Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 47/2011 - 02 de dezember 2011

Zoom

2

Vidleda a Col I son stés a ciafé Col y l diretour dla "Cesa de Jan" Moreno Kerer.

Turism

15

IR

Debora, nosta atleta dl ann

Comentar de pruma

Per l prum iade à la lita tout ite, dlongia a Gherdeina, ence les valedes de Fascia, Fodom y dla Val Badia. Debora Agreiter, atleta nazionala de paslonch, à podù pié do l titul fora dles mans dla giuria y dl Atleta dl Ann 2010 Elena Runggaldier

Energia "nöia"

de Iaco Rigo

Priejes Ciun ie pa l drë’ priesc, sibe d’inviern che d’instà, ma nce tla sajons basses?

Sanità

17

Bòt al cë Te plu luesc de Südtirol, danter l auter nce tla Val Badia, iel unì metù su grupes de autoaiut per persones tuchedes dal mel dl bòt o trauma al cë. Gertrud Calenzani deberieda un l Servisc sozio-saniter de Gherdëina prejentea chësta grupes.

Fascia

19

Poza e mobilità L Comun à aproà n document per la Comiscion mobilità del Comun General che domana soluzions ence per Pera, Meida e Sèn Jan

Val Badia

23

Santa Zezilia Deplü cors y musighes dla valada à festejé cun n conzert la patrona dla musiga de dlijia. Cotan de mëmbri à podü pié do onoranzes.

Al Plan

27

Generala dl turism Bilanz, novitês y propostes é gnüs presentà en gaujiun dla sentada generala dl’Assoziaziun Turistica d’Al Plan.

Frabiché

29

Sensibilité Döes families dla Val Badia é gnüdes onorades a Balsan por süa sensibilité tla restrotoraziun de frabiches storiches.

Pudejé

33

Copa Cuntinentela Mont de Pana/Ciandevaves: n purtoi che vel. Ntujiasm de atlec y spetadëures.

La joena Debora Agreiter. L pest àla pié do empormò do sies garejedes dla Scandinavia.

Atualité - Debora Agreiter, classa 1991, é la “atleta iunior dl ann 2011” dles valedes ladines de Gherdeina Val Badia, Fascia y Fodom. Dant otedì, sabeda seira, él gnu lascé al savei a Urtijei te na festa bendebot plajoula y vijiteda, i finalisć dla lita dl “atlet iunior dl ann 2011” y les prumes trei atletes: Alexia Runggaldier (terza), Verena Hofer (seconda) y Debora Agreiter (pruma). Al é sté l prum iade che la lita à ence volù tò ite les vals ladines aldefora de Gherdeina, y per l prum iade é la “atleta dl ann” na badiota. Debora Agreiter à coiù adum dret n gran numer de oujes dai letours de La Usc di Ladins y ence spo da la giuria interladina, metuda adum da jornalisć y esperc

dl sport de dutes les cater vals ladines partezipantes al concurs. L’atleta de paslonch Debora Agreiter dl CS Carabinieri - Sezion schi fej da l’ultima aisciuda encà garejedes de Copa dl Mond FIS y à dant diesc dis tles gares de Copa dl Mond a Sjusjoen tla Norvegia arjont l 26eisim plazament, a 1.48,2 menut da la davagnadoura Marit Bjoergen (NOR). L plazament de Agreiter é si miour resultat de Copa dl Mond. La sereda dla festa de premazion te Gherdeina é steda na bela ocajion per i joegn y manco joegn dles vals ladines y foradecà de ruvé adum, de s’la conté y ence de se sentì n iade gragn protagonisć. Ence l aspet soziocultural y interladin de chesta festa é da auzé fora, chesta

manifestazion, pieda via tant bon dant n valgun agn te Gherdeina, podessa deventé n apuntament important y ence atratif per plu aspec per l temp che à da gnì. Les valedes ladines à abù tla storia dl sport nazional y ence mondial talenc de gran valuta, gnus campions o manco, ma te vigni caje dagnora portaousc de nostes vals y de nost sport. Ence per l davegnì se merita nost sport na festa particolara y blota, y sce i joegn é te chesta ocajion i drec protagonisć spo savonse nos che i cialon ence de ei y ei sent che i i soporton te sies ativités de alenament, preparazion y agonism. “Atlet/a dl ann”, ad multos annos! Deplù sun les plates 4 , 5 y 6

La SEL à n’aministraziun nöia, n presidënt nü y n control nü. Presidënta dl consëi de control é gnüda Romana Taibon, chersciüda sö a Al Plan, cun laur a Milan. La SEL é n ejëmpl desche la politica sterscia de Südtirol é gnüda metüda sot presciun, mo nia ma dai media y dla oposiziun, tambëgn inće dai oportunisć. Le sistem s’à ciafè n stlaf, deache chësc sistem n’é nia ma metü adöm da porsones sinzieres, trasparëntes y credibles, mo baldi inće da chi che raspa por sò sach. Le problem n’é nia sce imprenditurs conësc personalmënter bun i governanć y chi politics che à tles mans les gran dezijiuns, le problem é che valch é sigüsc - deache ai conësc bun i governanć - da podëi damanè pratiches y provedimënć, ći che d’atri ne s’infidass nia. La SEL y la Provinzia à dl ater vers desmostrè te chëstes edemes ćialdes da ester bones da tignì bòt a interesc y speculaziuns che n’à gnanca nia da chirì te n’archirida de soluziun di problems: te n batiman é śëgn la SEL indô en pé, frësca y jona, bona da parëi credibla. Y la Provinzia y la SVP pê śëgn che ais ćiamò plü credibilité danter la jënt co dan le scandal SEL. Inće le momënt ideal por impié chësta löm nöia é tochè: unse pö düć cun Advënt impié na löm.

Gana 17 en don Les eles che viv sa mont, che conesc l chiet y i sons dl bosch, i colours di creps tl anterores, l bon tof dla neif d’invern y dl soredl d’isté, é les protagonistes de chest numer 17 de Gana. Te chest numer végnel porté dant temes che rejona dl liam dla jent coi creps. L fil che lieia trueps articui é l vive, l sentì, l sperimenté i creps y nosta tera “da mont”, con na odleda acorta sun les eles. N auter pice toch de nosta storia de femenes da mont. Percieche les stories deventa realtés se zachei les scriv. Se no, les vegn perdudes per semper.


Zoom

nr. 47 / 02 de dezember 2011

Col, l mender comun ladin Na imprescion da Col de Santa Lizia, senta dl istitut ladin di comuns de Souramont

Col de Santa Lizia.

Souramont/1 - Al é n bel domesdi can che i ruve a Col de Santa Lizia, n di bon ciaut, ence sce al é oramai la fin dl auton. L ciel brum fej da contrast al colour cuecen di leresc, che ne se à nia ciamò despoié daldut, che ne se à nia ciamò enjigné ca per l invern y la neif, la neif che é demé sun les crestes plu autes di monc entourn via. La scrita, sun na striscia, “I meio sion noi, chi del ‘92”, é la pruma cossa che i veide can che i ruve a Col. “Al é scrit per ladin”, pense. I son pa tres ciamò tla provinzia de Belun, al ne é da se fé de marevueia de nia. I vae tl vers dla “Cesa de Jan” olà che i à n apuntament con Moreno Kerer, diretour dl istitut ladin, per ti fé na intervista. La “Cesa de Jan” é na

ciasa particolara, si fascin me fej imprescion y me porta derevers tl temp, tl XVII secul, can che ala fova vegnuda fata su. I deure la porta, i vae su per i scialins de pera, i ruve te na stua, na stua da enlaouta con sia atmosfera ciaudina. “Plu n bel post ne podéssel nia ester per n istitut che vuel valorisé la cultura y la tradizion de nost popul”, é mi pensier. Moreno Kerer, l secreter dl istitut ladin é senté pro si pult, la stua é pu perdret n ofize. I se senton ju, ma dant che fé la intervista rejonònse n puech soura Col, soura l mender comun ladin.

N comun che sofresc dla spopolazion 395 é i abitanc dl comun da Col,

n comun che sofresc aldidancuei dla spopolazion. I joegn va demez a studié. Al é bele passé plu che diesc agn da can che les scoles é vegnudes sclutes, nes conta Moreno, che enjonta: “I scolés mess jì a Selva de Ciadoura y a Ciaurì (Caprile) a scola. Chest é n problem per nost lingaz, ajache i mutons met man da rejoné talian o la forma dialetala de nosc vejins.” Kerer conta spo dla bela scomenciadiva metuda da jì dal istitut ladin entratant la bela sajon, “Isté ladin”. Tratant i meisc de messel y aost ova i mutons de Fodom y Col la poscibelté de se enconté, sté deberieda y fé ativités recreatives, dut chest per ladin. “Tratant la pruma edema rejonova i mutons talian - conta Kerer - ma dapò vegnìvel tres plu y plu rejoné ladin, na varianta enteressanta amez l fodom y l lingaz da Col.” Sci, l “lingaz da Col”, ajache l ladin da Col ne à nia n inom. “Al é n puech sciche n fodom che se à mudé tl temp”, nes dij Kerer. I comuns de Col y Fodom é pu tres stés liés , stor ic amenter, culturalmenter y linguisticamenter. “Ai fajova pert dl prinzipat vescovil da Persenon y ai fova trami doi sot a la aministrazion dl ciastel d’Andraz. Al é enfinamai vegnù ciapé, te Fodom, registrazions de nasciuda y mort de persones da Col”, dij Moreno Kerer. Aldidancuei rejònon de spopolament de chest pice comun, ma ie son curiosa da savei sce al vegn perdret ciamò rejoné l ladin

“I joegn da Col rejona y scriv ciamò per ladin, chest é n segnal emportant”, dij Moreno Kerer.

da la jent da chilò. “Sce - respogn Kerer - dantaldut da la jent plu vedla.” Ma ie à vedù chela scrita per ladin metuda adum da chi dl ‘92, da joegn donca. “La scrita é dessegur n segnal emportant - dij Kerer, che enjonta che - al é ben ciamò joegn che rejona ladin, ma trueps va demez a studié, resta a vive demez y enscì va l lingaz a perde.”

N comun che risćia da vegnì tout ju Ma Col ne risćia purtruep nia mé la spopolazion, ma ence che l comun vegnes tout ju. Aldò dl provediment economich tout dant

dal govern da Feragost per salvé nost Paisc da la crisa, fòvel vegnù fat fora da tò ju i comuns plu pici, y Col auda pro chisc. Si destin ne conéscen nia ciamò avisa. An ne sà nia sce al é destiné a souravive, sce al vegnirà tout su da Fodom o da Ampez, i autri doi comuns de Souramont, o sce al vegnirà fat na convenzion anter plu comuns per la gestion assozieda di servisc. “Ie pense che al sie na idea partida da duc chela da mete en pé valch che possa tegnì adum i trei comuns de Souramont”, dij Kerer, con la speranza che la dizijon che vegnirà touta sie la mioura per l davegnì de si pice comun. (katia pizzinini)

“Cesa de Jan”, l istitut di ladins de Souramont Intervista al diretour dl istitut ladin “Cesa de Jan”, Moreno Kerer Souramont/2 - La “Cesa de Jan” é n frabicat dl XVII secul fat su da la familia de nobli ChizzaliBonfadini a Col de Santa Lizia. La ciasa é n monument per sia gran valuta storica y culturala, l post ideal per deventé la senta dl istitut ladin di trei comuns da Souramont. I son stés a Col per vedei cala che é l’ativité de chest istitut y i on intervisté si diretour, Moreno Kerer. La Usc: Can é pa vegnù metù su l istitut ladin “Cesa de Jan”? Moreno Kerer: L istitut “Cesa de Jan” é vegnù metù su dl 2004. Dl 1999 fòvel vegnù aprové la lege 482, na lege per la sconanza di lingac y dles cultures de mendranza. Chesta lege consent da ciapé contribuc per fé projec de valorisazion dles tradizions, dla cultura y dl lingaz y chest é cie che l istitut vuel fé, per l ben dl popul da Souramont. Chi à pa metù su l istitut? I trei comuns ladins storics volova se destaché dai autri 39 comuns de Comélgo, dl Ciadoura y dl Agordin che se ova declaré ladins y perchel ovi fat fora da mete su l istitut.

2

www.lauscdiladins.com

Podéssel pa ester che un o l’auter de chisc 39 comuns ruves ence a fé pert dl istitut ladin? No. I sis membri fondadours, i comuns de Ampez, Fodom y Col y i istituc ladins di trei comuns à l podei aministratif. Samben pò duc, donca ence i comuns vejins, deventé membri ordinanars; Rocia é per ejempl member ordinar dl istitut. Tant emportanta é pa na istituzion culturala per la sconanza dl lingaz te na tel realté, olà che al per che les mendranzes vegnes n puech desmentiedes? L istitut “Cesa de Jan” à na emportanza fondamentala sce i volon mantegnì cie che i on y nia l perde. Ma al é dret ert, ajache alidancuei ne ciàpon nia trueps finaziamenc. Co é pa i raporc anter i trei comuns de Souramont? L istitut vuel ester n pont che lieia i trei comuns. Al jiva de bujegn da ciapé n pont de referiment, ma i messe dì che ti ultims temps é l liam anter i comuns y l istitut deventé n puech plu debl.

Ciuldì é pa la senta dl istitut ladin avisa a Col? Col é l comun ladin plu pice. An à volù mete la senta dl istitut chilò per ti dé n puech de visibilité a chest pice comun y per valorisé sia realté. Cie n’en penseise pa vos dl ladin dolomitan? Penseise che al vegnirà n di adoré ence dai ladins de Souramont? Nos ne son nia ciamò ruvés nience a conscidré l ladin dolomitan, ajache i on ciamò de bujegn da laoré truep sun nostes variantes dl ladin. Cie ativités pò pa vegnì finanziedes con i contribuc prevedus da la lege 482/99? I contribuc vegn adorés per garantì i “sportelli linguistici”, ofizi posć tles aministrazions publiches per consentì a la jent de rejoné si lingaz y per fé traduzions. An pò organisé cursc de lingaz per i Priesc d’abonament anual: per la Talia: 59,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Zoom

nr. 47 / 02 de dezember 2011

Cal é pa l obietif dl istitut ladin “Cesa de Jan”? Nost obietif é chel da mete da jì projec per la sconanza y l mantegniment dla cultura, dles tradizions y dl lingaz di ladins da Souramont. Nostes ativités é donca orientedes a la promozion de nosta cultura: i on realisé na mostra chilò te istitut che ilustreia i laours dl calighé, dl tisler y di minatours che laorova tles mineores dl Fursil. Al é ence na stua olà che al é metù fora i guanc da enlaouta. Emplù onse ence realisé na mostra viandanta con i retrac touc fora dal liber de Luciana Palla “I segni del sacro”. Chisc retrac é vegnus metus su sun tabeles de 1,20x90m y é sen a Weissenstein. En concret, cales é pa les ativités che i meteis da jì? I meton da jì projec de linguistica tres la edizion de vocabolars y libri, dantaldut per mutons y scolés. An sà che tles scoles dla provinzia de Belun ne vegnel nia ensigné l ladin, ma aldò dla lege 482 pòl vegnì adoré sciche lingaz veicolar. La “Cesa de Jan”, senta dl istitut cultural di ladins de Souramont.

dependenc publics, ativités culturales per promueve la cultura de mendranza y ativités liedes a la toponomastica. Chest, sun les chertes. La realté é n’autra. L personal di “sportelli linguistici” vegn tout su te istitut, ajache al n’é nia scioldi per tò su d’auter personal y i diploms de partezipazion ai cursc per dependenc publics ne à degun reconosciment. Co se stàla pa aldidancuei con chisc finanziamenc? L istitut laora a projet y ciapa i finanziamenc a seconda dla ativité che vegn organiseda. Tl mete man fova i contribuc dret auc y i on

podù fé n bel laour de toponomastica metan su i toponims ladins sun les tofles dles stredes y dles frazions. Sen son tl laour da fé n projet de microtoponomastica che ne pò al moment nia vegnì porté inant, ajache i contribuc é vegnus smendris. Per fortuna ciaponse n finanziament da la region autonoma Trentin-Südtirol. Eise ence val’ speranza tl Fondo Brancher? I on, tres l comun de Ampezo, f at domanda p er ciap é finanziamenc per mete da jì projec culturai. I aspeton per vedei cie che al vegnirà fat fora.

I messon se dé da fé per revivé l adoranza dl ladin souradut anter i mutons y i joegn, perchel onse ence metù da jì na scomenciadiva entratant l’isté clamada “Isté ladin”. De cie se tràtel pa? L projet “Isté ladin” preveid che i mutons da Col y da Fodom se encontes tratant l’isté per fé ativités recreatives per ladin. Sce al se vegn conzedù i finanziamenc prevedus dal Fondo Brancher vegnirà la scomenciadiva daverta ence ai ampezans. Cal é pa un di ultims libri che i eis dé fora? Al é n sfoi che cuei adum les rezetes fates entratant n curs da cujiné che i on organisé via en Ampez. Chest sfoi fej pert de na

Moreno Kerer: “Nost obietif é chel da mete da jì projec per la sconanza y l mantegniment dla cultura, dles tradizions y dl lingaz di ladins da Souramont.”

ligna de trei sfois: i prums doi é sfois de lingaz fodom y ampezan. Emplù végnel publiché periodicamenter l “Jornalin Cesa de Jan” te chel che al vegn conté la ativité dl istitut y dapò él la ligna “Ladins da Souramont”, libri n puech plu scientifics y storics , sciche teses de laurea o diares de vera. Él prevedù projec emportanc per l davegnì? N projet dret emportant é chel

lié a la valorisazion dles mineores dl Fursil, che va zeruch al XII secul. I on metù da jì, adum con l comun, n percurs didatich che peia via da Col. Nos dl istitut se on cruzié dla pert storica y culturala y l comun se à cruzié da ciapé i finaziamenc per fé su na picera ferata per porté la jent a vijté les mineores. L projet, che é vegnù finanzié da la region Venet piarà via en chesta aisciuda. (Intervista de Katia Pizzinini)

Kerer nes lascia vedei n valgunes publicazions per mutons dedes fora dal istitut. www.lauscdiladins.com

3


Atualité

nr. 47 / 02 de dezember 2011

Debora Agreiter ie Atleta dl Ann Junior dla valedes ladines Sada sëira te Cësa de Cultura a Urtijëi: granda ie la tenscion, granda ie la suspance, ma ala fin iela tan inant. La Atleta Junior dl Ann 2011 dla valedes ladines ie Debora Agreiter da La Ila tla Val Badia

Atletes y atlec sun palch tla Cësa de Cultura a Urtijëi.

Atleta dl Ann/1 - Prima Debora Agreiter de paslunch o pudejé, segonda ie Verena Hofer de Urtijëi, atleta dl tennis. Terza tlassificheda ie Alexia Runggaldier, atleta dl biathlon de S. Cristina. Marco “Markino” Grigis de Calfosch, che garejea tl freeride, ie ruvà cuarto, Sofia Targhetta de Corvara, atleta dl jadiné, à arjont l cuinto plazamënt, Martin Castlunger de Cianacei, che fej a hockey te serie A cun l Fascia, se davania l sesto plazamënt.

Uneranza a duc i partezipanc Duc i vintecinch atlec che à fat pea à giapà na uneranza metuda a desposizion da Erich Prinoth dl Zënter 181 a Urtijëi, i prims sies na

uneranza sëuraprò metuda a despusizion da Carmen Flaim. L ie da dì che i vintecinch candidac à duc merità defin de fé pea pra l cuncors, bele la numinazion ulova dì che i à arjont resultac n pert de marueia per si ani mo jëuni. N cumplimënt y na cungratulazion de cuer perchël a duta la atletes y a duc i atlec per chël che i à arjont, ti fajan tl medemo mumënt l augure y ti mbincian dut l bon y truep suzes mo tl daunì, sibe pra i jëuni che pona nce pra i “granc”. Coche pra Elena Runggaldier, che ova venciù l ann passà y che ie pona n valgun mënsc do deventeda vizecampiunëssa mundiela assoluta tl saut cun i schi. Elena fova prejënta pra la festa da n sada ai 26 de nuvëmber, nscila nce Alexia

Runggaldier che ova venciù dan doi ani, pra l cuncors cun atlec y atletes de Gherdëina.

De biei pesć ai prims sies Dlongia la uneranzes à i prims sies giapà n bel pest. Debora Agreiter à pudù pië do n bel i-phone 4, Verena Hofer n fotoaparat cun videocamera, Alexia Runggaldier n fotoaparat, Marco Grigis n i-pod nano cun scherm, Sofia Targhetta y Martin Castlunger n i-pod nano. I pesć ie unii cumprei de gra al cuntribut di sponsores, dla Cassa Raiffeisen de Sëlva y dla Cassa Raiffeisen dla Val Badia, dla Merca de Cualità Südtirol tres l diretëur de departimënt Hansi Felder, dl APT Fascia cun l diretëur Andrea Weiss. A duc ti va n rengraziamënt de cuer. Tres la sëira à menà la presidënta dl Schi Club Lidia Bernardi y David Lardschneider n reprejentanza dla Usc di Ladins. L ambolt de Urtijëi Ewald Moroder à, coche patron de cësa, saludà y fat na lauda per la urganisazion dla bela scumenciadiva. N rengraziamënt de cuer ti va al Schi Club Gherdëina y duc si cumëmbri y chëi de familia, che à abù dut l lëur de urganisazion dla festa dl sport.

Sport, cumpania y bona ueia

I genitores dl’Atleta Junior dl Ann 2001 Debora Agreiter, Rita y Nando, cun, da man ciancia, Sofia Targhetta cuinta, Verena Hofer segonda, Elena Runggaldier che à venciù l ann passà y Alexia Runggaldier, terza chëst ann, prima dan doi ani pra i atlec de Gherdëina.

Numinazions:

Anita Crazzolara y Thomas Valentini.

de DJ Simon. L’atmosfera fova lesiera, mëises da senté ma dantaldut nce mëises da sté mpe, dajan l’ucajion a duc de se muever, de fé cunescënzes, de baraté esperienzes, de se devertì n cumpania. Na ucajion per rujené de sport, dla atletes y di atlec che à fat pea, ma nce na ucajion de se ancunté, danter jënt de duta la valedes ladines. Ora che pra situazions istituzioneles, sce n possa dì nscila, iel al didancuei de regula

puecia pusciblteies de ancunteda danter la jënt dla Ladinia. Y nscila iel stat bel a s’la ciaculé danter badioc o fedoms, fascians o ampezans o chëi de Gherdëina. Na festa dl sport garateda, n cuncors dl sport garatà. La proscima edizion ie n auter ann tla Val Badia y bele sën se ncunfertons sun duc chëi che fajerà pea! David Lardschneider

Gh = Gherdëina, F = Fascia, VB = Val Badia, FD= Fedom

Arpizeda sportiva

Michael Piccolruaz GH

Pudejé/paslunch

Debora Agreiter VB, Elisa Kasslatter GH

Biathlon

Alexia Runggaldier GH

Roda da mont

Pamela Matordes F,

Cumbinazion Nordica Samuel Costa GH

Roda da streda

Andrea Dorigo FD

Freeride/freestyle

Andreas Bacher GH, Marco Grigis VB

Saut schi

Evelyn Insam GH

Hockey

Martin Castlunger F, Gabriel Vinatzer GH

Schi alpin

Nicol Delago GH, Davide Pellegrini FD, Ivan Pellegrini FD

Jadiné artistich

Nicole Daberto F, Sofia Targhetta VB

Palé/balon

4

La festa dl sport a Urtijëi ie stata na sëira zënzauter garateda, n iede nia massa formela. Cun la umans di atlec dl Schi Club Gherdëina che ova njenià ca n boniscimo buffet, cun de bela mujiga di Noluntas y

La uneranzes che duc i atlec y duta la atletes à giapà.

Luca Trottner F, Jan Martin Vinatzer GH

www.lauscdiladins.com

Francesco Romano F, Alex Zingerle VB, Snowboard

Romina Demetz GH, Mirko Felicetti F, Emil Zulian F

Tennis

Verena Hofer GH


Atualité

nr. 47 / 02 de dezember 2011

N impuls por i atleć ladins Debora Agreiter é atleta junior dl ann dles valades ladines. Co àra pa ciafè la noela, ćiüna é pa stada süa reaziun, ći nen dìjera pa de chësc concurs interladin? I ti ùn fat chëstes y d’atres domandes jogn y suradöt dëidon i atleć ladins. Al é na motivaziun implü por ëi da jì inant sön chësc tru y magari da podëi inće ëi n bel dé tó pert ala lîta de atlet dl ann.

Debora Agreiter do na gara de paslunch.

Atleta dl Ann/2 - Al é mertesc danmisdé. Impormò le dé denant é Debora Agreiter gnüda zoruch dala Finlandia, olache ara é stada por deplü gares de copa dl monn. I l’ùn incuntada te süa ćiasa a La Ila, y ara nes à dit ći che ara nen pënsa dl concurs interladin, ćiüna che é stada süa reaziun do avëi ciafè la noela y ći che ara s’aspeta por chësta sajun da d’invern. La Usc: Debora, canche te gnôs protlamada Atleta Junior dl ann dles valades ladines êste tö tla Scandinavia. Chê t’à pa dit che t’âs davagné y ćiüna é pa stada tüa reaziun? Debora Agreiter: Al é stè na mia compagna che m’à menè n SMS y le dé do da doman ài ciafè chësta beliscima noela. Dal mëteman ne podôi nia cis le crëie, deache i ne m’l ess daldöt nia aspeté. I ê döt contënta y n’orô ma gnanca plü pié ia ala gara, i ê contënta y me confortâ da gnì a ćiasa. T’al pa fat plajëi che t’as ciafè usc inće da d’atres valades ladines? Dër. I ti diji n gran dilan ala jënt

che m’à lité. Le paslunch n’é magari nia le sport plü conesciü, gnanca chilò tla Val Badia, olache al vëgn denant le schi alpin. Al m’à fat propi plajëi, nia ma por me, mo inće por le sport dl paslunch en general. I à albü na gran ligrëza che la jënt ti à dè chësta reconescënza inće al paslunch. I pënsi che la jënt m’ais inće lité deache ai m’à odü pro la Maratona dles Dolomites, pro d’atri sporć y insciö ài magari imparè da me conësce de chël vers. Al m’à fat dër plajëi. I ne m’l ess nia aspetè. Al é le pröm ann che le concurs é gnü scrit fora por dötes les valades ladines. Por te che t’as 20 agn êl la pröma y l’ultima chance da tó pert y chëra aste anuzè bun. Co vëigheste pa en general l’idea de n concurs interladin, sciöche atleta che podess magari n bel dé ester candidata ala seleziun de atleta dl ann de Südtirol? Iö vëighi chësta dër na bona idea, dantadöt por i atleć jogn, che à debojëgn da ciafè plü impulsc y motivaziun por fà inant. I mëssi ti fà n gran complimënt a chi che à organisé. Insciö dëidon i atleć

T’es stada a fà gares de Copa dl Monn. Co éra pa jüda? La pröma gara de Copa dl Monn é jüda dër bun. I sun rovada 26ejima y i à fat mi pröms punć te copa dl monn. Por me él stè n bun resultat, che m’à fat ligrëza. Les prömes gares de copa dl monn é les plü combatüdes, olache al é plü concorënza. I ên passa 90 atleć che piâ ia y bele ma dala Norvegia n’êl 18, che s’à düć plazè ti pröms 30. I mëssi dì che i sun stada dër sorpresa de chësc resultat. La sajun é pormò tl mëteman. I mëssi ćiamò imparè tröp patüc, inće tla tecnica tlassica ài ćiamò da miorè, mo chësc é stè n bun mëteman.

La presidënta dl Schi Club Gherdëina cun l ambolt de Urtijëi Ewald Moroder a man ciancia y l vizepresidënt dl Schi Club Gherdëina Klaus Insam.

n iade da jì inant bun cun i agn, spo sce al garâta n iade na medaia, na olimpiada o n mondial, chël é

spo mi som, mi dejidêr, dijun ćiamò dalunc. (pablo) Deplu tla plata do

Sce an ćiara incërch ne vëigon ćiamò degüna nëi. Co aste pa podü t’arjigné ales gares? Chësc ann unse n pü’ stentè da s’alenè. Nia ma nos dla Talia, mo inće atleć de d’atres naziuns. Nos taliagn ùn fat dër tröc alenamënć söi dlacias. Sön Schnals sunse stà dër tröp o inće sön le Stilfser Joch. A desfarënzia di atri agn nes unse alenè cuaji sö a 3.000 metri. Inće por chësc fat n’essi nia miné ch’i fósson atira stà tan bogn, deache i sun rovà da alalt jö al bas y dailò mànćel gonot ćiamò le ritm, mo en chësc ann sunse pià ia dër bun. Te tüa cariera ćiamò jona aste davagné gares a livel europeich y nazional. Ćiünes é pa tües aspetatives por chësta sajun? I à bëgn arjunt de bi resultać da junior, mo śëgn mëtel man i agn plü ri por me, tles categories senior, olache i à ćiamò dër tröp da imparè y da miorè. Iö sun apëna al mëteman de n percurs nü. Al é indô n ater ambiënt y d’atri ritms y chilò él d’atra jënt da se confrontè. Soms te cassëta scê ài. Śëgn speri

N valgun atlec de freeride.

Short stay tl Adler Thermae Simon y Silvia tla Toscana Dlongia l cuncors dl Atleta Junior dl Ann 2011 iel nce stat l mesun de fé pea pra l cuncors di letëures che à mandà ite la zedules de lita. Danter duc chëi che ova mandà ite à la vizecampiunëssa mundiela Elena Runggaldier pona trat ora chiche à venciù: Simon Gruber de Auer, a desmustrazion che la Usc di Ladins ne vën nia mé lieta tl’Australia, tl’America o tl’Asia, ma nce a Auer, cieche fej plajëi.

Granda ie pona stata la legrëza de Simon Gruber de Auer y de si nevicia Silvia Bertagna de Urtijëi (y tlo se stlujova l cërtl, pra duc chëi che ne cunesciova nia Simon Gruber), che jirà a se goder n valgun dis de luxus y de relax a Bagno Vignoni tla Toscana tl beliscimo hotel Adler Thermae dla familia Sanoner da Mauriz de Urtijëi, a chëla che l ti va l rengraziamënt per avëi metù a despusizion l bel pest. (dl)

www.lauscdiladins.com

5


Atualité

nr. 47 / 02 de dezember 2011

La tlassifica: i prims sies dl cuncors Atleta Junior dl Ann 2011 & Nasciüda ai 25.02.1991 & Sta a La Ila & Sport: paslunch

1

Paslunch

2

Resultać 1. Copa Europa a Oberwiesenthal, pursuit; 1. Copa Europa a Oberwiesenthal söi 5 km skating; 2. plazamënt general Campra Ticino Mini Tour 1. plazamënt general Tour de Barents (Finlandia) 4. Campionać militars a Sarajevo 1. Campionać taliagn tla 10 km tlassich 3. Campionać taliagn assoluć a Primiero, team sprint

Debora Agreiter & Nasciuda ai 27.11.1991 & Sta a S. Cristina & Sport: biathlon

3

Verena Hofer Biathlon

Alexia Runggaldier

5

Resultać 1. pro la Copa Italia Free 2007 3. pro la Triveneta Federala 2007/08 2. pro la Triveneta free (Ćiavalëis) 2009/10 1. pro la Triveneta free (Pontebba) 2010 2. pro la gara UISP a Ćianacëi 2011

Sofia Targhetta

6

www.lauscdiladins.com

Tennis

Resultac: Campiunëssa taliana U14; Campiunëssa provinziela de 3. categuria; Campiunëssa taliana di studënc 1. Master FIT U14 y U16; 1. Master Nike naziunel U14 Venciù trëi turnoies Open; Doi iedesc te finela de n turnoi Open Fat pea pra ot turnoies ETA U14 Venciù cin’ turnoies de 3. categuria

4

Resultac: 2. Campiunac dl Mond junior, stafeta, a Nove Mesto (Cechia) 1. Campiunac taliani junior, ndividuela 1. Campiunac taliani junior ”inseguimento” 1. Campiunac taliani stafeta junior dl’ëiles 1. Campiunac taliani junior "mass - start"

& Nasciüda ai 19.09.1996 & Sta a Corvara & Sport: jadiné

& Nasciuda ai 02.09.1997 & Sta a Runcadic & Sport: tennis

& Nasciü ai 06.10.1994 & Sta a Calfosch & Sport: freeride

Freeride

Resultać: 2. tla Modena SkiPass 5. pro le Air&Style a Desproch 10. pro la Copa dl Monn a Bardonecchia 12. pro le Bum River Jump

Marco Grigis (Markino) Jadiné

6

& Nasciù ai 18.12.1993 & L stèsc a Cianacei & Sport: hockey

Hockey

Resultac: 2. Campionat nazionèl II Divijion Under 18, sajon 2010/11, concostan 57 ponc te 23 partides. L’à tout pèrt al Campionat Mondièl Divijion I – Grop A, Under 18 a Riga (LAT) de oril del 2011. Co la Nazionèla Talièna l’à tout pèrt al “Tornoi 4 Nazions” a Amstetten de firé. Te la sajon 2010/11 l’é stat convocà ence co la Nazionèla Talièna Under 20. Da la sajon 2011/12 l jia en serie A te l’Hockey Club Fascia.

Martin Castlunger


Atualité

nr. 47 / 02 de dezember 2011

Refata dl dann do inzident stradal Nosc Codesc dla Strada definësc n inzidënt stradal n evënt che atoca plü auti, porsones o tiers, y che comporta ferides o danns a cosses, tiers o porsones

Manuela Obojes.

Canche al suzed n inizidënt stradal, mësson informè l’assiguraziun. Dal 1^ de forà dl 2007 él, en cajo de inzidënt stradal, l’assiguraziun de se instësc che paia le dann, mo ma te cer caji

Refata direta dl dann Sce zacai à n inzidënt che ël instës n’à nia provochè, o à portè pro al inzidënt ma en pert, spo pòl damanè a söa assiguraziun la refata dl dann. Chësta poscibilité de refata dl dann, tlamada “refata direta”, é indere strënta pro ai caji olache l’inzidënt reverda ma dui veicui identificà, assigurà y imatricolà tla Talia. Sce le dann do l’inzidënt n’é nia ma material mo inće fisich, spo pòn damanè la refata direta dl dann ma sce les ferides personales n’é nia dër posoćes (invalidité permanënta ne pò nia superé le 9%).

Prozedöra dla refata direta dl dann Do l’inzidënt mësson informè l’assiguraziun. An pò consegné diretamënter a man l’avis scrit dl inzidënt (“denuncia di sinistro”) al assiguradù. Te chësc cajo fóssel bun da se lascè firmé na conferma scrita de recioüda. Sce no, pòn menè tres na lëtra racomanada cun garanzia de recioiüda l’avis dl inzidënt o le model CID (convenzione indenizzo diretto, dit “constatazione amichevole”), inće sce chësc n’é nia gnü firmé da intrames les perts interessades dl inzidënt. En cajo de inzidënt cun danns ma materiai, édl l’assiguraziun che mëss fà na proposta de refata te 30 dis, sce le CID é gnü firmé da intrami i ciafêrs, anter 60 dis sce ma un

di dui à firmé le model. Sce al é tl inzidënt porsones che é gnüdes ferides, spo à l’assiguraziun 90 dis de tëmp por fà na proposta. Do l’azetaziun dl’oferta édl l’assiguradù che mëss paié anter 15 dis. Sce an n’azeta nia l’oferta, indere, spo ne pòn nia firmé le rezepis, mo an mëss i al comunché al’assiguraziun cun lëtra racomanada o tres na assoziaziun di consumadus o n avocat. Te chësc cajo pòn inće, sce an ne röia nia a öna sön la soma de refata dl dann, i fà causa al’assiguraziun, cun l’assistënza legala.

al’assiguraziun düć i zertificać dl dotur y vigni ater documënt che proa le dann ala sanité. Por fà fora i danns ala porsona vëgnel tut en conscideraiun i dis de varida (dita “invalidité temporana”); l’invalidité permanënta che vëgn indicada te punć percentuai, che depënn dl’entité dl dann y da d’atri faturs desco p.ej. l’eté dl danejé; le maiù dann che an à patì y le dann moral. Al é dagnora bun da se lascè vijité da n espert, che valutëia le dann ala porsona por podëi le cuantifiché.

Domanda de refata dl dann al’assiguraziun dl veicul responsabl dl inzidënt

Porsones trasportades

Canche les modalitês dl inzidënt ne pormët nia la prozedöra de refata direta dl dann, spo mëss le danejé damanè l’indenisaziun dl dann al’assiguraziun de chël che à provochè l’inzidënt, inće tres n avocat. Te chësc cajo édl l’assiguraziun dl responsabl che mëss paié tan la refata dl dann co l’onorar dl avocat.

Fondo de Garanzia por les vitimes dla strada En cajo de inzidënt cun n veicul nia assiguré o nia identifiché pòn i menè la domanda de refata dl dann al Fondo de Garanzia por les vitimes dla strada, che paia ma le dann fisich, sce le veicul responabl dl inzidënt n’ê nia assigurè, y paia le dann fisich y le dann material sura 500 €, sce le veicul n’é nia gnü identifiché.

Dann material - Dann ales porsones

Inće i atri trasportà che é gnüs feris tl inzidënt pò i damanè la refata di danns patis por cauja dl inzidënt al’assiguraziun dl veicul sön chël che ai jô para, aladô dla prozedöra de refata direta.

Inzidënt mortal En cajo de inzidënt mortal édl i parënć dl defunt che pò damanè la refata di danns patrimoniai y nia patrimoniai che ai à patì. Insciö él i parënć plü strënć che à le dërt d’indenisaziun dl dann moral albü por la pordüda dl familiar y inće dl dann patrimonial conseguënt ala mort dl parënt (p.ej. le paiamënt che le defunt ess davagné por mantignì mituns y familiars). I parënć à inće le dërt da ciafè, desco dërt al’arpajun, la refata dl dann moral patì dla porsona che é morta tl inzidënt, ti caji olache le defunt n’é nia mort atira tl inzidënt. La refata de chësc dann vëgn cuantificada aladô de tabeles dades dant di tribunai taliagn.

Por azerté le dann ales cosses édl l’assiguraziun che nominëia normalmënter n espert che valutëia av. dra. Manuela Obojes, le dann. Te vigni cajo mësson i Ofize da avocat Wörndle presentè al’assiguraziun n preventif (Balsan - Tlüses - La Ila) dles spëises de reparaziun dl dann o la fatura, sce le veicul é bele gnü cunćé. Al é dër ütl, sce an fej atira fotografies dl veicul danejé, por podëi insciö desmostrè cun plü forza le dann che an à albü. Desco le dann material, mësson inće desmostrè le dann ala porsona che é conseguënza dl inzidënt. Porchël mësson dè jö An à dovëis do n inzidënt cun l’auto.

www.lauscdiladins.com

7


Atualité

nr. 47 / 02 de dezember 2011

L’ejempie positif de la ferata de la Finsca

Mobilità e modelism

La sociazion Transdolomites, da egn empegnèda te la promozion de la mobilità sun scines, l’à portà dant te na scontrèda la storia e la percacenza de la ferata Maran - Malles

La sociazion Transdolomites endreza na mostra e scontrèdes leèdes a la modelistica su la ferates

Mobilità - Con l’obietif de sensibilisèr e soraldut per fèr cognoscer a duta la popolazion de Fascia l projet de aer na ferata ence chiò da nos, la sociazion Transdolomites, en colaborazion con l’Apt de Fascia, à endrezà enstadì te Chino de Cianacei na scontrèda con emportanc raprejentanc de la ferata de la Vinschgau, che à portà dant intervenc sun coche chesta ferata la é gestida ma soraldut i à contà de la batalies che i à cognù portèr inant per ruèr a l’aer. L’é stat proprio chest che à caraterisà l’intervent de Walther Weiss, president de la Sociazion Amisc de la Ferata del Sudtirol, che l’é stat ombolt de Naturno per 27 egn. Weiss à sotrissà l’emportanza de la convinzion de la persones per portèr inant projec de gran valuta e che l’é proprio la volontà de seghitèr a spenjer se l’idea la é bona, percheche l’é chest che dapò ciaparà sù ence l rest de la popolazion. L’era l 1906 canche l’é stat enaudà l prum treno de la Vinschgau, ma descheche l’é stat per la ferata OraPardac, con l smaorament de la doura di auti, la ferata é stata desmentièda. Del 1990 l’é stat l’ùltima corsa, ma a dotrei aministradores chest no ge à piajù e i à seghità a scombater enscin a canche ence la Provinzia de Busan no à dezidù de finanzièr l projet

de meter endò a jir la ferata de la Vinschgau e ades duc chenc i é contenc e, da la ùltimes enrescides, vegn fora che la jent de la Venuosta la doura più la ferata che l’auto e chest ence percheche, apede al gran numer de fermèdes, l’é ence stat endrezà n servije de trasport publich da la stazion al rest del paìsc. A sotrissèr ence l’emportanza dal pont de veduda turistich l’é stat l dotor Joachim Dejaco, diretor de la ferata Merano – Malles che l’à dit che, da canche l’é la ferata, l’é stat n smaorament de ghesć, soraldut de chi da la Svizra e chest segur l’é leà a la ferata. L dotor Dejaco à sotrissà ence che te dut l Sudtirol se é dò a pissèr a na neva mobilità sun scines leèda al turism e l’à tout desche ejempie la neva stazion de la ferata de Bornech, che rua proprio apede a l’impiant

da schi de Plan de Corones. Na gran pissèda che portarà n mudament positif en cont de mobilità dassen gran e de ùtol sibie per ghesć che per operatores del mond de turism. A la fin l’é stat ence l referat del dotor Helmuth Rainer, secretèr de la sociazion hotelieres del “Circondario Merano-Venosta”: ence el à sotrissà de l’emportanza de la ferata de la Vinschgau per dut l setor di hotelieres. N publich no gran, ma segur calificà, con raprejentanc de l’Azienda per l Turism de Fascia, di hotelieres, de la Sitc e ence de l’Università de Verona, chel che à podù scutèr i intervenc te na scontrèda n muie ùtola, che à dat dassen n muie de informazions emportantes per poder pissèr al davegnir de Fascia dal pont de veduda de la mobilità. (vr)

L desch di reladores col president de Transdolomites Massimo Girardi.

L modelin de la ferata de Gherdena.

Modelism - L modelism desche strument per na maor cognoscenza de la mobilità. L’é l’obietif de la sociazion Transdolomites che à pissà de portèr te Fascia na lingia de evenc leé a chesta pascion. Enscin ai 7 de jené del 2012, te la sala a pe pian de Cèsa de Comun de Poza, la sociazion de modelisć “Arnaldo Pocher” sezion de Trent e Pardac e l Grop Modelistich Trentin co la colaborazion de Transdolomites e l patrozinie del Comun de Poza, endreza na mostra de modelistica con chela de arvejinèr i sentadins, soraldut i joegn, a chesta pratega. La modelistica l’é n bon strument per slarièr fora la cognoscenza del tem de la mobilità, e no demò, che permet de meter al luster e svilupèr capazitèdes artistiches , enjegneristiches, culturèles, p. ej. travers la enrescida storica, e umanes tel se meter en relazion con autra jent che à la valiva pascion.

La mostra met d a nt m o d ì e e diorames de desvaliva formes e materièi, fotograf ìes de la ferata Ora-Pardac e de chela de Gherdena, l projet austroungarich del 1904 per la ferata LavisCembra-Moena, mai metù fora te Fascia e Fiem. Vegnarà ence endrezà serèdes de promozion per slarièr la pascion del modelism anter la jent del post e i ghesć, e prejentazions de libres su la ferates storiches. La pruma scontrèda, con l president de la sociazion modelistica “Arnaldo Pocher” de Trent, Paolo Marini, sarà en mercol ai 7 de dezember da les 18.00 te Comun de Poza, olache da les 17.00 vegn enaudà ofizialmenter de la mostra. Se trata de na scomenzadiva neva per Fascia che podessa vegnir smaorèda co la colaborazion di sacotenc pascioné de modelism e che vegnarà slarièda fora ence anter i scolees. La mostra é averta dut l meis de dezember ti dis de jebia, vender e sabeda da les 18 a les 20. Da jebia ai 22 de dezember fin en sabeda ai 7 de jené se podarà la veder duc i dis da les 18 a les 21 fora che ai 25 e 26 de dezember e al prum de jené che la é serèda.

“La mê lenghe e sune l rock”

Musega furlana te Fascia

N bel viac anter la musega de la mendranzes te n nef liber per furlan e talian da Marco Stolfo

La Grenz sporc a Moena n bel conzert con Lino Straulino, Loris Vescovo e Stefano Fedele

Musega1 - Una de la manifestazions più enteressantes de resistenza e vitalità culturèla de la mendranzes linguistiches e de la nazions zenza stat l’é zenz’auter la produzion musicala tel lengaz mender. L liber de Marco Stolfo “La mê lenghe e sune il rock (e no dome chel). Friul, Europe”, prejentà

La soracuerta del liber scrit da Marco Stolfo.

enstadì a Udin la dì dant del Liet International, ne sporc na rica e organica esplorazion de la realtà furlèna, da la fin di egn Setanta enscin anchecondì, e l la lea e l la met a confront con cheles che se à svilupà utró. Apede al Friul che cianta e sona per furlan, sloven e todesch, l liber met dant na lingia de lengac, sons, ritmes e artisć, da l’Ozitania a la Sardegna, dal Paìsc Basch a la Corsica, da Galles e Scozia e Frisia e Paìjes Catalegn, da la Asturies ai sami del zircol polèr artich e ai grecanics e albaneisc de la Tèlia meridionèla. D ut chest a na v ida multidisciplinara, che tol ite musega, storia, politica, sozietà, deric linguistics, letradura, sconanza e defendura de la mendranzes, ence aldò de sacotanta intervistes con musizisć e esperc, anter chisc l breton Alan Stivell, l basch Fermin Muguruza, l catalan Xavi Sarrià, l frison Onno Falkena, l ladin Fabio Chiocchetti, e etres furlegn, slovens, ozitegn e albaneisc, protagonisć de la meisa

torona virtuèla de la sezion a la fin del liber. N lurier de enrescida e documentazion no demò da lejer ma ence da scutèr. Apede al liber defat l’é ence n cd co na selezion de la musega furlèna più neva e più forta e cerces de chela ciantèda per sardo, sloven, ozitan, todesch, e albaneis e laìte se pel troèr ence la ciantia ladina “Maitinada a na steila” touta dal cd de jazz per fascian “Encresciadum”, dat fora da La Grenz del 2009. “La mê lenghe e sune il rock (e no dome chel). Friul, Europe” l’é n liber te doi lengac, che Marco Stolfo, giornalist e espert de musega e de mendranzes, l’à scrit per furlan e dapò traslatà dut ence per talian, con paroles dantfora de Luigi Gregoris de l’Università de Udin. L’é publicà da Informazione Friulana – Radio Onde Furlane co la colaborazion de la Region autonoma del Friul e l’é de segur na publicazion de gran enteress, che dèsc n chèder vif e fèsc na analisa organica de la situazion musicala di popoi de mendranza linguistica.

Musega2 - Portèr ence te Fascia ocajions de scutèr de bona musega moderna, ge lascian na bona lèrga a chela ladina e a la esprescions artistiches de la mendranzes, per les fèr cognoscer travers conzerc, serèdes tribut, corsc e autra scomenzadives, l’é l’obietif che la sociazion de musega e cultura “La Grenz” da Moena se à metù dant da canche la é nasciuda, jai 5 egn. N obietif senester, te na picola val olache ence n program rich e de calità stenta a troèr “audience”, e che vèrda da semper desche n “mit” a ejempies desche chel del Friul, olache Radio Onde Furlane à sapù ge dèr gran sbumf a la “museghe fuarte”. E dal Friul più outes artisć de gran braùra é rué a la Grenz per portèr sia musega te Fascia. Anter chisc Leo Virgili, con “RadioZastava” o con de autra

formazions, o Loris Vescovo, che à tout pèrt ence al projet “Ciantà Vilotis con Antonella Ruggiero”. Apontin Vescovo, che con so ultim album “Borderline” l’é ruà a la finèla del pest Tenco, l’é un di protagonisć de la sera de ecezion sporta ades da la Grenz. Apontin insnet, vener ai 2 de dezember da les 22.00 te strada Saslonch a Moena, Vescovo sonarà ensema con 2 etres musizisć furlegn de gran valuta: Lino Straulino, ciantautor de nonzech terzo classificà al Liet International 2009, e Stefano Fedele, chitarist de talent. Chest trio furlan porta dant insnet n repertorie de musega “west coast” sul stil de Crosby Stills & Nash, apede a toc furlegn originèi, te na serèda da no se perder che fèsc pèrt del program “Ladinia Music”.

Te Fascia l trio furlan Stefano Fedele, Lino Straulino e Loris Vescovo.

8

www.lauscdiladins.com


Atualité

nr. 47 / 02 de dezember 2011

Dancà y da na pert Uedli y oredles daverc sun la sozieté ladina d’aldidancuei

L Nadal anter magia e realtà

Cater ciacoles con Sandra Degasper da Poza, pruma femena studafech de Fascia

Aspec psicologiches del Nadal Rua prest Nadal. L Nadal l’é n moment de l’an n muie particolar e rich de segnificat. N segnificat che pel esser chel spiritual più a la laria e religious più en spezifich, l pel aer ence demò l segnificat de la tradizion o n segnificat afetif personal. E ence se ogneun l ge dasc so valor simbolich, che sie un o l’auter, la roba che met ensema duc chisc segnificac desvalives l’é l’atmosfera de legreza e amor che se palesa daperdut e più che te ogne auter moment de l’an. Te chi dis sion più averc a le relazion, più desponiboi, se sent n’aria de serenità. I disc che da Nadal sion duc più valenc… ma l’é dalbon coscì! E l’é chesta la roba più certa. Ma se te ogne cianton somea esser un di momenc più bie de l’an e se zachei l vif dalbon con felizità e spetadiva, muie de persone lo vif mal, con encresciujum e malesser. E l’é n moment senester per tropes ence se chesta atmosfera da contìa la cer de sconer via dut. I studiousc i rejona scinamai de “deprescion del Nadal” con tant de lista de sintomes desche agitazion, malumor, pech estro de far, se peissa n muie al passà,

olache vegn fora più fazile sentimenc despiajegoi desche manconia o recorc, e en ùltima sensazion de festidech tel corp e n son no più tant sorì. Donca per chi che jà trasc al malesser o i passa n moment particolar, chisc dis i doventa più senestres. Troar fora na vera “diagnosi” per chesta sort de malesser pel esser massa, ma segur te chest temp, aldò de na enrescida americana, l’é n gran smaorament de le domane de aiut e de ricoveri te ospedal e per noscia esperienza personala ne più ne manco duc podon aer vivù mal chesta festa. Chest pel ne sozeder soraldut canche aon jà n dejaje emotif nosc, canche aon perdù zachei, aon vivù n destach de zeche sort o sion dalonc da noscia familia, fisicamenter o afetivamenter. Chest contrast l vegn fora amò più evident dai massmedia che i seghita dì e not a ne bombardar con fegure de serenità, de familia unida, duc bie contenc e grignolenc desche te na bela contìa. E chi che stasc mal i pel se sentir amò più soi e foresć a dut, canche fora dut l’é bel e duc somea contenc. Canche dapò taca endò la routine de duc i dis, se scomenza endò a star miec perché chesta gran desferenza anter ite e fora la se n va demez con le feste.

Podon embendapò se recordar coche l’era nosc Nadal canche siane bec… Per i bec l Nadal l’é na festa grana, n dì magich, i lo sent e i lo speta da n toch. Far su l’alber, l prejepie, spetar i regai.. l rit del Nadal per ic l’é n muie emportant ence percheche l protagonist l’é proprio n bez, n bez che l’é ejempie de bontà e amor. I genitores pel condivider con ic chisc momenc emportanc de familia, de emozion, de valores e ge spiegar e ge ensegnar l segnificat più fon de chesta festa. I speta l Bambin Gejù che porta i regai e che ogne an l rua da la medema ora. E l’é giust che i posse se portar dò chest ensomech e chesta fantasìa scin che l’é meso. Ence noi gregn podassane se tegnir daìte o troar endò chel bez che fantastichea, che l se ensomea e che con l’imaginazion l pel jir olache mai, ensema ben segur a la maturità e a l’esperienza che aon madurà te noscia vita. E chi sà... troar endò mìngol l segnificat del Nadal più nosc e più fon che va aldelà de chel che la TV la mana fora. Bon Nadal! Sarah Vian, psicoterapeuta, Moena, www.sarahvian.it

Can aste scomenzà a jir ti studafech? É tacà del ’96. Aee 22 egn. L’é jà passà 15 egn. Érel jà femene tel grop? Na, te Fascia i à tacà a tor ite ence le femene apontin del ’96, e le prume sion state gio e Nadia Scola. Co éla che tu as volù jir ite? Me à semper piajù... L’é na pascion de familia: l’era ite mie pare, dapò l’é jit ite ence mie fra più picol. Siane de trei te ciasa ti studafech. Ades mi pare da 4 egn no l’é più efetif ma onorarie, percheche l’à passà i 60 egn... ma me sà che te mingol saron endò de trei, perché ence mie fi Luca, che n auter an l’arà 12 egn, l speta de poder jir ite, canche i tol ite neves arlieves.

proprio n muie engaissada. Ades se sà che é ence de autres empegnes, pensieres e robe che vegn dant, ma me sà semper bel. Che él che te piasc de più e che pa enveze te sà manco bel? Al scomenz me piajea soraldut far sćiale, dapò l’é bel canche se va duc ensema, per ejempie canche jon a far le gare, ma me piasc ben mingol dut. Le ejercitazion enveze le me sà mingol stufouse, ence se l’é semper robe neve da emparar. Él n muie empegnatif? Se troon na outa en setemana de lunesc, e ogne tant cognon far ence corsc de agiornament.

Che ài dit i studafech omegn canche tu es ruada ite? Sobito l’é ben stat mingol cert. I fajea batude... enlauta ere béleche soula, ma ence ades che l’é passa 15 egn e che sion de 6 femene sun 39 studafech, n’é amò de chi che disc che cognassane jir a far maia...

Voi femene fajede dut chel che fasc i omegn? Ei, sche dut, ajache i à dit che se aon volù la parità... ence noi fajon pa ben noscia part! É tout part ence a intervenc sul fech, l maor l’é stat chel ta Dalba, ence se de solit canche l’é fech va ben semper dant i omegn... a noi i ne lascia piutost a rencurar e netar sù!

Ma no tu te as lascià destrameter... Na na, gio tegne ben dur. E dapò soraldut al scomenz, canche no aee amò familia, ere

E to om che dijel? Ogni tant canche l’é da jir a proa da mese le set da sera l brontola ben mingol... ma l cogn bele azetar! (lg)

www.lauscdiladins.com

9


Atualité

nr. 47 / 02 de dezember 2011

Marcé da Nadel a Cortina

N calender per l 2012

Encuei, vender ai 2 de dezember vegn inauguré l marcé da Nadel de Cortina, che restarà davert enfin a la fin dl meis

Ence per l 2012 à la Cooperativa de Cortina dé fora n calender. Tema: uties da mont storiches

via zentrala ne él vegnù enjigné degunes prejes”, dij l assessour che alza spo fora l gran laour fat dai laoranti de comun y dla Gis (Gestione Impianti Sportivi) per mete dut a post y per garantì ence la musiga en sotfonz. Adum con l marcé da Nadel él ence vegnù finanzié n projet per aumenté les iluminazions tl paisc de Cortina, per crié na atmosfera da Nadel nia demé tl zenter, ma ence tles vies laterales. Enrico Pompanin, assessour responsabel dl marcé da Nadel de Cortina.

Ampez/1 - L temp da Nadel é n temp de pesc, de chiet y de orazion. Ma al é ence, y tres deplù, l temp dles scincundes y l temp di marcés da Nadel. Jent da duta la Talia y da dut l mond va a vijité i marcés plu conescius di paisc todesc, ma ence de Südtirol y plu en general dl Nord dla Talia. La pruma domenia de Avent va scialdi auna con la daurida di marcés da Nadel, ma chel de Cortina d’Ampez vegnirà inauguré empermò encuei y restarà davert enfin al 31 de dezember. L marcé da Nadel vegn fat bele da deplù agn te Ampezo. Tl prum temp vegnivel metù su tl salf dl Audi Palace. Ma dant da cinch agn él vegnù sposté tl zenter. “Can che l marcé fova tl Audi Palace ne fovel nia tant de jent che l vijitova, ajache al manciova n puech l spirit da

Nadel”, nes dij l assessour Enrico Pompanin, responsabel dl marcé. Al nes conta che la aministrazion nueva, de chela che al fej pert, ova fat fora da l sposté tl zenter dl paisc, olà che la maioura pert di marcés é. “Al ne é nia sté saurì, te chisc agn, da organisé l marcé da Nadel - nes dij l assessour - I on messù desgropé trueps problems liés sie a la desposizion dles ciases, sie a la forza eletrica.” La desposizion dles ciases é mudeda a presciapuech vigni ann, ajache al fova tresfora lamentanzes da pert di boteghiers, che ne volova nia che na tel ciasa vegnissa metuda dant da sia boteiga. “Chest ann onse sposté l marcé te na posizion scialdi zentrala, da me enfora é chesta la mioura soluzion”, nes dij Pompanin. I problems fova, y é tres ciamò liés a la forza eletrica, “ajache su per la

18 é les ciases sun l marcé, anter chestes n’en él ence una dl comitat de organisazion de Cortina 2017 y una dla assoziazion de volontariat “Insieme si può”. “50 é stedes les domandes - conta l assessour Pompanin - y nos on chirì fora les plu carateristiches y ti on dé samben la priorité a firmes locales.” Tl zenter de Cortina podaràn ence vedei, entratant l temp da Nadel, l calender d’Avent sun l Comun Vecio. “Al é sté na idea de Irene Pompanin - nes dij l assessour - che passova n di dant al Comun Vecio y vedova che al à avisa 25 fenestres.” Fenestes, sun cheles che an podarà amiré operes d’ert gotica taliana y dl Renasciment che reprejenteia angeli. L marcé da Nadel de Cortina restarà davert dal 2 al 31 de dezember vigni dé da les 15.00 a les 20.00 y tratant i dis de festa da les 10.00 a les 20.00. (katia pizzinini)

Ampez/2 - Ence per l 2012 à la reporta les prezipitazions dla neif ‘Coperatia’ de Cortina dé fora si dal 1948 encà. Sun les piates dl calender. Al é n calender dret calender végnel spo ence scrit les particolar chel che vegn dé fora festes plu emportantes per Ampezo debant da la sozieté ampezana. y per duta la Ladinia. Cheles de Vigni ann é l tema a chel che al é jené é per ejempl la festa de la dediché n auter. "Madonna della Difesa", l 19.01, l Tema dl 2009 fova samben l di dl scomenz dles prumes referendum y dl 2010 é l lunario Olimpiades invernales talianes a vegnù dediché a les strutures Cortina d’Ampez l 26.01, ma ence alberghieres de Cortina. L argoment l aniversar de mort dl Sant Ujöp dl calender da en chest ann é sté i Freinademetz, l 29 de jené. (katia costums y guanc da enlaouta: les pizzinini) tematiches é donca tres liédes a la storia y a la cultura dl post. Per l 2012 él vegnù chirì fora l tema dles uties ampezanes plu vedles, cheles storiches, sciche per ejempl “Ospizio Falzarego”, “Tofanahütte” y “Reichenbergerhütte”. Ma cie che auza fora l calender ne é nia demé l argoment, ma ence les does solites rubriches: “él gnée” y les rezetes. Rezetes tipiches dla cujina ampezana toutes fora dal liber “Coslùpe frìte e lòchi ‘n técia” de Francesca Gaspari y Maria Luisa Menardi é da podei ciapé tl calender dl 2012. Dret enteressanta é spo la La Cooperativa de Cortina dé fora n calender rubrica “él gnée” che Ence per l 2012.

www.lauscdiladins.com

11


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

nr. 47 / 02 de dezember 2011

Nta Plán Boé l prum Snowpark de Reba

N nuof pulmin per l Sci Club Arabba

Pensé da la Sit Boé, l sarà dalviert bele st’inviern. N program ence gare e ejibizions de professionisć de chësta specialité

Compré co nen contribut del Bim Piave e de la Raiffeisen de la Val Badia

La śona ulache vignarà fat l nuof snow park.

I apascionei del “freestyl”, la nuova moda de ji coi schi che spopoleia ntra i jovegn, i avarà n luoch mplù ulà ji a fè sauc e matade coi schi. Nta Plán Boé, sot la segiovia de Le Pale, giourirà defati l prum snowpark de Reba, che l se clamarà “Arabba Snowpark”. “L’idea de fe na tel strutura” conta Diego De Battista de la Sit Boé, la sozietè dei lifc che à metù a jì la scomenciadiva,”l’é piada via da mi e nvalgugn jovegn maestri de schi de Reba apascionei de “freestyl”. On vedù che chëla śona soura Plán Boé la se prestëva polito. L’é al solivo, nia ërta e mplù nten pasagio oblighé de la Sellaronda. È prejenté la scomenciadiva al consei de aministrazion de la sozieté che l l’à azetada. A vedei ncin chël che ven fat nte le localité turistiche dintournvia, on capì che chësta specialité la sarà l davignì ntel schi. Se defati davánt nvalgugn agn chi che eva stuf del clasico modo de ji coi schi i passëva a “la breia”, ades se veiga tres deplù jent che scomencia a rodé coi schi a doi ponte, chi che ven dourei ntel “freestyl”. L’é na specialité che oramei ven ence nsegnada nte le scole de schi e son drio a sburlé dassën perciéche ence de nuos maestri i ciape l brevet per podei nsegné. Elo ste debujen de fe grosc

laour per njigné ca chësta strutura ? “On mossù ji davò na pratica burocratica” spiega ncora De Battista, “perciéche via per l’isté on bu da darzé ncin l taren, visé fòra le ieghe ulache l eva palù. Nopa de gragn laour de tiera. Plucheauter n ressanament del taren. L rest l vignarà fat co la nei. Per chël on ence pervedù n nuof toche de impiánto per la nei artifizial, con siech postazion ula podei taché ite canons.”

chi che scomencia ) na “easy” ( fazile ), na medium e na “pro” ( per i professionisć ) una tacada a l’autra. N pratica 4 percorsc con golbri e busc, modelei a na modsa da podei fe sauc e de ogni evoluzion coi schi. E po 6 o 7 terazamenc, 8 kicker ( la riva mpruma del saut ) e autritánc railboxes ( sparángole de fiern ulache i freestyler va soura coi schi e fèsc evoluzion ), na “chilling area” ( na śona da se paussé ) a l’entrada, ski tools ( atrezadura da schi ) e sesaben, tánta mujica. La manutenzion la vignarà garantida da la sozieté Sit Boé, che la metarà a dispojizion n giat e n operadou che batarà e fresarà ogni di l percors. La gestion del park l’é nveze nte le mán de la Asd Radius, na sozietè che gestisc bele i snow park de Alie Cortina, co nen “shapers”, na persona che ciala soura a la segurëzza e la manutenzion. L snow park l sarà dalviert a duc, “ma “ disc ncora De Battista,”s’à n program de porté ence de le gare. N particolar l é drio che ven metù a jì n campionat veneto de specialité. Via per la stagion penson ence de nvié de professionisć a fe de le ejibizion, che duc podarà vedei ence a ji su co la segiovia. (ls)

L Snow Parch da i numer L Arabba Snow Park l é a n’autëza de 1800 – 2000 metri che mpermët de avei nei fin a la fin de la stagion. L é lonch 500 metri e l e servì n duta comodité da la segiovia da 4 posć “Le Pale”, che peia via puoch desot. Per rué dal desoura, basta fe n pico toch de la piste de “Le Pale” e po giré a mán ciámpa. Il park l avarà 4 linee ( o “line” coche disc i freestyler ). Na “beginner” ( per Na plánta del snow park co le carateristighe.

Nuove piste da se alené L prescident Petri.”Tropa disponibilité da le sozieté dei lifc” Associazions - Davò i alenamenc sul glacé de la Val Senales e chi “a freit” n plaestra, i atlec i no speta auter che vegne la nei per podei paricé la stagion. Co ele drio a ji le iscrizion ? “Ma” disc Pestri, “onse da ester sui numer de l ann passé, che vol di cuaji 50 scric ite. Forsci sto ann chelche un demánco ntel grop preagonistich. Zirca 30 chi che fesc gare. Dighe onse perciéche, cohe suzede ogni ann, cánche manon fora l avijo che i é dalvierte le iscrizion, la gran pert i speta al

12

www.lauscdiladins.com

ultimo a se scrive ite.” Chei perveigheto che sarà i atlec che a plu poscibilité de fe resultac ? “Pense che siebe ncora chi de l ann passé: Pietro Canzio, Kvin Crepaz e Nicole Petri. L é chi che la passada stagion i s’à cualifiché a la faji nazionai a Bardonecchia dei Campionac Taliagn e spo pense che sarà ncora lori a porté sodisfazion e a ester pont de riferiment per chi autri. Ntra chi plu pichi dijësse che ence la Valentina Savorgnani l’à le cherte per podei fè na bela stagion.” Per i

Sci Club l é tres difizile ciapé piste per fe alenamenc. Ma me per de avei capì che sto ann velch s’à mudé. “Si” spiega nocra Petri.”On cialé de laoré dassën co le cater sozieté dei lifc de Rèba. S’on nconté ence de persona ntourn a na taula coi suoi raprejentánc e on ciapé na gran disponibilité. La gran novité l’é che da sto ann podaron avei na pista da apenament ence sun Pordou. Chëst per nos vol di trop e son de l’idea che se l vedarà ence ntei resultac de nuos atlec.” (ls)

Nvalgugn atlec e alenadous del Sci Club col nuof pulmin.

Associazions - La stagion da d’inviern l’é oramei sul lime de porta e l Sci Club Arabba l é njignè a porté suoi atlec a le gare che scomenciarà nte puoch plu den meis co nen nuof pulmin. L meso, n Fiat Ducato 2300 TD, l é ste compré grazie al contribut del “Bim Piave” de la Raiffeisen de la Val Badia. “Un dei doi pulmins che on n dotazion” conta l prescident Ivan Petri, “l eva ste compré nuof ntel 2011 e l ava spo oramei a le spale diesc agn e na mascia de chilometri. La mecanica la fossapa ben stada ence bona, ma la carozeria l’eva da refè. Chëst, sesaben, assa volù di spëne ite mpuo de scioldi. On pensé spo de damané n contribut al Bim Piave, che l dáida pro da spëss le associazion sportive.. Co i n’à fat a savei che i ava deliberé l contribut, no l é ste difizile capì che convigniva n compré un nuof, plutost che mëte a posto chël vegle. L rest l é ste paié fora co nen contribut de la Raiffeisen de la Val Badia, ence

tres njignada a ne daidé fora e po con chël che s’à ciapé de chël vegle.” Avei doi pulmins l é n cost ma ence na nezessité per l Sci Club. Sourafora ji a gare su le piste de mesa provinzia de Belum, dal Monte Avena a Padola ntel Comelego, o sui glacèi de la Val Sebales o de l’Austria ntei via per l’isté, n stagion no se podëssa fe demánco perciéche i alenadous i mossa ji a se to i tosac da nen piz an canton de la val per i mené ai alenamenc sa na Reba. Viades e viadesc sun strade da nei, che lima e frua i mesi. “A chëst nuof” spiega ncora Petri, “on fat mëte sot ite na cëra contra l sel. L’é na speisa mplu, ma coscita penson de sparagné chèlche manutenzion plu nnavánt ntei agn, perciéche ence chële le costa. Coscita podon scomencé la stagion con doi auti eficenc e n regola e cherdon che per almánco cinch agn no onbe plu debujen de pensé de n compré de nuos, perciéche ence l secondo pulmin l é ncora n bone condizion.” (ls)


nr. 47 / 02 de dezember 2011

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

Par dià ra Crosc Bianca a me dià El laoro fato da ‘l Comun, par i dà un alośo meo, pi gran, a chi che laora su ra anbulanzes. Una storia che ra và inaante da trentazinche anes. I amighe ruade da fora. Dià chi outre: un jesto cristian

Un grun de śente, a scotà ra paroles de ra autoritas, a vede taià el nastro, de ra sede de ra Crosc Bianca d’Anpezo, dapò de i laore par ra slargà fora e ra meorà.

S’aea pensà a ‘na bela festa, e coscita r’é stada, domegna ai 27 de noenbre, in Begontina, par ra inaugurazion de i laore che ‘l é stà fato, da ‘l Comun de Anpezo, inze ra sede de ra Crosc Bianca. Par fei vede a i amighe anpezane cuanto che i aea caro, ‘l é ruà amighe da ches’outra vales, śo par pede, aduna con tropa śente e autoritas de ‘l paes. A i dà el bon azeto a dute ‘l ea el caposervizio Carlo Alberto Delmonego e el caposezion Lavinio Zandanel. Ignante de dute, ‘l é stà Andrea Franceschi de Matia, capocomun de Anpezo a dì alcuanta paroles. “Tropa otes ‘l é difizile fei el nosc laoro – ‘l à dito – parcé che son sofeade da ra burocrazia, da ra cartes, e da calche an se stenta, co i sode, parcé i m’in dà senpre de manco. Coscita ‘l é un pes, par nośoutre, me vien el gojo, canche ón idees e projete, par el ben de el nosc paes, ma no śon adora a i invià, a i portà fin fora inson.

Coscita calchedun me disc che el nosc ‘l é un libro de i insogne. Ben, calche ota chiste insogne i deenta fate, che dute pó vede, canche se và adora a pasà sora i momente pi gree, pi difiziles, parcé che te somea che duto se ficia e te te sentes martufo”. Dapò ‘l à śontà algo su chera ciaśa, che r’é de el comun, in Begontina, agno che ‘l é inze ra Crosc Bianca, da trope ane: “De seguro aé una ciaśa coscita ‘l é un valor, ma ra no śoarae a nuia, se no fose, de inze, che laora, i dipendentes e i vorentie de ra Crosc Bianca; ‘l é a chesta śente, che ‘l é da i dì gramarzé. Coscita, par lore, voron che see algo depì, che i fesc lourà ancora pi vorentiera. Inze ‘na śornada come chesta, ra roba pi bela ‘l é chera de saé che se varda inaante, a ‘l doman de chesta asociazion”. Intrà dute chi che à parlà, ‘l é stà Ivo Bonamico, diretor de ra Crosc Bianca a Bolzan. El ‘l à vorù

I cuatro cape sezion che ‘l é stà, da ‘l 1976 fin ancuoi: Arrigo Antonelli, Luca Gandini, Roberto Fassina e Lavinio Zandanel.

recordà nafré de storia e ‘l à dito che chera de Anpezo r’é r’unica sezion restada, de chera diesc che ‘l ea ‘na ota, fora da ‘l Sudtirol, fora da ra provinzia autonoma de Bolzan. “E nośoutre voron śì inaante coscita, seguità a lourà aduna con vośoutre – ‘l à śontà Bonamico – e de ve dià ‘na man. Par chesto ra direzion da Bolzan r’à vorù spende sode, par cronpà ra mobilia, da bete inze. Nośoutre voron che see un bel posto, da lourà, da vive inze”. Dapò ‘l à dito algo de chel che ‘l é suzedù i anes pasade, canche someaa che ra Crosc Bianca de Anpezo r’aese da se destacà da chera de Bolzan, e inveze ‘l é stà el Comun de Anpezo, canche ‘l ea capocomun Paolo Franceschi de Cuto de Elena, a se dà da fei. “Inalora s’à parlà co i nostre cape sezion, e con chi che ‘l é vegnù dapò – ‘l à recordà – ignante con Arrigo Antonelli, dapò con Luca Gandini, fin a Roberto Fassina e ades a Lavinio Zandanel. De duto chesto, de chel che se vede ancuoi, ‘l é da dì gramarzé a ra aministrazion de Anpezo, a i vorentie, a i dipendentes. Ma pi che see, vardon dute a i śoen, a chi che vien inze ancuoi, con chera de śì inaante, un doman”. Da Vodo ‘l ea vegnù inze el capocomun Gianluca Masolo, che el laora in Anpezo, e che ‘l é un de chi che vieste ra mondura de ra Crosc Bianca; el ‘l à recordà dute chi che vien a dià ‘na man, da i paes śo par pede, pi che see da ‘l Cadore, e che i à acaro de se notà inze, de deentà sozie, parcé che i sà che ra anbulanzes ‘s é là anche par lore, par i dià, se i à biśoin. Arrigo Antonelli, el pi vecio de i cape servizio, trenta ane de Crosc

Bianca, su ‘na storia de trentazinche, ‘l à recordà cemodo che ‘l é nasciù duto, de ‘l 1975, canche un foresto, un turista todesco, el s’à fato mal, su in Fuzargo, e i é śude a ‘l tuoi co ra vecia anbulanza de el Comun, che i tegnia inze chel che ‘na ota ‘l aea gnon Garage Centrale, in Begontina. Chesto el stajea a Munchen, in Baviera, agnó che ‘l ea inze co ‘na asociazion de socorso; canche ‘l à vedù che ca no n’ea nuia, ‘l à vorù donà doa machines, che ‘s é ruades ignante a Bolzan, dapò in Anpezo, e duto ‘l é scomenzà. A tegnì aduna ra śente ‘l ea i ufizie de el comun, i prime vorentie ‘l é stà chi che donaa sango, de ra Abvs, e ra machines i res tegnia a Socus. I à inparà cemodo fei, a fei un socorso, da chi de ra Crosc rosa taliana, ruade aposta da Udin, par insegnà. El capo sezion Lavinio Zandanel, che ‘l é un de poca paroles, ‘l à vorù in dorà alcuantes par i dì gramarzé a ra families de i vorentie: canche lore i é là, mangare a pasà ra notes, a fei el so laoro, i tol fora tenpo propio da ciaśa, da ra so śente. E ‘pò ‘l à vorù i dì gramarzé a chi de el Socorso in croda de Anpezo, che i à dià ‘na man, con alcuante sode,

par fenì fora i laore, drio el projeto de i architete Fabrizio Luchetti e Christian Siorpaes. Co ‘ste laore i à fato fora un bel posto da dromì, su de sora, con alcuanta cameres; de sote ‘l é un posto da se ciatà, par i corse, par ra foules; ‘pò i à comedà fora polito ra cujina e el posto da disnà; dinultima ‘l é un gran posto da bete inze ra machines, almanco does, prontes a moe, canche ocore. Propio là, su ra bela toures, ben pareciades, i s’à scentà, par el disnà, par ra festa, a magnà duto chel che ‘l ea stà parecià ra ra Protezion Zivil de ra Crosc Bianca, ruada da Bruneck. E un bon dolze, co ra stema de ra asociazion, par fei festa, par i trentazinche ane, parecià da ‘l Tinele. Inze ra so paroles, don Alberto Ganz ‘l à dito che ‘l arae dà ra benezion a i mure, a ra ciaśa, ma pi che see a i ome e a ra femenes, a ra parsones che ‘s laora, par ra Crosc Bianca. E ‘pò ‘l à śontà algo, che dute podon ese d’acordo: “El volontariato, el don de el so tenpo, de chel che se sà fei, de ra voia de el fei, par chi outre, par ci che à pi biśoin, ‘l é un jesto cristian”. Marco Dibona Moro

Inze chera ciasa, de el Comun de Anpezo, ‘l é senpre calchedun pronto a moe, de di e di note, par duta ra stajos, se calchedun à bisoin e ciama.

El dolze par ra festa, de i trentazinche ane de ra Crosc Bianca in Anpezo, r’unica sezion restada, fora da ‘l Sudtirol. www.lauscdiladins.com

13


Anpezo

nr. 47 / 02 de dezember 2011

I maestre de ra Dolomites

Fregores

Algo depì, da śontà pede, par i nostre profescionistes de ‘l turismo. Un corso par proa, fato da i maestre e da ra fondazion Dolomites Unesco. Par ‘sto an s’à scomenzà con chi de Anpezo e de i paes pi pede; par un doman se pensa de tuoi inze anche ches’outra vales

Alcuanta noes in curta, da ‘l paes e da fora Anpezo perde don Davide

I maestre de Anpezo, co i chentl inpizade, par piaza, sote el cianpanin; una tradizion, nafré de color, de cioudo, che se śonta pede ara tecnica de insegnà a se montà co i schie.

Da alcuante dis ‘l é zento e cuaranta maestre de ra Dolomites. El pefel i é stà dà ai 29 de noenbre, in Anpezo, canche s’à fenì el prin corso, vorù da ra Fondazion Dolomites Unesco. I s’à ciatà cuatro otes, da dasera, par oto ores in duto: ‘l ea maestre de schie, de brea, alcuante de schie da fondo, pi che see de i comune de Anpezo, de Auronzo e de San Vido, con alcuante de outre paes de ‘l Cadore. Chesto pefèl ‘l é algo depì, par i maestre che i à vorù śì a scotà chesta lezios. I anes pasade, da pi partes, s’à sentù chera de precurà i nostre maestre, de fei algo par tegnì indalonśe chi che rua da fora, da outra rejos talianes, finamai chi foreste, da outra nazios. Un de i prime a se moe ‘l ea stà el capocomun de Anpezo Andrea Franceschi de Matia. Ma ra leje ra no me dia, par chesto: no se pó sarà ra portes, tegnì fora ra śente, che ra pó se moe, par lourà, daparduto. Coscita s’à pensà de se moe outramente: de i dà algo depì, a i nostre maestre, un valor da śontà pede. “Nośoutre conoscion polito ra nostra crodes – el me disc Paolo D’Amico, el maestro de schie de Anpezo che ‘l à betù a śì chesto corso – e chesto ‘l é algo depì, che podon i sporśe a i nostre clientes. Nośoutre no n’ón nuia depì de chi

outre, su ‘l insegnà a se montà co i schie o co ra brea, ma podon i pasà chel che ón inparà, a vive ca, e ades con chesta lezios. I podon fei ruà el nosc amor, par ra nostra tèra”. Un amor che el pó deentà un vantaśo, da chel che me disc Walter Girardi Narda, presidente de ra scora de schie Azzurra de Anpezo. “Ades nośoutre podaron tacà fora chesta stema, su ra nostra mondura, agnó che ‘l é scrito che son maestre de ra Dolomites: chesto vó dì che conoscion depì chiste poste, chesta crodes. Se un cliente foresto el rua ca, e el vó inparà algo de outro, pede a śì co i schie, el pó vegnì a vede de nośoutre”. R’ultima sera, r’ultima lezion, ‘l ea Diego Cason, che ‘l à parlà pi che see de turismo, inze ra provinzia de Belun, co i numere de i ultime anes. Par chesta ota, par ‘sto an, s’à scomenzà coscita, con cuatro lezios, de doa ores a ra ota, ma se varda pi inaante, a i anes che vien, con chera de ciapà inze i maestre de outra vales, de outra provinzies, de ra tre rejos de ra Dolomites, da Belun a Bolzan e Trento, a Pordenon e Udin. “Par chesta proa ón ciamà i nostre maestre de Anpezo e chi de i comune ca pede – el śonta Paolo D’Amico – e par podé vegnì i aea da aé ra residenza ca da almanco zinche ane. Par i anes che vien, penson de toi inze anche i

maestre de outra vales, ca pede, e de ches’outra provinzies de ra Dolomites Unesco”. Par ra fondazion Dolomites Unesco ‘l ea el profesor Cesare Lasen a dà fora el pefel, a i maestre, dapò de aé fato alcuanta lezios, su ra natura. El conoscion dute polito, da canche ‘l ea presidente de el Parco de ra Dolomites, a Feltre, e dinultima, ‘sto an, canche ‘l à dià a fei chel gran bel libro su ra natura de ra nostra val, aduna co ra Regoles e el Parco de ra Dolomites d’Anpezo. “A me domandà, a nośoutre de ra Fondazion, de fei chiste corse, par proa, ‘l é stà propio ra asociazion de i maestre, in Anpezo, che i à vorù fei algo, lourà aduna, par insegnà a dute cuanto bela che r’é ra natura de ra nostra crodes. Coscita s’ón ciatà a fei propio el laoro iusto, chel che ‘l à fato nasce ra Fondazion. Nośoutre ón acaro che see ruà trope maestre, supośò de zento e cuaranta, e che see vegnù anche outra śente, che à domandà de podé scotà, par ra so cultura, par saé algo depì”. E ci che vó in saé ancora depì, pó śì a lieśe el sito de ‘l Unesco de ra Dolomites http:// fondazionedolomitiunesco.org/ eventi-e-novit%C3%A0/news/ ciclo-sperimentale-di-incontriinformativi-i-maestri-di-sci-esnowboard. (mdm)

El pioan de Anpezo don Davide Fiocco el s’in và. No se sà ancora can, e cemodo, e agnó che el śirà a portà inaante ra so miscion, ma ‘l é seguro che da diozesi de Belun – Feltre, con ‘l vescovo monsignor Giuseppe Andrich, r’à deziso de el mandà inze un’outra parochia. Don Davide ‘l é in Anpezo da oto ane e ‘l é pioan da i 2 de aprile de ‘l 2006, canche ‘l é stà betù a ‘l posto de don Francesco De Luca. Nasciù a Canale d’Agordo, ignante de ruà in Anpezo ‘l ea stà, par cuatro ane, pioan de ra parochia de Gron. 

Sant’Andrea in Col Co i 30 de noenbre, co ra sagra de sant’Andrea, in Col, fenisce anche par ‘sto an ra festes de ra jejes, de ra capeles, de ra confraternites de Anpezo, co ra so meses, ra orazios, el vespin, e anche co i carafoi, chi boi. Se scomenzarà danoo, co ‘l an noo, ai 11 de febraro, canche ‘l é ra festa par ra Madona de Lourdes, a Gnoche: par chera festa, se sà, ogni an rua pelegris anche da fora de ‘l paes, da San Vido, in portiscion. Poche dis dapò, ai 16 de febraro, dute in Alverà, par santa Giuliana, a se folà de dolzes e de carafoi.

El lunario de Nadà De ‘l śoiba, el 1 de dezenbre, s’à daerto ra prima funestra de ‘l Comun Vecio, in Anpezo, par el Lunario de Nadà. Da alcuante ane ‘l é deentà una tradizion, una bela tradizion, chera de bete fora, su chera v intez inche f une stre s , outretante depente de ra storia de r’arte, taliana e foresta, de i tenpe de ‘na ota. Cemodo che

se fesc co i lunarie de ra famea, con algo de bel, o de bon, de dolze, scondù inpó chera funestreles da daerśe, anche in Anpezo se inpiza la lun, par segnà ra strada, de ‘l Nadà che rua. Ogni an i ciama i pizete de ra Young Band, a sonà alcuanta bela musiches, parcé che ra festa ra see pi bela. Coscita, con chel di, se daerśe anche el mercà de Nadà, co i banchete, inze ra ciaśetes de len, betudes fora par piaza. Ma, de duto chesto, ve contaron ra setemanes che vien, sote Nadà. 

Gnee poco, masa cioudo De gnee da ‘l ziel, de chel bon, s’in à vedù poco, fin ades ; in é ruà nafré d’outon, finamai de setenbre, ma dapò el s’à delegà e ra val r’é restada suta e scura. S’in à vedù danoo, i dis pasade, ma poco, propio poco, e in outo, parcé che ‘l ea coscita cioudo che in val pioea. De gnee pestizo no s’in parla: masa cioudo, i canoi i no và adora a sbarà. Ai 26 de noenbre i à daerto i prime inpiante, in Faloria, co ‘na pista, e ‘l é ruà un grun de śente, par se montà co i schie. Ades se spera de daerśe almanco calche outra pista, in Faloria, e de śì adora a fei moe anche i inpiante de ra Zinche Tores, da Bain de Dones fin su da ‘l rifujo Scoiattoli, pede ra Penes de Naerou, e mangare chel inpianto noo, co ra scentes da doi poste, par ruà in forzela Averau. Nafré a ra ota, se vó daerśe nafré dute i inpiante, par scomenzà chesta benedeta stajon, ma r’é dura, r’é erta, se fesc ‘na fadia da no crede, e ‘l é da spende un grun de sode. Co ra speranza che see senpre bon chel vecio dito anpezan: che el gnee, ignante o dapò el rua, parcé che es no se ‘l magna mia ra sorizes.

El Banbin de el Nadà I presepie de i pize da scora, betude fora par ra boteghes, inze piaza e par el paes Ca de nafré ruà Nadà. Se ‘l sente ogni di, su ra bocia de ra śente. E dute i pensa a chel che ‘l é da cronpà, da spende, da donà. De spes fijicaries, caprizie. Co ‘l é dinultima, se rua da r’Epifania strache, inveze che pousade, tanto pi inze un paes, el nosc, che el vive de laoro, de turismo, par Nadà, par ra festes. Duto chesto i à pensà i catechistes, de ra parochia de Anpezo, coscita i à domandà de fei algo, ignante, a ra families de i pizete de cuarta e de cuinta, de

14

www.lauscdiladins.com

ra scora popolares. I à domandà de fei fora i presepie, dute aduna, de lourà i fioi e i jenitore, mangare anche i none, e de parecià ra Sacra Familia. Dute à podù fei chiste presepie con chel che i vorea, con chel che i ciataa in ciaśa. No conta cuanto biei che i é vegnude, chiste laore, ma conta chel che i à inze. Dapò ‘l é da śì pi inaante: el Banbin el no nasce par me, o par ra me familia, ma el nasce par dute, dute i à da ‘l vede. Coscita s’à pensà de bete fora chiste presepie, inze ra boteghes, par piaza, che dute i podese i vede. I

restarà fora un mes, da ra festes de ‘ste dis, par ra Madona Imacolata, fin dapò Nadà. Chiste presepie i é là par dute, par ra śente de ‘l paes e par i foreste che rua da fora. Cisà che i no see masa ciapade, a cronpà, a spende, e i vade adora a vardà chiste laorete. In duto in à fato supośò nonanta, un pi bel de chel outro. Dapò de ra festes, i tornarà inze ra ciaśes, agnó che i à fate, ma i no sarà conpagne de ignante: i arà algo depì, un valor noo. Senpre che sone boi de ‘l vede, de ‘l sentì, de ‘l vive.

Un de i presepie, fate da i pize da scora, aduna co ra so families. Par chesto i à dorà pitoche, scorzes, cuces e barbabije.


nr. 47 / 02 de dezember 2011

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Gherdëina a uni priesc? Turism: ciun ie pa l drë’ priesc, sibe d’inviern che d’instà, ma nce tla sajons basses? L ne n’ie nia for saurì a respuender, ajache l ie da tenì cont de plu fatores. Nstadì à l espert Helmut List rujenà dla cuestion tla pitla sala dla Cësa de Cultura de Sëlva , plëina de jënt

L reladëur Helmut List.

Da man ciancia: Doris Pycha, Erika Rabanser y Christoph Vinatzer.

Trueps i nteressei te sala.

Turism - Compra pa i seniëures mé plu roba da bonmarcià? Co pòssen pa se cumpurté cun jënt che chier mé marcanzia da bonmarcià? Co pòssen pa marciadé n priesc te na maniera profesciunela? Co muda pa i priejes aldò de vacanzes curtes o vacanzes che vën apustedes al ultimo mumënt? Giaurì d’instà, ciun ie pa l drë’ priesc? Co vëija pa i seniëures Gherdëina? Te ce relazion de priesc ie pa Gherdëina cun Ischgl, Seefeld, Kitzbühel y d’autri luesc? De chësc àn rujenà cun l espert Helmut List pra n domesdì de nfurmazion metù a jì dala Lia di Osć de Sëlva deberieda cun i fitamajons y l Ufize de Turism de Sëlva ai 22 de nuvëmber tla pitla sala te cësa de cultura “Oswald von Wolkenstein“. La truepa jënt unida adalerch, mascimamënter uperadëures tl ciamp dl turism, ie unida saludeda da Christoph Vinatzer n reprejentanza dla Lia di Osć de Sëlva. Vinatzer à auzà ora la sensibltà dla tematica y tl medemo mumënt la mpurtanza de na furmazion aldò, de vester for nfurmei n con’ di mecanisms che ie do na politica di priejes via.

destinazion. Coche dì, „Gherdëina a n tel priesc d’instà?, pona ne saràl nia zeche che se mpaia a avëi“. Un n ejëmpl de na politica fauza ie Ischgl, che à n bon turism da d’inviern, cun priejes che ie trëi iedesc plu auc che d’instà. „Chësc ie fauz, ajache deguni ne uel na destinazion massa a bonmarcià,“ à dit List. Per Gherdëina iel l drë’ priesc d’inviern, y l ie drët jì inant nscila. Da mëter a verda iel de ne arbassé nia massa i priejes d’instà. L ie miec a avëi manco giut jënt che paia na soma sun mesura, che na sajon plu longia cun seniëures che paia - massa puech.

tumé ite tl maschilism, tradiziunalmënter plu emoziuneles. L’ëila ti cëla a tan bel che l ie dut, l ël se damanda n iede tant che dut costa. De regula iel l’ëila che fej ora l priesc. L scetizism dl ël possa unì balanzà ora cun zeche che n à sëuraprò, dajan da ntënder, comunican, che la strutura ie dlongia l lift o te n raion chiet, mé per fé n ejëmpl. Da coche List dijova, sarà pona l’ëila „bona“ de ti fé „udëi ite“ al ël tan bel che l sarà, che n giapa zeche sëuraprò, y al ël ti fajerà l majer busc te tacuin manco mel. Povester na reflescion mpue’ a blanch y fosch, chëla de List, ma mpo nteressanta tla reflescion di estrems.

Priejes massa basc ie la politica fauza Helmut List à scumencià si relazion cun la dumanda che l ie da se fé: „Ciun ie pa l drë’ priesc, y dantaldut, cie resta pa ala fin te tacuin?“ Una na resposta che l referënt à dat ie che l ie miec avëi manco seniëures cun i drë’ priejes, ne i arbassan nia massa. Sce n scumëncia a pité majons for plu y plu a bonmarcià, pona sà chësc la jënt y aspieta che i priejes vënie arbassei al ultimo mumënt. Dal’autra pert comunichea n priesc massa bas che l ne n’ie nia na bona

La nflazion Na cunscidrazion à l reladëur fat n con’ dla nflazion, che ie, aldò de n si stude, dal ann 2000 incà jita su dl 17,4%, ma tulan ca i parametri tachei te na maniera plu strënta a n hotel o pension, coche energia, nvestimënc, custimënt di cunlauradëures, pona ie la nflazion de passa 30%, che ie belau dl dopl dla nflazion numinela. Nce de chësc vàla de tenì cont pra i priejes. I hotiei da cater stëiles superior, aldò de n stude de List, se muev aldò, auzan i priejes uni ann danter cater y sies percënt, i hotiei da cater stëiles auza de mesaria dl doi percënt, chëi da 3 stëiles gor mé de un percënt. List à lecurdà che n muessa tenì cont di custimënc che vën for majeri y majeri, y che l ie perchël drët auzé de n 3 nchin a 3,5% uni ann.

La bela strutures de Gherdëina Helmut List à dat da lecurdé che te Südtirol iel unì fat nvestimënc scialdi granc ti ultimi

ani, l ie unì dat ora na mont de s c ioldi, la str uture s ie al’avanguardia, plu che ti raions che cunfinea cun Südtirol. Chësta dla nfrastrutures plu beles ie na chance che la va de nuzé. Danz che la „vita dl prudot“ ie al didancuei mé plu de 4-5 ani, nia plu sciche dant de diesc, chindesc o gor vint ani. Bele do n cin’ ani vàla de mudé, de fé zeche de nuef. L ne muessa nia vester na restruturazion da fonz su; nce de mëndri nvestimënc possa fé l fat y sie: per ejëmpl la televijions plates, n local per i mëndri da fé damat, n local da „chilé“ per i jëuni (chilé, liet cilé = se relassé, per nëus plu vedli che ne cunescian mo nia la parola nueva di jëuni).

Comuniché ativamënter Tan bon y drët che ie uni mudamënt, uni inuvazion, uni miuramënt, ma almanco tan mpurtant iel che l vënie comunicà. L priesc n mumënt plu aut, che tën cont dla nflazion, giapa nscila n giaulon, chël che l priesc auzà va a una cun n miuramënt de strutura, cossa pona plu saurida da azeté da pert dl tlient.

Emuzion contra ratio Pra la cuestion di priejes iel, nscila List, na pert emoziunela y una raziunela. Tramedoves vën ativedes, pra i priejes tl turism. La pert emoziunela ie chëla dl „angiul“, che dij: „Sci, azetea l priesc, che te es pu merità n valgun de biei dis de feries.“ La pert raziunela ie chëla dl „malan“ che dij: „Bedaia, ce mel che l me fej a audì l priesc.“ Ala dumanda de chiche tol de regula la dezijion à List dit che per l 75% di caji iel l’ëiles, cun l’ëiles che ie, zënza ulëi

„Vester autramënter che i autri“ List à n generel auzà ora che n muessa vester inuvatifs, ma nce ndividualisć, ajache „chiche va cun l pastrëc possa mé ti jì do ai cui,“ coche List ova liet da permò sun n tel’ placat cun biesces che jiva da una na pert y mé una che dajova ëuta y jiva de reviers. La va de se posiziuné, n muessa for savëi cun chiche n à da n fé. N possa bën nce avëi plu grupes che n uel mutivé a unì, ma pona muessen nce savëi da se deriejer aldò; per fé n ejëmpl iel fauz a ti dì a na familia che dlongia iel na discoteca, ntan che per na grupa de jëuni sarà chësc nteressant. Nscila pra d’autra grupes, chëi dala roda, chëi che chier n valgun dis de romantizism y n.i. L ie zënzauter nce mesun pité cosses desferëntes aldò dla sajon. N generel iel drët fé unì ora la pert umana, ti dijan ala families che uel unì che n ie nstësc na familia, che l cuech à ënghe pitli mutons; o a chël dala roda ti dìjen che ie son pa ënghe

n pasciunà, che nosc cunlauradëur ie n espert.

„Bonus dan sconto“ Finan via à List dit che l ie mpurtant a pité n bon prudot, che l ie da pité cun cunvinzion, a na maniera che son nce bon de ti cialé ti uedli al ghest, no che vënde iusta per vënder y da dedò ne l trati nia sciche l toca. Pra i priejes iel da sté cun cunvinzion pra l priesc, sce n cajo ne n’iel nia drët fé n sconto, ma ti pité zeche sëuraprò che ie piete bele, coche n massaje debant, mé per fé n ejëmpl. Ala fin dl referat iel mo stat l mesun de na descuscion. Una na cunscidrazion critica ie stata chëla che l ie unit ora massa puecia ndicazions per miuré n generel l turism da d’instà te Gherdëina. Dal’autra pert iel stat na cunscidrazion che List à rujenà truep de cater y cinch stëiles, che à dut n auter manejamënt che no i mëndri, che à vel’ majon o vel’ cuatier y che possa avëi de majera deficulteies a vester for up the date, for iló, dan computer y cun duc i mesuns de marketing. N valguna ndicazions n con’ dl raport danter „pitli y granc“ fóssel stat bel a audì, coche nce la ncëria dla urganisazion turistica permez al privat tl ciamp dl retlam, dl marketing. Na ultima cunscidrazion che n à audì da plu che un ie che chiche ne ie nia hotelier a tëmp plën à deficulteies a jì a sentedes che ie domesdì. Chësc mé coche pitla critiches; n generel à l referat de List mpo dat vel’ ndicazion nteressanta, dantaldut che l ne n’ie nia drët a ti jì do al "dumping", al priesc massa bas, ala majons plëines che costa puech y nia. Ala fin dla finedes la paia iló duc. David Lardschneider

www.lauscdiladins.com

15


Gherdëina

nr. 47 / 02 de dezember 2011

Unika y ert da d’inviern

Zeche de mat

N dumënia iel stat la vernissage de na mostra sun Renon, cun lëures de cumëmbri dl’Unika

Zeche de mat iel bën, coche ie l tëmp y la natura, śën che la sajon dai schi scumëncia tosc o che à bele scumencià. Pauli Senoner de Santuel de Sëlva à mandà ite n valguna fotografies, danter l auter de ciofs di morc che flëur

Hubert Mussner, Armin Rifesser, Alfons Runggaldier, Beatrix Unterhofer, Maria Holzner, Filip Moroder Doss, Heidi Ramoser, Wolfgang und Monika Holzner. (Foto: Maria Holzner)

Ert - Na bela mostra ie unida giaurida sun Renon. Metù ora iel nce ert de Gherdëina, de artisć dl Unika: Filip Moroder Doss, Hubert

Mussner, Armin Rifesser y Alfons Runggaldier. Dlongia chisc fova pra la giaurida tl Hotel Holzner nce prejënta Heidi Ramoser dla

„Rittner Hüttenkrippe“. L’opres metudes ora va sot al titul „Ert da d’inviern“. Tres la vernissage à menà Beatrix Unterhofer. (dl)

L té Rooibos, na spezialità dl’Africa L ie la buanda naziunela dl Sudafrica y da n valgun ani incà iel for plu y plu cunesciù nce tlo tl’Europa. L inuem vën dala rujeneda afrikaans y uel dì “siena cuecena” y chësc ie na gran fe r tu n a p e r l a populazion dl Sudafrica, che ne n’à nsci nia drë de se temëi dala cuncurënza de n auter paesc. De gra al “fair trade” ti vëniel paià n paiamënt giust ala jënt che lëura tla produzion dl té. Sëuraprò vëniel sustenì pruiec soziei (l vën fat su scoles, spediei, …). La racolta vën fata L té Rooibos ne n’à deguna cafeina y truepa danter jené y auril. L vitamines. vën scialdi laurà a man, Maiadives - La planta dl Rooibos mé datrai nce cun l aiut de vel’ crësc mé tl raion di Cederberg mascin. La rededa ie n media de Mountains, zirca 200 km a nord de 300 kg/ha. Cun una na tona de Kapstadt. La cundizions te chësc pleces de Rooibos, iesen boni de fé raion, cun insteies ciauc, invierns 350 kg de té. Sce l té vën vendù tl cun scialdi plueia y tiera da sablon, raion naziunel, giapa i paures che ie ideéles. L Sudafrica ie l sëul paesc tlopa chësta pleces zirca 14 Rand, ulache l ie mesun zidlé chësc té, che fossa zirca 1,50 € per uni chilo. uni iede che n à purvà de l cultivé L “fair trade” ti paia per la medema te n auter paesc iel stat zënza suzes cuantità 23 Rand (za. 2,50 €) y leprò

16

www.lauscdiladins.com

mo na premia dl 10% dl priesc de venduda tl paesc de pruvenienza. Cun i scioldi de chësta premia possa chësta jënt se cumpré per ejëmpl tractors o cudries. L té ie per la jënt dl Sudafrica na puscibltà de davani y na speranza te n miëur daunì. La paura Christoline Engelbrecht dij per ejëmpl: “L fair trade me juda a sparanië scioldi per la istruzion de mi muta, che à śën doi ani, tl daunì. Nsci aràla de miëura pusciblteies tla vita che ie.” Ciuna ie pa la particularità dl té Rooibos? L té Rooibos, ne n’à a desferënzia de d’autri teies, deguna cafeina y ie perchël per ejëmpl nce adatà per mutons, mplu àl truepa vitamina C, fier y magnesium y si sëur dëucia y da fruc ti sà bona a trueps. La jënt dl Sudafrica tol ca chësc té no mé per bever, ma nce per cujiné, per la produzion de cosmetica y per se ntënjer y ciavëi. Grupa Butëiga dl Mond Gherdëina

L purtoi Saslonch da Praplan via.

Natura y cuntreda Ciofs di morc (Calendula/ Ringelblume) che flëur ie unic pultrei ju a Urtijëi, sai Coi ntëur a 1.400 metri! Y chësc nia d’instà o d’ansciuda, ma n dumënia ai 27 de nuvëmber. Dl medemo di ie nce l’autra doi fotografies de Pauli Senoner tlo publichedes, una di purtoies dai schi coche n i vëija dal Jëuf de I ciofs di morc che flëur sai Coi. Sela via, l’autra cun l purtoi de garejeda de Copa dl Mond ju cun l turism. L ne resta pa auter Saslonch tëut su da Praplan via. che speré che l vënie tosc la nëif a Fotografies scialdi beles y nce curì dut cun n bel mantel blanch. nteressantes, nce sce les ti fej giapé mel de vënter a plu de un che se dà David Lardschneider

Purtoies dai schi udui dal Jëuf de Sela via.


Gherdëina

nr. 47 / 02 de dezember 2011

Puent sun Jëuf de Sela Chisc dis iel unì fat l colaude per l puent nuef sun Jëuf de Sela. Dlongia la cava iel unì fat da nuef n puent che ne garantiva nia plu segurëza per i mesuns pesoc

Puent nuef sun Jëuf de Sela: n nvestimënt de segurëza da pert dl assessorat ai lëures publics.

Stredes - Per chësc pruvedimënt de segurëza sun streda, à l assessorat provinziel per i lëures publics fat n nvestimënt de 150.747 euro. L puent nuef pra l chilometer 26,9 ie diesc metri lonch y de ndut set metri lerch. I lëures da muradëur fova bele unic stluc ju ala fin dl instà. Nstadì iel unì finà l colaude, coche l vën scrit tl comunicat stampa dla Provinzia de Bulsan. L

Al chilometer 26,9 dla streda dl Jëuf de Sela iel unì fat da nuef l puent.

custimënt de ndut ie cun 150.747 euro stat scialdi mënder de chël che n ova proietà. “Da una na pert à la firma Enrico Rella de Urtijëi lascià do si pert de 25% y dal’autra pert ons pudù tò materiai che l Servisc per la stredes ova bele te chësc raion, a chësta maniera ons dat ora 50.207 euro de manco,” spiega l assessëur Florian Mussner. La proietazion dl puent, direzion

di lëures y mesurazions tecniches ie unides fates dal assessorat per i lëures publics nstës. Sun la fundamënta de analises di puenc sun la stredes provinzieles ova chësc puent dlongia la cava, sun streda dl Jëuf de Sela, giapà gran priurità per l fé da nuef. N auter puent, iló daujin, muessa ënghe unì fat da nuef, per chësc àn bele nvià via la pruietazion.

Mario de Plaz Na vita plëina de ntujiasm y ueia de fé Persones - Savon che l n ie nce trueps oradeca, ora dla valedes ladines che liej gën la Usc y che nce tres la zaita a daniëura mantenì n liam strënt cun si ncësa. Un de chisc ie nce Mario de Plaz, coche nëus ti dijan, de chël che ulëssi tlo cunté mpue de si vita sciche persona ulentiva y lezitënta, che se à fat streda da sëul y tres si meric. Rejone tlo de Mario Kasslatter che vën ora de na gran familia da Bula, cun na dredia de mutons. Ël fova l dejenuefejim de vint mutons. Mario ova for bele n drë nteres y na gran ueia de fé, y chësc l à purtà dalonc da si cësa a scuvierjer y purvé velch de nuef y a se fé inant. Ël à fat te si vita truepa robes cun gran pascion y ntujiasm. Ma cie fajova pa Mario da jëunn? Do avëi fat la “Gewerbeoberschule” a Bulsan iel jit a Bregenz a fé la scola da njenier per costruzion de mascins. Pona àl giapà n lëur a Minca pra la BMW, sciche tecnicher y tosc do iel unì nciarià tla repartizion per l cuntrol de cualità. Iló àl mparà dantaldut prezijion, cualità, puntualità y

economia aziendela. Ma Mario ulova ngali unì de reviers te Südtirol. Na firma de Minca, che vendova tractors y njins per l servisc da d’inviern, criva zachei per reprejenté si njins tla Talia. Cun n valgun coleghes àl svilupà y metù adum n ”giat dala nëif”, ma ël ne ova nia l muet de jì inant cun chësc proiet. Pona àl nsenià n valgun ani tla “Gewerbeoberschule” de Bulsan. Cun n si ex-cumpani de scola àl fat n model per na furnadoia, che l à metù su sa Bula sun n purtoi 300 metri lonch. Ma la furnadoia ne fova nia defin a post cun la normes de segurëza y nsci àl messù renunzië. Ël fova tecnicher, nseniant, reprejentant de cumerz y manager. Pona à Mario cunesciù Peter Dussmann, che tl ann1970 à metù su tla Talia na firma de servijes da puzené per i spediei. Mario ie deventà aministradëur de chësta firma y do 15 ani de manejamënt se àl metù per si cont metan su na firma che pitova l servisc de netijia nia mé te Südtirol, ma nce tl’Austria y te d’autri raions dla Talia. Tl 1991

àl pona mo sëurantëut l ciamp dla gastronomia per spediei, scoles, cëses de paussa. Plu inant se àl giurì cun i medemi servijes de viers dla Romania y Polonia. Nsciuma iel stat bon, nce cun l aiut de si fëna Heidrun Achammer de Sterzing, che fova cumerzialista y nseniova ntlëuta mo tla scola per l cumerz canche l la ova cunesciuda, de se fé su na bela mpreja. L suzes de Mario ie dessegur nce merit de si fëna Haidrun, che ti à for judà y à partì cun ël auc y basc de si cariera. Haidrun y Mario à doi mutons, Christof y Florian che ie ntant zapei tla piedies de si genitores nsci che chisc possa finalmënter se dé gheneda y fé chël che i ne ova mei dl’aurela de fé. Ma Mario ie mo plën de energia y de paussé defin ne saràl danz nia bon. Ël sona drët bën la chitara, a d’ël ti sàl bel a cianté y a festejé y canche l scumëncia a cianté la vedla cianties da zacan, al for suzes y devertësc duta la cumpanìa. Erica Senoner

Bòt o trauma al cë Te plu luesc de Südtirol, danter l auter nce tla Val Badia, iel unì metù su grupes de autoaiut per persones tuchedes da chësc mel. Gertrud Calenzani deberieda un l Servisc soziosaniter de Gherdëina prejentea chësta grupes Sanità - Te Südtirol iel 5000 persones tuchedes da chësc mel che à de bujën de cures y terapies. Ntan l ann vëniel mo leprò zirca 700-800 caji nueves y l n sarà for deplù ajache la jënt vën for plu y plu vedla. L lëur y la prestazions dla Azienda Sanitera vën de cunseguënza for majer y n muessa cialé de pudëi pité la miëura soluzions zënza messëi lascé aspité massa giut la persones tuchedes. L ie scialdi de mpurtanza che te n cajo de trauma al cë o de bòt al cë, vën la persona cureda l plu aslune che la va y che la vënie aviseda riesc tla drëta strutura. Perchël uniràl a s’l dé n zënter spezialisà a Bulsan. L ne n’ie nia mé de gran mpurtanza che la persones tuchedes vënie curedes ti spediei y ti zëntri de terapia, ma coche te uni situazion de malatia à la jënt nce de bujën de pudëi se cunfrunté cun d’autri che ie tla medema situazion per pudëi rujené de si esperienzes o nce mé per scuté su d’autra problematiches. Suvënz ie nce chëi de familia te na situazion che i se fej ert, ajache i muessa secudì si parënc y ne sà datrai nia co fé y ulache i pudëssa jì a se tò n aiut o n cunsëi. Propi per ti dé sustëni te chisc caji à anda Gertrud Calenzani metù su grupes de autoaiut per chëi de familia y per chëi che à nstësc abù n trauma al cë o cervel o n ictus, chësc a Bulsan, Persenon, Burnech, tla

L bot al cë.

Val Badia y a Maran. Si mpëni ie chël de judé la persones tuchedes y si families acioche les ebe plu forza per arjonjer y purté dant si bujëns ala persones y ala istituzions spezialisedes. Nce te Gherdëina y tla Val Badia udëssela che l fossa bon de tré su na grupa de autoaiut. Tla Val Badia tl Servisc Soziel a Picolin iel stat dan n chindesc dis la prima ancunteda cun anda Gertrud Calenzani. Te Gherdëina uniràl metù a jì, n cunlaurazion cun l Servisc Soziel de Urtijëi, n domesdì de nfurmazion, ulache chi che à nteres possa unì a scuté su y giapé nfurmazions plu avisa. Velch plu avisa de chësta ancunteda iel da pudëi liejer do te chësta zaita sun la plates dla nfurmazions. Per l Servisc de nfurmazion sozio-sanitera, Petra Demetz

Prejentazion spënta La Union di Ladins de Gherdëina fej a l savëi che la prejentazion dl liber per mutons “Cun de pitli vars” che fova ududa dant per i 2 de dezëmber unirà fata permò da d’ansciuda ora. L terminn unirà mo fat a l savëi.

www.lauscdiladins.com

17


Gherdëina

nr. 47 / 02 de dezember 2011

La tradizion tla furmazion artistica Canche n rejona de scola pona ne n’iel nia dinrer la tendënza de cialé oravier, tla valedes ujines. Ma nce Gherdëina pieta scoles che possa se lascé udëi, coche n à udù n ucajion dl di dla portes daviertes ala doi scoles, ti dajan na udleda ala strutures, cun vijites cun acumpaniadëures, ma fajan nce pea lezions teoriches, ti cialan al bel teater o se ferman tl café leterer, jan a ti cialé ala berstotes ulache l vën ziplà, mudelà, dessenià, fat grafiches, laurà ora fotografies, fat proietazion, mustrà tecniches dl stampé, mudelé, dessëni geometrich, dessëni, pitura y fotografia. Zeche che tira l uedl y l nteres de duc i vijitadëures ie uni ann l body painting.

L bosch Sculeies dla scola mesana, cun la nsenienta Bruna Senoner.

Scola - Trëi ie la scoles autes te Gherdëina. Una ie l ITE, scialdi prijà da sculeies de nosc raions ma nce dla valedes ladines. Y pona iel sambën nce la doi scoles autes de furmazion tl ciamp dl’ert, ulache n possa zënzauter se nfidé a dì che les ie la miëures te duta la provinzia, recunesciudes nce sëura i cunfins

dla provinzia ora. L se trata dl Lizeum d’Ert Cademia y dla Scola Profesciunela per l Artejanat Artistich a Urtijëi. Nstadì à la doi scoles giaurì la portes per l di dla porta davierta, n juebia ai 17 de nuvëmber. Na bela cumpëida de sculeies dla scoles mesanes, ma nce genitores y nteressei ie jic a ti cialé

Chëst ann ti iel unì dat na gran mpurtanza al lën y ai bòsc, ajache l ie l ann nternaziunel di bòsc. Nscila fova nce i truep lëures metui ora tla doi scoles, chedri, depënc o nstalazions, che ova chësta tematica. La doi scoles à nce fat pea chëst ann pra la bela mostra per l ann nternaziunel dl bosch che ie stata te Cësa de Cultura a Urtijëi y che ie unida metuda a jì deberieda cun l ufize Verdabòsc de Personon cun

si sezion de Gherdëina.

Ert y teoria Una na pert de nteres tla scoles ie sambën chëla dla furmazion artistica cun la sezions desferëntes, ma pona ti vëniel nce, cieche povester de manco sà, tl lizeum dat n gran pëis ala furmazion teorica, ala rujenedes, ala materies de scienzes natureles, ala storia y ala storia dl’ert. L cunzet al didancuei ie che l ie na cunlaurazion strënta danter Lizeum d’Ert y Scola Profesciunela, cun doi scoles sot a una na direzion, cun a cë la diretëura Elisabeth Baur. Sambën iel pona l sculé che chirerà ora ciuna scola che ie plu daujin a si nteres y a si idea de furmazion. La Scola Profesciunela ti dà na lerch sun mesura ala materies pratiches; nscila nce l Lizeum d’Ert, ma cun la particularità de na furmazion teorica aldò, coche dit, che porta al ejam de maduranza. N cont dla cunlaurazion iel pona per l daunì

nce udù danora de mudé dala profesciunela tl lizeum per jì a fé la matura. La Scola d’Ert a Urtijëi ie dal 1872 cunesciuda per si gran tradizion. Cun la reforma dla scola auta àla chëst ann mudà inuem y se tlama śën Lizeum d’Ert. Rujenedes y na gran pert pratica ie doi ponc zentrei dl nseniamënt che vën pità tl Lizeum d’Ert a Urtijëi. Dlongia tudësch y talian iel cun la reforma nce unì juntà na segonda ëura de ladin y mplu vëniel nce nsenià nglëisc. “Na gran mpurtanza ti dajons daniëura nce ala materies pratiches che vën nseniedes te berstot, la vela va tlo dal dessëni, depënjer nchin ala grafica, ma sambën nce disciplines figuratives sciche l mudelé y ziplé,” spiega la diretëura nueva Elisabeth Baur. Da nuef iel nce che l vën laurà deberieda danter la materies artistiches, cun nchinamei vel’ ëura de nseniamënt deberieda. Filosofia ie na materia defin nueva. David Lardschneider

La "Cademia"

La Scola Profesciunela

Na storia longia n curt

La Scola Profesciunela per l Artejanat Artistich a Urtijëi ie na scola che pieta materies de furmazion de cultura generela ma sambën nce na furmazion pratica, ti dajan na gran lerch ala ndividualità y criatività, sustenian l talënt artejanel tres l lëur autonom

Teater tl Lizeum.

Scoles - L fundadëur: bele ti prim dejeneies dl 1800 vëniel te Gherdëina sentì l bujën de na sënta ufiziela per ti dé n troi profesciunel plu segurà a duc ch’i jëuni che mët man de lauré ntëur al artejanat dl lën ite. Ma permò l scultëur jëunn Ferdinand Demetz da Furdenan ie tl 1872 bon de fé l var de frabiché na scola, se damandan na autorisazion da Viena. Iló òvel nce studià pra l’Academia - y perchël ti dijòven da dedò "l Cademia". Fata su da nuef tl 2000 à la strutura nce al didancuei mo si inuem.

cultureles. Ël à udù ite che mé auzan l livel culturel pòssen arjonjer nce n miëur livel de cualità artistica. Dal 1957 al 1976 devënta l maester de mudelé Raimund Mureda diretëur, ti dajan inant ai sculeies sibe savëi tecnich che amor per l’ert, cun l sustëni de maestri sciche Mily Schmalzl, Peter Demetz da Fëur, Markus Vallazza y Josef Ko stner da Stle juc . L a trasfurmazion te na scola auta cun ejam de maduranza vën a s’l dé ti ani setanta cun l diretëur Karlheinz Mureda. For plu y plu studënc da duta la provinzia de Bulsan vën a se nuzé de chësc mesun de

furmazion culturela cun pruspetives profesciuneles plu daviertes y adatedes ai tëmps, sciche tl ciamp dla fotografia y grafica dl computer. Dlongia la Scola d’Ert de Urtijëi iel n struf alalongia nce stat la Scola d’Ert de Sëlva, che à stlut dan n valgun ani.

L Lizeum d’Ert N var inant vëniel sëuraprò fat cun la reforma dla scola dl 2010, ulache avanea la materies cultureles sciche nglëisc y filosofia y cëla de avisé la materies pratiches de viers dl design. Cun la trasfurmazion te Lizeum d’Ert giapa l sistem paritetich n mesun per njenië ca mo miec i sculeies a na sozietà che se stiza defin sun la comunicazion. Dal 2011 ie la scola sot ala bachëta dla diretëura Elisabeth Baur, che ie, tla medema direzion, nce diretëura dla dla Scola Profesciunela per l Artejanat Artistich a Urtijëi. Georg Demetz

Scoles - Tla Scola Profesciunela per l Artejanat Artistich a Urtijëi vëniel nsenià l ziplé tradiziunel, ma for nce cun n uedl daviert ala scultura moderna, sibe de lën che de d’autri materiai. La materies teoriches ie danter l auter tudësch, talian, nglëisc, ladin, conc, nfurmatica, storia d’ert y scienzes dla materies pratiches nseniedes te scola. Do i ot ani de furmazion de scola elementera y mesana iel tla Scola Profesciunela per l Artejanat Artistich a Urtijëi l mesun de fé l nono ann de ublianza, coche ann de prim livel, coche n dij, nce pensà coche ann de urientamënt profesciunel, ntan chël che n mpera a dessenië, a depënjer, a mudelé y a ziplé, dlongia la teoria. Scola iel for da lunesc nchin vënderdi. Da dedò iel mo doi ani de scola, che dà l mesun de fé l diplom de depënjer o ziplé. Ala fin de chisc trëi ani, ma nce sce n à fat d’autra scoles de ziplé

o scoles d’ert, academies o scoles furmatives tl medemo ciamp, iel mesun fé inant un o doi ani de spezialisazion. Tres la cunlaurazion danter la doi scoles iel pona per l daunì nce udù danora de mudé, do l terzo ann de scola, dala profesciunela tl lizeum per jì a fé la matura. David Lardschneider

La Scola d’Ert Do la Prima Gran Viera va l nseniamënt inant sun na streda plu lergia. Diretëures da ntlëuta sciche Stella y Li Rosi ti dà na gran mpulseda criativa, sburdlan i sculeies a se destaché dal stil massa tradiziunel arpà dal artejanat. Alcide Ticò, diretëur dal 1935 al 1937, giapa l’autorisazion da Roma de pudëi mëter leprò plu materies

18

www.lauscdiladins.com

Bodypainting.

Mudelé y ziplé tla Scola Profesciunela.


nr. 47 / 02 de dezember 2011

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

La varianta de la PAT no respon a nesc problemes L Consei de Comun de Poza à aproà n document per la Comiscion mobilità del Comun General de Fascia che domana a la Provinzia de studièr fora soluzions ence per Pera, Meida e Sèn Jan

Una de la propostes de la Provinzia de Trent de la varianta anter Sèn Jan e Vac.

Poza - L’à fat belebon en prescia l Consei de Comun de Poza, chiamà ite ai 23 de november, a fèr fora i prumes 8 ponts a l’orden del dì. La relazion de verifica di equilibres de bilanz per l’an 2011 e la variazions, portèdes dant dal conseier enciarià Giancarlo Dorich, é states aproèdes duc a una, ampò Alessandra Cloch à sotrissà che la mendranza à aproà demò “per coerenza” con l’aproazion jà data al bilanz, ma segnalan che l program de intervenc l’é n muie schèrs e l se limitea a la “normala aministrazion”. Duc a una ence su l’aproazion del contrat con la Coprativa de Favé per la servitù de n toch de strèda, costion che se tirèa inant da egn, e su la compra de n toch de teren da l’Asuc de Pera per poder fèr te Fraìne de Soal na neva preja per poder ciapèr l’èga neta che vegn ju dal Vaiolet.

L Consei à dapò tout dant la domana de autorisazion en deroga per l nef frabicat de la Scola d’èrt, n projet portà inant da la Provinzia sul tegnir del Comun, che vegnissa più aut de chel consent l PRG, e l’à dat parer a una ajache se trata de frabicat de ùtol publich. Dò aer amò aproà de ge dèr sù ence chest an al Comun de Moena la gestion del servije de skibus, duta l’atenzion del Consei é jita a la costion de maor emportanza perveduda a l’ùltim pont de l’orden del dì: i projec de viabilità per Poza.

Problemes e soluzions per la mobilità te paìsc Aldò del Pian stralcio en cont de mobilità e circonvalazions te Fascia portà dant tel meis de setember passà da l’assessor provinzièl Pacher,

l’aministrazion de Poza à lurà fora n document per la Comiscion mobilità del Comun General de Fascia con na lingia de osservazions su la proponetes de varianta lurèdes fora da la Provinzia. Duta chesta proponetes, defat, servissa a librèr demò l trat de stradon da Sèn Jan enscin via Vac, o se proprio enscin aló dal piaz de la sentadoa de Pera, ma la frazions de Pera e Meida no aessa nesciun miorament. I aministradores de Poza é peé via da l’analisa di flusc del trafich: chel via per stradon, olache a Sèn Jan se bina tant i auti che rua da Moena che chi che vegn da Busan per Mont de Vich, e chel su per Meida, col gran numer de auti che passa per jir te Val de Sèn Nicolò d’istà e sa Bufaure e Aloch d’invern. Conscidran che la varianta no ruarà dut un a compiment dant del 2025,

i à domanà che amàncol l projet che vegn portà inant posse dèr soluzion a duc, o a la maor pèrt di problemes de la mobilità sul tegnir del comun, e no demò a na pìcola pèrt de chisc problemes, ence aldò de la cordanza de program “Fascia tel davegnir”, olache se rejona de sistemes de mobilità integrèda e razionala. N pian organich de mobilità cogn conscidrèr la situazion del trafich sun dut l teritorie e i besegnes domané da la strutures – disc l’aministrazion - e sul tegnir de Poza l’é amàncol trei “ponc ciauc”: duta l’area de Sèn Jan con l Comun General, l Museo Ladin e la Scoles mesènes e autes; l piaz olache pea via i impianc e i pulmins per Ciampedìe e Gardecia, e la pèrt de Meida auta per ruèr sun Bufaure, al Ski Stadium de Aloch e ence al zenter de paslonch e baby park de Fraìne. Per chest l’é besegn de pissèr a piazes per i auti jun Pucia vejin a l’area termala, via Pera e sunsom Meida, e a la soluzions miores per coleèr e fèr mever la jent anter chisc trei ponc zenza portèr dut l trafich tel zenter del paìsc. L’aministrazion à domanà donca che la Provinzia de Trent posse tor dant soluzions alternatives respet a cheles jà pervedudes, che passassa sot stradon o a man dreta orografica de la Veisc (Sorapoza) jan demò da Sèn Jan enscin via Pera, vardan magari se fossa possìbol studièr fora n percors te tunel che da jun Pucia, passan a man cencia orografica de la Veisc, l rue enscin sunsom Meida e da aló l posse jir tinsom Pera. Fosc – l’é stat dit - vèlch un de chisc problemes podessa troèr ence na soluzion più lijiera che la circonvalazion, e ruèr a compiment

dant del 2025.

Fèr concorsc de idees e tegnir cont de la sostenibilità ambientèla e economica L grop de mendranza, per ousc de Alessandra Cloch, l se à dit a una de sotescriver l document, dijan che de segur na soluzion ge vel la troèr, ma l’à domanà ence de meter apede n auter scrit olache vegn uzà fora na lingia de conscidrazions, con vèlch dubie sul fat che fèr neva strèdes sie semper la soula soluzion al problem del trafich. L document de la mendranza met dant l’envit a conscidrèr semper ence la sostenibilità ambientèla, sozièla e economica di projec, e a meter a jir n concors de idees per poder aer de etres stimoi e indicazions metan a confront idees e sensibilità desferentes. Per fenir Alessandra Cloch à uzà fora desche pont negatif l risech che, te la soluzion de mobilità che volessa l’aministrazion, podessa vegnir “sacrificà” lesc bie desche Pucia e Ciancoai e roinà la fontènes de èga termala, e che per chesta soluzion mence deldut na verifica de fatibilità. “Segur no azetassane che vegne roinà i lesc più bie de nosc paìsc - l’é stat la resposta de l’aministrazion -. Nosc document no à l’obietif de fèr projec, ma de segnalèr i problemes, envian apontin la Provinzia a verifichèr la fatibilità de soluzions alternatives che respone a nesc besegnes, dant de meter n muie de temp e de scioldi te intervenc che podessa ressolver demò na mendra pèrt di problemes de viabilità de nesc paìjes.” Lucia Gross

L’Anffas arà sia senta La Jonta provinzièla à deliberà n finanziament per la restruturazion de una de la ex casermes asburgiches a Vich, olache troarà lèrga la sociazion e i Servijes Sozièi del Comun general Sozièl - L’é na neva de gran peis per l setor sozio-assistenzièl de Fascia. La Jonta provinzièla à deliberà de finanzièr, con passa 3 milions de euro, la restruturazion

de una de la ex casermes asburgiches loghèdes a Vich e de proprietà del Comun general de Fascia, che ades podarà coscì ge dèr na senta aldò a l’Anffas e ai

La veia caserma de Sèn Jan olache troarà lèrga l’Anffas.

Servijes Sozièi del Comun general. La Procuradora Cristina Donei à palesà gran sodesfazion acioche se à concretisà na pèrt de la Cordanza de program “Fascia tel davegnir” sotscrit tel messèl passà, olache apontin l problem de l’Anffas l’era stat metù ite desche priorità. “L finanziament - l’à dit la Procuradora – segna un, anter i tenc, vèresc inant te l’adempiment de la domana de la val de servijes sozio assistenzièi aldò”. La Cordanza de program defat perveit ence de ge dèr priorità al setor de la dejabilità e a la pianificazion de l’area de Sèn Jan per sostegnir la calità di intervenc e di servijes de publich enteress che i à senta aló. Con la restruturazion de chest frabicat, arbandonà da egn, vegnarà a se creèr n “triangol sozio-assistenzièl e sanitèr”, con la ASL, la Cèsa de Paussa e la neva strutura, apontin te vèlch an. Anchecondì l’Anffas la é loghèda

aló da la Scoles Mesènes de Poza, na senta che no la é adatèda ai besegnes de l’utenza e che aboncont la ge fossa de gran ùtol a la Scola ladina. Amò l trasferiment da la senta del Comun general di ofizies del Servije Sozièl darà l met de potenzièr l’Ofize Tecnich, dalajà che te curt temp al Comun general ge vegnarà passà la competenzes en materia de urbanistica. Per chel che revèrda la neva strutura, olache bonamenter troarà post ence n pìcol “alloggio protetto”, endèna l’é stat fat demò n studie de mascima e no se sà amò nia en cont di tempes de projetazion e realisazion. “Sion dò che luron fora, estra l pian sozièl, ence n completament di servijes sanitères che amò mencia te val – l’à dit Cristina Donei – saon che l’é n moment senester per la ressorses finanzièles, ma l’é per chest che aprijion amò de più l sforz che vegn fat. Ence se sion te la periferìa,

l Comun general jirà inant con chela de otegnir e ge dèr ai sentadins servijes sozio-sanitères semper più efizienc e percacenc”. Te chest chèder defat l’é dò che ponta via te duta la val desvalives projec a pro del bonstèr de la familia, con scomenzadives che se ouc en particolèr ai bec e joenec. Amò apede va inant la condivijion de chisc problemes ence con la Rei Dolomitica, che met adum Fascia, Fiem e Primier, te la consaputa che ensema se pel domanèr con na ousc più forta e aer donca respostes più percacentes. Dò la bona ne va del finanziament, che dèsc na resposta al problem urgent del dejèje, cognessa jir inant ence i etres ragionamenc che revèrda l’area de Sèn Jan, a na vida da poder recalifichèr dut l raion e fèr a na vida che l dovente dassen l cher cultural, aministratif e sozièl de la val. www.lauscdiladins.com

19


Fascia

nr. 47 / 02 de dezember 2011

Na bela sera per festejèr 30 egn I ciantores e i maestres del Cor Enrosadira da n’outa e da anchecondì se à binà te Navalge per ciantèr e recordèr bie momenc te anter amisc

L Cor Enrosadira sun paladina a la festa per si 30 egn de vita. (fotos I Cucaloch)

Moena - Ja Navalge sun paladina, a scur, n picol grop de diesc ciantores à envià via “La Ceseta de Transaqua”. Mìngol a l’outa se à jontà ite etres ciantores fin a esser duc a una a ciantèr “L’é n bel color”. L Cor Enrosadira de Moena se à prejentà coscita, en sabeda ai 26 de november, a la sera endrezèda per festejèr i 30 egn, tempruma chi 10 che aea tacà a ciantèr del 1981 e a dò a dò chi che l’é jit ite tel grop col jir di egn. Dò chela doi pruma melodìes, se à empeà sù la lumes e l’é stat tacà ite a ciantèr, a moscèr video e retrac veies, per contèr trenta egn de storia de n cor da mont che dombra ades 38 ciantores, ma l n’à dombrà, tel temp, ben 83. L’ex president

Tone Rovisi l’à recordà ence chi che l’é stat tel cor, e che no é più, endèna che Silvano Ploner moscèa sun video i retrac de amisc che à spartì n toch de viac e che no vegn desmentià. “Amici miei”, i ge à ciantà a recort di bie tempes passé ensema. L’é stat rejonà de viajes e trasfertes ju per l’Etèlia, fora per la Germania, en America e en Canada, ocajions per jir fora per l mond a cognoscer n muie de jent che dò i é doventé amisc de l’Enrosadira e che ge à manà saluc e augures per chest cedean. E che podeei pa ciantèr dò aer contà de viajes più che “Vuoi tu venire in Merica”? L maester Luigi Chiocchetti se à chiamà sun paladina i velges

maestres, l Giancarlo Facchini Franzelin da Trent e l Franco Pellegrin de Tista da Soraga e l ge à zedù la bacheta da maester per na ciantia per om. L’é stat n bel moment de emozion e de encresciujum, soraldut per i ciantores medemi se troèr dedant si maestres da n’outa. L’é stat dalbon da grignèr veder la intervistes sul cor che l’é stat tout sù fora per paìsc, ensema coi saluc del president de la provinzia e del consei de Trent. A saludèr l cor de persona l’é jit sun paladina ence l president de la Federazion di cores trentins Sergio Franceschinelli, l’ombolt de Moena Riccardo Franceschetti e l regolan de la Magnifica Comunità de Fiem

Roberto Gabrielli. La paroles del president Stefano Zanon e dò cheles del maester Luigi à tocià l cher e fat sluzièr vèlch lègrema jabas, ence anter i ciantores che dassen à ciolà te chisc egn n raport fon de amicizia e union che en chela sera se à dalbon podù entivèr. N cianton ge é stat dedicà a la cianties per ladin, cheles de la più sćiantiva tradizion, scrites e rangèdes dal compositor da Moena Luigi Canori, compagnèdes a la pianola dal maester Ilario Defrancesco che à didà l cor a se les fèr sies. Tinultima l cor à volù chiamèr sun paladina duc i ex ciantores envié chela sera. Duc adum, chi co la mondura e chi zenza, n gran grop che se dajea paches su la spales

contenc de se troèr adum a ciantèr, i ge à dat ousc a la Montanara e dò i à envià dut l publich a ciantèr ensema “Sul scomenz de Fascia” e “Crepe Spavide”, te na atmosfera ciarièda de emozion. Coscita se à serà sù, dò bona doi ores e mesa, la festa per i 30 egn che l Cor Enrosadira à volù spartir con amisc, parenc, jent che ge sà bel scutèr la cianties da mont. I à volù ence ge sporjer na spila de recognosciment a cater componenc che l’é tel grop da vint egn e a chi 10 che enveze tel grop i é ite dal scomenz, estra la spila i ge à donà n segn de amicizia. “Ad maiora”, ge é stat augurà. Amò tenc, tenc, egn per ciantèr ensema, amò n muie de enrosadires. Maura Chiocchetti

L Cor Enrosadira, vidà dal Maester Luigi Chiocchetti, à chiamà sun paladina duc i ex ciantores stac te la sociazion chisc egn passé.

Olache osc e ciel à l più bel color 30 egn de pascion, de cianzon, de cor Enrosadira Recordèr 30 egn de cor Enrosadira, de cianties, de sodesfazion, de empegn e de legreza te pech più che 100 piates, pel someèr zeche da curt o da sobito fat. Ma no la é coscita. La gaissa che à semper sostegnù e che sostegn l cor

Enrosadira l’é na spenta che va aldelà del temp, sorafora i egn, i vèresc fac e chi che no se à podù fèr. E chest liber l’é n sofie de aria da mont che roda dintornvìa la vita sozièla e culturèla de n paìsc, de na comunanza, de n grop de jent che se dèsc jù tel volontariat,

con na pascion, con na maniera de veder, scutèr e ciantèr la Vita. N liber con recorc, visc e posć che se cor dò e jia a se corer dò. N liber per tegnir a ment e per passèr da na man a l’autra na pascion, n amor, n bel ciantèr, n bel anché e n bel doman. Scrit e rencurà da

Stefen Dell’Antonio Monech, 100 piates e autertenc e più retrac, l’é desche na ciantia librèda te n ciel da mont da 40 oujes che ensema viaja e stèsc ben, che ensema, a duc les ge lascia de bona pedies per cognoscer l peis e l luster de na pascion, de n fèr zevil, de n

stolz esser e fèr pèrt de n cor, del cor Enrosadira. Unica controindicazion a chest liber: a tachèr a l lejer, se risia de no desmeter fin canche no l’é fenì. (mac)

Sburlèda l’orida di impianc portamont Ai 3 de dezember vegn avert demò vèlch impiant sun Bufaure. Per i etres se cogn spetèr enscin ai 7 Impianc portamont - L’é proprio vera che al temp no se ge comana. Autramenter assane neif teis se l temp scutassa la orazions de duc chi che spera de veder fiochèr da n moment a l’auter, per envièr via al miec la machina del turism da d’invern. A meter i pèi anter la rodes l’é stat fin ades ence l tempram co na inverscion termica

staifa. L’é stat più ciaut en aut che te val e l termometer no l’é stat bon de jir sot zero nience de net, per chest ence coi canons se à podù sbarèr dassen pecia neif artifizièla.

E coscita zaolà l’é sutà ence la previjions de orir i impianc portamont chest fin de setemèna, apontin ai 3 de dezember. Da doman se podarà jir coi schi demò sun Bufaure, olache vegn avert però demò i impianc de Bufaure de Sot e l skilift baby. “Endana sion stac bogn de enjignar le piste più basse – l’à dit Tiziano Rasom de la sozietà Bufaure – se l temp muda e vegn più freit (da Co la temperatures autes de chisc dis passé mèrtesc, ndr) fosc per i 3 de dezember nience i canons no à sbarà neif artifizièla.

20

www.lauscdiladins.com

verjon ence i portoes de Valvacin e Pala del Gaigher, ma no podon l’arsegurar.” Se jirà adertura ai 12 de dezember per l portoi de Aloch e ai 19 per chel de Fraìne. Per jir coi schi sun Belvedere e Rodela se cognarà spetèr enscin en mércol ai 7 de dezember. “No se é bogn de fèr neif – l’à dit Francesco Verra de la Sit de Cianacei – a postern amò amò la va, ma senó la é zompa. Aboncont aon vardà fora doi siti de previjions del temp che no à mai falà e chiò i disc che la net anter vender e sàbeda cognessa fiochèr, l’é pervedù anter i 20 e i 30 zm. sa mont. Metuda apede a chel mìngol che aon fat, la ne permetarà de arsegurèr la bona condizions de la pistes.” Chest fin de setemèna, ai 3 e 4 de dezember, sui portoes de Latemar-Ciareja l’era en calandèr

N retrat di egn passé di portoes da schi zenza neif.

la garejèdes de Copa del Mond de brea, ma dut é sutà apontin percheche mencia la neif e la competizions é states sburlèdes ai 21 e 22 de dezember. Fin ai 7 donca nia da fèr, nience

sun Ciampedìe per Lujia e Sèn Pelegrin amò no se sà. Giusta en temp per i prumes ghesć che ruarà da la Conzeta. Dapò speron che zacan ence nesc paìjes vegne corii da na bela cuerta biencia. (mci)


Fascia

nr. 47 / 02 de dezember 2011

Sèn Nicolò e l pìcol Poldin

La magia de na tradizion

Na belota contìa scrita e sporta ai letores de La Usc da na fasciana che stasc ja Pardac

L'assessora Debora Scola à palesà sia sodesfazion per l liber “Dò la pedies de Sèn Nicolò"

Sèn Nicolò sun Paradis chest an l’é mìngol ta le petole. No l sà più che ge portar ai bec. L tacuin l’é béleche vet e con chel che costa dut no l sà co far. L proa a ge domanar a la Madona, a Sènta Luzia, al Bambin e ence a chela pere Befana che con so garnaa la é ruada ence ela sun Paradis. Ma i é duc dubiousc e no i sà che ge dir e co far a l didar fora. Sèn Nicolò l’é n pez che no l’é bon de dormir, l magna pech e chest cruzie lo tormenta tant che l se à pissà de jir en penscion e ge dar sù l’enciaria a n auter Sènt. Na bela dì, endana che l jìa bel pian pian enlongia i pré del Paradis, l scontra n pìcol bez col ciaf pien de bocui color de l’òr: l’aea inom Poldin. Poldin l ge disc al Sènt di bec: “Che aste che tu varde burt? No staste ben?” Respon S. Nicolò: “No sé co far a ge portar i regai ai bec ai 6 de dezember, l dì de mia festa. M’é pissà che con chest an sere sù dut, coscita me sparagne l lurier”. “Ma na - l disc chel pìcol Poldin – no tu pes far na roba scì burta. Canche gio ere su la tera l’era n gran bel spetar S. Nicolò e pò le robe che l portaa le era n muie bele e bone!”

Dessegn de Maria Pezzedi dal liber “Dò la pedies de Sèn Nicolò".

L Sènt l ge domana: “Che te portael canche tu stajee te Fascia che tu te recorde amò e che te saea coscì bel?” “L me portaa na pìcola scatola con ite 6 lapijes de duc i colores, n codejel, dotrei pomarances, n pugn de nousc e se ere stat n muie valent l’era ence n pe de manice o na capa dal bozol. Duta sta roba l’aea na saor de Paradis, che ne fajea esser contenc e grignolenc. No tu volaras mia lasciar i bec te n scì gran despiajer?” Disc S. Nicolò semper più empascionà: “No sé più che ge

portar, i à de dut chisc bec al dì d’anché e nia più ge fasc piajer”. Poldin l ge peissa n moment e pò l ge disc: “Scouta Sèn Nicolò, proe a te didar fora gio. Vae a chiamar duc i agnoi che scontre e se meton ensema a lurar. Fajon manice, cape, scufogn e pò jon a tor pomarances e nousc, fajon sù de bie paches de duc i colores e pò te didaron a i portar fora te le ciase olache l’é bec. Se metaron dò usc a vardar ite te ste bele stue ciaude e scutaron chel che i disc de chisc regai. Fosc zachei restarà mal, ma sarà ence chi che proarà a pissar che dut chel che vegn dal Paradis (no demò dut chest valch che aon troà te stua sta doman) ma dut chel che aon duc i dis l’é grazie de gran valor che vegn da l’amor del Segnoredio e cognon l rengraziar de dut cher. Par chest an fajon coscita e pò per n auter an ge pissaron sora, che n diste Sèn Nicolò?” “Ei, ei", l disc dut content. Ades i é dò che i laora duc ensema e l’é dut n biteboi. Che ve sàl a voi gregn de chesta pissada? Fosc la podessa ne far entener valch ence a noi? Paola Bosin, fia de Livia de Tone de Teresina da Pera

“Jì inant te chest vosc servije” I Carabinieres de Fascia se à binà enstadì te gejia de Ciampedel per recordèr sia patrona Virgo Fidelis

N bel retrat del grop di Carabinieres te gejia di Senc Felip e Giacum a Ciampedel.

Sozietà - La recordanza de la “Virgo Fidelis”, patrona de l’Arma di carabinieres é stata zelebrèda en domenia ai 20 de november con la messa ofizièda da Don Luigi Trottner e Padre Leopoldo Riz te gejia di Senc Felip e Giacum, en ocajion ence de Sènta Zezilia, patrona de la musega. A tor pèrt a la zelebrazion l’era la mascima autoritèdes de l’Arma di Carabinieres te Fascia: l Comandant de la stazion de Cianacei, l Luogotenente Gianpaolo Saggese, che à la fin de la messa l’à let jù l’Orazion del Carabinier, dapò l’era l comandant de la stazion de Vich, Marescial Antonio Daffini, e

l nef Comandant de la Compagnìa de Ciavaleis, Capitan Andrea Moglia, prejentà enstadì a la popolazion de Fascia endèna la radunanza di hotelieres de Fascia. Apede a ic no mencèa nience i membres de l’ANC, la sociazion nazionèla di carabinieres che te Fascia é stata metuda sù e vidèda da passa 20 egn dal Sottotenente Fortunato Bertolini e che ades veit a cef Tiziano Davarda e Andrea Dantone. Chesta sociazion tol ite presciapech 40 carabinieres e si parents più strenc, e ence la “nona” di Carabiniere de Fascia, Conzeta Colcuc Anesi, e doi jà aministradores de Fascia: Fernando Riz e Leonardo

Bernard, che à fat servije ence ic ti carabinieres. En raprejentanza de l’aministrazion de Fascia l’era l vizeprocurador e ombolt Mariano Cloch e amò i ombolc Renzo Valentini e Fausto Castelnuovo. La “Virgo Fidelis”, festejèda ai 21 de november, é stata cernuda desche patrona del grop di Carabinieres de duta la Tèlia del ’49 su la basa del mot di carabinieres: “Ti secoi fidei”. Na bela festa per duc i Carabinieres che se troa ogne an per stèr ensema. Dò la messa carabinieres, “simpatisanc” e aministradores se à binà a l’Hotel Croce Bianca de Cianacei. N moment emportant per renovèr l piajer de se troèr amò n’outa te n spirit de fideltà che li lea per duta la vita, sibie chi che à fat demò l servije militèr coi Carabinieres che chi che é stac a servije sui portoes canche, ti egn ’60, l’era la scola alpina di Carabinieres te Fascia. Desche ogne an donca l’é coscita che vegn recordà la Virgo Fidelis, apelatif catolich de Maria, Mère de Gejù, che descheche à dit Don Luigi l’é na fegura dassen emportanta che, tras so ejempie, la ne ensegna l gran valor del dèr sia vita per i etres. L’é con chest emportant sentiment che per na dì duc i membres pel se sentir amò de più pèrt de na soula e gran sociazion fata de ideèi gregn e sinzieres che per duta la vita se se porta dò. (vr)

Per la prejentazion del liber “Dò la pedies de Sèn Nicolò” ta Cianacei se à binà n muie de jent de ogne età da duta Fascia.

Cianacei - En vender ai 18 de november aló dal chino Marmolèda de Cianacei l’é stat la prejentazion del liber “Dò la pedies de Sèn Nicolò”. Chest liber l’é de gran valuta dal pont de veduda culturèl. L ne dèsc l met de tegnir auta noscia tradizions e usanzes ma l’à ence n segnificat n muie fon. Lejer chest liber ensema ai bec ne dèsc l met de jir a descorir emozions e recorc che aon tel cher; sentimenc che lea ensema jent de età, genitores, joegn e bec. Anchecondì sion duc n muie ciapé dal lurier, dal corer inant e endò; te cèsa se pèrla pech, i bec passa n muie de temp su internet e vardan la televijion. Canche i bec rejona de Facebook, genitores e giaves no i capesc nience chel che i disc. Ma parlèr de Sèn Nicolò l’é duta n’autra roba: la tema del Krampus, l mond magich de chesta usanza, l respet per chest gran Sènt ne fèsc descorir che proon duc i valives sentimenc, bec e gregn. A nos genitores ne sà de jir endò tel temp e de segur nesc fies i é curiousc de se fèr contèr da nos coche l’era canche ruèa Sèn Nicolò. Anchecondì, sessaben, i dons é più riches e bie, ma l’emozion

che se proa daìte l’é semper la medema. I dis dant che rue l Sènt, ades desche n’outa, i bec vèrda de fèr i valenc percheche se no i genitores i ge disc che l Krampus l se li mena demez tel sach. En chela sera dapò i bec prea (ence se anchecondì l segnificat de chesta usanza no l’é più tant religious) e i va da na fenestra en l’autra per veder se l rua. Dapò canche l vegn ite per usc te stua l’é dut bel acort e i bec vèrda con tema ma ence con gran devozion Sèn Nicolò. L’é na usanza noscia, veia e al medemo temp ence dal di d’anché. Chest bel liber pel esser dassen na bela ocajion per duc nos de se tor mìngol de temp per rejonèr de na usanza che duc cognoscion. Con chest volesse ge dir n gran develpai a duc chi che se à dat jù per l scriver, percheche chesta tradizion la reste semper te nesc paìjes ades e tel davegnir e che no la vaghe destrabonida; e canche nesc fies doventarà genitores e giaves i podarà seghitèr a contèr chesta bela usanza e la tramanèr tel temp. Debora Scola, assessora a la cultura de Cianacei

Da cencia: Maria Pezzedi, Danilo Planchensteiner, Claus Sorapera, Biancarosa Florian, Manuel Riz e Marco Ambrosi. www.lauscdiladins.com

21


Fascia

nr. 47 / 02 de dezember 2011

Semper atives i “Cheghes de Fascia” Per la sociazion di chef fascegn vidèda da Ferruccio Tomasi, anter na raida e na cena de gala o de benefizenza l’é semper temp per n auter cors de ajornament profescionèl

L grop de componenc de la sociazion Cheghes de Fascia che à tout pèrt al cors con l chef Helmut Bachmann.

Profescions - Per i cheghes fascegn l’é prest ora de se trèr endodanef te la cèses da fech di hotìe e restoranc de noscia val, semper speran che rue la neif a fèr peèr via delvers la sajon. Ma endèna aboncont i no stèsc de segur con la mans te man. Giusta rué de retorn da na raida a Salzburg, olache na sessantina de cheghes fascegn, en colaborazion con l Fassa Coop, i à podù jir a vijitèr na firma de spezies, saores e erbes, na trentina de chisc “profescionisć del mescol” i se à binà en sabeda ai 26 de november te la bela cojina de l’Hotel La Grotta da Vich, olache la Sociazion di Cheghes de Fascia, vidèda da Ferruccio Tomasi, l’à envià l chef de nonzech Helmut Bachmann per n cors che posse ge portèr dant al

grop de fascegn amò vèlch secret e vèlch consei per poder ge sporjer ai ghesć che ruarà chiò chest invern n menù rich e particolèr, soraldut per i dis de festa. Con chest chef, ensegnant de la scola profescionèla de Persenon e autor de desvalives libres de cojina, anter i etres l cognosciù “Cucinare nelle Dolomiti”, i Cheghes de Fascia à jà abù l met de gra a la sociazion de fèr n muie de scontrèdes e corsc de ajornament profescionèl ence ti egn passé. Chest’outa l tem zentrèl del cors l’é stat chel de na cojina lijiera, che à chierì de tor cà e valorisèr prodoc del post, e de i durèr e lurèr adum con prodoc “mediterranei”, te n menù de 10 portèdes che à “rivijità” proponetes de la tradizion, dai piac dantfora enscin ai dessert, con rezetes de

L chef al lurier con apede jù vèlch un di cheghes de la sociazion.

cèrn e de pesc, compagnèdes da fruc e ortames ence de noscia tera. Ris da peverons e café (sic!) con mozzarella de bufala; triglia sun salata de selem e pomes de èlber, filet de porcel rostì sun dadoi de pan e carata śales, enscin a spuma de castagnes con Baumkuchen o strudel chet tel lat e brama, l’era vèlch una de la proponetes... bele per se fèr vegnir mìngol de gola. N bon ejit donca ence per chest cors, che desche semper la sociazion di Cheghes de Fascia endreza ti tempes d’aisciuda e d’uton, a roda te la cèses da fech di hotìe più desponiboi (e l develpai chest’outa va donca a La Grotta de Vich), spetan de poder aer na senta con na cojina didatica a la leta de la sociazion. Endèna l’empegn de duc chisc cheghes va inant, te chest

fin de setemèna con la cena de benefizenza de la Crousc Checena, e dapò duc vertesc per la Conzeta

a tachèr ite n’autra sajon, semper tel segn de na maor profescionalità da ge sporjer a nesc ghesć. (lg)

N piat particolèr de cèrn con ortames e fruc.

Chi él pa? Soluzion del retrat su La Usc nr 46 L retrat che aon publicà la setemèna passèda ne era stat portà da Frida Dantone Braca e l’era stat fat entorn la fin di egn ’40 o i prumes egn ’50 canche ta Dèlba i fajea comedia. A ne dèr la resposta apede a la medema Frida l’é stat ence Lino Medico.

4. Mariadina Soraperra de la Zoch; 5. Don Giovanni Florian de Micelin da Poza; 6. Alice Dantone da Molin (femena de Corrado taxi); 7. Lucina Soraperra de la Zoch; 8. Giacinto Micheluzzi d’Adam; 9. Maria Valeruz de Ciaco; 10. Elderina Salvador de Florinda d’Adam; 11. Frida Dantone Braca.

Sul retrat l’é: 1. Maddalena Dantone (Nena de Pacifico); 2. Teresina Brunner (femena de Isidoro Micheluzzi); 3. Antonietta maridèda Valeruz;

Ence chesta setemèna ge sporjon n bel develpai a duc chi ne deida ogne setemèna a meter ensema noscia rubrica. Chest’outa, ajache sion entorn Sènta Bèrbola patrona

5

6

11

22

www.lauscdiladins.com

9

16 15 14

2

13

12

11

3

10

10

1

8

i tor sù col scanner e ve i dèr de retorn sobito. A chesta vida ne didède a viventèr chesta rubrica e a meter ensema vèlch mizacola de storia de noscia jent. Develpai!

18

7

4

3

troa fora amàncol la metà de la jent che l’é sul retrat ciapa en don na publicazion de l’Union di Ladins. Desche semper ve envion ence a chierir fora i retrac veies che aede te vèlch crigna e ne i portèr te redazion a Sèn Jan, olache podon 17

1

9

2

di studafech, ve meton dant n veie retrat de studafech che vegn da Poza. Ve envion a ne dèr voscia resposta dant da mèrtesc sera te redazion, ence per telefon o fax al 0462.764545 o per mail a la direzion lausc@ladinsdefascia.it. Chi che

4 6 5

8

7


nr. 47 / 02 de dezember 2011

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Aorela cörta por le cor Le Cor de Dlijia d’Al Plan à ćiantè la mëssa en la domënia de Santa Zezilia, olache al é inće gnü surandè na onoranza. Dedô éra jüda inant pro na buna marëna

Do la mëssa ćiantada é le Cor de Dlijia d’Al Plan jü sön Badia a marëna. Al manćia Aldo Marcocci, ascognü do l’obietif.

Onoranza por 40 agn: Sybille Prader (dirighënta), l’onorè Paul Vallazza y Chiara Marcocci (presidënta).

Santa Zezilia/Al Plan - En domënia ai 20 de novëmber à le Cor de Dlijia d’Al Plan festejé Santa Zezilia cun na bela mëssa ćiantada: cun les melodies de Lorenz Maierhofer, Jacob de Haan y Johann Sebastian Bach àn abelì la gran mëssa. Tratan la mëssa à spo la presidënta saludè la comunité

al ciafêr por la paziënza desmostrada! A Runch unse ciafè na buna marëna: dilan de cör al ostì y a süa familia por l’ospitalité y le bel sorvisc! Albert y Wolfi à spo sonè la chitara y i orghi da botuns, y nos ùn podü ćiantè y s’la dè buna ćina ales 20.30, canche i sun tla finada stà bogn da sentè

y le ploan, y ti à dè le bëgngnü a Tone Rungger, che à metü man da ćiantè pro le cor chësc ann de setëmber: ara s’à aodè che al ti sais bel y che al romagnes dër dî pro la uniun. Iniann él gnü pal cor d’Al Plan surandè na sora onoranza, mo chësta impò dër importanta: Paul Vallazza à festejé i 40 agn

d’ativité. Paul é inće gnü rengrazié por la desponibilité che al à intres desmostrè da saltè ite sciöche dirighënt por les festes d’aisciöda y d’isté. Sambëgn él gnü perié da fà inant inće por i proscims 40 agn. La festa é spo jüda inant a Runch de Badia, olache le cor é rové sö cun la coriera. N bel dilan

te coriera y rové derevers a ćiasa. N bel salüt y dilan ti va al Cor de Dlijia da Corvara, che ê inće a Runch a festejé, y che é tla finada gnü a fà festa cun nos. Dilan inće a düć i mëmbri d’onur che à tut sö ion l’invit y é gnüs a passè la festa de Santa Zezilia adöm a nos! Bel él stè! (cm)

Festa de Santa Zezilia cun sentada generala Le Cor de Dlijia da La Val à festejé la patrona dla musiga de dlijia cun na mëssa ćiantada y sonada te dlijia. Dedô àn ćiarè zoruch al’ativité pro la sentada generala, olache al é inće gnü onorè deplü mëmbri dl cor Santa Zezilia/La Val - En domënia ai 20 de novëmber, festa de Crist Re, unse zelebrè tla cöra da La Val la festa de Santa Zezilia - patrona dla musiga y di ćiantadus. Al é gnü ćiantè na mëssa dër da festa (de Rathgeber) cun solisć, acompagnada da orghe y picia orchestra a archëć. A marëna sunse jüs sön le lüch de Survisc. La marëna ti é dër garatada ala ostira Annamaria y düć é stà entusiasć dla buna spëisa da paur. Sciöche al é bele tradiziun pro le cor da La Val, vëgnel tignì en Santa Zezilia la sentada generala, olache i ùn podü aldì les parores de salüt y de rengraziamënt dl ploan nü da La Val siur Franz Sottara, dl presidënt Gottlieb Moling, dl dirighënt Elio Clara y dl ombolt Franz Comploi. Te chësta ocajiun él stè n onur por le presidënt da podëi partì fora trëi onoranzes a

ćiantadus che é bele tan dî pro le cor de dlijia y che à podü vire generaziuns y storia dl cor de dlijia. Ai iubilars Guido Tavella pur i 50 agn (plachëta d’or), a Erna Agreiter Alton y a nosc orghelist Gottlieb Nagler por i 40 agn (medaia d’or) ti vàl n dilan fort, n rengraziamënt sintì nia ma por l’ativité de düć chisc agn, mo inće por l’impëgn, la puntualité y le sostëgn che ai desmostra dé por dé y che va a bëgn dl paîsc da La Val. Le dé é jü inant cun batadù, jüć y premiaziun y düć à podü jì a ćiasa bi contënć cun n pest tla man. La festa de Santa Zezilia é garatada y al’uniun ti aodunse inant la ligrëza por le ćiantè, la buna löna y nia inultima inće val’ ćiantarines o ćiantadus jogn che gniss docà. (Elmar Alton)

Le presidënt dl Cor Gottlieb Moling, le ploan siur Franz Sottara, i trëi onorà Guido Tavella, Erna Agreiter Alton y Gottlieb Nagler, y le dirighënt Elio Clara. (Foto: Zeno Tolpeit)

www.lauscdiladins.com

23


Val Badia

nr. 47 / 02 de dezember 2011

Pezzei lascia, Pezzei surantol Le Cor de Dlijia da Lungiarü à festejé la patrona dla musiga de dlijia. Al é inće gnü tignì la reuniun generala, cun la surandada de 6 onoranzes y la lîta dl diretif nü. Sepl Pezzei lascia l’inćiaria da presidënt, che vëgn surantuta da Hubert Pezzei Zanon, Erwin Clara y Sepl Pezzei. La onoranza d’or por bëgn 50 agn de ativité pro le cor de dlijia, ti é spo gnüda surandada cun gran reconescënza a Pio Pescoller, che é inće da bëgn 47 agn orghelist dla cöra da Lungiarü.

Renovaziun dl comitê En chësc ann él spo inće stè indô les lîtes por les inćiaries diretives dl cor. Le presidënt Sepl Pezzei à portè inant süa inćiaria cun impëgn, ligrëza y ardimënt por bëgn 21 agn. Laprò él da 18 agn incà tl medemo tëmp inće dirighënt dl cor. Porchël àl orü dè inant l’inćiaria da presidënt; Hubert Pezzei é insciö gnü lité presidënt nü dl Cor de Dlijia da Lungiarü. Sciöche sëgn de recenoscënza por le laûr fat te döt chësc tëmp, ti él

gnü scinché a Sepl n cheder dl artist Guido Tavella da La Val. Tl comitê nü é ćiamò rovè ite Erwin Clara, Vinzenz Clara, Benedikt Josef Clara y Karin Campei Mischi. Al ti é gnü spôrt n gran dilan sintì a düć i mëmbri dl cor, al comitê da denant, al orghelist, al dirighënt y al presidënt. Insciö inće a düć chi che à dè y darà sostëgn finanziar y moral ala uniun. Al é mirit de düć sce le Cor de Dlijia da Lungiarü po ćiarè zoruch a na ativité via, unida y sterscia. Insciö inće l’aodanza por le dagnì: che al garêtes n’ativité de uniun olache i ćiantadus va ion y se stà saurì; n’ativité che dà ligrëza y motivaziun no ma a chi che ćianta y sona, mo inće a chi che ascuta sö. Al Cor de Dlijia da Lungiarü ti va l’aodanza: “Ad multos annos, vivat”! (Cor de Dlijia da Lungiarü)

Le Cor de Dlijia da Lungiarü.

Santa Zezilia/Lungiarü - En la ultima domënia dl ann liturgich - denant che al mëtes man l’Advënt - toma ite la festa de Crist Re y de Santa Zezilia, patrona dla musiga. Por tröc cors de dlijia é chësta l’ocajiun da ćiantè da festa pro la santa mëssa dla domënia y tignì spo süa reuniun generala. Insciö éra stada inće a Lungiarü.

Do avëi abelì inće bele la mëssa prefestia dla sabeda sëra, s’à le cor de dlijia abiné tl Hotel Sanvì por stlü jö so ann de ativité cun na buna cëna y tignì spo inće süa reuniun generala. Sides dales parores dl ploan siur Paul Campei che inće da pert dl presidënt dl cor Sepl Pezzei, àn podü aldì fora n lalt, aprisc y rengraziamënt por l’ativité dl cor che à y ciafa tl dagnì na

importanza intres plü grana tla liturgia y tla vita dla comunité dla cöra.

Sis onoranzes Tratan la reuniun generala él spo inće gnü surandè les onoranzes. Por 25 agn de ativité pro le cor él gnü onorè Maria Frenner Mischi, Maria Costa Pezzei, Teodora Clara

Sis onoranzes àn podü surandè a Lungiarü: dmc él Elio Clara, Pio Pescoller, Maria Frenner Mischi, Erwin Clara, Maria Costa Pezzei, Teodora Clara Zanon, Sepl Pezzei y siur Paul Campei.

Pro les onoranzes inće n bel “60” Conzert de Santa Zezilia a La Pli cun Cor de dlijia y Musiga. Da sëra la cëna tradizionala desco reconoscimënt y dilan

La Musiga cun le Cor de dlijia porta dant la ćiantia finala. (foto: fotoigloo/alfons facchini)

Santa Zezilia/La Pli - N salf plëgn de jënt à orü jì a ascutè pro le conzert de Santa Zezilia de chësc ann. Le Cor de dlijia y la Musiga ê arjignà cun n bel repertore, inće dla bona löna. Metü man à le conzert cun le Cor, acompagné da n grup de musicontri. Le toch portè dant é “Singt ein Wilkommen”, n bel mëteman y salüt de bëgnodü a düć. Dedô él stè spo Pauli che à presentè la proscima ćiantia cun ala pert inće la rapresentaziun dl componist, W.A. Mozart; Christian Ploner vistì sö aladô dla epoca dl componist sonâ le triangul pro le toch “Das

24

www.lauscdiladins.com

klingelt so herrlich”. Dedô i àra tochè ala ćiantia ladina "Crusc de crëp" cun melodia de Felix Dapoz y parores de Lois Ellecosta, ajuntada dala ćiantia ung are ja bindeb ò s cöra “Tabortuznel”. Cun “Wenn des Sinden net war” à le Cor portè dant na ćantia ligherzina.

Lois d‘Laronz: sessanta agn pro le Cor Le presidënt dl Cor Georg Rigo d’Alnëi à spo tut tla man le microfonn y à inće invié Signor ploan Heinrich Perathoner y le presidënt nü dla Lia

di Cors de dlijia de Südtirol Theodor Rifesser a sporje le salüde y val’ parora. Spo éson jüs inant cun la premiaziun de porsones che s’à fat mirit pro le Cor. Onorà é gnüs Walter Willeit de Soratrù por 12 agn pro le Cor, Christian Ellecosta da Taibun por 10 agn, y Lois Willeit d’Laronz por 60 agn. Lois Willeit é te söa ativité musicala inće stè dirighënt pro döes mësses noeles. Cun “Übern See” à spo le Cor stlüt jö la pröma pert dl conzert.

Le publich vëgn “cor” Dertan la palsa él stè Gerog y

I trëi premià Walter Willeit, Christian Ellecosta y Lois Willeit, deboriada cun le presidënt dl Cor Georg Rigo, Siur ploan Heinrich Perathoner y le surastant dla Lia di Cors de dlijia de Südtirol Theodor Rifesser. (foto: fotoigloo/alfons facchini)

Christian che à motivé i 230 ascutadus da ćiantè düć deboriada “Na sëra serëna”. La secunda pert à metü man cun le “Florentiner Marsch”, sonè dala Musiga d’La Pli cun gran freschëza. Spo é la Musiga jüda inant cun “Musica Gloriosa”, “Waldsänger” y “Regimentskinder”. Inće en chësc ann éra spo garatada da tignì inant la tradiziun dl conzert de Santa Zezilia che Cor y Musiga ćianta y sona deboriada n bel toch.

“Hymne an die Freundschaft” n’à nia ma fat bun ales orëdles, mo inće al cör, ala fin é l’amizizia la fondamënta dles uniuns y dla musiga. En amizizia é le conzert gnü stlüt jö y en compagnia é ćiantadus y musicontri jüs spo da sëra a cëna. Sambëgn i él gnü fat chilò na gran viva ai onorà, danfora Lois Willeit che à bëgn dè ca tëmp, talënt y usc por indöt sessanta agn. Ad multos annos!


Val Badia

nr. 47 / 02 de dezember 2011

Ćiantede che i cörs se déura La Ploania y le Cor de dlijia de Badia à orü festejé la musiga de dlijia en onur de Santa Zezilia. Onoranzes por iubileums y parores de motivaziun por tignì inant alalt les uniuns che abelësc les festes

Le Cor de Dlijia de Badia cun siur Degan en Santa Zezilia. foto: Nagler M.

Santa Zezilia/Badia - Inće a Badia él gnü zelebré, en domënia ai 20 de novëmber 2011, la gran festa de Crist Re, y laprò él inće gnü onorè la patrona dla musiga y dl ćiantè te dlijia Santa Zezilia. Al é bel da odëi che chëstes döes festes vëgn zelebrades deboriada y tignides tan alalt sides dala Dlijia co dala popolaziun. Cun la festa de Crist Re vëgnel inće saludé la fin dl ann liturgich, recordan Crist salvatur de döt le monn, che döt po y é trionfant sön le mal. Le medemo dé vëgnel inće festejé Santa Zezilia, patrona de chi che ćianta y sona ion, che fej so sorvisc te dlijia y ofrësc sö tan de tëmp por i atri, nia ma por lascè ringhinì söes beles melodies y

bones usc, mo suradöt por laldè Chël Bel Dî.

Na mëssa en onur dl ćiantè Chësc ann él gnü tignì a Badia la domënia la gran mëssa dales diesc y al é stè bel da odëi che tan de jënt à tut pert. Te deplü momënć tratan la santa mëssa à siur Degan Iaco Willeit anunzié l’importanza dl ćiantè de dlijia, de chësc sorvisc che vëgn fat cun gran ligrëza y desponibilité dal Cor de dlijia, mo inće da düć i atri cors dla cüra por abelì les funziuns liturgiches. A chësta manira surantol le Cor inće n gran compit cun le ćiantè y sonè, che se apassenëia ite y valorisëia

ćiamò deplü la liturgia. Nostes cöres pò se sintì dër fortunades da avëi ćiamò tan de jënt lezitënta, plëna de entusiasm y idealism, che se mët a desposiziun cun so bel ćiantè y sonè. Les beles parores sintides de siur Degan é jüdes dër a cör y à indô fat crësce ti ćiantadus na gran motivaziun da fà inant. Al à spôrt parores sintides de rengraziamënt, de lalt y sostegnimënt. En chësc ann à le Cor de dlijia de Badia portè dant la “Kurze Festmess” de J. Reimann y d’atri toć che à fat da cornisc ala festa de Crist Re, sot ala direziun de süa dirighënta Cristina Pitscheider y cun l’acompagnamënt di orghi da pert dl orghelist Paul Dapunt. Ala fin dla mëssa à siur Degan cherdè le Cor da se presentè sö dan altè por surandè n per de onoranzes a porsones che s’à fat mirit y à ofri sö tröp tëmp lëde y capazitês por le cor y por la comunité. Chilò él inće gnü portè dant na ćiantia a capela fora dal repertore dl componist conesciü Andreas Hammerschmidt.

ala ćiantarina Maria Tasser (ex cöga de calonia a Badia) por i 30 agn de ativité pro le cor, y la dirighënta dl cor Cristina Pitscheider da Ruac à podü pié do l’onoranza por i 10 agn de sorvisc sciöche dirighënta. Ales döes iubilares ti vàl les mius aodanzes y congratulaziuns. Dedô à inće la presidënta dl cor Susi Pitscheider da Ruac tut la parora, por saludè düć canć, rengrazié le cor, splighé n pü’ le valur dl cor por le paîsc, y ara à dantadöt invié döta la popolaziun a tó pert en ater ann ala festa de iubileum di 275 agn dl Cor de dlijia. La festa de S. Zezilia é dagnora dër sintida da düć i ćiantadus, nia ma deache al vëgn partì fora les onoranzes y fat na picera festa, mo inće deache an vëiga ite da avëi ciafè la scincunda de na bona usc y dla musicalité, y che an po la mëte en pratica a onur de Chël Bel Dî y por portè sü früć che restarà tla storia. Dessigü é le paîsc intier contënt da avëi porsones che dëida vire y fà madorì la comunité. Döt le paîsc nen anüza y po ester onorè de chi che laora por i atri y che dëida pro a na bona armonia y positivité. Al vëgn pö dit: olache al vëgn ćiantè pòn se lascè jö.

Lezitënza y dediziun Sciöche da tradiziun te chësta ocajiun ti à siur degan Iaco Willeit ofrì al Cor de Dlijia na bona marëna tl’ostaria Cavallino a Badia. Por chësc i él jü n gran dilan! N rengraziamënt particolar i é inće jü al ostì Armin y süa fomena Angelica, che s’a cruzié dl bun garaté dla marëna. Chilò, tratan na

ćiantia y l’atra, val’ de bun te taì y te gote, él stè la presidënta dl Cor Susi Pitscheider che à tignì n pice discurs por l’ocajiun, ara à ćiamò orü rengrazié les iubilares, en particolar Maria por düć i agn che ara é stada pro le Cor de dlijia de Badia, che é dagnora stada tan lezitënta y interessada ala vita dl cor, mo che à de setëmber de chësc ann lascè Badia por acompagné te so sorvisc da prou siur Franz Sottara tl paîsc da La Val. N gran dilan y lalt ti àra inće spôrt ala dirighënta Cristina Pitscheider che fej cun gran pasciun, ligrëza y savëi chësc sorvisc. Düć nos savun, che le laûr dl dirighënt é dër impegnatif y de responsabilité, ara ne se trata nia ma da insigné ite notes y musiga, da dè le dër tempo y le dër tach, mo inće da interpreté la musiga y da capì i ćiantadus y ćiarè che döt garetes y da fà dagnora le miù dinfora. N gran lalt ti vàl a Cristina che se proa tan dassënn y fej dër bun so laur, inće sce nos düć savun che ara é inće na bona ćiantarina.

N pinsier Inće al dédaincö pàiel ćiamò la mëia da fà volontariat, da se mëte a desposiziun por i atri, inće sce an podess gonot ponsè che d’atres cosses sides plü importantes y de valur y surantol le pröm post tla vita dla porsona, porchël é i paîsc invià da tignì alalt les uniuns, deache ares ti dà n gran valur no ma ales porsones, mo a döta la jënt y ti dà n bel corù da festa, por se vire y se stè plü saurì.

Döes onoranzes por dì dilan Les onoranzes i é jüdes chësc ann ala ćiantarina Maria Tasser y ala dirighënta Cristina Pitscheider.

Siur degan Iaco Willeit à spo surandè döes onoranzes, y plü avisa

Tosser por i iać A San Ćiascian déssel ester gnü intossié deplü iać. Apel dl’assoziaziun por la sconanza di tiers San Ćiascian - Al ê de forà de chësc ann ch’i ùn publiché t’La Usc n articul sön l’ativité de döes volontares dl’assoziaziun de sconanza di tiers, che operëia tl’alta Val Badia. Hermine Neumair y Petra Alfreider da Corvara nes â cuntè che suradöt tl zënter da San Ćiascian él tröc iać salvari y che por rové anenće al problem, àn metü man cun les sterilisaziuns di iać. Bele ma te n mëis y mez n’êl gnü pié incër 50. Śëgn vëgnel noeles manco plajores. I sun gnüs contatà da

Leotraude Ties d’Al Plan, surastanta dl’assoziaziun de sconanza di tiers dl raiun da Bornech/Val Badia, che nes à comuniché deplü caji de iać che dess ester gnüs intossià. Ara fej n apel: “Copè i iać n’é por nos degun tema. Le dër tru é chël dla sterilisaziun. Ma insciö pòn evité che la popolaziun di iać vëgnes intres maiù. A San Ćiascian unse sterilisé tröc iać y cotanć n’unse inće portè tl Tierheim a Vintl.” Ties alza fora la crudeltè dl tosser: “La mort por tosser é por i iać na mort dër crödia, ai patësc

dassënn por 3-4 dis alalungia. L’assoziaziun y inće la polizia por la sconanza di tiers é tl laûr da inrescì por ciafè le o i responsabli. Sce la porsona vëgn abinada, àra da tignì cunt cun na straufunga de chi 500,00€.” Na sterilisaziun de n iat à n cost de chi 60-70,00€, che inće l’assoziaziun de sconanza surantol. Sce n tier sterilisé vëgn copè, spo é inće chisc scioldi cotanć por n’assoziaziun de volontariat - sciurà al vënt. (pablo)

www.lauscdiladins.com

25


Val Badia

nr. 47 / 02 de dezember 2011

Melodies inće ćiantades Sciöche al é oramai tradiziun, à la Müjiga da La Ila inće en chësc ann orü portè dant le conzert de Santa Zezilia, en chësc ann cun na novité. La musiga n’à nia ma sonè, mo inće ćiantè. Tröpes é stades les porsones che s’à abiné la sabeda ai 19 de novëmber, tla Ćiasa de Cultura a La Ila

y al dédaincö cumpëdera 52 mëmbri atifs. De chisc é 44 musicontri, le dirighënt, 3 margatënteres y 4 portabandira. Ara se trata de na musiga dër jona (al basta ponsè che l’eté mesana di mëmbri é de apresciapüch 29 agn), che sona ion adöm y cun tröpa motivaziun. N bel travert y na gran sodesfaziun por i musicontri é dessigü stada la CD “Melodies Suraconfin” tuta sö por festejé l’ann iubilar di 25 agn dla uniun. Al é dessigü la gran

pasciun por la musiga che liëia i tröc musicontri che ti agn passà à fat pert y fej inće pert al dédaincö dla “Müjiga da La Ila”. Por le sostëgn finanziar vëgnel rengrazié la Repartiziun Cultura Ladina dla Provinzia, la Regiun Autonóma Trentin-Südtirol, le Comun de Badia, la Fraziun da La Ila y i sponsors privać. Nicole Dorigo por la Müjiga La Ila

La Müjiga da La Ila en gaujiun dl conzert de Santa Zezilia.

Santa Zezilia/La Ila - Le conzert é gnü portè dant te döes perts, sot ala bachëta de Günther Fistill. Tratan la pröma pert él gnü portè dant tòć plü tlassics, sciöche “Romance and Rondo” de Darrol Barry cun le solo dl presidënt Massimo Nicosia, passan spo al solo por fablos “Celtic flutes” de Kurt Gäble, portè dant da Nadja Pallestrong y Nicole Dorigo. An é spo passà ala pert ofiziala, olache al ti é gnü surandè les onoranzes a Evelyn Frenademez, Konrad Tavella y Patrick Frenademez, che fej pert dla uniun bele da 15 agn. “Ein halbes Jahrhundert” de Very Rickenbacher

é stè l’ultim tòch, denant co fà na picia palsa, olache le publich à podü stè n pü’ en compagnia pro val’ da bëre.

Melodies inće ćiantades La secunda pert dl conzert é stada daldöt val’ de nü por la Müjiga da La Ila. Deache al é pro la uniun inće dër de bogn ćiantarins, unse orü portè dant n valgügn tòć nia ma sonà, mo inće ćiantà. Aileen Gasser à ćiantè “The Rose”, Fabian Nicosia adöm a Nadja Pallestrong à spo ćiantè “Vivo per lei” de Andrea Bocelli, y Elisabeth Fistill à ćiantè

“The Power of Love”; düć chisc tòć é gnüs sambëgn acompagnà dai stromënć dla musiga. Por stlü jö la pert ćiantada à döta la musiga adöm ćiamò ćiantè “Dem Land Tirol die Treue”. Le moderadù dl conzert é stè Daniele Pizzinini, che n’à nia ma presentè i inoms di tòć, mo à inće cuntè val’ matada, che à dessigü fat devertì le publich tl salf.

Zifres dla Müjiga da La Ila La Müjiga da La Ila é gnüda metüda sö dl 1985 (dan da avisa n ann él gnü festejé i 25 agn dla uniun)

Pro le conzert àn podü onorè trëi musicontri por 15 agn de ativité: dmc le presidënt Massimo Nicosia, i trëi onorà Patrick Frenademez, Evelyn Frenademez y Konrad Tavella y le dirighënt Günther Fistill.

Festejé i 45 agn Pro l’incuntada dla tlasse 1966 dla Val Badia él rové adöm 60 porsones da düć i paîsc dla valada. Incuntè s’ài a San Ćiascian, en vëndres ai 18 de novëmber Tëmp lëde - L’incuntada à metü man cun la santa mëssa tla bela dlijia da San Ćiascian, zelebrada da siur Heinrich Ellecosta. I partezipanć à abelì la mëssa cun ćianties de lalt y de rengraziamënt. Dedô s’àn abiné tl Hotel Störes, olache al aspetâ n aperitif y na bona cëna. Düć à passè na bela serada en compagnia cun tröpa musiga. Por l’ocajiun à sonè le

26

www.lauscdiladins.com

grup musical “Stefan&cumpagns”, che à fat balè dassënn i partezipanć. L’incuntada à plajü, al é stè na bela ocajiun por ruvé indô n iade adöm. N dilan de cör a düć i partezipanć y a chi che à fat garatè la bela incuntada, y a s’odëi ala proscima di 50 agn. (Thomas Pescollderung por le comitê incuntada dla tlasse 1966 Val Badia)

Chi dl 1966 dla Val Badia é rovà adöm.


Val Badia

nr. 47 / 02 de dezember 2011

Novitês por le turism de Mareo L’Assoziaziun Turistica d’Al Plan à portè dant les novitês turistiches. Danter chëstes na aplicaziun por Smartphones, n conzet ćiamò plü ampl por le schibus y na iniziativa gastronomica d’isté. L’ater ann podess inće garatè le tru tematich dl’ega y le tru dla roda ite por la val de Mareo

Marketing dl Plan de Corones: la responsabla Hannelore Hofer y le diretur d’ofize Artur Costabiei. (Foto: cdp)

Al Plan/1 - Sciöche da tradiziun, à l’Assoziaziun Turistica d’Al Plan cherdè ite sü mëmbri por la sentada generala, stada en mertesc ai 22 de novëmber tl gran salf a Al Plan. Le presidënt Norbert Cristofolini, che à por pröm saludè i antergnüs, à trat ca le tema atual sciöche la cuta de sojornanza (Kurtaxe). Cristofolini à splighé che al é gran ora che la culta vëgnes, deache l’AT po ma stè en pè tres i contribuć. “L’Assoziaziun Turistica d’Al Plan mësson dì che é ćiamò te na bona situaziun, respet a d’atres assoziaziuns te nosta provinzia”, à dit Cristofolini. Inant à le presidënt desmostrè sodesfaziun por la bona colaboraziun danter turism y paurs, y inće por la bona atmosfera tl’assoziaziun turistica instëssa.

Invern manco bun, d’isté n plus La parora ti é passada inant al diretur Martin Resch, che à fat n cheder dl andamënt turistich tratan l’ann. D’invern 2010/11 àn albü na flesciun dl 3,17% tles sojornanzes, chësc isté indere n aumënt dl 1,96%. Sön basa anuala àn albü n manco 2,90% tles gnüdes y -1,14% tles sojornanzes, ći che an arata por chisc agn de crisa n bun resultat. Inant à le diretur fat n pice resocunt dles ativitês desfirades tratan l’ann. Danter les chestiuns alzades fora alda le bun suzes che an à arjunt cun le bus da d’isté ite por la val de Mareo. Inće les Summercards - les chertes da d’isté - àn venü por na

Franz Call à podü pié do na onoranza por sü miric tl turism.

soma de passa 20.000,00€ - à dit le diretur.

Na cherta por le trasport publich Nia desmentié n’àn les novitês por le dagnì. Chëasc invern garataràl na cherta nöia por le schibus, liada te n conzet por döt Puster. Tres la realisaziun de pista y implant Ried, che pormetarà le coliamënt tres ferata cun Hochpustertal, àn odü che le ghest adorass n gröm de chertes. Öna por le schibus d’Al Plan, öna por le coliamënt danter Picolin y Alta Badia, ćiamò öna por la ferata danter Percha y l’alta Val de Puster. Insciö àn cherié na cherta nöia, che se tlama “SkiMobileDolomites Pustertal”. Cun chësta saràl meso da anuzè düć i sorvisc de schibus, inće chi tl’Alta Badia, y döt le trasport publich de Südtirol. Ara costa 6,00€ por n’edema, y 3,00€ por n dé. Ćina sis agn n’ôl ester degüna cherta. Ma a Al Plan él l’ezeziun che la cherta por chi sot i 16 agn é debann. Por i ghesć de eserzizi che n’é nia mëmbri dl’AT d’Al Plan, costarà la cherta de 7 dis deplü. N’atra novité che garatarà l’ater ann d’isté tres la colaboraziujn de ostis, restoranć y AT é l’iniziativa “Cujiné sön plaza”, che an ess bele orü fà iniann, mo ara n’ê nia garatada. Por l’ater ann s’à deplü restoranć detlarè a öna da cujiné spëisa te plaza de paîsc; chësc dess sozede ai 2 y ai 9 d’agost.

L’AT se tol dant.... Sciöche vigni ann, mët jö l’AT d’Al Plan na ligna de traverć che an se tol dant por l’ann che vëgn. Dlungia les iniziatives bele nominades dessura, s’àn metü le travert da realisé le “Tru dal’ega UNESCO”. Chësc tru interatif se sleria te paîsc d’Al Plan y incëria, ala descurida dla morvëia dles eghes. Tapes sarà chilò les fontanes da Lé dla Crëda, sciöche inće l’ega de San Vì. Le proiet dl tru é gnü metü dant dal Ofize Parcs Naturai, che fistidiarà inće dla realisaziun. L’AT dëida cun n contribut. Pro i atri traverć alda l’orentè da menè fora i programs edemanai dl invern inće por inglesc, al gnarà spo cumprè n auto (APE) nü por le colaboradù dl’AT, an ô digitalisé les chertes panoramiches di trus da jì a pè y dla roda, y les mëte online, an ô spo atualisé les tofles turistiches te paîsc y an oress inće stlü jö cun i paurs i contrać d’anuzada de terac. N travert y na novité é inće l’aplicaziun (App) dl’Assoziaziun Turistica d’Al Plan por i smartphones, olache le ghest podarà tó vijiun sön so fonin gran pert di sorvisc che é sön la plata internet, sciöche manifestaziuns y iniziatives, ćiamenes lëdies, tëmp y d’ater. L’AT ô inće sensibilisé sön deplü chestiuns. Y por le 2012 s’àn tut dant da sensibilisé por le mantignimënt dl sorvisc de bus d’isté ite por la val de Mareo, an ô sensibilisé le Comun da fà laûrs de restrotoraziun pro le salf dles

Mësa cun i rapresentanć dl turism de Mareo. En pè le presidënt Norbert Cristofolini.

manifestaziuns (depënje danü, slaifé le funz, cumprè d’atri scagns etc.), y an ô sensibilisé por ciafè le tru dla roda da Fodara Masaronn demez ćina ta Pederü. L’ombolt Albert Palfrader, che ê inće presënt ala reuniun, à dit che val’ laûrs pro le salf dles manifestaziuns podéssel garatè. En cunt dl tru dla roda àl dit che al gnarà metü a bilanz de dezëmber na soma por fà le tru da Fodara Masaronn ite ćina ta Pederü. Garatè podess l’ater ann inće l’ampliamënt y la renaturaziun dl areal de relassamënt ta Ćiamaor. “I propr ie t ars dl terac é prinzipalmënter a öna”, à dit l’ombolt.

Feter n miliun a bilanz I mëmbri é spo gnüs cherdà da aproè le bilanz de previjiun 2012, che s’avaliëia sön la soma de 993.600,00€. La majera soma (26,97% dl total) va fora por le personal, le sorvisc de schibus fej fora le 13,08% dla soma (130mile), le 7,45% (74mile euro) ti vëgn dè inant ala Crontour, le 7,10% (70.500,00€) vëgn tut ca por retlam ti media y sorvisc de stampa (internet, sponsoring, inserac y ater).

La Copa Europa cun n paralel Willy Kastlunger, surastant dl comitê Al Plan Events, à inće orü informè sön les novitês che vëgn portades inant. Pro chëstes alda na

Copa Europa de schi particolara, che garatarà ai 21 de dezëmber. I atléc garejarà impröma te n slalom strënt sön la pista “Pré da Peres” y i 32 mius tlassificà de chësta gara, arà da se mosorè en chë sëra te n paralel sön la pista “Ćianross”. La gara se lascion inće valgamia costè, cun n investimënt che superëia i 100.000,00€, sciöche Kastlunger à dit.

Onoranza por Franz Call Bele dan val’ tëmp à l’AT orü ti dè n reconoscimënt a Willy Kastlunger, por so impëgn ti evënć de paîsc. Na porsona che à fat tröp te chësc ćiamp é inće Franz Call, stè por 32 agn tl consorz turistich de Plan de Corones, de chisc 12 agn da presidënt. L’AT d’Al Plan à orü ti surandè na süa caricatöra, cun lassura n rengraziamënt por so laûr y impëgn a bëgn dl turism.

Le marketing tl Plan de Corones Na lerch tla sentada à inće ciafè la presentaziun dles porsones che fistidiëia dl marketing dl comprensor de Plan de Corones. Ai mëmbri s’à presentè la responsabla marketing nöia Hannelore Hofer y le responsabl d’ofize Artur Costabiei. Danter l’ater ài portè dant süa vijiun por le Plan de Corones, che é chëra da fà deventè le comprensor plü conesciü y aprijé tles Alpes, n martl plü renomè a livel nazional y internazional. (pablo)

Olà pòn pa laurè adöm? Cun na regiun turistica de Puster n’é nia düć contënć, mo al é plü ćiamps olache an po lié les forzes Al Plan/2 - Al foss stè orentè dl assessur provinzial Hans Berger da lié i trëi consorc turistics de Plan de Corones, Türesc - Ahrntal y Alta Val de Puster sot a na regiun unica “Pustertal”. Suradöt tl’alta Val de Puster - mo danter l’ater inće a Al Plan, n’ên nia cis contënć de chësta iniziativa y por la presciun decuntra é l’idea de n consorz su tomada t’ega. Al é insciö gnü metü sö n grup de laûr, che à le compit da laurè fora

i ćiamps y les tematiches olache al é de significat da laurè deboriada. Te chësc grup él inće le vizepresidënt dl’AT d’Al Plan Werner Call, che à dè n valgönes informaziuns. “An ne baia nia plü de ‘Pustertal’, mo di trëi martli Plan de Corones, Hochpustertal y Tauferer Ahrntal. Da esperć dl setur él gnü desconsié da fà le vare de n martl su. Cherié n martl nü é dër rî y lié a de gragn cosć”, à dit Call.

Le grup de laûr s’é insciö gnü sön cater ćiamps, olache an podess tl dagnì unì les forzes. Le pröm é chël di schi. Tres le proiet Ried taca Plan de Corones y alta Val de Puster feter adöm. Travert él da tó ite tl Plan de Corones inće Speikboden y le Klausberg. Ater proiet deboriada podess ester la “Regiun dla Roda de Puster” (Bikeregion Pustertal), olache an ô cherié plü oferta por chi dles rodes, arjignan trus aladô,

eserzizi y guides aposta y i.i. Terzo ćiamp é l’internet: “Chilò él n pü’ plü rî, deache vignun à süa homepage”, à dit Call, mo la poscibilité da avëi na presënza internet deboriada se pitass propi tres le proiet dla regiun dla roda. Ala fin àn manifestè la orentè da laurè plü deboriada inće tl ćiamp dla ragiungibilité, organisan adöm coliamënć dai aeroporć y transfers. (pablo)

Le vizepresidënt dl AT d’Al Plan Werner Call. (Foto: cdp) www.lauscdiladins.com

27


Val Badia

nr. 47 / 02 de dezember 2011

Sensibilité por i bëgns culturai Onoranza por döes families dla Val Badia, che à dorterè sö ćiases vedles y de valüta storica, desmostran sensibilité por i bëgns culturai de nüsc raiuns. Durnwalder à alzè fora l’importanza dl mantignimënt de chisc monumënć de nosta storia

Mëmbri nüs La Cassa Raiffeisen Val Badia ti à da püch surandè le documënt de comembranza a 72 mëmbri nüs tuć sö dl 2011

La vedla ostaria d’Al Bagn Valdander canche an à metü man i laûrs.

Cultura - “I ves diji n gran dilan por osc impëgn esemplar, osc amur y osta pasciun por le mantignimënt de bëgns culturai de gran valüta”. Chëstes é les parores pronunziades dal presidënt de Südtirol Luis Durnwalder a Balsan, en gaujiun de na festa olache 19 porsones o families é gnüdes onorades por avëi fat laûrs ejemplars de restrotoraziun de frabiches vedles. Ala festa à tut pert inće i assessurs provinziai Kasslatter Mur, Berger y Mussner, sciöche inće le diretur dl ofize por la sconanza di monumënć Leo Andergasen y le vësco Ivo Muser. Te Südtirol él apresciapüch 5000 frabiches sot a sconanza, y 126 danter posć d’escavaziun y archifs. “Chisc monumënć é n arichimënt por döta la provinzia”, à dit Durnwalder. Mantignì chëstes frabiches ô dì mantignì bëgns culturai, al ô dì mantignì fostüs de nosta storia y de tëmps dadî bele passà. Danter les families onorades n’êl inće döes dla Val Badia, plü avisa chëra de Klaus y Maria Castlunger de Badia, proprietars dla ćiasa Sompunt, y chëra de Bernhard y Alma Ellecosta, patruns di bagns Valdander a Antermëia. Intrames les families à fat de gragn laûrs pro sües frabiches, zënza sconè bries y tolon en conscidraziun i cosć implü. Trà jö foss gonot plü bunmarćé co restrotorè. Y mantignì ćiases vedles ô inće dì jì ite compromisc y magari renunzié a val’ comoditês.

Sompunt - la residënza di nobli Mayrhofen La ćiasa Sompunt danter Badia y La Ila ê gnüda fata sö dan le 1600 da Jan Sompunt y é conesciüda por so stil storich. Sön la storia dla ćiasa y sön i laûrs de restrotoraziun sunse jüs ite por menü t’La Usc y d’otober dl ann passè él inće gnü dè fora n liber che documentëia i intervënć. Al ê na nöt de mez isté dl ann 2008 che la ćiasa da Sompunt â metü man da gracè. I mürs â trat de gran sfësses che an odô ćinamai alüsc danterfora. La familia â insciö messü lascè la ćiasa. Tl tëmp de dui agn à la familia Castlunger lascè dortorè sö la ćiasa deplëgn. Danter l’ater àn inće lascè arjigné ite la capela che ê n iade, canche la familia nobla di Mayrhofen ê patruns dl lüch. Pro i laûrs àn messü plinderné

Insciö ćiara fora la frabica śëgn che ara é dortorada.

fora de ćiasa l’antare, les 27 finestres cun telari à messü gnì tutes fora, les tafladöres dles gran stües àn messü tó jö deplëgn. Dala pert dessot àn mazè te tera tres d’acià 15 metri sot y sot la ćiasa fora pà de 25 metri. Le mür dala pert dessot é gnü trat ite de 9 cm y la ćiasa é gnüda trata adöm cun cordes de fer che jô da na falzada al’atra, tres la ćiasa fora. Les sfësses sura döta la ćiasa muntâ sö a 800 metri. Ares é gnüdes implides y curides cun petun aposta. I laûrs é stà tles mans de firmes spezialisades y é gnüs stlüć jö l’ann passè.

I bagns Valdander a Antermëia La familia de Alma y Bernhard Ellecosta à fat de gragn laûrs pro la vedla ostaria d’Al Bagn Valdander, che é sot a sconanza. I laûrs s’à slarié dal 2005 ćina l’ann passè. Dla ćiasa àn tles mans na lizënza da frabiché che porta l’ann 1818. “Sce al ê denant bele na frabica, magari te na mëndra forma, ne sàn por le momënt nia”, dij Bernhard Ellecosta. Ćina i pröms agn dl 80 é la ćiasa stada ostaria (i vedli bagns) y ê da oramai 25 agn öta. Al ê na ćiasa da paur fata cun materiai ala bona. Da lunć y lerch gnô y vëgn ćiamò la jënt a fà i bagns tl’ega minerala, che dess fà bun cuntra le romatisc, iscies, mé de spiné y mai ai osc. Do che la vedla ćiasa é gnüda lasciada öta, s’an àra tut na ria. Ega ê trata ite, lignan ê gnü frat. Dl 2005 àn

spo metü man cun i laûrs, y le pröm é stè chël da tó jö le mantel dla ćiasa, che é spo plü inant gnü metü sö danü. Inće pro chësta ćiasa él stè da baratè fora lëgns en malester, y tó fora deplëgn les tafladöres y i parëis, che é gnüs mudà en pert inće cun lignan nü. Tratan i laûrs él stè debojëgn da renforzè la strotöra dla ćiasa cun cordes de fer, por la statica dl frabicat. Val’ strameses àn messü fà danü, deache ares ê scialdi en malester, mo en pert éra jüda da mantignì chëres originales. Deache al ê na ćiasa vedla n’êl sambëgn nia les comoditês da incö. La ćiasa é gnüda adatada ales esigënzes de nüsc tëmps, destenon les condütes por l’ega, le scialdè y la forza eletrica. Cun i laûrs de restrotoraziun à la ćiasa indô ciafè süa funziun da ostaria y vëgn śëgn anuzada inće por sciori. La familia instëssa à inće ciafè indô so cuatier olache ai po vire süa vita privata. Bernhard Ellecosta é contënt cun le resultat y dij che an se stà saurì laìte, inće sce al n’ascogn nia che tratan i laûrs, do che an â odü la condiziun dl frabicat, fóssel stè plü saurì da dramè jö döt y erje sö na ćiasa nöia. Propi por chësc à la Provinzia orü onorè chëstes porsones, por so impëgn tl mantignì ći che é vedl, inće sce al foss plü comot da le desmandrè. Y tla maiù pert di caji sparagnàsson deplü da fà danü co da dortorè. Mo te chësc cajo spariss indô n fostü de nosc passè. Chësc iade n’éra nia stada insciö. (pablo)

San Martin/La Ila - Te deplü situaziun söl post y che sostëgn serades d’informaziun, ai 15 de insciö ince dassën l’economia novëmber a San Martin y ai 22 de locala. Por i mëmbri nüs é les novëmber a La Ila - à le presidënt serades de informaziun na ocajiun dla Cassa Raiffeisen Alfons Pezzei por s’informè y imparè da conësce y le diretur Hubert Obwegs tignì damì la Cassa Raiffeisen Val Badia, na picia relaziun sön la storia dla de chëra che ai fej śëgn pert. Cassa y é jüs ite söla situaziun atuala. Plü co mai é i prinzips de solidarieté y de sussidiaritè atuai. Propi te tëmps nia tan bugn é les casses Raiffeisen realtês locales sters ce s , che conësc bun la Tratan na serada d’informaziun.

Atmosfera nadalina Le zënter da San Ćiascian é gnü abelì por Nadè San Ćiascian - Cun la pröma zënter da jì a pè a San Ćiascian, por domënia d’Advënt se presentëia le odëi dal vì la bela cripele y lëgn da zënter da San Ćiascian te na bela Nadè dan le Museum Ladin Ursus atmosfera da Nadè. Sön Ladinicus. (Thomas Pescollderungg) scomenciadia dla Uniun Omi y amisc dla cripele da San Ćiascian él gnü arjigné ite de beles figöres da Nadè. Fora de lëgn de lersc à i artisć ziplé les figöres di trëi rêsc, Santa Maria y Sant Ujöp. Püch dan Nadè “nasciaràl” inće chël Pice Bambin. I inviun bele śëgn düć a se fà na spazierada tl La bela cripele che abelësc le zënter da San Ćiascian.

La familia de Klaus y Maria Castlunger (a man dërta) cun l’assessur Florian Mussner, l’ombolt de Badia Iaco Frenademetz y le vësco Ivo Muser. www.lauscdiladins.com

29


Sport

nr. 47 / 02 de dezember 2011

I fascegn pert contra Renon e Busan I Pavei d’arjent sgola Te la ultima doi partides de l’Hockey Val de Fascia se à jià l’ocajion de restèr te la prumes cater che se jia fora la Copa Tèlia segna l 3 a 0. Tel terz temp i patrons de cèsa segna con Bernard, Meyers e Fabris e l Fascia é bon de forèr la re busanina con n soul gol de Schnabel. Venta del Busan che se vadagna coscita la pruma posizion. 15^: Val de Fascia – Renon 2a6 16^: Busan – Val de Fascia 6a1

Piva e Borgatello te n moment de la partida anter Fascia e Busan. (foto Max Pattis)

Hockey Serie A - La setemèna passèda l’Hockey Club Val de Fascia à jià contra l Renon su la giacia de Dèlba e contra l Busan sul ciamp aversarie. L’é da dir che te duta doi la partides amò mencèa i jiadores Rudy Locatin e Diego Iori, che se aea fat mèl te la partida contra l Valpellice e coscita l resultat no é stat proprio positif per i fascegn: 2 a 6 contra l Renon e 6 a 1 contra l Busan, enceben che per l’hockey Val de Fascia l’era da jièr fora la emportanta calificazion a la Final Four de Copa de la Tèlia. Te la partida contra l Renon i jiadores de Frycer à tacà ite a jièr dassen mèl e defat ti prumes 5 menuc e 24 seconc i sudtiroleres fèsc ite 3 goi, doi de Scelfo e un de Spinell e dapò amò inant de serèr sù l prum temp i n fèsc ite n auter con Blight. Te la seconda frazion la musega é valiva: i ghesć rua a 5. Engaissé dai ultras che per duta la partida chier de ge dèr forza, i ladins

da vèlch ora i se remesc, ma sia reazion rua tardiva e la porta si fruc demò tel terz temp, canche Mironov e Margoni segna doi gol. Inant del scigol finèl l Renon segna ence l sesto gol con Blight al 49.63. Chel contra l Busan aessa cognù esser n match emportant per pontèr a la Copa de la Tèlia, ma no la é jita fata. L Fascia rua su la giacia zenza Iori, Locatin e Snetsinger ma col nef terzin Schnabel, l’ùltim jiador ruà da la Republica Ceca, tout ite da la sozietà per renforzèr la pèrt di defensores. La partida taca ite con dotrei menuc dediché a se studièr l’un co l’auter dapò l Busan se desćiadena e l fèsc ite l prum gol con Sharp. L Fascia proa a reagir tedant la re de Zaba, ma chest no lascia passèr nia. Al 13.39 rua l secont gol di foxes con Insam. Te la seconda frazion l Fascia proa endò, ma no l’é bon de despassèr la linea de defendura biencia-rossa, l’é enveze l Busan che

Classifica Serie A dò la 18^ giornèda Busan 37 ponc Val Pusteria 36 ponc Cortina 36 ponc Pontebba 26 ponc Alleghe 26 ponc Val de Fascia 26 ponc Asiago 24 ponc Valpellice 20 ponc Renon 19 ponc Vipiteno 17 ponc

Resultac de la squadres mendres del H.C. Fascia L’Under 12 à jià en mercol ai 23 de november ta Dèlba contra l Cortina e l’à vent per 3 a 2 con 2 goi de Andrea Ploner su assist de Leonardo Felicetti e de Davide Rasom e 1 gol de Stephan Deluca. L’Under 16 l’à jià en mèrtesc ai 22 de november a Alleghe e l’à perdù per 5 a 4 coi gol fascegn de Nicholas Zulian (2), Luca Lauton e Matteo Dantone. L’à jià ence en sabeda ai 26 de november ta Dèlba contra l Gherdëina e l’à vent per 5 a 1 con goi de Nik Trottner, Samuel Lazzer, Nicholas Zulian e Matteo Dantone (assist de Lorenzo Paolinetti e Nicholas Zulian).

L’é tacà con gaissa e bon ejit i prumes empegnes per la balarines e i balarins de la sociazion Artistico ghiaccio de Fascia Te l’ùltim fin de setemèna se à avert a Bologna la manifestazion che jà da egn vegn endrezèda da la Provinzia de Trent te la zità de l’Emilia e che à inom “Vivinatale”. La balarines e i balarins de l’Artistico Ghiaccio de Fascia, é stac envié ence chest’outa a l’inaudazion de chest event che jirà inant enscin da Pèsca Tofenia. Dut l publich ruà a la manifestazion à podù veder e aprijièr l bal ladin portà dant dai Pavei d’Arjent, e dapò compagnèr con de gregn batimans ence la esibizions di bai sìngoi porté dant da la bezes sul spieie de giacia enjignà per l’ocajion te mez al piaz maor de la zità. Per chest bel moment e per l’acolienza resservèda al grop de 30 atletes e atlec e genitores rué a Bologna, la sociazion vel ge sporjer n bel develpai al responsàbol de la manifestazion Flavio Delvai. Apede a chest moment promozionèl, via per l meis de november l’Artistico ghiaccio de Fascia à tout pèrt ence a 5 competizions che ge à portà de bela sodesfazions a sia balarines. Ai 5 e 6 de november a Busan te la pruma gara triveneta Marco Zulian à arjont l 2° post te la categorìa Principianti, Micol Testor l 3° post te la categorìa Esordienti A e sia sor Noemi l’8°

post ti Esordienti B. A 12 e 13 de november te la pruma gara nazionèla Junior Alex Veruggio à arjont l’8° post e ti medemi dis Micol Testor e Marco Zulian é jic a Celjie (Slovenia) per tor pèrt a la gara internazionèla European Criterium, olache duc doi i à concostà n beliscim 7° post. Ai 19 e 20 de november a Dìspruch Alex Veruggio à arjont n beliscim prum post internazionèl te la categorìa Junior men e Karen Pira é ruèda 7^ anter la debs. Te la medema competizion anter les springs A Serena Planchesteiner à arjont l 12° post e Federica Colombo l 16° e anter les springs B Debora Nicolodi é ruèda al 13° post, Lucia Battisti al 16° e Valery Iori al 20°. Per fenir, te l’ultima gara stata a Ciavaleis ai 26 e 27 de november, Fiemme on Ice, gara nazionèla de la categorìes Esordienti e Principianti, l’é da segnalèr l 5° post de Marco Zulian, l 10° de Noemi Testor e l 15° de Micol Testor. Gran sodesfazion per l president Mauro Battisti, che vel ge sporjer n gran compliment a la atletes e i atlec e a la alenadora Isabella Chiodo, che con l’aiut de Viviana Felicetti la é dò a fèr n beliscim lurier con l grop agonistich e col grop semper maor de la categorìes mendres. (mb)

Prumes resultac per i atlec fascegn Te la Fis Junior de slalom strent a Bormio Sebastiano Finazzer é ruà 2° e Federico Liberatore 2° di aspiranc. Chiara Costazza aur col 21^ post en Copa del Mond dò la senestra sajon passèda

L grop di Pavei d’arjent de Fascia a la manifestazion “Vivinatale” a Bologna.

Schi alpin - Ponta via sobito delvers la sajon agonistica per l grop del Comitat Trentin Fisi. Te la pruma garejèda da d’invern Pietro Franceschetti l’é ruà prum e Sebastiano Finazzer secondo tel slalom anter i pèi strenc Fis Junior che se à tegnù a Bormio 2000 sul portoi Stella Alpina. Taca via donca delvers l Projet Trentin Azzurro, la scomenzadiva sostegnuda da la Provinzia de Trent nasciuda per ge dèr neva gaissa ai sport da d’invern. Pietro Franceschetti da Bolbeno l’é stat bon de interpretèr te la vida miora duta does la frazions de garejèda, seran sù la pruma al secondo post, canche enveze Finazzer aea fat registrèr l’otaf temp. Ezelenta per duc doi la seconda manche, soraldut chela del fascian, che à stabelì la prestazion assoluta miora, recuperan ben 7 posizions e ruan al 2° sciaier del podie. Bona la prestazion de Federico Liberatore, che se à logà te la 20^ posizion ma soraldut l’é ruà secondo anter i aspiranc. La giornèda per l Comitat Trentin

Ice Skating Marmolada: bon scomenz

30

www.lauscdiladins.com

l’aessa podù esser amò miora se la del Mond la fascèna Chiara Costazza garejèda de slalom de la eles se aessa à arjont l 21° post: n bon scomenz fermà a la pruma frazion, con Giulia per orir la sajon dezisiva per chierir Benedetti pruma e Andrea Cailotto de recuperèr la mior condizion dò quarta. Ampò duta does no é states trei egn dassen tribolé. La tema de bones de serèr delvers la seconda falèr no ge à lascià l met de se palesèr manche e a la fin à vent Roberta te la vida miora, ampò la é stata Midali da Bergamo. La miora anter bona de concostèr 10 ponc n muie la trentines l’é stat Miriam Rasom preziousc, na bona basa per pontèr del Ski Team Fascia, che à serà sù via e recuperèr posizions te lista de al diejem post. Na bela sodesfazion partenza de Copa del Mond. Bona donca per i atlec e ence per si prestazion de Manuela Moelgg che alenadores, anter ic i fascegn à arjont la setima posizion, enceben Alessandro Finazzer per ic e i problemes a la schena che i l’à Lorenzo Cemin per eles. tegnuda ceta per doi setemènes. Tel secondo slalom anter i pèi strenc la ventes trentines é states adertura doi: amò n’outa Pietro Franceschetti e anter eles Giulia Benedetti, e sul podie l’é ruà ence Matteo Battocchi, terzo dedant al fascian Sebastiano Finazzer, endò protagonist de na bela remonta che da la dodejeisema posizion de la pruma manche l’à portà a otegnir n bon quarto post. Amò per l schi trentin na speranza vegn da Aspen, olache L fascian Sebastiano Finazzer à peà via tel prum slalom strent de Copa la sajon al miec.

Nicole Daberto à jà concostà de bie resultac e ence sia compagnes à tacà la sajon con de bona proes Bal sui feres - La atletes de l’Ice Skating Marmolada de Cianacei les à tacà via la sajon de la garejèdes con de bela proes. A Maran te la Copa de la Fradaa stata a la fin de otober, Nicole Daberto l’à concostà n bon quarto post. De bie resultac é rué ence per Anastasia Costantino Fisichella, Michelle Daberto e Sol Zulian. Nicole Daberto à tout pèrt ence a la garejèda Eiscup a Dispruch ai 20 de november, olache la é ruèda 8^ e a Cortina ai 26 e 27 de november te la pruma garejèda nazionèla Novice l’à otegnù l quarto post. Ai 3 de dezember a Pontebba sarà la pruma Triveneta Free, a chela che tolarà pèrt Chiara, Anastasia e Sol, te la gràmoles del louf a dutes trei! N gran develpai va a la maestres

Ilaria Molle, Carlotta Nemela e Yoanna Szczypa che alenea Nicole Daberto.

Nicole Daberto.


Sport

nr. 47 / 02 de dezember 2011

Sajun d’or por Anna y Flurina

N sëgn de vita pro i “gragn” maroi

Anna Pedevilla y Flurina Comploi stlüj jö les gares da saltè sö por munt desco “campionësses provinziales”. I resultać de chësc ann é na bela sodesfaziun nia ma por ëres

Le Mareo I à arjunt na bela devënta por 5 a 3, te ćiasa cuntra la scuadra da Bornech, mo romagn impò inant al ultim post dla tlassifica

Saltè - Cun le mëis de novëmber s’à ruvé la sajun dles gares da saltè sö por munt, che à odü les döes atletes marores Anna Pedevilla y Flurina Comploi pro les mius a livel provinzial de Südtirol. Flurina Comploi d’Al Plan à metü man le campionat FIDAL a scuadres ai 8 de mà cun la gara Kaltern-Mendel, olache ara à arjunt n secundo post te söa categoria Ëres Seniores. I bogn plazamënć é spo jüs inant tles gares dedô: 5a pro la TerlanMölten, 4a pro la Branzoll-Aldein, 3a pro la Leifers-Weißenstein, 3a pro la Sterzing-Rosskopf, 1a pro la Algund-Aschbach, 1a pro la Ćiastel-Marinzen - che valô inće desco titul de Campionëssa Provinziala FSE 2011 y 2a pro la Latsch-St. Martin im Kofel. Tl tlassamënt final dl campionat provinzial à Flurina Comploi fat

i plü tröc punć te söa categoria, cossa che ti à valü le pröm post FSE Fidal 2011. Cotan en forma é inće stada Anna Pedevilla d’La Pli de Mareo, compagna de scuadra de Flurina Comploi tl Südtiroler Laufverein. Anna à impormò metü man la sajun plü tert, fajon söa pröma gara da Branzoll a Aldein, davagnan te söa categoria FM1. I boniscimi resultać Anna Pedevilla d’La Pli de Mareo en aziun. é spo jüs inant cun n secundo post ala Leifers- strada (resultać de categoria): Weißenstein, 1a ala Sterzing- Anna Pedevilla à tut pert ala gara Rosskopf y inće ëra à sö dla Kasseler Hütte ite en Rein davagné le titul de (1a), al Kronplatz Run (2a), Brixner C a m p i o n ë s s a Hütte (1a), al Toblacher Nachtlauf Provinziala 2011 tla (2a) y ala ¾ mesa maratona da categoria FM1 pla Bornech ta Türesc (2a). Intrames Ćiastel-Marinzen ala àres spo fat la gara sö dla fin d’agost. Insciö é Tiefrastenhütte sura Terenten, dui titui provinziai de deventan secunda (Anna) y cuarta saltè sö por munt ruvà (Flurina) y la gara sö dla por le pröm iade te Radlseehütte (1a Anna, 3a Flurina). Mareo. Flurina Comploi à spo ćiamò fat Deboriada à la gara internazionala dles Drei Flurina Comploi y Zinnen (17a assoluta), la gara dla Anna Pedevilla inće Munt de Suc (2a) y le Salt de Sas fat la Maratona sön Badia (1a). Slüt jö la sajun Alpina dla Plose a agonistica à Flurina Comploi cun Porsenù, tolon pert la Burgstall-Vöran Uphill Nordic ala stafëta cun döes amez novëmber, meton en pé d’atres compagnes. Y l’otavo tëmp assolut. Almanco chësta gara àres ćina de forà s’à śëgn les döes umes davagné. Danterite y atletes marores tut dant n iade Flurina Comploi à fat i plü tröc punć te söa àres spo fat gares da se palsè fora y spo da s’arjigné categoria, cossa che ti à varü le pröm post FSE inofiziales ćina sö da ca por la sajun nea, sajun che Fidal 2011. üties de munt o sön metarà indô man da d’aisciöda.

Tramedoi scuadres vënc L ultim ie stat n bon fin dl’ena per la doi scuadres de chidlé de Gherdëina, che à tramedoves venciù cun l medem resultat n cont di ponc di chidladëures, ma perdan de 10 chiedli. La defrënza à pona fat Armin y Siegfried che à arjont i doi ponc di chidladëures y ie stac boni de tré ju 37 chiedli deplù che si averseres. Cun 27 chiedli deplù che i autri y 3 a 1 n cont di ponc di chidladëures, ie pona jic sun chidladoia Guido y Flavio. Ëi à fat mo n pont y à trat ju 10 chiedli deplù. Nsci se à l Gherdëina I davanià la vënta cun na bela mesaria de 536,8 chiedli.

Helmuth Schieder fej cun l Gherdëina II.

Chidlé - N vënderdi à l Gherdëina I chidlà te Sëlva contra l ASV Tramin. L ie stat n juech bëndebò valif che l Gherdëina à venciù ala fin per 6 - 2. Scumencià à Werner y Georg che à valiva ora

Serie B-est

Gherdëina II venciù ora de cësa contra l ASC Plose. Bele do la prima lingia di colps à Ewald y Viktor metù al segur i doi ponc di chidladëures y à trat ju 41 chiedli deplù che i averseres. Jita inant iela belau unfat cun Rainer y Helmut che auza la defrënza de chiedli a 76 purtan mo n pont per i chidladëures. Hansi, che ie stat l miëur dl di, y Manfred à pona mo finà via purtan fajan mo n pont di chidladëures. Ala fin à i chidladëures de Gherdëina batù ju 3075 chiedli contra i 2977 di averseres.

Gherdëina I - Tramin I 6:2

Serie D-nord

Resultac persunei: Guido Stuffer 553 Armin Moroder 547 Werner Runggaldier 547 Siegfried Prinoth 542 Flavio Prinoth 521 Georg Sommavilla 511 Cun l medemo resultat à l

Plose II - Gherdëina II 2:6 Resultac persunei: Hansi Demetz 554 Helmuth Schieder 517  Ewald Insam 508 Viktor Werdaner 503 Manfred Wanker 499 Rainer Bernardi 494

Chidlé Val Badia - La scuadra feminila dl Mareo à metü al sigü na devënta tlera, batonn les chidladësses da Ratschings por 5 a 1. Na edema da desmentié él indere stè por le Mareo II y por la scuadra da La Ila, che à messü dlotì pordüdes sëćes, respetivamënter por 1 a 7 a Ridnaun cuntra Ratschings y por 0 a 8 a Freienfeld cuntra Flagger.

Seria A 2-ost Mareo I - Bruneck 67 I: 5 - 3 Cuntra la scuadra da Bornech, che é al penultim post tla tlassifica, à i maroi anuzè la chance y à metü al sigü na devënta cun na bela partida combatüda y interessanta, ajunjan na media de 534,5. Vigni seria da 120 bòć é jüda fora 1 a 1, porchël é stada la soma totala di chidli dezisiva por le resultat final. Chilò à i ghesć de Puster atira trat fora n vantaje de 20 chidli, mo pro la secunda seria da 120 bòć à i patruns de ćiasa ôt la partida y arjunt n vantaje de 63 chidli. I ultims dui dl Mareo à bëgn messü se parè dassën, mo ala fin ài salvè 23 chidli. Le majer dla partida é stè Tone Call cun 586 chidli. Tla tlassifica romagn le Mareo al ultim post. Resultać personai Tone Call, 586 Lois Ellecosta, 557 Matteo Ties, 543 Christian Ties, 524 Pire Rungger, 501 Simon Complojer, 496

Seria B-ost feminila Mareo - Ratschings: 5 - 1 Cun na devënta por 5 a 1, te ćiasa cuntra Ratschings, à les marores recuperè na posiziun tla tlassifica y s’à portè al terzo post. La partida é stada da impröma inant tles mans dles patrones de ćiasa. Inće sce la pröma seria da 120 bòć é jüda fora 1 a 1 pro i confunć direć, â les marores trat fora n vantaje de 113 chidli. Chësc àres aumentè de 226 chidli pro la secunda seria, rovan insciö ala fin al bel vantaje de 339 chidli, arjunjan na media de 511, cuntra na media de 426,3 dles chidladësses da Ratschings. La miù dla partida é stada Gerda Complojer cun 526 chidli. Resultać personai Gerda Complojer, 526 Gabriella Ties, 525 Valeria Federa, 508 Flora Weiss, 485

Gabriella Ties à contribuì ala devënta dles marores cun 525 chidli.

la soma totala di chidli à i patruns de ćiasa albü la miù. Dai 88 chidli do la pröma seria da 120 bòć ài aumenté le vantaje a 153, por rovè ala fin a 262 chidli. Le miù dla scuadra badiota é stè Christian Pedratscher cun 507 chidli. Tla tlassifica romagn La Ila al otavo post. Resultać personai Christian Pedratscher, 507 Gianfranco Thaler, 490 Albert Tavella, 475 Fritz Planinschek, 450 Carlo Valentini, 449 Edi Bernardi, 416 Ratschtings III - Mareo II: 7 - 1 Cun 27 chidli de vantaje y 1 a 1 pro i punć di confrunć direć à le Mareo stlüt jö la pröma seria da 120 bòć. Mo spo à baldi i patruns de ćiasa ôt la partida da süa pert: gnanca un n punt ne ti ài plü lascè ai maroi y pro la soma totala ài recuperè le svantaje y s’à tla secunda seria ćinamai portè en vantaje de 44 chidli, por rovè ala fin a 87 chidli. Cun indöt 2869 chidli à le Mareo arjunt na media de 478,2, Ratschings indere podô mostrè sö na media de 492,7. Altamo le miù dla partida é stè un dl Mareo, plü avisa Norbert Trebo cun 542 chidli. Tla tlassifica romagn le Mareo II al ultim post. Resultać personai Norbert Trebo, 542 Lois Craffonara, 510 Tone Hochwieser, 493 Claudio Moling, 486 Erwin Penazzi, 451 Franz Ploner, 387

Seria C-nord Flagger - La Ila: 8 - 0 Tla chidlara dl’ostaria Burgfrieden a Freienfeld, à la scuadra da La Ila albü na serada foscia: gnanca un di badioć n’é stè bun da śoghé sciöche ai sa da śoghé. Ala fin dla paritida âi da mostrè sö na soma totala di chidli atocà de 2787, che corespogn a na media de 464,5, tratan che i patruns de ćiasa à arjunt na media de 508,2. Gnanca un da La Ila ne ti é stè suraće a so aversar, y inće pro

Matteo Ties à atochè 543 chidli por le Mareo I. www.lauscdiladins.com

31


Sport

nr. 47 / 02 de dezember 2011

Alenamënc cun atlec de d’autra nazions L’atività de jadiné artistich de Gherdëina: do truep alenamënc scumëncel śën la sajon dla garejedes

Atlec dl Eisclub de Gherdëina cun la presidënta Christina Demetz y autoriteies.

Jadiné artistich - N valguna atletes y atlec dl Eisclub Gherdëina à d’instà fat pea pra n ”camp” de alenamënt tla Finlandia, plu avisa a Raisio daujin ala zità de Turku. D’instà ora àn pona metù a jì n camp da d’instà de doi enes tl stadio dala dlacia ”Pranives” de Sëlva, ulache l se ova scrit ite atlec dla Svezia, Finlandia, Talia y Austria. L ie stat drët na bela sperienza davia che nosc atlec à pudù se alené y se museré cun atlec de d’autra nazions. Avisa coche ntan i mënsc da d’instà nsci va nce śën, tl tëmp

de scola, inant l’alenamënt scialdi ntensivamënter. Bel plan rùven nce plu daujin ala sajon dla garejedes y chëles ie perdrët for plutosc dalonc. Les vën metudes a jì da Torino a Couramayeur, da Milan a Pontebba y nsci inant, perchël muessa i atlec suvënz fé n viac che dura n

valgun’ëura per ruvé a destinazion. L Eisclub de Gherdëina à nsci de bujën de n auto segur cun na drëta lerch acioche l trainadëur posse mené i atlec ala garejedes zënza che i genitores ebe festide y l ie stat mesun se njenië n tel auto de gra al aiut de n sponsor che ulon rengrazië te chësta ucajion. (cd) a paiamënt

L Eisclub de Gherdëina rengrazia la fundazion dla Cassa dl Sparani de Südtirol che à fat mesun de pudëi cumpré n VW Touran dajan n beliscimo cuntribut a nosc club. De gra de cuer!

Does ventes per l Cortina, ma l prum post é dl Bulsan Les ultimes does partides é vegnudes venciudes da la scuadra ampezana che à endere messù ti lascé l prum post al Bulsan Hockey - L 17ejim di dl ne se à nia lascé sprigoré da Awe campionat de hockey de seria A à che à bele atira porté en vantaje i vedù n Cortina che volova vence aversars. Amez al prum drittel à a duc i cosć y se garantì enscì l Dingle porté l resultat en parité, prum post dla classifica, aprofitan ma bele tl mete man dl secondo dl rode (turno) de pausa dla scuadra temp é la scuadra ampezana endò de Puster. Na scuadra al gran juda sot de n gol. L surpas é sté complet s’à prejenté sun l ciamp firmé da Rob Serianni. Al 30.53 é dl Sterzing che sogova en juebia la parité endò garateda con n gol zenza Lee y Bustreo. Tl prum temp de Hennigar, ma ala à doré puech: ne é l Cortina plu agressif nia sté do da sies menuc à Nikiforuk endò bon da sbloché la partida, ma tl porté sia scuadra en vantaje. L bota temp mesan à la scuadra ampezana y resposta à doré enfin a nuef arjont, con Isherwood (bela azion menuc da la fin con n gol de Dingle en power play) y con Dingle, l dopl y ai temps suplementars se à l vantaje. Ma la scuadra de Sterzing Cortina, ciamò na outa con gol de ne volova nia la dé su y puech dant Dingle, garantì la venta. Punc la fin dl secondo temp à Hackhofer emportanc é stés concuistés dal fat n bel gol sun azion personala. Cortina te chestes does partides, Tratant l terzo drittel à spo ma l prum post é dl Bulsan che à Hennigar y Johansson metù al batù la scuadra de Fascia. (Fontana: segur l resultat, ence sce Gander comunicat stampa dl LIHG) à ciamò na outa prové da daurì la partida al 51.00 con l gol dl 2-4. L suzes dl Cortina é vegnù blindé a 25 menuc da la fin con l secondo gol de Dingle. L 18ejim di à l Cortina ospité te ciasa la scuadra piemonteisa dl Va l p el l i ce . L a Dingle à garantì la venta dl Cortina contra la scuadra ampezana scuadra piemonteisa dl Valpellice. (foto: LIHG)

Resultac dla scuadres di jëuni Ntan che i plu pitli dl hockey à fat pea pra vel’ turnoi ulache l vën dat plu mpurtanza a fé sport te grupa che al resultat, ie i majeri stac boni de se davanië ponc mpurtanc per la tlassifica Hockey/Jëuni - I mutons dla Under 8 ie n dumënia furnei sun l Renon per fé pea pra n turnoi. La scuadra di pitli juega da iede a iede miec, i ie stai boni de fé n valgun goi y nce de vëncer vel’ partida. Per la Under 10 fòvel n dumënia te Sëlva inò n turnoi mescedà. I jugadëures che à fat pea fova dla scuadres dl Bulsan, EV Bulsan, Renon, Leifers y sambën nce de Gherdëina. La Under 12 à jugà n vënderdi a Sterzing contra la scuadra da iló. Do l prim tëmp stajòvela 5:0 per i autri, i mutons dl Gherdëina ne fova cun l cë mo nia pra l juech. Daldò iela jita miec, i à scumencià a jughé coche i sà da fé y l terzo tëmp ie jit ora 1:0 per l Gherdëina. Ma purtruep fòvel bele massa tert per raidé la partida y i mutons à perdù per 1:6. L di do n sada ai 27 de nuvëmber fòvel a Sterzing nce l prim turnoi Under 12 di raions de Südtirol. I mutons de Gherdëina fej pert dl raion 4, ulache l ie nce leprò jugadëures de Puster, Toblach, Alta Badia y Sterzing. Ëi à venciù la prima partida contra l raion 2 (Eppan, Kaltern, Neumarkt, Auer) per 4:3. Dopro ài messù jughé contra l raion 1 (Prad, Maran, Lana,

32

www.lauscdiladins.com

Vinschgau, Persenon, EV Bulsan) che ova batù l raion 3 (Bulsan, Renon, Leifers). Chësta partida ài finà via a pèr y à nsci messù se la fé ora ai penalties. Vencian per 2:1 se ài nce davanià la vënta de chësc prim turnoi.

27 de nuvëmber tl stadio Pranives de Sëlva contra la scuadra de Torino. Nce sce l Torino univa cunscidrà sciche n averser che n tucova da bater, ne fòvel nia da la tò ala lesiera. L Gherdëina va bën riesc danora, ma l Torino ti ie for inò dossù nsci

che l prim tëmp fina via sun l 3:2. Tl segondo tëmp se muda pona la partida y a cumandé l juech ie scialdi i patrons de cësa che fej bën sies goi, lascian i averseres a sut. Tl terzo tëmp à l Sterzing/Gherdëina inò mpue lascià do ma tenian for sot a

cuntrol l averser che ie mo bon de fé un n gol te n mumënt che i patrons de cësa jugova cun n jugadëur sun banch di straufei. La partida ie unida vënta dal Sterzing/ Gherdëina per 9:3 cun i tëmps jic ora 3:2, 6:0 y 0:1.

La Under 14 ne n’à nia jugà chëst’ena. Ëi jugherà inò n dumënia te Sëlva dala 10.00 contra la scuadra de Kaltern che ie segonda te tlassifica. La Under 16 ie furneda n sada via n Fascia a jughé contra la scuadra da iló. N se aspitova zënzauter na partida nia saurida contra i fascians. I averseres se à pona nce mustrà n chël di plu stersc y nce sce i mutons dl Gherdëina a purvà dla dutes per vëncer ne n’iel stat nia da nfé y i à perdù per 1:5 cun i tëmps jic ora 0:3, 1:1, 0:1. La Under 18 ova n dumënia na partida n cësa contra l Pergine. L ie stat drët na bona partida da pert de duc i jugadëures. I mutons dl Gherdëina à mustrà che i ova na majera ueia de vëncer y te na partida scialdi cumbatuda ài venciù per 3:0 cun i tëmps jic ora 0:0, 0:0, 3:0. La Under 20 dl Sterzing/ Gherdëina à fat si partida n sada ai

La scuadra Under 18 dl HC Gherdëina. Dancà da m.c.: Jean-Marc Moling, Patrick Kelder, Lukas Stuffer, Oliver Schenk, Gianni Scola, Samuel Bergmeister, Rudi Holzknecht. Tamez da m.c.: Roland Flöss (trainadëur), Samuel Moroder, Lorenzo Paolinetti, Cesare Sottsass, Daniel Costa, Fulvio Romano, Simon Vinatzer, Robert Paolinetti (acumpaniadëur). Dovia da m.c.: David Comploj (acumpaniadëur), Marc Trottner, Christian Mussner, Patrick Nocker, Matteo Dantone, Arnold Holzknecht (acumpaniadëur). (Fotografia de Matthäus Kostner).


Sport y Informazions

nr. 47 / 02 de dezember 2011

Copa Cuntinentela FIS-OPA de pudejé

♦ “Fle” por

Mont de Pana/Ciandevaves: n purtoi che vel. Ntujiasm de atlec y spetadëures

l’Africa

L diretëur de purtoi Romed Moroder.

Pudejé - Te feter n’ena, ai 10 y 11 de dezëmber uniràl garejà l prim iede te Gherdëina per la Copa Cuntinentela FISOPA (COC). On ulù ti damandé a trëi esperc, sciche la bedaia d’or olimpica Pietro Piller Cottrer, l diretëur de purtoi, Romed Moroder, y l diretëur de garejeda, Alfred Runggaldier, ciunes che ie la carateristighes dl purtoi sun Mont de Pana/Ciandevaves ulache l garejerà atlec de livel nternaziunel. “Me é fat marueia canche é purvà ora l prim iede l purtoi de Mont de Pana”, dij l campion olimpich tla stafeta de Torino 2006, Pietro Piller-Cottrer. “Chësc ie stat pra la Coppa Italia de merz de chëst ann.

L diretëur de garejeda Alfred Runggaldier.

Pietro Piller Cottrer.

L nes ie unì pità n purtoi drët tecnich, cun dut chël che n atlet se mbincia. Mplu me à la cuntreda de marueia dla Dolomites de Gherdëina fat mprescion.” La ie propi nscila: i proietanc dl purtoi se ova tëut dant de fé sun Ciandevaves na rë de purtoies da garejeda che sibe de livel aut, studiei bën y mpeniatifs ulache n possa nce mëter a jì garejedes nternaziuneles, naziuneles y regiuneles de livel aut. ”Pudejé tla plu bela cuntreda de duta la Elpes” ie l moto dl’aministrazion cumenela de S. Cristina. La garejedes de Copa Cuntinentela FIS-OPA, de dezëmber 2011, sarà l mumënt de majera mpurtanza sun i purtoies de Mont de Pana. Pietro Piller-Cottrer rejona cun gran pascion dl purtoi de Copa Cuntinentela: “L à truepa raides, cun truep de biei tòc ulache la va suvier, ulache n possa propi se lascé ora. Pona se smàchen sun chëi tòc ulache la va juvier per pudëi tò fla dan che la va inò suvier. Nsci vàla pona inant, for suvier y pona inò juvier nchin tl travert ulache la va de se anjenië per l ultimo sprint.” Alfred Runggaldier, diretëur de garejeda dla Copa Cuntinentela FIS-OPA spiega: “Danter i tòc ulache la tira bëndebò suvier ons for inò metù ite tòc juvier y ala ndrëta.” Romed Moroder diretëur de purtoi jonta pro: “A chësta maniera vëniel garejà drët debota, i atlec possa riesc se refé, y chësc cumporta na dinamica de garejeda drët spetaculera.” L ie sun na tela da se aspité garejedes plëines de tenscion. L ne ie nfati nia n cajo che David Hofer dala Crëusc, atlet dla scuadra naziunela, ie de merz de chëst ann stat bon de fé i 15 chilometri dla Coppa Italia, te n tëmp de mé 33 menuc y 18 secunc, cun na mesaria de 27,027 km/h! Nce sce l vën garejà drët debota cun de bon tëmps, ie l purtoi drët mpeniatif. Per i atlec ne iel nia saurì da nterpreté. Chiche muev massa debota à pa tosc deficulteies, chiche sparania ti prim trëi menuc per mpartì la garejeda, possa fé cont cun n bon tëmp y truep devertimënt. “L purtoi ntujiasmea atlec y chëi che cëla pro ala medema maniera”, dij Pietro PillerCottrer. I cuncurënc possa se ncunferté sun la Copa Cuntinentela FIS-OPA sun Pana. I spetadëures arà l plajëi de n bel spetacul de pudejé. Dal raion ulache l vën muet y ulache l ie l travert, tl “Verzon di lëns”, pòssen arjonjer saurì la pertes dl purtoi ulache la se trata per vëncer la garejeda y nsci udëi dal vif y da daujin la prestazion di atlec. L program dla garejedes ie da abiné sun www.valgardena.it/opa Gernot Mussner

Daurida dla mostra de Carla Pellegrinon tla galaria dl Hotel Teresa a Al Plan “Un respiro per l’Africa” é le titul dla mostra cun laûrs de Carla Pellegrinon che gnarà daurida chësta domënia ai 4 de dezëmber dales 17.00 tla galaria dl Hotel Teresa a Al Plan de Mareo. La festa de daurida vëgn metüda da jì en colaboraziun cun l’assoziaziun umanitara Agape; a chësta uniun i va inće pert dles entrades dala mo stra , che romagnarà da odëi por N laûr artistich de Carla Pellegrinon. döt invern ćina Pasca.

Chino Al Chino de Cianacei Insnet, vender ai 2 de dezember da les 21.15 e domenia ai 4 les 21.00 vegn moscià “Midnight in Paris” de Woody Allen. Al Chino de Pardac

Insnet, vender ai 2 de dezember da les 21.15 vegn moscià “This must be the place” de Paolo Sorrentino. En sabeda ai 3 e en domenia ai 4 da les 17 vegn dat “Happy Feet 2” en 3D e da les 21.15 vegn moscià “I soliti idioti”. Al Chino de Tieser Insnet, vender ai 2 de dezember e ence en sabeda ai 3 e en domenia ai 4 , semper da les 21.15, se pel veder “Anche se è amore non si vede”, de Ficarra e Picone. Al Chino de Ciavaleis

Insnet, vender ai 2 de dezember e ence sabeda ai 3 da les 21.15, e en domenia ai 4 da les 16.30 e da les 21.15 vegn moscià “Happy Feet 2”.

Sozial Marcià da Nadel dla “Locia“.

Nosc prudoc ie da udëi y cumpré da juebia 8 de dezëmber nchin a dumënia 11 de dezëmber tla Cësa de Cultura a Urtijëi, 9.00 - 12.00 y 15.00 - 19.00. Ictus y trauma al cë L Servisc Soziel de Gherdëina mët a jì cun Gertrud Calenzani na grupa de autoaiut per familieres y persones che à abù n trauma al cë o che ti à dat l bòt. La prima ancunteda sarà ai 12.12 dala 15.00, tla streda Purger 16. Info: Servisc Soziel, 0471/798015.

♦ Al Plan: al vëgn San Micurà Le vësco passarà fora por les strades dl paîsc, acompagnè dai malans. En mertesc ai 6 de dezëmber dales 17.00, a Al Plan. Sön plaza de dlijia carnis por i mituns y ola dla fortüna I Boteghiers d’Al Plan i dedichëia dagnora tröpa atenziun ala festa de San Micurà. Na festa aspetada dantadöt dai plü pici. Porchël inviëia i Boteghiers cun gran plajëi da gnì a ti ćiarè ala gran defilada de San Micurà, che gnarà tignida en mertesc ai 6 de dezëmber dales 17.00. Le vësco piarà ia dal salf dles manifestaziuns, acompagnè dai agnui, dal berba cun so gratun y sambëgn da na schira de malans. Al passarà Al vëgn indô San Micurà, y i porta a düć i mituns n bel carnì. fora por la strada prinzipala por rovè ćina te plaza de dlijia, olache düć canć ciafarà val’ de ćialt da bëre y de bugn checs da bocolè. Por i mëndri ne manćiaràl nia carnîs cun de vigni sort laìte. Pro vigni carnì saràl inće n numer, y por i mituns plü fortunà podéssel garatè na bela scincunda fora dla ola dla fortüna. I Boteghiers se conforta da Ves saludé düć canć. www.lauscdiladins.com

33


Informazions y Manifestazions ♦ Marćé da Nadè: daidun le Zambia Ai 3 y 4 de dezëmber podaràn cumprè a San Ćiascian de vigni sort de decoraziuns da Nadè, por daidé finanzié na scora por mitans orfanes a gauja dl AIDS tl Zambia

nr. 47 / 02 de dezember 2011

Iniziatives sportives Aspetan la Copa dl Mond L comitat de organisazion de Cortina 2017 met da jì evenc musicai y dj sets tles uties de Cortina, aspetan l 14.01, di dla gara de Copa dl Mond. En sabeda ai 10 de dezember saràl l event “Welcome Winter” tla utia Col Druscié. Per infos: www.cortina2017.it. Cun les granares söla dlacia

L’Uniun Sport Amatoriala Corvara y Calfosch mët da jì le 6. Turnier de broomball, ai 3 de dezëmber dales 16.00, sön le ćiamp dala dlacia Albert Pezzei a Corvara. Al po se scrì ite scuadres da 5 śogadus sura i 16 agn. Iscriziun: 40,00€ a scuadra. Por informaziuns y iscriziuns (anter i 2 de dezëmber) cherdè sö Klaus al 333/3695936. Garejedes de pudejé De bel patüc podaràn cumprè pro le marćé da Nadè a San Ćiascian.

La scora é gnüda metüda sö dala monia comboniana Paola Glira da San Ćiascian. L’AIDS y maraties sciöche la tuberculosa é na gran plaia tl’Africa. L’eté mesana dles porsones é de 38 agn y les mitans n’à gonot nia la poscibilité da ciafè n’istruziun. Incër 70 porsones à ofrì sö tröp tëmp por pastlenè cogores y d’atres figöres da infornì le lëgn da Nadè, decoraziuns por mëses, figöres de lëgn por daìte y defora, plomac, tovaies, ćiandëres, gherlandes y i.i. che an podarà cumprè chisc dis: en sabeda ai 3 de dezëmber dales 16.00 ales 18.00 y en domënia ai 4 do mëssa ćina misdé, te palestra dla elementara da San Ćiascian. I rengraziun de cör dötes y düć chi che à daidé y dilan danfora a chëres y chi che gnarà a cumprè.

♦ Cunzert dl brassensemble “Da Blechhauf’n“ I Jëuni de Mujiga de Gherdëina nvieia de cuer al cuarto cunzert dla sajon che sarà ai 9 de dezëmber dala 20.30 te Cësa de Cultura de Urtijëi

L brassensemble “Da Blechhauf’n“.

Chësc brassensemble ie na grupa de set jëuni dl’Austria che se à metù adum per devertì l publich cun mujiga tradiziunela dl’Austria. La mujiga che ëi porta dant ie sceria, ma nce ironica tl medemo mumënt. Ëi sunerà pec ora de si progam nuef “On the road“. La chertes de ntreda ie da giapé sciche for pra la cassa al priesc de € 15,00 y € 8,00 (per chiche à manco de 26 ani o à l “Kulturpass”). Nfurmazions plu avisa sot a www.jmgconcert.it

♦ Curs de schialpinism por düć Cun i mënacrëp Simon Kehrer, Max Willeit y Ingo Irsara

Ai 10 y 11 de dezëmber uniràl garejà per l prim iede te Gherdëina per la Copa Cuntinentela FIS-OPA (COC). La se trata de garejedes de pudejé de segondo livel plu aut dla federazion nternaziunela de schi FIS. La garejedes sarà tl zënter dl schi nordich sun Pana, dala 9.30 inant. Iscrizions per la Gardenissima

Duc chëi che uel se scrì ite ala Gardenissima che sarà ai 1. de auril 2012 possa bele śën l fé y muessa avëi n zertificat dl dutor y la cherta dla FISI. L ie nce mesun de fé la cherta FISI canche n se scrij ite. L formuler per la iscrizions ie da giaté sot a www.gardenissima. eu. Iscrizions per la Sellaronda Hero La proscima edizion dla garejeda cun la roda da mont sarà ai 23 de juni dl 2012. Nfurmazions per l’iscrizions giàpen sot a www.sellarondahero.com Udù dant iel ntan l’edizion dl 2012 nce na garejeda per i pitli mutons Hero Kids, n dumënia ai 24 de juni. L’ Atletica Gherdëina scumëncia inò si atività

Duc i mutons nasciui tl ann 2004 o dant possa se scrì ite a Urtijëi, tla palestra dla scola elementera, n lunesc ai 12.12.2011 dala 18.00 nchin al 20.00 y te Sëlva, tla palestra dl stadio Pranives, n mierculdi ai 7.12.2011 dala 15.00 nchin ala 17.00. Nfurmazions plu avisa pra Kostner Walter, 338/5949765 o pra Lambacher Doris, 333/5835917. Corsc per bec per emparèr a jir coi feres

La sozietà Artistico Ghiaccio de Fascia met dant corsc gratis per bec dai 4 ai 12 egn per emparèr a jir coi feres. I corsc vegn tegnui da la maestra Isabella Chiodo de sàbeda da les 10.15 a les 11.00. Per info chiamèr l president Mauro Battisti al nr 347.4765278.

Musiga Cunzert dla Scola de Mujiga

La Scola de Mujiga de Gherdëina mët a jì n cunzert de Avënt cun si sculeies che cianterà y sunerà, n mierculdi, ai 7 de dezëmber dala 17.00 te dlieja de Urtijëi. L sarà da audì de bela meludies de Avënt y de autra mujiga dl tëmp baroch y tlassich. Cianté d’Avënt cun prejentazion dl prim CD

L cor dl’ëiles Exultate nvieia ai 3 de dezëmber a unì al cunzert cun prejentazion dl prim CD, dala 20.00 te Sëlva te dlieja dla Madona. Cunzert d’Avënt

Ai 10 de dezëmber dala 17.00 saràl te dlieja de Sëlva n cunzert de Avënt. L sarà da audì de bela meludies cun l cuartet de ëi drët cunesciù “Schnittpunktvokal” dl’ Austria, Heidi Pixner sunerà l‘erpa y l cianterà l ensemble vocal Gaudium de Gherdëina. L medem di sarà l cunzert nce a Bulsan, dala 20.30 te dlieja di Domenicans. Avënt sot al Scilier

N dumënia ai 4 de dezëmber saràl te dlieja de Ciastel dala 17.00 y dala 19.30 la manifestazion lieda al Avënt “Hosch a bissl Zeit fir di“. L sarà da audì plu grupes che purterà dant cianties, poejies y tesć che fej pensé do. La ntreda ie debant ma mpo cun chertes de ntreda che n giapa pra la Lia dl Turism de Ciastel, Sëuc y Fie. Cunzert de Avënt

Les lies da munt dla Val Badia organisëia inće chësc ann indô n curs por imparè da jì cun i schi fora por la natöra. Da chësc curs pòn imparè da se möie cun sigurté tles situaziuns che vëgn dant da fà chësc sport. Al gnarà insigné dantadöt da jì cun i schi a nëi intiera, gran pëis i gnaral dè al’adoranza dl arwa (pipser) ti caji de debujëgn. Tratan le curs gnaral spo porvè da organisé na schitour, cun döta la preparaziun che alda laprò (previjiuns dl Tres n curs pòn imparè da jì arjignà y plü sigüsc tla natöra tëmp, ez.). Döt le curs d’invern. gnarà tignì alaleria. Damanè vëgnel da pert de vigni partezipant i schi, les pels, la sonda, le badì y le pipser. Le pipser pòn inće ciafè imprestè fora dales lies da munt. Le curs döra indöt cater dis, dui iadi sabeda y domënia. Le numer de partezipanć é strënt pro a 24. Por informaziuns y prenotaziuns: Ivo Valentini, tel. 0471 844115, do les 19.00.

34

www.lauscdiladins.com

N sada ai 17 de dezëmber saràl te dlieja de Urtijëi dala 17.00 n cunzert de Avënt cun l Latzfonser Viergesang, la Stubenmusik aus dem Schwarzwald, l Trio dl’Ëiles cun Otto Dellago y na grupa de sunadëures jëuni de Urtijëi. Conzert dl Coro Cortina En vender ai 9 de dezember da les 21.00 tla gliejia de San Filip y Iaco. En chesta ocajion vegniràl prejenté l cd nuef dal titul “Voci senza confini”. L’entrada é debant. Ćiantè y sonè d’Advënt

En jöbia ai 8 de dezëmber dales 16.00, te dlijia da La Val. Al ćianta y sona le Cor dles ëres Raiëta, le Cor de Dlijia da La Val, n grup de stromënć a fle da La Val, le Cuartët di Ëi da Ćiastel, la Oberrainer Hausmusik da Taisten. Tesć meditatifs vëgn portà dant da Magdalena Miribung. I furlegn Straulino, Vescovo e Fedele a la Grenz

Insnet, vender ai 2 de dezember, la sociazion La Grenz ve envìa a na sera da no se perder. Te strada Saslonch a Moena se podarà scutèr l bel conzert de trei di maores protagonisć de la musega furlèna: Lino Straulino, Loris Vescovo e Stefano Fedele. Conzert baroch

En sabeda ai 10 de dezëmber dales 20.00 saral tla Dlijia de Badia n conzert de musiga sacrala dal tëmp baroch, cun strumënć a fle sot la direziun de Alberto Promberger. Entrada lëdia.


nr. 47 / 02 de dezember 2011

Dotors y Apoteches Dotors L dutor de servisc dala 8.00 da duman de n sada 3 de dezëmber nchin la 8.00 da duman de n lunesc 5 de dezëmber ie l dutor Simon Kostner de Sëlva, tel. 0471/794002 o l 798626. L dutor de servisc dala 8.00 da duman de n mierculdi 7 de dezëmber nchin la 8.00 da duman de n vënerdi 9 de dezëmber ie l dutor Valentin Tröbinger de Sëlva, tel. 0471/773073. Le dotur en sorvisc tla findledema di 3 y 4 de dezëmber, ti comuns de Mareo y San Martin de Tor, é le dotur Edoardo Agreiter, San Martin de Tor, tel. 0474/501927. Ti comuns de Badia, Corvara y La Val saràl en sorvisc le dotur Giuseppe di Marino, Badia, tel. 0471/839639. Apoteches

L’apoteca de servisc che à daviert ora dl orar ordiner da n vënerdi (dala 19.00) ai 2 de dezëmber nchin n vënerdi ai 9 de dezëmber ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc tla Val Badia fora dl orar ordinar, dal vëndres ai 2 de dezëmber al vëndres ai 9 de dezëmber, é chëra da Corvara, tel. 0471/836173.

Informazions y Manifestazions Avisc Onoranzes ai volontars dla cultura ladina En lönesc ai 5.12 dales 18.00, tla Ćiasa de Cultura a La Ila, onorëia l’Assessorat Ladin i volontars che se dà ca por la comunanza en cunt de cultura ladina. Te chësta ocajiun ti surandarà l’assessur Mussner na onoranza a n volontar de vigni comun, che é de ejëmpl tl ćiamp dla cultura. Festa da Nadè por porsones che socodësc y/o vir cun familars amarà y/o atempà

An s’incunta en mertesc ai 6 de dezëmber dales 15.00, tla sënta dl raiun soziosanitar a Picolin. Tratan l’incuntada gnaral fat na picia reflesciun da Nadè y baié dles esperiënzes fates tla cura di familiars. Düć é bëgnodüs y po gnì pormez te vigni momënt. Informaziuns ia por le dé al 0474/524513. Festa dl volontariat a Corvara

Le Comun da Corvara mët da jì en domënia ai 4 de dezëmber la festa dl volontariat, a chëra che dötes les uniuns y sü mëmbri é bel invià. La festa mët man dales 10.00 cun la santa mëssa te dlijia da Corvara, dedô saràl n pice renfrësch tla Ćiasa dles Uniuns Franz A. Rottonara, cun cornisc musicala. Cëna de chi dl 1981 de Mareo

Cursc Decorazions da Nadel con l decoupage

L’assoziazion genitours d’Ampez organiseia n curs de bricolage per gragn en vender ai 2.12 da les 20.30 a les 22.30 tla senta di cursc da d’isté. Tl curs vegniràl ensigné da fé na decorazion da Nadel con la tecnica dl decoupage. L cost é de 15,00€. Infos y prenotazions 349 5068240 (Daniela) y 348 2661139 (Silvia).

Düć i nasciüs y les nasciüdes dl 1981 de Mareo é invià ala cëna dla tlassa, che vëgn tignida incö vëndres ai 2 de dezëmber dales 19.30 inant, tla ütia Riff ’a a Al Plan. Al ne va nia debojëgn da s’anunzié. Al basta se presentè. Desdita la prejentazion dl liber La Union di Ladins de Gherdëina fej a l savëi che la prejentazion dl liber per mutons “Cun de pitli vars” che fova ududa dant per i 2 de dezëmber unirà fata permò da d’ansciuda ora. L terminn unirà mo fat a l savëi. Ujes averc a la Scola de Fascia

♦ Marćé da Nadè te plaza Sön plaza de comun da Corvara vëgnel indô metü sö le marćé da Nadè, cun produć artejanai, decoraziuns y speziaries da chilò. Le marćé é davert dai 3 ai 11 de dezëmber y dai 16 de dezëmber ai 6 de jenà Pici y gragn se conforta bele da n pez al tëmp d’Advënt, n tëmp de chît y de reflesciun. En chësc ann vëgnel indô metü da jì n pice marćé da Nadè te plaza de comun da Corvara. Tles pices ćiasotes vëgnel venü de vigni sort de patüc da Nadè, sciöche articui d’artejanat, de decoraziun da Nadè o inće spezialitês y produć tipics dl post. Al ne manćiarà sambëgn nia duciaries fates te ćiasa y de vigni sort de tês o vin cöt por i plü golusc. La cripele en grandëza naturala, metüda sö sön paiun te plaza de comun, fajarà da cornisc al pice marćé. De beles musighes da Nadè abeliarà ćiamò deplü le marćé, che sarà davert dai 3 ai 11 de dezëmber y dai 16 de dezëmber ai 6 de jenà, vigni dé dales 16.00 ales 19.00. Deplü sarà inće i grups musicai che sonarà söl marćé: ai 8 de dezëmber pòn ascutè sö le “Sax Quartett”, ai 10 y ai 21 de dezëmber le “Duo Schuen”, ai 27 de dezëmber le “Trio Corni Alpini”. Ai 2 de jenà podaràn ćiamò n iade ascutè les melodies dl “Duo Schuen” y ai 4 de jenà le “Sax Quartett”. I grups tignarà i conzerć A Corvara vëgnel indô pité le marćé da Nadè. dagnora dales 17.00 ales 18.30.

Temp lede San Nicolò a Cortina

En lunesc ai 5 de dezember da les 17.30 ruvaràl te plaza Venezia de Cortina, per duc i mutons, San Nicolò. La manifestazion é organiseda dal’ULd’A en colaborazion con la Filodramatica, l cor “Giovani in Festa” y con l patrozine dl Comun d’Ampez y dla G.I.S. Festa de San Micurà

En mertesc ai 6 de dezëmber dales 17.00 vëgnel metü da jì tl zënter da La Ila na festa de San Micurà, che vëgn adalerch acompagnè dai agnui y dai malans, sön na liösa trata dai ćiavai. I mituns ciafa de vigni sort de patüc duc da sgolosè. La sajun mët man

En vëndres ai 9 de dezëmber dales 21.15 vëgnel metü da jì sön la pista “Calfosch” tl zënter da Calfosch na festa por le mëteman dla sajun da d’invern, cun defilada de moda cun la presentaziun dles marches plü conesciüdes de guant da d’invern, na chentlada y füć artifiziai. Al ne manćiarà nia vin cöt y musiga. San Nicolò a Col de Santa Lizia A Col végnel organisé, en lunesc ai 05.12 da les 16.30 inant, n domisdé deberieda aspetan San Nicolò: n bel domisdé per mutons y families en compagnia dl cor de mutons “I sentieri del canto”, con juec y con la tombola de San Nicolò. L sant ruvarà adalerch y portarà scincundes per i mutons. Festa de San Miculau

♦ L Museum de

La biblioteca Tresl Gruber a S. Cristina nvieia duc n lunesc ai 5 de dezëmber da mesa la nuef daduman a na pitla festa de San Miculau. Pra n bon café y zeche de dëuc uniràl liet dant poejies de Avënt.

Gherdëina gëura per la Festa dl’Imaculata

Atmosfera da Nadel te biblioteca de Sëlva

La biblioteca Oswald von Wolkenstein nvieia ai 4, 11 y 18 de dezëmber dala 10.00 nchin ala 12.00 a unì te biblioteca pra zeche de ciaut da bever, sondles y n bel liber te na atmosfera che fej pensé al Nadel. Mostra de criples A Urtijëi sun la promenada “Luis Trenker“ iel da udëi ntan l tëmp de Avënt na bela mostra de criples.

L Museum de Gherdëina ie daviert da merdi 6 nchin a dumënia 11 de dezëmber, dala 10.00 danmesdì nchin ala 12.00 y domesdì dala 14.00 nchin ala 17.00 Tla culezion de scultures iel da udëi na bela documentazion de mandli dla criples y criples de Gherdëina dal 17 ejim secul nchin ala prima metà dl 20 ejim secul. L museum gëura pona inò per la sajon da d’ inviern dai 26 de dezëmber inant.

Doman sabeda ai 3 de dezember ti oraries 8.30 - 12.00 e 14.00 - 17.00 l’é “Open day” al Liceum de Design e Èrts figuratives, Liceo Scientifich e Liceo Ladin di Lengac de la Scola de Fascia. Genitores e studenc pel vijitèr la scola, rejonèr coi ensegnanc e aer informazions ence sul Ski College.

Sègra de Sèn Nicolò a Poza

En mèrtesc ai 6 de dezember a Poza l’é sègra per S. Nicolò. Da les 10.30 defilèda da piaz de S. Nicolò fin te gejia grana olache da les 11.00 vegn dit messa. Dò marena te tendon per endrez di gropes Operazione Mato Grosso e Freinademez e domesdì animazion e Nutella Party con la sociazion Bambi. Da les 17.00 rua Sèn Nicolò, dò sarà la loterìa e l conzert de la Musega de Poza. Da les 19.30 cena per duc e da les 20.30 musega coi Alpenboys.

Referac I prighi dles lovines y adorè l’ARWA En mercui ai 7 de dezëmber dales 20.00, vëgnel tignì tl salf dla Raiffeisen d’Al Plan n referat cun le mënarëp Max Willeit, olache al gnarà baié di prighi dles lovines y al gnarà splighé co adorè le pipser (ARWA). Organisaziun: Lies da Munt Val Badia. L malan. www.lauscdiladins.com

35


Informazions y Manifestazions

nr. 47 / 02 de dezember 2011

♦ Invit ala reuniun generala

♦ Sëira de nfurmazion

La Lia da Munt Ladinia - CAI Val Badia s’incuntarà la sabeda ai 10 de dezëmber

per la jënt de Sëlva

La Lia da Munt Ladinia - CAI Val Badia inviëia düć sü mëmbri ala reuniun generala che gnarà tignida en sabeda ai 10 de dezëmber 2011 a Badia tl Salf dla Ćiasa Runcher, dales 19.30 inant. Al gnarà fat n pice ressümé sön l’ativité fata dl’assoziaziun tratan l’ann 2011 y presentè le calënder nü, cun lassura dötes les manifestaziuns y escursciuns programades, adöm a dötes les lies da munt tla Val Badia, tratan l’ann 2012. Al ne manćiarà gnanca momënć de aurela cörta y sambëgn gnanca val’ da mangé y da bëre.

Ncuei vënerdi ai 2 de dezëmber dala 20.00 iel te cësa de cultura de Sëlva na sëira de nfurmazion n con’ dl sistem dl refudam nuef te Sëlva N chësta sëira uniràl dat spiegazions plu avisa n cont dl sistem de abineda dl refudam y partì ora material de nfurmazion y i njins aldò per pudëi se nuzé de chësc sistem nuef. Chësc bele dala 19.00 inant.

En ocajiun dl’incuntada dles Lies da munt dles vals ladines sön Gherdenacia.

♦ Skitoursprint - 100,00€ te 10 menüć La gara vëgn tignida ai 10 de dezëmber dales 20.00 a Badia. Chi che stà sot i 10 menüć ciafa n pest de 100,00€ Badiasport organisëia en sabeda ai 10 de dezëmber la 5. ediziun dla gara de nöt Skitoursprint. Le start é dales 20.00 dlungia la Ütia Tamà sön la pista da La Crusc. Al é impröma da fà n rait a val ćina ala staziun dl lift y spo da mëte sö les pels por jì indô derevers ala Ütia Tamà, olache al é le travert. Por le pröm iade vëgnel inće fat na categoria “Hobby” y “Jogn”. Por le plü asvelt y che é bun da stè sot i 10 menüć, él n pest de 100,00€. La premiaziun é incër les 20.30 tla Ütia Tamà. Ala fin vëgnel trat fora de bi pesć. Por iscriziuns y informaziuns jì sön le sît www.badiasport.org. o dan la gara, dales 18.30 inant, tla Ütia Tamà.

Mostres Cortina y l Nuefcent: les plu beles operes dl museum Mario Rimoldi

Les operes de artisć emportanc sciche De Chirico, Sironi, Campigli, Music, Morandi, Depero e Vedova sarà da vedei dal 7.12 al 15.04.2012 tl museum de ert moderna de Cortina, che é davert vigni di da les 10.00 a les 12.30 y da les 15.30 a les 18.30. Infos: www.regole.it/musei/ita/Rimoldi. Arpizadëures di 8000

Te plu dessënies cun rispl da ciarbon se à Gustav Perathoner de Caio de Urtijëi dat ju cun i gran arpizadëures che se à resià su y ie stac boni de ruvé sun i crëps plu auc dl mond. Chësta mostra de portrec ie da udëi tl Art Café Funtanela a Urtijëi, uni di ora che de mierculdi. Mostra de Werner Dejori

La mostra de fotografies de Werner Dejori “mumënc“, ie da udëi nchin ai 23 de dezëmber, tl Café Surëdl. L orar de giaurida dl Café Surëdl ie da lunesc nchin a sada dala 10.00 nchin ala 19.00. Mostra de fotografies

La fotografies dl 4. cuncors de fotografia dl Fotoclub Gherdëina per jëuni, premiedes y chëles “senialedes“ sarà da udëi nchin ai 18 de dezëmber tla sala di jëuni “Saut” a Urtijëi.

A Badia vëgnel indô organisé le Skitoursprint.

♦ Secco prejënta “Abinei” La grupa Secco ie inò anjenieda cun na produzion nueva dal titul “Abinei”. Chësta unirà prejenteda n vënderdi ai 2 de dezëmber, dala 20.30 tl local dla Mujiga de Urtijëi, segondo partimënt dl “Circolo” Ntan che l prim CD “Vëira” fova na registrazion dal vif, ie “Abinei” unì tëut su te n studio pra Davide Records tla Val Badia. Cun la registrazion àn metù man l ann passà y śën ie l “album” nuef sun mëisa. L ie da audì 12 cianties per gherdëina, scrites dai Secco nstësc. Pra i Secco, grupa metuda su tl 2002, fej pea Tobias Dellago (usc y chitara), Georg Mussner (tlavier), Peter Demetz (chitara bassa) y Gerald Moroder (bateria). Sce i Secco ie cun l cianté per ladin povester tachei a n raion plutosc limità, ie la tematiches che vën tratedes tla cianties nueves defin, universeles. N possa dì che tla cianties vëniel tratà relazions nterpersuneles, sciche per ejëmpl relazions danter genitores y mutons, tla cianties “No te n jì”, “Da pitl” o “Hotel Mama”, de relazions danter persones che se à gën, L CD nuef dla grupa Secco. tla cianties “Nuvëmber” y “Spana de nés” de persones che se stënta tla relazions cun i autri, tla cianties “Lanenà”, “Set contra un”, “Paroles”, “Abinei” y “Superbon”. Nce pensieres sun la relazion che n à cun sé nstësc abìnen, per ejëmpl tla ciantia “Sun Piza”. No mé la mujiga ma nce la paroles à n gran pëis tla cumposizions. Nscila cëlen de ti dé l drë carater a uni ciantia adurvan ritm, meludia y culëur tla drëta proporzion y dinamica. “Abinei” ie plëina de emozions, energia, scialdi cumpleta y nteressanta. Y de chësc puderàn nce se rënder cont pra la prejentazion. La urganisazion ie tla mans dla “Lia Mostra d’Ert” n cunlaurazion cun l Istitut Ladin “Micurà de Rü”. La ntreda ie sambën debant.

36

www.lauscdiladins.com

Scibla mo n iede ferata de Gherdëina La mostra dla ferata de Gherdëina ie da udëi te Sëlva tl Tublà da Nives. N possa jì a ti cialé uni di dala 10.00 nchin ala 12.00 y dala 17.00 nchin ala 19.00. De lunesc iel dsarà. La mostra ie da udëi nchin ai 12 de fauré. Mostra de Christian, Stl Holzknecht y Gerald Moroder

N sada ai 3 de dezëmber saràl a Tscherms, tl Kränzelhof, tl restaurant Miil, Gampenstr. 1, dala 17.00 la giaurida dla mostra. Paroles de ntroduzion de Nina Stricker. L sunerà Georg Malfertheiner. La mostra sarà da udëi nchin ai 29 de jené 2012, da merdi nchin a sada, 12.00 – 15.00 y 18.30 – 23.00. De dumënia iela davierta dala 12.00 nchin ala 15.00.

Trasmiscions TV y Radio “Sion duc Lingue Morte” sun TML

“L Cianton de l’Istitut” sun TML met dant la 2^ pèrt del conzert “Sion duc Lingue Morte”, che à portà a La Grenz l storich grop de Moena e etres artisć che à volù interpretèr sia cianzons. Oraries: lunesc h. 15.45; mèrtesc h. 18.15; mercol h. 21.45; jebia h. 20.15.vender h. 11.30; sabeda h. 17.30; domenia h. 21.00. “Ercaboan” e “Fac mac” sun TML Sul canal TML ogne sabeda va fora na neva trasmiscion de “Ercaboan” con orarie 18.45; 21.00; 23.00 e replica la domenia h. 7.15; 12.00; 14.30; 18.00; 20.15 e dapò duta la setemèna. Sobito dò se pel veder “Fac Mac”, l program di joegn de La Risola. Duta la produzions televisives de Ercamedia é da poder veder ence sul sit: www.tvladina. com Prisma - Se muever tl sucors di crëps Tla edizion de Prisma dl 7 de dezëmber dala 11.00 danmesdì sun Radio Gherdëina uniràl rujenà dl servisc de sucors ti crëps. L pericul, la scoles y la urganisazion nce te caji estrems. Te studio saràl l respunsabl tecnich dl Aiut Alpin Dolomites, Raffael Kostner, n pilota y n sucoridëur. Moderazion y coordinazion Egon Vinatzer.


Infos y Congratulazions

nr. 47 / 02 de dezember 2011

♦ The ReBeatles - conzert a Corvara Śën do avëi fat giut la fredes, stajan for mé sun chi banc sentedes, fineda ie la vita da studëntes ajache per l lëur ëis de bona fundamëntes.

N conzert particolar vëgn invié ia en sabeda ai 17 de dezëmber dales 21.00, tl stadium dl Tennis a Corvara. An po bele cumprè les chertes Le sport dl hockey vëgn pratiché bele da cotan d’agn a Corvara, y suradöt él deplü scuadres de jogn che śoga te campionać desvalis. Por sostegnì i jogn dl hockey s’à le Hockey Club Alta Badia lascè tomè ite na iniziativa particolara. En sabeda ai 17 de dezëmber dales 21.00, gnaràl tignì tl stadium dl Tennis a Corvara n conzert cun le grup “The ReBeatles”, na Le grup “The ReBeatles” impormët n spetacul autentich y covert band dl famojo demorvëia. grup inglej che à apascionè dai agn 60 insö tan de porsones. Le grup impormët n spetacul original y autentich, cun i guanć aladô y inće les usc che ti somëia demorvëia ai componënć da laota. Les chertes por le conzert vëgn bele venüdes danfora, pro les portines dla Cassa Raiffeisen Val Badia.

Teater A teater coi bec a Moena Va inant la 9^ rassegna provinzièla de teater amatorièl per i bec endrezèda da la Co.F.As en colaborazion co la filo “Amisc del Teater” de Moena. En domenia ai 4 de dezember les 16.30 aló dal teater parochial de Sèn Vile i pìcoi atores da Moena porta dant n toch nef dal tìtol “Le avventure di Gasparotto”.

Veronika a nsenië à bele scumencià do che l diplom a Persenon se ala davanià.

Elisabeth à fat n dre studiamënt a Bulsan y de fé la fisioterapista uelela śën mëter man. Dut l bon per vosc daunì ve mbincion y sun na bela festa se ncunferton. Matteo, Sabine, Esther, Elisabeth, Renate, Barbara

A Sofia ruada al prum de november a ge portar tanta legreza a Giulia e Danilo ge sporjon l benvegnù con n gran braciacol! Dai noni Roberto e Nadia e da duc chi che ge vel ben

Na nevicia de massa

L teater dla Grupa de Teater de S. Cristina ie mo da udëi te sala de chemun de S. Cristina duman sada ai 3 de dezëmber dala 20.30. Chertes danora giàpen tla butëiga La Parisienne a S. Cristina, numer de telefonn 0471/793334.

Congratulaziuns a

Richard da Roalta

Al é dagnëra bel cun os La clique dla Dumënia

y a chël

Peter de Pipa

Al nosc consilier

co complësc 70 y 14 agn ai 5 de dezëmber. De cör döt le bun orunse ti aodé! Chi de Familia

Michele Merlo e a ra so sposa

Alessandra che se marida sabeda ai 3 de dezenbre, i pì sinziere augure de ogni ben

Va inant inće pur i proscimi 50

fantiNANDO ... y śëgn si fà da chi defora dal banco

El consilio de ra Union de i Ladis d'Anpezo

Finalmënter él gnü chësc dé, ulache inće la plö picera po n pü’ festejé! Le pröm de dezëmber, al nëi bel assà, al n’é pa nia la vöia da San Micurà, mo na gran festa pur la majera eté él da organisé, y

Eve

Congratulazions y dut l bon

a Bettina y Paul che s’à dé adum! L’Union Generela di Ladins dla Dolomites

pur l’bun champagne, gnaràl da rengrazié! Pescol, to post nadè ast’ tralascé, deache tan alalt stentast’ bëgn n pü’ da trà l’fle! Ruvada este spo ala fin a San Martin, y dailò ti aste fat a Flöss l’cör plö ligherzin! Tla ćiasa nöia aste imparè da superscè, y finalmënter inće capì coche al funziona na mascînn da lavè! Na bela möta da urëi bun este tres restada, y cun te la hez n’é pa mai manćiada! Purchël düt le bun te augurun, y da te urëi bun mai ne lasciarun! Cisci, Sabbi, Marli, Alle, Madds, Carolin, Titti, Elena y Nathalie

www.lauscdiladins.com

37


Inserac

nr. 47 / 02 de dezember 2011

Chirì da laour N pizzaiolo chier da lëur. Tel. 340/7856998. (45/11) ••• N ël chier da lëur coche segondo cuech. Tel. 328/2062651. (45/11) ••• N jëunn da tlo chier da lëur te Gherdëina. Ël sà la rujenedes talian, tudësch, nglëisc y franzëus. Tel. 348/1286266 o 366/1907718. (45/11) ••• N jëunn chier da lëur sciche prim o segondo cuech. L à de bona referënzes de lëur y à laurà truep ani tla provinzia de Trënt. Tel. 333/1330704. (45/11) ••• N ël chier da lëur a fé de uni sort de lëures, a lauré te na cësadafuech o coche autista. Ël sà talian y rus. Tel. 327/7425260. (45/11) ••• N ël chier da lëur coche segondo cuech o capo partita. Tel. 345/2562333. (45/11) ••• N jëunn cun 6 ani de esperienza chier da lëur da pizzaiolo cun albierch.Tel. 329/5662262. (45/11) ••• Na ëra romena che vir a La Ila chir laûr sciöche chelnera de salf o boteghiera. Ara à tröpa esperiënza y sa dër bun talian y inće n püch de todësch. Tel. 320/4142671. (45/11) ••• N jëunn chier da lëur a Urtijëi. L ie unfat de ce lëur che l se trata. Tel. 329/5470776. (45/11) ••• N ël cun na laurea te lingac che sà talian, tudësch y nglëisc chier da lëur coche secreter o portier tla Val Badia. Tel. 347/8450265. (45/11) ••• N jëunn chier n lëur a judé te cësadafuech, l à bele esperienza y à bele laurà te plu luesc te Südtirol. L crissa n lëur te Gherdëina. Tel. 388/9920630. (46/11) ••• N ël chir laûr sciöche lavataîs, fant de

ćiasa o portier de ćiasa. Tel. 366/2703569. (46/11) ••• N ël moldavo, 46 ani, chier da lëur per la sajon da d’inviern o nce per dut l ann, te Gherdëina, sciche autista (duta la categuries) o nce d’autra sortes de lëur sciche judé te cësadafuech, ... Tel. 329/8769397. (46/11) ••• N ël chier da lëur da vardian, te n bar o a fé de uni sort de lëures. Tel. 327/9224134. (46/11) ••• N’ëila da tlo chier da śën inant n lëur a mez tëmp a paidelné. Tel. 338/1568397. (46/11) ••• N ël che à bele laurà n valgun ani te Gherdëina chier n lëur coche segondo cuech o nce a mpresté ora schi. Tel. 340/9384211. (46/11) ••• N jëunn chier n lëur a judé te cësadafuech, l à bele esperienza y à bele laurà te plu luesc te Südtirol. L crissa n lëur te Gherdëina. Tel. 388/9920630. (46/11) ••• N’ëila chier da lëur sciche lodnera o a cialé de pitli mutons, de jënt de tëmp o zachei che à de bujën de unì secudì. Sce l ie mesun te Gherdëina. Tel. 340/5298027. (46/11) ••• Na jona chir laûr da secreteria a Al Plan o incëria. Tel. 366/3165773. (46/11) ••• N ël chier da laûr sciöche lavataîs, fant de ćiasa o portier. Tel. 366/2703569 (46/11) ••• N jëunn chier da lëur te Gherdëina sciche ciulier te sala, l à bele esperienza de lëur te chësc raion y l rejona trëi rujenedes: talian, tudësch y franzëus. Tel. 347/6042008. (46/11) ••• N’ëila chier da lëur te Gherdëina a cialé de jënt de tëmp (badante) a tëmp plën o a ëures. Ëila à bele esperienza te chësc lëur. Tel. 388/1437655. (46/11)

••• N ël chier da lëur. L ie unfat de ce lëur che l se trata. Tel. 340/5494048. (47/11) ••• N’ëila chier da lëur coche barista o a rumé su majons. Tel. 331/7457821. (47/11) ••• N’ëila chier da lëur a rumé su majons. Tel. 347/2657145. (47/11) ••• N jëunn chier da lëur a lavé ju, a judé te cësadafuech o scenó nce sciafer, te Gherdëina. Tel. 333/1954565. (47/11) ••• N jëunn chier da lëur te Gherdëina sciche ciulier te sala, l à bele esperienza de lëur te chësc raion y l rejona trëi rujenedes: talian, tudësch y franzëus. Tel. 347/6042008. (47/11) ••• N’ëila chier da lëur te Gherdëina a cialé de jënt de tëmp (badante) a tëmp plën o a ëures. Ëila à bele esperienza te chësc lëur. Tel. 388/1437655. (47/11) ••• N’ëila chier da lëur a rumé su majons o a cialé de na persona de tëmp cun albierch. Tel. 329/1380496. (47/11) ••• N’ëila chier da lëur a rumé su majons te Gherdëina. Tel. 320/7538650. (47/11) ••• N jëunn chier da lëur a lavé ju, a judé te cësadafuech o scenó nce sciafer, te Gherdëina. Tel. 333/1954565. (47/11) ••• N jëunn dla Serbia che sà talian chier da lëur da chelner. Tel. 392/8079088. (47/11) ••• Na jëuna chier da lëur a rumé su majons te Gherdëina. Tel. 389/9285066. (47/11) ••• N ël chier da lëur coche segondo cuech te Gherdëina. Tel. 328/5512756. (47/11) ••• Na studënta dla Val Badia chir n laûr tratan les vacanzes da Nadé, i fins dl’edema y les Vacanzes da Carlascé. Tel. 335/7879518. (47/11)

Al vëgn dè en afit da aurì 2012 inant le Sporthotel Teresa a Badia. Interessà po menè na mail a info@baccichetto.com

Residence Alta Badia a Calfosch chir por la sajun da d’invern 1 ëra a puzenè dal lönesc ala sabeda por 3 ores al dé domënia lëde. Prëibel cherdè sö le 335/7875219.

La Scola de Schi de Sëlva chier n/na secreter/a na persona per l mprëst dai schi. Prëibel cherdé su l 0471/795156 o l 335/204278.

L vën vendù a Urtijëi n gran cuatier fat ora, cunvenzionà, te na luegia zentrela cun na bela ududa sun la montes, cater majons, stua, pitla cësadafuech, trëi banies, piguei, ciulé, garaje y luegia per n auto. Per plu nfurmazions pudëis cherdé su l 0471/053044 o l 348/2254810 foto dl cuatier sot a www. crystallimmobiliare.it

L vën fità via n cuatier bele njinià ite per 2 persones tla streda Pinei. Prëibel cherdé su l 335/1409585. Viver a na maniera moderna a Bulsan tla vedla zità L vën vendù te scialdi na bela lueja cuatieres da doi, trëi o cater majons cun garaje diretamënter dal patron. Nfurmazions y venduda Tel. 335/1986142 info@immoholding www.immoholding.it

38

www.lauscdiladins.com

A Urtijëi da pert da surëdl vëniel fità via cuatieres cun o zënza mubilia, a jënt da tlo. Prëibel cherdè su l 338/3707859.

A San Ćiascian vëgnel afité ia a jënt dl post n apartamënt de 67 m2. Prëibel cherdè sö le 339/7004608.

I chiriun n eletrizist cun esperiënza y ligrëza da laurè tl ćiamp dla termoregolaziun y dl’automaziun. La Val, Zona artejanala. Tel. 0471/843162.

Camping Sass Dlacia a San Ćiascian chir por la sajun da d’invern 1 porsona a mez tëmp che se fistidiëia da ćiarè dl zënter nü “Natura Wellness“. Prëibel cherdè sö le 331/6894517.

Flor Alta Badia a La Ila chir na boteghiera. Prëibel cherdè sö le 0471/847244 o le 335/1385797.

N garnì a Corvara chir por la sajun da d’invern na ëra a puzenè les sabedes. Tel. 338/1236231. Al vëgn chirì por la sajun da d’invern dui parchegiadus tla plaza da parchè auti Piz Sorega a San Ćiascian. Por informaziuns telefonè al 0471/844257 (orar de ofize).

Residence Sidonia a Corvara chir na ëra dl post a puzenè apartamënć les sabedes. Prëibel cherdè sö le 0471/836741.

La firma Demac de Sëlva chier da śën inant n respunsabl per la produzion cun cualificazions tecniches, 1 a dessenië sun Autocad per l ufize tecnich 1 per l ufize da cumpré ite. Prëibel cherdé su l 0471/794355 ntan l orar de ufize.

Aziënda sanitara de Südtirol Raiun Sanitar da Bornech Avis publich Al vëgn lascè al savëi che tl Raiun Sanitar da Bornech vëgnel scrit fora n concurs publich aladô de titui y ejams por l’ocupaziun dles störes nominades dessot: 1 diretur/ia sanitar/a – dotur/ia por l’anestesia y la reanimaziun. La störa é resservada al grup linguistich todësch. Al vëgn damanè l’atestat de bilinguism A. 1 diretur/ia sanitar/a – dotur/ia por la oftalmologia. La störa é resservada al grup linguistich todësch. Al vëgn damanè l’atestat de bilinguism A.

Hotel Garni Elisir Ćiaulunch/Corvara chir da jenà a merz na ćiamenëssa/ tornanta por 3 dis al’ edema (cun la sabeda). Prëibel telefonè al 0436/79145 o al 388/8485004 o menè na mail a info@hotelelisir.eu

1 diretur/ia sanitar/a – dotur/ia por la ginecologia y le repart "stè de pert". La störa é resservada al grup linguistich todësch. Al vëgn damanè l’atestat de bilinguism A.

Ütia da munt Lee a Badia chir na porsona a daidé sorvì por n per de ores da misdé. Prëibel cherdè sö le 347/2383927.

1 diretur/ia sanitar/a – dotur/ia por la radiodiagnostica La störa é resservada al grup linguistich ladin. Al vëgn damanè l’atestat de bilinguism A.

1 diretur/ia sanitar/a – dotur/ia por la direziun medicala dl ospedal La störa é resservada al grup linguistich talian. Al vëgn damanè l’atestat de bilinguism A. 1 diretur/ia sanitar/a – dotur/ia por la neurologia. La störa é resservada al grup linguistich todësch. Al vëgn damanè l’atestat de bilinguism A.

1 diretur/ia sanitar/a – dotur/ia por la medejina fisicala y reabilitaziun. La störa é resservada al grup linguistich ladin. Al vëgn damanè l’atestat de bilinguism A. Le terminn por menè ite les domandes: anter les 12.00 di 27.12.2011. Les domandes po gnì portades/menades diretamënter o tres cherta cun recioiüda de retour (al vel le stempl dla posta), a chësta misciun:

chir 1 lerner da carozier 1 secreter/ia 1 colaboradù pro la pumpa dal penzinn. Al dess ester jënt jona, flessibla y cun tröpa vëia. Prëibel telefonè al 0471/839865 o al 335/242193.

Pension La Fontana a Corvara chir por la sajun da d’invern na chelnera tornanta por dui dis al’ edema orar 7.00 – 15.00. Prëibel cherdè sö le 0471/836000 o menè na email a info@lafontana.com

Sporthotel Astoria a La Ila chir por la sajun da d’invern na secreteria che sais talian, todësch y ingleje. Prëibel cherdè sö le 0471/844014 o le 335/1385796.

Ofize por concursc y assunziuns dl raiun sanitar da Bornech, str. Spital 11, 39031 Bornech tel. 0474/586027-28-36, www.sb-bruneck.it. I formulars por la domanda y informaziuns plü monüdes pòn ciafè tl ofize por concurs y assunziuns sciöche inće sön la plata internet www.sb-bruneck.it. Le diretur dl raiun sanitar dr. Walter Amhof

N Garni a Calfosch chir na ćiamenëssa por 3 – 4 ores al dé, domënia lëde. Prëibel cherdè sö l 0471/836441.

L dotur dai dënz Sornig a La Ila chir na lernera. Prëibel cherdè sö le 0471/847302.

A Calfosch vëgnel chirì na ćiamenëssa por dui dis al’ edema. Prëibel cherdè sö le 0471/836244.

La firma Petrolcalor a Puntives chier n sciafèr da tlo cun patent C y pusciblmënter ADR Tel. 0471/798197 Pension La Fontana a Corvara chir por la sajun da d’invern dal 1. de dezëmber inant na chelnera. Prëibel cherdè sö le 0471/836000 o menè na email a info@lafontana.com


Inserac, Religion y Anunzies

nr. 47 / 02 de dezember 2011

Pension La Müda a Badia chir por la sajun da d’invern na ćiamenëssa danmisdé. Por informazions prëibel cherdè sö le 0471/839698 info@lamuda.it

La Lia per l Turism de Sëlva chier na persona per l servisc dl Schibus. Chësta stiera a mez tëmp per l inviern vëija dant l cuntrol dla persones che sënta ite tla curiera y vënder la chertes a chiche n à debujën. Cundizions: savëi da rujené talian, tudësch y pusciblmënter nce nglëisc vester gën a cuntat cun jënt. Garantion n paiamënt adatà al lëur da fé. Chiche ëssa nteres possa se mëter n cuntat cun la Lia per l Turism de Sëlva, diretëura Ellis Kasslatter, str. Mëisules, 213, 39048 Sëlva, telefonn 0471/777920.

Per na butëiga te Sëlva vëniel crì n’ëila o na jëuna per la sajon da d’inviern. Dumënia liede. Prëibel cherdé su l 335/5448037.

La firma La Casa Pulita che laora tl raiun Bornech – Val Badia chir ëres ince a mez tëmp por puzenè ofizi y apartamënc a Al Plan y a La Ila. Prëibel cherdè sö danmisdé le 0474/411344 o le 348/8585088.

Al vëgn chirì na möta da mituns dal lönesc al vëndres 8.00 – 17.00 dal 1. de dezëmber ćina de merz a La Val, Pidrô. Prëibel cherdè sö le 342/1620005.

Manconia Dò na vita dedicada a la familia e al lurier ne à lascià

Romano Zulian de 78 egn, da Soraga Lo recorda con gran encresciujum la femena Anna, i fies Andreina, Luca con Patrizia e le nevoe Daniela e Ilaria e Umberto con Francesca. Soraga, ai 15 de november del 2011

Rengraziamënt Nia tres nosta paroles pudons Te dé duta la recunescënza per la dedizion, despunibltà de judé y amor che Te es abù per nëus, ma l ie Idie che Te tulan su pra d’Ël saverà da Te uneré.

Benedikt Bernardi d’Alësc * 21.03.1930 + 24.11.2011 Śën posses paussé tla pesc de Idie!

Tistlaria Perathoner te Sëlva chier n fant cun esperienza. Prëibel cherdé su l 0471/773222 o l 339/4268143.

L vën crì n sciafer da tlo per taxi te Gherdëina per la sajon da d’inviern. Prëibel cherdé su l 335/268058.

Ti mutons Ruben y Leander cun Inge, Janmatie y Elisa, parënc y cunescënc. Rengrazion de cuer l dut. Raphael Insam, l Cor Raetia, la Lia Schach Gherdëina y duc chëi che ie unic a supeltura y nes ie stac daujin te nosc duel.

Rengraziamënt La Qbus s.r.l. a Badia chir 1 secreter/ia por döt l’ann. Por informaziuns prëibel cherdè sö le 0471/1886636 o menè na mail a info@qbus.it

Hotel Conturines Posta a San Ćiascian chir por la sajun da d’invern o por döt l’ann 1 secreter/ia dl post. Prëibel cherdè sö le 0471/849464. info@conturines.it

Da vende L vën vendù n Fiat Punto 1.2 ELX dl 2002, Kw 44 , km 127.897. Tel. 348/7073294 do la 18.00. (45/11) ••• Da vëne rans sec de lersch, pinch, pecio, sià sö sön 50 cm y vënceis. Tel. 347/5004691. (45/11) ••• Da vëne patüc da hockey, da portier a bun prisc por n möt de 12 – 13 agn. Tel. 333/8671652. (45/11) •••

L vën vendù n pèr de ciauzei da jì cun i schi dla marca Nordica, model Dobermann, fosc, numer 37, tan che nueves. Tel 333/3200737. (46/11) ••• Da vëne 4 cërtli de fer por Caravelle o Transporter   7J x 17, nüs e originai Volkswagen. Tel. 339/8817965. (46/11) ••• L vën vendù na televijion nueva, a Urtijëi. Tel. 340/5298027. (46/11) •••

L vën vendù na mascin da suië besc dla AEG Lavaterm 530 tan che nueva. Priesc100,00 euro. Tel. 340/5780120. (47/11) ••• Al vëgn venü n jopel (Jacke) de plöma dla Bailo, corù fosch, mosöra L, sciöche nü, a dër n bun prisc. Tel. 333/9293877. ••• Da vëne n grup de fanes dla Imco (13 fanes cun cuertli, scorapasta y dui cops). Tel. 339/6449947. (47/11)

I se recordun te nostes oraziuns de

Notburga Moling nasc. Schanung dl Tischler da Antermëia *26.11.1920 +19.11.2011 I familiars rengraziëia düć chi che é gnüs a acompagnè mëda Purga sön so ultimo iade. Dilan a siur Ploan, al cor de dlijia, ala monia, ai sorvidusc, a chi che à purtè, a chël che à purtè la crusc, a chël che à dit dant les curones. Dilan dles condolianzes, dles ćiandëres, dles ofertes fates a fin de bëgn. Dilan al dotur Agreiter, ales infermieres, ales assistëntes dl raiun sozial. Dilan a düć chi che é gnüs a la ciafè. Che Idî s’l pàies.

Da chirì Na maestra dl ITC chier de prëscia n pitl cuatier per una na persona, per l ann de scola, a Urtijëi. Tel. 349/4350839. (45/11) ••• Na ëra dl post chir n apartamënt tl’ alta Val Badia por döt l’ann. Tel. 345/8332214 (da sëra). (45/11) ••• Doi jëuni da tlo chier n pitl cuatier per la sajon da d’inviern, dal scumenciamënt de dezëmber nchin Pasca, o per dut l ann. Tel. 333/2119418. (45/11)

••• Tla Val Badia vëgnel chirì n monolocal o n pice apartamënt da tó en afit por döt l’ann. Tel. 347/9435523 o sghi@ inwind.it (45/11) ••• L vën crì da cumpré n auto de segonda man ntëur ai 1000 €. Tel. 334/7206663 do la 14.00. (46/11) ••• Ëila moldava chier n monolocal a Urtijëi o daujin, da śën inant. Tel. 329/8769397. (46/11)

••• L vën crì guant da d’inviern per na muta da 6 – 8 ani y n mut da 11 – 14 ani. Tel. 331/1102162. (46/11) ••• L vën crì n cuatier o na majon cun bani per 2 persones da tò afit dal 1. de dezëmber nchin ai 31 de merz. Tel. 335/563007. (47/11) ••• N pêr chir n apartamënt tla Val Badia. Al à inće referënzes. Al paia alplü 600,00€. Tel. 328/7935384. (47/11)

Vangel dla Domenia Secunda domënia d’Advënt, ann B, ai 4 de dezëmber 2011 Dal vagnele do San Merch, 1, 1-8 Scomenciamënt dl vagnele de Gejù Crist, dl Fi de Dî: “Al à metü man, sciöch’al sta scrit pro le profet Isaìa: i te mëni mi anunziadù danfora; al dess te daurì le tru. Na usc scraia tl desert: Arjignedi le tru al Signur! Avaliedi les strades! Insciö ê lovè sö Jan Batista tl desert y pordicâ la converjiun y le bato por le pordonn di pićià. Döta la Iudea y düć i abitanć de Ierùsalem jô fora da d’ël; ai confessâ sü pićià y se lasciâ batié da d’ël tl Iórdann. Jan â indos n guant de polan de camel y n ciol de coran incër sü üfs, y al viô de saioć y de mil salvaria. Al incundâ: Do mè nen vëgnel un che é plü gaiert co iö; iö ne sun nia dëgn de me cufé por ti desćiolè i ćialzà. Iö ves à batié cun ega, mo ël ves batiarà cun Spirit Sant.” Parora dl Signur. - Lalt a té, Gejù Crist!

Rengraziamënt “Mies forzes é ala fin, toleme sö Signur, te tües mans.” Tüa bona löna, tüa generosité y tua ligrëza por la vita restarà dagnora te nüsc cörs. Ai 16 de novëmber à le Signur cherdé tl’eté de 87 agn te so rëgn de pêsc, nosta bona oma, lâ, jocera, só, mëda y tota

Notburga Rindler nasc. Erlacher *19.05.1924 +16.11.2011 Iolan a Siur Heinrich Perathoner co à zelebré la Santa Mëssa de sopoltöra, ala mogna Hildegard, ai ministronć, al cor de dlijia, ai portadus, a Andrea co è gnü con le ćiaval y a düć chi co à fat en sorvisc y daidé por la sopoltöra, a chi co è gnüs a la ciafé, a chi co à dit les corones y à tut pert ales corones y ala sopoltöra, y por les ofertes a fin de bën. Con gran reconoscionza ti dijunse iolan al personal sanitar y ales infermieres de nosc Raiun Sozial Val Badia, al spitol da Bornech, ala Crusc Blanćia, al dotur de ćiasa Aldo Marcocci y ala Ćiasa de Palsa da San Martin por la bona assistënza y gran desponibilité. Iolan a chi co s’la recorda tla oraziun. I familiars

www.lauscdiladins.com

39



La Usc di Ladins