Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 44/2011 - 11 de november 2011

Zoom

2

Atleta Ann Na udleda dovia, al’azion dl Atleta Junior dla valedes ladines. La urganisazion de chësta manifestazion ne n’ie nia na cossa da puech. L se trata tlo de na cunlaurazion danter La Usc di Ladins y l Schi Club Gherdëina y la lies dal sport chëst ann de duta la valedes ladines ntëur al Sela.

Lies

Can jonse pa a scola?

Comentar de pruma

Nia me te Südtirol rajónen de n calender de scola plu flessibl y adaté ai temps. Ma les discuscions va indalauter y n model de orar de scola de utl per duc pérel che al ne sie nia da tò ca

Na scola sun mesura

de Iaco Rigo

De plu sun les plates 3 - 7

18

Ulenteres Pluania N rengraziamënt de cuer a duc i ulenteres che lëura pea tla y per la Pluania de Urtijëi ie stata la festa ala fin de utober.

Architetura

22

Costamula L luech de Costamula ie un di plu vedli luesc sun Ch’l Piz a Urtijëi. Sun l tram dla colm iel repurtà la data dl ann 1608. N articul de Siegfried Comploj.

Fascia

25

Turism e Apt Intervista al diretor de l’APT de Fascia Andrea Weiss sun obietives e prospetives per l turism de la val.

Al é families che se damana dut l di scola y chest per cinch dis a l’edema, anter les propostes de mudament dl orar él ence chela de pié via con l ann de scola ai prums de setember y ruvé plu tert de jugn. Vedaron cie dezijions che la politica tolarà en cont dles truepes propostes.

Adio, anda Frida! Anda Frida Piazza é morta en juebia da doman ai 3 de november a l’eté de 89 agn

Al Plan

33

Assessurs informëia Te na serada d’informaziun à i assessurs provinziai Mussner y Berger baié dla strada d’azes ala Val Badia, dl internet asvelt y dla colaboraziun danter paurs y turism.

Badia

35

I ćiavai al zënter Gran partezipaziun ala 13ejima ediziun dl Rait de San Linert a Badia, na festa a onur dl patronn y inće dl ćiaval.

Val Badia

40

Biblioteches Te cater biblioteches dla valada àn recordé le dé dles biblioteches 2011.

Persones - Frida Piazza s’an é juda. “I me enfide de dì che con Frida Piazza onse perdù la scritoura ladina che à anter i autors ladins dles Dolomites scrit la maioura produzion leterara y de livel plu aut”, dij Rut Bernardi, che à deberieda cun d’autri, volù recordé Frida Piazza ence tla USC, per na hommaja meriteda.

La vita ti à Frida Piazza dediché a sia familia, ma ence a la rujeneda ladina, a sia “nfrusceda, tueda y nrescida”, sciche ala dijova, “ajache a dì mé inrescida végnel mé fat referiment al resultat, y no al laour dantfora.” Sciche dì, l pensier, l sentiment, la oredla, l impegn, l’ana ladina é for stés inravisés sot te anda Frida. De chel ti sentionse gra, savan

che ala possa sen paussé tla Pesc de Die. Ai mutons Fidelio, Costanza, Leander y Roswitha con sies families i vàl les condolianzes plu senzieres da duc nos. La sepoltura é steda a Urtijei en sabeda ai 5 de november. David Lardschneider De plu sun les plates 9 - 12

I genitours volessa avei l calender de scola y i orars dla scola desche ai i plej le plu a ei. Ence i maestri déssen podei se crì fora! Al di da encuei él la jent che vuel fe l sistem, l sistem ne dess nia scrive dant valch. Dut pér massa restritif, massa stare. Ma vàla pa tant saurì de adaté la scola ai debujegns damanés? No! Al di da encuei n’él nia plu te nostes valedes na monocultura paurila, i on na diversité dl'economia, vigni familia à d’autres nezescités. Enscì portarà ence les discuscions che an fej da plu temp encà a na soluzion che i va ben a valch y nia a duc. Les domandes y propostes é sun meisa. Una na soluzion porta da un n vers valch che podessa praticamenter jì ben, da n auter vers manco. Con scola dut l di y sabeda di lede, messessa i mutons fe de sabeda dut i cursc extrascolastics, l sistem de organisé chest con personal y lezions tomessa adum. Sonse segurs che i genitours é a una de avei de sabeda i mutons a ciasa y de messei spo i mané dut l di da piz a cianton ajache ai à da jì a curs de schi, de mujiga y de bal, ez.? Dut l di scola à ence sia pert rodousa. Segurmenter: i temps é mudés y cie che va ben per la zité de Bulsan, jirà manco ben per l comun de Badia y podessa jì dret mal per l paisc d’La Pli de Mareo. La discuscion n’à deguna fin.


Zoom

nr. 44 / 11 de november 2011

Na udleda dovia, al’azion dl Atleta Junior dla valedes ladines La urganisazion de chësta manifestazion ne n’ie nia na cossa da puech. L se trata tlo de na cunlaurazion danter La Usc di Ladins y l Schi Club Gherdëina y la lies dal sport chëst ann de duta la valedes ladines ntëur al Sela categuries di seniores. Co vëniel pa perdrët cris ora i atlec? N à scrit na lëtra a duta la lies dal sport dla valedes ladines che lëura cun i jëuni. Uni lia à pudù do si ntënder y cuscienza mëter su un n atlet o na atleta y pona iel nce unì cunscidrà che i ebe nce resultac da n cër valor a livel naziunel o nternaziunel.

Cumenanza “L spirt de cumenanza danter jëuni che à la medema pascion. Chësc ie l pensier de David Lardschneider dla Usc di Ladins, che se cruzia dl’urganisazion. N valguna dumandes.

Lidia Bernardi, presidënta dl Schi Club Gherdëina.

On ulù jì mpue plu sot tl spirt dla manifestazion y udëi mpue coche la ie unida a s’l dé y cie che l ie tan dut do na tel manifestazion via. Na ntervista a David L ard s chneider dla US C , urganisadëur y presidënt de iuria, y a Lidia Bernardi presidënta dl Schi Club Gherdëina. Se tenian ala regula de bona maniera de ”ladies first” scumencions cun Lidia Bernardi.

Recunescënza “Na recunescënza per i jëuni” dëssa vester l’azion dl Atleta Junior aldò dla presidënta dl Schi Club Gherdëina Lidia Bernardi. Usc: Co ie pa perdrët nasciuda chësta vela dl atleta junior dl ann? Lidia Bernardi: Chësta azion ie nasciuda dan trëi ani. Dlonch vëniel fat la veles di sportifs, di granc, y nëus se on perchël mpensà de fé zeche per i jëuni che ie tl lëur de crëscer tl sport, per ti dé mpue de recunescënza per dut si mpëni. Di per di ài da fé si alenamënc, i fej si garejedes mpue per si cont y muessa dessegur fé truep sacrifizies y nce renunzië a cërta cosses. Per ti dé nsci mpue de recunescënza per dut chël che i fej y ti dé ueia y legrëza de jì inant se ons mpensà che chësta fossa propi na blòta scumenciadiva. Co ie pa chësta scumenciadiva unida tëuta su danter i sportivi? Son stac cuntënc cun la resposta y on fat inant, per chëst ann se ons pona mpensà de la slargë ora. Lascian mé i atlec de Gherdëina fóssela povester ngali nsci che l ie scialdi i medemi sportivi y per giapé mpue de cuncurënza se ons mpensà de la slargë ora a duta la

2

www.lauscdiladins.com

valedes ladines. Ratëis’a che chësta azion ti porte zeche ala lies dal sport che lëura cun i jëuni? Chëi dai ani passei ova na drëta legrëza a pudëi vester leprò pra chësta veles. L ie dessegur nce na mutivazion per i plu jëuni de fé la streda di majeri, de si idoi y de ruvé nce ëi n di o l auter danter i miëur sportifs dla valedes ladines. Per la lies nstësses iel dessegur ënghe n sëni che n prijea si lëur y l vën nsci nce auzà ora publicamënter. Ma l ie rie paredlé l suzes te un n sport cun chël te n auter. L sportif dl ann vën lità dala jënt, iló iel sambën nce scialdi n fat de simpatia. Perchël iel nce na iuria che dà ju na valutazion y chësta ne tol nia mé n cunscidrazion i plazamënc, ma nce tan rie che l ie a ruvé inant te chëla disciplina sportiva. Ne ti vëniel pa cun chësta scumenciadiva mianó inò dat massa mpurtanza a chisc atlec, danterite mo tan jëuni? Mah, i fej si alenamënc uni di y cun duta la fadies che ie fej se mer iti b ën mp o n cër recunescimënt. Da mé ora ti dà chësc mo plu ueia y legrëza de jì inant, ajache fadies y delujions n iel suvënz deplù che legrëzes. N cont de vester mo scialdi jëuni per pudëi rujené de n drë suzes tl sport, àn bën cialà de tò chëi che à na cërta età, ajache la veles vën fates per chëi dai 14 ai 20 ani y perchël ài bën bele fat na cërta streda tl sport. Me mpënse che l ie per ëi nce bel a unì auzei ora bele śën per i biei resultac arjonc, ajache nia duc ne n’à la fertuna de ruvé nchin tla

Usc: Co sëis’a ruvei sun chësta cunlaurazion? David Lardschneider: L’idea ie stata dl Schi Club Gherdëina, che se à nce tla prima doi edizions for cruzià dla urganisazion ntan che La Usc di Ladins à cialà de ti dé publizità ala manifestazion. Sun pruposta dla USC ie la manifestazion chëst ann unida slargëda ora a duta la valedes ladins cun la finalità de mëter a jì zeche deberieda, tl spirt de cumenanza, danter jëuni dala medema pascion, ti dajan tl medemo mumënt plu pëis ala manifestazion y savan nce dla gran cualità dla atletes y di atlec jëuni de nosta valedes, che se merita recunescimënt y che juda da si pert pea a auzé l livel dla manifestazion. Davia che sëis presidënt de iuria pudëis’a nes stlarì mpue plu avisa coche l vën cris ora l o la atleta dl ann? La fundamënta prima ie sambën la ujes che i letëures dà ju. Tantosc che la zedules ie unides cumpededes ora da zachei che ne n’ie nia tla iuria, vëniel fat a l savëi la cumpëida dla stimes de chi che n à giapà l plu, zënza fé a l savëi l inuem. Da chël numer vëniel pona fat n cont de pruporzion, ulache l ti vën dant n majer pëis ala ujes dla jënt y n cer pëis ala ujes dla iuria. Dan la lita sucrëta da pert di cumpunënc dla iuria, vëniel fat na descuscion davierta ulache l vën valutà deberieda i atlec, la disciplines sportives, i resultac arjonc nce aldò dla particulariteies dla disciplines. Cun chësc cëlen mpue de valivé ora cun criteres povester plu ogetives la ujes che vën dates ju dala jënt, che va dessegur scialdi plu do simpatia y ciampanilism, cossa che ie de cër velch sambën nce da udëi ite. Co ie pa metuda adum la Priesc d’abonament anual: per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

David Lardschneider dla Usc di Ladins.

iuria? Tla iuria iel laite dantaldut assessëures per l sport dla valedes y jurnalisć. On audì che l ie zeche de nuef pra la festa da chëst ann. Se on mpensà che la festa ie per y cun i jëuni y perchël ons ratà drët de mëter a jì zeche sun mesura per i jëuni, cun mujiga aldò di Nolunta’s na band jëuna de Gherdëina y Dj Simon che ie for bon de tenì auta la bona ueia. Nce l priesc de ntreda sarà do la rata bas, tenian cont che l buffet ie debant. On oradechël cialà de fé la premiazion abenëura assé, bele dala 9.00 da sëira. Nsciuma na forma plu lesiera, plu adateda ai jëuni, ma ulache nce a chëi mpue manco jëuni ti saveràl zënzauter bel. L nvit mo n iede a duc, da duta la valedes ladines y oradecà, a unì ala festa y de fé pea bele śën pra l cuncors, ulache l sarà da vëncer

n bel sté tl hotel de luxus Adler Thermae tla Toscana. Cie ve mbincëis’a per l daunì de chësta manifestazion? Per la manifestazion da chëst ann che trueps feje pea pra l cuncors y pra la festa y che la partezipazion se manteniei nce tl daunì, ajache la atletes y i atlec jëuni se merita de unì auzei ora. Dal’autra pert iel propi de tel ucajions che dà l mesun, y te chësc cajo dantaldut ai jëuni, de se ancunté nce persunalmënter, udan nce ite che per n tel jëunn de Gherdëina pòssel nce vester bel a ancunté na blòta fedoma o per n fascian ancunté na badiota che ti plej. Dijan mpue per n da rì mieni de auzé ora tan mpurtant che l ie che la jënt dla valedes ladines ne se anconte nia mé a livel istituzionel ma nce te d’autra situazions. Ntervistes de Ulrike Maierhofer

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Tema

nr. 44 / 11 de november 2011

“I m’aodi na dezijiun tlera!” Le diretur dla direziun raionala d’Al Plan de Mareo Otto Moling arata che al vëgnes feter sigü la scora de cin’ dis al’edema. Süa minunga en cunt dla scora domisdé, dles ativitês dl domisdé, di compić a ćiasa. So dejidêr é che la politica tòles tosc na dezijiun Scora/1 - Tla politica vëgnel baié dl calënder de scora. Cater é les propostes sön mësa: 1) sis dis al'edema scora, 2) n'alternaziun danter cinch y sis dis, cun na sabeda scora y na sabeda nia, 3) cin' dis al'edema cun 34 edemes de scora, 4) cin' dis al'edema cun 36 edemes de scora. Chësta ultima é chëra che la Provinzia oress portè tres. I ùn damanè le diretur dla direziun raionala d'Al Plan Otto Moling ći model che ël preferiss y ćiügn che po ester vantaji o svantaji da avëi ma cin' dis al'edema scora. La Usc: Cater o inće cinch é śëgn les propostes metüdes sön mësa por unifiché l’orar dles scores - dala scolina ćina ala scora alta. Aratëise pa Os meso da fà chësc vare, unifiché da 3 ćina 19 agn. Otto Moling: “Sciöche la chestiun é śëgn metüda, ćiàrera fora do na dezijiun suradöt politica. Iö arati che sce an ô to chësta dezijiun, spo vàra da le fà. An messarà s’adatè ala situaziun nöia. Por valgügn portarà la dezijiun, tuta dl un o dl ater vers, vantaji, por d’atri pòl ester n pü’ de manco.” Ćiüna é pa la proposta che Os odesses personalmënter miù? “Por me sciöche diretur n’é le calënder de scora nia na chestiun prioritara. La miù danter les soluziuns proponüdes me sa ćiamò chëra de cin’ dis al’edema cun 36 edemes de scora, tanco cun döes edemes laprò - bonamënter öna dal mëteman dl ann de scora y öna ala fin. Chësta pormët da ne messëi nia fà massa domisdé scora.” Chësta pêl inće che sides la soluziun che la Provinzia ô sburlè inant. Concretamënter, tan de dis de scora domisdé messasson pa fà? “Sce le calënder müda sön cin’ dis, mësson fà i cunć danü. Tl orar nes vëgnel dè dant n contingënt d’ores (monte ore) al ann, da partì sö sön 34 edemes. Da chësc pòn se fà fora i cunć tan d’ores al’ edema che al vëgn assegnè ales materies y tan de iadi che al é da fà scora domisdé. Sce an partësc sö les ores sön 36 edemes, él da odëi tan de iadi che al va debojëgn da fà scora domisdé. Al vëgn döes edemes laprò y sce al é massa domisdês scora, pòn intres ćiamò ponsè da tó demez val’ dis de vacanza ia por l’ann, p.ej. dles vacanzes da carlascè, n’él intres deplü che dij che ares porta püch.”

dit che an sparagna cotan, deache al toma demez n dé de trasport y n dé de mensa sura döta la provinzia. I sis dis ne restarà bonamënter nia, deache zënza messass la scolina passè da 5 a 6 dis, ći che oress dì tó sö plü personal, n fat nia saurì te chisc tëmps. Inće sce la chestiun finanziara reverda plü la Provinzia y i Comuns, l’arati impò döt adöm na sauridanza por les families. Sambëgn vëgn l’edema plü impegnativa, mo chël é suradöt na chestiun de organisaziun. La scora podess s’adatè don manco compić o magari fajon i compić en pert a scora. Tanco laurè deplü te scora y de manco a ćiasa. Insciö ne foss le pëis nia cotan maiù. N vantaje odessi spo por la familia, che po stè dui dis adöm. Families che à mituns te plü scores dij p.ej. che n möt à bele rovè le vëndres, l’ater la sabeda da misdé ia, l’ater röia a ćiasa la sabeda sëra. La domënia domisdé él por chi che stüdia demez bele indô da pié ia. Al resta insciö püch tëmp por stè deboriada, por la vita de familia.” I maestri dij che domisdé él scialdi rî da laurè cun i mituns - cis cun i plü pici. Odëise os chilò na dificoltè o él scemplamënter da spostè les materies sciöche ginastica y ert al domisdé. “Trasferì les materies al domisdé va ma intant, deache ma öna na tlassa podarà fà ginastica o ert o informatica domisdé. Chilò unse les mans n pü’ liades. Nos baiun di cin’ dis aladô dl’organisaziun scolastica ch’i ùn śëgn. Sce al vëgn i 5 dis, mësson bonamënter inće mudè la metoda dl insegnamënt. Domisdé podésson p.ej. fà plü laûrs de grup, plü “inrescida”, plü laboratore, inće individual o magari eserzizi preodüs da fà a ćiasa, nia tan la leziun frontala olache ai ne mët nia plü averda. Ara se trata de ciafè la dërta strada, na strada nöia.”

pro le calënder da śëgn. Sciöche geniturs ài damanè la junta dl consëi di geniturs y dailò ê düć a öna da fà i cin’ dis.”

Otto Moling, diretur dla direziun raionala d’Al Plan.

geniturs n pü’ manco. Insegnanć dij che al é dërt sce i mituns fej na reflesciun inće a ćiasa. I geniturs dij che al é n pü’ na straciaria gonot na galia. Tl consëi di geniturs dla direziun raionala d’Al Plan él gnü ponsè da fà na incuntada danter insegnanć y geniturs por baié de chësta tematica. I ùn fat inće na inrescida danter i scolars. Chi dla elementara arata dërt da ciafè compit, chi dla mesana nia cis. Al é sigü interessant da rovè n iade adöm por n barat de minunghes. I arati che inće cun i compić él da valutè olache ai va debojëgn, ći che ai porta, ći che an podess eventualmënter inće lascè demez o fà atramënter.” Zoruch al orar. Domisdé n’él nia ma scora, al é inće ativitês sportives, palê, schi, scora de musiga y i.i. Mëss pa i mituns renunzié śëgn a pert dles ativitês o po pa la scora integrè ativitês tles ores de scora? “Al é dërt che i mituns fejes sport, musiga y d’atres ativitês creatives. Chëstes porta pro a n svilup a 360 degrà. Al foss da odëi tan inant che la scora podess reconësce n tan de ativitês fates fora de scora sciöche ativité curiculara y la mëte ćinamai tla scheda de valutaziun. Al é bele scores che fej chësc y nos studiun inće chësta poscibilité. P. ej. sce n scolar fej bele scora de musiga, podésson stlü jö na acordanza cun la scora de musiga, olache i insegnanć s’impegnëia da scrì fora n documënt cun na valutaziun dl scolar, che ti vëgn spo

dada inant ala scora.” Pro la scora de musiga insëgna personal cualifiché, pro le sport nia dagnora. Pòn pa te chël cajo lascè avarëi la valutaziun? “L’ativité sportiva ne pòn nia ti reconësce a düć. Al ô ester personal cualifiché, le dër titul de stüde o n titul dlungia, ći che n’é nia indlunch, suradöt tl sport diletantistich. Por la scora de musiga odessi manco dificoltês.” Deplü geniturs che laora tla hotelaria y tl turism baudia bele incö che ai ne vëgn nia pro da jì en vacanza cun la familia. Cun la varianta dl orar en chestiun gnìssel injuntè n’edema de scora ala fin dl isté y öna dal mëterman dl isté. Döes edemes potenziales por na vacanza. “Chësc po ester n gran problem por i paîsc cun gran svilup turistich, mo tambëgn pòl ester inće n problem por d’atri seturs, p.ej. por i paurs tla planüda che à da cöie pom. Anfat co che an organisëia le calënder nü: por valgügn saràl perts che va bun y d’atres manco bun, por d’atri saràl val’ d’ater che fej plajëi y val d’ater che ne va nia a scüsa. Sciöche al é śëgn, ne vàl mefo gnanca massa bun, zënza n’ésson nia metü man cun chësta discusciun lungia.”

I Ëis dit che baratè le calënder de scora é te plü paisc intres indô n tema. Sce al vëgn unifiché, se röia inće chësta discusciun. “Dessigü. L’ann passè él gnü baié te deplü paîsc. Al é gnü fat referendums, sentades, incuntades. Al é bindebò n gran laûr por n problem che é sostanzialmënter marginal respet al compit original dla scora da fà na bona istruziun y formaziun.”

Ëise pa tut ite inće la minunga di insegnanć y di geniturs? “I ùn damanè i insegnanć dla elementara y chi dla mesana y al é gnü na maioranza lisiera da restè

Na dezijiun dess tomè de jenà. Confidëise pa che la regolamentaziun nöia pëies ia l’ater ann da d’altonn, sciöche la politica impormët? “I arati bëgn, ince sce al é n argomënt zîte, compliché, ćialt. I sun dla minunga che an l’ais bele portè tan inant che an mëss tó na dezijiun y an ne po nia plü se trà zoruch. I speri bëgn che an la tòles, deache düc l’aspeta y deache te scora àn veramënter ćiamò d’ater da ponsè y da fà. I m’aodi ince che al sides na dezijiun tlera cun nia massa complicaziuns.”

Cin’ dis al’edema, por 36 edemes de scora - é la proposta che tira le plü al momënt te Südtirol. Chël oress dì indere inće döes edemes plü dî scora che śëgn, tëmp che mëss saltè fora o tratan l’ann de scora atual, o pié ia n’edema denant y ruvé n’edema plü tert la scora.

Na ultima domanda. Dan da püch él inće gnü fora la proposta da tignì scora döt le dé. Na opziun por Os? “La scora döt le dé o a tëmp plëgn à zënz’ater n dagnì. Süa realisaziun depënn da na organisaziun nöia dl’ativité didatica fata en colauraziun cun d’atres scores, istituziuns y assoziaziuns. Ativitês dl scolare fates ćina śëgn fora de scora, sciöche sport, musiga y d’atres, messass ciafè lerch te scora. Le tru da mëte da jì döt chësc é dessigü ćiamò lunch y i tëmps n’é por le momënt ninenia madüs, inće sce n calënder de scora cun cin’ dis al’edema rapresentëia n pice vare tla direziun dla scora a tëmp plëgn.” (Intervista: Pablo Palfrader)

I compić é plü gonot tema de discusciun. Désson i dè, désson i lascè demez. Sce an i fej te scora, tómel demez la funziun didatica che ai à a ćiasa (s’organisé le tëmp, aprofondì, ponsè instësc, etc.). Co l’odëise pa os? “Le compit é n argomënt zîte. I insegnanć tëgn sön le compit, i

A vigni moda nen gnìssel deplü co śëgn? “Iö arati che al gnarà ćiamò domisdês laprò: dessigü tla scora mesana, tla elementara él da odëi. Le miù fóssel sce dötes les scores ess le medemo numer y i medemi dis dl’edema domisdé scora.” Sce al ess da gnì chisc cin’ dis cun döes edemes implü. Ći vantaji y svantaji odesses pa Os? “Al é na dezijiun culturala, soziala y suradöt finanziara. Al vëgn

Da püch él stè na udiënza tl consëi provinzial a Balsan en cunt dla tematica. Sëise pa stè ite? “I sun stè ite sciöche rapresentant dla lia di direturs de Südtirol. Dailò ài dit trëi cosses che é por nos sciöche sindacat importantes: che la junta provinziala dess porvè da tó tosc na dezijiun, deache al é gnü spenü tëmp y energies assà por chësta discusciun. Dit ài inće che al jiss debojëgn da unifiché deplü le contrat di insegnanć. P.ej. à la elementara unitês didatiches de 60 menüć, la mesana y scora alta de 50 menüć, tla mesana mësson fà les ores de completamënt, tla elementara no, etc. Inće la verda di scolari (sorvelianza) vëgn tratada atramënter. Desfarënzies che ne va nia massa bun. Terza cossa ch’i à proponü é che an podess ponsè da smendrì les ores de scora. Tl forest ài indlunch i cin’ dis y chësc va zënza de gragn problems, danter l’ater inće deache al é manco ores de scora.”

www.lauscdiladins.com

3


Tema

nr. 44 / 11 de november 2011

Ćiarun a La Pli, pice paîsc püch turistich Laota êl scora cinch dis al’edema, la jöbia stô i mituns a ćiasa. Śëgn bàion indô de cin’ dis al’edema cun le dé lëde de sabeda. Ći comportass pa n mudamënt dl calënder de scora y di orars?

Ludwig Rindler: “Le sistem de scora é bele śëgn valgamia compliché, gonot ne s’an capësc fora gnanca plü i geniturs!”

Scora/2 - A La Pli de Mareo unse tut sö contat cun le maester y fiduziar Ludwig Rindler. La Usc: Sig. maester Ludwig, nos jôn laota i agn setanta a scora vigni dé ćina les trëi y n dé al’edema ćina les cinch, y i ân la jöbia dé lëde? Cô ćiara pa fora śëgn i orars dla scora elementara a La Pli de Mareo? Maester Ludwig: “Nos tignun l’edema lungia, chel ô dì che al é 6 dis al’edema scora. De chisc 6 dis él 2 iadi inće scora domisdé.” Ne va pa le calënder de scora d’aldedaincö nia bun, o n’é pa nosc sistem economich-sozial nia plü adatè a nosc orar de scora, che al é usc che oress le mudé,

inće radicalmënter? “Deache al nen vëgn bele da agn baié, à la scora d’La Pli l’ann passè metü da jì n referendum, olache i geniturs y i maestri de chësc paîsc à podü dè jö söa minunga. Le resultat à da intrames les perts dit fora da tignì inant l’orar da śëgn.” Cal é pa osc punt de odüda da maester? “Desco maester pòi zënz’ater dì che les ores de scora domisdé ne porta nia tant co chëres danmisdé. Dl ater vers fajess vignitan n fin dl’edema lunch bun inće a düć.” Cal pa da fiduziar, che mëss inće garantì le bun insegnamënt y coordiné les leziuns? “Madër nia compliché le sistem ćiamò deplü, che al é bele compliché assà cun l’introduziun dl insegnamënt opzional de dovëi y facolté da pert dla lege. N bun insegnamënt é sambëgn essenzial por na bona scora, mo laprò taca inće la coordinaziun dles leziuns, dl trasport, dla refeziun, ćiarè sura dan y do scora, yee. Y che al é valiade, dantadöt geniturs, che ne s’an capësc nia plü fora, n’él nia da s’an fà demorveia.”

man publica o inće por les families, sce al foss indô scora döt le dé y porchël ma 5 dis al’edema? “Nos ùn n comun che sostëgn cotan la scora y indiretamënter les families, porchël i costa na marëna ma 2,00 euro al scolar. Vigni dé de scora lunch che gniss laprò fajess fora, a chisc cosć, plü o manco 70,00 euro implü te n ann de scora, ći che reverda les families. Plü spëises ess sambëgn le Comun. Dl ater vers se sparagnass la man publica deplü spëises le dé lëde, p.e. chëres dl trasport di scolars.” Ći dé jiss pa bun de lëde aldedaincö te na edema de scora

da cinch dis, la jöbia sciöche laota, o la sabeda - deache gran pert di geniturs laora 5 dis al’edema dal lönesc al vëndres? “Zënz’ater la sabeda! Gran pert dl interes por la scora döt le dé é pö lié al orar de laur di geniturs.” Odesses os de bun edl sce la scora metess man bele al pröm de setëmber y se ruvass impormò la fin de jügn? Sce scê: ćiodì pa? Sce nou: por ći motifs pa nia (mituns stanć da mà inant, jì al mêr denanche al mëtes man la sajun da sié o ti hotì, ez.)? “D’altonn podess la scora zënz’ater mëte man cun le pröm de setëmber y d’aisciöda podessel inće

gnì tachè val’ dis laprò, insciö saltassel fora bindićé na sabeda lëdia zënza tignì i scolars te scora vigni dé inće domisdé. Ćiarede, modì por n calënder de scora él n gröm, vignun cun sü punć stersc y manco stersc, al paur bütassel insciö, al ustì atramënter, yii. N calënder de scora otimal, a scüsa de düć, te chësc nosc sistem economich-sozial tan compliché, n’él nia! Porchël l’odessi iö de buna odüda sce al gniss n tant scemplifiché y unifiché. Por che les families fejes plü saurì da s’adatè, vëgnel inće damanè la sensibilité dla sozieté y dla politica, che dess mëte i mituns y les mitans al pröm post, y nia se instësc!” (intervista: ir)

Cal pa da genitur che à instës mituns che va a scora, a La Pli y inće foradecà? “Iu à le gran vantaje da avëi le laur che va a öna con le calënder de mi mituns; porchël se fajunse nos desco familia sambëgn plü saurì co d’atri da s’adatè a vigni sort de calënder de scora.” Ći cosć fóssel pa implü por la

Jì a scora é inće imparè por la vita: inće da stè adöm, śoghè deboriada, ćiarè da se gnì y cherié amizizies.

“N valur implü por la familia” I ùn inće damanè la minunga de Thomas Pescollderungg, surastant dl consëi di geniturs dles scores elementares y mesanes dla direziun raionala de Badia. Al dij: “Por le turism fóssel bonamënter damì che le calënder romagness sciöche al é, mo por la familia él zënz’ater n valur implü” dij Pescollderungg che al foss damì sce l’orar romagness sciöche al é. “Al é da dì che chilò da nos unse la realtè che tröc geniturs che laora tl turism à la sabeda le barat de sciori y dailò öghel sce i mituns é a scora”.

N gran valur por la familia

Thomas Pescollderungg, presidënt dl consëi di geniturs dla direziun raionala de Badia.

Scora/3 Thomas Pescollderungg rapresentëia i geniturs che à mitans y mituns a scora tla direziun raionala de Badia. La tematica, nes dìjel n’é nia gnüda tratada a livel de consëi di geniturs. A livel de Südtirol pêl che ara vais dl vers de na edema de cin’ dis, cun döes edemes de scora implü. Pensan ala situaziun turistica dla Val Badia, olache l’invern n tëmp intensif de sajun,

4

www.lauscdiladins.com

De gragn vantaji vëiga Pescollderungg por la familia: “Iö pënsi che la pert positiva por la familia tìres dant deplü. I mituns po stè deplü cun i geniturs, al crësc le raport danter mituns geniturs. Laprò él inće da dì che te dui dis po le möt se palsè fora damì.” En cunt dles feries da d’isté plü cörtes dij Pescollderungg insciö: “I vëighi inće chilò n vantaje, deache d’isté à i mituns tëmp assà da se palsè fora y inće les döes edemes implü po ester na sbürla laprò por la scora.” Por trà adöm: turisticamënter n’é la proposta di cin’ dis nia la plü d’öga, mo por la familia él sigü n valur implü. Thomas Pescollderungg injunta:

“An ne dess chilò nia tó na dezijiun por ći che é comot por la situaziun personala de laûr. Le trend va dlvers di cin’dis al’edema. Por la scora él sigü n’aspiraziun da unifiché le calënder dala scolina ćina ales scores altes. Al é bele śëgn scores che à la realtè di cin’ dis y la metoda à suzes. Sc’i ponsun chilò a geniturs che à mituns spartis te degrà de scora desvalis, él dërt che al vëgnes n calënder unitar.”

Pescollderungg dij inće che al é gnü fat tröpes reformes scolastiches, mo che de inovaziun él ćina ćiamò gnü baié scialdi püch. Co se stàra pa por i mituns cun les ativitês dl domisdé? Messarà pa i mituns renunzié a valch? Pescollderungg dij insciö: “Al ne sarà nia plü poscibil che i mituns tòles pert a döt, mo dl ater vers él na gran chance por fà manco

ativitês, mo chëstes planificades cotan damì y gestides cun plü profescionalité. Da me infora unse incö na suraoferta de ativitês y cursc.” S c i ö c h e e j ë mp l p ë n s a Pescollderungg meses ores de musiga plü lunges, mo porchël manco gonot: “Le medemo messarà gnì fat cun i cursc, y al messarà gnì indicaziuns tleres inće dala scora.” (pablo)

Na desfida inće por la scora Pescollderungg ne vëiga indere nia ma na mudaziun por i geniturs, mo inće por la scora: “La scora messarà da me infora inće s’adatè. Sce i mituns é cin’ dis a scora, n’ôl nia dì che al pois gnì damanè da ëi tan deplü. Les metodes d’insegnamënt messarà se mudè. Al orarà ester plü inovaziun tl insegnamënt. I geniturs dess chilò tignì adöm y se damanè plü inovaziun tl insegnamënt y plü sensibilité. Al é bele paîsc - sc’i tolun i paîsc nordics - che é cotan danfora de chësc vers .”

La ćiasa dla scora elementara a La Ila tl’alta Val Badia.


Tema

nr. 44 / 11 de november 2011

Ladin te scola: la situazion de Souramont A Fodom voléssen porté ite l ladin te scola, te Ampez ne végnel rejoné puech y nia dai pitli (tosac) y a Col é les scoles vegnudes sclutes: i problems dles scoles de Souramont Scola Souramont/1 - Cinch é les valedes ladines, trei é les provinzies de cheles che ales fej pert. Desfarenta é la situazion, les leges y les regolamentazions che

reverda i ladins dles Dolomites te deplù ciamps dla vita da vigni di sciche per ejempl la sanité, l comerz y l’istruzion. Per merit dl’ autonomia à les provinzies de Trent y de Bulsan

competenza legislativa te truepes materies, sciche ence l’istruzion. I comuns de Souramont no. A Col de Santa Lizia é les scoles vegnudes sclutes, a Fodom voléssen porté ite

l ladin te scola ma al mancia i scioldi. Te Ampezo é la situazion di orars n gran sotissura ma dantaldut él l problem dl ladin, che “la jent ne vuel nia plu rejoné”. I on intervisté

l assessour a la istruzion de Fodom, Claudio Sorarui y Giuliana Bellodis, professoura de letres tla scola mesana Rinaldo Zardini de Cortina: na vidleda a la situazion.

Ampezan, l ladin che an ne vuel nia plu rejoné Intervista a la professoura de letres dla scola mesana de Cortina d’Ampez, Giuliana Bellodis ciamò, ma i mutons che rejona ampezan é na rarité. La colpa ne é nia di mutons, ma dl luech y dla jent, che ne vuel nia plu rejoné ladin. Emplù vegn i ensegnanc touc su per meso dles graduatories y gonot ne ési nia ladins.”

Giuliana Bellodis é ensegnanta de talian, storia y geografia tla scola mesana “Rinaldo Zardini” de Cortina d’Ampez.

Scola Souramont/2 - Cortina é n paisc con na popolazion anagrafica de passa 6.000 persones. Cialon de ciafé n cheder dla oferta de scola y istruzion te Ampez. Sciche raion de confin ne possa Cortina nia se scluje per l davegnì ai lingac che é entornvia: l ladin y l todesch. I son stés a Cortina per nen damané y nen rejoné. La Usc: Cie sort de scoles vegnel pa pité ai scolés ampezans? Giuliana Bellodis: “La oferta de scoles te Ampezo é cotant (tròpo) grana, dantaldut per cie che reverda les scoles autes. L Istitut de enogastronomia y ospitalité alberghiera, l Istitut Tecnich Economich, l Lizeum Artistich (enlaouta scola d’ert), l Lizeum de Scienzes aplichedes y l Lizeum Classich (con senta a San Vì dl Ciadura) é les scoles anter cheles che i studenc ampezans pò chirì fora. Chestes scoles, adum con na scola mesana, fej pert dl Polo dla Valboite. Ma al n’é nia mé una na scola mesana a Cortina. Scola mesana Rinaldo Zardini à inom la scola te chela che ie ensegne. Chesta scola mesana fej pert dl Isitut Comprensif de Cortina de Ampez, adum con la scola elementara de Cortina y a d’autres scolines (scoretes) y scoles elementares y mesanes dl Ciadura.” Da che vegn pa fat fora l calender y i orars de lezion? “L calender vegn fat fora a livel regional, i orars de lezion pò endere (enveze) vegnì fac fora da vigni scola autonomamenter. Nos on, per ejempl, la sabeda ledia. Ma chest ònse mé nos, val’ classa dla elementara de Cortina y la elementara da Cibiana, les autres scoles de nost Istitut Compensif

no.” Ne cherieia chesta confujion de orars nia problems? “Sci, al é n problem dantaldut per les families che à mutons de deplù etés che và te d’autres scoles. I problems ne reverda per fortuna nia l trasport ajache al é vegnù fat n’acordanza anter elementara y mesana per cie che reverda i orars dles corieres.” Cie nen penseise pa vos dla proposta de uniformé i orars de dutes les scoles, fata te Südtirol? “Al é na bona idea y an desgropass trueps problems.” Trei é les propostes che é vegnudes fates per uniformé i orars: sis dis al’edema, cinch/sis dis alternés o cinch dis a l’edema, metan man n’edema plu adora y rovan n'edema plu tert. Cala fossa pa da vos enfora la mioura soluzion? “Ie pense che la proposta ideala é cala de cinch dis al’edema, con valgunes ores de scola domisdé. Avei la sabeda ledia à trueps vantaji, dantaldut per i professours che ne mess nia plu strité per avei la sabeda sciche dé lede. Nos, tla scola mesana R. Zardini on pu la sabeda ledia y al à porté a na diminuzion dles assenzes. Te n paisc de mont sciche Cortina, olà che al vegn pratiché trueps sporc, ne fova i mutons gonot nia a scola la sabeda, ajache ai ova gares. Sen ne é chest nia plu n problem.” Co é pa la situazion dl ladin tles scoles d’Ampezo? Rejona pa i mutons ladin anter ai? “No. I mutons rejona mé talian anter ai. Trueps l capesc, ajache al é i genitorus o i nenesc che l rejona

N’él pa da vos enfora nia n problem che al é tant trueps ensegnanc talians? Ne và pa enscì nia la identité ladina n puech perduda? “Ie y la vize preside rejonon ampezan anter nos y valch iade nes sciampel mefun val’ parola ladina ence can che i sun adum con i nosc colegs talians. Chisc se ofen y nes dij che tla Talia méssel vegnì rejoné talian. Ie ti respogne che chest é l lingaz de mia oma. Al é ben l colmo che te mia ciasa me vegnel dit che i ne pò nia rejoné mi ligaz. I ividieii les autres valedes olà che l ladin pò vegnì rejoné endlonch. Chilò te Ampez ne pòl nia vegnì tout nia mé te scola, ma nience te gliejia.” Co se stàla pa perdret con l’identité y la cultura ladina tles scoles d’Ampezo? “Les cosses é n puech miorades dl 1999 con l’aprovazion dla lege 482. L ladin y la cultura ladina é vegnus n puech plu tolerés y al é sté poscibel mete da jì val’ projet. Te nost Istitut Comprensif ne n’él nia mé ampezans, ma al é ence i “ladins ciadorins” y chest porta datrai a dificoltés. Ma an mess dì che ai é da amiré: al é na maestra dla elementara de Vodo dl Ciadura che ensegna n’ora de ladin al’edema.” Pòla pa ensegné l ladin te scola? “Ala pò ajache ala vuel l fé y met a desposizion sies ores. La scola ne à nia de contra y aladò dla lege

La scola mesana R. Zardini a Cortina.

482 pòn fé l 10% dl program soura la cultura y l lingaz dl post.” Y a Cortina pa? “A Cortina ne n’é na te’ cossa nience da pensé. Can che al é vegnù porté ite l ladin te scola él davignora sté per via de projec, sciche per ejempl teatri o cianties, ma no sciche materia de ensegnament.” Ciugn é pa, per ejempl, chisc projec? “Dant da n valgugn agn ònse fat n teater per ampezan soura la vita de Rinaldo Zardini y dapò onse ence enterpreté la ciantia da Nadé “Stille Nacht” sie per ladin che per todesch.” Co tòl pa su i scolars chestes scomenciadives? “Ai l fej dret gen, ajache per ai él n devertiment. Chisc projec contribuesc dessegur da mantegnì viva la identité, ma ai ne porta nia truep per cie che reverda l lingaz, ajache i scolars empara mefun la batuda dl teater y basta.” Él prevedù val’ scomenciadiva per chest ann? “Tla scola elementara vegniral fat n teater. Ie à fat na pert de program soura la storia de Maximilian I, ma dut per talian. L problem é che con la riforma nes él vegnù taié les ores y cie che i fajovon denant te 11 ores mess sen vegnì fat te 9 ores, perchel ne ài nia plu l temp per mete da jì scomenciadives sciche enlaouta.” Cie scomenciadives metoves pa da jì enlaouta? “Enlaouta fajovon lezions de 50 menuc. I 10 menuc dessurora vegniva coius adum per mete da jì projec facoltatifs fora dl orar de scola. Ie

fajove cursc de ampezan. Al fova mefun 15 scolars te dut Ampez che tolova pert, ma ai fova enteressés. Mé sce al vegnirà fat n bel dé endò cursc de ladin podarà l lingaz avei ciamò val’ speranza da souravire.” Co vedeis pa os l davegnì dl ampezan? “Te Ampezo é la situazion che reverda l ampezan dret erta (difizile). Dant da diesc agn ove ciamò la ilujion che ala jissa da salvé la situazion, ma sen nia plu. An mess dì co che ala é: la jent ne vuel nia plu rejoné ampezan. Purtruep ne capesci nia l valour de chest lingaz. N di ti mueiarala, ma al sarà massa tert.” Cal é pa da vos enfora l maiour ostacul? “L maiour ostacul per l ladin é i genitours, ajache dutes les autres materies vegn consciderades plu importantes. L ladin vegn pu mé conscideré n dialet. Al fova genitours che me damanova ciuldì che i volove ensegné l dialet a si mutons.” Ne ti spligheise nia a vosc scolars che l ladin é n lingaz y cie valour che al à? “I ti l dije davignora, ma al ne porta nia a truep. Ie son praticamenter la soula ensegnanta te Ampez che se à dé ju con l ladin y al ne é nia n socret (segreto). Mies coleghes ampezanes ne à nia de contra con i projec per ladin, ma ales ne à mai metù da jì zeche de sia volonté.” Te Fodom él vegnù porté ite l ensegnament dl todesch tla scola elementara y amplié les ores de todesch tles scoles mesanes y chest per merit dl aiut dla provinzia da Bulsan. “Co éla pa te Ampez? Vegnel ensigné l todesch tles scoles? Enfin i agn ‘70 - ‘80 vegniva l todesch ensigné sciche secundo lingaz. Dapò él vegnù l ingleis y l todesch é vegnù n puech adombré, ma al vegn ben ensigné tles mesanes.” Cie nen penseise pa dl todesch te scola? “Nosta cultura à les raijes todesces y i confinon con regions todesces. Ie ne é samben nia contra l ingleis, ma ence l todesch é n lingaz emportant perchel él dret che i scolars l empares.” (Intervista de: katia pizzinini) www.lauscdiladins.com

5


Tema

nr. 44 / 11 de november 2011

Ladin tles scoles fodomes, la speranza sta tl “Fondo Brancher” Deplù ores de todesch y n’ora de ladin: i tentatifs per tegnì i scolars te Fodom Scola Souramont/3 - L ladin te scola, n’ora tla elementara y una tla scola mesana. Chest é un di ponc dl projet per la scola prejenté dal Comun da Fodom, n projet de 251 mile euro da finanzié con l “Fondo Brancher”. Adum con deplù ores de todesch y de ingleis tles scoles de oblienza él vegnù porté dant la volonté de ensigné l ladin te scola. Te Fodom ne él nia “problems de lingaz” sciche te Ampez. L fodom é n lingaz vif y, a desferenzia dl ampezan, végnel rejoné da la jent y bonamenter ciafaràl lerch te scola. “Les maestres dla scolina rejona fodom con i mutons y i scolés rejona ladin anter ai”, nes dij l assessour a la istruzion y al sozial Claudio Sorarui, che i on intervisté aspetan che l projet vegnes aprové. “L comun de Fodom vuel fé chisc investimenc tl setour dla scola per archité l ‘emoragia’ de studenc che

vegn menés a scola tla Val Badia”, nes dij l assessour, che enjonta: “Enlaouta fovel la scolina y la scola elementara sie a Réba che a La Plie. Sen él mé plu la scolina a Réba y la scola elementara a La Plie. La scola mesana é a Brenta y scoles autes n’él degunes te Fodom.”

L ann passé 1a y 2a mesana fova adum L maiour problem dles scoles fodomes é avisa la ciarestia de scolés. L ann passé fòvel enfinamai vegnù metù adum does tlasses dla scola mesana, la pruma y la seconda, ajache te seconda fovel mé 7 scolés. “En chest ann se ònse lascé su y i on ciafé la conzescion da pert dl proveditorat da avei endò trei tlasses. Mete adum does tlasses ne và nia bon, dantaldut per cie che reverda i programs

didatics”, dij Sorarui. Jì encontra al model dles scoles badiotes y archité insciö l’’emoragia’ de scolés é perchel un di obietifs dl projet. Ma zeche él bele vegnù fat en chest ann. Per merit de finanziamenc da pert dla Region Trentin-Südtirol à les scoles fodomes podù porté ite l todesch tla elementara y aumenté les ores de todesch tla mesana. “I on damané aiut a Durnwalder - dij l asssessour - ajache n’autra soluzion ne fovel nia. I ne l rengraziaran mai assé per chesta oportunité che al nes à dé.”

Na ensegnanta da Toblach I finanziamenc südtiroleisc vegn adorés per paié na ensegnanta todescia, na maestra de Toblach, che ensegna juebia, vender y sabeda tla elementara y tla mesana

de La Plie. Les ores de todesch che é vegnudes enjontades vegn recuperades la juebia domesdì. “I on fat fora da enjonté les ores la juebia domesdì, ajache en chest dé él ence catechism y perchel messova trueps mutons vegnì empò adalerch dapò scola.” Na refezion n’él nia y i mutons mess jì a ciasa a marena; ma domesdí ne vegn l trasport nia garantì. I scolés mess vegnì menés a scola dai genitours. “Problems de trasport fovel ence enfina che i ne ovon nia enjonté les does ores de todesch tla scola elementara - nes dij Sorarui - Sen che ence i scolés dla elementara à tant de ores sciche chi dla mesana él plu saurì da organisé i mesi de trasport.” I ti on spo ciamò damané al assessour cie che al n’en pensa dla volonté, te Südtirol, de uniformé i orars dles scoles y de porté ite la

Claudio Sorarui, vizeombolt y assessour a la istruzion.

sabeda sciche di lede. “Sun chest ne fosse ie nia massa auna, ajache te n post turistich sciche l nost mess trueps genitours laoré la sabeda y avei i mutons a ciasa podessa ester n problem”, chesta é sia minonga. (katia pizzinini)

Esperienzes a confront te la Scola de Fascia Te la scoles populères de Cianacei e de Moena l’é en doura l’orarie sun 5 dis, enveze te cheles de Soraga, Vich e Poza i bec va a scola ence de sabeda domesdì, de mèrtesc e de jebia, de obligh per duc; etres doi, de lunesc e de vender, facoltatives con ativitèdes desche aprofondiment, recupero o laboratories; de mercol domesdì e de sabeda duc a cèsa.” Jai 2 egn, aldò de la domana de n grop de genitores da Moena che aessa volù aer ence te so paìsc la scola sun 5 dis con la sabeda ledia, l’é stat fat na enrescida te la families di scolees de duta la val per veder colunes che l’era sia indicazions: i genitores de Soraga, Vich e Poza i se à palesà en forta maoranza per tegnir l’orarie “classich” sun 6 dis, enveze a Moena la maoranza, se pur strenta, se à dit per la setemèna curta. Con l’an de scola 2010-2011 ence a Moena i é peé via con l’orarie sun 5 dis e via per l’istà passà l’é stat fat n sondaje per mesurèr l livel de aprijiament di genitores sul nef orarie. L sondaje cogn esser amò vardà fora delvers, ampò da na pruma veièda somea che l resultat sie piutost positif, con la segnalazion de vèlch problem che la Scola se ativarà a ressolver. La Sorastanta dela Scola de Fascia Mirella Florian con la referenta de la scoles populères Daniela Chiocchetti.

Te la Scola Ladina de Fascia, n Istitut comprensif che tol ite duc i livìe da la scolina a la scola auta e dut l raion da Penìa a Moena, l’oferta formativa per chel che vèrda la scola populèra met dant la doi modalitèdes de orarie desvalif, con lezions dal lunesc a la sabeda a Poza, Vich e Soraga e lezions demò enscin de vender a Cianacei e Moena. “A Cianacei – ne disc la referenta de la populères de val Daniela Chiocchetti - l sistem de scola sun 5 dis l’é oramai en doura da passa 30 egn. L’era peà via desche sperimentazion canche l sistem l’era desferent e tel “temp pien” descheche vegnìa chiamà chesta modalità con lezions inant e dò mesdì e ence la mensa – vegnìa

6

www.lauscdiladins.com

conzedù l dopie organich. Ades la robes é mìngol mudèdes e chest dopie organich no vegn più conzedù.” “Ades l temp de ensegnament – spiega la Sorastanta Mirella Florian - aldò de la LP 5/2006, la lege su la scola de la Provinzia autonoma de Trent, l perveit per duc 27 ores de obligh e 3 facoltatives, tant per chi che va a scola ence de sabeda che per chi che va demò enscin de vender. Dapò pel esser de autra ores facoltatives.” La reflescions e l confront sui tempes de la scola é peé via te Fascia jà del 1999, canche te la reorganisazion de la scoles de la Val de Sora l’é stat endrezà per duc i bec da Mazin en ite la scola populèra a Cianacei e la mesèna a

Ciampedel. Enlouta i genitores da Ciampedel no à azetà l’orarie a temp pien de Cianacei e per vèlch an l’é stat portà inant classes con oraries desferenc: na soluzion che no podea jir, ajache i numeres imponea de fèr oraries desferenc te la medema clas. Co fèr a n vegnir fora? “A mi – ne disc Chiara Lazzer, mère de Ciampedel e ensegnanta te la populères de Cianacei - me saea massa che n bez de populèra cogne jir a scola duta la setemèna ence domesdì. Da l’autra man capesce che per i genitores che laora dut l dì l’é sorì saer che i fies é vardé via e i fèsc ativitèdes enteressantes. Dò vèlch tentatif jai 3 egn sion peé via con chest sistem, che me sà che l’à encontentà belebon duc: doi

Barbara Fanton, ensegnanta con fies che te la scola de Moena à proà duc doi i tempes de scola, se disc contenta de chesta formula, che ge lascia mìngol de temp ai bec per fèr vèlch auter e la ge dèsc l met de fèr ativitèdes struturèdes ence a chi che se no magari i stajessa soi dedant a la televijion o la “play station”. Ence Nadia Chiocchetti, mère de n scolé de la populères da Moena, à cernù per l fi demò i 2 domesdì de obligh, e la disc che l fi va bolintiera, ma che se podessa endrezèr mìngol miec soraldut i domesdì facoltatives, magari con proponetes più mirèdes e percacentes e che la scola tegne cont ence de la ativitèdes extrascolastiches. La Scola de Fascia é amò dò a chierir de otimisèr chesta proponeta, olache ge vel sessaben che ence i ensegnanc i tegne cont di dis che i bec stèsc te scola enscin dò les 4 domesdì e i vèrde, te chi dis, de stèr “lijieres” coi doeres da fèr a cèsa. (lg)


Tema y Atualité

nr. 44 / 11 de november 2011

“Per l’ena longia!” N con’ dla descuscion per l’ena de scola curta de cin’ dis o longia de sies dis, dij la presidënta dl Schi Club Gherdëina Lidia Bernardi che ëila ie, coche espunënta de na lia dal sport cun bën 200 atlec atifs, per l’ena longia Scola - “L’ena longia ti dà ai sculeies plu pusciblteies de alenamënt via per l’ena, ajache l ie plu tëmp liede domesdì,” dij Lidia Bernardi, presidënta dl Schi Club Gherdëina: “Canche l ie domesdì scola ne n’iel deguna dl’aurela per fé alenamënc. Cun l’ena curta fóssel dessegur almanco trëi iedesc sce nia cater iedesc al’ena scola nce domesdì, y canche

l fossa l domesdì liede pona iel l pricul che l unissa fat scola nchin la un, chël uel dì che l fossa bën sies ëura de scola mé danmesdì. Cun i orares che se slongia ora nchin la un, ruvëssa i sculeies plu tert a marënda, sburdlan nscila nce l orar per scumencé l alenamënt. O che n messëssa, n auternativa, monce sauté la marënda, y dut ntëur fóssel mefun

n drë’ spazamënt.” N con’ dla minonga che trueps à che la atletes y i atlec sculeies ëssa, cun l’ena curta, de sada danmesdì dl’aurela assé per fé alenamënt, dij Bernardi che “l alenamënt de sada danmesdì ne porta nia plu che ntant, dantaldut pra l sport da d’inviern, ajache la sades domesdì y la dumënies iel

La diretëura dl Lizeum d’Ert y dla Scola profesciunela a Urtijëi Elisabeth Bauer auza ora che tl Lizeum iel bele da truep ani incà l’ena curta y che l ie stat na esperienza positiva che l se mpaia mantenì, coche la rata Lizeum d’Ert pieta n’auternanza danter materies teoriches y pratiches, “ dij Bauer, njuntan che “n tel gran numer de ëures ne cumporta nia massa n gran pëis, sce n se tën, coche la scola fej bele, ala ndicazions, ai cuntenuc, ala maniera de manejamënt dl nseniamënt aldò dla reforma, ulache la truepa ëures tol bele ite, dlongia l mparé, duta la reflescion, la eserzitazion, y l mëter n droa dla cunescënzes y cumpetënzes. Coche dì, mpue’ chël che tumova ite zacan ti duvieres da fé a cësa, che n se sparania nscila per la gran pert.” Bauer auza ora coche “l Lizeum d’Ert à bele fat da precursor, sce n possa dì nscila, mustran su che l ie mesun avëi n’ena curta, monce cun truepa ëures, y zënza n pëis massa

Elisabeth Bauer.

grant per i sculeies, che à oradechël mo l mesun de paussé mpue’ deplù, cie che ie nce drët, ntan i doi dis liedesc ala fin dl’ena, y pitan mpo l domesdì liede via per l’ena, ulache nce chiche fej sport o mujiga possa se dé ju cun si atività ora de scola.” David Lardschneider

Roland Verra, ntendënt dla scola dla valedes ladines tla provinzia de Bulsan, fej n valguna reflescions n con dl’ena longia o curta te scola n muessa fé na regulamentazion unitera, pona sons ie dla minonga che la muessa unì a s’l dé y valëi per duc i livei de scola, da suinsom nchin japé. Persunalmënter rati che ne pudon nia fé tla scola auta na regulamentazion a pert, coche vel’ un rata, ti lascian la opzion de tò nstësc na dezijion, y dal’autra pert ti scrì dant ala scolina, ala scola elementera y ala mesana n’ena de cin’ dis. Sce, pona muessa na regulamentazion da sëurajù valëi per duc!”

“Ntegré ativiteies extrascolastiches”

Roland Verra.

Verra: “Danter duta la opzions p u r t e d e s d a nt p e r n a regulamentazion unitera, me sà a mi chëla la miëura, ulache l ie la previjion di cin’ dis, slungian l ann de scola de n’ena y scumencian n’ena dant. Ma l muessa do mi ntënder vester n valguna cundizions: per schivé che l vënie a s’l dé massa domesdis de scola, messëssen udëi danora che ativiteies che vën nchinamò fates ora de scola, coche mujiga o atività sportiva, vënie recunesciudes dala

David Lardschneider

L ann passé fòvel sun i sclefs de duc te Südtirol les paroles “Wahlbarkeit” (parola todescia), “Antersasc” (parola ladina) y “risparmio” (parola taliana). Cie paroles é pa chest ann les “paroles” y “parolates” dl ann te Südtirol? Duc dess mané ite propostes, y ence les scoles dess se dé ju con chest tema, nia me interessant dal pont de veduda linguistich Sozieté - Dal 2005 encà cern ence tl Südtirol na giuria les paroles y les parolates dl ann fora dles propostes che é vegnudes manedes ite da la popolazion. La scomenciadiva vegn fata per duc trei i lingac ufiziai dla provinzia, todesch, talian y ladin.

Cie é pa paroles dl ann? Paroles dl ann é paroles, che à gaujé discuscions y fat rejoné la popolazion tratant l ann tla provinzia de Bulsan y tla Ladinia, unfat sce per rajons positives o negatives.

Cie é pa parolates dl ann?

La parola al ntendënt Scola - “Nëus raton che la cuestion dl calënder de scola sibe scialdi mpurtanta, y perchël ons consultà duta la scoles, che à rujenà dla cossa ti colegs di nsenianc,” dij l ntendënt Roland Verra. Per la minonghes che ie unides ite iel stat “mpue’ de cuntroversia, mpue’ plu de mesa la minonghes fova de mantenì la situazion coche la ie sën, ma chël uel tl medemo mumënt dì che ades i mec ie per na soluzion de n’ena cun cin’ dis de scola.” Verra tlarësc che “sce l ie scrit dant che

Na reflescion sëuraprò à Bernardi mo, sibe da presidënta dl Schi Club che nce coche oma de cater mutons: “Tla scola auta porta l’ena longia puech, nce per

l studi, ajache l vënderdi sëira, ulëi o no ulëi, y zënza ulëi tumé ite te moralisms, uel la jëunes y i jëuni, y tlo mieni duc, nia mé chiche fej sport, jì mpue’ a se devertì. Savan che la sada danmesdì ne fóssel nia scola ài dessegur la tendënza de sté ora plu giut y de cunseguënza de ulëi o messëi durmì plu giut.”

La “Parola” y “parolata” dl ann

L’esperienza dl Lizeum d’Ert Scola - L’ena fova unida scurteda do che n fova dla minonga, ajache l ie nce sculeies da oradecà, da duta la provinzia y nce da plu da dalonc, che l fova massa sfadiëus per i sculeies a pudëi se n jì a cësa permò de sada domesdì y messëi bele unì de reviers de dumënia domesdì o da sëira. N con’dl’ena curta iel n aspet positif dovia, dij Bauer, “ajache n nseniamënt tan cunzentrà ntan l’ena pieta plu mesuns de lauré te scola, te na maniera plu ntensiva, nce dal pont de ududa interdiszipliner. Tl Lizeum iel truepa ëures, nchin a 41 al’ena; ma cun la reforma dla scola che ie permò jita n droa l ann passà, iel mpo mesun garantì n domesdì liede, y nscila ne n’ie dut cant nia tan pesoch. Chësc nce per la spezifizità dla scola; l

suvënz garejedes y n alenamënt l medemo di o l di dant sfadieia massa i atlec, y dut ntëur pòssen iló, scencajo, mé fé n alenamënt plu lesier.”

scola coche materia opzionela de ubianza. N cër’ pëis pudëssa nscila tumé demez. Ma nce d’autra ativiteies de lies o assoziazions d’uni sort pudëssa valëi coche credit scolastich. N’autra bona pruposta me sà chëla che pra la tlasses che fina via cun n ejam, la terza mesana y la cuinta tlas dla scola auta, messëssen, sce n slungëssa l ann de scola de n’ena, deliberé chisc sculeies dal’ena sëuraprò ala fin dl ann, a na moda che n ne ruve nia massa daujin al ejam o che scola y ejam manacësse monce de se ncrujé.”

Parolates é paroles nia tant garatedes, che ne passeneia nia dal pont de veduda linguistich, che prova da abelì, da ascone la realté, ne porta nia respet a les persones...

Co végnel pa lité? La popolazion de Südtirol y dla Ladinia pò mané ite propostes per todesch, talian y ladin, dagnora fina ai 31 de dezember de chel ann. La dezijion finala vegn touta da na giuria, che chier fora la parola y la parolata dl ann da dutes les propostes manedes ite.  

Che met pa a jì la scomenciadiva? La scomenciadiva vegn metuda a jì en colaborazion da: l Post linguistich dl Istitut cultural dl Südtirol, l Istitut per Comunicazion Spezialistica y Plurilinguism dla EURAC, l’Université Ledia de Bulsan y la Biblioteca provinziala Dr. Friedrich Teßmann.

Novités Chesta outa s’à i organisadours dla azion lascé tomé ite n valgunes novités: propostes pòl gnì fat ence diretamenter tres la homepage www.wopapa.it; ilò giàten ence informazions sun les paroles y les parolates di agn passés, sun i criters che vegn touc ca y al vegn dé conseis y impulsc per se dé ju y se confronté cun i argomenc te scola. Laprò pòssen se dé ju fora per dut l ann tres facebook sun paroles y parolates. Propostes vàla ence da fe per e-mail a sprache@ kulturinstitut.org o diretamenter a la Biblioteca provinziala Dr. Friedrich Teßmann o a les Biblioteches dla Université de Bulsan y Persenon, che à per chestes ultimes edemes dl ann ence enjigné cassetes de racoiuda dles propostes. Termen é l di 31 de dezember. Propostes pòssel gnì fat te dutes trei les rujenedes. (ir)

Feries de mei Na pruposta nteressanta fej Verra n con’ de plu dis de feries de mei: “L fossa nce da udëi sce l ie mesun fé sauté ora n valgun dis liedesc de mei, ulache la families pudëssa muever per si feries, nce acioche i sculeies reste pona te scola ala fin dl ann, canche l ie la tendënza, te nosc raions turistics, de muever bele dant, tan deplù sce la scola finëssa mo plu tert.” David Lardschneider

La novité é la homepage dla iniziativa, scrita ence per ladin, da ciafé su con la miscion www.wopapa.it www.lauscdiladins.com

7


Université

nr. 44 / 11 de november 2011

Zënter de storia regionala

Daurida dl ann academich

De forà él gnü presentè ofizialmënter le zënter de storia regionala. Da püch él rovè adöm tla Université Lëdia de Balsan i mëmbri dla consulta scientifica por tignì la sentada costituënta

Ai 14 de november végnel daurì l 14eisem ann academich dla Université Ledia de Bulsan, con l president, l retour y i degans dles cin’ facoltés

Dmc prof. Brigitte Mazohl, prof. Johann Drumbl, dr. Christine Roilo, dr. Filippo Focardi, prof. Andrea Leonardi, prof. Wolfgang Schieder y dr. Andra Bonoldi.

Sot la presidënza dl prof. Wolfgang Schieder se dedicarà le zënter dassënn al laûr de inrescida tl ćiamp dla storia regionala. Dlungia le prof. Schieder, che operëia a Göttingen, fej pert dla consulta scientifica inće la direturia dl Archif Provinzial dr. Christine Roilo, le dr. Filippo Focardi dla Université de Padua (departimënt stüdi storics y politics), la prof. Brigitte Mazohl dla Université da Desproch (Istitut de sciënzes storiches y etnologia europeica), le dr. Andrea Bonoldi dla Université

Dmc prof. Wolfgang Schieder, l’assessuria provinziala dr. Sabina Kasslatter Mur, le presidënt prof. Konrad Bergmeister.

da Trënt y por la Université Lëdia de Balsan le proretur prof. Johann Drumbl (Facolté de Sciënzes dla Formaziun). Le presidënt dla ULB prof. Konrad Bergmeister, che à tut pert a chësta pröma sentada, à alzè fora che cun chësc zënter nü vëgnel cherié na poscibilité importanta por inrescidus jogn, da podëi inrescì te Südtirol inće tl ćiamp dles sciënzes umanes. Tl Zënter de Storia Regionala se conzentrëia la inrescida sön trëi blocs: storia regionala, regiuns de confin y la

gran regiun dl raiun des Alpes. Cun l’istituziun dl Zënter de Storia Regionala se realisëia por l’assessuria provinziala Sabina Kasslatter Mur n dejidêr: “L’ann de comemoraziun 2009, che ê sot al motto ‘La storia incunta le dagnì”, nes à dè l’ocajiun da concretisé le plann che an â bele dadî.” Tla pröma sentada él gnü definì danter l’ater le profil scientifich dl diretur/dla direturia dl zënter de inrescida, cun le travert da ocupè chësta störa ti pröms sis mëisc dl 2012.

Motour dl savei Entourn a 120 impresars, enrescidours, scienziés y politics de Südtirol y da foradecà é ruvés adum en gaujion dl 3. Global Forum tl Palais Widmann

La meisa torona pro l Global Forum Südtirol.

En gaujion dl Global Forum Südtirol à l president dla ULB prof. Konrad Bergmeister prejenté l’université sciche motour dl savei y enscì motour dla economia. Envié ova l organisadour Christian Girardi, sot al leitmotiv “Vijion Südtirol. La tera dles ments aciomades”. “Ti ultims agn él vegnù su te Südtirol la coscienza che na rei mondiala é tres plu emportanta per la provinzia”, à dit Christian Girardi. Da chest él nasciù l dejider de cherié na plataforma tres chela che

sudtiroleisc de suzes che viv foradecà pò se lié deplù con portadours de dezijions te sia patria. Da n pice fió él nasciù con la terza edizion na planta”, se ralegreia Girardi. L’ospitant dla manifestazion, l president dla Provinzia Luis Durnwalder, à sostrissé: “Nos ón anuzé ben i ultims dejens y encuei n’onse nia plu bria da nes temei dal confront con d autri paisc dla Union Europeica. Da recuperè onse endere ciamò per cie che reverda les

investizions tla enrescida y tl svilup. Ma la bela contreda ne basta nia, i adoron posć de laour cualifichés.” Tla cornisc di referac de impuls y de na meisa torona con discuscion, à Konrad Bergmeister (Université Ledia de Bulsan), Roberto Biasi (Microgate, Bulsan), Matthias Michel (Landammann Kanton Zug, Svizera), Alexander Steinkasserer (Université Erlangen - Nürnberg) y Matthias Taumer (The Boston Consulting Group, Minca) ilustré chestions zentrales per l davegnì de Südtirol: co é pa posizioné Südtirol y cie podonse pa emparé dai miours? Cai é pa i fatours de suzes per la colaborazion anter politica dla enrescida y economia privata? La manifestazion é vegnuda modereda da Uli Rubner, consulenta de impreja y dozenta tla HTW da Coira. Enformazions plu menudes giàten sot a www.globalforum-suedtirol. com. (vic)

La daurida dl ann academich é na ocajion per la comunité universitara da cialé zeruch a cie che an à arjont y per mete azenc per l davegnì. “Nosta université vuel ester na université per duc. Al se scriv ite ence persones che à per gauja de na malatia o n handicap debujegns particolars. Nos jaron ite con gran responsabelté ti interesc de chisc studenc”, dij l retour prof. Walter Lorenz. Deberieda con l president prof. Konrad Bergmeister à l retour saludé i antergnus. L descors dla festa é vegnù tegnù dal prof. Wolfgang Runggaldier, originar de Gherdëina, professour ordinar de matematica tla université de Padua y dal ann passé encà member dl consei d’université dla ULB. Runggaldier à tegnù l referat “Matematica y Finanza: n lian fortuné?” L professour é pié via da la crisa finanziara, che à metù la matematica sot na lum critica. L retour Walter Lorenz é jù ite te si

referat ti projec di proscims meisc tla ULB. Rejoné à spo ence l pre sident dla université Bergmeister y i rapresentanc di studenc.

La daurida dl ann academich é na ocajion per cialé zeruch y per mete azenc per l dagnì. Sun l retrat l prof. Walter Lorenz.

Laûr fotografich cun Walter Niedermayr Tl semester da d’isté 2011 s’à i studënć dl stüde de fotografia artistica tla Facolté de Design y Erts dè jö cun le paîsc da Truden, acompagnà dal fotograf südtirolesc Walter Niedermayr, che s’à fat n inom a livel internazional Sot la direziun de Walter Niedermayr à i studënć svilupè so lingaz fotografich-artistich personal. Ai 5 de novëmber él gnü daurì na mostra tla Ćiasa dles Uniuns a Truden. I studënć à tratè temesc sciöche la strotöra o l’architetöra dl paîsc, acompagnan cun süa fotografia la jënt dl paîsc tla vita da vignidé: pro le laûr, tl tëmp lëde y ti dis da santù. Tl resultat di laûrs pòn odëi y sintì sciöche dui raiuns culturai s’incunta, mo inće la framentaziun pro l’abelimënt di salamënć de laûr y d’abitaziun, i ciüfs y i urć. Pro le svilup dl paîsc conëscion fora na certa raîsc da paur, che caraterisëia, strotorëia y tëgn intres ćiamò adöm la strotöra dl paîsc. Le resultat é lignes de retrać, che vëgn completà en pert tres n liber y n video. La mostra a Truden é da odëi ćiamò ćina ai 15 de

novëmber, vigni dé dales 10.00 ales 12.00. De jenà 2012 gnaràra metüda fora tla "ar/ge Kunst Galerie Museum" a Balsan.

Na impresciun coiüda a Truden.

Tla Facolté de Sciënzes Economiches à metü man na ligna de discusciuns y relaziuns cun porsones importantes dl’economia La ligna é gnüda daurida da Luca Baldin, surastant finanziar de Porsche Italia, che à metü man süa cariera a Balsan. Gonot vëgnel baié de ći che é damì: studié inant do avëi stlüt jö le bachelor o fà les prömes esperiënzes de laûr. Co valutëise pa Os la situaziun? Do mia minunga él damì studié inant: sce an à n iade metü man da

8

www.lauscdiladins.com

laurè, él rî da jì indô zoruch tl’université. Al é important da stlü jö le stüde tl tëmp preodü, sce ara va cun na buna valutaziun. Mo al ne mëss nia ester i 110 punć cun lalt. La Université fistidiëia inće da avijiné tres practicums le monn dl laûr y chël universitar. Tol pa sö Porsche inće praticanć? Scê, i ùn intres praticanć pro nos

tla firma; la domanda é grana. Praticanć po laurè pro nos te düć i ćiamps: tl’aministraziun, tla venüda, tla consulënza di tliënć, tl marketing y cun n pü’ de fortüna ćinamai tl svilup di motors. Ći lingac adorëise pa os te osc laûr da vignidé? Talian, deache i laori tla Talia. Todësch, deache Porsche é na

impreja todëscia. Y inglesc, deache al é le lingaz che feter vignun baia. I “Saturday Morning Meetings” vëgn dedô portà inant cun Marco Miglierina - Relationship Manager pro Natixis (che alda pro le grup BPCE) - ai 12, 19 y 26 de novëmber, y Vittorio Godi - responsabl por le repart investimënć pro la Südtirol Bank - ai 10 de dezëmber, ai 14 y ai 21 de jenà.

Luca Baldin.

En colaborazion con l’Université Ledia de Bulsan

Porsche y l’economia


Atualité

nr. 44 / 11 de november 2011

Adio, anda Frida! N sada domesdì univa Frida Piazza meneda cun i doi biei ciavei fosc, coche da tradizion a Urtijëi, sun si ultimo viac, da dlieja de San Durich a Urtijëi su te curtina

L ultimo viac.

Frida Piazza/1 - L fova n di asniblà, n sada ai 5 de nuvëmber, vel’ gota unitant, cun nibl y nibles che curiva la bela cuntreda, i biei crëps de Gherdëina. Ma co, propi n chël di dla supeltura ne se lasciova i crëps nia udëi tla plu bela de si marueies, sentei ite tla bela natura de Gherdëina, cun n ciel brum y si biei culëures ntëurvia? Ch’la bela cuntreda, ch’i biei crëps, che anda Frida à for abù tan gën? Ma jan su, bel plan, de viers de curtina, deberieda cun la gran fola de jënt unida adalerch per la

Sun curtina per l ultimo salut.

supeltura, unìvel nce bel plan la resposta: la cuntreda, i crëps à ulù tò cumià deniamënter da anda Frida, da ëila, che à for cialà cun gran respet ala natura. Cuntreda y crëps, Mëisules, l Saslonch, se à trat sëura l bel guant, chël de nibl y de nibles, per se curì, per ti lascé la lerch a anda Frida. Nia ai crëps ne fòvel da ti cialé, ma da sté cun pensier y cun i uedli pra anda Frida, ntan si ultimo viac. Na majera scincunda, na majera desmustrazion de respet ne ëssela pudù ti fé, la natura de Gherdëina, ti lascian l

palch dl di a anda Frida! Frida Piazza, persona de cultura, se n jiva su, a paussé. “Sun chël me ncunforti”, dijòvela for, canche la univa a me crì, te redazion dla USC, per s’la ciaculé, sambën de rujeneda, de drët y fauz. “Da dedò aréi gheneda, y nce vo arëis gheneda da mé,” dijòvela oradechël cun l umor dut sie. Deniamënter iel unì tëut cumià, te dlieja, cun Sn. Digan Vijo Pitscheider che à auzà ora l amor che Frida Piazza à for abù, per si familia, per la cuntreda y sambën nce per la rujeneda y cultura ladina:

“Anda Frida nes lascia na gran arpejon, chëla dla fede y dla speranza te Gejù Crist y tla ressurezion, ma nce l’arpejon culturela de si gran lëur scientifich.” L Cor di Ëi de Urtijëi à ciantà cun savëi y sentimënt, danter l auter nce per gherdëina, “Pra Capela sun nosc pra”, mujiga che va ite sot tla pel y tl cuer, y “Al cumpani mort,” tramedoves de Stefan Demetz de Sulé. Chëi de familia ne se à ënghe no lascià tò de liejer dant urazions, de lecurdé anda Frida, nce cun na poejia. Na poejia ladina, per anda Frida

Piazza, che fajova si ultimo viac su sun curtina. Ulache la paussa sën, savan che la gheneda ie meriteda, ma cun la segurëza che si opra, che dut si lëur, che dut si sentimënt, dut si mpëni, dut si amor per la rujeneda y cultura ladina resterà per for, coche arpejon che ne se lascia nia pesé cun or, ma propi mé cun l amor per la rujeneda, chël che anda Frida à for abù. Adio, assudëi, anda Frida, l ie stat bel a pudëi fé n tòch de streda cun Vo! David Lardschneider

A anda Frida, n lecort Frida Piazza se n ie jita da nëus. L ie na gran mueia per duc chëi che l’à cunesciuda y na piersa per la cultura ladina. Bele da n pez incà fòvel unit chiet ntëur ëila via y si usc che la ova ti ani passei lascià audì gën y suvënz ova perdù si forza Frida Piazza/2 - Ti ani do la viera fova ëila stata danter la prima persones a chëles che l ti stajova a

cuer l ladin y che s’n à tëut sëura. Una dla primes y una de chëles che se à dat ju limpea cun plu vijion y

ardimënt. L gherdëina ne fova ntlëuta nia tla miëura cundizions. Si prestisc fova bas. Trueps l

cunscidrova na rujeneda de mënder valor cun chëla che n ne pudova nia ruvé lonc. Chësc ne ulova Frida Piazza nia azeté mé nsci. Ëila ulova mustré che l ladin fova scialdi plu rich y cumples de chël che n minova. Nsci àla scumencià a crì adum, a nriescer y a culeziuné paroles che fova tan che perdudes. La fajova esperimënc cun la rujeneda, se rumpiva l cë coche n ëssa pudù la slargë, se nuzan dl vedl material lessichel y derivan da chësc formes nueves o se nuzan de paroles nternaziuneles les adatan ala desinënzes ladines.

Deguna lobby Ma ëila, che fova danora a si tëmp, ne univa da trueps nia ntenduda. Ëila, che ne ova deguna „lobby“, che ne fajova pert de deguna istituzion, lia, cumiscion o ufize, univa fata ju, si prupostes, minonghes y ududes univa iniuredes. L ne fova per nia sce la auzova pona datrai si usc, povester nce mpue’ adaut, per se lascé audì. Regules linguistiches che d’autri ova metù su y che ti savova da puech fundamënt, o fai de rujeneda ti gaujova n melvester fisich. Si minonga defendòvela nchin ala fin. Sambën ne ti scusova chësc a velch defin nia. Y danz: spirt de grupa o diplomazia ne fova nia iusta danter

si majera cualiteies. Ma si fantajia, si criatività, si spirt de tuadëura, si genialità, si cunescënzes sotes dla rujeneda resta uniches y ne n’ie unides arjontes da degun d’auter.

La richëza dla rujeneda A uni moda ne fova Frida Piazza zënzauter nia una de chëla persones che n pudova mé nsci mëter a scuté. Dlongia traduzions letereres desferëntes de prosa y poejia dla leteratura mundiela, dlongia nrescides sciche p.ej. si liber La marueies de nosc albierch, se à Frida Piazza nce dedicà ntensivamënter al lëur terminologich, dantaldut tl ciamp dla botanica. Si romann L Nost, dat ora tl 1988 da Walter Belardi, ie l prim romann scrit per ladin. Cun chësc romann à Piazza dat dant criteres nueves n cont dla pusciblteies dla leteratura ladina y la à desfidà i scritëures plu jëuni a ti jì do sun chël troi. Tres trasmiscions per l radio y cursc de ladin se purvòvela oradechël nce a auzé l livel dl ladin de si publich y de ti purté a cuscienza a si cunzitadins la richëza de si rujeneda.

Ladina tl cuer Frida Piazza fova ladina cun dut si cuer. L ladin fova si amor y si pascion. Viver cun chësc mpëni ne www.lauscdiladins.com

9


Atualité

nr. 44 / 11 de november 2011

n’ie per ëila nia for stat saurì: La passova uni di ëures y ëures dan l computer, te chël che la dajova ite paroles, spligazions gramaticheles, stories y cunscidrazions zariëuses da chëles che la cialova de filtré ora regules.

che recunesciova si lëur. Tl 1997 ti à l’Università de Dispruch sëurandat na uneranza per si meric tla nrescida dl ladin. L Chemun de Urtijëi ti à cunferì na varëta d’or.

Cunlaurazon cun professëures

La lidëza dla persona fova per Frida Piazza un di valores che la teniva plu aut. La fova zitia contra uni mpusizion, uni cumandamënt da lassù ju. Ëila, che ova ntan la viera mparà a cunëscer de persona i spavënc dla detatura nazista y che se ova tl prim povester nce lascià

Respeteda iela unida dantaldut da professëures che univa da oradecà y che ova cris si cunlaurazion. Te Gherdëina alincontra fòvel do la rata plutosc puec che la prijova y

La lidëza coche valor

mpue’ ntujiasmé da chël sistem, se n à plu tert destanzià sciche dinrer zachei. Ëila cundanova uni forma de descriminazion soziela y politica, de raza, de religion o de rujeneda. Una dla persunaliteis che la se stimova l plu de dutes fova Alexander Langer, che la ova cunesciù ti ani ’70. Cun ël partìvela trueps de si ideai.

La natura y l’ert Frida se n gudova dla natura y dl’ert che la ova mparà a cunëscer dantaldut tres y cun si uem, l

scultëur y nseniant Luis Piazza. N pitl lech tl’Elpes pudova la mpulsé avisa tant che n depënt te na dlieja. La ova n gran amor per i tieres. Per ëi sentìvela na gran cumpascion y l mel che la persones ti fajova la scandalisova. Ma nia ne jiva per ëila sëura i crëps y la montes. Y coche on audì da si nepot pra la mëssa de si supeltura dijòvela: „Sce l ne n’ie degun Mëisules te paravis, ne séi nia sce l paia la mueia a ruvé su!“

I meric de anda Frida

ladina perdù na gran persunalità y na gran funtana de mpulsc, de ideies y de savëi. Zënza ëila ne fossa l ladin al didancuei nia chël che l ie. Y povester fóssel monce a n livel mpue’ plu aut sce si lëur fossa unì cunscidrà mpue’ deplù nce dala istituzions linguistichcultureles. A uni moda fóssel da se mbincë che si publicazions deventëssa tl daunì na pert custituenta di programs de nseniamënt dl ladin tla scoles.

Cun Frida Piazza à la cultura

Ingrid Runggaldier

„Pitla ustoria dë maton Jolaciël“ (pl. 49-80) y tl 1991 l liber „La udèra da la Duleda“ cun n poem epich.

de lauré ora n gherdëina aut te si opres letereres, nes scincan a pèr nce leteratura de livel aut.

La prosa

La paroles de anda Frida

La prosa leterera de majera mpurtanza de Frida Piazza ie zënzauter l romann storich „L Nost. Ustoria de na vita“ publicà tl 1988 da pert dl professëur Walter Belardi cun na traduzion taliana y „Ustories De vivudes, de cuédes ora, sun bandafurnel madurides“ curedes dala dutora Ingrid Runggaldier Moroder y unides ora tl 2006 tla cësa editëura Raetia de Bulsan. L ie nteressant che iusta tl medemo ann 1988 vëniel nce publicà l prim romann per badiot „Sonn de ćampanes“ de Angel Morlang de San Martin de Tor. Tl romann „L Nost“ vëniel cuntà tres la storia de vita dl paster Nost la storia de plu generazions te na valeda da mont dal 1850 nchin su a ntëur l 1950. Cun la mort dl Nost, che ie nce la merca dla fin de n tëmp passà per for, fina nce l romann.

Stlujon ju cun la paroles che Frida Piazza me ova dit te na ntervista n ucajion dla prejentazion de si liber Ustories d’autonn dl 2006: „Ie é for abù la portes daviertes da pudëi mparé. No per messëi mparé, ma per la ueia de mparé éi fat chësc. A mi me fajova mel pensé che pudessan ruvé al pont de lascé tumé chësc gherdëina. Nëus pudessan mëter su n ladin che jissa ite feter al’autënza dl’autra rujenedes neolatines. Ne fossa pa chël nia zeche de grandiëus? Ma ne fajëssa pa chël nia cialé ca l’Europa? Mpede che n va dijon a se tré via l tëmp cun totlaries datrai tan de grandes. L’Europa sautëssa de viers de ch’sta Dolomites y cialëssa mé ca ce mosćio che leva su iló? Ma chël fossa pu na richëza tan tremenda che, mutons de Die, prëibel no lascëde tumé!“ Una dla plu bela poejia che la leteratura ladina à da mustré su: La vën, n iëde, la spartida!

La scritëura Frida Piazza N pensier de Rut Bernardi Frida Piazza/3 - N juebia ai 3 de nuvëmber dl 2011 da mesa la 8 daduman, sona l telefonn: „Ncuei de nuet ie morta Frida“. Ingrid Runggaldier Moroder, che à ani alalongia curà scric de Frida Piazza, me à cherdà su. Tres mi lëur scientifich n con’ dla leteratura ladina che feje iusta per la Università liedia de Bulsan me nfidi a dì che cun Frida Piazza ons perdù la scritëura ladina che à danter i autores ladins dla Dolomites scrit la majera produzion leterera y de livel plu aut.

Frida Piazza y si produzion leterera Dl lëur cun y per la rujeneda dl’oma de Frida Piazza iel dantaldut da auzé ora la produzion leterera.

La publicazions de Frida Piazza va da opres letereres urigineles (lirica y prosa), traduzions de leteratura mundiela, studies divulgatifs n con’ de tematiches desferëntes coche dl’eves, dla marueies dla natura, dla sajons dl’ann, dla lijëndes y fabules, de ntraunides storiches y n. i., libri per mutons coche taialonges y ferssli, y nrescides linguistiches.

L prim liber de traduzions àla dat ora tl 1968 deberieda cun Ujep Demetz. L fova la Stories de Anton Cechov. Tosc do, tl 1972, àla ciancià stories de autores tlassics talians tl liber „Filza dë Curëc“ y tl 1999 iel unì ora l liber „Menizles“. Tradujedes de poejies curtes o pertes de poejies de mpue’ duc i stii y tëmps de poejies de 149 autores mundiei.

Piazza y Max Tosi

La poejies urigineles

N possa zënzauter se resië a dì che l scritëur Max Tosi à abù na gran nfluenza sun l scrì leterer de Frida Piazza. Bele scialdi da jëuna ti cialòvela tres y cumedova n con’ de rujeneda si poejies y stories. Tres chësc cuntat cun Tosi se àla for deplù nce dat ju cun traduzions tl gherdëina y scrit poejies urigineles.

La poejies urigineles de Frida Piazza ne ie nchina ncuei mo nia unides publichedes dutes te un n liber. Truepa poejies ie da abiné tla Usc di Ladins dal 1978 nchin al 1986, ma la majera pert de si poejies àla publicà tla zaita „L Brunsin“ dal 1982 al 1993. Tl liber „Pitla ustoria dla eves“ dl 1977 ons la poejia longia

La Ustories N con de fortl leterer iel da auzé ora la 32 Ustories. Te chësta ustories lunel ora l gran talënt y l gran cher dl’autora. Ntraunides che ëila à vivù y fat tres te si vita iela stata bona de auzé a livel leterer, chël uel dì de fé dainora stories nventedes, fajan deventé la tematiches de valor universel. Anda Frida scrijova dantaldut prosa: „Per adurvé o fermé o fissé na terminologia de ciamps desferënc dla vita, chël uel dì de medejina, de religion, de filosofia, de tieres, de duc i ciamps dla vita“ (Ingrid Runggaldier tla trasmiscion tl radio Cuartet leterer ai 26.9.2007). L ie na gran fertuna per la leteratura ladina che tres l fin de ulëi stravardé l gherdëina ie anda Frida stata bona

Tla vita, sc’ lascià t’à-la eurmei tla jeleda, chi ie pa ch’ ne ulëssa no almanco s’ semië ch’l abrac trapassënt, tla brujënt’ dejidreda ch’ la vëines pudëssa de ciaut se ciarië? ... ch’l abrac, danz, che n vita ne dones assé, nsci che l pudëss’ do l cumià mo t’ sciaudé! (Poejia de Frida Piazza dl 1983, tëuta ora de: Walter Belardi: Antologia della lirica ladina dolomitica. Roma, Bonacci Editore, 1985, pl. 142.)

Ntan la mëssa de supeltura te dlieja de San Durich a Urtijëi.

10

www.lauscdiladins.com


Atualité

nr. 44 / 11 de november 2011

Mi lava Frida Piazza/4 - Tu foves la sëula lava che é pudù cunëscer, davia che l’autra fova bele morta 22 ani dan

che fove nasciù. Da una na pert foves na lava coche duta l’autres, cialan de si nepoc canche i fova pitli,

Anda Frida Piazza *31.01.1922 +03.11.2011.

dunan da Nadel scapins fac nstësc o dajan velch de dëuc canche n univa a te crì. Dal’autra pert foves na lava speziela, da mé ora scialdi moderna. Nia mé per l fat de vester davierta a mparé a manejé l computer cun 69 ani, ma nce per ti pont de ududa dl mond. Ne é mei abù l sentimënt che te ne me ësses nia capì y da ti bocia ne unìvel mei ora la solita paroles da stufé: “Ma chisc jëuni d’al didancuei…”. L me à for sapù bel a pudëi te cunté de mi jites tla montes, ajache ti scuté su fova scialdi ntensif, l semiova che te l vivoves pea cun mé. Nce sce ti giames ne teniva nia plu a jì plu lonc, ne ëssi nia audì da té che l te muiëssa de ne vester plu bona. Te me dajoves la senzazion che mi jì da mont su fajëssi per té. Nsci me cunsentives de cuer la legrëzes che é pudù avëi y te me mbincioves che posse tosc inò ji a crëp. Y dan nes saludé ne univa nia ora la paroles da lava: “Ma metëde pa a verda!”, ma te me drucoves mo na ciuculata tla man “da maië sun piza.” N lecort de ti nepot Jan Luca

Recort de anda Frida Frida Piazza/5 - Canche ja i egn jive ca e la per chi jouves a rejonèr de scric, de scriver e del scriver per ladin, i amisc de Gherdena m’èa menà n’outa su da anda Frida, te chela cèsa sun or de bosch olache giac, libres, èrt e pèrt no é mai mencé. L’era aló, te chela crigna de recorc, de sfoes, de libres e de chiet che anda Frida roncèa te ogne sort de leam anter lengaz, tradizion, enrescides, studies, èrt fegurativa e letrèra, pascion e amor per dut chel che sia tera ge dajea e ge sporjea. Te sie lènch viac letrèr l’à tocà duta la emozions del viver, cheles che scioscedea via la natura, i vic e i ac de la èmenes, l passà tegnù sù te na massarìa da zacan, la saor del pan e del fen che te ogne sajon la sentìa e la vedea apede ju, daìte, te ogne rezess de sie temp. E sie temp materièl ades é ruà

junfon. Ades, ence ela l’é spirit, èmena librèda, lapisc amò maraveà e maraveous, recòrt de òr per chi che l’à cognosciuda, leta, stimèda e vivuda. Ades l gran Albiergh l’à orì l’usc maester per ge dèr lèrga a na Gran Maestra de lengaz, de ladin, de vita passèda a secodir la spenta e la gaissa de n fon viac cultural fat a na vida coerenta e sinziera, fona e lujenta, inlouta, zacan, angern, doman, per semper. L’ùltima outa s’aon scrit cruzié per l’èga che mencia e che vegn petà demez. Aon rejonà de ruves e de fontènes, de chela bona èga de crep dolomit che saeane e che dò troes béleche valives aeane emparà a respetèr, a contèr e a ciantèr. Da mie cher rès de chel che anda Frida à sapù fèr, scriver, contèr, dir e me dir, indèna, no me vegn da arjonjer auter che n fon Detelpai, n Degrà de cuer, n saer che chel troi

che la ne à moscià e dat no l sarà arbandonà, l no vegnarà mai veie, no l’arà mai fin. Pena dì Ciutave fora per fenestra A veder se Saslènch l grignèa. Da sera Recordèe mie vèresc Sliscian la schena de n giat zipià te l’or. Ades, chel che é scrit e dat L’é te chela mans che pel ge fèr n’aicia A dut chel che resta, che é e che sarà. Recordame tel mever de na foa, Tel sgol de n cator, Te n rai de soreie Che se ferma n moment, N blich amò… Dant che sin arloèr Zenza vardèr o se utèr endò.

jveia per se mustré!” Nsci scrij Frida Piazza te n articul tl Calënder de Gherdëina dl 2002, lascià tla ortografia dl’autora.

Frida Piazza cun Maria da Martin, 1998, sun Ciaulonch.

Uedli y oredles daverc sun la sozieté ladina d’aldidancuei Doi ciacole con Germano Dorigo su per sua pascion per le èf e fè miel

Germano, da cotánt elo che che t’as scomencé a tignì le èf? Zirca davánt diesc agn, ncin per cajo e ncin per curiosité. È n colega de laour che le ten. Son ju con dël doi o trei oute, l m’à scinché l prum vascel e coscita son pie via. Elo ste saurì o difizile se nvié via? Ma, la èf l’é na “massaria” chera da traté. No se sa mei se se fèsc polito o mel. Ma ncin al viade m’è fat l’esperienza e son rue a avei fin a diesc fasciei. Po l é tres l problema de le malore che ciapa chisc animei e spo te mosse fe cont che te pos ence calé de n terz a la fin del inviern. Chëla per le èf, elo na p a s c ion ul ahce b a st a l’esperienza o se mosselo ence studié per la porté nnavánt? No no, toca se tignì agiornei, souradut per chël che auda ro i tratamenc de le malore, come la varoa, che l’é chëla che fesc plu dagn. No l è auter che de pichi aragn che ndebolësc le èf. Oche dijëve no l é saurì capì coche l é plu dërt fe.

Stefen Dell’Antonio Monech

La natura fova si gran legrëza ”Gialines sarà bën blòtes, ma biei ie pa i gëi! Pernan scasseda ora dla ndulida la ansciuda, spënsc y flëur i gëi: pitl ciof uml che se piërd danter dut l auter che crësc: i ne

Dancà y da na pert

I truep articuli y publicazions de plantes, tieres y lec da mont desmostra si gran legrëza per la natura. Ëila dëssa marati avëi dit che, sce sun paravis ne n’iel deguna montes cun si biei lec, pona ne se mpàiel nia a se ncunferté. Publicazions de anda Frida che à da n fé cun la natura ie danter l auter: Pitla ustoria dla Eves, La cater sajons, La udera de Duleda, La marueies de nosc albierch. Per ëila fova uni argumënt na bona ucajion de mustré che dut se lascia dì y scrì per gherdëina. Per se goder la natura jìvela sambën suvënz da mont su, sibe cun si uem bera Luis da Cudan che ti judova a fé la fotografies, che cun la cumpanies.

Ci laour dale le èf nte nen ann? Pion via da l’aisciuda, cánche toca cialé che i abe passé fora polito l inviern. Po vol i é de da mangé perciéche la regina la mëte ju coada e le èf le vegne bone da fe miel. Mpruma de sta stagion, che chilò da nos la va da jugn a lugiio, vol cialé che le no te semëne. Nlouta ogni tánt vol cialé ite ntei vasciei e cajomei i “renforzé” con chi che à plu èf. Davò avei fat la miel, toca trè ju i milelari e fè i tratamenc contra la varoa. Aldidancuoi l é troc tratamenc. Ogni ann n ven fora n nuof ma no se capiscpa polito chèl che siebe l meio. Elo difizile fe la miel? No no, chël l é l mánco. Mpruma te tire ju i melari per i é to via la cëra. Fat chël l é la centrifuga. Po te la cole e te la

mëte nten cop de acèl inox, ulache la resta per n meis a na moda che vegne persoura dute le impurité e po la miel l’é pronta da mangé. Da ci dipendela la bonté de la miel? Demè da la èf o elo n “truco” per la fè vignì plu bona? No no, dut dipende da le èf, dai ciof che le va a mangé e dal temp. Cotánta de miel festo, de media, al ann?. Se n vascel l é tignù polito e la stagion la va via polito l po fe ence 40 chili de miel. Elo plu sort de miel? Cassù da nos l é difizile fe plu sort de miel. Mi d’aisciuda, via per mei, port i vasciei a Sedico, dinongia Belum, cánche florësc l’acacia. Le èf le va dute sun chël ciof e te ven la miel de acacia. Po tourne a le porté su da nos ulche te fèje la “mileciòf ”, perciéche la èf la va su deplù sort de ciof e come dit, da la bonté de chisc po l’é liada la cualité de la miel. Per ejemple dei agn ven fora la “melata” che no l é n ciof ma n acaro che crësc su per i pëc, che sa da douc. Le èf le va al mangé e l’é la meio miel, chëla che ven cherida l plu. Cotánte de becade t’asto ciapé? Aaah, mi sompa ben un che a ncin poura, spo non ciape trope. Ma 20 o 30 al ann te mosse fe cont de le ciapé. Ci asto mparé da chësta pascion? Da le èf è mparé na regola che vel ence nte la vita. È vedù che se nten vascel no l é n bon ecuilibrio, che vol di che a da ester l dërt numer de èf che fesc na sort de laour, per ejemple l dërt numer de fuchi, che l é l mascio de la èf, l vascel l proudusc e l va polito. Se chëst ecuilibrio no l é l vascel l va malamente. E coscita l é ence nte la vita.

Karlheinz Mureda www.lauscdiladins.com

11


Atualité

nr. 44 / 11 de november 2011

„Na gran mueia“ Ai 3 de nuvëmber 2011 ie morta Frida Piazza, una dla pionieres dla nrescida dla rujeneda ladina y na scritëura fina y inuvativa. L assessëur ladin Florian Mussner lecorda anda Frida y manda si cunduel a chëi de familia Frieda Piazza/6 - L ie for n gran desplajëi canche na persona se n va dala vita. Ma canche l se trata de zachei che à fat truep per l bën de na cumenanza ie la mueia per duc mo majera. Frida Piazza à dedicà truep ani de si vita ala rujeneda, ala leteratura y ala cultura ladina. Ëila ie stata danter la primes te Gherdëina che ova scumencià do la Segonda Viera a se dé ju cun la rujeneda ladina. Chësta ne fova te chëi ani nia te de bona cundizions: si prestisc

fova bas, puec semiova se nteressé de ëila, l ladin ne univa nia nsenià tla scoles, tan che deguni ne mparova a scrì y a tò ca la regules dl ladin deplù: l ne fova nianca mo degun manuai de regules a chëi che n ëssa pudù se tenì. Te chësta cundizions à Frida Piazza metù man si lëur de nrescida linguistica, de scritura, de traduzion. Tres tuedes sfadiëuses che à durà ani à ëila salvà dal arbandonn de vedla paroles che fova bele tan che desmincedes. Chiran,

crian y adatan paroles nueves tl ladin per n’adurvanza plu moderna tla vita da uni di àla arichì l gherdëina y slargià si pusciblteies d’esprescion.

N inuem sëura la valedes ora Ma la nrescida linguistica ne n’ie nia l sëul merit de Frida Piazza. Ëila se à nce mpenià coche scritëura, se fajan de chësc viers n inuem sëura la valedes ladines ora. Dlongia na

lingia de poejies y stories, ma nce scric de sagistica publichei tla Usc di Ladins y tl Calënder de Gherdëina, àla dat ora ntëur n vint libri. Danter chësta publicazions tòl si romann „L Nost“ (1988) - coche prim romann ladin - dessegur ite na luegia de mpurtanza particulera. Oradechël reprejentea nce si traduzions n cuntribut de gran valor per la produzion leterera ladina. Cun chëstes à l’autora defati giaurì l ladin ai mpulsc y ala nfluenzes dla

leteratura mundiela, ma nce mustrà su pusciblteies nueves d’esprescion y d’adurvanza dl lessich. Zënza Frida Piazza ne fossa l ladin de Gherdëina al didancuei nia chël che l ie: na rujeneda adateda per uni raion y situazion dla vita da uni di: per la vita privata, la scola, l’aministrazion, l ciamp giuridich, la scienzes y la tecnica, la leteratura y l’ert. Dievelpaie, anda Frida! Florian Mussner, assessëur ladin

Anda Frida y l gherdëina Frida Piazza/7 - Dijan la urità, univa anda Frida Piazza for n mumënt schiveda canche la se tratova de rujené de rujeneda. N mumënt per si carater sterch, per l’artenienza tl stude dl gherdëina, povester nce per nosta niacumpetënza, per l pricul che l fova for da de teles che n unisse a se n dì o monce a strité cun anda Frida, che é dal’autra pert abù la fertuna de cunëscer coche persona dalaibon y saurida. Dovia iel na storia persunela, ma nce de cumenanza. Dla cumenanza ladina de Gherdëina y dantaldut dl idiom de Gherdëina, ma pona nce de duc i idioms ladins dla Dolomites. I media, la scola y la istituzions à for cialà de ti dé almanco mpue’ de

12

www.lauscdiladins.com

lerch ala y de avëi si fundamënta sun la rujeneda ladina. Che l manejamënt possa ti giaurì la portes nce a vel’ fal, chël ie tler. Nscila iel nce for stat truepa cosses che Frida Piazza ne ulova nia y ne fova nia bona de dlutì. Paroles nueves che ne jiva nia bën, elemënc fonetics, morfologics, ortografics, manieres de dì. Sibe tl gherdëina che ti autri idioms ladins. Cunescian miec anda Frida éi nce pudù ti dé na udleda a si scric, a si regules, a si craunies. Truep de chël che ëila à dit à na si rejon. Per ejëmpl l unus – inde, o fajan n ejëmpl, „ciantun pa? – cianten mo una“, ulache la norma ortografica tl idiom de Gherdëina ie for mé la forma cun -en. O l “sot” y “sota”,

ulache l ne vën nia desferenzià danter preposizion y agetif. O l „nen y l n“, l partitif cun negazion. Chësc mé coche trëi ejëmpli, per dì che ulache anda Frida à abù rejon, àla abù rejon! Chësc me éi for dit, y on propi na fertuna a avëi abù zachei che se à dat ju cun tan na gran artenienza, cun tan n gran mpëni, documentan y fajan prupostes. Nia defin a una ne pudovi vester cun vel’ critica datrai massa pesocia contra un o l auter. Da dì iel che nce la critiches che Frida Piazza ova vel’ iede contra la istituzions, nce datrai contra la Union di Ladins de Gherdëina che ne dëssa nia la avëi sustenida sun mesura, ne ova nia for si fundamënta, ajache i cuntac cun i

professëures universiteres de rujeneda ie propi unic a s’l dé tres y per merit dla Union di Ladins de Gherdëina. Ma la va de vester olimpics, plu che la critica a persones y istituzions che anda Frida ne n’à nia sparanià de fé, uei me tenì te mi cufer culturel chëla bona prupostes de anda Frida per se fé n pensier n con’ de una o dl’autra forma y n generel de n manjamënt dl ladin che tënie cont de chiche l sënt tan sie y che à mo urëdla. Chësc sentimënt y chësta urëdla se n sarà da ruf ora te puec ani. Ora che sce n uel se tò a cuer l mpëni de anda Frida, de cialé de mantenì, ch’sc nosc gherdëina! David Lardschneider

Frida Piazza.


Atualité

nr. 44 / 11 de november 2011

A scola politica per fèr crescer la comunanza Gino Comelli Ofizièl al Merit de la Va inant con suzess l terz cors de scola politica de l’Union Autonomista Ladina per endrez de Teresa Lorenz

Ilaria Vescovi à rejonà de esser inovatives te ogne ciamp e no se serèr te noscia realtèdes.

Politica - Tel chèder de la scomenzadives de la UAL, i corsc de Scola politica l’é de segur chela che ge stèsc più a cher a la neva secretèra Teresa Lorenz. Te sala grana de l’Istitut ladin a Sèn Jan n bon grop de persones à podù se emprevaler debant ence chest an de la ocajion sporta dal moviment politich ladin, che se à avert con l tem “L’idea originèra de la politica” portà dant dal prof. Diego Quaglioni, che se à fat neto marevea del numer e del livel de atenzion di entervegnui.

L ruol di partic te la democrazìa pluralista L a dinamiche s de la raprejentatività te n sistem democratich desche chel de nosc Stat, si problemes e sia degenerazions e l segnificat e l ruol de n picol partit teritorial l’é stat

i argomenc de la seconda scontrèda coi relatores Roberto Toniatti e Bepe Detomas. Toniatti à rejonà di mecanismes de na democrazìa raprejentativa, del sistem maoritèr e del bipolarism, e de la finalità di partic, che l’é anter l’auter chela de formèr l consens e endrezèr la competizion litèla. Te chest chèder – l’à dit – a n partit desche la UAL te Fascia ge pervegn ence per ejempie de didèr a formèr na coscienza politica de val. Ampò anchecondì l ruol de raprejentanza politica di partic l’é semper più se spes comprometù, e donca chisc i à da fèr soraldut a se legitimèr. Sun chest l’é jit ite ence Detomas, che l’à dit che la crisa di partic vegn apontin dal fat che no i é stac bogn de se dèr n element unificator e na dreta idea per la formazion de la clas dirigenta. L’é nasciù coscita i partic “ad personam”, che no i porta inant na continuità de idees e programes e che i à problemes de rotazion de la leadership: te chisc l leader cogn esser demò un che pel “ben fegurèr” a la televijion. N’outa l leader l’era chel bon de fèr sintesi e de fèr doventèr scempies costions complichèdes. La politica l’é na roba n muie “complessa”, ma anchecondì duc peissa de poder la fèr per televijion o... al bar, ma zenza se tor sù la responsabilità. Per jir de contra a chest ge vel na informazion e na formazion dreta e ledia , che schive dal condizionament de la coscienzes, ajache selezionèr na bona clas dirigenta vel dir se arsegurèr n mior davegnir. (lg)

Esser competitives tel mond Te la terza scontrèda l’é ruà la dotora Ilaria Vescovi che à portà na ventèda de aria internazionèla te noscia val. Contitolèra del Grop Tecnoclima che fèsc fornimenc

per l sciaudament e condizionament de l’aria, campionessa talièna e maestra de schi, Ilaria Vescovi, clas 1962, la é trop cognosciuda per esser stata presidenta de Confindustria del Trentin. Te Fascia l’à sotrissà che chel che sion dò a viver no l’é “l temp de chi che speta, ma l temp de l’ejempie”. Partida dal proverbie che ge pièsc de più “la parola suona e il buon esempio tuona” l’imprenditora da Rorei l’à palesà che no se cogn spetèr che sie i etres a fèr mudèr la robes, ma ge vel esser empegné en pruma persona percheche “chel valgugn sion nos” e che te n mond globalisà desche chel da ades no se pel se serèr ite. L Trentin, “teritorie a 5 steiles”, dò la Cordanza de Milan, che ge à dat béleche l 100% de autonomìa su la gestion de sia ressorses, l cogn ades esser bon de saer se valorisèr e esser più competitif. Te duta sia vita e sia cariera l’à lurà te l’otica de l’inovazion che, l’à dit “la pel esser durèda te ogne setor ajache l’é la capazità de esser semper n vèrech inant dai etres”. Ai joegn la ge à racomanà de esser piens de voa e competitives e la ge à dit che anchecondì l’é de obligh emparèr i lengac, col consei che n sie amàncol un european e un di paìjes “emergenc” desche Russia o Cina “e no i die che l’é senester: se ge la é fata gé acà dotrei egn a emparèr l cineisc, i pel l fèr ence i più joegn”. A la fin de sie referat n muie l’é stat i intervenc e la domanes che à soscedà discuscions e reflescions ence sun noscia realtà. Ensema a Ilaria Vescovi a Sèn Jan l’era ence Alberto Taddei, vizepresident de Confindustria del Trentin, e per Fascia anter vèlch inom cognosciù desche Bepe Detomas, Mirella Florian e Cristina Donei, l’era ence i raprejentanc del mond de confindustria Giovanni Delladio e Giorgio Mazzel. (vr)

Republica L recognosciment de valuta ge é stat consegnà al capo del Socors da mont de l’Auta Fascia chisc dis passé a Trent Trent - Per Fascia e per dut l mond del volontariat l’é stat na gran sodesfazion enstadì veder l capo del Socors da mont de la Val de Sora, Gino Comelli, ciapèr l’onorifizenza de Ofizièl al Merit del president de la Republica. En vender ai 4 de november aló dal palaz del Comissariat del Goern a Trent, a la prejenza ence del president de la Provinzia Lorenzo Dellai e de l’ombolt da Cianacei Mariano Cloch, l’é stat la zerimonia de consegna di recognoscimenc al merit da man del Prefet de Trent Francesco Squarcina per Gino Comelli e etres 16 trentins, anter chisc l president de la Cooperazion Diego Schelfi, l vizepresident del consei regionèl Marco Depaoli, l president de la Fondazion Pezcoller Giuseppe Gios Bernardi, che i é stac nominé “ofizièi” e don Vittorio Cristelli, che l’é stat nominà “cavalier”. Gino Comelli, clas 1954, l’à reijes furlènes ma da egn l vif ta Dèlba, olache l se à maridà con Rosalba Dantone e l’à abù doi fies, Angelica e Tommaso. Gino l’à dedicà sia vita ai crepes e al socors da mont. Jà volontadif dai egn Otanta tel Socors da mont nazionèl, dal 1990 l’é a cef de la

stazion Auta Val de Fascia, che dombra passa 1.500 operazions de socors portèdes a compiment e che del 2010 l’à ciapà la Targa de Arjent, n emportant pest internazionèl de solidarietà alpina. L’é president de Aiut Alpin Dolomites, l’é diretor de la scola de alpinism de l’Auta Val de Fascia e conseier tel Colege di Menacrepes del Trentin. “Fèsc semper piajer canche vegn recognosciù l lurier che se fèsc” – l’à dit Gino Comelli, che anter l’auter l’era jà stat nominà cavalier del 1995. L’Orden al Merit de la Republica Talièna l’é stat metù sù con la Lege nr 178 di 3 de mèrz del 1951. L’é l più emportant anter i Ordegn nazionèi e l recognosc i meric tel ciamp de la letradura, la èrts, l’economìa e te l’indipendenza de encèries publiches e de ativitèdes portèdes inant con obietives sozièi, filantropics e umanitères, amò apede servijes lonc e segnalé te la carieres ziviles e militères. L president de la Republica l’é l Capo de l’Orden, che l’é ret da n Consei componù da n Canzelist e 16 comembres. La comunanza de Fascia la é stolza de sie sentadin che ge à dedicà sia vita ai crepes e al socors da mont e la ge sporc de cher de bie complimenc.

Comelli anter l Prefet Squarcina, l’ombolt Cloch e l president Dellai.

L Liet International Festival a Udin L’emportant event de musega de la mendranzes vegn metù a jir per la pruma outa te la Tèlia

L publich te la sala grana de l’Istitut cultural Ladin a Sèn Jan.

De gra a l’ARLeF, la Agenzia Regionèla per l Lengaz Furlan e al Comun de Udin, la zità furlèna per na setemèna, dai 17 ai 26 de november del 2011 doventarà l cher de la mendranzes linguistiches d’Europa. L’event de ponta de la setemèna sarà l Liet International Festival, per la pruma outa te la Tèlia, en program a Udin en sabeda ai 19 de november tel teater Giovanni da Udine. L Liet International Festival, che l’é stat pissà da la mendranza frisona (Paìjes Basc) e l vegn metù a jir vigni an a roda te n lech desferent, l sostegn la musega ti desvalives lengac de mendranza de l’Europa e l premia sorts de musega dalonc da logiches comerzièles o demò folcloristiches.

Chest an en ocajion de la finèla – a chela che tolarà pèrt ence l grop badiot “Contralüm” col toch “La Moncignosa” – l’é stat endrezà na lingia de evenc leé a la musega che pearà via jà en jebia ai 17 con n conzert de cianties de mendranza a Gorizia. En vender ai 18 da les 6 da sera te la sala stampa del teatrer de Udin sarà la prejentazion del liber de Marco Stolfo “La me lenghe e sune il rock” e da Sera n auter conzert a Cividat. L’é na oportunità preziousa per cognoscer e descorir la propostes artistiches neves a livel european e na ocajion de baratèr esperienzes e renforzèr la rei de contac anter la mendranzes europeènes, ge dajan visibilità a realtèdes che per sòlit resta fora dai gregn ambic de la comunicazion. www.lauscdiladins.com

13


Fodom

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 44 / 11 de november 2011

Deméz “Unico Studenti”: ence l Comun protesta La jonta l’à aprové n ordine del di de protsta contra la dejizion de la Provinzia de taié l abonament “Unico Studenti” La dezijion de la oramei ex aministrazion provinzial Bottacin de to via l abonament clamé “Unico Studenti” l’à fat se levé su n polveron de proteste. L provediment l eva ste metù su da la passada aministrazion Reolon e l pervedëva de fè paié a duc i studenc de la Provinzia na cuota de abonament a la coriera ( 231 euro )compagna da ulachemei che i perte per ji a scola. N aiut che, senoauter, no penalizëva ncora nviade chi che sta plu dalonc da

Belum, Feltre, Ègort, Pieve de Ciadoure o Cortina, ulàche l é le scole aute de la provinzia. Ma per fè tourné i conc del bilánz provinzial, ulche mpèr che mánce 8 milioni de euro, l ex prescident leghist e sua jonta i à dezedù de taié proprio nten setor bele coscita zite come chël del dërt a studié e ncora deplù per n teritorio coscita difizile e disagé come chël de la provinzia de Belum. La protesta l’é stada trasversal, coche se disc, e nte chëste setemane ncin

duc s’à muovëst, dal Bim ai singoi comuns, per cialé de tre fora contribuc che vade a curì, almánco n pert, le maiou speise che l provediment a fat tomè su le spale de le fameie. Per chi che mossa ji a Belum o Ègort, per fe n ejemple, se se conscidereia che l bilieto se l paia n proporzion ai chilometri che se fèsc co l mezo publico, l cost per i nuof meisc de scola l é deventè plu che l dople. N colp no da puoch per chi che n plu de n fiol che va a le

scole aute. L Comun da Fodom no l à pervedù forme de aiut per vignì adincontra a le fameie, ence perciéche, disc i aministradous, bele da temp l Comun l da de suo n contribut anual de sot viers. L ordine del di voté da la jonta, l va ju dur contra la dezijion de la Provinzia. A scomencé dal fat che chëst provediment l é ste tout puc dis davánt che scomence le scole. “Na dezijion strategica” se scrif ntel document,” perciéche degugn abe

l temp per protesté.” L ordine del di l va nnavánt po co nen valgune consciderazion sui efec che avarà n tel provediment, la schersa o deguna atenzion ai problemi de chëst teritorio da pert de l’aministrazion provinzial sul fat che massa da spëss la jent da mont, davánt a le ngiustizie e ai dërc che i é ven niei, la se tira ite mpò le manie e la va nnavánt senza brontolé plu chentánt. Na situazion che, però, podëssa rué al lime de la pazienza.

Tourna la “Rassegna” ma senza l “Coro Agordo” L “Fondo Brancher” no l é la soluzion Mánciarà ence l Monte Pelsa de Cencenie ( che l é senza corisć ). Apuntament sabeda 12 de novembre ntel sèlf dei congresc de Reba

Nsomeia che a Roma i pense de avei saré ite con chësta la cuestion de referendum

Cori - Sarà l Coro de le Èle Col di Lana a mëte a jì la 36° edizion de la “Rassegna dei cori agordini” che se tignarà sabeda 12 de novembre, da le 20:45 ntel sèlf dei congresc de Rèba.La manifestazion, che da tradizion va a rodol ntei paisc dei cinch cori che la animeia, l’eva mpermò stada nta Fodom n l ann passé, organizada dal Coro Fodom. Sto ann l’assa bu da ester jun Ègort, metuda a jì dal “Coro Agordo”. Ma l grop che l eva ste un de chi che ava nvié via la manifestazion ntel 1975, fondé da Salvatore Santomaso ( rechia ) e ncuoi nsigné via da Roberta Conedera, via per l’isté l’à mané na lëtra ai autri cori ( Coro Fodom, Coro de le Ële Col di Lana, Coro Monte Pelsa e Coro Val Biois )per fè a savei che no l assa plu tout pèrt. Na dezijion che a ciapé ncin a desgiuda i autri cori che i s’à coscita tost biné per dezide ci fè. Duc cánc i à mpò pensé che chësta la resta très na bela ocajion de se nconté e cianté auna ntel senn de l’amicizia che dáida prò la mujica. Ence l publico, nte duc chisc agn, l’à très desmostré de aprezé la manifestazion co na gran partecipazion a ogni edizion. A ji ndavò mán, l’organizazion la fossa tocada spo al Coro Monte Pelsa de Cencenie, metù su ntel 1975 da Donato Manfroi. Nte chisc ultimi agn l grop l à tres deplà stenté a se tre ite nuos corisć. La situazion l’é deventada très peso, tánt che nte sti ultimi meisc l coro l à dezedù de lascé su fin cánche no i ruarà

L é passé 4 agn dal referendum per toruné sot a Bolsán e duc on sot i ogli che fin ades le istituzion no i à fat gnánca n vare de chël che pervedëssa la lege. Bele de chëst se podëssa avei trop da di. Perciéche se l zitadin no respata la lege, souradu co se trata de paié vèlch, l ven condané. Nveze le istituzion nsomeia che le pobe se “n freghé” de le legi che dële nstësse a metù su. E po se se fèsc de marevoia se la jent piert la crëta ntel Stato o nte dut chël che l raprejenta. L efet che s’à podù nveze vedei davò i referendum, l é ste chël de la nasciuda de nvalgugn finanziamenc, dal “Fondo Letta” fin al plu cugnisciù, senoauter per l’entité dei scioldi metus a dispojizion, ben 40 milioni de euro al ann, “Fondo Brancher”. Polito, podëssa di valgugn ( e i l’à dit de troc ), che vegne recugnisciù sciòldi mplù a chi comuns, souradut da mont, che confineia co le provinzie autonome e che mossa, souradut ntel turismo, ste a la pèr co le maiou poscibilité che a i “autonomi”. Chëst podëssa ji ben per chi comuns, come Lamon o Sovramonte o chi del Altopiano de Asiago, che i à fat i referendum ( e i l à ence dit ) demè per na cuestion economica. Mefo che a la fin dut l é passé sot a chësta vijion e coscita, ncota nviade, l é ju desmentié ( o meio s’à volù ndavò desmentié ), che i trei comuns ladins da Souramont l referendum i l à fat su baji storiche e de liam cultural co le valade ladine da cafora. A Roma e Venezia i é ju plu che ben che se

L Coro de le Ële Col di Lana l metarà a ji la rassegna dei cori agordins.

ndavà a avei n bon numer de corisć. Coscita la “bala” l’é tomada nte le mán del coro de le ële da Fodom, che ben gënn l s’à tout su chësta nciaria. Nel medemo temp l é ste pensé de to ite ence l Coro Monte Civetta de Alie, nsigné via da Siro de Biasio che l s’à dit tost auna de organizé ence dël per i agn che ven la manifestazion. Come da tradizion, a le ultime edizion vigniva nvié n coro ospite. Sto ann l é ste pensé de nvié l coro “I musici” del istitut Comprensif de Ègort. L grop l é nasciù ntel ann de scola 2004/2005 per vijiné i jovegn a la mujica e n stimolé le potenzialité co l cianté e l soné. Nte chisc agn i é stei cënt e cënt i tosac “passei” ntel coro sot a la direzion de Marina Nessenzia, che l à tout pert a trope

manifestazion e ence concorsc, ulàche l à otignù de bogn resultac. La “Rassegna dei cori agordini” l’é nasciuda cuaji per cajo ntel 1975, cánche l enlouta assessor de la Comunità Montana Agordina Franco Colleselli e nvalgugn componenc del Coro Agordo, i ava pensé de nvié via na sëra, per tre su scioldi da mané ai teremotei del Friul. L’idea l’ava plajù e coscita i 4 cori da nlouta ( l Coro de le Ële Col di Lana l é ste nvié per l prum viade ntel 1999 ) i ava pensé de la refè ogni ann a rodol. A l’organizazion de chëst 36° edizion dáida pro ence l Comun da Fodom, la Comunità Montana Agordina e la Raiffeisen de la Val Badia. La sëra la sarà prejentada da Gianpaolo Soratroi. ( sl )

La storia dei Ladins contada da Werner Pescosta Domënia ntel sèlf dei congresc la prejentajion del liber “Storia dei Ladini delle Dolomiti” Publicazions - L’Union dei Ladins l’à volù porté ence nta Fodom la prejentazion del liber de Werner Pescosta, de fora dal Istitut Cultural Ladin Micurà de Rü, “Storia dei Ladini delle Dolomiti” che l’é stada programada per domënia 13 de novembre, da le 3 davomesdì ntel self dei congresc de Reba. L liber l é ste bele prejentè d’isté via nte le autre val ladine, ulache daperdut l à bu n gran suzess e l é ste scialdi aprijé. Se trata de n laour lonch e minuzious ulache l autor l é ju a studié fora, da la preistoria nfin al

14

www.lauscdiladins.com

di da ncuoi, vigni cuestion de la vita de la popolazion Ladina de la Val Badia, Val Gherdëna, Val de Fascia, Fodom con Col e Ampëz, duc ex teritori de la contea del Tirol. Le 760 pagine con laprò 400 foto, 33 cherte storiche, documenc, grafizi e vignete le nconsent, a chi che liec, de capì ben polito chela che l’é stada la storia, la politiga, la jent, l’economia e la cultura de chisc teritori, e coche duc i avenimenc i abe porté a na medema identité ladina.L liber l é trop de valuta per dut chël che l é scrit ite, per come

che l é fat e per la sua grandëza, no demè de nformazion storiche che l à ite ma ence percieche l se lieia e l descor fora de trope autre materie spezifiche come la geologia, l’economia e auter. N apuntament spo ulache no po mancé chi che se nterescia de storia, ladina n particolar, ma ence per chi che vol n savei de plu su la storia del suo paisc o a chi che passa per le val ladine per l prum viade o che bele i le cugnësc ma che i vol mëte prò velch a chël che bele i sà de chëst teritorio. ( ls )

descore demè de na cuestion de scioldi, perciéche coscita l eva saurì ( a chelche moda ) la stopé via co l “Fondo Letta”, l “Fondo Brancher” e duc i suoi “fradiei”. E con chisc a Roma e Venezia, i pensa de avei saré ite la cuestion dei referendum. A Bolsán defati, i à dit oramei plu oute ( basta to come ejemple l finanziament per l cors de todësch a le scole fodome ), che da chilò nnavánt i scioldi che ruarà da cafora i passarà demé per l “Fondo Brancher”. “Fondo” che, a la taliana, l é bele doi agn tardif ntel de fora i scioldi e ncora no se sa co e come che i vignarà spartìs ntra comuns confinánc e comuns confinánc co i confinánc, perciéche duc a cialé de podei pro a sta cianel. Ma per i trei comuns ladins chëst no l’é la soluzion. Chëst no podarà mei porté a avei i medemi dërc come mendránza ladina, a fe svilupé nosta economia drio n model, che l’autonomia mpermët, plu damprò a le problematiche da mont e che a Venezia e Roma ( e gnánca a Belum ) i no capirà mei. Ma l’imprescion l’é ence che a valgugn i é ncegnëva che chisc trei comuns i abe n raport coscita “privilegé” con Bolsán e che spo i pobe ciapé scioldi senza che chisc i vegne “controlei” da Venezia, Roma o Belum. L é debujen de to ca ogni ocajion per desmostré e recordé che nost referendum l à ben autre reisc. Souradut no se mescedé ite con chël “provinzial”. Fossa la fin de nosta credibilité e chëla, almánco chëla, mosson se la tignì ben strenta. (sl)

Voton l “Atlet Ladin Junior” La scomenciadiva slargiada ence a Fodom, Col e Ampëz Coche duc avarà podù vedei, da la setemana passada su “La Usc” l é pié via ndavò l concors “Atlet L adin Junior ”. L a scomenciadiva sto ann l’é stada slaragiada a dute le val ladine del Sela. Per 4 setemane vignarà publiché, a mesa l folgio, le foto dei atlec ( de ogni sport ) nascius ntei agn dal 1991 al 1997, co i meio resultac otignus nte la passada stagion. Nte ogniuna de chëste edizion de La Usc, se podarà taié fora na zedola per voté fin a 4

atlec. Per Fodom le zedole le podarà ester portade ntel ufize de l’Union dei Ladins da Fodom, nte la Cesa de l cultura fodoma a La Plié, l lunesc e l mertesc da le 9 a le 12 e da le 14 a le 17, o a Lorenzo Soratroi, ja Retic. Na giuria de esperc giudicarà, auna a le ousc ciapade, l “Atlet Ladin Junior 2011”. La premiazion la vignarà fata l 26 de novembre a Ortijei. L envit spo a duc i sportifs e nia sportifs de la valada, de voté per l “Atlet Ladin Junior”.


nr. 44 / 11 de november 2011

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Una laurea in varnaza

Ra crosc su ra crodes

Se festa ‘l à da ese, che festa see

I jeste de ancuoi, ra devozion de agnere

I śoen de Anpezo, ai 6 de luio de ‘l 1950, canche i à betù ra crosc su in son de el Pomagagnon, su ra Costa del Bartoldo.

Su un numero pasà da poco de La Usc di Ladins, su ra pajines de Anpezo, aé lieto de ra crosc che i à betù su in son de el Pelmo, su ra zima de chera croda de ‘l Cadore, par recordà chi doi ome de el socorso da San Vido, morte ai 31 de agosto de ‘sto an. Chera crosc i r’à betuda noa, in memoria de chi doi śoen, a ‘l posto de una che ‘l ea ignante, che calchedun à petà śo, scaazà, bicià śo de sote. I dis pasade ‘l é ruà un’outra noa, su ra crojes in zima a ra crodes: su ‘l Serva, sora Belun, i à sià ‘na crosc de fer e i r’à biciada śo de sote. Vó ese ben da laoro, par fei un jesto coscita: beśen śì su co i atreze, par el fei, dorà fadia e tenpo. No n’é i jeste de ra famea, ‘na malagrazia de un borson, che el caputa là, par

cajo: ‘l é el pensier de un che moe da ciaśa con chera par ra testa. Se sà che calchedun no n’à acaro de ciatà chi feres, o chi les, incrojade, canche el và in croda. Calchedun el pensa che no see da in bete de noe e che see inveze da petà śo chi che ‘l é. Sovien che i anes pasade ‘l ea stà alcuante radeghe, anche in Anpezo, par via de ra crojes su ra nostra crodes, co ra Regoles: se parlaa de chera crosc che ‘l é su in son de ra Rozes, de chera su ra Costa del Bartoldo, o su outra zimes. De ‘l 2000 ‘l é stà un gran laoro, propio par ra crosc su ‘l Pomagagnon, su ra Costa del Bartoldo, par in bete una noa, a ‘l posto de chera vecia, betuda su zincuanta ane ignante, de ‘l 1950, par ‘l An Santo, canche in Anpezo

Anpezo

‘l ea pree don Giuseppe Richebuono, co ‘l “Pioan Vecio” monsignor Pietro Frenademez. Un grun de śente ra s’à ciatà, in Val Padeon, ‘pò de alcuante i é śude su in son de ra croda, i à betù su chel segn de devozion. Dapò i s’à ciatà dute śo, inze ra val, par dì mesa. Canche suzede chesta robes, chera de ‘l Pelmo, chera de el Serva, a Belun, trope i vó dì ra soa, se ciata letres su par ra gaśetes, se scota intervistes, dites fora par radio, par television. Se podarae el fei anche ca, su La Usc di Ladins: ‘l é un cianton par dute, par chi che i à acaro de vede chi segne, su ra crodes, e par ci che no vó in saé, par ci che me scrie algo par anpezan, par ci che vó me ‘l bete śò par talian, da ‘l voltà.

Cuanta otes se sentelo dì che i sarvije anpezane de ra nostra tradizion i é sarvije da festa? Ancuoi, masa de spes, se sente inveze dorà ra parola “costume” e s’à senpre el festide che calchedun capisce malamente. El costume somea pi algo da se bete da Carnaal, par śì in mascora, o el costume par el mar, par ciapà el soroio, o par śì in piscina, a nodà. Fosc ‘l é propio meo dì che se se vieste da festa, o da canpanoto, cemodo che dijea i vece. In Anpezo s’à el vestì da òn, che ‘l é negro o tajin, e ‘pò chel da femena, che el pó ese de cuatro sortes: a ra vecia, in magnes, in varnaza, o sedenò ra jaida. Dute sarvije da festa, da dorà par ‘na noza, ‘na portiscion inze jeja, co ra festes de ra relijon: ra Comunion, ra Cresima, o calche festa granda, el Corpus Domini, el Rosario. Anche ‘na laurea pó ese una festa granda, par un śoen, par ra so familia. Coscita r’à da aé pensà Valentina, che ra s’à laureà in matematica, a r’Università de Padova, e r’à ciapà un bel 101. E r’à vorù se vestì da festa, a r’anpezana. Fosc ‘l é ra prima ota,

inze ra storia, che calchedun el se laurea in varnaza. I à domandà a r’Union de i Ladis de Anpezo, se i aea un vestì da i dà d’inpresto, e r’Ulda r’à abù gran acaro de i lo dà. Era ancuoi ra no vive pi in Anpezo, ma r’é leada a ‘l nosc paes, ca r’é nasciuda, cà r’à alcuanta radijes, calchedun de ra so familia, ca ra vien a i ciatà, o mangare a lourà. E coscita r’à vorù fei festa, a r’anpezana. Chel di de ra proclamazion, a Padova, inze r’aula de r’università, calchedun s’à fato de mereea, a vede chesta bela tośata, outa, ciaei negre, vestida in varnaza, con el so bel palegren, el fazoreto, ra zoletes, el pontapeto e duto chel che ocore. Nuia tremui, parcé che r’à i ciaei masa curte, da i pontà. Par recis, i aea domandà a so mare ra perles, fates da i oreje d’Anpezo. Par se arghenà polito, ra i à domandà a ‘na femena anpezana, de ra dià. E ‘l é stà finamai calchedun, de chi śoen, de chi outre studentes, che i é śude da Valentina, par i dì che ra stajea polito, che r’ea propio una bela, con chel vestì. Ma era ra se sentia una bela de inze.

Ra laurea in varnaza, de Valentina, in matematica, a r’Università de Padova.

Canche ocore, se moe Chi de el socorso in croda i é senpre pronte, canche ‘l é biśoin de lore, anche su i inpiante. I ome de Anpezo e de San Vido aduna, su ra teleferica de Faloria Cemodo elo da fei, par dià ra śente che r’aese da restà su par un inpianto, ficià, mangare d’inverno,

par el jonfedo, el buiroto? Par saé polito cemodo fei, i ome de el socorso in croda de Anpezo, chi

Chi de ‘l Socorso i à da ese pareciade, par lourà in croda, ma anche su par i inpiante.

de el Cnsas zivil, chi de i Carabiniere, de ra Finanza, i se ciata par inparà, par vede ce che fesc chi outre, par proà algo de noo. I dis pasade i à fato ra proes su ra teleferica de Faloria, alolo sote Mandres. I à fermà ‘l inpianto, canche ra cabines ‘s ea una pede cher’outra, alolo sora el vilajo de Sonpiei, e i s’à molà śo, tacade a ra cordes. “Se ciaton in ciou de nafré, par chesta esercitazios – el me disc Mauro Dapoz, el capostazion de el socorso de Anpezo – parcé che nośoutre son ciamade a dià ‘na man, se un inpianto el se ficia, se suzede algo, parcé che ón ‘na convenzion, son d’acordo con deboto duta ra sozietas de inpiante de Anpezo. Ancuoi ón proà algo de noo, che no n’aon vedù ignante: ‘na zidela, par se moe pi svelte, par molà śo ra śente, ma anche par podé tirà su chi de el socorso, su ra cabines de i inpiante”. Cemodo fajeo, se a se ficià no

n’é un inpianto co ra careghes, a poche metre da tèra, ma se ‘l é una teleferica, co ra cabines che es pó ese a zentenera de metre, in outo? “Se aese da suzede algo su ‘na teleferica, se dorarae el carel, che se mola śo par el funazo de azal, da ra stazion de sora, fin a darśonśe ra cabines, par dapò tramudà ra śente. No n’é fazile, vó ese tenpo, se podarae bete anche alcuanta ores, par svoità ‘na cabina piena de parsones”. No se betaraelo de manco a dorà un elicotero? “A dorà un elicotero, śo par pede i funaze de azal de un inpianto, sarae un gran ris-cio. Meo śì pi pian, bete nafré depì, ma no core chesto pericol”. D’inverno inze ‘l gnee, co ra jaza, sote ra laines, d’istade su par ra crodes, par i troes, su ra via ferates: chi de el Socorso i no stà mai deban. Par fortuna, tropa otes i moe a vede de parsones che es

s’à pardù, che es no và pi adora a śì inaante, mangare che ‘s é straches e, inveze de se ranjà da so posta, cemodo che se fajea ‘na ota, es ciama alolo el 118. Outra otes, inveze, i à da moe dasen, mangare di note, co ‘l guergno, sote ra smaia, o co ‘l gnee, e i suzede de ciatà anche chera por śente che more. Se sà che ‘l é senpre da i tende, canche se moe, par un socorso. I lo sà polito chi śoen de el Cnsas de San Vido, anche lore su ‘l inpianto de Faloria, i dis pasade, par ra esercitazion, doi mesc dapò de aé pardù Alberto Bonafede e Aldo Giustina, su ‘l Pelmo, biciade śo da ‘na majera de sasc, ai 31 de agosto, canche i ea drio a dià doi todesche incrodade. Chi śoen i no n’é stade masa a pensà sora: i é beleche pronte, se fose da moe danoo. Parcé che i fesc coscì, canche calchedun à biśoin de lore. (mdm) www.lauscdiladins.com

15


Anpezo

nr. 44 / 11 de november 2011

Par dute i morte in guera

Fregores

Ra mesa su in Crepa, par onorà i melitare taliane. El pensier par dute chi outre soen, che i aea un’outra mondura. El recordo de i nostre tosate, morte indalonse da ciasa

Alcuanta noes in curto, da ‘l paes e da fora

“Chesta zerimonia r’à da soà par me fei pensà sora, par se recordà de chel che ‘l é suzedù ignante de nosoutre” – ‘l à dito Andrea Franceschi de Matia, el capocomun de Anpezo, domegna ai 6 de noenbre, su in Crepa, par ra sornada de ra forza armades e de dute i morte in guera. “Ra nostra jenerazion – ‘l à sontà Franceschi – ra no n’à mai abù da vive in guera, cemodo che ‘l é suzedù a ci che ‘l é vegnù ignante. Par chesto on da saé, da conosce, par capì cuanto fortunade che son stade. Ancuoi ‘l é da saé ce prezio che i à pagà, i nostre vece, ra so struscies, el mal che i à padì. Coscita podon vive meo ancuoi e podaron sì inaante meo, un doman”. Inze ‘l Osario che ‘l é su in Crepa, ogni an se se ciata, par chera che ‘na ota r’ea ra festa de i 4 de noenbre, par recordà che r’Italia r’à vento ra Prima guera. Ancuoi i à mudà gnon: no se fesc pi festa par ‘na vitoria, s’à capì che una guera el no ra venze negun, parcé che i perde dute, canche more una volmenera de ome, pi che see de soen, che i podarae ese ra forza par el doman, de un Paes. El pioan don Davide Fiocco, inze ra so predica, ‘l à recordà che dute à da fei algo, par el so Paes, e no se spetà che see senpre chi outre, a se moe. E besen aé rispeto par ra lejes, anche cheres che es no me comoda. In dute se fesc duto – dijea i nostre vece, e i aea rajon. Ogni an se se ciata, su in Crepa, par i rende onor a chi soen, deboto diesmile, pi che see taliane, che ‘l é inze. Rua ra autoritas, i Alpis, ra Banda, ra Schola cantorum, nafré de sente, con chera de preà, par dute chi por pize. I à vorù fei su chel osario de ‘l 1939, co ‘l Fascismo, par bete inze i osc de i morte che ‘l ea a Fiames, inze un gran porteà,

Ra comunità de Anpezo r’à curà, da ‘l colpo de ra morte de i doi spose Camillo Colle Moro e Graziella Tomaselli, el nasciù de ‘l 1937, era de ‘l 1948. A i copà ‘l é stà ‘na machina, dares 19 da dasera, de sabeda 5 de noenbre, a Longaron.

Ra zerimonia de ‘sto an, inze ‘l osario de i melitare, su in Crepa.

che ‘l aea gnon “Gli eroi del Cadore”, agno che i aea strutà su i melitare morte, che i aea ciatà in siro par ra crodes, alolo dapò de ra Prima guera. De porteàs coscita, pize, de guera, in ea nafré daparduto. Dapò i à fato su i sacrarie melitare, almanco un par ogni val, su ra Dolomites. Penson a chel de Salesei e a chel de el Pordoi, in Fodom. In Comelego in é un a Santo Stefano. De outre s’i vede pede el stradon, a San Candel, e alolo inze de Landro, par sì a Toblach. I pi grei, nafré pi indalonse, i é a Redipuglia, in Asiago, su ‘l Pasubio, su ‘l Grappa. Par vegnì a ra storia de Anpezo, besen recordà che i nostre soen, i nostre ome, i é morte con un’outra mondura. Trope de lore i é morte in siro par r’Europa, pi che see de ‘l Est, alcuante finamai i prime mesc, el prin an de guera, d’istade de ‘l 1914, ignante che ra guera ra scomenzase anche par r’Italia, che ruase i melitare taliane a se tuoi Anpezo, ai 29 de maso de ‘l 1915. dapò, ra nostra sente r’à abù da spetà deboto nonanta ane, par podé vede el gnon de i so vece, betù fora

su ‘na lasta de piera, tacada su par el porteà, daante a ra jeja de ra Madona de ra Difesa. Cuanta mares, femenes, fioi, i é cresciude, i é deentade vece, i é morte senza podé bete un fior sote el gnon de so fiol, de so òn, de so fardel, se so pare. Dute i paes e ra zitàs d’Italia i aea el so monumento, par i morte in guera, ma Anpezo no. Canche i aea vorù el fei, i aea ciatà i sode, ma i no n’à podù, parcé che el Governo ‘l ea talian e el no vorea che s’i rendese onor a chi por soen, morte co ra mondura de un outro Stato, sote ‘na bandiera de un outro color, co r’Austria. Ancuoi, par fortuna, se po sì a vede chi gnomes, i liese, ciatà fora el fardel de ‘l nono, el fardel de ra nona, morte in Galizia, su ‘l fronte, intrà i inpere de Austria e de Rusia, agno che ancuoi ‘l é ra Polonia. Ogni an ‘l é calchedun che rende onor a chi soen, che i bete ‘na corona de fiore. Parcé che fosc ‘l à dito iusto, chel che ‘l à dito che se mesura ‘na civiltà da ‘l rispeto che r’à par i morte. Ma par dute i morte.

Par menzonà Masimilian Un castel, una val, un inperator, par fei ra storia Ra zelebrazios ‘s é fenides, par recordà i zinchezento ane da canche Anpezo ‘l é pasà sote

r’Austria, da canche ‘l é ruà ca ‘l inperator Masimilian I de Asburgo. S’à dito, s’à vedù, s’à lieto de chel

che ‘l é stà fato. Ca, ades, beton i sentimente, chi de ‘na femena anpezana, chel che ra sente inze ‘l cuore. Alcuante verse, par recordà chel che ‘l à fato, par i so popole, chel inperator. Masimilian d’Austria inperator, da ‘l Castel de Botestagno Anpezo t’aràs vardà e un bel di te sos ruà un òn de cuore te sos stà ra usanzes, ra parlada te m’as lascià ra Val de Anpezo ra t’à onorà e ra no n’à pi desmenteà. Zinchezento ane ‘l é pasà e una piastra de bronśo i à poià co ‘l gnon de Masimilian inperator che in Anpezo ‘l é ruà ra nostra val ‘l à onorà e tanto un bel ricordo ‘l à lascià. Intrà i anpezane el sarà senpre menzonà.

Ai 21 de otobre de ‘l 2011, dapò de zinchezento ane, ‘l inperator Masimilian ‘l é tornà in Anpezo, su ‘l so caal.

16

www.lauscdiladins.com

Teśele Michielli Hirschstein

Portà despiajé

I ea drio a s’in tornà a ciaśa soa, i s’à fermà inze un local, par se toi algo, e i à copade, canche i ea drio a pasà el stradon, una machina i à ciapade sote. Inze ‘l paes ‘l é stà un gran dolor, par chesta doa parsones, coscita conosciudes, ma pi che see par cemodo che ‘s é mortes. Camillo el louraa da marangon, e ‘pò par ra sozietà Coperatia, e ‘l aea ciantà inze ‘l Coro Cortina, che ‘l ea stà un de chi che i ‘l aea betù aduna, de ‘l 1965. Graziella Tomaselli i ra conoscea dute par el so laoro de infermiera, inze ‘l ospedal Codivilla, agnó che r’ea da pi de cuaranta ane, ruada śoena, da ‘l Agordin. Trope i à vorù inbrazorà i doi fioi Loris e Valter, doi brae tośate, ben conosciude inze ‘l paes, anche par el so amor par ra musica, drio ra fates de so pare e de ra familia Colle Moro da Mortija.

Ra Crosc Bianca Par alcuante dis, da i 14 a i 19 de noenbre, se podarà se notà inze, a ra sezion de Anpezo de ra Crosc Bianca da Bolzan, par el 2012. El banco el sarà alolo inze de porta maestra, in Coperatia. Dapò, de ‘l domegna, ai 20 de noebre, i se betarà su ‘l sagrà de ra jeja de San Iaco, dapò mesa. Par doi dis, ai 2 e ai 3 de dezenbre, i sarà fora a San Vido, anche là daante a ra Coperatia, e conpain a Borcia, ai 10 de dezenbre, anche là daante a ra Coperatia. Dinultima i sarà a Vodo, daante a ra scores, domegna ai 11 de dezenbre, par ra festa de ra patrona de ‘l paes santa Luzia. Ma se pó senpre se notà inze, canche se vó: basta se fermà in Begontina, da ra Crosc Bianca, in via Roma 121, o sedenò in banca o a ra Postes. Ra tesera par ‘na parsona ra vien 25 euro a ‘l an, chera par ra familia 45 euro.

I donadore de sango Elo cajo che, par fei algo de bon par chi outre, par dià ci che à pi biśoin, finamai par donà el so sango, see da fei tanta cartes! Epura r’é propio coscita. Ra sezion de Anpezo de ra Asociazion de i donatore de sango da Belun r’à abù da se ciatà, da ciamà foula, par tuoi su el statuto noo, vorù da ra Rejon veneto, scrito da ra Asociazion da elun, ai 4 de setenbre. El sacretario de ra sezion de Anpezo Gialuca Lancedelli Slao i à dito a i sozie: “S’à biśoin de fei ‘sto tanto, de tuoi su el statuto noo, parcé che sedenò i me tol fora da ‘l rejistro rejonal de el Volontariato, e coscita se fenirae par perde el gnon de

Onlus e no se ciaparae pi i sode che ra Rejon ra me dà, ogni an, par ra donazios de sango che fajon”. Coscita i s’à ciatà, mercui ai 9 de noenbre, inze ra sala de ra Parochia de Anpezo. Ignante i à abù da fei un gran laoro, da strutà su i vote de cuante pi donatore che se podea, parcé che i aea da ese almanco un pi de mese, de chi 222 che in é ancuoi. Ma elo cajo de aé da se ciarià tanta struscies, tante zavarie, par podé fei de ‘l ben, par dià chi outre, par donà el so sango, un de i valore pi grei de ‘na parsona.

El Cai su ra zimes d’Italia I sozie de ra sezion de Anpezo de el Club alpin talian i à fenì de śì su par ra crodes, inze duta e vinte ra rejos, par i 150 ane de r’Italia. I à scomenzà de febraro e i à fenì intrà otobre e noenbre. Par ultimes, i à lascià alcuanta crodes de ‘l Sud: alcuante de lore, aduna con tre da Grosio, in Valtellina, ogade da ra Guida alpina Paolo Tassi, i é stade su ra cuatro crodes pi outes de Molise, Puglia, Basilicata, Calabria e Campania. Da i 27 de otobre a i 2 de noenbre i à caminà par darśonśe el Meta, de 2241 metre, el Cornacchia, che ‘l é outo 1151, e ‘pò el Dolcedorme, el pi oto de dute, a 2.267 metre, intrà Basilicata e Calabria, e dinultima el Cervati, de sole 199 metre, in Campania. Ma de seguro i no se ferma ca: algo de outro i ciatarà fora da fei, co ra bona stajon, ma anche d’inverno.

A śuià co i numere Ce bel che i sà, a calchedun, śuià co i numere, mangare chi de ra data. Ancuoi, che vien fora chesto numero de La Usc di Ladins, son vendres ai 11 de noenbre de ‘l 2011. Se voron, podon el scrie 11.11.11. Cisà ce bel, ancuoi bonora, poco ignante meśodì, dares 11.11. De jenaro ‘l ea stà un outro di deboto coscita bel, ai 11.1.11; śa diesc dis ‘l ea stà inveze el 1.11.11 e ‘l é pasà poco pi de un mes da ‘l 9.10.11. Ma podon anche se pensà che, de febraro de ‘sto an, el di de ra Madona de Lourdes, ‘l ea stà el 11.02.2011, un numero palindromo: vó dì che se pó el lieśe de un ver e de chel outro. Ca de poche dis ciataron el 20.11.2011. I anes pasade, da ‘l 2000 inaante, ‘l é stà ogni an algo de bel: sovien el prin de jenaro, co ‘l 01.01.01, e ‘l an dapò i 2 de febraro, con 02.02.02 e coscita inaante, an par an. A vardà inaante, se rua de febraro, canche sarà i 21.02.2012, anche chesto palindromo, e ‘pò, a ra fin de ‘l an, i 12.12.12, de dezenbre. Calche di dapò sarà i 20.12.2012. E ‘pò bon, con chesto śogo, parcé che no n’é el mes numero 13. Ma de seguro se ciatarà fora calche outro numero, da smatisà.


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

nr. 44 / 11 de november 2011

Gherdëina

Mel dal suià o ëura da brac? La Grupa de Teater de Sëlva à nvià n sada dant otodì ala premiere dl teater da rì “Mel dal suià o ëura da brac“, n pez de Uschi Schilling repurtà tl gherdëina da Moritz Demetz

Rudi Avi y Petra Senoner.

Foto de grupa dl teater de Sëlva, cun duc i atëures, ma nce cun duc chëi che juda pea do la culisses. Segondo mpe da man drëta:l reghisser Moritz Demetz.

Teater - „Te ne ses nianca no da cuchenië sciche l toca!“ Nscila ie plu o manco la batuda che l schizofrenn, chël cun la truepa persunaliteies, aldò de Pirandello „Un degun cëntmile“, che ie n iede un y pona dut zachei d’auter. La batuda ti fej l psicopat, reprejentà a puntin dal jëunn Hannes Mussner, a un che cuchenieia canche l ruva te na situazion mpue’ ntravaieda. La batuda fej ël, schizofrenn, che à pu bele rafinà l’ert de mudé persunalità y nscila nce de cuchenië. A scrì mé nscila iel mé n tan da rì, ma a udëi l teater ie la batuda da stlupé dal rì. Ntan dut l teater iel da stlupé dal rì, l tòch ciancià tl gherdëina dal reghisser Morotz Demetz de Lina ie n tòch de aurela curta, ulache ne te ntëndes nianca no che l tëmp passa, l pez va via bel mujel danter una y l’autra da rì. La y i atëures fej na bela paruda, duc segures, sibe ti muvimënc che tl rujené, savan da sotrissé a puntin la truepa situazions da rì. Duc boni, scialdi boni, cun Rudi Avi che se merita, do mi ntënder, na lauda a pert, per coche l ie mo for bon de „tenì l palch“, ël vedla bolp dl teater, cun vedl che ie sinonim de cualità.

Premiere y trama La Grupa de Teater de Sëlva à nvià n sada dant otodì ala premiere dl teater da rì “Mel dal suià o ëura da brac“, n pez de Uschi Schilling repurtà tl gherdëina da Moritz Demetz che ie nce l reghisser, coche dit. N curt la trama: te n spedel pòssel danz suzeder che na nfermiera se desmëncia n pazient te bani, che n pazient cun na malatia psichica miena de vester n dutor y che l professëur da talënt ne se ntopa n iede dut ntëur nia plu. Y nce l primar, che se sënt n “macho“ fat y finà, ne sà nia for la drëta soluzion purtan pro a mo na majera cunfujion. Y canche l vën pona mo i finanzeri n cësa, pona ie la pataca fata...

I atëures La grupa de teater de Sëlva à mparà ite l pez ntan i ultimi mënsc. De ndut iel unì prugramà set reprejentazions tla sala de teater de Calonia de Sëlva. L reghisser Moritz Demetz de Lina à inò n iede abù na bona man pra la vela di atëures. Danter chisc n iel nce n valguni che ne on giut nia plu

Caroline Runggaldier y Hannes Mussner.

udù sun palch, sciche Evi Senoner y Petra Senoner. L fej pona nce pea Rudi Avi, Igor Demetz, Mjriam Novelli, Helga Demetz, Caroline Runggaldier, Hannes Mussner, Evi Senoner, Petra Senoner y Tobias Nocker. Reprejentazions iel mo ncuei vënderdi ai 11 de nuvëmber, duman sada y doduman dumënia, per finé via n juebia ai 17 de nuvëmber.

Evi Senoner.

N pez per gherdëina Pudëis duc dì cieche ulëis; ma sce l vën, te Gherdëina, fat n pez per gherdëina, pona iel mefun dut plu bel, tl cajo cuncret nce plu da rì. Nia ajache te d’autra rujenedes ne fossa n teater nia bel, ma ajache l gherdëina ie tlo da nëus la rujeneda da uni di, per gran pert la rujeneda dl’oma, chëla che ie plu ndrëta, chëla che va plu sot. Na lauda perchël al reghisser Moritz Demetz per si gran lëur de ciancé l pez y ala grupa de teater per avëi purtà inant l proiet de n teater per gherdëina. Dlongia la fazion dl teater nstës sun la jënt che vën a cialé pro, iel n cuntribut mpurtant per la cultura ladina, ma nce na cunscidrazion dl

Igor Demetz.

struturamënt assoziatif dla lies dla valedes ladines, che à la rejon y la ncëria de se dé ju cun l ladin. Chësc sambën plu coche reflescion a pert. La reflescion plu mpurtanta ie tl cajo cuncret che l propi stat

bel y da rì a unì a ti cialé al teater te Sëlva. L nvit ie a duc de jì ti cialé al teater pra una dla proscima reprejentazions. David Lardschneider

Helga Demetz y Tobias Nocker. www.lauscdiladins.com

17


Gherdëina

nr. 44 / 11 de november 2011

Per l bën dla Pluania N rengraziamënt de cuer a duc i ulenteres che lëura pea tla y per la Pluania de Urtijëi ie stata la festa ala fin de utober

L ”instà dla vedles” nce mo de utober Tëmp y temperatures ntan l mëns de utober 2011 te Sëlva, museredes a na autëza de 1595 metri

N ucajion dla bela festa di ulenteres dla Pluania de Urtijëi.

Urtijëi - Truepes ie la lies y truepes ie nce persones singules che juda pea dut l ann tl’atività dla Pluania de Urtijëi, tla urganisazion dla festes, dla mësses y dla funzions religëuses, ma pona nce tl’atività soziela dl paesc y nce tla logistica, sce n possa dì nscila, chël uel dì l mantenimënt dla dliejes de Urtijëi y di locai dla Pluania. Bonamënter n iel passa 300 che lëura y juda per la Pluania.

Doi santa mësses Coche sëni de rengraziamënt per duc i ulenteres dla Pluania de Urtiëi iel unì metù a jì na bela festa n dumënia ai 23 de utober tla Cësa du Cultura dl luech, ulache l ie unit adalerch na bela cumpëida de jënt n reprejentanza de duc i ulenteres. Sambën iel dant, pra la doi santa mësses dla dumënia, unì lecurdà y auzà ora la mpurtanza dl lëur de ulentariat te Pluania. Coche à dit Sn. Digan tla perdica iel drët che la cumenanza ntiera se rënde cont y sebe da sciazé l gran servisc che truepa jënt fej via per l ann liturgich, debant, per mantenì na Pluania y na cumenanza viva, tl spirt dla fede cristiana, che ie uel nce dì se dé ca per l proscimo. Sn. Digan à auzà ora che la parola “ulentariat” ie perdrët na parola moderna, ma che bele da zacan incà iel for stat

na forma de sustëni y aiut tl cuntest soziel, tla ujinanza di luesc, ulache l fova normal che i ujins se judova un cun l auter, zënza la istituzions. La jënt se tulova ca la respunsabltà un per l auter, y chësc spirt, che vën ora dala realtà storica de nosc raions, ie al didancuei la fundamënta dl lëur de ulentariat n generel, cun l aspet plu particuler di ulenteres dla Pluania che se dà ju dantaldut cun la pert plu spirituela y religëusa tl cuntest dla dlieja.

La mpurtanza de mantenì l cuntat Per dé n sëni nce formel y per tò l’ucajion de ti dì n gran Dievelpaie a duc iel do la mësses coche dit unì metù a jì la bela festa. Duc à giapà n prosc, che refigurea l logo nuef dla Pluania. L presidënt dl Cunsëi de Pluania Leo Moroder à saludà duc i prejënc, auzan da si pert ora la mpurtanza dl gran mpëni che i ulenteres se tol su via per l ann. “L ie mpurtant a ruvé adum, a se cunëscer nce mpue’ danter duta la grupes, ajache nce sce l ie vëira che uni grupa à si ciamp particuler de atività, iel mpo duc che lëura pea per una, per la medema Pluania de Urtijëi, cun una na finalità, y perchël ie l cuntat uman ma nce istituzionel de mpurtanza,” à dit

L Cunsëi de Pluania à njenià ca dut a puntin.

18

www.lauscdiladins.com

Leo Moroder, njuntan che “l Cunsëi de Pluania uel auzé ora la mpurtanza, nia mé pra la festa, ma nce tl daunì, y for plu y plu, de se tò su la ncëria de mantenì l cuntat cun la lies, sibe per na cuestion de urgasanizion ma dantaldut coche sëni che l Cunsëi de Pluania à na gran cunscidarazion dl lëur mpurtant che la lies fej.”

Festa cun na bona marënda La marënda ie propi stata scialdi bona! N valgun hotiei dl luech à dat la jopes, jopa de golasc y panicia. La bela plates frëides che ie unides servides da dedò, cun ciajuei, ciociul y dut l bën de Die, ie unides njeniedes ca dal Cunsëi de Pluania y dala fenans, che à monce fat de beliscima tëurtes, y da coche i conta ne n iel avanzà nianca no una, che les fova massa bones! Dut adum na festa garateda, ulache l ie stat mpue’ de aurela curta ma dantaldut truepa bona ueia, che à purtà pro a se cunëscer mpue’ plu da daujin un cun l auter, y ulache l ie, coche dit, stat l mesun de rengrazië veramënter de cuer duc i ulenteres dla Pluania. David Lardschneider

Tëmp - L mëns de utober 2011 ie stat plu ciaut che chël dl ann passà cun 5,69 C° de mesana (4,30 C° dl 2010) 1,39 C° sëura la temperatura dl mëns de utober dl 2010. L di plu frëit éi muserà ai 22 dl mëns cun na mesana de -1,33 C° y na minima for ai 22 de utober de -5,50 C° dala cater daduman. L di plu ciaut éi muserà ai 2 dl mëns cun 12,67 C° de mesana y na mascima for ai 2 dl mëns de 18,00 C° ntëur la 2.00 domesdì. L mëns à scumencià sun l bel, nchin ai 11 de utober y pona iel stat danterite vel’ di de bel y burt nchin ai 31. Te chësc tëmp danterite àl vel’ di pluët y nchinamei fat ju la nëif te paesc. L ie stat ntëur 13 dis de dut sarëinn. N possa dì che utober ie stat danter i mënsc mpue sëura la

mesana permez ala mesana di ultimi 20 ani (1 temporal ntan l mëns de utober y 5 dis cun bruma daduman). L à nevët cater iedesc, de ndut 15 cm (tl 2010 passa 60 cm de nëif). N possa dì che utober 2011 ie stat n bel mëns, surëdl àl dat scialdi. Sarëinn y bel tëmp iel stat 18 dis, 5 de mez y mez y 8 dis de bur’ tëmp. 12 dis iel stat da vënt. Pluët al mesan cun 79 mm de ega te nuef iedesc. Alauta, sëura i 2500 metri, àl nevët plu suvënz, abinan ntëur n 60 cm de nëif de ndut ntan dut l mëns. I à bele scumencià a fé nëif (trëi sëires) pervia dla temperatures basses. Uderon coche nuvëmber cialerà ora. Jiràla pa mo inant nscila plu giut? (jm)

Pensieres Canche vede per l bosch, pënsi a chëi che viv te zità amesa l trafich, ala fuera y al smog. Canche arjonje cun fadia na mont, pënsi ai sportives dla dumënia pendui sun canape. Canche ruve suinsom a n crëp y vëije na crëusc, pënsi ala belëzes che l Criatëur nes à scincà. Canche usserveie n ucel che cianta, n tier che sauta liede tres l bosch, pënsi ala riedà dla persona che l maza. Canche vëije n ciaval che sauta, pënsi che nce i musciac ie mpurtanc. Canche vëije na persona de tëmp, pënsi che nce ëila ie stata jëuna y semienta. Canche vëije n jëunn plën de energies, pënsi che nce ël unirà vedl. Canche vëije na persona che patësc, pënsi ala ndeferënza de chëi che se n sta bën. Canche vëije n rich dala superbia, pënsi a tan puere che l ie tl spirt. Canche vëije na persona variziëusa, pënsi a tant che l patësc per si varizia. Canche vëije na oma cun l pop tl grëm, me liegrei y pënsi ala vita che unirà. Canche vëije na oma che cumpanieia si mut, pënsi ai mutons zënza oma. Canche vëije na persona gelëusa, pënsi che la ne n’ie nia bona de avëi gën. Canche vëije na persona plëina de sënn, pënsi a si

Canche vëije jëuni…

Canche vëije na persona vedla…

melcuntentëza. Canche vëije na persona sarëina, pënsi che la ie n pesc cun duc y nce cun sé nstëssa. Canche vëije na persona che se stufa, pënsi che la ie ueta de scumenciadives. Canche un patësc per malatia, pënsi ala ciantia”Salve Regina” che dij: ”Te chësta val de legrimes”. Canche na persona se liegrea per la bela cosses, pënsi che la ie bona de azeté nce la burtes. Giancarlo Zanotti


Gherdëina

nr. 44 / 11 de november 2011

***** L cianton dla Union*****

Union di Ladins de Gherdëina Cësa di Ladins, str. Rezia 83, Urtijëi nr. de telefonn 0471 796870, fax 0471 781570 e-mail: info@ulg.it Orares al publich: lunesc y merdi dala 16.00-18.00, mierculdi, juebia y vënderdi dala 10.00-12.00.

Sëira leterera “Ueia de pië via” Drët garateda ie la sëira leterera “Ueia de pië via” metuda a jì dala Union di Ladins de Gherdëina n mierculdi sëira ai 26 de utober tla biblioteca dla Cësa di Ladins cun plu autëures ladins

Rimes zenza rima Rimes zenza rima versc de pascions e pensieres troa te n làpisc sia ousc so amich te n papier Se rejonèr soi anter te e me Soi Vigile Iori

Simon Perathoner.

Leteratura - I autëures che à liet dant si poejies y prosa ie stai Vigile Iori dla Val de Fascia, Tresele Palfrader de Mareo y Ivan Senoner, Ulrica Perathoner y Simon Perathoner de Gherdëina. Do l salut y la ntroduzion ala sëira dl presidënt dla Union di Ladins de Gherdëina, Stefan Kasslatter, à Milva Mussner, vize-presidënta, prejentà do y do i autëures. “La ueia de pië via”fova l fil cueciun che à menà ora per duta la sëira, titul dl prim romann de Ivan Senoner, publicà tl ann 2004 pra la prima edizion dl cuncors leterer “Auturs ladins scrì …”, metù a jì dal assessorat

per la Cultura Ladina dla Provinzia de Bulsan, pra chël che l à venciù l prim pest ex aequo cun Maria Pedevilla de la Pli de Mareo.

fusties dla poesia y prosa ladina.

Chësc moto ie unì cris ora coche audanza a duc chëi che scrij o ëssa ueia de scrì per ladin de se dé dl am, tò pëna y papier tla man y scrì. Per chi che sà bele nëut te chësc ciamp, na sburdla a lauré inant cun ardimënt, a crì ideies nueves y descuvierjer stredes nueves. La leteratura ladina à debujën de unì for inò cultiveda danuef, perchël “ueia de pië via”, nce coche sëni de spraiza a persones jëunes, che les dëssa se nfidé a scrì per ladin, a lascé jì si fantajia y lascé ora si criatività tla

Cun si pec de prosa liec dant n chësta sëira leterera à Ivan Senoner inò desmustrà si padrunanza dl lingaz ladin, cun ce lesirëza y profondità che l descrij la persunalità y l pensier de si persunajes, coche l ti ie manëcia a traté i argumënc de si tesć. Tresele Palfrader, mujela ma nce ficëusa y critica tla esposizion de si prosa y lirica, à liet dant te si varianta ladina, l mareo. Per vel’un o vel’una de Gherdëina dëssel vester stat n ch’la sëira l idiom plu rie da ntënder, coche n à audì da dedò pra la descuscions nteressantes che ie unides a s’l dé pra la mëises.

Ivan Senoner y Tresele Palfrader

Vigile Iori, Ulrica Perathoner y Simon Perathoner

Ulrica Perathoner.

Pra mi viere te es fermà

Lilia Ianeva al tlavier y Vinzenz Senoner, oboe.

Ivan Senoner.

Vigile Iori, de Pera de Fascia, povester da cërc plu cunesciù coche atëur sun paladina, à sapù da nraië tla persones che ti scutova su a si rimes y prosa sotes, a luesc cun sëur antia, a mumënc ironiches, pona inò plëines de nchersciadum, gran sentimënt y partezipazion. For sot al moto “Ueia de pië via” à Ulrica Perathoner cris ora si rimes

y poejies da purté dant al publich; la jiva dantaldut de valores coche la crëta y de sentimënc coche l nchersciadum. Ma nce dl amor: l ne suzed nia tan prësc che n scritëur o na scritëura se nfide nce a prejenté de persona na si poejia che rejona dl amor danter n ël y n’ëila, Ulrica l’à fat! Coche sorpreja à Ivan Senoner y Simon Perathoner lascià audì deberieda n “intermezzo lirich”, ades na performance plëina de spirt, critica ma nce liegra. Ala fin iel mo stat Simon che à purtà dant si poejies y scric che tratova dl cumpurtamënt y dla persunalità dla persona, jugan cun metafores, te n stil frësch y junil.

De bela mujiga Danter n autëur y l auter àn pudù se goder la bela mujiga ora dl repertoire romantich y modern cun pec de Gabriel Fauré, Carl Nielsen, Arvo Pärt y d’autri purtei dant da Lilia Ianeva al tlavier y Vinzenz Senoner, diretëur dla Scola de mujiga de Gherdëina, che se giamiova ju sunan n iede l’oboe y pona l flaut a bech. Pra mëisa, te na atmosfera drët plajëula, à l publich n ultima pudù s’la cunté y giamië mprescions sun la sëira pra velch da bever y da pesslé. L ie stat na desmustrazion che l potenzial lirich nce tl ladin

Pra mi viere te es fermà, te udovi tres la cultrines y mi cuer me dijova che te ies tu, l batova y l me dijova che te ies tu y ... ch’la usc, chëla usc, mé la tia, la cunescësse dlonch “son tlo, son tlo!” Bele da n valgun dis te ovi ancuntà te mi sëmies ... y śën, do n viac lonch ies unì a me crì, ce legrëza, te ies tlo, nia da crëier ... te ies tlo … y i pensieres, ch’i pensieres se n va y dut devënta plu lesier. Dajonse la man, cavia es’a udù?, ch’l pra l ie dut n flëura, canche te n foves jit … floc de nëif tumova dal ciel y śën cëla ... n ciof te ti ciavëi y un ti miei ... un ti tiei y un ti miei … Ulrica Perathoner - „Calënder de Gherdëina 2010“, pl. 46. ie danman, che l ie varietà y criatività te chësc ciamp. L ie mé da se mbincé che nce ai jëuni y ala jëunes ti vëniel la … “ueia de pië via” y de se mëter a scrì lirica te si rujeneda dl’oma. Prejenton sun chësta plata dla USC n valguna cërces de rimes de n valgun autëures lietes dant en la sëira leterera. Milva Mussner

Le foliet Ai dij chi dal foliet, che l’ega è mola y l’aria en pü’ plü assöta, y che por miu slisoré, nia cola ne n’èl da adoré, mo sunja delegada o cöta. Y ai dij, che ai dij, ci che ei à dit, che al sii ben dessogü, ci che ei à scrit y ch’al sii lit... Vignönn dess spo se fá sò cunt, dô marena, can che le foliet è lit y unt. Tresele Palfrader Tresele Palfrader.

Vigile Iori.

www.lauscdiladins.com

19


Gherdëina

nr. 44 / 11 de november 2011

I Kostner da Stlejuc y Kevin Costner L lën de descendënza di Kostner da Stlejuc de Urtijëi, na gran tueda. Prima pert

Fotografia fata n ucajion dla noza d’or de Heinrich Kostner (nasciù tl 1872 y mort tl 1958) y si fëna Christine Kelder da Poz (nasciuda tl 1880 y morta tl 1963).

Families - La sëira di 5 de utober iel unì prejentà tla gran sala per mostres, tla Cësa de Cultura Luis Trenker a Urtijëi, n grandiscimo lën de descendënza dla families Kostner, plu avisa dla families Kostner da Stlejuc. Pra chësta bela sëira de cultura iel unit adalerch truepa persones y danter chëstes nce truep jëuni. L gran lëur de chësta tueda genealogica ie unì prejentà dal studiëus Hanns Engl de Bulsan. Ël à studià do gran pert da sëul sun chësc argumënt storich de familia. Hanns Engl à scumencià a studië i truep Kostner da Stlejuc bele dan set ani cun gran mpëni y lezitënza. Sun na plata de nfurmazion à H. Engl scrit dan mez ann: “Ie é studià l lën de descendënza di Kostner da Stlejuc per mi nteres per chësta familia de Gherdëina drët granda. Mi relazion cun i Kostner da Stlejuc ie na mi parentela, nce sce mpue dalonc, cun la slata Kostner da Stlejuc tres mi gran anda Maria Schenk de San Piere de Laion, che à maridà tl 1893 Alois Kostner da Stlejuc. Lijan ultimamënter vel’ liber de tueda de de vedla families, sons ruvà daujin a descendënc de mi besavons. N pitl lën de descendënza di Kostner fat da pater Ildefons Perathoner dl Orp de Santa Cristina, che l prof. Luis Kostner da Stlejuc me ova metù a despusizion, à descedà te mé dassënn l nteres y me à dat na sburdla a studië na pert di Kostner dla Ladinia.

20

www.lauscdiladins.com

Deberieda cun truep inuemes y dates sun la families Kostner da Stlejuc éi nce abinà adum n jop de fotografies de chisc. É scrit su n grumon de dates di Kostner te plu curtines, pona sons jit a ti cialé a truep mejes di Kostner. É nce cris dassënn te libri dla dliejes y ti libri de sunieria de Gudon y de Ciastel. Truepa persones plu y manco parëntes cun mé me à judà y me à dat ardimënt per jì inant cun chësta tueda. De chësc uei ti sentì gra a duta chësta persones che me à cunsià, persones de Gherdëina, ma nce de oradecà, che me à dat nfurmazions sun l tema. Te n lëur da Sisiphus à Hanns abinà de ndut 1543 inuemes liei a persones cun l inuem Cost, da Costa, Costner y Kostner da Stlejuc, inuemes che purtën de ndut a bën 17 generazions, dantaldut te Gherdëina. L lën de descendënza di Kostner da Stlejuc laurà ora da Hanns Engl scumëncia cun l ann 1464 y ruva nchin al 2009. L prim resultat de Engl per crië chësc gran lën de descendënza, śën ades definitif, ie unì stampà sun na gran vëta lergia de papier, longia plu de 20 metri! Sun chësta gran fascia à Engl scrit cun l computer damprovia i truep inuemes di ëi y dl’ëiles Kostner. Ël à scrit a puntin l inuem de truepa persones Kostner, cun la dates de nascita, de canche i se à maridà y la dates de mort. L prim antenat sul lën de descendënza ie n Nicolaus von

Cost (da Costa), nasciù ntëur l 1464 sa Bula, de mestier paur. L inuem de si fëna ne sàn nia. Nicolaus fova pere de n mut sëul, che se tlamova Leonhardt. Leonhard (Lienhart) Costner ie nasciù ntëur l 1514 sa Bula y mort tl 1579. Ël fajova l lëur da bacan y se ova maridà tl 1539, cun na Maria Telfnerin, bën de San Piere de Laion. Leonhard, che stajova sa Bula, fova l prim dla descendënza di Kostner, che ova l inuem uriginel Costner. Leonhardt y Maria fova i genitores de Cristoff Costner, nasciù ntëur l 1540 sa Bula y mort tl 1596. Cristoff, che fova ënghe paur sa Bula, se ova maridà tl 1576 cun Ursula Schgortiarin (da Scurcià) de Urtijëi, nia da se falé cun la scialdi cunesciuda Ursula Schgorta, ntëur l 1550, che fova l’oma dl gran patron Calixt Scortiär sa Scurcià. Na sor de Cristoff se tlamova Ursula Costner. Ëila ie nasciuda ntëur l 1545. La ie morta dan l 1596 a San Piere de Laion. Pona fòvel mo na sor, de inuem Christina, nasciuda ntëur l 1548. Christina Costner ova maridà tl 1575 Blasy (Blasius) Costner da Bula. Tramedoi Blasy y Christina ie morc l medem ann, tl 1582 sa Bula. Ëi ova doi mutons: na Anna Costnerin, nasciuda ntëur l 1579 a San Piere y Adam (Odum) Costner, nasciù ntëur l 1581. Anna fova la prima Costner che ova ntlëuta l inuem de familia al feminin: Costnerin. Pona pudons liejer tla prima pert dl lën de

descendënza n descendënt de mpurtanza dla prima generazions di Costner da Bula, che se tlamova Adam (Odum) Costner, nasciù ntëur l 1581 bonamënter ënghe sa Bula. De chësc Adam Costner scriji pa mo zeche plu injù. Tl cë dl lën de descendënza di Kostner, avisa tla prima ot generazions, vëniel dant coche inuem de familia for mé Costner scrit cun C. Permò tla otava generazion iel n valgun descendënc cun l inuem da Costa y pona tla generazion numer nuef l prim iede Kostner scrit cun K. Dala nona generazion inant liejen mé plu l inuem Kostner, tudeschisà. Dut ntëur la sala de espusizion pudòven ti cialé y studië la grandiscima tofla cun duc ch’i inuemes y la truepa dates. Leprò fòvel nce unì metù ora n valguna de bela fotografies de families ngrandides y de vel’ persona di Kostner da Stlejuc. Hanns Engl ie unì judà te si lëur de nrescida da n tlap de persones dantaldut de Urtijëi, particularmënter da Leo Kostner da Stlejuc, pona da Edith Moroder Prugger de Doss (si oma fova na Kostner da Stlejuc), da Matthäus Kostner de Leo, da Albert Moroder Sodlieja y pona mo da n valguni d’autri. Ntan l buffet, dan la sala dla cunferënza, pità da Rudi Kostner Funtanela, se ova la sala dla Cësa de Cultura trasfurmà te na sort de furmië de persones, che rujenova

cun temperamënt y ntres dl un y dl auter, ma dantaldut di Kostner di ultimi cënt ani y de chi trueps da dant.

Kevin Costner L atëur de films y reghisser vscialdi cunesciù Kevin Costner dl’America, ie pa chësc de cër velch parënt cun i Kostner de Gherdëina? Danter n valguna persones, te de pitla grupes, unìvel pona rujenà n chëla sëira bëndebò giut dl atëur de films american Kevin Costner, scialdi cunesciù ora per l mond. Plu de cin’ persones, unides ala prejentazion dl lën de descendënza me à damandà feter for l medemo: “Ie pa l gran atëur de films Kevin Costner parënt cun i Kostner de Gherdëina o dla Val Badia?” Sun chësta dumandes ovi propi, ades dan 20 ani cuntà, ma nce scrit velch. L semea propi che Kevin Costner vën ca da antenac che stajova dan truep cënc ani te Gherdëina. I stajova bonamënter tl prim sun l pitl mesc de Costa sa Bula, sëura 1500 metri. Chisc Kostner scrijova ntlëuta si inuem de familia per generazions alalongia cun C y nia cun K. Mé te Gherdëina iel cater mejes cun l inuem Costa: sa Bula, su per Chël Piz de Urtijëi, ta Santa Cristina y te Sëlva. L inuem tudësch de Costa ie “Leiter, o Leitner”, n inuem scialdi plu jëunn y bën na traduzion de chësc. Sun chësc argumënt, sun l


Gherdëina

nr. 44 / 11 de november 2011

Kevin Costner.

inuem de Kevin Costner, bën n tema nteressant, dantaldut per i jëuni, ne n’à Hanns Engl dit nia. Bonamënter ti sà chësc massa zite. Ma de chësc tema genealogich vëniel bele rujenà da 15 ani incà, da canche, chël che scrij tlo, che nseniova ntlëuta tl ITC de Urtijëi ova scrit na lëtra cun plu dumandes tl’America, tl chemun de Sacramento, la zita capitela dla California. Chesta lëtra y la resposta lessù, che ie ruveda scialdi plu tert dala California, ulache Kevin Costner abitea tla gran zità de Los Angeles, ie pona unida lieta dant tla tlas de maduranza dl ITC Raetia. Kevin Costner ne l’ova da jëunn nia abuda saurida, mé per dì, per ani òvel for puec scioldi. Dan si dezijion de deventé atëur dl film à Kevin fat a Los Angeles d’uni sort de lëures, nchinamei per n pez l marangon. Dopro iel jit a studië

al’università, for a Los Angeles. Ntëur l 1980 àl finà si studies cun l dutorat de marketing. Bele dan che Kevin ova fat l atëur y l reghisser tl l beliscimo film “Bala cun i lëufs”, giapòvel cënc y cënc de lëtres de cumplimënc, de amirazion. Ël nstës ne n’ëssa nianca no abù l tëmp materiel a liejer mi lëtra. Perchël, permò mez ann do ovi finalmënter giapà na lëtra propi nteressanta dal’ archivar dl chemun de Sacramento. Te chësta lëtra me ova scrit n funziuner de chësc chemun, che l archivar se scusa dassënn che l à pudù me scrì permò do mënsc. Ël à scrit, che l ne ova nia pudù avëi cuntat cun Kevin, ajache l fova ntlëuta per plu mënsc jit tla Cina. Ma l archivar scrijova velch propi de nteressant: ”Zeche éi abinà dla familia Costner dl gran artista de films. I antenac plu vedli de Kevin Costner univa dala “Tyrolean Alps”, che fossa da raions da mont tl Tirol. Da ilóp à i Costner te truep ani de viac traversà l’Austria, i Paejes Tudësc (Deutschland), i Paejes Basc (Holland), pona la Nghiltiera y ie pona ruvei su nchin tl’Irlanda. Da iló ie chisc antenac furnei, sciche truep d’autri emigranc cun n bastimënt a New York. Tres l Ohio iesi ruvei tl Oklahoma y permò, scialdi plu tert, dal Oklahoma tla California. Ala fin de chësta emigrazion scialdi longia iesi ruvei tla gran zità de Los Angeles, daujin dala spuenda dl Ozean Pazifich. L funziuner dl archif finova nsci si lëtra: “Deplù ne sons nia stat bon de nresci.” L ne fova nia da se fé marueia,

che nia puec a Urtijëi ne credova ntlëuta nia a mi tueda sun Kevin Costner. Te chësta relazion ulëssi repurté n ejëmpl de tueda te dut n auter viers. Tl 1977, canche scrijove l test per l gran liber genealogich di Moroder, ovi danter l auter da ressolver na situazion storica propi ria: chëla de cinch Josef (Ujep) Moroder de Urtijëi, persones dal medem inuem, che ie nutei su sun na tofla de descendënza di Moroder. Chisc cin’ uemes vivova danter l 1765 y l 1840. La dimanda fova ntlëuta chësta: “Chi fova pa stat avisa chël Josef Moroder, saudé tla viera cun Napulion contra la Ruscia ntëur l 1812. Tl ann 1813, mucian de reviers te na situazion despereda, danter milesc y milesc saudeies de plu populi sot al cumando dla Franzia, fova nce chësc Josef Moroder, scintinà ju coche i autri. Ël fova ntan la gran evajion arnagà tl ruf Beresina tla Ruscia uzidentela. Chi che chësc Josef fova ovi permò abinà do na tueda scialdi longia. L se tratova de n Josef Moroder da Bruel-Resciesa. Nrescì chësc fat storich de familia fova bën plu rie che unì sëura sun l’identità de Kevin Costner. Bele n valgun mënsc dan che ove scrit ch’la lëtra a Kevin Costner, respetivamënter al chemun de Sacramento, ovi cumprà na gran zaita dal inuem Max cun dansù na bela fotografia de Kevin Costner. Cun chësta sons jit da n valgun vedli “gurus” di Kostner de Urtijëi, mé per dì da Luis Kostner da Stlejuc, Heinrich da Stlejuc,

Johann Baptist da Nevaves, nasciù sa Bula sa Dëur tl 1791, mort tl 1881.

Hermann da Stlejuc, pona Ferdinand Kostner, Luis y Willi Kostner dla Rodra. Chisc berbesc, gran pert ovi bele passà via i 80 ani, éi damandà uniun, for cun la gran fotografia, sce chësc gran atëur de films pudëssa semië a n Kostner da Stlejuc. Duc, do avëi cialà a puntin a chësc pultret, à dit damprovia de sci. Do chësta nfurmazions éi pona scrit ch’la lëtra tl’America. Sce Kevin ëssa

sciche inuem de familia Custer, Coster o Caster, inuemes che, mé per dì, vën dant suvënz tla Nghiltiera y ti USA, pona ne n’ëssi ie nia studià tan de ëures i inuemes Costner y Kostner y la pruvenienza de chësta families. L ie da tenì n cunscidrazion che Kevin Costner à l inuem de familia uriginel y storich. Prof. Edgar Moroder

Juesc, legrëza y truep d’auter N ann nuef de scola, ideies nueves, ativiteies nueves per mutons y mutans dala cuarta elementera ala terza mesana tla grupa dla “Jungschar” de Urtijëi

Sun Mont de Sëuc per l’ena da mont.

Foto de grupa.

Lies - Coche uni ann à la “Jungschar” Urtijëi finà via si atività 2010-2011 cun na beliscima ena sa mont a durmì tl fën, chëst ann cun la grupes di mutons. Te chësta ucajion rengrazions de cuer la familia Dieter Bernardi, che nes à metù a desposizion si medel sun Mont de Sëuc. Do l marcià de Segra Sacun iel

pona inò unì metù man cun la prima ëures de grupa, che vën fates un n iede al’ena. Sëuraprò vëniel metù a jì truepa manifestazions y festes per i mutons y la mutans. Da permò iel unì fat la castanieda sun l parch dai juesc dla scola elementera. Ai 27 de nuvëmber uniràl pona nce fat l Marcià da Nadel tradiziunel

te Calonia, ulache i mutons y la mutans possa mustré si criatività y vënder la roba da Nadel che i à pastelnà ntan l’ëures de “Jungschar”. De fauré uniràl pona fat na garejeda de slusé y na festa de carnescià cun juesc y mujiga, y d’ansciuda ora mo na festa di mutons y l teater dl di dl’oma, per

se ancunté duc deberieda y avëi na drëta hez. Sambën ie chëstes mé n valguna roba che vën fates ntan dut l ann; l sarà pona sambën nce mësses, ulache i mutons y la mutans lëura pea ativamënter, y mo truep d’auter. La Jungschar à nce n cor di mutons che cianta pra mësses y festes, y tol gën su duc chëi che cianta gën y ie

apasciunei de mujiga. Nce chëst ann se ncunforta i cunlauradëures inò sun truepa de bela ëures deberieda cun i mutons y la mutans, y ti mbincia a duc na hez y de biei mumënc tla cumpania dla “Jungschar”. Per la “Jungschar” Urtijëi, Lena Mulser www.lauscdiladins.com

21


Gherdëina

nr. 44 / 11 de november 2011

L luech de Costamula L luech de „Costamula“ ie un di plu vedli luesc sun Ch’l Piz a Urtijëi. Sun l tram dla colm iel repurtà la data dl ann 1608

L luech de Costamula a Urtijëi dan i lëures de derturamënt.

Architetura - N stude dl Istitut de Geografia dl’Università de Dispruch à nrescì che l tram dla colm fova unì taià tl inviern dl 1606/07. La cësa ie unida cumededa dedite ora ntëur al 1682, aldò di trames sun l sussot dl port dan la stua. L’ea cun i trames n pert scadrei ie unida fata su ntëur l 1761/62, aldò de cater trames che ie unii taiei te chël d’inviern. La cësa ie unida abiteda nchin ti ani otanta da anda Śefa da Costamula. Da ntlëuta incà iela resteda ueta y per na cësa che ne vën nia abiteda iel suvënz l pericul che la tome nsëuralauter.

Ressanamënt dla cësa Dan trëi ani, canche l patron nuef me à dat la ncëria y la crëta de ti lauré ora n proiet per ressané la cësa y per ti sté do ai lëures, me éi riesc rendù cont che chësc ne n’ie segur de no n lëur scëmpl, ma dal’autra pert scialdi nteressant. Ie ti é suvënz cialà ala cësa de Costamula y perdrët a dut l ridl. Costamula, cun si bela pruporzions

danter l tòch de mur y la pert de tublà de lën; y nia da manco ne n’ie “Puntedla de sot”, che à feter la me dema prup orzions de Costamula. É pudù, dan n valgun ani, ti dé na man a Georg Bergmeister a derturé “Puntedla de sot”, y sën jìvela povester dla plu bela cësa vedla dl luech.

„La cësa muessa resté“ Me é riesc rendù cont che dedora messova la cësa resté bel coche la ie. N muessa baraté ora i trames, che ie defin frec, y curì l tët cun de nueva scandules de leresc. L palancin cun n fonz cun de stleta breies y ch’i bachëc de traviers mez sfendui dëssa ënghe resté coche i ie. N muessa me fé a na moda che deguna persona ne posse jì ora sun palancin. Dedite cëlela bën ora mpue’ ncherescëula, cun i mures permez a tiera tumei ite y cun i trames de fonz frec defin. Ma sas do sas y baratan ora i trames frec, iesen sën bel plan, cun pazienza, do set mënsc de lëur, stai boni de ressané

i mures per fé sté mpe la cësa.

moda che la streda passëssa de n tòch plu bas permez a śën. De cunseguënza unìvel a s’l dé na majera pendënza per ruvé permez al ridl de Puntedla y n messova bele dan l puent frì ite te na puscion de n privat, che ne ëssa bonamënter nia dat pro. N’autra soluzion udova dant n tunel per chëi dai schi, che piova via tl crëp sëura Costamula y ruvova ora sot ala streda che mëina ite “sun Val”. Nce chësta soluzion fova n ntervënt massa grant y n tunel massa lonch per chëi dai schi. Scumencià òven pona cun n tunel plu scëmpl, de na pitla dimenscion, che mpermetova de lascé passé i auti. Per n ntervënt di destudafuech òven pensà de lascé na streda de emergënza dlongia via, ma chësta messova for mpo inò resté davierta nce tla sajon da d’inviern y messova passé tres l purtoi dai schi.

La cuestion dla streda

L tunel

Cun l proiet de Costamula iel sambën sautà ora l problem dla streda che passa via l purtoi dai schi per ruvé ite “sun Val”. Cun chësta ncëria ne ovi bele dantaprima nia tan legrëza, ajache me é riesc rendù cont che n ti jiva ancontra a soluzions che pudova dé n pitl desturb al ensemble dl luech de Costamula. Pudëi derturé su na vedla bela cësa de valuta architetonica ie per mé n bel lëur che vën da dedò nce recunesciù. Pië ite tla cuntreda ntëur cësa ie for plu zite y ncomper. Bele dai ani àn studià plu soluzions per tò demez chësc pericul, ulache se ncrëuja i auti cun chëi dai schi, y per ti dé na streda da ruvé permez a cater families che sta tl luech “sun Val”.

Cun plu prupostes, ancuntedes, prescrizions da pert dla cumiscion per l fabriché iesen ruvei a una de fé mpo mo n tunel per la streda. Tl prim fòvel pensà de fé n tunel de 3,0 metri aut y 3,0 metri lerch. Sambën che chësc ne bastova nia. Sce l ëssa da vester meldefuech o sce i patrons “sun Val” ulëssa fabriché, pona messëssa nce passé na petoniera o l auto di destudafuech. Ala fin ons messù dé do cun la mesures n puech al iede, y l tunel ie unì mpue’ majer, de 4,0 metri aut y 3,5 metri lerch. Acioche chësc tunel ne fossa nia stat n ntervënt massa grant tla cuntreda, iel unì arbassà la streda de n bon mez meter do l puent, y acioche l tunel saute manco tl uedl ti iel unì metù ite na pitla raida.

Plu soluzions

Plazes dai auti y garasc

Una na soluzion spustova la streda y l puent de viers de val, a na

Dan che l fova mo unì pensà al tunel ovi l problem de ulà mëter ju

i auti per l patron o per chëi che univa a sté sa Costamula. Permez a cësa ne pudovi nia i mëter. La sëula luegia fova mpue’ doite, permez a “sun Val”. Y per mëter ju cater-cin’ auti messòven inò fé bëndebò de mures te chël rone scialdi ërt. Tres la soluzion dl tunel ons pudù pensé a na garasc sot a tiera ite, a co scuender via duc i auti y ala ntreda de garasc. Me rendove bën cont che l ntervënt ne n’ie nia pitl y che n tel tunel desturba te n prim mumënt, canche n ruva permez. Tres la mesures dl tunel messova sambën nce i mures che tën su la tiera vester aldò. Purmpò àn cialà de i spusté plu permez al purtoi, a na moda che n pudova i curì ite n pert cun tiera.

Tëut y tres l trasformator Tres chësc ntervënt se àl nce pità l’ucajion de tò demez ch’l bur trasformator, che ie sun na stangia dla lectrisc, y duta la tenscion auta che passa te chël raion, y scuender dut ite te tunel.

„Na soluzion mujela“ Dut chësc lëur ne n’ie nia unì fat zënza se fé de gran pensieres, ma l resultat do n grumon de descuscions, prupostes y ancuntedes cun i patrons di grunc y cun la Secëda. L ambolt se à damandà, tres plu prupostes purtedes dant ala cumiscion dl fabriché, de studië na soluzion l plu mujela che l ie mesun, per ti dé la rejon de ruvé permez a si cësa a cater families, zënza pericul. Sce on abù, cun l purtoi dai schi y cun la streda, n problem nia tan saurì da ressolver, pudons cun la cësa de Costamula mpo desmustré de fé n ressanamënt che respetea l’architetura dl bel luech da paur, l mantenian nscila nce per l daunì. Comploj Siegfried

L cianté ie jëunn Na prejentazion dl Cor di Jëuni Gherdëina, na lia che ie unida a s’l dé danter cumëmbri y cumëmbres de duta la valeda, dutes y duc cun la medema pascion, la mujiga y l cianté Lies - L Cor di Jëuni Gherdëina ie nasciù al scumenciamënt dl 2009 dal’idea de mëter adum i cores di jëuni dla valeda, l Cor di Jëuni Urtijëi, l Cor di Jëuni S. Cristina y i Hosianna de Sëlva, per fé n bel cunzert deberieda. I dirighënc de chësc prim proiet fova Romina Glira, Johanna Kostner y Irene Kostner dl Cor di Jëuni de Urtijëi, Isabella Mussner di Hosianna de Sëlva y Samuel Runggaldier dl Cor di Jëuni de S. Cristina, che ie nce a cë di dirighënc.

Foto de grupa dl Cor Jëuni Gherdëina.

22

www.lauscdiladins.com

De nuvëmber dl 2009 fòvela finalmënter tan inant: l Cor di Jëuni Gherdëina fajova si prima cumparida pitan trëi cunzerc. Per l’ucajion unìvel nce tëut su na CD live dl cunzert y l gran ntujiasm di ciantarins y dl publich fajova

ntënder che l ne dassova nia resté mé pra chësc proiet. L segondo majer proiet ie pona unit a s’l dé de merz dl 2010, canche l cor à abù l unëur de pudëi fé unì adalerch i Akustika Chamber Singers cun l dirighënt Christo Burger de Pretoria tl Sud Africa. Do i cunzerc tl ann 2009 se lascia l Cor di Jëuni de Gherdëina sën inò audì dan l publich, pitan doi cunzerc sot a chël dirighënt de ezezion, che unirà adalerch aposta. Do avëi mparà ite bel a puntin duc i pec cun i dirighënc de Gherdëina sot ala direzion de Samuel, vën Christo Burger cun si gran savëi a perfezionè la cianties cun i jëuni y la jëunes ntan duta l’ena dan la cumparida per pité mo śën de nuvëmber te Sëlva doi cunzerc de marueia (per plu nfurmazions c. sot ala plates Informazions dovia).


nr. 44 / 11 de november 2011

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

Dèlba e Cianacei lita per la Frazion

“No l’é l temp del risech”

Ai 20 de november duc i capifech de la frazions de Dèlba e Cianacei arà l met de litèr si raprejentanc

Te na scontrèda anter joegn hotelieres e raprejentanc de la Cassa de Sparagn l’é stat uzà fora consees per chi che vel fèr fora o meter via sie scioldi

Litazions - L Ensema a el te Frazion l’é l vize Comun de Cianacei Luciano Iori con Davide l’à manà fora l’avis Brunner, Franco Depietro e per l renovo de la Olivo Micheluzzi. De chisc 4 Frazions de Cianacei sun 5 (fora che Franco e Dèlba. La dì per jir Depietro) à palesà la volontà a litèr l capo frazion de portèr inant l’empegn te sarà en domenia ai Frazion. L capofrazion fèsc a 20 de november, da saer che ge piajessa che “se les 8 dadoman a les mete a la leta e palese la 4 domesdì, aló da la volontà de jir ite ence vèlch sala del veie teater capofamilia joen, percheche l se fae l’esperienza per ciapèr de Dèlba e te sala de te man la redenes”. Consei del Comun per la Frazion de Capofrazion de l’Asuc de Cianacei. Cianacei dal 1983 l’é Rinaldo A aer derit de Debertol. Te Frazion l’é ite l litèr e esser lité l’é vize Giovanni Bernard con duc i capi families Giuseppe Davarda, Guglielmo de la doi frazions: La bandieres coi simboi de la frazion de Cianacei e la Lorenz e Silvano 210 per Dèlba e 168 frazion de Dèlba. Planchensteiner. Dut l comitat per Cianacei. Te la renova l’empegn e l palesa sia doi frazions no l’é stat fat listes o an vegn metù a la leta 20 skipass volontà de se meter a la leta. Apede schieramenc e duc pel se meter a anuèi per jir sun Ciampac. a chisc capi fech, da chest an se à la leta. L’Asuc de Cianacei te chisc egn fat inant ence Diego Riz, Alessandro Te chisc egn l’é stat portà dant l’à renovà l pian economich del Lastei Serenella Manfroi e Assunta lurieres de aministrazion sun dut bosch, l’à endrezà trei neves strèdes Merli che met dant sia candidatura. l patrimonie del bosch e del paìsc. da bosch (de la Lèsta, Pian de L’é stat tout sù personal (1 per Schiavaneis e Pian da Ren), dapò, L quorum che ge vel arjonjer Dèlba e 2 per Cianacei) e comprà ensema al Comun, l’à fat nef l percheche la litazions aesse valuta ite mesi che se doura per lurèr (n marciapé de Strèda del Piz e la l’é bas, ampò da nos chest moment trator nef per Cianacei). pavimentazion de Strèda del Faure. l’é n muie sentù e de solit se arjonc Per chel che revèrda la Frazion Amò la Frazion de Cianacei ge à n bon livel de partezipazion. de Dèlba l’é stat ciapà l finanziament comprà jù la pèrt de la veia Acioche sie coscita ence chest’outa, da la Provinzia, la conzescion “Dogana” de paìsc a la Frazion de l capofrazion de Dèlba l’envìa duc edilizia e ades se é dò che se speta Penìa, la ge stèsc dò a la Sia, n ben chi che à derit a jir a litèr, ence chi l’apalt de la strèda da bosch “Ruf desfrutà da duc i sentadins, e dapò da Cianacei, percheche “la Frazion del Bona” che tel davegnir la jirà a la porta inant la colaborazion con l’é n patrimonie n muie emportant se tachèr ite con la strèda da bosch i etres enc sul teritorie: con la Sitc da tegnir sù, l’é l valor enjontà de “Dos de Dolèda” de l’Asuc de e con la Scola de schi e desche nosc teritorie e fossa n pecià no l Cianacei. Ti egn passé la Frazion ocajion de sozialisazion la Frazion stravardèr e portèr inant”. La lista de duc i capifech de le doi Asuc é à metù a post i fic di terens con la endreza la Sègra de Sèn Florian. sozietà Ciampac, che ades la paa La Frazion de Dèlba dal 1995 la a la leta su l’Albo Pretorio te Comun trei outes più che dant, e dapò ogne é vidèda da Attilio Dantone. de Cianacei. (vr)

Massa adejions “giacia” la UAL Béleche 200 neves sozi à manà ite domana de tesserament: l diretif à dezidù de se resservèr l’azetazion dò la radunanza de doman domesdì Politica - L’é stat dassen n Consei Diretif fers, chel de en mèrtesc sera te la senta de l’Union Autonomista Ladina, con n gran livel de partezipazion e de debatit. Te chela scontrèda, i conseieres che doman sabeda remet sie mandat te man de la radunanza, aea desche ùltim adempiment soraldut chel de tor dant la domanes de neva adejions ruèdes ite enscin en vender passà. Per tropes l’é stat na gran marevea veder che l’é ruà ite béleche 200 domanes: segur n bon ejit, che ampò à soscedà ence vèlch problem. Defat de la 194 domanes ruèdes ite (te n moviment che enscin ades aea en dut entorn 260 aderenc) ben 115 é ruèdes “en bloch”, portèdes da la medema persona. N fat che à soscedà cruzies anter i componenc. L passaje del Statut che ge dèsc sù al Diretif l’encèria de tor dant e azetèr i neves sozi l’é stat pissà apontin per schivèr l pericol che zachei rue ite te la UAL con entendimenc che no i é a una coi prinzipies del moviment. La domana de adejion “en bloch” à

fat pissèr i componenc del Diretif che podessa esser vèlch de organisà. Cruzies amò maores de chest vers é stac soscedé da vèlch ousc che jìa stroz, sul fat che la quota de adejion no fossa stata paèda dai sozi enstesc ma diretamenter da la sociazion: na sociazion leèda ence al atual secretèr politich del moviment, che no à sapù dèr schiarimenc e respostes che posse convenjer i etres componenc. L Diretif à donca dezidù che no se aessa podù azetèr duta la neva adejions zenza verifichèr de miec, roba che i tempes curc enscin a la radunanza, metuda en calandèr per chesta sabeda, no permetea. Da chiò la dezijion, pur touta con fadìa, de les “congelèr” e de ge domanèr a duc chi che à portà dant sia domana de neva adejion de aer mìngol de pazienza: i podarà sessaben tor pèrt a la Radunanza ma per chest’outa i no podarà litèr o se candidèr al nef Diretif. Ampò se spera che duc sie desponìboi a restèr apede a la UAL per lurèr te chest moviment i egn che vegn. Chi che aea jà fat

tel passà sia adejion a la UAL e i cogn demò renovèr l tesserament i podarà sessaben tor pèrt ativamenter, litèr e se meter a la leta per vegnir lité. N’outa l’era tant senester troèr jent desponìbola a vegnir ite – l’é stat dit – e ades somea che n sia rua “de massa” e che chest sie n problem. Fosc la cauja pel esser l veder che la UAL pel esser n bon “trampolin” per se vadagnèr n scagn politich. Ampò l sistem de “pachec de stimes” no fèsc pèrt del spirit de servije che à caraterisà la fondazion de la UAL: chest moviment à de besegn de jent che ge cree, e se chi che à fat domana de adejion ge va dò a chest spirit de segur no i arà problemes a entener chest passaje e se meter a la leta dò la radunanza. Per schivèr che chesta sort de problemes posse se prejentèr amò tel davegnir, l’é stat ence dezidù de studièr fora vèlch mudament al Statut aldò. Doman la Radunanza, chiamèda ite da les 4 domesdì te auditorium de la scola mesènes de Poza, sarà de segur n moment enteressant. (lg)

Da man cencia: Stefano Proietti, Nicola Sandri, Riccardo Donei.

Economìa - I joegn hotelieres de Fascia, vidé dal president Guglielmo Lasagna, i se à binà enstadì per rejonèr, se sà ben, de turism ma chest outa leà al mond de la banches, del credit e di finanziamenc e per fèr chest l’é stat chiamà i raprejentanc de la Sparkasse (sostegn di Joegn Hotelieres de Fascia). La Sparkasse, Cassa de Sparagn, l’é la banca più veia del Sudtirol, con 120 filiales ence fora da la provinzia. En jebia ai 3 de november aló dal Croce Bianca Leisure & Spa Hotel tedant ai joegn hotelieres l’era l responsabol de la Sparkasse de Cianacei Riccardo Donei, Stefano Proietti diretor de la Sparkasse de Ciavaleis e l responsàbol del marcià Nicola Sandri. L’é stat proprio Nicola Sandri à rejonèr de la senestra situazion atuèla e l’à più outes sotrissà che no l’é chest l moment de pissèr en gran e de risièr. “Se fosse n hotelier no dezidesse segur de fèr gregn lurieres a mie hotel ma enveze vardasse de programèr i investimenc tel temp e che, chisc ùltimes, i abie l met de esser finanzié”. L’é stat dit dapò che la Val de

Fascia la é stata metuda te na categorìa a “auta vocazion turistica” e con chesta classificazion l’é più sorì ciapèr a d’emprest scioldi, e amò, apede a la componenta turistica, i etres criteries duré per domanèr credit l’é: la storia de l’azienda e de l’ùtol; la continuità generazionèla de la proprietà de l’azienda; colun che l’é e che soma che l domana l’investiment e dapò l’é stat amò dit che no se tegn più tant cont del valor del ben ma che enveze, de gran emportanza, l’é l “marjen operatif lordo” che dèsc l met de veder a na vida sorida se l’azienda la é bona de generèr richeza. Che condizionèa n muie chest indicator de vadagn l’é la politiches di priesc. Te Val de Fascia un di maores problemes l’é la tendenza che, per paèr ju la debites e i cosć staboi, se preferesc vener la cambra con n priesc più bas. E chest, descheche à dit l dotor Sandri, no l va ben per la valutazion de l’azienda. Tinùltima, Riccardo Donei l’à ilustrà i neves prodoc de previdenza privata, conseé per l davegnir de duc nos e ence percheche se i pèl tirèr jù da la tasses. (vr)

I joegn hotelieres de Fascia se à binà per rejonèr del mond del credit. www.lauscdiladins.com

23


Fascia

nr. 44 / 11 de november 2011

Moena ite o fora de Fascia: él dalbon chisc i problemes emportanc de noscia val? La costion rua endò fora con na conferenza stampa chiamèda te Comun General e i intervenc de n joen hotelier da Moena e del medemo Emilio Talmon Fascia/Moena 1 - Emilio Talmon à depojità te Comun General na mozion, che vegnarà touta dant dal Consei General a la fin de chest meis, domanan che vegne rejonà de l’emportanza storica di confins per na mior gestion del teritorie. A chest la Procuradora Cristina Donei e l’ombolt de Soraga Roberto Pellegrini à responet te na conferenza stampa portant la posizion de duc i ombolc de Fascia su la costion. No se n pel proprio più, – à dit la Procuradora - chest document che l’é n atach a la coejion de val e soraldut l’é na polemica che no à fondament. Nesciugn met en discuscion i veies confins, ma ades chisc confins no i conta più. La storia no se la ferma. Anchecondì i mures i vegn batui jù e chi che vel endò i fèr sù i é fora dal temp. No l’é tempes de responer sul passà,

ma de pissèr al davegnir. Gé – à dit amò la Procuradora – son stata litèda de mé del 2010 da jent de duta Fascia per lurèr per l’unità de la val, no de desfèr e despartir: gé voi lurèr de chest vers e nia podarà me fèr zeder. Moena la é ladina tant a livel linguistich, che culturèl e identitèr, gé son da Moena, son stolza de esser ladina e chesta ladinità no à da vegnir metuda en discuscion. Noscia comunanza, forta de sia unità e de sia identità, la pel se averjer a 360°: con i ladins del Sela, con l’autra comunanzes del Trentin, col Friul e l’Engiadina, con la Val d’Aran. Ensema coi etres ombolc vardon de troèr fora la prioritèdes e i besegnes per duta la val: ence la circonvalazion de Moena no à joà demò per chest paìsc ma per duta Fascia, ajache aló passa duc chi che va su per la val, e speron che ades se posse jir inant con chesta

Emilio Talmon: l’é na “forzatura politica”!

La Procuradora Cristina Donei con l’ombolt Roberto Pellegrini.

infrastrutures ence ti etres paìjes. Te chisc tempes de crisa l’é ence senester se mantegnir i servijes, soraldut tel sozièl. Se a na pìcola Val desche Fascia ge vegnissa tout demez la popolazion de n paìsc desche Moena, l Comun General

no podessa più aer cerc servijes e dut l compart sozièl doventassa più debol. A chi ge joela chesta divijion? – à fenì fora la Procuradora. A la Val de Fascia segur de no! (lg)

Pensieres de inier, ancö e doman sul “cajo Moena” Fosc seghitar a parlar de la regoeta de firme referendarie “antiMoena” da part de Migio Talmon pol somear stufos e negatif respet a l’efet che se spera de aer. Tel medemo temp crese che sie emportant no molar la preja su dute chele situazion che le podessa meter en discuscion l’unità politica, soziala e turistica de la Val de Fascia. Te ogne cajo me permete de jir amò su l’argoment col pensier su n aspet che me sà che nesciun à mai conscidrà te chisc mesc: cai éi po i condizionamenc che chest fat arà te curt temp? La recostruzion de gran ùtol che à fat Fabio Chiocchetti del Goti via per le setemane passade su coche Moena e duta la val à vivù la costituzion del Comprenjorie ladin de Fascia e l vif scambie de batude abù con Giorgio Grigolli su L’Adige me à fat recordar n fat de mie passà de scola. Na dì l professor de letradura ne à imponù de emparar adiment n tòch de l’òpera de teater “Vita di Galilei” de Bertolt Brecht, olache l medemo Galilei se remìa a l’ostinazion di sostegnidores de la filosof ìa tolemaica che i negava l’evidenza del fat che l’é la Tera che gira entorn al Sol e no l contrarie. La lezion dò aon capì l motif de chel dover cert che ne era stat dat. L professor, na oita verificà che duc avessane emparà chele pöce righe, l ne à dit: “Bon tosac, ades recordave che te la vita, de persone che se emponta a negar l’evidenza n troerede n muie.” La situazion che se à creà te chest ùltim an per via de la sgaissa separatista de valgugn l’à metù al luster doi aspec n mulge chiares. L prim, evident e jà conscidrà dalvers da Fabio Chiocchetti, l se conzentra sul fat che la batalia de Talmon no la ge joa proprio a nesciun. L secont, manco evident ma che zenza dubie l’é, l se basa su la storia e la posizion geografica de confin del paes de Moena, che ge à dat na “personalità” particolara. Bastasse veder e capir chisc doi elemenc per meter a tajer ogni osc “destrutiva” che vegn da

24

www.lauscdiladins.com

la bocia de Talmon. Purampò l gran suzess de na regoeta de firme desmostra che l’evidenza no l’é assà per fermar certe scomenzadive. Per entener i efec tel davegnir volesse analisar l svilup del projet “AntiMoena”. Del luio del 2010 me aeve permetù de sdramatisar te na letra su L’Adige le prime ridicole esternazion de Talmon, sotlinean che sove opinion le fajea pensar al bar de paes olache l’é semper n personaje mìngol folcloristich che rua int e disc la sova: sul centravanti del Milan, su l’Ici, sul “lato B” de Jennifer Lopez... Ensoma, l rua, l disc la sova e la jent seghita a jiar a carte, la scorla l ciau, magari la ge paia n bianch... dut finisc aló. Enveze te so cajo l’é bon de aer spazie. Ma se podelo ge dar creta a un che n sbara una al dì? Te n paes normal na, almoto te Fascia (e te la Talia) scì. El l la sbara, l “zocol dur” se engaissa, l fasc na viva e l disc: l ge le à ciantade ence sta oita. Mia letra l’era n tentatif de tegnir dalonc la jent de Fascia da le idee de Talmon. Tentatif jit mal. Tant che ades no l’é più da parlar de “efet Talmon” ma de “efet mile firme”. Evoluzion sensìbola e de segnificat che cruzia no pöch. L problem l’é jit a fon, ma se l vegn vedù con destach no l pol che far grignar. Emblematica la grignada dubiosa de n amich da Ciavales che, dò na discuscion fersa pro-anti Moena endana na cena l’à domanà trei oite: “dalbon se é dò che se bina firme per manar fora Moena da Fascia?”. Se da na man é scontrà jent de età da Cianacé e Ciampedel (che se à moscià da ferstont) che, enceben che i aesse tel sanch n cert campanilism con reisc fone, i se à declarà de contra al tentatif de referendum (“a far sù ge völ trop più temp che a dessatar”), da l’autra fasc cruziar trop le tote de posizion de joegn hotelieres che se declarea fort a una con Talmon (“l’é ora che zacan valgugn i die chel che pensa duc e i fae aldò”). Fasc cruziar ence le declarazion

de persone mesurade che desfruta l’ocajion per dir che “l’é ora che Moena la fae n pas endò”. O amò: “Moena no l’é val de Fascia, l’é deldut chiar”. O “L’é ora che Moena la dezide da che man che la vel star.” N pas endò? Fosc se domana che Moena la anulee 900 egn de storia de Magnifica Comunità de Fiem? Moena no la é te Fascia? La é tera de confin e la storia ne à condizionà la ”personalità” ma chest no völ dir che no la sie te Fascia. Chest l va entenù, soportà e sostegnù per l ben de duta la val. Dezider da che man star? Se prea de engejer da nöf la rievocazion storica prezisa de Fabio Chiocchetti. Moena l’à dezidù chiaramenter da che man star oramai da egn e egn. Piutost chesta l’é l’ocajion bona per duta la val de desmostrar union, forza e inteligenza destudan ogni osc secessionista. Dasc da pensar che te chest an e mez nesciuna stimada e carismatica personalità del mond economich de Cianacé abie studà via con dezijion le mire separatiste de Talmon e de siöi sostegnidores. Fora che na preziosa declarazion de l’ombolt de Cianacé (aprijiada ma de obligh a livel istituzional) e del President de l’Union di Ladins de Fascia Silvano Ploner (bel so apel nostalgich), nesciun imprenditor à domanà spazie publich. Chi miec che lori aesse podù sensibilisar i tropes artejegn e laoranc che à zedù a le domane de firma referendaria? Chi miec che lori podesse far sparir i dubies de unitarietà che se à creà tel ciau di moenac? L prim efet de chesta situazion l’é che ades a na litazion de ogne orghen aministratif o imprenditorial de val che sie peserà Moena e siöi raprejentanc. No sarà più valutà l merit e la capazità reala di candidac, ma la provenienza. Se à sentù trop l lament stufos: “sion ègres de aer raprejentanc de Moena”. Ma me domane: i desvalives Luigi Chiocchetti, Cristina Donei, Riccardo Franceschetti i à abù e i à ruoi de pes te la sozietà fasciana

demò percheche sostegnui da Moena? O fosc percheche i à desmostrà maor capazità respet a autres candidac e i à desfrutà la mencianza de union e de personalità de pes del rest de la val? Me sà de recordar che canche aon abù candidac con capazità politiche evidente che vegnìa da fora Moena (Ezio Anesi e ge metesse ence Giuseppe Detomas, a part l’harakiri del 2006) i é stac lité ence de gra ai numeres de Moena. N secont aspet soscedà da “l’efet mile firme” l’é che l ne fasc mosciar spartii ai ölges del rest de la Provinzia. Con cala forza se prejenteron a Trent a domanar atenzion, considerazion e finanziamenc? A jir inavant coscita se riscia de ge jontar ence l tant suià scran de derit che ne é stat resservà desché mendranza. Cimbri, Mochegn e ladins nonejes pestolea e revendichea so spazie. E noi co se defenone? Tant per scomenzar a jir te la tana del “louf nonesc” a declarar che te Fascia va spartì i ladins fascegn e i moenac. E a sostegnir che l raprejentant de le mendranze, che l vegn da Moena, l’é da delegitimar (aparizion de Talmon en sabeda ai 8 de otober a Romeno). Burt autogol. Na soluzion che metesse fin a duc i problemes evidenzié? La union di Comuns te un sol e sentù Comun general. Chest l’é n prim vero pas inavant per esser zacan unii, librar ressorse umane e finanziarie. Ampò dut fasc pensar che la realisazion sie pura utopìa. Ma la trasformazion di Comprenjories te Comunità de Val no aevel chest desché obietif prinzipal? La lege Bassanini no miravela a far redujer l numer di Comugn? L Sudtirol à la metà di Comugn del Trentin. Dijesse che chest no l’à fermà l svilup, anzi. Dut chest te la speranza che la ragion de na val l’aesse la soramessa su la desprudenza de na persona demò. Manuel Farina

Respone al scrit de Floriano Bernard de Cechinol su La Usc de otober. No me n fae marevea de che che disc n segnor che fin acà pech temp l’era sindacalist (stipendie arsegurà) che vel me comanèr con chi che é da rejonèr. É 70 egn, é fat l mecanich, l dependent, l’artejan, é lurà con mia mans e fae politica a mia speises. Vegne a la regoeta de firmes per l confin storich Austroungarich del 1923 de Fascia a Soraga che domanèa: “I sotescric declarea de esser en consaputa, aldò ence de la mapes del catast de Ciavaleis (all.1) de la mapes di organs de promozion turistica (all.2) e de la mapa storica manèda fora da Werner Pescosta Istitut Micurà de Rü (all.3) che l confin anter Fascia e Fiem l’é a la fin de Soraga, donca Moena era sul tegnir de Fiem, l’à tacà a fèr pèrt de Fascia demò del 1977. Aldò de chel che peissa l segnor Bernard chesta fossa na estorsion! La verità l’é che la UAL Generela nea l confin del ’23 per oportunità politica. L’IPL de Busan à manà fora na mapa col confin de Soraga spostà al Forn, per cont de chi pa? Moena l’à sie bens: diozesa, studafech, e c. i., te Fiem. L piscop de Persenon aea sot sia gestion l teritorie Austro-Ungarich enscin a Borghetto. Del 1811 l’é stat spartì: l Piscop de Persenon se à tegnù l Sudtirol e l raion di Ladins del Sela, al piscop de Trent l ge à zedù Fiem e la Bassa Tesina enscin a Borghetto. Del 1126 Fiem con Moena ge à domanà aiut al piscop de Trent, che ge à dat en don bosch, ciacia e pesca, e coscì l’é nasciù la Magnifica Comunità de Fiem. P. Frumenzio à scrit che mo l’é documenc che desmostre na veiora partegnuda de Moena al Prinzipat de Persenon. La costion per Autonomia Ladina no l’é Moena ite o fora, ma l’é na “forzatura politica” gestida dal P.A.T. travers UAL mudan nesc confins teritorièi Austro-Ungarich del 1923, smendran semper de più l’identità Ladina. Tel dessegn de lege depojità dal sen. Divina, Lega Nord su envit de Autonomia Ladina Dolomites ai 23 de jené del 2007, se propon de istituir la Provinzia Autonoma Ladina con duta la normes stabilides dal test unich de la leges costituzionèles e del Statut, de chel che vegn rejonà tel DPR 31 de aost 1972 n 670, chest no l’era mai stat garantì con strumenc istituzionèi: art.1 pont d, la val de Fascia con chisc comuns, Soraga, Vich, Poza, Mazin, Ciampedel, Cianacei e Moena, chest ùltim conscidrà pèrt del teritorie del 1977/78. Chel che nea la verità no l’é Migio Talmon ma n personaje de la UAL che disc faussitèdes. Migio Talmon, Autonomia Ladina Dolomites


Fascia

nr. 44 / 11 de november 2011

La PAT zeruca su la steora destinèda al turism Vegn rejonà de n smendrament de Irap per chi che contribuesc al finanziament de l’azienda. N auter an l skibus sarà a paament L’istà l’é jit ben o amàncol l’à tegnù. Ma co jirèla la sajon da d’invern per i operatores del turism? Via per chisc ùltimes meisc l’Azienda de promozion del turism de Fascia à fat de gregn investimenc: tel ciamp de l’editorìa, del web, de la promozion. E gran atenzion vegn resservèda ence a la categorìa di fitacartieres co na lingia de scontrèdes per tor sù critiches e proponetes e ruèr coscita con na situazion chièra a l’assemblea di sozi che é en calandèr al prum de dezember. Endèna aon volù sentir l diretor de l’Apt Andrea Weiss. Éla jita ben la sajon da d’istà? Andrea Weiss: “Se pel dir che la Val de Fascia la tegn, soraldut a pissar al moment delicat a livel economich che sion dò che vivon. L’é vera che noi aon demò doi indicatores, tanta de jent che rua e cotant che la stasc, e chest no l’é dut, ge volessa ence se domanar che vadagn che à i operatores. N element emportant aboncont l’é che te l’istà 2011 l’é ruà 18.000 persone de più, l’ùltima uta che sion rué sun chisc numeres l’era del 2002. Chest ne fasc pissar che l’istà pel ne dar amò maor sodesfazion se luron ben sul teritorie, peisse al gran ejit che aon abù co le rode enlongia la Veisc, aon smaorà da doi a cater dis l Bike Express e n auter an jiron a 6 oute. Dapò sion dò che fajon na gran prescion sul Comun general e la Provinzia per esser segures de ruar n auter an co la pista de le rode fin ta Ciampestrin, aessa jà cognù pontar via i lurier chest uton ma l’é stat valch empediment.” Gregn numeres donca col turism de la roda, ma chest istà aede dit che “noscia economìa no se sostegn demò coi alpinisć e coi ciclisć’”! “Conferme che i numeres de Fascia i à de besegn de vegnir alimenté da n muie de enteresc. Chest istà se aon troà te la condizion de no poder refudar certe situazion che magari no le jìa envers n turism da mont e sostenìbol, ma chesta se sà l’é na situazion de dificoltà che vif Fascia. Per poder esser recognosciui desche lech de turism per chi che va a pe e co la roda cognon miorar i servijes e esser competitives, peisse a la pista de le rode e a le circonvalazion. Al moment no posse dir che aon cheste condizion. Basta vardar l numer de jent che va sa mont col panorama pass, aon amò n muie da far.” Che èles pa portà scomenzadives desche Yamaha e Harley Davidson? “Con Yamaha l’é na colaborazion che va inant da egn, l’é stat na situazion organisada dal club e donca n muie controlada. La era nasciuda per portar mìngol de jent ence tel meis de jugn canche fajon amò fadìa. No aon cernù enveze chela de la Harley e no eraane deldut a una soraldut per l moment, la fin de aost, canche aon jà jent. L’é stat n gran biteboi a livel

moment delicat olache vegn chiamà duc a paar i servijes, desche la jent de età e i bec che va a scola, no se pel più manar fora l messaje che i ghesć i dora l servije per nia. Aon vedù che ence le val vejine fasc paar l servije: Gherdena tira sù n terz del cost, chest an ponta via ence Badia. Co l’an che vegn volassane meter n biliet, ence demò a livel politich, con n cost de 1 euro al dì, per ruar a l’obietif de tirar sù n terz del cost, scioldi che dapò podassane durar per la promozion o per miorar l servije. Investion n muie de scioldi sul trasport ma sui momenc de ponta de la sajon fajon fadìa a portar duc a destinazion.”

L diretor de l’Apt de Fascia Andrea Weiss.

mediatich percheche i rejonaa de passa 1.000 jent canche a la fin i era de 120, pech sora i numeres che l’era stat l’an dant a Poza, canche nesciugn n’aea rejonà. L’é vera che le scomenzadive le chiama jent, ma se un se met tel meis de aost a contar l numer de moto che passa per jir sui jouves, fazile 120 no l’é n numer da marevea. Ne à dat mìngol d’emp a z la criminalisazion te nesc confronc percheche fajon part del medemo teritorie che l’é le Dolomites, nesciugn à l derit de pontar l deit contra la val vejina perché chesta situazion la é ence utró, peisse a Badia e Gherdena olache l’é vif l valif fenomen. Ge vel star ensema e pissar ensema co se tor dant le situazion. Scriver a la fondazion Unesco me à dat mìngol l’imprescion che vivon duc tel medemo condominie ma canche un auza mìngol la radio enveze che se rejonar se va sobito da l’avocat. L patrimonie che aon da gestir l’é en comun coi autres teritories e cognon ruar a n confront e no a le critiche.” Podede dir donca che l’é stat lurà ben chest istà tel setor de la promozion? “Sion stac i soi anter i teritories che à maridà sobito l’idea de slariar fora l recognosciment de l’Unesco. Ades che aon chest marchie se cogn ge dar ence i contegnui percheche i ne crese. Ge ruaron col confront, mìngol a l’outa, col didament de chi che à la responsabilità del teritorie. Noi aon tout sù la part positiva e forta de chest recognosciment, ades la Provinzia e i comuns, te soe dezijion, i cognarà cerir de l’interpretar e de ge dar valor, ogneun te soa responsabilità.” Na manifestazion grana che tol ite duta la val l’é Traslaval, che portela? “La porta n scomenz de sajon, na bela idea de na scomenzadiva che no é leada demò a na dì, a n post, ma a duta la val e la porta jent enamorada de Fascia che vegn per se goder l piajer de star con noi na setemana entrìa. Sé che chisc dis l’é persone che varda de meter ensema n nef comitat de endrez

per jir inant, perché chesta manifestazion la é nasciuda e cresciuda co l’empegn de Stefano Benatti ma crese che coi egn e col didament di comuns l’é doventà mìngol patrimonie del turism de duta Fascia che no pel esser leà demò a na persona; me augure che i troe l met de la portar inant.” Se à rejonà tant de “steora destinèda” al turism, che fin èla fat? “L’assessor provinzial al turism ne aea dit che con dezember la fossa stata metuda te la finanziaria, de setember ne é stat dit che no i se la sent perché la costion economica la é tant delicata che no i vel meter sù na neva steora. Noi no sion d’acort. Se la provinzia creit che cheste organisazion de teritorie le é utole per l’economìa del turism del Trentin ge vel che le ge dae i strumenc aldò, ge vel che la mete a la leta n strument indutif per ge dar garanzìe. Se à vedù che la privatisazion, che stasc en pe col contribut su basa volontaria, l’é n prozess delicat, no l’é giust percheche dasc didament demò chi che à na partegnuda forta envers l’economìa del teritorie. Però ence chi che no ge stasc i à l benefizie di investimenc. Te chest moment aon presciapech 1.060/1.070 sozi, sion contenc de l’adejion ma ne dasc da pissar l fat che n’é n muie che i é amò fora, che no i veit l besegn de dar n didament a chesta azienda. L’é desche aer na machina che à de besegn de bensina per far l viac, aon na organisazion emportanta, se le ressorse le vegn dal publich podon far jir en prescia la machina e portar i resultac.”

Che pissède de la mobilità sun scines? “Noi dijon che Fascia à gran besegn de na mobilità interna. Te chest moment l’é na gran discuscion sul strument ma mencia la condizion pruma: la volontà da man del goern provinzial de recognoscer che l’é chest gran problem te Fascia e che per portar la val te la competizion globala del turism l’é besegn de n strument fort de mobilità interna. Se zanghenar sul strument no serf. Gio peisse che le persone che vegnarà chiò a far soe ferie le ruarà amò n gran pez co l’auto ma cognon far a na vida che le lo lasce sul post e i se meve con mesi publics. L projet de Metroland l veide n muie dalonc.” Coluna él la prospetives per chest invern? “La situazion la é più o manco desche l’an passà, aron na sajon più curta con Pasca che rua dant, chest ne deida a tegnir ensema la sajon. Aon segnai positives dai marcé foresć co na crescimonia de russi che i é dò che i se sposta en ju te la val. Crese che sie amò n svilup soraldut sul marcià de l’est, vedon che ence te la Polonia seghita a crescer l Pil e donca i podarà vegnir de più. E sion dò che vardon ence de portar inant educational con chi picoi stac de l’ex Ruscia, desche l’Estonia, Lettonia, Ucraina, olache l’é na gran gaissa de se mever.” Ae de fat ence g reg n investimenc per l’area web... “Co la fin del meis de otober sion vegnui fora col portal nef olache aon volù ge dar na parbuda neva

de proponeta de Fascia con sistemes neves e atuai. L’azienda fasc gregn investimenc te chest setor e la met a la leta ence 3 persone n muie motivade. Per l’an che vegn aon pervedù zirca 200.000 Euro anter svilup e promozion del portal.” Che ressorses ruarèl da la Provinzia? “No saon amò nia, me augure che la Provinzia mantegne i finanziamenc de chest an. Se rejona de la possibilità de meter en ciamp na sort de smendrament de l’Irap per chi che contribuesc al finanziament de l’azienda. Vedaron te che mesura perché podessa esser n pìcol strument per didar la partezipazion de chi che amò no fasc part de l’azienda. Gran atenzion ence per l setor di fitacartieres... “Volon miorar la condizion di privac che fita cartieres. L strument de la classificazion l’é stat n varech inant emportant ma no sion amò te la condizion otimala, per chest sion dò che se confronton col teritorie per meter ensema n grop de lurier che ensema a le doi persone raprejentante portarà sul desch de Trent nosce proponete per mudar la classficazion.” Che pissède di projec de neves cole ament coi impi anc portamont? “Gio crese che cognon star ascorc su la programazion del teritorie. Cheste strategìe le cogn far part de n program che vegn condividù da man de dut l teritorie, no podon pissar che n paìsc se meve per so cont. Chisc neves projec cogn far part de na logica de teritorie. Noi, soraldut te chest moment, volassane che chesta logica la troe desche prum referiment n soul skipass. La spartijon anter Val Fassa e Trevalli no deida la promozion de la val; no l’é demò Moena che padesc l’erojion envers Fiem ma ence l zenter Fascia olache le persone no à na idea chiara sun che skipass comprar. Gio crese che n skipass soul podessa esser n strument de comerzialisazion fort ajache i fascegn podessa dezider ence l priesc, roba che col Superski Dolomites no se pel far.” Intervista de Monica Cigolla

Co pissède de ve mever? “Seghitaron a ge domanar al goern provinzial de far so lurier, de meter en ciamp strumenc legislatives percheche le aziende le ciape contribuc dal publich tras na tassazion. Ge vel n sistem olache duc chi che à benefizies i dae so didament economich.” Per chel che vèrda la mobilità, él novitèdes per l trasport de skibus? “La provinzia disc che te chest

La neva parbuda del sit www.fassa.com www.lauscdiladins.com

25


Fascia

nr. 44 / 11 de november 2011

Canche rua Sèn Nicolò... Ai 18 de november vegnarà prejentà l nef liber “Dò la pedies de Sèn Nicolò” fat da Danilo Planchensteiner e Manuel Riz che i ne à contà l lurier e la pascion che li à spenc a la publicazion Cultura - En anteprima fascèna, ma podon ben scriver sorì ence mondièla, per la Usc di Ladins aon intervistà Danilo Planchensteiner e Manuel Riz da Cianacei, i autores del nef e soul liber dedicà demò a la fegura de Sèn Nicolò, scrit ence ensema a Claus Sorapera e al professor Cesare Poppi. N liber spezièl te la grafica e ti contegnui, sorì da lejer e da tegnir te man e dassen bel da se vardèr fora. Con doi soracuertes, una verda per l fascian e una checena per l talian, “Dò la pedies de Sèn Nicolò” l conta de la tradizion vegnuda cà dal mond todesch e che amò anchecondì chiò da nos la passa sorafora ogne aspet turistich e la é amò viva ti sentimenc de la jent e te la stues de noscia cèses olache ai 5 e ai 6 de dezember i bec, engaissé ma ence mìngol cruzié, i speta Sèn Nicolò, compagnà da l’Agnol e se sà ben ence dal Krampus. L liber vegnarà prejentà ofizialmenter ai 18 de november da les 18.00 tel chino Marmolèda de Cianacei olache duc é envié ajache la prejentazion vel esser na vertola piajegola per stèr ensema e se fèr doi ciacoles, con mìngol de marendel e na doucia sorpresa per duc. Chi che no rua a la prejentazion, dò dai 18 de november i podarà comprèr l liber (15 euro) aló da la boteighes di sfoes a Cianacei da Paolo Bernard e a Poza da Ettore Costazza e amò ta Cianacei te la boteiga de Renato Bernard Tabach. Co éla che ve aede pissà de fèr chest liber? Danilo Planchensteiner: L’aon pissà soraldut per i bec. Ge aon lurà dò n muie a chest liber e ence se aane l’idea a l meter jù no l’é stat per nia sorì. Aon scomenzà a fèr intervistes a la jent de paìsc e sion jic inant dò vea e canche se aea temp. L’aon fat per pascion, per lascèr zeche tel davegnir.

“Dò la pedies de Sèn Nicolò” con la doi soracuertes verda per l fascian e checena per l talian e l segna liber.

Manuel: Ge aon metù 5 egn. Danilo l’era da egn che l volea fèr n liber sun Sèn Nicolò e l me à domanà de ge dèr na man e é sobito azetà. Fin dal scomenz se aon pissà de fèr n liber che jà canche te l ciapes te man sie zeche de particolèr, che sie n liber mìngol magich che un l se lo tegn te cèsa e che l lo tire cà, desche te chisc tempes, fora de sajon, te na dì de catif temp e che l ge vegne let ai bec ence mìngol per creèr l’aveniment e contèr n’outa coche l’era la tradizion de Sèn Nicolò. Co ve aede endrezà l lurier? Manuel: No saane da olà tachèr coscita ensema a Claus Soraperra, che ne à dat na man, se aon cruzià de jir a veder coche i vif la tradizion de Sèn Nicolò te la cèses. Ajache aane debesegn de saer la origines de chest Sènt, aon domanà al professor Cesare Poppi che l’à fat na pèrt su la storia de Sèn Nicolò. Dapò cognon rengrazièr ence Renzo Deluca de Canucia che l ne à dat na man per la sèntes e per la informazions, Robert Bernard che à fat la fotograf ìes di ogec tel liber e dapò a duc chi che ne à contà e

ne à dat retrac. Se aon pissà de fèr chest liber percheche te duta Fascia no l’era un liber dut sun Sèn Nicolò. L’é na publicazion de Poppi e Morelli che rejona ence de Sèn Nicolò, ma demò sun Sèn Nicolò nesciugn se à pissà de l fèr. No l’é che nos aon volù fèr lum sun duta la tradizion, che la é più o manco valiva te duc i paìjes de la val, percheche se jane te duc i paìjes a domanèr foto no feniane più. Aon tegnù Cianacei e Grìes. Dapò, semper per i più pìcoi, aon fat ence n pìcol segnaliber con la lenga del diaol e l vis de Sèn Nicolò e na piata la é stata dedichèda ai numeres magics. Chesta de Sèn Nicolò, él na tradizion che é semper stata chiò te Fascia? Danilo: Sul liber aon scrit ence chest, che l’é na tradizion che vegn cà da Gherdena e n’outa no l’era Sèn Nicolò en persona che jìa fora per la cèses, ma se sentìa i segnes de sia prejenza. Me à contà Francesca Sottsass che la pruma

outa che se à vedù jir stroz Sèn Nicolò l’era del 1937, e Lina Rizzi à dit che amò dant la vera canche ruèa Sèn Nicolò se cognea preèr n muie e delvers percheche no rue l diaol. Se preèa Sèn Nicolò per ciapèr vèlch, desche noujes, vèlch pit o ence n codejel o n lapisc se se era fortuné, ma l’era e l’é soraldut n armoniment per fèr i valenc. Manuel: N’outa i bec no i lo vedea Sèn Nicolò, i sentìa demò la ciampaneles fora da usc olache, n’outa demez, i troèa semper zeche. Anter duta la robes vegnudes fora da la intervistes che l’à fat Danilo aon trat fora 8 stories, sozedudes dalbon, metudes jù desche na pìcola contìa. Danilo: Chesta stories les é states scrites per ge les dir sù ai bec. Nos aon metù la storia e dapò Maria Pezzedi apede la ge à fat l dessegn. Chesta contìes les aon lascèdes demò per ladin e te la pèrt per talian aon metù ite n comich. Te mez l’é ence scrit coche l’é regolà Sèn Nicolò e coluns che l’é i èrc del diaol.

E ades, co éla veduda la tradizion de Sèn Nicolò? Manuel: L’é na tradizion sentuda e spetèda! Canche Sèn Nicolò rua te na cèsa l doventa desche l patron de la cèsa, l comana sun duc. Danilo: Tel cors di egn chesta tradizion la é restèda de la jent del post e no leèda al turism. L’é na roba demò noscia. Manuel: Enceben che Cianacei sie n lech turistich, chesta tradizion, desche la mèscres ta Penìa l’é na roba amò n muie sentuda. Se ge tegn desche jent a l’aer e no l’é na roba che se fèsc per se fèr veder te piaz e per chest aon volù jir più a fon su chesta tradizion. Te chest liber aon volù meter ite zeche de scientifich, zeche de populèr, che l sie per duc e aon proprio volù fèr ades chesta prejentazion percheche sie n moment per la jent del post. L’é na vida per se troèr te chest moment che la jent à più temp.” Danilo: “Se sà ben, l’envit l’é sport a duta la jent, ai pìcoi e la jent de età da duta la val. (vr)

Manuel Riz e Danilo Planchensteiner à volù fèr na enrescida su la tradizion de Sèn Nicolò.

Recordar la storia per no desmentiar Jent, gropes e autorità à tout part a le zerimonie de comemorazion di sudé morc en vera te cortina de Sènt’Uiana e de Sèn Jan

I Alpins à portà le gherlande te cortina de vera de Sènt’Uiana

26

www.lauscdiladins.com

Desche ogne an, en domenia ai 6 l’é stat l dì de la comemorazion di sudé morc en vera, tegnuda te cortina de Sènt’Uiana e de Sèn Jan. Da le nef da doman l’é pontà via la defilada per se portar te cortina militara de Sènt’Uiana. L’era la Musega, i Studafech, la Crousc Chécena da Vich, i Schützen de Fascia, Fiem e Neva Taliana, l grop di Alpins da Vich e autorità desvalive, che dessema a la jent, i é jic a prear e a recordar i crodé da la pruma Gran Vera. La “fotografìa” che se podea veder te cortina la era dassen piena de emozion, duc i gropes con mondure e bandiere desvalive, dintorn a chele crousc che fasc da testamonech dal mal che l’om l’à fat e olache l’é mort jent che nia ge n podea. Sot le note de “Ich hatte einen Kameraden” se à

levà n vent de tristeza e riflescion che à tocià l cher de duc e, endana che vegnìa portà le gherlande da part di gropes, se vedea ti eies de la jent passar l pensier del parché chisc militari à cognù morir per la “stupidità” de zachei che à volù far vera zenza regoer nia de bon e semenar demò desgrazie. Dò aer fenì la funzion, duta la procescion se à portà ju te lejia de Sèn Jan, olache l’é stat zelebrà messa grana e sobito dò l’é stat fat la deposizion de la corona en onor di crodé de la seconda gran vera. L’é stat doi momenc fogn olache jent e gropes à tout pèrt numerousc e con fe. Sot nesc bie monc, enlongia i pré e i fiores, dorm en pasc omegn che à pardù co la vita la joventù e l davegnir. L’é valif che i sie stac todesć o

taliegn, da dute doi le man i à verejà par chel che fosc i cardea, ma che no à portà a nia. Che le crousc, nude e ciareade de lagrime, posse esser n simbol par noi che vivon te n mond olache se mer e se pert la vita par man de invidie, droghe e azidenc, n simbol de ensegnament par respetar la vita che l Segnoredio ne à dat e par no cogner più pianjer morc par colpa de la cativeria umana. Volee amò rengraziar l grop di Alpins da Vich, soraldut l capogrop Erwin Obletter, che dessema al Comun i à endrezà na scì bela comemorazion ge fajan onor a duta la comunanza. Se recordon che la vita la va semper inant ma aon l doer de ... no desmentiar! Ivan Pederiva de Pino de Vigile


Fascia

nr. 44 / 11 de november 2011

Auta Fascia te la Slovenia La joena musega da la val de sora é stata da pech a Bled e a Lubiana per doi bie dis de vacanza en amicizia dò n istà pien de empegnes e de conzerc Volontariat - A la fin de na longia sajon de conzerc e defilèdes i componenc de la Musega Auta Fascia i se à conzedù n moment de relax, dai 29 a 30 de otober con na bela raida en Slovenia, più avisa sul lech de Bled e te la zità de Lubiana. La raida, paèda jù mìngol coi vadagnes de la Banda e mìngol ogneun per so cont, l’é stat l giust paament dò n an de lurier e de temp metù a la leta da duc i componenc del joen grop musical per miorèr sia preparazion e per enjignèr i toc de musega studié endèna la proes. Apede a chest l’é da recordèr che via per chest istà passà l’era empegnes béleche duc i fins de setemèna. Chesta gita, fata tel fon segnificat del volontariat, la raprejenta n moment emportant per ge dèr forza ai leames de amicizia e la pascion per la musega che cogn esser per arjonjer più sorì e con suzess i fins che l’istituzion musicala se met dant. La doi zitèdes slovenes de Bled e Lubiana no les é states cernudes a cajo dal diretif. Bled, con so beliscim lech sot l’antich ciastel, n temp l’era patrimonie del Prinzip Vescof de Persenon, chel medemo de Fascia. L’é stat proprio Enrico II, emperador todesch, a ge sporjer chest teritorie al Vescof per l rengrazièr di servijes dac e per la

fe desmostrèda te n muie de ocajions. Lubiana enveze, veia zità asburgica e zenter urban multietnich, capitala de na joena nazion che à declarà sia indipendenza al Stat jugoslav nience jai 20 egn, la se prejenta desche n model de capitala de n teritorie che à desmostrà de ge tegnir e de voler che vegne recognosciuda sia partegnuda etnica e del lengaz, descheche per auter i ladins fèsc tel Stat talian. Donca, l’é stat na raida de piajer ma ence n muie rica de contegnui storics- culturèi. N muie bel l’é stat navighèr l lech de Bled per arjonjer la pìcola ìsola te mez al lech al daìte da le “pletne”, la bèrches a remes. Da recordèr ence la vijita a la pìcola gejia di dejideries, olache l’é ite na ciampèna fata meter dal Papa, tocià da la storia desfortunèda de na rica vedova doventèda dapò monia te n convent roman. La dì dò l’é stat la vijita vidèda dassen enteressant a la zità de Lubiana che à maraveà duc i componenc de la banda, per sia istoria e per sia beleza architetonica, ma soraldut per l’endrez de la vita sozièla e de coche la Slovenia la deida la families e i joegn, soraldut tel ciamp de l’istruzion. L moment più bel aboncont,

I sonadores de la Musega Auta Fascia à fat na bela raida te la Slovenia.

descheche se se spetèa, l’é stat la sabeda sera ti desvalives locai de Lubiana. Ogneun con so grop i à abù l met de cognoscer l devertiment di joegn sloveni. N mèr de jent stroz enscin a scurenta net ti bar, restoranc e pub ite per anter la pìcola strèdes del zenter storich. L’é stat dassen na bela esperienza

enjignèda da nosc president Enzo Rovere, che no se pel l mudèr con nesciugn e che amò na outa l ne à dat proa de sia gran capazitèdes da organisador. A el va l più vif rengraziament da man de dut i musizisć de la banda che, ence te chesta ocajion, l’à desmostrà duta sia recognoscenza e dut sie afet. La raida de la Musega Auta

Fascia resta ogne an n moment de forta sozialisazion anter joegn e manco joegn che vegn da duc i paìjes de la val de sora. Chest aspet resta l valor più emportant che enscin ades l ge à dat forza a duta la scomenzadives fates da chest grop de musega. Speron che dut chest no l vegne mai a mencèr. (ml)

Chi él pa? Soluzion del retrat su La Usc nr 43 L retrat che aon publicà la setemèna passèda, che ne é stat portà da Ester Gross Ciaria, l’era stat fat en ocajion de la noza de sia sor Anna e Giovanni Lorenz de Bortol ai 17 de mé del 1956. A ne dèr la resposta, apede a la medema Ester, l’é stat ence Giuseppina Rossetti, Vito Pederiva e Lino Soraperra Medico. Sul retrat l’é: 1. Maria Sopperra, maridèda Detomas; 2. Cristina Tamion maridèda

25

4

Cigolla; 3. Carlo Gross Ciaria, père de la sposa; 4. Maria Lorenz maridèda con Edoardo Weiss, sor del spos; 5. Ester Gross Ciaria maridèda con Lino Weiss, sor de la sposa; 6. Rosina Lorenz, sor del spos; 7. Lucia Lorenz da la Filo maridèda fora Caran; 8. la sposa Anna Gross Ciaria, del 1932; 9. Franca Bernard maridèda Holzhauser; 10. Walter Lorenz de Bortol, fi del 18; 11. (che l’à ence l numer 19) l spos Giovanni Battista Lorenz, del 1926; 12. Fonjo

24

23

20

21

1

22 5

6

8

16

11

sposa; 25. Rosa Gross Ciaria, maridèda Rasom. Ge sporjon n bel develpai a duc chi ne deida ogne setemèna a meter ensema noscia rubrica e chest’outa ve meton dant n retrat fat del 1953 sun Marmolèda; no ve dijon de auter ajache se no fossa masa sorì endoinèr. Ve envion a ne dèr voscia resposta dant da mèrtesc sera te redazion, ence per telefon o fax al 0462.764545 o per mail a la direzion lausc@ladinsdefascia.it.

1

19 18

2 3

Weiss de Coz; 13. Vito Lorenz de Bortol, fra del spos; 14. Giovanni Battista Calligari (Futerle); 15. l decan don Fortunato Rossi; 16. Giuseppe Gross, fra de la sposa; 17. Maria Lastei, femena del 14; 18. Carlo Lorenz, fra del spos; 20. Bepo Lorenz, fra del spos; 21. Giuliana Gross Ciaria, maridèda Rasom; 22. Mario Sopperra da Pera, jorman de la sposa; 23. Agnese Rasom de Felize, maridèda forin Svizera; 24. Giuditta Rasom maridèda Sopperra, ameda de la

15

Chi che troa fora amàncol la metà de la jent che l’é sul retrat ciapa en don na publicazion de l’Union di Ladins. Desche semper ve envion ence a chierir fora i retrac veies che aede te vèlch crigna e ne i portèr te redazion a Sèn Jan, olache podon i tor sù col scanner e ve i dèr de retorn sobito. A chesta vida ne didède a viventèr chesta rubrica e a meter ensema vèlch mizacola de storia de noscia jent. Develpai!

2

14

17

7

13

3

12 9 10

www.lauscdiladins.com

27




La Usc de la scola_ _ _

nr. 44 / 11 de november 2011

Proes de segureza al zenter de Protezion Zivila I gropes del Socors, di Studafech e de la Crousc Biencia à endrezà la dì de la segureza per i pìcoi scolees de Cianacei En jebia ai 27 de otober i 166 bec de la populèra Giovanni Rizzi de Cianacei à podù viver na dì de scola deldut spezièla. Al post de lapisc e codejìe i à podù “fèr scola” duran estintores, sirenes e embragadures. Chesta bela giornèda, la “dì de la segureza” é stata endrezèda dai trei gropes de volontariat che à senta tel zenter de protezion zivila de Cianacei, olache apontin se à vivù dut l bel e l’emozion de chel che vegn fat vigni dì da chi che fèsc pèrt de la Crousc Biencia, del Socors Alpin e di Studafech. Dut l’é peà via da doman bonora a scola, olache l maester Rinaldo, ispetor di Studafech de Fascia, ge à spiegà a bec e maestres i doeres de chi che cogn stravardèr la segureza de la jent te scola e fora, dant con n filmat e dò con na proa de evacuazion vidèda.

Entorn les 9.30 duc se à enjignà per jir al Zenter de Protezion Zivila olache i li spetèa i operatores e i esperc per ge spieghèr la regoles de la segureza. Timpruma l’é stat fat trei gropes che, a roda, i à podù scutèr i ensegnamenc de Piergiorgio Carrara per chel che vèrda i Studafech, del dotor Graziano Villotti per la Crousc Biencia e de Gino Comelli per l Socors Alpin. Dò aer vedù filmac, proà a fèr na ejercitazion co l’ambulanza e emparà a chiamèr aiut tel besegn, i scolees à ence podù proèr l’emozion de marenèr tel Zenter e de se enjignèr a la ativitèdes proponetes per l domesdì... ativitèdes che ge à dat l met a duc de se goder no pech! I à podù proèr a sluzièr jù dal terzo pian ju per na sliziadoa de goma (chela che vegn durèda dai

I operatores e i esperc del socors ge à spiegà la regoles ai pìcoi scolees.

studafech), a destudèr n fech co l’estintor, a mirèr co l’èga l “zenter del fech” fajan sonèr la sirena, a se petèr jù co na cerela, a veder l paìsc da l’aut co l’autosćiala, a viver n “ciamp de socors” de emergenza fat sù al moment e c.i.

Duta robes che à fat nascer n gran entusiasm te duc i bec, da chi più pìcoi a chi più gregn. Desche se no fossa stat assà, i volontadives de la trei sociazions à tegnù per ùltima chela che fosc l’é stat la più bela sorpresa... veder

ruèr l’elicoter del 118 a pec metres e sentir diretamenter dai piloc che che vel dir n tèl strument per didèr chisc gropes te vigni miscion. Dò aer ciapà n ciapel co la stema di trei gropes de volontariat e del Comun de Cianacei desche record de la bela giornèda passèda ensema, i bec à rengrazià e saludà, segures de portèr a cèsa na emozion fona che, magari, portarà un doman a fèr doventèr chi che ades l’é scolees de la populèra studafech, socoridores del 118 o del socors alpin proprio te chela senta olache per la pruma outa i aea podù viver duta chela bela emozions! La maestra Sara Valeruz

Na bela lezion con proes de socors coi scolees che é doventé i protagonisć.

I studenc del Liceo Artistich de Poza a Dìspruch N viac de istruzion al Tiroler Landesmuseum con la mostra “Ladinia”, che à metù fora ence la operes del professor Soraperra

I studenc de la seconda classes del Liceo Artistich con si ensegnanc a Dìspruch e apede la Sorastanta Mirella Florian (a dreta) co la dr.a Herlinde Menardi.

I studenc de la seconda classes del Liceo Artistich G. Soraperra de Poza en vender ai 28 de otober i à tout pèrt al viac de istruzion te la beliscima zità de Dìspruch tel Tirol, compagné da cater dozenc e da la Sorastanta Mirella Florian. Tel cors de la giornèda aon podù vijitèr l Tiroler Landesmuseum olache troa lèrga operes e manufac de la tradizion artistica e artejanèla del Tirol storich. Tel Museo aon podù veder ence la mostra temporana “Ladinia”, dedichèda apontin ai ladins. Te chesta ocajion tel Museo e tel chiosch l’é stat metù

28

www.lauscdiladins.com

fora ence operes de nosc dozent professor Claus Soraperra; tel contest del Museo, te la sezion dedichèda a la sposes, si lurieres fajea n bel efet de contrast anter tradizion e modernità. Amò apede aon podù veder n muie de stues storiches che vegn da dut l Tirol, metudes endò ensema tel centené passà e metudes fora apontin tel Museo per dèr n panoram complet de l’èrt del legn te la Èlpes. Te nosc viac a Dìspruch sion stac ence te la Hofkirche, na gejia gotica fata sù dal 1553 al 1563 da l’emperador Ferdinando I en memoria de si giaf

Massimilian I d’Asburgo, olache l’é ite l “cenotafio” (fossa veta) de Massimilian I con entornvìa duta la gran statues de bron n muie beles e riches de particolères, doi de chestes fates su dessegn de Albrecht Dürer. Domesdì aon serà sù noscia vijita a l’Hofburg, olache aon podù veder na mostra dedichèda a la Mont e a l’alpinism te la Èlpes che ne à sapù n muie bela. L’é stat de segur na giornèda enteressanta e desvaliva dai etres dis de scola. Alice Volcan , Angela Salati clas 2LAFA

La sezion dedichèda a la sposes co la òperes de Claus Soraperra.


ATLETA JUNIOR DLA VALEDES LADINES 2011 N cunlaurazion cun La Usc di Ladins, la merca de cualità de Südtirol, l’APT Fascia y la lies dal sport dla valedes ladines, che à nunimà n o na si atleta, vëniel chëst ann metù

ATLETA Junior dla valedes ladines dl ANN 2011

Numinazions:

a jì la vela dl o dla atleta dl ann 2011 de duta la valedes ladines, tan inant che l ie unì mandà la numinazions. La atletes y i atlec che ie unic numinei pòssen liejer tlo dessot, la prejentazion cun foto ie tla plates dovia. N ucajion dla festa dl sport a Urtijëi ai 26 de nuvëmber uniràl premià l o la atleta che giaperà l plu ujes dala chertes dates ju dai letëures y dala iuria tecnica. La chertes per lité pòssen taië ora da trëi edizions de La Usc di Ladins

Ampëz, tla sënta dla ULdA - Union di Ladis d'Anpezo, Piazzetta San Francesco 1, uni mierculdi y juebia dala 9.00 ala 12.00 y dala 14.00 ala 17.00. L vën fat a l savëi che l vel MÉ la chertes origineles ora de La Usc di Ladins, y nia fotocopies o scann. Danter duc chëi che fej pea uniràl trat ora una na cherta y l sarà da vëncer n ”short stay” tl Hotel Adler Thermae tla Toscana per doi persones. Fajëde pea, DUC y DUTES!

Gh = Gherdëina, F = Fascia, VB = Val Badia, FD= Fedom

Arpizeda sportiva

Michael Piccolruaz GH

Pudejé/paslunch

Debora Agreiter VB, Elisa Kasslatter GH

Biathlon

Alexia Runggaldier GH

Roda da mont

Pamela Matordes F,

Cumbinazion Nordica Samuel Costa GH

Roda da streda

Andrea Dorigo FD

Freeride/freestyle

Andreas Bacher GH, Marco Grigis VB

Saut schi

Evelyn Insam GH

Hockey

Martin Castlunger F, Gabriel Vinatzer GH

Schi alpin

Nicol Delago GH, Davide Pellegrini FD, Ivan Pellegrini FD

Jadiné artistich

Nicole Daberto F, Sofia Targhetta VB

Palé/balon

Francesco Romano F, Alex Zingerle VB,

Luca Trottner F, Jan Martin Vinatzer GH

Snowboard

Romina Demetz GH, Mirko Felicetti F, Emil Zulian F

Tennis

Verena Hofer GH

Festa dl sport Tla Cësa de Cultura Luis Trenker a Urtijëi, ai 26 de nuvëmber 2011 dala 19.00

Festa dl sport Festa: formula nueva!

Program dala 19.00

Ntreda Buffet y aurela curta

dala 21.00

Premiazion: Atleta Junior 2011 dla valedes ladines

Do la premiazion

L vën trat ora na cherta de votazion danter duta chëles mandedes ite: l ie da vëncer velch de bel.

Mujiga

Noluntas y DJ Simon

Chëst ann iel per la festa na formula nueva, inuvativa, frëscia. La ntreda per la festa costa do la rata puech, sun mesura nce per i jëuni che paia 10 euro, chëi sëura i 20 ani 20 euro. L’atmosfera sarà plu lesiera, mëises da senté ma dantaldut nce mëises da sté mpe, dajan l’ucajion a duc de se muever, de fé cunescënzes, de baraté esperienzes, de se devertì n cumpania. La premiazion ie bele dala 21.00. Dant y do iel de bela mujiga cun i Noluntas, la band che ie urmei bele Cult tl panurama mujighel jëunn de Gherdëina, y cun Dj Simon, n inuem na garanzia. Unide DUC y DUTES!

ATLETA JUNIOR DLA VALEDES LADINES 2011 L vel mé zedules urigineles!

y les dé ju nchin al plu tert ai 22 de nuvëmber te na scatula njenieda ca aposta: te Gherdëina te duta la filieles dla Cassa Raiffeisen de Sëlva, tla Val Badia te duta la filieles dla Cassa Raiffeisen dla Val Badia, te Fascia ti ufizies APT de Cianacei, Poza y Moena. La zedules per Fedom y Col pòssen purté tla redazion tla “Cesa de la cultura fodoma” a La Plié, lunesc y merdi, dala 9.00 ala 12.00 y dala 14.00 ala 17.00, a Katia Pizzinini, o a Lorenzo Soratroi n via Retic 3/A, y te

N ucajion dla festa dl sport a Urtijëi ai 26 de nuvëmber uniràl premià l o la atleta che giaperà l plu ujes dala chertes dates ju dai letëures y dala iuria tecnica. La chertes per lité pòssen taië ora da trëi edizions de La Usc di Ladins y les dé ju nchin al plu

tert ai 22 de nuvëmber te na scatula njenieda ca aposta: te Gherdëina te duta la filieles dla Cassa Raiffeisen de Sëlva, tla Val Badia te duta la filieles dla Cassa Raiffeisen dla Val Badia, te Fascia ti ufizies APT de Cianacei, Poza y Moena. La zedules per Fedom y Col pòssen purté tla redazion tla “Cesa de la cultura fodoma” a La Plié, lunesc e mertesc, dala 9.00 ala 12.00 y dala 14.00 ala 17.00, a Katia Pizzinini, o a Lorenzo Soratroi n via Retic 3/A, y te Ampëz, tla sënta dla ULdA

- Union di Ladis d'Anpezo, Piazzetta San Francesco 1, uni mierculdi y juebia dala 9.00 ala 12.00 y dala 14.00 ala 17.00. L vën fat a l savëi che l vel MÉ la chertes origineles ora de La Usc di Ladins, y nia fotocopies o scann. Danter duc chëi che à lità uniràl trat ora n ”short stay” tl Hotel Adler Thermae tla Toscana per doi persones dl valor de 1.334,00 € (vel mé sce n ie n chëla sëira nce te sala da bal). Fajëde pea, DUC y DUTES!

Mi stima a: 1)..................................................................................... 2).................................................................................................................................. 3).................................................................................................................................. 4).................................................................................................................................. Mi inuem, adres y nr. tel.: ............................................................................................................................ ...........................................................................................................................................................................


ATLEC Y ATLETES CHE N PO’ LITÉ & Nasciüda ai 25.02.1991 & Sta a La Ila & Sport: paslunch

& Nasciuda ai 15.06.1995 & Sta a S. Cristina & Sport: snowboard

Paslunch

Resultać 1. Copa Europa a Oberwiesenthal, pursuit; 1. Copa Europa a Oberwiesenthal söi 5 km skating; 2. plazamënt general Campra Ticino Mini Tour 1. plazamënt general Tour de Barents (Finlandia) 4. Campionać militars a Sarajevo 1. Campionać taliagn tla 10 km tlassich 3. Campionać taliagn assoluć a Primiero, team sprint

Debora Agreiter & Nasciù ai 08.06.1992 & Sta te Sëlva & Sport: freestyle

Resultac: 29. y 30. Campiunac dl Mond junior; 4. Campiunac taliani assoluc 2. Campiunac taliani junior; Fat pea pra trëi garejedes de Copa Europa 1. tla tlassifica generela Südtirolcup 6. Garejeda Fis a Poza de Fascia 7. Garejeda Fis junior a Berchtesgaden

Romina Demetz & Nasciù 1991 & Vif a La Plié da Fodom & Sport: roda da strada

Freestyle

Resultac: Cin’ iedesc 1. pra la garejedes dl South Tirol Slopestyletour 1. Slopestyletour overall; 1. Freestyle Series Sauze d’Oulx; 1. Destroy Night Event San Pellegrino; 3. Mayrhofen Open 3. Phil-Park Patanegra Invitational (Spania) 2. Freestyle Series Cervinia 3. Freestyle Series overall

Andreas Bacher

Roda da strada

18. Dolomiti Classic TMC ( 4. categoria Medio Fondo) 30. Gran Fondo Avesani (7. categoria Medio Fondo) 123. Gf Bellunese

Andrea Dorigo & Nasciù ai 18.12.1993 & L stèsc a Cianacei & Sport: hockey

& Nasciù ai 15.07.1992 & L stèsc a Moena & Sport: brea

Hockey

Resultac: 2. Campionat nazionèl II Divijion Under 18, sajon 2010/11, concostan 57 ponc te 23 partides. L’à tout pèrt al Campionat Mondièl Divijion I – Grop A, Under 18 a Riga (LAT) de oril del 2011. Co la Nazionèla Talièna l’à tout pèrt al “Tornoi 4 Nazions” a Amstetten de firé. Te la sajon 2010/11 l’é stat convocà ence co la Nazionèla Talièna Under 20. Da la sajon 2011/12 l jia en serie A te l’Hockey Club Fascia.

Martin Castlunger

&

Snowboard

Brea

Resultac: 1. Assolut Bordercross, sajon 2009/10 ai Campionac Taliegn Assoluc, categorìa Giovani 1. Assolut Slalom lèrch, sajon 2009/10 ai Campionac Taliegn Assoluc, categorìa Giovani 1. Assolut Slalom lèrch, sajon 2010/11 ai Campionac Taliegn Assoluc, categorìa Giovani.

Mirko Felicetti & Nasciü ai 06.10.1994 & Sta a Calfosch & Sport: freeride

Errata Corrige:

Freeride

Resultać: 2. tla Modena SkiPass 5. pro le Air&Style a Desproch 10. pro la Copa dl Monn a Bardonecchia 12. pro le Bum River Jump

Se scuson pra duc chëi che liej la Usc di Ladins che se on sëuraudù, pra la azion dl atleta junior dl ann che Hannes Clara ie nasciù bele tl 1990 y ne possa perchël nia plu unì tëut n cunscidrazion per chësta vela, penseda per i atlec danter 14 y 20 ani aldò dl regulamënt che n ova nce fat a l savëi ala lies. L nes desplej a messëi tò ora si inuem dala lista nce sce l se merita gran stima y recunescënza per si arjontes tl sport dla luesa. Purempò, per vester rëidli nce permez a d’autri atlec, sons sfurzei a l lascé demez, y se scuson mo n iede per ne avëi nia udù per tëmp y ëura chësc fal.

Marco Grigis (Markino) & Nasciù ai 30.11.1992 & Sta te Sëlva & Sport: cumbinazion nordica

& Nasciuda ai 02.09.1997 & Sta a Runcadic & Sport: tennis

Cumbinazion nordica

Resultac: L à fat pea pra i Campiunac dl Mond a Oslo; 9. Campiunac dl Mond junior, HS 100/10 km, a Otepää (Estonia); 9. Campiunac dl Mond junior, HS 100/5 km a Otepää; 1. Tlassifica generale Alpen Cup sajon 2010/11 1. Alpen Cup, HS 90/10 km, a Liberec (Cechia); 1. Alpen Cup, HS 100/7,5 km sprint, a Oberstdorf (Ger); 1. Alpen Cup, HS 102/5 km, Hinterzarten (Ger); 1. Alpen Cup, HS 118/10 km, Chaux-Neuve (Fra)

Samuel Costa

Resultac: Campiunëssa taliana U14; Campiunëssa provinziela de 3. categuria; Campiunëssa taliana di studënc 1. Master FIT U14 y U16; 1. Master Nike naziunel U14 Venciù trëi turnoies Open; Doi iedesc te finela de n turnoi Open Fat pea pra ot turnoies ETA U14 Venciù cin’ turnoies de 3. categuria

Verena Hofer & Nasciuda ai 21.11.1996 & La stèsc a Ciampedel & Sport: bal sui feres

& Nasciuda ai 10.02.1994 & Sta te Sëlva & Sport: saut cun i schi

Bal sui feres

Resultac: 6. Garejèda nazionèla Open FISG, Maran ai 15/16.01.2011 12. Campionat Nazionèl Novice FISG, Como ai 26/27.02.2011 13. Arge Alp, Maran ai 25/26.03.2011 4. Lombardia Trophy ai 23/24.09.2011

Nicole Daberto

Saut cun i schi

Resultac: 8. Campiunac dl Mond, HS 106, a Oslo 5. Campiunac dl Mond junior, HS 100, Otepää (Estonia) 7. Continental Cup, HS 100, Liberec (Cechia) 7. Continental Cup, HS 106, Schonach (Ger) 8. Continental Cup, HS 117, Brotterode (Ger) 1. Campiunac taliani jëuni, HS 66

Evelyn Insam & Nasciuda ai 05.01.1996 & Sta te Sëlva & Sport: schi alpin Resultac: 1. Campiunac taliani slalom 4. Campiunac taliani di slalom lerch 2. Slalom di campiunc de raion 1. Slalom lerch di campiunac de raion 1. Slalom ”Dreiländerkampf” a Toblach 2. Slalom lerch ”Dreiländerkampf” a Toblach

Nicol Delago

Tennis

Schi alpin

& Nasciuda ai 03.02.1993 & Sta a S. Cristina & Sport: pudejé

Pudejé

Resultac: 2. Campiunac talians cat. aspiranc 7,5 km tecnica tlassica ndividuela 3. Campiunac talians cat. aspiranc stafeta mix 2. Garejeda naziunela NG prologh tecnica liedia Cater iedesc ti prims sies te garejedes naziuneles NG Tla sajon 2011/12 féjela pert dla grupa “usservei” dla naziunela taliana

Elisa Kasslatter


ATLEC Y ATLETES CHE N PO’ LITÉ & Nasciuda ai 09.05.1996 & La stèsc a Soraga & Sport: roda da mont

& Nasciüda ai 19.09.1996 & Sta a Corvara & Sport: jadiné

Roda da mont

Resultac: Campionessa provinzièla MTB 2011 Campionessa Mini Bike Fascia, Fiem e Primier 2011 3. Zircuit Südtirol Cup 11. Campionac taliegn MTB 2011 5. Internazionali de la Tèlia de MTB 2011 a Vermiglio

Resultać 1. pro la Copa Italia Free 2007 3. pro la Triveneta Federala 2007/08 2. pro la Triveneta free (Ćiavalëis) 2009/10 1. pro la Triveneta free (Pontebba) 2010 2. pro la gara UISP a Ćianacëi 2011

Pamela Matordes & Nasciù ai 30.10.1996 & Vif a Salejei de Sot ( Fodom ) & Sport: schi alpin

Sofia Targhetta & Nasciù ai 11.11.1993 & L stèsc a Vich & Sport: balon

Schi alpin

1. Slalom Lerch Gran Prix Aviva a Pescul 1. Slalom Lerch Gran Prix Aviva Circoscrizional 1. Slalom Lerch Campionac Provinziai a Padola 3. Super Combinada ( Interregionai ) a Pecol de Zoldo 3. Slalom Lerch faje regonal Campionac Studenc a Recoaro 5. Slalom cualificazion “Trofeo Topolino” n Alie

Davide Pellegrini & Nasciù 9/03/1994 & Sta a: Costa de Salejei (Fodom) & Sport: Schi Alpin.

Jadiné

Balon

Resultac: Fin de 14 egn l’à jià co la sozietà sportiva Fascia Balon. L’à jià col F.C. Südtirol te la categorìes Giovanissimi, Allievi e Berretti Nazionali. L’à jià tel tornoi internazionèl Beppe Viola a Arco. Chest an l jia te la sozietà sportiva San Giorgio serie D. D’istà l jia co la sozietà sportiva Fascia Balon e l tol semper pèrt ai tornoes de balon anter Ladins

Luca Trottner & Nasciù ai 30.11.1992 & Sta a Runcadic & Sport: hockey

Schi alpin

4° Slalom “Coppa Veneto” Jou de S. Pelegrin ( cat. Aspiránc ) 6° Slalom “Campionac Taliagn Cittadini” ( cat. Aspiránc ) 3° Slalom Lerch “Coppa Veneto” a Cortina ( cat. Aspiránc ) 2° Super G “Campionac Taliagn Cittadini” a Piancavallo ( cat. Aspiránc ) 3° Discesa “Coppa Veneto” ( cat. Aspiránc ) 2° Fis Race Pampeago (cat. Aspiránc )

Ivan Pellegrini

Hockey

Resultac: 4. plazamënt cun la scuadra Under 20 Vizecampion talian dla serie A2

Gabriel Vinatzer & Nasciù ai 31.12.1995 & Sta a S. Cristina & Sport: arpizeda sportiva

& Nasciù ai 26.09.1991 & Sta te Sëlva & Sport: juech al palé

Arpizeda sportiva

Resultac: Campion de Europa de bouldern, categuria U18 juniores 6. nchinamò tla Copa Europa juniores de deficultà Vizecampion talian juniores tla cumbinazion 1. Juniorcup 2010/2011 (campiunat regiunel) 2. Climbo (campiunat regiunel de bouldern) 4. Garejeda de Copa Italia assoluc (granc) de bouldern a Brescia

Michael Piccolruaz & Nasciù ai 16.03.1991 & L stèsc a Cianacei & Sport: schi alpin

Resultac: Ël à jugà tla categuries di jëuni pra l FC Gherdëina. L ie pona passà tres la scuadres di jëuni dl FC Südtirol. Tla sajon 2010/2011 àl jugà cun l Mantova tla serie D vencian l campiunat. Te chësta sajon féjel cun l Savona tla Lega Pro segonda divijion.

Jan Martin Vinatzer & Nasciü ai 17.08.1992 & Sta a La Ila & Sport: schi alpin

Schi alpin

Resultac: 1. FIS NJR Slalom lèrch, Prato allo Stelvio ai 11.12.2010 e Poza ai 08.01.2011 1. FIS RACE Slalom lèrch, Abetone ai 09.02.2011 2. FIS RACE, Cerro Castor, Ushuaia (ARG) ai 13.09.2011 2. South American Cup de Slalom lèrch, Cerro Castor, Ushuaia (ARG) ai 14.09.2011

Francesco Romano & Nasciuda ai 27.11.1991 & Sta a S. Cristina & Sport: biathlon

Schi alpin

Resultać Campiun talian de slalom lerch a Zoldo 2007; Campiun talian de slalom strënt a Zoldo 2007; Campiun Trofê Pinocchio internazional 2007; Vizecampiun talian Combinada a Pila 2009; Campiun dl Circuito Giovani Ratiopharm 2010; 11. slalom di Campionać dl Monn FIS di iuniors a Chamonix 2010; 24. slalom lerch di Campionać dl Monn FIS di iuniors a Crans Montana 2011; 30. slalom lerch de Copa Europa a Kirchberg 2011

Alex Zingerle & Nasciù ai 22.08.1997 & L stèsc a Poza & Sport: brea

Biathlon

Resultac: 2. Campiunac dl Mond junior, stafeta, a Nove Mesto (Cechia) 1. Campiunac taliani junior, ndividuela 1. Campiunac taliani junior ”inseguimento” 1. Campiunac taliani stafeta junior dl’ëiles 1. Campiunac taliani junior "mass - start"

Alexia Runggaldier

Juech al palé

Resultac: 1. ai Campionac Taliegn Allievi de brea 2011 de half pipe 1. ai Campionac Taliegn Allievi de brea 2011 de slopestyle

Emil Zulian

Brea


nr. 44 / 11 de november 2011

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Val’ agn dörera ćiamò

Can vëgn mo l’internet asvelt?

L’assessur Florian Mussner à informè sön la situaziun dl azes ala strada dla Val Badia. De jügn 2012 dess ester dan man le proiet esecutif, por n laûr che gnarà sön chi 45 miliuns de euro. Intratan: solidarieté cun San Laurënz

L’internet asvelt ne va cis te Mareo nia bun. Sön chësc é düć a öna. Garetera pa cun la fira otica? “Śëgn mëss i comuns se dè da fà”, dij Mussner

nosta valada, cis chëra da d’invern. Inće sce al é gnü fat i laûrs pro le punt da San Laurënz, olache al é gnü injuntè na striara d’inserimënt, s’àl cun le gran trafich impò cherié codes lunges y situaziuns nia azetables. Ćiodi che an n’à nia fat n rondel te chël post, à damanè le vizepresidënt dl’Assoziaziun Turistica d’Al Plan y l’ostì Werner Call? Mussner à splighé che al ê gnü valuté chësta poscibilité mo che un n rondel foss stè massa püch por le gran trafich y che da nen realisé dui foss i cosć stà cotan plü alć y an ess messü realisé de gran müraies 8-9 metri altes.

Daidé foran Puster L'assessur Florian Mussner, l'ombolt de Mareo Albert Palfrader, i trëi mëmbri dla SVP d'Al Plan Horst Valentin, Edith Trebo Valentin y Franz Kanetscheider, l'assessur y vizepresidënt dla Provinzia Hans Berger.

Al Plan/1 - La SVP d’Al Plan de Mareo à invié en lönesc sëra a na incuntada tla Ostaria dal Cone, por tratè tematiches de majera atualité por le comun, mo nia ma. Ghesć dla serada ê l’assessur provinzial Florian Mussner y l’assessur y vizepresidënt dla Provinzia Hans Berger. Mussner à informè la jënt rovada adalerch sön la situaziun pro l’azes ala strada dla Val Badia y sön la situaziun dl internet asvelt. Berger à indere tratè la tematica dla colaboraziun danter turism y paurs (ćiara articui a pert).

Proiet esecutif dl 2012 Metü man à Mussner, cun informaziuns sön la strada d’azes ala Val Badia, che dess garatè defata do San Laurënz, por rovè tres n tonel tla localité de Flaurënz. Mussner à splighé che i laûrs por le mioramënt dla strada de Puster

va inant aslöm y che l’azes ala Val Badia é öna dles prioritês. “La trassa é gnüda portada ite tl plann urbanistich y chilò él sigü inće mirit dl gran impëgn dl comun da San Laurënz”, à dit Mussner. Por ći che reverda i tëmps, à dit l’assessur che i 12 de jügn 2012 é le terminn che an ô avëi dan man le proiet esecutif por l’azes ala Val Badia. “Dedô podunse baié dles espropriaziuns, dla realisaziun dl proiet y eventualmënter dl 2013 scrì fora i laûrs, sce al é i scioldi.” Pro le finanziamënt nen vara de n preventif de 41,5 miliuns de euro, che podess cun l’inflaziun rovè sön 45 miliuns, à dit l’assessur ladin. Ćina ala realisaziun definitiva de chësc proiet doraràra bonamënter ćiamò val’ agn. Y intratan romagnel les problematiches liades al gran intociamënt, che se cheriëia tla burćia da San Laurënz, suradöt les sabedes dl tëmp de sajun alta te

Te chësc contest à Mussner metü sön mësa la proposta che i comuns dla Val Badia podess mostrè solidarieté cun le Comun da San Laurënz, menan fora de sües verdes de comun a daidé deloje le trafich les sabedes. Por l’ombolt de Mareo Albert Palfrader ne se lascia chësc nia fà, deache i comuns dla Val Badia à instësc püćes verdes, che à les sabedes laûr plü co assà te sü paîsc, mo an s’imaginëia che an podess daidé le comun de Puster cun n contribut de scioldi por tó sö lafora plü forzes a regolè le trafich. N mioramënt podésson inće arjunje cun na miù organisaziun dles gnüdes y partënzes. Mussner à dit che tles sabedes va tl’autostrada chi 3000 auti al’ora, düć za. danter les 9.30 y les 16.30. Inće cun la colaboraziun di operadus dl turism podésson sensibilisé i ghesć da se mëte sön tru magari bele da doman adora, o söl domisdé plü tert, por arjunje che la medema cuantité de auti rovass t’autostrada partis sö tl tëmp de chës 14 ores y nia de 7 o 8. (pablo)

Turism y agricoltöra: fredesc, sce nia jomelins L’assessur provinzial Hans Berger à baié dla colaboraziun danter paurs y turism y à fat n apel al respet danter les döes categories: “I mëssun indô rovè a n sentimënt dl ‘nos’!” Al Plan/3 - So referat n’à Berger nia partì sö te na pert por i paurs y na pert por le turism. Al ê bonamënter orü che al passâ ia y ca da n ćiamp al ater y tirâ intres indô trà ca ći che liëia les döes categories. “Turism y agricoltöra é fredesc, sce nia jomelins. I messun indô rovè a n sentimënt dl ‘nos’ y nia baié de ‘os paurs’ o ‘os turistics’”, à dit l’assessur. “Degügn ne dess miné che ara vais inće zënza l’atra categoria. Le turism é la basa por le bëgnester. Y le turism adora i paurs por suravire, sciöche i paurs adora le turism.” Inant à dit Berger che la colaboraziun danter paurs y turism funzionëia bun ti paîsc, che al é gnü fat tröp laûr, che vëgn odü de bun edl y cun morvëia inće dai vijins de Tirol. “Danterìte n’él dagnora de chi - püć - che prô da desturbè chësta colaboraziun y por püć pòl gnì

desdrüt tröp de ći che é gnü fat”, à dit Berger, che à alzè fora cotan le bojëgn che les döes categories se respetëies. Y tl spirit dl respet à Berger inće invié da chirì le dialogh. “Sce an chir le dialogh, se làscel tl 99% di caji baié, mo baié mëssun denant co invié ia i proieć. An ne po nia proietè y pormò jì dai proprietars di grunć püch denant co mëte man cun i laûrs.” Inant à dit Berger che plü che l’agricoltöra po tó pert - poscibilmënter diretamënter - ala creaziun de valur (Wertschöpfung) dl turism, plü gran che so interes é che le turism funzionëies. Berger à fat retlam por che paurs y agricoltöra se vëgnes deplü sön n barat de sorvisc y nia sön n paié por i sorvisc. So ejëmpl: le paur mët a desposiziun so terac por trus da jì a pè o da jì cun la roda, porchël él chi dl turism che tol jö sü produć. En cunt di produć da

paur à dit Berger che al va debojëgn da fà na miù promoziun. “I ùn ćiamò n gran potenzial”. N travert che Berger à nominé, é che la SMG Südtirol Marketing Gesellschaft, podess inće tó sö te sües campagnes de retlam la promoziun de nüsc produć da paur. (pablo)

De paurs y turism à baié le vizepresidënt dla Provinzia Hans Berger.

Al Plan/2 - L’internet asvelt n’à te Südtirol, almanco por cer’ comuns, nia albü na storia fortunada. Sides l’assessur competënt Mussner co inće Berger (che â dan Mussner la competënza dla chestiun), à dè pro a Al Plan che le govern provinzial s’imaginâ che ara foss jüda plü saurida. Cun la Linkem n’àn nia arjunt i resultać che an sperâ. Ma val’ pici zëntri s’la cava da navighé, deperpo che la gran maioranza dles ćiases perd i nerfs cun tlês che ne pëia nia o cun la ligna dl telefonn che va pëigra. Garetel pa śëgn na soluziun cun la fira otica? Mussner dij de scê. La Provinzia à n plann da mëte jö la fira otica, che dess rovè te vigni comun te chël che vëgn dit zënter de comunicaziun. La Provinzia à metü a desposiziun 22 miliuns de euro por mëte la fira otica, de chisc 4 miliuns por la Val Badia. Sce an baia plü en concret de Mareo, spo él preodü da mëte jöi ros dla fira otica da Longega ćina sö tla zentrala Telecom a Al Plan. Deache La Pli y Rina é scialdi dalunc d’Al Plan, fistidiarà la Provinzia incé da fà rovè n cabl de fira otica tl zënter de comunicaziun de chisc dui paîsc. La devisa é chëra da arjunje i frabicać publics sciöche scores, comuns etc. Mussner à spo dassënn alzè fora che por fà rovè l’internet asvelt tles ćiases mëssarà i comuns fistidié. “I comuns dess adora assà fà n masterplan por odëi co fà rovè la ligna asvelta tles ćiases”, à dit Mussner, injuntan che la Provinzia é tl laûr da ponsè co che an podess inće chilò sostegnì finanziariamënter i comuns, magari tres le fond de rotaziun: “Anter Nadè podésson avëi na proposta dan man por chësta chestiun”. Mo degügn cabli ne jô, sce al n’é nia valgügn che mët a desposiziun le trasferimënt de dać. Mussner à dit che bele da n ann y mez vëgnel sciacarè cun la Telecom por ciafè

n’acordanza. Tl’acordanza vëgnel preodü en sostanza che la Telecom pois s’anuzè di cabli paià dala Provinzia, mo messës spo fistidié da potenzié y adeguè les zentrales ti paîsc, vare che ô ester por n trasferimënt de dać plü asvelt. La firma sot l’acordanza manćia ćiamò. Le diretur dl ofize provinzial por les infrastrotöres Marco Springhetti â lascè alsavëi al'A ssoziaziun Turistica d'Al Plan che la Telecom prevëiga da potenzié la zentrala d'Al Plan tl pröm semester dl 2012. Sön co fà rovè l’internet asvelt tles ćiases vëgnel valutè te Mareo inće na opziun tres la sozieté eletrica d’Al Plan. Anuzan les condütes dla sozieté eletrica fóssel meso da arjunje vigni ćiasa che vëgn sorvida dala sozieté (Rina y Pliscia ne vëgn nia sorvis). Ala incuntada ê presënt inće le presidënt dla sozieté eletrica Gustl Ties, che à dit che al gnarà valutè la proposta, cun la orentè da rovè a na bona soluziun por düć. Le p.i. Georg Mutschlechner é gnü inćiarié da fà les valutaziuns y i stüdi por chësta opziun. Chisc dess ester dan man incër la fin de novëmber. (pablo)

L’assessur provinzial Florian Mussner tratan süa relaziun.

Finanzié le turism Tla lege finanziara 2012 vëgnel preodü inće na cuta por le finanziamënt dl turism. Paié dess inće les categories che aprofitëia dl turism Al Plan/4 - Propi le dé dla incuntada a Al Plan, i 7 de novëmber, â la junta provinziala aproè la creaziun de condiziuns por na regolamentaziun dl finanziamënt dl turism, porchël à Berger tut la ocajiun da informè en chësc cunt. Tla lege finanziara 2012 à le govern provinzial portè ite n passus che prevëiga l’introduziun de na cuta (cuta de cura - Kurtaxe) che po rovè ćina a 2,00€ a ghest y pernotamënt (import desvalì aladô dla categoria di alberć). Laprò él gnü preodü la poscibilité che inće les categories che aprofitëia dl turism vëgnes tutes ite tl finanziamënt dl turism (sciöche

al é por ater bele tres contribuć al’assoziaziun turistica, p.ej. dai boteghiers, scores de schi etc.). Luis Durnwalder à dit insciö tla conferënza stampa: “Dlungia la cuta de cura podess le finanziamënt dl turism inće gnì slarié a chës categories che aprofitëia dl turism. I ùn preodü la poscibilité che al vëgnes trat ite dales dites n aumënt dl 1 pormile sön l’IVA. Mo chësta regolamentaziun gnarà ma portada ite sce i partners soziai röia a öna sön le prozedimënt”. Berger à injuntè che bonamënter gnarà chësta cuta impormò atuada dl 2013, por pité le dër tëmp de preparaziun inće por i operadus dl turism. (pablo) www.lauscdiladins.com

33


Val Badia

nr. 44 / 11 de november 2011

Le pröm post romagn a Badia Al concurs fotografich “click La Crusc” é ruvé n retrat de Roswitha Crazzolara dal titul “respidlada” Fotografies - La juria à chirì fora y i plü bi retrać à podü gnì premià. Tratan l’ultim isté êl gnü organisé da pert di implanć portamunt dla Crusc de Badia n concurs fotografich dal titul “Le bosch tles Dolomites”, a chël che turisć y jënt dl post à podü tó pert. Por le concurs che é pié ia ai 15 de jügn y s’à stlüt jö ai 2 d’otober él gnü menè ite indöt 188 retrać. Aladô dl regolamënt messâ les fotografies avëi da nen fà cun l’areal dla Crusc a Badia. Ala fin d’otober s’à induné la juria, metüda adöm da 5 mëmbri, por la valutaziun dles fotografies menades ite al concurs. Y le pröm post à arjunt le retrat de Roswitha Crazzolara de Badia dal titul “respidlada”, al secundo post s’à

plazé la fotografia “La Crusc cuntra süd” de Sara Giannotti da Vecchiano (PI), le terzo post i é gnü surandè a Alberto Ripamonti da Casaletto Ceredano (CR) por la foto “Acuarel”. Al à podü gnì surandè de bi pesć, inanter chisc na findledema por döes porsones cun schipas, na edema de imprëst de schi/ snowboard cun helm y ćialzà dai schi, y na cherta Mountainpass por l’isté 2012. Söla plata internet www.santa-croce.it sot ala usc de menü “istè - click la crusc” pòn odëi dötes les fotografies che à tut pert al concurs y i diesc mius retrać che à davagné n pest. L’iniziativa à albü n bel suzes por söa pröma ediziun y an pënsa bele da mëte en pé n concurs fotografich por en ater ann.

La foto che à davagné: "Respidlada" de R. Crazzolara.

34

www.lauscdiladins.com

I mëmbri dla juria. Da man ciampa: Paul Erlacher, Freddy Planinschek, Barbara Rottonara, Arnold Valentini y Günther Pizzinini.

Le secundo post i é jü a chësc retrat.

N "acuarel" pê chësc retrat, gnü terzo.


Val Badia

nr. 44 / 11 de november 2011

Le ćiaval: simbol de liberté Tredejima ediziun dl Rait de San Linert

Cotan de ćiavai, cotan de güces y cotan de jënt en ur de strada. Le rait é le früt dla colaboraziun de n gröm de porsones.

Badia - En domënia ai 6.11.2011, él gnü tignì a San Linert/Badia la tredejima ediziun dl Rait da San Linert. Aladô dles previjiuns parôl che le tëmp ne foss nia massa bun, mo tla finada é le dé impò stè bel. Valgamia da stè saurì, cun temperatöres morjeles y dantadöt süt. Dales nü dadoman à siur degan Iaco Willeit daurì la santa mëssa, cun n salüt particolar a dötes y düć i ćiavaliers, gnüs dalunc adalerch en gaujiun dla festa. Nia ma Badia ne n’â santù, mo bëgn döta la valada. Sce siur Franz Sottara â bele n gröm de iadi albü l’onur de tignì le patrozine, spo êl por siur Iaco Willeit la pröma ocajiun. Tla pordica, che siur degan à tignì te trëi lingac, àl recordè ći gran personalité che San Linert ê. Cun simboi s’àl daidé fora da ti portè plü dlungia ai fedei les carateristiches de chësc prou, che

ess pordërt messü gnì vësco, mo che â arbandonè döt cant por ti jì do a na vita scëmpla da romì. San Linert é le sant che vëgn venerè sciöche protetur di tiers y porchël inće di ćiavai. Tla dlijia de Badia él rapresentè cun dui ćiavai. I trëi simboi portà dai ministranć stô por la parora de Dî che San Linert â incundè danter la jënt (le liber), por la vita da pelegrin che le sant à fat da ti jì adincuntra ala jënt (la maza) y l’aiüt che al ti à dè a tröpa jënt, cis por delibré i prijoniers (les ćiadënes). Chësc ultim pinsier nes mostra inće che San Linert s’à fat na gran scincunda: al s’à dè la liberté. De valüta le confrunt che siur degan à fat danter le sant y le ćiaval. Chësc tier dà inće liberté, al nes condüj olache i orun.

Incër 70 ćiavai ala defilada Sciöche al é oramai tradiziun, s’à do mëssa düć i ćiavaliers

Le Bal Popular à inće daidé fà alegria.

Jones sön de bi haflingers.

incuntè a Pedraces, olache an é spo pià ia por la gran defilada devers dl zënter da San Linert. Le sonn dles trombëtes di ćiavaliers da La Ila i jô danfora a n gröm de ćiars y de ćiavaliers. Atira dedô spo la statua de San Linert, tuta aposta fora de anteriöl por la gran festa. Rapresentanć de dötes les valades ladines lasciâ odëi sü bi guanć y les beles massaries de sü ćiavai, slominades aposta por la manifestaziun. Personalitês dla valada, dles valades vijines y dla provinzia saludâ jö de ćiar la gran meja de jënt rovada adalerch a d’amiré le cortê. Ćiars da mangiaria y da musiconć se baratâ jö danter n grup y l’ater. Balarins y grups dl guant da zacan lasciâ odëi sües beles trohts, riches de corusc y de belijies. Trëi musighes ponüdes öna al scomenciamënt (chëra da Rina), öna amesaite (chëra de Sëlva) y öna ala fin (chëra de Badia) abelî döta la defilada cun sües melodies armonioses. Laprò êl ćiamò la “Schlachthofmusik” y la “Böhmische da La Val”, tramedöes menades sön les güces. Chësc ê le pröm iade che na musiga de na valada vijina daidâ fà festa.

Jonëza cun gücia y guant da zacan.

Al vëgn spiné la bot dla bira, n at che vëgn vigni ann pro le Rait.

La benedesciun solëna Sciöche i 16 ćiars y i 64 ćiavai à albü fat la roda de döt le paîsc, s’à la festa spostè sön paiun dla musiga, dlungia la ćiasa dles uniuns. Chilò à Elmar Irsara impröma saludé dötes y düć i partezipanć, denant che ti passè la parora a siur degan por la benedisciun. Te na cornisc musicala dër rica à spo de plü autoritês tut la parora. I ghesć d’onur, dot. Florian Mussner, dot. Hugo Valentin y l’ombolt Iaco Frenademetz, à rengrazié le comitê d’organisaziun, cun će Enrico Nagler. Andy Pertot, presidënt dl’Assoziaziun Turistica dl Comun, à rengrazié i tröc sponsors - sides privać co publics - che à daidé mëte a jì döt cant. La festa s’à stlüt jö incër y te ćiasa dles uniuns “J.B. Runcher” cun na bona marëna y de bona musiga. Chilò s’à de plü grups de bal popolar baratè jö te sües rapresentaziuns. Pro i stonć da mangiaria y da boandes êl inće en chësc ann indô la ocajiun da cumprè de vigni sort. Ći che gnô trat ite gnô dè ca por fins de bëgn. N gröm les uniuns de Badia che à colaborè al bun garatè dla manifestaziun. ( test : daria valentin, fotos: Mara Planinschek y Daniel Crazzolara)

Le diretur dl’AT Badia Manfred Canins y Enrico Nagler, organisadù dl Rait.

Al é le Rait dles Valades Ladines. La Musiga de Sëlva é gnüda da Gherdëna ca.

Le sant patronn vëgn trat da de bi norics. www.lauscdiladins.com

35


Val Badia

nr. 44 / 11 de november 2011

Misciun: jì te vera, ne podun nia desmentié

Testemonianzes dal KZ

Messun recordè intres indô y danü che tröc de nüsc compaejans à lascè süa vita söle frunt. I ne podun gnanca ponsè ći che al ô dì sce 39 jogn y omi ne vëgn nia plü derevers dala Vera, sciöche al é sozedü danter le 1914-18 a La Pli de Mareo

Le “Calënder Ladin 2012” reportarà la traduziun dl liber “Unvergessen” (nia desmentié) de Franz Thaler, n sarner che à suravit le KZ (ćiamp de conzentramënt) de Dachau. Le testemone de chësc capitual scür dla storia dl nazionalsozialism sarà ai 26 de novëmber domisdé a La Pli de Mareo

Tratan la festa de comemoraziun stada en domënia a La Pli de Mareo.

Comemoraziun/1 - La Pli de Mareo, Domëgna dai Tomês. Vigni pröma domënia do le Dé dles Püres Armes vëgnel recordè i tomà dles veres, impröma te dlijia ala gran mëssa, spo te cortina dan la “Capela dai Osc”, olache al é ert sö döes tofles che recorda düć i compaejans tomà dala Pröma vera (39 indöt) y chi 16 che an n’à nia plü podü odëi en vita ala fin dl Secunda vera dl 1945. Siur ploan Heinrich Perathoner à spôrt les dërtes parores por la festa di tomà, recordan che veres él dötaurela sön chësc monn, y che chëstes se damana n gran “tribut de sanch”: da inozënć, umes, jogn, sanitars y volontars d’aiüt, ëi... Por la maiù pert él chi che comana da fà vera che se salva, altamo tratan la vera. La vera é val’ tan de cröde, mo por nos tan dalunc, y le prigo é che nos se desmentiunse dles veres, di soldas y de nüsc tomà. Dlungia a chësc pinsier él inće stè da sintì da pert di fedei te cortina do mëssa le “iolan” a nüsc familiars y compaejans che à dè ca söa vita por defëne nosc daćiasa - sciöche al gnô retlamisé laota. Jì te vera ê n dovëi, y chi che ne se presentâ nia se tirâ sot n comane fora y chi

metô al prigo sigü söa vita y chëra de söa familia. Tresfora messunse avëi dan i edli la vera, dantadöt les döes ultimes gran veres dl monn, deache desmentié oress dì i conzede al’ignoranza da bagatalisé les veres y le dolur che chëstes à descedè, y les plaies che la mort à scarzé sö tl afet y tl amur de geniturs, mituns y fredesc. A La Pli de Mareo él stè spo i Scizeri che à stlopetè na salva en onur di tomà y ai à lascè jö na gherlanda de respet, amur y onur por ëi tla Capela dai Osc. Tratan le deponimënt él stè la Musiga che à sonè “Ich hatt’ einen Kameraden” (i â n camerat), melodia che recorda i amisc tomà ti conflić a füch. La melodia de chësta ćiantia é gnüda scrita dl 1825 da Friedrich Silcher, les parores feter 20 agn denant dal poet todësch Ludwig Uhland. Le test dij: I â n camerat, n miù ne nen ciàfeste nia. Le tambürle cherdâ te vera, al jô sön mia pert, söl medemo tach y ciap. Na bala soflâ te n iade: éra por te o ëra por me? Ara l’à scarzé demez, al sta śëgn ia por tera desche al foss n toch de me. Al ô ćiamò me dè la man, tratan che iö ćiarii. “La man ne pòi nia te dè, che te réstes inće tla vita eterna

mi bun camerat!

I tomà te vera d’La Pli de Mareo Di tomà te vera d’La Pli savunse deplü impormò dala Pröma vera incà. Inće ti secui denant él indere stè tröc morć por veres y stritoc armà. Un di pröms conflić documentà che reverda Mareo y la Val Badia é chël danter Nikolaus Cusanus y la badëssa de Suanepurch Verena von Stuben; tl 1458 déssel ester gnü copè chi 50 paurs maroi pormez al Crëp de Santa Grazia danter Peraforada de Sora y Sares. Cô che ara sides jüda ilò avisa, ne sàn baldi nia. Dolur à sternü fora sambëgn l’invajiun di franzeji tla Europa Zentrala, ne sconan nia i paisc dla valada. Dal 1900 incà spo sàn deplü söles veres, la partezipaziun de nosta jënt ai frunć de vera, dalunc dai confins tirolesc. Mefodër chësc ann recordon i 500 agn dal Tiroler Landlibell, manifest de Maximilian, stlüt jö en acordanza cun i “Tiroler Landstände”, che i conzedô ala jënt de Tirol la liberté da se defëne instëssa sü confins, inće cun les ermes. Da chilò incà mët man l’organisaziun di scizeri.

Les tofles che recorda i “tomês te vera” d’La Pli de Mareo dles prömes döes gran veres dl monn. Al edl dà i raiuns olache tröc é tomà: tla Galizia, tla Ruscia, tla Finlandia...

36

www.lauscdiladins.com

Comemoraziun/2 - La storia n’é nia da desmentié, al é nosta maestra. I ne podun nia sopelì döt ći che la storia à portè de mal, i messun imparè dai fai. Ma cun savëi a ći che conflić, veres y ermes à portè, savunse a ći che ares porta, y i podun schivé che al sozedes döt chësc spavënt ćiamò n iade. Chësc s’à tut dant le “Calënder Ladin” bele dan plü agn y porta ann por ann testemonianzes dla vita de nüsc peri, nenesc y antenać. Les testemonianzes de vera tl “Calënder Ladin” à dagnora daidé pro a istruì nosta generaziun plü jona sön chi tëmps y sön chi fać, y à inće dagnora salpü da i mëte dant ala jënt i fać y i avenimënć cun parores scëmples y tleres. Tl liber nü, che gnarà fora te otedé, saral da ciafè la biografia cörta de Siur Merch Graffonara, inće ël stè te vera, spo la vita dl “nene” Friedl Pedevilla da San Martin de Tor che é gnü menè da n logher al ater tla Germania ćian a Attichy nia dalunc da Paris y spo le diare de Franz Thaler, n sarner stè a Dachau ćina ala liberaziun da pert di aleà. Le liber de Franz Thaler é bele gnü metü te plü lingac, laprò inće le talian y ultimamënter inće l’ingleje, y al é gran ora che chësta testemonianza dal KZ de Dachau (ćiamp de conzentramënt dla mort) y di atri ćiamps de conzentramënt röies inće tles ćiases ladines. La traduziun de döt le diare de Thaler vëgn publicada tl Calënder Ladin, cun laprò düć i dessëgns fać dai prijoniers instësc, les fotografies storiches dl KZ y inće dles jites de Thaler ti ultimi trënt’ agn a Dachau. Tla ajunta saral inće dać storics sön la Secunda vera dl monn y le bur’ resultat. La traduziun é gnüda fata dal maester Giuvani Pescollderungg d’Al Plan.

Na ćerćia fora dal diare de F. Thaler <Al ê ai 6 de merz dl 1945, y rodunt en chësc dé complîi i vint agn. Sce la vita por na porsona mët impormò indortöra man cun chësta eté, manaciâi iö da messëi ti dì adio a chësc monn. I me sintî le plü tralascè danter i tralascià. Ignó n’êl n aiüt da odëi. Mi vijins de let messâ portè le medemo destin, ai ne sciafiâ gnanca da me daidé. Da degügn n’aldîi na parora de consolaziun, degun compagn, degun fre, degöna só, no pere no uma n’ê dlungia. Ne m’odarài mo mai plü en vita? Al me gnô jö n gran incherscimun y i metô man da pité. Spo periâi y me metô tles mans de Chël Bel Dî. Gnanca le miù prou ne foss stè bun da m’arjigné ca miù ala mort co chësta mia situaziun desperada. I ti la pordenâ a düć chi co m’â lascè condüje chilò. Da misdé nes gnôl portè n pü de jopa da mëi. Iö ê massa debl por ester bun da mangé. Do da n pêr de cazüs messâi indô me pone jö. I ne sintî plü degöna

Franz Thaler, le testemone suravit de Dachau, gnarà a La Pli de Mareo.

fan. Chël ël dlungia mè ti ćiarâ fit a mia jopa. Porchël ti la scincâi. Ël â bele superè la crisa. I ponsâ do y somiâ döt sotissura. Śëgn m’intenôi che i messâ jì ala sela. Mo deperpo che i ponsâ, sciöche i m’ess astilé da jì te cagadù, me sciampâ bele döt tla braia. Insciö êi dailò cun la braia plëna y ne podô cherdè degügn en aiüt. Defata desmentiâi mi let ajié y gnô da nescia. Impormò le dé do da doman gnôi indô pro mè instës, canche na infermiera [...] me damanâ sciöche ara me jô. I me sintî n pü’ damì che le dé denant. Impormò canche i â mangé mia porziun de ćiarbun, m’intenôi che dui de mi colegs de ćiamena ê rovà demez. I me ponsâ che ai s’l’ess scaporada. Scebëgn che i n’â plü degöna tëma dala mort, val’ iade m’l’essi ćinamai dejidrada, sperâi impò indô atira tla liberté y da podëi indô m’un jì a ćiasa. I periâ l’infermiera da nes portè ćiamò n cohl. I damanâ mi vijin de let, ći che al ê sozedü cun chi atri dui püri. Al me cuntâ che la sëra denant pro le control de cumpëda êsi gnüs portà demez sön bareles da prijoniers. Al ne savô nia da me dì, sce ai ê ćiamò en vita, plü dessigü bëgn nia plü. La sóra cossa che desfarenziâ i vis dai morć ê le movimënt dl piet da trà le fle y i edli che chirî tan gonot aiüt. I rengraziâ Idî ch’i ê ćiamò en vita.>

La presentaziun cun Thaler Franz Thaler (nasciü dl 1925) gnarà a La Pli de Mareo ala presentaziun dl “Calënder Ladin 2012”, te chël che al é da ciafè so diare di ćiamps de conzentramënt. La festa sarà la sabeda ai 26 de novëmber dales 15.00 domisdé tla Ćiasa dles uniuns. Te chësta ocajiun cuntarà deplü testemoni y storics di tëmps de vera, dantadöt dla Secunda vera dl monn. Le domisdé gnarà metü da jì dal’uniun EPL-Ert por i Ladins en colaboraziun cun deplü uniuns culturales, l’entrada sarà debann. Te chësta ocajiun ciafaran sambëgn inće da cumprè le “Calënder Ladin” nü. (ir)


Val Badia

nr. 44 / 11 de november 2011

I ustis y i sciori “da gara” I “pifchi” ne dà aldedaincö nia plü tan al edl, le toch de Mitterer pê desplazé, sce la bela fin dl toch ne le salvass nia

Söles pedies di tiers N jüch plajor che à portè ligrëza

Al vëgn i sciori... y döt mëss balè sön tach. (fotos: Daniel Töchterle)

Teater - Döes ores de teater, cun n capolaur de regia por ći che reverda jobleri y paiun, é ći che l’Uniun Teater La Ila mostra chësc altonn. La premiera é stada n suzes de publich, y la scuadra di vint jobleri danter paiun y tecnica à döt le merit. La trama de Mitterer, odüda aldedaincö y a La Ila, po zacó parëi desplazada, deache no i todësc sciöche sciori che se comporta da cliscê di agn 80 ne dà plü al edl no la Val Badia n’à plü chëstes dificoltês cun ghesć de na naziun monüda. Tan deplü mëss spo l’ironia gnì trasmetüda atramënter, plü da comedia, y chësc gareta a La Ila inće cun la bravöra de pert di jobleri che é bugn da cherié suspense y dinamizité, cer momënć él en gran plajëi da ćiarè pro. Tlers vëgn fora i messaji dla morala y dla cherianza zivila, dantadöt tres la figöra dl ombolt, de chëra dl’assoziaziun turistica y dl polizist. Le teater se tira inant cun n bun svilup ćina al momënt che le scior todësch, gnü imbanì dal ombolt y coioné y desmandré spo, ne sta fora 15 agn y röia spo indô n iade adalerch. Chësta pert dl teater intënj le spetadù te n’atra dimensciun, te na sort de ilujiun y som. Ći che gareta bun é la multimedialité cun la proieziun de fotografies y söa funziun, l’impresciun por le publich é plü ilujionistica co reala y interpretativa di tëmps nüs fać de na idila, na ecologia y n patüc ma biologich. Chësta pert finala dl teater n’é nia cörta y é inće na esageraziun, al romagn na ironia fina tl’aria, döt pê na idealisaziun somiada, i jobleri pê coiüs da na atmosfera hippie o apartegnëies ala beat-generation, olache döt à söa pêsc y é en pêsc cun döt y düć. Le teater a La Ila é n bel suzes, al é n gröm de secuënzes y

componëntes che gareta dlungia a la desfida che i tröc jobleri y i inserimënć tecnics y de efeć fins se damana. De ütl é chilò l’esperiënza che val’ bun joblere à, y inće la tradiziun da fà teater che é da dijënns de agn a La Ila. “Bëgnodüs a Vila Bela” é n resultat de n bun libreto söla Piefke-Saga (tröc à nu le film) y früt ala fin inće de na vijiun dla regista Erika Castlunger. Al romagn tl’aria n plajëi che inće la Val Badia pochenëia n te’ toch, cun tan de momënć, cun n te’ slöm y inće cun parüdes da caricatöra. Zënz’ater podessel gnì alzé deplü i momënć y i comënć plü ćialć cun parores plü sëćes, lié a na moda plü sigüda y elastica val’ scena y dialogh - scebëgn che cun l’aiüt dla “focalisaziun” arjunta dales löms garetel la localisaziun y presënza de personaji y posć foresć.

Le scenar Al vëgn laurè cun püch aredamënt, le “scenar” ne vëgn nia impostè o definì. Insciö ciafa la regia la poscibilité da cherié i posć y i fać cun püć efeć y ma cun i comportamënć. Le publich s’imaginëia ći che al suzed, le fin é arjunt. Ćinamai na arpizada (verticala) vara da trasmëte, cun i dui jobleri arpizadus che se tira dal plat ca por paiun. Plü saurí se fêjon sambëgn te chëstes scenes sce an à

odü la “Piefke-Saga” tla televijiun.

I cliscês Le gran stöp à Mitterer sciuré sö cun la Piefke-Saga, inće deache i austriacs y tiroleji l’à n pü’ sö cun i todësc (pifchis). Mitterer à podü laurè cun na emoziun che é bele tl piet dl publich, Castlunger n’à nia chësc bonus a La Ila. Mitterer à podü laurè sö n tabù, Castlunger ne po nia laurè cun tabus. Laprò é i todësc vijins di austriacs, por nos ési sciori sciöche chi de d’atres naziuns. I tëmps é mudà da laota al dé da incö, y ćiaran le teater odunse inće ći che é mudé y ći che s’à mudé te ma 30 agn. Le spetadù po spo jì a ćiasa y ponsè che plü bel êl bëgn laota, o che i todësc ê zacò plü “todësc” laota y che nos i ùn portè pro te düć chisc agn a se comportè atramënter... ma deache nos orun nüsc sciori insciö y nia atramënter. Inće chësc comportamënt é gnü n cliscê, y al é da dì che cliscês nüs vëgn al post de cliscês vedli, y che le “teater” da “saga” po jì inant inće indoman.

Rapresentaziuns Le teater vëgn mostrè ćiamò en vëndres ai 11 de novëmber dales 20.30, en sabeda ai 12 de novëmber dales 20.30 y en domënia ai 13 de novëmber dales 15.00, dagnora te Ćiasa dles Uniuns a La Ila. (ir)

Dantadöt i mituns à albü na gran ligrëza cun la mostra di tiers salvari y s’à dër porvè da mëte sö timbri.

Concurs - Por le pröm ann él gnü organisé söla Crusc da pert dla sozieté di implanć portamunt y dla ütia Lee n jüch de racoiüda de timbri. Pici y gragn à podü tó pert al jüch y cöie adöm i timbri che ê da ciafè dlungia vigni scultöra de lëgn che rapresentëia tiers salvari. Le tru tematich “Söles pedies di tiers salvari” pëia ia söinsom le pröm lift dla Crusc y condüj sön n tru saurì amesa le bosch fora ćina al lech Lee. I timbri messâ gnì metüs indertöra sön na cherta aposta. I mituns che dê jö la cherta cun i timbri metüs ti dërć posć ciafâ na picia scincunda sciöche recort al jüch. I partezipanć adulć podô indere dè jö la cherta por tó pert al’estraziun de pesć ala fin dl isté. I pröms trëi davagnadus

dl’estraziun 2011 é stà: 1. post Mancinelli Marta (MC), 2. post Bentivegna Roberto (FE) y 3. post Puzio Michele (NA). Chisc à podü pié do de bi pesć sciöche p.ej. chertes Mountainpass edemanales por la sajun da d’isté 2012, de bones marënes cun deplü derzades tla ütia Lee y d’atri de bi pesć. Düć i pröms diesc davagnadus de pesć pòn odëi söla plata internet www. santa-croce.it söla plata dl menü “isté – tru tematich”. Al jüch de racoiüda de timbri à tut pert tröpa jënt, sides turisć co jënt dl post. Ara s’à tratè de n jüch plajor da fà tla natöra; sides families cun de pici mituns co adulć à albü söa ligrëza impara. Ajache le jüch à albü gran suzes pënson da le fà inće en ater ann.

I dui arpizadus, le mënacrëp Joe y le scior Sattmann.

Momënt da rì: le curs di schi. www.lauscdiladins.com

37


Val Badia

nr. 44 / 11 de november 2011

Strada plü sigüda Danter San Martin y Lungiarü él gnü portè a fin i laûrs por comedè la strada. Sön inćiaria dl Assessorat provinzial ai laûrs publics él gnü slarié y splanè la strada por garantì na miù viabilité y sambëgn plü sigurtè sön strada Viabilité - La strada por rové a Lungiarü ê denant 4 metri leria, massa strënta canche n auto y n camion s’incuntâ. “Cun la strada nöia ne unse śëgn nia plü chëstes

dificoltês tl surpassè y implü pon jì cun l’auto plü sigüsc danter San Martin y Lungiarü” spliga l’assessur Florian Mussner. Dal chilometer 4,0 ćina 5,5 él gnü slarié y splanè

Sodesfaziun por l’injinier Gustav Mischì y l’assessur Florian Mussner.

la strada, che é inće gnüda adatada ales normes atuales de sigurtè. I laûrs é gnüs fać sön chës perts de strada olach’al ê le maiù debojëgn. Aladô dles diretives provinziales é les döes striares gnüdes adatades a na larghëza de 2,5 metri cun laprò mez meter de ur de strada. Te so punt plü ërt à la strada na pendënza dl 10%. Le raiun danter San Martin y Lungiarü é plütosc da plan, porchël él ma te püć posć stè debojëgn de mürs de fondamënta por la strada. I laûrs é gnüs fać dala firma Wipptaler Bau por n costimënt de 637.600,00€. Deache la proietaziun é gnüda fata dal Ofize provinzial por frabiché strades instës, ne pësera nia tl costimënt general. Danter laûrs, provedimënć de segurëza y na soma por i bojëgns nia odüs danfora à l’Assessorat ai laûrs publics fat n investimënt de indöt 912.175,00€ por la strada che va ite a Lungiarü. (osp)

Mostra dl Fotoclub Val Badia Avis - Tl Istitut Ladin a San Martin él gnü daurì na mostra de fotografies dal titul “Ciüfs”, do le tema dl concurs fotografich che le Fotoclub â scrit fora. Pro la daurida él inće gnü premé i davagnadus. Le

concurs é gnü davagné da Alfons Elzenbaumer. Tla proscima ediziun d’La Usc ciafarëise deplü. La mostra romagn daverta ćiamò ćina ai 20 de novëmber. Deplü sot ales “Mostres” pro les manifestaziuns. (pablo)

Dilan por le sorvisc En domënia dan chinesc dé ti à la cöra de Badia surandè le diplom a nü ministranć

Le retrat de Alfons Elzenbaumer, che à davagné le concurs.

Sce an ô, spo va döt I scolars dla secunda mesana d’Al Plan à podü imparè da conësce na porsona demorvëia. Christian Rindler d’Al Plan é verc, mo impò féjel de vigni sort de laûrs

Alex Untersteiner ciafa le diplom da siur degan.

Dlijia - Pro la gran mëssa dla ultima domënia d’otober àn a Badia tut comié da nü ministranć, che va śëgn “en pensiun” dal sorvisc. Al ingres te dlijia à tut pert düć i ministranć tl paîsc, y la

Elena Pitscheider po pié do le diplom da Klaus Untersteiner.

cöra de Badia po nen cumpedè bëgn 75, düć dër lezitënć y orentis. Pro la mëssa à le degan siur Iaco alzè fora l’importanza dl sorvisc pro i ministranć. I ministranć che s’arjignâ da lascè le sorvisc àl

Foto de grup di ex ministranć cun siur degan Iaco Willeit, siur Pire Irsara y Klaus Untersteiner.

38

www.lauscdiladins.com

rengrazié por i tröc agn che ai à dè so contribut important sö da altè. A chisc ministranć ti él gnü surandè n diplom y inće na picia scincunda. Le diplom à ciafè (do alfabet) Marco Anvidalfarei, Caterina Canins, Noemi Dapunt, Andrea D’Urso, Lucia Piccolruaz, Elena Pitscheider, Alex Untersteiner, Anna Valentin y Sofia Valentin. Düć chisc ministranć à fat danter cin’ y set agn de sorvisc, cun tröpa lezitënza, orentè y puntualité. Inće l’acompagnadù di ministranć Klaus Untersteiner oress te chësta ocajiun rengrazié por le sorvisc y ti audè ai 9 exministranć döt le bun y tröp suzes por le dagnì. Do la mëssa y na foto de recordanza, é düć canć gnüs invià te salf di ministranć a se tó val’ da bëre. Deache le local é chësc ann gnü slarié, à le degan Iaco Willeit cherdè jö la benedisciun söl salamënt. A düć chi che à contribuì al garatè dla festa, en particolar ai geniturs di ministranć, en gran dilan. (Klaus Untersteiner por i ministranć de Badia)

Scora - En jöbia ai 20 de otober sunse jüs nos dla 2a tlassa dla Scora Mesana d’Al Plan sö Pinëi/Al Plan, a ciafè Christian Rindler. Christian é verc, da jonn àl albü na desgrazia sön le laûr y al à pordü le sëns dal olfat y la odüda. Ara n’é nia stada saurida, mo cun na gran forza de orentè y vëia da jì inant y da nia la dè sö, é Christian stè bun da arjunje n livel de autonomia straordinar. Al nes à mostrè so local olache al laora da tistler. Al à de vigni sort de mascînns. Gnanca da crëie ći ch’al

é bun da fà! Tl scür se ciàfel vigni massaria, vigni pice torco sàl olà jì a se do. Ël instës s’à studié fora de vigni sort de “tips” por se laurè plü sigü y plü saurì. Al nes à mostrè de vigni sort de patüc de lëgn che ël à fat, suradöt de te’ bi banć da tistler. Christian fej inće ion le paur. Te stala àl döes vaćes. Bel ti sàl inće da rodè, te paîsc y te posć che al conësc da plüdadî. A Christian orésson ti dì n bel dilan por la gran leziun de vita che al nes à dè. Lisa, Simona y Sandra

Christian Rindler ti mostra ai scolari dla mesana sciöche al laora cun mascînns da tistler.


Val Badia

nr. 44 / 11 de november 2011

Na bela balada y tröp divertimënt La setima ediziun dl Bal dla Jonëza da Paur de Badia é garatada. Chësta sëra él inće gnü onorè trëi mëmbri che à fat tröp por la uniun

Karin Alfarei - surastanta dla Jonëza da Paur de Badia, Christian Irsara - surastant dla Jonëza da Paur de Badia, Hildegard Pitscheider (medaia de brom), Veronika Valentin (medaia de brom), Zita Valentin cun n bel smaz de ciüfs, Philipp Lerchegger (medaia de brom), Walter Valentin surastant dla Jonëza da Paur dl raiun de Puster y Brigitte Tschurtschentaler - surastanta dl raiun de Puster.

Badia - Tröpa jënt da lunc adalerch à tut pert en sabeda sëra ai 29 de otober ala setima ediziun dl Bal dla Jonëza da Paur de Badia. I organisadusc à indô ponsè n pü’ a düć, ai à chërdè adalerch le grup dër conescü “Die Fidelen Mölltaler”, che à acompagnè balarines y balarins fora por döta la sëra cun de beliscima musiga popolara.

chël da ti insigné ales ëres formes y tecniches nöies dl balè. I trëi Taxi Dancer dla sëra é stà Enrico de Col d’Anvì de Badia, Isidoro da Lungiarü y Christof d’Al Plan. A ëi ti vàl n gran complimënt y n gran dilan. Por chi plü jogn él stè DJ Tino da La Ila che à metü sö döta la sëra de bela musiga moderna: a ël ti vàl inće n gran dilan.

Da mesanöt ti aspetâl a düć i partezipanć na bela sorpresa, Anita y Zenzo d Al Plan à sonè n valgünes ćianties. Sciöche l’ann passè êl indô trëi Taxi Dancer. Chisc 3 é profescionisć dl balè y so laûr é stè

Onoranzes de brom La Uniun di Paurs jogn de Badia à tut l’ocajiun por ti surandè les onoranzes de brom a trëi mëmbri che à fat pert dl comitê cun gran

impëgn por i ultims agn. A Hildegard Pitscheider, Veronika Valentin y Philipp Lerchegger, che à ciafè n bel cheder, na bela scultöra de lëgn cun le logo dla uniun y n pice ciüf ti vàl n grandiscim dilan por dötes les fadies y i sforc che ai à fat ti ultims agn por la uniun. Na picia scincunda ti él inće gnü surandè a Walter Valentin, che é stè por diesc agn alalungia tl comitê, y che é śëgn atualmënter surastant dles jonëzes da paur dl raiun de Puster, y a Zita Valentin, che é stada por 4 agn tl comitê. A düć ëi n gran dilan che ai s’à dër porvè y à fat crësce dassënn la uniun te chisc ultims agn. Por le setim iade à le Bal dla Jonëza da Paur de Badia albü n gran suzes, por le setim iade s’à i organisadus porvè dassënn metin averda inće ai particolars, sciöche l’alestimënt dl salf y le program de cornisc. N dilan particolar ti va a düć i sponsors y a düć chi che à dè ca val’ pest por la ola dla fortüna, danadöt a Bruno Tasser che à dè ca n beliscim ćiampanì. N gran dilan ti va a düć chi che à daidé para, a Christian Anvidalfarei che s’à dër daidé te ćiasadafüch, ales ëres che é gnüdes a daidé romenè sö, a Lois che ćiara sura la ćiasa, ai stödafüch y a düć chi che é gnüs a balè y se devertì, fajon dl bal na bela festa por düć y n grandiscim suzes por i organisadus. (Jonëza da Paur de Badia)

En gaujiun dl bal él gnü balè dassënn.

Tëmp por s’la cuntè Sciöche bele da plü agn, é i jormagn de Costa inće chësc ann indô rovà adöm Incuntades - Do le suzes di atri agn s’unse inće en chësc ann ponsè da mëte da jì na incuntada di jormagn de Costa. Insciö s’unse abiné en sabeda ai 5 de novëmber sön Runch por nes gode deboriada na buna cëna. Al n’é nia da crëie, mo inće sce an ne vir nia tan dalunc un dal ater, é les ocajiuns da se incuntè plütosc püćes. Porchël unse albü dër tröp da nes cuntè y danter na viva y l’atra unse inće dassënn ćiantè y insciö é la festa garatada indertöra. Al é dër bel che feter düć s’à tut dlaorela da gnì, y bel dilan ai organisadus. I sperun che chësta bela “tradiziun” vëgnes inće mantignida ti agn che vëgn. (josefine)

N prigo por tier y porsona Ann por ann vëgnel desgort da nüsc bosć y pastöres cotan de fì da spinac, mo le problem é alüsc ćiamò atual, y nen paié nen paia suradöt inće i tiers fi da spinac n’é nia plü dër n gran problem. Sambëgn, olache al n’é ćiamò, él n prigo por i tiers salvari, mo inće jënt che podess se fà mè.” Le prigo é inće dè dal fat che fì da spinac é magari bele da agn ilò y é chersciü ite, insciö che an ne le vëiga gnanca dagnora saurì. Da fà sö sîs da spinac nöies n’él aldedaincö nia plü conzedü: “Al n’é gnanca na regola che dij che an mësses tó demez les vedles”, dij Sottara. Mo Sîs cun fì da spinac à incö pordü süa ći che i verdabosc po fà, funziun y é inće prigoroses. (Foto: Nils Kahle) chël é sensibilisé. Ćiamò Natöra - Ara ne dorarà nia plü Sottara: “Sce i odun invalgò f ì da dî che al se lasciarà jö sön nostes spinac, spo ćiarunse da contatè i contrades indô na cutra blanćia de patruns y i periun da les tó demez.” nëi y la natöra s’la dormiarà sot ite Sön la medema ona Tone Rungger: por val’ mëisc. Mo sot la cutra “Da ti jì pormez ai patruns éra dër blanćia ite rovaràl inće le fi da gonot jüda da rovè a na soluziun.” spinac. Al é ćiamò de chi posć Contatè unse inće Hubert olache chësc f ì é da odëi. N letur Tschaffert, surastant di iagri dla Val acort, che roda ion tla natöra, nes Badia. Iagri röia tröp fora por bosch à fat presënt le problem de fis da y röia inće alüsc pro le fì da spinac. spinac che an vëiga ćiamò alüsc Insciö Tschaffert: “Sîs cun f ì da intoronn. “Plüdadî â chëstes sîs plü spinać vëigun deplü da La Val sö, sigü na funziun y ê de bojëgn, mo inće a Lungiarü y te val’ post a San aldedaincö ne n’él bëgn nia plü da Ćiascian.” Y Tschaffert nes odëi l’öga. Ares é plü co ater burtes confermëia inće le prigo: “Al sozeda y prigoroses por jënt y salverjina.” intres indô che an röia pro tiers feris. Scialdi él rehli. Canche an ciafa Inlaôta gnôl adorè f ì da spinac le tier mort, ne pòn nia dì sce al é por assighé ite les pastöres y ti tó ai döt gauja dl fi da spinac, mo les armënć la idea da orëi sciampè. Cun ferides é da odëi. N problem él le passè di agn é le fi da spinac gnü suradöt por les müles d’asó che se man man mudè fora cun sîs de lëgn, ferësc al üre.” I tiers conësc scialdi sciöche al nes vëgn dit da Tone i posć olache al é les sîs y gonot ési Rungger, surastant dla staziun di bugn da i schivé, mo atramënter él verdabosc d’Al Plan: “Le sce ai é spordüs, sciöche Tschaffert Heimatpflegeverband dê ca dij inant: “Sce tiers vëgn spordüs contribuć por mudè fora les sis de sö, magari da chi che va a fonguns, f ì da spinac cun sîs de lëgn. Cun spo sciàmpi en prescia y dailò pòra chësc él gnü arjunt tröp.” A Tone sozéder che ai se ferësces.” Rungger ti unse damanè sce le fì da Suradöt él na chestiun de spinac é ćiamò n gran problem tl sensibilité. Cun les sîs eletriches che raiun dla staziun d’Al Plan. Al nes é aldedaincö, à les sîs da spinac dij: “Dolarata él ti ultims agn gnü pordü süa funziun primara. Ares é romenè sö da spavënt tröp fi da da rüja y sce al dà ca ferides, inće spinac, insciö inće cun i laûrs tl pro porsones o suradöt de pici mituns che refla ion, pòl dè ca parch natural.” infeziuns. Porchël pòn ma ti fà n Contatè unse inće Florian apel ai proprietars di grunć, da tó Sottara, surastant dla staziun di demez la foracia prigorosa, por la verdabosc da La Ila, che nes dij: “Le sigurtè de tier y porsona. (pablo)

I jormagn de Costa. www.lauscdiladins.com

39


Val Badia

nr. 44 / 11 de november 2011

Dé dles biblioteches 2011 Por le terzo iade él gnü metü da jì sura döt Südtirol le dé dles biblioteches. Plü de 100 biblioteches à en sabeda ai 22 d’otober, daurì les portes y à invié dai plü pici ala jënt plü ti agn tles biblioteches. Inće tla Val Badia àn fat para Letöra - Sura döt Südtirol él gnü pité él gnü manifestaziuns desvalies, dal dé dla porta daverta a incuntades cun auturs, ores da pastlenè, domisdà cun jüć ćina a mostres. Cun chëstes manifestaziuns àn orü mostrè l’importanza dles biblioteches sciöche istitutziun culturala y por la formaziun personala dla popolaziun de vigni eté. Inće la bliblioteca Sas dla Crusc à tut pert a chë s c dé c un de plü manifestaziuns.

Pesć por le stomat da d’isté Tla sënta prinzipala a La Ila él gnü metü da jì n domisdé por mitans y mituns dla scora elementara. Impröma à Simon Kostner entusiasmè düć cun stories fora da libri desvalis, portades dant te na rapresentaziun teatrala dër plajora por pici y gragn. Pro la contujiun dl’aziun da lì da d’isté 2011 él stè na sorpresa por chi che â tut pert al stomat

tratan i mëisc da d’isté te biblioteca, chisc à podü pié do n pice pest. Do n pice renfrësch à spo i partezipanć ćiamò podü se pastlenè n pice recort.

Na cumpëda de libri por mituns Tla biblioteca a Pedraces à inće n gran numer de porsones de vigni eté, mo suradöt leturs jogn, tut pert cun entusiasm y gran interes a n domisdè cun stories, portades dant dala maestra Flavia Marzano. Laprò à i mituns inće podü se pastllnè de vigni sort y se tripé cun jüć döt le domisdè. Por i vijutadus él inće gnü arjigné ite na bela cumpëda de libri nüs por mituns, che à descedè gran interes.

Stories y dessëgns Inće tla biblioteca dl Istitut Ladin “Micurà de Rü” a San Martin él gnü organisé n domisdé por mituns. Al ti é gnü cuntè na storia dla talpina Monty che se stüfa

A Badia vëgnel dassënn pastlenè.

La Ila: Simon Kostner à pité intratenimënt por na bela cumpëda de mituns.

intres. Dedô à i mituns fat dessëgns dla storia y dles ativitês che ëi fej canch’ai se stüfa. Ai à inće scrit sö ći che ai lî, ćiodiche ai lî y olache ai lî, y le resutat pòn odëi te biblioteca, olache ai à tachè fora sües idees. Al é inće chilò gnü fat la premiaziun dl stomat dla

biblioteca che é gnü organisé tratan i mëisc da d’isté. Cun jüć à spo i mituns ćiamò podü se devertì.

Jüć por i mëndri Tla biblioteca “Angelo Trebo” a Al Plan él gnü presentè n bel numer

San Martin: i mituns ascuta pro cun interes ći che al vëgn cuntè.

Al Plan: Noemi Frontull ti cunta de beles stories ai mituns.

La noza é da recordè vigni dé La Cöra de Badia à indô festejé i pêrs maridà Badia - En domënia ai 23 d’otober à la comunité de Badia podü festejé i iubilars da noza che s’à maridé dan da 10, 15, 20 ćina 55 agn. Al é stè na festa de rengraziamënt, y na testemonianza che la jënt crëi y vëiga tl sacramënt dl matrimone na rajun y na motivaziun de vita. La presidënta dl Consëi de Cüra à dit te so salüt che le matrimone é n valur che se damana responsabilitês y impëgns, al n’é nia ma amur y felizité. Porchël él vigni pêr che é ruvé te dlijia che porta sö dan alté inće fistidi y dificoltês che le vire adöm se damana. Le scê dit dan plü agn dan a Chël Bel Dî à debujëgn da gnì renovè, dé por dé, por tignì adöm y jì deboriada fora por i bi y ri momënć dla vita. Nia ma i maridà, mo döta la jënt - àra spo dit, mëss se portè respet un cun l’ater, se avëi crëta, avëi coraje por i jì adincuntra ales intrigaziuns che la vita nes resservëia vigni dé. I bëgn 40 pêrs à mostrè gran ligrëza y comoziun tratan la santa mëssa zelebrada da siur degan Iaco

40

www.lauscdiladins.com

Willeit, y por n bel ćiantè à fistidié le Cor Philia, che à salpü da ti dè solenité a chësta festa. Siur degan i à inće fat les aodanzes a düć i pêrs, alzan fora l’importanza da se daidé un cun l’ater, da se recordè dla istruziun che an à ciafè y che an po śëgn dè inant ai mituns. Por se recordè de chësc dé ti él spo gnü surandè, da pert de siur degan, a düć i pêrs n pice pinsier. Al n’à nia manćé do mëssa le retrat da noza, y sambëgn le cafê y la torta da noza, gnüs ofris tl salamënt dla Ćiasa Runcher. Le consëi dles ëres à indô tenü sö cun gran plajëi y impëgn na bela mësa da noza. I nüc s’à sintì dër onorà y à aprijé chisc bi momënć da stè deboriada y s’incuntè cun compagns de iade, y cun sü compaejans che fajô en chël dé festa. Nos aldedaincö adorun ćiamò plü co n iade testemoni de fede autentics credibli, por renforzé y tignì via nosta fede, insciö à dit la presidënta dl consëi de cöra.

de libri nüs por pici y por gragn, por chi che i partezipanć ala manifestaziun à mostrè gran interes. Por i leturs jogn él inće gnü invié ia n domisdé de devertimënt cun stories y jüć. Inće geniturs à śoghé para y düć à passè val’ ores plajores.

Le retrat dla bela ocajiun da festejé deboriada le iubileum da noza.


Letres y Politica

nr. 44 / 11 de november 2011

Da les listes politiches de Südtirol y di comuns

L govern zenza maiorité

L’autonomia dla scola ladina L’Assessoura a la cultura todescia de Südtirol Sabina Kasslatter-Mur vuel sforzé su l’edema curta a scola de cinch dis ence per les scoles autes. Chest volessa di avei dai 3 ai 4 dis a l’edema scola domisdé. Da n pont de veduda didatich souradut tles scoles autes é chest

negatif. Ma al é vigni scola che sa cie che é miour per i scolars. Perchel dij Ladins Dolomites de no a cosses sfurzedes, mé l’autonomia dles singoles scoles dess tò la dezijion. Na critica mess ence gnì fata a Florian Mussner che se lascia arvene via y ca a plajei da sia

colega todescia impede lauré tl interes dla scola ladina; scola ladina che à n iade emplù desmostré sia gran cualité con l suzes di scolars ladins gnus fora da scoles ladines pro l ejam de amiscion a la ULB. Ladins Dolomites

Cunliamënt S. Cristina – Mont de Pana L’afermazion dl ambolt da Ciastel de ulëi cunlië la Mont de Sëuc cun la Mont de Pana, à purtà te Gherdëina n gran mbusiamënt y critica de viers de d’ël. Duc sà che l ie da for tlo l dejidere dl raion de Ciastel de vester cunlià cun la Sela Ronda tres la Mont de Sëuc. Che si ambolt se dà da fé de chël viers ie da capì y plu che legitim. Autramënter stàla a S. Cristina. Iló ie la posizion dl ambolt bëndebò cuntraditera. Coche n aud iel da una pert contra n cunliamënt cun la Mont de Sëuc y dal’autra pert sustëniel na furnadoia danter Ruacia y

Puntea che à plucheauter mé rejon de unì fata, sce te n segondo mumënt uelen jì inant ora Sautaria. Cie che ie segur, ie che la Mont de Pana à debujën de unì cunlieda miec a S. Cristina. Per chësc fin ne n’iel nia de miëur che n mplant sciche l ie unì fat sun Resciesa. I vantajes cunësc duc, ie rate che l ne n’ie nia debujën de i cumpedé su, duc à udù l suzes che l à abù. Sëuraprò piessa chësc mplant via daujin dala streda de zircumvalazion y da na plaza da lascé i auti, chël che l mplant de Resciesa ne à nia. Cun n tel mplant pudëssen monce pensé de stlù parzialmënter la streda de Pana,

1.) Furnadoia che ie penseda y che se adatea plucheauter per cunlië Ruacia cun Mont de Pana, Mont de Sëuc y Ciastel ala Sela Ronda, y che se damanda de fé la segonda pert che porta ora Sautaria. 2.) Funiculera sciche sun Resciesa, che dëssa cunlië l zënter de S. Cristina cun Mont de Pana, fajan nce da servisc publich. Chësta pudëssa nce unì fata duta o nce mé n pert sot a tiera. N tel mplant ne se damanda nia de fé na segonda pert che porta ora Sautaria, ma l ne l stluj nianca no ora. Chëstes ie dutes dezijions che toca sambën da unì tëutes dala jënt de S. Cristina.

(sce n cajo mé per i fulestieres), pervia che l fossa manco problematich a l lascé jì nce canche mei. Ne fóssel pa nia da se fé n pensier sce per S. Cristina ne n’iel nia plu de utl fé na funiculera che pea dal luech su, che fajëssa nce da servisc publich, che fé na furnadoia ta Ruacia che se adatea plu che auter mé per slargë l carussel dai schi. La politica di „Ladins“ ie chëla de sustenì mplanc che ie de utl per la jënt y per nosc turism y nia de cialé di nteresc de chëi dai lifc. Nëus ulon pensé al turism dl daunì y nce a chël da d’instà, perchël ne daussons nia la sëuramené cun l desfrutamënt, ma cialé de se cuntenté cun mpue’ demanco, ajache te chësc cajo uel mpue’ manco dì deplù. Per chëi che uel stravardé i Plans de Cunfin, la Mont de Pana y i nteresc de Gherdëina, iel gran ëura de se muever. I autri se dà bele giut da fé y mesuns economics y politics n ài ënghe assé. I „Ladins“ ie da for stai per stravardé nosta tiera da massa n gran desfrutamënt. Nëus ne son nia mé „SAMBËN LADINS“ canche la se trata de se detlaré per la stieres publiches, ma sambën nce canche la se trata de stravardé nosta tiera.

A la Ciamena mé 308 sci per l’aproazion dl rendicont, 321 n’à nia lité Berlusconi n’à nia plu les oujes per na maiorité, en mertesc àl abù mé plu 308 sci canche al jiva dl’aproazion dl rendicont. Dedò àl comenté che al veid mé plu “les litazions” jan tl Quirinal per nen rejené con l president de Stat Napolitano. Speculé gnìvel che Berlusconi i prejentassa si mandat al president, ma chest n’él nia gnu fat. Berlusconi vuel dant che prejenté les dimiscions aproé les reformes fiscales che l’Europa se damana. Dedò se aodel spo litazions.

Cialon ti media Da l’ANSA: La maiorité dij de no a n govern “anengrum”. Chesta é la posizion gnuda a s’l di, aldò de cie che n valgugn prejenc sa de dì, tratant la enconteda anter l premier Silvio Berlusconi y Umberto Bossi adum al stat maiour pidielin y dl Carroccio sté da seira a palaz Grazioli. Berlusconi, dagnora aldò de prejenc, ess scoté su rajonamenc sie di lumbard che di dirigenc dl Pdl dijan che do la fin de sie govern romangel sciche soula streda chela dles litazions bonorives. I dirigenc pidielins n’ess indere nia sclut la porta dant a l’ipotesa, dagnora tl respet dl mandat, de i sourandé l arlungiament dla legislatura a n esponent dl zenter-man dreta. I inoms en pole position romagn dagnora chi de Gianni Letta y Angelino Alfano. L projet indere, a cie che ai dij dal Pdl, ess enconté

Walther Kasslatter, Ladins Dolomites

Val d’Ana Tl’ultima senteda de Cunsёi de Chemun fòvel sun l ordn dl di na mudazion al plann urbanistich per la streda de Val d’Ana. La mudazion udova dant de spusté l prim tòch de streda sun ёur de ruf, a na moda che la plaza dai auti sibe dala medema pert de streda sciche la stazion dla furnadoia de Secëda. Tenian cont dla tëuta de posizion defin critica di esperc dl ufize

per la sistemazion dl’eghes de Murbercia, ne fova la Lista Urtijёi nia a una de spusté la streda. L argumёnt dla segurёza, purtà dant dal partit de maiuranza, ne fova i cunselieres dla Lista Urtijёi nia boni de lascé valёi, ajache chёsc nter vёnt cumpurtёssa la realisazion de mures y peton do ruf ite. Oradechёl pensons che na streda sun ёur de ruf sibe plu lizia che no una de zes. I cunselieres

dla Lista Urtijёi pesimea sёuraprò che cun chёsta mudazion al plann urbanistich pudёssel unì nvià via la puscibltà de ngrandì la garage dla stazion japé dla Secëda. Lista Urtijёi: Martina Goller, Raimond Irsara, Claudia Schrott, Alberto Costanzi, Claudia Urthaler, Gerlinde Goller, Claudia Insam Silvio Berlusconi.

l no dl Carroccio enscì sciche la contrarieté dl’Udc. Da “Il foglio”: Berlusconi la dà su, ma al ne dà nia do. L Cavalier n’à deguna vueia de lascé vence si antagonisć. I al vuel les litazions defata do l’aproazion dles reformes. Telefonat de Berlusconi al TG1: “La votazion da encuei a la Ciamena à confermé che al é rie de operé tl Parlament” y à trat ca “litazions nueves”.

Dai foliec internazionai Da la Bild (Germania): Berlusconi vuel jì, Papandreou é demez - dis de caos a Roma y Athen. Amesa la crisa dl euro y dl debit é avisa i membri dla EU plu deslisc, la Grecia y la Talia, zenza govern. En seira à Silvio Berlusconi dit a Roma che al darà ju si mandat, al fajarà mé plu i plans dl sparagn y dla reforma. I marcés giulibeia! Les burses dl’Asia é encuei tl jolé aut, a New York à la novela da Roma auzé tl plus l Dow Jones che fova tomé per n pez enchin a n bas de 12.000 ponc. Dal Kurier (Austria): La fin dla era Berlusconi é gnuda: el s’un va. Da la “ZEIT ONLINE” (Germania): Les dimiscions empermetudes da Berlusconi. Canche i plans dl sparagn sarà lege, vuel Silvio Berlusconi dé ju si mandat. Sciche ala va inant tla Talia, é davert. Opzions él cotantes. Da la NZZ ONLINE, comentar de Meret Baumann: Finalmenter, ésen enjignés de dÌ. Cotant tert à Silvio Berlusconi vedù ite, che sia batalia per l p o dei é p erdÙ. Desperé se tìgnel enchi a la fin pro si mandat. Da la Times (UK): Silvio Berlusconi, l leader dla Talia che à governé l plu giut da do la vera encà, é deventé la maioura vitima dla crisa dl raion euro enseira canche al à nunzié sia resignazion do avei perdù la maiortié tl parlament. Da “Le Figaro” (F): Berlusconi lasciarà n iade litedes les reformes.

Cuntra la sospenjiun La SEL al zënter dl’atenziun Le consëi provinzial de Südtirol à en mertesc lité - con ma öna na usc sourafora - cuntra la moziun de sospenjiun dl diretur general dla SEL Maximilian Rainer. 16 aconsiadus é stà a öna da jì cuntra la domanda, 15 foss stà por na sospenjiun.

Maximilian Rainer.

Unitalia à damanè tla moziun, che la Junta provinziala toles sö les dimisciuns dl presidënt dla SEL Klaus Stocker y dl presidënt

dl consëi de control Pircher (punt 1), che la Junta dess menè inant la sospenjiun dl diretur dla SEL Rainer (punt 2), che la Junta dess avié na domanda do la rotüda di danns cuntra i capi dla SEL (punt 3) y che le presidënt dla Junta provinziala Luis Durnwalder i toles la competënza dla energia al assessur Laimer. Chëasta moziun ê gnüda sotescrita da döta l’oposiziun. En mertesc domisdé él gnü

cherdè cun prescia ite na reuniun dla Junta provinziala. Te chësta él gnü tut sö la domanda de Klaus Stocker da orëi mëte a desposiziun söa inćiaria da presidënt dla SEL SpA. La SEL SpA i alda tla maioranza ala Provinzia de Südtirol. Maximilian Rainer â Bele en lönesc da doman damanè do trëi mëisc de vacanza nia paiada da pert de so datur de laur, la SEL

SpA. Le diretif dla SEL SpA â defata dit de scê a chësta domanda. Te chësta spana de tëmp de trëi mëisc spéron che la magistratöra ais stlüt jö les inrescides por odëi sce Rainer à davëi albü da nen fà tla cuestiun dla refodada desco manajadù dla SEL SpA de na conzesciun publica che i foss spo jüda a na firma de chëra che inće ël ess n gran profit. (ir) www.lauscdiladins.com

41


Sport

nr. 44 / 11 de november 2011

Fascia, inant coscita! La partida venta contra l’Anaune à portà gaissa ai jiadores de mister Giuliani

Daniele Deluca autor del gol fascian.

Balon 1^ cat. - Sul ciamp mol e sbaìsech de Cles, l’é ruà zacan la outa che mister Giuliani aea domanà per na setemèna entrìa e che duc se spetèa dal Fascia. Dò doi desfates e n burt parege, cognea ruèr amò dant che i trei ponc, na resposta a

livel scì de jech ma soraldut caraterièl. E no podea esser autramenter, ajache per portèr a cèsa ponc te na dì de gran pievia, te n ciamp pesoch e contra n aversarie dassen de valuta, servìa dant de dut n gran temperament e na gran gaissa. Fatores chisc che no i ge é mencé ai jiadores ladins soraldut tel secondo temp canche, en vantac per un a nia, l’é stat mìngol da padir contra la spenta di nonejes. L prum temp l’é stat fosc chel jià miec, col Fascia che à risćià te vèlch ocajion ma che à per la maor pèrt abù te man l jech, seence che l gol l’é ruà empruma dò caranta menuc. Gol fat ite aldò de n gran passaje de Brigadoi, da Daniele Deluca, mencià per n meis e che n’outa de retorn, co na gran partida, à fat sobito pissèr che se demò l fossa stat, vèlch pont en più, l Fascia l lo aessa. Te la seconda pèrt de la partida, sessaben l’Anaune à proà a fèr zeche de più per arjonjer la parità, aboncont i

Classifica 1. categorìa jiron C: Lavis 11 partides 28 ponts Fascia 11 partides 23 ponts Aquila Trento 11 part. 20 p. Anaune 11 partides 19 ponts Alta Anaunia 11 part. 18 p. Verla 11 partides 17 ponts Tnt Monte Peller 11 part. 14 p. Solandra 11 partides 13 pont Cauriol 11 partides 12 ponts Mattarello 11 partides 11 ponts Monte Ozolo 11 part. 11 p. Paganella 11 partides 9 ponts Mezzolombardo 11 part.8 p. Dolomitica 11 partides 5 ponts joegn de Fascia, no i se à lascià fèr jù e la pecia ocajions abudes dai atacanc nonejes les é states ben blochèdes da Cincelli. Alincontra, la più bela ocajion per serèr sù l’éjit de la endesfida l l’à abuda Brigadoi che soul dedant usc, à falà del dut

la trata de cef. De grazia che enstouta à bastà n gol soul per trei ponc. L Lavis à vent ence chesta domenia e i ponc de desferenza resta cinch. Aboncont, per i bec de Giuliani l’era dassen massa emportant scomenzèr endò a venjer. Dodoman, domenia ai 13, l Fascia jiarà al Cotura de Vich da mesa les trei de contra a la Cauriol de Pancià.

Resultac de la squadra mendres

de setemèna: en sabeda ai 12 jia la Eles contra l Rifiano (da les 7 a Vich), la Juniores contra l Besenel (da mesa les 5 a Vich), i Esordienc “A” contra l Fiem (da les 3 a Vich), i Esordienc “B” contra l Valcembra (da mesa les cater a Cembra). En domenia ai 13 jia i Arleves contra l Lavis (da mesa les 11 a Vich) e i Giovanissimi contra l Mattarel (da mesa les 12 a Mattarel) Cristoforo Debertol Anaune - Fascia 0 – 1

Chisc i resultac de la squadra mendres: la Eles à parejà 1 a 1 contra l Rifiano (gol de Vanessa Petrova), i Juniores à vent l derby contra la Dolomitica 3 a 2 (goi de Gianmaria Ganz 2, e Varesco Nicola), i Arleves à perdù 6 a 2 contra l Mattarel (goi de Depaul Nicola), i Giovanissimi à perdù 2 a 0 contra la Ravinense, i Esordienc “B” à vent 3 a 2 contra la Monti Pallidi. De seghit la partides de chest fin

Formazion Fascia: Nicolò Cincelli, Nicolò Crepaz (35 s.t. Dennis Drljie), Mathias Defrancesco, Maurizio Bonani, Manuel Bernard, Cristoforo Debertol, Davide Porcu, Davide Bosin (40° s.t. Pezzei), Daniele Deluca, Patrizio Cigolla (35° s.t. Simone Bolgiani), Stefano Brigadoi. Alenador: Lorenzo Giuliani.

Bela prestaziun Devënta tlera, che ess podü ester ćiamò plü torona, sce i atacanć ladins ne sciurass nia al vënt tan de gran ocajiuns. Prestaziun ejemplara dla defenjiun, che é śëgn danter les mius dl campionat Palê Val Badia/3. cat. - Por ester i pröms de novëmber, é les condiziuns por śoghé al palê les mius, sides cun les temperatöres co cun i ćiamps. Da atira pòn odëi na gran lominosité sön le raiun dl sport “Pradel”, al é gnü taié demez tröc de gragn lëgns che fajô tröpa ambria ala plaza. Chësta ciafarà suradöt da d’aiscöda, canche ara va debojëgn che la nëi s’an vais, tröp plü sorëdl. La partida é stada tres tles mans dla Val Badia, che à fat odëi n bel jüch y à śoghé saurì, zënza nervosité. I pustri n’à nia podü fà tröp por evité la pordüda sëćia, limitada dassënn da so gran portier Christian Rainer. Düć i goi dla Val Badia é stà segnà do dër de beles aziuns de jüch, cun deplü passaji cun palê bas. Al 14^ menüt prô l’atacant Mairhofer la deviaziun te porta ladina cun na man. Odü dal arbiter

se ciafel la “ghela”. Ma “Maradonna” à podü segnè cun la man. Do da 23 menüć de jüch röia t’area n cross dala man ciampa, le 9 Sinner bel su deviëia de će te porta. Massa, che defënn indô la porta de süa scuadra, jora y alza cun la man sura stangia fora te ćiantun. Al 28^ menüt tira Matti Stampfer te porta, le 1 robat le coran cun n gran intervënt. Erlacher abina le palê y ti al passa a Irsara, che röia dan porta y tira. Al é inće na picera deviaziun da pert de n defensur y chësc röia te porta sön la man ciampa dl portier: 1 a 0. Do da 32 menüć de jüch, él n pass t’area de Pescollderung por le nü ladin: chësc superëia en velozité le verdaporta y dedô vëgnel sciurè sotissura dal cinch J. Rainer. Al vëgn conzedü n önescmetri, amonì le cinch y al é inće val’ protesta. “Matti” tira l’önescmetri sëch a mesa altëza,

sön la man ciampa dl portier por le 2 a 0. Al 47^ de jüch toma le nü atacant Dalla Santa, sön n contrast cun Adami. Ai minâ che al foss n önescmetri. Al 59^ menüt röia Stampfer su dan le portier puster, che ti robat la trata da daimprò. Do da 70 menüć de jüch, sön na passada de Thaler, röia Erlacher su dan le 1 dl Dietenheim: al ti tira ados. Al 76^ menüt él Alex Stampfer che passa a Pescollderung che tira te porta, le portier deviëia te ćiantun. Do da 87 menüć de jüch röia inće la sodesfaziun dl gol por “Pescho”, le önesc dla Val Badia. Sön na rebatüda abinel le coran te so mezćiamp, al salta su cuntra porta dl Dietenheim. Manuel aspeta che al vëgnes fora le portier y spo tìrel tl piz lunch por le 3 a 0 mirité. N menüt plü tert à inće Clara na gran ocajiun por so pröm gol te 2a

categoria. Al röia su dan le portier y tira te porta, chësc robat de pè la trata. Ara resta sön le 3 a 0. (rp)

la plaza “Pradel” a San Martin de Tor cuntra le ASV Schabs. Tlassifica: ćiara sot Rina.

Val Badia - Dietenheim/ Aufhofen: 3 - 0 Formaziun dla Val Badia: 1. Luca Massa, 2. Julian Bernardi, 3. Devis Vittur (dal 75^ Alex Stampfer), 4. Simon Dapoz - capitan, 5. Samuel Vittur, 6. Paolo Adami, 7. Matthias Thaler, 8. Andrea Irsara (dal 84^ Florian Barbolini), 9. Matthias Stampfer (dal 65^ Manuel Clara), 10. Armin Erlacher, 11. Manuel Pescollderung. Alenadù: Luca Massa. Goi por la Val Badia: Andrea Irsara (al 28^), Matthias Stampfer (al 32^ sön önescmetri), Manuel Pescollderung (al 87^) Proscima partida: en domënia ai 13 de novëmber dales 14.30, sön

Paolo Adami: do l’infortüne indô na sigurtè tla defenjiun dl ACD Val Badia.

Truepa ucajions faledes Tla 10ma partida de campiunat se tratòvela per l FC Gherdëina de se tenì l prim post tla tlassifica Palé/3. cat. - N sada domesdì ai 5 de nuvëmber, cun temperatures tiebies per la sajon y per fertuna ne pluòvel nia, a na maniera che n ne à nia ruinà l ciamp dala codla de Mulin da Coi cun chësta ultima partida dan la paussa da d’inviern sun chësta plaza. L Gherdëina se rënd cont che la partida ie da stramp mpurtanta per se tenì l prim post tla tlassifica. N scumëncia cun l trainadëur Puppin te cassa, i doi pecs zentrei ie Andreas Wieser y Daniel Demetz cun Rungghi Raphael y Luis Schenk da les pertes. Tamez a man drëta iel Stuz Vallazza, a man ciancia Antonio Divisi y danterite Mark Vinatzer y Aron Kostner. Per l juech ofensif ie de cumpetënza Seljvir y Jonas.

42

www.lauscdiladins.com

L juech scumëncia cun la doi scuadres a se studië, l Gherdëina cëla de tò l juech tla man. L’erma plu scëmpla ma tl medemo mumënt plu sterscia ie cialé de mandé inant Jonas, ajache ël ie cun la codla sun l pe scialdi plu asvelt che trueps zënza. Do puec menuc ie Jonas bon de ti mucé al pech dl Gries, va de viers dla cassa, ma l pech ruva da dovia y cun na gambarela féjel tumé sun fonz Jonas. L arbitradëur scibla l undescmetri, che Antonio va a tré. Ël tira sun l cianton bas a man drëta bas y fej l 1:0 per l Gherdëina. N ëssa pudù ti dé la cuecena al jugadëur dl Gries, davia che Jonas fova per tré la codla. L juech resta te nosta mans, ma zënza vester boni de mëter ala strëntes l Gries. Do 17 menuc de juech ti suzédel

purtruep a Luis Schenk, pech de man drëta, che do avëi messù se sauté dassënn sëntel n zer ala cuessa y puech do muessel ora. Si pusizion vën tëuta ite da Roffl Senoner. L juech ne n’ie nia bel y l vën suvënz trat codles autes y nce canche on la codla sun fonz vëniel mpo auzà zënza rejon la codla. Davia de chël se stënten dancà a lauré chësta codles y fé zeche de periculëus ora de chësta situazions. N muessa dì che ntan l prim tëmp ons mo na ucajion cun Seljvir che mpede tré bas à cris la soluzion mpue plu tecnica purvan a la auzé ”a sciadon”, ma la codla ie jita sëura cassa ora. L Gries univa sun la fin dl prim tëmp for plu segur y cun na punizion da man ciancia, ruva cun sëur n

pech dl Gries te area y fej l 1:1. Puech do fina via l prim tëmp. Mo ne fòvel nia de perdù che l fova pu mo 45 menuc da jughé. Tl segondo tëmp iel mé nosta scuadra a avëi la codla, mé che nëus ne son nia boni de tuché la porta canche union a frida a tré. A tré ora garàtel mo na ucajion cun Antonio che da man ciancia se fej n 30-40 metri de ciamp y canche l ie jenià per tré de cianch ti sauta la codla y la trata, va dlongia l pel via. Sciot, ajache la azion de Antonio fova fata bën y se ëssa merità zeche deplù. Tl vintejim menut dl segondo tëmp vën n jugadëur dl Gries smacà ora cun na cuecena, ma chësc ne muda nia plu che tant per nëus. Ala fin dl juech sons mo n iede boni de ruvé su cun la codla, ma a tré sons

purtruep mo massa dëibli. Na gran ucajion à mo l Gries cun doi jugadëures contra un, ma nosc Wieser tën la pusizion ne ti lascian al jugadëur dl Gries nia la lerch per jì sëul sun cassa y nscila vën la codla pieda da nosc verdiaporta. La partida fina via sun l 1 a 1, ulache al scrivan y ai jugadëures dl Gherdëina ti mueiela de chësta ucajion perduda. Per fertuna à l FC Gherdëina fa fé duman sada mo na partida a Laag, ulache n ulerà inò dé dut y se purvé per arjonjer n resultat mpurtant. FC Gherdëina - FC Gries 1-1 (1-1) Gol per l Gherdëina 1-0 Antonio Divisi al 08’, 1-1 al 42’


Sport

nr. 44 / 11 de november 2011

Rina fej balè i vijins da Lijun

La Val: trëi punć

Gran goleada pro la partida dl Rina cuntra le Lijun. I ladins ti à fat ite bëgn 6 goi ai aversars

Tla penultima partida da d’altonn à la scuadra da La Val concuisté na devënta importanta cuntra le Percha, scuadra che é al terzo post te tlassifica

Palê Rina/2. cat. - Al é bele dî ca che les döes scuadres s’à incuntè l’ultim iade. I dui paîsc se conësc dër bun, les döes pizes de munt “Col dla Vedla” y “Col dal Lè” fej da confin. Ti agn da zacan gnôl fat gonot festes fora por chës üties de munt. Inće en domënia dan otedé él gnü a Rina, por strada de Börz, tröpa jënt da Lijun. I sostegnidus dles döes scuadres à podü se devertì, à odü na munt de goi. L’alenadù Wolfi dl Rina à messü mëte te ćiamp na scuadra scialdi jona. Ivan à surantut le post dl portier Simon - scualifiché. L’atacant David à inće messü ćiarè pro, le capitan Lorenz n’à gnanca śoghé por n mal y é gnü sostituì dal jonn Thomas Ferdigg. I mandli metüs te ćiamp à düć adöm dè döt y à śoghé na gran partida. Desche bele te tröpes ocajiuns, pëia le Rina atira ia bun y fej presciun. La pröma gran ocajiun é da odëi al 20^ menüt. Na gran trata de Elli finësc püch dlungia porta fora. Al 28^ menüt ciafa i aversars la puniziun dai 11 metri. N atacant vëgn metü jö püch dan la gran area. Le diretur de gara, n pü’ dalunc dal’aziun, vëiga le fal t’area y mostra atira söl punt blanch. Les protestes dl Rina ne jô a nia. Le capitan Florian Putzer fej le 1 a 0. La picia spordüda döra püch dî. Bele al 30^ menüt stlinghinëia inće la rëi dl Lijun. Sön trata de puniziun de Georg, fej Andy n bel gol de će. Tl rest dl pröm tëmp druca Rina ćiamò dassënn, al 40^ menüt para le portier Wolfgang Kaser na bela trata de Manuel. Le resultat ne se müda nia y les döes scuadres va a palsè. Le secundo tëmp é spo dër movimentè y rich de goi. Al 60^ va Rina en vantaje. Indô sön puniziun de Georg, mët Andy de će le coran te sach. Andy ciafa sen tres plü coraji

y röia dan le portier. Cun na bela trata féjel le 5 a 2. Klaus ô mëte le resultat ćiamò plü al sigü y fej cun na bela trata angolada le 6 a 2 definitif. La devënta dl Rina é miritada, i vijins é magari gnüs castià n pü’ demassa. (if)

Andreas Ferdigg à realisé bëgn trëi goi cuntra le Lijun.

y bele do püć menüć vàl dassu cuntra porta da Lijun. Al vëgn metü jö y ciafa la gran puniziun. Andy tira instës y fej la tripleta. Ara n’é pa nia ćiamò fora: Lijun ne la dà pa nia ćiamò sö. Al passa ma 5 menüć y Lijun fej le 3 a 2 cun Patrick Kaser. La partida vëgn indô ćialda, inće deache atira dedô ciafa Manuel dl Rina la cherta cöcena, por n fal sön le portier. La scuadra de Wolfi śoga inant, desche sce nia ne foss stè. Defata do l’espulsiun pëia ia Christian da mez ćiamp cuntra la porta aversara. Al röia ćina al limit dla gran area y vëgn spo tignì sö cun n fal dl capitan Florian Putzer, che ciafa por le secundo iade la cherta ghela. Al é indô parité te ćiamp - 10 cuntra 10. Ti ultims 15 menüć de partida mët ite Rina na marcia implü, i avesars lascia te n iade do. Al 80^ menüt, sön na bela aziun, ciafa Elli n pass da Andy y mët le palê cun trata bassa te porta. Al 80^ menüt ti lascia le goleadù Andy le post al jonn Klaus. Ti ultims menüć, al 85^ y al 87^ fej ćiamò Philipp y Klaus dui de bi goi. Le defensur Philipp pëia ia dassù, lascia i aversars desche chidli da na pert

Tlassifica 3a categoria, grup C 1. Aicha, 10 partides, 25 punć 2. San Laurënz, 10 part., 22 p. 3. Percha, 10 partides, 18 p. 4. La Val, 10 partides, 16 p. 5. Raas, 10 partides, 13 p. 6. Gsiesertal, 10 partides, 13 p. 7. Mareo, 10 partides, 13 p. 8. Gais, 10 partides, 13 p. 9. Neustift, 10 partides, 12 p. 10. Mühlwald, 10 part., 11 p. 11. Prettau, 10 partides, 7 p. 12. Valdaora, 10 partides, 5 p.

Rina - Lijun: 6 - 2 Formaziun dl Rina: 1. Ivan Craffonara, 2. Alfons Facchini, 3. Daniel Ferdigg, 4. Thomas Huber, 5. Philipp Winkler, 6. Thomas Ferdigg, 7. Christian Ferdigg (dal 87^ Hanspeter Rungger), 8. Georg Craffonara (dal 86^ Ivan Agreiter), 9. Elmar Kosta, 10. Andreas Ferdigg (dal 80^ Klaus Promberger), 11. Manuel Mellauner. Alenadù: Wolfgang Crepaz Goi por le Rina: Andreas Ferdigg (al 30^, al 60^, al 65^ - sön önescmetri), Elmar Kosta (al 80^), Philipp Winkler (al 85^), Klaus Promberger (al 87^). Proscima partida: le Rina śoga süa ultima partida de chësc altonn en domënia ai 13 de novëmber dales 14.30, a Wiesen Pfitsch cuntra le Wiesen. Tlassifica 2a categoria, grup C 1. Schabs, 10 partides, 22 punć 2. Raiscia, 10 partides, 21 p. 3. Kiens, 10 partides, 20 p. 4. Wiesen, 10 partides, 15 p. 5. Rina, 10 partides, 15 p. 6. Türesc, 10 partides, 13 p. 7. Falzes, 10 partides, 13 p. 8. Val Badia, 10 partides, 12 p. 9. Niederdorf, 10 part., 11 p. 10. Lijun, 10 partides, 9 p. 11. Dietenh./Aufh., 10 part., 8 p. 12. Tasten/Valsp., 10 part., 7 p.

Jordan Tavella, defensur dla scuadra da La Val

Palê La Val/3. cat. - Cun i trëi punć arjunć cuntra le Percha, raforzëia la scuadra da La Val le cuarto post te tlassifica y se porta a dui punć propi dal Percha. Bele ti pröms menüć se fej la scuadra da La Val prigorosa cun na contlujiun de će da pert de Florian, sön n cross de Michi, mo le palê röia tles mans dl portier. Na contlujiun dalunc de Romeo, do che le portier puster à trat fora mal le palê, röia püch dlungia porta ia. Le Percha n’é deperpo nia bun da se fà prigorus dan porta. Ćiamò tl pröm tëmp tómel spo le gol dezisif dla partida, cun Florian che trasformëia sigü n penalty conzedü por n fal che ël intëss à subì te area. Tl secundo tëmp él da segnalè na gran oportunité por la scuadra da La Val, da segnè le secundo gol y stlü insciö la partida: sön n bel cross de Ivan él Romeo che tira te

porta, mo le portier é bun da robate le palê, che ti röia a Franzi, mo süa contlujiun a porta öta röia surafora. Le Percha prô da parejé, mo la defenjiun da La Val é dagnora metüda bun. Ocajiuns prigoroses por la scuadra pustra ne garêtel degünes. (sc) La Val - Percha: 1 - 0 Formaziun da La Val: 1. Sepl Kantioler, 2. Marco Castlunger, 3. Thomas Tavella, 4. Jordan Tavella, 5. Alex Alton, 6. Daniel Frenes (dal 70^ Franzi Verginer), 7. Stefan Sottara, 8. Romeo Rubatscher, 9. Michi Frenes (dal 65^ Alex Elzenbaumer), 10. Ivan Tschaffert, 11. Florian Rubatscher. Alenadù: Marco Scalzini. Gol por La Val: Florian Rubatscher (al 36^) Proscima partida: en domënia ai 13 de novëmber dales 14.30, a Aicha cuntra Aicha.

Nervosism ales stëres Cuntra le Mühlwald davagna le Mareo süa pröma partida dla sajun fora de ćiasa. Le jüch é stè caraterisé da nervosism y agressivité Palê Mareo/3. cat. - La partida dla domënia passada, preodüda a Mühlwald, é gnüda śogada sön le ćiamp sintetich da Mühlen. Deache an conesciô dër bun le pice y bur’ ćiamp da Mühlwald y odü che la scuadra aversara n’ê nia plü ausada co i maroi da śoghé sön n ćiamp sintetich, él gnü conzedü chësta variaziun. Odü desche la partida é spo gnüda śogada, pòn dì che la dezijiun tuta é stada stomada , deache bonamënter ess la gran agressivité y fisizité di śogadus da Mühlwald portè plü früć sön n pice ćiamp de jüch. Insciö à le Mareo podü s’anuzè cotan deplü la lerch por sfrutè le jüch cun le palê bas y śogan scialdi lerch dales perts fora. La pröma gran ocajiun vëgn bel avisa insciö - costruida da Rada, che laora bun la cogora jö por la pert dërta, salta sü aversars y impormò t’area vëgnel mazè sotissura. L’arbiter n’à nia albü le coraje da sciurè la

Mareo te ći categoria che al śoga (la plü bassa), menan inće alerch n arbiter aladô. Do na bela trata dalunc de Giggs, à le Mareo incër le 21^ menüt na gran ocajiun. N bel palê dè ite t’area da Rada röia sön i pîsc de Samuel che tira atira a bot sigü, mo baldi tóch dlungia pè de porta ia. Püch dan la fin dl pröm tëmp, do na combinaziun danter Daniel y Giggs, ti röia le palê a Robert, che ne pordüj da bona posiziun nia da le devié te porta.

Walter Kaneider dl Mareo.

mascima puniziun, che foss te chësc cajo stada tlera. Indô n iade à orü la federaziun ti recordè al

Tl secundo tëmp vëgn i pustri te ćiamp de jüch cun na gran convinziun y agressivité y mët insciö atira sot a druch la defenjun ladina. A chësta moda röia na trata de n defensur sön le spiné dl atacant aversar, che n’é spo por fortüna nia stè asvelt assà da rovè sön le palê. Mo bele do 5 menüć va la defenjiun dl Mareo indô en confujiun y empaca röia en chësc iade l’atacant dl Mühlwald bel su

cuntra Eder y le bat cun n bel diagonal. La partida se fej intres plü ria, inće cun de bur’ y ri intervënć di śogadus y l’arbiter à de gran dificoltês da tignì sot a control le jüch. Le Mareo prô spo indô da mostrè süa superiorité y por mirit inće de n pass derevers de n śogadù dl Mühwald, po Marco jì bel su cuntra porta. Le capitan romagn bel calm y mët le palê basìte te sach. Marco, che n’ê ćina püch dan la partida nia ćiamò sigü da podëi śoghé, por na bota al jenëdl dla domënia da denant, dominëia śëgn la partida. Süa é la gran ocajiun che mët dassënn ala prô le portier aversar incër la mesora, y so é inće püch dedô le gol partida. Sön na bela puniziun de Giggs se inserësc Marco danter chi gran defensurs dl Mühlwald ite y de će tìrel spo le palê tla rëi aversara. Nia n’à plü jovè le sforz dl Mühlwald, deache le Mareo se parâ cun ordinn davagnan insciö por le pröm iade te chësc

campionat na partida fora de ćiasa. (cdp) Mühlwald - Mareo: 1 - 2 Formaziun dl Mareo: 1. Lukas Eder, 2. David Mutschlechner, 3. Andrea Mutschlechner, 4. Radames Dal Molin, 5. Gabriel Frenner, 6. Elmar Agreiter (dal 70^ Walter Kaneider), 7. Daniel Tamers (dal 89^ David Palfrader), 8. Samuel Winkler (dal 57^ Hannes Mutschlechner), 9. Marco Mutschlechner - capitan, 10. Robert Mutschlechner, 11. Elmar Feichter. Alenadù: Karlheinz Pedevilla. Goi por le Mareo: Marco Mutschlechner (al 70^y 79^) Proscima partida: le Mareo śoga en doman sabeda ai 12 de novëmber dales 16.00 (nia dales 17.00 sciöche sön le program), a Raas cuntra le Raas. Tlassifica: ćiara La Val. www.lauscdiladins.com

43


Sport

nr. 44 / 11 de november 2011

Partides coi sgrices per l Fascia Dant contra l’Asiago e dapò contra l Vipiteno l Fascia l desmostra de esser semper fort e de no aer mai arbassà la vèrdia Hockey Serie A - En sabeda sera te stadie de la giacia de Dèlba se à vedù n clima da etres tempes, ma no pa per l’ejit de la partida contra l Vipiteno, che la é stata n muie bela e che fin a l’ùltim moment no l’à fat trèr l fià a jiadores e publich, ma per la gaissa e i momenc de endesfida anter i ultras del Fascia e chi del Sterzing che i se n dijea da na pèrt a l’autra del ciamp. L’é pech da fèr, canche l’é i ultras l’é dut n’autra partida e ence per l publich l’é segur più bel jir a la veder ence se ogne tant, ite per anter, l’é ence vèlch comportament pech sportif. Dant de la partida Val de Fascia – Vipiteno, la ègues fascènes les aea jià en jebia ai 3 de november contra l’Asiago, che ensema al Fascia no l’é dò che l passa n bel moment. Su la giacia per la steiles de Asiago mencèa Benetti, Stevan e Zamparo e l Fascia enveze l’à cognù, amò n’outa, jièr zenza Piffer e Margoni. La partida é tachèda sobito ben per l Fascia, che al prum menut l se à portà inant dant con na rei de Mattia Bernard e nience 15 menuc dò con Brad Snetsinger, che ge à dat l met al Fascia de se n jir te deregoladoi con gran spetadives per l’ejit de la partida. Tel secondo temp l Fascia

l’arbassa sia prestazion e l’é i patrons de cèsa a comanèr l jech. Demò de gra al fort portier Doyle la gabia di biencebruns resta segura e l resultat semper de 2 a 0 per i ladins. No se sà enveze coche la é stata, ma ti ùltimes menuc del terz temp l Fascia l se lascia sfreèr da l’Asiago che te nience 5 menuc l segna doi rees, duta does de Layne Ulmes. Somea empossibol ma se cogn jir ai tempes suplementères, olache nesciugn é bon de segnèr, e coscita se rua adertura ai rigores che, conferman l proverbie “no l’é 2 zenza 3”, fèsc venjer l’Asiago con la terza rei de Ulmer. Dò se aer portà a cèsa l prum pont de chest giron de retorn, l Fascia, zenza Margoni, Piffer e Kell l’é vertech per ge dèr alberch ai jiadores da Sterzing che i se prejenta su la giacia de Dèlba zenza Bustro, Pichler e Stofner. Te la pruma frazion de jech i ladins spenc belebon fort envers l’usc di aversaries, segnan l vantac en power play co na rei del jiador da Ciavaleis Enrico Chelodi. Dò la paussa l’alenador Frycer muda la linies de jech, portan Chelodi con Mironov e Snetsinger te la pruma e Piva con Locatin e Iori te la seconda. I jiadores del Vipiteno

ampò i se fèsc più zaches e i taca a meter en dificoltà i fascegn. Iori e compagnes i tegn fora ma, te sie mior moment, i ciapa la rei de Dirk Southern. La partida va inant con gaissa e emozion per l publich de jent da duta Fascia e te chest clima l’é i ladins a aer la soramessa e se tirèr inant con la seconda rei de Chelodi. La squadra de Sterzing no la mola e con Markus Gander al 50° menut l rua endò a parejèr. Sul resultat de 2 a 2 donca se va ai suplementères, olache dò l pèl de Snetsinger rua zacan la venta con la rei del defensor Dan Sullivan, festejèda ampò dò che l’àrbiter l’é jit a verifichèr sui computer l’azion de gol. Con chesta venta l Fascia se tira sù na costa, ma no se cogn segur arbassèr l’empegn. L publich con dut l grop di ultras no i veit l’ora de tor pèrt a n’autra endesfida su la giacia. De l’autra squadres, l Val Pusterìa l’à vent contra l Busan e ence contra l Cortina, squadra chest’ùltima che la rua a aer 27 ponc desche l Val Pusterìa e spartir coscita l prum post en classifica. Dò la partida de en jebia ai 17 tel Piemonte contra l Valpellice, en sabeda ai 19 de november l Val de Fascia jiarà ta

Dèlba da les 20.30 contra l Pontebba. (vr) 13^: Asiago - Val de Fascia 3 a 2 (rigores) 14^: Val de Fascia - Vipiteno 3 a 2 (t.s.) Classifica Serie A dò la 14^ giornèda Val Pusteria 27 ponc Cortina 27 ponc Busan 25 ponc Alleghe 24 ponc Val de Fascia 23 ponc Pontebba 22 ponc Asiago 19 ponc Valpellice 16 ponc Vipiteno 14 ponc Renon 13 ponc

Enrico Chelodi l’à segnà doi goi te la partida te cèsa contra l Vipiteno.

Resultac de la squadres mendres del H.C. Fascia: En domenia ai 6 de november fora Ciavaleis l’é stat fat l 1° “Tornoi 4 Squadres” del Campionat Provinzièl Under 10. Te chest Campionat no se tegn cont di resultac ma i picoi jiadores del Val de Fascia i é stac dassen n muie bravi. L’Under 12 à jià ai 5 de november contra l’HC Val Rendena e l’à perdù per 2 a 5 con goi de Riccardo Stoffie e Joele Rosa.

L’Under 14 à jià a Fondo ai 6 de november contra l’HC Val de Non e l’à vent per 4 a 2 con goi de Luca Ploner, Nik Trottner (2) e Sebastiano Soracreppa. L’Under 16 l’à jià l 1° de november contra l’HC Varese e l’à perdù per 5 a 4 coi gol de Lorenzo Paolinetti (2), Massimo Zanet (2). L’Under 20 l’à jià ai 5 de otober contra l Real Torino HC e l’à parejà 2 a 2 con goi de Loris Vanzetta e Massimo Valeruz.

Sis campiuns provinziai Resultat plü unich co rer: sis atleć ladins à arjunt le titul de campiun provinzial tl ciclocross, te na gara caraterisada da n percurs sfadius y curì de paltans. Püch àl manćé che i titui foss stà ćinamai ot Rodes - Le ciclocross, n sport cun la roda olache al cunta suradöt le förtl tecnich, por ti ester manëcia ai salć, ai ostacui dla natöra, mo inće ales condiziuns dl percurs. Al cunta inće la sveltëza di atleć da s’adeguè ala condiziun, da saltè jö de roda en prescia canche ara ne va nia plü de pedalades, y da saltè indô lassura canche le percurs l’impormët. En domënia dan otedé, ai 6 de novëmber, êl söl program na gara de ciclocross a Leifers, varënta por le campionat dl Trivenet de ciclocross, mo varënta inće por le titul provinzial. I passa 300 atleć che à tut pert ala competiziun ê

partis sö tles categories desvalies - dai 13 agn insö - y le titul provinzial podô pié do le pröm de vigni categoria che ê scrit ite a na assoziaziun sportiva de Südtirol. Le percurs n’ê dldöt nia saurì, les plöies di dis denant à cherié n percurs sfadius y de dificoltè, cun pozes y paltans. Y te chës condiziuns à i atleć messü garejé, danter les destenüdes de lëgns da pom.

Sis campiuns ladins Tut pert à sambëgn inće cotan de ladins - atleć dl club Rodes Val Badia Raiffeisen, dl Rodes

Gherdëina y inće n ladin che garejëia por i Sunshine Racers da Nals. Y an ne esagerëia nia sce an dij che i ladins à veramënter romenè i titui provinziai. Bëgn sis n’él garatè y dui éssel ćiamò podü nen gnì pormez. Por le Rodes Val Badia à davagné le titul provinzial Susann Tavella tla categoria Master Woman 1 y Traudi Irsara tla Master Woman 2. I ëi badioć n’é nia stà da manco. Dui titui provinziai él garatè respetivamënter por David Frena tla categoria di aliefs 2. ann, y por Franz Wieser tla categoria di iuniors. Inant éra jüda cun Thomas Piazza de Gherdëna, che garejâ

Dmc él Franz Wieser, Guido Demetz, Thomas Piazza, Traudi Irsara, David Frena y Susann Tavella.

44

www.lauscdiladins.com

tla categoria di Master2 por i Sunshine Racers da Nals. Inće ël à podü pié do le titul provinzial. Nia da manco Guido Demetz dl Rodes Gherdëina, che à arjunt le titul provinzial tla categoria Master5. N resultat de gran respet à inće arjunt Igor Tavella (cat. Elite) y so pere Eduard Tavella (cat. Master Over). Püch àl manćé che inće ëi ess podü se vistì la malieta da campiuns. Ala fin él garatè le secundo scalin dl podium.

La sajun va inant Ćiarià da chësta gran moti-

vaziun, ne s’archita i atleć nia. Por ći che reverda le Rodes Val Badia Raiffeisen, s’alenëion inant por i campionać taliagn de Ciclocross, che sarà ai 7 y 8 de jenà, por le pröm iade sön la pista da cross dl Safety Park a Balsan. Le Rodes Val Badia é na gran assoziaziun, che po cumpedè 134 tesserà, de chisc n’él plü co mec che tol inće pert a gares. Chi che oress ion odëi davijin co che na gara de ciclocross é dal punt d’odüda dl atlet, po cuchè ite sön www.rodesvalbadia.org, olache al é inće n video da podëi ćiarè. (pablo)

Franz Wieser en aziun danter i paltans da Leifers.


Sport

nr. 44 / 11 de november 2011

De bie resultac per i Pavei d’Arjent

Zemmer se fèsc onor te la Spagna

Atletes e atlec à tout pèrt a la pruma garejèda Triveneta a Busan e a la Copa de l’Amicizia a Maran se vadagnan de bela posizions

Endèna che se speta la neif per tachèr via la sajon coi schi da alpinism, l grop fascian di Bogn da Nia regoi de bogn suzesc te la corsa sa mont

Bal sui feres - I é jà doi i podies vadagné dai atlec de l’Artistico Ghiaccio Pavei d’Arjent te la pruma garejèda Triveneta stata l fin de setemèna passà a Busan. Marco Zulian, che fèsc pèrt de la categorìa Prinzipianc, l se à classificà al 2° post e Micol Testor, che à fat sia pruma gara te la categorìa federèla Esordienc, l’à arjont l 3° post. A chesta proa a tout pèrt ence la sor Noemi Testor te la categorìa Esordienc B e la se à vadagnà l’8° post. La setemèna passèda dapò l’é stat la prestigiousa garejèda de Copa de l’Amicizia a Maran, garejèda internazionèla averta a duta la categorìes de prinzipianc de bal sui feres da la categorìes Esordienc (atlec de 8 egn) a la categorìes Junior. Passa 300 atlec da duta Europa, ence se per la maor pèrt taliegn, à tout pèrt a chesta emportanta competizion. I Pavei d’Arjent é jic a Maran con 11 atlec. Anter chisc l’é da meter al luster Marco Zulian che se à classificà 4° te la categorìa Prinzipianc, Alex Veruggio 5° te la categorìa Junior, Micol Testor

9^ te la categorìa Esordienc C. Sodesfazions à portà ence i etres “pavei”, vedù l gran numer de partezipanc e l’aut livel de la garejèda a chela che à tout pèrt la mior atletes taliènes e europeènes. Te la categorìa Esordienc C Noemi Testor se à vadagnà l 15° post, te la categorìa Prinzipianc B al 14° post se à classificà Serena Planchesteiner, al 19° Lucia Battisti e al 24° Federica Colombo. Te la categorìa Prinzipianc C à tout pèrt Debora Nicolodi che se à vadagnà

l 21° post e Valery Iori ruèda al 23° post. Te la categorìa Cadetti B à garejà Elisa Colombo che la se classificà al 21° post e te la categorìa Novice B Karen Pira che é ruèda sul 26° sciaier. L president de la sozietà Mauro Battisti ge sporc n bel develpai a dut l diretif e a la neva alenadora Isabella Chiodo che à sapù te pech temp dèr so contribut de gran livel vadagnan te pech temp resultac de gran prestije.

N grop de atlec de l’Artistico Ghiaccio de Fascia.

Festival de arpizeda sportiva IMS Boulder Festival a Persenon. De bon plazamënc per i atlec de Gherdëina pra la garejeda de bouldern Arpizeda - N ucajion dl International Mountain Summit, stat a Persenon dai 24 ai 30 de utober, fòvel nce sun l program doi garejedes de arpizeda: la prima davierta a duc, la segonda cun i “stars” dl mond dl’arpizeda sportiva. Scumencià àn n vënerdi ai 28 de utober cun la Boulder Jam. Domesdì n iede la cualificazion, uIache i atlec ova doi ëura y mesa de tëmp per cialé de arjonjer l top de de ndut 24 boulder. Mé i prims sies di ëi y dl’ëiles, pudova se cualifiché per la finela da sëira. Sambën à nce truep atlec de Gherdëina fat pea y bele tla cualificazion ài mustrà de vester danter i favoric. De Gherdëina ie

Marion Senoner y Priska Schenk states bones de se cualifiché y danter i ëi se à Michael Piccolruaz, Rudi Moroder y Alex Walpoth cualificà per la finela. La finela à pona pertendù dut da nosc jëuni. I trëi boulder dla finela fova de livel scialdi aut y monce l olandesc Nicky de Leeuw, che ie danter i prims diesc dl mond de bouldern, se à stentà dassënn. Pra l’ëiles à venciù Andrea Prünster de Maran. De marueia l segondo post de Marion Senoner, che à mustrà de vester drët n forma. Priska Schenk ne à nia fat pea la finela, ma nce nsci iela dessegur cuntënta per vester ruveda danter la primes 6.

L Activ Sport Team: Tobia, Michael, Rudi y Alex.

La finela di mutons fova drët emuziunënta. Nchin al ultimo mumënt pudova vëncer tan che uni atlet, ma ala fin l’à mpo fata ca l olandesc De Leeuw. Michael Piccolruaz, campion d’Europa junior de bouldern, à arjont l bon segondo plazamënt y cun chësc àl inò n iede mustrà de se merité chësc titul. Al terzo post udons pona Rudi Moroder y al cuarto Alex Walpoth. Da sorissé iel nce la tlassifica de grupa, ulache la scuadra Activ Sport Gherdëina à venciù cun n gran vantaje. I cater atlec Michael Piccolruaz, Rudi Moroder, Alex y Tobia Walpoth, à cun chësc purtà definitivamënter l trofeo “Boulder Jam” te Gherdëina, do l avëi venciù per l terzo ann ndolauter. N sada iel stat la garejeda sun nvit, cun i miëur atlec de dut l mond. Do na show de trëi ëura ie la campiunëssa dl mond Anna Stöhr stata bona de vëncer dan la franzëusa Melanie Sandoz y la austriaca Sabine Bacher. Pra i ëi ie l “Wunderkind” Adam Ondra stat bon de bater l favorit Kilian Fischuber y l franzëus Guillaume. Da auzé ora l bon 4. post dl sudtirolesc Stefan Scarperi, che ie stat bon de bater monce l american Daniel Woods. Chësta garejeda ie dessegur inò stata n bon pont de referimënt per nosc atlec de Gherdëina, che à pudù udëi che i ie boni de se museré cun i miëures dl mond y speron bën che nce ti proscimi tëmps uderons de bela prestazions da d’ëi, a livel naziunel ma nce nternaziunel. (bw)

Corsa sa mont - Moment de òr per l grop di Bogn da Nia Val de Fascia. Endèna che duc i pascioné de schi alpinism speta la neif, per tropes atlec l’é amò temp de autra garejèdes, soraldut cheles de corsa sa mont che trop suzess à abù te chisc ùltimes tempes, sibie per l numer de garejèdes medemes sibie per l numer de atlec che tol pèrt. En domenia passèda te la Spagna, e più avisa a Puig Campana tel raion de Valencia, l fort atlet de Ciastelrot Urban Zemmer à vent co la maia de la nazionèla talièna l titol european de vertical kilometer; na venta zenza discuscion, vedù che l secondo atlet, l talian Nicola Golinelli de Lecco e l terzo Marco Degasperi i é rué endò col temp respet al fenomen Zemmer, che anter l’auter no l’é n atlet profescionist o n militar. Urban Zemmer se alena dò sia giornèda de montèr e dò aer vejolà na stala con diesc vaces. Chest l’é Urban Zemmer, che cor col grop di Bogn da Nia Val de Fascia. Da recordèr che te la tera de Spagna à tout pèrt a la garejèda ence i Bogn da Nia Ennio Dantone, Osvaldo Finazzer, Mirco Micheluzzi, Dario Steinacher, Luca Sacchi e Massimo Dondio Macha de la Sportiva. De bie resultac i Bogn da Nia con si tesseré i li à otegnui ence a la maratona de New York, ló che Francesco Valentini da Cianacei l’é

ruà al travert col boniscim temp de 2 ores e 57 menuc; n bon resultat ence per chest atlet di Bogn da Nia che an dò an desmostra n gran valor sportif. A New York bon ejit ence per i atlec di Bogn da Nia Stefano Pistilli e Sebastiano Valentini. Tinùltima amò n atlet di Bogn da Nia sul sciaier più aut: Marco Facchinelli da Civezan à vent l vertical kilometer de Ravina chiamà “Ravina - Vaneze”, che l’à n svilup de 3,4 kilometres e 1.000 metres de dislivel. L’atlet trentin à vent per la seconda outa chesta garejèda e l se prejenta donca con de bona proponetes per la sajon de la garejèdes de schi alpinism. Domenico Volcan Terla

L’atlet Urban Zemmer di Bogn da Nia.

“Fascegn a la foresta” al luster te l’hockey trentin Marco Liberatore, Andrea Costantino e Simone Soraperra da Fascia i fèsc pèrt de l’Hockey Perjen te la serie A2 Hockey A2 - Tel setor de l’hockey l’é de bela neves ence da pèrt del campionat talian de serie A2. Ensema a Egna, Milan, Apian, Meran, Caldaro, Gherdëina e Busan, l’é ence na squadra trentina, l Perjen che per la pruma outa te si 30 egn de istoria l jia tel secont campionat nazionèl per emportanza. Chel che enteressa de più nos fascegn ampò l’é che a fèr pèrt de chesta squadra de A2 l’é trei fascegn. Marco Liberatore, clas 1967, desche alenador; Andrea Costantino, clas 1984, desche atancant e Simone Soraperra, clas 1983, desche portier. L’é jà da vèlch an che Costantino e Soraperra i jia a Perjen e chest an i pel esser amò più stolc ajache, ence de gra a sie empegn, la squadra la é stata bona de ruèr en serie A2. Marco Liberatore enveze l’é jà stat alenador a Caldaro e te l’ùltima sajon l’era capo alenador vin Gherdena e capo alenador de la nazionèla talièna de la eles. Te na intervista vegnuda fora da pech sul sit internet hockeytime.net Liberatore l’à palesà de esser content de jièr anter le “linci” del Pejen olache l’à troà “n ambient positif, rich de gran ambizions per l davegnir, con dassen na bona squadra e na bona organisazion. L’é

la pèsc che peisse se troe demò sun paradis... nesciuna prescion”. L Perjen te chest moment del campionat, a la 13^ partida jièda venta per 3 a 0 contra l Caldaro, l’é al 5° post de la classifica vidèda da l’Egna. L head coach Liberatore l declara che “la soula roba che cognon fèr l’é jièr al 110%, chest scì che ge l domane a la squadra, desche investiment per i egn che vegn, soraldut per i joegn”. L Perjen te la ùltima partides l’é dò che l desmostra de voler scombater per doventèr semper più fort e jir semper più en aut en classifica. (vr)

Marco Liberatore alenador del Perjen te la serie A2. www.lauscdiladins.com

45


Sport

46

www.lauscdiladins.com

nr. 44 / 11 de november 2011


Sport

nr. 44 / 11 de november 2011

Ruben vënc chëst ann l campiunat dla lia

Döes devëntes y döes pordüdes

Ntan i mënsc da d’instà àn jugà per numiné l campion da chëst ann dla Lia Schach Gherdëina. Ntant àl nce bele scumencià la sajon di turnoies per i jëuni y l campiunat provinziel a scuadres, te chël che la lia de Gherdëina fej pea te plu categuries

Punć importanć a Falzes por La Ila, che se porta al nono post tla tlassifica cun na devënta por 6 a 2. Devënta nëta por 6 a 0 te ćiasa, cuntra Falzes, por la scuadra feminila dl Mareo, che romagn inant al terzo post tla tlassifica

Schach - La sajon dal juech dl rë y dla regina à bele scumencià, ma i cumëmbri dla Lia Schach Gherdëina se dà ju nce ora de chësc tëmp cun chësc juech de tatica che se damanda na gran cunzentrazion, nsci danter l auter nce ntan l’Enes dla families.

chëi che à dat un o plu pesć per la premiazion.

Schach tl ”Saut”

Grand Prix di Jëuni a Reinswald Ai 23 de utober àl scumencià la sajon di turnoies di jëuni. Pra l prim turnoi a Reinswald se àl prejentà per la Lia Schach Gherdëina cater sculeies. David Dejori, che à jugà l prim iede pra l Grand Prix di Jëuni, ie ruvà bel mpont cuarto tla categuria sot ai 14 ani, fajan 5 ponc sun 9 partides. Ënghe bën à fat Matthias Kasslatter, che ie ruvà setimo cun 4,5 ponc, y Gabriel Prinoth, che ie ruvà undescejimo cun 3,5 ponc, for tla medema categuria sot ai 14 ani. Elia Bergmeister, nce ël l prim iede leprò pra n tel turnoi, à arjont tla categuria sot ai 10 ani l cuarto post cun 3 ponc.

Ruben Bernardi vënc l 30ejim campiunat dla Lia Schach Gherdëina Per l trentejim iede à la Lia Schach Gherdëina metù a jì si campiunat dla lia. Danter lugio y utober 2011 iel unì jugà ot turni tl “Schweizer System” cun 70 menuc a despusizion per duta la partida per uni jugadëur y n bonus de 30 secunc per mossa jugheda. De ndut vint cumëmbri dla lia se à batù per i miëur plazamënc. Chësc turnoi de iubileum ie unì venciù cun merit dal maester Ruben Bernardi cun 7,5 ponc, vencian set partides y n valivan ora una cun l segondo, Rainer Demetz,

Ruben Bernardi à venciù l campiunat dla lia.

ënghe cun 7,5 ponc. Terzo ie ruvà Franz Prinoth cun 6 ponc. L ne n’ie bonamënter nia n cajo che chisc trëi à venciù plu suvënz l campiunat dla lia: Ruben Bernardi 5 iedesc, Rainer Demetz 6 iedesc y Franz Prinoth 9 iedesc! Prima tla categuria B y miëura dl’ëiles ie Pauline Taschler cun 5 ponc, che ie ruveda cuarta tla tlassifica generela. Prima dla categuria C ie Christine Perathoner cun 4 ponc. Matthias Kasslatter cun si 2 ponc ie l miëur tla categuria di jëuni. Günther Demetz, pra si prim turnoi, à arjont n bon segondo plazamënt tla categuria C y l 13ejim tla tlassifica generala. Da auzé ora iel la valutazion estetica dl maester FIDE (FM) Tobias Werther de Viena, ex cumëmber dla Lia Schach Gherdëina, che se à cialà ju duta la partides jughedes, chiran ora la trëi partides plu beles. L se trata de chëles venciudes da Franz Prinoth, Gabriel Prinoth y Andreas Runggaldier. Da rengrazië iel ala fin mo duc

La Lia Schach Gherdëina à metù a despusizion per l program dl’Enes dla families jugadëures y material per l di dl Schach tl local “Saut” tl Circolo a Urtijëi n sada ai 29 de utober, dala 2.00 domesdì nchin la 10.00 da sëira. Te chësta ucajion pudova duc se museré cun i jugadëures dla Lia. De chësc mesun se à nuzà via per dut l domesdì y mo da sëira nia puec jëuni, che à nscila udù dal vif chësc juech. Da auzé ora iel tlo la partida simultana de Bruno Goller sun bën dodesc mëises. Si bilanz: 9 vëntes, 2 remis y mé una piersa.

43. Campiunat provinziel a scuadres L’ultima sada ai 5 de nuvëmber àl scumencià la 43ejima edizion dl Campiunat provinziel a scuadres 2011/12. L prima scuadra dl Gherdëina tla serie A ie mueta cun l drë var, vencian cun si miëura furmazion per 4 a 2 oradecà cun l Tramin/Kaltern, campion dla sajon 2007/08. Martin Oberrauch, Thomas Moroder y Franz Prinoth à venciù si partides, Rainer Demetz y Stefan Moroder à tramedoi valivà ora. Nia butà ne ti àla ala segonda scuadra dl Gherdëina tla serie B che à perdù ora de cësa per 2 a 3 cun l Passeier. Christian Grossi y Matteo Scola à venciù si partides. La terza scuadra dl Gherdëina tla serie C, chëla di jëuni, ne n’à nia abù da jughé. L segondo di de campiunat sarà ai 19 de nuvëmber, dala 4.00 domesdì tla pitla sala dla Cësa de Cultura de Urtijëi. Duc i nteressei ie nviei de cuer a unì a cialé pro! (rd)

2° post per Daberto Ti campionac internazionèi di menacrepes jun Busan l fascian Patrick Daberto à arjont n bon secondo post Rampinèda - Ai 28 e 29 de otober jun Busan, te la neva palestra de rampeèda Salewa Cube, se à tegnù i campionac internazionèi di menacrepes. Più de cent menacrepes de desvalives paìjes i se à confrontà su catordesc vies con desferenta dificoltèdes:da 4c a 7c+. A la finala l’é ruà i prumes vint, che à cognù se confrontèr su na via trop senestra de grado 8b. Da chesta proa de capazità e resistenza l’é vegnù fora l fascian Patrik Daberto de Cianacei, che à arjont n dassen bon secondo post. Ogne an chisc campionac l’é na bela ocajion de scontrèda anter i menacrepes de dut l mond. N event no demò agonistich ma ence cordégol e n moment emportant de confront e per crescer adum. (or)

Chidlé Val Badia - Tratan che La Ila y la scuadra dles ëres dl Mareo va inant bun tl campionat cun restultać positifs, toma le Mareo I y le Mareo II tres plü sot: intrames les scuadres romagn al ultim post tla tlassifica te süa categoria, do pordüdes respetivamënter te ćiasa cuntra Redant y a Verdings cuntra Latzfons.

Seria A 2-ost Mareo I - Rodeneck I: 2 - 6 Te ćiasa cuntra Redant à le Mareo I messü se lascè tó n resultat positif cun n gran recuper di ghesć tl final dla partida. Les prömes döes series da 120 ê jüdes fora 1 a 1, cun i patruns de ćiasa che à aumenté le vantaje de 16 chidli pro la soma totala do la pröma seria a 34 do la secunda seria. Mo i ultims dui di chidladus da Redant à ôt la partida, davagnan intrami le confrunt diret cun so aversar. Pro la soma totala di chidli ài trat ite bëgn 152 chidli, rovan ala fin pro n vantaje de 118 chidli, arjunjan na media de 535,5. I maroi à indere ma fat na media de 515,8. Tone Call é stè le miù de süa scuadra cun 545 chidli. Tla tlassifica romagn le Mareo inant al ultim post. Resultać personai Tone Call, 545 Simon Complojer, 543 Pire Rungger, 530 Norbert Trebo, 512 Lois Agreiter, 501 Matteo Ties, 464

Seria B-ost feminila Mareo - Pfalzen II: 6 - 0 Inće cun na partida plülere fiaca, cun na media de 469,3, à la scuadra dles ëres arjunt na devënta tlera por 6 a 0 te ćiasa cuntra Falzes, che à messü s’acontentè cun na media de 411,8. Dötes cater les chidladësses ladines à batü süa aversara direta. Pro la soma totala di chidli à bele les prömes döes trat fora n vantaje de 143 chidli, che é aumentè por la fin dla partida a 230. La maironta dla serada é stada Flora Weiss cun 499 chidli. Tla tlassifica se tëgn les marores le terzo post. Resultać personai Flora Weiss, 499 Gabriella Ties, 496 Valeria Federa, 492 Marta Kaneider, 390

Flora Weiss é stada la miù dla partida cuntra Falzes, cun 499 chidli.

bele pro la secunda seria da 120 bòć trat fora n vantaje de 16 chidli, che ai à aumentè a 80 por la fin dla partida. Tla tlassifica ài inće fat n salt inant, rovan al nono post. Le miù dla partida é stè Christian Pedratscher cun 565 chidli. Resultać personai Christian Pedratscher, 565 Erwin Crazzolara, 543 Gianfranco Thaler, 524 Carlo Valentini, 523 Edi Bernardi, 495 Fritz Planinschek, 481 Latzfons II - Mareo II: 6 - 2 Por le Mareo II é la seria negativa jüda inant cun na pordüda por 2 a 6 a Verdings cuntra Latzfons. I maroi romagn ianant al ultim post tla tlassifica. Les prömes döes series da 120 bòć é jüdes fora 1 a 1, y pro la soma totala di chidli à i patruns de ćiasa arjunt n vantaje de 48 chidli pro la pröma seria, che ai à spo aumentè a 82. Pro l’ultima seria à spo i chidladus da Latzfons stlüt le sach, davagnan intrami le punt cuntra so aversar diret y fissan le vantaje pro la soma totala di chidli a 192. Cun indöt 2835 chidli à i maroi arjunt na media de 472,5. Le miù dl Mareo é stè Norbert Trebo cun 503 chidli. Resultać personai Norbert Trebo, 503 Erwin Penazzi, 491 Lois Craffonara, 476 Walter Weiss, 473 Claudio Moling, 451 Tone Hochwieser, 441

Seria C-nord

Patrick Daberto endena la garejèda.

Pfalzen II - La Ila: 2 - 6 Na bela devënta à la scudra da La Ila portè a ćiasa da Falzes, arjunjan na media de 521,8. Dal mëteman é i patruns de ćiasa jüs en vantaje, davagnan i pröms dui punć di confrunć direć y tiran fora n vantaje de 50 chidli. Mo spo à i chidladus badioć tut le jüch tles mans y à ôt la partida, davagnan i atri cater punć di confrunć direć. Inće pro la soma totala di chidli ài

Simon Complojer à mazè jö 543 chidli por le Mareo I. www.lauscdiladins.com

47


Sport

nr. 44 / 11 de november 2011

Na partida da desmincë per l Gherdëina I Na bela festa ala fin Do na lingia de vëntes à la prima scuadra de Gherdëina perdù sëch n l ultim vënderdi contra l Fugger. L Gherdëina II ie ntant sce stat bon de se tenì i doi ponc te cësa iesen nia stai boni de ti sté permez jan sot de 211 chiedli. Ala fin à mo chidlà Thomas y Werner, a d’ëi ti iela jita unfat coche ai autri, perdan ënghe 100 chiedli. L Gherdëina 1 à perdù de 310 chiedli. I averseres à fat una dla miëura partides fajan na mesaria de 550 chiedli.

Serie B-est Fugger Sterzing III - Gherdëina I 7:1

chidladëures, ma i à batù ju bën 100 chiedli deplù jan nsci danora de 84 chiedli. La nce fova mo nia vënta, n messova mo fé un n pont di chidladëures per vester plu segures de vëncer. Manfred, che ie nce stat l miëur dl di, y Hansi à mo fat l pont di chidladëures y batù ju passa 100 chiedli deplù ruvan a bën 197 chiedli deplù che i autri.

Serie D-nord

Na bela festa ala fin dla lingia de partides da d’autonn iel unì urganisà dai genitores di jugadëures dla scuadra de Gherdëina Lions Under 11 Codla - Bater per 2 a 1 l FC Südtirol, che ne ova nchinamò perdù nianca no una na partida, chël ie danz stat na gran legrëza per i jugadëures Under 11 di Lions. Tlo ulòvel danz vester mpue’ de festa. Do n bel taier de nudli à duc mo giapà de bona castanies y roba dëucia. La festa ie dantaldut stata na ucajion per rengrazië i

trainadëures Tonino Caterisano y Ivan Wieser per si gran lëur che i fej ena per ena, ti nsenian truep ai mutons, sibe dal pont de ududa dl sport che nce n con’ dl cumpurtamënt de cumenanza, canche n fej zeche deberieda tla grupa. Bel iel stat, sibe duta la prima pert dl campiunat che la festa ala fin! (usc)

Gherdëina II - Kiens III 6:2 Manfred Wanker ie stat l miëur dl di tla partida danter l Gherdëina II y l Kiens III.

Chidlé - Na partida da desmincë ie stata chëla a Sterzing contra l Fugger. Bele i ultimi ani se à l Gherdëina tlo for fat ert a chidlé y nsci iela stata nce n vënderdi. Bele do la prima lingia di colps fova l Gherdëina de bën 110 chiedli zeruch. Guido ie stat bon de fé l pont di chidladëures, fajan manco de si averser y a Georg ne ti àla nët nia butà. Nce do la segonda lingia di colps cun Armin y Flavio, ne

Resultac persunei: Guido Stuffer de Puntea 531 Thomas Demetz da Paratoni 521 Flavio Prinoth Puciacia 514 Armin Moroder de Fefa 509 Werner Runggaldier da Runcaudie 458 Georg Sommavilla 456

Resultac persunei: Manfred Wanker dl Creativ 534 Hansi Demetz de Sulé 533 Albert Moroder de Ronc 521 Viktor Werdaner de Val 501 Konrad Malsiner da Pradel 469 Michael Moroder de Val 437

Gherdëina II: I doi ponc se à tenì te cësa l Gherdëina II contra l Kiens. Scumencià ne n’àla nia massa bën cun Michael y Viktor. I à fat un n pont di chidladëures, ma i à perdù de 22 chiedli. I segondi, Konrad y Albert, à ënghe fat un n pont di

Na nueva dl club de chidlé de Gherdëina ie mo che da moinlà pòssen se cialé ju coche duc i juesc dl Gherdëina ie jic, chësc sun si plata internet che ie da abiné sot al’adres www.kcgroeden.com/deu/ news.asp. (gs)

Jugadëures di Lions y genitores mostra si gran legrëza n ucajion de na festa.

Partides cumbatudes Truepa partides fòvel sun l program ntan l’ena passeda per la scuadres di jëuni dl Hockey Club Gherdëina, che se bat drët bën ti campiunac defrënc I mutons dla U16 à venciù la partida per 6:3 cun i tëmps jic ora 1:1, 2:1, 3:1. Braviscimi mutons! La Under 18 ie n mierculdi furneda a Valpellice per jughé contra la scuadra da iló. N viac bëndebò sfadiëus, n ie muec dala 5 daduman y ruvei de reviers dala 11 da sëira. I mutons à scumencià a jughé bëndebò cunzentrei y bele tl prim tëmp ti ài fat ite 5 goi ai averseres. Daldò àn cialà de tenì l resultat y ala fin à i mutons dl Gherdëina venciù per 7:3 cun i tëmps jic ora 5:1, 2:2, 0:0. N dumënia ova pona chësta scuadra na partida n cësa contra l Asiago. N se aspitova zënzauter na bona partida, nce sce n savova che la scuadra aversera ie bëndebò sterscia. La partida ne n’ie pona nia jita ora coche n se aspitova, i mutons à jugà mpue sot a si livel y la à nce sciacà mpue dan cassa. Chësta partida ài nsci perdù per 1:6 cun i La U16 dl HC Gherdëina. (foto: Matthäus Kostner)

Hockey/Jëuni - La Under 12 ie n sada furneda a Burnech per jughé contra la scuadra de Puster. La partida fova bëndebò valiva y i mutons à jugà drët bën contra i pustri stersc. Ala fin ài purtruep perdù de n gol y duc i goi ài inò giapà sun penalty. La partida ie unida vënta per 3:2 dal Puster, cun i tëmps jic ora 0:0, 2:1, 1:1. Chësta scuadra fajerà duman sada dala 17.00 te Sëlva contra l Lana. La Under 14 ova n mierculdi te Sëlva na partida contra la scuadra dl Bulsan, che ie ultimi te tlassifica

48

www.lauscdiladins.com

te chësc campiunat. N se aspitova n resultat sëch zënza truep goi dal’autra pert. I mutons dl Gherdëina à pona nce venciù plutosc saurì per 7:4, ma i se i à lascei mucé ju massa suvënz de contrapé y perchël se ài nce giapà 4 goi da averseres che ova nchinamò, te cater partides, permò fat 5 goi. N dumënia domesdì ie pona chësta scuadra furneda a Persenon a jughé contra la scuadra da iló. Nce chësta fova na scuadra sun l papier nia tan bona, ma do l prim tëmp stajòvela mé 2:1 per i nosc. Tl segondo tëmp ti àla pona butà deplù

y i ie stai boni de fé 8 goi te puec menuc. Ala fin à l Gherdëina venciù la partida per 12:2, cun i tëmps jic ora 2:1, 8:1, 2:0. La proscima partida sarà n dumënia te Sëlva dala 12.00 da mesdì contra la scuadra dl Puster y chësta ne sarà segur de no saurida da vëncer. Speron che la ti bute. La Under 16 à jugà n sada domesdì tl stadio Pranives de Sëlva contra la scuadra dl Varese. L fova na partida bëndebò dura cun truep menuc. La scuadra dl Gherdëina se à purvà dassënn y dantaldut i verdiaporta à fat n boniscimo juech.

La legrëza per avëi fat gol.

tëmps jic ora 0:2, 1:2, 0:2. La Under 20 dl Sterzing/ Gherdëina ova n sada a Neumarkt si partida. Davia che tramedoi scuadres ie tla pusizions dancà dla tlassifica, se tratòvela de chi chi ie bon de resté dancà. Scumencià ne n’àla nia massa bën per l Sterzing/ Gherdëina che do doi menuc de juech se ova bele giapà doi goi, ma i ne se à n ia lascià mëter sot mé nsci aslune, ajache la partida fova mo duta da jughé. Bel mpont iesi mo stac boni de i pië y de de jì danora, ma l Neurmarkt ie mo stat bon de valivé ora tl prim tëmp. L ie pona l Gherdëina che ie stat bon de jì danora, purempò fòvel da dé dut ajache i averseres fova for tlo ala jonta a se nuzé de uni ucajion. Drët ciauda iela mo unida i ultimi cin menuc, ma l Sterzing/Gherdëina ie stat bon de mantenì l vantaje de un n gol nchin ala fin. Venciù ài per 6:5 cun i tëmps jic ora 3:3, 2:1 y 1:1.


nr. 44 / 11 de november 2011

♦ Se rendon cont La Lia per Natura y Usanzes deberieda cun la Butëiga dl Mond y la Scola Mesana de Urtijëi mët a jì n fin dl’ena n cont dl argumënt “Se rendon cont” Uni nosta azion à na cunseguënza, per nëus, per i autri, per nosc ntëurvia y per l daunì. Son duc liei un cun l auter y perchël iel drët sce se fajon n pensier danora, unfat sce l se trata de cumpré ite, dla maniera de viver o de coche ancunton n’autra persona. Ncuei vënerdi ai 11.11.2011 dala 11.00 Se rendon cont, uni nosta azion à na cunseguenza. prejenterà sculeies dla 2. tlas dla Scola Mesana si lëures fac te scola, Ëi partirà nce ora plates de nfurmazion tl raion da jì a pe a Urtijëi. L sarà nce da udëi fotografies contra la descriminazion fates dal “Südtiroler Jugendring” cun l aiut profesciunel de Vito Mirigung dal titul “Tu es da n dì”. For ncuei saràl dala 20.00 na sëira de descuscion tla gran sala dla cësa de cultura de Urtijëi, cun Martin Lintner, teologh moral, Norbert Lantschner dl’agenzia cësa tlima, Norbert Blasbichler Radoarhof, paur, Walter Theiner dl Bio Vitalhotel Hotel Theiner’s Garten a Gargazon y Hannelore Insam, diretëura dla scolines. Duman sada ai 12.11.2011 saràl dala 18.30 na santa mëssa cun seniëur digan Vijo Pitscheider, abelida dal cor dl’ëiles Quilisma.

♦ Lino, la sorücia corajosa

Informazions y Manifestazions Cursc Corsc per bec per emparèr a jir coi feres La sozietà Artistico Ghiaccio de Fascia va inant coi corsc debant per emparèr a jir coi feres per bec dai 4 ai 12 egn. I corsc vegn tegnui da la maestra Isabella Chiodo de sàbeda da les 10.15 a les 11.00. Per info chiamèr l president Mauro Battisti al nr 347.4765278. Cors de scola politica UAL

Tel 5° apuntament del cors de scola politica de la UAL, en lunesc ai 14 de november da les 20.30, te sala grana de l’Istitut ladin a Sèn Jan, l dotor Tiziano Salvaterra, enrescidor te la Facoltà de Economìa de Trent rejonarà de “L capital uman tel svilup teritorial”. Curs de pröm aiüt cun la Crusc Blanćia

En sabeda ai 12 de novёmber dales 16.00, tla Ćiasa dles Uniuns Tita Alton a Calfosch. Curs davert a düć y debann. Prenotaziuns anter vёndres 11 de novёmber pro Jennifer 346/0122657 o Sarah 339/6823025. Organisaziun: Jogn Calfosch/Corvara Curs de ceramica L curs ie cun Roberta Senoner, tla vedla scola mesana de S. Cristina. L curs scumëncia ncuei vënderdi, ai 11.11. dala 19.30 y va inant per cin sëires, ai 15.11. ai 18.11. ai 29.11. ai 2.12. y ai 6.12. L possa fé pea al plu 12 persones. Nfurmazions plu avisa y iscrizions tl ufize dla Nëus Jëuni Gherdëina, 0471/799006, info@njg.it Curs de mudelé act

La Scola Profesciunela mët a jì chësc curs ai 11 y ai 18 de nuvëmber, dala 14.00 nchin ala 18.00 y n sada, 12 y 19 de nuvëmber, dala 8.30 nchin ala 17.00, de ndut 20 ëura, tla Scola Profesciunela tl 2. partimënt. Priesc 100,00 euro + 20,00 euro de spëises per l material. Per se scrì su pudëis cherdé su l 0471/796733. Curs de depënjer pultrec

L curs sarà da n lunesc 14 de nuvëmber nchin a n vënderdi 18 de nuvëmber, 14.00 – 18.00, de ndut 20 ëura y costa 100,00 euro + 15,00 euro per spëises de material. L ie a Urtijëi, tla Scola Profesciunela tl 2. partimënt cun Roland Moroder.

Le spetacul röia a Badia “Lino, la sorücia corajosa” é n spetacul ideé, scrit, arvenü y interpreté da Maurizio Corniani, les musighes originales é de Stefano De Pieri, les popes y le scenar de Maria Victoria Gervaso. En vëndres ai 18 de novëmber 2011 dales 16.00 sarà le spetacul da odëi a Badia tla Ćiasa Runcher. Organisaziun: Cunsëi cultural dl comun de Badia.

Teater Teater d’La Pli “Tomp dal artighei”

Le Teater La Pli pîta ćiamò döes rapresentaziuns: en doman sabeda ai 12.11 dales 20.00 y en domënia 13.11 dales 15.00. Les chertes po gnì apostades danfora al 0474/500978 o 389/8158382. Ares vëgn inće venüdes n’ora dan le teater. Teater a La Ila: “Bëgnodüs a Vila Bela”

La comedia teatrala vëgn ćiamò rapresentada incö vëndres ai 11.11 y en doman sabeda ai 12.11 dales 20.30, y en domënia ai 13.11 dales 15.00, tla Ćiasa de Cultura a La Ila. Prenotaziuns al 0471/847455 o al 333/2525740. Mel dal suià o ëura da brac? La Grupa de Teater de Sëlva nvieia de cuer al teater da rì “Mel dal suià o ëura da brac“, n pez de Uschi Schilling repurtà tl gherdëina da Moritz Demetz. L teater sarà mo da udëi ai 11.11. dala 20.30, ai 12.11. dala 20.30, ai 13.11. dala 16.00 y n juebia, ai 17.11. dala 20.30 te calonia. Chertes danora tla butëiga Minishop o cherdan su l 0471/794085.

Temp lede I mituns po se confortè sön chësc bel toch.

♦ La stala nia plu adurveda - Fulestier tl ncësa La Lia Mostra d’Ert deberieda cun Kunst Merano Arte y l Museum de Gherdëina mët a jì na mëisa turonda, n sada ai 12 de nuvëmber dala 20.00 tla sënta dla Lia Mostra d’Ert Te Gherdëina à bele da n struf incà l turism tëut ite l post dl’agricultura per chël che reverda la ressorsa de davani. L ie stat n gran mudamënt. Pesiman féjen n cunfront danter la situazion da ntlëuta y chëla da ncueicundì. Ulache l fova mo plu da giut pastura y mejes sparpaniei ora iel al didancuei dut frabicà pro. I luesc à giapà l carater de na zità, la populazion aumënta, dut busieia, dantaldut ntan la sajon turistica. Tla valeda iel n grum de majeri paurs, ma mé puec de pitli paurs, ulache l’agricultura ie mé plu n segondo lëur o na pascion. I mejes a Urtijëi, S. Cristina y Sëlva ie belau duc sparii. Mé ti raions plu alauta iel mo restà ridli mejes. L moderadëur dla mëisa turonda sarà Gabriele Crepaz dla Südtirol Marketing Gesellschaft. Sun palch saràl nce Leo Andergassen, diretëur dla repartizion di bëns culturei, Lanz & La stala nia plu adurveda. Fulestier tl Mitterer, architetes y espertes de mejes de ncësa. Dispruch, Gerold Schneider, architet y hotelier de Lech am Arlberg, Rudolf Perathoner, architet de Sëlva, Susanne Waiz, architeta de Bulsan Vinzenz Senoner, diretëur dla Scola de Mujiga de Urtijëi y n reprejentant di hoteliers y dla lia di osć. For n sada dala 15.00 saràl na vijita meneda pra vel’ mejes y tl Museum de Gherdëina. N muessa se lascé nuté su cherdan su l 0471/797554.

La Val: pröm apuntamënt cun le “Batadù ladin” La Musiga da La Val inviëia al batadù en sabeda ai 19.11 dales 15.00, tl salf Domëne Moling a La Val. Prenotaziuns al 334/3217560 y al 339/5010178 ćina aoi 19.11 dan le batadù. Pröm pest: 500,00€ por cartadù. I atri apuntamënć dl Batadù ladin: ai 25.11 dales 14.00 a Corvara y ai 27.11 dales 14.00 a Rina. La culissa incanteda dl grup de teater Proscenio Rassegna de teater per mutons: en sabeda ai 12.11 da les 16.30 tl salf Polifunzional de San Vì de Ciadura saràl n spetacul dal inom “Le scarpette di Cenerentola”. L 26.11 saràl tl chino Eden da Cortina l spetacul “Da grande sarò Tiziano. Anche i grandi artisti sono stati bambini”. Por infos pòn cherdé su l 393/4691455. Trix – juesc per pitli y granc

Ai 12 y ai 13 de nuvëmber saràl a Urtijëi tla aula magna dla Scola Elementera n fin dl’ena ulache pitli y granc puderà inò purvé ora d’ uni sort de juesc da mëisa. I mutons se anconta n sada, ai 12 de nuvëmber dala 14.30. Dala 20.00 nchin ala 22.00 uniràl fat juesc per jëuni y granc. N dumënia dala 10.00 nchin ala 17.00 uniràl fat juesc per duc. Dumënia dla jopes

N dumënia ai 13 de nuvëmber saràl inò la dumënia dla jopes te Sëlva. Chël che unirà trat ite jirà a fin de bën. Ve nvion a unì do la gran mëssa tla pitla sala dla cësa de cultura a ve maië na bona jopa da cërn o na panicia, na jopa da golasc o na śaura. Per la families saràl inò la grupa TRIX che mustrerà de biei juesc. Ëura de stories per mutons tla rujeneda ladina

Uni lunesc cun juesc, ndevins, pastelné y dessenië. Per l ultimo iede ai 14 de nuvëmber dala 15.30 nchin ala 16.30 tla biblioteca ladina tla Cësa di Ladins a Urtijëi cun Edgar Moroder. Metù a jì dala Union di Ladins de Gherdëina. Batadù di Destudafuech de Sëlva

Nce chëst ann vëniel inò metù a jì l gran batadù da 256. L batadù sarà n dumënia ai 27 de nuvëmber dala 14.00 tl magasin di Destudafuech. L unirà nce trat ora de biei pesc’ pra la ola dla fertuna. Dala 17.00 inant puderan törggelen.

www.lauscdiladins.com

49


Informazions y Manifestazions ♦ Udiënza cun Maria Kuenzer A San Martin de Tor L’aconsiadëssa provinziala y regionala dla Südtiroler Volkspartei (SVP) Maria Magdalena Hochgruber Kuenzer gnarà tla Val Badia a tignì udiënza en mercui ai 23 de novëmber 2011 dales 9.00 ales 10.30 tla Ćiasa de Comun a San Martin de Tor.

nr. 44 / 11 de november 2011

Avisc Viabilité a La Ila y l’ega da bëre Le Comun de Badia inviëia la popolaziun a na reuniun zivica, en jöbia ai 17 de novëmber dales 20.00, te Ćiasa de Cultura a La Ila. Al gnarà presentè le stüde sura la viabilité a La Ila y le regolamënt nü sura l’ega da bëre. Le SC Ladinia informëia

Ai 11.11 dales 20.00 tëgn le Schiclub Ladinia na sëra d’informaziun por geniturs, olache al gnarà dè les informaziuns sön l’ativité tl proscim invern (alenamënć, gares, cuotes iscriziuns etc.), tla scora mesana da La Ila. Ofize dl SC Ladinia

Le Schiclub Ladinia lascia alsavuei che l’ofize é davert vigni mercui dales 17.30 ales 18.30. I geniturs che oress scrì ite sü mituns al schiclub, dess gnì tratan chësc orar a fà l’iscriziun. Biblioteca de Sëlva dsareda La biblioteca “Oswald von Wolkenstein” resta stluta dai 18 nchin ai 20 de nuvëmber ajache l vën fat inventar. Pastelné per Avënt y Nadel

Tla biblioteca Oswald von Wolkenstein iel metù ora dai 20 de nuvëmber inant na mëisa de libri da pastelné per l Avënt y Nadel. La mëisa de libri sarà da udëi nchin ai 31 de dezëmber ntan i orares de giaurida.

Maria Kuenzer.

♦ Reunion generala de Ladins Dolomites A Al Plan de Mareo, Salf Cassa Raiffeisen Val Badia, en doman sabeda ai 12 de november da les 15.00

Sala di jëuni Fun&More te Sëlva La sala di jëuni Fun&More te Sëlva ie inò davierta per duc ntan dut l ann de scola, uni merdi domesdì, 16.00 - 19.00 y uni vënderdi domesdì, 15.00 - 18.00. La sala ie te calonia de Sëlva, basite, tla streda Nives nr. 27. Apusté San Miculau

La Nëus Jëuni Gherdëina fej a l savëi che n possa se lascé nuté su per apusté San Miculau. La iscrizions per Urtijëi vën fates tl ufize dla Nëus Jëuni Gherdëina, cherdan su l numer 0471/799006, ulache l ie da dé ju inuem, adres y l’ëura dla vijita de San Miculau. Grupa bal populer per mutons de Gherdëina chier mutons y mutans

L moviment politich “Ladins Dolomites” invieia a sia reunion generala en doman sabeda ai 12 de november da les trei domesdì a Al Plan. Deplù sarà i referenc esperc te plu ciamps. Don Paolo Renner rajonarà sun l tema “Etica e politica - Perché il comportamento della politica deve essere improntato a saldi principi etici?”. L professour d’université dr. Christoph Pan contarà sun “Warum und inwiefern gelten für nationale oder ethnische Minderheiten spezifisch andere Voraussetzungen zur Optimierung der politischen Vertretung als für die nationalen Mehrheiten?” L dr. av. Lukas Plancker darà “Reflescions sun l’amistrazion te n comun ladin anter autonomia locala y zentralism provinzial”.

Grupa bal populer per mutons de Gherdëina chier mutons y mutans che balëssa gën y fajëssa gën pert dla grupa. L possa unì mutons dala prima tlas dla scola elementera insù. Se ancunton uni sada dala 17.00 tl segondo partimënt dla cësa de cultura de Urtijëi. Cuncors de scultures tla nëif te Sëlva Nce chëst ann mët la Lia dl Turism de Sëlva a jì l cuncors de scultures tla nëif cun l argumënt dla “Lijëndes dla Dolomites“. I modiei muessa unii dac ju nchina n lunesc, ai 28.11. danter la 16.00 y la 18.30 tla sala “Bera Albino“ a Rosi, tla cësa de cultura de Sëlva. Plu nfurmazions pra la Lia dl Turism de Sëlva. Cripele stoz per paìsc de Vich L’aministrazion de Vich fasc a saer che duc chi che vel far sù na cripela fora da soa majon i pel avisar te Comun (Luciana) o telefonar al 0462.764182 dant che sie fora i 14 de dezember, acioche ogne cripela posse vegnir metuda su la piantina del paìsc apede a chele sui festii. Encontres a Poza con Mons. Giulio Viviani

Va inant i encontres che l Decanat de Fascia à endrezà con Mons. Giulio Viviani, assistent diozesan de l’Azion Catolica. En jebia ai 24 de november te Oratorie de Poza da les 20.30 l tem sarà “Gli ambiti privilegiati di un’autentica passione educativa”; en jebia prum de dezember “Nel cantiere dell’educazione”. Doi di reladours: Lukas Plancker y Christoph Pan.

♦ Siur Heinrich Videsott. Vita y testemonianzes En domënia ai 13 de novëmber dales 15.00, vëgnel presentè a La Val la biografia “Don Enrico Videsott. Vita e testimonianze”, dl’auturia Cristina Siccardi La publicaziun dla biografia de siur Heinrich Videsott é dan man, y gnarà presentada en domënia ai 13 de novëmber dales 15.00, te salf dles manifestaziuns da La Val. Al sarà presënć l’auturia dra. Cristina Siccardi da Torino, le comitê “Amici di don Enrico” y deplü porsones che à dè süa testimonianza por le liber. La moderaziun é tles mans dla dra. Edith Ploner. Te chësta ocajiun gnaràl inće proietè fotografies y toć dl video dla sopoltöra de siur Videsott. La cornisc musicala vëgn pitada dal cor dles ëres “Raiëta”. Dedô saràl n pice renfrësch. Siur Heinrich Videsott é nasciü ai 03.07.1912 a Mantëna Todëscia y é stè prou a La Val dal 1964 al 1987. A La Val àl inće passè so tëmp dedô en pensiun ćina che al é mort ai 9 de dezëmber dl 1999. Tröpa jënt ti â gran crëta por süa capazité da ascutè sö y dè benedisciuns y ciafâ insciö aiüt tles situaziuns plü desvalies. Tröpes porsones testemoniëia Le cuertl dla l’aiüt che ares à ciafè y le prëia inant. 12 agn dô süa mort é süa memoria publicaziun sön siur tl crësce, odon tan de porsones che röia adalerch a La Val por jì a Heinrich Videsott. perié sön süa fossa y tla ćiasa olache al à abité. Le comitê “Amici di don Enrico” se tol dant de cöie adöm les testemonianzes y döt ći che po daidé da mantignì y slarié fora so recort danter la jënt. La biografia (por talian) che vëgn presentada é na poscibilité por ti rovè plü dlungia ala scëmpla, mo gran personalité de siur Heinrich, por mantignì süa memoria y por le lascè conësce sura i confins dla valada fora olache al é bele venerè da tröpes porsones. Tröpes les testemoninazes de porsones che cunta de süa porsona y dl aiüt che ares à ciafè.

50

www.lauscdiladins.com

Enconter a Poza con Suor Roberta Vinerba

L Decanat de Fascia endreza na scontrèda con Suor Roberta Vinerba, colaboradora de desvalives sfoes sui temes de morala sessuèla e etica politica, en vender ai 18 de november te Oratorie de Poza. Da les 17.00 sarà l moment dedicà ai joegn e da les 20.30 l’é l’enconter coi genitores, joegn e educatores.

Musiga Jesu, meine Freude: conzerć dl ensemble “Il Pinzimonio Vocale”

L’ensemble “Il Pinzimonio Vocale” pîta dui conzerć adöm al orghelist Davide Pozzi y al violinist Riccardo Coelati. En doman sabeda ai 12 de novëmber dales 20.30 te dlijia de Santa Cristina, en domënia ai 13.11. dales 20.00, tla dlijia dles Ursulines a Bornech. Cunzert de mujiga sacra

N sada ai 12 de nuvëmber saràl a S. Cristina te dlieja, dala 20.30 n cunzert cun la grupa “Il Pinzimonio Vocale“. Ëi cianterà pec de J. S. Bach. Cunzert dl Cor di Jëuni de Gherdëina L Cor di Jëuni mët a jì doi cunzerc te dlieja de Sëlva cun l dirighënt Christo Burger dl Africa dl Sud. I cunzerc sarà ai 18 de nuvëmber dala 20.30 y ai 19 de nuvëmber dala 19.30 te dlieja de Sëlva. Plu nfurmazions sot a www.cdjg.it

Iadi y escurscions L’Uniun Maestri Ladins va al musical En sabeda ai 10 de dezëmber va l’UML a Desproch al musical “Les Misérables”. Iade y cherta costa 30,00€ por iscrić al UML y 35,00€ por i atri. S’anunzié ćina ai 20 de novëmber al 0471/839714 (Ubi Valentini - da sëra) Bus: 13.00 a Corvara, 13.05 La Ila, 13.10 Pedraces, 13.20 Pidrô, 13.25 Picolin, 13.35 Longega.


Informazions y Manifestazions

nr. 44 / 11 de november 2011

♦ Markus Moling, Barbara Tavella, Claus

Vittur Mostra tla Ćiasa Ragen a Bornech, vernissaja en mertesc ai 15 de novëmber dales 19.00 I trëi artisć da La Val y compagns Markus Moling, Barbara Tavella y Claus Vittur mostra sü chedri tla Ćiasa Ragen a Bornech, dal mertesc ai 15 de novëmber inant ćina ai 27 de novëmber 2011. I orars de daurida dla mostra é: dal lönesc al vëndres dales 10.00 ales 12.00 y dales 16.00 ales 18.00, sabeda y domënia dales 10.00 ales 12.00. Barbara Tavella.

Chino Al Chino de Cianacei En sabeda ai 12 de november da les 21.15 e en domenia ai 13 da les 17.30 e da les 21.00 se pel veder “Le avventure di Tintin. Il segreto dell’unicorno”; l fin de setemèna dò l’é en program “Il re leone” en sabeda ai 19 da les 21.00 e en domenia ai 20 da les 17.30 e te l’autra sala “Larry Crowne. L’amore all’improvviso”, en sabeda da les 21.15 e en domenia da les 21.00. Chino Eden Cortina

Insnuet vender ai 11 de november pòn vedei l film “L’amore all’improvviso - Larry Crowne”. En sabeda y en domenia ai 12 y ai 13 de november saràl da vedei l “Lezioni di cioccolato 2”. Lunesc, mertesc y mercui é dis de palsa y la juebia ai 17 de november podaràn vedei l film dl regist talian Massimo Martelli “Bar Sport”.

Trasmiscions TV y Radio

Markus Moling.

Claus Vittur.

♦ Scibla mo n iede ferata de Gherdëina L Museum Ladin Ciastel de Tor prejënta n ucajion dla giaurida dla mostra sun la ferata de Gherdëina, ai 18 de nuvëmber dala 18.00 n catalogh nuef L liber dëssa vester na documentazion di esponac y dla tematiches che ie unides tëutes n cunsciderazion tla mostra. I tesć ie unii scric da Elfriede Perathoner che à laurà deberieda cun dl diretëur dl Museum Ladin, Stefan Planker. Ël se à nce cruzià dla nrescida y dla documentazion di esponac. La mostra, de chëla che se à cruzià l Museum Ladin y che fova da udëi nchin ala fin de utober a San Martin, sarà da udëi te Sëlva dai 18 de nuvëmber inant. La giaurida sarà ai 18 de nuvëmber dala 6 da sëira tl zënter manifestazions cultureles Tublà da Nives. Duta la populazion ie nvieda ala prejentazion dl catalogh y ala giurida Scibla mo n iede, la ferata de Gherdëina danter lecorc y vijions. dla mostra.

♦ Teater “Na loćia tl cervel” L’Uniun Teater Badia presentëia na storia da rì te trëi perts tla Ćiasa Runcher a Badia “Na loćia tl cervel” é la storia de n ombolt surastracè de n pice comun, porseghité dala desfortüna. Impröma se desmëntiel so dé de noza, spo él i ghesć che se baudia che ai ne sciafia nia da se palsè fora indertöra y ala fin se ciàfel ćiamò na dërta bota söl će che ti tol la memoria di ultimi cin’ agn. I jobleri che sarà da odëi sön paladina é: Carlo Bernardi, Linda Pitscheider, Gustav Mangutsch, Caterina Dapunt, Paola Bernardi, Pasquale Pitscheider, Magdalena Lerchegger, Andrè Valentin, Giuvani Pitscheider y Erica Le grup che fej teater a Badia cun la regista Anna Aiarëi. La regia é de Anna Palfrader. Palfrader. La premiera dl teater é söl program en domënia ai 13 de novëmber dales 18.00 te salf dles manifestaziuns tla Ćiasa Runcher a Badia. Les atres rapresentaziuns: jöbia ai 17 de novëmber dales 20.00, sabeda ai 19 de novëmber dales 20.00, domënia ai 20 de novëmber dales 15.00 y dales 20.00. Prenotaziuns y informaziuns: tel. 0471 847871, dales 18.00 ales 21.00.

Paladina N juebia ai 17 de nuvëmber dala 20.30 tla televijion. Chëst iede sarà l argumënt la pluma de Roland. Al scumenciamënt fòvel la pluma. Roland Senoner de Sëlva ie n artista desseniadëur che se dà bele ju da plu ani cun la pluma te si criazions artistiches. Dala coa ala pluma te si formes plu desferëntes, dala pluma ngrandida y sëuradimensciunela al’astrazion dl soget, simbul dla vita. Roland Senoner ie madurì y chersciù cun si operes d’ert, desmustran la mpurtanza y la valuta dl dessëni nce mo ncueicundì, te na pruspetiva de ert moderna y cuntemporanea. N program La Pluma. de Leo Senoner. Trasmiscion Orizont 7 L se trata de na trasmiscion culturela ladina che ie da udëi uni mёns sun plu frecuenzes dla televijion TCA. L program Orizont7 cun Egon Vinatzer ie da udёi tla televijion privata TCA – TML plu iedesc al di y sun Südtirol TV uni merdi, dala 12.00, de juebia dala 19.30 y la dumënia dala 17.30. Sun Alto Adige TV uni lunesc dala 18.30, de mierculdi dala 21.00 y l vënerdi dala 21.15.

Dotors y Apoteches Dotors L dutor de servisc dala 8.00 da duman de n sada 12 de nuvëmber nchin la 8.00 da duman de n lunesc 14 de nuvëmber ie l dutor Aba Fallaha de Sëlva, tel. 0471/794111 o l 0471 797540. Le dotur en sorvisc tla findledema di 12 y 13 de novëmber, ti cin’ comuns dla Val Badia, é le dotur Aldo Marcocci, Al Plan, tel. 0474/501039 o 338/7280518. Apoteches

L’apoteca de servisc che à daviert ora dl orar ordiner da n vënerdi (dala 19.00) ai 11 de nuvëmber nchin n vënerdi ai 18 de nuvëmber ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc tla Val Badia fora dl orar ordinar, dal vëndres ai 11 de novëmber al vëndres ai 18 de novëmber, é chëra da La Ila, tel. 0471/847152.

Referac Manifestazions sportives, na paladina por i brand

En mercui ai 16 de november met da jì l comitat de organisazion “Cortina 2017” na conferenza con la diretoura generala dla Copa dl Mond de Gherdena Stefania Demez. Tla conferenza, tegnida tla “Alexander G.Hall” de Cortina, spligarà Demetz ciun che é l potenzial comerzial de na tapa de Copa dl Mond de schi alpin. Sëra d’informaziun sön la metoda EFTì - l’ert magica dl toc toc

Incö vëndres ai 11.11 dales 20.00, tl salf dla scora mesana d’Al Plan, cun la dra. Sara Bassot. Ai 19.11 podaràn fà eserzizi pratics: danmisdé incuntada de 4 ores cun geniturs y domisdé 1,5 ores por mituns. Organisaziun: Zënter Families Mareo. Infos t’La Usc di 28.10 o sön www.eft-4-kids.com. Mort, ola é pa to ficiun? Chësc é le titul dl referat organisé dal Consëi de Cöra de Badia, che vëgn invié ia en vëndres ai 18 de novëmber dales 20.00, te Ćiasa J.B. Runcher a Badia. Referënta é Agnes Irsara. Baiun de chinesiologia

Le Grup de Volontariat Val Badia inviëia al referat cun Dorothea Hopfgartner, en vëndres ai 18.11 dales 20.00, te scora mesana a La Ila. Al gnarà baié dla chinesiologia, sciöche tru por ciafè tla vita balanza danter corp, spirit y anima. Revoluzions ti paejes arabs

Tla biblioteca Oswald von Wolkenstein iel ncuei, 11 de nuvëmber dala 20.00, n referat sun i paejes arabs y si revoluzions, cun l referënt Kurt Gritsch, storich de Maran. L bosch te Gherdëina I Verdabòsch de Gherdëina nvieia a na sëira de nfurmazion per l ann nternaziunel di bòsc, n merdi, ai 15 de nuvëmber, dala 8 da sëira, tla gran sala dla cësa de cultura de Urtijëi y ala giaurida dla mostra d’ert dla Scola d’Ert Cademia y dla Scola Profesciunela, n lunesc, ai 14 de nuvëmber, dala 16.00 tl foyer dla gran sala te cësa de cultura a Urtijëi.

www.lauscdiladins.com

51


Informazions y Manifestazions

nr. 44 / 11 de november 2011

♦ Operes de Vivaldi, J.B. Runcher y Mozart En doman sabeda, ai 12.11.2011 dales 20.00 inviëia l’orchestra Val Badia adöm a n ensemble vocal a n conzert sacral tla dlijia de San Linert a Badia

Mostres Mostra cun Thea Blaas L’artista de Urtijëi, fej pea pra la mostra “CosmoGRAFI tra Segno, Materia e Visione” che ie da udëi nchin ai 22.11. a Roma. Orar de giaurida: 10.00 – 19.00. La mostra ie tla galaria “Domus Talenti”, via Quattro Fontane 113 a Roma. La ntreda ie debant. Continuum de Roland Senoner

Por l’ocajiun à le dirighënt dl’orchestra Bruno Rives chirì fora operes de Antonio Vivaldi, Jan Batista Runcher y Wolfgang Amadeus Mozart. Düć trëi i componisć à vit y scrit musiga tl 18. secul. Na picia curiosité é che Mozart y Runcher é intrami morć tl medemo ann, tl 1791. Le program é rich y se barata jö danter tòć ma strumentai, d’atri é por solisć y orchestra y d’atri por cor y orchestra. Tratan le conzert saràl da aldì de Antonio Vivaldi (1678-1741) le Conzert por vidora y orchestra en G-dur op. 3 nr. 3, RV 310 (da “L’Estro armonico”) Allegro – Largo y Laudate Dominum omnes gentes Salm 116 / RV 606. De Jan Batista Runcher vëgnel portè dant le Magnificat en C por soli, cor y orchestra y la Sinfonia en D Allegro – Andante – Allegro, l’„Alleluia“ dal Rei Timoris por solo dl soprann y orchestra. De Wolfgang Amadeus Mozart sona l’orchestra la Sonata da dlijia en C KV 263 y adöm al cor Dixit por soli cor y orchestra / KV 193. L’ensemble vocal é gnü metü adöm aposta por l’ocajiun y de chësc fej pert 20 ćiantarines y ćiantarins de döta la valada. Pro chësc proiet vëgn l’orchestra inće acompagnada da dui musizisć che sona la trombëta y da n Musizisć dl’orchestra Val Badia. percussionist. Düć i musizisć y les musizistes Ves L’orchestra é da aldì deboriada cun n inviëia cun plajëi al conzert, ai 12 de novëmber ensemble vocal a San Linert. dales 20.00, tla dlijia da San Linert.

La mostra ie a Bulsan, tla streda di Capuzineri, 26/A. L artista mët ora na installation de dessënies sun papier. Orares dla mostra: merdi – vënerdi 15.30 – 19.30 Mostra dl Fotoclub Val Badia Tl Istitut Ladin a San Martin de Tor él da odëi la mostra de fotografies dal titul "Ciüfs", do le tema dl concurs fotografich scrit fora dal Fotoclub Val Badia. La mostra é daverta ćiamò ćina ai 20 de novëmber, dal lönesc ala jöbia dales 10.00 ales 12.00 y dales 15.00 ales 17.00, le vëndres dales 10.00 ales 12.00.

Religion L’ora d’oraziun tla stüa dl Sant a Oies

Da 26 agn incà vëgnel fat vigni vëndres na ora de oraziun tla stüa de Sant Ujöp a Oies, metüda sö da Siur Sepl Granruaz. Incö ai 11.11. dales 20.00 saràl siur Sepl, che fajarà mesora de oraziun y dedô nes cuntaràl ćiodì y sciöche al é gnü metü sö chësta funziun. Preparaziun al Bato En sabeda ai 19 de novëmber dales 15.00, vëgnel tignì te calonia a San Ćiascian, la preparaziun al Bato, cun Erich Frenademetz. S’anunzié pon al nr. 0471/849474.

♦ Festa, marćé dai schi y batadù

♦ Cunzert de S. Zezilia dla Mujiga de S. Cristina

Le Schiclub d’Al Plan complësc 65 agn. Por l’ocajiun vëgnel organisé en domënia ai 13 de novëmber na festa tl salf dles manifestaziuns dl paîsc, cun marćé dai schi, n batadù y la presentaziun de n liber

La Mujiga de S. Cristina nvieia de cuer al cunzert de Santa Zezilia che sarà n dumënia, ai 13 de nuvëmber dala 17.00 te sala de chemun

En domënia ai 13 de novëmber é düć bel invià da gnì te salf dles manifestaziuns d’Al Plan a fà festa cun le schiclub, che po festejé i 65 agn d’ativité. Te chësta ocajiun gnaràl invié ia n marćé dai schi, ćialzà y guanć dai schi, snowboards, jadins y de vigni sort d’ater che an adora por l’invern. Dales 11.00 ales 13.00 podaràn dé jö le patüc da vëne te salf. Le marćé instës sarà davert dales 14.00 ales 18.00. Dales 18.00 po düć indô se tó para sües cosses Le cuertl dl liber por i 65 agn dl Schi Club d’Al Plan, che vëgn nia venüdes. presentè ai 13 de novëmber. Mo domisdé él inće d’ater sön le program. Dales 14.30 mët man le batadù. S’anunzié por la cartada pòn pro Jonson al nr. 335/5232892. Dales 17.00 él söl program la presentaziun dl liber “65 agn Schi Club d’Al Plan”. Dedô picia marëna cun aorela cörta y musiga cun i “Ochsenduo-trio”.

L cunzert scumëncia cun na marcia “Jetzt geht’s los“ de Franz Lehar, cumponista dl’Austria. Da dedò saràl da audì na ouvertüre de Josef Abwerzger, l “A Jubilant Prelude“ de Philip Hefti y l pez per doi solisc’ che sona l flicorn “Zauber der Berge“ de Hans Hartwig. I solisć ie Samuel Perathoner y Hannes Runggaldier. Ntan na pitla pausa uniràl dat ora uneranzes per jì pona inant cun na marcia de G. J. Sprick. Da dedò sunerà la mujiga l pez “Askania“ dl cumponista tudësch K.Peter Bruchmann La Mujiga de S.Cristina. y “Towards a new horizon“ de Steven Raineke. L cunzert fina via cun “Adieu-Bohème“, zigeuners Abschied de F. X. Lecheler. La Mujiga de S. Cristina nvieia duc a unì a scuté su l cunzert de Santa Zezilia n dumënia, ai 13 de nuvëmber dala 17.00.

♦ Cunzert de L’ Accademia Giocosa

♦ Di dla porta davierta

I Jëuni de Mujiga de Gherdëina nvieia de cuer al terzo cunzert dla sajon che sarà n lunesc, ai 14 de nuvëmber dala 20.30 te dlieja de S. Cristina. L sunerà L’ Accademia Giocosa

N juebia ai 17 de nuvëmber iel a Urtijëi, tl Lizeum de Ert cun Scola Profesciunela per l Artejanat Artistich “Cademia“ l di dla porta davierta. Duc ie nviei de cuer a unì te scola a fé pea lezions teoriches, al café leterer y a vijites cun acumpaniadëures

L‘ Accademia Giocosa ie unida metuda su tl ann 2010 da musizisć dl’urchestra sinfonica dl “Bayerischer Rundfunk” coche nce da artisć liedesc che sona mujiga antica, cun l fin de purté plu daujin ala jënt la mujiga dl 18ejim secul, da stramp bela y da truepa mudazion suneda cun strumënc uriginei. I cumëmbri ie sunadëures cun n gran savëi te si ciamp, che à nce venciù plu cuncorsc defrënc nternaziunei y che nsënia danter l auter tl Mozarteum de Salzburg y tla Scola Auta de Mujiga a Würzburg. L’ Accademia Giocosa sunerà pec de Händel, Telemann, Zelenka, Graun y Bach. La chertes de ntreda ie da giapé pra la cassa al priesc de € 15,00 y € 8,00 (per chiche à manco de 26 ani o à l “Kulturpass”). Nfurmazions plu avisa sot a www.jmgconcert.it L’ Accademia Giocosa.

52

www.lauscdiladins.com

Dala 9.00 daduman nchin ala 12.00 y dala 14.00 nchin ala 16.00 possa duc i nteressei unì te Scola de Ert per jì a ti cialé ai lauratueresc ulache l vën ziplà, mudelà, dessenià, fat grafiches, laurà ora fotografies y auter. N puderà nce a fé pea pra lezions teoriches. Chëst ann ti iel unì dat na gran mpurtanza al lën y ai bòsc, ajache l ie l ann nternaziunel di bòsc. Vijites menedes saràl dala 9.00, dala 10.30 y dala 14.00. Duc i nteressei, sculeies coche nce persones dla valedes ujnes ie nviedes de Di dla porta davierta. cuer a unì al “Di dla Porta davierta“ tla Scola de Ert a Urtijëi.


Congratulazions y Inserac

nr. 44 / 11 de november 2011

Congratulaziuns a

Nadia Crepaz

Al Dr. Patrick “Betonmeister”

por avëi stlüt jö i stüdi de Sciënzes Gastronomiches pro l’Universitè de Parma cun la tesa de laurea dal titul “Il connubio organolettico, nutrizionale, estetico ed eticosociale nell’abbinamento gastronomico”. I te augurun tröpa ligrëza y sodesfaziun pur l’dagnì.

Cungratulazions per avëi finà cun suzes l stude de economia tl’ Università de Trënt. Dut l bon per l daunì y de gra per la beliscima festa de laurea, belau plu garateda dla “Schwimbodfet” y dla “inaugurazion“ dl medel sa mont.

Tü geniturs

De gra mo n iede da ti cumpanies Walter, Peter, Roland y Simon

da Fumé

Ai 15 de novëmber 2011 po festejé

Erika de “Ai Pini”

Anna y Franz Rudiferia

cumplësc ai 12 de novëmber i agn.

I urun te auguré en grüm de furtüna y tröpa sanité, che la vita te scinches ligrëza y serenité, y vigne dé val’ a chël che te pos te incunfurtè.

i 55 agn de matrimone. I ti aodun de cör düt l’ bun, sanité, amur, contentëza, benedisciun y ćiamò tröc agn de vita deboriada. I ti dijun dër bel giulan pur düt ći che ai à fat por nos.

Tüa familia Costabiei

Da Roland, Marta, Eveline, Ivo, Paola y Yvonne

Da chirì

Grandiscima ora che al é gnü chël dé, che nosta

Isabel

à arjunt la majera eté. Canch’ t’es nasciüda sö Seres t’un est’ sciampada, te na te’ ćiasa bel dlungia strada! A scora n’est’ nia da bate, sce te t’ toles dlaurela da ćiarè n pü’ tla mapa! Da cumanè ast’ tröpa esperiënza, chësta é bëgn pur nos na gran penitënza! Da ćiantè ne dessest’ mai lascè, deach’ tüa usc é da laldè! La bocia aste dagnora daverta y arjignada est’ da cumbiné vigni berta! La sabda l’plü important é jì a balè, deach’ sambëgn mësst’ n pü’ t’scatenè! Da stè pro te él dagnora da rì, sciöch’ ultima parora sast’ tres ći dì! Datrai fóssel dërt n pü’ se tumëi, mo che t’urun impò bun urôn t’lascè alsavëi! A düć n cunsëi uressun se dè: sciampede lunc sc’ la Isy sön strada ess da passè! Düt l’bun urun t’auguré y n bun gote désst’ se pité! Tina, Katja, Nathalie, Sara, Ily, Steffi, Ivi, Patrizia, Bapsi, Tobi, Matti, Georg

L vën cris n cuatier da tò a fit per dut l ann. Tel. 338/6075201. (43/11) ••• Na ëra dl post chir n apartamënt tl’ Alta Badia por döt l’ann. Tel. 345/8332214 (da sëra) (43/11) ••• L vën cris n pitl cuatier dai 1. de dezëmber nchin ai 7 de auril a Urtijëi. tel. 320/6211897. (44/11) ••• Doi jëuni da tlo chier n cuatier da tò a

L Chemun de Urtijëi à scrit ora na stiëra da polizai de chemun y de cuntrol dla spëisa - V. cualifica funzionela. Per tò ite chësta stiera vëniel damandà la cundizions che vën dò: 1. età minima 18 ani; 2. diplom de scola mesana o diplom de scola elementera y leprò: - trëi ani de scola o - furmazion profesciunela spezifica de trëi ani o - 6 ani de servisc te lëures de chësta sort pra i Carabinieri y/o pra la Polizia di Stato; diplom de scola elementera o avëi finà l duvier scolastich; 3. patent da furné B 4. atestat de trilinguism C La dumanda de assunzion muessa unì data ju tl secretariat de Chemun nchina la 12.00 di 16.11.2011, ulache l ie nce da giapé nfurmazions plu avisa. L ambolt’ Ewald Moroder

Les mius aodanzes ti va a

dr. Thaler Roman

I chiriun n eletrizist cun esperiënza y ligrëza da laurè tl ćiamp dla termoregolaziun y dl’automaziun. La Val, Zona artejanala. Tel. 0471/843162.

por avëi stlüt jö i stüdi, y por avëi arjunt le dotorat dl’archirida scientifica, tl’Université da Vìena, cun la valutaziun plö alta. Te audun inant tröpa ligrëza y tröpes sodesfaziuns te so laûr de archirida scientifica, y por le dagnì tröpes ligrëzes ti traverć che t’os arjunje tl dagnì, y tles cosses che te fejes gian. I familiars Da vende Al vëgn venü vencëis y lëgna da scialdè, de grana y de picia. Tel. 0474/501405. (42/11) ••• A Pedraces vëgnel venü 2 portaschi de lëgn massif por mëte pormez i schi, por ejëmpl por na ütia da munt. Pro vigni portaschi àl lerch 30 pêr de schi. Le prisc é da fà fora. Tel. 0471/839743. (42/11) ••• Da vënder 2 per de ciauzei da jì cun i schi   p er mutons , mo del Nordica Dobermann 80, numer 38 y 39 adurvei una na sajon, mo drët  boni per n mut dl schiclub. Tel. 339/5281218. (42/11) ••• Al vëgn venü lëgna sëćia fata sö te liac da 40 cm a Mantëna (Al Plan). Tel. da

sëra 0474/501679. (42/11) ••• Da vëne n gröm de toć de barat por n motor a penzinn Acme VT88, bi nüs. Tel. dales 7.00 ales 7.30 al 0474/501599, Franz. (42/11) ••• A Corvara vëgnel venü za. 15 scagns de plastica blanć, na mascinn da taié l’erba y na vedla roda da strada. Tel. 328/4620101. (43/11) ••• Da vënder n motor enduro dla marca Gilera, 50 cc, dl ann 2005. Tel. 335 1605567. (43/11) ••• Da vëne n Suzuki Swift 4x4 dl 2007, corù bröm, 50.000 km, a euro 8.700,00. Tel. 335/6088668. (44/11)

••• Al vëgn venü döes de beles cripeles fates cun lignan vedl (zënza figöres) tl stil tirolesc cun picia contrada y iluminaziun. Mosöres 70 x 80 cm y 30 cm alta. Tel. 339/6352687. (44/11) ••• Da vëne n furnel Pertinger adorè 2 iadi, sciöche nü, al prisc de 2.500,00 euro, da odëi a Corvara, mesöres 88 cm x 63 cm x 45 cm. Tel. 335/5285004. (44/11) ••• Da vëne süch de pom frësch te poć da 10 litri. Tel. 366/4028469. (44/11) ••• Da vëne na letira y let matrimoniai cun 2 madroc, corù nusc, tles mius condiziuns, prisc 200,00 euro. Tel. 366/2703569. (44/11)

fit a S. Cristina o te Sëlva. Tel. 349/7812601. (44/11) ••• L vën crì per n studënt dla Val Badia n cuatier a Urtijëi da sën inant. Tel. 349/2375596. (44/11) ••• Na familia cun referënzes chir n apartamënt te de bunes cundiziuns da tò en afit por döt l ann; bilocal cun na ciamena matrimoniala , stüa , ciasadafüch y bagn, poscibilmënter tl

Hotel Cendevaves a S. Cristina/Pana chier 1 chelner/a – barist/a a mez tëmp. Prëibel cherdé su l 0471/792062.

A Urtijëi vëniel cris n’ëila a rumé su cuatieres la sades. Prëibel cherdé su l numer 333/4052545.

pröm partimënt cun urt assighé ite o terassa, scialdamënt autonom, a Corvara, Calfosch, La Ila, Pedraces o San Ciascian. Tel. 040/273852 o 328/7065855. (44/11) ••• Al vëgn chirì zacai che ess da scinché ca linzos blanć, leć y cisces da let, che vëgn spo menà por na ćiasa de palsa. Tel. 366/2703569. (44/11) ••• Al vëgn chirì a La Ila por n zënter nü por pici, patüc da fà damat che ne vën nia plö adorè. Tel. 339/6950036. (44/11) ••• Al vëgn chirì n apartamënt por döt l’ann, por na ëra cun dui mituns a bun prisc tla Val Badia. Tel. 339/1242712. (44/11) ••• N pêr chir n apartamënt tla Val Badia. Al à inće referënzes. Al paia alplü 600,00€. Tel. 328/7935384. (44/11)

Hotel La Perla a Corvara chir por la sajun da d’invern n jonn o na jona che ess ligrëza da se dè jö cun i vins y che se cruziass dla ćianô dai vins. Al vëgn damanè la buna conoscënza di lingac talian, ingleje y todësch. I candidać po cherdè sö le numer 0471/831000 o menè na email a info@hotel-laperla.it

La firma da puzenè Profis Pulish a Corvara chir ëres por puzenè ofizi da sëra, y da atira na porsona por döt l’ann che à ligrëza da puzené. Prëibel cherdè sö le 333/1435818.

Ütia Paraciora a Badia chir por la sajun da d’invern n lavataîs, poscibilmënter dl post. Prëibel cherdè sö le 338/9736099.

Camping Sass Dlacia a San Ćiascian chir por la sajun da d’invern 1 porsona a mez tëmp che se fistidiëia da ćiarè dl zënter nü “Natura Wellness“. Prëibel cherdè sö le 331/6894517.

Hotel Italia a Corvara chir na barista na tornanta na ćiamenëssa ma la sabeda. Prëibel cherdè sö le 0471/836082. info@hotelitalia.bz.it

www.lauscdiladins.com

53


Inserac

nr. 44 / 11 de november 2011

La grupa de lëur “Tublà da Nives” te Sëlva chier persones che à legrëza a sté de verdia pra la mostra “Scibla mo n iede - ferata de Gherdëina“ che gëura ai 18.11. y jirà inant nchin ai 12.02.2012. Orar de giaurida: 10.00 – 12.00 y 17.00 - 19.00. De lunesc iel dsarà. Plu nfurmazions pra Dietrich, 338/6245915.

La firma Demac de Sëlva chier da śën inant n respunsabl per la produzion cun cualificazions tecniches, 1 a dessenië sun Autocad per l ufize tecnich 1 per l ufize da cumpré ite. Prëibel cherdé su l 0471/794355 ntan l orar de ufize.

Na ćiasa a Calfosch chir por la sajun da d’invern na ëra a puzenè les sabedes. Prëibel telefonè al 0471/836095.

EcoArt Srl chir 1 secreteria cun esperienza. Tel. 0474/524114 o 335/7866436.

N garnì a Calfosch chir por la sajun da d’invern na ëra a puzenè les sabedes. Preibel cherdè sö le 334/3188835. A La Ila vëgnel chirì na ëra a daidé fà sö les ćiamenes, döes, trëi ores la sabeda danmisdé. Tel. 346/3588392. Bar Oswald te Sëlva chier na chelnera da tlo per la sajon da d’inviern. Prëibel cherdé su l 333/9365771.

Hotel Tofana a San Ciascian chir por la sajun da d’invern n fant de ciasa che fej ince lavatais cun patent B. Prëibel cherdè sö le 339/1705732.

Residence Riposo a Calfosch chir por la sajun da d’invern n’ ëra a puzenè apartamënc por les sabedes. Prëibel cherdè sö le 0471/836026.

Chiche se god l chiet à gën la mont.

Sport Pescosta a Calfosch chir n/na boteghier/a por le repart dl vistimënt n/na boteghier/a por le repart dl sport cun conescënza di lingac. Prëibel telefonè al 0471/836458 o al 335/8190597 info@sportpescosta.it

L ambulatore dl Dutor Spechtenhauser a La Ila chir por la sajun da d’invern (1. dezëmber – 31 merz) 1 secreter/ia – assistënt/a a tëmp plëgn o inće a mez tëmp. Prëibel cherdè sö le 335/6099388.

Apres Ski La Munt a Badia chir na porsona por n pêr de ores danmisdé a romenè sö le bar. Prëibel cherdè sö le 0471/838106 o le 328/5483293.

Hotel Arkadia ***S a Corvara chir por la sajun da d’invern na massöra. Prëibel cherdè sö le 0471/836043 o scrì a info@hotelarkadia.it

54

www.lauscdiladins.com

Alpin Apartments Piculin a Piculin chir por la sajun da d’invern na ëra a daidé romenè sö apartamënć les sabedes. Por informaziuns plü avisa prëibel cherdè sö le 0471/836188 o scrì na email a info@piculin.net

Garnì ai Pini a San Ćiascian chir por la sajun da d’invern na ćiamenëssa na ëra a puzenè por la sabeda. Prëibel cherdè sö le 0471/849541.

La Scola de Schi de Sëlva chier n/na secreter/a na persona per l mprëst dai schi. Prëibel cherdé su l 0471/795156 o l 335/204278.

Ski Peppi a San Ćiascian chir por la sajun da d’invern 1 jonn a imprestè fora schi la sabeda döt le dé y la domënia danmisdé. Prëibel cherdè sö le 335/7890497.

L vën vendù n medel sun Mont de Sëuc (Spitzbühl). L se trata de doi uties ressanedes cun 5 ha de pastura. L’ ega vën dal chemun de Ciastel. Natura pura. L priesc ie de 1,3 milions de euro. La spëises per dé inant la nfurmazions sun la venduda ie dl 2%. Prëibel cherdé su l numer 335/220542 o mandé na email a info@real07.com www.real07.com

A Corvara vëgnel chirì por la sajun da d’invern na chelnera na ćiamenëssa na ëra a daidé te ćiasadafüch na secreteria a daidé te ofize cun n püch de esperiënza cun i programs dl hotel na porsona a fà de vigni sort de laûrs te hotel (a daidé ćiarè sura i ćiavai) na barista por le schibar pro la staziun a val na porsona a grilié por le schibar. Prëibel cherdè sö le 347/2466671.

A Al Plan vëgnel chirì por les sabedes 2 ëres dl post a puzenè apartamënć. Prëibel cherdè sö le 0474/501069.

Hotel Tablé *** S a Corvara chir por la sajun da d’invern 1 massör/a por la picera zona relax tl hotel. Prëibel cherdè sö le 0471/836144 hotel@table.it

Plana Ladina a Pidrò vënn tapi de lëgn “bricketts“ por scialdè. Prëibel cherdè sö le 0471/843290.

La firma de buandes Riffeser de Sëlva chier n laurant da tlo per la sajon da d’inviern o nce per dut l ann. Prëibel cherdé su l 0471/795159 o l 335/6531605.

La Sozieté di Lifć d’Al Plan chir 1 porsona a daidé fà nëi cun diplom de scora alta por le raiun de Piz de Plaies. Prëibel telefonè al 0474/501131 o menè na e-mail a info@funivi.it

Hotel Serena a Badia chir na ćiamenëssa por la sabeda dales 8.30 ales 11.30 dai 14 de jenà inant ćina ala fin dla sajun. Prëibel cherdè sö le 0471/839664.

Garni Astrid te Sëlva chier per la sajon da d’inviern n’ëila da tlo per mez n di a rumé su la majons y a judé te cësa. Prëibel cherdé su l 0471/794278.

A La Ila vëgnel chirì por la sajun da d’invern na ëra a puzenè apartamënć les sabedes na barista. Tel. 333/6770105 o menè na e-mail a info@plaoen.it

N garnì a Calfosch chir por la sajun da d’invern na ëra a puzenè les sabedes. Preibel cherdè sö le 334/3188835.

Al vëgn chirì por la sajun da d’invern dui parchegiadus tla plaza da parchè auti Piz Sorega a San Ćiascian. Por informaziuns telefonè al 0471/844257 (orar de ofize).

La botëga Maja Dress a S. Ćiascian chir por la sajun da d’invern na boteghiera che ais pasciun por le laûr. Interessades é periades da cherdè sö le 0471/840074.

Conditoria Perathoner chier na lodnera a mez tëmp per la sajon da d’inviern y n’ëila a rumé su n cuatier la sades. Prëibel cherdé su l 0471/790535 L’ Agenzia My Home in the Dolomites a Calfosch chir na secreteria “part time” inće ales prömes esperiënzes, cun conescënza dl talian, todësch y ingleje por la sajun da d’invern y ince eventualmënter por l’isté n autista por le schibus ince “part time“. Prëibel cherdè sö le 0471/836071 o menè na email a peter@altabadia.it

Optic Flaim a Urtijëi chier na lodnera per dut l ann per la butëiga nueva y na lodnera per la butëiga te Sëlva per la sajon da d’inviern. Prëibel cherdé su l 335/5935143.

Le Pech de Badia chir 1 a condü fora le pan. Prëibel cherdè sö le 0471/839618.

Na ëra dl post chir n laûr por dui dis al’edema (nia la sabeda). Prëibel cherdè sö le 340/9569498.

Hotel Mirabel a Al Plan chir da mez novëmber por la sajun da d’invern o por döt l’ ann 1 secreter/ia dl post cun esperiënza, che sais da adorè le program ASAj y sais todësch, talian y inglesc, domëgna lëde; na ćiamenëssa por les sabedes. Prëibel cherdè sö le 0474/501280 info@hotel-mirabel.com

A San Ćiascian vëgnel afitè ia a jënt dl post n apartamënt de 67 m2. Prëibel cherdè sö le 339/7004608.

L vën vendù n hotel da 4 stëiles y 100 liec a Ciastel/Sëuc. L hotel lëura per la gran pert cun tlienc che vën uni ann y a n bon volum de afares. Cun puscibltà de ngrandì. Prëibel mandé la dumanda scrita per posta a: La Usc di Ladins streda Rezia 83 39046 Urtijëi Chiffre 20

Tl zënter de Urtijëi vëniel fità via a jënt da tlo n cuatier cun mubilia de 120 m2 cun garage. Prëibel cherdé su l numer 338/6139231.


Religion y Anunzies

nr. 44 / 11 de november 2011

Vangel dla Domenia

Lecort

Anda Frida Piazza

33. Domënia ia por l’ann A, ai 13 de novëmber 2011 Dal vagnele do San Matî, 25, 14 - 30 Te chël tëmp ti à Gejù cuntè a sü discepui chësta parabola: “Cun le rëgn dl cil éra sciöche cun n ël che é jü a fà n iade: al à cherdè sü sorvidus y ti à afidé so avëi. A un ti àl dè cin’ talënć, a n ater dui, indô a n ater un, a vignun do sües facoltês. Spo s’un él jü. Atira à le sorvidù, che â ciafè cin’ talënć, metü man da trafiché impara y al n’à ćiamò davagné cinch laprò. Insciö n’à inće chël, che n’â ciafè dui, ćiamò davagné dui laprò. Mo chël che â ma ciafè n talënt su, é jü y à ćiavè n büsc te tera y à ascognü laìte la monëda de so patrun. Do cotan de tëmp é le patrun gnü derevers y orô fà cunt cun sü sorvidus. Dailò él gnü chël, che â ciafè i cin’ talënć, n’à portè cinch laprò y à dit: Signur, cin’ talënć m’aste surandè; ćiara, i n’à davagné ćiamò cinch laprò. So patrun ti à dit: Brau, bun sorvidù fedel! T’es stè n bun aministradù tl püch, i ô te surandè deplü. Vì, tol pert ala ligrëza de to patrun! Spo él gnü le sorvidù, che â ciafè dui talënć, y à dit: Signur, te m’as dè dui talënć; ćiara, i n’à ćiamò davagné dui laprò. So patrun ti à dit: Brau, bun sorvidù fedel! T’es stè n bun aministradù tl püch, i ô te surandè deplü. Vì, tol pert ala ligrëza de to patrun! Inultima él inće gnü le sorvidù, che â ciafè n talënt su, y à dit: Signur, i savô che t’es n’ël sciode; te sójores, olache te n’as nia somenè, y te cöies adöm, olache te n’as nia sternü; deach’i â pôra, ài ascognü to talënt te tera. Chilò l’aste indô. So patrun ti à respognü: Tö stlet sorvidù frat! Te savôs pö ch’i sójori, olach’i n’à nia somenè, y ch’i cöii adöm, olach’i n’à nia sternü. Sce t’esses almanco metü mia monëda tla banca, spo éssi podü gnì a m’la tó fora cun i fić. Porchël toledi le talënt y dédial a chël che à i diesc talënć. Ćiodiche chël che à, a chël ti vëgnel dè, y al n’arà sura fora; mo chël che n’à nia, a chël ti vëgnel inće ćiamò tut ći ch’al à. Sciurede chël fant da nia tla scurité plü foscia! Dailò bradlaran y rotaran i dënz.

de Pinoi, nasciuda Prinoth nes à lascià ai 3 de nuvëmber. Ëila ie stata tl cunsëi dla Union di Ladins de Gherdëina dal 1967 nchin al 1969. A duc chëi de si familia ulons ti fé nosta cundulianzes plu sentides. Nëus lecurdon anda Frida cun recunescënza y stima per dut chël che ëila à fat per la rujeneda ladina y per si gran respet y amirazion che ëila à abù per la natura. La Union di Ladins de Gherdëina Stefan Kasslatter Presidënt

Lecort Da pert dla Union Generela di Ladins dla Dolomites ulons ti fé la cundulianzes plu sentides ai familieres de

Parora dl Signur. - Lalt a té, Gejù Crist!

Anda Frida Piazza

Chirì da laour Na jona dla Val Badia che sà dër bun l ingleje chir laûr a Corvara por l invern. Tel. 340/2163979. (42/11) ••• N ël chier da lëur da portier o te na cësadafuech. Ël ntënd talian, rejona spaniol, franzëus, nglëisc y tudësch. Tel. 388/8986714. (42/11) ••• N ël chier da lëur a fé de uni sort de lëures, a lauré te na cësadafuech o coche autista. Ël sà talian y rus. Tel. 327/7425260. (42/11) ••• N’ëila chier da lëur te na lavandaria, a rumé su o nce te na butëiga dal pan. Tel. 347/4147337 o 349/6394003. (42/11) ••• Na jona dla Val Badia chir n laûr por döt l’ann o inće ma por la sajun da d’invern sciöche boteghiera o ater. Tel. 333/2534134. (42/11) ••• N cuech cun truep ani de esperienza chier da lëur te n hotel, restaurant cun albierch. Tel. 348/9159627. (42/11) ••• N ël chier da lëur te n restaurant, coche barman, da vardian y auter. Ël sà la rujenedes talian, tudësch, nglëisc y franzëus. Tel. 327/9224134. (42/11) ••• N ël chier da lëur. Tel. 389/1941444. Rabi. ••• N’ëila chier da lëur da lunesc a vënerdi te Gherdëina. Tel. 388/1632070. (42/11) •••

N’ëila dla Ucraina chier da lëur a cialé de na persona de tëmp. Ëila à nce de bujën de albierch. Ëila rejona talian. Tel. 380/6497002. (42/11) ••• N’ëila dla Russia che rejona talian chier da lëur a cialé de na persona de tëmp. Tel. 329/2008036. (43/11) ••• N’ëila chier da lëur a rumé su majons, cun albierch nce per dut l ann, te Gherdëina. Tel. 320/6345231. (43/11) ••• N ël chier da lëur coche cuech o segondo cuech. Tel. 320/8419517. (43/11) ••• N’ëila chier da lëur a rumé su la majons, a mez tëmp, te Gherdëina. Tel. 347 8589029. (43/11) ••• N jëunn chier da lëur sciche prim o segondo cuech, l à de bona referënzes de lëur y à laurà truep ani tla provinzia de Trënt. Tel. 333 1330704. (43/11) ••• N’ëila chier da lëur a cialé sun jënt de tëmp o n lëur de chësta sort, ëila à l diplom di uperadëura sozio-sanitera y 10 ani de esperienza a cialé de jënt che à de bujën de unì secudida. La à nce la patent per avisé l auto. Tel. 338 1832963. (43/11) ••• N ël dla Basilicata cun esperienza chier da lëur per la sajon da d’inviern. Tel. 338/1621797. (44/11) •••

che nes à lascià ai 3 de nuvëmber 2011. Na studënta dla Val Badia chir n laûr por la fin dl’edema. Tel. 335/7879518. (44/11) ••• N pizzaiolo de Bulsan cun esperienza de diesc ani cun fëur a lënia chier da lëur te Gherdëina. Tel. 348/89135403. (44/11) ••• N’ëila dla Serbia de 36 ani chier da lëur a rumé su majons, te na lavandaria o te na cësadafuech. Tel. 346/0180282. (44/11) ••• Na muta da tlo chier per la sajon da d’inviern o nce per dut l ann da lëur a rumé su majons y nce a judé a paidelné te n hotel. Tel. 346/0896582. (44/11) ••• N ël chir da laûr sciöche cogo. Tel. 338/3821293. (Raffaele) (44/11) ••• N jonn de 19 agn chir n laûr tla Val Badia sciöche fà - döt o aiüt te salf. Al baia talian y ingleje. Tel. 366/2703569. (44/11) ••• N jëunn chier da lëur a fé de uni sort de lëures, a lavé ju, a lauré te n magasin o nce a cialé de na persona de tëmp. Tel. 380/9048994. (44/11) ••• N cuech da tlo cun esperienza chier da lëur per la sajon da d’inviern. Tel. 338/3821293. (44/11) ••• Na ëra dl post chir laûr tla Val Badia por trëi iadi al’edema domisdé. Tel. 389/1047223. (44/11) •••

Elsa Zardini Presidënta dla UGLD

Recordanza L Museum de Gherdëina tol cumià da

Anda Frida Piazza cumëmbra dl Museum cun si uem Luis da Cudan dal 1960, che se n ie jita bel achiet via tla età de 89 ani. Lecurdon nosta cara Frida cun gran stima y recunescënza per dut si lëur leterer y de nrescida dedicà cun cumpetënza, amor poetich y na pascion scunfineda al mantenimënt dla rujeneda ladina de Gherdëina. Che si spirt criatif tramandà tres si scric y memories posse vester funtana de ispirazion nce per la generazions dl daunì. Nosc cunduel sinzier ti va a si fians y fions cun families.

Recordanza

Da scinché via L vën scincà ca n giat drët da ulëi bon y oml. Tel. 339/8212398. (42/11) ••• Al vëgn scinché ia n let matrimonial

sciöche nü, 200 x 160 cm cun rëi y madroc. Tel. 0471/843323. (43/11) ••• Al vëgn scinché ia dui pêrs de morones

5^ Aniversar por montli dla mosöra 155/80/13, 165/70/13, 175/65/13, 185/60/13, 145/80/14, 165/65/14; o n pêr dla marca Küng model T2. Tel. 340/0506904.

Werner Canins da San Ćiascian *21.10.1976 +12.11.2006

Lecort Werner, To recort é intres vi te nösc cörs. I Te recordun tla santa mëssa en sabeda ai 12 de novëmber 2011 dales 7.25 tla dlijia da San Ćiascian.

Ai 11 de nuvëmber iel 5 ani ca che

Alex Moroder de Rusina nes à lascià. Se lecurdon for de ël cun amor y gra.

Tüa Familia

Chëi de familia

Recordanza 9. Aniversar dla mort de

Lecort La plu bela scincunda de na persona ie i sënies de amor che la à lascià te nosc cueres. 3. Anuel

Carlo Pallestrong +18.11. 2002

Lecurdon nosc Simon pra na santa mëssa n sada, ai 12 de nuvëmber dala 18.00 te dlieja de Sëlva. Dievelpaie a duc chëi che unirà.

Datrai cuntè de te, Datrai punsè a te, Datrai se recordè de tües matades, de tües mainires, de to ester. Chësc se dà tres indô ligrëza pro l’incherscimun. I recordun nosc tati y om Carlo Pallestrong ai 17 de novëmber dales 18.00, tla santa mëssa tla dlijia da La Ila.

Mami y Tati cun Ivan

Emma cun Damian, Nadja y Tanja

Simon Andergassen 11.11.2008

www.lauscdiladins.com

55


La Usc di Ladins  

edition 4411

Read more
Read more
Similar to
Popular now
Just for you