: la mostra é daverta vigni mertesc y jöbia dales 16.00 ales 19.00. Daverta saràra inće pro les manifestaziuns de cornisc: chësta domënia ai 2 de dezëmber saràl do la gran mëssa le cor di mituns da San Martin che ćiantarà, en lönesc ai 3 de dezëmber dales 20.00 mostrarà siur Paul Campei diapositives sön la Tera Santa, en mercui ai 5 de dezëmber baiarà siur Sepl Granruaz dl tema ”É nosta religiun la dërta?”. L’entrada ala mostra é de 3,00€. (pablo)

Tla mostra él metü fora de vigni sort de ogeć.

Cun le bus la domënia sëra Mudaziuns pro le trasport publich di studënć dala Val Badia a Porsenù y Balsan la domënia sëra. Do che plü geniturs â segnalè les dificoltês de coinzidënza a San Laurënz, àn śëgn arjunt na soluziun Viabilité - Al vëgn lascè alsavëi che da en domënia ai 9 de dezëmber inant podarà i studënć che tol la secunda coriera por jì a Porsenù - Balsan (chëra che pëia ia da Calfosch dales 17.37), lovè jö tl zënter da San Laurënz, y nia jö da punt da San Laurënz. La coriera che vëgn da Bornech jö, che i condüj spo cuntra Porsenù, piarà ia da Bornech demez 4 menüć plü tert, por ti consintì insciö ai studënć n miù coliamënt. Implü, sce la coriera dala Val Badia ess da s’intardié por gauja dl trafich, él gnü impormetü che la coriera da Bornech ti aspeta a San Laurënz - zënter. Insciö ne mëss i studënć nia plü baratè coriera jö da punt da

San Laurënz, olache ai saltâ gonot sura strada ia y n’adorâ nia le sotpassaje, por gauja dla prescia y por la tëma da injomé la coriera che gnô da Bornech jö, gaujan insciö n prigo dantadöt por ëi instësc, y sambëgn inće por i auti che passâ. Anfat resta le sorvisc dla pröma coriera, che pëia ia dales 17.26 da Calfosch demez y va diretamënter a Porsenù, zënza tignì ite fermades tla Val de Puster. Chësta variaziun él stè meso da arjunje por mirit dl impëgn dl personal dl assessorat ladin a Balsan, en colauraziun cun les porsones competëntes dla mobilité dla Provinzia, do che deplü geniturs â segnalè la problematica y le gran prigo, a chël che i studënć ti jô

adincuntra, messâi pö baratè coriera fora da punt da San Laurënz. Bel dilan ! A inom di geniturs Sepl Pezzei y Reinhold Pescoller

Na coriera dl trasport publich de Südtirol. (Foto: Michael Taylor)

www.lauscdiladins.com

25


Val Badia

nr. 47 / 30 de november 2012

Le sotissura cun le cataster Reuniun anuala di paurs dla Val Badia. Les frabiches che mëss gnì portades a cataster descëda intres ćiamò fistide, y inće la burocrazia é por i paurs n problem intres maiù. Por ći che reverda le laûr söl lüch él stè n bun ann

Le diretur dla Lia di Paurs Siegfried Rinnger.

Le surastant dla Lia di Paurs tla Val Badia Manfred Vallazza.

Paurs/1- Canche les sëres vëgn plü cörtes, éra tosc tan inant che i paurs dla Val Badia tëgn süa reuniun anuala. En mertesc ai 20 de novëmber éra stada tan inant. Tl salf dles manifestaziuns d’Al Plan él rové adöm na bela cumpëda de paurs y inće val’ patrones y rapresentanć dla jonëza da paur. Le surastant dla Lia di Paurs dla Val Badia Manfred Vallazza à podü saludè trëi reladus: l’assessur provinzial Hans Berger, le diretur dla Lia di Paurs de Südtirol Siegfried Rinner y le surastant di Paurs de Puster Viktor Peintner.

situaziun plü avisa.

N bun ann por i paurs Sce an ascuta Vallazza, spo él iniann stè n bun ann por i paurs. ”Al à plovü cotan, mo al é inće chersciü cotan”, à dit le surastant di paurs dla valada. Indlunch àldon baian de crisa, mo tla Val Badia ne l’àn nia paiada tan, àl dit inant, ”I prisc dl lat y inće di tiers é romagnüs stabii.” Al à spo anunzié danfora öna dles tematiches zities te chësc momënt - chëra da portè ite les frabiches tl cataster. Le sone ćialt ti àl spo passè inant al diretur Siegfried Rinner, che à ilustrè la

Frabiches da regolarisé

Burocrazia: n malêr

Rinner à dit che al é al momënt gran confujiun te chësta tematica: le Stato à dè dant che düć i frabicać mëss gnì metüs a cataster. Le termo é bele gnü sburlè plü iadi, śëgn él fissé por i 30 de novëmber 2012, tanco incö che chësc foliet vëgn fora. ”I ùn te Südtirol danter 25 y 30.000 frabiches che mëss gnì portades ite, y al é imposcibil da tignì ite le termo”, à dit Rinner, che spera dassënn che al vëgnes sburlè. L’assessur Hans Berger à dit che al é bele pié ia na iniziativa por sburlè le terminn de val' mëisc. Baié àl dla fin de merz o fin de mà 2013. Co dess pa spo i paurs se comportè?, é la domanda che nasc. La situaziun n’é nia tan saurida. Te Südtirol àn frabicać che ne resultëia ignó, no tl cataster di terac, no te chël dles frabiches. La Lia di Paurs aconsiëia chilò da aspetè, tan inant che al n’é nia frabiches sotmetüdes a culta. Al é spo frabicać che resultëia ma tl cataster di terac, mo nia te chël dles frabiches. Chëstes messarà gnì portades ite man man tla dërta categoria. Ala fin él ćiamò les frabiches che é portades ite tl

Dër sintida é pro i paurs la tematica dla burocrazia. ”I crëii che la burocrazia sides por les imprejes n problem intres maiù. Tröc s’la pënsa sura da jì tl’agricoltöra, deache ai mëss arjigné y scrì fora intres deplü papiers”, à sintetisé Rinner. La burocrazia vëgn da leges nöies, da cultes, da domandes che an mëss fà. La Lia di Paurs de Südtirol, àl dit, proa da smendrì y alisiré le laûr burocratich por sü mëmbri. Dassënn él gnü critiché che le govern ne fej nia plü desfarënzia danter pices imprejes y gran imprejes. Düć vëgn metüs tla medema fana, y insciö él i pici che la paia le plü. Dlungia chisc temesc, à Rinner ćiamò baié dl trasport de refodam, dles pices büjes de purgaziun (Klärgruben), y dla sigurtè söl laûr. D’atres tematiches de interes é spo gnüdes trates ca dal surastant di paurs de Puster Viktor Peintner, y dal assessur Hans Berger. Deplü pòn ciafè ti articui a pert. La reuniun é jüda a piz te foyer dl salf, olache les Patrones da La Val à fistidié da tëne sö n bun bocun y val’ da bëre. (pablo)

Gran partezipaziun ala reuniun di paurs dla Val Badia.

26

www.lauscdiladins.com

cataster di terac y te chël dles frabiches. Chilò n’à i proprietars en sostanza bria da fà nia, tan inant che al n’é nia da fà la detlaraziun che ara se trata de n frabicat agricul. Insciö à splighé Rinner. La Lia di Paurs s’à instëssa metü dant n iter che va do n schem avisa. Denant gnaràl portè ite i frabicać sotmetüs ala cuta IMU, i atri dess spo gnì portà ite man man. Berger à recordè che inće sce le terminn gnarà sburlé, n’ô chësc nia dì che al n’é nia da respetè les oblianzes. Al à aconsié da regolarisé les frabiches ala pröma ocajiun, p.ej. sce al vëgn fat laûrs, alzan fora la gran importanza che ai vëgnes portà ite tla dërta categoria. ”Ara ne nen va nia ma dla IMU, mo inće sce an ô n dé ti scrì le lüch al möt o le vëne inant. Sce le contignü dl contrat ne corespogn nia ala realtè, pòl inće gnì anulè.”

”Ma sc’i tignun adöm, sunse na forza!” Viktor Peintner, surastant di paurs dl raiun de Puster, à atochè les tematiches dl lignan por le telescialdamënt, dla colaboraziun danter paurs y turism y inće dl tignì adöm UE él conzedü da tignì ćina a 1.250 metri 2,5 unitês de armënt (GVE) por hectar y sura i 1.250 metri 2 unitês. Tles diretives por la sconanza dles eghes él indere conzedü da tignì ti prà sura 1.800 metri ma plü 1,5 unitês de armënć por hectar. La jënt ciafa śëgn dificoltês.” Aladô dles unitês de armënć pòn spane na certa cuantité de coltöra. Plü bas che le valur é, manco coltöra che an po sciurè fora. Peintner s’à damanè che al vëgnes tut ca indlunch i medemi valurs.

Acordanza por le lignan

Viktor Peintner.

Paurs/2 - I tëmps é turbolënć, y porchël él important da tignì adöm. Chësta la minunga de Viktor Peinter, raprejentant di paurs dl raiun de Puster. ”Al momënt vara sotissura”, àl dit, ”al é certes porsones che proa da despartì la categoria di paurs, p.ej. danter i paurs ala munt y chi dala ordöra. Sciöche paurs messunse ćiarè da tignì adöm, anfat sce paurs ala munt, paurs dal vin o paurs dala ordöra, mo inće danter paurs, patrones y jonëza da paur. Ma sc’i tignun adöm, sunse inće na forza.” Mo Peintner n’à nia ma baié de unité. Al é inće jü ite sön tematiches desvalies. Critiché àl por ejëmpl la desvalianza de criters che vëgn aplicà tles diretives europeiches por fà domandes de contribć, y chëres provinziales por la sconanza dles eghes. Peintner: ”Dales diretives dla

Inant à le surastant de Puster baié dl’acordanza nöia danter Lia di Paurs y Federaziun dl’Energia de Südtirol (Südtiroler Energieverband), en cunt di prisc dl lignan che ti vëgn dè jö ai implanć de telescialdamënt. Al é gnü fat fora n prisc de 45,00€ al meter (por taies), ”che n’é nia stlet”, à dit Peintner. Indere àl baudié che nia düć i implanć de telescialdamënt ne tol jö le lignan de nüsc paurs, mo denant le tòli da foradecà, deache le prisc é mënder, ”mo le fin messass pö ester chël da tó impröma lignan de nüsc bosc. Al ne po nia ester che le presidënt de na lia firmes n’acordanza, y sü mëmbri ne la tëgnes spo nia ite.” Chësta problematica reverda bëgn deplü la val de Puster y nia tan la Val Badia. Te nosta valada él pormò iniann de jenà gnü concordè i prisc nüs, che valarà ćina ala fin dl 2013. L’implant de telescialdamënt da La Ila paia n prisc de 43,00€ al meter ćina a 2 camions, y 46,50€ da trëi camions insö. (pablo)


Val Badia

nr. 47 / 30 de november 2012

Scioldi ai paurs y cuotes dl lat

Travert: laurè adöm

L’assessur Hans Berger trancuilisëia i paurs dijon che i scioldi provinziai por l’agricoltöra ala munt ne gnarà nia demanco. Baié àl inće dl’aboliziun dles cuotes dl lat, che al ne vëiga nia n gran spavënt

Le tema dla colaboraziun danter turism y agricoltöra n’à gnanca en chësc iade manćé

L’assessur provinzial Hans Berger.

Paurs/3 - ”Le bilanz provinzial é gnü mënder, mo i messun ćiarè deboriada cun la Lia di Paurs da respogne impò ai debojëgns dl’agricoltöra.” Parores dl assessur provinzial ai paurs Hans Berger. Tla reuniun a Al Plan àl assigurè che al ne gnarà dl 2013 nia ascorté i scioldi pro l’agricoltöra ala munt. Por le

menè a munt i tiers nen gnaràl ćinamai metü a desposiziun deplü: da 3,8 passaràn a 4 miliuns de euro, àl dit. Sparagnè messaràn indere impò invalgò. Berger: ”Dër importanta é l’assiguraziun di tiers, mo al po ester che al ne gnarà nia plü reconesciü chi caji, olache al vëgn odü inće na negligënza.” Plü averda metaràn inće pro i contribuć sön laûrs da splanè o de mioramënt di trus: ”Al po ester che al gnarà ma plü dè contribuć sce le paur arjunj n cer’ numer de punć de agravamënt (Erschwernispunkte).” Sostëgn à Berger indere assigurè inant pro danns dal tëmp, olache la Provinzia ćiararà da conzede aiüć zënza gran burocrazia.

Canche les cuotes dl lat tomarà Berger é spo jü ite tla tematica dles cuotes dl lat. Al 31 de merz 2015 tomarà la regolamentaziun europeica dles cuotes dl lat, y chësc

ô dì che vignun podarà prodüje tan de lat che al ô. ”Na pert se tëm da ći che al sozedarà dedô, sce al gnarà na ’rogossia’ de lat”, à dit Berger. ”Iö ne crëii nia”, àl assigurè, ”Al sarà plülere le contrar. Al é faturs sciöche la mudaziun dl tlima y le bojëgn de ega che influenzarà tres deplü la produziun de lat. Sce an ascuta prognoses de esperć, ési prinzipalmënter a öna che tl ćiamp dl’economia dl lat y di produć dl’agricoltöra él tl dagnì n trend positif. Chësc ô dì che i davagns sön i produć dl’agricoltöra gnarà maius”. Canche la cuota dl lat tomarà, arata Berger che atira tomarà inće i prisc, mo ma por n tëmp cört, é süa convinziun. ”Dedô jarài indô sö”. Slüt jö à l’assessur alzan fora che al momënt àn tl setur dl lat de bunes condiziuns y de bugn prisc, mo che i cosć é chersciüs dassënn y à insciö smendrì, sce nia desfantè, i davagns. ”Al sarà porchël tl dagnì da laurè suradöt sön la reduziun di cosć”, süa contlujiun. (pablo)

Paurs/4 - Le raport danter paurs y ostis n’é nia dagnora stè le miù. Mo cun le passè di agn y do tröpes incuntades y discusciuns, àn reconesciü che laurè adöm po ti portè vantaji a intrames les perts. Le rapresentant di paurs de Puster Viktor Peinter à alzè fora les bunes poscibilitês che le turism ti pîta ai paurs - cis tla Val Badia - da se davagné val’ surapro. Dl ater vers àl inće dit che dal turism vëgnel intres indô ghiranzes da lascè passè sciori fora por i grunć privać, por pistes, rodes, a pé. L’assessur Hans Berger à laldè l’acordanza che paurs y assoziaziun turistica à sotescrit a La Val (ćiara La Usc 27.07.2012) por i passaji dles rodes. Al l’à definida ejemplara. Peinter à aprijé la buna colaboraziun che an à arjunt ti paîsc y à sotrissé che an s’adora l’un cun l’ater: ”Sce tres plü paurs dà sö l’agricoltöra, él döta l’economia che la paia. La sozieté

mëss ester da tan da reconësce y recompensè indertöra les prestaziuns che l’agricoltöra porta.” Dër tler é inće stè l’assessur Berger, canche al à dit: ”Le turism é le motor de nosta economia. Zënza turism n’ess l’agricoltöra nia le status arjunt ćina incö, y zënza agricoltöra n’ess le turism degöna chanche da suravire. Laurè adöm mëss ester le travert.” Te chësc contest àl inće atochè le tema dl agriturism: ”Val’ che funzionëia bun gauja invidia. Da certes perts vëgnel trat dant che l’agriturism funzionëia ma tan bun deache al vëgn sovenzionè tröp. Mo la dërta rajun é che os paurs le manajëis bun”. Racomanè à Berger n iade implü da se vëne al dër prisc. ”Se vëne a n prisc massa bas é na svalutaziun dla prestaziun che an fej. An dess evité prisc dumping. Na concorënza che se mantëgn ma cun de gragn rabać n’à degun dagnì.” (pablo)

N iubileum festejé ćiantan Dan da 20 agn nasciôl a Badia dui cors nüs: le cor dles ëres Kèrygma y le Cor di ëi. Cun na Santa Mëssa ćiantada da d’ëi y spo n bun buffet à i cors festejé deboriada le iubileum le Signur cun sües beles usc. N bel dilan ti à i cors dit a Chël Bel Dî por avëi podü ćiantè, en armonia y contentëza, por düć chisc agn alalungia. Na oraziun ti ài spôrt al Signur por le dagnì, por che ai pois ćiantè inant y ti scinché val’ ligrëza a chi che i ascuta pro. Tla santa mëssa à i ćiantarins inće orü recordè i mëmbri dl Cor di ëi che ne n’à nia podü festejé cun ëi chisc vint agn de ativité, Davide Pitscheider y Cristof Irsara. Tröpa jënt, de Badia mo inće da plü dalunc, à tut pert ala festa iubilara di dui cors, festa che é spo jüda inant tl salf dles proes, tla ćiasa J.B. Runcher, olache dan n bun buffet à i ćiantarins y les ćiantarines podü recordè, deboriada cun amisc, parënć y cun les personalitês ruvades adalerch, i bi momënć passà tratan chisc 20 agn de ativité. (kp)

Le cor dles ëres Kèrygma y le Cor di ëi de Badia à podü festejé iniann 20 agn de ativité. (Foto: Werner Pescosta)

Musiga - ”La musiga é le liam de nosta anima cun Dî”, scriô Bettina von Arnim. Cun chëstes parores, pronunziades sö dan altè dala presidënta dl cor dles ëres Kèrygma, Monica Nagler, à metü man la santa mëssa da en domënia, ai 18 de novëmber, tla dlijia de Badia. Na mëssa zelebrada da siur degan Iaco Willeit, deboriada cun siur Pire y siur Franzl, por festejé n iubileum important. Al ê le 1992 canche le paîsc de Badia gnô arichì dal ćiantè de dui cors nüs: le cor dles ëres Kèrygma y le Cor di ëi de Badia.

28 ëres liades dal ćiantè y dal’amizizia Kèrygma ô dì leteralmënter ”protlamaziun”. Cun chësc inom é gnü batié le cor dles ëres, metü

sö dan vint agn dal degan da inlaôta, siur Sepl Granruaz, da Gigliola Thaler y da Agnes Irsara, fondadëssa y inće dirighënta. Vintot é al dédaincö les ëres che fej pert de chësc cor, ëres liades dala medema pasciun por le ćiantè y da na bela amizizia. Le cor dles ëres, che à sciöche punt de forza la musiga sacrala, à metü man, dantadöt ti ultims agn, da mëte da jì colaboraziuns y proieć y da se fà conësce inće foradecà. Dl 2010 à les ćiantarines tut pert al ”Gesamttiroler Wertungssingen” a Desproch, cun dër n bun suzes. Ćiamò n conzert à le cor tignì a Desproch, dl 2011 tratan la nöt di museums, tl cheder dla mostra sura y ladins. En chësc ann à spo le grup tut pert ala 18ejima ediziun dl ”Landessingen” a Maran y plü inant, ai 8 de dezëmber, é le grup

de ćiantarines Kèrygma invié a ćiantè tl comun de Balzers, tl Liechtenstein, en ocajiun dla ”Alpenländische Chorweihnacht”.

N Cor nasciü da n grup de compagns Dl 1992 él nasciü a Badia inće n cor de ëi, metü adöm da compagns che gnô da esperiënzes desvalies cun d’atri grups dl paîsc. Le Cor di ëi de Badia â metü man cun n repertore de musiga da intrategnimënt, mo tosc ài metü man de se conzentrè sön la musiga sacrala. Le Cor di ëi ćianta dantadöt ćianties gregorianes, a capela, o inće cun l’acompagnamënt de stromënć. Mo de so repertore fej inće pert cianties plü modernes, portades dant por talian, todësch, inglesc y sambëgn por ladin.

Tröpes é les santes mësses, les funziuns , mo inće les manifestaziuns che le cor à abelì cun sües melodies y cun sües beles usc, nia ma a Badia y ti paîsc dlungia, mo inće foradecà: l’ann passè à le Cor di ëi de Badia tignì n conzert d’Advënt a Minca, por ejëmpl. En chësc ann à le grup festejé so iubileum cun na bela jita tl Friûl, olache ai à podü vijité les cités de Udin y Trieste.

Rengrazié cun na Santa Mëssa La festa iubilara à metü man por i dui cors cun na santa mëssa. ”Le ćiantè é la plü bela forma de oraziun”, à dit Monica Nagler dan altè; porchël à ćiantarins y ćiantarines orü rengrazié y laldè www.lauscdiladins.com

27


Val Badia

nr. 47 / 30 de november 2012

Cuta de turism y reorganisaziun

L’isté a Badia y Corvara

Tla sentada generala dl’AT Corvara/Calfosch à le presidënt Oscar Alfreider atochè deplü tematiches, danter chëstes la cuta sön le turism, la reorganisaziun dl consorz y dles assozaziuns y inće atochè val’ problematiches

Les assoziaziuns turistiches de Badia y de Corvara/Calfosch à podü presentè zifres positives por le turism de chësc isté Turism/2 - Crisa sö, crisa jö, les zifres dles assoziaziuns turistiches dl’alta valada ćiara ćiamò fora dër bun, sce an vëiga les statistiches de chësc isté. I sciori é stà indlunch deplü, mo an sa che ai stà inće manco dî, porchël ôl nen ester deplü por arjunje le medemo numer de pernotamënć.

Sce i sciori stê dl 2002 en media 6,6 dis en vacanza (d’isté), ési iniann ćiamò storć pro 5,8 dis. L’AT Corvara/Calfosch é jüda zoruch ćina al 2008, olache la sojornanza mesana dorâ ćiamò 5,3 dis. Iniann êra de 5,0 dis.

Plü sciori, plü nöts

Sambëgn é te intrames les assoziaziuns turistiches badiotes la gran sona de sciori che vëgn dala Talia. L’AT Badia à albü chësc isté le 73,3% de sojornanzes de taliagn, le 13,9% de todësc dla Germania y spo vëgnel cotan zoruch i ingleji cun le 2,6%. Inće pro l’AT Corvara/ Calfosch é chisc i pröms trëi marćià. I taliagn à fat fora d’isté le 74,15% dles sojornanzes, i todësc le 12,03% y i ingleji le 4,05%, Al edl dà le gran aumënt di sciori dal’Inghiltera, Paîsc Basc y Svizra che röia alerch d’isté. Respet al 2008 à l’AT Corvara Calfosch aumentè dl 69,01% i pernotamënć di ingleji, dl 26,55% chël di olandeji y dl 48,74% chël di svizri. L’AT Badia à presentè n confrunt cun le 2010. I pernotamënć di ingleji é chersciüs da chël ann incà dl 71,3%, chi di olandeji dl 10,9% y chi di svizri dl 71,7%. Sambëgn él da alzè fora che chisc trëi marćià à püch pëis sön la totalité dles sojornanzes, mo impò desmóstri che les campagnes de marketing fates foradecà à portè sü früć. (pablo)

A Badia, La Ila y San Ćiascian pòn ester de chësc vers dassënn contënć. Les gnüdes é chersciüdes chësc isté de bëgn le 9,7%, i pernotamënć demanco, mo inće ćiamò dl 5,4%, che é n resultat de döt respet. Les statistiches da Corvara y Calfosch mostra inće sö n sëgn positif. Les gnüdes àn podü aumentè dl 6,23%, i pernotamënć é romagnüs indere tanco anfat respet al ann passè, cun n plus lisier dl 0,18%.

Confrunt cun i agn passà Chi dl consëi dl’Assoziaziun Turistica Corvara/Calfosch.

Turism/1 - Le punt de Sant Ambroje s’avijinëia y cun chël podess mëte man la sajun da d’invern, inće sce por chi dis él ćiamò püćes prenotaziuns. An aspeta êrt l’or blanch dal alt, por podëi daurì les pistes. Por l’invern indere pêl che les prenotaziuns sides da ester contënć. I cunć fajaràn ala fin. Intratan à l’Assoziaziun Turistica Corvara/ Calfosch cherdè ite sü mëmbri por ćiarè zoruch ala sajun da d’isté. ”Al é tëmps olache i podun ester contënć inće sce ara va manco bun”, à dit le presidënt dl’AT Corvara/ Calfosch Oscar Alfreider. Inće sce la sajun ćialda n’é nia piada ia dër bun, àn por mirit dl bel tëmp chilò y dl gran ćialt dles citês impò arjunt de bunes zifres” (ćiara articul statistiches). Gran potenzial vëiga l’AT tl mëis de setëmber. Plü iadi él gnü proietè le pinsier da crëie deplü te chësc mëis. Le mëteman dla sajun é gnü antizipé cun i gragn evënć dla roda, y por la fin dla sajun cöion i pröms früć cun iniziatives sciöche chëra dl Orienteering.

Cutes sön le turism Ara ne n’é indere nia ma jüda de zifres. Le presidënt Alfreider à trat ca tematiches desvalies, danter chëstes chëra dla cuta de sojornanza (Tourismustaxe), olache al à constatè tröpa malinformaziun. La cuta de sojornanza dess garatè cun le 1. de jenà 2014; ara dess ester danter 1 y 2,00€ a pernotamënt y gnarà paiada deplëgn dal scior. Na secunda cuta, chëra sön le turism (Tourismusabgabe) n’é nia ćiamò fissa, à dit Alfreider, y ne gnarà sigü nia dan le 2016. Chësta dess ester na cuta paiada ite da dötes les categories che tira benefiz dal turism, nia ma ostis, mo inće artejagn y boteghiers. Alfreider à alzè fora che tl’AT Corvara/Calfosch él i sozi che paia scialdi ite, impò se dejidrëiel che la cuta vëgnes metüda sö. ”Öna dles

28

www.lauscdiladins.com

rajuns prinzipales”, nes dij le diretur dl’AT Damiano Dapunt, ”é chëra da podëi proietè cun scioldi sigüsc, savëi plü o manco ći che an po gestì”.

Le comitê esecutif Alfreider à spo anunzié la istituziun de n comitê esecutif. Chësc comité - che an podess inće definì na junta dl Consorz Turistich Alta Badia, é gnü metü sö iniann de forà. Ala pert é i presidënć dles AT Corvara/Calfosch, Badia y La Val - resp. Oscar Alfreider, Andy Pertot y Arthur Frenes, spo Stefan Costa por i comuns, i direturs dles AT dl’Alta Roberto Huber y Damiano Dapunt, Andy Varallo, Stefano Pezzei, Klaus Irsara y Claudio Canins. ”I ùn orü mëte sö n grup che se sëntes adöm plü gonot por tó dezijiuns plü debota”, à dit Alfreider, injuntan che le laûr tl turism é romagnü statich. ”I messun laurè atramënter, y chësc grup dess dè almanco en pert na sbürla”. Chësc comitê esecutif é inće rové adöm por n workshop olache al é gnü cernü les tematiches prinzipales che se ghira na reorganisaziun. ”Internet y le sît internet, l’organisaziun dl Consorz Turistich y dles assoziaziuns turistiches, y la pert dl marketing”, nes dij Damiano Dapunt. Cun chësc comitê taca inće adöm la orentè da tó sö n project manager por l’Alta Badia. An â inće bele scrit fora n post, por chël che 6 porsones s’â anunzié. ”Al momënt é döt n pü’ chit”, dij Damiano Dapunt. ”Naota messunse ti dè na organisaziun plü concreta al consorz, y definì i compić y les funziuns che chësta porsona dess surantó. Dedô sarunse inće arjignà da la tó sö.”

Prisc, laûrs y rezensciuns Oscar Alfreider à inće trat ca val’ problematiches plü liades al post. Al à n iade implü invié da mëte averda cun le pité prisc massa basc,

ći che po portè cun le tëmp te na smorzia. ”Chisc prisc ne i fej nia bun al turism. Chi che sciüra jö le prisc, fej n dann”, é stades sües parores. Trat ca àl inće les rezensciuns sön i portai de vacanza, olache al à splighé che an à dër püćes poscibilitês da se parè cuntra rezensciuns iniüstes. Sensibilité se damana Alfreider tl ćiamp dl frabiché: problematiches él sce i gragn laûrs vëgn fat tratan l’isté y sce lauranć mët bele man da doman adora da laurè de mascînns. Alfreider se ghirass chilò plü respet y regoles plü strëntes da pert dl Comun.

Bilanz aproè Tla sentada nen éra inće indô jüda di contribuć y bilanz. L’indesc di contribuć é romagnüs anfat: la cuota soziala romagnarà inant sön 26,00€ y i contribuć obligators fajarà fora le 0,38% dl faturé arjunt l’ann 2009. Por ći che reverda le bilanz de previjiun 2013, à i mëmbri dl’AT dè süa aproaziun. Chësc s’avaliëia sön la soma de 1,7 miliuns de euro. Inće l’AT messarà tignì cunt cun manco contribuć publics. Oscar Alfreider: ”Dala provinzia nes él gnü confermè i contribuć, ascortà dl 5%”.

Na nodadoia por l’Alta? Ala fin de na sentada plülere rica de argomënć, ti él inće gnü lascè lerch ales domandes dal publich. Danter chëstes él inće gnü damanè da valutè y se portè ite por realisé tl’alta valada na nodadoia publica, odon l’ejëmpl de ”Dolaondes” te Fascia o inće les nodadoies da Raiscia y Türesc. Nodadoies é gonot liades inće a zifres cöcenes, à dit le presidënt, y al sarà da odëi sce an ciafa porsones desponüdes da investì tëmp, energies y scioldi por la realisaziun de na te' strotöra. (pablo)

Che la sajun é - almanco por numer de sciori - stada dër buna, desmostra inće le confrunt cun i agn passà. L’AT Badia à por ejëmpl albü d’isté dl 2012 le 24,4% de sojornanzes implü respet al isté dl 2008. A Corvara é les sojornanzes chersciüdes da chël ann incà dl 11,63%. Interessant é inće le svilup dla dorada mesana dles vacanzes. L’AT Badia à portè dant pro süa sentada generala le svilup di ultims 10 agn.

Da ola vëgn pa i sciori?

Dolomites - tera ladina La prof. Ulrike Kindl inviëia da valorisé deplü le ladin Turism/3 - La professuria Ulrike Kindl é dozënta de germanistica tla Université Ca’ Foscari de Aunejia. Ara é na amanta de nüsc raiuns y inće de nosc lingaz . Danter sües publicaziuns alda le liber ”Ey de Net y Dolasila - Miti ladini delle Dolomiti” dè fora dal Istitut Ladin ”Micurà de Rü”, che é gnü presentè danter l’ater inće a Roma. L’A ssoz iaz iun Tur istic a Corvara/Calfosch à orü invié la professuria por tignì na relaziun sön l’importanza dl ladin tla comunica-ziun turistica. Aladô dla professuria podess le ladin ester na marcia implü por les Dolomites, che é incö n raiun patrimone UNESCO, ala pêr cun Yellowstone, Great Barrier Reef y d’atri sîć naturai de chësc monn. La munt - àra dit - é pordërt dagnora stè n teritore ostil, olache an à messü plü suravire co vire. ”L’invenziun dles Dolomites” sciöche ares vëgn odüdes incö teritore de regeneraziun, da fà sport, dl tëmp lëde, é por Kindl na conseguënza dla ”industria turistica”, de n gran laûr de marketing fat dai operadus dl turism. Kindl à dit che le turism é fondamental por chisc posć, mo

inće che l’identité ladina é ćina incö stada liada ma al monn pauril y n’à nia ciafè lerch tl turism modern. Do süa minunga él la nezescité da la proietè al dagnì, zënza desmentié sambëgn ći che é stè. ”Al é da superè le trauma danter passè da zacan y Dolomiti Superski”. So impuls é chël da lié inće le Superski al ladin. ”Ai ladins i mànćel la consapevolëza che le ladin é n patrimone”. Tla promoziun dl turism podess le ladin ester chë marcia implü: ”La dërta marcia implü é che les Dolomites é tera ladina. Al n’é nia ma le lingaz, al é inće la cultura.” Kindl à constatè che tla maiù pert dl’Europa ne sàn gnanca ći che le ladin é. La parora ladin ne descëda incö degünes emoziuns. Porchël àra invié da lié le ladin ala imaja dles Dolomites. La vijiun de Kindl foss chëra da lié l’imaja dles Dolomites ala tera ladina. ”Chësc portass a na gran visibilité dl ladin y foss na gran sbürla por l’identité.” Stlüt jö àra süa relaziun dijon che le plurilinguism é n sorvisc, le ladin é l’anima. Ara à invié da mëte pro dötes les manifestaziuns le ladin al pröm post, dan i atri lingac. ”La maiù pert di sciori ne se lasciarà nia sö”, é süa convinziun, ”ai gnarà coriusc da savëi deplü”. (pablo)


Val Badia

nr. 47 / 30 de november 2012

Le bilanz de na sajun cun na odlada sön le dagnì Anter les tematiches tratades tla sentada dl’AT de Badia inće la introduziun dla cuta de sorjonanza, son chëra che le presidënt à orü mëte tlarëza Le diretur Huber, che dij de ester contënt de podëi ti jì instës do al laûr de comunicaziun cun i media, ti à spo presentè al publich le projet de co-marketing che le Consorz dl’Alta Badia à metü da jì deboriada cun la ligna de botëghes ”Sportler”, che complësc en chësc ann 35 agn de ativité. Por chësc iubileum à ”Sportler” organisé n concurs y l’Alta Badia à metü a desposiziun, sciöche pesć, 35 fins dl’edema te nosc raiun, ciafan sciöche barat n bun retlam.

Raiuns zënza fis

Rapresentanć dl turism cun l’ombolt de Badia.

Turism/4 - Dan le mëteman dla sajun da d’invern, che é oramai dan porta, s’à ćiamò abiné i sozi dl’Assoziaziun Turistica de Badia, en mercui ai 21 de novëmber tla Ćiasa dla Cultura da La Ila, en ocajiun dla reuniun generala. Al é gnü ćiarè derevers, ala sajun da d’isté. Y an ti à dè na odlada a chëres che sarà les novitês por l’invern che vëgn. N ater argomënt che é gnü tratè é la introduziun dla cuta de sojornanza (Tourismustaxe) y dla cuta sön le turism (Tourismusabgabe), ”argomënt sön chël che al é ćiamò na gran confujiun” - à dit le presidënt dl’AT Andy Pertot. La oferta turistica, pitada dal’AT tratan l’isté, é gnüda portada dant dal diretur Roberto Huber; na oferta che é, suradöt tl mëteman, conzentrada scialdi sön le turism dla roda. La sajun da d’invern po indô se lascè sön manifestaz iuns b ele dër conesciüdes, sciöche la gara de

Copa dl Monn y la Chef’s Cup. Mo al ne manćiarà nia les novitês, a mëteman dal ”Gourmet Ski Safari”, che inaodarà la sajun dai schi, en domënia ai 2 de dezëmber. Nü é inće le proiet ”Alta Badia Magic Nights”, portè dant dala ostira Marina Crazzolara, n proiet che vëgn metü da jì da 12 gesturs de locai che pîta intratenimënt da sëra, en colaboraziun cun le Consorz di Vins de Südtirol. Al gnarà dè fora n codejel che porta dant i locai olache i sciori po jì a se devertì da sëra. Le proiet prevëiga inće n jüch cun pesć, por chi che va a se bëre n gote de proseco te chisc locai, jüch che é resservè a chi che à complì i 18 agn.

L’Alta Badia sön la stampa La gran importanza dl laûr che vëgn fat dal ofi ze stampa, por

portè l’inom dl’Alta Badia fora por le monn, àn spo orü alzè fora. 60 é i jornalisć che é ruvà adalerch d’isté, dala Talia, dai Paîsc Todësc, dal’Inghiltera y dal’Olanda. De messè à l’Alta Badia podü se fà retlam, cun le proiet ”Bike Sharing”, tres n ”banner” sön la plata internet larepubblica.it, plata prinzipala de informaziun dla Talia. Le ”Bike Sharing” à portè na gran visibilité a nosc raiun, nia ma tla Talia, mo inće tl’Inghiltera: de chësc proiet él gnü scrit sön le ”Financial Times”. N’atra iniziativa che à porté visibilité al’Alta Badia a livel mediatich é ”Alta Badia Sanité”, de chël che al é gnü scrit por ejëmpl sön la revista taliana ”Essere Benessere” y sön le foliet ”Wienerin”. Chisc y ćiamò zacotan’ d’atri é i articui sön l’Alta Badia che é gnüs publicà te revistes talianes, todësces, mo inće olandejes y rusces, sciöche inće i videos trasmetüs por televijiun.

Gran importanza i él gnü dè al proiet de realisaziun de raiuns wi fi incër i ofizi dl’AT, a La Ila, Badia y San Ćiascian. ”Internet é oramai deventè indespensabl por le scior, che ô ester tres informè y podëi partì ponsiers y fotografies tres i social networks. Implü deventass i ofizi punć de incuntada y tres i dać personai di sciori ésson la poscibilité de mëte en pé aziuns de direct marketing”, à splighé le diretur Roberto Huber, che à spo ćiamò injuntè che le plü gran vantaje de chësc proiet stà te so cost, dër limité, de 1.750,00€ al ann por düć trëi i raiuns.

”Arjignesse da fà val’sacrifize” Tratan l’assemblea él inće gnü atoché n valgünes problematiches. Anter chëstes à le presidënt Andy Pertot sotrissé la nezescité da pert di sozi de mëte a desposiziun ćiamenes, sce an ô che al vëgnes organisé de gragn evënć y da se arjigné da fà inće datrai val’sacrifize, tignan davert deplü, sce val’avenimënt se le damana.

Pertot à spo ćiamò portè dant les critiches ruvades adalerch da sciori che ne n’à nia ciafè la desponibilité de ćiamenes, dades dant dal’AT. “Chësc ne po nia plü sozede”, à avisé le presidënt. Dô avëi podü ascutè sö les statistiches, scialdi positives (ćiara articul statistiches), é spo i sozi gnüs cherdà a dè pro le bilanz de previjiun por le 2013, bilanz che se avaliëia fora sön 1,4 miliuns de Euro y che é gnü aproè al’unanimité.

La cuta de sojornanza La cuta de sojornanza ê un di argomënć sön le ordin dl dé, n argomënt sön chël che le presidënt, Andy Pertot à orü mëte tlarëza. “La lege che prevëiga chësta cuta messarà gnì aprovada dala Provinzia da Balsan anter chësc ann” – a splighé Pertot. “La cuta de sojornanza, che gnarà aplicada a pié ia dal 2014, vëgn paiada dal scior”, à sotrissé plü de na ota le presidënt, cuta che messarà gnì dada jö al Comun da düć chi che afita leć. Bonamënter sarà l’import de 1,00€ por pernotamënt. La soma che gnarà trata ite sarà destinada de plëgn a intervënć tl setur turistich. 18 é i miliuns de Euro che la Provinzia se tol dant de trà ite tres chësta cuta. Sce an ne ruvarà nia a chësc import spo gnaràl portè ite la cuta sön le turism (Tourismusabgabe), che azica dotes les categories che vir diretamënter o indiretamënter de turism y che vëgn calcolada sön la basa dl faturé. Chësc sozedarà te cater agn. Deplü é stades les domandes che é gnüdes fates tla finada sön la cuta, cuta che descëda polemiches, mo che, metüda dant da na lege, vel por düć. (kp)

Manifestaziuns y novitês Pro les reuniuns dles Assoziaziuns Turistiches él gnü portè dant les manifestaziuns che é stades chësc isté y chëres dl’invern che vëgn Turism/5 - Na gran varieté de manifestaziuns pîta le Consorz turistich Alta Badia a sü ghesć . Sportives, gastronomiches y culturales, orientades a gragn y pici é les manifestaziuns che mët adöm l’oferta turistica.

L’isté tl sëgn dla roda Tres plü important vëgn le turism dla roda. N gran suzes à albü en chësc isté le proiet “Bike Friendly”, a chël che bëgn 41 eserzizi à tut pert. “L’obietif dl proiet é chël de ti pité al ziclist döt chël che al adora”, à dit Roberto Huber, diretur dl’AT de Badia. Passa 18.000 partezipanć à albü en chësc ann le pröm apuntamënt dl “Sellaronda Bike Day”. De setëmber àra n pü’ scechè cun le tëmp, mo impò é za. 4.000 chi che à tut pert. L’evënt por ezelënza dla roda é spo la “Maratona dles Dolomites”, che à albü por l’ediziun che é stada bëgn 29.000 domandes de partezipaziun. Gran visibilité al raiun dl’Alta Badia à portè l’inziativa de imprëst de rodes

eletriches sö alalt, le “Bike Sharing”. Mo le turism dla roda porta inće problematiches: “i ziclisć é intres deplü y chësc cheriëia problems suradöt fora de strada, canche ai ne stà nia tles sëmenes y röia sön grunć de privać”, él gnü dit dal diretur dl’AT da Corvara/Calfosch, Damiano Dapunt.

Na vacanza de sanité y bëgnester Che les presënzes cara do la “Maratona” él dagnora gnü dit. Porchël àn metü da jì n proiet nü: ”Alta Badia Sanité”. Al intern de chësc proiet él gnü pité deplü ativitês. Importanza i él inće gnü dè al mangé: na derzada cheriada da n nutrizionist à i ghesć podü ciarcé en ocajiun de “Paîsc in Festa”. La iniziativa, che à plajü a tröc, gnarà portada inant inće n ater ann. Por le terzo ann indolater él spo gnü metü da jì l’evënt gastronomich ”In vetta con gusto”, mo en chësc ann él inće gnü ponsè ai mituns, a chi che an à orü ti pité na alimentaziun plü sana y

ecuilibrada.

Plü pëis ala cultura Tres deplü é spo les manifestaziuns a carater cultural. Dër n gran suzes à dagnora ”Incontri con l’autore”. Por avijiné i turisć ales tradiziuns y ala cultura de nosc raiun él gnü metü da jì en chësc isté “Tl ćiastel dles liëndes”, “ArtEmoziun”, na spazirada da sëra tres le “Tru di artisć” y, cun le contribut dl Comun, él gnü realisé a Badia le “Tru cultural”. Aprijé vëgn spo dagnora le Rait de San Linert, che é en chëst ann gnü desfiré sot la nëi. Tröpes d’atres é spo ćiamò stades les manifestaziuns de chësc isté, p.ej. le “Adrenaline Show”, le conzert dla cover band “Merqury”, “Paîsc in festa”, “Stars on Ice” ,“Summer for kids” y “La Jöbia de Corvara”.

Iniziatives “vërdes” N gran pëis, te n monn tres plü ajié, ciafa les iniziatives ecologiches. A la terza ediziun é ruvada “Eco

Dolomites”, la roda dl Sela cun mesi eletrics. De bugn resultac à portè la iniziativa “Stop, anche la macchina va in vacanza”, che à garantì n sparagn de passa 5.000 kg de CO2.

Puntè sön setëmber Trà adalerch sciori inće de setëmber é un di obietifs dl consorz turistich. Deplü é porchël les manifestaziuns che vëgn metüdes da jì te chësc mëis, sciöche le “Sellaronda Trail Running”, gara da saltè incër le grup dl Sela, che à albü 185 partezipanć, le “Sellaronda Bike Day”, y le “Orienteering”.

I evënć dl invern Por ći che reverda les manifestaziuns che gnarà metüdes da jì tratan l’invern, s’àlzel fora la gara de Copa dl Monn, che sarà ai 16 de dezëmber y la “Chef’s Cup”, che jarà dai 20 ai 25 de jenà. Al gnarà organisé gares de ćiavai, spetacui cun i schi, le marćé da Nadè a Corvara, le BMW xDrive Live. Anter les novités él la noza da paur

che gnarà portada dant de forà a San Ćiascian y la cripele viënta che i ministranć de Badia fajarà a San Linert. La colaboraziun cun le consorz de vins de Südtirol se fej plü strënta: adöm cun le “Dé dl vin”, che sarà de merz, gnaràl inće metü da jì n concurs por düć chi che se bër n got de vin tles üties che tol pert ala iniziativa. Sambëgn jarà spo inant la iniziativa de gran suzes “Sciare con gusto”, che arà en chësc ann na novité. Da mangé ne saràl iniann nia plü taîs, mo “stuzzichini”. Por promöie chësta iniziativa vëgnel organisé ai 2 de dezëmber le “Gourmet Ski Safari”: sis coghi cujinarà te sis üties spezialitês de “slope food”, da mangé in pé, sciöche pro n aperitif. “L’obietif dl ‘Safari’ ne n’é nia chël de fà gnì adalerch tröpa jënt, mo suradöt jornalisć, por ti dè la pröma sbürla ala sajun da d’invern”, à dit le diretur dl’AT de Badia. 40 sarà i jornalisć che tolarà pert al “Safari” y bonamënter - antizipëia Huber - ruvaràl adlerch inće les telecameres de “Striscia la notizia”. (kp) www.lauscdiladins.com

29


Val Badia

nr. 47 / 30 de november 2012

Le Consëi dles Cöres é en pé Secundo gran vare por la istituziun dla Unité Pastorala Val Badia: a San Martin él gnü nominé le Consëi dles Cöres, che laurarà inant por rové ala costituziun ofiziala. Pröma surastanta é Anna Maria Fiung

I mëmbri dl Consëi Ploans y curać

La Pli Al Plan Rina San Martin Lungiarü

Antermëia Siur degan Iaco Willeit Siur Pire Irsara Siur Franz Sottara Siur Andreas Perathoner La Val Siur Heinrich Perathoner Siur Heinrich Ellecosta Badia Siur Paul Campei

Zeno Tolpeit Anna Maria Fiung Rita Pitscheider Lerchegger Martina Glira Pitscheider

Paul Felix Rigo Jan Willeit

La Ila

Lois Kastlunger Patrick Frenademez

Fortunato Ferdigg Clara Mühlmann Call

San Ćiascian

Marlis Frenademez Hubert Pescollderungg

Annelies Zingerle Gertrud Ellecosta

Corvara

Edith Canins Kostner Klaus Taibon

Tone Gasser Helene Chizzali

Calfosch

Alma Pizzinini Hanny Vollmann

Emma Clara Christian Clara

Dlijia - Vigni tru mët man cun le pröm vare. Insciö inće chël por la istituziun dla Unité Pastorala Val Badia. Un di pröms gragn vari ê gnü fat dan apresciapüch n ann. Ai 24 de novëmber dl ann passè êl rovè adöm a Badia i proi y i consëis de cöra dla valada por baié de cô che an ess podü invié ia la Unité. Te chë ocajiun êl inće gnü alerch le vicar general Josef Matzneller y le diretur dl Ofize Pastoral dla diozeja siur Eugen Runggaldier. Chësta sëra êl nasciü n grup de laûr, che à spo metü man da laurè dl vers dl travert dla Unité. Feter n ann dedô, i sun ai 20 de novëmber de chësc ann, àn fat le secundo gran vare: la costituziun dl Consëi dles Cöres dla Unité Pastorala Val Badia. A San Martin él rové adöm i 24 rapresentanć metüs dales 12 cöres dla valada - al n’é dui por cöra, y i ploans y curać. Tut pert à inće le grup de laûr che â arjigné ca le tru chësc ultim ann, te chëra che an tlama la fasa de proietaziun. Patrizia Schwienbacher y Gottfried Ugolini à acompagné le grup de laûr tl pröm ann de preparaziun, y te chësta ocajiun ài en cört portè dant le laûr che é gnü

30

Salvester Promberger Silvia Forer

www.lauscdiladins.com

fat. An à suradöt laurè sön l’informaziun y la sensibilisaziun, al é gnü analisé la situaziun y i bojëgns de nostes ploanies, y sambëgn él gnü perié por le bun garatè dla Unité. Chësc pröm grup à laurè fora deplü tematiches, che an aratâ de pëis: la catechesa di sacramënć, le laurè y organisé deboriada, i eserzizi tla vita da vignidé. Un di

traverć ê insciö chël da laurè tres plü adöm, se daidé fora y portè inant deboriada iniziatives de importanza.

La lîta Te chësta pröma serada êl inće da lité i surastanć de chësc consëi. Tla inćiaria da surastanta dl consëi é gnüda litada a gran maioranza Anna Maria Fiung da La Val, vize é gnü lité siur Pire Irsara da Oies, y la inćiaria da scrivan ti é gnüda metüda tles mans a Zeno Tolpeit da La Val. Le Consëi dles Cöres é metü adöm inscö da 31 porsones. Laprò alda i 24 rapresentanć dles cöres, i 6 ploans y curać y le moderadù (por todësch “Leiter”) tla porsona de siur degan Iaco Willeit. Le Consëi dles Cöres arà śëgn da jì inant cun i laûrs metüs man dan da n ann. La pröma incuntada é bele fissada y gnarà a s’l dè de forà dl ater ann. Cun la nominaziun dl consëi éson śëgn passà tla secunda fasa, chëra de realisaziun, che dorarà plü o manco n ann, denant co rové ala terza y ultima fasa: la costituziun ofiziala dla Unité Pastorala Val Badia, da pert dl Vësco. Te chësta secunda fasa

él preodü inće cursc de preparaziun por i mëmbri dl consëi, sön tematiches desvalies dla pastorala.

tutes dal consëi dles ploanies arà valüta por düć i consëis de cöra dla valada.

I compić dl consëi

Na chance por i laics

Ći che toma ite sot ai compić dl consëi pòn lì tles diretives dades fora dala Diozeja. Ilò stàl scrit che le Consëi à l’inćiaria da: 1) promöie la colaboraziun dles ploanies, di consëis de ploania, dles uniuns catoliches, dles comunitês, grups y istituziuns tla Unité Pastorala; 2) sostignì la pastorala tles ploanies; 3) mëte en pratica le program por la pastorala che é gnü laurè fora tla fasa de proietaziun. Interessant y important da savëi él inće che les dezijiuns che gnarà

La manćianza de cherdades da prou atuala porta a na maiù responsabilisaziun di laics. Ći che an po inće intëne sciöche na chance por vigni porsona batiada da dè so contribut al vire de vigni ploania. Al é inće na ocajiun por se fà pinsiers sura la vita pastorala de nostes ploanies y daidé para ativamënter. Al ti va porchël n gran dilan a düć chi che s’impegnëia y dà ca de so tëmp por la vita spirituala te nosta valada. (Zeno Tolpeit/pablo)

Le Consëi dles Cöres dla Val Badia cun i acompagnadus dl grup de laûr Gottfried Ugolini y Patrizia Schwienbacher. (Foto: Zeno Tolpeit)


Val Badia

nr. 47 / 30 de november 2012

Dal’Etiopia a Roma “Letres ala uma da pert dla fia gnüda t’Europa” Tredescejima pert/Nona letra, di 13 de merz 2006. Villa Lajim, Tripolis. Ćera mama, da doman adora pôn avëi chilò na odüda de morvëia. An alda le rausciamënt dl mêr y bindićé vài sö sön terassa por l’odëi da dalunc. I somiëii cun i ödli daverć da le passè ia por arjunje l’Europa. Cun le pinsier sciampi lunc dala realté te chëra che i viri. Sce te savesses tan bel che al é da odëi orì sorëdl da chilò! Ćina śëgn ne l’ài mai aprijé, dantadöt nia tratan nosta traversada dl desert, canche i ne odô indere nia l’ora che al arsiss la scurité por podëi lascè palsè nüsc muscui stabacià. Da sëra me perdi sön terassa cun amiré la löna y les stëres. Al n’é tan tröpes! Mo, poste tö les odëi? Ći fêjeste pa döt le dé? Dla cité ne pòi cuntè nia, i ne l’à nia nu. I va fora püch, deache i me tëmi che la polizia me archites o che val’ lasarun me fejes mè. Al me plajess dër da jì te cité, por l’odëi, sambëgn, mo i ne po nia me mëte al prigo. Śëgn n iade é dötes mies forzes ôtes söl laûr y al iade cuntra le Vedl Continënt. Tl dagnì speri da podëi imparè da nodè y da me gode le mêr söla pel, da avëi na ćiasa döta por me y n urt desco chël dl scior Mahmud, y da podëi stè posta por ores söl’erba frësca zënza che zacai me slomënes. Ćera mama, n iade grana oressi vire na vita contënta. Töa Simret, che t’ô n gran bun Catordescejima pert/Diejima letra, di 30 d’aurì 2006. Villa Lajim, Tripolis. Ciao mama, pordóneme sce i te scrii do tan de tëmp. Chësc mëis y mez ài laurè cotan. I à podü festejé la Pasca, por merit dl scior Tekle, che é gnü a me tó y m’à ospité da ël a ćiasa por n’edema alalungia. Desche i fajôn tl’Etiopia, sunse jüs en Vëndres Sanć a perié te na dlijia copta egiziana. I sun jüs ilò ćiamò n iade la domënia por tó pert ala santa mëssa de Pasca y i ùn incuntè n gröm de eritrês, etiops y agizians. Te n’es nia bona da t’imponsè

n’es nia chilò y che to öt ne po nia gnì implì fora. Töa Simret

Le cuêrtl dl liber tla verjiun taliana, editur: terredimezzo.

tan de bun patüc che i ùn cujinè y mangé: danter l’ater, zighini cun ćern de bîscia y dulot cun alichia. La fomena dl scior Tekle à salpü dër, ara à arjigné ćinamai la suwa cun na gran cuantité de ingera y hinbascia por l’acompagné. Al ê mëisc che i ne mangiâ nia nosta spëisa. Do marëna unse inće fat le cafê desche tö fajôs canche te inviâs töes compagnes a ćiasa y le sorvis cun incënsc, popcorn (sëgn de bëgnester y de prosperité danter i eritrês) y erbes de ćiamp mefodër coiüdes. Por n momënt m’àl parü da ester ruvada indô tl’Etiopia. Ai m’à inće scinchè dër n bel guant libich che i m’à vistì por la festa, olache i à balè döta la sëra. I à imparè le cudda, n bal eritrê tipich, y inće sce i ê davëi incompra ti movimënć m’ài divertì dër tröp. A tröc i ài cuntè de mia intenziun da arjunje l’Europa pornanche ara va, insciö él stè tla finada dla festa val’ ghest che à coiü adöm spënores y m’les à spo dades por me daidé... Al m’é davëi jü a cör le fat che zacai à fistidi por me. I arati che i porvarà da pié ia chësc isté, danter messè y agost. T’âs tö rajun, mama, canche te dijôs che al é dagnora na frogora de speranza. Le scior Tekle m’à dit che i ne dess nia bradlé tan tröp, deache tröpes lagrimes ruvina i ödli. Él mo vëi? Sambëgn che tö

Chinescejima pert/Önescejima letra, di 16 de messè 2006. Villa Lajim, Tripolis. I à na gran novité da te cuntè. Inier él gnü a me ciafè le scior Tekle y al m’à dit che chisc dis podessi bunamënter pié ia. Ël instës gnarà a me tó, y al m’à metü a cör dantadöt döes cosses: che i dess ester arjignada por che i ne pordunse nia tëmp y che i ne dess ti dì nia de mi iade ala familia por chëra che i laori. Le scior Tekle instës se lasciarà tomè ite val’ vêrtora por iustifiché mia assënza y menarà n’atra ëra impede me. Chisc mëisc tla Libia ài metü a saul 500 dolars. Val’ dolar laprò ài coiü adöm cun les spënores, de chëres che i t’à bele cuntè. Al rest dla soma ponsarà le scior Tekle y söa fomena. I sun dër contënta y tl pinsier me stài inće n pü’ ert por chësc iade. I ne sa nia da nodè, y i ne sa nia te ći condiziuns che la barca che i tolarun é. Sce i sun sinziera me tëmi, plü co me debité. L’idea da me trasformè te n past por i pëscćians ne me ralegrëia pa nia massa. Mo dl ater vers n’ài nia alternatives. I n’à degun documënt cun me y inće sce i ess n passaport ne me conzedess degügn n visum por jorè cun le fligher ia dal’atra pert, dè pro che chësc meso foss plü sigü, mo i ne crëii pa nia massa. I viri chësta esperiënza bun y mal. I me pënsi fora y i me tramënti le ciorvel sön cara che sarà la dezijiun da tó. I i sun stada do tan dî a chësc som y śëgn che le momënt é gnü me cöi la tëma. Spo indere pënsi che i ne po nia passè döta mia vita fajon la ćiasarina y i crëii che tö pos me menè y me sconè. I te scriarà canche i sarà ruvada t’Europa. I te cuntarà de mi iade. Ciao mama, i t’ô tan bun. Töa Simret Va inant tla ediziun che vëgn cun la publicaziun de d’atres “letres ala uma”, trad. dal tal. tl lad.: ir

Al é gnü fora le “Calënder Ladin 2013” Al é l’ediziun numer 52 dla “pratica ladina” Publicaziuns - Le Calënder Ladin 2013, dè fora dal’EPL-Ert por i Ladins, i dà indô tröp pëis ai retrać vedli, ales stories cörtes y ales poesies. Les poesies é chëres gnüdes premiades al Pest de poesia “Angelo Trebo 2012”, scrit fora te söa (sesta ediziun) por le pröm iade por dötes les variantes ladines. Cuntè vëgnel inće spo söla vita de döes personalitês dla Val Badia: Lola da La Val y Lois d’Lena da Calfosch. Inće deplü söl jenier pôn ciafè te chësc calënder. Le cuêrtl y i mëisc é gnüs ilustrà chësc iade dala fotografa artistica Karin Pizzinini. Le Calënder Ladin 2013 vëgn venü al prisc de 13,00 euro da porta a porta tla Val Badia dal maester Albert Daverda y an po inće le ciafè da cumprè tles botëghes Mutschlechner a Longega y La Mascotte a Al Plan de Mareo.

spo la leteratöra ladina ciafè vigni ann söa lerch.

Festa de presentaziun a Al Plan de Mareo La festa de presentaziun dl Calënder Ladin gnarà tignida le dé vëndres ai 7 de dezëmber 2012, dales 15.00 inant tl foyer dl Hotel Teresa a Al Plan de Mareo. Te chësta ocajiun gnaral inće söl post deplü colaboradus dl Landesarchiv da Balsan por cuntè sön l’ativité di cronisć, y al i gnarà surandè a na porsona che s’à fat merić de chësc vers n bel reconoscimënt. Dedô saral l’uniun EPL-Ert por i Ladins che tignarà söa sentada generala.

Les carateristiches dl Calënder Ladin Al dess sambëgn presentè i dis ia por l’ann nü, i planëć y les regoles dl tëmp. Laprò déssel portè informaziuns sön nosta jënt i agn passà, lascè cuntè la jënt vedla di agn da laôta. I reatrać vedli dess inće testemonié la cultura y la sozieté di agn da laôta. Le tëmp passè é de gran valüta por nosc tëmp, nos désson savëi ći che nes é jü danfora. Tl Calënder dess inće

Le cuêrtl dl Calënder Ladin nü.

www.lauscdiladins.com

31


Letres y Sport

nr. 47 / 30 de november 2012

Mudazion dl Statut de Autonomia

L viac a Aosta se à paià

Pruposta SVP: prupaganda litela o mpëni per do la veles? Ne sé nia sce l ie da vester cuntënc o plutosc mé da se fé marueia che la SVP se ntënd do carant’ani che i ladins ie tratei piec che i autri y prejënta coche prima na si pruposta de mudazion dl Statut de Autonomia, do che da 20-30 ani incà ti vëniel metù sun mëisa te uni bona ucajion la ngiustizies de na scunanza massa dëibla y l bujën de mudé la regules fundamenteles. Mo danter l 1997 y 2001 iel unì prejentà na lingia de prupostes, vel’ una nce sotscrita

dai deputac dla SVP, ulache la ghiranzes di ladins, formuledes a puntin te usservazions al Parlamënt, te dumandes dla Region y te n dessëni de lege costituzionela aposta ne à giapà puecia y deguna cunscidrazion. Y sën, cin’ menuc dant la dodesc, prejënta la SVP si pruposta, savan che la ne unirà nia trateda da chësc Guviern y Parlamënt, ma mé dai proscimi sce la vën prejenteda da nuef. Propaganda litela o mpëni per i proscimi deputac? Uderon! Tan

bona che la pruposta ie, iel miec iudiché canche la unirà prejenteda da nuef. Na prima udleda me dij che l ie segur l cunfront plu scerio dal Pachet incà che la SVP fej cun l Statut y i ladins, ma che l mancia mo n iede n dessëni urganich de parificazion sustanziela dla grupa ladina y nsci resta la carateristiches negatives dla dependënza y sotscunanza di ladins, nce sce l unissa strupà plu loces, nia dutes y nia dutes dl drë’ viers. Carlo Willeit

tl će val’ de te’: n inom che le foliet ladin podess se vistì n bel dé, an ne po mai le savëi! ”La Ladina”. A me me plejel dër, n pü’ plü asvelt

y cört, adatè ai tëmps d’aldédaincö!

L’inom d’La Usc Stimada redaziun y aministraziun d’La Usc di Ladins, pinsiers pòn bëgn se fà y insciö éra stada por me iniann d’isté che al m’é gnü

Paul Zardini, Al Plan de Mareo

Ora da mudé politica! I media è oblià da i ćiarè söi dëić ales aministraziuns publiches por controlé ći che ares fej cun i scioldi publics, sciöche ares i dà fora. Zënza control ne funzionass degüna democrazia ombolt y a sü aconsiadus ti ê le consëns por les proscimes lîtes sigü. Döt bun insciö, podésson aratè? Dldöt nia.Cun la costruziun de chëstes infrastrotöres n’êl nia de fat. Al é les spëises dedô che mëna i comuns tres plü sot ti parüs di debić y che sforza sëgn da tó mosöres de sparagn che an ess podü schivé sce an foss stà plü modesć. Śëgn él cinch dan les dodesc. Plü co gran ora por dè ôta. Y gran ora che le govern provinzial realisëies ći che al â impormetü canche al â metü man d a n c at e r a g n . M a n co infrastrotöres. Plü investiziuns ti ćês.” (Arnold Sorg)

Na osservaziun Lois Trebo.

Politica - Chi dla politica n’alda de vigni corù, aladô ći politica che ai fej. Les critiches röia gonot sön mësa dla politica canche al é ma plü püch da mudé, mo miù tert co mai! En jöbia ai 22 de novëmber 2012 - al ê le dé de Santa Zezilia - él gnü publiché dal jornalist Arnold Sorg sön le foliet ”Dolomiten” tla pröma plata n pice articul interessant dal titul ”Höchste Zeit für eine Kehrtwende” - Gran ora da oje plata! Deache al trata n argomënt che é inće dër atual por nostes aministraziuns ladines, le porti deplëgn por ladin cun lizënza dla Redaziun dl foliet Dolomiten!

De te’ domandes crëii che de nüsc comuns ess inće dadî messü se fà. Cun plü costruziuns l’àn vagada n pü’ massa; an â orü fà n pü’ i gragn, mostrè che an l’â buna cun Balsan, spo ciafân pö i scioldi y indô les usc! An ne s’à nia damanè sce al orô bëgn ester frabicać tan gragn, sce val’ de

mënder l’ess inće fata! Nia ponsè ne n’àn ai cosć por mantignì dötes les infrastrotöres: scores, ćiases de cultura, magazins, palestres, ćiamp dl sport, straduns, iluminaziuns publiches, pré da golf y plaza dala dlacia. Śëgn dlot i debić fać ala lisiera y les infrastrotöres n gromun de scioldi che manćia por tröpes d’atres cosses che jiss debojëgn. Da Balsan ite a petlè da doman adora ne jaràra danz no plü da jì, s’à pö Roma tignì cotan de miliuns che foss dla Provinzia. Le "sistem" Südtirol che i governanć à cherié a Balsan à metü man da gracè y manacia da ji en broda. Tanć l’à pa daidé tignì en vita, deache ai n’aprofitâ y al ti an ê anfat, ći politiga che al gnê fat. N’él nia gnü copié n pü’ massa dal "sistem" da Roma? Unse ćiamò rajun da coionè i taliagn? Al va debojëgn tla politica döt d’atres porsones, frësches y sinzieres, che investësc ti ćes plü co te strotöres a fà i gragn. Al mëss gnì romenè fora le frat y invié ia na politica provinziala iüsta por le bëgn dla comunité. (Lois Trebo)

Le comentar ”Sparagna a tëmp, spo n’aste tla stënta” - Chësc dit ess le govern provinzial bëgn denant podü se tó a cör. Mo nia de chësc. Vigni paîsc - ćiamò tan pice - ciafâ na süa plaza dal sport y sü locai por manifestaziuns. ”Poh a ći moda pa nia?”, gnôl dit.I scioldi ê dan man, porchël gnôl frabiché. La politica provinziala s’assigurâ insciö les usc di litadus. Y inće al

32

www.lauscdiladins.com

La nodadoia d’Al Plan é n ejëmpl de na strotöra che à messü gnì stlüta por gauja dles spëises.

Cater atletes dl Eisclub Gherdëina à fat pea pra la prima garejeda naziunela de jadiné artistich resserveda ala categuries ”advanced novice” y ”juvenile” Jadiné artistich - Passa 500 chilometri iel da furné da Gherdëina nchin tla Val d’Aosta y perchël iesen bele muec n vënderdi ai 23 de nuvëmber per ruvé per tëmp y ëura a fé pea pra i alenamënc ntëur la cater domesdì. Tl bel palaz dala dlacia de Aosta – tl zënter sportif ulache l ie danter l auter nce ciamps da fé ala codla, rugby, da jì a ciaval, na pista da atletica alalergia y una dedite da 100 m, ciamps da tennis, nudadoies, palestres d’arpizeda y nsci inant – fòvel na bela temperatura da se n sté saurì, ma la cundizions dla dlacia fova sambën mpue autramënter de coche n fova usei y perchël iel drët che n possa la purvé ora y se usé. Pra la prima garejeda naziunela de chësta sort, n sada ai 24 y n dumënia ai 25 de nuvëmber, se òvel scrit ite truepa atletes y atlec y n fova sfurzei a scumencé bele dala ot daduman per finé do la nuef da sëira. La prima atleta de Gherdëina a jì sun dlacia pra la ”novice” fova Anna Runggaldier, che ova da se museré cun 24 d’autra atletes. Tl program curt ti iel garatà de ruvé al bon terzo post ntan che Pia Demetz se à tlassificà per ntant al 18ejim post. Tla categuria dla majeres, la ”juvenile”, se à Nora Rossetto plazà al setim post mustran sun dlacia feter dut si repertore. A

Daniela Delago ti sciacòvela mpue y nsci fova ëila do l short al 21ejim post. N dumënia jìvela inant cun l program lonch. Pia ova trat ora l numer ot y jiva sun dlacia sciche terza dla segonda grupa. Miec che l di dant ti ie garateda la Kür y Pia ie stata bona de se miuré de una na posizion te tlassifica finela ruvan al 17ejim post. Sciche prima dl’ultima grupa ie Anna jita sun dlacia, ëila desmustrova gran segurëza ntan dut si program, te si ultim saut puech dan la fin iela tumeda sun l dopl axel y nsci se àla arjumà per nianca mez n pont de ruvé sun l podest. Cun n cuarto post pòssela zënzauter vester cuntënta. Venciù à te chësta categuria Chiara Mattana dan Vanessa Dalla Vedova y Anna Rossanese. La majeres ova si garejeda dala cinch domesdì inant. Daniela Delago ie resteda al 21ejim post nce sce la ie stata bona de se miuré de na posizion tla Kür. Nora Rossetto à mantenì si setim post, n bel resultat cun chël che la atleta de 16 ani fova nce scialdi cuntënta. Dut adum iel stat na bela sperienza nce ajache l trainadëur nuef, l sloven Damjan Ostojic à fat drët n bon lëur anjenian ca cun prufesciunalità y a puntin la atletes per la garejeda. Alex Runggaldier

Nora, Anna, Daniela y Pia cun l trainadëur Damjan Ostojic dan l stadio dala dlacia a Aosta.

Daurida la sajun dl schialpinism Le jonn de Badiasport David Frena ala pröma gara dla ”Copa dles Dolomites 2013” Schialpinism - Cun la gara da dla Valtellina. David Frena à arjunt en domënia ai 25 de novëmber, à le 5. post cun n tëmp de .43.16. Badiasport metü man la sajun da La Copa dles Dolomites jarà inant d’invern. Le mëteman é stè dër cun ćiamò cin’ gares: la proscima, positif cun n bun 5. post de David la „Pitturina Ski Race“, ai 20 de jenà, Frena, che s’à mosorè cun 130 d’atri y ai 17 de forà le ”Tour de Sas” a concorënć de süa eté. La gara ê Badia. (Badiasport) daverta ai nasciüs y ales nasciüdes danter le 1990 y le 1998. Cun l’inom de ”Memorial Fabio Stedile” (19ejima ediziun) é chësta stada la pröma gara dla 21ejima ediziun dla ”Copa dles Dolomites”, y la pröma gara de schialpinism dla sajun dedicada ai jogn. Le percurs ê de 4,9 km, cun 440 m de deslivel, sön le dlacià de Presena tla provinzia de Trënt. Davagné à Davide Magnini (.36.59) y Giulia Compagnoni (.49.08), intrami Atleć tratan la gara.


Sport

nr. 47 / 30 de november 2012

Chidli él tomè bel assà

Prima bedaia tla garejeda a scuadres

A Al Plan él gnü invié ia la Gran chidlada 2012. ”Chëres dla Pazionza” y ”I ćiastelans” é stades les mius scuadres, Annamaria Ties (202 chidli) y Tone Call (198 chidli) é i campiuns dl dé

Scialdi bën à scumencià la sajon de saut cun i schi per la jëunes dla scuadra naziunela taliana

Les 3 mius scuadres di ëi: I ćiastelans, 30 sul Campo, i Soliti da Rina. Söla fotografia fàlel n chidladù por scuadra.

Al Plan - La manifestaziun sportiva y de tëmp lëde plü aspetada de novëmber te Mareo é bëgn vigni ann la gran chidlada. La terza domënia dl mëis él stè la vintejima ediziun. Le davagn che salta fora ala fin ti va vigni ota a val’ uniun o assoziaziun, che ciafa insciö na sbürla por podëi desfiré plü saurì süa ativité. Chësc iade à la Uniun Chidlé Mareo, che festejëia i 30 agn dala fondaziun, podü pié do le davagn, ći che é dërt y iüst, dal momënt che ara dëida vigni ann pro l’organisaziun dla gran chidlada y implü à la uniun inće de gran spëises por les scuadres che chidla te so campionat, dantadöt canche ares mëss jì foradecà. Ala gran chidlada 2012 à tut pert 43 scuadres de cater chidladus o cater chidladësses (4 les scuadres moscedades). Chidlé él gnü tles chidlares da Runcac dales nü danmisdé ćina les ot da sëra zënza lascè do. I mius chidla sambëgn por davagné o rové almanco tles tlassifiches dancà, mo tröc la tol dër löcra y se devertësc magari ćiamò deplü. Al é na buna ocajiun da stè adöm a s’la cuntè, a s’la rì y a strambié. Bel él che tan de jonëza

tol pert, mo al ne fala sambëgn gnanca la jënt plü atempada. N lalt a Friedl Pedevilla da San Martin, che cun sü 87 agn söla goba é tres ćiamò atif. Bëgn 20 é stà i chidladus sura i 60 agn. Les cogores da chidlé é torones, porchël sàltel fora vigni ann val’ sorpresa y i gragn favorić n’é nia dagnora i mius. Nia un o öna dla Uniun Chidlé à rosedè le plü chidli, ći che an s’aspetass. La campionëssa dl dé é stada Annamaria Ties dla scuadra ”Les Montanares”, che à mazè jö 202 chidli stican düć. Le majer di ëi, Tone Call dla Uniun Chidlé, é rové a 198 chidli. La miù scuadra é stada ”Chëres dla Pazionza” (Gabriella Ties, Annelies Complojer, Anna Rindler, Anita Kastlunger) che à batü ”Les Montanares” (Angela Feichter, Annamaria Ties, Rosalia Obojes, Flora Messner) y ”Les Cartadësses” (Monika Miribung, Christine Videsott, Marta Kaneider, Rosmarie Verginer), al 4. post la ”Classe 57” y al 5. post ”Les Saltarines”. Pro i ëi ciafunse al pröm post ”I ćiastelans” (Claudio Moling, Arthur Conrater, Pepi Dejaco, Friedl Pedevilla) che ti é stà suraće ai ”30 sul Campo” (Simon y Patrick

Chëres dla Pazionza, Les Montanares, Les Cartadësses.

Complojer, Stefan Kuprian, Raimund Rigo) y a ”I soliti da Rina” (Marco y David Ferdigg, Lois Promberger, Pepi Mellauner), al 4. post ”I 4 dal’Ave Maria” y al 5. post le ”Poker Club JPJHE”. N lalt y n dilan al’organisaziun, cun a će Lois Ellecosta d’La Costa, Eduard Obojes y Hubert Frontull cun sü colaboradus, dilan al patrun dles chidlares Franz Complojer che é inće presidënt dla Uniun Chidlé Mareo, al sponsor por le bel contribut, a düć chi che à dè ca i bi pesć por la chidlada y la lotaria y nia inultima ales chidladësses y ai chidladus che à tut sö l’invit y à chidlé cun ligrëza y por n bun fin. La gran chidlada 2013 gnarà organisada por le Cor de Dlijia d’Al Plan. Confortésse y porvésse! (gp)

Tlassifiches individuales Ëres sot i 20 agn: 1. Vanessa Kanetscheider 117 chidli, 2. Nicol Kaneider 108, 3. Bettina Grünfelder 99 Ëres 21-30 agn: 1. Lucia Complojer 117 chidli, 2. Ingrid Willeit 107, Giulia Bonvicini 104 Ëres 31-40 agn: 1: Monika Miribung 154 chidli, 2. Christine Videsott 146, Anita Complojer 144 Ëres 41-50 chidli: 1. Gemma Comploi 143 chidli, 2. Karin Taibon 125, 3. Agata Rigo 123 Ëres 51-60 agn: 1. Dolly Pisching 164 chidli, 2. Rita Ties 157, 3. Rosalia Obojes 155 Ëres sura i 60 agn: 1. Annamaria Ties 202 chidli, 2. Annelies Complojer 141, 3. Angela Feichter 136 Ëres Uniun Chidlé: 1. Gabriella Ties 200 chidli, 2. Gerda Complojer 164, 3. Marta Kaneider 163 Ëi sot i 20 agn: 1. Filippo Daverda 176 chidli, 2. Marco Ellecosta 140, 3. Daniel Zardini 140 Ëi 21-30 agn: 1. Luca Erlacher 183 chidli, 2. Michael Mölgg 179, 3. Manuel Kastlunger 178 Ëi 31-40 agn: 1. Stefan Kuprian 165 chidli, 2. Markus Winkler 163, 3. Gabriel Ellecosta 161 Ëi 41-50 agn: 1. Roman Ties 164 chidli, 2. Roland Daverda 159, 3. Raimund Rigo 151 Ëi 51-60 agn: 1. Arthur Conrater 178 chidli, 2. Hubert Frontull 171, 3. Friedrich Tamers 166 Ëi sura i 60 agn: 1. David Ferdigg 187 chidli, 2. Sepp Unterberger 164, 3. Giuvani Pescollderungg 154 Ëi Uniun Chidlé: 1. Tone Call 198 chidli, 2. Simon Complojer 191, 3. Claudio Moling 188

La cater atletes dla scuadra taliana de saut, da m.c. Lisa Demetz, Evelyn Insam, Elena Runggaldier y Roberta D’Agostina.

Saut cun i schi - Avisa n vënderdi ai 23 de nuvëmber àn metù man cun la garejedes de Copa dl Mond 2012/13 a Lillehammer tla Norvegia y à nvià via la sajon nueva cun la cumpetizion a scuadres mescededes danter ëi y ëiles. Tlo fajòvel pea Elena Runggaldier y Evelyn Insam deberieda cun i doi spezialisć talians de saut Sebastian Colloredo y Andrea Morassi. La scuadra taliana à arjont n boniscimo terzo post, n resultat storich te chësc sport. Duc cater i atlec à lascià udëi de biei sauc y scialdi n forma se à desmustrà Evelyn, che cun n saut de 102,5 metri ie sauteda l plu lonc de duc tla segonda manche. Batui iesi mé unic dala scuadres dla Norvegia y dl Iapan, ntan che la scuadra dl’Austria ie unida descualificheda pervia che la ne se à nia tenì a cërta regules. L di do, n sada ai 24 de nuvëmber, fòvel la cumpetizions ndividueles sun l Lysgardsbakken de Lillehammer. Danter na cuncurënza scialdi sterscia fòvel de plu atletes che ova la puscibltà de arjonjer l podest. Do l bel resultat dl di dant fòven plëns de ntujiasm y fidanza tla scuadra taliana y n sperova sucrët che l pudëssa povester garaté mo na bedaia. Inò à Evelyn Insam lascià cialé ca duc canc cun si bona prestazion, fajan tla prima manche cun 103 metri monce l saut plu lonch dla garejeda. Ala fin iel sautà ora per ëila l cuinto plazamënt. Nce Elena Runggaldier à desmustrà che cun ëila muessen inò fé cont, sautan tla prima proa danter la primes diesc y stlujan ju la garejeda al 14ejim post. L’autra atleta taliana che à garejà pea fova Roberta D’Agostina, ëila

ne n’ie iust nia stata bona de se cualifiché per l segondo saut, se tlassifican 31ejima. Venciù à Sara Takanashi dl Iapan, dan l’americana Sara Hendrickson y Anette Sagen dla Norvegia. Scialdi cuntënt cun la prestazions de si atletes ie l trainadëur Julien Eybert-Guillon. ”Chësc ie stat n bon scumenciamënt dla sajon per duta la scuadra,” dìjel, auzan ora che n udova bele ti ultimi alenamënc che Evelyn Insam ie te n bon mumënt, ma ”tan bën coche chisc dis ne n’iela mo mei sauteda”. L gran lëur de preparazion y i truep alenamënc porta si fruc, de chësc ie l trainadëur scialdi cuntënt. Da muië iel mé che iust dan scumencé cun la garejedes de Copa dl Mond à Lisa Demetz mo messù jì a se fé mel pra n alenamënt. Purempò cëlel tl daunì cun fidanza y spera che Lisa se refeje aslune y posse tosc vester leprò a miré inò a de bon resultac. Inant jiràla cun la garejedes de Copa dl Mond te n’ena a Sotschi. (uk)

Lillehammer (NOR) ai 24.11.2012: 1. Sara Takanashi (JPN) 96,0m/98,0m/265,2 p. 2. Sarah Hendrickson (USA) 98,5m/95,0m/261,4 p. 3. Anette Sagen (NOR) 99,5m/97,0m/258,9 p. 4. Carina Vogt (GER) 100,0m/99,5m/256,0 p. 5. Evelyn Insam (ITA) 103,0m/96,5m/255,3 p. 14. Elena Runggaldier (ITA) 94,0m/88,0m/226,9 p. 30. Roberta D`Agostina (ITA) 89,5m/106,7 p.

Richard Feichter: ”Rè dl ping pong” Ai 17 de novëmber domisdé él gnü tignì a La Ila la pröma ediziun dl turnier de ping pong La Ila - La manifestaziun inviada ia dala U.S La Ila é stada n suzes y à podü cumpedè bëgn 32 śogadus gnüs adalerch da döta la Val Badia. Düć canć à combatü cun intensité danter les 12 mëses, por s’aiudiché la finala. Al é inće stè na ocajiun por stè en compagnia y passè n domisdé alternatif se

don jö cun n jüch plajor, che se damana inće tröpa conzentraziun y reflesc motorics. Do döes ores de partides éson rovà a conësce i dui finalisć dl dé. Te na finala dër plajora él stè Richard Feichter da La Ila che à albü la man plü asvelta co Daniele Pizzinini, inće ël da La Ila. Richard ê chësc dé massa

sterch, y à batü l’aversar sön 3 set a 5. Le pozer ti é indere jü a Julian Bernardi da La Ila. I rengraziun les scores da La Ila por la palestra, la premiaziun é gnüda tignida spo tl Durni’s Pub. Dilan. L’U.S. La Ila ves aspeta indô düć canć l’ater ann, por la secunda ediziun dl turnier. (tv)

Le turnier de ping pong tla palestra nöia da La Ila. www.lauscdiladins.com

33


Sport

nr. 47 / 30 de november 2012

Nicole Daberto venc a Aosta

Les gares mët indô man Por les atletes dl Ice Club Alta Badia à indô metü man la sajun de gares, cun la pröma gara triveneta free a Ćiavalëis Jadiné - Tla fin dl’edema di 17 y 18 de novëmber à na pert dles atletes dl Ice Club Alta Badia tut pert a na gara de jadiné: la 1a gara triveneta free a Ćiavalëis. Al é na competiziun a chëra che al tol pert n gröm de atleć dl Trivenet. L’Ice Club Alta Badia à menè n valgönes atletes, che s’à alenè cun motivaziun y impëgn, sot ala preparaziun dles döes alenadësses Linda Mariotti da Trënt y Valentina Lacedelli da Cortina d’Ampez. Döt isté y tratan i mëisc da d’altonn éres jüdes inant cun i alenamënć tl stadium de Sëlva, dal momënt che a Corvara é le stadium dala dlacia romagnü stlüt por gaujes de manutenziun. Dal momënt che al é la pröma gara dla sajun, ê les atletes valgamia emozionades, suradöt les plü piceres, che à mostrè ći che ares a imparè tla categoria Esordiënć A. Te chësta categoria à garejé les döes mitans da La Ila, Lucia Pizzinini, che é rovada diejima, y Viktoria Frenademez, che é rovada

Dancà les atletes Ulla Ebblin (6.), Katia Bernardi (8.) y Greta Lechner (20.). Iadedô les alenadësses Linda Mariotti y Valentina Lacedelli.

catordejima. Bele n pü’ plü granes é les atletes Ulla Ebblin (sesta), Katia Bernardi (otava) y Greta Lechner (vintejima), che à garejé tla categoria Prinzipianć A. Tl Ice Club él inće n valgönes mitans dër jones - Elena Giuliano, Susan Seppi y Jasmine Zoeschg - che tol

pert ales gares tla categoria Propaganda, che cöi adöm atleć che n’à nia ćiamò 8 agn y che n’é nia a livel competitif, porchël röieres dötes ala pêr. L’Ice Club ti aoda a dötes sües atletes sodesfaziuns y che al ti sais tres bel da jadiné. (valentina obojes)

Jughé bën, chël ie de mpurtanza L ie scialdi de mpurtanza mparé a fé n bel hockey, chësc dantaldut pra i jëuni, ma sambën che la vëntes fej ënghe bon dantaldut al moral dla scuadra Hockey - La Under 10 ne ova n la ultima dumënia degun turnoi, ma doduman dumënia ai 2 de dezëmber arài l ultimo turnoi n cësa te Sëlva dala 10.00 danmesdì. Unide de trueps a fé tifo a chisc pitli jugadëures. U12 Gherdëina - Kaltern 2:2 (1:1, 1:1, 0:0) La partida de n sada ai 24 de nuvëmber tl stadio Pranives de Sëlva contra la scuadra de Kaltern fova drët valiva. L ie da muië che i averseres ne à nia tenì ite la regules y à mé jugà cun doi linies. Nsci iel stat rie vëncer per l Gherdëina y l ie mé sautà ora n resultat a pèr. Per l Gherdëina à fat i goi: Lukas Glück y Nicolas Paratoni. U14 Gherdëina - Vinschgau 7:0 (1:0, 2:0, 4:0)

Contra una dla scuadres plu dëibles de chësc campiunat ne à i mutons dla Under 14, n la ultima dumënia, nia jugà na bona partida. I fova povester nce mpue melsegures y nia usei a fé cun cater linies. Ala fin dla finedes ài mpo venciù saurì, nce sce i ëssa pudù fé scialdi plu goi, ajache l univa propi mé jugà dan la cassa di averseres. Per l Gherdëina à fat i goi: Leo Holzknecht (3), Hannes Kasslatter (2), Diego Glück y Bean Schmalzl. Inant vàla per chësta scuadra bele ncuei vënderdi, 30 de nuvëmber dala 16.45 te Sëlva contra la scuadra de Kaltern. U18 Gherdëina - Cortina 3:5 (2:2, 1:2, 0:1) La partida de n dumënia ai 25.11. ie stata una dla miëura partides dla Under 18 nchinamò. Ma tl segondo tëmp se à l Gherdëina giapà doi goi

te nianca n menut y chisc ne iesi nia plu stai boni de recuperé. L desplej per chësta partida ulache i à propi jugà bën. Per l Gherdëina à fat i goi: Jean Marc Moling (2) y Christian Mussner. U20 Neumarkt - Gherdëina 1:3 (1:1, 0:1, 0:1) La cuarta vënta ndolauter per la scuadra dla Under 20. I mutons à venciù la partida de n sada a Neumarkt cun na bona defendura, se giapan mé un n gol. Cun l passé dl tëmp univa l Gherdëina for plu sterch y à venciù cun merit per 3:1. Per l Gherdëina à fat i goi: Fabian Costa, Aaron Pitschieler y Gabriel Senoner. La Under 20 jugherà inò duman sada ai 1. de dezëmber, dala 18.00, tl stadio Pranives de Sëlva, contra la scuadra de Kaltern. (im)

La scuadra U18, sentei da m.c. Jan Demetz, Andreas Senoner, Jan Marc Moling, Martin Bergmeister, l trainadëur Erwin Kostner, Lukas Stuffer, Christian Mussner, Patrick Kelder, Samuel Bergmeister; segonda rissa: Sebastian Canins, Patrick Nocker, Juri Runggaldier, Rudi Holzknecht, Simon Piccolruaz, Samuel Moroder, Peter Mulser y l acumpaniadëur Ivo Moroder; dovia: Marcel Comploi, Damian Bergmeister, Alexander Scherlin, Andreas Vinatzer, Patrick Major, Ivan Werdaner, Andrea Demetz y l acumpaniadëur Bruno Nocker. (Foto: Matthäus Kostner)

34

www.lauscdiladins.com

La joena balarina sui feres de Ciampedel à arjont l prum post te la categorìa Juvenile te la Pruma Gara Nazionèla Artistico a Aosta Bal sui feres - Nicole Daberto enstouta à portà a cèsa dassen n gran resultat che ge fèsc onor a ela, sia familia, sia ensegnanta e sia sozietà sportiva. La é ruèda pruma te na garejèda nazionèla a Aosta. Jà enstadì, la medema balarina aea arjont de bogn resultac a Maran te na garejèda internazionèla, la Copa de l’Amicizia. Ades enveze, dò n fin de setemèna de empegn, ai 24 e ai 25 de november, Nicole Daberto pel festejèr per l bon resultat arjont a la 1^ Gara Nazionèla Artistico per categorìes Advance, Novice e Juvenile. Endrezèda da l’ASD Artistique HIL Vallée d’Aoste, col didament de la Federazion Talièna Sport su la Giacia del Setor “Pattinaggio di Figura”, di Organs Periferics de la FISG e l Setor GUG (Grop Ofiziai de Gara), te stadie de la giacia de Aosta, Nicole à batù duta sia 33 coleghes de bal sui feres de la categorìa Juvenile, ruan dant da Alice Desiree Tromboni e Isabella Balestri. N resultat de valuta e per chest ge fajon i compliments ence nos a Nicole, che no se desmentia de rengrazièr ence enstouta sia maestra Yoanna Szczypa e la

sozietà ASD Fiemme On Ice che ge dèsc l met de jir inant con gaissa e empegn. Ades, dò chesta gran sodesfazion Nicole va inant amò de più con dezijion e defat la é jà sui feres per se enjignèr a l’apuntament che vegn, che sarà de jené a Feltre. Speton con gaissa n auter de chisc bogn resultac, de valuta per duta Fascia. (vr)

Nicole Daberto sul sciaier più aut del podie de la garejèda nazionèla a Aosta.

Pruma sodesfazions fascènes tel schi Mattia Pellegrin à vent la individuèla a tecnica classica de paslonch a S. Caterina Valfurva e Francesca Scola à concostà n bon terzo post a Bormio tel slalom Schi - L’é tanche tacà la sajon di sport da d’invern e taca jà a ruèr ence i prumes suzesc per nesc atlec. A Sènta Caterina Valfurva, te na giornèda serena e con n bon tempram, no massa freit, su na pista che i organisadores aea enjignà a na vida ezelenta, Mattia Pellegrin da Moena à vent la proa a tecnica classica de paslonch che verc l calandèr nazionèl de Copa Tèlia. L’era n gran numer de atlec al via de chesta garejèda de livel aut, conscidrà che mencèa demò i 10 “azzurri” che é empegné te la Copa del Mond e l joen moenat, 23 egn, poliziot de le Fiamme Oro, l’à abù la soramessa per 1” sul compagn de squadra Didi Noeckler e per 25” su Fabio Pasini. Anter i juniores l’é da segnalèr

la bona prestazion de Sebastiano Pellegrin, l fra più pìcol de Mattia, che se à vadagnà l setim post. Per chel che vèrda la eles se à logà al prum post n’autra poliziota, Ilaria Debertolis, ruèda dant da Lucia Scardoni e Sara Pellegrini per na dejina de seconc. Ma i suzesc de nesc atlec fascegn no i se ferma chiò. Chest fin de setemèna passà defat a Bormio, te la garejèdes Fis Junior de schi alpin che à avert la sajon da d’invern talièna, l’atleta del Ski Team Fascia Francesca Scola da Cianacei la é ruèda sul terz sciaier del podie, tedò la patrona de cèsa Federica Sosio e Clelia Bagnasacco da Cuneo. Positiva ence la prestazion de la compagna de squadra Denise Giuliani da Soraga, che la é ruèda al 9° post. (cri.m)

Mattia Pellegrin da Moena à vent la pruma proa de Copa Tèlia de paslonch.

Francesca Scola (a man dreta) e Denise Giuliani del Ski Team Fascia a Bormio dò la FIS Junior.


Sport

nr. 47 / 30 de november 2012

I derby archita l Cortina

L’Under 20 à vent l Tornoi 4 Nazions

Dapò na bona partida contra l Fascia, l Cortina se lascia jì y perd contra Alie y Asiago

Anter i jiadores ence i fascegn Martin Castlunger, Nicola Deluca, Michele Marchetti e Gianluca Vallini

ite da la steca de Matt Siddal. Ma tl terzo drittel s’à la partida ot: te doi menuc y mez à Johansson y spo Lo Vecchio porté sia scuadra en vantaje. I ampezans ne l’à nia deda su y Siddal à metù ite l gol dl 3 a 3. Al é vegnù combatù fina a la fin al “De Toni”, y la partida é vegnuda fata fora ai temps soura fora olache, dapò doi menuc, à Johansson firmé la dopleta y scinché la venta a sia scuadra.

L Asiago ne se lascia nia bate

Derek Edwardson y Paul Albers dl Cortina. (Foto: Max Pattis)

Hockey/Ampez - Ence sce l derby ladin, contra la scuadra dla Val de Fascia, i porta bun al Cortina, ne n’éla nia tant saurida per i ampezans contra les scuadres venetes Alie y Asiago. Al gran complet se à prejenté la scuadra ampezana al Stadium Olimpich, en juebia ai 22 de november, per jughé na partida delicada contra l Fascia. L juech s’à daurì bele al menut 4.30, con l gol dl ampezan Matt Siddal. I jugadours dl Cortina à spo druché inant y à radoplé dapò sis menuc tres la steca de Luca Zandonella. La reazion dl Fascia é vegnuda tost architeda dal terzo gol, l 20ejim te chest campionat de Stanislav Gron. Con la rei dl 4 a 0, firmeda da Menardi, se à sclut ju n bur’ prum temp per i fascians. Tla frazion mesana é la scuadra de Beddoes ciamò juda en gol. L prum gol sajonal de Andrea Baldo à porté l resultat sun l 5 a 0. Tl terzo drittel à la scuadra de Fascia chirì l gol dla bandiera, ma la porta de

Levasseur ne s’à nia lascé sbujé dai atacs di ghesć. Con na venta pesocia se à sclut ju l derby ladin, te chel che i jugadours de Clayton Beddoes à podù concuisté trei ponc emportanc.

L Alie davagna tl “overtime” Con na mancianza emportanta à l Cortina jughé en sabeda seira l derby venet contra l Alie: l defensour Darrel Hay à messù sté fora per via de na comozion zerebrala. L juech é pié via bon per i agordins, che é bele atira jus en gol. L 1 a 0 é vegnù realisé da Daniele Veggiato che à batù Levasseur, fajan la rei numer 326 con la malia dl Alie. L Cortina à messù patì la prescion dles Ciuites, ma é empò chersciù de intensité y tl secondo temp é vegnuda arjonta la parité, che porta la firma de Derek Edwardson. Tla fineda dla frazion mesana à spo l Alie messù patì n secondo gol ampezan, metù

Contra les scuadres dl Venet se stenta l Cortina. Enscì ne n’é i ampezans nia stés bogn da bate en mertesc seira i aversars dl Asiago te na partida che é metuda man con n gol di ampezans, al menut 14, realisé da Francesco Adami. En situazion de powerplay à l jugadour dl Asiago, Luca Rigoni, reporté la partida en parité y, sfrutan la inerzia dl Cortina, é i jugadours vicentins passà en vantaje tla fineda dla pruma frazion con Sean Bentivoglio. L secondo temp é stè plu movimenté, ma al é sté l Asiago che à manajé l juech: l gol dl 3 a 1 porta la firma Federico Benetti, che à metù ite l prum gol dla sajon. Scialdi n bon Asiago s’à ence lascé vedei tl drittel final. Al é Dave Borelli che à metù ite l cuarto gol. L Cortina, nia auna con l resultat, i é jù plu damprò a la parité con Francesco Adami. Ma l jugadour dl Asiago, Chris Di Domenico, che é sté fora per n meis alalongia, à porté sia scuadra sun l 5 a 2. L Asiago se à spo n pue’ lascé jì y à consedù la terza rei al Cortina, rei che porta la firma de Derek Edwardson y che é steda la ultima emozion dla gara. (Comunicat stampa dla LIHG/kp)

Hockey Under 20 - Con n resultat finèl de 6 a 1 la squadra de la Tèlia de Under 20 de hockey à passà via la Franzia te l’ùltima giornèda de jech e la se à vadagnà l suzess tel Tornoi 4 Nazions de Pontebba stat dai 6 ai 11 de november. L Junior Blue Team à jià fora trei partides, dant contra la Slovenia venjan per 3 a 1, dapò l se à troà tedant l’Ungheria che l’à batù

per 2 a 1 e tinùltima la Franzia a chela che la squadra talièna ge à fat ite 6 goi. Trei ventes sun trei partides che ge dèsc merit e gaissa ai joegn jiadores taliegn. L’é da uzèr fora che anter i convoché tel roster l’era ite ence cater jiadores del Fascia Ferrarini: Gianluca Vallini, Martin Castlunger, Michele Marchetti e Nicola Deluca che à dat sie gran contribut al bon éjit de la partides e che à concostà coscita segur na bela esperienza jian contra i miores de sia età. Chest l’é stat n tornoi dassen emportant ence per veder la forma di jiadores e per se enjignèr al miec per i apuntamenc de la sajon, anter chisc i Mondiai de Pruma Divijion grop B che sarà dai 10 ai 16 de dezember a Donetsk te l’Ucraina. Ai joegn jiadores del Fascia ge fajon i più bie Momenc del Tornoi 4 Nazions coi jiadores complimenc e ge auguron fascegn Martin Castlunger, Nicola Deluca e amò autra sodesfazions. Michele Marchetti. (ph: Michele Ciussi da Hockey Time) (mci)

Bis de Margoni contra l’Asiago Con n resultat de 4 a 2 l Val de Fascia Ferrarini é vegnù fora dal moment senester Hockey serie A - Na ùltima setemèna de gran lurier per l Val de Fascia Ferrarini, che con la partida contra l’Asiago, stata ai 24 de november, à endò troà forza e gaissa per jir en su te la classifica. L’ùltima mazèda ampò la rua contra i jormegn ladins de Ampez, la squadra de Fascia no é stata bona de segnèr nience na rei. Te la partida de jebia ai 22 no l’é stat nia da fèr e ti 60 menuc de jech, nience n jiador del Fascia é stat bon de passèr via la vèrdia del portier del Cortina e di compagnes. Ma zacan, l’outa la rua la sabeda sera, canche i fascegn i se troa a jièr la vinteisema giornèda de campionat contra l’Asiago. Dò aer perdù set partides una dò l’autra, enstouta l Fascia l’à vent per 4 a 2, coi doi goi del fascian Stefano Margoni, un de Jakub Sindel e un de Enrico Chelodi. L’era ora che ruasse chest moment che segur à fat ben per i pascioné de hockey e per duta la squadra. Dò na serie de ataches del Fascia a la gabia de l’Asiago, l’é Stefano Margoni che fèsc vegnir fora la

squadra dal moment neigher che durèa da ben 235 menuc. Dò chest gol somea che l Fascia ge lasce massa post ai aversaries, che te pech temp i passa via Frank Doyle e i segna con Zanette e Ulmer. Chel che ampò no se se spetèa l’é che l team Ferrarini vegne fora dai deregoladoes ciarià de forza e gaissa, vidan duc i etres doi tempes de la partida e segnan n gol con Sindel tel secondo temp e amò doi goi de Chelodi e Margoni tel terzo temp. Con sia grinta e si eies de giacia, Margoni à desmostrà amò n’outa de esser un di miores e più preziousc jiadores del Val de Fascia Ferrarini. En mèrtesc ai 27 l Fascia se à batù sul sompian de Renon. L’enconter se à serà col resultat de 4 a 2 per l Renon. A segnèr, per l Fascia, l’é stat Chelodi e Sindel. Dò l’ùltima partida, stata ta Dèlba ansera contra l Valpellice, i fascegn jiarà endò jun Busan en sabeda 1° de dezember. (vr) Hafro Cortina vs. Val de Fascia Ferrarini

5-0 Val de Fascia Ferarini vs. Migross Supermercati Asiago 4–2 Ritten Sport Renault Trucks vs. Val de Fascia Ferrarini 4-2 Classifica dò la 21^ giornèda: Valpusteria 51 ponts Valpellice 40 ponts Alleghe 39 ponts Renon 38 ponts Bolzano 36 ponts Milano 31 ponts Asiago 31 ponts Cortina 22 ponts Fassa 16 ponts Pontebba 8 ponts

Resultac squadra mendres L’Under 18 à jià sia 11^ giornèda de campionat en domenia ai 25 de november ta Dèlba contra l’HC Valpellice e l’à perdù per 2 a 4. I goi fascegn é stat segné duc doi da Matteo Dantone.

Stefano Margoni à segnà doi bie goi contra l’Asiago. (Foto: Doriano Brunel)

L’Under 16 à jià en sabeda ai 24 te stadie de la giacia de Bosco Chiesanuova (VR) contra l’HC Bosco e l’à vent per 14 a 2. L’Under 14 à jià en domenia ai 25 contra l’HC Perjen e l’à vent per 4 a 0 con goi de: Nikolas Zanoner, Marco Defrancesco (2) e Adriano Pedergnana. L’Under 12 à jià en sabeda ai 24

fora Ciavaleis contra l’HC Fiem e la partida é fenida 4 a 4. Per l Fascia à segnà Mattia Lastei, Riccardo Stoffie, Francesco Giuliani e Sebastiano Rossi. Ence i pìcoi de l’Under 10 à abù na bela sodesfazion en domenia ai 25 jian contra i pìcoi de l’HC Cornacci. Te chesta partides di più pìcoi no vegn tegnù cont del resultat. www.lauscdiladins.com

35


Sport y Manifestazions

nr. 47 / 30 de november 2012

L Gherdëina II se davania i doi ponc La prima scuadra ntantsce se à trat via na partida che ova perdrët scumencià bën de bon y se partiva i ponc. Tla terza lingia, coche chëst ann plu suvënz, à i averseres chidlà scialdi miec y ti ie passei dant ai nosc n cont di chiedli y fajan tramedoi l pont. Ala fin à l Gherdëina perdù de 60 chiedli. Resultat: l AKC Gherdëina l Buandes Rabanser à fat 3 ponc, batan ju 3142 chiedli, cun na mesaria de 523,7 per chidladëur. L ASV Verdings I à fat 5 ponc, batan ju 3202 chiedli, che ie na mesaria de 533,7 prun.

Serie B-est Gherdëina I - Verdings I 3:5 Leo Demetz dl Gherdëina I.

Chidlé - Na partida che à scumencià bëndebò bën, ma che ala fin se àn lascià jì ora dla mans, fova chëla dl Gherdëina I contra l Verdings. Do i prim doi chidladëures, Guido y Werner, stajòvela 2 a 0 per i chidladëures y i nosc fova de 53 chiedli danora. Manfred y Leo ova mo 18 chiedli

Resultac persunei: Manfred Wanker 535 Guido Stuffer 534 Werner Runggaldier 526 Hansi Demetz 522 Leo Demetz 519 Thomas Demetz 506 Tl’autra partida contra l Verdings II à l Gherdëina venciù. Konrad y

Ewald à fat tramedoi l pont purtan l Gherdëina de 65 chiedli danora. Viktor y Pauli à auzà la defrënza a 112 chiedli fajan nce l pont. Sun na tela semiòvela fata, ma l Verdings ne à nia zedù. Bel plan ruvovi for plu daujin. A Helmut y a Michael ne ti butòvela nia. Ala fin àl bastà 8 chiedli per purté a cësa i doi ponc. Resultat: l ASV Verdings II à fat 2 ponc, batan ju 2979 chiedli, cun na mesaria de 496,5 per jugadëur. L AKC Gherdëina II Buandes Rabanser à fat 6 ponc, batan ju 2987 chiedli, cun na mesaria de 497,8 prun.

Chidlé Val Badia - Le Mareo I à arjunt na bela devënta cun na bona partida a San Iöre. La scuadra feminila à portè a ćiasa da Kiens na devënta tlera cun na stleta media. Inće i chidladus da La Ila à festejé na devënta, te ćiasa cuntra Falzes. Ma por le Mareo II va inant la seria negativa cun na pordüda a Porsenù.

Serie D-nord

Seria A 2-ost

Verdings II - Gherdëina II 2:6 Resultac persunei: Viktor Werdaner 540 Konrad Malsiner 522 Ewald Insam 500 Pauli Wanker 492 Michael Moroder 481 Helmuth Schieder 452

Garejeda de nudé a Urtijëi N à giapà l bënsté per mëter a jì garejedes de nudé tla nudadoia Mar Dolomit Nudé - Per n dumënia meterà l club de nudé de Gherdëina a jì per l prim iede na garejeda te nosta nudadoia Mar Dolomit. ”Do che i respunsabli y l presidënt dl VSS Klaus Fissneider – pere dl’atleta de livel mundiel Lisa Fissneider – se à cialà ju la nudadoia y l ntëurvia, nes ài dat l bënsté y i nes à ncurajà cun si cunsëies de mëter a jì na garejeda”, dij i respunsabli dl club. Pra la cumpetizion che sarà chisc dis che vën, se tràtel de na garejeda VSS Raiffeisen a livel provinziel. L unirà adalerch ot lies de nudé (SSV Bulsan, SSV Burnech, SSV Persenon, SSV Leifers, SSV Maran, SSV Vinschgau, SSV Naturns y l SSV Gherdëina) de dut l Südtirol. Mutons y mutans danter 6 y 10 ani garejerà sun i 25 metri tl stil liede, stil a crot, a spinel y ala fin uniràl mo fat na stafeta. Per l prim iede aràn nsci la ucajion de udëi te nosta nudadoia

www.lauscdiladins.com

Bornech 67 I - Mareo I: 2 - 6 Tla chidlara da San Iöre à i chidladus de Mareo śoghé na bona partida. Bele i pröms dui à trami davagné le punt cuntra so aversar y à inće trat fora n vantaje de 53 chidli. Pro la secunda seria ài ćiamò aumentè le vantaje de 15 chidli y un à batü so aversar. Inultima à i patruns de ćiasa recuperè 17 chidli, mo un di maroi ti é stè suraće a so aversar. Insciö â le Mareo ala fin n vantaje de 51 chidli, cun na media de 546. Tla tlassifica à le Mareo recuperè posiziuns y é śëgn al otavo post.

Seria B-ost feminila

La bela tlapeda de atlec dl club de nudé de Gherdëina cun si trainadëures. (Andreas Fotografie)

tlo te Gherdëina de bon atlec jëuni coche i se mesura tla desciplines desferëntes, pudan nsci nce ti cialé pro y i sustenì plu da daujin. La garejeda sarà n dumënia danmesdì (per l program plu avisa cëla sot ala informazions).

L ie n gran avenimënt cun na gran urganiszion y perchël uel l club de nudé rengrazië bele danora duc chëi che juderà pea. Per l club nudé Gherdëina, Katia Mussner

Johanna Kykyri cun 2:38:47. L miëur di talians fova Massimo Leonardi cun n tëmp de 2:19:55. Nce doi atlec di Gherdëina Runners Cassa Raiffeisen de Ciastel à fat pea: miec à fat Georg Demetz – ël fova dan n mëns leprò pra la maratona de Frankfurt – cun n tëmp finel inò sot ala 3 ëura y plu avisa 2:58:03, se tlassifican nscila al 256. post pra i ëi y al 67. te si categuria la M40. L auter atleta che à fat pea fova Damiano Dell’Osbel, ël ova ai 6 de utober nce fat pea pra la maratona de Verona, y chësta fova si segonda prestazion pra na maratona. Ël à finà si garejeda te 3:39:55 se plazan nscila al 2577. post tla categuria di ëi y al 690. tla M40. De ndut àl fat

Kiens - Mareo: 1 - 5 La scuadra dles ëres à bëgn śoghé na stleta partida, mo à impò condüt a ćiasa na devënta tlera da Kiens ca. Trëi dles marores à davagné le punt cuntra süa aversara direta. Cun valgamia na stleta media de 446,5 âres ala fin 34 chidli de vantaje da mostè sö ti confrunć dles patrones de ćiasa, che à arjunt na media de 438. Tla tlassifica romagn la scuadra

feminila dl Mareo al terzo post. Resultać personai: Marta Kaneider 452 Flora Weiss 448 Gerda Complojer 446 Gabriella Ties 444

Seria C-nord La Ila - Falzes II: 6 - 2 La pröma seria da 120 bòć é ćiamò stada valgamia avaliada fora, cun n vantaje de 35 chidli por La Ila y 1 a 1 pro i punć di confrunć direć. Mo spo à i badioć aumentè le vantaje a 110 chidli y intrami à davagné le punt. I ultims dui ne s’à nia plü lascè sciampè la partida fora dles mans, inće chilò à un batü so aversar. I badioć à stlüt jö la partida cun n vantaje de 99 chidli, cun na media de 489,2. Tla tlassifica romagn La Ila al diejimo post. Resultać personai: Christian Pedratscher 514 Franz Thaler 507 Erwin Crazzolara 492 Gianfranco Thaler 490 Carlo Valentini 475 Edi Bernardi 457 Prichsna II – Mareo II: 5 - 3 Le Mareo II à messü dlotì na pordüda tla chidlara dl’Acquarena a Porsenù. Al é bëgn stè trëi che ti é stà suraće a so aversar. Insciö é la soma totala di chidli stada dezisiva por la devënta, y pro chëra é bëgn i patruns de ćiasa stà superiurs de tröp. Ala fin â i maroi n svantaje de 254 chidi, cun na media de 466. Tla tlassifica romagn le Mareo II al ultim post. Resultać personai: Lois Agreiter 528 Claudio Moling 504 Lois Craffonara 481 Tone Hochwieser 470 Walter Weiss 429 Franz Ploner 384

Mujiga Cunzert d’Avënt

Georg Demetz fej n bon tëmp pra la maratona restan per i mpue passa 42 km sot ala trëi ëura

36

Trëi scuadres à arjunt resultać positifs, ma öna à messü dlotì na pordüda

Resultać personai: Tone Call 570 Christian Ties 564 Lois Ellecosta 550 Tone Tavella 534 Pire Rungger 530 Matteo Ties 527

A Georg ti plej la maratones Maratona - Per l terzo ann ndolauter iel i atlec dl’Etiopia che vënc la maratona de Firënza, de chëla che l ie stat la 29ejima edizion n dumënia ai 5 de nuvëmber. Sibe pra i ëi che pra l’ëiles se l’à i atlec dl cuntinënt african fata valëi. Endeshaw Negesse Shumi à venciù pra i ëi, finan si garejeda te 2:09:59, segondo ie ruvà si cunnaziunel, che ova venciù l ann passà, Bekeke Berga cun n tëmp de 2:10:38. Terzo se à tlassificà l auter atleta dl’Etiopia Habtsamu Asefa Wakeyo cun 2:10:55. Pra l’ëiles udons sun l scialier plu aut Shuru Diriba Dulume cun 2:30:08, 18ejima assoluta, dan la marochina Janat Hanane cun 2:34:21 y al terzo post la finlandeja

Tröc punć por les scuadres ladines

pea pra chësta maratona bën 7770 ëi y 199 ëiles. (mp)

N sada ai 1. de dezëmber saràl dala 20.00 te dlieja de Urtijëi n bel cunzert d’Avënt cun plu grupes che cianterà y sunerà meludies d’Avënt y da Nadel. L sarà da audì l Cor de Dlieja de Urtijëi, la grupa Quilisma, na grupa de strumënc de banda, na grupa de stumënc a fla y la Grupa de Vidules de Gherdëina. Danterite puderàn audì pensieres n con’ dl Avënt de seniëur digan Vijo Pitscheider. Gospel cun le Cor Mons Elina Le Cor Mons Elina da Rina inviëia dër bel a n conzer gospel, incö vëndres ai 30 de dezëmber dales 20.00, te dlijia de Badia. Le cor é sot la direziun de Ruth Rungger y vëgn acompagné te chësta ocajiun da dui strumentalisć: Benno Canins al bas y Jürgen Niederwanger ala bateria. La Val: Ćiantè y sonè d’Advënt En sabeda ai 8 de dezëmber dales 16.30 vëgnel tignì te dlijia da La Val n ”Ćiantè y sonè d’Advënt”. Al sarà da aldì le Cor dles Ëres ”Raiëta”, n grup de stromënć a fle da La Val, le cuartet de ëi ”Herbischtsinger” y la ”Latzfonser Stubenmusik”. Tesć meditatifs vëgn portà dant da Magdalena Miribung.

Georg Demetz.


nr. 47 / 30 de november 2012

Mostres

Informazions y Manifestazions ♦ Museum Gherdëina daviert

Vire la Bibia - mostra a San Martin Ćina ai 6 de dezëmber él da odëi te Istitut Ladin a San Martin la mostra ”Vire la Bibia”, cun chisc orars: mertesc y jöbia dales 16 ales 19. L’entrada ala mostra é de 3,00€. Organisaziun: Sorvisc ai Jogn. Program de cornisc: domënia ai 2/12 do la gran mëssa él le cor di mituns da San Martin che ćianta.

L Museum Gherdëina a Urtijëi gëura inò si portes per la sajon da d’inviern. Da juebia, 6 de dezëmber inant y n ucajion dla Festa dl’Imaculata ie l museum daviert uni di nchin n dumënia ai 9 de dezëmber

Mostra dla uniun dles Patrones de Südtirol

La Uniun dles Patrones de Südtirol mët da jì na mostra de patüc pastlenè y cujiné de zelten y checs da Nadè tradizionai, en domënia ai 9 de dezëmber dales 10.00 ales 18.00, tla ćiasa Michael Pacher a Bornech. N gröm de patrones presentëia sü laûrs fać cun lezitënza. Al sarà inće zacai che ćiara do i mituns. Mostra de Ulli Moroder

A Traun tl’Austria iel da udëi na mostra de Ulli Moroder y Mauro Vaccai, tla Fabrikstraße 20 – Tannpapier Foyer. La mostra sarà da udëi nchin ai 28.02.2013. Mostra de Walter Moroder A Persenon tla Galleria Civica saràl da udëi dai 7 nchin ai 30 de dezëmber na mostra de Walter Moroder. La giaurida dla mostra sarà ai 7 de dezëmber dala 18.45.

Dotors y Apoteches Dotors L dutor de servisc te Gherdëina dala 8.00 da duman de n sada 1. de dezëmber nchin la 8.00 da duman de n lunesc 3 de dezëmber ie l dutor Raphael Insam de Urtijëi, tel. 0471/797369 o l 0471/797076. Le dotur en sorvisc tla findledema dl 1. y di 2 de dezëmber, ti comuns de Badia, La Val y Corvara, é le dotur Guido Caretta, Calfosch/Corvara, tel. 0471/836870 o 337/616080. Ti comuns de Mareo y da San Martin saràl en sorvisc le dotur Edoardo Agreiter, San Martin de Tor, tel. 0474/501927. Apoteches

L’apoteca de servisc te Gherdëina che à daviert ora dl orar ordiner da n vënderdi (dala 19.00) ai 30 de nuvëmber nchin n vënerdi ai 7 de dezëmber ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 30 de novëmber al vëndres ai 7 de dezëmber, é chëra da Corvara, tel. 0471/836173.

Religion Messa per chi che à perdù n fi a Ciastel

L grop “Familie in cammino” de la trei valèdes de Fascia, Fiem e Cembra, endreza per sabeda ai 8 de dezember, da les 14.30 te gejia de Ciastel forin Fiem, la tradizionèla messa per duta chela families che à padì la departida de n fi. Duc é envié a tor pèrt. Mëssa d’ Avënt metuda a jì dai Jëuni de Sëlva

I Jëuni de Sëlva nvieia duc de cuer a unì ala mëssa di jëuni d’ Avënt n sada ai 1. de dezëmber dala 18.00 te dlieja de Sëlva cun Pater Kurt. La mëssa unirà abelida dai Hosianna. La “veggente” de Medjugorje te Fascia

En sabeda 1 de dezember al Gran Teater de Cianacei vegn endrezà n enconter de orazion con Marija Pavlovic, “veggente” de Medjugorje. Program: h. 14 azet; h. 14.45 vegn dit sù la corona: h. 15.30 messa; h. 16.45 adorazion eucaristica; h. 17.30 orazion con Marija e h. 17.50 testimonianzes de Marija. Per info e per se scriver ite chiamèr l numer 335.1263442.

Pitl malan ziplà da Franz Insam - Cësanueva, 1890.

I orares de giaurida ie 10.00 – 12.00 y 14.00 – 18.00. Daldò resta l Museum daviert nchin Pasca, for da merdi nchin vënderdi, 10.00 -12.00 y 14.00 – 18.00. Tl tëmp da Nadel, da S. Stefun nchin Santaguania ie l Museum daviert uni di cun l medem orar. L resta mé śarà ai 24, 25 y 31.12. y ai 1. de jené 2013. Tla gran sala dla scultures iel da udëi na culezion rica de mandli dla cripl y criples de Gherdëina dal 18ejim nchin al 20ejim secul. Plù n f u r m a z i o n s s u n w w w. museumgherdeina.it

♦ Angelo Trebo - 150 dala nasciüda dl poêt Por recordè le gran aniversar de nasciüda dl poêt marô, organisëia le Museum Ladin a La Pli n conzert cun musizisć dla Val Badia En ocajiun dl aniversar di 150 agn dala nasciüda dl poêt ladin Angelo Trebo, organisëia le Museum Ladin Ćiastel de Tor en colaboraziun cun le Consëi de Formaziun d’La Pli na sëra cun conzert y relaziun cun musizisć dla Val Badia, al 1. de dezëmber dales 16.00 te Ćiasa dles Uniuns a La Pli. Al tol pert Fonjo Willeit, Susy Rottonara, Ulrich Willeit, le Cor de Dlijia da La Pli, l’Orchestra Val Badia, i scolars da La Pli de Mareo cun Ludwig Rindler y Marion Palfrader. Al gnarà portè dant ćianties y tòć musicai adatà ales rimes de Angelo Trebo. Le dotur Fonjo Willeit fajarà na picia relaziun sön la gauja dla mort dl poêt. La moderaziun dla serada é tles mans de Lois Kastlunger. Le poet marô vëgn aratè le pröm gran poêt ladin, y te süa vita cörta àl lascè indô na gran arpejun leterara scrita tl bel lingaz ladin. Le Museum Ladin Ćiastel de Tor y le Consëi de Formaziun da La Pli se conforta da podëi Ves saludé al conzert. L’entrada é Le poêt Angelo Trebo. (Foto: archif Istitut Ladin Micurà de Rü) debann.

♦ Mostra de fotografies

♦ Gherlandes d’Advënt y benedisciun

dal titul “Maternità“

En doman sabeda al 1. de dezëmber vëgnel fat a Al Plan les gherlandes d’Advënt. La domënia dales 10.00 él spo le Rorate dles families cun benedisciun dles gherlandes

La Galaria Art IQ’s a Urtijëi prejënta na mostra de fotografies de Laura Sonnino Jannelli. La giaurida dla mostra sarà ai 8 de dezëmber dala 17.00 L se trata de fotografies de umans dl’Africa y dl’Asia cun si pitli che les à sun l brac o pra sé. Ëiles ie scialdi jëunes, zënza de gran ambizions de fé cariera nzaul ora per l mond, ma ëiles ie umans che cëla de si mutons cun amor y legrëza. Les ie riches tl’ana, riches tl dé inant si nseniamënt ai mëndri y senzieres, ajache si corp desnut ne possa nia scuender superbia o sentimënc de grandëza. Ma les ie cuntëntes de si vita da uni di y iluminedes dala belëza de si corp. Dut chësc proa Laura Sonnino Jannelli a nes mustré tres si fotografies che va dai ani ’70 nchin al didancuei. La mostra tla Galaria Art IQ’s sarà da udëi dai 8 nchin ai 25 de dezëmber, 10.00 – 12.30 y 15.00 – 19.00. Na oma cun si pitla muta sun l brac.

Le Zënter Families Mareo inviëia mituns y mitans da gnì a fà la gherlanda d’Advënt, en doman sabeda al 1. de dezëmber dales 14.00, te salf di jogn d’Al Plan. Da se tó para él na forfesc y le cërtl por la gherlanda - che an po inće se fà cun papier de folieć. I mituns dess ester acompagnà. Rorate dles Families La domënia ai 2 de I mituns é indô invià da gnì a fà la gherlanda d’Advënt. dezëmber - pröma domënia d’Advënt - saràl dales 10.00 te dlijia d’Al Plan le Rorate dles families, cun la benedisciun dles gherlandes d’Advënt. I mituns é invià da gnì n pü’ denant cun la gherlanda, por fà spo deboriada l’ingres te dlijia. Sambëgn é dötes les families inviades da condü la gherlanda a benedì. Le Rorate gnarà ćiantè y abelì dal cor di mituns. www.lauscdiladins.com

37


Informazions y Manifestazions Avisc Udiënzes dla Uniun di Ostis La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. I baiun di libri che t’as lit

”Te sàl bel da lì? Spo vi che i s’la cuntun di libri che t’as lit!”. Düć é invià da gnì en lönesc ai 3 de dezëmber dales 15.00 te biblioteca a Calfosch. Organisaziun: Biblioteca Sas dla Crusc. Portes davertes pro l’ASC Ladinia Al 1. de dezëmber dales 9.00 inant gnaràl metü da jì pro le Lift Doninz n danmisdé dla porta daverta dla seziun ”Schi Alpin” dl ASC Ladinia. Ai 8 de dezëmber saràl la seziun ”Paslunch” che deura les portes, tl zënter de paslunch a San Ćiascian, dales 14.00 inant. Festa da Nadè por chi che ćiara de familiars a ćiasa

Fötes les porsones che ćiara dô a ćiasa sü familiars é bel inviades da tó pert a na picia festa da Nadè, en mertesc ai 4 de dezëmber dales 15.00, a Picolin tl Raiun Sozial. I tolun l’ocajiun por stè n pü’ deboriada por s’arjigné al Nadè. Cuncors de scultures tla nëif te Sëlva

Nce chëst ann mët la Lia dl Turism de Sëlva a jì l cuncors de scultures tla nëif. L ie unì crì ora l argumënt di “Tieres tla montes.“ I modiei muessa unì dac ju nchin ai 3 de dezëmber, danter la 16.00 y la 18.30 te cësa de cultura de Sëlva. La figures muessa unì zipledes dai 27 nchin ai 30 de dezëmber. Plu nfurmazions pra la Lia dl Turism de Sëlva. Reunion generela y santa mëssa dla Lia dl Turism de Sëlva

La reunion generela sarà ai 1. de dezëmber dala 20.00 te cësa de cultura “Oswald von Wolkenstein" y la santa mëssa ai 4 de dezëmber, dala 17.30, te dlieja de Sëlva. Senteda generela dla Lia da Mont de Gherdëina

La Lia da Mont ve nvieia a si senteda generela ncuei, vënderdi 30 de nuvëmber dala 8.00 da sëira te cësa de cultura “Luis Trenker” a Urtijëi. Iscrizions al’Atletica Gherdëina

L’ Atletica Gherdëina scumëncia inò si atività. N possa se scrì ite a Urtijëi tla palestra dla scola elementera n lunesc ai 3.12.2012 dala 18.00 nchin la 19.00 y te Sëlva tla palestra dl stadio Pranives n lunesc ai 7.01.2013 dala 15.00 nchin la 16.00. Per nfurmazions plu avisa pudëis cherdé su l numer 338/5949765 (Kostner Walter) o l 333/5835917 (Lambacher Doris).   Enconter su Monti de la Sociazion Fassa

En sabeda 1° de dezember, h 18.00, te teater Parochièl de Ciampedel la Sociazion Fassa endreza n enconter dal tìtol “L segnificat de l’oposizion al goern Monti”. Tolarà pèrt l’on. Maurizio Fugatti, l sen. Sergio Divina e i conseieres Alessandro Savoi e Claudio Civettini de la Lega Nord. A Poza defilèda di Krampus En domenia ai 2 de dezember a Poza vegn endrezà la defilèda di Krampus de Fascia. I pontarà demez da la gejia de Sèn Nicolò da les 18.30 per jir fin te piaz de Comun olache sarà musega e vin ciaut per duc. Picol marcià de Nadèl

Ence chest an a Pera vegn endrezà n picol marcià de Nadèl, per didèr i bec de l’ospedèl de Kimbondo tel Congo, olache à lurà e l’é mort Betty Sommavilla da Ciampedel, e la realisazion de na tislerai de l’Operazione Mato Grosso a Tomanguina, tel Perù. L marcià é avert te Calonia de Pera en sabeda ai 8 e en domenia ai 9 de dezember, da les da les 9 a les 12 e da les 14 a les 20. Ujes averc ai Lizei de Fascia

L Lizeo scientifich, l Lizeo ladin di lengac e l Liceum de la èrts, aur si ujes en sabeda 1 de dizember, h. 8.00-12.00 e 14.00-17.00, per se fèr cognoscer dai studenc che l’an che vegn taca la scola auta. Studenc e genitores podarà cognoscer programes e materies de studie e aer informazions ence sul Ski College. Per n saer de più se pel chiamèr i referenc: prof. Domenico Bravi (Lizeo scientifich e di lengac) al 0462.763702 e prof. Claus Soraperra (Liceum de la èrts) al 0462.763575.

Referac L’autoretrat Sot al titul ”L’autoritratto - Analisi della tipologia da Giotto a Cindy Sherman” vëgnel metü da jì incö vëndres ai 23 de novëmber dales 20.30, na serada te biblioteca a Badia, cun la dr. Danila Serafini. Organisaziun: Consëi Cultural tl Comun de Badia. La forza y le sostëgn di rituai

Le Consëi de Cöra da Lungiarü organisëia n referat cun siur Tone Fiung dal tema ”Rituai dà forza y é de sostëgn tl’educaziun”, en mercui ai 28 de novëmber dales 20.00, tl salf da Lungiarü. Diapositives sön la Tera Santa

En gaujiun dla mostra ”Vire la Bibia” te Istitut Ladin a San Martin, vëgnel metü da jì en lönesc ai 3 de dezëmber dales 20.00 na proieziun de diapositives sön la Tera Santa, cun siur Paul Campei. É nosta religiun la dërta?

Chësc é le titul de n referat cun siur Sepl Granruaz, che vëgn metü da jì en mercui ai 5 de dezëmber dales 20.00, tl salf dl Istitut Ladin a San Martin de Tor. Le referat fej pert dl program de cornisc ala mostra ”Vire la Bibia”, che é metüda fora ćina ai 6 de dezëmber.

38

www.lauscdiladins.com

nr. 47 / 30 de november 2012

♦ Marćé da Nadè te plaza Pici y gragn se conforta bele da n pez al tëmp d’Advënt y ala bela atmosfera da Nadè. Inće en chësc ann vëgnel metü da jì n pice marćé da Nadè tla plaza de Comun da Corvara Tles pices ćiasotes vëgnel venü de vigni sort de patüc da Nadè, sciöche articui de artejanat, de decoraziuns da Nadè o inće spezialitês y produć tipics dl post. Al ne manćiarà sambëgn nia duciaries fates te ćiasa, de vigni sort de tês o vin cöt por i plü golusc, y en chësc ann gnaràl inće dè fora val’ da mangé. La cripele te grandëza naturala, metüda sö sön paiun te plaza de Comun, fajarà da cornisc al pice marćé. De beles musighes da Nadè abeliarà ćiamò deplü le marćé, che sarà davert dai 5 ai 9 de dezëmber y dai 14 de dezëmber ai 6 de jenà, vigni dé dales 16.00 ales 19.00. Deplü sarà inće i grups musicai che sonarà tartan le marćé a Corvara: ai 7 y ai 22 de dezëmber pòn ascutè le ”Sax Quartett”, ai 14 de dezëmber saràl da aldì le grup ”Tonalitês” y ai 27 de dezëmber y ai Le marćé da Nadè da Corvara vëgn 2 de jenà le Trio Corgn da Munt. Ai 29 de dezëmber inće iniann metü sö. saràl i Zampognari ”Paolo y Herman” che pitarà atmosfera da Nadè cun sües beles melodies. I grups fajarà i conzerć vigni iade dales 17.00 ales 18.30. En Nadè gnaràl ”Babbo Natale” a ciafè i plü pici sön le marćé y le vëndres ai 4 de jenà saràl la Poscignara che ti portarà de vigni sort de patüc duc ai plü prosc y n pü’ de ćiarbun a chi che ne stima nia. Intrames les incuntades por i mituns gnarà tignides dales 17:00 sön plaza de comun a Corvara.

♦ Al Plan: al vëgn San Micurà Le vësco passarà fora por les strades dl paîsc, acompagné da agnui y malans. En jöbia ai 6 de dezëmber dales 17.00, a Al Plan. Sön plaza de dlijia scarnic por i mituns y ola dla fortüna Al Plan i dedichëia dagnora tröpa atenziun ala festa de San Micurà. Na festa aspetada dantadöt dai plü pici. Porchël inviëia i Boteghiers - en colaboraziun cun l’Assoziaziun Turistica d’Al Plan - da gnì a ti ćiarè ala gran defilada de San Micurà, che gnarà tignida en jöbia ai 6 de dezëmber dales 17.00. Le vësco piarà ia dal salf dles manifestaziuns, acompagné dai agnui, dal berba cun so gratun y San Micurà passa indô fora por les strades d’Al Plan y ti scinca sambëgn da na schira de ai mëndri n bel scarniz. malans. Al passarà fora por la strada prinzipala por rovè ćina te plaza de dlijia, olache düć canć ciafarà val’ de ćialt da bëre y de bugn checs da bocolè. Por i mëndri ne manćiaràl nia scarnic cun de vigni sort laìte. Pro vigni scarniz saràl inće n numer, y por i mituns plü fortunà podéssel garatè na bela scincunda fora dla ola dla fortüna. Düć é bel invià.

♦ Festa de San Micurà a La Ila Ai 6 de dezëmber passa San Micurà a ciafè i mituns, acompagné da val’ agnui y inće chi dai corgn Sciöche da tradiziun, vëgnel inće en chësc ann metü da jì la festa de San Micurà tl zënter da La Ila. En jöbia ai 6 de dezëmber dales 17:00 rovaràl adarlerch San Micurà sön na gücia por gnì a ciafè düć i mituns, dan la scora de schi da La Ila. San Micurà gnarà acompagné da n pêr de agnui che ti partiarà fora ai mituns de vigni sort de patüc duc, y a chi che ne stima nia, saràle n pêr de te’ pici malans che ti scinca na röta. Te chësta ocajiun gnaràl inće dè fora n bun tê o n gote de vin cöt por se scialdè n pü’. Pici y gragn é dër bel invià ala festa, por tignì sö chësta nosta tradiziun che vëgn portada inant ann por ann. San Micurà vëgn indô a La Ila.


Informazions y Manifestazions

nr. 47 / 30 de november 2012

♦ La schitour plü asvelta dl monn

Cursc

Badiasport organisëia en vëndres ai 7 de dezëmber la 6. ediziun dla gara de nöt ”Skitourensprint” La sajun frëida mët man y insciö inće les prömes gares de schitour. A Badia vëgnel metü da jì ai 7 de dezëmber la ” S k i t o u r e n s p r i n t ”, rovada a süa sesta ediziun. Le start é dales 20.00 dlungia la Ütia Tamà sön la pista da La Crusc. Al é impröma da fà n rait a val ćina ala staziun dl lift, y spo da mëte sö les pels por jì indô ite y sö cuntra la Ütia Tamà, olache al é le travert. Inće chësc ann vëgnel fat na categoria ”Hobby” y ”Jogn”. Por le Schitour de nöt pro la gara ”Skitourensprint” a Badia. plü asvelt y che é bun da stè sot ai 10 menüć él n pest de 100,00€. La premiaziun é incër les 20.30 tla Ütia Tamà. Ala fin gnaràl trat fora de bi pesć. Por iscriziuns y informaziuns pòn jì sön www.badiasport. org o dan la gara, dales 18.30 inant, tla Ütia Tamà. Düć é dër bel invià!

♦ Dé dl Telemark

Cors de formazion per operatores turistics L Comun general de Fascia e la sociazion Ladinhotel endreza te Museo ladin a Sèn Jan trei dis de scontrèdes per operatores che vegn da fora e i laora tel ciamp del turism te val. L cors, che à per tem Fascia e sia cultura, vegn metù a jir dai 17 ai 19 de dezember. L’é debant ma ge vel se scriver ite te Museo ladin, tel. 0462.760182 dant dai 15 de dezember. Curs de preparaziun al ejam da pëiapësc

Organisé dala Uniun Pëiapësc Badia, por talian, indöt 6 serades. La pröma ai 4 de dezëmber dales 20 ales 22 tl Hotel Savoy a La Ila. Cost de 60,00€ a će (material y spëises d’iscriziun al ejam é laprò). Infos y iscriziuns anter i 3 de dezëmber al 335/8398720 (Enrico Zona) o 338/1807071 (Gilbert Irsara).

Chino Chino Eden Cortina Encuei, vender ai 30/11 y en domenia ai 02/12 saràl da vedei da les 17.30 y 21 l film de S. Castellito “Venuto al mondo”, la sabeda ai 01/12 da les 17.00 “Gli aiutanti di Babbo Natale” y da les 21.00 “Il matrimonio che vorrei”. La juebia ai 06/12 vegnìral mostré da les 18.00 y da les 21.00 “Cogan – Killing them softly.” Al Chino de Pardac

Insnet vender ai 30 de november, h 21.15 se pel veder “The possession”; en domenia ai 2 de dezember da les 15.30 l’é l film de animazion “Un mostro a Parigi” e da les 18.30 se podarà veder l film “C’era una volta in america”: passa 4 ores de programazion con buffet te la paussa. En lunesc ai 3 e en mèrtesc ai 4 de dezember h 21.15 l’é “È stato il figlio” e en vender ai 7, h 21.15 sarà enveze “007 – Skyfall”. Al Chino de Tieser

Düć à la poscibilité da cuchè ite tl sport dl telemark, en domënia ai 2 de dezëmber, en gaujiun dl dé dla porta daverta

Anché vender ai 30 de november, en sabeda ai 1 e en domenia ai 2 de dezember, h 21.15 se pel veder l film de Twilight “Breaking down”. En jebia ai 6, h 21.15 sarà da veder l film “Amour”. Al Chino de Ciavaleis

Amanć y apascionà dl telemark po se confortè al dé dla porta daverta chësta domënia.

Do i pröms floć éra indô tan inant. En domënia ai 2 de dezëmber s’incunta düć i amisc y simpatisanć dl telemark, inće prinzipianć, al dé dla porta daverta.

Insner en vender ai 30 de november, en sabeda 1° e en domenia ai 2 de dezember, h 21.15 se pel veder il film “Venuto al mondo”. Il fin de setemèna dai 7 ai 9 de dezember, h 21.15, vegnarà moscià enveze “Argo”. L chino de Cianacei l’é serà.

Dales 9.00 da doman s’abinunse pro le bar “Gran Risa” sön la plaza dl implant ”Piz La Ila” por tó coraje. Dedô jarunse da Piz La Ila ite a ciafè n pü’ de polber frësch y val’ col da slizié jö! Schi y ćialzà ciafëise da Ski Rental Renato y da Ski Rental Norbert Alta Badia. Info: info@ uslaila.it y Arthur 329/8627658.

En vender ai 7 de dezember te teater de l’oratorie de Poza da les 20.30 vegn prejentà l nef liber “Immagini per un sorriso”, con i beliscimes retrac de Doriano Brunel e Arturo Rossi. La publicazion vegn venuda dal Grop Miscionarie Freinademetz per sostegnir i projec de la pediatrìa de Kimbondo e la cèsa e tislerai di bec de Tomanguina tel Perù. A la prejentazion tolarà pèrt l Cor di bec da Poza.

Publicazions N bel liber de solidarietà

Sport Garejeda de nudé La garejedes de nudé per mutons y mutans da 6 nchin a 10 ani sarà ai 2 de dezëmber tla nudadoia MarDolomit a Urtijëi. L sarà deplù garejedes singules coche nce stafetes. La prima garejedes scumëncia dala 9.30 y les jirà inant nchin la 13.00 plu o manco. La premiazion unirà fata do la garejedes tla ustaria dla nudadoia.

♦ Tradiziuns d’Advënt

♦ Curs de snowboard

Al vëgn pité la poscibilité da rové tl’atmosfera d’Advënt, en ocajiun di domisdà söl lüch d’Alfarëi, por fà decoraziuns da Nadè y ćiarćé ”zelten”

L Snowboard Club Gherdëina mët a jì n curs per mparé a jì cun l snowboard. N se anconta l prim iede ai 9 de dezëmber dala 9.30 japé dl lift dai schi “Parallel“ sun Pana

Por s’arjigné ca al Nadè vëgnel metü da jì da pert dl’Assoziaziun Turistica de Badia tratan l’Advënt deplü incuntades sön le lüch d’Alfarëi a Badia, olache an à la poscibilité da imparé da fa decoraziuns da Nadè y ćiarè pro sciöche an fej da fà “zelten”. An s’incunta dales 16.30 dlungia la dlijia da San Linert por ji düć adöm cun i chentli a pé ćina sö da le lüch d’Alfarëi. Dailò ves aspeta la familia de Tone Piccolruaz por mëte man cun le curs de decoraziuns da Nadè. Vignun podarà fà para y se pastlenè na decoraziun che al po se tó a ćiasa da tachè sön le lëgn da Nadè. Denant co ćiarćé val’ checs da Nadè fać te ćiasa adöm a A Badia pòn passè serades d’Advënt söl lüch d’Alfarëi. na bona copa de tê cialt, saràl Rosa Piccolruaz che mostra y che spliga co che an fej da fà “zelten”. Chësta manifestaziun gnarà tignida en vëndres ai 7, ai 14 y ai 21 de dezëmber, y vigni iade saràl n ater grup musical che abeliarà la serada sön le lüch d’Alfarëi. Informaziuns y prenotaziuns pro les assoziaziuns turistiches dl’Alta Badia.

L prim iede puderà duc unì a purvé a jì cun l snowboard debant ajache l ie nce l di dla porta davierta dl Club. Da dedò jirà l curs inant per 5 iedesc, for de sada. L sarà da paië 50,00 euro. N possa se scrì su per e-mail pra info@snowg.com o cherdan su l numer 327/8370119. Nosc maestri cun ejam de stat se ncunforta sun Vo.

Unide duc a purvé a jì cun l snowboard. www.lauscdiladins.com

39


Informazions y Manifestazions Temp lede

nr. 47 / 30 de november 2012

♦ Sesto turnier de broomball

San Nicolò a Cortina d’Ampez Sciche da tradizion ruvaràl te Plaza Venezia, a Cortina, l mercui ai 5 de dezember da les 17.30 San Nicolò. Sun n bel ciar, acompagné dai angeli y da val’ malan, i portarà l Sant scincundes ai plu pici.

Les granares é arjignades, por la sesta ediziun dl turnier de broomball, che vëgn tignida chësta sabeda a Corvara

Marcé da Nadel te Ampez L 5 de dezember végnel inauguré te Corso Italia l Marcé da Nadel che restarà davert fina l 31 de dezember, i dis da laour da les 15.00 a les 20.00, i dis de festa da les 10.00 a les 20.00.

En doman sabeda al 1. de dezëmber dales 14.00 inant gnaràl desfiré a Corvara la sesta ediziun dl turnier de broomball, organisé dala Uniun Sport Amatoriala Corvara y Calfosch. An s’incunta sön le ćiamp dala dlacia ”Albert Pezzei” a Corvara. Tó pert po scuadres de almanco 5 śogadus dai 16 agn insö. Da davagné él inće pesć de scioldi por les prömes trëi scuadres. L’iscriziun é de 40,00€ por scuadra. Por se scrì ite o ciafè deplü informaziuns, pòn telefonè al nr. 333/3695936.

I Museums dles Regoles deur endò

L 6 de dezember deur endò sies portes al publich i Museums dles Regoles de Ampez, vigni di da les 10 a les 12.30 y da les 16 a les 19.30. L lunesc él sclut. Les vijites acompagnedes é tl museum d’ert l vender da les 18 (dal 28/12 inant) y tl museum etnografich l mertesc da les 18 (dal 21/12 inant). Na fin dl’edema de moda te Ampez Cortina inaugureia la sajon da d’invern con n “Fashion Weekend”, na fin dl’edema tl segn dla moda y dl’eleganza. Dal 7 al 9 de dezember saràl te Ampez boteighes davertes ence da seira, manifestazions te plaza, musiga y aperitifs. Per infos: cortina.dolomiti.org. Batadù di Stödafüs da Rina

En domënia ai 2 de dezëmber dales 14.00, vëgnel tignì tl gran salf a Rina n gran batadù, che é inće le terzo apuntamënt dl Batadù Ladin. I pröms davagna 2 x 400,00€. Prenotaziuns al 335/7746679 o la domënia do les 10.00 al 0474/501822. Chësc dé gnaràl inće tignì la premiaziun finala dl Batadù Ladin. I fajun adöm na ćiasa de checs da mil

Le Zënter Families Mareo inviëia mituns y mitans dla elementara. Chi ćina ala terza elementara mëss ester acompagnà da n gran. I s’incuntun en vëndres ai 14 de dezëmber te salf di jogn d’Al Plan. Cost: 10,00€ por scrić ite al ZFM, 13,00€ por i atri. Iscriziuns al 339/5912655 (Rosmarie). Le nr. de partezipanć é limité Nadel ispirà al Medieve a Tluses

Ncuei vënderdi ai 30 de nuvëmber uniràl giaurì ufizialmënter l Nadel che nes lecorda l Medieve a Tluses. Dala 5 domesdì saràl da udëi na defileda de camiei che va tres la stredes dla zità y l unirà mustrà coche l univa laurà tl Medieve. La bela atmosfera puderàn se goder nchin ai 23 de dezëmber ntan i fins dl’ena, da vënderdi nchin dumënia, 10.00 - 19.00. Festa de San Miculau dla Paures

La Lia dla Paures de Gherdëina mët a jì na festa de San Miculau ai 4 de dezëmber dala 14.00, tla Locia a Urtijëi. San Miculau unirà a nes crì pra na pitla marënda cun mujiga. Marcià da Nadel metù a jì dala Jungschar de Urtijëi

N dumënia ai 2 de dezëmber dala 7.00 nchin la 12.00 da mesdì, mët la Jungschar de Urtijëi inò a jì l marcià da Nadel te calonia basite. Stories per mëndri

L Istitut Ladin “Micurà de Rü“ nvieia ncuei vënderdi 30 de nuvëmber ala prejentazion dl liber “Florian y l pitl igl“ y a n’ëura ulache l ti unirà liet dant stories a mëndri danter 3 y 6 ani, te Sëlva te biblioteca dala 14.00 cun Irene Moroder. Pastelné cun Martina La Nëus Jëuni Gherdëina mët a jì cin’ domesdis de pastelné cun Martina, for dala 14.30 nchin la 16.30, per mutons y mutans dala prima nchin ala terza elementera. N possa mo jì a pastelné ai 12 y 19 de dezëmber. Per se lascé nuté su pudëis cherdé su la NJG 0471/799006. Sëira de bal Country

La Country Girls Gherdëina deberieda cun l KVW nvieia duc i apasciunei de balé a na sëira de bal Country Line Dance, ai 1. de dezëmber dala 20.00 te cësa de cultura Luis Trenker a Urtijëi. Duta la grupes de Country Line Dance dla valedes ladines y de Südtirol ie nviedes. Marcià da Nadel dla Locia

Nosc prudoc ie da udëi y cumpré da vënderdi 7 de dezëmber nchin dumënia 9 de dezëmber tla sala dla Cësa de Cultura a Urtijëi dala 9.00 nchin la 12.00 y dala 15.00 nchin la 19.00. Film da Nadel per mëndri

N juebia ai 6 de dezëmber uniràl mustrà dala 15.00 te biblioteca San Durich a Urtijëi n film per mëndri. Stories n con'dl Avënt y Nadel

N vënderdi ai 7 de dezëmber uniràl dala 20.00 liet dant te biblioteca San Durich stories n con’ dl Avënt cun Esra Voglgsang y Claudia Stürzinger. Danterite uniràl nce sunà. Prejentazion dl liber de poejies tl stil haiku y cunzert

L zënter culturel Maria Heim a Bulsan nvieia duc ai 14 de dezëmber y ai 11 de jené dala 20.00 a n cunzert cun la sopranista Lilia Ianeva y l pianista Roberto Satta. Ala fin dl cunzert uniràl prejentà l liber de poejies “Daujin“ scrit per talian, tudësch, ladin y bulgaresc cun ilustrazions de Vinzenz Senoner. Prejentazion dla CD di Hosianna dal titul “La Corda”

I Hosianna nvieia de cuer ala prejentazion dla CD “La Corda” ncuei vënderdi ai 30 de nuvëmber y n dumënia ai 2 de dezëmber for dala 20.00 te calonia de Sëlva. Per resservé na lerch danora prëibel cherdé su l numer 333/6723011 danter la 18.30 y la 21.00.

40

www.lauscdiladins.com

Les döes scuadres finalistes dl ann passè.

♦ Otto Piazza y “si” puent da La Bula Ncuei vënderdi ai 30 de nuvëmber saràl dala 15.00 pra l puent da La Bula te Sëlva la premiazion ufiziela dla scumenciadiva “Abelì nosc luech“ cun la prejënza dl artista Otto Piazza y dl’autoriteies dl luech Tl cuntest dla scumenciadiva “Abelì nosc luech” metuda a jì dal Chemun de Sëlva bele da n valgun ani incà y che à udù la realisazion de opres d’ert te de plu lueges, danter l auter nce sun l vedl troi dla ferata de Gherdëina, iel nce unì a s’l dé l cuncors per abelì l puent ta La Bula. Per abelì chësc puent de acel che passa sëura streda via, iel śën unì metù su l lëur artistich de Otto Piazza, scultëur de Sëlva che ova venciù l cuncors, dan Samuel L lëur de Otto Piazza che à venciù l cuncors. Perathoner y Isabell Pitscheider. L lëur de Piazza nes mostra l motif di schiadëures che passenea ite drët bën cun la cuntreda ntëurvia y ie unì fat cun materiai adatei al ambient alalergia. Chësta ie stata la motivazion dla iuria che à crì ora l lëur de Piazza. Unide duc n vënderdi ai 30 de nuvëmber dala 15.00 pra l puent da La Bula te Sëlva ala premiazion.

♦ Doi garejedes FIS de Slalom strënt sun

Plan de Gralba N mierculdi ai 5 de dezëmber y n juebia ai 6 de dezëmber mët l Schi Club Gherdëina Saslong a jì deberieda cun l Zënter Sportif di Carabinieri sun l purtoi “Falk” sun Plan de Gralba” doi slalom strënc che vel sciche garejedes FIS junior Pra chësta gare-jedes féjel pea mutons danter 16 y 20 ani che vën da dlonch caprò. L unirà pia via cun la prima manche dala 9.00 y cun la segonda dala 12.00 da mesdì. L Schi Club Gherdëina nvieia duc i apasciunei de schi a unì a ti cialé ala garejedes y a fé tifo a chisc jëuni, che ie danter i miëures che vën do. I jëuni garejea sun Plan de Gralba.


nr. 47 / 30 de november 2012

Trasmiscions TV y Radio Scenar - ert y cultura tla Ladinia En jöbia, ai 6 de dezëmber dales 20.30 va en ona sön la Rai TV Ladina na ediziun nöia de Scenar, metüda adöm da Karin Pizzinini, cun la produziun de Jan Piere Karbon. I argomënc de Scenar de dezëmber à da fà cun musiga, pitöra y artejanat artistich. Valentina Trebo y Marc Perin–dui musizisć che arà suzes: Le duo de chitara ćiamò scialdi jonn, metü adöm da Valentina Trebo y Marc Perin n’adora degönes notes por sonè, te n stil scialdi particolar, che te süa dinamizité po inće ester dër fin. Nia ma ćianties conesciüdes dal ambiënt rock y pop, mo inće de beles melodies che ai à scrit instësc. I podarun dessigü inće tl dagnì aldì ćiamò tröp de chisc dui jogn da talënt. Luigi Pederiva - à condüt sü chedri fora por le monn: Cun passa 90 agn à l’artist fascian ćiamò n bel sëns dl humor y na man frëma, y cun püćes lignes fejel comparì sü motifs, che é tres stà contrades y elemënc dla natöra. I orun ti aodé ćiamò tröp bëgnester y la serenité che al se chirî, poester, te sò depënje. Heide - porta le Nadè tles ćiases: Le Nadè Tla bercstot de Heide Krippen. é na festa dla familia y dla ligrëza. Döta la familia Demetz laora deboriada por cherié sües beles cripeles, le simbol plü important de chësta festa, che ciafa süa lerch tles ćiases y ti cörs de pici y gragn. Chësta trasmisciun é sostignida dala Rai Ladina en colaoraziun cun l’assessorat ala Cultura Ladina dla Provinzia de Balsan y dala Regiun Trentino-Südtirol. Informaziuns plü menüdes söi programs radio y TV Ladina pòn ciafè sön www.raibz.rai.it. La trasmisciun sarà da odëi por n’edema alalungia, en chësc iade fina ai 8 de novëmber sön www.raibz.rai.it “Kairos”: l temp del Spirit sun TML

Sun TML de sabeda e domenia se pel veder la rubrica religiousa “Kairos”, con letura e coment del Vangele de la domenia. A portèr dant la reflescions su la Parola de Die l’é ades don Bruno Daprà da Moena, preve fora Tieser. L program vegn manà fora de sabeda h. 18.30, 19.45, 21.15 e 22.15; de domenia h. 7.15, 10.00, 12.00, 14.00 e 18.45. La programazion de TML é ence sul sit www.tmltv.it e i programes de Ercamedia sun www.tvladina.com. La contìes anchecondì, tel Cianton de l’Istitut

Te “L Cianton de l’Istitut” sun TML se pel veder l program “La contìes da zacan tel temp da anchecondì”, olache vegn metù a confront “La mort e la meseria” te sia verscions originèla e atualisèda da l’artista Althea Thauberger, didé da la paroles de l’antropologh Cesare Poppi. Oraries orientatives: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15 e vender h. 11.30. “Ercaboan” sun TML e sul web

Sun TML ogne sabeda va fora n nef program de la rubrica “Ercaboan” de Silvano Ploner. Chisc i oraries: sabeda h. 18.00 e 20.45; domenia h. 13.30 e 18.15 e dapò duta la setemèna: lunesc h. 20.45; mèrtesc h. 17.30; mercol e jebia h. 18.15; vender h. 20.00. La programazion de TML é da veder ence sul sit www.tmltv.it e la produzions de Ercamedia ence sun www. tvladina.com.

Iadi, jites y escursions L’Uniun Maestri Ladins va a ćiarè l’opera ”Il Barbiere di Siviglia”

L’opera é a Desproch y l’apuntamënt é por en vëndres ai 21 de dezëmber. An pëia ia dales 14.00 da Corvara (botёga Kostner), 14.05 da La Ila, 14.10 da Pedraces, 14.20 da Pidrô, 14.25 da Picolin (burćia), 14.35 da Longega. Prenotaziuns ćina ai 5 de dezëmber al 0471/839714 (da sëra).

Sozieles Cena de solidarietà de la Crousc Checena Insnet, vender ai 30 de november, da les 20.00 a l’Hotel Cavalletto de Moena l Grop Sozio Assistenzièl de la Crousc Checena de Fascia la endreza la tradizionèla cena de solidarietà. Gherlandes d’Advënt a San Ćiascian

Al vëgn indô l’tëmp d‘Advënt y inće chësc ann saràl la poscibilité da cumprè na gherlanda, en sabeda al 1. de dezëmber dales 16:00 ales 18:00 te salf de calonia, y la domënia ai 2 de dezëmber do mëssa ćina les 11:00. Ći che vëgn trat ite i va al’assoziaziun ”Frauen helfen Frauen” dla Val Badia. N bel dilan danfora. Deberieda: Festa de San Miculau

N juebia ai 6 de dezëmber se ancunterons dala 16.00 tl local dla sentedes dl Servisc Soziel ulache l unirà San Miculau. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per nfurmazions plu avisa pudëis cherdé su Ulrike Rabanser, tel. 0471/798015.

Segres y Festes Sagra de Sèn Nicolò a Poza

En jebia ai 6 de dezember gran festa a Poza per Sèn Nicolò. Se taca da les 10.30 con la defilèda da Piaz Sèn Nicolò fin te gejia grana, olache da les 11.00 vegn dit messa. Dò te tendon l’é la marena per endrez di gropes Freinademetz e Operazione Mato Grosso, da les 14.00 festa per i bec e Nutella Party con la sociazion Bambi. Da les 16.30 rua Sèn Nicolò e i diaoi e dò sarà la loterìa, la premiazion del concors fotografich de la Festa ta Mont e l conzert de la Musega de Poza. Da les 19.30 cena per duc e da les 20.30 inant musega coi Alpenboys.

Informazions y Manifestazions ♦ Cie ëis’a gën? La Lia Culturela Tublà da Nives, l Museum Ladin Ciastel de Tor y l Touriseum nvieia n merdi ai 4 de dezëmber duta la jënt dala 18.00 ala giaurida dla mostra “Cie ëis’a gën?“ L se trata de na mostra particulera n con’di ciulieres te Sëlva. Chësta mostra fova bele unida fata tl Touriseum a Maran tl 2011 y sun nteressamënt dl Museum Ladin Ciastel de Tor vëniela purteda te Sëlva, luech coche Maran, che viv dantaldut de turism y perchël nteressant per ilustré la carateristiches y particulariteies di ciulieres y la ciulées, figures profesciuneles L lëur di ciulieres ie de gran valor per nosc gesć. danter la plu mpurtantes per fé ste bën nosc ghesć. La mostra sarà davierta nchin n Lunesc de Pasca 2013.

♦ Slope Food, i aperitifs sön pista Cun le ”Gourmet Skisafari” mët man la sajun da d’invern tl’Alta Badia. Na roda fora por deplü üties, por ćiarćé de bunes derzades arjignades dai coghi gourmet En domënia ai 2 de dezëmber vëgnel metü da jì tl’Alta Badia le pröm Gourmet Skisafari. Te chësta ocajiun vëgnel presentè le ”Slope Food - l’apertif sön pista”. Por le cuarto ann vëgnel inće pité l’iniziativa ”Saûs dl’invern”, te dodesc üties sön les pistes dl’Alta Badia. La novité de chësc ann é le Slope Food - la verjiun invernala dl ”finger food” o ”street food”. Tratan döt l’invern àn insciö la poscibilité da ćiarćé tles dodesc üties che tol pert al’iniziativa n pice snack, cherié da n cogo gourmet y acompagné da n gote de un di mius vins de Südtirol. Le Skisafari Ai 2 de dezëmber dales 10:00 ales 16:00 saràl te sis üties i coghi che à cherié chëstes spezialitês, che cujinarà süa derzada. Düć canć é invià da tó pert a chësta manifestaziun, olache an po ji cun i schi da na ütia al’atra y ćiarćé de vigni sort de apertifs ”Slope food“. Chëstes é les üties olache an po storje pro ai 2 de dezëmber por se lascé vizié y ćiarćé les spezialitês arjignades cun i mius produć de Südtirol: -Pro la ütia de Bioch, liada a Norbert Niederkofler dl restorant St. Hubertus, pòn ćiarćé le taì ”Marmolada Gourmet”: n tartar de salmerin cun crema de soni y limone, scaia de ćiajó grisc, ciola blancia cöta cun ajëi de vin blanch y cioce de Südtirol crocant, gurches y jet acompagné da n Gewürztraminer de Südtirol. -Pro la ütia ”I Tablà” saràl Arturo Spicocchi d’La Stüa de Michîl che cujina na massëdla de porcel cun mil de Südtirol sön na scaia de soni y jet, cun cioce de Südtirol crocant. Laprò passenëia n bun St. Magdalener. -Por le pröm iade fej inće pert la ütia ”Ciampai”, liada a Fabio Cucchelli, cogo dl restorant La Siriola. Al presentarà na mousse de bacalà, cun polëinta y cioce crocant de Südtirol. Chësta derzada vëgn pitada adöm a n gote de Pinot blanch de Südtirol. -Pro le ”Club Moritzino” saràl le cogo Lorenzo Cogo dl restorant ”El Coq” de Marano Vicentino: al arjigna ca na salata vegetariana cun ciüfs, früć y erbes de Südtirol, adöm a n gote de Sauvignon. -Matteo Vigotti, le cogo dl restorant ”Peck” de Milan, cujinarà pro la ütia ”Col Alt” n crocant de pan de munt cun n budin de ćiajó parmesan, poms y cioce de Südtirol, Chësta é la ”mapa” che mostra l’itinerar dl Gourmet acompagné da n Skisafari. Gewürztraminer de Südtirol. -Pro la ütia ”Piz Arlara” saràl n cogo inglej che mostrarà so förtl te ćiasadafüch. John BurtonRace presentëia süa spezialité: “Manz de Südtirol cun cioce y poms”. Laprò vëgnel aconsié n gote de Lagrein de Südtirol. An n’arà nia ma la poscibilité da ćiarćé dötes chëstes derzades, mo inće da baié cun le cogo y da ti damanè de vigni sort de consëis. Por tó pert ala manifestaziun bàstel jì pro öna dles üties, olache an po cumprè la cherta che contëgn düć i sis apertifs, al prisc de 40,00€. Tl cajo che les pistes preodüdes ne gniss nia dötes daurides, pòl ester che al vëgnes fat n valgönes variaziuns al program. www.lauscdiladins.com

41


Congratulazions y Inserac

nr. 47 / 30 de november 2012

Che è pa cösta snaidiga giovanota? Cösta è

A nosta Valentina döt le bun por sü 18 agn. Trepes ligrëzes por le dagnì y che ara romagni entrês ennant tan dla bona löna. Töa familia

A nosta tota che à cumplì i agn ai 26 de nuvëmber. Pur avëi complì chësc numer tan bel toronn urunse t’augurè düt le miù de cör! Che la vita te sparagnes ćiamò tröpes de beles sorpreses te familia, cun i nus y cun sorus...

Gertrud nosta tota! Canche zacai se fej mé o à mé de spiné, este dagnora atira arjignada da daidé con les copetes y flastri de vigne curù da varì zacai este propio la miù! Al 1. de dezëmber complësceste i agn y i te dijun de döt dër bel iolan. I t’aodun de cör döt le bun y adöm fajarunse en gran festun! David to fioc, Katia töa fiocia y le resto dla familia dal Brocia

Y, sciöche bel’ dit dan valgügn agn: ”Tüa Jonëza ne é dî nia ćiamò passada!”

Congratulaziuns a

Daniela Dejaco

Tües trëi fioces di ”Pini”

por avëi stüt jö, tl’Université da Padua, i prüms 3 agn de stüde da injinier dl’ informaziun. Döt le bun! En gran complimont ti fajunse

Tüa familia

a nosta Manuela por avëi slüt jö l’ejam dla laurea de scionzes dla formaziun primara.

Döt le bun y trepa ligrëza te to laûr tal dagnì t’aoda Werner con Johannes y les families sii d’La Pli co da Rina!

Al n’é nia da crëi mo al é vëi. Ai 28 de novëmber à la

Zilia In lünesc ai 3 de dezëmber él nosta lâ

Alma da La Ila che cumplësc la bela eté de 65 agn. Düt le bun da tü nus Gabriel, Sebastian, Nicole y Daisy

i 70 agn cumplì y cun nos düć la torte àra partì. Al é tres bel da gnì sö Ćiablun a te ciafè a s’la rì y s’la cuntè pro n bun cafè. Te augurun tröpa sanité y furtüna y che te restes tres inant tan da urëi bun y dala buna lüna. Düt l’bun da düć chi che t’ô bun.

Da vende Per

Aldo Dut l bon ulons te mbincé ajache la bela età de 80 ani posses festejé. Per dut chël che te es fat per nëus te rengrazions y mo truep de biei ani, sanità y legrëza te mbincions. Ti fëna y la trëi mutans cun families.

Da vëne cërtli por auto Fiat, Alfa o Toyota 215/50/16 OZ Racing, cun montli da d’isté “Bridgestone Potenza”, dui da baratè y dui ćiamò bugn (al 70%) a 350€. Da vëne inće cërtli por düć i modì de Alfa Romeo, originai, 195/50/16, cun montli da d’invern “Marangoni” y “Nokian, al 80%, a 450€. Tel. 339/7906738. (45/12) ••• Da vëne n Quad CAN-AM Renegade 80 Xxc dl 2011 cun 2.500 km, puscibltà da taché ite n vericello, filter dal’aria daviert y de autri optionals, te de buniscima condizions, ciamò en garanzia. Tel. 0471/8475340o 347/8907846. (45/12) ••• Da vëne montli da d’invern cun cërtli 205/55/16 y na patrî d’auto nöia. Tel. 340/7958192. (46/12) ••• Al vëgn venü a bun prisc plates de tët

dla marca Erlus, model Ergoldsbacher Großfalzziegel XXL, corù antrazit, por curì na spersa de zirca 35mq. Tel. 338/1230358. (46/12) ••• L vën vendù na mascin tan che nueva da lavé guant dla Bosch. Tel. 338/6075201. (47/12) ••• L vën vendù na motoslita Lynx Yeti 600 SDI, Polaris Wide Trak 500 , Yamaha V Max 700 SX y Arctic Cat F 1000. Tel. 348/7073294. (47/12) ••• Al vëgn venü n banch a ćiantun de lëgn 1,30 x 2,00 a € 300,00 cun mësa y scagns, na scrivania a € 100,00, en furn a legna da ciasadafüch tan co nü a € 900,00. Tel. 339/1616695. (47/12) ••• Da vëne 4 montli da d’invern mantignis

L vën cris n pitl cuatier de n 50-60 m2 da tò a fit a Urtijëi per dut l ann. Tel. 388/1470992. (45/12) ••• Na studënta chier n pitl cuatier o na majon (monolocal) per l ann de scola sce la va a Urtijëi. Tel. 328/0496104. ••• Vegn chierì n cartier da tor a fit, da soula o da spartir con de etres, per duta la sajon

da d’invern a La Ila o ló vejin. Per piajer chiamà ite Elisa Vian da Fascia al numer 334.3330392. ••• L vën crì n cuatier de 55 m2 plu o manco te Gherdëina per dut l ann. Tel. 327/6238980. (46/12) ••• L vën cris n pitl dlaciadoi "da bar" per l Circolo - Lia Mostra d'Ert de Urtijëi.

Da chirì

Ai 3 de otober del 2012 desché n Bambinol, l’é ruà

Kristian

a ne dar legreza e gaissa te noscia ciasa. I frades Daniel e Veronika, mama Marika e papà Giacomo i l’à tant spetà, e duc ensema, da Cianacé a San Pelegrin ge dijon benvegnù a chest picol fantolin. Te fajon en gran braciacol Nona Angelina e duc chi de ciasa

42

www.lauscdiladins.com

bun y 2 montli da d’isté nüs, cun 4 felghes, model de intrami:185/65 r15 88h, po gni adorà p.ej. por Opel Corsa D. Tel. 346/1558642. (47/12) ••• L vën vendù a n bon priesc n pèr de schi nueves dla marca Völkl Racetiger Speed Wall GS 170 cun n radiums de 17,0 m cun liamënc dla Marker M 10.0 comp. Tel. 347/5928459. (47/12) ••• Al vëgn venü n pêr de schi da jì cun les pels por n ël, tan co nüs cun atach de carbonium y cun ćialzà dai schi numer 42. Tel. 329/4119154. (47/12) ••• Da vëne n implant de amplificaziun audio che podess jì bun inće por üties da munt, de secunda man, te de bunes condizuns, da odëi a Bornech, tel. 339 1916075

Chiche n ëssa un da garat ie prià bel de cherdé su l numer 333/6870283. (47/12) ••• Al vëgn chirì n palfier, che an tolô dandaìa da pestè le pavè. Chi che n’éss, é bel perià da telefonè al nr. 347/9420530. (46/12) ••• Al vëgn chirì da cumprè n tractor de secunda man, a n bun prisc te de bunes condiziuns. Tel. 338 5885808

Da dé ia L vën scinca na sia zirculera da mëisa (Kreissäge) puech adurveda, cun la sia de vidia, adateda a sië su lënia,

mesures dla mëisa 50 x 75 za. Tel. 348/3380455. (45/12) •••

Scincon doi blòc giac nëc de doi mënsc. Prëibel cherdé su l numer 348/4761818. (47/12)


Inserac, Religion y Anunzies

nr. 47 / 30 de november 2012

Chirì da laour N’ëila che stà te Sëlva chier da lëur a rumé su majons te n hotel o garni te Sëlva o a S. Cristina danmesdì. Tel. 338/6010762. (45/12) ••• N’ëila dla Talia che sà nce mpue de tudësch y nglëisc chier da lëur per la sajon da d’inviern. E-mail emanuela@ europrodramsrl.it (45/12) ••• Na ëra cun esperiënza chir laûr da badanta, o inće te n hotel, por la sajun da d’invern. Tel. 366/2703569 o 373/3336241. (45/12) ••• Na studënta che sà talian y nglëisc chier da lëur a rumé su majons, coche barista o te na cësadafuech a lavé ju, da sëira. Tel. 328/0496104. (45/12) ••• N ëila dla Talia cun esperienza chier da lëur a rumé su majons te Gherdëina. Tel. 320/7538650. (45/12) ••• N ël che sà talian y n puech tudësch chier da lëur coche segondo cuech o a lavé ju te na cësadafuech. Tel. 320/8322167. (45/12) ••• N ël chier da lëur a lavé ju, coche segondo cuech, a fé de uni sort de stroc o nce a cialé de na persona de tëmp. Tel. 388/3908128. (46/12) ••• Na jona de 22 agn che à impormò stlüt jö i stüdi tl’ Université chir laûr te n ofize tla Val Badia. Ara baia talian, todësch, franzesc y inglesc. Tel. 334/3388046. (46/12) •••

Üćia de Sennes chir por la sajun da d'invern 1 ćiamenëssa. Prëibel cherdè sö le 328/7945579 o menè na e-mail a info@sennes.com

Ütia da munt Lee a Badia chir na porsona a daidé a sorvì por n per de ores da misdé da les 12.00 – 15.00 por la sajun da d’invern. Prëibel cherdè sö le 347/2383927.

Na cësa che fita via majons te Sëlva chier per la sades danmesdì n’ëila a judé a rumé su per la sajon da d’inviern. Prëibel cherdé su l 348/7933379.

La firma Pema produzion y export de scultures de lën de cualita auta cun sënta a Puntives chier n’ëila adateda a cialé do de pitla figures. Sce la sà da ziplé do iel de utl per l lëur. La stiera ie per dut l ann, sada y dumënia liedes. Plu nfurmazions giapëis pra l numer 338/8184493. Hotel Lech da Sompunt a Badia chir na secretêria inće por döt l'ann. Prëibel cherdè sö le 320/1741872.

L vën cris da lëur a lavé ju te na cësadafuech o a fé de uni sort de stroc. Tel. 327/0387517. (46/12) ••• L vën crì da lëur a lavé ju o a fé de uni sort de stroc. Tel. 329/4923548. (46/12) ••• N ël chier da lëur a fé l vardian te n hotel o pension o a fé d’uni sort de stroc. L à nce la patent B y à bele esperienza de lëur te Südtirol y te Gherdëina y sà la rujenedes tudësch, talian y nglëisc. Tel. 334/7442009. (46/12) ••• N ël chier da lëur a judé te cësadafuech, a lavé ju o fé l vardian de cësa. L à bele set ani de esperienza de lëur y sà la rujenedes tudësch, talian y nglëisc. Tel. 333/8864979. (46/12) ••• N’ël chier da lëur a lavé ju, a fé de uni sort de stroc, a rumé su o te n magasin da śën inant. Tel. 327/3134246 o 366/1703017. (46/12) ••• N’ëila chier da lëur a rumé su mé danmesdì te Gherdëina. Tel. 347/8589029. (46/12) ••• Na jëuna cun esperienza chier da lëur a rumé su cuatieres o a cialé de pitli mutons o da chelnera. Ëila rejona spanuel y talian. Tel. 346/7238254. (46/12) ••• Chiere lurier a fèr l pech, fèr pizes o ence l cheler o auter, per la sajon da d’invern o per dut l’an. É esperienza desche gestor de pizerìa, bruschetteria e bar. Cognosce belebon ence l todesch. Chiamèr l 338.6045461. Stefano Paoletto, via Ca’

N residence a La Ila chir na ëra a puzenè apartamënć les sabedes. Prëibel cherdè sö le 0471/847041.

Ronzani 8, 36030 Sarcedo (VI) ••• Badante ucraina con documenc a post, te la Tèlia da n muie de egn, con esperienza ence te Fascia, chier lurier da sobito. Chiamèr Maria al numer 339/8961140. ••• N ël chier da lëur coche segondo cuech, a lavé ju o a judé te na cësadafuech. Tel. 329/2389080. (47/12) ••• N ël dla Talia de 45 ani che viv bele 10 ani te Gherdëina, cun esperienza de lauré sun l computer, chier da lëur te n hotel o te n ufize te Gherdëina. Ël rejona talian, nglëisc, tudësch, spanuel y rus. Tel. 349/8011901. (47/12) ••• Na jona dl post chir por les sabedes n post da jì a puzenè apartamënć o ćiamenes. Tel. 348/0012359. (47/12) ••• Na ëra dla Val Badia chir por n per de ores dui dis al’ edema da superscè. Tel. 340/5627574. (47/12) ••• N’ëila da tlo chier da lëur a rumé su a fé majons a paidelné o a cialé de pitli mutons. Tel. 338/1568397. (47/12) ••• N’ëila cun esperienza y de bona referënzes chier da lëur a cialé de na persona de tëmp, a rumé su majons o nce a rumé su te na cësa privata. Tel. 329/1380496. (47/12) ••• N’ëila dla Romania cun esperienza che sà la rujenedes talian, nglëisc y spaniol chier da lëur. Tel. 340/4197206. (47/12)

Vangel dla Domenia Pröma Domënia d’Advënt, ann C, ai 2 de dezëmber 2012 Dal vagnele do San Lüca, 21, 25-28.34-36 Te chël tëmp à Gejù dit a sü discepui: ”Al apariarà sëgns te sorëdl, tla löna y tles stëres y söla tera sarà i popui plëgns de tëma y de spavënt por le rausciamënt y le drumblamënt dl mer. La jënt se desfantarà dala pôra, aspetan les cosses che vëgn sura la tera: ćiodiche les potënzes dl cil gnarà scassades decà. Spo odaran le Fi dl Om gnon te na nìora cun gran potënza y gloria. Canche döt chësc mët man, spo derzésse sö y alzede le će; deache osta salvëza é daimprò. Metede averda che inciocades y sboaciades y i fistidi da vignidé ne ves inciurnësces nia y che chël dé ne ves tomes nia ados sciöche na tënora; deach’al gnarà sura düć i abitanć de döta la tera. Stede muntri y periede demeztrù, ch’i podëise ti sciampè a döt ći che sozed y ti jì adincuntra al Fi dl Om. Parora dl Signur. - Lalt a té, Gejù Crist!

Recordanza “N amich, n ejempie, n maester de vita”

Michele Nardin 28.11.2011 – 28.11.2012 Acà n an l’é vegnù a menciar l medico de l’Aiut Alpin

L vën fità via tl raion da jì a pe a Urtijëi n cuatier adatà per ufize (170 m2). Tel. 340/4131653.

L Socors da Mont Zenter Fascia lo recorda con encresciujum

Rengraziamënt L vën fat a l savëi che l’aministrazion cumenela à la ntenzion de tò su dai 14.01.2013 nchin ai 30.06.2013 n gheometer tla VI cualifica funzionela a tëmp determinà cun orar a tëmp determinà al 50%. Per tò ite chësta stiera vëniel damandà la cundizions che vën dò: 1) Dplom da gheometer 2) Atestat de trilinguism B La dumandes muessa unì dates ju tl secretariat dl Chemun de S. Cristina nchin la 12.00 di 14.12.2012, ulache l ie nce da giapé nfurmazions plu avisa.

”Pur tres te nüsc cörs”

Emma Rubatscher vëd. Pezzei *11.01.1929 +21.11.2012 Uressun de cör ringrazié düć canć l’dutur Eduard Agreiter, les infermieres dl Raiun Sozial, Siur Ploan Paul Campei y Siur Heinrich Perathoner, l’Cor de Dlijia pur so beliscim ćiantè, y düć chi che é stà dër lezitënć da gnì a la ciafè y ti é stà dlungia te süa maratia. N dilan inće a düć chi che à purtè pro val’ sorvisc pro la sopoltöra. De cör dilan, Chël Bel Dî s’l paia.

L ambolt Eugen Hofer I familiars Hotel Sport a Calfosch chir 1 secretêr/ia cun bona conescënza dl talian, todësch y inglesc y dl program AsaJ, da atira ćina ala fin de aurì y eventualmënter inće por la sajun da d’isté. Prëibel cherdè sö le 0471/836074 o menè le curriculum a hotelsport@rolmail.net

Rengraziamënt I se recordun tl’oraziun de Ie aspiete tlo tla cësa di tieres sce zachei unissa a me tò. Prëibel cherdé su l Tierheim Obervintl 0472/868172. www.tierheimobervintl.it

L Cavallino Bianco Family Spa Grand Hotel a Urtijëi chier per i seniëures dl hotel na “Sport- Ski- & Wanderguide“. Chëi che à bele esperienza te chësc ciamp, che ie wellnesstrainer o à fat na scola profesciunela de sport vën trac dant. La stiera ie per dut l’ann y per plu giut. Per nfurmazions cherdé su l numer 0471/783333 y damandé do Ralph o mandé n’ e-mail a ralph@cavallino-bianco.com

Anna Moling vëd Miribung dl Furchëta *25.07.1934 +19.11.2012 Uressun de cör ringrazié düć chi che à tut pert a nosc dulur y che se recorda de vëra tles oraziuns. Giulan a chi che ti é stà dlungia, che é jüs a la ciafè y a chi che à perié pur vëra. N giulan particular a düt l’personal dla ćiasa de palsa, al dutur Agreiter y Di Marino, ai proi siur Franz y signur Angel, ai ćiantadus y a düć chi che à fat val’ survisc. Giulan dles ofertes, dles ćiandëres y di ciüf. Chi de familia

Pension Edelweiss a San Ćiascian chir por la sajun da d’invern n cogo, na boteghiera dl post. Prëibel cherdè sö le 320/1741872.

A Urtijëi vëniel crì n’ëila che unissa a rumé su cuatieres la sades danmesdì per la sajon da d’inviern. Prëibel cherdé su l 338/5393424 o l 0471/797082.

Residence Ciasa Giardun a La Ila chir na ëra a puzenè apartamënć por les sabedes. Prëibel telefonè al 0471/849328 o al 335/6761788.

www.lauscdiladins.com

43


La Usc di Ladins  

edition 4712

Read more
Read more
Similar to
Popular now
Just for you