Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 38/2012 - 28 de setember 2012

8

Roda

Mundiei MTB Nuvità ora dla set mesures: te nosc raions uniràl metù a jì l Campiunat dl Mond Mountainbike Marathon dl 2015. Na sensazion!

Dolomites

Pesć per meric tl’informazion Sourandeda tla Cësa di Ladins a Urtijëi dl Pest jornalistich y dl Reconesciment onorar “Claus Gatterer”. Oujes ladines da pert dl Cor di mutons de Sëlva y dles Ganes

11

L Lech dl Dragon Sun Mëisules à l Ufize provinziel de Geologia fat tuedes n cont dl permafrost. I geologs à nrescì che la mudazions dl tlima à nce cunseguënzes per la Elpes y povester nce per nosta ega da bever.

Mujiga

15

Nolunta’s a Bruxelles La scumenciadiva de Uploadsounds lieda al cuncors de mujiga per purté inant i jëuni de mujiga, pieta nce cunzerc oradecà. La grupa Nolunta’s de Gherdëina à venciù l pest per la miëura grupa dl Südtirol Uploadsounds.

Agricoltöra

23

La cualité sön mësa Sön le lüch Sossach a La Ila Alta él gnü tignì la sesta ediziun dla festa ”Bio Beef”, dla lia di paurs zidladus de ćern bio.

Onoranzes

24

Dui iadi Michil L’ostì Michil Costa à podü pié do tles ultimes edemes döes onoranzes de valüta, por so impëgn por l’ambiënt y süa merscia tla promoziun dl sport dla roda.

Al Plan

27

La sëra di iagri Le revier de ćiacia de Mareo à so liber de cronica. Chësc é gnü presentè te na serada particolara, olache al é inće gnü onorè deplü porsones.

Fascia

30

I orc de Sebastian N joen bacan da Vich da trei egn l rencura passa cater orc olache l tegn fruc e verdura a na vida naturèla e con controi e zertificazions biologiches.

Duc i premiés sun paion con autorités che à partì fora i pesć: redadours y colaboradours de La Usc di Ladins y i doi jornalisć austriacs Mag. Ursula Scheidle y Arno Aschauer.

Atualité - La festa é steda en mertesc ai 25 de setember dantmesdì tla Cësa di Ladins. L “Pest Prof. Claus Gatterer” vegn dé fora vigni ann dal Österreichischer Journalisten Club (ÖJC) a jornalisć/ tes dl’Austria y dl Südtirol ingajés sozialmenter.

Finanziament dl Pest Finanzié vegn l Pest Jornalistich de 5.000,00 euro dal RennerpreisKuratorium y dal Gatterer-PreisFonds pro chel che al auda: ArbeiterSamariterbund Österreich; Casinos Austria AG; Flughafen Wien AG; Gewerkschaft der Gemeindebediensteten - Gewerkschaft Kunst,

Medien, Sport, Freie Berufe; Kapsch AG; Oberbank AG; Red Bull; Siemens AG Österreich; Wiener Städtische Versicherung AG Vienna Insurance Group; UNIQA; Prof. Claus Gatterer-Gedächtnisverein dl ÖJC de Bulsan. Chest ann àn volù tegnì la festa a Urtijëi, tl post olache al é la senta dla Union Generela di Ladins dla Dolomites y dla redazion de La Usc di Ladins. L reconesciment spezial lié al Pest n’é nia ciarié de scioldi.

Mag. Ursula Scheidle Nasciuda dl 1973 a Dispruch, laórela sciche jornalista ledia, moderadoura dl radio y atoura. Do

l stude dla filologia todescia y dla scienza de teater, film y media a la Université de Vìena àla arjont ajontivamenter la madoranza da atoura. Da autoura se dedichéiela sie artisticamenter che jornalisticamenter dantaldut ai temesc dla migrazion, dl asil, dl ester-forest y dla identité.

Arno Aschauer Nasciù dl 1952 a Vìena, s’àl formé al Max-Reinhardt-Seminar tla repartizion regia. Dal 1975 encà él colaboradour dl ORF. Aschauer insegna libretistica/juech teatral y va inant a plata 2

Comentar de pruma Nüsc tëmps de Iaco Rigo

I viun te na spana de tëmp dër busiënta y turbolënta. I sun te na crisa finanziara, materiala y inće ideologica. La politica mëss ćiarè avisa olache i sun y ći che al é da fà por salvè ći che va da salvè. Tla zerimonia por le Pest Claus Gatterer él gnü metü sön mësa dai patruns dl Pest y inće dai jornalisć premià Aschauer y Scheidle che avisa i jornalisć dess avëi i edli daverć sön les istituziuns publiches, sön les leges che vëgn fates y inće sön ći che le marćé ô nes vëne y nes mudé. Dui é stà i ejëmpli concreć: che Statesc tla Europa tan democratica mët sö leges discriminantes cuntra la jënt che vëgn da foradecà con la vêrtora che i adorun sconanza individuala y inće soziala te nostes citês y che al vëgn trasmetü dal marćé y gonot inće cun le sostëgn de istituziuns publiches valurs falc al post di dërć y soć. Oje la jënt aladô che al é comot pê aldedaincö plü saurì co dandaia, por merit (y gauja) dla tecnologia y de na comunicaziun plü asvelta y saurida. I rovun düć canć te nosc pice (familia, scora...) y gran (funziun soziala y culturala) en conflit cun ći che i valurs dla Cherta internazionala di dërć dla porsona dij: vigni möt dess ciafè l’educaziun aladô, por che al crësces sö cun cosciënza critica y sais instës n bel dé ći che é dërt y bun.

Impresciuns Le Cor di mutons de Sëlva à ćiantè ala festa per l Pest Claus Gatterer te düć i cinch idioms, les Ganes à portè na gran spontaneité y profescionalité (unplugged) sön paiun y danter la jënt pro la pert plü comunitara. Al é stè na festa ponsada fora y organisada dër bun, cun le ponsier che al é n gran onur nia ma da podëi pié do n te’ reconoscimënt internazional tan de valüta por La Usc di Ladins, mo bëgn da podëi i dè alberch ala zerimonia de chësc Pest y ai colegs y organisadus da Vìena ite y da Balsan fora. Cotanta é stada la jënt ladina gnüda ala festa, colaboradus dl foliet La Usc di Ladins y dla Union Generela di Ladins, inće cotan de politics dla Provinzia y dai comuns ladins y dal Sest (post va inant a plata 2


Zoom

nr. 38 / 28 de setember 2012

Pesć per meric tl’informazion Sourandeda tla Cësa di Ladins a Urtijëi dl Pest jornalistich y dl Reconesciment onorar “Claus Gatterer”. Oujes ladines da pert dl Cor di mutons de Sëlva y dles Ganes

1 va inant da la pruma plata

regia a l’Université de Vìena, scora de libretistica Stuttgard, scola internazionala per design a Köln y altrò. Al zenter de si laour sta la persona con sia singolarité y con sies ressorses cre atives , independentementer da sia provenienza y sies caraterisazions sozioculturales.

La trasmiscion premieda L radiofeature “Was lange gärt wird endlich Wut / Protokoll eines Asylverfahrens” é na desfida sota con l fenomen “Integration Made in Austria”, sie tl privat sciche ence tl cheder mez ufizial de na ploania locala. Les archirides per chesta

trasmiscion metuda en ona ai 28 de mei 2011 sön Ö1 ova metù man dl 2010. L comportament oportun dl govern federal, dantaldut dl ministerium federal per i interns con l dert de sojornanza, dla convenzion europeica per i derc dla persona, y souradut dla convenzion dles Nazion Unides per i derc di mutons s’à damané plu meisc de archirides te tesć legislatifs desferenc. Tl medem temp messòvel gnì osservé l caje atual dla Familia Maksuti da Gjakova/Cossovo. “Chesta perseveranza jornalistica y l coraje de Ursula Scheidle y Arno Aschauer tla trasmiscion dl radio po pié do chest ann l Pest Prof. Claus Gatterer”, enscì la motivazion dla juria.

2

La Usc di Ladins La juria dl pest à scrit enscì tres si president Fred Turnheim: “La Usc di Ladins é n fenomen singolar, al é l soul medium, che i sta do a na informazion independenta, seriousa, menuda y critica per duc i ladins dles Dolomites; l foliet é independent da duc i partis politics y vegn dé fora da na organisazion culturala, la Union Generela di Ladins dles Dolomites; La Usc di Ladins meina do n jornalism critich y autonom te Südtirol, ala é da medium dla mendranza de lingaz dret davejina ai sogec y ogec te sia comunicazion y é empò bona de tegnì la dreta distanza”. (ir)

Gnì al monn Encö ala “Usc” ti vëgnel le Pest “Claus Gatterer” sorandé val’ de te’ co fej ligrëza a düć empâra na careza fej crësce y dà dër trepa forza a chi co dëida lii se crüzia dal ladin fin y ducejin canche tal cör co va tal aier por munts y vals le rondenì rujneda tö da vedlamonter da to ciorvel y da to onter ne le lasciun jì a perde y s’an jì encër le Sela àl ël so vire ciafé àn söa ierpejun no tö sté a te damané sc’ al paii ćiamó la mëia sc’ al se mirita düć chisc crüzi ti fajun les beles y le cheriun idiom co pois spo pic’ viadù tö le sas pa bën porći y porćiodi enstës le tru a nos ensëgnes nos àn ma da te porté fora por melodius y sann te partorì söle monn che t’ais chë tan de lerch co sii to alberch y inće iéres deboriada a ci con mile stëres. Paul Zardini, 22-09-2012

Impresciuns va inant da la pruma plata

3

4

5

6

7

de nasciüda y dl archif ofizial de Claus Gatterer). Bel l’aspet umann y sozial dla festa: da odëi ći ligrëza che i mituns dl Cor à albü cun les Ganes y tan da orëi bun che chëstes trëi jones da La Val é stades! Do la zerimonia de surandada dl Pest y dla Onoranza à düć podü s’la cuntè pro n bufet fin tenü sö da La Pineta de Sëlva, denanco jì spo ala marëna “bona, lesiera y nobla” por i ghesć al Restaurant Grien a Urtijëi. Acompagnà é i ghesć gnüs dal vin de Avesani da Urtijëi, tochè sön mosöra por l’ocajiun. Tröc é stà ala festa i jornalisć dla stampa de Südtirol, cun l’ORF laprò, y le ÖJC à trasmetü dal vi sön internet döta la festa, la musiga, les motivaziuns por i pesć y les laudationes. La Usc di Ladins é ruvada cun chësc pest cotan fora por les notizies locales, regionales y inće austriaches. Tröpa jënt deplü sa śëgn dl edemanal ladin, dl lingaz ladin y dla jënt ladina. Sön internet pòn ciafè cotan söl Pest Claus Gatterer y sön la festa stada a Urtijëi. Orun recordé dantadöt “la usc online” sön Facebook y la plata www.oejc.at I ladins n’é mai stà sarà daite te söes valades - desche an alda dijon gonot, al é porsones davertes,

aćiomades, de compagnia y orela cörta, jënt da fà saurì y pro chëra che an se sta saurì. A Urtijëi àn podü odëi inće ći bun raport che i ladins à cun i atri da foradecà, che i lingac desferënć n’é degun problem y che val’ lian à i ladins ćiamò intres te val’ genn cun Vìena, lian che le ÖJC à salpü da onoré śëgn y indô renfreschè cun l’onoranza C. Gatterer. Aldedaincö é gnü le monn plü pice y spës por la tecnologia y la multimedialité, y al é important da avëi n posizionamënt y na identité, por che i atri sais chi che i sun y por che - dantadöt - nos savunse chi che i sun. Ma cun ćiarè tresfora y nes mëte dant a nos instësc intres indô n spidl (cun analisa y discusciun) ne pordunse nia la ferata y l’atualité, ći che é ala fin vitalité y sostanza por la porsona y i paîsc intiers. Dagnora tl respet de nos instësc y di atri, y tla umilté dan dai atri, anfat ći posiziun soziala y materiala che chisc à. L’ingajamënt sozial va ala per cun le coraje zivil, scutan chić y ćiaran de na pert ia unse bele renunzié al dialogh y a ći che i atri oress nes cuntè: de bel y de manco bel. Fora por chisc aspeć dess inće n foliet “reconesciü” sciöche La Usc di Ladins se möie. Iaco Rigo

Registreda - LA USC DI LADINS - Plata dla Union Generela di Ladins dla Dolomites

1) Les paroles de rengraziament per la Onoranza C. Gatterer da pert de Elsa Zardini, presidenta dla Union Generela di Ladins dla Dolomites. 2) L president dl ÖJC Fred Turnheim. 3) La presidenta dl’Union Generela di Ladins Hilda Pizzinini à conté di prums agn dla stampa continuativa ladina (agn 50). 4) I doi jornalisć premiés con l Pest C. Gatterer, Ursula Scheidle y Arno Aschauer. 5) L ombolt de Urtijëi Ewald Moroder. 6) Veduda sun l publich dla pert ufiziala. 7) Harald Vaca dl Presidium dl ÖJC.

2

www.lauscdiladins.com

Priesc d’abonament anual: per la Talia: 59,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Zoom

nr. 38 / 28 de setember 2012

8

20

24

9

10

11

12

14

15

16

17

18

19

21

13

22

25

23

26

8) Les trei Ganes con sonns y oujes dret naturales (y nia amplifichedes). 9) L Cor di Mutons de Sëlva à porté dant ence na ciantia te duc cinch i idioms ladins. 10) L interes di media per chesta festa é sté gran. 11) Fernando Brunel, Carlo Willeit, Davide Brandlechner, Katia Pizzinini y Manuela Obojes. 12) La referenta dla Prov. dl Südtirol Sabina Kasslatter-Mur y l professour dl’université Paul Videsott. 13) Michil Costa y Christoph Franceschini. 14) L diretour de La Usc di Ladins Iaco Rigo i dà na intervista al Sender-Bozen. 15) Les Ganes firma autograms a sü fans. 16) L coordinadour dla festa y moderadour David Lardschneider (a man dreta) con l jornalist Otwin Nothdurfter (2^ da man dreta), l’aconsiadoura provinziala Elena Artioli y Meinhard Knollseisen. 17) Les cinch "redadoures" de La Usc di Ladins de Fascia con l president dl Istitut Ladin Majon di Fascegn Antone Pollam. 18) Lois Craffonara, Lorenzo Soratroi y Daniela Templari. 19) Rut Bernardi y Walther Werth (caporedadour dl "Kath. Sonntagsblatt"). 20) L ombolt y president dla Lia di Comuns Ladins Albert Palfrader y l ombolt de Sëlva Peter Mussner. 21) Marion Kostner, Karl Klammsteiner, Arnold Tribus (Tageszeitung) con David Lardschneider. 22) Veronika Insam, Michaela Perathoner, Sofia Stuflesser. 23) Ingrid Runggaldier y Alex Runggaldier. 24) Arnold Tribus, Rut Bernardi, Lidia Bernardi, Christoph Franceschini y Arno Aschauer. 25) Milva Mussner, Silvia Lantschner y Michil Costa. 26) Hugo Lezuo y Günther Longo. www.lauscdiladins.com

3


Atualité

nr. 38 / 28 de setember 2012

Telegram Cunsumadëures Vënder da porta a porta aparac tofagas - La nstalazion ne n’ie nia ublienta! Ultimamënter vëniel tla ZCS for plu persones che se damanda nfurmazions n cont de na firma che vënd aparac tofagas (Gasspürgeräte/ rivelatore gas) da porta a porta. L priesc salà de 199 € de chisc aparac vën scudì n cuntanc. L nes ie nce unit a urëdla de caji te chëi che n se à ratà plu che 369 € per doi sortes defrëntes d’aparac. Na pitla nrescida dla ZCS à desmustrà che sun l marcià iel da giapé nce aparac per n priesc da 60 nchin a 120 €. Nia vëira ne iel, coche l ti ie unit dit a truep cunsumadëures che la nstalazion de chësc aparat ie ublienta y ududa danora dala lege. Tl formuler d’apusteda iel defati scrit che la nstalazion dl prudot ne ie nia scrita dant dala lege. Perchël ne ie i/la cunsumadëures nia ubliei a lascé ite te cësa i reprejentanc de chësc prudot y sambën nianca de l cumpré. Davia che l se trata de n marcià da porta a porta iel puscibl se retré dal cuntrat tl tëmp de 10 dis dala sotscrizion (tres recumandeda cun resposta retuda) – aldò dl art. 64 GvD 206/2005. L cunsumadëur muessa te chësc cajo mandé l aparat de reviers ala firma sun si spëises.

La trapuleda di diamanc Na consulënza tlera y tresudënta ie de mpurtanza! N ch’sta di iel inò n iede unit ala lum te nosta region n cajo de na gran trapularia tl mond da culëures di nvestimënc: nia manco che 12 milions de euro ie sfantei tl nia te chël che vën tlamà la “trapuleda di diamanc”. La somes perdudes da pert dla persones tuchedes cumporta nchin 500.000 euro al iede. La ZCS ti la cumët ai/ala sparaniadëures da ani de mëter averda y de tenì cont di riscs scundui de truepa formes de nvestimënt che mpermët rendimënc „segures y saurii“ (te chësc cajo ti iel unit nchinamei garantì 4.800 euro al mëns!). Nfurmazions mpurtantes y "checklists" ie da giapé tla linies diretives „Verantwortlich anlegen“ che la purtines dla ZCS dà ora debant o che ie da ciarië ju tres Internet ( h t t p : / / w w w.

4

www.lauscdiladins.com

verbraucherzentrale. it/22v22d39084.html ). Deplù nfurmazions de utl n cont de cuestions de banca y finanza iel da liejer do sun la homepage dla ZCS sota www.verbraucherzentrale. it . Per chësta nfurmazions ie nce for gën a Vosta despusizion i esperc/ la espertes dla ZCS (prenutazion sot al numer 0471-975597).

La venduda spartida de plazes dai auti ie puscibla Cun chël che vën tlamà l „Decreto Semplificazioni“ (tramudà tla lege 35/2012) à l guviern Monti stabilì che la plazes da parché i auti che ie de purtenienza de uniteies abitatives possa da moinlà unì vendudes nce a pert. La proprietà de chësta plazes per i auti daussa mé unì trasferida sce la vën assenieda a n’autra unità abitativa nluegeda tl medemo chemun. La norma n forza nchin śën (la nsci tlameda lege Tonioli n. 122/89) udova danora che plazes dai auti de purtenienza de abitazions ne pudova nia unì vendudes a pert/ spartides da chësta abitazions. Sce chësta norma ne univa nia respeteda ne fova l cuntrat de compra nia valëivl. Tres la inuvazion purteda inant dal Guviern Monti iel śën puscibl vënder cuatieres y plazes dai auti spartii i uni dai autri – cossa che possa te vel' cajo vester n vantaje economich. Stlutes ora da chësta regulamentazion ie plazes dai auti che ie unides ududes danora aldò dl plann dla plazes dai auti dl chemun y nluegedes sun n terac cumenel o sota tiera.

La prevenzion arbassa la spëises per l dutor di dënz Cosć auc dantaldut per dënz fauc possa unì schivei tres na prevenzion mireda. Perchël ie la prevenzion na cossa mpurtanta! Na prevenzion da fundamënt ie baseda sun na igena regulera dla bocia per se varenté da paradontosa y caries. I fluoric juda a ndurì la curidura lucënta di dënz y a cumedé la sperses demineralisedes. Per na prevezion da fundamënt ne daussen nia desmincë de maië sann y de se puzené i dënz do avëi maià roba dëucia. Scialdi de utl se à desmustrà

la sigilazion dla sfëntes di dënz pra i pitli mutons. De plu cunsëies sota www.verbraucherzentrale.it/ gesundheit. Deplù nfurmazions n cont di cosć dla cura di dënz ie da giapé pra l “Zahnarztfuchs” dla ZCS (zak@verbraucherzentrale.it , prenutazion 0471-975597).

Seguranzes liedes a mprësć: dai 2 d’auril iel finà cun i cunflic de nteres! Da d’ansciuda iel doi nuviteies che juda tl cajo de seguranzes massa cëres n cunliamënt cun mprësć. Da una pert iel l decret de liberalisazion che vëij danora che banches, istituc de credit y mediatëures finanzieres muessa presenté dlongia l prudot pità almanco doi d’autri preventifs de doi d’autra agenzies de seguranza. Dal’autra pert à l’autorità de garanzia ISVAP cun l regulamënt n. 2946 (regulamënc tl ciamp di cunflic de nteres pra i mediatëures de seguranza), che ie n droa dai 2 d’auril 2012, stabilì che l istitut che dà l credit ne possa nia vester tl medemo tëmp benefizient y mediatëur de na poliza de seguranza. Cunsëi: chi che à ntenzion de stlù ju n mprëst dassëssa jì pra n mediatëur (banca o istitut de finanza) che ne vëij nia danora la stipulazion ublienta de n cuntrat de seguranza pra d’ëi, ma che ti pieta ai/ala cunsumadëures la lidëza de se crì ora sun l marcià l prudot de seguranza che ti cunvën deplù. Tl cajo de dumandes n chësc cont damandëde do pra i consulënc/la consulëntes dla Z entrela Consumadëures!

Jì cun la roda fej bon ala sanità y al tacuin Cun na bona roda possen sun trasses de n cin chilometri vester datrai plu asvelc che cun n auto, la ferata o la coriera. Y bele cun 30 menuc de roda al di se arbassea l risch de se amalé de ntëur l 40 percënt. Oradechël possen ti mucé almanco mpue al avanamënt dl priesc dl ciarburant. Chi che pënsa de se cumpré na roda nueva abina tlo vel cunsëi a na moda che l sibe plu saurì la crì ora: - prems: la prems a tamburdl o

a pedal ne se blanda nia y ne à de solit nia problems de manutenzion. - montli: montli che ne se fora nia ie segures da aguc y à na vita plu longia. Montli nsci tlamei a palon che ie n 50-60 mm grosc juda a furné sun stredes da golbri. - prescion dl’aria: la drëta prescion dl’aria porta pro acioche n posse furné plu saurì cun marces plu basses. La drëta prescion ie scrita sun la pert dedora dl montl. - suspenscions: suspenscions plëines ie miëures per l spinel y l bujën de cura, ma les ie plu pesoces y n muessa ti sté do. Rodes a suspenscion plëina se adrova suvënz njins aposta per l trasport de tasces o sic per popsc. Suvënz i giapen nce bele pea canche n compra chësta rodes. - avisadëur: cun avisadëures multifunzionei possen mudé la posizions da sté sentei aldò che n uel. - autëza y lunghëza dla curnisc: chëstes dassëssa vester adatei aldò dla grandëza dl corp. - siz: de bon sic de gel ie plu saurìi per trasses plu longes. - mudeda dla marces: la mudazions dla marces a ciadëina lascia pro che la marces posse unì mudedes a na maniera plu fina y variabla, ma les se damanda plu cura y se ruina plu saurì. Per trasses plu curtes cunsiëien n sistem de mudeda “a moz” .

Fineda cun cherdedes de publizità: l garant straufa 3 firmes I abunënc ti libri de telefonn che ne uel nia giapé cherdedes de publizità, venduda o nrescides de marcià possa se paré da chësta cherdedes nia uludes. A chësc fin dan ite si numer de telefonn tla “lista dla oposizions”. La iscrizion ie debant y possa unì fata tres Internet, per telefonn a n numer vërt, tres lëtra recumandeda, fax o e-mail (deplù nfurmazions sun www. registrodelleopposizioni.it ). L garant dla privacy à dan nia da giut straufà trëi firmes per la viulazion dla normes sun l telemarketing (despusizion

75/2012). Chësta firmes metova a despusizion servijes de call-center per retlam y venduda a firmes terzes, ma les cherdova nce su i numeri tla lista dla oposizions. Oradechël ova la sozieteies anonimisà si numeri de telefonn y schivà che i/la cunsumadëures pudësse se nuzé de si dërc, scebën che l codesc dla privacy ti pruibësc te na maniera tlera ala firmes de telemarketing de scuender si identità. Chi che ie scrit ite tla lista dla oposizions y che giapa mpò cherdedes de retlam dassëssa ti dì debota a chi che chërda su che n ne uel nia plu giapé cherdedes. Sce chësc ne suzed nia possen dé sëura l fat al garant dla privacy: http://www.garanteprivacy.it/ garante/navig/jsp/index. jsp?docName=scrivi.

Nserac falëusc tl Internet: la hitparade di caji che vën dant plu suvënz La dumandes che vën for inò ite tla Zentrela Consumadëures Europeica (ZCE) l desmostra: La plaza de marcià Internet che ie for plu ududa de bon uedl pra i/la consumadëures ne pieta nia mé na stragran ufierta de marcanzia sun dut l mond ma nce trapules te chëles che n possa tumé true’ massa saurì. La ZCS ulëssa lecurdé che l ie cërta trapules che vën tendudes for inò da nuef. Al segondo post dla lista dla trapule des iel chëla di „smartphones“: Ti ultimi ani nes conta consumadëures for inò de nserac tl Internet che pieta a bon marcià i modiei nia plu nueviscimi dl ultimo iPhone. Chi che à reagì al nserat giapova pitei de plu fonins per n priesc zënza concurënza. Nce te chisc caji dajova l venditëur n generel sëura de sté tla Nghiltiera. Do n prim acont univel pona for inò damandà somes nueves per chëutes de daz, chëutes sun l valor njuntà, spëises de trasport y.n.i. y chësc inò tres l trasferimënt de scioldi n cuntanc. L smartphone ne vën sambën mei cunsenià. D’autra trapules y cunsëies coche n possa se defënder da chëstes: www.euroconsumatori.org .


Atualité

nr. 38 / 28 de setember 2012

Orizont 7 y la mujiga da Mont Ot grupes de Gherdёina cianta y sona per la televijion TCA

La familia da Pradac.

Mujiga - Te chёsta ultima enes iel unì tёut su te raions da mont ntёur Gherdёina n program ulache plu grupes de ciantarins y sunadёures porta dant si cianties, prejentan tl medemo tёmp nce vel’ ridl, raion o utia da mont. L film ie unì ulù dal assessorat per la cultura ladina dla provinzia de Bulsan Florian Mussner. L proiet ie unì laurà ora da Egon Vinatzer che ie nce l condutёur dl cunzet. La troupe dla televijion ie dla Di Spazio Video production de Bulsan. L ie unì cris ora la mont de Mastlé, cun l Lech Sant y d’autri luesc, la mont de Resciesa, Sacun y Mont de Sёuc. La grupes che fej pea ie Die Ladiner, Belsy, Thomas Demetz / Giango, l Trio d’ёiles cun Otto

Egon Vinatzer y Alessandro Di Spazio cun la grupa Die Ladiner.

Dellago, Goller y cumpanies, Adi y Friedl, la Familia da Pradac y i corni da mont de Gherdёina.

Cianties dantaldut per gherdëina Danter la truepa bela cianties urigineles, meludies y nce vel’ iodler, sambёn dutes scrites dai ciantarins nstёsc y per gherdёina, iel una na ciantia nce per tudёsch y una per talian. “Cun chёsc proiet televijif ulons dé inant n cheder de legrёza de nosta bela montes y tl medemo tёmp ulons nce s’la ciaculé mpue’ cun i osć da mont, fajan nsci cunёscer lonc y lerch nosc raion. Sambёn vёn dut acumpanià da de bela meludies purtedes dant da nosta grupes, che se merita de unì prejentedes

a n majer publich,” nsci l autor dl documentar Egon Vinatzer. “L ie na prima esperienza, ma nosc pensier fossa de jì inant cun l proiet y dé inant a mo plu grupes ladines nce dla Val Badia y Fascia la puscibltà de fé pea,” nsci inant Egon Vinatzer.

Nce i osć dij la sia L lёur ne n’ie nia stat pitl, sibe urganisatif ma nce tla produzion. Vinatzer ie cuntёnt cun la gran bona cunlaurazion da duta la pertes y cun la gran sensibltà mustre da dala sozieteies desferёntes dla furnadoies che ie unides adurvedes per l trasport. Dla bona cunlaurazion pòssen nce rujené cun i osć y sambёn cun

i sunadёures, dantaldut chisc ultims per la pazienza y gran dispunibltà. Nce a de teles vëijen che l vёn mo dassёnn tenì adum y laurà n cunlaurazion te nosta valedes canche l se trata de cultura y te chёsc cajo de mujiga.

Cultura y ntratenimënt L film tla serie de Orizont speziel vёn dat tres chisc dis sun TCA sun Südtirol TV, TML y sun Altoadige TV - y Sky - nsci sarà l program da udёi sёura dut l mond. “Nosc dejidere ie chёl de ulёi purté tres la televijion bona ueia, n cheder positif de nosc viver y de bona mujiga ladina, ma dantaldut n’ëura de ntratenimёnt y l plu bel ie che dut ie unì tёut su ti raions da tlo,” nsci Vinatzer.

www.lauscdiladins.com

5


Atualité

nr. 38 / 28 de setember 2012

Le goto mez öt o mez plëgn? Consciderazions en cunt dla mendranza ladina te Südtirol y so svilup de Felix Ploner Politica - Bele l’inom mendranza sona n pü’ mal: mënder, plü pice, plü stlet, debl, mo impò chilò, presënt, vi, nia su, mo n pü’ demanco co i atri: manco sterch, manco da aldì, manco conscidré, manco respeté, zacó manco döt. Desco aconsiadù dl comun de Mareo, che fej pert dla Lia di Comuns Ladins me sinti da portè dant val’ conscideraziun söla situaziun di ladins te Südtirol, aladô dl program de lista.

Mendranza y maioranza Ester mendranza ô dì ester n grup de porsones, che se desferenziëia por la nazionalité, grup etnich, religiun, cultura y lingaz dales atres porsones che vir tl medem Stat. Mendranza é i südtirolesc de lingaz todësch tla Talia, mendranza é inće i ladins te Südtirol. Scialdi vigni mendranza vëgn manajada da na maioranza. Chësc vëigon te chësc momënt de crisa, olache le govern talian (maioranza) va sura l’autonomia de Südtirol fora y insciö sura la mendranza fora. Vigni mendranza à messü y mëss combate por mantignì söa indentité y por svilupé söa cultura. Insciö é pö inće Südtirol ruvé pro söa autonomia.

Sconanza inće te tëmps de crisa? Chësc ann, 2012, complësc le 2^ Statut d’autonomia 40 agn. Magari n’él nia n cajo, avisa te n ann de crisa, de meseria de scioldi y de conflić soziai, manćianza de posć de laûr y de de gran mudaziuns. Rodunt śëgn vëgn fora la verité: po n Stat se impormëte na dërta sconanza dles mendranzes? Sparagné, dagnora meton man dai plü pici, dai mëndri, dai manco stersc? La politica ne po nia gnì fata aladô da taié roduntaìa, tresfora por la popolaziun i scioldi, mo da ćiarè

da spëne i scioldi tl dër post, olache ai porta früć. Iö crëii che i mesi a desposiziun sides assà, mo che ai mëss gnì partis sö miù, do criters de programaziun por le dagnì, che ne mëss nia ester dagnora de natöra economica. Al inzescü, ti ultims agn dl svilup economich y tla chersciüda mondiala dla economià à le fin economich dagnora albü la maiù importanza. Mo do döta la crisa finanziara mësson bëgn se damanè ći economia che chësta é stada, jüda do al fin economich, che ô dì davagn y se ciafa śëgn tla situaziun da messëi gnì finanziada y daidada di Statesc, cun i scioldi dles cutes.

dl’Europa. Linguistica integrada: l’importanza che ti vëgn dada ala conoscënza di lingac, pian ia dala scolina ćina tla scora alta y inće tla université dëida pro por i ladins da ciafè plü saurì laûr. Lingaz: i insegnanć dl lingaz dla uma ladin passa dant ai atri por insegné te nostes scores. I insegnanć cun la matura fata te na scora ladina, po jì a insigné sides tla scora taliana co inće te chëra todëscia Université: La repartiziun ladina tla université da Porsenù dà la poscibilité da formé i insegnanć por la scora ladina y resservëia posć de stüde aposta.

Desferënzia investiziun y “investiziun”

Cultura

Al mëss gnì investì deplü tla cultura y tla educaziun. Gonot vëgnel baié de contribuć ales uniuns culturales, mo sce al vëgn fat na plaza dai auti, spo bàion de investiziun. Sce i baiun de investiziuns, da adoré i scioldi, spo messunse inće baié da adoré chisc scioldi por la cultura y por l’educaziun. L’educaziun é la miù investiziun che nos podun i dè a nüsc mituns y nostes mitans. Se anuzé de na dërta istruziun, desco nosc model de scora, déura n gröm de portes. A döt ći che i i dijiun incö “investiziun” à na vita cörta: frabicać, strades, punć, y i.i. à na vita relativa cörta. Ći che romagn tl tëmp é l’educaziun y la cultura, l’identité.

La miù investiziun é chëra tla identité ladina Avëi na mendranza, desco chëra ladina te Südtirol, o chëres ladines y todësces tla Talia, ne po nia gnì odüda desco n problem, mo desco na ressorsa, na diversificaziun, n arichimënt. Por analisé la situaziun dla popolaziun de Südtirol él dërt da cuntè sö ći che va bun y ći che va manco bun y se dà dant a nos, aministradus publics, le tru da ji cuntra n dagnì plü sigü por nüsc mituns. Sce an baia cun i jogn d’aldedancö y damana cô che ai se sint, spo vëgnel dit che ai se sint ladins, ai sint na identité ladina y porta nosta natöra y contrada te so cör fora por le monn. Ai oress mëte jö le cosses extra por i ladins. Chësta lista é n reassunt dessigü nia plëgn, dles propostes fates ti agn por y sön la cossa ladina y nia dötes fora de mi sach.

Arjuntes positives por la popolaziun ladina te Südtirol: piun ia cun le sistem scolastich Le presidënt dla Junta provinziala de Südtirol Luis Durnwalder al Dé dla cultura ladina amez setëmber 2012 a Balsan: “I trëi comuns ladins de Soramunt dess gnì pro Südtirol, ai alda por la storia y la cultura pro Südtirol! N ladin dess podëi gnì tosc inće vizepresidënt dla Junta provinziala de Südtirol, le Statut d’autonomia dess gnì mudé de chësc vers.” (foto: provinz.bz.it)

6

www.lauscdiladins.com

Le sistem scolastich é taié pro ai debujëgns dla jënt ladina. L’insegnamënt paritetich y l’isegnamënt tl lingaz dla uma déura a nüsc mituns de gran poscibilitês tl monn dl laûr. La flessibilité da passè da un n lingaz al ater y la desponibilité da imparè lingac nüs é n vantaje nia ma cultural mo inće economich. Le sistem scolastich ladin dà de gragn früć (basta odëi i resultać pro l’ejam de trilinguism) y vëgn studiè y amiré da tröpes perts

Istituziuns: la popolaziun ladina manajëia instëssa istituziuns desvalies: Departimënt Scora y Cultura Ladina, Istitut ladin Micurà de Rü, Museum Ćiastel de Tor cun l’Ursus Ladincus, Uni da Porsenù cun repartiziun ladina, Consulta culturala, Consulta di jogn, di studënć. Ativitês culturales: les investiziuns tles lies ladines vëgn plü saurì a s’l dé y con mesi a pert. I artisć ladins à plü saurì la poscibilité che söes operes vëgnes sostignides dala man publica I ladins à sü mesi de informaziun: tv, radio, foliet, internet...

turism, por le sport y vigni sort de tëmp lëde. I ladins à salpü da anuzé sü talënć y fat insciö crësce na economia sterscia y arjignada por le dagnì. La colaboraziun plü strënta danter economia y ecologia à portè sü früć, à portè la jënt ladina a se stè valgamia bun, à portè laûr y bëgnester. Mo vigni medaia à döes perts. Deplü cosses é ćiamò da arjunje por nosta popolaziun: piun ia cun scora, educaziun y formaziun. I sorvisc por les scores alda plü daimprò, tles valades ladines. N te’ zënter po gnì a s’l dé a Picolin. Le reconoscimënt automatich dl trilinguism cun la matura dla scora alta ladina. La reunificaziun dla scora de musiga sot al departimënt scora y cultura ladina.

Cultura I ladins mëss gonot ma se tachè pormez a uniuns provinziales todësces o talianes. Insciö é söa rapresentanza gonot picera y da püch pëis: Uniun Musighes, Stödafüs, VSS, AVS, CAI, ...). Insciö él inće rî por n ladin da ruvé a će de na te’ uniun. Chilò ne vàra nia tan da cujiné na jopa a pert, mo da podëi veramënter portè ite propostes y laurè impara y nia ma tres gnì trać do.

Monn dl laûr

Monn dl laûr

Dependënć publics: i dependënć publics che laora tles vals ladines ciafa na injunta por le trilinguism. Chësta fej fora l’11 % dl paiamënt basa. I dependënć dla provinzia ciafa na injunta de iade plü alta, sce ai mëss jì fora dles valades ladines a laurè. Proporz: le proporz partësc sö i posć publics aladô dla cumpedada do lingaz dla jënt. I ladins à de chësc vers plü saurì da ciafè laûr, tla valada (comuns, yii.) y inće fora dla valada.

Tles vals ladines él püć posć de laûr, dantadöt por chi che à fat l’université. La miù pert de chisc é sforzà da jì fora dles valdes a laurè. Insciö vëgn a manćé na forza importanta tl monn dla economia. I posć de laûr por academics por ladins é do rata püć tl setur publich. Al foss da ponsè sce nia baratè plü posć “C” y “D” cun val’ post “A”. Al foss inće da cumpedè do tan de posć por ladins che n’é nia ocupà, se damanè le porćiodî y spo ćiarè da ciafè na soluziun. La cumpedada dla jënt à mostrè sö n plü por i ladins, mo impò ne pòi te cer ćiamps nia tó ite scalins plü alć, p.e. tla unité sanitara. L’injunta por le trilinguism alda i ladins da ciafè indlunch, inće fora dles valades. Düć alda da ciafè l’injunta de trilinguism, chi che l’à, anfat sce ai l’adora o no, desche al suzed cun le bilinguism. Le vals ladines à i posć de laûr te püć seturs: hotì, artejanat, mo al manćia le setur publich cun söes infrastrotöres. Sce an tol demez les

Politica I ladins à le dërt da avëi n rapresentant politich (chël che à les plü usc). La rapresentanza ladina é dada aladô dla proporzionala por vigni grëmo a livel de provinzia y de raiun.

Economia I ladins vir te n raiun natural de gran valüta, bel y interessant por le

scores y i comuns n’él nia dër tröpes poscibilitês.

Politica La destacada di ladins te trëi Provinzies ne dëida nia pro a de mius raporć. La condüta de Soramunt cun Südtirol é le pröm vare da fà, desco inće bele dit plü iadi dal surastant provinzial Durnwalder. I ladins n’à nia le dërt da surantó inćiaries politiches desco vizesurastant dla provinzia. I ladins é presënć tles gran comisciuns, mo tles piceres y nia manco importantes, n’é la rapresentaza ladina nia da spié. Le ladin, le lingaz ladin, la mendranza ladina, vëgn te n gröm de situaziuns desmentià: sön les lëtres dla provinzia, pro manifestaziuns ofiziales, scrites, salüć... Bel plan mëton denant le inglesc y l’arab dan le ladin. Chësc ne messass gnanca ester n dërt, mo bëgn na cherianza, ester normal. La popolaziun ladina mëss avëi le dërt de rapresentanza tla junta provinziala y regionala. La lege litala alda da ester da garant por les mendranzes y nia arforé l’ativité politica. La politica ladina n’à nia bria da chirì fora sce fà politica da sora y se tachè pro val’ partì. La politica ladina mëss ciafè n tru por podëi se confronté müs a müs, cun la medema dignité, cun respet. La politica ladina mëss avëi respet de se instëssa.

Economia Le gran crësce dla economia à portè trafich, strabaciades dl ambiënt, de gran operes de petun da vigni pert. Na reflesciun mëss gnì fata sce chëstes operes va inće debujëgn tl dagnì. I tröc posć de laûr tl setur alberghier à trat alerch tröpa jënt da vigni pert dl monn. Chisc porta alerch d’atres mentalitês, n’atra cultura y nosta sozieté mëss imparè da vire cun chësta situaziun. Problems soziai y culturai à da gnì tuć tla man. Le gran turism à inće portè a fà crësce i cosć dla vita dla jënt dl post, i prisc de alberch é alzà, cumprè na abitaziun privata n’é por nüsc jogn nia plü poscibl. Tröc se chir d’atres localitês. Dessigü m’ài desmentié n gröm de cosses, mo chësta mia tuta de posiziun dess ma dè n impuls a na discusciun plü ampla, na discusciun da fà ti comuns, danter la popolaziun y dantadöt tles istituziuns publiches y ti grëmi de partì.

N dit filosofich por stlü jö Konfuziuns à dit: la porsona à trëi trus da se comportè da scicada: impröma cun le ponsè do, y chësta é la forma plü nobla; secundo da i fà di ai atri, chësta é la forma plü saurida, y terzo se comportè do l’esperiënza, y chësta é la forma plü da se stè inré. Odarun ći forma che la popolaziun ladina se chiriarà fora! Alex Moroder y Bruno Moroder dà tres les noeles ai 16 d’otober 1957 tl Radio Ladin a Urtijëi.

Felix Ploner


Atualité

nr. 38 / 28 de setember 2012

Südtirol Sellaronda HERO Nuvità ora dla set mesures: te nosc raions uniràl metù a jì l Campiunat dl Mond Mountainbike Marathon dl 2015. Na sensazion!

L’energia y la legëza dla Hero à purtà i Mundiei dla roda da mont tla Dolomites.

duc i dis dla manifestazion.”

Mundiei de juni dl 2015 Nsci pòssen bele se nuté su te calënder che dai 26 ai 28 de juni dl 2015 cialerà dut l mond sun Gherdëina, sun la Südtirol Sellaronda Hero, per l Campiunat mundiel “Marathon” te na cuntreda de marueia, la Dolomites. La proscima Südtirol Sellaronda Hero, la garejeda cun la roda da mont “tradiziunela”, unirà a se l dé n sada ai 15 de juni dl 2013 y fajerà pert dla world series de Copa dl Mond. Pra la cunferënza stampa a Bulsan.

Rodes - La UCI Federazion nternaziunela dl sport dla rodes ti à sëurandat al Südtirol Sellaronda Hero l’urganisazion di Campiunat dl Mond “Marathon” dl 2015. Dant uniràl mo tl 2013 y 2014 fat garejedes World Series de Copa dl Mond. Gerhard Vanzi: “Mé trëi ani do l prim Hero ie chësc veramënter na gran legrëza. De gra a duc chëi che à judà pea!” L terminn dl Südtirol Sellaronda Hero 2013 ie ënghe bele unì fat ora, l unirà a s'l dé n sada ai 15 de juni 2013.

Vanzi a Maastricht N mierculdi ai 19 de setëmber ie Vanzi stat a Maastricht tl’Olanda pra la senteda generela dl'UCI. Per l’ucajion iel unì sëurandat ufizialmënter l’urganisazion dl Campiunat dl Mond de MTBMarathon dl 2015 ala Südtirol Sellaronda Hero! Na dezijion aspiteda cun na drëta tenscion tla zentrela dl Hero te Gherdëina. Gerhard Vanzi, presidënt dl cumité de urganisazion che ie per l'ucajion julà a Maastricht, se sënt de duvier de rengrazië duc da pert dl cumité de urganisazion: “Son da stramp unerei de avëi giapà chësta ncëria y on na gran legrëza che son stac boni de purté l Campiunat dl Mond “Marathon” dl 2015 te Gherdëina. L ie stat n gran lëur y duc à judà pea cun gran mpëni y profesciunalità. A

8

www.lauscdiladins.com

pensé che on permò scumencià dan nianca no 3 ani ie chësc per nëus n suzes da stramp grant. Ne ulësse te chësc mumënt ënghe no desmincë duc chëi che à juda pea pra la prima edizion dla Hero dl 2010, dala Federazion Taliana dl sport dla rodes ala Provinzia Autonoma de Bulsan, da Val Gardena-Gröden Marketing ala Lia per l Turism de Sëlva, i trëi Chemuns de Gherdëina, i Cunsorc Turistics dl'Alta Badia, Fedom, Fascia y Mont de Sëuc, ma dantaldut ulëssi rengrazië i passa 400 ulenteres che juda pea pra l’urganisazion dla garejeda ntan

Garejeda de 82 chilometri y 4.350 metri de deslivel Te na cunferënza stampa che ie unida metuda a jì per l’ucajion n vënderdi 21 de setëmber a Bulsan, ti à l cumité de urganisazion prejentà la nuvità ai media. Peter Runggaldier, diretëur de garejeda dla Hero, à spiegà n curt la pert tecnica: “Nce sce l percurs dla Südtirol Sellaronda Hero fossa bele tan che njenià ca per na WM, unirà vel’ tòch mudà n fregul, per ti unì ancontrà ala pertendudes spezieles dl’UCI. Nsci sarà l percurs di ëi 82 chilometri lonch cun n deslivel de de ndut 4.350

Pat McQuaid y l presidënt dl cumité de urganisazion dla Hero y di Mundiei Gerhard Vanz a Maastricht.

Gerhard Kerschbaumer y Julia Innerhofer; amez Gerhard Vanzi.

metri. Pra l’ëiles saràl n deslivel de 3000 metri sun n percurs de 60 chilometri.

De gra a chiche juda ntëurite Amatëures dl sport dla roda da mont puderà sambën fé pea cun

Start.

la cundizions coche les fova nchin a śën.” Peter Runggaldier à mo njuntà: “Ulësse mo nunzië la bela cunlaurazion che on cun l’autra valedes ladines ntëur al Sela y la Mont de Sëuc, lecurdan che na tel garejeda vën mé a se l dé lauran duc deberieda, de gra a duc i clubs


Atualité

nr. 38 / 28 de setember 2012

Dancà y da na pert Uedli y oredles daverc sun la sozieté ladina d’aldidancuei I se l’ùn ciacolada cun Andreas Peccei da Corvara. Profesciun: boteghier

Na udera da sëurajù de Sëlva, ulache la Hero pëia via.

y ala assoziazions dal sport, ai destudafuech ulenteres y ai uemes che fej servisc de prim aiut y nia per ultimo ala scuadra dl Aiut Alpin Dolomites.”

I cumplimënc dl presidënt L presidënt dla Federazion Taliana dl sport dla rodes FCI, Antonio Lazzarotto, ti à fat n gran cumplimënt al’urganisazion dla Hero: “L ne n’ie mo mei stat tla storia dl sport dla rodes che na garejeda ie ruveda tan inant te n tëmp tan curt; na gran lauda a duc canc, chësc ti fej unëur a dut l sport dla rodes”. Prejënt pra la cunferënza stampa nce l ambolt de Sëlva Peter Mussner: “Per nëus duc se realisea n sëmi, per l raion dla Dolomites ie chësc dessegur n arichimënt da uni pont de ududa, la nfrastrutures ie ënghe gran pert bele y purté na manifestazion de n livel tan aut te Gherdëina y tla valedes dolomitiches ne n’ie zënzauter nia saurì; perchël ulëssi tò l’ucajion per rengrazië dut l cumité de

urganisazion per l bon lëur, l snait y l gran mpëni che ie unì desmustrà.”

na bedaia pra l Campiunat dl Mond UCI Marathon dl 2015 te Gherdëina.

I testimonial Gerhard Kerschbaumer y Julia Innerhofer

N bel program mundiel

Prejënc ala cunferënza stampa nce i doi testimonial dla Südtirol Sellaronda HERO, Gerhard Kerschbaumer y Julia Innerhofer, tramedoi da stramp cuntënc dl suzes arjont a Maastricht. Ëi ne vëija nia l’ëura de pudëi inò fé pea na garejeda cun la roda da mont te Gherdëina y, percie pa no, de spiculé nce de se davanië

Per finé via la cunferënza stampa à Gerhard Vanzi mo njuntà che l cumité de urganisazion lëura inant cun gran lezitënza y che per l 2015 uniràl pità y mo laurà ora n bel program ntëurvia, coche n ova nce abù l’ucajion de udëi pra l’ultima edizion dla “Südtirol Sellaronda Hero”, y che la ueia y la ideies ne ti mancia segurdenó. Irene Delazzer

Ći fejeste pa de bel tla vita? I laori te na botëga dal guant a Corvara, te na botëga de guant elegant, nia sportif. La moda é na mia gran pasciun, al me sà bel da vistì sö les porsones y da les aconsié aladô dles ultimes tendënzes, mo zënza mai desmentié che vigni porsona mëss se stè saurì tl guant che ara à indos. Can é pa nasciüda chësta tüa pasciun por la moda? Mia uma laurâ te na botëga dal guant y canche i ê pice jôi gonot a la ciafè. Bonamënter é chësta pasciun saltada fora bele inlaôta. Tles citês êl tröc ëi che laora te botëghes dal guant, chilò da nos nen n’él indere ćiamò püć… Sce, i ne sun nia tröc. Al é bëgn ëi che laora te botëghes de guant sportif, mo nia te chëles che vën tòć plü eleganć. Al nen n’é nia tröc che à la pasciun por la moda, pënsi. Gonot se fej bëgn i tliënć n pü de morvëia canche al ti röia pormez n boteghier jonn, mo spo canche ai vëiga che i ti lasci odëi le dër patüc, i tòć che ti plej y che ti stà bëgn, ési contënć. Ai ne se aspeta forsc nia che n’ël sais da dè consëis sön le vistì. Te to laûr, ći te dà pa la maiù sodesfaziun? La maiù sodesfaziun é la ligrëza di tliënć, che s’un va contënć cun chël che ai à cumprè, guant che ti stà bëgn y te chël che ai s’un stà saurì y sambëgn inće odëi che ai vëgn ciamò n iade te botëga por se lascè aconsié da me. Ći scores aste pa fat? I à fat la scora da boteghier a Bornech y plü inant oressi jì a Milan a fà cursc por me spezialisé sön le ćiamp dla moda. Poste nes antizipé spo chëres che sarà les tendënzes de chësta sajun da d’invern? Chësc invern é dër tröp da corù, sides por ći che reverda les joches, che les braies. Deplü corusc po gnì metüs adöm, i contrasć é na tendënza. Sce an moscëda adöm i corusc, ne risćion pa nia de ester n pü’”kitch”? Sambëgn che an mëss mët averda ai corusc che an met adöm. N sbeter arancio ne n’é nia bel cun na braia bröma da righes gheles y cialzà cöci, por ejëmpl.

Al foss mefo dërt da mëte adöm corusc plü stersc cun tonalités plü tëndres. Cara é pa la combinaziun de corusc che ne po, da te infora, assolutamënter nia gnì metöda adöm? I corusc à deplü tonalités, porchël ne pòn stlüje fora degüna combinaziun de corusc. Inće le fosch cun le bröm scür – sce al é dla dërta tonalité – po ester bel y dër elegant. Cal é pa to sonn por le dagnì? Mi dejidere plü gran é chël de daurì na botëga olache la jënt po jì por se fà aconsié, por ingleje i dijon “image counselling”. Ala ne se trata nia ma de na botëga scëmpla, olache les porsones po jì por ciafè consëis dai boteghiers. Laprò oressi che al foss inće n friser. Insciö podess la jënt gnì adalerch por mudé, mioré o crié n stil nü. Pënseste che na te’ sort de botëga pois avëis suzes te n te’ pice paîsc sciöche Corvara? Tröc me à dit che da d’ëi infora ne podess na te’ sort de ativité nia funzioné chilò da nos. Al foss dessigü le bujëgn de se fà retlam, de se fà conësce, mo da me infora él na cossa dër interessanta, dantaldöt por la sajun da d’invern. Mo te chisc tëmps de crisa él tres deplü botëghes che stlüj… Le guant, por ester bel, ne mëss nia ester ćer. Dessigü conëscion fora le guant costus, mo sce an sa da le chirì fora y da le mëte adöm po inće val’ toch plü a bun marćé ester bel. A pert la pasciun por la moda, cai é pa tü hobbies? Tl tëmp lëde me sàl bel da jì sö por munt y da stè tla natöra. N’atra cossa che me plej dër é fà teater. Este bele stè sön paladina? Sce, i à fat para tl teater “Bëgnodüs a Vila Bela” cun le grup de teater da La Ila y i à tut pert al “Forumtheater”. Ći te sà pa bel dl joblenè? Al me sà bel da podëi ester por n cört tëmp n’atra porsona, fà y dì cosses che tla realté ne fajessi nia, deache ares ne fej nia pert de mi carater. Mo al me sa dantadöt bel ći che é incëria, les sëres passades a se devertì y a s’la rì düć deboriada. (kp)

Mumënc dla garejeda. www.lauscdiladins.com

9


Atualité

nr. 38 / 28 de setember 2012

Mantegnimënt dl möt de majera eté Le mantegniment di mituns é n argomënt de gran importanza, suradöt sce i geniturs é separà o divorzià. An mëss tignì cunt dl dërt dl möt, inće sce bele de majera eté, da gnì mantignü dai geniturs - desche al é dè dant dala lege de Manuela Obojes

vëgn fissé aladô di debujëgns di mituns, dl livel de vita dl möt ćina che i geniturs ê ciamò adöm, le tëmp che le möt sta pro vigni genitur y les poscibilitês economiches di geniturs. Canche i mituns di geniturs che se separëia à bele plü co 18 agn y à ćiamò le dërt da gnì mantignis, él le magistrat che po dè dant che l’assëgn de mantegnimënt vëgn paié dal genitur diretamënter al möt y nia plü al ater genitur, olache le möt vir.

Ćina can mësson pa mantignì i mituns? La Costituziun Taliana y nosc Codesc Zivil dà dant, che i geniturs mëss mantignì, istruì y eduché i mituns, inće sce ai é nasciüs defora dl matrimone. Trami i geniturs à le dovëi da ćiarè di mituns en proporziun ales poscibilitês y ala capazité de laûr che ëi à, en conscideraziun dles capazitês, dles intlinaziuns naturales y dles aspiraziuns di mituns. Insciö é le mantegnimënt n dovëi che é avisa dè dant da nosc ordinamënt y i speta, zënza distinziun, ai mituns legitims (nasciüs tl matrimone) y inće ai mituns naturai (de geniturs nia maridà). Vigni genitur à le dovëi da mantignì le möt, desco dovëi de solidarieté finalisé al crësce sö dl möt y impormëte a d’ël da arjunje na madoranza fisica, psicologica y soziala, y sambëgn inće la independënza economica.

Le möt mëss gnì mantignì dai geniturs nia ma ćina che al complësc i 18 agn, mo ćina che al é economicamënter independënt. Chësc ô dì che intrami i geniturs mëss mantignì le möt ćina che ël à n laûr che ti dà la poscibilité da se mantignì da su. Sce le möt à n davagn precar o davagna massa püch, spo à i geniturs dagnora ćiamò le dovëi da portè pro al mantegnimënt dl möt. Sce indere le möt ne desmostra degun interès da se chirì n laûr o refodëia la proposta de n laûr, zënza iustificaziun, toma demez le dovëi de mantegnimënt di geniturs. I geniturs ne mëss gnanca plü mantignì le möt che à bele albü n laûr y ê economicamënter independënt, mo dedô àl pordü o lascè chësc laûr. Te chisc caji ne mëss le genitur nia plü assiguré le mantegnimënt desco denant.

Detlaraziun iudiziara

Mituns de geniturs despartis o divorzià

Tl cajo de geniturs separà o divorzià, olache un di geniturs mëss paié mensilmënter le mantegnimënt dl möt, ne pòn nia ma zede da paié chësc assëgn canche an arata che

Canche i geniturs se despartësc, se separëia o damana do le devorz, à le möt le dërt da podëi inant avëi n raport ecuilibré y continuatif cun trami i geniturs y ciafè da trami la cura, l’educaziun y la istruziun che al adora. Trami i geniturs à intres ćiamò le dovëi da mantignì le möt, en proporziun a so davagn. Sce i geniturs ne arjunj nia na acordanza, él le magistrat inćiarié che dà dant chi che mëss paié n assëgn mensil, che

Cai é pa i dërć?

10

www.lauscdiladins.com

le möt é bun da se mantegnì instës, mo an adora na detlaraziun dl magistrat. Cun na domanda particolara al magistrat, mëss le genitur dè dant söes iustificaziuns por nia plü paié le mantegnimënt y porvè che le möt se mantëgn oramai da su. An po inće fà chësta domanda, sce an à la proa che le möt n’ô nia se chirì n laûr, inće sce al podess, o che al à refodè zënza iustificaziun n post de laûr che ti é gnü pité. Insciö ćiàron da fà a na moda, che i mituns de majera eté ne aprofitass nia dl dovëi che i geniturs à, da i mantegnì inće sura i 18 agn. La dezijiun vëgn tuta dal magistrat che valutëia le cajo concret y ćiara sce le möt efetivamënter à la poscibilité da se chirì n laûr o n’ô nia azeté i laûrs che ti vëgn pità.

Contlujiuns Tla materia de mantegnimënt vêl le prinzip che i mituns de majera eté, che depënn ćiamò zënza colpa dai geniturs, à le dërt da gnì mantignis ćina che ai arjunj söa independënza economica. Sce i geniturs é separà o devorzià, mëss chisc paié l’assëgn de mantegnimënt che é gnü dè dant cun la separaziun o le devorz, ćina che n magistrat dà söa autorisaziun do che le genitur à porvè che le möt é economicamënter independënt o, zënza iustificaziun, ne va nia a laorè. av.dra. Manuela Obojes, Stüde Wörndle & Partner (Balsan - Tlüses - La Ila Eppan)


nr. 38 / 28 de setember 2012

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

L Lech dl Dragon Sun Mëisules à l Ufize provinziel de Geologia fat tuedes n cont dl permafrost. I geologs à nrescì che la mudazions dl tlima à nce cunseguënzes per la Elpes y povester nce per nosta ega da bever

L Lech dl Dragon tl ann 1956. (Fotografies de Alex Moroder)

Tueda - Sce n va dal Jëuf de Frea su per l troi dla Vas Setùs nchin pra l banch de Mëisules, raida pona a sud-ovest de viers dla Val di Ciamorces, rùven pra l Lech dl Dragon. Chësc lech che ie a 2680 metri de autëza, ie n lech da dlacier danter i doi partimënc de Mëisules. L lech ne fova ti ultimi ani nia for da udëi, coche per ejëmpl ti ani setanta. Dal ann 2003 al 2007 fòvel inò da udëi, ma bele tl 2009 paròvel belau inò sparì. Ti ultimi ani iel inò cumparì nce sce l ie scialdi mënder. L dlacier che ie sot ai purons y i sasc che ie tumei ju dala pizes dl crëp se sfënd bel plan ora y nsci sparirà l dacier bel plan cun l passé di ani.

Lijëndes L inuem dl lech vën da lijëndes di abitanc de Gherdëina che ova audì te Sëlva, sun Jëuf de Frea y monce sun la mont de Mastlé i urdli de n dragon che stajova tl lech sun Mëisules. Sce n ti cëla al lech y a dut l raion ntëurvia se rënden cont dl carater misteriëus che l lech à. L’ega dl lech à n culëur turchis scialdi sterch per l sablon di crëps che ie tl’ega. Ma nce duc i biei sasc da cristai y i megalodonc che n abina sun l banch de Mëisules fej ora dl lech zeche de particuler y chërda perchël adalerch uni ann truep geologs, scienziac ma nce

turisć y jënt da tlo.

Studi dl permafrost sun Mëisules Pra l Lech dl Dragon, sun l banch de Mëisules à geologs dla Provinzia metù man de furé per studië l permafrost. Propi dlongia l Lech dl Dragon iel unì purtà su la mascins da furé. Pervia dl’autëza y dla cundizions dl tëmp ne n’ie i lëures nia scëmpli da purté inant. Sun l puron de dlacia, sëura Murfrëit vëniel furà te doi lueges per tò ora tapli de material. Chisc vën fai ite y metui al frësch per pudëi pona, canche i lëures sarà stluc ju, i mené tl università de Dispruch. Tlo unirài analisei do cuntenuc chimics y per nrescì tan vedla che ie la dlacia. Ti bujes furei ora uniràl metù ite njins per museré la temperatura ntan i proscimi ani y per museré spustamënc dla dlacia. L ie n lëur drët particuler, chël che la Provinzia de Bulsan lascia fé tres l Assessorat per i Lëures publics. L vën analisà l permafrost te Schnals, Ulten, sun l Ortler y sun l Sela.

Udëi danora l daunì I lëures vën menei da pert dl Ufize provinziel de geologia tl cheder de n proiet nterregiunel “permaqua” per nrescì la cunseguënzes sun l’ega da bever y

l’ecologia dl’eghes al’auta. Chisc studies dl permafrost ie de gran mpurtanza ajache i ie de utl per capì cie che l suzed y per prugramé ntervënc dl daunì. N à nsci abinà ora che l ie scialdi deplù permafrost sëura 2500 metri de autëza che n ova minà. Te Südtirol ie 6% dl raion curì da permafrost. L mudamënt dl tlima ie n gran pricul per l permafrost. Esperc dij che la temperatura tla Elpes sarà tl 2100 nchin a 4°C plu ciauda, che ie sambënzënza la gauja per l dleghé dl permafrost. Chël uel dì che i ërc, ronesc y rives, deventerà for plu melsegures y manco resistënc y che l sarà perchël plu smueies che purterà pro nce a mudazions dl’ega, dl’ecologia y povester nce dl turism tla Elpes. I prim resultac dl proiet à mustrà che l’ega dl permafrost possa avëi truep mitei pesoc, “Schwermetalle” coche n dij per tudësch. Te n valguna lueges iel monce massa mitei, a na maniera che i valores passa via i lims lasciei pro per i mitei tl’ega da bever. N à nrescì che chisc mitei ne n’à nia na pruvenienza geologica, ma n ne sà no nia avisa da ulache i vën. N ne sà nce no mo ciuldì che la cunzentrazion de mitei pesoc ie tan auta tla flora y fauna dl’eghes di crëps. Povester audiron plu inant velch deplù n cont di resultac dla tuedes fates pra l Lech dl Dragon. Sofia Stuflesser

L crater a est dl Lech dl Dragon, fotografà d’instà dl 2011 da Wolfgang Moroder pudëssa spieghé la furmazion di lec sun Mëisules.

D’instà dl 2011 fòvel doi lec dl Dragon. (Fotografia de Wolfgang Moroder)

L Lech dl Dragon d’instà dl 2005. (Fotografia de Wolfgang Moroder) www.lauscdiladins.com

11


Gherdëina

nr. 38 / 28 de setember 2012

Mplant nuef dala codla te Sëlva: inaugurazion y benedescion N sada dan otodì iel stat te Plan la benediscion y inaugurazion dl ciamp dala codla nuef, cun ierba artefiziela dla ultima generazion

N ucajion dl’inaugurazion dl ciamp dala codla te Sëlva.

L’autoriteies.

Sëlva - Na gran cumpëida de jënt ie unida adalerch. Y la Mujiga. Y truep mutons che se njeniova ca per fé da dedò damat cun la codla. Sambën truepa autoriteies, de Chemun y dla Provinzia. L ambolt de Sëlva Peter Mussner à rujenà dl mpëni dl’aministrazion de Chemun de Sëlva, dl bujën dl ciamp per la cumenanza de Sëlva y de Gherdëina. Dla mpurtanza dla nfrastrutura y dl sport n generel à nce rujenà l assessëur provinziel ladin Florian Mussner. L pluan de Sëlva Sn. Pire Clara à auzà ora che na benedescion ne à nia finaliteies

daunì dl juech dala codla de nosta valeda, ma nce de chiche uel mé se tripé mpue’ ntan l tëmp liede, fajan mpue’ de sport. Y nce l turism à bele lascià a l savëi che l unirà nuzà per manifestazions de alenamënt y de agonism da pert de nteressei che vën da oradecà. Fineda via ie la festa cun mpue’ de aurela curta, pra n bon bucon, ulache l ne à sambën nia mancià vel’ lecort de chëla o dl’autra ntraunida particulera, da rì y nce da ncrëscer.

de superstizion, ma l ie l sëni che n uel jì ite te cumenanza cun Chël Bel Die. Do la pert plu ufiziela iel stat na partida de aministradëures de Chemun contra na scuadra de mutons y n turnoi dla cater scuadres storiches dl Tëmp Liede de Sëlva. Venciù à l FC Sëlva, na sort de FC Luislkeller jëunn. L mplant che à custà ades 500.000 euro ie dut ntëur garatà, y dantaldut funziunel. Chël uel dì che l ie a desposizion dla truepa scuadres de Sëlva y de Gherdëina, dantaldut di jëuni y di mutons, che ie pu l

David Lardschneider

La strutura nueva ie unida fata dantaldut per i mutons y i jëuni, l daunì de chësc sport te nosta valeda.

Damprovia: l tai dla pinta, Sn. Pluan Pire Clara ntan la benedescion. Nce ntëurvia iel unì fat de bela nfrastrutures. Danter l auter nce na rampa.

Foto de grupa dla cater scuadres che à fat n pitl turnoi de revival. Da man ciancia: Luislkeller, Real Sëlva. Dream Team, FC Sëlva.

12

www.lauscdiladins.com


Gherdëina

nr. 38 / 28 de setember 2012

N cunsëi nuef per l Ensemble Gherdëina Gebhard Piccolruaz, presidënt per passa diesc ani, à dat ju si ncëria. Hanz Runggaldier dl Pizer ie l presidënt nuef

L cunsëi nuef dl Ensemble Gherdëina (l mancia Claudio Kerschbaumer).

Lies - Pra la reunion generela da chëst ann iel stat de majera mudazions per chël che à da n fé cun chëi che ie a cë dla lia. Ntant àn scumencià cun la proes per l proiet nuef. Tl ann 2013 purteràn dant la Mëssa n E-Moll de Anton Bruckner. Gebhard Piccolruaz ie stat a cë dl’Ensemble Gherdëina bele da canche la lia ie unida metuda su, chëst ann àl dat ju si ncëria. Mpue sciot ti sàl bën, ma do tan de ani iel drët che l n vënie do de nueves, nscì miena Gebhard.

Giut iel ca, da canche n ova metù su l Ensemble La data de nasciuda dl cor se pierd mpue ti ani. “Ufizialmënter ie l Ensemble Gherdëina na lia dal 1998 incà, ann canche n à metù su l statut”, dij Gebhard Piccolruaz, “ma bele n valgun ani dant òven scumencià a fé cunzerc cun na grupa nueva, metuda adum da ciantarins y ciantarines da duta la valeda”. Perdrët à Gebhard y Claudio Kerschbaumer, prim dirighënt y deberieda cun Felicitas Schweizer Kostner dirighënta da śën dl Ensemble Gherdëina abù chësta idea, do che n ova fat pea n valgun iedesc pra de majeri proiec metui a jì dai Cores dl Raion Ladin. Purté dant n program de mujiga de livel aut fossa dessegur nce stat mesun mé cun ciantarins da tlo, se òven pensà. Nsci òven cris adum te duta

la valeda ujes adatedes y Gebhard Piccolruaz à pona sëurantëut l lëur de purté inant chësc proiet ambiziëus.

Programs ambiziëusc purtei dant da ciantarins de Gherdëina Bele dai prims ani ’90 inant àn for laurà bëndebot, cialan de fé uni ann almanco un, al plu doi proiec, lascian audì cunzerc te y nce ora de Gherdëina. N cont dla mujiga iel da dì, che n à for cialà de crì ora opres de n cër livel, tulan ite i cumponisc’ tlassics cunesciui, sciche C. Monteverdi, F. Schubert, F. Mendelssohn Bartholdy, J.S. Bach y W.A. Mozart, ne schivan nce no vel’ pez mpue plu modern. Da auzé ora iel tlo zënzauter l pez “Sensibus” scrit aposta per l Ensemble Gherdëina dal cumponist Eduard Demetz y purtà dant per l prim iede tl 2008. “Nosta idea fova chëla de ti dé a ciantarines y ciantarins de Gherdëina la ucajion de mparé ite y purté dant programs nce mpue plu mpeniatifs”, nsci Gebhard Piccolruaz. Y nce cun mpue de suberpia iel cuntënt de pudëi dì che n ie feter for stac boni de mëter adum n cor cun belau mé cumëmbri de Gherdëina y chisc feter duc nia profesciunisc’. Sambën che unitant fòvel de bujën se mpresté ora vel’ ciantarin o ciantarina da nzaul d’auter, ma propi mé canche la se tratova de valivé ora vel’ usc, ulache

l manciova vel’ un. Tlo iel pona for l dirighënt o la dirighënta che se chier ora l cor aldò di bujëns dl program che vën mparà ite. La prima regula dl Ensemble Gherdëina ie for stata chëla de no desfé d’autri cores. Savan che la majera pert di ciantarins y dla ciantarines ie bele pra d’autri cores o grupes, àn da for bele cialà de ne ti tò nia sot ora i cumëmbri ai autri cores dla valeda y nce sce l ne n’ie propi mei stat saurì a abiné n di per la proves che ti vede bën a duc, a vel’ maniera iela pa for jita. Nce pra i solisc’ cëlen de fé mpue l medemo: “Nchin che la jiva, ons for cialà de to chëi che on te nosta valeda”, dij Gebhard, che à nstës nia dinrer sëurantëut la pert da solista tl bas. Percie jì a crì lonc y lerch, sce te Gherdëina iel n Uli Grossrubatscher, na Sabina Willeit o na Manuela Demetz Tröbinger, che se à fat inuem nce oradecà? Ma lauré cun jënt nia da tlo ie ënghe n gran arichimënt per la lia. Canche n lëura cun d’autri cores o orchestres, pona vëniel suvënz spartì su nce i solisć.

L bel de pudëi se prejenté dan a n publich De bela esperienzes ie for states i proiec che n à fat cun d’autri cores, orchestres y dirighënc. Te duc chisc ani n iel stat n valgunes. Nsci àn pudù cianté sot ala bachëta de Rolf Schweizer, Max Frey, Norbert Brandauer, Heinrich Walder y Gerhard Sammer y n à laurà danter l auter cun l Domchor de Persenon, l VocalArt de Persenon y cun l Kammerchor Salzburg che vën ratà un di miëures tl ciamp dla vedla mujiga. Per la pert strumentela àn laurà bele plu iedesc cun l’orchestra InnStrumenti de Dispruch y l Marini Consort. “Se mëter adum cun d’autra grupes ne n’ie suvënz nia mé n plajëi, ma nce n bujën, urganisatif y dantaldut finanziel”, sà Gebhard Piccolruaz da cunté. Da una na pert ne fòssel suvënz nia mesun mëter a jì de majeri proiec mé da sëui, nce per chël che à da n fé cun la pert finanziela, y dal’autra pert iel for bon avëi cër cuntac ora de Gherdëina, che possa judé nce tl daunì a mëter a jì vel’ cunzert. Cuntac, che ti à judà te duc chisc ani al Ensemble Gherdëina a se fé

n bon inuem nia mé a livel dl Südtirol y Trentin, ulache l cor ie for inò bënunì y ulache l abina for portes daviertes canche la se trata de mëter inò a jì n cunzert. Nce tl’Austria – danter l auter a Dispruch, Hall in Tirol, Millstatt y Salzburg – tla Talia a Assisi y Spoleto y nchinamei a Paris tla Franzia àn sapù da prijé l savëi dla ciantarines y di ciantarins de Gherdëina. “Y chël ne n’ie nia for tan saurì,” miena inant Gebhard, “mesanmënter bën cianta tosc zachei – la gran ndesfideda ie chëla, de vester for mpue miëures che la cuncurënza. Mé nsci iesen boni de giapé de biei cunzerc da fé.” Una dla gran fertunes che l Ensemble Gherdëina à, ie de avëi a despusizion doi dirighënc de n livel scialdi aut. Sibes Claudio Kerschbaumer che nce Felicitas Schweizer Kostner à tramedoi truep ani de esperienza y sà avisa coche n possa tré ora nce mo l’ultima resserves da uni ciantarina y ciantarin. A Felicitas y Claudio ti vàl sambën n gran rengraziamënt – y chël zënzauter da duc chëi che, te duc chisc ani, à pudù cianté pea pra un o l auter cunzert, ajache “sce i dirighënc sà da fé, pona vëniel nce a s’l dé zeche de bel,“ ie Gebhard segur.

Vënt nuef tl cunsëi dl Ensemble Gherdëina Dala paroles de Gebhard Piccolruaz se àuden for ora na gran legrëza y pascion per la mujiga. Na pascion vivuda cun cuer y ana. Perchël ne n’iel nce no stat tan saurì a tò la dezijion de dé ju la ncëria da presidënt dl Ensemble Gherdëina, che ël à abù da canche l ie unì metù su la lia. Ngali rùven a n pont, ulache l ie drët ti lascé la lerch a zachei d’autri. Pra la reunion generela ie pona ora de Gebhard zapei ora mo n valgun cumëmbri dl cunsëi: Nando Insam, dai ani cassier dla lia y la scrivana Zilli Demetz. De gra a d’ëi per si mpëni ntan chisc ani passei. Dl cunsëi da dant à mé Flavia Lardschneider dit de resté inant a despusizion. Nsci se tratòvela de lité almanco trëi cumëmbri nueves. Cun Hanz Runggaldier, Flavia Lardschneider, Samuel Runggaldier, Bruna Pitscheider y Martina Rier se àl abinà n cunsëi nuef, che menerà

L fundadëur dl cor y presidënt da dant Gebhard Piccolruaz.

l Ensemble Gherdëina inant cun sgors y mutivazion. L presidënt nuef Hanz ti ie pona riesc sautà ite al proiet che la va sën de realisé y che à bele metù man cun la prima proves. Bele de lugio àn abù la beliscima ucajion de pudëi lauré na sëira cun l dirighënt Christo Burger dl Sudafrica, che fova unit te Gherdëina cun si cor “Akustika Chamber Singers” per doi cunzerc.

Tl 2013 mujiga de Anton Bruckner L proiet per l 2013 ie dedicà al gran cumponist Anton Bruckner. N purterà dant la “Messe in E-Moll” y mo vel’ auter pez deberieda cun l Marini Consort y sot ala direzion de Felicitas Schweizer Kostner. Ntant àn bele scumencià a mparé ite l program che n se ncunforta bele sën a pudëi ti prejenté al publich de Gherdëina. “Son cuntënt che é pudù lascé l Ensemble Gherdëina te de bona mans”, dij Gebhard Piccolruaz, che ie segur che cun la ueia de fé y de se dé ju per la mujiga uniràl mo a s’l dé n grum de biei proiec cun l Ensemble Gherdëina. L Ensemble Gherdëina tol cun chësc la ucajion de rengrazië Gebhard per dut si lëur y mpëni ntan duc chisc ani de atività a cë dla lia y spera de pudëi l avëi mo giut sciche ciantarin. Martina Rier

L Ensemble pra si ultim cunzert l ann passà. www.lauscdiladins.com

13


Gherdëina

nr. 38 / 28 de setember 2012

Ruben Bernardi olimpionich Ruben Bernardi pra i carantejimi Juesc Olimpics de Schach a Istanbul. Gran unëur y prestazion. Per Ruben Bernardi zënzauter l curunamënt de si cariera Schach - Dai 27 de agost nchin ai 9 de setëmber à l maester Ruben Bernardi, cumëmber dla Lia Schach Gherdëina, al mumënt cassier, ex presidënt per 18 ani, fat pea pra la Olimpiades de Schach a Istanbul. Chësc pòssen propi raté l majer unëur che possa ti suzeder a n jugadëur de Schach, mo deplù sce l ie n amatëur y nia n profesciunista. Per Ruben Bernardi zënzauter l curunamënt de si cariera. Pudëi jughé sun l medemo palch cun i jugadëures plu stersc dl mond ie na sensazion che mé puec à la fertuna de pudëi fé pea. Nce l ex campion dl mond Garry Kasparov fova iló. Ël vën da trueps ratà l miëur jugadëur de duc i tëmps. Cun Vladimir Kramnik, Ruslan Ponomarjov, Rustam Kasimdhzanov (cunesciù al publich de Gherdëina per si ejibizion simultana storica ai 9 de agost dl 2005 a Urtijëi) y Veselin Topalov fòvel prejënt bën cater ex campions dl mond. Danter i autri fòvel l numer doi dl mond Levon Aronian, prima mëisa dl’Armenia, nazion che à ala fin venciù la bedaia d’or, l vizecampion dl mond Boris Gelfand, la miëura ëila dla storia dl Schach Judith Polgar y l miëur talian y numer 8 dl mond Fabiano Caruana. Nia da desmincë ne n’ie n valgun partezipanc dl Turnoi nternaziunel Server 24 Chess Festival de Urtijëi de chësc ultimo juni, dantaldut l GM argentin

Ruben Bernardi cun l ex campion dl mond Rustam Kasimdhzanov pra cëina.

Fernando Peralta che ova venciù chël turnoi. Propi chësc ultimo ova fat na remis cun l super GM rus Alexander Grishuk, desmustran la cualità dl jugadëur che ova fat sie l trofeo “ad Gredine”, opra d’ert fata da Gregor Prugger! Do l maester FIDE Carlo Micheli, doi iedesc campion talian assolut, ie Ruben Bernardi permò l segondo atleta de nosta provinzia che à jugà pra na olimpiada de Schach!

Doi ponc de Ruben Bernardi La IPCA, International Physically

Disabled Chess Association, che ie cumëmbra dl’assoziazion de Schach mundiela FIDE, ova nvià Ruben Bernardi per si boniscimo cuinto plazamënt pra l campiunat mundiel IPCA 2011, a fé pea pra i 40ejimi Juesc Olimpics tla Turchia. L ie da sotrissé che l se trata dla drëta Olimpiada cun 154 nazions che jugova pea cun i miëur atlec. Danter i partezipanc n fòvel nce trëi reprejentatifs di jugadëures cun n handicap ai uedli, ala urëdles o n handicap fisich. Deberieda cun doi rusc, n ucrain y n cech cumpletova Ruben Bernardi la scuadra dla IPCA. Pra chësta Olimpiades àl fat pea mé pra i ëi 157 scuadres de dut l mond. La reprejentanza dla IPCA à arjont l 93ejim post. Ruben Bernardi à cuntribuì cun doi ponc sun set partides, danter l auter cun na vënta contra n Maester FIDE.

Zircumvalazion y IMU Te Cunsëi de Chemun de Urtijëi uniràl oradechël rujenà dla Ronc Arena, dl raion da jì a pe, de lëures publics, dl raion da sté „Pitl Pilat“ y dl refudam Urtijëi Chemun - L Cunsëi de Chemun de Urtijëi à na senteda n vënderdì te otodì ai 5 de utober dala dala 16.00, per traté chësc ordenn dl di: 1. Dé pro l protocol dla senteda dl Cunsëi de Chemun di 17.08.2012, dat ju tl ufize secretariat dl Chemun. 2. Nterugazion di cumëmbri dla grupa de cunsëi dla Lista zivica Urtijëi n con’ dl proiet per na zircumvalazion dl luech y n raion per njins coletifs (Ronc Arena) prejentà dala Lia per l Turism de Urtijëi. 3. Mozion dl cunselier de Chemun Martin Kofler di Freiheitlichen n con’ dl spënjer ora dl proiet per cumedé l raion da jì a pe danter Stetteneck/Ianon y l rundel Purger. 4. Mozion dl cunselier de Chemun Martin Kofler di Freiheitlichen n con’ dl scrì ora n cuncors per abelì l raion da jì a pe. 5. Mudazions dl bilanz 2012 cun

L Cous Cous L Cous Cous ie na spezialità tipica dl'Africa. L vën fat cun blava y pona tanfà sëura l’ega via

Fadia psichica y fisica Mé chëi che se dà ju nstësc cun l Schach a livel agonistich sà nëut ce fadia che uni partida ie a livel psichich y fisich y cie che l uel dì a fé pea pra n turnoi cun belau uni di da cumbater per passa cater ëura ndolauter. L mpëni ne n’ie nia mé chël ntan la partida, ma scumëncia bele dant cun la preparazion y va inant da dedò cun l’analisa. L numer doi dl mond GM Levon Aronian, bedaia d’or cun l’Armenia y tla tlassifica ndividuela, tlo cun Ruben Bernardi.

Pra i Juesc Olimpics de Schach a Istanbul: Ruben Bernardi y dovia si acumpaniadëura Giulia.

14

www.lauscdiladins.com

Sce n cunscidra che Ruben Bernardi fova pra la scuadra dla IPCA chël jugadëur che ova per si malatia progresciva da patì sot ala majera cunseguënzes fisiches negatives, danter l auter per mei cronics y stanchëza cronica, pona ie si prestazion stata scialdi positiva, tenian cont nce di averseres, nce profesciunisc’(!), l israelian GM Boris Avrukh cun 2605 Elo, l slovach IM Milan Pacher cun 2442 Elo y l FM Elijah Emojong dl’Uganda. La Lia Schach Gherdëina se cungratulea pra si cumëmber Ruben Bernardi per l’esperienza y l suzes che ël à abù pra i Juesc Olimpics de Schach a Istanbul. N gran rengraziamënt nce a si acumpaniadëura Giulia che à judà pea acioche Ruben devënte olimpionich! (rd)

njontes dl program generel di lëures publics y dl plann de finanziamënt revardënt. 6. Dé pro l regulamënt IMU. 7. IMU - fé ora la alicuotes. 8. Cumedé l raion da jì a pe danter l rundel Purger, plaza Stetteneck y la plaza de dlieja a Urtijëi - dé pro l proiet fat danora laurà ora mo n iede. 9. Mudazion al plann urbanistich cumenel - mëter ite la Ronc Arena, la streda de zircumvalazion de Urtijëi y la ntreda al garasc per i auti/stadio dala dlacia Setil. 10. Fé la nfrastrutures per l raion de espanscion da sté C-3 “Pitl Pilat” - dé pro l proiet fat danora. 11. Mudazion dl regulamënt sun i criteres cualitatifs y cuantitatifs per la determinazion dl refudam speziel nia periculëus, da traté coche refudam de cësa. 12. Baraté grunt tla streda Fr. Tavella - demanialisé 19 m2. 13. Comunicazions.

Al didancuei ie l Cous Cous cunesciù te duta l’ Europa y l ie da abiné te truepa butëighes.

Butëiga dl Mond - L Cous Cous ie na spëisa che n possa njenië ca te truepa manieres. N possa l maië coche spëisa prinzipela o deberieda cun verdura, sciche pomodori y zucchini, ma nce cun cërn de gialuc y vadel o cun pësc. L Cous Cous pòssen nce maië frëit, l fajan per ejëmpl coche salata cun fruc de mer. L ie nce adatà per fé roba dëucia . Cun l Cous Cous vëniel cujinà dantaldut tl nord dl’Africa, ma nce ti paejes dl Urient, coche per ejëmpl tl’Arabia. Plu da giut maiòven te chëi paejes l Cous Cous dantaldut ajache l fova plu bonmarcià che no i riji. Man man ie l Cous Cous pona nce ruvà tl’Europa, de gra a marcadënc y persones che viagiova. Tla Sizilia l cunëscen bele dal Medieve incà, da chanche i arabs ova sëurantëut la ijula.

pleces de verdura (capusc, arbëtes, ula vërda), d’autra verdures de sajon (zuchini , carfiol, peperons), cunzentrà de pomidoro, sëures (ciaruel, peperoncin, curry, curcuma, coriandul), craitles (petersil, maiuran, basilich), broda, uele de sesam y sel de craitles. Taië su la ciola y la praté tl uele te na fana lergia, junté l cunzentrà de pomidoro o tòc de pomidoro, la sëures y n ciaz de broda. Aldò de vosc gusti pudëis nce junté aurer, rosmarin o tim. Lascé cuejer sun na pitla flama, junté la pleces de verdura taiedes dl lonch, curì pro cun l cuiertl y lascé cuejer inant. Taië su la carotes y i patac y junté n ciaz de broda. Do cin’ menuc mëter leprò l’autra verdures, dant chëles che à plu giut a cuejer y pona l’autres. Ala fin juntëis mo la sëures, basilich, petersil o maiuran. Cuejer l Cous Cous aldò dla ndicazions sun la cunfezion y servì cun l sugo de verdures. Varianta cun liania: Aldò dla rezeta dessëura, tléchel pratè tòc de liania do la ciola cun i tòc de pomidoro y la sëures. Canche la liania ie prateda, jì inant cun la verdures coche la rezeta da dant. Butëiga dl Mond Gherdëina

Cous Cous cun verdures Chiche uel purvé a cujiné n iede cun l Cous Cous, abina tlo na pruposta per na rezeta N adrova: 350 de Cous Cous ntegrel, 1 ciola, 2 carotes, 2 patac,

Cous Cous cun verdures.


Gherdëina

nr. 38 / 28 de setember 2012

Meldefuech a Urtijëi Ai 17 de setëmber dala 6.07 ie i Destudafuech de Urtijëi unic cherdei tres pipser per n meldefuech tla streda Roma. N apel ala jënt de mëter a verda, dantaldut cun i furniei a lectrisc Destudafuech - La persona che sta a fit te chël cuatier ie da chël’ëura ruveda a cësa dal lëur. Udan l fum che univa sot al’ela de tët ora, àl riesc cherdà la zentrela dl 115, zënza purvé a jì te cuatier y chël ie stat scialdi drët per si segurëza. Ruvei adalerch ie i Destudafuech jic te cuatier cun la bombules dal’aria, davia che l fova n gran fum te dut l cuatier. Cun la termocamera iesen riesc stac boni de abiné l fuech. L se tratova de n “Schwellbrand”, chël uel dì temperatures scialdi autes, scialdi fum y mo de pitla flames y burëi. Debota àn scumencià a destudé cun ega, cialan de ne reviné nia l cuatier dessot, ajache chël ne fova nia tucà dal meldefuech. Se nuzan dla sia a motor àn taià su l

fonz de lën per pudëi ruvé permez ala coes de burëi plu ascundudes. L material che ova vardù àn purtà alalergia. Deberieda cun n njenier di Destudafuch profesciunisc’ de Bulsan ti iesen jic do ala gauja dl meldefuech. L espert de Bulsan à riesc udù che de gauja ne n’ie nia stat n defet pra l strom, ma n furnel a lectrisc lascià mpià massa giut o monce curì ju. Dala nuef daduman ie i Destudafuech ruvei de reviers te magasin y à mo pudù rumé via dut a puntin per vester inò njeniei per l proscimo ntervënt. I Destudafuech ulëssa fé n apel ala jënt, sën che l ie d’autonn, l vën plu frëit y n scumëncia inò a sciaudé, de cialé for canche n sciauda de no lascé l “fuech” o nce mé n cëir che

verd da sëul. Per chël che à da n fé cun i furniei a lectrisc, ulëssen de da lecurdé che chisc ne n’ie nia fai per jì ëures alalongia zënza che zachei sibe leprò, davia che i se sciauda su arjunjan temperatures scialdi autes y n aud for inò che l vën su meldefuech per gauja de chisc furniei che vën desmincëi o monce curii ju cun suiamans o d’autra roba. Sce n uel se njenië n tel furnel, pona dëssen cialé che l sibe un dl’ultima generazion cun na crosa de ceramica o de banda y nia de plastica. Lecurdon ala jënt de cherdé te n cajo de bujën for l numer 115 per i Destudafuech y l 118 per n aiut saniter. Chësc mët a cuer i Destudafuech de Urtijëi. (mk)

Festa dla bales cun la Lia di Osć Avanzà ne n iel tan che deguna, dla 9 sortes de bales che la Lia di Osć de S. Cristina à njenià ca per la bela festa tl Zënter Iman. Per l’ucajion iel stat da audì de bela mujiga y da udëi de biei bai da druch S. Cristina - La Böhmische de S. Cristina, chël muessen y pòssen nce chëst ann danz dì adaut, chëla ie danz una dla miëures lonc y lerch. La mujiga purteda dant te na maniera fina, cun la drëta ondulazions, cun l drë’ druch, cun l drë’ sentimënt, y sambën cun savëi tecnich y mujighel, valova bele la cherta de ntreda dla bela festa metuda a jì dala Lia di Osć de S. Cristina cun a cë si presidënt Sergio Mussner. Aplaus iel nce stat per la grupa di Schuhplattler de Latzfons, (cun dut ëi dai 12 ai 70 ani), y sambën per i Ladiner, Joaquin y Otto, na atrazion speziela per i truep turisć, mascimamënter tudësc, unic adalerch per l’ucajion. L fova N beliscimo tëmp, belau massa bel... La jënt unida adalerch à pudù se scuté su de bona mujiga y se maië de bona bales d’uni sort, bales da ciociul, da fonc, da ula vërda, da runi, da furmenton, da ciajuel, y per dessert bales da mariles, da ciculata y da sunjins.

Enes cultureles y dl maië bon Renate Senoner, presidënta dla

Lia dl Turism de S. Cristina spiega che chësta festa ie n highlight metù a jì dala Lia di Osć de S. Cristina per l’ucajion dl’enes ladines cultureles y dl maië bon. Plu ustaries y restauranc de S. Cristina pieta ntant la trëi enes de setëmber d’uni sort de cëives tipics ladins, coche crafuncins o bales. Oradechël iel nce stat la raides dla uties su per Mastlé y Col Raiser, cun la uties che pitova ciociul, ciajuel y smauz fat n cësa, bales y coche dessert tëurta de furmenton cun iogurt fat n cësa. Per la pert culturela iel danter l auter stat l’enes dl ziplé, cun i scultëures de S. Cristina che à ziplà trëi iedesc al’ena, dlongia la majera cripl zipleda a man dl mond tl Zënter Iman, na figura nueva de doi metri per la cripl nstëssa. La finalità ie sambën de fé cunëscer la particuarità artistica dl luech, ma nce de ti pité zeche de nteressant ai turisć che va for gën a spaz tl zënter dl luech. Dantadut i tlienc tudësc à prijà dassënn la scumenciadiva. Coche conta Senoner se tràtel de n proiet nvià via bele dan passa vint ani,

Foto de grupa dla Lia di Osć cun „Die Ladiner“

I Destudafuech de Urtijëi ntan si ntervënt.

Nolunta’s a Bruxelles La scumenciadiva de Uploadsounds lieda al cuncors de mujiga per purté inant i jëuni de mujiga, pieta nce cunzerc oradecà. La grupa Nolunta’s de Gherdëina à venciù l pest per la miëura grupa dl Südtirol Uploadsounds

che fova pona n mumënt jit dojù, ma che n à inò cialà de valorisé ultimamënter, cun suzes; la partezipazion crësc da ann a ann. A chësta maniera arjónjen la fazion tëuta dant, de slungë la sajon da d’instà ite tl setëmber. Renate Senoner tol l’ucajion de rengrazië de cuer la Lia di Osć de S. Cristina, per avëi metù a jì tan a puntin si festa, cun duc i cumëmbri che à judà pea ativamënter nce a servì pra mëisa y a njenië ca la bales, i uemes di Destudafuech che à judà ntëurite, ma nce l Chemun de S. Cristina y i lauranc de Chemun che à judà pea per l’ucajion y n generel for inò pra scumenciadives che à da n fé cun l turism. Senoner auza oradechël mo ora che per finé via l’enes cultureles saràl n dumënia ai 23 de setëmber l desmunté sun Mastlé, cun la mëssa da mesa la trëi pra la capela da Stufan; da dedò ie duc nviei sun Col Raiser a sté deberieda pra n bon got y de bela mujiga da balé.

I Nolunta’s de Urtijëi.

Bands - Per avëi venciù chësc pest sunerà i Nolunta’s ai 26 de setëmber a Bruxelles deberieda cun i Rebel Rootz, che à venciù l cuncors tla categuria rebell. David Lardschneider   Ntan la mostra dl’Euregio “Limits line” a Bruxelles, sunerà la doi grupes Nolunta’s y Rebel Rootz tl Live Music Café. A chësta maniera va la scumenciadiva Uploadsounds 2012 inant cun la prumozion de talënc jëuni de mujiga tla region y oradecà. Chësc ie stat mesun metan a jì sinergies cun de majeri festivals de mujiga taliani y europeics. L’idea de Uploadsounds, metuda a jì dala Provinzia de Bulsan deberieda cun la Region y l Land Tirol, ie de svilupé prumozion y la capaziteies de jëuni de mujiga ti dajan sustëni y ti pitan ucajions per suné. I Rebel Rootz à nuzà si pest per cumpré strumënc y per fé na prejentazion nueva tl web se nuzan de cunselënza y cumpaniamënt de Daniela Bozza - executive

producer dla plataforma MTV New Generation. La grupa de Gherdëina Nolunta’s y la grupa Falling for Beautiful dl’Austria à pudù lauré cun l band coach, aranjadëur y produtëur Wolfgang Schwericke. La grupa Nolunta’s de Urtijëi ie metuda adum da Andreas Kondrak (usc, chitara, mandulina, ukulele), Luigi Romanelli (chitara prinzipela), Hannes Senoner (usc, percuscion, - jolly), Simon Paur (armonica “Steirische” y orgun da bocia), Stephan Canins (bas, e-bass y usc), Leo Grossrubatscher (tamburdl y usc). Premiei de Uploadsounds 2012: Rebel Rootz miëura grupa rebell, Falling for Beautiful miëura grupa dl Tirol y Nolunta’s miëura grupa dl Südtirol y pest Facebook dla zaita Alto Adige. Deplù n cont dla scumenciadiva Uploadsounds nce tl web www.uploadsounds.eu (usp) www.lauscdiladins.com

15


Gherdëina

nr. 38 / 28 de setember 2012

Sta pa la parola ”pluania” per istituzion dl pluan? Cunliamënt Funes - Secëda Na dumanda mpue pruvocanta, ma che nes juda riesc a ruvé pra l argumënt dla ancunteda de pluania, tenida dan n chindesc dis Pluania - A na sëira de descuscion fova la jënt dla pluania de S. Cristina unida nvieda ai 17 de setëmber te sala de chemun. Na tel ancunteda ie na puscibltà per nfurmé la populazion y per rujené plu sot de n argumënt che ie cunscidrà de mpurtanza per chël mumënt. Ncueicundi iel na gran melsegurëza tla populazion n cont dla religion y dla Dlieja. Truepa jënt ti cëla cun festide ala cumpëida di prevesc, che vën da ann a ann for mëndra y se damanda coche la jirà inant, canche l ne sarà nia plu prevesc assé per garantì i servijes primeres te na pluania sciche la santa mëssa dla dumënia, la supeltures, i sacramënc y nsci inant. Dal’autra pert pona nce jënt che critichea bele dai ani la Dlieja, ajache la ie te si uedli massa tradiziunalista, ajache la va massa puech pea cun i tëmps da śën. Chësta mutivazions ti à dat la sburdla al Cunsëi de Pluania de S. Cristina de mëter a jì na sëira de nfurmazion per ti stlarì ala populazion la situazion atuela dla pluania. L titul de chësta ancunteda fova “Gejù Crist, zënter de nosta pluania”. Cun chësc argumënt ons nce bele dat na resposta ala dumanda de ntroduzion. L pluan Sn. Vijo Pitscheider à te si rujeneda fat capì, che bele tres l segondo cunzil dl 1962 vën la pluania ududa sciche na union de duc i fediei y nia sciche na istituzion dl pluan, uni mëmber dla Dlieja à nce l duvier de purté pro a si maniera al garaté dla cumenanza.

Cunsëi de Pluania pensà de lascé fé n logo nuef, che ie ënghe unit a s’l dé cun l lauré deberieda ulenter danter plu persones, coche l presidënt dl Cunsëi de Pluania Oswald Schenk à ulù sotrissé. L logo reprejënta l brum dl paravis che Die nes à mpermetù, la crëusc de Gejù Crist, che nes à purtà la ressurezion y che dëssa nes fé capì che L logo nuef dla Pluania de S. Cristina. suvënz pudons mé tres la crëusc ruvé ala salvëza. Ala fin paroles. Nteressanc ie nce stai i udons mo la lum, l surëdl che vedli pec ora dl archif de calonia simbulisea l amor de Die. Aldò dl che ie unic metui ora te sala, presidënt ie chësc n ejëmpl de danter l auter de vedla paramëntes, coche la pluania possa jì inant tl chedri, n pitl autere, tleves de vedli daunì cun l ulentariat, sce uniun purtons de dlieja y nsci inant. dà si pitl cuntribut. Danterite ntan la sëira ons pudù scuté su de biei pec de mujiga N gra a Sn. Raimund sunei sun l violoncello y ciantei da trëi ëiles ora dl Cor de Dlieja. L curat Sn. Raimund Perathoner La sëira ie pona unida stluta ju à tëut l’ucajion de lecurdé duta la cun n bel buffet, anjenià ca dai grupes che lëura ativamënter te osć dla pluania de S. Cristina. nosta pluania y che l à rengrazià Trueps ëssa povester l bunder dassënn. Ël à purtà n cheder positif de nosta pluania y dat da ntënder, de savëi coche la jirà inant tl daunì che lauré debrieda fej unì na cun nosta pluania y l cunsëi dla pluania rica y dà speranza per l Union pastorela Gherdëina lëura daunì. bele dassënn per anjenië ca la La pluania de S. Cristina ti sënt pluanies a chël che unirà, ma i gra de cuer a Sn. Raimund per dut tëmps muessa mo madurì y l se l mpëni, che l mët te si lëur, ël ie prejenterà dessegur tl tëmp che for tlo, sce zachei à de bujën, chier vën n’autra bela ucajion de se dé l cuntat cun granc y pitli. N gra ju plu avisa sun chësc argumënt. particuler ti va per dut l tëmp che Per l Cunsëi de Pluania de S. l dà ca per jì a crì i vedli y amalei, Cristina, Evelyn Demetz che à tan de bujën de si bona

Son cherdei a tò na dezijion La jënt à povester mo suvënz la tendënza de ti cialé tl mus al pluan o a chi che lëura pea tla pluania, se desmincian che l zënter de nosta pluania ie Chël Bel Die, che zënza si ulëi, mé cun nosta ulentà y forza ne pudons nëus arjonjer nia. Sn. Vijo nes à dit de prië l Spirt Sant, acioche l ti stebe daujin a nosta pluania. Die à avisà si dlieja tres duta la storia y l ie for inò stat mudamënc de mpurtanza, ma feter duc i mudamënc vën cherdei adalerch da na crisa, parola che à si ravises tl vedl grech y che uel dì "crì ora", spartì l bën dal mel, tò na dezijion. Aldò de Sn. Vijo audions te chisc tëmps rujenan tan scialdi de crisa y nëus son ënghe cherdei a crì ora. Jons’a pea cun la massa dla jënt o ons’a l ardimënt de tò na dezijion ajache raton che la ie la drëta per nosta vita? Sce Gejù Crist lascia pro la deficulteies che vivon śën, pona dessegur ajache les fej pert dla streda che l uel jì cun nëus. Cialon de avëi crëta te Ël y de scuté su i sënies dl tëmp. Te na bela preghiera stàl scrit: “Die ne à deguna mans, mé nosta mans” y tres nosta mans y l Spirt de Die ons la puscibltà de purté pro a na pluania plu nueva y plu sterscia.

Digan Vijo Pitscheider y Sn. Raimund Perathoner ntan la sëira.

La crëusc, la lum y l paravis Sciche simbul di mudamënc che vën dant te nosta cumenanza, à l

16

www.lauscdiladins.com

La ciantarines che abelì la sëira cun si cianties.

La Lia per Natura y Usanzes ie contra l cunliamënt tres mplanc portamont danter Funes y Secëda

La Lia per Natura y Usanzes ie contra n cunliamënt da Funes su cun Secëda.

Cuntreda - „Che l cunliamënt de Funes al carusel dla Selaronda ti sta sun l magon a plu che un, ne ti fej propi nia marueia al cunsëi dla Lia per Natura y Usanzes,“ scrij la Lia te si comunicat, auzan ora che la ie „scialdi de contra che „cërta persones“ ne uel nia respeté l Parch Naturel Puez-Odles y l’Arpejon Naturela Mundiela Unesco, coche l fova unit ora sun la Plata Ladinia dla zaita Dolomiten ai 12 de setëmber de chëst ann.“ La Lia per Natura y Usanzes se damanda „ciuldì che n ti va permez a n tel proiet, sce l ie pa n busc legislatif

che sburdla n valguni a fé planns per de tei proiec, sce n ne uel pa nianca no chëst iede tenì cont dl veto di Chemun che va sun sëida?“ La Lia per Natura y Usanzes scrij che la ie „defin a una y sustën chël che l ambolt de Urtijëi Ewald Moroder à dit n chësc cont.“ Ala fin scrij la Lia mo che la spera che la Secëda AG feje na politica de priejes che ti va ancontra ala families, per ejëmpl fajan pea cun la Cherta dla Families.“ Nscila scrij l cunsëi dla Lia per Natura y Usanzes. David Lardschneider

Na jëuna Storia de pensé do Na jëuna se n va da si paesc per jì a lauré te zità. Ëila giata da lëur sciche fancela pra na familia dal muet. La muta ie acorta, de bona ulentà y despunibla a dut per cuntenté i patrons. Ëila ie bënuluda y te puech tëmp se davàniela la simpatia de duc. L seniëur Rossi, patron y capofamilia, uem de afars dal muet, scumëncia a ti fé la beles ala jëuna tla cunvinzions de pudëi se n aprufité canche l uel. Nfati, al mumënt de ti dé l prim pitl paiamënt, ti féjel la pruposta de n bel scioldo de bonaman per pudëi lessù cuntenté si pertendudes “persuneles”. La jëuna, che ova for desmustrà respet per si patron, tl prim mumënt mpue cunturbeda, ma sterscia de carater, refudea l’ufierta y respuend: “Son unida te zità per lauré te na maniera rëidla y ie son cuntënta cun l paiamënt che on fat ora.” L patron, se sentian refudà per l prim iede, cun fé da dessenà, manacia la muta de la ciacé y de la mandé a fé inò la paura amesa la vaces. La muta tol si robes y se n va a crì n auter lëur. L passa n valgun ani y la jëuna se marida cun n jëunn da plajëi a chël che la ti dà dut si amor. Ëila gëura na mensa per puera jënt y lauranc dla zità. Tlo possa nce unì

a maië i vagabunc. N di se prejënta te si local, danter i tlienc da uni di, n vedl barbon melciafià che ëila recunësc debota, l ie l seniëur Rossi, l ël che la ova mandeda demez, ajache ëila l ova refudà. Nce chësc berba ne se aspitova nia de udëi inò la jëuna, deventeda ëila, che ël ova ciacià. L vedl, che fova dant dala superbia y da uem, ti va permez al’ëila cun umeltà, ti damandan sce nce ël possa avëi n taier de jopa, ajache do avëi perdù dut, monce la familia, vìvel śën da pëtler y dla cumpascion dla bona jënt. Al’ëila, do n mumënt de confujion, ti tómel ite la paroles dl pluan canche da pitla jìvela a dutrina: ”L ladron pentì à giapà lerch te Paravis dlongia i crisc ora”. Ëila ti dij al seniëur Rossi: ”Unide mé te mi mensa uni iede che ëis fam, nce per vo sciche per duc i pueresc saràl for zeche da maië.” Da n chël di se à chësta doi persones ancuntà uni di zënza mei rujené dl passà. Chësta storia uel nes dì che la richëza, la superbia y la lussuria ne va nia sëura la redlëza ora. L’amor y l respet per l proscimo dura per for. Giancarlo Zanotti


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 38 / 28 de setember 2012

Fodom

5 mile vijitadous nte doi meisc: l Ciastel d’Andrac l plèsc Suzess per la pruma isté de giourida. Per i agn che ven se pensa de ospité mostre d’ert

Daite dal ciastel (foto Giorgo Dalvit)

Na veduda da un dei vieresc. (foto Giorgio Dalvit)

La strutura del tët.

Ciastel - L ciastel d’Andrac l “sgola” del viers dei 5000 vijitadous nte sua pruma isté che l é dalviert. L’Andrazmuseum, coche la lege del marketing l’à batié chël che resta dei mur, restaurei, del ciastel fat su su na crëpa destacada dal Sass de Stria, l se confermeia coscita n’atrazion cultural da le potenzialité ncora dute da sfruté.Chësta isté l’é stada la mujica a la fè da parona ntra chi mur, con conzerc de cori, bánde e ensamble de mujica rinascimental. Ma ntel davignì l Comun, che à n gestion la strutura, l à n mente de ospité laìte mostre d’èrt. Entusiast de l’idea ence l critico d’ert Vittorio Sgarbi, che le setemane passade l à vijité l ciastel.

giourì l 30 de jugn). Soradut se se conscidereia che no son drio a descore de na strutura ntamez o damprò a nen paisc o zité. Ma a 1900 metri, japé al Col de Lana, Sass de Stria e Lagazuoi, dalonc da la strada Sr 48 de le Dolomiti n per de chilometri de strada demè ngiarada e che no fossa spò n’erejia che la Sourantendenza lasce asfalté, ence perciéche la ven dourada da chi da Ciastel.

plastico del ciastel, coscita coche l eva a la fin del 1500 e de autri che raprejenteia l teritorio dintournvia. E po su, fin sul tët de viere e fiern, da ulache se se giaut na veduda che da sola la se paia i 5 euro del bilieto. Nte ogni ciauna l’é na tabela co la descrizion. Ma la meio roba da fé l é se tò l’audioguida (i plu tradizionalisć i po’ se compré la

N mujeo a 1900 metri Descore de suzes per la giourida trèsfora del ciastel d’Andrac davò i laour realizei grazie al proget “Transmuseum”, che l à fat deventé n mujeo a duc i efec, l é cuaji sconté a conté i vijitadous ruei adalerch nte puoch plu de doi meisc (l é ste

I laour I prums laour ntel ciastel la Sourantendenza la i ava scomencei ntel 1986 e po a struf, mán mán che vigniva stanziei i finanziamenc (ndut zirac 1,5 milioni de euro) i é jus nnavánt fin al 2002. Co i prums laour l eva ste plucheauter neté fora le murade tomade ju per via del temp e i bombardamenc de la Pruma Viera. Bele a la fin dei agn ’70 l eva ste fat nvalgugn laour provijori perciéche no tome ju autri toc de murade. Ma tecniche e materiai dourei n chël viade no i

L ciastel l é simbol de cultura e tradizion da Fodom. (foto Giorgio Dalvit)

paissnëva co le carateristiche de chi mur, tánt che ntei agn davò fossa ste trat ju dut chël che l eva ste fat su. Co s’à scomencé a remoné su sasc e murade fossa l é sauté fora dute chële struture e luosc (sciale de sasc, fonc, pèrt de len) de chi sèlf, o de ci che resta, che ncuoi se po’ vijité. Davò l é ste fat su i prum laour per mëte dut adasosta e renforzé, fin a cánche l é ste fat su le sciale de fièrn che mpermët de podei su per l ciastel e l tët de fiern e viere che tánte discuscion (e chelche polemica) l à mpié su. Ntei agn passèi l eva ste prové de giourì l ciastel via per l’isté. Ma manciëva deldut le indicazion, n percors logico, i servisc; ence demè la bilieteria o na sela. Chël che l é ste fat grazie ai finanziamenc del proget Interreg IV “Transmunesum” (zirca 350 mile euro).

“vegla” guida stampada”) o se prenoté per le vijite visade che ven metù a jì ogni mertesc. Pe la maiou pert bogn i comenc de i vijitadous sul liber dei ospiti (l di de maiou laour se n’à conté ben 200). Dassën contenc ence i sciori che ven nta Fodom da plu agn. “Finalmente davò 30 agn on podù vignì a vedei l ciastel” à dit valgugn. (sl)

L mujeo La vijita la se slongia sui 5 “liviei” del ciastel. Se scomencia dal pré ntra i mur de protezion e i sèlf deforavia, ulache l é ence la bilieteria. Chilò se passa, tra mur che sua fora storia e mister, da la śòna archeologca de la capela dedicada a S.Raffaele, a la ciauna dei capitani, le ciaunedemur dei vins e dei formai, le perjon e l magazin del orde e de la blava. Al secondo livel l é la ciauna socrëta, ulache, cuaji segur, i capitagn i tigniva le cherte e ulache l Cardinal Cusano, gran matematico e filosofo del 15° scecol che nteò ciastel l ava vivëst per nvalgugn agn, l studiáva le stële da nen busc ntel mur che ncora ncuoi se veiga. Nte la ciaunademur del orde se po’ cialé na proiezion multimedial che conta la storia e l’architetura del ciastel. Nte autre ciaune l é ste metù n

Daite o defora: l luoch se adata polito ence a fé mujica.

Sun tët.

Tabele e orari: vèlch da milioré Ciastel 2 - Un dei prums intervenc che l Comun mossarà pensé bele per la stagion che ven l é chël de la segnaletica. Che ades come ades la máncia cuaji deldut. Che segnaleia l ciastel l é demè na tabela ulache se gira via a Ciastel, su la Sr 48 de le Dolomiti. Sciode che l siebe

metù del medemo viers che va le machine, coscita che l é difizile l vedei per temp. Se po’ parchegeia davánt na machina o peśo na coriera, no l veiga plu degugn. N volëssa un mpruma del cërnadou, da na pert e da chël’autra e n auter bel dilongia. Le indicazion po’ volëssa bele podei le ciapé da Ciaurì nsu per chi che ven dal

Agordin e su per Valparola e a Cortina per chi che ven dal Val Badia e Ciadoure. Valgugn che à pensé al inom “ciastel d’andrac” i é jus al cherì proprio nt’Andrac. Trop damané dai turisć ence n pico bar damprò o japé l ciastel. Son très a 1900 metri e vèlch de ciaut, souradut nte chèlche giornada, ndeletëssa. Nte le longie

giornade de agost i sciori i rua scialdi tèrt sul davòmesdì e i resat ilò gënn ence fin davò le 6, cánche siera ciastel, che spò l podëssa ester saré ncin plu tert. Ma l é l prum ann e dut se po’ fè meio decannavò. L Comun l podarà ence capì meio ulà e come ntervegnì, grazie al cuestionar njigné ca dal Istitut

Cèsa de Jan, che l é ste damané de scrivefòra ai vijitadous. Per chi che volëssa ncora n’aprofité de le bele giornade de setembre, cánche i bòsć su per Fauzare i scinca bele i colour e i tof del auton, l ciastel l restarà dalviert fin a domënia 30 de setembre. L lunesc l é saré.

www.lauscdiladins.com

17


Fodom

nr. 38 / 28 de setember 2012

“Arabba Fly” l’é tacada al fil del acordo con Sofma Ma la sozieté no s’à prejenté a la prejentazion del proget de la Sit Boè schiadous che mossëva caminé ntel pantán.

N pilon per doi segiovie

La stazion de la nuova segiovia da la pert de Burz.

Rèba - L plèsc l nuof proget per la segiovia “Arabba Fly” presenté al publico n vender passé ntel sèlf dei congresc da la Sit Boè. L intervent, che milioreia, drio chël che à dit i progetisć, l proget presenté da la passada aministrazion per ciapé na soluzion al atraversament coi schi de Rèba ( che l eva sté fermé da la medema Sit Boè ), l é ste aprezé da dute le categorie economiche

nteresciade: albergadous, maestri de chi e dai medemi zitadins. Resta mpé la cuestion del acordo co la Sofma. Una de le stazion de la segiovia l’assa da vignì fata, come ntel “vegle” proget, damprò a “sue” piste. Ma chël che podëssa feré n’acordánza, l é plucheauter l fat che la segiovia la passa, sepur de puoch, soura a la perveduda śona alberghiera de “Sorieghe”, che la Sofma da 30 agn la prova de realiśé. “Volón che siebe na riunion costrutiva” à dit nte le parole de presentazion Diego De Battista, consiadou del consei de aministrazion de la Sit Boè.

Situazion che ne scualificheia

Na veduda dal aut de la nuova linea de la segiovia.

La presentazion tecnica del proget l’é stada curada dal insenier Andrea Gobber, del studio “Ingegneria per la montagna”, che l à recordé n curt i problemi, perauter bele assè cugniscius, del atraversament atual: l encrojament ( pericolous ) co la Sr 48 de chi dai schi, che i mossa passé a pé da nen comprensor al auter e la congestion de la śona davánt a la segiovia del Burz. Na situazion che Gobber l à defininì “scualificánta per Rèba e per duta la Selalronda”. Coche d’autra pert à desmostré ncora nviade le polemiche nasciude per la foto, publicada sui giornai e su internet d’aiusciuda via, dei

La linea de la nuova segiovia la va zirca davò a chëla del proget del Comun, mefo “girada” de 15 gradi e plu longia de zirca 100. L impiánto pervedù l sarà tres na segiovia da cater pòsć fiscia, co nen tapis roulantes per mpermëte de monté su plu saurì. La vera novité l’é nte la soluzion studiada da la pert del Burz. Ntel vegle proget, la stazion la tomëva ntamez a la pista “Variante Burz”. Per fè i doi racordi de pista che mpermëte ai schiadous de podei prò e sen jì deméz da la segiovia, s’assa mossù tò deméz l skilift “Due Baite”, che l sierf ence come ciámp scola. Condizion chëste che la Sit Boè no n ava azeté. La nuova stazion l’é stada perveduda ulache ades rua l skilift, che l vignissa scurté de zirca 50 metri. Chësta colocazion fèsc si che “Arabba Fly” la vade a se ncrojé co la segiovia del “Burz” ( Arabba Fly passarà plu bassa ). La soluzion l’é stada chëla de douré l medemo pilon ( l numer 4 de la Burz ), per dute doi le segiovie. Na soluzion tecnica che l’é bele stada dourada autrò, n Italia e foravia. Chëst mpermetëssa spò de “sparagné” n pilon, con mánco impat ambiental. “Chësta colocazion de la stazion – a dit Gobber – ne mpermët de despartì i schiadous che ven da la Sellaronda, da chi che va e ven da la nuova segiovia e da chi del skilift “Due Baite”, che na outa scurté, l podëssa deventé ncora plu funzional come ciámp scola. Da la pèrt de “Chël Vësco” la nuova stazion l’é stada perveduda 40 metri plu nju, damprò a ulache se ncroja le piste “Sourasass” e “Pordoi”, da ulache l é pervedù de fè doi skiweg de azess a la nuova segiovia. Chëst spostament plu n bass de la stazion, se da na pert l empermët de ste plu dalonc da le cèse ntra Rèba e Precumon, l porta la nuova segiovia a passé, ence se de puoch, soura a la lotizazion de “Sorieghe”. Da le cherte presentade se jissa demè a passé soura n parchegio dei auti. Ma l insenier Tito De Biasio, ntervegnù nte la discuscion, l à dit

Da la pert de Chël Vësco la stazion resta meśa sconuda dal bòsch.

che forsci nveze se rua damprò a un dei alberghi pervedus ntel Plán Atuatif de Sorieghe, che dël stëss a progeté. Per chëst l à damané che la cuestion se i é ciale soura co la Sofma. Nel proget l é ste cialé de to duc chi acorgimenc che mpermët de scone, plu che se po’, la nuova segiovia ntel ambient (n magazin per mëte via le carieghe d’isté e nvalgugn elbri che scon la stazion da la pert de Chël Vësco e antolèi de len dintourn a le barache per l personal e de comándo de la segiovia.

L “dubio” Sofma Come dit l proget l é ste aprezé da la tropa jent ntervegnuda a la riunion, coche testimonieia le parole de chi é ntervegnus per di la sua. Ma chisc aprezamenc i é ste duc acompagnei ence dal dal dubio sul fat che no siebe bele n acordo

davántfòra co la Sofma. Coche a lascé da ntëne l assessor Lorenzo Pellegrini, sol rapresentánt de l’aministrazion a ntervegnì nte la discuscion. Nte sua replica, De Battista l s’à dit ndesplajù de no vedei a la riunion degun raprejentánt (che l eva ste nvié) de la Sofma. Ma l à spieghé che nte na riunion n Provinzia, l’eva stada proprio la Sofma a de su l’enciaria a la Sit Boè de “porté a cèsa n proget” e che Sofma l’à bele vedù ulache l é ste pervedù de fè passé la nuova linea de la segiovia. Bastarlo chëst perciéche se rue a nen acordo e a ciapé, se Dio vòl, la soluzion a chëst problema che se tira davò da agn anorum ? “Nos on porté le noste idee e nte chëste cherdon – a dit De Battista per saré ite la riunion. “Son dalvierc a la discuscion. Penson a laoron duc auna per n “sistema paisc”. L é per l ben de duc.” (Lorenzo Soratroi)

Na veduda de ulache vignissa le doi stazion.

I scizeri a tout sarevede da don Vito N preve che à tres tignù su le tradizion ladine Associazion - La compagnia dei scizeri da Fodom, en vender ai 7 de setembre, l’à volù tò sarevede da Don Vito che, per decijion de la Dioceji, l mossarà sen jì da Rèba e da Fodom perciéche destiné a nvalgune paròchie del Ciadoure. Don Vito l à dagnára aprijé l patrimonio religious-cultural de nòsta val, en particolar chël de nòste tradizion ladine. I scizeri i à volù mostré recugniscënza de chëst e tò sarevde co na cena duc auna nte na cèsa da contadins, a Sot Ciastel fòra en val Badia. Nte sta ocajion i à cianté na sciona che publicon chilò desot.

18

www.lauscdiladins.com

A don Vito Son chiò a tò sarevede A un che n’à nsigné la fede L sen va via per l Ciadoure a fe l paster de le cioure. (Rit.) Resta cassù, don Vito Resta cassù, cassù. Cassù de sot l Portados t’as maridétánc de morosc E da chi pichi e chi gragn t’as parè via i riei malagn. Co te sone le ciampane Duc ven fora da le tane. Co te descore sun auté duc sta chiec a te souté. Ma se le predighe i é longe I no ten fora pa a le longe.

I sen va al bar del Peter a se beibe en bon liter. Ti te vive nte calonica, senza cuoga, senza monia. Ma co te fèje da mangé, l fum l rua fin ja La Plié. Ti dei schützne t’es amico en amico gnánca tánt pico. Religion e tradizion te racomane al nost ploton. Co te vignaras a ne ciaté saron chilò a te speté. Duc te giourirà la porta e i te darà ence la scorta. Ades fajon en bel cin ci Co nen calesc de bon vin. Te augurno de dut nòst cuor Che te compagne nost Signour.

I scizeri i à volù saludé don Vito n compagnia mpruma che l pèrte da Fodom deméz.


Fodom

nr. 38 / 28 de setember 2012

“Benvegnù don Dario, benvegnù scior pleván” La comunité da Fodom l à acòlto e saludé co a gran festa don Dario, nuof pleván da La Plié e Rèba e l significat de l’autorité i é stei i temi tochei da don Dario nte sua pruma perdìca. “Son chilò per servì, no per ester servì – l à dit.” A la fin de la funzion l Damiano Demattia l à liet ju l salut ufizial da pert del consei parochial. A don Dario l à damané, de no desmentié de le 10 gliejie fora per le frazion e per chël che se ciafiarà, de fè na mëssa ogni tánt per le persone de temp, che l’aprezarà de segur deplù de chëla scoutada a la televijion. E co avarei debujen – l à saré ite – peté n crai che valgugn vémpa ben a daidé.” Davò l é vignù l ritual de la consegna ufizial de le clé de la gliejia. Momenc de la gran festa.

La Plié - Duta la plaza che ciánta “Ulà che la Marmolada” su le note sonade da la Bánda da Fodom e po’ trei falconëc sbarei dai scizeri. Coscita ndomënia passada la comunité da Fodom l’à dé l suo benvegnù al nuof degán e pleván de le doi parochie de La Plié e Rèba, don Dario Fontana. “No n eve mèi ciapé na tèl acolienza” l à dit plu tert ntánt la sua pruma mëssa. Fodom s’à prejenté davánt a suo nuof, e sol, preve, con dut chël che l a e per chël che l é. Na comunité viva, tacada a la gliejia, con trope associazion e orgoliosa de sue tradizion.

N paisc vestì su da festa. Don Dario l é rué puntual nte plaza davánt gliejia da le trei e mesa co la machina che l portëva da Belum su. Al speté, bele da plu de mes’ora, autorité, raprejentánc de le associazion, ogniuna con sua mondura, trope ële co l guánt da fodoma e n paisc vestì su da festa, co le bandiere co i inoms de le vijinánze su per la Cèsa de Comun e la calonia e l bel arco de dasce con scrit “Don Dario benvenuto” e da l’autra “Diovelpaie scior pleván.” Apëna fora de machina, co nen bel sorijo, forsci ence per la bela soèja de colour e jent che l ava davánt l

é ste saludé per prum dal Capocomun Ugo Ruaz, i raprejentánc del consei pastoral e dal rest de la jonta de comun. Co la mujiga da fodom l’à ntoné le prume note de la “Bozner Bergsteigermarsch”, duta la plaza, come muota da istint, l’a scomencé a cianté “Ula che la Marmolada.” N moment de gran emozion.

L salut a le associazion. Don Dario l é ste spò acompagné a saludé dute le associazion metude su a ie fè da gherlánda. L a strent mán a duc e per duc l a bu na parola. Souradut per le trei tosate del Pico Coro Col de Lana che le i a spòrt n maz de ciof come senn de benvegnù.

descomede, ulache l é difizile se sposté da na pert a l’autra. Ma vos sei n om da mont e no ve sprigolarei. De contra la religiosité de la jent ladina che ncora ne caraterizeia, la ne dáidarà a se nconté e colaboré.” Co nen sincronism svizero, a la fin del discorso, s’à sentù i trei colp dei falconëc sbarei dai scizeri, coche l eva nlouta tradizion fè da le gran feste.

Don Luigi:”Fodom, tiera de miscionari e tradizion. T’es n pleván fortuné Con ordine la jent e le associazion i a scomencé a se n jì nte na gliejia bele plena de jent, ntánt che l òrghen l deva flé a le cane e l Coro S.Iaco

sotlineëva co l cianté, la solenité de l’ocajion. Coscita come l Pico Coro Col de Lana. Ntra la jent ence troc ex parochiagn de don Dario, rue con coriere e auti per l acompagné e saludé nte sua nuova destinazion, auna a ben siech prevesc. Tra chisc l Vicar General don Luigi Del Favero che ntel scomencé la funzion l à liet ju l at del Vësco che nomina don Dario degán del Decanat da Fodom. “Chilò te respiraras aria miscionaria – l à dit don Luigi nte la perdìca. “L vánto plu gran de Fodom l é avei na mucia de miscionari ntourn per l mondo, che te daidarà a ester ence ti miscionar. Chilò – l a continué – la fede l’à reisc sot, coche t’as podù vedei da chëste tradizion. T’es n pleván fortuné.” La Mëssa, la fameia

Don Dario:”Desturbei se no ve veighe” Mpruma de la benediscion, co na comozion che se ie liejëva ntei ogli, don Dario l à dit nvalgune parole a la comunité. “No n é mèi bu na tèl acolienza. A la mia etè per l’esperienza de vita no cherdëva de prové zerte emozion. Nveze ncuoi m’è emozioné. Na roba ve racomane fin da ades. Co vignarei nte calonia no sté mèi a di “scusé de desturbe”. Me desturbei se no vignei, se no ve fajei vedei.” Parole che à fat pié via n batimán senzier.” Davò mëssa la jent l’à podù saludé l nuof pleván ntei self de la calonia, ulache l eva ste paricé n bon marendel. Benvegnù nta Fodom, benvegnù n tiera ladina don Dario. (ls)

Ruaz:”Ve speta n gran laour” Nte suo salut ufizial da pert de l’aministrazion, l Capocomun l à dit de “ester content del acolie nte na comunité che, sepur picola, la savarà da ie de le sodisfazion che l se merita. Se rendon cont de ie de su na situazion per nia saurida – l à continué. “Nte chisc temp de criji ence le parochie le mossa se adegué e l laour che ve speta l é de mossei cialé soura a puoce anime, ma despartide nte trope frazion,

www.lauscdiladins.com

19


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

nr. 38 / 28 de setember 2012

I pastore noe de ra comunità de Anpezo Chera baraca in Tofana Muda el pioan, muda el pree che i dia ‘na man: ra parochia de i sante Felipo e Iaco ra saluda don Sirio e don Alberto, ra azeta don Paolo e don Fabiano

Da trenta ane, se pó ciatà alośo, intrà chera vecia brees de len, betudes da i Alpis. Un gramarzé a ci che r’à fata fora

Don Sirio da Corte ‘l à beleche lascià Anpezo, par s’in tornà agnó che ‘l ea ignante de vegnì ca, inze ‘l santuario de ra Madona, su ‘l Nevegal, sora Belun.

Don Sirio Da Corte disc mesa, su in son de Tofana, a pi de 3.000 metre.

Ci che moe, ci che rua, inze ra parochia de Anpezo. Don Sirio da Corte ‘l à beleche lascià el so posto, par tornà a lourà su ‘l Nevegal, sora Belun, agnó che ‘l è el santuario de ra Madona de Lourdes. Domegna ai 23 de setenbre ‘l à saludà, senza tanto susuro, canche ‘l à dito mesa granda, dares 9. “Son ruà intrà de vośoutre ai 22 de febraro, in ponta de pes, pioan a tenpo, parcé che saee che arae abù da m’in śì, poco dapò. Ca inze ‘l vosc paes son stà azetà polito, ei acaro de ese stà ca con vośoutre. I digo gramarzé a ‘l Signor, de chesto, e a dute chi che i m’à dià ‘na man. Ei vardà de fei meo che podee, anche se sei che arae podù fei depì, e meo. Ve domando de aé pi fiduzia par ra vostra parochia, che r’é bona, che ra pó fei tropo de ‘l ben. Dajei un bon azeto a ‘l pioan noo: ‘l é un don de el Signor, par ra vostra comunità, e diai ‘na man, parcé che no basta un pree noo, par fei ‘na parochia noa; una comunità cristiana r’à biśoin de dute, che i daghe ‘na man. E aduna con don Paolo Arnoldo, azetà polito anche don Fabiano Del Favero”. De ‘l dapò disnà, don Sirio el s’à ciatà co ra comunità de Anpezo,

Ce elo de meo, par sarà ra stajon de laoro d’istade, de i dì gramarzé a calchedun che à lourà, che à fato algo de bon e de bel, par chi outre. Coscita i à pensà, chi de i inpiante de Tofana, par recordà ra parsones che à fato fora, śa trenta ane, ra vecia baraca de len, che r’ea stada lasciada da i Alpis, de ra Prima guera, sote ra zima, sora de ‘l Formenton, a śì su da Ra Vales. Inze chel sito, ancuoi, ciata alośo ci che và a fei i troes, ra vies, ra ferates de Tofana. Algo de bel, a dromì lasù e se descedà, alolo bonora, canche vien lustro, par vede el soroio che lea, fora in son de ra val. Domegna ai 16 de setenbre, da bonora, a dì mesa ‘l é stà don Sirio Da Corte, poco ignante de lascià el nosc paes, ra nostra parochia, co ‘l coro Monte Civetta da Aleghe che ciantaa alcuanta canzos, de ra soes. El storico Paolo Giacomel ‘l à dito calche parola, ‘l à contà algo, de chel che ‘l é suzedù, in tenpo de guera, deboto śa zento ane, su par chera croda. Intrà ra autoritàs, ‘l é stà Giovanna Martinolli, loudaduó de el Comun de Anpezo, a dì cemodo che ra nostra śente r’é leada a ra so tèra, e r’é senpre pronta a dià ‘na man, a fei algo par chi outre, canche

par se parecià a i sporśe un bon azeto a ‘l pioan noo, che el rua domegna ai 30 de setenbre. Chel di se moarà da bonora, dares 9.30, daante a ra calonega, su par piaza, co ra Banda, in portiscion, par ruà inze jeja dares 10. A dì mesa sarà don Luigi Del Favero, vicario jeneral de ra diocesi de Belun – Feltre, aduna con chi outre prees, ma manciarà don Sirio e don Alberto Ganz. “Ei acaro che dapò de me rue don Fabiano Del Favero – el me disc don Ganz – parcé che el conoscio polito e sei cemodo che el laora: ‘l é ruà dapò de me, canche see a Agordo, par stà co i śoen, e ‘l à fato polito. Par chesto ei acaro che el me viene drio, anche in Anpezo, par portà inaante el me laoro, che ei fato fin ancuoi”. Don Fabiano Del Favero ‘l à trenta ane, ‘l é nasciù de ‘l 1982, in Jermania, agnó che ‘l ea i soi, śente de ‘l Cadore, par lourà. So pare ‘l é da Piee, de ‘l vilajo de Nebiù, so mare ‘l é da Lozo. A scora ‘l é śù in Auronzo, inze ‘l liceo linguistico, dapò ‘l é stà in seminario Gregorian, a Belun, e ‘l é deentà pree de śugno de ‘l 2009. In Anpezo el lourarà aduna con don Paolo Arnoldo, el noo piaon, che ‘l é nasciù a Goima, in Zoldo,

Don Alberto Ganz el resta in Anpezo fin a i 28 de otobre: chel di el dijarà mesa, par saludà e sporśe un gramarzé a dura ra comunità.

20

www.lauscdiladins.com

de ‘l 1945, e che el rua inze ‘l nosc paes dapò de aé lourà par trenta ane a Bolzan e ‘pò a Meran. “Don Arnoldo ‘l é beleche stà ca, in Anpezo, par se ciatà con nośoutre, par se parlà – el me conta don Alberto Ganz – e ‘pò ‘l é stà alcuante dis in Zoldo, a ciaśa soa, ignante de vegnì ca; ‘l à lascià, da alcuanta setemanes, ra so parochia de Meran. Con el ón ciacolà nafré, i ón dito algo de chel che ‘l à da se spetà”. Don Alberto Ganz el saludarà ra comunità de Anpezo domegna ai 28 de otobre, dapò cuatro ane. El manciarà ignante, gouja che el s’in và, alcuante dis, con chi de el Cai, a fei un viaśo. Inze ‘l nosc paes ‘l à lourà co i śoen, par el Grest, e con chi pi vece, par el grupo Genziana, e dute i s’à ciatà ben, con el. “Ca ‘l é stà bel, ei ciatà cioudo, i m’à dute dià. Un bel laoro, che el m’à fato cresce. No penso che see difizile, par un pree, par un pioan, lourà e vive in Anpezo, cemodo che i à dito. Son seguro che ra parochia de Anpezo r’é outramente da duta ches’outres, de ra diocesi: ‘l é un grun de parsones, pi che see in stajon, ‘l é tropo da fei, da i stà drio a i afare, a ra ciaśes, a i fonde. El pioan ‘l à da ese nafré pastor, nafré aministrator, con trope lourantes sote de el. E ‘pò t’as dute śo par sora, che i tende a ce che te fesc, inze ‘l paes e fora. T’as ra stanpa, de duta Italia, che i tende a duta ra paroles che te disc, a chel che te fesc. Ma io son parsuaśo che ra faza de ‘l paes, che vien fora da ra stanpa, da i media, ra no n’é chera vera. El paes ‘l é fato de bona śente, de braa parsones, de families. Io m’ei ciatà polito, con dute. Ei podù lourà e ei ciatà un grun de parsones con chera de lourà con me. Ra comunità r’é viva. Ca te sentes che i à acaro de el to laoro. Ignante de duto, ei da i dì gramarzé a chi che ei abù pi pede, a ‘l parsonal de ra parochia, ara sacretaries, a ‘l monego, che i m’à dià a stà chieto, a vive polito, anche canche ‘l ea tropo susuro, duto intorno a nośoutre”. (Mdm)

ocore, canche ‘l é biśsoin. R’à śontà outra paroles, par chesto, Paola Valle de Moris, presidente de ra sezion de Anpezo de el Club alpin talian. Dinultima ‘l é stà ra zerimonia, con Roberto Rimoldi Milan, caposervizio de chi inpiante, che i à sporto un pefel a dute chi che à lourà, par comedà fora chera baraca. Ignante de duto, ‘l à recordà chi tre che no n’é pi, parcé che i é manciade inze chiste trenta ane: Lindo Marinello, Giorgio Piccoliori e Battista Rezzara. Par lore, ‘l ea calchedun de ra so familia, a ciapà chesta carta. Chi outre gnomes ‘l é Vittorio Alverà, Giorgio Bolognani, Mario Da Col, Mario Dallago, Walter Dallago, Renzo De Zolt, Silvio De Zolt, Santo Doriguzzi, Fabrizio Genova, Roberto Larese, Silvio Marinello, Giusto Pascoli, Armando Pescador. Cemodo se dijelo? Che dute i salme fenisce in Gloria? Ben, r’é śuda coscita anche ca, canche i é tornade śo da Tofana, co ra teleferica, fin in Col Druscié, agnó che i s’à ciatà, su ‘l sorei de el rifujo, co ‘l coro che ciantaa, ‘na beerela e algo de bon e de dolze par dute. Anche par se saludà, par un bel un a se reede, a ‘sto inverno. (Mdm)

I premiade par el laoro fato in Tofana, śa trenta ane, par comedà fora ra vecia baraca de len.


Anpezo

nr. 38 / 28 de setember 2012

Gramarzé Teśele

Su ‘l ospedal, agnó che se vó

Ra pajines de Anpezo de La Usc di Ladins ‘s é pi poeretes, restades senza Teśele. Una vita intiera de amor par ra so tèra, ra parlada, ra storia de el paes

El despiazer de i anpezane, par no podé curà fora agnó se fei portà, canche ocore

familia, de i Pelele, de ‘l laoro śo a Cianpo, a jetà bronśo, nafré artejane, nafré artistes, nafré strioi. Zentenera de scrite de Teśele, pasade par chesta redazion, e mai una parola catìa, mai nuia che no fose amor. Teśele r’ea una femena, una parsona bona. De inze, inze ‘l so cuore, ra no saea ce che vó dì el mal. In vita, r’à ciapà pi de un premio, da ra so śente, da ’l so paes. I é finamai suzedù de sentì ciantà ra so canzos, mangare da i pizete, par ladin anpezan, cemodo che ‘l é suzedù de ‘l 2004, par “Ciantà con nos”. Ra Union de i ladis de Anpezo i à fato onor, ai 26 Ai 26 de maśo de ‘l 2010 Teśele r’à lieto de maśo de ‘l 2010, a ra foula alcuanta so poeśies e canzos, a ra foula granda, canche ‘l é stà stanpà granda de r’Ulda, da chel libreto stanpà un libro, co i so sonete, ra so canzos, e era r’à lieto alcuante da r’Union. verse, daante a dute, e dute i Su La Usc di Ladins de i 8 de à petà ra mas, i à dito gramarzé. śugno ‘l é stà betù fora el soneto Par anes anorum r’à lourà par I “El tenporal”: ‘l é ‘l ultimo scrito Ladis, inze ‘l consilio de r’Ulda, de Teresa Michielli Pelele, senpre con bona idees, senpre con maridada Hirschstein. Par dute bona paroles par dute. Ancuoi ‘l nośoutre, in Anpezo, Teśele Ris- é Elsa Zardini Soriza, presidente cia, da ‘l soragnon de ciaśa de so de r’Ulda, a portà un recordo de on Joani. Teśele r’é conosciuda Teśele: “Inze chesto momento coscita anche fora da ‘l paes, da ci che lieśe chesta gaśeta, parcé che r’à bel par nośoutre de La Usc di scrito tanto, de duto. Se śon a vede Ladins, canche son drio a fei festa, chesto an, i prime mesc, se ciata par aé ciapà el premio Klaus vinte scrite, pi che see de atualità, Gatterer, che el me rua da Viena, de chel che suzede inze ‘l paes, se ciaton a portà despiajé par ra parcé che r’ea senpre de sguaita, nostra Teśele. Con era, vien a ra i tendea, ra se informaa, ra vorea mancià una de ra memoria saé, e ‘pò ra contaa, a ra so moda. storiches de el paes. Par La Usc, Ai 4 de maśo r’aea scrito de ‘na mancia ‘na colona, parcé che manifestazion de arte, śo par chesta gaśeta ra no vive solo de el Milan, da un anpezan, con zento laoro de i jornalistes, ma pi che Criste, fate da zento artistes. Dapò see de chel che scrie ra śente, che ra no n’é pi stada ben, r’à abù da à amor par ra cultura, ra parlada, lascià via, r’é stada su ‘l ospedal, ra storia de i Ladis”. Ce ara fato Teśele par Anpezo? e a La Usc ‘l é mancià i so scrite. Ma algo, che ‘l ea stà betù via, che “R’à vito una vita intiera par el no n’ea stà publicà, el vedaron ra so paes. Pede a chel che r’à fato in ciaśa, co ra so familia, par laoro, setemanes che vien. Inze i so scrite se ciata de spes co i so fioi, r’é stada bona de donà algo de storia, ma no de chera che el so tenpo e el so saé par el se lieśe su i libre: era ra contaa ra vocabolario de ra Regoles, par i storia pizora e vera, de ra śente, so scrite, i so sonete, ra poesies, de i por ome e femenes, che i se r’à senpre portà i nostre sarvije ciataa de spes da banda pizora. da festa de ra tradizion. Inze una Cuanta otes one lieto de ra so parola, r’à senpre abù amor par el

Parcé ra śente de Anpezo no pora śì su ‘l ospedal che ra vó, se ‘l é biśoin, se suzede algo de burto, se ‘l é prescia? A se ‘l domandà ‘l é Amelia Menardi de ‘l Belin, che r’à scrito ‘na letra, dapò che r’à abù biśoin, par so òn. “Tropa parsones de Anpezo, pi che see cheres pi inaante co i anes, ‘s é uśades a śì su ‘l ospedal de San Candel, canche ‘l é biśoin, e ‘s é pi segures, parcé che là i sà duto, i conosce ra parsones. Inveze, canche ‘l é biśoin de moe de coren, che suzede algo, ra anbulanzes de ra Crosc Bianca es te mena fora a Piee”. Inze ra so letra, Amelia de ‘l Belin ra se recorda de canche s’à scomenzà, co ra anbulanza de ‘l Comun, e ‘l ea anche era, a dià ‘na man. “Dapò, de ‘l 1976, duto ‘l é pasà sote Bolzan, ‘l é nasciù ra Crosc Bianca. Ades ‘l é un grun de anbulanzes, una pi bela de cher’outra, con duto chel che ocore, par dià ra śente, ‘l é un grun de vorentie che dia ‘na man. Sarae da aé acaro, de duto chesto. Inveze

so paes”. Ce me restelo, a nośoutre, de chel che r’à fato Teśele? “Me restarà i recorde. Ciantaron ra so canzos. Podaron lieśe ra so poesies, podaron recordà duto chel che ra m’à contà, de ra vita de Anpezo de ‘na ota: ‘l é duto scrito, negro su bianco, e el me restarà. Nośoutre vardaron de el portà inaante, a ra jenerazios che vien, parcé che el no vade strazà. Chesto ‘l é chel che podon fei, par onorà ra so memoria”. A Teśele i restarà un monumento, inze ‘l paes, par duta ra ciaśes de i anpezane, che i à amor par ra so parlada: ‘l é el vocabolario de ra Regoles. Par chesto r’aea lourà par anes, aduna con chi outre, de el comitato. Alcuanta paroles, dites co ‘l cuor, es me rua da Elisabetta Menardi Diornista: “Gramarzé Teśele. Gramarzé parcé che sé stada una femena piena de vita, parcé che no v’ei mai sentù a dì mal de calchedun, aé laorà ‘na vita intiera e bela longa par i vostre fioi e anche par el paes, sé senpre stada pronta a dià ci che aea biśoin. Gramarzé par duta ra ridudes che s’ón fato intanto che betaón aduna el vocabolario, par ogni ota che aé vardà de me bete d’acordo e par dutacuanta ra stories che m’aé contà. Gramarzé par i tante vostre scrite par anpezan, par ra poesies e dute i gnomes de i pize da prima conunion che aé parecià co ra vostra bela grafia. E ‘pò ancora grazie par cemodo che aé pasà ste ultime mes de dolor. Anche ferma su na carega, co ra janba fasciades e ra canoletes che ve tormentaa, aé senpre vardà inaante con corajo, senza paura e ben salda che el Signor saéa cemodo. Gramarzé Teśele par duto el ben che m’aé vorù”. El di de ra sepoltura, lunes pasà, a ra portà ‘l é stà alcuante ome de ra Union de i Ladis de Anpezo, chi de el consilio, i revisore de i conte, chi de ra redazion. Inze jeja, ‘l é stà lieto śo ‘na orazion a ra Madona de ra Difesa, che Teśele r’ea tanto devota. Se ciata chesta paroles anche inze ‘l libro su ra “Madona”, stanpà da r’Ulda ‘sto an, voltades par anpezan da Teśele.

Una orazion vecia a ra Madona de ra Difesa Sote ra To protezion tiéneme, e te invocon, beata Verjine de ra Difesa, Santa Mare de el Signor, invocon ra protezion toa par duto chel che ón biśoin inze ‘l bel e inze ‘l burto de ra vita. Scota ra nostra orazios, libereme senpre da dute i pericole, o Verjine benedeta, avocata nostra. See senpre pede a nośoutre e, aduna co ‘l Signor e co i Sante, protejeme e benedisce dute cuante. Ciantà con nos de ‘l 2004: i pizete de duta ra Ladinia, aduna in Anpezo, par ciantà co ra so bela vojetes, su i verse de Teśele Hirschstein. Intrà de lore, ra scota i so sentimente, el so amor, che deenta canzon.

Ra redazion de Anpezo de La Usc di Ladins

calcheota, anche inze ‘l bel, ‘l é algo de burto. Canche t’i ciames, i te disc che i no pó te menà a San Candel, ma i à da te menà par fora a Piee. Se te vos śì a San Candel, t’as da spetà che see un’outra anbulanza da podé te menà. T’as da te ra pagà e no te pos aé el dotor o ‘l inferimier che te dia ‘na man. Coscita tropa śente moe co ra so machina, con calchedun de ciaśa, o i tocia ciamà un taxi, un automobile da nolo. I me disc che ‘l é coscita, par duta Italia, che co ra anbulanzes i te mena su ‘l ospedal che i vó lore”. Dinultima Amelia de ‘l belin ra se domanda algo de outro: “Ra Crosc Bianca ra vien da Bolzan in fora; San Candel ‘l é in provinzia de Bolzan e trope de Anpezo i à domandà, de ‘l 2007, de pasà da chera, de tornà inze ‘l Sudtirol. Parcé ra doa Rejos no se beteres d’acordo? Con nafré de bona voia de fei de ‘l ben, se podarae śì adora a bete a posto chesta situazion, voruda da ra burocrazia, che in Italia ra pó duto”.

Par Botestagno, algo depì Ra storia de chel castel, inze un sito da fei conosce, da precurà In Anpezo ‘l é da fei algo depì, e de meo, par fei conosce ra storia de el castel de Botestagno. A ‘l domandà ‘l é ra Union de i Ladis de Anpezo, co ra so presidente Elsa Zardini Soriza. Propio ra Ulda ‘l é ra asociazion che, ‘ste ultime ane, r’à fato un grun de manifestazios, par i zinchezento ane de storia, da ‘l 1511, da canche ‘l inperator Maximilan I de Asburgo ‘l à ciapà el castel e duta ra val de Anpezo, che dapò r’é restada sote r’Austria, par pi de cuatrozento ane. Se vorarae fei algo, par precurà chel poco che resta, de chel castel, e mangare par jaà, da ciatà fora algo de outro, se ‘l é ancora, sote tèra, su in son de chel sasato, sora ra Boite, sora ra val de el Felizon. Pi che see ‘l é stà ra asociazion de ra Union de i Ladis de Anpezo, i ultime ane, r’à fato un grun de laore, de manifestazios, par el castel. Su chesta strada, r’Ulda r’à viaśà pi che see aduna co i Comune de Anpezo e de Toblach; ‘l é stà mostres, publicazios, conzerte, libre, finamai zenes. Duto par recordà i zinchezento ane, da canche ‘l é ruà ‘l inperator Maximilian I, a ciapà chel castel, che ‘l ea stà ignante de el Patriarca, ‘pò de Venezia, drio ra storia de el Cadore, cemodo che recorda de spes el storico Paolo Giacomel, canche el fesc ra so lezios. Tropa śente à abù acaro de śì con el, su ves el castel, o inze ra doa mostres, che ‘l é stà fato, inze ‘l Comun Vecio, par inparà algo depì. D ar’Ulda, ‘l é ra presidente Elsa Zardini Soriza che ra se fesc sentì: “Nośoutre vorason che se podese fei conosce, fei varé depì, chel castel, o chel poco che resta. Cemodo che ‘l é stà dito, inze una de ra conferenzes che ón fato, co ‘l profesor Giancamillo

Custoza, de r’università, se podarae proà de jaà, da vede se se ciata fora algo de outro, restà scondù fin ancuoi. Nośoutre penson de fei algo par ra storia, par ra cultura, ma anche par el turismo de Anpezo”. Da calche tenpo, se vede una tabela noa, su stradon, che ra mostra agnó che ‘l é el troi, che mena su a ‘l castel. Là s’à ciatà pi otes, par duto ‘l istade, chi che i é śude a caminà, a vardà, a scotà ra lezios. “L é stà tropa śente che à vorù vegnì su, a caminà par chi troes, a vede chel che se ciata de ‘l castel, co ‘l storico Paolo Giacomel – ra śonta pede Elsa Soriza – e s’à vedù śente d e’l paes e da fora. Calche algo ‘l é stà fato, par meorà, par fei vede meo el troi, che el see pi seguro, ma algo de outro se pó ancora fei. E ‘pò penson sora, se se pó jaà, ciatà algo, se ‘l é ancora. Vorason aé pede, par chesto laoro, el Comun de Anpezo, che ‘l à beleche fato tropo, co ‘l looudaduó Adriano Verocai Daloio, e anche ra Regoles d’Anpezo, che ‘s parones de chel bosco e de el Pra de Castel, che ‘l é śo par pede”.

www.lauscdiladins.com

21


Souramont

Redadoura Katia Pizzinini lunesc y mertesc a La Plie de Fodom, tel. 0436 7472 mercui y juebia a Cortina d’Anpezo, tel. 0436 868615 - katia.usc@rolmail.net

Fé damat, per ampezan Margherita Menardi Diornista à fat la animadoura con i tosac per l projet “Smatiśon par anpezan”, metù da jì al intern dl Gr.Est da la cuera de Ampez en colaborazion con l Istitut “Cesa de Jan” fé empera. “I on abù cotant n gran laour da enjigné i juec, cossa che i on fat scialdi da seira, ie y Francesca”, dìjela y lauda sia colega per la gran cretivité y fantasia. “Ie é volù fé empera, ajache i é bele laoré con tosac al intern dla Pastorala Joenila, y al me sà dret bel.”

La emportanza de emparé jugan

La animadoura Margherita Menardi Diornista.

Ampez - Gr.Est é l projet che la cuera d’Ampez met da jì da cater agn encà per l’isté di tosac y dles tosates da Cortina. Juec, devertiment, sport, ma ence momenc de spiritualité tegn ocupés mutons y mutans tratant la bela sajon. Novité dla ultima edizion é sté “Smatiśon par anpezan”, n projet metù da jì en colaborazion con l Istitut Cultural Ladin “Cesa de Jan”, per arvejiné i pici al ampezan. Francesca Gaspari y Margherita Menardi Diornista é stedes les animadoures de chest projet che s’à slarié fora per sies giornedes. Juec alalergia, arpizedes y vijites a museums s’à les does joenes ampezanes pensé fora per intrategnì, ma ence per porté dant cultura y lingaz ai mutons y a les mutans dl Gr.Est. “Al é sté na beliscima esperienza, zenzauter da refà y da aconsié”, nes dij Margherita, contenta de avei podù

Les dificoltés, tl mete man, ne n’à nia mancé, confesseia Margherita: “Te grups de za. 40 tosac, rejona demé 5 o 6 l ampezan a ciasa.” Samben él ence laprò mutons de ghesć, ma al é ence fis de ampezans, che à lascé de descore ladin. La malvueia iniziala se à tost trasformé, tres i juec, te competitivité y gran devertiment. “Sce les scuadres volova cueie adum ponc, messovei se empegné y se dé da fé”, spliega Margherita, che é dla convinzion che i tosac ais emparé val’: “Con les frases éla plu erta,

ajache la sintassa ampezana é scialdi autramenter da chela taliana, ma i tosac à emparé truepes paroles ladines che i son segura che ai ne se desmentiarà nia tant atira.” Anter les ativités metudes da jì da les does animadoures fòvel ence chela de scrive na poejia de cater rimes: “N mescedoz anter paroles talianes y ampezanes, ma i messe dì che ai se à prové”, dij Margherita. Sce tl meteman fova l ampezan vedù dai mutons con n pue’ de ostilité, à “Smatiśon par anpezan” abù n bon suzes con i mutons, che à podù almanco i ruvé n pue’ plu permez al ladin. I ti damanon a Margherita, che nes à confessé de avei dagnora rejoné ampezan a ciasa, tant emportantes che ala valuteia de te’ iniziatives te n paisc olà che l ladin é tl jì a perde: “Al é samben sciode che al ne vegnes nia plu rejoné ampezan, ie é dagnora descort ampezan con mia familia. Chestes iniziatives é emportantes, ma fosc n pue’ limitedes. Al fossa bel sce n auter ann vegnìssel slarié fora l

www.lauscdiladins.com

Concors metù da jì da La Usc di Ladins

Manéde vostes fotografies a la miscion e-mail katia.usc@rolmail.net o per posta a la misciun: Redazion “La Usc di Ladins”, Self dei Ladins c/o ex Hotel Dolomiti, 32020 Fodom/Livinallongo (BL). Les fotos vegnirà ence publichedes sun la plata de Facebook “L sonn fodom tla Usc” olà che duc podarà dé ju si aprijament. Chisc vegnirà touc en consciderazion da la giuria per la valutazion finala.

La fossa de Caterina Lanz a La Pli de Fodom. (Retrat mané ite da Iaco Rigo)

Juec y devertiment, ma ence sport per i tosac dl Gr.Est che à podù jì a aripizé a les grotes de Volpera.

L grup di tosac dl Gr.Est à vijité l museum ladin “Ursus Ladinicus” a San Ciascian.  

22

nr. 38 / 28 de setember 2012

temp dediché al ladin, per che l lingaz ne vaes nia perdù.” Emportanta, dij Margherita, é samben ence la poscibelté che l Gr.Est dà ai tosac de sté alalergia, de fé juec de fora, al’aria, y de ne sté nia tres te ciasa pro la televijion, l computer o i videojuec. Can che i ti damanon sce al é na esperienza

che ala aconsieia éla segura de sia resposta: “Ence sce al é sfadious, ajache i tosac de chela eté (da la 5 elementara a la seconda mesana ndr) é plens de vitalité, él na esperienza plajora; sté con i tosac y vedei che ai aprijeia i juec che te metes da jì dà na gran sodesfazion.” (kp)

Emparé jugan, tres i juec che les does animadoures se à pensé fora.


nr. 38 / 28 de setember 2012

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

“Ćern bio, la cualité da tëne sön mësa” La sesta ediziun dla festa “Bio Beef” é gnüda metüda da jì dal grup “ArGe Biofleisch Südtirol” en domënia ai 16 de setëmber sön le lüch Sossach a La Ila Alta

Le paur dl lüch Sossach, Oskar Pescollderungg, röia adalerch cun la vaćia dala gherlanda.

La Ila - Biologich: la tendënza d’al dédaincö va de chësc vers. Tres deplü é les porsones che mët averda a chël che ares tënn son mësa, ala cualité di produć da mangé, mo inće de chi por la cura dl corp, sciöche cremes, jafes y produć da puzenè. Savëi da olà che i produć che i mangiun y i anuzun vëgn é important, te n monn che é intres plü intossié. “ArGe Biofleisch Südtirol” à inom le grup de paurs che zidla sü tiers aladô dles regoles dla agricoltöra biologica, cun le fin de pité sön le marćé ćern frësca y de cualité. Les vaćes y i vidì vëgn trać sö sön la basa de esigënzes de vita naturales, sön pastöra d’isté y te na stala lëdia, cun la poscibilité de jì alaleria, d’invern. “I vidì à na vita scialdi cörta, mo i ćiarun de ti la fà plü sarëna che ara va”, dij Oskar Pescollderungg, paur dl lüch Sossach, a La Ila Alta, olache al é gnü organisé en domënia ai 16 de setëmber la sesta ediziun dla festa “Bio Beef ”. Dër importanta é spo sambëgn inće la alimentaziun di tiers. Erba frësca ciafa les vaćes y

Oskar à podü pié do le lüch da so pere Franzl, sön le retrat cun süa fomena Nane.

i vidì tratan la bela sajun sön pastöra, ojoradöra sëćia – sambëgn de orgina controlada – tratan i mëisc frëić.

Condüta de munt y festa alaleria En domënia é les vaćes y i vidì dl lüch Sossach gnüs condüć da munt jö. Na bela vaćia cun la gherlanda i jô danfora al tlap che à podü pascentè döt le dé tl prè sot ala stala, olache al é gnü metü da jì la festa “Bio Beef ”. N dé ćialdin da fin dl’isté à cherdè adalerch tröpes porsones, che se à abiné por ćiarćé la ćern biologica cujinada diretamënter dai paurs dl “ArGe Biofleisch Südtirol”. Ma dodesc é fina śëgn i lüsc che fej pert de chësc grup; de chisc n’un n’él dui tla Val Badia, le lüch Sossach a La Ila y le Lü de Pincia a Al Plan de Mareo. I atri sozi é le lüch Dosser da Ciastel, le lüch Ganoi da Funes, le Großbühlhof da Karneid, le Hackerhof da Toblach, le Holzerhof da Olang, Moar an der Lahn da Villanders,

le Pennhof da Barbian, le Schornhof da Aldein, le Stifterhof da Niederdorf, le Wegerhof da Rodeneck y le Winklerhof da Gsies.

Por na ćern de cualité Oskar Pescollderungg à surantut le lüch Sossach da so pere Franzl dl 1999. Fina dl 2006 àl zidlé vaćes da lat. En chël ann àl spo laurè fora la stala y l’à trasformada te na stala lëdia, olache les vaćes y i vidì po jì ite y fora sciöche ai ô, lëdiamënter. Fina al’eté de 9/10 mëisc po i vidì bëre le lat y restè tl tlap deboriada cun la uma. Te süa stala à Oskar da 8 a 10 vaćes da videl. Le manz partësc le bacan da La Ila cun n paur da San Ćiascian. Dl 2007 é le lüch Sossach gnü tut sö dal grup “ArGe Biofleisch Südtirol”. L’ann do à Oskar podü dè jö sü pröms vidì, che vëgn controlà da “BIKO Tirol”. “Biologich é imprömadedöt na convinziun”, nes dij le bacan che nes spliga les carateristiches che na vaćia mëss avëi por che sua

I plü coriusc à podü jì a vijité le lüch cun le patrun Oskar Pescollderungg.

ćern pois ester reconesciüda biologica: “Na vaćia o n videl che vëgn al monn te na stala olache al vëgn pratiché la agricoltöra biologica é automaticamënter bio. Al mëss indere passè 12 agn por che n tier cumprè foradecà pois gnì conscidré biologich.” I tiers zidlà dai dui paurs “bio” dla Val Badia vëgn copà dal bacan dl Hackerhof da Toblach, che fej inće pert de “ArGe Biofleisch” y che à tut en afit na mazaria. “A Toblach vëgnel inće arjigné i pacli de ćern che po spo gnì apostà dales families”, nes dij Oskar. “ArGe Biofleisch” ne refornësc nia ćiamò hotì, ajache ai ne sciafia nia da garantì tan de gran cuantitês de ćern. “Por le momënt condujunse fora nosta ćern dantaldöt a families, a n valgönes scolines y en pert inće al ospedal da Bornech.” Oskar aconsiëia spo inće al comun de Badia de cumprè ite ćern bio por les scolines, ti pitan insciö ai mituns n produt de cualité. “Al dédaincö é la derivanza dla ćern dër importanta, al é dërt savëi ći che i tiers mangia y co che ai vëgn

trać sö, deache da chësc depënel la cualité che an mët son mësa”, sotrissëia le paur.

Spezialités de ćern y spo fortaies Spezialités de ćern biologica, roast–beef, snizl de videl, polpetes y liagnes cun ajuntes de soni aji y verzöra àn podü ćerne fora en domënia dal menü. Da bëre êl vin y bira, mo inće süć da agricoltöra biologica de pom y olasolz. Sciöche dessert à les cöghes arjigné fortaies cun marmelada de granëtes. La “Böhmische” da La Ila se à cruzié dl sotfunz musical. Garatada é la festa metüda da jì dai paurs dl “ArGe Biofleisch”. Tröpa jënt dl post, mo inće ghesć à aprijé la buna marëna arjignada ca dai bacans de Südtirol. I jüć y i devertimënć por mituns y gragn ne n’à nia mancé y é jüs inant ćina domisdé ia. I plü coriusc y i interessà à podü vijité le lüch cun le patrun, Oskar Pescollderungg, contënt por le suzes arjunt cun la festa “Bio Beef ”. (kp)

La “Böhmische” da La Ila à intratignì le publich cun sües beles melodies. www.lauscdiladins.com

23


Val Badia

nr. 38 / 28 de setember 2012

“Sodesfaziun personala, mo dantadöt constataziun che val’ se müda” L’amur por l’ambiënt y la pasciun por le ziclism é les motivaziuns por chëres che Michil Costa, ostì da Corvara, a podü pié do te n cört tëmp dui pesć de gran valüta. Sües impresciuns te na intervista Porsones - Le Comun de Forte dei Marmi à orü ti surandè le pest "Giuseppe Nardini", por so impëgn tla salvaverda dl ambiënt y dla natöra. Michil Costa, ostì da Corvara, é insciö le pröm che à podü pié do chësta onoranza, dada fora dala cité toscana por recordè le presidënt, presidënt dl Parch Natural dles Alpes Apuanes, passè da püch a miù vita. Ai 7 de setëmber à spo le ostì badiot ciafè n ater reconoscimënt: deboriada cun Ugo de Rosa y Bernard Hinault à Michil Costa pié do le pest “Vincenzo Torriani”, n pest che vëgn surandè a “chi che aprijëia le ziclism y le fej vire”. Te na intervista reportunse sües emoziuns y impresciuns, so impëgn por n monn plü bel, plü sann y da vire. La Usc di Ladins: Te n cört tëmp ves él gnü surandè dui pesć importanć. Ći valüta à pa por os podëi pié do chëstes onoranzes? Michil Costa: Podëi pié do chisc pesć ne n’é nia ma na gran sodesfaziun personala, mo inće la constataziun che sön chësc monn

mëtel man da mudé val’. An fej gonot cosses zënza savëi sce ares é bëgn dërtes, mo canche al röia adalerch de te’ reconoscimënć, capëscion che ares à jovè. De messè ëise ciafè le pest “Giuseppe Nardini”. Cares é pa les motivaziuns? Chësc pest, dediché al presidënt dl Parch dles Alpes Apuanes mort da püch, me é gnü surandè por mi impëgn tla defenüda di valurs ambientai y por fà a na maniera che al vëgnes baié tres deplü de porsones che se dà jö cun la salvaverda dla natöra y de sü proieć. Ći importanza à pa, da os infora, che al vëgnes metü man de reconësce mirić a porsones che se dà jö por n monn plü sann? Canche i rodi fora por paîsc él gonot porsones che me ciara n pü’ stort. Al vëgn dit che al é scëmpl ester “Vërt” sce an à le möt. Mo iö oressi podëi ti fà capì ala jënt che ara ne nen va nia de mies ambiziuns, de orëi ester sön i folieć o de ciafè pesć: ara nen va de düć nos, de nosc monn, i ne n’ùn nia plü tröp tëmp.

Le pest “Vincenzo Torriani”, “por chi che aprijëia le ziclism y le fej vire” ti é gnü dè en chëst ann a Michil Costa, al produzënt de rodes storich Ugo de Rosa y al campiun franzesc Bernard Hinault.

24

www.lauscdiladins.com

I ëis nominé la “Maratona dles Dolomites”. Propi por osta pasciun por le ziclism ves él gnü surandè le pest “Vincenzo Torriani”… Scê, ara se trata de n pest che vëgn surandè “a chi che aprijëia le ziclism y le fej vire”. Cun nosta Maratona orunse dantadöt portè dant n ziclism nia agonistich, porchël po ma tό pert atleć nia profescionisć. Iö à ciafè chësc pest sciöche portausc dla Maratona, i sun contënt che le comité me ais dè chësta poscibilité.

Se temëise pa n pü’ por le dagnì de nosta Tera? Iö sun bele plü vedl, mo les generaziuns che vëgn do, ći pënseres mo de nos? I ti lasciun arpè n’economia che ne funzionëia nia, n planët desdrüt… Le gran problem é che la orentè de mudé ne n’é nia ćiamò sterscia assà. Tla Talia vëgnel intres ćiamò baié de chersciüda, mo i sun te n momënt de crisa, che é da me infora dantadöt spirituala. Sce an metess man da ponsè impröma a nosta anima, a nosta cosciënza y sce les cosses gniss fates cun na maiù consapevolëza ne gnìssel nia fat certes aziuns. I sun ruvà al limit, mo vignun de nos po, te so pice, scomencé da fà val’… I dijëis che vignun po fà val' por l’ambiënt, por

De messè à le Comun de Forte dei Marmi surandè a Michil Costa, ostì che scona l’ambiënt, le pest “Giuseppe Nardini”.

la natöra. Ći pa, plü avisa? I capësci che al é Paîsc en via de svilup, olache gran pert dla popolaziun vir sot le limo dla poverté, che ne pënsa nia ćiamò ala salvaverda de nosta Tera. Mo i ne capësci nia ćiudì che al nen n’é tan püć che se dà jö cun chëstes problematiches chilò da nos, olache por forüna él n gran bëgnester. Vignun messass se damanè: ‘Ći me fej pa contënt?’ Podëi se pormëte dui o trëi auti o davagné intres deplü? Da me infora n’é le bëgnester nia ma lié ai scioldi; tler che ai dëida y davagné ne n’é pö nia n pićé. Mo ne podessun forsc nia ingalin se acontentè, impede orëi intres deplü? Le pest ves é gnü surandè sciöche ostì che ćiara dl’ambiënt. Ći po pa fà concretamënter üsc colegs por laurè en sintonia cun la natöra? Te hotel laurunse aladô dles regoles dl’”Economia dl bëgnester publich”. Ara se trata de mëte en pé n bilanz che ne n’à nia sciöche priorité la reditivité dla aziënda, mo chël de düć i colaboradus y dla comunité. Al vëgn fat n iade al’edema na riuniun cun i direturs de repartiziun che conësc avisa le bilanz, i debić y chël che ëi, iö y mia familia davagnun. Al podess gni cumprè n auto che va cun forza eletrica, produć da chilò incërch aladô dla

sajun y produć dl marćé solidal. Vignun podess se bate canche al vëgn fat sö costruziuns che va a dann de n paîsc intier, por ejëmpl. Mo ê… nia düć ne se infida da alzè la usc. Al bastass ma n pü’ de coraje zivil. Ćiodì sunse pa da os infora ruvà a n punt, olache al é jënt che critichëia porsones che mët en pé aziuns a bëgn dla natöra, impede co cöie spunć de riflesciun y porvè da salvè ći che va ćiamò da salvè? Iö ne conësci nia la verité, al po ester tan’ de cosses, invidia o incomprenjiuns, por ejëmpl. Iö baiass ion cun la jënt sura chëstes cosses y nia jon a iudiché n cer’ modus operandi. Vignun combat süa batalia personala tla vita. Guai, guai a jì a iudiché. Ćiodì pa nia porvè da se incuntè, se baié, capì les motivaziuns dl ater, zënza messëi strité? I sun dla convinziun che le respet y la cooperaziun sides de na importanza fondamentala. Na porsona da sora po fà püch, deboriada pòn fà tröp. Al é la pröma ota che al vëgn dè fora le pest “Giuseppe Nardini”. Ćiodì ponsëise pa che al sides gnü surandè avisa a os? Tres la “Maratona dles Dolomites” ài la poscibilité de comuniché cun la jënt y de slarié fora mies idees. Chëstes é gnüdes aprijades a Forte dei Marmi, olache ai à de gragn problems por via dles ćiavares de ermo y dl trafich di camions che trasportëia chësc material. Ai à odü che nos sun stà bogn de stlüje – inće sce ma por trëi dis al ann – i jus Dolomitics. Surandè chësc pest a me ô dì por ëi inće mëte man na colaboraziun cun nos.

Ći importanza à pa por os personalmënter chësc pest? Al é dër important, dantaldöt deache i pënsi che le ziclism sides le dagnì de nosc turism, n potenzial enorm por nosta valada. I sun malodü por via che i sun contrar al trafich di motors, mo i pënsi che an mëss fà certes cernes: an ne po nia lascè che i jus sides traficà da motors, auti, campers, corieres y rodes; an mëss se spezialisé. Por me é les Dolomites n lüch olache les porsones va a pé y cun la roda y nia cun auti sportifs y motors. Al é tröc ostis che laora bun cun motoziclisć, inće tles valades vijines. Te n tëmp de crisa, olache les presënzes turistiches cara, ne foss pa magari gnanca düć a öna da renunzié al trafich di motors… Propi te chisc momënc mësson avëi coraje y svilupé formes de turism alternatives. Al é vëi che al é tröc ostis che laora bun cun le turism di motors. Mo ćiudì pa nia stlüje i jus por n valgünes ores al dé, spo? An podess mëte man cun n mëis, n ater ann d’isté, por odëi sciöche ara va. Ćiodì pa nia mëte sö n daz, impede stlüje i jus? Nou, chëra ne jiss da me infora nia bun, deache ći che costa é tl imaginar dla jënt ćiamò plü bel. Ne ponsëise nia che la stlüta di jus podess ester na galia por la jënt che mëss se spostè cun l’auto sön i jus por laur y por i fornidus? Sambëgn che an messass mëte en pé na mobilité alternativa, promöie pulmins che va a idrogenn y le funzionamënt di lifć. Al me savess bel sce le Ju deventass n travert da arjunje, n post olache la jënt po jì por ciafè le chît, le paraîsc. Chësc ne n’ô nia dì ti tό tliënć ai ostis sön i jus, mo ti n’un dè ćiamò deplü. Lascè passè la jënt dl post y i fornidus tl pröm podess ester na poscibilité, mo invalgò mësson mëte man. (Intervista de Katia Pizzinini)


Val Badia

nr. 38 / 28 de setember 2012

Lìzita a fin de bëgn Por les porsones tocades dala borta maratia dl crêbesc

Boché de Lukas Taibon.

Le laûr de Maria Pezzedi.

Sozial - Al é dagnora val’ de bel, sce porsones dëida les atres, chëres che adora aiüt. Na man laa l’atra, y chësc moto se tol a cör inće le KVW d’La Pli de Mareo che organisëia por chësta domënia danmisdé (do mëssa, incër i trëi cherć dles diesc) tla Ćiasa dles Uniuns na lìzita de laûrs fać a man, cun gran förtl y inće sensibilité artejanal-artistica. Ći che gnarà ite dala venüda di set laûrs i jarà ala lia por les porsones tocades dal crêbesc. Interessant por la jënt che cumpra i laûrs él inće che la spëisa a fin de bëgn po gnì trata jö dala detlaraziun di davagns. I laûrs che gnarà metüs a lìzita é de: Franz Kehrer, Maria Pezzedi, Davide Brandlechner, Mariana Acuña, Albina Costabiei, Lukas Taibon y Helene Gasser.

Contać redaziun Val Badia: la.usc@rolmail.net, tel. 0474/524042

Daimproìa, sön les fotografies: Le “laûr de convënt” (“Klosterarbeit”) de Albina Costabiei. Le per de chedri de Mariana Acuña. Le depënt de Davide Brandlechner. Le cheder de Helene Gasser.

Cun le KVW a Luggau y Monte Lussari Por i 15 y i 16 de setëmber, sabeda y domënia, à le KVW de Badia organisé n iade por sanć, che à condüt tla Ćiarencia ćina tl Friûl Iadi - I sun jüs en pelegrinaje a Maria Luggau tl Lesachtal foran Austria y söl Monte Lussari (Tarvis). La sabeda da doman à nosc ciafêr Bruno lascè sentè sö, dales 7.00 inant ti 3 paîsc San Ćiascian, La Ila y Badia indöt 49 pelegrins. Le iade nes à condüt por la Val Badia y la Val de Puster y spo tl’Austria a Sillian. Chilò sunse jüs a man dërta fora por le Lesachtal fina a Luggau tla Ćiarencia, olache i ùn spo tut pert ala Santa Mëssa dales 10.00, dita dal prou dl post. Pro la dlijia, a chëra che an ti dij inće Maria Schnee, alda inće n convënt de patri dl ordinn di Servić. Le paîsc Luggau é ma pice: al cumpëda 256 abitanć y é a 1.179 m sura le livel dl mer. Chilò me pënsi che n pü’ düć ais

albü manćia n nosc prou ladin. Chësc iade n’éra propi nia jüda da avëi la fortüna da ester acompagnà da n prou, inće a chësc messaràn s’ausè. A Luggau unse spo inće marnè y dedô s’à le ciafêr condüt cun bravöra fora por na valada bindebò strënta y da ôtes, le Gailtal, fina a Oberdorf söl bel Weissensee tla Ćiarencia. Chësc lech é 11 km lunch, sentè ite a 930 m sura le livel dl mer y é le lech plü alt dla Ćiarencia. Chilò à vignun albü tëmp a desposiziun dan cëna, por spaziré dlungia le lech, se cumprè val’ o se bëre val’en compagnia. I patruns dl hotel Kolbitsch nes à tratè dër bun: i ùn ciafè na bona cëna y al é inće gnü ponsè al’aorela cörta cun musiga y intratenimënt, da pert de

na porsona dl post. Le dé do é spo le iade jü inant dal Weissensee a Tarvis söl confin danter Austria y Talia, y inće la Slovenia é atira dlungia. Da Camporosso (805 m), che fej pert dla cité de Tarvis, sunse jüs cun na cabinovia al santuar de Monte Lussari (1.790m). La cabinovia é lungia 3.920 m y an röia sö te za. 12 menüć. Söl Monte Lussari vàn d’invern inće cui schi. Chilò él bele stè n valgügn iadi gares de Copa dl Monn dles ëres. Tla dlijia dedicada a Santa Maria unse tut pert cun devoziun ala Santa Mëssa. La dlijia n’é nia dër grana, mo ara ê plëna de pelegrins y la mëssa gnê dita, baratan jö, por talian, todësch y slovenn. Le prou à inće saludé i pelegrins ladins dla

Val Badia. A chësc santuar ti dìjon inće dlijia di trëi popui, propi por la jënt che confinëia chilò: austriacs, taliagn y slovenns. Da chësc post àn na bela odöda incëria y le tëmp n’ess nia podü ester plü bel. A düć ti à chësc post dër plajü y i me pënsi che al ti restes dî ćiamò imënt. Dër püć dl grup ê bele stà n iade chilò. Do ester gnüs jö cun la cabinovia unse tut l’autostrada y do za. 70 km sunse rovà a Gemona tl Friûl, cité cun 11.244 abitanć, olache al s’aspetâ na bona marëna. Al fej impresciun che an ne vëiga plü nët nia dl gran tremoroz dl 1976. Chilò él veramënter gnü laurè, la jënt s’à dè da fà.

Domisdé unse spo fat le iade zoruch a ćiasa, passan por Sappada, le Ćiadura, Cortina, Falzares y indô zoruch te nüsc paisc. Düć è stà contënć dl iade, le tëmp à sambëgn portè pro al bun garatè. Inće sce i n’ân nia nia n prou pro nos, él stè nosc bun organisadù Iaco Clement che à ponsè te coriera ala pert spirituala. I ùn dit corones, lit supliches y ćiantè ćianties de dlijia. A Iaco ti vàl n gran lalt y n dilan da pert de döt le grup. I ùn passè dui dis de gran arichimënt nia ma cultural, mo spezialmënter spiritual. N dilan inće a vignun dl grup che à contribuì cun so comportamënt da se sintì unis tl’oraziun y tl’amizizia. I nes confortun al proscim iade. (Paula Piccolruaz)

Le bel grup dl KVW dl comun de Badia che à tut pert al iade por sanć. www.lauscdiladins.com

25


Val Badia

nr. 38 / 28 de setember 2012

Na bela jita al Haunold I Ministranć de Badia é jüs tles munts dl Sest por spaziré fora por la natöra y inće se ralegré

Jüch y divertimënt tla natöra, y spo sambëgn cun le funbob.

Le bel grup en jita.

Ministranć - N bel dé por na bela jita. Pià ia é le grup de 62 ministranć y 8 acompagnadus dales ot da doman a Badia. Ala staziun a val dl lift dl Haunold s’ài metü sön tru a pé dl vers dla ütia

Avisa te chisc posć rogórel fora de tera la “Kaiserwasser”. Pro la ütia Haunold spo à les mitans y i mituns podü śoghé cun de vigni sort de jüć, y inće se confortè ala gran slisorada a val

Haunold. Le tru passa dlungia n vedl hotel ia, che gnô abité laôta da nobli, y dlungia él inće da ćiarćé de vigni sort de ega da fontanes frësches.

cun le funbob. Cun le funbob à i ministranć podü se fà trëi de bi iadi a val, plëgns de ligrëza y divertimënt. Klaus Untersteiner, che

acompagnëia i Ministranć de Badia da plü agn incà, à rengrazié düć chi che à daidé pro a chësc bel iade, al dij: “Gran é l’aiüt y le sostëgn che porsones dà por chësc bel grup de ministranć!”

La ”saù dla jonëza” te n musical

Dal’Etiopia a Roma

Le musical sarà da odëi de novëmber y é früt dles idees y dla ispiraziun de Anita Obwegs d’Al Plan. Le proiet é gnü realisé cun la colaboraziun dla Uniun dl Teater da La Ila y odarà sön paladin incër 40 jogn. La rejia é de Erika Castlunger

Letres ala uma da pert dla fia gnüda t’Europa

Teater - Bele da n valgönes edemes de novëmber de chësc ann. edemes incà é n grup de jogn y Indöt saràl plü o manco 40 jogn jones dla Val Badia, che à metü che se presentarà sön palch o man les proes por n Musical . Le iadedô sot ala rejia de Erika titul de chësc tóch che combinëia Castlunger. rezitaziun, musiga, cors y I aturs, sonadus, ćiantadus y coreografies adöm a efeć tecnics balarins vëgn da düć i paîsc dla Val y scenografies é ”Saù dla jonëza”. Badia, y é gnüs contatà La cossa particolara dla personalmënter da Anita y dal grup produziun é chëra che döt le tòch de organisaziun, y insciö é chësc pëia ia dales idees y dala ispiraziun proiet inće na poscibilité por de n talënt che é instëssa tl plëgn de chësta jonëza: Anita Obwegs d’Al Plan, che tröc conësc bele a livel de valada, y inće foradecà por sües produziuns musicales adöm a so pere Zenzo o cun le grup Vintage. Anita à scrit al’eté de 17 agn les 13 ćianties originales tl ladin marou cun les musighes laprò y à ideè i tesć sön na storia che é ambientada tl monn di jogn cun düć i corusc y les saus che l’acompagnëia. I aranjamënć musicai é de Zenzo Obwegs, so pere. Por presentè le tòch àra spo tut la poscibilité de colauraziun cun le Grup dl Teater da La Ila , olache al gnarà preseentè le musical les prömes döes Anita y Anna Obwegs é jormanes.

conësce le spirit jonn de nosta valada, che se fej odëi n monn de ideai da arjunje y plëgn de energies, mo se fej inće sü pinsiers por ći co reverda le monn di adulć a chël che ai i va adincuntra. La premiera dl Musical sarà le vëndres ai 3 de novëmber y dedô saràl da odëi le grup te indöt 7 rapresentaziuns, tla Ćiasa dla Cultura a La Ila. (Pepi Costner)

Laûrs mët man, strada stlüta Viabilité - Dan da püch à metü man i laûrs por dorteré y renforzè la strada Rina Tintal - Pecëi. Por desfiré i laûrs

26

www.lauscdiladins.com

plü saurì àn messaràn tignì la strada stlüta, porchël él le Comun de Mareo che lascia alsavëi che la strada sarà stlüta da dô Runch ćina

Tintal, dal lönesc al vëndres dales 7 ales 18. Chësc ćina a revocaziun dla comunicaziun. (pablo)

Terza pert - Simret é aldedaincö na ëra jona de 19 agn, chersciüda te n pice paîsc en periferia a süd de Addis Abeba, la capitala dl’Etiopia. Canche ara nasc é sü geniturs, de raîsc eritrees, dër jogn. Ai n’é nia maridà y porchël vëgni conscidrà, te na sozieté olache la convivënza fej scalpur, porsones “desferëntes” y gauja de ćiacoles de vigni sort. Mo ëi ne se crüzia nia de chësc: ai é contënć, scebëgn dër dla meseria. Baldi é la trancuilité datrai n vënt che sciampa: canche Simret nasc, vëgn so pere nervus y ciafa inće dla ria löna. Sprigoré forsc dales responsabilitês nöies. Al arbandonëia la familia. Te söa tera nadè, l’Eritrea, n’éssel sambëgn nia podü se pormëte n te’ comportamënt, al ess messü maridé la compagna grossa. Tl’Etiopia indere, dainciarà da söes tradiziuns, se sìntel al sigü, lëde. Inće da la taié por dagnora. Simret ne le conesciarà mai. La uma é tl sot desplajüda, mo tl medemo tëmp inće sigüda da mëte man danü. Inće sce ara n’à degönes scores, pëiera ia a chirì laûr. Ara ciafa n post da ćiasarina nia dalunc dal paîsc. Por chësc éra bona ćinamai da renunzié ala “nethella”, le fazorel eritrê tradizional che mostra che la ëra se dedichëia ala cura de sü familiars, tiran sö i mituns cun gran dignité. Laorè por n’atra famialia ô dì perde automaticamënter chësta dignité, sforzada desche ara é da se dediché a d’atri mituns. Le paiamënt n’é nia da bravè, mo cun l’aiüt dla ploania dal post y de val’ organisaziuns nia governatives internazionales ti la fej les döes ëres da la trà inant. Te chël tëmp passa Simret döt

le dé da vijins, porsones descalalda che ne se tol indere nia dlaurela da ćiarè de ëra, massa tuć ca dai crüzi por sü cin’ mituns. Porchël aspeta la picia möta ert che al vëgnes da sëra y la uma che la toles ti brac, la slipes y la laes te n cop de ega scialdada sö tl füch, te söa ütia fata de lëgn y paltan moscedè adöm cun ciorda de vaćia. Simret se recorda avisa canche söa uma röia a ćiasa, la aićia y la baja sura döt y bradla, mo ara ne s’anadà nia dl estersù che broa tla ëra, la tëma da ne ester nia bona da gnì a ćiasa cun le pan da vigni dé y, dantadöt, che savaia da ne fà nia dinfora dla smorzia de schiavité te chëra che ara é sforzada pro la familia olache ara laora. Te chësta situaziun de meseria fora de mosöra é Simret impò bona da jì a scora, inće sce ara ne röia spo nia sü stüdi dl’elementara. Va inant tla ediziun che vëgn, trad. dal tal. tl lad.: ir

Le cuêrtl dl liber, dè fora da “terredimezzo”.


Val Badia

nr. 38 / 28 de setember 2012

Storia, tradiziun y reconoscimënt Cun la ”Sëra dai Iagri” él gnü presentè a Al Plan de Mareo la publicaziun ”La ćiacia de Mareo”. Te chësta ocajiun àn inće onorè y rengrazié deplü porsones

Le surastant dl revier Eduard Ellecosta. (Foto: Alfons Facchini/Igloo Foto)

Emma Frontull de Bastl à albü na vita da fà cun iagri.

Clara Frenner dal Cone é stada la pröma iagra de Mareo.

Al Plan - ”An po ester por o cuntra la ćiacia, mo an mëss dè pro che incö rapresentëiera na pert dla sconanza dla natöra, y che ara fej pert dla storia de nosta jënt”. Chëstes les parores dl Ombolt de Mareo Albert Palfrader en gaujiun dla ”Sëra dai Iagri”, che le revier de Mareo à invié ia en sabeda dan otedé, en gaujiun dla presentaziun dl liber ”La ćiacia de Mareo”, na cronica menüda sön la ćiacia, tla storia ćina aldédaincö. Sön i contegnüs dla publicaziun sunse bele jüs ite tla ediziun di 14 de setëmber. Chilò orunse cuntè val’ impresciuns dla serada de presentaziun, che é inće stada na serada de tradiziun, aorela cörta y reconoscimënt.

i acompagnâ s’à cotantes vistì le diendl, y chësc ti à dè n tonn da festa a döta la serada. Da invié alerch les personalitês à fistidié le revier instës. Dlungia l’Ombolt de Mareo êl ala pert inće le presidënt dla Provinzia Luis Durnwalder, instës n iagher apascionè, y i rapresentanć dla ćiaćia de Südtirol, cun le surastant provinzial Klaus Stocker, le diretur dla Lia di Iagri de Südtirol Heinrich Auckenthaler y val’ iagri di reviers vijins.

dr. Carlo Obwegs de Pipa. Ël se damanâ che i iagri se dess jö cun la ćiacia inće dal punt d’odüda cultural. ”Nia atira n’àl ciafè orëdla”, à dit le surastant, mo śëgn éra dan man. Le dr. Carlo Obwegs à cun le passè di agn coiü adöm cotan de scrić y documënć sön la ćiacia, che é stà d’öga por arjigné chësta publicaziun. Obwegs à esperiënza tl ćiamp. Al é stè por agn ispetur forestal y bele da 60 agn àl la cherta da iagher, porchël é süa colaboraziun stada preziosa. L’autur dl liber àn ciafè tla porsona dl dr. Lois Ellecosta de Colac, che é stè iagher por feter mez secul, inće plü agn retur dla ćiacia. Luis Durnwalder à baié de na publicaziun garatada, n contribut ala storia dla ćiacia y dl paîsc: ”I viun te n monn gonot frëit y impersonal. Tla ćiacia él indere ćiamò amizizia y compagnia”. Durnwalder à inće cuntè dles beles ores de ćiacia passades tl revier de Mareo, che é plü gonot gnü aprijé sciöche ”le plü bel revier de Südtirol”. Parores de lalt à inće ciafè Klaus Stocker: ”Tles croniches de paîsc vëgn la ćiacia gonot ma azicada en pert. Te chësta publicaziun, che é la pröma de chësta sort te Südtirol, vëgn la tematica indere laurada sö dër bun”. De bun edl àl odü la dezijiun da scrì le liber por ladin: n contribut ala cultura y al lingaz.

Le vërt ê zënz’ater le corù che dominâ la sëra. I iagri ê inviá da gnì cun so guant, y les fomenes che

Ćiacia é amizizia y compagnia Le surastant dl revier de Mareo Eduard Ellecosta ê contënt y inće n pü’ brau. Cun la cronica sön la ćiacia à le revier arjunt n gran travert, àl dit. ”Chësta publicaziun é val’ che romagn tl tëmp”. L’idea ê pö bele gnüda sö dan 20 agn dal

Onorè y rengrazié

Fighile de Pipa y la fomena Maria vëgn onorà.

Autur y coautur: Lois Ellecosta y Carlo Obwegs. (Foto: Alfons Facchini/Igloo Foto)

I sonadus de corgn da ćiacia abelësc la serada. (Foto: Alfons Facchini/Igloo Foto)

Obwegs de Pipa, che à fat por bëgn 41 agn verdaćiacia y à dedô inće tut la cherta da iagher, y é döt adöm da bëgn 64 agn iagher, le plü de düć. N smaz de ciüfs à pié do inće süa fomena Maria, stada por agn alalungia cöga de un di afitadins plü prominënć dla ćiacia de Mareo: le dr. Carlo De Angeli, y sü verdaćiaces. Te chësta ocajiun à le surastant dl revier orü recordè dötes les fomenes di iagri: ”Ares adora pa bëgn gonot cotan de paziënza!”, àl dit. Na onoranza à spo pié do l’autur y coautur dl liber por le gran bel laûr che ai à podü presentè chësta sëra, y inultima, mo nia ala fin, inće le grup de sonadus de corgn da ćiacia: Heinrich Ellecosta, Herbert y Janpaul Comploi, Hubert Frontull, Filippo Ellecosta y Alfred Ellecosta. Chësc grup abelësc cun sües melodies dötes les festes y

recorënzes di iagri, y insciö ài inće chësta sëra pité la cornisc musicala, completada da n grup de iagri ćiantadus. Por stlü jö la serada à düć ćiamò ćiantè deboriada la ”Ćiancia dai iagri” - Na sëra sarëna de Jepele Frontull. La bela festa é insciö jüda a piz te foyer pro n bun buffet, olache al ê inće l’ocajiun da cumprè le liber. Chi che foss interessà, le ciafa tla botëga Mascotte a Al Plan, y tl’Athesia a Bornech. La publicaziun röia sön 312 plates. Laìte ciafon bëgn chi 400 retrać da laôta ćina incö, che é ma na picia pert de chi 3.000 che an à coiü adöm. Ara é gnüda dada fora dal grup de laûr ”Mareo laôta y encö”. Por la dè fora à le revier de Mareo fat n gran sforz finanziar, che é gnü alisiré cun le sostëgn de istituziuns publiches y sponsors privać. (pablo)

La serada de presentaziun é inće stada la dërta ocajiun por surandè n valgönes onoranzes y reconoscimënć. Durnwalder à podü ti surandè n bel smaz de ciüfs a döes ëres che à incö passa 90 agn, mo à albü te süa vita tröp da fà cun la ćiacia. Mëda Emma Frontull de Bastl é gnüda presentada sciöche la ëra che à bëgn albü le plü da fà cun i iagri. So om ê Milio Ellecosta, pröm surastant dl revier de Mareo, y inće dui de sü mituns é gnüs surastanć dl revier: Filippo dal 1981 al ’88, y Eduard dal 2005 incà. Mëda Clara Frenner dal Cone é indere stada la pröma iagra de Mareo. La cherta âra tut dl 1946, y tl liber stàl scrit: ”Beâć chi che podô jì ala ćiacia cun la bela Clara”. Nia manćé n’à les onoranzes ai iagri instësc: dancà chëra a Fighile www.lauscdiladins.com

27


Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

nr. 38 / 28 de setember 2012

Sun Ciampedìe per valorisèr la comunanza entrìa Béleche mile jent a tout pèrt a la giornèda sa mont endrezèda dal Comun general. La Procuradora e l president de la Provinzia Lorenzo Dellai à recordà l’emportanza de noscia autonomìa Vich - Con l’augurie de se veder endò l’an che vegn, se à serà sun Ciampedìe la giornèda endrezèda dal Comun general de Fascia, pissèda per arvejinèr la comunanza a la mont e ge fèr cognoscer l teritorie e donca se responsabilisèr ti si confronc. En domenia ai 23, apede a la Procuradora Cristina Donei, ai ombolc, a l’assessor regionèl Luigi Chiocchetti e a desvalives autoritèdes politiches e economiches de noscia val, l’era ence l president Lorenzo Dellai e so vize Alberto Pacher, e dapò l responsabol de la Protezion Zivila del Trentin, l’ing. Roberto Bertoldi e l diretor del Museo Storich del Trentin Giuseppe Ferrandi. Via per l dadoman, i 950 sentadins del Comun general à podù osservèr l lurier di volontadives tolan pèrt a la desmostrazions metudes a jir dai

115 Studafech (15 arlieves) da duta la val, che per la pruma outa à lurà duc ensema, ence con chi del distret de Moena, e da la carantina de componenc del Socors da mont da duta Fascia. Apede che valorisèr l volontariat, chesta giornèda l’é stat ence n moment de riflescion sun nosc esser e noscia partegnuda. L’envit, fat sibie da la Procuradora che dal President de la Provinzia, l’é stat chel de se tor sù la responsabilità e de se sentir na comunanza forta de sia autonomìa. “Da canche son doventèda Procuradora – à dit Cristina Donei – é semper pissà de cogner portèr inant n projet de coejion. Te n moment olache n muie de noscia segurezes vegn metudes en dubie, cognon emparèr da noscia autonomìa, che per nos vel dir mantegnir noscia cultura e nosc

Te la festa de la comunanza de Fascia sa mont no l’é mencià l moment dedicà a la devozion, con la messa grana.

lengaz. E donca cognon emparèr, cognoscer nosc teritorie e n doventèr vardians responsaboi”. A sostegn de chest l’é stat ence l’entervent del President Dellai che l’à sotrissà de esser “stolz del volontariat trentin, che ne fèsc sentir al segur da ogne pont de veduda. Ma la Provinzia é stolza ence de Fascia. Ge aon dat a la val de gregn poderes, desche la Scola e l medemo Comun general. E te chest moment peisse che la sie dò che la porte inant ben chisc empegnes con la Procuradora, i ombolc e duta la comunanza. Dut chest l’é emportant per Fascia, e l raprejenta ence n ejempie per dut l Trentin, acioche l sie bon, a la medema vida, de defener l patrimonie e l’autonomìa. Sion te n moment senester – à dit amò Dellai - e per l passèr via aon debesegn dassen che i sentadins

I responsàboi de l’aministrazion provinzièla e de val, e i responsàboi di gropes de Socors, adum sun Ciampedìe.

i sie bogn de se tor endò te man sia identità e i valores sozièi, de la solidarietà e de la responsabilità, e revendichèr con orgolie la partegnuda a na pèrt de Tèlia che va ben”.

La giornèda sun Ciampedìe à volù esser dant da dut na ocajion per ge dir develpai a duc nesc volontadives.

Sun Ciampedìe en domenia ai 23 la giornèda é stata caraterisèda ence da la paroles de Don Erminio endèna messa che à recordà che esser na persona emportanta, na “persona anter i prumes”, vel dir “azetèr de esser i ultimes”. E dapò l’é stat ence la sonèdes de la Musega da Vich la “stories” del jà ispetor forestal Marcello Mazzucchi, che à envià la jent a se mever e a descorir l valor del bosch, da chel che jà nesc veies tolea cà gregn e ùmoi ensegnamenc de vita”. L rengraziament per l bon ejit de la dì, disc amò la Procuradora, l va a duta la jent che é vegnuda sa mont, ma soraldut a duc i volontadives: i Studafech, chi del Socors e chi che à endrezà la marena e dut l’alestiment, vidé da l’ombolt da Mazin, Fausto Castelnuovo. (vr)

La Sociazion Fassa vel fac concrec per la Marmolèda Col sostegn de la Lega Nord del Trentin i domana al president Dellai e a sia Jonta de ge dèr al più prest e a na vida concreta na responeta ai problemes de Fedaa Marmolèda - Fenida via la sajon da d’istà, jà se vèrda a chela da d’invern, e l pensier de la Sociazion Fassa l’é jit sobito a la Marmolèda che desche ogne an, da caranta egn en ca, la se troa te la medema situazion: strèda serèda da la pruma fiochèdes enscin a canche no se n va la neif e impiant veie e veior, che somea sie demò na speisa. Enstouta la Sociazion Fassa vel ge dèr na scassèda al President de la Provinzia e duta sia Jonta acioche, descheche à dit la Presidenta Elena Testor, “i mantegne l’emprometuda fata con la firma del Protocol de Cordanza de la Marmolèda ai 13 de mé del 2002”. Coscita enstadì, ló da chel che resta del pènt de la strèda de Fedaa (lech simbol del dejodech de la

Marmolèda) la Sociazion Fassa, con la presidenta Elena Testor, l segretèr politich Luca Guglielmi, l vize president Francesco Pitscheider e i conseieres Alessandro Cianchetta e Diego De Pellegrini, à endrezà na scontrèda per revendichèr n besegn reèl e che se tira inant da massa egn e ence per sotrissèr che la Marmolèda la é del Comun de Cianacei e sia jent. Ensema con i maores raprejentanc de la Lega Nord del Trentin, l senator Sergio Divina e i conseieres provinzièi Claudio Civettini e Alessandro Savoi, l partit fascian à donca volù dèr n segnèl fort, domanan al più prest respostes e soluzions concretes. L prum vèrech de chest vers l’é stat la prejentazion de na proponeta

Aurelio e Giuseppe Soraruf, pìcoi imprenditores sun Marmolèda.

28

www.lauscdiladins.com

de mozion per l svilup e la valorisazion de la Marmolèda te Consei provinzièl de Trent, firmèda dai 4 conseieres de la Lega Nord Claudio Civettini, Luca Paternoster, Alessandro Savoi e Franca Penasa. Cater ponc con chi che vegn domanà che l Consei provinzièl empegne la Jonta a meter en esser, te 6 meisc, n pian spezifich de svilup de la Marmolèda, scutan e tolan sù la volontà del Comun de Cianacei; a meter a bilanz con n capitol de speisa spezifich te la finanziaria che vegn, finanziamenc adaté per na atuazion concreta di empegnes touc sù tel Protocol del 2002, con na calendarisazion prezisa de la projetazion e l’atuazion de chel che l’era stat pervedù e concordà; a fèr fora col Comun de Cianacei, n pian de svilup de la Marmolèda, con l’empegn atif e concret de meter a jir, con projetazion e realisazion te tempes segures, la strèda del Jouf de Fedaa; e amò che la Jonta provinzièla se empegne a paèr la debita con l Comun de Cianacei per la speises abudes per la definizion di confins de la Marmolèda, n agravie de competenza provinzièla/ regionèla, costèda enlouta al Comun de Cianacei 140 milion de lires che no ge é mai states retudes al Comun. Na bela scassèda donca, che tol ite no demò l davegnir impiantistich, ma ence chel turistich del jouf, de la strèda e de dut chel che domana

I conseieres de la Sociazion Fassa e i raprejentanc de la Lega Nord del Trentin te l’enconter sun Fedaa.

da pez i imprenditores de Fedaa. “Con chesta mozion ades l Consei provinzièl cognarà dir zeche, e nos – à dit Civettini - se domanon che che dirà ence l conseier ladin tedant a noscia proponeta. Ge jirèl dò ai besegnes de sia jent, o a la Provinzia?”. A la scontrèda l’era ence i doi frèdes Aurelio e Giuseppe Soraruf, patrons de refuges sun Fedaa, che i à dit foradret che la Provinzia de Trent da tropes egn la porta inant projec che va de contra a l’enteress de chi che laora sun Fedaa, e che piutost ge dèsc da lurèr demò a

Vascellari con so impiant. Prum de dut i projec de la Provinzia tol ite demò l’impiant, e no i peissa a n projet che ressolve i problemes per dut l’an, ence demò per l passaje sul jouf. L’ùltima neva da Trent l’é n impiant che da Dèlba rua sun Fedaa, che se lea a l’impiant de Graffer e a na pista che portassa la jent da l’autra pèrt del lech. “Chest - disc Aurelio Soraruf - no fèsc auter che ge regalèr duta la Marmolèda a Vascellari. Nos cognaron bele trèr la chief te lech!” No resta auter che spetèr la reazions de la Provinzia. (vr)


Fascia

nr. 38 / 28 de setember 2012

L’é mort Armin Detone

Armin ne lascia de bogn recorc

L’imprenditor de Cianacei aea 72 egn, te l’ùltim an e mez sie cher é stat minà da na malatìa rèra. L lascia n gran vet, ma ence n gran ejempie te duta sia comunanza

Canche con Armin se se troèa a rejonèr, da sie descorsc vegnìa semper fora na sana pascion per i tempes passé, per chi troes che ne à menà chiò, amò e semper a pissèr, a lurèr, a fèr, ma ence semper a stèr insema ai etres, a ge verjer i ujes de cèsa e no da chièr, ence chi de la emozions e del bon stèr. Con él parlèe de identità, de natura, de lurieres, de libres e de turism. De co fèr a meter adum desvaliva posizions, de ge jir incontra a duc, de troèr na giusta mesura te nosc crescer d’aldidanché. E se se entenea, se capìa che nosc pensier, ence se madurà e cresciù en maniera desvaliva, l’èa zeche de medemo che ne spenjea a rejonèr e a stèr sorì insema. L’èa na bela vijion da la robes, averta e competenta, dant che parlèr l se informèa, l volea saer, e demò dò l librèa sie pensieres e sia opinions. L’era n om valent e sèvech te n mond che viajèa e viaja massa coran, olache te chel pech temp che se se vedea se se dijea n grumon de robes, semper grignan, te anter i amisc de semper, te anter

Armin Detone.

Sozietà - Armin Detone, hotelier, impiantist, imprenditor “enlumenà” de Cianacei, de 72 egn, l’é mort te la net anter vender e sabeda, ai 22 de setember, a Pavia. L’era jit, desche autra outes te l’ùltim temp, te na clinica per fèr cures per na malatìa rèra, che aea tacà a ge dèr problemes te l’ùltim an e mez, e che no la ge aea più permetù de fèr e ge stèr dò amò a duta la robes che l’aea envià via, descheche l’aessa volù. Ampò fin a la fin, ence col fià che stentèa a vegnir, Armin l’à semper scombatù con forza, per seghitèr a esser apede a sia familia, a si colaboradores, a sia comunanza, e nesciugn se spetèa che l li aessa lascé soi coscita prest. Armin Detone l’é stat dassen na gran persona, che à sapù meter

ensema l’anteveder del bon imprenditor e la sensibilità de l’om de cultura; l’atenzion e l’amor per sia tera e sia comunanza con i besegnes de svilup; l coraje e la determinazion tel dezider con la capazità de se confrontèr con duc a na vida equilibrèda e sèvia. N om che à fat e dat trop per l svilup, no demò economich, de Cianacei e de duta Fascia. Dò aer viajà e vedù tel mond i ejempies de bon svilup turistich, l’à metù a frut sia esperienza no demò te l’hotel de cèsa, l Croce Bianca, ma ence de la sozietèdes de impianc e svilup turistich. L’é stat per 40 egn tel Consei de la SITC, de chela che l’é stat ence president enscin a l’aisciuda del 2011, portan a compiment doi operazions de gran emportanza desche la compra de la sozietà Ciampac (de chela che l’era president en cèria) e l renovament de la nodadoa con la creazion del zenter Dòlaondes. L’era n om bon de meter gaissa te chel che l fajea, de ge la trasmeter ai etres, e de portèr a compiment si obietives.

“Volesse esser ence gé colassù” N muion de jent à tout pèrt en lunesc ai 24 de setember a la sepoltura. Na longia fila che da l’Hotel Croce Bianca à empienì l stradon fin sun gejia del Sacro Cher. Autoritèdes fascènes e da foradecà, gropes e sociazions, operatores del turism e del mond

jent da la valiva rejonèda e da la valiva reijes. Coscita l veide e l peisse, Armin dal fèr jentil e elegant. Armin che sin grignèa n spaent ta Penìa, da carnascèr, content de spartir con nosetres n soluster, la neif, n orghin da mantech, na rima de Francesco del Garber, n panet e n got de ros. Paussa seren ades Armin, te nesc pensieres e te nesc bogn recorc, t’ès n post a soreie, lumenous e segur, per semper.

di impianc, e n muie de persones, omegn e femenes de ogne sort, se à strent entornvìa Armin e sia familia per ge sporjer l’ùltim salut, ajache una de sia carateristiches l’era apontin chela de saer fèr, a la medema vida, coi “gregn” e coi “pìcoi”. Daìte o defora da gejia, duc à podù scutèr la paroles de don Stefen Maffei, che l’à recordà la gaissa de Armin de tor pèrt a la vita de sia comunanza. “Canche l’autra domenia sion jic desche ti ùltimes egn sun Crepa Neigra, aon ciapà la telefonèda de Armin che ne dijea “volesse esser ence gé colassù”. Paroles che ne disc apontin sia voa de tor pèrt enscin en ùltima, e tel medemo temp so cruzie de no poder ruèr scì en aut, descheche l’aessa volù. Ma ence sia segureza che l’é zachei che pel portèr inant la robes che l’à envià via, ajache desche duc i gregn omegn, l’é stat ence bon de se trèr da na man per temp, per ge dèr te man la redenes ai joegn che vegn dò.

Detelpai Armin

L salut e l rengraziament, a la fin de la zelebrazion, é stat portà a inom de duta la familia da la sor Marika, e l president del Consorzie di Impianc Portamont Val de Fascia e Ciareja, Daniele Dezulian, à let jù n bel recort de Armin per fascian, a inom de duc i impiantisć. Sia departida l’é na gran manconia per duta la comunanza, ma resta n ejempie che no jirà perdù. (lg)

Tel moment de saludar per l’ùltima outa chi che se n va, se se outa a vardar le pedie de dut chel che i ne à lascià, no demò a livel material, ma soraldut moral. Tu, Armin, tu lasce n gran ensegnament, dat fora zenza sparagn, con to stil “unich”, gustegol. Chel che segna la desferenza, l’é che tu as fat dut bolintiera, con legreza, e l’é proprio chesta tia forza che volon recordar.

Tu as scrit n sfoi de gran valuta te la storia di hotelieres, di impiantisć, de la tradizion ladina de Fascia, con n gran amor per tia familia, ti sores, tie paìsc, tia Val. Dut chest ensema l’é chel che tu ne lasce, e l’é n muie. Le Anime grane no se le desmentia, le vif apede noi, e le fasc lum sun nosc doman. Amò detelpai Armin!

2008 al 2011. L’à corì l’encèria de president te la sozietèdes Catinaccio de Vich, Ciampac & Contrin e Padon Marmolada, estra che esser stat conseier e vize president respetivamenter te la sozietèdes Lujia e Bufaure. Om de gran calitèdes, con talent organisatif e capazità de veder tel davegnir, l’à entenù la pèrt che i impianc portamont à te l’economìa de na val turistica desche Fascia, didan a concretisèr la strategìes de partezipazion e recapitalisazion

de la SITC de Cianacei te l’autra sozietèdes di impianc portamont de Fascia te chisc egn, entenan che l setor di impianc portamont cognea chierir con forza, coraje e determinazion de jir inant, ence te tempes e condizions senestres, te la consaputa de cotant che la val podessa sporjer dal pont de veduda turistich. Om semper pien de fiduzia, sporta dalbon, zenza retorica, ence a la neva generazions, vertech al dialogh costrutif te la soluzion di confronc, ence con la dreta cantità de umiltà che l lo metea sul medemo pian che duc i etres. L’à cognosciù l fon mudament de la vita de la val, a pontèr via da la fin de la seconda vera e l’à troà tel turism sia vocazion, sostegnuda da l’ambizion de chi che ge vel ben a sia tera. Osservador ascort, l’à sapù veder i limic del model turistich de anchecondì, engaissan a troèr strategìes per fèr front per temp al davegnir de la val e de sia economìa prevalenta, che veit e vedarà doman i pericoi de la concorenza e del contest global: nia “svilupism ” ma svilup e davegnir per la calità de vita e l lurier de chi che vif te chesta teres, senestres e vèlch outa con pecia oportunitèdes, ma che dut l mond rua a vijitèr. De dezember del 2009 l’à padì,

desche duc nos, la tragedia de la Val Lastìes, te chela che l’é mort Alex Dantone, Erwin Riz, Luca Prinoth e sie nez, Diego Perathoner, fi de sia sor e de Fiorenzo. Levà sù con fadìa da chesta smachèda, l’à cognù sopir acà béleche doi egn l’assaut de n mèl rie, che l l’à endebolì, e a la fin vent.

Cater, ot, doudesc mile utèdes sui schi de la Vita, 70, 100, n milion de outes a dir de scì, a ogne ora del dì e de la net, dò chel banch, te ostarìa, te cèsa tia. E ades, la lum, l’enrosadira e l ciel a te fèr da spona te anter la neif e la pontes del bon recort. Anter l jir e l vegnir de chisc dis che vivon e che dò… zacan amò n’outa spartion… Stefen Dell’Antonio Monech

Luciana del Maester

La ritajon de Armin Detone Da anché la Val de Fascia la é più pureta, de chela richeza che l’é la calità umana che Armin Detone à palesà te sia vita. Con sia mort perdon n testamonech del svilup turistich de la val e un di più emportanc atores del panoram imprenditorièl de anché e del passà. Nasciù del 1940 a Cianacei da na familia de hotelieres, l’à passà via l’ocean entorn la metà di egn ’60, con n diplom da maester de schi, per jir a fèr esperienza tel

Canada, olache l’à lurà te la gestion de impianc e scoles de schi per cont de n hotel dal post. Fort de chesta esperienza, vegnù de retorn te Fascia l se à cruzià de l’hotel de familia, l cognosciù Croce Bianca, doventan protagonist de chel svilup turistich che à caraterisà la val. L’é stat president de l’Ofize per i Foresć per n grum de egn e conseier de la SITC de Cianacei dal 1972, seran l percors con l’encèria de president ti egn dal

Armin Detone te anter l president de la SITC Paolo Fosco e, a man dreta, Daniele Dezulian.

Caro Armin, é n dejiderie te chest moment de sconfort ... d’autra pèrt te ne ès ensegnà a reagir a la desdites: se l’é vera che la sozietèdes e la organisazions no é fates tant da machines e costruzions, ma da “Persones”, me saessa bel ruèr, na dì no massa dalonc, a meter a jir na scola locala de formazion sul turism te Fascia, destinèda a neves lurieranc o studenc che chier na spezialisazion te nesc setores; tecnics de stazions per jir coi schi, aministradores, enciarié ai servijes turistics, per ge dèr l met ai fascegn (e no demò) de seghitèr a viver a lurèr te chisc lesc... e volesse che chesta scola la fossa dedichèda a ti. Detelpai Armin! Tu saras semper noscia Guida! Daniele Dezulian President del Consorzie Impianc Portamont Val de Fascia e Ciareja www.lauscdiladins.com

29


Fascia

nr. 38 / 28 de setember 2012

N joen bacan anter tradizion e neves de la biodinamica Sebastian Ghetta da Vich da trei egn l rencura passa cater orc anter Vich e Poza olache l tegn pìcoi fruc e verdolam a na vida naturèla con controi e zertificazions biologiches

Sebastian e sia femena Laura.

Natura - Sebastian Ghetta l’é n tous de 25 egn da Vich e da trei egn l fèsc l bacan. Son jita a l domanèr fora per n saer mìngol de più en cont de so mestier. Ampomoles, ampieries, ma ence ua spina, pìcol frut tipich di Paìjes del Nord Europa, e amò èjies, verdolam e ence n ciamp de sièla... demò per l bel! L’é chest che l tegn te si orc Sebastian che l rencura ensema a sia femena Laura e che ge dèsc da lurèr ogne dì fin canche l’é lum. La particolarità de Sebastian ampò l’é chela che el te sia coltures l ge va dò a l’agricoltura biodinamica, e aldò de chest da doi egn l’à la zertificazion biologica. N’outa nesc giaves i aea “la man”, béleche i ge parlèa a la piantes, dapò per didèr a aer na produzion che rate, l’é ruà daperdut la machines. Sebastian enveze, dò se aer spezialisà te na scola a Londra, l’à proà a chierir endò l leam anter tera e om... e somea proprio che l l’abie troà, e che l’abie de bela sodesfazions tant tel lurier che te la calità de sia vita. Usc: Co te èste pissà de fèr chest mestier? Él semper stat na tia pascion? Sebastian Ghetta: “Me à semper piajù le piante e la natura, e te valgugn di viajes che é fat, é vedù che l’agricoltura di paìjes del Terz Mond la me piajea n muie de più che l’agricoltura che vedee chiò dintorn. Me é pascionà a veder coche i fajea e me é pissà “fossa pa n bel mestier se fat dalvers”. Ma chiò ere ciapà mal, perché te l’Europa l’é dut machinaries, no l’é nia l contat con la natura. Te chi posć l’era proprio l’om che jìa te ciamp e l fajea. Coscita me é enformà e é vedù che te l’Inghiltera l’era chesta scola de Agricoltura Biodinamica che fossa na agricoltura biologica che vel ciapar ite endò l leam che l’om à con la natura e con l’agricoltura.” Tant este stat aló? “É fat doi egn e n stage, la scola la é tel Sassex, a sud de Londra. Ló i ne à moscià la realtà e me é proprio pissà che la é dura: le stale le é semper più grane con n muie de vace, però jir te stala l’é tanche jir te frabica. Dapò ence gio a ciasa é tacà a magnar roba biologica e é capì che l’à proprio n valor de più, e coscita jà ló via, endana che ere a scola, é tacà a me pissar che che aesse podù far chiò te val. Me é

30

www.lauscdiladins.com

Sebastian te un de si orc sa Vich.

pissà che i picoi fruc aessa podù aer mìngol de marcià e coscita me é endrezà e é tacà a far le robe te n’autra maniera.” E co se fèjel te n’autra maniera? Co fèste tu? “L’agricoltura de basa la se poja dut sun fitofarmaci, fondicidi perché le piante coltivade le é delicate e le à debesegn de n gran didament da l’om. Chest didament tu pes ge l dar o tras l chimich o tras zeche de natural, ence percheche le sostanze che l’é tel chimich tu pes le troar ence en natura. Oramai l business mondial de le medejine, ence de chele per l’agricoltura, l fasc a na vida che ence l’istruzion ai bachegn la sie basada dut sun che che i vel ic. I te ven na spezifica sort de concim, ma no i te disc che chest l te porta a n auter problem, che tu cognaras scombater ge trajan sù zeche de auter. L’é dut na ciadena. Enveze te la scola che é fat gio i me à ensegnà a durar autres sistemes naturai per proar a far a na vida che no vegne fora autres problemes.” Coluns fossel? Peste me fèr n ejempie per i picoi fruc? “Per i picoi fruc i problemes podessa esser i fonghes che fossa i “bottriti” e i insec che roina i fruc. Chisc i é n muie leé a la sort de concim che tu ge das e a la sort de coltura. Tel Trentin la maor part de le frae le vegn sù col sistem “fuori suolo” e ence ló tu cere de te destacar da la natura e dut chel che à debesegn la pianta tu ge l das tu tras concimes lujies che se ge dasc jù a gocia.” I lo fèsc percheche l’é più sorì les tor jù? “Ei, chel soraldut, e percheche smaora mìngol la produzion, ma gio peisse che a la fin i vadagna magari mìngol de più, ma i spen ence n muie a mantegnir l’impiant. Dapò la coprativa la te disc: “noi volon demò frae de chesta sort chiò” e tu tu l fas. Per solit ic i dora ence na sort de fraa che é n muie sensibola ai parassic.” Ma perché pa chest, éla più bona? “No la é più bona, la tegn demò de più. La resta bela più en lonch. E donca canche tu vas te coprativa tu la veide bela lumenousa. Ma l’é na sort delicata, oramai l’é n muie de sort de frae che tegn fora de più, ma ic i seghita con chele... fosc percheche coscita i cogn ge spener ite più scioldi.”

Tenc de ciampes èste? “N’é cater piutost gregn e dapò é ence roba mìngol più picola olache laore mìngol de più d’aisciuda. Te n ciamp é le ampomole, te un é le frae e te n auter le verdure. A seconda del teren.” Co fèste a entener se l’é l teren mior per na produzion o l’autra? “Tu l capesce da la tera, se la é calcarea desche da la man de Vich, ajache vegn jù n muie de calcare da Ciampedìe, o da silicio, desche da la man de Jumela e donca ti ciampes che é vin Vara a Poza.” Chiò te Fascia èste fat fadìa? L temp él bon assà? “D’invern l’é freit, donca é n auter lurier, son sui impianc. L’idea fossa far chest mestier a temp pien a livel profescional, tel davegnir. Son dò che varde se fossa l met.” Tant produjeste te na sajon? “L muda n muie da sajon a sajon. No sé te dir, meti che fae 700 chili de frae, ma l’é proprio l mascimo.” Peste vener dut? “Ei, i prodoc fresć ben. Noi ge n venon ence ai hotìe o a chi che fasc giacins e dapò venon con l GAS (Gruppo Acquisto Solidale) che l’é jent de Fascia e Fiem che se à metù ensema e i compra demò roba biologica diretamenter dal bacan. L’é n bel sistem, l’à inom grop de compra “Il germoglio” e soraldut forin Fiem i é de n muie. Chiò te Fascia l’é cognosciù de manco, ma gio vene n muie a n muie de familie. Per ejempie ades jon fora Jian a se tor peires e pomes che aon ordenà da un da Perjen, ma fossa più sorì se fossa n raprejentant ence te Fascia, se podessa più sorì far i scambies de roba. Tras chest sistem l priesc se smendra percheche la roba la vegn venuda diretamenter dal produtor e donca zeche de più ge n vadagne gio e zeche de più sparagna la familia.” Vegnei a te controlèr? “Ei, l’é i controi da la Provinzia de Trent e apede gio son zertificà biologich da na firma de certificazion BIOS che chest an la é vegnuda a me far prelieves, tor campiogn de piante, i controla che no dore prodoc proibii dal biologich e i vegn a veder che sie a post con duc i registres e le fature. Esser tel biologich l’é n gran lurier demò per duc i papieres che se cogn far.” Èste ence besties? “É 25 ciaure che d’istà tegne sun

I pìcoi fruc cresc ben e segn a na vida naturèla.

Laguscel, te Val de Sèn Nicolò. D’invern le mete te na baraca, ge fae sù n teac e ence na sort de scera che le posse jir fora a ciapar soreie fora dal vent, coscita le ciapa n muie de lum e le à semper n bel peil. Le ciaure le tegne percheche te le aziende biodinamiche fossa ideal aer dut aldò. Gio co le ciaure fae concim natural che posse meter te le frae. E dapò é ence le af per l medemo motif.” Peste me spieghèr coche te fès? “Le frae e i picoi fruc i à debesegn de le af per se empolinar. Se no l’é af no i vegn e se n’é pece le frae le vegn malformade e burte. Donca per aer n bel frut tu cogne aer le af. Tel Trentin i se fasc menar i vascìe ence da ju per la Talia. Son dò che proe a far a na vida desferenta, per ejempie l telé ge l lasce far da soule a na vida naturala.” E co la verdura? “L’é stat chi del restorant Le Giare de Poza che me à proponet de coltivar l teren, coscita l’é arà e é metù jù desvalif verdolam: spinac, capusc, coste, ence ló co la biodinamica e varde che la pianta la sie equilibrada e sana. No la pel aer massa aga e nience che la sie massa suta.” E per te parèr dal catif temp? “D’aisciuda per tegnir mìngol più scuert mete i telogn, chi bienc, per aer l verdolam mìngol dant, nia de auter.” Fèste ence l fegn? “Ei ei. Canche l’é sajon l’é n gran lurier, dore dute le ore de lum, anter rencurar e tor sù.” Che dijela la jent? Veideste mioramenc da n an a l’auter? “Chi che me cognosc me tol ju la roba e i é contenc. Dijon che de spes cogne ge dir de no, percheche no rue a ge star dò a duc.” I terens éi tie o i èste a fit? “La maor part l’é chi de mia familia, i era de mia giava, e dapò n’é de chi de mi barbes. L’é stat ence dotrei persone che me à dit “me sà bel che che tu fas, te dae n pra coscita tu pes jir inant” e coscita l’é stat col Restorant Le Giare e n auter privat. I me dasc l ciamp veie de familia.” Tant peste jir inant d’uton? “Fin canche vegn la neif. Ades la sajon la é fenida e ence coi picoi fruc no aesse nience debesegn de aer chi sà che produzion, no l’é più la domana. Vae inant co le verdure. Le frae enveze, chele ge volessa le

aer per dut istà, gio é desvalive sort che dasc l met de aer la sajon più longia. É comprà ence sort dal Nord Europa e n tegne ence a postern, per aer mìngol più de continuità. No él chele che vegn chiò? “Na, n’é abù de chele, ma no le va ben, percheche l di dò le é sobito s g n e c h e . G e v el c h el e “profescionale”, l’é dut roba zertificada biologica, no podesse meter jù roba geneticamenter modificada. Fossa bel aer ence na picola coltivazion de brugne autoctone. Ades son dò che proe con valch alber de pomes. No sarà chi che se compra, ma i vegn ben. Son dò a me studiar mìngol co far delvers.” Vèrdeste la luna? “Gio varde mingol dut. Più tu ge laore ite e più tu entene i misteres de l’ort. La biodinamica la te deida a ge n veder ite te chisc picoi misteres, l’é n viac personal, na esperienza che te deida a veder a na maniera desferenta robe che tu dajee per scontà.” Co pa? “Per ejempie a mia giava ge vegn semper le ravesale n muie grane e bele e a mi, tel medemo teren ló apede, no le me vegn mai. Chest perché l’é doi persone desvalive che ge met man e con la biodinamica posse ruar a capir percheche na persona la influesc sun chel che la coltiva.” L’é enteressant sun chest che che ne conta Laura, la fémena de Sebastian: “Peissete che n’outa siane doi persone che semenaane tel medemo moment n ciamp de ravalesc. Gio ere n muie enirada, percheche ic i era demez e no volee star ló, e seghitae a brontolar, l’autra persona enveze no la era enirada. Canche l’é vegnù i fruc se à vedù che te le doi risse del medemo ciamp, semenade tel medemo moment, te una i era pìcoi e te l’autra l dopie. Aee metù duta mia energìa negativa te la pianta.” Sebastian: “I disc che i veies i ge rejonaa a le piante, e no i era mac, i ge tegnìa, e i era n muie bravi. L’era proprio na tradizion de jent che saea far e se veit amò te valch ort de valch veie coche ge vegn ben, coche l’à la man per far certe robe. Chiò no vegn n muie de roba, ma la é dassen bona e de gran calità.” Valentina Redolfi


Fascia

nr. 38 / 28 de setember 2012

***** L cianton de l'Union*****

Union di Ladins de Fascia Strèda de la Pieif 10, Sèn Jan, Vich Telefon e fax 0462 756545 e-mail: union@ladinsdefascia.it oraries al publich: dal lunesc al vender da les 8.30 a les 12.30 e da les 14.00 a les 18.00

Doi apuntamenc de valuta per la comunanza fasciana L’Union di Ladins de Fascia envìa la jent a tor pèrt al pelegrinaje di Ladins forin Baissiston e a la Festa del Rengraziament L’uton l’é l temp mior per se tor mìngol de temp per se enstesc, dò la sajon da d’istà e per se dedichèr de più a la comunanza, a la familia e ai sentimenc, del cher e del spirit. E defat, l tradizionèl apuntament de jir a gejia forin Baissiston, l’é ence l’ocajion per se oujer a Maria, per la rengrazièr de chel che aon abù, per ge domanèr che la seghite a ne vardèr via e a ne dèr sie sostegn.

Pelegrinaje di Ladins a Baissiston En domenia ai 30 de setember, vegn renovà l veior rit di Ladins de jir a gejia forin Baissiston. Chest an l pelegrinaje é stat endrezà da l’Union di Ladins da Fodom che envìa duc a se troèr da les 10.00 al Masc Kehr fora Neva Todescia per fèr la Via Crucis di Ladins. Da les 13.45 ponta via la procescion de autoritèdes, gropes e jent fin tel Santurie per n omaje a la Madona, da les 14.00 vegn dit messa per fodom da Scior Vito de Vido, viventèda dal cor de gejia Sènt Iaco e da la Banda de Fodom. Da les 15.30 la Banda

de Fodom porta dant n pìcol conzert.

sport a duc chi che tol pèrt a la prejentazion.

N grop de jent da Moena pontarà demez en domenia bonora da les 7.00 dal jouf de Ciareja per jir forin Baissiston a pe. Chi che vel se jontèr ite i pel chiamèr Luisa Costa Parolot al 0462.573731.

N gran develpai al president Lorenzo Dellai

Per recordèr Don Massimiliano Mazzel N’auter apuntament tradizionèl de l’Union di Ladins de Fascia, che vegn slarià fora a duc i sozi desche moment de agregazion, l’é la Festa del Rengraziament che vegn endrezèda ai 13 e 14 de otober a Cianacei e a Poza. Se taca en sebeda ai 13 de otober da les 17.00 te sala de Consei del Comun de Cianacei olache vegn prejentà l liber: “Don Massimiliano Mazzel. Na vita al servije del ladin” frut de la tesi de Fernanda Favè, che l’Union di Ladins à fat stampèr col contribut del Comun de Cianacei. Sarà l met de cognoscer miec chesta persona che à spenù sia vita al servije del ladin ence travers la testimonianzes de jent che l’à cognosciù. L domesdì se serarà sù con na viva duc ensema. L liber ge vegnarà

L dì dò, la domenia ai 14 de otober, la festa se tramudarà a Poza. Se se troa duc chenc da les 9.30 te piaz de Sèn Nicolò per jir en defilèda compagné da la Musega da Poza,

da autoritèdes e gropes de folclor, fin te gejia de la Madona de l’Aiut, olache da les 10.00 l decan don Giuseppe Da Prà ofiziarà messa grana. Sobito dò, fora da gejia, la Musega da Poza portarà dant n pìcol conzert e dò te Oratorie, l’Union di Ladins de Fascia ge sporjarà n recognosciment al president de la Provinzia de Trent Lorenzo Dellai che fenesc fora sie

ùltim mandat. Con chest recognosciment l’Union di Ladins vel rengrazièr l president Dellai per dut chel che l’à fat per la mendranza ladina de Fascia. Ve speton duc chenc donca en domenia ai 30 de setember forin Baissiston e en sabeda ai 13 e en domenia ai 14 de otober a la Festa del Rengraziament de l’Union di Ladins de Fascia. (mci)

La defilèda de la Festa del Rengraziament de l’an passà co l’autoritèdes e l president de la Provinzia Lorenzo Dellai.

Chi él pa? Soluzion del retrat su La Usc nr 37 del 2012 Dant de scriver de l’ùltim retrat, scrivon amò vèlch en cont de chel publicà la pruma outa su la Usc 36, con i scolees da Vich. Bruno Ghetta de Martin l ne à dit i inomes de dotrei di bec che te la soluzion passèda no i era giusć: la numer 4 l’é Elena Fontana, fi a del marescial di Carabinieres che vegnìa da Primier; 5. Giovanna Solar maridèda Girardi; 9. Marieta Zanet maridèda Davarda; 11. Olga Calligari

4

2

1

maridèda Zanet; 16. Alma Detomas Zecola de l’Albergo Rosa del 1930; 17. Giuseppina Solar, sor de la n. 5, maridèda col vèrdabosch Freina, 19. Giulia Detomas Zecola de l’Albergo Rosa del 1932; 20. Carlotta Detomas Zelger maridèda Chiocchetti ja Moena; 23. Giuseppe (Pino) Pederiva de Vigile, fra de Enrico che sul retrat l’aea l numer 21. Su l’ùltim numer de La Usc enveze aane publicà n retrat de na familia da Poza che ne era stat portà da Renato Soraruf

6

3 5

de la Checa da Poza. A responer, apede al medemo Renato, l’é stat Lino Soraperra Medico. Sul retrat l’é la familia de Gostin Deluca de Cruf: 1. Mario Deluca Cruf del 1907, fi de Gostin stat secretèr de Comun; 2. Maria Deluca de Gostin del 1903; 3. Orsola Gross, sor del père de Giovanni de Pini e femena de Gostin de Cruf; 4. Orsolina Deluca de Gostin; 5. Agostino Deluca (Gostin de Cruf ); 6. Battista (Tita) Deluca del 1900. Lino l ne à ence dit che l retrat cogn esser stat fat al più tèrt del 1918, ajache te chel an la mère Orsola e la fia Orsolina les é mortes de fiora spagnola. Ge sporjon n bel develpai a chi che ne à didà ence chest’outa a meter ensema na mizàcola de noscia storia, e enstouta ve meton dant n retrat che vegn da la Val de Sora. Ve preon de ne dèr voscia resposta al più tèrt per en mèrtesc dal mesdì te redazion, ence per telefon o fax al 0462.764545 o per mail a la direzion lausc@ ladinsdefascia.it.

sul retrat i ciapa en don n liber o n CD de musega, sporc da l’Union di Ladins de Fascia. Desche semper ve envion ence a chierir fora i retrac veies che aede te vèlch crigna e ne

i portèr te redazion a Sèn Jan, olache podon i tor sù col scanner e ve i dèr de retorn sobito; a chesta vida ne didède a viventèr chesta rubrica.

6

5

1

4 2

3

Ve recordon che chi che ne dèsc la resposta giusta o troa fora amàncol la maor pèrt de la jent

www.lauscdiladins.com

31


Sport

nr. 38 / 28 de setember 2012

L Fascia fenesc fora en parità La squadra de mister Cigolla à jià n muie ben ma no la é stata bona de se portèr a cèsa i trei ponc

Manuel Bernard autor de n gol fascian.

Balon 1^ cat. - L’é stat fosc l mior Fascia de chesta pruma pèrt de sajon chel che à jià en domenia passèda contra al Piné e, purampò, no l’é ruà i trei ponc. Se à serà sù col resultat de trei a trei na partida con n bon livel tant tecnich che agonistich olache i ladins à desmostrà, soraldut tel prum temp, de aer zeche de più che i patrons de cèsa. E l Fascia à più che na rejon per esser enirà. Prum de dut perché l’é stat doi outes en vantac, dant sul un a doi e dò sul doi a trei, zenza

esser stat bon de tegnir te man l resultat. Dapò, perché i trei goi del Piné i é rué un da na chièra posizion de forajech, un per n autogol e l’ùltim aldò de n fal de man de l’atacant che l diretor de jech no à sanzionà. Resultat che lascia la saor de doi ponc perdui più che de un vadagnà ma i aspec positives no i mencia. Sot de un a nia, i bec fascegn no i se à petà jù, alincontra à seghità a majenèr jech troan te diesc menuc l gol de la parità co na trata de cef de Manuel Bernard e l pont del doi a un de gra a na bela jièda de Michael Pezzei che à metù soul dedant usc Brigadoi. Tel secondo temp la squadra de mister Cigolla à controlà l jech enscin a la mesora, canche su na trata dal cianton per i patrons de cèsa, la trata de cef de Rizzato la é jita da la man falèda, fenian te usc. Ence chesta parità no à però stornì Debertol e compagnes che con Bolgiani i à arjont endò l vantac e con Patrizio Cigolla i aessa podù serèr sù l’ejit, ma la trata se à fermà sul remenat. A doi menuc da la fin la befa: bala fermèda co la man da l’atacant pinaiter e trata olache Cincelli no l’é ruà.

Piné - Fascia 3 - 3 (goi de Manuel Bernard e Stefano Brigadoi e autogol de Nicola Rizzato) Formazion Fascia: Nicolò Cincelli, Manuel Bernard, Nicola Rizzato (30° s.t Matteo Cigolla), Cristoforo Debertol, Giovanni Deflorian, Stefano Brigadoi (33° s.t. Davide Porcu), Simone Bolgiani, Davide Bosin, Patrizio Cigolla, Bruno Amplatz Michael Pezzei. Alenador: Luciano Cigolla Classifica 1. categorìa jiron C: Fiemme 4 partides 10 ponts Aquila Trento 4 partides 9 p. Fascia 4 partides 7 ponts Calceranica 4 partides 7 ponts Piné 4 partides 7 ponts Ortigaralefre 4 partides 5 ponts Telve 4 partides 5 ponts Vattaro 4 partides 5 ponts Povo Scania 4 partides 4 ponts Dolomitica 4 partides 4 ponts Bolghera 4 partides 4 pont Verla 4 partides 3 ponts Cauriol 4 partides 3 ponts Valsugana 4 partides 1 pont

Cristoforo Debertol

Rina mëss perde por 1 a 0 sön le ćiamp da Dietenheim, olache i śogadus de Col dla Vedla s’à dagnora n pü’ stentè

Alfons Facchini dl Rina.

Palê Rina/2. cat. - Söl pice ciamp sintetich da Dietenheim, s’à la scuadra de ”Col dla Vedla” dagnora stentè, n’à mai śoghé de bunes partides, mo à impò scialdi fat punć. Inće en chësc iade é la scuadra de Wolfi jüda te ćiamp cun la convinziun da condü a ćiasa val’ punt. Ala fin n’àra nia orü ester. Por desgrazia y inće n valgönes dezijiuns falades dl arbiter, à Rina rové la partida desche le gran Milan a Udin: cun 9 śogadus y à pordü. Dal mëteman é le jüch dër valì. Al 9^ menüt se lascia odëi la scuadra de ćiasa. Na bela trata sön porta vëgn parada da Simon.

32

www.lauscdiladins.com

I pustri â ćina ćiamò davagné vigni partida, mo la scuadra da La Val ti é stada da se davagné n punt, te ćiasa aversara Palê La Val/3. cat. - La terza partida de campionat é gnüda śogada la sabeda ite en Gsies, cuntra la scuadra che ê por le momënt a će dla tlassifica cun dötes les partides davagnades. Al ê porchël da odëi danfora che la partida ne n’ê nia saurida por la formaziun da La Val, tan deplü deache al ti falâ deplü śogadus. La scuadra à śoghé cun gran determinaziun ti tignin bot ai śogadus pustri. Les ocajiuns da gol é stades püćes da öna y dal’atra pert. Tl pröm tëmp prô Freddy, Michi y Florian cun sües contlujiuns da segnè por la scuadra da La Val. Le Gsies à na gran ocajiun ala fin dl pröm tëmp, cun n atacant che röia su dan le portier, mo al fala por fortüna jö la porta. Tl secundo tëmp se fej la scuadra da La Val plü iadi prigorosa cun passaji te area, che ne vëgn indere nia anuzà. Na contlujiun sterscia de Michi sön passaje de Ivan röia de püch dlungia porta ia. La maiù ocajiun dla partida ti capitëia ala scuadra de ćiasa cun na gran trata Tlassifica 3a categoria, grup C

Partida de confujiun Georg respogn al 15^ menüt cun trata de puniziun massa debla. Rina se stënta dassënn da fà le jüch, tröc passaji falà ne porta a degünes aziuns. Le Dietenheim fej plü jüch. Intrames les scuadres vëgn ma prigoroses sön trates de puniziun y da piz de ćiamp. Al 43^ se delibrëia Daniel da so aversar, sön buna trata cuntra porta finësc le coran püch dlungia ia. Le pröm tëmp é destiné da se rové cun le resultat de 0 a 0, mo bel avisa al 45^ menüt garetel ćiamò le gol. Sön na bela aziun dl Dietenheim y n fal de conzentraziun dl Rina, garêtel le gol dla partida. Do la palsa dl pröm tëmp, vëgn le jüch ćiamò plü confus. Rina prô les dötes por fà le gol dl pêr. Atira al 5^ menüt sciampa David da na pert jö, la trata sön porta vëgn parada dal portier puster. Al 10^ menüt castiëia l’arbiter n fal de Paul Pisching cun la cherta cöcena. Le diretur s’à lascè influenzè dai scrais di sostegnidus pustri y à trat fora la cherta cöcena, che n’é nia iüsta. Dedô à Rina döes ocajiuns cun ”Costi” y David, mo les trates vëgn parades. La partida é śëgn dër combatüda, i śogadus vëgn nervusc y inće rî. L’arbiter partësc fora chertes gheles. Wolfi fej dui cambiamënć, tol fora Thomas Ferdigg y Daniel, y a so post va te ćiamp Philipp Winkler y Filip Ploner. Le jüch ne cambia nia. Rina prô da druchè, mo ara n’ô garatè, inće deache la scuadra de

Chi da La Val archita en pert le Gsiesertal

Tlassifica 2a categoria, grup C 1) Wiesen, 4 partides, 8 punć 2) Falzes, 4 partides, 8 p. 3) Albeins, 4 partides, 8 p. 4) Raiscia, 4 partides, 7 p. 5) San Laurënz, 4 partides, 7 p. 6) Steinhaus, 4 partides, 7 p. 7) Rina, 4 partides, 5 p. 8) Tasten Valsp., 4 part., 5 p. 9) Dietenheim, 4 partides, 5 p. 10) Türesc, 4 partides, 4 p. 11) Val Badia, 4 partides, 0 p. 12) Aicha, 4 partides, 0 p. ćiasa se defënn bun. Ti ultims menüć ciafa inće Philipp Winkler la cöcena, por protestes. Insciö se röia na partida, atira da desmentié. (if )

1) Niederdorf, 4 part., 12 p. 2) Raas, 4 partides, 12 p. 3) Gsies, 4 partides, 10 p. 4) Mareo, 3 partides, 6 p. 5) Valdaora, 4 partides, 5 p. 6) Prettau, 4 partides, 3 p. 7) Gais, 4 partides, 3 p. 8) La Val, 3 partides, 2 p. 9) Lijun, 3 partides, 2 p. 10) Mühlwald, 3 partides, 1 p. 11) Percha, 4 partides, 0 p.t

dal limit sön rebatüda dla defenjiun da La Val, che vëgn por fortüna ćiamò deviada da Thomas denant co rovè te porta. La partida se röia insciö zënza goi. Cuntra la medema scuadra messarà la formaziun da La Val inće śoghé tl secundo rode de copa provinzia: La pröma partida sarà ai 29 de setëmber ite en Gsies, partida de retüda ai 17 de novëmber a La Val. (sc) Gsiesertal - La Val: 0 - 0 Formaziun da La Val: 1. Sepl Kantioler, 2. Thomas Tavella, 3. Alex Alton, 4. Paolo Vallazza, 6. Werner Sottara, 6. Michael Frenes, 7. Freddy Sottara, 8. David Moling (Marco Castlunger), 9. Florian Rubatscher, 10. Ivan Tschaffert, 11. Alexander Miribung (Elmar Steinhauser). Alenadù: Elmar Steinhauser Proscima partida: en domënia ai 28 de setëmber dales 15.30, te ćiasa cuntra le Mareo.

Scumencià cun l fauz pe I chidladëures de Rodeneck se à prejentà njeniei ca bëndebò bën bele tla prima partida de campiunat Chidlé - Tla prima partida de campiunat ne ti àla al Gherdëina I nia massa butà, cun na mesaria de 561 chiedli à l Rodeneck desmustrà che i ie bele śën bëndebò n forma. Purempò ie Leo stat bon de fé n pont per i chidladëures de Gherdëina. Tla segonda lingia de

Dietenheim - Rina: 1 - 0 Formaziun dl Rina: 1. Simon Winkler, 2. Alfons Facchini, 3. Paul Pisching, 4. Jordan Tavella, 5. Thomas Huber, 6. Lorenz Rungger - capitan, 7. Thomas Ferdigg (dal 62^ Philipp Winkler), 8. Georg Craffonara, 9. David Huber, 10. Daniel Ferdigg (dal 64^ Filip Ploner), 11. Richard Costisella. Alenadù: Wolfgang Crepaz Proscima partida: en domënia ai 30 de setëmber dales 15.30, te ćiasa cuntra Albeins.

Sepl Kantioler, portier dla scuadra da La Val.

colps à l Gherdëina cun Werner y Siegfried purtà l resultat sul 3 a 1 per i chidladëures y smendrà la desferënzia di chiedli a 31. Tla ultima lingia di colps ne n’àla nia massa butà, Guido y Armin à mussù ti la zeder contra i aversers che se à desmustrà na scuadra bëndebò valiva. La partida ie nsci fineda via cun 5 ponc per l Rodeneck, che à batù ju de ndut 3192 chiedli che fossa na mesaria de 532 per jugadëur. L Gherdëina I à fat trëi ponc cun 3073 chiedli batui ju y na mesaria de 512,2.

Serie B-est

Leo Demetz.

Rodeneck II – Gherdëina I 5:3 Resultac persunei: Leo Demetz 553 Werner Runggaldier 528 Thomas Demetz 509 Siegfried Prinoth 501 Guido Stuffer 491 Armin Moroder 491


Sport

nr. 38 / 28 de setember 2012

La segra dles gheles

Trëi ponc mpurtanc

Chinesc chertes, de chëstes öna na cöcena. Chësc é le bilanz dl arbiter tla partida danter Val Badia y Steinhaus, davagnada de mosöra dai pustri, cun n gol realisé dai önescmetri

Nia massa n bel juech iel unì mustrà contra l Neustift, purempò à l FC Gherdëina venciù do la rata sëch

Armin Erlacher s’à mangé la plü gran ocajiun da segnè dla partida.

Palê Val Badia/2. cat. - Nia gonot vëigon te na partida al palê, dldöt nia cun n jüch grou o rî, che al vëgn partì fora tan de chertes gheles sciöche al é stè danter la Val Badia y Steinhaus. L’arbiter Perathoner à bele dai pröms menüć metü man da partì fora gheles, ti pröms trëi àl bele amonì dui śogadus dla Val Badia por de pici fai da nia. Al foss stè na partida saurida da arbitré, mo cun tan de gheles àl fat gnì düć śogadus nervusc y malsigüsc. Inultima àl partì fora cin’ gheles ala scuadra ladina y bëgn nü y na chöcena ai pustri. Al é stè na partida da püch jüch, cun tröpes falades y nervosité da intrames les perts.

Püćes é stades les ocajiuns da gol. La formaziun de Unteregelsbacher é intres ćiamò zënza punć, en chësc iade àn pordü por n önescmetri che n’ê nia t’area. Al 3^ menüt él na trata püch dan porta dl 5 Maurberger, che atoca la stangia de porta; sön la rebatüda prigorosa é bun Bernardi da trá demez. Do da 7 menüć de jüch tira Matti Stampfer dal limit sëch te porta, le 1 puster se fej lunch y cun na gran deviaziun t’area deviëiel te ćiantun. N menüt dedô passa Elzenbaumer sön na pert apëna t’area a Armin Erlacher, che röia bel su dan le portier, mo n’é nia bun da trà te porta. Nia da crëie. Al 26^ menüt sciampa ite t’area le nü Maurer, che tira te porta, mo Michael é bun da parè. Inće Pallestrong é indô da odëi te ćiamp, dô plü inzidënć. Al à döes de bunes ocajiuns dan y do la mesora de jüch. Al 67ejim se ćiafa le nü Maurer la secunda ghela -intrames por avëi protestè - y al vëgn desgort. Magari vara da davagné cuntra diesc? Al 68^ röia Pallestrong cdan porta. Al se ciafa n bel bot, mo é impò bun da ti passè la cogora a Matti, che sëgna. L’arbiter ne conzed indere nia la rëi y anulëia le gol por posiziun de forajüch. Al 72^ menüt sciampa le trëdesc B. Hofer ite cuntra area, sön n contrast cun Thaler tómel t’area y l’arbiter sciüra n önescmetri che ne foss nia stè. Le capitan dl Steinhaus Steinhauser le tira à mesa altëza dlungia pé de

porta ite sön la man dërta de Moling: 0 a 1. Al 74^ röia Matti su t’area, mo vëgn antizipé bun dal portier puster. Do da 83 menüć de jüch röia apëna t’area le önesc Zimmerhofer. Le portier ladin vëgn fora y cun les mans le fejel tomè. Chësc é bun da ti passè inant le coran al compagn, che fala la porta. Chilò n’à l’arbiter nia conzedü le önescmetri che foss stè, y bunamënter inće la desgorta de Moling. Al 85^ menüt tira Felder na bela puniziun da na pert ite propi sot la stangia, le 1 Ranalter s’alza y cun la man él bun da devié sura stangia fora, gran parada che salva la devënta. Almanco n punt s’esson bëgn mirité, mo por le momënt réston sön le funz dl tlassamënt. Val dezijiun saràl da tó denant che la situazuiun vëgnes ćiamò plü critica. (rp) Val Badia - Steinhaus: 0 - 1 Formaziun Val Badia: 1. Michael Moling, 2. Gabriel Prada, 3. Matthias Thaler, 4. Alex Felder, 5. Julian Bernardi, 6. Simon Dapoz - capitan, 7. Manuel Clara, 8. Armin Erlacher (dal 57^ Lucas Clara), 9. Matthias Stampfer, 10. Damian Pallestrong, 11. Alex Elzenbaumer (dal 70^ Alex Stampfer). Alenadù: Peter Unteregelsbacher. Proscima partida: en domënia ai 30 de setëmber dales 15.30 sön la plaza da Tasten, cuntra la seleziun Tasten/Valsperch/Braies. Tlassifica: ćiara sot Rina.

Pröm tëmp de gran cualité Le Mareo à döes scuadres di gragn, mo i śogadus cumpedà. Chësc n’à indere nia tignì sö la scuadra marora a Lijun, che à fat ite trëi goi y condüt a ćiasa trëi punć

Werner Pedevilla é stè un di mius śogadus dla partida.

Palê Mareo/3. cat. - Le pecügna de śogadus n’à pro le Mareo degüna fin. An é pià ia cun döes scuadres (IIIa categoria y tëmp lëde), intrames cun 22 śogadus a desposiziun. Chësta findledema à la formaziun dl tëmp lëde messü jì a śoghé de 11 śogadus cumpedà, deperpo che la terza categoria é jüda ia en Lijun cun 16 śogadus, 2 imprestà fora dala formaziun dl tëmp lëde. Döt chësc n’é nia ćiamò assà: ia en Lijun s’à Werner da Parü destrat na ćiaidla y tomarà sigü inće fora por n tëmpl lunch. Chësta conscidraziun ti dà ćiamò plü valur al laûr dl alenadù dl Mareo, che é impò bun da tignì alta la conzentraziun, la motivaziun y inće

la cualité dl jüch, desche an à inće podü osservè a Lijun. Le gran druch fat dai śogadus ladins porta tosc la defenjun dl Lijun a fà fai. Pro n passaje massa cört derevers al portier, é Marco dër asvelt da se inserì. Ma n bur’ fal ti impedësc da segnè le pröm gol. L’arbiter veiga döt y sciüra le 11 metri, mo ti sparagna la cherta cöcena al defensur. Marco instës tol le palê tles mans y trasformëia cun gran sigurtè le 11 metri. Sön na bela puniziun studiada ia por l’edema gareta spo defata le 2 a 0. Denis fej n bel traversun sön le pè de porta lunch. Walter Kaneider le mët spo de će ia sön l’atra pert a Daniel, che sbürla spo de će le palê te sach. Inće Gabriel mët a döra proa le portier aversar cun na trata da lunch, mo le resultat ne cambia en chësc iade nia. Le publich marô rové alerch n’à nia albü bria da aspetè dî, che ai podô scraié dala ligrëza por le terzo iade. Sön na contlujiun cuntra porta de Walter Kaneider, archita Elli le palê amez area, s’al porta inant y tira. Le portier para mo ti rebat le palê indô söi pîsc a Elli, che fej en chësc iade le terzo gol dl Mareo y so pröm gol ofizial cun la scuadra dl Mareo. Ćiamò val’ ocajiun vëgn costruida dai śogadus ladins, mo goi ne garêtel

plü degügn. Do la palsa vëgn spo fora inće le Lijun, che druca dassënn cuntra porta. Luca Massa vëgn metü dassënn ala proa, chëra che al superëia alangrana cun intervënć da gran portier. Ma sön na trata dai 11 metri mëssel ti la zede al capitan Florian Putzer, che mët insciö süa merscia sön le resultat final de 3 a 1. (cdp) Lijun - Mareo: 1 - 3 Formaziun dl Mareo: 1. Luca Massa, 2. Walter Pisching, 3. Werner Pedevilla (dal 85^ Marco Comploi), 4. Andrea Mutschlechner, 5. Gabriel Frenner, 6. Walter Kaneider, 7. Denis Kaneider (dal 65^ Roman Agreiter), 8. Thomas Castlunger (dal 83^ Patrick Complojer), 9. Marco Mutschlechner - capitan, 10. Elmar Kosta, 11. Daniel Tamers (dal 90^ David Palfrader). Alenadù: Karl Heinz Pedevilla Goi por le Mareo: Marco Mutschlechner (al 8^ sön önescmetri), Daniel Tamers (al 17^), Elmar Kosta (al 24^) Proscima partida: en domënia ai 30 de setëmber dales 15.30, le derby ladin cuntra La Val, sön le ćiamp da La Val. Tlassifica: ćiara sot La Val.

La scuadra dl FC Gherdëina.

Juech al palé/ 3. Cat. grupa B - L FC Gherdëina fej si segonda partida n cësa, n dumënia dan otodì, cun na pitla nuvità: Raffael Senoner scumëncia coche capitan. L modul che fajon ie for l solito 4-4-2, dovia Daniel Vallazza y Roffl Senoner tamez y Jonas da Rijeda y Achim Frontull coche pecs. Amesa l ciamp iel Vanni y Aron dedora pert, auc ie Alfi y Jonas. La pizes dancà ie Stefan y Raphael “Runghi” Runggaldier. La partida scumëncia cun n ritm bas, cun nosta scuadra che se stënta da stramp a ruvé ite tl juech. Nscila pàssel i menuc cun n juech che resta for ”stanch” y la scuadra de Neustift ne n’ie nia bona de fé deplù per auzé mpue l ritm. L Gherdëina à for l juech tla man y nscila nce l juech cun “Stuz” Vallazza, che giapa la codla te area ma ti la tira ados al verdiaporta dl Neustift, chësc do 15 menuc. Puech do ruva l Neustift a na ucajion cun l verdiaporta y nosc pecs nia boni de s’la fé valëi assé y la codla resta periculëusa te area y nscila rùvel l 1:0 per l Neustift che fova sëul te area. L Gherdëina ie puech do per fertuna bon de fé l 1:1 cun Aron che, do na trata dal cianton, giapa la codla la tira desbiech ite tl’area de defendura dl Neustift, doi di siei va sun Aron y l toca. Nscila giapons l undescmetri, cun chël che Aron fej pona l 1:1. Puech do rùvel na codla auta longia sun l cë de Jonas Runggaldier che fova te area y fej l 2:1. Goi mpue fertunei, ma l ie unfat, ntant fans danora. L segondo tëmp scumenciova cun l Gherdëina che fova n spavënt. L Neustift univa for plu da uem. L staf dl Gherdëina univa nervëus, la tëma de finé via inò a pèr fova granda. Do n contrapé ulache n pech dl Neustift ”siova ju” Jonas iel unit smacà ora y l Neustift fajova inant mé plu de diesc. L terzo gol dl Gherdëina fova nteressant cun la codla data a Aron che piova via, l pech dl Neustift se fermova y l verdiaporta che fova massa puech inora, nsci che l garatova l terzo gol y la partida fova stluta. Puech do iel unì baratà ite nosc talënt Daniel Dellago. Un di miëures de chësc domesdì, Jonas Runggaldier, fova bon de se tò la codla y la azion jiva inant cun Daniel Dellago che piova via, ruvova ju nchin dan la rissa japé, metova ite tamez na bela codla che Seljvir messova mé plu tré ite per l 4:1. L ultimo gol fova ënghe nteressant cun nosta mpermetuda jëuna Michele Fontanini che muova, giapova la codla y sëul te area, ti

cialova al verdiaporta y fajova l 5:1 ”one shot” coche n dij. L Gherdëina à per chësta sajon juniores che n muessa dì che ie da stramp mpurtant i avëi nce pra i granc. Puech dan la fin tumòvel mo l 5:2 cun l gol de orajuech. L ie da muië per la defrënza de goi, ma l ie unfat. Nscila finova via chësta partida cun l Gherdëina che vënc 5:2. L ne fova nia na bela partida, ma la nes à purtà i trëi ponc mpurtanc per la tlassifica. Gherdëina – Neustift 5:2 (2-1) Furmazion: Ivo Zocchi, Achim Frontull, Daniel Vallazza, Raffael Senoner, Jonas Senoner, Vanni Valdemarca, Joans Runggaldier, Aron Kostner, Stefan Vallazza, Raphael Runggaldier, Alfi Piazza. Goi per l Gherdëina: al 30’ 1-1 de Aron Kostner; al 35’ 2-1 gol de Jonas Runggaldier, al 65’ 3-1 de Aron Kostner, 4-1 Seljvir Nemce al 71’, al 78’ 5-1 de Michele Fontanini. Baratà: tl 60’ Seljvir Nemce per Raphael Runggaldier, tl 65’ Daniel Delago per Stefan Vallazza, tl 70’ Marco Senoner per Vanni Valdemarca, tl 75’ Matteo Solderer per Joans Senoner, tl 77’ Michele Fontanini per Jonas Runggaldier.

Jëuni dl FC Gherdëina Resultac dla partides che la scuadres di jëuni à fat n sada ai 22 de setëmber Val Badia – Juniores 4:3 goi: Klaus Rifesser (2), Matteo Solderer U13 – Schlern II 8:0 goi: Robin Moroder (2), Thomas Perathoner (2), Alex Vinatzer (2), Rafael Dorigo, Martin Messner U12 (a 11) – Tluses 3:2 (0:0) (2:0)(0:0) goi: Daniel Platzgummer, Loris Rigotti Milland – U12 (a 9) 0:3 (0:5) (0:1)(0:1) goi: Marvin Avesani (2), Mattihias Rifesser (2), David Plancker (2), Matteo Großrubatscher Haslach – U11 4:3 goi: Mattias Runggatscher (2), Alex Colucci U10 Jaguars – U10 Zebras 4:2 goi: per i Jaguars: Daniel Tiozzo, Alan Plancker, Jacopo Bernardi, Alex Unterkircher. Per i Zebras: Omar Obletter, René Bonato Feldthurns – U10 Grizzly 2:3 goi: Sebastian Demez, Simon Perathoner, Antonio Volino www.lauscdiladins.com

33


Sport

nr. 38 / 28 de setember 2012

L Fascia scomenza ben sie campionat I penalties é de dan al Cortina L Val de Fascia Ferrarini à jià n jebia ai 20 e en sabeda ai 22 sia prumes 2 giornèdes del campionat e l les à ventes duta does

L nef jiador Petr Kalus à segnà contra l’Asiago. (foto Doriano Brunel)

Hockey Serie A - En jebia ai 20 de setember da les 20.30 l Fascia se troèa su la giacia de Cortina per scomenzèr sie campionat 2012/2013. L prum temp la squadra à fat n muie de fadìa e l’à sopì doi goi, l prum da sie ex jiador Derek Edwardson al menut 6.03 e l secondo da Gabriele Moretti al 8.03, e coscita i jiadores fascegn é se n jic te deregoladoi mìngol sfadié e endespiajui. Al scomenz del secondo temp, l Cortina se �� endò fat inant e al menut 5.53 l se à portà sul 3 a 0 col gol de Stanislav Gron; l Fascia però no l se à lascià destrameter dai trei goi di ampezegn, e l’à scurtà l vantac di patrons de cèsa coi goi del fascian Stefano Margoni al 7.11 e del nef ruà Jakub Sindel al 11.51 e i à coscì

fenì l secondo temp con più speranzes. I doi goi del secondo temp ge à dat n muie de forza ai fascegn che i à jià con gran viveza l terzo temp, e i é rué a mudèr patoch l resultat, de gra al gol de la parità de Enrico Chelodi al menut 6.42 e al gol del vantac de Jakub Sindel a l 11.51. Ma l Cortina no l’é stat a vardèr, e pec menuc dò l se à endò portà en parità con n auter gol de Edwardson al 14.37. L’é fenì coscì l terzo temp sul resultat a la pèr, e se é jic a l’Overtime, che però no à abù nesciun ejit. A dezider l confront l’é stat donca i tiri de rigor, olache de gra a la braùra del portier Frank Doyle e al rigor dezisif de David Turon, l Fascia se à portà a cèsa 2 ponc n muie emportanc. Da marchèr la prestazions di joegn che à fat de segur ben. Passon ades a la partida de en sabeda ai 22, canche l Fascia à jià te cèsa contra l’Asiago di ex Dan Sullivan e Stefano Marchetti. Chesta l’é stat na partida piena de emozions, ence se desferentes da cheles vin Ampez. Desche pruma partida te cèsa no se à vedù na gran prejenza su la tribunes del Scola, ma l calor di “tifosi” più engaissé se à fat sentir. Al scomenz del prum temp l jech anter la doi squadres é stat n muie equilibrà, e demò al menut 19.18 se à vedù n gol, chel del Fascia che se à portà inant con Petr Kalus su assist de Greg Kuznik e l joen Cristian Castlunger. L secondo temp l’é stat n muie de ocajions per duta

does la squadres, zenza però troèr goi; una de chesta ocajions l’é stat chela de Michele Marchetti, che se à troà soul tedant al portier de l’Asiago Tordjman, ma no l’é stat bon de ge l meter te dò la spales. Tel terzo temp endò n muie de azions de duc doi i roster, ma demò doi l’é stat i goi, un del joen Nicola Deluca, che al 8.52 l’à portà l Fascia sul 2 a 0, e un de l’atacant de l’Asiago Layne Ulmer en dopia superiorità numerica, co la penalità de Kuznik e Margoni. La partida é fenida donca sul 2 a 1 per l Fascia, e da marchèr l’é ence chiò la prestazions de i joegn. Recordon che ades l Fascia, dò aer jià en jebia contra l Renon al stadie de Collalbo, l jiarà chesta sabeda te cèsa contra l Valpellice. Mattia “Matt” Desilvestro

Resultac Squadres mendres L’é tacà ence i campionac de la squadres mendres. L’Under 18 te sia pruma giornèda de campionat l’à jià en domenia ai 23 de setember a Maran olache l’à perdù 12 a 1, l soul gol fascian é stat fat da Lorenzo Paolinetti. No la é jita ben nience per l’Under 16, che a Asiago l’à perdù per 6 a 0, e per l’Under 14, che tel stadie de Dèlba l’à jià contra l’Asiago Blu e l’à perdù per 3 a 7. I goi fascegn é stac segné da Federico Merli e da Nicola Defrancesco, autor de 2 goi.

Prumes does partides de campionat y prums doi derby per l Cortina, che à fina sen tres perdù ai penalties Hockey - Al start la sajon de hockey 2012/2013. L Cortina met man si campionat con doi derby, chel ladin contra la scuadra de Fascia y chel venet contra l Alie. En juebia ai 20 de setember à l Cortina jughé la pruma partida dl campionat te ciasa, tl stadium Olimpich, olà che al à afronté i aversars fascians. L scomenciament é sté bon per l Cortina, che à bele atira metù sun i jenedli la scuadra de Fascia con i goi de Derek Edwardson y Gabriele Moretti. Pueces é stedes les emozions tla frazion mesana. Ma i ampezans é stés bogn de sfruté na bela azion de Edwardson, che ti à passé l disch a Gron che à sbroché ite la porta de Doyle. Sun l resultat de 3:0 parova la partida scluta, ma l gol dl jugadour fascian Margoni à endò empié les speranzes y tost dedò à la maravueia de Kalus endò davert l juech. Tl ultim drittel é spo la

L jugadour dl Cortina Derek Edwardson. (Foto de Max Pattis)

scuadra de Fascia steda bona de arjonje la parité per merit de Enrico Chelodi y finamai l vantaje con Sindel. La desfata é vegnuda salveda dal ampezan Edwardson, che à porté la partida ai temps soura fora. Degun gol ne n’él sté da vedei, donca éson passés ai penalties che à porté l Cortina a messei i zede la venta a la scuadra fasciana.

Terza desfata ai penalties Ti prums vint menuc dl derby venet dret sentì él les Ciuites dl Alie che se à dé plu da fé. Mé un soul é sté l gol che l publich à podù aprijé, chel de Nick Kuiper che à porté en vantaje i patrons de ciasa. Ma l capitan de Bettin y si compagns ne l’à nia deda su. Matt Siddal à tost porté l resultat en parité, en situazion de superiorité, y puech dapò é i ghesć jus en vantaje con n gol de Stanislav Gron. Tl scomenciament dl terzo drittel é l jugadour dl Alie Vince Rocco vegnù straufé con na penalité partida, ma i sforc di patrons de ciasa é empò vegnus premiés al menut 55, canche Daniele Veggiato à sbroché ite la porta de Levasseur. La situazion de partité à porté la partida ai temps soura fora, olà che al ne n’é vegnù signé degun gol. Ciamò na outa é i penalties stés de dan al Cortina, dezisif l gol de Veggiato. (Comunicat Stampa dla LIHG/kp)

Sauté plu o manco lonc Dal ”Soltn” al Tegernsee, da Moena a Urtijëi, dlonch fòvel cumpetizions de sauté, ulache nce atlec di Gherdëina Runners à pudù se tò de bela sudesfazions Sauté - N dumënia ai 23 de setëmber àn metù a jì la 12ejima edizion dla mesamaratona dl ”Soltn” che vel nce per l zircuit di Top7. L fova da sauté da mont su 21,1 km cun n deslivel de 520 metri, n piova via y ruvova inò sun la plaza dala codla de Jenesien a 1226 metri. I prim 2 km fova da sauté sun asfalt, i autri 19 km sun stredes foresteles y tl bosch. N ruvova sun nchin sun la Saltenwiesen y su sun l pont plu aut dl Langfenn a 1514 metri. Da dedò jìvela de sauté juvier y raidé pona ntëur al col dl Langfenn. Do 16 km ruvòven dal ”Wirtshof” a 1470 metri y ala ultima luegia per se spesé. Sautan scialdi ala ndrëta nchin tal ”Gatterwald” ne fòvel nia plu lonc nchin tl travert. L à fat pea pra chësta garejeda 255 atlec y atletes. Venciù à Gabriele Abate cun n tëmp de 1:13:59, 2. Hannes Rungger 1:14:41 y 3. Emanuele Manzi 1:15:17. I atlec di Gherdëina Runners se à ënghe batù scialdi bën, cun Christian Stuffer che ie stat l miëur di ”Runners” y ie ruvà 13. tla tlassifica generela y 4. tla M40 cun n tëmp de 1:25:31. Tla tlassifica generela udons Klaus Perkmann 81. y 20. tla M35 cun 1:40:50, Luigi Rumerio 128. y 29. tla M45 cun 1:51:31 y Stefano Zanotti 155. y 33. tla M40 cun 1:55:35. Pra l’ëiles àl venciù Renate

34

www.lauscdiladins.com

Rungger cun 1:29:49, 2. Mirella Bergamo 1:33:07 y 3. Andrea Schweigkofler 1:33:19. Nce trëi atletes di Gherdëina Runners à fat pea y la miëura ie stata Brigitte Runggaldier che cun l tëmp de 1:58:01 se à tlassificà 27. tla categuria generela dl’ëiles y 3. tla F50, Renate Pichler ie ruveda 41. y 9. tla F40 cun 2:10:03 y Clara Nogler à abù 2:19:28 se tlassifican 48. y 6. tla F50. N dumënia ai 23 de setëmber fòvel nce ti Paejes Tudësc, y plu avisa sun l Tegernsee, na mesa maratona de 21,1 km. Piei via iesen tl zënter a Gmunden, per sauté dut ntëur al lech n pert nce sun stradon, sun promedanes sun ëur dl lech y de mëndra stredes, passan per i blót luesc de St. Quirin, Tegernsee, Schwaighof y Rottach-Egern cun l Rottach-Egerner Malerwinkel per finé la maratona inò a Gmund. Ruvà te travert iel 2786 ëi y ëiles y venciù à Christoph Kuhm cun n tëmp de 1:12:02, segondo Martin Schönberger 1:12:36 y terzo Lars Imsdahl 1:16:53. Georg Demetz di Gherdëina Runners se à tlassifica al boniscimo 8. post tla categuria generela y al 4. tla M40 cun 1:20:11. Dan otodì, n sada ai 22 de setëmber, iel stat la terza prova dl zircuit “La Sportiva 2012”, l Vertical “Val del Vent” a Moena, che ie 3,9

km longia cun n deslivel de 1026 metri. Piei via iesen a Moena per ruvé nchin sun Sas da la Crousc. L resultat de chësta edizion fova mpue na surpreja cun Philipp Götsch di Bogn da Nia che ie sta bon de destaché Urban Zemmer. Cun n tëmp de 39 menuc y 12 secunc iel ruvà 38 secunc dan Urban. Terzo se à tlassificà Marco Facchinelli cun 40’01”. Mario Hofer di Gherdëina Runners se à tlassificà 31. y 2. di Over 50 cun n tëmp de 50 menuc y 25 secunc, Christian Peterlunger ie ruvà 81. tla tlassifica generela cun n tëmp de 1:00:40. Fat pea àl de ndut 124 ëi y 23 ëiles.

Piazza Elena di Gherdëina Runners venciù pra la mutans, 2. Elisabeth Lardschneider y 3. Ilena Rifesser y pra i mutons ie 1. Jonas Demez, 2. Robin Runggaldier y 3. Samuel Demetz di Gherdëina Runners. Pra i nasciui dal 1999 al 2001 àl venciù pra la mutans Lina Mahlknecht, 2. Carmen Demetz, 3. Lisa Senoner y pra i mutons 1. Hannes Kasslatter, 2. Manuel Piazza di Gherdëina Runners y 3. Alex Grossrubatscher. Tla categuria dla scoles autes àl venciù pra la mutans Miriam Pitscheider, ëila fova la sëula che à

fat pea, ntan che pra i mutons udons al 1. post Christian Jenegger, 2. David Insam y 3. Tobias Jenegger. Tla categuria di nasciui dan l 1991 ie ruveda prima Manuela Perathoner di Gherdëina Runners, 2. Katia Mussner y 3. Mirka Mussner, ntan che pra i ëi ie l prim Christian Stuffer di Gherdëina Runners, 2. Georg Demetz di Gherdëina Runners y 3. Günther Demetz. Chëst ann àn oradechël premià la tlas ulache l à fat pea plu mutons y chëla fova la 2A dla Scola Elementera de Urtijëi. (mp)

Di zënza auto N ucajion dl ”Di zënza auto” n sada ai 22 de setëmber à i Gherdëina Runners metù a jì coche da tradizion na garejeda de sauté tres l luech per granc y pitli. Da muever fòvel per duc sun Plaza de S. Antone cun i gran che fajova mpue na majera raida dl luech y i mutons na pitla tres l raion da jì a pe. Pra la mutans nasciudes dal 2004 al 2006 àl venciù Pia Santifaller di Gherdëina Runners, 2. Fancesca Prinoth y 3. Jana Tomasini. Pra i mutons de chësta categuria àl venciù Andrei Kostner, 2. Ivan Kerschbaumer y 3. Ruben Prinoth. Pra i nasciui dal 2002 al 2003 à

I ”Runners” che à fat pea pra la garejeda dl Salten. Da man ciancia: dancà Clara Nogler, Brigitte Runggaldier y dovia Stefano Zanotti, Christian Stuffer, Klaus Perkmann y Luigi Rumerio. (Sun la fotografia màncel Renate Pichler).


Sport

nr. 38 / 28 de setember 2012

La vën inò ala dures Plu scuadres di jëuni à fat si prima partida de campiunat. Per la prima scuadra dl H.C. Gherdëina scumëncia l campiunat nsnuet tl stadio Pranives contra l Neumarkt Hockey - N à abù ultimamënter mpue de tëmp per purvé ora, cialé co mëter adum furmazions, limé pra tatiches y tecniches, ma śën scumëncela sul scerio. Per la prima scuadra dl Hockey Club Gherdëina scumëncia l campiunat iust ncuei vënderdi, 28 de setëmber tl stadio de Sëlva contra l Neumarkt, che fova l ann passà un di gran averseres da bater y l ie chëst ann dessegur inò. Per plu scuadres di jëuni à l campiunat scumencià ntan la fin dl’ena passeda. La Under 20 à scumencià si campiunat avisa coche i granc cun l Neumarkt, n averser sterch che i

à fat tribulé nia puech, ma i jugadëures de Gherdëina se à purvà dassënn y à nce mustrà n bel juech vencian ala fin cun merit per 6:2 cun i tëmps jic ora 3:1, 3:1 y 0:0. Contra i averseres calculei scialdi stersc de Sterzing, ova la scuadra jëuna dla Under 18 da se bater n dumënia ai 23 de setëmber. I ne se à mei lascià mucé l juech ora dla man, jan tl segonto tëmp monce danora de n gol. Permò ala fin de chësc tëmp ie i averseres stac boni de valivé ora y se à pona tl terzo tëmp fat sia definitivamënter la vënta. L Gherdëina che à fat ntan dut l juech cun duta la linies à perdù

cun unëur chësta partida per 2:4 cun i tëmps jic ora 1:1, 1:1 y 0:2. La Under 14 à ënghe jugà n cësa contra l Lana y à venciù per 18:2 cun i tëmps jic ora 3:0, 8:0, 7:2. L trainadëur à mpue messù craunië si jugadëures che se à giapà ntan chësta partida bën 30 menuc de straufonga, n cumpurtamënt nia da duré dantaldut contra n averser tan plu dëibli. La Under 12 à jugà n sada tl stadio Pranives contra l Prad y nce sce l resultat ne n’ie nia tumà ora tan aut, ài mpo venciù do la rata saurì per 3:0.

Gran cunzentrazion pra l juech.

Trëi dis de ”Orienteering” tl’Alta Respet al ann passè é les gares de orienteering chersciüdes cotan, por numer de partezipanć, y por l’organisaziun. Le rest à fat le tëmp spetacolar. L’organisaziun: ”N bilanz davëi positif” Alta Badia - La secunda ediziun dles gares d’Orienteering tl’Alta Badia à albü gran resonn y suzes. Bele le gran numer de iscriziuns lasciâ intëne che la manifestaziun foss garatada; l’organisaziun y le tëmp à spo fat le rest. Les gares é gnüdes desfirades la terza findledema de setëmber y la competiziun é gnüda inviada ia dala ASC Alta Badia Events en colaboraziun cun l’Assoziaziun IKP Prato. Te chësta ocajiun àn tignì inće le ”Trofê dles Regiuns 2012”. Les gares à metü man bele le vëndres ai 14 de setëmber cun la gara sprint, desfirada a Calfosch. Tut pert à incër 50 tesserà FISO y tröc apascionà y ghesć che s’à scrit ite al ultim menüt. Al gnô pité indöt trëi percursc, aladô dles categories: la categoria di turisć cun 1,7 km y n deslivel de 40 metri, spo la destanza mesana de 1,9 km cun 45 metri de deslivel y la categoria ”long” cun n percurs de 2,3 km y 60 metri de deslivel. Sön le percurs plü lunch à davagné la svedeja Inglea Alvmyren, dan la slovaca Tereza Cmelikova y la taliana Michela Pagano. Pro i ëi à dominé la gara le talian Michele Franco dan le slovach Vitek Pospisil y le südtirolesc Martin Thomaseth. Ala gara sön le percurs turistich à inće tut pert l’aministradù de mentalitasportiva.it, Lorenzo Orlandi, che à comentè insciö süa esperiënza: ”Por pratiché l’orienteering ne bàstel nia ma ester en forma y saltè. Al ô ester na certa conzentraziun por lì la mapa y ti jì do ales indicaziuns dl compas, por ne jì nia a perde. N fal che po sozede é chël da ti dè plü pëis al sprint fisich por rovè pröms, destolon l’atenziun dala mapa. Düć po fà l’orienteering, iö aconsiëii da le porvè, deache al é davëi na esperiënza che paia la mëia.”

Pla stafeta Trentin y Venet danca La sabeda ai 15 êl gnü le momënt por le ”Trofê dles Regiuns”, cun la

stafeta y frazionist dopl. A Corvara ê döt gnü arjigné ca a pontin y le start é gnü dè dales 11.30. I percursc desvalis jê da 2 ćina a passa 5 km, danter raiuns abità, prà y bosc. Sciöche pro les gares dl dé denant, à podü tó pert inće stafetes talianes y da foradecà che ne tolô nia pert diretamënter al Trofê, tles categories open, esordiënć y turism. Les regiuns rapresentades ê le Venet y la Lombardia cun incër 50 atleć porom, Trentin-Südtirol cun 65 atleć, le Friûl cun za. 30, spo le Piemont, l’Emilia Romagna, Lazio, Toscana y la Puglia. Tla categoria di ëi dai 21 ai 34 agn (3.870 m y n deslivel de 125) à davagné la copia dl Venet cun Federico Venezian y Michael Baggio, dan i südtiroleji Thomas Widmann y Martin Thomaseth y la copia dla Lombardia Stefano Gottardi y Jacopo Benini. Tla medema categoria sön le percurs plü lunch (5.960 m cun 210 de deslivel) à arjunt la devënta i südtiroleji Facio Marsoner y Mikhail Mamleev, dan i trentins Malacarne-Dellavalle. Tla categoria dles ëres dai 21 ai 34 agn (3.170 m cun 130 de deslivel) é rovades al pröm post les atletes Heike Torggler y Maria Chiara Crippa dla Lombardia. Secundes les rapresentantes dl Trentin - Erica Prconti y Sabrina Rinaldi, y terzes chëres dl Venet cun Cristina Bez y Michela Ronda. Tla categoria sön le percurs plü lunch (5.120 m cun 175 de deslivel) à davagné les döes südtirolejes Kirchlechner y Murer, dan les atletes dl Lazio. Oscar Alfreider, presidënt dl’Assoziaziun Turistica da Corvara/Calfosch, à arjunt n terzo post tla categoria ”Turism”, che al à comentè insciö: ”I à inće tut pert ala ediziun dl 2011 y inće ala gara stada a Aunejia de novëmber dl ann passè. L’orienteering é da me infora lié da dui aspeć: le sport en pröma ligna y la fantasia da savëi da lì les mapes y capì les destanzes da n punt al ater.” Ala domanda sce al é sodesfat dl evënt dij Alfreider insciö: ”Sambëgn, respet

Le team d’organisaziun dles gares de orienteering po ćiarè zoruch cun sodesfaziun ala secunda ediziun.

ala ediziun dl 2011 sunse chersciüs dër tröp dal punt d’odüda dl’organisaziun y chësc àn odü te chisc dis de gara, che é stà caraterisà da condiziuns dl tëmp veramënter uniches.”

De setcënt ala gara lungia Bëgn setcënt porsones - danter profescionisć y d’atri partezipanć - à tut pert ala gara individuala ”Long”, la domënia ai 16 de setëmber sön i prà de Pralongià. Chësta competiziun fajô pert dl ”Trofê dles Regiuns 2012” y por val’ categories valôra inće por le World Ranking Event. Le terac de gara ê cotan töme por les plöies tomades i dis denant. Sön le podest assolut di ëi, cun n percurs de 9.340 metri y 300 de deslivel, à davagné le südtirolesc Mikhail Maleev cun le tëmp de 58:09, dan da Roberto Dallavalle dl GS Monteginer y Marco Seppi dl’Emilia Romagna. Pro les ëres é la südtiroleja Christine Kirchlechner gnüda pröma, cun 53:55, sön le percurs de 6.310 metri y n deslivel de 220. Secunda la svedeja Alvmyren

che â davagné la gara sprint le vëndres, y terza la davagnadëssa dla gara dl ann passè Johanna Murer. Le ”Trofê dles Regiuns”, é gnü dominé dal Trentin cun indöt 1.365 punć arjunć ti trëi dis de gara. Secundo le Venet cun 1.236 punć y spo Südtirol cun 1.234. Danter le publich unse incuntè Stefan Costa, assessur al sport dl Comun de Corvara y organisadù dl evënt: ”Ara é jüda dër bun. Al é stè tröc

partezipanć y dis spetacolars. I organisadus à colaborè cun efiziënza danter ëi y cun i volontars che à daidé para. Respet al ann passè é le bilanz ćiamò plü positif, deache al pröm dé de gara dl 2011 â tut pert 100 partezipanć, chësc ann deplü. I 700 atleć preodü por la gara long à podü se gode na gara spetacolara ai 2.000 metri, amez la bela natöra de Pralongià. N bilanz davëi positif.” (ofize stampa alta badia/pablo)

Orienteering amez la bela natöra. www.lauscdiladins.com

35


Sport

nr. 38 / 28 de setember 2012

La cogora brodora indô Les scuadres dl chidlé dla Val Badia à metü man le campionat cun le pé damat. Dötes cater à pordü süa partida

Lois Craffonara à rosedè le plü chidli pro le Mareo II, tla partida cuntra Eores.

Chidlé Val Badia - Al campionat da chidlé tol pert 181 scuadres de döt Südtirol, cun incër 1.400 chidladësses y chidladus. Sciöche i ultimi agn, tol inće indô pert les cater scuadres dla Val Badia: le Mareo I tla seria A 2, la scuadra dles ëres dl Mareo tla seria B feminila, La Ila y Mareo II tla seria C. Dötes cater les scuadres dla Val Badia é piades ia tl campionat cun le pé falz. Le Mareo I à a Kiens messü se dè sot ai patruns de ćiasa por 5 a 3. La scuadra dles ëres é jüda a

Solaneres, da olache ara s’an é jüda cun na pordüda tlera por 5 a 1. La scuadra da La Ila à pordü a Ridnaun por 7 a 1 cuntra Ratschings, tratan che le Mareo II à messü dlotì la pröma pordüda, te ćiasa, cuntra la scuadra da Eores.

chidladësses dl Mareo. Chëstes à arjunt na media de 490,25.

Seria A 2-ost

Seria C-nord

Kiens - Mareo: 5 - 3 Cun na media de 503,7, che n’é nia da bravè por la seria A2, n’à le Mareo I portè a ćiasa degügn punć da Kiens. Pro i punć di confrunć direć êl 3 a 3 y porchël é la soma totala di chidli stada dezisiva por le resultat final. Chilò â i patruns de ćiasa ala fin dla partida 57 chidli de vantaje da mostrè sö.

Ratschings - La Ila: 7 - 1 La scuadra da La Ila à inće albü n iade valgamia lunch da fà. A Ridnaun ài messü ti lascè n vantaje de bëgn 121 chidli ala scuadra da Ratschings. Gnanca cun la bona media de 515,5 chidli n’à la scuadra ladina albü na chance da mëte man le campionat cun n resutlat positif. I resultać personai di chidladus da La Ila n’é baldi nia gnüs comunicà ala redaziun.

Resultać personai Matteo Ties 529 Simon Complojer 524 Lois Ellecosta 512 Tone Tavella 509 Tone Call 507 Pire Rungger 441

Seria B-ost feminila Schlanders - Mareo: 5 - 1 Le iade lunch oramai tres döt Südtirol ćina Solaneres, ne ti à portè degügn punć ales marores. Ma öna se l’à fata avarëi cuntra süa aversara direta. Pro la soma totala di chidli atocà â les pratrones de ćiasa ala fin dla partida n vantaje de bëgn 99 chidli da mostrè sö ti confrunć dles

Resultać personai Valeria Federa 496 Marta Kaneider 491 Flora Weiss 489 Gabriella Ties 485

Dan 30 ani pra la maratona de Berlin Trënt’ani iel ca da canche i ”piunieres” Raimund Nocker alias Duli Duli, Raimund Grossrubatscher y Norbert Mahlknecht à fat pea pra la maratona de Berlin Maratones - Povester fans i prims de Gherdëina a sauté pea pra na maratona te na gran zità. Ani dant ans bele fat pea pra garejedes da mont su mpue dlonch ora per Südtirol y ngali nes ova pià ite la ueia de ti la resië a fé pea pra na maratona sun streda. Muec abenëura fans furnei dut l di y me lecorde dla traina longia per passé i cunfins dla DDR y dl f urné sun chëla stre des melciafiedes y cuntruledes dassënn dala polizai. N chëla sëira che fan ruvei a Berlin ans pona mo pudù se maië ite pra la spaghetti-party tradiziunela y se goder la bela atmosfera de chësta gran zità n cumpania de tan de pasciunei dl

sauté, che univa da dlonch caprò. Sautà unìvel ntlëuta mé sun la stredes de West-Berlin muvan dal Reichstag y finan via sun l Kur f ürstendamm dan la Gedenkkirche. La maratona de Berlin ans pona fat pea trëi ani ndolauter y i tëmps che àn fat jiva danter la 3 ëura y 10 menuc y la 3 ëura y 40 menuc. La cuntentëza de l’avëi fata decà fova zënzauter majera che la fadia. Da sëira se urtans mo cun nosc cumpaejans Georg y Hermann da Somavia te un de si restauranc pra na bona cëina a s’la cunté de chësta nosta ventura. Raimund Grossrubatscher

Mareo II - Afers: 2 - 6 Le Mareo II à messü dlotì na pordüda tlera te ćiasa. Ma dui à batü so aversar tl confrunt diret. Cun na media de 474,2 â i patruns de ćiasa ala fin dla partida n svantaje de 136 chidli ti confrunć di ghesć, che à arjunt na media de 496,8. Resultać personai Lois Craffonara 540 Lois Agreiter 509 Cludio Moling 482 Tone Hochwieser 468 Walter Weiss 431 Franz Ploner 415

Norbert Mahlknecht, Raimund Grossrubatscher y Raimund Nocker dan 30 ani pra la maratona de Berlin.

La sajun dla roda va a piz Tratan l’isté él gnü fat trëi gares varëntes por le VIII Trofê Rodes Val Badia Raiffeisen de roda da munt. Indöt àn podü cumpedè 34 atleć tlassificà Rodes - Cun setëmber se stlüj jö tröpes dles ativitês sportives dl isté, y danter chëstes inće l’ativité dla roda da munt. Tratan chësc isté - dala fin de má ćina ala fin d’agost - à le club Rodes Val Badia Raiffeisen organisé por mituns dai 5 agn insö alenamënć por imparè da jì y ”gornè” la roda. Por che l’ativité ne sides nia ma conzentrada sön alenamënć y por che al vëgnes inće n pü’ ”zidlé” le spirit de competiziun che an adora pö inće tla vita da vignidé, él gnü organisé bele por l’otavo ann le Trofê Rodes Val Badia Raiffeisen, olache pici y gragn po se mosoré n iade al mëis adöm ai atri mituns. Cun la proa finala, organisada ai 16 de setëmber tl zënter de paslunch a San Ćiascian, él gnü stlüt jö la sajun. Te dötes les trëi prles àn odü passa 80 mituns a garejé. Sciöche al é tradiziun pro la proa finala,él inće gnü fat na bela griliada y la premiaziun finala, olache düć à podü pié do n pest. Tlassifiches y fotos dla gara pòn inće ciafè sön internet pro www. rodesvalbadia.org.

Tlassifiches finales Mituns 5-6 agn: 1) David Thaler

36

www.lauscdiladins.com

80 punć, 2) Alessio Tavella 71; Mituns 7-8 agn: 1) Daniel Rungger 170 punć, 2) Marc Tavella 66, 3) Fabian Valentini 54, 4) Sebastian Davare 40, 5) Michael Schepis 40, 6) Elias Thaler 33, 7) Matteo Di Genova 22, 8) Christian Posch 22. Mitans 7-8 agn: 1) Susan Seppi 80 punć Mituns 9-10 agn: 1) Dylan Irsara 100 punć, 2) Hannes Oberbacher 75, 3) Steven Zöschg 66 Mitans 9-10 agn: 1) Esther Valentini 110 punć Mituns 11-12 agn: 1) Nicolas Ploner 150 punć, 2) Luigi Irsara 126 punć, 3) Martin Daprè 89 punć, 4) Mattia Clara 58 punć, 5) Gabriel Seppi 49 punć, 6) Marco Nagler 45 punć, 7) David Crazzolara 5 Mitans 11-12 agn: 1) Yvonne Rudiferia 115 punć Mituns 13-14 agn: 1) Matteo Canins 215 punć 2) Matteo De Marchi 170, 3) Michael Agreiter 129, 4) Felix Valentini 116, 5) Samuel Moling 42, 6) Patryck Ferdigg 30 Mitans 13-14 agn: 1) Melanie Ploner 260 punć, 2) Maria Wieser 216 Mituns 15-18 agn: 1) David Frena 200 punć, 2) Jakob Valentini 98 punć, 3) Franz Wieser 88 punć.

La categoria di mituns da 7 a 8 agn é stada da vigni gara chëra cun plü mituns.


nr. 38 / 28 de setember 2012

Mujiga Helios, cunzert per festejé i 35 ani I Helios nvieia duc de cuer a unì a scuté su si cunzerc duman sada, ai 29 de setëmber y n dumënia, ai 30 de setëmber dala 19.30 tla cësa de cultura “Luis Trenker” a Urtijëi. Per i cunzerc prions bel de apusté danora na lerch, cherdan su l ufize dla Nëus Jëuni Gherdëina, 0471/799006. La ntreda ie debant.

Informazions y Manifestazions ♦ Festa dla grupa "Die Ladiner" Coche bele da tradizion mët la grupa di Destudafuech de Runcadic nce chëst ann a jì la gran festa dedicheda ala grupa de mujiga da mont “Die Ladiner”. Chëst ann ie la festa n sada 6 y n dumënia 7 de utober tl Zënter dal Tennis a Runcadic

L “rap” de Bassi Maestro a Pardac

En sabeda ai 6 de otober vegn fat na gran festa de musega con scomenz da les 16.00 tel tendon vejin a la nodadoa de Pardac. Protagonisć de ecezion l’é l “rapper” Bassi Maestro e Dj Zeta. Te anter i desvalives artisć e gropes che sonarà da sera l’é ence i fascegn “Cianki” e “Stratagemma”, che se podarà l scutèr entorn les 22.00. Sax varieté

Ći fin à pa fat les idees de Adolph Sax? Na sëra de musiga y parores incër le saxofonn gnaràl metü a jì chësta sabeda ai 29 de setëmber dales 18.00 tl Salf dl Istitut Micurà de Rü a San Martin de Tor, cun Esther Videsott (sax), Angela Palfrader (vidora), Ivan Tibolla (tlavier) y le cuartet Saksó. Entrada lëdia cun spënora. Düć é bel invià! Cunzert dl Cor de Dlieja y Urchestra de Urtijëi

Plu pec de mujiga tlassica y cuntemporana saràl da audì n juebia ai 4 de utober dala 20.30 tla dlieja de Urtijëi. Per l cunzert da chëst ann àn ulù mëter adum n program cun opres desferëntes che va da pec a capela a vel pez sunà da na grupa de strumënc a flà y opres per cor y urchestra.

Cursc Curs da balè fox, polca, boarischer

Dai 29.09. inant por 9 iadi, dagnora de vëndres, tl salf dles uniuns a La Val. Prinzipianć dales 19.30 ales 21.00, progredis dales 21.00 ales 22.30. Referënt: Günther Hellweger, che insignarà da balè fox, polca, boarischer etc. Prenotaziuns: Monica Vallazza, 334/1871385. Curs da fà cripeles

La Uniun dles Ëres d’Al Plan organisëia n curs da fà cripeles cun Gottfried Rubatscher y süa só Rita. Le pröm iade s’incunton en lönesc ai 15 d’otober dales 19.30 tl raiun artejanal Gran Pré, dlungia les assiguraziuns Generali. Se prenotè pòn pro Annamaria Complojer al 0474/501286 o 334/6102551. Le numer de partezipanć é limité. Curs de Klosterarbeit La Uniun dles Ëles de Badia mët da jì n curs de Klosterarbeit cun Karin Crazzolara Anvidalfarei, che mët man en lönesc ai 8 d’otober dales 19.30, tla Ćiasa J.B. Runcher a Badia. Indöt saràl 5 incuntades. Infos y prenotaziuns pro Valeria al 0471/839804. Curs da fà crafuns da segra

Le curs vëgn tignì en vëndres ai 5 d’otober dales 12.30, a Ties ta Lungiarü. Infos y prenotaziuns pro Maria al nr. 0474/590018. Organisaziun: Uniun dles Patrones. Curs da fà na cëna

Organisé dala Uniun dles Ëles de Badia, en sabeda ai 6 d’otober dales 16.00, sö Sotćiastel a Badia. Referënta é Erica Clement. Infos y prenotaziuns: Maria al 0471/839842. Le curs é limité a 12 porsones.

Iadi, jites y escursions Jì a crëp

La Lia da Mont de Gherdëina mët a jì n dumënia ai 30 de setëmber n di de jì a crëp, deberieda cun i judacrëp y mëinacrëp. Chëst ann uniràl jit tl raion dl Rosengarten. Per plu nfurmazions pudëis cherdé su Sybille, 333/2852859. Traverseda da S. Valentin a Rojen

La Lia da Mont de Gherdëina mët a jì n dumënia ai 30 de setëmber na bela jita tl Vinschgau. L unirà fat la traverseda da S. Valentin a.d. Haide nchin a Rojen passan per la Seebodenspitze (2.858 m). L sarà da fé n deslivel de 1.000 m y plu o manco 6 ëura da jì. Per plu nfurmazions pudëis cherdé su Arnold, 333/4377171. Di de arpizeda La Grupa Alpinisć Gherdëina y i Jëuni dla Lia da Mont mët a jì n dumënia, ai 30 de setëmber n di de arpizeda per chëi che ulëssa purvé a jì a fé na via. Pion via dala 8 daduman sun plaza S. Antone per furné de viers dle Cinque Torri. Per plu nfurmazions y per se lascé nuté su pudëis cherdé su la Nëus Jëuni Gherdëina, 0471/799006.

La festa scumëncia n sada cun la giaurida dla portes al publich dala 5 domesdì. N’ëura do scumencerà l program de mujiga cun la grupa dla Svizera “Oesch’s die Dritten” y “Silke & Dirk Spielberg“ y daldò sunerà “Die Ladiner“ n cunzert speziel cun duc i majeri suzesc. Do la fin dl cunzert ntëur la 23.00 uniràl inò metù a jì na party cun n DJ per duc. La ntreda ie tlo debant. La festa va nce inant n dumënia ai 7 de utober. La scumëncia dala 10.00 danmesdì. L sunerà la grupa cunesciuda “Volxrock”, “Nicol & Diego Stuffer” y sambën “Die Ladiner”. N dumënia puderàn nce se maië velch da marënda y n giapa nce lianies blances. La festa de “Die Ladiner“ ie ntant La ntreda n dumënia ie debant y chësta ie dessegur ruveda a si 11ejima edizion. na ucajion per passé n blòt di cun duta la familia. Chertes per la festa de “Die Ladiner” de n sada iel sambën mo da garat Passëde na blòta sëira scutan su de bela mujiga da mont.Coche bele i ani passei sarà la sala spartida su te doi sezions y la chertes ie numeredes. La chertes per la 11° edizion dla festa de “Die Ladiner“ giàpen ti ufizes dla Lies per l Turism de Sëlva, S. Cristina y Urtijëi o cherdan su Werner Goller, 328/4191433. I Destudafuech de Runcadic se ncunforta sun Vo.

♦ Gnide al Bal dles Ambreles L’apuntamënt por la terza ediziun é fissé por chësta sabeda ai 29 de setëmber dales 21 inant, a Calfosch Le grup di Jogn Calfosch/Corvara inviёia düć ala terza ediziun dl ”Bal dles Ambreles”. La festa vёgn fata en doman sabeda ai 29 de setёmber dales 21.00 inant, tla Ćiasa dles Uniuns de Calfosch (ex scora). Da gnì söpert pòn adorè le Nightliner: Longega 21:21, Piculin 21:28, Pidrô 21:34, Badia 21:42, La Ila 21:49, Corvara 21:57 y al porta indô a ćiasa dales 0:55. Implü él gnü organisé na coriera che va jöpert dales 2:15. Por l’intratenimёnt musical fistidiarà i ”Tirolerwind” y Dj Tino. Al é inće da ciafè val’ da mangé: u podarëis ćiarćé la ”liagna al curry cun pommes” de Rudy! Y da mesanöt gnaràl premié la ”Miss Ambrela”! La novité de chёsta ediziun é le stont dl Oktoberfest! I Jogn da Calfosch/Corvara ves aspeta… inće sce al n’ess nia da Le Bal dles Ambreles é rové a süa terza ediziun. plovёi!

♦ Conzert “Ćiantè a Santa Maria” En domënia ai 30 de setëmber a La Val La seziun Cor de Dlijia sot al’EPL-Ert por i Ladins mët da jì le conzert “Ćiantè a Santa Maria” en domënia ai 30 de setëmber 2012 dales 20.00 tla Dlijia da La Val. Al tolarà pert chisc grups: Cor de Dlijia La Val, Cor de Dlijia La Pli, Cor de Dlijia Lungiarü, Cor Kerygma de Badia y n grup de stromënć a fle da La Val.

Pelegrinaje dla families

L KVW de Sëlva nvieia duc ai 30 de setëmber a unì al pelegrinaje dla families tla Val Badia. L unirà pià via dala 8.30 sun plaza sëura chemun te Sëlva. Per nfurmazions plu avisa y per se nuté su pudëis cherdé su Evi Senoner, 0471/773281. Uniun dles porsones vëdues y sores dla Val Badia a Abano Terme

Iade cun coriera a Abano Terme, set dis tl Hotel Terme Helvetia, dai 4 ai 11 de novëmber. Iscriziuns pro Monica Costa Clara, tel. 0474 590069, terminn: 20 d’otober. Prisc por porsona te ćiamena dopla y pensiun plëna: 530,00 euro, te ćiamena da un: 600,00 euro. A Tlüses cun l’UML L’Uniun Maestri Ladins inviëia en sabeda ai 27 /10 da jì a vijité Tlüses. Implü jaràn tl convënt di capuzineri, da sëra ”Törggeln” a Feldthurns. Orar: 14.15 da Corvara (Kostner), 14.20 La Ila, 14.25 Pedraces, 14.30 Pidrô, 14.35 Piculin (burćia), 14.40 Longega. S’anunzié ćina ai 12/10 pro Inge al 339/1696311 o Heidi al 335/7875564. Rapresentaziun “Maria cun le Fi” de Carlo Maratta (17ejims ecul). www.lauscdiladins.com

37


Informazions y Manifestazions Cursc

nr. 38 / 28 de setember 2012

Referac

Corsc de lengac a Moena L Comun de Moena, en colaborazion con EuropAvisio, endreza n cors de ingleis e un de todesch per gregn, de 3 livìe: basa, mesan e per esperc; n cors de rus de livel de basa per gregn e n cors de ingleis per bec enscin ai 11 egn. L’ensegnanta é de marelenga. L’é da se scriver ite te Canzelarìa de Comun dant dai 5 de otober.

Referat y seminar La lia Sanynton nvieia duc ai 1. de utober dala 20.30 te cësa de cultura de Sëlva, sala sëura la posta, a n referat n con’ de Matrix2point cun Silvia Agreiter. Ai 2 de utober saràl pona n workshop dala 8.30 nchin la 12.00 che se taca ite ala tematica dla sëira dant.

Corsc de bal sa Vich

La Mëisa Turonda dl’Ëiles nvieia a na sëira de nfurmazion n con’ dla spëisa cun i referënc Cristina Tomasi y H. Ruatti, ai 3.10. dala 20.00, te Sëlva, tla pitla sala dla cësa de cultura.

Dai 7 de otober sa Vich vegn endrezà doi corsc de bal da 8 lezions ogne domenia sera te sala de Consei de Comun: bal latin-american h 19.00 - 20.30 e bal “liscio” per esperc h 20.30 – 22.30. Se cogn se scriver ite dant dai 30 de setember da Lucia Deluca: tel. 320.0690969, lucia.coluzzi@gmail.com. Sun Tamion per emparèr a cojinèr

L Comun de Vich endreza n Cors per emparèr a cojinèr delvers col chech Stefano Ghetta. Se trata de 5 lezions via per da sera dai 8 de otober inant, ló dal restorant “L Chimpl da Tamion”. Se cogn se scriver ite dant dai 30.09: Lucia Deluca, 320.0690969, lucia.coluzzi@gmail.com. 2° Cors de fotografìa sa Vich

Tel meis de otober vegn endrezà n cors tecnich e de pratega per emparèr a fèr retrac con Giancarlo Farina. La lezions sarà de sabeda e domenia da les 16.30 inant, te sala del Consei de Comun de Vich. L cost l’é 35 € per chi da Vich e 45 € per i etres. Per se scriver ite se oujer a Andrea Rizzi, cell. 340.2951453, rizzi83@gmail.com. Corsc de rus te Biblioteca de Vich La Biblioteca de Vich endreza 2 corsc de rus: per prinzipianc dal 1° de otober al 1° de november e per esperc dai 5 de november ai 6 de dezember. La lezions sarà de lunesc e de jebia, h 20.30 – 22.00. Cost 100 euro. Per se scriver ite jir te biblioteca o telefonèr al 0462.763062, mail vigodifassa@biblio.infotn.it.

La spëisa da ntlëuta y al didancuei

Alzheimer y Parkinson - maraties nia ma dla jënt atempada Chësc é le titul dl referat che vëgn metü da jì en lönesc al 1. de otober dales 20.00, tla Ćiasa de Cultura a Calfosch. Al baiarà le dr. Gregorio Rungger. Co adorè i ciüfs che crësc sön nostes munts por se stè bëgn

De chësc nen jaràra te n referat che vëgn metü da jì en lönesc al 1. d’otober dales 19.00, te salf de calonia a Corvara. Referënta é Erika Pichler dla Ćiarencia. Le cost é de 5,00€ a će. Infos y prenotaziuns pro le Salon Ilda al 0471/836192 o ilda@saloneilda.191.it. Organisaziun: Consëi de Formaziun. Ester ëra, na vita intiera?

Chësc é le titul de n referat cun Erika Pichler dla Ćiarencia, che vëgn metü da jì en mertesc ai 2 d’otober dales 19.00, te salf de calonia a Corvara. Le cost é de 5,00€ a će. Infos y prenotaziuns pro le Salon Ilda al 0471/836192 o ilda@saloneilda.191.it. Organisaziun: Consëi de Formaziun. Referat sön le mé de spiné

Le KVW d’Al Plan inviëia al referat cun le dr. Robert Craffonara da Rina, dal titul ”Gaujes y terapies naturales por le mé de spiné”, che vëgn tignì en jöbia ai 4 d’otober dales 20.00, tl salf dla Cassa Raiffeisen a Al Plan.

Curs de Feldenkrais Bënsté y cunescënza dl corp tres l muvimënt. L curs scumëncia ai 4 de utober dala 20.00 tla palestra dla Cësa da Paussa a Urtijëi. L ie adatà per duc. Plu nfurmazions giapëis pra Johanna Delago, 346/7139533, hanna.delago@gmail.com

Da produtur de film a diaconn Le Consëi de Cöra da La Val cun le Consëi de Formaziun mët da jì en mertesc ai 2 d’otober dales 20.00 n referat cun Wolfgang Penn, che baiarà dl tema ”Da produtur de film a diaconn”. Le referat vëgn tignì te salf dles manifestaziuns.

Qi Gong - 8 Brokate

Se lascè menè dal Spirit Sant - na provocaziun tl tëmp de crisa?

La lia Sanynton mët a jì chësc curs de muvimënt mujel y de tré l fla drët, a Urtijëi tl self dla Locia dala 20.00 cun Rudolf Braunhofer. L curs scumëncia ai 3 de utober y ie 8 sëires. Plu nfurmazions pra l numer 0471/795467 o pra Rudolf, 339/1017575.

Sot a chësc titul organisëia le Consëi de Cöra de Badia n referat cun Agnes Irsara, che gnarà tignì en mertesc ai 2 d’otober dales 20.00, tla Ćiasa J.B. Runcher a San Linert.

Tëmp y ligrëza cun mituns

En jöbia, ai 11 d’otober piarà ia a La Ila, pro la Cassa Raiffeisen le workshop dal moto “Starke Eltern - Starke Kinder”. La referënta é la sig.a Ingrid Hofer Kienzl. Les 8 indunades sarà por todësch, vigni jöbia dales 9 – 11.30 dai 11 d’otober ai 29 de novëmber 2012. Infos: tel. 348/7821170 o mail: sandra_frenademez@yahoo.it Curs de LnB Motion Le Consëi de Formaziun da San Martin cun le sostëgn dla USD San Martin organisëia n curs de basa de LnB Motion, che mët man ai 2 d’otober dales 20.30 ales 21.45, tla palestra da San Martin. Indöt 10 leziuns, mertesc y vëndres. Infos y prenotaziuns pro Marisa al 340/2756166 o Helga al 346/3939547. Cost: 95,00€. Curs de pilates

Organisé dala Uniun dl Sport Diletantistich da San Martin, vigni mercui dai 3 d’otober inant, por 10 iadi, te palestra da San Martin. An s’incunta dales 19.30. Cost: 45,00€ plü cherta d’iscriziun ala uniun dl sport. Da se tó para él ćialzines grosses y n tapet. Infos y prenotaziuns le pröm dé te palestra o pro Maria al 339/6211647.

Co po pa garatè n matrimone o na vita de copia? Le Consëi de Cöra da San Ćiascian mët da jì n referat por todësch cun le psicologh y psicoterapeut Paul Hofer, en vëndres ai 5 d’otober dales 20.00, te calonia a San Ćiascian. Le referat é ponsè por pêrs maridà y nia maridà, al dess dè impulsc por le garatè de n raport de copia.

Mostres y Ert Mostra de Hermann Josef Runggaldier La giaurida dla mostra “Scultures“ sarà ai 6 de utober dala 18.00 a Riva del Garda, tla Sala Civica “G. Craffonara“, Giardini di Porta Orientale. La mostra sarà da udëi nchin ai 21 de utober uni di dala 10.30 nchin la 14.00 y dala 15.00 nchin la 18.30. Mostra de Mauro Trincanato La mostra de Mauro Trincanato “Form und Farbe des Unsichtbaren – Forme e colori dell’invisibile“, ie da udëi dai 1. de utober nchin ai 10 de nuvëmber tl Café Surëdl a Urtijëi. L orar de giaurida dl Café Surëdl ie da lunesc nchin a sada, 10.00 - 19.00.

Introduziun tl monn dla fisica di numeri - numerologia

De numerologia nen vara te n pice curs cun Christine Costabiei, en vëndres ai 5 d’otober dales 9.00, te Ćiasa dles Uniuns a Calfosch. Al gnarà baié dl tema ”Numerologia, n aiüt por capì damì situaziuns dla vita”. Infos y prenotaziuns pro Ingrid al 347/8811764. Organisaziun: Consëi de Formaziun. Cost: 10,00 euro. Decorè la ćiasa cun patüc d’altonn

Chësc podaràn imparè pro n curs cun Nina Craffonara Tavella, che vëgn metü da jì en lönesc ai 8 d’otober dales 19.30, tla Ostaria Posta a Badia. Infos y prenotaziuns pro Maria al 0471/839842. Le curs é limité a 12 porsones. Organisaziun: Uniun dles Ëles de Badia. Nodè por mituns

Badiasport mët a jì cun otober alenamënć da nodè y atletica por mituns dala 3a tlassa elementara ćina ala 3a mesana. Nodè vëgn tignì vigni lönesc tla nodadoia da La Ila, l’atletica lisiera vigni jöbia tla palestra dla scora mesana da La Ila por la perioda otober 2012 ćina mà 2013. Infos: posta@badiasport.org

♦ Le tonel da La Crusc deura les portes Le Comun de Badia inviëia al dé dla porta daverta dl tonel de drenaja y dedô ala festa de daurida dl Tru Cultural, chësta sabeda ai 29 de setëmber Chësta sabeda ai 29 de setëmber dales 10.00 ales 15.00 inviëia le Comun de Badia al dé dla porta daverta dl Tonel de drenaja da La Crusc. Düć podarà vijité chësta opera. Dales 15.00 s’incunton spo a Pedraces, olache le Comun y l’Assoziaziun Turistica Badia inviëia la popolaziun ala daurida dl Tru Cultural. Chilò fistidiarà la musiga da vila por na bona cornisc musicala.

Nodè por prinzipianć

Badiasport organisëia indô n curs da nodè por prinzipianć mituns dala 1a ala 4a tlassa elementara. Le curs vëgn tignì vigni mercui domisdé tla nodadoia da La Ila por la spana de tëmp otober 2012 ćina mà 2013. Al é dè la poscibilité por i plö bogn da passè tl grup de alenamënt do n pü de tëmp. Infos: posta@badiasport.org Nodè por gragn Al vëgn insigné i 4 stii lëde, spiné, arosch y delfin, y mioré la coordinaziun y la condiziun. Le curs vëgn tignì tla nodadoia da La Ila vigni mertesc dales 19.30 ales 20.30 (prüm grup) y dales 20.30 ales 21.30 (secundo grup) por le tëmp da otober 2012 ćina mà 2013. Al ne se trata nia de n curs por prinzipianć. Infos: posta@badiasport.org Pro l’inaudaziun dl tonel de drenaja de messè. (Foto: werner pescosta)

38

www.lauscdiladins.com


nr. 38 / 28 de setember 2012

Temp lede Cumpré ite y cunsumé pensan do L KVW de S. Cristina deberieda cun la Butëiga dl Mond y cun l sustëni dl Servisc Furmazion de S. Cristina mët a jì n “workshop” dal titul “Konsumpass - bewusst einkaufen, konsumieren und genießen“ cun la referënta Silvia Dalvai ai 13.10. dala 16.30 te biblioteca “Tresl Gruber” a S. Cristina. N possa se nuté su pra Daniela Perathoner, 333/3990635.

Informazions y Manifestazions ♦ Baujies, nia auter che baujies La grupa de teater de S. Cristina festejea i 30 ani dla lia y prejënta nce chëst ann n teater da rì. L teater sarà da udëi ai 3.10. dala 20.30, ai 7.10. dala 16.00 y dala 20.30, ai 11.10. dala 20.30 y ai 13.10. dala 20.30.

Di dl barat dla Lia di Filatelisć

N dumënia ai 30 de setëmber tën la Lia di Filateliscć, Numismatics y dla Vedla Chertes si di dl barat tla cësa de cultura Luis Trenker, dala 8.00 daduman nchin la 1.00 domesdì. Fé massajes ai piesc

L KVW de S.Cristina nvieia duc n juebia ai 4 de utober a na sëira pratica de massajes ai piesc cun Nerea Runggaldier, te biblioteca de S. Cristina dala 20.00. Di nternaziunel dla jënt de tëmp Sciche sëni de recunescënza y de stima per nosta jënt plu de tëmp vëniel fat festa ai 1. de utober tla Cësa de Paussa San Durich per passé mpue de tëmp deberieda. Duta la jënt de tëmp ie nvieda de cuer a unì dala 2 domesdi nchin la 6 da sëira, tla Cësa de Paussa “San Durich” a Urtijëi. N merdi ai 2 de utober ulons nvië duta la jënt de Gherdëina che cumplësc o à cumplì chëst ann 80 ani a na marënda. Festa di nëinesc y dla laves L Club Seniores de Sëlva nvieia duc i nëinesc y laves ai 5 de utober dala 14.00 te cësa de cultura “Oswald von Wolkenstein. Do na liturgia dla parola uniràl pità n blòt domesdì cun scetch, cianties y mujiga. Bal y musiga plajora por ëi y ëres de mesa eté

Le KVW y le Consëi de Formaziun organisëia 8 incuntades de bal y musiga plajora por ëi y ëres de mesa eté, cun Giovanna Moling. Pröma incuntada: mertesc ai 9 de otober dales 19.30 a San Martin, tl salf di stödafüch. Zënza sforz vëgnel alenè memoria, conzentraziun, reaziun y coordinaziun. Prenotaziuns pro Hilda Sottara al 0474/523133. Incuntades cun bal y musiga plajora por ëres y ëi dla mesa eté insö

Vigni lönesc, dales 14:30 ales 15:30, te Salf dles Uniuns da La Val, dal 1. de otober inant. Le stè adöm miorëia la crëta te se instësc y la ligrëza da vire. Al ne vëgn nia ghiré conoscënzes danfora. Infos y prenotaziuns pro Moling Pezzei Giovanna, tel. 338 1249472. Org.: Consëi de formaziun La Val. Balè en compagnia

La Uniun dles Ëles de Badia mët da jì deplü sëres olache al gnarà balè deplü sorts de bai (fox, polca, walzer), cun Enrico Valentini. La pröma sëra é en mertesc ai 2 d’otober dales 20, te palestra de Badia. Les atres incuntades é ai 16 y 30 d’otober, y ai 13 y 27 de novëmber. Infos pro Lucia al 338/6413588.

Chino Al Chino de Cianacei

En sabeda ai 29 de setember da les 21.15 e en domenia ai 30 da les 21.00 se pel veder “Prometheus” e en domenia 30, h 17.30 i fèsc veder “Ribelle – The Brave”. Al Chino de Pardac Da en vender ai 28 de setember enscin en mèrtesc ai 2 de otober, da les 21.15 e en sabeda ai 29 e en domenia ai 30 ence da les 17.30, se pel veder “L’era glaciale 4”. En vender ai 5, en sabeda ai 6 e en domenia ai 7 de otober da les 17.00 se podarà veder semper “L’era glaciale 4” e da les 21.15 “Il Cavaliere oscuro”. Al Chino de Tieser

L film “L’era glaciale 4. Continenti alla deriva” l’é en program en mercol ai 3 de otober da les 21.15 en 2D; en jebia ai 4 da les 21.15 en 3D; en sabeda ai 6 da les 17.00 en 2D e da les 21.15 en 3D; en domenia ai 7 da les 17.30 en 2D e da les 15.30 e da les 21.15 en 3D. Al Chino de Ciavaleis

Insnet, vender ai 28 de setember, e dapò ence en sabeda ai 29 da les 21.15 e en domenia ai 30 da les 21.15 e da les 16.30 se pel veder “L’era glaciale 4”. Per dut l meis de otober l chino de Ciavaleis restarà serà per feries.

Religion Pruzescion dla stëiles

L Cunsëi de Pluania de Sëlva nvieia duc ala pruzescion che muev dai ridli de Sëlva per ruvé dala 20.00 te dlieja (cëla nfurmazion plu longia). Prozesciun a Oies

L’Uniun Ëi Val Badia inviëia düć i ëi y i jogn en vëndres, ai 28 de setëmber 2012, dales 19.30 te dlijia de Badia a tó pert ala prozesciun cun linternes o ćiandëres da San Linert/ Badia a Oies. Vignun dess se tó para la ćiandëra o linterna. Festa dla Comunité a La Ila Le Consëi de Cüra da La Ila inviëia en domënia ai 30 de setëmber dales 10.00 döta la comunité da La Ila ala ”Festa dla Comunité”, na festa por döta la popolaziun, suradöt por les families, te dlijia y sön plaza de calonia. Sce al ess da ester bur’ tëmp vëgn la festa tignida tla scora mesana.

La grupa de teater de S. Cristina.

Dan trënt’ ani se àl ancuntà n cin’ o sies persones pra n café per rujené de mëter a jì n teater a S. Cristina, davia che l fova bele passà truep ani dai ultimi pec che fova unii purtei dant mo tl hotel Uridl. N à pona damandà a Ernst Demetz che ova fat pea pra plu teatri a Urtijëi, de fé la regia y da ntlëuta àn prejentà belau uni ann n teater, coche per ejëmpl “Na nevicia de massa” o “Diaula de festa di ani” y de autri. Annemarie Rungger, ma nce Paul Demetz à suvënz fat la regia. Tla grupa de teater de S. Cristina iel al didancuei deplù atëures che fej bele pea da truep ani. Da uni teater cëla la lia nce de abiné doi o trëi atëures, dantaldut jëuni, che ne fova mo nia tan suvënz sun palch. Per uni teater iel de bujën de fé ntëur a n 30 proes. Chël uel dì che n à suvënz trëi iedesc al’ena proa da sëira y sambën muessen mo mparé l test a cësa. Ma nce ntëurite iel mo d’autri lëures coche per ejëmpl njenië ca la paladina cun i lëures da zumpradëur y da moler. Nce la decurazions y i guanc muessa passené pra l pez purtà dant. Per crì ora l teater che vën metù a jì, se liejen tres uni ann plu pec dl Theaterverband a Bulsan. N valguni dl cunsëi va nce te d’autri luesc a ti cialé a teatri che d’ autra grupes prejënta. Nce chëst ann à la grupa de teater de S. Cristina mparà ite n teater da rì te cater La reghissera. chedri cun l titul “Baujies, nia auter che baujies!” ciancià dal tudësch “Lügen über L��gen” de Walter G. Pfaus da Elisabeth Senoner, che à nce ti ultimi ani for fat la traduzion di pec. La regia ie chëst iede de Isolde Senoner, aiut dla regia fej Marina Insam y Margit Schrott dij ite. Per se fé ora bona y per ruvé pra si arpejon, ti mënt Karin (Christina Demetz) dant a si anda Clara che viv tl’America (Annemarie Rungger), che si uem Leo (Thomas Schenk) à bëndebo’ l muet y ie assessëur dla provinzia. Canche l’anda vën a i crì, muessa pona nia mé ëi mentì mo deplù per ti fé crëier la storia ala anda, ma nce i cumpanies de familia (Bruno Senoner, Marika Schrott y Peter Senoner) muesssa judé pea a fé chësta cumedia. La storia vën nscila for plu ntravaieda y zënzauter saràl mo d’autra surprejes. L fej mo pea Pepi Bauer, Roman Senoner y Ica Runggaldier. Chertes danora pòssen apusté tla Boutique La Parisienne a S.Cristina, tel. 0471/793334.

♦ Inaudaziun dla oasa de palsa ”Plan de Salt” Chësta sabeda ai 29 de setëmber dales 14.00, a Al Plan de Mareo Chësc isté àn laurè a Al Plan de Mareo por la realisaziun dla oasa de palsa ”Plan de Salt”, che é daìte dai Bagns Cortina, che an dij, sön terac dla Vijinanza d’Al Plan. L’Agenz ia Provinziala por la Proteziun dl Ambiënt, l’Ofize por les Eghes y le Comun de Mareo inviëia porchël ala inaudaziun, che gnarà tignida chësta sabeda ai 29 de setëmber dales 14.00, pro la oasa de palsa, olache al vëgn coiü sö l’ega minerala La oasa de palsa ”Plan de Salt” a Al Plan vëgn inaudada chësta di Bagns Cortina. sabeda. Chësta oasa ciafon defata daìte dal Bagn, sön ur’ dl Rü d’Al Plan. Por la cornisc musicala fistidiëia Esther y Monica Crazzolara, che portarà dant musiga dl’ega cun vidora y fabló traversal. Düć é bel invià da tó pert a chësta festa. www.lauscdiladins.com

39


Informazions y Manifestazions Sozial Deberieda: Jon sa la utia Pramulin N juebia ai 4 de utober se ancunterons dala 16.00 tla streda Stazion a Urtijëi, per jì deberieda sa la utia Pramulin a pitla marënda. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per nfurmazions plu avisa pudëis cherdé su Ulrike Rabanser, tel. 0471/798015.

Dotors y Apoteches Dotors L dutor de servisc te Gherdëina dala 8.00 da duman de n sada 29 de setëmber nchin la 8.00 da duman de n lunesc 1. de utober ie l dutor Aba Fallaha de Sëlva, tel. 0471/794111 o l 0471 797540. Le dotur en sorvisc tla Val Badia, tla findledema di 29 y 30 de setëmber, é le dotur Aldo Marcocci, Al Plan de Mareo, tel. 0474/501039 o 338/7280518. Apoteches L’apoteca de servisc te Gherdëina, che à daviert ora dl orar ordiner da n vënderdi (dala 19.00) ai 28 de setëmber nchin n vënerdi ai 5 de utober ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 28 de setëmber al vëndres ai 5 de otober, é chëra d’Al Plan, tel. 0474/501240.

Trasmiscions TV y Radio “Kairos”: l temp del Spirit sun TML

Sun TML de sabeda e domenia se pel veder la rubrica religiousa “Kairos”, con letura del Vangele e coment. A ne portèr dant la reflescions su la Parola de Die l’é ades don Alfredo Pederiva. L program vegn manà fora de sabeda h. 18.30, 19.45, 21.15 e 22.15; de domenia h. 7.15, 10.00, 12.00, 14.00 e 18.45. La programazion de TML é ence sul sit www.tmltv.it e i programes de Ercamedia ence sun www.tvladina.com. “SUNS” tel Cianton de l’Istitut

Te “L Cianton de l’Istitut” sun TML amò chest fin de setemèna se pel veder l spetàcol “Istadela Comandela. L viac di joegn draghes”, spetàcol de la Scola de Musega “Il Pentagramma”. Con en lunesc 1 de otober vegnarà manà fora l program dedicà a la musega de la mendranzes e al festival “SUNS” de Udin. Oraries orientatives: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15 e vender h. 11.30. “Ercaboan Istà” sun TML e sul web

Sun TML ogne sabeda vegn dat fora n nef program de la rubrica “Ercaboan”, de Silvano Ploner. Chisc i oraries: sabeda h. 18.00 e 20.45; domenia h. 13.30 e 18.15 e replica duta la setemèna: lunesc h. 20.45; mèrtesc h. 17.30; mercol e jebia h. 18.15. La programazion de TML é ence sul sit www.tmltv.it e la produzions de Ercamedia sun www.tvladina. com. Scenar - ert y cultura tla Ladinia

En jöbia ai 4 d’otober dales 20.30 va en ona sön la Rai Tv Ladina na ediziun nöia de scenar, metüda adöm da Karin Pizzinini, cun la produziun de Jan Piere Karbon. I argomënć de Scenar de otober à da fà cun scultöra, storia y musiga. Albert Crazzolara - se chîr sü motifs tla natöra: Danter i crëps y i bosć dles Dolomites se sëntel a ćiasa. Amesa la natöra à metü man so tru artistich, tla natöra se ćiarel intoronn, y dailò ciafa le scultur badiot Albert Crazzolara süa ispiraziun, y inće i temesc por sü laurs. Loris Serafini - so laûr se porta zoruch tla storia: An po dì che Loris Serafini de Canale d’Egort sides gnü n pü’ adotè te Ampëz, olache al à ciafè n compit che ti plej, mo che se damana inće n gran impëgn: so travert sciöche archivist é chël de portè na strotöra logica danter les chertes vedles. Süa pasciun é chëra de implì la dlijia cun la musiga dl orghe, y chësc ti dà na gran ligrëza. Emanuel Valentin – se mët en sintonia cun i stromënć dl monn: Bele da möt sintî le musizist badiot Emanuel Valentin che le ritm dles percusciuns tocâ pro süa vita. Cun i agn é süa pasciun deventada na vijiun, che l’à portè a studié i popui dl monn, a rodè, y a odëi tla musiga la poscibilité sciöche n lingaz universal che liëia i popui. Chësta trasmisciun é sostignüda dala Rai Ladina en colaboraziun cun l’assessorat ala Cultura Ladina dla Provinzia de Balsan y dala Regiun Trentino-Südtirol. Informaziuns plü menüdes söi programs radio y TV Ladina pòn ciafè sön www.raibz.rai.it. La trasmisciun sarà da odëi fina ai 13 de setëmber sön www.raibz.rai.it.

Avisc N gran develpai a la monies de Sèn Jan

En domenia ai 30 de setember l’é la festa de rengraziament per la monies de Sèn Jan. Se se troa da les 9.45 aló da la Scolina de Sèn Jan per jir en procescion fin a la Pieif, olache l’é la messa grana da les 10.30. Per l’ocajion a Poza e Pera no vegn dit messa da les 10. Dò se jià te oratorie de Poza olache sarà la marena per chi che se enscinuà e domesdì amò festa viventèda dal cor di bec da Poza.

Teater Teater amatorièl per bec a Moena Taca via de otober la 10^ rassegna provinzièla de teater amatorièl per bec, che jirà inant fin de firé del 2013, con 28 spetàcoi te 8 lesc del Trentin. Prum apuntament a Moena tel teater de l’oratorie ai 7 de otober da les 14.30, col spetàcol “Il brutto anatroccolo”, spilenà dal grop “Gianni Corradini” de Vilazan.

40

www.lauscdiladins.com

nr. 38 / 28 de setember 2012

♦ Cursc tla Scola Profesciunela Nce per l ann de scola 2012/13 pieta la Scola Profesciunela per l artejanat artistich de Urtijëi plu cursc da d’autonn y d’ansciuda Cursc da d’autonn Curs de depënjer a acuarel L curs ie cun Markus Schenk, artista de Urtijëi. L scumëncia ai 1. de utober y va inant nchin ai 24 de utober, 20 ëura, for de lunesc y mierculdi sëira dala 20.00 nchin ala 22.30. Curs de ziplé urnamënc y urnamënc per mubilia L curs ie cun n nseniant dla Scola Profesciunela. L scumëncia ai 16 de utober y ie nchin ai 19 de utober, 32 ëura dala 8.00 daduman nchin la 18.00. Curs de turné L curs ie cun Andrea Holzknecht de Urtijëi ai 26 y 27 de utober , n vënderdi dala 14.00 nchin la 19.00 y n sada dala 8.00 daduman nchin la 18.00, de ndut 13 ëura. Depënjer roba de mauta L curs ie cun Roberta Senoner de S. Cristina. L ie dai 5 de nuvëmber nchin ai 12 de nuvëmber, de lunesc y de mierculdi dala 20.00 nchin la 22.00, de ndut 6 ëura. Curs de mudelé akt cun n model L curs ie cun Bruno Walpoth, artista de Urtijëi. L ie dai 23 de nuvëmber nchin ai 1. de dezëmber, de vënderdi dala 14.00 nchin la 18.00 y de sada dala 8.00 daduman nchin la 18.00, de ndut 24 ëura. Curs de turné L curs ie cun Andrea Holzknecht de Urtijëi ai 30 de nuvëmber y ai 1. de dezëmber, n vënderdi dala 14.00 nchin la 19.00 y n sada dala 8.00 daduman nchin la 18.00, de ndut 13 ëura. Cursc da d’ansciuda Curs de mudelé akt cun n model L curs ie cun Hermann Josef Runggaldier, scultëur de Urtijëi. L ie dai 18 de jené 2013 nchin ai 26 de jené 2013, de vënderdi dala 14.00 nchin la 18.00 y de sada dala 8.00 daduman nchin la 18.00, de ndut 24 ëura. Dessenië act L curs ie cun Arnold Holzknecht, artista de Urtijëi. L ie dai 4 de fauré 2013 nchin ai 27 de mei, for de lunesc dala 20.00 nchin la 22.00, de ndut 28 ëura. Curs de ziplé – dal model ala scultura fineda L curs ie cun n nseniant dla Scola Profesciunela. L ie dai 5 de merz 2013 nchin ai 8 de merz dala 8.00 daduman nchin la 18.00, de ndut 32 ëura. Depënjer Icones L curs ie cun Hubert Piccolruaz, artista de Schlanders. L ie dai 18 de merz 2013 nchin ai 22 de merz, dala 8.00 daduman nchin la 18.00, de ndut 40 ëura. Depënjer urnamënc L curs ie cun Sigmund Holzknecht, nseniant dla Scola Profesciunela. L ie ai 5 de auril dala 14.00 nchin la 18.00 y ai 6 de auril, dala 8.30 nchin la 12.30, de ndut 8 ëura. Portret te mauta L curs ie cun n nseniant dla Scola Profesciunela. L ie ai 12 y 13 de auril 2013 dala 8.00 daduman nchin la 18.00, de ndut 16 ëura. Curs de mudelé act cun n model te na posizion de muvimënt L curs ie cun n nseniant dla Scola Prufescionela. L ie dai 18 de auril 2013 nchin ai 20 de auril, dala 8.00 daduman nchin la 18.00, de ndut 24 ëura. Zipé reliefs L curs ie cun n nseniant dla Scola Prufescionela. L ie dai 7 de mei 2013 nchin ai 10 de mei, dala 8.00 daduman nchin la 18.00, de ndut 32 ëura. Per nfurmazions plu avisa prëibel cherdé su la Scola Profesciunela, 0471/796733 o mandé n’ e-mail a lbs.st-ulrich@schule.suedtirol.it


Informazions y Congratulazions

nr. 38 / 28 de setember 2012

Avisc La Jungschar de Sëlva scumëncia inò N se anconta ai 29 de setëmber dala 15.00 tl local dla Jungschar de Sëlva per chëi dla Scola Elementera y ai 6 de utober dala 15.00 per chëi dla Mesana. Dé dla porta daverta dl tonel da La Crusc

Le Comun de Badia inviëia dër bel al dé dla porta daverta tl tonel de drenaja da La Crusc, che gnarà desfiré chësta sabeda ai 29 de setëmber dales 10.00 ales 15.00. Düć é bel invià. Udiënzes dla Uniun di Ostis La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Iade al Consëi provinzial

Les uniuns dles patrones dla Val Badia organisëia n iade a ti ćiarè al Consëi provinzial a Balsan ai 2 de otober. An pëia ia da Badia dales 08:00. Söl programm él la vijita al Consëi provinzial, la marëna y domisdé da jì a ćiarè ales piramides sön Renon. Infos: Edith Miribung, La Val, tel. 0471/843187, cina ai 26-10-2012.

Düt l bun a

Pire de Col Mo ći spavënt, bel’ la majera eté ast’ arjunt. Paur orôste deventè y a scora t’aste porvè. La Vespa aste metü da jì purchël mecanicher orôste gnì. Cun le motor t’aste bagnè assà, jones incëria aste inće assà, datrai slü n pü’ n edl, scenò n’él demassa. A na viva se cunforta chi da Ćiampëi y Ćians, che ess pa düć valgamia sëi.

Zënter families “ergobando”

L’assoziaziun “ergobando” à metü man indô söa ativité, le zënter é davert vigni vëndres dales 15.00 ales 17.00. Laprò dauriaral ai 3 d’otober inće de mercui danmisdé, dales 9.30 ales 11.30 por i plü pici mituns ćina ai 3 agn.

♦ Ena y Festa dla Pluania de Sëlva La Pluania de Sëlva mët a jì dai 30.9. nchin ai 7.10. l’Ena dla Pluania cun plu manifestazions che fina cun la festa dla pluania n Segra dl Rosar

Che conësc pa cösta bela picia möta da orëi bun? Al è che

Lisa de Pipa co complësc chisc dis 18 agn! Dal tata, dla mama, da David y Luca y da düć chi de Pipa

L ie na ucajion per sté adum, per la jënt dl luech, per la families, per granc y pitli, jëuni y vedli. Nvion de cuer duta la cumenanza a fé pea pra la manifestazions.

döt le bun, sanité y ligrëza por döta la vita.

- Dumënia ai 30.9., dala 9.30: S. Mëssa abelida dal’orchestra di jëuni. - Lunesc ai 1.10., dala 20.30 te calonia: Ancunteda cun Sn. Digan y Pluan Vijo Pitscheider sun l ann dla fede che scumencerà ai 11 de utober. ”Ciuldì à pa truepa jënt tan puech nteres per la fede? Co pudëssen pa descedé n majer ntujiasm per la religion?” - Juebia ai 4.10., festa de S. Francësch: Pruzescion dai ridli dl luech per ruvé dala 20.00 te dlieja, ulache l sarà na reflescion sun la ”Ciantia dla criatures / Sonnengesang” de S. Francësch. Dai ridli vëniel muet za. 35 menuc dan la 8 da sëira. - Vënderdi ai 5.10., dala 14.00, te sala de cultura: Festa di nëinesc y dla laves cun pitli teatri, mujiga y pitla marënda. - Sada ai 6.10., dala 20.30, te sala de cultura: Cunzert dl Cor di Jëuni de S. Cristina. - Dumënia ai 7.10., Segra dl Rosar, dala 9.30: S. Mëssa cianteda dal Cor de Dlieja y pruzescion ntëur al luech. Daldò ie duc nviei a na pitla festa sun plaza de dlieja cun la Mujiga de Sëlva y velch da maië y da bever. L sarà nce la premiazion dl quiz sun la Bibia.

Congratulazions Annemarie y Tone “La Sëlva”

Indoman sabeda ai 29 de setëmber se marida

Karin y Klaus. Döt le bun, tröpa fortüna y sanité ti aoda düć chi de familia.

A chël che é tres bun da s’la rì y inće da se fà devertì, che a na festa ne po mai manćé y de dumënia se tira fora de let, anfat le mé de će. Döt l’bun pur chisc 25 agn urunse ti auguré, speran che en lönesc al 1. n pêr de goti gnaràl a s’un paié. Döt l’bun y ćiamò tröp d’ater laprò t’augüra Vale, Gnenko, Milio, Elvis, Benno, Sara, Denis, Simon, Tobias, Anna, Christian, Marlies, Fabian, Kathrin, Alex, Marina.

à festejà ai 25 de setëmber la Noza de Or. Rengrazion de cuer per dut chël che ëis fat per nëus y ve mbincion mo truep ani deberieda plëns de legrëza, fertuna y sanità. Ivo y Simonetta cun Claudio, Marco y Paolo

Tosc él l’ gran dé, en sabeda ai 29 de setëmber 2012 ô

la Elisa y l’ Arthur

Pur Mathilde y Klaus che mët man ai 29 de setëmber süa vita deboriada, urunse audè sön chësc tru nü tröpa fortüna, ligrëza, amur y benedisciun de Dî. Ostes Families

se dì de scê. Furtüna se augurunse y sanité, ligrëza y benedisciun dé pur dé! Düt l’ bun da ostes families, les cumpagnes y i cumpagns

www.lauscdiladins.com

41


Inserac

nr. 38 / 28 de setember 2012 Da chirì

L vën crì n cuatier da tò a fit a Urtijëi per na familia dla Talia che stà bele te Gherdëina. Tel. 349/7551258. (36/12) ••• N ost da tlo chier n apartamënt cun 2-3 majons da to a fit per la sajon da d'inviern. Tel 339/3238833. (36/12) ••• L vën crì n cuatier da tò a fit per doi persones a S. Cristina o a Urtijëi da nuvëmber inant. Tel. 366/4420608. (37/12) •••

N pèr da tlo chier n cuatier da tò a fit per 2 personea a Urtijëi da nuvëmber inant per n ann o doi. Tel. 327/5522859. (37/12) ••• N cuech che lëura te Sëlva chier na majon cun bani te Gherdëina per la sajon da d’inviern. Tel. 340/0626040. (38/12) ••• Na persona de tëmp da tlo chier a S. Cristina o a Urtijëi n cuatier cunven-ziunà da nuvëmber inant per n ann plu o manco. Tel. 338/5027357. (38/12)

••• Doi jëuni da tlo chier n cuatier te Gherdëina per la sajon da d’inviern. Tel. 338/9895086. (38/12) ••• N pèr jëunn che lëura bele truep ani te Gherdëina chier n cuatier da tò a fit a Urtijëi per dut l ann. Tel. 327/8630160. (38/12) ••• L vën cris n apartamënt cun doi majons a Santa Cristina, per n pèr che stà y lëura a Santa Cristina. Tel. 3479715458. (38/12)

Garni Erna a Al Plan chir por la sajun da d’invern na ëra cun esperiënza a romenè sö ćiamenes y a fà la blanćiaria, poscibilmënter dl post. Orar de laûr apresciapüch dales 8.00 ales 15.00. Prëibel telefonè al 0474/501066 o menè na mail a info@garnierna.it    

La firma Adang Termosanitar chir na porsona por ofize che à interes por la tecnica y esperiënza söl PC, che sa talian y todësch, magari valgügn che à fat l’idraulicher. Tel. 335/1244413.

Hotel Oswald**** te Sëlva chir per la sajon da d’inviern y pusciblmënter dl post 1 chelner/a 1 rezeptionist/a canche l/la vën adurvà/eda 1 masseur/a canche l/la vën adurvà/eda. Nteressei possa cherdé su l numer 0471/795151 danter la 8.00 – 12.00 damesdì y dala 15.00 – 18.00 domesdi.

Hotel Sassongher a Corvara chir da atira por la sajun da d’invern o inće por döt l'ann 1 secretêr/ia poscibilmënter dl post cun esperiënza, che sa todësch, talian y inglesc, da laurè cun le computer, espert/a de internet y marketing. Prëibel cherdè sö le 0471/836085 o menè na email a info@sassongher.it

Garnì ai Pini a San Ćiascian chir por la sajun da d’invern na barista che sais talian y todësch. Prëibel cherdè sö le 0471/849541 aipini@rolmail.net

Hotel Gran Fanes a Corvara chir por la sajun da d'invern na ćiamenëssa por trëi ores danmisdé. Prëibel cherdè sö le 0471/836225 o le 338/9124797.

Camping Colfosco/ Corvara chir por la sajun invernala 1 ël dl post por parchè y ćiarè sura la plaza. Por informaziuns prëibel cherdè sö le 0471/836515 o le 348/0425058.

Furnaria Gasser a La Ila chir por fora de sajun y inće por la sajun da d’invern na barista. Prëibel cherdè sö le 0471/847102.

Kostner Andreas Srl Bar L’Got a Corvara chir n/na barist/a part-time (da sëra) por la sajun da d’invern. Telefonede al 335/5625333 o al 0471/836117.

Sport Lagazuoi a San Ćiascian chir por la sajun da d’invern boteghiers/es cun esperiënza. Prëibel cherdè sö le 0471/849554 o le 335/6761788.

La Scora de Schi da Corvara chir por la sajun da d’invern n cogo na secreteria, poscibilmënter dl post. Prëibel cherdè sö le 0471/836126.

Garni Gabrieli a Corvara chir na ćiamenëssa por 3 ores danmisdé por la sajun da d’invern. Prëibel cherdè sö le 0471/836051.

L vën fità via n cuatier de 75 m2 per dut l ann a Urtijëi. Prëibel cherdé su l 338/6714014.

L vën vendù n pra da mont sa Lech Sant de 4 ha cun medel y tublà. Prëibel cherdé su l 339/6797652.

Art Hotel Cappella ****S a Calfosch chir por la sajun da d’invern n/na bun/a chelner/a, poscibilmënter dl post, por nosc bar/restorant. Prëibel cherdè sö le 0471/836183 o scriede na e-mail a info@hotelcappella.com

Hotel La Tambra a Corvara chir por la sajun da d’invern n cogo por le grill, n/na secreter/ia/ chelner/a, n cogo por antipasć. Prëibel cherdé sö le 0471/836281. info@latambra.com

Hotel Dolasilla a La Ila chir por la sajun da d’invern 1 barista 1 tornanta por salf y bar. Les interessades é periades da cherdè sö le 0471/847006.

Da vende L vën vendù n dlaciadoi y na “fritteuse“ te Sëlva. Tel. 0471/795156. (36/12) ••• Al vëgn venü na dlaciadoia a S.Ciascian a 50,00 euro. Tel. 339/6870823. (36/12) ••• Al vëgn venù n BMW 118i 129CV cun 87.000 km imatricolé dl 2005. Laprò el montli y cërtli da d’invern. Tel. 0474/523214. (36/12) ••• L vën vendù na roda da stredea revijioneda sciche nueva per na persona granda 1,75 – 1,85 m cun telaio de carbonio y dut l material Shimano Duraace, a priesc da traté. Tel. 0471/793671 o 335/7040572. (36/12) ••• L vën vendù 2 pèr de schi Elan da slalom de 1,50 cm fac ju da gara y 2 per de schi Elan da slalom lerch de 1,76 cm fac ju da gara. Tel. 0471/793671 o 335/7040572. ••• Al vëgn venü lëgna sëćia bele fata sö de liac de 40 cm y vancëis, a Mantëna (Al Plan). Tel. 0474/501679. (da sëra). ••• Da vene rans sec de lersc, pinch o pecio sies sö de 50 cm e vencëis. Tel. 347/5004691. (36/12) ••• L vën vendù n Quad Arctic Cat 550i, dl 2011, 4x4 cun ridotes, deferenzial dancà y dovia, servo, cuplung per njin da taché

do, binda cun na forza de 1.360 kg, 1.200 km a 7.750,00 euro. Tel. 345/7110501. ••• Da vëne n Jeep Suzuki Jimmy 1.4 diesel cun 40.000 km, corù grisc metalisé, mantignì dër bun, inće por neopatentà. Tel. 335/5474768 dales 18.00 inant. ••• Da vëne n trizicl Ape Cross Country 50 cc. cun 4.502 km, corù cöce, roll-bar, lada curida jö cun aluminium, mantignì dër bun. Tel. 335/5474768 da sëra dales 18.00 inant. (36/12) ••• L vën vendù n “carrello“ per n auto mesures 2 m x 1,20 m. Tel. 335/8177353. (37/12) ••• Al vëgn venü n SsangYongKyron XDI, diesel cun km 88.600, 4 WD, 5 marces, 4/5 portes, 104 KW, corù fosch metalisé a 4.150,00 euro. info@microvita.bz.it (38/12) ••• L vën vendù n Fiat Topolino oldtimer 500 dl 1955 mantenì scialdi bën, cuecen, a 8.500,00 euro. Tel. 347/9607268. (38/12) ••• L vën vendù n bel banch antich de lën da mëter te verzon da 4 – 5 posc’ da senté, mantenì scialdi bën, a 500,00 euro. Tel. 347/9607268. (38/12) ••• L vën vendù n Golf 1.9. td 11/2004,

130.000 km cun 5 portes comfortline, climatronic, grisc brum grafite. Tel. 339/6004559. (38/12) ••• Al vëgn venü n motor KTM 300 EXC dl 2009 a La Val. Tel. 338/4867533. (38/12) ••• L vën vendù n motor Ducati 1098 S dl 2008 cun 11.347 km, cuecen. Tel. 339/7478359. (38/12) ••• L vën vendù n Quad  LTZ 400 dl 2005. Tel. 339/5071778. (38/12)  ••• Al vëgn venü na roda da strada, marca Camin de Claudio Camin ex ziclist a livel profescional, cambio Campagnolo Record full Carbon y laprò n rulo, döt mantignì bun sciöche nü. Tel. 334/7034527. (38/12)

Jü a perde En domënia él gnü strumenè tla ütia de Sennes na iaca da vënt da ëra cöcena dla marca “Haglöfs”. Sce valgügn l’à ciafada ési perià de cherdè sö le numer 3387716643. (38/12)

Da dé ca L vën dat ca 400 plates de tët dla sort “Wierer, doppia romana” culëur grisc scur. Tel. 366/6597091. (37/12)

Residence Garni Rautal *** a Al Plan de Mareo chir por la sajun da d’invern ëres a romenè sö apartamënć les sabedes. Preibel cherdè sö le 0474/501122. 

Rifugio Ütia Bamby sot a Piz La Ila chir por la sajun da d’invern 1 chelner/a cun esperiënza y che sais todësch y inglesc. Al ne é nia da dormì y an vëgn sö cun i schi. Prëibel cherdè sö le 329/9540054 o scrì a info@rifugiobamby.it

Chirì da laour N ël chier da lëur per la sajon da d’inviern a lavé ju o a fé d’uni sort de stroc, sce l ie mesun te Gherdëina. L à bele esperienza te chësc lëur ajache l à bele fat trëi sajons tl hotel Antares te Sëlva. Tel. 328/9318568. (36/12) ••• N’ëila chier da lëur sciche ćiamenëssa o a puzené te cëses privates, la à bele esperienza te chësc lëur, a Urtijëi o ntëurvia. Scenó cialëssela nce sun pitli mutons. La stiera pudëssa vester a mez tëmp o per dut l di, ma nia da sëira. Tel. 331/5635788. (36/12) ••• N ël chier da lëur sciche cuech (capo partita) da mez setëmber inant, l à esperienza, sà da cujiné pësc y nce la spëisa tipica de nosc raions, l ie na persona respunsabla y che sà da fé. Tel. 328 3590803 (prëibel cherdé su danter la 14.30 y la 16.30 o do la 21.30). (36/12)

Üćia Lavarella sön la Munt de Fanes chir 1 jonn o na jona a daidé te bar, por la sajun da d’invern. Prëibel telefonè al 0474/501079 o 0474/501094. o menè na mail a rifugio@lavarella.it

Ütia L’ Tamà a Badia chir por la sajun da d’invern na chelnera. Prëibel cherdè sö le 333/4918190. ltama@rolmail.net

Snack Bar Corf a Corvara chir por la sajun da d’invern n/na porsona a daidé te ćiasadafüch, poscibilmënter dl post. Prëibel cherdé sö le 328/3347411.

42

www.lauscdiladins.com

N ël chier da lëur a lavé ju te na cësadafuech o a fé de uni sort de lëures. Tel. 327/0475775. (36/12) ••• Na ëra a San Martin de Tor cun esperiënza chir da sochodì na porsona tla Val Badia o Gherdëna. Tel. 366/2703569. (36/12) ••• Al vëgn chirì na porsona che ess interes da se assozié cun jënt tla Romania por na ativité profescionala. Tel. 373/3336241. ••• N ël cun esperienza chier da lëur da pizzaiolo da sën inant per la sajon da d’inviern. Ël à bele laurà te Gherdëina y à nce de bujën de albierch. Tel. 334/1983275. (37/12) ••• N ël cun esperienza chier da lëur a lavé ju o a fé de uni sort de lëures. Ël à nce de bujën de albierch. Tel. 328/6841382. ••• N jëunn chier da lëur tla Valedes Ladines. Ël à esperienza da camionista y sta te Gherdëina. L ie unfat de ce lëur che l se trata. Ël rejona talian y ntënd nce tudësch y nglëisc. Tel. 380/9070724. (37/12) ••• N ël dla Talia de 45 ani che viv bele 10 ani te Gherdëina cun esperienza de lauré sun l computer, chier da lëur te n hotel o te n ufize te Ghrdëina. Ël rejona talian, nglëisc, tudësch, spanuel y rus. Tel. 349/8011901. (37/12) ••• N ël chier da lëur coche pizzaiolo. Tel. 339/4577543. (37/12)

Hotel Miramonti a Pedraces/Badia chir por la sajun da d’invern n secundo cogo cun esperiënza poscibilmënter dl post. Prëibel telefonè al 0471/839661 o menè le curriculum a info@miramontihotel.it

Ütia La Para a La Ila chir por la sajun da d’invern na barista na porsona a fà de vigni sort de laûrs poscibilmënter dl post. Prëibel cherdè sö le 335/5455485.

N’ëila dla Talia che sta te Gherdëina chier da lëur te na butëiga o coche secretera. Ëila à truep ani de esperienza de lëur y rejona talian y tudësch y ntënd nglëisc y gherdëina. Tel. 339/2528706. (37/12) ••• N jëunn cun 6 ani de esperienza chier da lëur da pizzaiolo per la sajon da d’inviern te Gherdëina y ntëurora. Tel. 329/5662262. (37/12) ••• Na ëra dla Val Badia chir n laûr por 2 – 3 dis al’edema te na botëga o a puzenè. Tel. 333/4394896. (37/12) ••• N jonn dla Val Badia cun diplom de informatica y economia chir laûr dal vëndres ala domënia. Tel. 348/4503946. ••• L vën crì da lëur a lavé ju, a judé te na cësadafuech o a judé a n pizzaiolo cun albierch. Tel. 327/5775120. (38/12) ••• Na barista chir n lëur te na utia per la sajon da d’inviern. Tel. nchin la 16.00 al 366/9504739. (38/12) ••• Na ëra dla Val Badia chir laûr sciöche ćiamenëssa poscibilmënter tl'alta Val Badia, danmisdé. Tel. do les 18.00 al 339/3524566. (38/12) ••• N jëunn che stà te Gherdëina chier da lëur coche chelner, barista, a lavé ju o a fé de uni sort de lëures per dut l ann o nce per la sajon da d’inviern y da d’instà te Gherdëina. Tel. 339/4327329. (38/12) ••• Na jona dl post de 19 agn chir da atira n laûr da fà ala pêr cun le stüde. Speran da ciafè val’ che va da chelnera o ćiamenëssa, o boteghiera, o ćiarè do mituns, scialdi dala jöbia ala sabeda. Prëibel cherdè sö le 347/5860697. (38/12) ••• Na ëra da Badia chir por la sajun da d’invern 4 – 5 dis danmisdé da laûr a romenè sö ćiamenes o ta na botëga. Tel. 345/9376548. (38/12)

Tl zënter a La Ila, sön strada, vëgnel afité ia n local y magazinn por botëga o ofize. Prëibel cherdè sö le 339/7052729. A Badia vëgnel chirì por la sajun da d’invern na ëra a puzenè apartamënć por trëi, cater ores la sabeda. Prëibel cherdè sö da sëra le numer 338/9917940.

Le Pech da Pedraces chir da atira 1 a portè fora le pan. Prëibel cherdè sö le 0471/839618.

Garnì Villa Flora a San Ćiascian chir por la sajun da d’invern 1 chelnera/barista. Prëibel cherdè sö le 0471/849472.

La Scola de Schi de Sëlva chier secreters/es, persones per l mprëst dai schi. Prëibel cherdé su l 0471/795156 o mandé n email a info@scuolasciselva.com


Inserac, Religion y Anunzies

nr. 38 / 28 de setember 2012

Hotel La Majun I chiriun 1 chelnera cun esperiënza y dër de bunes conescënzes de talian, todësch y inglesc, y 1 ćiamenëssa cun esperiënza y conescënza de talian y todësch. Menè le CV a info@lamajun.it

La Scora de Schi da Calfosch chir por la sajun da d’invern n/na secreteria dl post cun conescënza dl talian, todësch y inglesc. Prëibel cherdè sö le 339/5487864.

Le Sorvisc ai Jogn Val Badia adöm al Raiun Sozial chir 2 aniamdësses por le proiet ”Grup por mitans” che vëgn metü da jì a Al Plan de Mareo por dui iadi al’edema, da otober ćina aurì 2013. Por informaziuns cherdede sö te Sorvisc ai Jogn al numer 0474/523070 (Verena).

N garnì a Corvara chir por la sajun da d’invern na ёra jona por dè fora i gostà. Prёibel cherdè sö le 0471/836008.

Ütia Florian Na ütia nöia a La Ila chir por la sajun da d’invern 1 cogo poscibilmënter dl post 1 ëra a puzenè apartamënć les sabedes. Prëibel cherdè sö le 333/6770105 o menè na mail a florianfrenademetz@ me.com Hotel Antermoia chir na ćiamenëssa por la sajun da d’invern.   Prëibel cherdè sö le 0474/520049 o menè n’ e-mail a info@hotelantermoia. com

Vangel dla Domenia 26. Domënia ia por l’ann B, ai 30 de setëmber 2012 Dal vagnele do San Merch, 9, 38-43.45.47-48 Te chël tëmp ti à Jan, un di dodesc, dit a Gejù: ”Maester, i ùn odü, sciöch’al n’ê un che parâ fora demonns te to inom; y i ùn porvè da ti al impedì, deach’al n’alda nia pro nos.” Gejù ti à respognü: ”No ti al impedide! Degügn, che fej mirachi te mi inom, ne sciafia tan saurì da baié mal de mè. Deache chi, che n’é nia cuntra nos, é por nos. Chël che ves dà inće mâ n gote d’ega da bëre deach’i aldis pro Crist - amen, i ves diji: al ne gnarà nia da so paiamënt. Chël che tira al mal un de chisc pići che crëi te mè, por chël fóssel damì, sc’al gniss sciuré tl mer cun na mora da morin incër le col. Sce na tüa man t’impiza al mal, spo màzela ia; al é damì por tè rové storpié tla vita, co rové cun döes mans tl linfern, tl füch che ne se destöda mai. Y sce to pé te tira al mal, spo màzele ia; al é damì por tè, rové storpié tla vita, co gnì sciuré cun dui pîsc tl infern. Y sce to edl te tira al mal, spo schêrzele fora; al é damì por tè, rové cun un n edl tl rëgn de Dî, co gnì sciuré cun dui edli tl infern, olache so romun ne mör nia y le füch ne se destöda nia. Parora dl Signur. - Lalt a té, Gejù Crist!

Necrologio Ra Union de i Ladis de Anpezo ra pianśe

Rengraziamënt

Teresa Michielli Hirschstein I familiars dl defunt

Antonio Pizzinini mort ai 7 de setëmber 2012 i dij de cör giulan a Siur Degan, a Siur Christian, ai ministranć, al cor de dlijia por la bela S. Mëssa. Giulan a chi che à dit dant les corones, a chi dal cunfarun, ai stüdafüch y al Robert che à portè la crusc. N gran giulan ai duturs dl ospedal da Burnech, al dutur Di Marino y les infermieres, ales ëles dl Sorvisc, ala Crusc Blanćia y al Aiüt Alpin. N giulan particolar ala Carla che s’à tres daidé ti ri momënć de maratia de nosc tati.

(1922-2012) e el so amor, de una vita intiera, par ra so tèra, ra parlada, ra cultura, ra storia de Anpezo.

Manconia Ades l paussa te la pèsc del Segnoredie

Armin Detone del Gnoch 06.06.1940 – 22.09.2012

Giulan a chi che à fat val’ sorvisc, chi che é gnüs ales corones y ala supoltüra, pur i bi ciüf, les ćiandëres, les ofertes a fin de bëgn y che s’é stà dlungia te chësc mumënt de dulur. Giulan y Di s’l paies!

Tia forza, tia generosità, tia legreza ne sarà de ejempie, e l’amor che te lasces te nesc cheres restarà per semper.

I familiars

Ciao Armin, detelpai

Rengraziamënt da duc chi de cèsa I se recordun te nostes oraziuns de

Nazio  Erlacher dal  Cargà *18.08.1956   +12.09.2012

Partezipazion L Diretif de l’Union Autonomista Ladina se strenc apede a la familia de

La familia Erlacher dal Cargà d’La Pli oress tó l’ocajiun da ringrazié düć chi co à tut pert ales corones y ala sopoltöra, y en bel iolan por les spënores co è gnüdes fates.

Armin Detone te chest grief moment de manconia. Recordon con recognoscenza e comozion l’empegn e l contribut che l’à dat per l ben de la comunanza ladina ence delaìte del Diretif de la UAL.

I familiars

Recort I recordun

Pire Crazzolara Alidor - San Ćiascian Ai 4 d’otober 10 agn él passè da canch’ nosc bun om, papi y nên' s’à lascè. N gran öt s’ast' lascè che gnanca le tëmp ne à nia superé. Te nüsc pinsirs três restarâst’ y n post te nüsc cörs arast'. La fomena, les mitans/le müt cun les families

Recordanza La mont l’é la tiera che se sprelongia del viers del ciel. La mont l’é l luoch ulàche te sention plù damprò da nos.

Franco Soratroi 02.10.2001 - 02.10.2012 Vignarà fat na fiacolata sot a le crëpe del Sas de Stria, mertesc ai doi de otobre da le siech da sëra

Tua fameia

www.lauscdiladins.com

43



La Usc di Ladins