Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 37/2012 - 21 de setember 2012

Sanité

10

N bur’ viz Cô lascè da fumè.

Alzheimer

12

Se lascé audì inant

Comentar de pruma

La “plata ladina” independenta y continuativa à 63 agn de storia y en mertesc che vegn po pié do “La Usc di Ladins” da Vìena ite l reconosciment onorar “Claus Gatterer”, con la motivazion: “per n jornalism critich y independent”

Mujiga y solidarietà Pra n proiet artistich dà l artista Stefano Mascheroni si cuntribut n con’ dla sensiblisazion de viers dla malatia de Alzheim.

Lies

18

HC Gherdëina „Nëus son gherc, nëus son stersc!“ Nscila scumëncia la ciantia de Eugen Verra cianteda da Silvy Perathoner. La prejentazion garateda n vënderdi dan otodì.

Anpezo

22

Mudamenc tla Gliejia Ence Siur Alberto s’en va. Intervista.

Porsones

24

La monia Paula Na vita ofrida por la comunité.

Badia

25

Tru Cultural Percursc por jì a pé y imparè da conësce la storia dl paîsc.

Fascia

27

50 egn da preve La comunanza de Ciampedel, Pian, Fontanac e Ciampestrin se à strent dintorn a don Luigi Trottner che à festejà si 50 egn da preve.

Avis

MPURTANT! Edizion dla USC ai 28 de setëmber: Coche bele dit plu iedesc jirons pervia dla festa dl Pest de Unëur Claus Gatterer che ie ai 25 de setëmber bele n stampa dant, per la edizion de La Usc di ladins ai 28 de setëmber. Ne puderon perchël nia tenì cont de duc i articuli, nfurmazions, nserac y retlams che vën ite permò sën. L possa nscila vester che i vën ora tla edizion ai 05 de utober.

La Usc di Ladins se lascia audì edema per edema tl raion dles Dolomites y ence pro i letours dl ladin foradecà: a trueps i sonarà “si sonn” ben, a d’autri mal! Mé n jornalism critich y responsabel assé possa soné n iade ben y spo aboc ence mal! (foto touta da la manifestazion “Suoni nelle Dolomiti”, www.trentinospa.info)

Atualité - En mertersc ai 25 de setember 2012 da les 10.00 inant gniral metù de jì a Urtijëi tla Cësa di Ladins la festa per la sourandeda di pesć jornalistics “Claus Gatterer” y dla onoranza speziala a La Usc di Ladins. I organisadours de chest pest internazional de prestisc gnirà da Vìena ite, l program de cornisc a la zerimonia de sourandeda él sté l’Union Generela di Ladins dles Dolomites y La Usc di Ladins che à cujì adöm. N tel pest n’él nia ciamò ruvé tles vals ladines, no per jornalisć no per media no per organisazions soziales, politiches o culturales. L reconesciment onorar che La Usc di Ladins podarà pié do fora dles mans dl ÖJC (club di jornalisć

dl’Asutria, fondadours y promodours dl pest) i é bele ju tla storia dl Pest a de plu foliec, organisazions y ence jornalisć singui. L ann 2000, per nunzié n ejempl, i é la Onoranza juda a l’organisazion “Nachbar in Not”; dl 2002 à l foliet critich vieneis de streda “Augustin”. L Pest “Prof. Claus Gatterer” é gnu proponù dl 1984 per n jornalism motivé sozialmenter, avisa l ann dla mort dl jornalist y publizist Claus Gatterer, dai doi jornalisć dl ORF Hans Preiner y Fred Turnheim, l ÖJC l’à spo metù su l ann do. L pest i é dediché Claus Gatterer, nasciù dl 1924 tl Sest de Puster, jornalist critich de Südtirol y dl’Austria. Si maiours libri é ence gnus traslatés tl talian. Finanzié vegn l Pest ciarié

de 5.000,00 euro dal “Land Südtirol” y da la lia per l recort a Claus Gatterer tl ÖJC che à la senta a Bulsan y vegn meneda dal caporedadour dl “Katholisches Sonntagsblatt” Walther Werth. La Usc di Ladins tolarà adincontra chest Pest en inom dla redazion, dla union editoura, di colaboradours da sen y di temps passés, di inserenc, de duc i aiutanc, y dantaldut di letours che cresc da ann a ann de numer y é l publich dla Usc. Al é n reconesciment ence per dut l jornalism che vegn fat per ladin y per duta la jent ladina che à legreza de tegnì su l lingaz ladin y de l adoré, o veid de bon uedl che i autri l nuza. Iaco Rigo

La “usc” de nosta mendranza de Marco Pizzinini

Le pest “Claus Gatterer” che vëgn surandè ai 25 de setëmber a Urtijëi é n gran onur y bel sëgn de reconoscënza por düć i colauradus, por l’Uniun Generela desco edituria y por dötes chës porsones che ti à garantì cun tröpes fadies y fistidi te chisc passa 60 agn le suravire a nosc foliet. Tla motivaziun stàl danter l’ater scrit “…La Usc di Ladins é tl contest di massmedia de Südtirol y suraregional na cossa particolara… Ëra é le su foliet che à desco travert na informaziun critica, seriosa, monüda y lëdia da minunghes politiches por garantì n jornalism critich y independënt por düć i ladins dles Dolomites…” Da fà na informaziun obietiva y da tignì na ligna critica y independënta tla realté ladina, caraterisada da de gran despartiziuns y da minunghes valgamia desvalies sön les cuestiuns plü fondamentales, é dessigü na cossa nia saurida; le prigo da scrì y tó posiziuns che ne ti va nia a scüsa a düć é gran. La critica da ester de pert y da fà i interesc de valgügn é spo atira dan man. An ne po nia tignì socret che les dificoltês é inće por chëstes gaujes al momënt nia püćes y che al n’é por La Usc nia saurì da stè sura ega ia a chëstes condiziuns depënn pö le sostëgn y i aiüć gonot da simpaties y da lians politics. Por düć chi che se oress n foliet dependënt y sotmetü y proa porchël da agn da ti tó l’ega a La Usc porvan da mëte da jì n organn de informaziun alternatif, é la surandada dl pest dessigü na cossa negativa y de püćia importanza, da chëra che an mëss a vigni cost se stravardè. Mo por la redaziun dla Usc m’aodi che chësta onoranza sides na sbürla por mioré ćiamò deplü la cualité, la obietivité, la profescionalité y le dialogh cun les istituziuns culturales y politiches locales, por podëi i dè inant na gran lerch ales ghiranzes y ales minunghes de döta nosta mendranza.

Scoles de Mujiga dla Union di Ladins de Gherdëina

Scoles de mujiga ala Ntendënza per la scoles ladines! La Scola Paritetica Ladina per la localiteies ladines nes ie da do la viera incà daniëura stata a cuer. va inant a plata 6


Zoom

nr. 37 / 21 de setember 2012

La parola ai letours Pest de Onour Claus Gatterer, La Usc di Ladins y Vostes minunghes La ie tosc tan inant. N merdi ai 25 de setëmber uniràl sëurandat l Pest de Unëur Claus Gatterer ala redazion de La Usc di Ladins. N recunescimënt che ie dantaldut moral, da na istanza ogetiva y de gran prestisc coche l ÖJCÖsterreichischer Journalisten Club. N mumënt de gran cuntentënza, ma nce de cuscienza n con’ dla respunsabltà che nosta zaita à de viers dla nfurmazion critica y ogetiva, ndependënta, ma nce y povester dantaldut n con’ dl mantenimënt dl spirt de cumenanza danter duc i ladins y dla furmazion tla y dla rujeneda ladina. L nes fej plajëi, stimeda letëures y stimei letëures, che ëis tëut ca la pëna, o miec l computer, y ëis mandà ite n valguna risses de reflescion, de cunscidrazion, de critica, de mpulsc n con’ de nosta y Vosta plata, La Usc di Ladins. De gra bele danora che Ve ëis tëut dl’aurela de nes mandé Vosta minonghes, che publicon tlo dessot. David Lardschneider

Elsa Zardini, Cortina, Presidenta de la UGLD La sourandada dl pest Claus Gatterer a “La Usc di Ladins” é na

ćiamò debujëgn da menè do le dialogh, la discusciun y l’aprofondimënt sön fać sozedüs y cosses che suzed; i sun ausà da scutè ia, lascè stè i torć, vire en pêsc, tratan che massa gonot ô jënt al comane y istituziuns tó dezijiuns (o nia les tó!) y provedimënć zënza informè assà colegs, zitadins y folieć. Trö’ massa intenziuns y interesc romagn te n cërtl strënt y misterius, l’informaziun generala/ogetiva y la trasparënza tan laldades publicamënter dai “democrać” (politics y funzionars publics!) vëgn metüdes dër gonot sön na pert. Che i folieć à insciö tröp da fà, nia ma da publiché, mo inće da eduché plan plan, é spo saurì da capì. Sciöche foliet edemanal ladin savunse da podëi ester daimprò a nosta jënt inće por le lingaz che i adorun, al é le lingaz che la jënt baia, i sun le foliet dla jënt y i ùn inće le compit da adoré n lingaz nët y elegant tl dè inant vigni sort de informaziuns. Śëgn podarunse pié do chësc bel pest de prestisc internazional, nos savun por ći che i le ciafun y tröc leturs le sa inće. Por merit de chësta onoranza savunse da ester sön la dërta strada, na strada che à salpü da nes dè le dër carater y la dërta forza, por che i sunse bogn da jì inant y nia nes lascè deloje y ardurje da sofli de vënt plü sleai co costrutifs.

Carlo Willeit, Sëlva

Elsa Zardini.

gran sodesfazion, y desceda na gran contenteza. Ala se trata de na onoranza che vegn conferida a n foliet che é usc y esprescion de nosta jent, de nosta mendranza y identité. L pest ne n’é donca nia demé dla redazion, al é n merit che i vegn reconesciù a dut l popul ladin, a duc chi che nes liej y che scriv sun “La Usc di Ladins”.

Scumënce cun ti mbincé dut l bon per l pest d’unëur Claus Gatterer ala USC y na bela festa ai respunsabli dla plata. La redazion nstëssa partësc pona su la respunsabltà dl foliet danter la drëta nfurmazion, l mantenimënt dl spirt de cumenanza danter i ladins, la furmazion dla rujeneda ladina. Cunscidran la deficulteies particuleres y paredlan la USC cun d’autri foliec cun n resservar de produzion y defujion scialdi majer, muessen dé pro che l foliet ladin ie fat bën, ie atuel y nteressant. Chësc se damanda uniun da duta la stampa y dai autri mass media y ne resta nia dinrer melcuntënt.

Iaco Rigo, diretur “La Usc di Ladins” Le jornalism sciche forza Śëgn podarunse pié do chësc bel pest! Al nes recompensëia por tröpes fadies, la gran orenté, le coraje zivil y tröpes reaziuns - inće da orëi crou - che i ùn messü tignì fora i agn passà y che sarà inće al ordin dl dé tl dagnì. La Usc di Ladins à dessigü portè pro a n comportamënt plü democratich y davert danter la jënt, danter les istituziuns, tl raport danter jënt y istituziuns, tles vals ladines y inće foradecà. Te nüsc paîsc de munt - y nia ma te chi ladins! - vàl intres

2

www.lauscdiladins.com

A fin de bën y ajache l ie unì damandà de fé comentares critics, ulëssi dì che la trëi sortes de respunsabltà à n denominadëur deberieda, che ie l servisc ala jënt ladina, y n’ana deberieda, che ie l fin de mantenì y renfurzé l’identità ladina. La nfurmazion devënta bona nia mé sce la ie obietiva y critica, ma dantaldut sce la va plu sot y plu daujin ala urità. Che per uni pitla nrescida vàl debujën de plu tëmp y datrai nce de plu mesuns, savons bën. La USC ie un di ultimi mesuns de cunliamënt danter i ladins. La valedes se viv for plu y plu ndolauter y l pricul che la jënt ne se aude nia plu, ne se cruzie nia plu, ne se lieje nia plu un cun l auter vën for majer y majer. Ce medejina pudëssa pa judé? Dessegur cie che la USC fej bele, menan for deplù adum la rubriches; ma ie njuntësse l’adurvanza cun curaje dl ladin standard, lingaz unificà che duc ntënd saurì. Y cun chësc sons ruvà ala terza respunsabltà, la furmazion tl y dl ladin. Arjonjer la majera varietà di ciamps y argumënc, nce ulache l va debujën de formes modernes y tecniches, ie tambën mpurtant coche scrì drët y bel. Daujin ala respunsablteies dla USC recunesciudes da si redazion, muessen anunzië la gran respunsabltà de chëi che guvernea i finanziamënc, di media, dla stampa, dl lingaz y dla cultura ladina. La USC à debujën y se merita dut l sustëni y l fossa gran ëura, do mi ntënder, de pensé cuncretamënter ala edizion da uni di. Ala fin, na parola de lauda y de rengraziamënt a duc chëi che se cruzia dla USC y a chëi che la liej ne daussa nia mancë.

sucors. Ulessan nuzé l’ucajion per rengrazië duta la redazion per la bona cunlaurazion y l sustëni che ëi nes à desmustrà dal scumenciamënt incà. L ie dessegur mpurtant nfurmé la jënt dl’atività dl Aiut Alpin Dolomites, y savon nce che truepa jënt liej regularmënter chësta nutizies. De gra a duc!

Edith Ploner Valur alt y ambizius de chësc reconoscimënt Stimà redadus, stimades colaboradësses y stimà colaboradus de La Usc di Ladins! I oress Ves fà mies congratulaziuns por avëi arjunt chësc reconoscimënt de prestisc por n jornalism de mendranza impegné che dà so contribut por le suravire cultural y linguistich de na mendranza sciöche chëra ladina. I sun a conoscënza dl valur alt y ambizius de chësc reconoscimënt, tan deplü me fêjel plajëi che nosc edemanal l’à arjunt. I Ves augüri inant n bun laûr y tröpa ligrëza cun chësc pest y reconoscimënt. De bi salüc’.

Sn. Artur dl Sartëur La Usc di Ladins ie per nëus na zaita che nëus lijon gën, ajache la nes porta nutizies da cësa y dala Ladinia, y nce argumënc d’uni sort cun minonghes desferëntes ma zënza fé ju i autri che ne n’ie nia de nosta minonga. Y l redatëur Lardschneider trata articuli che n manda ite cun

maniera y fundamënt.

Walter Bergmeister, Urtijëi Ie ulësse me cumplimenté pra vosta/nosta zaita, che reprejentea tan bën nosc ncësa y la richëza ulache vivon. De gra a dut l team dla USC, che ie nce la garanzia per l daunì. É cunesciù persunalmënter Claus Gatterer canche fove n pitl mut; ël univa unitant a nes crì y é mo de beliscimi lecorc. Cumplimënc per chësc bel Pest de Unëur che vosta redazion giapa y dantaldut a ti, David, coche te es trat su chësta zaita!

Michil Costa, Corvara Zënza La Usc ésson manco usc! Al é vëndres. Écomo La Usc! Döta la ćiari jö, dala pröma al’ultima plata. Iaco Rigo é sciöche n capitan söl müs dla barca che porta incërch, tla resserva ladina - y nia ma tla resserva - sü leturs. Ël instës é na resserva de cultura y noeles. David Lardschneider, coordinadù de Gherdëna, é la freschëza, à la scincunda dla parora y l’abilité tl scrì, cun so humor y süa competënza. Mo ćiodî scrî pa insciö le diretur? Ćiodî ne vëgnel pa nia baié de chësc y nia de chë’ atra cossa? Da zitadin la aspetâi tres cun curiosité, cun pinsier critich ti ćiarâi. Da presidënt dla Union Generela ài imparè a conësce les porsones iadô, porsones chîtes y valëntes,

Aiut Alpin Dolomites

L joler dl Aiut Alpin Dolomites.

A inuem de duta la scuadres dl Aiut Alpin Dolomites ulessans ve fé i cumplimënc per chësc bel pest de unëur. La Usc di Ladins publichea da for bele la nutizies dl Aiut Alpin Dolomites n con’ di ntervënc de Priesc d’abonament anual: per la Talia: 59,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Carlo Willeit.

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi, Katia Pizzinini. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Per i inserc speziai, i jolantins y les ajontes, menés fora con l foliet La Usc di Ladins, respon per la forma, l contegnù y i lingac adorés, mé l comitent instes de chisc, y nia la redazion de La Usc di Ladins, l diretour de La Usc di Ladins y l editour de La Usc di Ladins. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS Str. Mulin da Coi 31 - 39047 S. Cristina (BZ) podeise cherde su la firma Pentagon Tel. 0471/790052 • Fax 0471/790689nfurmazions sot a www.pentagon. it e-mail: info@pentagon.it


Zoom

nr. 37 / 21 de setember 2012

Michil Costa.

porsones speziales, da orëi bun: la paziënza dla Marion cun so bel sorì, la Ulrike cun söa bona löna, l’impëgn dla fasciana Lucia, Veronica che à portè inant la grafica cun vëia de imparè. Y spo Pablo: so spirit critich, de importanza fondamentala por le foliet. Y spo Marco, Lorenzo, Monica, Michela, y Katia, ruvada da püch, mo cun scrì profescional y lisier. I à capì y odü les dificoltês, i à imparè a ćiarè La Usc cun n ater edl. Les püćes disponibilitês economiches por nosc lingaz, la coordinaziun dles valades cun söes problematiches; le bujëgn de arbassé gonot le livel de critica, por amur dla pêsc y dl bun vire, por ne desturbé nia massa. Guai a alzé massa la usc! Plü co n iade él gnü porvè da ti fà i ćialzà a La Usc, mo nosc foliet é tres stè bun da tignì bòt! Śëgn l’aspeti tres ćiamò, La Usc, gonot me aodassi tres ćiamò na tuta de posiziun plü sterscia, certes tematiches plü aprofondides… y spo me recordi tan rî ch’al é, ći laur che s’ascogn do vigni ediziun ia. Y nosc lingaz: Olà fósson pa sce al ne foss nia La Usc? Bastàssel le ladin te scora, tles families, i Istituc Ladins? Nou, al ne bastass n ia. La Usc é nosc mesum de comunicaziun plü important. Le Pest de Onur Claus Gatterer, n pest mirité. Le pest i va a düć ëi. Le pest i va a nosta Hilda Pizzinini, zënza ëra ne fóssel nia döt chësc. L’impëgn é gran, l’ideal inće, les dificoltês tröpes, le laûr de gran valur. Complimënć a os y n giulan de cör! I sëis stersc!

Lukas Plancker, Sëlva

y minonghes”. Da canche chësta plata ie unida spusteda dala 2. y 3. plata “te n piz”, nzaul amez ite, ie i cuntribuc smendrei de truep. Ie rate che chësc ne sibe nia n cajo. Chësta rubrica reprejënta l mumënt plu aut de ancunteda danter zaita y letëures y danter i letëures danter ëi. N plusvalor per la zaita, che ne ti tol nët nia ala redazion y a si lëur (coche zachei se tëm povester). Anzi, suvënz pòssel nce vester na sburdla y n cuntribut a ti jì permez a cërta tematiches che ne unissa zënza magari nia a lum. Y pona iel da dì che ai letëures ti màncel l sel y l pever de cërta polemiches danter zitadins... meditate, gente, meditate ....... Cun simpatia, Leo Senoner

Vinzenz Senoner, Santa Cristina

Ingrid Runggaldier, Urtijëi Cie che la Usc ie per mé? Na zaita te mi rujeneda, chëla dl cuer, na zaita cun nutizies y pensieres sun fac che se porta pro te nosta valeda y te chëles (ladines) ujines, n foliet te chël che la jënt, la persones, liej d’ëiles nstësses, de si cumpanies, cunescënc y parënc – n curt: na zaita che dà emozions y te chëla che se sention a cësa, y nia da desmincë: na usc n plu!

Cumplimënc a Vo dla USC per l pest d’Unëur “ Claus Gatterer”! Vo scrijëis bel coche la cosses sta, zënza jí ntëur la pulënta via!

Milva Mussner, Sëlva Chësta ie na uneranza per duc nëus! L recunescimënt unerer che ti vën śën sëurandat a La USC per si meric jurnalistics ie sot sot da cunscidré nce coche recunescimënt a duc chëi y a duta chëles che manda si cuntribuc ala USC, a duta la persones che scrij for inò per nosta zaita ladina di argumënc plu desferënc, ti dajan nsci n arichimënt y na varietà che mancia n gran pert tla plates di autri media. N unëur perchël per duta la jënt ladina che se tol la bria de scrì per la USC, che la sënt sia y n gra de cuer a duc!

Vinzenz Senoner.

Georg Moroder, Urtijëi Ingrid Runggaldier. Leo Senoner.

Ulrica Perathoner, Urtijëi Sce pënse do canche ove scumencià a scrì poejies y mi cumpanies me ova cunsià de les publiché tla „Usc di Ladins”, fovi belau mpue’ grama, ma bel n pont fova propi stata vosta zaita la prima a me giaurì la porta a mi poejia da Unissant tl 1993, data storica che ne desminceré mei y che me fej nce unì su cërta emuzions. Chësta fova danz stata per mé na gran legrëza y na sburdla a jì inant, me dajan nsci l mesun de ruvé a cuntat diretamënter cun l publich tla Ladinia y mparan daniëura velch leprò. La parola ie comunicazion y coche n dij ie la parola sciche n fil per tiejer n drap, che gëura l urizont y che fej nascer liams nueves. Dantaldut te na valeda ulache l ti vën dat n gran pëis al’atività sportiva y dl turism iel na fertuna che l ie mo istituzions cultureles che à n cuer y na urëdla davierta per chi che se dà ju cun l’ert dla scritura. Y nce te mumënc de deficulteies a publiché iesen daniëura stac boni de abiné na soluzion y ruvé a n bon cumpromis, a na maniera che n ne à mei perdù la ueia de jì inant, me dajan vel’ bon cunsëi a

L ie zënzauter n gran unëur a giapé n tel pest ntitulà al gran jurnalista dl Sest/Sexten Claus Gatterer. Coche la ie mefun, tlo te nosc pitl lond, ulache truep politicri miena che Südtirol sibe l “buton dl vënter“ dl mond, fòvela tan inant cun Gatterer che l à messù se n jì a Viena, tlo da nëus unìvel mé udù coche ”comunista” y sambën filo-talian; chësc dantaldut do che l ova scrit l liber “Schönes Land - Böse Leut“. Y chësc ne ti ie nia mé suzedù a Gatterer te chëi tëmps, ma a truep d’autri gran talënc de Südtirol; l me toma bel debota ite Langer, Zoderer y J. C Kaser. Speron che chësc pest sibe na gauja mplu acioche La Usc di Ladins reste inant na zaita liedia che se nfida a vester datrai critica coche ultimamënter n con’ dla cuestion de na zaita di trëi Chemuns (che da mé ora ne va nia debujën), y per i articuli n con’ dla Scoles de Mujiga che ie dal 1. de setëmber sot ala mans di tudësc mpede di ladins. Mo n iede ons la desmustrazion che i tudësc fej cun i ladins cieche i uel. Spere che la Redazion dla USC mëte prësc inò la lëtres y minonghes sun la segonda plata, ulache les ie plu saurì da abiné. Nce chësc fossa na forma de ti dé mpurtanza ala democrazia y ala libertà de esprescion di zitadins (no mé de chëi che liej la USC).

Milva Mussner.

L numer nul de "Nos Ladins" l ann 1949. Con chest él pié via la storia dla stampa ladina continuativa, che dura enfin al di da encuei con "La Usc di Ladins".

Retrat de redadours y colaboradours de La Usc di Ladins en gaujion dla festa di 60 agn de "La Usc di Ladins" a San Martin de Tor.

Erich Demetz, Sëlva/ Laion

Lukas Plancker.

Vel’ un pudëssa dì “nemo propheta in patria”, ajache la cunscidrazion y la stima da dedora ca ie suvënz majera che no tlo da nëus, ma mpo speri che la usc dla USC vënie audida da duc y l usc dla USC reste coche for daviert per duc!

Leo Senoner, Sëlva Ie rate che l fossa positif a ti dé inò la drëta luegia ala plata “Lëtres

manejé nce d’autri tesć. N dejidere tl scrin: sce l unissa inò a se l dé na plata leterera sëuraprò, magari uni segondo mëns, nia mé per poejies d’ucajion ma nce per d’autres. Ulësse tò l ucajion per rengrazië la redazion dla „Usc di Ladins” per la crëta che me ëis daniëura dat y che me dajëis y ti mbincé inant dut l bon: ad multos annos!!

Ulrica Perathoner.

Che ala USC ti vëniel sëurandat n pest ala memoria de Claus Gatterer desmostra tant che la linia redaziunela ie mudeda dai tëmps canche n lijova mo cun de gran pustoms “ladins, maridëde ladines!” y “ladins, cumprëde te butëighes ladines!” Oradechël ie la USC la miëura proa che l ne n’ie nia debujën de na rujeneda nueva per l 0,0004% dla jënt dl planet. Se ntendon nce zënza. De gra y baitr nsci!

A la festa per i 60 agn dla "plata ladina" dl 2009 a Urtijëi. www.lauscdiladins.com

3


Atualité

nr. 37 / 21 de setember 2012

Festa cun envit persunel

Festa de sourandeda dl Pest “Prof. Claus Gatterer” 2012 en mertesc, ai 25 de setember 2012, da les 10:00 tla Cësa di Ladins, str. Rezia 83, 39046 Urtijëi/Gherdëina Österreichischer Journalisten Club– ÖJC

Program

y le

Cor di mutons Sëlva

Renner-Preis-Kuratorium sciche ence

l Land Südtirol met a jì a la sourandeda dl

Pest “Prof. Claus Gatterer” 2012 a

mag. Ursula Scheidle y a Arno Aschauer y

l Reconesciment onorar a la

Redazion de La Usc di Ladins L'ospitalité vegn deda da l’Union Generela di Ladins dla Dolomites, editoura dl foliet “La Usc di Ladins”

4

www.lauscdiladins.com

Salut de benvegnù

dr. Walther Werth “Prof. Claus Gatterer Gedächtnisverein” Salut

mag. Christiane Laszlo vizepresidenta ÖJC Mujiga: Ganes Salut

dra. Sabina Kasslatter-Mur Referenta provinziala dl Südtirol Cor di mutons Sëlva Laudatio

Fred Turnheim president de juria

Sourandeda di pesć Paroles de rengraziament da pert di premiés 2012


Atualité

nr. 37 / 21 de setember 2012

„L dann dl nazism y dl fascism“ „Do 40 ani de Autonomia nueva dla Provinzia de Bulsan se tràtela de abiné soluzions a descriminazions sciche chëla che n ladin ne possa nia deventé vizepresidënt dla Provinzia,“ nscila la Provinzia de Bulsan te si comunicat n con’ dl Di dla Cultura Ladina

“L muessa nce vester n vizepresidënt dla Provinzia ladin”: Luis Durnwalder pra l di dla Cultura Ladina.

Cultura y storia - Pra l Di dla Cultura Ladina ai 14 de setëmber a Bulsan iel unì pità nfurmazion plu sota dl’Autonomia dl Südtirol dal pont de ududa ladin. „Permez ai ladins de Trënt y de Belun se n sta chëi dl Südtirol miec y de chësc dëssa i zitadins nce tenì cont,“ nscila l nvit dla Provinzia de Bulsan. Inant vàla tl comunicat dla Provinzia cun la reflescion che „sce la grupa ladina ne fova nia unida nunzieda tl Tratat de Paris tl ann 1946, àla cun l Statut de Autonomia nuef giapà si recunescënza y la fundamënta per nsenië y se nuzé dla rujeneda, l dërt de reprejentanza ti gremiums y stieres publiches aldò dl proporz“. L presidënt Luis Durnwalder à te si paroles de salut dit che „la tratatives cun Roma vën fates per duta la grupes de rujeneda y i ladins toca leprò.“ Purempò se tratela śën de purté inant soluzions contra la descriminazions di ladins. Aldò dla normes de lege ne à n ladin per ejëmpl nia la puscibltà de deventé vizepresidënt dla Jonta provinziela. “N vizepresidënt dla Provinzia muessel vester,” à dit Durnwalder. Chësta descriminazion muessa tumé, nce per renfurzé la posizion di ladins dedora dala valedes ladines. L presidënt dla Provinzia à cunedì che l vën laurà a na revijion dl Statut d’Autonomia ulache l dëssa nce unì abinà soluzions ala descriminazion di ladins tla suneria aministrativa regiunela TAR o tla Cumiscion di Sies. Bel fóssel sce n cialëssa oradechël mo de na garanzia drëta de doi cunselieres provinziei ladins a Bulsan.

„Vester cuntënc!“ L tenor dl comunicat ie pona inant chël che i ladins de Südtirol

dëssa purvé a vester plu cuntënc: „I ladins dl Südtirol possa se nuzé de plu arjontes che vel per duta trëi la grupes de rujeneda, nsci iel ntan l danmesdì de aprufondimënt tl palaz Widmann a Bulsan plu suvënz unì metù a cuer ai ladins che i pudëssa vester plu cuntënc de chël che i à giapà te chisc 40 ani de Autonomia. I resultac dla cumpededa dla jënt à mustrà su 1.800 detlarazions de identità deplù che mo dan diesc ani.“ Plu iedesc, y chësc ie scialdi positif, iel unì lecurdà l bujën de cialé che la cuestion di trëi Chemuns ladins storics dla Provinzia de Belun vede inant, ruvan a bon fin. La Provinzia auza ora che „l presidënt dla Provinzia à dit che i parlamenteres da tlo ie unic damandei de purté inant l resultat dl referendum di trëi chemuns de Sëuramont per pudëi fé pert dl Südtirol, ajache la ulentà dla populazion muessa unì respeteda, nsci Durnwalder.“

Euregio cun i trëi Chemuns ladins dla Provinzia de Belun Nce l assessëur Florian Mussner se damanda na soluzion drëta, per ntant che „per tré pea i trëi chemuns de Sëuramont dëssel unì jit la streda dla Euregio Tirol“. Povester se desmincian nce che chësta pruposta fova bele unida purteda dant dal cunselier Carlo Willeit dan ades chindesc ani, ma zënza che la maiuranzes ëssa azetà. Ma l ie for drët che la bona prupostes vënie inò tëutes su. „L daunì dla grupa ladina, nsci iel unì dit plu iedesc, ie ala fin dla finedes tla mans dla populazion. La forza di luesc ladins dl Südtirol ie

zënzauter che la majera pert dla populazion se sënt ladina: tenian dal prinzip de raionalità,“ nscila tl comunicat. “Ma sce nëus vendon nstësc ora nosc ncësa per ti sauté do al majer prufit, pona ne va chësc nia a una cun valores de identità,” à metù a cuer l assessëur ladin. Tl comunicat vëniel auzà ora che „danter l’arjontes dl’Autonomia dl Südtirol ie la rejon de nsenië y se nuzé de nosta rujeneda dl’oma la fundamënta de vester ladin. L presidënt dla Provinzia à metù a cuer la posizion zentrela dla rujeneda y à nvià i ladins a curé y rujené, lijer y scrì si rujeneda. Te tëmps de “spending review” y razionalisazion à Mussner mustrà su l bujën de jì inant de viers dl’Europa y à fat n apel ai ladins che l ie debujën de n lëur de scuadra per se fé valëi.“

Ntan l Di dla Cultura Ladina àn pudù nriescer velch deplù dl’Autonomia dl Südtirol dal pont de ududa ladin.

„Hugo Valentin à nvià la populazion ladina a se dé da fé per renfurzé la posizion di ladins nce dedora dala valedes. N prim var à pità l Di dla Cultura Ladina, chël

de se dé ju cun la situazion ladina per udëi bujëns y cie che se lascëssa mo fé,“ nscila la Provinzia te si comunicat. David Lardschneider

La storia di ladins Per capì cie che l suzed cun i ladins iel debujën de cunëscer cie che ie stat. L Departimënt ala Cultura Ladina, cun si diretëur Alexander Prinoth, à pità trëi referac per cunëscer miec la situazion ladina tl'Autonomia dl Südtirol. L professëur Rolf Steininger à rujenà de coche l ie unit a se l dé l Segondo Statut d’Autonomia. L professëur de storia Georg Mischi à pona prejentà la storia di ladins danter l 1919 y 1945, fajan referimënt ai tëmps dl fascism che à despartì la populazion ladina. „N generel iel stat i doi fascisms che à fat n gran dann, l fascism talian y sambën nce y nia demanco sce nia deplù l nazism,“ nscila Mischì. L ambolt da La Val Franz Complojer à purtà dant la pusciblteies che l Segondo Statut d ’Au t o n o m i a à cuncretamënter pità ala jënt ladina.

Autoriteies dl Südtirol, Trentin y Belun deberieda cun nteressei ala situazion ladina pra l Di dla Cultura Ladina tl Palaz Widmann a Bulsan.

Ntervistes Jita inant iela cun na mëisa turonda, nteressanta, nce sce plu sun l dalaibon, cun do la rata puec mpulsc plu critics per miuré la scunanza dla grupa ladina. Povester se ëssen damandà che n fossa jic inant deplù per astrazion, per bujëns, per n manejamënt plu ntier y profesciunel. Tl comunicat scrij la Provinzia: „Te na ntervista a Alessandra Scorrano, funziunera ladina a Persenon y al assessëur provinziel da dant Hugo Valentin (1984-89) iel unì fat na nterpretazion di cuntenuc dl danmesdì. Tlo iel unì tucà la realtà che i ladins dl Südtirol à arjont si posizion te chëla che i à abinà na cunlaurazion cun la maiuranza. Te chësc cuntest iel nce unì rujenà de sinergies y cunlaurazion cun la maiuranza, permez a n se despartì.“

Na rë per i ladins oradecà

“Per i trëi Chemuns ladins de Sëuramont messons nce purvé a jì sun la streda dl’Euregio”: Florian Mussner pra l Di dla Cultura Ladina.

Da dì iel che Scorrano à fat na pruposta scialdi bona, se damandan na rë de cuntac per i ladins che viv dedora dala valedes. Aldò dla cumpededa dla jënt iel feter 1.500 ladins che ne viv nia ti chemuns ladins. www.lauscdiladins.com

5


Atualité

nr. 37 / 21 de setember 2012

L linguist Erwin Valentini - 70 agn I publicon la terza y ultima pert: Laoré per i ladins tres l projet Spell Persones/3 - L lingaz y la cultura ladina me à dagnora enteressé, per rejons sentimentales, zenz’auter, ma ence da n punt de veduda inteletual y scientifich. La coscienza y l’identité ladina ne me é nia vegnuda metuda te cuna, i é empermò messù jì a me la chirì tres enrescides y reflescions personales. La chestion dla spezifité dla cultura ladina fova ence l tema zentral dl articul “Ladinische Kultur oder Kultur der Ladiner?” publiché tla revista “Ladinia “(I - 1977). Ma coscienza ladina ne vuel nia demé dì se enteressé de valch tematica o scrive valch articul, al vuel ence dì se dé ca, dé n contribut – gran o pice che al sie – per sia comunité; da chesta convinzion él nasciù mie impegn per l projet SPELL (Servisc per la Planificazion y l’Elaborazion dl Lingaz Ladin). Dl 1992 me ova l diretour dl Istitut Micurà de Rü, Lois Craffonara, damané de dé ju n arat sun la “Wegleitung für den Aufbau einer gemeinsamen Schriftsprache der Dolomitenladiner” dl prof. H. Schmid.

N lingaz ladin tet Mia minonga fova en general, sciche chela di autri esperc, dret positiva, touc fora n valgugn punc olache Schmid ova zedù - per amour dla pesc, sciche al me à conté plu tert - a prescions di raprejentanc de Gherdeina. Dal 2000 al 2003 éi spo sourantout la direzion de SPELL. Truep laour fòvel bele vegnù fat, mie program fova de passé da la fasa de enrescida a na fasa sperimentala per testé l model de lingaz scrit unitar - ladin standard o ladin dolomitan - tla pratica dl scrive. Per chest fin jìvel debujegn dantaldut de na gramatica y de n dizionar, operes che é vegnudes publichedes dl 2001 (“Gramatica dl Ladin Standard”) y dl 2002 (“Dizionar dl Ladin Standard”); dl 2009 él vegnù dé fora emplù da la Union di Scritours Ladins Agacins na “Enjonta al Dizionar dl Ladin Standard”. Con l aiut de esperc esterns ovanse ence enjigné ca na banca de dac, che abina adum l lessich de duc i cinch

A Palma de Mallorca a n congres di media dles mendranzes linguistiches europeiches.

idioms ladins, n corpus de tesć y n coretour ortografich o spellchecker per l ladin standard, y organisé n Congres soziolinguistich internazional a Urtijei (2002), a chel che à tout pert trueps linguisć y raprejentanc de mendranzes linguistiches da duta l’Europa.

Laota fòvel ciamò na bona colaborazion anter les istitutzions ladines La colaborazion con les istituzions che sostegniva l projet fova tl prum dret bona; an se encontova regolarmenter per rejoné de propostes y alternatives y les dezijijons vegniva toutes a l’unanimité. La situazion se à spo mudé canche l Consei dl Istitut Micura de Rü se à declaré, zenza informé no l diretour no i autri enc de SPELL, contra l’adoranza dl ladin unitar tles comunicazions ofiziales; chesta posizion é spo vegnuda sourantouta da la provinzia da Bulsan. La dezijion de Bulsan é steda per SPELL l bot de grazia; valch él ciamò vegnù fat tratant l 2003 ma l projet interladin é mort per mancianza de scioldi y de colaborazion anter les istituzions che l ova metù a jì: i Istituc culturai da San Martin y

A n curs de SPELL per l’adoranza dl Ladin Dolomitan te Fascia l’ann 2000.

6

www.lauscdiladins.com

de Fascia, l IPL y la UGLD. Dl 2004 éi sourantout l’enciaria de diretour dl Ofize linguistich dla UGLD. La funzion de chest ofize fossa sté de mete a jì na politica linguistica ladina aldò dles “11 Teses” che fova vegnudes toutes sciche manifest programatich per la festa d 100 agn dla UGLD (19052005). Do da n ann éi dé su chesta enciaria ciuldì che al manciova, aldò de mie vedei, enteres y impegn per les chestions linguistiches ence da pert dla UGLD. Ie rate tres ciamò, sciche la gran pert di ladinisć y esperc de mendranzes linguistiches, che l’adozion de na forma scrita panladina – l ladin standard o n’autra forma de codesc scrit unitar - sie na condizion essenziala per l souravive dl lingaz ladin. Perchel speri che chesta idea vegne touta su n puech a la outa da la maioranza dla jent ladina y da les autorités competentes.

N lingaz scri unitar per i ladins dles Dolomites Do n lonch viade, da Badia a Bulsan, a Padova, a Leuven y a Luxembourg sonsi arsì a Minca; da ilò feji gen vigni tant n saut ite per les valedes ladines y a Badia. Miei mutons é jus do siei troi fora per l mond y ne rejona nia ladin; l’ultima outa che i nes on enconté duc adum con siei partners onse rejoné scialdi demé per ingleis. Sarà mo chest l lingaz standard dl davegnì de nostes valedes? Tl articul inaugural “Ester ladin encuei”, scrit dl 1979 per la “Plata ladina” dl “Alto Adige”, ovi prové de analisé la situazion da laouta y les condizions per vive la ladinité te nosc temps. Do trenta agn é chel tema tres ciamò atual y medema é ence la resposta: creie te nos enstesc, te nosta arpejon, te nostes rejons y te nost davegnì sciche ladins. Per me é l ladin l plu bel lingaz dl mond y i me enteresseie inant de dut cie che suzed tla Ladinia. (Erwin Valentini)

Scoles de Mujiga va inant da la pruma plata

La ie una dla seves sun chëla che se stiza la scunanza dla grupa de rujeneda ladina, la drëta mendranza te nosta Region Trentin-Südtirol. Mbën, bele tl ann 1973 se ova la Union di Ladins de Gherdëina parà de lascé pro, a per dla scola paritetica ladina, nce scoles cun urdinamënt tudësch o talian te Gherdëina y Badia. L recurs ala Chëurt Costituzionela dla SVP ne fova ntlëuta iustamënter nia unì azetà. La norma statutaria vëija per chësta valedes mé una na sort de scola: la Scola Paritetica Ladina di luesc ladins. Nsci dëssela resté y la norma statutaria ne daussa nia for inò unì metuda n descuscion. Ti ani 90 àn scumencià a Urtijëi cun la scola profesciunela, che n ne ova nia metù sot ala ntendënza dla scola ladina. Nce chësc ne fova nia defin aldò dla norma statutaria n cont dla scola ladina. Sën se pera la Union di Ladins de Gherdëina

mo n iede, acioche la Scola Paritetica Ladina ne vënie nia inò n iede metuda n descuscion. Perchël ne dàussel nia inò unì fat zeche che va contra l Statut de Autonomia y si normes de atuazion n cont dla Scola Ladina. Nëus dijon perchël che nce la Scola de Mujiga ne daussa nia unì lasceda jì demez dal Assessorat per la Scola y Cultura Ladina y nianca no dala Ntendënza per la Scoles Ladines. La Union di Ladins de Gherdëina se aspieta che l assessëur per la scola y cultura Ladina porte perchël la Scola de Mujiga pra si Assessorat y pra la Ntendënza dla scoles ladines. Uni autra soluzion de cumpromis udessans sciche fauza y sciche na renunzia a nosc dërc n con’ dla scola y nchinamei n tentatif de smendré la cump etënzes autonomes y la rejons di ladins, per chëles che l ie tan unì laurà. Union di Ladins de Gherdëina


Atualité

nr. 37 / 21 de setember 2012

La gran batalia de El-Alamain An recorda le 70^ aniversar dla batalia de El-Alamain. Escurs storich tres sü protagonisć, i paracadutisć dla “Folgore”. Terza pert de indöt cater dales 20:40 dl 23 de otober, s’à metü en movimënt i soldas dles unitês de fanteria numeroses curis da n mer de ćiars armà. Ći che degügn se s’ess te chël momënt aspetè ê l’intenziun di soldas talians, suradöt di paracadutisć dla “Folgore”, arjignà al peso, anfat ći che ti ess aspetè, a se opone cun gran determinaziun y cun vigni meso ala strapotënza dl aversar, a öna da vëne ćera la pel cun ma un n travert tl će: “Nia molè!”

fina che ai ê bugn da stè en pé. Montgomery ne zeda nia da atachè, inant zënza suzès mo indebolin les forzes dl’assa inće sce les gran pordüdes sön le ćiamp de vera mëssel vigni iade se scrì a ël.

Rommel, y a düć i cosć

La defenjiun y les pordüdes Le comandant dles forzes aleades Sir Bernard Law Montgomery â arjigné la gran ataca de ElAlamain te vigni pice detail,

Storia - Le comandant dles forzes aleades Sir Bernard Law Montgomery â arjigné la gran ataca de El-Alamain te vigni pice detail, mo al s’â falé sön öna na cossa: sotvalutè i soldas talians, suradüt i paracadutisć dla “Folgore”. Söa valutaziun ê te chë’ situaziun plütosc scuntada, i medemi compagns todësc i cuionâ dijon che i mesi talians ê dotà de diesc marces: öna inant y nü zoruch! Laprò vëgnel ćiamò I trëi mëisc de vita döra passada tl desert en cört de ega y proviant che à dessigü portè a indeblì ćiamò deplü i püć soldas bele a tera dai combatimënć portà inant ćina ailò.

Nia molè Mo al é avisa i soldas talians che rodosa sotissura le plann de Montgomery, desmostran che de marces ne conescôi ma öna: chëra inant! Passada la plöia de füch dl’artilieria di alleà, piada ia avisa

Despartis te de piceres unitês y ascognüs te söes büjes ne se lasciâi naôta nia odëi, aspetan che i ćiars armà ti passass sura fora por pudëi spo, cun gran coraje, saltè fora sön ćiamp davert atacan en pröma batüda i soldas dla fanteria i destacan dai mesi sforzà, destrujon chisc spo un indô l’ater a distanza avijinada cun bombes y ordins a man (molotov). Testimonianzes dij che “al ê mines che jô ciarà, mesi sforzà y ćiolà de fer che piâ füch, soldas che saltâ por aria dlun scraian”. Inscö fajon ési stà bugn da dejorientè le nemich te so intënt architan sö l’avanzada y sce i ingleji ê cun l’ataca a nord stà bugn da rumpì te n valgügn posć la ligna de defenjiun, ti à a süd i paracadutisć dla “Folgore” de pröma ligna tignì bot döta nöt. Al lovè de surëdl dl 24 de otober se presëntel a Montgomery na situaziun daldöt nia aspetada cun la maiù pert de söes unitês ćiamò blocades dan i ćiamps minà cuntratacades dales forzes dl assa por stabilì indô le frunt. Ma che por vigni ćiar di aleà desdrüt n’êl atira n ater, sce nia dui, da tò ca, dal’atra pert indere êl n meso pordü, pordü por tres. Y inscö po se pormëte Montgomery da jì

Erwin Rommel, le comandant dl lian de vera Germania-Italia.

inant y atachè, mo la orentè y la determinaziun de nüsc soldas talians ê inant sura dötes les aspetatives, inće sce le pordüdes devënta tres plü significatives. En chësc dé toma inće le general Stumme, y Rommel é bele sön tru da regnì al frunt diretamënter dal spitol olache al ê ćiamò sot a cura.

Defata do che al é gnü indô, surantol dales 23:25 dl 25 de otober indô Rommel le comane de ći che ê ćiamò restè di “Afrika Korps” y al s’â atira informè döt cruzié dles postaziuns talianes, mo al ti ê gnü confermè che “ai combatô sura vigni poscibilité umana”. Deache les ataches a süd cuntra la “Folgore” jô a sbüja öna indô l’atra, â Montgomery fat fora da spostè feter dötes dles forzes por l’ataca a nord olache la defenjiun â metü man parzialmënter da dè do. Les atahes â n pü’ zedü por la reorganisaziun dles unitês y inće Rommel â spostè de conseguënza gran pert de söes forzes a nord. Y avisa ël cun chëstes fej pié ia ai 27

de otober na gran cuntrataca sostegnüda dales unitês de aria, mo al n’à en chësc iade jovè a nia ater co a perde n gröm de soldas y mesi sciöche muniziun y carburant! En chë sëra à Rommel odü ite che söes unitês a El-Alamein ne foss oramai nia plü stades bones da tignì plü dî y à insciö ponsè da se retrà sön postaziuns plü sigüdes. Al à spo cherdè le cuartier general dl Führer, y spligan la situaziun a El-Alamein damanâl do renforz. Mo l’atenziun di gragn te chël momënt ê döta por Stalingrad, y a Rommel ne ti vëgnel conzedü gnanca les unitês de fanteria stazionades y chël momënt nia adorades a Creta. Al inzescü, al ti vëgn ordinè da Hitler da tignì le frunt atual del El-Alamein a düć i cosć! Sciöche ara jarà spo a finì podëise lì tla cuarta y ultima pert te chinesc dé. Orun ves recordé la pröma incuntada interladina di soldas paracaditisć, ilustrada sot ales “informazions y manifestazions” te chësc foliet. (Romeo Rubatscher)

Montgomery va inant Tla doman dl 25 de otober vëiga la situaziun na pröma picia devënta de Montgomery cun n valgönes unitês che ê stades bunes da sbrochè les döes lignes de defenjiun y i ćiamps de mines a nord, mo por le rest n’à les atahes inglejes albü ćiamò degun suzès. Suradöt a süd, olache i paracadutisć dla “Folgore” se parâ en pröma ligna cun na determinaziun amirada inće dai comandanć ingleji, combaton ćiamò inće a muniziun ruvada cun curtel y bombes a man

I soldas ingleji al’ataca.

www.lauscdiladins.com

7


Atualité

nr. 37 / 21 de setember 2012

Te l’Europa su la rotes del mond Dai 24 ai 30 de setember la provinzia de Trent, l’Arzidiozesa e l mond del volontariat endreza la quarta edizion del gran event per cognoscer la miscions di missionères trentins Solidarietà - Rua endodanef tel Trentin n apuntament che à abù ti egn passé n gran suzess e che à pojà la reijes per n renovà empegn de la jent, daperdut olache l’é de besegn: l’é la 4^ edizion de “Su la rotes del mond”. Na ocajion preziousa de confront e de dialogh, na ocajion che de spes i missionères, te si paìjes de naa, no pel aer, e che bina adum béleche 50.000 trentins, slarié fora te passa 260 sociazions, che laora coi passa 500 missionères trentins amò atives ti lesc più senestres del mond. Chest an “Su la rotes del mond” rejona de Europa, na sort de seradura su la raida di cinch continenc, ma che à l valor ence de n braciacol coletif a duc i missionères. Ence te l’Europa l’é contradizions e problemes e per chest ence chiò l’é la prejenza de la solidarietà trentina. Ti Balcans o ti paìjes de l’ex Urss l’é amò n muie da dèr e da ciapèr. A scomenzèr da na neva gaissa envers l davegnir, che no cogn mai mencèr per sperèr te n doman mior per nos e nesc fies e per aer l met de emparèr, vardan dalonc, neves stii de vita e conscidrèr la robes, i problemes e la ressorses che aon,

la capazità de la cultures e de la religions de dialoghèr, de fèr sù ponc. Dò Africa, Americhe, Asia e Oceania, l’Europa sera l zicl geografich de la manifestazion. No sarà aboncont la fin del percors che Provinzia, Arzidiozesa e mond del volontariat trentin à envià via. Sarà enveze l’ocajion per tirèr la redenes, per pontèr demez con maor gaissa e entusiasm per n percors che jirà inant ti egn che vegn, dò la pedies che à lascià chisc egn passé i missionères de duta la comunanza trentina. Enstadì, te la conferenza stampa de prejentazion de l’event, Monsegnor Luigi Bressan à contà coche, acà sie egn, l’é nasciù l’idea de la manifestazion, da na ciacolèda col president de la Provinzia Lorenzo Dellai. “L Trentin l’era jà tera de sacotenc festival, anter chisc chel de l’economìa. L’idea l’era chela de realisèr n event che mete a fech n’autra vocazion de chesta tera, chela de la solidarietà. L’obietif che se aane metù dant – à dit Bressan – l’era, da na pèrt, fèr cognoscer l’opera di tenc missionères trentins atives tel mond, e da l’autra fèr crescer i

La conferenza stampa de la quarta edizion de “Su la rotes del mond”.

L logo de la manifestazion.

trentins ge dajan l met de veder e sentir ti desvalives intervenc esperienzes de desferenc paìjes. Mìngol de Europa l’aon ence chiò da nos – l’à dit amò Monsegnor Bressan. L’é i tenc imigré che laora e vif tel Trentin.” Te l’Europa laora 41 missionères trentins. Chesta edizion de “Su la rotes del mond” sarà l’ocajion per i fèr troèr endodanef ensema, per i fèr cognoscer a la jent e anter de ic. L’assessora a la solidarietà Lia Giovanazzi Beltrami l’à recordà l gran arichiment che la jent à abù da chest event. “La vijita di missionères te la scoles, i sentir contèr de sia operes l’é stat per i

“No l’é sorì rejonèr de solidarietà te momenc de crisa desche chest, olache la tentazion fossa chela de se serèr te sé enstesc – à dit l’assessora Beltrami – ma gé cree dalbon che demò te l’enconter e te la condivijion se sie bogn dalbon de jir sorafora la maor dificoltèdes”. L’event, che se serarà sù en domenia ai 30 de setember te la Sala de la Cooperazion co l’intervent del premie Nobel Rigoberta Menchù, l’é “clima amich”: la cantità de CO2 che vegn prodot via per duta la setemèna vegnarà “mudèda” te euro che vegnarà duré per n projet de forestazion te l’Africa.

bec na esperienza emportanta.” L program de la manifestazion, che se orirà en lunesc ai 24 de setember co na zerimonia te la sala Depero de la Provinzia, l’é n muie rich. Chiò e tel spazie archeologich sot a la S.A.S.S. vegnarà portà dant la relazions. Se podarà scutèr la spetadives e la speranzes de la femenes emigrèdes, se rejonarà di bec de Chernobyl, de la cooperazion trentina ti Balcans e de n muie de etres argomenc. Dapò se podarà veder adertura 8 mostres de fotograf ìes e duc i dis te piaz del Dom vegnarà fat scontrèdes con autores de libres.

Musega ladina, anter la Dolomites, l Friul e l’Europa Dò la furlèna Elsa Martin, insnet a la Grenz Moena rua l ciantautor badiot Jean Ruaz, che raprejentarà i ladins a SUNS 2012 a Udin Musega - La neva ne é ruèda acà pec dis da pèrt del coordenador, l musizist Leo Virgili: a raprejentèr i ladins a SUNS 2012, l “Festival de la ciantia ti lengac de mendranza”, che vegnarà metù a jir a Udin ai 2 de november, sarà l ciantautor badiot Jean Ruaz. SUNS l’é la sezion alpina e talièna del “LIET International” l festival european de referiment per la musega moderna di popui mendres. L’é nasciù del 2009 sot l’endrez de l’ARLEF e de “Radio Onde Furlane”, con la colaborazion de la Provinzia e l Comun de Udin e tol pèrt musizisć di gropes de mendranza furlegn, sardes, catalegn, ozitegn, arbresh, corsc, slovens, croac, romances e amò de etres.

Te la pruma edizion a raprejentèr i ladins l’é stat l grop “Encresciadum” che à portà dant na interpretazion jazz per fascian de la fegura mitologica de Re Laurin; da l’an dò l’é stat i badioc a fèr la pèrt del leon: del 2010 col trio de ciantarines “Ganes”, e del 2011 col grop “Contra löm”, che con sia ciantia “La moncignosa” à tout pèrt a SUNS a Falera, ti Grijons, e la é stata adertura selezionèda per la finèla de “LIET International”, stata per la pruma outa te l’Etèlia, semper a Udin ai 19 de november 2011, olache a la fin a se vadagnèr l pest european l’é stat la ciantautora Janna Eijer dal Frisland e i Coffeeshock Company, croac dal Burgenland, che à vent l pest del

publich. Chest an, descheche aon dit, per raprejentèr i ladins a SUNS la comiscion, che tolea ite Onno Falkena (Omrop Fryslan - Liet Foundation), Andrea Ioime (Il Friuli - Il Gazzettino), Paolo Cantarutti (Radio Onde Furlane) e Luigi Mutarelli (Rumore - Soundveritè), à cernù Jean Ruaz, con la ciantia “Perde”, che ge dèsc ence l titol al CD che l’à en produzion e vegnarà dat fora bele prest. I toc de chest nef CD vegn prejenté apontin insnet a Moena, a la Grenz, la sociazion de musega che da semper chier de portèr inant, valorisèr e uzèr fora la mior produzions de musega, ladina e no ladina.

La brava ciantarina e ciantautora furlèna Elsa Martin con sia formazion à prejentà so CD “vERsO” a Moena ai 7 de setember.

8

www.lauscdiladins.com

En vender ai 7 de setember te la storica senta de La Baita a Moena l’era ruà na braviscima ciantarina furlèna, Elsa Martin, che à prejentà si CD dal titol “Verso” ciantan so bel repertorie furlan che va da la revijitazion de vilotes tradizionèles a composizions de autor (de la medema Elsa Martin e ence del cognosciù ciantautor furlan Stefano Montello), compagnèda da Marco Bianchi a la chitara, da Luigi Vitale al vibrafon, Marco Privato al bas e Emanuel Donadelli a la baterìa. Pecià che sie semper massa pecia la jent che vel se emprevaler de l’ocajion de cognoscer nesc miores musizisć. A la Grenz l’é ruà più che n’outa ence i “Secco” de Gherdena, che

era te anter i candidac de SUNS (no i é stac cernui, pecià) apede a na bona lingia de gropes enscinué sot a l’inom “ladins” che vegn da paìjes del Ciador e de l’Agordin. E a ciantèr a Moena l’é amò ruà ence Lino Straulino, venjidor del 2009 adertura del Liet International te la Frisia. Chest an no resta auter che veder se ence Jean Ruaz ai 2 de november a Udin l sarà bon de jir inant e se vadagnèr l’azess a la finèla del LIET International, che chest an vegnarà metuda a jir l prum de dezember a Gijón (Xixón) te la penisola Iberica, e endèna... vegnir a l scutèr insnet a la Grenz a Moena! Lucia Gross

L badiot Jean Ruaz, giusta selezionà per l festival de musega de la mendranzes SUNS, sonarà e ciantarà a Moena ence insnet.


Atualité

nr. 37 / 21 de setember 2012

Aiut Alpin Dolomites Nce ntan i dis tl’ena passeda fòvel uni di da muever per la scuadra dl Aiut Alpin per caji d’uni sort. Da arpizadëures che se ova fat mel te parëi a escursionisć che ova de bujën de aiut, nchin a desgrazies sun streda y un n iede nce per na tustica che ie unida piceda da na beca. Te chësc cajo de na turista nglëija se tratòvela de ruvé sun l post cun n mitl contra l tuesse, ajache la ova nce na alergia y l brac se ova riesc nfla su dassënn. Suzedù ie chësc sun la Nemesalm te Sexten. Doi ntervënc fova nce scialdi tecnics y plu avisa sun Sas Ciampac, ulache doi alpinisć de Trënt che ulova fé la via Adang drët cunesciuda, se ova falà y mpede traversé via sun l’ëur fovi jic ndrë su ruvan sot a de gran tëc de crëp. Propi canche i fova te na luegia bëndebò ncompra se àl destacà n sas che à tucà un di alpinisć sun la cnodla. Nsci ne fòvel nia plu bon de se arpizé inant. Per jì a tò l arpizadëur àn tacà sot al joler 40 metri de corda y cun n ntervënt drët garatà l àn tëut ora de parëi y purtà al segur. N auter ntervënt fova sun la Croda di Toni tl raion dla Drei Zinnen, ulache n jëunn de Burnech se ova fat mel a na ciavidla. Chësc àn trat su tl joler

cun na corda de 25 metri. Aiut à nce adurvà n bacan dl Pfossental. Ël fova tl lëur de jì a cialé do si cëures canche l se à giapà ados n sas che l à fat burdlé ju n 25 metri ju per n pra ërt, se fajan mel al cë y se rumpian na ciavidla. Sun streda iel suzedù na desgrazia y plu avisa danter l jëuf dl Sela y l jëuf de Frea. La comitiva dal motor fova tl lëur de fé i cater pasc, ma coche l suzed plu suvënz te na grupa de motores iel l prim che passa dant y duc i autri dovia ti sta dossù. L prim ie passà saurì te n tòch ndrët, ma l ultimo fova bele tan che te na raida a passé dant. Iust te chël mumënt unìvel

de Armin Moroder n camion de contra che ne n’à plu pudù fé nia per l astilé ora. L colp per chël dal motor fova sëch y riesc àn capì che l se ova fat scialdi mel. L dutor ruvà sun l post cun l joler à mo purvà a uni maniera de l tenì n vita, ma l ne fova plu nia da n fé. Pra chësc ntervënt àl nce judà pea i uemes dla Crëusc Blancia, i Carabinieri y i Destudafuech che fova ruvei sun l post. Ora de chësta burta desgrazia iel mo stat truep ntervënc, dantaldut per jënt de tëmp che ova problemes de sanità y che ie pona unic julei te spedel per la cures aldò.

“Ladins Dolomites” à dit la sia En cont dla formazion dla comiscion “paritetica” y se damana ence i esperc tla comiscion Toponomastica - “Un di ponc plu ciauc dla discuscion sun la toponomastica reverda la composizion dla comiscion che dess laoré fora i toponims”, à scrit Ladins-Dolomites i dis che la lege sun la toponomastica gniva trateda te consei provinzial a Bulsan. Sciche ala é juda savonse sen, la comiscion é gnuda delibereda con endut sies membri esperc, doi per vigni grup de lingaz. Enscì él gnu arjont n compromis anter la SVP che ova metù dant l dessen de lege y si partner de govern, l PD. La proposta de doi raprejentanc per i ladins é gnuda - aldò de LadinsDolomites - laureda fora dal PD adum a Ladins -Dolomites. “La

SVP essa volù mé un n ladin te comiscion”, à scrit LadinsDolomites, y inant: “chest essa messù dé ju sia ousc mé sun les chestions che reverda i toponims ladins”. Do la dezijion touta te consei provinzial de aproé la comiscion di sies membri, doi per vigni grup de lingaz, s’à l president de LadinsDolomites Albert Pizzinini mostré dret content, al scri: “Comiscion paritetica , finalmenter l superament dla proporzionala etnica; la creazion de na Comiscion toponomastica formeda da doi todesc, doi ladins y doi talians é n pont fondamental de superament dla logica dla proporzionala

etnica.” Chest prinzip dess gnì slarié fora ence de d’autri veresc, pian via a d’ejempl dai conseis de aministrazion dles impreses publiches, scluj ju LadinsDolomites. Ladins-Dolomites à ence bele fat propostes sun chi che messessa ruvé tla comiscion: “L a composizion ne possa nia ester politica, ma dess ester scientifica. Chilò ne conta nia l’apartenenza a n partì politich, ma les credenziales scientifiches de si componenc. Per cie che reverda la Ladinia onse i maiours esperc tl ciamp dla toponomastica ti professours Lois Craffonara, Erwin Valentini y Paul Videsott.”

Dancà y da na pert Uedli y oredles daverc sun la sozieté ladina d’aldidancuei Does ciacoles con l jornalist joen de Cortina d’Ampez, Luca Dell’Osta

Inom y cognom: Luca Dell’Osta Eté: 22 agn Profescion: Student de giurisprudenza y jornalist Tant joen y bele jornalist? Sci, i é metù man de scrive sun l foliet dl lizeum con 16 agn. En chel ann ae abù la fortuna de enconté tl zenter de Cortina l diretour de “L’Amico del popolo”, Carlo Arrigoni, che me à dé la poscibelté de scrive mi prums articui y da dailò ne me ae nia plu archité. Con 18 agn ove la cherta da jornalist publizist. Co é pa spo juda inant tia cariera? I é colaboré con l mensil “Voci de Cortina”, da doi agn y mez encà sonse responsabel stampa dla “Sportivi Ghiaccio Cortina” y spo me ae ence cruzié dla comunicazion dl “Bob Club Cortina” y dl festival de mujiga classica “Dino Ciani”. Ma la cossa de chela che i son plu brau é de avei metù su, deberieda con mi compagn Giacomo Pompanin y autri 10 – 15 colaboradours n mensil de informazion y cultura a Cortina, “Nero su Bianco”, de chel che i son l diretour responsabel. Cie vuel pa dì per te fé l jornalist? Da fé chest mestier ae emparé truep. Sciche Eugenio Scalfari dijova: n bon jornalist ne n’é espert de nia, ma sà n puech de dut. I é abù la poscibelté de fé truepes intervistes, de scuté su fameis, ma ence capecomun, ministri y cardinai. Vigni persona me à lascè val’, n spunt por na reflescion, per daurì mia ment. I pense che chest mestier ti fajessa bon a truepes persones. Emplù studieste ciamò… Sci, i studie giurisprudenza a Bologna, na materia che me deida da mete ordin te mi cef, ence sce ala é datrai n pue’ da stufé. T'as ence scomencé na cariera politica, no pa? Al é sté na parentesa dret curta, dl 2009, canche i fove candidé a les lites provinziales per l PD. I me aspetove 100 usc y i nen n’à giaté plu de 450 y i fove dret content ence sce i on perdù. Sen ne n’ae plu deguna cherta de partì, ma i reste dla

convinzion che la politica ae n rode dret emportant tla vita de vigni persona. Te 22 agn aste fat truepes esperienzes. Cie te aspeteste pa per ti davegnì? Chel ne sae nia ciamò. Sen stude giurisprudenza, dedò fajarae ciamò na laurea te storia, che é dagnora steda mia gran pascion. Da pice volove pu fé l archeologh, dapò ove pensé che al me ess salpù bel da deventé Papa, ma spo ae arbassé mies ambizions y i é capì che fé l jonalist o l avocat fossa sté plu saurì. (al s’la rì) Cai é pa ti hobbies? Te mia familia é duc sportifs: mi pere jugova tla nazionala de hockey, mi fré praticheia ence chest sport. Ie son davignora sté n pue’ n frat, nia mentalmenter, ma fisicamenter. Ie sté plu gen pro n liber de storia plutost che jì a jughé a palé con mi compagns. I son n stlet jugadour, ma na outa ae fat n gol te n torné de palé di Sestiere contra Ciadin, de chest sonse ciamò brau. (al s’la rì) Ne veideste nia ti davegnì tla politica? Sce i jisse derevers l fajesse endò, ajache al é sté na esperienza che me à ensigné truep y che me à fat conesce truepa jent. Sen ne l fajesse endere nia, ajache per aministré aldidancuei vuel ester de gran capazités, che i ne me sente nia de avei. Te n valgugn agn magari… Tant emportant é pa sté nasce a Cortina per tia cariera? Cortina é n post unich, olà che al vegn organisé evenc relevanc y che te dà la poscibelté de conesce personalités emportantes. Al ne n’é nia na gran concorenza per cer’ mestiers y chesta é na fortuna; mi compagns de université à de gran dificoltés da mete man de scrive sun n foliet. Cortina é na paladina, sce al toma na picera pera tl zenter dl paisc – dijova na outa Marco Dibona – végnon alsavei sun l telegiornal nazional. I son content de avei podù mete man mia cariera a Cortina, ma i spere de ne la ruvé nia chiló; al me savessa bel da podei mete l nes foradecà, per vedei cie che l mond à da pité. (kp)

www.lauscdiladins.com

9


nr. 37 / 21 de setember 2012

Cô lascè da fumè zënza tó sö peis? Na gauja porćiodî che tröpes porsones, dantadöt ëres, n’ô nia lascè da fumè - inće sce ares sa tan mal ch’al fej por la sanité, é la tëma da tó sö pëis, n valgönes porsones mët ćinamai man da fumè tla speranza da tó jö val’ chilo insciö Lascè da fumè pò veramënter comportè n aumënt de pëis sce an ne mët nia averda, mo al é inće da sotrissé che n valgügn chili demassa é dessigü manco de dann por la sanité co le fumè. Mo ćiodî tôlon pa sö tan saurì, do che an à lascè da fumè? Chi che föma brüj efetivamënter mesanamënter ca. 200 calories al dé deplü co chi co ne föma nia: 2 0 0 c a l o r i e s co r e s p o g n presciapüch a na pagnoca y mesa o 8 cadrì de ćiuchelada.

naturai, les vitamines artifiziales te pìloles o polber vëgn tutes sö ma te na picia pert y la maiù pert indô eliminades con l’urina, de certes vitamines, desco la vitamina A, él inće prigo che an n’en toles sö demassa.

Bëre tröp, mo les dërtes boandes

Fumè fej jì sö - la lipoproteina lipasa (por tod. “Lipoprotein-Lipase”), na sostanza che impedësc che al vëgnes tut sö massa grasc tles zelules y tin insciö le pëis plü costant - le metabolism basal (= le corp adora plü energies por tignì sö les funziuns vitales). La conseguënza é che sce an lascia da fumè tôlon sö pëis no ma sce an mangia deplü, mo inće sce an mangia inant desco denant; 200 calories al dé deplü corespogn zirca a 1 chilo de pëis al mëis deplü. Sce an ô lascè da fumè messasson porchël: - o mangé 200 calories al dé demanco o fà plü movimënt. Por consumè 200 calories al dé messasson por ejëmpl: jì vigni dé 1 ora a pé o 20 menüć a saltè o 20 menüć a nodè. N’atra gauja por l’aumënt de pëis é che la nicotina tol en pert la fan y l’apetit, porćiodî che chi che föma ne sint nia plü tan les saûs y le tof dla spëisa. Sce an sint indô plü apetit, do che an à lascè da fumè, màngion automaticamënter deplü y chësc porta sambëgn inće pro a n aumënt de pëis, porchël désson passè a na alimentaziun plütosc neutra (nia massa da saù). Y ala fin öna dles gaujes prinzipales dl aumënt de pëis é che chi che lascia da fumè chir na sostituziun al zigaret da mëte tla boćia y chël é la maiù pert patüc saurì da tó ca desco patüc duc.

Fumè aumentëia le prigo de crebesc y costa inće tröp. (foto: www.aok-bv.de)

metabolism che ne laora nia plü plan, an brüj val’ calories surafora y an prodüj i hormonns che dà la sensaziun de bëgnester. Al foss dërt da fà almanco 1 ora de movimënt al dé.

N valgügn consëis pratics por chi che ô lascè da fumè, che reverda dantadöt le mangé Chi che lascia da fumè ne dess nia fà na dieta massa restritiva, mo ester plü cosciënć de ći che ai mët döt tla boćia; atlò pò daidé sce an se scrî sö döt ći che an mangia y bër, almanco tl pröm che an à lascè da fumè. Mangé defora dai trëi pasć prinzipai inće ćiamó dui de pici

pasć danterite straverda da ataches de fan (por tod. “Heißhungerattacken”); danter i pasć aconsiëii dantadöt ordöra, ortam y iogurt megher natural y sambëgn bëre tröpa ega che pò inće tó n pü’ la sensaziun dla fan. Mangé plü gonot patüc che contëgn l’aje d’aminn tritofann, fora de chël che le corp fej sö serotoninn, le hormonn dl bëgnester: - alimënć che contëgn tröp tritofann: - nusc, ćern de videl y de vaćia (muscul), piet de galüc y de huder (tachin), üs, ćiajó, salmun, früć da cose, floć d’avëna, somënzes de sorëdl y de sesam.

ambiënć che é a contat diret cun le föm) vëgnel aconsié na alimentaziun scëmpla y neutra (nia massa da saù): - chirì fora alimënć naturai zënza tröc aditifs desco le glutamat, mo cujiné le plü che ara va cun saûs y erbes frësches o sëćes - evité saûs dër stersces desco le peperoncin - evité alimënć che le magun stënta da laurè sö: ciola, peperuns, gurches, patüc arestì, … - chirì fora metodes da cujiné che adora püć grasc.

Mangé scëmpl y sann

Cun le fumè tôlon sö tröc radicai lëdi (“freie Radikale” por todësch), chëstes é chës sostanzes de dann ala sanité che fej aumentè le risch de crebesc. Por neutralisé chëstes sostanzes vàl debujëgn da tó sö tröc antiossidanć. I antiossidanć plü conesciüs é les vitamines A, C y E, en cört ACE, chëstes é contegnüdes dantadöt tla ordöra y tl ortam frësć. La vitamina A: te res ghei, pomodori, meluns, cachi la vitamina C: te pomaranć, chivi, peperuns, ajies fosces, pieiores, soni la vitamina E: öre de sorch o de somënzes de sorëdl y tles nusc. Por curì le bujëgn de chëstes vitamines désson mangé almanco 5 iadi al dé ordöra y ortam, por ejëmpl na porziun de ortam da marëna y da cëna, y 3 früć danter i pasć. Tröc mina da podëi curì le bujëgn de vitamines cun n preparat fora dl’apoteca. Stüdi desferënć à desmostrè che les vitamines vëgn tutes sö bun ma fora di alimënć

Deache an ne dess nia massa stimulé les papiles dla saù (i

I hormonns dla felizité La nicotina aumentëia la produziun de dopaminn, n hormonn che dà la sensaziun de bëgnester desco le serotoninn, le todësch ti dij porchël a chisc “Glückshormone” (hormonnns dla felizité). Le medemo efet à le patüc duc y dantadöt la ćiuchelada, porchël é chësta tan chirida can che an lascia da fumè. Mo al foss bëgn ćiamò n sistem por aumentè la produziun de hormonns dla felizité defora dl fumè y dl patüc duc, y chël foss sambëgn indô fà sport. Contlujiun: chi che lascia da fumè messass te vigni cajo ćiarè da fà tröp movimënt. Insciö él le

10

www.lauscdiladins.com

Por curì le bujëgn de vitamines importantes désson mangé almanco cin’ iadi al dé ordöra y ortam.

Ordöra y ortam

Bëre messasson sambëgn tröp, almanco 2 litri al dé, chësc dantadöt por sarenè le corp dla nicotina; boandes adatades é ega, tê y val’ iade, por baraté jö, inće n goto de süch d’ordöra y ortam frësch. Al é n valgönes boandes che s’assoziëia bun al zigaret, desco alcohol, cafè, tê fosch y coca cola; chëstes foss sambëgn inće da evité sce an lascia da fumè, deache ares aumentëia la vëia da fumè. Te d’atres parores ôl dì che sce an ê ausà da se fumè vigni iade n zigaret pro le cafè él miù renunzié inće al cafè. Al inzescü él inće alimënć che ne passenëia daldöt nia pro le zigaret, por ejëmpl ordöra y ortam, ega y süć d’ordöra, lat y patüc da lat; chisc podesson sambëgn ćiarè da mangé y bëre deplü, le lat y i produć da lat dess ester megri.

Le patüc duc Sce la gola de duc é dër grana pòn brancé do papes o medies (gume da ćiaugné) zënza zücher; mëte averda mësson pro patüc duc che contëgn inće tröc grasc desco ćiuchelada y biscoti, chisc contëgn tröpes calories che podess fà jì sö le pëis, porchël désson se gode chëstes cosses ma dainré y te de pices cuantitês, mo zënza s’l proibì. Cun i scioldi che an se sparagna da nia plü cumprè zigareć, da 100,00 a 140,00 euro al mëis sce an föma n poch de zigareć al dé, pòn se fà val’ de bun a se instësc, por ejëmpl na bela massaja o na fin dl’edema wellness o ćinamai na vacanza sce an tol ca i scioldi che an se sparagna te n ann.

Por stlü jö ćiamò n pinsier che fej ponsè sura Fumè aumentëia le prigo da ciafè le crebesc: crebesc ai fià blanć: de 20 iadi crebesc ala laringia (por tod. “Kehlkopf ”): de 10 iadi crebesc al pancreas: de 3 iadi crebesc al dansö: de 3 iadi yii. Jorasseste tö cun na compagnia de jore che à statisticamënter da 3 a 20 iadi plü n gran risch da tomè jö co en n’atra? Silvia Pitscheider, dietista tl distret sanitar Piculin


nr. 37 / 21 de setember 2012

L’Aministrador de sostegn: na endesfida per duta la comunanza L Comun general de Fascia, su envit de la sociazion Rencureme, met a jir na scontrèda per chi che vel cognoscer miec chesta fegura Te noscia comunitèdes stèsc ence jent che à debesegn de aiut, jent de età, con empedimenc, con malatìes mentèles, con dependenzes o che vif de autra situazions de deboleza. L’é persones che à besegn de esser didèdes e stravardèdes, compagnèdes e sostegnudes. Ti confronc de chesta persones duc nos aon na responsabilità e n doer etich. Un di besegnes de chesta persones l’é ence chel de aer n stravardament giuridich, e per chest con la lege 9 de jené 2004 nr 6 l’é stat metù sù la fegura de l’aministrador de sostegn, perveduda da l’art. 404 del Codesc Zivil, che disc: “La persona che a cauja de na malatìa o de na menomazion fisica o psichica la se troa a no poder, ence demò en pèrt o per n trat de temp, ge stèr dò a si enteresc, la pel vegnir didèda da n aministrador de sostegn, nominà dal giùdize tutelèr del post olache chesta persona à sia residenza o la é enciasèda”. L’aministrador de sostegn – che

l’é vèlch deldut desferent da chi che entervegn ti caji de interdizion – l’é na fegura flessìbola, che muda aldò del besegn de l’assistì. Pel esser un de cèsa, n volontadif o n profescionist, che se cruzia de costions etiches e aministratives per la persona che no pel per sé, con l’obietif de ge arsegurèr semper e te vigni moment na vita degnitousa, lascian lèrga a duta la ressorses personèles de l’assistì, per mantegnir e respetèr più che l’é meso sia capazitèdes. Per slarièr fora l’informazion sun chest argoment, sensibilisèr la aministrazions, la realtèdes sozio sanitères e la jent de Fascia e Fiem su l’emportanza de chest servije e fèr cognoscer l ruol, la carateristiches e la encèries de chesta fegura, la sociazion Rencureme à envià via n program de scontrèdes en colaborazion con la Sociazion “Comitato per l’Amministratore di Sostegno in Trentino”, nasciuda del 2008, e con de autra sociazions desche la Fondazion Trentina per

l volontariat Zivil de la Provinzia de Trent, la sociazion AMA (Auto Mutuo Aiuto), l’Anffas e la sociazion “Il sollievo” de Fascia e Fiem. L’envit de la sociazion Rencureme é stat tout sù te Fascia dal Comun general, e apontin te la sala del Consei general en jebia ai 27 de setember, da mesa les nef da sera, vegnarà endrezà na scontrèda de informazion dal titol “Una sfida collettiva a tutela delle persone fragili”, te chela che, dò l’introduzion de la Procuradora Cristina Donei, rejonarà Sandra Venturelli de la sociazion “Comitato per l’Amministratore di Sostegno in

Trentino”. Via per de otober vegnarà dapò metù a jir n cors de formazion per chi che volessa jir ite più avisa te l’argoment, per poder ge dèr didament a na persona no deldut autonoma, ite o fora de sia familia, o per i profescionisć che vel cognoscer miec chesta neva fegura. Sarà 5 seres che vegnarà endrezèdes de mercol da les 20.30 a les 22.30 tel Comun de Pardac. Te la pruma scontrèda, ai 10 de otober, l prof. Alceste Santuari rejonarà de “Gli istituti di tutela previsti dalla legge: l’Ads quale garanzia per la qualità della vita di tutte le persone fragili.” Ai 17 de otober enveze l’argoment sarà “Aspetti sociali e etici. L’equilibrio tra i processi di aiuto e l’autodeterminazione.” con l dr Alberto Conci, e ai 24 l’avocat Massimo Zanoni e la giudize d.ra Fulvia Todisco rejonarà de “Il decreto di nomina: poteri dell’Ads e capacità dell’amministrato.

Modalità di relazione con il giudice tutelare: le istanze di autorizzazione per gli atti di straordinaria amministrazione.” Te la 4° scontrèda, en mercol ai 31 de otober, desvalives raprejentanc di servijes publics e del privat sozièl sul teritorie portarà dant sia esperienzes sul tem de l’Ads e l raport con i Servijes del teritorie, e per fenir ai 7 de november vegnirà portà dant esperienzes de e anter desvalives aministradores de sostegn. Se spera dassen che anter chi che tol pèrt a chesta scontrèdes de informazion sie ence zachei che dapò azeta de tor sù chesta encèria, ajache, coche disc l titol de chest projet, chela de l’aministrador de sostegn l’é apontin “na endesfida de duc per didèr la persones che à debesegn”. La scontrèda di 27 de setember te senta del Comun general a Poza podarà dèr de segur duc i schiarimenc sun chest tem. Per aer vèlch autra informazion se pel ence jir sul sit www. amministratoredisostegnotn.it (lg)

N bez no l’é n “picol gran” La sportiva hockey Val de Fascia à endrezà na serèda con la psicologa del sport Daniela Cavelli, che à rejonà con genitores e alenadores de co gestir bec e sport

L sport no l’é demò agonism.

Sport - Consees, didamenc e spiegazions sun coche rejona n bez e sun co se comportèr coi bec, sibie tel sport che te la vita. La scontrèda endrezèda da la sozietà sportiva Hockey Club Fascia l’aea desche tìtol “L sport desche strument de formazion de la personalità” e de chest argoment à rejonà per doi

bela ores la dotora Daniela Cavelli da Trent, psicologa del sport, ensegnanta, giudize de bal sui feres e gran pascionèda de sport. “Son spervaja che l sport sie un di soi setores olache n bez pel crescer ence te sia personalità. L sport fèsc ben per l svilup fisich, cognitif, afetif, emotif e ence sozièl”, disc la dotora

I bec e l sport: l’obietif no l’é venjer, ma se goder e emparèr a respetèr la regoles.

Cavelli, che la spiega che “enceben che te la familia se proe a dèr regoles, l’é senester les fèr respetèr. Tel sport enveze, se un no ge va dò a la regoles, che per auter les é pèrt del jech medemo, o l vegn penalisà o l pert la gara. L’é giust falèr, ma tel sport se te fales te te toles duta tia responsabilità”. Chest l’é un di maores ensegnamenc del sport desche formazion de la persona: se empèra a viver te la regoles, descheche se fèsc te la vita de duc i dis. La psicologa Cavelli dapò à fat osservèr che i bec, dant de dut i é desferenc un da l’auter da la naa, e che donca ence anter doi frèdes o doi compagnes de squadra se cognarà durèr desvaliva tecniches per ge ensegnèr la medema roba. Chel che enveze l’é valif per duc i bec pìcoi l’é segur che ic i depen en dut dai gregn. I à debesegn de esser amé (dai alenadores, ma ence dai genitores) e i lo fèsc, no percheche i li veit desche modìe, ma percheche no i à capazità critica, donca se un disc che l’é emportant venjer, ic ge cree. L’é ben vera che se disc semper che “l’emportant l’é tor pèrt e no l’é venjer”, ma a chi él che ge sà bel perder? A nesciugn, e donca, che se fèjel? Chel che consea la dotora, ensegnanta e mère, Daniela Cavelli l’é che nos cognon ge ensegnèr che venjer l’é l’ùltim sciaier e che ogne bez, per smaorèr la stima che l’à de se, l cognessa poder dir “ge la é fata!” te ogne roba, te la vita e tel sport e se l’é meso l fèr ruèr a chest da soul. Se cogn ge ensegnèr coluna sort de venta l bez l cogn vardèr de arjonjer. Cognassane smaorèr sia autostima,

ma no tras la frasa “che bravo che t’es stat”, ma piutost se meter dant con n fèr curious e ge domanèr “co èste fat a l fèr?”. No se cogn valutèr, ma durèr n “approccio alla curiosità”. Vegn conseà donca de esser “amisc di joegn, ma esser n amich pertendegol”, descheche dijea l Beat Jan Paul II. “Ence nos cognon mudèr comportament, - va inant la dotora - ence se na roba la é senestra, no cognon aer tema che nesc fies no i sie bogn de la fèr o aer tema che i fale. I bec no i stèsc mèl. Nos stajon mèl a veder se i pert o i fala. Se n bez vaa l lo fèsc demò percheche l ne veit endespiajui e coscita l’à poura de perder nosc amor”. Canche i é pìcoi, i bec cogn sentir l’amor zenza condizions de genitores e alenadores, e no veder che se é contenc demò se i ciapa de bela stimes, o se i venc na gara. La situazion la muda dai 11 ai 18 egn, canche l joenet no à più debesegn del giudizie di gregn, ma de resultac concrec. L’é per chel che n muie i mola l sport de chela età. La psicologa consea de no ge dèr massa emportanza a la garejèdes, ence se i podessa jir jù de categorìa. Tel sport l’é post per duc, te ciamp e ence tedò, l’emportant l’é che ogneun ge vae dò a sia pascion. N ejempie de chest, che aon te Fascia, l’é chel de Martina Bernard, la balarina sui feres. Enceben che la no sie ruèda a venjer medaes olimpiches, ela à sapù jir inant te sia pascion del bal sui feres. L’à lascià de fèr garejèdes e ades la śira l mond a fèr spetacoi su la giacia. Disc Martina: “me alenee l dopie de canche fajee demò garejèdes, ma

L’ejempie de Martina Bernard: “me alenee l dopie de canche fajee garejèdes, ma venje ogne sera e no me peisa. Viaje, fae chel che me à semper sapù bel, e i me paa.”

venje ogne sera e no me peisa. Viaje, fae chel che me à semper sapù bel te la vita, e i me paa. Ampò, pissave, son la soula talièna”. Con chest donca, no vegn dit che sie dut sorì, anzi, ma chel che serf l’é fèr a na vida che i bec e i joegn i fae moviment. Per la dotora: “L corp l’é nasciù per se mever, se cognessa vardèr che ogne bez fae amàncol doi ores al dì de moviment, ence a jièr a la sconeta. Enscin ai ot egn i fajesse jièr duc a balon, l’emportant l’é che i stae anter i etres, i empère a se confrontèr e ge jir dò a la regoles. L’é chest che cognon vardèr de ge ensegnèr, per la formazion de sia personalità”. (vr) www.lauscdiladins.com

11


nr. 37 / 21 de setember 2012

Mujiga y solidarietà Pra n proiet artistich dà l artista Stefano Mascheroni si cuntribut n con’ dla sensiblisazion de viers dla malatia de Alzheim

Stefano Mascheroni cun Adele Moroder.

Alzheimer - Tl cheder de chësc proiet dà la zaita Alto Adige ora ncuei vënderdi ai 21 de setëmber, cumpran la zaita al priesc normal, leprò nce na CD debant de y ntëur ala tematica dla malatia de

Alzheimer, cun laite mujiga y cianties d’uni sort, n videoclip, n spot y nce la nterpretazion de n test ora de n diare de n amalà de Alzheim; dlongia la verscion taliana y tudëscia iel nce l test nterpretà

per gherdëina da Adele Moroder de Urtijëi, che publicon tlo dlongia, deberieda cun la verscion taliana de una na ciantia. L fej unì la pel de gialina, ma nce rì y bradlé, a liejer y audì paroles coche: “L ie cosses che ulësse savëi da fé, ma dal’autra pert iel mo cosses che posse fé y che me tole dant de ne lascé nia jì nchin che posse. Rì ie na cossa beliscima. L sense of humour ie povester la cossa de majer valor y mpurtanta per chi che à l Alzheimer,” dij Cary Smith Henderson, tl diare (repurtà tlo dessot) L’atività Alzheimer ie cureda deberieda cun l’ASAA Assoziazion Alzheimer de Südtirol, de chëla che Mascheroni ie nce cumëmber atif. L proiet Musica & Solidarietà cunlieia la “cultura” cun l “soziel” y ie n bon ejëmpl de coche l’ert n generel possa judé, sustenì y nstradé azions mpurtantes a bën dla cumenanza. David Lardschneider

Give me your time - Dàme ti tëmp (Test S.Mascheroni/R.Pacco, mujiga S. Mascheroni - © SIAE) Scumënce dala fin per cunté mpue’ de té, tu che chieta me cëles iló senteda sciche n Rë. Platerneie mi lecorc, n album… na foto, y ne son mo nia bon de crëier che te ies la medema… l ie mentì. …l semea inier che unive dal lëur ntan che te cujinoves la sos che ie é tan gën povester śën ne te lecordes nia plu mi inuem ma l resta for ch’l rì

sciche n jol de n julon de papier Ref: Give me your time sciche la ondes chietes sun la pieres d’inviern Give me your time sciche l vënt y n’aicia mujela sun l mus Give me your time che de viver inò ti passà ne n éi mei assé Give me your time che de durmì te ti braces ne n éi mei assé Give me your time sciche n fantulin mpue’ chersciù

śën stàme daujin Give me your time che de fabules n éi truepes per passé l’ëures Ncuei sciche inier ie te sënte mo tlo Nce sce nosta vita nes à despartì amez via… chësta vita che tofa da temporal de zità y ie dan viere a pensé a ti ses’a tu ce fazion che l me fej? L me mët ala zibla per uni mi pensier ma sciche tu ësses po’ dessegur ulù resti cumbatif

“Vijion n pert” Diare de n amalà d’Alzheimer - Letura sun CD de Adele Moroder Alzheimer ne vëija nia danora sëuravivënza o varijon. Alzheimer desdruj n svilup de cunescënza che vën a se l dé tres na vita, l desmët n var al iede l troi dl svilup, nchin che l resta mé la emuzions y istinc fundamentei. Dant se n va la memoria, pona la cumprenscion, ala fin la parola. Cary Smith Henderson conta de si malatia: “Rate che la miecia che me sibe capiteda da canche cunvive cun l Alzheimer sibe chëla chel ne me ie nia unì mancia la parola… la va mo plutosc bën”. “L possa nce vester che ie ne sebe nia for de cie che rejone, ma, bedaia, son mo bon de rujené!” “L me pëisa l unì mancia dla cosses che ove dant.” “Dant fovi bon de rujené cun jënt y de jì, zënza messëi me damandé sce l ie l fonz.” “É na tëma mata de jì su per scela.

12

www.lauscdiladins.com

Dantaldut ajache mi piesc va per si cont. A la dì cun d’autra paroles: Ne son defin nia segur de ulache ie ue che i vede. L Alzheimer maza ju truepa cosses che dant fajoves istintivamënter”. “L ie cosses che ulësse savëi da fé, ma dal’autra pert iel mo cosses che posse fé y che me tole dant de ne lascé nia jì nchin che posse. Rì ie na cossa beliscima. L sense of humour ie povester la cossa de majer valor y mpurtanta per chëi che à l Alzheimer.” “Ne ue nia dì, coche trueps fej: L ne n’ie plu nia da n fé, son finà. Pu eh, datrai pënsen nsci. N se sënt scialdi stluc ite.” “La persones cun Alzheimer pënsa; povester ne pënseles nia la medema cosses sciche la persones normales, ma les pënsa. Les se damanda coche la cosses suzed, ciuldì che les suzed te na cërta maniera. Y l ie n mistere.” “Dut chël che nëus fajon ie sëuraciarià de sensazions.”

“Nëus on sentimënc y na cërta cunescënza. La ne sarà nia tan sota, ma son de chëla che on da garat esperienzes che pudëssa vester de utl.” “Rate che nëus savon deplù de chël che dajon la mprescion de savëi, davia che l nes vën tan ert sëura a l dì ora.” “Nchin a n cër’ pont pudons propi vester coche i autri, nce sce se desmincion y perdon la cosses plu che i autri. Nëus ulon bën vester coche l’autra criatures umanes, on tan de tëmes, la tëma de desmincë la cosses, la tëma de se mpander cun nosta maniera de rujené datrai nia tlera y suvënz iel rie a nterpreté nosc sentimënc.” “Ulësse che i amalei de Alzheimer ne jissa nia inant a se n sté for da na pert via, ma che i dijëssa: “Bedaia, nce nëus son pu persones!” Y ulon che i rejone cun nëus y che i nes respeteie, perdieja, sciche criatures umanes!”

Informazions Viver cun mutons – crëscer cun mutons L Servisc Soziel de Gherdëina deberieda cun la Grupa KVW de Urtijëi, mët a jì na sëira de nfurmazion per l curs “Genitores stersc – Mutons stersc“ (Starke Eltern - Starke Kinder) che sarà d’autonn, n juebia ai 27.09.2012 dala 8.00 da sëira tla scolina “Salieta“ a Urtijëi. L curs se stiza sun l model dl “Kinderschutzbund“ di Paejes Tudësc per l respet di dërc di mutons. L curs uel sustenì i genitores tl’ educazion di mutons ti nsenian l valor dla familia, l valor dl respet un cun l auter y la mpurtanza che duc dëssa avëi si post te familia y se sentì bën. L curs uel ti dé la drëta sensiblisazion y la segurëza te sé nstesc per tré su mutons zënza viulënza, mparan nce a scuté su i bujëns di mutons nstësc. Gran mpurtanza ti vëniel dat ala comunicazion danter genitores y mutons, l vester boni de tenì ite la regules y l tenì cont di bujëns de un y dl auter. L model dla educazion che ti vën dat da chësc curs ai genitores, se stiza sun cin’ livei: stlarì l cunzet dla educazion y dla mpurtanza che n ti dà ala familia, renfurzé l’identità de chël che educhea, renfurzé la segurëza te sé nstësc y sustenì l svilup di mutons, fé ora regules tleres per la comunicazion te familia, vester boni de recunëscer i problems y abiné na soluzion. L curs ie pensà per genitores y educadëures de mutons danter 0 y 18 ani. N se abina 8 iedesc da sëira per doi ëura y mesa. Referënta ie Silvia Agreiter de Bulsan. L custimënt ie de 45,00 euro per persona singula y de 65,00 euro per pèr (oma y pere).

Di nternaziunel dla jënt de tëmp Sciche sëni de recunescënza y de stima per nosta jënt plu de tëmp ti vëniel mpue sëura dut l mond dedicà n di. Te Gherdëina vëniel fat festa ai 1. de utober tla Cësa de Paussa San Durich Per l di nternaziunel dla jënt de tëmp uelen pité na ucajion de ancunteda per passé mpue de tëmp deberieda y ulache la strutures sciche la cëses de paussa che tol su la jënt de tëmp possa mustré si funzion sciche lueges de ancunteda y de cuntat danter jënt. Les ne n’ie nia lueges spartides, de zes, ma ambienc soziei daniëura a cuntat cun l mond ntëurvia y la vita dl luech. Parënc, ulenteres y secudienc, y nia per ultimo i vijitadëures à na funzion de gran mpurtanza per mantenì vives i raporc soziei. N lunesc ai 1. de utober ulons nce te Gherdëina festejé chësc di y passé mpue de tëmp deberieda. Perchël ie duta la jënt de tëmp nvieda de cuer a unì dala 2 domesdi nchin la 6 da sëira, tla Cësa de Paussa “San Durich” a Urtijëi, ulache l ti unirà pità café y tëurta. Sëuraprò puderà chëi che uel, vijité la cësa da japé nchin suinsom. N chësc di de festa ne maceràl sambën nia la bona ueia cun de

N ucajion dla festa stata l ann passà.

La cherta de nvit ala festa per l ”Di nternaziunel dla jënt de tëmp”.

blòt pec de mujiga y l unirà prejentà n pitl teater. L di do, n merdi ai 2 de utober, ulons tenì inant la tradizion di ani passei y nvië duta la jënt de Gherdëina che cumplësc o à cumplì chëst ann 80 ani, a na marënda. L’ëiles y i ëi che ie nasciui tl ann 1932 giaperà sambën n nvit persunel. La Cësa de Paussa se ncunforta sun Vosc unì!


nr. 37 / 21 de setember 2012

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

L’efizienza dl prim aiut te Gherdëina Na bela sëira de desmustrazion de prim aiut iel stat n merdi ai 4 de setëmber tl raion da jì a pe a S. Cristina. Truepa jënt a cialé pro

S. Cristina - Metuda a jì dal cumandant di Destudafuech ulenteres de S. Cristina Christoph Senoner n cunlaurazion cun la Lia per l Turism de S. Cristina ie chësta sëira stata per chëi che à cialà pro drët nteressanta y nfurmativa.

I destudafuech Povester ne sà nia duc che gran pert di uemes - ëi y ëiles - che ie pra la urganisazions che porta l prim aiut te Gherdëina ie ulenteres. N gran ejëmpl ie la grupes di Destudafuech: La prima grupa di Destudafuech ulenteres fova unida metuda su te Gherdëina tl ann 1876 a Urtijëi. Stefan Fill ie dal 2002 incà cumandant di Destudafuech ulenteres de Urtijëi, cun bën 57 cumëmbri atifs, 56 ëi y una na ëila, y sëuraprò iel mo chindesc cumëmbri d’unëur. La grupa di Destudafuech ulenteres de Urtijëi à da garat 9 auti per d'uni sort de ntervënc. Pra la defileda che piova n chësta sëira via sun Plaza de Chemun a S. Cristina fòvel nce unit adalerch i uemes dla grupa di Destudafuech ulenteres de Runcadic cun na autozisterna da 3000 litri; l

cumandant dla grupa ie Walter Wanker. La grupa di Destudafuech de S. Cristina fova unida metuda su tl 1897, cumandant ie dal ann 2000 incà Christoph Senoner. Ntan la sëira à i cincanta cumëmbri atifs mustrà duc si njins per purté aiut te caji de meldefuech, desgrazies sun streda y d’autra desgrazies. Cun l Iveco Magirus 28 dl 2010 à pra la desmustrazion nce la grupa di Destudafuech ulenteres de Sëlva fat pea. Chësta fova unida metuda su tl ann 1893. Atualmënter féjel pert dla grupa 58 uemes scialdi atifs; l cumandant ie Josef Perathoner.

Crëusc Blancia, Crëusc Cuecena y Carabinieri Sibe la Crëusc Blancia coche nce la Crëusc Cuecena à fat pea cun ambulanzes y uemes de prim aiut. La Crëusc Cuecena fova unida metuda su te Gherdëina tl 1968 a S. Cristina per garantì l trasport de amalei y de chëi che se fajova mel. Ti mënsc da d’inviern fej la Crëusc Cuecena deberieda cun i Carabinieri l servisc sun i purtoies dai schi. Stefan Leitner mëina la sezion de

Gherdëina cun 42 uemes - ëi y ëiles - Caterina De Toni ie dal 2005 incà respunsabla dla sezion di ulenteres. La grupa di Carabinieri de Gherdëina sëurantol ntan l inviern gran pert dl prim aiut sun i purtoies dai schi, coche nce l servisc de vigilanza. Da n valgun ani incà iel pra i Carabinieri de Gherdëina nce na grupa njenieda a purté l prim aiut tla montes y ti crëps ti mënsc da d’instà.

ie Oliver Kostner, cumandant dl servisc ie Kilian Plattner.

Alpine Dogs Scialdi ntressanta fova nce la grupa di cians “Alpine Dogs”. Metuda su tl 2008, àla per ntant ot cumëmbri. L cumandant dla grupa ie Rino Demetz. Duta la grupes à mustrà auti, njins vedli y nueves y coche l vën muet per ti purté n prim

aiut canche l suzed vel’ desgrazia. Cuordinà vën uni ntervënt sambën dala Zentrela dl 118. Ai truep spetadëures unic caprò n chësta sëira ti à la desmustrazion sapuda drët nteressanta. Per finé via à, chiche ulova, mo pudù se lascé auzé su tla cassa dla gran scela dla grupa di Destudafuech ulenteres de Sëlva. Irene Delazzer

Judacrëp y cians da levina – Aiut Alpin Ntan la sëira àn pudù ti cialé pro a na desmustrazion de prim aiut sun levina, cun l ntervënt di Judacrëp de Gherdëina deberieda cun i cians da levina y la scuadra de prim aiut sun i schi dla Crëusc Cuecena. La scuadra dl Aiut Alpin cun a cë Adam Holzknecht à mo dat desmustrazion de n ntervënt se nuzan dla binda. La Crëusc Blancia à mustrà danter l auter nce si RTW Oldtimer VW T2 dl ann 1979. La sezion dla Crëusc Blancia de Gherdëina fova unida metuda su tl 1980 y à al mumënt ot dependënc y 72 ulenteres. Cumandant dla sezion

Mumënc dla bela defileda a S. Cristina. www.lauscdiladins.com

13


Gherdëina

nr. 37 / 21 de setember 2012

Festa per la capela de Resciesa La capela dla Santa Crëusc sun Resciesa, ie do truep mënsc de lëur de restruturazion da pert di scizeri de Urtijëi y de Laion, unida benedida n dumënia dl’ena passeda

Sun la prima trëi fotografies, damprovia: Sn. digan Vijo Pitscheider benedësc la ciampana. I uemes de dlieja che à zelebrà la santa mëssa, cun i ministronc y doi scizeri jëuni. La capela fata su da festa, dan na paladina de crëps.

Festes - Drë' a drët per la festa dla Santa Crëusc, ulache l ie bele dai ani usanza che n zelebrea na santa mëssa tla capela de Resciesa, àn finà i lëures de restruturazion dla pitla cësa de Die orainsom dla mont de Resciesa, che fova ultimamënter scialdi melciafieda. Coche on bele pudù liejer te una dla ultima edizion dla Usc tl scrit de bera Toni Sotriffer, che à nrescì plu avisa n cont dla storia dl Crist y dla Capela de Resciesa, à chësta da for abù na gran mpurtanza y na gran cunscidrazion dantaldut da pert dla jënt de Gherdëina, de S. Piere y Laion ma nce de Funes. La jënt ova na gran devuzion per l Crist, che dova avëi ejaudì prieres di fediei y l ie mo al didancuei

usanza de purté su te capela la santes da mort de chëi de familia, cumpanies o cunescënc per prië per ëi y mpue' sciche simbul de speranza che i sibe custedii tl drë post. Ti passa 250 ani de storia de chësta capela iel for inò stat jënt che se à festidià de no lascé jì n revina chësc simbul de fede cristiana. Chëst iede che l fova inò gran ëura de fé zeche, se à la cumpanies di scizeri de Urtijëi y de Laion tëut sëura de varenté na testemunianza storich/culturela de gran valuta sciche la capela de Resciesa. Chëst ann d’ansciuda ti iesen sautei ite ai lëures y cun l aiut di uemes di scizeri, che à dat ca truep de si tëmp liede, àn metù a sut y

I scizeri cuncei su tla furmazion che cëla de viers de autere.

Mëssa solena alalergia per la benedescion dla capela renuveda.

14

www.lauscdiladins.com

cumedà su i mures dedora y dedite, n ti à fat su n tët nuef curì cun scintles y metù su na sief nueva ntëurvia. L proiet ie unì fat cun la sëuravijion dl Ufize provinziel di Bëns culturei y ie unì purtà inant da Otmar Comploi di scizri de Urtijëi. Per la legrëza de duc àn śën inò na bela capela dënia de unì tlameda cësa de Die y ai truep viandanc che passa da unì sajon te chësc cianton de marueia de nosta montes, da gheneda y n beliscimo udëi ora, dëssa chësc simbul religëus dé da ntënder da ulache l vën duta chësta belëzes. N dumënia ai 16 de setëmber ti à l Seniëur cunzedù n di de marueia ai fediei y festejanc, per l di dla benedescion dla capela renuveda.

Bele daduman abenëura fòvel dut che busiova su per la mont de Resciesa, granc y pitli, jëuni y manco jëuni, se ova metù n streda de viers dla capela ti jan do ala cherdeda de fé pea chësc di de festa che cassù sa mont parova mo plu sentì. Mpue' da dlonch caprò ma dantaldut dala doi pluanies de Urtijëi y Laion, univi adalerch, i scizeri cun la troht, nce la cumpania ujina de Sëlva ie unida a ti fé unëur cun si prejënza y na delegazion da Regensburg, autoriteies dl Guviern provinziel y di Chemuns cun i doi ambolc Ewald Moroder y Stefan Leiter, cumëmbri dl Cunsëi de Pluania cun si presidënt Leo Moroder che à purtà l prim salut. Cun si sunedes y si cianties à la

I doi ambolc Stefan Leiter y Ewald Moroder.

Mujiga de Laion y l Cor di Ëi Raetia abelì la santa mëssa alalergia zelebreda dal Abat de Neustift Crysostomus Giener deberieda cun l pluan de Laion Klaus Sotsass, l digan de Gherdëina Vijo Pitscheider y l preve Alfonse Lichter. Seniëur Vijo Pitscheider à pona nce benedì la ciampana, na ciampana nueva che ie per ntant unida metuda su alalergia dlongia capela sun na sort de ciavalon, ajache n ne se ie mo nia unic a una ciuna che sarà si drëta luegia de destinazion. L ie la ntenzion de fé su n ciampanil, ma chësta idea ne vën nia ududa da duc i nteressei sciche bona. N uderà cun l tëmp cie che l sauterà ora. Do la pert religëusa iel pona stat la rujenedes ufizieles da festa, cun i ambolc che à laudà la scumenciadiva nstëssa ma nce che l ie unì laurà deberieda danter la grupes di scizeri per n medemo fin. Espunënc di scizeri à auzà ora la mpurtanza dl ulentariat y l valor de tenì sun si ncësa. L referënt culturel de raion Sepp Kaser ti à, do na pitla retrospetiva sun la storia y la funzion dla capela nstëssa, mo metù a cuer ai scizeri y a duc canc che la cossa plu mpurtanta ie de se dé da fé per mantenì la pesc scumencian uniun pra sé nstës. La festa ufiziela pra capela ie cun chësc fineda via cun la jënt che se sparpaniova ora bel plan mpue' de uni viers sun Resciesa per se goder mo l bel di. (uk)


Gherdëina

nr. 37 / 21 de setember 2012

Crëusc de Merit a Bruno Senoner Nstadì iel stat sun Ciastel Tirol la festa de uneranza a plu persunaliteies che à giapà la crëusc de merit dl Tirol. Na ntervista a Bruno Senoner de S. Cristina n con’ dl valor de chësta recunescënza, nce cun vel’ cunscidrazion critica de viers dl drë’ manejamënt dla uneranza

Bruno Senoner à pià do la crëusc de merit dl Lond Tirol dai presidënc de Provinzia Günther Platter y Luis Durnwalder. Dlongia: L presidënt Luis Durnwalder ntan si rujeneda tl Ciastel Tirol. (Fotos: Land Tirol)

USC: Cungratulazions. Ëis’a udù che Vo sëis, cun Vosc 54 ani, l plu jëunn di unerei? Sëis’a Vo for stat mpue’ danora? Bruno Senoner: Chësc ne éi nianca mo drë’ pensà. Ma che fove, te mi vita, suvënz pra i jëuni, chël ie vëira. Cun 22 ani fovi te Cunsëi de Chemun, cun 27 vizeambolt y cun 37 ambolt.

Dal’autra pert éi for fat l lëur de aministradëur cun gran pascion y legrëza, tenian for tl uedl l nteres publich.

Ce valor à pa per Vo l recunescimënt cun la Crëusc de merit dl Tirol? Per mé persunalmënter iel dessegur na gran sudesfazion, ajache l ie n recunescimënt de n lëur suvënz nce sfadiëus, ulache l va debujën de truepa pazienza y ulache n muessa nce savëi da se deriejer danter jënt, minonghes, nteresc, grupes de uni sort.

Chi à pa fat la pruposta de Vosta persona? A dì bel la urità ne l séi nia. L iter ie de regula che zachei, che possa vester na persona, na grupa, na lia o na istituzion, fej na pruposta. Ie sé che pra mé iel stat na grupa de cumpanies, ma ne sé nia i inuemes, y che l ambolt Eugen Hofer à sustenì la pruposta. Tole l’ucajion per rengrazië duc de cuer.

Ce valor à pa la Crëusc n generel? Ie ti dé n valor de na cërta mpurtanza, ajache l n possa mé unì dat n cër’ numer al ann.

Dlongia la mutivazion ufiziela coche ambolt, ciuna ativiteies ratëis’a Vo che Ve à purtà a giapé la Crëusc dl Tirol? Coche ambolt éi dessegur nce abù tëmps da mat riei, coche l raion de Rijeda che jiva n smueia, y gran cruzi p er la stre da de zircumvalazion, per fé doi ejëmpli, ma dessegur nce mi atività tl ciamp soziel y culturel. Pudëis’a cunté plu avisa de Vosta atività soziela? Tl soziel possi auzé ora 17 ani coche nciarià tl KVW. Y tla cultura? Son stat pra plu lies cultureles de S. Cristina. Pra l Cor de Dlieja sons mo for leprò, l ie sën 37 ani. Pona la Lia dl Teater; tlo iela nscila

La 13 persunaliteies uneredes cun i presidënc Günther Platter y Luis Durnwalder.

****L cianton dla Union****

che é fat unitant pea n teater, l prim dan n chindesc ani, danterite pona inò nia, ma me ncunforte inò a fé pea chëst ann, sën de utober, y tole bele l’ucajion de nvië duc canc nce tres la Usc a unì a cialé. Bel me àl nce for sapù pra l Cor “Sasslong”, ma per i truep mpënies éi messù dé su do 12 ani. Dlongia la ativiteies te Chemun y tla lies ëis abù mo d’autra ncëries istituzioneles. Son stat dal 1987 al 1995 y dal 2000 incà sons inant cumëmber dl Cunsëi de Istitut Culturel Ladin Micurà de Rü. Dal 1996 incà sons cumëmber dla Consulta Culturela Ladina. Dal 1990 al 1995 sons stat reprejentant dla grupa de rujeneda ladina tla cumiscion regionela per scumenciadives de ntegrazion europea. Na istituzion che me sta nce dassënn a cuer ie la Biblioteca Tresl Gruber, pra chëla che fove stat cumëmber fundadëur y prim presidënt. Son pona nce stat co-fundadëur dla Lia di Chemuns ladins tl 2007, de chëla che son stat l prim presidënt nchin al 2010. Cun duta chësta atività sarëis stat mpue’ puech a cësa. Cie dijova pa Vosta familia? Che fove suvënz demez ie vëira. Mpo éi for abù n gran sustëni da duta la familia y dantaldut da mi fëna. Y perchël ulëssi nce tlo tò l’ucajion de di n gran rengraziamënt

Pelegrinaje a Baissenston n dumënia ai 30 de setëmber

de cuer. Ne udëis’a nia l recunescimënt nce mpue’ coche giaulon, do che sëis stat un di puec ambolc che à messù lascé do vester stat trëi iedesc ndolauter a cë dl Chemun? Y pona ëis, do la lege litela da dant, davanià puech y nia, a vester a cë de S. Cristina. Sën do doi ani y mez l toli su coche recunescimënt. La muniga Klara Rieder à dit che l ie massa ëi y massa ambolc S V P c h e g i ap a c h ë s c recunescimënt dla Crëusc dl Tirol. L possa nce vester vëira, ma chël ne sta nia a mi a iudiché. L’autra critica ie che suvënz giapa l recunescimënt chiche à fat n lëur paià, manco chiche se à fat pea struscies debant per purté inant cuestions mpurtantes per la cumenanza. Tlo sons dla minonga che l fossa drët che duc chëi che se merita giapëssa n recunescimënt y perchël messessans povester nce nëus duc se fé inant pra la istituzions y fé inuemes. Co udëis’a che l ie for nce ladins che giapa l recunescimënt? Chël ne ie nia mé n unëur ma dessegur nce drët, ajache bele tl Vedl Tirol à for tucà adum tudësc, taliani y ladins. Ntervista de David Lardschneider

Union di Ladins de Gherdëina Cësa di Ladins, str. Rezia 83, Urtijëi nr. de telefonn 0471 796870, fax 0471 781570 e-mail: info@ulg.it

Chëst ann metù a jì dala Union di Ladins de Fedom La Union di Ladins de Gherdëina fej a l savëi a duc i nteressei y a duta la nteressedes che uel fé pea l pelegrinaje a

Baissenston ai 30 de setëmber 2012, che n possa se lascé nuté su nchin n mierculdi ai 26 de setëmber tla Cësa di Ladins a

Urtijëi o cherdé su l numer 0471/796870. L vën metù a jì n taxi-bus da Sëlva demez y fermà damprò ora.

Da paië ite iel 15,00 € per persona. Nfurmazions plu avisa giàpen tl ufize dla Union di Ladins, Cësa di Ladins a Urtijëi, ntan i orars de

ufize. A chi che l ti savëssa bel a unì pea furnì cun l guant dala gherdëina ie drët bel nvià.

www.lauscdiladins.com

15


Gherdëina

nr. 37 / 21 de setember 2012

La storia dl Football Club Sëlva Cun l ciamp dala codla nuef te Plan scumëncia n capitul nuef de chësc sport te Sëlva. O miec, la storia va inò inant a var plën. La storia scumëncia tl 1970 sticheda ai maridei.

La lia vën metuda su Mé doi enes plu tert, ai 17 de lugio, fòvel unit a s’l dé n’ancunteda danter i pasciunei dla codla per fé l pont dla situazion y valuté co jì inant. La ulentà fova tlera y perchël ova l caplan Clara urganisà na ancunteda per n dumënia ai 19 de lugio dala 10 danmesdì, do la gran santa mëssa, per mëter su na lia dal juech dla codla. Tl prim cunsëi fòvel ruvà ite Wolfgang Palle, n ex jugadëur de Bulsan che laurova pra l ufize dla posta te Sëlva (trainadëur), l caplan Sn. Fonjo Clara prim presidënt, Willi Costa dl Pech y Erwin Kasslatter dl Hotel Olympia.

L Chemun „plu rich” de Südtirol ne n’à degun ciamp dala codla

La scuadra dl 1970 (de ndut fòvel tla “rosa“ 22 jugadëures). Da udëi sun la fotografia, da man ciancia mpe: trainadëur Wolfgang Palle, Willi Costa, Roland Delazer, Bruno Runggaldier, Helmuth Runggaldier, Oskar Insam y Adolf Insam. Da m. c. cufei: Rudolf Mussner, Erwin Kasslatter, Arnold Senoner, Florian Mussner y Gotthard Demetz.

Lies - Ulon repurté tlo tla USC n lecort de chëi ani piunieristics tres la recostruzion de Sn. Fonjo Clara, ntlëuta caplan de Sëlva, gran pasciunà de chësc sport y prim presidënt dl FC Sëlva.

L scumenciamënt tl 1970 Seniëur Fonjo (Alfons) Clara fova caplan te Sëlva tl 1970, ntlëuta, canche nosc luesc ova mo plu prevesc che menova la pluanies. Fonjo Clara fova n bon preve, bënulù dala jënt y cun la pascion per l juech dla codla. Te n cudejel

ova Clara metù per scrit i prim vares dl juech dla codla te Sëlva, chëi che ova purtà ala fundazion de na lia, da chëla che l à pona scumencià ufizialmënter la storia dl FC Sëlva y de duta la scuadres che à jugà ti ultimi carant’ani te chësc luech. Y dal cudejel de Fonjo Clara, che ie unì abinà y metù da na pert da Dietmar Insam, nstës jugadëur dl juech dla codla y scialdi nteressà ala storia, ai fenomenns culturei y statistics dl sport, lijons che bele ntlëuta, tl 1970, ova i jëuni de Sëlva na gran pascion per l juech ala codla. N prim ciamp dla codla fòvel bele

ti prims ani ’60 dlongia l ANRI, sëura la scola mesana da sën, ma de n’atività urganiseda ne pòssen assolutamënter nia rujené. I Campiunac dl Mond de schi alpin dl 1970 fova urmei passei, y d’ansciuda scarpetova truep jëuni per pudëi ti sauté do y ti dé de n pe ala codla. Ciamp ufiziel reguler ne fòvel degun, ma ai 3 de lugio fòvel unit a s’l dé na partida danter jëuni nia maridei y uemes maridei de Sëlva sun la plaza dla codla di Carabinieri te Val (la USC à repurtà dan n valguna enes). Dan passa 200 spetadëures ntujiasć ti l’ova i jëuni

La prima cunscidrazion che n messova fé fova de ne avëi a despusizion deguna plaza per jughé. Nteressanta ie de chësc viers nce la frasa repurteda tl protocol, per tudësch, dal caplan Clara, che dij testualmënter … “die reichste” Gemeinde Südtirols verfügt über keinen Sportplatz… La soluzion de jughé te Val sun la plaza di Carabinieri ne pudova nia vester definitiva, ma per ntant unìvel alenà y jugà iló. L prim trainadëur fova stat Wolfgang Palle; l alenamënt univa fat doi iedesc al’ena, de mierculdi y vënderdi dala 8 da sëira. A despusizion fòvel passa vint jugadëures.

La prima partida ufiziela La prima partida ufiziela dl FC Sëlva (tl protocol de Clara resultea la dizion tudëscia Wolkenstein) ie unida fata n dumënia ai 2 de agost

dl 1970 contra na selezion de jëuni dl luech. Ma bën prësc ti l’àn resieda de se cunfrunté cun scuadres da oradecà. Y mo n chël instà fova la scuadra de Sëlva jita te Puster per jughé na partida cun l FC Niederdorf. La fova unida perduda per 5 a 3. Na segonda partida, ënghe fata ora de cësa, contra l SSV Persenon, òven perdù per 6 a 4. La ueia y l ntujiasm fova granc, ma sambën manciòvela mo bëndebot n fat de tecnica y tatica, n cont de co se muever sun l ciamp, ciuna destanzes tenì danter reparc, co jughé deberieda…, nscila scrijova Clara te si diare. Purempò fovel unit a s’l dé mo d’autra partides n chël instà, danter l auter contra l FC Wörndle dl’Austria, na scuadra dla terza divijion dl’Austria, contra chëla che l FC Sëlva ova mé perdù per 4 a 0. Scialdi senificatives y plutosc dures la paroles de Fonjo Clara che scrij: „… was ist aber eine 0-4 Niederlage? Schämen musste sich die Mannschaft aus Wörndle…“

L turnoi de Gherdëina – la prima vënta D’autonn dl 1970 fòvel unì urganisà n prim turnoi de Gherdëina cun la partezipazion de cater scuadres, danter chëstes l FC Urtijëi (per Clara l gran favorit, ajache i ova bele trëi ani de atività y scialdi esperienza “nternaziunela”, paroles testueles dl caplan scrivan), l FC Prinoth (na scuadra dla firma de Urtijëi), l FC Sëlva y l FC Hofer (na scuadra dla firma Hofer). La doi scuadres dl luech ova venciù si partida de cualificazion y nsci se òveles, da pronostich, ancuntà tla finela. L resultat finel fova stat de 3 a 2 per l FC Sëlva, che ova nsci venciù si prim turnoi ufiziel. Y sën n fossel pona ruvà leprò trueps d’autri (crf. tabeles a pert).

L logo ufiziel dl FC Sëlva dl 1970 Sn. Fonjo: mpëni y pascion Sn. Fonjo Clara fova stat l prim presidënt dl FC Sëlva. Si mpëni, si pascion y si nteres per l juech dla codla fova granc. Ël ova nce fat dumanda al’aministrazion dl luech per n finanziamënt dl’atività dla lia y per na sala da se ancunté per la sentedes y mëter ju l material che jiva debujën. A chësta dumandes ova l Chemun de Sëlva respundù negativamënter. Bel riesc se ova l diretif dla lia ntendù che per pratiché chësta atività fòvel debujën de scioldi y de sustëni finanziel. Te chësta prima fasa ova i jugadëures metù si scioldi, ma per l daunì fòvel debujën nce de n aiut da dedora. Purempò, l nteres ne fova nia unì mancia y canche ai 15 de auril dl 1971 fòvel unit a s’l dé na ancunteda generela, òven metù la cundizions per jì inant cun l’atività. L FC Sëlva tla sajon 1983/84. Da man ciancia mpe: Roman Senoner, Hermann Runggaldier, Rainer Senoner, Arno Perathoner, Roby Bernardi, Enio Kostner, Roman Senf Senoner, Ossi insam, Luisi Prinoth. Cufei da man ciancia: Roland Perathoner, Peter Vinatzer, Karl Mussner, Robert Perathoner, Giorgio Callegari, David Lardschneider, Robert Senoner.

16

www.lauscdiladins.com

Statut y jugadëures nueves L fova unì laurà ora n statut, l

fova unì cherdà ite jugadëures nueves, l fova unì giaurì n cont pra la posta ulache n paiova ite, l fova unì damandà sustëni finanziel a privac dal muet (lijon dal protocol dl presidënt Fonjo Clara: “… zum Fussballspielen braucht es Geld, Geld, Geld … deswegen sollen ein paar Magnaten um einen Zuschuss gebeten werden …”) y l fova nce unì numinà n capitan dla scuadra, Florian Mussner (“Capitano war unser immer fröhliche Mussner Flori, dem letzten Sprössling von Costa” scrij Clara te si protocol).

Ciamp te Plan tl 1979 Anda Beta da Costa Tl 1972 òven lascià fé n preventif de spëisa per la costruzion de n ciamp dala codla te Plan. I custimënc fajova ora 30 milions de lires. La realisazion dl ciamp nuef te Plan ie unida fata set ani plu tert, tl 1979. Mo n l medemo ann àn nce scumencià cun i lëures dla cabines per se mudé, che ie unides finedes tl 1983. Prima vardiana storica dl ciamp dala codla te Plan ie stata per


Gherdëina

nr. 37 / 21 de setember 2012

truep ani anda Beta da Costa (ëila ti dijova for ai pitli: “Ues’a fé a chiche sauta plu debota?” Y suvënz venciòvela ëila). Dal 1979 inant iel stat n’atività dl juech ala codla scialdi ntensiva, cun truepa scuadres che à fat pea i campiunac provinziei di jëuni, y sambën la prima scuadra dl FC Sëlva che à jugà pea cun costanza tl campiunat amatoriel de Südtirol, for danter la terza y la segonda categuria. Trëi iedesc ti iela al FC Sëlva garateda de vëncer la terza categuria y jì su tla segonda. L prim iede tl 1981, l segondo iede ai 2 de juni dl 1985, tl “spareggio” mitich contra l Tluses a Persenon, y l terzo iede tl 1991.

Fujion cun l FC Urtijëi Bele l ann do ie la prima scuadra de Sëlva inò tumeda ju te terza categuria y nsci iel unit a s’l dé la “fujion storica” cun l FC Urtijëi. Tl 1992 iel unì fundà l FC Gherdëina, che tulova ite i jugadëures de duta la valeda te na sëula prima scuadra che à fat y fej mo ncueicundì pea l campiunat federel amatoriel de Südtirol.

La scuadres de Tëmp Liede N capitul a pert se merita zënzauter nce la scuadres de Sëlva

che à fat pea i campiunac provinziei dl Tëmp Liede (Banca Populera y Cassa Raiffeisen), in primis l FC Luislkeller, na scuadra metuda su tl 1989, che se à fat valëi te dut Südtirol y possa mustré su n palmares de devëntes mpurtant y che ie restà per truep ani n inuem cunesciù lonc y lerch, bonamënter nce plu dla prima scuadra. La bela storia dla codla de Sëlva va inant cun la inaugurazion y benedescion ufiziela dl ciamp nuef cun ierba artifiziela dl’ultima generazion duman sada ai 22 de setëmber. Nrescida Dietmar Insam Articul Leo Senoner

Duc i presidënc dl FC Sëlva 1970-71 Fonjo (Alfons) Clara caplan de Sëlva 1971-72 Wolfgang Palle prim trainadëur 1972-78 Erwin Kasslatter 1979-82 Oskar Insam 1982-83 Franz Hofer 1983-84 Robert Perathoner 1984-86 Giorgio Callegari 1986-89 Arno Perathoner 1989-92 Roman Senoner

Tëmp Liede Scuadres de Sëlva che à fat pea pra i campiunac provinziei VSS dl tëmp liede 1989 - 2002 FC Luislkeller Sëlva Presidënc: Luis Vinatzer y Giorgio Callegari. 8 x Campion Tëmp Liede de Südtirol. 4 x Campion de dut l Tirol (Nord- y Südtirol). 1 x Copa Tëmp Liede. 2002 - 2006 FC Sëlva Hopfen & Co Presidënt: Giorgio Callegari. 1 x Copa Tëmp Liede. 2003 – 2004 FC Sëlva Batzenhäusl Presidënt: Giorgio Callegari. 1 x Campion provinziel “calcetto” (juech ala codla sun ciamp curt). 2006 – 2008 FC Sëlva Saslonch Presidënt Giorgio Callegari. 1994 – 2002 FC Sëlva Dream Team Presidënt: Moritz Demetz. 2005 - 2010 FC Real Sëlva Presidënt: Jerry Oliva.

Na furmazion dla scuadra dl Luislkeller dl ann 2001/2002, l ultimo ann dl Luislkeller. Da man ciancia mpe: Felix Perathoner, Giorgio Callegari, Luis Vinatzer, Alexander Aki Costa, Stefan Bernardi, Florian Runggaldier, Peter Runggaldier, Ulrich Insam, Robert Senoner. Cufei da man ciancia: Roman Rossetto, Thomas Solderer, Roland Perathoner, Alfred Runggaldier, Karl Mussner, Eugen Pitscheider, Hermann Runggaldier.

Grilieda dla Grupa Deberieda Coche l ie bele tradizion ons nce chëst ann inò metù a jì sun Pas Pinëi la grilieda dla Grupa Deberieda, cun l’Assoziazion „Il Nostro Spazio“ de Bulsan Deberieda - L tëmp che à tenì nchin domesdì via, la mujiga da druch suneda da Engl Dellago y Jessica Mauroner y nia per ultimo l boniscimo tof dla lianies y cërn,

à cherdà adalerch n grumon de jënt - ala fin fans passa 60 - che à festejà deberieda. Chël che fej scialdi plajëi de chësta manifestazions ie che n ne vëija nia la desferënzia danter

chëi che à problems psichics y chëi che vën cunscidrei „normai“; duc semea medemi y chësc ie scialdi mpurtant per la re-sozialisazion. N auter fat che ie scialdi da laudé ie che i patrons dl’Ustaria Pas Pinëi nes à lascià fé la grilieda dan si ustaria, judan y festejan cun nëus; dut ntëur iesi stac scialdi da ulëi bon. N gra de cuer! Per l bon garaté de chësta bela festa rengrazions mo n iede duc chëi che à fat pea y dijon n bel assudëi ala proscima ancuntedes.

Chi ie pa la Grupa Deberieda? La Grupa Deberieda ie na ancunteda de persones cun problems psichics y ulenteres che se abina uni segonda juebia ntan dut l ann. Duc ie nviei de cuer a unì pea. Per plu nfurmazions pudëis cherdé su l Servisc Soziel sot al numer 0471-798015 y damandé do Ulrike Rabanser. Dancà sun la foto: i sunadëures Jessica Mauroner y Engl Dellago y la ulentera Rita Pancheri.

Petra Demetz www.lauscdiladins.com

17


Gherdëina

nr. 37 / 21 de setember 2012

HC Gherdëina: „Nëus son gherc, nëus son stersc!“ Nscila scumëncia la ciantia de Eugen Verra cianteda da Silvy Perathoner. Na ciantia tucheda, da druch. Da druch coche l var cun chël che l ie unì pià via tla sajon nueva dl HC Gherdëina cun la prejentazion garateda n vënderdi dan otodì

HC Gherdëina - „Nëus son gherc, nëus son stersc, tëma no ne ons deguna, ncuei vencions, HC Gherdëina! Ncuei vencions y ve baton, cun mpue’ de fertuna, olé olà, HC Gherdëina!“ Na ciantia scëmpla, ma scialdi tucheda, bela curta, drë’ a drët per n inn, che va tres l corp, tres l cë, tres l cuer, tres la punza y i stentins y che fej unì su bona ueia. Beliscima, Eugen! Braviscima Silvy, cun ti usc bela sterscia. Y la paroles che passenea, nce pra Silvy, savan che si pere Klaus à ënghe fat a hockey, y l fova monce un di plu gherc...

Prejentazion dl HC Gherdëina L ie trënt’ani ca che n ne udova nia plu na tel cumpëida de jënt,

pra na prejentazion dla scuadres dl HC Gherdëina. Da duta la valeda ie la jënt unida caprò, per cialé, per fé pea la festa, ma nce per desmustré si sustëni morel per la sajon nueva. De ndut iel set scuadres che fajerà pea pra i campiunac desferënc, dutes sot al inuem de Gherdëina, dala Under 8 nchin ala Under 20. Y nscila iel stat na bela defileda de jugadëures, dai mëndri nchin ai majeri, duc te na onda dai culëures cueceni y brumes, culëures sentei ite tl blanch per l’ucajion dl prejentazion dla malies nueves.

La sajon nueva N vën da na sajon ulache n à fat scialdi bën sibe pra la prima scuadra de A2, de chëla che se lecurdon mo drët bën la partides spetaculeres

de playoff, che nce cun la scuadres di jëuni che à venciù doi tituli taliani. Sportivamënter y n cont de jugadëures pòssen dì che l Hockey Club Gherdëina ie te n mumënt drët bon y che nce l nteres da pert dla jënt se à desmustrà grant per chësc sport scialdi bel nce da cialé pro.

Cunsëi nuef Per l Hockey Club Gherdëina iel chëst ann d’ansciuda unì lità n cunsëi nuef cun dut cumëmbri nueves, che à messù se lauré ite y mparé a cunëscer n iede duc i ciamps per mëter a jì chësta gran lia sportiva. Hugo Perathoner de S. Cristina ie l presidënt nuef che se cruzia per la gran pert nce dl sponsoring; Julius Perathoner de

Mprescions dla prejentazion dla scuadres dl HC Gherdëina sun Plaza Rezia a Urtijëi.

18

www.lauscdiladins.com

S. Cristina ie vizepresidënt y se tol sëura di abunamënc; Albert Perathoner de S. Cristina ie diretëur sportif che tën i cuntac danter l cunsëi y i jugadëures; Pepi Linder, danter l auter co-trainadëur dla prima scuadra, juda nce tl sponsoring; Vittorino Delucca ie l respunsabl de duta la pert di jëuni y fej nce l trainadëur; Arnold Holzknecht se dà ju cun i jëuni y ie l respunsabl dla Under 18 y Under 20; Georg Bergmeister se tol sëura dantaldut dla scuadres di plu jëuni y Alfred Kelder ie magasinier y acumpaniadëur dla prima scuadra. Che menerà la scuadra de A2 saràl per la sajon 2012/13 Thomas Kostner de Col judà coche bele nunzià da Pepi Linder. N cont de

jugadëures furesti n pòssen chëst ann mé tò doi te chësta liga, da demez caprò vëniel nce mo doi jugadëures dl Renon che ne n’ie per auter nia nueves per nosta scuadra. Cater musc nueves ie nscila unic leprò pra l Hockey Club Gherdëina: Ryan Gaucher, Niklas Anger, Benjamin Bregenzer y Rupert Stampfer. Sambën che la strutura de basa dla prima scuadra ie chëla cun jugadëures da tlo. Duc semiova scialdi mutivei pra la prejentazion. Se ncunferton bele a udëi si mpëni te campiunat. I auguresc sambën nce a duc i jëuni y i pitli. Ajache, lecurdëve: vo sëis l daunì dla hockey de Gherdëina! "Nëus son gherc, nëus son stersc..." David Lardschneider


nr. 37 / 21 de setember 2012

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

La Sit Boé prejenta suo proget per “Arabba Fly” Se n descorarà nte na sentada publica vender 21 de setembre, da le 20:30 ntel self dei congresc Lifc - Arabba Fly: ades se muof la Sit Boè. Davánt zirca n ann l proget de la nuova segiovia, prejenté dal Comun da Fodom per ciapé na soluzion al problema del atraversament coi schi de Rèba, l eva ste fermé a nen vare da l’aprovazion perciéche la sozieté che gestisc i lifc de Burz e Bec de Roces l ava nié l’autorizazion a sposté l skilift “Due Baite”. N intervent che mossëva vignì fat per fè lerch a la nuova segiovia a ava da passé soura l paisc fora, da chil ò l inom “Arabba Fly”, co na stazion da

la pert de Burz e chëla autra da la pert de Chël Vësco. Ades l’é la medema sozieté a mëte ndavò le cherte sun taula co na nuova proposta de proget che l’é stada prejentada nchëstadì nte Comun. L proget, n particolar, l à da ci fe co nen valgune mudazion e aprofondimenc tecnizi respet a l’idea prejentada dal Comun che, nte le intenzion de la Sit Boè, i assa da porté a la soluzion den valgugn problemi de gestion de la śòna e dei trasporc che ava porté a nié l’autorizazion. Ntra le proposte de

la Sit Boé l é ence chëla de fè su la nuova segiovia n colaborazion (al 50%) co la Sofma. Per descore de dut chëst e senti le opinion del publico e dei sogec nteresci, la Sit Boé l’à metù a jì per vender 21 de setembre, da le 20:30 ntel self dei congresc, n’encontada publica dalvierta a duc. N particolar i é spetei la Sofma, l Comun, la frazion de Rèba, l Consorz dei Lifc Rèba – Marmolada e l diretif del Dolomiti Superski. La scomenciadiva l’é saludada con aprovazion da pert de l’aministrazion de comun. “Son

contenc” disc l vizecapocomun Claudio Sorarui “ che la Sit Boé la s’abe muot de sua bona per prejenté na proposta, conscideré che no l’eva d’acordo con chëla del Comun. Ades, con duta probabilité, tocarà pié via ndavà da zero co l iter, ma se augurno che l proget l ciape le autorizazion da pert de duc i enc nterescei.” Sodisfazion ence da pert del capogrop de opojizion Leandtro Grones.” ”L eva ora che rue na bona notiza per schiadous e operadous turistizi. N otimo proget, che sta ben ntel ambient, no va a toché l

sistema atual de piste e lifc, garantisc l sol ciámp scola del comprensor, no sceca nia ma souradut l empermetarà de fè n pasagio dignitous ntra i doi comprensori e mëte coscita fin a chël che l eva deventé la barzeleta del Sellaronda. Ncin plu ërt e puoch plu lonch de chël auter, l assa da sodisfé i debujens de duc e spere che duc fèje la sua pert per rué, mpruma che se po’, a l’aprovazion del proget e spò a a la realizazion del impiánto, che arichirà l’ofierta turistica del comprensor Rèba - Mamrolada.” (ls)

Ruaz l à recordé na carateristiga che degugn desmentiarà de don Vito: l avei mparé mprescia e polito l fodom, che l descorëva tánt gënn con duc. Ence nte gliejia. L é ste spò la outa de la Maria Teresa, che a inom de la parochia da Rèba, l’à rengrazié don Vito, tra l auter, per dute le bele funzion, dal Cuor de Geju a l’Asenza, che l à celebré dagnára co nen gran ogle de riguardo per la tradizion. Plene de comozion ence le parole, per badiot, liete ju da la Serena Foppa da Corvera.

“giulan” a don Vito per dut chëst. No podëva mancé i tosac, i chiricheti, che con semplizité i à desfat fora na vëta de cherta con scrit n gran “Grazie Don Vito” che dijëva dut. L Hauptmann dei scizeri Artur Filippin nte sue curte parole l à recordé chël che don Vito à très racomané ai scizeri: “Fede e tradizion”. Come ricordo de suoi agn nta Fodom, a scior Vito i é ste scinché n cuadro co la gleijia da Rèba. “M’esse spenù gián per Fodom ncora per autri agn” l à dit ntel saludé duc. “Se stei la mia fameia plu bela e no ve desmentiaré mèi. Mie porte le sarà très dalvierte co passarei”. Fòra da gliejia n pico marendel à mpermetù a duc de saludé don Vito de persona.

“Diotelpaie don Vito” Rèba à saludé don Vito. N preve che à fat trop per tignì su le tradizion

Don Vito co l cuadro che i à scinché la parochia come ricordo de suoi agn sa na Rèba. L salut scemple e senzier dei tosac.

Rèba - La comunité de Rèba l’à saludé, ndomënia passada, suo preve, scior Vito de Vido, che davò cinch agn l mossarà lascé Fodom per l Ciadoure ulache l Vësco l à destiné per jì a viśè le parochie de Venas, Val e e Cibiana. “N preve che tigniva a noste tradizion ladine e che s’ava fat ite nte la comunité come se l fossa ste un da chilò” l é ste l coment che plù s’ sentù nte le parole de salut che troc à volù i é dediché. Don Vito l à scomencé

a saludé suoi parochiagn bele dadomán, a la mëssa nte la gliejia de Ornela. Na gliejia che, come chële autre de le curazie ( S. Jan, Larcionei ), ades co nen preve sol per duta la val, de segur la stentarà deplù a vedei di na mëssa. A saludé don Vito l é rué, tra i autri, ence nvalgugn componenc de la Bánda da Fodom co la bandiera. Don Vito, che bele sonëva l eufonio, per n curt temp l ava fat pert de la bánda. Ma po’ l laour de la parochia no i

ava plù mpermetù de podei coltivé chësta pascion. E po i scizeri da Fodom e i destudafuoch co l capodistacament Igor Masarei. I saluc e i rengraziamenc i é stei lascèi duc a la fin de la celebrazion. L prum a di doi parole de comiat l é ste proprio l capocomun Ugo Ruaz, che l à recordé chël modo de ester de don Vito, gabana longia, tricorn sul cé e oglada per di “ci asto combiné” che tòst la jent s’ava usé a nconté dintourn per l paisc.

Mujicisć n alegria Associazion - En domënia passada duc i mujicisć de la Bánda da Fodom i s’a biné sun chёle vare damprò le ciajere da Ciastel per passé na mesa giornada en

alegria e se confronté con gare e juosc. Davò na bona marёna con pán , lianie e pastin pariciada dal supercuogo Lilo, l diretor de la Mini Bánda Giuliano, daidè da la

Rua don Dario Domënia che ven, 23 de setembre, l nuof e ugnol preve de duta la val, don Dario Fontana, l ruarà n via ufizial nta Fodom. Duta la comunité la l acoliarà da le 15:30. A la celebrazion l é ste nvié dute le associazion a vignì co la mondura e le ële co l guánt da fodoma.

Dut njigné per l pelegrinagio a Baissenston Erica del Serafino i a stuidié fora nvalgugn juosc e gare che a divertì duc cànc. L é ste metù auna cater scuadre con inom ecologizi de animèi, I Saioc, I Sgnec, Le Formie e Le Èf, che ava da se confronté nten valgune pròve, come la corsa sui trámpoi, la corsa del Yeti con doi gragn piesc de len e l Sjoelen, na sòrt de juoch, olandeje, dei zoni. Chësta la clascifica final: prums I saioc ( Davide , Isabella, Vanessa, Ulrica, Lea e Patrick ), secondi I Sgnec ( Gianluca , Claudia, Sara, Giulia, Grazia e Angela ), terzi Le Formie ( Paolo, Richi,Angela , Fabiana , Alice e Anna ), cuarti Le Èf (Roberto, Giorgia, Martina, Gaia, Milly e Elia ).

Le scuadre che à fat i juosc.

I eva nvalgugn defati, i badioc da Corvera che la sabeda da sëra i vigniva a mëssa sa na Rèba. Senn chëst che dël l eva bon de descore e se fè volei ben ence aldefora dei “confins” e no demè de chi de la parochia. Na cualité che à na gran mportánza nte na śòna de “confin” coche l é fodom. Purmassa ence chilò, datrac, valgugn fenësc per auzé su chèlche “mur” ideologich, che no dáida zerto a tignì a chi contac storizi e culturai che fèsc pert de la storia den paisc. Ence dëla l’à volù di plu e plu oute

La Bánda la rengrazia duc chi che a daidé prò a fè bela la festa, n particolar la Cassa Raiffeisen de Rèba per avei metù a dispojizion duc i premi. (Nani)

Doi coriere a dispojizion da Fodom e Còl le piarà via da le 7:30 da La Plié Pelegrinagi - Ndomënia 30 de setembre se renovarà l vegle liam ntra le popolazion ladine de le val de Sela e l Santuar de Baissenston. L program Da le 10 peia via la prozescion dal Luoch Kehr de Nuova Todëscia (Nova Ponente/ Deutschnofen). Da le 12 i pelegrins i rua a Baissenston. Davò l é temp per n pico marendel per duc i pelegrins de la Via Crucis o/e marëna. Da le 13.45 peia via la prozescion da la Cesa dei Congresc fin al Santuar. Se va nte te gliejia per onoré la Madona de Baissenston. A la fin i pelegrins i ven fora da la porta da na pert e i se sistema sot le tende defora dal santuar per la S. Mëssa, che la scomenciarà da le 14, dita da scior Vito De Vido e conzelebrada dai prevesc

prejenc. La Bánda da Fodom e l Coro de Gliejia S. Iaco i sonarà e i ciantarà la “Missa pro pace”. A la fin, da le 15.30, sarà n pico conzert da pert de la Bánda da Fodom. Le iscrizion Le iscrizion le ven toute su pro le Union de valada. L’Union dei Ladins da Fodom la nvieia la popolazion da Fodom e Còl a tò pert de troc a chëst aveniment, che sto ann l é metù a jì proprio da noste val, n colaborazion ntra l’Union e l Decanat da Fodom. Per chëst vignarà metù a dispojizion doi coriere che le piarà via da le 7:30. Per se prenoté se po clamé su i numer 0436 7108 (Bruna Ioscia) o 0436 79278 (Maria Teresa). L priesc l é de 10 euro a cé per la coriera. Per i studenc l é 5 euro. Deban per chi che ven co l guánt da fodoma. (ls)

www.lauscdiladins.com

19


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

nr. 37 / 21 de setember 2012

I aeroplane inze a Fiames

Ra fregores

A fei un chilometro de stradon no se rua aneó; a fei un chilometro de pista, se rua par duto el mondo

Alcuanta noes in curto, da ‘l paes e da fora

Aeroplane Piper inze a Fiames, sa alcuante ane, a mostrà che su chera pista se podarae oujorà. Ma ancuoi ‘l é stà pensà outramente, co i elicotere.

Se lieśe chesta paroles su ‘l studio fato da Andrea Casadio, un śoen che el s’à diplomà a ra Nuova accademia di belle arti de Milan, con el so laoro “Cortina Fiames”, su ‘l nosc aeroporto. Chesta paroles ‘s à dites Fiorenza de Bernardi, ra prima femena in Italia pilota, ra cuinta inze ‘l mondo: deboto śa zincuanta ane, era ra louraa par Aeralpi, ra sozietà betuda su da ‘l conte Acquarone, ben conosciù, chi anes, in Anpezo. Duto ‘l é śù polito, par alcuante ane: de ‘l 1967 i aeree de ra Aeralpi i à oujorà par pi de tremile ores e i à portà pi de vintemile parsones, inaante e indrio, intrà ra nostra val de Anpezo e i aeroporte de duta Italia, e anche

fora. Dapò, ai 4 de jenaro de ‘l 1968, el conte Acquarone ‘l é stà copà, in Mesico, i à sbarà, in ciaśa. Poco dapò ra so sozietà r’é śuda co i pes par aria e i à sarà su duto. I à proà, pi otes, a bete a śì danoo chi aeroplane, fin de ‘l 1976: da bonora de i 31 de maśo de chel an ‘l é suzedù ra desgrazia pi granda, con sié morte. El pilota Carlo Lorenzi el s’in é vegnù śo, con Rizzieri Bortot, Marco Costantini, Gianluigi Demenego, Renato Ghedina e Silvana de Zanna. I ea dute consiliere e loudaduós, in comun, e Lorenzi i aea montade su, propio par i fei vede che se podea daerśe danoo chel aeroporto, e de ‘l dapò disnà i arae abù da votà, in consilio.

Ra pista de Fiames, veduda da ‘l outo, d’inverno: ancuoi i ra dora, pi che see, da pasà co i schie da fondo.

Canche i à vardà drio, i à dito che chel aereo, un Cessna U206, ‘l é tomà parcé che ‘l é stà el pilota a se falà. I prozese i é śude inaante par anes, in Corte d’Appello ai 5 de noenbre 1982, in Cassazione de ‘l 1984: dinultima ‘l é stà dito che no n’ea colpa de el capocomun, che da chel aeroporto se pó moe, e ruà, che ‘l ea stà el pilota a se moe malamente. S’arae podù daerśe danoo, chera pista, a Fiames. Ma r’é śuda outramente. Negun s’à pi vorù se ciarià su schena chel pes, ra pista r’é sarada da anes, ades se laora par fei fora polito, intor ‘l hangar, e fei oujorà i elicotere. Duto chesto, e outro ancora, inze chel studio fato da chel śoen Andrea Casadio, che ‘l é stà curios, a pasà par stradon, a śì inze ves Toblach, e ‘l à vedù dute chi brascioi, un pede ‘l outro, garie, de el Bosco de ‘l Inpero. Coscita ‘l à fermà ra machina, ‘l à fato cuatro pasc e ‘l à ciatà ra pista par i aeree, ‘l à scomenzà a domandà, a studià, ‘l é śù a scotà parsones che aea lourà a Fiames. Fiorenza de Bernardi r’é una de chestes. E ‘pò ‘l à fato outra intervistes, con Domenico Chiesa, pilota de aereo, che i à contà nafré de storia, de chesto aeroporto, fin ancuoi. “Canche se oujora intrà ra crodes – i à dito Chiesa – beśen i tende, beśen i dà de ‘l Vos, a ‘l aeroplano e a ra crodes, beśen senpre aé nafré de surizion, no se pó sbreà. A Fiames se podea ruà e moe danoo, ma ‘l ea da saé cemodo fei e ‘l ea da aé i aeroplane iuste. Chi anes de ra Aeralpi ‘l ea un grun de śente che doraa chel aeroporto, turistes che vegnia a Cortina, dapò de ra Olinpiades de ‘l 1956, śente che podea se ‘l parmete, de dorà ‘l aeroplano e no ‘l automobile”. Inze ‘l paes, Casadio ‘l à ciatà outra parsones, che à amor par oujorà co i aeroplane, prin de dute Nicolò Zardini Noce, che i à śontà algo pede, che ‘l à mandà da ra parsona iustes, par in saé depì. Un pas dapò chel outro, aduna co ‘l so amigo Umberto Cappelli, chesto śoen ‘l à fato un film, che el dura poco pi de vinte menute, che ‘l é algo de bel, da vede, da scotà, par inparà algo de outro, algo de noo e de vecio aduna, de ra nostra storia. (Mdm)

Ra spazadures de i sfazade Mancia nafré de creanza, de chera che se disc, de amor par ra so tèra Nuia da fei, no se và adora a i fei perde chel burto vizio de bicià ra spazadures d’intorno, fora da ra cianpanes, agnó che sarae da spartì el viere, i pegnate, ra plastica, ra carta e i cartoi. A Crignes, pede ra vecia Clinica, agnó che ‘l é restà chera cianpanes, se ciata de spes algo de burto da vede, bicià fora, par strada, che i no s’indura a bete a posto. No śoa el laoro de chi ome de ra sozietà, pagada da el Comun de Anpezo, no śoa chel che i scrie fora, no śoa chi che i tende, parcé che duto see bel neto e a posto. A

20

www.lauscdiladins.com

vede chel che i lascia, vien da pensà che, pi de ‘na ota, no see foreste, a fei ‘sto tanto, no see chi de ra seconda ciaśes, tanto manco chi de i hotiei, o de i camper. Ra scanzies de len, che se vedea i dis pasade, de seguro es no n’ea inze un camper, e gnanche el vecio Chel che se vedea da bonora de i 19 de setenbre, televisor o el radio in Crignes, pede chera cianpanes da bete via che i no dora pi. polito ra spazadures.

Weissenstein Chesto el pelegrinajo de ra śente ladina a Pietralba ‘l é betù a śì da chi da Fodom, par domegna ai 30 de setenbre. Se se ciata da bonora, par moe co ra portiscion dares 10 e ruà su da ‘l santuario intor meśodì. Dares 14 sarà don Vito De Vido, che ‘l é stà pioan da Fodom, a dì mesa; intanto mesa, sarà ra Banda da Fodom e el coro de jeja de San Iaco a sonà e ciantà. Ra Banda ra fajarà un conzerto, in pizo, pede el santuario, dares 15.30. Chesto an chi de ra Union de i Ladis de Anpezo i no podarà ese, parceche el medemo di, inze ‘l nosc paes se fesc festa par el noo pioan che rua, don Paolo Arnoldo. A i Ladis despiaje propio de aé da mancià ma ‘l é inportante che i staghe ca a fei festa con duto el paes. Chesto an no sarà donca gnanche el pullman, da Anpezo a Weissenstein.

Mancia ra corieres Se pó dì che śoa poco, el laoro fato da chi de i hotiei, par tegnì daerto pi in longo, fora stajon, se dapò mancia duto chel che i và d’intorno, a scomenzà da i servizie, par i foreste. Chesto ‘l é chel che scrie Gherardo Manaigo, presidente de i hotiei de Anpezo, par via de ra corieres de ra Dolomiti bus, che es no viaśa pi, da portà ra śente ves i śuoghe intor ra nostra val, in Fuzargo, in Son Śuogo, e inveze sarae el cajo de res mantegnì, almanco fin ara fin de setenbre. Manaigo ‘l à scrito chesta letra a ‘l capocomun e a ‘l loudaduó par el turismo, parcé che i se feje inaante, i domande a ra sozietà de ra corieres, de ra Provinzia de Belun, de dià el turismo, propio ades, che se fesc coscita tanta fadia. E, par fenì, el śonta pede che inze ches’outra vales, agnó che a fei chesto servizio ‘l é ra Società automobilistica Dolomiti, ra Sad da Bolzan, ra corieres es viaśa, almanco fin a ra fin de ‘l mes. Alolo dapò i à respondù el capocomun Andrea Franceschi, che el s’à dito d’acordo con el, ma no tocia a ‘l comun: ra Dolomiti Bus r’é de ra Provinzia de Belun e chesto ‘l é un de i burte segnai, che rua da là, da canche chera aministrazion ra no laora pi polito. Intanto, par ‘sto an, no se pó de seguro fei pi nuia. Se vedarà de fei algo, par ‘l an che vien.

Gramarzé, Alpis Ra comunità de Anpezo r’à da i dì gramarzé, a i so Alpis, par duto chel che i à fato, par nonanta ane de storia. A ‘l dì ‘l é el capocomun Andrea Franceschi de Matia, par ra festa che ra Pena negres es fajarà domegna, ai 23 de setenbre, par recordà i nonanta ane che ‘l é pasà, da ‘l 1922 fin ancuoi. «Lore i se dà da fei con chera de dià chi outre e de lourà aduna - el me recorda el capocomun - e dute i dijon gramarzé a i Alpis, par el so laoro, par ra voia de se donà par chi outre, che lore i à mostrà, par dute chiste ane, inze duta ra ocajios, co ‘l é stà biśoin”. Intrà duto el resto, che i fesc de spes, par el paes, par ra nostra śente, se pensa a i doi laore pi grei de i ultime

ane: el museo de fora, su par ra crodes, intrà el Lagazuoi e el Sas de Stria, par recordà ra Prima guera, e ra jejeta de len de Vervei, consacrada de setenbre de ‘l 2000. Domegna 23 i se ciata da bonora, dares 9.30, in via Bruno Apollonio. Dares 10 moe ra sfilada, su par piaza, co ra Banda, par ruà in stazion, agnó che i dijarà mesa, dares 11. Dapò sarà el disnà, inze ‘l piazal de ra stazion.

Ra Fisi e Copa del Mondo Sarà Luciana Pradetto, che r’é ra sacretaria de ra Copa del Mondo de schie in Anpezo, a portà el gnon de Cortina inze chel grupo da lourà, che ‘l é nasciù intrà ra Federazion taliana de i schie e i comitate de Copa, de duta r’Italia, par se parlà, par se capì, par se cordà un co ‘l outro, dapò de alcuante ane de radeghe, canche ‘l ea outre presidentes, ignante che ruase Flavio Roda. I s’à betù d’acordo, i dis pasade, canche i s’à ciatà in Gardena. El prin laoro che i arà da fei, dute aduna, sarà “Fisi in Tour”, ‘na sorta de festa de ‘l gnee, ignante de ra stajon, che i vó fei a Torino, ai 12 e 13 de otobre che vien. Dapò i se ciatarà anche par Skipass, chera fiera de i sport d’inverno che i fesc ogni an, ignante de ra stajon, a Modena. Canche i s’à cordà, in Ggardena, i s’à betù d’acordo, ‘l ea el vize presidente de ra Fisi Reinhard Schmalzl, Max Vergani del ’l ufizio comunicazion Fisi, Stefania Demetz, parona de ciaśa, de el comitato par ra Copa del mondo de Gardena, Lorenzo Conci de Madonna di Campiglio, Stefy Nagler par Badia e Stefania Guerrieri par Bormio.

I Sestiere in buja Souta fora algo de noo, par i sié Sestiere de Anpezo. Ades i podarà se sfidà anche co ra balotes e ra maza, su ‘l pra de el golf, fora par Fraina, par Noulù. I à scomenzà de ‘l 1936 co i schie da fondo, dapò ‘l é nasciù ra corsa de i Sestiere, par ‘l istade, co i śoghe de forza, a sià ra bora, co ‘l sion, e a tirà el funazo. An par an, i s’à betù a śuià a ‘l balon, a nodà, e ‘pò co ‘l tennis e co ra bales. I aea fato alcuante tornee, śa anes, finamai co ‘l broomball, co ra scoa e ra balota, su ra jaza. D’acordo con chi de el golf, e drio chel che ‘l à domandà el Comun, par chi sode che i dajarà, da i dià, ades rua chesta noa: sabeda ai 29 de setenbre e domegna 30, i śuiarà, chi de i sié Sestiere. E dinultima sarà algo, duto da ride, intrà i sié presidentes, opura calchedun par lore, basta che i no sepe śuià a golf, tanto par smatiśà.

Ra Supercoppa de hockey Nuia da fei: ra scuadra de hockey de Anpezo ra no n’é śuda adora a se venze ra so prima Supercoppa taliana. Co ‘l Bolzan i é ruade a ra fin su ‘l 3-3 e dinultima ‘l é stà chi co ra gucia bianca e rosa a aé ra venta. I à rendù coscita chel che ‘l ea suzedù, propio a Bolzan, ai 15 de jenaro de ‘sto an, co ra Copa Italia. Par lieśe depì, e meo, podé śì su ra pajines de ‘l sport.


Anpezo

nr. 37 / 21 de setember 2012

El Pelmo de ra femenes De ‘l 1892 ra prima femena in son de chera croda, Irene Pigatti. Dapò de zento e vinte ane, ‘s é ruades su de setanta, aduna co ra Guides e chi de el Socorso Ce de femenes de Anpezo, che ‘l é ruà su in son de el Pelmo, domegna ai 16 de setenbre. In é stà un grun, che ‘s à vorù se cordà co ra nostra Guides, aduna con chi de el Socorso in croda da San Vido, e ruà su in son de chera zima, drio ra fates che r’à lascià, śa zento e vinte ane, Irene Pigatti, da Colle Umberto. Ai 11 de setenbre de ‘l 1892 i à inaugurà chel refujo, che ra sezion da Venezia de el Club alpin talian r’aea tanto vorù, el prin refujo su ra Dolomites talianes. Poco indalonśe, in Anpezo, i aea beleche fato su el Sachsendankhutte, su in son de el Noolou, chi de el Club alpin austriaco e todesco. El di de ra festa, ‘l ea stà tropa parsones che aea vorù pasà par ra cenjia de Ball, chel inglese che ‘l ea ruà su ‘l Pelmo poche ane ignante, de ‘l 1957. Intrà dute chiste, anche chera femena. Coscita ‘sto an chi de el refujo i à pensà de recordà i zento e vinte ane, con chera de strutà su calche sodo, da i dià a chi de el Socorso in croda da San Vido. Alolo bonora, deboto ignante che vegnise lustro, anche tropa anpezanes ‘s ea beleche prontes, leades co ra corda, par se fei dià a ruà in son de chera croda, che vedon fora par ra val. “Somea che ra croda ra spartisce, inveze ra tien pede, ra tien aduna, parcé che dute i varda ves ‘l outo” – ‘l à dito Renzo Bortolot, capocomun da Zopé, de vijinanza a ‘l Pelmo, e presidente de ra Magnifica comunità de Cadore. “Nośoutre son vegnude ca par

El capocomun e i consiliere de Anpezo, dute aduna, i à votà ra delibera che i domanda a ra Rejon Veneto e a ‘l Stato talian de precurà ra nostra provinzia, de no ra pasà sote outres, de el Veneto. Un pensier par i referendum e par i Ladis

Sote el Pelmo, da ‘l 1892, el refujo Venezia i dà un bon azeto a ci che rua su. Da là ‘s é moestes, chera femenes che ‘s é ruades su in son, ai 16 de setenbre.

recordà una de ‘l nosc paes – ‘l à dito Ti z i a n o Zanette, vizecapocomun de Colle Umberto, pede Vittorio Veneto– chera femena che r’é nasciuda de ‘l 1859, morta de ‘l 1937, ma de era se sà poco, se no che r’é stada ra prima, de el nosc paes, a śì su par ra crodes”. Par doi dis, intrà sabeda 15 e domegna 16, ‘l é stà festa, su sote el Pelmo, cemodo che arae vorù Oreste, chel òn de ‘l Alpago, che el tienia el refujo venezia, e ‘l é morto de luio, ignante de vede duto fato. A portà inaante el laoro ‘l é stà so femena, aduna con chi che laora lasù. I à dà ra benedizion a ‘na stua noa, bela, fodrada de len, che i à fato fora; i à ciantà, chi de el coro Dolada e chi de el coro Sanvido; i à contà algo, de ra storia de chel posto e de ra so crodes. “Nośoutre ón acaro che tropa

femenes es see vegnudes su, ancuoi – ra me conta Monica Cherubin, de mare anpezana – supośò de setanta, con vinte outra parsones śo par pede”. “Aduna con chi de el Socorso in croda de San Vito ón betù śso ra cordes, da pasà via par chera cenja, parcé che dutes es podese ese pi segures, parcé che el Pelmo el no n’é coscita fazile, da śì su – el śonta pede Luca Dapoz, presidente de ra Guides de Anpezo – ma deboto duta ra femenes ‘s é ruades su in son e duto ‘l é śù polito”. A res sentì, canche ‘s é tornades śo, ‘s ea duta parsuases, co i oce che lujia, par chel che ‘s ea śsudes adora a fei e dapò es s’à fermà la daante a ‘l refujo, a se magnà algo, a se bee un goto, dutes aduna, in bona conpagnia. Parcé che ra croda, cemodo che s’à dito, ra tien aduna, ra no spartisce. (Mdm)

Ra gares de i maestre ladis A Mulin da Col, in Gardena, i maestre ladis de ra scora popolares e meśanes i s’à ciatà aduna par una dapomeśodì de festa Ra scora r’é beleche scomenzada da alcuante dis e dinprin no n’é mia fazile se bete a sì: i pize i no sà deboto gnanche agnó che i é, i maestre i no sà agnó ciapà inze par insegnà danoo chel che i scolare s’à desmenteà via par ‘l istade, se se ficia anche sun ra robes che somea faziles e che d’ausciuda dute saea a mente! Par ciapà corajo i gardenere i à organiśà ra “Ancunteda sportiva maestri ladins”, se podarae dì che ‘l ea i śoghe de ra śoentù par i maestre e profesore. A ese senziere ‘l é

Par fei restà ra Provinzia de Belun

beleche undesc ane che vien betù aduna sta gares, ma Anpezo el no n’aea mai azetà de ese là con lore. Sto an el noo diretor de l’Istituto comprensivo de Anpezo, Paolo Giovanni Zanin, a ra prima foula de i maestre ‘l à dito che se podea ben śì fin in Gardena par se fei sta gares. Dito e fato, con una bela prenta de ’l profesor Fabrizio Pra Mio, un ciapo de maestre e profesore che laora in Anpezo i à betù su na scuadra de atletes e i é śude da ejin de Santa Cristina a se meśurà con chi outre Ladis che insegna inze ra

I nostre maestre e i profesore che i à fadià, a ra gares de i ladis, co ra so bela mondures de Anpezo.

scores de ra vales ca pede. Fodom e Anpezo i s’à betù aduna inze na scuadra sola par ese de asei par śuià a ‘l balon e a pallavolo, e ‘pò dute, un cadaun, i à fato gares de corsa e de tirà na bala con ra oujores che à gnon vortex. Gardenere e badiote i ea na bona fré pi śoen e pi organiśade, ma dute s’à fato onor e negun s’à sentù da demanco o masa vecio. Ra partides e ra gares ‘s é stades pienes de entusiasmo e de alegria, dute à vardà de fei meo che i podea e i se r’à riduda de bon saó. Na gran bela premiazion, con tanto de copes e medaies, r’à fato pensà a ra Olinpiades, mangare Olinpiades de i poerete, ma se meśurà con chi outre ‘l é stà par dute na gran inpresa. ‘L é stà anche na gran bela ocajion par se sentì dute leade, par capì che i problemes de ci che insegna con pascion i é conpagne par dute, e che calche ota el se parlà el dia na man a ciapà inze con corajo e con animo anche inze ra scora pi tremendes. Seguro zerto, se vegnarà ancora organiśà sport par dute a sta maniera, Anpezo no manciarà pi e i maestre e profesore i s’in tornarà a ciaśa con na bia de medaies, conpain de sta ota! (F.M.)

El Comun de Anpezo el vó che ra Provinzia de Belun ra reste. No se vó pasà sote ra Provinzia de Treviso, o finamai de Verona, drio chel che s’à sentù a parlà, via par ‘l istade, dapò de ra Leje 135/2012, dapò de ra delibera de el Consiglio de i Ministre de i 20 de luio de ‘sto an. Par chesto, el Comun de Anpezo ‘l à fato ‘na delibera, che r’é stada votada da dute e oto i consiliere che ‘l ea lunes bonora, ai 17 de setenbre. Un outro documento ‘l ea stà fato ignante e i s’aea scrito sote deboto dute i capecomun de ra nostra provinzia, ai 31 de agosto, a Belun, ma incraota Andrea Franceschi de Matia, capocomun de Anpezo, el s’aea ciamà fora. “Io no podee azetà chera prima carta, voruda da i consiliere in Rejon, de Belun, Bond, Reolon e Toscani – el me disc Franceschi – parcé che ra no dijea nuia de i comune agnó che ‘l é stà fato un referendum e ra śente r’à domandà de pasà da una rejon a cher’outra, cemodo che ‘l é suzedù in Anpezo, a Col e in Fodom, de otobre de ‘l 2007. Canche i parlaa de referendum, i dijea solo che alcuante comune i aea vorù s’in śì, par cuestios de sode, senza śontà pede nuia de chi che i à domandà de tornà aduna con chi outre Ladis, par ra medema storia, ra cultura, ra parlada. E ‘pò, inze chera carta, se domandaa de tegnì ra provinzia duta aduna, contra chi che vorea s’in śì. Coscita see stà un de i poche capecomun a no ra votà. Dapò i ei scrito cemodo che ra penson nośoutre, e i m’à scotà, i à betù inze chel che i ón domandà. I à scrito śo danoo chera carta, chesta ota co i capecomun Massaro, Perenzin e De Menech, de i tre comune de Belun, Feltre e Ponte nelle Alpi, i m’à scotà chel che i ón dito, e coscita ón podù ra portà in consilio, da votà”.

El capocomun Franceschi ‘l à dito, pi otes, che senza ra Provinzia se laora malamente, se perde un grun de tenpo, no se prozede con chel che ocore a ra nostra śente. Suzede par el noo Pat, el Piano di assetto territoriale. Suzede par ra corieres de ra Dolomiti bus, cemodo che se pó lieśe ca pede. Suzede par ra scora outes, par ra sanità, i ospedai e outro ancora. Coscita da Anpezo, cemodo che ‘l é stà fato da trope outre comune, s’i domanda a ra Rejon Veneto de i pensà sora, ignante de ra tirà via de sote. E conpain a ‘l Governo talian. “Podon contà almanco tre cuestios, parcé che ‘l é da mantegnì ra Provinzia de Belun – ‘l à scrito el Comun de Anpezo – e scomenzon co ‘l dì che ra nostra r’é r’unica provinzia d’Italia, aduna con chera da Sondrio, duta intrà ra crodes. Coscita conta poco se mancia ra popolazion, de almanco 350 mile parsones, che i à betù inze ra leje. Dapò ‘l é da pensà che, propio parcé che r’é su par ra crodes, e ‘pò r’é a confin co ra rejos a statuto speziale e con un stato foresto, r’à biśoin de se goernà da so posta. Dinultima ‘l é da se recordà che ra Rejon Veneto, inze el so statuto noo, r’à dito che ra Provinzia de Belun r’à da ese, r’à da restà”. Con chesta carta, anche el Comun de Anpezo, pede chi outre, i domanda a ra conferenza RejosEntes locali de el Veneto de precurà ra Provinzia de Belun. El domanda a ra Rejon Veneto de chel che ‘l é stà scrito, inze ‘l statuto, de no tacà ra nostra provinzia con un’outra, anche se ‘l é poca śente che stà su de ca. E par chesto ‘l à da ese i consiliere in Rejon, a se dà da fei. Dinultima i domanda a ‘l Governo talian de mantegnì ‘sto tanto, e ca ‘l à da ese i parlamentares da Belun, a fei el so. (Mdm)

Palazzo Piloni, a Belun, ra Ciaśa de ra Provinzia. www.lauscdiladins.com

21


Souramont

Redadoura Katia Pizzinini lunesc y mertesc a La Plie de Fodom, tel. 0436 7472 mercui y juebia a Cortina d’Anpezo, tel. 0436 868615 - katia.usc@rolmail.net

nr. 37 / 21 de setember 2012

Ence Siur Alberto s’en va Intervista a Siur Alberto Ganz, che lasciarà sia inciara da capelan dla cuera de Ampez. A si post rùvel Siur Fabiano Del Favero

Concors metù da jì da La Usc di Ladins

Manéde vostes fotografies a la miscion e-mail katia.usc@rolmail.net o per posta a la misciun: Redazion “La Usc di Ladins”, Self dei Ladins c/o ex Hotel Dolomiti, 32020 Fodom/Livinallongo (BL). Les fotos vegnirà ence publichedes sun la plata de Facebook “L sonn fodom tla Usc” olà che duc podarà dé ju si aprijament. Chisc vegnirà touc en consciderazion da la giuria per la valutazion finala.

Don Alberto: “Sen jì é sciche mete man de fé su na ciasa, vedei i murs entourn via, ma ne podei nia la vedei daìte.”

Ampez - Gran é l mescedoz de capelans, prevesc y degans en chest auton tla Diozeja de Belun – Feltre. L vescul, Mons. Giuseppe Andrich, à trasferì trueps prevesc da na cuera al’autra. Pesocia é la situazion te Fodom, olà che trueps membri dla cuera ne n’à nia azeté la partenza de Siur Vito. “N degan da soul ne sciafiarà nia da manajé la cuera da Fodom, che à fosc puec fedei, ma che se sleria fora per 17 vijinanzes” végnel dit. Ampez ova bele messù saludé si degan de fauré. Siur Davide Fiocco ova damané de s’en jì, per motifs de sanité. A si post fòvel ruvé adalerch Siur Sirio da Corte, che lasciarà sen l post a Siur Paolo Arnoldo. L plovan nuef, nasciù te Zoldo, lasciarà la cuera da Maran per tò su chela ampezana. Nia demé l degan, ma ence l capelan Siur Alberto Ganz messarà lascè Cortina. N preve joen, Siur Fabiano Del Favero, sarà si suzessour y vegnirà tout ite, deberieda con Siur Paolo en domenia ai 30 de setember. Co l’à pa touta su Siur Alberto, che viv oramai da cater agn encà te Ampez y che s’à dé ju tant truep

con la jent dl post, dantaldut con i joegn y con la jent atempeda? Nos ti l on damané te na intervista: La Usc: L vescul, Mons. Andrich, à destiné la cuera de Cortina a n capelan nuef, a Siur Fabiano Del Favero. Sen che i messareis s’en jì, cie ves portareis pa con vos da chest luech? I son sté chilò per cater agn alalongia, al é sté na bela esperienza. I é davignora abù n bel raport con la jent dl post, i é porté ite cosses nueves, la colaborazion con i membri dla cuera, ma ence con les associazions dl paisc é dagnora steda bona. Ne saràl pa donca nia tant saurì da saludé vosc fedei? I darà ju mia enciaria da capelan ai 29 de setember, ma spo resterae ciamò n pez chilò a Cortina; tan die ne sae ciamò nia. Dessegur fajarae na messa de rengraziament per duc i fedei, de otober fora. Olà jareise pa dedò? Chel ne sae nience ciamò avisa.

Al ne m’é nia ciamò vegnù dit olà che i messaré jì. Bonamenter damanaré de podei fé n pue’ de vacanza, te mi paisc Nadel, a Falcade y sté n pue’ pro mia familia. Fosc podeise daidé fora l preve de Falcade? Ence Falcade mudarà l preve. Siur Andrea Costantini, originar de Cortina, s’en va y i ne sé nia ciamò chel che sarà si suzessour. Cie penseise pa perdret de duc chisc spostamenc? I spostamenc é na cossa normala. Aldidancuei él na gran mancianza de prevesc, trueps é atempés, al nen muer, al n'en é de chi che va en pension. Vigni outa che al n'en vegn sposté un méssel de conseguenza n'en vegnì sposté ence d’autri. La jent dij de ester stufa de chisc mudamenc de prevesc… Chisc trasferimenc ne n’é nience sauris per nos prevesc. Can che i se on ausé ite a na cuera, a les usanzes y tradizions, vegnonse spostés, ma chestes cernes ne

L sonn fodom é l ritm dl morin de Andrac. (Retrat mané ite da Karin Pizzinini da Calfosch.)

depen nia da nos. Ie veide te vigni caje na cossa positiva sce i fedei à ingert che n preve s’en va: chel vuel dì che al à fat val’ de bon y che al é vegnù aprijé da la comunité. Co viveise pa personalmenter chest trasferiment? Al é samben n gran desplajei, ajache i me son dagnora sté saurì te chest post, con la jent, en particolar con i joegn, ma ence con la jent atempeda dl Grup Genziana. Al me desplej ence ajache i ove metù da jì truepes iniziatives che messova ciamò vegnì svilupedes. Al é n pue’ sciche lascé n laour a mez, sciche mete man de fé su na ciasa, vedei i murs entourn via y nia daìte. Ma i son segur che Siur Fabiano portarà inant chel che ie é metù man. Cie conseis voleise pa ti dé a Siur Fabiano? L consei che i ti é bele dé é chel de ne vedei nia Cortina sciche chel luech “glamour” che vegn dé dant dai media y che é de spes tl imaginar dla jent. Ala se trata de na imaja che ne n’é nia reala; Siur Fabiano ne dess nia avei chisc pregiudizi y ti jì permez y conesce les persones per cheles che ales é.

Truep temp i à Siur Alberto dediché a la jent atempeda. Chilò con i fondadours dl Grup Genziana.

22

www.lauscdiladins.com

Cai é pa i projec che i volesses che Siur Fabiano portassa inant? Siur Fabiano mess savei che

Cortina é na cuera particolara, che passa dai za. 5.000 fedei tratant l ann ai 30 – 40.000 tratant la sajon turistica. Al messarà se dé ju con la pastorala ordinara, con joegn, families, jent atempeda, ma ence con i turisć. Al é veira che la jent vegn a Cortina per se devertì, per jì su per mont, per compré ite, ma en chest’isté onse dé n pice segnal y i on davert la gliejia da seira, da les 21 a les 23. Al fova seires olà che al ruvova adalerch per momenc de orazion y meditazion personala ence 150 persones. Con chesta pastorala dedicheda ai turisć mess da me enfora Siur Fabiano se dé ju. Y per cie che reverda i joegn, con chi che i ves eis dagnora tant dé da fé? I son segur che Siur Fabiano manajarà inant endertura i grups de joegn, sciche al à bele fat te Egort olà al me à remplazé dant cater agn. Al é n preve che se impegneia, che à idees, che sà da svilupé tematiches nueves. I son content che al ruvarà el a Cortina. Chilò él spo n valgugn colaboratours gragn che l daidarà da mete man chesta sia aventura nueva. Samben sonse autramenter, i on n auter carater, n’autra spiritualité, ma i son segur che al podarà jì inant sun la medema streda y fé ciamò truep. (Intervista de katia pizzinini)


nr. 37 / 21 de setember 2012

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Cater agnì dà ligrëza

Benedisciun dla crusc de Cor

La Jonëza da Paur da San Martin de Tor à organisé en domënia ai 2 de setëmber la benedisciun Chësc isté à na bîscia metü al monn bëgn cater pici dla crusc nöia

La bîscia cun i cater agnì. Tratan la zerimonia de benediscun.

San Martin de Tor - Da doman n’êl degügn che minâ che ara foss jüda da jì sön Cor a benedì la Crusc, de gragn ćiarüs y de burtes neures curî ite la munt de Cor y döt le paîsc da San Martin. Mo i organisadus ne s’à nia lascè sprigoré y söl misé s’à les neures trat sö, ti fajon lerch a n cil bel bröm. Grana é stada la partezipaziun ala benedisciun. I organisdus à podü saludé plü co 60 porsones da San Martin y da foradecà. Por la benediscun él gnü

La Crusc de Cor.

invié siur Paul ploan dla Cöra da San Martin de Tor, che à tut sö l’invit cun gran ligrëza. Dedô à düć podü s’la cuntè y ćiarè incërch pro n bun bufet organisé da Paul. La crusc é gnüda metüda sö por valorisé le bel post cun na bela odüda cuntra Antermëia, Rina y La Pli. Mo inće por ringrazié Chël bel Dî che i podun vire vigni dé te tan dé bi posć y ch’al se dëides ćiarè de nosta patria tl dagnì. Insciö él inće les parores amesa le sorëdl che dij “Dî, ćiara de nosta

patria”. Orun inće tó l’ocajiun da fà n per de rengraziamënć. Ringraziun düć i jogn y manco jogn che à daidé fà y mëte sö la crusc.

Ćiaussa - La familia da paur y i famëis dla Munt de Pecol sura Antermëia à fat chësc isté de gragn edli, canche ai à odü che na söa bîscia â metü al monn cater agnì. Al ê le mëis d’agost, y sambëgn â

n gröm de jënt che ruvâ ilò söa ligrëza cun la bîscia y i pici agnì. Adaldërt y adertora ê inće da ciafè spo i mituns por slipé, papelè y inće “aborè” (a söa moda) i pici. (ir)

A Paul y düć chi che à daidé arjignié y portè sö le bufet en la benedisciun. A Siur Paul por la benediscun, y les beles parores y a düć chi che à tut pert. Jonëza da Paur San Martin de Tor

La festa che i mituns â impara.

L bel grup che à tut pert.

Le “Dé europeich zënza auto” a Badia En sabedia ai 22 de setëmber vëgnel recordé sura döt’Europa le “dé lëde dai auti”. Inće le Comun de Badia dà so contribut Ambiënt - L’Edema dla mobilité dai 16 al 22 de setëmber y le Dé zënza auto (22 setëmber) é iniziatives metüdes a jì a livel europeich por la sconanza dl tlima y por promöie la mobilité che scona

l’ambiënt. Le Comun de Badia fajarà para chësc ann ativamënter por sensibilisé la popolaziun ai problems tres maius che reverda les emisciuns de CO2 y le scialdamënt global dla tera.

Carè de vigni sort de gasc

Pom y limon.

Al dess ester n impuls por ponsè sura ći contribut che vignun de nos pò dè por mioré la sanité de nosta tera. Nia ma i auti sciüra fora CO2 tl’atmosfera, mo inće nosta mainira de mangé. Sce i mangiun na ananas che vëgn dal Brasil o n pom che vëgn

da Porsenù él na gran desfaranzia, avisa sciöche sce i mangiun n toch de ćern o n taì de pasta y fajöis. Chëres porsones che ne mangia nia ćern cara söes emisciuns de gas sera dl 8%. Inće tan de energia eletrica che i adorun influësc dër sön les emisciuns. Les ressorses che la tera se pita va bel plan a piz y nosc planët se scialda tres deplü, cô messarà pa les generaziuns che vëgn do nos vire? “Vignun de nos mëss atira fà valch por arbassé les emisciuns de gas sera!”, é un di slogans dles iniziatives desferëntes por l’Edema dla mobilité y le Dé zënza auto.

manifestaziun y aziun sot le tema “pom o limon”. En sabeda dales 10.00 ćina les 12.00 tl zënter da La Ila ô le Comun de Badia adöm ales verdes de comun y ala scora elementara y mesana, sensibilisé sön chësta tematica tan importanta y magari motivé a ponsè sura por val’

comportamënt y provedimënt che scona nosta tera. Le Comun de Badia ne dij nia ion danfora avisa cô che söa aziun ćiara fora: düć chi che passarà fora por le paîsc da La Ila odarà! Le Comun se aoda por en chësc dé (y inće por i dis che vëgn do) da odëi tröpes rodes sön strada.

Aziun “pom o limon” Le Comun de Badia fajarà na www.lauscdiladins.com

23


Val Badia

nr. 37 / 21 de setember 2012

Na vita ofrida por la comunité La monia Paula, na vita por insigné, socodì y daidé i atri Porsones - Te nosta valada à tröc aldì la cherdada a se dediché söa vita por le bëgn dla comunité. La Val Badia ti à scinché ala dlijia di cënć de monies y de proi che à laurè na vita por daidé la jënt. Chëstes porsones à laurè sön les cöres, tles misciuns, tles scores, tles ćiases di vedli y pro i andicapà, pro i püri y chi dla meseria. Na pert é gnüs porsighità, à ćinamai ofrì la vita por defëne la püra jënt, por la religiun cristiana.

La familia da Ruac Tla familia de Vijo Pitscheider da Ruac y de Maria da Fussè a Badia él nasciü ot viadus: Pepe, Angl, Oswald, Tecla, Giuvana, Angela, Maria y Tarejia. Bëgn trëi mitans à aldì la cherdada da gnì monies: vignöna é jüda por n’atra strada. Tecla é jüda te convënt dan 60 agn, dl 1952 pro les monies verbites de Steyl “an der Mahr”. Ara à laurè tröc agn tl labor dla clinica Stuart sön le Monte Mario. Incö àra 84 agn y vir tl convënt St. Koloman a Stockerau dlungia Vìena. Angela é dal 1956 incà pro les Clarisses a Porsenù y é stada superiura. Ara â imparè da sonè i orghi de dlijia da siur A. Alverà. Söa neza Monica, fia de Oswald da Ruac y de Nane da Paracia, é inće dal 1984 incà pro les Clarisses a Porsenù y é incö superiura dl convënt. De Giuvana aldiunse valch deplö.

Tina y Susi, Raimund y söa möta Elena da Ruac à ćiantè y sonè la mëssa.

La monia Paula cun pater Stampfl y siur Sepl da Paracia.

y a San Iöre, ara ti à insigné ales mitans dla scora dles Ursulines da cujì, da ćiantè y da sonè. La monia Paula da Ruac ê maestra diplomada y à laurè 21 agn cun mituns andicapà. Ara à arjigné ca de gragn migranć a gnì batià. Te convënt s’àra fistidié dl ćianté liturgich. Les monies podô do la vera dè inant aiüt ai atri. Inće la monia Paula à podü dè inant so aiüt. Ara à lauré cun migranć a Bornech che gnô dal Cossovo, dala Bosnia; cun d’atri ésera stada 18 iadi laìa cun guanć y mangiaria ciafada da

dles monies. Ares é atempades y ma plö ot. Incö n’ô jënt jona nia plö se taché a na comunité, ara se para cuntra surantó responsabilité; plötosc va jënt jona ćindetan a fà volontariat pro jënt vedla o püra o tl Terzo Monn por val ann.

benefaturs; sis edemes àra instëssa daidé laìa te na ćiasa cun plö co 100 mituns zënza genitus fà jüć y musiga. La vera desdrüj inće la cultura de na popolaziun y scherza sö plaies te söa identité. Ći che les monies ciafa da scincundes i dàres döt a monies y a proi che l’adora tan por daidé fora ti maius bujëgns, olache vigni picia monëda à na gran faziun. La ćiasa, la scora y döt é bel nö. Bëgn 20 maestri y 20 porsones laora sciöche personal dailò. La direziun, secretariat, porta de scora, ćiasadafüch ne n’é nia plö tles mans

Festa de iubileum Al pröm de setëmber dl 2012 à la monia Paula da Ruac festejé a Bornech tla dlijia dles Ursulines i 50 agn de profes amez söes compagnes y i sostegnidus dles

Ursulina da 50 agn Giuvana (da monia Sr. Paula) à da püch festejé a Bornech i 50 agn da monia. Ara é ion te convënt y é dër contënta; chësc vare ne ti à mai muié, inće sce i pröms agn é stà pesoć y crödi, nia saurisc da azetè. Ara à fat la scora da maestra (LBA) a Maran y é jüda te convënt dles Ursulines a Bornech. La superiura da laota Mater Clementina Pedevilla da Lungiarü l’â lasciada studié trëi agn teologia, fà la scora de musiga de dlijia, imparè sartorëssa a Milan. La monia Paula à insigné tröc agn religiun a Falzes

La monia Paula cun sü parënć da Ruac.

monies, adöm ai fredesc Angl y Oswald. ales sorus Maria y Tarejia y d’atra parentela. La mëssa é gnüda zelebrada dai proi siur Sepl da Paracia che à pordiché, dal degan da Bornech Anton Pichler, dal caplan de convënt p. Adalbert Stampfl y da dui proi ghesć. Parënć à ćiantè la mëssa de Lorenz Maierhofer, Panis Angelicus y l’Ave Maria de Mozart. Düć à tut pert cun devoziun y ligrëza ala mëssa y à aldì che la monia Paula rinovâ ći che ara â impormetü dan 50 agn. Do la funziun te dlijia él gnü ofrì n pice renfrësch te convënt. La monia Paula é tres stada dër ativa sön le ćiamp dla istruziun, söl ćiamp sozial. I ti aodun che ara sides bona da laurè inant en plëna sanité! N gran dilan por döt ći che ara à fat de bëgn a tröpa jënt che adorâ aiüt! Monies prëia dër tröp por la jënt y fej de gragn sacrifizi y tröp dl bëgn. La manćianza de monies éson gnüs a sintì dër ti ospedai, tles ćiases de palsa, ti convić, tles scores che é rovades scialdi dötes te mans laiches. Les monies ti â dè cun söes scores na bona preparaziun ales mitans da afruntè la vita da vigni dé cun sü problems. Les monies laora cun umilté y se ofrësc sö por chi che à bujëgn de aiüt. Al i fajess bun sce les comunitês s’les recordass plö gonot.

Terzo post por Manuel Schuen Le jonn orghelist da San Martin che vir y laora aldedaincö a Vìena à albü n bel suzès pro le 3^ Concurs internazional de orghe a Porsenù

Manuel Schuen à podü pié do n bel pest de importanza a livel internazional.

24

www.lauscdiladins.com

Musiga - A Porsenù él gnü tignì dai 2 ćina ai 8 de setëmber le 3. Concurs de orghe internazional “Daniel Herz”, olache al é gnü sonè söl orghe Pirchner dl dom y söl o rg h e He r z - A h re n d d l a Frauenkirche, atira dlungia le Dom. Al concurs à tut pert 20 organisć da plü stać. La juria ê metüda adöm da Franz Comploi, organist dl dom da Porsenù, Els Biesemans dla Svizra, Damiano Peretti da Viena y Wolfgang Zehrer dla Germania. I toć da sonè ê en pert gnüs metüs dant dala juria y en pert gnüs chiris fora dai candidać instësc. Insciö êl gnü portè dant musighes de N. Bruhns, D. Buxtehude, J.S. Bach, F. Mendelssohn-Bartholdy, G. Frecobaldi, M. Radulescu y atri.

Tratan le concurs él gnü fat döes proes de seleziun y le ultim dé la proa finala cun set organisć. Le concurs é stè dër impegnatif y i candidać partezipanć â n livel scialdi alt a iudiz dla juria. A contlujiun él spo gnü fat la festa de premiaziun dl concurs tla Academia N. Cusanus, olache cater musicisć é gnüs premià cun n bel pest. Chësta é stada la tlassifica: pröm post: Annette Fabriz dla Germania; secundo post: Martin Riccabona da Hall in Tirol; terzo post: Manuel Schuen da San Martin de Tor ex aequo cun Maryam Hayawi dla Germania. Al é spo gnü tignì le conzert final cun i cater candidać premià tla Frauenkirche y tl Dom, olache al é gnü portè dant i toć chiris fora

dala juria. Manuel Schuen à arjunt le diplom de musiga sacrala cun n resultat ezelënt ala “Universität für Musik und darstellende Kunst” a Vìena y spo le diplom de orghe da conzert inće cun n resultat ezelënt ala medema université. Al é dirighënt dl “Chorus Michaelis” y organist dla Michaelerkirche

dlungia la Hofburg a Vìena. Implü él inće dirighënt dl “UnisonoChor” da Vìena. Al à bele manajè valgügn seminars por cors tl Austria y davagné n concurs por orghe a Burćia (Borca) de Ćiadura. Inće tla Val Badia y te d’atres dlijies de Südtirol àl tut pert a conzerć de musiga sacrala.


Val Badia

nr. 37 / 21 de setember 2012

Badia à n “Tru Cultural” Sön l’aisciöda fora àn odü sciöche le personal dl Comun de Badia rodâ fora por paîsc a mëte sö na seria de tofles. A pié ia dala ćiasa de Comun él gnü arjigné ite n tru cultural che dess ti portè plü dlungia ala jënt de vigni sort de informaziuns culturales

Odüda söla cherta di "trus culturai".

Badia - Nü tofles indöt, scrites te cater lingac: ladin, talian, todësch y inglesc. Do la tofla cun informaziuns generales, metüda sö apontin dan ćiasa de comun, va le tru cuntra Murin, por jì spo itessö San Linert, Coz, Sotćiastel, Ruac/Alfarëi, Oies y gnì indô jö te paîsc. Na alternativa implü é la tofla da Sompunt, metüda sö dlungia la ütia Paraciora.

Storia y inće usanzes Le tru é ponsè por düć: sides

jënt sportiva co inće jënt nia tan ausada da jì a pé é bona de le fà. I trus é tignis bun y saurisc da fà, inće cun le spazirin. Les tofles metüdes sö te vigni post descrî en cört les infrastrotöres che an po odëi, insciö por ejëmpl vëgnel baié sön la tofla de Pedraces di bagns de Pantan Sarè, che ê n iade tl hotel Nagler. A pié ia dal 1860 déssel ester rové adalerch chilò jënt da foradecà al frësch. Chisc bagns da solper dess ester stà en funziun ćina dl 1950. Sön la tofla da San Linert deperpo vëgnel

descrit, dlungia la dlijia y la calonia, la ostaria Crusc Blanćia, fata sö sön dala signoria de Mareo dl 1614. Dër interessant inće l’afrësch de Franz Angel Rottonara, che rapresentëia la badëssa Gisela de Ćiastelbadia. Dlungia les frabiches cunta vigni tofla inće de tradiziuns partides sö ia por l’ann. Insciö por ejëmpl ciafunse sön la tofla da Murin na spligaziun sön na cherdënza liada al dé de San Tomesc: plüdadî cherdô la jënt che ara jiss da lì le dagnì y da ciafè

Pro les tofles metüdes sö te paîsc él implü ćiamò gnü metü adöm n pice codejel, dagnora te cater lingac, che reporta zacotan de informaziuns plü spezifiches.

Al mët man cun na introduziun generala sön le tru cultural y n cheder storich plü ampl, olache al vëgn splighé en cört ći che le ladin é y sciöche le comun de Badia s’à formè. Dedô vëgnel la descriziun de vigni tofla, cun apontin, val’ aspet implü. Le codejel se stlüj jö cun la descriziun dles maius istituziuns publiches y uniuns de valada che à da nen fà cun le ladin, sciöche l’Istitut Ladin Micurà de Rü, le Museum Ladin Ćiastel de Tor, la Ćiasa dl parch natural d’Al Plan de Mareo, la Union Generela di Ladins dla Dolomites, La Usc di Ladins, la Uniun di Ladins dla Val Badia, la Uniun Ert por i Ladins y la Uniun di Maestri Ladins. Le tru cultural é gnü laurè fora da n grup de laûr metü adöm da Claudia Crepaz, Edith Dapoz, Lois Trebo y Daria Valentin y finanzié dal Comun de Badia, adöm cun l’Assoziaziun Turistica dl Comun de Badia.

é la gauja. I migranć n’é nia patüc che sta te tru, da spostè ia y ca, o n problem da desgropé. I migranć é, dantadöt, porsones. La pröma pert dl liber é früt de ći che Simret à cuntè a usc, che tira adöm döt le contest te chël che uma y fia à vit, la dezijiun da arbandonè le Paîsc a gauja dla “puzenada etnica” di eritrês, piada ia dai agn novanta por se trà ćina ai pröms

agn dl secul nü da pert di etiops, y le iade da s’un sciampè dles döes ëres dl vers dl’Europa. La secunda pert é metüda adöm dales letres de Simret. Na sort de terapia cuntra le dolur, n tentatif desperè da mantignì ćiamò en vita la uma. (Michele Colloca, Mussie Zerai Yosief) Va inant tla ediziun che vëgn, trad. dal tal. tl lad.: ir

fortüna. Les fanceles y la sorvidù jô te stüa y tirâ n ćialzà o n scofun ia da üsc. Aladô de sciöche chësc ćialzà s’ojô fóssera inće jüda tl dagnì: sce le ćialzà s’ojô cuntra üsc ess les jones ciafè da se maridé, sce al tomâ dl ater vers fósseres ćiamò restades n ann a ćiasa dl pere y dla uma. De gran valüta i tröc retrać che abelësc les tofles y che sotlignëia zacotan de aspeć culturai descrî inće tl test. Insciö por ejëmpl pon odëi sön la tofl a da Sompunt sciöche la strada vedla passâ ćiamò dlungia la ćiasa ia o tan de fanć y fanceles che daidâ sojorè.

Dlungia ales tofles inće n codejel

Dal’Etiopia a Roma Letres ala uma da pert dla fia gnüda t’Europa Secunda pert - Y por feter degügn n’él na sopoltöra. Jënt zënza inom, zënza corp, zënza recort. Mo vignun de ëi à söa storia, y degöna storia ne vëgn registrada dales statistiches. La storia de Simret, donca, é ma söa. So incherscimun por le Paîsc pordü, söa tëma, la violënza albüda, le terur dan ai polizisć, le dolur por la pordüda dla uma, söa surité, mo inće söa ligrëza, söa forza, y so amur ciafè, tla finada, a Roma. Mussie y Michele nes cunta n tòch dla vita de chësta möta, por merit dles lëtres che Simret i scrî ala uma do la mort dla ëra. Y nes recorda, cun so cuntè, che les “migraziuns” à n müs umann, che iadô stàl la vita de porsones, che al n’é nia ma na storia desco tantes d’atres. Mo, tl medemo tëmp, tres le cuntè de Simret, podunse vire cun ëra les condiziuns, les zircostanzes te chëres che al se svilupëia le vit individual de vigni porsona sön tru (migrant). Y chëstes condiziuns, chëstes zircostanzes scê é pa medemes a tantes d’atres, por desënes de milesc de porsones. L’imposcibilité da restè te so Paîsc y da podëi chirì fora lediamënter so dagnì. L’imposcibilité ogetiva da podëi fà n iade “normal”, legal, sigü, sconè. L’assënza de acoliënza por chi che é sforzà da

s’un jì y sciampè te Paîsc vijins. L’assënza dl respet di dërć elementars. La violënza da vigni dé. Les tröpes dificoltês da tó a man por ciafè n post sigü, por avëi proteziun. Mo inće la constataziun che, te vigni cajo y anfat olà, incùnton porsones che dà na man, che ret la crëta, y che l’ël n’é nia ma y dagnora ma “lu”. (Christopher Hein, diretur dl Consëi talian por i tuć sö-Cir)

Dantadöt porsones L’idea da mëte adöm chësc liber nasc dal debujëgn da dè n pice contribut ala discusciun, aldedaincö plü atuala co mai denant tla Talia y tla Europa, söles porsones che sciampa y dantadöt söi clandestins (porsones che se sposta zënza ester a post cun i papiers). Te nosc Paîsc ôn tlassifiché la clandestinité desco reat: donca chi che vëgn adalerch clandestinamënter te na naziun al’archirida de n miù dagnì o de na proteziun comët na aziun criminosa che vëgn straufada. Écomo le contest te chël che al s’intravaiëia la storia metüda jö te chësc liber, nasciü da na morona de letres scrites dala jona etiopa Simret a söa uma eritrea morta sön so iade dal’Etiopia. Les letres i é

ruvades a Mussie Zerai Yosief de pröma, fora dles mans dla jona, che s’â ôt al’Agenzia Habeshia, assoziaziun metüda sö dal medemo Mussie por l’assistënza a chi che damana asil politich y da gnì tuć sö. L’inom Simret é tlermënter de fantasia, por respeté la domanda de anonimat da pert dl’auturia dles letres. Ći che vëgn cuntè oress inće ester na plüra cuntra l’ipocrisia che se sleria fora y proa, dé por dé, da sopelì le drama vit da vigni migrant che lascia söa tera. Anfat cara che

Le cuêrtl dl liber, dè fora da “terredimezzo”. www.lauscdiladins.com

25


Val Badia

nr. 37 / 21 de setember 2012

Sotsas a La Ila Le paîsc da La Ila tla alta valada é ponü ite te na bela tëmpla püch ërta, certlada ite da crëps massifs; a man ciampa s’avërsc sö la munt Gherdenacia che nes condüj tres plö inant cuntra Pöz, munts di ćiavai, di armënć y dles bisces. Mo inće i tlaps de ćiamurc arata l’altaplanüda Gherdenacia so raiun da vire. A La Ila êl naota cotan de paurs, mo la gran pert plötosc de pici; feter düć chisc à dan agn dè sö le laûr che portâ massa püch y é jüs a laurè tl turism o tl artejanat che à albü agn de florida y de chersciüda

La noza de Lois de Sotsas cun Maria de Florino.

Nosta jënt - Sön chësta vara da La Ila i àra plajü ai gragn da se lascè jö y se fà alberch. Jënt de sanch nobl o bröm à fat sö dui de bi ćiastí: le ćiastel Ruac y le ćiastel Colz. Un vëgn bele dant dl 1296 te n urbar de Ćiastelbadia col inom Ruatz mit Falmurkan o Valmurcân – dl 1327 n Jacobus von Robat – l’ann 1412 Zkan von Rubatsch auf der Abtei – dl 1780 Großrubatsch mit Gütl Falkun, Mühle und Sagwerk - Sot Ruaz – dl 1927 Granruaz. Chësc ćiastlin sö Granruac a La Ila é gnü lascè jì ademal y dl 1912 àn messü le trà jö. L’ater ćiastel dit Granćiasa o ćiastel Colz ê dl 1468 de Hanns von Rubatsch zum Stern; plö tert él rové tles mans di Winkhler von Colz zum Rubatsch im Stern. Le ćiastel Granćiasa fej döta orela bela parüda, do che al é gnü restruturé y renovè dan agn daite y defoa dal patrun Otto Pizzinini; da püch ti àn fat n bel tët nü de scianores de lersc. Al stess bëgn laite na sënta de na istituziun culturala ladina; al é le post ideal por organisé manifestaziuns da n cer livel cultural – politich – sozial.

La vila de Sotsas La parora Sotsas significhëia sot le crëp dl sas (Gherdenacia).

Bele dl 1296 êl i lüć Sotsas dessura y Sotsas dessot. Al viô naota a Sotsas dessura cater families: Iaco Sotsas ti à venü so lüch dl 1939 a Engl Valentini da Frenademez Sepl Sorarù Brida à fat dl 1939 na ćiasa dessura – De Giuvani Haninger – chi de Serafin Dapunt. Dl 1990 é la gran pert dla vila vardüda jö. Incö él a Sotsas les ćiases nöies de de André Dapunt – de Markus Valentini (ćiasa y majun) – de Simon Dapoz de Brüscia. Sotsas dessura messâ ester cotan gran, deache le patrun â zacan instës la ćiacia. Chësta é romagnüda na gran pasciun de chi de Sotsas ćina a Serafin. Al â maridé Agreiter Sabina da Ćiampidel; ai à trat sö chisc mituns: Giuvani, Tile, Sepl, Purgl, Maria y Lois. Le lüch da Sotsas laurâ scialdi la uma, deache le pere ê tan apascioné dla ćiacia che al ê feter tres fora por chi bosc cun le stlop a osservé la salverjina. Laota jô tröc cun le stlop (inće adascusc) plötosc dala meseria por i dè da mangé ala familia. Sotsas é n post ideal por jì ala ćiacia, bel sot le bosch de Gherdenacia, i rehli röia feter te majun, les olps ciütia da porta ite, i ćiamurc se tira bele d’altonn cotan insciö por chirì da mangé, é pö l’invern colunch y les pares de Gherdenacia é sighitades da luines.

Lois de Sotsas Al é nasciü dl 1942. Al é jü a scora a La Ila y à albü chisc insegnanć: Eugenio Vinatzer da Fodom, Franz Pizzinini da La Ila y Lejio Lezuo da Col de S.Lizia. Curat ê laota siur Valire Frenes da La Val. Lois ê apëna fora dla scora che al à messü ji a patrun por sté jö dla spëisa; al é rové ite San Ćiascian pro n usti,ulache al l’ à albüda cotan ajia; al ciafâ püch da mangé, scialdi faus; dormì messâ Lois te tiac dala lëgna che an adorâ vigni cuzio por pone sciori y trà fora scioldi. Dl 1964/65 é Lois de Sotsas rové tla Sardegna pro i granatieri, spo a Roma 16 mëisc y dedô a Aquila pro la “artiglieria pesante”. Pro chisc tolôn ma jogn

26

www.lauscdiladins.com

La vila Sotsas dessura da naota.

che messâ ester n tant gragn y ćiarâ fora da gaierć che ai ess tigni fora val’ strabac.

Sura le Brenner fora, mo indô ite Al ê i agn che al manćiâ chilò laûr y lafora chirîn lauranć de vigni sort y i paiâ bun. Dlungia le Achensee (Tirol) che an arjunj da jì da Desproch jö Jenbach y sö a man cimapa él chisc paisc che vir incö scialdi ma dal turism: Pertisau - Eben - Achenkirch y Maurach. Eben é le paisc nadalin de Santa Norburga, la santa da sójora. Da öna na pert dl lech él les gran munts dl Karwendel cun i gragn reviers di cerfs, dal’atra pert la munt Rofan cun deplö lifć. Nia dalunc dal Achensee él Steinberg am Rofan y dailò chirîn fanć y fanceles. Döes jones d’Altonn a Calfosch ê lafora maridades te chësc paîsc; da Pepe Posch da Calfsoch â Lois de Sotsas aldì che an chirî lafora personal. Lois de Sotsas nen â nia bëgndî pisimé y ê jü fora Steinberg a laurè pro le paur Windegg che â na gran stala d’armënć y na gran siëia. Blâ ne chersciôl feter degöna, scemia che Steinegg é ma 1.000 m alt. Lois s’â fat n bun inom che le patrun i confidâ döt tles mans: stala y majun y düć i laûrs alaleria. Do da dui agn é Lois indô gnü a ćiasa, deache al n’â nia la intenziun da sté tres lafora. Al à fà l’ejam da moradù y à laurè trëi agn da moradù pro la firma de Lois Clara a San Martin; Tile, la só de Lois, â maridé le bocà Bino Pedüla y ai ê tl se fà na ćiasa. Pro la firma Irsara Gottfried é Lois stè codî sciöche moradù, feter ćina che al é jü en ponsiun. Lois à dl 1967 maridé la cöga Maria Tavella de Florino de Badia; ai à döes mitans: Roberta y Melanie; chësta laora te botëga y Roberta s’à fat n inom cun scrì rimes; ara à maridé l’artist Lois Anvidalfarëi da Ćiaminades che se lascia gonot aldì ti media. Lois y Maria se god la ponsiun do tröc agn de laûr da moradù y da cöga dla scora. Lois Trebo

La Granćiasa o ćiastlin Colz a La Ila.

Le soldà Lois Dapunt.


nr. 37 / 21 de setember 2012

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

Na bela festa per don Luigi Trottner L preve da Vich à festejà con sia comunanza i 50 egn da l’ordenazion, stata del 1962 te la Catedrala de Comacchio Ciampedel - “Chi sone gé per te?” Gejù ne fèsc a duc chesta domana e de segur no l vel che ge responassane descheche l’é scrit sui libres de catechism, ma l se speta che portassane inant na resposta coi fac. Ence don Luigi Trottner, preve de la parochia de Ciampedel, l se à sentù oujer chesta domana dal Segnoredie, e sia resposta é stata più che mai concreta, defat ai 8 de messèl l’é stat 50 egn da canche l’é stat ordenà preve, l’era l 1962. Dò i festejamenc stac te la medema dì de sia ordenazion, a chi che aea tout pèrt ence l piscop de Cesena e Sarsina mons. Lino Garavaglia e i conscric del 1933 da duta la val, en domenia passèda sia jent ensema con duta la comunanza ge à endrezà n’autra bela festa per l festejèr coche carenea: vidé da la Musega da Vich, i sentadins en procescion, coi Studafech, i gropes de volontariat, la autoritèdes coi ombolc de Mazin e Ciampedel Fausto Castelnuovo e Renzo Valentini, la Procuradora de Fascia Cristina Donei e l’assessor regionèl Luigi Chiocchetti, i à compagnà don Luigi fin sun gejia. Endèna la messa, conzelebrèda con l decan de Fascia don Giuseppe Da Prà e Padre Simone, col didament del diacon da Vich Antonio Ghetta e viventèda bel delvers dal cor de

Don Luigi Trottner con l decan de Fascia don Giuseppe Da Prà e i ombolc Renzo Valentini e Fausto Castelnuovo.

L moment zentrèl de la zelebrazion eucaristica per i 50 egn de don Luigi.

gejia de Ciampedel, che à ciantà ence per ladin, don Luigi à uzà fora l don del sacerdozie e l se à augurà che etres joegn posse ge jir dò a chela strèda e ge dedichèr sia vita al Segnoredie. No l’à mencià de sotrissèr che enceben che l’era la festa per si 50 egn da preve, anzi miec “sacerdote - l’à dit - che vel dir chi che gestesc la robes sacres, l soul e unich da festejèr l’é l Segnoredie”. Te la perdicia don Giuseppe à recordà chel che l’é dò che sozet tel mond islamich, en cont de la ofenuda per l film su Maometto: i musulmegn à dit che Maometto no se l tocia, l’é ben vera - l’à dit l decan - ma no ge vel tocèr nience l

perdices, l’à dit con ironìa don Giuseppe. Anter i sacotenc recognoscimenc per chest emportant cedean, no l’é mencià la benediscion apostolica de Papa Benedetto XVI e i augures del piscop de Trent mons. Luigi Bressan. A la fin l’é stat don Luigi che à portà dant si rengraziamenc: dant dal dut al Segnoredie per ge aer dat la parochia de Ciampedel, e tel recordèr duc chi che ge é stat apede e che l’à didà, l’à volù nominèr Giorgio Lazzer, che l’é 60 egn che l fèsc l sacrestan, e ence Padre Hugo, preve e medico a Kimbondo, che chisc dis passé - l’à dit - l’à padì na violenza, i ge à robà scioldi e i ge à

Segnoredie, e l se à out con paroles zaches ai fascegn acioche i defene sie Die con la medema determinazion di musulmegn. L’é nosc cher tebech l perìcol, no i musulmegn - l’à enjontà. L vize president del consei pastoral de Ciampedel, Gabriele Lazzer, a inom de dut l consei l’à rengrazià de vif cher don Luigi per dut chel che l’à fat e l fèsc amò per sia parochia, en particolèr per sia capazità de arvejinèr i bec a la gejia. Desche segn concret de recognoscenza l consei à volù ge sporjer n computer, che l podarà ge esser de ùtol te sia atività da duc i dis... adertura col program per la

ence dat. Fenì la messa duc se à binà jun Ischia olache la Musega da Vich à portà dant dotrei sonèdes endèna che vegnìa enjignà l’aperitif a l’averta e na bona marena per duc chi che se aea enscinuà. Via per l domesdì l’é stat moscià na lingia de retrac che à contà i momenc più emportanc de la storia religiousa de don Luigi, da la messa de l’ordenazion te la Catedrala de Comacchio a la messa noela zelebrèda a Sèn Jan fin a la messa di 8 de messèl passé te la gejia di SS. Felip e Giacum e la festa é jita inant con n bon conech de torta. (cri.m)

Don Luigi, da Vaccolino a Ciampedel Aon volù cognoscer mìngol miec don Luigi Trottner, che à festejà si 50 egn da preve Can él nasciù Voscia vocazion? Don Luigi Trottner: “Jà da pìcol aee la gran voa de doventar preve, canche aee 5 o 6 egn dijee messa, i barbesc me aea comprà i calesc, le ampoline e na pìcola desmostranza, metaane ensema fazolec da femena per far na sort de pianeta. Dapò con mie jermegn, che stajea jubas, dijee messa, pardiciae, e ogne tant i se ciapaa ence na sćiavatada se no i stajea ascorc!... me recorde che confessae tedò fornel. Endana la vera mia mare no la me à lascià jir a studiar da preve, percheche la dijea che l’era n rebalton daperdut. Dò la vera l’era vegnù i comboniani e i me aea envià a jir con ic, son jit a Fai de la Paganella e dapò a Trent, a Muralta, a far i prumes trei egn de seminarie. Dò son jit a Brescia olache é fat l ginasie, e a Firenze 2 egn per l liceo, e i ùltimes egn i é fac a Verona. Dò me é malà, e i me à dit sobito che no podee più jir en miscion, coscita ge é domanà a Trent al Piscop se podee vegnir azetà desche preve e l me à dit de domanar te na diozesa pureta olache i aessa abù de besegn. El l cognoscea l Piscop de Comacchio, Giovanni Moccellini, l ge à domanà se podee jir ló e i me à sobito azetà. A Trent jìe inant coi studies de teologìa te seminarie, ma endana i me à domanà de jir a Comacchio a far l’assistent di seminarisć minori, coscì é fat i ùltimes doi egn lajù e vegnìe a Trent a far i ejames doi oute a l’an. Ai 8 de messal del ’62 l Piscop me à ordenà preve. Aee 29 egn. Mia messa noela la é dita ai 15

de messal del ’62 a Sèn Jan.” E dapò olà siede ruà? “Dò nience 3 meisc i me à manà a far l capelan a Mezzogoro, en provinzia de Ferrara, olache son stat n an, e dapò a Vaccolino, e aló son stat 18 egn. Canche son ruà l’era dut sotessora, te calonia l pievea ite e no l’era fogn, te portech l’era sabion. Ence la gejia la era metuda mal: demò i mures e daìte nia de artistich. L’era n muie tumech, aon scomenzà a fedrar i mures de larsc, aon fat far l’utar, l tabernacol e l’ambone a Ortijei, ma dò i à cognù tor demez béleche dut, percheche col gran tumech l doventaa da mufa.” Erel na comunità parochiala grana? “Na comunità de 1.000 aneme, ma n muie slariada fora, fin a 10 km dalonc, fin al mar. Jie ence su le spiage de domenia d’istà a dir messa. Me é troà ben lajù, fajee catechesi per 90 bec de domenia te gejia e i me animaa la messa co le ciantie che ge ensegnae. L’era bachegn, ma co na gran meseria e se i aea de besegn ge enjignae ence tera da coltivar. Jie a Ferrara da valch deputat o senator a ge domanar se i podea ne didar. Me recorde che na uta son jit a Roma percheche saee che l’era l’onorevol Spagnolli che l’era minister de le poste e telegrafes: a Vaccolino no aane ofize de la posta e eraane dalonc dai zentres, e son jit a ge domanar se l ne lo dajea. Me é prejentà desche n preve trentin che aea de besegn

Canche l’é stat da meter a post la gejia, con mi pare son jit tel Sudtirol olache l’era sie a domanar bree e n’aon portà ju n camion. Dapò son jit da Grigolli a ge domanar de poder aer i traves de legn per far l cuert de l’abside, e l me aea fat na letra per jir a Pardac, olache i me à dat dut chel che durae. Mìngol a la uta aon fat ence le fenestre con su de beliscime fegure.”

de rejonar con el, l me à tout dant e l me à dit che l ge aessa fat sobito n telegram al diretor de le poste de Ferrara: te l’afar de n meis aon abù l’ofize de la posta.” Can siede ruà te Fascia? “Dò 18 egn é sentù l besegn de vegnir en su e ge é domanà a Monsegnor Visintainer, che l’era l vicarie general. Enlouta don Pio l cognea jir a Cianacei e l’à domanà che i ge mete valgugn per Dèlba e Penìa, coscita son ruà te Fascia. Son stat ta Dèlba e Penìa n an, dapò don Pio no l’à podù vegnir a Cianacei e coscì i me à domanà se volee jir aló. Son stat 18 egn e del 1999 son ruà a Ciampedel.” Co Ve troade a Ciampedel? “Me troe dassen n muie ben, l’é na tradizion forta fasciana che vegn portada inant. Dapò l’é na gran colaborazion de la jent, é 24 catechisć, n muie de animatores che me deida coi joegn e 32/33 servidores. Ades é 79 egn, ma me sente amò en forza a jir inant.” Che recorc aede de canche eraade a Vaccolino? “A Vaccolino é scomenzà a scriver poejìe. N’é scrit n muie sun chest post e ence che rejona del solentum che proae, percheche fin del ’71 son stat béleche semper soul, me menciaa mia familia e mie paìsc e me scutae valch ciantia da mont da l’encresciujum. I me à domanà coche é fat a star te chel post tant de temp, ma canche se é joegn se azeta dut.

Don Luigi Trottner endèna sia messa noela.

Chel che me à portà col camion a Vaccolino l prum dì, l me à dit “Se tu fosse mie fi segur che no te lasciasse chiò”. Sobito é cognù ge telefonar su a mi pare e a mi fra Lino che i vegne a me meter a post amàncol l cuert e serar i fregolares averc. No l’era cesci, giusta na turca. Mia mare la é stata ju dal ’63 fin de mé del ’64 e dapò no la se à più sentù più de star aló. Per trei egn l’é vegnù na femena a me far i fac via per l dì e a me far da marena e da cena, dapò son stat soul per autres cater egn. I me chiamaa “Don Gigi”, i me trataa desche un de ic. Canche jie a benedir le ciase e le stale i me fermaa semper a star a marena con ic. Scioldi n’era pec. De spes é cognù domanar didament a la segnora Ambrosoli ajache gio cognoscee so fi che l’era n chirurgh combonian, aee studià con el. La segnora me à semper dit “Te mane chel che aede de besegn, jì sobito a paar percheche n preve no ge vel che l’aesse debite”.

Aede abù momenc senestres? “Desche preve gio no me é mai sentù demoralisà, son semper jit inant. Me vegnìa ben le lagrime valch outa te gejia canche pardiciae, ma no me é mai destrametù. L’era na gran meseria, ence noi desche preves ciapaane pech e dapò se vardaa de tegnir cont per far i lurieres te parochia. Canche é abù apede Livia (dal ’71) é abù n gran didament, l’é semper stat per me desche na sor. A Vaccolino no la se cruziaa demò per me, ma la jia ence a portar i bec al mar, la vardaa de didar mìngol duc, descheche la fasc chiò.” Che Ve augurade ades? “De poder dar amò tant desche canche ere jon. Sente fisicamenter l peis di egn, ma la gaissa la é restada semper grana. Spere che l ciaf reste semper bon e che l Segnoredio me dae amò sanità per n pez. Son stat 18 egn a Vaccolino, 18 egn a Cianacei e spere de n far amàncol autres tenc a Ciampedel.” Intervista de Monica Cigolla www.lauscdiladins.com

27


Fascia

nr. 37 / 21 de setember 2012

Comun general: aministrazion, ma no demò La Procuradora Cristina Donei rejona de l’atività e i obietives del Comun general de Fascia, che se concretisea ence te la festa “La comunanza sa mont” chesta domenia sun Ciampedìe Fascia - “Co fajone a ge far entener a la jent de Fascia dut chel che sion dò che fajon?” disc la Procuradora del Comun general Cristina Donei. “No son bona de capir: noi ades aon tout sù n muie de autre competenze, fajon de più de chel che fajea dant l Comprenjorie, ma dant nesciugn se lamentaa, ades enveze duc é semper vertesc a dir che no se fasc assà.”

Che fajel donca ades l Comun general? “Ben segur l’é dute le costion aministrative – disc Cristina Donei - e te chest moment dant da dut l’é l Piano Stralcio per la viabilità e mobilità. En mercol ai 26 de setember cognon jir con i ombolc de Fascia a na scontrada a Trent con l’assessor Pacher, per rejonar fora amò i mudamenc domané dai comuns respet a le proponete che era vegnude da la Provinzia. Se spera de poder pear via prest con valch da concret: segur la priorità l’é la circonvalazion

anter Ciampedel e Cianacei, ades che le doi aministrazion à dezidù l percors definitif, che l’é stat mìngol mudà, e aldò de chest se podarà jir inant ence con la pista per le rode da Fontanac enscin ta Penìa. Dapò sion dò a far ence l document preliminar al Pian teritorial de Comunità, e per chest l’é stat envià via na analisa sozioeconomica scutan sù i operatores e raprejentanc de categorìe e istituzion desferente, per veder i besegnes e problemes e dapò troar fora le strategìe per valorisar nosce spezifizità soziale, culturale, economiche e ambientale. Aon endrezà ence n percors per i operatores con doi scontrade, su paesaje, pianificazion, svilup responsàbol e politiche turistiche.”

“Far comunanza” “Peisse che l Comun general – disc la Procuradora - no abie demò enciarie aministrative, ma che anter si obietives sie ence chel de tegnir ensema la comunanza per la far doventar più forta. L’é

per chest che aon metù a jir la festa “La comunanza sa mont” chesta domenia sun Ciampedìe, che met ensema più obietives. Un l’é chel de ge sporjer n rengraziament e ge dar n moment de luster ai studafech, i omegn del socors e duc i volontadives de noscia val, olache l’é amò na gran sensibilità envers l volontariat che à da vegnir valorisada. Dapò volon arvejinar la comunanza a la mont, ge dar na ocajion per star adum, e far ence n moment de formazion, ajache chel de la formazion l’é l leit motiv che l Comun general se à metù dant chest an. Coscita peon via da mese le 10 con le manovre de studafech e socors, dapò l’é la messa, per no desmentiar ence la religiosità de noscia comunanza, e la marena per duc, percheche saon che na comunanza la doventa più forta con chisc momenc: sora desch se stasc ensema, se rejona e se crea o renforza raporc, donca se fasc comunanza. L domesdì l’é stat pissà n moment de formazion,

proprio tel cher de chest raion doventà patrimonie de l’Umanità, per cognoscer miec l Ciadenac e nosc patrimonie, e esser responsaboi de chest ben che aon. La marena vegn sporta a duc chi che se enscinua al più tart en vender te Comun general: ai volontadives pisson che sie de giust che l Comun general posse ge la sporjer, per i autres aon domanà sponsor, e cognon rengraziar ence la sozietà di impianc Catinaccio che ge dasc l met a duc de jir su per nia.”

N uton vardan ai joegn e a la jent de età Na veièda particolèra l Comun general l’à per i joegn. L’é stat endrezà desvaliva scomenzadives, desche l projet “Job trainer”, e dapò per ejempie doman sabeda ai 22, per endrez de duc i assessorac al sozièl di Comuns de Fascia, l’é stat envià ite duc i conscric de la val, percheche i posse se passèr na giornèda duc ensema, ence per i responsabilisèr tel moment che i

rua a la maor età. L’é pervedù na roda a pe sui troes de la gran vera e da sera te tendon de Vich n piat de pasta ensema, l don a duc de la Costituzion e dapò festa coi Alpenboys. “L’é na pruma esperienza – disc Donei - e ence chesta vegn fat apontin per tegnir ensema e responsabilisar i conscric a livel de val.” No vegn ampò desmentià nience la jent de età, per chela che chest uton vegn endrezà ence te la Val de Sora scontrèdes su temes desche l’Alzheimer e l mèl dal zucher, e dapò ades cogn peèr via l servije de trasport con la Crousc da duc i paìjes per portèr la jent de età a far i prelieves de sanch al distret sanitèr de Poza. Te curt temp dapò l Comun general arà n auter moment emportant per ge fèr cognoscer a duta la comunanza sia atività con la Gran radunanza che vegnarà endrezèda via per de otober e olache se spera che duc chi che no sà che che fèsc l Comun general posse tor pèrt. (lg)

N leam de amicizia e musega La Musega Auta Fascia, dò ge aer dat alberch l’aost passà a la Filarmonica de Crespan del Grappa, é jita enstadì tel Venet per renforzèr la fradaa

L president Enzo Rovere e Mariano Lollo endèna la sonèda “Heidi”.

Cultura - A la fin de chesta sajon de conzerc rica de apuntamenc, che à vedù la Musega Auta Fascia jir stroz per duta Fascia, fora per Fiem e ence stroz per l Trentin, l’é segur giust rejonèr del prezious scambie culturèl che chesta joena istituzion musicala trentina à abù con la Filarmonica de Crespan del Grappa. Enceben se metuda sù da pec egn, la Musega Auta Fascia, che tol ite musicisć da Cianacei, Ciampedel e Mazin, l’à sperimentà desvaliva esperienzes de conzerc che ben segur i l’à fata crescer tant dal pont de veduda de la musega, che da chel de la cultura. Dut chest de gra a la zaca organisazion de so president Enzo Rovere e de dut l diretif, che te chisc egn l’à portà dant con determinazion n gran lurier acioche dut podesse jir al miec, ma ence de gra a l’endustrious maester Paolo Rasom che l’à sapù tor ite museganc e publich con so program rencurà sibie sot l’aspet de l’esecuzion che del spetacol portà dant endèna la sonèdes.

28

www.lauscdiladins.com

La Musega Auta Fascia, con bandierèl e Marchetenderes, te Piaz tedant al Dom de Crespan del Grappa.

La Filarmonica de Crespan Te chest’ùltima sajon la Banda fascèna à abù l met de se confrontèr con na sociazion musicala de nonzech: la Filarmonica de Crespan, na musega con n passà storich de aut livel che vegn cà da la data de sia fondazion, dal 1823 (l’é ence chi che disc che la é nasciuda dant) e da n curriculum musical de gran spessor tant per la capazitèdes di maestres che ti egn i l’à reta, che per si componenc, la maor pèrt de chi che à troà te la musega ence na profescion tolan pèrt a conzerc de nonzech e sonan ence ti gregn gropes de musega. Aldidanché, la Filarmonica de Crespan, che tol ite presciapech 60 musizisć, la é vidèda dal maester Diego Bortolato e dal president Federico Campagnolo. Dal 1999 l’à dat fora trei publicazions e doi CD, da ùltim, un dedicà al 150° Cedean de l’Unità de la Tèlia. Te sie curriculum se troa desvalives

conzerc emportanc e la partezipazion a n muie de concorsc publics, ma segur l’é n nonzech per ic esser la pruma Banda tel mond, del 1997, che à sonà te la Basilica de Sèn Piere tel Vatican, tedant al Beat Jan Paul II.

La naa de la fradaa L’ocajion che à portà a chest scambie culturèl l’é stat l’enconter telefonich anter i doi presidenc, che i à abù l met de se cognoscer de gra a valgugn di componenc de la doi museghes che ti egn passé à abù l medemo passà profescionèl e musical te la Scola Alpina de la Guardia de Finanza de Pardac, canche amò te chest setor de istruzion l’era la Fanfara. Dò chest prum contat se é rué a envièr la Filarmonica te noscia val, che é vegnuda ai 19 de aost de chest an, canche ge é stat dat azet con n conzert te tendon jun Ischia a Ciampedel a chel che ge é jit dò n moment per stèr ensema sun

La Filarmonica de Crespan del Grappa era ruèda te Fascia tel meis de aost.

Rodela ló dal Refuge Des Alpes, olache la Filarmonica à portà dant n conzert a l’averta tedant ai maraveousc monc de Saslonch, Sela e Pordoi. Dò chesta bela dì la Filarmonica de Crespan l’à volù reter l’azet envian la Musega Auta Fascia en domenia ai 16 de setember a Crespan, olache i sonadores fascegn é stac azeté con gran piajer dai amisc venec. Dantfora i à podù se beiver zeche duc ensema e dapò la Musega con bandierèl e Marchetenderes, duc con si bie colores de la mondures, i à sonà stroz per la strèdes del zenter de la zitadina enscin te piaz, tedant al Dom, e i à fat dotrei sonèdes su per la scèles del sagrà. Dò la Musega Auta Fascia é stata portèda a marena te n bel post, olache apede al magnèr tipich se à podù se goder ence na vijita al Santuarie de la Madona del Covolo, fat su del Treicent aldò de na aparizion de la Madona e la varijon che l’aea fat su na beza sordemuta.

Via per l domarena, tedant a n gran publich de jent dal post, l’é stat portà dant n bel conzert a l’averta vejin al Piaz, ló da l’oratorie de Crespan olache l’é stat ence l moment ofizial del scambie de la fradaa con i raprejentanc de la doi museghes e con l’ombolt de Crespan che à aprijià chesta amicizia, emportant scambie culturèl. Chela de en domenia l’é stat na dì vivuda da duc con legreza e gran sodesfazion, spervaji da aer fat n auter vèrech emportant te la storia del joen grop, che spere l’abie n lonch e bon davegnir, rich de suzesc e gran sodesfazions. Per chest la Musega Auta Fascia vel rengrazièr duc i enc aministratives e comerzièi che à dat l met, con so patrozinie e con sia colaborazion, de realisèr chest emportant enconter te Fascia e che i à desmostrà na gran sensibilità ti confronc de l’atività culturèles e sozièles del paìsc e de la val. Mariano Lollo


Fascia

nr. 37 / 21 de setember 2012

Sa mont coi eies di polins I istrutores de la Polizia de Moena à compagnà n grop de verces de Chiavari a fèr raides e a cognoscer nesc paesajes

L grop de verces coi istrutores sa mont.

Te la setemèna dai 2 ai 9 de setember passé l’é ruà a Poza, ghesć de l’alberch Antico Bagno, n grop de la sezion intercomunèla de Chiavari de Union Verces e Ipovedenc Onlus. Chest grop l’é stat compagnà te sia raides sa mont da n grop de istrutores de la Polizia de Moena. I é jic ti Munciogn e i più ardii fin sun Taramelli, dapò i é jic sun Ciampedìe, vèlch un a pe da Valongia e vèlch un co la forenadoa e dapò na dì fin sal refuge Vaiolet. I é stac compagné ence sun Ciampac, ence chiò valgugn é jic co la forenadoa, enveze n auter grop se à enarloà fin sun Bufaure e dapò da aló i é jic sun Sela Brunech e via te Ciampac. Per ge

L grop de Chiavari é ruà ence sun Ciampac.

fèr cognoscer ence mìngol de storia e cultura locala l grop é stat compagnà a vijitèr l Molin de Pezol. La presidenta de la sezion de Chiavari de l’union verces e ipovedenc Cristina Minerva ge à manà chisc dis passé na letra a la stazion de Polizia de Moena per ge sporjer “n fort develpai e n braciacol recognoscent per la beliscima emozions e per l bon cher desmostrà. Sarà n piajer recordèr la simpatìa, la creatività, la solidarietà e l’umanità de duc voi etres che ne aede compagnà sa mont – à scrit la presidenta Minerva. La delicateza de ogne vosc comportament, ence canche ne aede dat la man, ne à dat forza

e sostegn. Aon troà te ogneun de vo competenza, altruism, braùra, ma soraldut la magica capazità de mudèr no s cia de s v aliv a personalitèdes te n grop adum e zach. Develpai a duc de ne aer dat l met de ge fèr front a noscia malsegurezes col grignot e con maor fiduzia, segures de noscia possibilitèdes de suzess. L scur e la moza che compagna noscia esperienzes de verces se à empienì de neva lum che voi, con semplizità e didament spontan, aede empeà te nesc, più o manco segures, vèresc sun voscia beliscima monts. Speron che la Istituzions posse sostegnir ence tel davegnir chesta esperienzes per nos coscita emportantes da

***** L cianton de l'Union***** Jir a gejia forin Baissiston En domenia ai 30 de setember vegn renovà l veior rit al Santurie de la Madona. L’Union di Ladins met a la leta i trasporc Pelegrinaje - L pelegrinaje forin Baissiston l’é da semper n moment de gran spiritualità, l’ocajion per la comunanza ladina de se troèr ensema e ge sporjer a la Madona di Dolores cruzies, speranzes e rengraziamenc, palesan sia fe fona e sćiantiva tel veior Santuarie marian. Descheche se sà i fascegn vegn envié a jir forin Baissiston doi outes a l’an, d’aisciuda col Decanat de Fascia e d’uton co l’Union di Ladins che se à semper dat jù percheche la veiora tradizion de nesc aves de jir a gejia forin Baissiston no se morentee via. Ence i frati del Santuarie à semper abù gran atenzion envers i Ladins, e ence en ocajion de la Via Matris, che se à tegnù en domenia ai 16 de setember, l’é stat envià i ladins a portèr dant sia orazions ence te nosc bel lengaz.

La Via Matris de Baissiston La Via Matris, per i Servi de Maria che vèrda via l Santuarie, la fèsc pèrt de la Via Crucis, desche na sia integrazion.

L’obietif prinzipal l’é chel de jontèr apede a la Pascion de Crist ence chela de Maria, vedan ti “set dolore s” de la Verg in, iconograficamenter raprejenté te set śabies, sie gran padiment. Tel Santuarie de Baissiston l’é stat metù fora set depenc de l’artist da Verona Ismaele Chignola e vejin a l’ùltim l’é stat scrit la frasa: “O voi duc che passède sun chest troi, vardà se l’é n padiment gran desche l mie” che l’é l’envit a chi che passa de se fermèr e conscidrèr l padiment de la sacotanta mères del mond che pel ge someèr a chel de Maria. En ocajion de la Via Matris la conseieres de l’Union di Ladins de Fascia Nadia Iori e Sara Riz à let jù vèlch orazion per fascian.

La Via Crucis di Ladins L’apuntament maor de l’uton l’é purampò l’ùltima domenia de setember. Chest an l veior rit de jir a gejia forin Baissiston vegnarà renovà en domenia ai 30 de setember per endrez de l’Union di Ladins de Fodom. Se pearà via da les 10.00 co la Via Crucis di Ladins che ponta demez dal Masc Kehr fora Neva Todescia. Fèr la Via

Crucis a pe l’é n moment de orazion e reflescion n muie fon, che fèsc sentir i pelegrins più apede al Segnoredio. La Via Crucis ades é stata completèda deldut da man l’Union di Ladins de Fascia che, de gra a la desponibilità e la gaissa del conseier Ermanno Winterle, à fat meter jù amò l’an passà ence doi neva tabeles su la strèdes co la indicazions per ruèr a la Via Crucis, una aló dal crousdevìa dò l Bar Arche e l’autra dò l Masc Kehr. Ence chest an Ermanno se à metù a la leta per fornir su i capitìe coi fiores e per derturèr l troi. Donca l program perveit, do n pìcol marindel, da les 13.45 la procescion da la Ciasa di Congresc, se jirà te gejia a ge fèr omaje a la Madona con cianties e da les 14.00 sarà la messa a l’averta ofizièda dal Scior Vito de Vido. La Banda da Fodom e l Cor de gejia Sènt Iaco sonarà e ciantarà la “Missa pro pace”. Da les 15.30 sarà n pìcol conzert de la Banda da Fodom.

doventèr n sostegn de promozion umana.” Segur na bela esperienza che restarà tel cher del grop de persones

desabilitèdes ruèdes da Chiavari, ma ence tel cher di istrutores de la Polizia, che fèsc de chest mestier, na miscion fata col cher. (mci)

Che bel jir sa mont!

Union di Ladins de Fascia Strèda de la Pieif 10, Sèn Jan, Vich Telefon e fax 0462 756545 e-mail: union@ladinsdefascia.it oraries al publich: dal lunesc al vender da les 8.30 a les 12.30 e da les 14.00 a les 18.00

met a la leta debant i trasporc, ma chisc vegn endrezé demò se l’é n cert numer de domanes. Un pulmin pontarà demez da Moena da les 6.30 da doman e l fermarà ence a Sèn Jan, per portèr la jent fin fora l lech de Ciareja, da olache se pel jir forin Baissiston a pe. Chi che volessa se jontèr ite ge vel che i ge fae a saer a Luisa Costa Parolot, al numer de telefon 0462.573731. N’autra coriera pontarà demez da

Fascia entorn les 9 per ruèr fora al Masc Kehr per les 10.00, per chi che volessa fèr a pe demò la Via Crucis. N pulmin pearà via enveze da Fascia do les 12 via, per ruèr forin Baissiston per la messa. Chi che vel se n emprevaler del trasport i cogn chiamèr te ofize de l’Union di Ladins a Sèn Jan, tel. 0462 764545, dant da mércol ai 26 de setember. (mci)

Informazions per jir fora a pe o co la coriera Duc i fascegn é envié a tor pèrt al pelegrinaje. L’Union di Ladins

N moment de la Via Crucis di Ladins de l’an passà.

www.lauscdiladins.com

29


Fascia

nr. 37 / 21 de setember 2012

Segnes de noscia fe enlongia strada A Soraga chisc dis l’é stat benedì doi capitìe: chel de Sala, refat nef desche n’outa, e chel de Garghele, fat sù l’an passà dal Comun

L capitel de Sala, batù jù del ’65, l’era stat fat sù de legn acà 35 egn.

L grop de “chi de Sala” con don Erminio apede al nef capitel.

Con l’ocajion l’é stat benedì ence l capitel de Garghele, dedicà a la Madona col Bambin.

Soraga - En vender ai 14 de setember dì de la “Senta Crousc” ta Sala, sun Soraga de sora, l’é stat benedì n belot capitel, fat sù endò da nef descheche l’era. L capitel de Sala l’era stat fat sù de mur a la fin del ’800, tirà jù del 1965 e fat sù endò da nef de legn da Paolin Decrestina da Palua per voler de Domenico Pederiva “Goto” del 1977. Descheche l’é stat dit tel moment de la benediscion, ge va sport n gran divelpai a duta la jent che à volù che vegne fat sù chest capitel descheche l’era chisc egn, a duc chi che con bona man à lurà, a chi che à paià le speise e a chi che se à dat jù a scuf. Ence chest l’é n pìcol ma

fon segn de noscia fe, de nosce tradizion e soraldut n fort segn de devozion envers chest Crist, che se se augura l varde via nesc pìcoi, nosce familie e nesc velges. Da ultim no podaane no recordar e prear nesc morc, soraldut chi da Sala, che arà tant preà enjenelgè jù davant chest capitel e che ades da Colassù i ne varda via. Don Erminio à benedì l capitel e dò chesta gustegola compagnìa de “chi de Sala” à festejà chest bel moment, encornijà da na beliscima giornada da d’uton. Jà che se era dò, se à preà don Erminio che l benedesce ence l capitel de Garghele, fat sù l’an passà per voler de l Comun de Soraga,

ence chest a recort del velge capitel batù jù e mai più refat sù. Se tel capitel de Sala l’é ite n Crist, chiò troon ite na Madona col Bambin, a recort de la “Madonna del Parto” tant preada da nosce mare e da nosce ave. Con chisc capitìe fac sù sun Soraga de sora, se pel dir che ades ogne cianton de Soraga l’é fornì da so belot capitel o pìcola gejia. N divelpai l va ence a chi che se tol sora dut l’an d’i rencurar e d’i fornir con fiores e i ge empea semper sù na ciandela. Speron che Chel de Sora l varde via nosc paìsc e soraldut duta noscia jent. Manuela del Baila

Chi él pa? Soluzion del retrat su La Usc nr 36 del 2012 Su l’ùltim numer de La Usc aane publicà n retrat de scolees che ne era stat portà da Marco Detomas de Pantalion da Sèn Jan, che l ne à dit che l’era n retrat fat da Guerineto Calligari a Sèn Jan, tedant a la calonia. L’é sù n grop de scolees de la scola populèra de Vich, che enlouta i usèa tor jù a la fin de l’an de scola. No saon giust l’an, ma i ne à dit che podessa esser i scolees dal 1928 al 1930 te l’ùltim an, e donca l retrat fossa stat fat a la fin di egn ’30. A responer, apede al

medemo Marco, l’é stat ence Giuseppina Rossetti, Lino Soraperra Medico e Adele Pollam del Maester. Sul retrat l’é: 1. Luigi Pollam de Ciascian; 2. Paola Detomas del Monech; 5. Giulia Trottner de Focol (per Marco), enveze per Lino fossa na Solar; 6. Aneta Trottner, sor de don Luigi; 7. Mariota Chiocchetti maridèda Lastei, da Larcioné; 8. Bepina Ghetta “Mula”, femena de Marcello Murer; 9. na Ghetta da la Filo; 10. Rita de Serafina (del 1930) maridèda ja Moena (per Marco), enveze per Lino fossa na Zanet in 23

4

20 3

18

16

10

www.lauscdiladins.com

6

14 15

1

3 5

7 9

11 12 13

30

4

2

5 2

ladinsdefascia.it. Ve recordon che chi che ne dèsc la resposta giusta o troa fora amàncol la maor pèrt de la jent sul retrat i ciapa en don n liber o n CD de musega, sporc da l’Union di Ladins de Fascia. Desche semper ve envion ence a chierir fora i retrac veies che aede te vèlch crigna e ne i portèr te redazion a Sèn Jan, olache podon i tor sù col scanner e ve i dèr de retorn sobito; a chesta vida ne didède a viventèr chesta rubrica.

27

17

19 8

6

Ghetta de Martin; 24. Antonio Deluca de Canucia; 25. Luigi Calligari de Futerle; 27. Giovanni Trottner de Lonch. Ge sporjon n bel develpai a chi che ne à didà ence chest’outa a meter ensema na mizàcola de noscia storia, e enstouta ve meton dant n retrat de familia che vegn da Poza. Ve preon, ajache cognon serèr sù l sfoi jà en lunesc, de ne dèr voscia resposta al più tèrt per en lunesc da mesdì te redazion, ence per telefon o fax al 0462.764545 o per mail a la direzion lausc@

25

24

21

22 1

26

Davarda, sor de Alberto Ciat; 11. Carmen da la Filo (per Marco), per Lino enveze l’é na Calligari e no pel esser Carmen, che la é del 1924; 14. per Adele podessa esser Gino Lorenz de Meca, maester d’èrt; 16. Giulia Detomas de Zecol; 18. Olga Pederiva de Romedi; 20. Cati Cigolla, mare de Elio (per Marco) o Carlotta Detomas Zelghera da Poza (per Lino); 21. Enrico “Rico” Pederiva de Vigile (per Lino e Giuseppina), o Luijio Tamion dal Faure (per Marco); 22. l maester Valantin Pollam; 23. Marcello


Sport

nr. 37 / 21 de setember 2012

L Fascia se vadagna trei ponc Te na bela partida, che ge à dat lèrga ence ai joegn, i fascegn à batù l Verla

Nicolò Cincelli à defenù ben la rei fascèna.

Balon 1^ cat. - Se cognea venjer e coscì l’é stat. Dò aer perdù l derby col Fiem, jian dassen mèl, mister Cigolla ge aea domanà a si jiadores na proa de coraje e gaissa che portasse i trei ponc, e no demò chi: ence e soraldut convinzion te la capazitèdes de vigni jiador e de dut l grop. L resultat de un a nia, lascia entener che i trei ponc i é stac arjonc, ma no fèsc a saer de coche à jià la squadra de cèsa. Emben, se à vedù n bon Fascia, che é pontà via sobito, descheche l’era stat domanà, con gran gaissa, giusta per ge fèr capir ai ghesć che no i sperasse de se n jir dal Cotura de Vich contenc. L pont de la venta l’é ruà dò diesc menuc canche, aldò de na trata de Matteo Cigolla che à ciapà i doi remenac, Bolgiani à proà a rebater l balon te usc ma, falan la mira, l’é vegnù fora n passaje per

Brigadoi, che da doi pasc no l’à podù falèr. Vadagnà l vantac, i ladins no à lascià ló de jièr, descheche sozede de spes, alincontra i à seghità a chierir de jièr a na vida ofensiva, purampò zenza entoronèr l resultat. Da l’autra man del ciamp i defensores fascegn à vardà via ascorc i atacanc del Verla, che mai ge à dat pensieres a Cincelli. Tel secondo temp, passé chinesc menuc, i bec de cèsa à scomenzà a sentir mìngol la fadìa del tant corer di prumes carantacinch de jech, e i se à trat mìngol endò, ge conzedan vèlch ocajion ai cembrans. Bon che l portier fascian no l’era stencià, ajache no l’aea abù n gran lurier dant, e l se à fat troèr semper vertech, soraldut su na trata da cet da fora de l’area che la jìa dreta tel cianton aut. Sun chesta, Nicolò l’é dassen sgolà, desche l mior Gigi Buffon. Ence se a la fin l’à mìngol tribolà, l Fascia à merità de venjer e se à podù veder che se pel seghitèr a ge dèr fiduzia ence ai joegn, desche Giovanni Deflorian, Michael Pezzei e Bruno Amplatz, che contra l Verla i à fat dalbon na bona partida.

Squadra mendres La squadra mendres à portà demò na venta te cèsa Fascia: i Juniores per 3 a 0 contra la Vigolana (doi goi de Kevin Giuliani, un de Nicola Varesco). La Eles e i Giovanissimi à perdù 5 a 0 e i Arleves à perdù 4 a 1. En domenia ai 23 de setember, la pruma squadra del Fascia jiarà n’autra partida senestra, de contra

al Piné, da mesa les cater. Semper en domenia sa Vich i Arleves jiarà da mesa les unesc contra l’Ortigaralefre. Doman, sabeda ai 23, la Eles jia sa Vich contra l Voran Leifers da mesa les ot da sera, la Juniores da mesa les sie contra l Roncegno e i Giovanissimi da les cater contra l Verla. Cristoforo Debertol Fascia – Verla 1 – 0 (gol de Stefano Brigadoi) Formazion Fascia: Nicolò Cincelli, Matteo Cigolla (35 s.t. Nicola Rizzato), Giovanni Deflorian, Cristoforo Debertol, Manuel Bernard, Bruno Amplatz (35 s.t. Camboni), Davide Bosin, Michael Pezzei, Patrizio Cigolla, Stefano Brigadoi, Simone Bolgiani. Alenador: Luciano Cigolla Classifica 1. categorìa jiron C Fiemme 3 partides 7 ponts Fascia 3 partides 6 ponts Piné 3 partides 6 ponts Aquila Trento 3 partides 6 p. Calceranica 3 partides 4 ponts Povo Scania 3 partides 4 ponts Ortigaralefre 3 partides 4 p. Dolomitica 3 partides 4 ponts Telve 3 partides 4 ponts Verla 3 partides 3 ponts Vattaro 3 partides 2 ponts Cauriol 3 partides 2 ponts Valsugana 2 partides 1 pont Bolghera 2 partides 1 pont

La seria negativa va inant, indô pordü Trëi partides śogades, trëi de pordüdes. Che chësc secundo campionat te secunda categoria metess man insciö ne s’ess bëgn degügn aspetè Palê Val Badia - 2a cat. Gnanca cuntra la buna y da n jüch asvelt scuadra da San Laurënz ne àn albü na poscibilité da fà n bun resultat. La lista di infortunà é tres ćiamò lungia y che n valgügn recuperëies al’asvelta n’él gnanca preodü. Por daidé fora él inće jü l’alenadù Unteregelsbacher tl pröm tëmp te ćiamp, mo süa eté y le jüch dër asvelt di pustri ne ti à nia lascè tröp dessurora. An śoga cuntra scuadres dër bun organisades y valgamia stersces te chësc campionat. Al 2^ menüt sëgna bele le San Laurënz cun so defensur Lungkofler le 1 a 0. Bele dô 7’ de jüch por n fal grou ciafa l’alenadù dla Val Badia la ghela. Do da 8 menüć da na trata da ćiantun él na gran parada de Moling. La plü gran ocajiun dla partida à Matti Stampfer al 12^ de jüch, canche süa trata vëgn rebatüda dala stangia de porta. Al 14^ menüt toma le 2 a 0, al sëgna le set Elzenbaumer. Do da 18^ de jüch mët en pé na bela aziun Manuel Clara y Alex Stampfer, la trata de chësc ultim vëgn parada dal un M. Kosta. Al 25^ menüt röia “Matti” te na buna posiziun da trà, mo le palê é sön le pé dërt y al ne sciafia nia da trà.

Al 26^ de jüch toma bele le 3 a 0, “Michl” abina na trata alta y spo vëgnel ostacolé da n atacant y le palê ti sciampa. Le coran i röia al önesc Volgger che n’à nia dificolté da segné. Al 53^ él na bela aziun di pustri inćina t’area ladina, cun na gran sortida salva l’un ladin le resultat bele posoch. Al 65^ menüt da na trata da ćiantun sëgna le San Laorënz le 4 a 0 cun J. Berger. Na picia sodesfaziun se tol inće “Matti” al 66^ de jüch cun le gol dla bandira, tröp deplú ne ne’n vëgnel nia fora. An spera che en Segra da San Martin pòn ti fà la “festa” al Steinhaus... Tolun chësta ocajiun por ti aodé ai nüc Paolo Adami y ala Serena che se marida endoman ala Pli da Fodom, döt döt le bun por la vita deboriada cun benedisciun y sanité. (Rp) San Laurënz - Val Badia 4 - 1 Gol por la Val Badia: Matthias Stampfer (al 66^) Formaziun Val Badia:  1. Michael Moling, 2. Florian Barbolini, 3. Elmar Erlacher (dal 46^ Alex Elzenbaumer), 4. Peter Unteregelsbacher (dal 46^ Armin Erlacher), 5. Julian Bernardi (dal

Le per sta bëgn n pü’ strënt Te chësta secunda partida de campionat à la scuadra da La Val lascè odëi na buna prestaziun, rofan dui iadi le svantaje y rovan, dantadöt tl pröm tëmp, pro de bunes ocajiuns da gol Palê La Val/3a cat. - Le punt debl dla scuadra te chësta partida é stada la defenjiun, cun i atacanć dl Lijun che s’à gonot fat massa saurì da śoghé fora i difensurs da La Val y rové prigorusc dan porta. La partida mët man mal por la scuadra ladina, bele tl pröm menüt sciüra l’arbiter na puniziun dai önescmetri por n fal de n difensur sön n atacant su dan porta. Le Lijun passa insciö en vantaje. La reaziun dla scuadra da La Val ne se fej nia aspetè: do gnanca 10 menüć passa Michi inant le palê a Florian che antizipëia de će le portíer y le superëia cun n bel palonët. Le medem śogadú ess püch dedô ćiamò na gran ocajiun: al superëia indô le portier y spo da posiziun angolada se jömel ia da trà tla porta öta. Al é spo le Lijun che passa indô en vantaje sön na pozerada dla defenjiun; sön chësc gol protestëia i śogadus da La Val dassënn cuntra l’arbiter, deache Elmar é ćiamò stè bun da robate le palê bunamënter dan la ligna de porta, mo l’arbiter che ê scialdi dalunc dal’aziun de jüch à odü le palê te rëi. La scuadra da La Val ne se lascia nia demotivé y se porta inant cun gran dezijiun. Michi à na buna ocajiun, al se delibrëia dal aversar al limit dl’area y tira te porta, mo süa contlujiun sëcia röia de püch dlungia porta ia. Ćiamò dan la fin dl pröm tëmp garêtel le gol dla parité sön na gran trata de puniziun de Florian, cun le palê che surpassa le mür y röia dlungia le pé ite te rëi. Tl secundo tëmp proa la scuadra da La Val da oje la partida, mo ara se stënta da se fà prigorosa, sües aziuns vëgn scialdi architades denanco rové te area. Na gran ocajiun à Alexander püch dan la fin dla partida cun na trata al jore

che röia indere massa alta. Inće sce le jüch é scialdi tles mans dla scuadra da La Val, se fej le Lijun plü gonot prigorus cun sü atacanć asvelć che se capësc dër bun y i difensurs da La Val mëss la mëte döta por archité chëstes aziuns prigoroses. La partida se röia insciö söl resultat de parité che magari ti sta n pü’ strënt ala scuadra da La Val (sc). La Val - Lijun: 2 - 2 Goi por la scuadra da La Val: Florian Rubatscher (al 10^ y al 36^) La Val: 1. Sepl Kantioler, 2. Thomas Tavella (dal 46^ Werner Sottara), 3. Alex Alton, 4. Paolo Vallazza, 6. Elmar Valentin, 6. Michael Frenes (dal 85^ Alexander Miribung), 7. Stefan Sottara, 8. David Moling (dal 46^ Freddy Sottara), 9. Florian Rubatscher, 10. Ivan Tschaffert, 11. Romeo Rubatscher (dal 75^ Adrian Miribung). Alenadù: Elmar Steinhauser Partida che vëgn: La Val śoga chësta domënia ta Gsies. Tlassifica 3a categoria, grup C 1) Niederdorf, 3 partides, 9 p. 2) Gsies, 3 partides, 9 punć 3) Raas, 3 partides, 9 punć 4) Prettau, 3 partides, 3 punć 5) Mareo, 2 partides, 3 punć 6) Gais, 3 partides, 3 punć 7) Lijun, 2 partides, 2 punć 8) Valdaora, 3 partides, 2 punć 9) La Val, 2 partides, 1 punt 10) Mühlwald, 3 part., 1 p. 11) Percha, 3 partides, 0 punć

70^ Isaac Frenademetz), 6. Matthias Thaler, 7. Manuel Clara, 8. Alex Felder, 9. Matthias Stampfer capitan, 10. Alex Stampfer, 11. Lucas Clara. Alenadù: Peter Unteregelsbacher. Proscima partida: en domënia, ai 23 de setëmber, dales 15.30, sön la plaza Pradel a San Martin de Tor cuntra le ASSV Steinhaus.   Tlassifica: Ćiara sot la partida dl Rina. Bela aziun tla partida La Val cuntra Lijun.

Resultać dles scuadres di jogn dl ACD Val Badia Iuniors Alta Val de Puster – Val Badia 3 – 3

Matthias Stampfer podü se consolé portan la pinta da capitan y cun le pröm gol te campionat 2012/13.

Aliefs (śogadus che vëgn docà)    Schabs -  Val Badia   5 – 2 Jogn Val Badia – Kiens   0 – 3 Debutanć Val Badia “B”  -   Val Badia “A”  3 - 3

www.lauscdiladins.com

31


Sport

nr. 37 / 21 de setember 2012

Trëi punć merità

Zoe Chavez: campiunëssa regiunela

Al é inće garatè i pröms goi y Rina davagna por 3 - 0 cuntra Aicha

La mutans dl’Atletica Gherdëina à purtà a cësa cater bedaies dai Campiunac Regiunei de atletica lesiera stac a Maran

Palê Rina/2a cat. - Intrami i portiers dl Rina manćiâ, a daidé fora él indô gnü le jonn Ivan Craffonara, che s’à comportè dër bun y à tignì nëta la rëi de Col dla Vedla. Al é defata da odëi che i aversars da Aicha n’é nia scuadra da temëi, porchël da bate. Rina comana defata le jüch, à atira inće val’ bona ocajiun da passè en vantaje. Al 20^ menüt stlinghinëia la rëi todëscia por le pröm iade. Sön trata de puniziun de Georg é Daniel le plü asvelt da deloje le coran te sach. Al 35^ menüt à indô Daniel na bona ocajiun. Sön na bela aziun, fej ala fin Daniel na trata de će sön porta, che le portier Patrick Pedevilla para. Ala fin dl pröm tëmp se lascia inće odëi le Aicha. Sön en cuntrapé mëss Ivan gnì adincuntra y salvè de pé. Le pröm tëmp se röia. Inće tl secundo tëmp él plü Rina da odëi. Ai ladins ti garetel vignitan de beles aziuns, che porta inće früć. Insciö fej al 57^ menüt Daniel, do na bela aziun, so secundo gol y mët le resultat plü al sigü. Śëgn ciafa Rina tres plü coraje. Al 70^ menüt garêtel ćiamò le terzo gol. Jö por la pert dërta pëiel ia na aziun. Manuel ti arlungia le palê a Alfons, che fej n cross t’area dl Aicha. Christian fej de će le gran gol dl 3 - 0. Tla ultima chert d’ora suzédel ćiamò de vigni sort. Inće l’arbiter Oberhauser se lascia odëi.

(1-0, al 20^ y 2-0 al 57^, Christian Ferdigg (3-0, al 70^). Cherta cöcena: Christian Ferdigg (al 84^)

Daniel Ferdigg dl Rina.

Al 75^ vëgn Ivan cherdè a fà na gran parada. Sön trata de puniziun de Kahn, deloj Ivan le palê sura stangia de porta fora. Plü tert ti tóchera da tignì sö le coran dan ligna de porta. Al 84^ menüt vëiga l’arbiter n fal de Christian sön n aversar, zënza pordonn vëgnel atira punì cun la cherta cöcena. Al 85^ menüt ciafa Aicha la puniziun dai 11 metri, por n fal de Manuel t’area. Le atacant Sandro Greifenberg stlopëta le palê alt sura porta fora. Le resultat ne se müda nia plü, Rina se tëgn i trëi punć merità te ćiasa. Cun chësc bel resultat se porta la scuadra de “Col dla Vedla” n toch inant te tlassifica. La proscima domënia śoga Rina fora de ćiasa cuntra Dietenheim. (if) Rina - Aicha 3 - 0 Goi por le Rina: Daniel Ferdigg

Formaziun dl Rina: 1. Ivan Craffonara, 2. Alfons Facchini, 3. Paul Pisching, 4. Jordan Tavella, 5. Thomas Huber, 6. Lorenz Rungger - capitan, 7. Christian Ferdigg, 8. Georg Craffonara (dal 80^ Filip Ploner), 9. David Huber, 10. Daniel Ferdigg (dal 74^ Richard Costisella), 11. Manuel Mellauner (dal 86^ Thomas Ferdigg) Alenadù: Crepaz Wolfi La partida che vëgn: chësta domënia domisdé śoga le Rina fora de ćiasa cuntra Dientenheim. Tlassifica 2a categoria, grup C

Atletica - Ai 15 y 16 de setëmber iel, sot a n ciel sarëinn, unì garejà tl ciamp dal sport nuef a Maran per i Campiunac Regiunei de atletica lesiera. I atlec dl Südtirol se à muserà cun chëi dla region dl Trentin y ie stac boni de vëncer bën trënta tituli contra i vint dl Trentin. Un de chisc tituli à Zoe Chavez dl’Atletica Gherdëina Cassa Raiffeisen de Sëlva venciù tl tré il disch; ëila l à trat 26,10 metri lonc. Elena Cortoni ie vizecampiunëssa regiunela tl tré la lanza (33,98 metri). Tramedoves se à nscila cualifica per i Campiunac dla Talia che unirà metui a jì dai 4 nchin ai 7 de utober a Jesolo. Elena Cortoni ie nce ruveda 3. tl saut aut cun n saut de 1,51 metri, cun chësc àla miurà si lim de 8 cm. Silvia Demetz à arjont l terzo post ti 80 metri cun rëms (12.86

Zoe Chavez.

sec.). Tla categuria Under 14 ie la mutans Julia Senoner, Nadia Mussner, Elisa Senoner y Linda Perathoner ruvedes cuartes tla stafeta 4 x 100 metri, cun n tëmp de 58,71 secunc.

1) S. Laurënz, 3 partides, 7 p. 2) Falzes, 3 partides, 7 punć 3) Albeins, 3 partides, 7 punć 4) Tasten Valsp., 3 part., 5 p. 5) Wiesen, 3 partides, 5 punć 6) Rina, 3 partides, 5 punć 7) Steinhaus, 3 part., 4 punć 8) Raiscia, 3 partides, 4 punć 9) Dietenh./Aufh., 3 part., 2 p. 10) Türesc, 3 partides, 1 punt 11) Val Badia, 3 parti., 0 p. 12) Aicha, 3 partides, 0 punć La mutans che ie sautedes per la stafeta.

Inò finà via a pèr L semiòva che la ti jissa fata al FC Gherdëina de se purté a cësa na vënta, ma mo do l tëmp regulamenter ie i patrons de cësa dl Jenesien stac boni de valivé ora Juech al palé/ 3. Cat. grupa B - L Gherdëina à messù fé chëst iede si partida de campiunat n vënderdi da mesa la nuef da sëira a Jenesien sot ala lumes artifizieles. La partiva scumenciova cun la scuadres curtes y tramedoves metova da stramp a verda a vester for n linia, pervia de chësc fòven suvënz te pusizions “ora de juech” sibe da una che nce dal’autra pert. L Gherdëina ova tl prim plu juech che l Jenesien, che ie chëst ann plu tardif cun la preparazion che ti ani passei. L juech ie nteressant. Do cin’ menuc ruvòvel na codla auta de area, a man drëta fòvel Jonas Runggaldier a la slungë de cë per Stefan Vallazza che ruvova n mumënt tardif per la tré ite. Purtruep, coche l suzed suvënz tl juech ala codla, sce te maies n gol l giapes, suzedòvela chëst iede. L Jenesien fajova al 1:0 do na trata dal cianton cun i “blocchi” fai bën dal Jenesien purtan n mandl ala

contlujion positiva. Guido ne n’ova deguna chance de pië chësta codla. Doi menuc do l gol, sun na bela cumbinazion danter Pellegrini, Aron y Vanni trajova chësc ultim da 30 metri, bas y periculëus, ma l verdiaporta piova. Al 25ejim menut fova la scuadra de Gherdëina metuda su melamënter y lasciova nsci tré l Jenesien cun la codla che va iust dlongia l pel via. Al 30ejim menut se purtova Aron Kostner che fova plu sun na pert cun la codla ite tamez, ulache l lasciova ju na trata da n 25-30 meteri che se arbassova a drët sot ala traviersa, ti lascian al verdiaporta dl Jenesien mé l bur’ lëur de tlupé ora la codla ora de cassa. Gran gol de Aron, che, fat nsci, fej mel ala moral de uni scuadra. Puech do, tl 37ejim menut, cun Aron che n chësta sëira fova propi ispirà, sautòvel inant dajan via la codla a Raphael Runggaldier che ti trajova ados al verdiaporta dl

Jugadëures dl FC Gherdëina n ucajion dla prejentazion.

32

www.lauscdiladins.com

Jenesien, ma che sun la rebatuda fajova l 2:1 per l Gherdëina. L Jenesien fova bëndebò sbrigulà dal ritm y dala ueia de nosc jugadëures. Tl segondo tëmp fòvel la doi scuadres che purvova a se eliminé l un cun l auter, perchël ne n’iel nia gran truep da dì. Tl 20ejim menut dl segondo tëmp piòvel pona via na azion da man ciancia dl Jenesien cun n jugadëur che ti muciova a nosc pech, jan ite te area y metan la codla tamez per l si cumpani de scuadra che trajova y nosc Yuri Pellegrini se smacova desvian la codla cun la man: undescmetri y cuecena per Pellegrini. L Jenesien trajova l undescmetri sun la man ciancia dla cassa, nosc verdiaporta Guido se smacova y piova, tenian l resultat sun l 2:1 per l Gherdëina. L FC Gherdëina de diesc, ova cun Seljvir mo na gran ucajion, cun nosc jugadëur che fova da sëul dan cassa ma trajova ados al verdiaporta. L fova i menuc de recupereda canche l Jenesien fova bon de se tò la codla amesa l ciamp y cun trëi passedes ruvovi a man drëta de Guido y trajova aut te piz ne ti lascian deguna chance de la pië y la partida finova via nsci sun l 2:2. Sciot per i trëi ponc trai via! Doduman dumënia ai 23 de setëmber saràl la partida n cësa contra l Neustift, dala 15.30 sun la plaza dal sport Mulin da Coi a S. Cristina. ASV Jenesien – FC Gherdëina 2:2 (1:2) Furmazion dla scuadra: Guido

Schmalzl, Achim Frontull, Daniel Vallazza, Yuri Pellegrini, Raffael Senoner, Vanni Valdemarca, Jonas Runggaldier, Aron Kostner, Stefan Vallazza, Raphael Runggaldier, Alfi Piazza. Goi dl FC Gherdëina al 30’ valivea Aron Kostner ora per l 1:1; al 37’ gol de Raphael Runggaldier per l 1:2 Baratà ora: tl segondo tëmp ie Matteo Solderer jit ite tl 70’ menut mpede Raphael Runggaldier, Seljvir tl 46’ mpede Stefan Vallazza, Jan Piere Prugger tl 60’ mpede Alfi Piazza, Marco Senoner tl 80’ menut mpede Vanni Valdemarca.

Resultac dla scuadres di jëuni dl FC Gherdëina Partides fates n sada ai 15 de setëmber Juniores FCG – Schlern 2:3 Goi: Luca Perathoner (2) Eggental – U15 FCG 3:1 Goi: Hannes Ploner U13 FCG – Latzfons 9:0 Goi: Robin Moroder (3), Alex Vinatzer (2), Gabriel Venturini, Raul Moroder, Tobia Comploj, Mirko Villotti Persenon OBI – U12 FCG (che juega de undesc) 1:3 (0:0)(0:1) (0:1) Goi: Manuel Senoner, David Wieser U12 (che juega de nuef) – Stella Azzurra 3:0 (3:0)(2:0)(2:0) Goi: Matteo Grossrubatscher (3), David Plancker, Marvin Avesani, Laurin Lardschneider, Alex Colucci

U11 FCG – Bozner FC 1:2 Goi: Marco Giorgi Funes/ Teis – U10 Jaguars 0:9 Goi: Alan Plancker (3), Matthias Comploj (2), Max Malsiner (2), René Comploj, David Hofer U10 Grizzly – Milland 3:3 Goi: Simon Perathoner (2), Rudi Cerenzia U10 Zebras – Schlern I 12:0 Goi: Filip Demetz (2), Omar Obletter (2), Eric Rifesser (2), René Bonato (2), Elia Demetz (2), Max Perathoner, Julian Runggaldier. Per la Under 12, sibe la scuadra che fej de undesc jugadëures che nce chëla ulache i fej de nuef, iel da ti cialé autramënter al resultat dla partida, ajache tlo vélel d’autra regules. Chisc mutons juega trëi tëmps da 20 menuc y uni tëmp vën calculà sciche na partida tla partida. Chiche vënc o valivea ora l tëmp giapa un n pont, chi che pierd ne n giapa degun. Ala fin di trëi tëmps vëniel cumpedà adum chisc ponc – che vën pona nce repurtei sciche resultat de duta la partida adum chi che n à deplù vënc, ma l possa nce uni a s’l dé n resultat a pèr sce n à valivà ora duc trëi i tëmps parziei. Per la tlassifica giapa pona la scuadra che vënc trëi ponc, sce les fina via a pèr un n pont y degun pont per chi che à perdù. Sce la scuadres à pona unfat ponc te tlassifica ne vëniel per l plazamënt nia tenì cont dla desferënzia di goi fai, coche zënza for, ma i ponc che resultea dai tëmps parziei.


Sport

nr. 37 / 21 de setember 2012

Thomas y Stefan davagna le turnier La ediziun “Ladinia Beach Cup 2012” da San Ćiascian i é jüda a Thomas Valentini y Stefan Pizzinini

“L’ël dles Dolomites” a Lienz Inće trëi badioć à tut pert ala 25ejima ediziun dl “Red Bull Dolomitenmann 2012”, öna dles gares a scuadres de cater plü sfadioses al monn, che se mosöra te cater disciplines

organisé dal’Uniun Sport La Ila y dal Volley Ghërdeina, é gnü davagné chësc ann dai śogadus dla Val di Sole Cannella Michele y Stablum Nicola cun 180 punć. Al secundo post se plaza Valentini Thomas y Pizzinini Stefan cun 160 punć y atira do se plaza Pescoller Reinhold y Pedratscher Cristian cun 110 punć al terzo post, trami dl’US La Ila.

Plazamënć

Le retrat dla premiaziun.

Beachvolley - En domënia ai 9 de setëmber s’à stlü jö, cun la secunda tapa dl turnier de beachvolley a San Ćiascian, la terza ediziun dl Ladinia Beach Cup. Do che an à messü i desdì ales 16 scuadres scrites ite al turnier söl program ai 2 de setëmber a gauja dl bur tëmp, él gnü trat do le turnier la domënia do - inće sce al é spo ma plü stè set scuadres che à albü dlaurela da gnì.

I dui davagnadus da San Ćiascian: Stefan Pizzinini y Thomas Valentini.

Sot a n cil sarëgn y cun temperatöres ćiamò da d’isté s’à incuntè y confruntè les scuadres da döta la regiun y de vigni eté. Por döt le danmisdé él gnü śoghé i rodi de cualificaziun y domisdé s’à cernü les mius scuadres. Dales 5 domisdé s’à stlüt jö le turnier cun na finala dër combatüda. La finala é gnüda śogada sön dui set sön trëi, olache Valentini Thomas y Pizzinini Stefan à śoghè cuntra i dui trentins dla Val di Sole, Cannella Michele y Stablum Nicola. Cun conzentraziun y bun śogo se porta i dui badioć le triunf a ćiasa, davagnan por 2 a 0 ( 21:19) (23:21). Le terzo post i va ai vijins de valada, Mantovani Alex y Silvia Perathoner de Gherdëna, che à abü la miù cuntra Christian Dorigo y Verena Clara, che se plaza al cuarto post. I complimënć i va inće ala sora scuadra de mitans, metüda adöm da Agreiter Isabel y Ploner Karin che à salpü da tignì će y à desmostrè gran competivité. Le Ladinia Beach Cup 2012,

1. Valentini Thomas (La Ila) y Pizzinini Stefan (La Ila) 2. Canella Michele (Val di Sole) y Stablum Michele (Val di Sole) 3. Perathoner Silvia (Gherdëna) y  Mantovani Alex (Gherdëna) 4. Clara Verena (Calfosch) y Dorigo Christian (La Ila) 5. Pescoller Reinhold  (Badia) y Pedratscher Cristian (San Ćiascian) 6. Agreiter Isabel (La Ila) y Ploner Karin (Badia) 7. Unterthurner Marie (La Ila) y Ruggeri Matteo (Badia)

Le Ladinia Beach Cup 2012, organisé dal’Uniun Sport La Ila y dal Volley Gherdëina, é gnü davagné chësc ann dai śogadus dla Val di Sole Cannella Michele y Stablum Nicola cun 180 punć.

I trëi atleć dla Val Badia.

Combinada - En sabeda ai 7 de setëmber à 3 jogn dla Val Badia, adöm a n jonn dl’Austria tut pert a Lienz, tl’Austria ala gara a scuadres “Red Bull Dolomitenmann 2012”. En chësc ann é la gara gnüda metüda a jì por le 25ejim iade. Le numer de scuadres che po tó pert ala gara é limité a 125. Le team Val Badia, cun le numer 53 messâ se mosoré, te na scuadra a cater, te 4 disciplines dër sfadioses. Le pröm concorënt, Martin Kostner da S. Martin, é pié ia tla disciplina da saltè sön munt. Al ê da saltè 12 km cun n deslivel de 2000 metri. Al à arjunt n bun plazamënt, conscidran le livel alt di atri atleć y la ria condiziun dl percurs (39ejim tla categoria di amaturs). A na altëza de 2.600 m é la gara spo passada inant ala secunda disciplina. Le secundo concorënt, Elmar Dapoz da Lungiarü, messâ se mosorè tla disciplina dl jorè cun le parapënd. Al é jorè jö ćina sön la “Moosalm” a ca. 1.200 m de altëza y à messü saltè n toch a pé y pié ia danü joran jö y lascian spo pié ia le terzo concorënt. Al à arjunt le

72ejim plazamënt te süa categoria. Tla terza disciplina messâ le concorënt, Jürgen Stich dl Austria, se mosoré tla gran ega cun le kajak. Jürgen s’à plazè 20ejimo y à trat sö dër bun le team Val Badia. L’ultima disciplina ê la roda da munt. Dailò é pié ia Emil Clara da Lungiaru, che à pedalè por 17 km, dala cité de Lienz ćina sö dala piza dl Hochsteinkreuz a n’altëza de 2000 metri y spo indô jö zoruch, jö por la pista di schi, olache al vëgn fat la gara de Copa dl Monn de schi alpin dles ëres. Le toch jöpert ê dër ërt y tecnich. Emil s’à plazè ala fin al 41ejim post. Le team Val Badia é da ciafè tla tlassifica assoluta al 71ejim post cun n tëmp de 5 ores y 36 menüć. Tla tlassifica di amaturs le ciafunse al 38ejim plazamënt. Le team Val Badia é dër contënt cun le plazamënt arjunt y la bela esperiënza fata. Davagné la gara à le team “Pure Encapsulation”, de chël che al fajô pert dui concorënc profescionisć de Südtirol. N gran lalt inće al gran publich che ćiarâ pro ala gara. Le team Val Badia

L campiunat de chidlé scumëncia L club de chidlé de Gherdëina ie inò leprò cun doi scuadres Chidlé - Ncuei vënderdi scumëncia l campiunat talian de chidlé. L vën chidlà per la gran pert de vënderdi cun na pausa de ntëur n vint dis ntan l tëmp da Nadel, dopro vàla inant nchin ai prims de auril. A fé pea chësc campiunat iel bën 64 lies dl chidlé cun bën 178 scuadres spartides su sun 12 tlasses, A1, doves de A2, doves B, cater C y trëi D. La prima scuadra dl club de chidlé de Gherdëina chiedla tla

I chidladëures de Gherdëina.

tlas B est, y la segonda tla D nord. L Gherdëina 1 muessa chidlé contra la scuadres de Funes I, Passaier III, Falzes I, Deutschnofen II, Leifers I, Rodeneck II, Turesc II, Verdings I, Birchabruck, Fugger Sterzing II y Welschnofen I. L Gherdëina II arà da se museré contra l Plose II, Kiens III, Ahrntal II, Hauenstein III, Burnech 67 III, Funes II, Auswahl Ratschings IV, Hölzerne 9 y Verdings N à bele scumencià de juni a

chidlé tla chidladoia de Sëlva. Do che l fova unit na cumiscion per ti cialé ala chidladoia, iel unì dit che la chidladoia ne fova nia al ordn, do la normes per fé n campiunat talian. N ie riesc sautei ite a la cumedé ca, n à fat ite n fonz nuef al scumenciamënt dla chidladoia y n à mudà ora y cuncià truepa robes pra la mascins ulache l ie i chiedli. Da rengrazië iel tlo la Chemun de Sëlva che à sustenì finanzialmënter la sozietà dl zënter dal tennis de Sëlva, ajache zënza chisc ntervënc ne assans nia pudù fé pea chësc campiunat, o scenó ëssen messù jì a chidlé te n’autra chidladoia oradeca. L club de chidlé de Gherdëina ulëssa te chësta ucajion mo rengrazië i sponsores per si sustëni. Chisc ie publichei sun i calëndri che vën dac ora y sun la plata internet www.kcgroeden.com, ulache l unirà nce metù i resultac on-line. Ti mbincion al club de chidlé de Gherdëina de ”bon lën” per arjonjer de biei resultac.

Le concorënt Jürgen dl’Austria che va cun le kajak jö por la gran ega.

Emil Clara che se proa da rové sö insom cun la roda da munt.

Elmar Dapoz che salta söpert cun l’ambrela sön le spiné por spo indô jorè jö. www.lauscdiladins.com

33


Sport

nr. 37 / 21 de setember 2012

Arjënt belau d’or per Georg Piazza N beliscimo resultat per Georg Piazza pra la garejeda de sauté ntëur al Sela y per si cumpani de scuadra Christian Insam che ie ruvà cuinto. Atletes y i atlec di Gherdëina Runners ie nce te d’autra garejedes ruvei sun l podest biei resultac pra duta trëi la edizions dl Sellaronda, sibe te chësta de sauté che nce te chëles cun la roda da mont y de schi alpinism.” L ie stat na garejeda de marueia, sibe per l tëmp, i bën 180 atlec che à fat pea y per i resultac. La valova nce per zircuit Salomon Trail Tour Italia 2012.

Manuela, Frohwalt y Birgit à fat scialdi bën pra la mesa maratona de Trënt.

Georg Demetz à venciù te si categuria.

Sauté - L fova duc i miëures à pië via a Colfosch per la segonda edizion dl Sellaronda Trail Running, che ie stata n sada ai 15 de setëmber (cëla nce articul a pert). Deguni ne se aspitova che n pudëssa miuré de tant l tëmp metù su l ultim iede. Stat bon de arjonjer chësc ie Fulvio Dapit che à abù 5 ëura 27 menuc y 50 secunc per sauté i 53,9 km cun n deslivel de 3486 metri dut ntëur al crëp dl Sela. Ël ie mé ruvà 24 secunc dan l atleta di Gherdëina Runners, Georg Piazza, y 43 secunc dan l terzo tlassificà Filippo Beccari. Chisc trëi cun mo Paolo Gotti, che ie ala fin ruvà cuarto, ie restei adum ntan tan che duta la raida, nchin

Dapit, Beccari y Piazza, chisc resta adum nce a sauté dal jëuf dl Sela ju, ulache Piazza ie stat bon de ti passé dant a duc y ruvé te Sëlva coche prim. Piazza piova danora y l sëul che ti ie stat do fova Dapit. Da Dantercëpies de viers dl travert à l’esperienza de Dapit judà a ti passé dant a Piazza y ruvé pona tl travert mé 24 secunc dan Georg. Tlo mo la paroles de Georg Piazza do la garejeda: ”Son da bestia cuntënt, nce sce me mpensove de pudëi vëncer, udan che son passà sun Dantercëpies coche prim, ma pona à Dapit mpià l turbo a sauté juvier. A uni moda iel n beliscimo segondo post y n record persunel per mé, udan che é fat pea cun de

te Sëlva canche Georg Piazza y Dapit à slungià l var y se l’à fata ora nscila sun l ultim tòch dan l travert a Colfosch. Christian Insam di Gherdëina Runners, che ova venciù la edizion dal ann passà ie ruvà cuinto miuran purempò si tëmp de bën set menuc. Piei via iesen dala 6 daduman a Colfosch per sauté de viers de Corvara, Piz Boe, Bec de Roces, Reba. Bele tl scumenciamënt se àl furmà na grupa cun Georg Piazza, Filippo Beccari, Fulvio Dapit y Paolo Larger che ie passeda a Reba nscila. Paolo Gotti y Christian Insam fova tlo bele mpue destachei. Sautei su per l Pordoi ie pona a Cianacei passà per prim Gotti, dan

N dumënia ai 16 de setëmber fòvel la segonda edizion dla mesa Maratona del Concilio a Trënt. Piei via iesen sun Piazza Dante per ruvé do 21,097 km sun la plaza dl dom de Trënt. Fat pea àl pra chësta garejeda 580 ëi y 107 ëiles. Venciù à Said Budalia cun n tëmp de 1:05:52, segondo ie ruvà Shimani Benazzouz 1:07:56 y terzo Simone Gobbo 1:08.49. Pra l’ëiles ie stata la miëura Monica Carlin cun n tëmp de 1:21:20, segonda Laura Ricci 1:22:27 y terza Marzia Cunco 1:22:39. Nce trëi atlec di Gherdëina Runners Cassa Raiffeisen de Ciastel fova leprò y chisc fova si plazamënc. Frohwalt Santifaller à abù 1:24:18 ruvan tla tlassifica generela al 62. post y 8. tla categuria M45. Birgit Klammer se à tlassificà 8. tla categuria generela dl’ëiles y 2. tla categuria M40 cun n tëmp de 1:32:43 y Manuela Perathoner cun n tëmp de 1:35:08 ie ruveda 14ejima tla tlassifica generela dl’ëiles y 2. tla M45.

N dumënia ai 16 de setëmber fòvel mo na garejeda y plu avisa la cuinta edizion dla garejeda de sauté da mont su ”Berglaufsprint Meran - Segenbühel/Dorf Tirol”, che ie 2,9 km longia cun n deslivel de 225 metri. Pià via vëniel coche bele dit a Maran a 320 metri per ruvé pona sa l Segenbühel (Monte San Benedetto) a 545 metri. I atlec muev un al iede uni 30 secunc. Fat pea àl pra chësta garejeda, che valova nce per l campiunat provinziel de sauté da mont su, 66 ëi y 32 ëiles. Venciù à pra i ëi Philip Götsch cun n tëmp de 12 menuc y 34 secunc, segondo ie Tobias Weissteiner 12’ 46 y terzo Mirko Matuzzi 13’ 05. Georg Demetz di Gherdëina Runners ie ruvà 9. tla tlassifica generela y 1. te si categuria la Master 2 cun n tëmp de 13 menuc y 52 secunc.

Sauté tres l luech per l di zënza auto N sada ai 22 de setëmber domesdì saràl a Urtijëi, n ucajion dl ”di zënza auto” na garejeda de sauté tres l luech, nia tan longia, ulache nvion duc, granc y pitli, ”prufesciunisć” y ”diletac”, a fé pea. Per la iscrizions y l program plu avisa cëla sun la plates dla nfurmazions. (mp)

Gregn e pìcoi adum su la giacia

La Supercopa ruva a Bulsan

La formazions del Hockey Club Val di Fassa Ferrarini se à prejentà en domenia al stadie Gianmario Scola de Dèlba a na vida gustegola

Per la cuarta outa davagna la scuadra sudtiroleisa la Supercopa Taliana. Dezisif l penalty de Mc Cutcheon

Hockey - En domenia passèda ai 16 de setember se à tegnù la prejentazion de la squadres de l’Hockey Club Val di Fassa Ferrarini. I à tacà entorn mesa les 5 domesdì tel stadie Gianmario Scola de Dèlba, olache se à vedù defilèr su la giacia jiadores de ogne età, dai più picoi de l’Under 8 fin a ruèr ai più gregn de l’Under 20 e dapò l’é stat prejentà l roster de la serie A.

Hockey - L Bulsan, scuadra campiona dla Talia, à batù l Cortina per 4 a 3 ai penalties y se à enscì asseguré la cuarta Supercopa taliana y à arjont n record nuef per l hockey talian. Dezisif é sté l penalty de Mark Mc Cutcheon. Al prum apuntament dla sajon s’à i campions talians prejenté tl stadium Olimpich de Cortina al gran complet. I patrons de ciasa, con l alenadour nuef Clayton Beddoes, à endere messù renunzié a Luca Zanatta. Gran emozions à l publich podù vive tla pruma frazion de juech. Dapò doi menuc é l Cortina ju en vantaje: l penalty trat da Siddal à sbroché ite la porta de Hell. Eletrisés à i patrons de ciasa tost radoplé con l capitan De

L’ùltima neva de la prejentazion l’é stat chela del jiador de atach Jakub Sindel, clas 1986, che l vegn da la Republica Ceca olache l’à jià

248 partides te la pruma lega con 106 ponc e l’à jià ence te la nazionèla Under 20 ensema a l’auter nef jiador de atach tout su dal Fascia, Petr Kalus. Chest an la prejentazion é stata fata a na vida desferenta dai etres egn: ogne jiador, enfati, dò esser stat prejentà, l’à cognù se sproèr tel “breakaway challange” a l’americhèna, che fossa sche a dir na endesfida a chi che fèsc l rigor più creatif. Sobito do l’é stat fat 4 squadres, olache l’é stat metù ensema jiadores pìcoi e gregn, e l’é stat fat dotrei jeghes su la giacia. Dò de chest, duc a se mudèr e

I pìcoi e gregn jiadores del Hockey Club Fascia se à prejentà en domenia al stadie Gianmario Scola de Dèlba

34

www.lauscdiladins.com

drec su te bar, olache l’é stat fat l’estrazion di biliec de la loterìa e sobito dò se à podù se magnèr n piat de pasta duc ensema. L’é stat na bela festa per i bec che é stac protagonisć, ma ence per chi che vardèa. Endèna i jiadores del Fascia i à jà abù l met de se “sciudèr ite” tolan pèrt con Caldaro e Busan a la Raiffeisen Cup, olache ampò i resultac no é stac massa bogn per l Fascia: en vender ai 14 i à perdù contra l Caldaro per 2 a 1, dò che l Fascia era stat bon de segnèr per prum con Martin Castlunger, e en sabeda ai 15 l Fascia à amò perdù contra l Busan per 8 a 2, e i goi fascegn é stac fac da Michele Marchetti e Greg Kuznik. No la é jita fata per l Fascia nience en lunesc, canche te na partida da peconc l’à perdù per 4 a 2 contra l Gherdëina. En cont de la squadra de Ortijei l’é da dir ence che l’é stat dezidù n raport de colaborazion anter la 2 squadres ladines e apontin l Gherdëina l’é l nef farm team del Fascia. Ades l campionat l’é tacà, en jebia ai 20 con l derby ladin vin Ampez, e doman sabeda ai 22 l’apuntament é ta Dèlba per la pruma partida de campionat, che veit ruèr al Scola l’Asiago. No ne resta che jir ite a veder e a sostegnir nesc jiadores! Mattia “Matt” Desilvestro

Bettin. La reazion da pert di ghesć ne s’à endere nia lascé aspeté. Bernard y spo Walcher à porté l resultat en parité. Tl secondo temp é l ritm de juech calé. L terzo drittel é spo metù man con n Cortina plu vif. Ciamò na outa é i patrons de ciasa passés en vantaje con n gol de Menardi, ma Flynn, l atacant nuef dles uelps, à tost dapò sbroché ite la porta de Levasseur. Nia de relevant é sozedù ti temps soura fora y la partida s’à dé fora ai penalties. Cater iadi à i jugadours dl Cortina falé l travert. Per l Bulsan à Sharp y Mc Cutcheon sbroché ite la porta y porté la Supercopa tl capoluech sudtiroleis per la cuarta outa. (Comunicat Stampa LIHG/ kp)

I jugadours dl Cortina con l alenadour nuef, l canadeis Clayton Beddoes. (foto de Giacomo Pompanin)


Sport

nr. 37 / 21 de setember 2012

Gran suzess per la II Sellaronda Trail Running La colaborazion anter la valèdes ladines à portà a l’endrez de la seconda edizion del Sellaronda Trail Running che à vedù tor pèrt passa 160 coridores de da dut l raion e da foradecà

I venjidores di ic. Te mez l’é Flavio Dapit a cencia Georg Piazza e a dreta Filippo Beccari. (foto Federico Modica)

Corsa a pe - L’é stat na gran dì en sabeda ai 15 de setember, enscin da les 6 dadoman, canche amò tel scur passa 160 coridores é ponté demez dal start, endrezà chest an a Colfosch, de la II edizion de la Sellaronda Trail Running, la garejèda de corsa a pe dintornvìa l Sela, passan per Fodom, Fascia, Gherdena e per ruèr entorn mesdì endò te Badia. Chesta garejèda, vidèda dal fascian Diego Salvador, ence president de la Dolomites Skyrace, é stata endrezèda per la pruma outa l’an passà dò na scontrèda coi raprejentanc di ofizies per l turism de cater valèdes ladines: Andrea Weiss per Fascia, Damiano Dapunt e Oscar Alfreider per Badia, Günther Pitscheider per Gherdena e Michela Lezuo per Rèba. Da chest prum verech l’é stat donca endrezà la I edizion con scomenz e fin a Cianacei e se é rué chest an, dai 14 ai 15 de setember, a portèr a termin la II

La venjidores Waltraud Berger a dreta e Kasia Zajac a cencia.

edizion. Na garejèda de gran marevea, ben segur e resservèda demò, descheche vegn scrit ti comunicac, ai “atlec de acèl”. Con 53,9 chilometres e n dislivel complessif de 3.486 metres, i coridores ponté via col scur é corec su e ju per vièi e strèdes del bosch anter i jouves, passan fora i paìjes de Colfosch, Rèba, Cianacei e Selva e passan via dotrei toc dassen senestres desche Bec de Roces, dal Ciaulonch al Pordoi, e dapò amò l Jouf de Sela, Dantercepies, dant de arjonjer endò l travert de Colfosch.

I Resultac Organisadores ladins, percors ladin e ence no sé tenc atlec ladins, che chest an i à abù na maor concorenza coi coridores da fora. L’an passà, proprio percheche l’era la pruma edizion, l comitat de endrez l’aea dezidù de no fèr na gran

reclam e no slarièr fora massa chesta garejèda. De coridores n’era ruà segur n muie (118 en dut), ma chest secondo an la garejèda à tacà jà a se slarièr fora. De scric ite se n’à vedù passa 160, e de chisc n muie i era da foradecà. Aboncont i ladins da duta cater la valèdes i se à fat sentir ence chest an, portan a termin la gara con resultac de gran valuta, ruan de n muie ti prumes diesc. I venjidores ladins de l’an passà, Christian Insam da Gherdena e Nadia Scola da Fascia i à bele cognù zeder l prum post, che é jit per ic a Fulvio Dapit e per eles a Waltraud Berger. L poliziot furlan enciasà a Racines, à passà via l travert de Colfosch col temp record de 5h 27’ e 50”. Sobito dò da el l’é ruà l’atlet da Gherdena Georg Piazza e Filippo Beccari da Fodom che i se à ciapà respetivamenter 24 e 43 seconc da Dapit. Christian Insam l’à cognù se encontentèr del 5° post ma l se à

Per béleche 40 chilometres i atlec cor su e ju per la crepes de dolomia, podan aprijièr panorames da encant.

Flavio Dapit venjidor de la II Sellaronda Trail Running.

Waltraud Berger tedant al travert a Colfosch.

tout la sodesfazion de aer smendrà de 7 menuc sia prestazion respet a l’an passà. Tel ciamp de la eles enveze dò da la todescia Waltraud Berger l’é ruà la polaca Kasia Zajac e dapò la taliènes Maria Pizzino e Giulia Amadori. Gran bon ejit ence per l fascian da Cianacei Francesco Valentini, ruà sesto tedant al brescian Luca Guerini, a Nicola Saba e a l’auter fascian da Moena Erwin Chiocchetti, ruà pech dant dal fascian de adozion Alessandro Vuerich da Poza. La competizion à serà sù ence l zircuit Salomon Trail Tour de la Tèlia 2012 de chel che l’é ence stat dit fora i venjidores: Paolo Barnes e Simona Morbelli. Se pel troèr de autra informazions, retrac e classifiches sul sit www. sellarondatrailrunning.com Vedù l’ejit positif de chesta edizion, l president del Comitat de endrez Diego Salvador vel renovèr jà da ades l’envit a duc i pascioné e

atlec de corsa a pe a de setember de 2013 per la 3° edizion de la Sellaronda Trail Running. Endèna l rengraziament va, ben segur, a Diego Salvador, ma ence a Ivano Ploner, semper prejent e desponibol, a Joseph Mussner de Selva, Ivan Tschaffert e Andreas Irsara de Corvara, Giampaolo Soratroi de Rèba e dut l Comitat de la Dolomites Skyrace e duc i volontadives che, per fortuna, no i mencia mai. Descheche disc l president “L’é de gra a duta chesta jent che ne deida che se pel portèr inant chesta manife st a z ions . Amò n rengraziament a l’Apt de Fascia e Badia, a la Salomon che ne à metù te so zircuit e a duc i sponsor che ne é semper n muie vejins”. (vr)

Classifiches Classifica ic: 1° Flavio Dapit 5:27:50; 2° Georg Piazza 5:28:14; 3° Filippo Beccari 5:28:33; 4° Paolo Gotti 5:33:10; 5° Christian Insam 5:54:32; 6° Francesco Valentini 6:20:21; 7° Luca Guerini 6:35:55; 8° Nicola Saba 6:38:07; 9° Erwin Chiocchetti 6:39:45; 10°Alessandro Vuerich 6:48:30. Classifica eles: 1^ Waltraud Berger 7:08:39; 2^ Kasia Zajac 7:10:02; 3^ Maria Pizzino 7:40:29; 4^ Giulia Amadori 7:58:59; 5^ Tite Togni 8:22:51; 6^ Barbara Tassani-Prell 8:30:33; 7^ Christine Gehmacher 8:30:33; 8^ Ornella Gabrielli 8:51:55; 9^ Francesca Gualco 8:54:26; 1’^ Flavia Zambon 9:00:42.

Dat via i prim trëi ponc Per vel’ una dla scuadres di jëuni dl Hockey Club Gherdëina àl bele scumencià l campiunat, la gran pert dl'autres scumëncia chësc fin dl’ena Hockey/Jëuni - A mëter man per prims ie stac i jëuni dla Under 18 che ova n sada ai 15 de setëmber da se museré tl stadio Pranives de Sëlva contra l Asiago. La scuadra de Gherdëina che messerà chëst ann jughé cun truep jugadëures plutosc jëuni per chësta categuria, à tl prim tëmp abù mpue de deficulteies a ti tenì permez al juech di averseres, che ie stac boni de tré la scipa te cassa bën trëi iedesc. Tl segondo tëmp jìvela bele scialdi miec y l gol che i nosc ie mo stac boni de fé te chësc tëmp à auzà mo

deplù la speranzes de pudëi ti vester. Scialdi valif fova pona l terzo tëmp ulache al Gherdëina ti iel garatà bel snel n gol y l fova mé plu un n gol de desferënzia. Ma ala fin iel mpo mo la scuadra de Asiago che ie bona de se tò pea a cësa i prim trëi ponc, vencian per 4:2 cun i tëmps jic ora 3:0, 0:1 y 1:1. Bele n dumënia arà la U18 si proscima partida y plu avisa dala 4 domesdì te Sëlva contra l Sterzing. Sciche pitl sëni de lauda ti à l trainadëur Erwin Kostner dat do la partida la scipa al jugadëur che se à astilà scialdi bën te chësta

partida y chësc fova l verdiaporta Martin Bergmeister. A d’ël ti tucheràla l proscimo iede de dé inant la scipa al jugadëur che se l’arà meriteda per na vel’ rejon do chëla partida. Dessegur na blota scumenciadiva chësta de recunescënza de viers di cumpanies de scuadra. Chëst’ena passeda ova la Under 14 fat na partida de tëmp liede contra l Cortina che i à batù per 7:3. Nce per chësta scuadra scumencerà l campiunat bele n dumënia ai 23.9.

cun la partida contra l Lana dala 10.00 danmesdì tl stadio de Sëlva. Per l’autra scuadres scumëncia l campiunat duman sada ai 22.9. da mesa la trëi domesdì per la Under 12 contra l Prad y per la Under 20 dala sies da sëira contra l Neumarkt. Duta chësta partides ie tl stadio Pranives de Sëlva. Jugadëures dla U18. www.lauscdiladins.com

35


Informazions y Manifestazions Sport Curs de ginastica por paziënć cun maraties cardiovascolares La “Südtiroler Herzstiftung” organisëia la secunda pert dl curs por döta la Val Badia, vigni lönesc dales 18.00 ales 19.00 tla palestra a San Martin, dal lönesc ai 17 de setëmber inant, ćina ai 17 de dezëmber. Inće n dotur sarà a desposiziun. Referënt é le maester de ginastica Markus Winkler. Tel. 348/7457309. 4^ proa del Campionat de corsa a pe de Fascia

nr. 37 / 21 de setember 2012

♦ Conzert “Ćiantè a Santa Maria” En domënia ai 30 de setëmber a La Val La seziun Cor de Dlijia sot al’EPL-Ert por i Ladins mët da jì le conzert “Ćiantè a Santa Maria” en domënia ai 30 de setëmber 2012 dales 20.00 tla Dlijia da La Val. Al tolarà pert chisc grups: Cor de Dlijia La Val, Cor de Dlijia La Pli, Cor de Dlijia Lungiarü, Cor Kerygma de Badia y n grup stromënć a fle da La Val.

En sabeda ai 22 de setember, da les 14.30 aló dal Ciuch a Cianacei vegn endrezà l’ùltima proa del campionat de la sozietà sportiva Atletica Fassa 08. La premiazion de la garejèda la sarà da les 19.30 con la “spaghettata” a l’Hotel Cristallo de Cianacei. Ride & Fly 2012, roda e parapent a Cianacei

En ocajion de la prepazion del sgol col parapent da Guinnes di primac del mond, en sabeda ai 22 de setember da les 8.30 a les 17.30 FasciaBike endreza, ensema a la Val Badia, na binèda de bikers e paragliders ló dal park de la rodes sun Pecol e Belvedere. Sport, musega e marena per duc. Info www.fassabike.com. Turnoi de golf di maestri de schi

L turnoi sarà ai 30 de setëmber a Sëuc. N possa se scrì ite nchin ai 29 de setëmber dala 12.00 da mesdì cherdan su l numer 0471/708708.

Religion Ann dla fede: n’ocajiun por renové y aprofondì nosta fede!?

Le curs “Renové y aprofondì nosta fede” vëgn indô tignì dala referënta Michaela de Beyer a La Ila vigni secundo mercui, a mëte man dai 26 de setëmber 2012 ćina ai 15 de mà 2013 por indöt 15 incuntades, dagnora dales 19.30 ales 21.00 te calonia basìte a La Ila. Informaziuns ciafon inće sot a: www.glaubenserneuerung.de Pelegrinaje cun coriera a Trens y a Pfitsch

L’Uniun dles porsones vëdues y sores dla Val Badia inviëia a chësc iade che sarà en jöbia ai 27 de setëmber, la pröma coriera pëia ia dales 7:00 a San Ćiascian, l’atra dales 7:15 a La Pli de Mareo. Informaziuns: dan i 24 de setëmber pro la rapresentanta de paîsc, o al nr. tel. 0474 590069.

Rapresentaziun “Maria cun le Fi” de Carlo Maratta (17ejims ecul).

♦ Ćiantè cun ligrëza, conzert de contlujiun A Calfosch chësta domënia ai 23 de setëmber

Mujiga Jean Ruaz a la Grenz Insnet, vender ai 21 de setember rua te Fascia l ciantautor badiot Jean Ruaz, che te so conzert per ousc e chitara l ne portarà te n viac musical fin a l’Havana, Cuba, per prejentèr so nef cd “Perde”. L conzert taca da les 21.30 te la senta de la Grenz, strada Saslonch 56 a Moena. Info sul sit: www.lagrenz.org. Santa Mëssa de rengraziamënt dla Musiga da La Val L’ann iubilar de 85 agn dla Musiga da La Val é stè n ann rich de laur, de ligrëzes y de de gran sodesfaziuns. Al dess gnì stlüt jö cun na santa mëssa de rengraziamënt sonada dala Musiga, en domënia, ai 23.09.2012, dales 9:00, tla Dlijia da La Val. Movies & Musicals

Le cor ProVoXis inviëia ćiamò en sabeda ai 22 de setëmber 2012 dales 21.00 tl Salf dles manifestaziuns da Corvara a n conzert che tol ite dant toć de grups y artisć dër conesciüs sciöche i Abba o i Queen, musiga da film y toć fora de musicals, danter l’ater Wie im Himmel, Flashdance, Shrek y d’atri. Conzert “Ćiantè cun ligrëza”

Le Cor de Dlijia organisëia chësc conzert, en domënia ai 23 de setëmber, dales 18:00 a Calfosch, tla Ćiasa dles Uniuns.

Referac Salm 139/140 - Chi che lî le foliet, lascia ssigü avarëi chësta oraziun

Sön invit dl Consëi de Cüra de Badia tignarà siur Sepl Granruaz te Ćiasa Runcher ai 25 de setëmber, dales 20.00, n referat por ladin söi Salms 139/140. Sagns tres l’invern

Gottfried Hochgruber tignarà le referat por todësch sön saûs, ciüfs, früć de bosch y marmelades de ćiasa, ai 26 de setëmber dales 15.00 dla Ćiasa dles Uniuns a Calfosch. Le Consëi de Formaziun inviëia.

36

www.lauscdiladins.com

Le Cor di mituns.

Fora por l’isté él gnü metü a jì n proiet da ćiantè te n cor di mituns ti paîsc de Calfosch y Corvara cun Laura Lezuo. I mituns s’à incuntè n iade al’edema a fà proes por se arjigné a n conzert che gnarà tignì la domënia ai 23 de setëmber 2012 dales 18.00 tla Ćiasa dles uniuns a Calfosch. Al ćiantarà le Cor di mituns y i “Ćiantarins da Calfosch”, acompagnà da n grup de stromënć. An podarà aldì musiga de vigni sort, da chëra tlassica al pop ala musiga da film y danterite inće val’ toch de musiga etnica. I mituns s’la inconforta da lascè aldì ći che ai à imparè ite y inviëia dër bel da gnì a ascutè sö.

♦ Curs da chidlé a Al Plan Metü da jì dal’Uniun Chidlé Mareo Raiffeisen Al vëgn tigní n curs da chidlé vigni edema por 6 iadi le dedemesaledema/mercui a mëte man dai 26-09-2012 dales 19:30 tla chidlara da Roncac/Al Plan. En chësc dé gnaral inće spo fat fora da iade a iade orar y dé, aladô dla desponibilité dla chidlara y a secunda di partezipanć. Ponsè é le curs por düć chi che à o ô ciafè ligrëza cun le sport dl chidlé odon danfora inće magari la manifestaziun dla Gran Chidlada ai 11-11-2012, o forsc fóssel un o l’ater che ess ligrëza da tó pert al’Uniun Chidlé. Che tin le curs él Raimund Rigo, sportif y chidladù bele da söa jonëza incà (àl pö fat pert inće a campionać de livel nazional y internazional). Da se prenoté él tla Chidlara da Roncac Chidlé é sport, ligrëza y inće sodesfaziun. (foto: sport in augsburg) personalmënter o al numer de telefonn 0474 501068; da paié édl ma l’anüzada dl chidlara.


nr. 37 / 21 de setember 2012

Cursc Corsc de bal sa Vich Dai 7 de otober sa Vich vegn endrezà doi corsc de bal da 8 lezions ogne domenia sera te sala de Consei de Comun: bal latin-american h 19.00 - 20.30 e bal liscio per esperc h 20.30 – 22.30. Se cogn se scriver ite dant dai 30 de setember da Lucia Deluca: tel. 320.0690969, lucia.coluzzi@gmail.com. Cojinèr delvers sun Tamion con Stefano Ghetta

L Comun de Vich endreza n Cors per emparèr a cojinèr delvers col chech Stefano Ghetta. Se trata de 5 lezions via per da sera dai 8 de otober inant, ló dal restorant “L Chimpl da Tamion“. Se cogn se scriver ite dant dai 30 de setember contatan Lucia Deluca: 320.0690969, lucia.coluzzi@gmail.com. 2° Cors de fotografìa sa Vich

Tel meis de otober vegn endrezà n cors tecnich e de pratega per emparèr a fèr retrac con Giancarlo Farina. La lezions sarà de sabeda e domenia da les 16.30 inant, te sala de Consei de Comun de Vich. L’é 35 € per chi da Vich e 45 € per i etres. Per se scriver ite se oujer a Andrea Rizzi, cell. 340.2951453, rizzi83@gmail.com. Corsc de lengac a Moena

L Comun de Moena, en colaborazion con EuropAvisio, endreza n cors de ingleis e un de todesch per gregn, de trei livìe: basa, mesan e per esperc; n cors de rus de livel de basa per gregn e n cors de ingleis per bec enscin ai 11 egn. L’ensegnanta é de marelenga. L’é da se scriver ite te Canzelarìa de Comun dant dai 5 de otober. Corsc de rus te Biblioteca de Vich La Biblioteca de Vich endreza doi corsc de rus: per prinzipianc dal 1° de otober al 1° de november e per esperc dai 5 de november ai 6 de dezember. La lezions sarà de lunesc e de jebia, h 20.30 – 22.00. Cost 100 euro. Per se scriver ite jir te biblioteca o telefonèr al 0462.763062, mail vigodifassa@biblio.infotn.it. Śoghé a Sudoku

Le Consëi de Formaziun da La Val mët da jì te biblioteca a La Val ai 21 de setëmber dales 14.00 la pröma leziun de n curs por śoghé a Sudoku. Curs de dui iadi (ai 21 y ai 28), trami iadi dales 14.00 ales 15.30. Infos y prenotaziuns pro Annelies, tel. 338 8783494. Nodè por mituns

Badiasport mët a jì cun otober alenamënć da nodè y atletica por mituns dala 3a tlassa elementara ćina ala 3a mesana. Nodè vëgn tignì vigni lönesc tla nodadoia da La Ila, l’atletica lisiera vigni jöbia tla palestra dla scora mesana da La Ila por la perioda otober 2012 ćina mà 2013. Infos: posta@badiasport.org Nodè por prinzipianć

Badiasport organisëia indô n curs da nodè por prinzipianć mituns dala 1a ala 4a tlassa elementara. Le curs vëgn tignì vigni mercui domisdé tla nodadoia da La Ila por la spana de tëmp otober 2012 ćina mà 2013. Al é dè la poscibilité por i plö bogn da passè tl grup de alenamënt do n pü de tëmp. Infos: posta@badiasport.org Nodè por gragn

Al vëgn insigné i 4 stii lëde, spiné, arosch y delfin, y mioré la coordinaziun y la condiziun. Le curs vëgn tignì tla nodadoia da La Ila vigni mertesc dales 19.30 ales 20.30 (prüm grup) y dales 20.30 ales 21.30 (secundo grup) por le tëmp da otober 2012 ćina mà 2013. Al ne se trata nia de n curs por prinzipianć. Infos: posta@badiasport.org Imparè da balè a Badia Le curs da balè metarà man a Badia la sabeda ai 22 de setëmber, dales 17:00, y gnarà tignì dagnora dales 17:00 ales 18:30, por sis iadi indöt. Tel. 338 6219981. Tëmp y ligrëza cun mituns

En jöbia, ai 11 d’otober piarà ia a La Ila, pro la Cassa Raiffeisen le workshop dal moto “Starke Eltern - Starke Kinder”. La referënta é la sig.a Ingrid Hofer Kienzl. Les 8 indunades sarà por todësch, vigni jöbia dales 9 – 11.30 dai 11 d’otober ai 29 de novëmber 2012. Infos: tel. 348/7821170 o mail: sandra_frenademez@yahoo.it Curs de inglesc por chi che laora cun sciori

Curs por prinzipianć da scrì emails y baié cun i sciori. Al vëgn tignì sis iadi, de lönesc y mercui a La Val, tl salf dles manifestaziuns, scumencian al 1^ de otober. Prenotaziuns anter le dé 25 de setëmber pro Gustav 333 7689434.  Sigurté söl post de laûr Referënt: per. ind. gheom. raj. Heinz D’Angelo, a Bornech, dai 19 ai 20 d’otober, 16 ores, dales 8.30 ales 17.30. Por chi che à da püch metü man da laurè o laora pro costruziuns y cun lëgn. Infos: tel. 0474 573411. Massaja a öre y tanf

Por cosmetichers y alenadus de wellness. Referënt: Aichner Manuel, Fa. Art of Care, post: Bornech, sabeda ai 13.10.2012, dorada: 7 ores, 8.30–16.30, infos: tel. 0474 573411. Eletroidraulica

Al gnarà insigné les conoscënzes basilares dla tecnica eletrica scëmpla, la idraulica, la presciun, pumpes idrauliches, ventii, ez.. Referënć: Erich Brun (Firma Festo CH), a Bornech, dai 29.10.2012 ai 31.10.2012, 24 ores, dales 8.30 ales 17.30. Infos: tel. 0474 573 411. Curs de zumba Dai 24 de setëmber ćina ai 3 de dezëmber (por 11 iadi) vëgnel fat n curs de zumba dales 17.00 ales 18.00 tla palestra de Al Plan de Mareo. Al é ćiamò lerch. Chi che à interes dess se presentè ala pröma leziun, ai 24 de setëmber. Le curs costa 110,00 euro. Le Zënter Families Mareo inviëia da gnì a porvè.

Informazions y Manifestazions ♦ Movimënt y devertimënt cun i sonns ritmics “Zumba Fitness Party” chësc lönesc, y dedô curs davert a düć Ći é pa zumba? Zumba é n program de fitness che mosciöda l’aerobica cun bai latinoamericans. Les cater sorts de bal é salsa, cumbia, reggeton y merengue, mo an tol inće ca stii plü moderns sciöche le rap y hip-hop. Na leziun de zumba mët adöm ritms plü y manco movimentà che dëida tonifiché le corp y arjunje gran benefiz cardio. Cun öna na leziun de zumba pêrdon plü co 700 kcal. Le divertimënt é la cossa prinzipala de na leziun, scioche le colombian Beto Perez, le creadù de Zumba dij “It’s not a workout, it’s a party” - “al n’é nia na fadia, mo al é na festa”. Bel avisa por chësta filosofia é Zumba oramai cunsciüda sura döt le monn; metü man àl bele tl 2000 tla Colombia, mo impormò ti ultims agn él inće ruvé te Europa y inće tla Val Badia. La gran pasciun da balè y por portè n pü’ de feeling caraibich te nosta valada s’à ponsè les döes jones Stephanie Zumba é bal, movimënt, vëia de Alton y Sofia Granruaz da fà les curs por insigné vire... zumba. La gran preparaziun é da mëte jö na bela leziun cun de beles ćianties y cun movimënć saurisc por vigni eté, che vignun pois fà do zënza gran dificolté. Vì inće tö a fà zumba! Porta cun te vistimënt da stè saurì, na boza de ega y dër tröpa vëia da balè y da te devertì. En lönesc ai 24 de setëmber dales 20.00 ales 21.00 gnaral fat te palestra nöia a La Ila na “Zumba Fitness Party” por mostrè le program fitness nü che gnarà tignì spo dal 1. de otober por 8 iadi vigni lönesc y jöbia dales 20.00. Iscriziuns: al 1. de otober, pro la pröma leziun dl curs. Por informaziuns: Stephanie 3397553781 y Sofia 3381566639, www.uslaila.it

♦ Di zënza auto y garejeda de sauté Duman sada ai 22 de setëmber mët l Chemun de Urtijëi deberieda cun i Gherdëina Runners, la Lia per Natura y Usanzes, la Butëiga dl Mond y la Lia dl Turism a jì l “Di zënza auto“ L unirà metù a jì na garejeda de sauté tl luech de Urtijëi. N possa fé pea da 6 ani insù y i prims de uni categuria unirà premiei. Chëst ann iel velch de nuef. L unirà nce premià la tlas de scola cun l plu sculeies che fej pea. L unirà pià via dala 16.00. Iscrizions pra la Lia dl Turism, 0471/777600, o ortisei@valgardena.it nchin ncuei vënderdi 21.09. dala 18.00 o nchin duman sada ai 22.09. dala 15.00 sun plaza Sant Antone (start). I mutons sauterà da plaza S. Antone nchin pra l magasin di Catores, tres la streda Pedetliva y l raion da jì a pe de reviers sun plaza S. Antone. I granc sauterà da plaza S. Antone tres l raion da jì a pe, L ie plu bel a sauté che a jì cun l auto. (Foto de A. Stuffer.) rundel Purger, promenada, streda Pitla Sotria, scola mesana y de reviers sun la streda Rezia nchin sun plaza S. Antone. Do la garejedes uniràl fat la premiazion.

♦ Festa da d’autonn N dumënia ai 23 de setëmber uniràl inò metù a jì la festa da d’autonn coche bele da tradizion sun Mastlé Dala 13.30 inant sunerà David y Mattia cun si armonica pra la utia Fermeda y dala 14.30 saràl la santa mëssa Pra la capela da Stufan uniràl liet na santa mëssa. pra la capela da Stufan cianteda dal Cor Sasslong y l sarà nce la Lia dla Trohtes de S. Cristina. La festa jirà inant sun Col Raiser ulache duc ie nviei a unì a passé n blòt domesdì, deberieda cun cianties da mont dl Cor Sasslong, mujiga da druch de David y Mattia y la grupa di “Goaßlschnöller“ che unirà a stlefé. www.lauscdiladins.com

37


Informazions y Manifestazions Cursc Curs da balè fox, polca, boarischer Dai 29 de setëmber inant por 9 iadi, dagnora de vëndres, tl salf dles uniuns a La Val. Prinzipianć dales 19.30 ales 21.00, progredis dales 21.00 ales 22.30. Referënt: Günther Hellweger. Prenotaziuns pro Monica Vallazza al 334/1871385.

nr. 37 / 21 de setember 2012

♦ Lian por les lies da munt Invit ala pröma indunada dla Lia da Munt Ladinia Val Badia

Curs de Feldenkrais Bënsté y cunescënza dl corp tres l muvimënt. L curs scumëncia ai 4 de utober dala 20.00 tla palestra dla Cësa da Paussa a Urtijëi. L ie adatà per duc. Plu nfurmazions giapëis pra Johanna Delago, 346/7139533, hanna.delago@gmail.com

Al é bele plö agn che les lies da munt dla Val Badia baia da se mëte adöm. Ti ultims agn él bele gnü fat deboriada le program dles ativitês. Śëgn éra tan inant. I consëis dles trëi lies s’à bele incuntè y à fat fora che i tëmps é madüs y che al é ora che chësta uniun sides fata. Al é gnü aprovè le statut, al é gnü metü sö n consëi che à spo nominé n presidënt. Porchël orunse fà festa! Düć i mëmbri y apascionà dles lies da munt dla Val Badia é invià en domënia ai 23 de setëmber sön Senes ala pröma indunada dla Lia da Munt Ladinia Val Badia . L’incunada scomenciarà dales 11:00 cun na funziun religiosa, spo gnaral presentè ofizialmënter la lia. Dedô Senes sarà la munt por la presentaziun ofiziala dla Lia da Munt spo saral na marënra por Ladinia Val Badia. düć i iscrić ales lies da munt dlaVal Badia. Al ne manćiarà nia na cornisc musicala. Gnide düć a chësta 1a indunada dla Lia da Munt Ladinia Val Badia!

Curs de ginastica L KVW de S. Cristina nvieia duc a unì al curs de ginastica da d’autonn. L curs scumëncia ai 26 de setëmber dala 20.00 tla palestra de S.Cristina cun Marika Schrott.

♦ Nöt lungia di museums

Curs da balè L’Uniun dles Ëres da Lungiarü mët a jì le curs cun Veronika Ausserhofer. Al mët man ai 29.09. y va inant por 8 iadi. Le curs é dales 19.30 ales 21.00 por prinzipianć, y dales 21.00 ales 22.30 por progredis. Prenotaziun ćina ai 28 pro Consolata: 0474/590011 da sëra. Curs de inglesc Le KWV Badia mët a jì a Badia cursc de inglesc partis sö te 5 livì. I pröms dui mët man ai 24 y ai 25 de setëmber (da sëra), un ai 23 de otober (danmisdé) y dui ai 29 de otober y ai 6 de novëmber 2012 (da sëra). Vigni curs à 10 leziuns de 2 ores (dui iadi al’edema); le prisc é de 75,00 € (65,00 € por iscrić al KVW). Por informaziuns y prenotaziuns cherdede sö Cristina al nr. 0471/839657 o 333/1591599. Curs de Pallavolo La Lia Volley Gherdëina mët a jì n curs de pallavolo per duc i sculeies dala 4. tlas inant. L curs scumëncia ncuei vënderdi, ai 21 de setëmber dala 17.00 y va inant 2 iedesc al’ena ntan dut l ann de scola tla palestra dla Scola Elementra a Urtijëi. Per plu nfurmazions pudëis cherdé su l 328/3638884.

Curs de Pilates L KVW de Sëlva nvieia a n curs de Pilates. L curs cun Andrea Piccolruaz scumëncia ai 26 de setëmber. Un n curs ie dala 19.00 y un dala 21.00 for tla palestra Pranives te Sëlva. N possa se lascé scrì su pra Olga de Sisti, 0471/794040. Ritual energetich cun peres y cristai Por cosmetichers y alenadus de wellness. Post: Bornech, cun Manuel Aichner, Fa. Art of Care, ai 20.10.2012, 8.30–16.30. Infos: tel. 0474 573411. MAG-bolì cun zertificat aladô dl EN 287-1 Por lauranć tl ćiamp dl laorè le metal. Referënt: Oskar Volgger, a Bornech, otober - dezëmber, 60 ores. Tel. 0474 573411.

Mostres y Ert Mostra de Mauro Trincanato La mostra de Mauro Trincanato “Form und Farbe des Unsichtbaren – Forme e colori dell’invisibile“ ie da udëi dai 1. de utober nchin ai 10 de nuvëmber tl Café Surëdl a Urtijëi. L orar de giaurida dl Café Surëdl ie da lunesc nchin sada, 10.00 - 19.00.

Iadi, jites y escursions Da Burgeis a Schluderns

La grupa Nëus Jon Pa Bel Plan dla Lia da Mont de Gherdëina mët a jì ai 23 de setëmber na jita da Burgeis a Schluderns. L unirà jit sun l “Sonnensteig” de viers de Mals, inant sun l “Leitenwaal” a Matsch y ora dal’ autra pert sun l “Bergwaal.” L sarà da jì 4 ëura cun n pitl deslivel. Per plu nfurmazions pudëis cherdé su Elfriede, 348/0469287. Jì a crëp

La Lia da Mont de Gherdëina mët a jì n dumënia ai 30 de setëmber n di de jì a crëp, deberieda cun i judacrëp y mëinacrëp. Chëst ann uniràl jit tl raion dl Rosengarten. Per plu nfurmazions pudëis cherdé su Sybille, 333/2852859.

Program dla “Nöt lungia” tl Museum Ladin Ćiastel de Tor y Ursus Ladinicus tla Val Badia En sabeda, ai 22 de setembër, en gaujiun dla “Nöt lungia di museums”, él la poscibilité da jì debann dales 18.00 ćina les 24.00 tl Museum Ladin Ćiastel de Tor a San Martin y tl Museum Ladin Ursus ladinicus a San Ćiascian. Tl Museum Ladin Ćiastel de Tor a San Martin sonarà dales 21.00 inant “Anita y Zenzo” y dala medema ora gnaral presentè a San Ćiascian tl Museum Ladin Ursus ladinicus le “Pice acompagnadù dl Museum” cun vijites acompagnades por todësch dales 21.00 y por talian dales 22.00. Te trami i Museums pudaran ćiarcé inće produć locai, y n sorvisc Le duo Anita y Zenzo sonarà tl Museum Ladin Ćiastel de Tor. debann de taxi se condujarà da San Ćiascian a San Martin dales 20.00-21.00-22.00 y 23.00, y dales 20.3021.30-22.30 y 23.30 da San Martin a San Ćiascian.

♦ Nuet longia di Museums L Museum Gherdëina a Urtijëi nvieia duc duman sada ai 22 de setëmber dala 17.00 nchin la 23.00 ala nuet longia di museums. La ntreda ie debant

Traverseda da St. Valentin a Rojen La Lia da Mont de Gherdëina mët a jì n dumënia ai 30 de setëmber na bela jita tl Vinschgau. L unirà fat la traverseda da S. Valentin a.d. Haide nchin a Rojen passan per la Seebodenspitze (2.858 m). L sarà da fé n deslivel de 1.000 m y plu o manco 6 ëura da jì. Per plu nfurmazions pudëis cherdé su Arnold, 333/4377171. Di de arpizeda

La Grupa Alpinisć Gherdëina y i Jëuni dla Lia da Mont mët a jì n dumënia, ai 30 de setëmber n di de arpizeda per chëi che ulëssa purvé a jì a fé na via. Pion via dala 8 daduman sun plaza S. Antone per furné de viers dle Cinque Torri. Per plu nfurmazions y per se lascé nuté su pudëis cherdé su la Nëus Jëuni Gherdëina, 0471/799006. Pelegrinaje dla families

L KVW de Sëlva nvieia duc ai 30 de setëmber a unì al pelegrinaje dla families tla Val Badia. L unirà pià via dala 8.30 sun plaza sëura chemun te Sëlva. Per nfurmazions plu avisa y per se nuté su pudëis cherdé su Evi Senoner, 0471/773281. Jita sun l Renon

La Grupa di Seniores de S.Cristina nvieia duc a unì pea ai 27 de setëmber a na jita de mez n di a Lichtenstern sun l Renon. L unirà pià via a S. Cristina dala 13.00. Per plu nfurmazions y per ve nuté su pudëis cherdé su Helga Demetz, 0471/793004.

38

www.lauscdiladins.com

Luech de Cëdepuent (La Vila, Sëlva) 1956.

Nce i mëndri se devertësc te museum.

Dala 17.00 inant saràl n program per mutons y families cun cianties y stories da ntlëuta y de al didancuei. Nëinesc y laves nes cunterà de canche ëi fova pitli. Mutons y mutans possa cianté pea y fé daldò cun pintes da culëur y d’autri materiai vel' blòt pez de furnimënt. Dala 20.30 saràl na cunferënza cun l prufessëur Dr. Wilhelm Lutz dla Università de Frankfurt am Main n con’ de “La strutura dl nridlamënt tla valedes ladines tres la storia, cun referimënt particuler a Gherdëina“ , tla rujeneda tudëscia. Sëuraprò uniràl metù a jì doi jites menedes cun l pruf. Lutz. Una sarà n sada ai 22.09. sa Bula (ancunteda dan l Hotel Plaz dala 10.00) y la segonda sarà n dumënia ai 23.09. sun Daunëi (ancunteda dan la dlieja de Sëlva dala 14.00). La jites ie debant.


nr. 37 / 21 de setember 2012

Temp lede Incuntades cun bal y musiga plajora por ëres y ëi dla mesa eté insö Vigni lönesc, dales 14:30 ales 15:30, te Salf dles Uniuns da La Val, dal 1. de otober inant. Le stè adöm miorëia la crëta te se instësc y la ligrëza da vire. Al ne vëgn nia ghiré conoscënzes danfora. Infos y prenotaziuns pro Moling Pezzei Giovanna, tel. 338 1249472. Org.: Consëi de formaziun La Val.

Informazions y Manifestazions ♦ Helios, cunzert per festejé i 35 ani I Helios nvieia duc de cuer a unì a scuté su si cunzerc duman sada, ai 22 de setëmber dala 20.30 tla Cësa de Cultura a La Ila y n sada, ai 29 de setëmber y n dumënia, ai 30 de setëmber dala 19.30 tla cësa de cultura “Luis Trenker” a Urtijëi

Uniun dles porsones vëdues y sores dla Val Badia a Abano Terme

Iade cun coriera a Abano Terme, set dis tl Hotel Terme Helvetia, dai 4 ai 11 de novëmber. Iscriziuns pro Monica Costa Clara, tel. 0474 590069, terminn: 20 d’otober. Prisc por porsona te ćiamena dopla y pensiun plëna: 530,00 euro, te ćiamena da un: 600,00 euro. Festa per l marcià rëidl

La Butëiga dl Mond a Urtijëi festejea 5 ani da canche la ie unida giaurida y nvieia duc n dumënia ai 23.09. dala 9.00 daduman a na santa mëssa te dlieja de Urtijëi cianteda dala grupa Quilisma y da dedò te cësa de cultura a n bon gusté rëidl, mujiga y juesc per pitli y granc cun la grupa Trix. Cumpré ite y cunsumé pensan do

L KVW de S. Cristina deberieda cun la Butëiga dl Mond y cun l sustëni dl Servisc Furmazion de S. Cristina mët a jì n “workshop” dal titul “Konsumpass - bewusst einkaufen, konsumieren und genießen“ cun la referënta Silvia Dalvai ai 13.10. dala 16.30 te biblioteca “Tresl Gruber” a S. Cristina. N possa se lascé nuté su pra Daniela Perathoner, 333/3990635. Prejentazion dl liber y mostra N lunesc ai 24 de setëmber saràl te Sëlva te biblioteca Oswald von Wolkenstein dala 20.00 la giaurida dla mostra itineranta “Frauen im Wandel der Zeit”. Te chëla ucajion prejenterà Ingrid Runggaldier si liber Frauen im Aufstieg. Meditazion

La lia Sanynton mët a jì ai 27 de setëmber na meditazion “Mit göttlichen Farbstrahlen“ te Sëlva, tla sënta dla Lia Sanynton, streda La Sëlva 101, dala 20.00 cun Anna Maria Künig. Storia, ert y artejanat – vijita meneda tl Museum de Gherdëina

Mujiga ie per mé… n jol ora dla realtà, ulache me sënte liede de pensé a cie che ue, … sciche n bon cumpani, che me dà la man y va cun mé tres mi vita, … lidëza, te chëla che possi svilupé mi pensieres, … n mond plën de legrëzes y armunia per l’ana, … sciche n “album de meludies” cun de gran lecorc, … emozions zënza cunfins, … na gran pascion, … avëi na hez ... Chësc ie chël che vel’ cumëmber dla grupa Helios respuend, canche n ti damanda cie che mujiga uel dì per ël? Y avisa chësta particulariteies ie chëles che tën adum na grupa, ani alalongia tres plu “generazions”, zënza pierder l mpëni tl ulëi se fé na legrëza a sé nstësc y ai autri, s’la ciantan y sunan ntan cunzerc, mësses o vel’ noza. Per l cumplì di 35 ani dla grupa Helios ulëssa la ciantarines y i nstrumentalisć dé inant tres n cunzert plën de meludies nueves si pascion per la mujiga moderna de al didancuei y nce chëla drët cunesciuda di ultimi dejeneies. Purtan dant cianties da Queen, Pink Floyd, Adele, Silbermond nchin a Vasco Rossi, saràl da audì n prugram che plej ai jëuni y che fej lecurdé ala jënt plu de tëmp si junëza. L sarà n cunzert plën de surprejes, dessegur mpue’ autramënter de coche n ie usei a audì i Helios. L carater tradiziunel ne n’ie nia jit perdù y ie bën da cunëscer, sibe ti pec nueves che te chëi metui adum dan n valgun ani dala grupa. Per abelì i cunzerc iel unì nvià per vel’ ciantia ghesć che sunerà pea y dajerà mo n cuntribut sëuraprò per fé garaté l cunzert. Ma deplù ne ulons sambën nia fé a l savëi. L dëssa vester zeche che n ne se aspieta nia! Festejé ulëssans dantaldut deberieda cun duc i cumëmbri che ie stac leprò ti ultimi 35 ani. For inò se à la grupa mudà, ma l ne n’ie mei unì lascià do defin cun l’atività. Chësc mostra l gran mpëni che porta mo śën si fruc. L ne n'ie segurdenò for stat seurì, ma tenian adum y lauran deberieda iesen stac boni de purté inant chësta bela grupa.  Per i cunzerc a Urtijëi prions bel de apusté danora na lerch, cherdan su l ufize dla Nëus Jëuni Gherdëina, 0471/799006. La ntreda ie debant.   La grupa se ncunforta sun Vosc unì ! La grupa Helios

N juebia ai 27 de setëmber da mesa la cater domesdì pieta l Museum na vijita meneda tres la culezions dl’ert y dl artejanat de nosta valeda, tla rujeneda taliana y da mesa la cinch tla rujeneda tudëscia. N possa se lascé nuté su tl Museum o tla Lies dl Turism dla valeda. www.museumgherdeina. it

Chino Chino Eden Cortina

Da vedei tl chino ampezan: en vender y en sabeda ai 21 y 22/09 da les 18 y 21 “Monsieur Lazhar”, en domenia ai 23/09 da les 18 y 21 “I Mercenari 2”y la juebia ai 27/09 da les 18 y 21 “W.E. – Edward e Wallis”. Per infos: 0436/881812. Jon al chino Al Chino de Cianacei

En sabeda ai 22 de setember da les 21.15 e en domenia ai 23 da les 21.00 se podarà veder “I Mercenari 2”; en domenia ai 30, h 17.30 vegnarà moscià “Ribelle - The Brave”; en sabeda ai 29, h 21.15 e en domenia ai 30, h 21.00, se podarà veder enveze “Prometheus”. Al Chino de Pardac

En sabeda ai 22 e en domenia ai 23 de setember, da les 17.00 vegn moscià “Ribelle - The Brave” e da les 21.15 “Prometheus”. En mèrtesc ai 25, en mercol 26 e en jebia ai 27 de setember, da les 21.15, vegn moscià “Bella addormentata”. Al Chino de Tieser

Insnet, vender ai 21 de setember, h 21.15, en sabeda ai 22, h 16.30 e h 21.15 e en domenia ai 23, h 21.00 se pel veder “Il Cavalliere oscuro - Il ritorno”. Dai 3 ai 7 de otober enveze vegnarà moscià ence en 3D l film “L’era glaciale 4”. Al Chino de Ciavaleis

Insnet, vender ai 21 de setember e en domenia ai 23, h 21.15, vegn moscià “Prometheus”, enveze en sabeda ai 22 h 21.00 vegnarà portà dant n spetacol per i 50 egn del Cor Coronelle. Ai 28, ai 29 e ai 30, da les 21.15 vegnarà moscià “L’era glaciale 4”.

Segres y Festes Festa del volontariat a Maso Toffa

La Coprativa Oltre e la sociazions de volontariat del setor sozio-sanitèr de Fascia e Fiem envìa duta la jent de Fascia e Fiem en domenia ai 23 de setember a Maso Toffa a Caran (loc. Cela 16) per la Festa del volontariat. L program pea via da les 10 con la messa e l va inant da les 11 con la prejentazion de l’atività de desvaliva sociazions. Da les 12 la marena col contribut de 5 euro e dapò loterìa de solidarietà. Sarà fora stonc informatives de n muie de sociazions. Segra da San Martin de Tor En sabeda y en domënia ai 22 y 23 de setëmber 2012 gnaral tignì a San Martin de Tor la Segra dl paîsc. Sabeda sëra, dales 20.00 inant: festa cun musiga de DJ Robby, domënia dales 8.30 inant: mëssa, matiné; domisdé: conzert dla Musiga y dales 16.30 inant musiga da bal cun Hubert & David. Pro le paiun te paîsc.

I cumëmbri dla grupa Helios al didancuei.

♦ 1a Incuntada interladina di paracadutisć En ocajiun dl 70ejim aniversar dla batalia de El-Alamain (articul sot l’atualité) vëgnel organisé la pröma incuntada interladina de chi che à fat le soldà pro i paracadutisć Düć i paracadutisć dles 5 valades ladines é dër bel invià da tó pert ala incuntada, fissada por la sabeda ai 13 de otober 2012 a San Ćiascian. I s’incuntun domisdé por n aperitif pro le camping ”Sass Dlacia”, por se spostè spo ala capela de vera de Valparola, olache al gnarà tignì na mëssa de rengraziamënt. Dedô jarà inant la serada indô zoruch al ”Restorant Sass Dlacia”, olache al s’aspeta na buna cëna por stè n pü’ adöm y s’la cuntè. Al gnarà organisé deplü intratenimënć por abelì y fà plü interessanta l’incuntada. Porchël periàsson düć i interessà da nes menè material da podëi adorè: fotos - les tradizionales por posta, che i ponsàsson nos da digitalisé y ves menè indô zoruch o digitales ala e-mail para-ladins@live.com - spo films, audio y de vigni sort d’ater. Dër bëgnodüdes foss inće idees de vigni sort da podëi realisé y partì cun düć. I numeri che i podëis contatè: Gianni al numer 338/6068626 o Ludwig al numer 338/3386810 ti orars do le laûr. I sperun da avëi somenè interes y che l’apuntamënt vëgnes inće portè inant a usc, por che düć vëgnes alsavëi dl evënt. I tignarun al corënt dla manifestaziun inće tles proscimes ediziuns de Chi che à fat le soldà pro i paracadutisć, é ”La Usc di Ladins”, olache al gnarà dè informaziuns invià ala pröma incuntada interladina, ai plü detaliades sön orars y organisaziun, che sarà 13 d’otober a San Ćiascian. inće da odëi sön le sît www.para-ladins.org www.lauscdiladins.com

39


Informazions y Manifestazions

nr. 37 / 21 de setember 2012

♦ Inaugurazion dl ciamp dala codla nuef

♦ Prozesciun a Oies

L Chemun de Sëlva nvieia duc al’inaugurazion cun benedescion dl ciamp dala codla nuef te Plan, duman sada ai 22 de setëmber dala 16.30

En vëndres ai 28 de setëmber da sëra L’Uniun Ëi Val Badia inviëia düć i ëi y i jogn en vëndres, ai 28 de setëmber 2012, dales 19.30 te dlijia de Badia a tó pert ala prozesciun cun linternes o ćiandëres da San Linert/ Badia a Oies.

L' autoriteies dl luech saluderà duc chëi che unirà al’inaugurazion. Da dedò unirà l ciamp benedì y do la benedescion saràl n juech danter na scuadra dl Chemun de Sëlva y na scuadra de mutons dl F.C. Gherdëina. Oradechël saràl da dedò n turnoi cun la scuadres che à fat pea pra turnoies de tëmp liede. Tlo se ancunterà jëuni de passa vint ani cun chëi che se sënt mo jëuni de do i ... anta.

L ciamp dala codla nuef te Plan.

Oies é n post sant, inće Papa Benedët XVI é gnü adalerch por perié.

Dotors y Apoteches Dotors L dutor de servisc te Gherdëina dala 8.00 da duman de n sada 22 de setëmber nchin la 8.00 da duman de n lunesc 24 de setëmber ie l dutor Valentin Tröbinger de Sëlva, tel. 0471/773073. Le dotur en sorvisc tla Val Badia, tla findledema di 22 y 23 de setëmber, é le dotur Giuseppe Di Marino, Pedraces, 0471 839691. Apoteches

L’apoteca de servisc te Gherdëina, che à daviert ora dl orar ordiner da n vënderdi (dala 19.00) ai 21 de setëmber nchin n vënerdi ai 28 de setëmber ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 21 de setëmber al vëndres ai 28 de setëmber, é chëra da Picolin, tel. 0474 523020.

Teater Baujies, nia auter che baujies

La grupa de teater de S. Cristina festejea i 30 ani dla lia y prejënta nce chëst ann n teater da rì. L teater sarà da udëi ai 3 de utober dala 20.30, ai 7 de utober dala 16.00 y dala 20.30, ai 11 de utober dala 20.30 y n sada ai 13 de utober dala 20.30. Chertes danora pòssen apusté tla Boutique Parisienne a S. Cristina, 0471/793334.

Trasmiscions TV y Radio “L davegnir te tia mans” su la Radio Ladina de Busan

En mercol ai 26.09. scomenza na neva lingia de programes dal titol “L davegnir te tia mans” olache se vel soscedèr curiosità e emparèr a cognoscer mestieres e profescions de ogne sort col contribut de la jent desche vo. Tropes e desvalives l’é i mestieres che se pel fèr, da chi leé al turism a chi più sportives, creatives, chi che rencura la persones o l’ambient. De chest se rejonarà te na lingia de programes per enrescir ence l bel de saer fèr mestieres desvalives e i baratèr jù un co l’auter aldò de la sajon. Rejonaron de menacrepes, marangons, maestres de schi, lurieres coi turisć ma ence de giornalisć, atores e regisć, avocac, impiegac, archivisć, musizisć e trop de auter ogne mercol sera da les 19.05 a les 19.30. I programes, endrezé e recuré da Anna Mazzel, vegn sporc en curt dantfora su la plata web de la Rai de Busan www.raibz.rai.it (se pel ence i scutèr en podcast per 10 dis dò la trasmiscion). “Kairos”: l temp del Spirit sun TML Sun TML de sabeda e domenia se pel veder la rubrica religiousa “Kairos”, con letura del Vangele e coment. A ne portèr dant sia reflescions su la Parola de Die l’é ades don Alfredo Pederiva. L program vegn manà fora de sabeda h. 18.30, 19.45, 21.15 e 22.15; de domenia h. 7.15, 10.00, 12.00, 14.00 e 18.45. La programazion de TML é ence sul sit www.tmltv.it e i programes de Ercamedia ence sun www.tvladina.com.

♦ Eco Dolomites y Eco Sellaronda Bike Day Chësc fin dl’ ena ti vën dedicà al’ ecologia. N dumënia ai 23 de setëmber, saràl l di dla rodes ntëur al Sela y la stredes unirà dsaredes per i auti, motores y curieres dala 8.30 nchin la 15.30 I cater Cunsorc de Turism dla valedes ladines ntëur al Sela mët a jì n fin dl’ena dedicà al’ ecologia. Dai 21 nchin ai 23 de setëmber iel udù dant de plu scumenciadives. N vënderdi uniràl adalerch te Sëlva i partezipanc al “raid” dl' ecologia cun si auti ecologics. N sada danmesdì saràl dala 9.00 inant te cësa de cultura “Oswald von Wolkenstein” n referat dl espert de e-mobility Gianfranco Pizzuto n con’ de n valguna nuviteies tl ciamp di auti a strom. Riesc do uniràl pià via per purvé ora i auti a strom sun la stredes di cater jëufs, per finé via danter la cater y la cinch domesdì sun plaza S. Antone a Urtijëi, ulache duc i ntressei puderà ti cialé da daujin a chisc auti dl daunì. N N dumënia unirà la stredes di jëuf dsaredes per dumënia pra l “Eco - Sellaronda Bike Day“ unirà la stredes ntëur al Sela ti lascé la lerch a chëi dala roda. dsaredes per i auti, curieres y motores dala 8.30 nchin la 15.30 per ti lascé lerch a chëi dala rodes y danterite saràl nce da udëi vel’ roda a strom. Plu nfurmazions sot a www.ecodolomites.com y www.e-sellaronda. com

♦ Tru Cultural de Badia Festa de daurida en sabeda ai 29 de setëmber 2012, dales 15.00 Le Comun de Badia adöm cun l’Assoziaziun Turistica de Badia inviëia la popolaziun ala daurida dl Tru Cultural en sabeda ai 29 de setëmber 2012, dales 15.00 a Pedraces. La musiga da vila de Badia se cruziarà dla cornisc musicala. Tles viles che à fat n pü’ de storia él gnü metü sö tofles cun informaziuns y retrać adarà. Suraprò él gnü stampè n codejel cun laite la storia plü avisa dles viles y de uniuns culturales.

“Istadela Comandela” tel Cianton de l’Istitut Te “L Cianton de l’Istitut” sun TML se pel veder l spetàcol “Istadela Comandela. L viac di joegn draghes”, spetàcol pissà e realisà da la Scola de Musega “Il Pentagramma” e portà dant l’istà del 2011 tel teater de Navalge da 110 arlieves de la scoles de musega e de bal de Tieser. Oraries orientatives: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15 e vender h. 11.30. “Ercaboan Istà” sun TML e sul web Sun TML ogne sabeda vegn dat fora na neva trasmiscion de la rubrica “Ercaboan”, de Silvano Ploner. Chisc i oraries: sabeda h. 18.00 e 20.45; domenia h. 13.30 e 18.15 e replica duta la setemèna: lunesc h. 20.45; mèrtesc h. 17.30; mercol e jebia h. 18.15. La programazion de TML é ence sul sit www.tmltv.it e la produzions de Ercamedia sun www.tvladina.com. Öna dles tofles.

40

www.lauscdiladins.com


Infos, Anunzies y Inserac

nr. 37 / 21 de setember 2012

Avisc

Vangel dla Domenia

Mësa torona: “Diagnosa crebesc: acompagnamënt y postcura” A La Pli de Mareo, tl Salf dles uniuns, en mertesc ai 25 de setëmber, dales 20.00, por todësch. Cun Anton Huber (psicoterapist), Gerald Stifter (dotur), Wolfgang Schullian (dotur), Lidia Hellweger (tocada) y Martha Erlacher Feichter (colaboradëssa Uniun Crebesc). Moderaziun: Erwin Frenes. Iade al Consëi provinzial

Les uniuns dles patrones dla Val Badia organisëia n iade a ti ćiarè al Consëi provinzial a Balsan ai 2 de otober. An pëia ia da Badia dales 08:00. Söl programm él la vijita al Consëi provinzial, la marëna y domisdé da jì a ćiarè ales piramides sön Renon. Infos: Edith Miribung, La Val, tel. 0471/843187, cina ai 26.09.2012. Zënter families “ergobando”

Domënia, ai 23 de setëmber 2012 25ejima Domënia ia por l’Ann B - Dal vagnele do San Merch Te chël tëmp passâ Gejù y sü discepui fora por la Galilea. Mo Gejù n’orô nia che zacai gniss al savëi; deach’al orô istruì sü discepui. Al ti à dit: Le Fi dl Om ti gnarà surandè ala jënt, y ai le coparà; mo trëi dis do süa mort ressoriaral. Mo ai ne capî nia le significat de sües parores, ai ne s’un fidâ nia da le damanè. Ai ê rovà a Cafàrnaum. Canch’al ê spo te ćiasa, i àl damanè: Porsura ćî ëise pa baié sön tru? Ai scutâ, deach’ai â baié deboriada sön tru porsura cal che ê le plü gran de d’ëi. Dailò s’à Gejù sentè, à cherdè i dodesc y ti à dit: Chël che ô ester le pröm dess ester l’ultimo de düć y le sorvidù de düć. Y al à metü n möt amesa ëi, spo l’àl tut te sü brac y ti à dit a d’ëi: Chël che tol sö n te’ möt por mia gauja, tol sö mè; chël indere che tol sö mè, ne tol nia sö mè, mo chël che m’à menè.

L’assoziaziun “ergobando” à metü man indô söa ativité, le zënter é davert vigni vëndres dales 15.00 ales 17.00. Laprò dauriaral ai 3 d’otober inće de mercui danmisdé, dales 9.30 ales 11.30 por i plü pici mituns ćina ai 3 agn.

Recort

Camper dla Zentrala di Consumadus

En lönesc ai 24 de setëmber, dales 9.30 ales11.30, saral a La Ila söla plaza dla Ćiasa de Cultura Anna Willeit y Vinzenz Hilber, colaboradus dla Zentrala di Consumadus, che darà consëis sön i sorvisc dla Zentrala: problems finanziars, assiguraziuns, sparagns, sciöldi, radiaziuns, mediaziun te conflic y d’ater. Udiënzes dla Uniun di Ostis La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen.

Ćer Konrad, ćer tati, al é bele passè 5 agn da canche te nes as lascè. Te saras tres te nüsc cörs y te nüsc pinsiers. La Mëssa vëgn zelebrada en domënia, ai 23 de setëmber, dales 10.00, tla Dlijia de Corvara

Di zënza auto Alma y mituns cun families

L Chemun de Sëlva fej a l savëi che duman sada, ai 22.09. saràl l “Di zënza auto”. Te chësta ucajion prions bel duta la jënt de Sëlva de fé pea pra chësta azion y de se muever a pe o cun la roda. L fin ie chël de sensiblisé la jënt a n majer respet per l ambient y la natura. La Jungschar de Sëlva scumëncia inò

Rengraziamënt

N se anconta ai 29 de setëmber dala 15.00 tl local dla Jungschar de Sëlva per chëi dla Scola Elementera y ai 6 de utober dala 15.00 per chëi dla Mesana.

I se recodun te nostes oraziuns de

Neva palestra a Cianacei

Guido Rindler

Apede al zenter Dòlaondes l’é stat enaudà la neva palestra “Planet Gym” olache vegn fat corsc de Spinning, Firbox, Step, GAG, Just pump, Total Body, Aerobica e autra sorts de tecniches per se tegnir alené. Per informazions se oujer te palestra, aló dal zenter Dòlaondes.

de Pal – Al Plan de Mareo nasciü ai 17/02/1972 mort ai 01/09/2012.

La comunanza de Fascia sun Ciampedìe

En domenia ai 23 sun Ciampedìe l Comun general endreza “La comunanza va sa mont”. Chest l program: h 9.30 ejercitazion di Studafech e del Socors Alpin; h 11.30 messa grana, h 12.30 marena, h 14 relazion sul Ciadenac del dotor Marcello Mazzucchi. Per ciapèr da marena se cogn se scriver ite amò anché al Comun general de Fascia al 0462.764500 o a la direzion procuradora@comungeneraldefascia.tn.it

Ti dis dl comié unse podü sintì le gran amur y l’amizizia che Guido à ciafè! Dilan de cör a düć chi che à tut pert ala sopoltöra y ales corones, che à fat n sorvisc.

Tesseramenc per l’hockey Fascia

L’é tacà l campionat de serie A de Hockey e la sportiva Hockey Val de Fascia à orì l tesserament per poder ite al stadie Scola a veder la partides. Da chest la tessera vèl ence per jir coi feres. Se pel cerner anter la tesseres: Gold, Family, Full, Mid e Young. Info te stadie de Dèlba, tel 0462.602499 o info@hockeyclubfassa.com.

Laura, Gaby y familiars

Aniversar Pension Gardenazza a Badia chir por la sajun da d’invern n’ëra poscibilmënter dl post a daidé fora danmisdé (dales 9 ales 11 ca.) y a fà la chelnera por salf da sëra. Por informaziuns prëibel cherdé sö le 0471/839716.

Bella Vista Hotel Emma ****s a Al Plan chir n/na secrêter/ia por döt l’ann. I s’aspetun esperiënza profescionala, conescënza di lingac y pasciun por le laûr. Prëibel cherdé sö le 335/364306 Martina o menè na e-mail a martina@hotelemma.it

Ostaria Plazores a Al Plan chir por la sajun da d’invern na chelnera poscibilmënter dl post, n secundo cogo, n aiüt te ćiasadafüch. Prëibel cherdè sö le 347/4334373 o menè na e-mail a info@plazores.com

Tl zënter a la Ila, sön strada, vëgnel afité ia n local y magazin por botëga o ofize. Prëibel cherdè sö le 339/7052729.

A San ćiascian tl zënter vëgnel afité ia trëi pici apartamënc por döt l'ann. Prëibel cherdé sö le 340/3812735.

Tla streda Stufan a Urtijëi vëniel fità via per dut l ann n cuatier da 98 m2 a jënt da tlo. Tel. 0471/797365

L vën fità via n bel cuatier fat ora da nuef a Runcadic. L cuatier ie adatà per 2 persones. Prëibel cherdé su l 335/1409585.

Ütia La Para a La Ila chir por la sajun da d’invern na barista na porsona a fà vigni sort de laûrs poscibilmënter dl post. Prëibel cherdè sö le 335/5455485.

Residence Sonia a La Ila chir por la sajun da d’invern personal da puzenè apartamënć la sabeda. Prëibel cherdè sö le 338/4051738.

Snack Bar Corf a Corvara chir por la sajun da d’invern n/na porsona a daidé te ćiasadafüch, poscibilmënter dl post. Prëibel cherdé sö le 328/3347411.

A Urtijëi vëniel cris per l studio inj. Siegfried Comploi y arch. Paul Costa n cunlauradëur che sà da dessenië cun Autocad y sà nëut cun Archicad. Nteressei possa cherdé su l 0471/798453.

Tü edli, tüa buna lüna, tüa vöia da vire... indlunch él fostüs de tüa vita.

Alexander, vigni dé se acompagnëieste te nüsc pinsiers. Ai 24 de setëmber él n ann da canche te nes as lascè. I te recordun in sabeda ai 22, dales 20.00, tla Dlijia da La Val. Giulan a düć chi che se recorda de ël.

L vën vendù te na posizion panoramica y da surëdl daujin al zënter de Urtijëi y ai majeri mplanc portamont, te na cësa tlima E1 tl ultimo partimënt suaut n cuatier de 140 m2 sun doi liviei cun na scela de ntreda, na lerch per n mplant da sciaudé, n boiler, na luegia da lascé sëura schi y ciauzei, na cësadafuech, n local per maië, na stua, trëi majons, trëi banies, n local per ufize o auter, trëi piguei cun na bela ududa, garaje, ciulé y luegia per lascé l auto. L cuatier ie mé plu cunvenzionà 9 ani alalongia. N bon nvestimënt. Prëibel cherdé su l 335/499071.

www.lauscdiladins.com

41


Inserac

nr. 37 / 21 de setember 2012 Da chirì

L vën crì a Urtijëi na majon per una na persona per la sajon da d’inviern da mez dezëmber nchin a mez auril. 338/5027357. ••• L vën crì n cuatier da tò a fit a Urtijëi per na familia dla Talia che stà bele te Gherdëina. Tel. 349/7551258. (36/12)

••• N ost da tlo chier n apartamënt cun 2-3 majons da to a fit per la sajon da d'inviern. Tel 339/3238833. (36/12) ••• L vën crì n cuatier da tò a fit per doi persones a S. Cristina o a Urtijëi da

nuvëmber inant. Tel. 366/4420608. (37/12) ••• N pèr da tlo chier n cuatier da tò a fit per 2 personea a Urtijëi da nuvëmber inant per n ann o doi. Tel. 327/5522859. (37/12)

Da vende l vën vendù na mascin da suië besc dla Miele y na mascin da paidlnè dla Miele, 120 cm lergia. Tel. 339/7127472. (35/12) ••• Da vëne brëies da tët de lersc, trëi func, por na spersa de zirca 100 m2 de tët, adorades cater agn. Tel. 335/8460560. ••• Da vëne lëgna fata sö y vancëis a Al Plan. Tel. 0474/501272. (35/12) ••• L vën vendù n dlaciadoi y na “fritteuse“ te Sëlva. Tel. 0471/795156. (36/12) ••• Al vëgn venü na dlaciadoia a S.Ciascian a 50,00 euro. Tel. 339/6870823. (36/12) ••• Al vëgn venù n BMW 118i 129CV cun 87.000 km imatricolé dl 2005. Laprò el montli y cërtli da d’invern. Tel.

Kostner Andreas Srl Bar L’Got a Corvara chir n/na barist/a part-time (da sëra) por la sajun da d’invern. Telefonede al 335/5625333 o al 0471/836117.

0474/523214. (36/12) ••• L vën vendù na roda da stredea revijioneda sciche nueva per na persona granda 1,75 – 1,85 m cun telaio de carbonio y dut l material Shimano Duraace, a priesc da traté. Tel. 0471/793671 o 335/7040572. (36/12) ••• L vën vendù 2 pèr de schi Elan da slalom de 1,50 cm fac ju da gara y 2 per de schi Elan da slalom lerch de 1,76 cm fac ju da gara. Tel. 0471/793671 o 335/7040572. ••• Al vëgn venü lëgna sëćia bele fata sö de liac de 40 cm y vancëis, a Mantëna (Al Plan). Tel. 0474/501679. (da sëra). ••• Da vene rans sec de lersc, pinch o pecio sies sö de 50 cm e vencëis. Tel. 347/5004691. (36/12) ••• L vën vendù n Quad Arctic Cat 550i, dl 2011, 4x4 cun ridotes, deferenzial dancà y dovia, servo, cuplung per njin da taché do, binda cun na forza de 1.360 kg, 1.200 km a 7.750,00 euro. Tel. 345/7110501. (36/12) ••• Da vëne n Jeep Suzuki Jimni 1.4 diesel cun 40.000 km, curù grij metalisé, mantignì der bun, inće por neopatentes. Tel. 335/5474768 da sëra dales 18.00 inant. (36/12) ••• Da vëne n triciclo Ape Cross Country

Hotel La Perla a Corvara chir por la sajun da d’invern n cogo por i gostà. Prëibel menè le curriculum vitae a alexander@hotel-laperla.it, na porsona responsabla por le zënter de bëgnstè "Eghes Sanes" cun conoscënza dl inglesc y todësch. Prëibel menè le curriculum vitae a info@hotel-laperla.it Al ne vëgn nia conscidré candidatöres che ne corespogn nia ai profii damanà. Al vëgn damané esperiënza de laûr te strotöres de medema categoria.

Ütia L' Tablà chir por la sajun da d’invern 1 barist/a, 1 chelner/a cun conoscënza dl orderman y de talian y todësch. Prëibel menè le curriculum a itabla@ladinia.it o cherdè sö le 333/2884417.

Garnì ai Pini a San Ćiascian chir por la sajun da d’invern na barista che sais talian y todësch. Prëibel cherdè sö le 0471/849541 aipini@rolmail.net

Garnì Villa Flora a S. Ćiascian chir por la sajun da d’invern 1 chelnera/barista. Prëibel cherdè sö le 0471/849472.

42

www.lauscdiladins.com

Garni Gabrieli a Corvara chir na ćiamenëssa por 3 ores danmisdé por la sajun da d’invern. Prëibel cherdè sö le 0471/836051.

La Scola de Schi de Urtijëi chier per la sajon da d’inviern personal per l ufize y lauranc per l mprëst dai schi. Per plu nfurmazions prëibel cherdè su l numer 0471/796153.

Furnaria Gasser a La Ila chir por fora de sajun y inće por la sajun da d’invern na barista. Prëibel cherdè sö le 0471/847102.

50 cc. cun 4.502 km, curù cöce, roll-bar, lada curida jö cuna aluminio, mantignì dër bun. Tel. 335/5474768 da sëra dales 18.00 inant. (36/12) ••• L vën vendù n “carrello“ per n auto mesures 2 m x 1,20 m. Tel. 335/8177353. (37/12)

Hotel Arkadia ***S a Corvara chir por les proscimes sajuns chisc colaboradus dl post: 1 tornanta por salf, y ćiamenes, 1 lavataîs, 1 secundo cogo. Prëibel cherdé sö le 335/6565787 o scrì a info@hotelarkadia.it

Garni Erna a Al Plan chir por la sajun da d’invern n’ëra cun esperienza a romené sö ćiamenes y a fà la blanćiaria, poscibilmënter dl post. Orar de laûr presciapüch dales 8.00 ales 15.00. Prëibel telefonè al 0474/501066 o menè na mail a info@garnierna.it  

La Dolomiti Sportclinic a Urtijëi chier 1 secreter/a a tëmp plën da śën nchin ala fin dla sajon da d’inviern 1 OSS/ nfermier/a da mez nuvëmber inant. L vën damandà cunescënza dla rujenedes tudësch, talian y nglëisc. Infos: 0471/086000 info@dolomitisportclinic.com

Ütia Las Vegas chir por la sajun da d’invern y poscibilmënter dl post 1 pröm cogo, 2 barisć/baristes, 1 chelner/a, 1 conditer, 1 secreteria inće por döt l'ann. Prëibel cherdè sö le 337/457242 o scrì a www.lasvegasonline.it

Ütia Florian Ütia nöia a La Ila chir por la sajun da d’invern 1 barista, 1 chelnera, 1 aiüt te ćiasadafüch. Prëibel cherdè sö le 333/6770105 o menè na mail a florianfrenademetz@ me.com

Hotel Sassongher a Corvara chir da atira por la sajun da d’invern o inće por döt l ann 1 secretêr/ia poscibilmënter dl post cun esperiënza, che sa todësch, talian y inglësc y da laorè cun le computer. Prëibel cherdè sö le 0471/836085 o mené na email a info@sassongher.it

Da dé ca L vën dat ca 400 plates de tët dla sort “Wierer, doppia romana” culëur grisc scur. Tel. 366/6597091. (37/12)

Rifugio Ütia Bamby sot a Piz La Ila chir por la sajun da d’invern 1 chelner/a cun esperiënza y che sais todësch y inglesc. Al ne é nia da durmì y an vegn sö cun i schi. Prëibel cherdè sö le 329/9540054 o scrì a info@rifugiobamby.it

Hotel Christiania a La Ila chir 1 cogo dl post por i pröms, 1 lavataîs. Prëibel cherdè sö le 0471/847016.

Na pension a S. Cristina chier n’ëila da tlo a lavé ju per n doi ëura da sëira per la sajon da d’inviern. Prëibel cherdé su l 0471/793443. Camping Colfosco/ Corvara chir por la sajun invernala 1 ël dl post por parchejé y ciaré sura la plaza. Por informaziuns prëibel cherdè sö le 0471/836515 o le 348/0625058.

Hotel Störes a S. Ćiascian chir da atira 1 chelner/a cun esperiënza y conoscënza dl talian, todësch y inglesc. Prëibel menè le curriculum a info@hotelstores.it o cherdede sö le 0471/849486.

Sport Lagazuoi a San Ćiascian chir por la sajun da d’invern boteghiers/es cun esperiënza. Prëibel cherdè sö le 0471/849554 o le 335/6761788.

Hotel Miramonti a Pedraces/Badia chir por la sajun da d’invern n secundo cogo, intrami cun esperiënza y poscibilmënter dl post. Prëibel telefonè al 0471/839661 o menè le curriculum a info@miramontihotel.it

La Scora de Schi da Corvara chir por la sajun da d’invern n cogo na secreteria, poscibilmënter dl post. Prëibel cherdè sö le 0471/836126.

N garnì a Corvara chir por la sajun da d’invern n’ёra jona por dè fora i gostà. Prёibel cherdè sö le 0471/836008.

I Dolci di Ricky a Badia chir por la sajun da d’invern 1 chelnera por domisdé. Prëibel cherdè sö le 0471/838018.

Art Hotel Cappella ****S a Calfosch chir por la sajun da d’invern n bun chelner cun esperiënza por le restaurant à la carte. Prëibel cherdè sö le 0471/836183 o scriede na e-mail a info@hotelcappella.com

Hotel La Tambra a Corvara chir por la sajun da d’invern n cogo por le grill, na secreteria/chelnera, n cogo, por antipasć. Prëibel cherdé sö le 0471/836281. info@latambra.com

La Scora de Schi da San Ćiascian chir por la sajun da d’invern 1 secretêr/ia che sais todësch, talian y inglesc. Prëibel cherdè sö le 339/1104003 o mené n email a info@ scuolascisancassiano.it

Ütia L’ Tamà a Badia chir por la sajun da d’invern na chelnera. Prëibel cherdè sö le 333/4918190. La Scola de Schi de Sëlva chier secreters/es, persones per l mprëst dai schi. Prëibel cherdé su l 0471/795156 o mandé n email a info@scuolasciselva.com


Inserac y Congratulazions

nr. 37 / 21 de setember 2012

Chirì da laour Al vëgn chirì n post de laûr da ciafêr, inće da taxi, o desco magazinier. Tel. 338/7780366. (35/12) ••• N’ëila de Gherdëina chier n lëur te butëiga o nce vel’auter lëur, da śën inant. Tel. 0471 793222. (35/12) ••• N ël chier da lëur per la sajon da d’inviern a lavé ju o a fé d’uni sort de stroc, sce l ie mesun te Gherdëina. L à bele esperienza te chësc lëur ajache l à bele fat trëi sajons tl hotel Antares te Sëlva. Tel. 328/9318568. (36/12) ••• N’ëila chier da lëur sciche ćiamenëssa o a puzené te cëses privates, la à bele esperienza te chësc lëur, a Urtijëi o ntëurvia. Scenó cialëssela nce sun pitli mutons. La stiera pudëssa vester a mez tëmp o per dut l di, ma nia da sëira. Tel. 331/5635788. (36/12) ••• N ël chier da lëur sciche cuech (capo partita) da mez setëmber inant, l à esperienza, sà da cujiné pësc y nce la spëisa tipica de nosc raions, l ie na persona respunsabla y che sà da fé. Tel. 328 3590803 (prëibel cherdé su danter la 14.30 y la 16.30 o do la 21.30). (36/12)

••• N ël chier da lëur a lavé ju te na cësadafuech o a fé de uni sort de lëures. Tel. 327/0475775. (36/12) ••• Na ëra a San Martin de Tor cun esperiënza chir da sechedì na porsona tla Val Badia o Gherdëna. Tel. 366/2703569. (36/12) ••• Al vëgn chirì na porsona che ess interes da se assozié cun jënt tla Romania por na ativité profescionala. Tel. 373/3336241. ••• N ël cun esperienza chier da lëur da pizzaiolo da sën inant per la sajon da d’inviern. Ël à bele laurà te Gherdëina y à nce de bujën de albierch. Tel. 334/1983275. (37/12) ••• N ël cun esperienza chier da lëur a lavé ju o a fé de uni sort de lëures. Ël à nce de bujën de albierch. Tel. 328/6841382. (37/12) ••• N jëunn chier da lëur tla Valedes Ladines. Ël à esperienza da camionista y sta te Gherdëina. L ie unfat de ce lëur che l se trata. Ël rejona talian y ntënd nce tudësch y nglëisc. Tel. 380/9070724. (37/12)

••• N ël dla Talia de 45 ani che viv bele 10 ani te Gherdëina cun esperienza de lauré sun l computer, chier da lëur te n hotel o te n ufize te Ghrdëina. Ël rejona talian, nglëisc, tudësch, spanuel y rus. Tel. 349/8011901. (37/12) ••• N ël chier da lëur coche pizzaiolo. Tel. 339/4577543. (37/12) ••• N’ëila dla Talia che sta te Gherdëina chier da lëur te na butëiga o coche secretera. Ëila à truep ani de esperienza de lëur y rejona talian y tudësch y ntënd nglëisc y gherdëina. Tel. 339/2528706. (37/12) ••• N jëunn cun 6 ani de esperienza chier da lëur da pizzaiolo per la sajon da d’inviern te Gherdëina y ntëurora. Tel. 329/5662262. (37/12) ••• N’ëra dla Val Badia chir n laûr por 2 – 3 dis al’edema te na botëga o a puzené. Tel. 333/4394896. (37/12) ••• N jonn dla Val Badia cun diplom de informatica y economia chir laûr i dis dal vëndres ala domënia. Tel. 348/4503946. (37/12)

Cungratulazions! A nosta bona mami, lava y besava

Frida dut l bon per l cumplì di 80 ani. Che te posses resté inant sana y nton y mo giut da snait coche te ies. De cuer da ti mutons Silvia, Mathilde, Elmar, Margit y Renate cun families y n gran "pussi" dala plu pitles Lea y Amelie.

Caro Nono

Bruno,

Ai 16 nosta

n muion de augures e n gran braciacol per tia festa

Marlies

da Nicole e da duc chi de ciasa

i 18 à cumplì, y na gran boza uns’ daurì! A la patent él pa bëgn inć’ da punsè, che nos da te menè incërch s’ùn prësc stufé! Da fà festa est’ tres la prüma, mo a ćiasa mai dan la üna! Ćiamò düt l’ bun te augurun, y al proscimo festun =) Alexa, Titti y Milly

Düt l’ bun uressen i auguré

ala tota y al toto pur sü 25 agn de matrimone che ai à festejé ai 19 de setëmber. Tignide tres adüm y amur en grüm.

“Stina”

Ves aoda Lukas, Andreas, Simon y Tobias

bele da jona sonâste y ćiantâste döt ligherzina, inće do düć chisc agn este tres ćiamò na bona ćiantarina. Induman 23 de setëmber cumplësceste la bela eté de 75 agn y purchël urunse te augurè de cör döt l’ bun.

Traudl y Iaco

To om Lois y i mituns Irmgard, Hubert y Martha cun families

festejëia ai 21 de setëmber 40 agn de matrimone. Ringraziun de cör de döt ći ch’ai à fat por nos y ti augurun ćiamò trec agn deboriada plëgns de ligrëza, fortüna y sanité. En mercui ai 26 de setëmber cumplësc nosta

tota y mëda Stina

Les mitans Claudia, Renate, Margareth y Erica con families

la bela eté de 80 agn. Che te restes tres inant bela maturina, insciö conesciunse nos nosta mëda Stina. Che t’ais tres vöia cun valgügn da t’la ćiaculè y a nos da se telefonè. Mo dantadüt te augurunse ćiamò tröc agn de sanité y benedisciun de Chël Bel Dî.

Düt l’ bun

pur i 20 agn da chëles trëi ëles y da chël che vëgn gunot cun te ala ćiacia.

Düt düt l’ bun da düć chi dl Cir da Ju y da La Val

Benvegnuda! En sabeda ai 8 de setember a fèr contenc Michela e Christian l’é ruà te cèsa Riz na belota pìciola e i ge à metù inom

Caterina I giaves da Cianacei Paolo e Rosa e chi da Poza Ettore e Maria Grazia, ensema a Manuel con Mary, Paolo con Enrica, Chiara e Anna con Jimmy e i pìcoi jermegn Giulia e Thomas i se strenc duc entorn a la pìcola e a si genitores, e con n gran braciacol i ge augura dut l ben!

Nosta buna uma, lâ y bsaona,

mëda Maria de Frëines,

cumplësc ai 25 de setëmber i 90 agn. N gran giulan che I ëis pur nos tan fistidié y te vigni situaziun daidé. Te vosta stüa stesse dër saurì, cun la cialza o n liber da lì. Düt l’ bun Ves aoda de cör Vüsc mituns cun families

www.lauscdiladins.com

43


La Usc di Ladins  

edition 3712