Page 1

portadoura dla onoranza claus gatterer 2012

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 44/2012 - 09 de november 2012

IR online sun

7

Piata de la scola

Halloween Anter devozion ai morc, zuches, mascherèdes e festes horror: l’evoluzion de na tradizion veiora.

Turism

La secunda chance de Obama Elezions ti USA: Dantier, da les set do doman (nosta ora), à Romney nunzié la perduda y Obama ringrazié per la creta

12

Cujiné a Roma Gherdëina reprejenteda nce chëst ann pra la manifestazion de enogastronomia “Cooking for Art” de utober a Roma.

Cronica

13

“On n cuntrat” Marco y Mercello Rella tol posizion n con’ de articuli unic ora nstadì, ulache l univa scrit che si dita de frabriché dëssa avëi metù ju material abusivamënter: Rella: “L ie n cuntrat de afit cun chëi dal’eghes”.

Schi Cub Gherdëina

13

Campion dla Talia Na bela recunescënza per si lëur y mpëni à la lia dal sport dai schi de Gherdëina pudù pië do n ucajion dla festa che vën metuda jì uni ann dala FISI.

La Ila

20

Musical garatè

21

Plüra por Nicole Te n bur’ inzidënt à pordü la vita la jona Nicole Vittur de 24 agn da La Ila.

Badia

21

Antënes I Freiheitlichen à presentè na interogaziun sön l’antëna nöia che dess garatè a Badia. Les respostes y co che le Comun s’armöi.

La Pli

Atualité - Obama romagn inant president dl’America. Por cater agn, spo ne l permet la lege nia plu. Al à ciafé sia seconda chance. Y ringrazié méssel l sistem lital di USA, che i assegneia Stat te Stat (al n’é 50 endut) al candidat

davagnadour dla lita de si zitadins duc i “derc de lita” (clamés “gran litadours” y ence “electroral college”). Sciche al per l di do la lita da doman ess en total Romney di Republicans (l desfidant dl Democrat Obama) coiù adum plu

oujes che Obama, ma tl sistem aritmetich scolastich una plu una. Obama à venciù chesta sia seconda lita da president nia mé ti Statesc de tradizion democratica sciche New York (Stat) y California, ma va inant a plata 2

Gana, my teens Con chest numer de La Usc la revista ruveda al numer 20

Les prömes rapresentaziuns dl musical ”Saù dla jonëza” à cherdè adalerch n gran publich.

Desgrazia

“I ves ringrazie, chesta é vosta deventa”, chest l coment con retrat sun la bota ciauda de Obama puech do les set da doman sun sua plata internet personala.

22

Tröp da rì Pro le teater che vëgn presentè a La Pli de Mareo pòn s’la rì bel assà.

Chest numer de Gana nes meina ite tl mond dles eles joenes. Tosates che se prejenteia a la vita per la pruma outa con coscienza y independenza. An possa lieje dles esperienzes de touses ladines ti ciamps plu desvalifs, che nes fej conesce la forza y les capazités de nosta joentù: na maternité scialdi bonoriva, de bogn suzesc a scola,

Comentar de pruma

Fat y nia fat de Iaco Rigo

Obama é gnü pröm presidënt de pel scöra y le 44eism presidënt di USA ai 20 de jené dl 2009. Dui dis dedô anunziâl che al ess stlüt la porjun por i terorisć de Guantànamo a Cuba dan la fin dl ann, mo la porjun é dötaurela. En cunt de terorism internazional y Obama: al 1. de mà dl 2011 à Obama desco presidënt dla America y portadù dl Pest Nobel dla Pesc (pié do dl 2009) dè pro da copè Osama bin Laden, capo d l’o rg a n i s a z i u n at i v i s t a internazionala Al-Kaida. Söl cunt de Obama va inće mobilitaziuns militares, te chisc caji “cuntra ćiasa”: dl 2011 àl incundé che i USA cherdarà a ćiasa naôta 33.000 soldas dal Afghanistan y por la fin dl 2014 düć canć; y de dezëmber dl 2011 à les ultimes trupes dla armada US lascè l’Irach. Te so carnet dla diplomazia internazionala él da odëi dantadöt la data dl 5 de merz 2012, canche ël i dij tlermënter tla Ćiasa Blanćia al premier israelian Benjamin Netanjahu, che al ne n’ô avëi degöna vera cuntra l’Iran. Da söa politica interna él da alzè fora dantadöt le gran sëns sozial y la solidarité che al à somenè, y l’assiguraziun tla sanité por 32 miliuns porsones di USA. Dan dui agn àl inće fat na lege cuntra la discriminaziun di omosessuai pro i soldas - n intervënt ejemplar.

la pascion per l musical y l respet dles responsabeltés. Ciamò él ence na seria de retrac de eles che é stedes bones de trasformé sia pascion, la poejia, l bal, i lingac, te n laour. A la fin ence chesta outa él de belotes rezetes, i conseis di libri da lieje y ciamò de auter. Con l’aodanza de na bona letura a dutes y duc.

Obama cunta de söa infanzia y religiun “I ne sun nia chersciü sö te na familia religiosa. Mi nenesc dla uma infora, che ê dl Kansas, ê chersciüs sö te families batistes y metodistes, mo la fede n’à mai davëi metü raîsc te sü cörs. Les medemes esperiënzes de mia uma, na möta sensibla y arsida ti libri chersciüda sö te de pices citês dl Kansas, Oklahoma y Texas, n’à portè nia a d’ater co a renforzé chësc scetizism ereditar. (...) Mi pere é stè feter daldöt assënt da mia infanzia, ajache mi geniturs divorziâ canche i â dui agn; te vigni cajo, scebëgn che mi pere foss gnü trat sö da musulmann, êl bele ateo sigü canche al incuntâ mia uma, y al aratâ che la religiun foss ma na cherdënza (superstiziun).” Chësc passaje ciafunse tl liber de va inant a plata 2


Zoom

nr. 44 / 09 de november 2012

La secunda chance de Obama Elezions ti USA: Dantier, da les set do doman (nosta ora), à Romney nunzié la perduda y Obama ringrazié per la creta va inant da la pruma plata

ence ti Statesc “che bala” Colorado, Nevada y Virginia.

L president di USA Al é president di Statesc Unis dl’America, capo de Stat, capo dl govern y ence l comandant plu aut dles forzes armades americanes. Sia inciaria dura cater agn y possa mé un n iade gnì reconfermé per d’autri cater agn. Obama é bele sté na spana de legislatura president, al é ruvé ti libri dla storia sciche prum president afroamerican.

Co vegn pa lité l president? L president dl’America (di USA) vegn lité indiretamenter dal popul, al é plu avisa l “Electoral College” (colegium lital) che liteia l president. Chest colegium é metù adum al moment da 538 persones litales dai 50 statesc federai y da la zité Washington D.C.. L numer dles persones litadoures vareia da stat a stat aldò dla popolazion. La California à, per ejempl, 55

persones litales, l Noth Dakota mé trei.

Can pa? I zitadins d’America é cherdés vigni cater agn a la lita de si president. L “election day” vegn tegnù dagnora l mertesc do l prum lunesc dl meis de november. Metù su él gnu l di mertesc, ajache tla America dret cristiana àn volù schivé lites y ajache l lunesc é n di incomper per la jent che messa se sposté da n luech al auter. L “Electoral College” liteia spo ai 17 de dezember l president y l vizepresident dl’America. L vizepresident é important, en cajo de mort dl president tolaral ite si scagn. L di dla inaugurazion dl president lité danuef o reconfermé é per storia l di 20 de jené, sce chest di toma - sciche al sarà l cajo dl 2013 sun la domenia, gnirà la zerimonia publica tegnuda l di do.

Chi possa pa lité? Lité possa vigni zitadin american che à complì i 18 agn, n’é nia pregiudiché y s’à lascé porté

ite tles listes litales.

Co végnel pa assegné les oujes? “Winner takes it all” sta tl ladin per “l davagnadour se tol dut” y vuel dì che te 48 statesc vel l dert de lita maioritar: l candidat a president che peia do l maiour numer de oujes da la jent giata ence duc i “litadoures” (i componenc dl colegium lital). I doi statesc dl Maine y Nebraska fej da ezezion, chilò pòssel gnì partì su l colegium anter plu candidac.

I statesc cueceni, i statesc brums y i statesc che bala

I doi contraenc de chestes lites americanes: Obama di Democrac y Romney di Republicans. Dlongia al president él ence gnu lité l Congres, metù adum dal Senat y da la Ciasa di Raprejentanc, con chisc resultac: i Democrac à la maioranza tl Senat, ma i Republicans à venciù tla Ciasa.

Statesc da la tradizion republicana vegn ratés “cueceni”, chi dla maioranza democratica brums. Statesc cueceni él da ciafé dantaldut al süd y ti Rocky Mountains, i brums é tl nord-ost y tl vest. Statesc sciche New York y la California é de tradizion democratica. I democrac vegn ratés plu liberai y progressifs che

i republicans, si litadours é conzentrés dantaldut tles gran zités. “Statesc che bala” vegn ratés chi Sati che ne possa nia gnì classifiché segurmenter y tant atira de tradizion “democratica” o “liberala”. Per chisc Statesc végnel combatù enfin a la ultima usc, y sovenz dàl ca avisa te chisc Statesc

la dezijion per un o per l auter candidat. Per chest ann de lita 2012 é stés “Statesc che bala” dantaldut l Colorado, la Florida, l Iowa, l Nevada, l New Hampshire, l North Carolina, l Virginia y Ohio. Na curiosité storica: zenza la maioranza tl Ohio n’é degun candidat dal 1960 ensù gnu president dl’America. (ir)

“Obama à venciù ence per l clima”

“Plu coraje, signour president!”

Testemonianza direta da New York dla joena Olivia Fincato de Bassano del Grappa, che laora ilò dal 2004 encà da jornalista freelance

I comenc de foliec importanc y de politics

La Usc: Cie suzédel pa chisc momënć a New York (mercui da doman entourn les 8:00 ora de NY)? Fincato: “Sen se desceida la zité

plan plan y i rate che i newyorkeisc ae ciafé confort, do la fadia de chisc dis zenza lum, ega ciauda y - ti caji plu pesoc - zenza tet. Savei che Obama ruva indò a la ciaria do la catastrofa gaujeda dal uragan Sandy smojeleia su les plaies. Sia politica respet al mudament climatich é un di ponc fondamentai a si vantaje.” Sciche te à tanc de autri speré che Obama vence. Ciuldì ves eise pa temù enfin al ultim minut? “Scì, al é sté da se temei. Romney ova arjont la simpatia de truepa jent dla classa mesana-auta, chesta jent se sentiva manaceda da la tassazion dla politica de Obama. Ciamò laprò él da dì che ti debac politics desvalifs chisc meisc anter Obama y Romney n’à Obama nia dagnora lominé.”

La jornalista Olivia Fincato.

Este ence tu juda a lité? “No, ajache i ne son nia zitadina americana. Samben esse volù ence

ie jì a lité, ajache i me senti cotant plu lieda a la politica americana che a chela taliana.” Cie vuel pa sen dì “Obama per d’autri cater agn”? “I prums cater agn de Obama à servì per mete a post l desaster lascé indò da la presidenza Bush, sen spéren che Obama possa ti cater agn che vegn realisé y porté a fin cie che al s’à tout dant.” Obama vuel dì ence speranza y segurté per l’Europa, tant à pa chesta consciderazion pesé sun la dezijion de vigni un? “Samben n’à Romney en tema de politica esterna nia abù la medema inzidenza y influenza de Obama. I ne se nia sce Obama vuel dì segurté y speranza per l’Europa, de segur é i Statesc Unis d’America n motor che meina l’economia mondiala, y sce chest funzioneia, spo se refletéiel diretamenter ence t’Europa.” (ir)

La plata “Zeit Online” à titolé la notizia dla reconferma de Obama a president enscì: “Plu coraje, signour president!”, la NZZ dij: “Contentëza t’Europa, te Europa é la relita de Obama per la maioura pert ben veduda, chilò y ilò enfinamai con legreza; sce la Germania porta inant si love-affair con Obama n’é nia segur; el à desplajù trueps. L “New York Times” scrif che “i US despartis i dà a Obama plü temp”. La plata online dl Corriere porta che “ciamò Obama, l’America à cernù, ’l miour mess pa ciamò gnì’”.

I politics Angela Merkel (Germania): “I on laoré adum strentamenter y amicalmenter i ultims agn. (...) I me inconforte de podei porté inant chest, per che nosc doi Statesc posse ence tl davegnì se confronté auna con les desfides dla politica esterna y economica. Al foss mi plajei de podei ves vedei indò tosc

tla Germania.” David Cameron - Inghiltera (sun Twitter): “Mies aodanzes de cuer a mi amich Barack Obama. I me inconforte a la continuazion dla colaborazion.” José Manuel Barroso - Union Europeica (sun Twitter): “Aodanzes de cuer al President Barack Obama, i me inconforte de podei lauré inant deberieda y de strenje ciamò deplù nosc raporc.” Benjamin Netanjahu (Israel): “La alianza strategica anter Israel y i USA é sterscia sciche mai denant. I portarà inant la colaborazion con l President Obama, per garantì l debujegn fondamental di zitadins israelians do segurté.” Saeb Erekat (negoziadour palestineis): “I speron, che la seconda legislatura de Obama sie na spana de pesc, dla stabelté y dla democrazia, te chela che al posse gnì metù en at la soluzion per i Doi Statesc y Israel se tire zoruch ai confins dl 1967.” (ir)

Obama cunta de söa infanzia y religiun va inant da la pruma plata

Obama, gnü fora dl 2006, cun le titul “The Audacity of Hope”. Obama scrî spo te n ater contest che söes convinziuns religioses nasciô canche al â chi 20 agn y colaborâ cun dlijies locales por organisé la comunité. Chilò odôl ite “le podëi dla tradiziun religiosa afroamericana tl menè do mudamënć soziai”, Obama scrî avisa: “Por merit de chëstes comprenjiuns nöies - donca che l’impëgn religius

2

www.lauscdiladins.com

ne se damanâ nia da sospëne le pinsier critich, da ne zede nia da combate por la iustizia economica y soziala, o da me trà indô da chël monn che i conesciô y amâ - êi finalmënter bun da jì tla navata dla Trinity United Church of Christ y me lascè batié. Al é stè n vare pensè sura bun, nia na rivelaziun; les domandes che i me fajô ne sparî nia atira. Mo m’injendlan jö sot la crusc tl South Side de Chicago, sintîi le spirit de Dî che me atirâ. I me

inchinâ dan söa orenté, y i me dedicâ a scovrì Söa verité.” (wikipedia/ir) Priesc d’abonament anual: per la Talia: 64,00 euro foradecá: Raion 1 - Austria, Paejes Tudësc y Svizra: 64 euro per la zaita plu 86 euro per la posta, de ndut 150 euro. Raion 2 - Rest dl’Europa: 64 euro per la zaita plu 136 euro per la posta. De ndut 200 euro. Raion 3 Dedora dl’Europa: 64 euro per la zaita plu 236 euro per la posta, de ndut 300 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 44 / 09 de november 2012

Ultim salüt ales mitans dla valada! Curiosité - Nos döes sun arjignades da gnì metüdes te na scatora. I sun arjignades da jì dai mituns dla Ucraina o dla Ruscia. I gnun metüdes te na scatora dai ćialzà, i fajun pert dl proiet “Nadè tla scatora di ćialzà”! I sun gnüdes condütes sön na desćiaria dl refodam. Na porsona che é passada dailò à atira albü l’edl sön nos döes, ćiamò beles mo indesnüdes. Ara s’à salvè püch denant che i gnìsson sciurades sön le camion y fraćiades adöm. Ara à damanè sce ara podô se tó a ćiasa y se fà sö beles. Chësta porsona gnô da na familia cun tröc mituns y n’à mai albü na popa da fà

la belaìta. Ara se fajô les popes cun n liac de lëgna, n lomiscel de fi y n toch de peza. Süa lâ ti à insigné da fà popes insciö. Śëgn ćiarunse fora insciö cun de bi guanć cujis y i sun sigüdes che i mituns che é manco fortunà co chisc dla valada arà na gran ligrëza cun nos. Porchël oressun se saludé mituns y geniturs che se à sciuré demez! Sce os mituns ëis na popa cun chëra Nos döes popes. che i ne śogheis nia plü, no les sciurede demez. Damanede sce lascede ia a chël destin che nes à osta lâ o uma les dortöra sö y les tochè nos. N bel salüt da döes de mët inće ëres te n cartun. No les beles popes!

Dancà y da na pert Uedli y oredles daverc sun la sozieté ladina d’aldidancuei Luca Piaz da Pera, patron de na agenzìa de sepoltura

Jean Ruaz a Suns L ciantautor badiot à prejentà a Udin sia ciantia “Perde” con na neva band Musega - Endèna che l speta de poder dèr fora so nef CD, dal titol “Perde”, registrà te na bela esperienza de viac e musega a Cuba, Jean Ruaz se à prejentà al gran publich en vender passà a Udin. Su la paladina de Suns, l festival european de cianties tel lengaz de mendranza, Jean à prejentà l toch che ge dèsc l titol a sie album ensema con na neva band. Fèr vegnir cà i musizisć che à registrà l CD con el a Cuba fossa stat massa senester, coscita a l compagnèr l’é stat i amisc Loris Dallago a la baterìa, Francesco Dallago al bas, Elisa Pisetta a la chitara e Matteo

Cuzzolin al sax. Te chesta edizion de Suns, che à padì i taes de la “spending rewiew”, l’esibizion de Jean Ruaz é stata mìngol penalisèda da problemes tecnics, ma l talent del ciantautor ladin à podù ampò vegnir aprijià. Chest’outa no l’era l met de votèr da cèsa tras internet, sistem che l’an passà aea portà al Liet International l grop badiot Cuntra Löm Jean Ruaz a Udin. (foto Andrea Tomasin) con “La Moncignosa”. A se vadagnèr l’azess a la finèla, che Claudia Crabuzza e Claudio sarà te la Asturies l 1 de dezember, Gabriel Sanna e i furlegn l’é stat i catalegn da l’Alguer Jonokognosc. (lg)

Co éla che tu as cernù chest lurier? Per cajo, me é pissà che l’era n servije per la jent e ajache no l’era nesciugn che fajea te Fascia, me é pissà de me meter. Timpruma la é stata dura, percheche la mort l’é n gran dolor per la familia. Can aste tacà? É tacà del ’89, aee 28 egn, del ’96 me é metù per mie cont. Él valgugn che te deida? Ei, mia femena e ades vegn dò ence mie fi. Che faste canche mer valgugn? Canche mer valgugn dant rua l dotor de familia, dapò l’ofizial sanitarie per l’azertament de la mort, ence gio é na lizenza de PS e donca posse sotescriver i ac de mort. Dapò se l’é de besegn regolee l mort, enjigne sù la “cambra ardente” e dapò me cruzie de dute le robe burocratiche, ge tole via mìngol de pensieres ai parenc, fae dut chel che serf. Tole contac col fotograf, mete fora l’anunzie, vae te comun a tor dute le autorisazion per l trasport e la sepoltura. Él mudà te chisc egn la vida de la jent de viver la mort? L’é cambià la vida de la viver, ma no l dolor, e l’é mudà l servije. Per ejempie ades procescion no se n fasc béleche più, se i porta sobito te gejia, n’outa enveze ence se i morìa te ospedal se i portaa a ciasa, se i verjea e se i lasciaa co la comunità doi dis e dapò l dì de la sepoltura se partìa semper da ciasa con duta la jent. Co éla che no vegn più fat procescion? L’é stat i consees pastorai che à dezidù che no vegne più fat la procescion, ence percheche ades l’é dut preves de età. Ta Cianacei enveze l preve lascia che dezide la familia. Él amò familie che vel se portar a ciasa l mort? Ei, ma se pel l portar demò col vascel serà, ajache n’outa che se part dal comun olache l’é stat la mort, se ge met l sigil e no se pel più l verjer. Che raport cogneste aer co le familie? Ge vel na gran sensibilità, cogne esser e no esser, cogne semper esser vertech, ma ence star na man co na certa discrezion. Le familie àle piajer che tu

regolee tu l mort? Ei, n’é ben de chi che disc che i se rangia, ma dapò no i é bogn. L’é fadìa regolar n mort, l’é de chi che vegn dures sobito e enveze de chi che resta valives ence doi dis dò. Él vera che la mort la vegn semper de più portada fora da le ciase? Ades no duc i à piajer che vae duta la jent te ciasa, aer jent che va inant e endò da dute le ore e dapò aldidanché le ciase le é più pìcole e più strente che n’outa e se stenta ence a troar l post olà enjignar sù per l mort. Él jent che vel la cremazion? Aldidanché semper de più. Per la cremazion, ajache vae jun Busan a far cremar l mort, ge vel na cassa aposta zenza cera e laca, aldò de la ordenanza del Comun. Ence te Fascia él valch ordenanza particolara? Chiò ades no se pel più meter zinch te tera, n’outa enveze se cognea meter la dopia cassa, legn e zinch. Chest val demò se valgugn mer a la foresta, se cogn l portar deretorn te la dopia cassa ma dapò inant che la meter te tera se cognessa ge tor via la part col zinch. Ta Cianacei enveze olache l’é na cortina neva, per i loculi l’é obligatorie l zinch. Co se cognel far co l’urna? L’urna vegn consegnada ai familiares opura vae gio diretamenter jun Busan a la tor, dapò se troon n’oreta te cortina olache valch outa l’é ence l preve che l fasc amò na benediscion. Se pel ence se la tegnir a ciasa ma se cogn declarar te comun olache la é. Se pelel trar fora l cender del mort? La disperscion del cender endana se pel la far demò ta Cianacei. Che peisseste de la cremazion? No me sà proprio, ben segur per l’ambient fossa miec la cremazion... gio no ge é amò pissà. Él stat situazion particolare che te à tocià de più te chisc egn? Ei, tant per la cognoscenza de la persona morta che per la vida coche l’é stat tratà l mort, soraldut te ospedal. L’é stat ence na mort violenta chiò te Fascia che me à tocià proprio n muie.

www.lauscdiladins.com

3


Atualité

nr. 44 / 09 de november 2012

I Volontadives del lengaz en viac da Fascia tel Friul N grop de fascegn é stac a troèr i jormegn furlegn e i à podù veder e cognoscer aspec enteressanc leé a la cultura e al lengaz de chel raion e tor pèrt a n convegn sul valor linguistich tel sport

N bel retrat del grop di Volontadives del lengaz a Aquileia con Sandri Carrozzo e l’assessora a la cultura del comun Anna Piorar.

Udin - De tredesc sion se n jic en vender bonora envers Udin. L viac l’é jit benon, la compagnìa la era gustegola e grignolenta. L’é stat dis riches de empegnes e contegnui. Al Convegn Languages Meet Sport aon sentù rejonèr de sport, ma soraldut de lengac; i à rejonà per talian, ingleis, spagnol e basch (pech furlan a la dir duta) contan coche de gra al sport se pel emparèr desvalives lengac. Na gran bela scomenzadiva l’é stat chela de l’Arsenal balon olache i campions foresć ge porta dant sie lengaz ai bec, desche se Ronaldo o Cacà i jissa

te la scoles a rejonèr brasilian o spagnol. Ben segur che i bec jissa più bolintiera a scola. Per ge dèr vita al convegn, n grop de joegn ensema a n ex jiador de rugby che ades l’é assessor regionèl a la cultura, al sport e a la relazions internzionèles, Elio de Anna, ne à fat veder la danza maori, portan dant l valor storich e identitèr de chesta sort de rituèl dantfora la partides. La pruma dì, dò marena, sion jic a vijitèr Radio Onde Furlane, na emitenta privata portèda inant da na coprativa de volontadives, olache l furlan vegn valorisà desche lengaz modern de

na tera stolza de sia reijes identitères e linguistiches. I ne à contà de la scomenzadives che i endreza e i ne à fat a duc na curta intervista en direta, olache ge aon contà de noscia atività de Volontadives del lengaz te Fascia; l’é stat dalbon enteressant. Da sera l’é stat n moment de legreza te la Cèsa de la Contadinanza, apedejù l Ciastel de Udin, sun chel col leà a la contìes de Attila e de sia armèda barbara. La dì dò al convegn l’à fat sie intervent ence Sabrina Rasom che l’à portà dant noscia bela Val de Fascia e la scomenzadives de l’Aisciuda Ladina leèdes al sport. Doi raprejentanc da Londra à portà sia esperienza de leam anter musega e sport: te l’Emirates Stadium de Londra l’é stat tout ite 350 bec e joegn che vegnìa da Franzia, Spagna, Grecia, Germania e Tèlia che, compagné da n cor ingleis, i à scrit e ciantà l’in di Jeghes olimpics. Via per l domarena enveze l’era stat endrezà delaìte dal convegn na raida a Cividal, na zità rica de istoria e de tradizions con segnes de architetura longobarda. Aon podù vijitèr ence n veie convent olache ne é stat portà dant testimonianzes de storia e architetura desvalives: n lech maraveous. Da sera na raida sui coi orientai del Friul, te na cèvena de vins dal post, tel tegnir “Il Roncal”.

L grop de fascegn a Radio Onde Furlane col diretor artistich Mauro Missana.

Aló ne é stat sport na bela e bona cena tipica, concèda jù con de bela cianties spontanes per duc i lengac mendres raprejenté tel convegn. Vigni mendranza, a na vida scempia e spontana, à portà dant sia ciantia identitèra, ence i fascegn su la notes de la cianzon de Val de Fascia. L’ùltima dì aon vijità la zità de Aquileia e sia beliscima Basilica, zenter religious e politich de gran nonzech ence per nos ladins, na cercia de storia per ladin furlan che ne à lascià dalbon n muie. A ne portèr dant e ne spieghèr i mosaics de chesta gejia l’é stat doi raprejentanc

de la Coprativa Serling de Udin, n zenter de servijes de traduzion per furlan. Sandri Carrozzo e Antonio Buiani ne à deschiarì i dessegnes tant enigmatics de chi mosaics co na interpretazion ben più fona che chela cristièna più cognosciuda. L’é stat n moment delbon straordenèr de cultura e de lengaz: duta la spiegazion defat la ne é stata portèda dant per furlan. N detelpai de cher a Sabrina Rasom e al Comun General che i ne à dat l met de fèr chesta bela esperienza. A n’autra più bela! I Volontadives del Lengaz

L convegn “Languages Meet Sport”

Olà éi i ladins?

La d.ra Sabrina Rasom responsàbola de l’ofize linguistich del Comun general de Fascia à portà a Udin l’esperienza de l’Aisciuda Ladina

Vèlch domana a l’Assessora Stocker en cont de Ladins, Sudtirol e SVP... con mìngol de polemica

Mendranzes - A ge dèr l’ocajion al grop de fascegn de jir tel Friul a fèr chesta bela esperienza l’é stat Languages Meet Sport, Festival per i lengac e la cultures regionèles e de mendranza. N convegn endrezà a Udin dai ai 19 e ai 20 de otober del 2012 da man de Leader Comunicare Interculture, na agenzìa che à senta a Trieste e la se cruzia de projec europeegn de baratament de lengac e cultures. La scomenzadiva la é stata portèda inant col patrozinie de l’Union Europeèna e de la Region Friul Venezia Giulia tras l’Arlef, l’ofize regional per la politica linguistica, co l’obietif de moscèr coche, ence tel sport, la desvalivanza linguistica e culturèla l’é un di valores più fons che tegn adum l’Europa. À tout pèrt al convegn la gran sozietèdes sportives europeènes leèdes a sie teritorie, desche la Udinese balon e l’Arsenal, dessema a campions de roda de la Fundacion Euskadi e etres raprejentanc de disciplines sportives e scomenzadives leèdes al sport de popolazions de mendranza: da la Frisia, da l’Irlanda, dal Galles e da la Slovenia, dal Sudtirol e ence da Fascia. La scomenzadiva la era outa a scoles, universitèdes e gropes e sociazions culturèles e à tout pèrt prest siecent scolees de la scola autes de Udin. La scontrèdes, endrezèdes te sescions pienes e laboratories, les à uzà fora l valor del lengaz delaìte da la sozietèdes sportives e

Ma i ladins del Sela éi demò sudtiroleisc? O, amò miec, n’él ladins tel Sudtirol? Chesta l’é la domanes che volassane ge fèr a l’Assessora regionèla de la SVP, Martha Stocker, che - estra che raprejentanta de na Region a statut spezièl - l’é ence la vizepresidenta de la F.U.E.N., Union federèla europeèna di gropes etnics. Apontin doi gran bela encèries che domana cognoscenza e sensibilità envers i gropes de mendranza a livel european, e, ben segur e amò de più, regionèl. A n convegn desche chel che l’é stat enstadì a Udin, l’Assessora la é stata envièda a portèr dant l’Europeada, l tornoi de balon di gropes etnics e linguistics che l vegn endrezà vigni doi egn te n raion de mendranza de l’Europa. L’Assessora à moscià con gran blaga la squadra del Sudtirol olache l’era ite todesch e, fosc, ladins, ben segur duc demò sudtiroleisc e col recin SVP. L’à fat mena de se aer desmentià che, a l’ùltima Europeada de chest jugn passà, à tout pèrt ence na squadra ladina del Sela, metuda adum da badioc, gherdeneres, fascegn, fodomes e ampezegn, na squadra zenza colores politics che à cognù tirèr fora la ombies per poder aer na raprejentanza e se portèr dant desche squadra ladina con ladins da la Provinzia de Trent, de Busan e de Belun. E chest l’Assessora la

4

www.lauscdiladins.com

Sabrina Rasom de l’ofize linguistich del Comun general de Fascia rejona al convegn Languages Meet Sport.

coche l’é possibol ensegnèr n lengaz tras la pascion sportiva. N ejempie de gran segnificat l’é stat chel de l’Arsenal, olache n raprejentant de chesta sozietà l’à portà dant coche, delaìte da l’endrez de chesta gran squadra, i bec fèsc ence corsc de lengaz e cultura. Ence la doura del basch per se baratèr la strategìes de garejèda per radio anter i campions de roda l’é stat n ejempie de coche l lengaz pel esser met per tegnir adum e ge dèr n valor enjontà a la rejonèda de la mère. L’é stat ence portà dant projec e scomenzadives desvalives metui a la leta da la Comunità Europeèna per emparèr lengac foresć o stravardèr i lengac de mendranza. Ence i fascegn i é stac envié a tor pèrt a chesta scomenzadiva tras l’Ofize linguistich del Comun general de Fascia, per portèr dant l’Aisciuda ladina de chest an 2012 che l’à abù desche argoment l sport. L’é stat contà de la colaborazion anter i gropes e la sozietèdes sportives e la

aministrazion fascèna, col ge dèr peis e luster al valor che i à chisc gropes tel sparpagnèr fora l lengaz de la mère. Desche raprejentanc de Fascia a Udin l’é stat cernù i Volontadives del lengaz e l’envit ge é stat slarià fora ence ai raprejentanc de la sociazions sportives che aea didà dò l’Aisciuda. Scontrèdes de chesta sort dèsc l met de scontrèr e cognoscer mendranzes desvalives e de se baratèr esperienzes e projec. Per l davegnir l’Ofize servijes linguistics e culturèi del Comun General de Fascia à portà a cèsa neva idees, anter chestes la possibilità de endrezèr n tornoi de hockey ladin dai romances, ai ladins del Sela, ai furlegn o vèlch garejèda de corsa co la sociazions sportives ladines, con dut per ladin: reclames, endrez, rejonèdes. Idees jà spartides, te sie sboz, con vèlch raprejentant de la sociazions enteressèdes che à tout sù con gaissa la proponeta. Sabrina Rasom

l sà benon, ajache l’é stat domanà ence sie aiut, mai ruà. Te sia prejentazion l’é vegnù fora demò sia squadra de todesc (ladins?) SVP, enceben che de la Region Trentin Sudtirol abie tout pèrt a Europeada autra doi mendranzes: chela ladina, apontin, e chela cimbra. Te ocajions olache noscia Region pel portèr dant sia richeza, se dijessa che zachei voe la sconer. Te na realtà europeèna olache se laora acioche vigni mendranza sie valorisèda te sie esser soula e originèla, l’é na provinzia de Busan che se vèrda demò te sie bel vidor, pissan de no aer nia da baratèr o da emparèr dai etres. Te convegnes de valuta internazionèla no l’é dalbon possibol che na Assessora de la gran bela Region Trentin Sudtirol - veduda dal de fora con gran stima per sia capazità de rejer la convivenza anter desvalives gropes etnics - no la sie bona de uzèr fora ence l valor de na ladinità che no se lascia encolorir, che va sorafora i confins. Dalbon, cara Assessora Stocker, fosc vegnissa da se domanèr se con chesta politica de spartijon ladina, per Busan, l sport spartesc e no lea. Fossa stat da contèr n muie de robes a Udin su la mendranzes del Trentin Sudtirol, ma l’é vegnù fora demò i todesc sudtiroleisc. Pecià. I Volontadives del Lengaz de Fascia


Atualité

nr. 44 / 09 de november 2012

Regolamentaziun nöia por l’evaluaziun dla scora

Inće por la Val Badia: consëis por do la scora mesana

Le sistem d’evaluaziun dles scores de Südtirol é gnü metü da jì danü. La Junta Provinziala à aproè na ordinanza che à le fin da garantì y svilupé la cualité dla scora te chëra che al vëgn odü Da śëgn inant. Y de dezëmber gnaral pité inće na sëra por danfora na evaluaziun interna y esterna ladin a San Martin y a La Ila Scora - Feter dui agn alalungia él gnü laurè pro la regolamentaziun nöia dl’evaluaziun dl sistem de formaziun dla Provinzia. A dötes les perts interessades - dai dirigënć ai scolars - ti él gnü damanè da fà sües propostes, de chëres che an à tignì cunt aladô dles poscibilitês. Propostes de mudaziun é inće gnüdes portades ite dal Consëi Scolastich Provinzial, che à aproè la proposta d’ordinamënt ala fin de mà dl 2012. Do avëi laurè ite les propostes de mudaziun à la Junta Provinziala aproè la proposta di trëi assessurs provinziai por la scora. L’ordinamënt va en forza do la publicaziun tl Boletin Ofizial dla Regiun dl decret dl Presidënt dla Provinzia che alda laprò. L’ordinamënt nü definësc le significat y le fin dl’evaluaziun insciö: L’evaluaziun öga da assiguré y svilupé inant la cualité dl’oferta formativa dla Provinzia . L’evaluaziun vëgn partida sö danter evaluaziun esterna y evaluaziun interna.

L’evaluaziun interna Ara fej pert dla garanzia dla cualité dles direziuns raionales dla scolina y dles scora de carater statal, sciöche inće dles scores profescionales provinziales. Ares ćiara autonomamënter cara che é

la faziun dla formaziun y s’evaluëia instësses. Da fà chësc él da adorè na cornisc de cualité obliënta dada dant dal’evaluaziun esterna; implü él da fà n confrunt cun i fins de so model y de so program de formaziun o de scora. Les esperiënzes y les contlujiuns che vëgn da chisc confrunć röia te mosöres por miorè y svilupé i prozesc de formaziun. Implü laora fora les direziuns raionales dla scolina y les scores n conzet de de plü agn sön le svilup dla cualité, che s’orientëia ala cornisc de cualité nominada dessura. La cornisc de cualité y i standarg de cualité vëgn naôta aprovà dala Junta provinziala. I ćiamps de evaluaziun, la prozedöra, les contlujiuns y les mosöres vëgn lascià alsavëi a döta la comunanza dla scolina y dla scora, y vëgn fissà tl program de formaziun o de scora.

L’evaluaziun esterna Chësta vëgn metüda sö tl dagnì ti departimënć por la formaziun (te vigni departimënt por la formaziun vëgnel metü sö n sorvisc d’evaluaziun). Ara integrëia l’evaluaziun interna tres na odüda esterna profescionala, fej le cheder dla situaziun y confrunć sön la cualité y laôra fora propostes de mioramënt. Le sorvisc d’evaluaziun laora dantadöt fora - sön la basa di

prinzips fać fora danter i direturs di departimënć por la formaziun - na cornisc de cualité obliënta por les scolines y les scores, sciöche inće por l’ativité dl sorvisc de evaluaziun. Pian ia da na evaluaziun interna ćiara le sorvisc de evaluaziun tan inant che les direziuns raionales dles scolines y les direziuns dles scores à arjunt i fins preodüs tles leges provinziales, tles diretives de cornisc dla Provinzia y ti programs de formaziun y de scora, y mët dant na relaziun por dötes les direziuns dles scolines y dötes les direziuns dles scores, sciöche inće düć i direturs competënć a će di departimënć. Chësta relaziun ti va tl medemo tëmp por scrit ala Junta provinziala.

Le sorvisc d’evaluaziun Le sorvisc d’evaluaziun cöi adöm, analisëia y interpretëia i dać, che va debojëgn por valuté le sistem de formaziun dla Provinzia, valutëia a na moda mirada n valgügn aspeć y elaborëia relaziuns scrites sön i resultać. N ater dovëi dl sorvisc d’evaluaziun é chël de tó pert al plann d’evaluaziun a livel nazional y internazional. Al acompagnëia les direziuns raionales dles scolines y les direziuns dles scores da le realisé, analisëia i resultać importanć por le Südtirol y i publichëia. (usp)

Avis - I geniturs é les porsones de referimënt plü importantes canche ara se trata da chirì fora le tru de formaziun do la scora mesana. Por sostignì i geniturs y i educadus pîta l’Ofize provinzial Orientamënt scolastich y profescional dal 12 de novëmber inant n valgönes sëres de consulënza. De dezëmber vëgnel inće pité na sëra por ladin a San Martin y a La Ila. Pro les sëres de L’infoteca a Bornech. consulënza ciafa i geniturs informaziuns menüdes sön les y ai 11 de merz dl 2013 dales 19.00 poscibilitês de formaziun y ales 20.30 tla infoteca dl Ofize profescionales do la scora mesana Orientamënt scolastich y a na moda da ester informà y da profescional da Bornech sön la plaza ester bugn da acompagné sü mituns de comun n. 10. y sües mitans por ći che reverda la lîta dla formaziun y dla profesciun. A San Martin, inće por ladin L’aconsiadù profescional Hannes Reichegger dl Ofize Orientamënt scolastich y profescional da Bornech Implü él inće dui terminns por informëia i geniturs sön les ofertes i geniturs ladins, y plü avisa en y les novitês tl monn dla scora tl mercui, ai 5 de dezëmber dl 2012 Südtirol y mostra co s’anuzé dla tl salf di Stödafüch a San Martin de infoteca y dla banca dać on-line che Tor y en mercui, ai 12 de dezëmber alda laprò (www.provinz.bz.it/ dl 2012 tla scora mesana da La Ila berufsberatung). Implü nen jaràra dales 20 ales 21.30 cun l’aconsiadëssa pro la manifestaziun de consulënza profescionala Marlene Irsara. Te de coche an po sostignì i mituns y chësc caje mësson inće se prenotè les mitans da tó chësta dezijiun tan pro l’Ofize Orientamënt scolastich importanta. Les sëres de consulënza y profescional da Bornech, y plü é debann, mo an mëss se prenotè avisa ćina le lönesc dan la sëra de pro l’Ofize Orientamënt scolastich consulënza. Sot le slogan “Descurì y profescional da Bornech (tel.: 0474 i trus do la scora mesana” pitarà 582381, www.provinz.bz.it/ l’Ofize Orientamënt scolastich y berufsberatung) o berufsberatung. profescional da Bornech ai 15 de bruneck@provinz.bz.it la jöbia dan novëmber, ai 13 de dezëmber y ai le terminn. 14 de forà jöbies d’informaziun lunges, olache la infoteca sarà A Bornech daverta ćina les 7 da sëra. I geniturs y sü mituns podarà ti ćiarè deboriada Les sëres de consulënza sarà ai al material sön les poscibilitês de 12 de novëmber y ai 10 de dezëmber formaziun desvalies do la scora dl 2012, ai 14 de jenà, ai 11 de forà mesana. (Ofize stampa provinzial)

www.lauscdiladins.com

5


Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

nr. 44 / 09 de november 2012

No duc i impianc portamont l’é mobilità! L Comun general de Fascia à prejentà l Pian stralcio de la mobilità de Fascia concordà con la Provinzia. Con sodesfazion, ma no per duc Fascia - No l’era passà nience na setemèna da la polemiches vegnudes fora sui sfoes anter l’ombolt Riccardo Franceschetti, l conseier Luigi Chiocchetti e la procuradora Cristina Donei, dò che l’ombolt de Moena, te Consei de Comun, se aea remì contra la Provinzia per sia valutazions sul Pian stralcio de la mobilità del Comun general, dijan che no se pel tèjer ma se cogn pontèr i piesc e rejonan de “deboleza politica de Fascia a livel provinzièl”. En mèrtesc domesdì duc trei chi medemi esponenc de l’aministrazion e de la politica de Fascia se à prejentà ensema te sala grana del Comun general, palesan sodesfazion tel portèr dant a la stampa apontin l Pian stralcio de la mobilità. N Pian che é stat concordà l dì dant, ai 5 de november, te na scontrèda a Trent con l President Dellai, l’assessor Pacher e l dirigent De Col, a chela che à tout pèrt duc i ombolc de Fascia, la procuradora Donei, l conseier Chiocchetti e l president del Consei general Cesare Bernard, e che – à dit Donei – porta a compiment un di ponc più segnificatives de la cordanza de program sotescrita con l president Dellai ai 7 de

messèl de l’an passà. Se trata de na cordanza politica – à spezificà la Procuradora – la pèrt de tempes e finanziamenc cogn vegnir amò fata fora avisa, aboncont l’é stat metù jù la prioritèdes. E se l’é vera che la spetadives de val era n muie, e no dutes à podù vegnir secodides, l’é vera ence che l valor de chest Pian l’é chel de portèr dant na vijion de val, e no na lingia de obietives desleé, per miorèr l “sistem Fascia” travers na programazion globala.

la strèda de Sela, e apede chest, na neva vegnuda fora apontin te la scontrèda de en lunesc, ence de l’azess al jouf de Fedaa, lurier chest che é stat tout demez dal Pian complessif del svilup de la Marmolèda e metù apontin tel Pian de la viabilità, olache, en ùltima, troa lèrga ence i posć per i auti en or sù i paìjes.

La prioritèdes

Per chel che vèrda enveze i impianc portamont, che era stac metui ite en bon numer te la lingia di intervenc de mobilità alternativa da pèrt del Comun general, la Provinzia é stata chièra: no duc i impianc pel vegnir conscidré “mobilità alternativa”. E coscita se n impiant che va da Navalge enscin a la intermedia de Lujia pel ence ge stèr, ajache l tol l post di skibus e l smendra l trafich privat, e coscita ence n impiant che da Pera rua sun Gardecia e l permet de serèr la strèda, enveze l’impiant anter Moena-Soraga e l Jouf de Ciareja, desche ence l “ski weg” da Rodela ju, no i pel vegnir conscidré sistemes de mobilità alternativa e donca no i pel jir ite te chest Pian stralcio. L’era stat apontin chesta valutazion da pèrt de la Provinzia che aea soscedà la ira de Franceschetti, che ampò en mèrtesc te Comun general, te sie ruol de Ombolt de procura per la mobilità, l’à palesà sodesfazion per i obietives arjonc.

L Pian met dant prum de dut la circonvalazion anter Ciampedel e Cianacei. L’é chesta, ensema con l compiment per la pista de la rodes, la opera che cognessa veder la realisazion per pruma, passan la VIA del 2013 per dapò tachèr l’iter. Laìte l’é pervedù dapò l’autra variantes per tor fora l trafich da Poza e da Soraga. Per duc doi chisc paìjes l Pian porta dant 2 ipoteses: la Jontes di doi Comuns à palesà sia opzions, ampò la conscidrazions de la VIA arà l maor peis te la dezijions, e aboncont per chisc intervenc i tempes sarà più lonc. N auter pont prioritèr l’é la sistemazion e consolidament de

“Na” a l’impiant anter Moena-Soraga e l Jouf de Ciareja

L’Ombolt de procura per la mobilità del Comun general Riccardo Franceschetti, con la procuradora Cristina Donei e l conseier Luigi Chiocchetti a la prejentazion del Pian stralcio.

cordanza politica (che perauter i tecniches no aessa segur podù fèr) olache Dellai se à tout sù l’empegn. Amò apede – à sotlineà Franceschetti – la Provinzia no à dit de no a l’impiant de Ciareja, l’à dit che se Fascia vel chet impiant podon l fèr, bèsta che l metassane tel Pian teritorial del Comun general e se cruziassane enstesc de la pianificazion urbanistica aldò. Chest no à bastà a solevèr dal malcontent l’ombolt de Soraga Roberto Pellegrini: “Noi sion i più trac endò percheche sion n comun pìcol, ma noscia comunanza cree te chel projet e no volon zeder” l’à dit, vardan Marco Pederiva, prum di sostegnidores de l’impiant, che l’era te sala. Aldò de

“l’imperatif ” de vardèr de no deluder nesciuna spetadiva, ence Donei e Chiocchetti se à jontà a la paroles de Franceschetti, per arsegurèr l president de la Sozietà Mobilità Alternativa che no l’é dit che la strèda per l’impiant de Ciareja sie serèda. La bala é passèda da la Provinzia a Fascia, e ades ge pervegn a noscia comunanza dezider se chel impiant (che a despet de l’inom cernù dai sostegnidores no l pel più vegnir passà per soluzion de mobilità alternativa) l sie dalbon strategich e sostenìbol, tant a livel ambiental che economich, te na vijion complessiva de la val, che duc a paroles i auza fora desche l pont più emportant. Lucia Gross

Ades Franceschetti l’é content, ma Pellegrini no

La circonvalazion anter Cianacei e Ciampedel l’é la pruma opera en program: la jirà a l’ofize de VIA jà del 2013.

Che él mudà donca te na setemèna? “Se é passé – à spiegà l’ombolt de Moena – da na valutazion biot tecnica, che refudèa noscia proponetes de chest vers, a na valutazion e

L’ombolt de Soraga Roberto Pellegrini à palesà l malcontent de sia comunanza percheche l’impiant envers Ciareja no l’é stat azetà desche soluzion de mobilità alternativa.

La bocoles de la solidarietà Enstadì col didament di volontadives del Grop Miscionèr Freinademetz l’é stat ciarià 11 quintai de bocoles de plastica che sarà reziclé e i didarà na sociazion de Ferrara Volontariat - Valgugn di volontadives del Grop Freinademetz e etres volontadives fascegn i é jà dò che i lo fèsc da mìngol de temp e ades i à troà la dreta strèda te la Sociazion Viale K de Ferrara, na onlus de basa cristièna che se cruzia de didèr la persones che stenta, imigré, seré via e purec. Scutèr, dèr azet, la giustizia sozièla e la promozion umèna l’é i fondamenc de la comunità. Anter la desvaliva ativitèdes vegn proponet de tor sù guant, ciuzé, cuertes, lenzei, fedres e ence bocoles de plastica (PE-PP). Chest materièl l vegn selezionà e donca majenà fajan vegnir fora chel che vegn chiamà “sfarinà”. Chest prodot l vegn venù a la firmes che reziclea plastica per la produzion de desvalives ogec. Con chel che vegn

6

www.lauscdiladins.com

tout sù, la Sociazion la é bona de corir pèrt de la speises de gestion e ge dèr da lurèr ai ghesć de la strutura. President de la Sociazion Viale K, nasciuda del 1992, l’é don Domenico Bedin che, con un de si colaboradores, l’é stat ence te Fascia, più avisa a Pera a tor su la bocoles che l’era stat metù via te la veia calonia. Presciapech 11 quintai de bocoles les à empienì l furgon. Chesta vijita – descheche ne à dit Claudio Gabrielli de Pavarin - l’é stat ence l’ocajion per ciacolèr, spartir neves, imprescions e esperienzes e, soraldut, de cognoscer la sociazion da Ferrara che fèsc pèrt del Zenter Servijes per l Volontariat metù sù dal Comun per responer ai desvalives e semper maores besegnes sozièi. L Zenter tol ite 68

sociazions de volontariat con desvalives lurieres e setores de competenza. Don Domenico l’à fat i complimenc per l lurier de regoeta, no zenza vardèr i monc che l’à cognosciù tel passà e che l’à recordà con mìngol de encresciujum. Con n consei: “vardà via vosc ambient” e con l’envit de jir a l troèr a Ferrara e vijitèr coscita sia comunità. I volontadives da Pera, Claudio, Fernanda e Maria Grazia i fèsc a saer che l regoeta va inant e che chi che à bocoles de plastica i pel les portèr a Pera, a Maria Grazia ló dal pech o da Claudio de Pavarin. Chi che n volessa saer de più i pel troèr desvaliva informazions ence sul sit internet: www. associazionevialek, mail: dondomenico2006@libero. it, tel/fax 0532957717.

I volontadives del Grop Miscionèr Freinademetz e chi de la Sociazion K tedant ai furgons piens de bocoles de plastica.


nr. 44 / 09 de november 2012

_ _ _ La Usc de la scola

Halloween, anter tradizion e mascherèdes Origines e segnificac de na festa che ciapa ogne an più pe ence da nos, ma che tel temp é stata straouta e banalisèda Ti ùltimes egn Halloween l’é dò a doventèr semper de più protagonista, tel ben e tel mèl, de chel temp de l’an anter la fin de otober e i prumes de dezember, l temp che te noscia tradizion e religion é dedicà al recort e a la onoranza per nesc morc. “Halloween” vegn vedù e vivù da la jent a na vida n muie desferenta: per zachei l’é na ocajion per fèr festa e se goder, per de etres demò na zelebrazion de comerz e consumism e per valgugn autres amò na pericolousa manifestazion che va en contrast con la religion e la é da demonisèr. Te chest chèder, tant i pìcoi che i gregn i risia de restèr desorienté. Chierion donca de veder che che l’é Halloween, da olache l vegn, coche l’é mudà tel temp e che segnificac che l’aea e l’à tout sù.

L’inom La parola Halloween l’é na varianta tel lengaz scozeis de “AllHallows-Even”, la notte de la vea di Sènc (ingleis arcaich All Hallows Day, anchecondì All Saints). Sia zelebrazion, apontin te la net anter l’ùltim de otober e l prum de november, l’à ciapà pe ti Stac Unii e dapò da aló la se à slarià fora tel mond, ma la se refèsc a la tradizions veiores de la cultura celtica.

La “rivijitazion”, dai jeghes da bec al gust per l’horror Anchecondì sot l’inom de Halloween se pel troèr formes e esprescions n muie desvalives, se va dai jeghes di bec, che i va stroz magari regolé e fac sù da mèscres (soraldut stries, mortèi e c.i.) e, descheche i usa te l’America i va de cèsa en cèsa co la domana “dolcetto o scherzetto”, per envièr la jent a ge dèr vèlch se no i vel che ge vegne fat vèlch despet. L’element carateristich e più cognosciù de la festa l’é aboncont

de segur chel de la zuca taèda fora, olache vegn metù ite na ciandeila o na lum, con raprejentazions anter l da grignèr e l da fèr spaent.

La zuca: ”Jack-o’-lantern” Tel mond ingleis e american, la zuca entaèda e enlumenèda vegn chiamèda “Jack-o’-lantern”. Chest inom vegn dal protagonist de na lejenda, che conta de n om solarin e gaitech, che canche l mer l se troa seré i ujes del Paradis, ma no l vegn tout ite nience a l’infern, olache i ge trèsc dò na bronza, e coscita el l cogn endò jir tel mond di vives, con la bronza te na zuca per se fèr lum te la scurenta net, zenza troèr alberch nió, e domanan che zachei lo deide a se librèr da chesta pena. La lejenda é leèda al recort de la ènemes del Purgatorie, che à de besegn del didament di vives per poder ruèr sun Paradis. En realtà, defat, dut chest vegn cà da tradizions veiores, leèdes apontin a la cultura celtica, ma ence a sentimenc de devozion e onor envers i morc che l’era ence chiò da nos.

Na tradizion veiora de naa celtica La festa de Halloween vegn da la festa celtica di Samhain, parola che vegn da l’irlandeis antich e che vel dir presciapech “fin de l’istà”. Chel popol spartìa l’an te doi pèrts, l’invern e l’istà, e l scomenz de l’invern, che l’era conscidrà l scomenz de l’an, aea inom apontin Samhain, parola che tel lengaz irlandeis de anchecondì l’é l’inom del meis de november. Desche te duta la cultures da bacan, enlouta fenìa l temp del regoi, la tera se enjignèa a pussèr, la “morìa”. Te la tradizion celtica, te chela net l confin anter vives e morc desvanìa, e i morc podea vegnir de retorn te anter sia jent, che la ge fajea festa e onor. Chesta zelebrazions é states

La zuches de Halloween.

portèdes te l’America dai imigré irlandeisc leé a sia cultura e fe, e da aló la ne é ruèda de retorn soraldut per rejons comerzièles.

L cult di morc te noscia storia Te n muie de religions veiores, ence da nos, l cult di morc era leà a chi per la fertilità de la tera: i morc vegnìa metui sot tera spetan che i posse renascer, descheche nascea i fruc de la semenzes soterèdes. Te duta la regions de la Tèlia, i dis che va dai 31 otober enscin al 11 november, Sèn Martin, troon manifestazions leèdes a la comemorazion di morc e a la fin del regoi. Anter chisc ric de questua fac magari regolé da spiric, portan stroz osc da mort o zuches entaèdes. Chela de la zuches l’é na usanza che l’era ence da nos trop dant che la rue cà “per moda” da l’America. La zuches, defat, les raprejenta l cef da mort, e les é cognosciudes te dut l nord de la Tèlia con l’inom de “lumere” o inomes che ge somea, e con ric e usanzes mìngol desferentes, leèdes ai morc e a la cherdenzes che te chesta net i vegne de retorn a troèr i vives. Per ic, de spes la tradizion perveit ence de ge lascèr l desch enjignà e vèlch da magnèr, acioche canche i rua i posse se pascentèr. L raport con la mort e

I ceves da mort a Le Fontanelle a Napoli.

coi morc l’era n’outa trop desvalif da ades. De chest ne dèsc testamonech ence Père Frumenzio Ghetta, che te n so document “Il culto dei morti in Val di Fassa” (te Studi Trentini di scienze storiche LV 1976) ne disc che ence a Sèn Jan, te la “lejiola di morc” sot ite la Pieif, vegnìa rencurà i ceves da mort, che i vegnìa metui fora sun fenestra, neteé, fornii sù e onoré. Chisc resć de jent benvoluda no fajea imprescion o aric, descheche sozet anchecondì. E chest enscin al scomenz del ’900. Te etres lesc chesta usanza, conscidrèda macabra, va inant amò ades. L’é l cajo per ejempie del le “Fontanelle” de Napoli, olache i ceves da mort, sìmbol de ènemes del Purgatorie, vegn “adoté” da la jent che ge met apede l’inom e i va a preèr e meter lumins.

La posizion religiousa La religion cristièna à vardà de tor ite chesta tradizions te anter si ric e per chest del 835 Papa Gregorio IV l’à portà la festa de duc i Sènc dai 13 de mé al prum de november (di de la fin de l’an liturgich). Enlouta apontin la veiora festa celtica de Samhain l’à tout sù l’inom de “Halloween”: vea de duc i Sènc. Anchecondì Halloween, descheche se dijea, l’à abù evoluzions

desferentes. Da nos à ciapà pe soraldut l’aspet leà a la mèscres, al travestiment con gust horror, a la festes magari ence macabres. Aboncont Samhain é stat tout sù da zachei ence per la zelebrazion de culc neo pagans. Na pèrt di cristiegn se palesa de contra a chesta festa, conscidrèda de carater mistich e religious, ma no cristian, massa leèda a elemenc misteriousc e diabolics, ma de spes anter i popoi de reisc celtica chesta festa vegn vivuda anchecondì desche na festa laica e no negativa, più leèda a lejendes e a tradizions de magnadiva e douces, e che no l’é segur na manacia per la vita spirituala di bec. Te la Gejia catolica de l’America del Nord, olache enscin ai egn ’60 chesta festa aea n aspet spiritual, l’é ence chi che peissa che Halloween sie leà ence a noscia religion e sia zelebrazion vegn fata de spes te la scoles catoliches. De segur chel che se pel veder l’é soraldut na banalisazion e na letura più “horror” sujestionèda da letradura e films e engaissèda da campagnes de comerz e reclames che à vedù ence te chest na ocajion per fèr marcià, che fèsc desmentièr l segnificat prum e maor che caraterisea chest tem, sorafora cultures e religions desferentes: l’onor e la recordanza per nesc morc. Lucia Gross

“L’om à semper cerì resposte a la mort” L parer del professor Cesare Bernard, ensegnant de religion Che pissède Halloween? Él n pericol per noscia religion? Cesare Bernard: “Halloween e i Sènc i à la medema origin. I nasc dal besegn de l’om de troar resposte su la mort e su la vita aldelà de la mort. Le religion le se poja dute sun n fon religious veior e comun, che pel esser chel di Celti desche chel di Boscimani, olache l’om se fasc domane sul sens de la vita. Te chest l’om l’é desferent da duc i autres esseres che vif. No per nia enscin da l’antichità l’om, e no la scimia, l sepolesc si morc, percheche tedò l’é la resposta a la vita dò la mort. Dapò te le religion “rivelate” l’é n Dio che respon a cheste domane. Secondo me le doi feste le é da lejer te chest contest, e l’é enteressant de chest vers veder canche l’é cheste feste cristiane: d’aisciuda la Pasca, la resurrezion

tel moment che se desceida endò la natura, d’uton i Morc, canche la tera e la natura se endromenza. Tant Halloween che i Sènc i cer na comunion, na vejinanza coi morc, ajache ence chest tegnir n leam l’é n besegn de l’om. Fosc chest te Halloween l’à na conotazion più sul scur, su la paura, enveze per l cristian l’é na vita terena e na vita gloriousa, la mort l’é n passaje, donca l leam l’à na forma lumenousa travers i Sènc, che no l’é zachei da aer paura, ma l’autra part de na comunità che va inant a viver. Per chest gio no veide te Halloween na roba negativa. Ma te l’ùltim temp l’é stat doi gregn mudamenc. L prum l’é chel de meter l’azent massa sui aspec del macabro. Da na paura da “esorcisar” se é passé al gust de l’horror, che

va en contrast no demò con la festa di Sènc ma ence con chela de Halloween. Chest sozet ence te bec n muie joegn, e l’arbassa l livel de difesa e de sensibilità. Enveze che tegnir dalonc la paura se rua a la banalisazion del mal. L secondo snaturament l’é chel de n far na roba demò comerziala o de l mudar te n carnascial, na ocajion de biota festa. Te dut chest l’é jit perdù patoch si segnificac originai.” Te l’ùltim temp se à sentù esponenc de la gejia demonisar Halloween. Peisseste che sie giust? “No sé se l’é stat toute de posizion generalisade o posizion singole. Gio peisse che ge volessa portar endò mìngol de serietà. Fossa na bona ocajion per portar

inant valch riflescion su la mort e su la comunion coi morc, ence se no l’é argomenc sorii da tor dant coi bec. É vedù che te valch post la gejia respon con raprejentazion fate con bec regolé da Sènc. L sistem no l’é tant desferent, ma l pel jir ben, se l’é na ocajion per valorisar l’idea de comunion con la vita gloriousa e per rejonar de la mort, che l’é un di gregn descorsc su la vita. L’é n argoment che te noscia sozietà l vegn tegnù semper più dalonc, spostà fora dai ujes, e i bec no é più usé a ge far front. Chest porta a la banalisazion, a veder la mort sot n aspet horror, ma che no ne tocia, ajache mencia la percezion de l’emportanza de l’argoment. Gio no voi demonisar nia, ma peisse che banalisar dut e far doventar dut carnascial o festa sie negatif.”

Halloween no l'é carnascèr. www.lauscdiladins.com

7


Fascia

nr. 44 / 09 de november 2012

La paroles de la mère fèsc miracoi La tesi de laurea de Alberta Rossi su la trasmiscion linguistica travers l lengaz de la mère ne fèsc descorir aspec de gran enteress e sugestion che à vidà ence so percors da studenta Studies - Alberta Rossi l’é na joena femena da Soraga. La laora te la biblioteca de l’Istitut cultural ladin e la se à laureà da pech. So percors no l’é stat valif a chel de n muie de touses che, dò la scola auta, les porta a compiment i studies universitères. Si studies a la facoltà de Scienzes de la formazion de l’Università de Verona é jic inant pian, anter i empedimenc, e ruèr a prejentèr la tesi per ela l’é stat desche ruèr a la fin de n viac che l’à mudèda. Aon rejonà con ela de so percors e de sia tesi, che à per titol “La lingua madre: trasmissione linguistica e immagine delle lingue in Valle di Fassa”. Alberta, scomenzon apontin da to percors, dai studies che t’as fat... Alberta Rossi: “Gio é fat la ragionerìa, ence se no l’era proprio l cors de studie che sentìe più vejin, percheche parea che la verje più strade de lurier. Te chi egn n moment emportant per me l’é stat canche é cognosciù don Gigi Vian, e con el é descorì mie estro de far zeche che posse ence didar i autres. Dò é lurà n an da n comerzialist, ma é vedù che no l’era proprio mia strada: é fat n cors de orientament al lurier e, ajache te l’Istitut ladin i chierìa zachei a scriver ite tesć, é tacà a lurar chiò. Me é pissà de jir a far Scienze de l’educazion a Verona, olache no se cognea frequentar, percheche cognee ence me mantegnir ai studies. É fat dotrei concorsc per posć publiches e é vent l concors de polin a Moena: ere contenta percheche luran te sajon aesse podù studiar, ma proprio l dì che cognee jir a tor le mesure per la mondura é sapù che chiò te Istitut, olache ere ruada seconda al concors, la pruma aea dat le dimiscion, e podee aer l post. No volee, coscita fossa stat senester studiar, ma l’era n bon post e mia mare me à spent a azetar. É tacà a studiar e ere ence te dotrei sociazion, banda, cores, folk, é fat 15 ejames ma da zeche ora no ge la fajee più a far dut. Me recorde che te chel temp vivee i ejames desche “Heidi che rua ju dai monc”, vedee chisc professores gregn gregn e gio me vedee picola picola... Me é ritirà e é molà per 5 egn. Ma me endespiajea. Coscita son jita a veder se podee passar a na trienala, ma n professor me à fat spervaja a jir inant con mie percors. Endana se veit che aee tacà a madurar, ence i professores me saea manco “da spavent” e é endò tacà ite. L’é stat senester, meter ensema lurier e studies, ma aee n auter spirit e convinzion, me sentìe dalbon più forta, e mia motivazion l’era semper chela de ruar a far n percors che me porte a didar i autres.” Contene de la tesi. N muie, soraldut se i é jà che i laora, i varda de se la strutar sù mìngol en prescia. Tu t’as fat na tesi de passa 350 piate... co éla nasciuda? “Per dut l percors di studies a la tesi no ge é mai pensà, me saea na roba massa dalonc: inant cognee

8

www.lauscdiladins.com

far 43 ejames. É tacà a me fidar ge pensar canche fajee i ùltimes ejames. L penultim l’era n ejam de educazion di gregn con la professora Rosanna Cima, e me à colpì n muie l’atenzion al scutar e al lengaz che la metea semper te so lurier de cura. Tedò l lengaz – la dijea – l’é la vita, la cultura, la storia de chi che lo rejona: se voi ruar a esser en sintonìa co la persona cogne chierir de l saer, de l capir e de l cognoscer. Lejer si libres me à piajù n muie e canche é fenì l’ejam ge é dit che me aessa sapù bel far la tesi con ela, per l’umanità che la me aea trasmetù, e che me aessa sapù bel far valch sul ladin. Me pissae al fat che l ladin l’é semper più tutelà, l dasc semper maor vantajes, ma l vegn durà semper de manco te ciasa, da le mare con si fies. Me aessa sapù bel far valch per proar a entener. Chesta idea ge à piajù sobito, la me à metù en contat con Elisabeth Jankowski, che la fasc part de la comunità filosofica Diotima, e la porta dant chisc conzec del lengaz de la mare e del lengaz del cher. Volee tor sù dac concrec sun mie lengaz, de mendranza ma rich, che à te sé n passà, na storia de relazion che seghita a jir inant. Ge é metù n an a far chesta tesi, e te chest an son cresciuda e mudada. Chierive valch olà ge meter ite l cher. L’é stat desché n viac, che l’é peà via te Fascia e dapò me à portà tel temp e te lesc per descorir storia, metodologìa e jent, per dapò ruar de retorn te mia val con più cognoscenze.” Co este jita inant col lurier de la tesi e che te àla portà a descorir? “La prof.ra Cima me à fat lejer mìngol de libres per me arvejinar al pont de veduda de cheste studiouse desche apontin la Jankowski, Chiara Zamboni e autres; dapò aon tacà a pensar a coche se aessa podù portar inant l descors. En pratica la tesi la é spartida te trei part. Te la pruma part vegn spiegà, en curt, noscia realtà e che che l’é a fondament del lengaz e de la cultura ladina: chel che noi sion vegn da chest, sion ence l frut di lesc olache sion nasciui, olache vivon, de la storia e la cultura che magari no cognoscion nience ma che la ne condiziona. Gio medema te chesta tesi me é cognosciù e me é capì miec, e donca pensave che fosse de ùtol. La seconda part la é dedicada e a le costion metodologiche e teoriche; la va ite soraldut sul conzet de lengaz de la mare, vedù sot i desvalives aspec psicologich, pedagogich, soziolinguistich, e dapò su la trasmiscion del lengaz, l bilinguism, i aspec particolares de na mare che speta. La terza part l’é la enrescida. Per chesta me é fat didar da la psicologa Silvia Negrotti e l soziolinguist Vittorio Dell’Aquila del CELE (Centre d’Études Linguistiques pour l’Europe). Aon pissà al sistem del focus group, che l’é na enrescida

Alberta Rossi l dì de la laurea.

de sort calitativa, e aplicà a le costion linguistiche l’é na roba piutost neva. Volee studiar “l’immagine” del lengaz, la raprejentazion che, ence zenza se n render cont, ogneun de noi l’à del lengaz. L’é fat tras i eies e l vivù de femene che spetaa l prum f ì, per osservar soraldut l’aspet de la trasmiscion del lengaz da le mare ai fies, percheche te le mare che speta se svilupa l mecanism de la proiezion, olache le se fegura l pop e che che le ge rejonarà. L’é stat fat doi gropes, un de mare bilingui talian e ladin e un, per confrontar, con mare bilingui talian e fiemac. L’é stat lurà su “l’immagine” del ladin, ma ence de autres lengac che l’é sul teritorie per lurier o per turism. L’é vegnù fora, per ejempie, che per i fascegn l ladin l’é na roba naturala, che i vel ge l’ensegnar ai fies, ma magari no l’à gran prestije, l’à più prestije te anter i fiemaces. Te trei egn me piajessa veder coche le robe se à svilupà col bez.” Che aste descorì te ti studies del lengaz de la mare e de soe potenzialità? “Rejonar l’é na roba naturala, no se se rende cont de sia emportanza, de so peis a livel psicologich e educatif, de tant che se pel trasmeter o near travers l lengaz: se se é en consaputa de chest se pel dalbon n far n strument miracolous. L pop canche l nasc l’à capazità “divine”: l podessa emparar duc i sons e i lengac del mond. La mare, che la ge passa “so” lengaz, a na

valch vida la l limitea, ma al medemo temppoder emparar chel lengaz, con chela mare, ge dasc al fil don de la relazion e na vida de viver personala che segnarà per semper so stil de comunicazion. La roba emportanta l’é che la mare, con chest lengaz, la te trasmet i fondamenc, la segureza che vegn da la fiduzia che l pìcol l’à te ela, e demò da chesta segureza l pel pontar via segur per jir utró. Se toa mare te ensegna con amor so lengaz, la te l fasc viver desche n lengaz bel, e tel medemo temp la te averc i ujes per jir inant a n emparar de autres, ma se la vif so lengaz desche valch da negatif o puret, la se tegn de mal, la peissa che con chel lengaz no tu rue nió, o la cern n lengaz che no l’é “so”, la te farà menciar la fiduzia e la segureza che te permet de ge far front al mond, e chest dapò l’arà n efet negatif ence sui etres lengac che tu empararas dò. L lengaz de la mare l’é l prum usc che l fi à sul mond. Na mare, ence se no l’à dute le parole del mond, la ge dasc a so fi l strument per la letura del mond, e se l’à na bona percezion de l’emportanza e de la richeza de so lengaz, la pel ge dar na percezion positiva de sia storia e del mond, che ge permetarà al fi de se averjer co la medema positività a ogne auter lengaz e esprescion del mond.” Te la tesi tu rejone ence del bilinguism. Che vegnel al luster? “Sul bilinguism l’é amò n muie de preconzec, ajache no se cognosc l’emportanza del lengaz, e se peissa che n bilinguism talian-ingleis sie de ùtol, e enveze n bilinguism talian-ladin sie n problem e n peis de più. Tel bilinguism pel esser che l bez fae confujion anter parole de un e l’auter lengaz, o che l tache a rejonar mìngol più tart, e de spes chisc pìcoi problemes transitories i vegn vedui da zachei desche desvantajes. Enveze i studies i à oramai confermà che n bez che

cresc te n bon contest de bilinguism l’é più avert, l’à maor capazità de entener le desferenze de azetar opinion desvalive, de solit l’à ence maor capazità intuitive e artistiche.” E su i probleme s de standardisazon, de n lengaz che muda e no vegn azetà, che peste ne dir? “Tel focus group é vedù che per le mare rejonar n lengaz ladin “zomp”, con interferenze sintatiche, no l’é n problem, enveze le parole neve, de robe che na uta no l’era te noscia val, le vegn refudade. Mia imprescion l’é che vegne metù tel ladin, lengaz di giaves , l’encresciujum per l “bon temp de n’outa”. Ma se tu vive n lengaz desche “chel de ti giaves”, che cogn restar coscita, l lengaz l’é “te gabia” e tu tu reste enciadenada al passà. No se pel restar leé al passà, se se vel restar vives e jir inant. Le parole neve no le cancela che che l’era, posse me recordar dute le parole veie, de art che no se dora più, ma no vive aló. Se rejone con mie fi de la vita de ades, ma é encresciujum de la val che no é più, l bez stentarà a vardar inant, ge saarà de viver mal, te n post burt.” En conclujion che te àla ensegnà chesta tesi? “Pense che no saon assà de dut chel che na mare pel ge dar al fi travers l lengaz. Che che volesse che rue, e che ence gio é capì con chest percors, l’é la gran emportanza che à la femena, soraldut desche mare e desche “educatrice” te autres ciampes. L’emportanza del ladin no la é tel fat che col ladin se rue chi sà olà, ma che col ladin, a livel psicologich, pedagogich e emotif, posse te dar dute le medeme robe che podesse te dar con ogne auter lengaz se l’é “mie” lengaz. E se, apede chest, te l’ensegne con amor, te dae amò n muie de più. Gio no voi segur ge ensegnar nia a nesciugn, ma me piajessa che chest percors che gio é fat, che me à didà a capir, l posse didar ence de autres a aer maor consaputa de l’emportanza e de le potenzialità del lengaz, capir che ge vel aer stima e amor per l lengaz, percheche l posse esser dalbon produtif. Canche no se sà se pel far de gregn erores, ence per amor, magari pissan de far l ben de n fi a no ge rejonar nosc lengaz, e enveze se ge fasc perder na gran richeza. E chest no val demò per l ladin, ma ence per ejempie per chi che vegn da fora, magari imigré.” Peisseste de poder meter cheste neve competenze tel lurier che tu fas? “De segur me saesse bel poder far valch, te mia val, magari ence daìte de l’Istitut, en colaborazion con la scola o valorisan la biblioteca e i libres che l’é per ladin per i bec, per la far doventar n pont de referiment per i bec e per le mare.” Te auguron che tu posse jir inant sun chest percors con sodesfazion. Intervista de Lucia Gross


Fascia

nr. 44 / 09 de november 2012

L’é mort Vito Pitscheider

Bal de la Musega Auta Fascia

Clas 1921, da Cianacei, l’era l’ùltim soravivù a la levina de Sas Becé e l’era stat president de la Sitc

I museganc de la val de sora à endrezà na bela festa con na loterìa e n conzert per la jent dal post

Vito Pitscheider da joen e te n retrat de chisc ùltimes egn.

Cianacei - De 91 egn, dò egn che no l stajea più ben, l’é vegnù a mencèr Vito Pitscheider da Cianacei. Nasciù del 1921, l’é stat un di protagonisć de la vita economica de noscia val, e te sia longia vita l’é stat più outes al zenter di fac più emportanc de Cianacei. Na persona empegnèda e seria, Vito Pitscheider l’era l’ùltim di soravivui a la levina del Sas Becé ai 14 de dezember del 1937, una de la pior desgrazies che sie mai sozedù te Fascia, de chela che vegn scrit ence tel liber “Quei ragazzi del Sas Becé”, metù ensema da Marzia Demarchi e Elisa Salvi. L’era i egn del Fascism e del scomenz del svilup turistich te Fascia, e spenc dal besegn de se

enjignèr per vidèr i ghesć, n grop de joegn fascegn era jic su per l Sas Becé per tor pèrt a la proes per doventèr esperc de la mont e maestres de schi. Ma proprio chel dì del ’37, via per l prum domesdì, na gran levina é vegnuda jù dal Sas Becé se tiran dò la maor pèrt di schiadores. Ot joegn fascegn, davegnir de la val, no i ge l’à fata. Ma Giacomo Iori, Giovanni Suen, Vito Pitscheider, Gioachin Spinel e ence Luis Keller da Neva i é stac bogn de se la fèr cà portan coscita inant l grief recort de chela dì. Vito Pitscheider no à mai arbandonà sia pascion per i schi: l l’à portèda inant apede a sia profescion da mecanich, tolan pèrt a garejèdes de schi ence a livel naz ionèl. L’é stat ence autotrasportator e dapò, con sia femena Rosa Bernard, l’é doventà hotelier e l’à portà inant l’Hotel Alla Rosa de Cianacei olache ades l’é si fi, Tullio Pitscheider. L’empegn economich te Fascia l’é stat portà dant da Vito Pitscheider ence tel setor di impianc portamont, e più avisa te la Sitc, sozietà metuda sù del 1947 ence da sie père, Francesco Pitscheider, stat president dal ’57 al ’63. Del 1963 l’encèria de president é stata touta sù proprio da Vito, che l l’à portèda inant enscin al 1993 e l l’à fata crescer svilupan desvalives projec. Dò la fujion con la sozietà “Garber Pavarin” di impianc sun Pordoi, ensema a Fiorenzo Perathoner (doventà president dal 1993 e enlouta aministrador de la sozietà) l’à fat sù la forenadoa e dò la cabinovìa fin

sun Pecol e ence la forenadoa fin sun Col di Rosc e duc i impianc sul Belvedere e sun Col Rodela descheche i vedon ades. Apede ai impianc, endèna la presidenza de Vito, l’é stat fat sù del 1972 la nodadoa a Cianacei. L’é stat n om de gran emportanza per noscia comunanza, che à vidà con empegn e capazità l svilup turistich de Fascia. Ades chest vegn portà inant dal fi Tullio, che apede che fèr pèrt del Consei de aministrazion de la SITC, enstadì l’é stat nominà president de la “Funivia Ciampac e Contrin SpA”, sozietà béleche duta de proprietà de la SITC. Prum de sie frèdes, ades Vito l paussa te la pèsc, lascian si ensegnamenc ai fies Tullio, Francesca e Renata e duta sia families. (vr)

Musega - Dò na sajon passèda a sonèr fora per la piazes e ti tendons de la manifestazions, per la pruma outa chest an la Musega Auta Fascia à metù a jir n “bal”. Na ocajion che à dat l met de stèr ensema anter museganc e jent del post, n moment de union e segur fat ence per miorèr la musega. En sabeda ai 27 de otober, ló dal Gran Tobià Taverna Teater de N retrat da grignèr de dotrei di componenc Cianacei, enceben la neif, de la Musega Auta Fascia e chi del grop Die se à binà n bon numer de Pöllauberger. jent per tor pèrt ai conzerc de la Musega Auta Fascia e de la guant doventan cheghes, cheleres, sezion di joegn e dapò magnèr duc barisć e cassieres e donca i à fat da ensema e amò tinùltima fèr cater magnèr, i à servì i ghesć e i à dat sauc col grop da l’Austria, Die fora da beiver. L dut ampò con Pöllauberger. Ite per anter se à podù grignèdes e devertiment Endèna la sera dapò l’é stat dat ence aprijièr la “magìes” de Walter fora i premies de la loterìa. Chisc i Klinkon. La sodesfazion per l bon ejit de numeres venjidores, che é stac la serèda é stata palesèda ence dal publiché ence sul sit www. President de la Musega, Enzo musegaautafascia.it: 2649; 2199; Rovere, che l’é stat content per la 2556; 3729; 2122; 1797; 4852; 0220; jent e ence per aer venù duc i biliec 1448; 0229; 3825; 4428; 1331; 3913; de la loterìa (5 mile biliec a 2 euro 3721; 2488; 2729; 0238; 3280; 0695; l’un) che ge darà l met a la Musega 3401; 3281; 4918; 4479; 1112; 0181; de comprèr ite neves struments. 0986; 4863; 3182; 2066; 3367; 3193; Ma l content l’é stat palesà ence dai 0592; 4493; 4829; 2562; 3710; 0847; etres componenc de la musega, che 2967; 1172. i à cognù lurèr dant e dò la festa, I premies pel vegnir domané dant ma che i à segur renforzà so che sie passà 180 dis dal moment sentiment de partegnuda a chesta de l’estrazion. Chi che à un di istituzion e l sentiment de amicizia numeres venjidores cogn telefonèr anter de ic e con la jent del post. Dò al 328.1740126 e ge vegnarà dit co l conzert, duc é jic a se mudèr de fèr a jir a scoder l pest. (vr)

Chi él pa? Soluzion del retrat su La Usc nr 43 del 2012 Descheche aane jà scrit la setemèna passèda, l retrat publicà su l’ùltim numer de La Usc di Ladins ne era stat portà da Renzo Deluca de Canucia da Vich e l’era stat fat del 1938 a Sèn Jan en ocajion de la Messa noela de don Lodovico Gross, che apontin en mèrtesc passà l’aessa compì 100 egn de vita, ajache l’era nasciù ai 6 de november del 1912, ma l’é mort en vera de nience 30 egn, ai 5 de otober del 1942, su na naf tel Mèr Adriatich. A responer l’é stat Lino Soraperra Medico

30

29

28

31

27

32

33

25

26

e Maria Deluca de Nenucia. Sul retrat l’é: 1. Rita Pezzei de Mongo; 2. Maria Gross de Frate, sor de don Lodovico; 3. Rosa Ploner, mère de don Lodovico; 4. don Lodovico Gross; 5. Silvestro (Salvester) Gross, père de don Lodovico; 6, 7 e 8. parents de don Lodovico, da Cianacei, del Gnoch; 9. don Liberio Clammer, decan de Fascia; 10. don Carlo Locatin; 11. ; 12. ; 13. don Giovanni Florian de Micelin; 14. don Luigi Oberthaler de Zusan; 15. don Gino Grossi; 16. don Silvio Riz; 17. don Giovanni Degasperi; 18. don Luigi Cincelli;

35

34 24

23

36

37

21

38 19

18

20

22

19. don Fortunato Rossi; 20. ; 21. Michele Cinzol da l’Ef; 22. Bartolomeo Soraperra; 23. Michele Locatin; 24. Erminia Casari de Ciurc; 25. Maria Gross dal Zot; 26. Maria Gross in Deluca de Piston; 27. Placida Gross Cincelli (o, per Lino, Maria Deluca de Toneto); 28. Orsola Pezzei de Mongo; 29. Carlo Ghetta da Vich; 30. Ermanno Gross de Śoan; 31. Giovannino Sbop, fi de Maria de Toneto; 32. Giovanni Gross de Ciaria; 33. Antonio (Toneto) Deluca; 34. Tonin Deluca de Toneto; 35. ; 36. Giovaneto Cincelli

39 17

41

40

Ge sporjon n bel develpai a chi che ne à didà ence chest’outa a meter ensema na mizàcola de noscia storia, e chest’outa ve meton dant n bel retrat de trei femenes fascènes “a la foresta”. Ve preon de ne dèr voscia resposta al più tèrt per en mèrtesc dal mesdì te redazion, ence per telefon o fax al 0462.764545 o per

42

12

14

11 1

1

2

3

4

5

6

7

mail a la direzion lausc@ ladinsdefascia.it. Ve recordon che chi che ne dèsc la resposta giusta o troa fora amàncol la maor pèrt de la jent sul retrat i ciapa en don n liber o n CD de musega, sporc da l’Union di Ladins de Fascia. Desche semper ve envion ence a chierir fora i retrac veies che aede te vèlch crigna e ne i portèr te redazion a Sèn Jan, olache podon i tor sù col scanner e ve i dèr de retorn sobito; a chesta vida ne didède a viventèr chesta rubrica.

13

15

16

de Jina; 37. Pellegrino Gross Punz; 38. don Edi Cinzol; 39. ; 40. don Bepi Boninsegna; 41. don Cornelio Merler; 42. Paolino Detomas del Monech.

8

10

3 2

9

www.lauscdiladins.com

9


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

nr. 44 / 09 de november 2012

Destudafuech deberieda Ala fin de utober iel stat la proa tradiziunela cun duta la grupes de Destudafuech de Gherdëina Destudafuech - N sada ai 20 de utober iel unì metù a jì la proa tradiziunela cun duta la grupes di Destudafuech de Gherdёina. Davia che la urganisazion de chёsta va a rotazion danter la grupes, tucòvel chёst ann i Destudafuech de S. Cristina a la mëter a jì. Tlo àl fat pea duta la grupa di Destudafuech; pra la grupes de Sёlva, Urtijёi y Runcadic fòvel per uni luech na grupa cun plu o manco 10 uemes. N à scumencià ntёur mesa la doi domesdì, fajan na simulazion de n gran meldefuech pra l luech da Ciablon a S. Cristina. L ie da dì che chёsta luegia ie una dla pueces sce nia la sëula ulache l ne ruva permez deguna streda y deguna cundota dal’ega. Per i Destudafuech ulova chёsc dì de jì permez cun i auti nchin che l fova mesun, y pona de fé linies dal’ega nchin pra l luech. Perchёl àn messù tré ora truep slauhs per purté l’ega di

idranc y dl resservar pra l “meldefuech”. La ne à do la rata nia durà giut nchin che duta la grupes di Destudafuech ie ruvedes sun l post. Riesc iesen stac boni de purté truepa ega pra i buchins y perchёl pòssen dì che la proa ie jita bёn. A fé garaté dla proa à dessegur nce judà l bel tёmp de n chёl domesdì; dut autramёnter fossa la situazion de nuet o d’inviern. Coche te n cajo reél fova nce la Crёusc Blancia iló, che ie njenieda sce n cajo che zachei ëssa da se fé mel. Do la proa iel mo unì fat n valguna ussevazions da pert dl cumandant de S. Cristina Christoph Senoner, dl ispetëur dl raion de Gherdёina Hans Peter Perathoner, dl presidёnt dl raion de Bulsan Josef Mair y dl ambolt de S. Cristina Eugen Hofer. Lukas Goller, Destudafuech S. Cristina

Ntan la proa sa Ciablon a S. Cristina.

I jëuni dla Crëusc Blancia Na assegurazion per l daunì: i jëuni dla Crëusc Blancia de Gherdëina à inò scumencià cun si atività y à pudù fé pea l proiet provinziel “24 ëura de servisc” simuledes n iel states truepes ntan chësta 24 ëura de servisc di jëuni, per fé a na maniera che uniun ëssa pudù furné pea cun l’ambulanza, davia che uni iede n pudòvel jì pea mé n valguni. I ntervënc sparpaniei ora per duta la valeda fova uni iede autramënter. La bona urganisazion cun l’autra sezions dla Crëusc Blancia udova dant che la situazions de bujën univa cuordinedes diretamënter dala zentrela a Bulsan.

L tractor y l paur Pe r e j ë mp l fo v a s u n Ciandevaves/Pana n paur unì smacià ite sot a n tractor. Tres la bona cunlaurazion cun i destudafuech de duta Gherdëina y l Aiut Alpin ie i jëuni stac boni de purté a bon fin chësta azion de purté aiut. Pra d’autri ntervënc àl fat pea nce i cians Alpindogs y monce n dutor de prim aiut da Bulsan su. N ucajion dla veles dl respunsabl nuef dla grupa di jëuni Georg Troi, dancà.

S. Cristina - La grupa jëuni dla Crëusc Blancia de Gherdëina à de setëmber scumencià cun si atività do la pausa da d’instà. Gran suzes à abù l proiet metù a jì dala lia provinziela de sucors. Bën 19 jëuni

y jëunes, che fej pert dla grupa di jëuni dla Crëusc Blancia de Gherdëina, se à pità de sté 24 ëura tla sënta dla Crëusc Blancia a S. Cristina, per vester daniëura njeniei a sauté ite tl cajo de vel’

Durmì te tenda

desgrazia, sambën mé nventeda.

Simulazions de desgrazies Desgrazies per fertuna mé

Ajache duc chisc jëuni, deberieda cun si acumpaniadëures, ne ëssa mei abù lerch a durmì tla sënta dla Crëusc Blancia te S. Cristina, iel unit adalerch la Prutezion Zevila dla Crëusc Blancia cun n camion plën de brandes y trëi de gran tendes. Chëstes ie unides metudes su te pra, sot ala sënta cun l aiut di jëuni nstësc; sambën fòvel iló un dla Prutezion Zevila, plu avisa Toni Perathoner, che ulon nce rengrazië per si aiut, a dé la drëta istruzions co mëter a jì dut.

I jëuni ti fova manëcia

La gran tenda ulache i jëuni ie stac per l’azion.

10

www.lauscdiladins.com

Ntan na proa.

L ie da auzé ora che i jëuni à sapù da se deriejer y ti fova bëndebot manëcia ala situazions desferëntes y n pert nia tan

saurides da purté a bon fin. L ie nce da sotrissé che duc à desmustrà gran nteres y pascion per l’azions de prim aiut, y se à purvà da mat, se astilan ora de mesura bën cun i materiai. Chësc proiet ti à mustrà ai jëuni tan mpurtant che l ie a se cumpurté ativamënter te n cajo de emergënza, fajan dut cie che l ie mesun per ti judé a na persona che à debujën. A chësta maniera ài nce pudù se fé n’ idea dl lëur da uni di che vën fat n pert dai salvadëures y n pert dai ulenteres dla lia. N gran rengraziamënt ti va ai Destudafuech de Urtijëi, S. Cristina, Sëlva y Runcadic, al Aiut Alpin, ai cians Alpindogs, ai carabinieri de Urtijëi y a duc chëi che à judà pea a mëter a jì chësc proiet.

Vela dl respunsabl di jëuni Ai 27 de utober àn pona metù a jì la veles dl respunsabl nuef di jëuni, che menerà la grupa di jëuni per i proscimi doi ani. L respunsabl da śën Hermann Delucca, che ie stat a cë de chësta grupa per set ani, à dat ju si ncëria, ti dajan nscila l mesun a zachei d’autri de zapé ite te chësc lëur scialdi bel ma che tol nce n gran lëur. Per chësta posizion se òvel pona metù a desposizion doi candidac. L se trata de Valentine Dejori y de Georg Troi, doi acumpaniadëures dla grupa. Duc i jëuni y i acumpaniadëures che fej pert dla grupa di jëuni pudova dé ju una na stima y l resultat ie stat da stramp strënt. Georg Troi à venciù chësta vela cun una na stima deplù. Ti mbincion a Georg dut l bon y truepa legrëza cun si ncëria nueva. Nathalie Stuffer per i jëuni dla Crëusc Blancia


Gherdëina

nr. 44 / 09 de november 2012

Liejer d’instà ie bel Drët lezitënc ie stai i sculeies dla Scola Mesana de Sëlva via per l instà, lijan libri te plu rujenedes

Ntan la festa te Scola Mesana de Sëlva.

Liejer - Nstadì iel stat na blòta festa tla Scola Mesana de Sëlva. L fova la premiazion per finé via l cuncors de liejer d’instà. I sculeies messova liejer almanco sies libri ntan l instà, doi per tudësch, doi per talian y doi per nglëisc, ora de na vela de 24 libri. Cun la scola à laurà pea la biblioteches Oswald von Wolkenstein de Sëlva y Tresl Gruber de S. Cristina. I libri che i mutons à liet l plu gën ie stai „Super Nick – Bis später, ihr Pfeifen!“ de Lincoln Peirce, „Gecastet“ de Elisabeth Erl, „Geisterritter“ de Cornelia Funke, „Das schaurige

Haus“ de Martina Wildner y „Ventimila leghe sotto i mari“ de Jules Verne. Tl scumenciamënt dla festa che ie stata n merdi dl’ena passeda à cater sculeies sunà doi pec cun l’armonica. L diretëur Anton Senoner à pona rujenà, cuntan dla mpurtanza dl liejer y dl bel dl liber. Da dedò ti àl passà la parola ala presidëntes dla biblioteches de Santa Cristina y Sëlva Thea Demetz y Marta Senoner, che à ënghe rujenà dla mpurtanza dla biblioteches, dl liber y dl liejer. L diretëur à pona cherdà Elfriede Perathoner, maestra dla Scola

Magdalena Demetz à pudù pië do n bel pest.

Mesana, a rujené. Ëila à dit che l à fat pea 76 sculeies dla Scola Mesana de Sëlva y che te n valguna tlasses àl fat pea monce 3/4 dla tlas. Da dedò ie Jamie Lee Pellizzari jita ora per tré ala busca. L terzo pest, n MP3-player, à Jonas Prinoth dla 2. B giapà, l segondo pest, n radio y CD player, ti ie jit a Magdalena Demetz dla 3.B, l prim pest, na bela camera digitela, à Sophia Insam dla 3.B giapà. Do chësc iel unì trat inant ala busca nce per i autri che à fat pea. Duc chisc à giapà n spizer. Julia Lardschneider

L diretëur Anton Senoner cun la respunsables che à laurà pea. Da man ciancia Elfriede Perathoner, Lidia Delazer, Marta Senoner y Thea Demetz.

Na jita a Grado Per finé via l instà y per jì ite biei ciauc tla sajon frëida à la Mujiga de Sëlva mo de setëmber fat na bela jita a Grado

La Mujiga de Sëlva a Grado, sun l’ijula de Ivan Marzola.

Lies - Chëst iede ne se àl nia tratà de jì a fé n cunzert, ma de stlù via la sajon da d’instà cun i truep biei cunzerc, jan mo mpue’ al mer a se sciudé i osc y per sté mpue’ n cumpania. Pieda via ie la Mujiga de sada daduman cun l sciafer Moritz, per ruvé ju da mesdì a Grado, tla Tenuta Primero

de Ivan Marzola. Do na marënda de pësc da se leché slefs, snauzeri y masseles y do n trëi marces che na grupa à sunà per l cumplì di ani de Egidio Rossetto che fova iló cun duta si familia, à mo duc fat n saut tl mer y te nudadoia. Da sëira iel stat devertimënt y bal tl Afen.

Do avëi paussà ti biei bungalows, iesen n dumënia jic a ti cialé ala bela zità de Grado, che ie propi na marueia. Inant cun la berca ie i musicontri jic via sun l’ijula de Ivan, che ie iló dlongia, per na boniscima marënda, ulache duc à nce pudù s’la cianté.

La Mujiga de Sëlva tol l’ucajion de rengrazië de cuer la familia Ivan Marzola per coche la à urganisà dut a puntin ti unian nce dassënn ancontra ala lia, y a Luciano Pioli, nce ël de Sëlva y nce ël bele da plu ani incà pert mpurtanta dl nventar dla Tenuta Primero de Grado.

Doi dis ntenscifs y biei, drë’ a drët per avëi inò forzes nueves per se njenië ca per l cunzert de Santa Zezilia de nuvëmber, a chël che la Mujiga de Sëlva tol bele śën l’ucajion de nvië de cuer duc canc a unì a scuté su. David Lardschneider www.lauscdiladins.com

11


Gherdëina

nr. 44 / 09 de november 2012

Cujiné a Roma Gherdëina reprejenteda nce chëst ann pra la manifestazion de enogastronomia “Cooking for Art” de utober a Roma

La cësadafuech a Roma pra l “Cooking for Art”.

Turism - La gastronomia de livel aut di raions dla montes ie nce chëst ann states tl zënter dla manifestazion gastronomica “Cooking for Art” dai 20 ai 22 de utober a Roma. Pra i doi dis de “show cooking” tla bela atmosfera dla “Officine Farneto” a Roma ova i cueghes de cater Restaurants Gourmet de Gherdëina pudù mustré su cie che ëi sà da fé y sëuraprò à l publich pudù ciarcë n valgun prudoc tipics de nosc raion.

Cëives tipics di raions da mont Danter l 20 y l 22 de utober iel uni prejentà pra la manifestazion de culinaria “Cooking for Art” tle “Officine Farneto” a Roma, danter l auter, la tradizion culinaria y la gastronomia de livel aut de Gherdëina. La manifestazion urganiseda da “Witaly”, editëur de guides gastronomiches, fova dedicheda dantaldut ala spëisa y ai prudoc di raions dla montes y per l prim iede fova na bona pert de chësta manifestazion dedicheda ala gastronomia dla mendranzes

Lo Basso cun Cremona.

linguistiches dl raion dla Elpes. Dlongia la spëisa tipica di raions ladins àn nscila pudù ciarcë spëisa tradiziunela slava dl Friul, dla tradizion culinaria di Zimbri, y pona di Walser y Valdesi, mendranzes che viv tla Svizra, y spëisa dla valedes ozitanes dl Piemont.

“La prova del cuoco” La manifestazion ie na idea che ie unida prejenteda da Luigi Cremona, jurnalista cunesciù y scritëur de libri dl’enogastronomia taliana y descuvridëur de cueghes jëuni da talënt. Cremona lëura nce pea pra manifestazions sciche l Eurochocolate a Perugia y l Wine Festival & Culinaria a Maran y fej pea danter l auter pra la trasmiscion cunesciuda dla televijion “La prova del cuoco”, da udëi feter uni di ntëur mesdì sun RAI 1.

Gherdëina a Roma Gherdëina ova pra chësta manifestazion a Roma na posizion

Ciociul y vin de Südtirol ti à sapù scialdi boni a chëi de Roma.

speziela: “Gherdëina ie a Roma scialdi cunesciuda y la ie n luech de vacanzes per truep romans. Chësc, ajache dlongia la belëza straurdinera dla montes, la truepa pusciblteies de fé sport tla natura y la gran vela de strutures che pieta albierch d’uni sort, vëniel te nosc raion nce pità truep n cont dla gastronomia de cualità cun spëisa tradiziunela, metuda adum ala sëures d’al didancuei,” nsci Luigi Cremona. Y la ie propi nscila, te Gherdëina iel truep cueghes drët da talënt che se merita de vester prejentei. Nsci à cujinà per Gherdëina ntan chisc dis tla “Officine Farneto” i cueghes Felice Lo Basso dl Gourmet Restorant Alpenroyal te Sëlva, Raimund Brunner dl Gourmet Restaurant “Anna Stuben” a Urtijëi, Andrea Moccia dl Gourmet Restaurant Gran Baita y Emanuele Mazzella dl Gourmet Restaurant Nives te Sëlva. I cueghes ova pra uni desmustrazion 20 menuc a desposizion per cujiné y njenië ca n si rezeta, spëisa che ie da dedò unida partida ora danter

Franz cun Jolanda, Manuela y Heidi.

Gulusaries de Südtirol.

l truep publich che à cialà pro al “show cooking”.

Vins cun Franz Lageder Franz Lageder, l sommelier cunesciù dl Gourmet Restaurant Anna Stuben, à pona sapù, cun gran prufesciunalità y esperienza, da pité y cunsië l drë’ vin, sambën de Südtirol, pra uni spëisa cujineda.

Prudoc de Gherdëina Ntan l’ëures de giaurida dla manifestazion fòvel pra la “lounge” de Gherdëina da ciarcë prudoc tipics de nosc raion. Jolanda, Manuela y Heidi, furnides drët da catif cun l diendl, ova tlo truep da fé a partì ora vel’ pitla gulujia y a dé nfurmazions sun la tradizions y la cultura dla spëisa te Gherdëina. L fova da ciarcë śulzes, sondles y sofc fac n cësa da Daniela Comploj dl Cafè Villa Frainela te Sëlva, tëurtes y d’autra roba dëucia dla Cunditeria Perathoner de S. Cristina, ciajuei dla produzion de Martin Mussner, l paur jëunn dl

luech da paur Valin te Sëlva, y prudoc dla merca “Cualità Südtirol” coche ciociul, ciajuel, smauz, mëiles, vin y pan sëch.

La brosciura “Bon y Bel” N à nce tëut l’ucajion ntan chisc doi dis a Roma de prejenté ufizialmënter la brosciura enogastronomica nueva de Gherdëina “Bon y Bel”. Tla publicazion drët garateda vëniel prejentà restaurants, uties, bars y cafetaries de Gherdëina, uniun cun na si rezeta. La brosciura sarà da giapé debant ti ufizies la Lies per l Turism de Gherdëina. Pité maië de livel aut te na cuntreda de marueia che lecorda tradizions y cultura de n popul antich sciche chël ladin ie stat l suzes de chësta manifestazion a Roma. L trend che fej rujené de n luech de turism ie dlongia natura y nfrastrutures zënzauter la gastronomia deberieda cun i prudoc tipics dl raion. Irene Delazzer

Brunner cun Cremona.

Plu ciaut ma nce plu nëif che l ann passà Tëmp y temperatures ntan l mëns de utober te Sëlva (a 1595 metri) Tëmp - L mëns de utober 2012 ie stat plu ciaut che chël dal ann passà cun 6,57 C° de mesana (5,69 C° tl 2011), che ie 0,88 C° sëura la temperatura dl mëns de utober dl 2011. L di plu frëit éi muserà ai 30 dl mëns cun na mesana de –3,00 C° y na minima ai 29 de utober de

12

www.lauscdiladins.com

–6,00 C° dala 4.00 daduman. L di plu ciaut éi muserà ai 23 dl mëns cun 10,33 C° de mesana y na mascima ai 22 dl mëns de 16,00 C° ntëur la 2.00 domesdì.

danterite vel’ di de bel y scialdi burt nchin ai 31. Te chësc tëmp àl pluët vel’ di y nchinamei fat ju la nëif nchin tl luech doi eedesc. Mé ntëur n set dis iel stat sarëinn.

L mëns à scumencià cun n tëmp mesan nchin ai 10 y pona iel stat

N possa dì che utober ie stat danter i mënsc sëura la mesana di

ultimi 20 ani (un temporal ntan l mëns de utober y doi dis cun bruma daduman). L à nevët doi iedesc de ndut 48 cm (tl 2011 mé 11 cm de nëif ), surëdl àl dat scialdi puech. Sarëinn y bel tëmp iel mé stat set dis, trëdesc de mez y mez y undesc dis

de burt tëmp. Dodesc dis iel stat da vënt y pluët àl mesan cun 71 mm d’ega te nuef iedesc. Ala fin dl mëns fòvel mo 12 cm de nëif a dumbria. Uderon coche nuvëmber cialerà ora. L dëssa unì plu dis de frëit y po’ puderài fé nëif dassënn.


Gherdëina

nr. 44 / 09 de november 2012

L Schi Cub Gherdëina campion dla Talia Lita nueva Na bela recunescënza per si lëur y mpëni à la lia dal sport dai schi de Gherdëina pudù pië do n ucajion dla festa che vën metuda a jì uni ann dala FISI

L cunsëi dl KVW de Urtijëi vën lità da nuef Urtijëi - L KVW se la conta cun...? Possi pa te damandé velch? Sci? Mbëmpo’: la te va plu o manco bën? La vita che te fejes va bën inant? Tu te la caves bën te ti lëur y te ti duvieres? Pona te tómel ite che te pudësses tò su vel’ mpëni per la cumenanza? Fé pea nzaul da gën per n cër’ tëmp? Tu cunësces la situazions dla jënt ntëur té via. Tu ses che l n ie de tei che adrova l aiut de d’autra jënt. Tu ses che vel un ne ruva nia inant zënza cunsëies y sustëni de d’autri. Es’a nteres o ueia de lauré pea

cun d’autri per n cër tëmp? Sce sci, possi pa pona te prië bel? Pënsa do sce te ulësses lauré pea pra la grupa dl KVW de Urtjëi? L KVW coche urganisazion daujin ala jënt, chier persones che pudëssa, aldò de si savëi y mesun de tëmp, tò su vel’ lëur per judé tla manieres desferëntes a jënt che à debujën de vel’ sustëni o aiut. Sce chësc fossa zeche per té, prëibel chërda su l sëurastant dl KVW de Urtijëi Konrad Senoner al numer de telefonn 338 4981740 y ël te dajerà mo stlarimënc. De gra dla cunteda sën tlo cun té. (ks)

Sport, soziel y istruzion N con’ dla sëira de nfurmazion che fova stata de utober te Sëlva ova l’assessëura Milva Mussner cuntà dl’atività de si assessorat ti ultimi doi ani y mez

Lidia Bernardi, presidënta dl Schi Club Gherdëina y Domenico Campione, cumandant tl ”Centro Sportivo Fiamme Gialle” premiei dai doi vizepresidënc dla FISI Alberto Piccin y Reinhard Schmalzl.

Lies - Ai 1. de nuvëmber, n ucajion dla festa tradiziunela di “Azzurri” metuda a jì dala Federazion Taliana dl Sport da d’Inviern a Modena, ie l Schi Club Gherdëina unì premià dala F.I.S.I. sciche miëur schi club dla Talia cun l titul de “Società Campione d’Italia”, pest che l club de Gherdëina se à davanià per si meric y si 26 atlec tla scuadres naziuneles de plu desciplines. Do la paroles dl presidënt dla FISI Flavio Roda, che à purtà dant dut l lëur fat ti ultimi sies mënsc, dut chël che fossa mo da fé tla federazion y si proiet nuef drët da plajëi y inuvatif cun i jëuni ”FuturFisi”, àn prejentà duta la scuadres dla desciplines sportives da d’inviern che fej pert de chësta federazion. I atlec cun plu suzesc ntan l’ultima sajon ie unic nviei sun palch a dì n trëi paroles. Sciche atlet dl ann 2012 iel pona unì premià l fascian Cristian Deville, che à venciù l slalom de copa dl mond a Kitzbühl y che à arjont mo doi plazamënc danter i prims trëi. Alessandro Pittin ie unì premià

per si “Impresa dell’anno” vencian trëi garejedes ndolauter de copa dl mond tla cumbinazion nordica. La grupa sportiva dla “Fiamme Gialle” ie stata la miëura danter la grupes sportives militeres. Nce duc i schi club che ie ruvei a 50 ani de ativita à giapà na recunescënza. Cun gran legrëza à la presidënta dl Schi Club Gherdëina Lidia Bernardi pudù pië do l prim pest,

n pest veramënter de prestige, che ie avisa l titul de “Schi Club Campion dla Talia”, che l club de Gherdëina se à me Chësta ie na beliscima recunescënza y gran sudesfazion per duc i cunselieres dl Schi Club che dà ca truep de si tëmp liede, per i trainadëures che njënia ca i atlec y sambën nce per duc i atlec, dai mëndri a chëi che garejea bele a livel nternaziunel. (usc)

L Cunsëi dl Schi Club Gherdëina.

“On n cuntrat per to a fit” Marco y Mercello Rella tol posizion n con’ de articuli unic ora nstadì, ulache l univa scrit che si dita de frabriché dëssa avëi metù ju material abusivamënter: Rella: “L ie n cuntrat de afit cun chëi dal’eghes” Cronica - Fajan referimënt a articuli sun la zaites Alto Adige y Dolomiten ai 31 de utober 2012, ulache ti vën trat dant che l mplant da majené material per fé sablon y giara ora Runcadic/ Puntives sibe n pert unì nuzà zënza avëi i presuposć, scrij Marco y Marcello Rella, te n si comunicat mandà ite te redazion dla USC: “Per chël che à da n fé cun l mplant per majené material da fé giara y sablon ora Runcadic dlongia l ruf de Gherdëina

ora, ulessans fé a l savëi che l ie n cuntrat de afit cun chëi dal’eghes (per talian bacini montani, per tudësch Wildbachverbauung). L se trata de pudëi se nuzé de 3.437 metri cuadrac de spersa. Chësc cuntrat muev dal ann 1987. Uni ann iel unì paià n fit, che per l ann 2012 muntova su a 2.749,60 euro. Dan zirca diesc ani ie l mplant unì modernisà y metù a post cun la normes che à da n fé cun l mpaziamënt dl’eghes y la fueres.

L ie unì fat dut chël che la lege scrij dant per de tei mplanc. Sëuraprò iel unì cumprà, for tl medemo tëmp, la pf.2790/13 de 2.700 metri cuadrac, che ie unida metuda a post urbanisticamënter dal Chemun de Ciastel (delibera dl Chemun 29/03/2005 - raion produtif per pudëi majené sasc y d’auter material)”. Nscila scrij Marco y Marcello Rella. David Lardschneider

Sëlva - Plu cuestions ie unides tratedes, plu proiec iel unì purtà inant, te Sëlva. I argumënc tratei da Milva Mussner n la sëira de nfurmazion dla frazion Ladins Dolomites de Sëlva de utober, ie stac chëi de si assessorat, l sport, l soziel y la istruzion. Repurton n curt i ponc purtei dant dall’assessëura Mussner.

Sport Milva Mussner: “Mi lëur ie nce chël de ti sté do a duta la lies, no mé chëles sportives y sozieles ma nce chëles cultureles. La Jonta fej ora i cuntribuc ordineres y straordineres: ie me é daniëura cialà ju a puntin duta la dumandes che ruva ite y cële de sustenì l miec che la va, tenian cont dla ressurses danman, duta la lies y dantaldut chëles che fej atività per i jëuni y/o fej manifestazions particuleres. Son prejënta l plu che la va pra si manifestazions y reunions genereles nce per capì si bujëns. Mé n valgun ejëmpli: é nce ie trat ca coche prim pont la realisazion dl ciamp dla codla te Plan: pont dl program de coalizion che ie jit dal scumenciamënt inant drët bën, fan a una n con’ dla locazion y nce i lëures à metù man bën y ie jic inant damprovia tla drëta maniera, chësc nce per merit dla grupa de lëur. É sotrissà l sustëni al Club dl Hockey de Gherdëina te chisc ultims ani cun cuntribuc plu auc y la despunibltà de pudëi se nuzé de n local per ntratenimënt y sperses mplu per retlams; per l Eisclub Gherdëina: metù a desposizion na sala da nuzé per si atività a sut (balet) tal tennis do che S. Cristina ne ti à nia plu dat la despunibltà; Club dl chidlé: chidladoia restrutureda, la sëula nfrastrutura de chësta sort te Gherdëina, sce n ne n’ëssa nia fat chisc lëures, ne n’ëssa la lia dl chidlé de Gherdëina nia plu pudù fé si campiunat. É nunzià l purtoi down-hill: l mpëni dla Jonta ie stat chël de purté ite chësc purtoi tl plann urbanistich y l ie l prim ufiziel te Südtirol de chësta sort; y pona iel mo la sleck-line realiseda

l ann passà tl pra sëura l Tublà da Nives.”

Soziel Milva Mussner: “Tò ju la b a r iere s archite toniche s : sëurandata dla ncëria ala Assoziazion soziela Indipendent, che fej l lëur de abineda di rëms architetonics sibe sun stredes, troies, parcs cumenei che nce ntëur y tla nfrastrutures cumeneles. Night bus. Cësa di pitli: ie a S. Cristina per duta Gherdëina, nosc Chemun sustën chësc pruiet de gran mpurtanza per families cun pitli mutons. Doscola “Kinderfreunde”: vën tenì tla scola elementera y i mutons à nce la puscibltà de giapé da marënda. N aiut per sculeies dla scola elementera a fé si duvieres de scola y n sustëni ala families ti dis che l ne n’ie nia scola domesdì. Lëur ndividuel: aiuc ai singuli.”

Istruzion Milva Mussner: “Scola mesana nueva. Mensa, strutura y servisc che à scumencià cun chësc ann de scola: sibe per la scola elementera che per la mesana, n aiut per truepa families. Pruiet de sensiblisazion a furné cun maniera dan la strisces pedoneles y mo cis dlongia la scoles: i mutons dla scola elementera à fat mo ala fin dl ann de scola passà dessënies, de chisc ie ot unic crisc ora da na pitla iuria y unirà mo śën metui su coche tofles dlongia chëles che mostra su n pericul o strisces pedoneles.” Davia che son nce assessëura per la medema oportuniteies per l’ëiles ulëssi lecurdé la mpurtanza dl’ëila no mé te Jonta ma te duc i gremiums istituzionei. L ie for mo puecia ëiles che se mët a desposizion canche la se trata de rujené pea y tò dezijions pra argumënc de politica, a vester che l fossa tan mpurtant lascé audì nce nosta minonga, à pu l’ëiles sun truep tematiches - y no mé canche la se trata de soziel - na majera sensibltà y n’autra perzezion dla cosses.” (usc) www.lauscdiladins.com

13


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

Par dute i morte in guera Ra fortuna de vive anes de pasc, inze una tèra che r’à vedù ‘na storia pi negra

Ra zerimonia inze ‘l osario de guera su in Crepa, ogni an ra me recorda el valor de ra pasc, inze ‘l nosc paes, che ‘l à conosciù ra guera.

“Se fesc fadia a parlà de guera, in Anpezo, una tèra che ra guera r’à veduda dasen” – ‘l à dito Andrea Franceschi de Matia, capocomun de Anpezo, ai 4 de noenbre, inze ‘l osario de i melitare, su in Crepa. “Propio par chesto, ‘sta śornada r’é par i melitare e par dute i morte in guera, de duta ra gueres, de duta ra razes, senza lascià fora negun. Dute chiste i ea ome, śoen, che i no n’é pi tornade a ra so ciaśa, da ra so śente. Ra nostra fortuna pi granda r’é chera de vive anes senza gueres, de pasc, propio ca, su chesta crodes, agnó che no n’ea pasc, śa poche ane”. El pioan de Anpezo don Paolo Arnoldo ‘l à contà algo de ra so

ciaśa, de ra so familia: “Me fardel ‘l é nasciù de ‘l 1939, alolo ignante de ra Seconda guera. Dapò me pare ‘l à abù da moe. Canche ‘l é tornà a ciaśa, son nasci io. Intrà de nośoutre doi fardiei, ‘l é una guera. Io ei da dì gramarzé a ‘l Signor, che me pare ‘l é tornà da ra guera, sedenò io no sarae ca”. Inze ra so predica, el pioan ‘l à dito: “De gueres, in é senpre, ogni di, parcé che no n’é pi, inze de nośoutre, ‘l amor che el Signor el m’à insegnà. Se scoton ra parola de el Signor, se voron ben, donca no sarà pi gueres”. Par chera mesa, anche ‘sto an, ‘l ea ra Banda de Anpezo, che r’à

sonà pi otes, co ‘l Inno de Mameli e co ra Canzon de el Piave, intanto che i Alpis i dajea ‘l onor a i morte in guera. E ‘pò ra Schola Cantorum, co ra so canzos de jeja. Un melitar de ra Marina ‘l à lieto ra orazion de ci che và in guera, intrà chi mure de sas de ‘l osario, betude su de ‘l 1935, par strutà aduna dute i melitare taliane, che i aea ciatà, in śiro par ra nostra crodes, dapò de ra Prima guera. Intrà el 1915 e el 1917 i betea i morte inze ‘l porteà de guera, pize e grei, che in ea daparduto, supośò otanta, in Anpezo, cemodo che ‘l à scrito Paolo Giacomel, inze un so libro. Dapò de ‘l 1918, canche i à fenì de se pugnà, i à betù dute i morte aduna, inze a Fiames, inze un gran porteà, agnó che ades ‘l é el bosco de ‘l Inpero. Dinultima el Fascismo ‘l à vorù fei su chel osario, da ‘l 1935, su in Crepa. Ades ‘l é inze 9.707 melitare taliane; de 4.455 no se conosce el gnon, ‘l é por pize, fioi de mare, morte indalonśe da ra so ciaśes, da ra so śente, da ‘na mare, ‘na femena, un fiol. Pede de lore ‘l é anche 37 melitare austriache. No n’é i morte de Anpezo: chi i é restade indalonśe da ra so val, pi che see in śiro par r’Europa, morte beleche de ‘l 1914, canche ‘l é scomenzà ra guera, par r’Austria, par Anpezo. I so gnomes s’i lieśe su chera lapide, che s’à podù bete su par el muro de ‚l porteà, viśavì ra jeja de ra Madona de ra Difesa. Ma ‘l é stà da spetà cisà cuante ane, ignante de podé ra bete, de ‘l Domile, dapò de pi de otanta ane, da ra fin de ra guera.

Un conzerto de musica, de bela paroles, de boi pensiere. Algo par dià ra confraternita a mantegnì ra vecia jeja, de ‘l Siezento

14

www.lauscdiladins.com

una canzon, un pensier, alcuanta paroles da lieśe śo, algo da mandà a mente. “Chel che m’à moesc, che m’à fato ciatà aduna, par parecià chesta sera de musica, de pensiere, de devozion – i à dito chi de el coro, in chera sera – ‘l é stà propio ra voia de se pensà de chel che ‘s à fato, chera tredesc families da Alverà, de ‘l 1692, canche ‘s à fondà ra confraternita de Santa Uriana e ‘s à fato su chesta bela jejeta e che

Gnee e fiedo, pioa e cioudo Par fei scomenzà ra stajon de i schie ‘l é da vede ce che fesc el ziel, un di par sorte

I canoi da gnee i sbara, su ra pistes de Socrepes, par se parecià, par ra stajon che scomenza.

O ce un tenpato! O ce un maturlo! No se sà pi ce fei, ce se bete, ce se spetà. El tenpo, se sà, el fesc ce che el vó, cemodo che dijea i nostre vece. E chesta r’é ‘na fortuna, parcé che se pó se imajinà ce che suzedarae, se el tenpo ‘l aese da fei chel che voron nośoutre, se ‘l aese da me scotà. Ma ‘sta ultima setemanes son stade dute co ‘l nas par aria, a vardà, a snaśà: ignante fiedo e gnee, a me fei sperà de scomenzà ra stajon de i schie ignante de i anes pasade, dapò cioudo e pioa, a me descedà fora, da i insogne. Finamai someaa che se podese tacà sabeda, ai 3 de noenbre, su in Fuzargo, su i inpiante e ra pistes de el Col Gallina. Canche ‘l ea deboto duto pronto, beleche parecià, el s’à voltà in pioa, ‘l é ruà el cioudo, r’aga, a delegà el gnee, e no s’à pi podù petà ra pistes. Pioa e cioudo, par

alcuante dis, a roinà duto chel che s’aea vedù, chel bel bianco, par duta ra val. E nuia canoi, a sbarà gnee, chera farina de un pan bianco, che dute magnon. Dapò s’à scomenzà a vardà inaante, a ra setemanes che vien: daerśe ai 10 de noenbre, daerśe ai 16, de un vendres. Cisà cemodo che ra śirà a fenì, intanto che ra nostra gaśeta ra và in stanpa. Podaron ve dì polito su i numere che vien. Par intanto no resta che sperà de vede, de vive, una stajon pi bona de chera de ‘l an pasà, che r’é śuda malamente, par el turismo e par el sport. De dezenbre de ‘l 2011 in Anpezo ‘l é soutà ra gares de snowboardcross, su in Faloria; de jenaro ‘l é stà da fadià, e da spende cisà cuanto, par fei ra gares de schie da fondo, el Tour de Ski, ‘pò ra Dobbiaco – Cortina, e ra gares de schie de ra femenes, de ra Copa del Mondo.

In memoria de un anpezan

Aga viva, par Santa Uriana Ce bela vojes, ce un bel ciantà, chera femenes. Dinprin someaa che fose da se spetà un conzerto, de un coro noo, con alcuanta canzos, e inveze dinultima ‘l é soutà fora una bela ora da scotà, da pensà sora, da preà. Pede a duto chesto, s’à fato anche de ‘l ben, con chi sode che s’à strutà su, par dià chi da Alverà a comedà fora da vecia jejeta de Santa Uriana, che r’à biśoin de laore, cemodo che aé lieto anche su La Usc di Ladins. Par duto chesto, beśen i dì gramarzé a chi de el coro Acqua Viva, che ‘l à par diretor Maria Cristina Gaspari Leon, con Mario Olivotto che sona ‘l orghin. Chera sera, su in Alverà, i à fato scotà tropa bela canzos. De chestes, tre ‘s é de don Claudio Sacco, chel pree che ‘l é morto ai 4 de dezenbre de ‘l 2009, śa tre ane, sote ‘na laìna, su ‘l monte Pore. Trope de chi cantore i à scomenzà a ciantà, canche i ea pize, da famea, propio con don Claudio, canche ‘l ea ca, a lourà par ra nostra parochia, ignante de s’in moe in miscion, in Africa, in Costa d’Avorio. El gnon medemo de el grupo, Acqua Viva, el nasce da una de ra canzos de chel pree comelean, da Dosoledo. Cocita s’à pasà pi de un’ora, intrà

nr. 44 / 09 de november 2012

ancora ancuoi es porta inaante el braghier, aduna con duta ra śente de ‘l vilajo”. El coro Acqua Viva, fato supośò da vinte parsones, deboto duta femenes e con un òn, intrà de eres, ‘l à chera de fei algo par ra nostra comunità. In pi, i à chera de ciatà fora vecia canzos popolares, de relijon, de s-ciascignà, intrà ra cartes, i libre, i recorde de ra parsones con calche an depì, par no strazà chesta memoria.

El coro Acqua Viva el cianta inze ra jeja de Santa Uriana, in Alverà.

Ai 6 de noenbre de ‘l 1912 morìa, a Innsbruck, un śoen de Anpezo. Chi de ciaśa i ciata fora ra so memoria, dapò de aé lieto el scrito de La Usc di Ladins Ra setemana pasada aé podù lieśe, su La Usc di Ladins, el bel scrito de el profesor Bepe Richebuono, che ‘l à contà ra storia de Max Ghezze “Ghezo”, chel śoen copà a Innsbruck, agnó che ‘l ea śù par studià, śa zento ane, de noenbre de ‘l 1912. Da dasera de i 6 de noenbre de chel an, i s’à zufà, par piaza, un sasìn i à dà śo par ra testa, con un baston, e ‘l à copà chesto anpezan, che ‘l aea noma ‘na colpa: chera de ese catolico. Max Ghezze ‘l ea scrito inze ra Gothia, ‘na asociazion de studentes catoliche, e chesto ‘l é stà asei, par calchedun, par el copà. Se pó se imajinà el despiazer inze ra so familia, in Anpezo: so pare Anjelo ‘l ea morto ‘l an ignante, de ‘l 1911. Chel articolo de ra nostra gaśeta ‘l é ruà par ra ciaśes, in Anpezo, i ‘l à lieto, e calchedun ‘l à dorà, da ‘l bete fora su un blog, che el conta ra vita de paes, de spes con satira, ves ci che goerna. Chesta ota, inveze, nuia satira, ma storia. Su Cortina InComa i à finamai betù fora duto el scrito de el profesor Richebuono, par anpezan, tolesc śo da La Usc, da ra pajina web de el jornal. E śo par pede i à betù ra fotografia, tolesta da ra memoria de chesto por

tośato. Se ‘l vede che el porta ‘na mondura, se pó imajinà da studente, cemodo che uśaa inalora, śa zento ane, inze ‘l inpero d’Austria. Coscita s’à podù vede dute el vis de chesto anpezan, morto śoen, de 23 ane, morto par ra malagrazies, par ra baronades de calche stanpion. Dinultima no resta che i dì gramarzé ben a ‘l profesor Richebuono, che ‘l à contà un’outra storia de el nosc paes, pede a cheres che ‘l aea contà e scrito ignante, da zincuanta ane in ca, par fei conosce Anpezo. Pi che see, e ignante de duto, a i anpezane.

Max Ghezze “Ghezo”, cemodo che ‘l ea, canche el studiaa a Innsbruck, de ‘l 1912.


Anpezo

nr. 44 / 09 de november 2012

Ra Cortina – Dobbiaco ra và inaante Outre laore par piaza Da trentasié ane chesta manifestazion ra lea i doi paes, de Anpezo e de ra Pustertal. Algo de noo, par i anes che vien, con outre gnomes

Guido Bocher, el capocomun da Toblach, Andrea Franceschi, capocomun de Anpezo, presidente de ra Dobbiaco – Cortina, fin ‘l an pasà, aduna con Herbert Santer, vize presidente. I dà ra medaia a Sabina Valbusa, che r’à vento par el 2012, intrà ra femenes.

Ra gara co i schie da fondo Dobbiaco – Cortina r’é drio a se tirà masa in inze, ves Toblach: chesto ‘l é el festide de tropa śente, in Anpezo, i ultime tenpe. S’à scomenzà a sentì chesta vojes d’istade, canche Luigi Apollonio el s’à tirà fora da ra sacreteria de ra manifestazion, dapò che i à dito che i ra tramudaa inze a Toblach. Alolo drio ‘l é stà Cinzia Ghedina, che i dajea ‘na man, a lascià el so posto. Ades i é drio a lourà, par fei fora un comitato noo. Presidente no sarà pi Andrea Franceschi de Matia, el capocomun de Anpezo; a ‘l so posto ruarà Marco Ghedina Tomasc, loudaduó de comun, a ‘l sport e turismo. De ra dodesc parsones, che ‘l é inze ‘l consilio, sié i sarà de Anpezo, sié da Toblach. Chi outre zinche, pede a Marco Tomasc, sarà Antonio Colli Surio, par ra sozietà Gis de comun; Igor Ghedina Tadeo, presidente de el Sci club Cortina, Alessandro Broccolo, par el consorzio Cortina Turismo, e chi doi che i laora in pista, in gara: Alessandro e Silvio Alverà. Outra sié parsones, cemodo che s’à dito, es sarà de Toblach; intrà de eres, de seguro, Herbert Santer, el “patron” de chesta manifestazion e de duto el sport de el fondo, inze ra Pustertal. “Betaron ra sacreteria inze a Toblach – el me disc Marco Tomasc – e sarà calchedun pagà duto ‘l an,

a lourà drio, anche parcé che lore i laora beleche da anes, par ches’outra gares de schie da fondo, che i fesc in Pusteria. Dapò el nosc comitato i dajarà algo de sode, par chesto laoro. I dis che vien sarà da se ciatà, da bete śo el statuto, el laudo de chesta asociazion, parcé che fin ancuoi el manciaa. E sarà da vardà drio i conte: i ultime anes, chera gara r’à senpre pardù algo, de sode, e ades ‘l é senpre pi difizile, parcé che mancia i sponsor. Vedaron de fei algo, parcé che se scrie inze pi parsones. Nośoutre, in Anpezo, no voron ra perde, parcé che r’à un gran valor, par el nosc turismo, par se fei conosce fora de ca. Podon recordà che ‘l an pasà i ea de zento,

chi vegnude śo da ra Norveja, par core intrà Toblach e Anpezo, su i schie. Chesto an i é beleche de cuaranta, che i s’à notà inze, e i à beleche tolesc ‘l hotel. Nośoutre vorason che in fose senpre depì”. Turismo e sport, se dijea: par chesto ‘l é da se recordà de i gnomes de alcuante de chi che à vento chesta gara. Dapò de ra gara su i schie da fondo, che ra và inaante da trentazinche ane, ‘l é ruà ches’outra gares, co ra roda, de coren, calcheduna in inze, da Anpezo ves Toblach, calcheduna in fora, par ruà in Anpezo. Ra prima, co i schie, ai 3 de aprile de ‘l 1977, de trenta chilometre, r’ea ruada a Fiames; a venze ‘l ea stà Maurilio De Zolt, el “Grillo” da ‘l Comelego, ignante de deentà un de i pi grei, de chesto sport. Dapò ‘l à vento outra otes, fin de ‘l 1997, vinte ane dapò. Outre gnomes: Giorgio Vanzetta, Johann Muhlegg,Patrizio Deola, Silvano Barco, Maurizio Pozzi. Par ra femenes, sora de dutes ‘l é ra badiota Maria Canins, che à vento sete otes, e ‘pò ra rusa Eugenia Bitchougova, sié otes, e Manuela Di Centa, Bice Vanzetta, Tatiana Bondareva, Sabina Valbusa. Vedaron a ci che tociarà, ca de alcuante mesc. Dute su ‘l gnee, donca, co ra gara de ‘l an che vien. O meo, co ra gares, parcé che in fajarà does, anche ‘sta ota: ra prima sabeda ai 2 de febraro, cher’outra domegna ai 3 de febraro, cemodo che se sore, da calche an. (mdm)

A vede ruà i schiadore, inze piaza, in Anpezo, sote el cianpanin de ra jeja de San Iaco, ‘l é algo de bel, par ci che core e par ci che varda.

Beśen mantegnì polito, chel che ‘l é stà fato śa anes. Ocore laoro, fadia e sode, par aé un paes bel, par i dà un bon azeto a dute

I ome de el Comun de Anpezo i laora, par comedà ra nostra piaza, par ra mantegnì polito.

Ra lastes de piera e i zochete de porfido, che ‘l é par piaza, i se destaca, i vien fora, i se zonca. Da duto chesto, resta buje, scendedures, sciarìs. I zochete i é desgarìe e se fesc fadia a caminà. Par chesto, el comun ‘l é drio a lourà, par meorà, par comedà fora duto. I dis pasade, i ome che i stà drio a i laore de comun à fato alcuanta proes, propio daante a ra porta maestra de ra ciaśa de comun, su par piaza. Co ‘l cioudo e el suto che ‘l ea, ignante che ruase el guergno, ignante de ‘l fiedo, de ‘l gnee, i à proà a bete, intrà chi zochete de porfido, una noa resina sintetica, conpagna de chera che i à dorà par fei fora duta noa piaza Roma, daante a ‘l sagrà de ra jeja de San Iaco. I à proà su un toco pizo, de piaza, par vede ce che suzede d’inverno, co ‘l fiedo, co ra jaza, canche i pasa co ra ruspa, par netà via. Dapò i à abù da lascià, parcé che con chel material che i dora, una sorta de cola, che taca, se và adora a lourà se ‘l é almanco zinche grade de cioudo, sedenò se bicia via duto.

Se sà che inze un paes su par ra crodes, agnó che se stà, par trope mesc, da ‘l outon a ‘l inverno, fin d’ousciuda, co ‘l fiedo, sote el gnee, ra jaza, se fesc fadia a mantegnì duto bel, gario, cemodo che ‘l é, canche ‘l é noo; basta poche ane e duto se roina. No bastase duto el resto, ‘l é anche el sa, a fei dan, chel che se bicia par stradon, par delegà gnee e jaza. Dinultima, ‘l é da dì che mangare, incraota, i laore i no i à fate propio a regola d’arte, cemodo che ‘l ea da fei. Se ‘l vede soralduto co ra lastes de piera, cheres pi grandes, che es se destaca, es vien fora, masa fazile. Se stenta a caminà, fesc fadia pi che see ra femenes, co i scarpe da festa, co ‘l taco sotìl, stenta ra mares, co ra carozetes, da menà ra famea.

canche i à da desprojià el nosc paes, canche ‘l é algo de burto, da contà, i souta fora in vea de Nadà e de el Prin de ‘l an, o de agosto, o mangare el di ignante de el Giro d’Italia, co ra roda, coscita ra noa ra fesc pi susuro, ra śira par duta Italia, e mangare anche de fora. Chesta ota ‘l é ra storia de chel che arae fato ra families Marzotto e Donà dalle Rose, ben conosciudes, inze ‘l nosc paes, par via de steores, no pagades. E el tribunal ‘l à dito de se tuoi ra so ciaśes, che i à inze ‘l nosc paes, alcuanta viles e cuartiere. In à parlà duta ra gaśetes, duta ra televisios, i ‘l à dito fora par radio. E el gnon Cortina, una ota

depì, ‘l é stà dorà.

Coscita, pede a dute i sode che ‘l é stà da spende, i anes pasade, par fei chel laoro, par aé una piaza bela, senza i sciarìs de el marciapié, agnó che una ota pasaa ra machines, ades ‘l é da in spende danoo, par comedà, par tegnì bel, neto, gario.

Ra Fregores Alcuanta noes in curto, da ‘l paes e da fora Ra Filodramatica a ‘l Alexander Girardi Cisà ce che ‘l é suzedù, ra setemana pasada, inze ra tastiera de el conputer, o pi che see inze ra testa de ci che scrie: ‘l é soutà fora, su ‘l scrito de La Usc di Ladins che conta de el laoro noo de ra Filodramatica de Anpezo, che i fesc vede ‘sto teatro a ‘l cinema Eden. Canche dute sà che, da anes, se se ciata inze ra sala pi granda de ‘l Alexander Girardi. “El brascion de ra jenìa”, chesto bel laoro, scrito śo da i atore, da i rejistes, da i ome e ra femenes de ra nostra Filodramatica, el no cresce par

piaza, donca, ma inze pede ra Boite, pede el caśel, a ‘l Ponte de ra Zesa. Chel che inporta, co ‘l é dinultima, ‘l é che dute pode e vore śì a ‘l vede e se pasà ‘na bela sera.

Ra cultura in Anpezo “Cortina è cultura” – ‘l é el gnon de el projeto, betù a śì da ‘l Comun de Anpezo, pi che see da Giovanna Martinolli, che r’é loudaduó a ra cultura. S’à scomenzà d’istade, co i prime pasc, e ades i s’à ciatà danoo, śoiba ai 8 de noenbre, in vea de ‘l inverno. “Chel che voron nośoutre – ra me disc – ‘l é bete dute aduna, se ciatà, se cordà, con

duta ra asociazios de cultura, e in é tropes, inze ‘l nosc paes, che laora. Pi che see, voron fei algo par comunicà, par fei saé, par fei conosce duto chel che se fesc, ma che see algo de coinpain par dute, de gario, no duto un sanfascion, un scarpo e un zocòl. Ra asociazios de cultura ‘s é un gran valor, par Anpezo, es me dia a me mostrà el nosc paes, par chel che el val”.

Outre zavarie Cisà ce segnal, che chesta ota ra noa r’é soutada fora de noenbre, indalonśe da ra stajon. Par solito,

In outo, in bas No n’é pasc, ‘sto an, par ‘l hockey anpezan. No se và adora a se ra gode, canche se venze, che alolo se cura de ciaza. Chesta setemana no se śuia, se pousa, parcé che ‘l é ra Nazionale, in Slovenia. Ra setemana pasada s’à śuià tre otes: el Cortina ‘l é śù ben, par doa partides, co ra Valpellice e co ‘l Bolzan, ma dinultima el s’à inzanpedonà, co ‘l Milan, propio canche someaa che ‘l aese da venze. Ma no n’é da se cruzià: co ‘l é dinultima, ‘l hockey no n’é outro che un śogo. www.lauscdiladins.com

15


Fodom

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

“Willkomenn in Buchenstein” su le tabele per Fodom e Còl Ma per l’assessor a la cultura e prescident de l’Union dei Ladins da Fodom “chëst podëssa ester n prum vare per scomencé a descore de n’unificazion aministradiva de le doi comunité.” Atualité - Fodom e Còl tira fòra l vegle inom, Buchenstein, su le tabele ai confins de suoi teritori. Per l prescident de l’Union dei Ladins da Fodom e assessor a la cultura Daniela Templari chëst podëssa ester n prum vare per scomencé a descore de n’unificazion aministradiva de le doi comunité. “Willkommen in Buchenstein”. Chëst l salut che prëst acoliarà chi che passa su le strade che porta ai doi comuns ladins de Còl e Fodom. Le aministrazion i à da puoch aprové na delibera che autorizeia a mëte su de le tabele co la scrita de benvegnù per todësch ulache ven riporté l vegle inom che per scecoi ava identifiché le doi comunité chilò fòra. La scomenciadiva l’é piada via da la Schützenkompanie Buchenstein che, coche l eva storicamente, la tòl ite aderenc da duc doi i comuns. Del proget s’à ntrescé l Istitut Cultural Ladin Cèsa de Jan. L ent l se cruziarà de compré e mëte su le tabele dinongia a chële per talián e ladin che l é bele ai confins dei doi comuns. Per podei fè chëst l eva debujen de l’aprovazion de le aministrazion che i à sostignù l Istitut ence nte le pratiche burocratiche. Le nuove tabele le vignarà pojizionade sun dute le strade che porta a Fodom e Col: su la 244 de la Val Badia sun Ciaulonch, su la Sr 48 de le Dolomiti sun Pordou, su la Sp 638 sun Giau, su la Sp 563 “de Salejei” ja Digonera, su la Sp 251 de la Valzoldana al pont sul Ru de Codalongia e su la 203 Agordina a Reciavé. “Storicamente – se liec nte la delibera – le doi comunité

de Col e Fodom i é stade liade per scecoi sot na sola entité aministradiva ulache l podei e l zenter l eva raprejenté dal Ciastel d’Andrac e che l teritorio l eva cugnisciù e clamé, per todësch, co l inom de Buchenstein. Na denominazion con reisc storiche che recorda che Fodom e Col i à fat pert per scecoi del vegle Tirol e che spò l’à n valour cultural degnëol de ester valorizé. Na denominazion teritorial ugnola, storicamente comprovada” l é ence scrit – “l’é n element de agregazion de le doi comunité nteresciade, che renforza i elemenc de afinité linguistica, storica e cultural defendus dassën perméz azion spezifiche finalizade a evidenzié la specifizité.” Ma per la Templari chësta scomenciadiva la podëssa resté dut auter che demè simbolica. “I pichi comuns i é detinei a sparì – la spiega. Forsci l é ora de cialé

nnavánt e pensé de mëte auna le forze. Co la spending rewiew voluda dal goviern Monti, i comuns sot ai 1500 abitán i mossarà gestì auna nvalgune sue funzion. Chilò l é ste dezedù de le de su a la Comunité Montana. Chi plu pichi sot ai 1000 abitánc, come Còl, nveze i mossarà ziede dute chele plu de maiou mportánza. Chëst vòl di che n comun come Còl l é destiné a ester “nglotì” da la Comunité Montana. Ma ence Fodom, ntel temp, l risćia. Coscita come che la compagnia dei scizeri la bina auna jent da dute doi le comunité, coscita s’assa da pensé ence per autre realté. Zerto sarà na strada longia. Mossarà ester la volonté dei zitadins. Se mossarà fè n referendum. Ma se no volón sparì, ence dal pont de veduda cultural, mosson mëte auna le forze. No per tourné ndrio, ma per jì nnavánt. (ls)

La tabela che l é bele ades a La Plié.

Lezuo: “La Bánda da Fodom no l’é n’atrazion cultural La resposta del prescident Nani Pellegrini: “La mondura no l é dut.” Aft 2 - “La Bánda da Fodom la veighe plu come na scòla de mujica. Come teritorio no n on bu modo del vedei come n valour agiunto a livel turistico cultural.” Parole peśoce come sasc chële che la prescidenta de l’Aft à douré per comenté l valor social de la Bánda da Fodom nte la val. Parole che i é jude de traviers ai 40 jovegn che n fèsc pèrt e sesaben, a suo prescident e fondadou Nani Pellegrini. “La bánda – l spiega – l à nte sua ativité ence chël de organizé la scòla de mujica perciéche volón aumenté la cualité mujical de nuosc jovegn. Chëst nte le autre bánde chilò fòra no ven fat. Un l empara l strument per suo cont e po’ l va nte la bánda. Ma pense che sporje ence l’educazion mujical nte nost grop, siebe n valour mplù. La scòla de mujica l’é ence n valour social e de agregazion per nuosc jovegn. ”Nte le autre val – à dit ncora la Lezuo nte la trasmiscion de Radio Gherdëna – la bánda del luoch la ven très nviada e la va gënn a

16

www.lauscdiladins.com

manifestazion turistiche perciéche i lo sent come n’atrazion turistica e folklor del pòst. Chëst no l veighe nta Fodom.” Ma la Bánda, ades, pòla ester n’atrazion turistica ? “Zerto che son ence n’atrazion turistica – respon Nani. “Dëla la no l veiga, ma autri i lo veiga. Sto valour agiunto l on porté foravia. E chëst forsci la no l conscidereia. Zerto se la ciala demè a Rèba no, perciéche a Rèba no l é ste fat nia de cultural. Ma Fodom no l é demè Rèba. Forsci la prescidenta la se rifersic al fat che no n on ncora na mondura. Chël che secondo dëla fèsc folklor.” Ma eiso pensé de ve la njignè ? “Si, da nen tòch, ma no l é saurì. On bele ciapé nvalgugn finanziamenc. Nte 3 agn pensón de l’avei. Ncin al viade son che se muovon ence de sto viers. Cánche avaron la mondura de segur podaron tò pert a deplù manifestazion de folklor. Se l’Aft la ne nviarà, la podarà l vedei. Per ades on punté a avei na bona cualité

mujical.” Cotánte de oute l’Aft v’ala nvié a manifestazion folkloristiche nte chësta isté passada ? “Mèi, perciéche l’associazion turistica no l’à metù a jì gnánca na manifestazion.” E la Bánda ulà ela juda daperdut a soné ? “Son stei trop dintourn: al concors de Riva del Garda, a S. Maria Maiou, a S. Iaco a La Plié, a Ronchi dei Legionari, a Cianacei, a Canal de Ègort, la Mini Bánda l’à tour pèrt a L’Encontada de le bánde dei jovegn de le val ladine. Chëst demè per n recordé nvalgune.” Forsci no l’avarà fat folklor ntaméz a le bánde de la sfilada de Cianacei o la no sarà stada n “valour agiunto” al concors internazional ulache l’é ruada otava, ma com’ela stada acolta la bánda nte chisc luosc ulache l’é juda a soné ? “Con gran entujiasm – disc l prescident. E duc n’à recugnisciù la bona cualité mujical. Per fenì via, mosse dì che me ndesplèsc che de tèi comenc i vegne fac nte na trasmiscion a la radio. Forsci se podëssa se n descore fòra a cater ogli.” (ls)

nr. 44 / 09 de november 2012

“Turismo nta Fodom vòl di demè Rèba” Coscita la prescidenta de l’Aft Michela Lezuo nte n’intervista a Radio Gherdëna. E ncora: La Bánda ? Demè na scòla de mujica.” Le reazion del assessor al turismo Daniela Templari Aft 1- L’à descedé su n mucio reazion l’intervista che la prescidenta de l’Aft Michela Lezuo l’à fat nchëstadì a la trasmiscion “Prisma” su Radio Gherdëna. Argoment de la puntada del program, mené nnavánt da Egon Vinatzer, l eva la situazion del turismo nte le valade ladine. Ma l cuadro che la Lezuo à fat de la situazion de Fodom no l é plajù a troc. A la dománda del condutor su coche l’é juda la stagion da d’isté, la prescidenta l’à fat noté che Fodom à n scior che sta puoc dis e Rèba no spòrc chi servisc che n turista se damana cánche l sta plu dis. L condutor l à spò damané se Rèba resta très la “capital” turistica o se l è vèlch de auter ence ntel rest de la val. “Co se descor de turismo de descor demè de Rèba – à responù la prescidenta de l’associazion turistica. “Chèlche let e albergo l é ben ence ntel rest de la val. Chëst l’é na debolëzza, perciéche le autre val i à plu paisc cugniscius turisticamente.” Na vijion massa “Rèba – centristica” per l’assessor al turismo del comun da Fodom Daniela Templari. “L é proprio perciéche chësta l’é la realté che toca svilupé ence l rest de la val – la respon. “Chëst l é n obietif che s’on metù davánt come aministrazion. Rivitalizé ence le frazion. E l intervent fat al Ciastel d’Andrac l é n ejemple. Toca avei l coragio de diversifiché. La val la se salva demé se se diversificheia l’ofierta turistica. Toca pensé ence la turista che à plu gënn vignì chilò per se cherì la pèsc de una de noste frazion. On trope potenzialité nia sfrutade.” La Lezuo l’à dit ence che “Rèba veiga le robe diferenti. La vif diferentemente l turismo.” “Chëst l é n vèlch che fèsc pensé su – respon l’assessor. “No se po’ vedei l turismo demè da na pèrt sola.” Nte l’intervista l é ste fat riferiment al Ciastel d’Andrac che à ndavò giourì con gran suzess. Ci autre atrazion naturele pòlo spòrje Fodom, à damané l condutor. “Chësta la risposta de la Lezuo. “Recugnësce al assessor Templari l suzess del Ciastel. Ma chëst l é n turismo cultural….” Ma no n elo ence chëst turismo ? A la sentì coscitaven da pensé che a l’Aft chëst turismo no i é nteresce. “Rengrazie la prescidenta del merìt che la m’à recugnisciù. Ma l Ciastel l descëda nterésc aldelà de chi che organiza manifestazion laìte ( sto ann l é ste l Comun che à metù a jì nvalgugn conzerc ntel Ciastel n.d.r. ). Chëst per doi rejon. Prum, perciéche no pense che n di che no sarón plu mi assessor l ciastel l vade a morì. Secondo, l ciastel l à très bu n’atrazion cultural nte la jent che ven chilò. Giourì la cultura

del luoch al scior che ven da nos l é fondamental. No podón se desmentié che le statistiche e le previjion le disc che l turismo cultural l é l sol che chersciarà ntei agn che ven. Chëst no vòl di demé zité d’èrt. L turista l vòl se fè ciapé da la cultura del luoch ulache l va. E nos nta Fodom on na gran stroia da i é mostré. Che no n é demé la Pruma Vièra, ma ence i 2000 agn davánt e i 100 agn davò.”

Manifestazion: associazion deldut desmentiade A la dománda su le manifestazion che ven metù a jì nta Fodom la prescidenta l’à coscita responù: “La manifestazion plu grana che meton a jì come consorz l’é la Dolomiti Stars Bike auna a le autre val del Sela e la Dolomiti Classic. Autre atrazion no n é organizade da Rèba.” Degun riferiment, ence pico, a dute chële che ven metude a jì da le associazion. “Da coche l é ste responù nte l’intervista – continua la Templari – nsomeia che siebe demè l’Aft deputada a organizé manifestazion. Ma toca pensé ( e nte na tèl ocajion “mediatica” fossa doverous recordé e sotlineé n.d.r. ) che sul teritorio l é ence autre realté che organizeia manifestazion e che a valenza turistica. L turista l no ven demè per ciapé manifestazion turistiche o de rode, ma ence per jì ite nte la realté e nte la cultura e storia del luoch che l va a vijité. L é vera che de sto cièrs Rèba la no spòrc nia. Nlouta toca jì ntel rest de la val per ciapé realté che i é plu damprò al ester de la val.” Posto fè n ejemple ? “Basta pensé a S. Maria Maiou, che tira n mucio de jent. I ven aposta da chilò ju e dintournvia. Chi che sa che l é . O S. Iaco, con trei dis de festa. Zerto che se mossa informé la jent che sogiorna sa na Rèba che l é chëste manifestazion ntel rest de la val. E ie le consié. Mascima d’isté. Ma gnánca de chël che ven fat a Rèba no ven informé i sciori. Basta vedei chelche manifestazion metuda a jì da l’Aft, ulache no l eva cuaji degugn.” La Bánda la no fèsc folklor. L’é demè na scola de mujica. Ci n penseto de chëst coment de la prescidenta de l’Aft ? “Me moia pensé che la bánda la no vegne consciderada come fator de atrazion. Se l’Aft la pensa che la bánda la pòbe trè deplù jent e ester plu consciderada, la no n a da fè auter che la daidé a se compré na mondura. La diferenza co le autre bánde l’é demè chilò. Per cont de cualité mujical no l’à da nvidié nia a degune.” (ls)


nr. 44 / 09 de november 2012

Redadoura Katia Pizzinini lunesc y mertesc a La Plie de Fodom, tel. 0436 7472 mercui y juebia a Cortina d’Anpezo, tel. 0436 868615 - katia.usc@rolmail.net

Souramont

Emparé en liberté “Dàideme da fé da soul” é l moto dla scola montessoriana de Cortina d’Ampez, na scola zenza verifiches, zenza atestac y zenza notes Scola - Na scola zenza notes, zenza verifiches y zenza atestac, olà che i mutons va gen y empara jogan: chesta é la “Scola Montessori” de Cortina d’Ampez, metuda su de messel dl 1997 da la assoziazion de genitours “Facciamo un nido”. Maria Montessori (1870 – 1952) fova na scienzieda y pedagoga taliana y una dles prumes eles che à ciapé la laurea de medejina tla Université “La Sapienza” de Roma. Ala se à dé ju truep per combate l analfabetism y per svilupé percursc educatifs sun mesura per i scolés, dàn ence fora material didatich spezialisé. L sistem educatif montessorian i dà na gran liberté y independenza ai tosac, che empara tres la interazion con l ambient che é entourn via, te na maniera concreta. La metoda teoriseda da Montessori se ova

bele atira slarié fora dassen y à ciamò aldidancuei n gran suzes, dantaldut foradecà, tl’America y tla Europa dl Nord y n pue’ de manco tla Talia.

Na scolina te bosch Na scolina che i jiva do al sistem educatif professé da la pedagoga taliana fòvel bele denant a Cortina, ma ala ova messù scluje per problems finanziars, te n iade, amez l ann de scola, de merz. I genitours, che ne savova nia olà mané si fis, ova damané al maester montessorian Georg Hafner de tegnì inant i tosac, almanco fina a la fin dl ann. Porté la scolina te n bosch fova steda la condizion metuda dant dal maester südtiroleis, arateda fosc te n prum moment n pue’ fetra da peresc y

Does tosates empara da fé conc con l material metù dant da Maria Montessori.

omans. Enscì piova via chesta aventura, te na pitla ciasota metuda a desposizion da les Regoles d’Ampez, a Pian de Loa, te n bosch, damprò da n ruf: na poscibelté de chersciuda profescionala per l

I fondadours de “Facciamo un nido” (dmc) Enrica Nannini, Laura Boaretto, Marco Ghedina, Amina Malagò y Fabrizia Maioni.

Concors metù da jì da La Usc di Ladins. Manéde vostes fotografies a la miscion e-mail katia.usc@rolmail.net o per posta a la misciun: Redazion “La Usc di Ladins”, Self dei Ladins c/o ex Hotel Dolomiti, 32020 Fodom/Livinallongo (BL). Les fotos vegnirà ence publichedes sun la plata de Facebook “L sonn fodom tla Usc” olà che duc podarà dé ju si aprijament. Chisc vegnirà touc en consciderazion da la giuria per la valutazion finala.

“La capela dl Col de Lana”. (Retrat mané ite da Maria Sottara da La Val.)

L maester südtiroleis Georg Hafner ova porté la scolina te bosch.

maester, na esperienza da se recordé per l rest dla vita per i tosac. L’isté dapò, de messel dl 1997, metova su 11 genitours la assoziazion “Facciamo un nido”, con na scolina per i mutons da 1 a 3 agn y na “Ciasa dl tosat”, aldò dl model de Maria Montessori, per i mutons da 3 a 6 agn. L ann do nasciòvel ence la scola elementara. “Per nos fòvel n some, che i on metù da jì con gran entusiasm, zenza pensé de massa a les dificoltés”, nes conta una dles mames fondadoures, Fabrizia Maioni. Les maestres à messù emparé l sistem montessorian, jì a cursc y i locai à messù vegnì organisés sun mesura di tosac, sciche la scienzieda ova scrit dant. Chest é vegnù porté inant tres l aiut de na scolea de Montessori, Grazia Honegger Fresco y tres le material y l aiut finanziar metù a desposizion da la austriaca Ingrid Ulrich. Encuei é za. 65 i tosac che va tla scola privata “Montessori” te Ampez, con senta a Zuel. De chisc nen n’él 15 tla scolina, 30 tla “Ciasa dl tosat” y 20 tla scola elementara. “I ne podon nia tò su plu de 30 mutons per scola per motifs de organisazion”, nes spliga Laura Boraretto, n’autra oma che fej pert dl diretif.

L sistem educatif de Maria Montessori “Dàideme da fé da soul” é l moto, la fondamenta dl sistem eucatif de Maria Montessori. L tosat é per la pedagoga n soget atif, che à de bujegn de liberté y dla interazion con l ambient che é entourn via per emparé. Descedé curiosité ti scolés, zenza i oblié é l obietif di maestri montessorians, che mess dagnora respeté la liberté. Liberté vuel dì lascé che l tosat chires fora da soul les ativités de stude, ite te n ambient organisé y rich de stimui. Ti locai méssel donca ester i materiai svilupés da Maria Montessori, enjignés per emparé jogan. “Enscì va i tosac gen a scola y deventa patrons de si savei”, dij Laura Boaretto. Tla scola elementara é duc i tosac tla medema classa. Despartis te de pici grups imparei da scrive y da lieje per talian y per ingleis, da fé conc, la storia, la geografia, les scienzes y la educazion artistica. “De spes vegn chest model de scola critiché, ajache an pensa che i scolés ais massa liberté”, nes dij Fabrizia Maioni. I scolés dles scoles

montessorianes cresc su zenza notes y zenza verifiches, ai vif la scola con manco prescions y l emparé é por ai n plajei.

Na infanzia zenza prescions Mo can che ai ruva tla scola mesana, te na scola statala che n’adora nia chest sistem pa? Ài mo problems da se ausé ite a n sistem scolastich che é scialdi autramenter? I l damanon a les does mames, che nes spliega de avei damané a les scoles de Cortina y de San Vì na relazion: “Samben à chest sistem ence val’ locia, che i cialaran de fé pro, ma de nosc scoles él vegnù dit che ai é tant generousc, che ai à gran capazités de interazion y de relazion.” La esperienza dles does mames, che à entrames abù si fis tla scola de Zuel, é dret bona. “Vive la infanzia zenza les prescions dles verifiches, zenza lauc o umiliazions per via dles notes é emportant”, dij Laura Boaretto che preziseia che les maestres mess samben enjigné i scolés al passaje a la scola statala y al ejam de amiscion che ai mess passé a la fin dla cuinta classa.

“Tla statala n ensegnament massa astrat” La maestra Gloria Fiori vegn da na scola mesana statala y ensegna sen tla scola elementara montessoriana ai scolés de cuarta y cuinta. “I criters de ensegnament tles scoles statales, tres i libri, é de spes massa astrac. – splìeghela – I tosac à de bujegn de pié ite con man, de vedei. Aldidancuei ne conescei nia plu la concreteza di numeri, de peisc y mesures, ai ne sà nia plu cie che é n liter, ajache ai compra ite bozes, ai ne sà nia cie che é n chilo, deache ai compra pacli.” Chesta concreteza pò vegnì empareda tres l material de Maria Montessori, che mess samben - enscì la maestra vegnì ajornè y adaté a la sozieté y ai scolés de aldidancuei. L material de stude vegn partì su sun cin’ agn de scola y al ne n’é nia tant gravous sce n tosat ne capesc nia atira n conzet. Chest podarà vegnì splighé ciamò y ciamò fina che al sarà cler, y finamai vegnì sburlé al ann do sce l scolé à dificoltès. Chel de Montessori é donca n sistem de scola che met al zenter l tosat, che vuel fé cresce sia vueia de emparé y de studié l fajan plu plajor y plu saren. (kp) www.lauscdiladins.com

17


Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

nr. 44 / 09 de november 2012

Testimone y ejëmpl por tröpes porsones Dé de gran festa en domënia ai 28 de otober a La Val, olache an à orü festejé i 100 agn dala nasciüda de siur Heinrich Videsott La Val - La crëta te siur Heinrich Videsott crësc intres deplü. Inće sce al é bele passè 13 agn da süa mort, le recorda inant na gran schira de fedei. Chësc unse podü odëi la domënia dan chinesc dé, canche le comité ”Amisc de Siur Heinrich Videsott” à invié ia la festa de recort di 100 agn dala nasciüda. Al é passè plü o manco n ann da canche al é gnü presentè le liber de testimonianzes tl lingaz talian, y śëgn àn bele podü presentè le terzo liber che cunta sura la vita y les benedisciuns miracoloses de siur Heinrich Videsott. En chësc iade por todësch. La festa à metü man cun la santa mëssa solëna ćiantada dal Cor de Dlijia da La Val. La santa mëssa é gnüda zelebrada dal vize postuladù siur Stephan Astner y conzelebrada dal nu de siur Heinrich adöm a bëgn trëdesc proi nia ma dla valada, mo inće da foradeca. Tratan chësta mëssa unse dantadöt orü rengrazié Idî por la gran buntè y la grazia che al i à conzedü ai tröc fedei che chir y ciafa tres danü sostëgn da siur Heinrich. Por tröc vìrel ćiamò inant tl cör y te süa vita da vignidé. ”Al é vëi. Siur

Heinrich ê n prou cun le cör a somëia de Dî.” Insciö podunse lì sön la pröma plata dl liber presentè en chësta ocajiun. Do la santa mëssa dër sintida é spo la festa jüda inant cun la desmostraziun de fotografies y de na pert fora dla santa mëssa de sopoltöra. An à podü aldì n toch fora dla pordica de siur Heinrich en ocajiun de süa festa de 60 agn da prou, zelebrada a Mantëna Todëscia ai 29 de jügn 1997. Chësc à sambëgn descedè te tröc de bi recorc y de gran emoziuns. La festa é gnüda stlüta jö cun n pice renfrësch tl salf dles manifestaziuns.

Le liber todësch Le liber todësch che é gnü presentè n’é nia ma na traduziun dl liber talian. Te chësc liber él da ciafè tröpes testimonianzes nöies de fedei, che à cun perseveranza dagnora perié le Signur, tres l’aiüt de siur Heinrich, do consëi y confort. Tröc é i fedei che pormò do la mort dl prou stimé, à conesciü la misericordia y la buntè de Dî tres siur Heinrich Videsott. La crëta te ël é te chisc ultims tëmps chersciüda dassënn y à arjunt porsones sura i confins de nosta provinzia fora. Ćinamai tles perts plü dalunc de chësc monn s’à lascè aldì porsones che aprijëia siur Heinrich por so ester scëmpl y por so bel s’la rì. Le liber cumpëda 256 plates, zacotantes deplü co le liber talian. Laprò él gnü en chësc iade injuntè tröpes fotografies che ilustrëia la vita de siur Heinrich da süa nasciüda ai tëmps da incö, olache na gran coda de jënt passa dé por dé sön süa fossa, inće ma por n pice momënt de chît.

Le vize postuladù La fossa de siur Heinrich plëna de ćiandëres.

Le vize postuladù, siur Stephan Astner, é nasciü a Bornech y

I tröc proi dla Val Badia mo nia ma, che à conzelebrè adöm al vize postuladù.

chersciü sö a Türesc olache al à passè so tëmp sciöche scolar y studënt. Do avëi stlüt jö le ginase s’à siur Stephan scrit ite ai cursc de teologia tl seminar da Porsenù y spo a Desproch. Bele püch dedô fej le jonn seminarist n gran vare y vëgn tut sö tl Convënt da Neustift, olache al vëgn consacrè tl ann 1990. Da chilò inant mët man süa vita sciöche spiritual. Do n valgügn agn de laûr sura i confins de nosta provinzia fora, röia Astner indô zoruch y mët man so stüde de teologia biblica tla université papala Gregoriana a Roma. Incö ne é siur Stephan nia ma le vize postuladù por la causa de beatificaziun dl curat stimé Heinrich Videsott, mo à bëgn trëi cöres sön les sciables, la cöra de Völs am Schlern, Völser Aicha y Tiers. Sciöche vize postuladù se crüziel adöm al comitê ”Amisc de

siur Heinrich Videsott”, cun a će la presidënta Michela Comploi, de mantignì la personalité y l’ejëmpl, sciöche inće de portè inant la pert burocratica che ô ester por arjunje n dé le fin che é pö la beatificaziun de siur Heinrich.

N gran dilan Le comitê ”Amisc de siur Heinrich Videsott” à sambëgn a contlujiun dla festa orü i sporje n rengraziamënt sintì a dötes le porsones che à daidé para al garatè dl liber y dla festa. Avëi podü dè fora te n cört tëmp danü n liber s’à sambëgn damanè tröc sforc y tröpa paziënza. Le comitê à indere tres confidé sön l’aiüt de Chël Bel Dî y sön le sostëgn de siur

Le liber nü Le liber ”Pfarrer Heinrich Videsott - Ein Priester nach dem Herzen Gottes” é da ciafè pro les portines dla Cassa Raiffeisen Val Badia, o pro Lola, la cöga de siur Heinrich. Por ciafè le liber vëgnel perié do na oferta lëdia, a sostëgn dl prozes de beatificaziun. Le liber nü.

La tröpa jënt rovada a La Val por l’ocajiun.

18

www.lauscdiladins.com

Heinrich. Inće en chësc iade àn podü sintì la forza de siur Heinrich cun na dlijia toćia y plëna. Chësta é dessigü stada la plü gran scincunda. Al vëgn de cör rengrazié düć i benefaturs che sostëgn la causa de beatificaziun sides cun l’oraziun sciöche inće cun val’ oferta. Le giulan plü sintì i va sambëgn a siur Heinrich Videsott, che zënza so ejëmpl de fede, süa gran convinziun, so ester pere tratan döta süa vita y süa benedisciun che al se mëna inće do süa mort, n’ess chësta festa mai podü ester tan sintida. Le Comitê Amisc de siur Heinrich Videsott (reproduziun resservada)


Val Badia

nr. 44 / 09 de november 2012

N domisdé plajor a Pescol Les incuntades dl Club di Seniors de Badia à metü man cun n pice pelegrinaje tla capela dedicada a Santa Maria, a Pescol Lies - Ai 9 de otober à indô metü man nostes incuntades, che vëgn tignides regolarmënter n iade al mëis. Sciöche da tradiziun vëgnel fat danfora n pice pelegrinaje, sc’ an po ti dì insciö. Domisdé sunse jüs ia a Pescol, olache siur Degan à zelebrè la santa mëssa. Al à recordè Santa

Maria dl Rosare, che vëgn venerada te chë’ picia capela y chësc vëgn dër aprijé dala jënt n pü’ plü de tëmp. Dala partezipaziun podônse propi sintì la gran fede te Santa Maria. Do la Mëssa sunse ćiamò stà n püch de fora a se la cuntè, le tëmp ê beliscim. Dedô sunse jüs

tla Ćiasa Urban, olache Tecla nes à arjigné n bun tê y strudl da pom bel assà. I ùn spo inće festejé i compliagn y Tarina à arjigné por vignun na picia cherta de bëgngnü. N gran giulan a düć chi che à contribuì a fà garatè chësc domisdé y n bel invit da gnì i proscims iadi ales incuntades. (Seniors Badia)

Informaziuns sön l’ajiamënt eletronich Dlungia la serada publica a La Ila, é l’espert de eletrosmog Reinhard Mewes inće jü te scora mesana a informè sön aziuns y faziuns dles raiaziuns eletroniches. N referat che à descedè gran interes pro scolars y insegnanć

Tratan le referat de Reinhard Mewes.

Le bel grup de seniors de Badia.

Dal’Etiopia a Roma Do l’introduziun ales “Letres ala uma da pert dla fia gnüda t’Europa”, les publicunse śëgn man man Otava pert/Cuarta letra, di 30 de jenà 2006. Tripolis. Ciao uma, finalmënter sunsi gnüda pro da sciampè. I spazirâ t’urt y i à vidlé n nosc conazional che venô tê al’entrada dl ospedal. I ti sun jüda pormez, ti à cuntè ći che al m’ê suzedü, y i ti à damanè da me daidé. Ël à bazilé n püch, spo àl ćiarè intoronn, à odü che al foss stè le dër momënt y m’à condüt da ël a ćiasa, adoran les sëmenes plü dezes. Ilò ài abinè d’atri eritrês che se tignî ascognüs dales autoritês libiches. Ai à coiü adöm spënores por che i ess le mö’ da jì cun l’autobus ćina a Tripolis. Ruvada tla capitala sunsi gnüda tuta sö da d’atri eritrês che é stà dër valënć cun me, danter chisc le signur Tekle: śëgn viri pro söa familia y i me sinti plü al sigü. Insciö, desco ël, é inće la fomena eritrea. Ai me arata sciöche na fia y ai se proa dër por me chirì n laûr. I mëssi cöie adöm le plü atira che ara va i scioldi por arjunje l’Europa. A Cufra él stè les verdes dla porjun che m’à despié de vigni vers: i n’à plü nia pro me. I ne va feter mai fora de ćiasa, deache al é dër prigorus y iö me tëmi dër tröp. I n’à nia documënć y i conësci ma püćes parores arabes. Sce te savess ći discriminaziun che al é te cité

Scora - En mertesc ai 23 d’otober 2012 él gnü tignì tla Scora mesana ”Tita Alton” da La Ila n referat por insegnanć y scolars sura l’eletrosmog, en colaboraziun cun SOS Eletrosmog. Le referënt Reinhard Mewes, n espert da mosorè l’”ajiamënt” eletronich y d’atres ones, à metü man cun l’osservaziun, che sambëgn n’é strom, fonins, internet y i.i. nia plü da ponsè demez da nosta vita moderna. Ai alisirëia nosta vita da vignidé, mo lascia inće fora ones de vigni sort, che ne ti fej nia bun al corp dles porsones. Suradöt te nostes ćiases él tröpes ones: fonins, telefonn zënza corda, televijiun, frogorè a induziun, Wifi, Wi y indlunch olache al é cabli.

Dormì bun é de valüta

A Tripolis, cun odüda söl mêr y la “gran liberté”.

defrunt a chi che à la pel scöra y n’é nia musulmanns! Da zacotan de dis ài metü i edli sön na familia libica rica, i sun tl laûr da imparè da i conësce, speran che ai me toles sö sciöche ćiasarina. Al me sa na ocajiun d’or y i n’ô nia m’la lascè sciampè. I sa che te orôs dles dötes che i arjunjess l’Europa y i fajarà döt por nia te desplajëi. Por schivé problems savaiarai da ester musulmana y i me fajarà tlamè Jamila. Intratan ćiararai, mia ćera uma, da me romëte. Por me n’él nia

ćiamò saurì da me ćiarè te spidl, i i tigni fora düć. I me sinti paza y responsabla dles violënzes albüdes. I ne sun nia buna da i ćiarè ti edli ai ëi, le sanch cöj sö danü por le sënn. I speri da podëi tosc m’an jì da chësc Paîsc razist. Śëgn te salüdi, mo te dess savëi che i ti starà do döt ći che va. N baje, töa Simret.

Gran importanza ti à le referënt dè al dormì bun y saurì, por podëi se regenerè. La tle é la melatonina, n ormonn che vëgn ma dè fora da nosc corp de nöt, sce al é scür. Chësc ormonn é dër important por le sistem imunitar y ormonal. Avënes d’ega, raiaziuns dla tera y smog eletronich fej sön le corp la funziun sciöche löm y destürba insciö la produziun de melatonina. La porsona ne n’é insciö nia buna da se regenerè dal incuinamënt eletronich, de chël che ara se ćiaria sö ia por le dé. Porchël él dër important tignì dalunc dala ćiamena computer, televijiun, sambëgn destachè le fonin de nöt y le mëte dalunc dal

let o dala ćiamena. Impresciun ti à fat ai scolars, canche le reladù à mostrè tan mal che telefonè cun le zelular fej. Ti pici mituns deformel le ciorvel, mo inće le sanch va adöm y la sostanza dl sanch se müda. Al à dit che telefonè cun le fonin é sciöche mëte le će tl fornel a microones. Sambëgn desson evité de telefonè cun le zelular tan che ara va, an dess telefonè le plü cun le telefonn de ćiasa, tachè pro n cabl. Dër malsagns é inće i telefonns de ćiasa zënza corda.

La tecnologia ghira plü potënza Al dedaincö à tröc n smartphone, che pormët de ester online indlunch y te vigni momënt. Chësc ô dì, che por trasportè i dać ôl ester plü antënes co ma por telefonè. Insciö vëgnel metü so te na destanza de püć chilometri de gran antënes, che dà jö tröpes raiaziuns tl raiun incëria. Mewes à tresfora sotligné l’importanza da adorè cun mosöra chisc injins, che lascia fora raiaziuns, y de ćiarè veramënter de se tignì lëdi almanco de nöt da ones che fej mal y destürba le sonn. Che le referat à plajü àn odü dala discusciun gnüda fata dedô, olache sides insegnanć co scolars à ćiamò albü tröpes domandes y curiositês da damanè do plü avisa. Scora Mesana ”Tita Alton” La Ila

Va inant tla ediziun che vëgn cun la publicaziun de d’atres “letres ala uma”, trad. dal tal. tl lad.: ir www.lauscdiladins.com

19


Val Badia

nr. 44 / 09 de november 2012

Usc, saûs y corusc sön paladina a La Ila N salf toch y plëgn de jënt à ćiarè pro le musical “Saù dla jonëza” de Anita Obwegs, sot ala regia de Erika Castlunger, portè dant por le pröm iade en sabeda ai 3 de novëmber, tla Ćiasa de Cultura a La Ila vëgn adalerch dal Kossovo y mëss se ambienté te na realté picera y forsc n pü’ strënta. Sora ne n’é gnanca Laura che mëss soportè le pëis de avëi na uma alcolista. Le musical de Anita é porchël inće n apel, n invit. Al é n apel da se daurì al’atra jënt y a sü problems, da dè n aiüt meton da pert l’egoism. Al é n invit al pordonn, mo al s’ôj inće cuntra i geniturs, che dess imparè da ascutè sö sü fis, i jogn, che à gonot val’ dai insigné. ”Iö à azetè de fà la regia pro chësc musical, deache i po me reconësce, sciöche i pënsi inće tröpa d’atra gran jënt. - dij la regista Erika Castlunger - Le conflit cun i geniturs, chël conflit generazional unse düć passè. Le musical ô dantaldöt insigné che l’amizizia y le tignì adöm é le valur plü important y che massa gonot ne vëgn i jogn nia ascutà sö dai gragn.”

N lingaz jonn

Le grup che à metü en scena le musical “Saù dla jonëza”. (Dötes les fotos: Daniel Töchterle)

Musical - Gran é stè le suzes dl musical ”Saù dla jonëza”, scrit dala jona d’Al Plan de Mareo Anita Obwegs, che à odü pro süa premiera, en sabeda ai 3 de novëmber tla Ćiasa dla Cultura a La Ila, mo inće le dé do, la domënia, n salf toch y plëgn de jënt, de jogn y de manco jogn. Anita â ma 17 agn canche ara à metü man de scrì so pröm musical y de mëte adöm les ćianties. Ara à chirì fora instëssa i jobleri, i ćiantarins y i balarins, “cernes dër atocades”, à dit la regista Erika Castlunger. Le tòch döra n’ora y mesa y vëiga sön paladina incër trënta jogn y jones che ćianta, che bala y rezitëia cun gran spontaneité. Daldöt spontans é i jobleri. Chël che ai porta dant ne n’é nia d’ater che süa vita, les festes y le devertimënt dla sabeda sëra, les amizizies, chë serenité y chë alegria tipiches dla jonëza. La saù de na vita che ne n’ô nia ester insuza i é gnüda portada dant al publich, che

à podü insciö la ciarcé.

N retrat dla jonëza Mo nia ma le devertimënt y la contentëza toca pro la vita, forsc ma al’aparënza plü serëna, di jogn. Problems, conflić y stritaries fej inće pert dla jonëza y de süa saù. Ligrëza à Anita descedè cun so musical, mo le tòch ti à inće lascè lerch a val’ legherma, a val’ pinsier plü sot. Preocupaziuns y dificoltês che alda pro la vita da vignidé vëgn trać ca dala auturia marora y ciafa lerch te n musical che ô ester n retrat dla jonëza, nia ma de chëra d’al dédaincö. Le retrat gareta, n retrat te chël che inće les generaziuns plü vedles po se spidlé y se fà tomè ite, forsc inće cun n pü’ de incherscimun, recorć de tëmps passà. Saûs y corusc dl ester jogn à Anita portè sön paladina, cun la colaboraziun dla Uniun Teater La Ila y sot ala regia de Erika

Castlunger, che à condüt so pröm musical. ”La jonëza é da corù, le monn é da corù. Sön paladina unse orü portè dötes sües varietês”, à dit la regista contënta dl gran suzes. Sciöche tla maiù pert dles rapresentaziuns sot a süa direziun é la scenografia dër limitada. ”Deboriada cun la scenografa Ursula Tavella unse metü sön paladina na scenografia limitada, por alzè fora jobleri, ćiantarins y balarins”, àra splighé.

porchël valurs che dëida afrontè plü saurì les groaries dla vita, vare por vare. Sce t’as compagns ne te sënteste nia su. Insciö ne se sënt nia plü sora Aurora, na jona che

Anita nes à lascè ćiarćé la saù dla jonëza tres n musical frësch y nü te chël che le lingaz jonn fej inće süa pert, adöm cun i tòć de musiga rap, stil modern che alda pro la cultura musicala d’al dédaincö. Le musical gnarà ćiamò portè dant, tla Ćiasa dla Cultura da La Ila, por trëi iadi: incö vëndres ai 9/11 dales 20:30, en doman sabeda entres dales 20:30 y en domënia domisdé dales 15:00. Por prenotaziuns pòn cherdè sö i numeri 0471/847455 o 333 2525740. (kp)

Devertimënt mo inće conflić Ester jogn ne n’ô nia ma dì se devertì y fà festa. Anter les dificoltês dla vita de na porsona jona toca gonot laprò le conflit generazional. Chësc conflit é n pü’ le leitmotif dl musical de Anita. La storia cunta de döes jormanes, döes porsones liades da parentela, mo despartides da stritaries y sënn. Al é a gauja de sü peri, de dui fredesc che ne se vëgn nia, che les jones ne se conësc nia. ”Nia da crëie che i se baiun indô, do che i un passè döta nosta vita a se tignì fora”, se dij les döes protagonistes, Sara (interpretada da Anita Obwegs) y Elisa (interpretada da Anna Obwegs), jormanes sön paladina y inće tla vita. Ares impara da se conësce na sabeda sëra. Le sentimënt che ê fina a chël momënt tres gnü metü sön na pert vëgn fora y ne n’ô nia plü s’ascogne. Le tignì fora devënta n tignì adöm, na amizizia, che é plü sterscia dles stritaries di peri.

Sön les notes dles ćianties scrites da Anita él inće gnü balè, aladô dles coreografies de Julia Steiner.

Le valur dl’amizizia Les protagonistes é Anita y Anna Obwegs, jormanes sön paladina y inće tla vita.

20

www.lauscdiladins.com

La amizizia y le tignì adöm é

Cun le musical ô Anita trasmëte la gran importanza dl’amizizia por afrontè les dificoltés dla vita.


Val Badia

nr. 44 / 09 de november 2012

”I ne dun nia la conzesciun!”

“Palsa tla pêsc, Nicole” Te na desgrazia sön la statala ”Agordina” à pordü la vita Nicole Vittur da La Ila de 24 agn

Nicole Vittur ê na jona ligherzina, che vëgn recordada da sü compagns por le sorì y por süa buna löna.

Desgrazia - N auto sbriscia y röia te n iade sön l’atra pert dla strada. La colijiun ne n’é nia da tignì fora. Te n inzidënt teribl, sozedü en lönesc sëra, püch dan les 19.00 tla localité de Candaten de Peron, tl comun de Sedico, à pordü la vita la jona Nicole Vittur da La Ila. Nicole â ma 24 agn. Ara gnô zoruch dala vacanza, cun dui compagns, la jona A.G de 22 agn y l jonn S.F. de 21 agn, che rovenô l’auto. Ai ê stà a Lloret de Mar, na localité tl süd dla Spagna. Sön le iade che condujô i trëi jogn indô derevers a ćiasa, sön la statala dl Agordin, él stè la desgrazia. Te n iade él ruvé adalerch na Opel Astra rovenüda da S.K., n ël tunisin de 44 agn. La colijiun ne n’é nia stada da tignì fora. Le bòt é stè sëch y à desdrüt la pert dant de

intrami i auti. Les gaujes dl inzidënt, che an ne conësc nia ćiamò avisa, è da verifiché. Bel atira él ruvé sön le post dl inzidënt les ambulanzes dai ospedai de Egort y Belun, i stödafüch y la polizia stradala. Nicole é gnüda condüta cun prescia tl ospedal ”San Martin” de Belun. Düć i tentatifs che é gnüs fać tratan le trasport por reanimé Nicole é stà por nia y i doturs ne n’à podü fà nia d’ater co constatè la mort dla jona. A.G. é gnüda recoverada tla seziun de ortopedia dl ospedal, sciöche inće l’ël tunisin che rovenô l’ater auto. Cun n valgönes ferides se l’à indere cavada le ciafêr, S.F.

Le salüt di compagns La notizia dla mort de Nicole à

lascè zënza parores y cun n gran incherscemun n paîsc y na valada intiera. Nicole ê na jona ligherzina y dala buna löna. L’öt che ara à lascè, mo inće la incredulité pòn lì tles parores che sü compagns ti à scrit sön süa plata de Facebook. Ara vëgn recordada por so bel sorì, por süa buna vëia y por so ester da orëi bun. ”Te restaras por dagnora te nüsc cörs.” ”Palsa tla pêsc y ćiara de nos da lassö.” ”Giulan che i ùn podü te conësce y passè tan de bi momënć cun te, i te orun bun”, é ma n valgügn di tröc messaji che é gnüs scrić por saludé Nicole. Ara lascia indô la uma Irene, le pere Sandro y les sorus Susi y Lisa. Ala familia ti va les condolianzes plü sinzieres da pert dla redaziun de La Usc di Ladins. (kp)

I Freiheitlichen à presentè na interogaziun en cunt dl’antëna a Pedraces. Śëgn é la resposta dan man. I ùn inće damanè l’ombolt Frenademetz Badia - Le partì di Freiheitlichen â presentè na interogaziun sön l’antëna nöia che dess gnì realisada a Pantansarè a Badia. Cuntra la realisaziun dl’antëna él gnü coiü adöm chës 600 firmes de zitadins, mo impò ti â l’assessur Hans Berger dè de setëmber la conzesciun ala Vodafone Omnitel y Telecom Italia da la fà sö, cun döt che la Comisciun dl Frabiché de Badia â dit dui iadi de nou, sides ai 4 de messè che ai 5 de setëmber de chësc ann. Tla interogaziun orô i Freiheitlichen - tres i aconsiadus provinziai Pius Leitner y Roland Tinkhauser - savëi danter l’ater sce les imprejes de telefonia à tles mans les premisses tecniches y iuridiches por mëte sö l’antëna, y l’assessur Hans Berger à respognü che i proieć tëgn ite les leges varëntes. Laprò orô i Freiheitlichen savëi ći che an arata dles firmes coiüdes adöm. La resposta é de püćes parores: ”Tla valutaziun di proieć vëgnel atuè criters tecnics.” Inant damana le partì di ”bröms” sce sön terac comunal de Badia n’él nia rëi assà por la rezeziun telefonica. La resposta de Berger é chilò che ara ne nen va nia ma plü de rezeziun por le telefonn, mo che les tecnologies nöies (tablets, smartphones y tles por l’internet) se damana n gran potenziamënt dla infrastrotöra por suportè y respogne ales ghiranzes di sistems 3G y 4G. Na domanda reverda inće la sanité. I Freiheitlichen ô savëi ći faziun che les raiaziuns à sön la sanité dla popolaziun. Inće chilò

vëgnel dè na resposta tecnica: ”Por la sconanza dla popolaziun dala esposiziun ales raiaziuns eletromagnetiches vêl chilò da nos la lege statala nr. 36 di 22 de forà 2001. I valurs y i termi definis tla lege vëgn a Pedraces respetà deplëgn.”

Le Comun tëgn dür I ùn contatè l’ombolt de Badia Iaco Frenademetz, por le damanè sce i laûrs à metü man y ći co che ara jarà inant. En cunt di laûrs él tler: ”I laûrs ne po nia gnì metüs man. Les imprejes adora la conzesciun da frabiché y chëra ne dunse nos nia fora, deache l’antëna nöia gniss te n raiun de respet dles eghes da bëre. Sce ai mët impò man, spo fajunse atira n intervënt al’autorité iudiziara.” Frenademetz spliga inće che l’assessur Berger â menè na cherta te Comun, te chëra che la Junta gnô damanada da chirì instëssa n post alternatif por l’antëna. Chësc vare n’à la Junta nia fat. Frenademetz spliga: ”Nos sun cuntra l’antëna, i ùn respognü che i ne chiriarun nia n post alternatif. Sc’i orun respetè la orentè di 600 zitadins che à firmé, spo ne vara nia da ciafè n ater post. Nos sun dla minunga che les aparatöres dess gnì metüdes sö sön l’antëna che é bele, sön Sponata.” I recordun inće che le Comun de Badia à presentè n recurs cuntra la realisaziun dl’antëna. Co che chësc jarà fora é ćiamò döt da odëi. (pablo)

Tla proscima ediziun Noeles - Tla ediziun che vëgn ciafarëise articui sön tematiches desvalies. An podarà lì danter l’ater ći che al é gnü baié pro la sentada dla SVP a Al Plan, i ves

informarun sön i dać gnüs fora dal monitoraje dl trafich a Corvara y i cuntarun deplü sön le ”Meeting” che le Sorvisc ai Jogn Val Badia à invié ia por sü mëmbri. (La Redaziun)

Tl vënt dla crisa Pro la incuntada dl KVW dla Val Badia, stada ai 8 d’otober a Picolin, él gnü baié dl ”vënt frëit dla crisa”. Le nojel dl referat de siur Vijo Pitscheider: i consumun sura nüsc bojëgns fora, y i viun te na sozieté individualista

Siur Vijo Pitscheider é stè agn assistënt spiritual dl KVW dla Provinzia y à tignì n referat pro la reuniun tla Val Badia.

Sozial - Sciöche vigni ann, él rové adöm dan da püch i consëis dl KVW de düć i paîsc dla Val Badia, cun sü rapresentanć, tla Ostaria Posta a Picolin. La incuntada à albü sciöche tema: ”Nos tl KVW y tl vënt frëit dla crisa”. Ghest d’onur é stè siur degan Vijo Pitscheider. Ël é stè por tröc agn assistënt spiritual dl KVW dla Provinzia y tol dötaorela pert a nostes incuntades generales dl KVW dla Val Badia, cun relaziuns sura temesc atuai dla sozieté. Do le salüt y le rengraziamënt da pert dla surastanta dl KVW dla Val Badia, Hilda Sottara, y le pinsier religius, à siur degan Vijo Pitscheider tignì

n referat dër interessant y informatif sura le tema dl dé. Chilò n valgügn pinsiers dër atuai fora de süa relaziun.

Crisa te plü ćiamps L’andamënt dl stat sozial s’à dër mudè tl 19ejim y 20ejim secul. La crisa atuala à aumentè sura döta l’Europa la meseria y i debić di stać. La reaziun di guerns é de cherié programs radicai de sparagn. I stać, dantadöt dl’Europa, é ite sot te na crisa dl’economia, dla cultura, dla religiun, dla sozieté, gaujada dal consumism, individualism, indiferentism. Al vëgn consumè demassa, produć

che an n’adora nia por vire. La porsona ćiara de regola ma plü por so sach. Gonot ne se crüziun nia plü dles meseries di atri, di profugs y di püri tla sozieté. Inće religiun é scialdi ma plü cossa privata. La natöra dà bëgn ca ressorses y produć por düć surafora, mo ai vëgn partis fora iniüstamënter y malamënter. De gran perts de popui vir te meseries y patësc la fan. I gragn se arichësc tres deplü y i pici röia tres plü tla meseria. Chilò stàl inće n compit esenzial dl KVW.

Les ativitês Plü inant à informè Hilda

Sottara y Iaco Clement sura ativitês y manifestaziuns stades a livel de valada, insciö sura le iade de istruziun te Thüringen y i dis de formaziun y de palsa por ëres a Sarns. I rapresentanć di paîsc à spo comuniché sües ativitês y manifestaziuns gnüdes fates tratan l’ann. An vëiga che les uniuns dl KVW di paîsc se dà dër da fà, inće adöm cun d’atres uniuns. Al vëgn inće fat propostes por le dagnì. Cun n pü’ de discusciun y pro val’ da mangé en buna compagnia s’à la incuntada stlüt jö. Pasquale Schuen por le KVW dla Val Badia www.lauscdiladins.com

21


Val Badia

nr. 44 / 09 de november 2012

Miù na falda deplü defora co le ciorvel che scrićia... L’auto chit à portè bun Le Teater d’La Pli de Mareo mostra śëgn d’altonn le teater da rì "L’operaziun à fat faziun” de Hans Renz. La morala é en cört “pan desdit é bun mangé"

L’iniziativa ”Stop, mo cun saù. Inće l’auto va en vacanza”, ciafa intres plü aprijamënt pro i sciori dl’Alta Badia. Iniann d’isté àn arjunt bëgn 561 pernotamënć cun l’auto chit, che corespogn a n sparagn de emisciuns de 4.908 chili de CO2

Le teater é indô n iade garatè. Da man ciampa: Zilia Daverda, Vera Fischnaller, Alma Obojes, Anna Mühlmann, Hansi Comploi, Marco Comploi, Annemarie Mühlmann (dì ite), Brigitte Pezzei, Paul Pedevilla, Paul Willeit, Jep Ellecosta.

Cun le Mountainpass Alta Badia vëgnel motivé i sciori da s’anuzè di implanć portamunt, y lascè l’auto chit.

Teater - Ći che an à, pê datrai massa stlet, y l’imaginaziun te fej spo de vigni sort de beć. Insciö po Iaco Majira, le paur de Brüscia, ester bele massa desanchè fora por söa fomena plü jona Trinele, tan, che ara n’é bëgn nia contënta y le desmandrëia plan plan... Le teater à inom te chësta traduziun ladina de “Die Verjüngungskur” de Hans Renz, fata da Hansi Comploi che fej instës regist y un di protagonisć (le paur), “L’operaziun à fat faziun”, cun laprò söi placać n dessëgn de n polerin te na letira de cura. La parora “operaziun” passenëia, deache tl tòch de teater vëgnel davëi dant na operaziun, n intervënt dl dotur söl corp. Laprò sta la medema parora ladina desco metafer por n pice scassarot mental, nia al “paziënt” instës, mo bëgn a söa fomena (y de conseguënza inće a söes compagnes n pü’ tla medema situaziun), che se aoda spo ma plü che so om sides indô desche al ê tla rutina da vigni dé i agn passà.

Trama y jüch a La Pli Chësc teater d’La Pli é dër da rì. Al se desfira dër bun inant, val’ detail de comportamënt de jobleri sön scenar é dër garatè. Al é un de chi tòć de teater spidl dla realté che

I trëi ëi y omi de familia tin adöm...

22

www.lauscdiladins.com

laora zënza chël gran tamtam de trama, cun val’ cliscê y inće val’ ilujiun. Al n’é por nia da analisè desco spetadù massa la trama y se damanè ćiodî che al suzed chësc y nia val’ d’ater, al é ma da se gode le spetacul. La pronunzia di aturs é en gran pert tlera y bona, an alda inće doìa te salf. Le lingaz adorè é n bun ladin y popolar, y sa da se desfarenzié tla saù da chël da vigni dé, chësc é n complimënt. Da alzé fora él la buna prestaziun di jobleri, danfora Anna Mühlmann, Marco Comploi, Paul Willeit y Hansi Comploi. Le jüch é früt de n bun laûr y de na buna atmosfera de grup.

La tradiziun Le Teater La Pli tin inant n pü’ na söa tradiziun tl portè sön paiun na comedia popolara: al n’ô nia ester n gran scenar ponsè aposta, guanć realisà aposta, sonns y löms aposta... le teater gareta y al i sa bel ala jënt. Tröc dij dötaurela che por ëi é jì a teater val’ aurela cörta, da rì, da destachè dala cuotidinaeité... porchël ne ćiari gnanca tl tacuin, va chilometri ćina a La Pli y paia ion la cherta. Chësc pinsier y bëgnstè da pert dla jënt se dejidrass inće d’atri che pita cultura tla Val Badia, dantadöt musiga tlassica, serades de leteratöra, yii.., mo al

resta intrês ćiamò n dejidêr. Da dì él inće che le Teater La Pli n’é nia ma na uniun, mo bëgn n aspet y na carateristica dl paîsc, y n carater é bel da odëi, mo nia tan saurì da mëte en vita te n jüch. Canche carater é naôta tradiziun, spo fêjel pert dla vita dl paîsc y de söa jënt. Tla Val Badia él dagnora bel da odëi cô che i paîsc desfarënć - olache al é tradiziun da fà teater - fej teater, ći sort de teatri che ai fej y cô che ai presentëia söl scenar datrai inće le medemo tòch. Vigni paîsc à n pü’ so modo da fà teater, presentè i dialogs y inće rezité les batüdes o les perts plü dla ria löna. Val’ é porchël sigü: teater é inće portadù y trasmitënt de cultura dal post y inće dl modo da vire y ponsè dl post. Forsc é teater da rì deplü co ma divertimënt, na sort de conferma di vic y di dejidêrs dla jënt, y deache le humor vëgn aratè na sort de ert por passè sura les dificoltês y i momënć posoć dla cuotidianeité ia, romagn la “comedia” n bun dotur, n dotur che ne mëss nia fà na operaziun por “ragagné” te val’ ciorvel de porsona.

Ćiamò rapresentaziuns Chësc teater a La Pli gnarà ćiamò fat en sabeda ai 10 de novëmber dales 20:00 y en domënia ai 11 de novëmber dales 15:00. (ir)

Le paur é indô gnü jonn y i plej...

Turism - Al é bele le terzo ann indôlater che le Consorz Turistich Alta Badia à promoiü - deboriada cun cotan de eserzizi dl’alta valada- l’iniziativa ”Stop ma con gusto. Anche la macchina va in vacanza”. Chësta é na iniziativa che à descedè inće cotan de interes mediatich, y à doìa le fin da sensibilisé i sciori che vëgn alerch en vacanza, da ti conzede val’ dis de palsa inće a so auto, y da anuzè les poscibilitês de mobilité publica. I sciori che orô tó pert podô dè jö tl’eserzize la tle dl auto, y ciafâ ala fin dl edema n pice reconoscimënt. Por mirit dl bun laûr fat dai eserzizi, àn podü registré chësc isté na partezipaziun sterscia al’iniziativa, tan da rové sön 561 ”pernotamënć” cun l’auto chit. Sambëgn ôn inće savëi ći che chësc à portè. Insciö àn lascè stimé la cuantité de CO2 che an ti à sparagné al ambiënt, y che i sciori ti à sparagné, anuzan corieres y implanć p or t amunt . L e s mosoraziuns é gnüdes fates dal Istitut Ecologich de Südtirol, che à sciazè che n auto adorè en vacanza prodüj mesanamënter chi 8,75 chili de CO2 al dé. Le cunt che é gnü fat é spo chësc: tratan la vacanza de n’edema porta n auto a 61,22 chili de CO2, y cun 561 de pernotamënć zënza auto, röion insciö sön la bela soma de 4.908 chili de CO2 che an s’à sparagné. N confrunt por splighé damì? La medema cuantité de emisciuns vëgn gaujada dal consum de 14.500 chili de pomodori, tignon cun de döt le ziclus de produziun (GEMIS 4.4), o corespogn a n jore cun le fligher de öna na porsona da Roma

Fiumicino ćina Lima tl Perù - inant y zoruch. Chësc gauja emisciuns por 4.696 chili (chësta calcolaziun ciafon sön le sît www.myclimate. org). Iniziatives sciöche chëstes contribuësc ala sensibilisaziun por n ambiënt plü nët y plü sann. Tl’Alta Badia n’él nia la sora. Da agn vëgnel bele motivé i sciori da s’anuzè dla mobilité publica, sciöche chertes vantajoses por les corieres y ferates, o sambëgn le Mountain Pass por anuzè i implanć portamunt. De setëmber él gnü tignì la terza ediziun de Ecodolomites, che mët l’azënt sön la mobilité alternativa o ”vërda”, zënza desmentié i dui Sellaronda Bike Day y la Maratona, cun i jus stlüć al traich. L’iniziativa ”Stop, ma con gusto” gnarà pitada inant, cun la speranza che le numer de pernotamënć zënza auto vëgnes intres maiù, y che le scior se destaches dal meso motorisé por conzentrè süa vacanza sön la natöra y la sanité. (pablo)

Le ”martl” dl’iniziativa ”Stop, mo cun saù”. Ara plej y à inće portè chësc isté de bi resultać.


Val Badia

nr. 44 / 09 de november 2012

Festa dla musiga y di musizisć de nosta valada L’assoziaziun Badiamusica à metü da jì en sabeda ai 20 de otober a La Ila ”La Nöt dla musiga” cun deplü grups dla Val Badia

L’Orchestra Val Badia.

Musiga - Sön paladina s’à presentè al publich l’Ensemble Saksó, le Cor de Dlijia da La Pli, l’Orchestra Val Badia y n grup de

Le Cor de Dlijia d’La Pli.

stromënć de banda. Le tröp publich rové adalerch por l’ocajiun à insciö podü ascutè de vigni sort de musiga. L’Ensemble Saksó a

Le cuartet Saksó.

partì sö süa performance te döes perts: tla pröma àn aldì trascriziuns de operes de Ravel y Mendelssohn y tla secunda pert àn podü ascutè composiziuns plü modernes. Le Cor de Dlijia da La Pli à portè dant n program rich y desvalì y à inće ćiantè na bela composiziun metüda adöm da so dirighënt, Christian Ellecosta. Gran suzes à albü l’Orchestra dla Val Badia che, sot ala direziun de Bruno Rives, à daurì la secunda pert dla Nöt dla musiga cun n conzert de Bach, olache an à podü aldì les solistes Angela Palfrader (vidora) y Laura Lezuo (oboa). L’Orchestra à spo sonè n program modern cun musiga da film y musiga pop: dër plajü ti à al publich la ciantia ”My heart will go on”, fora dal film ”Titanic”, ćiantada da Chiara Dellosto. La Nöt dla musiga é spo gnüda stlüta

jö da n grup de stromënć de banda sot ala direziun de Alberto Promberger. Badiamusica tol l’ocajiun da rengrazié düć i grups che à tut

pert a chësta manifestaziun y che à contribuì cun so impëgn ala bona garatada de chëra che an po defini na festa dla musiga y di musizić de nosta valada. (kt)

Le grup de stromënć a fle.

Jita cun ligrëzes y impreodüdes Le Cor de Dlijia d’Al Plan é jü en jita a San Pire de Laiun, olache al é da ćiasa la dirighënta da denant Irene Clara. Ilò ài ćiantè la mëssa y passè de beles ores d’aorela cörta, inće cun val’ ”cuntratëmp” Lies - En domënia ai 21 de otober sunse nos ćiantadus y ćiantarines dal Cor de Dlijia d’Al Plan jüs en pelegrinaje a San Pire (Laiun) da nosta ”vedla” dirighënta, Irene. I ùn inće albü prenotè la dlijia, por che al ne foss bëgn nia la concorënza

che jiss a ćiantè impede nos. Pià ia sunse ćiamò mec indormedìs dales 7.15 cun la coriera, da plaza dal Cone demez. Le ciafêr à ponsè da fà atira na roda panoramica incër paîsc, y é pié sö cuntra la dlijia, impede co dè ota y jì atira cuntra

Longega. I s’ùn bëgn spordü: Silvia ê pö bele pro nos y i n’ân mine bria da jì a la do ite Lé dla Creda! Le iade da rové a San Pire ê bindebò lunch y nosta dirighënta Sybille orô ćiamò fà proa dan mëssa (por che i ne fajésson bëgn nia burta parüda), y

De chi dl Cor de Dlijia d’Al Plan che é jüs a Laiun a ciafè süa dirighënta da denant.

sambëgn inće Renzo orô porvè fora l’orghe. L’ultim tòch dla strada por rové a San Pire ê dër strënt (o la coriera dër leria?): söla man ciampa êl mefo le parëi cun de beles brüsces dai corusc d’altonn, söla man dërta n bel gran fossé (trö’ manco bel da odëi): po Sant’Antone olache chësta Irene é jüda a stè da ćiasa! La mëssa é jüda tan bun che le comentar de Irene è sté: ”Eh, i m’à propi ponsè, chisc é mi ćiantarins d’Al Plan!” Le ploan, siur Klaus, à inće albü ligrëza cun nos, che al à podü aldì indô usc y melodies ladines y se sintì n pü’ plü dlungia ćiasa. Dô mëssa él Irene y so om Thomas che nes à organisé n bel renfrësch cun de vigni sort de golosaries, mo i ne podun sambëgn nia desmentié la mama de Thomas, che à daidé pro che düć se stess saurì. I ćiantarins nasciüs a La Pli, che ess albü segra y se l’à injomada ia por gnì en jita cun nos, à impò ciafè i crafuns (nia cöć a La Pli, mo a Lungiarü, olache la mama de Irene à albü ponsè a nos), y insciö ài impò ciafè n pice pest de consolaziun. Do le renfrësch, bi pasciüs, sunse jüs a marëna al Buchfelderhof, n bel lüch da paur plütosc ascognü

(jö por n’atra strada strënta). Chilò parôl, tl mëteman, che le vin ne foss nia di mius, mo do i pröms goti gnôl intres miù... Irene nes à ćiarié sö de compić: guai sce le proscim iade che i jun a la ciafè ne sa düć i ćiantadus (mo dantadöt ”mi amisc tenors”!) nia le ”Furusato” y ćiamò d’atres ćianties adamënz! A odëi sce i jun pa ćiamò... Sce la strada â parü strënta da gnì jöpert ćina al lüch, unse albü i maius problems por rové indô söla strada prinzipala (nia deache i ésson mangé o boiü demassa!), deache ara parô ćiamò plü strënta co denant (o ê mo la coriera gnüda plü leria?!). Cun la interzesciun de siur Klaus éra mefo stada insciö che i carabiniers à messü jì danfora cun so auto a tignì sö i auti che gnô decuntra, sambëgn cun les löms börnes tacades ite sön tët, deache da zoruchè cun la coriera él dër prigorus. Docà gnô spo Irene cun so bel auto vërt a stlü jö la prozesciun. Le tëmp à daidé dassënn por che le dé garatass, y sce le patrun dl lüch n’ess nia albü debojëgn dla stüa por le grup che gnô a cëna, fósson ćiamò dailò a s’la ćiantè! (chiara marcocci) www.lauscdiladins.com

23


Letres y minonghes

nr. 44 / 09 de november 2012

Mësa torona sön l’insegnamënt dla religiun: n pinsier de n pice cherdënt ”Ma chi che n’à debojëgn ne da comanè, ne da olghè, é veramënter gran.” (Johann Wolfgang von Goethe) I à metü averda cun atenziun ala mësa torona, y sinzieramënter n’êi ala fin nia bun da elaborè intervënć adatà. Ći essi pa messü mëte sön mësa, o mëte en discusciun les parores di reladus, che ê feter les medemes co chëres che an alda da ormai 2000 agn? L’importanza dla religiun, sü valurs y sü insegnamënć, sigü argomënć da ne mëte nia en discusciun (an ne mëss nia ma alzè fora le bun dla dlijia, mo inće le mal, y al n’é nia stè püch). I à porvè da fà n intervënt cuntan na picia storia, por ”sciurè” spo sön mësa di reladus na provocaziun spauia che se referësc al intervënt analogh (inće spau) dl Minister dla Istruziun, en cunt dla poscibilité da odëi danü les manires d’insegnamënt dla religiun tles scores publiches. Ne l’essi mai fat... i m’à aldì che al ne sarà sigü nia deache le monn se müda che an podarà mudè les cosses te chësta realtè, y che degügn ne tolarà demez sü crisć. Laprò ài odü espresciuns descordantes (legitimes) sön le müs di reladus, y ala fin m’ài aldì che ma canche al sarà n’acordanza Stat/Dlijia podaràn odëi, magari, n cambiamënt, mo

che por le momënt romagnarà l’istruziun tles scores locales confescionala sciöche ara é dagnora stada. Döt bun, mo le fin de mia provocaziun n’ê nia chël da me damanè che le sistem d’insegnamënt vëgnes atira mudè jö, mo na nezescité graduala y sperada, odüda la situaziun multietnica che i ùn (chilò da nos nia ćiamò tan marcada sciöche te d’atres localitês), da lascè l’insegnamënt dl Assolut, mo plü l’oje al dialogh/raport/storich interreligius. (cun assolut mini la posiziun primara che la Dlijia/ Religiun à intres godü tla scora y nia). De chësc sperâi che an baiass chësta sëra, inće por arjigné nüsc mituns a n dagnì intres plü pluralistich, odü sciöche les cosses tl monn va (mo zënza jì incërch por le monn, bàstel che i arlungiunse nosc će defora dla valada). A testemonié mia convinziun en cunt dl argomënt che i sperâ da aldì, êl le dessëgn adorè sön le jorantin che retlamisâ la mësa torona: n parom blanch y la bandira dla pêsc, n gran monn tignì sö da dui brac jogn, un blanch y un fosch. Na

beliscima imaja, de speranza, rica de liberté, de na vijiun daverta y de valianza. Mo po pa le dübe o inće ma la domanda, por ne baié nia de na proposta da se daurì, veramënter ti mëte na gran ”tëma” al ”super cherdënt” o él magari ma le früt de na tradiziun lungia püch daverta al dialogh? Le catolich, i n’orun nia le loghenè, é chël che conësc en assolut la verité assoluta y mëss la anunzié ai atri, por che ai se convertësces y se salves. Chësta conzeziun de verité à slarié l’idea che an ne pois imparè nia dales atres tradiziuns spirituales en cunt dla salvëza, dla spiritualité, dla oraziun, dla porsona, dla natöra y suradöt de Dî. Y chilò me feji val’ domandes: 1 - Cristian é döt ći che é vëi, bun, bel y uman. Co pa loghenè che al ne sides nia inće defora dal Cristianejim verité, belëza y umanité? 2 - Cristian é vigni porsona de convinziun frëma, de fede sinziera y buna orentè. Co pa ignorè che al sides inće defora dal cristianejim

convinziun frëma, fede sinziera y buna orentè? 3 - Dlijia cristiana é vigni grup de meditaziun o de aziun, vigni comunité de porsones impegnades, che spera tla salvëza tres na vita iüsta. Co pa contestè che al pois ester inće te d’atri grups defora dla dlijia impëgn, aziun, meditaziun, onestè y salvëza? 4 - Cristianejim é combate la dejumanité y promöie la umanité. Che al vëgnes combatü la dejumanité y promoiü l’umanité inće defora dal cristianejim, danter ebrês, musulmanns, induisć y budisć, é na verité elementara. Poh spo, sce al é danter les atres tradiziuns spirituales valurs che é ala basa dl cristianejim, ćiodi pa nia i fà conësce? I ô stlü jö assiguran düć chi che liarà, che degügn ne gnarà a ves tó osta storia, osta cultura, ostes tradiziuns, ostes cherdënzes, y suradöt osc y inće mi crist. Mo i ves inviëii da ves damanè: co po pa le cristianejim catolich - che röia gonot tan tert cun la verité - ester afascinant por chi che é tresfora ala

chirida dla verité (y i sun pa tröc, cherdédeme, al basta odëi les presënzes tres mëndres al’Eucaristia) y co po pa la religiun ester di spirić nobli, da coraje, de inovaziun, busiënta sciöche i arati che inće Gejù sides stè? Da püch nes à lascè na gran porsona de dlijia: le gran cardinal Carlo Maria Martini. Tl liber ”Conversazioni notturne a Gerusalemme” àl scrit: ”Da n tëmp âi n some sön la Dlijia. Na Dlijia che va inant sön süa strada en poverté y umilté, na Dlijia che ne depënn nia dai podëis dl monn. Na Dlijia che ti dà lerch ales porsones bunes da ponsè te na manira plü daverta. Na Dlijia che dà coraje, suradöt a chi che se sënt pici y pićiadus. I somiâ na Dlijia jona. Incö n’ài nia plü chisc soms. Do i setantecinch agn ài tut la dezijiun da perié por la Dlijia.” Por mi cunt me tolarài do indlunch y cun vignun mi granel de saurun, a proa de mia fede te Gejù, y i ti dijarà inant a mi mituns che te chësc monn ne sunse nia susc y unics. Alberto Colombani, Calfosch

Lia Comuns ladins Slomeneda da Bulsan, sburla ai ladins de Lois Trebo

L Sourastant dla Provinzia de Bulsan Luis Durnwalder à metù su la tradizion che al dà amez agost de vigni ann a Falzes, olache al se conzed n valgugn dis de paussa, na conferenza stampa sun cie che al é vegnù fat l ann passé y cie che speta da vegnì metù sun meisa. Da chela ocajion ti fej ence i jornalisć ladins n valgunes domandes sun chestions ladines. Durnwalder les dij fora cleres zenza avei pei sun la lenga: al conta cie che al é vegnù fat per i ladins y cie che resta da fé y al ne sparagna nia valch critica a chi che se la merita do sia minonga.

I comuns adum Da la conferenza stampa a Falzes de chest ann ai jornalisć ladins àn podù audì fora anter l auter plutost n sie melcontent con la Lia di Comuns ladins/LCL,

24

www.lauscdiladins.com

ciuldì che ala s’abina massa puech gonot y trata apena problems ladins che fossa sun meisa. La Lia é metuda adum da chisc comuns: 5 Val Badia, 3 Gherdeina, 3 Souramont, 7 Fascia y l comun de Ciastel per les frazions ladines Bula, Sureghes y Runcadic. Ala é nasciuda ence con na sburla de Durnwalder che ova capì che i ladins enstesc se stentova plutost da mete su na union che lieia adum duc i comuns ladins con l fin de tegnì adum y capì che ai forma na soula familia. Chesta lia mess fé vigni sforz che i ladins ruve plu adum, ala mess ti fé valei a duc i ladins i medems derc che ai adora per avei na bona sconanza. Chi che ne tegn nia adum, che se despartesc, che va undalauter, se condana enstesc a mort. Perchel mess i ladins ruvé adum sot l medem tet, ai adora n lingaz standard per lié adum duc i ladins dles Dolomites te na familia che rejona deplù idioms ma scriv y se identificheia te n lingaz soul y unitar.

L Statut dla LCL La situazion statutara y perchel ence i bujegns de sconanza é desvalifs da na provinzia a l’autra; avisa per chest é la LCL cherdeda a raprejenté y defene i ladins defront a les autorités politiches dles trei Provinzies, dles does Regions y a Roma. Demé sce ai rejona con una na ousc sarà i ladins bogn da souravive sciche grup etnich ladin!

Argomenc da mete sun meisa I on bele plu gonot conté su ciugn problems y punc che la Lia

di comuns ladins podessa brancé ite y porté inant. Perempò vàl debujegn de i recordé tres endò da nuef a na moda che ai se giate na bona sburla y che les autorités se recorde che la situazion politica–culturala ladina é plutost en melester. I ladins é de mez secul endò en confront a cie che i autri doi grups se god da doseines d’agn. Per cie che reverda nia me les valedes ladines de Südtirol podessa la Lia di comuns ladins avei sun l orden dl di chisc punc: - porté la RAI Ladina tles valedes ladines per ester dlongia la jent ladina; - trasferì ofizes dla Intendenza y dl exIPL tles valedes ladines; an giatessa cotant plu saurì personal ladin per chestes stieres; ence la tecnica fossa da nosta pert; enscì ne éssen nia bria de tó su a Bulsan personal todesch te ofizes ladins; - mené do che la RAI Ladina giate cotant deplù ores de trasmiscion y na redazion autonoma; - ti dé n cotan majer sostegn finanziar a la stampa ladina; - comedé fora l proporz a begn di ladins; - i fé valei ai ladins l dert de avei n assessour provinzial ladin y no demé la poscibelté; - tò su n ladin tla Comiscion di 6 y di 12; - tò su n ladin tl Tribunal Aministratif; - fé inant che Bulsan mete la Scola de mujiga ladina sot la Intendenza Ladina; - judé a arferé la svenüda de patrimone ladin; - fé fora che duc i comuns dles cinch valedes ladines tache fora la bandiera ladina da les sentedes de comun y da les festes che l comun

orgnaniseia; la bandiera ladina é l simbol dla unité ladina, cherieda dl 1920 da nosc vedli; - damané Bulsan de mete l Museum Ladin sot l Assessorat Ladin; - ti sté do a Bulsan per che al vegne laoré che Souramont ruve tost endò pro Südtirol; - ti consié ai trei Istituc Culturai Ladins na majera colaborazion anter ei: - damané i trei Istituc Culturai Ladins che ai se cruze endò dl ladin unifiché comedan cie che ne va nia ben y enjontan laprò cie che va d’uega; - ghiré da Bulsan l’adoranza dl lingaz ladin unifiché tl’aministrazion dlongia i idioms; - ghiré da Bulsan che duc i documenc personai per i ladins vegne ence scric per ladin;

- ti fé propostes a la Provinzia per adoré deplù l ladin te siei ofizes; - ghiré che al vegne adoré sistematicamenter la toponomastica ladina y iscrizions ladines sun i ofizes generai dla Provinzia y la toponomastica ladina foradeca; - se cruzié che les Dolomites vegne reconesciudes y valorisedes ence sciche patrimone natural y cultural di ladins; laprò audel ence l grup dl Sela y Saslonch; - mete su na Ajenzia Noeles Ladines sciche tl Grijon. L laour per la Lia Comuns Ladins ne mancessa dessegur nia; an spera che ala ae l maiour enteres da traté chestes chestions che fossa de gran utl ai ladins, cie che duc vuel pu arjonje, almanco a paroles. Lois Trebo

I colours de nosta natura se respidleia tla bandiera ladina con l vert basvia, l blanch tamez y l brum sunsom.


Letres y minonghes

nr. 44 / 09 de november 2012

Da partis politics y da listes politiches

Ala Maratona de Aunejia

Dificolté cronica de Südtirol da cherié posć de laour cualifiché Tl Südtirol él na dificolté cronica da cherié post de laour autamenter cualifichés. Gonot mess forzes de laour cualifichedes

crì laour foradecà o se contenté de soluzions plu al bas. La monocultura turistica che cherieia en gran pert posć de laour de cualificazion bassa

é n pericul per l davegnì dl Südtirol. Albert Pizzinini, Ladins Dolomites

Florian Mussner documenteie les speises litales dl 2008 La campagna litala per les provinziales dl 2008 prejenteia trueps aspec nia trasparenc. Anter l auter à l Assessour Mussner paié cenes a assoziazions. Chest raprejenteia na burta

forma de politica da “compré” oujes. Ma enfin che ales vegn paiedes con scioldi privac n’él samben nia da dì. La puecia trasparenza tla gestion di fonds de raprejentanza oblieia da fé lum. Perchel i damana Ladins Dolomites

al Assessour Florian Mussner de documenté sciche al à paié les cenes. Autramenter é l sospet dla adoranza di fonds publics plu che giustifiché. Ladins Dolomites

I brac dl sistem SVP ence te comiscion de inrescida Sel Al é de marevueia che chi che à descurì l cajo Sel sie releghés dovia. Te na democrazia madura spetessa avisa a chi che à descurì l scandal dl secul tla provinzia

de Bulsan de curì i posć de maioura importanza te comiscion. Ma al per che al sie tema al intern dla SVP. Ne vuel pa l Obmann Theiner nia la trasparenza? Ladins Dolomites

cherda su la SVP al sens de responsabelté.

mendranza ladina, coche per ejëmpl pra la cuestion dla scola de mujiga, la paroles che l à dit ti cunfronc dla Usc, l sustëni che l ti à dat ala descuscion ntëur ala rujeneda te si unità, mé per tré ca n valguna cosses che ie suzedudes ultimamënter.

Durnwalder che à purtà la SVP a se scusé publicamënter per si cumpurtamënt tres la persona de si presidënt Richard Theiner, che à metù leprò che l se dëuda per l gran dann che si partit ti à fat ala jënt de Südtirol? Per ruvé de reviers ala lamentanzes, me damandi ciuldì che Florian Mussner ne se defënd nia nstës? Saràl pa ajache la critiches ie fundedes?

Albert Pizzinini, Ladins Dolomites

La SVP se lamënta! I ladins dla SVP se à lamentà tres plu media che l assessëur Florian Mussner vën criticà. Tla Usc di 27 de utober fòvel chëi de Urtijëi che à purvà a l defënder cun de bela gran paroles, l laudan per dut chël che ël dëssa avëi fat per nosta jënt, ma zënza dì cie. L fossa povester drët che la SVP purtëssa a cunescënza de duc cie che l dëssa avëi arjont per nosta mendranza (mpede mé se lamenté dla critiches). Do mi minonga àl perdrët laurà truep contra i nteresc dla

Ma cieche da mé ora ie n majer spavënt, ie che ël à sustenì l sistem Durnwalder, tres chël che l ie stat bon de ntravaië nosta jënt ti fajan crëier che l ie miec a servì la SVP mpede cialé nstësc de si daunì. Ne dëssel pa vester nce stat l sistem

Walther Kasslatter, Ladins Dolomites

Un n gran Chemun de Gherdëina On liet ultimamënter che l Cumisser dl Guviern de Bulsan dr. Valenti ie unit a Urtijëi te Chemun, ulache l se à ancuntà cun i trëi ambolc de Gherdëina. Aldò de chël che on liet tla zaites iel unì rujenà danter l auter nce dla puscibltà de fé un n gran Chemun de Gherdëina, metan adum duc i trëi Chemuns. Chësta ie dessegur na bona idea y da mé ora fóssel gran ëura de fé chësc var. La idea ne ie nia nueva, bele dan passa 30 ani fòvel unì purtà chësta idea da nëus te Chemun, ma sambën ne fova

ntlëuta i tëmps mo nia madures. Ncuei messons dé pro che i fascians ie plu da snait che nëus de Gherdëina, ëi à bele fat l var che nëus on mo de fé. Sce la ëssa da unì a s’l dé n di o l auter de mëter adum i Chemuns de Gherdëina, muessen sambën nce tré ite la Frazions Ladines dl Chemun de Ciastel. Fé n gran Chemun danter Sëlva, S. Cristina y Urtijëi fossa dal pont de ududa economich dessegur drët, ma l unissa a mancë la cossa plu mpurtanta che ie la union danter la cater realteies ladines

de nosta valeda. A deguna maniera ne daussëssen lascé ora la frazions ladines de Ciastel da na tel unità aministrativa nueva.

demanco i bujëns fundamentei di zitadins y la natura. Y chësc descuiliber se à manifestà tres l resultat ala zibla de 8 sci, 6 no y una na astenscion.

chëi economics y l ambient de vita, y chësc valerà n particuler nce per la soluzions n con’ dl lech de Frataces.

Ajache l vën bele tan rujenà de messëi sparanië scioldi, fóssel ntant da mëter adum duc i servijes che vën fac dai Chemuns de Gherdëina śën uniun per si cont. A chësta maniera sci pudëssen sparanië n grum de scioldi!! Georg Moroder, ex cunselier de chemun

Lech de Frataces Lech de Frataces, cunscidrazions y rengraziamënt: la pruposta dla scumenciadiva de plu ressevares y plu ega dal ruf per n valgun dis al ann mirova a mëter n armunia bujëns fundamentei di zitadins (la segurëza) cun i bujëns dl’economia (avëi duta l’ega che n adrova a fé nëif ) y cun l ambient. L ie jit tres te Cunsëi de Chemun la pruposta dl lech artifiziel, che costa demanco, ma che cunscidrea nce

Per avëi tl daunì na majera union y n majer cunsëns tla politica cumenela, iel do nosc ntënder debujën de giaté soluzions ulache l vën crià n’armunia danter i bujëns fundamentei di abitanc,

Saltè por 42,195 km, amesa l’ega alta y la bora. Chësc ê le compit di passa 6.200 concorënć che à tut pert ala Maratona de Aunejia. Laprò inće Stefan Thaler Saltè - En domënia ai 28 categoria, cun n tëmp de 3:19:07. d’otober él stè la 27ejima ediziun Pröm di ëi é stè Kisang Philemon dla Maratona de Aunejia Kipchumba dal Kenia cun 2:17:00 (Venicemarathon) te condiziun y pröma dles ëres Bedada Emebt tlimatiches al limit. Sön 8.000 scrić Etea dl’Etiopia cun 2:38:10. ite, él ma stè 6.212 atleć che s’à (Badiasport) presentè al start en domënia. Danter chisc inće Stefan Thaler de Badiasport. Aunejia combat bele da deplü edemes cuntra l’ega alta, che é rovada a curì plü dl 10% dla spersa dla cité. Mo l’ega alta ne bastâ nia: por le dé dla maratona él ćiamò gnü laprò la bora, cuntra chëra che i atleć à messü saltè dal pröm al ultim chilometer. Le vënt ê tan sterch da sburlé i atleć inće n valgügn vari dalunc da süa ligna, sciöche Stefan à cuntè. Le vënt à fat patì dassënn i atleć sön i 4 km sura le ”Ponte della Libertà” ia, insciö Stefan. Al travert él rové ala fin indöt 5.931 atleć, che ne s’à nia lascè sprigoré dales ries condiziuns y che ne l’à nia dada sö. Stefan à arjunt le t r av e r t s c i ö c h e 121ejim de süa N momënt dla Maratona de Aunejia.

Inće l’Alta Badia ala Granfondo de Roma Na delegaziun dl’alta valada à tut pert ala pröma ediziun dla Granfondo Campagnolo di Roma, che à podü registré atira n rècord de partezipanć: 5.500 Rodes - La domënia ai 14 d’otober él gnü desfiré por le pröm iade la gara Granfondo Campagnolo di Roma, che à albü n gran suzes, cun n rècord de partezipanć ala pröma ediziun de n evënt amatorial: indöt 5.500. Al gnô pité dui percursc tl cör dla capitala: chël tlassich de 95 km y chël plü lunch de 150 km. Tut pert à na ligna de sportifs sciöche Paolo Bettini, Alex Zanardi, Miguel Indurain, Antonio Rossi y cotanć d’atri. Dlungia chisc à tut pert inće na delegaziun dl’Alta

Badia, cun laprò le diretur general dla Maratona dles Dolomites Claudio Canins, le presidënt dl’AT Corvara/Calfosch Oscar Alfreider y le diretur dl’AT Badia Roberto Huber. La Maratona dles Dolomites é l’evënt clou tl’Alta Badia y ara sarà indô tan inant ai 30 de jügn 2013. Cun la partezipaziun ala granfondo à la delegaziun inće dè na vidlada ala mascînn organisativa de d’atri raiun, pòn pö dagnora se tó para valch. (pablo)

Rengrazion ala fin de cuer duta la persones, la lies, i partic che nes à sustenì y sustën te si pensier y azions. La scumenciadiva Frataces

La delegaziun badiota. www.lauscdiladins.com

25


Sport

nr. 44 / 09 de november 2012

Poker de goi per l Fascia

La saù dla devënta

A la fin de na partida che à vedù i bec de mister Cigolla protagonisć assoluc, l resultat contra l’Ortigaralefre l’é stat n toron 4 a 0

La Val Badia po finalmënter indô sintì la saù dla devënta. Partida nia saurida, mo i trëi punć é ći che cuntâ

l bel gol de Davide Porcu a dezider l resultat, tel secondo se à vedù na squadra soula te ciamp: l Fascia. Dò aer troà l doi a nia co na trata da cet de Simone Bolgiani, i ladins à seghità a tegnir l jech te man, canche i patrons de cèsa doventèa via via più nervousc enscin a oblighèr l diretor de jech a ge moscèr l cartelin ros a n defensor. Sora de doi goi e con n om de più, la formazion de mister Cigolla à abù la soramessa totala, troan pech dò ence l terzo e quarto gol. Dant co na gran trata da dalonc de Deluca e dò co na trata de cef de Brigadoi. Simone Bolgiani, che à segnà un di goi, l’é a cef de la classifica di marcatores del Fascia.

Balon 1^ cat. - Dò esser jic a Vattaro ai 28 de otober zenza poder jièr ajache l’era massa neif te ciamp, en domenia passèda l cruzie l’era de ruèr endò junfon la Valsugana, a Grigno e no poder jièr per la gran pievia. De grazia enstouta l viac no l’é stat fat per nia e da zeche ora no l’é stat nience più de besegn de l’ombrela, descheche à fat entener n tifoso de la squadra de cèsa, trajan la sia te ciamp, béleche sun cef de n jiador fascian. Zil mencià tant per l tifoso che per i jiadores valsuganoc, che i se à fat meter sot dal Fascia per cater a nia. Dò n prum temp mìngol schiet con dotrei erores de massa e demò

Na bela venta donca che dèsc gaissa per la partida de doman, sabeda ai 10 de november, contra Classifica 1. categorìa jiron C Aquila Trento 11 part. 23 p. Telve 11 partides 23 ponts Fiemme 11 partides 22 ponts Piné 10 partides 21 ponts Fascia 10 partides 19 ponts Calceranica 11 partides 13 p. Ortigaralefre 10 partides 13 p. Bolghera 11 partides 11 pont Vattaro 10 partides 11 ponts Dolomitica 10 partides 10 p. Cauriol 10 partides 10 ponts Verla 10 partides 9 ponts Valsugana 10 partides 7 ponts Povo Scania 11 partides 5 p.

la Dolomitica, da les 6 sul ciamp de Vich. Chisc i resultac de la setemèna passèda e la partides de la squadra mendres: Tel fin de setemèna passà à vent ence la Juniores per 4 a 1 contra l Valsugana e la squadres “A” e “B” di Esordienc, contra Verla e Monti Pallidi. La Eles, Arlieves e Giovanissimi enveze à perdù contra Calceranica, Valsugana e Besenello, per 1 a 0, 9 a 0 e 9 a 1. Chesta sabeda jia ence la Eles, a Vich da les ot contra l’Unterland, i Giovanissimi a Vich da mesa les cinch contra la Dolomitica e i Esordienc “A” e “B”. I prumes a Pardac e i secondi a Vich, semper da les trei. Arleves e Juniores i paussa. Cristoforo Debertol Ortigaralefre - Fascia 0 a 4 (goi de Porcu, Bolgiani, Deluca e Brigadoi) Formazion Fascia: Alessio Sommavilla, Manuel Bernard, Nicola Rizzato (40’ s.t. Matteo Cigolla), Davide Porcu, Mathias Defrancesco, Stefano Brigadoi, Simone Bolgiani, Denis Drlje (36’ s.t. Giovanni Deflorian), Daniele Deluca, Cristoforo Debertol, Patrizio Cigolla (33’ Gianmaria Ganz). Alenador: Luciano Cigolla

A mans ötes Chël danter Valdaora y La Val ê - sce an ô dì insciö - n confrunt diret. Intrames â i medemi punć te tlassamënt. I pustri à albü la miù Palê La Val/3. cat. - Do che la domënia da denant â la partida te ćiasa cuntra Percha messü gnì sburlada por gauja dla nëi (la plaza ê bëgn gnüda desparada mo l’arbiter n’à nia lascè śoghé - cuntra la orentè de intrames les scuadres) él chësta domënia stè da jì a śoghé a Valdaura, cuntra la scuadra che â i medemi punć te tlassifica. La scuadra da La Val n’à nia albü n bun dé y à messü gnì a ćiasa cun les mans ötes. La partida mët man te na maniera otimala por la scuadra ladina, che passa en vantaje bele tl pröm menüt: Michi passa inant a Tlassifica 3a categoria, grup C 1) Gsies, 9 partides, 23 punć 2) Niederdorf, 9 part., 18 p. 3) Mareo, 9 partides, 18 p. 4) Raas, 9 partides, 16 p. 5) Lijun, 9 partides, 15 p. 6) Valdaora, 10 partides, 12 p. 7) La Val, 8 partides, 9 p. 8) Mühlwald, 8 partides, 8 p. 9) Prettau, 8 partides, 6 p. 10) Gais, 9 partides, 6 p. 11) Percha, 8 partides, 3 p.

26

www.lauscdiladins.com

Alexander, che röia su cuntra le portier y sëgna cun na trata prezisa che röia dlungia la stangia de porta ite te rëi. Mo do chësc bun scomenciamënt por la scuadra da La Val él tres deplü le Valdaura che tol le jüch tles mans y se fej inće prigorus dan porta. Un n iade él la stangia de porta che salva le portier, mo amesa le pröm tëmp garetel spo le gol dla parité, cun n cross te area che vëgn devié al jore da n atacant puster. Püch plü tert podess le Valdaura passè en vantaje cun na trata dai önescmetri, conzedüda dal arbiter por n fal te area, mo Sepl é bun da parè. Dan la fin dl pröm tëmp garêtel indere impò ćiamò le vantaje por la scuadra de ćiasa, cun na deviaziun de će da pert de n atacant che ê gnü lascè su te area. Tl secundo tëmp prô la scuadra da La Val da refà le gol, mo ara se stënta da impostè aziuns prigoroses, le Valdaura deperpo se fej prigorus sön aziuns de cuntrapé. Cuntra la fin se fej la partida tres plü nervosa, deplü śogadus vëiga la cherta ghela, y le resultat ne cambia nia plü. (sc)

Alton - capitan, 4. Paolo Vallazza, 5. Marco Castlunger, 6. Adrian Miribung (dal 55^ Florian Rubatscher), 7. Freddy Sottara, 8. Stefan Sottara, 9. Ivan Tschaffert, 10. Michael Frenes (dal 65^ Egon Frenes), 11. Alexander Miribung (dal 80^ Lukas Valentin). Alenadù: Elmar Steinhauser Gol por La Val: Alexander Miribung (al 1^). Proscima partida: en domënia ai 11 de novëmber dales 14.30, te ćiasa cuntra Prettau.

Al 4^ menüt vëgn na trata de Alex Stampfer deviada da n defensur cuntra süa porta, le un deviëia dan pé de porta te ćiantun. Al 26^ de jüch sciampa cuntra area le diesc Kahn; le portier ladin vëgn fora d’area y antizipëia de pé l’atacant. Dui menüć dedô vëgnel fat dan area dl Aicha n fal grou sön le ot dla VB: le fal é sön la ćiaidla dërta y al mëss gnì baratè fora. Do da 30 menüć de jüch él Clara che tira, do ester sciampè t’area te porta: le un deviëia te ćiantun. Al 37^ menüt tira Felder dal limit bel te porta, Pedevilla jora devian le coran da na pert fora. Al 49^ tira ”Matti” Stampfer püch dan le limit na bela puniziun sura mür ite te porta, mo cun na bela deviaziun alza le un dl Aicha te ćiantun. ”Matti” le tira bel sön le secundo pé, chilò s’alza Elzenbaumer n tòch plü alalt de düć, devian de će sot la stangia de porta ite, por n gran bel gol: 1 a 0. Al 67^ menüt fej le ot Sequani dan area n bur fal sön Clara, y vëgn desgort por avëi ciafè la secunda ghela. La puniziun de A. Erlacher do mür ite vëgn parada ia por tera dal un di ghesć. Do da 73 menüć de jüch ti scinca l’arbiter n ćiantun al Aicha. La trata röia prigorosa sön le pé Tlassifica 2a categoria, grup C

Valdaura - La Val: 2 - 1 Formaziun da La Val: 1. Sepl Kantioler, 2. Elmar Valentin, 3. Alex

Palê Val Badia/2. cat. - Śoghé de scuadra, se daidé y se baié cun conzentraziun, sön le bun ejëmpl dla partida cuntra le Falzes. Chësc ti damanâ Adami ai sü, por chësta partida dezisiva. Tratan l’edema s’à pro i alenamënć infortunè ”Diui” Moling y Pallestrong, che toma fora por les ultimes partides, mo Adami à la desponibilité de 18 d’atri śogadus. Che la partida n’ê nia saurida, podôn bëgn odëi danfora; inće por l’Aicha é chësta n pü’ l’ultima poscibilité por se trà fora dl funz dl tlassamënt. Inultima éra jüda combatüda ćina ala fin. La Val Badia à albü val’ bunes ocajiuns, mo da superè le un P. Pedevilla n’él nia stè tan saurì, inće sce al é le portier che s’à ciafè le plü goi dl campionat. Tl secundo tëmp àn odü deplü de beles aziuns ladines, y tl’ultima pert dla partida, cun la stanchëza che se lasciâ sintì, éra gnüda n pü’ groia, cun bëgn trëi desgortes. Feter döta la partida é gnüda śogada sot la pöia.

Alexander à segné le gol por la scuadra da La Val.

1) Albeins, 10 partides, 24 punć 2) Raiscia, 10 partides, 21 p. 3) Steinhaus, 10 part., 18 p. 4) Wiesen, 10 partides, 18 p. 5) Tasten/Valsp., 10 part., 15 p. 6) Falzes, 10 partides, 15 p. 7) Türesc, 10 partides, 14 p. 8) San Laurënz, 10 part., 13 p. 9) Dietenheim, 10 part., 9 p. 10) Val Badia, 10 part., 7 p. 11) Rina, 10 partides, 7 p. 12) Aicha, 10 partides, 1 p.

Alex Elzenbaumer à cun süa gran deviaziun de će portè ala devënta importanta de süa suadra. (Foto: Hansjörg Felder)

plü dalunc, olache Moling röia cun la man ala deviaziun te ćiantun. Do da 75 menüć, do na trata dal ćiantun, él le 13 M. Greifenberg che ti an drama tla müsa na sëćia a Vittur. L’arbiter vëiga döt y ti mostra atira la cöcena al malfatur. Śëgn śoga chi da Aicha ma plü de nü, ara messass jì saurì da segnè le gol dla sigurté. Mo i aversars se prô y ne la dà nia sö. Al 80^ de jüch passa Elzenbaumer t’area a Pescollderung, che tira da püć metri te porta. Mo dan la ligna él le set P. Rienzner che deviëia demez le palê dl gol dla sigurté. Al 89^ él na bela passada de Pescollderung da na pert jö por Clara, che salta su cuntra area dl Aicha. L’arbiter sciüra n forajüch che n’é bëgn nia. Al 90^ de jüch deura Felder t’are a p or Pescollderung; süa trata é sura porta fora, le secundo gol n’ô gnì. Al 92^ menüt vëgn inće desgort le capitan Dapoz, do val’ colp proibì sön le cater Heidenberger, che à te tröpes ocajiuns simulè tomades t’area dla VB, chirin önescmetri che n’é nia. I trëi punć é al sigü y n bel vare tl tlassamënt inće, sëgn àn abiné le Rina cun i medemi punć. (Rp) Val Badia - Aicha: 1 - 0 Formaziun Val Badia: 1. Michael Moling, 2. Elmar Erlacher, 3. Matthias Thaler, 4. Simon Dapoz - capitan, 5. Samuel Vittur, 6. Julian Bernardi, 7. Alex Elzenbaumer, 8. Alex Stampfer (dal 28^ Alex Felder), 9. Manuel Clara, 10. Armin Erlacher, 11. Matthias Stampfer (dal 50^ Manuel Pescollderung). Alenadù: Paolo Adami. Gol por la Val Badia: Alex Elzenbaumer (al 49^). Proscima partida: en domënia ai 11 de novëmber dales 14.30, sön la plaza da Dietenheim, cuntra le ASV Dietenheim/Aufhofen.


Sport

nr. 44 / 09 de november 2012

N ne à nia tenì tres nchin ala fin

N nia de fat cuntra i pröms

Ala U15 dl FC Gherdëina ne ti àla nia butà coche n s’l aspitova a Al Plan de Mareo

Chëra cuntra i pröms ê por le Mareo öna dles partides plü importantes, nen jôra pö da scorté o da perde destanza te tlassamënt. Ala fin se partësc les scuadres i punć. I pustri é plü contënć co i maroi

Juech al palé/ Jëuni - La scuadra U15 dla lia dl juech al palé de Gherdëina à n sada ai 3 de nuvëmber jugà si otava partida de campiunat a Al Plan contra l ASV Mareo. L ie stat na partida scialdi cumbatuda dal prim menut inant, carateriseda puech do l scumenciamënt dal’espulscion dl verdiaporta Filip Stuffer pervia de n bur’ ntervënt coche ultim mandl. La ncëria da verdiaporta à Ivan Perathoner sëurantëut y la scuadra à jugà inant de diesc. A doi menuc dala fin dl prim tëmp se à pona l FC Gherdëina giapà n gol do na bela azion di patrons de cësa, nce sce n muessa dì che l juech ie plu o manco unì cumandà dal FC Gherdëina tl prim tëmp. Tl segondo tëmp àn fat fai

tla defendura dl FCG, che n ëssa dessegur pudù schivé y l ASV Mareo à fat mo trëi goi. La partida ie jita ora 4 a 0. Ala fin dla finedes ie l cunsëi dl FCG y l trainadëur Aaron Mussner plu o manco cuntënc dl juech che la U15 a mustrà te de plu ucajions y sambënzënza nce dl potenzial dla scuadra. Ma l resta purtruep l desplajëi di resultac arjonc nchinamò tl campiunat. N ne n’ie nia stac boni de tenì tres la drëta cunvinzion dal scumenciamënt ala fin te duta la partides. N chësta sada ai 10 de nuvëmber, jugherà la Under 15 dl FC Gherdëina a Urtijëi contra l Ahrntal, prims te tlassifica. L sarà na beliscima ucajion per desmustré l drë valor de chësta scuadra. (iw)

Tlo mo i resultac dla partides jughes ntan la fin dl’ultima ena dal’autra scuadres di jëuni dl FC Gherdëina: Auta Val de Puster – Juniores 2:0 Mareo – U15 4:0 U13 – Freienfeld 1:0 Gol: Robin Moroder U12 (11) – Persenon 2:2 (1:0) (0:1) (0:0) Gol: Daniel Platzgummer Funes/Teis – U11 0:2 Goi: Matteo Grossrubatscher, Laurin Lardschneider

La scuadra U15 dl FC Gherdëina.

Pêr mirité söl ćiamp da Falzes Fora de ćiasa é la scuadra da Rina buna da condü a ćiasa n punt mirité. Ala fin é intrames les scuadres contëntes dl resultat

Christian Ferdigg

Palê Rina/2. cat. - Desco dagnora, fej la scuadra da Rina atira druch. Al 12^ menüt, sön na bona aziun, fej David na bela trata sön porta. Al 17^ menüt, sön trata de puniziun dala pert ciampa de Manuel, mët Andreas de će le coran te sach, dlungia lëgn de porta ite. Al é le 0 a 1. Inće do le gol, fej la scuadra de Wolfi inant pressing. Falzes sciampa vigni tant en cuntrapé. Al 30^ menüt, sön n

cross de Manuel, röia David sön le palê, la trata sön porta vëgn deviada te piz de ćiamp. Al 34^ menüt la proa David dassù: ala fin é la trata sön porta massa debla. Al 37^ menüt se lascia inće odëi la scuadra de ćiasa, cun l’atacant Pirilli che mët n bel palê a püć metri dan porta de Simon. Degügn ne röia lassura y insciö va l’ocajiun a perde. Falzes ciafa śëgn coraje y fej por n valgügn menüć gran druch. L’ultima ocajiun tl pröm tëmp é ćiamò n iade dl Rina. Sön na remetüda lungia de Alfons Facchini, fej Daniel na mesa acrobazia y le palê finësc püch dlungia porta ia. Le pröm tëmp se röia cun la scuadra ladina en vantaje. Tl secundo tëmp pëia ia la scuadra de ćiasa cun na marcia implü. Le pêr dess defata gnì. Bele al 3^ menüt la proa l’atacant Auer, mo Simon fej na bela parada. Al 11^ garêtel sön na puniziun de Auer le gol puster. Falzes à śëgn n iade la partida tles mans. Al 14^ menüt finësc na gran trata püch sura porta dl Rina fora. Bel plan se refej indô la scuadra de Col dla Vedla y drüca indô n püch. Al 24^ menüt, sön trata de piz de ćiamp

de Manuel, mët Alfons le coran de će püch sura porta fora. Wolfi fej śëgn n cambiamënt: Paul surantol le post de Andreas. Al 33^ menüt tira David na puniziun püch sura stangia de porta fora. Ti ultims menüć se lascia ćiamò odëi le śogadù frësch dl Rina Paul, y Pirilli dl Falzes. Le resultat ne se müda nia plü, intrames les scuadres é contëntes cun le resultat. (if ) Falzes - Rina: 1 - 1 Formaziun dl Rina: 1. Simon Winkler, 2. Alfons Facchini, 3. Philipp Winkler, 4. Jordan Tavella, 5. Thomas Huber, 6. Lorenz Rungger, 7. Christian Ferdigg, 8. Daniel Ferdigg, 9. David Huber, 10. Andreas Ferdigg (dal 72^ Paul Pisching), 11. Manuel Mellauner. Alenadù: Wolfgang Crepaz Gol por le Rina: Andreas Ferdigg (al 17^) Proscima partida: en domënia ai 11 de novëmber dales 14.30, fora de ćiasa cuntra San Laurënz.

Palê Mareo/3. cat. - Cun la frasa ”Grana sarà la ocajiun da ti rové indô plü pormez, mo sambëgn él inće al contrar le prigo che le Gsies (formaziun a će dl tlassamënt) s’an sciampes ćiamò plü dalunc”, él gnü stlüt jö l’articul dla partida dla edema passada. Nia de döt chësc n’él indere sozedü, deache cun le resultat de parité che é saltè fora ala fin, romagn intres inant i 5 punć de desfarënzia danter le Gsiesertal y le Mareo. A chësta moda pòn dì che en domënia dan otedé n’él stè nia de fat, inće sce sön ćiamp de jüch àn podü odëi na gran batalia, de bunes ocajiuns y magari inće, da intrames les perts, n pü’ de tëma da perde la partida de gran importanza. Insciö se portera pro che les bunes ocajiuns y i prighi gareta scialdi da trates dal ćiantun o da puniziuns. Avisa sön na puniziun de Daniel Tamers tremorëia le pröm iade la defenjun da Gsies. Le portier ne pëia nia dërt le palê y sön la contlujiun de Marco, deviëia ćiamò n defensur cört dan ligna, sura stangia de porta fora. La maiù ocajiun dla partida à spo Daniel instës, canche al vëgn smarchè bel su dan le portier. Al prô da mëter bas te n piz, mo le portier aversar ti deviëia fora le palê cun n pé. Incër la mesora vëgn inće chi da Gsies prigorusc. Sön n traversun röia l’atacant ala contlujiun de će, y mët bel avisa le palê do le spiné de Massa, mo l’arbiter bun apostè sciüra n forajüch y ne lascia nia avarëi le gol. Püch dan la palsa él ćiamò da segnalè na bela aziun dl Mareo che porta Werner ala contlujiun da fora d’area, mo le palê röia cotan dlungia porta ia. Tl secundo tëmp va la partida inant sön les medemes scines, ćina che Willy de Rü vëgn desgort dal ćiamp de jüch por döes chertes chele ciafades tl tëmp de 2 menüć. Impò se śoga le Mareo inant la partida al atach, y sön na puniziun de Denis manacia Gabriel da Pederü da portè en vantaje le Mareo. Süa deviaziun da püć metri röia de n sofl sura porta fora. Ara ne döra dî che inće Michael Graf dl Gsiesertal vëiga por le secundo iade la cherta ghela, che ô dì automaticamënter la cherta cöcena. De 10 cuntra 10 po inće indô le Mareo se mëte miù te ćiamp de jüch y à empaca ćiamò na gran ocajiun. Sön n cross dala

Patrick Complojer, śogadù marô.

man dërta ite röia David al apuntamënt cun le palê bel sön le piz lunch, mo impede ti dè de će, proel da devié cun le piet le coran te porta. Chësta dezijun sarà la falada, deache le portier à insciö pordüt da recuperè süa posiziun y parè la buna ocajiun dl Mareo. Do dötes chëstes ocajuns éssera ala fin inće ćiamò podü jì fora da peso por le Mareo. Sön n cuntrapé dl Gsies manàcera dassënn dan porta de Luca Massa, mo Werner da Parü rebat la bela contlujun cun n gran intervënt defensif. Canche inće Andreas Kargruber vëgn desgort dal ćiamp de jüch, fàlel ma plü püć momënć ala fin. Le tëmp por porvè le gran colp é massa püch, y insciö romagn le resultat a rëis blanćes. La gran festa che i ”gsieseri” fej al sciüre final desmostra che le resultat de parité dëida deplü le Gsies co le Mareo, mo gnanca odü dla pert dla formaziun ladina n’é le punt da sciurè demez. (Cdp) Mareo - Gsiesertal: 0 - 0 Formaziun dl Mareo: 1. Luca Massa, 2. Andrea Mutschlechner, 3. Walter Pisching, 4. Gabriel Frenner, 5. Patrick Complojer (dal 68^ David Mutschlechner), 6. Walter Kaneider (dal 80^ Thomas Castlunger), 7. Werner Pedevilla, 8. Wilhelm Hochwieser, 9. Marco Mutschlechner - capitan, 10. Elmar Kosta, 11. Daniel Tamers (dal 46^ Denis Kaneider). Alenadù: Karl Heinz Pedevilla Proscima partida: l’ultima partida dan la palsa d’altonn se śoga le Mareo bele en doman sabeda dales 17.00, a Raas cuntra le Raas. Tlassifica: ćiara sot La Val.

Resultać dles scuadres di jogn dl ACD Val Badia Iuniors: Vahrn/Neustift - Val Badia 2 - 2 Aliefs: Val Badia - Türesc 2 - 1 ”Giovanissimi” 14 agn: Val Badia - La Val 2 - 1 Esordiënć Val Badia A y B: partides tomades fora por gauja di ćiamps da nëi.

Tlassifica: ćiara sot Val Badia. www.lauscdiladins.com

27


Sport

nr. 44 / 09 de november 2012

Doi juesc positifs per l Gherdëina

Trëi batostes

Ti ultimi cater colps ie l Gherdëina 1 stat bon de tré decà la partida y arjonjer n resultat a pèr contra l Funes 1. Una de si miëura partides à fat l Gherdëina II n cësa contra l Plose

Deperpo che la scuadra dles ëres n’à nia śoghé, é les scuadres di chidladus dla Val Badia dötes romagnüdes zënza punć

l Gherdëina de 33 chiedli danora. Tla segonda lingia à Georg y Werner ënghe valivà ora n cont di ponc, ma perdan de 24 chiedli. Tla terza lingia à Thomas y Guido cumbatù bëndebò bën, purempò semiòvela fineda. Ti ultimi cater colps à Thomas fat trëi natures che à inò purtà danora l Gherdëina, pona se tratòvela mo de tré l ultim colp per vëncer, valivé ora la partida o pierder. Tlo ti àla sciacà a Thomas che à mé trat ju doi chiedli, sce l n ëssa trat ju cinch fóssela stata vënta, ma cun i set dl averser iesen mo stac boni de vëncer de un n chiedl. L miëur dl di ie inò stat Werner Runggaldier cun 546 chiedli. Resultat: L Funes à fat 4 pont, batan ju 3104 chiedli, che ie na mesaria de 517,3 per chidladëur. L Gherdëina I Buandes Rabanser à fat 4 ponc cun 3105 chiedli batui ju, che ie na mesaria de 517,5 per jugadëur.

Serie B-est Funes I - Gherdëina I 4:4

Werner Runggaldier y Helmut Schieder, i miëures dl di.

Chidlé - Coche tla ultima trëi partides à l Gherdëina chidlà bëndebò valif coche i averseres. Scumencià à Hansi y Leo, valivan ora i ponc di chidladëures y purtan

Resultac persunei: Werner Runggaldier 546 Hansi Demetz 533 Thomas Demetz 528 Guido Stuffer 512 Leo Demetz 510 Georg Sommavilla 476 Un de si miëur juesc à fat l Gherdëina II contra l Plose. Ewald y Albert à scumencià. I se à partì i ponc di chidladëures, ma i fova 26

chiedli zeruch. Dopro ie jic sun chidladoia Helmuth y Manfred. Nce cun averseres nia al’autëza iesi stai boni de fé i doi ponc y tré ju bën 233 chiedli deplù che i autri. Tla terza lingia se tratòvela de tenì i chiedli per vëncer la partida. Pauli y Viktor à mo tenì la defrënza di chiedli y nsci ie la partida jita ora 6 a 2 per l Gherdëina II. L miëur dl di ie stat Helmut Schieder cun 564 chiedli. Resultat: L Gherdëina II Buandes Rabanser à fat 6 ponc, batan ju 3089 chiedli cun na mesaria de 514,8 per chidladëur. L Plose II à fat 2 ponc cun 2880 chiedli batui ju y na mesaria de 480 chiedli per jugadëur.

Serie D-nord Gherdëina II - Plose II 6:2 Resultac persunei: Helmuth Schieder 564 Manfred Wanker 554 Viktor Werdaner 534 Ewald Insam 515 Albert Moroder 485 Pauli Wanker 437

Campiunat Ladin de chidlé Duman sada uniràl jugà tla chidladoia de Sëlva per l Trofeo Ladin danter la scuadres de Al Plan de Mareo, La Ila y Gherdëina. La partides scumencerà dala 3.00 domesdì y l unirà jugà nchin ntëur la 8.00 da sëira

Pro i mius di mius Gran suzes por Marco Grigis al London Freeze Festival 2012. Le jonn da Calfosch röia secundo dan l’inglesc Billy Morgan, cun ma dui punć demanco Freestyle - Impormò chësta aisciöda à le freestyler Marco Grigis da Calfosch podü se ralegrè por le pröm post ai campionać dl monn di iuniors dla brëia de Sierra Nevada, tla disciplina de slopestyle.

i mius freestyler de brëia y schi dl monn. Al é n evënt spetacolar, rich de acrobazies y tricks, acompagné da n program de cornisc che n’à da ti invidié nia a degügn - sce an ćiara la ligna de ofertes che vëgn pitades. Pro le ”London Freeze” él rové adalerch na gran conzentraziun de campiuns, y ”nosc” Marco Grigis - atlet tesserè pro le ASC Ladinia/Alta Badia - à podü moscedè impara, y cô. Al s’à impröma tlassifiché danter i mius cinch, y canche al ê da dè döt, àl mostrè so förtl rovan ala fin sön le secundo scalin dl podium cun bëgn 155 punć, che é ma dui demanco co le pröm, Billy Morgan, che śogâ te ćiasa - sce an ô dì insciö. Terzo post por le svedesc Tor Lundstrom dla Svezia cun 147 punć, cuarto le canadesc Maxence Parrot cun 138 y cuinto le franzesc Podium dl ”London Freeze” cun Billy Morgan sön le scalin plü alt, y sön la man Victor De Le Rue cun 108. (pablo) dërta al secundo post Marco Grigis, söla man ciampa le terzo Tor Lundstrom.

28

www.lauscdiladins.com

Da püch él garatè n ater gran resultat por ”Marchino”, sciöche al vëgn tlamè ti forums te internet: le secundo plazamënt pro le Big Air dl London Freeze Festival 2012. Chësc evënt chërda alerch danter

Simon Complojer, chidladù dl Mareo I.

Chidlé Val Badia - Les döes scuadres dl Mareo à intrames śoghé te ćiasa, y à messü dlotì pordüdes por 2 a 6. Le Mareo I à śoghé cuntra Ahrntal, le Mareo II cuntra Plose. La scuadra da La Ila à pordü cun le medemo resultat la partida cuntra Fugger, śogada a Freienfeld. La scuadra dles ëres n’à albü tl’edema passada degüna partida.

Seria A2-ost Mareo I - Ahrntal I: 2 - 6 Te na partida combatüda y avaliada fora à i maroi messü ala fin se dè sot ala scuadra da Ahrntal. La pröma seria da 120 bòć ài stlüt jö cun n vantaje de 6 chidli, y pro i punć di confrunć direć êl 1 a 1. Inće la secunda seria é jüda fora en parité, cun i patruns de ćiasa che à aumentè le vantaje a 39 chidli. An podô sperè sön n resultat positif, mo i ghesć à ôt la partida. I ultims dui à intrami batü l’aversar y pro la soma totala di chidli âi recuperè, tan da podëi ala fin mostrè sö n vantaje de 44 chidli. Le Mareo à arjunt na media de 507, cuntra chëra de 514,3 de Ahrntal. Tla tlassifica romagn le Mareo al önejim post. Resultać personai Tone Call 542 Pire Rungger 524 Christian Ties 503 Lois Ellecosta 502 Simon Complojer 502

Lois Craffonara dl Mareo II à rosedè 495 chidli.

Tone Tavella 469

Seria C-nord Mareo II - Plose I: 2 - 6 I pröms dui dl Mareo é stà valgamia bugn da ti tignì bot ai aversars. Un à batü so aversar y le svantaje pro la soma totala amuntâ a 36 chidli. Mo pro la secunda seria à i ghesć davagné intrami i confrunć direć y ai à inće aumentè le vantaje a 118 chidli. I ultims dui di patruns de ćiasa é stà bugn da recuperè valgügn chidli y un à inće batü so aversar. Mo al n’à nia bastè. Ala fin âi, cun na media de 483,2, n svantaje de 80 chidli ti confrunć di chidladus da Sant’André. Tla tlassifica é le Mareo II al önejim post. Resultać personai Lois Agreiter 533 Claudio Moling 496 Lois Craffonara 495 Tone Hochwieser 478 Gottfried Dapunt 456 Erwin Penazzi 441 Fugger III - La Ila: 6 - 2 Sciöche les scuadres marores, à inće i chidladus da La Ila messü toćé ia na pordüda sëćia a Freienfeld. I patruns de ćiasa à rosedè indöt 3112 chidli, che corespogn a na media de 518,7 chidli. Chi da La Ila à mazé jö 2986 chidli, che é na media de 497,7. La scuadra da La Ila é śëgn al 10. post te tlassamënt cun 4 punć. I resultać personai ne nes é nia rovà adalerch.

Inant a Levi La Copa dl Monn de schi sposta i refleturs sön Levi, tla Finlandia Schi - Do le bel suzes ladin a Sölden, pòn se confortè ales proscimes gares de copa dl monn de schi, che é söl program chësta findledema ai 10 y 11 de novëmber a Levi. Chësc iade debutëia tla sajun 2012/13 inće la marora Manuela Mölgg, che sarà da odëi tl slalom strënt dla sabeda. La pröma manche é dales 10 danmisdé. Le dé do i tóchera ai ëi, inće tl slalom strënt. La pröma manche mët man ala medema ora.

A Levi pëia ia inće Manuela Mölgg.


nr. 44 / 09 de november 2012

Sport

www.lauscdiladins.com

29


Sport

nr. 44 / 09 de november 2012

Secondo post per Giovanni Lastei L’atlet di Bogn da Nia, che fèsc pèrt del Comitat Trentin de schialpinism, l’é ruà 2° a la garejèdes de la radunanza nazionèla a Bormio 2000 e sul Stelvio Schialpinism - Giovanni Lastei da Vich, scrit ite ai Bogn da Nia, ensema a so compagn de squadra Lorenzo Zanghellini de la Sc Cima Dodici, l’é ruà al secondo post te la radunanza nazionèla de schialpinism de la categorìa di joegn, stata l prum fin de setemèna de november a Bormio 2000 e sul giacé del Stelvio. Na garejèda a cobies che pervedea trei proes a temp olache l’era da se sproèr a vegnir fora da na levina, n slalom lèrch de 165 metres de dislivel e na garejèda “vertical” olache se cognea ruèr

dant di etres sunsom a na erta sui 100 metres. I bec de la squadra del Comitat Trentin, l Team Montura, i à portà a cèsa de bogn resultac, soraldut te la categorìa junior, olache apontin à garejà ence l fascian Giovanni Lastei che apontin é ruà sul secondo sciaier più aut del podie. Te la garejèda venta da doi joegn da la Valtellina, Nadir Maguet e Stefano Stradelli, apede che l secondo post de Lastei e Zanghellini, al terzo post l’é ruà etres doi del Comitat Trentin: Federico Nicolini (Sc Brenta Team)

e Gian Luca Vanzetta (AS Cauriol). Proprio na gran bela gara e na gran sodesfazion per nosc atlet fascian, Giovanni Lastei, e duc si compagnes del Comitat Trentin, vidé da l’alenador Carlo Zanon, che l se à dit content de chisc cater dis olache l’é stat portà dant garejèdes, ma ence lezions spezifiches de teorìa e de tecnica sul schialpinism. L’apuntament per duc ic ades l’é per i 25 de november, canche sul giacé Presena vegnarà endrezà l Memorial Fabio Stedile, la pruma garejèda de sajon per i joegn.

Datrai vëncen saurì, datrai pierden sëch L hockey ne n’ie nia mé n sport per mutons. Tla categuries plu jëunes iel nce mutans che fej pea tla scuadres ulache l ie per la gran pert sambën mutons

La doi mutans Clelia y Jasmin dla Under 14 dl HC Gherdëina.

La squadra di joegn del Comitat Trentin de schialpinism. Giovanni Lastei l’é l quinto da cencia.

Does ventes, ma l Milan arfera l Cortina Gron é n valour emplù per la scuadra ampezana, che se stenta tres endò da manajé l vantaje Hockey - Tla 14ejima jorneda de capionat él ruvé la terza venta per l Cortina, te na partida che à endò vedù sun la glacia Levasseur. Tl meteman fòvel ciamò Baur a defene la porta ampezana, scomenciament che é sté ert per i aversars piemonteisc. L Valpellice é jù sot de n gol al menut 11, can che Adami à sbroché ite la porta de Parise. Adami à spo radoplé al menut 17. Deguna reazion ne n’él sté da vedei tles linges dla scuadra dl Piemont, che se à ciapé l terzo gol tla frazion mesana. Ciamò na outa él sté Adami che à metù sotissoura i defensours aversars y à fat l gol dl 3 a 0. L juech fova tles mans di ampezans, che à spo ence fat l gol dl ko tres la steca de Stanislav Gron. Tl terzo drittel à i ampezans manajé l vantaje, i jugadours piemonteisc i é ruvés plu damprò a la parité con l cuinto gol te campionat de Brodie Dupont, n gol che ne n’à endere nia jové. Na venta miriteda chela dl Cortina, che à enscì endò podù auzé l cef y afronté con plu segurté la partida contra l Bulsan.

N bon resultat ence contra l Bulsan N Cortina al gran complet se à prejenté sun la glacia dl Palaonda, a Bulsan. Bele dapò 40 seconc é ruvé adalerch l vantaje dla scuadra ampezana, con la conclujion de Matt Siddal metuda ite da Stanislav Gron. Bela é spo steda la reazion di

30

www.lauscdiladins.com

Chilò él demé sté l Bulsan che à trat tla porta aversara, ma l disch ne n’à nia volù jì ite. Ai penalties él spo sté Gron che à fat fora la partida y l Cortina se à porté a ciasa la venta endò l cortina che ne manajeia nia l vantaje.

Dificolté da manajé l vantaje Tres endò se stenta l Cortina da manajé l vantaje. Enscì éla ence juda contra l Milan. Beddoes à confermé l portier Levasseur che ova fat bon tles partides contra L portier dl Cortina Levasseur. (foto: Max Pattis) Valpellice y Bulsan. L jugaodours südtiroleisc, che à tegnì meteman dla partida é sté scialdi bot tla situazion de inferiorié y à en eculiber y l prum temp é jù a piz arjont la parité con MacGRegor zenza goi. Tla frazion mesana à l Sharp. Do la rei à les Uelps metù Cortina tout tles mans l juech y al man de druché deplù, ma la pruma menut 11, en situazion de frazion se à sclut ju sun l resultat superiorité, à la steca dl solit de 1 a 1. Tla seconda frazion él resté Stanislav Gron sbroché ite la porta te ciamp l ecuiliber, fina che i di aversars. Gron à spo salpù da ampezans é jus en vantaje con n gol sfruté la manceda reazion di de Derek Edwardson. Tla fineda dla milaneisc y à arjont l vantaje dopl seconda frazion é stedes does les dapò cater menuc. Tla terza frazion poscibeltés per Luca Felicetti, che à endere la partida mudé ju patron: n’é nia sté bon de sbroché ite la porta l prum gol dl Milan é ruvé al setim de Hell. I jugadours de McCutcheon menut con Matt Ryan y tost dapò à reagì tla terza frazion, olà che ai él ruvé la parité tres la steca de à arjont la parité al menut 44 con Andreas Lutz. L Cortina à patì y se Borgatello. Ai ne s’à nia archité y à ence ciamò ciapé l terzo gol dal dapò cin’menuc él ruvé l vantaje da capitan Migliore. Mioura é steda la la steca de Ryan Flynn. Segur de prestazion dl Milan, contra n davagné la partida, à endere l Bulsan Cortina che ciamò na outa ne n’à ciapé l gol de Matt Siddal che à nia salpù da sfruté l vantaje. porté l juech ai temps soura fora. (Comunicat stampa LIHG/kp)

Hockey - La scuadra dla U10 à n dumënia fat l prim de cater turnoies sun l Renon. La scuadres che à fat pea fova l Bulsan, l EV Bulsan, l Renon y sambën l Gherdëina. Pra chisc turnoies vëniel mescedà la scuadres, i mutons juega via y ca duc contra duc. Da dedò giapa duc mo zeche de bon da maië y da bever. U12 Gherdëina - EV Bulsan 11:2 (4:0, 4:1, 3:1) Drët saurì se à fat i mutons dla Under 12 n sada tl stadio Pranives de Sëlva contra la scuadra dëibla dl EV Bulsan, che ie ruveda adalerch cun mé doi linies y un n verdiaporta. I mutons dl Gherdëina à n iede abù la legrëza de fé ite truep goi ai averseres. I goi per l Gherdëina à fat Kevin Schmalzl (5), Lukas Glück (4), Philipp Demetz y Tobias Moroder. U14 Gherdëina - Puster 2:11 (0:1, 2:4, 0:6) Na partida da desmincë chëla dla Under 14 n vënderdi ai 2 de nuvëmber n cësa contra la boniscima scuadra dl Puster, che à nchinamò venciù su dut, che à fat 122 goi y se n à mé giapà 5!! L Gherdëina à tenì pea drët bën nchin a mez al segondo tëmp canche la stajova 2:2. L à pona tlecà 4 menuc a se giapé 3 goi y tl terzo tëmp àl mé plu jugà l Puster. I doi goi per l Gherdëina ie unic fac da Diego Glück. U14 EV Bulsan 84 - Gherdëina 2:13 (1:2, 0:8, 1:3) Doi dis do avëi perdù cun i pustri se à i mutons dla Under 14 tëut pea a cësa na bela vënta tla Sill contra l EV Bulsan 84. Te n nibl stramp à duc i jugadëures pudù jughé y nce la mutans che à permò scumencià chëst ann à pudù se fé valëi sun dlacia.

I goi per l Gherdëina à fat Patrick Demetz (5), Leo Holzknecht (2), Lukas Demetz (2), Nicolas Demetz (2), Davide Demetz y David Pescosta. U16 Puster - Gherdëina 6:1 (2:0, 2:0, 2:1) La scuadra dl Gherdëina à fat na bela partida, se à purvà y à cumbatù. La à sciacà a fé goi y dovia àn fat massa fai. Purtruep à i mutons perdù per 1:6. L gol per l Gherdëina à fat Andreas Vinatzer. U18 Kaltern - Gherdëina 6:4 (1:2, 4:1, 1:1) Pra la scuadra dl Gherdëina manciòvel n mierculdi bën sies jugadëures pervia dla feries de scola y tres massa fai dovia ne iesi nia stai boni de vëncer chësta partida. I goi per l Gherdëina à fat Samuel Bergmeister (2), Jean Marc Moling y Patrick Nocker. U18 Gherdëina - Neumarkt 0:3 (0:1, 0:0, 0:2) I mutons ne à n dumënia nia fat na stleta partida, ma la scuadra ie mo mpue scialdi jëuni y se stënta a fé ite goi. Boniscima inò n iede la prestazion dl verdiaporta dl Gherdëina Martin Bergmeister. U20 Gherdëina - Milano 4:0 (1:0, 1:0, 2:0) La partida contra l Milano de n sada ai 3 de nuvëmber ie unida fata via n Fascia davia che l n fej chëst ann deberieda cun i fascians te chësta categuria. Nce sce nia al cumplet ie i jugadëures dl Gherdëina mpo stai boni de vëncer contra l Milano. I goi per l Gherdëina à fat Patrick Kelder, Daniel Liberatore, Aaron Pitschieler y Simon Vinatzer. Dan pië ca te Gherdëina a chëi dl Fascia mo nvià duta la scuadra a maië na bona pasta. De gra! (im)


Sport

nr. 44 / 09 de november 2012

Stephens mpede Anger N jugadëur nuef per renfurzé la scuadra de A2 dl Hockey Club Gherdëina Hockey - Coche n à bele audì à l jugadëur dla Svezia Niklas Anger messù lascià la scuadra per rejons de familia. Do che l ova sapù dla malatia de si oma ne s’la sentìvel nia plu de resté inant te Gherdëina y se à damandà de pudëi jì a cësa, dezijion che ie pona unida azeteda dal cunsëi dl Hockey Club Gherdëina cun cumprenscion per si situazion. Albert Perthoner, l cumisser tecnich dla scuadra, dij che a duc ti àl sapù sciot de messëi tò cumià da Niklas che fova n uem de scuadra y se ova nce bele ambientà bëndebò bën. Nsci àn inò messù se mëter sun l marcià per crì n auter jugadëur. Tres cunsëies de jënt che sà nëut iesen ruvei pra Mitch Stephens, n canadesc che viv tl’America a New York. L ova fat lavia te plu scuadres y tl’Europa àl jugà ultimamënter trëi ani cun l Rosenheim y danter l auter nce n ann cun nosc pech Ryan Gaucher. ”Stephens ie n tacajuech, nasciù ai 1.8.1982, l ie grant de statura y aldò de chël che on nrescì de ël messëssel nce vester adatà per nosta scuadra,” nes spiega

inant Albert Perathoner. N à bele fat cuntrat y messova mé mo aspité sun l visum che pervia dl rie tëmp y di spavënc che ie stac śën lavia a New York ne fova nia mesun giapé tan aslune. L messëssa ruvé a dis, sce la buta puderàn l udëi jughé bele n dumënia ai 11 Mitch Stephens sarà l tacajuech nuef dl de nuvëmber a Gherdëina. Maran. che son boni de ti tenì permez a ”Canche l sarà tlo l fulestier nuef duta l’autra scuadres, perchël ne spèren de avëi inò n aiut dancà a tucons tla tlassifica segur de no fé goi. ulache son śën. N la ultima dumënia Y sce l vën de reviers inò bel nes iel garatà na bela vënta nce cun plan nce i autri jugadëures che se tanc che nes manciova.” A Albert à fat mel, messëssela dessegur inò ti stàl mo cuer de rengrazië a inuem jì miec,” dij Albert cun fidanza, ”fan dl Hockey Club duta la jënt che à zënza nosc fulestier y un ndolauter mpo for sustenì inant la scuadra de nosc jugadëures ”titolari” nce sce i resultac ne fova nia chëi tumova ora, l n mancia cinch, po’ che n se aspitova, unian for a cialé ne n’iel danz no saurì fé. Truep ala partides y l spera che i vënie iedesc nes àla sciacà y on perdù inant y che n puderà inò ti lascé partides mé de un o doi goi o do udëi de bela partides nce cun i la partida slungeda. I nosc à mustrà resultac aldò.

De bela azions y na vënta meriteda Sun l ciamp dal sport Mulin da Coi à n sada dan otodì duminà la scuadra dl FC Gherdëina, che ne à nia lascià unì permez i bulsanins dl Stella Azzurra Juech al palé/ 3. Cat. grupa B - Dumënia domesdì sun l ciamp dala codla de Mulin da Coi unìvel jugà na partida mpurtanta per l FC Gherdëina, na partita da de gran emozions. Do 10 menuc ie l Stella Azzura de Bulsan bele danora. Ti prim 20 menuc pations da stramp, cun chësta scuadra che à for inò la ucajion de pië via ruvan periculëusa te nosta area. La fertuna uel che Aron Kostner ie chësta dumënia “ispirà” y do na codla giapeda da Raphael Runggaldier, se mpënsel de purvé a tré y toca bel tl cianton dla cassa fajan n beliscimo gol y la sta 1 a 1. L Stella Azzurra fova n mumënt ora de schedra y n menut do ëssa Aron l’ucajion de fé l segondo gol, ma la ne ti va nia fata. Jan Piere tira dal cianton da stramp bën sun l prim pel, ulache l ruva Aron bel sëul che la slongia de cë y fej l 2 a 1 per l Gherdëina. Uau ce gol! Do chësc gol ie l Gherdëina bon de sté bel curt, ne ti dajan nia gran ucajions ala scuadra de Bulsan de fé si juech. Tl segondo tëmp, l ie l 48ejim menut, toma l 3 a 1 per l Gherdëina: Jonas Runggaldier fej na acrobazia, tol pea la codla y pëia via cun l pech dl Bulsan che resta sul post. Jonas mët ite la codla amez, ulache l ruva a var plën l bomber Stuz Vallazza y la mët ite sot ala traviersa dl Stella Azzurra. I bulsanins ne dà nia do y ruva al 3 a 2, ma ncuei ne dà i autri nia sëura. Seljvir sun la man drëta tlopa ju la codla, ie bon de ti mucé al jugadëur de mez ciamp y l pech, ruvan nchin japé dl ciamp dala codla, mët ite na codla spetaculera dan Stuz che tira bas tl cianton. Na beliscima azion.

Stefan Vallazza à fat trëi goi.

Puech do fej Stuz ”tripletta” pian via tamez da sëul de viers dl verdiaporta che ie n mumënt massa inora y do duc chisc goi che l à giapà melsegur. Stuz ne pënsa nia doi iedesc, tira bas tl solito cianton de man ciancia cun la codla che sauta mo dan l verdiaporta y l ie l 5 a 2 per l Gherdëina. L Stella Azzurra ie mo stat bon de fé l 5 a 3 finel, ma deplù ne fòvel ncuei nia da tò a S. Cristina. N chësta sada àn udù na bela partida de juech al palé cun jugadëures zënza tëma y purvan ora zeche. Sambën nes àla nce butà, ma datrai pudons nce nëus avëi mpue de fertuna. Aron Kostner fova te si elemënt, l fova dlonch, dancà periculëus y dovia a tò codles y dé mpulsc al juech dl Gherdëina. Cun ël fova nce Vanni, che jiva sun uni mandl y ne ti

lasciova deguna codla saurida ai bulsanins. La dezijions dl trainadëur Mario Scalzo ie stat bones, metan ite tl segondo tëmp Alfi Piazza y “Jones” Runggaldier che ti à dat l rest ala Stella Azzura, ëi ova ne fova nia da fermé da les pertes y i pecs de Bulsan ne fova nia boni de fermé nosc doi jugadëures. I jëuni Matteo y Jan Piere à fat na bona partida, Matteo à jugà tres per duc i 90 menuc. Da auzé ora iel mo na traviersa de Aron, che à trat da 30 metri bel sëch coche ël sà da fé. “Jones” ova ënghe na grandiscima ucajion dan cassa, ma la codla ti ie ruveda sun la cuessa nsci che l ne n’ie nia stat bon de tré y auzé l resultat per nëus. N chësc dì fóssel povester stat pertendù de massa sce n ëssa fat mo doi goi, che speron possa unì tl daunì. (gp) FC Gherdëina – Stella Azzurra Bulsan 5:3 (2:1)

L Fascia no é bon de venjer Enceben che no l’abie mai zedù, l Val de Fascia Ferrarini à perdù trei partides una dò l’autra. Enscin ai 15 de november, lèrga a la nazionèla talièna Hockey serie A - Nia da fèr, l Val de Fascia Ferrarini te chesta ùltima partides de campionat, ùltimes dant de la paussa che jirà inant enscin ai 15 de november, no l’é stat bon de venjer. Tant contra l Busan, che contra l Milan e ence contra l Pontebba, l Fascia no l’é stat bon de aer la soramessa e se portèr a cèsa nience n pont. Trei partides segur senestres, ence percheche mencèa, te dutes trei, doi jiadores emportanc: l defenjor Greg Kuznik e l’atacant Petr Kalus. Per la 14^ partida de campionat, jièda te cèsa ai 30 de november contra l Busan, i bienc e bruns i à serà sù con n resultat de 3 a 7 con una rei segnèda da Stefano Margoni e l’autra does ficèdes ite te gabia dal jiador forest Jakub Sindel. Pec dis dò, en jebia 1° de november, l Fascia l’é jit a Milan a se scontrèr con la squadra del coach Massimo Da Rin. L Fascia pèrt fort e segur, e dò pec menuc l’é l joen Martin Castlunger che sprigola jù i aversaries. Aversaries che ampò no se spert e che, con chesta rei, i ciapa maor gaissa e energìa, coscita da ruèr no demò a responer tel prum temp con i goi de Tommaso Goi e Matt Ryan, ma a vidèr ence i etres doi drittel. Amò coi goi de Manuel Lo Presti e de l’ex bianch e brun, Diego Iori, l Milan bat donca l Fascia per 4 a 1. E amò 4 a 1 l’é stat ence l resultat de la partida conta l Pontebba, stata en sabeda ai 3 ta Dèlba. A segnèr enstouta l’é stat amò n’outa l flinch ladin, Martin Clastlunger che l’é dò che l fèsc dassen na bona sajon. Ma chesta rei no à bastà. L Fascia à tegnù l vantaje enscin al terzo temp canche dut l’é jit a routoles e te 20 menuc i ladins i se à ciapà adertura cater goi da pèrt del Pontebba, ùltima squadra de la classifica. Con chesta paussa de diesc dis, l Fascia podarà donca analisèr si ponc deboi e i miorèr, troan endò la gaissa per venjer e jir su te la classifica.

La Nazionèla talièna de Hockey La paussa de chisc dis, enscin ai 15 de november, la é stata fata per ge dèr lèrga ai apuntamenc con la nazionèla che dai 4 ai 7 de november

é stata a Asiago per i alenamenc e che, enscin ai 10, la é jita a Ljubljana, te la Slovenia, per jièr te l’Euro Ice Hockey Challenge. N tornoi a chel che segur ge staron dò ajache, ence enstouta, i colores ladins i é apede a chi taliegn. Defat, anter duc i jiadores, ence enstouta l’é stat chiamà ite doi fascegn de naa: l defensor Stefano Marchetti (che l jia con l’Asiago) e l’atacant Luca Felicetti (che l jia chest an vin Anpezo). Val di Fassa Ferrarini vs. Hc Bolzano 3 - 7 Milano Rossoblu vs. Val di Fassa Ferrarini 4 – 1 Val di Fassa Ferrarini vs. Aquile FVG Pontebba 1 – 4 Classifica dò la 16^ giornèda: Valpusteria 42 ponts Alleghe 32 ponts Renon 31 ponts Valpellice 30 ponts Bolzano 24 ponts Milano 24 ponts Asiago 21 ponts Cortina 15 ponts Fassa 13 ponts Pontebba 8 ponts

Resultac squadres mendres L’Under 18 à jià en mercol ai 31 de otober a Egna e l’à perdù per 8 a 2: i goi fascegn é stac segné da Marco Iori e da Damiano Casagranda, duc doi su assist de Matteo Dantone. En domenia ai 4 de november l’Under 18 à jià dapò ta Dèlba contra l Perjen e l’à perdù per 4 a 0. L’Under 16 à jià enveze en sabeda ai 3 de november a Feltre fenian fora col resultat de 6 a 4 per i belumac: a meter a segn i goi fascegn l’é stat Ivan Lauton (3 goi) e Sebastiano Soracreppa. L’Under 14 l’à jià en jebia 1 de november la 6^ giornèda del Campionat Veneto-Trentin a Pieve e l’à perdù per 6 a 3. I goi fascegn é stac segné da Marco Defrancesco e 2 da Stephan Deluca. En domenia ai 4 de november ta Dèlba l’é stat jià fora ence la pruma partida di pìcoi de l’Under 10, che i à jià contra l HC Trent tel tornoi “Learn to play”, olache o vegn tegnù cont del resultat.

Furmazion: Guido Schmalzl, Achim Frontull, Andreas Wieser, Yuri Pellegrini, Raffael Senoner, Jan Piere Prugger, Aron Kostner, Vanni Valdemarca, Stefan Vallazza, Matteo Sodlerer, Raphael Runggaldier. Baratà ora: tl 46’ Jonas Runggaldier mpede Jan Piere Prugger, tl 46’ Alfi Piazza mpede Raffael Senoner, tl 70’ Seljvir Nemce mpede Raphael Runggaldier, tl 80’ Luca Werdaner mpede Vanni Valdemarca. Goi: 1:1 tl 27’ Aron Kostner, 2:1 tl 31’ Aron Kosnter, 3:1 tl 48’ Stefan Vallazza, 4:2 tl 70’ Stefan Vallazza, 5:2 tl 78’ Stefan Vallazza.

L joen fascian Martin Castlunger l’é stat l soul a segnèr tant contra l Milan che contra l Pontebba. (ph. Doriano Brunel) www.lauscdiladins.com

31


Informazions y Manifestazions Bon scomenz de sajon per Nicole Daberto La balarina sui feres da Ciampedel é ruèda sul podie te la Copa de l’amicizia a Maran Bal sui feres - Ence chest an, desche da 25 egn, l Sport Club Maran l’à endrezà dal 1° ai 4 de november la Copa de l’amicizia, na garejèda internazionèla che veit tor pèrt balarines sui feres da dut l mond.

nr. 44 / 09 de november 2012

Avisc Le Dé dles Patrones de Puster Les Patrones de Puster inviëia les patrones y les interessades al 14. Bezirksbäuerinnentag, en sabeda ai 17.11 dales 14.00, tl Michael-Pacher-Haus a Bornech. Al foss bel sce al gniss tut la troht o le diendl. I scolars dla scora profescionala de Dietenheim fistidiëia por n bun buffet y i Geschwister Messner da Vintl por la musiga. Control di destodadus a Calfosch

I Stüdafüch da Calfosch inviëia la jënt da gnì ai 17 de novëmber dales 9.00 ales 12.00 te so magazînn a lascè ćiarè do i destodadus. Al sarà söl post na dita spezialisada. Le sorvisc é a paiamënt. Udiënzes dla Uniun di Ostis

Anter dutes ence Fascia se à vadagnà n post de onor, ajache en sabeda ai 3 de november na balarina da Ciampedel, Nicole Daberto, é ruèda sul podie te la categorìa Junior B, se vadagnan l terzo post e l secondo a livel nazionèl. L’é stat na bela sodesfazion per Nicole, che la fèsc pèrt de l’ASD Fiemme On Ice e che per chest bel resultat la vel rengrazièr sia sozietà del bal sui feres de Fiem che ge Nicole Daberto é ruèda 3^ te la garejèda dèsc l met de se enjignèr con internazionèla de bal sui feres “Copa de alenadores de aut livel. L develpai l’amicizia” a Maran. de Nicole l va soraldut a sia alenadora olimpionica Yoanna Szczypa e ela e sia compagnes a arjonjer ben trei a l’enjignador atletich Giampiero Guerrini, podies e autres resultac ence n muie vejines che te chesta garejèda a Maran i à portà ai miores resultac.

Chino

La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Incuntada por i apascionà de letöra Chësta incuntada vëgn metüda da jì en lönesc ai 12 de novëmber dales 15.00, te biblioteca a Calfosch. Ara se trata de n grup davert che se incunta plü iadi por partì minunghes. Organisaziun: Biblioteca adöm al Consëi de Formaziun. Sentada dla Junta de Comun cun la popolaziun

La Junta dl Comun da Corvara y l’Ombolt Robert Rottonara inviëia a na incuntada cun la popolaziun, en jöbia ai 15 de novëmber dales 20.00, te Ćiasa dles Uniuns a Calfosch. Avis por düć chi dl ’67 dla Val Badia

Tignisse lëde le vëndres sëra ai 16 de novëmber. Al é ora da festejé i 45 agn. I s’incuntun a Picolin por na buna cëna. I invić gnarà ćiamò menà fora. Cëna de chi dl 1956 dla Val Badia

Düć i nasciüs dl 1956 dla Val Badia dess se tignì a mënt la data di 17 de novëmber. Chësc dé é düć inviá da gnì dales 19.30 ala cëna dla tlasse, tla ostaria Urban a Badia. Al sarà musiga y aorela cörta. Por se prenotè él da paié ite 50,00€ a će tla Cassa Raiffeisen sön le cunt ”Cëna 1956”. Informaziuns ciafon inće al 335/1050408 o 339/8196897.

Al Chino de Pardac

La Uniun Maestri Ladins festejëia i 50 agn

Insnet, vender ai 9 de november e ence en sabeda ai 10 e en domenia ai 11 da les 21.15 vegn moscià “Cogan – Killing Them Softly”. En lunesc ai 12 e en mèrtesc ai 13, da la medema ora, per la rassegna dal Festival de Unejia se pel veder “Un giorno speciale” de Franesca Comencini. Da mercol ai 14 enscin en domenia ai 18 da les 21.15 (domenia ence da les 17.00) vegn dat fora “The Twilight Saga: Breaking Dawn 2”

L'UML festejëia le iubileum en vëndres ai 16 de novëmber dales 15.00, tla Ćiasa J.B. Runcher a San Linert. Program: 1) salüc, 2) Cun le dr. Lois Ellecosta fajaràn na ”Vidlada ai ultims 50 agn dla scora ladina”, 3) intermezzo teatral, 4) presentaziun dl liber ”Signai y bai” dl dr. Lois Trebo. 5) Onoranzes 6) Renfrësch. Cornisc musicala: cor de insegnanć.

Al Chino de Tieser

Duc chëi de Urtijëi nasciui tl 1971 ie nviei de cuer a unì ai 17 de nuvëmber dala 19.30 a törggelen. Jiron ora l Putzerhof a Laion. N possa se nuté su da Renate te butëiga (Pelletteria Mariele) nchin n juebia, for danmesdì pra l numer 0471/796881.

Da anché vender ai 9 de november enscin en domenia ai 11 da les 21.15 (en sabeda ence h. 16.30) e en lunesc h. 20.45 se pel veder l film de azion “Skyfall”. En jebia ai 15 da les 21.15 vegn moscià l film dramatich “Monsieur Lazhar” e en vender ai 16 e en domenia ai 18 da la medema ora l film storich “Argo”. Al Chino Teater de Ciavaleis

Insnet, vender ai 9 de november da les 21.00 per la sajon de teater se pel veder l spetacol satirich “Si slancian nel cielo” de e con Lucio Gardin. En sabeda ai 10 e en domenia ai 11 da les 21.15 vegn moscià l film “W l’Italia”. En vender ai 16 la sajon de teater jirà inant con “La finanza killer. Non con i nostri soldi” de Ercole Ongaro e Fabrizio di Giovanni per Itineraria teatro. L chino de Cianacei l’é serà.

♦ Presentaziun dl liber söi Iagri de Badia La publicaziun nöia vëgn presentada en sabeda ai 17 de novëmber dales 16.00, tla Ćiasa J.B. Runcher a San Linert En sabeda ai 17 de novëmber éra tan inant. I iagri dl Revier de Badia à l’onur da podëi invié düć canć ala presentaziun dl liber ”Iagri Badia - Storia y tradiziuns dla ćiacia de Badia”, na publicaziun de Daria Valentin, cun la colaboraziun de Karl Albert Irsara. La presentaziun mët man dales 16.00, y gnarà desfirada tla Ćiasa J.B. Runcher a San Linert. Le guant da iagher é sambëgn bëgnodü y te chësc domisdé ciafaràn inće n pice salüt dala ćiasadafüch di iagri. Düć é dër bel invià da tó pert.

Jon a törggelen

Iscrizions per San Miculau

Da n lunesc 12 de nuvëmber dala 14.30 inant tulerà la Nëus Jëuni Gherdëina inò su la iscrizions per San Miculau che va ora per la cëses a Urtijëi. Per se lascé nuté su pudëis cherdé su l numer de telefonn 0471/799006. La iscrizions per S. Cristina tol Matthias su, 338/6068177 da lunesc 12 de nuvëmber inant. Urtijëi: Ancunteda di zitadins L chemun de Urtijëi nvieia de cuer a na sëira de nfurmazion cun puscibltà de descuscion, n merdi ai 13 de nuvëmber dala 20.30 te cësa de cultura. A Soraga cena etnica del Maroch

La sociazion “La Voce delle Donne” endreza cenes etniches per fèr cognoscer la desvaliva cultures e sostegnir projec de solidarietà mondièla. En jebia ai 29 de november da les 20.00 al restorant Goofy de Soraga vegn fat na cena en colaborazion co la femenes del Maroch. Iscrizions dant da lunesc ai 26 de november da Martina al nr 338.4017282. Vich endreza l percors de la cripeles

L Comun de Vich l taca jà a pissèr al Nadèl, e l’é dò che l se endreza a meter jù la mapa con la cripeles che vegnarà metù fora chest invern sui brenc sul tegnir de Vich. Duc chi che à idea de fèr sù na cripela apede a sia majon i é preé de l fèr a saer più prest che l’é meso te Comun, al numer 0462.764182 (domanèr de Luciana). Job trainer: chierir l lurier giust te Fascia L Pian di Joegn La Risola de Fascia tel chèder del projet “Job Trainer” porta dant scontrèdes per descorir i talenc di joegn. En lunesc ai 12 de november da les 20.30 te sala del Consei del Comun general de Fascia, Andrea Bolner de Trentinosviluppo e l’orientator profescionèl Marco Parolini rejonarà de oportunitèdes e encentives per envièr via na atività. A Vich recordanza di Morc en vera L Comun da Vich, con le Sociazion e la Musega da Vich, envìa duta la jent en domenia ai 11 de november del 2012 a tor part a la zerimonia per recordar i Morc de dute le vere. Se se troa da le 9.30 te Piaz de Comun de Vich e en defilada se rua sun Cortina de Vera, olache vegn dit messa e depojità le corone.

Iadi, jites, escursions y pelegrinajes Viac culturel a Dispruch

L KVW de Sëlva nvieia a unì pea ai 17 de nuvëmber a ti cialé al’opra “Carmen” de Georges Bizet. L unirà pià via te Sëlva, sun la plaza sëura l chemun dala 14.00. Le retrat che an ciafa sön le cuertl dla publicaziun nöia.

32

www.lauscdiladins.com


Informazions y Manifestazions

nr. 44 / 09 de november 2012

♦ Es’a ulù me la fé?

Teater Teater a La Pli: ”L’operaziun à fat faziun” Le teater vëgn rapresentè ćiamò chisc dis: en doman sabeda ai 10 de novëmber dales 20.00 y en domënia ai 11 dales 15.00. Chertes pòn apostè al 0474/500978 o al 389/8158382, y vëgn inće venüdes n’ora dan le teater.

Duman sada ai 10 de nuvëmber saràl da udëi te calonia de Sëlva per l prim iede l teater dla Grupa de Teater de Sëlva “Es’a ulù me la fe!”

Na cassa por dui - teater por pici y gragn

Le teater sot la regia de Simon Kostner, tut dal toch ”Kikerikiste” de Paul Maar, gnarà rapresentè ćiamò en doman sabeda ai 10 de novëmber dales 20.00, tl salf dles manifestaziuns da San Martin de Tor. Al joblenëia Silvia Liotto, Egon Pescollderungg y Veronica Irsara. Musical ”Saù dla Jonëza”

La Uniun Teater La Ila inviëia ales ultimes rapresentaziuns dl musical ”Saù dla Jonëza” de Anita Obwegs, cun la regia de Erika Castlunger. Al gnarà rapresentè ćiamò incö vëndres y en doman sabeda ai 9 y 10 de novëmber dales 20.00, y en domënia ai 11 de novëmber dales 15.00, te Ćiasa de Cultura a La Ila. Prenotaziuns al 0471/847455 o 333/2525740. Teater a Urtijëi

La Grupa de Teater de Urtijëi à mparà ite per chësc autonn n teater per tudësch dal titul “Gas Licht“. La regia ie de Otto Dellago. L teater sarà da udëi ai 17 de nuvëmber dala 20.30., ai 18.11. dala 18.00, ai 21 y ai 22.11. dala 20.30 y ai 25.11 dala 18.00. Chertes danora tla butëiga dai ciauzei Rabanser Jëunn, 0471/797934. I atëures che porta dant l teater.

♦ Reunion generala de Ladins Dolomites En doman sabeda ai 10 de november da les 15.00 te Selva L moviment Ladins Dolomites à l plajei da envié duc canc a la reunion generala, che vegnirà tegnida en doman sabeda ai 10 de november da les 15.00, tla pitla sala dla Ciasa de Cultura de Selva. Referenc dl dì sarà sarà l’ex aconsiadour provinzial Carlo Willeit y l’aconsiadour provinzial Hans Heiss. Willeit rejonarà dl tema ”Quo vadis ladin? Condizions per souravive y per vive ala per con i autri. Rejons culturales, sozioeconomiches y politiches”. Heiss rejonarà dl tema ”La situazion politica atuala dla Ladinia dal pont de veduda de n osservadour sudtiroleis todesch critich.” I sostegnidours de Ladins Dolomites, ma ence duc i enteressés é dret bel enviés a n domesdì de discuscion sun la situazion y l davegnì di ladins.

Carlo Willeit.

Hans Heiss.

♦ Forum Sëlva - Amor y scioldi tl’ert N juebia ai 15 de nuvëmber uniràl metù a jì dala 20.00 tl Tublà da Nives te Sëlva la prima sëira dl “Forum Sëlva”, na scumenciadiva che se tol dant de traté argumënc de nteres generel per Sëlva y Gherdëina “Forum Sëlva” uel descedé l nteres per deplù aspec culturei, ma nce de cuntenut soziel y economich y tré ite la jënt a fé pea pra la descuscion. Ntan chësta ancuntedes saràl deplù referënc che rujenerà n con' de n argumënt spezifich, giaurian da dedò la descuscion al publich. La prima sëira trata l argumënt “Amor y scioldi tl’ert” cun l artista Adolf Vallazza, Erich Demetz, Egon Moroder Rusina y Rut Bernardi. La ntreda ie debant y duc ie nviëi ala sëira.

L se trata de n pez da rì tla rujeneda ladina. Coche uni ann d’autonn à la Grupa de Teater de Sëlva mparà ite n pez che dëssa fé passé na sëira de bona ueia a duc chëi che l ti sà bel a jì a ti cialé a n teater. Doi atëures nueves, Christine Senoner y Sara Perathoner, deberieda cun set atëures cun plu esperienza, Juri Demetz, Elisabeth Mussner, Evi Perathoner, Rudi Avi, Toni Mussner, Caroline Runggaldier y Martin Avi, à laurà doi mënsc y mez sot ala regia de Igor Demetz y ie śën njeniei a ve lascé udëi cie che ëi à mparà. On ulù ti fé n valguna dumandes al reghisser: Usc: Igor, posses’a nes cunté velch dl pez da chëst ann? Igor: L se trata de na cumedia de Kaspari Ralf, pez che me é crì ora y ciancià nstës tl Gherdëina! L ie l prim iede che tu fejes l reghisser. Co te iel pa tumà ite de fé la regia? L cunsëi me à damandà sce ësse ueia de purvé. L fova bele n valgun ani che ove ueia de l fé, ma l me manciova for mpue l snait. Tres duc i iedesc che é fat l atëur, rati de avëi mparà truep y śën me la sënti de purvé. Co es’a abinà adum i atëures? Vel’ un se à pità, i autri éi ie crì ora. É nce ulù ti dé l’ucajion a de tei de nosta lia che ne n’ie bele giut nia plu stac sun paladina. Nsci éi riesc abinà adum na bela grupa. Co l’es’a metuda a jì? Cun l aiut de Claudia Senoner, che me fej da assistënta y Helga Kerschbaumer che dij ite, ti sons bele sautei ite de lugio al pez y l on desmazà ju ntan ot sëires. De agost ons pona fat na paussa y de setëmber y utober sons jic inant cun trëi proes al’ena. Śën sons ruvei a 40 proes y ne udon l’ëura de purté dant chësc blòt pez. Iel pa stat n gran lëur? Da stramp n gran lëur. Uni dezijion muessa l reghisser tò, n con’ di atëures, dla paladina, per chël che reverda i guanc. Ie muesse for vester pra uni proa. Y dan ruvé ala prima proa muessa l reghisser bele lauré ora l pez y nce chël tol si lëur. Posse dì che l ultimo mez ann me éi dat ju truep cun chësc teater. Tu es suvënz fat l atëur. Ciuna ie pa la desferënzes danter fé la regia y vester sun paladina. L mpëni ie ades l medemo, mé che la respunsabltà dl reghisser ie majera. Te sàl pa plu bel a fé la regia? Igor: Sci, l me à plajù dassënn, ma me sente mpo miec a sté dal’autra pert. Fé l atëur me dà plu sudesfazion. Śën iel l mumënt dla prima reprejentazion. Ies’a nervëus? Mo no, ma me nmagine che duman da sëira ne sarei nia plu tan chiet sciche śën. Cie te à pa chësta esperienza nueva dat? Fé la regia me à judà a udëi n iede l lëur, l mpëni y dut chël che ie da mëter a jì dal’autra pert. É mparà truep de nuef y spere de me l lecurdé canche saré inò dal’autra pert coche atëur. Muesse dì che ne vëije nia l’ëura de fé inò l atëur. L reghisser Igor Demetz. Uel pa chësc dì che te ne fajeres nia plu regia? Igor: No chël ne ulëssi nia dì. Mé che l me sà plu bel a fé teater. Muesse nce dì che te nosta grupa sons n valguni che fej regia y a chësta maniera pudons se mudé ju. Chësc ie per nëus na sauridanza y nce per chëi che vën a nes cialé, ajache uni reghisser ti dà zeche de persunel al pez y nscila possa la jënt udëi deplù sortes de teatri. Usc: Per finé via ulons mo mbincé a ti y a duta la grupa de bela sëires. De gra! Tole l’ucajion per nvië duc a unì a ti cialé al pez “Es’a ulù me la fé”. La reprejentazions sarà duman sada, ai 10.11., n mierculdi ai 14.11., n vënderdi ai 16.11., n sada ai 17.11., n mierculdi ai 21.11. y n vënderdi ai 23.11. for dala 20.30  te calonia de Sëlva. Chertes danora giapëis tl Mini Shop te Sëlva o cherdan su l 0471/794085. Unide duc a passé na sëira de bona ueia cun nëus! www.lauscdiladins.com

33


Informazions y Manifestazions ♦ 25 °ne de teàtro con “Ra Filodramatica

d’Anpezo” ‘L é pasà 25 àne da càn che ón betù a śì danóo ra nóstra Filodramatica Par r’ocajion ón fato àlgo de nóo: ón betù śò un teatro da nòstra pòsta. Ón ciatà fòra coscì tànte scritóre che ón abù da féi tré scuàdres: una par ogni àto. Una stòria de 150 àne, de una eredità saràda via inze un baùl… negùn sa cé che ‘l é inze. E dinùltima ve ‘l dijón…fósc. ‘L à gnon “ El brasción de ra Jenìa”: ‘l é tré àte da rìde con un regista diferente par ogni ato: Giorgia Alberti Minel, Sara Santer e Davide Sottsass. ‘L é stà un gran laoro scrie, bete duto a śi ladin e anche ciatà ra śente: defato sul palco se moarà pì de 30 atore. Ra Prima ra I tre registe: Davide Sottsass, Sara Santer e Giorgia sarà ai 10 de noènbre da res 9 da Alberti Minel. daséra e pò ‘l vegnarà fato danóo ai 14, 16 e 17 senpre da res 9 da daséra. Invéze domégna ai 11 de noènbre el sarà da res 4 dapò dijnà. El vegnarà fato inze ra Sàla da teàtro “Alexander Girardi” in Anpezo. I biliete pó èse fisàde al 333 2707943 dapò res 6 da daséra. Ai 24 de noènbre da res 8 e meśa da daséra sarón sul palco de ra sala de Rèba in Fodom.Ve spetón dùte cuànte.

♦ Cunzert de Santa Zezilia dla Mujiga de

S. Cristina La Mujiga de S. Cristina nvieia de cuer al cunzert de Santa Zezilia che sarà n dumënia, ai 11 de nuvëmber dala 17.00 te sala de chemun L cunzert scumëncia cun la marcia “Starparade“ de Alois Aust. Da dedò saràl da audì la “Ouvertüre Comique“ de Keler Bela, La Mujiga de S.Cristina. la polka “Auf der Vogelwiese“ de Josef Poncar y l pez per solisć “Weinbergzauber.“ I solisć ie Sandra Tomasini, Christian Hofer y Georg Perathoner. Ntan na pitla pausa uniràl dat ora uneranzes per jì pona inant cun pec de Udo Jürgens, Zucchero, Armin Kofler y Carl Teike. La Mujiga de S. Cristina nvieia duc a unì a scuté su l cunzert de Santa Zezilia n dumënia, ai 11 de nuvëmber dala 17.00.

nr. 44 / 09 de november 2012

Referac Ći po pa ester plü de benedisciun te nosc paîsc co la dlijia? Sot a chësc titul inviëia le Consëi de Cöra de Badia a n referat cun siur Sepl Granruaz, en lönesc, 12.11. dales 20.00, te Ćiasa J.B. Runcher a Badia. Referimënt al salm 131/132. Stres: gaujes y medejina

Le KVW da La Ila mët da jì en jöbia ai 15 de novëmber dales 20.00 na incuntada dl dotur Giuseppe Di Marino cun la popolaziun, tla scora mesana da La Ila. Tla sëra cun discusciun gnaràl baié dl tema: ”Stress: cause e rimedi”. Le ritm y le renforzamënt dl sistem imunitar Chësc é le tema de n referat che vëgn tignì en doman sabeda ai 10 de novëmber - dales 16.00 tl Zënter Cultural da Toblach, y dales 20.00 tl Zënter Trayah a Bornech. Referënta é la varidëssa y maestra de yoga Johanna Blümel. Entrada: spënora lëdia. Informaziuns sot www.anna.steeman.it. Ćiarè do y socodì familiars te ćiasa Le Grup de Volontariat inviëia en vëndres ai 16 de novëmber dales 20.00 a na serada dal tema ”Ćiarè do y socodì familiars te ćiasa - olà poi pa jì a damanè aiüt?”, te salf de calonia a San Ćiascian. Referënć é rapresentanć di sorvisc soziai dla Val Badia. Socodì y acompagné tla mort na porsona püra te ćiasa

Chësc é le tema de na serada che vëgn metüda da jì en mertesc ai 20 de novëmber dales 20.00, te salf de calonia a Corvara. Referënta é Margot Pizzinini, infermiera dl raiun sozial). Organisaziun: Grup dal Caritas. Storia dla uties da mont

La Lia da Mont de Gherdëina mët a jì n mierculdi ai 14 de nuvëmber dala 20.00, deberieda cun l Cunsëi de Furmazion de Sëlva, n referat n con’ dla storia dla uties da mont de Südtirol cun l referënt Florian Troier, te cësa de paussa, tla sala Gisela Moroder a Urtijëi. Uelesc y essënzes Co y ulà pòssen pa adurvé i uelesc? La biblioteca San Durich deberieda cun la Butëiga dl Mond nvieia duc n juebia ai 15 de nuvëmber a na sëira de nfurmazion cun Christa Moroder y Karin Planker te biblioteca dala 20.00. Agevolazions fiscales per la restruturazions edilizies

La Cassa Rurala de Fascia e Agordin endreza insnet, vender ai 9 de november da les 17.00, te oratorie de Poza, l convegn: “Agevolazioni fiscali per le ristrutturazioni edilizie”. Renato Nazario Micheluzzi e Luciano Braito, respetivamenter aministrador e diretor de la Cassa, e l comerzialist da Unejia Mauro Comin rejonarà de la neva oportunitèdes dò i ùltimes mudamenc legislatives. Calculaziun di cosć tla realté de na dita artejanala

La Uniun Artejagn da San Martin de Tor organisëia n referat por respogne a "Ëise i cosć sot control, o ma les spëises? Consëis pratics por na buna suravijiun y control." Le referat sarà ai 21 de novëmber, dales 20.00 h tl salf dl Istitut Ladin. Referënć: raj. Pasquale Verginer dla Verginer Business Consulting.

♦ Ejam da moster scultëur tla Scola

Profesciunela de Urtijëi La Scola Profesciunela per l’artejanat artistich de Urtijëi mët a jì deberieda cun l Ufize per la Furmazion di Lerneri y Mostri n curs per se anjenië ca per l ejam da moster scultëur L curs sarà n auter ann d’ansciuda y l ie udù dant de fé l ejam d’autonn 2013. N vënderdi ai 23 de nuvëmber dala 15.00 saràl n’ancunteda tla Scola Profesciunela de Urtijëi, ulache l unirà dat nfurmazions a chiche à nteres. Nfurmazions plu avisa giapëis cherdan su la scola al numer de telefonn 0471/796733.

34

www.lauscdiladins.com

Dotors y Apoteches Dotors L dutor de servisc te Gherdëina dala 8.00 da duman de n sada 10 de nuvëmber nchin la 8.00 da duman de n lunesc 12 de nuvëmber ie l dutor Giuliano Piccoliori de S. Cristina, tel. 0471/792282. Le dotur en sorvisc tla Val Badia, tla findledema di 10 y 11 de novëmber, é le dotur Aldo Marcocci, Al Plan de Mareo, tel. 0474/501039 o 338/7280518. Apoteches L’apoteca de servisc te Gherdëina che à daviert ora dl orar ordiner da n vënderdi (dala 19.00) ai 09 de nuvëmber nchin n vënerdi ai 16 de nuvëmber ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 9 de novëmber al vëndres ai 16 de novëmber, é chëra da La Ila, tel. 0471/847152.


nr. 44 / 09 de november 2012

Cursc A Vich cors per decorèr l Nadèl La Biblioteca de Vich endreza n cors per realisèr decorazions per Nadèl. L cors sarà ai 13, 14 e 15 de november da les 15.00 a les 17.00 e l cost l’é de € 70,00 per trei encontres e € 60,00 per doi. Informazions te biblioteca de Vich, 0462.763062. Curs de introduziun al freestyle

Organisé dal SC Ladinia - seziun freestyle, por jogn dai 11 ai 17 agn. En vëndres ai 9 de novëmber dales 20 vëgnel metü da jì tla sënta dl schiclub pro la ćiasa de copa dl monn na serada de informaziun por i geniturs. Lì dant la Parora de Dî - motivaziun y tecniches por leturs

Le Consëi de Cöra da Calfosch mët da jì n curs de döes sëres dal titul ”Lì dant la Parora de Dî - motivaziun y tecniches por leturs y leturies”. Al mët man en lönesc ai 12 de novëmber dales 20.00, te Ćiasa de Cultura a Calfosch. Referënt: Lois Kastlunger. Curs da bocsenè schi Le ASC Ladinia organisëia por sü sozi n curs da incerè (bocsenè) i schi por les competiziuns, cun l’atlet espert de paslunch Nicola Parolari. Le curs é debann, y vëgn tignì ai 19 de novëmber dales 20.00, tla sënta dla Wintersteiger a La Ila. Aices y sonns

Sot al titul ”Coccole e suoni” inviëia le Zënter Families Ergobando en vëndres ai 16.11 dales 10.00 tl Ergobando a La Ila: al sarà n danmisdé por mituns da 0 a 3 agn acompagnà da geniturs. Al vëgn fat ativitês musicales y musigoterapiches, olache al ti vëgn lascè lerch a sonns, movimënć, corusc y tröpes aices. Infos pro Paola al 349/6675851. I sonns dla natöra

Le Zënter Families Ergobando mët da jì en vëndres ai 16.11 dales 15.00 n domisdé cun Margherita Valtorta y Francesca Stella Riva, por mituns da 3 a 6 agn. Al gnarà costruì de pici stromënć ispirà ala natöra. Infos pro Paola al 349/6675851. An s’incunta tl Ergobando a La Ila (ćiasa dles uniuns a La Ila Alta). Laûrs de convënt - Klosterarbeit: n curs

La Uniun dles patrones dl Comun da San Martin inviëia a n curs de “Klosterarbeit” Gherlanda spiza – la picia gherlanda che alda pro la troht. Ai 13, 20 y 27 de novëmber dales 13.30 ales 16.30, tl salf di stödafüch a San Martin de Tor. Informaziuns y prenotaziuns pro Loise al tel. 0474/590026. Fà figöres da Nadè de lëgn, decorè y depënje Chësc é le contegnü de n curs cun Evelin Alfreider, che vëgn metü da jì en lönesc ai 19 de novëmber dales 20.00, te Ćiasa dles Uniuns a Calfosch. Curs limité a 12 porsones. Cost: 30,00€ a će. Da se tó para él pinì y n gote de plastica. Infos y prenotaziuns pro Ingrid al 347/8811764. Organisaziun: Consëi de Formaziun. Curs da fà duciaries por Nadè

Organisé dala Uniun dles Ëles da San Ćiascian. Referënta é Anna Pezzedi. L’apuntamënt é por en mertesc ai 20 de novëmber dales 19.00, tl Bar Sarè a San Ćiascian. Infos y prenotaziuns pro Maria al 0471/849526. Curs de bal por mituns, jogn y amaturs

Le curs de bal tlassich y modern, tignì dala coreografa y balarina Marisa Furlani tla scora elementara de Badia, va dal lönesc al vëndres, mët man ai 12/11 y se desfira fina de mà 2013. Iscriziuns anter le 9/11 ai numeri 333/4565794 (Pension Scunëi) o 339/7994250 (Sabine Pizzinini). Por informaziuns 339/6752667. Mudelé act do n model – curs dla Scola Profesciunela

L curs ie cun Bruno Walpoth, artista de Urtijëi. L ie dai 23 de nuvëmber nchin ai 1. de dezëmber, de vënderdi dala 14.00 nchin la 18.00 y de sada dala 8.00 daduman nchin la 18.00, de ndut 24 ëura. Curs de turné dla Scola Profesciunela L curs ie cun Andrea Holzknecht de Urtijëi ai 30 de nuvëmber y ai 1. de dezëmber, n vënderdi dala 14.00 nchin la 19.00 y n sada dala 8.00 daduman nchin la 18.00, de ndut 13 ëura. Per nfurmazions plu avisa n con’ di cursc dla Scola Profesciunela, prëibel cherdé su l 0471/796733 o mandé n’ e-mail a lbs.st-ulrich@schule.suedtirol.it Lauré a man la lana

La lia Sanynton nvieia a mparé l vedl ert de lauré la lana, dal scartejé al filé y fulé (filzen), ai 12 de nuvëmber te Sëlva tla sënta dla lia, str. La Sëlva 101 dala 9.00 daduman cun la referënta Andrea Piccolruaz. L curs ie debant. Prëibel se nuté su danora (333/1079990).

Religion Preparaziun al Bato

La Uniun dles Ëres Catoliches da Corvara inviëia i geniturs che aspeta n pice o à n pice da batié, ala Preparaziun al Bato, en sabeda ai 17 de novëmber dales 15.00, tl salf dla cöra a Corvara. Prenotaziuns te calonia a Corvara, al nr. 0471/836134.

Leteratura Sëira leterera La Lia Mostra d’Ert cun l Museum Ladin Ciastel de Tor nvieia ai 16 de nuvëmber dala 20.30 tla sala dla mostres dla Lia a na sëira leterera cun i referënc Luis Benedikter y Elmar Locher, n con’ de tesć mo nia publichei de Franz Josef Noflaner, per stlù ju l proiet n gaujion de si mostra “Dejidré, cialé, nmaruië” che sarà mo da udëi nchin ai 25 de nuvëmber.

Informazions y Manifestazions ♦ A Rina le Bal di Stödafüs L’apuntamënt é por la sabeda ai 17 de novëmber, tl salf dles manifestaziuns. Intratenimënt, aorela cörta, lotaria y musiga I Stödafüs da Rina à le plajëi da invié al Bal di Stödafüs, che gnarà tignì en sabeda ai 17 de novëmber dales 20.00 inant, tl salf dles manifestaziuns dl paîsc. Por musiga y aorela cörta fistidiarà le grup ”Ursprung Buam”, DJ Robby y inće le grup di Platleri da Fones. Por spëisa y boanda él sambëgn fistidié y tratan la serada gnaràl inće trat fora de bi pesć dala ola dla fortüna. Düć é bel invià da gnì al bal: la braia de coran y le diendl é bëgnodüs. I ”Ursprung Buam” fistidiëia por de bona musiga. (Foto: mgc.at)

♦ La Val: gran batadù En doman sabeda ai 10 de novëmber vëgnel invié ia a La Val n gran batadù. Da davagné él 400,00€ a cartadù. Chësc é le pröm apuntamënt de trëi dl Batadù Ladin La Musiga da La Val inviëia al Gran Batadù, che gnarà desfiré en doman sabeda ai 10 de novëmber dales 15.00, te salf dles manifestaziuns a La Val. Chësc é le pröm apuntamënt de indöt trëi, che fej pert dl Batadù Ladin. Pröm pest a La Val é 400,00€ por cartadù. Les prenotaziuns vëgn tutes sö al nr. 334/3217560 ćina ai 10 de novëmber, dan le batadù. Le Batadù Ladin jarà spo inant ai 25 de novëmber cun le Al gnarà indô dassënn cartè a La Val. Gran Batadù a Corvara, y ai 2 de dezëmber cun le batadù a Rina. Ilò gnaràl inće tignì la premiaziun finala.

♦ I 10 agn dla Böhmische da La Val Le iubileum vëgn festejé en sabeda ai 17 y 18 de novëmber cun conzerć, cëna y ćiastagnada y matinée, te salf dles manifestaziuns a La Val Tla findledema di 17 y 18 de novëmber festejëia la Böhmische da La Val sü 10 agn de vita. La sabeda sëra dales 21.00 tignarà la Böhmische n conzert cun cëna y ćiastagnada - les prenotaziuns vëgn chilò tutes sö al 0471/843229. Inant vara dales 22.00 cun la musiga di ”Fegerländer”. La domënia ai 18 de novëmber él spo dales 10.30 na matinée cun liagnes blanćes y bira. Al sarà daimproìa da aldì conzerć dles Böhmische da La Ila, Rina, Al Plan y Badia. Dales 17.00 saràl spo la ”Hochwilde Böhmische” che pitarà so miù. Düć canć é La Böhmische da La Val odüda te na caricatöra de bel invià a chisc dui dis de festa. Edmund Nagler. Diendl y braia de coran é bëgnodüs. La festa vëgn tignida te salf dles manifestsaziuns a La Val, por spëisa y boanda él fistidié. www.lauscdiladins.com

35


Informazions y Manifestazions Temp lede Gran batadù dla jënt atempada Le Grup dla Caritas mët da jì en mercui ai 14 de novëmber dales 14.00 n gran batadù por düć i seniors, tla Pension Vittoria a Calfosch. Le cost é de 5,00€ a će. Infos y prenotaziuns pro Serena al 339/5225697 ćina ai 11 de novëmber. Domisdé cun jüć da mësa

La Biblioteca Sas dla Crusc inviëia a n domisdé d’aorela cörta cun jüć por döta la familia, deboriada cun le ”Spieleverein Dinx”. An s’incunta en mercui ai 14 de novëmber dales 15.00, te biblioteca a La Ila. La iniziativa vëgn inviada ia vigni secundo mercui dl mëis, tres dales 15.00. Dumënia dla jopes

L Club Seniores de Sëlva nvieia duc n dumënia ai 11.11. dala 10.00 danmesdì tla pitla sala dla Cësa de Cultura a unì a se maië na bona jopa. La grupa Trix fajerà pea cun juesc per pitli y granc. Batadù di Jëuni de Sëlva

I Jëuni de Sëlva nvieia nce chëst ann i jëuni de duta la valeda, al batadù tradiziunel tla sala di Jëuni Fun and More te Sëlva, n dumënia ai 11 de nuvëmber. L’iscrizions vën tëutes su sun l post dala 13.00 inant y l batadù scumencerà dala 13.30. L sarà inò da vëncer n Superschipass. Pastelné cun Martina La Nëus Jëuni Gherdëina mët a jì cin’ domesdis de pastlné cun Martina, for dala 14.30 nchin la 16.30, per mutons y mutans dala prima nchin ala terza elementera. N possa mo jì a pastelné ai 14 y 28 de nuvëmber y ai 12 y 19 de dezëmber. Per se lascé nuté su pudëis cherdé su la NJG 0471/799006. Mëisa de libri n con de pastelné per Nadel

Te Sëlva te biblioteca “Oswald von Wolkenstein” saràl da udëi dai 12 de nuvëmber inant na mëisa de libri n con’ de pastelné per Nadel. Descuscion n con’ dl’architetura

La Fundazion Architetura Südtirol nvieia a na sëira de descuscion, n sada ai 17 de nuvëmber dala 18.30 a Persenon, tla “Produktionshalle Damiani-Holz&Ko. Plu nfurmazions sot a www.fondazione-stiftung.arch.bz.it Filé o fulé la lana de biescia

Descuvrì da nuef l vedl savëi, n sada ai 17 y ai 24 de nuvëmber te Sëlva tla sënta dla lia Sanynton, streda La Sëlva 101, dala 15.00. Families cun si mëndri y duc i nteressei possa purvé ora a fulé la lana.

Mujiga Opereta “Die Csardasfürstin“ N vënderdi ai 16 de nuvëmber saràl da udëi a Bulsan tl Waltherhaus dala 20.00 la prima dla opereta “Die Csardasfürstin.“ L’autra reprejentazions sarà ai 18.11. dala 17.00, ai 23.11 dala 20.00 ai 25.11. dala 15.00 y dala 19.00 y ai 28 y 29 de nuvëmber. De dezëmber sarà l opereta da udëi a Persenon tl Forum. Conzert dl cuintet tlassich ”Mamblix5” Le cuintet de stromënć a fle ”Mamblix5” (fablò, oboa, tlarinet, fagot y corn) se lasciarà aldì te n conzert tla ostaria Gran Ćiasa a La Pli, en sabeda ai 10.11.12 dales 20.30. An podarà aldì val’ tòch de musiga tlassica y gran lerch ti gnaràl dè ai tòć d’aorela cörta, polches y marces.

nr. 44 / 09 de november 2012

♦ Le ”Cöce” te na

mostra Le Fotoclub Val Badia mët fora na ćerna de fotografies rovades ite pro le concurs de fotografia 2012. La daurida é ai 10 de novëmber En doman sabeda ai 10 de novëmber dales 18.00 gnaràl daurì tl salf dl Istitut Ladin ”Micurà de Rü” a San Martin de Tor la mostra de fotografies sot al tema ”Cöce”, olache al gnarà metü fora fotos rovades ite en gaujiun dl concurs de fotografia dal medemo titul, che le Fotoclub Val Badia â scrit fora por chësc ann. La mostra sarà daverta ćina ai 18 de novëmber, dal lönesc ala jöbia dales 10.00 ales 12.00 y dales 15.00 ales 17.00, y le vëndres dales 10.00 ales 12.00. Düć é dër bel invià da gnì ala daurida, o i atri dis a ti ćiarè ala ”Cöce” ê le tema dl concurs de fotografia, y śëgn mostra. inće dla mostra.

♦ Santa Zezilia cun la Müjiga da La Ila La sabeda, ai 17 de novëmber 2012 dales 20.30 mët la Müjiga da La Ila da jì le conzert tradizional de Santa Zezilia, che düć é dër bel invià da gnì a ascutè sö, tl salf dles manifestaziuns tla Ćiasa dla Cultura a La Ila Tl repertore dla Müjiga da La Ila ciafon tòć de musiga tradizionala, mo inće moderna. Al gnarà portè dant tòć tuć da colones sonuries conesciüdes, sciöche inće ćianties de ćiantauturs conesciüs sura döt le monn. Dlungia chisc tòć portarà dant la Müjiga da La Ila na première. Ara se trata dl tòch ”Le ćiastel dles stries”, tut dal’opereta de Jepele Frontull, l’autur dla pert musicala, y de Angelo Trebo che à scrit le test. Chësta é la pröma opereta scrita por ladin, porchël àra inće na gran valüta a livel cultural. L’opereta é gnüda portada dant por le pröm iade tla Val Badia ti agn 1884/1885. Por la Müjiga da La Ila él stè Konrad Tavella, instës mëmber dla Müjiga da tröc agn, che à fat l’aranjamënt. La gran pasciun por la musiga liëia i tröc musicontri che ti agn passà à fat pert y fej inće pert aldédaincö dla Müjiga da La Ila, gnüda metüda sö tl ann 1985. Tartan le conzert de Santa Zezilia ti gnaràl surandè a dui musicontri l’onoranza por i 15 agn d’ativité. Ara se trata de Iris Tavella che sona l’oboa y de Robert Comploj, portabandira. Por le sostëgn finanziar vëgnel rengrazié la Cassa Raiffeisen Val Badia y le Consëi Cultural.

♦ Gran turnier de ping-pong a La Ila

♦ Rait de San Linert dles Valades Ladines

L’US La Ila mët da jì por le pröm iade n turnier de ping-pong te palestra nöia da La Ila

En domënia ai 11 de novëmber 2012 vëgnel tignì la 14. ediziun dl Rait

I s’abinun en sabeda ai 17 de novëmber dales 14.00, te palestra nöia da La Ila. Prëibel se tó impara ćialzà da ginastica nëć. Vignun po inće se tó para süa parota personala, pur düć i atri nen gnaràl partì fora te palestra. Al gnarà śoghé sön 12 mëses da ping-pong. Por se scrì ite menede n sms al 338/3399409 cun A La Ila vëgnel metü da jì n turnier de ping-pong. Les iscriziuns é osc inom y davertes. cognom + iscriziun turnier ping-pong. Les iscriziuns gnarà stlütes jö en vëndres ai 16 de novëmber dales 20.00. Le cost de partezipaziun é de 10,00€.

36

www.lauscdiladins.com

Sciöche da tradiziun, vëgnel inće en chësc ann metü da jì le Rait de San Linert dles Valades ladines, en domënia ai 11 de novëmber. La festa mët man cun la santa mëssa en onur de San Linert, dales 9.00 tla dlijia de Badia. Dedô, dales 10.45, podaràn odëi la defilada fora por le paîsc, a chëra che al tolarà pert incër 80 ćiavai haflinger y norics. Al ne manćiarà sambëgn nia les güces y i ćiars infornis sö da festa y la jënt cun i guanć da zacan y inće val ćiar cun de vigni sort de patüc da mangé. Sön un di ćiars podaràn amiré la statua de San Linert, patronn dl paîsc y protetur di ćiavai, a chël che la festa ti vëgn dedicada. La defilada gnarà abelida dales meoldies dles musighes da Badia, Rina y Poza y inće dala Böhmische da La Val. Le Bal Popular dla Val Badia tolarà inće pert ala defilada y dales 12.00 podaràn odëi na süa picia esibiziun tla Ćiasa Jan Batista Runcher a San Linert. La festa jarà inant tla ćiasa dles Uniuns de Badia cun la matinée Le motif cernü por le adöm ala Böhmishce da La Val. La uniun di Paurs de Badia y prousc dl Rait de chësc i stödafüch dl paîsc arjignarà ca de vigni sort de spezialitês ann. gastronomisches ladines. Dales 16.00 inant vëgnel tignì la ćiastagnada cun le grup ”Die Verspielten”. Por le sostëgn finanziar dla manifestaziun vëgnel ringrazié la regiun Autonoma Trentin-Südtirol, la Provinzia Autonoma de BalsanSüdtirol/Repartiziun Cultura Ladina, le Comun de Badia, l’Assoziaziun Turistica de Badia, la Cassa Raiffeisen Val Badia, la Fondaziun Cassa dl Sparagn y les dites Forst y SelGas. Düć é dër bel invià da tó pert a chësta manifestaziun.


Informazions, Congratulazions y Inserac

nr. 44 / 09 de november 2012

Trasmiscions TV y Radio Spёisa da zacan Tla trasmiscion Orizont 7 sun TCA iel da udёi da n lunёsc 12 de nuvёmber inant, coche n cujina spёisa da paur. La persones che lëura per la trasmiscion culturela meneda da Egon Vinatzer, ie jites pra l luech da paur sa Martin a Urtijёi, luech de Ernst y Agnes Hozknecht, à tò su coche Agnes Rabanser, Anna Messner, Renate Malsiner y Waltraud Werdaner, cujina de bon cёives de nosc raions. Danterite uniràl nce spiegà la rezeta y sambёn nce vel'lijënda che passenea pra i cёives cujinei. Pra i taieresc plu tipics y uriginei iel jufa de furmenton smauzeda, bales da furmenton y zigher cun capusc, grosti cun craut y sciche dessert mёiles dëuces sciaudei te ёifl. Ntan che la paures cujina cun pascion y savёi, s’la ciaculerà Egon limpea y deberieda cunterài nce vel’ blòta ntraunida de co y can che Da m.c. Renate Malsiner, Agnes Rabanser, Waltraud chisc cёives univa maiei. Werdaner y Anna Messner. La trasmiscion durerà 30 menuc. La redazion rengrazia la paures dla bona cunlaurazion y dl blòt domesdì. I orares de Orizont ie sun Altoadige TV uni lunesc dala 18.30, uni vënderdi dala 12.00 y dala 21.00 y la sades dala 17.05. Sun Südtirol TV ie la trasmiscion da udëi uni lunesc dala 21.00, uni mierculdi dala 12.00, la juebies dala 19.30, la sades dala 21.00 y la dumёnies dala 18.00. Sambёn ie Orizont nce da udёi plu iedesc sun TML y scenó te internet sot a www.tmltv.it

Filippo, śëgn poste tralascè tüa vedla identité, inće sciöche

Julian aste i 18 abiné! I tumbins por n isté é stà tüa profesciun sö Bournemouth por n ann ti este jü do a tüa gran pasciun. Franzeji y ingleji t’ast’ tö tres gurnè canche te sones chël bachët da "kloppen" est’ da laldè. Sce i ùn problems cun i ödli gnarunse da te a s’lascè acunsié, tü geniturs de te ne ess pa mai podü se baudié. Inće canche al ne ê nia saurì s’l unse godüda, s’la inconfortun bele ala proscima riüda. Da tü compagns Bea, Elena, Elisa, Elvis, Fabian, Karin, Kevin, Lefti, Romina, Terry.

Nando y Pia Bele 25 agn él passè da canche se ês dit de scê. Adüm tröc de bi y bur’ mumënć ês passè, tröpes cosses ês superè. Por osc dagnì se agurun düt le bun y furtüna en grumun. Osta familia

“Kairos”: l temp del Spirit sun TML

Sun TML de sabeda e domenia se pel veder la rubrica religiousa “Kairos”, con letura e coment del Vangele de la domenia. A ne portèr dant la reflescions su la Parola de Die l’é ades don Bruno Daprà. L program vegn manà fora de sabeda h. 18.30, 19.45, 21.15 e 22.15; de domenia h. 7.15, 10.00, 12.00, 14.00 e 18.45. La programazion de TML é ence sul sit www.tmltv.it e i programes de Ercamedia sun www.tvladina.com. L Cianton de l’Istitut

Te “L Cianton de l’Istitut” sun TML se pel veder amò chest fin de setemèna “Claus Soraperra: l’èrt te Fascia da la tradizion a la modernità”. Con en lunesc ai 12 de november vegnarà dat fora “Il duro flagello” sui recorc de vera de Marino Bernard da Pera. Oraries orientatives: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15 e vender h. 11.30. “Ercaboan” sun TML e sul web

Sun TML ogne sabeda va fora n nef program de la rubrica “Ercaboan”, de Silvano Ploner. Chisc i oraries: sabeda h. 18.00 e 20.45; domenia h. 13.30 e 18.15 e dapò duta la setemèna: lunesc h. 20.45; mèrtesc h. 17.30; mercol e jebia h. 18.15; vender h. 20.00. La programazion de TML é da poder veder ence sul sit www.tmltv.it e la produzions de Ercamedia sun www.tvladina.com. Paladina

N juebia ai 15 de nuvëmber dala 20.30 saràl da udëi la trasmiscion Paladina n con’ dl argumënt dla families al didancuei, inant atives. L ann 2012 ie l ann europeich per la jënt de tëmp ativa y ie l ann dla solidarietà danter la generazions. L lim dl’età arjonta crësc for plu y plu y la populazion mundiela vën plu vedla, ma nia perchël manco efizienta. L’età dla pension vën suvënz nuzeda da ëi y ëiles per fé atività desferënta tl ciamp soziel, a cuntat cun d’autra persones o per judé y dé nsci n cuntribut cuncret ala vita dl luech. Datrai se dan nce mé plu ju cun sé nstësc restan atifs cun corp y cë. Ajache la terza età ie n tòch dla vita che pieta mo truep a chëi che à mo truep da pité.

Les ćiampanes a Calfosch vëgn’la pa da sonè, deache la

Ai 15 de novëmber cumplësc

Peter Costner Pir’ dl Carigà la bela eté de 85 agn. I te fajun les mius audanzes de sanité, ligrëza y buna löna y i oressun te rengrazié por düt ći che t’as fat y che te fejes ćiamò cun gran pasciun pur nos. Tüa familia

Al vëgn chirì na boteghiera por na botëga de vistimënt sportif a La Ila por la sajun da d’invern 2012/13. Prëibel menè le curriculum a info@indoortextil.it

Utia Ciampac te Sëlva chier per la sajon da d’inviern na chelnera da tlo cun cunescënza de orderman. Prëibel cherdé su l 335/5262464.

Sport Lagazoi y Residence Ćiasa Giardun a San Ćiascian chir n’ëra a puzenè te botëga y tl residence. Prëibel cherdè sö le numer 335/6761788 o le 0471/849554.

Na ćiasa da apartamënć a La Ila chir por la sajun da d’invern na ëra a puzenè les sabedes. Prëibel cherdè sö le numer 339/8812825.

Alimentar Market Costa a Calfosch chir por la sajun da d’invern na boteghiera. Prëibel cherdè sö le 0471/836448.

La Scora de Schi da La Ila chir por la sajun da d’invern 1 secretêria. Tel. 0471/847258 o 328/9090126.

Frida dl Marciun

orunse festejé. Ai 8 de novëmber él l’gran dé 60 agn cumplësc’la, chësta é na bela eté. Mo la Frida ne bazila pa nia purchël ne ala pa intenziun da dè na tria. Salta ia y salta ca n momënt dlaurela stënt’la pa da ciafè ca. Almanco incö i pinsiers ćiara de lascè ia deache a mangé la torte gnuns pa na dërta schira. Düt l’bun orunse te auguré sanité y alegria de cör te bincé. N gran giulan por ći che te fejes por nos dé pur dé y n bel dé de festa dóssel porchël incö garatè. Giorgio, Susanne, Elisa y Jan

I chiriun 1 chelnera dl post lezitënta y dinamica, por amplié nosc team jonn te salf di gostà y vizié nüsc ghesć cun flair. Condiziuns è entusiasm por le laûr, pasciun por produć de cualité, flessibilité, impëgn y lezitënza. I pitun dër n bun tlima de laûr, sajuns lunges y i nes dejidrun na cooperaziun de dorada. Prëibel cherdé su l 0471/849503 o l 335/6680477. info@lagacio.com

Hotel Italia a Corvara chir por la sajun da d’invern 1 chelnera/barista 1 ćiamenëssa 1 tornanta 1 barista 1 porsona a fà de vigni sort de laûrs, poscibilmënter dl post. Prëibel cherdè sö le 0471/836082 o menè na e-mail a info@hotelitalia.bz.it

www.lauscdiladins.com

37


Inserac

nr. 44 / 09 de november 2012

Iubileum por ”Bruder Felix” Ai 4 de otober, festa de San Francësch, àl podü festejé n iubileum important: i 65 agn de convënt

Pastificio Taibon a Al Plan chir 1 secretêria cun conescënza de contabilité por mez le dé. Prëibel cherdè sö le 0474/501235.

La botëga de alimentars Pescosta a Calfosch chir por la sajun da d’invern 1 boteghiera cun esperiënza y conescënza dl talian y todësch. Prëibel cherdè sö le 0471/836022.

Pro la festa de iubileum de Bruder Felix (amez cun le guant blanch).

Iubileums - Al é nasciü ai 5 de setëmber 1930 sö Ju y é gnü batié cun l’inom de Angel. Bruder Felix Ploner é le plü jonn de dui fredesc y na só. Ël instës cunta che ”da jì a scora a San Martin piâi ia cun la scurité por rové jö a mëssa dales 7.30. A ćiasa rovâi inće indô che al ê bele scür, dal momënt che laôta êl inće domisdé scora y implü tocâra da jì zoruch a pé”. Deache n so berba ê ”Chorherr” ia Neustift, àl albü la poscibilité da jì cun 10 agn a Neustift a scora. Na süa gran pasciun ê le jì a sorvì y bel plan chersciô le dejier da deventè prou. Da jì a scora se stentâl n pü’ y al s’à presentè fora dai capuzineri a Bornech, por deventè ”Bruder”. Le surastant dl convënt ti à dit

che al dê ma jì a Porsenù. Adöm a süa uma ési jüs inant a Porsenù. Chilò él le portier che ti à dè le consëi da jì n tòch plü inant y insciö él rové pro i franzescans. Chilò ési gnüs tuć sö dër bun y ai à ćinamai ciafè val' da marëna. Bruder Felix à insciö podü stè dailò y al é spo rové a Kaltern, olache al é gnü vistì ai 4 de otober 1947 y à ciafè l’inom de Felix. Al ti é gnü surandè le compit da jì a ”sammeln” sciöche al gnô dit - a cöie adöm. Ara se tratâ da jì da ćiasa a ćiasa a perié do val’ picia oferta y a vëne le calënder dles misciuns. Bëgn por diesc iadi àl fat le pòch y é rové n pü’ dlunch, danter l’ater a Sanćiana y a Cortina. Tratan i ultims agn él a Kaltern, olache al fej portier, mone y sartù. Bruder Felix fej na vita dër scëmpla

y é dagnora contënt. Bel ti sàl da jì sö por munt y cun 82 agn àl inće ćiamò tut pert cun chi da San Martin ala prozesciun de Jeunn. A Kaltern él da düć dër bëgnodü, tröc le conësc y tröpa jënt dij che Bruder Felix é na pert de Kaltern. Ai 4 de otober ti él gnü fat festa a Bruder Felix por sü 65 agn de convënt. Nos parënć sun inće gnüs invià. Dales 9 él stè la mëssa zelebrada dal provinzial pater Oliver, pater Thomas, pater Lorenz y dal degan de Kaltern siur Erwin Raffl. Tröpa jënt à tut pert a chësta funziun. Dedô à le festejé podü stè adöm cun i sü pro na buna marëna da festa. Nos ti aodun che Chël Bel Dî ti dais ćiamò tröc agn de sanité y che al pois insciö laurè inant por le bëgn de düć. (Rita Verginer)

La butëiga Avesani a Urtijëi chier per la sajon da d’inviern o nce per dut l ann n/na lodner/a dl post. Prëibel cherdé su l 335/8230606.

La butëiga Sport Walter te Sëlva chier per la sajon da d’inviern n laurant tl mprëst dai schi che juda nce te butëiga. Prëibel cherdé su l 335/6263533.

Residence Riposo a Calfosch chir por la sajun da d’invern na ëra a puzenè apartamënć les sabedes. Prëibel cherdè sö le 0471/836026.

Da vende L vën vendù 5 mëises nueves cun stuei y na mascin da puzené fonc. Tel. 333/8567505. (42/12) ••• A La Val vëgnel venü 4 cërtli de n VW Caravelle T5. Tel. 335/7113557. (42/12) ••• Da vëne a mez prisc na chitara eletrica Ibanez S series cun amplificadù Marshall MG series 50 DFX, implö n effects pedal dla marca ZOOM G2.1u, n XENIX 802 Mixer, n microfonn cun steller PROEL, por 850,00 €. Tel. 334/8228794. (42/12) ••• A San Martin vëgnel venü vancëis. Telefonè a Pietro Unterweger al 0474/523011. (42/12)

••• L vën vendù a n bon priesc na stampante Epson Stylus BX4250 a culëures. Tel. 335/7045112. (43/12) ••• Da vëne n Seat Leon Fr Limited Edition Monza 2.0 Tdi dl 2009 corù fosch. Tel. 333/7166037. (43/12) ••• Da vëne n Minicar Aixam dl 2004 cöce. Tel. 349/1526115. (43/12) ••• L vën vendù a n bon priesc na stampante Epson Stylus BX4250 a culëures. Tel. 335/7045112. (44/12) ••• Da vëne 4 montli 185/60 R15 GTradial

por l'invern tan che nüs cun cërtli. Tel. 349/3300490 o elena.mischi@hotmail. it (44/12) ••• Al vëgn venü fëgn a La Ila. Tel. 0471/847197 o 347/2543950. (44/12) ••• Al vëgn venü n Seat Leon Fr Limited Edition Monza 2.0 Tdi dl 2009 corù fosch. Tel. 333/7166037. (44/12) ••• Da vëne a n bun prisc scagns da scrivania. Tel. 0471/847084. (44/12) ••• Da vëne lëgna fata sö y vancëis a Al Plan. Tel. 0474/501272. •••

Da chirì N pèr dla Talia che stà bele truep ani a S. Cristina chier n cuatier cun doi majons. Tel. 347/9715458. (42/12) L vën crì n cuatier per 2 persones te Gherdëina. Tel. 327/5563510. (43/12) ••• Al vëgn chirì da ciafè scinché n monitor plat de n computer vedl por i programs windows. Tel. 333/4433218. (43/12)

38

www.lauscdiladins.com

••• Al vëgn chirì n joy-stick por na Play Station 2. Prëibel cherdè sö le 335/7879518. (43/12) ••• Na ëra de Gherdëina chir n apartamënt tl’alta Val Badia por rajun de laûr. Tel. 338/6406532. (44/12) ••• L vën crì curones da mëter te ciulé, n

Felix y Mori chier n ncësa. Prëibel cherdé su l Tierheim Obervintl 0472/868172. www.tierheimobervintl.it Unì a mancé

castl per l guant o n carelo sun rodes da taché su guant, n spiedl lonch y n pitl castl da mëter sun piguel. Tel. 333/5464071. (44/12) ••• L vën crì da tò a fit per la sajon da d’inviern n pitl cuatier nce mé una na majon (monolocal) per 2 persones a Urtijëi o nce ntëurora. Tel. 335/8163073. (44/12)

En lönesc ai 22.10.12 él gnü pordü söl toch de strada Longega-Furćia-Valdaora na tlé de n auto Mercedes cun portatles grisc. Chi che l’ess ciafada é perià da cherdè sö le 335/5943250 o le 339/1687783. (42/12) ••• Al é jü a perde n skateboard a Badia. Sce valgügn l'ess ciafè ési perià da cherdè sö le 335/7879518. (43/12)

Residence Isabell te Sëlva chier na secretera per la sajon da d’inviern o nce per dut l ann. Prëibel cherdé su l 338/4739963.

Hotel Falzares a San Ćiascian chir por la sajun da d’invern na barista/chelnera. Prëibel cherdè sö le 0471/849496 o le 335/6030690.

Garni Cristallo a Al Plan chir na ćiamenëssa a tëmp plëgn o inće ma por mez le dé ëres a romenè sö la sabeda. Prëibel cherdè sö le 0474/501125. Hotel Serena a Badia chir na ćiamenëssa por sabeda y domënia canche ara vëgn adorada por la sajun da d’invern dales 9.00 ales 12.00 y tratan Nadè por plü dis. (dai 26.12. ćina ai 6.01.2013). Prëibel cherdè sö le 0471/839664 tratan l'orar de ofize.

Bocaria Craffonara a Longega chir na boteghiera. Prëibel cherdè sö le 0474/501005.

Hotel Christiania a La Ila chir na secretêria cun esperiënza da atira por döt l'ann cun conescënza dl todësch, talian y inglesc. Prëibel cherdè sö le 0471/847016 o menè na e-mail a hotel@christiania.it

Alimentars Kostner a Corvara chir por la sajun da d’invern 1 porsona por le banch dala ćern, di ćiajos y taiessö. Prëibel telefonede al 0471/836117 o 335/5625333.

La tistlaria

a Longega chir lerneri da tistler. Prëibel cherdé sö le 0474/501178.

Hotel Royal a Corvara chir na secretêria por döt l'ann o inće ma por la sajun da d’invern poscibilmënter da chilò (inće da insigné jö), na ëra por sorvì gostà por n per de ores al dé, na ćiamenëssa. Prëibel cherdè sö le 0471/836231 da les 10.00 – 12.00. A San Ćiascian vëgnel afité ia n pice apartamënt de za. 35 m por la sajun da d’invern. Prëibel cherdè so le numer 340/3812735. A La Ila vëgnel afité ia 2 apartamënć por 2 – 3 porsones. Prëibel cherdè sö le 335/1260486. Al vëgn afité ia n apartamënt de 93 m2 a La Ila, eventualmënter inće cun ćianoa y garasc. Prëibel cherdè sö le 338/8242294.

A Badia vëgnel afité ia n apartamënt. Prëibel cherdè sö le 335/7883006.

A Laion vëniel vendù lënia da tizé y vencëies. La vën nce meneda. Prëibel cherdé su l 0471/655801 o l 333/6151969

Claudiobus a La Ila chir 1 ciafêr por taxi y coriera. Por info prëibel cherdede sö le 348/2202454 o scriede a info@claudiobus.eu

A Picolin vëgnel chirì por la sajun da d’invern na ëra a puzenè apartamënć vigni sabeda. Prëibel cherdè sö le 339/1616695 o le 0474/523162.

Sport Lagazuoi a San Ćiascian chir por la sajun da d’invern boteghiers/es cun esperiënza. Prëibel cherdè sö le 0471/849554 o le 335/6761788.


Inserac y Anunzies

nr. 44 / 09 de november 2012 Chirì da laour N’ëila chier da lëur a rumé su majons danmesdì te Gherdëina. Tel. 331/7622096. (42/12) ••• N ël cun esperienza chier da lëur coche segondo cuech cun albierch. Tel. 320/2145117. (42/12) ••• L ven crì da lëur coche pizzaiolo o coche segondo cuech da śën inant. Tel. 328/7161094. (42/12) ••• Na jona dla Val Badia chir śëgn de novëmber da laûr sciöche superscè, fà laûrs de ćiasa, ćiarè do de pici mituns, puzenè do la sajun da d'isté y eventualmënter inće por la sajun da d’invern. Tel. 329/3531622. (42/12) ••• N ël de 55 ani chier da lëur a fé de uni sort de stroc. Ël à nce la patent C/CQ y C/KB. Tel. 339/8654706. (43/12) ••• N’ëila cun esperienza chier da lëur a rumé su majons, cun albierch. Tel. 320/0567321. (43/12) ••• N jëunn cun esperienza y diplom de scola tla hotelaria chier da lëur coche cuech o segondo cuech. Tel. 346/0878827. (43/12) ••• N’ëila chier da lëur a cialé de na persona de tëmp (badanta). Tel. 333/9684366. (44/12) ••• N cuech da tlo cun esperienza de cujiné spëisa ladina chier da lëur per la sajon da d’inviern y da d’instà. Tel. 348/8998777. (44/12) ••• N ël cun esperienza chier da lëur te na

cësadafuech. Ël à nce la patent. Tel. 0471/794222 o 329/1626330. (44/12) ••• N ël dla Talia de 45 ani che viv bele 10 ani te Gherdëina, cun esperienza de lauré sun l computer, chier da lëur te n hotel o te n ufize te Gherdëina. Ël rejona talian, nglëisc, tudësch, spanuel y rus. Tel. 349/8011901. (44/12) ••• N’ëila cun esperienza chier da lëur a secudì jënt de tëmp (badanta) o a cialé de pitli mutons, sce l ie mesun te Gherdëina. Tel. 340/5298027. (44/12) ••• N’ël da tlo cun esperienza de cujiné spëisa ladina chier da lëur da cuech per la sajon da d’inviern y da d’instà. Tel. 348/8998777. (44/12) ••• N ël che ie bele 20 ani te Gherdëina chier da lëur pra n lift, a fé de uni sort de lëures o nce a lavé ju. Tel. 339/1327594. (44/12) ••• N cuech chier da lëur a cujiné per zachei privat, pra festes o de autra ucajions ulache l ie debujën de cujiné te Gherdëina. Tel. 347/9715458. (44/12) ••• Na jona chir n laûr a Calfosch, Corvara o La Ila por la sajun da d’invern sciöche barista o ćiamenëssa. Ara sa tudësch, talian y inglesc. Tel. 327/0194939. (44/12) ••• N ël chier da lëur, l ie unfat de ce lëur che l se trata. L à esperienza de lëur te hotiei, cësadafuech o sciche ciulier. L sà da rujené talian, tudësch y spanuel. Tel. 388 898714 (44/12) •••

Na jona dla Val Badia che à fat la matura chir n laûr da fà la contablté o da laoré te val’ ofize. Tel. 334/3458299. (44/12) ••• N’ëila da tlo chier da lëur a rumé su majons per dut l di o nce mé per mez n di. Tel. 333/8532814. (44/12) ••• N’ëila da tlo chier da lëur a rumé su majons a puzené, fé gusteies o paidelné da śën inant te Gherdëina. Tel. 338/1568397. (44/12) ••• N ël cun esperienza che à bele laurà te Sëlva chier da lëur te Gherdëina a fé de uni sort de lëures, coche autista o a judé te na cësadafuech. Tel. 328/9318568. (44/12) ••• N’ëila chier da lëur a cialé de jënt de tëmp (badanta), ëila à bele fat chësc lëur te Gherdëina. O scenó crissela nce n lëur a rumé su majons. Tel. 380/2137775. (44/12) ••• N’ëila chier da lëur a cialé de jënt de tëmp (badanta) o a rumé su majons te n hotel o garni, ëila à bele esperienza te chësc lëur. Tel. 329/8769397. (44/12) ••• Na jëuna de 21 ani da tlo cun la matura chier n lëur per la sajon da d’inviern o nce per dut l ann. Tel. 334/7481525. (44/12)

Vangel dla Domenia 32. Domënia ia por l’ann B, ai 11 de novëmber 2012 Dal vagnele do San Merch, 12, 38-44 Te chël tëmp ti à Gejù dit ala gran meja de jënt ch’al istruî: ”Stravardésse dai studià dla lege! Ai va ion cun guanć lunć incërch, se lascia ion saludé sön strada y sön plaza, y oress tó ite i pröms scagns tla sinagoga y avëi pro vigni past da festa i posć d’onur. Ales vëdues ti toli sües ćiases y s’astilan sanć diji oraziuns dër lunges. Mo cotan plü döra sarà la sentënza che ti aspeta.” Canche Gejù ê n iade sentè defrunt ala cassa dal’oferta, ćiarâl pro coche la jënt sciurâ scioldi tla cassa. Al n’ê tröc de rić che gnô y che dê tröp. Spo él inće gnü na püra vëdua y à sciuré ite döes de pices monëdes. Al à cherdè pormez sü discepui y à dit: ”Amen, i ves diji: Chësta püra vëdua à sciuré tla cassa dal’oferta deplü co düć i atri. Deache düć à ma sciuré ite val’ ch’ai â dessurora, mo chësta ëra, che à apëna da vire, ara à dè döt ći ch’ara â, döt so avëi por vire.” Parora dl Signur. - Lalt a té, Gejù Crist!

Lecort Parores, pinsiers, momënć nes recorda vigni dé de Tè! T’es dagnora te nosc cör.

Da dé ia En lönesc ai 5 de novëmber, él sté 15 agn che

A Al Plan, sö Furćia vëgnel dè ia lëgna de na ütia che vëgn trata jö. Al é ma lëgna da borjé. Tel. 392/3711777. (43/12) ••• Al vëgn scinchè ia, lei pici y gragn. Tel. 333/6185515. (44/12)

Albert Gasser * 3.9.1928 + 5.11.1997 n’é nia plü danter nos.

Rengraziamont

Dilan de cör a düć chi che se recorda de Albert cun na oraziun o n bel pinsier.

”Sc’i mo chirîs, chiridemo te osc cör.”

Patrizia Rungger

Christl cun familia

*01.02.1960 +31.10.2012 I orèssun dër bel rengrazié düć canć chi co à daidé acompagné nosta só y mëda Patrizia te so ultim iade sön cösc monn, adencuntra al Signur. De cör iolan a düć chi co à daidé y nes è stês dlungia, a chi co à fat en sorvisc, a chi co à perié por ëra y a chi co à tut pert ala sopoltöra.

Lecort 4. Anuel Simon te resteres for te nosc cuer. Lecurdon cun amor nosc

Iolan.

Simon Andergassen pra na santa mëssa n dumënia ai 11 de nuvëmber dala 9.30 te dlieja de Sëlva. N dievelpaie a duc chëi che unirà.

Max Rungger y familia

Comié Mami y tati cun Ivan

Con reconoscionza por so empëgn desco maestra dai schi y por söa colaboraziun, recordunse nosta compagna de laûr

Rengraziamënt

Patrizia (“Kiki”) Rungger

Dut chël che te ies stat y che te es fat per nëus resterà per for te nosc lecort y te nosc cuer. Ti sention gra de cuer a duc chëi che ie unic a vedlé y ala supeltura de nosc bon pere, nëine y besavon

co s’à lascé, zonza che degügn ne se l’ess aspetada, ai 31.10.2012, desco porsona de pêsc y dagnora dla bona löna. I ti aodun ai familiars confort tla fede, te chisc momonć de dolur. Che ëra pòi palsé śën dlungia söa mama tla felizité eterna.

Angelo Soppelsa * 22.10.1929  -  + 25.10.2012

La Scora dai Schi d’Al Plan

De gra de cuer a duc chëi che nes ie stac daujin cun na bona parola y na urazion. Chëi de familia.

Rengraziamont ”Plü sö che an và, plü bel che al è” Con encorsciomun ànse tut comié da

Paul Ties de Tone de Col *29.6.1934 +28.9.2012

Recort ”Les porsones a chëles che ti urun bun ne palsa nia tla tera mo te nosc cör!”

Isidoro Castlunger +10.11.2010

I ti dijun iolan a düć chi co à tut pert ales corones y ala sopoltöra y a chi co à fat na oferta a fin de bën. N iolan particolar ti và ai prei co à zelebré la mëssa, al cor y ala musiga, ai doturs y a düć chi co à fat n sorvisc. I periun da se recordé de nosc defunt tles oraziuns.

I recordun nosc caro Doro cun amur y cun reconoscënza, spezialmënter en sabeda ai 10 de novëmber tla Santa Mëssa d’aniversar, dales 18.00 tla dlijia d’Al Plan.

La familia

Giulan a düć chi che tolarà pert y se recorda de ël te sües oraziuns.

www.lauscdiladins.com

39


La Usc di Ladins  

edition 4412

Read more
Read more
Similar to
Popular now
Just for you