Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 47/2010 - 04 de dezember 2010

IP Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

aaaaa

Direzions y sezions

Elena Runggaldier vënc

Comentar de pruma

Na drëta ne sàn nia avisa, pra la scoles. Segur iel mé che l dëssa unì reformà. Dantaldut che l dëssa unì raziunalisà.

Pra la vela dl atleta junior dl ann, de Gherdëina, che ie unida metuda a jì dal Schi Club Gherdëina y dala lies dal sport de Gherdëina deberieda cun la Usc di Ladins, àl venciù l’atleta jëuna de S. Cristina dl saut cun i schi

Ijola Svizera

Scola

3

Stredes

Foto: Marco Runggaldier

9

de Iaco Rigo

Foto: Planinschek

Puent nuef Sun l Jëuf de Sela, riesc sot ala cava, uniràl fat n puent nuef.

Mujiga

13

Santa Zezilia N bel iubileum iel unì festejà n ucajion dl cunzert de Santa Zezilia dla Mujiga de Sëlva. Gran uneranza d’or al dirighënt Andrea Munssner da Costa per si 50 ani pra la Mujiga.

Musiga

17

Santa Zezilia Te deplü paîsc dla Val Badia à i cors de dlijia festejé la patrona dla musiga de dlijia.

Val Badia

18

Zidlaês 20

Turism positif Tla sentada generala dl’Assoziaziun Turistica d’Al Plan àn trat n bilanz dl ann turistich.

Teater

23

Döes ëres tëgn deplü Plajü à le teater da rì presentè dala Uniun Teater San Martin.

Socors 

24

Medaes al valor L minister Maroni ge à dat la medaa de òr al valor zivil ai socoridores de la Val Lastìes.

Fascia

Neves per l’Union L’Union di Ladins renova sia encèries. N bilanz del president Silvano Ploner.

deplù sot a Gherdëina, a plata 14

Wikileaks, liberté de stampa y pericul Julian Assange, l fondadour de Wikileaks, é sen te n iade la persona plu chirida dl mond, ma nia per Wikileaks, ma per violenza sun does eles

La Uniun di apicolturs Ladinia à festejé i 20 agn.

Mareo

Elena Runggaldier, atleta jëuna dl ann 2010 de Gherdëina.

26

Internazional - Nia me la Svezia, stat daciasa di ultims agn dl hacker jornalist australian Julian Assange, ne l chier, ma ence l Interpol. “El messa gnì damané fora sun les acuses dl cajo” dij la procuradoura de Stockholm Marianne Ney. Julian Assange n’é nia da ciafé y vif te n sconadoi, al se tem n complot internazional y global contra sia persona y contra Wikileaks. Wikileaks é na plataforma web (plata internet azessibla da dut l mond) che

publicheia documenc socrec, per la maioura pert mails y letres discretes (tegnudes tl socret) che fova me a conescenza y tl tratament dles diplomazies y de servisc socrec di americans y - rispetivamenter - di autri statesc dl mond. Wikileaks à publiché dant peuc dis bele l prum poch de chestes letres, endut cheles 250.000, per gran pert de diplomac americans (di USA). I politics dl mond à metù man de tremoré canche ai à vedù les osservazions scrites dai diplomac internazionai,

Wikileaks é gnu acusé de mete al pericul la diplomazia y la pesc anter statesc y ence personalités y politics che à descridité de si aleac y messa sen se dodé per sia falsité y ipocrisia dant al mond. Milesc de mails gnirà ćiamò publichedes chisc dis. Ma chest n’é nia dut: Assange à nunzié che al publicarà ai prums de jené dac socrec de na gran banca americana, notizies che “scassarà l mond”. Al é politics che rejona che Wikileaks é va inant a plata 3

La Svizera romagn na ijola, nia me ajache ala ne mena nia do na adejion a l’Uuniun Europeica, ma ence per la “ijola” che ala é capazia de ester en cont dla regolamentazion antiminarec (referendum passé l ann passé) y dl referendum passé sen “per desgorje da la Svizera” i zitadins nia svizers condanés per n reat sciche la violenza, l trafich de droga, l arobé y ence l nuzé ilegalmenter prestazions sozio-sanitares. La SVP (Schweizerische Volkspartei) à suzes con sia propaganda “discriminanta”. La discriminazion met man canche la Confedarazion desferenzieia anter plu classes y sorts de zitadins. Chest fat convegn dal pont de veduda politich (i autri é de gauja de conflic, nia nos!) y ence economich: te temps dla crisa economica él ence saurì de desgorje defora dai confins nazionai i “criminai”: enscì ne i costi nia al Stat. Eticamenter ne possa chest vare nia gnì giustifiché. Vedei messarà la Svizera ence tant “svizera” che ala sarà tl analisé y condané i caji singui, y sce ala ne generalisarà mine massa per ruvé a plu sentenzes de desgorta che nia de punizion zivila. de Pablo Palfrader

Afit I contribuć provinziai por l’afit é tla critica. I cosć crësc da ann a ann tres deplü y röia daimprò ai 35 miliuns de euro. Zifres che la Provinzia n’ô nia plü dè fora, te tëmps olache al é da sparagnè olache ara va. Insciö déssel dal 2011 inant gnì straihé düć i contribuć dl afit sot i 50,00€ al mëis y fissé n termo mascimal de 400,00€ (denant 500,00€) al mëis. La Provinzia â orü limité les spëises despartin i contribuć por jënt dl post dai contribuć por chi da foradecà. Döes de chëstes che n’â nia plü ciafè le contribut, deache le budget por i foresć ê rovè sö, à plurè dan signoria y à ciafè rajun. Porchël ô la Provinzia fissé n terminn su por dè jö les domandes y mëte a desposiziun na soma fissa por i contribuć. Canche chësta é adorada sö, vëgnel stlüt la pipa. Por apartamënć convenzionà po le patrun aratè n afit de 6,00€ al mq, plü le 30% sce chisc é aredà; les spëises por scialdè, ega etc. n’é nia laìte. Dl 2009 él rovè ite al IPES ma 90 domandes de contribut da pert di ladins, sön les 10.400 totales. va inant a plata 7


Letres y Atualité

nr. 47 / 04 de dezember 2010

Da les zentrales de partic politics y listes

Schipas per pensiunei

Zirconvalaziun a La Ila Da agn patësc le paîsc da La Ila sot le gran trafich. La strada Colz y la strada Altin pê da certes ores strades de na gran cité, olache döt é impifé. Ladins Dolomites à bele plü iadi fat n apel por na zirconvalaziun che toles demez le problem, a na moda che inće La Ila pois avëi

n cer’ lëde da auti, che pois deventè na atraziun por le turist y inće la jënt dl post. Da pert dla politica da Balsan y dl assessur Mussner àn ma aldì impormetüdes generales y sciöche an é ausà, dagnora ma dan les lîtes, mo spo n’él stè nia de fat. Cun concursc de idees röion

püch inant; sce i proieć ne vëgn nia realisà te n tëmp cört, ési bele superà, canche ai gniss realisà. La jënt da La Ila se damana soluziuns, nia parores. Albert Pizzinini, Ladins Dolomites

L ie truep pensiunei che giapa 700-800 euro al mëns che ne à nia plu l muet de jì cun i schi ajache l schipas ie true’ massa cër. Permò cun 70 ani, canche la majera pert ne n’ie nia plu bona de jì cun i schi, giapëssa i pensiunei mpue’ de sconto. Che la jënt da tlo muessa paië la medema tarifes coche i fulestieres ie bën ënghe l colmo. Y a chël che à metù ora l pensier che

i pensiunei muessa paië l dopl ajache i se nuza massa dl schipas muessen bën ti dì che l muessa vester bëndebot acort! Mé per fé n ejëmpl, tla Skiarena Ortler pòssen jì cun i schi te 15 raions dai schi, pra chëi dai 60 ani a 280 euro. Auter che 660 o 720 euro!

sensibltà cristiana, ne n’à nia l mënder cuer, y ulache i medemi uemes de politica se giapëssa na plateda descualificanta, diverda che l unissa damandà tres n referendum la jënt tla Ladinia y nce te nosc Lond da Salurn nchin sal Prëner!! Y mo n’autra, pitla o granda, ie chëla dl sel y de nosta stredes te nosc luesc, te nosta val y dantaldut a Urtijëi, ulache stredes y plazes vën bela fosces y burtes – na atrazion ”da mont” per nëus y per nosc seniëures – bele n valgun’ ëura do che l à nevët y che dut ie deventà n tel pitl paravis, che nosc Seniëur nes à scincà cun si gran man; y canche la bela piedies y l ledam dla bela sbiaca ruva ite te nosta cëses y hotiei, che l ie feter ”na segra” per duta ch’sta valënta y lezitënta mans che muessa fé nët, pona saverëis nce duc che de chësta bela cossa ”turistica” y urbana, de ledam y de malaties potenzieles y de dann ala natura, pudëis rengrazië vosc y nosc Assessëur Provinziel! Ajache

la aministrazions, i chemuns y nsci inant à „la respunsabltà dan ala giustizia y i tribunai de duta la strambaria de jënt che se fej mel, che ruva te spedel per gauja dla stredes massa lizies y da dlacia!“ Sons’a tlo tl mond dla fabules, dla fantajies y dla bela retorica dl catastrofism, per giustifiché chësta śira de stierder tones y tones de sel, contra la minonga y l sentimënt dla jënt, y nce contra la dutrina cristiana de Gejù Cristo, che dijëssa che nosc Die nes à dat l talënt a uniun y a uniuna, per mëter nstësc a verda! No pa? Y nëus ne se falon plu dessegur nia a raté che l medem poet austriach, ne schivëssa nce pra chësta contradizions tl pensier ”filosofich-culturel-spirituel“, de adurvé la medema paroles de cundana che on bele udù tla cosses che à da n fé cun nosta Mont de Sëuc!!

Reinhold Senoner, Urtijëi

Thomas Bernardt dl’Austria y cërta politiches dla SVP L bon Andreas Colli, ambolt de Ciastel, che sà da se muever via y ca de marueia, se à nce fat scialdi saurì a se auté da n ”vardian dla natura” scialdi mpenià, via tla stiera de n ambolt daujin da cërta cunvenienzes, y ël sona śën tres i media y la televijion la gran ciampana dl gran bujën – sun nosta Mont de Sëuc da paravis – de mené sëura per ngrandì dl 50% la cubatura che ie bele y che ie zënza bele n gran pëis sun chësta mont unica y sot a defendura (?), y nce de purté inant chëla ejibizion de architetura fetra dl Hotel Mezdì, sustenian cun forza y bënulënza chësta belëzes! Ne ie pa vel’ da de tel nia na mudazion da desplajëi y defin dandò de chëi valores che si persona defendova dassënn te n tëmp nia da giut? Ie pa si memoria jita defin a se pierder? Iel pa śën bon y drët de stlù i uedli n cont dla brutaliteies estetiches y dl drë’ scempio ambientel tl gran raion de ”si” Compatsch cun chëla merca da zità y cun chëi liniamënc defin nia

plu da mont?! Dëssa pa, aldò de feter duc i zitadins dl Südtirol, jì inant chël che ie n ”desnaturé” damprovia de na mont idilica y na richëza universela, ultimamënter nce marcheda dal’Unesco!? Chësta posizion nueva y la gran śira de n prim zitadin de n Chemun ”cristian” – ulache un di majeri cumandamënc de nosta religion ie chël de stravardé nosc Crià, nce chël dla Dolomites – ie bel scëmpl scandalëusa y de chësc viers ne bazilëssa l cunesciù y stimà scritëur dl’Austria, Thomas Bernardt, nia de adurvé paroles sciche ”sgricënt” y feter ”da peté su“! Ne fóssel pa nia drët che l unissa mpue’ plu ”cristianamënter” fat n ejam de cuscienza da cërta persones istituzioneles? Nosc Assessëur dr. Florian Mussner: La medema critica pesocia, ma defin realistica y de urità, sons nëus ”dla natura” sfurzei de ti fé a mo na

persona SVP de mascimo format, che ie avisa tan n contradizion cun la religion de Gejù Crist y la Criazion divina. De viers de chësta prufescion de fede, praticheda nce a mans auzedes, ne vëniel nce magari nia schivà de furné scialdi dalonc da nosc Lond, diverda che l ie la bona ucajion di media y dla televijion che tol su, deberieda nce cun l auter praticant scialdi splendënt tla persona dl Sëurastant bera Luis, for te na prufescion de fede, che senifichea nce respet y cunservazion dl Crià de nosc Criatëur! Ma pona iesen ”de facto” tla vita cuncreta boni, te na viulënza al ambient dolomitich, te nosc Lond, te nosta Dolomites y te nosta arpejon universela dl’Unesco, de ti frì ite cun la ciafes pesoces de acel per zaré n tòc nosta natura y nosc ambient naturel dlicat, te na valeda da mont unica, ”da paravis“, tla urmei cunesciuda valeda de Antersasc, de fé l majer sacrilegh che possa vester, ulache chisc gran uemes istituzionei y de gran

Oscar Prinoth de Josef da Brida, Urtijëi

Trasmiscions scialdi nteressantes Dla trasmiscions che n aud te Radio Gherdëina ie dessegur chëles ulache l vën rujenà de pulitica la plu nteressantes, dantaldut canche les vën fates da Simon Moroder. Da mé ora desmóstrel na prufesciunalità dënia de unì laudeda. Ai 18 de nuvëmber 2010 àl fat na trasmiscion cun i aministradëures dl majer chemun de Gherdëina. Tlo se tratòvela dantaldut de na polemica danter Martina Goller y l ambolt Ewald Moroder pervia di custimënc tumei ora scialdi plu auc che preventivà a fé la utia de Resciesa. Scebën che tramedoi fossa banchieres, semea che ai tëmps canche i fova n coalizion ne ovi nia sapù da se fé i conc. Sambën che l ambolt ova snel la viertla, che canche l vën fat zeche de publich muessen fé d’uni sort de strambaries (parola adurveda da d’ël) y l costa dut ora de mesura. Tlo iel da se damandé sce i ne savova nia danora cie che i uel fé y a cie che i ti jiva ancontra. Da mé ora ie la cuestion dut n’autra. La strambaria ie che la man publica se mët a frabiché ustaries o uties che ne possa nia vester te si cumpetënza. Per n dì una, tléchel mé cunscidré, che ëi ti fej

na cuncurënza ai privac che muessa ruvé pra zeche cun si fadies. Chësta utia ne n’ie nia autramënter che duta l’autra uties che ie ncantëur sun nosta montes y che perchël ne àla nia l dërt de unì suvenziuneda a pèr di drë ”rifugi”, ulache n muessa jì lonc a pe per ruvé permez. Nteressant me àl nce sapù a audì cun ce stolz che l ambolt à bravà che sun si scumenciadiva vëniel purtà ite te Chemun de Urtijëi na mozion, per se damandé che Saslonch y Sasplat vënie metui ite pra l patrimone dl’UNESCO. Co pa chël che l vën permò śën cun chësta pruposta? O se àl pa ntendù che l vënt à mudà y che te cër ambienc se àn rendù cont che l ie stat fauz a ne mëter nia sot a scunanza chisc doi biei crëps. Iel pa vëira o no, che dlongia chëi che uel stravardé iel nce chëi che uel dantaldut sfruté? Da ulëi bon me àl nce sapù a audì, che sun pruposta di Freiheitlichen iesen a una te Chemun che l dëssa unì frabrcà a na moda plu tradiziunela, ulache chël reprejentant minova che n messëssa curì su la cëses cun lën. Sun na tela me éi cialà ju l liber

“100 Jahre Marktgemeinde St. Ulrich” y tlo ne n’éi udù sun deguna vedla fotografia na cësa de lën o tafleda cun lën. Tlo se fali povester cun d’autra valedes tudësces te Südtirol o ora per l’Austria, ma a Urtijëi ne n’iel chësta tradizion nia. Povester deventerà chësta na tradizion tl daunì, l tleca mé ti cialé al hotel nuef ta Soplajes, che ti saverà d e s s e g u r s c i a l d i b el a i Freiheitlichen y fajerà sambën nce stolc chëi dla SVP per chël che i fej per l svilup economich y turistich. A ti cialé a chël hotel se rënd uniun cont ciun che ie l problem dl frabiché te Gherdëina. Canche n lascia frabiché ora de duta la mesures pona ie chisc i resultac. Ie son dla minonga che te Gherdëina o te Südtirol ons bën de bon architëc a chëi che n muessa ti lascé la lidëza de manifesté si savëi y si criatività zënza che l di vënie scrit dant de massa da pert dla politica. Chëi tëmps ie per fertuna bele passei de canche la politica metova dant n cër stil che mirova a auzé ora si moda de udëi. Walther Kasslatter, Runcadic Priesc d’abonament anual:

Dì la tia! Ti usc sun La Usc! info@lauscdiladins.com

per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

2

www.lauscdiladins.com

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 47 / 04 de dezember 2010

Mantenì la direzions de Scola Na drëta ne sàn nia avisa, pra la scoles. Segur iel mé che l dëssa unì reformà. Dantaldut che l dëssa unì raziunalisà. Reforma Gelmini, reurdinamënt dla sortes de scola y dla direzions. Y tla valedes ladines dla provinzia de Bulsan? Scola - N ucajion de na cunferënza stampa d’ansciuda dl 2009 (!) ova dit i sculeies dla Scola d’Ert de Urtijëi: „Na scola d’ert ie na scola d’ert. Cun materies artistiches , cun proiec particuleres. Na scola d’ert toca da resté na scola d’ert, ajache l ie d’autri bujëns, l ie dut n’autra urganisazion, l ie nce d’autri studënc, studënc criatifs. Nce sce l ie vëira che metan su mé una na direzion mantënien zënzauter mpo mpue’ de zeche, che la scola va inant, ma dal pont de ududa dla vijibltà pierden. Nëus studëntes y studënc dla Scola d’Ert ti damandon perchël al’autoriteies, ai espunënc dla istituzions, de nes judé, de cialé de fé a na maniera che l sibe nce tl daunì na direzion autonoma per nosta scola. De gra bele danora.” Nscila i sculeies dla Scola d’Ert n con’ dla ujes y dla ntenzion de mëter adum la doi direzions dla scoles a Urtijëi, l ITC y la Scola d’Ert.

Lëtra al’autoriteies N ucajion dla cunferënza stampa unìvel prejentà ai media na lëtra scrita al presidënt dla Jonta provinziela, al assessëur provinziel, al Cunsëi scolastich provinziel, al ntendënt scolastich ladin y ai ambolc de Urtijëi, S. Cristina, Sëlva y Ciastel. L Cunsëi de Istitut dla Scola d’Ert Cademia se damandova che l unissa mudà l Plann de destribuzion dla Scoles di luesc ladins per l tëmp de cin’ ani dal 2007 al 2012, aldò dl D.P.J.P. nr. 18.1/161 di 04.07. 2007. Dit n curt, n se damandova de mantenì la direzion autonoma

dla Scola d’Ert Cademia.

Tenì cont dla grupa linguistica L referimënt de pudëi se muever autramënter, o, dit te na maniera plu scëmpla, che i ladins ëssa i presuposć per mantenì ch’la puecia direzions che ie mo, univa, nscila ratòven y ràten inant, da na lege provinziela. Plu avisa dal articul 3, coma 3 dla lege provinziela di 29 de juni 2000 nr. 12 (“Autonomia dla scoles”), che vëija dant chisc criteres legislatifs che muessa unì tëuc n cunscidrazion canche l vën laurà ora n plann de destribuzion dla scoles: - la situazions raioneles y la cundizions sozioeconomiches, - i planns de nseniamënt speziei, - la strutures de scola bele danman y dantaldut la spessëza de populazion de uni grupa linguistica singula cun si carateristiches particuleres y si bujëns sozioculturei particuleres. Coche dì, l fova danman na fundamënta legislativa per cialé de mantenì doi direzions, do l ntënder dl Cunsëi de Istitut dla Scola d’Ert Cademia. Na fundamënta legislativa che univa tëuta ca per n cajo cuncret, puntuel, ma cun na ratio o n pensier che vel te si valuta plu lergia per Gherdëina y nce per la Val Badia, tl raport cun Gherdëina. O dit mo n iede n curt: mantenion duta la direzions tla doi valedes ladines, nce sce cun manco sculeies, che la lege l lascia pu pro.

Reforma Gelmini Cun la reforma Gelmini iel ntant sambën na situazion nueva. L dëssa

unì a se l dé na reurganisazion dla scola n generel. Zënza ulëi jì ite massa a puntin sun la trëi seves dla scola coche da previjion dla reforma Gelmini y coche la dëssa jì n droa nce te Südtirol, dëssa chësc cumpurté che la scoles, ch’la puecia scoles tla valedes ladines de Südtirol, dëssa giapé n guant nuef, cun na reurganisazion nce de catedres. Cun na fazion nce ndrëta sun la stieres, sun l mesun de lëur de maestri. L pricul che - almanco n valgun maestri - vëija, ie che l vede perdù cuntenuc, materies, potenzial nteletuel y oradechël nce stieres de lëur. Chësc pensier ntant per la reurganisazion dla sortes de scola.

La direzions Cun la reforma Gelmini, che ie dantaldut na reforma de razionalisazion, jissa sambën nce a una che l unissa laurà ora da nuef n plann de partizion dla scoles a livel provinziel de Bulsan. Ciuna scoles ruva pa ulà pa? Ciunes toma pa demez? Ciunes vën pa metudes adum? Y a una cun chësta scoles sàutel nce inò ora la dumanda dla direzions. Cuncretamënter: vëniel pa metù adum direzions, te ch’la puecia scoles de Gherdëina y dla Val Badia? Sce sci, ne fóssel pa nia drët a se nuzé inò dla ratio che vën ora dala lege provinziela, coche bele scrit dessëura? O miec nia mé dla ratio, ma dla lege nstëssa? Per dé da lecurdé mo n iede: la lege vëija dant chisc criteres legislatifs che muessa unì tëuc n cunscidrazion canche l vën laurà ora n plann de destribuzion dla scoles: - la situazions raioneles y la

cundizions sozioeconomiches, - i planns de nseniamënt speziei, - la strutures de scola bele danman y dantaldut la spessëza de populazion de uni grupa linguistica singula cun si carateristiches particuleres y si bujëns sozioculturei particuleres.

La sezions y l’autonomia La scoles giapa na si autonomia, chël uel dì che la scoles singules possa manejé si orares pitan na furmazion sëuraprò. Ma una na cossa ie chël che n pieta sun la fundamënta dl’autonomia, l’autra cossa ie na sezion a pert che vën data pro a livel provinziel. Coche per ejëmpl la sezion dl sport tl ITC de Urtijëi. Aldò de funtanes daujin al ITC de Urtijëi iel la dumanda de giapé na sezion sport, na sezion y nia n valgun’ ëura tl cheder dl’autonomia, na sezion garantida tl tëmp, cun strutures, ressurses y mesuns aldò. Dessegur iel nce tlo l mesun de ti cunzeder chësc zeche deplù ai ladins, sce n possa dì nscila,

aldò dla ratio dla lege nr. 12/2000.

La tëma dala prezedënza La tëma ie bonamënter chëla, a livel provinziel, che ti cunzedan “massa” ai ladins, jan n “deroga” a dì dl talian, unìssel a se l dé situazions de prezedënza, y che l’autra grupes de rujeneda se damandëssa da si pert na urganisazion, n plann de repartizion dla scoles cun plu direzions, cun plu scoles, cun plu sezions. Coche dì, dan ti cunzeder ai ladins chël che ie drët, ajache la ie la mëndra mendranza de Südtirol, cëlen de ne ti fé nia tort a tudësc y taliani. N ti cëla a taliani y tudësc, mpede ti cialé ai ladins. L ie mé da speré che pra duta la reurganisazion ne se tràtel nia de na rochade de personal, de n manejamënt ad personam. David Lardschneider

Wikileaks, liberté de stampa y pericul Julian Assange, l fondadour de Wikileaks, é sen te n iade la persona plu chirida dl mond, ma nia per Wikileaks, ma per violenza sun does eles va inant da la pruma plata

la gran revoluzion de nosc temps y che chisc an é me i pioniers dl davegnì dles veres digitales. Wikileaks é l jornal publich di hackers y di spions di dac eletronics, y sia fama cresc da dì a dì. Ester na plata internet conesciuda, clicheda te dut l mond, vuel dì ester rica, sia valuta y si patrimone cresc dì per dì. Da l’autra pert raprejenteia Wikileaks n avertiment per dut l mond: duc veid tant malsegur y fragil che l sistem di dac é, y chest é l gran pericul - nia sce Wikileaks publicheia o manco dac socrec. La gran desfida dla umanité sta tla protezion di sistems computerisà che manajeia les zentrales nucleares y i programs

de ataches militares. Con na spionaja globala meneda da hackers y crackers podessa l mond davei i tomé fora dles mans ai politics, con Wikileaks o d’autri pirac dl’informatica y informazion moderna. (ir)

Julian Assange. (www.csmonitor.com) www.lauscdiladins.com

3


Atualité

nr. 47 / 04 de dezember 2010

Mostra rumancia a Dornbirn Che Vorarlberg, un di nuef “Bundesländer” dl’Austria, fova na outa tera rumancia desmostra encuei ciamò l grumon de toponims (inoms de posć, de rufs, de pres, de bosc, de ciamps, de temples, de forceles, de creps y montes) destenus fora soura dut l raion che ti dà l’ega al Rain (Rhein). Na mostra enteressanta à descedé n gran enteres per l rumanc, l idiom de Vorarlberg da na outa Vorarlberg à endut 96 comuns, l Rain (Rhein) y la Ill é i doi gran rufs; valedes conesciudes é Montafon, Walsertal, Klostertal, Bregenzer Wald, Lechtal, Rheintal y Walgau.

La mostra rumancia Da Ulrike Unterthurner, sourastanta dla biblioteca dla zité de Dornbirn, onse giaté l’informazion de na mostra a Dornbirn sun la Leteratura rumancia daverta da puech. Sciche ala é vegnuda a se l dé de tegnì na mostra rumancia tl’Austria volonse reporté valch plu avisa per nosc letours che é dessegur curiousc. Na bela veduda de Dornbirn. (dutes les fotos: Dornbirn Tourismus)

Rumanc - L Vorarlberg fova vegnù tout ite dai romans l ann 15 dant Crist y l lingaz latin se ova slargé fora da Bregenz demez a les Dolomites se moscedan con l lingaz dl post; d’enfora él nasciù l rumanc/ladin. Con la comparida di Alemans y di Walser ite per l Vorarlberg s’à l lingaz todesch slargé fora a gota d´uele y i rumanc é sparis; a la fin dl 1700 rejonova ciamò na pert l rumanc, ma resté él spo demé plu cotant de toponims y de cognoms. Dal 1363 é i raions ruvés tles mans di Habsburger,

pro l’Austria. Vorarlberg à demé 367.000 abitanc. De gran montes con joufs carateriseia chest raion. Tl Vorarlberg végnel scialdi rejoné l dialet aleman, plu parentela con l dialet svizer che con chi de Tirol che é influenzés da Bayern enfora. Bregenz é la zité capitala dl “Ländle” y scagn dl govern; a Feldkirch sta l vescul. Vorarlberg audiva fin al 1920 pro la diozeja de Porsenon, spo pro Desproch fin al 1964, y dedò à Vorarlberg giaté n sie vescul. L

Per informé sun la mostra rumancia él vegnù publiché dantfora dai media chest test metù adum da la biblioteca: “Conesceise l rumanc? Per mostré con l deit sun l’arpejon rica y la varieté de 200 lingac europeics se dà ju la biblioteca dla zité de Dornbirn en gaujion dl “Di europeich di lingac” con l lingaz rumanc. L rumanc, l cuart lingaz dla Svizera, vegn demé plu rejoné da 60.000 persones tl Grijon. Chest n’é nia truep, ma la cultura rumancia é dret viva; autours da encuei publicheia regolarmenter te sie lingaz dla

Dancà Veronika Kob, Guntram Frick, viadedò Ulrike Unterthurner y Irma Fussenegger.

oma, ciantautours se dà da fé per mantegnì la natura, la cultura, l lingaz; i trueps cors tol pert con entusiasm a truepes gares de ciantarins. La biblioteca dla zité de Dornbirn prejenteia autours rumanc, cianties rumances y ciantautours, manuai linguistics y libri sun la storia dl rumanc. La “Lia Rumantscha” à metù a desposizion n bel gran grum de media da empresté fora. Nos volessan ves envié a ves dé ju con mujiga rumancia, leteratura, storia y a sentì la varieté dla cultura europeica te vosta vejinanza”.

parentela con l rumanc. Trueps inoms de posć - cis a Montafon - recorda ence encuei ciamò l passé deberieda, zertes esprescions tl dialet dl Vorarlberg l medem. Con l rumanc lieia la jent de Vorarlberg emozions fortes y sentimenc positifs, sceben che ala ne sà nia da dì avisa ciuldì! I savon: chi che é sun l iade entourn Coira y plu inant contra la Talia meina gen l autoradio sun “Radio Rumantsch” demé per audì l lingaz; chisc n’é nia demé jent plu ti agn ma ence a de joegn ti plej chesc lingaz.

La biblioteca ova giaté da la Pro Helvetia y con l aiut dla Lia Rumancia dl Grijon (Coira, Laax) n bel gran contribut de media che abracia libri rumanc, CDs y registrazions audio de vigni sort. An ova podù mete fora chisc media en gaujion dl “Di europeich di lingac”. Bele l prum di dla mostra àn podù vedei n gran enteres per la cultura rumancia da pert di letours dla biblioteca. Per i organisadours él sté na gran legreza de podei a chesta moda ruvé en contat con l publich, fé descursc intensifs y descedé enteres per cursc de rumanc. La “Quotidiana” dl 12 de november 2010 à porté n articul dal titul “Il romontsch ell’ Austria”; ence i media dl Vorarlberg à encundé plu outes la mostra che dà na bona veduda sun l´ativité dla biblioteca.

I vijitadours dla mostra s’à empresté dret gen CDs rumanc (cianties, cors, ciantautours) per se ralegré al lingaz. Al è enteressant che trueps s’à ence empresté fora libri (rumanc – todesch) y ence libri demé rumanc, cis libri per mutons. La jent da Dornbirn ne capesc nia rumanc. Per jì plu damprò a n lingaz plajoul vàl debujegn de emozions positives y encontedes. Na ameida bele ti agn ova dit che ala s´ova duta la vita sentì atrata dal rumanc y ala n´essa nia decontra sce al vegnissa tegnì cursc de rumanc. D’autri s’à empresté fora libri dla storia dl rumanc. I piagns per ruvé al rumanc é stes dret desvalifs; an chiriva pu de giaté l plu semenes che ala jiva y de motivé la jent da se dé ju con plu de coscienza con na cultura nueva vedla che fova na outa da ciasa tl Vorarlberg. Pro deguna autra mostra di ultims 20 agn n’à i vijitadours zerché te na maniera tant intensiva la favela personala y mostré sia gran festa che al é sté per n valgunes edemes, demé l rumanc tl zenter.

La finamira dla mostra rumancia La biblioteca dla zité volessa motivé i vijitadours a se dé ju con temesc y cultures che é da tò ca “bele dant porta”. An volessa crié piagns a la varieté culturala y a la arpejon culturala rica che i deura la porta a la jent per emparé y se dé ju con sies raijes desvalives. Da la prejentazion dla mostra pérel che chest sie dret garaté; da les reazions dl publich àn sentì che ala va de trueps liams personai. La jent de Vorarlberg à gran

4

www.lauscdiladins.com

Na tel sort de mostra ti paisc todesc y talians vejins di ladins podessa ti ester de utl no demé ai vejins ma ence ai ladins enstesc; la informazion sun i ladins é pro i vejins scialdi megra; con na tel mostra podéssel vegnì descedé su plu enteres per la cultura, la storia y la leteratura ladina. (Lois Trebo/ ev)


Atualité

nr. 47 / 04 de dezember 2010

Fà ći cun maraties cardiovascolares? Les maraties cardiovascolares é al pröm post danter les gaujes de mort dla jënt te nostes valades. La sclerosa dles arteries o la calzificaziun é la gauja primara dles maraties cardiovascolares Sanité - Les calzificaziuns, plaches sclerotiches, impifa tres deplü l’arteria y a chësta moda stënta le sanch da zircolè. Na bona zircolaziun dl sanch é pö na cossa essenziala por le funzionamënt di organns de nosc corp. Datrai po na placa inće se rumpe y stopè sö daldöt l’arteria. Sce chësc sozed tles coronares, che é incër le cör ia sciöche na corona, vëgnel a manćé la condüta dl sanch al cör y chësc po ester la gauja de n infart muscolar dl cör cun conseguënzes dër stersces por la sanité dla porsona. Normalmënter é le paziënt che sënt n pëis al piet (angina pectoris), canche al se fej fadia o inće canche al palsa. La sora manira por restabilì indô la condüta dl sanch ales arteries coronares é chëra de daurì l’arteria cun l’angiografia coronarica y de ti inserì al paziënt na picia rëi de proteziun (stent coronaric). Chësc intervënt vëgn fat aldedaincö cun na indormia locala. Te caji plü

complicà mëssel gnì fat na operaziun cardiochirurgica (bypas aortocoronaric). N iade che le paziënt é indô a ćiasa, déssel osservè n program de reabilitaziun y prevenziun. Chësc deache l’arterosclerosa po gnì controlada dër bun cun le mëte averda a de plü gaujes de risch: fomé, la maratia dl zücher (diabetes mellitus), ipertenjiuns dles arteries (arteries sot na gran presciun), colesterol massa alt (ipercolesterolemia). Do n infart miocardich mëss le cör, che é n muscul, indô gnì ausè cun n’ativité fisica adeguada. Por realisé chësc él gnü metü sö te nosta provinzia la “Südtiroler Herzstiftung”. Cun l’aiüt de n maester de ginastica, spezialisé tla ginastica cardiovascolara, y sot le control de n dotur cardiologh, arjigné da intervegnì tl cajo de problems, po chi che tol pert realisé n program de reabilitaziun y de

prevenziun. L’esperiënza nes insëgna che n te’ program cheriëia gonot n bel grup de compagns y amisc che à le medemo problem. Le travert é pö chël de miorè la cualité de vita dla porsona y evité d’atri infarć al cör. Le curs é davert a dötes les porsones, anfat de ći eté, che à albü le bòt al cör o che à albü na operaziun al cör. N curs vëgn inće tignì da jenà inant tla Val Badia, dal 1. de jenà 2011 inant. Al vëgn tignì a San Martin de Tor, vigni lönesc dales 18.00 ales 19.00, tla palestra dla scora. A düć i interessà ti vëgnel lascè alsavëi che en jöbia ai 16 de dezëmber dales 20.00, tignarà le cardiologh Felix Pescoller n referat tl salf di stödafüch da San Martin, sön le tema dles maraties cardiovascolares. Te chësta ocajiun gnaràl inće dè spligaziuns plü menüdes sön le curs y vignun po ciafè informaziuns sön la tematica. (felix pescoller, cardiologh)

La vita y la mort Tla sënta dla Comunanza Ladina a Balsan à la psicologa y psicoterapeuta Daniela Moroder tignì na conferënza sön na tematica che vëgn ion sburlada sön na pert Balsan - Ai 18 de November 2010 él gnü tigní na sëra dër interessanta tla sënta dla Comunanza Ladina a Balsan, olache Daniela Moroder da Urtijei à baié dl argomënt “la vita y la mort”. Chësc é n tema che atoca vignun de nos tl plü sot, ma che gonot vëgnel scutè ia o sburlè sön na pert. Daniela Moroder à studié psicologia tla Université da Vìena y à stlüt jö dui master universitars de “Pallialtive Care” a Vìena y Napoli. La psicologa y psicoterapeuta laora dötaorela tl spitol da Maran, olache ara se dà jö cun porsones amarades cun maraties nia plü da varì y cun sües families. Daniela à desmostrè te chësta incuntada n gran amur, sensibilité y profescionalité por so laûr, fajon capì che an ne dess nia avëi chësta gran tëma dala mort, mo imparè da ti ćiarè ti edli y s’arjigné ca bel

tla vita, por jì incuntra a na mort plü lisiera y sinziera. Sciöche tröc sa, à Daniela inće scrit n bel liber dal titul “Vita y Mort”, dè fora dal Istitut Cultural Ladin “Micurà de Rü”, olache al é

inće da ciafè. An po bëgn dì che chësta publicaziun po ester por nos n bun compagn nia ma tla vita da vignidé mo dantadöt te situaziuns de dolur y desperaziun. (vv)

Daniela Moroder.

www.lauscdiladins.com

5


Atualité

nr. 47 / 04 de dezember 2010

Segurëza sun i purtoies Cun plu pruvedimënc uel la Provinzia de Bulsan sensiblisé per n cumpurtamënt sun i purtoies dai schi che respetea i autri y la regules Schi - Deberieda cun esperc à l assessëur per l turism Hans Berger prejentà ai 30 de nuvëmber i pruvedimënc per la segurëza sun i purtoies, y danter l auter nce la campania de prevenzion “RischIO? - GefährlICH?”. Dan che la sajon dai schi scumëncia sun duc i purtoies vëniel mo fat plu lëures per la segurëza. Ti ultimi ani iel smendrì la cumpëida de desgrazies, à dit l a ssessëur B erger pra la prejentazion. Gaujes per chësc miuramënt de segurëza ie che i purtoies vën al didancuei njeniei ca scialdi miec, l’atività di maestri de schi y l’ublianza per i mëndri de tò l casco. Sot ai 15 ani iel feter 95% che tol l casco a jì cun i schi, permez al 2003 ie chësta cumpëida auzeda de cin’ iedesc mo n tant.

L placat dla campania de segurëza sun i purtoies.

6

www.lauscdiladins.com

Acioche chësta tendënza vede inant iel mpurtant che chëi dai schi y snowboard vënie sensiblisei a n miëur cumpurtamënt sun i purtoies y a tenì ite la regules. L’idea dl assessëur Berger ie de sensiblisé mpede straufé. „L aurela curta uel dì vester liediesc, ma chësc ie mé mesun sce n ne n’ie nia tl pericul pervia di autri,“ nsci l vizepresidënt dla Provinzia. Tl Südtirol vëniel uni ann 2 milions de turisć y tl raion dl Dolomiti Superski vëniel cumpedà passa 150 milions de viages cun i mplanc.

Cun la mira de sensiblisazion à la Repartizion provinziela per l turism nvià via la campania de prevenzion per la segurëza ntituleda “RischIO? - GefährlICH?”. L auzé ora dl IO y dl ICH uel ti mëter al cuer al singul, sce ël se cumporta drët sun i purtoies. Da pert dla Union di maestri de schi à l presidënt Claudio Zorzi

sotrissà la scumenciadives dl’ultimo inviern per respeté la regules FIS che fova unides metudes su dan 12 ani. „L maester de schi à dantaprima per i mëndri na funzion da ejëmpl y la cunescënza tecnica possa schivé desgrazies.“ Tla scoles de schi vëniel mustrà films n con’ de devertimënt segur, fai aposta per mëndri. (usp)


Atualità

nr. 47 / 04 de dezember 2010

Sciüri, scibloc y subiote  Proiet dl Museum Ladin Ciastel de Tor coche argumënt de descuscion pra n cunvëni metù a jì dal’Università La Sapienza de Roma

Dancà y da na pert Uedli y oredles daverc sun la sozieté ladina d’aldidancuei Val’ domanda a Alexander Mutschlechner, ostì sön Plan de Corones

N ucajion dla prejentazion dla nrescida tl Museum Ladin Ciastel de Tor, àn nce pudù purvé nstësc a fé scibloc d’uni sort.

Cultura di populi - Chëst’ena passeda, dai 25 ai 27 de nuvëmber 2010 fòvel sun l program tla facultà de Lëtres y Filosofia dl’Università “La Sapienza” de Roma n cunvëni a livel naziunel dal titul “Mav 2010 - Materiali di antropologia visiva”. La manifestazion ie unida metuda a jì n lecort de Diego Carpitella fundadëur dl’etnomusicologia taliana y danter i prim prumotëures dl antropologia vijiva dla Talia.

Antropologia vijiva L cunvëni fova unì metù a jì n ucajion dl vintejim ann dala mort de Diego Carpitella, persona che à dedicà duta si vita al’atività scientifica per la documentazion de films de carater musicologich y antropologich. Carpitella fova stat nce per truep ani presidënt dl’assoziazion taliana de cinematografia scientifica y fundadëur di seminares y cunvënies dedichei a materiai de antropologia vijiva n cunlaurazion cun l Museum Naziunel dl’ert y tradizions populeres de Roma. Sun la ideies

L fortl de savëi co fé y nce l drë lën muessen avëi.

de Carpitella à nce Laura Faranda, Francesco Giannattasio, Giovanni Giuriati y Antonello Ricci ulù dediché trëi dis de nrescides y studies, metan a jì n cunvëni che se stizova sun l’ancunteda y descuscions cun proiezions de proiec che ie unic realisei tl ciamp dl’antropologia vijiva. L cunvëni fova partì su aldò de plu tematiches: pratiches dl lëur; festes, rituai y religion; paesajes de sonns; antropologia urbana y lecorc de luesc.

I scibloc de lën, n strumënt che univa fat dantaldut dai pastri Nce l Museum Ladin Ciastel de Tor se à candidà per pudëi fé pea pra l cunvëni cun l proiet “Sciüri, scibloc e subiote” cun n film documenter, realisà da Paolo Vinati, n etnomusicoloch de Brescia che viv y lëura bele dai ani tla Val Badia, da mëter sot al argumënt “Paesajes de sonns”. Cun gran plajëi ie nce l proiet unì azetà pra l cunvëni y ie nsci unì mustrà deberieda cun cinch d’autri. Do na prejentazion curta dl film y do che chisc ie unic mustrei, à depona i prejënc giaurì na descuscion n cont dla realisazion dl documenter. L film, prejentà dal Museum Ladin, testemunieia la realisazion de scibloc de lën, strumënc che univa fac te duta la cin’ valedes ladines dla Dolomites. Defati vëniel testemunià plu caji, valeda per valeda, coche chisc scibloc univa fac dantaldut da pastri y dai diseies ntan che i jiva sun pastura y per se lascé passé l tëmp. La cunescënza

de chësc savëi, che ie tan che perdù, ie nsci documentà. La tueda ie unida fata tl 2009. De mei dl 2010 ova l museum prejentà la nrescida tl Museum Ladin n ucajion dl “Di internaziunel di museums” cun n workshop, ulache duta la jënt unida caprò ova pudù mparé inò a fé chisc scibloc. L nteres fova da stramp grant, dantaldut pra i mutons, ma nce pra chëla persones che savova plu da giut mo da i fé y che nes ova fat i cumplimënc per avëi testemunià coche chisc strumënc univa fac.

Tradizions y cunescënzes che la generazions da ncuei ne cunësc plu tan che nia Chësc proiet va ite tl tema y tla nrescides sun i bëns “nia materiei” cun chëi che l Museum Ladin se dà ju dassënn te chisc ultimi ani. Dantaldut ie l nteres dl museum de nrescì cun mesuns y criteres scientifics a na moda da arjonjer chëi standarc che ie dumandei dal’antropologia d’al didancuei. Mpurtant, y chësc fova nce un di argumënc che ie unic purtei dant da Paolo Vinati y Stefan Planker pra l cunvëni, ie che n sibe nce tl medemo tëmp boni de tré ite la populazion te chisc proiec ajache la se trata pu de sensiblisé la jënt per ti fé inò cunëscer tradizions, savëi y cunescënzes che trueps plu da giut ova, ma che va bel plan perdudes y de chëles che la generazions da ncueicundì ne sà plu tan che nia. Stefan Planker, diretëur dl Museum Ladin

Afit va inant da la pruma plata

Tla Val Badia él plü porsones forestes (da fora dla Talia) co dl post che damana do chësc contribut, nes dij Giuvani Frenes dl’assistënza finanziara di sorvisc soziai dla valada; jënt dl post à por le plü instësc na ćiasa, deperpo che les porsones da foradecà mëss se tó n

cuatier. Por damanè do i contribuć söl afit mëss la porsona avëi almanco cin’ agn la residënza te Südtirol. Sce i prisc por i apartamënć convenzionà é dà dant dala Provinzia, é le problem plü co ater che i patruns ne i dà nia ca, y te val’ caji vëgni afità ia a sciori, olache le davagn é cotan majer. Les families é insciö sforzades da

jì söl marćé lëde a chirì n cuatier, olache i prisc n’é nia regolamentà y é sambëgn plü alć: tl’alta Val Badia deplü co tla bassa, dij Giuvani Frenes. Por chi che ne ciafa nia le contribut provinzial por l’afit, romagnel tres la poscibilité da s’oje ai raiuns soziai, che à inće la poscibilité da dè n sostëgn, mo i criters é chilò d’atri.

Bun dé, olà é pa Alexander incö? “Te m’abines pa bel danter i canuns dla nëi ite sön Plan de Corones.” Chël é n bun sëgn, spo daurîse prësc? “Poa. I à inće bele desparé incër ćiasa ia. I sun tl arjigné ca. En sabeda (incö - anotaziun dla redaziun) dauriunse.” Ëise pa nëi assà? “I ùn nëi assà. Val’ él tomè dal cil y chi dai lifć fej dassënn nëi. Ai i dà desco mać, che döt stöpa ma. Por chësc rengraziunse.” Ëise döt le personal? “I ùn döt le personal. Ai é pa düć tl laur da gnì adalerch. Plan plan pôra pié ia. Le dinvern é endo gnü.” Tan rî él pa stè da ciafè le personal? “Al n’é nia stè rî. Al dédaincö él saurì da ciafè personal. I ciafun inće jënt dal post, dlungia ai lauranć gnüs da d’atri statesc. Al me dà iment che al ne sides mai sté tan saurì.” Él pa por te na rutina, mëte man danü vigni ann? “Al é na vita che i mëti man la sajun da d’invern, mo al é vigni ann indô val’ che fala, che é nü. D’invern unse dagnora le problem che i messun ćiarè che döt śoghes, dal scialdamënt ai aparać. Sce al foss d’isté fóssel incër chël plü saurì. Mo chësc alda laprò, al é dagnora bel da daurì.” Foss na vita zënza laur da stufé? “Iö arati bëgn. Dessigü.” Sce te podess pié a man indoman n ater laur, ći fajesste pa de bel? “Poh i ne sa nia ći che i fajess! I

sa ma da fà chësc. Spo sambëgn, sce ara messass pa ester spo tirasson pa a tera döt por stè sura ega ia.” Sona pa le ćiantautur Alexander Dal Plan impò gonot? “Da dì la lereté m’ài chisc ultimi mëisc n pü’ lascè dofora, mo i soni y ćianti intres indô n pü’. I oress tó sö d’aisciöda na CD nöia, odarun!” A chê i aste pa dediché l’ultima ćiantia che t’as fat? “Chël ne me recordi nia avisa. I arati che al sides stè chëra dla Ladinia Unida.” Cô vëgheste pa tö le monn: él miù co dan da 30 agn? “Iö arati dessigü. Al é döt plü saurì. Certa jënt mëss al dédaincö inće avëi respet da d’atra jënt. I arati che i sunse miorà. Al vëgn ćiarè deplü dla jënt che à plü debujëgn. Iö la vëghi buna. I arati che i jogn, nüsc mituns, à dessigü na gran speranza da podëi fà na bela vita.” Ći i dijesste pa al Papa, sce al capitass indoman cun i schi da porta ite? “I ti dess n iade val’ da bëre. I ne savess davëi nia ći i dì. Magari i dijessi che le Vatican podess i dè deplü ai püri.” Ći i aódeste pa a nosta jënt ladina por Nadè? “I ti aodi por pröm gran ligrëza y fortüna tla vita. Cun söes families. Da podëi stè deboriada, nia ma ponsè al laur. Al dédaincö - mo vëgnel imënt - pënson tröp al laur, deperpo che la vita é inće stè adöm. Se tó tëmp por se instësc y i atri. I ne désson nia tan tralascè cosses cho é cotan plü importantes co laur y laur. I ti aodi a döta la jënt da stè adöm y da se gnì düć canć!” (ir)

Vosc radio tla valedes ladines! Tel.: 0471/797415 - Fax: 0471/797878

www.lauscdiladins.com

7


Atualité

nr. 47 / 04 de dezember 2010

N grum de projec per valorisèr lengaz e cultura ladina Te la radunanza de l’Istitut Cultural de Fascia l’é stat rejonà de programes, obietives e strategìes per arvejinèr la jent a nosc lengaz e noscia cultura luran duc adum en sinergìa Cultura - Te la majon di Fascegn en sabeda passèda l’Istitut Cultural Ladin à chiamà ite sia radunanza generèla per portèr dant desche ogne n bilanz de l’atività fata via per l’an e per se confrontèr con la jent sui programes per l davegnir e la envièr a portèr dant osservazions, proponetes e consees. L president Antone Polam e l diretor Fabio Chiocchetti i à metù l’azent sui problemes, amò più che su l’atività, segur emportanta, portèda inant da la istituzion. “L ladin vegn rejonà semper de manco e a na vida semper piora te nosce majon – à dit Polam – e l lengaz l’é fondamental, ajache se mer l lengaz mer duta la cultura de n popol.” “Ge vel na dreta politica linguistica e chesta domana che ogneun fae sia pèrt e che duc laore en sinergìa; – à jontà ite Chiocchetti – i studié disc che con la strategìes giustes i pìcoi lengac pel vegnir salvé, nos de chest vers sion dò che les proon dutes, ma con pech ejit.”

La pecia prejenza de jent a la radunanza (e anter chisc nience n ombolt) e l’ejempie de la sera dant, canche a Moena la “Ganes”, grop de ciantarines ladines aprijià a livel internazionèl aea ciantà dedant a na sala mesa veta, l’é dassen segnes che no deida a esser otimisć, l’é stat dit. Vèlch outa somea proprio che la parola “ladin” tegne dalonc la jent. La reflescions e la domana de n confront, jà uzèdes fora ti ùltimes egn dal diretor Chiocchetti, sun coluns che cognessa esser i obietives e l ruol de l’Istitut Ladin e di etres enc e atores sul teritorie, te n dessegn global e complessif de politica linguistica per la Val de Fascia, à troà na proponeta articolèda te la linies guida de programazion per i 3 egn che vegn, document che tol dant ence l’emportanza di media e de la televijion e che l’é jà stat prejentà a la Consulta del Comun General de Fascia. L’Istitut Ladin l’é en bona sanità, se l veit da sia atività e se l enten da la percezion de la jent – à dit vèlch un di entervegnui, palesan na vijion più otimistica de la situazion. De “n bon moment”, ence col Comun General de Fascia, à rejonà l conseier provinzièl Luigi Chiocchetti, e l’emportanza de la cultura e del lurier portà inant da l’ICL é stac palesé da la procuradora Cristina Donei e da la sorastanta Mirella Florian, che les à sport duta la desponibilità a na colaborazion strenta e percacenta de la Istituzions che les raprejenta.

L’atività portèda inant e chela en program

La soracuerta del calandèr ladin 2011.

Desvalives lurieres é stac porté dant tel Museo, che à endò avert si ujes apontin chisc dis: apede a la manutenzion ordenèra l’é stat completà la sezion “cherdenzes e

L president de l'Istitut Ladin Antone Polam con l diretor Fabio Chiocchetti e i componenc del Consei de Aministrazion endèna la radunanza.

mudament” e projetà da nef chela sui tempes neves e modernità; ades l’é en program n ampliament per fèr na sala per esposizions tematiches temporane, che la Provinzia à jà tout sù e fat so, e che vegn veduda da l’Istitut desche na ocajion per portèr inant a livel de val l’idea de la recalificazion de l’area de Sèn Jan desche na “neva Agorà”. L’atività de l’Istitut ladin se à dejout dapò anter i servijes educatives del Museo (2820 persones à tout pèrt chest an a vijites e scomenzadives didatiches), la linguistica, la enrescides e la editorìa. Apede chest, per vardèr de ge jir encontra a la jent, l’Istitut à enjignà e dat fora DVD e programes televisives jic fora ogne setemèna sul canal TML. Per l’an 2011 l lurier maor sarà per l dizionèr VOLF, Vocabolèr Ladin Fascian che tol ite dut l tesaurus del lessich tradizionèl; se jirà inant

con la prejenza ti media con la produzion de programes per televijion e radio, vardan de valorisèr l lengaz ence dal pont de veduda emozionèl, e con la enrescida en particolèr ti setores del guant e de la storia. Per chest ùltim setor na bela neva l’é la riedizion del liber de P. Frumenzio Ghetta “La Valle di Fassa nelle Dolomiti”, comedèda e smaorèda da Cesare Bernard. Sarà ence obietif de l’Istitut de se meter a la leta per didèr fora chi che rua con de bela idees e estro de les portèr inant. N ejempie de chest vers l’é la mostra e l liber de retrac da n’outa da l’archivie “Florian”, portà dant da Alberto Chiocchetti en colaborazion col Comun de Poza.

L calandèr ladin 2011 E da l’idea de Alberto Chiocchetti e di etres 4 componenc

de la sociazion “I Cucaloch” da Moena (Alberto Degiampietro, Elio Vadagnini, Ennio Adami e Livio Vadagnini), l’é nasciù ence l Calandèr ladin 2011. Doudesc beliscimes retrac, cernui fora anter i tropes fac dai 5 componenc de chest grop, leé dal gran amor envers la natura de noscia valèdes e envers la fotograf ìa, e apede a ogneun i medemi autores à metù jù ence n curt test per ge dèr n segnificat amò maor. L calandèr ladin 2011, realisà en colaborazion con l Fassa Coop e con la Coprativa de Ciampedel, vegnarà dat fora te la boteighes e filiales de la doi Copratives; l Fassa Coop lo resservarà a si sozi. Duc fascegn podarà jir a se l tor debant te senta de l’Istitut e tel Museo Ladin a Sèn Jan e dapò se podarà jir a se l tor a Moena aló da la boteiga “La Bora”, a Cianacei te Biblioteca e a Penìa aló dal Bar Penìa. (lg)

Sondaje sui media ladins: venjidores e prumes resultac N bon numer de jent à responet, palesan enteress e n bon aprijiament per i media ladins Al scomenz de otober l’é stat dat fora n chestionèr lurà fora dal Servije per la Promozion de la Mendranzes Linguistiches de la Provinzia de Trent, con l’obietif de ge domanèr a la jent de la comunanzes de mendranza opinions, valutazions e consees sun i desvalives media che vegn sostegnui da la Provinzia enstessa. Per chel che vèrda i ladins che stèsc sul tegnir de la provinzia de Trent, l’é stat dat fora passa 600 chestionères enjonté a La Usc di Ladins, e l’é ruà ite 189 respostes, che vel dir béleche n terz: 77 é vegnudes da jent anter i 41 e i 60 egn, 64 da chi che à più che 60 egn, 36 dai chi anter i 26 e i 40 egn e 9 dai più joegn, anter i 15 e i 25 egn. N auter dat che ciuta fora l’é che l’é stat più femenes (98) che omegn (64) che à responù al chestionèr.

8

www.lauscdiladins.com

A analisèr mìngol più a fon chisc resultac se pel fèr vèlch pruma valutazion: per ejempie che anter i joegn sot i 25 egn duc cognosc La Usc, TML e Ercaboan, demanco Radio Studio Record e Gana. Duc chisc joegn peissa che i mesi de comunicazion ladins sie emportanc per l davegnir del lengaz ladin, che i deide a renforzèr l’identità e l sentiment de partegnuda a la comunanza ladina e che sie de ùtol l sostegn di Enc Publics, na idea condividuda en generèl ence da la autra fasces de età, con dassen pecia ecezions. La respostes de la fascia de età dai 26 ai 40 moscia che béleche l’89% lec de spes La Usc (e duc i etres amàncol ogne tant) e la medema perzentuèla cognosc TML. L’é anter chi che à passa 40 fin ai 60 egn che se dombra l maor numer de letores de La Usc: l 92% de chi

che à responet i à dit de la lejer de spes, e adertura l 98% te chesta fascia cognosc TML. Sora i 60 egn La Usc resulta esser più cognosciuda di etres media: defat l 95% à dit de la lejer de spes, e l 65% vèrda de spes Ercaboan. Amò anter chisc l 62% sà che che l’é TML, l 51% scouta de spes Radio Studio Record e l 42% lec de spes ence Gana. Per chel che vèrda TML paa la speisa sotrissèr che l’é amò vèlch un che à declarà de no ciapèr l canal. I dac vegnarà luré fora delvers più inant dal Servije Mendranzes, che podarà coscita valutèr la percacenza del sostegn publich ai media de mendranza.

Numeres venjidores Anter duta la zedoles ruèdes ite con l sondajes, enstadì aló dal

Servije Mendranzes Linguistiches de la Provinzia de Trent l’é stat tirà fora i 10 numeres che à vent n abonament a La Usc di Ladins per l’an 2011 e dapò i etres 50 numeres che à vent n CD o DVD, metui a la leta dal medemo Servije Mendranzes. A venjer l’abonament a La Usc di Ladins l’é stat chisc numeres: 2010F100; 2010F413; 2010F467; 2010F127; 2010F425; 2010F179; 2010F512; 2010F408; 2010F233; 2010F109. A venjer n CD o DVD l’é stat chisc numeres: 2010F395; 2010F386; 2010F405; 2010F370; 2010F448; 2010F508; 2010F289; 2010F399; 2010F161; 2010F503; 2010F227; 2010F478; 2010F446; 2010F613; 2010F234; 2010F455; 2010F162; 2010F591; 2010F369; 2010F393; 2010F530; 2010F533; 2010F342; 2010F144;

2010F509; 2010F404; 2010F107; 2010F482; 2010F341; 2010F596; 2010F411; 2010F622; 2010F420; 2010F443; 2010F392; 2010F278; 2010F209; 2010F473; 2010F281; 2010F196; 2010F316; 2010F449; 2010F201; 2010F232; 2010F415; 2010F249; 2010F430; 2010F305; 2010F129; 2010F284. Chi che aessa vent i é preé de se fèr inant te la senta de l’Union di Ladins e redazion de la Usc di Ladins de Fascia, a Sen Jan, te strèda de la Pieif 10, chiamèr ite al numer 0462.764545 o ence manèr ite na mail a la direzion union@ladinsdefascia.it. Prejentan te chesta senta la zedola coi numeres scric chiò sunsora, se podarà fèr ativèr l’abonament a La Usc di Ladins per l’an 2011 e cerner l CD o DVD anter chi metui a la leta.


nr. 47 / 04 de dezember 2010

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Na blòta ancunteda de chëi dl ’40 L ie perdrët bele n struf ca che chëi nasciui tl ann 1940 se à inò ancuntà do cin ani per festejé chëst iede bën i 70 ani, na cumpëida che sce la à butà cun la sanità, pona pòssen dì de vester scialdi cuntënc Festes - Chëi de Urtijëi se à coche dit ënghe abinà te na bela cumpëida, y ajache de chëi de Sëlva y de S. Cristina fòvel da liejer tla Usc, iel povester drët blòt a scrì n valguna risses de chësta ntraunida garateda. Do che n se à abinà sun plaza de dlieja a se saludé y a se udëi cun legrëza – trueps permò inò do cin’ ani – iesen jic a mëssa ufizieda dal preve Alfons dl Luxemburg n pension a Urtijëi, che nes à nce perdicà cun n bon fundamënt drët tler. Engl cun la chitara y nëus duc on ciantà n valguna cianties da mëssa y Toni à liet dant la letura

scrita ntëur tl gherdëina y la prieres per nëus duc y per nosc cumpanies bele morc, l ultimo de chisc zirca vint de nosc ann fova Ferdinand de Petlin. Cun na curiera bela saurida sons pona muec, per se fermé pona tl ciastel Turmhof de Entiklar, ulache se on bu n bon aperitif de vin blanch y bucons de ciajuel. L ie n bel ciastel cun n gran verzons y de blòt lec, propi da jì mo datrai iló. Son pona furnei de viers dl lech de Garda y da iló inant su a Cignale, ulache on giapà na boniscima marënda cun n grum de derzedes. Tan note de se cunté ans bën che

ne ti l’on nia plu fata a jì sa la ”Madonna di Monte Castello”. Ruvei de reviers a Urtijëi se ons abinà te ustaria dl Terrazza pra l ost Richard, nosc cumpani dl ann. Iló ons abù na bona cëina y ti on dat na drëta ciaculeda nchin che on monce giapà la fotogafia che i nes ova fat daduman. L fova chëst iede plu chiet. I autri iedesc ans mo fat na garejeda de schi, po’ la festa y da sëira bal cun duc chëi dl ’40 de Gherdëina, y pona jans mo a Törggelen y n pue’ de mujiga ans ënghe uni iede. Chëst iede fans bën bele n fruz vedli!? (ts)

Puent sa la cava Sun l Jëuf de Sela, riesc sot ala cava, uniràl fat n puent nuef

La Jonta provinziela à azetà de fé da nuef n segondo puent daujin ala cava sun Jëuf de Sela.

Chëi dl ann 1940 de Urtijëi che à festejà chëst ann i 70 ani.

Stredes - Aldò de analises di puenc sun la stredes provinzieles à l puent al chilometer 26,8 dla streda dl jëuf de Sela giapà gran priurità per l fé da nuef. “Te chëla che te Jonta provinziela ons dat pro dé fé chësc puent da nuef, possen śën jì inant cun la preparazion tecnica,” spiega l assessëur ala stredes Florian Mussner. L puent n cuestion ie drët daujin a n auter puent dla medema mesura che n ie bele tl lëur de fé. L puent nuef dëssa avëi na lunghëza de 10,8 metri. La streda che passa sëuravia unirà fata 6 metri lergia cun leprò mo n ëur de mez meter per pert. Danter lëures y custimënt tecnich iel udù dant n nvestimënt de 397.000 euro. Acioche l muvimënt de streda posse nce passé ntan i

lëures uniràl fat n puent provisor de fier. “Davia che l puent ie tan ndeblì ne pòssen niancanó frabiché da nuef, lascian furné l muvimënt sun mesa larghëza de streda; nsci messons fé l puent provisor, sce ulon lascé passé auti, camions y curieres ntan i lëures,” spiega l assessëur Florian Mussner. La pruietazion dl puent, direzion di lëures y mesurazions tecniches vën fates dal assessorat per i lëures publics nstës. De fauré de chëst ann fòvel unì fat n colaude y n à cunstatà che la strutura che tën su l puent, cun i trames de peton, ie unida ndeblida mo deplù dal’eghes y sel dl inviern. I resultac dl’analisa de chësta situazion atuela lascia pro che l posse for mo passé mesuns nchin a 33 tones. (usp)

www.lauscdiladins.com

9


Gherdëina

nr. 47 / 04 de dezember 2010

Chiet de Thaddäus Salcher Thaddäus Salcher à prejentà na lingia de lëures dal titul ”Chiet”. L artista se à tlo dat ju dantaldut cun l argumënt dla mont y la sensazion de gheneda y pesc che chësta dà ite

Vijitadëures n ucajion dla vernissage de Thaddäus Salcher, dal titul „Chiet“.

N cheder de Thaddäus Salcher

Ert - Thaddäus Salcher ie na persona scialdi sota; y te si chedri iel bon de dé inant l sentimënt sot che l sënt. Tla lingia de chedri dl 2010, dal titul „Chiet“ , reprejentea

desmustré l sentimënt. Per l prim iede iel ti chedri de Salcher nce la persona. Tlo se stluj l cërtl, l liam danter natura, univers y persona.

Salcher dantaldut nosta montes, la grandëza dla natura, l sentimënt dla natura, l chiet dla natura. La natura che se slergia ora a dut l univers. Che ne n’ie nia mé n

elemënt fisich, geografich, ma la grandëza dl vester plu sot, nce dla persona. Da tlo la faszinazion de Salcher, che ie sot, ajache l à l sentimënt y ajache l ie bon de

L’ert coche vester plu sot Truep vijitadëures unic adalerch ala vernissage dla mostra ai 18 de nuvëmber tla galaria Ghetta a Urtijëi sun la pitla plaza de S. Antone à sentì l chiet y la natura, cosses che vën suvënz a mancë, ntëur, pra y te nëus, ajache se fajon ert a ntënder l vester plu sot dla vita, de nëus. Salcher ie un che toca pra chëla persones che à la streda bele senieda, data dant; ël „possa“ mé jì inant sun chësta streda, sce n possa dì nscila, ajache l à abù la fertuna de pudëi jì sun si streda, la fertuna che vën ora da si sentimënt, da si talënt y da si mesun de reflescion. Salcher viv sa Bula tl chiet de si cësa y de si atelier L carisma dl artista vën ora mascimamënter tres l’ert che l fej, destulan de ti dé la mpurtanza al artista nstës. La mpurtanza vën raideda via te zeche che Salcher rata che sibe majer, l’ert. L’ert che ie la finalità de si lëur, ma l’ert che ie nce l motor de si esprescion artistica, n vester majer che l tira y l muev.

Performance de Marco Forni Marco Forni à n ucajion dla giaurida fat na sort de performance n con’ dl chiet, rujenan de plu aspec

dl chiet. L chiet ie na pert essenziela te nëus, l adaut y l chiet ie zeche che toca adum, i ie na cossa ogetiva, ma nce na perzezion sugetiva: l chiet possa nce unì sentì, l ie n vester sentì, n sentimënt sot. Prejënc pra la giaurida fòvel danter l auter l ambolt de Urtijëi Ewald Moroder, l’assessëura per la cultura Lara Moroder che à tëut la parola, l cunselier referënt per la cultura de Sëlva Dietrich Mussner, mo d’autri cunselieres y assessëures de Chemun y na bela cumpëida de jënt.

Studi a Minca Thaddäus Salcher à coche dit prejentà na lingia de lëures dal titul ”Chiet”. L artista se à tlo dat ju dantaldut cun l argumënt dla mont y la sensazion de gheneda y pesc che chësta dà ite. Sëuraprò va Salcher mo inant sun la linia mplanteda cun la mostra stata de mei tl Museum dla zità de Tluses y lascia udëi nce la gran plates de mitel che fej scialdi mprescion. Thaddäus Salcher ie nasciù tl 1964, ie chersciù su sa Sacun sëura Urtijëi. Tl 1993 àl stlut ju si studies tl’Academia d’Ert de Minca. Al didancuei stàl sa Bula, ulache l lëura te si atelier sciche scultëur y depenjadëur. La mostra „Chiet“ ie mo da udëi per l ultimo iede ncuei sada ai 4 de dezëmber tla galaria Ghetta de Urtijëi. N possa pona nce jì a ti cialé ai chedri de Salcher te si atelier, sa Bula, sa Rumanon. David Lardschneider

Da man ciancia: Igor Comploj, Lara Moroder, Thaddäus Salcher, Doris Ghetta y Marco Forni.

10

www.lauscdiladins.com


Gherdëina

nr. 47 / 04 de dezember 2010

Cun l Museum tl’Anaunia Per stlù ju l ann de iubileum di 50 ani dl Museum de Gherdëina iel unì metù a jì na jita culturela per i cunlauradëures ulenteres y cumëmbri dla lia

Tl Museum Retich.

Lies - N sada ai 6 de nuvëmber fòvela tan inant, che na bela cumpëida de cincanta persones se à abinà sun Plaza de S. Antone per furné de viers dla Val di Non. La prima tapa fova l Ciastel Thun a Vigo di Ton riesc do Mezzolombardo che ie, do ani de

dertruramënt, chëst ann d’auril unì giaurì al publich. L ciastel ie danter un di plu biei y de chëi che se à mantenì l miec tla provinzia de Trënt. Do avëi gudù de na bela ududa sun la valeda dla Val di Non/Anaunia y do n bon café tla cafeteria dl ciastel nes aspitovel la vijita meneda tres la passa caranta sales dla residënza, che Ezio Chini dl Castel Buonconsiglio y mo n’assistënta à sapù da mené y splighé scialdi bën te passa doi ëura, y a dì bele l’urità n ëssel ugà mo n valgunes leprò. L ie da dì che la Provinzia de Trënt à abù, da canche i l à cumprà ju al ultimo descëndent Thun, belau vint ani a l derturé y l njenië ca ala mostres coche l ie da udëi śën. Duc i esponac ie pec uriginei dl ciastel nstës. Daviache l fova scialdi frëit tl ciastel se ons sciaudà n fruz a surëdl, ti cialan ala bela gherlanda de crëps ntëurvia. Do chësc pitl intermezzo sons furnei a Sanzeno a marënda,

La grupa dl Museum de Gherdëina dan l Ciastel Thun.

y ie rate che a duc ti àl sapù bon.

Tl Museum Retich Dala trëi domesdì fovel pona prugramà la vijita meneda tl Museum Retich. Chësc museum ie tan che nuef, la strutura ie moderna y ie n zënter dla archeologia dla Val di Non che se à fat n inuem a livel nternaziunel per avëi fat la prima giavedes mpurtantes n con’ dla populazion retica dl raion alpin ti ani vint y cincanta dl ultimo centené. Tl museum iel da udëi una dla majera culezions de cultura materiela di vedli Retesc. Doi archeologs dla Sovrantendënza per i bënns culturei dla Provinzia de Trënt nes à menà tres la mostra che scumëncia tl partimënt basite y ie fata coche na streda tres la epoches, dai tëmps plu antics nchin ncueicundì; duta la mostra ie fata su a na maniera nterativa. Ie spere che l ti ebe a duc sapù bel, nce sce l ie stat n di scialdi ntensif! Da pert dl Museum de Gherdëina cialeràn nce n auter ann de mëter a jì n viac culturel. Per l Museum de Gherdëina, Monika Kelder

L guant dala gherdëina vën tenì su Cun na scumenciadiva dla grupa KVW 50+ de Runcadic uelen tenì su te chësc pitl luech tl scumenciamënt dla valeda, la tradizion de se furnì cun l guant tradiziunel ala gherdëina. Per chësc fin cëlen nce de crì adum pec dla troht de uni sort Tradizions - Bele da n valgun ani incà se à la grupa KVW 50+ de Runcadic tëut sëura de njenië la trohtes per chësta frazion de plu de 500 persones. Per tenì viva la tradizion de nosta valeda de se furnì te cërta ucajions cun l guant tradiziunel de nosc raion, ulëssans cialé de mëter adum l guant dala gherdëina te duta si variazions, dal guant per la plu jëunes damprò su per uni età, per mutons y mutans, ëi y ëiles y nce la trohtes tipiches coche chëla di osć y n.i. Te n valguna grupes ons metù man de fé ciauza, hechelné, cujì y cujì ora pec che toca pra l guant dala gherdëina. Tl 2008 àns damandà te chemun de Ciastel sce l fossa mesun de giapé n local per nosta atività. Cun gran mpëni da pert dl Chemun y l assessëur Ambros Hofer ie chësc proiet śën finà. On giapà n local tla Cësa dla Lies de Runcadic, che ie njenià ite cun castli da mëter via la trohtes y cun na bela gran mëisa cun stuei. Chësc nes fej gran legrëza y nes dajerà tl daunì plu pusciblteies per dé testemunianza dla tradizions dla valeda. Acioche la ne se tire nia tan n loch cun nosta scumenciadiva de abiné adum i pec dla troht y nce per sparanië n cont de custimënc, ulons damandé aiut ala jënt de Gherdëina. Sce l fossa vel’ pez dla trohtes che ne vën nia adurvei (massa pitli, massa strënc, massa lerc, da cumedé su, che ne n’à degun erps

La troht di maridei, cun la bagana, l ciapel fosch y l zelinder. 

che i piessa do o che ne n’à nia legrëza limpea y nsci inant) fóssel per nëus na gran legrëza a pudëi i pië do. Nce pec desliji y nia plu da pudëi tré sëura ie per nëus de nteres, chësc per i adurvé sciche mostra de coche l univa cujì y laurà da sartëur zacan. Nëus ulon ti dé valor a uni pez che vën leprò y daviadechël fajons nce na pitla cronica de chi che juda, de chi che à dat ca y de chi che fova l pez scincà. Sce zachei uel nes cherdé su per vel’ dumanda n chësc cont, ti respunderà gën Anni Überbacher, tel. 0471 796268 o Mathilde Colorio, tel. 0471 797177. La lia KVW 50+grupa Runcadic

www.lauscdiladins.com

11


Gherdëina

nr. 47 / 04 de dezember 2010

„La piedies dla natura y la scatules dal vin“ Nstadì iel stat la giaurida dla mostra de Gregor Prugger a Terlan. L artista de Urtijëi à metù ora si ultimi lëures, danter l auter la lingia “Agetifs plastics dl vin” cun scatules de lën de bozes dal vin

Gregor Prugger.

Ert - „Pra la scatules dal vin vëniel ora l’afinità dl artista cun l bon vin, ma nce si umor plu sot. N se nmagine de giapé na tel scatula dal vin, n la gëura se aspitan n bon vin da lascé sbriscé ju per la grasala. Ne ue nia dì che pra na tela ne fóssen nia cuntënc, bonamënter fóssen mo plu cuntënc, pra na tel scincunda. Ajache ala fin dla finedes ie la uferta de de bon vins granda y trueps à bele plu che assé bozes te ciulé. Ma n Prugger uriginel tla scatula dal vin, chël ie bën mpo zeche de rer, sce n tën cont de coche sarà la reazion canche n la gëura, n mumënt speziel nce de juech de perzezion sensuela y sensitiva.“ Nscila à dit Marlies Lüdtke tla prejentazion dla mostra de Gregor Prugger a Terlan ai 19 de utober; la mostra ie mo da udëi nchin ai 10 de dezëmber.

Sëures te scatules dal vin La mostra ie unida a s’l dé do che na cunlauradëura dla Cassa

Raiffeisen de Terlan, Barbara Unterholzner, che ie la respunsabla dla pert culturela dla banca, ova udù la mostra che Gregor à fat de utober a Persenon, cun scultures tridimensciunels dal titul „L bosch te mé“. N valgun de chisc lëures à Prugger nce metù ora a Terlan, dlongia la scatules dal vin. Gregor lëura bele da n ann incà sun chësta scatules de lën de bozes dal vin; te chësta scatules àl reprejentà te na maniera astrata la sëures di vins, sciche l mujel dl vin, l elemënt minerel, sëures de versura d’uni sort, da tiera, l’eleganza, da ega y nsci inant. L pensier de Prugger ie che l udova la scatules uetes che ti fajova lecurdé l vin y si sëur. “Y pona me sàl pa bën nce bon, l vin, a la dì duta!” stlarësc Prugger si liam cun l vin, esprescion dla tiera, dl lëur di paures y n generel de na gran cultura che ie dovia. Y Terlan ie coche dit propi un di luesc plu cunesciui per la gran tradizion dal vin.

La parola al’autoriteies N ucajion dla vernissage à l presidënt dla Cassa Raiffeisen de Terlan Baron Carl Eyrl y l ambolt de Terlan Klaus Runer abù paroles de salut y de lauda. Prugger à rengrazià i urganisadëures y i prejënc, stlarian coche la ie unida a s’l dé, de coche l se dà ju bele da n pez incà cun roba che stluj ite, cun referimënt nce a Gherdëina y si crëps; chësc pensier àl ulù slargë ora ala tematica di vins y la scatules.

Prejentazion de Lüdtke Marlies Lüdtke à prejentà l artista y si ouvre: „Gregor Prugger ie chersciù su y viv te Gherdëina.

La scatules dal vin cun si sëures.

Te si rujeneda dla formes ti vàl do ala fusties dla natura. Tla mostra a Terlan vëniel mustrà n valguni de si lëures fai ultimamënter, cun un n denuminadëur, chël dla perzezion cun duc i elemënc sensitifs. Cun Prugger che ie bon de dé da ntënder nce muvimënt tla scultures, che ie per definitionem statiches. L ie l lëur a puntin dla rames, che dà la mprescion dl regorer y dl fin. Sce son boni de jì ite, de se lascé pië da si lëures, pona sons boni de muever nosta fantajia, tant che a s p i to n d e u n ì tu c h e i ,

mentalmënter y fisicamënter. L ie l muvimënt dla plueia, de n aghel, dla gotes sun l mustl vërt tl bosch, y nce dl vin, che sbriscia ju n iede sun la lënga y pona ju per l col, cun duta si sëures, da versura, da fum, da tiera. Chësc muvimënt tol Prugger ca per mustré su si raport cun la natura, cun i tëmps dl di y dl ann; i tëmps che ie pu for n muvimënt. Povester sons nscila boni de ti cialé al zirtl che se muev pu for danter persona y natura, vita y mort, devenì y finé via. Ti lëures de Prugger iel da una na pert na tenscion, dal’autra nce na armunia. La tenscion vën ora dal elemënt sensuel-sensitif, l te vën da tuché i soc dl lën, te damandan: regurova pa tlo iusta ju na bona gota, se àl pa muet zeche? L’armunia vën ora dal elemënt lën, per chël che te sëntes n’atrazion, ie pu sibe la persona che l lën pertes de n medemo

pruzes de criazion y svilup. La scatules dal vin passenea spezialmënter pra Terlan. Bele da n struf incà fej Gregor Prugger esperimënc cun box, scatules, tabernaculi y nce libri. Che se lascia o giaurì o che prejentea si cuntenut bele davierc. I cuntenuc ie datrai ascundui, datrai cuchi mé iusta ora, d’autri chier de ulëi unì ora y mo d’autri te toma belau ados. Suvënz iel zeche da mantenì, da cialé lessù, datrai zeche de valor, zeche de sucrët. Pra la scatules dal vin vëniel ora l’afinità dl artista cun l bon vin, ma nce si umor plu sot.“ Nscila Lüdtke te si prejentazion. La mostra de Prugger a Terlan, tla Cassa Raiffeisen de Terlan, Dr. Weiserplatz 9, ie mo da udëi nchin ai 10 de dezëmber dala 8.00 ala 13.00 y dala 14.30 ala 16.00. David Lardschneider

A Terlan fòvel nce metù ora n valgun pec dal titul “L bosch te mé”.

12

www.lauscdiladins.com


Gherdëina

nr. 47 / 04 de dezember 2010

Ad multos annos, Andrea da Costa N bel iubileum iel unì festejà n ucajion dl cunzert de Santa Zezilia dla Mujiga de Sëlva. Gran uneranza d’or al dirighënt Andrea Mussner da Costa per si 50 ani pra la Mujiga. Doi iedesc bront y un n iede arjënt a musicontri jëuni

A Andrea Mussner da Costa, tlo cun l’autoriteies, l segondo da man drëta, ti iel unì dat la gran uneranza d’or per vester stat 50 ani cumëmber dla Mujiga.

I trëi jëuni che ie unii unerei. Da man ciancia: Erwin Tröbinger, Andreas Meraner y Matthias Designori.

Mujiga Sëlva - „La plu bela scincunda che pudëis me fé per i cincant’ani pra la Mujiga ie de fé n bel cunzert. Perchël Ve prëi mo bel de ve tò pea i strumënc a cësa y suné mo a cësa, chisc ultimi dis.“ Nscila ti dijova l dirighënt Andrea da Costa n valgun dis dan l cunzert ai musicontri dla Mujiga de Sëlva. Danz che duc se ndebitova mpue’, a dì bel la santiscima urità, ajache Andrea Mussner ova cris ora n program bel, ma belau dut nuef y do la rata rie per la Mujiga de Sëlva. Y oradechël àn scumencià a l mparé ite permò do la Segra ala fin de setëmber. Pec tecnicamënter riei y dlicac tla mujigalità y tl acurdé, truep soli. La jiva mo de fé l sprint finel, l fil de lana fova daujin, l se damandova mé plu n ultimo sforz, do la truepa proes d’autonn.

L presidënt dla Mujiga de Sëlva Manuel Senoner dl Ploc à cherdà dancà Erwin Tröbinger y Andreas Meraner, che à arjont la bedaia de merit de bront per musicontri jëuni, y Matthias Designori, bedaia d’arjënt. Al dirighënt Andrea Mussner da Costa ti iel unì sëurandat l gran diplom d’or per cincant’ani pra la Mujiga. Paroles de lauda y de salut iel stat da pert dl presidënt provinziel Pepi Fauster y dl presidënt raionel de Gherdëina Johann Großrubatscher.

L cunzert de Santa Zezilia Y pona fòvela tan inant. N dumëina ai 21 de nuvëmber dala cinch domesdì jiva i musicontri ora sun palch. Na prima scincunda ovi bela giapà. Na sala tocia y plëina de jënt, lajù y lassù, n publich da festa. Bela danora: l cunzert à butà, nce i soli ie jic drët bën. Chisc ie

i pec che ie unii sunei, cun i solisć: l cunzert scumenciova cun l pez National Emblem, na marcia da druch de Edwin Eugene Bagley.

Oskar Mussner y n tòch nce Leo Demetz. Reich der Dolomiten, Romantisches Tongemälde für Blasorchester de Gottfried Veit ie stat na hommage al dirighënt d’unëur dl’Assoziazion dla Mujighes de Südtirol, fova pu l cumponista dl pez nce prejënt te sala. Soli de Rainer Plancker, Dagmar Frontull y Giorgio de Biasio. I soli di sax fova da audì pra Lyric Waltz de Shostakovich. Ala fin dl program ufiziel iel mo stat da L cheder de Roland Moroder de Go de Go cun audì l pez My Way, lessù l vedl luech da Costa. cun i soli de Florian Inant iela jita cun Don Pasquale, Lardschneider y de Giorgio na ouvertüre al’opra de G. Callegari. Donizetti cun solo de David Grant ie stat l aplaus dla jënt, Lardschneider. Da dedò Gershwin y nscila à la Mujiga mo sunà doi in concert, a symphonic tribute pec de bis. La marcia Dem Land to G. Gershwin. Inant jìvela cun Tirol die Treue y Saxophon Happy Spain de Hans Reiner Dreams cun soli de sax. Tres l Schmidt, ulache l reghister dla cunzert à menà l speaker Claudio tumbrëtes ova na pert mpurtanta. De Biasio. L univa pona l "surbët", a dì dl dirighënt Andrea Mussner da Uneranzes d’or, d’arjënt Costa, la Romanze opus 50 de y de bront Hans Eibl, n pez scrit ntëur per tlarinet solo: tlo àl sunà da solisć Danterite iel stat la uneranzes.

La Mujiga de Sëlva n ucajion dl cunzert de Santa Zezilia.

Ma nce da pert dl assessëur provinziel Florian Mussner, fra de Andrea, y dl ambolt de Sëlva Peter Mussner, che ti à, deberieda cun l’assessëura Milva Mussner, sëurandat a inuem dl’aministrazion cumenela y dla jënt de Sëlva n bel cheder de Roland Moroder de Go de Go, cun lessù l vedl luech da Costa. Ntant ti sunova i cumpanies dla Mujiga na marcia al dirighënt, sot ala bachëta dl vize Leonhard Runggaldier. La cossa ti ie jita a cuer, a Andrea da Costa, nscila almanco la mprescion canche n ti cialova ntan chëi mumënc. Na scincunda, n bel maz de ciofs, ti iel nce unì dat ala fëna de Andrea, Lidia, per dut si sustëni te duc chisc ani, ma nce per la pazienza, che guai a cumpedé adum duc i

iedesc che si uem Andrea à abù da fé cun la Mujiga, te duc chisc ani… Te sala fòvel mo d’autra autoriteies, danter l auter l pluan de Sëlva Sn. Pire Clara y l vizepresidënt raionel de Bulsan August Senoner y Rudi Trogger, ex presidënt raionel de Bulsan, l dirighënt de unëur dla Mujiga de Sëlva Oswald Dellago y l presidënt d’unëur Toni Demetz, cumëmbri d’unëur y truep ex-musicontri.

Sunedes pra cëina L di ne fova mo nia finà. Deberieda cun i siei de familia y l’autoriteies jiva i musicontri via tl restaurant Des Alpes, ulache Priska y si team ova njenià ca de boniscima derzedes. Doves ie mo states la surprejes. Una ie na fanfara, purteda dant da na grupa dla Mujiga de Sëlva sot ala bachëta de Leonhard Runggaldier. L pez ie unì scrit aposta per l iubileum dal dirighënt d’unë ur dl’Assoziazion dla Mujighes de Südtirol Gottfried Veit, titul: „Fanfara Andrea Mussner“. La surpreja numer doi fova la grupa de musicontri che lëura o che ova laurà pra Andrea da Costa te duc chisc ani passei. La surprejes ie garatedes. Bel iel stat! (dl)

Andrea Mussner cun si fëna Lidia. www.lauscdiladins.com

13


Gherdëina

nr. 47 / 04 de dezember 2010

Elena Runggaldier ie la atleta junior dl ann 2010 Pra la vela dl atleta junior dl ann, de Gherdëina, che ie unida metuda a jì dal Schi Club Gherdëina y dala lies dal sport de Gherdëina deberieda cun la Usc di Ladins, àl venciù l’atleta jëuna de S. Cristina dl saut cun i schi

L muderadëur dla sëira cun Elena Runggaldier. (Fotos: Marco Runggaldier)

La numinazions Arpizeda sportiva: Giulia Alton, Alex Walpoth Atletica lesiera: Yvonne Senoner Biathlon: Alexia Runggaldier, Maikol Demetz Cumb. nordica: Mattia Runggaldier, Armin Bauer Free Ride: Andreas Bacher, Stefan Schenk Hockey: Joel Brugnoli, Fabio Kostner Juech al palé: Giuana Prugger, Stefan Senoner Saut cun i schi: Evelyn Insam, Elena Runggaldier Schi Alpin: Tatiana Nogler Kostner, Janina Schenk Snowboard: Romina Demetz, Daniele Bagozza Tennis: Patric Prinoth

Sport - L’atleta dl ann junior ie... La tenscion fova a mile, canche l muderadëur Luis Mahlknecht à cunedì chiche à venciù. L’atleta jëuna dl ann 2010 de Gherdëina ie Elena Runggaldier. La jëuna de S. Cristina à giapà l plu ponc sibe dala jënt che dala iuria. Elena Runggaldier, muta de Karl da Scimenon y de Emanuela Wanker d’Urtijëi, ie nasciuda ai 10 de lugio dl 1990. Te si sport, l saut cun i schi, àla arjont truep de bon resultac tla sajon 2009/2010, danter l auter sies plazamënc danter la primes diesc tla garejedes nternaziuneles Continental Cup/Normal Hill, y n segondo post pra i Campiunac Taliani assoluc. Ma l resultat plu mpurtant, de marueia, ie l prim post pra i Campiunac dl Mond junior tl inviern passà. N prim post merità, chël de Elena Runggaldier, pra la vela dl atleta

Duc i atlec che ie unic premiei per la vela dl atleta junior dl ann sun palch.

14

www.lauscdiladins.com

La premiazion di atlec.

junior 2010 de Gherdëina. Elena, blòta muta de 20 ani, ie una che s’la rij gën y suvënz, che à n bel sense of humor, a dì dl nglëisc, coche àn bele scrit tla USC chëst ann d’inviern canche àn pudù la cunëscer mpue’ miec.

Plazamënc Do Elena Runggaldier se à plazà segonda Giuana Prugger, terzo Maikol Demetz,cuarta Giulia Alton, cuinta Yvonne Senoner y sesta Tatiana Nogler Kostner. I plazamënc da set a dodesc ie damprovia de Armin Bauer, Alexia Runggaldier, Fabio Kostner, Alex Walpoth, Patric Prinoth y Janina Schenk. La ujes univa dates dala jënt cun la chertes da taië ora dala Usc di Ladins. Chësta ujes valova per l 70% tl resultat finel. Oradechël fòvel mo na iuria che dajova ora si

preferënzes, che ova na fazion dl 30% sun l resultat finel. Coche dit, Elena Runggaldier à venciù sibe pra la jënt che pra la iuria, l ie perchël n prim post cun duc a una. La iuria fova metuda adum da trëi assessëures per l sport, Milva Mussner de Sëlva, Robert Ploner de S. Cristina y Wolfgang Wanker de Urtijëi, y da trëi reprejentanc di media, Leo Senoner, Luis Mahlknecht y per la USC David Lardschneider, nce presidënt de iuria.

Sëira de gala y bal L’azion dl atleta junior 2010 finova via cun la bela manifestazion de gala n sada ai 27 de nuvëmber tla Cësa de Cultura de Urtijëi. L fova gala, y da gala nce l furnimënt: l’ëiles che trajova l uedl, i ëi tl furnimënt tlassich. N iede n bon

aperitif. Pona ite te sala. L fova truep parënc y cunescënc di atlec, ma nce truepa autoriteies. Sambënn la ideadëura y urganisadëura de dut, la presidënta dl Schi Club Lidia Bernardi. Pona danter l auter l assessëur provinziel Florian Mussner, i assessëures per l sport

La tlassifica 1. Elena Runggaldier 2. Giuana Prugger 3. Maikol Demetz 4. Giulia Alton 5. Yvonne Senoner 6. Tatiana Nogler 7. Armin Bauer 8. Alexia Runggaldier 9. Fabio Kostner 10. Alex Walpoth


Gherdëina

nr. 47 / 04 de dezember 2010

Mumënc dla sëira de bal y festa dl sport.

de Gherdëina, l presidënt dla FISI Hermann Ambach, si vize Sigi Wachter, i diretëures de scola Bruno Senoner y Helmuth Senoner, l presidënt di mplanc portamont de Gherdëina Paolo Cappadozzi, truep ex atlec coche Carletto Senoner, Iustina Demetz, Lotte Nogler, Ivo Mahlknecht, Felix Denicolò Peter Runggaldier y Isolde Kostner, ma nce na lingia de sponsores, l presidënt dla Cassa Raiffeisen de Sëlva Ivo Senoner, Emanuel Prinoth dla 181, Carletto Senoner zumpradëur, Gianmarco Bosisio dla Boluce. La sala fova scicheda su a puntin. I ”Die Hallers” scumenciova bele a suné n valgun pec achiet via. Plu tert, do la premiazion, sunovi pona da bal. La cëina y la mëises ie unides njeniedes su dai trëi hotiei de Sëlva Tyrol, Savoy y Gardenia. N gra particuler a Bibiana Dirler, Christoph Vinatzer Anita Schenk. La cëina de sies derzedes fova da ti dé dl Vo: tartar, jopa de castanies, crafuncin cun fonc y gamberët, filët y dessert, de boniscimi vins.

Defiledes de moda Ntan cëina iel stat na defileda de

moda metuda a jì dala butëighes Maciaconi y Glamour, cun la atletes y i atlec nstësc che à fat pea. Tla prima pert iel unì mustrà moda da d’inviern, tla segonda pert moda plu glamour. Per l’atletes y i atlec fòvel l prim iede che i fajova vel’ da de tel. Ma i l à fat a puntin, da profies, y oradechël mo cun n fé dalaibon che mé la jëunes y i jëuni possa avëi. Bel da cialé pro, na manifestazion tla manifestazion garateda. Ntant fova i jëuni basite che tizova ite dala ot inant pra la party dl sport cun DJ Ondy. Y ntant unìvel nce fat fotos; chiche ulëssa na si foto dl bal possa passé da Foto Planinschek te Sëlva.

Premiazion Do mesanuet à pona l muderadëur Luis Mahlknecht cherdà sun palch i prim sies tlassifichei. Y pona do y do duc i atlec, che à giapà n pest de lecort per la manifestazion. Elena Runggaldier à venciù n week end a Monte Carlo a ti cialé ala garejeda de Formula 1, ulache la puderà nce jì ti box y monce fé pea pra la cëina

de gala. Giuana Prugger à giapà doi chertes per jì a cialé l Bayern München, cun hotel. L terzo tlassificà, Maikol Demetz, à giapà doi chertes de ntreda per l cunzert de Ligabue a Bulsan. I tlassifichei da cater a sies à giapà n abunamënt per l studio fitness 181 a Urtijëi. Ala fin iel mo unì trat ora l pest de chiche à lità. Do che la ova l ann passà venciù la prima edizion dl cuncors, ie chëst ann Alexia Runggaldier inò unida busseda dala fertuna, vencian n bel short stay tl Adler Thermae, do che la zedula che ëila ova dat ju fova unida trata ora. La festa jiva inant cun l bal, y per chiche ova mo na tel pitla fam fòvel mo lianies blances y de bon ciajuei. Jita inant iela mo giut. Na festa de gala, per premië l’artenienza, l mpëni, l talënt dla atletes jëunes y di atlec jëuni. Na gran lauda y cungratulazions a dutes y a duc, y inant nscila! Y cungratulazions sambën mo n iede a Elena Runggaldier de S. Cristina. David Lardschneider

www.lauscdiladins.com

15


Gherdëina

nr. 47 / 04 de dezember 2010

Peter Demetz vënc a Sulmona N ucajion dl Pest Sulmona - Rassënia Nternaziunela de Ert Cuntemporanea à Peter Demetz de Urtijëi giapà la crëta de duta la iuria sort, rejona libri de nëus nstësc. L ie bën vëira che l’ert cuntemporanea ie nce na critica dla sozietà, ma dant aldut ajache la ie mascimamënter n spiedl dl artista nstës. Per fé n ejëmpl, sce te mi lëur iel na persona desnuda, pona mostra chël su chël che ie nstës son veramënter.“ Nscila Peter Demetz: coche dì che l ie rie y suvënz povester nce puech oportun a jì a analisé massa na opra y chël che l’à fata. L’opra ie tlo, tl cajo cuncret l pez „L lecort“ te lën de linda; y chël messëssa basté.

Pensieres de Peter Demetz Peter Demetz vën premià da Paola Pelino; ëila ie de Sulmona y ie deputata a Roma.

Ert - Venciù à Peter Demetz cun l pez „L lecort“ te lën de linda de 60x49x17 cm. Ai 30 de utober iel finà via la XXXVII edizion dl Pest Sulmona – Rassënia Nternaziunela de Ert Cuntemporanea. L pest de Sulmona vën urganisà dal Circolo de ert y cultura „Il Quadrivio“ y ie patruzineda dala Presidënza dl Cunsëi di Ministri, dal Ministere per i bënns y la ativiteies culturei, dala Region Abruzzo, dala Provinzia dl’Aquila y dal Chemun de Sulmona. Te chësta edizion, pra chëla che l ie nce stat l ntervënt dl Senatëur Francesco Pionati, iel unì metù ora passa cënt opres danter depënc y scultures, da 27 nazions. I artisc´ che à fat pea ie unii crii ora y dai dant da na cumiscion aposta, che fova pona nce la iuria, cun l presidënt unerer dl Circolo de ert y cultura „Il Quadrivio“ Vittorio Sgarbi, Ivo Bonitatibus, Carlo Fabrizio Carli, Giorgio Di Genova, Dino Pasquali, Giorgio Seveso, Chiara Strozzieri, Gabriele Simongini y Duccio Trombadori; l secreter ie Gaetano Pallozzi. „Danter i artisc´“, scrij Mariassunta Ciccarelli, „n iel de tei de na cërta caratura: Agostino Arrivabene, Peter Demetz, Giovanni Lacognata, Raimondo Lorenzetti, Stefano Mosena, Claudia Marchetti, Toninu Mattu, Antonio Porru, Livio Scarpella. Duc chisc ie espunënc dl

panurama artistich naziunel d’al didancuei.“

„Scultura inuvativa“ „L prim pest de Peter Demetz,“ scrij inant Mariassunta Ciccarelli, „ie zeche de nuef che toca sot chiche ti cëla al’opra, che vën smacà ite te n juech de spiedli fat dal autor, n juech che te pëia ite y te porta demez. La figura umana y la reprejentazion dl uni di ie tl zënter dl artista de Urtijëi, che ie bon de mustré su cosses da uni di tres na scultura inuvativa, studieda a puntin tl’architetura dl uet, zënza se muever tl tradiziunel dl dut turont, ma tres na tecnica de bascreliefs che ie bona de crië monc reéi, uniun per sé. La persones reprejentedes semea che les posse scumencé a viver da n mumënt al auter, tla realisazion de na sort de teater che ie njenià a se muever coche n carillon medievel, ma che à te sé chël minimalism sut de n’ert madura y che sà n nëut n con’ de si obietifs.“ Nscila Mariassunta Ciccarelli.

„La ueia de fé“ Peter Demetz: „L ne n’ie nia da sotvaluté che te uni forma d’ert che n fej iel laite la ueia dl artista de fé zeche. L fat che on ueia de fé cërta robes, zënza spieghé filosofies d’uni

Ma per la cultura y l livel aut de reflescion de Demetz, iel mpo nteressant a jì a ti cialé al Peterpensier: „Tl lëur n generel chieri ie for na lerch per la mënt. Son dla minonga che te n uet pòssel nce vester na persona y che l resta mpo n uet. Suvënz me nuzi nce de n spiedl - nce sce tl lëur „L lecort“ ne n’iel degun spiedl ma l cëla ora coche sce l n fossa un - te chël che la persona possa spidlé si mënt plu che mé si corp. La persona furnida mé n pert me sà che ti dà na sëur plu ntima, plu privata. Chël juda a nterpreté l lëur a livel plu persunel.“ Ciuldì pa na figura de ëila? Demetz: „L’ëila ie plucheauter n cajo. Ie feje sibe ëiles che ëi. Dan l spiedl ie povester l’ëila zeche che ie plu da uni di. Te duc mi lëures iel laite l uni di. L ne n’ie mei zeche che dà massa tl uedl, mei n muvimënt massa tler, ma defin da uni di, belau banal. Y ti cialan pudons nëus nterpreté, se nmaginé dut chël che udon ntëurite, y chël depënd defin mé da nëus che cialon.

La banalità? Proscima dumanda: „Ne n’ie pa chësc uni di nia massa da puech, banel? Peter Demetz: „La banalità de uni di ne n’ie nia banela, dut auter: avisa chëla ie nosta vita, dut cieche ie ora dl uni di, sibe tl bën che tl stlet, tl bel che tl burt, ie mé de pitli mumënc, nce sce de gran mpurtanza. Ma l fonz de nosta vita

La foto de grupa pra la premiazion a Sulmona. Da man ciancia: Yang Sil Lee dla Corea dl Sud segondo pest, terzo pest per Marzio Banfi dla Svizra, Giorgio di Genova critich d’ert che à fat la premiazion (cun si cumpania Patrizia a man ciancia), Luciano Caramel che à venciù l Pest Sulmona coche storich d’ert, Peter Demetz prim pest per i lëures d’ert.

16

www.lauscdiladins.com

Peter Demetz à venciù a Sulmona cun l pez „L lecort“ te lën de linda.

ie l uni di, la sëur generela de nosta vita ie uni di, uni di ie sciche l’ega che adurvon te nosta vita; l’autra ntraunides ie na ciarieja, zeche de extra, de rer.“ Cunscidrazion: mé che l’ega uel jì tl mer, l’ega uel ruvé, nce l’ega chier l mumënt partiucler. Resposta de Demetz: „Ma l’ega va da sëula, y va juvier. Nce nëus jon de viers dla mort y chël va ënghe da sëul. Y te chësc jì da sëul che nosta vita à, dl jì inant, iel, sce on banaliteies che nëus vivon cun cuscienza, plu saurì a viver y perchël éi ueia de ti dé mpurtanza al uni di. Suvënz éi udù udù che a mi ne me vàla nia autramënter che a d’autra persones, che rejona cun mé n ucajion dla mostres, dijan avisa chël che me sà nce a mi: ferman de tei pitli mumënc che ne nes conta nia stories finedes, ma plucheauter n scumenciamënt o n framënt danterite, ti dàn na sort de reflescion a chiche ti cëla, se rendan suvënz cont che pitla cosses fej ora truep tla vita de un nstës.“

La rasseniazion? Pona pudëssel vester che Peter Demetz viv tla rasseniazion, o che Peter Demetz ne cëla nia plu inant? vedi inant cun la dumandes da bastian cuntrer. Peter Demetz: „Da mé ora iel avisa l cuntrer: l udëi ite la mpurtanza dl uni di ie l scumenciamënt. I lëures ne n’ie nia nasciui a livel cunitifs, ma a livel emuzionel, ne chiere nia ora la tematica, ma me dé ju cun l lëur y lëure aldò de mi emuzions y sentimënc, y pona vëiji cie che ie, coche ie l pez finà. Y chësta maniera de lauré me juda sën mo deplù che dant a jì inant. L ie deplù i lëures che me conta y me rejona a mi, che no ie che conte y rejone tres i lëures. Plu che na rasseniazion te mé iel na madurazion, do mi ntënder, te rëndes cont dla belëza de chël che ne n’ie nia tan tla lum, nia tant a livel artistich, ma a livel persunel. L plu mpurtant ie savëi da tò la robes cun na cërta distanza; nia che ie l’ësse defin, ma ti dé gran mpurtanza a chësc. Josef da Stlujuc, che stime dassënn, à dit n ucajion de mi mostra a Urtijëi che l sciazea mi lëures

ajache i l fej paussé. Povester me feji nce paussé mé.“

La sëur dla ciarija Demetz: „Maion dut deuciaries, ma maian massa ne àles plu deguna sëur. Suvënz iela nscila che sce se dajon ju cun ega zënza sëur ma che adurvon a viver al 100%, mparons inò a mparé a sciazé la sëur dla roba dëucia y dla ciarieja. Y la vita à inò plu sëur cun la ciarijea.“ Nscila Peter Demetz, che dij pona chël che on bele repurtà dessëura: „L ne n’ie nia da sotvaluté che te uni forma d’ert che n fej iel laite la ueia dl artista de fé zeche. L fat che on ueia de fé cërta robes, zënza spieghé filosofies d’uni sort, rejona libri de nëus nstësc. L ie bën vëira che l’ert cuntemporanea ie nce na critica dla sozietà, ma dantaldut ajache la ie mascimamënter n spiedl dl artistan nstës. Per fé n ejëmpl, sce te mi lëur iel na persona desnuda, pona mostra chël su chël che ie nstës son veramënter. Vëira iel che l sëuramenà dl mond me pëisa.“ Peter Demetz fej mo na cunscidrazion: „Lauran te na maniera realistica iel l pricul grant che nce l lëur devënte decuratif. Ma lauran nscila sons ie plu senzier cun mé. Sce laurësse te na maniera plu astrata, plu nterpreteda, pona fossi plu conform a chël che l mond artistich se nmagina, ma manco senzier.“

L nvit de Sgarbi L cuncors de Sulmona fova coche dit sun nvit. Peter Demetz ie unì nvià ite da Sgarbi, che ova udù na mostra tl 2008 a Cento di Ferrara, la prima persunela de Demetz. Sgarbi ne ova nia rujenà cun Demetz, l ova mé udù si lëures. Doi ani do à Sgarbi nvià Demetz tla Sardegna, de merz dl 2010, per l Pest Arciere, che ie ënghe n cuncors d’ert cuntemporanea. Iló à Peter Demetz venciù l pest ex aequo cun Nicola Samorì y Agostino Arrivabene. Tres chësc cunescënza persunela cun Sgarbi iel nce unit a s’l dé na mostra a Spoleto y una tla Sicilia. David Lardschneider


nr. 47 / 04 de dezember 2010

Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Le Cor de Dlijia à recordè süa patrona Festa de Santa Zezilia cun “Eviva le ciantè y la musiga che tëgn le cör jonn y ligherzin”. Chësc podésson tó sciöche motto por la festa de Santa Zezilia a Badia

sentada generala Le Cor de Dlijia à festejé la patrona dla musiga de dlijia cun na mëssa ćiantada y sonada te dlijia. Dedô àn ćiarè zoruch al’ativité pro la sentada generala, olache al é inće gnü onorè deplü mëmbri dl cor

Le Cor de Dlijia de Badia en la festa de Santa Zezilia.

Badia - Sciöche te dötes les cöres de Südtirol él inće a Badia gnü zelebrè ala fin de novëmber, adöm ala festa de Crist Re, la festa de Santa Zezilia. Sce la pröma é na festa che toca pro les gran festes de dlijia, se lascia inće la secunda ion festejé laprò y passenëia ite tl cheder dles festes religioses. La patrona dla musiga y dl ćiantè de dlijia ne po nia gnì desmentiada, deache ince ëra dà so contribut al abelimënt plajor y ala valorisaziun dla vita liturgica de nostes cöres. Chësta festa é dër sintida y vëgn tignida alalt, sides dai ćiantarins di cors de dlijia, che da düć chi che à ligrëza cun la musiga y le sonè te dlijia. Le ćiantè é val’ che fej tan bun, chël savunse düć! Fora por dötes les perts dla vita dla porsona, nes acompagna inće le ćiantè. Da pice möt ćiantâ magari la uma val’ de fin por nes indormedì. Tla jonëza porvunse instësc fora nosta usc y nostes capazitês musicales y insciö tres danü fora por la vita. Tan bel sön munt canche al vëgn ćiantè y döt ringhinësc. Y spo inultima, canche na porsona se destöda: tan plü saurì che al é da tó comié, sce le chît y le dolur vëgn stopè ia da val’ bela melodia.

Do le ćiantè stà tröpa ligrëza y idealism Porchël él dërt che la patrona dl

ćiantè y dla musiga vëgnes recordada y onorada. Sciöche düć savun, é le ćiantè te dlijia di cors n sorvisc che vëgn fat debann, por ligrëza y gonot inće por idealism, por daidé crësce y jì plü sot tl significat de nosta fede y spiritualité. Ara se trata de n sorvisc che costa gonot tröpes fadies, renunzies y desponibilité da pert di ćiantadus, por le bun garatè dl ćiantè y inće por le tignì adöm tla uniun. Sce le ćiantarin é tla convinziun y é a öna cun chësc, spo tëgnel fora tröp, magari datrai inće la püćia conscidraziun da pert dla jënt, o sce al é datrai che val’ ne gareta nia sciöche al ess ion. Al é bel da odëi che al �� inće al dedaincö tröpes porsones che se mët a desposiziun, che dà y fej döt le miù, se crüzia di atri y ti tol insciö n pü’ de importanza al plü conesciü “Deus-macchina”.

Santa Zezilia cun la “Orgelsolomesse in C” de Mozart A Badia à la festa de Santa Zezilia metü man cun la gran mëssa ćiantada dal cor. En chësc ann él gnü portè dant la “Orgelsolomesse in C” de Mozart y dui de bi tòć fora dl repertore dl componist contemporan Lorenz Maierhofer, plü avisa “Machet die Tore weit” y “Gott ist mit uns”, sot la direziun dla dirighënta Cristina Pitscheider

Les porsones che à podü pié do na onoranza por plü agn d’ativité: Walter Craffonara (20 agn), Elisabeth Ties (25 agn), Agnes Daprè (30 agn), Frieda Daprè (30 agn) y Reinhold Pescoller (15 agn).

y cun l’acompagnamënt ai orghi de dlijia dl orghelist Paul Dapunt. Gran mirit dl bun inom dl cor y dl garatè de dötes les festes fora por l’ann ti va ala dirighënta y al orghelist, zënza de ëi podésson bëgn fà püch. Porchël orunse te chësta ocajiun ti dì giulan por döt ći che ai fej, por les gran bries y le tëmp che ai ofrësc sö por l’uniun instëssa. Ai se mirita döta nosta amiraziun, sides por la profescionalité, le savëi y suradöt che ai é dagnora presënć.

Ćiantarines y ćiantadus pëia do na onoranza Do mëssa te dlijia éson passà ala pert ofiziala: siur degan Franz Sottara, che é mëmber de dërt dl Cor de Dlijia, à dit de beles parores sintides de rengraziamënt y sostignimënt, che à fat dër bun y ti a dè motivaziun nöia al cor da fà inant. Dedô àl surandè onoranzes à n valgügn componënć dl cor, plü avisa ales ćiantarines y sorus Agnes y Frieda Daprè, intrames por 30 agn de ativité, a Elisabeth Ties por 25 agn, al ćiantarin Walter Craffonara por 20 agn de ativité y a Reinhold Pescoller por 15 agn de sorvisc al ćiantè de dlijia. Ai cinch iubilars i vàl les mius aodanzes y congratulaziuns. Chësc é n bel travert sides por i iubilars, che por döt le cor. Ma insciö po vire inant na uniun. Vignun é important, jonn o vedl. Le ćiar vëgn trat inant y tignì sön le dër tru da düć y da dötes: chësc é püch mo sigü. Porchël él da s’aodé y sperè che düć vais tres dl medemo vers. Sciöche da tradiziun te chësta ocajiun, ti à siur degan Franz Sottara ofrì al Cor de Dlijia na bona marëna tl’ostaria San Leonardo a Badia. Chilò, tratan na ćiantia y l’atra, val’ de bun te taì y te gote, à la presidënta dl cor Susi Pitscheider tignì le discurs por l’ocajiun. En cört àra rengrazié, recordè i obietifs dl cor y perié inant dl sorvisc. (test: Susi Pitscheider, fotos: Freddy Planinschek)

Pro la jita dl cor d’otober de chësc ann, dan la ćiasa sön la pera ite en Ulten.

La Val - En domënia ai 21 de novëmber, en gaujun dla festa de Crist Re, unse podü zelebrè tla cöra da La Val la festa de Santa Zezilia, patrona dla musiga y di ćiantadus. Le cor s’à presentè cun süa bela troht y à abelì la santa mëssa cun la “Missa brevis – G dur” de W. A. Mozart, acompagnada da orghe y orchestra a archëć. Do n pice aperitif y na buna marëna tla ostaria Alpenrose, él gnü tignì la reuniun generala, olache i ùn podü aldì les parores de salüt y de rengraziamënt dl ploan siur Iaco Ploner, dl presidënt Gottlieb Moling, dl dirighënt Elio Clara y dl vizeombolt Iaco Schuen. Te chësta ocajiun unse inće podü partì fora cater onoranzes: chëra d’or a Maria Vallazza Rubatscher, chëra d’arjënt a Franz Complojer y Gottlieb Moling y chëra de brom a Rosalia Kofler Lunz. Ai cater iubilars ti vàl n rengraziamënt sintì y inće nüsc complimënć. Le cor da La Val s’incunta daimprò da cënt iadi al ann danter proes, festes de dlijia, sopoltöres, manifestaziuns y i.i. Fà pert dl cor de dlijia é sigü n impëgn por n

ćiantadù, olache al ne basta nia ma le savëi o na buna orëdla, mo al ô inće ester tëmp, ligrëza y dediziun. Pro les ativitês ia por l’ann podunse mostrè sö danter l’ater le ćiantè de mà a Santa Maria en ocajiun dl’inaudaziun dl altè nü a La Pli, i dui conzerć da d’isté a La Val y a Corvara, y le dé dla ćiantia ladina ia en Gherdëna. Por abelì l’ativité dl cor él inće gnü organisé na bela jita a San Romedio tla Val di Non, na slitada a tëmp de löna cun spaghetada, la sëra dl cioce, y chësta ota unse inće podü tó pert ala festa de compliann di 50 agn de nosc orghelist Gottlieb Nagler. Le dé é jü inant cun n batadù, olache al ne gnô ala fin nia ma premié i mius cartadus, mo al cuntâ inće l’ester bugn da chidlé y la fortüna da trà i dasc. I oress inće tó l’ocajiun da rengrazié chi che à dè ca i bi pesć. La festa de Santa Zezilia é garatada y al’uniun ti aodunse inant la ligrëza por le ćiantè, la buna löna y nia inultima inće val’ ćiantarines o ćiantadus jogn che gniss docà. Elmar Alton

Onoranzes pro la festa de Santa Zezilia: Maria Vallazza Rubatscher, Rosalia Kofler Lunz, Gottlieb Moling (presidënt), siur Iaco Ploner, Annamaria Comploi Vallazza (vizepresidënta). Al manćia söl retrat l’ombolt Franz Complojer, che podô pié do la onoranza d’arjënt. www.lauscdiladins.com

17


Val Badia

nr. 47 / 04 de dezember 2010

“Döt adöm n bun ann dla mil!”

I artejagn ô raiuns nüs

Inće sce l’invern é stè frëit, l’aisciöda mola y da bur’ tëmp, ćiara i zidlaês dl raiun Ladinia impò zoruch a n bun ann por la mil. Retrospetiva sön i ultims 20 agn

Incuntada danter l’uniun di artejagn de Mareo. Le bojëgn de terac artejanal é gran. Dl 2011 déssel garatè le raiun “Gran Pré II” y le slariamënt dl raiun da Ćiamaor

Dmc le surastant dla uniun di zidlaês da San Martin Pire Vanzi, le surastant dl SIB Engelbert Pohl, le surastant dla uniun de Mareo Carlo Ploner, le surastant di apicolturs Ladinia Manfred Vanzi, so vize Franz Moling, le revisur di cunć Friedl Ploner, le deleghè dl SIB y surastant dla uniun de Badia Pire Planatscher y le revisur di cunć Georg Frenner. Sön le retrat vëigon inće le blasun dla uniun y la ćiandëra de Sant Amboroje, sant protetur di zidlaês.

San Martin - Sce na ligna de lies à chësc ann festejé iubileums torogn, n’éra pro l’uniun di apicolturs Ladinia nia stada atramënter. Por le 20ejim iade ési rovà adöm en gaujiun dla sentada generala y festa dl patronn Sant Ambroje, che é inće stada l’ocajiun por trà n bilanz dl ativité desfirada ti dui dejenars. Por le iubileum toronn él rovè alerch a San Martin cotan de autoritês fora dal “monn dles ês”, dancà le surastant provinzial dl SIB-Südtiroler Imkerbund Engelbert Pohl acompagnè dala secreteria Emi Mantinger, sciöche inće surastanć di raiuns da Bornech, Porsenù y alta Val de Puster, respetivamënter Josef Mayr, Erich Larcher y Peter Senfter.

albü na bona “racoiüda”, mo scialdi cörta. De mà fóssel stè i prà curis de ciüfs ghei, mo la plöia y le bur’ tëmp à metü n bachët danter les “ares” dles ês dla Val Badia, insciö che la produziun de chësta sort de mil - la plü importanta por i zidlaês dla valada - é stada bëgn püćia. Jügn é inće ćiamò stè dër da plöia y burt, mo dal mëteman de messè à le bel tëmp finalmënter tignì y al é garatè na bona mil de bosch. Mo nia ma chësc n’à caraterisé l’ann di zidlaês dla Val Badia. Tröpes é stades les iniziatives de formaziun che la uniun à portè inant, olache al é gnü fat iadi d’istruziun y tignì referać sön la igiena di sanć d’ês, sön le tratamënt dla varroa y sön la coada frada (Faulbrut).

Püćia mil dai ciüfs ghei, na bona produziun de mil de bosch

Dui caji de “coada frada” curà cun suzes

I 60 zidlaês dl raiun Val Badia cun sü 949 sanć d’ês, à ales sciables döt adöm n bun ann dla mil. Parores dl surastant Manfred Vanzi. Nia indlunch n’éra stada insciö - dijarà plü tert le surastant dl SIB Pohl - che rapresentëia incër 3.000 zidlaês te Südtirol. L’invern passè é stè scialdi frëit cun püć dis ćialdins y inće l’aisciöda é stada tardia y frëida. Chi che à menè sües ês sön i lëgns da pom à

La varroa, che â cherié dan val’ agn cotan de problems pro i zidlaês dla Val Badia, s’à chësc ann tignì plü zoruch. Dui é indere stà i caji de coada frada, na maratia che po avëi conseguënzes fatales por les ês. Por fortüna éson stà bugn da la tratè cun suzes. De coada frada à inće baié le surastant dl SIB Engelbert Pohl, sotrissan l’importanza che i zidlaês desmostres te de te’ caji loialité y solidarieté ti confrunć di colegs

Bona partezipaziun ala generala di zidlaês.

18

www.lauscdiladins.com

zidlaês. “La maratia dla coada frada po atochè vignun, ara po ma gnì combatüda sce al é tla federaziun loialité. Porsones che ne colaborëia nia mëss gnì sforzades da colaborè o zënza déssel gnì atuè i regolamënć”, à injuntè Andreas Platzer, mëde dles ês provinzial. Danter les parores che Pohl à tut plü iadi tla boćia alda inće “sensibilisaziun” o “image”. Pohl à splighé che al va debojëgn da ti comuniché deplü ala jënt le valur di zidlaês: “Nos ne venun nia ma val’ chili de mil al ann, mo i sun porsones che cheriëia n gran valur, porsones che contribuësc dassënn al mantignimënt dla natöra”.

Otto Clara é jü danfora Do les informaziuns plü atuales aldîl inće da recordè en cört i 20 agn de vita dla uniun di zidlaês. Metü man âra cun na cherta scrita dal cav. Otto Clara ai 8 d’aurì dl 1991, olache al ti gnô comuniché al SIB che la Val Badia ess orü se despartì dal raiun da Bornech, pro chël che nüsc zidlaês aldî denant. Les rajuns ê etniches, linguistiches y culturales. Al gnô lité Otto Clara pröm presidënt y ai 14 de novëmber de chël ann gnô le raiun Val Badia ofizialmënter reconesciü sciöche 14ejim raiun dl SIB. Püć dis dedô - ai 27.11 - passâ Otto Clara a miù vita y al gnô docà Pire Vanzi, che é stè surastant ćina dl 2007, denant che ti passè l’ann do le testimone a so möt Manfred Vanzi. Y Manfred Vanzi sarà surastant inće por i proscims trëi agn, do che al é gnü reconfermè pro les lîtes en gaujiun dla sentada generala. So vize sarà inant Franz Moling, deperpo che Georg Frenner y Friedl Ploner romagnarà inant revisurs di cunć. Deleghè dl SIB é Pire Planatscher. La sentada iubilara é jüda a piz cun la presentaziun de n gormel che la lia di zidlaês dla valada à lascè fà por l’ocajiun, y dedô ćiamò pro n bun gote y n bocun da mëte sot i dënz. (pablo)

Mareo - De novëmber s’à le comitê di artejagn de Mareo sentè adöm cun l’ombolt Albert Palfrader, por baié di raiuns artejanai; la rajun é che da cotan d’agn n’él gnü assegnè plü degun raiun, por gaujes desvalies, insciö orô i artejagn avëi tlarimënć da pert dl Comun. Les domandes da pert di artejagn é stades desvalies. Cotan de pici artejagn oress realisé la sënta de süa dita tl comun de Mareo, mo al n’é nia n raiun artejanal aladô a desposiziun por fà sö valch y i raiuns che é bele é da agn chić zënza rajun. Les imprejes da moradù à debojëgn de areai plü ampli olache ai po lascè jö materiai y les gran mascînns. L’ombolt à respognü ales domandes, spligan che al n’é al momënt nia a desposiziun areai lëdi por realisé n raiun artejanal nü, mo da d’aisciöda dl ater ann

gnaràl daurì n raiun artejanal tl raiun Gran Pré, le raiun “Gran Pré II” y al gnarà slarié le raiun ta Ćiamaor. Le prisc n’é nia ćiamò gnü concordè, porchël messaràn aspetè ćina da d’aisciöda. L’ombolt à assigurè che sce n artejan arà debojëgn de n terac o n areal adatè, gnaràl fat le poscibil por daurì de pici raiuns artejanai (singui). L’ombolt à stlüt jö dijon che por realisé raiuns artejanai nüs ôl ester plü domandes te comun. Al ne romagn nia d’ater da fà co da fà domanda te comun y aspetè ćina da d’aisciöda, denant co chirì n ater tru. Le Comun à da ti reconësce a düć i artejagn (zitadins) le dërt al laûr y promöie les condiziuns che ti dais atuaziun a chësc dërt, chësc é danter l’ater inće n prinzip fondamental dla costituziun (art. 4). (Comunicat stampa dla Uniun di Artejagn de Mareo)

Trëi dis a Sarns N bel grup de ëres s’à tut trëi dis por palsè, perié, medité y s’informè, tla Ćiasa St. Georg a Sarns Sozial - Do Gnissant, canche la natöra se mostra te sü plü bi corusc y s’arjigna da palsè, canche i ùn fat la racoiüda, se tolunse vigni altonn zacotan de dis de tëmp por jì a Sarns, tla Ćiasa St. Georg a palsè, a s’istruì, a perié y a medité. Sëdesc ëres à tut sö l’invit y à passè n pêr de dis en bela compagnia. I ùn albü pro nos le dotur Gregorio Rungger, neurologh dl spitol da Bornech, che nes à dè consëis y spligaziuns söl mè de će, n mal che tormentëia cotan de jënt: l’emicrania, nia prigorosa y le mè de će dër prigorus, mo por fortüna plü rêr. I ùn albü danter nos Maria Kusstatscher, che à baié dl’importanza che la fortüna à tla vita de vignun. Al n’é nia na rezëta por ester fortunà, mo an po fà tröp instësc: nia se stlü te ćiasa, mo jì alaleria tla natöra, chirì la compagnia, mangé sann y i.i. Christl Mancini é stada l’ejëmpl

Le grup dles ëres a Sarns.

dla vitalité, dla ligrëza y dl humor. Cun jüć, ćianties y ejëmpli àra descedè te vignöna de nos la vëia da mëte man val’ de nü, da jì a spazier, da s’la gode inće śëgn che i sun en pensiun. La maestra Angela Castlunger nes à mostrè tan de medejines che i ùn incër nos ia. Tla natöra unse erbes de medejina cuntra vigni mal. Nostes lâs savô da se daidé cun cosses scëmples. Ares ciafâ sües medejines t’urt, te prè, sön munt o te bosch. Ares conesciô les forzes ascognüdes tles plantes y savô da les adorè. Vigni dé da doman gnôl Clara Declara a fà n’ora de ginastica cun nos. Insciö ti él inće gnü dè lerch al movimënt, che é dër d’öga por nosta sanité. Vigni dé unse inće albü la fortüna da avëi te capela la santa mëssa. A düć i reladus, a chëres che à organise y a chëres che à tut pert n bel dilan! (Lydia Zingerle)


Val Badia

nr. 47 / 04 de dezember 2010

Festa dles onoranzes, öna vel plü co or Promoziun dan la sajun N bel conzert por Santa Zezilia a La Pli cun Cor y Musiga. Heinrich Willeit da Ćianoré é stè 57 agn pro le Cor, de chisc 27 agn dirighënt

L’Alta Badia inviëia indô da “jì cui schi cun saù”, che alda inće chësc ann pro les ativitês de marketing. Dan la sajun fistidiëion inće da ester tresfora presënć ti media - nia ma nazionai

Les ćiantarines ćianta n iade zënza i ëi. (foto Alfons Facchini) Al vëgn tut sö por la televijiun.

Musiga - Desche al é tradiziun a La Pli él gnü tignì inće chësc ann, la domënia ai 21 de novëmber 2010, le conzert de Santa Zezilia da pert dl Cor d’La Pli y dla Musiga d’La Pli. Al é vigni ann na gran ligrëza por les döes uniuns dl paisc da s’arjigné ca a chësta festa. Cun n salf toch y plëgn de jënt dal paisc y da foradecà, à metü man le conzert cun le salüde de Pauli Rigo che à inće condüt y presentè döt le program. Sön paiun él stè le “Brass Quintett” dla Musiga che à rot la dlacia portan dant dui de bi toć tlassics de Mozart, danter chisc le “Concerto Rondo”.

Le Cor moscedè, le Cor dles ëres y di ëi Dedô él spo stè le Cor de Dlijia che à tut ite le paiun sot ala direziun de Christian Ellecosta cun “Hörst du den Vogelgesang” de Franz Schubert, spo inant cun la ćiantia “Ach ich hab’ in meinem Herzen”

(test de Walter Lieck y musiga de Norbert Schultze); do chësta él gnü ćiantè la ćiantia popolar-alpina “Hans, bleib da” (test de Lorenz Maierhofer). Val’ de bel é inće stè che i ëi dl cor n’à ćiantè öna che é “Salüć dal foresto” cun le test de Angelo Trebo y la musiga de Filippo Verginer; les ëres n’à nia podü fà demanco y à portè dant n toch plü modern, le “I have a dream” di ABBA.

Les onoranzes Do chësta ćiantia à spo tut le surastant Georg Rigo la parora por onorè trëi ćiantadus che s’à fat por tröc agn na gran bria por le cor y por döta la comunité. Cun 25 agn d’ativité à pié do le diplom Cristina Craffonara Brandlechner y Daniela Ellecosta Comploj. La terza onoranza i é gnüda surandada a Heinrich Willeit da Ćianoré che à pié do chëra d’or cun 57 agn d’ativité; te chisc 57 agn él stè dant

Da man ciampa: Siur Heinrich Perathoner - ploan d’La Pli, Cristina Craffonara, Daniela Ellecosta, Heinrich Willeit y Georg Rigo - presidënt dl Cor d’La Pli. (foto Günther Erlacher)

a menè le bachët por bëgn 27 agn. Porchël n gran dilan de döt ći che al à fat por le Cor d’La Pli!

Na ćiantia cun na melodia nöia Do chësta pert é le Cor jü inant cun döes ćianties: “Erlaube mir, feins Mädchen”, cun la musiga de Johannes Brahms y le test de F. W. Arnold. Cun l’ultima ćiantia dal titul “Na sëra sön munt” cun test de Angelo Trebo y musiga dl dirighënt instës Christian Ellecosta i él gnü passè le paiun ala Musiga sot la bachëta de Andrea Daverda.

“Mein Glücksstern” La Musiga à portè dant le pröm toch “Unter dem Doppeladler” de J. F. Wagner, y spo dedô la polca “Mein Glücksstern” de Stefan Rundel. Nia podü falé n’à na overtüra “Orpheus in de Onderwereld” de Offenbach, dedô lassura la polca dër conesciüda “Böhmischer Traum” de Norbert Gälle y por ultim “Tiroler Herz” de Klaus Tschutschenthaler y Hubert Leimegger, Por le gran final s’à metü sö inće le Cor pro la Musiga por sonè y ćiantè deboriada “Europa Hymne” de L. van Beethoven. Le conzert é gnü stlüt jö cun l’Inn Ladin. Do chësc suzes é spo i ćiantadus y musicontri jüs cun ligrëza y buna löna a Furćia a süa cëna tradizionala, davëi meritada por le tëmp y la dediziun scincà ala “musiga” te chësc ann 2010.

Alta Badia - La strategia de marketing dl’Alta Badia é chëra da conzentrè de dezëmber gran pert dles forzes por ći che reverda le marketing y la promoziun turistica dla localité. Do le suzes dla pröma ediziun de “Sciare con gusto” (Jì cui schi cun saù), ôn inće chësc ann pité chësta proposta, che ô promöie le liam danter schi y gastronomia. Le proiet ti vëgn presentè ala stampa locala, nazionala y da foradecà chësta findledema, cun la partezipaziun de passa 25 jornalisć taliagn y todësc, danter chisc inće val’ team dla televijiun y dl radio. Diesc chef renomà dla Talia, Germania, Svizra, Austria y Slovenia, acompagnà dai Dolomitics - i chef da stëres dl’Alta Badia - à cherié na derzada gourmet cun produć de Südtirol, che gnarà pitada tratan l’invern tles üties desvalies. De chësta iniziativa fej pert inće l’area gourmet “Ćiasa Südtirol” en gaujiun dla Copa dl Monn de schi tl’Alta Badia, spo le “Gostè sön munt” sön la ütia Col Alt, la sesta ediziun dl Chef’s Cup Südtirol, le Gourmet Skitour Santa Croce y i cursc da cujiné söl lüch de Sotćiastel. Danter les novitês dla secunda ediziun dl “Jì cui schi cun saù” alda i cursc da cujiné lià al curs de paslunch cun Maria Canins, la derzada etica y cun saù di Dolomitics y la “derzada dl fondist”. Ai 20 de merz 2011 gnaràl spo tignì le pröm dé dediché ai vins de Südtirol, che vëiga danfora na degustaziun de vins a 2000 m cun cioce y ćiajos de Südtirol. Le partner dla iniziativa é la EOS-Ćiamena de Comerz da Balsan.

Alta Badia tla televijiun Le Consorz Turistich Alta Badia ćiara inće da ester tresfora presënt ti media nazionai y da foradecà. Tl

mëis de dezëmber gnaràl porchël tut sö deplü reportajes por la televijiun, che jarà en ona por le mëteman dla sajun. An tolarà sö por na trasmisciun de Geo&Geo en ona sön RAI3 y spo por na trasmisciun de Linea Verde, che jarà en ona ai 2 de jenà 2011. Por RAI1 vëgnel tut sö na trasmisciun de Easy Driver, che jarà en ona dan Nadè. Diesc d’atres trasmisciuns gnarà tutes sö por Marcopolo (SKY), do le gran suzes de audience arjunt cun les trasmisciuns sön l’Alta Badia d’isté, danter agost y setëmber de chësc ann. Por la Germania gnaràl tut sö val’ trasmisciuns por ARD Brisant, deboriada cun porsones conesciüdes todësces, y döes trasmisciuns sön NTV: NTV Motor mët a confrunt la BMW X6 Hybrid y la Lexus Hybrid, deperpo che por NTV-PS/ Das Automagazin, él gnü tut sö na trasmisciun sön la Landrover y la Subaru. Inant podarà l’Alta Badia ospité na televijiun dla Republica Ceca, che tolarà sö na trasmisciun por “S Italem v kuchyni”, na trasmisciun culinaria, dedicada ala gastronomia taliana. Tratan l’invern organisëia le consorz turistich Alta Badia inće iadi por la stampa, danter chisc p.ej. n iade cun jornalisć inglesc y l’educational cun jornalisć che vëgn dai marćià dl est, en colaboraziun cun Südtirol Marketing, en gaujiun dl pröm “Dé dl vin”. La promoziun dl’Alta Badia va spo sambëgn inant tres i evënć sportifs, sciöche la Copa Europa de paslunch y les gares de Copa dl Monn sön la Gran Risa. Por le consorz turistich dl’Alta él de gran importanza da ester tresfora presënć ti media bele dal mëteman dla sajun. N travert a chël che l’Alta ti va do bele da tröc agn. (ofize stampa alta badia/pablo)

Le bel gran final cun Cor y Musiga deboriada. (foto Alfons Facchini) www.lauscdiladins.com

19


Val Badia

nr. 47 / 04 de dezember 2010

Turism marou Pro la sentada generala dl'Assoziaziun Turistica d'Al Plan àn podü portè dant zifres positives sön le turism di ultims agn, mo la concorënza ne dorm nia, porchël se damana presidënt y diretur plü profescionalisaziun y n raport plü personal cun le scior Al va debojëgn da se dè jö deplü cun le scior, magari jon impara a spazier, ti telefonan por damanè co che al ti à salpü chilò da nos, o scëmplamënter inće por damanè co che ara va, por mantignì insciö le contat y miorè la fidelisaziun”, à dit Resch, che à inće alzè fora l’imp or tanz a de na profescionalisaziun tl sorvisc y plü formaziun inće ti lingac. Le diretur à spo inće alzè fora le bojëgn da trà alerch sciori de nazionalitês plü desvalies. Ćina ćiamò él i taliagn che comana la lista cun za. le 74% di pernotamënć totai. Rapresentanć dl’AT d’Al Plan: dmc Marlene Zingerle Trebo, Martina Vanzi Pitscheider, le presidënt Norbert Cristofolini, le diretur Martin Resch, Diego Clara, Werner Call y Oliver Call.

Al Plan - Sodesfaziun: insciö podésson definì le tlima danter i rapresentanć dl’Assoziaziun Turistica d’Al Plan de Mareo, che à cherdè ite sü mëmbri ai 23 de novëmber por la sentada generala. Norbert Cristofolini, le presidënt, à te so discurs de salüt impröma orü rengrazié la junta dl’AT, sciöche inće assoziaziuns, categories y uniuns che colaborëia por portè inant le bun inom turistich dl paîsc marô. N lalt particolar ti é jü al diretur Martin Resch, inćiarié dan dui agn, che à portè ite tröpes novitês y na profescionalisaziun dl’AT instëssa. Mo Cristofolini à inće anunzié n valgönes problematiches. Danter chëstes le finanziamënt dl’AT, olache le presidënt se dejidrass n ampliamënt dles chertes da d’isté y da d’invern, sciöche inće na cuta de sojornanza por avëi plü entrades. Cristofolini à spo inće alzè fora i punć stersc d’Al Plan, che é le paîsc al’entrada dl parch natural śëgn patrimone UNESCO, n paîsc lëde dal trafich de passaje, che ti pîta al

scior ćiamò na vita de paîsc y tröpa ospitalité. “I messun ester bogn da ti comuniché deplü al scior chisc punć stersc che i ùn. Al va debojëgn de plü retlam, deache la concorënza é cun l’internet gnüda tres maiù. Le turism de cualité é le dër tru: cualité che po inće ester ti pici eserzizi, mo che ô ester spo ti gragn alberć, che dess podëi s’amplié y se renovè, por ne rovè nia tl prigo che ai mësses laurè sot la rentabilité”.

Zifres tres positives Le diretur Martin Resch à spo portè dant n valgönes statistiches, alzan fora che dal 2007 incà à Al Plan vigni ann albü n aumënt sides tles gnüdes co ti pernotamënć, cun zifres positives sura la mesana dl comprensor de Plan de Corones, y a öna cun localitês sciöche Corvara y Sëlva. Tl 2010 él stè n aumënt dl 3,83% tles gnüdes (indöt 108.249) y dl 2,89% ti pernotamënć (indöt 569.289). “Le comportamënt dl scior s’à mudè cotan. Al prenotëia al ultim momënt, stà manco dî y à forsc inće manco scioldi te gaiofa.

De bogn resultać tl sorvisc de trasport Cun ligrëza él spo gnü comuniché le suzes dl conzet nü de schibus, jü en forza tl invern passè, olache l’AT d’Al Plan à cherié na cherta vantaji che le scior podô cumprè. La cherta impormetô da s’anuzè dl schibus y dl Mareo Bus, y tolô ite deplü rabać te botëghes y pro manifestaziuns. “L’AT d’Al Plan é la sora che ti à dè atuaziun a chësc conzet”, à dit Resch. "Le provedimënt jô debojëgn deache al n’ê nia plü meso da curì i cosć." Cun la cherta vantaji àn arjunt la compartezipaziun dl scior ai cosć y tl medemo tëmp n mioramënt dl sorvisc y bonamënter inće n contribut provinzial plü alt, deache la Provinzia sostëgn cun de majeres somes i sorvisc olache inće le scior mëss paié intant. La cherta dl’edema costâ 4,00€, chëra de n dé 2,00€ y chëra por jogn sot i 16 agn ê debann. Indöt él gnü venü tres l’AT y i eserzizi chertes por 40.000,00€. Por romagne tl tema dla viabilité, à Resch inće anunzié le bun suzes dl sorvisc shuttle danter Al Plan y Pederü, invié ia chësc isté. Feter vigni ora jôl ite y fora na coriera y danter le 1. de messè y le 1. de

setëmber él gnü registré 8.500 passaji. Danter les atres novitês dl isté él inće stè le proiet “Ciao Bambini”, olache i sciori, mo inće jënt dl post podô lascè sü mituns dai 3 ai 11 agn tles mans dl’assoziaziun “Kinderfreunde”, che pitâ intratenimënt plü iadi al’edema, dales 10 ales 17. Na sort de scolina da d’isté. Dl 2010 él inće rovè alerch cotan de iniziatives sportives. La gara dles rodes Bike Transalp y por le pröm iade inće la gara da saltè Transalp-Run. Nia da desmentié le Giro d’Italia organisé tres Al Plan Events. Le referënt stampa dl’AT y de Al Plan Events Diego Clara à en chësc cunt portè dant val’ zifres. La tapa dl 2010 à portè a 529 articui tla stampa, y al é insciö gnü arjunt n publich de 222 miliuns de porsones, che corespogn a n valur de retlam de 4,5 miliuns de euro. Le chef de Al Plan Events Willy Kastlunger à comuniché che ara podess garatè inće tl 2012 da condüje le Giro indô sön Plan de Corones.

Tofles nöies por i trus, animaziun tl zënter Tröpes é les iniziatives nöies che l’AT s’à metü dant por l’ann 2011. Danter chëstes à le diretur Martin Resch anunzié che al gnarà l’ater ann laurè fora n conzet por n tru tematich dl’ega - UNESCO, proposta nasciüda dal ostì y aconsiadù de comun Nicol Alberti. Le tru dess spo gnì realisé l’ann do. Tl ann che vëgn fistidiaràn inće da mëte sö tofles nöies por i trus, en colaboraziun cun la Lia dai Crëp Mareo. I inoms storics romagnarà te n lingaz su, deperpo che i majeri inoms y les diziuns (munt, lêch, üćia etc.) gnarà metüdes te trëi lingac. D’atri azënć por le 2011 sarà la

sensibilisaziun por l’abelimënt dla plaza da parchè ta Pederü, la ghiranza por n internet plü asvelt, la sensibilisaziun por na daurida plü lungia di implanć portamunt d’isté, la ghiranza de controi sön apartamënć convenzionà che vëgn afità ia a sciori y l’istalaziun de plü toiletes por ćians. Na novité dl isté 2011 sarà inće l’iniziativa “Sëra ladina”, olache an ô portè tl zënter de paîsc spëisa tradizionala, cultura y animaziun. Bele da chësc invern él indere gnü ciafè na acordanza por delibré la pista de paslunch da chi che va a pè. Danter Al Plan y Ciamaur gnaràl insciö batü na secunda striara, resservada por chi che ô s’la spaziré danter la nëi.

Le comitê nü dl’AT D’atri punć al ordinn dl dé ê inće l’aproaziun dl bilanz 2009, sciöche inće dl bilanz de previjiun por le 2011, che s’avaliëia fora sön la soma de 965.100,00€. Spo tocâra inće da lité le consëi dl’AT nü che romagnarà en ćiaria por i proscims cater agn. Por i hotì él rovè ite Oliver Call, Werner Call, Luca Complojer y Norbert Cristofolini, por i afitaćiamenes y agriturism Marlene Zingerle Trebo, sciöche rapresentant di lifć Raimund Promberger, por i boteghiers Karl Mutschlechner, por i artejagn Paul Kastlunger y por i paurs Georg Frenner. Da chësc comitê gnaràl defata lité le presidënt. Revisurs di cunć romagn inant Giovanni Complojer, Miriam Marchi y Paul Vallazza. La ultima pert ti é gnüda dedicada al internet. Al ê porchël rovè alerch l’assessur provinzial Florian Mussner, che à informè i mëmbri dl’AT sön la situaziun dl internet asvelt. Chësta tematica unse tratè por menü tla ultima ediziun d’La Usc di Ladins. (pablo)

Consëi nü dles patrones La Uniun dles Patrunes da La Val à tignì la reuniun generala cun les lîtes dl consëi nü. Gabriele Alber Tavella é la surastanta La Val - Ai 7 de novëmber à la Uniun dles Patrunes da La Val tignì tl salf “Domëne Moling” la reuniun

generala. Tut pert à inće la surastanta dles patrones de Puster Marianne Kiebacher, Federico Rubatscher por

l’uniun di paurs, Lara Pezzei y Elmar Rubatscher por la jonëza da paur. Söl program êl les lîtes dla surastanta

y dla junta, che à albü chësc resultat: surastanta dles patrones é gnüda Gabriele Alber Tavella, dla junta fej pert Edith Ploner Miribung, Rosalia Kofler Lunz, Valeria Comploi Alton, Alma Pescolderung Deval, Marlies Miribung Ploner y Clara Rives Rubatscher. Revisuries di cunć é

Le comitê dles patrones da La Val.

20

www.lauscdiladins.com

Rita Deval Moling y Maria Miribung Frenner. Dedô él gnü lit dant le statut dla organisaziun, che é gnü aproè. Ala fin àn podü odëi fotografies söl’ativité dles patrones. Cun na picia marëna él gnü stlüt jö la reuniun, olache al à tut pert 32 patrones. (Patrones La Val)


Val Badia

nr. 47 / 04 de dezember 2010

Gran interes por l’Edema dla Sanité

Trëi ministranć nüs

Incër 200 porsones à tut pert ala nona ediziun dla Edema dla Sanité a Al Plan. Catordesc de chëstes a dötes cater les serades. I temesc jô dal romatisc ala migrena, dales cures paliatives ala malsoportanza de alimënć

A Corvara él gnü tut sö sorvidusc nüs. Le grup di ministranć é gran y al vëgn inće fistidié da organisé iniziatives de buna löna

I trëi ministranć nüs.

Les porsones che à tut pert a düć cater i referać dla Edema dla Sanité à ciafè n liber.

Al Plan - La nona ediziun dla Edema dla Sanité é inće chësc ann jüda a piz. Feter 200 porsones à indô tut pert ai cater referac sön temesc desvalis che à da fà cun la sanité.

tema dl tratamënt chirurgich dla migrena. Sciöche referënt éra jüda da abiné adalerch le su dotur a livel nazional che fej chësc intervënt - o dit atramënter - chësta operaziun: le dotur Philipp Agostini da Balsan.

Le romatisc pro i mituns

Danfora àl cuntè en cört ći che la migrena é. Spo àl splighé co che i chirurg estetics é rovà sön chësta soluziun y co che l’intervënt vëgn a s’l dè. Dantadöt mëss vigni porsona interessada respogne naota a n valgönes domandes sön n formular tres internet, che an po ciafè sön le sît www.centro-chirurgiaemicrania.it. Tan inant che an é n “paziënt ideal” (aladô dl cuestionar), vëgnon contatà dal dotur. Le secundo vare é la simulaziun dl intervënt cun na medejina. Sce la simulaziun porta a n resultat positif, spo vëgnel pormò fat eventualmënter l’intervënt. Plü o manco le 50% di cosć vëgn retüs dala man publica, dij Agostini.

Tla pröma serada él gnü tignì dui referać sön la medema tematica. Le dotur Jürgen Brunner dla université da Desproch à tignì so referat dal tema “Rheuma bei Kindern! Gibt’s denn das?” Al à dit che le romatisc vëgn tres ćiamò aratè na maratia dla jënt atempada, mo ara n’é nia insciö. Inće mituns cun püć agn de vita po bele avëi romatisc. Al à cuntè che gonot röiel da d’ël mitans o mituns che pësa manco co la tascia dles radiografies che ai se tol para. Dötes chëstes fotografies ti vëgn fates por nia ai mituns, deache n te’ möt podess bele avëi chësta maratia. Dedô à le dotur Konrad Steinhauser dl spitol da Bornech baié en general sön le romatisc. Al à splighé en cört les formes y i sintoms de chëstes maraties y co che an po fà da les tratè o almanco da alisiré i desturbs. Al à dit che al é passa 200 sorts de chësta maratia.

La cura dl mè de će Le dé do éra jüda inant cun le

Maratia y punt de mort Do n dé de palsa éra jüda inant la jöbia cun le referat sön les cures paliatives. Ara nen jô chilò dl acompagnamënt de parënć o amisc te na ria maratia, de comunicaziun, dla verité sön süa situaziun y dl dërt da morì. Le referënt dla sëra,

le dotur Thomas Lanthaler, à splighé che la medejina paliativa é n ćiamp scialdi nü, che ciafa incö tres plü lerch, do che an à reconesciü süa importanza. Tratan la serada él inće gnü presentè deplü publicaziuns, danter l’ater inće öna dada fora dal Movimënt dles Ëres Catoliches (Kath. Frauenbewegung), te chëra che al é gnü coiü adöm n gröm de material, consëis, informaziuns, aiüć, pinsiers religiusc por daidé paziënć y familiars tla maratia, tl momënt da tó comié y dedô.

Canche an ne soporta nia alimënć Por stlü jö l’Edema dla Sanité él rovè adalerch le dotur Harald Steiner dl spitol da Bornech, che à tignì n referat sön l’intoleranza de alimentars, jon ite sön la maratia dla farina y l’intoleranza dla lactosa. Al à dit che plü o manco le 20% dla popolaziun patësc sot öna de chëstes maraties. Gonot vëgneres diagnosticades plülere tert. Öna dles rajuns é che i sintoms é gonot dî alalungia dër lisiers o daldöt nia da sintì. Le referënt ti à metü a cör ai presënć da mëte averda a se instësc - ai segnai che le corp nes dà, ales reaziuns etc. Les poscibilitês da vire cun na te’ maratia n iade che an l’à, vëgn tres plü y plü.

N pest por i plü lezitënć Bëgn 14 porsones à chësc ann tut pert a düć cater i referać. Chëstes à porchël podü pié do l’ultima sëra n liber metü a desposiziun dal Sorvisc de Formaziun Val Badia. Te chësta ocajiun déssel gnì rengrazié chi che dëida por che l’Edema dla Sanité pois garatè: le Consëi de Formaziun d’Al Plan, le Sorvisc Formaziun dla Val Badia, la Comunité Comprensoriala de Puster y le sponsor privat. Dl 2011 él söl program la 10. ediziun dla Edema dla Sanité. L’organisaziun é bele tl laûr da mëte en pè le program. L’apuntamënt é dai 7 ai 11 de novëmber 2011. (gustl kaneider)

Corvara - En gaujiun dla organisé de jügn na jita por i domënia dla Caritas ti él a Corvara sorvidusc sön Frara - Forceles inće gnü fat festa ai ministranć. Te Edelweißhütte. Dan la sajun da chësta ocajiun él gnü tut sö trëi d’isté à i ministranć ćiamò podü sorvidusc nüs, che é jüs de mà ala fà na jita te Pöz, na jita n pü’ lungia, Pröma Santa Comuniun: Lukas mo rica de emoziuns. Da sëra ê i Thaler, Jan Paul Piai y Gregory mituns n pü’ stanć, mo contënć da Crepaz. avëi odü tan de cosses nöies. Ala Dan la santa mëssa à siur fin d’agost ési ćiamò jüs cun le bus Andreas Perathoner benedì i guanć söl Ju de Tre Croci y da dailò demez di trëi pici sorvidus, che à spo podü pro le pice lêch de Sorapìs. s’l vistì y à metü man cun ligrëza so sorvisc tratan les funziuns liturgiches. Al é na gran sodesfaziun da odëi che al é vigni ann mituns che surantol chësc compit tan important por la vita religiosa dl paîsc. Do la santa mëssa ti à le ploan ćiamò surandè le “pass” di sorvidusc, che ti desmostra che ai fej śëgn pert dl grup, che laora por la comunité y en onur de Chël Bel Dî. En chësta domënia ti él Aorela cörta ô inće ester. inće gnü surandè tratan mëssa sciöche sëgn de reconoscënza Da gnì zoruch ési gnüs por n diplom y na picia scincunda a Misurina. Pro vigni jita él inće stè Robin Canins, por sü cin’ agn de zacotan de geniturs che s’à metü sorvisc che al à fat cun gran a desposiziun por daidé siur diligënza y responsabilité. Andreas y acompagnè i mituns. Śëgn él 36 mitans y mituns che Chëstes jites ti fej conësce y aprijé fej pert dl grup di ministranć; n bel ai mituns la belëza de nostes munts. numer por n te’ pice paîsc, n sëgn Ai impara da stè adöm, da se daidé, che la fede à ćiamò raîsc sotes te da se gnì, da osservè i crëps, i ciüfs, nostes families. N gran mirit à siur i lëgns y de vigni sort de pici tiers Andreas, che insëgna y animëia le che büsia ia por tera y de gragn che grup cun gran paziënza y amur. N vir te bosch, söi crëps o tl’aria. lalt ti va sambëgn inće ai geniturs, I ti dijun dilan a düć nüsc che mëss ti stè do a chisc pici fanć ministranć, che nes dëida festejé de dlijia, che mëss i menè ales proes cun solenité les funziuns, a siur y ales funziuns y porvè da i motivé Andreas che dedichëia tröp tëmp por i insigné jö y ai geniturs, che y da i laldè. Por desmostrè süa importanza ti stà dlungia a chi che se tol la bria y süa reconoscënza à siur ploan da i acompagnè. (Lydia Zingerle)

Ministranć da Corvara en jita cun siur Andreas. www.lauscdiladins.com

21


Val Badia

nr. 47 / 04 de dezember 2010

N’edema tl monn dl laûr I studënć dl ITC y dl Lizeum da La Ila à te n’edema podü odëi davijin rams desvalis dl monn dl laûr y nia ma te nosta valada: dal setur bancar a chël turistich, dala gastronomia al artejanat, dal’ert al sozial Turistica a La Ila. Chësc setur economich à debojëgn de tröpes profesciuns por podëi acontentè les esigënzes di tröc turisć che vëgn chilò da nos. Domisdé sunse jüs a Kiens a vijité la Rubner-Haus; chësta é stada n’esperiënza dër plajora. Dailò nes à le responsabl cuntè dl andamënt dl’aziënda y nes à mostrè sides la produziun che les ćiases bele rovades.

Vëndres: “Laûr y volontariat fej bun a anima y corp!”

I studënć dles cuartes tlasses dles scores altes da La Ila.

Scora - Dai 18 ai 23 d’otober unse nos studënć dles cuartes tlasses dl ITC (Istitut Tecnich Comerzial) y dl Lizeum da La Ila albü la poscibilité de imparè da conësce damì le monn dl laûr. Al é stè n’edema particolara, deache i n’ùn albü degönes leziuns y i ùn podü jì a vijité deplü aziëndes.

Lönesc: “Mët tò dagnì al sigü!” Le pröm dé él stè le comerzialist Fortunato Verginer che nes à cuntè de so mistier y dles competënzes che an adora te chësc ćiamp. Dedô nes à i rapresentanć dla Cassa dl Sparagn Max Nicosia y Barbara Verginer dè informaziuns sura la börsa y Giorgio Costabiei dl Ofize dl laûr nes à cuntè ći aiüć

che chësc ofize ti dà a chi che chir o pîta laûr.

Mertesc: “Un por düć y düć por un!” Chësc dé dediché al setur publich é stè le plü impegnatif por nos studënć. I sun jüs a vijité le raiun sozio-sanitar, le Sorvisc ai Jogn, le ćiastel de Tor y le Comun a San Martin. Tl comun da San Martin é le setur publich chël che dà plü posć de laûr.

Hotel “La Majun” a La Ila. Te chësc dé unse capì l’importanza da conësce tröc lingac.

Jöbia: “Turism é vita!” I sun jüs a ti ćiarè al’Assoziaziun

Chilò tla Val Badia unse deplü aziëndes de costruziun, sciöche por ejëmpl la dita “Impianti Colfosco”. Al nes é gnü splighé che chësta aziënda ne laora nia ma tl ćiamp di implanć portamunt, mo inće tl ćiamp dl frabiché. Cun la proprieté de döes ćiavares, dla impreja de costruziuns y di implanć portamunt, àra la poscibilitè de ti dè a sü dependënć laûr por döt l’ann. Dedô él stè la Crusc Blanćia y i Stüdafüch da La

Ila che nes à cuntè de so sorvisc y dl’ativité de volontariat.

Sabeda: “Artejant y ert, fej dla vita na gran pert!” Ala fin de chësta edema unse ćiamò imparè da conësce le laûr de dui artisć dla Val Badia, che é sta bugn de fà fora de n hobby n mistier. Le feur da Lungiarü Isidoro Clara à rapresentè i artejagn da San Martin. Cun süa ligrëza por so laûr, che pê tan scëmpl, él ste bun da nes trasmëte la vëia da conësce damì i mistirs di artejagn. Chësta edema é dessigü stada dër d’öga por nos studënć, deache i ùn podü vijité seturs desvalis y nes fà n pinsier sura ćiun che podess ester le mistier de nosta vita. I orun tó l’ocajiun por rengrazié le diretur y düć i insegnanć che à organisé y che nes à acompagnè te chësta edema. (cuartes tlasses ITC y Lizeum)

Mercui: “Sparagné é davagné!” I ùn ciafè informaziuns plü menüdes sön la Cassa Raiffeisen dla Val Badia da pert dl diretur Hubert Obwegs. Implü unse odü la strotöra dl

Gran interes da pert di studënć.

Tl raiun soziosanitar a Picolin.

Le cor Kèrygma é “ezelënt” Pro le 4. Gesamttiroler Wertungssingen a Desproch s’à les ćiantarines dl cor de Badia davagné la crëta dla juria. Inće d’atri cors de Südtirol à stlüt jö dër bun

Le Cor Kèrygma por le Gesamttiroler Wertungssingen.

Musiga - Le bel ćiantè dl Cor Kèrygma ti é jü a cör ala juria dl “4. Gesamttiroler Wertungssingen”, en domënia ai 14 de novëmber tl Conservatorium provinzial dl Tirol a Desproch. Le cor Kèrygma de Badia, sot la direziun de Agnes Irsara, à ciafè la nota “ezelënt” dala juria metüda adöm da cater esperć renomà tl ćiamp musical: Johannes Hiemetsberger da Vìena (presidënt), Martin Steidler da Minca (D), Norbert Brandauer y Andreas Peterl dl’Austria. Le cor dles ëres de Badia s’à arjigné ca cun lezitënza y pasciun por portè dant indöt cater ćianties pro chësc apuntamënt de livel alt: “Ave Maria, gratia plena” de J.

22

www.lauscdiladins.com

Arcadelt é le tòch che le cor s’à chirì fora danter trëi propostes metüdes dant dala juria, “Lucilla” de B. De Marzi y “Do-Re-Mi-Fa-so laßt uns fröhlich singen” de F. Koringer é les ćianties che le Kèrygma à cernü fora de so repertore, sciöche inće la ćiantia por ladin “A Sant Ujöp” scrita da döes jones de Badia che à ćiantè y sonè pro le cor: Maria Irsara y Sonja Schmid. Propi inće le ćiantè te deplü lingac y epoches desfarëntes à imprescionè positivamënter le publich y sambëgn la juria, che à danter l’ater metü averda ala tecnica dl ćiantè, osservè sce i tòć de musiga chiris fora paissenâ bëgn pro le cor

y ti à dè gran importanza al’espresciun. La juria orô che la musiga jiss a cör y le Kèrygma à arjunt bel avisa inće chësc criter, dlungia i atri plü tecnics. Tratan la festa de contlujiun tl gran salf dl conservatore él stè le momënt de maiù ligrëza, canche la dirighënta Agnes Irsara y la presidënta Monica Nagler à podü jì sön palch a pié do le diplom cun le predicat “ezelënt” (Ausgezeichnet).

I cors de Südtirol à albü gran suzes Nia ma le Kèrygma, mo inće i

atri cors de Südtirol à arjunt n gran suzes a Desproch: di set cors che à arjunt la valutaziun “ezelënt” n’él bëgn sis de Südtirol. Danter chisc le Vocalensamble Gaudium, le MGV Brixen 1862 y le Cor di ëi de Antholz, che s’à mosorè tla categoria mesana deboriada cun le Kèrygma; laprò le cor de dlijia da Teis (categoria saurida) y l’Ensemble Vocalart da Porsenù che à fat bela figöra tla categoria plü impegnativa. Indöt 43 cors dl Tirol storich à tut pert ala valutaziun, dlungia le fin musical dla manifestaziun él porchël inće na componënta culturala y soziala che fej rovè adöm a se conësce porsones cun la medema pasciun por le ćiantè.

ativité cun ćiamò na maiù ligrëza y impëgn. N rengraziamënt de cör da pert de dötes les ćiantarines i va a düć i familiars y ai sostegnidus che à contribuì tratan düć chisc agn a portè inant l’ativité y insciö inće a arjunje chësc bel travert! Le cor Kèrygma - Badia

Na motivaziun por le dagnì Le mirit por chësc bel travert arjunt é sambëgn de dötes les componëntes dl cor, mo suradöt dla dirighënta Agnes Irsara, che condüj le cor da 18 agn incà, portan ite gran savëi, mo inće ligrëza da ćiantè y motivaziun. Chësc bel travert arjunt sarà dessigü na gran motivaziun por le dagnì dl cor y na bela sbürla por portè inant süa

La dirighënta y la presidënta dl Cor Kèrygma pëia do le diplom dal presidënt dla juria dl concurs.


Val Badia

nr. 47 / 04 de dezember 2010

Na “taia lungia” n pü’ gumba

La mëda d’America y les fùfoles

L’Uniun Teater San Martin à presentè la comedia londineja de Ray Cooney “Run for your wife” sot al titul “Döes ëres tëgn deplü”

“La trupa d’Al Plan” à pité n teater da rì por talian. Les rapresentaziuns é garatades y à albü n bel suzes de publich. Mo śëgn... saltun ti ite al ladin!

Dui telefonns sta por döes ćiases y döes fomenes!

Teater - Le tòch original dl scritur Cooney joblenëia danter Streatham y Wimbledon, dui pic nia tan dainciarà un dal ater de na metropola mondiala, mo daldöt foresć, tan che püć y degügn ne se conësc. Condü śëgn chësta situaziun tla Val Badia, la posizionan a Al Plan y La Ila pê na picia desfida, ma che te chësta comedia é tröp tan assurt che chësc fat é da desmentié ia atira. Al é na comedia ma te cer aspeć (dantadöt ti personaji) spidl dla realté, te tröc indere na farsa ala realté, ala vita da vigni dé, ala morala, al’identité de vigni singul. Tla vita reala vëgnel dant situaziuns de morvëia, mo forsc nia tan forestes che an ne crëi nia che ares po suzede, y chilò mët man le jüch teatral, n spetacul sön paiun, dialogs che vëgn plü dala fantasia, porsones che pê se mintì dant a se instësses, n jüch de teater che ne funzionass davëi nia tl raport “teater - teater” mo ma te n raport de aurela cörta “teater - publich”.

Feter trëi ores Insciö à le publich inće podü s’un rì assà tl’ultima rapresentaziun stada en vëndres dan otedé a San Martin de Tor te n gran salf plëgn. Scebëgn che al se trata de na “comedia turbolënta” (insciö êl scrit söl invit al teater) mësson dì che ara é dessigü stada intravaiada sciöche orü dal autur. La domanda é - cun le jargon teatral: jô pa le taxi y so ciafêr n pü’ plan? Le teater à doré feter trëi ores de jüch (zënza cumpedè le start n śich tardì y la palsa danterìte), chësc i à salpü a tröc spetadus massa lunch. La “taia lungia” é gnüda a s’l dé cun i intermezzos ti dialogs

Zenzo Obwegs, Veronica Pedevilla y Armin Forer.

massa lunć, n te’ teater baia dantadöt cun la boćia y nia cun les palses. Fora de na farsa turbolënta él gnü na strambiada, dessigü da rì y originara por i moti di jobleri, y cun le bun resultat che le fi dla trama n’é mai jü a perde. Y: ci che an s’aspeta ala fin é magari val’ d’ater, n happy-end o na tragedia, mo döt chësc romagn tl’aria cun dötes les suposiziuns y specolaziuns che an à podü vire para dal pröm momënt incà.

La regia Buna la regia por ći che reverda l’impostaziun dl toch y l’insegnamënt dl “carater” y di dialogs. Buna inće l’idea a San Martin, dada dal autur ingleje instës, da mëte tla medema stüa de scenar intrames les ćiases de Jan Da Pizac (taxist). Bun inće le livel de jüch y pronunzia arjunt dai jobleri. Manco bun é le motor pegher dles aziuns y ći che à podü ofëne un o l’atra: presentè a na manira massa esponüda y inće coienosa l’ester omosessual (danter ëi), ales sciables dl problem che i omosessuai à döaurela ćiamò da gnì azetà te nüsc paisc ladins y respetà desco les atres porsones che vir na esposiziun sessuala ëra-ël. Ala fin é le mëte en jüch la omosessualité te nüsc paisc (spetacui, teatri, ez.) dagnora n fat lié a na porziun de sensibilité. Sce an n’ô nia adorè la sensibilité te chisc ćiamps de mendranza (situaziun dada, che degügn ne po mudé), spo i sciüron dant al publich na tematica delicata desco na liagna grassina a n ćian afamè. Te chësc toch de teater él gnü dant cliscês dl’omosessualité banai, desco la usc alta, les

gesticolaziuns, comënć che fej fora di gays ëi che se proa cun vigni ater ël che i plej... I atri cliscês da comedia popolara che é gnüs dant (p.ej. chi de Trudi da Pizac) n’é nia tan pumpà sö. Tan inant che n teater é publich (y davert - y a paiamënt - a jënt da 0 a 99 agn) dess inće so contegnü ester al’altëza dl publich.

Ambientaziun Vàra da importè te nosta val n teater metropolitan? Zënz’ater, al müda püch ti cater mürs de ćiasa y tla personalité (chëra de funziun) di aturs. Incër chësc aspet podunse fà traduziuns inće dal ingleje y nia ma da nüsc ijins plü daimprò, taliagn y todësc. Portè tla Val Badia teatri inće ingleji y americagn (o cineji, o rusc; ez.) i déura sö poscibilitês nöies da fà teater a chës uniuns amatoriales che ne se sint nia plü tan liades a na vita tiesciüda dala cultura da paur. L’ambientaziun à indere da gnì studiada bun, inće deache le tiesciü cultural y inće le lingaz ladin à n so monn particolar y ma na süa dimensciun. Ala fin dl teater a San Martin saral indere stè ma püć che s’à fat chisc pinsiers do che ai à podü rì feter trëi ores. “Tan da rì che al é stè, catö?” é stè le comënt do le teater, döt le rest (osservaziuns, critiches, ez.) pê desplazè, desco orëi trà a ries na stëra söl monn. Complimënć porchël inće da pert dl foliet ladin, che à albü la fortüna da ne gnì nia mangé - sciöche l’ater foliet - da Jan Da Pizac. Zënza n’ésson nia podü scrì śëgn chësc articul, n pü’ “turbolënt” sciöche le teater instës, mo tl medemo tëmp divertënt sciöche le teater instës. (iaco rigo)

Le grup che à presentè le teater cun a man ciampa la souffleuse Karin Clara y amez (le cuinto da man dërta) le regist Simon Kostner.

I jobleri dla “Trupa d’Al Plan”: Egon, Gabi, Giusy, Giuseppe, Klaus, Monika, Maura, Ulrike.

Al Plan - Do cotan d’agn àn inće indô a Al Plan odü jënt dl post sön paladina por joblenè teater. N grup che s’à metü adöm püch do Nadè dl ann passè à pité dan otedé tl salf dles manifestaziuns döes rapresentaziuns dla comedia por talian “La zia d’America e il colesterolo”. Le lingaz por talian é gnü lité deache le promotur Giuseppe Leggio vëgn da foradecà, insciö inće val’ jobleri. Le teater é conesciü te plü verjiuns. Leggio l’à adatè a nüsc posć. La storia é ambientada a Al Plan. Tla familia de Nane y Ernesto vàra sotissura. Ëra à tres da critiché, ël patësc de colesterol y à na deblëza por le vin. Le möt Franz à na chestiana y s’arjigna da se maridé, mo al vëgn problems danterìte. Franca, la só de Nane, é bele da agn tl’America y Nane ti â cuntè dant che ai â albü na möta, y che ara ti â inće metü inom Franca. Śëgn vëgnel indere la mëda d’America a ciafè la familia y la fùfola vëgn fora. Mëda Franca menâ bindicé ca scioldi por la familia y Nane se tëm śëgn da perde les "scincundes". Na idea de morvëia ti toma ite a Ernesto y chësta porta a n sotissura ćiamò maiù, nia inultima por gauja de na postina che n’é nia bona da scutè. A se moscedè ite él inće Jan, le fre de Ernesto y la jona Ida.

I jobleri Sön paladina él stè da odëi

Monika Frontull (Nane) Klaus Erlacher (Ernesto), Egon Pescollderungg (Franz), Gabi Kastlunger (Maria), Giusy Salerno (Ida), Maura Regis (Franca) y Ulrike Erlacher (la postina). Al ê te paîsc gran curiosité por chësc tòch de teater y porchël é le salf dles manifestaziuns pro intrames les rapresentaziuns stè feter plëgn.

Le ladin mëss docà La iniziativa dla “Trupa d’Al Plan” da portè indô le teater te paîsc é sigü da laldè, inće sce aldì n teater por talian te n paîsc ladin descëda sentimënć moscedà y à cherié suradöt por jënt plü ti agn val’ dificoltè de comprenjiun. Pro i jobleri ladins ti à le lingaz sigü tut l’autentizité, inće sce al ê val’ osservaziuns ladines danterìte. Giuseppe Leggio unse damanè sce al sarà da aldì tl dagnì n tòch ladin. Al nes respogn che al é l’intenziun da cherié n tòch mez ladin y mez talian. L’aodanza é che al pois garatè tl dagnì tòć porì ladins, i ùn tla valada porsones competëntes che po dè so contribut por l’adatamënt dl lingaz. Le teater por ladin é stada na gran arjunta te nostes valades y an vëiga sön nostes paladines che al vëgn presentè teatri ladins de gran cualité. N valur por nosc lingaz y nosta cultura che ne po nia gnì a manćé. (pablo)

Pro mësa cun berba Jan, Nane, Maria y Franz. Iadô él Ernesto, cun le colesterol massa alt y süa ligrëza por le vin. www.lauscdiladins.com

23


Val de Fascia

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

nr. 47 / 04 de dezember 2010

Na medaa per cater àgnoi A Trent enstadì l’é stat la zerimonia de consegna de la medaes de òr a la memoria di cater volontadives del socors da mont fascegn morc l’an passà te la Val Lastìes sot na levina Trent - No l’é amò passà nience n an da canche na levina maladeta vegnuda jù un di ùltimes dis del 2009 l’à destudà la vita, la speranzes e i ensomesc de cater joegn fascegn e de sia families. L’era i 26 de dezember canche te la Val Lastìes l’era en cors la operazions de socors da man di volontadives del Socors da Mont de l’Auta Fascia per ge salvèr la vita a 2 escurscionisć furlegn resté sot n’autra levina. Alex Dantone, Diego Perathoner, Luca Prinoth, Erwin Riz, ensema con Roberto Platter, Martin Riz e Sergio Valentini, descheche l’era sozedù n muie de autra outes tel passà, i aea lascià sù sia vita da duc i dis per portèr didament. Na desponibilità sporta semper con

cher dàtol, zenza pissèr al perìcol che ogne outa pel esser vindò cianton, che testimoniea fort chel spìrit de solidarietà che vida vigni azion di volontadives del socors sui crepes. N socors desche n muie de etres, donca, se aessa podù pissèr, ma chela dì l’é sozedù zeche de desvalif, senester da anteveder. L’é vegnù jù n’autra levina, che à sepolì ence i socoridores. L spìrit de volontariat se à mudà te na tragedia. 4 volontadives sun 7 à troà la mort sot la neif e no i é più vegnui deretorn. No se à mai destudà la lum fin ades su chisc cater àgnoi, ma ence sun chi che per miràcol à abù salva la vita, de gra a la desvaliva

scomenzadives endrezèdes de giusta rejon per i recordèr, acioche si gran sacrifizie no l vae destrabonì. L’ùltima l’é de chisc dis passé a Trent, te l’auditorium Sènta Chiara, canche ge é stat consegnà la medaes de òr al valor zivil ai protagonisć de chesta tragica storia, a la prejenza del Minister di Interni Roberto Maroni, del president de la Provinzia autonoma de Trent Lorenzo Dellai, di Volontadives del Socors e de l’autra autoritèdes locales, anter chisc i ombolc da Ciampedel e Cianacei, Renzo Valentini e Mariano Cloch, l’ombolt da Trent Alessandro Andreatta, l president nazionèl del Socors Alpin Pier Giorgio Baldracco e l capostazion del Socors Auta Fascia

Gino Comelli. “Chiò se pel veder n chèder de coche l’é noscia comunità” – l’à dit Dellai out al minister Maroni. “Vos troède chi de familia e i amisc che ence ti dis de la tragedia ne à dat a duc nos na gran lezion de degnità, forza e serietà. Vos troède chiò l carater stolz de la jent da mont. Vos troède l Trentin mior che nos volon amò mior”. “Apede che se fèr domanes sun chest dolor ge vel ence sotrissèr con forza l’orgolie per chel che chisc cater amisc à fat, per sia testimonianza” – l’à dit amò. L Minister Maroni, dant de consegnèr la medaes, con fèr douc l’à rejonà con chi de familia e i amisc: “Chela del mond del

volontariat l’é na richeza, donèda da chi che à la vocazion a fèr del ben. E l’é la sostanza de na realtà, chela de la protezion zivila, che la é recognosciuda te dut l mond”. Te so intervent l minister l’à ence dit che “la desprudenza no la é mai di socoridores, canche i pert la vita l’é per cher dàtol spropojità, mai per desprudenza”. L’é stat na zerimonia scempia ma ciarièda de sentiment, che su la notes del Cor Valfassa l’à uzà fora amò n’outa, travers la fegures de n filmat, l grignot de chisc cater fies de Fascia, che à abù n comportament eroich ma che no i é eroi ma jent normala, da mont, che canche l’é da didèr la l fèsc e bon. (cri.m)

Miràbol ejempie de gran coraje L moment più aut de la zerimonia, chel de la consegna de la medaes al valor l’é stat fat dal Minister Roberto Maroni che à envià sun paladina duc i componenc de la families prejenc te sala. A ogneun, ensema a la medaa, ge é stat dit sù la motivazion che per Alex, Diego, Erwin e Luca l’é stat chesta: “Component de na squadra de socors alpin, zenza tema del pericol e dàtol spirit de didament ai etres, enceben l scur, l tolea pèrt a la operazions de enrescida di doi escursionisć destrabonii sui monc, ma l restèa sot na levina, jan a perder, a na vida tragica, la vita. Miràbol ejempie de umana solidarietà e de gran coraje, porté

fin a l’ùltim sacrifizie”. N aspet positif de duta la zerimonia, descheche à apontin recordà ence Gino Comelli, l’é stat che la medaa al valor ge é stata consegnèda ence a chi che se à salvà te chela grieva operazion de socors, ajache ic dant dai etres e enscin dal prum moment i se à dat jù per didèr sie compagnes tel besegn. Donca sun paladina ge é stat dat la medaa a Roberto Platter, Martin Riz e Sergio Valentini, ence ic compagné da duta sia jent de cèsa. Na medaa che fèsc piajer, ma che purampò – descheche à dit Sergio Valentini – restarà per semper a ge recordèr n moment encrescegol che duc volessa desmentièr.

L’ùltima medaa é jita al Corp Nazionèl Socors Alpin e Speleologich per dut sie gran lurier sibie tel socors di morc che di ferii te duc chisc egn. La medaa é stata touta dal president Pier Giorgio Baldracco. Dò nience n an donca l’é ruà ence chest emportant moment che à recognosciù a na vida ofiziala l valor de l’azion di cater fascegn che l’an passà i era amò chiò apede nos. L recort de chela net per duc chi che ge à volù ben e de duc chi che à vivù en pruma persona chesta desgrazia l’é semper fort e fosc ence per ic no l’é stat sorì esser sun chela paladina ai 26 de november del 2010. L’é aboncont zeche che duc e 7 i se à dassen merità.

Momenc de la zerimonia de consegna de la medaes a Alex, Diego, Erwin e Luca ma ence a Martin, Roberto e Sergio da man del Minister Roberto Maroni. (Foto: Daniele Mosna Ofize Stampa Pat)

24

www.lauscdiladins.com


Val de Fascia

nr. 47 / 04 de dezember 2010

La quotes sozièles, seponta per l smendrament de ressorses Te la radunanza di sozi de l’Apt de Fascia l’é vegnù fora l besegn de troèr neves finanziamenc e de envièr via neva strategìes tel ciamp del turism finanziamenc e neva strategìes, soraldut per l temp de bassa sajon, amò de più chest an che vegn ajache la Pèsca sarà n muie auta.

L sostegn a l’ativitèdes

La radunanza di sozi de l’Apt de Fascia tel chino Marmolèda de Cianacei.

Turism - L’é n bilanz semper più scarm chel de l’Apt de Fascia, prejentà en jebia passèda en ocajion de l’assemblea anuèla endrezèda te chino Marmolèda de Cianacei. A la prejenza de n bon grum de sozi l president Enzo Iori à portà dant tel detai l bilanz de previjion del 2011 che se sera sù a pareje su la zifra de 4.320.805 Euro, l pian operatif per l’an che vegn, ativitèdes e scomenzadives. “Per l 2011 l’é stat anunzià da l’assessor al turism Tiziano Mellarini n tai de contribuc da man de la Provinzia de Trent de 1.250.000 Euro su la ressorses destinèdes al finanziament de la aziendes del turism e donca l’é stat stimà che per l’Apt de Fascia l smendrament sie de presciapech 130.000 Euro – à spiegà l president Iori. Manco ressorses vegnarà ite ence dai gregn evenc (del 2010 l’é stat metù a bilanz presciapech 830.000 euro) ajache per l’an che vegn no l’é stat confermà

la valiva oportunitèdes de chest an. Amò apede l’é da ge jontèr ence i 540.000 Euro de speisa per l servije de skibus, enceben che l president de la provinzia Lorenzo Dellai, dò n lonch lurier de convenjiment ence da man de la procuradora Cristina Donei, à emprometù n contribut maor che se stima posse ruèr per l’an 2011 a 105.000 Euro.” Na gestion dal gran peis economich che l’é stat paventà posse passèr diretamenter al Comun General de Fascia. A seponta de chisc smendramenc pervedui a bilanz resta la quotes sozièles, fermes purampò dal 2004, e che fossa ora grana de vardèr fora danef. L fort besegn l’é stat uzà fora ence da Mario De Zordo, president del colege sindacal, te sia fona analisa de la situazion finanzièla de l’azienda. “Co la ressorses che à a la leta l’Apt – l’à dit De Zordo – no resta che redimenscionèr i obietives e sia concreta realisazions. I sozi

cogn capir che l’é fondamentèl ge recognoscer a l’azienda l ruol de “collante” tel setor del turism, ma se volon che l’Apt laore coche carena, se cogn la meter en condizion de l fèr.” Valutazions che é states condividudes ence da Fiorenzo Perathoner e Armin Detone. “I impiantisć te chisc egn à smaorà sie contribut a l’Apt del 27%, l’autra categorìes é restèdes cetes – i à sotlineà. Nosc setor se empegna a dèr de più se duc fèsc medemo.” “Noscia categorìa l’é chela che fèsc de più per l’industria del turism – à rebatù i hotelieres Guglielmo Lasagna e Francesco Cocciardi - se se rejona de smaorèr la quotes se cogn n rejonèr duc ensema, tolan ite ence la banches, la copratives e i artejegn, dachelanvìa ence i hotelieres sarà d’acort.” Vegn domanà donca n sforz comun per envièr via na neva fasa programatica, per troèr neves

L president Enzo Iori e l diretor Andrea Weiss à dapò fat la lingia de l’ativitèdes sostegnudes via per l 2010 che les à abù n bon suzess de publich e de aprijiament: Sellaronda Bike Day, Dolomiti Skyrace, Traslaval, Val de Fascia Bike, la Festa ta Mont, la festa Te anter i tobié, la Gran festa da d’istà, i Sons de la Dolomites, l’ADAC Trentino Classic, Dolomiti Lagorai Bike, jir per mèlghes, la escurscions coi menacrepes. Per chel che vèrda l 2011 l’Apt ge renovarà amò la sponsorisazion ai atlec Chiara Costazza, Cristian Deville e Stefano Gross e vegnarà renovà la cordanza co la FISI per l projet “Piste Azzurre” che vedarà fin al 2014 la Val de Fascia e l Trentin senta esclusiva di arcedamenc de la squadres nazionèles de schi. Tel setor del sport l maor event del 2011 sarà la tapa te Gardecia del 94° Giro de la Tèlia, en calandèr ai 22 de mé. Na manifestazion sportiva de gran rechiam che vegnarà reclamisèda più che l’é meso. Amò apede, via per l’istà Fascia ge darà endò alberch a la squadra de balon de la Sampdoria, spetan che rue a una la cordanza co la squadra del Bayern. Na neva emportanta per l nef an l’é l projet “Fly to Dolomiti: snow in winter, wellness in summer”,

prejentà da l’Apt de Fascia ensema col Consorzie Dolomiti Stars che perveit la acolienza e l trasferiment di ghesć dai aeroporc de Unejia, Treviso e Verona diretamenter te Fascia. L cost che se tol sù l’azienda fascèna l’é de 625.000 euro da corir en pèrt col contribut de la Provinzia de Trent che sporc 500.000 euro. Gran ejit à abù ence l servije de Fiem e Fascia Bike Express che à menà stroz co la roda passa 1.300 persones co na media de 63 jent al dì.

Marketing e sistemes web L portal www.fassa.com vegn miorà a dò a dò, tant per chel che vèrda l standard de aut livel, che per la soridanza te la doura e la completeza de la informazions. Sun chest sit ades se pel veder na reality map en 3D, de auta calità, sul raion dal schi de la Dolomites, endrezà ensema al Dolomiti Superski, che sporc na ezelenta veduda de nesc monc e de si impianc portamont. Na neva campagna de reclam de 70.000 Euro é stata studièda fora da l’Apt ence per reclamisèr l setor di fitacartieres. “Saon che i fitacartieres é en dificoltà te chest moment – à dit l diretor Andrea Weiss – e donca chest l’é n vèrech emportant per ge dèr luster, ence aldò del nef disciplinèr de calità.” Autres 110.000 Euro vegn resservé a la comunicazion sui maores sfoes e revistes nazionèles. Monica Cigolla

N bel cors per emparar a cojinar

Chef per cajo sun Tamion

N grop de femene e omegn se à emprevalù del cors endrezà da Stefano Ghetta e Alessio Rasom al restorant L Chimpl da Tamion

N cors de cojina? Con doi chef de nonzech desche Stefano de Martin, gran chef dal restorant Chimpl de Tamion e Alessio de Gino Pech, chef “internazional” che à lurà mìngol dut entorn da la Francia, a Singapore e enscinamai a Dubai, da veder che sort de magnares de auta calità emparon a far... “Bon bon – se aon dit – proon”. Enveze, amàncol per noi, l’é stat più sorì che chel che se aane pissà. Jà la pruma sera i ne à ensegnà a far gnoches dalvers, de ogni sort e forma, enscinamai rostii. Dapò supa de pasta e fajei da se leciar ite e na linzer, tant bela che a ge vardar te crodaa i eies… e no pa demò chi! Aon emparà che a chejer no se dora demò l’aga fersa, a netar e sfiletar pesc e a taar sù na gialina con mìngol de maniera. I ne à ence ensegnà a far da magnar bon emprescia, a durar sù vanc e far dut un na bela fegura. L’ùltima sera aon

Vich - Bon ejit à abù le scomenzadive endrezade sa Vich via per l’uton. Una de cheste, apede ai corsc de russo, per emparar a cojir e recamar, l’é stat ence l cors de cojina pissà da Stefano Ghetta e Alessio Rasom e portà inant col didament del Comun da Vich. L cors l’é stat metù a jir sun Tamion aló dal restorant “L Chimpl da Tamion” e l’é stat tegnù apontin da Stefano de Bruno de Martin, chech sal Chimpl e Alessio de Gino Pech, che bondernea tras chiò te la Talia e ence fora de cà, olache l’à l met de lurar ti restoranc de gran nonzech. L cors, spartì fora te cinch serade, l’é pontà via via per la metà de november e ajache chi che se aea enscinuà ite i era de n muie, l’é stat fat doi gropes. Al cors à tout part, no demò femene ma ence valch om, jent che cojina e autres che no à nience mai rostì n ef, duc, aboncont co la voa de emparar e portar via valch. L’é stat tratà desvalives argomenc, desche meter ensema i magnares, co taar la ciarn e l pesc, co endrezar l menù de Nadal e autres argomenc enteressanc. Dò la lezion i corsisć à podù ciarciar chel che i aea enjignà. A conclujion, l’ùltima sera, l’é stat sport la cena a chi che à tout

I chef Alessio Rasom e Stefano Ghetta à ensegnà con profescionalità e simpatìa.

part al cors e a si respetives omegn e fémene. Ai corsisć ge é ence stat dat desche recort n bel retrat tout jù endana la lezion e n CD con le rezete. I corsisć vel tor chiò l’ocajion per rengraziar l Gran Mugon per l’ospitalità, e soraldut ge dir n gran develpai a Stefano e Alessio che se à dat jù con pascion, gaissa e gran

pazienza e che à desmostrà profescionalità e empegn. N gran devalpai va ence a Pamela per sie bele foto e desche ùltim, ma non per emportanza, ence al comun che à didà. Speron che chest cors l sie prum de tenc autres, ajache no l’é stat demò cojinà ma l’é stat soraldut na ocajion dassen speziala per sozialisar e far grop duc ensema. 

fat l gran galà coi “invitati”… per l’ocajion i chef à cojinà chi piac che aane fat ensema, coscì l resultat l’era segur. Noiautres ampò aon empiatà, servì e didà Marcello a lavar jù. I ghesć i é se n jic teisc e contenc e desche ence duc noi. Speron che ades a ciasa duc fossane bogn de seghitar a chejer chisc bogn magnares! Se no ne cardede, Pamela de la Filo, la ne à fat le foto, che le é state metude ensema te n belot CD, che ge é stat sport a ogne partezipant e de chest la rengrazion. Rengrazion ence la familia Weiss de l’Inazio de Tamion per l’ospitalità. Ge dijon amò n gran detelpai a Lucia de Coluzi e al Comun da Vich che à endrezà dut bel dalvers e ai chef Stefano e Alessio che ne à ensegnà e tegnù fora enceben che sion stac mìngol ciacologn... Ne saessa bel jir inant col corsc ence chest an che vegn. A n’autra più bela. L cors di più feruscoi!

“L’é stat dassen n cors enteressant e gustegol per duc nos”. www.lauscdiladins.com

25


Val de Fascia

nr. 47 / 04 de dezember 2010

L’Union di Ladins chier jent neva! En vender ai 10 de dezember da les 17.30 te sala del Consei de Comun de Poza te la radunanza generèla de la sociazion vegnarà lità l Consei che à regnèda 3 egn L’é béleche ruà la fin de chest 2010 e desche ogne an l’Union di Ladins de Fascia envìa sozi e amisc a sia radunanza generèla, per se scontrèr, cognoscer la ùltima neves de la sociazion e se baratèr i augures de bona festes. Chest an amò apede va fora la encèries sozièles de la sociazion, che les à regnèda 3 egn, e donca endèna la radunanza vegnarà metù a jir ence la litazions per l renovament del Consei. L’apuntament l’é per en vender ai 10 de dezember da mesa les 6 domesdì te la sala del Consei de Comun de Poza: te l’ocajion vegnarà portà dant ence l’ùltima bela produzion de l’Union di Ladins, de chela che rejonon miec chiò sot ite. Dò la prejentazion del liber vegnarà ence portà dant en curt l’atività de la sociazion e se jirà inant con la litazion del nef diretif, che vidarà l’Union fin a la fin del 2013. L domesdì sarà viventà dai feruscoi pìcoi sonadores del grop “I Morchies” e l se serarà sù con n

Intervista a Silvano Ploner, che jai 3 egn à tout da Antone Polam l testamonech de president de l’Union di Ladins de Fascia

I componenc del Consei de l’Union di Ladins de Fascia lité a la fin del 2008.

moment gustégol e convivial olache a duc i prejenc ge vegnarà sport vèlch da bon da cercèr. L’Union di Ladins se augura de vif cher che i fascegn tole pèrt de tropes a la radunanza, olache se podarà renovèr l’adejion a la sociazion per l’an 2011 o se scriver ite per la pruma outa,

e se meter a la leta per fèr pèrt del Consei. Chi che volessa dèr sia desponibilità i pel ence tor contat dantfora con la canzelarìa de l’Union di Ladins al 0462.764545 o manan na mail a union@ladinsdefascia.it. Vegnì de n muie, che l’é de besegn de forzes e idees neves.

“Picole lum da Nadal” L’é n beliscim liber da Nadèl, l’ùltima produzion rencurèda e data fora da l’Union di Ladins de Fascia. L liber, de 80 piates de gran format e rich de bie dessegnes e ilustrazions à per titol “Picole lum da Nadal”, e l regoi 10 bela contìes scrites per brach da Mariateresa Fanton Crepaz, apede ai dessegnes fac da la medema “Lehrerin”. Japede al liber l’é ence n CD, olache chesta contìes é states letes sù a più oujes, compagnèdes e

enterzèdes da tòc de musega, acioche ence i bec pìcoi che amò no sà lejer o chi che no é amò tant segures tel ladin i posse les scutèr sù. Chest liber, segur adatà da sporjer desche n bel don da Nadèl, vegn prejentà da l’Union di Ladins en ocajion de la radunanza generèla de la sociazion en vender ai 10 de dezember, e l vegnarà dat fora debant a duc chi che te chela dì fèsc o renovea l tesserament a l’Union di Ladins per l’an 2011.

La soracuerta del nef liber de l’Union di Ladins de Fascia.

La Ganes te Fascia, n rai de soreie Per la pruma outa te la Ladinia, la trei badiotes Maria, Marlene e Elisabeth à portà dant n aprijià conzert a Moena La Ganes à portà te Fascia n “rai de sorëdl”. N conzert beliscim, chel stat en vender passà te teater parochial de Moena, per endrez de La Grenz e de l’Union di Ladins de Fascia. L’era la pruma outa che La Ganes, la trei ciantarines de la Val Badia Maria Moling e Elisabeth e Marlene Schuen, portèa dant n conzert te la valèdes ladines. Na ocajion dassen da no se perder, che purampò, e l’é stat dassen n gran pecià, pecia jent à sapù se n emprevaler. N rai de soreie te na serèda da neif, che à sciudà ite dut

l teater, e che à fat aprijièr la gran calità, e capazità artistica e musicala de la trei artistes ladines. La Ganes à na fona preparazion musicala che les à concostà soraldut a la foresta. Marlene Schuen fèsc pèrt de la Goisern-Band dal 2002, la sona la vidola e la cianta. Maria Moling, la più joena de les trei e Elisabeth Schuen se à jontà ite per la tournée Linz Europa. Apede a ciantèr Maria sona la chitara e la percuscions e Elisabeth, ciantarina lirica diplomèda, sona la vidola ensema a sia sor.

La Ganes badiotes à tegnù sie prum conzert te la valèdes ladines a Moena, per endrez de La Grenz e de l’Union di Ladins de Fascia.

26

www.lauscdiladins.com

Ge vel portèr l’Union te anter la jent

“Rai de sorëdl” l’é sie prum album, l’é ite 14 cianties che rejona de amor, tristeza, de la luna, de nesc paìjes da mont, de enscresciment, tòc nasciui endèna sia longia tournée de trei egn ensema con Hubert Von Goisern. La Ganes, compagnèdes per l’ocajion dai musizisć Nick Flade a la tastieres e Kilian Reischl a la chitara, ge à portà dant al publich fascian sia cianties ladines, che conjobia l stil pop con tòc cianté da solistes e fascinousc passajes melodiousc, che se enterza a na vida n muie completa. Desche i spiric de l’èga de la lejendes ladines, Maria, Marlene e Elisabeth à trat ite l publich te sie mond fantastich; n publich che é restà tras encantà dal spirit gaert e poliedrich de la trei sinouses ganes, che à ciantà a dò a dò, fin tinùltima, con n lijier e complize grignot sul vis, palesan coscita duta sia pascion per la mùsega. Dò l bel conzert, la Ganes se à tramudà a la Baita de Moena, senta de la Grenz, olache les à serà sù la serèda anter amisc e stimadores. “Ci morvöia” la Ganes!! (mci)

Podede ne fèr n bilanz de chisc trei egn a cef de l’Union i Ladins? “Peisse che chisc trei egn sie stat n temp emportant per l’Union di Ladins de Fascia. L positif l’é segur te la robes che l’é stat fat e metù a jir. Segur la “revoluzion epocala” l’é stat la neva lege su la mendranzes linguistiches aproèda da la provinzia de Trent (n. 6/2008). Con chesta lege l’é stat de fat recognosciù che l’Union di Ladins à n ruol istituzionèl desche sociazion che se dèsc jù per l stravardament de la cultura e del lengaz ladin. Chest l’é l bon de la lege, da l’autra a chesta ocajion ge va dò n chiam a la responsabilità, chela responsabilità de se palesèr desche na sociazion che dalbon dèsc sie contribut a la crescimonia culturèla e sozièla de la Val de Fascia. Chiò no se pel se sconer, vivon n moment de crisa, crisa de l’empegn personal, ma crisa ence del conzet tradizionèl de cultura, fèr n liber, manèr fora n cd, se cruzièr duta la setemènes de la Usc di Ladins va ben, ma la jent fosc la no perten più demò chest.” Che pissède che la cognessa fèr donca l’Union di Ladins? “Peisse che segur sie da mudèr la vida de entener l’Union di Ladins. Enstadì a scontrèda de l’Istitut Cultural zachei à dit che canche se rejona de Istitut piutost che de Union la jent peissa “i soliti estremisć e integralisć ladins”. Te chest messaje l’é n fon besegn de scomenzadives che porte l’inom de l’Union te anter la jent, vèlch event che abie fazion e enteress per duta la popolazion.” Per ejempie? “La bela scomenzadiva de l’aisciuda ladina portèda inant tras l Comun General la é nasciuda da na pissèda de l’Union di Ladins, giusta per n dir una. Ma peisse ence per ejempie a dut l mond universitèr che l’é fora de Fascia per bona pèrt de la setemèna. L’é ora de i conscidrèr n partner, de i fèr doventèr na ressorsa, de i didèr a meter en pe na sia sociazion. Sun chest sion jà dò che luron con valgugn, ma zenza voler ge meter l ciapel soraìte.” Él l coinvolgiment donca la roba più emportanta? “Segur la é emportanta, no sé se la più emportanta. Nos ai 10 de chest meis aon la litazion del nef Consei e me fajessa na spana de cher veder vegnir te Consei joegn motivé, ma ence raprejentanc de autra sociazions e gropes de volontariat, apontin per portèr inant na logica del fèr ensema e del fèr miec.

Dapò resta de gran emportanza l descors interladin.” Co vèla aló? “L’é n moment senester. I jouves somea più auc de chel che i é te chest moment. Mìngol la politica, mìngol l corer de la sozietà de anchecondì, mìngol l pech dialogh, dut porta a deslebeèr chisc raporc. Per me l’é n pecià, ma la jent somea no aer dut chest besegn. Ence la Generèla vif n moment de deboleza e atualmenter l soul strument dalbon interladin resta la Usc di Ladins. Ge volessa che mìngol duc se engaisse sù, ence la Lia di comuns, se no dant o dò duc se stencia a jir semper contra l’èga.” Zachei disc che l’Union di Ladins la é massa pech cognosciuda, che no se sà che che la fèsc. Él n defet de comunicazion? “La comunicazion conta n muie, gé vegne da chest mond e cree che l’Union cognessa doventèr na fojina de idees e de divulgazion, olache troa lèrga ence joegn talenc che à voa de se meter a la proa e merita de esser valorisé. No entene la televijion o demò chela, ma ence la radio, la musega, la grafica. L’é temp de se verjer a esperienza neves.” Joel amò rejonèr de identità? “Duc rejona de identità. L’identità e l lengaz à n leam fon. Se rejonon de identità religiousa, no se pel esser catolics zenza cognoscer la orazions e preèr. Ades valgugn disc che se pel esser ladins zenza cognoscer nosc lengaz e l rejonèr. Cree che chest no sie possibol. Dapodò se per identità i enten se trèr ite n guant e fèr na defilèda aboncont demò chel per me no l’é identità.”

Silvano Ploner.


Val de Fascia

nr. 47 / 04 de dezember 2010

“Punta Emma” portà dant ence te Fascia Enluminé da n rai de Sol L spetàcol de teater su la vita, la impreses e l’èrt de Toni Gross da Poza, jà spilenà con gran suzess chest istà passà a Ciavaleis, l vegn metù en scena ence te noscia val

Andrea Brunello e i ciantores del “Gaudio Musicale” en ocajion de la raprejentazion de Ciavaleis.

Teater - En sàbeda ai 11 de dezember vegn portà dant ence te Fascia l spetàcol de teater “Punta Emma. Lo scultore e la montagna”, metù en scena con gran bon éjit via per de aost tel teater comunèl de Ciavaleis, per endrez del Zenter d’Èrt Contemporanea. La raprejentazion vegn metuda a jir tel Chino Teater Marmolèda de Cianacei da les 9 da sera, de gra a l’endrez del Comun de Poza con sia assessora Renata Bertacco, adum a duc i Comuns de Fascia e l Comun General, col sostegn de la Cassa Rurala de Fascia e Agordin, del Consorzie Eletrich de Poza e del Fassa Coop. Se trata de na pièce metuda jù dal regist Mario Vanzo, dedichèda a l’artist da Poza Toni Gross (1932– 2005), gran maester de la scultura locala e tel medemo temp fegura chief de la cultura alpina, te na parola l’encarnazion de l’identità medema de la jent da mont. La vita e i pensieres de Toni Gross vegn porté dant travers l’espedient naratif dassen garatà de n diarie scrit dal menacrep e zipiador fascian endèna na rampinèda envers chel spiz de la Winkler che Tita Piaz ge

à dedicà “no a n prinz o n re, ma a Emma, la ùmola tousa che lurèa te refuge Vaiolet”. “É scrit Punta Emma e l diarie de Toni Gross dut te n colp - l’à dit l regist te la paroles dantfora - tocià e encantesimà da chest gran artist che l’é stat bon de segnèr a na vida n muie fona la storia de l’èrt e de l’alpinism de noscia tera”. I crepes donca doventa la metafora de l’umanità che chier de se solevèr da la mediocrità per arjonjer autezes con n peis desvalif da chel materièl e ence l’alestiment deida de chest vers con la trei pontes stilisèdes de la Torns del Vaiolet duta biences che tol ite l cor, desche a ge dèr ousc ai monc: i ciantores, duc regolé de bianch, doventa ic enstesc pèrt de la scena, ence de gra ai jeghes de lum che raprejenta i desvalives stac de l’ènema de Toni Gross su la erta envers Ponta Emma. L test teatrèl l’é n monologh dit sù con gran braùra da Andrea Brunello, con n stil ciaut e mai retorich, didà da scempies ogec de scena, ite n’outa te prossach del gran alpinist, desche la corda, i ciodi, l’elmet, l martel, na ciameija a chèdres de drap chécen che l’ator

ite per anter l se tira ite, con chela de se calèr miec tel personaje. L quartet Gaudio Musicale, con Angela Chiocchetti, Francesca Degiampietro, Enrico Vinante e Maurizio Zanon, completa la raprejentazion sotrissan con sia cianties per ladin vigni paussa, che tel lengaz de l’alpinism corespon a trates de corda, te cheles che l spetator à l’ocajion de pissèr su la vita, la mort, l’èrt, la trasmiscion del saer. Na ocajion dalbon emportanta che ge vegn sporta ence ai studenc de la Scola auta de Fascia, che podarà veder l spetàcol tel chino de Cianacei da doman, en ocajion de la consegna di diplomes di ejames de matura. La raprejentazion se ouc dant dal dut a chi dal post, te l’otica de la conservazion e del stravardament de l’identità da mont, ma l’é n event da slarièr fora e ge fèr cognoscer ence ai ghesć, a na vida che i posse smaorèr l’esperienza del teritorie che i à cernù per sia vacanzes e entener miec i valores de amor per la mont e per l’èrt, tant fons te noscia val, e raprejenté te si livìe più auc da la fegura de Toni Gross. (cri.m)

Te nince 8 menuc e 20’’ da canche el pea via, el ne rua int da fenestra de stua e ogne roba la ciapa vita e color El miracol de la lum data dal Sol duc i di el se repet scialdi e la ne rua su la Tera da 300.000 Kilometres e l’é el Sol la stela più grana e fissa de nosc Univers; ge rodola dò noscia Tera, la stela più vejina al Sol e dapò, ence duc i autres Pianec de nosc sistem solar. Font de vita el Sol en te la mitologìa greca l’era dit: Die celeste, Elio. La festa de sto corp celeste la vegn da tempes antiches e la era segnada ai 25 de Dezember. Per i crestiègn el Sol l’é scimbol de la Sapienza Devina. La stela più lujenta dapò el Sol l’é Sirio dita ènce la Stela di Faraogn. “Fiat” e sie! E la lum la era fata. Coscita la scomenza la storia dl mondo te n mulge de mic e contìe, ma soraldut te i libres sacres de depiù religion. Per duc chenc val l dit “vegnù a la lum”, na lum che no se destuda che la é compagna per duta la vita, col ne dar el möt de veder le robe e le persone, i monc e i mares, le ciase e le strade. La lum che vegn da nosc Sol, forta e debola, a seconda del post olache se é e a seconda de la stagion, trasparenta, o chela del sol che lèva, canche l deslebeea, o canche el fior la muda de n mingol chel

che ne zirconda. Ogne valch el se ròba sò part de lum del sol e la rua a nösc ölges te tenc de autres colores che sion bogn de decerner, dal negher al bel bianch e duc i colores dla Natura, l’om l’à emparà a i refar, scaji più bié e svariè de chi originai. El mulge de pitores i à proà a depenjer la lum te de svariade tonalità che chi ge varda al cader i resta encantè. En confront a la Tera l Sol l’é gran 1.300.000 oite; sò splendor e sova lujenteza la é 11.000.000.000 (11 miliardes) de oite maora de chela de l’autra stela più lujenta dl Firmament, che la ciapà l inom de Sirio, dita ènce Stela di Faraogn. L’é numeres tant gregn che stenton a i capir, ma i dasc la idea de l Enfenit grandios e misterios che ne zirconda da dute la man. No coscita dalonc el Sol, te la poejia “Nasc el sol” dl Tinoto Monech da Moena, brao e jentil Poet di egn ’60, che l’à metù jù na poejia su la levada del sol, chel che el l vedea a star sun fenestra de ciasa sova che la vardaa vers la Val de Sen Pelegrin. Veronica dl Tinoto Gabana

Chi él pa? Soluzion del retrat su La Usc nr 46 L retrat che aon publicà la setemèna passèda l tol jù i conscric del ’34 da Soraga dò la

1

2

vìjita militara. A ne dèr la soluzion l’é stat Ernesto Brunel, Giuseppina Rossetti, nosc fideil Lino Medico

3

4 5

e i doi frèdes Antonietta (maridèda Winterle) e Celestino Pederiva, che é ence sul retrat. Sul retrat l’é: 1. Giuseppe “Bepi” Pellegrin de Zach, patron de l’albergo Miralago; 2. Pietro “Pierino” Brunel de Cela; 3. Nino, “Nineto” Rasom de Rossi da Pera; 4. Celestino Pederiva; e 5. Marco Pellegrin de Tista patron de l’albergo Rosalpina. Chesta setemèna, en onor de Senta Bèrbola patrona di studafech, ve meton dant n retrat olache l’é sù studafech e speton voscia respostes dant de en mèrtesc per telefon o fax al 0462.764545, o per mail a la direzion lausc@ladinsdefascia.it.

deida coscita a viventèr chesta rubrica e a meter ensema vèlch mizacola de storia de noscia jent:

1

2

ve envion a ve fèr inant per ciapèr en don na publicazion de l’Union di Ladins.

5

3

6

7

4

Ge sporjon n bel develpai a chi che se sproa a troèr fora la jent e a chi che ne porta i retrac, e i ne

www.lauscdiladins.com

27


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

nr. 47 / 04 de dezember 2010

L cajo Templari: la jent la no capìsc Sot ite cuestion politiche per sminuì l peis che n Provinzia l pò avei n assessor vegnù da la Ladinia storica Politica - La jent dei comuns ladins de Fodom. Còl e Ampëz la s’à fat de marevoia e la no n à capì l percié che l’aministrazion Bottacin, l’à retrat la delega de assessor a la cultura e a le mendránze de la Provinzia de Belum a Daniela Templari e la volëssa n savei deplù. La no capisc perciéche i afari de fameia, tra l auter slonfèi a regola, i abe da ester trac ca per rejon politiche. Nveze coscì l’é stada. L s’à fat de

marevoia ence l assessor a le scòle e a la cultura ladina Florian Mussner che su La Usc di Ladin l à mostré solidarietà a la Templari. Troc pensa che sto fat l é ste studié n jonta provinziala per sminuì l peis che n Provinzia l pò avei n assessor vegnù da la Ladinia storica. En fat che pò ester ence ncin vedù come n castigo per la jent che co l referendum à voté per passé a la Provinzia de Bolśán. E pò per sti

trei comuns, l fat l ven vedù come n auter tentatif de assimilazion, come che l é ste chël de spartì fòra i trei comuns nte i colegi eletorai. La jent de sti trei comuns la no desmentia che l’atual aministrazion Bottacin l é ruada ite grazie, e souradut, per i voti ciapèi chilò su, ence per l’empermetude nte la propaganda eletoral che la Provinzia la se darà da fè per la cuestion referendaria e per l respet a la mendránza

Grones secondo al Premio Celeste L artist fodom l à sliché l colp gròs nte un dei concorsc plu prestigiousc de èrt d’aldidancuoi Èrt - N secondo pòst che va strent chël che l joven artist Gabriele Grones l à concuisté al Premio Celeste, un dei concorsc d’èrt d’aldidancuoi plu mportánc d’Italia e presiedù da da Julia Draganovic. A la selezion finala, che l’é stada nchëstadì a Catania a la Fondazion Brodbeck, l é ste passé via demè da l’artista Laura Bisotti. Grones l eva ste selezioné ntra i 10 liec fòra per la faje final, ntra plu de 2000 partezipánc, con suo depent dal titol “Luce”, n oio su tëla de 20x20 zm., ulàche l à fat ju suo fradel Roberto. L premio l é de fòra da l’Associazion Cultural L’Albero Celeste, fondada a S. Giminiano (SI) ntel 2005 da Steven Music per promuove l’èrt d’aldidancuoi n Italia e fòravia perméz de esposizion e ativité de divulgazion, la donazion de premi n sciòldi per promuove i progec dei artisć che vadagna e l svilup del laour dei artisć assocèi nte na web comunity ativa per duc i professionisć che laora nte l’èrt contemporanea. Ogni ann l Premio Celeste l perveiga l’organizazion de na mostra de 60 opere finaliste, autre mostre e n catalogo con 250 opere ilustrade. A diferenza dei

La tëla de Grones dal titol “Elio”.

autri concorsc artistizi, no l’é perveduda la prejenza de na giuria che giudiche i premi. N comitat de plu de 20 critizi d’èrt taliagn i seleziona le opere che va n final. L concors l é fat de doi selezion: na pruma selezion fata da critici d’èrt, finalizada a cherì fora i 10 finalisc’ de ogni categoria (pitura, fotografia, video, scultura/ installazion/performance). Nte chësta selezion, l depent de Grones l eva rué al prum post de la categoria “pitura” co l puntegio

plù aut auna co l depent “State of the Nation” de Tommaso Ottieri. La seconda selezion, che à decreté i laour che à vadagné l concors, l é stada fata dai artisć nstësc l dì de la giourida de la mostra, ulàche “Luce” l é ste fat sbriscé ju al l secondo pòst. “L’esperienza l’é stada scialdi bela” l è l coment de Gabriele. Son sté trop content de ester sté selezioné pro i 10 finalisc chëst concors, trop cugnisciù e tignù da cont ntel ambient de l’èrt d’aldidancuoi. L é ste ence nteresciánte nconté e cugnësce jovegn artisć, critizi d’èrt e curatori de livel internazional. Me moia n frëgo savei de ester rué tánt damprò al prum premio. Mpò miei complimen i va al laur de desens, foto e collage dal titol “Appunti” de Laura Bisotti, che à vadagné.” I retrac de Grones” disc l critico d’èrt Gianluca D’Incà Levis, “i é ben dalonc dal ester copie dei musc originai. Nsomeia plutòst refèrc d’aldidancuoi. Le esprescion sui musc i é trancuile. I sogec i no rì per fè plajei al autor ntánt che l li fèsc ju. Coscita davántvia, i nsomeia sladèi su na taula da autopsia, ulàcje l pitor, douc, l li gioura.” (sl)

ladina stòrica. Da ste pèrt mantignì la parola l é conscideré n senn de zivilté, e la baje de ogni bona aministrazion. Pensón che no la mantignì siebe n fal politich da no sotvaluté n previjion de le proscime elezion. La jent l’é dagnëra plù convinta che la cuestion storico-cultural la no conte plu nia n Provinzia, ma  che l referendum siebe na cuestion da porté nnavànt con forza e convinzion. (Nani Pellegrini)

Daniela Templari.

Valoriśonso al meio nòste tipizité fodome? L ejemple de la lateria da Renac, na realté che podëssa ester cugnisciuda deplù Turism - La lateria de Renac l é na gran risòrsa, n bel bilieto da vijita per Fodom. La fèsc formai e smauz che tànc ne nvidieia. Ma ala da se fermé a sto suzés? Podëssela magari fè deplù, se valorisé meio? L’assa dute le chèrte n regola per l fè ? Provón a nrescì. Duc sa che la lateria la ejiste percié che on ncora bacagn che sieia i prèi e i produsc lat per fè formai, smauz e zigher. SE po’ bele antizipé des to vièrs, che l lunare del 2011 de fòra da L’Union dei Ladins da Fodom, l fajarà vedei chèle che l’ é ste persone e cotànt de pré che ven sié ju. Ma la produzion da la laorazion del lat ela valoriśada assè? Ncuoi va de moda le speise e dut chël che se produsc sul luoch. Va de moda i restoránc che mët sun taula roba local, ntel nòst cajo chëla tipica ladina. La lateria l’à en bar che clamon “bar bianco”, ma che se podëssa l clamé “Bar

Fodom” ulàche ven metù fòra, nte picole nisce, ci che Fodom produsc: smauz, formai, zigher, cèrn de ciacia, sansciòni, lat apié, òrde da panicia, pán de siala e auter. L é ence n restoránt de proprieté de la lateria. Percié no vegnelo, per ejemple, proponù ògni tànt na marëna o na cëna blota ladina? I fasciagn i à capì e i à publicisé el “Ladin Hotel”, ulàche ntei plù gragn alberghi ven prejenté n menù local, ladin nviade a la setemana. Mpèr che i turisć i l’abe tànt aprejé. Percié no podónso se valorisé meio ence nos, con dut chël che on de bon? Percié i alberghi no veigheli ite sta oportunité? Percié l’azienda turistica Fodom- Turismo no pensela, per ejemple, a mëte a jì e, o publicisé na marëna o na cëna tipica ladina? Percié mossonso dagnàra copié dai autri e no avei, nviade, l’esclusiva? (Nani)

Da Fodom n pico - gran aiut al Pakistan L Diovelpaie del grop Insieme si Può Solidarieté - Na sëra da mëte nte na soèja chëla co la compagnia de teater “Palcoscenico Città di Monselice” (PD) che l’à prejenté la comedia de Carlo Goldoni “Sior Tòdero Brontolon”. L sèlf dei congresc l eva plen de jent, ence

Suor Agnese Grones “Ioscia” ntaméz a “sua” jent n Pakistan.

28

www.lauscdiladins.com

vignuda da la val damprò e de chèlche ultimo timido turist, con gran sodisfazion per coche l’é juda da pèrt del grop Insieme si Può Fodom. L nòst fin l eva chël de daidé suor Agnese Grones “Ioscia”, che davánt n tòch l’ava scrit per ne damané n aiut a le trope fameie tocade da la gran aluvion che de agost à desfat su gran śòne del Pakistan. Se sa che i aiuc nte sti caji no i è mèi assé. I aiuc umanitars i evapa ben ruèi, ma po’ apëna che sui media la notizia la no rua plu n pruma pagina, nsomeia che dut siebe comedé e spò desmentié. Trope oute, purmassa, suzede spò che i aiuc i se “ferma” da chèlche pèrt e la puora jent la resta tèla e senza de chël che l’à debujen. Suor Agnese l’é una de chële persone umole, scemple e co nen gran cuor. L suo prezious percors la la porta a ester damprò ai puori, ai ultimi, ai disastrèi nte chëla tièra pakistana,

da dëla coscita amada. Per dëla e su consorele pié via con nen pico camion ciarié de sac de farina per fè l “cipati”, che fossa l pán da colavìa, rijo, zucher, òio, fajuoi, lat n polver, medejine, ades come ades l é laour da ognidì. Fin davánt puoch, demè i elicoteri i podëva rué nte chi pichi paisc fòravia al confin co l’India restèi ijolei. Dal nòst grop, suor Agnese, te rue sta “gota” de aiut che l é le ofièrte trate su n ocajion de la sëra de teater. L nòst l é n pico aiut nte chël mèr de ben che ti e le tue consorel donei ogni di. N gran Diovelpaie de cuor a dute le persone che très le ne dáida a podei porté a bon fin nuosc progec. N particolar la Comun da Fodom, a Elia e Belino del Hotel Malita, al Gottfried e a la Pierina, a la lateria da Fodom, al “Fele” de la pistoria “costa” e a la Raiffeisen. (A inom del grop Insieme si Può, Marilena Dander)

“Formai, smauz, zigri. Dute tipizité fodome. Savonso da le valoriśé assè ?


Fodom

nr. 47 / 04 de dezember 2010

Laour a temp de record: Comun premié Da la Region autri 15 mile euro per l’intervent sul tët de la scòla elementare da La Plié Comun - L Capocomun da Fodom Ugo Ruaz l à retrat nchëstadì da le mán del assessor regional ai laour publizi de la Region del Veneto Massimo Giorgetti n assegno simbolich de 15 mile 400 euro, perciéche l Comun l è ste bon de fenì via i laour mpruma del temp i laour al tët de la scòla elementare da La Plié. L intervent, per n impòrt de zirca 150 mile euro, l eva ste finanzié da la Region daìte dal Plán Straordinar regional dei laour de nterésc local de impòrt sot ai 500 mile euro. La Jonta Regionala, per daidé a passé via la criji del setor del fabriché, l’ava stanzié co la lege finanziaria, 150 milioni de euro ai comuns per ntervenc sot ai 500 mile euro e assignèi a impreje del luoch. L premio l é ste pervedù per na cuota del 10% del impòrt total. I laour i pervedëva

Per avei fenì a tenp de record i laour al tët de la scòla, l comun da Fodom l à ciapé come premio n contribut de 15 mile 400 euro, l 10% per ciánt del impòrt dei laour.

de refè deldut l tët, che ava dassën debujen. E mplù de nstalé lasoura

n impiánto fotovoltaich da 7.5 kw. “Chisc premi” l à sot lineé l’assessor

Giorgetti daìte dal convegno “3 Piani per il Veneto” che l é tignù a Verona Fiere daìte da la manifestazion Geo – Oikos, ulàche l é stada la premiazion, “i é la desmostrazion che ence le picole aministrazion i é bone de laoré mprescia e polito, per de respòste da tazon a l teritòrio e a sua economia, coche l é nte la filosofia del provediment metù su da la Region per finanzié chisc intervenc.” A chi valo l merìt de avei fenì coscita mprescia, finamèi nte mz l temp pervedù, i laour a la scòla da La Plié?” N pèrt compagna a l’aministrazion e a la ditta che à fat i laour” respón salomonicamente Ruaz. “L’eva prescia de fenì per via che de setembre scomenciáva le scòle” spiega l Capocomun,” e no se podëva zerto rué co l cantier ncora per aria. Nlouta l é ste grazie al

bon laour de coordinazion dei laour da pèrt de l’aministrazion, dei tecnizi e de dut l aparat comunal e de la braura de la ditta che à fat l intervent, la “Rasom” de la Val de Fascia, se s’é stèi bogn de fenì via coscita mprescia. Zerto, “ l amët,”toca ence rengrazié che dut l é ju polito, perciéche cánche se mëte le mán nte ste cèse vegle, se sa ben coche l’é. Dighe ence mi chël che à dit l’assessor Giorgetti, che da chëst se veiga che le picole aministrazion i é bone de laore polito. De segur na bela sodisfazion, ence perciéche l é ste premié demè set comuns n duta la Region. E nos son stèi i soi de la provinzia de Belum.” Eiso bele dezedù co douré sto contribut ? “Pense che l sourarón per curì nvalgune spiese nia pervedude, che i é sautade fòra ntratánt i laour.” (ls)

Dal Freine de Cernadou al “Meazza” de Milán

Na gran sëra de teater

Viade de fin stagion per le scuadre mendre del Fodom

La Filodrammatica d’Anpezo à bu n gran suzess co l dramma “Ce fin ala fato Stella Rey?” E l’Union dei Ladins da Fodom la propòn: na compagnia de teater ence nta Fodom

Associazions - Gnánca l freit o la nei su le strade l’à podù i fermé. L viade l eva pervedù oramèi da chèlche setemana e la vèja da pèrt de duc l’eva grana. Jì a Milán al Stadio “Meazza” ntel cuartier de San Siro per vedei na partida de Serie A leva l obietif per i tosac de la scuadra del Fodom. N viade volù dal diretif de l Us. Fodom che davò na stagion de gran sodisfazion a livel de organizazion de duta l ativité l’à volù finì via co nen vèlch che mei l eva ste fat. Porté plù de cincánta persone ntra tosac, jovegn e genitori al stadio no n eva saurì. Ma l Andrea Palla prescident de l’Us Fodom e suo vize Sandro Soratroi, a sua outa alenadous dei tosac, i à metù auna dute le forze per fè si che chësta scomenciadiva

pòbe ciapé crëta. No n eva saurì cièrne fòra na partida e n orario che vade polito, còpa che le partide le ven fate oramèi con orari trop desvalìs. La dezijion a la fin l’é tomada su la partida Inter – Parma, che vigniva śogada da mesdì e mez de domënia 28 de novembre. Pièi via da le cinch da oman co la nei, la comitiva la s’à trat senza cruzi a Milán e davò puoch duc i eva ntel stadio ulàche śoga le scuadre del Inter e del Milan. Na strutura che pò tignì plù de 80 mile persone dute sentade e adasosta. N impiánt che le consideré un dei plù biei che se pòbe vedei no demè n Europa ma nsun duta la tiera. La marevoia da pèrt de duc l’é stada grana e mplù, davòche l stadio s’ava mplenì, l’é scomenciada una

de le plù bele partide de dut l campionat co l Inter che a al fin à vadagnè per 5 a 2. Set goi ndut nte na partida con trope emozion i é stèi l premio mplù che i tosac e i acompagnadous abe ciapé. Duc à podù tò pèrt a na festa de colour, ciántie e gran scraiade. Na iniziativa garatada che à fat piazer a duc chi che à tout pèrt e che l’Us Fodom provarà a mëte mpé ncora nviade ence se le dificolté organizative i é grane. Ma sto ann volëva proprio l finì via con vèlch da de tèl. Fèsc pensé defati che ben 44 i é stèi i tosac da Fodom che à podù tò pèrt a l‘ativité de la scuadra del Fodom ntel nuof ciámp sintetich de Freine. Per na comunité picola come la nòsta l é n numer de gran marevoia. (sgp)

La Filodranmatica d’Anpezo sul palco de Rèba.

I tosac de la scuadra mendra del Fodom ntel stadio Meazza de Milán.

Teater - La Filodrammatica d’Anpezo l’à otignù ndavò n gran suzess nta Fodom, ulàche nsabeda passada l’à prejenté ntel sèlf dei congresc de Rèba la sua ultima fadia dal titol “Ce fin ala fato Stella Rey.” Sto viade no se tratëva de na comedia, ma den dramma ambientè a New York ntel secol passé. Ma na storia, na vizenda de fameia, che podëssa suzede cuaji compagna ence chilò da nos, aldidancuoi, nterpretada e chësta l’eva l’autra novité, dut da ële. Nuof ële che à sapù da “tignì la scena” coche se disc, per dute le cuaji doi ore e mesa che à duré i trei ac. Ben ndoviné da la regia de Fiorenzo Gaspari “Leon” l abinament dei personagi ai atori, che i à sapù se calé “pathos” nte la pèrt assignada. La jent da Fodom, ma n’eva ence da fòravia, l’à ndavò responù con entujism, sen che l teater l plèsc e demé l temp mèlsegur forsci, plu che la sòrt de teater ( “l dramma l é l vero teater” à recordé l regist nte le paròle davántfòra ) à tignù dalonc valgugn. Sebénche la maiou pèrt de le scene i ava n fonz tragich, l publich l à sapù da coie ence chi

puoc momenc de ironia con chèlche ridësta, cuaji a sotlineé che ence nten dramma, la vita lascia l lèrch per n sorijo. La braura dei atori ampezagn, très spetèi e benvegnus nta Fodom, coche d’autra pèrt ence lori à plu oute dit de ester dagnëra contenc de passé Fauzare e vignì chilò a prejenté suoi laour, à fat pensé a l’Union dei Ladins da Fodom, che à nvié via la sëra, de vedei se ence chilò fossa valgugn che assa la piza, la vèja, la voia de se mëte auna per nviè via n grop de teater. L material da raprejenté l no mancëssa de segur. Ejiste n bel repertòr de teatri per fodom mèi raprejentèi. E troc autri i podëssa ester adatèi, coche à fat la Filodrammatica d’Anpezo. L teater l é una de le esprescion plu aute de la cultura den pòpol e una de chële plu vegle, se se pensa che bele i vegli greci i la dourëva. Fodom l à n gran potenzial e dut disc che, auna a le trope associazion e ativité che ven bele porté nnavánt, siebe l lèrsch ence per n pico grop de teater. Chi che fossa nterescèi i pò se ve nnavánt da l’Union dei Ladins e descore co la Michela Devich. (sl) www.lauscdiladins.com

29


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Anpezo

nr. 47 / 04 de dezember 2010

Co i schie, pi pian ‘l é pi bel

Un gastaldo par Ciadin

Nasce in Anpezo el slow ski, con chera de se gode depì ra natura, ra crodes, el bel che ón d’intorno, con manco prescia

Cisà ci che sarà el gastaldo noo, de ra jeja de ra Madona de ra Salute, a Ciadin

Ra bela jeja de ra Madona de ra Salute de Ciadin, sote el gnee.

El toco pi outo,e pi erto, de ra pista de i Vediei, su in Faloria, el vecio Ciaśadió de ra lejendes. Ignante ‘l ea ‘na monte par i besteame, ades i và a se montà i cristiane.

Da anes se sente parlà de el slow food, el magnà senza prescia, pian, da se gustà el saó de chel che ‘l é inze piato, o inze ‘l goto, un bon disnà, un bon vin. Duto chesto par se bete in ganzèga co ra prescia de sgotì śo algo, cisacé, che ‘l é ancuoi, par chi poche menute che el me lascia el laoro. Ben, pede a ‘l slow food, ades in Anpezo se scomenza a parlà de ‘l slow ski. Da anes, ra pistes ‘s é deentade stradoi, garie, senza ‘na upa, da podé core via svelte, pi svelte che se pó, da ingrumà una bia de pistes, una dapò cher’outra, e da dasera se blagà co i amighe, e contà cuante chilometre che s’à fato, cuanta montades. “Ma ce asto vedù, ce crodes eelo, eelo bel el bosco?” – i te domanda, e no te sas gnanche responde, parcé che no t’as vardà nuia, i oce su ‘l gnee, su ra pista, a schià ra śente,

a vede de no te smaltà. Par ‘sto an, chi de ra sozietà de ‘l Faloria, i s’à pensà de bete ‘na pista par el slow ski, e i à curà fora ‘na pista de ra pi beles, chera con pi storia, ra Vitelli, agnó che i à coresc el slalom gigante, par ra Olinpiades de ‘l 1956. “Propio ra pista Vitelli – el me disc Enrico Ghezze Ghezo, aministrator de ra sozietà Faloria – da ‘sto an ra beton par chesto slow ski, ‘na moda noa de śì co i schie, de se montà, de vive i schie, par sentì depì el saé de el vive de fora, intrà ra nostra bela crodes, su ‘l gnee, inze ‘l bosco”. Se moe da su in son, a 2.356 metre, agnó che rua ‘l inpianto de i Tonde, co ra careghes a cuatro poste, agnó che ra sozietà Faloria r’à chera de fei un inpianto noo, co ra scentes da oto poste, ra prima inze ‘l Veneto. Ra pista r’é bela

longa, par 2.920 metre, par ruà in Pian de ra Bigontina, che ‘l é a 1.744 metre, 612 metre pi in bas. Ra spona media r’é de el 23%, agnó che ‘l é pi erto r’é a ‘l 51%. Canche se rua śò a 2.150 metre, i pensa de bete fora alcuanta bances, da se scentà śo, da se vardà el Cristalo, che ‘l é là daante, viśavì, e duta ches’outra crodes, fin a ra Tre Zimes de Laaredo, che ‘s é la inze in son, sora el lago de Misurina. Poco pi in śo, inze ‘l bosco, ‘l ea el vecio Caśon de i Vediei. Da Pian de ra Bigontina se pó ruà fin śo a ra stazion de Rio gere, a ‘l Ru de ra Graes, co i schie inze i pes, o co ‘l inpianto pi bas. Ci che vó in saé algo depì, o vede alcuanta bela fotografies, o lieśe chel che i à scrito, de chesto projeto, el pó śì a vede su ‘l sito de el Faloria, che ‘l éwww.cortinacube.it

Varente, pizora Una tośata anpezana, braa a scora e a fei sport, r’à ciapà el premio de el Coni de ra provinzia de Belun. I à acaro chi de el so Bob club Cortina Varente a scora, varente inze ‘l sport: par chesto el comitato de ra provinzia de Belun de el Coni, el Comitato olinpico talian, ra Provinzia da Belun e i śoen de Confindustria, i à vorù i dà un premio a Giulia Gaspari, de Lorenzo Mul e de Maria Laura Alberti Cadana. A chesta śoeneta, che r’à noma chinesc ane, i à dà el premio “Sport e Profitto 2010”, che el vien dà, par solito, propio a i atletes de ra nostra provinzia che i và adora a ese anche brae studentes. “Ra và coscita – ra me conta chesta tośatela, nasciuda del 1995, studentesa de ‘l liceo scientifico de Anpezo – i tol i vote che t’as ciapà a scora e i śonta pede a chel che te sos stà bon de fei co ‘l sport. Ci che à i vote pi oute, e ‘l é stà pi forte, el ciapa el premio”. Giulia Gaspari ra core co ‘l skeleton, su ra pista jazades, ‘na

30

www.lauscdiladins.com

Giulia Gaspari.

sorta de cocio, agnó che se se bicia de panza, testa inaante, ma r’é anche varente co ra brea, su ‘l gnee, el snowboard, e ra fesc gares, agnó che ra venze, a ci che tira su el pes pi peśoco, a paragon de chel che pesa ‘l atleta. De chel che r’é stada bona de fei Giulia, i é bule pichesee chi de el

Bob Club Cortina, e soralduto el presidente Gianfranco Rezzadore, che i à dito varente, a ra so pizora. “Chesto ‘l é un seign – ‘l à dito Rezzadore – de el gran laoro che el fesc el nosc club, aduna co ra scores de Anpezo e de i paes ca pede. On acaro che ra nostra Giulia r’ebe vento el premio de el Coni e a era i dijon gramarzé de duto chel che ra fesc, de ‘l inpegno che ra bete a scora e inze ‘l sport. Era ra me mostra che se và adora a darśonśe duto chel che se vó, se s’à voia e varentia”. Par el club anpezan ‘l é algo de bon e de bel, dapò duta ra struscies de i ultime ane, da calche ‘l é stà sarà ra pista olinpica de bob Eugenio Monti, a Ronco. Ades ‘l é un grun de laoro da fei, aduna co ‘l grupo de ra Fiamme Azzurre – Polizia Penitenziaria, a se dià i une con i outre.

Ra confraternita de ra jeja de Ciadin r’é che ra và a vede de un gastaldo noo. Pó ese che i ‘l ebe beleche ciatà, par via che el capitolo el se ciataa vendres, ai 3 de dezenbre, dares 20.30, inze ra sales de ra parochia. “El capitolo ‘l é stà ciamà a ra foula ordinaria e straordinaria – el m’à contà el pioan don Davide Fiocco – par via che ‘l ea prescia de ciatà fora un gastaldo noo. Ignante ‘l ea stà Silvio Menardi Menego a aé da lascià el so posto, e ‘pò ‘l é morto. Alora, de ‘l 2009, el capitolo ‘l aea betù Renato Caldara Partel ma, dapò poche mesc, anche el ‘l à abù da s’in tornà a ra ciaśa de el Signor. Cemodo che disc el laudo de ra jeja de Ciadin, ‘l é stà el pi vecio de i revisore de i conte, che ‘l é Michele Menardi, a se tuoi su chel braghier. Ades, però, dapò de ra festa de ra Madona de ra Salute, che r’é ai 21 de noenbre, e che ‘sto

an ‘l é stà fato ai 20, parcé che el 21 el tomaa de ‘l domegna, ‘l é biśoin de ciatà fora un gnon, de ‘na parsona che feje el gastaldo”. El pioan el speraa che fose un grun de śente, a śì a chera foula, intrà ra pasa dojento parsones de ra confraternita, ome e femenes. “A precurà ra tradizios, vanto de ra comunità de Anpezo, ‘l é anche chesta, de fei el gastaldo de una de ra veneranda capeles, che ‘l é in śiro par ra val, fates su, vorudes da ra devozion de i nostre vece, mantegnudes polito fin ancuoi, senpre pi beles,par ra cura de tanta families. Val ra pena de śì inaante coscita”. Da alcuante ane, ‘l é anche doa femenes che fesc chesto laoro; intrà duta ra jejes de Anpezo, par chera de Sant’Antone, a Ciae, e ades anche par chera de Santa Giuliana, in Alverà. Cisà che no see coscita anche par Ciadin. Ve saaron da dì, ra setemanes che vien.

I anjolete sul Comun Vecio El lunario de Avento el s’à inpizà anche ‘sto an, inze piaza Ce fajei i tośatei de ra Young Band, de ra Banda de Anpezo, ogada dal maestro Antonio Rossi, con sun testa na bareta rosa e bianca da Babbo Natale, con tanto de scagnete e letorìs, sote na gran gneegada, daante el Comun Vecio, dares 6 e un cuarto da dasera, el 1 de dezenbre? Chiste śoen i à tolesc parte, co ra so bela musica, a r’inaugurazion del lunario de Avento che, anche sto an, el Comun de Anpezo l à paricià su ra funestres de l Comun Vecio. Giovanna Martinolli, che r’é loudaduó a ra cultura, r’à dito doa paroles e Irene Pompanin Marco, consiliera e profesoresa de storia de r’arte, r’à spiegà che sto an i cuadre che, di

par di i vegnirà descuerte, i arà dute su un anjelo. I anjele i vien piturade da 1.800 ane. Calchedun à ra ujores da acuila, calchedun da pavié, calchedun el no res à. L é pitore che i à disegnade coi ciaei longhe, de ra otes leade, de ra otes no. Se ciata anche anjele che somea a pupe pize. I vere cuadre, curade fora par el lunario, i é a Siena e a Firenze, piturade dal Dojento al Siezento. L anjelo del 1 de dezenbre l é chel de ra Anunciazion e Irene Pompanin r’à abù un pensier par duta ra femenes che es speta. E ai pize beleche nasciude l é stà ra scora alberghiera a se pensà: a dute i é stà dà in don un scartozo de biscote, fate da i studentes. (S.Z.I.)

El Comun Vecio de Anpezo, co ra lun su ra prima funestra, agnó che se vede el prin anjelo. Ignante de Nadà s’i vedarà dute e vintezinche.


Anpezo

nr. 47 / 04 de dezember 2010

Sanin dapò, don Luigi Ra śente de Anpezo ra saluda un pastor, restà par alcuante ane co ‘l nosc rodol El pousarà inze ‘l pizo porteà de Casella d’Asolo, don Luigi Fortunato Faoro, el pree che dute in Anpezo aea conosciù, e i vorea ben. Inze ra Catedrale de Asolo no se ciataa gnanche un posto, da se scentà, el di de ra sepoltura, par ra mesa, zelebrada da monsignor Giuseppe Andrich, el vescovo da Belun – Feltre, aduna co ‘l pioan de Anpezo don Davide Fiocco e con outre vintezinche prees. Chera jeja r’é antica, a recordà che a Asolo ‘l ea ra diozesi, fin a el secolo X: una storia che don Faoro ‘l aea ciantà inze ‘na so poesia, su ‘l petà de el cuore, recordada da ‘l vescovo Andrich, inze ra so predica. Una poesia su el depento de ra Asunta, de Tiziano, che ‘l é sora ‘l altà gran. “Che el recordo soave de chesto pree el pode fei pensà dute vośoutre de ese fioi de el Signor, parcé che dute nośoutre podon vede el zeleste de chel ziel” – ‘l à dito monsignor Andrich. Dapò el vescovo ‘l à parlà de cemodo che don Faoro ‘l é morto

Ra mesa par ra sepoltura de don Luigi Fortunato Faoro, dita da monsignor Giuseppe Andrich, el vescovo da Belun – Feltre, e da ‘l pioan de Anpezo don Davide Fiocco, aduna con outre vintezinche prees.

in vea de el noo an liturjico, ra note intrà i 27 e i 28 de noenbre, canche ra liturjia noa ra moe co ‘l Avento. Don faoro ‘l aea de podé rezità

r’ultima orazion, da dasera, ra conpieta. Duto fate da menzonà, par chesto pree, ordenà de ‘l 1957, dapò de aé studià da i Verbiti, el

che ‘l ea nasciù de ‘l 1932. De chesto pree ‘l à vorù dì algo anche monsignor Renato De Vido, ades retore de el seminario Gregorian

da Belun, ignante pioan in Anpezo, par un grun de anes: ‘l à recordà che don faoro ‘l ea stà pree in tre parochies, dapò pioan a Laste de Roca Pietore, a Perarol, arcipree de Castellavazzo e pioan de Podenzoi, dinultima vicario de ra parochia de Anpezo, ignante de ruà inze ra ciaśa de i vece a Santa Crosc del Lago e dinultima inze ra ciaśa de i prees Padre Kolbe de Pedavena. D’istade de ‘sto an ‘l aea vorù śì, con gran fadia e sacrifizio, parcé che ‘l ea marà, a ‘l pelegrinajo de ra diocesi a Lourdes. Intrà ra so ultima volontàs, chera de ese saludà, par r’ultima ota, inze ra parochia pi granda de ra so zità Asolo, agnó che ‘l ea nasciù, de el 1932, e agnó che vive ancora zinche fardiei. Inze chera jeja, par ra sepoltura, ‘l ea anche alcuanta parsones de Anpezo, che ‘s à vorù saludà par r’ultima ota un pree, un òn, che el s’aea fato benvoré, inze ‘l nosc paes, par el so bon cuore.

I Scizar sul Tummelplatz

In memoria de Carleto Lete

Ra Conpagnia de Anpezo r’é śuda anche ‘sto an a Innsbruck, par recordà e onorà i nostre morte

Un outro brao Scoiattolo che vien a mancià

Alcuante Scizar de ra Conpagnia de Anpezo i é śude a Amras, pede Innsbruck, a ‘l porteà de el Tummelplatz, agnó che ‘l é chera gran crosc con su dute i gnomes de chi por anpezane che, de ra Prima guera mondiale 1914 – 1918 i é morte e i é stade seporide indalonśe da ciaśa. Chi por ome i à lascià ra vita su ‘l fior de ra śoentù. I Scizar d’Anpezo i é stade saludade da ra autoritas de ra zità de el Tirol, gouja che inalora ra Val de Anpezo r’ea sote ‘l inpero austriaco de i Asburgo, coscita i

melitare, ciamade sote, i é moeste. Suzedù ra guera, i no n’é pi tornade de 146 parsones, pares de familia, fioi, ome e tośate, là i é restade. Da calche tenpo, ogni an Anpezo se recorda de śì fora al Tummelplatz a i onorà e a tegnì senpre ra memoria e el ricordo de dute ‘ste fioi d’Anpezo. Anche par sto an, chesto ‘l é stà un bel pensier, gouja che ‘l ea anche el ricordo de el Beato Karl d’Asburgo, patrono dera Conpagnia de i Scizar d’Anpezo. Sta ota el tenpo el no n’é stà tanto

bel, ma ra zerimonia a ricordo de ste melitare anpezane r’é śuda a menadeo e anche duta ra śente che ‘l ea là, a scotà e vardà, r’é stada parsuaśa de cuanto che ‘l é stà paricià, tanto ben, e anche ra autoritàs austriaches ‘s à dito gramarzé a i Scizar de Anpezo, de ra bona śornada che i à pasà inze ‘l Tirol. A ra fin de ra zerimonia, i Scizar i à sbarà alcuante colpe co i so s-ciope, par i dà ‘l ultimo saludo a chi anpezane morte inalora. Teśele Michielli Hirschstein

Ra Conpagnia de i Scizar de Anpezo inze ‘l porteà de Amras, pede a ra crosc de el Tummelplatz, che ra recorda alcuante anpezane morte in tenpo de ra Prima guera.

Ai 23 de noenbre s’à sentù una burta noa: ‘l é vegnù a mancià Carlo Alverà. El nosc Carleto Lete ‘l ea de ra clase 1918, ‘l ea ruà a ra bela età de 92 ane, ma isteso, canche i mancia, i lascia un gran voito. Carleto ‘l ea una parsona de bon caratere; ‘l ea un atleta, un gran sportivo, tanto coi schie che a śì in croda. Da śoen ‘l à fato el melitar a ra scora alpina de Aosta e, alolo drio, ‘l é stà un de i prime a se bete inze co ‘l famoso grupo Scoiattoli. El ‘l ea propio una schirata, svelto e pien de vita. Con Ettore Constantini Vecio ‘l à daerto, śa anes, una via su ra Tre Zimes de Laaredo, ‘l à fato gares de schie e ‘l ea senpre in oga, canche ‘l ea biśoin de i dà una man, a ogni parsona che se ciataa in dificoltà e zaarie de ra vita. Chesto ‘l é stà un an tropo burto, con tanta de ‘sta parsones, che s’à conosciù, che ón scorto, a

scomenzà da ra burta śornada de chi cuatro brae ome, che i é śude a morì su graon de el Ru de ra Graes, sabeda ai 22 de agosto 2009. Dapò ‘l é vegnù a mancià Lino Lacedelli de Mente, de el K2, Luigi Ghedina Bibi, Marco Da Pozzo, Sisto Zardini Laresc, pede a outra desgrazies, che ‘s à rebaltà i cuores de ogni anpezan. Ades Carleto ‘l é śù a darśonśe so fardel Alfredo e tante so amighe Schirates, che à lascià un gran voito e tanta pascion, par duto el paes. A Elsa, so femena de Carleto, a i so fioi, a ra soreles e a cuante che i à vorù ben, rue ra condolianzes, anche da chesto sfoi La Usc di Ladins, da ra Union de i Ladis de Anpezo; che el Signor ‘l ebe in gloria Carleto, che ‘l à lascià un bel recordo in Anpezo, co ‘l so bel fei, inze ogni zircostanza. Teśele Michielli Hirschstein www.lauscdiladins.com

31


Sport

nr. 47 / 04 de dezember 2010

N bel juech finà cun la vënta dl St. Georgen

La seria postiva dl Mareo II va inant

La partida dla serie A1 danter l St. Georgen y l Lana fova scialdi valiva

Le Mareo II davagna inće cuntra Ratschings y les ëres rodosa les “Brixner Gitschn”. La Ila y Mareo I mëss indere dlotì na pordüda

Chidlé - Joe Sieder, miëur jugadëur dl St. Georgen, à jugà contra Christian Gruber, che ie l miëur dl Lana y chësc juech fova tan da stramp valif danter i doi che n ne possa propi nia dì ciun di doi che sibe l miëur jugadëur. I prim trëi set ie unic venciui da Gruber cun 136 contra i 134 chiedli de Joe, pona 152 a 150, inant cun 151 a 147. Cun chisc se à Gruber segurà l juech vencian bën trëi set sun cater. Permò tl ultimo set ie Joe stat bon de vëncer de 8 chiedli 164 a 172, deventan nsci l miëur jugadëur dl di cun 603 chiedli contra i 602 de Gruber. L auter mumënt bëndebò critich fova l juech danter Andreas

Bodner y Leo Paulmichl. Tlo muessen dì che Andreas ne à propi nia jugà bën trajan ju mé 549 chiedli, che ie da stramp sot a si capaziteies. Per fertuna ie si averser stat bon de n fé mo de manco, plu avisa 544 y cun chësc fova per l St. Georgen l juech fat, vencian de 33 chiedli cun na mesaria de 570 contra i 565 dl Lana. (ec) I resultac: Joe Sieder 603 Christian Mocanu 595 Engl Colcuc 574 Robert Larcher 563 Andreas Bodner 549 Christian Pircher 540

Chidlé Val Badia - La scuadra dles ëres à arjunt na devënta tlera por 6 a 0 a Porsenù y se tëgn le secundo post tla tlassifica. N resultat positif inće por le Mareo II che s’la fëj avarëi te ćiasa cuntra Ratschings por 6 a 2. Na pordüda por 3 a 5 à indere incassè le Mareo I a Balsan cuntra la Goldene 9 y La Ila à messü se dè sot te ćiasa ala scuadra da Falzes por 1,5 a 6,5.

Seria A 2-ost Christian Pircher, l jugadëur plu jëunn dl St. Georgen.

N à jugà scialdi bën L Gherdëina I fej si miëura partida dla sajon y vënc contra l Neva Tudëscia/Welschnofen. Manco butà ti àla ala segonda scuadra de Gherdëina che à messù ti la zeder al Falzes Chidlé - Chësc ie l juech dl chidlé. Dan n’ena àn fat na partida da desmincë cun 505 chiedli de mesaria, n’ena do féjen la miëura partida dla sajon, arjunjan 555 chiedli de mesaria. N ne sà nia ciuldì, l juech ie pu for l medemo, tré ite

Josef Klotz ie stat l miëur dl di pra l Gherdëina I.

na codla, for l medemo muvimënt y mpo iela uni iede autramënter. Nsci à l Gherdëina I venciù n cësa per 7 a 1 contra l AKSV Welschnofen, che fova segondi te tlassifica. A scumencé àla drët butà, i chidladëures se à partì i ponc, ma l Gherdëina fova danora n cont di chiedli. Nce do la segonda lingia de colps ne se ài nia lascià bater y nianca no tla terza, jan a vëncer ala fin de bën 151 chiedli. L miëur dl di ie stat Josef Klotz cun 592 chiedli.

l Gherdëina II messù ti la zeder al SSV Pfalzen per 6 a 2. La ne semiova nia tan stleta. I chidladëures de Gherdëina ti stajova permez bëndebot. Do la prima doi linges di colps stajòvela 2 a 2 per i chidladëures cun mé 31 chiedli batui ju deplù per l Pfalzen. Per l Gherdëina fova mo dut laite. Dopro ne àla nia plu butà: tramedoi chidladëures à perdù sun si chidladoia y la partida fina via cun 101 chiedli de defrënza. (gs)

Serie B-ost

Serie D-nord

Gherdëina I - Welschnofen 7:1 Resultac persunei: Josef Klotz 592 Flavio Prinoth 569 Guido Stuffer 564 Thomas Demetz 541 Siegfried Prinoth 538 Werner Runggaldier 524 Cun na mesaria de 500 chiedli à

Gherdëina II - Pfalzen III 2:6 Resultac persunei: Viktor Werdaner 534 Armin Moroder 515 Albert Moroder 508 Hansi Demetz 503 Rainer Bernardi 480 Moroder Michael baratà ora cun Manfred Wanker: 460

Georg se à miurà dassënn Per i Gherdëina Runners Cassa Raiffeisen de Ciastel ne n’ie la maratones mo nia finedes Sauté - N dumënia ai 28 de nuvëmber iesen piei via per la 20ejima edizion dla maratona de La Rochelle tla Franzia. La Rochelle ie na zità cun 77.800 abitanc. L ie na zità sun l mer, plu avisa tl Golf de Biscaia sun l Atlantich, cun n port bëndebò mpurtant per l trasport. Georg Demetz di Gherdëina Runners se à tëut sëura de fé chësc viac cun l auto, per ruvé do 15 ëura de viac a destinazion. I atlec dla maratona ie muec dala 9 daduman, da na temperatura danter 3-4 degré. Venciù chësta

edizion à pra i ëi Haja Haile cun 2:09:43. Segondo se à tlassificà Bekele Azmerav cun 2:10:24 y terzo Kimaijo Nahashan cun 2:10:35. Georg à finà si garejeda tl l miëur tëmp che l à mei fat te chësta disciplina y l ie stat chëst ann si setima maratona. Ël à metù 2:53:52, se plazan nscila al 217. post tla categuria generela, cun ëi y ëiles adum, y al 113. tla categuria SH. Ruvà te travert iel 8625 cuncurënc. Cungratulazions a Georg Demetz da pert de duc i Gherdëina Runners. (mp)

32

www.lauscdiladins.com

Les atletes badiotes a desmostrè na bona preparaziun y à arjunt de bogn plazamënć. Pro la pröma categoria di esordiënć, formada da 21 partezipantes, é Ellen Pedevilla rovada al setim post y inće ales döes

Resultać personai: Tone Call, 591 Tone Tavella, 555 Matteo Ties, 539 Pire Rungger, 538 Lois Ellecosta, 504 Lois Agreiter, 495

Seria B-ost feminila Brixner Gitschn - Mareo: 0 - 6 Tla chidlara dl’Aquarena a Porsenù n’à le marores nia śoghé na bona partida, arjunjan na media de 471,8. Mo la devënta tlera n’é mai stada al prigo cuntra la scuadra dles Brixner Gitschn - chëstes śoga so pröm campionat - che à arjunt na media de 425,8. Dötes cater dl Mareo à batü sües aversares diretes, y inće pro la soma totala di chidli àres trat fora n bel vantaje, che é aumentè da 107 chidli do la pröma seria da 120 bòć a 184 por la fin dla partida. La maironta dla serada é stada Flora Weiss cun 504 chidli. Tla tlassfica romagn le Mareo inant al secundo post. Resultać personai: Flora Weiss, 504 Margareth Complojer, 496 Gerda Complojer, 454 Gabriella Ties, 433

Flora Weiss é stada la miù dla partida a Porsenù cun 504 chidli.

patruns de ćiasa stà bugn da recuperè n valgügn chidli, mo le svantaje comportâ ala fin 165 chidli. Pro i punć di confunć direć à un da La Ila davagné y un à parejé cun so aversar. Le miù di badioć é stè Carlo Valentini cun 544 chidli. Tla tlassifica romagn La Ila al önejim post. Resultać personai: Carlo Valentini, 544 Erwin Crazzolara, 541 Christian Pedratscher, 529 Gianfranco Thaler, 525 Fritz Planinschek, 475 Edi Bernardi, 450 Mareo II - Ratschings III: 6 - 2 Por le Mareo II va inant la seria positiva cun na devënta tlera te ćiasa cuntra Ratschings. Metü man à i ghesć bun, tiran fora n vantaje de 19 chidli pro la pröma seria da 120 bòć y parejan 1 a 1 pro i punć di confrunć direć. Mo spo à i maroi recuperè, fajon le secundo punt y arjunjan n vantaje de 36 chidli, che i ultimi dui à aumentè a 104; laprò à intrami batü so aversar diret. Cun indöt 3080 chidli ài arjunt na media de 513,3, cuntra na media de 496 di aversars. Le mairont dla partida é stè Lois Craffonara cun 555 chidli. Tla tlassifica à le Mareo recuperè na posiziun y é śëgn al otavo post. Resultać personai: Lois Craffonara, 555 Claudio Moling, 527 Christian Ties, 523 Lois Agreiter, 516 Simon Complojer, 514 Walter Weiss/Tone Hochwieser, 445

Seria C-nord Georg Demetz.

De bogn resultać por les jadinadësses badiotes Jadiné - En sabeda ai 27 y en domënia ai 28 de novëmber à les jadinadësses dl Ice Club Alta Badia tut pert ala gara “Triveneta categorie federali” tl stadium dala dlacia a Trënt.

Goldene 9 I - Mareo I: 5 - 3 Cuntra la Goldene 9 da Balsan, na scuadra che é tomada jö l’ann passè dala seria A 1, à le Mareo I messü portè a ćiasa na pordüda por 3 a 5, cun na media de 537, tratan che i patruns de ćiasa à arjunt na media de 559,6. Pro i punć di confrunć direć êl 3 a 3, mo i chidladus da Balsan à davagné i dui punć che ti vëgn assegnà ala scuadra cun la soma totala di chidli plü alta. Y chilò ài ëi abiné sö n vantaje de 85 chidli pro la pröma seria da 120 bòć, che ai à aumentè a 102 pro la secunda seria, por rovè ala fin dla partida a 136. Le miù dla partida é stè Tone Call cun 591 chidli. Tla tlassifica romagn le Mareo al sesto post.

compagnes de scuadra, Diana Pizzinini y Sara Costamoling ti él garatè na bela proa. Melanie Ploner à arjunt le sesto post pro la secunda categoria di prinzipianć. (ulrike pescollderungg)

La Ila - Pfalzen II: 1,5 - 6,5 Cun la bona media de 538,2 s’l’à i ghesć da Falzes fata avarëi cuntra La Ila, che à arjunt na media de 510,7 tla chidlara d’Al Plan. Pro la soma totala à i chidladus badioć da impröma inant messü se dè sot ai aversars, che à arjunt 48 chidli de vantaje pro la pröma seria da 120 bòć, che ai à portè a 169 do la secunda. Ma pro l’ultima seria é i

Lois Craffonara é stè le mairont dla partida Mareo II - Ratschings cun 555 chidli.


Sport

nr. 47 / 04 de dezember 2010

Na ena cun de bela vëntes

N bel plazamënt per Anna

Hockey/Jëuni - Daujin ala partides de campiunat dla scuadres dl Hockey Club Gherdëina pudons chëst’ena inò purté vel’ nutizia dal’ atività dl Cumité Provinziel, nsci iel stat n turnoi di raions de Südtirol dla categuria Under 12. Ntan chësc fin dl’ena saràl n turnoi nternaziunel Under 14 a Persenon, ulache l fajerà nce pea n valgun jugadëures de Gherdëina pra la scuadra de Südtirol.

A Trënt iel stat la prima garejeda federela dl Trivenet cun na cuncurënza drët sterscia. Trëi atletes dl Eisclub Gherdëina fova leprò y à fat drët bën

juech contra l Eppan fova scialdi valif, ma fajan un n gol deplù che i autri ie i mutons de Gherdëina stac boni de tré l resultat da si pert, vencian per 2 a 3, cun i tëmps jic ora 0:1, 1:1 y 1:1. Per la Under 15 se tratòvela śën tla ultima doi partides de chësta prima pert dl campiunat provinziel de ruvé danter i prims ot, per pudëi fé inant te chësc campiunat a trëi linies. L ultim iede ovi venciù y n mierculdi ai 1.12., tl juech n cësa contra l Kaltern, ài mo n iede dat dut per se seguré la cualificazion. Cun l aiut de n valgun jugadëures plu jëuni, davia che trueps manciova, iesi stac boni de vëncer per 5:2, se tlassifican nsci al setimo post.

Per la Under 8 vëniel ënghe metù a jì n turnoi de S. Miculau n mierculdi ai 8.12. a Sterzing. Pra l curs de jadiné, metù a jì dal Hockey Club Gherdëina, àl fat pea 40 mutons y 18 de chisc à bele scumencià a fé hockey. Sce mo vel’ un ie nteressà a fé pea, iel zënzauter bënunì.

N la ultima dumënia ai 28.11. fòvel a Sterzing n turnoi Under 12 danter la scuadres di raions de La Under 20 ova n sada ai 27.11. Südtirol. La scuadra dl raion 4, cun si partida de campiunat n cësa. Tlo Sterzing, Puster y Gherdëina, ova ovi da se museré cun l Varese. da se museré tl prim juech dl turnoi Dantaldut i prim doi tëmps fova conta l raion 1 de Maran, Venuesta scialdi cumbatui, cun i nosc che cun Siebeneich y EV Bulsan. Chësc drucova dassënn dan la cassa di ài venciù per 3:1. Dopro ovi da fé cun chëi che à venciù dl’autra doi averseres, ma che ne n’à nia abù saurì fé a tré ite la scipa te cassa. L scuadres, che ie l raion 3, cun Renon, fova pona da mëter dassënn a verda Per la Under 10 fòvel n dumënia Bulsan Junior, Persenon y Leifers. sun i contrapé di averseres, che ne n turnoi a Bulsan tl Palaonda. L fova Fineda via fòvela a pèr y ai penalties fova dan cassa ënghe nia da chësc un de ch’i turnoies ulache l ài pona perdù per 2 a 3. Pra la sotvaluté. Davia che la scuadra de vën mescedà ju i jugadëures de n scuadra dl raion 4 iel leprò i Varese ova mpue puec jugadëures valguna scuadres y che ie udui jugadëures de Gherdëina Martin se àl ngali lascià sentì la stanchëza danora per chësta categuria. L à fat Senoner, David Pescosta, Andreas y ai jëuni de Gherdëina ti iela pona pea mutons dl HC Gherdëina, dl Senoner, Lukas Demetz y Thomas jita fata de jì danora de n valgun Persenon, dl Bulsan Junior y dl Perathoner. goi, vencian ala fin cun n resultat Leifers. Ntan chësc fin dl’ena, dai 3. ai do la rata aut per 8 a 1, cun i tëmps Duman dumënia ai 5.12. iel n 5.12. iel a Persenon n turnoi jic ora 3:0, 1:1 y 4:0. turnoi de S. Miculau a Bulsan, nternaziunel Under 14. Tlo féjel ulache l se mesura la scuadres dl pea tla scuadra de Südtirol nce n La Under 18 ova chëst iede de Bulsan Junior, Vinschgau, Fiemme valgun jugadëures de Gherdëina, lunesc ai 29.11. si partida. Chësc y Gherdëina. che fossa plu avisa Simon Piccolruaz, Patrick Nocker y Samuel Moroder. Pra chësc troi se mesùrel la scuadres de Südtirol, Trentin, Venet, Tirol, Bayern, Piemont y Lombardia. Duc arà de fé contra duc cun partides de un n tëmp che vel sciche andata y un n tëmp che vel sciche ëuta. La doi scudres cun l plu ponc jugherà la finela n La scuadra dl raion Puster- Gherdëina, ulache l ie leprò cater jugadëures dl HC dumënia domesdì dala 13.30. Gherdëina (i prims cater a man ciancia).

Jadiné artistich - La prima garejeda federela de jadiné artistich dl Trivenet ie stata ntan la fin dl’ena passeda tl palaz dala dlacia a Trënt. Iló fova nviedes a fé pea atletes y atlec dla categuries esordienc, prinzipianc y cadec (danter 8 y 14 ani). Trëi atletes dl Eisclub Gherdëina à pudù se museré cun d ’a u t r a jadinadëures dl Trivenet: nsci Pia Demetz de Sëlva tl a c ate g u r i a cadetes fajan pea per l prim iede na garejeda cun n program curt n sada y la dumënia pona cun si ”Kür”. La cuncurënza fova drët sterscia Anna Runggaldier cun gran sgors ntan si program y Pia se à batù drët sun dlacia. bën ruvan ala fin al undescejim post. Bonato de Urtijëi che fova nstëssa L medem plazamënt (11.) à jadinadëura, y segonda Lisa Sofia Santifaller de Urtijëi arjont Barbieri de Persenon. tla categuria dla prinzipiantes B. L trainadëur Guillaume Kermen L’atleta de S. Cristina Anna lëura cun lezitënza cialan de njenië Runggaldier à fat pea pra la ca l miec i atlec per la garejedes prinzipiantes A. Te chësta che arà mo da vester. categuria ie la atletes de Südtirol L proscimo iede che n se scialdi stersces y nsci ie trëi atletes ancunterà per na garejeda sarà ai dl Südtirol ruvedes sun l podest 11 y ai 12 de dezëmber a Pontebba cun Anna al boniscimo terzo post. cun set altetes dl Eisclub Gherdëina Prima ie ruveda Celine Brunner reprejentedes tla categuries Free. de Maran, muta de Raffaella (cr)

Na desfata per l Fascia te doi partides Dò aer perdù contra l Cortina e l Pontebba, l Fascia ades l cogn se dèr da fèr per ruèr ite ti play off Hockey - Te la pruma partida de la setemèna l Fascia l’é jit a troèr l Cortina. Dò na bela venta te l’ùltima partida, l Cortina l se à prejentà su la giacia con n muie de gaissa e jà ti prumes menuc l’à proà a fèr sia la partida. Defat ti prumes doi menuc de jech l se à portà inant de doi goi. Ma l Fascia, dò aer padì i prumes menuc à taca a jièr miec e l’é stat bon de fèr ite n gol dant de la fin del prum temp con Sullivan. L secont temp l’é stat na slìnzola de ocajions per duc e doi i gropes, con n muie de goi tant da na man che da l’autra.

Gerome Giudice.

Per i fascegn à fat i goi Caudron, Edwarson e Giudice. L secont temp l’é fenì sul cater a cater e ence tel terz temp l’é sozedù de de dut, dant l Cortina à fat ite so quinto gol e sobito dò Nemecek à parejà per l Fascia, ma a béleche ot menuc da la fin de la partida l Cortina l’é stat bon de se portèr endò inant dant de un e dò de doi goi che à metù fin a la partida. La seconda partida la é stata jièda dal Fascia ta Dèlba contra l Pontebba. L Fascia, dò la desfata padida a Cortina, l’à proà sobito a spenjer per poder venjer chesta partida e fèr sie chisc trei ponc. Ma la gaissa de fèr ben no la é semper bona, defat i furlegn zenza fèr fadìa i à fat ite doi goi tel prum temp. Tel secont temp l Fascia l’à proà de de dut ma l dischet no l’à volù fenir te gabia del Pontebba che enveze l’é stat bon de fèr ite etres trei goi. L terz temp l’é tacà con l Fascia che l’à mudà l portier, ite Francesco Rizzi al post de Doyle, ma la sostanza de la partida no la é mudèda, l Pontebba l’à vent per set a zero. Te la partides che vegn l Fascia l cognarà fèr l miec

per portèr a cèsa vèlch pont de più che dae l derit de ruèr ite ti “play off ”. (t2o) Classifica Val Pusteria, 49 ponts Busan, 41 ponts Renon, 37 ponts Valpellice, 36 ponts Asiago, 32 ponts Pontebba, 24 ponts Alie, 17 ponts Val de Fascia, 15 ponts Cortina, 13 ponts

Squadres mendres I joegn de la sportiva Hockey Club Val de Fascia i se à batù su la giaces per i campionac di joegn de hockey per la sajon sportiva 20102011. Resultac Under 11: l’Under 11 jia tant tel campionat trentin che tel campionat veneto. Te sia ùltima partides tel campionat venet l’à jià contra l’Asiago e l’à vent per 4 a 0 coi goi de Nicola Defrancesco, Alfeo Deluca (2) e Francesco Giuliani; contra l Cortina

l’à vent 2 outes, la pruma per 8 a 6 coi goi de Stephan Deluca (3), Alfeo Deluca (3), Leonardo Felicetti e Francesco Rossi, la seconda per 5 a 1 coi goi de Alfeo Deluca (2), Francesco Rossi, Leonardo Felicetti e Stephan Deluca. Tel campionat trentin l’à vent te cèsa contra l Nuovo Fiemme per 5 a 0 coi goi de Francesco Giuliani, Stephan Deluca (3), Simone Deflorian e l’à perdù contra l Valrendena per 3 a 4 coi goi de Stephan Deluca (2) e Alfeo Deluca e dapò l’à amò vent contra l Piné per 3 a 1 coi goi de Sebastiano Rossi, Alfeo Deluca e Stephan Deluca. Resultac Under 13: l’Under 13 à jià contra l Cortina e l’à vent per 6 a 0 coi goi de Davide Schiavone (2), André Vigl (2), Nicola Barbolini e Marco Defrancesco e dapò l’à amò vent contra l Feltre col resultat de 5 a 2 coi goi de Sebastiano Soracreppa (2), André Vigl, Massimo Zanet e Davide Schiavone. Contra l’U.S. Tre Cime Auronzo l’Under 13 de Fascia à vent adertura per 12 a 0 con goi de Trottner Nik (3), Davide Schiavone (3), Nicola Barbolini, André Vigl (2), Massimo Zanet (2)

e Stephan Deluca; Resultac Under 15: l’Under 15 à vent a Cortina per 4 a 1 coi goi de Matteo Dantone (2), Fulvio Romano e Marco Marzolini, e dapò l’à vent ence contra l’H.C. Feltre per 9 a 2 coi goi Lorenzo Paolinetti (4), Matteo Dantone (2), André Vigl, Marco Marzolini e Fulvio Romano. Resultac Under 18: l’Under 18 de la seconda divijion à jià contra l’H.C. Chiavenna e l’à vent per 10 a 0 con goi de Michele Marchetti (5), Gabriele Vieider, Nicola Deluca (2), Verra Daniele, Massimo Valeruz e Cesare Sottsass. I joegn fascegn à vent ence contra l’H.C. Milan per 6 a 2 con goi de Michele Marchetti (2), Gabriele Vieider (2), Cesare Sottsass e Cristian Castlunger e dapò contra l Pregine per 1 a 5 coi goi de Nicola Deluca (2), Michele Marchetti (2) e Cristian Castlunger. Te chesta setemèna à jià ence i picoi de l’Under 9 tel campionat provinzièl “Learn to Play” olache no l’é stat contà i ponc. De bie complimenc a duc chenc! www.lauscdiladins.com

33


Informazions y Manifestazions Chino y Films Al chino de Cianacei Insnet, sabeda ai 4 e en lunesc ai 6 de dezember da les 21.15 se pel veder l film comedia “Due cuori e una provetta”. En mèrtesc ai 7 e en mercol ai 8 da es 21.15 vegn moscià “A Natale mi sposo” e en vender ai 10 da les 21.15 te Sala 2 e domenia ai 12 da les 21.15 se podarà veder “Unstoppable - Fuori controllo”. En sabeda ai 11 da les 21.00 vegnarà moscià l spetacol de teater “Punta Emma” dedicà a l’artist da Poza Tony Gross. Al chino de Pardac Anché, sabeda ai 4 e doman, domenia ai 5 demò da les 17.00 se podarà veder “Harry Potter e i doni della morte”. Doman, domenia ai 5 e en lunesc ai 6 da les 21.15 vegn moscià veder “A Natale mi sposo”, en mèrtesc ai 7 e en mercol ai 8 da les 17.00 se pel veder en 3D “Cattivissimo me”. En mercol ai 8 e en jebia ai 9 da les 21.15 vegn dat “The Social Network” e en vender ai 10 da les 21.15 vegnarà moscèda la comedia “Benvenuti al sud”. En sabeda ai 11 e domenia ai 12 da les 17.00 se podarà veder “Winx Club” e da les 21.15 “Harry Potter e i doni della morte”.

nr. 47 / 04 de dezember 2010

♦ Musica gralla N conzert de morvëia a Corvara Conzert de “musiga por gralla” dala Catalunia le lönesc ai 6 de dezëmber 2010 dales 20.30 tla Dlijia dl Cör de Gejù a Corvara. Le Gralla Ensemble é metü adöm dai “Grallers i Timbalers” dla Cité de Vich, i strumënć gralla y piano vëgn sonà da Pep Sentmartì i Castañé y Jordi Vila i Bou. Chësc ensemble sona bele le dé denant, la domënia ai 5 de dezëmber 2010, dales 18.00, tla Dlijia dla ploania de San Iöre/ Bornech, ilò dlungia al cor “ars cantandi”.

Al chino de Tieser

Insnet, sabeda ai 4 e doman, domenia ai 5 de dezember da les 21.15 vegnarà fat veder l thriller “Unstoppable - Fuori controllo”. En mèrtesc ai 7 e en mercol i 8 da les 21.15 se pel veder “Due cuori e una provetta”. En vender ai 10, en sabeda ai 11 e domenia ai 12 da les 21.15 vegn moscià “Benvenuti al sud” e semper en sabeda ai 11 e domenia ai 12 da les 17.00 se podarà veder “Raperonzolo”, l’ùltim film de la Disney. Al chino de Ciavaleis

Anché, sabeda ai 4 e doman, domenia ai 5 da les 21.15 se pel veder “A Natale mi sposo”, en mèrtesc ai 7 e en mercol ai 8 da les 21.15 vegn dat “Benvenuti al sud”. En jebia ai 9 da les 21.15 vegn moscià l film “Gorbaciof – Il cassere col vizio del gioco”. En vender ai 10, en sabeda ai 11 e en domenia ai 12 da les 21.15 se podarà veer “Last Night”, Films sura la munt al Cineforum

En vëndres ai 10 de dezëmber dales 20.30 gnaràl mostrè te Ćiasa de Cultura a La Ila n valgügn di films presentà pro l’ultima ediziun dl Filmfestival dla munt de Trënt. Da odëi saràl “Roda di Vael” de Markus Frings, “I colori delle emozioni” de Elio Orlandi y “Alone on the wall” de Peter Mortimer y Nick Rosen, che à davagné le pest CAI sciöche le miù film de alpinism.

Iniziatives sportives Slalom strënt sun purtoi Cir

N dumënia ai 5 de dezëmber mët l Schi Club Gherdëina Cassa Raiffeisen de Sëlva a jì sun l purtoi Cir te Val te Sëlva n slalom strënt FIS di jëuni, che vel per l Finstral Cup. Pra chësta garejeda féjel pea jëuni y jëunes dai 15 ai 20 ani, che ie danter i miëures dla Talia y da oradac. La prima manche scumëncia dala 9.30 y la segonda dala 12.15. Duc i apasciunei dl sport dai schi ie nviei a unì a ti cialé a chisc atlec che garejea bele a livel aut.

Cursc Corsc per emparèr a jir coi schi e co la brea Col patrozinie de la Sorastanza de la Scola de Fascia e l didament de la Sozietà Impianc portamont de la Val, l Ski Team Fascia e la scoles de schi de Cianacei, Ciampedel, Poza e Vich, endreza corsc per emparèr a jir coi schi o la brea per duc i bec che fèsc l’ùltim an de scolina o i prumes egn de la populères, nasciui enscin al 2005. L cors, de 5 dis, sarà dai 13 ai 17 de dezember con orarie da les 14.00 a les 16.00 e l cost per ogne bez l sarà de 35 €. Per chi che no aessa l skipass sajonèl l’azess ai impianc sarà debant. I bec che no à i schi i li ciaparà debant te la boteighes de la scoles de schi che fita schi. Condizions particolères vegnarà resservèdes s a la families che à più che 3 fies. Per se scriver ite se oujer a la scoles de schi de Fascia o jir aló da la senta del Ski Team a Poza averta dal lunesc al vender con chisc oraries: 9-12 e 16-18, telefon 0462.764111. Per chi che aessa gust l’é l met ence de jir inant col cors via per dut l’invern, ogne mercol, sabeda e domenia enscin ai 20 de mèrz del 2011. Ai corsc podarà tor pèrt demò i bec scric ite al Ski Team Fascia con tessera FISI.

Dotors y Apoteches Dotor

L dutor de servisc dala 8.00 da duman de n sada 4 de dezëmber nchin la 8.00 da duman de n lunesc 6 de dezëmber ie l dutor Simon Kostner de Sëlva, tel. 0471/794002 o l 798626. L dutor de servisc n mierculdi ai 8 de dezëmber ie l dutor Valentin Tröbinger de Sëlva, tel. 0471/773073. Le dotur en sorvisc tla findledema di 4 y 5 de dezëmber, ti comuns de Mareo y San Martin de Tor, é la doturia Margarete Mahlknecht, La Val, tel. 0474/523018 o 349/0667034. Ti comuns de Badia y Corvara saràl en sorvisc le dotur Giuseppe Di Marino, Pedraces, tel. 0471/839691. Apoteches L’apoteca de servisc che à daviert ora dl orar ordiner da n vënerdi (dala 19.00) ai 3 de dezëmber nchin n vënerdi ai 10 de dezëmber ie chëla de Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). L’apoteca en sorvisc fora dl orar ordinar, dal vëndres ai 3 de dezëmber al vëndres ai 10 de dezëmber, é chëra da Corvara, tel. 0471/836173.

34

www.lauscdiladins.com

La gralla é n strumënt che alda pro la familia di oboes.

Le Cor "Ars Cantandi".

Sozial Marćé da Nadè a La Val por n bun fin Le grup Terzo Monn organisëia le marćé da Nadè, ćiamò en doman domënia ai 5 de dezëmber dales 9.00 ales 12.00 y dales 18.30 ales 19.30, tl salf dles manifestaziuns a La Val. Al gnarà sostegnì i mituns tl’Africa, tres suor Maria Monica de Cestun y inće la costruziun de na ćiasa de palsa a Ierùsalem. Festa da Nadè dl KVW

Le KVW inviëia vëdui, vëdues y porsones sores da gnì en sabeda ai 18 de dezëmber dales 14.00 tla mensa dl KVW da Bornech a na festa da Nadè. Prenotaziuns pro la rapresentanta/le rapresentant dl KVW de osc paîsc, ćina ai 15 de dezëmber.

Iniziatives sportives Iscrizions per l’Atletica Gherdëina

L’Atletica Gherdëna scumëncia inò si atività. Per duc chëi che ie nasciui tl ann 2003 o dant, che ie adatei a sauté aut o lonc, ie asvelc y ëssa legrëza a fé sport, iel mo la puscibltà de se scrì ite cherdan su Carmen Spisser, 334/5787573 o Walter Kostner, 338/5949765. N giaperà nfurmazions plu avisa per chël che reverda i orares de alenamënt o auter.

Religion Mëssa di jëuni La grupa di jëuni de Sëlva nvieia duc a unì ala mëssa di jëuni ncuei sada ai 4 de dezëmber dala 18.30 tla dlieja de Sëlva. La messa unirà abelida dala cianties dla grupa Hosianna.

♦ Cunzert de Avënt tl dom de Bulsan L Ufize Cultura y Scola Ladina Ve nvieia de cuer al cunzert de Avënt tl dom de Bulsan, n vënerdi ai 10 de dezëmber dala 18.00 Mujiga per l tëmp d’Avënt che ti dà lerch al chiet. Sonns d’Avënt de sies grupes de Gherdëina y dla Val Badia nes acumpanieia te chësc tëmp de pesc y reflescion. L program dl cunzert vëigh dant mujiga strumentela y cianteda te de plu rujenedes. La prejentazion sarà de Otto Dellago. Puderëis audì l Brass Quintett, l cor Kérygma, l Cuartet Göma, l’Orchestra Val Badia, l Cor Sasslong y la grupa De Cater. La ntreda ie debant. Na bela atmosfera de Avënt.


Informazions y Manifestazions

nr. 47 / 04 de dezember 2010

♦ Mostra da Nadel

Musiga y Lereratura

La lia che se dà ju cun lëures fac te cunvënt “ Verein Freunde der Klosterarbeiten Südtirol“ nvieia de cuer a na mostra dai 10 nchin ai 13 de dezëmber tla cësa de cultura “Luis Trenker“ a Urtijëi La giaurida dla mostra sarà n juebia ai 9 de dezëmber dala 18.00. L unirà metù ora de uni sort de lëures fac te cunvënt, bambins de cëira, urnamënc fac cun perles, plates de mitel y fil de or y de autra decorazions. La giaurida sarà n juebia ai 9 de dezëmber dala 18.00. La mostra resterà davierta dala 9.30 – 12.00 y dala 14.00 – 18.00.

N pitl bambin de cëira.

Referac Serada de informaziun sön le prigo da lovines Ai 10 de dezëmber dales 20.00 vëgnel metü da jì tl salf dla Cassa Raiffeisen d’Al Plan na serada de informaziun sön le prigo da lovines y sön co se comportè tl cajo de lovines. Organisaziun: Lia dai Crëp Mareo. Meditazion per Nadel

La lia Sanynton meterà a jì n vënerdi ai 10 de dezëmber na meditazion per se njinië ca y sentì spiritualmënter Nadel, “Jeder kann das Kind Christus in sich selber finden.” La meditazion sarà te Sëlva, tla sënta dla Lia Sanynton che ie for davierta a duc, dala 20.30. Referënta sarà Anna Maria Künig dla Lichtstätte Raas. Fitz Roy y Cerro Torre

Conzerc da Nadèl de la Museghes Per Nadèl la Museghes se à endrezà per ge sporjer a duta la popolazion n bel conzert da Nadèl. La Musega da Poza tegnarà desche semper so conzert l dì de Sèn Nicolò en ocajion de la sègra de paìsc, te tendon de Poza en lunesc ai 6 de dezember da les 18.30. La Musega Auta Fascia ve speta ai 17 de dezember da les 21.00 aló dal Chino Marmolèda de Cianacei e la Musega da Vich speta sia jent en sabeda ai 18 de dezember da les 21.00 aló da la sala de consei de Comun de Vich. Conzert “The armed man” N event dassen ecezionèl chel che la Scola de Musega “Il Pentagramma” de Fiem e Fascia, co la colaborazion del Comun de Ciavaleis, é stata bona de portèr te noscia valèdes. Insnet, sabeda ai 4 de dezember da les 20.30 te la Pieif de l’Assunta fora Ciavaleis vegnarà portà dant “The armed man A Mass for Peace”. Se trata de na opera per solisć, cor e orchestra componuda del 2000 da Karl Jenkins, che travers l mit medieval de l’Om Armà vel raprejentèr la violenza de la vera e la pietà per sia vitimes, uzan fora n messaje universèl de pèsc. L conzert vegn portà dant da l’Orchestra e dal Cor de ic e de eles del MGV de Busan sot la direzion de Hugo Laimer, con Veronica Illmer a l’orghen, Sibylle Maach sopran e direzion del cor, Josef Piras bas e Michael Eschgfäller tenor. L’entrèda é debant. Meludies y l linëus de Avënt

L cunzert dl ensemble vocal “Gaudium“ ie ncuei sada ai 4 de dezëmber a Urtijëi te Dlieja San Durich, dala 17.00. L sunerà y cianterà nce l Cor de dlieja de Anras, Heidi Pixner cun l’arpa y “Die Hoameligen”. La grupes uel Ve lascé audì meludies fines y na atmosfera particulera d’Avënt. Cunzert dl’Orchestra di Jëuni de S. Cristina

N vënerdi ai 10 y n sada ai 11 de dezëmber saràl da audì n bel cunzert cun l’ Orchestra di Jëuni de S. Cristina deberieda cun l “Vinzentiner Knabenchor”, l “Vinzentiner Mädchenchor“ y l cor “Pizzicanto“ dla Musikhauptschule Dornbirn dl’Austria. N vënerdi sarà l cunzert dala 20.00 te dlieja de S. Cristina y n sada dala 16.30 y dala 19.30 tla Kapuzinerkirche de Persenon. L unirà purtà dant la Antoniusmesse de Joseph Gregor Zangl, l “Prelude“ ora dl “Te Deum“ de Marc Antoine Charpentier y l pez “Caresse sur l’océan.“ L cunzert finerà via cun la Adventsmusik de Anton Heiller. Conzert “O nata lux”

Le cor “cantus iuvenis” da Vìena sot la direziun de André Comploi darà incö sabeda ai 4 de dezëmber 2010, dales 20.00, n conzert cun musiga corala d’Advënt da cin’ secui tla Ćiasa Ragen a Bornech. Tl repertore saral inće la presentaziun de cater ćianties ladines. Conzert d’Advënt a La Val

Adam Holzknecht y Hubert Moroder di Catores mustrerà chedri a culëures y cunterà de si arpizeda sun chisc doi crëps tla Patagonia. Tëmp de puec dis iesi stac boni de ruvé sun chësta doi pizes dla Andes sun l cunfin danter Argentina y Cile. L ie pizes scialdi ries da arpizé nce pervia dla cundizions dl tëmp che ie te chësc raion scialdi melsegur y suvënz scialdi da vënt. La sëira sarà n mierculdi ai 15 de dezëmber, dala 20.30 tla cësa de cultura a Urtijëi.

En mercui ai 8 de dezëmber dales 16.00 vëgnel metü da jì te dlijia da La Val n conzert d’Advënt. Al ćianta y sona le Cor dles Ëres “Raiëta”, le Cor di Ëi “Brum net” sot la direziun de Clara Sattler, n grup de tlarinëć, n grup de stromënć a fle, n grup de vidores y chitara. N valgügn tesć meditatifs gnarà portà dant da Magdalena Miribung.

Trekking tl Perù

Sëira leterera cun mujiga

N lunesc ai 20 de dezëmber prejenterà Hubert y Adam n trekking che i ulerà fé de mei de chëst ann che vën tla Cordillera Blanca tl Perù. Ntan la doi enes de jita aràn la puscibltà de fé vel’ piza per chëi che uel, y de vijité l luech de Machu Picchu. Velch deplù sun chësc trekking ie nce bele da pudëi liejer sun la plata di Catores www.catores. com. La sëira de prejentazion sarà ai 20.12. tl ufize di Mëinacrëp sun plaza Stetteneck a Urtijëi y scumencerà dala 20.30.

La Union di Ladins de Gherdëina mët a jì chësta sëira tla biblioteca dla Cësa di Ladins ai 10 de dezëmber dala 20.00. Ntan la sëira leterera che va sot al titul “L ie luna colma sëura Gherdëina“ saràl cin autores ladins, y plu avisa Rut Bernardi, Johann Comploj, David Lardschneider, Rafael Prugger y Roland Verra, che lijerà dant si poejies y scric. Vinzenz Senoner y Tobias Dellago se lascerà audì te intermezzi cun pec de mujiga drët adatei ala sëira leterera.

♦ Cherta di inoms ladins

♦ Cunzert de mujiga romantica cun tlavier

Presentaziun chësta domënia ai 5 de dezëmber domisdé a Badia

I Jëuni de Mujiga de Gherdëina nvieia de cuer al cuarto cunzert dla sajon, n merdi ai 7 de dezëmber dala 20.30 tla Cësa de Cultura “Luis Trenker”

L’Istitut Ladin “Micurà de Rü” inviëia en colaboraziun cun le Comun de Badia ala presentaziun dla Cherta di toponims ladins sön teritore dl comun de Badia, chësta domënia ai 5 de dezëmber 2010 dales 16.30 tla Ćiasa J. B. Runcher a Badia. Les parores de salüt gnarà spôrtes dal Ombolt Iaco Frenademetz, dal Assessur provinzial ladin Florian Mussner y dal presidënt dl Istitut Ladin Albert Videsott; Detal dla cherta nöia cun i inoms di sic tl comun de Badia. la presentaziun dl laur y dla cherta gnarà fata dala colaboradëssa dl Istitut Ladin Silvia Liotto y dal diretur dl Istitut Ladin Leander Moroder. La spligaziun tecnica dla cherta gnarà fata dal Assessur de Comun Elmar Irsara.

Cater musizisć, plu avisa Tünde Kurucz che sona l tlavier, Christos Kanettis che sona la vidula, Mirjam Tschopp che sona la viola y Enrico Bronzi che sona l cello, purterà dant cumposizions de Martinu, Fauré, Händel, Halvorsen y Brahms. Nasciù ie chësc ensemble tres la cunlaurazion danter l Mozarteum de Salzburg y l Conservatuere dl Tirol. I cater musizisć che vën dal’Ungaria, dala Grecia, dala Svizera y dala Talia y che à da mustré su curricula bëndebot desferënc, lëura te chësta doi istituzions y reprejënta nsci la I cater musizisć. bona cunlaurazion nce dal pont de ududa artistich. La chertes de ntreda ie da giapé sciche for pra la cassa al priesc de € 15,00 y € 8,00 (per chiche à manco de 26 ani o à l “Kulturpass”). Nfurmazions plu avisa sot a www.jmgconcert.it www.lauscdiladins.com

35


Informazions y Manifestazions ♦ Copa Europa de paslunch tl’Alta Badia Ai 11 y ai 12 de dezëmber vëgnel metü da jì tl Zënter de Paslunch Alta Badia tla localité de Armentarola/Sarè a San Ćiascian les gares de paslunch di ëi y dles ëres, che vel por la Copa Europa “Fis Opa Continental Cup” Ara se trata de n apuntamënt gnü oramai tradiziun por l’Alta Badia, che po mëte da jì manifestaziuns de paslunch a livel europeich bele por le terzo iade, chësc inće por mirit dla bona organisaziun y dles bones condiziuns dla pista tles ediziuns passades. Le Comitê d’Organisaziun, cun a će Carlo Mellauner y le sostëgn da pert dl’Assoziaziun Turistica de Badia, laora bele da mëisc zënza lascè do por podëi ti pité ai atleć y ai spetadus na manifestaziun ezelënta. Ti ultims agn él gnü fat deplü laûrs por miorè la pista de paslunch. Aldédaincö ciafon cater pistes omologades dala FIS. Insciö à le Zënter de Paslunch Alta Badia döt ći che an adora por l’organisaziun de gares a livel nazional y internazional. Por le garatè dla manifestaziun vëgnel rengrazié le Comun de Badia, le Consorz Turistich Alta Badia, la Provinzia Autonoma da Balsan, la Cassa Raiffeisen Val Badia y düć i sponsors privać. Le program: Sabeda ai 11.12.2010 - gares individuales de tecnica tlassica 9:30: Start 5 km ëres - junior 10.00: Start 10 km ëres 10.30: Start 10 km ëi - junior 11.15: Start 15 km ëi 13.00: premiaziun al travert Domënia ai 12.12.2010 - Mass Start free 9.30: Start 10 km ëres - junior 10.00: Start 10 km ëres 10.30: Start 15 km ëi - junior 11.15: Start 15 km ëi 12.30: Premiaziun al travert

nr. 47 / 04 de dezember 2010

Mostres Mostra de Helene Demetz La mostra de Helene Demetz “Pra l’ega“, ie da udëi nchin ai 23 de dezëmber, tl Café Surëdl. L orar de giaurida dl Café Surëdl ie da lunesc nchin a sada dala 10.00 - 19.00. Mostra de criples de Gherdëina

La mostra de criples de Gherdëina ie a Bassano del Grappa, tla “Chiesetta dell’Angelo” y vën metuda a jì dall’ Assessorat per la cultura de Bassano del Grappa deberieda cun l Museum de Gherdëina. La mostra resterà davierta nchin ai 23 de jené dl 2011 dal merdi nchin ala dumënia dala 15.00 - 19.00. Śarà ai 24, 25, y 31 de dezëmber y ai 1. de jené. L profil de Rusina

Peter Lentsch y Martin Steinkasserer nvieia de cuer ala mostra de caricatures de Egon Moroder Rusina unides ora sun la zaita “Südtirol Profil “ ti ani danter l 1993 y l 1996, tla praxis di doi dutores dal’ëiles Lentsch y Steinkasserer, tla streda Cassa dl Sparani 8 a Bulsan. Pra i chedri metui ora se tràtel de caricatures che mostra su situazions politiches y sozieles particuleres de Südtirol. L ie dut ilustrazions depëntes (a man!), desseniedes fac cun gran acribia. La mostra resta davierta nchin de auril de n auter ann, for da lunesc nchin a vënerdi dala 9.00 - 16.00. (cëla nce sot a plates Gherdëina) Mostra de Gregor Prugger

La mostra ie a Terlan, tla Raiffeisenkasse Terlan, Dr. Weiserplatz 9. Prugger mët ora si ultimi lëures, danter l auter la lingia “Agetifs plastics dl vin”. Prugger à tëut scatules de lën de bozes dal vin; te chësta scatules àl reprejentà te na maniera astrata la sëures di vins, sciche l mujel dl vin, l elemënt minerel, sëures de versura d’uni sort, da tiera, l’eleganza, da ega y nsci inant. La mostra sarà da udëi nchin ai 10 de dezëmber dala 8.00 – 13.00 y dala 14.30 – 16.00. “Majons intimes“, mostra de Peter Demetz y Robert Bosisio

La mostra ie a Bologna tl Artforum, via Dei Bersaglieri 5/E. I doi artisc’ meterà ora si ultimi lëures che spidlea l stude che ëi fej sun l spazio fisich y psicologich. La prejënza de figures, o portes o vieresc ne uel nia mustré su velch de romantich, ma la persona che ti cëla al’opres de ert dëssa plutosc ti cialé cun n uedl critich y cialé de abiné respostes ala dumandes che la scultures y pitures ti fej. La mostra sarà da udëi nchin ai 28 de jené dl 2011, da merdi nchin a vënerdi 10.00 – 12.30 y 15.30 – 19.30. De sada, dumënia y lunesc muessen fé ora n terminn per pudëi jì a ti cialé. www.artforum.it

Temp lede Daurida dla sajun a Calfosch Tl zënter da Calfosch, sön la pista “Calfosch”, gnaràl metü da jì en lönesc ai 6 de dezëmber dales 21.15 na bela festa por le mëteman dla sajun da d’invern. Al gnarà organisé na defilada de moda cun la presentaziun dles marches de guant da d’invern plü conesciüdes, na chentlada y füć artifiziai. Al ne manciarà sambëgn nia le vin cöt y tröpa musiga. San Micurà a La Ila  En lönesc ai 6 de dezëmber vëgnel metü da jì tl zënter da La Ila la festa tradizionala de San Micurà, che metarà man dales 17.00. San Micurà rovarà tl parch dlungia la Scora dai Schi sön na liösa trata da ćiavai, acompagnè dai agnui y dai malans. A düć i mituns ti partiaràl fora n gröm de bun patüc da sgolosè. Filmclub tla sala di jëuni “Saut“ a Urtijëi

La Copa Europa de paslunch é oramai n apuntamënt fis tl’Alta Badia.

♦ Marćé da Nadè sön plaza a Corvara An ciafarà da cumprè produć d’artejanat, decoraziuns da Nadè, spëisa y duciaries. Le marćé vëgn metü da jì dai 3 ai 12 de dezëmber y dai 18 de dezëmber ai 6 de jenà, sön plaza de Comun Pici y gragn se conforta bele da n pez al tëmp d’Advënt, n tëmp de chît y de reflesciun. En chësc ann vëgnel por le pröm iade metü da jì n pice marćé da Nadè, sön plaza de Comun a Corvara. Tles cater ćiasotes vëgnel venü de vigni sort de patüc da Nadè, sciöche articui de artejanat, decoraziuns da Nadè o inće spezialitês y produć tipics dl post. Al ne manćiarà sambëgn nia duciaries fates en ćiasa y de vigni sort de tês o vin cöt por i plü golusc. La cripele en grandëza naturala, metüda sö sön paiun te plaza de Comun fajarà da cornisc al pice marćé. De beles musighes da Nadè abeliarà ćiamò deplü le marćé, che sarà davert dai 3 ai 12 de dezëmber y dai 18 de dezëmber ai 6 de jenà, La cripele ti fej da cornisc al marćé da Nadè a vigni dé dales 16.00 ales 19.00. Corvara. Ai 6 de dezëmber dales 21.15 gnaràl metü da jì na festa por le mëteman dla sajun da d’invern tl paîsc da Calfosch, sön la pista “Calfosch”. Al gnarà organisé na defilada de moda, na chentlada y füć artifiziai. Al ne manćiarà sambëgn nia vin cöt y tröpa musiga.

36

www.lauscdiladins.com

Da śën inant uniràl mustrà regularmënter films uni prima sada dl mëns. L unirà mustrà uni iede n auter film, che unirà pruietà sun gran tëila. Chësta sada ai 4 de dezëmber uniràl mustrà l film “Zusammen ist man weniger allein”, n film de Claude Berri, trat dal liber de Anna Cavalda. Nvion duc de cuer a unì a cialé uni prima sada dl mëns dala 20.30 tla sala di jëuni “Saut“ a Urtijëi, n bel film. Duc ie nviei a purté idees y prupostes de films che n pudëssa mustré plu inant. L prugram di films che unirà mustrei ti proscimi mënsc ie da abiné sun nosta plata internet www.njg.it Jì a cianté la tlecanocht

L Avënt ie dan porta y cun ël nce la vedla tradizion drët bela de jì a cianté la tlecanocht. Nce l Cor de dlieja d’Urtijëi uel tenì su chësta bela tradizion. Ai ai 9 de dezëmber jirà plu grupes de ciantarines y ciantarins da cësa a cësa a cianté la tlecanocht. Te chësta ucajion vëniel prià bel de na dunfierta per sustenì l’atività dl Cor de dlieja. L calënder de Avënt a Urtijëi Ncuei sada ai 4 de dezëmber saràl da audì dala 17.00 te dlieja de Urtijëi n bel cunzert dl ensemble vocal “Gaudium.“ L sunerà y cianterà nce l Cor de dlieja de Anras, Heidi Pixner cun l’arpa y “Die Hoameligen”. La grupes uel Ve lascé audì meludies fines y na atmosfera particulera d’Avënt. Duman dumënia ai 5 de dezëmber saràl la festa de San Miculau cun i malans tl zënter de Urtijëi. Te cësa de cultura Luis Trenker saràl nce da udëi nchin ai 8 de dezëmber n pitl marcià da Nadel cun la berstots prutejedes “Locia“ y “S’Ancunté“ deberieda cun l Café Surëdl. N lunesc ai 6 de dezëmber puderëis jì tla butëiga dai ciofs “Inge“ tla streda Pedetliva a ti cialé a na bela mostra da Nadel. N merdi ai 7 de dezëmber saràl dala 5 domesdì tla galaria “Ghetta“ la giaurida dla mostra de pitures de Sergi Barnils y da sëira dala 20.30 saràl te cësa de cultura “Luis Trenker“ n cunzert cun mujiga da camera cun tlavier. N mierculdi ai 8 de dezëmber saràl da audì dala 17.00 tl zënter de Urtijëi meludies de Avënt cun l “Urtijëi Brass Quintett“. N juebia ai 9 de dezëmber uniràl jit a spaz dala 5 domesdì cun chentli mpiei y tl Café Bar Adler saràl la “Bebe’s Winter Party.“ N vënerdi ai 10 de dezëmber saràl da audì dala 5 domesdì tl zënter de Urtijëi de bela meludies cun l cor di ëi “Raetia.


nr. 47 / 04 de dezember 2010

♦ I dodesc purtons, de Sergi Barnils N merdi ai 7 de dezëmber dala 5 domesdì saràl la giaurida dla mostra tla galaria Ghetta a Urtijëi sun la pitla plaza de S. Antone. Ntroduzion ala mostra de Danila Serafini Sergi Barnils meterà ora na lingia de pitures che ie unides fates aposta per chësta mostra y che ne ie perchël mo mei unides metudes ora. L artista se à dat ju dantaldut cun na vijion che ël à de na Gerusalem nueva coche scrit tl’ apocalissa tla bibia. La opres de ert metudes ora reprejënta la speranza y la marueia. Sergi Barnils ie nasciù tl 1954 tla Spania à studià tla Facultad de Bellas Artes a Barcelona y tl Centro de Arte Sergi Barnils: "....l la seve ilumenera es l'Anyell". Contemporaneo de Sant Pere de Vilamajor. La mostra sarà da udëi nchin ai 8 de jené dl 2011.

Temp lede Mëisa de libri sun l “Avënt tla families“

Pastelné y sté deberieda ntan l tëmp d’Avënt. Tla biblioteca Tresl Gruber a S. Cristina iel da udëi nchin ai 20 de dezëmber na bela mëisa de libri n cont dl tëmp d’Avënt. La ie da udëi ntan i orares de giaurida dla biblioteca. Marcià da Nadel dla Locia

La berstot prutejeda “Locia“ fej inò si marcià da Nadel tradiziunel. Unide dai 5 nchin ai 8 de dezëmber for dala 9.00 – 12.00 y dala 15.00 – 19.00 tla cësa de cultura “Luis Trenker“ a Urtijëi. L fej nce pea l Café Surëdl cun si bona papes da Nadel.

Informazions y Manifestazions Avisc A teater coi bec a Moena L’é en program ence chest an la 8^ rassegna provinzièla de teater amatorièl per i joegn che roda fora per l Trentin, e che veit anter si partezipanc i Amisc del Teater de Moena. I apuntamenc a Moena é aló dal teater de la Ciasa de la comunanza, semper de domenia da les 16.30: en domenia ai 5 de dezember sarà i joegn atores de ciasa, l grop di “Amisc del Teater, a portèr dant la comedia “Galline paraboliche” e ai 12 de dezember l’ùltim apuntament en program sarà “Natale sta arrivando” del grop “Appunti e scarabocchi” de Gardol. Scontrèdes te biblioteca de l’Istitut Ladin L’Istitut Cultural Ladin endreza te sia biblioteca scontrèdes orides a duc i enteressé a la cultura e al lengaz, ence per fèr cognoscer i strumenc a la leta. Dò “La guerra per immagini in Fassa e Fiemme”, en jebia ai 9 de dezember da les 17.30 se jirà inant col tem “Ladino o non ladino”, su la percezion de la variantes ladines anter i studenc de la mesènes e de la scoles autes de la valèdes ladines. L professor Paul Videsott prejentarà l sistem TALL, i strumenc linguistiches per l ladin te internet e l projet sul corpus ladin leterèr. En mèrtesc ai 14 de dezember da les 17.30 se rejonarà de “I Ladini della Val di Fassa e la loro variabilità genetica a confronto con le altre popolazioni trentine e ladine dolomitiche” con la dotora Valentina Coia che portarà dant i resultac del projet BIOSTRE e dapò vegnarà prejentà l sistem digitèl SCRIN, l patrimonie culturèl ladin on-line. Picol marcià de Nadèl

La parochies de Pera e Mazin endreza n picol marcià de Nadèl olache vegnarà venù lurieres fac a man e douces da Nadèl. Dut chel che vegnarà tout sù l jirà a sostegn di bec de l’ospedèl de Kinshasa tel Congo, olache à lurà e l’é mort Betty Sommavilla da Ciampedel. La bonamans vegnarà portèdes tel Congo personalmenter da don Giuseppe Da Prà. L marcià é te Calonia de Pera en mèrtesc ai 7 de dezember da les 16 a les 20 e en mercol ai 8 da les 9 a les 12 e da les 14 a les 20.

Iadi, Jites y Escurscions Jites cun i catores

I Catores meterà inò a jì n auter ann de bela jites nteressantes. De jené dl 2011 uniràl jit sun l Kilimanjaro, de mei uniràl jit 17 dis a fé n trekking tl Perù y de setëmber y utober uniràl jit 40 dis sun l Cho Oyu, 8.201 metri. La jita sun l Mount Meru y l Kilimanjaro sarà dai 16 nchin ai 29 de jené. L se trata de n trekking tla Tanzania sun la piza plu auta dl cuntinënt African, l Kilimanjaro 5.895 m. Per se atlimatisé uniràl fat danora l Mount Meru, 4.600 m. Do che n ie jic sun piza uniràl mo fat doi de biei Safari per udëi i tieres dl’Africa. Per nfurmazions plu avisa pudëis damandé Adam Holzknecht, 335/6253156 o scrì a adam@catores.com

Avisc La eles tel sport: na endesfida?

En jebia ai 9 de dezember Paladina ne mena endodanef tel mond de la eles.La sarà dedichèda a la eles tel sport la trasmiscion de la RAI TV LADINA de en jebia che vegn. Tel program “D.F. - Dut Feminin” vegnarà conta de la esperienzes de trei femenes ladines che dedica sia vita al sport: Marika Favé, la pruma menacrepes de nosc raion, e la joena Giuana Prugger da Urtijëi, jiadora de balon te la squadra de serie A “CF Südtirol Damen” rejonarà de sia esperienzes desche femenes sportives te n mond conscidrà amò anchecondì “da omegn”. N muie desferenta l’é la storia de Anita Parmesani da Penìa, che ti egn ’50 fajea pèrt de la squadra azzurra de paslonch e l’à tout pèrt ai jeghes olimpics de Cortina. L program, de Lodovica Dioli, é da poder veder en jebia ai 9 de dezember da mesa les nef enscin trei chèrc da les nef da sera (20.30-20.45). La programazion de la Rai TV Ladina é da poder veder sul sit www.raibz.rai. Festa da Nadè

Le grup de autoaiüt por porsones che socodësc a ćiasa familiars atempà y/o amarà, inviëia düć i/les interessà/ades a na picia festa da Nadè en mertesc ai 7 de dezëmber dales 15.00 tl raiun sozial a Picolin. Orar dla biblioteches de Gherdëina

La trëi biblioteches publiches de Gherdëina, la biblioteca San Durich de Urtijëi, la biblioteca Tresl Gruber de S. Cristina y la biblioteca Oswald von Wolkenstein de Sëlva fej a l savëi che les resta śaredes n mierculdi, ai 8 de dezëmber n l di dl’Imaculata. Senteda dla Lia da Mont de Gherdëina

La Lia da Mont de Gherdëina nvieia duc si cumëmbri ala senteda generela, n merdi ai 7 de dezëmber dala 20.00 tla pitla sala dla Cësa de Cultura de Sëlva. Te chësta ucajon iel nce la puscibltà de cumpré l bolin per l ann 2011. Cunsulënza sun l’energia

L Chemun de Urtijëi fej a l savëi ai zitadins de Urtijëi, che n lunesc ai 13 de dezëmber saràl te cësa de chemun na cunsulënza sun l’energia. Per nfurmazions plu avisa y per fé ora n terminn possa duc i nteressei cherdé su tl ufize dla chëutes, 0471/782060. Chertes per l nightbus

Tl ufize dla Nëus Jëuni Gherdëina iel da sën inant la puscibltà de cumpré la chertes per l Val Gardena Nightbus. Chëst ann pòssen cumpré bele danora chertes per una na nuet che costa 4,00 € l’una, y n possa nce se cumpré chertes dal valor de 25,00 € cun chëles che n possa furné 10 iedesc duta nuet. La chertes per un n viac singul pòssen mé cumpré diretamënter tla curiera. Les costa 2,50 €. Purtruep ne iel chëst ann nia plu n abunamënt per dut l ann. La chertes cumpredes ne n’à deguna data de scadënza, chël uel dì che n possa les cumpré danora y les adurvé canche n uel nchin ai 18.06.2011. Per cumpré la chertes y per plu nfurmazions sun l nightbus sons gën a despusizion tl ufize dla Nëus Jëuni Gherdëina tla cësa per i Jëuni, ert y cultura a Urtijëi, sun plaza S.Antone, tel 0471/799006.

Azions umanitares Mostra cun laurs de Giuvani Flöß Le “Lions Club Brener - Punt d’Europa” inviëia en colaboraziun cun la Banca Popolara ala mostra de figöres de lëgn “en movimënt” de Giuvani Flöß (da San Martin de Tor, mort dl 2008) tl Salf dla Banca Popolara a Porsenù (entrada Lauben) dai 5 ai 8 de dezëmber 2010. L’entrada é debann, ći che vëgn ite dales spënores é a fin de bëgn (i va al’assoziaziun “Helfen ohne Grenzen”). Mostra de benefiziënza de Joisef Irsara Tla Raiffeisenkasse a Bornech gnaral metü fora dai 6 ai 22 de dezëmber 2010 na mostra de laurs d’ert de Josef Irsara de Badia, les entrades de spënores y dala cumpra de laurs i jarà ai SOS - KInderdörfer. Orars de daurida: lönesc, mertesc, mercui, vëndres, dales 8.05 ales 12.45 y dales 14.30 ales 16.30 Uhr, jöbia dales 8.05 ales 12.45 y dales 17.00 ales 18.00 h.

♦ Festa de San Micurà a Al Plan Le vësco passarà fora por les strades dl paîsc, en lönesc ai 6 de dezëmber dales 17.00. Sön plaza de dlijia carnis por i mituns y ola dla fortüna I Boteghiers d’Al Plan i dedichëia dagnora tröpa atenziun ala festa de San Micurà. Na festa aspetada dantadöt dai plü pici. Porchël inviëia i Boteghiers cun gran plajëi da gnì a ti ćiarè ala gran defilada de San Micurà, che gnarà tignida en lönesc ai 6 de dezëmber dales 17.00. Le vësco piarà ia dal salf dles manifestaziuns demez, acompagnè dai agnui, dal berba cun so gratun y sambëgn da na schira de malans. Al passarà fora por la strada prinzipala por Al vëgn indô San Micurà, y i porta a düć i mituns n bel carnì. rovè ćina te plaza de dlijia, olache düć canć ciafarà val’ de ćialt da bëre y de bugn checs da bocolè. Por i mëndri ne manćiaràl nia carnîs cun de vigni sort laìte. Pro vigni carnì saràl inće n numer, y por i mituns plü fortunà podéssel garatè na bela scincunda fora dla ola dla fortüna. I Boteghiers se conforta da Ves saludé düć canć. www.lauscdiladins.com

37


Informazions y Congratulazions

nr. 47 / 04 de dezember 2010

♦ Ćianties, musiga y parores por arjunje

Teater

solidarieté Dui conzerć d’Advënt a Calfosch y Corvara, por daidé na regiun isolada tl Südafrica I cors da Calfosch y Corvara ćianta por benefiziënza, te dui conzerć d’Advënt. I apuntamënć é por en domënia ai 12 de dezëmber dales 20.30, tla dlijia da Calfosch, y en jöbia ai 16 de dezëmber dales 20.30, te dlijia da Corvara. Al sarà da aldì le Cor “Pro Voxis” y le “Quintett Herum”, sciöche inće n trio de stromënć a fle. Tratan le conzert gnaràl inće portè dant pinsiers poetics. Cun ćianties, musiga y parores ôn ti portè aiüt ala jënt de Shihosana tl Limpopo, na regiun isolada dl Südafrica. Les spënores i jarà al’assoziaziun “Action aid”, che prô bele da tröc agn da combate la povertè y les iniustizies. Cun la musiga ô i cors sensibilisé al dovëi de daidé chi che é tla stënta.

“Punta Emma”: Tony Gross recordà a teater L ruarà zacan ence te Fascia l spetacol de Teater scrit da Mario Vanzo per recordèr l’alpinist e artist Tony Gross da Poza. Nasciù per endrez del Zenter de èrt contemporanea de Ciavaleis, chest spetacol, interpretà dal bravo ator Andrea Brunello e viventà da la cianties per ladin del grop “Gaudio Musicale”, é stat portà dant forin Fiem con gran suzess e ades l sarà da poder veder ence te Fascia, en sabeda ai 11 de dezember da les 21.00 tel Chino de Cianacei. Duc é envié de cher. Teater tla sala di jëuni Saut N sada ai 11 de dezëmber meterà la Nëus Jëuni Gherdëina a jì n “Improvisationstheater” dal titul “Schlag auf Schlag” tla sala di jëuni “Saut“ a Urtijëi. Tlo se tràtel de scenes de teater fates dant dai atëures dl “Forumtheater Südtirol”, che traterà de viulenza y agrescions, y daldò puderà la jënt dl publich fermé te uni mumët la scena, fé mudazions y dì coche la dëssa jì inant per purté uni situazion a na bona soluzion y fé a na maniera che la scenes vede a finé bën. Duc ie nviei a unì a ti cialé, ma sambën nce a fé pea ativamënter a chësc teater, mpue autramënter. La ntreda ie per duc debant y l teater scumëncia dala 20.30.

A nosta Lilli! Per ti 40 ani te mbincions dut l bon resta for tan da druch y da ulëi bon.

Le logo dl’assoziaziun “Action Aid”.

Cursc Curs da jì cun les pels (schitour) I mënacrëp Max & Simon adöm cun les Lies da Munt Val Badia mët da jì n curs da jì cun les pels, olache al gnarà insigné i prighi de lovina, ći fà tl cajo de lovina, co organisé na tour etc. Le curs döra cater dis, plü avisa ai 11 y 12 y ai 18 y 19 de dezëmber. Da s’anunzié él n’edema danfora. Por jogn ćina 18 agn y por studënć él la Lia da Munt che dà na picia sovenziun. Por infos y prenotaziuns cherdè sö Max al nr. 335/6849422 o scrì ala e-mail max.willeit@rolmail.net.

Ti cumpanies de Col da Lech (... y a fé festa se udons tosc!!!)

A Nosta Oma Ida!

Curs da jì cun les ciaspes

I mënacrëp Max & Simon adöm cun les Lies da Munt Val Badia mët da jì n curs da jì cun les ciaspes. Al gnarà dè informaziuns sön i prighi da lovines, ći fà tl cajo de lovina, co organisé na tour etc. Le curs döra dui dis, ai 11 y 12 de dezëmber. Da s’anunzié él n’edema danfora. Por jogn ćina 18 agn y por studënć él la lia da munt che dà na picia sovenziun. Por infos y prenotaziuns pon cherdè sö Simon al nr. 389/4223062 o scrì a info@simonkehrer.it.

Presentaziuns Prejentazion dl Calënder de Gherdëina 2011

L apuntamënt tradiziunel cun la prejentazion dl Calënder de Gherdëina sarà chëst ann n vënerdi ai 17 de dezëmber dala 18.00 tla Cësa di Ladins. L calënder vën bele ora dal ann 1911, mé danter la doi vieres ne n’iel nia unit ora, y pona inò dal ann 1948 inant uni ann, nchin ncueicundì. Truep zitadins de Gherdëina à inò scrit articuli nteressanc acumpaniei da de bela fotografies. La sëira dla prejentazion unirà abelida da na curnisc mujighela tenida da na grupa de sculeies dla Scola de Mujiga de Gherdëina che sunerà sun si strumënc de banda.

♦ Che ô pa daidé te n

grup motivé? La uniun sportiva da San Ćiascian ô tó ite jogn y manco jogn te sües ativitês, y chir porchël porsones motivades dl paîsc da dè so contribut a bëgn dles ativitês dl tëmp lëde L’Uniun Sport Amatoriala San Ciascian é da agn ativa tla promoziun de ativitês dl tëmp lëde. Al ô ester tres indô idees nöies, propostes, impulsc. Porchël chir la uniun sportiva jones, jogn y inće manco jogn dl paîsc da San Ćiascian, che ess ligrëza da laurè y daidé adöm a n grup motivé. I fins prinzipai dla uniun é la promoziun da ativitês dl tëmp lëde y la gestiiun de infrastrotöres sportives. Por plü informaziuns pon tó sö contat cun Thomas Pescollderungg al nr. 338/1807080 o Stefan Clement al nr. La Uniun Sport San Ćiascian chir porsones motivades. 335/5366372.

38

www.lauscdiladins.com

Jö dal Cone - de Dezëmber vëgnel cunté à na picia Ida por le pröm iade trat le fle. Döt adascusc, trep tomp da chël dé èdl śën passé. Con dediziun y personalité pazionza por nos düć aste entres ciafé, y Amur che la pazionza ea tal se roé. Da cujiné desch’al toca aste inće sciafié da se ensegné, tal tomp lëde dal laoré; la strada dla vita da jì se mostreste dër bun vigne dé, y laprò de bogn crafuns por la segra entres arjigné. Porchël oressi iu, con cöstes parores y a ennom de nos düć, te rengrazié, na lungia y bela vita de cör te aodé, y che en bel dé i pois da te inće emparé da davagné da carté. Döt le bun da töa Familia y düć tü Compagns

Ai 29 de nuvëmber ast’

Marion cumplì i 18 agn. Da fà la matura impara pa cotan, pur la patënt messaraste dassënn studié inće sce t’as arjunt la majera eté. Da jì al Murin adoreste n auto che va ia bel fin. Döt l’bun pur to dagnì te aoda de cör tü geniturs cul Meicol, Heidi cun familia y picia Elena.

Na bela viva per

Alessia Riz da Ciampedel Che ai 25 de november del 2010 La se à laureà a l’Università de Verona con 110 e lauda a la facoltà de lengac e letradura forestes co la tesi “L’identità del Guatemala indigeno nelle poesie di Humberto Ak’abal” che tie davegnir sie lumenous e sgalizent desche tie bie eies anché! da duc chi de cèsa


Congratulazions y Inserac

nr. 47 / 04 de dezember 2010

Da chirì Congratulaziuns a nosta

Rosi che à stlüt jö le stüde de sciënza dl’alimentaziun a Milan. Fortüna, ligrëza y sodisfaziun te to laur te aoda tü familiars y Lorenz.

A Rosmarie

Na ëra cun 2 mituns chir n apartamënt tl’alta Val Badia. Ëra ćiarass inće dla ćiasa sciöche cuntraprestaziun. Tel. 339/1242712 do les 15.00. (45/10) ••• N pêr dl post chir n apartamënt tla Val Badia da atira por döt l’ann o por la sajun da d’invern. Tel. 349/5311664. (45/10) ••• N ël da tlo chier n pitl cuatier da tò a fit

a n bon priesc. L fajëssa sce n cajo nce da vardian. Prëibel cherdé su l 339 4897405 (45/10) ••• Na ëra chir por la proscima sajun da d’invern na ćiamena o n pice apartamënt por personal, da tó en afit a La Ila. Sce valgügn ess val’ de te’, déssi prëibel cherdè sö le 333/6770105. (45/10) •••

L vën cris n pitl cuatier o monolocal a S.Cristina o a Urtijëi da sën inant. Tel. 320/7109821. (46/10) ••• L vën cris na majon o n pitl cuatier per n jëunn. Tel. 348/5791314. (47/10) ••• Al vëgn chiri da cumprè por 80,00 euro na mascînn da lavè a Badia, da istalè. Tel. 333/2946535. (47/10)

Da vende Da vënder n motor Trial Fantic 50cc dl ann 1989. L à de bujën de n doi pitla cumedures. Priesc 150,00 euro. Tel. 328/4385537 da sëira. (45/10) ••• Da vëne n frogorè eletrich con 4 plates da cujiné y na mascinn da lavè jö por hotel te de buna condizions. Tel. 338/5726005. (45/10) ••• Da vënder a n bon priesc 4 montli da

d’inviern cun cërtli 175/65 – R14. Tel. 338/1688633. (45/10) ••• A Urtijëi vëniel vendù a n bon priesc n tlavier da mur fosch dla marca FeurichLeipzig, acurdà y scialdi bën tenì. Nteressei possa cherdé su l 339 7069013. (46/10) ••• Da vëne na gabia per trasport de n cián nuova, marca Ferplast, 100 x 60 x 66 cm,

euro 60,00. Da vëne na branda nuova, 100 x 60 cm a 20 euro. Tel. 333/3285343. ••• Da vëne a bun prisc 1 schipass da 25 agn insö por la pert d’ Al Plan, (Picolin fina Plan de Corones). Tel. 338/1277295. ••• Al vëgn venü schi da tour (Freeride) Dynastar mod. Legend 8800 cun atać Dynastar Legend nüs (zënza pels) a 290,00€. Tel. 345/4579275. (47/10)

Da scinché ia

la gran lezitënza, la gran paziënza y urentè te à portè ai 25 de nuvëmber ala laurea de sciënza dl’alimentaziun arjujon dër n bun resultat. Śëgn te augurun’ n bel laur da suzes y dër tröpa sodesfaziun! Tüa tota cun Eugenio, Pauli, Romina y Oswald

A nosc Josef che rüva en domënia söl scalin nr. 50. “Te aodun de cör düt le bun, sanité y ligrëzes y na lungia litra de scalins!”

A S. Cristina vëniel dat ca plates de tët per 300 m2. Tel. 339 1470766. (45/10) ••• Da scinché ia n pice ćian cun le pere Border Collie. Al chir n patrun che ti

ois bun. Tel. 339/1988046. (45/10) ••• Da scinché n bagl da 4 rodes per n pitl pop da pudëi nce taché te auto te de bona condizions. Tel. 338/1688633.

(45/10) ••• Al vëgn scinché ia na vidrina cun dlaciadoia da bufé por i gostà ,mosöra 70/120. Tel 0471/836031. (46/10)

A Calfosch vëgnel chirì por les sabedes dla sajun da d’invern na ëra a puzenè. Prëibel cherdè sö le 339/3554635.

Residence Sottsass a La Ila chir ëres a puzenè. Prëibel telefonè al 0471/847158 o al 339/8383892.

Hotel Falzares a San Ćiascian chir por la sajun da d’invern n chelner por bar y salf. Prëibel telefonè al 0471/849496.

Miribung Walter a Al Plan chir por la sajun da d’invern na boteghiera cun esperiënza, por döt le dé o inće ma por domisdé. Prëibel telefonè al 0471/843189.

Aziënda sanitara de Südtirol Raiun Sanitar da Bornech Avis publich Al vëgn lascè al savëi che tl Raiun Sanitar da Bornech vëgnel scrit fora n concurs publich aldô de titui y ejams por l’ocupaziun dla störes nominedes dessot

Elisabeth, Hubert y Jos Market Zingerle a Corvara chir por la sajun da d’invern n magazinier dl post. Prëibel telefonè al 335/7863776 o al 0471/836405.

A Vito y Nane da Somvì

Pur l’aniversar de 45 agn de matrimone ch’i ëis festejé ai 25 de nuvëmber les mius aodanzes cun n gran dilan de düt ći ch’i ëis fat y fajëis pur nos. I mituns cun families

Congratulazions

Residence Sidonia a Corvara chir na ëra dl post a puzenè apartamënć les sabedes. Prëibel cherdè sö le 0471/836741.

a Filippo Brunel che ai 13 de november l se à laureà en Ingegneria civile a la Tongji University de Shanghai T’es vegnù de retorn a la fin dal “ream de mez”, Olache t’es stat via n gran pez! (béleche 15 meisc) Someava che col professor Li l lurier no l fossa mai fenì enscin canche na dì tu ne as dit che ai 13 de november tel calandar l l’aea scrit. Con n muie de empegn e sacrifizie tu te as enjignà e chela dì a Tongji la laurea tu te as ciapà; Dò, anter festes e ence valch spaent, n muie de braciacoi e tante man tu as strent. Ades t’es chiò te Dò Paré, olache t’es cresciù, ite per anter n gran toch de mondo t’as vedù, Chesta esperienza te auguron de la far valer e te noi per chest jà bat fort l cher. Te auguron ence de troar prest l troi che te la vita fasc far auc i sgoi. Duc chi de ciasa

Sport Pescosta a Calfosch chir por la sajun da d’invern na boteghiera. Prëibel telefonè al 0471/836458 o al 335/8190597.

Le Comun da Corvara lascia alsavëi che al vëgn chirì 1 porsona ala netijia dla scolina da Corvara 2. cualifica funzionala da mëte man da atira ćina ai 15.06.2011, part-time al 50 %. Por informaziuns prëibel cherdè sö le numer 0471/836184.

Diretur/ia sanitar/a – dotur/ia Spezialisaziun de dermatologia y venerologia La störa é resservada al grup linguistich talian. Al vëgn damanè l’atestat de bilinguism A. Diretur/ia sanitar/a – dotur/ia Spezialisaziun de ginecologia y aiüt da stè de pert La störa é resservada al grup linguistich todësch. Al vëgn damanè l’atestat de bilinguism A. Diretur/ia sanitar/a – dotur/ia Spezialisaziun de cardiologia La störa é resservada al grup linguistich todësch. Al vëgn damanè l’atestat de bilinguism A. Diretur/ia sanitar/a – dotur/ia Spezialisaziun de optalmologia La störa é resservada al grup linguistich ladin. Al vëgn damanè l’atestat de bilinguism A. Diretur/ia sanitar/a – dotur/ia Spezialisaziun de medejina fisicala y reabilitaziun La störa é resservada al grup linguistich talian. Al vëgn damanè l’atestat de bilinguism A. Diretur/ia sanitar/a – dotur/ia Spezialisaziun de radiologia La störa é resservada al grup linguistich todësch. Al vëgn damanè l’atestat de bilinguism A. Le terminn por menè ite les domandes: anter les 12.00 di 23.12.2010. Les domandes po gnì portades/menades diretamënter o tres cherta cun recioiüda de retour (al vel le stempl dla posta), a chësta misciun: Ofize por concursc y assunziuns dl raiun sanitar da Bornech, str. Spital 11, 39031 Bornech tel. 0474/586027-28-36, www.sb-bruneck.it. I formulars por la domanda y informaziuns plü monüdes pòn ciafè tl ofize por concurs y assunziuns sciöche inće sön la plata internet www.sb-bruneck.it. Le diretur dl raiun sanitar dr. Walter Amhof

www.lauscdiladins.com

39


Inserac La botëghes Lagazuoi a S.Ćiascian chir por la sajun da d’invern 1 boteghiera cun esperiënza y conoscënza di lingac. 1 porsona por le repart dai schi. Prëibel telefonè al 335/6810026 o al 0471/849328.

Ütia La Brancia a San Ćiascian chir por la sajun da d’invern n/na chelner/a dl post a ores. Prëibel telefonè al 347/0408270. Hotel Villa Eden a Corvara chir n/na secreter/ia cun esperiënza y de bunes conoscënzes de talian y todësch. Prëibel telefonè al 0471/836041 o menè le curriculum a info@villaeden.com

Na firma de computer a Urtijëi chier n tecnich cun esperienza tl ciamp dla rë y dla nstalazion y n tecnich per la hardware che ebe n stude de nfurmatica o l diplom dla scola auta HTB. L vën nce pità n cuatier a Urtijëi. Prëibel cherdé su l 0471/789400.

nr. 47 / 04 de dezember 2010

A Leifers vëgnel afité ia n apartamënt da cater locai cun garage. Por informaziuns telefonè al 0471/839614.

Te Gherdëina vëniel fat cuatieres cunvenzionei per jënt da tlo y cuatieres nia cunvenzionei. Per nfurmazions y per prenutazions pudëis cherdé su l 0471/053044 o l 348/2254810.

Sport Kostner a Corvara chir 1 colaboradù/ëssa por le repart alimentars por la sajun da d’invern. Prëibel telefonede al 0471/836117 orar de ofize. I se aspetun!

La dita de custruziun Bioc Bau Srl chir por le proscim ann n pröm laurant, moradus spezialisà. Prëibel telefonè al 0474/523127.

Vangel dla Domenia 2. Domënia d’Advënt, Ann A, ai 5 de dezëmber 2010 Dal vagnele do San Matî 3, 1-12 En chi dis é lovè sö Jan Batista y pordicâ tl desert dla Iudea: “Dede ota! Deache le rëgn dl cil é daimprò. Ël é chël, de chël che le profet Isaìa à dit: na usc scraia tl desert: arjignedi ca le tru al Signur, avaliedi les strades.” Jan â indos n guant de polan de camel y n ciol de coran incër sü üfs. Saioć y mil salvaria ê süa spëisa. La jënt de Ierùsalem, de döta la Iudea y de döt le raiun dl Iórdann jô fora da d’ël; ai confessâ sü pićià y se lasciâ batié da d’ël tl Iórdann. Canche Jan odô che tröc farisês y saduzês gnô al bato, ti àl dit: “Os cuada de bisches, chê ves à pa insigné, ch’i podëis ti sciampè al iudize che vëgn? Portede früć che demostra osta converjiun y no minede de podëi dì: i ùn pö Àbraham por pere. I ves diji: Dî po fà fora de chëstes peres mituns de Àbraham. La manara é bele metüda pormez ala raîsc di lëgns. Vigni lëgn che ne porta nia de bugn früć vëgn taié jö y sciuré te füch. Iö ves batiëii mâ cun ega sciöche sëgn de converjiun, mo chël, che gnarà do mè, é plü gaiert co iö, y iö ne sun nia dëgn de ti despié i ćialzà. Ël ves batiarà cun le Spirit Sant y cun füch. Al tëgn bele la vëntora tla man y al cernarà les zëmes dal formënt y abinarà ite le formënt te süa majun, les zëmes indere burjaral te n füch che ne se destöda mai. Parora dl Signur. – Lalt a té, Gejù Crist!

L vën vendù n pra da mont de 5 hectar cun n medel y n tublà ressanei,te na bela luegia panoramica sun Mont de Sëuc. Prëibel cherdé su l Immobilien Büro Real 07 GmbH al 335/220542. www.real07.com Te n residence a La Val vëgnel venü l’ultim apartamënt convenzionè cun 110 m2 y garage. Prëibel cherdè sö le 335/6167989.

Na butëiga de Sëlva chier na lodnera per dut l di o nce mé per domesdì. De dumënia ne àla nia drë de lauré. Prëibel cherdé su l 0471/794293.

Condolianzes Le consëi d’aministraziun, le consёi de control, la direziun y i colaboradus dla Cassa Raiffeisen Val Badia tol pert de cör al dolur che nosc colaboradù Alessandro Irsara à sintì por la mort de so pere

Residence Ćiasa Mirasas a Badia chir por la sajun da d’invern 2 ëres a puzenè apartamënć la sabeda. Prëibel telefonè al 339/3554636.

Irsara Cav. Pasquale y ti sporj a ël y a sü familiars les condolianzes plü sintides. Cassa Raiffeisen Val Badia Corvara, 29.11.2010

Ringraziament

inserac@lauscdiladins.com

Josef Valentin Sepl d’Arciara *15.03.1936 +23.11.2010

chier 1 colaboradour/a per la redazion de Souramont (Ampez, Fodom y Col) a temp plen Al vegn damané: diplom de scola auta na bona conescenza a ousc y tl scrit dl lingaz ladin - i cinch idioms (dantaldut ampezan y fodom) y l Ladin Standard conescenza di lingac talian y todesch, de utl él ence la conescenza dl ingleis esperienza sun l computer (dantalut per i programs word y photoshop) interes per la storia ladina y la vita soziala, politica y culturala de Souramont y de duta la Ladinia legreza con l laour publizistich y jornalistich talent de organisazion, capazité de flessebelté y laour autonom patent dl auto B Al vegn ofrì: n bon clima de laour n paiament adeguat per les prestazions dedes poscibeltés de s’istruì inant ti ciamps desferenc, anter chisc ence tl jornalism Interessés/edes po mené o dé ju sia domanda scrita con l curriculum enchin l di mertesc 7 de dezember 2010, les cinch da sera a/pro: La Usc di Ladins t.m. Dir. Iaco Rigo str. Stufles 20 I-39030 - San Martin de Tor/San Martino in Badia (BZ)

40

www.lauscdiladins.com

Hotel Italia a Corvara chir por la sajun da d’invern n lavataîs na ćiamenëssa na ëra a puzenè por 3 iadi al’edema danmisdé na chelnera n jonn a daidé te ćiasadafüch. Prëibel telefonè al 0471/836082 o al 339/4143525. info@hotelitalia.bz.it

I familiars oress ringrazié l’personal dl pröm aiüt y l'personal y i doturs dl repart intensif dl spitol da Balsan. En gran giulan ti va a Siur Iaco por sües parores de confort, al cor de dlijia pur so bel ćiantè y a düta la jënt che à tut pert ales corones y ala mëssa de supultüra. I familiars oress inće ringrazié por vigni spënora fata a fin de bëgn, por i ciüfs, les gherlandes y les ćiandëres scincades, por düć i pici y gragn sorvisc fać, por vigni bela parora y oraziun dita y por vigni aiüt ciafè te chisc dis de gran dolur. Chël Bel Dî s’l pàies. I familiars Crì da laour

N ël cun esperienza chier da lëur a lavé ju o a fé de uni sort de stroc te Gherdëina. Tel. 339/8665047. (45/10) ••• N ël cun esperienza chier da lëur da cuech. Ël à nce de bujën de albierch. Tel. 348/9159627. (45/10) ••• N ël cun esperienza chier da lëur te Gherdëina a fé de uni sort de stroc o a judé te cësadafuech. Tel. 327/637979. (45/10) ••• N jëunn chier da lëur a lavé ju y judé te cësadafuech. Tel. 327/5821859. (45/10) ••• N’ëila chier da lëur coche lodnera o a rumé su majons. Tel. 320/607861. (45/10) ••• N jëunn cun esperienza chier da lëur a judé te cësadafuech per la sajon da d’inviern. Tel. 339/5820333. (45/10) ••• N ël cun esperienza chier da lëur coche cuech. Tel. 339/2106269. (45/10) ••• Na jona de 31 agn dla Ucraina chir n laur te na botëga o a ćiarè de de pici mituns.

Tel. 349/1118463. (45/10) ••• N’ëila dla Talia cun esperienza chier da lëur coche chelnera de sala. Tel. 347/2967453. Tiziana (45/10) ••• N jonn chir n laûr por la sajun da d’invern sciöche fà- döt o pro n imprest dai schi. Tel. 349/5311664. (45/10) ••• N’ëila che à bele laurà 15 ani te Gherdëina chier da lëur a fé su liec y puzené majons. Tel. 347/7631962. (45/10) ••• N ël chier da lëur a judé te cësadafuech o a lavé ju. Tel. 327/4796188. (45/10) ••• N ël chier da lëur te Gherdëina coche vardian o a judé te na cësadafuech. Tel. 320/2116066. (45/10) ••• N ël chier da lëur a fé de uni sort de stroc. Tel. 347/7794439. (45/10) ••• N ël chier da lëur coche cuech o segondo cuech. Tel. 328/3845129. (45/10) ••• N ël chier da lëur coche segondo cuech.

Tel. 340/0862628. (45/10) ••• N ël chier da lëur a lavé ju o a fé d’uni sort de lëures. Ël à bele cin ani de esperienza te Gherdëina. Sce l ie mesun chierel da lëur te Gherdëina o ntëurvia. Tel. 339 8665047. (46/10) ••• N ël chier da lëur sciche aiut-cuech, a lavé ju o a fé d’uni sort de stroc. Ël à cater ani de esperienza te hotiei de nosc raion. Tel. 327 5782628. (46/10) ••• N ël chier da lëur a fé d’uni sort de stroc te n hotel, nce lëures de manutenzion, l à la patent B. Sce n cajo nce a lavé ju. Tel. 347 1477192. (46/10) ••• N jëunn de 29 ani chier da lëur coche cuech y segondo cuech. Tel. 349/7188365. (46/10) ••• Na jëuna dla Serbia cun esperienza chier da lëur coche chelnera o a rumé su majons. Tel. 320/0481214. (46/10) ••• N ël dla Talia chier da lëur te n restaurant, coche barista o nce pra n lift. Tel.

329/6461350. (46/10) ••• N jonn chir n laûr tla Val Badia cun na ćiamena por dormì. Al é anfat de ći laûr che al se trata. Ël sa püch talian y ingleje Tel. 0471/843189. (46/10) ••• N’ëila cun esperienza chier da leur sciche cuega, ciche aiut- cuega o a judé te cësadafuech. Preibel cherdé su l 349/8474988. (46/10) ••• N’ëila dla Romania de 30 ani che vif a S.Cristina chier da lëur a cialé de na persona de tëmp o a rumé su majons. Tel. 366/7016703. (47/10) ••• N’ëila chier da lëur a cialé de pitli mutons a S.Cristina o te Sëlva dala 5 domesdì inant. Tel. 347/8589029. (47/10) ••• Na jona dla Val Badia chir da laûr sciöche massöra por trëi dis al’edema domisdé. Prëibel cherdè sö le nr. 347/7440514. (47/10) ••• N jëunn chier da lëur coche aiut cuech o a lavé ju. Tel. 327/8378389. (47/10)


La Usc di Ladins