Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 44/2009 - 14 de november 2009

IP Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Fabriché

5

aaaaa

Mezdi, l proiet Ai 6 de nuvëmber iel stat a Bulsan na cunferënza stampa cherdeda ite dai fredesc Sanoner de Urtijëi per prejenté l proiet nuef per l Hotel Mezdì sun Mont de Sëuc. Prutestes dla “Pro Mont de Sëuc”.

Region

Le “Comun” complësc vint agn

Comentar de pruma

Dl 1989 gnôl fora le DPR (decret presidënt dla Republica) che scrio dant l’adoranza dl lingaz ladin tles aministraziuns publiches de Gherdëna y dla Val Badia

Ći dijarà pa i sciori?

5

La dumandes La Region Trentin-Südtirol dà da lecurdé che la dumandes de cuntribut per scumenciadives y proiec de scunanza y prumozion dla mendranzes linguistiches regioneles ie da dé ju nchin ai 30 de nuvëmber.

6

Aministraziun

Diretur Willi Palfrader

Les tofles ti trëi lingac aladô dl DPR dl 1988 a Urtijëi. Foto: Viac tla Ladinia/Istitut Ladin “Micurà de Rü”.

Intervista al diretur nü dla repartitiun por le frabiché abitatif da Balsan.

Sanità

13

Se tò la vita Ntervënt drët prijà per l aspet uman y profesciunel dl dutor Giuliano Piccoliori n ucajion di “Dis Talian-Tudësc de Psichiatria” a Persenon. La ncëria dl dutor de familia pra l pricul de suizid.

Iade

24

Musiga ti USA La Musiga de Südtirol, che à deplü musicontri y le dirighënt ladins, à fat n iade ti USA, olache ai à inće tignì deplü conzerć.

Porsones

27

Maester Pio Le maester Pio Baldissera à complì i 80 agn. Al à laurè tröp por la scora, y é inće stè atif tl ćiamp cultural, sozial y politich de süa valada.

Mobilità

29

La ferata te Fascia? La sociazion Transdolomites à prejentà a Poza l studie de fatibilità sul coleament tras ferata da Trent a Penìa passan per Fiem e Cembra.

de Giuvani Mischì Ladinité Scebëgn che le Statut d’Autonomia dl ann 1948 (lege costituzionala di 26 de forà 1948 nr. 5) obliëia l’amini-

straziun publica da adorè ti scrić y ti ać publics generalmënter azessibli sciöche p.ej. deliberaziuns, ordinanzes, documënć dl’anagrafa y i.i. sides le lingaz talian co inće chël todësch, êra te Badia y Gherdënda ćina dan 20-25 agn scialdi ma limitada a öna na verjiun sóra - talian o todësch. Na zircolara

dl Ofize por la suraverda di comuns dla Provinzia de Balsan di 30 de messè dl 1985 ti à spo te n pröm vare scrit dant ai comuns de mëte jö les deliberaziuns altamo tla pert deliberanta te dui lingac (por talian y por todësch). va inant a plata 4

Roma - Ai 5 de novëmber à les Comisciuns paritetiches di Dodesc y di Sis lité i presidënć nüs. Al se trata de Mario Malossini da Trënt por la Comisciun di Dodesc y de Andreas Stacul da

Nia da crëie ći che al é sozedü do che la RAS (Rundfunkanstalt Südtirol) à baratè le segnal di canai televisifs da analogich a digital! Ti comuns de Mareo, San Martin de Tor y La Val vëigon le secundo svizer (FS2), le BR (Bayrischer Rundfunk) y le KIKA (canal dl’infanzia), mo nia plü i canai Canale 5, Italia Uno, Rete Quattro. Porchël ciàfon bëgn deplü radi tla televijiun! La RAS à messü destodé düć i segnai analogics, àra dit, y sce Mareo - che se guernâ chisc agn i canai de Mediaset autonomamënter, ô i avëi, messass le Comun o la Provinzia tó sö contat cun le Minister por le telecomunicaziuns y l’Autorité dles Comunicaziuns. Nia da crëie desche al vëgn fat cun i zitadins, ćiodì messass pa Urtijëi, Corvara y Badia abinè cotan plü canai de televijiuns y radi te ćiasa, paia chisc na cuta ala RAI plü alta? Val’ é sigü: chi che ne paia - do gnì tratà de chësc vers desco zitadins de secunda categoria - NIA plü la cuta (il canone) RAI arà na süa buna rajun! Y i sciori che gnarà tosc te nosta valada ćiararà bëgn le canal KIKA al post di Mediaset, mo ilò messunse baratè fora por la maiù pert i sciori!

L’Alta Valmarecchia l’à fata!

Pilores da Roma de Katharina Tasser

de Iaco Rigo

Porsenú por la Comiscun di Sis. Śëgn pòres spo, do dui agn che ares é stades chîtes, finalmënter indô to sö le laûr.

Le “patentin” en discusciun Por pröma cossa messarà la Comiscun di Sis se dè jö cun le problem dla parificaziun di atestać

de conescënza dl talian y todësch arjunta altrò al post dl atestat de bilinguism che vëgn conzedü dala Comisciun por le bi- y trilinguism dla Provinzia. La Comisciun Europeica à metü da jì na prozedöra de infraziun dl tratat europeich sön chësta materia, deache ćina ćiamò à ma valüta i atestać dla Provinzia y nia inće i atri va inant a plata 3

Y l dessen de lege dl onorevole Karl Zeller (SVP) per l passaje di trei comuns de Souramont a la Region de TN/BZ y Südtirol aspeta. L parlament à dé pro (ciamena y senat) y la lege é gnuda sotescrita dal president dla Republica y publicheda tla Gaseta Ufiziala. Chesta L. 3 agost 2009, nr. 117 dij: Destach di comuns de Casteldelci, Maiolo, Novafeltria, Pennabilli, San Leo, Sant’Agata Feltria y Talamello da la region Marche y sia ajonta a la region Emilia-Romagna, tla cornisc dla provinzia de Rimini, aldò dl articul 132, secunda coma, dla Costituzion, en consciderazion de sia colocazion teritoriala particolara y di liams storics, economics y culturai particolars con i comuns confinanc dla medema provinzia. La provinzia de Pesaro y Urbino, y la Provinzia de Rimini, sciche ence les does regions (Marche y Emilia Romagna) va inant a plata 3


Letres y Atualité

nr. 44 / 14 de november 2009

Le Vatican y Medjugorje sciöche ai ô, crëie o nia crëie, mo ći che vëgn scrit aldiss da ester vëi. Porchël oressi fà val conscidraziun y portè dant na minunga ofi ziala dla Dlijia: por tradiziun savunse pö che la Dlijia ne ti dà nia süa aproaziun ales apariziuns ćina che ares n’é nia rovades. Sce al foss stè a Medjugorje valch cuntra Veneraziun de Santa Maria a Medjugorje. la dotrina catolica, arati che la Deache i sun stè a Medjugorje Dlijia ess bele dadî lascè aldì sua tl ann 2000 y i meti n pü’ averda a usc tlera. Les aparizuns va ći che sozed te chël post, me sinti dötaorela inant, dal 1981 incà. Che de scri val’ sura l’articul te La Usc la jënt oress na dezijun, do da dl 31.10.09, tut da Jesus cin oramai 30 agn, é da capì, mo la conscidraziuns de Lois Trebo. Al Dlijia, che ne basa nia so credo é vigni ann tröpa jënt de nostes sön apariziuns, aspeta y mët valades che va en pelegrinaje te averda. Da pert di nemisc dla Dlijia chël santuar, crëi a chisc fać y vëgn indere vëgnel gonot trat ca la zoruch cun tröpa ligrëza. Por posiziun contrara dl vësco de prudënza ess le titul dl articul Mostar Peric, por atachè almanco adorè le punt de domanda, Medjugorje te folieć y sön internet. deache insciö vëgnera fora sciöche Dan da n valgügn mëisc à le sce le Vatican foss cuntra les secretêr dl Stat Vatican card. apariziuns y chël n’é nia vëi! Al me Bertone tlarì la posiziun dl Vatican sa demorvëia che la redaziun sön chisc fac y à dit: “la minunga publichëia te notizies negatives dl vesco Peric é da aratè personala sön Medjugorje, tutes da n foliet, y nia n iudize ofizial o definitif dla che à bele plü iadi dè jö porsura i Dlijia. Al momënt vêl la detlaraziun fać che sozed te chël paîsc dla di vëschi dla ex Iugoslavia di 10 de Bosnia, inće sce al porta l’inom aurì dl 1991, che lascia la chestiun Jesus. Düć po sambëgn fà y ponsè daverta, aspetan d’atres verifiches

(ai ne s’à nia pronunzié decuntra). Tratan pòl gnì fat pelegrinaji te chël post de devoziun mariana, inće cun l’acompagnamënt de proi.” Chësta é la posiziun ofiziala dla Dlijia sön Medjugorje! Por ći che reverda le cajo de pater Vlasic, se tràtel de n fat da desplajëi y chilò él efetivamënter stè le Vatican che à tut provedimënć cuntra chësc pater. Magari propi por chësc fat à Santa Maria dit n iade che le malan ô ti tó pert de so plann. Mo do che al é gnü perié tröp, àra inće dit che le plann dl malan é jü alania. Tröp baia por l’autentizité dles apariziuns; sis vegënć che da 28 agn incà n’à mai reneghè i fać o fat detlaraziuns contraditores, dui miliuns de pelegrins y 35 mile proi al ann, da döt le monn, confesciuns, conversciuns y oraziun, por nia baié di mirachi. Inće siur Heinrich Videsott é stè plü iadi a Medjugorje y à inće confessè dailò. Che ël ti foss propi jü do a n fantasm? Rî da crëie. Porchël arati che da cristians podunse ester contënć de chësc fenomenn straordinar ch’i viun, te chisc tëmps olache ai ô ćinamai nes tó demez le Crist tles tlasses. Martin Clara, Lungiarü

Errata corrige sun l scrit dl inuem Pana Publicà pra la lëtres tla Usc dl 7 de nuvëmber L vedl Pana coche n ti à for dit ne n’à nia frabicà ora la streda de Gherdëina da Pruca ite, ël à dat ca

si pra debant per fé su la gran dlieja de San Durich a Urtijëi. La streda de Gherdëina, che pea via a Pruca,

ie unida fata da J.B. Purger de Urtijëi. Edith Moroder Prugger

La ngiustizies dla TV nueva!! „Diaul de n castl, purcela de televijion, cie à pa fat chisc musciac!!“ ne arà pa na cërta bela gran cumpëida y desëines de persones te nosc raions pensà plu o manco nsci chisc dis passei - te nosta Val de Gherdëina avisa n lunesc ai 9 - canche ora de nia fova l cheder dla TV dut tëurbl y asniblà y grisc, cun a deguna maniera plu mesun de udëi zeche de ch’i za. 7 o 8 canai che duc à for pudù udëi, zënza che l fossa stat vel’ problem de cualità y de splendëur sëuramenà! No Pa? „Nëus on for cialà y udù dut, cun nteres, cun devertimënt, suvënz cun na cërta identificazion y pascion, y l ne nes fossa nia tumà ite tl suenn de ulëi mo deplù, y mo plu lucënt y grandiëus n cont de cualità dl cheder y dl sonn! ...ma ce fundamënt, y sën vën ëi tlo a nes destudé dut, sce l ne vën nia fat „chi sà cie!“, y tlo iel sën debujën de sauté y se cruzië, y cialé sce l

possa bën prësc unì zachei a fé dut chël che ie debujën; n bel pëis dut chësc, y na mueia y na gran sciacadura, y dut per te abiné via scioldi y da paië ora de nosta fuies, che se fej te nosc tëmps bel zënza tan ert“, nsci arà dit y pensà chisc dis n bel grumacion de jënt n pension, de jënt mpue’ melciafieda, de jënt dla categuria soziela mesana y bassa, te nosc Lond dal bënsté sëuramenà, y da cër’ paiamënc y paghes che ie scandalëuses, coche duc sà! Y mbën, chësc nes ie unì ados da alauta ju, dala fasces plu autes y bën paiedes de na cërta economia y de na cërta politica, da chëi che se tol daniëura for - a dì de - fé dut per l miec y per l prufit di zitadins! Chësc ie unit a se l dé defin sëura i cëves dla jënt, l ne n’ie unì damandà deguni. Cërta cunvenienzes y cërta preputënzes, la tendënza al for deplù y for plu ala ngranda à schicià y defin nia respetà

2

www.lauscdiladins.com

“Sconanza dla mendranza ladina”, chësc é le tema che an podess ti dè a na secunda incuntada cun i esponënć dla SVP Ladina. Certes interpretaziuns de n valgügn esponënć dla SVP Ladina se desmëntia che i ladins é na mendranza bindebò de valüta, sides culturalmënter che economicamënter. Temesc importanć desco i media, cërtl lital y posć alć tl’aministraziun provinziala n’él nia stè tëmp da trà ca, ala maiù pert di ombolć ladins pêl che ara i plejes da jì a Balsan dal “Landeshauptmann” a petlè, canche ombolć dl rest de

Südtirol se para i ô avëi le dërt da aministré autonomamënter. Sigü él che i ladins à massa püćia lerch tla televijiun, che ai n’à degun cërtl lital cun dötes les conseguënzes y che ai à püćes o degönes posiziuns altes tl’aministraziun provinziala. La SVP Ladina adöm cun süa surastanta se stopa les orëdles dan chëstes tematiches, y chësc döt por oportunism personal y economich:”an mes ti fà le fant al partì!” Franz Fiung, Longega Ladins Dolomites

Stredes Do che ai 13 de lugio 2008 fòvel unì metù tl PUC na streda de cunliamënt cun l raion de espanscion nuef sëura l luech de “Nevin“, o ora l Snaider coche l vën dit dala majera pert, à śën la Chemun lascià fé n proiet mé per na pert de chësta per ruvé permez a chësc raion. L se trata de n proiet che unissa a custé bën 256.299 euro y nia 190.000 euro coche scrij la zaita Alto Adige ai 3 de nuvëmber. N grandiscimo custimënt per servì mé la doi prima cëses (Schmalzl y la cësa dl Pinter). Nëus dla Lista Ladins on for dit che la streda che muev su da Willy da La Plates muessa jì inant tres l bosch cumenel, sëura ruf da Juaut via, nchin sëura la cësa “Nevin“, ulache l ie unì fat n pitl raion de

espanscion cun 4 o 5 partimënc per jënt da tlo. La streda dëssa unì finanzieda dala Provinzia (l ne n’ie mo nia de scrit) y fata dala Forestela. Nëus ti cunsention dessegur a duc na streda da pudëi furné permez a cësa zënza de gran deficulteies, ma dal mumënt che zënza la cater stimes di Ladins ne fossa ai 13 de lugio 2008 chësta streda nia ruveda ite tl PUC, se sentions śën mo n iede tëuc per l nés dala Jonta che ne à nia respetà chël che fova unì fat ora, y perchël ne ons ai 30 de utober nia dit de sci al proiet che, coche bele dit, ie mé per doi cëses. Per la Lista Ladins Urtijëi Georg Moroder, Adi Demetz, Raimund Großrubatscher, Ulrica Goller

Tretuares la jënt scëmpla y omla, duc chëi a chëi che l ne ti vën nia milesc y stramilesc de euro te fuia uni mëns! No pa? Y sce l fossa ma stat n referendum sun chësta cossa artifiziela y sëurameneda y de capriz, pona ëssa chësta cossa giapà na plateda nianca da dì, che l ie bën mpo mo tan de jënt cristiana y da na cërta mudestia, che à plu gën de avëi si gheneda, permez a n splendëur y na lucentëza che ne fina plu! Y nosc bel y sapient Rudi Gamper dut lize y lucënt y sluminënt - exsëurastant dl Rai-Sender de Bulsan, defin strapaià y privilejà - pudëssa nce se sparanië de laudé su dut cun bela retorica de paroles, n cont de „Bild- y de Tonqualität“, ...l dassëssa ma ël unì cun si tacuin a ti paië a ch’i truepiscimi che ne ruva nia ala fin dl mëns. De gra. Oscar Prinoth de J. da Brida, Urtijëi

Bravi jëuni! Suvënz me vëniel damandà coche i jëuni ie al didancuei, coche i sculeies/és se cumporta. Mi minonga ie che ëi ie scialdi miëures che n miena, plu cuntënc cun si vester, desmustran nce valores che n rata che ie jic perdui. Ёi ie ënghe plu senzieres cun i autri che nëus ne fan, cun i cumpanies y la cumpanies. Chësta mi minonga ie unida

Serada publica “Ladins Dolomites” y assessur Florian Mussner a Calfosch

Tlo ëis n ejëmpl de tan bën che l vën rumà dala nëif nosc tretuares. L se trata dl tretuar dla streda Tavela, ulache l passa uni di almanco cënt sculeies y genitores. Dijëme coche chisc dëssa fé a jì

sun tretuar. La lëtra ie unida scrita y mandeda n mierculdi dala cinch domesdì, bën 48 ëura do che l ova nevët! Saluc dal cunselier Georg Moroder, Urtijëi

Registreda - LA USC DI LADINS - Plata dla Union Generela di Ladins dla Dolomites

renfurzeda, udan y audian coche 70 jëuni/es de Gherdëina à ciantà, sunà, rujenà, coche i ie stac boni de se urganisé, de se prejenté, dut per ladin, desmustran na gran preparazion n cont dla mujiga ma nce desmustran valores coche l valor dla religion, l valor dla cumpania y l valor positif per la vita de uni di. Ëi ie nce boni de se urganisé, de rumé su.

Bravi, cumplimënc! Helmut Senoner, Sëlva/Urtijëi Priesc d’abonament anual: per la Talia: 54,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, David Lardschneider, Pablo Palfrader, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Letres y Atualité

nr. 44 / 14 de november 2009

La cësa dl vedl luech de Pana a Urtijëi pudëssa avëi abù n pitl mulin, o na fujina che fova zënzauter daujin a ruf y chësta pudëssa vester stata l prim frabicat de nosta cësa. L luech de Pana sun plaza ie pona (povester ntëur l 1760-70) passà tla mans de Jan Demëine La cësa Puent de Pana, per tudësch “Panabrugg” Mahlknecht aldò di documënc, cun dovia la caserma di numinà “vedl Carabinieri Villa Margherita di Savoia. Ala fin di ani Pana”, nasciù tl trënta. (Foto Archif Albert Sodlieja). 1724 ja Falsena. L vedl Pana fova La lëtra de Edith Moroder n gran marcadënt y fova dal muet, Prugger, publicheda tla Usc dl 7 de bonamënter òvel tl 1779 ngrandì nuvëmber 2009, me dà l’ucajion per ch’la pitla frabica dlongia al puent stlarì o per cunté, do mi nrescida, de Pana. Chësta data vën coche l ti univa dit ala vedla cësa de documenteda te na ncision pra cësa mi oma dlongia l puent de Pana, y ie la prima documentazion segura. che ie śën unida frabicheda su da Tl “Tarneller” vëniel dat ala cësa l nuef. inuem “Panabrugg”, che desmostra La cësa “Pana” ne ie nia nosta che la pitla cësa pra ruf fajova pert cësa daujin a ruf, ma la cësa sun dl gran luech y de Pana. plaza de dlieja, ulache l sta Luis La cësa “Pana” sun plaza de dlieja Comploj Purger. L ie mo śën scrit ie jita venduda dal “vedl Pana” al sun cësa: Haus Pana. pere de Johann Baptist Purger, che Aldò dl “Tarneller” unìvel bele fova n śotler y la cësa “Panabrugg” numinà chësc luech – Pannicht Hof ie jita venduda a Demetz Vinzenz (Pana) – tl 1055. L dassova vester da Pertan, che ie unit da Sacun ju un di majeri luesc che tulova ite y à tëut pea l inuem “Pertan”. Mi duta la plaza (Panabichl) y mo dut oma ti à for dit a nosta cësa “ta l raion delà da ruf y l col de Mureda Pertan”. L inuem “Panabrugg” ne (Villa Prinoth y Giovanardi). ova ëila mei audì. L possa vester che nce l luech de Chësc Demetz Vinzenz ova Sneton tucova pra l luech de Pana. maridà na Purger y fova jit a sté via L “Tarneller” dij che pra l luech de n Fëur sun plaza. Demetz Vinzenz Sneton – Schmidl fòvel n pitl mulin à vendù la cësa pra ruf a Luis Kostner y dal mumënt che uni majer luech Moler, che ie unit dai badioc ca (l ova ënghe nzaul n mulin pra ruf, messova vester stat ntëur l ann vëniel jagà, che nce l luech de Pana 1880). Ël à pona ngrandì y fat ora

la cësa, la à depënta ju y à fat su mo la cësa dlongia (Villa Pezzei) cun na gran berstot da moler. Sambën che ntan l fascism fòvel pona unit scrit sun cësa “Ponte Pana”. Luis Kostner (Luis Moler) ne ova deguni drë che ulova pië do la cësa (l plu vedl mut fova dutor dai dënz a Persenon) y nscila iela jita venduda a mi nëine Franz Martiner. La storia plu nueva ie pona che la cësa ie unida arpeda da mi oma y da mi oma ai doi mutons. A fé drët ëssi śën messù lascé scrì su sun cësa “Panabrugg” o “Puent de Pana”, o coche mi oma dijova “ta Pertan”. Ti dé l inuem “Pana”, coche Edith Moroder Prugger se à damandà tla Usc, ne fossa segur de no stat drët, ajache la cësa “Pana” ie sun plaza de dlieja. A dì bel ora, l inuem “Panabrugg” ne me savova n inuem nët nia ladin (verdeutscht) y “Puent de Pana” ti dìjen al puent daujin a cësa. Ala fin ie unida l’idea de mëter l inuem ladin dl ruf “Cuecenes”, che passa dlongia ora. Ie son bën ënghe dl’idea che n muessa tenì su i vedli inuemes di mejes y dla cëses y la critica de anda Edith me à purtà sun l’idea che te n pitl scrit sun cësa cialeréi de lecurdé la storia y i vedli inuemes dla cësa. L ie mpue da muië che la cësa ie śën tumeda per gran pert a fulestieres, per gauja che mesa la vedla cësa y la cësa daujin fata su da Luis Moler ie unida venduda oradecà. Purempò me iel restà te cësa n bel cuatier y na butëiga, ulache Claudio dl Berna jirà ite y venderà pan y lat y mo truepa roba y purterà mpue de vita nce decà dala plaza. Siegfried Comploi, Urtijëi

L’Alta Valmarecchia l’à fata! va inant dala pruma plata

fistidieia de mete en pratica la lege statala. Ma cie dij pa l articul 132 dla Costituzion Taliana te sia seconda pert? “An po dé pro - con l’aproazion dla maioranza dles popolazions dla Provinzia y dles Provinzies interessedes y dl Comun o di Comuns interessés manifesteda tres referendum y con lege dla Republica, scutés su i Conseis regionai - che Provinzies y Comuns che damana

do, vegne destachés da na Region y enjuntés a n’autra.” Sun l medem articul de lege se baseia ence l dessen de lege (de iniziativa parlamentara) prejenté dal onorevole Karl Zeller tla Ciamena di Deputac a Roma per l destach di comuns de Cortina d’Ampez, Fodom y Col de Santa Luzia da la region Venet y sia ajonta a la region autonoma Trentin Südtirol. Prejenté l’à Zeller con dì 29 d’auril 2008. Al 9 d’otober 2008 é l ddl gnu “assegnato”, ma al n’é nia ciamò en “discuscion” tla Comiscion

per i afars costituzionai, olache al é ence laite anter i 45 comissionars Giancarlo Bressa (PD) y le medem Karl Zeller (SVP). Zeller dij che al n’é nia saurì de mete al ordin dl dì chest argoment, i referendars de Souramont ne fej nia prescion, aspetan de miours temps dantaldut tla region dl Venet. D’aisciuda él lites per l renovament dla Region y sce la Lega Nord piessa do la presidenza (atualmenter tles mans de Galan - PdL), spo podéssel ester gnu davei l “kairòs” (l miour moment - sciche i grecs i dijova). (iaco rigo)

Pilores da Roma programs de valorizaziun dl teritore. En relaziun a chësc problem à le parlamentar Fistarol presentè n’interogaziun al Minister Fitto che ne n’à nia ćiamò respognü. Ćiamò de lugio de chësc ann él gnü ascutè sö al Senat le Sotsecreter dl Stato al’economia, le senatur Molgora, sön la cuestiun di comuns de confin. Sciöche i savun é le problem di comuns de confin gnü portè dant dai trëi comuns de Suramunt. Le Govern s’à armert por le pröm iade tl Cherta dla Alat Valmarecchia: i set comuns à 2006. Y a chisc ê destinà baraté regiun! i mesi dl fonds. Le fonds va inant dala pruma plata é spo plü tert indere gnü deslarié fora a d’atri söporjö 470 comuns de sciöche al se vëgn damanè dala confin. A chësc punt él tler che i Comisciun europea por evitè mesi ne po nia gnì massa despartis descriminaziuns. La materia é bele sö, deache scenò él rî da portè inant gnüda tratada dala Comisciun di Sis intervënć de na certa valënza. tratan le vedl Govern talian y ê Porchël messarai dessigü gnì arjignada por l’aprovaziun tl Consëi conzentrà por valgügn proieć de di Ministri, mo döt é gnü archité, viabilité o servisc ala popolaziun, deache plü dessigü orarà le Govern sciöche sanité, scora, formaziun, talian nü deslarié fora l’archët di trasport, racoiüda de refodam, atestać de conescënza dl talian y informatisaziun, promoziun dl todësch parificà a chi che vëgn turism, artejanat, comerz, tignin conzedüs dala Provizia. Te chësc cunt de fasces sciöche al é gnü fat contest gnaral a chësc punt plü por la reduziun dl prisc dl benzinn dessigü inće baié de parifiché la por i comuns de confin cun l’Austria matura al atestat B conzedü dla te Südtirol, cun la Slovenia tl Friul Provinzia. Na poscibilté che ne vëgn y cun la Svizra tla Lombardia. Döt nia odüda de bun edl da pert dl partì chësc sistem dess spo tomé cun le de maioranza te Provinzia, deache, federalism fiscal. sciöche düć savun, nia te vigni scora alta ne vëgnel insignè y adorà i lingać L’Alta Valmarecchia é a chësc livel. Chësta soluziun passada dales Marche podesson ćiamò lascè avarëi por i al’Emilia Romagna maturanć dles scores altes ladines, mo dessigü nia por düć. Y spo, sce Le 29 de otober 2009 él stè da lì le livel dles scores foss tan bun, ne sön le edemanal L’Espresso n articul n’ess degügn val’ da temëi da fà l’ejam dër interessant sön i set comuns dla de bi- y trilinguism. Suradöt do la Regiun Marche (Alta Valmarecchia) reforma che l’à dër scemplifiché. Ala che é passà ala Regiun Emilia fin de novembër, canche la Romagna dal titut “Sette comuni in Comisciun röia indô adöm, odaran cerca d’autore”. Te chësc articul vëgnel cuntè dles dificoltês che chisc ći soluziun che ara tolarà. comuns incunta tla vita I scioldi por i comuns al d’aministraziun da vignì dé. Ala uniun di stodafüch de Novafeltria confin dles Regiuns ti à le comane provinzial di stodafüch speziales tut n veicul nü por romené demez I sun bele ala fin dl ann y i comuns la nëi, y sce ai ne s’ess nia parè, spo che confinëia cun les Regiuns a statut ti an esi tut inće ćiamò n ater. Döt spezial y les Provinzies autonomes ći che va vëgn tut - insciö dij i zitadins de Trënt y Balsan, danter chisc inće de chisc comuns. Le problem plü chi de Suramunt, aspeta ćiamò gran che ai à, é indere che da canche dötaurela da podëi conësce i criters la lege de destach é en forza, dal 15 de repartiziun dl fonds preodü por d’agost, ne va plü inant nia. Dötes ëi de 22 miliuns de Euro por le 2009 les domandes por fabriché, che mëss y 2010 y de 27 miliuns de Euro por te chësc cajo avëi l’aproaziun da pert le 2011. Pornanche i criters sarà gnüs dla Provinzia de Pesaro é chites y ne fissà, ciafarà chisc comuns i mesi gnarà nia plü tratades. Chël ô dì che finanziars preodüs dal fonds l’economia di fabricać é a tera. Y cun diretamënter dal Govern zënza passè chësta inće döt le rest. La sora tres la Regiun o la Provinzia. Chisc aministraziun che funzionëia, mesi mëss sambëgn jì a finanziè sciöche al pê, é chëra dles cutes.

www.lauscdiladins.com

3


Atualité

nr. 44 / 14 de november 2009

Le “Comun” complësc vint agn Dl 1989 gnôl fora le DPR (decret presidënt dla Republica) che scrio dant l’adoranza dl lingaz ladin tles aministraziuns publiches de Gherdëna y dla Val Badia

Le papier ofizial dl Comun da San Martin de Tor che respetëia deplëgn le DPR dl 1988. va inant dala pruma plata

Na secunda zircolara dl medem ofize di 20 de jügn 1988 ti à spo metü dant ai comuns da scrì düć i documënć de carater ofizial por intier te dui lingac. Scebëgn che al ne gnô ćiamò baié nia dl ladin, à les amninistraziuns impò tut incuntra chësta impartiziun zënza de gran obieziuns. L’impresciun che le ladin â chilò ma n’importanza secondara se renforzâ intres deplü. Te chësta situaziun él pié ia dala Union Generela di Ladins dla Dolomites na protesta de malcontënt che se ghirâ por i ladins n tratamënt valì ai atri dui grups etnics. Por les normes de sconanza dles mendranzes contignüdes tl Statut y ti ordinamënć dla Provinzia de Balsan ne n’â le problem nia podü gnì ignorè daldöt y la discusciun é spo gnüda trata sö publicamënter. Le dërt al’adoranza ofiziala dl lingaz dla uma tl’aministraziun publica à spo inùltima - por merit di sforc y dl interessamënt dl’Union Generela - ciafè tres le decret dl Presidënt dla Republica nr. 574 di 15 de messè dl ann 1988 na süa realisaziun. Tl pröm tirâl na gran tëma: cun le reconoscimënt dl ladin sciöche lingaz ofizial ess ti comuns ladins i atri dui lingac - le todësch y le talian - podü gnì dassënn a trà ala cörta – proponü chësta soluziun: le todësch y le talian vëgn tignis inant sciöche lingac ofiziai, y por ci che reverda le ladin él gnü injuntè pormez tl art. 32, coma 2 y 3 chësta desposiziun: “Les aministraziuns publiches tles localitês ladines y chi ofizi provinziai che se dà jö estlusivamënter o dantadöt de chestiuns ladines, é oblià da respogne ti raporć a usc por ladin, ti raporć scrić por talian y por todësch cun injuntè pormez n test ladin”. Laprò a chësc dërt gnôl preodü che vigni zitadin po baié cun l’aministraziun publica de süa valada ladina ladin, inće tl scrì chertes y domandes. Ai 9 de novëmber dl 1989 jô le decret en forza: al dê ca n pice tramoroz tles aministraziuns - ares gnô sura nöt obliades da adorè ti raporć scrić dlungia le talian y le todësch inće le ladin. Articul fora de “La Usc di Ladins” di 19 de jügn 1990 sön i pröms cursc da scrì ladin por i implià di comuns dla Val Badia. I implià dles istituziuns publiches tles döes valades de Gherdëna y Badia ciafa deplü paiamënt por adoré le ladin ti raporć cun la popolaziun.

4

www.lauscdiladins.com

Vare storich Inće te chësta domena importanta dla vita da vignidé él gnü ancorè l’adoranza dl lingaz

ladin. Defata él madorì apariziuns de conseguënza: da öna na pert àl messü gnì tut sö ti ofizi publics forzes de laûr implü che ess salpü da adorè le ladin inće tla forma scrita, y dal’atra àl messü gnì metü a desposiziun te cört tëmp stromënć por l’aplicaziun pratica - dantadöt glossars cun terminns aministratifs, gnì organisé cursc de arjignamënt y i.i. Pro chësta arjunta storica savônse daimpröma incà che an ne n’ess nia podü s’aspetè o ghiré dal ladin n adatamënt a chësc status te n tëmp cört, al inzescü, süa posiziun a livel de lingaz de scritöra stada ćina sëgn scialdi debla - fà n vare indô l’ater zënza sforzè massa. Mo bele defata àn podü constatè: le ladin à ma debojëgn de n pü’ de tëmp y de na cer flessibilité lingusitica y al s’adatëia por chëstes esigënzes nia manco bun co i atri dui lingac de nosta provinzia. Al sarà bëgn vëi che le ladin desponn por gaujia de so pice raiun linguistich ma de n radius de comunicaziun dër limité - chësc influenzëia les poscibilitês de chersciüda dla consistënza ma indiretamënter y ćina a n cer punt; le lingaz ladin à demostrè te chisc ultimi agn dër bun ch’ al é por sües carateristiches lessicales y de strotöra al’altëza da sosdesfà les esigënzes de nüsc tëmps. Le ladin à dantadöt demostrè che dlungia n ampliamënt cuantitatif y n mioramënt de cualité, se làscel inće arjunje na maiù desfarenziaziun denominativa ti singui ćiamps spezifics. Y deache les formaziuns nöies avëgn dantadöt söla basa de material linguistich bele danman - y nia ma insciö tutes fora dl’aria, sciöche al vëgn sovënz trat dant, - él porchël plenamëmter iustifiché da baié de n svilup organich y natural. Che parores ladines nöies ne n’é nia produć dla fantasia demostra inće le fat che iadô vignöna s’ascógnel tres na parora bele esistënta. Sce la trasposiziun de términns nüs sciöche p. ej. espropriaziun, scoraziun, avalianza de valüta, plann regoladù, atestat de cualificaziun, acordanza aministrativa, obliaziun bancara, produt nazional brutto, trafognanza dl terac ti dà al “ladin standart” chilò y dailò na penelada o l’atra de terminologhisaziun y n aspet n pü plü tecnich-scientifich é chësc tla natöra dla côssa y ne pò porchël nia bel atira gnì definì sciöche “artifizial” o “che destürba”.

Chi che se dà jö cun l’elaboraziun/ ampliamënt anfat de ći lingaz, ne ti sciamparà mai a studié plü a funz sües carateristiches y poscibilitês intralinguistiches. Chësc vêl inće por le ladin: al foss chilò dassënn falè da miné che le ladin ais na strotöra strënfa y che al vëgnes porchël tres n ampliamënt y na standardisaziun inforestì y por ći che reverda süa sostanza trassomié. Chëstes obieziuns basëia completamënter sön preiudizi o sön na odüda cörta y incualificada, che vëgn ion y generalmënter dada en cunt de varietês “plü basses”. Le fat che le ladin aministratif mostra sö a livel lessical y fraseologich (en confrunt al ladin baié) cer desfarënzies é na côssa che se lascia inće mostrè do dër bun pro vigni ater lingaz modern. An paredlëia p. ej. ma n test aministratif talian o todësch y an incuntarà inće chilò tres indô espresciuns ch’ é tl pröm momënt ri (o inće daldöt nia) da capì, sce an ne n’à nia tla materia noziuns plü spezifiches. Le debojëgn intres maiù do parores nöies ne se damana nia ma tl ladin, mo inće te lingac cotan plü compać y da na tradiziun trö’ plü lungia sciöche le franzeje, le talian o le todësch, na certa dobliosité tla strotöra y tl corpus. N prinzip da odëi ite saorì: le lingaz ladin à ma tan inant na poscibilité de suravivënza, sce al ti vëgn dè la poscibilité da s’etablè a vigni livel y da gnì adorè te vigni setur dla vita publica. Al é porchël tler che an ne sciafia al dédaincö tl’esecuziun de tesć aministratifs nia da se limité al lessich tradizional da paur o di artejans. Co ćiarass mo fòra tesć aministratifs todësc o talians, sce ai messass gnì taià prò söla basa de n vocabolar dialetal? Al foss n sintom de n gran regrès linguistich y de n sterch indeblamënt etnich, sce nos ne n’ésson nia le coraje y la forza da denominé cun nüsc mesi döt ći che le svilup modern porta adalerch. Por che na certa terminologia pois nasce y spo inće se svilupé inant te na forma le plü unitara poscibla, vara debojëgn de n conzept bun studié che ciàfes spo tl contest de n program de planificaziun linguistica n’aplicaziun rigorosa y consecuënta. Por ći che reverda le ladin é na planificaziun de lingaz gnüda inviada ia por le pröm iade dala


Atualité

nr. 44 / 14 de november 2009

Union Generela di Ladins dla Dolomites y söl livel te formes concretes tres l’Istitut Ladin “Micurà de Rü”. Daimpröma incà àn dagnora porvè da se tignì tla creaziun de terminologia nöia (altamo por les döes valades Badia y Gherdëna) a na forma le plü unitara poscibla. Scebëgn che l’Istitut Ladin “Micurà de Rü” à dal ann de süa fondaziun incà (1976) dè n gran contribut ala valorisaziun y al renforzamënt dla cosciënza linguistica, sciöche inće ala coordinaziun dl’elaboraziun dl lingaz (sides a livel de valada sciöche inće a chël interladin), ê stada la pröma reaziun al reconoscimënt dl ladin a lingaz

ofizial da pert dles istituziuns plütosc na pisimosa y ćiariada de resserves. Por ti dè ai implià y colaboradus publics de trames valades Badia y Gherdëna n pice aiüt da pié ia, él gnü organisé püch dan la jüda en forza dla desposiziun nöia da pert dl Istitut Ladin cursc d’introduziun che pudô gnì frecuentà dai implià interessà tratan les ores de laûr. Deache al manćiâ dantadöt tla fasa de scomenciamënt ćiamò gran pert di mesi linguistics, tolô tröc implià la chestiun plütosc sön la sciabla lisiera y porvâ da se druché da chësta oblianza, scrion inant i ać revardënć ma te dui lingac. La motivaziun dezisiva al’adoranza dl ladin tl’aministraziun

publica é spo gnüda da na ajunta de paiamënt preodüda aposta: ai comuns dla Provinzia de Balsan ti vëgnel dè en conseguënza de chësc regolamënt n aiüt finanziar por la curida di cosć implü. Da chësc contribut ciafa i implià n’indenité de funziun por la conescënza y l’adoranza dl ladin scrit che vëgn paiada fòra aladô dl livel profescional. Chësta desposiziun al’adoranza ofiziala dl ladin tl’aministraziun publica comporta por i ladins na gran valorisaziun, ti garantin insciö inće al terzo y mënder grup (mo le plü vedl) dla Provinzia le dërt al’aplicaziun de so lingaz dla uma. Mo por che le ladin pois se etablè y se svilupé inant incé te chësc

Al vegn chirì la “parola” y la “parolata” dl ann 2009. Cie che à fat rejoné i Ladins y la jent dl Südtirol tl ann 2009

Cie paroles à pa gaujé plu discuscions y fat rejoné la popolazion tl ann 2009 tla Ladinia y tla provinzia da Bulsan ? Y cie paroles ne é pa nia tant garatedes, “parolates”, che ne passeneia nia,

che prova da abelì, da ascone la realté o che ne porta nia respet a les persones? L’Université Ledia de Bulsan, l Istitut per Comunicazion Spezialistica y Plurilinguism dla EURAC, l post linguistich dl Istitut cultural de Südtirol, con laprò da chest ann ence la Biblioteca provinziala Dr. Friedrich Teßmann, ves envieia duc a se fé pensiers soura l lingaz te nost raion. Al sarà spo n grup de spezialisć che chirirà fora de jené 2010 anter dutes les propostes, les “paroles” y “parolates” dl ann plu interessantes.

Les propostes pó vegnì manedes ite te duc trei i lingac fina ai 31 de dezember 2009 a la miscion sprache@kulturinstitut.org Südtiroler Kulturinstitut Schlernstraße 1 39100 Bulsan/Bolzano/Bozen Les propostes pó ence vegnì dedes ju ti ponc de recoiuda organisés : la biblioteca Provinziala Dr. Friedrich Teßmann, Bulsan; la biblioteca universitara a Bulsan y Persenon; EURAC a Bulsan.

Region - La Region TrentinSüdtirol dà da lecurdé che la dumandes de cuntribut per scumenciadives y proiec de scunanza y prumozion dla mendranzes ling uistiches regioneles ie da dé ju nchin ai 30 de nuvëmber. La dumandes per l ann de atività 2010 da pert dla mendanzes ladina, mochena y zimbra ie da dé ju mo śën de nuvëmber. La dumandes possa unì fates da Chemuns, da d’autri ënc publics y assoziazions cun sënta ti raions storics dla mendranzes regioneles, ënc, istituc y organisms reprejentatifs dla mendranzes de rujeneda o che à si atività dantaldut per la mendranzes, zënza finalità

de davani. Per la dumandes mandedes tres posta vel la stampa dla Posta. La dumandes de cuntribut dates ju a man muessa unì ite nchin la 16.00 tla Region a Trënt, tla sënta zentrela tla streda Gazzoletti 2, o tla sënta de Bulsan sun Plaza Università 3. Tlo pòssen nce jì a se tò i moduli da fé dumanda, o i desćiarië dala plata internet http://www.regione.taa. it/Minoranze/iniziative.aspx L vën sustenì ativiteies de rujeneda, cultura, comunicazion, furmazion auta, manifestazions y ntraunides, relazions y raporc interregiunei y europeics. Dlongia l’atività pòssen nce fé dumanda per nvestimënc. (dl)

Mezdì, l proiet nuef N vënerdi ai 6 de nuvëmber iel stat a Bulsan na cunferënza stampa cherdeda ite dai fredesc Sanoner de Urtijëi per prejenté l proiet nuef per l Hotel Mezdì sun Mont de Sëuc. Prutestes dla “Pro Mont de Sëuc”

Dizioneres y nfurmatica N sistem nfurmatich nuef per lauré ora dizioneres Rujeneda - La Fundazion Cassa dl Sparani sustën bele da ani incà i proiec lessicografics dl Istitut Ladin Micurà de Rü. Danter i ultimi proiec lessicografics dl L sistem nfurmatich per i dizioneres. Istitut Ladin iel n sistem nuef per lauré ora dizioneres, à daniëura sustenì i proiec di che se stiza sun la tecnica de dizioneres dl Istitut Ladin y che internet. A chësta maniera iesen cun si cuntribuc finanziei à purtà boni tres n browser de lauré sun l pro che n à pudù ti jì do ai bujëns dizioner da uni luech dl mond, de dla jënt y de ti pité n mesun per crì purté dant y cialé de ti vester a do paroles te si rujeneda dl’oma. cuestions tecniches danter la grupa La mpurtanza de lauré ora de lëur o danter esperc, mustré l dizioneres ladins vëijen nce dala proiet a nteressei te si verscion dumanda da pert dla jënt che adroa atuela, per ejëmpl ntan seminares scialdi i dizioneres “tudësch-ladin o cunvënies. La strutura dla banca de gherdëina” y “todësch-ladin (Val dac, l tratamënt di dac y l sistem Badia)” publichei tla edizion linguistich-nfurmatich atuel ie l stampeda y tla forma nfurmatica frut de passa diesc ani de esperienza sibe sun internet (www.micura.it) de lëur lessicografich dl Istitut che sun cd-rom. I cunlauradëures Ladin y l pudova mé garaté de gra dl Istitut Ladin ie tl lëur de lauré al lëur di cunlauradëures dl Istitut, ora l “dizioner talian-ladin de de esperc de linguistica da dedora Gherdëina / ladin de Gherdëinay firmes spezialisedes tl ciamp dla talian” y la verscion nueva dl nfurmatica. N lëur mpurtant nia “vocabolar todësch-ladin (Val mé per de pitla rujenedes, ma - Badia)”. Na sauridanza de chësc permez ala rujenedes plu adurvedes sistem nfurmatich ie de pudëi fé tl - iel per chëstes n majer mpëni medem var de lëur l dizioner pudëi mustré su n dizioner te si “talian-ladin / ladin-talian”: la rujeneda. Tlo muessen ti sentì gra parola taliana cun si tradujënt ladin ala Fundazion Cassa dl Sparani che vën bele tl mumënt de la scrì tla

comportass na contaminaziun cun faziun negativa dla “sostanza originala” gaujian insciö n inforestimënt dl lingaz. Mo chëstes tëmes s’à defata desfantè... y sce inće nia döta la terminologia nöia n’é ćina al dédaincö jüda ite tl lingaz aministratif ladin sciöche an s’ess aspetè, pon impò vaghè da dì cun le consëns dla maioranza ladina che al n’é stè degun fal, sfruté la buna ocajiun por avalié fòra chësc defizit dl ladin en confrunt al talian y todësch. Al é incö dantadöt tles mans di implià y colaboradus de nostes aministraziuns ladines, da ti garantì dlungia le todësch y le talian inće al ladin la posiziun che al se mirita.

Region: dumandes de nuvëmber

Parola y parolata dl ann 2009 Lengaz - Per l cuint iade vegn i ladins y la jent dl Südtirol damaneda da fé propostes te un di trei lingac dla provinzia per la “parola” y la “parolata” dl ann. Cie paroles dl ann 2009 végnel mo do n RENOVAMENT (Erneuerung) tant debatù, l AROSCH (rana) plu conesciù dla storia y l PAPA tant stimé?

setur sciöche al toca, vara d’öga de na buna preparaziun dl personal. Incö, 20 agn do l’entrada en forza de chësta desposiziun por i ladins, pon zënz’ater dì che i sforc fać por adatè le ladin a chësta esigënza d’interès publich, s’à paié fòra, y chësc sot a dui aspeć: da öna na pert àl podü gnì amplié de nia püch le corpus lessical dl ladin y dal’atra él stè meso de trà ite tla discusciun en cunt de conservaziun y svilup dl lingaz la popolaziun ladina intiera. Sce al gnô tl pröm aratè da valgügn, che l’adatamënt dl ladin a lingaz ofizial foss na cossa tan co imposcibla, spo deache ai ê dla minunga che na planificaziun y n ampliamënt te chësc vers

banca dac cunceda ite tla strutura dl dizioner spidlà. Ala fin fajerà l dizioner nuef pert de n sistem linguistich-nfurmatich tlamà: ladinternet, ulache l dizioner ie lià cun d’autri modui, coche l sistem de cumedura ladin (www. ladinternet.it) y n modul per fé duta la formes di agetifs, sustantifs y verbs n automatich, ma nce cun d’autri dizioneres. La plataforma nfurmatica sun chëla che ladinternet se stiza ie l proiet smallcodes. L sistem de modui per l tratamënt nfurmatich dla linguistica smallcodes ie n model de strutura unificheda per traté i dac lessicografics digitalisei. L ie unì pensà y svilupà dantaldut per la rujenedes manco adurvedes dl’ Europa, ma chësc sistem pudëssa nce unì slargià ora a d’autra de gran rujenedes. per l Istitut Ladin Micurà de Rü Jürgen Runggaldier

Mont de Sëuc - L hotel da dant fova stat plu de 40 ani alalongia un di hotiei plu renumei dl Südtirol, ulache truepa persones cunesciudes ova tëut la ucajion de passé la feries. L plu cunesciù ie dessegur stat Konrad Adenauer, che ova nce abù de gran paroles de stima per chësta bela mont. Ntant ie l hotel unì dsarà y tëut tla man dai fredesc Andreas y Klaus Sanoner da Mauriz de Urtijëi. Stajan ala paroles audides tla cunferënza stampa iel la minonga de scumencé tl 2012 cun n proiet defin nuef y inuvatif. Ma mpo cialan dassënn de stravardé l ambient y la natura, coche à dit Sanoner. Na strutura cun plu ciajotes L ne sarà nia plu na gran strutura monolitica, ma la strutura dëssa unì spartida su te plu de mëndra ciajotes. L unirà fat, sciche l ti vën dit, “Hüttensweeten”, che vën fabrichedes te trëi blocs da cater uties che taca adum. Nscila vëniel ora na costruzion cun la cësa prinzipela che ie na majera cësa y leprò mo trëi de mëndri fabricac. La cubatura dl hotel Mezdì, coche n l vëija śën, dëssa unì spartida su nscila te cater pertes. Dut adum vën fabricà a na moda che l passenea sun na mont zënza n gran mpat ambientel, coche à dit i fredesc Sanoner. L proiet ie per ntant unì

spënt da pert dl Chemun de Ciastel che aspieta mo vel’ da papieresc, ma i fredesc Sanoner ie dla minonga positiva che dut vede a bon fin per ëi. Nce pervia che bele dan trëi ani ova l Chemun dat na minonga positiva, se tenian a chëla che la fabriches ne daussa nia unì fates sun la trassa dl purtoi dai schi y nsci ie chësc nce unì mudà y la nfrastrutura unirà fata plu a ovest de ulache la ie śën. “Pro Mont de Sëuc” de contra La scumenciadiva “Pro Mont de Sëuc “ che fova ënghe prejënta cun vel’ raprejentant ntan chësta cunferënza stampa, à purtà la minonga dl pricul che l unissa velch scialdi de grant che revina la natura sibe per la pert estetica che nce per l gran muvimënt de auti che pudëssa vester sce n ruva permez nchin pra hotel. Da pert di fredesc Sanoner iel unì auzà ora la idea che n cialerà de fé dldut per ti jì ancontra a n cunzet de stravardé la Mont de Sëuc. N muessa nce lecurdé che l ne vën nia fat n hotel te n luech ulache l ne fova mei nia, ma ulache l n fova bele un, à dit i fredesc Sanoner. Sambën che sce n cëla coche l vën fabricà tl raion Compac iel da se spierder. Ma vel’ da de tel ne dëssel, for aldò de Sanoner, nia suzeder tl raion Mezdì. (am) www.lauscdiladins.com

5


Atualité

nr. 44 / 14 de november 2009

La pröma ćiasa danter rajuns y sovenziuns Da mez ann incà é le marou Willi Palfrader diretur dla Repartiziun provinziala dl frabiché abitatif, enejim scalin de na cariera metüda man al’Intendënza Ladina. Intervista marćé real. I criters vëgn pa bëgn fać desche al alda, por che i assegnatars röies spo inće pro söa pröma ćiasa.”

Comuns. Sce le Comun ne scri nia fora i raiuns, ne podunse nos fà nia. La competënza de chësc vers é dl Comun.”

Ne metess la Provinzia nia sot presciun le marćé imobiliar y la speculaziun söl frabiché sce ara sciazass plü basc prisc di grunć da frabiché y le valur dles abitaziuns? “Sce i tignun le sciazamënt massa bas, spo röia la causa dan signoria y spo sozedel mefo che la signoria - Curt d’Apel - comöda nosc prisc y l’alza ala situaziun reala.”

Os ne savëis nia de chësc problem de Urtijëi? “Nou, nos ne savun nia. Al sarà le problem, mo nos ne savun nia.”

Tan inant po pa la Provinzia menè do la previjiun de raiuns d’espanjiun ti Planns regoladus di comuns? “I raiuns d’espanjiun va dldöt do ales domandes di interessà presentades te vigni comun.”

Diretur Willi Palfrader: “La Provinzia podess indoman scrì fora la costruziun intiera de ćiases soziales y la dita che fajess la miù oferta se cruziass spo de döt, dala pratica iniziala ćina ala surandada dles tles.”

Balsan - Le diretur de repartiziun nü (dal 1. de mà incà) nes aspeta cun plajëi. Al é vëndres domisdé y nia düć i ofizi tl Palaz provinzial 12 tla str. KanonikusMichael-Gamper (ćiantun str. Schlachthof - Macello) n’é bele stlüć por la findlèdema. I podun nes sentè jö, y le diretur nes dedichëia döt le tëmp. Willi Palfrader, de Iochele desche an dij te Mareo, é nasciü dl 1959. Al s’à laureé dl 1990 a B olog na tl a f acolté de Iurisprudënza. Da ilò incà àl n raport de laur cun la Provinzia de Südtirol, impröma ćina al 1992 al’Intendënza Ladina, dal 1992 al 1999 tl Ofize apalć tl Palaz I y dal 1. de mà dl 1999 por diesc agn spo desco diretur dl Ofize por les espropriaziuns. Avisa söl dé di diesc agn é le dr. Willi Palfrader passè spo de n scalin plü alalt, a diretur dla Repartiziun 25 “Frabiché abitatif ”, cun laprò le sostëgn al frabiché (alisiré). Chisc posć dirigenziai y de na bela cariera personala ne vëgn nia dà ia aladô dla consistënza di grups de lingaz. Al momënt é dui de chisc posć tuć ite da ladins: chël dl IPL - Istitut Pedagogich Ladin (che mëss i ester resservé a ladins) y chësc dl Frabiché abitatif. La Usc: I tëmps se müda, i scioldi che la jënt à vëgn intres manco. Él vëi che al é intres plü jënt che oress dè jö terac por frabiché, chël sozial dl IPES y

6

www.lauscdiladins.com

chël di raiuns d’espanjiun? Willi Palfrader: “Al é intres deplü proprietars che oress dè jö terac.” Ćiodì pa? “Ćiodì che i prisc dl terac é alć y i scioldi öga.” Olà te Südtirol él pa i prisc plü alć? “Le plü ćer é le terac a Balsan. Mo inće i comuns ladins de Gherdëna y Badia ne bazila nia da i jì do.” Cô fajëise pa os fora le prisc de valüta di imobils y da conzede contribuć? “Al vëgn tut ca le valur dl marćé real, nia i valurs catastai. La Provinzia fej vigni ann stüdi söl valur di imobils y fej fora spo fora le prisc.” Tan de interes messass pa avëi la Provinzia da valuté valgamia bas le terac te n comun o te n paisc? “La Provinzia à döt l’interes da fà le prisc real.” Mo la Provinzia mëss inće dè ca deplü, plü alt che i prisc dl marćé vëgn aratà? “Chël é vëi. Inće bele por realisé les infrastrutöres p.ej. de n raiun d’espanjiun. Mo la Provinzia mëss inće ćiarè da le sciazé indertöra, deache ara va de contribuć y vigni porsona à la rajun da ciafè dala Provinzia n contribut aladô dl

Ći fej la Provinzia ti caji che les domandes é, mo i grunć n’é nia? “Chël é spo le gran problem! Ti caji di grunć por le frabiché alisiré él le Comun che mëss ciafè na soluziun. Ti caji da fà sö ćiases y abitaziuns IPES - cuatiers dl Istitut provinzial sozial da tó en afit - é la Provinzia tardia de 700 abitaziuns.” Cô s’apassenëia pa la Provinzia ai tëmps nüs? “La Provinzia ćiara da i jì do ai tëmps y avisa tla lege Omnibus - na lege che trata de vigni sort de argomënć y seturs - unse en program da mëte ite val’ dldöt de nü: la poscibilité che la Provinzia po scrì fora la costruziun de abitaziuns soziales, y le miù oferënt podarà spo les proieté, cumprè i grunć y fà sö les abitaziuns.” Te vigni comun? “Ara funzionass insciö che sce te n cer’ comun vàl debujëgn de abitaziuns soziales, spo po la Provinzia scrì fora na gara por la realisaziun de chisc cuatiers. Chë dita o agenzia che davagna la gara à da se cruzié de döt, dales pratiches urbanistiches cun le sciacaramënt di grunć ala surandada dles tles.” Ći debujëgn de abitaziuns soziales él pa ti comuns de Gherdëna y Badia? “A nos nes resultëiel che le Comun de Mareo adora döes abitaziuns, le Comun d’Urtijëi diesc. I atri Comuns n’à nia domandes nöies de chësc vers. Sambëgn él da dì che te tröc posć frabichëia düć plü ion instësc, inće tla poscibilité da fà sö abitaziuns alisirades.” La desfarënzia danter Mareo y Urtijëi podess ester che a Al Plan él plü co assà grunt por le frabiché alisiré, mo a Urtijëi nen n’él plü feter degun? “Nos podun ma baié cun i

“Ćiamò dessigü nia. Le problem podess gnì sce al nen vëgn intres deplü y oress ciafè na abitaziun soziala. Ćina che al é scioldi vara pa bëgn da daidé düć, mo canche i scioldi mëss gnì partis, spo mësson odëi chê che an lascia trà dant y chê che dess aspetè.”

La Provinzia n‘à nia messü dì de nou ćina śëgn a domandes do contribuć por frabiché? “Nou, ćina śëgn nou.”

I maius problems à la Provinzia naota śëgn cun la jënt dal post che sbordona dant ala Provinzia y ne se para nia i cosć, él pa vëi chësc? “Al é vëi, i ùn caji olache nosta jënt röia en dificolté cun le paié, dantadöt sce ara frabichëia massa alaingrana o sce n per se despartësc y un mëss paié fora l’ater. De chisc caji n’unse intres deplü. L’IPES cumpra te val’ caje inće sö l’abitaziun por che chisc pois stè inant lëite.”

Podessel sozede che la Provinzia mëtes sö gradatöres por dè ca contribuć por le frabiché, desche ara é sforzada da fà bele cun i laurs publics? “Chël podess assà sozede. Mo ćiamò aratunse che ara vais. Almanco i proscimi dui - trëi agn.”

Va pa i scioldi por le frabiché la pröma abitaziun te Südtirol do al proporz? “Iö sa ma che le frabiché é n dërt fondamental de vigni porsona y ne dess nia jì do al proporz. Ćina śëgn él gnü daidé düć, y nia aladô dl grup de lingaz.”

Tan de scioldi à pa la Provinzia por le dortoramënt dles ćiases? I ùn aldì dla lege metüda dant dal Govern provinzial por apassenè les ćiases al sparagn energetich. “I messun odëi che tröc mët man da dortoré söes abitaziuns do 20-25 agn. Do 25 agn à vignun rajun da ciafè contribuć por i laurs de ressanamënt, y laurs por n maiù sparagn energetich vëgn inće sovenzionà, Ćiamò à la Provinzia i scioldi.”

I ladins à ciafè na söa ćiasa de habitat a Balsan. Öghera pa chësta? “Chësta va dër bun. Al é studënć y lauranć ladins lëite. Mefodër śëgn sunse - deboriada cun l’IPES - tl laur da mudé le regolamënt por l’assegnaziun: al foss la poscibilité inće do i cin’ agn che un é stè lëite che - sce al foss le post lëde - pòl romagne inant ćiamò por trëi agn y spo ćiamò por trëi agn.”

Al é tëmps de crisa, inće la Provinzia sparagna. É i tëmps d’or por le frabiché abitatif alisiré passà? “I scioldi vëgn sambëgn demanco. 550 miliuns euro unse nos por l’ann 2010, nia deplü. Al é le 10% demanco co chësc ann.”

Te Südtirol él usc che scraia che al vëgnes desfarenzié danter jënt nasciüda chilò y jënt gnüda da defora, él pa dërt da fà na desfarënzia? “Na lege provinziala dl ann passè nes scri dant che an mëss avëi döes listes, chëra dla jënt da chilò y chëra di ’imigrà’.” Unse pa te Südtirol bele n problem cun le habitat dla jënt che vëgn chilò deache le laur la chërda? “Da me infora no. Mo al é na pert dla politica che polemisëia. Jënt che é bele aćiasada chilò da plü agn messass avëi les medemes rajuns co nosta jënt.” Despartì jënt da chilò da jënt da defora é n comportamënt razial, o no? “Chësc é n fenomenn che mët man plan. Ultimamënter él inće gnü baié da i dè ai ‘imigrà’ n tot de scioldi al ann, che dess i bastè por se parè dötes les spëises, inće le fit dl’abitaziun. Scebëgn che chisc n ’é nia atlò clandestinamënter.” Comporta pa chisc “gnüs da defora” n problem por le frabiché sozial y alisiré?

Podessel inće gnì fat sö na secunda ćiasa por i ladins a Balsan? “Ćiodì pa nia, sce al é le debujëgn.” Problem “renunzia dl contribut” por le frabiché. Él pa vëi che intres deplü porsones renunzia al contribut por ne messëi nia se lié a na vincolaziun? “Al momënt él cin’ fasces por ruvé pro la ćianè di contribuć y dl grunt alisiré. La fascia plü alta é a 50.000,00 euro de davagn netè (“bereinigtes Einkommen”), chël é dër tröp. Chël ô dì che un che davagna 3.600,00 - 3.700,00 euro al mëis po bele ruvé ite tl frabiché alisiré, tla pratica: tö frabichëies - sce t’es su - y ciafes 19.000,00 - 20.000,00 euro de contribut. Mo te mëss avëi la vincolaziun soziala de vint agn. Tröc che davagna valgamia renunzia al contribut, por ne messëi nia jì ite la vincolaziun. Inće deache ai po s’impormëte da renunzié.” Novité di ultims agn: previjiun de raiuns de espanjiun tles viles? “Por la Provinzia n’él nia n problem! Sce i competënć dl’urbanistica y chi dles viles é a


Atualité

nr. 44 / 14 de november 2009

infrastrutöres, ez.” Impò à osta repartiziun inće da nen fà diretamënter cun les viles. “Poa, nos tratun inće planns por arjigné strades, les comedé y les asfaltè tles viles tlassificades ‘viles sot sconanza’. Y inće por arjigné les strutöres primares. Les domandes röia ite da nos y nos conzedun contribuć, dagnora sön domanda di comuns, deache al é i comuns che fej inće dedô i laurs.” Ći ne va pa nia bun - da os infora - atualmënter tla cuestiun dl frabiché alisiré? “Gonot vëgnel realisé raiuns de espanjiuns, olache l’assegnatar paia dedô dër tröp, ma deache chisc raiuns é te posć a desman, sön ërć, te posć nia dër d’öga por frabiché. Chësc comporta spo deplü scioldi publics, y l’assegnatar paia dër tröp. L’Urbanistica da Balsan po bëgn desconsié le Comun da realisé te n cer post n raiun, mo ne po nia dì de no.”

“Te Südtirol é la jënt gnüda da foradecà bele sön na lista separada por i cuatiers soziai.”

öna spo pòl gnì fat chisc raiuns. Mo la Provinzia à śëgn ponsè a na novité dl ater vers: por valutè deplü i zëntri di paisc y davagné cubatöra che va ala nia, ćiararunse da inserì tla lege Omnibus la poscibilité dl frabiché alisiré ti

zëntri. Insciö sperunse nos che i adorunse manco grunć foradecà - tles periferies, ez. Chësc orerss dì da öna na pert revalutaziun di zëntri dles localitês y dl ater vers manco spëises publiches por les

Problems él inće sce i raiuns alisirà é massa gragn, no pa? “A Balsan unse i cuartiers nüs Firmian y Casanova che é trö’ massa gragn. De pici raiuns po jì miù, inće por vijinè deplü. Tla pert alisirada de chisc raiuns éra spo inće gonot insciö che al vëgn frabiché atramënter co tl frabiché privat.”

ćiarè de manco a destanzes, lercs, ez.. A plü cualité vëgnel ćiarè söl marćé privat.”

Ćiodì pa? “Tla pert alisirada é la cualité de vita plü bassa, deache al vëgn

Pon dì che ti comuns dla Val Badia à la jënt che abitëia ti raiuns alisirà na gran cualité

“La Provinzia ô che i zëntri di paisc vëgnes revalutà. Le tru dess gnì daurì cun la lege Omnibus nöia!”

de vita y inće plü lerch? “Chël scê, la cualité é grana. Maiù co te cité. Mo porchël n’àn te n paisc nia düć chi sorvisc che an à te cité, por s’armöie, cumprè ite, ruvé adöm y d’ater.”

www.lauscdiladins.com

7


Atualité

nr. 44 / 14 de november 2009

N convëgn söi lingac Convëgn/1 - Ai 13 y 14 de novëmber dl ann passè, él gnü tignì a Balsan, tla sënta dl EURAC, n convëgn dal titul “Lesser Used Languages & Computer Lin-

guistics (LULCL) II - Combining efforts to foster computational support of minority languages”. (Lingac manco slarià fora y linguistica söl computer). Danter i reladus àn

inće podü ascutè sö le professur universitar Paul Videsott y Giovanni Mischi dl Istitut Ladin Micurà de Rü. Deperpo che Videsott à portè dant plü avisa i proieć de inrescida

tla repartiziun ladina dla Université Lëdia de Balsan, é Giovanni Mischì jü ite te süa relaziun sön la creaziun de neologisms tl ladin. Da püch él gnü publiché la verjiun stampada de

dötes les relaziuns. I reportun n ressümé dles relaziuns de Videsott y de Mischi. Na verjiun online dla publicaziun ciafon inće sot ala plata internet www.eurac.edu/lulcl2.

espresciuns ch’é tl pröm momënt ri (o inće daldöt nia) da capì, sce an ne n’à nia tla materia noziuns plü spezifiches. Le debojëgn tres maiù do parores nöies ne se damana nia ma tl ladin, mo inće te lingac cotan plü compać y da na tradiziun trö’ plü lungia sciöche le franzeje, le talian o le todësch, na certa dobliosité tla strotöra y tl corpus. N prinzip da odëi ite saurì: le lingaz ladin à ma tan inant na poscibilité de suravivënza, sce al ti vëgn dè la poscibilité da s’etablè a vigni livel y da gnì adorè te vigni setur dla vita publica.

dédaincö pro tesć aministratifs nia se limité al lessich tradizional da paur o di artejans. Co ćiarass mo fòra tesć aministratifs todësc o talians, sce ai messass gnì taià prò söla basa de n vocabolar dialetal?

La nasciüda de parores nöies Te süa relaziun à Giovanni Mischi metü l’azënt sön la creaziun de neologisms Convëgn/2 -Le lingaz ladin à demostrè te chisc ultimi agn dër bun ch’al é por sües carateristiches lessicales y de strotöra al’altëza da sosdesfà les esigënzes de nüsc tëmps. Le ladin à dantadöt demostrè che dlungia n ampliamënt cuantitatif y n mioramënt de cualité, se làscel inće arjunje na maiù desfarenziaziun denominativa ti singui ćiamps spezifics. Y deache les formaziuns nöies avëgn dantadöt söla basa de material linguistich bele danman - y nia ma insciö tutes fora dl’aria, sciöche al vëgn sovënz trat dant, - él porchël plenamëmter iustifiché da baié de n svilup organich y natural.

Nia n produt dla fantasia Che parores ladines nöies ne n’é

nia produć dla fantasia demostra inće le fat che iadô vignöna s’ascógnel tres na parora bele esistënta. Sce la trasposiziun de términns nüs sciöche p. ej. espropriaziun, scoraziun, avalianza de valüta, plann regoladù, atestat de cualificaziun, acordanza aministrativa, obliaziun bancara, produt nazional brutto, trafognanza dl terac ti dà al “ladin standard” chilò y dailò na penelada o l’atra de terminologhisaziun y n aspet n pü plü tecnich-scientifich é chësc tla natöra dla côssa y ne po porchël nia bel atira gnì definì sciöche “artifizial” o “che destürba”. Chi che se da jö cun l’elaboraziun/ ampliamënt anfat de ći lingaz, ne ti sciamparà mai a studié plü a funz sües carateristiches y poscibilitês

intralinguistiches. Chësc vêl inće por le ladin: al foss chilò dassënn falè da miné che le ladin ais na strotöra strënfa y che al vëgnes porchël tres n ampliamënt y na standardisaziun inforestì y por ći che reverda süa sostanza trassomié. Chëstes obieziuns basëia completamënter sön preiudizi o sön na odüda cörta y incualificada, che vëgn ion y generalmënter dada en cunt de varietês “plü basses”. Le fat che le ladin aministratif mostra sö a livel lessical y fraseologich (en confrunt al ladin baié) cer desfarënzies é na côssa che se lascia inće mostrè do dër bun pro vigni ater lingaz modern. An paredlëia p. ej. ma n test aministratif talian o todësch y an incuntarà inće chilò tres indô

Le lessich tradizional ne basta nia Al é porchël tler che an ne po al

Al foss n sintom de n gran regrès linguistich y de n sterch indeblamënt etnich, sce nos ne n’ésson nia le coraje y la forza da denominé cun nüsc mesi döt ći che le svilup modern porta adalerch. Por che na certa terminologia pois nasce y spo inće se svilupé inant te na forma le plü unitara poscibla, vara debojëgn de n conzet bun studié che ciàfes spo tl contest de n program de planificaziun linguistica n’aplicaziun rigorosa y consecuënta.

Proieć t’université Le professur Paul Videsott é jü ite te so intervënt sön la situaziun ladina y en particolar sön i proieć de inrescida cun azënt linguistich, portà inant dala repartiziun ladina dla Université Lëdia de Balsan Convëgn/3 - Por ladin intënon i idioms rejonà tl teritore dles cin’ valades incër le Sela, tl teritore di Grijuns tla Svizra y tl raiun dla regiun storica dl Friûl. La situaziun linguistica y soziolinguistica de chisc raiuns mostra sö n valgönes paraleles, porchël é na colaboraziun danter les istituziuns politiches, culturales y scientifiches di trëi grups ladins dessigü d’öga. Na colaboraziun politica relevanta n’é mai gnüda a s’l dè, por gauja che i raiuns é sot a naziuns resp. regiuns desvalies y à inće ghiranzes desvalies. Tl ćiamp cultural àn odü na alternanza danter fases de colaboraziun sterscia y fases cun sforc plülere “isolà”. Dal 1927 incà é i Ladins dles Dolomites partis sö te trëi provinzies. Chësta tripartiziun à portè a mecanisms de sconanza dl ladin dldöt desvalis, che à sües conseguënzes sön la suravivënza dl lingaz. Chësc vëigon en particolar te trëi ćiamps. 1. Le ladin te scora: Tla Val Badia y te Gherdëna é l’insegnamënt por ladin preodü por lege dal 1948 incà. Te Fascia é le ladin dal 1970 facoltatif, impormò dal 1994 él preodü almanco n’ora de ladin obligatora. Ta Fodom n’él ćina dl 1999 stè degöna fondamënta legislativa por l’ insegnamënt dl ladin. Dal 1999 vëgnel lascè pro, tan inant che i geniturs di scolars y i insegnanć é a öna. T’Ampëz n’él mai gnü arjunt n te’ consëns. 2. Reconoscimënt ofizial di Ladins sciöche mendranza: tla provinzia de Balsan é le reconoscimënt gnü a s’l dè bele dl 1951, tla provinzia de Trënt impormò

8

www.lauscdiladins.com

dl 1976 y tla provinzia de Belun impormò dl 1999; chilò indere zënza desfarenzié danter ladins storics y “neoladins”. 3. Le ladin sciöche lingaz aministratif: tla provinzia de Balsan dal 1989 incà, te chëra de Trënt dal 1994, te chëra de Belun n’él nia preodü.

Le ladin standard Al é da capì che sot a chëstes condiziuns é les forzes zentrifugales tla Ladinia Dolomitica particolarmënter stersces y messass gnì smorjelades tres aziuns zentripetales. Chësc messass sozede dantadöt a livel linguistich. Le tentatif da portè ite n lingaz scrit unitar, do l’ejëmpl dl Rumanc Grijun (ladin dolomitan, conzepì dal 1988 da Heinrich Schmid) é gnü impröma tolerè passivamënter, mo spo gnü refodè ofizalmënter dl 2003 dala Provinzia de Balsan. An à trat dant l’alternanza danter i idioms dla Val Badia y de Gherdëna. Chësta dezijiun (y suradöt sües conseguënzes) é stada n ejëmpl grou de “isolazionism de valada”, ći che comporta por i atri Ladins (dantadöt por chi da Suramunt che n’à püćia y degöna sconanza) na dificoltè implü da ester na pert ativa dl raiun linguistich y cultural dla Ladinia dles Dolomites. Danter les conseguënzes “isolazionistiches” dla fin dl projet Ladin Dolomitan él da cumpedé sö le gran numer de soluziuns ortografiches locales, che desferenziëia i idioms a livel scrit, scebëgn che la pronunzia foss pordërt indlunch anfat.

La repartiziun ladina dla ULB La Facoltè de Sciënzes dla Formaziun dla Université Lëdia de Balsan à dal scomenciamënt incà (1998) inće na repartiziun ladina, che à ciafè d’otober dl 2006 la sora professöra de ladinistica al monn. La repartiziun ladina à compić de natöra ditatica y scientifica. I compić scientifics reverda l’archirida tl ciamp di lingac neolatins y en particolar dl ladin.

Deplü proieć La inrescida é na pert importanta dl laûr dla Repartiziun ladina tla ULB. Ara po gnì partida sö te inrescides tl ćiamp dla linguistica y inrescides tl setur dla didatica plurilinguala. I jun ite plü avisa ti proieć de inrescida cun azënt linguistich. Bibliografies scientifiches por ladin: I ciafun chilò la Bibliografia linguistica retoromana: na recoiüda de informaziuns bibliografiches che tol ite dötes les operes scientifiches sura le ladin/retoroman (dai Grijuns al Friul), che va dal scomenciamënt dla retoromanistica sciöche disciplina scientifica (fin dl 19ejim secul) ćina aldédaincö. Chësta recoiüda contëgn al momënt apresciapüch 4.500 operes y dess gnì publicada proscimamënter. Na secunda bibliografia scientifica é la Bibliografia nazionala ladina, che contignarà les informaziuns bibliografiches de dötes les operes publicades por ladin (dles Dolomites). Na te’ bibliografia fala

al momënt dldöt, mo foss de gran öga por cuantifiché la produziun scrita por ladin, ti dè n relief cronologich y por ciafè na suravijiun sön i ćiamps olache le ladin é bele gnü adorè. Na te’ bibliografia è inće la basa por vigni corpus ladin. Costruziun de n corpus ladin leterar: Düć i stromënć normatifs moderns (vocabolars y gramatiches) ciafa süa relevanza te chël momënt che ai ne respidlëia nia ma l’adoranza dl lingaz da pert de öna na porsona sora, mo de n grup / n tëmp cotan plü gran. Porchël ti à la linguistica aplicada do i agn 1960 dè na gran importanza ala costruziun de corpora, de gran recoiüdes de material linguistich (scrit o a usc) che documentëia na adoranza suraindividuala. Por tröc lingac de mendranza él intratan inće gnü fat corpora, inće por le ladin (cf. http:// vll.smallcodes.org/applications/ textanalysis/sitebolzano/index_ ladin.jsp ). L’intenziun é da amplié chësc corpus dl vers dl ladin leterar, tanco cun na bona cumpëda de tesć leterars publicà ćina sëgn por ladin. I tesć leterars god normalmënter de na gran stima, deache ai vëgn aratà (suradöt chi plü vedli) rapresentanć de n “bel” ladin. Tres les funziuns de archirida preodüdes te chësc corpus jaràra da identifiché vigni parora metüda ite aladô di parameters dl tëmp, dl post, dl autur y dl genus leterar. Dizionars monolinguai por ladin: N ater proiet reverda la realisaziun de vocabolars monolinguistics por ladin (vocabolars ladins con spligaziun por ladin). N vocabolar

monolinguistich manćia ciamó dldöt por le ladin y n pröm proiet à le travert da cherié n dizionar monolingual dl ladin leterar. Al dess gnì curì döt le lessich dla leteratöra ladina, a mëte man da Angelo Trebo (+1888) ćina ai auturs moderns d’aldedaincö. Le dizionar dess ester a desposiziun impröma sciöche na banca dać sön internet y plü tert inće tla verjiun stampada, che dess arjunje incër i 20.000 lemata. Storia dla leteratöra ladina: De jenà dl 2009 él pié ia le proiet de dui agn “Storia dla leteratöra ladina”, che à chisc traverć prinzipai: a) cöie adöm düć i tesć leterars ladins plü importanć, b) reportè ejëmpli de test tla forma originala, cun traduziuns tl todësch y/o spligaziuns plü menüdes, c) portè dant les biografies di auturs y d) dè na valutaziun dla leteratöra ladina te n contest plü ampl. Do da prësc n ann de laûr à chësc proiet, de chël che Rut Bernardi é la colaboradëssa prinzipala, portè a löm cotan de cosses nöies, suradüt por ći che reverda le scomenciamënt dla leteratöra ladina valada por valada ti pröms agn dl 1800. Proiet LINEE: La repartiziun ladina tol pert inće al proiet LINEE (Languages in an European Network of Excellence) finanzié dala Uniun Europeica, che à por fin la descriziun confrontativa di sistems scolastics de mendranza tl’Europa. Tl cheder de chësc proiet él gnü fat inrescides sura le valur che i scolars ti dà al ladin sciche lingaz y sciche materia de scora, resultać, che é en pert gnüs presentà tratan l’ultim Dé dla Scora ladina a La Ila.


Atualité

nr. 44 / 14 de november 2009

Scora de teater a Bornech

Le Crist dess romagne Ladins Dolomites tol posiziun sön la discusciun che s’à cherié por le Crist tles scores, sön le suzes tla chestiun dl ladin pro le referendum y sön l’aziun de firmes dles Ëres dla SVP Politica - La sentënza dla Curt de Iustizia Europea che dij che al é da tó demez i crisć de scora à descedè la discusciun a livel politich. Tan inant che chëstes tutes de posiziun é ma oportunism politich, dess i litadus iudiché. Al va debojëgn da dì che le crist te scora é n simbol de nüsc valurs cristiagn de solidarieté, iustizia y impëgn sozial, y toca insciö pro nosta cultura y degügn ne dess se sintì ofenüs sce ai à d’atres opiniuns religioses. Ladins Dolomites dij de nou a chi che ô tó demez i simboi de nosta cultura, mo inće nou a chi che i adora ma por fins de oportunism. Tröc partis a livel de Südtirol s’à atira lascè sö, desmentian tan de iadi che i valurs cristiagn de solidarieté, iustizia y impëgn sozial, é gnüs ciapà sot da so partì.

Referendum Les critiches de Ladins Dolomites à portè sü früć y la Junta Provinziala à de prò da injuntè la verjiun ladina sön les schedes

referendares i proscimi iadi. Chësc ne messass ma nia gnì tles valades ladines, mo sura döt Südtirol, olache al vir tröc ladins. Durnwalder y la SVP ne dess nia sburlè la colpa sön i atri mo se tó sö sües responsabilitês. L’adoranza dl trilinguism é dagnora gnüda refodada a vigni moda da Durnwalder, sciöche desmostrè dales comunicaziuns de so Assessorat, danter l’ater ala Staziun Forestala da La Ila. Canche al é gnü aproè la lege sön i referendums, s’à Mussner y döta la SVP Ladina desmentié ia da damanè inće la verjiun ladina. Ma do che Ladins Dolomites tira sö i problems éson sforzà da s’armöie, atramenter scutésson ion chić. I recordun inće che sön mësa de Durnwalder y de Mussner él bele da n pez na proposta de lege de Ladins Dolomites che aspeta na resposta.

Aziun de firmes dles Ëres dla SVP Ladins Dolomites se liëia inće ala aziun dles Ëres dla SVP por

reconësce le laûr da uma tla ponsiun. L’aziun é zënzater da aprijé, mo desmostra inće la gran confujiun al intern dla SVP, canche na pert de chësta mëss jì fora cun aziuns che messass pié ia dal partì instës. Implü él da dì che le goern da Roma ne se sintiarà te degöna moda sot a presciun, sce an conscidra le pëis inesistënt dla SVP a Roma. La strada che an mëss tó é chëra de intervënć integratifs a livel provinzial y chilò pon fà tröp. Por fà chësc mësson tó en conscidraziun por completëza düć chi che stà fora dal laûr por rajuns familiares, che al sides i mituns o les porsones che adora le goern. Inće sce te na manira minoritara él inće ëi a chi che al i speta chësc compit, por gaujes desfarëntes. Dit chësc, él da ponsè a n fond, olache la Provinzia reconësc na contribuziun figurativa por les ëres y i ëi che stà fora dal laûr por motifs familiars. Chësc fond paiarà spo fora na ponsiun integrativa. Chësc impormetess da ti dè valüta a chësc compit fondamental te nosta sozieté.

La Repartizion per la Cultura ladina dla Provinzia de Bulsan ova metù a jì n cuncors per artisć dla valedes ladines. N vënerdi ai 20 de nuvëmber sëurandajerà l assessëur provinziel ladin Mussner l pest provinziel ai artisć ladins ladina dla Provinzia de Bulsan àl fat pea 28 artisć dla cin’ valedes ladines, nce de chëles de sëuramont. Lamonaca à fat doi chedri cun fotografies metudes nsëuralauter che semea na pitura. Philipp Messner à prejentà na scultura de mitel a forma de stëila. L titul dl pest scrit ora ie stat “Concurs artistich 2009… eroism, inier, incö doman” y fej referimënt al ann cumemoratif 18092009. (usp)

Philipp Messner à venciù cun l’opra “The rising star”.

Cultura - La premiazion ie tla Galaria Prisma a Bulsan. Te chësta ucajion vëniel nce giaurì la mostra. Philipp Messner de Urtijëi y Giancarlo Lamonaca de S. Martin de Tor à chëst ann venciù deberieda l pest provinziel per artisć ladins. Sëuraprò ala premiazion uniràl tla galaria Prisma nce giaurì la mostra cun i lëures che à venciù l cuncors y mo d’autra opres nueves che ie unides crisses ora dala iuria. I artisć che à fat chisc lëures ie Arnold Holzknecht, Bruno Walpoth, Edmund Nagler, Flavio Senoner, Isab ell Pit scheider, Iv an Lardschneider, Matthäus Kostner, Peter Demetz y Walter Moroder. La premiazion dl Pest provinziel per artisć ladins unirà tenida n vënerdi ai 20 de nuvëmber dala 7 da sëira tla Galaria Prisma, streda Weggenstein

Bornech - La scora de teater por jobleri, regia y tecnica teatrala mët indô man a Bornech. Ara se trata de na scora de teater europeica, finanziada cun le Fonds Sozial Europeich. La scora de teater da Bornech che po jì inant do i agn dal 1997 al 2003 é na gran sodesfaziun por so iniziadù y ideadù Klaus Gasperi, diretur dl Teater de Cité a Bornech. La scora döra trëi agn y vigni ann vëgn valuté cun n diplom da pert dl Fonds sozial dl Govern provinzial. I dozënć dij sce le “aspirant” por jì inant ann por ann ćina la fin y dè jö i ejams relatifs dan ala Comisciun paritetica austriaca “Kunt und Medien” pro le Tiroler Landestheater a Desproch. Do le pröm ann van al ejam de idoneité, do le secundo ann van al “pröm control”, do le terzo ann pon arjunje la “maturité sön scenar”. Informaziuns y prenotaziuns dan le 30 de novëmber 2009 pro: “Theaterschule Bruneck”, www. theaterschule-bruneck.eu, tel. 0474 412066. De dezëmber mët man i colloquiums por podëi tó pert ai cursc.

Ći sort de scora él pa?

Premiazion di artisć 12 a Bulsan. Danora rujenerà l assessëur provinziel Florian Mussner y Helga von Aufschnaiter, presidënta dl “Künstlerbund”. Al artista Richard Agreiter ti uniràl sëurandat l titul de cumëmber de unëur dla lia “Künstlerbund”. La critica dl’ert Edith Moroder fajerà la ntroduzion. Per chësta ucajion sunerà nce na grupa de mujiga l pez “Uec sunënc” de Eduard Demetz. Pra l cuncors scrit ora dala Repartizion per la Cultura

Ara döra trëi agn y se stlüj jö cun n diplom reconesciü a livel internazional. Inće ladines y ladins dess s’anuzé de chësta gran ocajiun!

La scora de teater a Bornech é na scora a tëmp plëgn y é la sora formaziun de chësc vers te Südtirol.

Klaus Gasperi, iniziadù dla scora de teater a Bornech.

Sce an vëgn pro spo é la frecuentaziun dla scora y le habitat a Bornech debann. La scora n’é nia ma spezialisada sön la formaziun tl teater tlassich, mo ô inće i surandè ai aspiranć noziuns dles atres ativitês incër le teater ia. Insciö él inće p.ej. tl plann de leziun regia, dramaturgia, scenografia y costüms, maschera, tecnica de löm y sonn. I dozënć é profescionisć y à na esperiënza internazionala. Condiziuns por podëi tó pert é l’eté danter 18 y 28 agn cun ezeziuns ti caji de n talënt particolar por le teater. (ir)

„Nosta Scola“ Ispetëures nueves per scolina y scola, Scola d’Ert y Scola Mesana de Urtijëi Scola - La lingia de trasmiscions n con’ dla scoles dla valedes ladines va inant nce ntan chëst ann scolastich. La trasmiscions tol ite tematiches desferëntes che à da n fé cun la scola. Savon che la scola ie n aspet mpurtant n cont de furmazion, istruzion y nce educazion di jëuni. Te Paladina, n juebia ai 19 de nuvëmber, saràl da udëi da mesa la nuef da sëira la segonda trasmiscion „Nosta Scola“. La

tematiches tratedes: Plu dis dedichei al’ert te na maniera ntensiva: n curs particuler metù a jì per l prim iede tla Scola d’Ert d’Urtijëi. Gherdëina y la Val Badia à da chësc autonn inant doi ispetëures nueves per la scolines y la scoles. La Scola Mesana d’ Urtijëi à metù a jì n proiet dal titul: Lidëza te nëus. Tesć y cunzet Daniela Villotti, camera y tai Jan Piere Karbon. (usc)

Giancarlo Lamonaca y Philipp Messner unirà premiei ai 20 de nuvëmber tla Galaria Prisma a Bulsan.

“Horizon no. 2”, opra de Giancarlo Lamonaca che à venciù l pest per artisc’ ladins.

L logo de "Nosta Scola." www.lauscdiladins.com

9


Atualité

nr. 44 / 14 de november 2009

Ladin y referendum Te si senteda ai 9 de nuvëmber ie la Jonta provinziela stata a una che la rujeneda ladina muessa nce unì adurveda pra i referendum Aministrazion - La lege che à valù per l referendum di 25 de utober udova mé dant la rujeneda tudëscia y taliana, perchël à i promotëures mé dat ju i tesć te chësta rujenedes. “Nosta pert ons nce fat per ladin,” à sotrissà l presidënt Durnwalder, “ma la grupa de rujeneda ladina à l dërt che l vënie nce adurvà si rujeneda dl’oma te duc i documënc dl referendum”. Sun pruposta dl assessëur ladin Florian Mussner dëssel tla lege nueva per l referendum (che n ie tl lëur de lauré ora) nce unì scrit dant de adurvé la rujeneda ladina.

Crisć te scola La Jonta provinziela se à pusizionà contra l tò demez di crisć tla tlasses de scola. “Nce sce da Roma o da vel’ autra pert unìssel dit de messëi tò ju i crisć, ne unissa chësc nia fat tla Provinzia de Bulsan,” à detlarà Durnwalder. Te uni scola muessel avëi lerch l crist. Uni cumenanza de scola dëssa pona, nsci l presidënt dla provinzia, nstës tò si dezijion. “Nëus tulon su chëi che vën da oradecà cun respet, ne pertendon nia che i vënie assimilei y ti dajon nce locai da prië. Pertendon da si pert nce l respet per nëus,” nsci Durnwalder.

Feries sun l luech da paur La Jonta provinziela ie stata a una per na lege nueva n cont di criteres per cuntribuc ai luesc da paur che pieta feries. La nuviteies reverda 7/8 ponc à dit l presidënt te cunferënza stampa. L vën sustenì l frabiché, l miuramënt y ngrandimënt de cuatieres per la feries, locai per dé da maië, banies de fën, mplanc de wellnes o locai da sté deberieda, ma nce studi, analises o pruvedimënc de marketing. Da nuef iel che i cuntribuc ne possa nia mé unii dai ora a persones singules ma nce a sozieteies o cooperatives. Chësta sozieteies muessa vester tl reghister de Chemun, scenó saràl la Provinzia a cialé do sce i criteres vën bën respetei. Da nuef iel nce che i cuntribuc vën paiei ora aldò dla normes europees De-Minimis. La mëndra cumpëida de bestiam per giapé i cuntribuc ie unida auzeda da 40 a 60 cë de bestiam. “Chësc ie unì fat ajache l davani cun l bestiam ie tl lëur de jì juvier,” à dit Durnwalder. Nueves ie nce la mesures di nvestimënc per damandé cuntribuc. I nvestimënc muessa vester sëura i 7500 euro y te tëmp de cin’ ani ne

pòssen aldò dla grandëza dl luech nia ruvé sëura 40.000 y 60.000 euro. La perzentuela di cuntribuc vën data aldò dla situazion dl luech. Per luesc che ie riei da lauré vëniel dat deplù. I caji cun passa 40 ponc de deficultà de lauré l luech giapa nchin a 50% dl custimënt recunesciù, i autri nchin a 40%.

Stredes curtes per l maië A cumpré la roba da maië per i spedei, menses y istituzions publiches dëssel unì tëut n cunscidrazion la lueges de produzion plu daujin. La Jonta provinziela ie a una cun la pruposta de lege che a medema cundizions de priesc y cualità, dëssel unì cumprà i prudoc dl post. “Ulon schivé viages y nsci defënder l ambient, chësc ie nce l’idea dla Union Europea. Tl medemo mumënt sustenions a chësta maniera nce la produzions tlo da nëus,” à dit l presidënt dla Jonta.

Manco burocrazia per cuntribuc La documentazion che ie da mustré dant per giapé cuntribuc culturei dëssa unì smendrida a na lista dla contes. “Nchinamò fòvel debujën de mandé ite la contes urigineles, de abiné adum documënc y fé copies. Tl daunì dëssa basté na detlarazion cun na lista dla contes,” à dit l presidënt dla Provinzia. Pra cuntroi che unirà fai a cajo, muessel pona sambën unì mustrà su duta la documentazion. Aldò di resultac dla proes tla repartizion ala cultura taliana, dëssel pona unì jit inant de chësc viers. Do l medemo sistem pòssel per l ann 2009 bele unì dat ju la documentazion per cuntribuc a sustëni dl’atività culturela ladina.

Lege nueva per defënder l ambient La pruposta de lege per adaté y tré adum la leges che ie bele n cont dla defendura dl ambient, ie unida data pro dala Jonta provinziela. “Te chësta pruposta iel nce trat adum la defendura per flora y fauna, minerai, fossilies, l cuntrat de defendura o la regulamentazion per i raions Natura 2000,” à dit Durnwalder.

Provinzia y chemuns per l’energia L ie truepa cunzescions che à da

n fé cun l’energia che toma y passa 300 Chemuns che à fat dumandes per la produzion de strom. La Jonta provinziela à fat ora da njenië na mëisa de tratatives danter Provinzia y chemuns per stlarì de plu cuestions sciche l’azions, tant che l dëssa unì paià ora o i fic. L’idea ie che pra la mëisa féjel pea 10 esperc: 5 reprejentanc dla Provinzia y 5 di Chemuns.

10

www.lauscdiladins.com

dërc umans? Bonamënter no! Sce ve ëis sperdù, pona ve diji che chësta risses dessëura ie pa bën mé minedes per n da rì. Scenó, te duta la descuscion, iel belau da stufé a tumé ite n pensier moralistich. Ma coche dijova zech un, che ne jiva mei pea pra la pruzescions de dlieja, do che n ova cunscidrà che l n ie for manco y manco che

Uedli y oredles daverc sun la sozieté ladina d’aldidancuei Sta setemana on nconté Bernardino Dorigo, da La Court, contadin co n’ativitè de agriturism

Capital dl tunel dl Prëner La Provinzia de Bulsan tenirà pea a aumenté l capital dla sozietà per l tunel de basa dl Prëner. Davia che Verona ne tën nia pea, sëurantol la provinzies de Bulsan y Trënt deberieda chësta pert. Per la Provinzia de Bulsan uel chësc dì che da 6,17% arjunjeràn na partezipazion dl 6,19%. L custimënt dl aumënt ie per Bulsan de 1,2 milions de euro.

Furmazion per piloc I cuntribuc per la furmazion de piloc vën fermei per n ann, ajache n uel mëter a jì da nuef l sustëni per chësta furmazions che ie drët cëres. La Jonta provinziela uel arjonjer n’acurdanza cun n zënter de furmazion per piloc de joleri y julieres che vëija dant uni ann la lerch per n sculé de Südtirol per l julier y un per l joler. Piloc che à bele scumencià si furmazion giaperà nce l ann che vën mo i cuntribuc provinziei.

Zircumvalazion de Vandoies La ntreda per la valeda de Pfunders a Vandoies dëssa unì fata sot a tiera. La Jonta provinziela à dat pro che l possa unì fat la proietazion ejecutiva a cundizion che l custimënt vënie tenì sot ai 14 milions de euro che fova udui dant te n prim mumënt.

Zënter provinziel de biblioteca Davia che l ie mo truep material y abinedes à la Jonta provinziela dat pro che pra l proiet dl zënter provinziel de biblioteca dëssel mo unì juntà n partimënt sot a tiera. Aldò dl presidënt auza l custimënt da 56 a 67 milions de euro. Mo ntan chësta legislatura dëssel unì metù man de frabiché. (usp)

Y chëi che zipla? Sce n ne possa nia plu taché su crisć te tlas, pona chi ti dà pa da lëur a duc chëi de Gherdëina che zipla crisć? Tò demez l crist te tlas ëssa na gran fazion negativa per l’economia dl ziplé de Gherdëina, vedla de centeneies. Deguni che ne se apustëssa plu n crist. N spaventon! Sà pa chësc l Tribunal d’Europa per i

Dancà y da na pert

va pea pra la pruzescions y che l pudëssa pa pona bën vester che les ne vën ngali nia plu fates: “Iló vedi pa bën monce ie pea, dan che l vënie lascià!” Coche dì, crëier o no crëier, l crist ie for stat te tlas, l crist toca de resté te tlas, sentënza o no sentënza! David Lardschneider

Ncan asto dezedù de nvié via n’ativité de agriturism. Davánt zirca diesc agn, co l é ste ora de fè su la cèsa. La stala l’eva bele stada refata su da mio père e nlouta è pensé che chësta l’eva l’ocajion bona per fè vèlch deplù che vade a ncrementé l bilánz de l’azienda. Ci sp òr jeto ti agriturism al client.

come

Ma, mi è ben puoch, demé n cuartier da fité via. No dé da mangé chël che mi produje, coche fèsc troc autri agriturismi. Fossa n laour massa gran da se tò su. N fameia no ciafión, perciéche son bele mpignèi assè co la stala, l fen d’isté e dut l rest. Volëssa ester almánco de cater. La jissa se le fie fossa bele grane. Nos cialón de i é fè ciapé n ambient familiar. Per chël che ciafion descoron con lori e i é da spëss i é scialdi nterescèi a coche vivon, porton nnavánt l’ativité. Datrac i ven nte stala a vedei bestiam, chèlcheun l vòl ence vignì a restelé. A le oute i ne damana de podei vedei co na vacia fèsc vedel. Nlouta jon a i descedé ence de not co suzede, ence se l plu de le oute, ora che i s’à descedé, la vacia l’à bele fat. Autre oute i ne nvieia lori a cëna nte cuartier perciéche i veiga che son ciapèi dal laour. L é ence de bele sodisfazion. Co ela juda nte chisc agn? La jent che damana albièrch la no máncia, ence fòra de stagion, d’aisciuda e d’auton. Chi che ven da nos l é jent che i é sa bel se n ste dalonc dal bordel, ji da mont su e nlouta i no ciala se l é stagion turistica o no. Zerto, troc damanëssa de podei mangé speisa che fajon nos, ma coche dit chëst nos no ciafion al de. Elo contribuc per chëta ativité? Le legi dáidele?

Co mi è fabriché no l eva pervedù nia. Per la stala ben, se voi compré machine da laour o auter. Le legi no i é proprio coscita severe. Zerto le damana de garantì zerte carateristiche, ma plucheauter chëst l é per chi che fèsc ence da mangé. Chèi elo i clienc che damana deplù l agriturism. Mez e mez, mez taliagn e mez foresti, nte sti ultim agn scialdi dal est. Ma forsci i é ben ncin deplù i taliagn. Nos laoron plucheauter d’isté. L invièrn ncin mánco, perciéche no son damprò la strada e ls cior l vòl ester nte paisc, ulàche l à lèrch da podei ji ntourn da sëra o per boteighe. Eiso n’associazion che ve raprejenteia ? Da ulà e co ve ruele le prenotazion ? Nos son scric ite a “Terra Nostra”, che l’é n’associazion de agriturismi a livel provinzial, metuda a jì da la Coldiretti. Po son assocèi a la nòsta associazion turistica da Fodom. Da chilò ne rua la maiou pèrt dei clienc. Ma ence da nòst scito internet e trop ence dal passaparola ntra nuosc clienc. Nta Fodom i agriturismi no i é troc. Come mèi no s’ali svilupé deplu, conscideré che l’é na bona soluzion per njonté vadagn a chël de la stala, che duc sa no ester proprio coscita aut. Plucheauter perciéche nte sti agn no s’à svilupé gnánca l setor agricol. Davánt zirca 20 agn l é ste fat su ste cater o cinch stael gròsse e pò da nlouta no l é ste plu fat nia. Nlouta puoc à vedù ite chësta poscibilité. Toca ence di che la maiou pèrt no i assa bu la poscibilitè de sciòldi de fè su un e l auter. L rest de le aziende l é e l eva cater penscionèi che se ten sto cin de stala.


Atualité

nr. 44 / 14 de november 2009

La politica ofiziala – scurieda da lafora ite! Duc sà che la politica che Bulsan fej ne buta nia cis, zenza n’essa nia i partic de oposizion l ann passé da d’auton giaté tant d’oujes y la SVP perdù tant. Segn pérel che i talians salve la SVP, rodunt chi che gniva zenza tres ma brontolés y critichés dai todesc

Ladins pro la defilada a Desproch.

Politica - Gerd Bacher, sté trueps agn sourastant dl ORF a Viena, à lascé audì sia critica y pesocia ju per Südtirol. Te na intervista a la revista ff àl dit fora cler, cie che al pensa dla jent daite dal Prener. Gerd Bacher à dit: che la festa d’otober a Minca rata nosta jent de Südtirol plu emportanta che Viena; che Südtirol à combatù dl 1946 massa puech per resté pro l’Austria; che fedelté, cherianza, amour a la patria s’à nosta jent desmentié; che Südtirol resta plu gen pro la Talia; che i scizeri à ciamò ideai, ai é n contrapeis al gran materialism de nosta jent; che i foliec porta massa retrac empede roba stampeda; les lobis desdruj

nostes contredes con frabiché dlonch y sostegnì la svenuda de nosc raions; che la Rai ne pò nia se ficé tla politica, zenza ne funzioneiela nia, ala mess ester ledia y independenta. Tant inant l gran sourastant dl ORF da Viena. L prof. Günther Andergassen da Dispruch, conesciù desche gran componist, é sté saré via agn dai talians per i atentac di agn 1960. Al à tout pert a la gran desfileda da Dispruch de setember desche n valgugn de siei compagns da enlaouta; deplù foliec i à titulé: “Ewiggestrige!” Contra chesta tituleda àl scrit tl “Katholisches Sonntagsblatt” che chesta parola dess ma se saulé chi politics da

chilò che é per tegnì en vita i monumenc fascisć y fé d’en fora “monumenc de pesc” per podei spo taché fora sun fenestra o sun balcon la bandiera “Pesc”. Chi che vuel saulé chisc monumenc per l davegnì, chi é per Andergassen “Ewiggestrige”. Manfred Schmid, sourastant dla Comunité de Puster, à dit al foliet ladin che al fossa per i ladins l miour na Comunité de Val Ladina empede fé pert de Puster y de chela de Salten–Schlern. Al é ence dla minonga che l resultat dl referendum de Souramont é da respeté, che Souramont toca pro Südtirol ajache la jent à dit tant cler de volei endò fé pert de Südtirol! Nia da creie che na persona politica todescia mess dì, de cie vers che na politica ladina dess jì. Di ladins da Souramont che à tout pert con gran pascion y legreza a la gran desfileda a Dispruch ne à l reprejentant ladin dit brocia. Al s’arà ben liet chi trasparenc che i ladins de Souramont portova y che dijova cie che ai pensova - che ai vuel endò ruvé pro Südtirol y enscì eliminé l tort fascist a la Ladinia. N bon reprejentant ladin essa audì da tré sauc da la legreza a vedei siei fredesc de Souramont fora Dispruch con cheles scrites tant cleres che dij dut - mete adum Souramont con Bulsan. Sce chi de

Souramont mostra ence do tanc de agn de despartida dal Tirol tant de entusiasm per la patria Tirol ései plu che da amiré y da i daidé ruvé endò olà che ai toca - pro Südtirol! Al “Di dla Unité Ladina” de Reba àn odù pueces autorités politiches ladines. Na pert à scrit o telefoné che ala ne ti jiva nia fora. L diretour dl Istitut Cultural da Col, Moreno Kerer à dit che al s’aspetassa plu aiut da pert da Bulsan y da de nostes istituzions. Paul Videsott, professour a la Université da Persenon, à dit che al fossa da scemplifiché la ortografia anter les vals ladines, che al fossa gran ora da cherié neologisms per les cinch valedes y nia val per val a spaterlé scioldi, forzes y temp. Leander Moroder minova che al jissa ben

bon na Comunité de val Ladina; al essa pu ocajion da porté dant chesta idea tal comun de Urtijei, fej pu sie partit pert dla jonta. Fabio Chiocchetti, diretour dl Istitut Ladin de Fascia, é dla minonga che la colaborazion anter i doi Istituc jiva miec enchin ai agn 1990 (enchin che Lois Craffonara fova diretour a San Martin). A cie moda che nost Istitut ne podessa nia laoré deplù adum con Fascia él rie da capì. L Statut dij pu che an dess chirì tres na miour colaborazion anter i ladins dles Dolomites. Colaboré anter les valedes ladines sun l ciamp cultural audissa pu da ester na cossa dl dut normala. Lié les forzes porta a renforzé la comunité ladina. Lois Trebo (ls: nc)

Tratan le Dé dla Unité Ladina a Reba.

www.lauscdiladins.com

11


Atualité

nr. 44 / 14 de november 2009

L Dalai Lama tel Trentin Sudtirol “Lingue in bilico” En lunesc e mèrtesc n convegn e n debatit a Trent rejona de la situazion del Tibet e met a confront i ejempies de autonomìa tel mond. Al Santa Chiara sarà ence l leader religious e politich tibetan

Tenzin Gyatso, il XIV Dalai Lama, ruarà chisc dis che vegn tel Trentin Sudtirol.

Per la terza outa, dò la vijites fates te noscia region de jugn del 2001 e de aost del 2005, Tenzin Gyatso, il XIV Dalai Lama, ruarà chisc dis che vegn tel Trentin Sudtirol.

La maor autorità tant spirituèla che politica del popol tibetan, che del 1989 à ciapà l pest Nobel per la Pèsc per sia batalia no violenta per l’autonomìa del Tibet, sarà a Busan e a Trent ai 16 e ai 17 de november. En ocajion de chesta vijita emportanta, che renforza l leam anter raions da mont con la medema aspirazions autonomistiches, a Trent vegn endrezà doi dis de convegn e debatit dediché al dessegn del Goern tibetan en ejilie, che chier de otegnir per l Tibet na autonomìa da la Cina tel respet de la costituzion e di enteresc de Pechino. Se trata de apuntamenc de aut perfil, endrezé da la Provinzia autonoma de Trent en colaborazion con l Departiment de Scienzes Giuridiches de l’Università di Studies de Trent e con l contribut de l’Academia Europeica de Busan. En lunesc dut l dì e en mèrtesc da doman te la Sala Depero del Palaz de la Provinzia n convegn scientifich met a confront l “Memorandum sulla Genuina Autonomia del Popolo Tibetano” con autra esperienzes internazionèles. L

“Memorandum”, proponeta de na autonomìa regionèla del Tibet tel respet de la sovranità de derit internazionèl e del derit costituzionèl en doura te la Cina, adotà a Dharamsala acà n an, ai 16 de november del 2008, da na assemblea de tibetans en ejilie, é stat sobito refudà da la Repubblica Popolare Cinese. En mèrtesc domesdì i raprejentanc de goergn autonomes de desferenc raions de l’Europa se confrontarà te n debatit publich a l’auditorium Santa Chiara de Trent sul tem “La autonomìes per l Tibet”. A chest confront tolarà pèrt ence l Dalai Lama e, anter i etres, i raprejentanc di goergn de la Catalunya e de la Ìsoles Åland. Con chisc evenc l Trentin Sudtirol conferma sia vocazion a esser pont de referiment per i teritories che, tel mond, chier de troèr soluzions pazifiches e percacentes ai problemes de autogoern e de autodeterminazion di popoi, te la convivenza anter cultures e lengac desferenc daìte dai medemes confins aministratives.

Premià l “Canto popolare ladino” L prestigious pest etno-antropologich “Costantino Nigra” à premià te la sezion per la musega populèra la enrescida sul “Volkslied” del Gartner data fora da l’Istitut Ladin “majon di fascegn” Cultura - N’autra publicazion rencurèda e data fora da l’Istitut Cultural Ladin “majon di fascegn” se à vadagnà n bel recognosciment a livel nazionèl e internazionèl. Se trata de l ’e n r e s c i d a etnomusicologica “Il canto popolare ladino” che é stata cernuda anter i venjidores del pest “Costantino Nigra”, endrezà tel Piemont da la Comunità Montana Valle Sacra e dal Comune de Castelnuovo Nigra, adum con Region Piemonte, Provinzia de Torin, Fondazion Cassa di Risparmio, Centro Etnologico Canavesano e patrozinà da l’Università di Studies Piemont Orientèl. Chest pest, ruà chest an a la sesta edizion, se à confermà desche un di più prestigiousc e emportanc de la Tèlia dediché a la scienzes demo-etno-antropologiches. La jurìa à tout dant passa cent operes e dezidù i venjidores te la desferenta sezions. L pest “Costantino Nigra” é jit ex aequo a Gabriella D’Agostino per “Forme del tempo. Introduzione a un immaginario popolare”, Paolo Sibilla e Valentina Porcellana per “Alpi in scena. Le minoranze linguistiche e i loro musei in Piemonte e Valle d’Aosta” e Gianfranco Spitilli per “Il paese “di mezzo”. Storie di vita e fotografie familiari a Intermesoli. L pest “Antropologia e Letteratura” é stat assegnà a l’opera complessiva de Ermanno Olmi e l pest spezièl de la jurìa é stat dat a l’antropologh franzous Marc Augé.

12

www.lauscdiladins.com

L’é te la sezion per la musega cont del minister. populèra che l’é stat cernù l’opera Te chesta enrescida per la pruma de l’Istitut ladin: l pest “Roberto outa l’é stat tout sù no demò i tesć, Leydi” é jit defat a “Il canto popolare ma ence trascrizions musicales de ladino nell’inchiesta “Das Volkslied la cianties populères: n scrign pien in Österreich” rencurà da Fabio de papieres e polver che se à revelà Chiocchetti co la colaborazion de n patrimonie prezious dò diesc egn Barbara Kostner, e ex aequo a de lurier portà inant de gra a “Varco le soglie e vedo. Canto e l’empegn e la pascion del diretor devozioni confraternali nel cilento de l’Istitut ladin de Fascia Fabio antico” de Maurizio Agamennone Chiocchetti e de n grum de jent da Roma. che à vardà de entener, studià, Etres pesć é stac assegné te la traslatà, ordenà e recostruì, col sez ions “Antrop olog ia e didament e l sostegn economich alimentazione”, “Testimoni della de enc e istituzions, dajan fora tradizione”, “Scuola e tradizioni”, chela che l’é stat definì “la maor e e te la sezion “Antropologia Visiva” mior enrescida etnomusicologica l’é stat premià ence l film “Il canto de duta la Tèlia ti ùltimes 10 egn.” scaltro” sui “cantadoris“ de la (lg) Sardegna, realisà da Michele Mossa ensema col trentin Michele Trentini del Museo de Sèn Micel. En sabeda ai 21 de november da les 9.30, te la sala grana del comun de Castelnuovo Nigra, vegnarà fat la premiazion ofiziala con la consegna di pesć. L’opera “Il canto popolare nell’inchiesta “Das Volkslied in Österreich”, data fora del 2007 da l’Istitut cultural “majon di fascegn” (da olache l’é stat tout fora i toc del conzert “Ciantâ Vilotis con Antonella Ruggiero”) tol ite te 3 gregn libres la preziousa regoeta “Volksliedsammlung Gartner”, che l glotologh austriach aea coordenà anter l 1904 e l 1915 sun dut l La soracuerta de un di 3 libres de “Il teritorie ladin de la Èlpes per canto popolare ladino”.

Ejempies concrec de tutela de la mendranzes te l’Europa. L liber de William Cisilino vegn prejentà en mèrtesc sera a Luserna

L sistem de strav a rd a m e nt d e l a mendranzes ladina, mochena e cimbra te la Provinzia de Trent e l’ensegnament paritetich te la scoles ladines de la Provinzia de Busan i troa lèrga te anter i ejempies porté dant tel liber “Lingue in bilico. Buone pratiche nella tutela delle minoranze linguistiche in Europa”, scrit da William Cisilino, president de l’Istitut Ladin Furlan “Pre Checo Placerean”. “Lingue in bilico” propon n viac te l’Europa di lengac travers ot ejempies concrec de tutela de la mendranzes. Se va dal projet “Volontères per la lenga catalèna” al cinema per furlan, dai pians de Willian Cisilino, autor de “Lingue in bilico”. politica linguistica del Galles a la promozion del basch regionèi o minoritères“ e l te la neva tecnologìes; da Radio- document de la Comiscion TV Koper-Capodistria, emitenta europeèna “Una sfida salutare. per talian te la Slovenia, al model Come la molteplicità delle lingue de protezion de l’araneis, e anterite potrebbe rafforzare l’Europa”. L liber de William Cisilino vegn apontin ence l sistem de tutela de la mendranzes ladina, mochena prejentà en mèrtesc ai 17 de e cimbra te la provinzia de Trent november 2009 da les 20.30 te la e l sistem scolastich te trei lengac senta de l’Istitut Cultural Cimbro de Gherdena e Val Badia. “Kulturinstitut Lusern” per endrez Apede ai ejempies touc en d el S e r v i j e m e n d r a n z e s conscidrazion, tel liber troa lèrga linguistiches de la Provinzia de la mapes de la desvaliva Trent. A la prejentazion, apede a comunitèdes linguistiches e doi l’autor, tolarà pèrt ence l secretèr tesć fondamentèi su la tutela de de Politica linguistica de la la mendranzes te l’Europa: la Generalitat de Catalunya, Bernat ”Chèrta europeèna di lengac Joan.

L Consei regionèl taa i cosć de la politica L’emendament l’é passà con 40 stimes a favor Politica - La é de chisc dis passé l’aproazion da man de l Consei de la Region TrentinSudtirol, con 40 stimes a favor, 6 de contra e 7 astegnui, de n dessegn de lege che smendra dassen i cosć de la politica per i egn che vegn. Te aula l’é stat aproà defat n emendament al dessegn de lege nr 5/XIV lurà fora chisc meis passé da l’Ofize de Presidenza per troèr n pont de mediazion. Con chest test l’endenità e de la diaria no vegn più revalutèdes automaticamenter ogne doi egn ma les se ferma canche vegn arjont na soma che corespon al 7,5% de smaorament per l’indesc ISTAT no aplicà. Se trata de n congelament che portarà a n sparagn, ti egn che vegn, de presciapech 1 milion de euro a l’an. Te la sentèda l’é stat confermà ence l smendrament de la soma lorda de assegnes de rendita de reversibilità che passa dal 65 al 60%.

L’aproazion del dessegn de lege, che ge va dò al spirit de la mozion e che portarà a n sparagn de più chel l 20% di cosć de la politica respet a la legislatura da inant, l’é l frut de n prozess de condivijion del test, che à abù l parer positif de duc. Col test aproà te aula, l sparagn pervedù per i egn che vegn passarà da 9 a 12 milions de euro. “Travers chest emendament – à spiegà l president del Consei regionèl Marco Depaoli – aon podù azelerèr i tempes e ruèr a n resultat segnificatif te pec meisc. L’emendament l’é l frut de na cordanza arjonta te la setemènes passèdes che portarà a n sparagn che ti egn sarà maor che chel che nos enstesc se aane prospetà.” L’assessor Luigi Chiocchetti, che l’é stat un di firmataries de l’emendament, à recordà che “chesta l’é la soula Region olache se laora per smendrèr i cosć de la politica.”


nr. 44 / 14 de november 2009

Gherdëina

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Se tò la vita Ntervënt drët prijà per l aspet uman y profesciunel dl dutor Giuliano Piccoliori n ucajion di “Dis Talian-Tudësc de Psichiatria” a Persenon. La ncëria dl dutor de familia pra l pricul de suizid Sanità - “Suizid y strategies de prevenzion.” Chësc l titul dl seminar tl’Academia Cusanus nstadì a Persenon. Sce la majera pert di referënc à mustrà su na lingia de studi y de dac, à l dutor Giuliano Piccoliori de S. Cristina, dlongia l aspet scientifich, nce tratà la cossa dal pont de ududa plu uman, de raport cun l pazient, che ne n’ie nia n numer, ma na persona, cun si denità, cun si tëmes, cun si cruzi y si deficulteies. “Nce per l dutor de familia ie l suizid na ntraunida dramatica y traumatica, cun truepa dumandes n con’ de tan inant che n ëssa pudù judé deplù,” à dit Piccoliori. Oradechël iel nce rie, da dedò, canche zachei s’l’à fata, a rujené cun chëi de familia, i “sëuravivui”, coche n ti dij. “Ma ie rate che nce l dutor de familia possa unì cunscidrà n sëuravivù”, canche l ie na tel ntraunida. Nsciuma, l vën a se l dé na situazion bëndebot ria y dlicata per duc. L dutor Piccoliori à dit che plu di mec de chëi che se à tëut la vita tol su cuntat cun si dutor de familia cater enes dan la desgrazia. Nce sce tla majera pert di caji ne dàl nia da ntënder cieche l uel fé. L dutor de familia à n raport de crëta cun l pazient, l l vëija regularmënter, cunescian perchël nce la situazion de familia, soziela y de lëur. L dutor à perchël na ncëria mpurtanta tl recunëscer, valuté y manejé la situazion de canche un manacia de s’la fé, dij Piccoliori, che auza ora tan drët che l ie che i dutores de familia cële for inò de miuré la capazità de recunëscer la situazion che un manacia de se tò la vita: “L suizid ie n problem ntravaià, cun plu fatores, cun na interazion de fatores biologics, soziei, culturei y ambientei. La prevenzion ie de gran mpurtanza!” Desturbs mentei, deprescion y schizofrenia ie zeche che possa purté a se tò la vita. Tan deplù sce l ie plu desturbs te un n iede, coche deprescion y alcolism, o deprescion y desturb de persunalità. Pra la deprescion iel l pricul che nce l dutor de familia ne se ntënde nia, o che l ne ti vënie nia dat la

mort y de se tò la vita (nce sce tl’ultima ancunteda dan l suizid ne rejona l pazient nia de chësc), frases coche “Sce fosse mort” o “Ue m’la fé” o “Viver per cie y per chi pa?” o “A chi ti n vàl pa zeche sce more?”, vester ijulà dala familia y dai cumpanies, vester dla cunvinzion che la vita ie per nia y che la ne dà deguna speranza, mustré ora de nia y zënza na rejon de vester inò de bona ueia do vester stat giut alalongia te deprescion, se lascé jì tl cialé ora y tla cura dl corp.

Comuniché Canche l pëis per la vita ie massa grant.

cures aldò ala persona che à la deprescion. L dutor de familia à tlo inò na ncëria fundamentela, dantaldut pra la jënt de tëmp, che ne uel nia jì dal psichiater, ma plu gën dal dutor de familia, o ajache la persona depressiva conta plucheauter de problems fisics, mel tlo y mel iló, zënza savëi o ne ulan nia azeté la natura psichica dl desturb. Tla Svezia iel unì studià do che i dutores de medejina generela cun na furmazion de viers che l sebe da identifiché miec y traté l desturb depressif à purtà pro a smendré i caji de suizid.

Cie sburdla pa a se tò la vita? Piccoliori auza ora tan mpurtant che l ie che l dutor de familia sebe da recunëscer i fatores che porta al suizid. Da una na pert iel i sintoms dla deprescion: melcuntentëza, degun nteres, degun sentimënt de plajëi, deficultà de cunzentrazion, sentimënt de gauja y de puech valor, festide, vester zebider, durmì melamënter, mel al corp can tlo can iló. Y pona iel i fatores che possa vester de manaceda per se tò la vita: desturb grief cun elemënc psicotics, desturbs maniachdepressifs, età sot ai 25 ani, fasa de scumenciamënt dl desturb, meladurvanza de alcol, se lascé jì. Te de tei caji iel cures psicoterapiches y cun medejines. Ma l ie tlo debujën, dij Piccoliori, de tré ite la persona te dut si vester, cun la familia, cialan de viers de ressurses sozieles y economiches y cialan de mudé cundizions de vita che ie scialdi ries y stressantes.

Teoria y pratica

L dutor Giuliano Piccoliori.

Ma tla realtà ie dut do la rata rie. Ajache la prima deficultà ie bele chëla che l pazient ne uel nia o ne n’ie nia bon de udëi ite che l ie depressif, de azeté na cundizion che à mo for l stigma soziel, coche dì, n ne daussa nia avëi vel’ da de tel, l ie na gauja. Pra la medejines iel pona suvënz che l pazient ne uel nia les tò ite, che l à tëma de tumé tla dependënza, de “mudé”, de vester pona n’autra persona, ma l ie nce la tëma de fazions colatereles. La familia à da si pert ënghe la deficultà de azeté coche

patologia, coche malatia, n “cumpurtamënt”, zeche che semea mé vester la mancianza de ueia de fé, de se dé na sburdla da pert de si parënt. Mudé pona la cundizions sozieles y de lëur che porta al stress ie mo plu rie.

Schizofrenia, alcol y borderline Schizofrenia possa purté a se tò la vita. Ma nce la meladurvanza de alcol. Danter l 2% y l 4% di alcolisć se tol la vita. Mo plu priculëus, pra chiche à problems de alcol, iel sce l ie na storia longia de alcolism, sce l ie te familia na storia de alcolism, sce l ie da permò unì perdù na relazion afetiva y sce l alcolista à perdù l lëur. Nce tlo la mpurtanza de tré ite la familia, pra chëla che l alcolista ne dà suvënz nia pro si problem, y cialé de ativé i servijes soziei y saniteres dl raion. Ma suvënz ne n’ie la familia nia bona de ti judé al pazient, che ne azetea da si pert deguna sort de aiut. N fator de pricul ie nce l desturb dla persunalità, mascimamënter chël borderline. Da nia tralascé pona l desturb de festide, la tëma y l panich, coche nce malaties y patologies, per ejëmpl l HIV.

Fatores soziodemografics Chisc ie i fatores soziodemografics che taca adum cun l suizid: ël, età danter i 15 y i 30 ani y sëura i 60 ani, viver da sëui sozialmënter ijulei, devurziei, vëidui o single, vester zënza lëur o n pension, avëi bele n iede purvà a s’la fé, storia de familia carateriseda da suizid, alcolism y/o problems mentei. Pona iel mo situazions de vita che taca adum cun l suizid: vester despartii, cajo de mort, problems te familia, mudamënc de lëur o economics, na persona mpurtanta che à dit de no de un o dl auter viers, se daudé ajache n rata de avëi fat zeche de fauz. Mpurtant iel avëi dl’aurela per l pazient, desmustran de ulëi ntënder, giaurian n raport de crëta cun l pazient. Mpurtant iel for rujené, cialan de tò su n valgun seniai de alarm: sce l vën rujenà de

L ie mpurtant dantaldut coche n comunichea cun l pazient y manco cie che n comunichea. Minà iel tlo che l sibe la ulentà y capazità tlera de scuté su, se sfurzan de ntënder, de rujené positivamënter, de mëter mpe cun l pazient na relazion empatica l plu che la va. Ajache scuté su cun empatia possa bele purté a smendré l livel de desperazion dl pazient, de udëi ite si situazion ria y de se destaché da si ulentà de se tò la vita. L ie mpurtant scuté su i pensieres negatifs, i recunëscer, lascian da na pert de iudiché. Doi ie i topics, la minonghes: da una na pert vëniel dit che canche zachei rejona de

ulëi s’la fé pona iel dinrer che l l feje nce, dal’autra pert vëniel dit che sce l vën rujenà cun zachei de ulëi se tò la vita pona porta chësc nce al suizid. La realtà ie che canche l pazient à zachei che scota su, pona porta chësc a se sentì manco sëul, tulan y tres l festide, y ti tulan mpue’ de pëis ala persona. L ie mpurtant rujené cun l pazient de si ulentà de s’la fé, zënza avëi tëma che l pudëssa mené do al suizid, ma propi rujené possa purté a udëi d’autri aspec coche la hopelessnes, la mancianza de crëta tl daunì, i problems de durmì, sté ert, l smendramënt dla cunzentrazion y desturbs psicomotorics. Suvënz schiva i pazienc de rujené de si ulentà de se tò la vita, ma i ie a una de rujené sce l dutor auza ora l argumënt. Nsciuma, l ie mpurtant scuté su, rujené positivamënter, ti dé auternatives de vita al pazient, cialé de tré ite chëi de familia y cumpanies, ti pité cures y terapies aldò. Ma coche dit, mpurtant iel for la despunibltà de scuté su, de ancuntedes reguleres, de ti purté mpue’ de lum. Ajache, coche dij n proverb budista: “Nce n cëir possa nluminé na luegia resteda scura na miliarda de ani alalongia.” David Lardschneider

La cianties che devënta urazions Cunzert dl “Pinzimonio Vocale” Mujiga - L frëit dedora ie riesc desmincià via. Dedite nes sciauda la mujiga - y bën nce de gra a Seniëur Piere che à sciaudà sciche se toca la dlieja dla Madona te Sëlva . Cin’ jëuni dla Val Badia ie unic a fé vijita a si “jurmans” de Gherdëina. Da trëi ani incà se dà ju Gudrun Mayrl, Irene Clara, Elisabeth Fistill, Renzo Huber y Raimund Pitscheider cun na sort de mujig a p ar tic ulera : “Rapresentaziun de mujiga renascimentala y baroca pretenziosa,” scrij ëi nstësc te si pitla prejentazion. Nscila se dà Gudrun, Irene, Elisabeth, Renzo y Raimund ju cun mujiga da n tonn arcaich, vedl, ma mujel, fulestier povester, ma plën de cuntenut y che va sot, a cuer. Te Sëlva prejënti chësta sëira de nuvëmber componisć nglëisc o – miec – si mujiga, ulache uni tonn muessa “senté”, ulache l’armunies stramuda datrai te vel’ da dissunanzes, ulache l sopran ne à nia l medemo ritm dl tenor o dl bas, ma che fina via for cun n acord che mplenësc la bela dlieja de Sëlva, cun n publich che ne n’ie nia grant de cumpëida ma che se god nce l “rundenì” dl sonn canche la ciantia ie fineda. Ulache nce la parola “ciantia” ne passenea nia massa – l se trata plucheauter de opres plu longes, de pertes de na mëssa, de corai che va sot. Y udëi i cin’ badioc ciantan, si esprescion sterscia, ntensiva ntan l cianté, l

audì la ujes tleres ma mujeles, fej capì che l ne n’ie nia mé n cianté per l cianté, ma l ie n’urazion che se arleva al ciel, de viers dl bel autere dla Madona, de viers dla porica. E - la porica! Cun n beliscimo orgun. Iló nes lascia ncuei Davide Pozzi audì n valguna meludies passenëntes, nce mujiga renascimentala y baroca de cumponisć nglëisc, coche Thomas Thomkins, William Byrd, Nicholas Strogers y l plu cunesciù Henry Purcell, che ie na njonta ai corai, ai tòc ora de na mëssa che i jëuni dl “Pinzimonio Vocale” porta dant. N’ëura jola sciche n tarlui. I cin’ jëuni y l ugrister fej nascer na magia. “Se urton perdrët uni lunesc, a Al Plan, a fé proa,” nes conta Irene Clara. Iló nasc l’armunies, nasc la dinamica che mudelea la mujiga di tëmps passei. Sciche l lën stramuda si forma sot ala mans y i scarpiei de n bon zipladëur, giata la notes sun plata si forma, si culëur, si ntunazion tres l mpëni che Gudrun, Irene, Elisabeth, Renzo y Raimund mët ite te dut. Degun de ëi ie n profesciunista, uniun ti va do a si lëur, ma à na gran pascion. Pascion che i ie boni de dé inant nce a chëi che ie te dlieja de Sëlva a scuté su. Cun n cuer plu rich y cun pensieres mpue’ plu soc se n péien inò ora tl frëit dla nuet da d’autonn… Luis Mahlknecht www.lauscdiladins.com

13


Gherdëina

nr. 44 / 14 de november 2009

Lia dla trohtes S. Cristina Do n ann de gran atività, cun defiledes, pruzescions y Segra dl luech che ie unida metuda a jì chëst ann da nosta Lia, se à duc merità n gran Dievelpaie. I pitli a ciaval, i granc a balé S. Cristina - Nscila se à i pitli mbincià de jì n iede a ciaval. Uniun à pudù senté su sun n bel ciaval y jì n’ëura ntiera ora per i bòsc y prei. Ruvei de reviers ova l patron dla stala fat n bel fuech alalergia y

njenià ca de bona lianies, che uniun à pudù se praté nstës. De pitla cëures, lievri y giac fòvel iló ntëur da smilé y na partida cun la codla ne à mefun ënghenó pudù mancé. I granc ie jic a Bled tla Slovenia

per na jita de doi dis. Do na bona marënda te hotel sons riesc jic cun la berca sun la pitla ijula amesa l lech, cun la bela dlieja. De reviers dala berca se ons pona njenià ca per la cëina tl Hotel Ausenik y l

La grupa di pitli dla Lia di guanc ala gherdëina de S. Cristina ie jita a ciaval.

gran cunzert da balé. Drët boni de suné fova i “Jungen Oberkrainer”, ma mo miëures i balarins che à tenì dur nchin ala fin. Tert via mo na raida tl Casinò de Bled, dan jì a durmì. L di do furnan a cësa, ons

mo fermà a Maria Wörth y a Velden sun l Wörthersee, per ruvé pona da sëira a cësa, belau stanc ma cuntënc di biei dis passei. Margit Senoner

Cumëmbri dla Lia dala trohtes de S. Cristina cun i “Jungen Oberkrainer”.

Martina Vinatzer presidënta

Cura dl di

Nstadì iel stat a Urtijëi l’ancunteda generela dla Lia di Buteghieres. L raion da jì a pe coche proiet de suzes. Scumenciadives d’uni sort. Duc a una: la presidënta resta inant te si ncëria

La Cësa de Paussa pieta da n pez incà n servisc drët de utl ala jënt de tëmp che vën cureda a cësa

La presidënta Martina Vinatzer.

Urtijëi - Pra la reunion generela à la presidënta Martina Vinatzer y l cumité prejentà l program ntier dl’ativiteies. L vën metù a jì truepa scumenciadives a Urtijëi, che à

nscila dut l ann n zënter atratif y da vivanda. Danter l auter la manifestazions per Nadel y Pasca, la giaurida slungeda dla butëighes d’instà y scumenciadives per l tëmp liede. „Oradechël,“, coche dij Vinatzer, „iel stat via per l ann doi ntraunides straurdineres. Da una na pert la defileda storica per i 100 ani dl dërt de marcià de Urtijëi, ulache nce i buteghieres à fat pea. Dal’autra pert dal cuntat tresora cun l’aministrazion publica, mascimamënter cun l assessëur cumenel Armin Lardschneider, per ti sté do l miec che la va per la realisazion dl raion da jì a pe. N proiet de suzes che ie unì laudà da duta la cumenanza.“ Ntan la senteda iel nce stat la veles. Presidënta resta coche dit Martina Vinatzer. L cunsëi nuef, cun sies persones, ie metù adum

da Georg Senoner, Bruno Avesani, Karl Moroder, Carmen Flaim, Marion von Exeli y Michael Demetz. I deleghei per l’Assemblea generela provinziela di Buteghieres ie Georg Senoner, Bruno Avesani y Karl Moroder. Prejënc pra la reunion generela a Urtijëi nce l presidënt dl Cunsëi provinziel de Bulsan Steger, l diretëur dl’Union di Buteghieres Werner Frick, l vizepresidënt dl’Union Dado Duzzi y l presidënt dl raion de Bulsan Franz Perkmann. L Chemun de Urtijëi fova raprejentà dal ambolt Ewald Moroder y dai assessëures Armin Lardschneider y Pauli Rabanser. Ewald Moroder à da si pert abù p arole s de lauda y de rengraziamënt, auzan ora la bona cunlaurazion cun la Lia di Buteghieres. (dl)

Buteghieres de Urtijëi. Espunënc y autoriteies n ucajion dla reunion generela.

14

www.lauscdiladins.com

Servijes - Chësc servisc ie pensà per ti tò ju n fruz de pëis a chëla persones che muessa secudì a cësa n familier che adrova sustëni y cura. Sce chësta persones à debujën de n di o de mez n di liede, de n di al’ena, de n’ena ntiera o nce de 15 dis, pòsseles purté l pazient o la pazienta tla Cësa de Paussa, ulache l vën cialà lessù, nsci che i parënc possa sté saurì. N possa purté la persona de tëmp daduman nchin da sëira, nce nchin do cëina, y monce na sada o na dumënia. La persona possa fé pea dut cun i ghesć dla cësa, ëila possa jì a paussé do marënda y l vën cialà de ti jì l plu ancontra a si bujëns. Per se nuzé de chësc servisc àn me drë’ de jì tla Cësa de Paussa a tò i papieresc per fé dumanda. L priesc da paië al di possa n pert unì sëurantëut dal Servisc Soziel. Te

Te Cësa de Paussa per n struf.

chësc cajo muessen fé na dumanda acioche l vënie lascià do velch sun la tarifa. Danora muessa l Servisc Soziel dé si bënsté y detlaré che la persona à debujën dla cura dl di. Cialé dut l ann de na persona de tëmp che ne n’ie nia plu bona de se deriejer nstëssa, ie per i familieres n lëur sfadiëus y pesoch, nce sce n à da stramp gën chësta persona y n uel mé si bën. L servisc dla “cura dl di“ tla Cësa de Paussa ie perchël n pitl sustëni al lëur tan preziëus de duc chëi che cëla de si jënt a cësa. Per giapé nfurmazions plu avisa pòssen cherdé su la Cësa de Paussa sot l numer de telefonn 0471/796519 o l Servisc Soziel de Gherdëina, numer de telefonn 0471/798015. Cësa de Paussa Urtijëi, Erica Senoner


ATLETA JUNIOR DE GHERDËINA 2009 N cunlaurazion cun la Usc di Ladins y la lies sportives de Gherdëina, che à numinà n o na si atleta, vëniel metù a jì na vela dl o

dla atleta dl ann 2009 de Gherdëina sot ai 20 ani aldò dla numinazions tlo dessot. N ucajion dl bal dl sport uniràl premià l o la atleta che giaperà plu stimes dala zedules dates ju dala jënt y da na cumiscion

de esperc. La zedules per lité pòssen taië ora da cater edizions dla Usc di Ladins y les dé ju te na scatula njenieda ca aposta tla filieles de Sëlva, S.Cristina y Urtijëi dla Cassa Raiffeisen de

Sëlva. N possa les dé ju nchin ai 19.11.2009. Danter duc chëi che à lità vëniel trat ora na crociera de n‘ena per doi persones (vel mé sce n ie n chëla sëira nce te sala da bal).

ATLETA Junior dl ANN 2009 Numinazions: Arpizeda sportiva: Atletica: Biathlon: Cumb. nordica: Hockey: Jadiné artistich:

Michael Piccolruaz, Rudi Moroder Janina Schenk, Romy Lambacher Samuel Mussner, Alexia Runggaldier Armin Bauer, Mattia Runggaldier Simon Kostner, Marco Insam Nora Rossetto

Juech al palé: Pudejé: Saut cun i schi: Schi alpin: Snowboard: Tennis:

Guido Riffeser, Giuana Prugger Nadia Ploner, Esther Demetz Elena Runggaldier, Lisa Demetz Nicole Delago, Raphael Runggaldier Peter Wörgartner, Romina Stuflesser Greys Moroder

Bal dl sport Tla Cësa de Cultura Luis Trenker a Urtijëi, ai 21.11.2009 dala 19.00 Bal dl sport Program

Ntreda | 75 Euro Bal | 15 Euro Party 15 Euro do la 22.30 per duc chëi che vën mo al bal.

Dala 19.00

Ntreda cun aperitif

Dala 20.00

Cëina de gala

Dala 22.00

Mujiga cun “Solide Alm“ La nuet de bal mët man

Dala 23.30

Uneranza: ATLETA JUNIOR DE GHERDËINA 2009

riesc do

L vën trat ora n viac cun l bastimënt danter la zedules mandedes ite (n muessa vester te sala)

Dala 01.00

Lianies blances

danterite

Matades cun “Der Luis“

muderazion

Rainer Senoner

Tl Foyer dala 20.00

Party dl Sport cun DJ Ondy

Chertes danora y per apusté mëises: Schi Club Gherdëina Cassa Raiffeisen de Sëlva Tel. 0471 792156 (lun. 10.00-12.00 - mer. 14.00-16.30 - ven. 16.0019.00) Cell. 333 6048956 | info@sciclubgardena.info Servisc de Taxi cun i pulmini dl Schi Club Gherdëina Cassa Raiffeisen de Sëlva. Dala 18.45 nchin ala 20.00 da Sëlva a Urtijëi da mesanuet inant dala Cësa de Cultura demez te duta la direzions.

L vën prià bel de unì furnii da catif

ATLETA JUNIOR DE GHERDËINA 2009 N ucajion dl bal dl sport uniràl premià l o la atleta che giaperà plu stimes dala zedules dates ju dala jënt y da na cumiscion de esperc. La zedules per lité pòssen taië ora da ATLETA Junior cater edizions dla Usc dl ANN 2009

di Ladins y les dé ju te na scatula njenieda ca aposta tla filieles de Sëlva, S.Cristina y Urtijëi dla Cassa Raiffeisen de Sëlva. N possa les dé ju nchin ai 19.11.2009. Danter duc chëi che à lità vëniel trat ora na crociera de n‘ena per doi persones (vel mé sce n ie n chëla sëira nce te sala da bal).

Mi stima a: 1).......................................................................... 2).......................................................................... 3).......................................................................... Mi inuem, adres y nr. tel.: ...........................................................................................................................


Alexia Runggaldier

Sta a S. Cristina Nasciuda ai 27.11.1991 Sport: Biathlon (Scuadra Naziunela Juniores)

Resultac:

1. Campiunac taliani Jëuni pië via duc deberieda Valdidentro (SO) 13.12.2008 1. Campiunac taliani Jëuni Stafeta Sansicario (TO) 17.01.2009 1.Campiunac taliani Jëuni jì do, Forni Avoltri (UD) 08.03.2009 1. Campiunac taliani Jëuni ndividuel Martell (BZ) 14.03.2009 Bedaia de Bront Campiunac mundiei juniores Stafeta Canmore (CAN) 03.02.2009

Guido Riffeser

Sta te Sëlva Nasciù ai 07.01.1990 Sport: Juech dala codla Resultac: Prim jugadëur de Gherdëina dl FC Gherdëina che à fat na partida ufiziela te n campiunat profesciunistich Serie C2 cun l FC Südtirol/AltoAdige

Armin Bauer

Sta te Sëlva Nasciù ai 15.07.1990 Sport: Cumbinazion Nordica (Scuadra Naziunela A) Resultac: 5. Campiunac mundiei juniores Team Strbske Pleso (SVK) 07.02.2009 7. Campiunac mundiei Team Liberec (CZE) 26.02.2009 1. Alpencup Seefeld (AUT) 20.12.2008 3. Campiunac taliani assoluc Cumbinazion nordica Pardac/ Predazzo 18.10.09

Janina Schenk

Elena Runggaldier

Lisa Demetz

Sta a S. Cristina Nasciuda ai 10.07.1990 Sport: Saut cun i schi (Scuadra naziunela A) Resultac: 5. Continental Cup HS 74 Bischofsgrün (GER) 09.08.09 11. Continental Cup HS 106 Vancouver (CAN) 18.12.08 13. Campiunac mundiei Juniores HS 100 Strbske Pleso (SVK) 06.02.09 32. Campiunac mundiei HS 100 Liberec (CZE) 20.02.09 2. Campiunac taliani assoluc de Pardac/ Predazzo 17.10.2009

Esther Demetz

Sta a Urtijëi Nasciuda ai 01.10.1990 Sport: Schi Nordich (Scuadra Raionela) Resultac: 4. Campiunac taliani jëunes Stafeta Schlinig (BZ) 29.03.2009 6. Campiunac taliani jëunes 5 km TL Santa Maria Maggiore (VB) 16.01.2009 7. Campiunac taliani jëunes 10 km TC Santa Maria Maggiore (VB) 18.01.2009

Giuana Prugger

Sta a Urtijëi Nasciuda ai 13.02.1992 Sport: Juech al palé Prima jugadëura de Gherdëina che ie unida cherdeda per na adunanza dla naziunela taliana de juech dala codla dl’ëiles Under 17 2005-2006 jugà pra l FC Scilier vencian l campiunat U14 2006-2008 jugà pra l Vintl Ëiles, segondo post tl campiunat talian serie B 2008-2009 jugà pra la U17 feminil dl FC Bayern München, vencian l campiunat dl Bayern 2009-2010 juega pra l CF Südtirol Ëiles, tl campiunat de Serie A2

Greys Moroder

Sta a Urtijëi Nasciuda ai 18.04.1992 Sport: Tennis Resultac turnoies 2009: Campiunac taliani 2. Cat. Open a Forli dai 31.08. ai 06.09.09 Greys - Agazzi Linda ( 2.4 ) 4/6 6/1 6/2 Greys - Have Elena ( 2.8) 6/4 6/3 otafs de finela Zucchini Agnese ( 2.3) - Greys 6/2. 6/3 Turnoi Under 18 Itf Salsomaggiore dai 25.04.09 aii 02.05.09 Parmigiani Martina - Greys 6/3 6/2

Sta a Santa Cristina Nasciuda ai 19.03.1991 Sport: Atletica Lesiera Resultac: Miëura atleta dl’Atletica Gherdëina, ruveda otava pra i campiunac taliani a Grosseto, tl heptathlon Junior Under 20

Sta a Urtijëi Nasciuda ai 21.05.1989 Sport: Saut cun i schi (Scuadra naziunela A) Resultac: 1. Continental Cup HS 74 Toblach (BZ) 21.01.09 7. Continental Cup HS 106 Vancouver (CAN) 18.12.08 11. Campiunac mundiei juniores HS 100 Strbske Pleso (SVK) 06.02.09 18. Campiunac mundiei HS 100 Liberec (CZE) 20.02.09 1. Campiunac taliani assoluc de Pardac/ Predazzo 17.10.2009

Marco Insam

Sta te Sëlva Nasciù ai 05.06.1989 Sport: Hockey, Scuadra Niagara Ice Dogs (CAN) Resultac: Ontario Junior Hockey League 2008/2009: 69 partides 49 ponc (27 goi y 22 assist) Ontario Junior Hockey League 2009/2010: 11 partides 5 ponc (2 goi y 3 assist) Campiunac mundiei Under 20 Divijion I Aalborg (Danimarca) 5 prejënzes y 4 ponc (3 G 1 A)

Mattia Runggaldier

Sta a S. Cristina Nasciù ai 03.05.1992 Sport: Cumbinazion Nordica (Scuadra naziunela B) Resultac: 5. Campiunac mundiei juniores Team Strbske Pleso (SVK) 07.02.2009 10. Campiunac mundiei juniores HS 100 + 5 km jì do, Strbske Pleso (SVK) 07.02.2009 1. Alpencup HS 87 + 14,4 km jì do, Winterberg (GER) 05.09.2009 1. Alpencup HS 87 + 8 km jì do, Winterberg (GER) 06.09.2009

Atletes y atlec che n possa lité

ATLETA Junior dl ANN 2009


Michael Piccolruaz

Sta a S. Cristina Nasciù ai 31.12.1995 Sport: Arpizeda Resultac: 1. Juniorcup Trentin-Südtirol 2007-08 1. Campiunat talian 2008 a Silea 9. Copa Europa Juniores a Imst (deficultà) 10. Campiunac dl mond Juniores 2009 a Valence tla Franzia (sveltëza) 22. Campiunac dl mond Juniores 2009 a Valence (deficultà) 2. garejeda de sveltëza y 9. te chëla de deficultà pra la Copa Europa Jun. a Minca 8. Copa Europa Juniores a Edinburgh (deficultà) Grado plu rie fat sun na via de arpizeda: 8a+

Romina Stuflesser

Sta a Urtijëi Nasciuda ai 01.10.1995 Sport: Snowboard Resultac: Campiunac taliani alieves 2. post slalom y 3. post slalom lerch

Nadia Ploner

Sta a S. Cristina Nasciuda ai 20.11.1991 Sport: Schi Nordich (Scuadra naziunela Leva Junila) Resultac: 14. European Youth Olympic Festival 5 km TC Szczurk (POL) 17.02.2009 4. Campiunac taliani aspirantes 7,5 km TC Santa Maria Maggiore (VB) 18.01.2009 4. Campiunac taliani aspirantes Stafeta Schlinig (BZ) 29.03.2009

Romy Lambacher Sta te Sëlva Nasciuda ai 17.03.1994

Sport: Atletica i

Resultac: 4 limits (lanza, pëis, saut aut, disch) per pudëi fé pea pra campiunac taliani cadetes Under 16 Bedaia de bront ti campiunac taliani Under 16, atletica lesiera, disciplina disch

Moroder Rudi Nicole Delago

Sta te Sëlva Nasciuda ai 05.01.1996 Sport: Schi Alpin Resultac: 2. Campiunac taliani Mutans Cumbinazion Corno alle Scale (BO) 17-19.03.2009 3. Campiunac taliani Mutans Super G Corno alle Scale (BO) 17.03.2009 3. Campiunac taliani Mutans Slalom Corno alle Scale (BO) 4. Selezion naziunela Trofeo Topolino Slalom lerch Panarotta (TN) 17.02.2009 6. Trofeo Topolino nternaziunel Slalom lerch Panarotta (TN) 20.02.2009

Sta a Urtijëi Nasciù ai 26.03.1992 Sport: Arpizeda Resultac: Venciù plu iedesc l campiunat talian de categuria. Cun 16 ani Copa Italia cun i granc: 3. assolut. Garejedes de Copa Europa (te plu paejes) y campiunac dl mond a Imst 2007 (Austria), Sydney 2008 (Australia) y Valence 2009 (Franzia). Cun 17 ani tla naziunela taliana di granc, garejedes de Copa dl Mond. Pra l’ultima garejeda de Copa Europa jëuni a Edimburg rùvel 6. y pra y campiunac dl mond jëuni 2009 tla Franzia nono. Cun 14 ani na via de deficultà 8B o 10. grado UIAA). Cun 17 ani via de 8c+

Samuel Mussner Nora Rossetto

Sta te Sëlva Nasciuda ai 24.04.1996 Sport: Jadiné artistich sun dlacia Resultac: Campiunëssa taliana “Free” categuria Cadëtes sajon 2008/09

Sta te Sëlva Nasciù ai 17.10.1990 Sport: Biathlon (Scuadra Naziunela Juniores) Resultac: 1. Campiunac taliani Jëuni pië via duc deberieda, Valdidentro (SO) 13.12.2008 1. Campiunac taliani Jëuni jì do, Forni Avoltri (UD) 08.03.2009 15. Campiunac mundiei Jëuni ndividuel 15 km Canmore (CAN) 28.01.2009

Simon Kostner Peter Wörgartner

Sta te Sëlva Nasciù ai 24.08.1996 Sport: Snowboard Resultac: Campiunac taliani mutons 1. post slalom y 2. post slalom lerch

Sta a Urtijëi Nasciù ai 30.11.1990 Sport: Hockey, Scuadra JYP U20 Jyväskylä (FIN) Resultac: Junior A SM-Liiga (Finlandia) 2008/09: 40 prejënzes y 8 ponc (4 G 4 A) Junior A SM-Liiga (Finlandia) 2009/10: 10 prejënzes y doi ponc (2 A) Campiunac mundiei Under 20 Divijion I Aalborg (Danimarca): 5 prejënzes y 2 ponc (1 G 1 A)

Atletes y atlec che n possa lité Raphael Runggaldier

Sta a S. Cristina Nasciù ai 25.01.1990 Sport: Schi Alpin (Scuadra Naziunela Grupa Pianeta Jëuni) Resultac: 6. Campiunac talians Jëuni Libra Pila (AO) 31/03/2009 /20 009 4. Garejeda nternaziunela Fis Super G Caspoggio gio io (SO) 27/02/2009 5. Garejeda nternaziunela Fis Super G Caspoggio gio (SO) 28.02.2009

ATLETA Junior dl ANN 2009


Gherdëina

nr. 44 / 14 de november 2009

Canche l autor liej L autor tudësch Andreas Schlüter ti liej dant ai sculeies dla Scola Mesana de Sëlva. L autor ie cunesciù per si libri per mutons. Si maniera de scrì ie viva y ntressanta, rica de fantajia, che plej detlarazions possa i sculeies mparé velch; dantaldut coche n va damprovia a scrì n liber. Suvënz mienen che per n liber ne n’iel nia n gran lëur, ma pona, jan plu sot, ntënden che scrì n liber ie dut auter che saurì.

Scrì libri de doi

L autor liej.

Scola - Tres l Ufize per la Biblioteches iel unit a s’l dé ai 29 de utober n bel domesdì de leturaancunteda cun l autor. Sambën fova duc curiëusc de udëi de persona l autor. Coche la ie mefun suvënz, se nmagìnen na persona te na cërta maniera, pona canche la ie tlo dan nëus iela, o la ne n’ie nia nscila coche n minova, o mpo mo…Y chël ie pu nce chël che dà vivanda. Duc i sculeies dla segonda tlasses dla scola mesana de Sëlva à fat pea pra chësta ancunteda drët ntressanta cun l scritëur tudësch Andreas Schlüter che à 51 ani y ie de Hamburg. Canche l scrij iel belau for a Mallorca, coche ël nstës à dit, ajache dantaldut iló giàpel la bona ideies y la drëta ispirazions per si libri. L ne n’ie mo mei stat te Südtirol, tlo ti àl plajù, cossa che i sculeies à abinà ora fajan dumandes d’uni sort sun si cont.

N domesdì garatà L domesdì ie unì nvià via cun n salut da pert dla scola y n blòt pez de mujiga sunà da n sculé cun l armonica per ti lascé pona al scritëur dut l tëmp de fé cunëscer mo miec sé nstës, mpue’ de zeche de si vita y de si atività ai mutons. Ël à riesc scumencià a liejer ora de un de si libri ntitulà “Lösegeld”. Coche n possa se nmaginé fòvel n crimi, sciche gran pert de si libri per mutons y jëuni, dantaldut chëi che l à scrit ultimamënter. Scebën che l scritëur ne ti ie nia jit permez ai mutons te na maniera davierta nraian simpatia, iel stat bon, cun si maniera de liejer y de scrì bëndebò nteressanta, descrijan avisa, ma mpo da druch y da rì, de se tré duta l’atenzion di mutons, de i fé curiëusc de liejer si libri y

de ti fé fé truepa dumandes.

Premià cun plu pesć Chësc liber ie unì numinà per l pest “Kinderkrimipreis Martin 2002”. Tl 1998 òvel giapà coche prim premià l “Emil”, l pest per l miëur autor de crimi per la serie de crimi per mutons “Kurierdienst Rattenzahn”. Ël à nce cuntà che l ulova n iede purvé a scrì libri, nsci per cajo. L ova na idea de basa: co fóssel pa perdrët sce mutons fossa per n pez zënza granc? Nsci àl mefun scumencià a scrì n puech al iede giapan legrëza y mutivazion; l ie unit a s’l dé si prim liber dal titul: “Level 4 – Die Stadt”. La ntraunides de si libri ie dutes nventedes, dutes cun d’autra tematiches. De mesaria àl sies enes per scrì n liber. Ma do l avëi scrit vëniel mo liet tres almanco sies iedesc y cumedà ora per cieche à da n fé cun mperfezions de ortografia, cuntenut, lessich, gramatica. Nce da chësta

Ultimamënter, y chël fova n aspet drët nteressant, belau nia da crëier, lëura A. Schlüter deberieda cun na si cumpania, chël uel dì che i scrij n liber de doi. Tlo iel debujën de lauré scialdi bën deberieda. Ala fin dl’ancunteda ti à vel’ sculé mo sëurandat al scritëur n si tema, ti dajan povester na idea per n capitul nuef de n si liber y speran zënzauter de pudëi audì n pitl cumentar tres e-mail. Una na tlas à purtà dant n valguna pitla scenes ora de n liber liet, desmustran de lauré te na maniera criativa cun tesć. La manifestazion ie unida stluta ju cun na ciantia, acumpanieda al tlavier, purteda dant da doi mutans.

Abù fertuna “On abù fertuna y ti sention gra a chëi che nes à dat la puscibltà de pudëi audì chësc scritëur, davia che l fova, coche l nes ie unì dit, 400 dumandes danter scoles y biblioteches che ulova fé cunëscer l autor a n majer publich tlo da nëus. Cieche mancia mpue te nosta scola ie na luegia adateda per de tel ativiteies o manifestazions. Purmpò ons njenià ca na sala cun dessënies y placac fac dai mutons, ti lascian udëi al scritëur che l fova bënunì y che n ova drët l bunder de pudëi ancunté y rujené cun la persona cunesciuda tres i libri,” nsci la nsenianta dla scola mesana de Sëlva Priska Perathoner.

www.lauscdiladins.com

Spëisa - Do che sun l uele de argan iel bele unì scrit dan n valguna enes, ulessans ve fé cunëscer zeche dl uele de sesam. Chësc uele biologich che ie da vënder tla butëiga dl mond vën dal Nicaragua, ulache na pitla tlapeda de paures se à metù adum per ti mucé ala monocultura che cun si gran cunzerns ti bat ju i priejes ai pitli bacans, a na moda che i ne n’ie nia plu boni de sëuraviver. La sumënzes de sesam, da ulache l vën sfrant ora l uele tan de valor, ie una dla plantes che univa bele nuzedes dan 4.000 ani. Chësta univa numineda dai babilonesc „la sëur de Die“. Chësc uele à truep minerai sciche l calzium, magnesium, zinch y fier. L à 43% de grasc saurii da degerì. Nce lezitin, vitamina B y sesamina iel laite. Chëst’ultima ie na sustanza che juda a brujé i grasc te nosc corp y fej a na moda che l uele ne vënie nia da ranc. Uele de sesam arbassa la prescion dl sanch canche la ie massa auta, ti juda a chëi che à diabetes, puzenea ora de nosc corp i metai da tuesse y netea l sanch do na cura de

medejines. Nce tla Beautyfarms vëniel adurvà per fé massajes, ajache l ie n uele neutral. N possa nce se onjer ite l corp limpea per se stravardé dal surëdl, ajache l arbassa dl 30% i raies UV che ruva sun nosta pel. Ma per si bona sëur vëniel al plu adurvà te cësadafuech, dantaldut tla spëisa asiatica y urientela.

Rezeta: salata de carotes y topinambur N adroa: 2 carotes, 1 topinambur (na ravisa che nëta dassënn l sanch y che n giapa da cumpré frësch tla butëiga dala versura), 1 sciadon de sumënzes de sesam, 1 sciadon de brama ejia, 2 sciadons de soft de limon, 1 sciadon de uele de sesam, sel da ierbes. Co fé: mescedé adum la brama, l soft de limon, l uele y l sel. Crazé ite a pitli zetli la carotes y l topinambur. Mescedé su y sparpanië ora sëuravia la sumënzes de sesam che n à dant arestì te na fana suta. Grupa Butëiga dl Mond

Salata de carotes, sesam y topinambur.

De gra ala Crëusc Cuecena! Propi al ultimo mumënt dan parturì ie Chen Qian ruveda te spedel de Bulsan, de gra ala profesciunalità y sensibltà di ulenteres dla Crëusc Cuecena de Gherdërina

I sculeies dla Mesana de Sëlva.

Pra la streda danter Pruca y Ciastel iel unì segurà i parëies sun i ëures dla streda

18

Dan n ann ons tl mëns de nuvëmber prejentà n valguna sëures acumpaniedes da na rezeta. Chëst ann ulessans ve prejenté n valgun uelesc de gran valor nutritif. L uele de sesam

Daniela Villotti

Streda Pruca-Ciastel Stredes - Tl raion dla raida “Zollkehre” dessëurapert dla streda provinziela danter Pruca y Ciastel se òvel destacà pertes dl crëp. L

L uele de sesam

material che manaciova de tumé ju ie unì stlupetà dal Servisc provinziel per la stredes n cunlaurazion cun i geologs dla Provinzia. “Chësta

pert ie pona unida fermeda y nsci segureda,” spiega Valter Molon, diretëur dl Servisc dla stredes tl raion Salten-Scilier. (usp)

Mutons - Jita iela che ora de nia unìvel la dueies, coche la ie mefun. L dutor ne fova nia da abiné. Nscila à fat dut i ulenteres dla Crëusc Cuecena. I ie unic adalerch tl Zënter 181 a Urtijëi, ti à judà ala oma a sté bela chieta, a fé dut chël che l ie da fé. Ciarieda te ambulanza l’àn meneda te spedel de Persenon y ite te sala da parturì. Y cin’ menuc do nasciova bele l pitl mut, Zheng Yi Zhi, prim mut cinesc de Gherdëina nasciù tlo. Cuntënta tlermënter la oma Chen Qian y l pere Zheng Fangping. “Dut à butà, l mut ie sann y nton, Die me à judà, tres i ulenteres dla Crëusc Cuecena. De gra de cuer!” dij la oma cun recunescënza. (dl)

Zheng Yi Zhi.


Gherdëina

nr. 44 / 14 de november 2009

I sucrëc d’instà Nono bibliofestival tla biblioteca „Tresl Gruber“ a S. Cristina: “N instà misteriëus, cosses faszinëntes ora dla cassa di sucrëc”, che à sambën trat l nteres de duc i mutons

S. Cristina - Bele per l nono iede ndolauter à la biblioteca Tresl Gruber metù a jì l bibliofestival per ti fé unì ai sculeies nce ntan i mënsc da d’instà la ueia de liejer. L fova l 2001, canche Maria Cristina Senoner, la cuordinadëura dla biblioteca, ova fat la pruposta de mëter a jì nce te Gherdëina na tel azion. L’idea fova riesc unida ududa de bon uedl sibe dal cunsëi dla biblioteca Tresl Gruber y pona via per l instà dai mutons y genitores.

Na tematica particulera y misteriëusa La tematica da chëst ann fova n instà misteriëus, cosses faszinëntes ora dla cassa di sucrëc, che à sambën trat l nteres di mutons. Truep libri fova a despusizion: libri misteriëusc, da temëi, faszinënc. Plu stories crimineles, stories emoziunëntes,

libri de beches, aranies y tieres particuleres de nosta Tiera, libri de fantajia y de «science-fiction», coche nce stories de fenomenns nia da splighé. Dai 12 de juni nchin ai 27 de setëmber 2009 pudova la sculées y i sculeies dla scola elementera scuvierjer plu avisa i libri dla cassa di sucrëc. Y chiche ova liet ala fin dla azion plu de cin’ libri ie unì nvià ala festa per finé via l bibliofestival. Nscila fova la ueia de liejer mo majera.

Criatività y bela cumpania Bën 110 sculées y sculeies pudova passé de bela ëures, ajache coche la azion de liejer fova nce la festa ala fin duta tl sëni dl’emuzion. I mutons ie unic saludei da pert dla cunlauradëures dla biblioteca, dutes cun n ciapel da stria, n valgunes mascheredes su. Thea y Alexandra à menà cun maestria

tres l domesdì. A una cun la sajon pudova i mutons rafé ora na zucia y ziplé dainora n mus de fantajia. Ala fin ie uni zucia unida nlumineda cun na pitla lum. L’artista Margareth Forer ova truep da fé, ajache uni mut ulova se lascé depënjer l mus cun de biei motifs rics de de biei culëures. Da dedò iel mo unì fat d’uni sort de juesc n cumpania. Scialdi da rì fòvel tlo canche n mut o na muta de uni grupa se ova tramudà te na mumia. Sambën aspitova i letëures lezitënc ert sun la premiazion.

Chi à pa liet deplù Truep sculeies à fat pea pra l’azion de liejer de chëst ann. Ciuna tlas arà pa liet l plu ntan l instà? Al terzo post se à tlassificà la cuinta tlasses, al segondo post la terza tlasses cun 85,1%. I sculeies dla cuarta tlasses ie stai i plu lezitënc. Ëi se à plazà al prim post, ajache

de ndut ova l 87,87% di sculeies fat pea l’azion de liejer da d’instà. A d’ëi ti iel unì sëurandat doi de biei cësć per la pausa dl di do. Chëst ann iel stat letëures scialdi lezitënc. Belau nia da crëier: De ndut iel unì liet 1.694 libri! Fares, Selina, Dana, Karolina, Jenny, Carol y Nicole à monce liet plu de 50 libri. Cun trica aspitovi duc sun la premiazion. Ala fin fòvel mo per duc pizza y zeche da bever. Gloria, Elisa y Verena, trëi jëunes che ova purtà pro al bon garaté dl domesdì, balova cun la mutans y i mutons, che se ova gudù l bel domesdì.

N bibliofestival scialdi garatà Sce l bibliofestival ie nchinamò tan garatà, pona ie chёsc mé l merit dla bona cunlaurazion danter i vint ulenteres che lёura te biblioteca “Tresl Gruber” a S.

Cristina, la maestres y i maestri de scola y l diretëur dla Direzion Raionela de Sëlva y S. Cristina Anton Senoner. La pert finanziela vёn curida dal Chemun y dal Cunsëi de Furmazion de S. Cristina y dala Cassa Raiffeisen de Sёlva, a chëi che ti va n gra de cuer, che mé de gra a si sustëni garàtel for inò de urganisé de bela manifestazions y pité nsci ai letëures n bel program Na tel gran festa, chëst ann fòvel da stramp truep da lëur, pudova mé unì a s’l dé cun l aiut de duta la cunlauradëures dla biblioteca. L proverb „l’union fej la forza“ se ova desmustrà te si drë’ senificat. L cunsëi ulëssa rengrazië de cuer duc chëi che à judà pea te una o l’autra maniera che l’azion y la festa ala fin garatëss y nvieia bele da śën duc canc al’edizion de iubileum dl 2010. Daniela Villotti

www.lauscdiladins.com

19


Gherdëina

nr. 44 / 14 de november 2009

Chi ie pa tati? Teter da rì te Sëlva. L mut che va a crì si pere. Si pere che ie bele maridà, ma nia cun si oma. Ma chi ie pa śën si pere? Situazions ntravaiedes te spedel

L reghisser Moritz Demetz.

Teater Sëlva - I ritms ie auc, pra l teater de Sëlva de chëst ann. L dutor che messëssa jì a rujené dan i luminares ne n’ie nia bon de muever, che l ie for zeche, che n iede vën l diretëur, pona la fëna, pona la nfermiera, pona la blòta che fova n iede stata si amante, pona l mut de chël che l ne savova nia, pona l cumpani dutor, pona l vedl, pona l polizai, pona l auter cumpani dutor, pona inò l diretëur, pona l mut a chël che l ie da ti mucé, pona inò l vedl, pona l pazient che ne n’ie perdrët niancanó, pona l cian, pona inò l

cumpani che ne ntënd nia che l ie da tenì pea ajache l ie dlicat canche la se trata de ëiles amantes y mutons, pona la fëna che uel udëi plu sot tla cossa y ntënder cieche l suzed, pona inò l dutor che mënt plu de Pinocchio y mé per fertuna che l ne n���ie nia de lën che scenó ti crescëssa l nés tan dassënn che l ne fossa niancanó plu bon de se raidé, pona la spriza che mpede al mut ti vëniela fata ala nfermiera, pona una che se namurea y l’autra che se namurea, pona inò l diretëur y pona inò y pona inò. Zënza tré l fla, la storia va via aslune, la te fej belau sté ert, che ngali muessela pa ora, la urità. Da ti auzé l ciapel a Igor Demetz, l atëur prinzipel, per l bon fla y la bona memoria y dut ntëur per si talënt sun palch. Boni nce duc i autri, la vedla bolpes y i jëuni, zeche un per l prim iede. L merit ti va zënzauter nce a Moritz de Plan, che ie chëst ann l reghisser. L pez da rì de Ray Cooney dal titul “Und alles auf Krankenschein”

D’uni sort de ntraunides, dedite y dedora.

sot ala regia de Moritz Demetz ie n’ëura y mesa de devertimënt, da jì a ti cialé duc deberieda, cun chëi de familia o cun i cumpanies. La prima ie stata n sada passeda ai 7 de nuvëmber dala 20.30 te Cësa de Cultura. N curt la trama: N spedel da n bon inuem devënta na tel fetra cësa de mac ulache dut semea ora de scentimënt, cun dutores che se trasfurmea ora de nia te prevesc dal santuele o che

devënta nce nfermieres. Y dut chësc mé ajache Leslie, n tel jëunn de 18 ani, chier si pere l dutor Mortimore y vëija dan sé te n iede plu peresc. I peresc fauc y na dredia de morc de bona ueia, che vën ciacei da de drë polizaies, fej unì su n sotsëura liegher ma da se frì ti ciavëi. L fej pea: Igor Demetz, Mjr i am Novelli, Roman Niederkofler, Samuel Mussner, Bruni Putzer, Ingrid Runggaldier,

Martin Runggaldier, Rudi Avi, Tobias Nocker y Wolfi Mussner. Fotograf ie Ivan Mahlknecht, frisera Laura Senoner, assistënta ala regia Elisabeth Mussner y Doris Pycha dij ite. Dl palch se cruzia Ivo Demetz. L ie mo trëi reprejentazions de chësc teater, che se paia de jì a ti cialé, per la bravura di atëures y sambën per pudëi s’la ri de cuer n struf. (usc)

I cumëmbri dla Grupa de Teater de Sëlva.

Club de tëmp liede Coche te duc i ciamps de vita adroa la persones cun n handicap mentel y persones che se fej ert a mparé, nce te si tëmp liede mé datrai o tresora n sustëni Sanità - L tëmp liede ntegrà y fat ora deberieda cun la persones cun handicap juda a ti vester al stlù ora dla persones cun handicap mentel, juda a tò ju l pëis a chëi de familia y porta pro a n svilup emoziunel, mentel y dl corp. Per chësta rejon ulëssa la lia dla „Lebenshilfe“, deberieda cun l Servisc Soziel de Gherdëina y l Sustëni ala Vita, mëter su la grupa „Club de Tëmp Liede“ tlo te Gherdëina, coche l ie bele te truep luesc de Südtirol. La lia dla „Lebenhilfe“ chier n ël o n’ëila per

20

www.lauscdiladins.com

l raion de Gherdëina, che ëssa nteres de cuordiné na tel grupa. Chësc servisc vën paià ora aldò dl’ëures che vën fates. Studënc, ciajarines o pensionisć che ëssa nteres a se davanië zeche leprò ie dantaldut damandei. L’ativiteies dl tëmp liede dassëssa unì fates doi iedesc al mëns y ala fin dl’ena. Per plu nfurmaziones cherdé su: La lia dla „Lebenhilfe“, Norbert Münster, Streda Mitterdorf 12, 39040 – Auer, tel. 0471/ 810962 o 348 7002756, e-mail: s.beratung@lebenshilfe.it. (am)


Gherdëina

nr. 44 / 14 de november 2009

Nia mé cianté, ma scialdi deplù L Cor di Jëuni Gherdëina se à prejentà te n guant nuef, de livel artistich aut, che possa se lascé udëi. Cunzert di doi Cores di Jëuni d’Urtijëi y S. Cristina y la Grupa Hosianna de Sëlva

L Cor di Jëuni de Gherdëina. Dessot n valgun mumënc ntan l cunzert.

Mujiga - Ntan l ultimo fin dl’ena, te doi dis ndolauter, iel stat trëi cunzerc cun de bela mujiga y cianties, dal gospel a cianties pop y pec de mujiga religëusc moderns. La manifestazion ie unida metuda a jì dala trëi lies cun gran suzes de publich. De ndut fovel 70 jëuni sun palch, duc cun na gran pascion per la mujiga y ueia de sté

y cianté deberieda. La cianties à purtà pro a na bela atmosfera che à sambën ntujiasmà la gran cumpëida de publich ruvà adalerch. Danter na ciantia y l’autra iel unì cuntà de teles da rì da pert de doi cumëmbri dla grupa, Ingrid Demetz y Matthias Runggaldier, che à prejentà man man la cianties, cuntà mpue’ de storia dl Cor di Jëuni Gherdëina y mpue’ de chël che n ulëssa fé tl daunì. Bele tl 2005 à l cor ciantà deberieda, nce iló cun gran suzes y ueia de lauré. Mëdre inant de chësc viers, cun ueia che dà mutivazion de crëier che la mujiga ie y possa vester n liam sterch danter jëuni d’uni età y d’uni luech, zënza descriminazions o cunfins. L badil, che Matthias ova tëut pea, da se giavé ite, sce n cajo che la ne n’ëssa nia butà, coche l ova dit tl mëterman dla sëira, ne fova sambën nia debujën, dut à plu che butà. L fova propi bel.

„Kayama“, „Uhinkhosy“ y nsci inant. Pona nce cover cunesciui: „Oh happy day“, „Like a prayer“, „I still haven’t found wath I’m looking for“. I dirighënc fova Romina Glira, Irene Kostner, Johanna Kostner, Isabella Mussner, Samuel Runggaldier, la tecnica dl sonn fova tla mans de Martin Kostner da Zaramin. Sciot che l bel passa for tan aslune, coche l ie unì dit ala fin dl cunzert, ma zeche resta mpo, la sensazion che la mujiga lieia povester plu che uni autra cossa y che mujiga dà eles de viers dla fantajia, dla lidëza. Ma n pënsa bele danora cun l’idea de urganisé tosc inò n tel cunzert ulache la criatività y la cunlaurazion ie da cësa. Cumplimënc a duc i jëuni dl Cor di Jëuni Gherdëina y assudëi al proscimo cunzert, speron tosc! Duc i jëuni che ëssa ueia de cianté pea pra un di cores ie nviei de cuer. L cunzert ie unit a s’l dé de gra al sustëni de plu istituzions y sponsor privac. A d’ëi ti va n gra de cuer da pert dl Cor di Jëuni Gherdëina.

Un ndolauter

L Cor di Jëuni d’Urtijëi

L cunzert à metù man te na maniera speziela: i ciantarins ie unic ite te sala un ndolauter, jan pona sun palch, se cuncian su do la lingia, la prima doi linges la mutans, dossù i mutons y chësc for ciantan te ritm african. Ntan l cunzert àn pudù audì ora tan de armunia, cunzentrazion y lauré per l medemo fin che l muessa vester per pudëi avëi la drëta cumbinazion de resultat che va debujën per arjonjer cër’ livei, che fova tlo ntan i cunzerc. La cianties jiva dutes a cuer y fova de senificat sot. Danterite fòvel nce de bela cianties africanes coche „Honono“,

L Cor di Jëuni d’Urtijëi ie unì metù su tl 1994 dal caplan da ntlëuta, Guido Perathoner. De fauré dl 1996 iel unì numinà l prim Cunsëi dl cor. Ntlëuta àn nce scumencià cun i cunzerc. Tl ann do ie l Cor di Jëuni unì tëut su dala “Nëus Jëuni Gherdëina”. Te duc chisc ani de cor iel unì mudà dirighëntes per bën cater iedesc, scumencian da Silvia Malsiner y Tania Messner , Nadia Moroder y Irene Verra, Marina Holzknecht, ruvan a Johanna Kostner y Verena Moroder. Al didancuei à l Cor di Jëuni ntëur ai 25 cumëmbri, che se anconta uni ena per cianté y avëi na hez.

Fiung te Sëlva, che à metù su ufizialmënter la grupa ti dajan nce n inuem: “Hosianna” che uel dì per ebraich “jùdenes!”. Ani 90 L’ atmosfera fova drët bona nchin che n valguna ciantarines à lascià pro la grupa ajache les se ova maridà. Riesc iel unì tëut su mo d’ autra ciantarines, mo scialdi jëunes, che à pona tenì mpe la grupa. Nce pra la band fòvel unit a se l dé n valguna mudazions, nsci che n à tëut su mo d’autri strumentisć. La direzion fova śën unida sëurandata a Georg Mussner che fova danter l auter nce l sëul “sëuravivù” dla grupa da dant. Tl 1990 iel unì tëut su na cassëta de mujiga dal titul “Union da Teé. Deberieda cun d’autra grupes ladines àn pona fat pea la tournee “Legrëza de viver”, che à dat per l prim iede ucajion ai cumpunënc dla grupa de scrì nstësc cianties y de les purté nce dant.

Tl 1993 iel unì metù a jì n cunzert te Sëlva y la tournee “Crëidum, speranza, amor” te plu luesc de Sudtirol. Al didancuei Pra la senteda generela de jené dl 2007 à la “jëunes” tëut tla man la grupa, canche duta l’autres a tëut cumià. A d’ëiles ti va n gran rengraziamënt, per avëi for ciantà tan bel, per avëi purtà inant tan giut la grupa te na bela armunia, cun ntujiasm, artenienza y legrëza. La jëunes ie scialdi cuntëntes che Peter Mussner ie mo restà pra d’ëiles: “Si savëi, esperienza y dantaldut si gran despunibltà nes ie tresora n bon y gran sustëni. Tres si gran cruzi y cunsëies nes iel da stramp daujin, nes dajan forza y mutivazion per jì inant!“

Cor di Jëuni S.Cristina L Cor di Jëuni S. Cristina ie unì metù su d’autonn dl 1998 sot ala direzion de Willy Runggaldier y dal 2005 de Samuel Runggaldier. Al mumënt fej pert dl cor de ndut caranta jëuni danter ciantarines y ciantarins dai 14 ani insù. Dantaldut mët l cor adum mësses per jëuni, nozes y se lascia audì nce pra ancuntedes di jëuni. Fin dl cor ie de sopië y curé mujiga religëusa y profana per cor. L repertoire va dala Renaissance nchin al Pop & Jazz. Pra i ponc plu mpurtanc di ultimi ani toca dantaldut la ancuntedes cun cores dl Sudafrica, l viac a Ravenna, l festival europeich di cores di jëuni a Lignano Sabbiaddoro. L fin primer ie de purté daujin a duc i jëuni la legrëza per l cianté y de tré pea jëuni y manco jëuni de viers dla mujiga. Daniela Villotti

Grupa Hosianna 80

L scumenciamënt, ti ani

Jon de reviers ai ani ‘80. Ntlëuta fòvel te Sëlva na grupa de mutans che ciantova ntan la Santa Mësses, cianties ritmiches acumpaniedes cun chitares, n flaut y uni tant nce n “Hackbrett”. Prësc do ie pona ruvà l caplan Toni www.lauscdiladins.com

21


Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

nr. 44 / 14 de november 2009

Gran festa dl ćiaval Önejima ediziun dl Rait de San Linert. La festa dl sant de Badia é gnüda recordada cun la defilada de ćiavai, güćes y guanć da zacan. Na novité de chësc ann é stada la gara da trà de forza

Badia - En domënia dan otedé éra indô stada tan inant. A Badia él gnü metü da jì le Rait de San Linert dles Valades Ladines, che é chësc ann rovè a süa 11ejima ediziun. Les previjiuns dl tëmp n’ê nia les mius, mo impò él rovè a Badia cotan de jënt a ćiarè pro, inće sce demanco co i atri agn. Ala fin à le tëmp lascè fà, y i organisadus po ćiarè zeruch a na ediziun garatada. L’organisaziun é stada tles mans dl’Assoziaziun Turistica Badia, deboriada cun les uniuns di ćiavai dla Val Badia, cun sü surastanć Enrico Nagler (uniun di ćiavai norics) y Simon Dapoz (uniun di ćiavai haflinghers).

Daimprò da 70 ćiavai La festa de San Linert â bele metü man da doman cun la santa mëssa solëna. Incër les 10.30 é spo

22

www.lauscdiladins.com

piada ia la gran defilada da Pedraces demez, por rovè tl zënter de San Linert. Chësc ann à i zidladus condüt adalerch plü o manco 70 ćiavai, che é gnüs fać sö cun gran förtl, pasciun y amur por le detail. I corusc di guanć da zacan y dles trohtes da dötes les valades ladines, y les güćes infornides sö à completè la cornisc de chësta gran manifestaziun dl ćiaval, che vëgn aprijada da tröpa jënt dl post y inće dai ghesć da foradecà. Por na buna cornisc musicala à fistidié les musighes de Badia, da San Ćiascian y da Rina, sciöche inće la Böhmische da La Val y deplü sonadus cun i orghi da man. Deplü é inće stà i ghesć d’onur: l’assessur provinzial Florian Mussner, l’ombolt dl Comun de Badia Iaco Frenademetz cun so vize Klaus Castlunger, i presidënć dles assoziaziuns turistiches de Badia y da Corvara/

Calfosch, respetivamënter Andy Pertot y Oskar Alfreider, Manfred Canins, diretur dl Consorz Turistich Alta Badia - instës n gran apascionè de ćiavai, sciöche inće i rapresentanć di sponsors prinzipai dla manifestaziuns. Dô la gran defilada, é la jënt rovada adöm incër le paiun dla musiga, olache le degan à cherdè jö la benedisciun de Dî sön la jënt y i ćiavai. La festa é spo jüda inant tratan döt le dé cun iniziatives desvalies, spëisa da chilò y de buna musiga, danter l’ater tla Ćiasa J.B. Runcher, olache i Stüdafüch de Badia à pité intratenimënt. Le comandant rengrazia düć i stödafüch che à daidé. La Jonëza da Paur à fistidié da dè fora spëisa y boanda, y tla cornisc dla manifestaziun él inće gnü metü sö deplü stonć de solidarieté, da pert dla Uniun dles Ëres de Badia, dla

Ćiasa di Pici y di scolars dla elementara de Badia.

Ćiavai tira de forza Öna dles novitês de chësc ann é stada la gara da trà de forza. I ćiavai â da trà n pëis de 1.760 chili sön na destanza de 40 metri. Determinant ê le tëmp che i ćiavai adorâ da curì la destanza, sön chëra che ai ne podô nia galopè. Davagné à le zidladù Erich Declara cun le ćiaval Perla, che à curì i 40 metri tl tëmp de 22,53 secunć. Al secundo post ciafunse Christian Nagler cun le ćiaval Linda, che à stlüt jö la gara cun 30,28 secunć. Al terzo post Erich Declara cun le ćiaval “Saly”, cun le tëmp de 39,55. I organisadus tol l’ocajiun da rengrazié chës istituziuns che à dè n sostëgn finanziar por la manifestaziun: la Regiun Autonoma

Trentin-Südtirol y la Provinzia de Balsan - repartiziun Cultura Ladina, le Comun de Badia, l’Assoziaziun Turistica Badia y i sponsors privać. I ùn coiü adöm n valgönes impresciuns dl Rait de San Linert 2009. (test: pablo, fotos: Freddy Planinschek)


Val Badia

nr. 44 / 14 de november 2009

Mudaziuns pro les pistes dai schi

“Adio” ćiasa di pici Le Comun de Mareo tol la dezijiun da dè sö le sorvisc dla Ćiasa di Pici a Al Plan. Les gaujes: massa püćia domanda y cosć massa alć. Na alternativa podess ester les umes dl dé Al Plan/1 - La dezijiun ê bele plü dî tl’aria. Śëgn pêra definitiva. Le consëi de comun de Mareo à fat fora tla sentada di 5 de novëmber che cun la fin d’aurì 2010 gnaràl stlüt la Ćiasa di Pici a Al Plan. La rajun prinzipala é i cosć dla strotöra, che é por le Comun de incër 35.000,00€ al ann. Laprò s’injunta la domanda scialdi bassa: al momënt vëgnel menè n möt su, che stà por 3 dis al’edema, y por le dagní pêl che al ne sides ninenia domandes. Le Comun â ćiamò menè fora tles ultimes edemes na cherta a dötes les families cun de pici mituns, olache i geniturs gnô damanà tan inant che ai ess albü debojëgn de chësc sorvisc. Apresciapüch 30 porsones à respognü (sön chës 95 chertes menades fora), y de chëstes à manco co 10 manifestè n interes concret por la strotöra. Chësc spliga la dezijiun tuta dal consëi. Da dì él inće che la Cooperativa Casa Bimbo ti â fat na proposta al Comun da tignì davert ma i mëisc de sajun, ći che n’ess nia smendrì de tröp i cosć por l’aministraziun de comun. “Sigü é chël dla ćiasa di pici n sorvisc important, che vëgn gestì dal Comun, y le Comun mëss dì sce al l’ô o manco. Sambëgn mëssel inće stè en pè dal punt d’odüda finanziar y avëi na certa utënza, che n’é te Mareo nia dada, dantadöt fora de sajun. D’invern él indere inće a Al Plan plëgn”, dij Giuvani Frenes, referënt dl’assistënza economica tl Raiun Sozio-sanitar a Picolin, che fistidiëia inće da daidé les families pro domandes desvalies che reverda la Ćiasa di Pici.

La Ćiasa di Pici à Al Plan sarà daverta ćiamò ćina d’aurì 2010.

Na gran desfarënzia d’utënza él tla Ćiasa di Pici a Badia, olache al é ćinamai listes de porsones che aspeta, mo inće chësc à sües rajuns, sciöche Frenes nes dij inant: “La Ćiasa di Pici a Badia cür n raiun cotan plü gran, olache al vëgn menè mituns y mitans dales trëi fraziuns dl Comun de Badia, na bona pert dal Comun da Corvara y en pert inće dal Comun da La Val. A Al Plan él indere prinzipalmënter mituns d’Al Plan, deperpo che da Rina y da La Pli n’él tanco degöna domanda.” Impò é Frenes dla minunga che sce chësta strotöra toma demez, podéssel se cherié tl dagnì dificoltês. Al podess ester n problem dantadöt por chi dl turism. Na alternativa podess ester chëra dles “umes dl dé”. Ara se trata chilò de umes che à arjunt na cualificaziun aposta, y podess ospité ćina a sis mituns te

süa ćiasa, inće sce al é da dì che l’abitaziun mëss respogne a certes esigënzes (p.ej. grandëza etc.). Frenes dij inant: “Le sorvisc de uma dl dé é de n cer’ vers inće plü flessibl y al toma demez les spëises por l’afit de frabicać, deache i mituns vëgn tuć sö te ćiases privates. Chësta podess ester tl dagnì sigü na alternativa interessanta.” En chësc cunt unse inće contatè Michele Monte, coordinadù intern de Casa Bimbo, che nes dij: “Dl 2002 unse fat cursc por umes dl dé. Sambëgn él śëgn passè tröp tëmp. N valgönes partezipantes laora śëgn te nostes strotöres, porchël él da valutè sce al é le cajo da organisé ćiamò n curs. Nos ùn nüsc insegnanć spezialisà che é dagnora a desposiziun da dè informaziuns. Inće chilò saràl cosć, che le Comun messarà valutè sce surantó o manco.” (pablo)

“Generaziun Jona” a La Val Da püch él gnü metü sö a La Val n consëi dla Generaziun Jona dla SVP. Gran interes da pert di jogn, che ô inće podëi dì la süa La Val - Ala fin d’otober s’à indunè le consëi SVP da La Val cun i jogn dl paîsc, por mëte sö n grup de jogn che desmostra interes por la politica, cun le fin da ponsè y portè inant deboriada idees nöies. Le presidënt dl consëi SVP da La Val Manfred Vallazza à saludè i

presënć y à portè dant l’importanza dl’ativité de chësc grup de jogn. Inće i jogn dess ciafè l’oportunité da dì la süa tla politica y se moscedè ite cun iniziativa. Le vizereferënt dla jonëza SVP de Südtirol Daniel Ellecosta, à prejentè y splighé plü avisa les ativitês dla Generaziun

Le comitê nü dla Generaziun Jona da La Val cun rapresentanć dl comitê SVP da La Val, le referënt de Puster Manuel Raffin, le referënt jonil Daniel Ellecosta y l’ombolt Franz Complojer.

Jona dla SVP a livel provinzial. Le referënt dl raiun de Puster Manuel Raffin à portè dant i laûrs a livel de Puster y à cuntè sö les iniziatives desvalies y i argomënć portà inant dala Generaziun Jona. “Al é veramënter de gran importanza che i jogn de nosc paîsc se dais jö da śëgn inant deplü cun i avenimënć y i fać de nosc paîsc, y ais inće iniziativa da baié impara”, à dit l’ombolt da La Val Franz Complojer. Do na picia discusciun sön n valgügn argomënć, él gnü istituì le consëi nü, metü adöm da 5 mëmbri: Christian Crepaz, Claudia Crepaz, Manuel Pezzei, Simon Costabiei y Monica Vallazza. Öna dles intenziuns de majera importanza de chësc comitê nü é chëra da trà ite i jogn de nosta valada, da se dè jö cun la politica por podëi cherié n bun dagnì te nosc paîsc a La Val. Le consëi SVP La Val, l’ombolt Franz Complojer, le referënt Daniel Ellecosta y Manuel Raffin ti à aodè tröp suzes al consëi nü y à assigurè süa desponibilité. (Helga Rubatscher)

Tla sentada dl consëi de comun de Mareo él gnü baié dl plann de setur di implanć portamunt y dles pistes dai schi Al Plan/2 - Dlungia l’argomënt dla Ćiasa di Pici, à le consëi de comun de Mareo albü 9 d’atri punć al ordinn dl dé. Un de chisc ê la tuta de posiziun sön le plann de setur di implanć portamunt y pistes dai schi, olache la sozieté di lifć d’Al Plan y la Skiarea Miara s’â damanè deplü mudaziuns. Insciö à le consëi dè pro da amplié la pista “Ćianross” (dlungia la staziun a val) de 1.570 m2 de terac, y da spostè de 10 metri a süd la trassa dla varianta dla pista Col Toronn (preodüda mo nia ćiamò realisada) dlungia la ostaria “La Miara”, y da amplié la pista “Ruis” nr. 9 al altëza dla staziun a munt dl implant “Costa” (za. 10-15 metri por na lunghëza de chi 120 metri, da intrames les perts). Laprò él inće gnü dè pro da portè ite tl plann n ampliamënt de mez hectar sön la varianta dla pista Ruis nr. 9 (che passa dlungia la ütia Bivacco jö), en previjiun dla realisaziun dla pista “Ruis II”. Por ći che reverda la Skiarea Miara él gnü dè pro da portè ite la delimitaziun dla pista "Miara" (a munt) aladô dl termo dl

parch natural, deache al momënt rovâ la pista daìte dal termo, inće raiun Natura 2000. Nia dè pro n’à le consëi da tó demez dal plann n tòche de varianta dla pista “Miara” che passa sura strada ia, püch sot la ostaria “Chi Vai”, deache al é te chësc raiun ćiamò n recurs pendënt dan le TAR, danter le proprietar de na ütia y le proprietar dl terac. Danter les atres dezijiuns él da anunzié che le consëi à sostituì n mëmber suplënt dla comisciun dl frabiché: al post de Ulrich Craffonara da Rina él gnü fat la proposta de Christian Ferdigg, tres da Rina. L’aconsiadù Felix Ploner é spo gnü nominé rapresentant dl Comun tl Comitê dla scolina da La Pli, y a Fortunato Verginer ti él gnü renovè l’inćiaria de ejaminadù di cunć por la perioda 2010-12. Ala fin à le comun inće messü tó na dezijiun sön la tlassificaziun dla strada Longega-Grones y dl tòch Grones -Termo de comun, olache al é gnü dè pro da tlassifiché la strada sciöche strada publica. (pablo)

Picia festa di Giovanni Trebo Cater porsones cun le medemo inom y cognom, dötes tl comun da San Martin. Söl Lüch dl Tasser ài podü s’incuntè pro na buna marëna Curiositês - An alda datrai che porsones cun le medemo cognom s’abina adöm por fà festa o por fà val’ iade deboriada. Al é cognoms dër conesciüs y les porsones che i porta é sternüdes fora lunc y lerch, sciöche i “Clara” o i “Irsara” tla Val Badia, o i “Moroder” y i “Demez” ia en Gherdëna. Porsones cun chisc cognoms à datrai fat de gran incuntades y al é inće gnü dè fora publicaziuns che cunta n pü’ süa storia. Nia tan saurì n’él da ciafè fora y abiné adöm porsones che à le medemo inom y cognom. Chësta ti é garatada a Gottfried Trebo dl Tasser da San Martin, che n’à ciafè fora cater che porta l’inom de “Giovanni Trebo”, y düć é tl pice comun da San Martin. Deache un de chisc, le plü jonn, é so möt, i âl invià a na picia festa, la domënia ai 18 d’otober, söl Lüch

dl Tasser, olache ai à podü stè adöm y s’la cuntè pro na buna marëna.

Ché é pa i cater “Giovanni Trebo”? Le plü vedl é Giovanni Trebo de Tor, de 83 agn, gran paur söl lüch de Tor Dessura. Al é maridé cun Maria Planatscher y à 2 mituns y 7 mitans. Le secundo é Giovanni Trebo dl Tistler, de 78 agn, n parënt dl poêt ladin Angelo Trebo. Al à maridé Paola Ploner y à döes mitans y n möt.Al é aprijé te paîsc sciöche “fatuto” y laurant da na buna man. Le terzo Giovanni Trebo à 74 agn. Al é nasciü a San Ćiascian y à laurè da idraulicher. Al é maridé cun Clara De Clara y à trëi mitans. Le plü jonn di cater é Giovanni Trebo dl Tasser de 23 agn. Al laora söl lüch y agriturism de so pere Gottfried. (pb)

I cater Giovanni Trebo dl comun da San Martin. www.lauscdiladins.com

23


Val Badia

nr. 44 / 14 de november 2009

Cun la musiga ti USA Te n iade de döes edemes à i componënć dla Musiga de Südtirol odü n valgönes dles plü beles citês di USA, zënza lascè fora morvëies dla natöra sciöche le Grand Canyon, le Bryce Canyon, la “Death Valley” y le Sequoia Park

La Musiga de Südtirol dan le “Hofbräuhaus” a Las Vegas.

La Musiga de Südtirol a Fresan pro n conzert.

Iadi - La “Musikkapelle Südtirol” - la Musiga de Südtirol, che é sot ala presidënza de Heini Forer da Türesc y dl dirighënt Raimund Pizzinini de Badia, é indô n iade rovada adöm por fà n iade plü lunch. Bele dan dui agn, dai 8 ai 22 d’otober 2007, ê la medema musiga rovada a sonè tl Brasil; chësc iade é musicontri y musicontres jüs a vijité n valgönes citês di USA. La sabeda ai 10 d’otober, dales

24

www.lauscdiladins.com

5 da doman, sunse pià ia por jì cuntra Minca, olache i ùn tut le fligher che nes condujô a Chicago, ti USA. Dailò él stè da baratè fligher por jorè inant cuntra Los Angeles. Interessant él stè che tratan chësc iade bindebò lunch, n’él mai gnü scür. Le lominus dl dé nes à acompagnè dal Prener ćina a Lois Angeles, inće sce i sun jorà por passa chinesc ores indöt. Le grup ê metü adöm da 58 porsones. Bele le dé do adora sunse pià ia cun n gran y n pice

bus, por jì a vijité Los Angeles, olache i ùn odü davijin la Walt Disney Music Hall, le Walk of Fame y Hollywood, la metropola dl film.

Le pröm conzert y na bela straufunga Bele le pröm dé unse inće fat nosc pröm conzert ti USA, plü avisa a Torrence, tl Alpine Village, en gaujiun dl famojo “Oktoberfest” da Torrence. Le secundo dé unse odü Santa Monica - la cité di rić - cun Beverly Hills y la Ex-Muckibude de Arnold Schwarzenegger che é śëgn governadù dla California. A Beverly Hills unse paié na straufunga de 265,00 dolar, por avëi parchè 10 menüć massa dî te n post. Nosc iade é spo jü inant a Palm Springs - Joshua Tree Nationalpark - Laughlin, che vëgn nominada la picia Las Vegas, olache i sun inće jüs n tòch sön la strada conesciüda “Route 66”. Interessant él che ti USA po i jogn bele cun 16 agn fà la patent y rovëne n auto, mo i jogn sot i 21 agn ne po daldöt nia bëre alcohol,

Ladins tla val di indians “Monument Valley”. Dancà él Reinhard Pallestrong (Rina), le dirighënt Raimund Pizzinini (Badia) cun La Usc di Ladins tla man, Stefan Piccolruaz (Badia), Davide Agreiter (San Ćiascian). Iadedô él Urban Irsara (Badia), Adelbert Frenner (Badia), Alexander Clement (Badia), Philipp Lerchegger (Badia), Urban Pallestrong (Rina), Adalbert Piccolruaz (Badia), Irene Clement (Badia) y Gottlieb Nagler (La Val).

y gnanca i ćiarè pro a chi che śoga tl casinò.

La belëza dl Grand Canyon Le cuinto dé sunse jüs a vijité le Grand Canyon, un di parcs nazionai plü bi sön chësc monn. Sce an ne le vëiga nia, ne pon nia s’imaginé ći che le rü Colorado é stè bun da fà te miliuns de agn. I sun pià ia döt contënć cun n te’ pice fligher, por jorè sura le Grand Canyon fora, mo i ên ćiamò plü contënć canche i sun indô stà cun i pîsc ia por tera. Chësc jore romagnarà tles recordanzes de tröc sciöche le jore plü movimentè de süa vita; tan de gran scassades a 1.000 metri sura tera ia, n’à tröc de nos mai albü.

Sonè por i indians Da sëra unse dormì te n hotel di indians Navajo. A chisc i unse inće sonè dant n pêr de tòć, che i

à plajü. Dër interessantes i savô a ëi les braies de coran y i socheni blanć. Nosc iade é spo jü inant tres le Monument Valley. Ara se trata de na val, olache i indians vir ćiamò aldedaincö, danter munts cun formes straordinares. Les pizes à tan tröpes formes che an s’imaginëia fora de vigni piza na forma de val’ tier o porsona.

Dal Bryce Canyon a Las Vegas Dal Monument Valley sunse jüs a vijité le Bryce Canyon, n parch natural cun crëps mai odüs al monn. I bi corusc dl altonn cun le cil bel bröm à lascè garatè fotografies dl Bryce Canyon che romagnarà na recordanza straordinara por döta la vita. Dal Bryce Canyon sunse spo jüs a Las Vegas, la cité dles löms, di corusc y dl devertimënt, plü conesciüda al monn. A Las Vegas se desmëntion saurì la realtè da vigni dé. Al pê che le monn sides ma


nr. 44 / 14 de november 2009

Daurida dles “Neores”

bel y plëgn de devertimënt. Tl “Hofbräuhaus” de Las Vegas unse fat nosc secundo conzert.

A La Ila Alta gnaràl daurì n iade al’edema n salf, batié cun l’inom “Neores”, che dess ester n post olache geniturs y mituns po rovè adöm, fà jüć, mo inće se baratè fora guant y d’ater patüc por mituns. L’edema che vëgn saràl davert vigni dé

Tl ćialt dla “Val dla Mort” Do dui dis de devertimënt a Las Vegas sunse jüs fora por la Val dla Mort (Death Valley). Inće sce al ê otober, êl ćiamò 34°C de ćialt t’ambria. Val’ posć de chësta val é sot le livel dl mer. D’isté él chilò tan n gran ćialt, che al é imposcibil che val’ tier, porsona o planta pois vire. Te chësta val él gnü mosorè inće 57°C de ćialt. I ùn inće vijité le “Sequoia Park”, olache al é i maius lëgns dl monn. Le lëgn “General Grant” à plü de 3000 agn y mosöra n diameter de 12 m, por n’altëza de 130 metri. Tl “Yosemite Nationalpark” unse finamai odü na laurs.

I contrasć de San Francisco I ultimi dui dis sunse stà a San Francisco, olache i ùn inće fat n pice conzert sön le famojo “Golden Gate Bridge”. San Francisco é na beliscima cité, olache an vëiga tóch dlungia la richëza y la povertè. Indöt sunse rovà te cater stać di USA: California, Nevada, Utah y Arizona. N gran avenimënt por düć nos. Chësc iade romagnarà dî te nüsc cörs. N bel dilan a Heini Forer da Türesc por döta l’organisaziun, dilan a nosc dirighënt Raimund Pizzinini de Costa de Badia, che à sostituì le dirighënt conesciü Friedl Pescoller. (Adalbert Piccolruaz)

Val Badia

Ladins pro le Golden Gate Bridge. Söle mür da man ciampa él Adelbert Frenner, Urban Irsara y Davide Agreiter. Dan le mür él Adalbert Piccolruaz, le dirighënt Raimund Pizzinini, Reinhard Pallestrong, Alexander Clement y Philipp Lerchegger.

Badia - Tl Comun de Badia él gnü invié ia tl ultim tëmp deplü iniziatives de carater sozial, y la proscima é bele dan porta. Da en lönesc inant - 16 de novëmber - gnaràl daurì n local tla Ćiasa dles Uniuns a La Ila Alta, por geniturs cun mituns che ô stè deboriada, mo inće se baratè fora guant por mituns. Le Comitê por la valianza di dërć dl Comun de Badia, che toma ite sot l’assessorat de Edith Dapoz Valentini, é metü adöm da ëres de vigni fraziun. Chësc comitê é rovè adöm te na A La Ila vëgnel daurì n local nü, a sentada, olache al é gnü desposiziun por geniturs cun mituns. baié de propostes nöies. Danter chëstes él inće gnü damanè salf é gnü batié cun l’inom “neores”. da daurì n local por geniturs cun Al sarà davert vigni vëndres dales mituns. Chësta proposta à śëgn 14.00 ales 17.00. La pröma edema, ciafè na cornisc concreta. Tla Ćiasa pian ia dal lönesc che vëgn, ai 16 de dles Uniuns a La Ila Alta él gnü novëmber, ćina al vëndres arjigné ite n salf, che dess ester a romagnarà le salf davert vigni dé desposiziun por i geniturs cun dales 14.00 ales 16.00, por che i mituns, cun la poscibilité da rovè geniturs y i mituns pois avëi l’ocajiun adöm, da fà jüć deboriada, mo inće da jì a ti ćiarè y conësce plü davijin da se baratè fora guant por mituns l’oferta nöia. N grup de umes s’à dai 0 ai 14 agn, sciöche inće d’ater metü adöm y arà tles mans la gestiun patüc por mituns: jüć, bagheli, libri, y l’organisaziun dl salamënt nü por atrezadöra da d’invern y d’ater. Le les families. (pablo)

www.lauscdiladins.com

25


Val Badia

nr. 44 / 14 de november 2009

N liber de scincundes Ai 28 de novëmber gnaràl presentè a San Martin n liber de fotografies de Hans Pescoller y Paul Erlacher, dal titul “Scincundes”. La publicaziun ti é gnüda dedicada ai cater elemënć: aria, ega, tera y füch, y ales incuntades che vëgn a s’l dè tres indô sön le iade fora por la natöra Erlacher. Pescoller injunta: “I cater elemënć adorunse nos dé por dé por vire. La tera da podëi ciapè lassura, l’ega da bëre, l’aria nëta, le füch che scialda la tera y porta pro al crësce.” Sce al é dolarata saurì da portè i elemënć dla tera, dl’ega y dl füch, él por i auturs stè na desfida da portè tla fotografia l’elemënt dl’aria, sciöche Pescoller nes dij inant: “Al é stè na gran vêga da rapresentè l’aria, deache ara po ma gnì rapresentada sce ara se mosceda, p.ej. cun les neores, le ciarü, le gonfedè dla nëi.”

Alzè fora les belëzes I dui auturs Hans Pescoller y Paul Erlacher cun la publicaziun nöia.

Publicaziuns - La ćiaradöra astüta de na olp cuca tl obietif dl aparat da fà jö. Le fotograf druca le botun, y chësc momënt magich nes romagn zeruch sciöche scincunda, che i podun partì cun i atri. Chësta olp cuca śëgn dal cuertl dl liber de fotografies “Scincundes - Geschenke - Regali”. Insciö se tlama la publicaziun nöia de Hans Pescoller da San Martin y Paul Erlacher d’Al Plan. Na publicaziun che contëgn indöt 90 retrać fora dles contrades naturales dles Dolomites, acompagnà da pinsiers, zitać, reflesciuns te trëi lingac, che completëia les scincundes che la natöra nes pîta, sce an à la paziënza da i ćiarè, da les descurì, la capazité da se fà demorvëia. L’idea da realisé chësta publicaziun é stada de Hans Pescoller, che é bele autur de deplü libri de fotografies, dà fora dal EPL: La Val Badia, Dolomites - Pizes Magiches y Dolomites Tera Ladina,

de chi che al n’é incö feter plü degügn ejemplars da ciafè. Cun les “Scincundes” ô i auturs colmè chësta locia. Por la realisaziun dl liber à Pescoller inće orü damanè so jëinder Paul Erlacher d’Al Plan, instës n gran apascionè de fotografia dla natöra, y mëmber dl Fotoclub Val Badia y di “Strix” - i fotografs dla natöra de Südtirol.

I cater elemënć “Chësta publicaziun podesson aratè feter sciöche la contlujiun de n ziclus. Nosta natöra, nosc raiun da munt, é na gran scincunda”, dij Hans Pescoller. Insciö é inće nasciü le titul dla publicaziun. Le liber é partì te cater perts prinzipales, dedicades ai cater elemënć dla natöra: l’aria, l’ega, la tera, le füch. “Sciöche la natöra é na scincunda, é inće vignun de chisc cater elemënć de gran scincundes, che i ùn la fortüna da avëi, mo che i messun inće ćiarè da mantignì tan beles sciöche ares é”, dij Paul

Cun chësta publicaziun ô i dui auturs mostrè sö la belëza de chëstes scincundes, y tl medemo tëmp inće invié da ponsè do, ći che al nen foss sce i n’ésson n dé nia plü da les avëi, te chësta forma nëta, tlera y bela. De n liber de “amonimënt” ala porsona che sfrüta y desdrüj gonot la natöra, n’ô i auturs nia baié. “Al é n invit da ti dè pëis a chëstes cosses y da ponsè do a süa grandëza”, dij Hans Pescoller, “Por nos él gonot logich che i ùn l’ega nëta, l’aria frësca, na natöra sana.” Cöie adöm les scincundes dla natöra n’é nia dagnora na cossa scëmpla. Al ô ester paziënza, dorada y pasciun. “Al é doìa na gran ligrëza. An mëss daurì i edli canche an va fora por la natöra y ester cosciënć de ći che an vëiga”, dij Paul Erlacher. Sambëgn mësson inće ester le dër momënt tl dër post, ći che ô dì se mëte sön tru inće canche les condiziuns dl tëmp n’é nia tres otimales. Dlungia i cater elemënć à i auturs orü i dediché na cuinta pert ales “Incuntades”. Inće chësta pert podésson aratè na contlujiun, sciöche Pescoller nes dij: “Cun les incuntades unse orü stlü jö le cheder di cater elemënć. Ala fin él döt incuntades. Sc’i va sön Fanes, spo incunti p.ej. le Lech Vërt, n tier o val’ d’ater. Al é dagnora incuntades.” Por Erlacher se manifestëia chëstes incuntades tres indô inće ti elemënć dla tera. “Sce an tol i elemënć un por un, pêl na cossa morta. Impormò canche ai röia adöm, che ai s’incunta, pórti pro a cherié vita.”

La presentaziun

Le cuertl dl liber “Scincundes - Geschenke - Regali”.

26

www.lauscdiladins.com

La publicaziun de Hans Pescoller y Paul Erlacher gnarà presentada la sabeda ai 28 de novëmber dales 16.00, tl gran salf dles uniuns a San Martin de Tor, olache ara sarà da ciafè al prisc spezial de 25,00€. La cornisc musicala gnarà pitada dal Cor de Dlijia da San Martin. Le liber sarà dedô da ciafè inće te Istitut Ladin y te deplü botëghes, al prisc de 28,00€. La publicaziun é gnüda dada fora dal EPL - Ert por i Ladins, che n’à lascè realisé indöt 2.000 ejemplars. Colaborè à inće Lois Ellecosta de Colac/Al Plan, Albert Videsott da Picolin, Daria Valentin de Badia y Claudia Crepaz da La Ila. (pablo)

Indunada dla Uniun di Paurs La Val - En vëndres ai 13 de novëmber él gnü tignì a La Val l’indunada raionala dla Uniun di Paurs/Val Badia. Le diretur Siegfried Rinner à baié de implanć fotovoltaics, mo inće dles lîtes de comun 2010. I paurs dla Val Badia à inće albü l’ocajiun da incuntè le surastant

provinzial nü Leo Tiefenthaler, che à baié de bonus de cubatöra, planns de raiuns de prigo y planns de sconanza dles eghes. Danter l’ater él inće gnü surandè l’atestat por “Mêsc de familia” (Erbhof ). Deplü podarëise lì tla ediziun di 21 de novëmber.

Baié de testamënt Lies - Le KVW d’Al Plan à organisé ai 27 d’otober, deboriada cun la surastanza dl KVW da Bornech/Puster, n referat söl tema „Recht im Alltag – Erben und vererben“. Le referat é gnü tignì dala iurista y mediaturia da Valdaora Verena Brunner. Ara à portè dant la tematica te na manira dër scëmpla, saurida da capì por düć, dër tlera y do na bona strotöra. Tres ejëmpli àra inće splighé co y ći che al é da fà

por passè inant na proprieté tres testamënt, y chi che erpa sce al ne vëgn nia fat o scrit n testamënt. Al é stè n argomënt che i à plajü ala jënt y le salf dla Raiffeisen ê ocupè ćina al ultim scagn. La referënta à so ofize a Perca y le KVW d’Al Plan aconsiëia la referënta inće ai atri grups dl KVW che oress mëte da jì n referat sön chësta tematica. Le KVW rengrazia inće por avëi ciafè a desposiziun le salf. (KVW Al Plan)


Val Badia

nr. 44 / 14 de november 2009

Le maester Pio - 80 agn Le maester Pio Baldissera é un de chi che á laurè no ma tröp por la scora, mo é inće stè dër atif sön le ćiamp cultural, sozial y politich de söa valada. Da püch àl complì i 80 agn Luisa Borghi, Gino Prantoni, Paola Milani. I scolari messâ fà chë ginastica a chëra che ai ti dijô “Il Saggio”! La gran pert di mituns se dodâ da se vistì dales festes fascistes le guant da Balilla. Inće por i jogn che messâ spo jì sot gnôl organisé la sabeda n curs aposta tignì dal maester Prantoni.

Demez a scora

I pici dla Pröma Comuniun da San Martin cun siur curat Angel Morlang y siur maester Pio Baldissera do le 1960.

Porsones - Le pere de Pio ê le dr. dr. Lejio Baldissera (1895 - 1974). I Baldissera ê gnüs da Fodom fora; Lois, le nene de Pio, â cumprè le lüch da Prestì a Rina, l’â indô venü y â cumprè le mêsc Roje sön Rü a La Pli de Mareo. Lejio â studié da avocat y â laurè da avocat a Bornech adöm cun d’atri; deperpo âl fat na secunda Laurea de Filosofia. Söa só Maria â inće studié da maestra, ê jüda te convënt, â fat l’univerisité a Milan, insigné tl Istitut di Maestri

y morî dl 1936 cun 35 agn püch do na operaziun. Lejio â impröma tignì scora a La Pli y spo a La Val; spo êl i agn dl 1935 gnü spostè a Monferrato; do la vera âl fat ispetur dles scores dla valada; al tignî cursc por arjigné i maestri al concurs che vignun messâ fa por avëi n post sigü. Lejio â maridé Malia Winkler da Trates (Rina). Pio é nasciü ai 8 de ma dl 1929 a La Val, sciöche süa só Maria; tla scora vedla alta ite êl le cuartier. Canche Pio â cater agn s’à la familia trasferi a San Martin; le pere Lejio laurâ ma plö da avocat. La familia abitâ tla vedla ćiasa de comun che ê dla Ustaria Dasser; dailò êl inće l’esaturia y n pech. Le möt Ivo, nasciü dl 1935, é mort cun 11 agn dala difteria sciöche inće cater d’atri mituns da San Martin; pro chisc êl picia Maria, na só de siur degan Sottara.

A scora taliana a San Martin

Le maester Pio sön le iade te munt: palsa pro le famëi de Antersas berba Poidl.

Curat da San Martin ê chi agn le degan Mersa, spo él gnü siur Laurënz Irsara de Badia. Al ê tëmp fascist, la scora ê blot taliana; che insignâ chi agn êl Cesarina Mosna, Ferruccio Refatti, Alfredo Frigo, Leone Cairoli,

Pio é dl 1940 rové a Porsenú tl Vinzeninum a fà la scora mesana. Da Nadè dl 1943 à la scora messü se trasferì tl Cassianeum, spo jö An der Mahr sot Porsenù. Sü insegnanć é stà i prof. Wassermann, Waschgler, Bosin, Lercher, Roilo, Dadié. Fora dl Vinzentinum â i nazisć fat n lazaret, êl pö tëmp de vera. Do la vera à Pio pié a man de vigni sort de laurs: al laurâ da paur, da moradù, spo él rové pro i soldas dl 1950 por 16 mëisc a Spoleto, dailò àl fat la scora da sotufizier. Canche al ê pro i soldas él mort söa uma sön le iade da gnì en Santa Lizia da Lungiarü fora; ara â 57 agn. Al é stè na gran crusc por döta la familia. Do che Pio â albü fat le soldà, él jü a studié inant; al à fat la Scora di Maestri a Balsan y dl 1957 àl fat la Matura.

cin’ mituns, düć à podü studié; Ivo é dotur di edli tla Tlinica da Desproch, Roberto é graficher, Bruno architët, Elisabet y Daniela infermieres; düć cinch i mituns é maridà; i trëi mituns vir fora Desproch, Elisabet a Longega y Daniela a Bornech. L’ann passè à Pio y Angelina podü festejé la noza d’or. Dl 1958 i â dè adöm le primiziant siur Franz Sottara y dala noza d’or ti à inće siur degan dit la mëssa.

Ativitês culturales y soziales Le maester Pio à adora bele metü man da scrì rimes y stories ladines; laota n’êl ćiamò degun material didatich por fà la ora de ladin. Bele so pere Lejio â scrit cotan de rimes y dè fora n valgönes publicaziuns ladines de stamp religius. Le maester Pio tëgn dër sön le ladin, sön la unité ladina, sön les usanzes y tradiziuns, sön la natöra. De chësc vers baia tröpes de söes rimes, de sü teatri che al à scrit por la scora; rimes de ocajiuns àl scrit n gromun por nozes, compleagn, mësses noeles, por tó ite o tó comié dal curat, por saludé le vësco. Tl liber “Pëna y

Penel“ ciàfon de beles rimes dl maester Pio abelides da ilustraziuns de Lois Irsara. Pio é stè tröc agn ti consëis dl’EpL, dla Uniun di Ladins y di Maestri. Le maester Pio à scrit cotan de articui ti folieć “Nos Ladins“ y spo te “La Usc di Ladins“ y fat cotan de trasmisicuns por le Radio Ladin. Al é stè redadù da dè fora le liber “San Martin de Tor 500 agn dla Dlijia“ l’ann 1994. Le maester Pio à fat agn pert dl consëi de comun da San Martin y é stè vizeombolt. Por 10 agn é Pio stè presidënt dl Consëi de Cöra, n gromun d’agn vicare dla pêsc, bëgn 45 agn presidënt dl KVW a San Martin, presidënt dla Ćiasa Palsa dal 1983 al 2005; al à dè fora “100 agn Ćiasa de Palsa “ dl 1998. Pio Baldissera é jü tröp sö por munt a curëć adöm cun siur curat Morlang y le maester Tone Tolpeit. Al é ma da ti dì dilan al maester Pio por dötes söes bries che al à albü por arichì la vita culturala y soziala de nüsc paisc. Che le maester Pio y söa fomena Angelina pois vire dî sagns intun y se gode söa bela familia che gnarà dessigü plü gonot a San Martin a ciafè le nene y la lâ. Lois Trebo

La familia de Pio Baldissera Le pröm ann de scora à Pio tignì a La Val adöm cun Sepl Moling, Jepele Frontull, Lois Ellecosta, Maria Colz y Ana Valentin; spo à Pio tignì scora n ann a Pederoa y i atri agn ćina al 1985 a San Martin adöm cun Tone Tolpeit y süa fomena Monica, Lois Pescolderung y la monia Agata Clara. Dl 1958 à Pio maester maridé la jona Angelina Vantsch dl Sartù da Picolin; pere y uma ê sartus, le pere rodâ a vëne mascinns da cujì, da muje; al ê da Antermëia y la uma dl Ćiapin a Pice Ju. Pio y Angelina à albü L’ann 2008 à Pio y Angelina podü festejé la Noza d’Or cun les families de sü cin’ mituns.

www.lauscdiladins.com

27


Val Badia

nr. 44 / 14 de november 2009

Motors y quad tla natöra L’Ispetorat Forestal da Bornech à fat deplü controi che à albü suzes. A Tone Rungger ti unse damanè deplü sön la problematica di motors, i posć critics y sce al é n trend nü Natöra - L’Ispetorat Forestal da Bornech à fat tles ultimes edemes deplü controi sön i motors da cross, da trial y quad che transiëia ti raiuns sconà. „I controi é gnüs a s’l dè do che i ùn ciafè tröpes lamentanzes“, spliga Silvester Regele, diretur dl Ispetorat da Bornech. Le problem reverda inće la Val Badia. Regele injunta: „Sides chi che va sö por munt a pè co inće i alpinisć, s’à lamentè por i motors sön i trus incër Plan de Corones, la munt de Lijun y i raiuns tl parch natural tla Val Badia. Tratan i controi él gnü abiné de chi dai motors sön trus da munt de Plan de Corones y sön les munts incër le Astjoch. N valgügn dis denant êl gnü abiné dui jogn dla Val Badia che jô cun le motor da trial sön trus da munt tl Comun da Corvara. Chisc é inće gnüs straufà. I ùn baié dla tematica cun le surastant dla staziun forestala d’Al Plan Tone Rungger, che tol ite le raiun dla bassa Val Badia. Usc: Tles ultimes edemes él gnü fat controi da pert dai verdabosc sön i trus de munt por gauja dai motors da trial, da cross y quad. Ai à albü suzes, mo chësta n’é nia la regola. Éra pa insciö, y ćiodì é pa les straufunghes na

d’invern de liöses a motor. Él pö bele gnü dè fora te Südtirol tröpes leges por la sconanza de nosc ambiënt, él impò tres ćiamò problems da ti les mëte a cör ala jënt. Al é vëi che tles ultimes edemes él gnü abiné n valgügn dai motors. La straufunga ne dijessi nia che podess ester na ezeziun, ćiodiche da nosta pert vëgnel fat plü gonot controi y straufunghes, ma che al ne vëgn nia dagnora lascè alsavëi. Chisc injins é inće ri da controlè, deache ai roda cun l’elm y gonot cun les targhes stopades; implü é i raiuns dër destenüs fora y porchël ri da ćiarè sura.

Tone Rungger.

ezeziun? Tone Rungger: Tl ultim tëmp unse aldì plü gonot da jënt, che se mët en pêsc sön tru a pè, lamentanzes por motors che jô fora por la contrada. Nos verdabosc fajun tres dötes les sajuns controi por ćiarè do a chisc transiamënć de motors, mo tanbëgn controlunse inće transiamënć de auti, jeeps o

Ćiügn é pa i posć critics? I posć olache i motors va le plü é sön trus de bosch, mo tanbëgn inće sön sëmenes che va fora por pastöres ćina sö alalt sön munt. Le problem é che n valgügn de chisc raiuns atocà é dër sconà. Ponsun p.ej. a tëmples sciöche Prades, Pütia, Fanes, Armentara, Rît o inće pastöres sö alalt sön munt, olache la cortesc e dër sensibla. Laprò désson inće odëi le bosch y les munts desco raiun de pêsc no ma por i tiers salvari y amisc dla natöra, mo inće desco gran belëza naturala por nosta valada.

Se tratâra pa porì de jënt ladina ples porsones abinades? Ara se trata gonot de jënt ladina, mo inće da foradecà, dlâfora o inće da Porsenù. Deache tröpa jënt laora tratan la sajun, ài do la sajun d’aisciöda y d’altonn - plü dlaorela por chësta ativité. É pa chëstes porsones en regola cun assiguraziuns y papiers dl motor? La gran pert é en regola cun i papiers, mo nia dötes. Te n valgügn caji unse dè inant i dać di injins ai carabiniers dl raiun, por lascè ćiarè do i papiers, mo inće deache ai roda zënza targa o cun targhes stopades. Tan slarié fora é pa chësc fenomenn? Él n valgönes porsones singoles, o pon pa baié de n trend da jì fora por la natöra con i motors, quads y liöses a motor? Ultimamënter ciafa le tëmp lëde tres plü importanza. Cun ativitês desvalies s’armöi tres plü jënt fora tla natöra. Chësta sort de busiamënt

po ester desvalì: a pè, cun la roda, cun le ćiaval y te val’ caji inće cun motors y quad. De na moda ne baiassi iö nia. I dijess che chësta ligrëza da jì cun le motor i scinca da öna na pert dessigü tröpa liberté, dal’atra pert fóssel inće bel sce la jënt i portass chësc respet nia ma ala natöra instëssa, mo inće ai patruns di terac che mantëgn i trus y les sëmenes, y a chi che se tëgn ales regoles y renunzia a chëstes ativitês. Impormò canche an impara da conësce la natöra, mëton inće man da la defëne y chësc porta a ester inće reconoscënć da avëi na natöra tan bela. Al é gnü baié de straufunghes. Tan altes éres pa, sce na porsona vëgn abinada söle fat? Les straufunghes pëia ia da 167,00€ sce zacai vëgn abinà fora por val’ prè da munt cun le motor. Sce chësc sozed tl raiun dl parch natural, vëgn la straufunga alzada dl 50%. Intervista: Pablo Palfrader

“Acustica” de Anita & Zenzo I dui musizisć d’Al Plan presentëia süa CD, dal titul “Acustica”. Musiga sonada de brac, che condüj l’ascutadù te n iade musical, dala Talia al’America, y zeruch te nüsc paîsc da munt. Les presentaziuns gnarà fates a Al Plan, Bornech y Badia Musiga - Na scëiba nöia arichësc le “cil” de produziuns musicales da pert de musizisć ladins. “Acustica” se tlama la CD nöia, realisada da pert de Lorenz Obwegs d’Al Plan y süa möta Anita, 15 agn, che se tlama en êrt “Anita & Zenzo.” Le titul revelëia inće en pert de ći che ara se trata. Zenzo nes dij: “Gonot ciafa na CD le titul de na ćiantia, mo pro chësta CD n’él nia n titul che podess descrì ći che i ascutadus ciafa lëite. Al é scemplamënter musiga acustica, olache i ùn tut ite plü tipologies”. La scëiba cumpëda indöt 19 ćianties. La maiù pert é interpretaziuns lëdies de ćiantauturs conesciüs a livel internazional, d’atres é composiziuns nasciüdes dai musizisć instësc.

Pere y möta - dui musizisć Zenzo é oramai da cotan d’agn tl monn dla musiga, y é inće musizist de profesciun tl grup “Bergfeuer” y à porchël dè fora deplü cd’s. Danter l’ater inće n valgönes deboriada cun so compagn Klaus Erlacher, cun

28

www.lauscdiladins.com

ocajiuns, olache ai à albü na bona ressonanza. Gnanca por Anita n’él la pröma CD. Bele dl 2007, al’eté de 13 agn, àra dè fora la scëiba “Esprimi un desiderio”, deboriada cun so compagn Mirko Rudiferia. Anita nes dij inant che ara n’é mai gnüda sforzada da jì le tru dla musiga, mo che ara é rovada ite te chësc monn vare do vare, “zënza m’an anadè”. Zenzo confermëia: “Mai n’essi orü sforzè Anita da jì le tru Le cuertl dla scëiba “Acustica” de Anita y dla musiga, propi deache i sa che al é n tru da spavënt ërt.” Zenzo. A Anita unse inće orü i chël che al forma le grup “Zenzo & damanè ći che al ô dì por ëra sonè Ciapo”. Ala möta Anita pon dì che cun le pere. Ara nes respogn insciö: la musiga ti é gnüda metüda te cöna. “I à bele metü man da sonè cun mi Ara nes dij instëssa che la musiga pere. I sonân impröma tòć dër é na pert fondamentala de süa vita, scëmpli y i ùn atira ciafè n pü’ le sciöche pro le pere: “Sce i ne feji nia medemo stil da sonè. Inće fora dla musiga, spo pënsi ala musiga. I ti musiga unse dër n bun raport. dedichëii dër tröp tëmp. I soni tröp, Canche i sonun, spo ne sunse nia i ćianti y sambëgn ascuti”, nes pere y möta, mo i sun propi dui conf ìdera. Ti ultims agn é Anita musicontri al medemo livel, n team.” jüda tröp a sonè cun so pere Zenzo, Y sciöche ara é te n team, ne manćel ti hotì dan i sciori y te d’atres gnanca i alć y i basc, les desfarënzies de minunga. La idea da realisé na scëiba danter pere y möta é nasciüda sambëgn por la pasciun che intrami à da sonè, mo al é inće stè na ocajiun por lascè na merscia, sciöche Zenzo nes spliga: “I ùn sambëgn ion sce la jënt vëgn a nes ascutè sö. Chësta CD unse fat por avëi val’ da ti pité, mo i l’ùn inće fata por nos instësc, por cherié n recort. Fà na CD é n pü’ sciöche fà n album de fotografies. Canche i ascutarun chëstes ćianties,

rovarunse indô zoruch cun i recorć te chisc momënć. Chësc é inće stè n gran travert por nos.”

Les prejentaziuns Anita y Zenzo presentarà süa CD le pröm iade en sabeda ai 21 de novëmber, dales 20.30 a Al Plan, tl gran salf dles manifestaziuns. I dui musizisć à arjigné ca n spetacul - sce an ô i dì insciö - che Zenzo nes spliga cun chëstes parores: “Nos orun condüje i ascutadus te n iade fora por le monn dla musiga. I rovarun jö por la Talia, mo inće tl’America y sambëgn a Al Plan. Al dess ester na serada en pert da rì,

en pert inće da ponsè do.” La musiga é por i dui ćiantauturs n lingaz, cun chël che ai ô dì val’. Ai cuntarà de temesc sciöche l’amur, la vera, la munt, la tradiziun dla musiga popolara. “Na serada por düć chi che à interes da ascutè musiga acustica sonada de brac”, injunta Zenzo. Al sarà inće na presentaziun a tl Lizeum Pedagogich a Bornech, olache Anita stüdia y öna a Badia (ćiara sot ales manifestaziuns). La scëiba é gnüda tuta sö tl stüde Davide Records de Benni Valentin de Badia. Colaborè à Andrea Federa, Silvia Pitscheider (fomena de Zenzo) y Victori Obojes d’Al Plan, y Florian Valentin de Badia. (pablo)


nr. 44 / 14 de november 2009

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Val de Fascia

I aministradores à perdù la ferata La sociazion Transdolomites à prejentà a la comunanza l studie de fatibilità. Nesciun raprejentant politich à tout pèrt al confront e l teritorie e l’emportanza de tor ite i joegn te scomenzadives che va sorafora l’ativitèdes de scola.

La ferata per se mever sorì e en prescia

L studie à tout ejempie da la valuta ambientèla e turistica de ferates te etres raions.

Poza - Na sala piena e rèsa de jent en mèrtesc passà a la pruma serèda de prejentazion da man de la sociazion Transdolomites del studie de fatibilità del coleament tras ferata anter Trent-CembraFascia. N apuntament emportant che l president de la sociazion fascèna Massimo Girardi à definì desche l prum vèrech ofizial de n lonch viac de confront e de debatit sul davegnir de la mobilità de nosc raion. N apuntament che purampò no à vedù la partezipazion de nesciun raprejentant politich provinzièl e nience de la val, fat che à levà dubies e tema da man de la jent: “speron che se posse aer n confront avert e positif co l’aministrazions e che la clasc politica tegne cont de la osservazions e di besegnes reèi de la comunanzes.” La serèda é stata averta dal giornalist Domenico Sartori del sfoi L’Adige, che à fat da moderador al debatit, uzan fora l’emportanza de chesta scontrèdes ence percheche chest l’é l moment bon per rejonèr de mobilità vedù che ence la

Provinzia de Trent la é dò che la laora sun n projet de coleament che fèsc pèrt del cognosciù Metroland. “No volon ge meter i pèi anter la rodes a la Jonta provinzièla, ma volon dèr n contribut concret al davegnir de la mobilità de noscia valèdes – à dit Girardi. - Semper de più saron chiamé a rejonèr de mobilità e a troèr soluzions alternatives a la goma per se mever sul teritorie e sparagnèr energìa. La ferata defat cogn vegnir integrèda te n sistem de viabilità nef e modern, per chest sion dò che luron per portèr te Fascia i mesi de trasport a metan e a eletrich e percheche ence chiò vegne dat l met de aer refornimenc de chesta energìes alternatives.” Massimo Girardi à dapò rengrazià l’Istitut d’Èrt de Poza per aer studià fora e dessegnà l nef logo de Transdolomites e l ge à sport al professor Claus Soraperra doi recognosciment per i studenc Luca Boninsegna e Veronica Moser, autores del logo. Soraperra à uzà fora la valuta del leam anter la scola

L studie de fatibilità de la ferata Trent-Cembra-Penìa é stat prejentà da l’enjenier Marco Danzi de la Qnex de Busan che à moscià tras dias coche la se fajessa ite te l’ambient, tolan desche ejempie la ferates Meran-Malles de la Val Venosta, la Trent-Malé-Marilleva e autres de la Germania, e n studie de percors sun chèrta teritorièla te la valèdes de Fascia, Fiem, Cembra, per ruèr fin a Piaza Dante de Trent. 85 chilometres de linea su na soula scina, 6-7 chilometres te galarìa (béleche duc te Cembra), 26 stazions, 80 menuc complessives de percors con ferates eletriches che jissa a na velozità mascima de 100-120 chilometres a l’ora. Te Fascia l’é pervedù na linea de 25 chilometres, béleche duc su la spona dreta de la Veisc, con en dut 8 fermèdes, l più possìbol vejin ai paìjes e ai impianc portamont, zenza enteressèr béleche mai la strèda statèla. Sui crousdevìa con autra strèdes più pìcoles l’é pervedù passajes a livel olache se cognessa spetèr presciapech 1 menut che passe la ferata. N trasport sun scines a mesura de la val e de sie sentadins, con n livel de confort n muie aut, vagons a livel del teren olache se pel montèr sù con rodes e bagherles, donca zenza neguna bariera architetonica e olache se pel stèr sorì a lejer o lurèr col computer. Na ferata donca sinonim de na

mobilità sostenìbola, efizienta e razionèla, con manco bordel, manco entesseament, che crea manco dependenza da l’auto privat, ma ence na mobilità desche strument de valorisazion e caraterisazion del teritorie. Coluns i obietives de n coleament sun scines? Prum de dut creèr na alternativa a la strèda – à dit Danzi – con n sistem de trasport a la leta de duc, garantì 365 dis a l’an, con ogne sort de temp, che sie neif o giacia e che sporc tempes de percorenza competitives e segures, ence tel temp de sajon, canche la strèdes é enveze embocèdes. L temp per jir da Dèlba a Trent fossa più o manco chel che se ge met a jir co l’auto, l’é stat stimà presciapech 82 menuc. E dapò creèr n trasport publich con “valor turistich enjontà” che dovente element de atratività turistica e che smaore e slèrie l’oferta turistica. Perché pa n projet alternatif a Metroland? L projet Metroland, studià fora da la Jonta provinzièla, perveit n tunel de presciapech 27 chilometres da Ciavaleis a Borgo. Portèr la jent fin a Borgo te pech temp – à jontà Danzi – per dapò cogner n perder n muie de più a spetèr i coleamenc con Trent (da Borgo a Trent l’é etres 30 km.) no somea la soluzion più adatèda. L’é conscidrà più asvelto n sistem de trasport che porta la jent davejin a cèsa o a la destinazion ùltima. E la valenza turistica? No se pel ge fèr veder al ghest l scur de n tunel. Coluns i tempes e i cosć de realisazion? Per chest intervent l’é pervedù n

Massimo Girardi de Transdolomites, l giornalist Domenico Sartori e l’enjenier Marco Danzi de la Qnex à prejentà a Poza l studie de fatibilità del trasport con ferata dedant a na sala piena de jent.

cost de 800 milions euro – à dit Danzi. Ge vel aboncont recordèr che l cost per l skibus da d’invern é de 850 mile euro e che l trasport sun ferata jissa a tor l post de chest ùltim, speisa che per auter ogne an vegn contestèda da Apt e aministradores. Per chel che vèrda enveze i tempes ge volessa 4 o 5 egn demò per la projetazion e 10 egn per la realisazion.

I intervenc del publich I complimenc e i rengraziamenc a Massimo Girardi per aer envià via l debatit su la mobilità de val e aer tout cà l’argoment de la ferata é stac palesé te desvalives intervenc del publich. Alberto Felicetti à uzà fora i trei maores obietives per Fascia: aer na bona mobilità sul teritorie, coleamenc asvelti coi aeroporc e l trasport di studenc e lurieranc da cèsa al post de lurier e de retorn tel mender temp che l’é meso, per ge dèr l met ence a chi che studia e laora a Trent de vegnir de retorn a cèsa da sera. L besegn de aer coleamenc asvelti e direc coi zentres e coi aeroporc é stat palesà ence da Celestino Lasagna che à dit che l turism d’aldidanché se mef semper de più co la ferata e l’avion. Amò apede l’à dit che l consei de l’Asat Zenter Fascia à dezidù de sostegnir l projet de Transdolomites e de ge dèr n contribut. Francesco Cocciardi à rejonà del fort besegn de recalifichèr la parbuda de nosc teritorie e che circonvalazions e ferata l’é doi sistemes de trasport che pel benon se conjobièr. “No volon se meter en contraposizion al projet de la Provinzia de Trent – à dit en ùltima Fabio Vanzetta, ombolt de Jian e president del Desch de Lurier su la mobilità de Fascia e Fiem – ajache la dezijions finèles ge pervegn a ela, ma l’emportant l’é n rejonèr, ge fèr sora duc i aprofondimenc che l’é de besegn e verjer n confront costrutif con duc.” L studie de fatibilità de la sociazion Transdolomites é stat prejentà a la conferenza di ombolc de Cembra e l ge vegnarà portà dant a l’assessor Alberto Pacher ai 20 de november. N troi de confront avert che se spera posse jir inant e portèr si fruc. Monica Cigolla

Lità l nef Consei de Istitut de la Scola Ladina La pruma sentèda vegnarà chiamèda ite da la Sorastant Mirella Florian Scola - Se à serà sù la setemèna passèda la litazions per l renovo del Consei de Istitut de la Scola Ladina de Fascia che tol ite de derit la Sorastant Mirella Florian, 6 raprejentanc di genitores, 6 raprejentanc di ensegnanc, 2 del personal ATA e 2 raprejentanc di scolees de la scola auta. La candidatures les cognea vegnir portèdes dant inant dai 29 de otober con domana scrita a la

Sorastant: l’é stat prejentà 9 inomes en raprejentanza di genitores, 6 per i ensegnanc, 4 per i studenc e 2 per l personal ATA. La litazions, spartides anter componentes, se à tegnù dai 4 ai 9 de november passé. I genitores à podù litèr si raprejentanc te trei serèdes, litan demò n’outa enceben che i aesse più fies a scola. Sun 1.625 litadores, demò 104 à dat jù sia stima. I

raprejentanc lité l’é stat: Roberto Lorenz con 61 stimes, Cristina Pederiva con 55, Giorgio Riz con 52, Renato Cemin con 51, Lorenzo Pederiva con 45 e Daria Rasom con 41. L’é restà fora Vittorio Talmon che à ciapà 21 stimes, Antonia Bruno con 16 e Gerardo Rasom con 15. Da uzèr fora che mencia patoch raprejentanc de la scoles de Moena.

Per chel che vèrda i raprejentanc di studenc (280 litadores e 227 stimes) l’é ruà ite Matteo Piaia de la Scola d’Èrt con 98 stimes e Viola Valentini del Liceo con 59. Del personal ATA sun 48 litadores demò 10 stimes: i raprejentanc l’é Giuseppe Blasco e Gianantonio Bettega. Per la componenta di ensegnanc (167 litadores e 57 stimes) i raprejentanc l’é Domenico Bravi

che à ciapà 39 stimes, Claus Soraperra con 35, Paola Stanchina con 30, Mariagrazia Pitscheider con 26, Claudio Valentini con 23 e Micaela Valentino con 23. Ge pervegn ades a la Sorastant Mirella Florian ratifichèr la nomines di raprejentanc e convochèr la pruma sentèda del nef Consei de Istitut de la Scola Ladina olache vegnarà lità l nef president. www.lauscdiladins.com

29


Val de Fascia

nr. 44 / 14 de november 2009

Ciadenac: n projet per valorisèr n paradis Istituzions provinzièles e locales e operatores del raion, duc adum te na cordanza per la recalificazion globala de un di raions da mont più cognosciui e aprijié de la Dolomites

Alfredo Weiss, promotor del projet Ciadenac.

Ambient e urbanistica - La sotescrizion ofiziala de la “Cordanza per l Ciadenac” vegnarà fata ai 5 de dezember, canche sun Ciampedìe se troarà i raprejentanc istituzionèi de la Provinzia de Trent, dal president Dellai ai assessores Pacher e Gilmozzi, e di comuns de Vich e Poza, ma n grop de lurier, vidà da l’assessor de Comun de Vich Alfredo Weiss, ge stèsc dò jà da egn a chest projet. Del 2005 Weiss, ensema con l’assessor de Comun de Poza Marco Desilvestro, l’à tacà a pissèr co valorisèr l Ciadenac, tegnan cont de la potenzialitèdes de un di raions da mont più bie, aprijié e vijité de la Dolomites, ma ence di problemes che pedimentea so mior svilup, e del besegn de n program integrà de recalificazion ambientala per l

miorèr. Sobito l’é stat tout ite ence Claudio Bernard de la Frazion de Pera, che é patrona de gran pèrt del teren sun Gardecia e dò l’aproazion e la delega a jir inant da man di respetives comuns, del 2007 l’é ruà la proponeta de l’assessor a l’urbanistica Mauro Gilmozzi de dèr l’encèria per realisèr l projet integrà de recalificazion ambientèla del Ciadenac, col coordenament del Comun de Vich. Per portèr inant chest projet l’é stat metù ensema n Comitat de lurier che, apede ai raprejentanc istituzionèi di 2 Comuns e de la Frazion, à tout ite i referenc de la sozietà Catinaccio e Ciampedìe 2000, de la sociazion hotelieres, de la scoles de schi, di refuges e restoranc del raion, di bachegn e arlevadores. Ence la SAT, i Menacrepes, l’Istitut Cultural Ladin e l’APT é stac envié a tor pèrt e sotescriver la cordanza per portèr inant n projet che vel aer la maor condivijion possìbola. Ai architec Cesare Micheletti e Loredana Ponticelli, che à portà inant ence i studies per la candidatura de la Dolomites Patrimonie de l’Umanità Unesco, ensema con l’espert Sergio Camin, ge é stat dat sù l’encèria profescionèla de tor sù i imput del grop e studièr fora n prum projet complessif de intervent, con l’analisa e l studie del raion te de duc si aspec, per ruèr a proponer

Tel raion del Ciadenac rua ogne istà n muion de jent.

na neva vida de viver l teritorie, travers na azion de dertura urbanistica e de valorisazion de la ressorses. Dò passa 30 scontrèdes del grop de lurier l prum projet é stat metù sun desch, prejentà e aproà chisc dis passé dai Consees de Comun de Vich e Poza. Ades l’é ruà l moment de fèr n auter vèrech emportant, ajache apontin ai 5 de dezember vegnarà ofizialmenter sotescrit la cordanza per l’istituzion de n “Consorzie Ciadenac”, na sort de “passaje de consegnes” obligà, per poder passèr da la fasa de la idees a chela de la azions, metan la proponetes te man de chi che per si ruol istituzionèl à la competenza, la responsabilità e i strumenc per fèr i vèresc concrec, ence su la pìcola robes, desche per ejempie la domanes acioche rue l segnèl per i fonins, i investimenc per l’energìa alternativa, la desgorta de la èghes neigres e c.i.

L prum projet del patrimonie Unesco Chesta projet de cordanza per la recalificazion del Ciadenac l’à ciapà na ressonanza amò maora ajache, a lurieres jà bon inant, l’é ruà l recognosciment da l’Unesco. Chest l’é donca l prum te anter duc i 9 raions touc ite dal recognosciment a ruèr con na proponeta concreta. Colugn él i obietives e i ponc de maor forza de chest projet? Nos aon vardà soraldut de chierir n model de svilup pojà sun noscia cultura – à dit l promotor Alfredo Weiss – ajache per solit dut vegn semper pissà demò en funzion turistica. L projet pea via donca dai criteries de “autentizità”, de identità e de responsabilità te la gestion de n teritorie straordenèr che cognon ge passèr ence a nesc fies. La filosofìa l’é chela de no voler fèr de neves frabicac, ma valorisèr chel che l’é jà, tegnan cont che i refuges l’é na pèrt integrèda col paesaje, ma i cogn restèr refuges, no pel doventèr hotìe a cater steiles. Anter la proponetes concretes, per ejempie, l’idea de fèr fora chel burt frabicat de la Frazion de Pera che

l’é sun Gardecia per fèr n zenter de la “ D o l o m i t e s patrimonie de l’Umanità”, che posse moscèr i valores fondamentèi de noscia cultura da mont. Fèr de chest raion n lech simbol de la cultura da mont. Chest l’obietif del projet, che à jà troà ponc positives da valorisèr, desche l troi de la contìes e l troi naturalistich che vegnarà fat con l’istà che vegn anter Ciampedìe e Gardecia, o l’intendiment de ruèr endò danef a monteèr sun Gardecia.

Peèr via dal bas con na vijion globala N pont fondamentèl l’é stat de segur chel de tor ite i operatores Chel de la mobilità per ruèr te Gardecia l’é un di e vardèr de fèr n projet problemes da tor dant. “dal bas”, no vèlch de ruà ju da l’aut: i patrons di refuges dut l percors a na vida che la jent à tirà cà i problemes reèi, desche l posse jir de retorn; per ejempie se besegn de arsegurèr che se posse i va su da Neva e i vegn ju da Pera ruèr sù ence canche sera i impianc ge vel che i posse ruèr olache i aea e se ferma l servije di taxi. Tel jir lascià l’auto, se sà ben a paament, inant ge volessa che la doi ma ge arseguran l servije. Canche aministrazions de Vich e Poza fae sarà n grop più ofizial e istituzionèl, per Ciampedìe e Gardecia n pian se cognarà tor contac con i comuns atuatif comun, ajache ades l’é doi de Neva e Dier e ence coi comuns pians desferenc. E dapò ge vel de Mazin e Ciampedel. L projet de slarièr fora amò pe più l pian di recalificazion del Ciadenac l’é stat intervenc. Nos sion peé via da prejentà chest vender a Trent, tel Ciampedìe e Gardecia – à dit amò chèder del convegn sun Dolomites Weiss - ma aon vedù che se cogn patrimonie de l’Umanità, e l’era jà tor ite ence Coronele e Paolina, stat portà dant ence a Genova e ajache sun Ciampedìe rua sù n adertura a Rio de Janeiro, te n mont de jent, ma n muie i rua sù convegn internazionèl de apontin da Busan. L’an passà d’istà urbanistica sul teritorie, olache per per jir en su envers l Ciadenac l’é la Tèlia l’era stat cernù chest projet stat venù 230.000 biliec, e chest an apontin per via che l’é nasciù dal se rejona del 10% de più. Demò bas: chest sistem de lurier comporta d’istà rua sul Ciadenac 300.000 n grum de scontrèdes da man de jent, béleche mec da Neva o da la pèrts enteressèdes, ma l’é l soul Dier. Segur ge vel studièr fora che permet de meter sun desch i soluzions per la mobilità per l problemes reèi. davegnir, per ejempie unifichèr i Lucia Gross biliec da olache mai se rue, e leèr

L'inteligenza di bec l'é na potenzialità pech cognosciuda Eurotalent à avert na sezion ence a Trent, metuda sù da la psichiatra Federica Mormando Sozietà - Da egn la psichiatra e giornalista Federica Mormando, che la é n muie leèda a la Val de Fascia e la rua a Poza ogne outa che la pel, la se cruzia de chi bec che à na gran inteligenza, che te la scola no la vegn valorisèda e donca la se pert o adertura la rua a doventèr n empediment, ajache chisc bec no se sent capii, a scola i se stufa e i doventa remenenc o adertura rebestesc. L 5% di bec à n potenzièl inteletif n muie aut, ma no i troa te scola l met de l valorisèr. I bec che à de gran capazità sportives i pel troèr

30

www.lauscdiladins.com

l met de les desfrutèr con l’aiut de alenadores spezialisé e de les meter en doura te l’agonism, ma i ensegnanc te scola no é enjigné a entener e valorisèr l’inteligenza di scolees, che de spes i renunzia a se dèr jù e i arjonc adertura resultac zompes. Se sent bon de spes de gregn omegn e fémenes che da pìcoi i à padì trop e i à abù n percors scolastich stentà, ajache nesciugn capìa sia potenzialitèdes e per ic la scola l’era n torment. Per responer a chest problem l’é nasciù Eurotalent, na ONG

recognosciuda a Strasburgh che se met dant apontin de sensibilisèr sun chest argoment e de sporjer i strumenc per emparèr a recognoscer i bec con na inteligenza sora la media e i didèr a la valorisèr. Federica Mormando la é Vizepresidenta de Eurotalent International e Presidenta de la sezion talièna de chesta sociazion, e da passa 20 egn la porta dant si obietives a Milan. Ades l’à metù sù ence a Trent na sezion de Eurotalent, che é stata enaudèda ai 5 de november al Zenter Studies Erickson.

Podessa someèr che se cruzièr di bec “massa doté”, sie de pecia emportanza, e che enveze te scola l vero problem sie chel di bec che stenta, ma semper de più tel setor educatif se veit che l’é fondamentèl esser bogn de entener e troèr la vida giusta per desfrutèr la potenzialitèdes, pìcoles o granes, di scolees. La senta de Eurotalent a Trent la é te la via Grazioli 11, e per maor informazions se pel chiamèr la dotora Federica Mormando al numer de telefon 335.202619 o vardèr sul sit www.eurotalent.it.

Federica Mormando.


Val de Fascia

nr. 44 / 14 de november 2009

Na bela compagnìa de Südtiroler L servije de assistenza I se à troà ence chest an de n bel grop per se fèr na raida a Tisens Raides - “Herbschtln tuat’s schon wieder im ganzen Land: in der letschtn warmen Sonn zoagt er sein farbiges Gwand. Südtiroler, ‘s isch wieder Zeit fir an gemeinsament Ausflug in insre Heimat!” Coscita scomenzèa l’envit che l’é stat dat fora ence chest an a duc i Südtiroler enciasé te Fascia dijan che l’era endodanef ora grana de se troèr duc ensema en algegra compagnìa per se passèr n bel domesdì n gran legreza. E dijon pura che chest envit l’é stat tout sù con gran piajer da n bel grop de Südtiroler dassen engaissé a lejer chel program de la giornèda a Tisens te l’Adesc Aut che emprometea n muie ben e l spas l’era dalbon arsegurà... e coscita la é stata. A se n’adèr che l devertiment no l’é mencià l’é stat i amisc del “Gruberkeller” che i se à ence ic dassen godù ensema al grop de Südtiroler che ruèa da la val de Fascia: i ge à dat l benvegnù con na bela viva, i ge à endrezà na bona marena a duc chenc e anter na castagna e l’autra... “auf geats mit Musik und gute Laune”... i se à molà balan e ciantan enscin da sera tèrt en compagnìa de l’algegra musega de n grop da Lana. Aboncont dant de dut chest gran spas, l grop d’endrez vidà chest an dal feruscol Florian ben content de aer apede doi bele “Südtirolerinnen”

che i l’à didà te duta l’organisazion (Barbara e Monica), l’à pissà che cater vèresc no podea auter che ge fèr ben a si amisc Südtiroler, soraldut per ge fèr vegnir mìngol de più petit. Donca, molèda la coriera, duc i se n’à arloà dò n bel troi ló che piantes da pom e da ua fajea da bela cornisc anter i più bie colores da d’uton. N troi che i li à porté al ciastel de Katzenzungen a Prissian che l’é n muie cognosciù dalajà che aló vejin l’é da veder la più veia pianta de ua de dut l mond, recognosciuda da la scienza del 2004. L’é dassen zeche da bel e da maraveous da veder, la se slèria fora sun ben 350 metres cadrac e l’à n inom dassen fora de anter “Versoaln” che l’à più segnificac: l scito de olache se troa la pianta ma ence da la parola “Seil” che per todesch volessa dir corda che se dora ence per meter en segureza la piantes de ua. Donca spas e cultura à conjobià l domesdì de chest grop de Südtiroler de mèrelenga todescia enciasé te Fascia, che ence chest an i se à godù n mondo... e i é semper de più chi che se jonta ite, a testamonech che la pissèda, tel “encomai dalonc” 2006 l’à dassen garatà. Apontin te chel an l’é stat metù su chest grop de Südtiroler e Südtirolerinnen enciasé te Fascia con chela de se troèr, de se cognoscer, de passèr de bie

moments ensema, ma soraldut poder zacan rejonèr ence mìngol de mòch. Dut l’era nasciù anter n “schunkeln” e n “jodler” te una de la più bela festes de noscia val, la Gran Festa da d’Istà ta Cianacei, ló che doi feruscola moches se à pissà: “ben, chisc fascegn i sà ben se goder... podassane l fèr ence anter nos Südtiroler!” Dit e fat, da enlouta man a man i se à troà o a magnèr na pizza, o a se fèr doi ciacoles tedant a n bon café a la todescia, e nesciugn podarà desmentièr ence chela bela comediola ló che duc se à spancià da la grignèdes a sentir la contìa de la peconta Maridl che n’à combinà una più che Bertoldo te noscia val. Coche saon i bie momenc i sgola, e coscita la é stata ence chest an a Tisens, duc à fat na gran fadìa a se n jir de retorn a cèsa, aboncont da zeche ora duc i se à saludà semper col medemo “motto”: “Fein sein beianonder bleib’n” che i li à fac cognoscer, i li à fac scontrèr e coche podede sentir e veder da chel prum apuntament stat acà trei egn, l’é vegnù fora na zis bela compagnìa de Südtiroler, che dalbon i à entenù enscin dal scomenz cheche vel dir se goder dassen duc ensema. Donca “servus” a duc chenc, e a n autra più bela! Biancarosa

L grop de Südtiroler en gita a Tisens.

sun 24 ores Luigi Chiocchetti à portà te Consei provinzièl na mozion per domanèr che te Fascia vegne arsegurà l servije infermieristich spezialisà dì e net Sanità - L derit a la sanità e a l’assistenza sanitèra califichèda l’é n derit per duc i zitadins e a duc l cogn ge vegnir garantì aldò del besegn. Su la basa de chest pensier l conseier Luigi Chiocchetti à portà dant na proponeta de mozion sul servije infermieristich de prum socors te val de Fascia. La mozion, aproèda dal Consei provinzièl ai 4 de november, domana a la Jonta che vegne metù a jir scomenzadives che garantesce la calificazion de l’assistenza sanitèra te situazions de urgenzaemergenza te Fascia. L’obietif l’é chel de ruèr, ence travers projec sperimentèi de neves modìe organisatives per la gestion de la emergenzes sanitères, a slarièr fora l model de assistenza 24 ores sun 24 per dut l’an aló da la postazion del 118 de Poza, ence per ge dèr l’atuazion al protocol sotescrit del 2008. L prinzip fondamentèl de la programazion sanitèra provinzièla – scrif Chiocchetti tel document - l’é la valorisazion del teritorie travers la promozion e l dezentrament di servijes per responer miec che l’é meso ai besegnes locai, per garantir na assistenza sanitèra percacenta e segura. Ge vel donca lurèr per meter a jir mesures organisatives che cree maor balanzament te la perferida di servijes sanitères, soraldut per i intervenc olache l fator temp l’é determinant, e a outes vel dir vita o mort. Enceben che vegne recognosciù l bon livel de la sanità trentina provinzièla, ge vel uzèr fora che la realtèdes periferiches padesc amò de vèlch mencianza, smaorèda da la distanza da ospedèi e zentres spezialisé. Tel servije de urgenzaemergenza se à vedù che ti ùltimes egn l’é cresciù dò e dò l numer de jent che se ouc al servije de prum socors de l’ospedèl de Ciavaleis, soraldut endèna te sajon, per via

de l’aut numer de ghesć e de l’ativitèdes sportives (soraldut schi). L servije infermieristich spezialisà, cour la fascia oraria del dì (da les 8 a les 20) enveze la nets vegn corides demò vèlch vender e sàbeda, per n total de 50 nets sun 365. Vegn fora che sun 365 nets, 315 cogn vegnir corides dai volontères de la Crousc Checena e Crousc Biencia. Demò l 14% di intervenc de codesc checen e śal de la net vegn corì dal servije de emergenza infermieristich spezialisà, l 86% resta descorì. Se conscidron i dac de l’an 2008, i evenc de net de codesc checen e śal é stac 311 sun 1631, desche dir l 19%, e che de chisc ben 268 é resté descorii dal servije H24. Doventa donca ence n besegn di volontères medemi chel de aer apede personal calificà e che sapie responer a la emergenzes, te situazions particolères, ge tolan jù chela responsabilità che i no pel e no i cogn se tor sù enstesc. Jà tel protocol sotescrit ai 9 de mé del 2008 anter l’Assessor provinzièl a la sanità e i presidenc del Comitat de Distret de Fascia e Fiem – scrif Chiocchetti – se metea al luster l problem e se empegnèa l’Azienda sanitèra a verifichèr la possibilità de arsegurèr, aló da la postazion del 118 de Poza, n model de assistenza 24 ores sun 24: n servije che é stat metù a jir sun gran pèrt del teritorie de la provinzia ma che mencia amò te Fascia. Per chest ades Chiocchetti à prejentà la proponeta de mozion, aproèda dal Consei de la Provinzia de Trent, per ge domanèr a la Jonta che vegne verificà l’atuazion del protocol e garantì la calificazion de l’assistenza sanitèra te situazions de urgenza-emergenza te Fascia per ruèr a slarièr fora l model de assistenza 24 ores sun 24.

Cent egn de storia de l’Inter N spetàcol de teater de aut livel che porta sun paladina evenc e stories de chesta gran squadra de balon Teater - 1908-2008: 100 egn de Inter. N sécol de storia passà anter ventes e batudes, delujions e suzesc. Na storia da doi colores: l neigher e l brun. Sarà proprio la storia de l’Inter chela che vegnarà portèda sun paladina del teater de Ciavaleis, en vender ai 20 de november da les 20.45. L spetàcol dal tìtol “Inter, 100 anni di storia nerazzurra… in 90 minuti più eventuale recupero” l’é na idea nasciuda dal giornalist Matteo Colombo e da l’ator Marco Vaccari, n event che à abù gran suzess endèna sie tour stroz per la Tèlia e che ades, per endrez de l’Inter Club Fascia e Fiem, en colaborazion col coordenament

Inter Club regionèl, rua con n spetàcol unich te noscia region, n spetàcol de aut livel, che duc i pascioné de teater, apede sessaben ai sostegnidores de l’Inter, no podarà se perder. “Inter” conta i evenc de na squadra de balon cognosciuda te dut l mond, la festejea l centené de la gloriousa formazion milaneisa, l’aur i ujes de l’ensomech, de la lejenda, del mit. N spetàcol pissà ence per i no interisć, ence per chi che no é pascioné de balon. “Inter” no l’é demò n viac anter i almanaches, la copes, i scudec e i trofees conservé da la sozietà te la senta de strada Durini, l’é soraldut na storia de sport e donca de

omegn, de pascion, de sentimenc autentiches. Zeche de evocatif, de poetich, de magich... olache vif ensema omegn del passà, campions daldidanché, goal da restèr a bocia averta, curiositèdes contèdes ence travers tòc en prosa e de la letradura. E coscita endèna che passa tedant i eies i momenc de la storia de l’Inter, se veit passèr ence la storia de la Tèlia. Na lingia de chèdres, riches de emozions, che porta l spetator te na aventura longia n sécol. No l’é de besegn de saer a memoria resultac e classifiches. Chel che conta l’é se lascèr menèr, stèr al jech e... doventèr endodanef mìngol bec, imaginèr n Meazza shakespearian,

n Lorenzi da contìa, n Boninsegna pistoler. L’emportant l’é se n ascorjer che l neigher e l brun l’é en realtà i colores de la net e del mèr che se porton daìte. Dò l spetàcol vegnarà endrezà n moment de festa e compagnìa anter i sozi de l’Inter Club te la sala vejin al teater olache vegnarà sport vèlch cercia de prodoc de la mèlga de Ciavaleis e del Mèsc del Speck de Daian. L cost del biliet del spetàcol é de 15 euro che se pel comprèr dantfora a la Birerìa Ta Mongo de Poza (senta de l’Inter Club Fascia), al teater de Ciavaleis, da Manuel chiaman l 339 6783623 o scrivan a info@ interclubfassafiemme.it. Duc é envié de cher a tor pèrt.

L’ator Marco Vaccari protagonist del toch de teater che travers la squadra brunaeneigra ne porta dant 100 egn de storia. www.lauscdiladins.com

31


Val de Fascia

nr. 44 / 14 de november 2009

Val de Fascia per semper La neva campagna de promozion de l’invern de l’Apt de Fascia rua sui maores sfoes nazionèi e a l’aeroport de Unejia

La neva campagna de reclam de l’Apt de Fascia per l’invern.

Turism - Endèna che la pruma prenotazions de ghesć che vel vegnir a passèr sia vacanzes da d’invern te Fascia fioca jà te Internet, “la regìa” del moviment turistich fascian se dèsc jù per jir a se procacèr i avantores. Dò aer tout pèrt via per chisc meisc passé a desvaliva fieres del setor per prejentèr la campagna promozionèla de la neva sajon da d’invern, l’inom de Fascia rua ades sui più cognosciui sfoes nazionèi. Dal baticher de chi che per la pruma outa cognosc la val de Fascia a chi che se n enamora e no vel più la lascèr. L’é i messajes de la neva campagna de comunicazion su la stampa de l’Apt de Fascia, na campagna de reclam che se à renovà ence te sia viesta grafica. Na neva headline scempia e essenzièla che ge dèsc nef sbunf al messaje “Baticher Val de Fascia” che à jà abù gran suzess te la campagna da inant. Apede a la Dolomites, ai paesajes da marevea e a la desvaliva proponetes da poder cerner, con

“Val de Fascia per semper” l’Apt vel trasmeter ence la simpatìa, l carater e l’ospitalità de noscia jent che ogne dì compagnarà i ghesć a descorir la vera val de Fascia. Per la promozion de l’istà l’era stat cernù l chef Sergio Rossi del Restorant Fuciade, enveze per l’invern l protagonist l’é l maester de schi Mirko Ghetta da Vich che vegn ciapà ite da trei bec coi schi che no vel più l lascèr jir, a testamonech de l’afet e la simpatìa che i proa per el e donca per dut chel che l raprejenta per Fascia. La neva campagna, realisèda da la Plus Communication de Trent, va fora sun Sport Week, la revista de “La Gazzetta dello Sport”, A (Anna), Oggi, Dove e Corsera Magazine. Ma no bèsta. Per dut l’invern, aló dal partiment de la partenzes de l’aeroport Marco Polo de Unejia, se respirarà n’aria da neif de gra a la gustégola scomenzadiva de l’Apt de Fascia, Fiem e Sèn Martin, col suport tecnich de Blizzard Ski, che

fèsc vegnir estro de perder l’aereo, de mudèr destinazion e de cerner una de la valèdes de la Dolomites, per n fin de setemèna o adertura na setemèna entrìa. Se vaghèr na vacanza sui schi no l’é pa coscita senester. Sui vieresc e su la scèles da motor de l’aeroport l’é stat tacà sù de gran imagines che moscia l bel de noscia val, corida de neif biencia che envìa a se petèr laìte. Da l’aeroport de Unejia se pel ruèr sorì te Fascia de gra a la scomenzadiva Fly Ski Shuttle: bus naveta che rua te val ogne sàbeda e domenia, a pontèr demez dai 12 de dezember. La campagna de promozion de l’Apt de Fascia no é duta chiò. Per l quarto an Fascia ge darà alberch sun si portoes ai atlec de la nazionèla che ruarà chiò da nos per se arcedèr per i apuntamenc de Copa del Mond e de la Olimpiades de Vancouver de firé 2010. Segur na bela ocajion per i ghesć per scontrèr chisc atlec, fèr con ic n retrat e ence cater ciacoles per i cognoscer miec. Anter l’auter l’Apt de Fascia à dezidù de investir, ence per l’invern 2009/2010, sun cater joegn che portarà stroz te dut l mond l’inom de Fascia: Martin Riz da Ciampedel, campion del mond de schi alpinism, Chiara Costazza e Cristian Deville, che dò i azidenc de la sajon passèda i é endò en piena forma per chesta neva sajon, e l joen Stefano Gross da Poza, tesserà col Grop de le Fiamme Gialle de Pardac, che é stat convocà tel team de l’European Cup. A duc ge rue i augures de na bona sajon rica de bie resultac. (mci)

L Grop Ladin chier neva forzes Anché da les 4 domesdì l’é chiamà ite la radunanza per renovèr l diretif. Zachei de la “veia guardia” se à trat endò, fossa besegn de joegn desponìboi e idees neves Moena - En sabeda ai 14 de november l Grop Ladin da Moena chiama ite la radunanza di sozi. A l’orden del dì l’é l renovament de la direzion, ampò per l grop, sezion da Moena de la Union di Ladins de Fascia, rejonèr de renovament no l’é per nia sorì. La presidenta Maria Piccolin l’à dat sia demiscions e dotrei etres componenc del veie diretif à lascià saer de voler molèr. Neva jent joena che se dae jù no se n troa. Ti ùltimes egn l grop da Moena à portà inant de bela scomenzadives, soraldut te l’editorìa, bèsta pissèr ai ùltimes libres vegnui fora “Raìsc desmenteada” de Luciano del Garber, “Sti egn a Moena” del Carlo Garber e “Moena. Cadres de storia” coi depenc de Mario Detomas, père de Bepe Detomas, che vegnarà

apontin prejentà te l’adunanza de sabeda. Zenza se desmentièr de “Nosha Jent”, l boletin del grop che dombra passa 200 aboné e l’é semper spetà e let bolintiera. No mencia segur i finanziamenc e l sostegn e nience l prezious aiut del personal de l’Union di Ladins te ogne ocajion. Mencia fosc, al dì d’anché, chela sgaissa e chela pascion che serf a tegnir en pe na sociazion con 45 egn de storia, che te sie pìcol l’à fat la istoria del moviment ladin de Fascia e l’à tegnù sù, enscin ades, la ladinità del paìsc e de la val entrìa. De chest vegnarà rejonà en sàbeda che vegn ai 14 de november, te la sala grana de la Scola de Moena, da les 4 domesdì. Siede duc envié; no menciarà, desche l sòlit, mìngol de mùsega e de marindel. (mac)

I ùltimes numeres del boletin Nosha Jent e vèlch liber dat fora dal Grop Ladin da Moena.

Chi él pa? Soluzion del retrat su La Usc nr 41 e nr 42 La setemèna passèda no aon publicà nesciun nef retrat, ma ve aon lascià amò mìngol de temp per ge vardèr ai ùltimes doi publiché sul numer 41 e sul 42, che fosc zachei cognoscea fora amò valgugn. Anna Bernard da Ciampedel ne à chiamà a ne dir che per chel che revèrda l retrat su la Usc 41 fat ta Ciampedel, che ne era stat manà da Mariano Lollo, la tousa

con l numer 1 l’é Diomira Soraruf de Muc da Pian, e via per dò tel grop zenza numer se pel veder Vincenzina Boso. A ne confermèr che la nr 1 sul retrat fat ta Ciampedel fossa Diomira, l’é stat ence la sor, Rita Soraruf, che la ne à dit che la beza segnèda col nr 4 cognessa esser Rosina Soraruf de Baranchie e la nr 5 Anita Rasom de Ida. Per l retrat de Lourdes, Anna

1 2

4 3

5

6

7 8

9

10

11

13 14

12

32

www.lauscdiladins.com

Bernard ne à dit che la numer 50 l’é sia sor, Natalina Bernard da Ciampedel. Ence Rita Rossi del Baila e Fausta Pollam ne à dat amò valch informazion sul retrat de Lourdes. Duta does ne à confermà che la numer 42 no l’é Giovanna Brunel de Cela ma Maria Florian femena de Genio Moch, e che chela zenza numer l’é Lucia Pedrotti de Pich da Vich maridada a Soraga. Fausta Pollam, che l’à tout pèrt a chel pelegrinaje (sul retrat l’à l nr 6) ne à confermà ence che la nr 5 l’é Annamaria Rasom (no Gemma), la 9 l’é Letizia Rizzi da Pera, la 26 no la é da Vich, l 31 l’é Federico Bellante, la 38 Maria, femena de Giorgio Pedrotti da Vich, la 39 no l’é Iolanda Cuza e l 55 l’é de segur don Renzo Corona. Endèna ge sporjon n bel develpai a chi che ne à didà ence chest’outa a meter ensema na mizacola de noscia storia e envion chi che respon a vegnir te redazion a se chierir fora una de la publicazions de l’Union di Ladins o a ne chiamèr per domanèr de ge fèr la spedizion a cèsa. Ajache se à vedù la pruma neif, chesta setemèna ve meton dant n

nef retrat con su n grop de omegn coi schi te Val Freida. Ve sporjon endò a duc l’envit a chierir fora i retrac veies che aede 12

te na crigna o sun sotcuert: la Usc à piajer de i publichèr e saon che nesc letores ge vèrda semper bolintiera.

11 9

5

10

6

4 3 2 1

7

8


nr. 44 / 14 de november 2009

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Cincánta euro per n vedel L marcé penalizeia chi de raza Bruna. Ma la cèrn nte becaria la costa compagna Cincánta euro. Chëst l é chël che ciapa n bacán dai comerciánc, per n vedel de doi setemane. N vèlch da no crei se se pensa a chël che pò costa la cèrn e souradut chëla de vedel, nte becaria. Ma la “svalutazion”, se coscita se pò la clamé, la toma demé sun chi de raza “Bruna”, che l’é chëla che va l plu nte nòste śòne. Plu cuotèi i é nveze chi ncrojèi con raze da ngras, come l Blu Belga. Chisc i comerciánc i rua ai paié ence 6 euro al chilo, che per n vedel de 2 setemane che pësa zirca 60 – 70 chili, vòl di n controvalour de 350 – 400 euro. Chëst l é chël che fèsc i bacagn plu pichi, chi che no n à ntenzion de arlevé auter bestiam o va a se l compré co i à debujen, magari perciéche no i à lèrch nte stala. Come dit chilò da nos i bacagn i arleva nveze scialdi duc raza Bruna Alpina e l é con chësta spò che ven fecondade le vace, ncuoi n mòdo artifizial, con chëla che nasce na vedela da podei arlevé. Se a nasce l é n vedel, chëst l deventa cuaji n debìt. Se se pensa defati che na fecondazion artifizial la costa ence 40 – 45 euro e se a chisc se mët laprò l valour de doi setemane de

pazza” nsegna) da l’autra deventa na complicazion burocratica no da puoch per le picole stale,c he mossa tignì n registro demè per chëst. La lege mpermët ben de arlevé, copé nte na becaria autorizada e pò vëne. Ma chësta l’é Nte stala nos valón 50 euro perciéche son na pratica che chilò Brugn. Nte becaria nveze costón come chi autri. degugn fèsc, perciéche vòl avei dute le lat, i conć i é prëst fac. De arlevé atrezadure ladavò per chësta ativité. per pò se copé n vedel n cèsa, La giustificazion a na tèl diferenza gnánca da se pensé co le legi che l de priesc nsomeia che la vegne dal é aldidancuoi. A ogni fecondazion fat che arlevé i vediei costa très à da corisponde n nascent e l bacán deplù, per via del cost dei mangimi. l é tignù a podei giustifiché ulàche E mplù da n vedel Blu Belga respét l é rué; se l é ste venù, copé o arlevé. a nen Brun se rua trè fòra na I contròli i é pluchemèi severi, percentual de cèrn maiou, ence se coscita come le sanzion che le pò chëla de chëst ultimo nsomeia che rué ence a fè saré na stala per chëst la siebe ence plu bona. Ma se se tánt. Ogni ce de bestiam, da cánche pensa al mègher bilánz che à le l ven al mondo, l à suo pasapòrt stale da mont, che n vedel vegne bel coche na persona, a na mòda paié cincánta euro nsomeia proprio che, n teoria, se pòbe rué a capì da n vèlch fòra da ogni logica. No se ulàche l ven e ulàche l é ste. Chëst, capìsc spò perciéche nte becaria l se da n vièrs l é dërt per tutelé l priesc de la bisteca no l é mender consumadou, che l à da savei da se la cèrn l’é de vedel Brun plutòst ulàche rua la cèrn ( l cajo de “mucca che Blu Belga. (ls)

Tourna “Na sëra fodoma” Ntratánt la manifestazion vignarà prejenté le dodesc tosate co l guánt da fodoma che jiarà sul Lunare Fodom del 2010 Chi no se recòrdelo cánche, su per la fin dei agn setánta, vigniva metù a jì chëla bela manifestazion clamada “Na sëra fodoma?”. Na sëra de blota cultura fodoma, con ciántie, sciòne, rime, bai e autre espresción de nòsta cultura che nte chi agn floriva grazie al laour de l’Union dei Ladins da Fodom e de nvalgune persone de gran creativité, che scrivëva mujiche, poejie e se nventáva chèlche storia da mëte nten pico teater. Trop del material prejenté nte chële sëre l é ncora ncuoi patrimòne del repertòr de cori e Grop da Bal. L eva n moment ulàche la comunité la vedëva e la sentiva la richëza de sua cultura. Na cultura che podëva

se dé fòra, a la pèr de dute chële autre plu “grane”, nte deplù espresción de gran valour. Per chëst la manifestazion la tournarà sabeda 21 de novembre, da le vòt e mesa da sëra ntel sèlf dei congresc, con trope novité e sorpreje. L’idea l’é piada via da Benigno e Nani “Gòbo” e l’à tòst ciapé l sosten de l’Union dei Ladins. L program l perveiga la partecipazion de la Bánda da Fodom, che la sonarà nvalgugn tòc e del Coro Fodom. Sarà ence na sciòna duta da ride, raprejentada da doi tosac. Ma l “clou” coche se disc, de la sëra, sarà le dodesc tosate co l guánt da Fodom, che pò le deventarà le “veline”, per la di co nen tièrmen d’aldidancuoi, del

Lunare Fodom 2010. Davò i bèrbesc e le mëde, no se podëva no pensé de dediché ogni meis a na bela tosa jovena co l bel guánt da fodoma. Da Sánta Maria Maiou e nte ogni ocajion de festa, se veiga con cotánta fierëzza che nòste ële le l porta. Nlouta chësta la vòl ester na sburla perciéche très deplù nòste jovene le se l vieste e le l sente espresción de nòsta cultura, de nòst ester fodomi, ester ladins. Ntratánt la sëra, no se disc come per no antizipé massa, a ogniuna vignarà assigné n meis. N apuntament spò da no pièrde, per na sëra de cultura, na sëra blota fodoma, da se giaude mpruma del invièrn. (ls)

Recordèi i mòrc n vièra e Caterina Lánz Scempla zerimònia dei scizeri da Fodom n Vignisánt Vignisánt - N Vignisánt i scizeri da Fodom ià volù se recordé dei fodomi tomèi nte le doi Gran Vière con doi gherlande, una mpoiada ju sun plaza de gliejia e l’autra su la fòssa de Caterina Lànz. N senn de valorisazion e de recupero de nòsta stòria, che dal temp del fascism l’ava da ester scancelada fòra. Na zerimònia

N Toscana per festegé i prums caránta Chi de la clasce del 1969 da Fodom i à vijité Siena e i luosc dintournvia

La novité, www.arabba.it l é ence per spagnòl. Aft su Facebook per rué perméz ai jovegn Web - Da chèlche di l é online l nuof scito www.arabba.it, co na nuova viesta grafica, n linea co la nuova politica comunicativa de l’Associazion Turistica Arabba Fodom Turismo, e de la nuova mèrscia che la doura per se fè cugnësce, “Arabba Fodom Dolomites”. L cambiament l à tòst fat vedei suoi eféc ntel numer de le vijite, che i é chersciude de trop bele dai prums dis. Ntel nuof scito l utent l pò dezide ntra grafica da d’isté e da d’invièrn co nen valgune slide show toute fòra dal archi fotografich, che cámbia drio l argoment selezioné. L portal l pò ester agiorné da Aft e chëst

Chi de la clasce del 1969.

nconsentirà de laoré plu saurì e plu ladin. Auna ai trei lengac “canonizi” per l turism, inglesc, todësch e talián, l é ste njonté ence l spagnol che, puoc sa, l é chël plu descorëst al mondo. A chësta moda Aft la vòl nvié via n’operazion de marketing plu eficaze ntel mondo spagnol. A jì ite ntel particolar tecnico, se pò vedei coche, perméz de la mascra “ricerca”, l utent l avarà la poscibilité de fè deplù rizerche, last minute, pachec e informazion. Respét al vegle scito, chëste se podarà le vedei per n temp ben definì e i é vincolade e a ofièrte comerciai ben prezise. Nte la verscion grafica da d’isté n lèrch

de la homepage l é ste dediché a la struture associade che ven visualizade a ròdol. Nte chëla da d’isté nveze l é n link direto al transfer dai aeroporti. Dute le struture i é raprejentade co na fotografia, locallizazion con “google maps” modul de dománda, colegament a scito web e zedola de descrizion. L é ste ence metù ite n shop che mpermët de compré, e demè online, gadget co la mèrscia de Arabba Fodom Dolomites. Aft pò la s’à scrit ite ence a Facebook, la comunity online plu cugnisciuda del moment, per mpermëte de rué perméz plu saurì al mondo dei jovegn. (ls)

scempla, fata senza gran lèrm da le vòt e mesa dadomàn, ulàche s’à biné na dejina de scizeri en gran mondura e bandiera. Davòmesdì na raprejentánz a de la Schützenkompanie l’à tout pèrt a la zerimònia che ven fata ogni ann nte la cortina de vièra de Bornech, ulàche l é sepolì ence nvalgugn fodomi. (Nani)

I scizeri fèsc onour su la fòssa de Caterina Lánz.

Ncontade - Fin setemana de festa per chi de la clacse del 1969 che i s’à binè de 17 per recordé i caránta agn co na bela gita ju per la Toscana. Pièi via la sabeda dadomàn co na gran vèja de se passé doi dis n compagnia, i coscrić i s’à trat ju fin a Certaldo e pò nte la famoja Siena ulàche i à vijitè l Dom co sua bela fazada de mèrmol blánch e neigher. Na bela caminada ite per chëlè vie l’à porté duc nte la “Piazza del Campo”, famoja souradut per l Palio, che ai prums de lugio e ai 16 de agost veiga i ciavai se bate per la concuista del “cencio”, che a dispét del inom, l é n gonfalon depent ogni ann da nen gran moler. Na bona cëna sot a la “Torre del mangia” con braciole fiorentine e pò na roda nte la plaza per tofé l’aria de na zité da duc

Rèba se prejenta co nen nuof scito

Fodom

consciderada ntra le plu bele. Davò la not passada nten agriturism, la clapada del ‘69 l’à passé n bel davántmesdì a San Gimignano sot a le chindesc tóri che fèsc de chëst borgo medioeval un dei luosc plù biei de duta la Toscana. No podëva mancé na vijita a na ciaunademur ulàche i fèsc vin dilongia Montalcino, ulàche duc à podù ciarcé l famojo “Brunello de Montalcino” davò i cinch agn de stagionatura, coche l é pervedù per chëst vin. Na bela ncontada nlouta per n grop che s’à dagnëra ciapé con voia e con gusto, ence magari per passé demè n pèr de ore n compagnia. Duc s’à lascé co la gran voia de se vedei n auter bòt, a scomencé da la sabeda 21 de novembre, cánche vignarà dit na Mëssa nte la gliejia da La Plié. (sgp)

www.lauscdiladins.com

33


Anpezo

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel: 0436/868615 Fax 0436/876689 - e-mail: ra.ulda@tin.it

A scora in Australia Diesc studentes de Anpezo a Melbourne, diesc tośate australiane su ra Dolomites, par se conosce. Ra scora alberghiera ra varda indalonśe, par fei cresce i nostre śoen

I doi profesore Christian Bressan e Irene Pompanin daante a ‘l John Paul College de Frankston, su ‘l mar, pede Melbourne, agnó che ruarà diesc nosc studentes, de marzo de ‘l 2010.

D’ousciuda, ‘l an che vien, sarà diesc studentes de ra scora alberghiera de Anpezo che i podarà śì a studià in Australia, a vede cemodo che r’é ra scora inze chel Paes, a vive par alcuanta setemanes inze ra families. Outre diesc studentes, de r’Australia, i ruarà ca da nośoutre, a fei outrotanto. Par ades, ‘l é stà doi profesore a śì lavia, a vede cemodo che r’é: Christian Bressa e Irene Pompanin, che r’é śuda anche par el Comun de Anpezo, dato che r’é in consilio, i à fato 22 ores de viaśo, par ruà a Melbourne. “Una bela zità – i me conta – fata par ‘l òn, bela neta, agnó che se vive polito. Nośoutre son ruade via a ra fin de otobre, canche là ‘l é de ousciuda, e ‘l ea 20 grade, se

stajea ben, no se padia el cioudo. Dapò son ruade a Frankston, su ‘l mar, agnó che ‘l é el John Paul College, ra scora agnó che śirà i nostre studentes: 900 tośate, un grun de posto, de aules, agnó che i insegna ra materia teoriches, ma agnó che i fesc anche tropo laboratorio, de cojina, de len, de cojì. Ca i tośate i resta sié ane, da 12 a 18. I m’à azetà propio polito, de bon saó, ón conosciù i profesore; chel de talian el vien da ‘na familia de ‘l Veneto”. Dapò s’aé dà i done, cemodo che se uśa, i à betù śo polito ra cartes de ‘l acordo, par d’ousciuda. Da ades fin inalora, alcuante studentes i scomenzarà a se scrie, par ingleje. I nostre tośate i arae da ese in Australia da i 5 a i 23 de

marzo 2010. Vó ese cuatro dis par el viaśo, a śì e tornà, 5 dis i stajarà a scora, 5 dis in śiro par el Stato de ‘l Victoria, de ‘l sabeda e de ‘l domegna i stajarà in ciaśa, co ra śente che i dajarà alośo, che i azetarà. Conpain suzedarà a i studentes australiane, canche i ruarà ca da nośoutre. “Canche son stade in Australia, ón abù un gran bel azeto, cioudo, da ra Associazione Bellunesi nel mondo de lavia – i me conta i doi profesore – co ‘l so presidente Valerio Faoro e dute chi che i dia ‘na man. I m’à menà intorno, i m’à fato conosce el posto e ra śente, i m’à contà un grun de robes, i m’à portà inze ra so families. Con lore ‘l é nasciù algo de bel, che podarà dià i nostre studentes, canche i sarà lavia: inze ‘l Veneto club de Melbourne, ra Asociazion ra fajarà ‘na festa, ‘na sera, co ‘na zena, par fei conosce ra nostra tradizion inze cojina, aduna co i studentes de ‘l John Paul College e ra śente de ra zità. Sarà algo depì, da śontà pede a chesto nosc laoro”. I anes pasade s’aea fato algo de outro, co ra Cina, con alcuante studentes che i é stade ca da nośoutre, par studià e inparà, e i vivea inze ra ciaśes de ra śente de Anpezo e de chi outre paes ca pede. Ades, par chesto outro projeto de ra scora alberghiera de Anpezo, che r’é inze el Polo de ra scores de ra Valboite, ‘l é stà trope che à dià ‘na man, a scomenzà propio da i comune, da Anpezo a ‘l Cadore, a ra Comunità montana, a ‘l Bim e a ra Rejon Veneto, con Oscar De Bona, loudaduó a i Venete par el mondo. (mdm)

Donà sango, co ‘l sport I canpioi i me dà ‘na man a fei conosce chesto don, che trope pó fei, par dià chi outre, chi che à pi biśoin, chi che stà mal Nośoutre podaron de seguro deentà donatore de sango; ‘l é chesta ra scrita che se lieśe, par

ladin cadorin, su i placate che ra sezion de Auronzo de ra Asociazion de i donatore de sango da Belun r’à betù fora par el paes, pi che see par ra scores. Su ‘sto placato ‘l é ra fotografia de doi canpioi cadoris de ’l hockey su ra jaza, ben conosciude in Anpezo, parcé che da anes i śuia co ‘l Cortina: un ‘l é Luigi Da Corte, da Auronzo, e chel outro ‘l é Giorgio De Bettin, da Piee, che ‘l é da sié ane el capitano de ra nostra scuadra. Che i sportive i feje algo par dià chi outre, no n’é ‘na roba noa. Par el donà el sango, ci che và fora a Piee, su ‘l ospedal, da anes el vede un grun de fotografies, de placate tacade fora. El pi vecio ‘l é de ‘l 1994, de ra Olinpiades de Gigi Da Corte e Giorgio De Bettin, canpioi de Lillehammer, agnó che r’Italia r’à vento ‘l oro co hockey de ‘l Cortina, pronte a dià chi outre, ra stafeta su i schie da co ‘l sango.

34

www.lauscdiladins.com

fondo, con Albarello, Vanzetta, De Zolt e Fauner. Intrà dute chi outre sportive, ruon a ‘l nosc Kristian Ghedina Broco, che da alcuante ane el s’à betù a dià i donatore de sango, a se fei conosce, a fei saé chel che i fesc par chi outre. Kristian medemo ‘l é deentà donator, e ‘l é śù su ‘l ospedal de Belun, a fei ra plasmaferesi, ra donazion pi longa, agnó che i dotore i zerne chel che i dora depì, de ‘l sango de ‘l donator. Anche fora da un ospedal, Kristian ‘l é senpre pronto a dià ‘na man, a conparì, mangare su i schie, o a ogà ‘na machina, o un kart, o a śuià a balon, aduna co i donatore. E ades, dapò dute chi outre sport, se vede anche chiste canpioi de ‘l hockey. Cisà se se poadarae fei algo de conpain, anche in Anpezo, con alcuante placate, mangare betude fora a ‘l stadio Olinpico, da fei pensà sora, che no see calche donator depì, propio intrà i śoen, che ‘l é senpre biśoin.

nr. 44 / 14 de november 2009

Un inverno pien de gares, par dià el turismo Cemodo che suzede da pi de zento ane, anche par ‘sto an se dorarà el sport, par fei ruà pi śente inze ‘l nosc paes

A Modena, a ra fiera Skipass, par parlà de ra nostra crodes e de ‘l nosc laoro.

A mostrà de chel che suzedarà chesto inverno, inze ra nostra val, par el sport e el turismo, ‘l é śù a Modena, a ra fiera Skipass 2009, alcuanta parsones de ‘l nosc paes. De manifestazios, de chera groses, in sarà un grun, par duto ‘l inverno. Se tacarà alolo, de jenaro, par ruà fin de aprile, su ‘l gnee e su ra jaza. Se scomenza co ‘l Tour de Ski, e ‘l é algo che restarà inze ra storia de ‘l nosc paes, parcé che, par ra prima ota, ra Copa de ‘l Mondo de schie da fondo ra rua in Anpezo. Par chesto projeto ‘l é Toblach, che laora da almanco un pei de ane, e ‘l à tolesc inze anche nośoutre, par el gnon che r’à Cortina. Ai 6 de jenaro i atletes i moarà da ra piaza, sote el cianpanin, par se fei 30 chilometre e ruà inze a Toblach, inze ‘l stadio noo de i schie da fondo, che i à fato sote ‘l Hotel Santer, a man zanca, canche se rua inze. Senpre de jenaro, da i 15 a i 17, su ra pistes de Faloria, se podarà vede ra Copa Europa de snowboardercross, chi che và co ra brea. Vesc ra fin de ‘l mes, da 22 a ‘l 24, ‘l é ra tre gares de Copa de ‘l Mondo de schie de ra femenes, su in Tofana, su ra pista Olimpia, cemodo che suzede da ‘l 1993, senza mai mancià De febraro, se sà, ‘l é danoo i schie da fondo, co ra Dobbiaco – Cortina, sabeda 6 e domegna 7, anche ca con algo de noo, par ‘sto an: de ‘l sabeda i fesc ra gara in inze, da Fiames a Toblach, de ’l domegna i ra fesc in fora, a ruà inze piaza. De febraro ‘l é anche chi de ‘l polo, co i caai, su ‘l lago de Mesurina, aduna co ‘l Comun

de Auronzo, e alolo dapò, de marzo, da i 18 a i 21, ‘l é el Snowkyte, in Jou, che s’à beleche vedù ‘l an pasà. Dinultima, ma no par ultimo, ‘l é el curling, che ‘sto inverno rua i Mondiali 2010 de i ome, da i 3 a i 11 de aprile. E che ‘sto an mancia el bob, dapò che el comun ‘l à sarà ra pista Eugenio Monti de Ronco, e ‘l à dito de no a ra Copa de ‘l Mondo, a ches’outra gares, che i m’aea beleche dà, e pi che see a i Mondiali de ‘l 2011. A parlà a Modena, de duto chesto, ‘l ea ‘l anpezan Luigi Alverà Bissi, che ‘l é vize presidente de ‘l Consorzio Dolomiti, che ‘l laora aduna co ra Rejon Veneto, e el loudaduó de ‘l Comun de Anpezo a ‘l sport e turismo Herbert Huber. “Ra manifestazios de sport es ciama ca un grun de śente – ‘l à dito Luiji Bissi – e ‘s me fesc conosce daparduto, in Italia e fora. Chesto laoro, par ra Dolomites e ra crodes de ‘l Veneto, ‘l é dià da ra Rejon, co ‘l Consorzio Dolomiti, che ‘l tien aduna chi che laora par el nosc turismo, el ciata sode, el vien dià da entes e asociazios, par fei varé, fei conosce e vende el turismo inze ra Dolomites de Belun”. Resta, in dute, el medemo pensier, de chel che se podarae fei, a aé i medeme sode, ra medema lejes, dute che dia, cemodo che suzede inze ra rejos pede ra nostra, de un ver e de ‘l outro, inze ches’outra provinzies de ra Dolomites, cheres autonomes de Bolzan e de Trento, de Udin e de Pordenon.

El Comun de Anpezo e el Consorzio Dolomiti: ra crodes, el gnee e ra jaza, i schie e el curling.


Anpezo

nr. 44 / 14 de november 2009

In viaśo co r’Union de i Ladis Ignante in Tirol, dapò in Baviera, par vede algo de bel, algo de noo, algo de vecio. Doi dis in bona armonia, par conosce una tradizion de 1200 ane, par pensà sora a ra nostres, a ‘l laoro che se fesc, ogni di, par res precurà

Ce bon che ‘l aea da ese, el dijnà de ‘l cavalier: fesc gora a ‘l vede, cisà ce mereea el magnà.

Par doi dis, śoiba 5 e vendres 6 de noenbre, r’Union de i Ladis d’Anpezo r’é śuda a spaso in Tirol e Baviera. Aduna con Elsa e Siro ‘l ea un pullman pien de śente: trope amighe de r’Ulda, ma anche foreste che s’à godù un mondo e i é stade propio parsuaśe. Prima tapa ignante meśodì a Rattenberg, 40 chilometre dapò Innsbruck, ra pi pizora zità de ‘l Tirol, con 430 abitantes e meśo chilometro cuadrato de superficie, agnoche ‘na guida che parlaa par talian ra m’à menà intorno a vede e ra m’à contà ra storia de ‘l Tirol e de ‘l posto. Alolo dapò, al Brauhaus, ón ciapà “el dijnà de i cavaliere”, algo de noo e, par capì ce che ‘l é, ve invidon a vardà ra fotografia. Da res tre, pizora vijita a ‘na fabrica de cianderes là pede, a Brixlegg. ‘L ea roba coscì bela che negun ‘l é sta bon de s’in śì senza cronpà algo. Dapò, su fin a ‘l Achensee e ‘l Achenpass e śo in Baviera, sul Tegernsee, agnó che ón zenà e dromì. Darindoman, vendres 6 de noenbre, di de San Leonardo, son ruade a Bad Toelz a vede ra “Leonhardifahrt”, una de ra pi veces portiscios in onor de San Leonardo, patrono de i caai, e de seguro ra pi granda, con 85 ciares e 400 caai e tanta śente in costume. I ciares i é dute ornade con dascia, mus-cio, lichen e fiore. El paricio scomenza tre setemanes ignante, co ‘l śì a curà su duto ce che se dora e dapò vó ese un grun de ores par leà insieme duto cuanto. Anche i caai i é ben bardade su, con derzes e fiore su ra coda e su ra crignes. Ra roba pi bela che i caai e i ome speta da un an a ‘l outro, ‘l é de podé śì de galopo su par ra strada maestra del paes. Una corsa intrà ra śente, con un gran bordel de cercioi sul porfido, de scuriades che dà el tenpo, con duta ra cianpanes che sona. Se podarae enpì trope sfoes a ve contà duto ce che ón vedù, ma zerta robes beśen res vive de parsona par podé r’es capì. Pitosc vorarae fei calche riflescion. Son vanzade dute demereade par ‘l ordin e ra cura che i à betù inze el paricio e de ra

serietà de ra parsones in portiscion. Se vedea propio che i aea ‘na gran anbizion de podé toi parte danoo a ra so portiscion e ‘l orgoglio de ese parte de el so paes e de mostrà no solo ra so usanzes, ma anche ra so cultura. On podù vede, conpain de a Innsbruck, ai 20 de setenbre, par el Gedenkjahr, ce che vó dì “appartenenza”. Da zinche anes in cà, vien stanpà el “Leonhardi Zeitung”, un cuaderno de cuaranta pajines, agnó che se ciata, cemodo che i scrie lore: “robes da saé, che indereta e che śoa” intor al Leonhardifahrt. Inze chel de sto an, intrà ra varia robes, ón ciatà inze ‘na asociazion che porta inaante ra tutela de ra parlada todesca de ra Germania del Sud e de dute i dialete parlade in Baviera, “come prezioso patrimonio culturale”. Me s’à daerto el cuor a lieśe dinultima: “....me tien aduna ‘l amor par ra nostra tèra (Heimat) e ra chiza de mantegnì ra nostra parlada e ra nostra cultura, par podé ra pasà ai nostre fioi. Par nośoutre, ra nostra parlades res no n’é solo un modo par se fei capì, ma soralduto un patrimonio culturale, vecio de 1200 ane, da precurà”. E in ciou de tanto nośoutre anpezane se vargognon de ra nostra radijes! Pi inaante i scrie de i “Trachteninformationszentrum”, asociazios par mantegnì ra cultura

de i sarvije da festes de ‘na ota e inze sete pajines i conta de i so sarvije: cemodo che i é fate, cemodo che se se vieste, de cuanto che i costa, cemodo che ‘l é da se petenà, agnó che se pó cronpà ra sedes, i fazorete, ra bujeles de filagrana par i ciaei e i ciapiei. Se vanza incantade a lieśe. Ra pi bela però r’é scrita dinultima, sote el titolo “Das bayerische Religionsedikt” “L’editto religioso bavarese”. Inze chesta pajina el pioan de Bad Toelz el conta de cemodo che r’é stada śa dojento ane, con el so Re bavarese, amigo de Napoleon. ‘Ste doi i à proibì ra portiscios, de sonà ra cianpanes, no se podea fei i presepie, i aea sarà i convente e i monastere, i s’aea fato via ra propietàs de ra jeja. I arae vorù destruje anche chera de San Leonardo sul Kalvaienberg. Inveze el capocomun de incraota, Anton Niggl, ‘l à dà fora con dutes e ‘l à dito basta. Par no n’aé respetà i ordin ‘l é sta prozesà par anorum. “Con furbizia e intelijenza, con res armes de ra rejon e de ‘l ordin, senza sparagnà el so patrimonio personale” ‘l é sta bon de salvà el Kalvarienberg e anche ra jeja de San Leonardo. Intanto suzedea ra stesa robes anche inze ‘l Tirol, con steores masa outes e pardepì i tacaa a reclutà melitare con ra catìes: ca ‘l é stà Andreas Hofer a dì basta, e ra storia da là inaante ra conoscion. Eco ce che insegna dojento ane de storia, secondo el pioan de Bad Toelz: 1. Tendei a duto chel che vien imposto da sora in śo, da chi che vó me toi i nostre derite, che vó me proibì ra nostra usanzes e vó me limità ra nostra libertà; 2. Mostrà corajo, con furbizia e fantasia dute aduna, par resiste a ra prepotenza de ra autoritas; 3. Beté fora ra vostra solidarietà, senza confis, co se trata de defende ra gloria del Signor e el derito de profesà ra Relijon, par salvà i nostre valore cristiane. Ve pensao se anche ca da nos, chi che me comanda i rajonase coscì? Chesta tre robes asón da res fei nostres, par darśonśse chel che ón vedù fora là par ra Baviera e che m’à tanto demereà: ordin, pascion e orgoglio par ce che son stade, ce che son e ce che voron śì inaante a ese.

Un de i 85 ciares che ‘l é pasà par piaza, a Bad Toelz, par el Leonhardifahrt, agnó che ‘l é ruà, ‘sto an, el viaśo de r’Union de i Ladis d’Anpezo.

Inze ‘l fiedo de ‘l inverno Se conta un fato suzedù śa tante anes, canche ra guera ra s’à fato vede inze ‘l nosc paes. E cisà che chera storia ra no see ruada indalonśe Ra val d’Anpezo r’ea duta bianca, i dis ignante ‘l aea gneegà. Un di, ben bonora, ves res zinche e meśa, see inze stala par i dà na man a me mare e a me rameda. Con tanta besties, armentes, un caal, trenta fedes e doi porziei e un vedeluco, el laoro el no manciaa e in chel di ‘l ea vegnù anche me barba a me dià, gouja che ‘l ea anche da bete sote el vedel. El sento, canche ‘l ea biśoin, el vegnia inze stala a me dà na man, e grazie a Dio che in chel di alolo bonora ‘l ea là. Un bel momento s’à spalancà ra porta de stala e su ra porta s’à prejentà una parsona, con inze daòs una tuta, bianca, un sc-iopo a tracol e un binocolo a pendoron, un pei de schie inze pe. El sento Luiji el s à incorto alolo che ‘l ea un melitar, un fagoto sun schena, ‘ ea un paracadutista american ruà śo su ra piana de Cianpo, via par ra note. L ea tanto śoen, el tremaa da ‘l fiedo, se vedea che el stajea mal. El sento, che el se ranjaa co ‘l inglese, i à domandà ce che el vorea. El vorea saé ra strada par ruà in zentro, ‘l à ringrazia e ‘l é moesc danoo ves el nosc toulà, ‘l à ciatà ‘na bancia, sun sorei de ciaśa de Teśa de Śane e là el s’à scentà. Guido, el fiol de Teśa, ‘l à invidà alolo inze stua, bona ciouda. Maria, che ‘ ea una femena che louraa inze chesta ciaśa, i à paricià in prescia algo de cioudo, i à fato fei un bain inze i pes con aga tiepida, i à dà un pei de calza groses de lana, i à sfreà i pes, ra janbes, i braze: ‘l ea duto inbramì, poereto. Dute aduna ‘l ón rincuorà e coscita el s’à rimetù. L à contà che ‘l aea pasà el resto de ra note inze par sote gorna de un toulà a Cianpo de Sote e ‘pò, pian pian, intrà di e note, el s’à tirà e ‘l é śu su par troi finché ‘l é ruà a Cianpo de Sora, ‘l à vedù una lun, ‘l é ruà là, inze ra nostra stala. El fejea propio pecà, ‘l ea duto stremì, e no ‘l ea bon de capì agnó che ‘l ea ruà. L à contà che ‘l aea una miscion da fei ca in Anpezo. S’à capì fosc con partijane, scondude su par el bosco che rua a Croda da Lago, gouja che via par ra note nośoutre de ra vila de Cianpo vedaon de spes lumes che s’inpizaa e che se studaa, su par chel bosco. No se sà ce che ‘l aea da fei sto melitar, ma son stade contente da aé podù el scioudà fora. L ea cuaji jazà, se pó ben crede, con chel fiedo, in pien inverno. El sento ‘l à insegnà ra strada par ruà inze el paes ma, canche ‘l é ruà sote Cianpo, de fato su ra strada de Coento, el ‘l à voltà a man dreta e ‘l é śù ves ra Boite. Aśà che aee vedù che ‘l aea sbalià strada, io voree i core drio e spiegà e mostrà meo agnó che ‘l aeaa da śì, ma el sento el no m’à permetù, ‘l à dito: “No vedesto che ‘l é un melitar, armà e che no se sà par ce scopo che l é ruà ca”. Aee 22 ane, ma lo steso ei abù da obedì. El sento, par me e me fardiei, ‘l ea come un pare e s’aea tanto rispeto e surizion, el m’à senpre insegnà polito, el saea ce

che vorea dì tenpo de guera. Pi tarde però ei vedù un òn coi schie, un sc-iopo a tracol, che śia drio ra fates de sto melitar anche pede ra Boite. Ei pensà: “Ce śuoia elo? Valo drio par el proteje o par aé un outro scopo?” M’à fato tanta inprescion a vede coscita che no m’ei pi desmenteà. Elo ruà in zentro polito, san e salvo, sto melitar, no s’à sapù pi nuia, fosc el sarà da inze prijonier ai todesche, che i aea el comando a ra Villa Cantore, pede ra stazion? M’ei fato despes chesta domanda, e m’ei senpre augurà che ra see śuda coscita. L ea tenpo de guera e dapò ‘l armistizio del 8 setenbre del 1943 ‘l ea un caśer daparduto, no se saea cemodo se conportà e ‘l ea tanto meo a no se intrigà inze sta guera coscita “asurda” che à portà solo ruina e tanta śente e melitare morte de ogni nazion, da i taliane a i todesche, americane, inglese e ruse, par goerne e state che no in à mai asei e che vó ese senpre un pi brao de ‘l outro, ma intanto che cura ‘l é senpre el popolo, śente che no in pó nuia e ste por tośate che, voia o no, i é costrete a fei guera, contro outre che no i à mai conosciù. Chesto che ei scrito ‘l é suzedù śa 65 ane, ma par me ‘l é stà un ricordo che mai pi ei desmenteà, anzi el pensier ‘l ea indalonśe, se pensaa ai nostre fardiei e pares che i ea in guera, e ci sà che calchedun anche par lore, inze el biśoin, i daghe una man. Ricorde triste e burte che no se vorarae che suzedese mai pi. Chel melitar prima de s’in śì da ra ciaśa, agnó che ‘l ea stà curà e scioudà fora, par ricordo ‘l à lascià el binocolo e el paracadute de seda bianca, agnó che Maria che r’ea sartora, r’à fato fora tanta blusetes e una anche par me. Ei scrito sto fato anche parcé che un amigo american de me fiol Agostino, aśà che i so vece i ea emigrate taliane, el rua in Cadore ogni istade a fei ra vacenzes e ‘l à contà che in America ‘l é sta publicà un libro, duto in lingua inglese, che el parla de chesto fato, de un paracadutista american, paracadutà śo sul pian de Cianpo e che el se recorda d’aé vedù ra capela de San Candel a Cianpo de Sora. Mangare ‘l é stà el medemo a publicà sto libro o a i ciatà un diario so, agnó che el parla de sto fato? Me auguro che ra see śuda ben, che el see ruà in America a guera fenida, san e salvo e coscita ‘l à descrito cuanto che ‘l é suzedù e ce che ‘l à padì e el s’arà anche el domandà el parcé. Intanto cisà cuanta mares, jenitore i à spetà par tanto tenpo che i suoi ruase a ciaśa e che purtropo no i é pi tornade, basta vardà ca in Anpezo ra lapide che ‘l é inze porteà; porta dute i gnomes de chi che no i é pi tornade a ciaśa, morte o spardude, agnó che mai! No se sà, ma i mancia! Purtropo ‘l é ra verità. Tesele Michielli Hirschstein www.lauscdiladins.com

35


Sport

nr. 44 / 14 de november 2009

Butà a chidlé

Inant a pìcoi pasc

Tramedoi scuadres de Gherdëina porta a cësa doi ponc

L Fascia à serà sù en parità contra l Lavis

Cristoforo Debertol à segnà l soul gol per l Fascia Balon.

Balon 1. Cat. - L freit e la neif che via per la setemèna à sbianchejà noscia val, fajea pissèr ai schi più che al balon, ai feres più che ai ciuzé con i tachec, e a la dir duta, en mèrtesc e en jebia a se alenèr la cherpeles fossa béleche states utoles. En domenia però l temp l’é stat degnégol e l ciamp spalà l’era béleche miec che autra outes. Se à coscita podù jièr la partida de maor enteress de la diejema giornèda del campionat de Pruma Categorìa jiron C, che vedea l Fascia de contra a la formazion del Lavis che a dir de duc, l’é chela che à i jiadores miores. Se à vedù sobito che i trentins no i era vegnui su demò per na raida e che alincontra i volea desmostrèr duta sia forza. De fat la pruma mesora, i ghesć à tout l

jech te man e i à abù la soramessa te mez al ciamp crean desvaliva ocajions. L resultat aessa podù mudèr jà dò cinch menuc, canche l numer diesc trentin se à magnà la più sorida de la ocajions, tiran aut co l’usc ladin vet, ma se à cognù spetèr amò vint menuc dant de veder l prum gol. Jiadores fascegn duc inant, bala perduda e lavisoc asvelti en contratach. Zero a un. N’outa ciapà l gol, i joegn de Cigolla à sobito reagì dant co na bela trata de Crepaz, che nesciugn é stat bon de petèr ite, e pech dò con Bernard e Bolgiani, fermé a na vida dubiousa dal diretor de jech. Reazion che é jita inant ence con più gaissa tel secondo temp. Deluca e compagnes à spent dal prum menut, fajan n bon jech con n gran ritm e seran l Lavis te sia metà ciamp. L pont de la parità someèa poder ruèr dò pec menuc canche Bolgiani se à troà vis a vis col portier ghest ma la trata de l’atacant da Poza la é stata da desmentièr. De autra ocajions les à abudes Crepaz, Deluca e endò Bolgiani, Classifica 1. categorìa jiron C: Bassa Anaunia 10 part. 21 p. Cauriol 10 partides 19 ponts Aquila Trento 10 partides 18 p. Paganella 10 partides 17 ponts Verla 10 partides 17 ponts Fascia 10 partides 15 ponts Dimaro Folgarida 10 par. 15 p. Bassa Val de Sol 10 part. 14 p. Lavis 10 partides 14 ponts Monte Ozolo 10 partides 14 p. Alta Anaunia 10 partides 14 p. Tnt Monte Peller 10 part. 9 p. Predaia 10 partides 5 ponts Cembra 82 10 partides 4 ponts

ma la malasort someèa ge corer dò al Fascia, fin canche na trata da fora de Debertol no é stata desvièda da n defensor trentin e la se à ficià te la rei per l’un a un. Aboncont l resultat arjont no encontentèa i ladins che no à lascià vea de proèr a venjer, vèlch outa risian ence de se fèr passèr via en contratach, ma n muie bravo l’é stat endodanef l portier de cèsa. L terz scigol ruà a serèr su la partida, à lascià ti jiadores fascegn mìngol de delujion, ma ence la convinzion de poder venjer n muie de partides se se jiarà co la medema gaissa palesèda enstouta. Cristoforo Debertol Etres resultac: La squadra di Juniores à jià sul ciamp de cèsa contra l Piné e l’à vent per 5 a 0 con n gol per om de Gianmaria Ganz, Rodriguez Yasiel Perez, Alberto Boscolo, Denis Drlje e Diego Ghetta; i Allievi i à perdù sun ciamp forest contra l Povo per 5 a 0; i Giovanissimi à perdù a Vich contra l Valcembra per 3 a 0; la squadra de la eles à perdù contra l Tione per 1 a 2 con n gol de Jessica Ninz; i Amatori i à vent contra i Pollini per 3 a 0 con n gol per om de Gianni Casari, Giorgio Mazzel e Lorenzo Giuliani. Fascia – Lavis 1 a 1 (Gol de Cristoforo Debertol) Formazion del Fascia: Simone Delladio, Maurizio Bonani, Trettel, Nicola Rizzato, Giorgio Dorich, Cristoforo Debertol (45 s.t. Mathias Defrancesco), Nicolò Crepaz, Simone Bolgiani, Davide Porcu (20 s.t. Gianmaria Ganz), Manuel Bernard (25 Yasiel Perez), Daniele Deluca.

Chidlé - Tramedoi scuadres à chidlà cun la doi scuadres ultimes te tlassifica, n vënerdi l Gherdëina II a Falzes ulache i à venciù per 6 a 2. N sada l Gherdëina I n cësa contra l Flagger ulache i à venciù ënghe per 6 a 2. Serie B-est: Deguna storia ie stata te chësta partida. Nce sce l manciova doi chidladëures dla prima scuadra, Demetz Leo y Helmuth Schieder, à l Gherdëina I bel snel desmustrà de vester la scuadra plu sterscia, do i prim 120 colps fova l Gherdëina bele 110 chiedli danora, do i segondi ie aumentà l vantaje a 221 chiedli, mantenian chësc vantaje tla ultima lingia di colps. L Gherdëina I à venciù per 6 a 2, batan ju 3.263 cun na mesaria de 543,6 chiedli contra i 3.031 cun na mesaria de 305,2 di averseres. l miëur dl di ie stat Georg Sommavilla cun 562 chiedli .

AKC Gherdëina I- KC Flagger: 6 a 2 Resultac persunei: Georg Sommavilla, 562 Siegfried Prinoth, 560 Josef Klotz, 550 Flavio Prinoth, 543 Viktor Werdaner, 531 Engl Colcuc, 517 Serie D-nord: L Gherdëina II ie jit a Falzes, ulache l ie na chidladoia nia saurida da chidlé. La scumëncia bëndebò bën, tramedoi chidladëures à venciù si juech purtan nsci l Gherdëina danora de 50 chiedli. Do i segondi iel jit su la desferënzia de 80 chiedli. Ala fin fòvel na desferënzia de 99 chiedli per l Gherdëina. L miëur dl di ie stat Guido Stuffer cun 564 chiedli.

Georg Sommavilla.

SSV Falzes III- AKC Gherdëina II: 2a6 Resultac persunei: Guido Stuffer, 564 Albert Moroder, 529 Ewald Insam, 492 Armin Moroder, 490 Werner Runggaldier, 490 Konrad Malsiner, 482

Pest Ladin de chidlé Ncuei sada ai 14 de nuvëmber scumëncia l Turnoi ladin. Dala 14.30 nchin ntëur la 19.30 puderàn cialé pro coche la scudres de Gherdëina, La Ila y Mareo chidlerà tla chidladoia de Sëlva per vëncer la copa ladina. L se trata de na copa che n possa se tenì sce n la vënc trëi iedesc ndolauter. A udëi sce la ti garata ala scuadra de Mareo, che a śën bele venciù doi ani ndolauter. Duc ie nviei a unì a cialé pro.

Finalmënter na gran devënta Le Rina davagna por 4 a 1 l’ultima partida te ćiasa de chësc altonn. I śogadus ladins à desmostrè motivaziun y orentè da davagné

David Huber é al momënt dër en forma y à segnè dui goi tla partida cuntra le San Laurënz.

36

www.lauscdiladins.com

Palê Rina/2.cat. - An po dì che la partida cuntra le San Laurënz à  metü man por le Rina bele la sabeda sëra, canche tröc śogadus s’à abiné a desparè le ćiamp de jüch. Zënza chësc gran laûr ne foss le ćiamp nia stè praticabl y i sostegnidus dl Rina n’ess nia podü odëi finalmënter n gran jüch de süa scuadra. Le Rina fej druch dal pröm momënt inant, cun n jüch asvelt garêtel öna na ocajiun indôlatra. La plü grana capiteia söi pisc de Michael, che röia su dan le portier y atoca le palê dlungia porta ia. Incër le 25ejim menüt él l’atacant plü en forma dl momënt, David, che fej n gran gol da passa vint metri dala porta. I śogadus pustri mëss tresfora se parè, mo desche al é bele sozedü te n valgügn caji, porta n fal di śogadus dl Rina pro che le San Laurënz fej le gol dl pêr le pröm iade che ai tira cuntra la porta ladina. Le pröm tëmp se röia insciö söl resultat de parité. Dal mëteman dl secundo tëmp él spo

le San Laurënz che à la poscibilité da fa le 1 a 2. Al ti vëgn conzedü n önescmetri por n fal de jüch sön l’atacant espert Peter Bacher. Le bomber Wisthaler se tol sö la inćiaria da trà la mascima puniziun, mo le portier Thomas fej na gran parada. Thomas, che s’à tut sö da püch l’inćiaria da fà le portier, é bele deventè na fondamënta sterscia y sigüda dla defenjun dl Rina! Chësc fat é dezisif por l’andamënt dl jüch; i śogadus dl Rina ciafa na gran motivaziun y ô davagné cun dötes les forzes. Al passa püć menüć y inće al Rina ti vëgnel conzedü n önescmetri por n fal sön Kalle. Georg ne se lascia nia tó l’ocajiun y porta en vantaje la scuadra de ćiasa. Sön chësta ti garêtel ala scuadra de Col dla Vedla aziuns demorvëia, de chëres che an n’à odü zënzater massa püćes te chësc campionat: sön na gran combinaziun de David y Kalle fej l’atacant jonn so secundo gol. Püch dedô él l’atacant Elli che fej n gran

gol sön n bel passaje de Costi. Te n iade stara 4 a 1 y por le San Laurënz n’él plü nia da nen fà. Le Rina se defënn bun ti ultims menüć. Da segnalè él ma plü la desgorta de Bobic, che manćiarà dassënn la domënia che vëgn cuntra le Wiesen. Almanco l’ultima partida da d’altonn te ćiasa à i sostegnidus ladins podü amiré n Rina dër motivé, che à mirité cun n bun jüch i trëi punć dër importanć por la tlassifica megra. (gc) Rina - San Laurënz: 4 - 1 Formaziun dl Rina: 1. Thomas Huber, 2. Elmar Agreiter, 3. Christof Irsara, 4. Philipp Winkler, 5. Georg Craffonara, 6. Christian Ferdigg, 7. Lorenz Rungger, 8. Michael Rungger (dal 55^ Richard Costisella), 9. David Huber, 10. Karlheinz Pedevilla (dal 80^ Hanspeter Rungger), 11. Elmar Kosta. Alenadù: Andrea Galvan.

Goi por le Rina: David Huber (al 25^ y al 74^), Georg Craffonara (al 65^ sön önescmetri), Elmar Kosta (al 81^). Proscima partida: en doman domënia ai 15 de novëmber dales 14.30, fora de ćiasa, cuntra le Wiesen. Tlassifica 2a categoria, grup C 1. Schabs, 10 partides, 26 punć 2. Steinhaus, 10 partides, 23 p. 3. Aicha, 10 partides, 18 p. 4. Dietenheim, 10 part., 16 p. 5. Kiens, 10 partides, 16 p. 6. Hochpustertal, 10 part., 15 p. 7. Falzes, 10 partides, 13 p. 8. Rina, 10 partides, 9 p. 9. San Laurënz, 10 partides, 9 p. 10. Gais, 10 partides, 7 p. 11. Wiesen, 10 partides, 5 p. 12. Sterzing, 10 partides, 4 p.


Sport

nr. 44 / 14 de november 2009

Chidlé a bëgn dla Uniun dl Sport Mareo Gran chidlada 2009 a Al Plan por la Uniun dl Sport Mareo – seziun palê. “Les Ëres dla Pazionza” y i “Excelsis Gobi” davagna a scuadres, Gabriella Ties é la miù chidladëssa y Martin Ferdigg le miù chidladù dl dé

Devëntes tleres por les scuadres di ëi I chidladus dla Val Badia à śoghé y davagné les partides dla edema passada, mo la seria negativa dles ëres va inant Chidlé Val Badia - Tla seria A2 à le Mareo I davagné 8 a 0 cuntra Fugger II. Tla seria C s’al à la scuadra da La Ila fata avarëi te ćiasa por 7 a 1 cuntra i Löwen da Porsenù, tratan che tla seria D à le Mareo II batü Latzfons cun le medemo resultat. Ma la scuadra dles ëres romagn inant zënza punć, cun na pordüda por 2 a 4 a Algund, cuntra Maran.

Seria A feminila

Les 3 mius scuadres dles ëres: 1) Les Ëres dla Pazionza, 2) Les Montanares, 3) Ëres 1957.

Al Plan - La gran chidlada a scuadres de cater porsones é oramai deventada n evënt. Trentessis scuadres (10 de ëres y 26 de ëi - 45 chidladësses y 99 chidladus) él rové adöm en domënia, ai 8 de novëmber, tles beles chidlares dla Ostaria da Runcac. Dales diesc danmisdé ćina les ot da sëra él gnü chidlé zënza lascè do y n stlafun de chidli à messü la capì, mo inće i parëis dales perts é gnüs sferià plü iadi da chidladus y chidladësses ćiamò püch esperć/ espertes. Deache le davagn che vëgn ite dala gran chidlada ti va a chë uniun o assoziaziun che la organisëia - chësc ann ala Uniun dl Sport Mareo – seziun palê – n’él tröc che tol pert por solidarieté, por stè en compagnia y se devertì. D’atri chidla sambëgn cun la intenziun da davagné o almanco da fà bela figöra, mo la cogora é torona y nia dagnora n’él i mius che davagna, al ô inće ester n pü’ de fortüna. Le regolamënt é romagnü le medemo da imprömainsö: al vëgn trat 10 boć söi plëgns, 10 ala gherdëna (sce an atoca le pröm vel i chidli le dopl) y 10 da romenè. Por la tlassifica singula vëgnel cumpedè adöm i chidli, a scuadres röiel ćiamò le jüch dl lëgn pormez y ara va spo do punć. La miù scuadra dles ëres é stada chëra de “Les Ëres dla Pazionza” y di ëi à davagné la scuadra di “Excelsis Gobi”. La miù chidladëssa é stada Gabriella Ties (165 chidli). Pro i ëi n’él stè dui che à rosedè 208 chidli:

Tone Call y Martin Ferdigg, mo le pröm post ti é jü a Martin, deache al é stè miù da romenè. Le chidladù plü vedl é stè Friedl Pedevilla (84 agn). N lalt al’organisaziun che à metü da jì la manifestaziun. N dilan ala Cassa Raiffeisen dl contribut finanziar y a düć chi che à ofrì i bi pesć dla lotaria. Rengrazié orunse sambëgn inće i patruns dles chidlares dl’ospitalité. A s’odëi te n ann ala gran chidlada 2010. (gp)

Tlassifiches Les 5 mius scuadres dles ëres: 1) Les Ëres dla Pazionza, 36 punć; 2) Les Montanares, 35 punć; 3) Ëres 57, 29 punć; 4) Les Cucurun, 27 punć; 5) Les Plomaces, 23 punć Les 5 mius scuadres di ëi: 1) Excelsis Gobi, 93 punć; 2) I soliti da Rina, 90 punć; 3) Pokerclub JPJHE , 90 punć; 4) I Cabaus, 87 punć; 5) I Ćiastelans, 85 punć

Tlassifica do categories Ëres fina 20 agn: 1) Elena Ellecosta, 121 chidli; 2) Vanessa Kanetscheider, 87 chidli; 3) Ulrike Comploi, 71 chidli Ëres da 21-30 agn: 1) Lisa Alton, 151 chidli; 2) Petra Huber, 136 chidli; 3. Susanne Winkler, 135 chidli Ëres da 31-40 agn: 1) Ulrike Miribung, 146 chidli; 2) Cristina Rubatscher, 143 chidli; 3) Anita Complojer, 142 chidli Ëres da 41-50 agn: 1) Inge Ties,

147 chidli; 2) Marta Kaneider, 142 chidli; 3) Alexandra Erlacher, 134 chidli Ëres da 51-60 agn: 1) Dolly Mutschlechner, 160 chidli; 2) Rosalia Obojes, 157 chidli; 3) Mariedl Complojer, 152 chidli Ëres sura 60 agn: 1) Annamaria Ties, 163 chidli; 2) Angela Feichter, 133 chidli Ëres Uniun Chidlé: 1) Gabriella Ties, 165 chidli; 2) Gerda Complojer, 163 chidli; 3) Flora Weiss, 153 chidli Ëi fina 20 agn: 1) Luca Erlacher, 179 chidli; 2) Victor Obojes, 162 chidli, 3) Samuel Frontull, 155 chidli Ëi da 21-30 agn: 1) Marco Call, 165 chidli; 2) Robert Mutschlechner, 161 chidli; 3) Emil Mutschlechner, 161 chidli Ëi da 31-40 agn: 1) Luca Coppola, 183 chidli; 2) Ivan Weiss, 162 chidli; 3) Markus Winkler, 160 chidli Ëi da 41-50 agn: 1) Raimund Rigo, 163 chidli; 2) Helmuth Palfrader, 157 chidli; 3) Walter Kanetscheider, 157 chidli Ëi da 51-60 agn: 1) Raimund Mutschlechner, 169 chidli; 2) Roland Palfrader, 165 chidli; 3) Wolfgang Pisching, 165 chidli Ëi sura 60 agn: 1) Pepi Mellauner, 182 chidli; 2) Giuv ani Pescollderungg, 172 chidli; 3) Arthur Mutschlechner, 170 chidli Ëi Uniun Chidlé: 1. Martin Ferdigg, 208 chidli; 2. Tone Call, 208 chidli; 3) Lois Ellecosta, 194 chidli

Maran - Mareo: 4 - 2 Cuntra la scuadra da Maran à les ëres dl Mareo metü man bun la partida, cun les prömes döes che à intrames davagné le punt cuntra sües aversares diretes. Pro la soma totala di chidli âres n vantaje de 23 chidli da mostrè sö. Mo pro la secunda seria da 120 boć à les patrones de ćiasa fat i dui punć, y à inće recuperè pro la soma totala, tan da podëi mostrè sö ala fin dla partida n vantaje de 46 chidli, cun na media de 539,5, deperpo che le Mareo à arjunt na media de 528. Almanco la maironta dla serada é stada na marora, plü avisa Gerda Complojer cun 558 chidli. Tla tlassifica romagn la scuadra marora al penultim post. Resultać personai: Gerda Compolojer, 558 Gabriella Ties, 526 Margheret Complojer, 515 Valeria Federa, 513

Seria A2-ost Fugger II - Mareo I: 0 - 8 Da Freienfeld ca s’à le Mareo portè a ćiasa düć i punć. Ai à batü por 8 a 0 la secunda scuadra di Fugger. Da impröma inant à i maroi abiné sö le vantaje pro la soma totala di chidli: da 30 do la pröma seria da 120 boć él aumentè a 67 do la secunda, por rovè ala fin dla partida a 92 chidli, arjunjan na media de 529,2, cuntra na media de 513,8 di chidladus da Sterzing. Le miù dla partida é stè Tone Call cun 566 chidli. Tla classifica dla seria seria A2ost é le Mareo rovè al sesto post cun chësta devënta. Resultać personai: Tone Call, 566 Tone Tavella, 541 Lois Ellecosta, 534 Martin Ferdigg, 525 Matteo Ties, 515 Lois Craffonara, 494

Seria C-nord

Les 3 mius scuadres di ëi: 1) Excelsis Gobi, 2) I soliti da Rina, 3) Poker Club JPJHE.

La Ila - Löwen: 7 - 1 Tla chidlara a Al Plan, à la scuadra da La Ila metü al sigü la pröma devënta de chësta sajun, cuntra i Löwen da Porsenù. Bele pro la pröma seria da 120 boć à i chidladus de ćiasa trat fora n vantaje de 67 chidli; chësc é

Tla partida dl Mareo II cuntra Latzfons, à Christian Ties rosedè 525 chidli.

aumentè do la secunda seria a 93, cun düć cater i punć di confrunć direć davagnà. Pro l’ultima seria da 120 boć é i “liuns” stà bogn da recuperè n valgügn chidli y da davagné n punt, mo la devënta tlera por La Ila n’é mai stada al prigo. Ala fin dla partida â i badioć n vantaje de 64 chidli, cun na mesaria de 520, cuntra na media de 509,3 di Löwen. Le miù dla scuadra badiota é stè Gianfranco Thaler cun 537 chidli. Tla tlassifica à La Ila recuperè posiziuns y é śëgn al otavo post. Resultać personai: Gianfranco Thaler, 537 Christian Pedratscher, 528 Carlo Valentini, 527 Edi Bernardi, 519 Erwin Crazzolara, 508 Fritz Planinschek, 501

Seria D-nord Mareo II - Latzfons: 7 - 1 Le Mareo II à śoghé na bona partida te ćiasa cuntra Latzfons. Bele da impröma inant é la partida jüda dl dër vers, cun i pröms dui che à trat fora n vantaje de 73 chidli, che é rovè a 158 do la secunda seria da 120 boć, por rovè ala fin dla partida a bëgn 280 chidli. Cun indöt 3121 chidli à i maroi arjunt na media de 520,2, tratan che i ghesć da Latzfons à arjunt na media de 473,5. Inće pro i punć di confrunć direć s’al à cin’ maroi fata avarëi cuntra so aversar. Le miù dla partida é stè - sciöche bele gonot chësc ann - Pire Rungger, cun 557 chidli. Tla tlassifica é le Mareo al terzo post. Resultać personai: Pire Rungger, 557 Norbert Trebo, 526 Christian Ties, 525 Simon Complojer, 512 Lois Agreiter, 504 Claudio Moling, 497 www.lauscdiladins.com

37


Sport

nr. 44 / 14 de november 2009

N “jolly” per l’Hockey Fascia

Boulderfestival a Persenon L Activ Sport Team de Gherdëina vënc l prim Trofeo IMS. De bon resultac nce per Rudi Moroder, Alex Walpoth y Giulia Alton tla garejeda singula Michael Piccolruaz y Martin Dejori. Ala fin unìvel cumpedà adum i ponc dl atleta singul y la grupa de Gherdëina, sponsoriseda dala butëiga Activ Sport de S. Cristina, à venciù cun n gran vantaje sun i segondi, se davanian nscila l prim trofeo IMS.

Sensazion n sada

Martin, Alex, Michael y Rudi, prims a livel de scuadra.

Arpizeda Sportiva - Che l nteres per l sport dl’arpizeda vën for majer y majer se àn propi ntendù chisc dis a Persenon, ulache l ie dai 3 ai 8 de nuvëmber unì metù a jì l prim IMS, International Mountain Summit. Tres chësta scumenciadiva àn ulù tré ite duc i aspec dl’arpizeda, da chëla sportiva a chëla alpina, tres cunvënies, cunferënzes, jites y d’autra scumenciadives.

Prejënt nce Reinhold Messner L ie unit adalerch trueps di miëur arpizadëures cunesciui a livel mundiel, sciche Reinhold Messner, Hans Kammerlander, Alexander Huber, Christof Heinz, Peter Habeler, Iness Papert, Lynn Hill y trueps d’autri. Sëuraprò iel nce unì metù a jì plu garejedes de bouldern, doves che valova per l Juniorcup Trentin-Südtirol Under 14 y Under 20 y una, n sada sëira, ulache n ova nvià diesc di miëur atlec de bouldern a livel mundiel, cin’ ëi y cin’ ëiles. Ma bele l di dant, l vënerdi, ova passa 80 atlec, unic adalerch mpue’ da dlonch caprò, abù la puscibltà de se cualifiché per chësta finela de n sada, ma mé l miëur di ëi y la miëura dl’ëiles pudova arjonjer

chësc. Danter chisc atlec n fòvel nce de plu de Gherdëina.

De bon resultac per chëi de Gherdëina Doi ëura ova i arpizadëures dl’aurela de purvé a ti vester ai passa trënta boulderi de deficulteies desferëntes. I prims cinch dla doi categuries se cualificova per la finela y danter chisc n fòvel ala fin bën trëi de Gherdëina. Rudi Moroder fova prim, Alex Walpoth cuarto y pra la mutans la jëuna de mé 13 ani Giulia Alton, nce ëila cuarta. Te na finela scialdi spetaculera, ne ti iela a Rudi Moroder propi mé per n sofl nia jita fata a vëncer, che ëssa ulù dì pudëi fé pea n sada cun i miëures. Ël ie ruvà segondo, batù dal jëunn de Eppan Stefan Scarperi. Alex à mantenì la cuarta posizion y Giulia Alton, cun na gran prestazion, ie stata bona de ruvé sun l podest, ruvan terza.

Scialdi nteressanta ie pona stata la garejeda de n sada, ulache l ie stat bën na pitla sensazion. Pra la mutans nfati à venciù la jëuna de Maran, Alexandra Ladurner de 17 ani, dan la favorita y campiunëssa dl mond de bouldern Anna Stöhr dl’Austria y la franzëusa Melissa La Neve. Pra i ëi à venciù Kilian Fischhuber dl’Austria, al mumënt dessegur un di miëur atlec de bouldern dl mond, che à batù Remo Sommer dla Svizra, terzo ie ruvà Gabriele Moroni dla Talia. Sciche dit, na finela da stramp garateda cun truepa jënt a cialé pro che fajova n gran tifo per duc i atlec, veramënter n gran retlam per chësc sport che te chisc ultimi ani ie cresciù dassënn, trajan ite for de plu, jëuni y nia mé. (bw)

Hockey serie A - L’Hockey Fascia à serà sù en jebia passèda la cordanza col polivalent italocanadeis Luciano Lomanno. Jiador bon de fèr la pèrt de defensor e ence chela de atacant, l se à metù al luster la sajon passèda col Gherdena che l’à serà sù dassen delvers (32 goi + 48 assist te 40 partides jièdes). La cariera del joen de 23 egn de Montreal é scomenzèda co la maor esprescion de l’hockey junior canadeis: la QMJHL. Te la cater sajons che l’à jià l se à tirà ite la maietes di Halifax Mooseheads e di Prince Edward Island Rocket per n total de 249 prejenzes con 23 goi e 71 assist. Dò na bona esperienza te la Quebec Major Junior Hockey Leugue l’é jit te la Franzia coi Briancos e l’an dò l’é ruà te la Tèlia. Ma da chel che se sent stroz la novitèdes per i fans del Fascia les podessa no esser amò fenides. Per chel che vèrda l’Ice Hockey Challenge de Szekesfehervar, te l’Ungherìa, la Tèlia à serà sù con 2 partides perdudes, contra l’Ungheria a la Slovenia, e una soula venta, contra la Croazia, con n toron 7 a 0. I taliegn à dominà duta la partida, concostan 66 trates te

Gran prestazion de Giulia Alton, che ie ruveda terza.

Tennis - Per l prim iede ie la scuadra de Südtirol stata bona de se purté a cësa l titul da Campion Naziunel pra chësta cumpetizion prestigëusa, che ie n turnoi a scuadres de duta la regions dla Talia resservà ala categuria sot a 12 ani de mutons y mutans. Sëuraprò iel unì premià, da na iuria metuda adum da duc i maestri, Verena Hofer y Nicola Rispoli coche miëur jugadëures de dut l turnoi. Set atlec dla provinzia ie unic cherdei ite dala Federazion de Tennis de Bulsan a reprejenté nosta provinzia. Danterite nce nosta Verena Hofer dl TC Urtijëi. Ëi fova piei via l fin dl’ena de Unissant cun la curiera cumpaniei dal capitan dla scuadra Roland Meliss, per furné de viers de Prato tla Toscana

Guido Demetz vënc l titul de campion provinziel de ciclocross tl Safety Park Roda - Ai 4 de utober à scumencià n zircuit de ciclocross che va inant nchin ai 24 de jené. Atlec de Rodes Gherdëina fej pea pra chësta garejedes, che ie sambën plu frëides che d’instà.

38

www.lauscdiladins.com

Squadra mendres L’Under 20 à jià en mércol ai 4 de november contra l Varese sul ciamp forest e l’à perdù per 6 a 2 con n gol per om de Mattia Bernard e Martin Castlunger; l’Under 15 à jià en sabeda ai 7 de november contra l Perjen e l’à vent per 5 a 1 con goi fascegn de Nicholas Zulian (1), Matteo Dantone e Lorenzo Paolinetti (2). En domenia ai 8 de otober ta Dèlba l’Under 13 à vent per 10 a 1 contra l Val de Sol: n gol per om é stac fac da Lorenzo Barbolini, Nicholas Marchetti, Nicola Barbolini e Sebastiano Soracreppa e doi goi per om da Nik Trottner, Massimo Zanet e Davide Schiavone. L’Under 17 à jià contra l Torin e l’à perdù per 6 a 0. I pìcoi de l’Under 11 à jià ta Dèlba contra l Perjen; te chest campionat no l’é pervedù de segnèr nesciun venjidor, ma i bec à fat veder dassen n bel jech.

Verena Hofer premieda coche miëura jugadëura pra la setima edizion dl turnoi „Memorial Francesca Morini“. La scuadra de Südtirol la miëura de duta la Talia

Guido campion provinziel

Foto dla premiazion: Guido Demetz cun l presidënt dla Federazion dla rodes de Bulsan Antonio Lazzarotto.

gabia contra les 18 de la Croazia, e a segn l’é ruà ence l fascian Stefano Margoni. Ampò l terzo post finèl no l’é dassen n gran resultat per la Tèlia, e Cornacchia cognarà se fèr vèlch pensier.

Tennis Naziunel Under 12

La scuadra de Gherdëina vënc Pra chësta garejeda pudova nce se mëter adum y fé pea “teams” de cater atlec y tlo ie propi stai cater de Gherdëina a fé na grupa cun Rudi Moroder, Alex Walpoth,

La squadra nazionèla à serà sù al terzo post l’Ice Hockey Challenge te l’Ungherìa

L ciclocross ie na garejeda de plu raides medemes sun n percurs te pra, sun giara y asfalt y cun rëms da messëi purté la roda. N dumënia ai 8 de nuvëmber iel stat na garejeda a Bulsan tl Safety Park, ulache Guido Demetz à arjont l titul de campion provinziel de categuria. (usc)

La scuadra Under 12 de Südtirol.

per se museré cun i miëures dl’autra set scuadres dla under 12 dla regions Puglia, Sicilia, Lazio, Toscana, Emilia Romagna, Umbria y Marche che se ova cualificà tla fasa finela de chësta manifestazion. L turnoi che dura trëi dis vëija dant juesc de singul y de dopl. Nosta scuadra à sapù da mustré su n livel aut de juech, bravura y cumpetizion, vencian duta la partides. Te finela àla batù la scuadra favorita dla Puglia per 5 a 2. Chisc resultac de marueia à inò desmustrà l bon lëur che la scoles de tennis de Südtirol fej ntan dut l ann de atività. Verena jonta pro chësc beliscimo titul a na gran lista de de bon resultac de chësta sajon agonistica. (kb) Tennis Club Urtijëi


Sport

nr. 44 / 14 de november 2009

La scuadra naziunela junior sun Pana Mesa Maratona de Frangart Per l prim iede ie atlec dl pudejé dla scuadra naziunela taliana unic tl zënter de pudejé sun Pana/Cendevaves a fé si alenamënc

Gianluca Pasetto dla Emilia Romagna a venciù la 29ejima edizion dla Mesa Maratona de Frangart Sauté - Gianluca Pasetto à venciù cun n tëmp de 1.08.47 dan i doi südtiroleri Rudi Brunner (1.09.19) y Gerd Frick (1.08.52). Pra l’ëiles iel ti prim cin’ posć dut atletes dl Trentin, 1. Iachemet Francesca 1.22.46, 2. Bergamo Mirella 1.26.36 y 3. Zanoner Rosalia 1.26.43. Pra i atlec dl’Atletica Gherdëina Running Cassa Raiffeisen de Sëlva n àl fat pea trëi, y tlo udons coche miëur Peterlunger Christian cun n tëmp de 1.36.14 se plazan nscila al 52ejim post tla categuria M40 y al 202ejim te chëla generela. Andreas Prinoth à stlut

ju si garejeda cun 1.36.56, se plazan al 35ejim post tla categuria M35 y al 204ejim te chëla generela. Clara Nogler ie ruveda tl travert do 1.58.31 se plazan nscila al 12ejim post tla categuria F45 y 324ejim te chëla generela. Chësta ie stata l’ultima garejeda de sauté sun streda de chëst ann te Südtirol. N scumencerà inò de auril cun la mesa maratona de Kaltern. La proscima garejedes ulache atlec de nosta lia fajerà pea sarà la proscima dumënia, la mesa maratona de Riva y la mesa da Pavia a Milan. (mp)

Brom por Mölgg ai Europeics Da m.c. mpe: Matli Elisa, Maguet Carole, Nizzi Enrico, Roncari Debora, Longo Alice, Scardoni Lucia, Vuerich Gaia, Ploner Pepi, Gardener Stefano, Gismondi Matteo, Di Sopra Francesca Dancà da m.c.: Confortola Raffaele, Rigoni Alberto, Agreiter Debora, Ronc Cella Francoise, Matli Raffaele, Chanoine Jan Marc, Clementi Fabio.

Pudejé - Pervia dla truepa nëif che l à fat ju puech do Unissant sun la montes de nosta valeda, ie l zënter nuef de pudejé sun Pana belau la sëula luegia tlo ntëur, ulache l ie nëif assé da pudëi scumencé cun i alenamënc. Scenó jiva la scuadres la gran pert a Livigno o tla Val d’Aosta, ulache l ie per l solit plu nëif da chësta sajon o scenó nce sun i dlacieres. Nsci à la scuadra naziunela junior de pudejé dla mutans y di mutons, tëut l’ucajion de fé tlo si alenamënc. L ie de ndut 15 atlec, 8 mutans y 7 mutons y danter chisc nce la atleta ladina Debora Agreiter dla Val Badia. La scuadra ie acumpanieda dal trainadëur y coordinadëur dla federazion di jëuni Pepi Ploner, ex campion de pudejé de S. Cristina, y dai autri traineri Alberto Rigoni de Asiago, Aurelio Martinelli de Isolaccia, Raffaele Confortola dla Val de Flëm y Raffaele Matli dla Val Formazza. Coche Pepi Ploner nes conta, àl nevët assé per avëi n bel purtoi, l schi club dà na man a l anjenië ca y a l mantenì y domesdì vàn suvënz mo a tré ite nëif nsci che i n à l di do inò na bela pista. Sce la temperatures l lascia pro, davia che domesdì fova la nëif belau mpue sciaudeda su, resta la scuadra naziunela mo te Gherdëina nchin duman dumënia ai 15 de nuvëmber. L ie l prim iede che na scuadra naziunela de pudejé vën tlo te Gherdëina a fé si alenamënc y speron che tl daunì puderài se nuzé mo plu suvënz de chësc bel zënter. ”L à n purtoi scialdi tecnich, che uel dì cun truepa variazion y cun duta la deficulteies, y perchël drët adatà per chësta sajon da fé i alenamënc”, dij l coordinadëur y trainadëur Ploner. Tosc saràl nce la prima garejedes per i jëuni dl pudejé, nfati saràl bele ai 21 y 22 de nuvëmber la garejedes naziuneles a S. Caterina Valfurva y chëles de Copa Europa, che ie la plu mpurtantes per nosc altec, sarà ai 12 y 13 de dezëmber tl’Alta Badia

tl zënter de San Ćiascian.

La atleta ladina Debora Agreiter ie ënghe leprò Debora Agreiter de La Ila ie al mumënt pra la miëura atletes talianes y nce dl’Europa zentrela. Ëila à fat de bon resultac no mé tl pudejé ma nce tl sport dla roda y à de gran cualiteies canche la se trata de n sport da artenienza. L ann passà iela ruveda decima pra i Campiunac dl Mond junior, à venciù doi garejedes de Copa Europa y ie campiunëssa taliana ti 5 km tla tecnica liedia. Ajache on l’ucajion de udëi Debora nce n iede tlo te Gherdëina tulons l’ucajion de ti fé n valguna dumandes. Ies’a l prim iede tlo te Gherdëina a fé i alenamënc? Son l prim iede tlo sun Pana, ma śën che é udù la pista unirei pa bën plu suvënz. La pista me sà ideéla da me alené bën. Scenó univi suvënz te Val a fé alenamënc ajache feje pert dla grupa sportiva di Carabinieri. Co ies’a perdrët ruveda pra l pudejé, ajache do Maria Canins ne n’iel dopro mei drë stat deguni dla Val Badia te chësc sport? Tla scola elementera éi fat n curs

ajache na mi cumpania fajova pea. Pona canche Maria Canins à metù man de sëurantò l pudejé, me àla metù a jì cun la roda d’instà per giapé cundizion per d’inviern sun i schi. Y da ntlëuta inant éi pona scumencià a me dé ju sciche l toca cun l pudejé. Foves’a pona feter la sëula che pudejova a livel agonistich. Sci y nce śën l sons mo. Ma al mumënt n iel de pitli che vën do y chël me fej scialdi legrëza. Ciunes sarà pa per té la garejedes plu mpurtantes tla sajon che vën? Tënie scialdi a fé bën tla garejeda de Copa Europa che sarà de dezëmber da mé a cësa a San Ćiascian. Pona iel mo i Campiunac dl Mond junior a Hinterzarten (Ger) ala fin de jené. Ciunes ie pa ti majera cuncurëntes? Da mé ora ie dessegur la atletes dla Norvegia la plu stersces y pona tl’Europa zentrela la tudësces y l’autra mi cumpanies de scuadra. Ie spere che la ti bute nce a Nadia y a Ester acioche pudon n auter ann inò vester deberieda te scuadra. De gra a Debora y bona fertuna per la sajon che vën!

Debora Agreiter y l trainadëur Pepi Ploner tl zënter de pudejé sun Pana.

Manfred Mölgg vëgn terzo tl slalom strënt paralel pro i pröms campionać europeics indoor (te na hala) a Amneville, secundo Christoph Innerhofer, pröm le beniamin local JeanBaptiste Grange Schi alpin - Manfred Mölgg d’Al Plan de Mareo à messü la zede impormò tla semifinala cuntra Grange. Denant àl batü Christoph Dreier y Thomas Fanara. Tl duel por le terzo post à Manfred spo batü Marc Gini. Tl slalom feminil à davagné la medaia d’or la slovaca Veronika Zuzulova. Manuela Mölgg y Nicole GIus à messü la zede ti otafs de finala cuntra les franzejes Claire Dautherives y Marion Pellissier. Denise Karbon de Ćiastel é ruvada inant cuntra la svizera Rebea Grand y Mireia Gutierrez Cabanes (Andorra), denanco gnì eliminada te semifinala da Nastasia Noens. Karbon à pordü baldi inće la picera finala por le terzo post cuntra la Pellissier.

Manfred Mölgg en aziun. Foto: www.areigar.se

Hockey Jëuni La scuadres di jëuni dl Hockey Club Gherdëina se cumporta drët bën ti campiunac defrënc Hockey/Jëuni - La scuadra Under 13 A, che fej cun trëi linies, à fat si ultima partida n dumënia ai 8 de nuvëmber a Burnech contra l Pustertal y à perdù per 3:0 cun i tëmps jic ora 2:0, 1:0, 0:0. Nce sce n à perdù iesen mpo cuntënc cun l resultat, ajache n savova che l fossa na partida ria. I mutons se à purvà dassënn y ie stac boni de tenì pea bën cun i averseres nsci che n ne à ala fin nia perdù tan sëch. La proscima partida per chësta scuadra ie duman dumënia a Bulsan tla Sill contra l EV Bulsan. La scuadra Under 13 B, che fej cun doi linies, ova l’ena passeda doi partides sun l program. Una n lunesc ai 9 de nuvëmber a Toblach, ulache i à venciù per 2:5 cun i tëmps jic ora 1:2, 0:2, 1:1. N mierculdi iesi furnei a Persenon a fé contra la scuadra da iló, ma tlo àla manco butà y à perdù per 8:4 cun i tëmps jic ora 3:0, 4:3, 1:1. Ëi à si proscima partida n cësa duman dumënia ai 15.11.

dala 10.00 danmesdì tl stadio de Sëlva. La scuadra Under 15 à permò fat doi partides de campiunat sun la fin dl mëns de utober, iló ài n iede venciù contra l Bulsan junior per 3:1, ma la segonda partida che fova contra l Renon ài perdù per 1:11.La Under 15 jirà ncuei sada dala 15.30 inò sun dlacia, ulache i à da se bater n cësa contra l EV Bulsan 84. I mutons Under 17 che fej cun la scuadra de Sterzing à bele fat sies partides de campiunat y n la ultima dumënia ài batù l EV Bulsan n cësa per 6:4. Ëi juega inò duman dumënia domesdì contra l Bulsan 2000. Drët bën se bat la scuadra Under 20 te si campiunat, che nchin śën à venciù uni partida. L’ultima partida che ëi à fat fova n sada ai 31 de utober tl stadio de Sëlva contra l HC Bulsan 2000, che i à batù per 5:3. La Under 20 à ncuei sada 14.11. dala 18.00 na partida tl stadio de Sëlva contra l Sterzing. www.lauscdiladins.com

39


Informazions y Manifestazions

nr. 44 / 14 de november 2009

Cursc Curs da fà scofuns A Al Plan de Mareo vëgnel metü da jì n curs da fà scofuns de felter (“Filz” - “Feltro”), tignì da Jutta Valentini. Les dates é: jöbia ai 19 de novëmber 2009, dales 19.30, vëndres ai 20 de novëmber domisdé dales 14.00 y por roé la sabeda ai 21 de novëmber domisdé dales 14.00. Le post é le salf di jogn dlungia le local dla musiga. Le curs vëgn organisé dala Uniun dles Ëres adöm al Consëi de Formaziun y s’anunzié pon pro Annamaria de Lex al nr. 0474 501286, fonin 334 6102551.

Teater “Na coa por picio Tone” Le Teater La Pli (La Pli de Mareo) inviëia ales rapresentaziuns dla comedia ligherzina “Na coa por picio Tone”, aladô de na traduziun tl ladin dl toch de Ulla Kling “Ein Nest für’s Tonerl”, sot la regia de Martin Rigo. Ultimes rapresentaziuns: incö sabeda ai 14 de novëmber dales 20.00 y en doman domënia ai 15 de novëmber dales 15.00. Infos y prenotaziuns: 0474 500978, 389 8158382.

Persunela de Willy Verginer a Vicenza ♦

Fà checs da Nadè La Uniun dles Ëres da San Martin inviëia da gnì a fà checs da Nadè, plü avisa en mercui ai 18 de novëmber dales 19.30 a Picolin. Referënta é Rosmarie Verginer. Por infos y prenotaziuns pon cherdè sö Albina al nr. 0474/523492 o Elsa al nr. 0474/523194. Curs da fà scofuns A San Martin de Tor vëgnel metü da jì n curs da fà scofuns de drap de lana, tignì da Bertilla Sorà. Les dates é ai 17, 23 y 25 de novëmber, dagnora dales 14.00 inant, tl salf di stödafüch. Le curs vëgn organisé dala Uniun dles Patrones y s’anunzié pon pro Loise al nr. 0474/590026.

Scultures nueves plëines de ciofs y urnamënc. N sada ai 21 de nuvëmber dala 6.00 da sëira iel la giaurida

Curs da fà decoraziuns dl lëgn da Nadè cun perles Chësc é le curs che vëgn organisé dal KVW de Badia. Le curs vëgn tignì da Claudia de Grones. Al mët man en lönesc ai 16 de novëmber y döra indöt 5 iadi, dagnora le lönesc y la jöbia dales 15.00 ales 17.00, te biblioteca a Pedraces. Le cost é de 15,00€ plü les spëises por le material. Prenotaziuns pro Claudia al nr. 0471/843021. Se fà sö, make-up y novitês La Uniun dles Ëles da Corvara mët da jì n curs olache an podarà imparè les novitês da se fà sö (schminken), y de make-up. Le curs vëgn tignì da Ariane Doris Alfreider, en jöbia ai 19 de novëmber dales 20.00, tl Salone Ariane a Corvara. Al é limité a 12 porsones. S’anunzié pon pro Rosa al nr. 0471/849227. Curs de ziplé tieres Da n merdi ai 17.11. nchin n vënderdi ai 20.11., dala 8.00 ala 18.00, per de ndut 32 ëura. L curs costa 116,00 euro per persona. L referënt ie n nseniant dla Scola Prufesciunela. L curs ie tla Scola profesciunela per l Artejanat Artistich a Urtijëi, ulache n possa nce cherdé su per nfurmazions y per se scrì ite, tel. 0471 796733. Curs de lauré la scipa L curs de lauré la scipa y de ”fusing” (dleghé la scipa) vën tenì da n lunesc 19.11. nchin n vënderdi 23.11., dala 14.00 ala 18.00 per de ndut 20 ëura y costa 80,00 euro per persona. L ie tla Scola profesciunela per l Artejanat Artistich a Urtijëi, ulache n possa nce cherdé su per nfurmazions y per se scrì ite, tel. 0471 796733. Curs “Spezial-Basalt-Methode” La Lia Sanyton mët a jì n dumënia ai 22.11. tla sënta dla Lia Sanynton, streda La Sëlva 101, te Sëlva, dala 10.00 inant, n curs de “Spezial-Basalt-Methode”, che ie na metoda naturela per destò blocades y desturbs d’energia, per plu vivanda y suzes tla vita. L curs ie de un n di, cun na pitla paussa y marënda; l ie per duc i nteressei, cun prenutazion y a paiamënt. Basalt ie n sas de lava sferdeda tl mer, de sustanza minerela y che à truepa energia. L referënt ie l njenier Andreas Kavalirek de Velden (A). Curs da fé sondles da Nadel L KVW de S. Cristina mët a jì n sada ai 28.11. dala 14.00 inant n curs da fé sondles da Nadel tla Scolina Egaburvanda a S. Cristina. L curs ie dala 14.00 ala 17.00. N possa se lascé nuté su pra Daniela Perathoner, tel.333 3990635. Hormon-Joga La Lia Sanynton mët a jì n curs de joga per ëiles de uni età cun Judith Demez. Uni juebia dala 9.00 danmesdì tla pitla sala de chemun a S. Cristina. 90 menuc per se n sté bën y per auzé la cualità d’energia dl’ëila, te cër mumënc y per uni età. Un n iede pòssen unì a purvé ora debant. Per nfurmazions tel. 0471 795467 o 333 1079990. Joga per mutons “Juesc de joga y viages da semië”. La Lia Sanynton mët a jì n curs de joga per mutons cun Judith Demez. Uni juebia dala 16.00 tla pitla sala de chemun a S. Cristina, 60 menuc de tëmp liede, fajan zeche per resté sani y nton, per pitli mutons dai 5 ani insù. Adatà nce per mutons cun vel’ problem. Un n iede possa duc purvé ora debant. Per nfurmazions tel. 0471 795467 o 333 1079990. Joga per duc “Eserzizies per l corp y relax per l spirt”. La Lia Sanynton fej a l savëi che per dut l ann uniràl pità uni juebia dala 20.00 tla pitla sala de chemun a S. Cristina la puscibltà de fé Joga cun Judith Demez. Chirëde vo ora can che ulëis fé pea. Un n iede pòssen purvé ora debant. Per nfurmazions tel. 0471 795467 o 333 1079990.

Iniziatives sportives Turnoi Ladin de chidlé Ncuei sada ai 14 de nuvëmber scumëncia l Turnoi ladin. Dala 14.30 nchin ntëur la 19.30 puderàn cialé pro coche la scuadres de Gherdëina, La Ila y Mareo chidlerà tla chidladoia de Sëlva per vëncer la copa ladina. L se trata de na copa che n possa se tenì sce n la vënc trëi iedesc ndolauter. A udëi sce la ti garata ala scuadra de Mareo, che a śën bele venciù doi ani ndolauter. Duc ie nviei a unì a cialé prò.

40

www.lauscdiladins.com

Hero (linda, acril, 180 cm, 2009)

L a g alar i a Andre a Ar te Contemporanea, che ie tl zënter de Vicenza, mët ora scultures y nstalazions dl scultëur Willy Verginer. “A fior di pelle” ie l titul dla mostra, che ie cureda da Alessandra Redaelli y Alberto Zanchetta. L vën metù ora lëures nueves fac te chësc ultimo ann y documentei te n catalogh nuef. La mostra resta davierta nchin ai 23 de jené 2010. Da merdi nchin sada dala 16.30 nchin la 19.30. Galaria Andra Arte Contemporanea, Corso Palladio 165.

Iadi, Jites y Escurscions Cun l’UML al’opereta “Der Bettelstudent” L’UML-Uniun Maestri Ladins inviëia en sabeda ai 21 de novëmber 2009, da jì a Balsan tl Waltherhaus a ti ćiarè al’opereta “Der Bettelstudent” de Karl Millöcker. An pëia ia dales 15.30 da Corvara (dan l’aziënda), 15.35 da La Ila (Cassa dl Sparagn), 15.40 da Pedraces, 15.50 da Pidrô, 15.55 da Picolin (burćia), 16.05 da Longega, 16.25 da Ehrenburg. L’opereta mët man dales 20.00. Le iade y la cherta costa por i scrić ite al’UML 25,00€ y por les porsones sura i 60 agn 20,00€; por i nia scrić ite 28,00€, respetivamënter 23,00€. I podëis Ves prenotè al nr. de telefonn 0474/561104 o al 333/1343027 ćina ai 15 de novëmber (do les 15.00).

Festes Popolares Festa de Iubileum por le Grup Corn da ćiacia “Ladinia”

Le Grup Sonadusc de Corn da Ćiacia festejëia le iubileum de 25 agn cun na bela serada musicala ladina, incö sabeda ai 14 de novëmber dales 20.00, tl gran salf dles manifestaziuns a San Martin de Tor. Al sarà da aldì le grup iubilar, la Böhmische da La Val, le trio de ëres “A per sorëdl”, i Jagdhornbläser Antholz, la Tanzlmusig, le Cor “Col dla Vedla” da Rina y i “Jagdhornbläser” Mareo. Plü inant sonarà ćiamò le grup da bal “Jimmy”. Le guant da iagher o la troht é bëgnodüs. Por spëisa y boanda fistidiëia la Uniun Guant da Zacan San Martin. L’entrada é debann. Terza “Farmer’s party” a Rina Incö sabeda ai 14 de novëmber, vëgnel metü da jì a Rina, tl gran salf, la terza ediziun dla “Farmer’s party by night”, cun tröc jüć, musiga y devertimënt. I jüć metarà man dales 20.00 y al podarà tó pert scuadres da cater porsones. Por les iscriziuns, che costa 20,00€ a scuadra, pon cherdè sö Martin al nr. 338/1771740. Dj Robby fistidiarà por de bona musiga, deperpo che i organisadus à ponsè por spëisa y boanda.


nr. 44 / 14 de november 2009

Teater Teater te Sëlva La Lia dl teater de Sëlva purterà dant n pez da rì de Ray Cooney dal titul “Und alles auf Krankenschein” sot ala regia de Moritz Demetz. L teater ie mo da udëi ncuei sada 14.11., duman dumënia 15.11. y n mierculdi 18.11. for dala 20.30 te Cësa de Cultura de Sëlva. Chertes danora tla butëiga Minishop o cherdan su l 0471 794085. Teater per bec a Moena Va inant la 7^ rassegna provinzièla de teater amatorial per bec. En domenia ai 15 de november da les 16.30 te teater de l’Oratorie de Moena sarà protagonisć i joegn atores de “I Amisc del teater” col tòch dal tìtol “Galline paraboliche”. Duc é envié de cher a tor pèrt. Inter: 100 egn de storia a teater En vender ai 20 de november tel teater de Ciavaleis da les 20.45 vegn portà dant n spetàcol teatrèl de Matteo Colombo dal tìtol “Inter, 100 anni de storia nerazzurra... in 90 minuti più eventuale recupero” con Marco Vaccari. Se trata de la soula programazion en region de n spetacol, che à abù gran suzess te duta la Tèlia. Metù a jir per endrez del Inter Club de Fascia e Fiem, dò l teater sarà n moment de festa per duc i sostegnidores. Se pel se proveder i biliec dantfora: per maor informazions chiamèr Riccardo al 339.7600530.

Chino Programazion al chino de Tieser

Insnet, sàbeda ai 14 de november e doman, domenia ai 15 de november, da les 17.00 se pel veder l film de animazion “Biancaneve e gli 007 nani” e da les 21.15 vegn metù dant l film “Gli abbracci spezzati” de Pedro Almodovar, con Penelope Cruz e Blanca Portillo. En jebia ai 19 de november se pel veder l film “Lo spazio bianco” de Francesca Comencini, con Margherita Buy e Gaetano Bruno. Programazion al chino de Cianacei Chest fin de setemèna à avert denef l Chino de Cianacei, che insnet, sabeda ai 14 de november, da les 21.15 met dant l film “Michael Jackson. This is it” L’event de na vita, l’ultim show de Jacko. L fin de setemèna che vegn, da vender 20 a domenia 22, sarà enveze da poder veder “2012” de Roland Emmerich, che da na veiora profezìa di Maya perveit la fin del mond. Programazion al chino de Pardac A Pardac insnet, sàbeda 14, e doman 15 de november, da les 21.15 se pel veder l film “2012”, en lunesc ai 16 e en mèrtesc ai 17 de november da les 21.15 vegn metù dant l film “Michael Jackson, This i sit”. Da mercol ai 18 enscin domenia ai 22 duta la seres da les 21.15 se pel veder “New Moon” The Twilight Saga, co la regìa de Chris Weitz. Programazion al chino de Ciavaleis Insnet, sàbeda ai 14 e doman, domenia ai 15 de november, da les 21.15 se pel veder l film catastrofich “2012”, en lunesc ai 16 de november vegn metù dant l film “Videocracy - Basta apparire” de Erik Gandini. En mèrtesc ai 17 e en mercol ai 18 de november da les 21.15 se pel veder “Michael Jackson. This is it” e en vender ai 20 de november da les 20.45 vegn portà dant l spetacol teatrèl de Matteo Colombo “Inter” con Marco Vaccari.

♦ Cunzert de S. Zezilia dla Mujiga de Sëlva N dumënia ai 22 de nuvëmber, dala 17.00, tla Cësa de Cultura de Sëlva Cun n bel program de mujiga per uni gusto se lascerà la Mujiga de Sëlva inò audì per l cunzert tradiziunel de S. Zezilia, la patrona dla mujiga. La prima pert dl cunzert ie dedicheda al anuel di 200 ani dai cumbatimënc per la liberazion cun Andreas Hofer, y tlo iel danter l auter l pez plu lonch y bëndebò mpeniatif ”Tirol 1809” de Sepp Tanzer. La segonda pert ie n viac tres l mond cun mujiga mpue d’uni sort, mexicana y africana mpue plu da druch y pona nce vel’ pez plu meditatif coche ”La vita è bella” ora dl film de Benigni. Dirighënt ie Andrea Mussner da Costa. Danterite uniràl nce sëurandat la uneranzes ai cumëmbri che ie bele giut pra la Mujiga y per meric particuleres.

Informazions y Manifestazions ♦ Persunaliteies dl sport Cuncors de scultures tla nëif te Sëlva. Chi che uel fé pea possa dé ju si pruposta n lunesc ai 13 de nuvëmber. L cuncors sarà coche uni ann ti dis do Nadel L se trata de na manifestazion metuda a jì dala Lia dl Turism de Sëlva n cunlaurazion cun la Lia di Artejans de Sëlva, che vën fata bele per l 14ejim iede ti prei da Nives sot ala cësa de chemun de Sëlva. L argumënt cun chël che i artisć arà da se dé ju chëst ann ie ”Persunaliteies dl sport”. De ndut uniràl fat sies lëures, che unirà desmazei ora de n gran tapl de nëif dla mesura de 6 x 3 x 3 metri. Ma dant muessa i artisć ti prejenté si ideies a na iuria aposta, acioche chësta posse pona crì ora la sies opres che puderà unì fates tla nëif. I modiei, che ie da dé ju ai 23 de nuvëmber, dëssa vester de almanco 25 cm y possa vester de mauta, de ghips, de lën o nce de vel’auter material. Leprò iel sambën da mëter na cuverta cun inuem, cuinuem, adres y numer de telefonn. Coche dit, ai 23.11. danter la 16.00 y la 18.30, iel da dé ju chisc modiei (un n model per uniun che fej pea) da anda Rosy tla Galaria Bera Albino tla Cësa de Cultura O.v. Wolkenstein de Sëlva. Sun la fin dl mëns de dezëmber, y plu avisa danter i 26 y i 29 de dezëmber puderàn inò ti cialé pro ai scultëures, ti prei da Nives, coche i laurerà, dut a man sambën zënza nianca no adurvé la sia a motor. La criazions artistiches tla nëif unirà pona nce premiedes n l ultimo di dl cuncors dala 16.30 y resterà pona iló da pudëi amiré tan giut che l tëmp y la temperatures dl inviern l lascerà pro. Da vëncer iel: 1. pest 3.000 €, 2. pest 2.200 €, 3. pest 1.700 €, l 4. nchin al 6. pest ie de 1.300 €. La spëises per la marëndes ntan i cater dis, coche nce i custimënc per fé nëif, per fé i mudli y n.i. vën sëurantëutes dala Lia dl Turism de Sëlva. Duc i pesć ie netto per i scultëures, sun conta o cun retenida de acont. Chësc lascia a l savëi l presidënt dla Lia per l Turism Josef Kelder y l presidënt dla Lia di Artejans Hugo Senoner.

Prejentaziuns y Publicaziuns Prejentazion del liber “I segnes dal ciel” a Moena

Anché domesdì da les 14.30 aló da l’Hotel Dolomiti te strada R. Löwy 24 de Moena, vegn prejentà l liber “I segni dal cielo. Angeli” de Luigi Ferrante, edizions Surya. Éi dalbon i àgnoi vardians? Chi él? Él possìbol rejonèr con ic? L’autor rejonarà de so empegn leterèr, politich e sozièl, e ence de la profezìes leèdes a l’an 2012, al davegnir del mond e al destin de Silvio Berlusconi. Duc é envié de cher. Marćé da Nadè y stories por mituns En domënia ai 29 de novëmber vëgnel tignì dales 10.00 ales 17.00 n marćé da Nadè, tl Salf Laûr Protezionè “La Spona” a Pidrô. Te chësta ocajiun gnaràl dales 14.00 presentè na publicaziun nöia da pert dla Uniun Ladins Val BAdia. Ara se trata de cater libri da stories por mituns y döes CD’s da ascutè sö, cun musighes metüdes adöm da Alessandro Trebo. L’organisaziun dla manifestaziuns é da pert de La Spona, dla Uniun Ladins Val Badia y dl Istitut Ladin “Micurà de Rü”. Presentaziun dl liber “Scincundes” L’EPL - Ert por i Ladins inviëia ala festa de presentaziun dl liber “Scincundes” cun les fotografies de Hans Pescoller y Paul Erlacher y pinsiers te trëi lingac laprò, en sabeda ai 28 de novëmber 2009 dales 16.00 tl Gran salf dles uniuns a San Martin de Tor. Al ćiantarà le Cor de dlijia da San Martin de Tor. Chertes da batadù nueves de Egon Rusina N merdi ai 17.11. dala 11.00 danmesdì uniràl prejentà tl Hotel Laurin a Bulsan la chertes da batadù cun na lingia nueva de caricatures, desseniëdes da Egon Moroder Rusina.

www.lauscdiladins.com

41


Informazions y Manifestazions

nr. 44 / 14 de november 2009

♦ Marćé da Nadè,

Musiga Apuntamenc de La Grenz Va inant aló da la Baita de Moena i apuntamenc de la sociazion de mùsega e cultura La Grenz. En vender ai 20 de november, da les 21.30, duc é envié te la senta de strada Saslonch a scutèr “Alan Farrington Jazz Quartet” con Alan Farrington, Robi Soggetti al piano, Marco Cocconi al bas e Enrico Tommasini a la baterìa. Maor informazions sul sit www. lagrenz.org

musiga y stories por mituns En gaujiun dl marćé da Nadè tla ćiasa “La Spona” a Pidrô, presentëia la Uniun Ladins Val Badia döes CD’s da ascutè sö y cater libri de stories por mituns En domënia ai 29 de novëmber vëgnel tignì dales 10.00 ales 17.00 n marćé da Nadè, tl Salf Laûr Protezionè “La Spona” a Pidrô. Te chësta ocajiun gnaràl dales 14.00 presentè na publicaziun nöia da pert dla Uniun Ladins Val Badia. Ara se trata de cater libri da stories por mituns y döes CD’s da ascutè sö, cun musighes metüdes adöm da Alessandro Trebo. L’organisaziun dla manifestaziuns é da pert de La Spona, dla Uniun Ladins Val Badia y Le marćé da Nadè y la presentaziun de libri y cd’s dl Istitut Ladin “Micurà de Rü”. vëgn invià ia ai 29 de novëmber.

Sozial Jogn va te Ćiasa de Palsa

En domënia ai 29 de novëmber él i jogn dla Val Badia che va indô te ćiasa de palsa a passè n domisdé en compagnia cun la jënt atempada. An s’incunta dales 13.45 te Sorvisc ai Jogn por porvè les ćianties y spo jarunse ia düć deboriada. Al gnarà tignì na santa mëssa cun siur Pire y dedô n pü’ de aorela cörta. Ancunteda di parënc y cumpanies de amalei psichics N lunesc ai 16.11. dala 17.00 inant vëniel metù a jì na ancunteda cun i parënc de amalei psichics tl Servisc Soziel, streda Purger 16, a Urtijëi. L referënt ie l dutor Gottfried Ugolini, psicologh y teologh. Nfurmazions mplu pon giapé da Lotte Rella, tel. 0471 260303. Duc ie nviei a unì a scuté su. Deberieda: chidlé y dopro pizza Se ancunton n juebia ai 19.11. dala 4.00 domesdì sun Puent de Pana a Urtijëi per furné a Ciastel, ulache jiron a chidlé tla chidladoia de Telfen y dopro stajerons mo mpue n cumpania pra na bona pizza. Per nfurmazions plu avisa pudëis cherdé su la cunlauradëura dl Servisc Soziel de Gherdëina Ulrike Rabanser, tel. 0471/798015. La grupa ie davierta a duta la persones nteressedes. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Curs per se njenië ca a parturì Ntan dut l ann vëniel pità da pert dl Servisc Saniter de Gherdëina chisc cursc. L vën pità nfurmazions sun i aspec fisics y emotifs ntan che n aspieta, ntan l parturì y l tëmp da dedò. L vën pità mesuns per cuntenì l mel dla dueies y per ti jì permez al mel ”normal” dl pert. Dut per judé do a n pert naturel. L ie nce n’ucajion per fé esperienza de muvimënt y de relassamënt y per cunëscer d’autra umans. Per fé pea i cursc iel da se nuté su cherdan su l 0471 797778 o l 0471 794290.

♦ Teatro co “Ra Filodramatica d’Anpezo” Chesto an ra Filodramatica d’Anpezo ra torna co ‘l teatro “Camera a ores”, tre ate da ride de Fritz Wempner, voltà par anpezan da Chiara Bigontina De Benedeto, Maurizio Costantini Julio e Davide Sottsass, co ra regia de Roberto Zambelli Nichelo. Ra prima ra sarà ai 18 de noenbre e ‘pò ‘l vegnarà fato danoo ai 20, 21, 25, 27 e 28 de noenbre, senpre da res 9 da dasera. Inveze domegna ai 22 de noenbre el sarà da res 4 dapò meśodì. El vegnarà fato inze ra sala da teatro “Alexander Girardi” in Anpezo. I biliete pó ese fisade al 333 2707943 dapò res 6 da dasera.

Cunzert de S. Zezilia dla Mujiga de S. Cristina Duman dumënia ai 15.11. dala 17.00 saràl da pudëi scuté su l cunzert tradiziunel de S. Zezilia te Sala de Chemun de S. Cristina. La Mujiga à mparà ite sot ala bachëta de Thomas Piazza n program da truepa variazion, danter l auter n pez che lecorda l anuel di 200 ani dai tëmps de Andreas Hofer ”Tiroler Landsturm”, pona doi pec de cumponisć da tlo de Andreas Mussner da Costa y de Norbert Rabanser dl Starzer a Pruca. L vën nce lecurdà Michael Jackson cun l pez Earth Song y mo d’autri pec de mujiga tradiziunela da banda. Conzert rock de benefiziënza Badia Events inviëia dër bel al conzert de rock de benefiziënza “Ladinia pur la Palestina”, en sabeda ai 21 de novëmber, tla Ćiasa J.B. Runcher a Badia. La serada metarà man dales 20.00, olache siur Sepl Granruaz cuntarà de so iade y süa esperiënza tla Tera Santa. Inant vara dales 21.30 cun le conzert rock, olache al sarà da aldì i “Megabyte” (Bryan, Matteo, Peter), spo Fabian Pitscheider y i Acoustic Project (Jones, Maggie, Florian, Alex, Bruno y Silvia). L’entrada al conzert é debann y les ofertes jarà en benefiziënza, por i mituns de na scora tla Tera Santa. Conzert de Santa Zezilia Le Consëi Cultural tl Comun de Badia inviëia al conzert de Santa Zezilia, che vëgn metü da jì en domënia ai 22 de novëmber dales 17.00, tla Ćiasa J.B. Rinna a San Ćiascian. Al sarà da aldì le Cor de Dlijia y la Musiga da San Ćiascian, sciöche inće la Uniun Bal Popolar y de pici musicontri.

Referac La suzesciun de n hotel

En vëndres ai 20 de novëmber dales 20.00, vëgnel metü da jì a La Ila, tla Ćiasa de Cultura, n referat sön les ultimes novitês legislatives por ći che reverda la suzesciun de na aziënda, tl caje de hotels. Referënt é le dot. Albert Pizzinini. Organisaziun: Consëi de Formaziun. Vijita ala National Gallery de Londra Chësc é le titul de na serada cun la dot.a Danila Serafini, che vëgn metüda da jì en vëndres ai 20 de novëmber dales 20.00, te biblioteca a Badia. An baiarà de n valgönes operes famojes y manco dl museum de Londra. Organisaziun: Consëi Cultural tl Comun de Badia. Referat sön l’amur Le Grup Decanal Val Badia inviëia al referat “Liebesleid, Liebesglück, warum? Partnerwahl, Schicksalswahl!” cun le consulënt de vita da Maran Stefan Tratter. Le referat é en sabeda ai 28 de novëmber dales 20.00, te Istitut Ladin “Micurà de Rü” a San Martin. I patimënc de Giobbe y la persona da ncueicundì N lunesc ai 16.11. dala 20.30 iel la segonda dla doi sëires (tla rujeneda tudëscia) sun l argumënt ”Der leidende Ijob und der Mensch heute” cun l dut. Otto Delago, tl local di jëuni te calonia a Urtijëi. Metù a jì dala Grupa Uemes y Fenans de Urtijëi. Pubertà – na età ria... dantaldut per pere y l’oma! N mierculdi ai 18.11. dala 20.30 tla bibliotech S. Durich. Referat sun ”Adolescenza un’età difficile... soprattutto per mamma e papà! La conflittualità in famiglia: regole, valori e comportamenti“. L rejona psicologs/cunlauradëures dla Coop. soziela “Socrates” de Bulsan. Danter i reladëures saràl nce l dutor Stefano Di Carlo. Ega - la soluzion sana, ega ne n’ie nia mé H2O La Lia Sanynton mët a jì n juebia ai 19.11. te Cësa de Cultura de Sëlva, tla sala sëura la posta, dala 20.30 n referat n cont dl’ega dal titul : ”Wasser - die gesunde Lösung - Wasser ist nicht nur H2O - mit Abschluss über Edelsteinwasser”. L referënt ie l njenier Andreas Kavalirek de Velden tl’Austria. Nvion duc a unì a scuté su l referat dal argumënt drët particuler che cuntën savëi scientifich de cuantistica y nfurmazions drët de utl per l daunì. Daunì: crëidum - dlieja La Grupa Uemes y Fenans mët a jì n juebia ai 19.11., dala 20.30, te sala de calonia a Urtijëi na sëira dal titul “Zukunft: Glaube - Kirche”, referat y descuscion sun la situazion d’al didancuei dla dlieja y dl crëidum. L rejona l dut. Alfons Lichter. Dut ntëur cuntënc y sani La Lia Sanynton mët a jì n sada ai 21.11. te Cësa de Cultura de Sëlva, tla sala sëura la posta, dala 20.30, n referat dal titul “Rundum glücklich und gesund”. Mplu desmustrazions y ala fin la prejentazion dl liber dal medemo titul sciche l referat. Referënt ie l njenier Andreas Kavalirek de Velden (A).

Vosta informazions sun La Usc di Ladins

42

www.lauscdiladins.com


nr. 44 / 14 de november 2009

Mostres Ritm, natöra, cultura - le monn dles percusciuns Ćina ai 23 de novëmber saràl da odëi tl museum natural de Luzern, tla Svizra, na mostra de percursciuns da pert de Max Castlunger y Emanuel Valentin. Tla cornisc de chësta mostra ne vëgnel nia ma metü fora na gran lîta de percusciuns, mo ara vëgn abelida cun n program de cornisc bindebò rich. Feter vigni dé vëgnel pité vijites “musicales” cun acompagnadù, por conësce i stromënć plü desvalis dai continënć dl monn. Söl program él ai 21 de novëmber dales 11.00 n workshop cun tambürli. Implü saràl ai 22 de novëmber dales 11.00 n workshop, olache mituns y geniturs po imparè da se fà sü stromënć cun massaries da ćiasa. La mostra vëgn inće arichida da deplü conzerć; l’ultimo é le conzert “Mistica y spiritualité dl Oriënt”, la jöbia ai 19 de novëmber, dales 20.00. Le museum dla natöra de Luzern y insciö inće la mostra, é daverć dal mertesc ala domënia, dales 10.00 ales 17.00. Mostra ”L vërt tl raion” Te cësa de chemun a Urtijëi nchin ai 19.11.. Chësta mostra vën metuda a jì dal Ufize provinziel per l’ecologia dla cuntreda n cunlaurazion cun l Chemun de Urtijëi y ie davierta ntan l’ëures de giaurida dl Chemun. L se trata de na mostra che se dà ju cun coche n dëssa manejé l vërt te nosta cuntreda. Tres ejëmpli da oradecà giapa i vijitadëures na idea dla perspetives nueves per l svilup di nridlamënc. ”Zinnoberrot” de Margareth Forer Mostra de pitures de Margareth Forer dal titul “Zinnoberrot”. L’artista se dà ju cun la pert plu ntima dl’ëila cialan de fé n cunfront cun l paesaje naturalistich. L vën metù ora na lingia de chedri che ie cunliei un cun l auter, tl self dla mostres tl Circolo /Lia Mostra d’Ert sun plaza Sant Antone a Urtijëi. La mostra resterà davierta nchin n dumënia, ai 22.11. uni di dala 10.00 ala 12.00 y dala 17.00 ala 19.00. Mostra de Christian Holzknecht „stl“ La mostra dal titul ”La linia de stl“ ie da udëi nchin ai 23.12., tl Café Surëdl. L orar de giaurida dl Café Surëdl ie da lunesc nchin sada dala 10.00 ala 19.00. Mostra de scultures de Leo Ferdinando Demetz a Milan La galaria ”Bianca Maria Rizzi” de Milan, tla streda Molino delle Armi 3, mët a jì na mostra de scultures de Leo Ferdinando Demetz de Sëlva dal titul ”richiamo all’origine” a cura de Alberto Mattia Martini. La mostra che ie cumpanieda da n catalogh ie davierta nchin ala fin de dezëmber da merdi nchin vënderdi dala 15.00 nchin la 19.30 y la sada dala 10.00 nchin la 13.00 y dala 15.00 nchin la 19.30. “Sëura la montes de viers dla libertà”, mostra sun l alpinism L se trata de na mostra speziela dedicheda a Karl Unterkircher tl Museum Ladin Ciastel de Tor. N possa jì a ti cialé ala mostra nchin ai 31 de utober dal merdi ala sada 10.00-18.00, de dumënia 14.00-18.00. Da nuvëmber 2009 nchin de auril 2010 ntan l orar dl museum o nce cherdan su dant. Maurizio Cont met fora a Moena Va inant enscin ai 12 de dezember, te la galarìa d’èrt Ufofabrik de Moena, la esposizion de èrt d’aldidanché de l’artist Maurizio Cont dal titol “Trasportatori al tavolo della storia attraversati dall’eternità”. L’esposizion, rencurèda da Mauro Defrancesco te la galarìa te Strada del Marchiò 6, la é da poder veder duc i dis con orarie 9.30-12.30 e 16.00-20.00. L’entrèda é debant.

♦ I lauranć dl teater Chësc le titul dles döes serades de teater che vëgn inviades ia a La Ila ai 14 y 15 de novëmber dales 20.30, te Ćiasa de Cultura. Les serades é le früt de n curs de teater tignì d’otober da Erika Castlunger. Deplü sarà i jobleri sön paladina La Uniun Teater La Ila à le plajëi da podëi invié düć i interessà a passè na bela sëra sot al titul “I lauranć dl teater”, cun les partezipantes y i partezipanć al curs de teater, che é gnü fat tratan le mëis de otober cun Erika Castlunger. Por stlü jö le curs, à les jobleres y i jobleri imparè ite n valgönes scenes da rì, che ai ô i presentè al publich en sabeda ai 14 y en domënia ai 15 de novëmber, dales 20.30 tla Ćiasa de Cultura a La Ila. Sön paladina saràl da odëi Roswitha Castlunger, Diego Mussner, Paola Rudiferia, Sabine Rudiferia, Lisa Stampfer, Daniel Pescollderungg, Verena Pescollderungg, Daniele Pizzinini, Roland Pizzinini, Susann Tavella, Maria Valentin, Cindi Vittur, Melanie Vittur y Urban Willeit. La rejia é de Erika Castlunger y les löms de Luca Pizzinini. L’apuntamënt cun i “Lauranć dl teater” é L’entrada ales rapresentaziuns é debann y fissé por i 14 y 15 de novëmber dales 20.30 a les prenotaziuns vëgn tutes sö pro Andrea, al nr. 333/2525740. La Ila.

Informazions y Manifestazions Temp lede Batadù dl KVW de Badia, San Ćiascian y La Ila En doman domёnia ai 15 de novёmber, dales 13.30, él a La Ila, tla ostaria Ost, le batadù dl KVW di paîsc de Badia, San Ćiascian y La Ila. Por tó pert mёss almanco un di dui cartadus ester scrit ite al KVW. Mo ál é inće la poscibilité da se lascè scrì ite söl post. Al vёgn ofrì na picia marёna y de bi pesć por chi che davagna. L’iscriziun costa 12,00€ por i mёmbri dl KVW, 14,00€ por chi che n’é nia mёmbri. Prenotaziuns pro Angel Tavella al nr. 0471/847391. Trix days – juesc per duta la familia Ncuei sada y duman dumënia ai 14 y 15.11., tl’Aula Magna dla scola elementera de Urtijëi. N sada dala 14.30 nchin la 20.00 per mutons y dala 20.00 inant per jëuni y granc. Chëst ann inò na sala dedicheda a n argumënt, che fossa plu avisa ”doi juesc tl scur”. N dumënia juesc da mëisa per duta la familia dala 10.00 nchin la 17.00. Batadù di jëuni La grupa di Jëuni de Sëlva nvieia duc de cuer a unì a fé pea l batadù tradiziunel di jëuni, n dumënia ai 15 de nuvëmber tla sala di jëuni Fun and more te Sëlva. La iscrizions vën fates sun l post, n dumënia dala 13.00 inant. L sarà de blòt pesć da vëncer y danter duc i partezipanc uniràl do l batadù trat ora ala busca n superskipass, dat ca dala Cassa Raiffeisen de Sëlva, che la grupa di Jëuni ulëssa mo n iede rengrazië de cuer. Film “Nairobi Love Story” L se trata de na storia d’amor danter doi jëuni de doi etnies defrëntes. L film ie unì realisà cun l sustëni de cunlauradëures de nosta provinzia y na reghissera ora dla scola de film Zelig de Bulsan. La Nëus Jëuni y la Butëiga dl mond Gherdëina mostra l film n mierculdi ai 18.11. dala 20.30 l local di jëuni Saut a Urtijëi. Do l film, che mostra su i cunflic danter etnies dl Kenia, iel la puscibltà de rujené cun la reghissera Maria Weber sun si esperienzes. Törggelen per duta la jënt de tëmp N mierculdi ai 18.11. peràn via dala 14.00 sun plaza de Sant Antone a Urtijëi per funé cun la curiera a Neustift a törggelen. Da se scrì ite iel tla butëiga La Flaura sun plaza S. Antone a Urtijëi. La Grupa Uemes y Fenans nvieia de cuer duta la jënt de tëmp a unì pea. Batadù dla grupa Caritas y Miscion La grupa Caritas y Miscion mët a jì n batadù n sada ai 21 de nuvëmber dala 2 domesdì, tl Café Surëdl. L ie da vëncer de biei pesć. Sun vosc unì se ncunforta la grupa, che rengrazia duc danora per l sustëni. Pastelné per Nadel La biblioteca Oswald von Wolkenstein de Sëlva mët a jì te biblioteca ai 27.11. dala 15.30 inant, n domesdì de pastelné per Nadel per duc i sculeies dla 3., 4. y 5. tlas elementera (al plu 15 mutons). Se scrì ite pòssen nchin al di dant te biblioteca. La referënta ie Carolin Nocker. Duc i mutons ie nviei de cuer. Gran batadù da 256 cun Törggelen N dumënia ai 29.11., dala 14.00, saràl l gran batadù di Destudafuech de Sëlva te sala dl magasin. Dala 17.00 inant Törggelen per duc cun mujiga y bona ueia cun la grupa ”I setëures” y per i mutons saràl da garat n ciastel da peté sauc. Per l batadù pòssen se lascé nuté su dai 23. nchin ai 27.11. tla Cassa Raiffeisen de Sëlva y n l di dl batadù dala 10.00 inant te sala di destudafuech. Coche for saràl da vëncer de biei pesć: per i prims doi televijions plates y per i segondi doi superschipas. Meditazion: dé arta y respeté sé nstësc y i autri Meditazion rujeneda dant. N sà che la meditazions possa fermé l stress, sustenì persones cun l “burnout syndrom” y fej bon per crëscer persunalmënter. La Lia Sanynton nvieia duc uni juebia dala 18.00 tla sënta dla lia tla streda La Sëlva 101 a 60 menuc de meditazion. Per nfurmazions pòssen cherdé su l 0471 795467 o cialé ite te internet sot a www.sanynton.eu.

info@lauscdiladins.com Dotors y Apoteches Dotor L dutor de servisc te Gherdëina dala 8.00 da duman de n sada 14 de nuvëmber nchin la 8.00 da duman de n lunesc ai 16 de nuvëmber ie l dutor Aba Fallaha de Sëlva, tel. 0471/794111 o l 0471 797540. Le dotur en sorvisc tla findledema di 14 y 15 de novëmber, ti cin’ comuns dla Val Badia, é le dotur Edoardo Agreiter, San Martin, tel. 0474/501927. Apoteches L’apoteca de servisc te Gherdëina che à daviert ora dl orar ordiner da n vënerdi (dala 19.00) ai 13 de nuvëmber nchin n vënderdi ai 20 de nuvëmber ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 13 al vëndres ai 20 de novëmber, é chëra da La Ila, tel. 0471/847152, orars: 8.00-12.00 y 15.00-19.00.

www.lauscdiladins.com

43


Informazions y Manifestazions ♦ Anita & Zenzo presentëia “Acustica” La CD nöia cun musiga stromentala de deplü sorts, vëgn presentada le pröm iade ai 21 de novëmber a Al Plan. Al é preodü presentaziuns inće a Bornech y a Badia “Acustica”, insciö se tlama la CD nöia de Lorenz y Anita Obwegs, en êrt Anita & Zenzo. La scëiba contëgn 19 ćianties te deplü lingac, dales sorts de musiga plü desvalies. I dui musizisć d’Al Plan de Mareo presentarà la CD por le pröm iade en sabeda ai 21 de novëmber dales 20.30, tl salf dles manifestaziuns a Al Plan de Mareo. Laprò él preodü döes d’atres presentaziuns: la domënia ai 22 de novëmber dales 20.00, tl Istitut Pedagogich da Bornech, olache Anita stüdia, y spo la sabeda ai 28 de novëmber dales 20.30, tla Ćiasa J.B. Runcher a Badia. Al é gnü arjigné ca n program, olache i musizisć ô condüje le publich te n iade “musical” fora por le monn. Le cuertl dla CD de Anita & Zenzo. La scëiba é gnüda tuta sö tl stüde Davide Records a Badia y por la produziun à i musizisć ciafè n sostëgn finanziar dala Ütia de Fanes. Düć é bel invià da gnì a ascutè sö.

Religion y Meditazion Mëssa per jёuni, cun jëuni De utober à la pluania de Urtijëi metù man cun la scumenciadiva de fé n iede al mëns na mëssa per i jëuni, cun jëuni. La idea ie de festejé deberieda la mëssa y se ancunté dopro mo sun calonia: l dëssa vester na ucajion per sté deberieda, pensé do mpue o fé vel’ juech. La mëssa y la manifestazion daldò à l medem tema. L program ie per mutans y mutons che ie unic cunfermei ti ultimi 2 o 3 ani, ma sambën ie duc nviei a unì. Nscila nvions duc i jëuni ala mëssa ncuei sada ai 14.11. dala 18.00 te dlieja de Urtijëi. Mëssa per la families Duman dumënia ai 15.11., dala 10.30 a S. Cristina. N ucajion dl’Enes per la Familia. Festa per chëi che festejea l anuel da noza (25, 40, 50 ani maridei) N dumënia ai 22.11. a S. Cristina do la mëssa dala 9.00 ie duc mo nviei a se bever zeche n cumpania. Metù a jì dal Muvimënt catolich dl’ëiles de S. Cristina n ucajion dl’Enes per la Familia. Jì a fà San Micurà Le Grup Decanal y le Sorvisc ai Jogn Val Badia inviëia düć chi rapresentëia San Micurà y i agnui a tó pert a na sëra de preparaziun tignida da siur Tone Fiung, en lönesc ai 23 de novëmber dales 20.00 te Sorvisc ai Jogn a Picolin. Da nosta pert ti vëgnel dè tröp pëis ala preparaziun. Por informaziuns y prenotaziuns pon cherdè sö te SAJ al 0474/523070 o scri a sorviscaijogn@rolmail.net ćina en vëndres ai 20 de novëmber. La domënia: le stroligo plü da orëi bun Por la dlijia é la domënia le stroligo plü da orëi bun. De chësc baiaràn en jöbia ai 19 de novëmber dales 20.00, tl salf de calonia a Corvara, te n referat cun siur Sepl Granruaz. Organisaziun: Consëi de Cöra.

♦ Festa por la sënta nöia En domënia ai 15 de novëmber dales 14.00 vëgnel tignì a La Ila la inaudaziun dl “Zënter Raiëta”, che tol ite la sënta nöia dla Crusc Blanćia y di Verdabosc I comuns de Badia, Corvara y La Val à le plajëi da invié döta la popolaziun al’inaudaziun dla sënta nöia dla Crusc Blanćia Alta Badia y dla Staziun di Verdabosc, tla localité Boscdaplan a La Ila. La festa de inaudaziun dl “Zënter Raiëta” - sciöche al é gnü batié - gnarà tignida en domënia ai 15 de novëmber dales 14.00, pro le frabicat nü. Le program vëiga danfora le salüt da pert dl ombolt dl Comun de Badia Iaco Frenademetz. Dedô gnaràl presentè les sëntes nöies, por passè spo ala benedisciun. La festa se stlujarà jö cun n renfrësch. Deplü é inće i ghesć d’onur che tol pert ala festa: le presidënt dla junta provinziala Luis Durnwalder, l’assessur provinzial ala sanité Richard Theiner y l’assessur provinzial ai laûrs publics, scora y cultura ladina Florian Mussner. Le medemo dé, dales 10.00 ales 18.00, saràl inće le dé dla porta daverta, olache la jënt à la poscibilité da vijité i salamënć nüs.

I verdabosc da La Ila y la Crusc Blanćia Alta Badia à ciafè süa sënta nöia.

44

www.lauscdiladins.com

nr. 44 / 14 de november 2009

Avisc Indunada cun cëna dla tlassa ’56 Ai 20 de novëmber saral a Badia dala “Ćiasa Urban”, dales 20.00, na indunada dles nasciüdes y di nasciüs dl 1956. Al gnarà tignì la cëna, pité musiga y ćiastëgnes. Por se prenotè prëibel telefonè al 339 8196897 o 380 3987547 ćina le dé 17 de novëmber. Revijiun di destodadus I Stüdafüch de Badia pîta indô la poscibilité da lascè ćiarè do i destodadus tres na dita autorisada, plü avisa en sabeda ai 21 de novëmber dales 8.30 ales 12.00, te magazinn di stödafüch a Badia. Ćiamena dal guant deura indô de jenà La Ćiamena dal guant lascia alsavëi che dai 7 de jenà 2010 podarà l’ativité indô jì inant, a Picolin, tla vedla Ćiasa de Palsa, olache ara é stada i ultimi agn. Da dailò inant podaràn indô dè jö guant nët y intier o jì a se chirì fora guant de vigni sort, la jöbia dales 14.00 ales 16.00. Sentada generala dl Schiclub d’Al Plan Le Schi Club d’Al Plan tignarà en mertesc ai 17 de novëmber dales 20.00 süa sentada generala, tl Hotel Corona a Al Plan. Do le salüt dal presidënt passaràn ala relaziun dles ativitês, por portè dant spo la situaziun de cassa y i argomënć desvalis. Al gnarà inće tut sö les iscriziuns por i grups agonistics (aliefs-jogn, mituns-baby). Udiënza dla defensuria popolara La defensuria popolara dr. Burgi Volgger o süa sostituta dr. Verena Crazzolara, tignarà na udiënza, en vëndres ai 20 de novëmber dales 14.30 ales 16.00, te ćiasa de Comun a San Martin de Tor. Chësc sorvisc é debann y pîta informaziun y aiüt ala jënt, por ći che reverda les aministraziuns publiches (Provinzia, comuns, assistënza sanitara etc.). Por informaziuns plü menüdes pon cherdè sö le 0471/301155. Prisma: la sajon dai schi mpermët bën Tla trasmiscion Prisma de n mierculdi ai 18.11. dala 11.00 te Radio Gherdëina vëniel rujenà dla nuviteies, di pruiec, di priejes, de cunlaurazions de uni sort cun uni categuria y dla previjions per la sajon da d’inviern che vën, tl carusel dai schi de Gherdëina – Mont de Sëuc. Te studio saràl Paolo Cappadozzi presidënt, Franz Perathoner diretëur. Moderazion y coordinazion Egon Vinatzer. Cunsulënza sun l’energia L Chemun de Urtijëi fej a l savëi ai zitadins de Urtijëi, che n vënderdi ai 20.11. saràl te Cësa de Chemun na cunsulënza sun l’energia cun Uwe Ringleb. Per nfurmazions plu avisa y per fé ora can unì a se cunsië possa duc i nteressei cherdé su tl ufize dla chëutes, numer de telefonn 0471 782060. Leteratura per uni gusto: mëisa de libri Nchin ai 18 de nuvëmber vëniel metù ora tla bibliotech “Tresl Gruber” a S. Cristina na bela cumpëida de romanns per talian y tudësch. L se trata de publicazions nueves y nteressantes, nce de teles che n’ie nia da abiné sun uni lista di bestseller. Ne arjumëde nia l’ucajion de unì a ve crì ora velch de bel da liejer! Orar: merdi 15.00 - 17.00, mierculdi 9.45 - 11.30, vënderdi 15.00 - 17.00, sada 19.30 - 20.00, dumënia 9.45 - 11.30. Mëisa de libri sun l tema dl Avënt y Nadel N dumënia ai 15.11. uniràl metù ora, dala 14.00 inant, na mëisa de libri sun l Avënt y l Nadel, tla biblioteca ”Oswald von Wolkenstein“ te Sëlva. I libri sarà pona da udëi nchin ai 31.12. ntan l orar dla biblioteca. Apusté na grupa de San Miculau La Nëus Jëuni Gherdëina fej a l savëi che n possa apusté na grupa de S. Miculau che vën tla cëses de Urtijëi, S. Cristina y Sëlva. N possa cherdé su ntan l’ëures d’ufize dala Nëus Jëuni Gherdëina l numer 0471 799006 per apusté na grupa a Urtijëi. Per apusté na grupa per l luech de S. Cristina prions bel de cherdé su do la cater domesdì l 338 6068177. Per la grupes de Sëlva prions bel de cherdé su la Lia dl Turism de Sëlva numer de tel. 0471 777900. Rengrazion bele danora y se ncunferton nce chëst ann a ti fé na pitla legrëza a duc i pitli mutons. Sala di jëuni Fun and more te Sëlva davierta ntan dut l ann de scola Davierta iela per duc, uni mierculdi y vënderdi domesdì, dala 15.00 ala 18.00. La ie te Calonia de Sëlva basite. Tlo pòssen surfen te internet, scuté su mujiga, liejer zaites per jëuni, fé calcetto o d’uni sort de juesc da mëisa, se bever zeche n cumpania, fé i duvieres de cësa o lëures de grupa per la scola o...! Ntan i orares de giaurida iel te sala for zachei che possa ve judé sce n cajo che adurvëis zeche. La Grupa di Jëuni de Sëlva y la Nëus Jëuni Gherdëina ve nvieia duc a unì tla sala di jëuni Fun and more. Scola politica de l’UAL Va inant ogne lunesc la scontrèdes de “scola politica” per endrez de l’Union Autonomista ladina. La quinta scontrèda la é ai 16 de november e l tem del confront l’é la scola ladina con i Sorastanc Mirella Florian de la Scola de Fascia e Roland Verra de la scoles ladines de la provinzia de Busan. La scontrèdes, debant e avertes a duc i enteressé, vegn metudes a jir da les 20.30 te la senta de la UAL, strada Dolomites 11 a Poza. L mestier di genitores Ultim apuntament per la lingia de scontrèdes endrezèdes col dotor Degasperi da la Consulta de la Families per rejonèr del raport anter fies e genitores. En mércol ai 25 de november da les 17.00 te sala grana de la scoles mesènes de Poza se rejonarà de “L mestier di giaves”. I giaves l’é na gran ressorsa te noscia sozietà olache l’é n muie de femenes che laora e pecia coes per i pìcoi, ma vèlch outa se i met ite massa l nès te l’educazion di nevoes i pel se troèr en concorenza coi genitores e chest pel doventèr ence n problem.


Congratulazions

nr. 44 / 14 de november 2009

Düt l’ bun a

Maria

che cumplësc ai 16 de nuvëmber i 52 agn. Dër bel giulan pur düt ći che T’as fat pur düć nos! Tüa familia, spezialmënter la picia Emmy

Simone e Mariaclaudia Janac doi grignolenc diaolec mìngol mac che ai 5 de november, jai 27 e 5 egn, dessema i é rué e semper vejign i é resté N gran braciacol de cör duc ve fajon e na bona peta da nona Angelina speton! Guri!

Ćiaramo

Ai 3 de nuvëmber à

Helene

Eveline Insam

śëgn tóchera bele a te la proscima savunse inće bele che ch’al é. L’tëmp passa bëgn inće pur te inće sce te prôs bëgn tan da jì a saltè. Mo ne ùn pa nia ćiamò aldì ulach‘ insnöt a fà festa podunse jì. Nos impò les bozes arjignun, ći bozes, ma nos savun! Y pur to cumplì di 40 agn te augurun De cör döt döt l’bun!

de Sëlva arjont tla Facultà di Studi de Architetura de Firënza la laurea de architetura cun la bela nota de 110 cun lauda. Dut l bon, fertuna y legrëza per ti daunì te mbincia de cuer ti genitori, ti sor y ti parënc

Congratulazion a

Jenny Chiocchetti da Moena

che la é doventada dotora en “Infermieristica” a Padova con na stima ezelenta. Te auguron de restar semper gustegola e grignolenta con duc chi che avrà besogn de te. Da mama, papà, Samantha e to Valerio

Congratulaziuns

a Iris che à stlüt jö cun suzes le Master di Primo Livello in Infermieristica Forense a Roma. Tröpa sodesfaziun te to laûr y düt l’ bun te aoda de cör chi de familia.

Ala Melanie

A mama Rita e papà Paolo

da Lungiarü

che ai 17 de november i festejea 30 egn de vita ensema n braciacol e n mont de augures da Sara e Simone

Düt l’bun

a nosc pere

Śëgn él finalmënter gnü l’dé tan aspetè inće pur te. 18 agn ulache te as passè de bi momënć, ulach’ùn pudü se conësce, fà nostes festes y s’la rì adöm. Cun döt ći che te as messè t’an duré, inće le gran mè, est’ bëgn na tipa da laldè. Y sambëgn messun inće te daidé recurdè dötes les matades che t’as fat... tulun l’ejëmpl dl dé dla nëi dan da n pêr d’agn. Da fà la patent messarast’ inće te spazé, deache taxi pur la sabeda sëra n’él mai assà. L’dé de compliann é pur te avisa tumè ite de vëindres ai 13; chël ô dì pur nos: dopla festa, dopl tacuin y dopl bëre. Pur stlü jö: döt döt döt l’bun pur tü 18 agn da tü cumpagns che te ô mega bun y che é tres indô a öna da fà festa cun te. Döt l’bun! Elena, Manu, Lexi, Noemi, Suuf, Kristin, Zirkl, Philip, Hein-Ritsch, Alan, Siccio

che complësc ai 16 de novëmber i 65 agn. I te augurun fortüna, sanité y en grüm de ligrëzes. La fomena Maria, Reinhard cun Alessandra, Margareth cun Robert, cun Herbert y Arthur.

Düt l’bun a

Erich y Gusta da Corvara

Cunescëis’a zachei che cumplësc i ani, che à stlut ju i studi, che se marida?

Na cungratulazion fej for plajëi!

che festejëia ai 17 de novëmber i 45 agn de matrimone. I ti audun inant tröpa sanité, ligrëza y benedisciun, y che ai pois passè ćiamò tröc agn deboriada. I ves dijun inće giulan pur düt ći che ëis fat y fajëis pur nos. I mituns cun families

www.lauscdiladins.com

45


Religion, Vita y Mort

nr. 44 / 14 de november 2009

Vangel dla Domenia

Recordanza

33ejima domënia ia por l’ann B, ai 15 de novëmber 2009

En ann l é passé da cánche

Dal vagnele do San Merch, 13, 24-32

el Trebo d’Andrac

Te chël tëmp ti à Gejù dit a sü discepui: “En chi dis, do la gran tribolaziun, s’ascuraral sorëdl y la löna ne lominarà nia plü; les stëres tomarà dal cil, y les forzes dl cil gnarà scassades decà. Spo odaran le Fi dl Om gnon sön les nìores cun gran potënza y gloria. Y al ortiarà fora i agnui y condejarà adöm chi ch’al à prelité da dötes cater les direziuns dl vënt, dal’estremité dla tera ćina al’estremité dl cil. Imparede val’ dal confrunt cun le lëgn da fighi! Pornanche sües rames vëgn sostanzioses y fej fëia, savëise che l’isté é daimprò. Avisa insciö desses os conësce, canch’i odëis sozedon dötes chëstes cosses, che la fin é dan porta. Amen, i ves diji: chësta generaziun ne passarà nia ćina che döt chësc ne sozed. Cil y tera passarà, mo mies parores ne passarà nia. Mo chël dé y chë ora ne conësc degügn, gnanca i agnui tl cil, y gnanca le Fi, mâ le Pere.

el n’à lascé per jì su la Mont del Signor. El recordon co na S. Mëssa ai 15 de november da le 8, nte la gliejia de la SS. Tarnité. Luigina e parenc.

Recort

Parora dl Signur. Lalt a té, Gejù Crist! Incö, ai 14 de novëmber, él passè n ann da canche

Ilda Rubatscher nasc. Tavella

Lecort 10. Anuel

Ines Elsa Bernardi

* 14.05.1928 + 21.11.1999 Chël che te foves per nëus y che te ies mo for nia la mort y nia l tëmp ne puderà nes tò demez. Ti lecort ie for vif te nosc cueres.

nes à lascè. I la recordun tla santa mëssa insnöt dales 20.00, te dlijia da La Val. Giulan a düć chi che se recorda de ëra te sües oraziuns. I familiars

Rengraziamënt Ai 26 de otober nes à lascè nosta cera uma

Te lecurdon n sada ai 21 de nuvëmber te dlieja de Sëlva tla santa mëssa dala 18.30.

Paola Pedevilla nasciüda Paraza

Ti uem Milio, ti mutons Mauro, Evelina y Lucia cun familia.

do na vita implida fora de laûr, fistidi, bries y dedicada al sorvisc por i atri y por sü familiars. I oressun rengrazié düć chi che nes é stà dlungia tl dolur y nes à confortè, l’prô cun i sorvidusc, le Cor de Dlijia, chi che à portè y düć chi che à fat n servisc. Dilan de cör ala doturia Grethe Mahlknecht, ala infermiera Monica Trebo, ales infermieres y colaboradësses dl raiun soziosanitar da Piculin. N dilan sintì a chi che à fat spënores de ciüf o a fin de bëgn, a düć chi che à tut pert ales corones y ala mëssa de sopoltöra y a düć chi che se recorda de Vëra tles oraziuns.

Recordanza “La plü bela scincunda de na porsona é i sëgns d’amur che ala s’à lascè te nösc cörs!” 10. Aniversar

Mëda Virginia Sorarù La Ila +19.11.1999

10 agn él bel passè da canche Chël Bel Dî a vita nöia S’à cherdè. De Os y dl Tati tres se recordun con reconescënza y incherscimun. Ösc mituns cun families

I familiars

Recort “Le recort é le su paraîsc, da olache nos ne podun nia gnì parà demez!” 7. Aniversar de mort de

Carlo Pallestrong

Rengraziamënt “Os, che m’ês urü tan bun, no ćiarede ala vita ch’i lasc, mo a chëla ch’i mët’ man!” (st.Agostin) Al 31 de otober nes à lascé nosc caro om, pere y nene

da La Ila

I le recordun tla Santa Mëssa en jöbia ai 19 de novëmber, dales 18.00, tla dlijia da La Ila Damian, Nadja y Tanja cun la mama

Milio dala lüm

Da vende

al’eté de 86 agn

I oressun rengrazié de cör chi che à tut pert ales corones, Richard Costabiei por l’dì dant, chi che é gnüs a le salüdé te ćiasa y a düta la jënt che l’à acompagné le dé dla sopoltüra. Giulan ti dijunse a Siur Andrea y a Siur Angel, al Cor de Dlijia, ai destüdafüch, a chi che à porté le confarun y a chi che à fat n sorvisc. N gran giulan ales infermieres, particolarmënter ala Margot, al dotur Caretta, al ospedal da Bornech, ala Crusc Blanćia, a düt le sorvisc de cura dl Raiun Sozial da Picolin, a Raimund y Stefan por so fistidié y a düć chi che s’al recorda tles oraziuns. I familiars

46

www.lauscdiladins.com

Al vëgn venü n Game Cube cun 20 jüć, gameboy y 2 telecomani, prisc 300 euro. Tel. 333/8671652. (42/09) ••• Da vëne 4 montli da invern scheje nüs cun cërtli per n Ford Focus, 185 x 65 x 14 a 100 euro. Tel. 339/2278061. (42/09) ••• Tla Val Badia vëgnel venü 4 montli da d’isté cun cërtli che jiss bun por n Peugeot 206, a n bun prisc. Tel. 0471/843242. (42/09) ••• Vene na ciavala Haflinger de 10 egn de 1B. Tel. 335.613959. (42/09) •••

L vën vendù n radio per l auto dla marca JVC cun CD, USB, AUX (da taché ite MP3-player o I-Pod). Tan che nuef. Tel. 334/2436177. (43/09). ••• Da vëne n Asus portatile nuef. Tel. 333/4762133. (43/09) ••• Da vëne n Grand Cherokee 3000 overland, 66.400 km dl 2006, te de bones condiziuns, grisc scür, cun 4 montli da d’invern y cërtli de alu. Tel. 335/7863776. (43/09) ••• Al vëgn venü na mascin da assuié cialzà dai schi, 20 per, tan che nöia. Tel.

338/8947752. (43/09) ••• L vën vendù a bon priesc n portaschi cun stanges per n Opel Meriva. Tel. 0471/797509. (43/09) ••• L vën vendù montli da d’inviern cun cërtli Michelin 165 x 70 x 14 per n Punto mantenii drët bën. Tel. 335/6350234. (43/09) ••• L vën vendù 4 montli da d’inviern cun cërtli per n Polo 155 x 70 x 13. Tel. 0471/789184. (43/09) ••• L vën vendù n Nissan Terrano 2.7D,


Anunzies y Inserac

nr. 44 / 14 de november 2009

Söla pert de porsones che chir n “daćiasa” Remo Lunz, n pionier dl laur y sorvisc por la jënt südtiroleja dalunc da ćiasa (por tod. “Heimatferne”), nes à lascè a Düsseldorf

Remo Lunz.

Remo Lunz é stè na vita al sorvisc de organisaziuns y strutöres religioses, impröma a Roma al Collegium Germanicum Hungaricum y spo a Köln al Caritasverband. Remo Lunz ê nasciü dl 1923 t’Ampëz, a Cortina. So pere ê da La Val, süa uma da Fodom. Al é mort ai 22 d’otober 2009 a Düsseldorf do lungia maratia. Süa fomena Hilde à ćiarè laprò

ćina inultima. Por Remo Lunz val chëstes parores de Augustinus: “Nosc cör é busiënt, ćina che al palsa te Te.” R e m o Lu n z â frecuentè a Desproch l’LBA (scora por insegnanć), ê spo stè por zacotagn de agn maester a Al Plan y tl Comun de Pfitsch. Spo âl laurè pro le Collegium Germanicum Hungaricum a Roma y dal 1961 pro la Caritas dla Diozeja da Köln. Chilò êl inćiarié cun le sorvisc sozial por i taliagn tl raiun de Köln, Bonn y Düsseldorf. Laprò ciafâl le laur ajuntif da se fistidié di südtiroleji che abitâ ilò, zitadins taliagn de lingaz todësch. Te chësc laur podôl se lascè söl aiüt de süa colaboradëssa Hilde Felder da Maran. Do le pensionamënt gnôl a stè a Al Plan de Mareo, mo jô indô derevrs dl 2005, bele amarè, a Düsseldorf, tla cité daćiasa de süa fomena.

Remo Lunz â döta la orenté da motivé i “Heimatferne” tla BRD da se stlü adöm tles uniuns südtirolejes. Chëstes ess inće messü mëte sö spo deboriada l’organisaziun di Südtiroleji tla Germania, orientada cun statuć ai valurs cristiagn y lian contać cun le punt de referimënt di Heimatferne pro le KVW a Balsan y cun i paisc de proveniënza y la comunanza di paisc de proveniënza. Al s’â inće dè da fà por cherié de bugn contać cun i consolać taliagn tla Germania, chilò âl arjunt che al vëgnes tut sö inće colaboradus de lingaz todësch. I resultać arjunć da Remo Lunz te so laur é tröc, inće por merit de süa manira sensibla y carismatica da baié y da i stè do ales cuestiuns. Remo Lunz â formé cotan les organisaziuns dles jënt dalunc da ćiasa. So ingajamënt sozial à podü daurì cotan de portes. Inće Erich Achmüller, surastant dl punt de

referimënt di Heimatferne a Balsan, à orü recordé chësc aspet. Remo Lunz ê inće n punt de referimënt por i lauranć dala Talia nia südtiroleji, che â sü medemi festidi dl ćiamp iuridich, mo n’ê nia söla medema ona cun i südtiroleji tles cuestiuns psicologiches y de identité. A cör i stô inće dër tröp i descendënć di imigrà tla Germania dla 2a y 3a generaziun: meetings jonii ti Paisc Todësc y te Südtirol, edemes de vacanza ti crëps, cursc de talian al’Université de Urbino. Inće l’iscriziun dles uniuns de Südtirol tl contegnü dles organisaziuns reconesciüdes dala “Deutsche Bischofskonferenz” é en gran pert so merit. Por so ingajamënt ê Remo Lunz gnü premié cun deplü reconoscënzes y ê inće dontè Cavaliere dla Republica Taliana. Johannes Messner/ir

Sn. Konrad Senoner ie mort Sn. Konrad fova n bon de perdiché y savova da fé cun la jënt. Ntan si ani da pluan àl nce nsenià te scola; ai mutons ti savòvel for bel a scuté su tan bel che l cuntova ora dla Bibia. Sn. Konrad ie for stat rëidl y for de bona ueia, l ne se à mei lamentà. L à nce for azetà si malatia cun grandiscima denità, fova pu ël tacà pra l stuel dala

N ël cun esperiënza chier da lëur coche capo partita o segondo cuecch per la sajon da d’inviern. Tel. 345/2562333. (42/09) ••• N ël cun esperiënza chier da lëur coche chelner. Tel. 348/9982346. (42/09) ••• Na secretera cun esperienza y che sà la rujenedes chier da lëur per la sajon da d’inviern. Tel. 347/8442733. (42/09) ••• N’ëila chier da lëur per la sajon da d’inviern. Tel. 349/3336850. (42/09) ••• N’ëila chier da lëur per la sajon da d’inviern a rumé su cuatieres. Tel. 389/9975736. (42/09) ••• Na jëuna cun esperienza tl’assistënza dla jënt de tëmp chier da lëur da sën inant, esperienza nce coche baby sitter o colf. 338 6746477. (42/09) ••• N’ëila jëuna che à cunescënza da sarturëssa chier n lëur te chësc ciamp o nce n auter lëur. 320 6856897. ••• N ël che à bele esperienza chier da lëur te Gherdëina. Tel. 320/2145117. (42/09) ••• N ël che à bele esperienza chier da lëur

coche cuech. Tel. 328/0948537. (42/09) ••• N ël chier da lëur a judé te cësadafuech o a lavé ju, sce l ie mesun te Gherdëina. Tel. 338 7868712. (43/09) ••• N ël chir laûr a Corvara te ćiasadafüch o a fà de vigni sort de laûrs. Tel. 320/8031230. (43/09) ••• N ël dla Talia che à la matura y sà la rujenedes nglëisc y franzëus chier da lëur. Tel. 349/0949425. (43/09) ••• Na ëra dla Val Badia chir n laûr por la sajun da d’invern o inće da atira por 1 – 2 iadi al’edema danmisdé. Tel. 333/4394896. (43/09) ••• N ël che à nce la patent chier da lëur a lavé ju a a fé de uni sort de stroc. Tel. 334/3924610. (43/09) ••• N’ëila da tlo che à bele truepa esperienza chier da lëur coche lodnera per mez n di, domesdì. Tel. 339/3155582. (43/09) ••• N ël che à bele esperienza chier da lëur coche chelner o te cësadafuech. Tel. 346/1474637. (43/09) ••• Na jëuna de 19 ani chier da lëur

rodes do che l ti ova dat l bòt. L fova ruvà te spedel a Bulsan, pona tla Locia y da dedò te Cësa de Paussa San Durich a Urtijëi. Sn. Konrad fova mut de bera Cristl de Burdengëia y de anda Beta da Larejac. I fredesc ie Ferdinand, y Engl che ie ënghe bele mort. L gran hobby de Sn. Konrad fova l carté, batadù, craiz y taroch. Suvënz jìvel,

deberieda cun si fra Engl y Janmatie dl Tina, a Villanders a carté cun Sn. Luis. Nteres àl for abù per l sport d’uni sort. Bel ti savòvel nce a viagë, a cunëscer luesc y culturesa nueves. (dl)

Crì da laour danmesdì a cialé de pitli mutons, de na persona de tëmp, a fé stroc o nce a judé ora te na bar. Tel. 349/0728245. (43/09) ••• N ël chier da lëur a judé te cësadafuëch, te Gherdëina. Tel. 327/8403355. (43/09) ••• N ël chier da fé lëures de uni sort, te Gherdëina. Tel. 388/6543245. (43/09) ••• N ël chier da lëur coche pizzaiolo o a fé de uni sort de stroc. Tel. 339/4577543. (44/09) ••• N’ëila cun esperienza chier da lëur coche cassiera, a rumé su cuatieres o nce a fé gusteis. Tel. 331/5635788. (44/09) ••• N ël chier da lëur da marangon, da vardian o nce te na cësadafuech a lavé ju. Tel. 320/3606654. Tel. 320/3606654. (44/09) ••• N ël che à bele esperienza y sà la rujenedes tudësch, talian y nglëisc chier da lëur coche chelner. Tel. 328/2072489. (44/09) ••• N ël chier da lëur a lavé ju, te cësadafuech o a fé de uni soer de stroc. Tel. 340/9615934. (44/09) •••

N’ëila chier da lëur te Gherdëina a rumé su majons o a cialé de na persona de tëmp. Tel. 389/1241748. (44/09) ••• N ël chier da lëur a lavé ju, a judé te cësadafuech o a fé de uni sort de stroc. Tel. 327/4796188. (44/09) ••• N ël chier da lëur coche cuech. Tel. 348/9159627. (44/09) ••• N ël chier da lëur da sëira te cësadafuech, coche chelner o a rumé su. Tel. 329/1164673. (44/09) ••• N ël chier da lëur te cësadafuech a lavé ju o coche vardian. Tel. 333/8864979. (44/09) ••• N jonn dl post chir laûr pro n lift, por la sajun che vëgn. Tel. 366/3369118. (44/09) ••• Na ëra dl post chir laûr da puzenè por dui iadi al’edema (nia sabeda y domënia), por cater cin’ores al dé, te hotel o inće te privat. Tel. 345/2272140. (44/09) ••• N ël chier da lëur per la sajion da d’inviërn a lavé jù te cësadafuëch o a fé d’uni sort de lëures. El à bele esperienza. Tel: 328/7506003. (44/09)

Da vende fosch dl 2001. Tel. 335/8112182. (44/09) ••• A Pedraces vëgnel venü dui pontins da mëte pormez zacotan de pêrs de schi.

Lëgn massif, 200 cm de lunghëza, 170 cm de altëza. Prisc da fà fora. Tel. 0471/839743. (44/09) •••

Da vëne n implant d’aspiraziun (Absaugung) cun na mascinn da fà brichëts (Brikettierpresse). Tel. 347/0833850. (44/09)

Aeljn’s Glamour a Corvara chir na friseria imparada fora. Prëibel telefonè al 340/5656182. I cumprun lignan vedl de vigni sort (tafladöres, brëies de func, lëgns scadrà...) Rustikalholz Promberger Tel. 340/8107918. La sozietà de Col Raiser chir per la sajon da d’inviern 1 mascinist per n aganciamënt automatich y lauranc. Nteressei ie priei bel de cherdé su l 335 293643.

Hotel Dolasilla ***S a La Ila chir por la sajun da d’invern 1 receptionist/a cun conoscënza di lingac y dl program ASAj. Prëibel telefonè al 0471/847006.

N mierculdi ai 11 ai de nuvëmber ie mort S. Konrad Senoner de Burdengëia de Sëlva tl’età de 75 ani. Supeltura n vënerdi ai 13 de nuvëmber te Sëlva Sn. Konrad ie nasciù ai 8 de setëmber dl 1934. Do la scoles de ublianza y l Johanneum a Dorf Tirol iel zapà ite tl seminar a Trënt. Mëssa nevela àl dit tl 1961. Do n valgun ani da caplan iel pona ruvà pluan a Gfrill y Buchholz, ot ani alalngia. Da dedò iel stat pluan de S. Cristina, nchin tl 1988, canche l ti ova dat l bòt.

Web2Net a Urtijëi chier per dut l ann 1 tecnicher de computer cun mpue de esperiënza 1 programadëur per plates web Tel. 0471 797139 Cel. 328 7329403

••• Da vëne 4 montli da d’invern cun cërtli de fer 185/60/14 a n bun prisc .Tel 339/1623192. (44/09)

Da chirì Al vëgn chirì n cuatier a Al Plan por 3 porsones, dala fin de novëmber inant. Tel. 348/2311873. (42/09) ••• L vën cris n VW Transporter o Caravell de segonda man, dl ann dal 1998 al 2002. Prëibel cherdé su l 339 6549236. (42/09) ••• L vën cris n luech da paur da tò a fit te Gherdëina. Tel. 345/6194818. (43/09) ••• I chiri schi da tour cun döt ci che alda laprò, da imprestè fora o de secunda man. I sun 1,90 m alt y le numer de pè é 43 - 44. Tel. 333/9293877. (44/09) ••• La grupa „Trix - Juesc da mëisa“ chier n castl che se lascia dsaré per mëter ite i juesc. Tel. 333/1511467. (44/09) ••• L vën cris n pitl cuatier da tò a fit da dezëmber nchin ala fin de merz, a S. Cristina o te Sëlva. Tel. 340/6427580. (44/09)

Hotel Miramonti a Pedraces/Badia chir por la sajun da d’invern, 1 porsona por reception y ofize, che dëida inće te bar Prëibel cherdè sö le 0471/839661. info@miramontihotel.it Hotel Gran Paradiso a San Ćiascian chir por la sajun da d’invern 1 ćiamenëssa dl post da les 8:00 por 4 ores 1 chelnera por salf da les 19:00 por 2 ores. Prëibel cherdè sö le 0471/849424. Hotel Falzares a San Ćiascian chir 1 barista 1 chelner/a. Prëibel telefonè al 0471/849496.

Tla Usc di Ladins abinëis d’uni sort de inserac!

Residence Sas Vanna a La Ila chir por la sajun da d’invern 1 ëra a puzenè apartamënc les sabedes. Prëibel telefonè al 0471/847066 o al 335/6757430.

Hotel Carmen Al Plan chir por la sajun da d’invern 1 estetista/massöra inće ma mez le dé. Prëibel telefonè al 335/1210131.

Al vëgn chirì valgügn por atira che fajëssa laûrs te ofize por la Sport Trade Import Export guant sportif. Prëibel telefonè al 0471/844592 o menè na mail a customer@hi-tecsport.it

L Chemun de Sëlva chier a tëmp determinà 1 assistënt/a aministratif/va, 6. cualifica funzionela cun diplom de maduranza 1 assistënt/a aministratif/va, 7. cualifica funzionela cun diplom de studi unversiter de almanco 2 ani. N muessa avëi l atestat de cunescënza dla rujenedes talian, tudësch y ladin. Per nfurmazions plu avisa pòssen cherdé su l ufize personal dl chemun, tel. 0471/772141 o 0471/772142.

www.lauscdiladins.com

47


Inserac Tla zona artejanala da Corvara vëgnel afité ia n local da śëgn inant. Prëibel telefonè al nr. 0471/836283. Al vëgn afité ia n cuatier de 50 m2 a Badia y n cuatier de 70 m2 a Pidrô por l’invern o inće por döt l’ann. Prëibel telefonè al 0471/839501. L vën fità via n pitl cuatier de 40 m2 per doi persones a Urtijëi. Prëibel cherdé su l 0471/796738.

A Corvara vëgnel afité ia te na bela posiziun n ofize de 60 m2 aredè cun scialdamënt autonom. Por informaziun chërdè sö le numer 335/266942.

Da afité ia Restorant a Corvara bele da mëte man dal invern 2009/2010. Interessà dess prëibel telefonè al Studio Verginer – Corvara Dr. Klaus Vanzi 0471/ 830523 vanzi@verginer-seve.it

Hotel Villa Eden a Corvara chir por la sajun da d’invern n/na secreter/ia cun esperiënza, conoscënza dl todësch y dl program ASAj. Prëibel telefonè al 0471/836041 o menè le curriculum a info@villaeden.com

La Bocaria a Longega chir un/öna te botëga döt le dé o inće ma mez le dé, por la sajun da d’invern o inće por döt l’ ann. Prëibel telefonè al 0474/501005. info@craffonara.com

Badia Pub – Music Salon chir 1 barista Telefonè prëibel al 389/6836901 Egon.

Il Maso dello Speck a Urtijëi chier na lodnera a mez tëmp. Prëibel cherdè su l 349/3351433 o l 335/6060478.

48

www.lauscdiladins.com

nr. 44 / 14 de november 2009

Hotel Alisander a Corvara chir por la sajun da d’invern 1 chelnera por salf Prëibel telefonè al 0471/836055.

A Corvara vëgnel chirì por la sajun da d’invern 1 möta/jona da mituns a ores o a tëmp plëgn 1 chelnera Prëibel cherdè sö le 338 8562094

La butëiga Sport Walter te Sëlva chier 1 lodnera per la sajon da d’inviern o per dut l ann. Prëibel cherdé su l 0471/773189 o l 335/6263533.

A Calfosch vëgnel chirì na ćiamenëssa por mez le dé o inće por döt le dé. Prëibel telefonè al 333/2738123.

Alimentari Pescosta a Calfosch chir 1 lodnera. Prëibel telefonè al 0471/836022.

Le Camping Sass Dlacia a San Ćiascian chir por la sajun da d’invern 1 comis de ćiasadafüch por le tëmp da Nadè. Prëibel cherdè sö le 331 6894517

Sport Pescosta a Calfosch chir da atira 1 lodnera. Prëibel telefonè al 0471/836458 o al 335/8190597.

Alpin Residence a Calfosch chir por la sajun da d’invern personal a puzenè les sabedes y domënies. Prëibel contatè le 320/0966662 o le 335/7876377 geom. Steven dales 18.00 inant o por mail a geom.oberhuber@ libero.it

La sozietè M2 a La Val chir por döt l’ann porsones interessades da laurè tl setur dla ferata. Por informaziuns prëibel cherdè sö le 0471/842008.

Cronist por San Ćiascian Por la cronica de val Sas dla Crusc - paisc da San Ćiascian vëgnel chirì n cronist na cronista. Por le laur él preodü na indenité. Chëres o chi che ess interes vëgn perià da se lascè aldì pro l’Uniun di Ladins Val Badia, tel. 347 8348857, 0474 523110 (Werner Pescosta)

Mountain Residence Lagaciò a San Ćiascian chir por döt l’ann 1 ćiamenëssa dl post 1 chelner por i gostà y da sëra por le bar. I nes confortun sön Osta domanda: info@lagacio.com o tel. 0471 849503

A Corvara vëgnel chirì por la sajun da d’invern 1 secundo cogo 1 chelnera 1 ćiamenëssa 1 porsona por fà i gostà 1 porsona por fà de vigni sort de laûrs. Prëibel telefonè al 335/7821285.

Skiland a Badia chir por la sajun da d’invern 1 porsona a tëmp plëgn o part-time por imprestè fora schi y snowboard, che bàies talian, todësch y/o inglesc y cun conoscënzes de basa söl PC. Prëibel cherdè sö le nr. 335/7875460. A Calfosch vëgnel chirì por la sajun da d’invern, ma les sabedes 1 a puzenè apartamënć. Prëibel cherdè sö le 0471/836525.

Pension La Palsa a La Val chir na ëra poscibilmënter dl post por danmisdé a romenè sö ćiamenes y da sëra a daidé te ćiasadafüch. Prëibel telefonè al 0471/843114.

L Hotel La Perla a Corvara chir valgügn co dëida a fà la contabilité por 5 dis al edema. Prëibel cherdè sö le 0471/831000, o scrì a info@hotel-laperla.it

La Conditoria Perathoner te Sëlva chier 1 lodnera per mez n di. Prëibel cherdè su l 0471/790535 o l 339/7867498.

Alexis a La Ila chir na boteghiera por döt le dé o inće ma danmisdé. Prëibel telefonè al 0471/847001 o al 335/1297771.

Restaurant Stria a Calfosch chir por la sajun da d’invern o inće por döt l'ann 1 comis de ćiasadafüch posciblimënter dl post. Prëibel telefonè al 0471/836620.

Après Ski La Munt a Badia chir por d’invern 1 chelnera che sais talian y todësch 1 ëra a puzenè por les sabedes. Telefonè prëibel al 335/8124781.

Hotel Tofana a San Ćiascian chir por l’invern na ćiamenëssa por mez le dé na chelnera por le bar na chelnera por le salf. Prëibel cherdè sö le 339/1705732.

N Hotel/Restaurant a S.Cristina chier per la sajon da d’inviern n/na chelner/a che sebe la rujenedes talian y tudësch. Orar de lëur 11.30 – 15.30. Prëibel cherdé su l numer 335/281949.

Provinzia Autonoma de Bulsan L’aministrazion dla Provinzia à scrit ora n cuncors per chisc profii profesciunei: 4 tecnics informatics/tecniches informatiches pra l’aministrazion scolastica (doi stieres ie a Bulsan, una a Maran y una a Schlanders) Trëi stieres ie resservedes per la grupa de rujeneda tudëscia y una per la grupa de rujeneda taliana. Damandà vëniel l atestat de bilinguism B. La dumandes muessa unì dates ju nchin la 12.00 di 01.12.2009 Per nfurmazions plu avisa iel mesun cuntaté la Repartizion dl Personal, Ufize per tò su personal, a Bulsan tla streda Renon 13, telefonn 0471/412108 o 0471/412244 . La bandides de cuncors y i formulares per fé dumanda ie tl internet sot ala plata web dla Repartizion Personal: http://www.provinz.bz.it/personal/0401/ wettbewerbe_d.htm.

N hotel a La Ila chir na ćiamenëssa dl post eventualmënter inće ma mez le dé. Prëibel telefoné al 335/7878570. Na cësa te Sëlva chier per la sajon da d’inviern n’ëila a rumé su cuatieres la sades. Prëibel cherdé su l numer 338/2530563. Residence Salvan a Corvara chir por la sajun da d’invern 1 ëra por 4 ores al dé. Prëibel telefonè al 0471/836015. N garni a La Ila chir na ćiamenëssa por 3 - 4 dis al’edema ma danmisdé. Prëibel telefonè al 0471/847735.

Ütia Le Tablé a Al Plan chir por la sajun da d’invern n/na chelner/a a mez tëmp o a tëmp plëgn. Prëibel cherdè sö le 339/1280211.

inserac@ lauscdiladins.com

Le stüde de comerzialisć Bassot & Castlunger a La Ila chir colaboradus/ colaboradësses cun matura o laurea. Prëibel telefonè al numer 0471/847107 o al 335/6943052.

La butëiga Alex Giorgi te Sëlva chier per la sajon da d’inviern n/na lodner/a. Sëis’a nteressei? Pona cherdëde su l numer de telefonn 0471/792279.

I chiriun 1 jonn/jona por la venüda tecnica de sistems por imprëst y depot de schi, depot por ćiamps da golf, sistems da assuié guant y atrezadöres por industries alimentares y stödafüch. Al vëgn damanè de bones conoscënzes de computer y de todësch, preferibilmënter matura tecnica o comerziala. Poscibilité de part time. Cherdéde sö le 0471/844186 o scriede ala e-mail: info@wintersteiger.it


4409