Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 36/2012 - 14 de setember 2012

6

SVP

Festa da d’autonn Coche uni ann mët la SVP Ladina a jì na festa da d’instà o da d’autonn. Chëst ann se àn ancuntà sa la utia Jimmy.

Ert

IP

La poejia plu bela, ntel lengaz arbërèshe

Comentar de pruma

Giovanni Troiano l à vadagné l concors "Mendránze n poejia" co la compojizion "Gjitonìa mbràzët" –"Il vijiné vuot"

de Iaco Rigo

14

Epigona Esther Stocker à, pra la Bienela a Urtijëi, plu che desmustrà de vester na epigona mustrà n bel plaghiat.

Souramont

18

Scola puech ladina Na vidleda a la situazion dles scoles y di scolars ta Fodom, a Col y te Anpezo.

Crusc onorares

22

Döes tla Val Badia Paola Bioc y Marcello Varallo po pié do chisc dis la crusc de merit dl Land Tirol.

Iagri

24

Viva la ćiacia N liber nü söl revier de Mareo gnaràl presentè te otedé.

Fascia

29

L’é tacà la scola En mércol ai 12 de setember l’é scomenzà n nef an de scola, per 1.321 scolees de l’Istitut Comprensif Ladin.

Letres

33

Partis y letours scriv Ence te chesta edizion él da ciafé minunghes y letres de partis politics y letours.

Avis

MPURTANT! Edizion dla USC ai 28 de setëmber: Fajon a l savëi che pervia dla festa che ie ai 25 de setëmber jirons bele n stampa dant, per la edizion de La Usc di ladins ai 28 de setëmber. Ve perion perchël bel de mandé ite articuli, nfurmazions, nserac y retlams per chëla edizion bele al plu tert nchin a n juebia ai 20 de setëmber. De gra de cuer!

I tre poeti premiati.

Cultura - S’à saré ite n sabeda ai 8 de setembre del 2012 ntel self dei congresc de Reba, co la premiazion de chi che à vadagné la VIIª edizion, l concors nazional de poejia per i lengac de mendránza “Mendránze n poejia” ann 2012. L concors l é sté metù a jì ntel 2005 da la maestra Teresa Pezzei, nlouta assessora del comun da Fodom, co la minonga de volei tegnì auna e vive le mendránze de lengaz logade n Italia stravardade da la lege 482/99. La maestra la volëva lié l sentiment de identité de dute le comunité de mendránza e la voia de fè cugnësce e valorisé l lengaz descorëst da pichi n su co la pascion de la poejia, na forma leteraria no saurida da mëte ju e da capì ma che dà n valour a vigni parola scrita, n sens a vigni fraje e che arichisc l lengaz e l patrimonio cultural de la mendránza stëssa. L prejentadou Gianpaolo Soratroi, l à recordé la bonanima Teresa ntel scomencé de la premiazion e l à volù che la jent la i é dediche n batimán. L’é stada pò nominada e rengraziada da troc

poec e dai maestri e profesciori de le scole che i à partezipé a la sëra, acioche i no volëva desmentié de ie fè n pensier.

Identité ntel cuor L Capocomun da Fodom Ugo Ruaz l à fat i onour de cesa e l assessora del Comun da Fodom Daniela Templari l’à recorde la gran mportánza de tegnì vive le mendránze de lengaz storiche nte l’Italia ence con de le picole manifestazion coche l é n concors nazional de poejia. La Union Generela di Ladins dla Dolomites l’à porté l suo salut nte le parole de la prescidenta Elsa Zardini, che l’à dit che le mendránze i é a risćio de se pierde nte la globalisazion, ma che se vigni un dà n pico contribut per la sua identité, col se sentì pert de chëla comunité nte l’anima e ntel cuor, chëst no podarà suzede. L prescident del Istitut Cultural Ladin, Luca Agostini, l à recordé che le ultime 3 edizion del concors i é stade organisade dal Istitut

Cultural Ladin Cesa de Jan auna col Comun da Fodom. L ann passé, l à dit ncora l prescident, per proé, l concors l é sté dalviert per la sezion de le scole ence a la proja, coscita da daidé prò i tosac e i jovegn a scrive plu saurì l lengaz de mendránza. Vedù l bon ejit, chëst ann s’è jus n’avánt con chësta minonga e s’à dé ence n titol a le proje da mané ite “I mestieri dei noni”, nte sta moda i tosac i ava na scusa de descore coi noni. Difati troc i è stei i noni vegnus a vedei la manifestazion e che compagnáva i neodi. Le mendránze che à partezipé i é stade l ladin, l furlán, l sardo, l greco, l fráncoprovenzal, l cimbro, l arbërèshe, l sloveno e l ocitán. L intermez musical l é ste curè dal brao Crepaz Emil, joven sonadou da Fodom, che l à soné nvalgugn tòc al piano.

I tosac e i noni L terzo premio per la sezion va inant a plata 19

5 dis scora Sambëgn àl orü ester na mudaziun inće tla organisaziun te ćiasa y familia, mo les prömes impresciuns de ma plü cinch dis de scora al’edema te Südtirol pê ester bones. Nia indere a düć ne i plej chësta mudaziun, dantadöt nia ai geniturs che à da condü sü mituns plü tert domisdé y inće impormò da sëra ai cursc de musiga. A tröc de chisc ne i jôl nia, sce i mituns à la sabeda lëdia y nia da trà a tera! Y a püch joa n curs, canche le möt é massa stanch y stüf. Insciö saràra te chisc caji inće por les vacanzes che vëgn laprò, dantadöt chëres de otedé da Gnissant. I mituns ess chilò dlaurela y energia assà por formaziun extrascolastica y cursc, y ma püćes de nostes families jarà en vacanza. Na bona alternativa al problem de surapëis di mituns te cin’ dis al’edema cun scora y cursc podess ester workshops y chi cursc de plü dis che podess gnì metüs da jì inće de sabeda y spo - ćiodì pa nia - tles vacanzes desco Gnissant. Sce chësc po funzioné d’isté - desco da esperiënza, spo podéssel ester d’öga y de ütl inće te val’ vacanza ia por l’ann. Y düć ess - da chësta novité - val’ dainciarà.

Scoles de Mujiga de David Lardschneider

Dla Scoles de Mujiga ons bele scrit l’ena passeda. Te na lëtra, da liejer sot ala plates dla “Lëtres” te chësta edizion, auza Theodor Rifesser ora che “a liejer l articul “Adio ala Scoles de Mujiga” unit ora tla ultima edizon dla USC pudëssen miné che l ie stat la Scoles de Mujiga tudësces a ulëi se dlutì nce la Scoles de Mujiga ladines. Chël ne curespuend nia ala urità.” Chësta cunscidrazion de Rifesser ie drëta. Nia la Scola de Mujiga tudëscia à tëut la dezijion. Chël ne ans nia minà, ma povester pudans l auzé ora expressis verbis. La critica va de viers dla istituzions y dla politica. De viers dla istituzions y dla politica ladines che ne se à nia parà, che ne à nia fat valëi si rejons. Y de viers dla politica tudëscia, che à desmustrà puecia sensibltà de viers dla jënt ladina y nce de viers de n manejamënt dl’Autonomia te Südtirol, lege costituzionela garanta va inant a plata 33


Zoom

nr. 36 / 14 de setember 2012

Gran orden de merit a Fischer y Napolitano L president dl Südtirol Luis Durnwalder i à sourandé ai doi presidenc de Stat, chel dl’Austria Heinz Fischer y chel dla Talia Giorgio Napolitano, una dles maioures onoranzes che Südtirol à

Durnwalder y Napolitano.

Politica - Ai 5 de setember 2012 él sté gran festa tl Kurhaus a Maran: abiné s’à la maiù prominenza dla politica dl Südtirol y dl Trentin, l Vescul Ivo Muser, trueps capi ufizes y de repartizions dla provinzia y region, y dl ordin publich, sciche ence val’ raprejentant dles maioures organisazions dl volontariat cultural, sozial y sportif dl Südtirol y cotanc de jornalisć locai y ence

Fischer à pié do la gran onoranza.

internazionai. Les autorités plu autes fova de segur i doi presidenc de Stat, Fischer y Napolitano, che s’à enconté a Maran ence per n colloquium ofizial. Al é sté l prum iade che Südtriol à podù i dé alberch a na enconteda anter doi presidenc di Statesc, la Austria y la Talia, y chest é gnu a s’l di sun envit de Durnwalder per sia sourandeda dl gran orden de

merit a trami i presidenc, metan la enconteda y festa sot l moto dla autonomia, sia storia tl Südtirol y les persones che à mané inant l svilup. An à ence podù audì rejonan ladin, plu outes - n iade canche l moderadour à dé les indicazions sun l comportament y la disciplina dl publich per la festa, y canche Durnwalder à saludé “duc i ladins”

ofizialmenter. Plu outes él sté da audì fora dla bocia dl president Fischer di “Deutschsprachigen Südtiroler und Ladiner” y plu outes à l president Napolitano recordé i derc per les mendranzes “culturales y linguistiches” ancorés tla Costituzion dla Talia. Durnwalder instes à rejoné de na “storia de suzes” per l’autonomia dl Südtirol ti ultims 66 agn - da

canche al gniva firmé l Contrat de Paris. Laprò festejéien chest ann i 40 agn dla juda en forza dl Secont Statut de Automomia dl Südtirol y i 20 agn da la scluta dl “Pachet” dant a les Nazions Unides. Al é sté na bona ocajion de giubileums storics per l Südtirol da cherdé adalerch i doi Presidenc, te n di gnu instes storich per l colloquium bilateral. (ir)

L assessor Sorarui: “Vol che vegné controlé deplù chi da le moto” Davò la sabeda y le merdi de sánch, ulache doi motociclisć à perdà la vita sun Ciaulonch e Giau, tourna e atualité l problema del respet del codesc de la strada da pèrt dei turisć chi che va co le moto su per i jousc

L inzident de sabeda sun Ciaulonch.

Jousc - Sabeda de sánch chël apëna passé su per i jous. Nte gnánca mesa giornada i é stei ben doi i motociclisć che à perdù la vita nte doi desvalis inzidenc. L prum ntourn la una davòmesdì. N todësch de 46 agn, l é rué sot le rode de na coriera ite, su una de chële ultime outade mpruma de rué sun Ciaulonch da la pèrt de Fodom. L secondo ntourn le 3 e mesa, ulache n biker svizero de 48 agn l é ju fora de strada e l à sbatù contra n èlber su per l Giau. Cuaji de segur la velozité davò a duc doi i inzidenc. Per chëst l assessor del Comun da Fodom Claudio Sorarui ades l damana a gran ousc a le autorité azion plu severe per l respet del codesc de la strada da pert dei motociclisć. Daván puoch plu de n meis, i capicomuns de le val ladine del Sela i s’ava biné, clamèi ite dal capocomun de Badia Iaco Frenademetz, proprio per descore

2

www.lauscdiladins.com

de le esagerazion che i bikers i se conzede su per i jous de le Dolomiti. Da la sentada l eva vignù fora n document unitar, ulache i prum zitadins i damanëva mprumadedut a le autorité, deplù controli su le strade ntánt la stagion turistica da pert de carabinieri e polizia e la poscibilité de mëte su n lime de velozité compagn sui jousc. Dut chëst per fe si che i motociclisć i vade plu pián e spò se riduje coscita crabal e poscibilité che suzede desgrazie. N apel che, per chël che se n sa, l é resté lëtra morta. Coche conferma Sorarui. “No me per che degugn abe responù. Almánco da la pert de Belum. Ma i doi inzidenc de sabeda i tourné a porté de atualité chël document.” Sorarui, che l fèsc l sciafer co la Dolomitibus, l é rué con sua coriera puoc menuti davò che l eva suzedù l inzident sun Ciaulonch. “L’é stada na scena sgrijëola” l conta. “Cánche son rué

l eva bele un che provëva de capì le condizion del melcapité. Forsci l à tost capì che no l eva plu nia da fè e l à curì l corp co nen lenzol. Puoch davò l’é ruada l’ambulánza da La Villa (che fajëva ncora servisc sa na Rèba). I volontari i à descurì l corp, ma tost i à fat n senn co la mán per fè capì che oramèi l berba l eva mort. De segur l jiva mprescia. L é rué lonch su la outada. Forsci l no se spetëva na curva coscita sëcia e l é rué sot la coriera ite, schicé da le rode.” Na desgrazia che podëssa suzede ogni di su per ste strade, souradut chële setemance che i bikers, la maiou pert todësć, nsomeia che i se diebe apuntament ntra le Dolomiti: d’aisciuda da Pentecoste, cánche chilò fora i à festa e d’auton. “L é da avei poura” conta ncora Sorarui. “Co la coriera toca ji pián perciéche t’as poura de te i ciapé davò na curca duc a mán ciámpa. Per no di de coche i te despassa. Per chëst – l disc sto viade nte sua nciaria istituzional – toca de n segnal podëol. No per di che no i volon chilò. Ma che i vegne su le Dolomiti per se giaude l spetacol de le mont e le val, come che la bela giornada de sabeda mpermetëva de fè e de jì pián e respeté le regole de la strada. N Val Badia i à punté Priesc d’abonament anual: per la Talia: 59,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

ence su la sensibilizazion, con tabele dinongia le strade. Ma da chël che i conta con puoch suzess. Forsci se mossëssa prové ence sui giornai specializei del setor.” Sorarui l siera

ite co l di che podëssa ester proprio l Comun da Fodom i dis che ven, a damané n’encontada a carabinieri e polizia, Prefetura e Veneto Strade per descore del problema. (ls)

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi, Katia Pizzinini. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Per i inserc speziai, i jolantins y les ajontes, menés fora con l foliet La Usc di Ladins, respon per la forma, l contegnù y i lingac adorés, mé l comitent instes de chisc, y nia la redazion de La Usc di Ladins, l diretour de La Usc di Ladins y l editour de La Usc di Ladins. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS Str. Mulin da Coi 31 - 39047 S. Cristina (BZ) podeise cherde su la firma Pentagon Tel. 0471/790052 • Fax 0471/790689nfurmazions sot a www.pentagon. it e-mail: info@pentagon.it


Zoom

nr. 36 / 14 de setember 2012

Festa de sourandeda dl Pest “Prof. Claus Gatterer” 2012 en mertesc, ai 25 de setember 2012, da les 10:00 tla Cësa di Ladins, str. Rezia 83, 39046 Urtijëi/Gherdëina Österreichischer Journalisten Club– ÖJC

Program

y le

Cor di mutons Sëlva

Renner-Preis-Kuratorium sciche ence

l Land Südtirol met a jì a la sourandeda dl

Pest “Prof. Claus Gatterer” 2012 a

mag. Ursula Scheidle y a Arno Aschauer y

l Reconesciment onorar a la

Redazion de La Usc di Ladins L'ospitalité vegn deda da l’Union Generela di Ladins dla Dolomites, editoura dl foliet “La Usc di Ladins”

Salut de benvegnù

dr. Walther Werth “Prof. Claus Gatterer Gedächtnisverein” Salut

mag. Christiane Laszlo vizepresidenta ÖJC Mujiga: Ganes Salut

dra. Sabina Kasslatter-Mur Referenta provinziala dl Südtirol Cor di mutons Sëlva Laudatio

Fred Turnheim president de juria

Sourandeda di pesć Paroles de rengraziament da pert di premiés 2012

www.lauscdiladins.com

3


Atualité

nr. 36 / 14 de setember 2012

L linguist Erwin Valentini – 70 agn I publicon la seconda pert: la vita profescionala anter Université y Union Europea Persones/2 - Bele dant la laurea ovi metù man de laoré per l “Atlante Linguistico Friulano” sot la direzion de G.B. Pellegrini; does sessions de laurea fova tomedes pervia dles turbolenzes dl Sessanteot. Dl 1969 éi spo vadagné n concurs per n post de “maître de conference” de lingaz y leteratura taliana a la Katholieke Universiteit Leuven (KUL) tl Belgio. Chest post fova vegnù lede per via dla partizion dla Université de Leuven te does universitiés autonomes, una flaminga, l’autra franzeisa, tl cheder dla reforma federalistica dl Belgio. Mia enciaria a la KUL tolova ite does ores a l’edema de ensegnament dl lingaz talian y sies ores de leteratura taliana; laprò audìvel ence la direzion de teses de laurea (magister) y dl “Centerum voor Italianse Studiën”. L lingaz de ensegnament te miei cursc fova l talian, l lingaz de comunicazion l olandeis o Nederlands (l Vlaams é na varianta regionala dl Nederlands). I prums agn a Leuven é stés valgamia durs ajache i ne conesciova nia i lingac dl post y l laour ghirava cotant de preparazion teorica y pratica tl ciamp dla critica leterara, cie che in ne ova nia gaité assé a Padova. Les prumes edemes messovi me fé capì con l talian y l todesch, do da n meis fovi bon de rejioné olandeis, samben con fai y azent forest, y spo bel plan éi ence emparé l franzeis y l ingleis. I flamans me perdonova gen mie azent forest ciuldì che i valons y i foresć ne volova nia emparé l olandeis che laouta vegniva raté sciche n lingaz de second livel en confront al franzeis (sciche plu da giut l todesch te Südtirol). Mia posizion statuara a la KUL fova de dozent a contrat y perchel me ovi ence enteressé a d’autri posć de laour. Dl 1978 m’él vegnù pité

Al Cairo da n congres dl 2004.

Mi post de laour fin la pension.

4

www.lauscdiladins.com

Di dla Scola Ladina Scialdi nteressant l referat de Rico Cathomas. Prejënza de truepa nseniantes y truep nsenianc ladins, y nce dl’autoriteies istituzioneles y politiches

Pra l Di dla Scola Ladina a Al Plan à l assessëur Mussner metù a cuer de ti judé ai jëuni cun la valutazions tl ejam de maduranza. La biblioteca dla KUL.

spo te n iade trei posć de laour: a la KUL la nominazion definitiva a dozent, a la Rai da Bulsan l’enciaria de programist responsabel dles trasmiscions ladines (laouta fòvel demé un n programist ladin pro la RAI) y a la Comiscion dla Union Europea (UE) n post de funzionar pro la sezion taliana dl Servisc de traduzion. Do truepes pesimes y trei meisc de laour pro la RAI éi finalmenter opté per la UE y son jù a laoré a Luxembourg, olache i son resté fina la pension dl 2007.

Traduzion y enrescida linguistica pro la Comiscion Europea a Luxembourg Pro la UE sonsi ruvé tres n concurs internazional; fé traduzions é sté mie prum laour y y con lingac éi abù da fé tresfora fina la pension. Les traduzions vegn fates ilò da lingac foresć tl lingaz dla oma o de cultura dl tradutour; chest fova per me l talian. Mia esperienza plu enteressanta te chest ciamp é steda la traduzion dles omelies o perdiches

che papa Giovani Paul II à tegnù a Luxembourg; la traduzion de chestes perdiches messova ester coreta no demé linguisticamenter ma ence teologicamenter y ence de chest vers éi giaté complimenc dal arzivescul de Luxembourg. L Tratat dla UE dij che duc siei lingac é unfat y à i medems derc. Per mete en pratica chest prinzip à la Comiscion finanzié trueps projec de enrescida tl ciamp dla traduzion automatica, dles tecnologies dla comunicazion multilinguala y di contegnus digitai o multimediai (e-content), con l fin de mioré la comunicazion anter i paisc membri y con l rest dl mond. Les tecnologies dl lingaz (human langage technologies) y di contegnus multilinguai é stés mi secont ciamp d’ativité pro la UE; al se tratova de n laour dret enteressant che ghirova tamben competenzes scientifiches che de management. Mia funzion fova de mete adum programs y manejé projec de enrescida che ti vegniva spo sourandés, tres lizitazions internazionales, a consorzies de universités y industries spezialisedes te chest setour. Per cont dla Comiscion europea me éi ence cruzié dla publicazion dla seria “Studies in Machine Translation and Natural Language Processing”; al se trata de na seria de monografies che cuei adum i resultac dla enrescida linguistica fata tl program Eurotra (European Machine Translation) a chel che à tout pert duc i paisc dl’UE. Trantant chi agn éi rode ju n puech duta l’Europa, ma ence n valgugn paisc dl Maghreb, per prejenté i programs comunitars y tò pert a reunions de laour tles sentes desvalives dles istituzions che tolova pert ai projec dl’Europa. Per n per de agn éi abù emplù l’enciaria de “monitor of strategies and policies in the fields of linguistics and multilingualism” pro la Direzion Generala dla Sozieté dl’Informazion y di Media. Te chel cheder me éi dé ju anter l auter con les politiches de sconanza di lingac de mendranza; contant de contac éi abù con les comunités catalana, sami (Sweden), “celtiches” (welsh, scottish, gaelic – UK y Irlanda) … y ladina tres l projet “TermLes” (Standardisazion lessicala y terminologia moderna per l Ladin y l Sard) che é vegnù finanzié en gran pert da la UE.

Scola - L ie for bel sce la politica y la istituzions se tol dl’aurela. Dal’autra pert ie i ntervënc de Verra, Mussner y Durnwalder povester stac mpue’ lonc, dut adum. Ma na bona pra l Di dla Scola Ladina ie che l presidënt Durnwalder y l assessëur Mussner à garantì che tla scoles ladines ne uniràl te chisc tëmps de sparani nia smendrà la stieres di nsenianc, sce se mantën la cumpëida de sculeies. Cun l danmesdì de ajurnamënt per nsenianc y respunsabli dla scoles ladines, iel ai 4 de setëmber a Al Plan de Mareo unì nvià via l ann de scola Coche scrij la Provinzia te si comunicat „dij Durnwalder che “duc messons tenì pea a sparanië, ajache cun la Talia sons duc tla medema berca. Ma la va de mëter priuriteies de ulà sparanië. Tl ciamp dla scola uniràl cialà de sparanië tl’aministrazion, ajache l ne muessa nia vester che chësta vënie fata trëi iedesc, per la pert tudëscia, la pert taliana y la pert ladina.“ L presidënt dla Provinzia ti à segurà al mond dla scola ladina che deguni ne dëssa avëi tëma che l vënie sparanià pra la stieres di nsenianc. “Per la pert che reverda i cuntenuc de scola uniràl mantenì la trëi ntendënzes,” à segurà l assessëur Mussner. Te na vijion de sparani à l ntendënt Roland Verra metù a cuer la particularità dla mendranza ladina, sotrissan che l ie debujën de cërta strutures nce sce la mendranza ne possa nia tenì pea cun la cumpëides.“ Inant vëniel scrit tl comunicat che „la situazion economica atuela pëisa nce sun l marcià dl lëur per i jëuni. L assessëur per la scola ladina à nvià i nsenianc a na valutazion sciorfa ti prims ani de scola, ma pona de ti judé ai jëuni tl ejam de maduranza, a na maniera che i se feje plu saurì a abiné n lëur o a giapé na lerch tl’Università. Tl cuntest dla pruspetives de lëur per i jëuni à nce l presidënt dla Provinzia fat n apel ala respunsabltà dla scola de ti judé ai sculeies cun na bona cunsulënza acioche i se abina la drëta streda tl mond dl lëur.“

paritetich di luesc ladins ie ti ultimi ani for inò cresciù; y nsci dëssen nce jì inant. Purmpò à Durnwalder metù a cuer de nia ti dé manco mpurtanza ala rujeneda ladina y de mantenì la cura dl plurilinguism dala scolina nchin ala scoles autes y pona inant tl’università.“ Y tlo iel na tëuta de posizion mpurtanta, chëla de Durnwalder de tì dé l drë’ pëis al ladin, che ie l sëul elemënt che mutivea l sistem paritetich, ma che ie dal’autra pert na garanzia per l mantenimënt dla persunalità singula y de cumenanza di ladins, coche valor per sé. Y l ie pona nce la rujeneda, la particularità dla grupa de rujeneda ladina, che se damanda, tulan forza da chësta cunscidrazion, n manejamënt aldò nce a livel istituzionel, coche dì, almanco l drët, sce nia deplù che ie for mo l drët, tl recunescimënt de na prejënza sun mesura tla istituzions, cun finanziamënc aldò.

Relazion de Rico Cathomas L Di dla Scola Ladina à nce pità mpulsc de carater pedagogich. Dassënn prijà ie unì l referat dl professëur dl’Università de Son Gagl/St. Gallen Rico Cathomas, n con’ dla tlasses che n ne à nia tla man. N referat nia massa lonch, ma cun truep succus, cun cunsëies pratics per l bën di nsenianc y di sculeies. Nsciuma, nscila à n referat da vester! Cathomas à spiegà coche la ie a mantenì l’autorità dan la tlas, coche n possa fé a tenì la drëta tenscion ntan l’ëura de nseniamënt, acioche i sculeies mëte a verda y posse mparé, y nce acioche i nsenianc ne vede nia ora de tlas cuec, coche n dij tan bel. A livel de urganisazion à Felix Ploner prejentà n sistem nuef per aministré i cursc de furmazion per nsenianc tres internet.  David Lardschneider

Nglëisc y sistem paritetich Tl comunicat vëniel scrit che „l nseniamënt dla rujenedes, cun nce nglëisc dala cuarta elementera inant, à giapà de gran laudes. Cun plajëi à nce l assessëur ladin rujenà che la stima per l sistem scolastich

“Tenide sun la rujeneda ladina y vosc model de scola”: Luis Durnwalder al mond dla Scola Ladina.


Atualité

nr. 36 / 14 de setember 2012

Incuntada dles Musighes di Jogn dles valades ladines Passa 160 musicontri jogn dles valades ladines se à abiné a San Martin de Tor por sonè deboriada

Dötes les 4 Musighes di Jogn che sona deboriada le”Inn Ladin”.

Musighes - La sabeda, al 1. de setëmber 2012, él gnü invié ia a San Martin de Tor na incuntada dles Musighes di jogn dles valades ladines. Cater é stades les musighes che à tut sö l’invit dles 2 musighes di jogn dla Val Badia y dla Uniun Musighes Val Badia. Les Musighes jones de Fodom, Gherdëna, dl’Alta y dla Bassa Val Badia é rovades adöm por sonè y stè en compagnia. La festa à metü man cun na defilada fora por paîsc. Bele chilò an podü odëi i sforc y les prestaziuns di jogn musicontri che à dè so miù mostran sö i früć dl laûr di ultims mëisc. Do la defilada él gnü tignì na santa mëssa, sonada da n valgügn jogn dles döes musighes di Jogn dla Val Badia. Siur Pire à te sües parores sotrissé l’importanza dla musiga sides tla vita da vigni dé co inće por la vita spirituala dla porsona. Do mëssa à vigni musiga tignì n pice conzert ralegran insciö i cörs di spetadus che é rovà adalerch y che ne se à nia lascè sprigoré dal tëmp.

i plü punć pro i jüć. Ala fin él stè dötes les Musighes di jogn che à sonè adöm le “Inn Ladin”, denanco pié do na recordanza dla festa.

Funziun y finalitês dles musighes joniles Les musighes di jogn é n proiet che é nasciü ti ultimi agn cun le fin da ti dè la poscibilité ai jogn da sonè te na formaziun jona, olache la desferënzia de eté ne é nia grana. Les Musighes di Jogn é na buna basa por alisiré l’integraziun di jogn tles musighes de nüsc paîsc y é insciö de gran aiüt por les musighes instësses, che adora forzes nöies por jì inant te süa ativité. Implü é le proiet na forma de

tëmp lëde interessanta che ti trasmët ai jogn valurs importanć, de grup y de vita soziala che ti restarà por döta la vita. Al é stè n plajëi da odëi n gröm de musicontri jogn che sona deboriada te n grup cun gran ligrëza y motivaziun. Sce an vëiga cun ći ligrëza y pasciun che tan de mituns y mitans fej musiga spo pòn dì che le dagnì dles musighes de nüsc paîsc é assiguré. Ia do les döes musighes di jogn él n gran laûr da mëte da jì le proiet. Porchël ti val n gran gran dilan y complimënt a düć i verdajogn dles musighes che se crüzia ann por ann da invié ia la iniziativa. N gran dilan ai dirighënć y mënamaza che se tol le tëmp da ti insigné ite ai mituns n bel program musical. N

dilan ales Musighes che dà ca i locai por les ativitês. N gran dilan ti va a düć i verdajogn dla Val Badia che à ti ultims mëisc laurè tröp por fa garatè chësta bela manifestaziun. Le maiù dilan y complimënt ti va ai mituns y ai jogn instësc che se pro ann por ann cun gran ligrëza da sonè y da ti scinché insciö ai ascutadus de beliscimi momënć de

musiga. I sperun düć canć che le proiet dles Musighes di Jogn vais inant inće ti agn che a bëgn dla musiga y dla cultura de nüsc raiuns. I nes confortun düć ala proscima incuntada dles Musighes di Jogn dles valades ladines! Por la organisaziun, Miriam Costabiei y Stephan Ploner

La Musiga di Jogn dl’Alta Badia tratan süa show da marcè.

Musiga y jüć Nia ma tl sonè à i jogn porvè da dè le miù, mo inće pro i jüć che é gnüs organisà. Ala fin dla festa él gnü premié la musiga che à arjunt

Conzert dla Musiga di Jogn dla Bassa Val Badia.

La Musiga di Jogn de Gherdëna cun le dirighënt Thomas Piazza.

La Musiga di Jogn da Fodom tratan la defilada. www.lauscdiladins.com

5


Atualité

nr. 36 / 14 de setember 2012

SVP y festa da d’autonn Coche uni ann mët la SVP Ladina a jì na festa da d’instà o da d’autonn. Chëst ann se àn ancuntà sa la utia Jimmy, sëura l Jëuf de Frea. Mprescions

Partic - Nvià ala festa à l vizepresidënt dla SVP Daniel Alfreider, l assessëur provinziel ladin Florian Mussner, l portausc di presidënc raionei SVP Christoph Perathoner y i doi presidënc de raion Klaus Winkler y Stefan Runggaldier. Truep cumëmbri y cumpanies dla SVP Ladina ie unic adalerch. Tla pert ufiziela, sce n possa dì nscila, iel unì auzà ora la mpurtanza dla rujeneda y cultura ladina y la respunsabltà de viers de si mantenimënt y svilup. Nia mancià ne àl sambën n referimënt ai „meric dla SVP y al bujën de sinergies.“ Truep espunënc SVP à

tëut l’ucajion per ti fé i cumplimënc al presidënt Luis Durnwalder n con’ dla manifestazion metuda a jì da d’ël, chëla dl nvit de fé unì adalerch te Südtirol bën doi presidënc, chël dla Talia Napolitano y chël dl’Austria Fischer. L avëi gën o manco, Durnwalder fova ntan la festa dla SVP Ladina sambën inò l superstar, si carisma y si aura ie for mo de n auter livel. Se mbincion sambën che l feje valëi chësta si cualiteies per cialé che vel’ nuvità, vel’ nfrastrutura, vel’ sustëni sëuraprò vënie mo a s’l dé per la grupa de rujeneda ladina, tl ultimo ann de si presidënza. Ejëmpli? I ladins di trëi Chemuns

de Cortina, Col Santa Lizia y Fedom pra Südtirol; reforma dla lege litela cun doi reprejentanc garantii te Cunsëi provinziel de Bulsan, seguranza dla reprejentanza ladina tla cumiscions provinzieles coche nce tl TAR de Bulsan, sustëni sustanziel ala Cësa di Ladins a Urtijëi tl prinzip de sussidiarietà, mé per n dì n valguni.

Aurela curta Ma de reviers ala festa sun Frea. Do la pert plu istituzionela iel stat la pert de aurela curta, cun de bela mujiga y n bon, ma propi bon! bucon, njenià ca dal team dla utia

Jimmy. Dlongia i truep funziuneres, presidënc de paesc, cunselieres y assessëures de Chemun y ambolc iel nce unit adalerch per la festa i assessëures Thomas Widmann y Martha Stocker, l parlamenter UE Herbert Dorfmann, l secreter dla SV P prov inz iela Philipp Achammer, la cunselieres provinzieles Maria Kuenzer Hochgruber y Veronika Stirner Brantsch, nsci coche nce Christian Egartner, Martin Ausserdorfer, Sebastian Überbacher per i Jëuni dla SVP, y sambën Hugo Valentin y Franz Demetz. Y da nia desmincë, la doi bona anes dla SVP, Cecilia Miribung y Alberta Tamers,

tramedoves che resta for mpue’ dovia, tl scur y tl chiet, ma che ie for bones, cun si sensibltà y nteligënza emutiva, de valivé ora danter persones y grupes. L ie stat na ancunteda de aurela curta, cun truepa bona ueia. Nce sce l sautova ora, datrai, che vel’ un o vel’autra fova bele ite tla garejeda nce dedite tla SVP de na lerch sun lista per la proscima veles provinzieles, che ie pu bele n auter ann. Ma povester iel mé na mprescion. Vëira iel che l ie stat bel, su da Jimmy, n vënderdi dan otodì.

Mprescions dla festa da d’autonn dla SVP Ladina.

6

www.lauscdiladins.com

David Lardschneider


Atualité

nr. 36 / 14 de setember 2012

Aiut Alpin Dolomites Cun chisc biei dis fòvel nce truep pasciunei di crëps che nen prufitova mo dl bon ciaut y dl tëmp segur per vel’ arpizeda. Nia for ne va dut coche n se l nmagina y nscila pòssel suzeder nce vel’ mëndra o majera desdrazia. Da nunzië iel n ntervënt fat dala scuadra dl Aiut Alpin cun l joler sun l prim Ciampanil dl Sela. Tl parëi nord fòvel tumà n arpizadëur per n 10 metri y ova batù dassënn l spinel contra l crëp se fajan nce mel a n uf. L ne fova nia saurì a ti ruvé permez y n à tacà ite 75 metri de corda sot al joler y cun n judacrëp tacà japé iesen stac boni de tò ora de parëi l sfertunà che n à pona menà tl spedel de Bulsan. Si cumpani de corda àn ënghe tëut pea ajache scenó fóssel restà da sëul te parëi. N’autera desgrazia ti crëps ie suzeduda a 3000 metri tla grupa dl Ortler. N alpinista fova tumà sëura la Paierhütte se rumpian n valguna rëpes. L ova n drë mel y metan a verda dassënn l àn ciarià y julà te

spedel de Maran. Nce sun la piza Santner fòvel da purté aiut a n arpizadëur che se ova ncaprizià de fé na via da sëul. L ie sbriscià ora y tumà te n canal se fajan bëndebò mel. Desdita à nce abù n turista tudësch che fova tl lëur de fé na jita cun la roda da mont tl raion dl Scilier, puech sëura la Sesslschwaige iel sbriscià ora sun n scialier se nturjan n jenodl. Deberieda cun i judacrëp de Tiers àn fat chësc ntervënt y menà l sfertunà te spedel de Bulsan. Na burta desgrazia ie suzeduda sun l stradon danter Tluses a Albions. N auto fova frit ora de streda burdlan y culetan sëurajù te na luegia drët ërta. L auto se à fermà pra n lën. De gauja fova l stradon lize do che l ova pluët mé n puech. Riesc iel muet la urganisazion de prim aiut cun l Aiut Alpin, i destudafuech y i uemes dla Crëusc Blancia. L ël che avisova ne se ova perdrët nia fat gran truep, ma l’ëila senteda dlongia fova schiceda ite. La se ova rot truepa rëpes, la ova mel al spinel y

de Armin Moroder bonamënter nce splaiedes dedite. N à abù n gran lëur a la tò ora de auto zënza ti fé mo plu mel. Do chël ti à l dutor dl Aiut Alpin dat la prima cures per la julé pona te spedel de Bulsan. Si uem che ne ne se ova nia fat tan mel, àn menà te spedel de Persenon cun na ambulanza. Oradechël fòvel sambën mo d’autri ntervënc. La cumpëida de ntervënc ntan chësc instà ie ntant ruveda a 270. Chisc dis àn nce fat na proa particulera y plu avisa n cunlaurazion cun i uemes dla prutezion zevila de Bulsan àn fat na simulazion de na persona che fova tumeda ite tl lech artifiziel che n à fat sun Mont de Sëuc dongia l Hotel Sole. Chësc ie n gran lech che abina l’ega per fé nëif d’inviern. N spera sambën che l ne suzede mei nia, ma de chisc lec n iel for plu y plu y l ie dessegur drët vester anjeniei sce n cajo che l fossa de bujën.

Storia suravita da pert de n lingaz Iade dl consëi dl’UML-Uniun Maestri Ladins a Lusérn Iadi - Ai 21 d’agost à le consëi dl’UML-Uniun Maestri Ladins organisé n iade a Lusérn tl Trentin por imparè da conësce chësc post, ponü ite bindebò a desman, cun problems de viabilité y tlima de munt, mo che à salpü da mantignì cun gran idealism söa identité, so lingaz y söa gran storia. Condüt fora por le danmisdé s’à l’ex ombolt signur Luigi Nicolussi Castellan, che à salpü da cuntè de vigni sort dl gran impëgn da jì do a na vijun por tignì en pè chësc post, cherian n zënter de documentaziun, che à l’obietif da aprofondì y da fà conësce l’ijola zimbra/todëscia cun sü pici posć y süa periferia. Lusérn é n paîsc che sta a 1333 m s.l.d.m. tl Trentin. Le paîsc cumpedâ ti agn incёr le 1920 ca.1200

abitanć; tröc de chisc é jüs demez por rajuns de laûr o de stüde. Al dédancö s’é le numer di abitanć stabilisé a 300 y al vëgn porvè da cherié tres indô posć de laûr por tignì la jënt sön le post. Les altesplanüdes dl raiun é stades tl tëmp dla pröma vera mondiala n punt de referimënt dër important, n’él pa gnü costruì set fortificaziuns che dess recordè al dédancö la crudelté y la durёza dla vera. Lusérn é na comunité che à salpü da mantignì tl tëmp söes tradiziuns, tignin vies usanzes, liëndes y credënzes. L’elemënt che caraterisëia deplü chësc pice paîsc é zënz’ater chël da ester na mendranza linguistica unica te so carater. Le lingaz che vëgn baié al dedancö ćiamò da prësc döta la popolaziun

é le zimber, na varianta vedla dl baié bavaresc portada adalerch sura munt ca al tëmp dla eté medievala. Chësc lingaz é inće stè rajun de stüde por tröc linguisć storics che chirî parores y sonns tipics dl baié todësch medioeval. Do n danmisdé dediché ala storia y cultura à podü i mëmbri dl consëi ćiarćé produć tipics dal post pro na bona marëna y do marëna édl spo gnü fat na bela spazirada fora por le tru imaginar zimber, olache an à podü odëi de vigni sort de figöres fora dal monn dles stories y liëndes zimbres. Le iade é gnü stlüt jö al Lech de Caldonazzo, olache al é gnü fat de beles reflesciuns söl dé garatè tan bun.

Dancà y da na pert Uedli y oredles daverc sun la sozieté ladina d’aldidancuei Carla Zanoner da Moena, che la fèsc marmelades per l pìcol marcià de la Crousc Chécena

Cotenc egn él pa che fajede marmelades per la Crousc Chécena? Carla Zanoner: É ben semper fat marmelade, da popa en su, ma per la Crousc Chécena ades sarà po ben 8-10 egn. Aveane proà na oita a far n picol marcià, bele per grignar, e enveze le é jite! Da enlaoita aon tacà a n far semper de più, chest an no aon fat auter che far “mercatini”! Ades che l’é i fruc sion dò che se endrezon per chest invern. Cotenc chili de fruc pissade de n far? De garnete n’aon ordenà en dut 200 chili, dapodò se son sola me n tole 10, 20 chili e i cöje te mia cojina. Chest an n albergator ne à envià a jir te sova cojina, donca jon de doi e se n tolon da far 60 chili. Coluns él pa i fruc più sorii da lurèr e chi manco? Con le garnete se fasc subit a far, se le lava e se le peta te fana, no l’é da le taiar sù o da ge tirar fora osc. Più burt l’é le ciareje, che l’é l’os e le é picole da ciapar te man. Se aon ence comprà int na atrezatura aposta, che aveane vedù jun Busan.

Ingeborg Dejaco, presidënta Co fajede a lurèr i fruc? Canche son sola per solit tache la sera inant e scuerje i fruc con mìngol de zucher, coscì i mola fora l such e la dì dapò i cöje. Ma se l’é fruc tant da èga, desche le frèe, no ge mete l

zucher jà la sera inant, percheche i molassa fora massa such e i jissa de mal. Al scomenz ge völ ge tender che no i tache, dapodò se lascia cöjer fin che i fruc se desfasc. Per veder se la marmelada la é vertia se n met mìngol su n pìcol piat: se a l meter de travers la resta su, völ dir che la é a post. E per sterilisèr i cocoi? Per solit se i met a boir te l’èga, giö i mete vöic dotrei menuc tel forn a microonde, dapodò mete int la marmelada ciauda, ge mete l cuerchie, rebalte sotessora i böissoi e i passe te forn normal bel ciaut per autres dotrei menuc. A la fin i lasce aló a se sfreidar. Dò dut chest endrez, cotant se conser vel donca la marmelada? Col böissol serà la se conserva segur per n an o doi, te n post fresch e da scur, canche se l’averc ge völ la tegnir te frigo e vardar de la magnar. Che sort de marmelades fajede? Le fajon de albicoche, brugne, ciareje, perjes, pere, garnete, frèe, fruc de bosch, aranzi, rabarbar, dapodò desvalive sort desche rabarbar ensema con le frèe o valch auter frut. L’é n bel empegn... Ei, l’é segur n gran laoro, ma l’é ence bel e l vegn trop aprijià. L’é na bela sodesfazion!

Bel retrat dl grup ladin a Lusérn. www.lauscdiladins.com

7


En colaboraziun cun le

Grup Decanal nr. 36 / 14 de setember 2012

Tan bel da dormì tl fëgn...

Usc dal Alt De chê este pa tö? Chê sunsi pa iö? Chê é pa Gejù Crist por me?

Al n’é gnü na bela schira!

Ai 14 d’agost éra stada tan inant: le grup dla Schira Jonila da San Ćiascian cun les animadësses é pié ia da sëra cun floćiun (“rucsoch”) sön le spiné por jì a dormì tl fëgn te n te’ pice tablé da munt. Inćina che al é stè dé unse fat jüć alaleria. Canche al é spo gnü scür y i ne s’odôn oramai nia plö öna cun l’atra, sunse spo jüdes te tablé olache i ùn spo cenè. Por che i odesson val’ adorânse sambëgn val’ löm che sluminass bel. Do cëna él stè spo vignöna che s’à fat söa bela coa tl fëgn. Atira aldînse bëgn n pü’ baudian che le fëgn fićiâ n püch, mo tosc êl pa dötes che se stô saurì y val’ öna s’à tosc spo inće indormedì intratan che les atres cuntâ val’ storia o barzelëta… Tl fëgn bun ćialt y da n bun tof unse spo passè la nöt. Tosc él gnü la doman y al é stè da lovè, inće sce por val’ öna ê stada la nöt bëgn

cörta… zënza che la colpa foss stada di saioć o dles sorüces! N bun gostè ne podô sambëgn nia falé. Dedô sunse spo jüdes dötes contëntes dl vers de ćiasa por arjigné ca ”le ciüf ” y se vistì sö da festa - êl pö la gran festa de Santa

Maria dal Ciüf. N gran giulan al proprietar dl tablé che s’à daidé sciöche al podô, se don insciö la poscibilité da podëi vire chësta picera, bela aventöra. Schira Jonila San Ćiascian

Le fëgn fićiâ bëgn n pü’, mo an s’à ausè.

Al 1. de setëmber él gnü organisé dai Jogn de Badia por le cuinto iade le “Summerend Concert”

Tratan la show di “Übermensch”.

8

www.lauscdiladins.com

Siur Iaco Willeit, degan

Le Grup di Jogn da La Val

Summerend, isté zënza fin Dales set da sëra él gnü daurì les portes al publich. Cun les ćianties dl grup “Good Fingers” da Cortina àl metü man la serada. Dedô él stè i “Petralust” da Sanćiana che à sonè y ćiantè ćianties valgamia

I me recordi che an damanâ plü dadii ai mituns: “De che este pa tö?” Nia tan l’inom ê important, mo de chê che an ê (pere, uma, familia, lüch). Datrai se damanunse instësc: “Mo de chê sunsi pa iö?” I sun cristians, aldiun pro la religiun cristiana; spo sunsi de Gejù Crist! I sun inće iö confrontè cun la domanda: “Y chê é pa Gejú Crist veramënter por me?” San Pire à respognü laota (sciöche ince nosc Vësco s’l’à metü dant): “Tö es Cristus, le Fi de Di.” Gejù Crist é veramënter la porsona plü importanta. Inće por me? Él sciöche le miù amich, maester y salvatur?

San Paul scrî n iade: Nia plü iö viri, mo Gejù Crist vir te me. Y n ater iade scrîl indô: Sce te crëies cun le cör, che Gejù é le Signur, spo salvaraste töa vita. Ël é le Signur che me dà sostëgn y le dër significat dla vita! La fede te Gejú Crist é val’ dër de important y de bel; ara nes motivëia da fà val’ por n miù monn, cis da daidé chi che à deboijëgn, por ti dè speranza y ligrëza ala vita. Spo sunsi contënt da ester de Gejù Crist, mo chël cun döta la fede y la vita! Na picia storia conesciüda: N aragn s’à fat na tëra bela y grana cun söa spöda. N bel dé val a fà na ispeziun y vëiga n fi che condüj sö al alt. Al se pënsa che chësc fi ne foss por nia y al le mord ia. Te chël momënt toma döta la rëi adöm, deache ara tacâ avisa pro chël fi, pro chël che l’aragn â costruì söa tëra. Söla domanda: chê é pa Gejù Crist por te y por me, podunse constatè, che avisa Ël é chël fi che tëgn sö döt cant, nosta vita y nosta sozieté, nosta salvëza. Püra Europa, tl desert dla crisa se destàchera tres deplü da Gejù Crist, la dërta fontana dla vita.

conesciüdes. I “Acoustic Project”, n grup metü adöm da jënt de Badia, à scialdè ite le publich cun sües beles melodies. Intratan ê bele le salf plëgn de jënt, mo che aspetâ dantadöt al

ultim grup, i “Übermensch”, tributeband taliana di “Rammstein”. Chisc à dè sbunf ala serada cun ćianties stersces y da druch. Ći che an à podü odëi é stè inće shows cun le füch, cossa che à dè n tonn in plö ala serada. Do le conzert di “Übermensch” él gnü trat fora le numer dala ola dla fortüna. Freddy Alfreider à davagnè 2 chertes por le conzert di Purple o di Edguy. Pur stlü jö la serada él stè DJ Pedro che à metü sö de bela musiga. I Jogn de Badia oress tó l’ocajiun de ringraziè düć chi che à daidè organisé chësc conzert, n giulan particolar i va a düć chi che à daidè te val’ mainira tratan y do le conzert. Mo ringrazié oresson inće i sponsors, che s’à dè na gran man finanziariamënter y al gran numer dl publich. Al é dagnora bel, dantadöt por chi che organisëia le conzert, da odëi tan de jënt che se divertësc y che vëgn ion a nosc conzert.

Do trëi agn d’ativité, é le grup di Jogn da La Val gnü lité danü tl mëis de jügn 2012 Vigni jonn da La Val, danter i 16 y i 30 agn, à podü lité ot jogn/ jones dl paîsc. Le comité nü di Jogn da La Val é metü adöm da nü porsones: le presidënt Moling Rafael, Tolpeit Barbara, Ploner Martin, Vallazza Monica, Alton Jessica, Pezzei Elias, Tolpeit Franz, Lezuo Luca y Frenner Matthias. De messè s’à le comité nü abiné cun le comité vedl. Comploi Thomas, le vedl president dl

comité di Jogn da La Val à inće invié ala sentada le presidënt dl Sorvisc ai Jogn Valentin Walter, siur Franz Sottara y Manfred Vallazza, n mëmber dl Consëi dl Comun da La Val. Al é gnü baié di compić che le comité di Jogn mëss surantó, dla SKJ, dl Sorvisc ai Jogn, proieć y idees por jogn, yii. Le Grup di Jogn da La Val

Dessëgn dl mëis

La scora à metü man... i ùn da ponsè y suié! (Dessëgn de Manuel Crazzolara)


En colaboraziun cun le

Grup Decanal nr. 36 / 14 de setember 2012

Les novitês dal Sorvisc ai Jogn

Le grup SKJ Antermëia La presentaziun di mëmbri dl Sorvisc ai Jogn Val Badia va inant

Tratan na buna griliada d’isté sön munt.

Dl Grup di Jogn de nosc pice paîsc féjel pert ca. 70 jogn danter 15 y 30 agn. Por fortüna él indô gnü metü a jì le Grup di Jogn SKJ ala fin dl ann 2008, na uniun che n’é nia stada dër ativa ti agn da denant. Porchël s’unse nos dl consëi dè da fà y

i orun inće se porvè tl dagnì da mantignì chësta uniun meton a jì n gröm de ativitês n pü’ por düć. An po veramënter dì che les ativitês organisades ti ultimi agn n’é nia stades püćes; danter manifestaziuns sciöche la “Chidlacartada” (na combinada

da chidlé y cartè), le curs da balè, la “festa di ćiapì” y la festa de Cör de Gejù unse inće tut sö la tradiziun di pustri dl “Kirschta Michl”, che vëgn arjigné ca y metü sö en dé dla segra da nos jogn adöm al aiüt de n gröm de porsones dl paîsc. D’isté unse spo tres ćiarè da organisé jites - por ejëmpl le iade a Gardaland, la jita de rafting söl rü “Ahr” foran Türesc y ći che ne po sambëgn mai manćé é la griliada combinada cun jì a ćiarè le lovè de sorëdl sön Pütia. Mo inće d’invern ne sunse nos dl Grup di Jogn nia stà manco atifs: aldefora dles festes/manifestaziuns sciöche “Broomboll” y jì cun la liösa a tëmp de löna, organisunse vigni ann la festa de San Micurà por ti fà na ligrëza ales families cun mituns. Tratan le tëmp d’Advënt unse tres tignì nosc rorate che é gnü acompagné dales ćianties modernes dl cor di jogn “Antervoisis” y cun la picia festa da Nadè tolunse vigni ann l’ocajiun da stlü jö l’ann fajon n pice ressumè

Śogun al teater Proiet por mituns y mitans tratan l’isté 2012

N mandala fat cun materiai dla natöra.

Inće en chësc ann s’à indô ponsè fora le Sorvisc ai Jogn adöm al Raiun sozial n bel proiet por mituns y mitans dla scora mesana tla Val Badia. Do da

tröpes idees unse tut la dezijiun da mëte a jì n proiet cun Simon Kostner adöm a Sofia Triggiano che portâ le titul “Śogun al teater”. Indöt él stè set mitans y n möt

I mituns y les mitans mostra ai geniturs, parënć y amisc ći che ai à imparè.

che s’à scrit ite al proiet, y chisc é gnüs ala fin sciöche na picia familia. Al é pià ia ai 17 de messè a San Martin de Tor. I mituns y les mitans se incuntâ 3 iadi al’edema (mertesc, jöbia y vëndres) tres dales 10:00 ales 16:00 proan da realsié les idees che Simon portâ dant. Bele do la pröma edema àn odü cun ći ligrëza y sodesfaziun che i mituns y les mitans tolô pert. Sambëgn à inće le tëmp dër daidé para y porchël ài podü stè dër tröp alaleria y portè ite insciö en gran pert la natöra te so proiet. Düć ê bele dër coriusc ći che i mituns y les mitans â imparè te döt chësc tëmp y insciö ài albü la poscibilité da ti mostré ai geniturs, parënć, amisc y düć i interessà ai 10 d’agost ći che ai â imparè cun de piceres scenes de teater. Tröc é stà i spetadus n chël dé y a düć ti àl salpü dër bel da odëi cun ći ligrëza y cun ći motivaziun che i mituns portâ dant so teater. Dedô s’à ćiamò incuntè le grup por se mangé na bona pizza y por stlü jö insciö n beliscimo proiet deboriada. Ringrazié oressi porchël de cör Simon y Sofia por so bun laûr cun i mituns, söes idees y so impëgn, René por so aiüt y sostëgn tratan le proiet y Veronica che é intres stada de bun aiüt por val’ consëi. La domanda da pert di mituns y dles umes da mëte a ji indô n proiet n ater ann é gran, porchël ćiararunse sambëgn da tignì inant chësta bela ativité. Por le Sorvisc ai Jogn, Verena Obojes

Insciö ćiara fora le local di jogn daite.

de ći che é stè. La sora cossa che manćiâ ćiamò te nosc pice paîsc ê n local di jogn sciöche post d’incuntada por i jogn. Al é stè n tru lunch da arjunje chësc dejidêr, mo ara s’é garatada. N gran dilan a chi che à fat poscibl y a chi che s’à daidé ti mëisc denant

da fà fora dla vedla taverna n bel local di jogn, arjigné ite cun cosses desfarëntes p or passatëmp (p.ej. biliardo, playstation, beamer cun linzó, yii.). Por merit de os düć unse podü inaodé ofizialmënter nosc local di jogn ai 25 de forà 2012.

Laûr davert por la jonëza Inće tl paîsc de Badia él da jenà incà le proiet “Laûr davert por la jonëza”, organisé dal Sorvisc ai Jogn Val Badia a jì de vigni sort de ativitês che i à dër plajü a chi che à tut pert. N valgönes impresciuns di jogn y dles jones che à tut pert “Da jenà incà se abinunse te local di jogn a Badia por passè le tëmp lëde deboriada. La Christiane, nosta animadëssa, se fej vigni iade propostes por fà val’ de bel y de interessant.

Curs da fà cocktails tl local di jogn da Badia.

Vigni jöbia y vëndres domisdé é le local di jogn davert, olache düć po gnì a s’incuntè, s’la ćiacolè y passè so tëmp lëde adöm ai compagns. Tratan l’aisciöda y l’isté él gnü metü

I ùn podü porvè fora de plü cosses te local y foradecà, p.e unse fat n curs da arjigné cocktails, i sun jüdes a ćiaval, al é gnü organisé griliades, i ùn fat do “supertalent”, yii Al é vigni iade dër bel y da rì, insciö unse podü passè le tëmp lëde adöm costruin n gran raport de amizizia.”

Na bela jita a ćiaval a Lungiarü.

www.lauscdiladins.com

9


En colaboraziun cun le

Grup Decanal nr. 36 / 14 de setember 2012

Amur y respet por te instës L’Edema dai Jogn à albü n bel program y tröpes manifestaziuns é gnüdes vites y sintides cotan I fajun jö les tapes, cun informaziuns y impresciuns Inće en chësc ann indô él stè le Grup Decanal dla Val Badia che à invié düć i jogn y les jones dla Valada a tó pert ala mëssa de daurida dla Edema dai Jogn 2012 - gnüda portada fora la pröma edema de setëmber, plü avisa dai 2 ai 9.

La santa mëssa de daurida Desco vigni ann é la santa mëssa gnüda zelebrada a Badia tla dlijia da Oies y en chësc ann éra gnüda organisada dai Grups de Jonëza da Corvara/Colfosch adöm a chi da La Ila. La santa mëssa n’é nia gnüda tignida de vëndres sëra desco i agn passà - a gaujia che la scora à metü man plü adora; ara é gnüda spostada ala domënia, ai 2 de setëmber dales

20:00 da sëra. Al é gnü adalerch cotan de jogn, an po dì che plü o manco vigni paîsc ê rapresentè. Al’entrada dla dlijia gnôl partì fora de pici spidli che dess simbolisé le tema dla Edema dai Jogn che va insciö; “amur y respet por te instës”. En ocajiun de chësc tema él stè la presidenta nöia dl Grup Decanal Lisa Stampfer che à daurì la santa mëssa cun n test cört che dess mëte da ponsé do söl amur y le respet por se instësc. La santa mëssa é gnüda tignida da siur Pire, che se dà tres da fà y se tol tres ion dlaurela por laurè adöm cun i jogn. Presënt ê sambëgn inće le Degan, siur Iaco Willeit. La santa mëssa é gnüda abelida dales usc fines dl cor Antervoices da Antermëia che à ćiantè dër bel. Por stlü jö la santa mëssa él gnü fat scür y mostrè na

picia presentaziun de fotografies che passenëia pro le tema acompagnada da tesć cörć che é gnüs lić dant te trëi lingac. Dedô él ćiamò stè la presidënta dl GD che à portè dant le program de vigni dé dla Edema dai Jogn y sambëgn él stè inće le Degan che é lovè sö a dì n per de parores de rengraziamënt y sön tan important che al é da fà datrai inće val’ por se instësc, por la sanité, por le corp y inće por le spirit. Do mëssa é ćiamò düć gnüs invià da jì jö bas a se bëre val’ y a mangé na piciolëza por stè ćiamò n pü’ en compagnia denant co jì a ćiasa... N bel gran dilan a düć chi che s’à tut dlaurela da tó pert ala santa mëssa! Daniela, por le Grup Decanal

Da apratè de bun patüc ala grilia y da sminchenè

La plöia à lascè fà, dedô düć a conscidré i resultać dl sminchenè En mercui, ai 5 de setëmber, éra stada tan inant. I jogn s’à incuntè ite Sass Dlacia dales 19:00 y les jones te local di jogn a S. Ćiascian por les 20:00. Tratan ê bele les jones Melanie Miribung da La Val cun sü corusc y Sonia Oboies da S. Ćiascian cun la grilia, ordöra y la ćern, arjignades da i insigné val’ laprò ales jones y ai jogn. Messun dì che atira ê val’ un bëgn n pü’ gram che döt jiss bëgn bun, mo por fortüna canche an s’la debita a val’, vàra dagnora ćiamo damî co ći che an s’aspeta. Le tëmp n’ê en mercui nia dër da laldè, mo sciöche por miraco, n’àl ite a Sass Dlacia nia ploiü ćina les 22.30. Insciö unse pordejü da grilié y do na bona mangiada, sunse stà ćiamò n pü’

10

www.lauscdiladins.com

Al curs da arjigné patüc ala grilia.

düć adöm en compagnia a s’la cuntè y a ascutè Heinz Verginer che sonâ i orghi da man. Canche al à spo metü man da ploëi, unse düć adöm romenè ia y la colaboraziun é stada dër grana; düć a dè na man. I sun spo ruvà fora te local di jogn, por odëi tan fates sö che les jones ê y i messun dì che le laûr ê dër garatè. Laprò ti unse spo inće portè fora a ëres ćern y ordöra da cëna. Do ester stà en compagnia, unse spo stlüt jö la serada cun n aplaus ćialt

Tratan le curs da sminchenè.

En lönesc, ai 3 de setëmber, à i jogn da Lungiarü, S.Martin y Antermëia organisé la serada dal füch alaleria. I s’ùn abiné dales 20.30 ia en Plan Murin a Lungiarü. La partezipaziun é stada grana dal momënt che al é gnü adalerch plü o manco 60 jogn y jones de döta la Val Badia. I jogn à albü la poscibilité da imaprè a conësce porsones nöies y da stè n püch adöm. N per de jogn sa tut para val’ stromënt, insciö él inće gnü sonè y ćiantè. Düć à podü porvè fora la “Stockpizza”, arjignada cun sos de pomodoro o por i dër golusc inće cun Nutella. Chësta secunda sëra dl’Edema dai Jogn à dër plajü, i ùn podü s’la cuntè, fà damat y ćiantè ćina tert. Rengraziun düć chi che à daidé organisé la manifestaziun. Melanie (Lungiarü)

Dui cursc dër garatà En mercui, ai 5 de setëmber, à i Jogn da San Ćiascian y da Rina metü a jì dui cursc en ocajiun dla “Edema di Jogn 2012”, un ponsè plütosc por les ëres y un plütosc por i ëi. Le curs por i ëi é gnü tignì ite a “Sass Dlacia”, olache al n’à - por fortüna, nia ploiü döta la sëra. Insciö à i aprendisć podü imparè da apratè ala grilia sciöche al toca y da cujinè de bones bracioles. Les ëres é gnüdes inviades te local di Jogn da San Ćiascian a n curs da sminchenè. Tröc jogn y jones s’à abiné y ala fin éra ćiamò jüda da fà n pü’ de festa düć deboriada. I oresson rengrazié düć chi che à tut pert, suradöt les “maestres” che s’à tignì i cursc. Al é stè dër bel da stè en compagnia y al é stè na ocajiun da imparè a se conësce!

Stè pro le füch alaleria a Lungiarü

y n rengraziamënt a nostes jones Melanie y Sonia, che s’à dè dër da fà por che döt garetes.I oress inće tó l’ocajiun por ringrazié chëres persones che s’à dè na man o consëis y che é stades dër desponibiles. Giulan inće a os y a dötes chëres porsones che à partezipé; al é inće osc mirit sce ara é garatada. Cun chësc ves saludunse y a s’odëi a n’atra plü bela. Jogn Rina y San Ćiascian

Inće ma ćiarè tles flames dl füch y se lasccè scialdè sa bun.

Daidé tla Romania Referat de Cherubina Ploner söi proieć umanitars tla Romania La jöbia sëra, ai 6 de s e t ë m b e r, é l s t è Cherubina Ploner da Pidrô che nes à cuntè de söes esperiënzes tratan i iadi tla Romania. Naota s’àra lascè odëi la cherta geografica di posć che ëra y sü compagns de iade, à passè y vijité. Ara s’à inće cunté n pü’ dla situaziun politica. Te tröpes imajes àn podü odëi ći gran meseria che Cherubina à informè söla situaziun al é tla Romania y tla geografica y inće soziala dla Romania. M o l d a v i a . Tr ö p a solidarieté à Cherubina indô ciafè é stè chit dan da 60 agn. Jënt che dala jënt dal post che ti à condüt roda cun ćiavai y gratuns por se de vigni sort de patüc da portè ia trà incërch, strades nia tres y n valgügn l’à daidada cun scioldi. asfaltades y ćiases che a momënć Bëgn 2.500 kg de patüc é gnüs toma adöm. Por fortüna él les trasportà. Al é stè na sëra plajora monies ti convënć che se crüzia y vignun de nos a portè a ćiasa i di mituns y dles families, al é n recorć de chëstes imajes. Giulan gran aiüt por le dagnì di mituns ala Cherry por söa desponibilité! y por l’igenia de düć. La gauja ćiudî (Alma) che la Romania é tan dala meseria é che al é püćia economia. Mo de Por merit de Cherubina unse gran colpa é inće le fat che le pudü imparè a conësce na consum dl alcohol à tles ciafes n situaziun por nos bindebò nöia, gromun de ëi, chël ô dì che la te n post gnanca tan dalunc dala speranza che i ëi se crüzies dles Val Badia che fej pert inće familia por na vita plö da sciafié dl’Europa. Sce an ćiara ales vel tan co nia. Cherubina é n bel fotografies oresson dì che le tëmp ejëmpl de solidarieté! (Fabian)

Cherubina dëida olache ara va. N gröm de jënt sön chësc monn adora aiüt.


En colaboraziun cun le

Grup Decanal nr. 36 / 14 de setember 2012

Chidlé y cartè Por le cuint apuntamënt dl’Edema dai Jogn s’unse incuntè a Roncac a Al Plan de Mareo por na aurela cörta

Invidé y tignì, inće cun de stletes chertes...

I grups di jogn d’Al Plan y d’La Plí à metü da jì na combinada danter chidlé y cartè a batadù. I pers che foss ruvà adöm é gnüs trać for a cajo, por avëi insciö la poscibilité da conësce d’atri jogn dla valada. Indöt à tut pert 17 pers. Cartè à vigni per un n iade cuntra n ater per trat fora a cajo. Te diesc trates à vignun spo podü mostrè

N bonn desco pest.

Tratan la gara da chidlé.

tan bun che ai é da mazé jö i chidli. Le numer de chidli mazà jö gnô cumpedè adöm ai chidli sciurà jö dal compagn. Con chësta soma él gnü fat na tlassifica. Al pröm per ti él gnü assegné 17 punć desco le numer de pers, al secundo 16 punti, al terz 15 punć, yii. Por mëte sö la tlassifica finala é chisc punć gnüs cumpedà adöm cun i punć arjunć

da cartè. Sambëgn él gnü premié i pers che à arjunt le miù plazamënt y sce an po dì insciö, che à albü le miù “feeling”. Do la premiaziun sunse düć ćiamò stà a s’la ćiacolè y a s’la rì deboriada, slujon jö insciö na serada dër garatada. Veronica y Marlene

Le colaboradù dl Sorvisc ai Jogn Valentin y Siur Pire.

Fora por le bel y chît dla natöra   I sun pià ia dales 14:45 do na introduziun de siur Pire te dlijia, olache vigni partezipant à ciafè na medaia benedida da Sant Ujöp da Oies. I ên önesc porsones. Ćina sö dal Lech dla Lee él stè vignun che à medité por se instës, ponsan sura söl tema dla Edema dai Jogn y söl respet dla natöra. Sö dal lech unse

N valgügn jogn.

spo fat na meditaziun de grup, olache al é gnü lit jö de bi tesć y olache i ùn podü aprijé n bel chît, dedô sunse spo jüs ia te ütia a se bëre valch por gnì pro forzes, y dedô sunse jüs sö inant por la via crucis ćina sö dala dlijia. Dailò unse spo stlüt jö la pert religiosa, olache i ùn perié y medité. La Sara y la

Patrizia de Badia à daidé acompagné les ćianties che düć à daidé ćiantè para cun la chitara. Ala fin sunse spo jüs ia dal Erwin por se mangé valch y stè en compagnia denanco pié jö indô dl vers de Oies. Al é stè dër n bel dé, le tëmp é stè dër bel y i ùn podü aprijé ćiamò deplü le post olache nos sun da ćiasa.

Renovè nosta fede – n curs inće por i jogn Ann dla fede: na ocajiun por renovè y aprofondì nosta fede Ne éra nia gonot insciö danter calonia basìte a La Ila. I contignüs nos jogn che i ne capiun nia tröpes che vëgn tratà prinzipalmënter en cosses de nosta religiun y che i chësc ann é: la Dlijia, crusc y criticun la Dlijia cun sües normes ressoreziun, mia cherdada, le y proibiziuns? Döt chësc fajunse, Sacramënt dl matrimone, laldè deache i conesciun dër püch nosta Chël Bel Dî… Formes dl curs é: religiun cristiana y deache ći che lalt, letöra dla Bibia, catechesa y i savun y i ùn imparè va zoruch ai oraziun. Al vëgn inće lascè tröpa agn dla scora. Mo sciöche dl rest lerch a domandes y al dialogh. de nosta vita, te nosc monn dl laûr Te vigni dlijia él da ciafè na plata y te nosta sozieté che se müda cun la descriziun dl curs plü tresfora ne podunse nia lascè do menüda! Al é inće la poscibilité da da imparè, da s’informè, da lì tres tó pert ales prömes döes sëres inant, insciö él inće dërt che i le zënza impëgn por odëi sce le curs fajunse sön le ćiamp dla fede. Inće corespogn ales aspetatives che chësta à debojëgn da gnì vignun à. Informaziuns ciàfon inće alimentada, da crësce - ma insciö sot a: www.glaubenserneuerung. pôra restè via te nosta vita y se dè de Jonn y jona: làscete ite inće tö sostëgn y ligrëza. Papa Benedët XVI incundarà a imparè da conësce Dî, töa fede ai 11 de otober por döta la Dlijia y la Dlija magari da n punt de universala n “ann dla fede”. Chësc odüda daldöt nü! Por düć i dess se daidé düć nos cristiagn partezipanć dl ultim curs él stè n catolics da jì zoruch ales raîsc de gran arichimënt. nosta fede, da renovè la conoscënza de nosta fede (che va gonot zoruch ai agn dla scora) y a ciafè n raport nü cun Chël Bel Dî. Na bona ocajiun por scovrì la richëza y la belëza de nosta fede é i cursc “Renovè y aprofondì nosta fede”, che vëgn tignis bele da 5 agn incà a La Ila cun la referënta Michaela de Beyer. Al é n curs che vëgn tignì vigni secundo mercui, a mëte man dai 26 de setëmber 2012 ćina ai 15 de mà 2013 por indöt 15 indunades. Al vëgn tignì dales 19.30 ales 21.00 te Renovè la fede cun n curs.

La pêsc Na ligna lungia de munts, riches de dlacià y rüs, segnâ le confin de döes naziuns che se somiâ dër tröp. Al ê döes naziuns presciapüch jomelines, les porsones che abitâ la tera â tröpes usanzes y tradiziuns anfat, y porchël se stritâres gonot. Les döes naziuns se fajô vera sön le frunt economich, politich, sportif… Ćina che engalin n’él nia plö stè poscibl da impedì na vera. I comandanć dles döes armades â menè spiuns por chirì fora le miù post olache ai ess podü mëte man la vera. I spiuns ê gnüs derevers y a trami i comandanć i êl gnü dit le medemo post. “Al é ma un n post söl confin danter les döes naziuns, olache i podun mëte man nosta batalia.” I comandanć, un da öna na pert, l’ater dal’atra pert, mët le dëit avisa tl medemo post sön la cherta. “Avisa dailò metarunse man nosta batalia!” Trami dui aldî bele y podô s’imaginé le füch di canuns, la vera

di ćiars, la devënta, la gloria y les medie. Da trames les perts êl i spiuns che ne se stô nia tan saorì. “Avisa te chël post él n paur che laora dër tröp, al vir te na picera ćiasa adöm a süa fomena, dër bela. Ai s’ô dër bun y an alda che ai sides les porsones plü contëntes dla tera; ai à inće n pice möt. Sce nos messassun stè a dormí sön süa tera , dailó dlungia , sp o desdrujesson dessigü söa contentëza”. Sön le müs di comandanć desflorësc le rì. Ai scuta bi chić. “Chësta vera ne podunse nia fà”, dij trami dui i comandanć a öna na usc. La vera n’é nia gnüda fata. Olache al é amur él inće pêsc, mo nia dagnora ne orunse odëi l’amur por che al sides pêsc. Storia de Bruno Ferrero, adataziun tl ladin de Iris Agreiter www.lauscdiladins.com

11


Gherdëina

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

nr. 36 / 14 de setember 2012

Matices uel dì spectrum de culëures “Matices” ie l titul dla mostra de Ezequiel Leandro Herrera, che ie unida giaurida dan otodì. Demez dal figuratif, ite tl mond di culëures, per reprejenté l mond, ti dajan la drëta denità al mond: tiera, ëila, vacia jì ite trëi sujec: la tiera, l’ëila y la vacia. Coche dì, la tiera che ie nosc ncësa, l’ëila che ie nosta oma che nes dà la vita, la vacia che ie per la richëza dla natura, nes dajan lat, ciajuel y cërn.

Material rezitlà Dut chësc vën reprejentà tres materiai adurvei, da rezitlé, coche cartons dal lat. Y tlo vëniel ora la vëta spirtuela de Herrera, nce ideologica y sce n uel politica. “Ala tiera uei, te mi pitl y bel da oml, ti tò demez zeche che ti pëisa, chësta roba trata demez possa unì nuzeda mo n iede, per lascé che la tiera posse mpue’ tré l fla, per ti tò pëis.”

Ert nce coche ideologia

Da man ciancia, l’assessëura per la cultura de Urtijëi Lara Moroder, l presidënt dla Lia Mostra d’Ert Tobia Moroder y Ezequiel Leandro Herrera.

Ert - Jan ite tla sala dla Lia Mostra d’Ert sun Pitla Plaza de Sant Antone a Urtijëi, tómel riesc tl uedl i culëures, y nce la linges de portraits de ëiles, de tiera y de raions, de vaces. Mé un n cheder va mpue’ ora de schedra, sce n possa dì nscila. L ie n cheder de paesaje, dla cuntreda ududa da Col Raiser via, danter l auter cun l Saslonch y l Sasplat, Mëisules y Stevia. La ravises de Ezequiel Leandro Herrera ie tl dessëni y tl depënjer figuratif. Nchin che l se à n mumënt stufà. O l fossa miec dì che l à plu che auter ulù mudé, jì ite te zeche de nuef, mudan “matices”, che uel

dì per spanuel l spectrum de culëures.

Esplujion de culëures Pra la mostra a Urtijëi che ie mo da udëi nchin ai 21 de setëmber, iel chedri che fej luné ora l nteres per i culëures da pert de Herrera, culëures metui ite te chedri che refigurea lueges ulache l ie nce stat te si vita. Mé per dì l Madagascar, l’Argentina, la Namibia y l’India. Uni luegia ti à dat na ispirazion de culëures. Pra l cheder dl Madagascar iel l referimënt a chëla cuntreda, cun na gran perzentuela

Dialogh cun l artista.

dl raion curida da plantajons de riji. Plantes vërdes, de n vërt speziel, sterch. Chësc culëur ie l “macro”, coche dij Herrera, la fundamënta, l ntëurvia. Namibia ie per ejëmpl oranc, per la dunes de sablon che ie iló, per l’Argentina iel l ghiel dla Pampa, y pona iel l brum de Johpur tl’India. La „matices“ spidlea l’atmosfera di luesc ulache l artista à vivù y che ie te si dedite.

Tiera, ëila y vacia Da chësta fundamënta, da chësc “macro” uniun autramënter aldò dl raion geografich, lascia Herrera

N svilup, chël de Herrera, dal figuratif ite te n’autra forma de reprejentazion. Cie iel pa che ti à pa fat mudé vijion dl’ert, povester nce dl mond? “Povester canche l ie nasciù mi muta Caterina dan n valgun ani, canche è udù l vënter de mi fëna Silvana che univa majer y majer. Chësc ie stat n gran muvimënt per mé, ie rate che l ie n generel l majer mudamënt che l possa unì a s’l de per n ël, per na persona ie na muta o n mut che nasc zeche che te muda l plu, de viers dl positif. L ie l’ëila, l ie la tiera che te dà zeche deplù, l ie l elemënt feminil, la tiera, l’ëila y la vacia. Son stat te 36 paejes dl mond, dlonch éi abinà chësta trëi, dlonch iel medemo, dlonch iel l’ëila, la tiera y la vacia, l ie n svei de legrëza.” Leandro Herrera va ite plu sot te na reflescion

La mostra de Ezequiel Leandro Herrera.

****L cianton dla Union**** Pelegrinaje a Baiston, chëst ann metù a jì dala Union di Ladins de Fedom La Union di Ladins de Gherdëina fej a l savëi a duc i nteressei y a duta la nteressedes che uel fé pea l pelegrinaje a Baiston ai 23 de setëmber 2012, che n possa se lascé nuté su nchin

12

www.lauscdiladins.com

n mierculdi ai 19 de setëmber tla Cësa di Ladins a Urtijëi o cherdé su l numer 0471/796870. L vën metù a jì n taxi-bus da Sëlva demez y fermà damprò ora. Da paië ite iel 15,00 € per persona. Nfurmazions

plu avisa giàpen tl ufize dla Union di Ladins, Cësa di Ladins a Urtijëi, ntan i orares de ufize. A chi che l ti savëssa bel a unì pea furnì cun l guant dala gherdëina ie drët bel nvià.

ideologica, tenian cont dl presupost de valivanza che l muessa vester: “La tiera, l’ëila, nce la vacia, ie da respeté. Sce la jënt ne se rënd nia cont dla richëza che vën ora da dut chësc, pona ie la persona piec che n tier. Son piec che tieres, sce jon inant a ne respeté nia l’ëila, a la umilië, a la mëter sot. Son piec che tieres, sce ne udon nia ite che l mond ie l sëul planet che on, che messon l respeté, ti ulëi bon; son piec che tieres sce ne udon nia ite dut chël che l nes vën dat, dala tiera, dal’ëila y dala vacia.”

Da Villa Elisa a Urtijëi Ezequiel Leandro Herrera, 35 ani, ie argentin, plu avisa dl ridl Villa Elisa dla zità La Plata, tla Provinzia de Buenos Aires. Te Gherdëina fòvel unit dan 9 ani per l prim iede. L ie stat a Verona, tla Spania a Lanzarote, a Londra, a Dubai, l à giaurì na galaria te Costarica, l ie stat set mënsc tl’Africa, pona tl’India, l ie jit ncantëur per mesa Europa. Dal ann passà iel inò tlo te Gherdëina. Ne savan nia tan giut che l stajerà. De regula mùdel do sies mënsc, y perchël ne sàl nia ulache l sarà duman. Cun Gherdëina àl n raport sot, n raport nce da se n sté bën, dantaldut sce l pënsa ala cualità de vita, o miec ala segurëza che la possa pité. Nce sce l ne sà nia sce l resterà, ma te Gherdëina uelel sën mustré si chedri, si pensieres, si culëures, “matices” de ëiles, vaces y tiera. David Lardschneider

Vijitadëura.

Union di Ladins de Gherdëina Cësa di Ladins, str. Rezia 83, Urtijëi nr. de telefonn 0471 796870, fax 0471 781570 e-mail: info@ulg.it

Fotografies da noza tl Calënder de Gherdëina Nce tla edizion nueva uniràl publicà la fotografies de chëi che se à maridà da nuvëmber 2011 nchin

de utober 2012. Chëstes pòssen dé ju tl ufize dla Union di Ladins de Gherdëina, tla Cësa di Ladins a Urtijëi o scenó nce les mandé tres e-mail a info@ulg.it


Gherdëina

nr. 36 / 14 de setember 2012

Sentedes FISI te Gherdëina Chëst’ena che vën vëniel adalerch per plu sentedes, relazions, ancuntedes y reunions l cunsëi dla Federazion Taliana Sport da d’Inviern FISI te Gherdëina Cumitat dla Fisi/Bulsan, i ambolc de Gherdëina Ewald Moroder, Eugen Hofer y Peter Mussner, l assessëur y delegà dla frazions ladines dl Chemun de Ciastel Ambros Hofer, Milva Mussner assessëura per l sport de Sëlva, Edmund Dellago presidënt dl “Saslong Classic Club”, Stefania Demetz aministradëura dl “Saslong Classic Club”, Erich Demetz presidënt dl Sotcumitat FIS - Copa dl Mond, Christina Demetz presidënta Val Gardena Marketing, Paolo Cappadozzi presidënt Mplanc portamont Gherdëina -

Mont de Sëuc, Sandro Lazzari presidënt Dolomiti Superski y Anef, Bruno Senoner diretëur dl ITE “Raetia” cun Sezion sportiva de Urtijëi. N rengraziamënt ti va ai hoteliers dl Tyrol y Savoy per la pert logistica y al’Aministrazion dl Chemun de Sëlva che mët a despusizion la sala dl cunsëi. Chësta ancunteda dl sport ie na ucajion per pudëi purté dant minonghes y prupostes y se fé ideies de co mené inant la desciplines dl sport da d’inviern. Lidia Bernardi

L Cunsëi Federel nuef dla FISI, la Federazion Taliana de Sport da d’Inviern, cun amez l presidënt Flavio Roda, dlongia a man ciancia l vizepresidënt Reinhard Schmalzl y, terzo da man ciancia, l cunselier Rainer Senoner.

FISI - L Schi Club Gherdëina “Saslong” à nvià, sun pruposta dl vizepresidënt dla FISI Reinhard Schmalzl, l cunsëi federel n vënderdi ai 21 de setëmber per na ancunteda cun persunaliteies dl sport de nosc raions, y n sada ai 22 de setëmber te sala de Chemun te Sëlva per na senteda ufiziela dl cunsëi dla FISI. N vënderdi via per l di ie l presidënt dla FISI Flavio Roda nvià dal Schi Club Gherdëina per se fé n cheder dl’atività dl Schiclub, de si nfrastrutures y dla Sezion

Sportiva dl ITE de Urtijëi. Da sëira vëniel metù a jì na cëina ufiziela, ulache l se anconta l presidënt dla FISI Flavio Roda, i vizepresidënc Reinhard Schmalzl y Alberto Piccin, i cunselieres Dante Berthod, Guido Carli, Pierluigi Checchi, Marco Mapelli, Rainer Senoner, Gianfranco Martin, Gabriella Paruzzi, Alfons Thoma, l secreter generel Fausto Cartasegna, la secretera Grazia Filippini, l presidënt di revisëures di conc Enrico Negretti, i revisëures di conc Enrico Demarchi y Luigi

Monterisi, na reprejentanza dl Schiclub Gherdëina “Saslong” cun la presidënta Lidia Bernardi y i doi vizepresidënc Klaus Insam y Cristoph Vinatzer, Georg Sommavilla sëurastant dl schi alpin, Karin Moroder pudejé, Florian Lardschneider biathlon, Werner Dejori cumbinazion nordica, Matteo Murer freeride/ freestile, Luis Durnwalder presidënt y assessëur per l sport dla Provinzia Autonoma de Bulsan, Florian Mussner assessëur provinziel ladin, Hermann Ambach presidënt dl

Ce bel a cialé de té! Co fóssela pa datrai a cialé nce de sé nstësc? Povester jan, nce nëus da tlo, per n valgun' ëura sun na ijula? La ijula che pudëssa nce vester chëla dl hotel Grien a Urtijëi! L paesaje dla ijula wellness ie daviert dala doi domesdì ala 8 da sëira. La cossa va nscila: te ves ora per la streda Mureda, orainsom, te hotel Grien. Te ves ite, cun ti fëna, cun ti uem, cun la familia, cun ti cumpanies. O nce da sëula, da sëul. A priesc giapes la cherta per plu ëures, nce per dut l domesdì. Te giapes l mantel per l wellness, te mudes, y te ves ite. A scumencé na sauna mpue’ plu soft, n hammam o sauna turca, nia massa ciauda, da sté saurì, ma mpo da sué. Sué ora toxines, y nce lascé jì i pensieres, lascé tumé i pensieres, te lascé tumé. La tenscion possa

Avesani, la familia junior.

nce se n jì, l ne n’ie nia picià a cialé dl corp, dl’ana y dl spirt. Y che l sibe mé cun n valgun'ëura de wellness. Da dedò te pondes, tl chiet di liec aposta, ti dajan dl’aurela al corp per se sentì inò nstës, al’ana per se udëi inò, al spirt per stlù via y cialé inò inant. Te nudadoia iel pona bel a jì via y ca, a nudé, tl’ega da sel da 36 degré, sëura l’ega via. L’ega coche elemënt tan nost, da sté saurì, l’ega che uel dì nët, che uel dì chiet y gheneda. Do na bela docia iel inò bel a se ponder via sun i liec da ega, chëi che dà do, che te nana, che te juda a te n sté bën. Sce te rates pona che te ues propi ti fé zeche mo de miëur a ti corp, a té nstës, pona iel la aicia, l bel massaje che te giapes tla ijula wellness dl hotel. Burt ne n’iel nia, a s’la lascé jì bona. L ie monce bel. Y nce drët. Y perchël possa n tel domesdì, śën che l scumëncia l autonn, vester la drëta medejina per té, do n instà nce plën de muvimënt, povester nce de stress. Do l wellness te n ves ora coche nuef; coche nueva ves inò ite tl ritm da uni di, te ti familia, te chël che ie ti realtà, che ie mpurtanta y bela, ma che ie mo plu bela sce te ves ite

te tulan pea regenerazion, dl corp, dl’ana y dl spirt. Do n viac sun l’ijula dl wellness, ala fin mo na bona ega minerela o d’uni sort de teies, ies inò a post. Y sce l ie bele l mesun, percie pa no cuché ite, te restaurant dl hotel Grien? N antipasto, n prim, dut a priesc, ciuldì pa no? I culëures, la prejentazion, ma dantaldut i ngredienc, roba naturela, frëscia ora de verzon. N bon bucon ie danz mo l mascimo, per ncuei. Y sce te es propi na bela fam, pona iel d’uni sort de derzedes, y nce n bel menù. Y dl vin savons pu, che l ie chël bon, chël che nëus ulon. L fossa bel sce tu cialësses de té. L bel ie che te posses monce l fé!

L hotel Grien a Urtijëi.

Bon y bel.

Sauna uel dì relax.

www.lauscdiladins.com

13


Gherdëina

nr. 36 / 14 de setember 2012

Epigona te Gherdëina Epigona uel dì una che vën do, che se lascia ispiré da n artista che à bele fat dant vel’ da de tel. Ma de regula iel, pra n lëur epigonn, na re-nterpretazion, cun elemënc nueves. Plu che de vester na epigona à Esther Stocker, pra la Bienela de Urtijëi, mustrà n bel plaghiat

Trëi opres de Sol LeWitt.

Medea Moroder.

I nia-plaghiac a Urtijëi: l’opres de Hubert Kostner, Arnold Mario Dall’O y Walter Moroder y de Gehard Demetz (fotografia pra l articul a plata 15).

Ert - L artista american Sol LeWitt ova bele ti ani sessanta y setanta, chël uel dì dan ades 50 ani, mustrà si opres sot al titul “Open Cube”. Da coche n vëija dala fotografies ie la opres de LeWitt chëles che ie unides tëutes un a un da Stocker per la mostra de Urtijëi, sibe per grandëza che per culëur blanch. Śën, che la Stocker ie bona de ti la fé al redatëur de Gherdëina, che à doi mans ciances y ne n’ie propi nia l miëur te storia dl’ert, chël possa mo vester. Ma che la ëssa ratà che cun dut l potenzial artistich y de artisć de Gherdëina ne fóssel nia

sautà ora che l se trata de n plaghiat, chël ie bën na tëuta per l cul, dla tradizion artistica de nosta valeda, ma nce dla jënt n generel, trëi zitadins da mont dla provinzia plu provinziela dl mond? Medea Moroder, studënta d’ert tl’Accademia di Belle Arti a Urbino, à mustrà su la cossa. Ëila, che ie iust nce tl lëur de fé plu ejams de storia dl’ert, à riesc udù che pra l pez de Stocker ne se tràtel nia de zeche de nuef.

Esther Stocker pra la prejentazion dla Bienela de Urtijëi: “L se trata de na scultura de lën, che ie é ideà per l’ucajion dla mostra a Urtijëi. L titul ie “l-nia-cumpletabl”.” Nscila Stocker. Che ëila ne à bonamënter nia fat l’opra, ma vel’ marangon, chël sarà tler. Povester ti àla dat ju l culëur, ma povester à monce chësc fat n artejan. Almanco l’idea ëssa pudù vester sia; ma nianca no chëla ne n’ie sia.

La idea de chi?

N bel plaghiat

Son jit a ti cialé ala paroles de

L pez metù ora da Esther Stocker a Urtijëi pra la Bienela.

14

www.lauscdiladins.com

L curadëur dla Bienela Günther

Oberhollenzer ëssa ënghe pudù savëi che l se tratova de n plaghiat, y ne l lascé nia mëter ora a Urtijëi. Ma ntant iela jita coche la ie jita. L possa vester stat plu cunscidrazions. O propi chëla da "faccia tosta" che chëi de Gherdëina y i truep turisć da dut l mond caprò ne se ntënd nia che l ie n plaghiat. O che Stocker uel mo se salvé dijan che l ie n lëur da epigona, cun na si re-nterpretazion. O che l se trata de na performance ma

propi iper-performance cun l juech cun opres che ie medemes, che dëssa fé pensé do n con’ dl’identità dl’opres y de chiche les fej, tl slargiamënt dl tëmp y dla luegia. O che l se trata, pra Esther Stocker, de na re-ncarnazion de Sol LeWitt che à cris ora Gherdëina per unì de reviers dal paravis di artisć. David Lardschneider


Gherdëina

nr. 36 / 14 de setember 2012

Hitler y l subconsce III. Bienela de Gherdëina a Urtijëi, scultures de Gehard Demetz Hitler & Mao: n valgun pensieres n con’ dla teoria de Rudolf Steiner y dl subconsce fantulëza. Ti cialan al’esprescion di uedli y pian do l messaje che l artista uel nes dé n con’ dl subconsce, lúnel tres n nchersciadum per na vita sarëina, dënia per pitli mutons, che i ne n’à nia pudù viver.

L’ert coche spiedl L’ert devënta nsci n spiedl per sé nstësc, n’autoreflescion, ti dajan a chiche ti cëla l mesun de scuvierjer mo n iede si fantulëza y tuan do te si ravises. Y l ie propi stat la teoria dl subconsce de Rudolf Steiner di mutons da 0 nchin a 7 ani che ti à dat a Demetz la mpulseda a ti cialé a d’ëi te chësta maniera. Hitler & Mao. Opra de Gehard Demetz de Sëlva, da udëi pra la Bienela a Urtijëi.

Ert - Jan tres l raion da jì a pe a Urtijëi y se ferman dan la scultures de valuta Hitler & Mao dl artista de Sëlva Gehard Demetz, se descëida te ti dedite na reazion spontana da chëla che nasc emuzions d’uni sort per i doi ditatores reprejentei te si età de

La revoluzion de Rudolf Steiner

Ma cie fova pa la revoluzion tla pedagogia de Rudolf Steiner che vën mo al didancuei nsenieda tla Scoles Waldorf, nce cunesciudes sot al inuem Rudolf-SteinerSchulen y ti Paejes Tudësc coche Freie Waldorfschule? Tlo iel da

lecurdé che l filosof y reprejentant esoterich austriach (1861-1925) ie l fundadëur dl’antrosofia (senificat grech de „ánthropos“ persona, y „sophía“ sapienza. Tl zënter dl’antrosofia iel na vijion dl mond sëuranaturela. Da canche n nasc nchin ai 7 ani ie tl zënter dla vita dl mut l svilup di organns dl corp, ma te si subconsce iel bele i genns de si antenac che nfluenzea si daunì. Jan inant se muderà pona chësta carateristiches da chëles che se forma pona nce na si persunalità. Chësc mudamënt jirà inant per duta la vita, ma ala fin di conc depënd dut da cie che ie stat y suzedù ti prim ani dla fantulëza: sce l ie na bona sumënza, pona purteràla de bon fruc, al cuntrer no. Y inant Steiner: “Mé tres i drë’ muvimënc devënta la muscules dla mans stersces y l medemo suzed nce cun l cervel y i autri organns dl corp”. Aldò dl filosof austriach iel doi paroles magiches per ntënder coche l mut ruva a cuntat cun l mond: l fé do y l ejëmpl. Steiner ie dla minonga che l fantulin imitea riesc i mpulsc che l giapa da si ntëurvia. Acioche chësc vënie a se l dé, muessel suzeder zeche dedite tl mut canche l tira l fla, tres la zirculazion dl sanch, y chësc porta pro al svilup di organns. Canche n fantulin sënt zeche, pona ie chësc gaujà dal

subconsce y l corp devënta l strumënt che se adatea ala persona. L miracul ie chël che ana y corp ie bele cunliei ntan l’età dla fantulëza. Steiner sotrissea che per i mutons dl’età nchin a 7 ani ne n’à l nseniamënt nia n gran valor, ma che l mut mpera dal’esperienzes vivudes te si ntëurvia, miec dit da dut chël che l vëija, che l sibe a fin de bën o de mel. Perchël iel scialdi mpurtant che l educadëur feje l puscibl acioche l mut posse crëscer te n ambient sann y che l’atmosfera ntëurite sibe sarëina, a na maniera che l sibe bon de tò su duc i mpulsc che l giapa. Ma sce i ti pëisa te si dedite, pona refudéiel l’esperienzes positives. La funzion dl educadëur cun si sentimënc, vijions dl mond y dla vita dëssa vester d’ejëmpl per

l mut, na persona iusta da imité te uni si pitla azion, che ti fej legrëza y ti scinca amor. Ajache propi cun chësta età iel fundamentel che i granc sibe d’ejëmpl per i mëndri, y per arjonjer chësc muessa nce l educadëur se mëter n descuscion cun sé nstës di per di. Per ti giaurì n viere ai mutons de viers di sucrëc dl mond iel de utl se nuzé de ejëmpli dla natura. Nce l scritëur Johann Wolfgang von Goethe, da chël che Steiner à tëut si teories, dijova: „Die ie tla natura, la natura ie te Die“. Y aldò dla cunzezion dl panteism (dal grech antich „pān“ dut y „theós“ Die): „Die, l cosmos y la natura ie dut un y tl dedite dla persona.“ Ulrica Perathoner

Tan bel che l ie sa mont! Na beliscima ena sa mont cun la mutans dla Jungschar dala cuinta tlas dla scola elementera ala terza tlas dla scola mesana lascia de biei lecorc dl instà y dl ann de atività dla Jungschar de Urtijëi

Santa Mëssa cun Seniëur Digan Vijo Pitscheider.

Mutans dla segonda y terza tlas dla scola mesana cun la familia Bernardi.

Lies - La Jungschar de Urtijëi mët a jì truepa manifestazions ntan l ann de scola; y nce d’instà. Scumencià cun l’ëures de grupa vëniel uni ann tl’ena dl Marcià de Segra Sacun; mutons y mutans se anconta te grupes per fé juesc, jites alalergia, damat y s’la rì.

Jungschar y dai mutons nstësc. Per Nadel fej pona i mutons y la mutans zeche de blòt per l vënder ntan l marcià da Nadel, che vën fat uni ann te Calonia.

la mutans possa mustré cieche i sà da fé y tan gën che i à si umans. Per finé via bën l ann de scola vëniel pona mo fat na funzion de mei y na pitla festa d’ansciuda.

Sambën ne pòssel nia mancë la sluseda cun stazions sun Resciesa y la festa de carnescià, che vën metudes a jì de fauré. Do chësta vëniel pona bel plan scumencià a se dé ju cun l majer proiet dl ann de Jungschar: la Sëira de Bona Ueia per l di dl’oma. L vën scrit de pitli teatri, ulache i mutons y

Ena da mont

Atività via per l ann D’autonn vëniel pona uni ann metù a jì na festa dla castanies per duc, y na Santa Mëssa, metuda adum dai cunlauradëures dla

La gran finela ie l’ena sa mont, ulache te doi turni pòssel unì pea un n ann la mutans, l auter ann i mutons dla Jungschar. Chëst ann iel unì jit sun Mont de Sëuc, dala familia de Dieter Bernardi, che rengrazion veramënter de cuer

per nes avëi mprestà medel y tublà. Dldut iel uni metù a jì dai 18 cunlauradëures dla Jungschar per ti fé savëi bel ala mutans sa mont y per ti purté daujin valores de natura, cumenanza y ujinanza. Rengrazion nce l pluan de Urtijëi, Seniëur Vijo Pitscheider, che se à tëut dl’aurela bën doi iedesc de unì sa mont y fé na Santa Mëssa alalergia.

Fajëde pea! Bel iel stat, ma śën iel ëura de

pensé bele a chëst ann y a n scumenciamënt nuef cun grupes nueves. I cunlauradëures dla Jungschar jirà tla scoles a partì ora nvic y se ncunforta bele sën sun duc i mutons y la mutans danter la cuinta tlas dla scola elementera y la terza tlas dla scola mesana, che ëssa nteres de fé pea y unì al’ëures de Jungschar. Per la Jungschar Urtijëi, Lena Mulser www.lauscdiladins.com

15


Gherdëina

nr. 36 / 14 de setember 2012

Desmunté cun premiazion

Uedl de Nuet y Dolasila

Pra la festa per l desmunté te Val à l’Assoziazion dl Turism de Gherdëina premià Albert Perathoner coche "Paur dl ann 2012" y Walter Kostner coche “Paur jëunn dl ann 2012”

Per fé cunëscer l drë’ valor dla lijëndes ladines al mond culturel talian, à l Istitut Ladin Micurà de Rü dat ora l liber “Miti ladini delle Dolomiti” Cultura - L proiet nuef dl Istitut Ladin Micurà de Rü fova chël de scrì da nuef la lijëndes ladines abinedes adum da Karl Felix Wolff, per fé valëi la mpurtanza storichculturela dla lijëndes ladines y per les dé inant te n cuntest de valuta leterera. Nchin śën ti àn mo dat massa puecia mpurtanza a chësta ravises de nosta jënt. L liber nuef ie unì prejentà d’agost. La prejentazions jiva ite tla lingia de manifestazions „Un n liber, un n crëp – ancuntedes cun l autor“ metuda a jì dala Lies dl Turism.

Ijules de rujeneda La familia de Walter Kostner, paur sun l luech de Col dessot a Runcadic.

Paures - Pra la gran festa dl “desmunté dl bestiam” n dumënia ai 9 de setëmber te Val à l’Assoziazion dl Turism de Gherdëina ulù premië per l segondo iede chiche se cruzia de prima persona dla cura dla cuntreda y de mantenì la vedla tradizions dl lëur da paur te nosta bela valeda, che ie danter i raions turistics plu cunesciui tla Elpes nce ti mënsc da d’instà. Do che la grupes di paures de uni luech à cris ora si candidac, ie chisc unic valutei da na iuria metuda adum da reprejentanc dl’aministrazions cumeneles, dala Lies per l Turism y da Val Gardena-Gröden Marketing. I criteres che ie unic cunscidrei fova: la gestion ejemplera dl mesc, la ntegrazion tla vita dl luech, l mpëni per la cumenanza y la luegia dl luech da paur.

de Turism per desmustré la bona cunlaurazion danter turism y lëur da paur. L assessëur provinziel per la cultura ladina Florian Mussner à ënghe ulù auzé ora la mpurtanza dl mestier da paur per stravardé l’identità ladina y la tradizions te n raion turistich coche Gherdëina.

Walter Kostner Walter Kostner, paur sun l luech da paur de Col dessot a Runcadic,

Premiazion cun autoriteies Christina Demetz, presidënta de Val Gardena Marketing, à nsci pudù premië chëst ann Albert Perathoner dl luech de Crëpa a S. Cristina coche paur dl ann 2012, y Walter Kostner dl luech de Col dessot a Runcadic coche paur jëunn dl ann 2012. Danter l’autoriteies che ie unides adalerch per la manifestazion y premiazion fòvel nce l assessëur provinziel per l turism y la pauraria Hans Berger, che à sotrissà la mpurtanza dl lëur da paur per na destinazion turistica coche Gherdëina. Berger vëija de bon uedl la scumenciadiva dl Cunsorz

Christina Demetz y Hans Berger.

ie unì numinà “Paur jëunn dl ann 2012”. Walter à sëurantëut l mesc de familia tl 1992. La fëna y si cater mutons juda pea dassënn pra l lëur sun l mesc y sun pastura. Tl 2001 òvel fabricà da nuef la stala, ulache l ie lerch al mumënt per trëdesc vaces y danter set y diesc vadiei. Walter Kostner à for desmustrà n gran mpëni per la cumenanza, per 26 ani iel stat cumëmber atif dla grupa di Destudafuech de Runcadic, à fat pea pra l SBB (“Südtiroler Bauernbund”) y pra l

cumité dla montes de Ciastel; sëuraprò ie Walter nce atif pra la Lia de Teater de Runcadic.

Albert Perathoner Albert Perathoner, paur sun mesc de Crëpa a S. Cristina, ie l "Paur dl ann 2012". L luech da paur de Crëpa ie ratà un di mejes te na luegia plu ërta dl Südtirol. Davia che l mesc ie metù te n ërt y l ne n’ie nia mesun de arjonjer duc i prei sun na streda, muessa gran pert unì sià a man. Te chësc lëur scialdi sfadiëus ti à for judà si fëna y si muta, ma davia che l ne fova nia mesun de se tré l viver cun l lëur da paur à Albert messù se tò su n segondo lëur, na situazion drët sfadiëusa dantaldut ti mënsc da d’instà canche l fova debujën de se dé ju cun l fën.

Documentazion tres fotografies L Fotoclub Gherdëina a abù la ncëria da pert de Val GardenaGröden Marketing de documenté cun fotografies l lëur de chisc doi paures y si families, fotografies che unirà metudes n mostra da autonn inant ti luesc de S. Cristina y Urtijëi. Irene Delazzer

Pra la prejentazion iel danora unì fat na ntroduzion dla rujeneda ladina n generel, spiegan che l ie trëi ijules linguistiches ladines. Una na ijula ie tl Friul, l’autra ie tla Ladinia y la terza ie tla Svizra. L ie nce unì mustrà su mpue’ la deficulteies de chësta mendranzes, dantaldut per svilupé y adaté la rujeneda ai bujëns de nosc tëmps. La rujeneda ie nce cultura y chëla ie danter l auter nce nasciuda cun la lijëndes che n se cuntova. N à perchël ulù fé cunëscer al mond talian la gran tradizion dla lijëndes dla Dolomites.

Ulrike Kindl L’esperta de lijëndes y de mic se à prejentà dijan che si cultura ie chëla tudëscia, ajache la ie de Maran, si spirt ie chël talian, ajache la viv a Unieja, ma si ana ie chëla ladina. La scienziata de Unieja, che lëura cun cuer y ana te si tuedes, cunlëura bele da truep ani cun l Istitut Ladin Micurà de Rü y ie nce tla cumiscion scientifica. Cun paroles, descrizions y muvimënc di braces àla spiegà la mpurtanza dla nrescida ma nce descrit te na maniera simbolica coche la à fat la tueda. “La lijëndes dl Rëni de Fanes fova ti prim ani dl secul passà unides tëutes su y publichedes do criteres etnologics nia for defin drëc. Karl Felix Wolff à salvà l’ana dla Dolomites. Ël ne à nia nventà la lijëndes ladines, ël les à abinedes adum y les à metudes ju aldò di criteres de si tëmp,” spiega la professëura Ulrike Kindl, “ma ël ne fova nia dla Ladinia, ël ova na cultura tudëscia y perchël àl raprejentà la figures te na maniera plu nordica. Nscila ie la dimenscion mitologica y storich-culturela dl material unida sotvaluteda defin.“

Ciancé cunzec

La familia de Albert Perathoner, paur sun l luech de Crëpa a S. Cristina. (Fotos de Claudio Cainelli)

16

www.lauscdiladins.com

L liber “Dolomitensagen“ de Karl Felix Wolff fova unì ciancià tl talian. Ma chësc liber ntitulà “Monti pallidi“ ne curespuend nia defin a chël che Karl Felix Wolff ova scrit y chësta maniera ne fova la professëura Kindl nia tan cuntënta limpea. L fova belau n kitsch y plutosc adatà a pitli mutons. Fé na traduzion ie zeche de rie ajache n ne muessa nia mé savëi da ciancé paroles ma nce da ciancé cunzec. Che chël ne n’ie nia for tan saurì

La esperta de lijëndes Ulrike Kindl.

desmostra nce che la parola tudëscia “Völkerwanderung“ vën cianceda tl talian cun “invasione dei barbari“. Tlo vëijen la desferënzia dal prim cunzet neutrel y dal segondo che à n aspet negatif. Ulrike Kindl à spiegà coche la à fat la tueda: “L liber “Monti Pallidi“ fova coche n’onda de n sas che ie unì smacà tl’ega. N messova perchël abiné l sas, l os dl frut y scumencé pona a restruturé dut cant, metan leprò n tòch ndolauter. Ulrike Kindl à abinà ora te si tueda che i mic ie nasciui dan la gran religions, chël uel dì dan passa 2.000 ani. La lijëndes dla Dolomites ie nce liedes ai mic dl Mediteran. I crëps univa udui coche monc de salveres, coche l ie nce unì prejentà tl purgatuere de Dante Alighieri. Ma cie ie pa i mic perdrët? Ulrike Kindl à dit: “N mit ie na metafora de identità, coche un se autodefinësc. I mic à for da n fé cun fatum y fertuna, chël uel dì cun l destin de nascer y murì. Duc i mic conta perchël de n scumenciamënt y de na fin."

Nicola Dal Falco L autor Nicola Dal Falco à scrit cun l sustëni scientifich dla professëura Ulrike Kindl l liber “Miti ladini delle Dolomiti”. Nce ël fova pra la manifestazion y à desmustrà si gran savëi tl ambient dla leteratura. Cun chësta cunlaurazion iel nasciù l bel liber. Coche na munëida che à doi pertes, ma che ie mpo dut un, ie nce l liber unì partì su te doi pertes. A man ciancia iel la spiegazion scientifica, a man drëta dla plata iel la lijënda. Tl liber iel nce unì publicà truepa fotografies de Markus Delago che lascia udëi l ambient de Dolasila, Luianta, Uedl de Nuet, Spina de Mul y dl’autra figures mitologiches dla Ladinia. De bela fotografies de Markus Delago fòvel nce da udëi tl film che ie unì mustrà do la prejentazion. L proiet à giapà l sustëni dl assessëur per la cultura Florian Mussner. Sofia Stuflesser


nr. 36 / 14 de setember 2012

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Nia de fat con Bolśán. L Comun:”La Crousc Bláncia la fèje n vare ndrio” L esecutif Ruaz controbat a Delmonego: “On fat dut chël che podonve” Crousc Bláncia - Temp scadù. Co l 9 de setembre la Crousc Bláncia da Bolśán l’à fenì de fè servisc nta Fodom. Ntratánt no s’é ruei a degun acordo co la Crousc Bláncia da Fodom, sebénche i volontari i ava voté a l’unanimité de passé con Bolśán. L diretif l no mola su la cuestion de la senta e l cusa Comun e Uls de ester la gauja del busc ntel bilánz per via de mpermetude nia mantignude. L’aministrazion la no i é sta e la conta dut chël che l é suzedù.

formula per ciarmené ca sti scioldi. Ntratánt on ence dé n contribut de 5 mile euro.On speté spo che vegne fora sta convenzion. E ence nos son restei mèl a vedei che vigniva recugnisciù demè 15 zentejimi mplù al chilometro. Per chëst no volon ades fè la pert de chi che no s’à nterescé, coche son stei cusei.” Ai 31 de merz scadëva l tiermen per renové la convenzion, che la Crousc Bláncia da Fodom no n à fermé e per chëst, dal prum de auril, l’à fermé l servisc.

“On fat dut l poscibile”

La strada per Bolśán

“Dal 2009” disc l esecutif Ruaz, “on fat na mascia de riunion co l’Uls per descore dei problemi de la Crousc Bláncia. Savonve che l é puoc volontari e l é debujen de scioldi per avei n dipendent. Da la Uls on bu très mpermetude a ousc. De zifre no i à mèi descorëst, ence se se savëva che volëva zirca 25 – 30 mile euro al ann e i à tres dit che co la nuova convenzion i assa ciapé na

“Per nos l’ipoteji de passé con Bolśán prospetada da la Uls, l’eva na bona soluzion” conta ncora capocomun e assessori. A la riunion ulache i volontari à voté a l’unanimité chësta opzion l eva ence l capocomun. “Duc i eva d’acordo” l disc “ence se l prescident l à precijé che mpruma sarà da se mëte d’acordo su nen valgune cuestion. Per vegnì a fe servisc chilò, la Crousc

Bláncia da Bolśán l’à damané la disponibilité den garage e n cuartier per l personal (che i é nte la senta de Rèba n.d.r.) e al prescident Paolo Delmonego de clamé ite na sentada coi volontari fodomi. L eva prescia de ciapé n acordo mpruma che le ambulánze da la Val Badia le fenësce suo meis de servisc chilò. Per chël on fat n’autra riunion co l diretif de la Crousc Bláncia, ulache manciáva l prescident e i raprejentánc de Bolśán. L é ste descorëst de debit e organizazion e s’on lascé sodisfac perciéche mparëva proprio che duc, ence l diretif, l abe la volonté de laoré per la soluzion. Ma puoch davò la riunion – conta ncora Ruaz – m’à telefoné l prescident e l m’à dit che chël che on fat fora l no va ben.

La senta e l debit Nlouta l Comun l clama ite na nuova riunion per capì la pojizion ufizial del diretif che l mët doi condizion: la Crousc Bláncia la no

conzedarà i locai a Bolśán nte la senta de Rèba (che l’é de sua proprieté) se l Comun no se mpegnarà n via ufizial e paié fora l debit. “Da pert nosta – spiega la Jonta – on metù sun taula n program per saré ite l debit nte 4 – 5 agn co l aiut del Comun e economie de gestion de la Crousc Bláncia.” Ntratánt l’aministrazion la se da da fè per cherì na sistemazion ntel Zenter Servisc (che l é de sua proprieté n.d.r). Ma le porte del garage i é massa basse no passa ite l’ambulánza.

i à spieghé suo model de gestion e organizazion. Ma co i à damané la disponibilité dei volontari demè na dejina i à auzé la mán. Per nos – conta ncora l’aministrazion – l’é stada na gran delujion. Pensonve che siebe plu colaborazion vedù che l problema l é coscita sentù da la popolazion. Chëla de Bolśán l’eva na bona strada. Sonse tournei a avei n servisc come mpruma. Ence perciéche la Uls de Belum l’é stada ciara che da lori contribuc straordinari per Rèba no n ruarà plù.

La ousc de Bolśán

I fèje n vare ndrio

“Delmonego no se dezidëva de clamé ite na sentada con Bolśán e i volontari da Fodom, nlouta l’on fata come aministrazion sa l Taulac. Su 50 che l Comun à su la lista ufizial se n’à prejenté demè 22 e ntra chisc demè n raprejentánt del diretif. Nte chësta sentada, ulache l eva prejent ence l dotor De Col, diretor sanitar del Distret de Ègort, chi da Bolśán

“L diretif de la Crousc Bláncia l’à da se fè n ejam de coscienza. I fèje n vare, o meio doi ndrio, a na moda da podei tourné a recuperé la credibilité dei volontari, de la popolazion e de le istituzion nteresciade. Ence se chëst l é laour de la Uls, l’aministrazion la provarà très ncora de cherì na soluzion nte dute le direzion che se ciafiarà.” (ls)

Ci spetacol l’èlba sun Sass de Stria

Da se la ride o da ie pensé soura?

Scomenciadiva de la Lia da Mont da Fodom

Ence Fodom à sua “predizion Maya”: L Sass de Clëva

Associazions - Ntel program de la Lia da Mont la gita al Sass de Stria per vedei l’èlba l’eva stada programada per l 2 de setembre, che l eva ence luna plena. Ma per via del burt temp l’à mossù ester spostada a la setemana davò Chëst no n à fat pierde l’emozion e l spetacol. L grop de 10 persone l é pié via da Rèba da le 4 e mesa dadomán per rué sun Valparola da

le 5. Bela adajio i é pièi su del vièrs de Sas de Stria sot n bel ciel plen de stële. Per strada i s’à nconté co na compagni de badioc che acompagnëva a vedei per l’ultimo viade la levada del sorogle da “single” n joven che proprio n chël di l se maridëva. Chi mpruma, chi ncin davò, la compagnia l’é ruada ai 2477 metri de la ponta de Sass de Stria ntourn le 6:00 per se auguré

n “Berg Heil”. L rosic che se vedëva sot l nès de la Tofana apëna ruèi su, l s’à sciarì très deplù nfin che da le h 6:38 s’à sluminé i 3343 m de Punta Penia e tòst davò la Ponta de Boè a 3152 m. Da le h 6:43 ence dal Sass de Stria s’à podù se giaude l’levé de sorogle. Contenc i a de de outa e nvalgugn i é jus a se fè na bona gostada nte tablé de l’Otavio. (Lia da Mont Fodom)

L sass cuaji foné ju deldut.

Vedei l’èlba sun Sass de Stria fèsc vignì…. la bona luna. (foto Mariangela Sartorazzi)

Dërt n curt Open day de la Bánda da Fodom Ence sto ann la Bánda da Fodom la mët a ji n “open day”, n di de le porte dalvierte co l fin de fè cugnësce a duc, souradut i plu jovegn, ci che vol di mparé a soné n strument e soné nte na bánda. Se te plèsc la mujica e t’as gián ste n compagnia la bánda la te speta sabeda 15 de setembre, da le 4 davòmesdì ntel sèlf bas ite de la “Cèsa de la cultura Fodoma” a La Plié.

Teriol Ladin Come da tradizion la terza setemana de setembre l’Union dei Ladins da Fodom la mët a jì la caminada sul Teriol Ladin. L apuntament per chi che i é sa bel ji sa mont, ma ence per chi che a gián per n di se fè na bela caminada senza na gran fadia e n compagnia l é per domënia 16 de setembre. Da le 9 se peia via da Daghè. Se dezidarà ilò de ci viers pié via per l teriol. L é da se tò davò la marëna nte ruchsoch.

Vijite a le miniere del Fursil Ence via per l auton va nnavánt l vijite acompagnade a le Miniere del Fursil ja Col. L Istitut Cultural Ladin Cèsa de Jan l mët a jì le vijite (su prenotazion) ogni mertesc e vender fin a la fin de otobre. Se l temp l garata, l program l perveiga de se biné e pié via nte plaza de Còl da le 8 e mesa dadomán. Per info e prenotazion (fin la una davòmesdì del di davánt): 0437/720609 o info@ istitutoladino.org

Curiosité - Meton avèrda! L l Franco Moch (seconda foto). Sass de Clëva nt’Andrac l s’a Ades l sponta fòra de tièra puoch debòta foné. plù de doi metri. Se l se fona col La lejenda la conta che cánche medemo pass, podon calcolé l Sas de Clëva, che se po’ vedei cánche l sarà foné ju deldut: 20 sot strada de Clëva puoch soura agn. Spazonse al fermé che l no l pont d’Andrac l s’avarà foné jù vade plù sot. (Nani) deldut, vignarà la fin del mondo o come minimo, vignarà n fat che rebalterà su dut. Parole de le Popace de Lasta che ava fat nvalgune profezie che, mpèr, s’àbe bele realisé. Come chëla che disc che “vignarà l temp ulàche i ciar i no sarà plù trac dal ciaval ma i se muovarà da soi” (le machine a motor) o che “na gran vièra rebalterà su dut Fodom” (viera 1915-18) o ncora, che na gran biscia se strisciarà su per Pordou (la gran Strada de le Dolomiti). Chi plù de temp nt’Andrac i conta che davánt 50 agn l Sass de Clëva (n fotografia) l eva aut 5 metri come la ponta del bachët che ten nte mán Coscita l eva aut davánt 50 agn. www.lauscdiladins.com

17


Souramont

Redadoura Katia Pizzinini lunesc y mertesc a La Plie de Fodom, tel. 0436 7472 mercui y juebia a Cortina d’Anpezo, tel. 0436 868615 - katia.usc@rolmail.net

Na scola puech ladina Puecia lerch giata l ladin tles scoles ampezanes: i ponc de veduda la presidenta dl’ULda Elsa Zardini y dla ex diretoura dl Istitut Comprensif, Giovanna Calderoni sensibilisé”, spliega Zardini. Belavisa ruva te Ampez, per meso de concursc publics, ensegnanc da duta la Talia, che ne sà nia l ampezan y che se desmentia de spes de ester te n teritore de mendranza. Ma l problem ne reverda nia demé i ensegnanc foresć. Tres manco sentuda é la rejoneda ampezana ence dai La ex diretoura dl Istitut Comprensif de maestri dl post che, Cortina d’Ampez, Giovanna Calderoni. souraldut a gouja dl scurtament les ores Scola/1 - I dis se fej plu curc, l aldò dla reforma dla scola, auton vegn do ca. Con la fin dla sacrificheia tres plu de spes l temp bela sajon deura les classes endò resservé al ladin per porté inant sies portes ai tosac y a les tosates. si program. Te Südtirol é la scola bele metuda La situazion dl ladin tla scola man l 5 de setember. Tles autres ampezana é donca erta y pesocia, valedes ladines, te Fascia, Fodom “al ne n’é nia sciche te Südtirol olà y Ampez, é l ann scolastich che al é leges che disciplineia l 2012/2013 vegnù inauguré ensegnament dl ladin te scola. Fina dantenier, en mercui ai 12 de che al ne sarà nia na desposizion setember. dal Minister ne jiràla nia da fé I ladins, despartis te does truep”, dij spo ciamò Zardini regions y trei provinzies vegn cruzieda per l davegnì dl ampezan aministrés te na maniera desferenta che manacia enscì, aldò de sia te de trueps ciamps, ence te chel minonga, de morì fora. La dla scola. Ocajion de enconteda ratificazion dla lege 482/99, lege per l mond scolastich ladin é l “Di de salvaverda dles mendranzes, y dla scola ladina”, organisé en chest la oblianza dl ensegnament dl ladin ann ai 4 de setember a Al Plan de te scola fossa l dejidere dla Mareo. “Les desferenzies de presdienta dla Union di Ladis, per tratament di ampezans, che vegn i garantì n davegnì al lingaz tres endò penalisés ne n’é nia plu ampezan. da tegnì fora”, se baudieia la presidenta dla Union di Ladis de Na odleda plu positiva Anpezo, Elsa Zardini che à tout pert a la enconteda dl mond Na odleda plu positiva é chela scolastich ladin a Al Plan. Les dla ex diretoura dl Istitut desferenzies de tratament, a cheles Comprensif de Cortina d’Ampez, che Zardini fej referiment, reverda Giovanna Calderoni, che dapò ot l ensegnament dl ladin te scola. agn lasciarà la enciaria al diretour Sce te Badia, Gherdëinay Fascia é nuef, l egordin Paolo Giovanni l ladin na materia curicolara y vegn Zanin. “Da can che i son ruveda adoré sciche lingaz veicolar, ne te Ampez – dij Calderoni – ae n’él dldut nia enscì te Ampez. A dagnora sostegnì l lingaz de Cortina giata l ampezan na lerch mendranza, aldò dla lege 482/99.” marginala te scola, al ne vegn nia Ence sce la lerch che l ampezan à ensigné y é demé lié a cer’ projec. te scola é puecia, sciche ence la “L President dla Jonta Provinziala, ex diretoura mess lascé ite, él Luis Durnwalder, s’à tout l temp davignora vegnù lascè n pue’ de per tò pert al ‘Di dla scola ladina’, post per projec per ampezan, a na chest é l prum sintom che la maniera da valorisé dantaldut la situazion dles scoles ladines te cultura, les tradizions y la storia Südtirol é bona”, enjonta spo dl popul de Ampez. “Per cie che Zardini che definesc n “dejaster” reverda l ensegnament dl lingaz la situazion dl ladin tles scoles de él samben plu ert, per via che te sia valeda ampezana. Ampez vìvel aldidancuei truepes families nia ampezanes, che vegn Na situazion dejastrosa da foradecà y che ne sà nia l ladin”, dij Calderoni. Dejastrosa é donca la situazion Tla scola elementara vegn l te Ampez, olà che “i tosac vegn ampezan porté dant ai tosac finamai brontolés sce ai rejona dantaldut tres cianties, rimes, anter ei per ampezan”, nes conta stories y encontedes con persones la presidenta dl’ULdA, che ciala atempedes che porta dant ai scolés tres endò de mantegnì de bogn la vita da zacan. “Tratant l ann de raporc con les scoles y de mete da scola 2011/2012 él vegnù fat n jì deberieda con ensegnanc y spetacul a la fin dl ann, te chel che diretours ativités y projec per porté i mutons ciantova y portova dant l lingaz, ma ence la storia, la i mestiers da enlaouta per cultura y les tradizions ampezanes ampezan”, spliega la ex diretoura. te scola. “Sen sonse tl laour, “Ciantόn, balόn e intanto lourόn” deberieda con l assessour per la ova inom l projet che à tout ite cultura ladina, Adriano Verocai, dutes les classes dla scola de scrive na letra personala a duc elementara, ma nia zenza i ensegnanc, dantaldut a chi che polemiches da pert de genitours, vegn da foradecà, per prové de i dla convinzion che de te’ projec

18

www.lauscdiladins.com

ti tol lerch a materies plu emportantes sciche ingleis y matematica, per ejempl. Tla mesana él ence vegnù fat lezions de ampezan. Tres la “Sciatul”, curs per emparé da scrive y rejoné l ampezan, à la professoura ampezana Giuliana Bellodis tegnì per n valgugn agn n’ora de ladin al’edema, nes conta la ex diretoura: “Chi che ne conesciova nia l ampezan l emparova sciche n lingaz forest.” Emplù él vegnù fat projec y laborators. “Tratant les ores integratives dl domesdi vegnìvel fat laborators de pratica soura i guanc da zacan y la speisa da enlaouta”, spliega Calderoni. “Da can che al é vegnù porté ite la reforma dla scola, con la conseguenta reduzion dles ores a desposizion di ensegnanc, é endere la lerch per l ampezan vegnuda smendrida; - confesseia la ex diretoura - dut é vegnù limité a n’ora al’edema, che vegn de spes sacrificheda per d’autres materies.”

Ostilité da pert di genitours L Istitut Comprensif de Cortina tol ite ence scoles a San Vi, Vodo y Zibiana, tl Ciadoura. “A San Vi – nes dij Calderoni– é per ejempl l ladin truep plu sentù, al ti vegn dé na gran emportanza y i tosac l rejona ence a ciasa con neinesc y genitours. A Cortina veide endere de spes na certa ostilité tl vers de chest lingaz.” L atacament per l ampezan ne n’é donca nia plu tant sterch, dantaldut da pert di genitours. “An sent ciamò l influs de chi agn olà che l ‘dialet’ – sciche al vegn de spes conscidré chilò te Ampez – vegniva araté n lingaz de seconda categoria, n ostacul per l emparé talian”, lascia ite Calderoni, che é originara de Forlì y che nes dij de ester na promodoura de lingac de mendranza y de dialec. “I esse tres volù che l dialet dla Romagna vegnissa ensigné te scola, ajache al é n element dla cultura che à n liam dret strent con l teritore y che manacia de jì a perde sce al ne vegn nia ensigné”, dìjela y afermeia tla fineda con segureza l empegn che si suzessour, l dr. Zanin, metarà per garantì al ampezan de giaté sia lerch tles classes dl Istitut Comprensif de Cortina d’Ampez. (kp)

nr. 36 / 14 de setember 2012

“Descore fodom é natural, ence te scola” Ladin te scola, per descore con i tosac y sciche lingaz veicolar. L problem resta l todesch, che porta n valgunes families a mané si fis a scola te Badia

Les maestres dla scola elementara de La Pli da Fodom: (dmc) Simona Nitto, Daniela Templari, Giuliana Darman, Antonella De Toffol y Emanuela Gabrieli.

Scola/2 - Ence te Fodom, sciche te Fascia y Ampez, é la scola metuda man dantenier, ai 12 de setember. Nience tles scoles fodomes ne n’é l ladin prevedù sciche materia curicolara, ma la situazion ne n’é perchel nia tant erta sciche te Ampez. Cinch é les maestres che ensegna tla scola elementara de La Plie da Fodom. Trei de chestes é fodomes, una vegn da Rocia y una da la Sicilia. “Can che al vegn fat projec, teatri y jites, ma ence tratant les ores de lezion végnel de spes descort fodom”, nes dij la maestra Antonella De Toffol. “A desferenzia dles autres valedes descoronse truep per fodom con i tosac, l talian vegn demé tout can che an mess, per ensigné samben talian, geografia, matematica y scienzes. Tratant les ores de dessegn, mujiga o ginastica él per nos natural descore per ladin”, dij Daniela Templari, maestra y assessoura a la cultura dl Comun da Fodom. Simona Nitto, maestra che vegn da la Sicilia, y che à bele ensigné tl Venet, a Cencenighe, Egort y Gosaldo, nes dij che te Sicilia é rejoné l dialet n segn de maleducazion, perchel ne végnel mai adoré a scola. Ma la valorisazion dl lingaz de mendranza, tres la adoranza de chest te scola, vegn scialdi aprijé da la maestra siciliana. L ladin ne n’é nia prevedù sciche materia curicolara, ma empò dedicheia les maestres n valgunes de sies ores per ensigné ai tosac les regoles de gramatica, ma ence la storia y la cultura dl luech. Emplù vegn l ladin tresfora adoré sciche lingaz veicolar. Te Fodom ne n’é la situazion dl ladin te scola donca nia tant negativa sciche te Ampez: “an pò zenzauter tres mioré, ma la situazion dl ladin te scola é scialdi bona, ence ajache chilò él ciamò duc i tosac che descor fodom bele da ciasa enfora”, dij les maestres.

L todesch tles scoles fodomes Elsa Zardini, presidenta dla Union di Ladis de Anpezo.

Situazion plu problematica é

endere chela che reverda l ensegnament dl todesch, che porta n valgunes families da Rèba da mané si fis a scola tla Val Badia. L ann passé à l Comun da Fodom damané n finanziament a la provinzia da Bulsan per tò su na ensegnanta de todesch per la elementara y la scola mesana. “En chest ann ne n’onse damané degun finanziament – nes spliega Templari – ajache al é crisa n pue’ endlonch y nos ne volon nia ester n peis per Bulsan.” Templari nes confesseia sia speranza ti Fondi Brancher, che é endere tres ciamò, sciche ala dij “sun l planet plu dalonc da nos.” Per l ann de scola 2012/2013 à l Comun da Fodom tout la dezijion de mete a desposizion n finanziament per na ensegnanta de todesch tla elementara. Per i scolés dla mesana ne n’él nia prevedù na integrazion sciche l ann passé. “Les ores integratives de todesch tla mesana fova domesdi y la scomenciadiva ne n’à nia abù n gran suzes, perchel ne végnela nia refata en chest ann”, dij la assessoura. Per cie che reverda la scolina, nes spliega les maestres, che al vegn fat n ensegnament integré, chel vuel dì che al vegn rejoné con i pici tosac per ladin, talian, ma ence todesch y ingleis. “Al vegn sambegn fat demé puech, ma les maestres é scialdi contentes di resultac”, dij Templari. Sciche bele dit é n valgunes families da Rèba che mana si fis a scola tla Val Badia. Sun chesta problematica é les maestres valgamia otimistes. Cie che cruzia deplù é endere l regres demografich, a gouja dles families che lascia Fodom per jì a vive foradecà. Les classes deventa enscì tres plu piceres, ma la scolina de Rèba fej ezezion: 44 é les iscrizions per l ann 2012/2013. Chest numer, che é l plu aut de dut l Agoridin fej cialé con na vena emplù de otimism al davegnì. (kp)


Souramont

nr. 36 / 14 de setember 2012

La poejia plu bela l’é chëla nte lengaz arbërèshe Giovanni Troiano l à vadagné l concors “Mendránze n poejia co la compojizion ““Gjitonìa mbràzët” –“Il vijiné vuot” va inant da la pruma plata

proja l é sté retrat da le scolare Paola De Toni, Arianna De Toni, Silvia De Biasio de la Scola primaria “Domenico Rudatis” de Alie (Belum), nviade via da la maestra Sofia Lorenzini, che i à scrit ju la proja n ladin de Alie “El mestier de la molinera” – “l mestier del moliné”, ulache i à fat na descrizion de coche l eva nlouta l mestier nten mulin, le massarie e coche se se njegnáva per avei la farina de sorch, de forment, de siala e de orde. La scolara Giulia Chessa del Istitut Comprensif de Florinas (Sassaria), nviada via da la maestra Maria Ledda, la s’à prejenté sul palco col guánt tradizional de suo paisc e l à ciapé l secondo premio vadagné co la sua proja scrita n sardo “Su tribagliu de su babbu de mama” – “L laour de mio nono da pert demia mere”, ulache la damana fora suo nono che l ie conta de na vita ntiera passada a fè l manoval e l muradou, cánche l partiva da cesa da le cinch da domán per rué al cantier per ora, la fadia del laour a mán percieche no n eva i machinari, la marëna schersa nte rucsoch. La contentëza del nono ntel conté l suo mestier l dà l gaist a la tosata per fè ncora meio l suo dover. L prum premio l é sté vadagné da Eleonora Riccio, na studentëssa de le superiori che fesc l Istitut Profescional per i serviji del comerz “Marrone Lucera” (Foggia), co la proja n fráncoprovenzal “Reccuórde de la néje” – “Ricordi nte la not”, ulache la conta del suo ricordo del nono, che l laoráva l curam nte berstot, l tof che se sentiva nte chëla ciauna, l bate dei ciodi, l gusto del nono a l’avei sentada damprò e ie fè sentì l stolz che l ava per l suo mestier che l fajëva di per di co la speránza

de dé na vita meio a sua fameia. Tres per chël che auda le scole, per la sezion dedicada a la poejia à vadagné l terzo premio la scolara Floriana Dagai del Istitut Comprensif de Alie (Belum), nviada via dal profescior Paolo Giovanni Zanin, co la poejia scrita n ladin da Laste “I laori dei mien nòni” – “I laour dei miei noni”. L secondo premio l é sté dé a Maria Lollo del Istitut Comprensif ladin - Scola secondaria de Ciampedel (Trënt), nviada via da la profesciora Irene Brunel, che n fascian l’à scrit la poejia “L calighé” – “L caleghè”. Alessia Pau del Istitut Comprensif Statal “Monsignor Saba” de Elmas (CA), nviada via da la profesciora Giusy Fanti, co la poejia scrita n sardo “Chi tui fiast stetiu” – “Se sonse ste” l’à vadagné l prum premio del concors.

Diploms a le scole La giuria l’à aperjé trop l estro dei tosac e l laour fat dai maestri e dai profesciori per arvejiné i jovegn a la poejia e a la nrescida del lengaz per rué, l plu dei viadesc, a de biei resultac che và a daidé prò la valorisazion e la straverda dei lengac de mendránza. Con chëst gaist la giuria l’à dezedù de dé su n diploma a dute le scole meritëole che à partezipé al concors: al Istitut Comprensif de Florinas (Sassari); al Istitut Comprensif Statal “Monsignor Saba” de Elmas (Cagliari); al Istitut Comprensif de Alie Sezion “E. Renon” de Fodom (Belum); al Istitut Comprensif Ladin, Scola media de Ciampedel (Trënt); al Istitut profescional per i serviji del comerz “Marrone Lucera” de Lucera (Foggia); a la Scola secondaria de prum grado Virgilio de Troia de Calstelluccio Valmaggiore (Foggia); a la Scola

Pruma foto: Paola De Toni, Arianna De Toni, Silvia De Biasio de la Scolina de Alie. Seconda foto: la jovena Giulia Chessa co l guánt sardo.

primaria de Castelluccio Valmaggiore (Foggia); al Istitut Comprensif de Ciaurì de Alie (Belum); a la Scola primaria “Domenico Rudatis” de Alie (Belum). Valgugn diplomi i é stei ence dèi a le poejie scrite dai poec e che i é stade valutade da la giuria meritëole de ester menzonade ajache i à na gran valuda poetica. I diplomi di merito i é stei dèi a Claudia Salamant co la poejia “Stapala” – “Pedie” n sloveno; a Carmen Hrvatic co la poejia “Le besede” – “Demè parole” n sloveno; a Egle Taverna co la poejia “Gnot di istât” – “Not d’isté” n furlán, a Richard Giovanni Antonio co la poejia “Aigo de nais” – “Ièga de poz” n ocitán.

Vadagna la poejia n arbërèshe La sëra la s’à saré ite co la premiazion dei poec che à scrit ju le poejie che à vadagné. L premio l é la ormei cugnisciuda riproduzion de la naghena da mont

fata de or e de arjent mpoiada su na piera, laorada fora a mán da la dita Mastro 7 de Trënt. L terzo premio l é sté consigné a Antonello Bazzu co la poejia n sardo logudorese “Addaghi attuas a mannu” – “Cánche da gran de capisce” per chësta rejon: “La poejia, nten fle, nánterfora la vita, la tol ca figure che ven da le lejende per conté n mondo plen de valour, ma che pián pián l é drio a sparì”. L secondo premio l é sté dé a Bruno Corradi che l à scrit la poejia n cimbro “Akarn, an bote” – “Ciámp, na outa” per chësta rejon: “L poeta l é bon de ritré fora l laour e le tradizion de la sua jent e i scrive ju come se fossa dei dessens che l depenc con n lengaz essenziel e taient.” L prum premio l é sté vadagné da Giovanni Troiano che l à scrit la poejia n arbërèshe (albanese) “Gjitonìa mbràzët” –“Il vijiné vuot” per chësta rejon: “Co na melodia la poejia la conta l arbandon e, ntel medemo temp, la speránza per n davegnì de renascita. De valuda coche l dà

vita a la natura, la nrescida del lengaz e l sens del ritmo”. Giovanni Troiano l à partezipé plu oute al concors Mendránze n poejia, vigni ann l à ciapé n premio o na menzion, per chëst l é da ie fè onour e ie consigné l premio con dut l merito che ie speta. Chi che à organisé l concors, contenc del risultat de la manifestazion, i à volù fè a savei che l concors “Mendránze n poejia” l jirà n’avánt vigni doi agn, coscita da daidé prò la partezipazion dei poec e de le scole. Giovanni Troiano, che à vadagné chëst ann, l à volù saré ite la sëra con chëste b ele parole: “Le nostre composizion, “sentude n lengac desferenc”, le no vol ester n de profundis, ma na semenza de la speránza da fè crësce su, ncora per trop a la longia, n ciof ntra dei tánc de autri che l é sun n gran pre, ulache degun petalo metù auna al auter no n é essenzial, ma no per chëst l no mossëssa ester”. www.lauscdiladins.com

19


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

nr. 36 / 14 de setember 2012

Ra Fregores

Nonanta ane de Ana

Alcuanta noes in curto, da ‘l paes e da fora

Chel ciapel co ra pena, par ra vita de ‘l paes

Ra didascalia parduda Su ‘l numero pasà de La Usc di Ladins, su ra pajines de Anpezo, aé lieto de chel che ‘l é suzedù a Brixen, agnó che ‘l é śù alcuante anpezane, co i sarvije da festa. Ben, sote chel articolo “Un pestuzo vivo de Anpezo” ‘l ea ‘na fotografia, con su cuatro parsones, ma manciaa ra didascalia, che ra s’à pardù. Coscita ve ‘l dijon ‘sta ota, ci che ‘l ea: da man zanca Elsa Zardini Soriza, presidente de ra Union de i Ladis de Anpezo; ‘l anpezan Alberto Ghedina Casier; Carlo Costa, diretor de ra Autostrada de ‘l Brenner e vizepresidente de ra fondazion Sparkasse; el loudaduó Christian Tommasini, vize presidente de ra Provinzia de Bolzan.

El pioan e el pree

Ra Festa de ra Bandes: una de ra ocajios, inze ra vita de Anpezo, agnó che i Alpis i dia ‘na man. In é tropa de outres, par duto ‘l an.

Cuanta otes, inze un an, no se vedelo i nostre Alpis, che laora par el paes, par ra nostra śente, che dia ‘na man a ra manifestazios. Chera mondura, chel ciapel sun testa, co ra pena, i à ‘na storia longa. Duto nasce alolo dapò de ra Prima guera, canche in Anpezo rua r’Italia, canche ra retorica nazionalista de inalora r’aea biśoin de aé algo da mostrà. E se scomenza propio co i Alpis, che i aea fato ra guera, su par ra nostra Dolomites, e ‘pò co ‘l monumento a ‘l jeneral Antonio Cantore, copà de luio de ‘l 1915, che i à betù su da ra stazion, alolo

fora de porta, da vede alolo, canche se desmontaa da ‘l treno, canche se ruaa inze ‘l paes. Da inalora duto ‘l é mudà, ma i Alpis i resta. Nasciù de ‘l 1922, el grupo de Anpezo, che ‘l é parte de ra sezion Cadore, de ra Asociazion nazionale Alpis, el fesc nonanta ane. I fajarà festa domegna ai 23 de setenbre. I se ciata dares 9.30 da bonora, śo sote ‘l hotel Victoria, su ra strada che r’à el gnon de Bruno Apollonio. Dares 10 i moe su par piaza, co ra sfilada, aduna co ra Banda de Anpezo e ra so marces, fin su in stazion, daante a ‘l monumento a

Cantore. Là i fajarà duta ra so zerimonies, co ra bandiera, co ‘l recordo de ci che ‘l é morto in guera. Dares 11 i dijarà mesa e ‘pò, da meśodì, se podarà disnà, in stazion, par el rancio alpin, sote un tendon, che i betarà su aposta. Inze ‘l placato, che i à betù fora par fei saé de chesta festa, i à betù su ‘na fotografia vecia: chera de ra adunata nazionale de i Alpis, che i à fato in Anpezo, ai 12 e 13 de setembre de ‘l 1953, a contà ‘na storia longa, che lea i Alpis a ‘l nosc paes, da ‘l indoman de ra Prima guera, da nonanta ane.

I Anpezane a ra Gran festa da d’Istà Da 33 ane i bete in mostron ra storia, ra tradizion, i sarvije, par ra strades e ra piazes de Canazei I Anpezane i no n’à vorù mancià, gnanche ‘sto an, a ra bela Festa da d’Istà, che i fesc a Canazei, in Val de Fascia, da trentatré ane. De seguro ‘l é da ‘l 2009 che no se mancia, con calchedun che sfila, par ra piazes e ra strades de ‘l paes ladin fascian, co i nostre biei sarvije da canpanoto. Ogni an i me invida, a śì via, e ogni an s’à gran acaro de i responde de sci. Chesto an, de ‘l domegna, ai 9 de setenbre, i Anpezane i ea de dodesc, pi che see femenes, se sà, che i ome i stenta nafré, a se bete in mostron; ‘l ea ra diversa sortes de i sarvije da festa, ra varnaza, ra jaida, ra magnes, chi a ra vecia. Chesta śornades, cemodo che suzede par ra Festa de ra Bandes, in Anpezo, a ra fin de agosto, o inze ches’outra vales, es śoa anche par ra nostra śente, es no n’é solo algo de bel, par i foreste. Chi de ra nostra vales, chi de i nostre paes, i pó se vede, se ciatà, se conosce depì, un co ‘l outro, se

20

www.lauscdiladins.com

recordà de ese conpagne, de ese ra medema śente de ra Dolomites. E chesto ‘l é un valor depì, pi gran,

che el se śonta pede a ‘na bela śornada, ciouda de soroio, da se ra pasà aduna.

Intanto che se speta domegna, ai 30 de setenbre, canche ruarà el noo pioan de Anpezo, che ‘l é don Paolo Arnoldo, da Zoldo, s’in sente ogni di una de noa. Ades se parla de el pree, che ‘l arà da lourà co ‘l pioan, par ra nostra parochia, a ‘l posto de don Alberto Ganz, che ‘l arà da s’in śì. Ra diocesi da Belun – Feltre ra no n’à ancora mandà ra cartes, no se sà nuia de ufizial, ma chesto pree sarà don Fabiano Del Favero; ‘l é de ‘l cadore, el vien da ra parochia de Nebiù, inze ‘l comun de Piee, ‘l é nasciù de ‘l 1982, ‘l é deentà pree ai 6 de śugno de ‘l 2009. Par chiste tre ane ‘l à lourà a Agordo, agnó che el s’à fato tanto ben voré, pi che see intrà i śoen, par duto chel che ‘l à fato par ra pastorale. No se sà canche el ruarà in Anpezo, inze ra parochia de i sante Felipo e Iaco, ma de seguro no śirà via tanto, parcé che don Alberto Ganz el lascia. E el lascia un voito, par duto chel, de bon, che ‘l à fato.

Una montagna di libri Anche par ‘sto istade, “Una montagna di libri” r’à fenì, dapò ese śuda inaante par doi mesc, de luio fin de setenbre. S’à scomenzà co i libre de i nostre, sabeda ai 21 de luio, a parlà de ra jeja de ra Madona e de ra Opzios de ‘l 1939, aduna co ra poesies de el profesor Roberto Pappacena. Da là inaante, par deboto cuaranta otes, Francesco Chiamulera e chi outre, che i dia ‘na man, i m’à portà libre e scritore, ma anche conzerte e outra manifestazios. In duto ‘l é stà zincuanta parsones, che à parlà, e a i scotà ‘l é stà supośò diesmile parsones. Ades se varda inaante, a ‘l inverno che vien, parcé che sarae masa indalonśe a spetà fin d’istade de ’l 2013. Se vedaron ignante de Nadà – el me disc Chiamulera – par ra Madona de dezenbre, canche scomenza ra stajon, con algo de bel, con algo de noo. E nośoutre ón acaro de spetà.

Voci di Cortina Alcuante sarvije da festa de Anpezo, par ra sfilada de ra Festa da d’Istà de Canazei, in Val de Fascia.

El prin numero ‘l é vegnù fora de maśo de ‘l 2004. Dapò, par pi

de oto ane, ogni mes, el sfoi “Voci di Cortina” ‘l à contà algo de ra vita de ‘l nosc paes. Co ‘sto numero, de setenbre de ‘l 2012, son ruade a 100. Con chesto, ‘l é stà fato algo de noo: ‘l é mudà el diretor, da Gianni Milani a Marina Menardi Nando, e i à betù ‘na grafica noa, fata da Dino Gillarduzzi de Rosina. Duto ‘l é nasciù d’ousciuda de ‘l 2002, canche el capocomun de inalora, che ‘l ea Paolo Franceschi de Cuto de Elena, ‘l aea pensà a ‘na lista, par ra elezios de chel an, fata duta de femenes. Dinultima i no n’é śude adora a ra fei, ma da chera alcuantes, ‘l é nasciù el Comitato civico Cortina, che ‘l à pensà de se fei un so sfoi, ‘na so gaśeta, par fei saé ra noes a ra śente, par fei pensà sora. E ades se varda inaante, a algo de noo: bete chesta vojes su Internet.

I ultime dis de ‘l istade in Tofana Par duto ‘l istade, ‘l inpianto de Tofana, ra teleferica Freccia nel Cielo, ‘l à mulatà śente fin su in son de chera croda, de di e di note. Pi otes i à daerto dares 4 da bonora, par ruà su co ‘l scuro, par vede el leà de ‘l soroio, fora in son de ra val, inpó ra ultima crodes. I ‘l à fato anche ai 9 de setenbre, e ‘l é stà un grun de śente, a śì a vede. I tornarà danoo su in son de chera croda domegna ai 16 de setenbre, par sarà ra stajon. E par recordà i trenta ane, da canche i à comedà fora ra vecia baraca de i Alpis, sote ra zima de Tofana. Inze chera baraca, da ‘l 1982 inaante, ‘l é stà un grun de parsones a ruà, a dromì, a se pasà alcuante biei momente, inze un posto che ‘l é algo de bel, segnà da ra storia. Par domegna, i dijarà mesa, aduna co ‘l coro da Agordo, su da ra zima. Dapò i se ciatarà, par nafré de festa, par sarà ra stajon, in Col Druscié, con algo de dolze, sporto a dute.

Ra Supercoppa de ‘l hockey Par saé cara che r’é ra scuadra pi forte, de ra stajon 2012 de ‘l hockey talian, beśen spetà martes ai 18 de setenbre. Chel di, chera sera, se śuia ra Supercoppa taliana, intrà el Bolzan, che ‘l à vento el scudetto 2012, de aprile, e el Cortina, che ‘l aea vento ra Coppa Italia, de jenaro. Duto chesto suzede propio in Anpezo, inze ‘l nosc stadio Olinpico de ra jaza, dares 20.30. Ra stajon noa, de ‘l hockey in Anpezo, ra scomenza donca con algo de bel, co ‘na partida de cheres da ‘l saó de ‘na ota, intrà Hafro Cortina e Bolzan, co i śogadore foreste, co i nostre śoen, con ‘l noo alenator Clayton Beddoes. Stajaron a vede, ce che me speta. Par intanto, podon se gode chesta prima partida, che ra sarà bela, de seguro.


Anpezo

nr. 36 / 14 de setember 2012

Arte par solidarietà

Ra noes da ra scores de Anpezo

I scultore a ‘l laoro, inze piaza. Chera operes es podarae śoà, un doman, par dià ci che à pi biśoin. E se pensa de res tramudà, inze meśo ‘l istade, canche ‘l é pi śente

Par ‘l Istituto de ra scores de Anpezo e de ra Val Boite algo de noo, da ‘sto an: Giovanna Calderoni r’à lascià el so posto a Paolo Giovanni Zanin

Kurt Wierer ‘l à vento anche ‘sto an, el premio vorù da ra śente, che à vardà chesta operes, nasce di par di, sote ra sies e i sciarpiéi de i artistes.

L’arte ra no n’à da ese noma algo de bel, da me dà piazer, a ra vede. R’arte r’à anche da śoà, da fei algo de bon, par ra śente, pi che see par ci che à pi biśoin. Chesto ‘l é chel che se pensa, par el sinposio de scultura de len, che i fesc in Anpezo, ogni an, e che se vorarae fei ancora pi gran, pi bel. El pensier el torna a chel che ‘l é stà fato śa doi ane, de ‘l 2012, canche i artistes i à donà ra so operes, dapò ‘l é stà fato un’asta, da res vende, e s’à strutà su 17 mile euro, da i sporśe a ra Crosc Bianca de Anpezo, che r’ea drio a fei fora ra so sede, in Begontina. Ades se varda a algo de outro, a calchedun de outro, che podarae aé outrotanto biśoin. A me ‘l dì ‘l é Mauro “Lampo” Olivotto, che ‘l à betù aduna ra manifestazion de ‘sto an, da i 4 a i 8 de setenbre, e che ‘l é beleche drio a vardà a chera che vien, de ‘l 2013. Par ‘sto an, ‘l à vorù bete dute i artistes aduna, inze piaza Angelo Dibona, a lourà daante a ra śente, cemodo che se sore. “Ignante de duto, i digo gramarzé ben a ‘l capocomun Andrea Franceschi, che ‘l à vorù me dà chesto braghier, de ra manifestazion de ‘sto an – el me disc Lampo – ma io son beleche drio a vardà a ‘l an che vien, a ‘l 2013. Ignante de duto arae acaro de ra fei inze meśo a ra stajon de el turismo, no de setenbre, cemodo che se fesc ades. Son parsuaśo che ra no intriga, che ra no se zapa sora, con ches’outra manifestazios da d’istade. E ‘pò me penso de chel che ón fato de ‘l 2010, co ra prima ota de “Arte par ra solidarietà”: i artistes i m’à donà ra so operes, fates inze piaza, e s’à podù res vende, a parsones de bon cuore, che ‘s à betù un grun de sode. Inalora s’aea strutà 17 mile euro, da podé dià ra Crosc Bianca, che r’ea drio a fei fora e a slargà ra so sede. Podon el fei danoo. Me sà de iusto, che r’arte ra pode dià, pi che see ci che à pi biśoin. De chiste tenpe, coscita grame, dute se stenta a śì inaante, a fei algo, trope à biśoin”. El loudaduó de comun par el turismo Marco Ghedina Tomasc el s’à dito d’acordo con chel che el s’à pensà Olivotto: “Penso che chesto ‘l ebe da restà un sinposio,

no da deentà un concorso. I artistes i à da podé lourà de ‘l so, da fei chel che i se sente, senza aé da pensà sora a ra gara, par ruà prime, un daante de chel outro. E son anche io de ‘l aviśo de el tramudà : da setenbre, cemodo che ‘l é ades, a i dis de stajon, d’istade”. I anes pasade, inveze, s’aea dito de bete chesta manifestazion de setenbre, propio par enpì el fora stajon, canche ‘l é de manco, da vede, da scotà, da vive, inze ‘l paes. S’aea pensà de res bete ves ‘l outon, parcé che d’istade in é anche masa, de robes da vede, par i foreste, e inveze ra nostra śente r’à poco

tenpo, parcé che ‘l é da lourà, da i tende a ra so boteghes, a ra so aziendes. Chesto an ‘l é stà cuatro dis de laoro, inze piaza, e ‘pò ‘l é stà ra śente a zerne ra scultura pi bela, el laoro fato meo, chel che ‘l aea algo da dì. Ra parsones de el paes, aduna co i foreste, ca par ra so vacanzes, ‘s à curà fora ra scultura “Tocco da brivido” de ‘l artista Kurt Wierer, da Monguelfo, un de i pi conosciude, intrà dute chi che fesc ‘sto laoro. Dinultima, su ra edizion de chesto an, Olivotto el śonta pede: “Ei acaro che ‘l é śù duto polito, anche parcé che ra no n’ea fazile. Propio ‘ste dis, ‘l ea outra tre manifestazios conpagnes, pede de nośoutre, agnó che ‘l é śù trope artistes. Ma son śude adora isteso a portà ca brae scultore, che i à fato biei laore, e ra śente r’à abù acaro de i vede”. Dinultima se pó menzonà dute i disce artistes, che i à ciamà par ‘sto an: Franco Anselmi da Vittorio Veneto, che ‘l é un pitor, e i noe scultore, frate Giovanni Bordin de Adria, el comelean da Padola Fabiano De Martin Topranin, Arianna Gasperina furlana da Valvasone, Mario Iral de Padova, Heidi Leitner da Terento, Miguel Miranda, cileno che el vive e el laora intor Treviso, Ezio Morini de Milan, Marco Nones da Cavalese e Kurt Wierer de Monguelfo. (mdm)

là de ogniun śumela el destin. Parceche chesto el pode suzede ‘l é parsones che, senza mai zede, es se tol su ‘sto braghier che pó ese anche un piazer. Par Vos, Giovanna da Forlì r’é śuda propio coscì. Fin da śoeneta, maestra svijada de scora in scora fin cà se ruada.

Giovanna Calderoni r’é stada, da ‘l 2005 a ‘l 2012, ra sorastante de ra scora popolare e meśana de Anpezo e de chi outre paes de ra Val de ra Boite, da San Vido a Borcia, a Vodo, fin a Zubiana. Par ra saludà, ‘l é stà ‘na bela festa. Ades, a ‘l so posto, ‘l é ruà Paolo Giovanni Zanin.

Mercui 12 de setenbre l é scomenzà l an de scora 2012-2013: ra dirijente Giovanna Calderoni r’é śuda in penscion e a l so posto l é ruà chel noo Paolo Giovanni Zanin, nasciù de l 1972, da Rivamonte. El vien da ra scora meśana de Caprile, agnó che l insegnaa matematica. Fin da i so prime pasc in Anpezo l à dimostrà de voré precurà el ladin. On propio acaro de ese ogade da “un de nośoutre”. Anche da sto sfoi voron i dà el bon azeto e i augurà bon laoro. A ra Calderoni, invenze, i dijon gramarzé par i anes pasade con nośoutre. Posto che anche era ra s’à dà senpre da fei par el nosc saé, r’ón saludada a ra fin de śugno con chesto scrito. Giuliana Bellodis Smalzo

Stimada sorastante

Aé abù gran acaro de i stà drio par fei śi el “Comprensivo” d’Anpezo gario. Tropo fazile de seguro no n é stà, soralduto ‘ste ultime tenpe v’aé zaatà. Ve sovienelo de l 2005 el prin di de scora canche da l Comelego se ruada fora? Vegnia śo badiota nudes co ra mas inze scarsela: Giovanna, pazifica, invenze de daerśe r’onbrela aé inpizà el soroio Vos co ra majia de i ciaei rosc. Proprio chesto m’aé mostrà: inze i zavarie no n é da se desperà. Gouja ra Vostra voia de fei ón betù man a projete e viaśe biei. Zernon fora, e Ve dijon gramarzé, chel par precurà el nosc saé. Vorentiera aduna ón lourà, pura se calche radego l é sta: a ra fin s’ón senpre cordà e el benvoré no n à mai mancià. Posto che i V’à obligà a śì in penscion, par anpezan delver Ve saludon. Ades che con “Joia” tornà a ciaśa, portà con Vos de ra crodes ra soaśa. Vardà de tornà a me ciatà da “sciora” senza sfadià. Gramarzé ben, sanin dapò

Dute cuante de zerto i sà el valor che ra scora r’à. Fora e fora r’é del saé el festin,

Giuliana e chi de ra meśana “Rinaldo Zardini Foloin”

Ra Ford Cortina in Anpezo Torna danoo, inze ‘l nosc paes, una pajina de ra storia 

Sote el padeon de ra musica, inze piaza Angelo Dibona, ra scultures de el sinposio de ‘sto an.

Inze ‘l nosc paes, de trope conosce ra vecia Ford Cortina. Calchedun el r’à finamai ogada, el r’aea in ciaśa, da menà in śiro ra familia. In aea anche el Comun de Anpezo, che el ra doraa par laoro. Chera machina r’é nasciuda śa zincuanta ane, de ‘l 1962; chel an i r’à mostrada, par ra prima ota, a ‘l Salone de ‘l automobile de Londra. E propio da r’Inghiltera ‘l é ruà, inze ‘l nosc paes, i dis pasade, un grun de chera machines, supośò de cuaranta; i à śirà par doa setemanes, par duta Europa, par ruà fin inze ‘l paes che aea dà el gnon a chera Ford. I s’à fermà inze piaza, in mostron, sote el nosc cianpanin. I à abù un bon azeto, co ‘na beerela, i discorse de ra autoritàs, calche don, da se portà drio. E i à fato vede un vecio film, de i anes sesanta, de chi in bianco

e negro, agnó che se vede ra Ford Cortina śo par ra pista da bob de Ronco, inze meśo el gnee, su ra jaza. I s’à fermà in Anpezo par tre dis, dapò i é moeste danoo, par s’in tornà a ciaśa soa, su ra strades de meśa Europa, a ogà ‘na machina che, ancuoi conpain de inalora, ra fesc ra storia.

Ra Ford Cortina, nze piaza, in Anpezo, inze ‘l paes che i à dà el gnon. www.lauscdiladins.com

21


Val Badia

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

“Al é por me n gran onur” Na intervista cun Paola Bioc che podarà pié do en domënia sön Schloss Tirol la “Crusc de mirit” dal Land Tirol partì y spo sunsi deventada surastanta de paisc SVP. Dedô sunsi gnűda litada presidënta dles ëres ladines, surastanta dla SVP Ladina dla Val Badia y spo pröma vizepresidënta dl partì.” Che i ëis dè les dimisciuns dala vizepresidënza dl partì y presidënza dla SVP Ladina é stada na sorpreja por tröc… “I crëii bëgn che mies dimisiciuns sides stades na sopreja por tröc. La politica é dagnora stada por me na gran pasciun che i à portè inant cun idalism y gran impëgn, mo al é spo inće gnü le momënt da lascè…” “Podëi pié do la chësta onoranza ô dì che te mia vita ài fat val’ de bun”, dij Paola Bioc.

Personalitês - Paola Bioc, impresara y politica, ciafarà en domënia ai 16 de setëmber sön Schloss Tirol la “Crusc de merit” dal Land Tirol. La onoranza de gran valűta ti gnarà surandada por so impëgn al intern dl partì SVP y por le tëmp dediché al sostëgn dla mendranza ladina, zënza mai ne damanè paiamënć . Sűes impresciuns te na intervista: La Usc: Che ves à pa lascè al savëi dl pest? Cares é pa stades ostes prömes emoziuns? Paola Bioc: “I à ciafè na lëtra dal Presidënt dla Junta Provinziala dl Land Tirol, Gűnther Platter. Canche i à capì de ći che ara se tratâ me ài fat na gran morvëia, i ne me l’ess nia aspetè. Al é sambëgn n gran onur por me da podëi pié do chësta Crusc, al ô dì che te mia vita ài fat val’ de bun.” Cares é pa les motivaziuns por chëres che al ves vëgn surandè la Crusc? “La motivaziun é liada a mi impëgn, al tëmp dediché al sostëgn dla mendranza ladina y ai tröc agn che i me à dè jö volontariamënter cun i problems dla jënt.” Podëise nes descrì te püćes risses osta cariera politica al intern dla SVP? “I sun stada por 35 agn al intern dla SVP. Impröma êi mëmbra dl

Co odëise pa le partì, de chël che i ëis fat pert por 35 agn alalungia, al dédaincö? “La SVP é n partì che à fat dër tröp por Südtirol da do la vera incà y che à fat deventè nosta provinzia n punt de referimënt por döta l’Europa, na ijola ligra che tröc nes invidiëia. N gran merit i va sambëgn ai dui Presidënć, a Silvius Magnago y a Luis Durnwalder, che se à dè jö tröp por nosta autonomia. I mëssi dì che al me desplajess sce Durnwalder dess jö la inćiaria sciöche al à dit, deache al é dagnora stè na garanzia por nos ladins y por döt Sűdtirol. Sce al s’un jarà, pordarà le partì n elemënt important.” Emplü sëise inće stada surastanta dla SVP Ladina. Ći à pa orü dì por os curì chësta incëria? “I ladins é dagnora stà n popul che é gnü metü n pü’ sön na pert, tl Contrat de Paris ne vëgni por ejëmpl gnanca nominà. Durnwalder â dit che al ess inće raprejentè la mendranza ladina y chësc é stè n vare fondamental. I à dagnora albü la impresciun che i ladins ais püćia sigurté te ëi instësc y tla emportanza de süa cultura y de so lingaz. Porchël ài orü me dè jö cun la mendranza. I sun stada por 6 agn alalungia surastanta de paîsc SVP y dedô presidënta dla SVP Ladina. I ne sun nia tres gnüda odűda bun da düć, mo i sun dagnora gnüda tratada cun respet. I ne sun baldi nia stada buna de arjunje döt chël che i me â tut dant, mo i à lascè n bun terac a mi suzessur. Y śëgn fóssel

important che al gniss docà na porsona che ess le coraje da se bate y ghiré cun dediziun chël che i speta ai ladins.” Se möiera pa de val’ che i ne sëis nia stada bona de portè a fin? “Ara ne me möia nia che i à dè jö la inćiaria, mo de öna na cossa mëssi dì che i sun restada mal. I à combatü n ann alalungia por che i scolars che stlűj jö la matura te na scora ladina ciafes automaticamënter l’atestat de trilinguism. Chësc ê gnü fat fora al’unanimité dal Govern Provinzial. Canche i m’un sun jüda él gnü lascè tomè la chestiun y chësc é stè por me n gran desplajëi.” Ći se aspetëise dal partì por le dagnì? “I speri dantadöt che al vëgnes portè inant la chestiun dl atestat de trilinguism por i studënć dles scores ladines. Implö oressi che al gniss mudé le Statut de Autonomia y che al gniss tut demez chi articui che descriminëia i ladins. I pënsi che la uniun fejes la forza. Ma sce le partì sarà unì, sce düć i jarà do al medemo travert y ćiararà dl medemo vers, jaràra da arjunje val’. Chësc vel sambëgn inće por i ladins.” Ne n’él pa nia stè rî da acordè la vita da politica con chëra da impresara? “Te mia vita ài messü laurè tröp. Mo canche mi möt é stè plü gran me àl dè n gran aiüt, al à lascè da studié por gnì a me daidé. I à bëgn dit tröpes otes che i ess lascè döt, mo ala fin sunsi impò jüda inant.” Sëise pa contënta de osta cariera? “Daldöt ne sunsi nia contënta, deache al foss ćiamò tröc problems da desgropè y obietifs da portè inant. Mo i mëssi dì che i sun contënta de chël che i à arjunt fina śëgn.” Y cun osta vita personala pa? “Te mia via él stè, sciöche pro düć, momënć bi y manco bi, i ostacui ne n’à nia manćé, mo fina śëgn éla jüda valgamia bun y insciö speri che ala vais inće tl dagnì.” (Intervista de Katia Pizzinini)

Paola Bioc é stada tla SVP por 35 agn alalungia, impröma scioche mëmbra, spo éla deventada presidënta de paîsc SVP, surastanta dles ëres ladines y spo a će dla SVP Ladina Val Badia y ala vizepresidënza dl partì.

22

www.lauscdiladins.com

nr. 36 / 14 de setember 2012

Tla Val Badia dan 60 agn Fora dla plata biedemanala “Nos Ladins”, 1. de setëmber 1952 Cronica - I reportun deplü notizies fora dla plata ladina “Nos Ladins”.

Mareo: Berba Tone de Col “En chësc ann à indô döta la jënt de Mareo chirì fora so pörm om de Comun desco dandaìa, y scebëgn che Berba Tone de Col, che à bele denant aministré les cosses de düć ne n’orô nia surantó chësc laûr che ne n’é dessigü nia le plü bel da i fà dërt a düć, à ël impò inultima, dö söa cosciënza, trat dant i interesc y i laûrs de düć a sü laûrs. Ël fajarà indô döt ći che se lascia fà por le bëgn de nosc Comun y cis por chi che crësc do, mo ël s’aoda y spera che inće düć dëides para, deache un su ne po nino nia fà mirachi. Tröpa fortüna ai aministradus nüs de nosta familia tl Comun!”

Desgrazia a Calfosch “La domënia ai 10 d’agost à i stodafüć tignì süa festa y tröpa jënt é gnüda adalerch. La Musiga da Tlüses sonâ y al ê dër bel. La jënt s’un ê bele scialdi jüda a ćiasa, canche le patrun Giuvani Kostner dl Casarin jô a ćiasa cun so motor incër la mesa dles diesc da s⁄ëra. Söla strada danter Corvara y Calfosch dant dal punt da Murin él saltè adöm cun le jonn de vintetrëi agn Sepl Melchiore Pescosta d’ Gado. La tomada é stada grana y le Kostner é gnü sciuré plö metri lunc y é gnü condüt te spitol da Bornech, olache al é mort zënza ester gnü pro se instës. La sopoltöra à desmostrè che che döt le Comun y i paîsc dlungia à tut pert ala gran desgrazia tocada a nosc bun Giuvani Kostner; al â 53 agn y laorâ da tistler. Che al palses bëgn tla pêsc de Dî!”

Badia: n rî tëmp "Do le gran ćialt che à bëgn durè püch dî, él gnü, almanco che an s’la ponsâ, le rî tëmp: plöia y bele inće dui iadi la nëi söles munts plö altes. La temperatöra che ê chësc ann

ruvada fina daimprò ai 30 grês, é tomada jö fina ai 10 - 15 grês. Mo brojes ne n’él ćiamò gnü degönes y Chël Bel Dî s’á inće stravardè da les granijures y les blâs é beles y inće oramai sojorades. Madër sce al gniss tosc ćiamò bel tëmp tëmp da suiè y sećé les manes, che ares pois gnì condütes daite. Sambëgn che le rî tëmp à inće sprigoré demez i sciori; al n’è ma sté püć che l’à tignida fora por restè valgügn dis plö dî. No ma i sciori, mo inće les vidunderes s’á lascè sprigorè dal rî tëmp y s’un é jüdes. Al n’é ćiamò restè püćes, ma de tares che â les jones che n’ê nia ćiamò bunes da jorè. Gnaràres mo ćiamò? Al é prigo de no. Al recort di plö vedli ne s’un éres mai jüdes dan San Berto. Chi da zacan dijô che les vidunderes s’un va da Santa Maria de setëmber y en chël dé vàres a Fandies a mëssa adora. Les gran plöies à finamai rot ca de gragn toć de crëp: sön Sas dla Crusc, püch sura la sëmena che atraversëia le Sas, n’él tomè jö n gran toch y i plundri àn aldì jö por Badia che sonâ desche al foss jü ciarà de gran bombes. Defora da Longega, daimprò a Peraforada, él tomè jö n gran crëp sön n auto, mo altamo él tomè jö dant, olache al é le motor dl auto y la jënt daite ne s’à fat nia. L’auto, le motor é danz gnü ruviné. De piceres roes de crëp él gnü jö te plö posć."

Les gran plöies à finamai rot ca de gragn toć de crëp: sön Sas dla Crusc, püch sura la sëmena che atraversëia le Sas, n’él tomè jö n gran toch y i plundri àn aldì jö por Badia che sonâ desche al foss jü ciarà de gran bombes. a paiamënt

Badiamusica tol l’ocajiun da ringrazié la Fondaziun dla Cassa dl Sparagn de Sudtirol (Stiftung Sudtiroler Sparkasse) por le contribut che ara à dè por curì les spëises dla XII Ediziun dl Festival Badiamusica.


Val Badia

nr. 36 / 14 de setember 2012

“Chësta onoranza é por me n travert!” 5 ediziuns dles 500 Intervista a Marcello Varallo che gnarà premié en domënia cun la “Crusc dl Land Tirol”, öna dles Les Fiat 500 s’à abiné por le cuint iade onoranzes plü altes dl Südtirol y Tirol Co é pa nasciüda la Gara de Copa dl Monn? “La Gara é nasciüda n pü’ por iniziativa personala. Do che i ê stè ot agn tla scuadra nazionala taliana y che i â rodè praticamënter sura döt le monn, che i â fat gares indlunch, me dejidrâi da nen portè öna te mia valada, te nosta tera, te chël paîsc, olache i ê dagnora jü cun i schi. Chësta ê mia idea.”

Marcello Varallo: “La notizia che i ciafi l’onoranza é stada por me n gran gran plajëi, che ô dì dër tröp. Chësc mëssi bëgn dì!”

Personalitês - Marcello Varallo podunse incuntè tl Hotel Ladinia a La Ila, fat sö da ël instës. Al é na sëra dl altonn badiot dër morjel y plajor. Cun ël s’l’unse cuntada sön söa cariera sportiva, sön sü resultać, söl svilup dl turism badiot y inće sön so ingajamënt por la Copa dl Monn söla Gran Risa. La Usc: En domënia gnëise onorè a Maran tl Schloss Tirol cun la onoranza dla crusc al mirit d’or dl Land Tirol... Marcello Varallo: “Scê, chësta é na cossa che i ne m’aspetâ nia. Chësta é stada por me n gran gran plajëi, che ô dì dër tröp. Chësc mëssi bëgn dì.” Ćiüna é pa la rajun por chëra che i gnëis onorè? “I vëgni onorè por rajuns de mirit tl sport che i m’à fat, sides a livel personal cun mies ativitês co inće por l’impëgn organisatif che i à albü da mëte a jì les gares de Copa dl Monn tl’Alta Badia.”

Él stè rî da d’abiné la gara? “Ciafè na gara de Copa dl Monn é valch de rî. Al é avisa tan rî sciöche s’la tignì. Al dedaincö é döt cant plü rî. Al vëgn damanè dër tröp, dales federaziuns internazionales, por la sigurté, a vigni livel. An mëss tres organisé cosses nöies, cosses che costa tres deplü.”

Ći desfarënzia él pa danter la gara da incö y chëra dl 1985? “Dl 1985 él gnü metü a jì la pröma gara jö por la Gran Risa. La maiù desfarënzia reverda i scioldi. Sce i ên bogn inlaôta de mëte a jì döta la manifestaziun cun 500 miliuns de lires, spo se costa la gara incö 900mile euro. Chël é cater iadi tan co ći che i ne spenôn tl pröm.” Mo chësc é n bun retlam... “Sambëgn. Al n’é nia ma n retlam por l’Alta Badia, por la Val Badia, mo por döt Südtirol. La jënt vëiga che an po jì cun i schi, che al é nëi y chësc tira adalerch ghesć. En l’ann passè unse albü 94 miliuns de porsones che ti à ćiarè ales döes gares. 18 naziuns à odü la manifestaziun en direta, i atri tres les notizies o sön d’atres trasmisciuns sportives. Chësc é dër n bun retlam. La jënt vëgn alsavëi che al esist na Alta Badia, che i sun tl cör dles Dolomites, patrimone mondial dl’UNESCO,

che an po jì cun i schi y che i ùn n conliamënt de pistes y de lifć che an ne ciafa zënza ignó sura döt le monn.” Co liëise pa chësc retlam cun la sozieté? “Le retlam che la Gara de Copa dl Monn porta po gnì mosoré en valur de scioldi, de tröc scioldi. Nosta jënt po se pormëte cosses che d’atri ne po nia se conzede. Chësc é zënz’ater inće mirit dla Gara. Dessigü, al é tröpa jënt che se proa y che fej, i ùn jënt inteligënta che sa da fà. Mo al é inće da dì che al ti é gnü cherié les dërtes condiziuns da podëi se möie. Al é gnü fat la dërta propaganda, al é gnü cherié le dër ambiënt. Y chësc inće por mirit de nüsc politics.” Ći rapresentëia pa por os la onoranza che I ciafëis en domënia? “Por me rapresentëia chësta crusc al mirit n travert. Na sodesfaziun de mia vita, la maiù sodesfaziun che i à podü me tó. I po pié ia dales prömes esperiënzes che i à fat canche i sun jü pro la nazionala taliana, ćina che i sun indô gnü zoruch, che i à fat sö le hotel y na ćiasa dlungia, i agn sciöche presidënt dl’Assoziaziun Turistica, canche i à metü sö adöm cun Hubert Dalponte le consorz turistich. Chisc é stà agn de de gran sodesfaziuns sides personales co profescionales.” Ći se aodëise pa por le dagnì? “Personalmënter m’aôdi de avëi sanité, che la familia vais bun inant, che ara bütes cun le laûr, che al sides laûr y che la crisa che i sintiun a livel europeich vais indô zoruch y che düć chi che laora cun i sciori tles munts pois dagnora laurè inant sciöche i ùn dagnora fat!”

Les 500 ala partënza.

Auti - En domënia ai 26 d’agost 2012 él stè la 5a Indunada de Fiat 500 a La Ila, organisada indô dal grup “500 Alta Badia”. Le program é pié ia bele danmisdé dales 9:00 ćina les 10:30 cun l’iscriziun y aperitif por düć. Do les 11:00 éson spo pià ia düć deboriada por Ćiulunch, Réba, La Pli de Fodom y Falzares, olache al é gnü architè pro la Ütia de munt Col Gallina por n pice apertif. Dala öna é la carovana spo piada ia cuntra la Val Badia, al Hotel Gran Ancëi é düć storć pro por na bona marëna. N giulan de cör a döt le staff dl hotel por la bona marëna!

Otanta auti 500! Gran so desfaz iun p or l’organisaziun él stè da odëi ruvan adalerch 80 auti d’epoca. I

partezipanć, indöt 160, é ruvà adöm n pü’ da vigni pert, dal Friûl al Venet, dal Trentin ala Emilia Romagna, sambëgn zënza desmentié düć i compagns dl grup local.

I pesć I pesć i é gnüs surandà ai partezipanć ruvà da plö dalunc adalerch, plö avisa dala provinzia de Rimini, cun 380 km de strada. Le trofê por le grup gnü cun le plö 500 i é jü al grup “Club 500 Europa” cun 18 auti, al 2^ post êl le grup “500 Gherdëina” cun 14, y al 3^ post le grup “500 Primiero” cun 6 auti. Le comité “500 Alta Badia” à rengrazié düć chi che à daidé por la garatada de chësta manifestaziun, danfora les autoritês competëntes y les forzes dl ordin.

La palsa dles 500 por la marëna.

Dër bel dilan dles respostes! Intervista fata da Daria Valentin

Podëise nes cuntè en cört n pü de valch de osta vita sportiva? Can àra pa metü man y ćiügn é pa stà i momënć plü importanć de osta cariera? “I sun stè tla scuadra nazionala di schiadus, i à tut pert ai campionać dl monn ia en Gherdëna dl 1970, à davagné les preolimpiades dl 1971 a Saporo, à tut pert ales Olimpiades dl 1972 tl Iapann, i sun stè a San Murezzan (St. Moritz) y a n gröm d’atres gares.” Co sëise pa rové a mëte sö la Gara de Copa dl Monn? “Canche i jô cun i schi êi inće referënt jonil dla SVP y insciö sunsi rové por sis agn alalungia tla junta dl partì. Chësc ćiamò ai tëmps de Silvius Magnago. I sun rové en contat cun i problems de nosta tera, i à imparè a conësce n gröm de jënt, che m’à insigné dër tröp y chisc à salpü da me daidé ciafè na direziun tla vita.”

Marcello Varallo: “Canche i jô cun i schi êi inće referënt jonil dla SVP y insciö sunsi rové por sis agn alalungia tla junta dl partì. Chësc ćiamò ai tëmps de Silvius Magnago. I sun rové en contat cun i problems de nosta tera, i à imparè a conësce n gröm de jënt, che m’à insigné dër tröp y chisc à salpü da me daidé ciafè na direziun tla vita.” www.lauscdiladins.com

23


Val Badia

nr. 36 / 14 de setember 2012

La ćiacia te Mareo Le grup cultural “Mareo laôta y encö” con sonta a Al Plan de Mareo dà eniann so terzo contribut ala storia y cronica de Mareo: ai 22 de setëmber gnaràl fora le liber “La ćiacia te Mareo” co trata por monü la storia y cronica dal revier de Mareo

Le coêrtl dal liber.

Ćiacia/1 - Trec se damanarà, ći storia che la ćiacia de Mareo pò avëi: la ćiacia è dagnora sté en aspet scialdi emportant por la vita d’en paîsc,  dër dadio desco ativité resservada ai patruns dal terac (families nobles, vësco da Porsenù, convont de Ćiastelbadia y d’atri), mo inće desco sostentamont dla jont dla meseria, soradöt tai tomps de vera y de ćiarestia. Dô la tradiziun dla vedla Austria, soradöt dla familia “Habsburg”, ea la ćiacia scialdi stada tles mans dal emparadù y dai nobli, ala jont dal post ti gnêl danré en iade dé la poscibilité da s’anüzé cösc patrimone co viea enćer söes ćiases ia. Mo la jont à dagnora inće salpü da se daidé enstessa, n’ea pö i patruns nia bogn da ćiaré sora dagnora y dlunch. Empormó dô l’ann 1850 ti gnea la ćiacia scialdi lasciada ala jont dal post, nia ai iagri, mo ales vijinanzes y ai comuns. Chisc ćiarâ da trà fora le plü ch’al ea mitl y chël sozedea, desco dagnora, sc’ai ti afitâ la ćiacia a sciori da foradecà. A cösta moda tirâ ete soradöt trec scioldi chi comuns co â na bela ćiacia, soradöt rica de ćiamurc, desco chëra de Mareo. Dal 1870 ennant à ensciö le comun de Mareo albü cotan de afitadins dla ćiacia co gnea

empröma dal raiun todësch adalerch, dandadöt dal Poar, spo, defata dô le 1920, dla Talia sö. Al è dër enteressant da lì dô dötes les vicendes da plü dadio co tacâ adöm con la ćiacia. Chisc afitadins se metea inće a öna cola jont dal post co â ligrëza da jì cole slop y ti afitâ inće ad ëi en tò de ćiacia, mo olache al n’ea degügn ćiamurc. Canche Südtirol roâ spo sot la Talia, se müda bel plan döt cant. Döt dea ti roé tles mans dla jont dal post, mo i comuns afitâ ennant la ćiacia a sü sciori. Mo i iagri dal post se metea adöm y s’organisâ te “seziuns” dla Federaziun dla Ćiacia che le guern fascist â motü sö. I pröms iagri ne l’à nia albüda massa saurida.

Les carateristiches dal liber nö En capitul emportant ti èl spo gnü dediché al tomp, canche la ćiacia è tomada ete tl’autonomia y gnüda regolada da enlò encà dal guern de Südtirol. Cösc à salpü da chëie endô sö impostaziuns y tradiziuns dal vedl Tirol co è inće stades la garanzia che la ćiacia ài podü se mantignì y se svilupé ennant tla direziun con chëra che la maiù pert dla jont è encö contonta. Le liber à 312 plates, con passa 100 plates de test y 400 retrać, gragn y pici, co dà na idea co che la ćiacia ea plü dadio y co ch’ara vën manajada al dedancö. Gran lerch ti èl gnü lascé ai vedli iagri de Mareo y a chi co à le merit ch’ara è dagnora gnüda aministrada bun. Le liber è scrit por ladin-mareo, te na forma de lingaz co ch’al vën ćiamó baié al dedancö. Trec ess orü l’avëi por todësch, mo en nultima àn araté ch’al passenâ empò le plü por ladin! Mo por ti jì adancuntra inće empü ai compagns ijins, àn fat les

descriziuns por ladin y por todësch. Con cösc capësc inće n iagher da foradecà cotan! Na traduziun dal liber pò gnì fata vigne momont, sc’ara vën aratada emportanta!

L’autur dr. Lois Ellecosta de Colac Desch’i àn dit, èl sté le grup cultural “Mareo laôta y encö” co à motü adöm y dé fora la publicaziun. I iagri de Mareo è danter i sponsors y s’à sorantut da organisé na bela festa de prejentaziun en sabeda, ai 22 de setëmber, tal Salf dles Manifestaziuns d’Al Plan de Mareo. L’autur dal liber è inće en cösc iade le dr. Lois Ellecosta, con la colauraziun preziosa dal dr. Carlo Obwegs, co s’à fat de gran mirić por la ćiacia de Mareo y inće por döt Südtirol. La iesta grafica y le layout è dal dr. Felix Ploner. Cösc è belo le setimo liber che le grup cultural “Mareo laôta y encö” dà fora te püć agn, dô i libri dal medemo autur “Mareo, Marebbe, Enneberg”, 3 libri (por talian, todësch y ladin) de 50 plates, 2008/09/10; “Mantëna/Montal, im Schatten von St. Vigil” (140 plates) 2009; “100 agn cor de dlijia Al Plan” 2010; “Streiflichter durch die Geschichte der ladinischen Schule Ennebergs“ (190 plates) 2011.

La Sëra dai Iagri con prejentaziun dal liber

I sorastanć de Tirol y Südtirol tai Tamersc.

Te Fanes a ćiamurc.

Ara gnarà motüda da jì en sabeda, ai 22 de setëmber 2012, ales 19.00 te Salf dles manifestaziuns d’Al Plan de Mareo, la cornisc musicala gnarà fata dal grup de corgn da ćiacia “Mareo” y en grup de iagri ćiantadus. La moderaziun gnarà sorantuta dal iagher Markus Winkler dal Iagher. Danter les personalitês saral inće le presidënt de Südtirol Luis Durnwalder y l’ombolt de Mareo Albert Palfrader.

Jì ala ćiacia i agn ’30. Franz Comploj de Mena, Rudi y Lois de Bastl ta Lé dal Creda.

I iagri de Mareo dan la pröma vera.

24

www.lauscdiladins.com


Val Badia

nr. 36 / 14 de setember 2012

Val’ toch fora dal liber I publicun danfora deplü toć fora dal liber nö Ćiacia/2 - I piun ia con i termi dal revier de Mareo, por ji ennant con en capitul söla ćiacia danter les veres y i tiers da ćiasa tles munts y tai bosc maroi.

Le revier de Mareo

Palsa por Scolina salterina

I termi dai reviers de ćiacia va adöm con chi dai vedli comuns catastai co n’è nia dagnora i medemi co i comuns d’al dedancö. A cösta moda à inće le comun de Mareo 2 reviers de ćiacia: Mareo (vedl comun de Mareo con Al Plan y La Pli) y Rina (vedl comun da Rina ćina al 1928). I termi, tan ennant ch’ara ne se trata nia de confins naturai (rüsc, despartieghes, crëp), à dagnora mossü gnì amarscês fora con coni, con peres, con crusc ćiaades fora te lëns o te crëp co pò cole tomp inće fraidì o jì a perde. Porchël loâl inće sö en iade o l’ater stritaries por i termi, nó ma danter privać, mo inće danter i comuns enstësc. Plüdadio gnêl litighé trep por i termi, la maiù pert por le nüz dles pastöres, y de cösc vers n’ea gnanca i marei i plü pëgri: i àn ma bria da ponsé ales lunges stritaries coi ampezagn por la munt de Senes, con Ćiastelbadia por la munt da “Pecëi” (“Grünwald/Valforesta”) te Braies y coi badioć por la munt de Fanes. Tai ultimi sechi èl gnü strité ćiamó en iade o l’ater danter i iagri por de te’ pici toć de terac da ćiacia co ti ess öghé a önn y al ater. I confins dai comuns è encö segnês ete tles chertes militares y topografiches, tles mapes catastales y fissades te descriziuns monüdes dai termi, mo fora söle terac, soradöt te chi bosc y sön chi crëp, èl empò rio da s’an capì fora, sce i termi ne n’è amarscês fora avisa. Tles chertes ciafon gonot desvalianzes da öna al’atra, mo ći co cunta ennultima n’è degüna cherta orafica, gnanca chëra militara, mo la vedla mapa catastala co val dötaurela. Encö anse ćiamó na descriziun dai termi dal comun de Mareo co va zoruch al ann 1858...

La ćiacia danter les veres I ćiamurc ea jüs zoruch tal raiun de Mareo dertan la Vera da 3.000 a 250. I agn atira dô la Vera êl empröma iagri dal post y spo de chi da foradecà co afitâ la “Ćiacia Alta” de Mareo. L’ann de vera 1917 n’à le comun trat ete nia dla ćiacia, en sëgn che degügn ne l’â tuta adonfit, n’êl pö romagnü plü feter degügn tiers te chi bosc. L’ultimo ann de vera êl le prof. Josef Fezzi (1880-1939), en möt dal ispetur forestal d’Al Plan da plüdadio, Attilius Fezzi, co la tolea adonfit por 2.550 corones y Alois Hellweger (1887-1979), paur y sciacher da San Laronz, stea ala pert. L’ann 1919 â Josef Harrasser (1884-1960) da Bornech tut adonfit döta la ćiacia de Mareo por 2.550 corones. Laôta â le comun de Mareo en verdabosc

Stlüta jö la sajun, a s’odëi indô al 1. de messè 2013

Le grup dai corgn da ćiacia "Mareo".

(“Waldaufseher”) de ennom Willeit co ti costâ 850 Lires l’ann. Al ea Mattheus Willeit (18521944) co abitâ tla “ćiasa de Moz” dô “Rü d’La Pli”, co fajea inće tal medemo tomp le verdaćiacia tal revier privat dal “Harrasser”. Josef Harrasser â denant inće albü adonfit dai 25 d’agost 1910 ćina ai 24 d’agost 1915, adöm al iagher da Porsenù Hugo Seidner, la ćiacia d’La Val por 760 corones al ann. Por cösta êl gnü tut sö l’ann 1912 desco verdaćiacia Matio Sottara de “Fornacia” co ciafâ por paiamont 2 corones por vigne dé ch’al jea fora te revier. Emplü podêl se slopeté 2 rehli te bosch da “Spëscia” y tan de lei ch’al orea. La “Ćiacia Bassa” ti lasciâ i afitadins ai iagri dal post por 150 corones al ann. Anton Rubatscher ea le sorastant dai iagri d’La Val, y verdaćiacia gnea motü Natalis Rubatscher. Dai cunć de comun dal ann 1920 resultëiel spo che le iagher Jepele Frontull (1864-1930) d’La Pli â sorantut la “Ćiacia Bassa” por 600 Lires y na “Jagdgesellschaft Bruneck” la “Ćiacia Alta” por 930 Lires. Cösta sozieté ea dartant gnüda motüda sö dai iagri da Bornech Josef Harrasser (18841960) y Alois Hellweger (18871979) ...

Tiers co vir tai bosc y sölesmunts de Mareo Belo da vedlamonter vìel te nüsc bosc y sön nostes munts plü o manco les medemes sorts de tiers. Dlungia chi d’al dedancö viêl plüdadio ćiamó lus, laûrs, stambëć, porcì salvari y lustrì78. Chisc è gnüs copês jö dai paurs tai sechi passês a gauja dai gran danns ch’ai ti fajea ales coltures y deach’ai scarzâ i atri salvarjins co ea dai nobli o dla comunité. Ai podea inće gnì prigorusc por i tiers de ćiasa y la jont. Porchël i àn sterminé. Danter i salvarjins co gnea ćiacês al tomp dla emparadëssa Maria Theresia vëgnel dit tla cherta dla badëssa Maria Benedicta de Ćiastelbadia dai 27 de setëmber 1751 ch’i aran ćiamó ocajiun da

nominé, ch’al viea chisc tiers te nüsc bosc: laûrs, lus, lustrì, cerf, ćiamurc, rehli, lei grisc, lei blanć, olps, döes sorts de medri, conestrì, otri, tasc, muntagnoles, gran iai, galedri, iarines blanćes, anores, paroms, catürli, iarines de munt (“Rebhühner”), ciöfes, de vigne sort de calandri (“Kranebit Vogl” y “Kohlamstl”), valtus y ciuites. Düć chisc tiers podea gnì ćiacês laôta ma dai “Unterjager” de Ćiastelbadia co messâ spo i dé jö. Tai 260 agn co è passês da laôta encà èl sté val’ müdaziun tla fauna de nosc raiun: val’ sort è sparida daldöt desco i lus, les laûrs, i lustrì, les lutres, na sort o l’atra de calandri y de valtus. Tiers nös èl mâ gnü pormez le stambëch y le porcel salvare co n’è nia ćiamó nominês tla cherta de Ćiastelbadia. Belo plüdadio desfaronziân i salvarjins de ćiacia bassa (“Niederwild”) da chi de ćiacia alta (“Hochwild”), no tan aladô sc’ai viea sö alalt o jö albas, mo aladô de chi co podea i ćiacé: chi de ćiacia bassa podea gnì slopetês inće dai iagri dal post, chi de ćiacia alta mâ dai sciori y dai nobli. Ensciö gnea inće i reviers gonot partis sö te na “Ćiacia Alta” y na “Ćiacia Bassa”, aladô de chi co podea jì enlò cole slop. Inće te Mareo è le revier da vedlamonter dagnora sté partì ete ensciö. La “Ćiacia Alta” gnea afitada ia a sciori, tla “Bassa” podea jì chi dal post. Le confin danter i dui raiuns (fossé dla Para, fossé de Fojedöra, val de Rit) è cole jì dai agn plü gonot gnü müdé.

San Ćiascian - L’Uniun Sport Amatoriala San Ćiascian à lascè al savëi che cun la domënia ai 9 de setëmber 2012 él gnü stlüt jö le parch di jüć por mituns dla "scolina salterina" tl ćiamp dl sport a San Ćiascian. Tratan döt l’isté él stè tröpa jënt dl post, suradöt umes cun mituns, dër tröc jogn y inće ghesć cun jogn y manco jogn che à passè val' ora de tëmp lëde tl raiun dl sport a San Ćiascian, olache al gnô pitè atraziuns desferëntes de jüć y ativitês sportives. Le raiun sportif cun sü jüć dla Scolina salterina dauriarà indô en

ater ann al 01/07/2013 y restarà daverta ćina ai 08/09/2013 vigni dé dales 10:00 ales 19:00, inće sabeda y domënia. L'Uniun Sport Amatoriala San Ćiascian rengrazia düć chi che é gnüs al ćiamp dl sport, dantadöt les families dl post cun mituns/ mitans, i grups dl "Istè deboriada", i mituns dla Ćiasa di Pici y inće düć i operadus turistics dl Alta Badia che i à aconsié a sü ghesć la strotöra sportiva por passè en valgönes de beles ores de devertimënt sann alaleria te n bel post.

La Scolina salterina à podü ralegrè inće en chësc ann.

Inće ćiamó al dedancö desfaronziëia i iagri danter i salvarjins de ćiacia bassa y chi de ćiacia alta. Pa chi de ćiacia bassa alda la olp, le tas, le leo, le lustrel, le meder, l’armelin y la schirata, danter i tiers da plöma l’anora salvaria, la cröcia, le corf, le calander, le parom, le fasan, la caia, la agacia, le merle grisc y la becacia. Pai tiers de ćiacia alta alda endere le rehl, le ćiamurc, le cerf, le stambëch, le porcel salvare, la muntagnola, le leo blanch y le moflun, emplü i gran vicì desco le variö, le gran ial, le galeder, la iarina blanćia y le catürle... www.lauscdiladins.com

25


Val Badia

nr. 36 / 14 de setember 2012

Degöna stënta por La Crusc Al é gnü registré na buna sajun. I s’l’ùn cuntada cun Luigi Frenademetz dl lift da La Crusc

Le lift da La Crusc, sot le bel scenar de Sas dla Crusc.

Turism - Al ê le 1961, che al gnô fat sö a Badia le gran lift da La Crusc. En chël isté â i lauranć albü n gran dafà y la vita de paîsc se trasformâ. Al gnô fat sö hotì y d’atres infrastrotöres por ti dè alberch ai turisć che rovâ adalerch tres deplü.

spo poester tla sort de jënt che röia adalerch. I problems di talians s’à sambëgn lascè sintì, mo porchël él mefo rové adalerch de plü jënt da foradecà. Le gran ćialt d’agost dantadöt tles citês talianes à inće sburlé la jënt de chisc posć da gnì tles munts a chirì n pü de frësch.

Avisa cincant’ agn él passè dala pröma sajun da d’isté. Da inlaôta incà s’àl mudé tröp. Le lift é gnü refat bëgn dui iadi: dl 1980 é les vedles condles gnüdes trates jö y baratades fora cun n lift da scagns; l’implant che i podun odëi incö é gnü fat sö dl 1995. Sterscia é dagnora stada dal mëteman incà la sajun da d’invern. Les pistes da La Crusc é n pü desman en confrunt ai gragn zëntri turistics incër le Sela - inće chësc é datrai na atraziun. I mëisc da d’invern fej fora passa le 70% dles entrades, impò él da dì che le tëmp da d’isté é le cör dl lift da La Crusc. Insciö éra inće stada dl 2012. Scebëgn che l’implant sides gnü daurì bëgn döes edemes plü tert respet al ann passè, dij Luigi Frenademetz – presidënt dla sozieté di lifć – che la sajun é jüda valgamia bun. De crisa n’àn sintì nia a La Crusc. Le tëmp é indô stè bel ti mëisc de messè y agost, sciöche en l’ann passè, tan che tröpa jënt à tut l’ocajiun da jì sö por munt. Sce an po baié de crisa,

N turism plü internazional

Luigi Frenademetz, surastant dla sozieté di lifć da La Crusc.

26

www.lauscdiladins.com

Sce al ê dandaìa n turism plü limité al monn talian y todësch, mësson śëgn se daurì a vigni nazionalité. Dantadöt chi dal ost descür tres deplü les Dolomites y vëgn a ti ćiarè. N pëis pratich por le personal, che mëss porchël se istruì inant y ti garantì almanco te na forma basilara a chisc sciori la poscibilité de comuniché te n lingaz da capì por düć. Sce al bastâ ćiamò dan da val’ ann da savëi talian y todësch, dlungia le ladin, spo ne śoga chësc nia plü tan saorì. Vigni operadù di implanć mëss savëi da i splighé ai turisć almanco les cosses de basa por inglesc.

Les novitês Por aumentè tres indô i sorvisc y por ti pité valch de nü ai sciori, él inće por le 2012 stè zacotan de novitês. La plü interessanta é zënz’ater le raiun de relax, fat sö

püch sura la staziun jödapé dl secundo lift che condüj sö dala dlijia. Dlungia n pice tablé, te chël che al é gnü metü fora döt isté na mostra fotografica, él gnü arjigné ite scagns aposta da podëi stè a sorëdl y se fà l’aurela cörta. Trëi de de bi scagns panoramics giganć abelësc y caraterisëia te na manira particolara döt le raiun. N’atra novité é zënz’ater inće le bel laûr fat dal personal di parcs incër Lêch dla Lè ia: chilò él gnü laurè fora danü la sëmena incër döt le lêch y le personal di lifć, adöm cun i patruns dla Ütia Lè, à fistidié da mëte jö banć y mëses da podëi fà picnich. Da rové ia da lêch êl bele dan da zacotan d’agn gnü arjigné ite n tru tematich sön i tiers, adatè sides por gragn co por pici. Tres n jüch de timbri po i mëndri imparè da conësce de vigni sort de tiers salvari che an abina fora por i bosć dl comun. I gragn deperpo ciafa sön tofles aposta de vigni sort de informaziuns sön i abitanć dl bosch. Döt le raiun vëgn valorisé ćiamò deplü tres na tofla sön chësc bel monumënt natural.

Orars plü ütli Nia da sotvaluté n’é gnanca la mudaziun de orar che le lift pîta. Sce al tignî ćiamò dan da zacotan d’agn na palsa da misdé, s’à inće le lift de Badia uniformè ales usanzes de düć i implanć dl’Alta Badia. Por ti garantì n miù sorvisc ai ghesć, vëgn i lifć dauris dala mesa dales nü y va tresfora ćina la mesa dales sis. A desfarënzia de n valgügn d’atri lifć dl’Alta Badia ne fej chël de Badia degun dé de palsa, mo va set dis sön set. Chësc comporta sambëgn n aumënt de personal y de cosć da pert di impresars, mo al i garantësc n miù sorvisc a chi che l’adora. La tëma de ne pordüje nia da le tó sura misdé o da ne podëi daldöt nia l’adorè n dé al’edema é a chësta moda desplazada. Le scior y la jënt da chilò é plü lëdi da se möie, ai à deplü poscibilitês y po se gode ćiamò deplü la bela natöra. Daria Valentin

Les fotografies tl tablé, na bela picera atraziun che à salpü da plajëi tröp.

Dal’Etiopia a Roma Lëtres ala uma da pert dla fia gnüda t’Europa Pröma pert - Na storia fora dal normal, desco tantes. Chëra de Simret é na storia desco tantes d’atres. Vigni ann, milesc de porsones söl iade desco ëra, fej na te’ esperiënza: pià ia da so Paîsc, da söa cité, làsci familia y afeć, mo inće mangioca y tofs, patüc y strades conesciüdes. Pià ia, ajache sforzà dala violënza, dala vera, dal porseghimënt, dala tëma, dala fan, dal’imposcibilité da traodëi n dagnì te so Paîsc. N iade zënza cherta y (forsc) zënza regnüda, zënza savëi olache an dormiarà indoman, soportan agresciuns y violënzes, por spo, finalmënter, ruvé te n Paîsc nia conesciü y sbate tl desplajëi deache döt é desdarënt respet a ći che an à somié, dejidré, magari descrit da d’atri. Simret provëgn dal’Etiopia, söl Corn d’Africa. Dal 2008 él ruvé adalerch tla Talia da chël raiun passa 10.000 porsones, do plü mëisc de sosta tl Sudan y spo tla Libia. Y plü co 30.000 é gnüdes, le medemo ann, tres le mer, da Paîsc africans desferënć, mo inće dal Oriënt Mesan y dal Afghanistan (situaziun: ann 2009). Canche ara pëia ia dal’Etiopia, é Simret na möta acompagnada dala uma. Canche ara röia tla finada tla Talia, éra na möta de 17 agn, na foresta de mëndra eté nia acompagnada, che à pordü la uma söl iade. Inće chilò, na storia sciöche tantes: dl 2006 ê i mëndri d’eté nia acompagnà te nosc Paîsc 6.453, danter mituns y mitans, y chësc ma sce an se tin ales statistiches ofiziales dl Comité por i mëndri d’eté foresti. Tla Libia é Simret gnüda violentada te n zënter de alberch por foresć dlungia al confin südoriental cun le Sudan. Ara â 16 agn. Na storia desco tantes d’atres: ma che te chësc cajo n’unse gnanca na sciazada numerica. Ma tan de cuntades, tan de cuntades...

Tla Talia vëgn Simret, che é de familia eritrea inće sce ara n’â mai odü le Paîsc de sü geniturs, daidada da conazionai. Y spo vëgnera tuta sö te n zënter por mëndri d’eté, y ara se sint bun. La storia à na buna fin. Mo tantes d’atres no. En realté n’é la storia de Michele y Mussie (che s’à dè jö cun la traduziun dles lëtres de Simret) nia - y n’ô gnanca ester - na storia desco tantes d’atres, deache al n’é mai na storia che é medema al’atra. I sun ausà ales statistiches, ai numeri, ala cuantificaziun de n “fenomenn”. Ćinamai canche ara se trata de morć y de jënt jüda a perde (donca inće chisc morć) tl Mediterann: plü co 1.500 porsones, ma bele tl 2008, mai ruvades a Lampedusa o a Ragusa o tla Sardegna. I podun inće porvè da stomè les percentuales: zirca n 5 por cënt de chi che s’imbarchëia söles spones libiches o tunisines mör tratan le iade, va sot o vëgn copà dala sëi o sciurà tles eghes dai piloć dles barches por alisiré le iade. Va inant tla ediziun che vëgn, trad. dal tal. tl lad.: ir

Le cuêrtl dl liber, dè fora da “terredimezzo”.


nr. 36 / 14 de setember 2012

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

Fascegn e ghesć à aprijià l’èrt te piaz Se à serà sù con bon ejit a Poza l 1° Symposium Toni Gross. La jurìa vidèda da Piero Badaloni à premià Toni Venzo e Andrea Dorigatti. A Paolo Costazza l pest del publich. La òperes é da poder veder te sala de comun apede la Posta fin a la fin del meis

Paolo Costazza con sia opera “Il Dialogo” l’é stat l più lità dal publich.

Èrt - Pien de jent, bon temp, èrt e emozions. Dò cinch dis de lurier i 13 artisć del legn se à troà en sabeda domesdì te Piaza de Comun de Poza a spetèr l resultat de la jurìa. N cerchie de operes una apede l’autra, cheles di artisć e apede ence cheles di 5 studenc, che ti dis del simposie i à podù se meter al luster. Silvano Ploner, Tullio Dellagiacoma,

Mirella Florian i à palesà sia sodesfazion a inom de l’Union di Ladins, l Comun de Poza e la Scola, organisadores de l’event, per l’ejit de chesta pruma edizion. N suzess tant per la colaborazion anter i sogec che à endrezà che per l luster che l simposie ge à dat al paìsc de Poza e a duta Fascia. N rengraziament particolèr é jit al Comitat de la Festa ta Mont, che à metù a la leta dut chel che servìa a livel logistich, e a Lucia Gross che se à cruzià de l’endrez e del coordenament. Con de bie pensieres l’é stat recordà, soraldut da pèrt de chi che i l’à cognosciù, l’artist Toni Gross. “Na persona - à dit l giornalist Piero Badaloni, che era amich de l’artist - che à fat n muie per la val, ma ence per i amisc de la val, desche gé”. Badaloni, president de la jurìa, à orì la premiazions dijan che chel de la jurìa l’é stat “n onor, ma ence na fadìa” per duc i componenc (Lucilla Gross, Gregor Prugger, Claus Soraperra, Andrea Soraperra e Elio Vanzo) cogner cerner n venjidor anter 13 operes dutes desvalives e con desvaliva motivazions. Badaloni à palesà marevea e aprijiament per la trasparenza del lurier e l’endrez del simposie, per la gran

L’opera de Andrea Dorigatti, “Superfluo”, venjidora de la sezion “artisć ex studenc”.

partezipazion del publich e per la gran pascion, apede che profescionalità, di artisć. Parentesa originèla: l simposie l’é ruà enscin sun Sas da les Doudesc, su per na via de Toni Gross, olache i artisć Pierangelo Giacomuzzi e Andrea Dorigatti à volù serèr sù con na performance che se podea

N particolèr de “Tra le rocce” de Tiziano Deflorian e de “Dolomia” de Matthias Sieff, doi operes che à ciapà la menzion per i ex studenc.

L grop de artisć con organisadores e jurìa dò la premiazion te Piaza de Comun a Poza.

L’opera de Toni Venzo, “Sentieri e rifugi”, venjidora de la sezion “artisć ghesć”. (servije fotografich de Anton Sessa - www.dolomitipic.it)

“Vardar e non tociar” tras l’opera (na sort de binocol) de Pierangelo.

Venjidores I doi venjidores del 1° Symposium Toni Gross l’é stat Toni Venzo con “Sentieri e rifugi” per la sezion “artisć ghesć” e Andrea Dorigatti con “Superfluo” per la sezion “artisć ex studenc”. L’opera de Toni Venzo é stata aprijièda da la jurìa “per sia capazità de raprejentèr, pur con na opera astrata, l tem del simposie, duran n lengaz espressif minimal, apede a na gran capazità tecnica”. Andrea Dorigatti enveze l’é stat premià per “l’originalità de l’opera, leèda a la capazità de stimolèr na reflescion sul raport om-natura de gran atualità, metan su l’avertida dai risesc de na relazion no equilibrèda”. Apede ai doi venjidores l’é stat dat ence trei menzions de merit. Una per la sezion “artisć ghesć”, che é jita a Roberto Merotto per sia opera dal tìtol “Enrosadira”, premièda per “la gran eleganza, armonia e capazità tecnica stilistica”, e doi per la sezion “artisć ex studenc”: a “Dolomia” de Matthias Sieff “per sia capazità

stilistica leèda a na maturità de lengaz espressif” e a “Tra le rocce” de Tiziano Deflorian per sia capazità de leèr inovazion e tradizion te l’interpretazion del tem”. Ence l publich à podù cerner l’opera che ge piajea de più: i passa 200 che anter vender domesdì e sabeda dadoman é jic a scriver ite la zedola con sia stima aló da la mostra, i à cernù l’opera “Il Dialogo” de Paolo Costazza, che l’à ciapà ben 75 stimes. Con sia opera che moscia n alpinist che vèrda la mont sot si piesc, desche a la rengrazièr, Paolo Costazza se à vadagnà l derit a tor pèrt a l’edizion che vegn del simposie, che é perveduda te doi egn. (vr)

“Enrosadira” de Roberto Merotto à ciapà na menzion de merit per la sezion “artisć ghesć”. www.lauscdiladins.com

27




La Usc de la scola _ _ _

nr. 36 / 14 de setember 2012

La Scola d’èrt se à tramudà Per 4 o 5 egn i studenc restarà te na pèrt del frabicat de la mesènes e tel prefrabicat fat sù apede, olache dut é stat enjignà coche carenea

L frabicat de la scola mesènes de Poza vedù da la man de sot, con apede l prefrabicat olache troa lèrga i laboratories de la disciplines artistiches.

La senta veia de la Scola d’èrt, che l’an che vegn vegnarà batuda jù, e l rendering de la strutura neva che cognessa esser fenida te 4 o 5 egn.

Scola - I ujes de la veia Scola d’èrt, che l’an passà à festejà 70 egn, i é oramai seré. Dut muda e l’ISA, Istituto Statale d’Arte de Poza, l’é doventà ades Liceum de la èrts e del design, e chel frabicat pien de èrt e de storia, ma ence de impianc veies e empedimenc architetoniches che no era più consentii da la normes per na strutura scolastica, l’à fenì sia vita.

basc del frabicat, olache l’era la scola de musega (che farà lezion te l’aules de la mesènes, che no vegn durèdes domesdì) e apede ai locai de l’Anffas, troa lèrga la desvaliva aules didatiches e cheles di ensegnamenc tecnics desche dessegn e informatica. Apede, con n azess che la lea diretamenter a chesta aules, l’é la strutura neva, enjignèda da la firma Modulcasa de Parma, olache troa lèrga duc i laboratories. Per la mensa enveze l’é stat destinà la sala de l’auditorium. “L nef frabicat l’é fat delvers, l’é dut a norma, tant per chel che vèrda la pèrt eletrica che duc i aparac, chi de tislerai e i forgn per la creida – à dit l vicarie prof. Claudio Valentini, che se à cruzià de endrezèr via dut per chest tramudament. – No somea nience n prefrabicat, l’é bel e sorì ence daìte, con de bie spazies, e l’à la

Coscita i 182 studenc de èrt de la scola auta te Fascia con chest an de scola i se à tramudà pech più en ju, giusta passà via stradon, te na pèrt del frabicat de la mesènes e te na neva strutura prefrabichèda, che é stata metuda sù via per chest istà apontin aló apede, e che da pech ge é stata consegnèda a la Scola de Fascia. Ruèr a portèr ju machines, aparac e duc i strumenc didatiches

te la neva senta, en temp per l scomenz de l’an de scola, l’é stat na gran fadìa, e ti ùltimes dis l’é stat dut n gran busiament per permeter de scomenzèr ti tempes giusć. “Da man di dozenc l’é mìngol de encresciujum – à dit la Sorastanta – e ence a mi me é vegnù l magon canche é vedù che i tiraa fora dut, ma aon vardà de far dut percheche chisc bec no se sente te na situazion provisoria, ma che i posse lurar descheche i à lurà chisc egn passé te la scola veia.” Per chest l’é stat enjignà dut apontin, e l’é stat ence fat a na vida che i bec de la mesènes e chi de la scola auta i posse aer spazies e entrèdes despartides. I prumes à l’entrèda e i spazies a l’averta te la pèrt ovest del frabicat (envers Sèn Jan) e i studenc più gregn enveze da la man de Poza. Ti doi pians più

zertificazion de sparagn energetich de clas B.” Chiò i studenc restarà fin canche no sarà fenì l frabicat nef, se peissa 4 o 5 egn. Tant la sorastanta che l vicarie se augura ampò che ence

dò, canche i studenc i sarà te la scola neva, chesta strutura la reste e la posse vegnir durèda per de autra destinazions, magari per n’auta formazion profescionala. (lg)

Te la pèrt a est de la mesènes l’é stat enjignà la aules per i studenc del Liceo artistich.

Na bela esperienza artistica per i studenc

N bel pest per l “Calighé”

Ence 5 joegn de l’ùltim an del Liceum de èrt e design à tout pèrt al simposie Toni Gross, zipian a l’averta a Poza apede ai artisć de maor esperienza

La joena Maria Lollo de la scola mesènes de Ciampedel se à vadagnà l recognosciment al concors endrezà vin Fodom

Scola 2 - L simposie de scultura endrezà a Poza da la Scola de Fascia ensema con l’Union di Ladins e l Comun l’era na ocajion massa giusta per poder ge sporjer ai studenc ence na esperienza didatica unica. Coscita, per endrez de la professora Lara Steffe, che de simposies la é de segur esperta, a zipièr te paìsc ti 5 dis de l’event, apede ai zipiadores de maor esperienza, à podù se sproèr ence 5 joegn de l’ùltim an del Liceum de èrt e design de Fascia.

Chiara Cemin, Marco Daprai, Alex Dellantonio, Ivan Deluca e Sofia Ghetta, sot la vida ascorta de la prof. Steffe, i se à enjignà l dessegn e dapò per 5 dis i à lurà con motosega, manarin, scherpìe e duc i èrc del mestier, per trèr fora da la bora sia opera, vèlch un astrata e etres de fegura. L’empegn di studenc é stat segur bon, e l resultat da marevea, conscidran che l’era la pruma outa che i tolea pèrt a na esperienza de chesta sort. Anter chisc studenc

no l’é stat fat concorsc, valutazions o classifiches, ma a la premiazion duc se à vadagnà n gran batiman, apede a n diplom de partezipazion che podarà servir ence desche credit per l’ejam de matura. Ma la gaissa de chisc studenc lascia entener che l pest maor per ic l’é stat poder tor pèrt a chesta esperienza. Per chest n batiman e n rengraziament spezièl é jic a Lara Steffe, che con pascion e empegn la i à vidé e compagné te chest projet.

Scola 3 - Na bela sodesfazion per la Scola de Fascia é ruèda proprio chisc dis passé ence tel ciamp de la poejìa ladina. Defat la joena Maria Lollo, de la clas 2^ E de la scola mesènes da Ciampedel, la se à vadagnà l secondo pest al concors “Mendranze n poejia” metù a jir vin Fodom. Chest an ai studenc ge era stat dat l met de tor pèrt, tant te la sezion poejìa che te la sezion prosa, con scric sul tem “L lurier di giaves”. La scola mesènes de Ciampedel à tout pèrt ensema con la professora Irene Brunel, e

Maria Lollo, descheche se pel veder ence su la pruma piates de chest numer de La Usc, la se à vadagnà apontin l secondo pest con na poejìa dal titol “L calighé”, che publicon chiò sot ite. Complimenc Maria!

L calighé Mie giaf fèsc doi mestieres, e no i é per nia lijieres. Un de chisc l’é l calighé che l fèsc ciuzé averc o seré. Tenaa, martel e subies, èrc veies che l doura con averc i eies. De èrc no bèsta, n doura amò n muie, desche la pinza per fèr i bujes. Dapò la broces e l cortel, che no l’é chel che se doura per magnèr, belapontin l’é guzà n muie ben, per dut taèr.

I cinch studenc del Liceum de èrt e design con la professora Lara Steffe a la premiazion del simposie Toni Gross.

28

www.lauscdiladins.com

Maria Lollo, con l president de l’Istitut Ladin “Cesa de Jan” Luca Agostini, a la premiazion del concors de poejìa a Rèba. (foto Lorenzo Soratroi)

Serf ence formes de legn, per poder fèr n ciuzé per ogne sort de egn. L’é bon de fèr n bel ciuzé da laor, ence per n pe de numer maor. Maria Lollo, IIE, Scola mesènes de Ciampedel


_ _ _ La Usc de la scola L’é scomenzà n nef an de scola nr. 36 / 14 de setember 2012

Anter la maor novitèdes l’é la neva referenta per la populères Martina Verra e l projet de bilinguism che pea via te la pruma clas de Cianacei de più mirà. Per chest endrezaron scontrade coi genitores per ge far cognoscer le scole che aon sul teritorie. Noscia scola la é spartida sun più livìe e donca cognon far l’orientament per chi che va fora da la terza mesana, ma ence la promozion per la scola auta.” Aede en previjion mudamenc de orarie per la scola mesèna? “Volassane far n orarie su le clasc valive olache se posse far valch atività ensema, per permeter l passaje di scolees da na clasc a l’autra, percheche i posse se emprevaler de la lezion de doi ensegnanc. I dozenc ben segur cognarà se usar a lurar ensema. Gio peisse che sie positif che i studenc posse sentir doi dozenc e no demò un.”

La Sorastanta Mirella Florian.

En mércol ai 12 de setember l’é tacà l nef an de scola per i passa 1.300 scolees de l’Istitut Comprensif ladin de Fascia. N an rich de projec, scomenzadives e neves, che ne prejenta te chesta intervista la Sorastanta professora Mirella Florian. Cotenc scolees él te chest nef an de scola? “Te la scola populara n’é 515 spartii fora te 37 clasc, te la scola mesana 339 sun 18 clasc, al Liceo artistich e Scola d’art (l’é amò doi clasc) 182 studenc, al Liceo scientifich 103, al Liceo ladin di lengac 52. En dut a la scola auta l’é 337 studenc. A la scolina col prum de otober tacarà ite l nef an 130 bec. En dut donca, da la scolina a la scola auta, te la Scola de Fascia aon 1.321 scolees.” E ensegnanc? “I dozenc i é 177: 72 a la scola populara, de chisc 48 de ruol (l 66,67%), 48 a la scola mesana con 20 de ruol (l 41,67%) e 57 a la scola auta con 17 de ruol (l 29,82%). Sion fortuné percheche n muie de dozenc i à ciapà l post chest an de gra al patentin e donca podon far cont su na bona continuità. I colaboradores e i aministratives i é 44.” Giusta chisc dis passé se à serà sù la scola da d’istà... “Ei, dai 27 de aost ai 7 de setember l’é stat endrezà la seconda edizion de la scola da d’istà. Chest an aon abù 20 scric ite, tant dozenc che studenc che arjonc coscita credic per l percors universitarie. L’era jent da l’università de Trent, Busan, Udin e aon abù ence la prejenza di mochegn. Chesta scomenzadiva

vel ge dar n aiut ai dozenc che se dasc jù con l’ensegnament del ladin e i lo dora desche lengaz veicolar e a duc chi che à a cher la promozion de nosc lengaz e noscia cultura. La scola à na gran enciaria e chisc egn aon lurà per l ben de nosc lengaz, peisse aboncont che la defendura e l stravardament de la cultura no sie demò responsabilità de chi che laora tel ciamp de la cultura, ma ence de duta la comunanza e per chest più se é bogn de lurar ensema e mior sarà l’éjit.” Colunes él la maor scomenzadives che vegnarà endrezà chest an? “Sion dò che vardon fora l statut de la scola per ge far valch mudament e ge dar maor peis a le scoline, percheche te chest moment, tel statut, le scoline no le é nience nominade, ence se l’é senester percheche le à organismes che no é ti autres ordegn de scola, desche l Comitat de gestion e l’Ente gestore. Seghitaron a regoer l material de ladin che le maestre à fat chisc egn passé per l meter a la leta de duc sul sit internet de la scola. Dapò aon en program n projet che tol ite i bec dai 0 ai 6 egn, na esperienza che à fat i cimbres e che i volessa verjer ence a le autre realtà de mendranza.” E per chel che vèrda la scola populèra? “La neva de chest an l’é che l projet de bilinguism “Na comunanza che empèra” ponta via ence a Cianacei, e chest proprio de gra ai genitores; a noi ne saessa bel l poder slariar fora ence te le autre scole, vedù l bon éjit. Sun 26 scolees, 12 à cernù l projet. A Poza chest an aon abù n

smaorament de bec che farà l projet, 18 sun 30. Jiron inant co la rei anter la scole de la provinzia de Trent olache l’é mendranzes linguistiche, con Perjen 1 (mochegn) e con Folgaria e Lavarone (cimbres), na colaborazion nasciuda acà 3 egn e che à portà a la realisazion de doi bie libres con Cd scric te cater lengac, de gra al finanziament su la Lege 482/99. Ades ne à domanà de far part de chest projet ence l’Istitut Marie Curie de Perjen ajache i à ence studenc mochegn e cimbres.” L’an passà l’é stat portà inant n projet CLIL te la populèra, jirèl inant? “L’an passà i scolees de le clasc quinte i à fat n’ora de scienze per todesch. Al scomenz no l’é stat sorì, ma n’outa che i bec se à usà, aon abù de bogn éjic ence per merit de la dozenta che se à dat jù per poder far ruar i bec a livìe auc. Jiron inant ence chest an e te le clasc terze vegnarà fat n’ora de laboratorie per ingleis, per ge dar coscita l met de far doi ore de ingleis jà da la terza, per valivar i ùltimes trei egn de scola populara.” Chisc projec éi ence te la scola mesèna? “L’an passà te le terze clasc aon fat n’ora de geograf ìa per ingleis co na brava dozenta de marelenga. Chest projet jirà inant ence chest an e fosc faron valch ence per todesch. N gran lurier che vegn fat te le mesane l’é chel de didar i scolees a cerner fora l percors de la scola auta, na atività de orientament che no cognessa scomenzar demò en terza per ge dir cale che l’é le scole (chest i pel l veder ence te internet), ma valch

Él jà en program vèlch scomenzadiva te la scola auta? “Se jirà inant coi laboratories opzionai che i studenc pel cerner e chiò la partezipazion é semper stata n muie grana. L’é en program de far le statue de neif per l Trofeo Topolino a Ciastel e dapò dar nosc contribut per i Mondiai de Fiem. Sion dò che speton l’aproazion de n projet “Dò l troi del legn” che perveit l’ideazion e la promozion de na esposizion te la sia de la Frazion de Poza, dapò la scola auta tolarà part a desvalives concorsc e la jirà inant col protocol de Confindustria per arvejinar i joegn al mond del lurier. L’an passà i studenc à lurà a n percors tematich su le lejende de Beatrice Calamari sul Latemar e la sozietà de impianc Latemar 2200 à abù n smaorament de passajes de jent che é jita a veder l percors.” E per l Ski College? “Chest an aon abù n muie de adejion a chest projet che ge dasc l met ai scolees de jir a scola e no cogner lasciar perder l’atività sportiva, en dut aron 10 studenc de più respet a l’an passà e donca ruon a 72. L’é da dir che l’é smendrà l finanziament a livel provinzial e aon cognù ge domanar a le familie na sort de contribut per mantegnir l standard de calità che aon semper dat tant a livel sportif che didatich.” Gran atenzion ge vegn data al studie di lengac foresć... “Te la scola mesana e auta vegn fat n gran investiment de chest vers. L’an passà sun 162 scric ite per le certificazion linguistiche i é passé de 147, donca l 90,74%. La setemena passada 57 bec e 4 dozenc de la mesana é stac na setemana a Augsburg a emparar todesch e chest an volassane endrezar na fradaa co na scola de Remseck. Dapò la scola endreza ence corsc de lengac per la jent: volon se verjer al teritorie e ge jir encontra ai besegnes de formazion con corsc de lengac (ingleis, todesch, rus, cineis) e de informatica. Autres projec emportanc che

à bon éjit l’é “Montagna Amica”, a chel che tol part 68 clasc con 1.132 bec e che tol ite n muie de istituzion de nosc teritorie, e Alcooperiamo portà dant da la terza mesana e pruma de la scola auta.” Che fèjela la scola per la formazion di ensegnanc de ladin? “Noscia scola se dasc jù per ge dar na bona formazion a dute le persone che laora laìte. N muie l’é le scomenzadive endrezade da l’Olfed, una de cheste l’é “Ensegnèr per ladin”, chest an vegnarà fat doi corsc, un per la scola populara e un per la mesana. I ensegnanc che fasc ladin i à besegn de n suport linguistich, n muie de oute i se sent amò soi. L’Olfed fasc segur n gran lurier per la formazion, l’enrescida per l ladin e la produzion de materiai didatics. Chest an aon pervedù de far i tesć de geograf ìa, storia e scienze per la clasc quarta del projet de bilinguism, vegnarà fora n codejel sui paìjes de Fascia e n liber su le contìe. Vegnarà fat ence n liber per l’ensegnament del ladin te la scola mesana e n auter per la scola auta.” Él novitèdes per chel che vèrda i referenc? “La neva l’é che la referenta per la scola populara no sarà più Daniela Chio cchetti. Me endespiasc, percheche se aon semper troà ben a lurar ensema, ma l’à volù jir deretorn a ensegnar ajache ge menciaa massa i bec. A so post l’é Martina Verra, che veide che l’à jà scomenzà a se far ite. Per le mesane referent l’é semper l prof. Federico Corradini per Poza e Moena e la prof.a Patrizia Lampis per Ciampedel. Per la scola d’art e l liceo artistich l’é Claus Soraperra e per l liceo scientifich e ladin di lengac l’é Domenico Bravi. Vicarie l’é l professor Claudio Valentini. N’autra neva l’é che per l’area dejaje chest an volassane meter più che un referent soul, zenza pesar su na persona demò. Volassane che l prof. Alessandro Turcato ge stae dò a le mesane, Martina Verra a le popolare e la prof.a Barbara Bellin a la scola auta. Voi ge sporjer n gran develpai a duc i dozenc, ma ence a dut l personal che se dasc jù per l ben de noscia bela scola. Se i bec pel tor part a na sdragola de bele scomenzadive l’é perché vindò l’é l gran lurier di dozenc e del personal de segreterìa. A duc i scolees, ai studenc, al personal de la scola, e a le familie voi ge sporjer i più bie augures de n seren e percacent an de scola, rich de bele sodesfazion.” N develpai a la Sorastanta per sia desponibilità coi augures a duc de n bon an de scola. Intervista de Monica Cigolla www.lauscdiladins.com

29


Fascia

nr. 36 / 14 de setember 2012

Stolc de nosc bel guant ladin! Ence chest an la gran Festa da d’Istà à binà a Cianacei gropes de folclor e musega e jent da duta la valèdes ladines, te na giornèda maraveousa che à uzà fora l valor de l’identità, del volontariat e de l’union

N muion de jent se à binà te Pian de Parèda per l conzert de duta la museghes adum. (Foto Anton Sessa - www.dolomitipic.it)

Cianacei - Ence per chest an, descheche vel noscia tradizion, l Grop de la Paic Marmolèda à tirà con sia paicenèdes l’atenzion de duta la jent ruèda a Cianacei en domenia ai 9 de setember per la defilèda che à sera su la 33° edizion de la Gran Festa da d’Istà. I era passa trenta i gropes che à tout pèrt a la defilèda e che à portà cultura, guanc da zacan e vives colores anter la strèdes del paìsc per la defilèda de chest an. Museghes, gropes del folclor, autoritèdes, paicenadores e popolazion à defilà stolc de fèr pèrt de chesta gran comunanza. Duc se à dat n gran da fèr i dis dant de la defilèda a averjer la crignes e i armeres per desgaidèr i camejoc, incolèr bechec e soprescèr gramièi e fazolec; tor cà voies e tremoi, fosc pissan con l cher ai giaves che ne à lascià chesta

ritajon, fata no demò de cedeneles e pontapiec ma ence de cultura e de amor per noscia reijes. Pissèr con cotanta fadìa e sacrifizie che i é stac bogn de comprèr seides preziouses per cojir fazolec e gramièi per la ocajions de gran emportanza. Ence i bec, simbol de nosc davegnir, con orgolie se à tirà ite l guant, fosc doventà mìngol più curt respet a l’an passà ajache i é duc vegnui più gregn; i à grignà dedant ai aparac da fotografèr de la jent del post e de duc i ghesć endèna che i passèa fora per la strèda a pé o senté su n bel caret da n’outa. L’é nosc dover i didèr a se sentir semper stolc de sia reijes, a portèr inant dut chel che nesc giaves ne à lascià desche ritajon ma soraldut a ge ensegnèr l segnificat de chel che i à tel dos, de coche chisc guanc

l’é n melaur da vardèr via con respet. L’é nosc dover ence ge trasmeter la emportanza fondamentèla che à nosc bel ladin, lengaz che raprejenta noscia mendranza e che l’é l prum pas per portèr inant la cultura de n paìsc. I gropes del folclor e la museghes ne fèsc compagnìa ence via per l’an; endèna la manifestazions podon mirèr strumenc, bai e colores. I guanc somea vives, i se viventea e i se mef e l’é semper dassen gustegol i vardèr. Te chesta ocajion volesse envièr duta la popolazion, femenes, omegn e bec, a no lascèr seré ite ti armeres i guanc da zacan fin a la defilèda de n auter an, ma a s’i tirèr ite ence via per l’an, en ocajion de festes e procescions. Aldelà di gropes, l’é stat fat sù con dedizion e empegn trei cères

dassen bie, doi de chisc é stac enjigné da Alex Badiot e Babo da la Zoch en colaborazion col Grop de la Paic, e un dai Conscric del 1994, leé da n gran spirit de amicizia che l li à biné ensema per na setemèna entria a se troèr e a lurèr per enjignèr zeche de piajegol. La defilèda é fenida tel pra dedant al tendon olache l’é stat l descors de l’ombolt de Cianacei Mariano Cloch, che à portà ence l salut de la Procuradora Cristina Donei che no à podù esser aló en chela dì, del President de l’APT Enzo Iori, del Conseier Provinzièl Luigi Chiocchetti e de la presidenta de l’Union Generèla di Ladins dla Dolomites Elsa Zardini e dapò, desche vigni an, la museghes à sonà sie toc duc ensema. Noscia bela Dolomites à fat da cornisc a na giornèda maraveousa, con l ciel depent de n bel brun fort

e, su la notes de l’Inn Ladin, someèa béleche che l Pordoi ne grignassa (descheche à dit l prejentator Giorgio Pedron) a voler segnifichèr che noscia tera tant preziousa la ne disc develpai ajache porton inant tradizions e cultura e soraldut l’union anter noscia jent. Per serèr su, no percheche l’é manco emportant ma belapontin percheche l reste zipià ite de nos, cognon rengrazièr l President de la Gran Festa da d’Istà Silvano Planchensteiner, i studafech, la Crousc Biencia ma soraldut duc i volontadives che à lurà con pascion e che ne à moscià ence te chesta ocajion coche l’union e l volontariat sie pèrt de la cultura de noscia jent.

Gropes de folclor e n muie de jent da duta la valèdes ladines à viventà Cianacei coi colores de si guanc te na bela di de soreie. (Foto Anton Sessa - www.dolomitipic.it)

30

www.lauscdiladins.com

Debora Scola Assessora a la cultura del Comun de Cianacei


Fascia

nr. 36 / 14 de setember 2012

N bon bilanz per Fascia MTB A la fin de la sajon da d’istà aon domanà fora l president e l canzelist de Fascia MTB, Mauro Tarter e Sabino Savaris, che i ne à palesà la sodesfazion per l smaorament de raides con la roda da mont, ma ence l besegn de na maor colaborazion che l’é Fascia Bike (da l’an passà spartì anter Fascia Bike e Fascia MTB) e da enlouta l’é jà stat fat n muie. Apede a duc i parches, sion rué chest an a aer 22 guides, empegnèdes béleche duc i dis.”

Mauro Tarter e Sabino Savaris de la sociazion Fascia MTB.

N grop de guides dò na prejentazion te piaz de sia atività, l’aost passà.

Turism sportif - Stroz per nesc monc con la roda, entornvìa l Sela o fora per la strèdes zenza trafich de noscia val, vidé da guides espertes che dèsc segureza. Apede a chest dut l mond di colores de la natura, de la crepes e i saores del bosch che i muda ogne dì, a seconda del temp, de la setemèna e del meis. Crepes e paesajes riches de cultura, de noscia cultura ladina. L’é chest chel che met dant la guides de roda da mont. Raides, segureza, sensazion e cultura. N setor che an dò an l’é semper più emportant, ma che aessa debesegn de na maora colaborazion con dut l setor turistich. Sion jic a domanèr fora Mauro Tarter, president de la sociazion Fascia MTB e l canzelist Sabino Savaris che ne à contà de la situazion de la sociazion che tol ite en dut 22 guides. Tel diretif, apede Mauro e Sabino, l’é l vize Cristian Brunel “Fangio”, Prisca Castlunger e Susanna Cloch e dapò l’é: William Basilico, Alessandro Cagnasso, Tommaso Cappelletto, Andrea Casari, Diego Cazzaniga, Alessandro Dantone,

Mauro Tarter: “Cognon ence dir che canche l’é ofertes, canche la jent no cogn paèr, per noi l’é più senester se raportèr coi clienc. Vedon che canche l’é per nia no l’é la resposta, no l’é l valif raport. Aboncont, i nesc l’é numeres basc, ence a confront con chi de Gherdena, che la portarà 3 mile jent entornvìa l Sela.”

Andrea Dantone, Dino Davarda, Stefano Davarda, Elia Detomas, Tania Detomas, Stefano Martinello, Adriano Primus, Luigi Rasom, Roland Rasom, Matteo Soraperra e Simone Valeruz. Co éla jita la sajon? Sabino Savaris: “La é jita n muie ben e no la é amò fenida. Ades, ampò, somea che sie amò jent amàncol enscin ai 23, canche i impianc portamont sarà averc, e se de otober l’é bon temp aon vèlch ence ló enceben che enscin ai 16 la raida del Sela é averta con duc i impianc, dai 17 ai 23 sera l’impiant da Corvara a Gherdena, e chi de Porta Vescovo e Fodom. Sarà da jir sun strèda. Enscin ai 3 de setember chisc l’é i dac: l’an passà te duta la sajon l’é stat 431 persones e chest an sion jà a 607. La raides del Sela (da duc doi i versc) l’an passà les era 47, chest an 72 e l’autra sorts de raides (cheles chiò te val) é smaorèdes da 12 a 26. L dat é jit en ju tel setor de la raides coi bec e chest percheche chest an l’Apt no l’à più paà l’aviament a la MTB che l’an passà l’era per nia.”

Perché pa? Mauro: “Per desvaliva rejons. L’Apt de Gherdena ge dèsc semper n azet ai giornalisć che vegn e, al moment, fosc noi sion jic a chierir sfoes spezialisé, che donca i à n marcià de referiment. Da l’autra, l’é stat spent per l sostegn a la roda con la Trentino SpA, ma l’é semper mìngol de concorenza anter paìjes, valèdes e n muie de outes l’é dut lascià a la libera scomenzadiva. Vin Gherdena i é più colaboratives. No i se à mai serà e i ne à fat saer de duta la scomenzadives, desche Sellaronda MTB Tour portà dant da Gerhard Vanzi, responsabol marketing del Dolomiti Superski e dapò ence Ellis Kasslatter (presidenta de l’Apt de Gherdena),

la proa semper a esser colaborativa. No la se met mai al de sora ma la cer de rejonèr. Tanta de oute bastassa ence esser mìngol più ùmoi e chierir de se confrontèr. Da na man volesse spenjer percheche se cogn dassen creer te chest projet. Endèna l’é svilupà demò al 50% te Fascia. No die che no sie stat fat nia, ge menciassa, ma l’é persones che deida, che risia n muie ence a livel de responsabilità personala e chest vèlch outa no l vegn entenù. Scuerjon duta la val, da Moena a Penìa, ma é l’imprescion che creèr grop l’é n problem, enceben che podessa esser n marcià emportant.” Sabino: “Via per l’istà l’é vegnù fora ence dai sfoes. L diretor de l’Apt de Fascia Andrea Weiss aea dit che se se à salvà ence de gra a la roda da strèda o da mont. L’é ence jent che vegn da fora, apede che l marcià todesch, col bike park l’à scomenzà a vegnir jent da l’Irlanda e da l’Inghiltera che l’é semper paìjes de referiment per la roda da mont. Per chel che vèrda Gherdena l’é da dir che ic à maor esperienza, i é tel ciamp da più egn. Chiò l’é sie egn

Donca un pel se fèr la sajon col lurier de guida de roda da mont? Sabino: “Ades, chiò te Fascia, no amò. Se fossane de pec se podessa risćèr. Ampò sion dò che vedon che, enceben la crisa, la é jita n muie ben. Fosse stat content de confermèr i dac de l’an passà, ma i aon ence smaoré. Con na bona reclam, col diretif che laora, col presenzièr a dotrei manifestazion e festes te paìsc (Entorn Vich, Cianacei sot la steiles, Te anter i tobié) aon lurà ben. L’é n empegn che te porta via n muie de temp e se l fèsc ence per pascion, nos sion contenc, sion n bel grop.” Mauro: “Magari a la jent del post volassane ge dir che i vegne da noi, i domane, i se tole material e i se enforme, che i sie mìngol più colaboratives a portèr dant la raides con la roda. Dapò no se trata demò de jir con la roda, canche jon i enformon su la segureza, su l’ambient dintornvìa. Chest an adertura n client l’à troà na brija... sion jic te n refuge e se aon fat far na pasta!” Sabino: Canche se va stroz, se se ferma, se ge dèsc ence informazions su la storia, su la cultura del post. L’é chest che ne enteressa a nos, e no demò la roda da mont. No sion ló per fèr na gara.” Ve dèjela sodesfazion donca voscia profescion? Sabino: “A mi scì.” Mauro: “L’é n muie bel. Dapò stèsc ence se un l vegn e l vel se relazionèr o manco. Desche d’invern. Se l vegn e l se speta che tu ge vide la roda o se l vel se meter en jech. Duc nos sion vertesc a dèr l 110%, e gé veide che se te dès, segur te ciapes ence de retorn.” (vr)

Fascia MTB deida la LILT Na raida con la roda per recordèr Fiorenzo Detomas, didèr la LILT e fèr cognoscer la raida del Sela con la roda a duc. Per endrez de Fascia MTB en domenia ai 16 de setember sarà na dì de festa per duc i pascioné e chi che volessa proèr la roda da mont entornvìa l Sela. Se pontarà via da Piaz Marconi a Cianacei, ló da l’ofize Fascia Outdoor e dapò se jirà en su e per dut l dì se restarà sa mont con la roda. “Chesta scomenzadiva – ne à dit Sabino Savaris - é nasciuda prum de dut per recordèr “Fiore” ajache el l’é stat un di promotores de la roda chiò te val. L’é semper stat na persona desponibola, l’à semper dat na man con la rodes, coi toc da cambièr fora e l’aea ence de bela idees. Fin a canche no l’é stat mèl l’é stat tel diretif del Fascia MTB. L’era da scombater con

el, perché l’era na persona zaca, ma l’era propositif e l’aea n muie de idees. L te stimolèa”. A conferma de chest, Mauro Tarter, president de Fascia MTB, l ne disc che Fiorenzo “l’era un che la robes l te les dijea sul mus, con el l’era confront. Te noscia realtà l’é sorì esser taché. L’é jent che speta demò che le robe les vegne fates e les é semper prontes a critichèr, enveze che se meter en pruma persona con idees e responsabilità”. Coscita i à volù recordèr Fiorenzo Detomas e tel medemo temp ence didèr la LILT, la Lega contra i tumores. L terzo motif che à spent la Fascia MTB a endrezèr chesta dì l’é stat dapò ge dèr l met a la jent del post de cognoscer la raida del Sela “ades che l’é manco jent – i

ne à dit – e manco da fèr per chi che laora tel turism. Sion stac bogn de ciapèr n rebas del 50% sul bikepass e nos ge domanon 10 euro a persona; dapò chi che vel pel ence meter de più, e chi che no vegn pel fèr ence donazions. Chesta zifra simbolica la vegnarà touta sù e manèda a la LILT. Speron che sie bon temp... chel l’é la basa. Faron la raida più sorida. La jent che cognosc mìngol la roda pel vegnir duta. Se se fermarà a magnèr al Refuge Pralongià che l’é doventà partner de la scomenzadiva, ajache ence ic i darà sie contribut a la LILT. Sarà prejent ence Mirko Deflorian e dapò fosc ence Stefano Gross e Cristian Deville. Se pel troèr informazion te la piates info de chest numer de La Usc o sul sit: www.fassabike.com.

Fiorenzo Detomas del 2010 endèna na garejèda.

www.lauscdiladins.com

31


Fascia

nr. 36 / 14 de setember 2012

Per didèr i malé de Fascia

Transdolomites va a idrogen

La reliquia del Beat Jan Paul II, venerèda chisc dis passé te la gejies de Poza e Pera, é stata portèda ence te la Cèsa de Paussa

La sociazion tol pèrt a la seconda edizion de Klimamobility per prejentèr neva formes de mobilità sostenìbola

La reliquia del Beat Jan Paul II é stata portèda ence te Cèsa de Paussa a Sèn Jan dal decan don Giuseppe Da Prà e da don Luigi Trottner.

Devozion - La reliquia del Beat Jan Paul II, stata per dotrei dis a Poza e Pera per esser venerèda da duc i fidei de la Val, fata vegnir dal Decan Don Giuseppe Da Prà, la é ruèda ence te Cèsa de Paussa a Sèn Jan en mèrtesc ai 21 de aost, dant de la messa da mesa les cinch. La reliquia é stata azetèda, tant da la Direzion che da duc i ghesć de la Cèsa de Paussa con gran legreza e na fona venerazion. Duc i se à metù en fila e un a un tel lonch portech ite dret, i à preà

ensema e i à scutà la reflescions del Decan e de Don Luigi. No l’é mencià na orazion emportanta al Beat dant de la benediscion e dò da chest, ogne persona à podù se arvejinèr e bossèr la reliquia. L’é stat n moment rich de comozion veder la devozion de duc chenc tedant a la reliquia per domanèr grazies e portèr la speranzes che ogneun à volù palesèr daìte de so cher. La curta funzion é stata serèda sù con na bela ciantia a la Madona

e dapò l’é stat dit messa te la capela de la Cèsa de Paussa. Tinùltima a duc chenc ge é stat donà na sènta del Beat, con na orazion de venerazion e de aiut. La preziousa reliquia é stata dapò portèda da nef te gejia de Pera per de autra ores de orazion e de vea. Dò da Fascia, la reliquia é stata amò a Canal d’Ègort en ocajion di festejamenc per i cent egn da la naa del “servidor de Die”, Papa Jan Paul I. Arturo Rasom de Gotart

Se stima che l numer de auti sun per sostegnir l’idrogen desche noscia strèdes passarà dai 900 carburant ecologich del davegnir. milions de aldidanché ai 2 miliarc Busan l’é la soula tapa talièna del’H2 dant de la metà de chest secol, con Road Tour che da la Svezia, una de n gran smaorament de la domana la pruma regions te l’Europa olache de energìa. Amò apede ge vel dir l’idrogen é a la leta e l vegn durà te che auto e camion l’é i responsàboi na rei de stazions de reforniment, de n chèrt de duta la emiscions de tociarà la zitèdes più “verdes” de CO2. Te chest contest se fèsc prest l’Europa. L’enteress per Busan da a entener che ge vel chierir e man de la H2 Road Tour l vegn sostegnir neva formes de mobilità, percheche chiò l’é en projet l prum che vèrda a la sostenibilità e la impiant de idrogen, n impiant che energìes renovaboles per n davegnir à jà soscedà gran atenzion te più net e più san. L’é chest un di l’Europa. ciampes de inter vent de Amò apede en jebia ai 20 de Transdolomites che dai 20 ai 22 de setember vegnarà endrezà n setember tolarà pèrt a la seconda congress dal tìtol “Vijions e projec edizion de Klimamobility, l salon atuèi de mobilità sostenìbola”. Se internazionèl de la mobilità rejonarà de mobilità eletrica e sostenìbola, che vegn endrezà a vegnarà prejentà n projet de Busan ensema con Klimaenergy, a mobilità sostenìbola per l’A22: dal chel che tol pèrt passa 200 firmes metan a l’idrogen per n portech da la Tèlia e foravìa co la prejenza vert. de passa 8.000 operatores del setor A Klimamobility se podarà proèr e aministrazions publiches. i mesi sostenìboi a 2, 3 e 4 rodes e Ence chest an Transdolomites cognoscer duta l’atività de sarà a Busan con n stand per Transdolomites. Te sie stand (l nr prejentèr la mobilità sun scines e C 18/06) se podarà veder la neva autra formes de mobilità sostenìbola, Panda a idrogen-metan, la pruma la metarà a la leta de la jent materièl del Südtirol. Se trata de n prototip video dedicà ai carburanc de meso ecologich che va a metan/ alternatives e la ge darà alberch al biometan/idrometan e desche projet european Biomaster. Se trata scomenzadiva la nasc da la del prum projet te la Tèlia dedicà colaborazion anter vèlch firma del al biometan per autotrazion. Südtirol e l Zenter enrescida FIAT. Te chesta seconda edizion de Klimamobility se podarà confrontèr la prestazions di mesi eletrics, “ibridi” e a idrogen e troèr informazions su la neva tecnologìes e sui projec de mobilità sostenibola. A Klimamobility tolarà pèrt ence l tour “eco-friendly” endrezà da H2moves Scandinavia N autobus che va a idrogen.

Chi él pa? Soluzion del retrat su La Usc nr 35 del 2012 L retrat publicà su l’ùltim numer de La Usc di Ladins ne era stat portà da Carletto Rossi del Baila, che l ne à dit che l’era stat fat del 1980, canche ja Soraga i aea benedì l confalon. A ne responer l’é stat Carla Rossi del Baila, Giuseppina Rossetti, Valentina Zanon, Beatrice Rossi del Baila, Franca Trottner de Uc, Giulia Zulian, Rita Brunel de Nando de Bora, Andreina

Locatin de Patron, Lodovica Zacchia, Antonietta Pederiva, Dolores Pederiva e Lino Soraperra Medico. I ne à dit ence che i numeres 1, 3, 6 e 12 no i é più vives. Sul retrat l’é: 1. Luigi Pederiva de Teta, “Gigio de Dado”; 2. (mìngol senestra da cognoscer fora) per Carla, Andreina e Beatrice l’é Giuliana Degasper de Checo (sor de la n. 10), per Giulia enveze l’é Antonella Pederiva (sor del n. 16)

e per Rita l’é Francesca Pellegrin; 3. Rosina Brunel de Cela; 4. Ernesto Brunel de Cela, fra de Rosina; 5. Alice Dolores Decrestina de Lucol; 6. Celestina Pederiva de la Romana; 7. Rita Rossi del Baila; 8. Rinaldo Depozza de Checo de Costanz; 9. Renzo Zulian de Alberto dal Sester; 10. Rosa Margherita Degasper de Checo de Śino; 11. Carlo Zulian de Luigi de Caio (fi de la n. 15); 12. Roberto Brunel de Nando de Bora;

13. Manuela Rossi de Simonin del Baila (fia de la n. 14 e sor de la 19 e de la 22); 14. Giulia Zulian de Alberto dal Sester; 15. Flora Decrestina de Lucol; 16. Agostino Pederiva de Tone de Veronica; 17. Giovanni Pederiva de Micelin de Fronz; 18. Alida femena de Marco Decrestina de Lucol; 19. Cristina Rossi de Simonin del Baila; 20. Elvio Pedergnana; 21. Carla Rossi del Baila, fémena de Elvio; 22. 23

4

20 3

27

17

19

18

8

6

Chesta setemèna, ajache l’é tacà la scola, ve meton dant n retrat de scolees. Ve envion a ne dèr voscia resposta dant da lunesc sera te redazion, ence per telefon o fax al 0462.764545 o per mail a la direzion lausc@ ladinsdefascia.it.

25

24

21

22 1

26

Alberta Rossi de Simonin del Baila; 23. Grazia Barbacetto; 24. Fernando Brunel de la Riza.

16

10

14 15

5 2

7 9

11 12 13

32

www.lauscdiladins.com


Atualité, Minonghes y Letres

nr. 36 / 14 de setember 2012

Scoles de Mujiga va inant da la pruma plata

di dërc y dla pesc soziela te nosc raion. La Provinzia à tosc ulù stlarì n valguna cosses. Ma cun chël ne n’iel nia dit che n ebe fat drët, dijons nëus. Repurton tlo l comunicat dla Provinzia: „La Jonta provinziela ie stata a una per n’acurdanza danter l assessëur ladin y l’assessëura per la scoles tudësces che l’aministrazion dla scoles de mujiga ladines ne vënie nia despartida dala scoles tudësces. Al assessëur Mussner ti uniràl garantì l dërt de rujené pea te

cuestions urganisatives y pedagogiches.“ Nëus dijon: chël ie bën da speré, chësc dërt àl bele tres si ncëria istituzionela, l fossa mo bel sce n ulëssa ti tò monce chël! Inant l comunicat: „Nchinamò ie la scoles de mujiga di luesc ladins unides aministredes dal Istitut per educazion mujighela tla rujeneda tudëscia y ladina. La Jonta provinziela ova fat ora de raziunalisé l sistem de aministrazion y de ntegré l’aministrazion dla scoles de mujiga ti departimënc de furmazion dla trëi grupes de rujeneda. La scoles de mujiga de Gherdëina y dla Val

Badia, à per si situazion de mendranza, de mëndra cumpëides. Per mantenì l bon lauré di ani passei à la Jonta provinziela azetà che la scoles de mujiga di luesc ladins ne vënie nia despartides dala tudësces.“ Azetà?, damandons nëus: ma chi se l à pa damandà? Tl comunicat vëniel scrit inant che “l ie bën drët che i ladins posse nstësc aministré si pert, à dit Durnwalder do la senteda dla Jonta, ma l ie nce drët che l’aministrazion possa jì inant a na maniera da garantì la miëura cundizions per sculeies y nsenianc. L’acurdanza

danter i assessëures Florian Mussner y Sabina Kasslatter Mur dëssa udëi dant che la denuminazion dl’ufize de aministrazion tole ite la grupa tudëscia y ladina. L assessëur Ladin dëssa giapé l dërt de rujené pea te cuestions de urganisazion, tla pert pedagogica y tl mëter a jì dla cunlaurazion.“ Mo na ultima cunscidrazion n con’ dla sinergies: sce n muessa sparanië y mëter adum la istituzions - nce sce l ie mo dut da udëi cie che se n dij i taliani de Südtirol - pona muessa chësc unì fat tl respet dla denità de uni grupa. La grupa ladina

pudëssa te chël cuntest, mpede unì mé ntegreda, nce avëi na funzion mpurtanta, na funzion istituzionela de fé da puent danter la doi majera grupes, cun ncëries nce aldò, per i ladins. Ntan che son tl lëur de finé chësc comentar - l ie puech dant che jon n stampa - vëniel ite la cherdeda da Bulsan: Florian Mussner manda na si tëuta de posizion n con’ dla Scoles de Mujiga. Son bele curiëusc de audì si minonga mandeda ite tres comunicat (cëla tlo dessot). David Lardschneider

Scoles de Mujiga La tëuta de posizion dl assessëur provinziel ladin Florian Mussner L ne n’ie nia che la scoles de mujiga tudësces y ladines se ësse svilupà dut autramënter la unes dal’autres. Al cuntrer: la storia che les lieia va de reviers nchin tl 1977 y ie cundechël bele 35 ani longia. Var do var àn te chisc 35 ani svilupà deberieda la scoles de mujiga, les purtan al livel che les ie ncuei. Ie son a uni moda cuntënt che la scola de mujiga ie da una na pert stata bona de ti tramandé ala generazions jëunes la tradizion y la cultura, ma de vester, dal’autra pert, nce davierta per l nuef y l’inuvaziun. Chësc mostra che l manejamënt y l’aministrazion dla scoles de mujiga funziunea drët bën, te chël che truep ie unit arjont debierieda zënza che l’autonomia dl’autra grupa de rujeneda fosse unida metuda n descuscion. La scoles de mujiga tudëscia y ladina à nsci pudù svilupé dal scumenciamënt inant si carateristiches y particulariteies zënza desmincë cie che les liova y lieia – y l ie iusta chël che nëus ulon cialé de renfurzé y sustënì inant. Ne dausson defati nia desmincë che propi la mujiga

Vidules.

ie n’ert che se noza de na rujeneda universela che duc y dutes capësc, na rujeneda che porta adum la persones y che ne les despartësc nia. Nce perchël ne dassëssen nia rujené de na scola de mujiga che despartësc la trëi grupes de rujeneda, ma n messëssa vester boni de ruvé a una na scola de mujiga de Südtirol. Chësc fajons nuzan miec la

sinergies: p.ej. cun na majera mubltà dla stieres y dl personal nseniant o tres cursc de ajurnamënt per i maestri de tramedoi grupes de rujeneda adum. Da desmincë ne n’iel oradechël ënghe no che nia manco che 30% de duc i mutona dla valedes ladines va a scola oradecà te scoles nia ladines. Nce a d’ëi ons pensà n ucajion de nosc reurdinamënt.

Dales zentrales di partîs politics

Ie pa l ambolt a una cun Heidi Rabanser? cun l ne respeté nia i jëuni? L me sà na granda che na assessëura de chemun se tol la lidëza de ti frì su a inuem di jëuni da Urtijëi a na persona de tëmp per si argumentazions fundedes. Tan deplù che Georg Moroder ne à nianca no trat ca l Chemun de Urtijëi. I jëuni ne n’ie pa nia nscila sciche si reprejentanta, i se rënd dessegur cont de avëi fat fuera nchin tert y son segur che per n proscimo iede se fajerài vel’ pensier de co fé autramënter. Stefan

Piccolruaz, che à scrit n articul dla festa dl jol, à bele dat da ntënder velch de chël viers, canche l à udù ite che i ujins y duta la jënt pudëssa se avëi sentì desturbei. L muessa vester che monce l ambolt de Urtijëi ie a una che na si assessëura ti fir tan permez a n zitadin privat che dij si minonga, scenó ëssel bën dit zeche. Walther Kasslatter Ladins Dolomites

Scoles de mujiga ladines Les scoles de mujiga dla Val Badia y de Gherdeina é passedes sot a l’Intendenza Todescia. Chest n’é ben nia da creie, ma a la é enscì. Cie à pa l Assessour Mussner fat? Olà é pa dut l interes per

l’autonomia ladina? Chesta é la desmostrazion de tant puech che al vegn tegnì sun les istituzions ladines y sciche al vegne tres porté inant na politica dles assimilazions. Ladins Dolomites se damana

Florian Mussner.

mpurtanza crì sinergies – nce ajache la ressurses che vën for mëndres y mëndres muessa unì nuzedes miec. Y la sinergies à l plu fazion canche les mët tl zënter la carateristiches positives de tramedoi sistems. Florian Mussner

Scoles de Mujiga

Festa dl jol Tla USC di 24.08.2012 à Georg Moroder scrit na lëtra n cont dla fuera che ie unida fata pra la festa dl jol nchin la 3 daduman. Tla USC dl’ena do se àl giapà na resposta drët dalaimel da pert dl Chemun de Urtijëi tla persona dl’assessëura per i jëuni Heidi Rabanser, che ti à trat dant de scrì zënza fundamënt y de ne respeté nia i jëuni de Gherdëina. Me damande: cie à pa l ulëi durmì de nuet da n fé

Ne ntënde nia drë’ la tëma nunzieda n ch’sta di che tres l reurdinamënt pudëssel se purté pro svilups negatifs per la tradizion y la cultura ladina pervia che n se „sotmetëssa“ ala Ntendënza tudëscia. Dut auter sarà l cajo: iusta n basa ala bona cunlaurazion cun la Ntendënza per la scoles, che vën perauter nce laudeda dai diretëures dla scoles de mujiga dla Ladinia, puderons renfurzé nosta scoles de mujiga y cundechël la tradizion y la cultura ladina. Nce la mpurtanza dla Ntendënza ladina ne unirà a chësta moda per nia smendrida. La parteziperà y cunlaurerà ativamënter y la scoles de mujiga nstësses meterà a jì autonomamënter proiec y scumenciadives p.ej. cun i ladins de nosta provinzies ujines. Chësc meterons nce per scrit te na cunvenzion aposta cun la Ntëndenza. L reurdinamënt passenea n generel te n cheder plu lerch, pervia che vivon te n tëmp te chël che l se destanzië y se ijulé dai autri ne n’ie segur de no la drëta streda, ma l ie al cuntrer de

perchel tl dert dla sconanza dla mendranza ladina che les scoles de mujiga ladines passe sot a l’Intendenza Ladina. Albert Pizzinini, Ladins Dolomites

A liejer l articul “Adio ala Scoles de Mujiga” pudëssen miné che l ie stat la Scoles de Mujiga tudësces a ulëi se dlutì nce la Scoles de Mujiga ladines. Chël ne curespuend nia ala urità. Mo ai prim de setëmber me dij l presidënt dl IME Walter Stifter che ëi ne se à mei ficià tla dezijion de coche l dëssa unì reurganisà la Scoles de Mujiga ladines. Ël me à nce dit che nchin ai prim de setëmber fòvel nce ël

dla minonga che la Scoles de Mujiga ladines ruvëssa tl Ressort Cultura y Scola ladina. Perchël ova ëi bele denuminà si repartizion “Bereich Deutsche Musikschulen”. Śën ti savova chësc bëndebo’ da ulëi mel y l à dit che ala lum dla dezijion definitiva dla Jonta Provinziela messeràn udëi sce la denuminazion possa resté nscila. Theodor Rifesser, Urtijëi

Paiamënt maestri I paiamënc di nsenianc unirà adatei Scola - La Jonta provinziela à te si senteda di 10 de setëmber dat pro l adatamënt dl cuntrat culetif provinziel cun n aumënt de 0,6 nchin a 1,35 percënt. Per plu ani iel unì pustejà n con’ dl adatamënt di paiamënc di nsenianc y ntant fova dut resta fërm. Śën iesen ruvei a una cun i sindacac de auzé i paiamënc de 0,6 percënt per l tëmp dal prim de lugio 2009 al prim de

auril 2010 y de 0,75 percënt do l prim de auril che fej ora de ndut n aumënt de 1,35 percënt. “A chësta maniera iel unì cunzedù n aumënt nchin al 2010 canche l Stat ova fermà i aumënc per nsenianc,” à dit l presidënt Durnwalder do la senteda dla Jonta. L paië do di aumënc dan l 2010 ti costa ala Provinzia feter 500.000 euro. (ufize stampa provinziel) www.lauscdiladins.com

33


Sport

nr. 36 / 14 de setember 2012

Na domenia negativa per l Fascia Balon La Val Badia é ćiamò à 0 punć Te la seconda partida del campionat demò i Arleves à portà a cèsa n pont. La pruma squadra à perdù 1 a 0 fora Ciavaleis

Cristoforo Debertol capitan de la pruma squadra del Fascia.

Balon 1^ cat. - Chel passà l’é stat n fin de setemèna dassen negatif per la squadres de balon del Fascia. Su cater formazions empegnèdes, demò i Arleves à menà a cèsa n pont aldò del resultat dai vegères de contra al Civezzano. La Eles à perdù per trei a nia contra l Bozner, la Juniores à perdù 3 a 1 contra l Piné e la pruma squadra à lascià fora Ciavaleis duc e trei i ponc,aldò del un a nia a vantac di patrons de cèsa del Fiem. Se se spetèa na gran partida tel prum derby del campionat, ma coscì no l’é stat, tant da man di fascegn che da man di fiemaces. L prum chèrt de ora vegn jià da la doi squadres zenza risćèr nia, chierian de capir olache l’é l pont débol de l’aversarie. Passa etres

cinch menuc e mister Cigolla cogn jà cambièr fora Federico Deluca, azidentà a l’enjola, e mudèr l’endrez te mez al ciamp, tiran endò Bosin e lascian i trei joegn Pezzei, Amplatz e Ganz a manèr inant l jech. Chest mudament no à joà n muie ai ladins, che à scomenzà a padir l jech di patrons de cèsa e a falèr beleche duc i passajes. Aboncont enscin a diesc menuc da la fin del prum temp, no se à vedù ocajions da gol, fin al don fat dai defensores fascegn a l’atacant da Ciavaleis Valle, che se à troà zenza saer co, soul contra Cincelli, trefan l’un a nia. Ciapà l gol, Debertol e compagnes à chierì sobito l pont de la parità, ma la trata de cef de Ganz, a un menut da la paussa, la é fenida fora de n sofie. Tel secondo temp i joegn de Fascia i se à sproà maormenter, jian beleche semper tel mezciamp di aversaries ma, l’imprezijion ti passajes e l pech mever di atacanc a fat scì che l portier de cèsa no abie abù da se cruzièr trop. Zenza emozions l’é passa coscì ence i secondi carantacinch de jech, lascian forin Fiem trei ponc e legreza e te Fascia ira per l burt jech metù a jir e despiajer per i ponc perdui. Chesta domenia la formazion del President Ghetta chierirà de se refèr, sa Vich contra l Verla, da mesa les cater. Da la medema ora la Eles se batarà a Isera. I Giovanissimi da

mesa les undesc jiarà a Albian. Juniores e Arleves jia enveze doman, sabeda ai 15: al Cotura da les 6 contra la Vigolana i prumes, da les 5 a Ischia de Perjen i secondi. Cristoforo Debertol Fiem – Fascia 0 a 1 Formazion Fascia: Nicolò Cincelli, Nicola Rizzato (30 s.t. Matteo Cigolla), Cristoforo Debertol, Federico Deluca (10 s.t. Gianmaria Ganz), Manuel Bernard, Davide Bosin, Bruno Amplatz, Simone Bolgiani, Stefano Brigadoi, Michael Pezzei, Patrizio Cigolla. Alenador: Luciano Cigolla Classifica 1. categorìa jiron C Piné 2 partides 6 ponts Fiemme 2 partides 6 ponts Calceranica 2 partides 4 ponts Fascia 2 partides 3 ponts Aquila Trento 2 partides 3 p. Povo Scania 2 partides 3 ponts Dolomitica 2 partides 3 ponts Telve 2 partides 3 ponts Verla 2 partides 2 ponts Valsugana 2 partides 1 pont Ortigaralefre 2 partides 1 pont Vattaro 2 partides 1 pont Bolghera 2 partides 1 pont Cauriol 2 partides 1 pont

Inće tla secunda partida 0 - 0 Simon salva le resultat cun la parada de na puniziun dai 11 metri fej fora la desfarënzia. Rina proa dassënn da druchè, mo combina püch y nia. La scuadra de ćiasa vëgn tres plü prigorosa dan porta dl Rina. Al 75^ menüt vëiga l’arbiter Crepaz n fal de man de n defensur dl Rina t’area y cunzed la gran puniziun. Simon para la trata de Röck. Dedô ciafa Türesc ćiamò plü coraje, drüca dassënn inće de 10, retlamëia ćiamò n iade la puniziun dai 11 metri, mo l’arbiter dij de no. Insciö se röia plan plan la partida, i śogadus dl Rina mëss ala fin ester plü co contënć cun le resultat. N püch da se cruzié él bel plan, che al ne gareta degügn goi. Magari garêtera chësta domënia te ćiasa cuntra Aicha. La scuadra da Rina por chësta sajun 2012-2013.

Palê Rina/2a cat. - Sot n gran ćialt à les döes scuadres Türesc y Rina lascè odëi n jüch püch divertënt, cun ala fin le resultat de 0 - 0. Cuntra Türesc à Rina ti ultimi agn scialdi fat bun. Insciö é i śogadus de Wolfi inće en chësc iade jüs te ćiamp cun la convinziun de fà punć. Desco dagnora  pëia ia Rina cun gran druch, vëgn defata prigorusc dan porta pustra. Al 18^ menüt tira David na bela puniziun de pröma, le coran vëgn delôt dal portier tl piz de ćiamp. Al 22^ menüt à la scuadra de ćiasa la gran ocajiun da

34

www.lauscdiladins.com

passè en vantaje: impröma fej Simon na gran parada, sön la rebatüda tira l’atacant Dalla Santa püch sura stangia de porta fora. Tl rest dl pröm tëmp él ćiamò da odëi da intrames les perts val’ debla trata sön porta, mo nia deplü. Tl secundo tëmp é sön la cherta la scuadra ladina defata vantajada. Al 15^ menüt ciafa le defensur da Türesc, Demattia Daniele, la secunda cherta ghela y mëss lascè la ćiamp. Por na bona mes’ora śoga Rina cun na porsona implü, mo chësc n’é nia da conësce. Türesc fej n mudamënt, mët te ćiamp l’albaneje Kolaj, che

Prestaziun debla cuntra n Raiscia dër agressif

Türesc - Rina 0 - 0 Formaziun dl Rina: 1. Simon Winkler, 2. Alfons Facchini, 3. Paul Pisching, 4. Jordan Tavella, 5. Thomas Huber, 6. Lorenz Rungger - capitan, 7. Christian Ferdigg, 8. Georg Craffonara (dal 82^ Filip Ploner), 9. David Huber, 10. Daniel Ferdigg (dal 67^ Richard Costisella), 11. Manuel Mellauner Alenadù: Wolfi Crepaz Partida dan porta: chësta domënia śoga le Rina te ćiasa dales 15:30 cuntra l’Aicha. Tlassifica: ćiara sot la partida dla Val Badia.

Peter Unteregelsbacher, l’alenadù dla scuadra dla Val Badia.

Palê Val Badia/2a cst. - Cun vintot degrês de ćialt él bëgn n pü’ rî da śoghè, ćiamò deplü sce l’aversar é dessenè por avëi pordü la pröma de campionat y laprò sce al se fej mè so miù śogadù. Sön na tara se alza i degrà ćiamò deplü. La scuadra ladina ti à inće bele do vintot menüć scinché n śogadù deplü ai pustri. La prestaziun debla de scuadra à daidé le Raiscia, che n’à da süa pert gnanca pité dër na buna partida. Limité i danns à cun tröpes parades “Michl” y dal’atra pert n’é i atacanć dla Val Badia mai stà prigorusc. Mo por le momënt é la formaziun de Unteregelsbacher inće indeblida dai tröc infortunà y n’é nia tla miù condiziun. Raiscia é n aversar cun n pëis technich dër alt. Bele dai pröms menüć röia i pustri a trates sön porta. Al 7^ de jüch sön n cross dan porta arjöma Moling la piada, la trata vëgn dan porta trata demez da Thaler. Do da 13^ menüć salta sciabla cuntra sciabla Dapoz y Benno Harrasser a mezćiamp, chësc ultim se sbilancëia y toma jö sön le comedun cun döt le pëis. Al ti desćiola la sciabla ciampa y al mëss gnì condüt cun l’ambulanza te ospedal. Al à inće messù gní operé, y sciöche miù śogadù - no ma dl Raiscia - ti falaral dër tröp. Chirin gaujes pro i ladins se scialda la partida y te ćiamp vëgnel metü le alenadù di pustri A. Plankensteiner de bëgn carantesis agn. Al 23^ de jüch tëgn tla maliëta le sis dla Val Badia so aversar y se ciafa la ghela. La puniziun de Kröll da na pert ite sön porta vëgn rebatüda te ćiantun dal un ladin. Do da 28^ menüć fej “Diui” Moling n fal grou a mezćiamp y vëgn desgort cun la secunda ghela lascian la scuadra de diesc. Cun val’ risch éson bogn da portè le pêr tla palsa. Sciöche al mët man le secundo tëmp fej i pustri n gran druch. Al 47^ röia su ala deviaziun de će le sis Huber che ne röia nia de tröp fora de porta. Al 55ejim do na bela aziun röia na passada t’area al tredësc puster bel su, gran rebatüda de Moling. Do da 56^ menüć ti garêtel le gol al Raiscia, al é tl’aria. Na pröma trata dl diesc Graber da püch dan l’area é bun “Michl” da robate, la defenjiun é scialdi chita y le coran röia al sis bel su A. Huber che deloj bas te porta da püć metri: 1 a 0. Al 67^ de jüch fala jö la remetüda dl jüch

cun i pîsc le portier Hainz, dër cörta cuntra l’atacant dl Val Badia Elzenbaumer che antizipëia n defensur i salta su cuntra area. Le un puster vëgn fora de area y Elzenbaumer ti alza le palê surafora, chësc le blochëia cun les mans bun dui metri fora de süa area. Al vëgn desgort, trames les scuadres é śëgn de diesc. La puniziun de „Matti“ Stampfer é alta sura porta fora. Mo i pustri śoga inant chirin le secundo gol. Al 80^ menüt do na bela aziun en velozité tira da buna posiziun da na pert ite Lanz atocan la rëi da na pert. Al 85^ menüt da na lungia rometüda cun les mans röia le curan a Plankensteiner che fej na bela passada te area por l’asvelt set Lanz che röia da docà y tira te porta bas sön la man ciampa de Moling por le 2 a 0 definitif. Döta chësta gran assuiada por nia! Da pert dl Consëi y dla scuadra dl “Acd Val Badia” les mius aodanzes por i “jogn” peri: le capitan Simon Dapoz y söa compagna Virginia por le pice Julian y al portier Michl Moling y süa fomena Martina por le pice Jan. Döt le bun y che ai crësces sagns! (Renato Paratscha). Raiscia - Val Badia 2 - 0 Formaziun Val Badia: 1. Michael Moling, 2. Elmar Erlacher, 3. Matthias Thaler, 4. Simon Dapoz - capitan, 5. Julian Bernardi, 6. Davide Moling, 7. Manuel Clara (dal 53^ Florian Barbolini), 8. Alex Stampfer (dal 63^ Alex Elzenbaumer), 9. Matthias Stampfer, 10. Lucas Clara (dal 83^ Isaac Frenademetz), 11. Alex Felder. Alenadù:  Peter Unteregelsbacher Partida che vëgn: en domënia, ai 16 de setëmber, dales 15.30 sön la plaza da San Laurënz cuntra le San Laurënz.   Tlassifica 2a categoria, grup C 1) Falzes, 2 partides, 6 punć 2) Albeins, 2 partides, 6 punć 3) Tasten Valsp. 2 part., 4 p. 4) S. Laurënz, 2 partides, 4 punć 5) Steinhaus, 2 partides, 3 punć 6) Raiscia, 2 partides, 3 punć 7) Wiesen, 2 partides, 2 punć 8) Rina, 2 partides, 2 punć 9) Dietenh./Aufh., 2 part., 1 p. 10) Türesc, 2 partides, 1 punt 11) Val Badia, 2 partides, 0 p. 12) Aicha, 2 partides, 0 punć


Sport

nr. 36 / 14 de setember 2012

Nosta la Segra! Do avëi pordü la pröma partida y cun söl program la domënia de palsa l’edema lassura, ê la secunda partida, cuntra le Valdaora, dër importanta por nia ruvé atira bele 9 punć do i pröms.

David Palfrader dl Mareo.

Palê Mareo/3a cat. - La situaziun di assënć s’à ma mioré de püch respet ala domënia da denant, deache al gnô bëgn pormez Gabriel da Pederü y Elmar Kosta, mo al falâ Rada y do n chert d’ora de jüch i tocâra inće a David Mutschlechner

da arbandonè le ćiamp de jüch. Inće sce cun mile dificoltês à Kalle impò podü mëte te ćiamp de jüch 11 śogadus dër motivà y cun na gran vëia da portè a ćiasa trëi punć. Che la partida foss stada combatüda savô inće bele düć danfora, deache le Valdaora à na bona scuadra dër jona che à bele fat en chësc ann trëi de bi resultać. Avisa insciö àra spo metü man. Le Valdaora śogâ bel le palê y ê gonot bun da sciampè en velozité cuntra la porta de Massa. Chësc ultim s’à bele tosc meritè n lalt, canche al deviâ sura stangia fora na bela contlujiun dl atacant Pörnbacher. Sön na bona contlujiun de David Mutschlechner se fej le mezćiampist dl Mareo bindebò mè y mëss tosc dedô lascè le ćiamp. A so post vëgn ite Elli, che fajô insciö so debut pro le Mareo. Incër la mes’ora i gareta indô n bel cuntrapè al Valdaora. En chësc iade i tóchera

a Gruber che é plü fortuné y fej le gol dl 1 a 0. Le Mareo ne se lascia nia dofora y röia bele pro la proscima ocajun al gol dl per. Daniel de Burćia controlëia bel le palê y ti al mët bel sö a Marco, che bat le numer 1 puster cun n bel diagonal. I ladins bat inant sön le fer ćialt y empaca toma ćiamò tl pröm tëmp le gol dl 2 a 1. Elli se passa bel le palê cun Burbi y mët n cross perfet sön le će de Marco che apaissâ sön le piz lunch. De će mët spo le capitan le coran te sach. Le secundo tëmp proa atira i pustri da mëte en parité la partida. Chësc ti gareta spo inće tosc sön na trata dai 11 metri, provocada da n fal de Gaga, che vëgn inće amonì. Le merit dl Mareo a chësc punt é chël da nia orëi defëne le 2 a 2, mo da porvè da davagné la partida. Sön na bela aziun de Andy ciafa Elli na gran poscibilité. Söa bela contlujiun vëgn parada te dui tëmps dal portier

Mutschlechner. Beliscima inće spo la costruziun dl gol partida diretamënter da na trata dal ćiantun. Burbi passa zoruch a Werner che tira sëch cuntra le pé de porta lunch. Tl dër post aspetâ Didi al palê che ê a chësc punt ma plü da sburlé sura la ligna blanćia ite. Intrames les scuadres porvâ ćiamò dles dötes da portè a ćiasa le resultat, cossa che ti garatâ ala fin al Mareo, che podô a chësta moda jì a cör lesier a festejé la Segra d’Al Plan. Le “vedl capitan” dl Mareo ess dit, impormò do la partida sambëgn: “en la segra d’Al Plan, n’anse ćiamò mai pordü”. (cdp) Valdaora - ASC Mareo 2 - 3 Formaziun dl Mareo: 1) Massa Luca, 2) Mutschlechner Andrea, 3) Comploi Marco (dal 49^ Palfrader David, 4) Complojer Patrick (dal 84^ Agreiter Daniel), 5) Frenner Gabriel, 6) Kaneider Walter, 7)

Pedevilla Werner, 8) Castlunger Thomas, 9) Mutschlechner Marco - capitan, 10) Mutschlechner David (dal 18^ Kosta Elmar), 11) Tamers Daniel (dal 78^ Kaneider Denis) Alenadù: Pedevilla Karl-Heinz Chësta domënia: le Mareo à dé lëde y ne śoga nia. Tlassifica 3a categoria, grup C 1) Niederdorf, 2 partides, 6 p. 2) Gsies, 2 partides, 6 punć 3) Raas, 2 partides, 6 punć 4) Prettau, 2 partides, 3 punć 5) Mareo, 2 partides, 3 punć 6) Gais, 2 partides, 3 punć 7) Lijun, 2 partides, 1 punt 8) Valdaora, 2 partides, 1 punt 9) La Val, 1 partida, 0 punć 10) Mühlwald, 2 partides, 0 p. 11) Percha, 2 partides, 0 punć

Ucajions arjumedes L FC Gherdëina à duminà ntan duta la partida contra l Imperial de Bulsan, ma n se à trat via massa ucajions y coche la ie suvënz, sce ne te l fejes nia te l giapes y puech dan la fin ie i averseres mo stac boni de valivé ora Juech al palé/3. Cat. grupa B - Purtruep ie l Gherdëina tla ultima partida unit da n valgun jugadëures pervia che i se à fat mel. Peter Mittermair toma ora per n valguna partides, Alfi Piazza se ova ënghe fat mel ma ie per fortuna inò varì nsci che l possa vester a despusizion dl ”Mister”. N dumënia ai 9 de setëmber sun la plaza dal sport de Mulin da Coi contra l Imperial de Bulsan, da temperatures coche d’instà, pëia l Gherdëina via cun na gran ueia de vëncer chësta partida de campiunat. Do nuef menuc dl prim tëmp muev Achim Frontull y mpue dan la rissa dla fin dl ciamp mëtel ite na beliscima codla tamez, ma purtruep ne n’à degun di jugadëures dancà ulù crëier te chësta azion y jì pea, nsci ie chësta bela ”chance” sfanteda. Puech do iel Raphael Runggaldier, chëst ann jueghel sciche tacajuech, che ruva sun na codla y tira iust dlongia cassa via. Tl vintejim menut iel inò Raphael Runggaldier che ie bon de pië via da sëul sun cassa, ma

Jonas Runggaldier.

nia, la codla vën pieda dal verdiaporta dl Imperial. A un n menut dala fin dl prim tëmp ruva Jonas Runggaldier sëul dan cassa dl Imperial, ma l verdiaporta de Bulsan ie inò bon de la pië. L Gherdëina à dessegur duminà ti prim 45 menuc, ma ie restà zënza goi. N metova nsci duta la speranzes tl segondo tëmp y che n fossa boni

de fé iló n gol o doi. Bele do doi menuc dl segondo tëmp ie l Gherdëina bon de vester periculëus cun na punizion de Aron Kostner ulache Yuri Pellegrini ne ruva nia cun la drëta determinazion per la tré ite. Do nuef menuc dl segondo tëmp vën ora Raphael Runggaldier y l va ite Daniel Dellago. Tl 60ejim menut vën Raffael Senoner baratà ora cun Matteo Solderer. Tl 75ejim menut iela tan inant: do che Jonas Runggaldier pëia ju cun la codla da si pert y la tira ite, ie l jëunn Daniel Dellago iló, tl drë mumënt tl drë post, per mëter ite la codla per 1 a 0 per l FC Gherdeina. Cin menuc do ie Jonas Runggaldier sëul dan l verdiaporta, ma tira sun l pel. L Imperial de Bulsan ie puech dan la fin mo bon de valivé ora cun n gol spetaculer sun na codla trata do na punizion che n jugadëur dl Bulsan tira pona cun na culëta de reviers ite de cassa fajan l gol per l 1 a 1. La partida fina via cun chësc resultat y l Gherdëina che se à trat via massa ucajions per

jì danora y vëncer la partida. Ncuei vënderdi à l Gherdëina da jì a Jenesien per la proscima de campiunat che vën fata n dant. La partida scumëncia da mesa la nuef da sëira. (pg) FC Gherdëina - Imperial Bulsan (1-1) Furmazion: Guido Schmalzl, Achim Frontull, Daniel Vallazza, Yuri Pellegrini, Raffael Senoner, Vanni Valdemarca, Jonas Runggaldier, Jan Piere Prugger, Stefan Vallazza, Kosnter Aron, Raphael Runggaldier, Alfi Piazza.

Resultac dla scuadres di jëuni I jëuni dl FC Gherdëina à jugà n sada ai 8 de setëmber si partides. Eggental - U13: 0 a 4, goi de Robin Moroder, Raul Moroder, Gabriel Venturini (2). U12 - Ridnaun: 1 a 3, goi de Eliseo De La Fuente, David Wieser.

Feldthurns - U11: 4 a 0. U10 Jaguars - Lajon: 10 a 0, goi de René Comploj (4), Jacopo Bernardi (2), Alan Plancker (2), Max Malsiner, Ruben Stuffer. Natz - U10 Grizzly: 1 a 11, goi de Nikolas Darin (4), Gabriel Rabanser (2), Simon Perathoner (2), Sebastian Ploner (2), Gregor Obletter. Perbian/Villanders - U10 Zebras: 1 a 0. Da stlarì iel che pra la Under 12 iel da ti cialé autramënter al resultat, ajache tlo vélel d’autra regules. Chisc mutons juega trëi tëmps da 20 menuc y uni tëmp vën calculà sciche una na partida. L prim tëmp ie jit ora 1 a 1, uni scuadra giapa nsci n pont. L segondo ie jit ora 3 a 1 per l Ridnaun; ëi giapa un n pont y i nosc degun. L terzo tëmp ie jit ora 2 a 0 for mo per l Ridnaun y nsci giapi mo n pont. A cumpedé adum i ponc – y no i goi – vënc nsci l Ridnaun per 3 a 1 (sce n cumpedëssa adum i goi ëssa ëi venciù per 6 a 2).

Pröma partida, pröma pordüda Do avëi albü lëde la pröma domënia, à la scuadra da La Val metü man le campionat nü cun na partida fora de ćiasa, plü avisa a Gais Palê La Val/3a cat. - La sajun nöia n’à nia metü man dër bun. La scuadra, che é gnüda moscedada do che n valgügn sogadus à lascè o é jüs demez, à en chësc dé inće messü fà a manco de n valgügn śogadus assënć o infortunà. Te chësta partida s’àra stentè da śoghé y é ma dainré stada buna da se fà prigorosa. Öna dles püćes ocajiuns ti gareta ala scuadra ladina ti pröms menüć cun Romeo, cun na contlujiun de

će sön cross de Ivan, che röia de püch sura porta fora. Le Gais passa spo en vantaje cun n gol fortuné: na trata dala rissa de ćiamp vëgn delôta dai difensurs da La Val, le palè s’alza y röia avisa sot la stangia ite te rëi. La scuadra de ćiasa à ćiamò n valgönes ocajiuns, la maiù cun na contlujiun de će che röia söla stangia de porta. Tl secundo tëmp él indô le Gais che à le jüch tles mans, Raimund é bun te n valgönes ocajiuns da

evité le secundo gol, fina che al se fej mè y vëgn barata fora. Ti ultims menüć él la scuadra da La Val che se desëda, porvan da arjunje ćiamò le gol, mo zënza suzès. (sc)

Stefan Sottara (Elmar Steinhauser), 8. Freddy Sottara (Adrian Miribung), 9. Ivan Tschaffert, 10. David Moling (Alexander Miribung), 11. Romeo Rubatscher Alenadù: Elmar Steinhauser

Gais - La Val: 1 - 0 La Val: 1. Raimund Rubatscher (Merch Vallazza), 2. Thomas Tavella (Egon Frenes), 3. Alex Alton, 4. Paolo Vallazza, 6. Elmar Valentin, 6. Michael Frenes, 7.

Partida che vëgn: chësta domënia śoga la scuadra da La Val te ćiasa cuntra Lijun. Tlassifica: ćiara sot la partida dl Mareo.

Romeo à albü öna dles püćes ocajiuns da segné por la scuadra da La Val. www.lauscdiladins.com

35


Sport

nr. 36 / 14 de setember 2012

Erwin vënc l Dolomiti Trophy

Fans te Gherdëina

Doi turnoies de livel aut iel stat ultimamënter tl zënter dal L Fanclub de Silvan Zurbriggen ghest te Gherdëina. L’ena passeda iel stat la jita urmei tradiziunela di fans, de chëla grupa che ova venciù l ann passà l cuncors ntan la garejeda de Copa dl Mond tennis de Runcadic, un per jëuni Under 16 y l auter n “Open” cun mé una na categuria de ëi y de ëiles, che ie unì venciù da cuordinadëura di fanclubs, y da Günter Comploj, che se cruzia dla Matthias Wolf

L Fanclub de SIlvan Zurbriggen cun Günter Comploj (m.c.) y Genni Tschurtschenthaler (m.d.).

Copa dl Mond - L prim pest, doi dis te Gherdëina, ova trat l fan club de Silvan Zurbriggen, dl Cianton Vallis tla Svizra, che ti fova stat ala gran cuncurënza de sustenidëures de duta l’Europa per si ntujiasm ntan la defileda tres l

luech de S. Cristina. La cumitiva de fans ie unida adalerch n vënderdi domesdì dal Vallis, ulache l ie nasciù y viv Silvan Zurbriggen, che à venciù la libra sun la Saslonch tl 2010. Cumpaniei da Genni Tschurtschenthaler,

manifestazions ntëur ala Copa dl Mond ite, ie i fans unic menei sun la mont de Resciesa, fajan na pitla jita de viers dla utia nueva, nchin pra la capela y sal crist. Duc fova mpresciunei dal bel panurama de nosta montes de Gherdëina. I svizeri ie furnei de reviers tl Vallis n dumënia, mpermetan de unì de dezëmber inò te Gherdëina cun mo na majera cumpëida de fans. La festa, metuda a jì dal cumité de Copa dl Mond deberieda cun Gherdëina Marketing che à sustenì finanzialmënter la manifestazion, fova carateriseda dala hez y dala bona ueia. Duc ie stai scialdi cuntënc dl bon tratamënt che i à giapà pra l Garni Marina, ulache i durmiva, ti restauranc “La Tambra” y tla utia “Resciesa” pra la stazion dla furnadoia de Resciesa, per l bon maië. Gernot Mussner

La Dolomiti Classic Tmc la descor vicentin Bone le prestazion de doi ladins: Alex Feichter 3° ntel curt e Luca Palla 27° ntel lonch Rode - La descor vicentin la VII edizion della Dolomiti Classic Tmc. L é ste defati l atlet de Bassán Enrico Zena della Uc Lugo Cicli Beraldo a scrive suo inom sul liber de òr del percors Gran Fondo de 135 chilometri corëst nte 4.31.05. Plu ndrio, destachei de 2 menuti, i doi che i à corëst drio per gran pert de la corsa; l compagn de scuadra che ava vadagné la passada edizion Roberto Cunico e l todësch Hornetz Bernd de la Rsv Concordia Forchheim (4.33.32). Tra le ële pruma Marina Ilmer del Team Merkur – Druck – Grazie co temp de 5.11.57, davá a la ex fioretista Dorina Vaccaroni del Gs Alpilatte B.R. Pneumatici (5.38.58) e Patrizia Piancastelli del Turbozeta Mg K Vis Somenc (5.46.31). Nrel giro curt sui 80 chilometri su per i jous de Giau e Fauzare sto ann s’à fat vedei l bergamasch del Team Isolmant – Colpack Antonio Camozzi co l tempo de 2.23.09, che l à destaché de ben cinch menuti Giovanni Pomari del Team

– Bionic – Lapierre (2.28.05) e l ladin de la Val Badia Alex Feichter (Rodes Alta Badia Raiffeisen) che ava vadagné la Medio Fondo ntel 2009, e sto ann nveze l à mossù se ncontenté del terzo post co l temp de 2.28.11. Nte la clascifica de le ële pruma la ciclista de Merán Astrid Schartmuller (Lamacart Cycling Team) nte 2.41.13, davánt a Lorna Ciacci (Team Zanolini Bike) n 2.50.14 e Manuela Sonzogni (Team Carimate Kuota) terza n 2.56.07. Tra i ladins, auna a Feichter, polito ence Luca Palla (Cilci Agordina) al 27° post ntel giro lonch. Gnánca na neola da domán da le 9 a saludé i 1020 concorenc pièi via da Rèba. Na gara tres plu internazional, con cicliscć da Sudameriac, Nuova Zelanda, Sudafrica, paisc todësć e Usa.

Alex Feichter.

L podio ëi del giro curt.

36

www.lauscdiladins.com

La gara Davò n’ora e diesc de corsa sul giro curt i é bele n testa Camozzi,

Rizzi e Feichter a nen chilometro dal Giau. Ntel medemo temp a La Val de Ègort passa l grop de 30 concorenc che visa l giro lonch. A ji ju dal Giau Camozzi l se destaca e a Pocol l vadagna 1’40’’ sui autri doi mpruma de pié su per Fauzare. L vantagio l rua a 2’’ sunsom che i é mpermët de gestì le forze fin a Rèba. Ntánt sun Duran l grop l se desfësc e i passa de 13 per prums. A Fusine i resta de cinch per pié su per Staulánze: Zen, Cunico, Ria, Hornetz e Miorin. L Giau l fèsc tres la selezion e Zen, che su le prume outade l ava 10’’ de vantagio, l scomencia sua cavalcada fin al traviert. “Camozzi l é den auter mond” l é l coment de Alex Feichter davòche l à fenì sua gara.” Nel 2009 t’ave vadagné. Sto viade no l’é garatada. “No no, l’é ben juda polito, ma deplù la no jiva. Massa de bogn sto viade.” L podio t’as mpò vadagné. “Si, per chël son super content.” (ls)

Tennis - Tl zënter dal tennis a Runcadic à l Tennis Club Urtijëi metù a jì dai 18 nchin ai 26 de agost n turnoi per mutons y mutans nchin a 16 ani dal inuem Dolomiti Trophy, che ie śën mpede l turnoi cunesciù Nike da ulache l univa ora la mpermetudes jëunes dl tennis talian. Fat pea al chëst ann 101 atlec, mutons y mutans, spartii su te cater categuries dala Under 10 ala Under 16. Danter chisc atlec fòvel 7 mutons y 12 mutans de Gherdëina che se à batù danter la cuncurënza che univa mpue da duta la Talia. Da auzé ora iel l resultat de Erwin Tröbinger de Sëlva che à venciù tla categuria Under 16 batan tla finela Michael Kerschbaumer per 7:5, 6:1. Tla medema categuria ie Jonas Ciechi de Urtijëi ruvà nchin tla semifinela, ulache l à messù ti la dé vënta a Michael Kerschbaumer per 6:2, 6:2. Drët butà ti àla nce a Alex Kostner de Sëlva, che ie ruvà te semifinela sibe tla categuria Under 12, ulache l à perdù per 6:2, 6:1 contra Tobias Tappeiner, che tla Under 14, ulache l à perdù cun l medemo resultat contra Aliosha Bona. Pra la mutans Under 10 iel inò n iede stat la doi atletes dl club de S. Cristina/Sëlva a s’la fé ora per l prim post, cun Laura Mair che à venciù contra Alessia Piccoliori per 6:0, 6:1. Tla categuria Under 12 ie Ellen Mair ruveda nchin te semifinela y te chëla Under 14 ie dla sies tennistes de Gherdëina che fajova te chësta categuria mé Jasmin Senoner ruveda nchin te semifinela. Pra la mutans Under 16 se à Verena Kostner batù tres nchin te finela, ulache l ne n’ie plu stat nia da n fé per ëila contra Alessandra Maganuco.

Turnoi Open

Erwin Tröbinger.

y nce l maester de tennis nuef dl club de Urtijëi Gianluca Gatto. L plu inant di nosc ie ruvei Patric Prinoth, David Kostner y Gianluca Gatto che ie stac boni de se bater inant nchin ti otaves de finela. Patric à messù ti la zeder contra Gianluca Pecoraro per 6:4, 7:5. David Kostner à abù la “desdita” de urté Matthias Wolf. Savan ce averser che l à dan sé, àl dat dut chël che l fova bon, messan pona ti la dé vënta per 6:3, 7:6 (6). Cunscidran che Wolf à pona venciù l turnoi pòssen dessegur dì che David à fat scialdi na bona partida. Coche l fova da se aspité ie la finela unida jugheda danter Patrick Prader y Matthias Wolf, cun chësc ultimo coche dit che se à metù te fuia la vënta dl turnoi per 7:6 (5), 1:6, 6:1. Pra l’ëiles udons danter la partezipantes Daniela Demetz, Jasmin Senoner, Laura Stuflesser, Antonia Moroder, Petra Callegari, Heidi Moser, Martina Moser, Marion Kostner, Verena Kostner, Diana Moroder y Verena Hofer di doi clubs dal tennis de Gherdëina. Te semifinela n fòvel mo doves de nosta atletes. Diana Moroder ie pona unida fermeda da Jasmin Ladurner ntan che Verena Hofer ie stata bona de fé l var tla finela. L’ultima partida dl turnoi ie jita ora 6:1, 3:6, 6:3 per Jasmin Ladurner, che à nsci nce venciù l Open de Urtijëi.

Ntan la prima ena de setëmber à l club dal tennis de Urtijëi metù a jì mo n turnoi naziunel “Open”, cun na mont de pesć de 3.000 euro, ulache l pudova fé pea duc i tesserei FIT. Te chësta sort de turnoies iel mé una na categuria sëula per i ëi y una dl’ëiles. Da udëi iel n livel aut de tennis cun partides daniëura drët nteressantes y chëst iede fòvel leprò jugadëures cunesciui dl Südtirol sciche Matthias Wolf, Patrick Prader y Philip Lageder che à fat pea danter l auter pra nosc turnoi nternaziunel ATP. Di doi clubs dal tennis de Gherdëina fòvel plu tennisć che à tëut su la ndesfideda de se bater te chësc turnoi. Pra i ëi udons Werner Kostner, Holger Bamhackl, Alex Kostner, Raul Moroder, l presidënt tl Tennis Club UrtijëI Wolfgang Wanker, Alex Überbacher, l maester de tennis Stefano Bassetto, Iacun Prugger, David Kostner, Erwin Tröbinger, Patric Prinoth Patrick Prader.


Sport

nr. 36 / 14 de setember 2012

Verena y Patric danter i ot miëures dla Talia L titul Under 10 resta a S. Cristina Pra i campiunac talians ndividuei Under 16, stac dan otodì, ie i doi atlec dl tennis de Gherdëina La lia dal tennis de S. Cristina/Sëlva se à chëst ann tëut su de mëter a jì i campiunac provinziei a scuadres per la categuria ruvei nchin ti cherc de finela. Mé per puec ponc ëssa Patric Prinoth fat n resultat mo plu de dla mutans sot a 10 ani. La atletes de cësa ie states bones de marueia s’la fé valëi ie ruveda nchin te finela che Jasmin

Patric Prinoth y Verena Hofer se à tëut dant de deventé n di o l auter prufesciunisć de tennis.

Tennis - Verena Hofer dl TC Urtijëi fova furneda nchin a Foggia tla Puglia per fé pea, dai 4 nchin ai 9 de setëmber, pra i campiunac naziunei Under 16. L ann passà òvela venciù l titul pra la Under 14, chëst ann fóssel sambën stat plu rie a arjonjer n tel resultat a vester che ëila fova danter la ”jëunes” de chëla categuria.

Purempò ie Verena pieda via vencian trëi partides ndolauter contra Mariacristina Andrisani (6:1 – 6:3), pona contra Marianna Petrei (7:5 – 6:3) y ala fin mo contra Veronica Napolitano (6:2 – 6:2). Ti cherc iela pona unida fermeda da Francesca Gariglio te trëi set per 6 a 0, 2 a 6 y 6 a 3. La Gariglio

Paolini à venciù. Per i mutons sot a 16 ani fòvel l tennis club de Rovereto che se cr u z iov a chë st ann dla urganisazion. Nce tlo pòssen zënzauter vester cuntënc cun l bon resultat arjont da Patric Prinoth dl TC S. Cristina/Sëlva che ie ruvà nchin ti prim ot miëur jugadëures dla Talia. Te n tabelon da bën 118 partezipanc à Patric b atù d a mp ro v i a M atte o Giangrande (6:1 – 6:4), Massimiliano De Pasquale (6:4 – 6:1), Matteo Berrettini (6:4 – 6:3) y pona mo Marco Brugnerotto (7:5 – 6:4). Do na partida plëina de emuzions y situazions che se mudova tresora, ti manciòvel ala fin mé doi ponc per se davanië la semifinela, doi ponc che Domenico Mirko Cutuli à fat vencian l tiebreak per 7 a 5. L resultat finel ie stat de 6 a 4, 2 a 6 y 7 a 6 per Cutuli, che ie pona nce deventà campion talian, ti dajan nscila mo plu valor ala partida cumbatuda contra Patric che se merita nce ël n gran cumplimënt per l bon livel de juech arjont.

Tennis - Jugà àn n dumënia ai 9 de setëmber sun i biei ciamps de tiera cuecena tl zënter Iman a S. Cristina. Bele d’ansciuda se ova Laura Mair y Alessia Piccoliori segurà i tituli de campiunëssa y vizecampiunëssa tl campiunat ndividuel Under 10 pra la mutans y n dumënia òveles da fé per l campiunat provinziel a scuadres, ulache la doi atletes jëunes se prejentova sambën sciche favorites. De ndut fòvel cater scuadres che se ova scrit ite y che ova da jughé uniuna contra l’autra, l TC Völs, l TC Maran, l TC Gais y la scuadra de cësa dl S. Cristina/Sëlva. Sibe Laura che Alessia ie states bones de s’la fé valëi vencian duta la

partides de singuler y pona nce de dopl, se meritan nsci l titul da campiunësses. Al segondo post se àl tlassificà la furmazion de Gais cun Daniela Lanz y Tamara Berger, terzes ie ruvedes Vickie Trocker y Sabrina Untermarzoner de Völs y al cuarto post la jëunes de Maran Giulia Garbin y Gina Sophie Pichl. L ie stat n bel di cun l tëmp che ne pudova nia vester miëur per fé la partides drët spetaculeres y da plajëi, nce i cumpaniadëures da oradecà à passà de bela ëures te Gherdëina. Cungratulazions ala doi atletes che se alenea cun i maestri Stefano Bassetto y Patrick Prader. Runggaldier Alex

Laura se njënia ca per l colp de drëta.

La bona tecnica dl colp de reviers de Alessia.

Alex Runggaldier

Taca na neva sajon de hockey La neves de la sozietà fascèna Val di Fassa Ferrarini per l campionat che scomenza

La conferma de Frank Doyle e David Turon ge dèsc segureza al compart defensif del Fascia.

Hockey Serie A - Ence chest an sion vejins al scomenz del campionat de hockey de serie A e l Val di Fassa Ferrarini é vertech a tachèr via, e en domenia domesdì da les 4 tel stadie Scola de Dèlba l ge prejentarà a duc i fascegn si jiadores, no demò chi gregn ma ence chi de duta la formazions mendres che la sozietà à scrit ite ti desvalives campionac. Jon a veder donca coche la sozietà se à enjignà per chest campionat maor, e coche l’é jit fin a chest moment l marcià di jiadores. Tanche fenì l campionat 20112012, l’Hockey Val de Fascia à pissà sobito de confermèr per la neva sajon un de si jiadores più emportanc te chisc ùltimes doi campionac, l portier Frank Doyle.

Chesta l’é stat segur na bela conferma per i fascegn, che pel aer endò la segureza de Frank te anter i pèi. Pech temp dò la sozietà à anunzià la compra del defensor sloven-canadeis Greg Kuznik, che aon jà podù veder tel roster fascian te la sajons 2005-2006 e 20062007. Ence chesta compra renforza l repart defensif de la squadra, ensema ence a la conferma del defensor David Turon, che te la sajon passèda à fat n muie ben. Purampò, dò chesta bela neves, n’é ruà de burtes per i fascegn, fossa a dir la departida de trei pilastres fascegn sche Diego Iori (Milano Rossoblu), Rudi Locatin (Neumarkt/Egna) e Devid Piffer (HC Pergine) che à lascià n gran

busc tel roster. Chest l’é stat segur n colp dur per l Fascia, che però l’à emprometù l più gran empegn per no fèr sentir massa l vet lascià da chisc trei forc jiadores fascegn. No l’é passà n muie de temp, defat, che la sozietà à ofizialisà la compra de l’atacant ceco Petr Kalus, che vanta na bela esperienza de 11 partides en NHL e amò de più de 213 partides n AHL, la lega che é bele de sot a la cognosciuda NHL. Ensema a Petr, l’é ruà la confermes di etres emportanc jiadores locai: Stefano Margoni, Enrico Chelodi, Luca Planchensteiner, Mattia Bernard, Martin Castlunger, Michele Marchetti, Thomas Dantone, Cristian Castlunger, Nicola Deluca, Cesare Sottsas e Damiano Casagranda. Se peissa donca che chest an la squadra sie basèda sul fèr jièr i joegn. Passon ades a veder cai che sarà i empegnes su la giacia del team fascian. L’Hockey Fascia Ferrarini l’à jà tacà via chest mèrtesc con na partida “da peconc” contra l’Alleghe, perduda ai rigores, e amò apede dai 14 ai 17 de setember l’é empegnà te la Raiffeisen Cup a Caldaro con la squadra de cèsa, l Busan, e l’autra squadra ladina, l Gherdëina. Recordon amò apede che l’é possibol fèr l’abonament per la neva sajon: duta la modalitèdes les podede troèr sul sito www. hockeyclubfassa.com Mattia “Matt” Desilvestro

Jasmin y Carolina ruva tla serie plu auta Tl campiunat dl ”Südtirolpokal” dla serie D3 fòvel mo na furmazion dl TC S. Cristina/Sëlva che pudova jughé per l terzo post tl giron finel y se seguré mpo mo la prumozion tla segonda liga per la sajon da n auter ann Tennis - N sada, ai 8 de setëmber ova Jasmin Senoner y Carolina Riffeser l dërt de jughé n cësa y a chësta maniera òveles cris ora de se cunfrunté cun la jugadëures de Kaltern sun l tepih tl tennis curì de Sëlva. N à scumencià cun la partides de singuler, la partides fova feter valivedes scebën Jasmin Senoner y Carolina Riffeser cun si che la jugadëures de trainadëur Stefano Bassetto. Kaltern semiova n fregul favorisedes aldò dla tlassifica te doi set per 6 a 2 y 6 a 4 metan al persunela. Jasmin (tlassificheda 4.2) segur la vënta y tl medemo mumënt perdova contra Sara Sciacovelli nce la rejon de jì su tla segonda liga, (tlassificheda 4.2) te doi set per 2 a tla serie D2, ulache l sarà pa dessegur 6 y 4 a 6, ma Carolina (tlassificheda inò scialdi de bona jugadëures che 4.3) batova ntant Elvira Moling aspieta n auter ann. N bel resultat (tlassificheda 4.2) cun l resultat de chësc che premieia per i sacrifizies 6 a 2 y 7 a 5. Śën se tratòvela de zaré y dut l alenamënt fac ntan l ann. ca la partida de dopl che la doi cumpanies de S. Cristina venciova Alex Runggaldier www.lauscdiladins.com

37


Sport

nr. 36 / 14 de setember 2012

200 persone à coret ensema sa Vich L grop di Alpins da Vich ensema a desvaliva sociazions à endrezà la 25° garejada a pe “Torri del Vajolet” premià ence l’atlet “manco joen” Luciano Pellegrin (1932), a chi più joegn enveze, ajache n’era trei del 2011 (Leonardo Lodini, Giacomo Borsani e Federico Simoncelli) e menciaa la dì che i era nasciui per poder troar fora dalbon l più joen... per chesta uta ge aon augurà de vegnir amò n pez sa Vich e de far semper miec e magari na dì de se la vencer la gara!

L grop Bar Pé de Bosch à vent l pest per l grop più gran, che é stat dedicà a Silvio Trottner de Moch.

Corsa a pe - Passa doicent persone anter gregn e pìcoi i se à scrit ite en jebia ai 16 de aost a la 25° garejada a pe “Torri del Vajolet”, endrezada dal Grop di Alpins da Vich co la colaborazion del Comun da Vich, del Comitat Manifestazion, la Coprativa “Val de Fascia”, la Cassa Rurala Val de Fascia e Agordin, i Carabinieres, la Crousc Checena e i Studafech da Vich. N bel percors che ge à dat l met tant ai foresć che a chi da chiò de corer fora per Vich, pontan demez da Piaz J.B. Massar, per jir, chi più en prescia chi mìngol più pian, via Val, via Costa, cà de retorn e ju fin jun gejia, e su endò te paìsc enscin aló dal tendon de le manifestazion. N percors de 4 km

che béleche duc chi che se à scrit ite é stac bogn de fenir con de bele sodesfazion. L temp mior l l’à fat Federico Redolf del Grop di alpins da Pardac che l’à stat 14’44”, vindò da el l’é ruà Alessandro Vuerich de l’Atletica Fassa ’08 col temp de 14’59” e terzo Filippo Marzin del Grop alpins da Varena che l’à stat 15’06”. De le femene pruma assoluta l’é ruà Arianna Pasero de la Dolomitica col temp de 17’54”, seconda Valentina Mora del Grop Pé de Bosch con 18’05” e terza Rosalia Zanoner de la US Monti Pallidi col temp del 18’42”. I concorenc omegn i era spartii te 7 categorìe, le femene enveze demò te 5. Chiò sotite meton l venjidor de ogni categorìa. L’é stat

Da recordar che l premie per l grop più gran (che l vegn dat fora ogne doi egn) l’é stat vent dal Bar Pé de Bosch che l’à volù ge l dedicar a Silvio Trottner de Moch, mencià acà pech temp, e ge l sporjer a so femena e a soa fia che le à tout part a la premiazion. La manifestazion la é jita benon, ence de gra al didament de duc i volontadives che se à dat jù, a chi che ge sporjon n gran devalpai de cher, soraldut a chele femene del Comitat che, desche semper, le se met bolintiera a la leta per ne didar. (sm)

De eles: Baby : Camilla Gottardi; Cuccioli: Marzia Telaroli; Juniores: Arianna Pasero; Seniores: Valentina Mora; Dame: Rosalia Zanoner. De ic Baby: Francesco Frezzato; Cuccioli: Daniele Sieff ; Ragazzi: Roberto Pasero; Senores: Filippo Marzin; Veterani: Federico Redolf; Pionieri: Fausto Riz; Superpionieri: Pietro Dallera.

La sozietà fascèna se à endò portà a cèsa l pest del zircuit de roda da mont per bec

38

www.lauscdiladins.com

Matthias Rosso 2° te la categorìa Baby de ic, Elena Pellegrin 3^ te la categorìa Cuccioli de eles, Sabrina Pellegrin 3^ te la categorìa Esordienti de eles e Chiara Deflorian 3^ te la categorìa Arlieves de eles. La 3Esse Soraga à serà sù l zircuit pruma anter duta la sozietèdes con 936 ponc, 2^ la U.S. Litegosa de Pancià con 897 ponc e 3^ la Bike Club Egna Neumarkt con 690 ponc. Desche ùltim apuntament sportif en sàbeda passèda la sozietà 3Esse à endrezà la 4^ edizion de la “Val de Fascia Bike Boys” en colaborazion co l’A.D.S. Val de Fascia Sport Events che se à tegnù tel parch Vischia de Sach co la partezipazion de presciapech 160 bec, no demò da Fascia e Fiem ma ence da foravìa. La sozietà sportiva vel ge sporjer n bel develpai a duc i joegn bikers per se aer dat jù con spirit sportif te chest zircuit e aer vent l trofeo. Gran sodesfazion vegn palesèda da man del president, del diretif e de dut l staff de endrez per chesta bela sajon de mini bike e per aer chest bel grop de bec engaissé che ge va dò. Per serèr sù en legreza vegnarà prest endrezà na bela giornèda duc ensema sa mont. (mci)

Gran sudesfazion per la doi atletes de Gherdëina che deberieda cun si cumpania de scuadra de Lana se à tlassificà segondes pra i campiunac talians Under 18 de proes multiples Atletica lesiera - N sada y n dumënia, ai 8 y 9 de setëmber, fòvel a Vicenza i campiunac talians de proes multiples a scuadres dla categuria Under 18. Danter la scuadres che se à cualificà per fé pea, fòvel nce chëla de Persenon cun la doi mutans de Gherdëina Silvia Spisser y Stefanie Messner. Per pudëi fé pea pra chësta garejeda muessen se cualifiché y avëi arjont na cërta cumpëida de ponc scrita dant dala Fidal. Deberieda cun Lisa Seppi de Lana ie la trëi mutans dl ”SSV Brixen” states bones de ruvé segondes tla Talia, do la scuadra dla Atletica Vicentina y dan la mutans dla Atletica Cinque Cerchi

de Piacenza. Uni atleta à da se museré te set desciplines. Scumencià àn n sada do mesdì cun la garejeda di 100 m cun rëms y ie pona jic inant damprovia cun l saut aut, smaché l pëis y sauté i 200 metri. Do chësta cater garejedes fòveles cuartes. N l segondo di òveles mo da se museré tla desciplines dl saut lonch, tré la lanza y do chësta sies garejedes se tratòvela mo de avëi la forza y artenienza de sauté i 800 metri, na proa drët sfadiëusa. La trëi mutans à dat dut nchin ala fin y ie mo states bones de arjonjer l boniscimo segondo post. Cungratulazions per l bon resultat arjont. (cs)

Venjidores per categorìa

La 3Esse à vent l trofeo Roda da mont - Ence chest an la sozietà fascèna 3Esse se à vadagnà l bel trofeo Mini Bike Fascia, Fiem e Primier 2012. La bela neva é ruèda enstadì, l’ùltim dì de gares, en sàbeda ai 25 de aost, dò la finèla a Sèn Martin de Castrozza. L zircuit se à dejout via per dut istà sun 7 garejèdes te Fascia, Fiem e Primier e la 3Esse Soraga à tout pèrt con 39 scric ite, bec e joegn da Soraga, Moena, Vich e Poza. I joegn bikers era spartii fora te 6 categorìes de ic e eles, aldò de l’età: Ponjins (20052004), Baby (2003-2002), Cuccioli (2001-2002), Esordienti (’98-’99) e Arlieves (’96-’97); amò apede podea tor pèrt i bec dai 0 ai 6 egn, i Topolini, che aboncont no i ruèa a fèr pèrt de la classifica finèla. Per chel che vèrda i resultac singoi i bikers de la 3Esse Soraga se à dalbon metù al luster per pascion, tatica e resultac. Te la desvaliva categorìes: Arianna Rosso l’à vent la categorìa Ponjins de eles, Rebecca Sommariva é ruèda pruma te la categorìa Cuccioli de eles e Pamela Matordes à vent la categorìa Arlieves de eles. Da uzèr fora ence i bie resultac de Martina Defrancesco 3^ te la categorìa Baby de eles,

Silvia y Stefanie vizecampiunësses talianes

I joegn bikers de la 3Esse Soraga.

La trëi jëunes vizecampiunësses talianes: Silvia Spisser, Lisa Seppi y Stefanie Messner.


Sport

nr. 36 / 14 de setember 2012

Plu vëntes per i ”Runners”

L segondo miëur club

Nce ntan la ultima fin dl’ena iel stat plu garejedes de sauté, ulache i atlec di Gherdëina Runners ie stac boni de vëncer dut adum bën cater bedaies. Georg Rabanser à fat pea pra la garejeda de sauté da mont su plu cunesciuda dl mond, l ”Jungfraumarathon”

N bel di de sport y de ulentariat iel stat dan otodì sun Pana pra la garejeda de saut y cumbinazion nordica di atlec plu jëuni, metuda a jì da Schi Club Gherdëina. L ie nce sautà ora plu bedaies per i atlec de cësa

Georg Rabanser.

I atlec plu jëuni sautova dal saut H 21.

Sauté - Cun la vënta dl di a Georg Piazza, n dumënia ai 2 de setëmber, venciù la prima edizion dl Bike & Run-duathlon da Tscherms nchin sun l Vigiljoch. Piei via iesen a Tscherms a 290 metri per ruvé nchin sa la Jausenstation Hoferhof a 812 metri, ulache n messova mudé da roda da mont cun i ciauzei da sauté. Da tlo jìvela pona inant nchin sa la stazion dla furnadoia dl Vigiljoch a 1495 metri. Da furné cun la roda da mont fòvel 5,2 km cun n deslivel de 523 metri y da sauté fòvel 3,9 km cun n deslivel de 682 metri. Georg Piazza à abù a fé duta la garejeda 55 menuc y 28 secunc. Fat pea àl pra chësta prima edizion 45 atlec y atletes. Cumplimënc a Georg. Si proscima garejeda sarà la Sellaronda Trail Running doduman dumënia ai 16 de setëmber, ulache n muev chëst ann a Corvara. Pra chësta garejeda fajeràl nce pea Christian Insam. N vënderdi ai 7 de setëmber àn metù a jì la 12ejima edizion dl Fit for Business - Firmenlauf a Neumarkt che ie 5,2 km lonch y ulache l fova da sauté doi iedesc ntëur al luech. Chësta ie na garejeda a pères che sauta per na firma. Pra i pères mescedei àl venciù nosc doi atlec di Gherdëina Runners, Birgit Klammer cun si uem Christian

Birgit Klammer y Christian Stuffer.

Stuffer, che ie sautei per l Hotel Cendevaves, cun n tëmp finel, cumpedan adum i tëmps de tramedoi, de 38 menuc y 39 secunc. Birgit se à nce mo tlassificà al 3. post dl’ëiles cun n tëmp de 20 menuc y 6 secunc, y Christian al 9. post di ëi cun 17 menuc y 34 secunc. Di Gherdëina Runners àl nce mo fat pea l pèr cun Renate Pichler y Mario Insam, ëi ie ruvei 22ejimi for pra i pères mescedei, cun n tëmp finel de 46 menuc y 14 secunc. L Jungfraumarathon, la 20ejima edizion dla maratona de sauté da mont su plu cunesciuda dl mond cun si 42,195 km, ie stata n dumënia ai 9 de setëmber. Per l anuel da chëst ann, àn ulù mëter a jì doi maratones, una de sada y la segonda de dumënia. Piei via iesen a Interlaken y l travert ie sun la Kleine Scheidegg a 2100 metri. Venciù la edizion de n dumënia, fajan nce l miëur tëmp n generel, à l atleta dl’Austria Markus Hohenwarter cun 2:59:42, segondo ie n atleta dla Slovenia Mitjia Kosovely cun 3:00:47 y al terzo Hosea Tuei dl Kenian cun 3:01:24. Georg Rabanser, che à fat pea per l decimo iede chësta maratona, à abù 4:05:01 se plazan nscila al 56. post tla categuria M40 y al 228. tla tlassifica generela.

I atlec che à fat pea pra la garejeda de sauté tl luech a Algund.

Garejeda VSS dl luech a Algund: for n dumënia ai 9 de setëmber fòvel 7. VSS Dorflauf de chësta sajon. Tlo i resultac de nosc pitli atlec: tla categuria Schnupperkurs se à Sara Shanini tlassificà al 5. post cun n tëmp de 27 secunc y 9 centejimi, tlo fòvel da sauté 150 m. Pra i mutons, for tla medema categuria, ie Elias Stuffer ruvà 6. cun 28,9. Pra la sculeies D cun 400 metri da sauté, se à Pia Santifaller tlassificà 8. cun 1’41,9; 10. Stefanie Kostner 1’42,7; 24. Samira Major 2’08,2 y pra i mutons 19. Damian Piazza 1’49,5. Pra i sculeies C, tlo fòvel da sauté 1250 metri, udons pra la mutans al 5. post Elena Piazza cun 3 menuc 46,5 secunc; 12. Sara Kerschbaumer 3’53,9; 14. Carmen Mussner 4’00,5; 19. Irina Santifaller 4’14,7; 21. post Julia Kostner 4’15,8 y pra i mutons 30. Lukas Runggaldier cun 4’13,6. Tla categuria sculeies B, tlo fòvel ënghe da sauté 1250 metri, udons al 11. post Manuela Piazza cun 4’20,7. Pra i ëi dla categuria 3, cun 5,4 km da sauté, ie Frohwalt Santifaller ruvà al 3. post cun n tëmp< de 18 menuc 14,8 secunc. La proscima garejeda VSS Dorfläufe y ultima da chëst ann sarà ai 14 de utober a Prad am Stilfserjoch, che valerà nce coche campiunat provinziel. (mp)

Cumbinazion nordica - N dumënia ai 9 de setëmber à l Schi Club Gherdëina sezion saut y cumbinazion nordica metù a jì na garejeda sun Mont de Pana. L se à scrit ite set scuadres, danter chëstes nce una de Dispruch. Bele daduman abenëura univa adalerch i pitli y nce mpue majeri atlec per fé l saut de proa sun i sauc H21 y H35. L zënter sun Ciandevaves ie unì njenià ca a puntin dal vizepresidënt dl club Klaus Insam, te truepa ëures de lëur, dantaldut de sië y rumé su. Nscila fòvel propi scialdi bel a pudëi mëter a jì na garejeda sun chësta bela nfrastrutura. Plajëi nes à nce fat la prejënza dl vizepresident dla Fisi, Reinhard Schmalzl. Cun gran cumpetënza y savëi al acumpanià ntan dut l di la manifestazion, fajan da ”speaker”. Da numiné iel nce Ivo Pertile, diretëur tecnich dla scuadra naziunela de saut y cumbinazion nordica, che fova ënghe leprò a cialé ala cumpetizions. La garejedes de saut à scialdi butà, l livel tecnich fova drët bon y nscila àn pudù udëi de bela prestazions. Dala doi domesdì ie pona piei

via i prims a sauté. I atlec messova muever aldò dl plazamënt arjont tla garejeda de saut. Cun na formula aposta unìvel repurtà i ponc dl saut te n tëmp da muever do l prim. Tlo iel stat da udëi cumpetizions drët nteressantes. Dantaldut Aaron Kostner, che ie muet 40 secunc do l prim, ie stat bon de l pië y nsci de vëncer te si categuria. Mattia Galiani à trat ite na pusizion y ie ruvà terzo. Nia da bater ne fova Gabriel Moroder, che à venciù pra i plu pitli. Na lauda ti va nce a duc i autri atlec dl Schi Club Gherdëina. I se à duc cumpurtà scialdi bën y se à davanià l segondo post tla tlassifica dla scuadres. N gran rengraziamënt ti va sambën a duc i genitores, che se à dat da fé te cësadafuech cun gran cuer y savëi. Nscila ons pudù ti dé da maië a duta la scuadres. L ne fossa nia mesun mëter a jì dut chësc sce l ne fossa nia ulenteres che se dà ca per judé. Te chësta ucajion iel mo da auzé ora la prejënza de nosc atlec dla naziunela, Mattia y Lukas Runggaldier, Armin Bauer y Samuel Costa, che nes à judà cun de plu pitli lëures a fé garaté la manifestazion. (wd)

Do l saut cun i schi se tratòvela de fé bën nce tla garejeda de sauté. www.lauscdiladins.com

39


Sport

nr. 36 / 14 de setember 2012

Amaya Chia e la Andreeva venc la Fassa Bike 2012 Passa 1.300 atlec se à dat batalia te la garejèda che vèl desche proa de Copa del Mond de roda da mont béleche 12 menuc e Sandra Klomp à serà al terzo post. Te la garejèda de ic l’é stat la ski weg del Lusia che à fat la pruma selezion. L rus ex campion european marathon Alexey Medvedev à proà a se n jir, ma sie tentatif l’é stat tegnù ite da Juri Ragnoli da Brescia, che sunsom l GPM dombrèa presciapech 20 seconc de destach dal colombian Amaya Chia e da Daniele Mensi. L’era ence l venjidor 2010 Johnny C att ane o, Johann Pallhuber dal Sudtirol, Damiano Ferraro da Treviso, Medvedev e, con n destach emportant, l bron mondièl 2011 Mirko Celestino, l fort Kugler A la partenza da Moena l’era passa 1.300 da la Svizra, Marzio Deho e l’auter colombian atlec. (foto Newspower Canon) Botero Salazar. Roda da mont - L’é stat la ruscia La pontaa envers le Pociace ge à Vera Andreeva e l colombian Jaime dat l met a la cobia Amaya Chia e Yesid Amaya Chia a venjer la edizion Medvedev de ciapèr Ragnoli e duc 2012 de la Polartec Val di Fassa Bike trei é jic inant ensema fin a la terza de Moena, la proa de roda da mont pontaa, a doi terc de garejèda, che vèl ence per la Copa del Mond olache la seit à sfreà l brescian che, Marathon. Passa 1.300 atlec da 17 per se fermèr a beiver, ge à lascià nazions se à dat batalia te n beliscim lèrga a Medvedev, endèna che dì de soreie e fin da sobito la Amaya Chia metea ite l turbo. A la Andreeva se à metù al luster ruan fin, tel trat envers Moena, l a cef de la eles, con tedò la trentina sudamerican é jit de pien e te la Lorenza Menapace, la romagnola piaza piena de jent l’é ruà con 1’30” Elena Gaddoni e l’ucraina Yana de vantac su Medvedev, ciapà da Belomoyna. Mirko Celestino, che à recuperà Ruèdes a la fin de la erta la posizions. Ti ùltimes 12 chilometres Gaddoni e la Belomoyna era jà con la pontaa de Malga Panna e restèdes endò, la ruscia à podù corer Malga Peniola l talian e l rus se à amò de più e i seconc de vantac su sproà a ciapèr Amaya Chia, ma l la Menapace é doventé menuc: a temp finèl del colombian ti 64,2 km l’ùltima erta envers Malga Panna e de garejèda l’é stat de 3h9’01”, secont Malga Peniola la trentina dombrèa l’é ruà Medvedev dedant a Mirko presciapech 7 menuc de Celestino. La Polartec Val di Fassa Bike l’à entardivament e tedò sia spales ruèa zaca Sandra Klomp. A la fin l destach sport ence i percorsc Classic de 49 su la Menapace l’é doventà de km, vent da Ivan Degasperi e

Claudia Paolazzi e Short de 33,4 km, vent da Massimo D’Antonio e Laura Internicola. La garejèda, estra che proa de Copa, l’era ence ite ti zircuic Trentino MTB e FCI Marathon Tour e la sarà pèrt amò de la Copa del Mond Marathon - UCI MTB Marathon Series ence te la sajon che vegn. Amò n travert emportant donca e na conferma del prestije arjont da chest event. La dì dant l’é stat ence la Val di Fassa Boys. A Soraga passa 150 bec à viventà l domesdì, e olache la tecnica no la era assà l’era gaissa a didèr dò, coscì l spetàcol l’é stat dassen n muie piajégol. Patrik Matordes e Karin Brugger à vent per i Topolini, Hleihil Hani e Arianna Rosso per i Pulcini, Giorgia Tonini e Mattias Rosso per i Baby, Simon Baldo e Anita Rossi per i Cuccioli, Lorenzo Varesco e Isabel Bellante per i Esordienti e Federico Mandelli e Pamela Matordes per i Allievi.

Classifiches Percors Marathon de ic 1. Jaime Yesid Amaya Chia (KTM Torrevilla MTB Stihl) 03.09.01; 2.

Alexey Medvedev (Elettroveneta Corratec) 03.09.19; 3. Mirko Celestino (Avion Axevo MTB) 03.10.34; 4. Damiano Ferraro (GT Stip MTB Infinity); 5. Johnny Cattaneo (Team Full Dynamix); 6. Jury Ragnoli (GS Scott RT); 7. Daniele Mensi (GS Scott Racing Team); 8. Soren Nissen (Elettroveneta Corratec); 9. Hannes Genze (Multivan Merida Biking Team); 10. Walter Costa (Silmax Cannondale RT). Percors Marathon de eles 1. Vera Andreeva (Dinamo) 04.06.43; 2. Lorenza Menapace (Team Carpentari) 04.18.17; 3. Sandra Klomp (KTM Torrevilla MTB) 04.18.45; 4. Michalina Ziolkowska (Niezreszony); 5. Petra Marchart Rob eisc ( Trek Mountainbiker); 6. Iryna Popova (Team Nazionale Ucraino); 7. Katrin Schwing (Trek Domatec); 8. Chiara Mandelli (Asd Valcavallina Superbike). Percors Classic de ic 1. Ivan Degasperi (Team Todesco) 02.33.03; 2. Ivan Pintarelli (Team BSR) 02.37.00; 3. Silvano Janes (Asd

L podie de ic, con te mez l venjidor Jaime Yesid Amaya Chia, a cencia Alexey Medvedev e a dreta Mirko Celestino. (foto Newspower Canon)

Petrolvilla Bergner Brau) 02.37.49; 4. Claudio Segata (Bren Team Trento); 5. Daniel Jung (Amateursportverein Latsch Raiffeisen). Percors Classic de eles 1. Claudia Paolazzi (Gardaonbike) 03.10.17; 2. Lorena Zocca (L’Arcobaleno Carraro Team) 03.22.42; 3. Michela Segalla (Team Giuliani Ciclo Arco) 03.30.02; 4. Ilse Pertoll (Dynamic Bike Team); 5. Elisabetta Carboni (Asd Green Devils). Percors Short de ic 1. Massimo D’Antonio (Team Andreis Cicli) 01.49.55; 2. Federico Mandelli (MTB Increa) 01.54.14; 3. Tiziano Conti (US Cornacci) 01.54.24; 4. Luca Tonezzer (CC Senza Freni); 5. Alfredo Varesco (Racing Team Fiemme e Fassa). Percors Short de eles: 1. Laura Internicola (Asi MTB) 02.32.19; 2. Silvia Lizzi (CC Senza Freni); 3. Luana Libera (Pol. Molina di Fiemme); 4. Claudia Agnelli (Lugagnano Off Road); 5. Jonida Pullumbi.

L podie de eles: da man cencia Lorenza Menapace, la venjidora Vera Andreeva e Sandra Klomp. (foto Newspower Canon)

Doi atletes danter la primes diesc Per la jëunes dla scuadra naziunela de saut cun i schi àl dan otodì scumencià l Continental Cup. Bele tla prima de chësta lingia de garejedes a Lillehammer tla Norvegia, à Elena Runggaldier y Evelyn Insam purtà drët de bon resultac ruvan danter la primes diesc, Lisa Demetz ie stata la miëura dla talianes ti sauc de proa Saut cun i schi - ”I alenamënc sfadiëusc dl’enes passedes se à mpaià,” dij l trainadëur Julien Eybert-Guillon, ”nce sce l ie dessegur mo da lauré sun la tecnica de saut dla atletes.” Elena Runggaldier semea de vester

ruveda ora dla crisa dla sajon passeda. Cun scialdi de bon plazamënc ntan i doi dis de garejeda a Lillehammer, àla desmustrà che la ie inò tlo, njenieda a se bater cun la miëures. Do l 10. post de n sada iela n dumënia stata bona de fé mo

Evelyn Insam, Elena Runggaldier, Roberta D’Agostina y Lisa Demetz.

40

www.lauscdiladins.com

n śich miec cun doi de biei sauc da 87,5 y 82,5 metri che la à purteda al 7. post. Evelyn Insam, la plu jëuna dla scuadra, à tla garejedes mustrà deplù de chël che n se aspitova da d’ëila, aldò de coche la fova jita ti sauc d’alenamënt. N 7. y n 8. plazamënt ie scialdi boni y desmostra nce rendimënc costanc dla atleta jëuna. Per Lisa Demetz ne n’iel nia sautà ora deplù che doi iedesc n 21ejim plazamënt. Sciot che la ne ti ie nia jita fata de sauté tla garejeda tan bën sciche ti sauc de proa. Ala cuarta dla scuadra taliana, Roberta D’Agostina, ti àla bëndebò sciacà n l prim di de garejeda, ma n dumënia iela bele jita miec. Tlo se àla tlassificà riesc do si cumpania de scuadra al 22ejim post. La favorites dal’Austria, Daniela Iraschko y Jacqueline

Seifriedsberger à duminà, se baratan ju ti doi dis de garejeda i prim doi plazamënc. Terza ie ruveda per l prim iede la finlandeja Julia Kykkänen y l di do Anja Tepes dla Slovenia. La scuadres dla Franzia, di Paejes Tudësc y di USA ne fova mo nia leprò pra chësta garejedes. L proscimo gran mpëni per la atletes dl saut sarà ai 22 y 23 de setëmber a Almaty tl Kasachistan ulache n stlujerà ju l Grand Prix da d’instà.

FIS Continental Cup Lillehammer Sada ai 8.9.2012 1. Daniela Iraschko (AUT) 97,0m/97,0m/255,0 p. 2. Jacqueline Seifriedsberger (AUT) 89,0m/91,5m/228,5 p. 3. Julia Kykkänen (FIN)

77,5m/80,5m/177,0 p. 7. Evely n Insam (ITA) 77,0m/78,5m/170,0 p. 10. Elena Runggaldier (ITA) 73,5m/78,5m/162,5 p. 21. L isa D eme tz (ITA) 67,5m/72,0m/135,5 p. 31. Roberta D’Agostina (ITA) 64,0m/49,0 p. Dumënia ai 9.9.2012 1. Jacqueline Seifriedsberger (AUT) 98,0m/94,5m/256,0 p. 2. Daniela Iraschko (AUT) 96,5m/96,5m/254,5 p. 3 . A n j a Te p e s ( S L O ) 92,0m/88,5m/223,5 p. 7. Elena Runggaldier (ITA) 87,5m/82,5m/206,0 p. 8. Evelyn Insam (ITA) 84,0m/86,5m/204,5 p. 21. L isa D eme tz (ITA) 78,5m/72,0m/159,5 p. 22. Roberta D`Agostina (ITA) 76,0m/75,0m/157,5 p.


nr. 36 / 14 de setember 2012

Sport Prejentazion squadres hockey Fascia En domenia ai 16 de setember l’Hockey Club Val de Fascia prejenta sia formazions, dai pìcoi de l’Under 8 ai gregn de serie A. Se pea via da les 16.00 tel Stadie de la giacia de Dèlba, olache apede a la prejentazion sarà ence la loterìa per l setor di joegn e jeghes su la giacia per duc i jiadores pìcoi e gregn. A la fin duc podarà se refizièr con na bona spaghettata. Fascia MTB per Fiorenzo e la LILT

La sociazion Fassa Mtb, con la LILT (Lega Italiana Lotta contro i Tumori) endreza en domenia ai 16 de setember na raida entorn l Sela con la roda da mont en recort de Fiorenzo Detomas. Se se troa te Piaz Marconi da les 8.30 e vegn domanà 25 euro per dut l dì. Per se scriver ite l’é temp amò anché a l’ofize Fassa Outdoor te Piaz a Cianacei o chiaman l 366.972782. I Jogn va a fà rafting

I Jogn da Calfosch-Corvara inviëia i jogn dla Val Badia ai 16/09/2012 a fà rafting. Start: dales 12:30 da Calfosch, la coriera sta chita te vigni localité ćina Longega. Ai va a Franzensfest por le tour de 1:30h sön le rü Isarch. Infos: ćina ai 14/09, Jenny: 346 0122657, Christin: 328 0724635 y Sarah: 339 6823025. Sellaronda Trail Running

La gara dl Sellaronda Trail Running sarà en sabeda ai 15 de setëmber, da Calfosch demez. La competiziun fej pert dl zircuit Salomon Trail Tour Italia y ara é lungia 53,9 km cun n dislivel de 3486 m. I concorënć passarà fora por i paîsc de Corvara, Reba, Ćianacëi, Sëlva por rové spo al travert tl zënter de Calfosch. Hockey Club Gherdëina, prejentazion dla scuadra

Ncuei vënderdi ai 14 de setëmber, sun plaza Rezia dan l Soviso iel dala 6.00 da sëira inant la festa de prejentazion dla scuadres de hockey per l campiunat 2012/13. La pert ufiziela scumencerà dala 7.00 da sëira. Danterite suneràl nce la grupa Noluntas. Partida de hockey danter l HC Gherdëina y l HC Fascia

N lunesc ai 17 de setëmber, dala 20.30, tl stadio Pranives de Sëlva saràl chësta partida de hockey per se njenië ca per la sajon che vën. Sëires de pallavolo

La Nëus Jëuni Gherdëina mët inò a jì la sëires de pallavolo tla palestra dl ITC. La sëires jirà inant uni mierculdi dala 20.15 nchin la 21.45. N ne à nia drë de se lascé nuté su y l ne n’ie nia da paië. Iscrizion per la lia Peves Gherdëina

La iscrizions per l ann 2012/2013 ie daviertes. Per l furnimënt muessen se scrì ite nchin ai 15 de setëmber. Plu nfurmazions y iscrizions sot a www.pevesgherdeina.it Curs de ginastica por paziënć cun maraties cardiovascolares   La “Südtiroler Herzstiftung” organisëia la secunda pert dl curs por döta la Val Badia, vigni lönesc dales 18.00 ales 19.00 tla palestra a San Martin, dal lönesc ai 17 de setëmber inant, ćina ai 17 de dezëmber. Referënt é le maester de ginastica Markus Winkler. Tel. 348/7457309.

Segres y Festes Segra de Badia Endoman sabeda domisdé ia y en domënia, ai 15 y 16 de setëmber, gnaral tignì a Badia la Segra dl paîsc. En domënia domisdé gnarài inće de munt. Ćiarede program a pert te chësta ediziun! Segra da San Martin de Tor En sabeda y en domënia ai 22 y 23 de setëmber 2012 gnaral tignì a San Martin de Tor la Segra dl paîsc. Sabeda sëra, dales 20.00 inant: festa cun musiga de DJ Robby, domënia dales 8.30 inant: mëssa, matiné; domisdé: conzert dla Musiga y dales 16.30 inant musiga da bal cun Hubert & David. Pro le paiun te paîsc. “Festa del Puzzone” a Moena

L Comitat “Moena Perla Alpina endreza en sabeda ai 15 de setember na giornèda dedichèda a la produzion del cognosciù formai “Puzzone”. Da les 11 da doman inant te Piaz de Sotegrava se podarà veder la vaces che desmonteea, emparèr co che se fèsc a moujer e fèr formai e dapò... cercèr desvaliva golosarìes fates con l “spretz tzaorì”.

Dotors y Apoteches Dotors L dutor de servisc te Gherdëina dala 8.00 da duman de n sada 15 de setëmber nchin la 8.00 da duman de n lunesc 17 de setëmber ie l dutor Simon Kostner de Sëlva, tel. 0471/794002 o l 798626. Le dotur en sorvisc tla Val Badia, tla findledema di 15 y 16 de setëmber, é le dotur Eduard Agreiter, San Martin de Tor, 0474/501927. Apoteches L’apoteca de servisc te Gherdëina, che à daviert ora dl orar ordiner da n vënderdi (dala 19.00) ai 14 de setëmber nchin n vënerdi ai 21 de setëmber ie chëla de Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). L’apoteca en sorvisc tla Val Badia, fora dl orar ordinar, dal vëndres ai 14 de setëmber al vëndres ai 21 de setëmber, é chëra da La Ila, tel. 0471/847152.

Informazions y Manifestazions ♦ Al é da jì a Segra de Badia! La segra de Badia é na tradiziun che é gnüda metüda da jì dan dui agn indô - do na palsa lungia. Les Uniuns da Paur s’à incuntè por organisé chësta manifestaziun che vëgn tignida sabeda ai 15 y dumënia ai 16 de setëmber La sabeda ai 15 saral dales 15:00 l’alzada dl lëgn da segra “Kirschta Michl”. Jogn y manco jogn dl paîsc se mët adöm por trà sö a man le gran lëgn. Da sëra ne manćiaral nia de bun da mangé y da bëre cun intrategnimënt musical da pert dl grup Sunrise. La domënia mët man la festa dales 10:00 cun la santa mëssa y va inant dales 11:00 cun na matiné acompagnada dala Böhmische de Badia. Dales En la Segra de Badia gnarai de munt. 13:00 inant sona le grup Kleeblatt y dales 14:00 va inant le program cun le spetacul da defilé dla Müjiga de Badia. Dedô röia adalerch i tiers de munt acompagnà dai famëis dl paîsc y por stlü jö la festa sona i Bergdiamanten dales 17:00 inant. La Uniun dles Patrones, Uniun di Paurs y la Jönëza da Paur ves aspeta tröc ala Segra de Badia!

♦ Viade tla Val Cianal La Comunanza Ladina a Bulsan invieia dal 6 al 7 de otober 2012 Chest ann à la Comunanza Ladina fat fora de organisé n viade cultural de doi dis per jì a ti ćialé al raion dla Valcanale / Kanaltal / Val Cjanal / Kanalska Dolina tla provinzia de Udin, olà che al viv aldidancuei cater mendranzes mescededes: una de lingaz talian, una de lingaz todesch, una de lingaz furlan, y una de lingaz sloven-windisch. La Val Cjanal (da Pontébe enfin a Tarvis) fova nfin al 1918 sotmetuda a l’Austria a la medema moda dl Südtirol. L priesc per tò pert a chest viade é de € 75,00 per i sozi dla Comunanza y si familiars, per i nia sozi é l priesc de € 90,00 con bele daite la cuota de iscrizion a la Comunanza. L priesc per i mutons anter 5 y 14 anns è de € 20,00. La marena de domenia 7 de otober é da paié extra. A chest viade é enviés de cuer duc i ladins con parenc y amisc; chi che vuel tò pert é periés de se anunzié al numer de telefon 0471983687 o 346-3520845 de Ivan Lezuo da mesdì o do L santuar de Monte Lussari. les 7.00 da seira.

♦ Festa per la capela de Resciesa La Cumpania di Scizeri nvieia duc n dumënia ai 16 de setëmber dala 11.30 a na pitla festa cun santa mëssa y benedescion dla capela de Resciesa che ie unida cumededa su Per chëi che uel jì sun Resciesa cun la furnadoia pòssen furné su dala 8.00 daduman inant per jì pona a pe nchin ora la capela ulache i pluans de Laion y Urtijëi lijerà na santa mëssa dala 11.30. Da dedò unirà la capela benedida y l sarà vel’ rujeneda. L sunerà la Mujiga de Laion y l cianterà l Cor di Ëi de Urtijëi. Duc chëi che unirà su cun l guant dala gherdëina puderà furné su debant. La Lia di Scizeri prëia nce bel de na dunfierta per judé a paië ju la spëises che i à abù per derturé su la capela. La capela de Resciesa. N possa dé na dunfierta paian ite sun l conto dl Kreditinstitut Südtiroler Sparkasse, IBAN IT37X0604558680000005001809 – BIC: CRBZIT2B060 www.lauscdiladins.com

41


Informazions y Manifestazions Cursc Curs de inglesc por chi che laora cun sciori Curs por prinzipianć da scrì emails y baié cun i sciori. Al vëgn tignì sis iadi, de lönesc y mercui a La Val, tl salf dles manifestaziuns, scumencian al 1^ de otober. Prenotaziuns anter le dé 25 de setëmber pro Gustav 333 7689434.  Fotoclub Val Badia: curs da fà jö por prinzipianć

Curs cun Paul Erlacher y Helmut Elzenbaumer. Le curs é partì sö danter döes sëres, ai 18 y ai 20 de setëmber, y bëgn tignì tl salf dla Cassa Raiffeisen Val Badia a San Martin, dales 19.30 inant. Infos: tel. 347 7706384 – e-mail: paul.erlacher@rolmail.net y tel. 338 7941256 – e-mail: elzenbaumer.h@bb44.it

nr. 36 / 14 de setember 2012

♦ Movies & Musicals Le cor ProVoXis inviëia a dui conzerć sot le moto “Movies & Musicals”, a Al Plan de Mareo y a Corvara Al gnarà portè dant toć de grups y artisć dër conesciüs sciöche i Abba o i Queen, musiga da film y toć fora de musicals, danter l’ater Wie im Himmel, Flashdance, Shrek y atri. Al sarà inće val’ picia sorpreja amesa ite... Les rapresentazuns sarà en domënia ai 16 de setëmber 2012 dales 21.00 tl Salf dles manifestaziuns da Al Plan y en sabeda ai 22 de setëmber 2012 dales 21.00 tl Salf dles manifestaziuns da Corvara.

Sigurté söl post de laûr

Referënt: per. ind. gheom. raj. Heinz D’Angelo, a Bornech, dai 19 ai 20 d’otober, 16 ores, dales 8.30 ales 17.30. Por chi che à da püch metü man da laurè o laora pro costruziuns y cun lëgn. Infos: tel. 0474 573411. Massaja a öre y tanf Por cosmetichers y alenadus de wellness. Referënt: Aichner Manuel, Fa. Art of Care, post: Bornech, sabeda ai 13.10.2012, dorada: 7 ores, 8.30–16.30, infos: tel. 0474 573411. Ritual energetich cun peres y cristai

Por cosmetichers y alenadus de wellness. Post: Bornech, cun Manuel Aichner, Fa.  Art of Care, ai 20.10.2012, 8.30–16.30. Infos: tel. 0474 573411. MAG-bolì cun zertificat aladô dl EN 287-1 Por lauranć tl ćiamp dl laorè le metal. Referënt: Oskar Volgger, a Bornech, otober dezëmber, 60 ores. Tel. 0474 573411.

Le cor ProVoXis à studié ite n repertore plajor.

Eletroidraulica

Al gnarà insigné les conoscënzes basilares dla tecnica eletrica scëmpla, la idraulica, la presciun, pumpes idrauliches, ventii, ez.. Referënć: Erich Brun (Firma Festo CH), a Bornech, dai 29.10.2012 ai 31.10.2012, 24 ores, dales 8.30 ales 17.30. Infos: tel. 0474 573 411. Curs de computer por prinzipianć

An podarà imparè da laurè cun Outlook (e-mail) y Word (tesć) adöm a internet. Organisé dal Consëi de Formaziun da La Val y tignì tla scora alta ITC La Ila; le curs döra 8 iadi, tres de jöbia dales 19.45 y pëia ia ai 20 de setëmber. Prenotaziuns pro Gustav Frenademez 333 7689434. Jita cun istruziun

Jita cun n pice curs söla pratica da fà jö sön Senes/Biella olache an sta inće suranöt. Le dé do vàn a fà jö le lovè dl sorëdl sön Sas dla Porta. Informaziuns y prenotaziun obligatora dan di 19 de setëmber pro Paul, tel. 347 4736300 o paul.erlacher@raiffesen.it

♦ Festa dla bales cun “Die Ladiner“ N dumënia ai 16 de setëmber saràl tl zënter Iman a S. Cristina la “Festa dla bales“ ulache l unirà pità bales de uni sort. Mujiga y devertimënt cun la Böhmische de S. Cristina, la grupa di Schuhplattler de Latzfons y la grupa “Die Ladiner“ La festa scumëncia dala 11.00 danmesdì ulache la Lia di Osc’ HGV de S. Cristina pieta bales de uni sort, nce bales dëuces. Ntan l domesdì puderàn scuté su mujiga y n cunzert de “Die Ladiner.“ La cherta de ntreda costa 8,00 euro per persona cun na buanda. Nfurmazions plu avisa y chertes danora pra la Lia dl Turism de S. Cristina, 0471/777800. Nvion duc a unì a passé n valgun’ ëura de bona ueia stajan n cumpania pra la festa dla bales a S. Cristina.

Curs de Zumba - stage a Al Plan Domënia ai 16.09 dales 17.00 ales 18.30, vëgnel fat te palestra d’Al Plan na proa (stage) de fitness Zumba, ginastica cun ritms afro-caraibics, moscedà cun i movimënć dl’aerobica. Al é debann. Sce al rovarà adöm n grup de 30 porsones, vëgnel fat da d’altonn n curs, n iade al’edema. Le Zënter Families Mareo inviëia da gnì a porvè. Curs da balè fox, polca, boarischer

Dai 29 de setëmber inant por 9 iadi, dagnora de vëndres, tl salf dles uniuns a La Val. Prinzipianć dales 19.30 ales 21.00, progredis dales 21.00 ales 22.30. Referënt: Günther Hellweger, che insignarà da balè fox, polca, boarischer etc. Prenotaziuns pro Monica Vallazza al 334/1871385. Curs da balè

L’Uniun dles Ëres da Lungiarü mët a jì le curs cun Veronika Ausserhofer. Al mët man ai 29 de setëmber y va inant por 8 iadi. Le curs é dales 19.30 ales 21.00 por prinzipianć, y dales 21.00 ales 22.30 por progredis. Prenotaziun ćina ai 28 pro Consolata al 0474/590011 da sëra. Yoga nöia

Tl zënter Trayah a Bornech vëgnel metü da jì dai 27.09 inant cursc de yoga cun Anna Steeman, intres dales 18.00 y dales 20.00. Le cost por 10 90 menüć é de 100,00€. Informaziuns ciàfon sot al 340/3644547, o www.anna.steeman.it Curs de inglesc Le KWV Badia mët a jì a Badia cursc de inglesc partis sö te 5 livì. I pröms dui mët man ai 24 y ai 25 de setëmber (da sëra), un ai 23 de otober (danmisdé) y dui ai 29 de otober y ai 6 de novëmber 2012 (da sëra). Vigni curs à 10 leziuns de 2 ores (dui iadi al’edema); le prisc é de 75,00 € (65,00 € por iscrić al KVW). Por informaziuns y prenotaziuns cherdede sö Cristina al nr. 0471/839657 o 333/1591599.

La grupa “Die Ladiner“ sunerà ntan la festa.

♦ Griliada de Ladins Dolomites En sabeda ai 15 de stëmber 2012 gnaral metü da jì dales 15.00 inant a La Ila, söl Lüch Pre da Nëi (Verda - atira sura le Hotel Cristallo), la griliada dl partì politich “Ladins Dolomites”. Düć é dër bel invià a stè n domisdé deboriada.. Tratan le domisdé gnaral inće metü sö na bandira ladina. Por informaziuns pòn cherdè sö le numer 339 7969204.

Val Badia: curs d’inglesc por prinzipianć Por porsones cun degönes conoscënzes d’inglesc. Vigni lönesc dales 18:00 – 19:30 dai 24.09. ai 03.12.2012. Referënt: dr. Alan Dunn; cost: 150,00 euro plü material d’insegnamënt, post: San Martin de Tor – Istitut Ladin Micurà de Rü, iscriziuns: ćina ai 20.09.2012 pro le Sorvisc Formaziun Val Badia al tel. 0474 523 110, fax 0474 524 228, mail: formaziun. vb@micura.it Val Badia: curs d’inglesc por progredis I Por porsones cun püces conescënzes d’inglesc. Vigni lönesc dales 19:45 – 21:15 dai 24.09. ai 03.12.2012. Referënt: dr. Alan Dunn; cost: 150,00 euro plü material d’insegnamënt, post: San Martin de Tor – Istitut Ladin Micurà de Rü, iscriziuns: ćina ai 20.09.2012 pro le Sorvisc Formaziun Val Badia al tel. 0474 523 110, fax 0474 524 228, mail: formaziun. vb@micura.it Ladins Dolomites invëia a aurela cörta y stè adöm.

42

www.lauscdiladins.com


nr. 36 / 14 de setember 2012

Cursc Val Badia: curs d’inglesc por progredis II Por porsones cun conescënzes d’inglesc. Vigni mercui dales 18:00 – 19:30 dai 26.09 ćina ai 05.12.2012. Referënt: dr. Alan Dunn; cost: 150,00 euro plü material d’insegnamënt, post: San Martin de Tor – Istitut Ladin Micurà de Rü, iscriziuns: ćina ai 20.09.2012 pro le Sorvisc Formaziun Val Badia al tel. 0474 523 110, fax 0474 524 228, mail: formaziun. vb@micura.it Val Badia: English Conversation Group

Vigni mercui dales 19:45 – 21:15 dai 26.09 ćina ai 05.12.2012, por baié inglesc do le moto “use it or lose it”. Na buna poscibilité da se alenè tl baié. Referënt: dr. Alan Dunn; cost: 150,00 euro plü material d’insegnamënt, post: San Martin de Tor – Istitut Ladin Micurà de Rü, iscriziuns: ćina ai 20.09.2012 pro le Sorvisc Formaziun Val Badia al tel. 0474 523 110, fax 0474 524 228, mail: formaziun.vb@micura.it Curs de jadiné

Nce chëst ann mët l HC Gherdëina a jì n curs de jadiné per duc chëi che ulëssa scumencé a fé hockey. L curs scumëncia n lunesc ai 17 de setëmber dala 16.20 tl stadio Pranives de Sëlvay jirà inant uni lunesc, per 8 iedesc de ndut dala medema ëura. Per plu nfurmazions pudëis scrì a vito.delucca@virgilio.it Curs de jadiné

L Eisclub Gherdëina mët a jì n curs de jadiné per mutans y mutons tl stadio dala dlacia Pranives te Sëlva. L curs scumëncia duman sada, ai 15 de setëmber dala 9.00 nchin la 10.00 daduman. L curs jirà inant for de mierculdi dala 15.15 nchin la 16.15 y de sada dala 9.00 nchin la 10.00 daduman, de ndut 8 iedesc. N possa se nuté su pra Rita, 335/5851119 o mandan n e-mail a info@eisclubgardena.com Ann dla fede: n’ocajiun por renové y aprofondì nosta fede!?

Le curs “Renové y aprofondì nosta fede” vëgn indô tignì dala referënta Michaela de Beyer a La Ila vigni secundo mercui, a mëte man dai 26 de setëmber 2012 ćina ai 15 de mà 2013 por indöt 15 incuntades, dagnora dales 19.30 ales 21.00 te calonia basìte a La Ila. Informaziuns ciafon inće sot a: www.glaubenserneuerung.de

Informazions y Manifestazions ♦ Lian por les lies da munt Invit ala pröma indunada dla Lia da Munt Ladinia Val Badia Al é bele plö agn che les lies da munt dla Val Badia baia da se mëte adöm. Ti ultims agn él bele gnü fat deboriada le program dles ativitês. Śëgn éra tan inant. I consëis dles trëi lies s’à bele incuntè y à fat fora che i tëmps é madüs y che al é ora che chësta uniun sides fata. Al é gnü aprovè le statut, al é gnü metü sö n consëi che à spo nominé n presidënt. Porchël orunse fà festa! Düć i mëmbri y Senes sarà la munt por la presentaziun ofiziala dla Lia da Munt apascionà dles lies da Ladinia Val Badia. munt dla Val Badia é invià en domënia ai 23 de setëmber sön Senes ala pröma indunada dla Lia da Munt Ladinia Val Badia. L’incunada scomenciarà dales 11:00 cun na funziun religiosa, spo gnaral presentè ofizialmënter la lia. Dedô spo saral na marënra por düć i iscrić ales lies da munt dlaVal Badia. Al ne manćiarà nia na cornisc musicala. Gnide düć a chësta 1a indunada dla Lia da Munt Ladinia Val Badia!

♦ Tëmp y ligrëza cun mituns Curs por geniturs, che à mituns da 0 a 18 agn

Imparè da balè a Badia

Le curs da balè metarà man a Badia la sabeda ai 22 de setëmber, dales 17:00, y gnarà tignì dagnora dales 17:00 ales 18:30, por sis iadi indöt. Tel. 338 6219981.

Iadi, jites y escursions Da Burgeis a Schluderns

La grupa Nëus Jon Pa Bel Plan dla Lia da Mont de Gherdëina mët a jì ai 23 de setëmber na jita da Burgeis a Schluderns. L unirà jit sun l “Sonnensteig” de viers de Mals, inant sun l “Leitenwaal” te Matsch y ora dal’ autra pert sun l “Bergwaal.” L sarà da jì 4 ëura cun n pitl deslivel. Per plu nfurmazions pudëis cherdé su Elfriede, 348/0469287. Arpizeda sportiva tla Carnia L GAG mët a jì doi dis de arpizeda sportiva tla Carnia. L unirà muet ai 15 de setëmber dala 5.30 daduman sun plaza S. Antone. L sarà da crì ora danter 82 vies, de uni deficultà. Da tò pea iel massaria da jì a crëp, sach da durmì y da maië per doi dis. Per plu nfurmazions y per se lascé nuté su pudëis cherdé su la Nëus Jëuni Gherdëina, 0471/799006. Ascutè i cerfs che büra

Ai 20 de setëmber organisëia les Lies da Munt Val Badia da jì tla natöra a ascutè sö le buré di cerfs, deboriada cun n iagher. PLÜ Informaziuns: Carla Valentini al 335/8356197.

Chino Chino Eden Cortina

Tratant chesta fin dl’edema, l vender da les 18.00 y la sabeda y la domenia da les 18.00 y da les 21.00, saràl da vedei tl chino de Cortina d’Ampez l film fantastich de Ridley Scott “Prometheus”. Per infos: 0436/881812. Chino da mont

“CortinainCroda” met da jì l vender ai 14/09 da les 21.00 tl Chino Eden de Cortina la proiezion dl film “Sister” de Ursula Maier, che à venciù pro l ultim festival dl chino de Berlin la Laours de Arjent speziala. Al Chino de Cianacei En sabeda ai 15 de setember da les 21.15 e en domenia ai 16 da les 21.00 se podarà veder “Il Cavaliere oscuro. Il ritorno”; en sabeda ai 22, h 21.15 e en domenia ai 23, h 21.00, vegnarà moscià enveze “I Mercenari 2”. Al Chino de Tieser

Da insnet, vender ai 14 de setember, enscin en mèrtesc ai 18, semper con scomenz da les 21.15, se podarà veder l film “Prometheus”, en vender e en mèrtesc en 2D, en sabeda, domenia e lunesc en 3D. Dai 21 ai 23 de setember vegnarà moscià “Il Cavaliere oscuro. Il ritorno”.

Sport “Sport per crescer” tel chino de Cianacei

Insnet, vender ai 14 de setember da les 20.00 la Sportiva Hockey Club Val de Fascia endreza tel Chino de Cianacei na scontrèda dal titol “Lo sport: strumento di formazione delle personalità”. La psicologa del sport Daniela Cavelli rejonarà de l’emportanza de duc i sport per fèr crescer i joegn a na vida sèna.

En jöbia, ai 11 d’otober 2012, dales 9.00 ales 11.30, piarà ia a La Ila, pro la Cassa Raiffeisen le workshop dal moto “Starke Eltern - Starke Kinder”. La referënta é la sig.a Ingrid Hofer Kienzl. Le curs de 8 indunades che vëgn fat tl lingaz todësch, sarà vigni jöbia danmisdé dales 9 – 11.30 dai 11 d’otober ai 29 de novëmber 2012. Le curs costa 45,00 € por porsona singola, 55 € por i pers. Al gnarà tignì, sce al é almanco Inće l’educaziun ô gnì imparada. ot porsones che se prenotëia. Informaziuns y iscriziuns pro Sandra al numer 348/7821170 o por mail a sandra_frenademez@yahoo.it Organisaziun: KVW-La Ila y Consëi de Formaziun dl Comun de Badia.

♦ Kreativ - döta la creativitè en mostra a

Balsan Kreativ é la mostra dedicada al monn dla manualité creativa, dles decoraziuns y dles erts, cun na gran lîta de produć, cursc y idees olache al i vëgn dè pëis al laûr fat a man y l’artejanat artistich Te süa secunda edizion i ofrësc la manifestaziun ai apascionà dla creativité: 160 espositurs cun novitês dla Talia y da foradecà, 207 artisć en mostra, 10 mostres originales y plö de 100 cursc da podëi se scrì ite. Tla mostra Kreativ ciafëise cater ambiënć arjignà ca per cursc y esposiziuns unics y originai. La mostra Kreativ é da odëi tl padiliun dla Fiera de Balsan da en vëindres 14 ćina en domënia ai 16 de setëmber 2012, dales 9:30 ales 18:30. Per deplü informaziuns pôn ćiarè ite tla plata internet www.kreativitalia.it o cherdé sö le numer de telefonn 0471 565000. www.lauscdiladins.com

43


Informazions y Manifestazions Temp lede Uniun dles porsones vëdues y sores dla Val Badia a Abano Terme Iade cun coriera a Abano Terme, set dis tl Hotel Terme Helvetia, dai 4 ai 11 de novëmber. Iscriziuns pro Monica Costa Clara, tel. 0474 590069, terminn: 20 d’otober. Prisc por porsona te ćiamena dopla y pensiun plëna: 530,00 euro, te ćiamena da un: 600,00 euro. Vijité les mineores dl Fursil

L Istitut Cultural Ladin “Cesa de Jan” met da jì per l auton 2012 vijites con acompagnadour a les mineores dl Fursil. Les vijites peia via en vender ai 14/09 y va inant vigni mertesc y vender fina a la fin de otober. An peia via dal zenter de Col de S. Lizia da les 8.30. Per infos: 0437/720609 o info@istitutoladino.org. Festa per l marcià rëidl

La Butëiga dl Mond a Urtijëi festejea 5 ani da canche la ie unida giaurida y nvieia duc n dumënia ai 23.09. dala 9.00 daduman a na santa mëssa te dlieja de Urtijëi cianteda dala grupa Quilisma y da dedò te cësa de cultura a n bon gusté rëidl, mujiga y juesc per pitli y granc cun la grupa Trix. Storia, ert y artejanat – vijita meneda tl Museum de Gherdëina

N juebia ai 20 de setëmber da mesa la cater domesdì pieta l Museum na vijita meneda tres la culezions dl’ert y dl artejanat de nosta valeda, tla rujeneda taliana y da mesa la cinch tla rujeneda tudëscia. N possa se lascé nuté su tl Museum o tla Lies dl Turism dla valeda. www.museumgherdeina.it Cumpré ite y cunsumé pensan do L KVW de S. Cristina deberieda cun la Butëiga dl Mond y cun l sustëni dl Servisc Furmazion de S. Cristina mët a jì n “workshop” dal titul “Konsumpass - bewusst einkaufen, konsumieren und genießen“ cun la referënta Silvia Dalvai ai 13.10. dala 16.30 te biblioteca “Tresl Gruber” a S. Cristina. N possa se nuté su pra Daniela Perathoner, 333/3990635. Di zënza auto y garejeda de sauté

L Chemun de Urtijëi mët a jì cun la lia Gherdëina Runners, la Butëiga dl Mond y la Lia dl Turism ai 22.09. n ucajion dl “Di zënza auto” na garejeda de sauté tl luech de Urtijëi. Iscrizions pra la Lia dl Turism, ortisei@valgardena.it o 0471/777600 nchin ai 21.09. dala 18.00 o ai 22.09. dala 15 sun plaza S. Antone. La nuet longia di Museums

N sada ai 22 de setëmber saràl inò “La nuet longia di Museums.“ Tl Museum de Gherdëina a Urtijëi saràl dala 17.00 inant n pogram per mëndri y granc. Dala 20.30 saràl n referat cun l prufessëur Wilhelm Lutz. Sëuraprò uniràl metù a jì doi jites menedes dal pruf. Lutz, ai 22.09. y ai 23.09.

Avisc Iade al Consëi provinzial Les uniuns dles patrones dla Val Badia organisëia n iade a ti ćiarè al Consëi provinzial a Balsan ai 2 de otober. An pëia ia da Badia dales 08:00. Söl programm él la vijita al Consëi provinzial, la marëna y domisdé da jì a ćiarè ales piramides sön Renon. Infos: Edith Miribung, La Val, tel. 0471/843187, cina ai 26-10-2012. Zënter families “ergobando”

L’assoziaziun “ergobando” à metü man indô söa ativité, le zënter é davert vigni vëndres dales 15.00 ales 17.00. Laprò dauriaral ai 3 d’otober inće de mercui danmisdé, dales 9.30 ales 11.30 por i plü pici mituns ćina ai 3 agn. Camper dla Zentrala di Consumadus

En lönesc ai 24 de setëmber, dales 9.30 ales11.30, saral a La Ila söla plaza dla Ćiasa de Cultura Anna Willeit y Vinzenz Hilber, colaboradus dla Zentrala di Consumadus, che darà consëis sön i sorvisc dla Zentrala: problems finanziars, assiguraziuns, sparagns, sciöldi, radiaziuns, mediaziun te conflic y d’ater. Udiënzes dla Uniun di Ostis

La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. SC Ladinia: barat di materiai adorà

Le Schi Club Ladinia lascia alsavëi che incö vëndres ai 7 de setëmber dales 15.00 ales 18.00 vëgnel tignì tla sënta dl schi club le barat di materiai adorà. Udiёnza dla defensuria zivica dra. Burgl Volgger o söa sostituta dra. Verena Crazzolara

En vёndres ai 14-09-2012, 14.30-16.00, a S. Martin, Ćiasa de Comun. Chёsc sorvisc, che é gratis, ofrёsc informaziun y aiüt ala jёnt, por les aministraziuns publiches (provinzia, comuns, assistenza sanitara...). Por informaziuns plü avisa telefené al nr.0471 301155. Neva palestra a Cianacei

Apede al zenter Dòlaondes l’é stat enaudà enstadì la neva palestra “Planet Gym” olache vegn fat corsc de Spinning, Firbox, Step, GAG, Just pump, Total Body, Aerobica e autra sorts de tecniches per se tegnir alené. Per informazions se oujer te palestra, aló dal zenter Dòlaondes. Tesseramenc per l’hockey Fascia La sportiva Hockey Val de Fascia à enjignà la tesseres per poder ite al stadie Scola a veder la partides del campionat de serie A, che da chest an les vèl ence per jir coi feres. Se pel cerner anter la tesseres: Gold, Family, Full, Mid e Young. Info te stadie de Dèlba, tel 0462.602499 o info@hockeyclubfassa.com.

44

www.lauscdiladins.com

nr. 36 / 14 de setember 2012

♦ Nöt lungia di museums Program dla “Nöt lungia” tl dui museums tla Val Badia En sabeda, ai 22 de setembër, en gaujiun dla “Nöt lungia di museums”, él la poscibilité da jì debann dales 21.00 ćina les 24.00 tl Museum Ladin Ćiastel de Tor a San Martin y tl Museum Ladin Ursus ladinicus a San Ćiascian. Al Museum Ladin Ćiastel de Tor a San Martin sonarà dales 21.00 inant “Anita y Zenzo” y dala medema ora gnaral presentè a San Ćiascian tl Museum Ladin Ursus ladinicus le “Pice acompagnadù d l Le duo Anita y Zenzo sonarà al Museum Ladin de Tor. Museum” cun guides por todësch dales 21.00 y por talian dales 22.00. Te trami i Museums pudaran ćiarcé inće produć locai, y n sorvisc debann de taxi se condujarà da San Ćiascian a San Martin dales 20.00-21.00-22.00 y 23.00, y dales 20.3021.30-22.30 y 23.30 da San Martin a San Ćiascian.

♦ Nodè y movimënt por pici y gragn Nodè por mituns Badiasport mët indô a jì cun otober alenamënć da nodè y atletica por mituns dala 3a tlassa elementara ćina ala 3a mesana. Al vëgn insigné i stii lëde y spiné, sciöche inće la basa di stii arosch y delfin. Le training de altetica lisiera alza fora les capazitês de coordinaziun y de condiziun, al vëgn inće insigné les formes de basa dles singoles disciplines de atletica lisiera. Nodè vëgn tignì vigni lönesc tla Nodè é sann y fej plajëi! nodadoia da La Ila, l’atletica lisiera vigni jöbia tla palestra dla scora mesana da La Ila por la perioda otober 2012 ćina mà 2013. Nodè por prinzipianć Badiasport organisëia indô n curs da nodè por prinzipianć mituns dala 1a ala 4a tlassa elementara. Le curs vëgn tignì vigni mercui domisdé tla nodadoia da La Ila por la spana de tëmp otober 2012 ćina mà 2013. Al é dè la poscibilité por i plö bogn da passè tl grup de alenamënt do n pü de tëmp. Nodè pur gragn Cun otober mëtel indô man “Nodè adöm” – nodè por gragn. Al vëgn insigné i 4 stii lëde, spiné, arosch y delfin, y mioré la coordinaziun y la condiziun. Le curs vëgn tignì tla nodadoia da La Ila vigni mertesc dales 19.30 ales 20.30 (prüm grup) y dales 20.30 ales 21.30 (secundo grup) por le tëmp da otober 2012 ćina mà 2013. Al ne se trata nia de n curs por prinzipianć, porchël vëgnel damanè les capazitês de basa dl nodè. Por informaziuns y iscriziuns pon menè na e-mail a posta@badiasport.org

♦ Orienteering, na manifestaziun daverta a

düć i interessà, pici y gragn Chësc findledema, ai 14/15/16 de setëmber, vëgnel metü a jì a Corvara y sön Piz Sorega gares d’orienteering. En chësc ann ospitëia l’Alta Badia le ”Trofeo delle Regioni” En vëndes ai 14 de setëmber vëgnel metü a jì na Gara Sprint tl paîsc da Corvara. I partezipanć pëia ia dales 15.30. La Gara a stafeta metarà man le dé do, sabeda ai 15 de setëmber dales 11.30 tl pré dan le Boè a Corvara. Dales 18.00 gnaral fat na sfilada dles delegaziuns regionales acompagnades dala musiga da La Val y dales 18.30 saral la premiaziun. Le Hockey Club Alta Badia y le Ice Club Alta Badia arignarà ca na bona griliada te pinëi (tal. “pineta”) la sabeda da misdé y inće da sëra. Da sëra saral DJ Patrick Zingerle che se crüzia dl intrategnimënt musical. La domënia gnaral fata la Gara Long sön Piz Sorega a San Ćiascian. La pröma partënza sarà dales 10.00 danmisdé. Düć pò se scrì ite ales gares sön la plata internet www.altabadiaorienteering.com y dan le start diretamënter söl post. Le cost Divertimënt y movimënt. dl’iscriziun é de 6,50 euro. Düć canć, pici y gragn, chi che conësc bele l’orientamënt y chi che ess vëia da le porvè fora, é invià a tó pert. Por informaziuns podëise cherdé sö i numeri de telefonn 0471 839536 o 830161.


nr. 36 / 14 de setember 2012

Mostres y Ert Mostra de Natia Kalandadze Tla Galaria Ghetta a Urtijëi iel da udëi na mosta de pitures dl’artista dla Georgia, Natia Kalandadze. La mostra sarà da udëi nchin ai 29 de setëmber.

Informazions y Congratulazions ♦ Presentaziun dl stüde söla vila de Seres En mercui ai 19 de setëmber 2012, dales 17:00, a Lungiarü, tl Salf dles manifestaziuns

Mostra de scultura da fiertla

Le Comun da San Martin de Tor y la Technische Universität Dresden, Professur für Denkmalpflege und Entwerfen, presentëia le stüde fat söla vila de Seres ai 19.09.2012, dales 17:00 a Lungiarü, tl Salf dles manifestaziuns.

L vën metù a jì na mostra de scultura da fiertla tla Cësa de Cultura a Urtijëi. N puderà udëi chiena y scultures storiches, che i marcandënc de Gherdëina vendova ora per duta l’Europa. La mostra sarà da udëi nchin ai 16 de setëmber. Mostra de Roland Moroder de Go de Go La mostra de pitures de mejes da zacan ie da udëi te Sëlva, te Tublà da Nives. La mostra ie da udëi nchin ala fin de setëmber, uni di dala 17.00 nchin la 19.00. Mostra de pitures de Ezequiel Herrera

La Lia Mostra d’ Ert Ve nvieia de cuer a unì a ti cialé ala mostra de pitures “MATICES” tla sala dla lia sun plaza S. Antone a Urtijëi. La mostra sarà da udëi nchin ai 21 de setëmber uni di 10.00 – 12.00 y 16.00 – 19.00.

♦ Fin dl’ena dedicà al alpinism La Scola de Alpinism Catores deberieda cun la Lia per l Turism de Urtijëi nvieia duc al fin dl’ena dedicà al alpinism “Val Gardena Alpine Weekend” a Urtijëi, dai 14 nchin ai 16 de setëmber N vënderdi ai 14 de setëmber saràl dala 20.30 te Cësa de Cultura “Luis Trenker” n referat de Ueli Steck dal titul “Speed.” Chertes de ntreda danora pra la Lia dl Turism de Urtijëi o da sëira pra la ntreda. N sada ai 15 de setëmber saràl dala 20.30 te Cësa de Cultura “Luis Trenker” n referat per tudësch dla Grupa Catores y dl Aiut Alpin Dolomites n con’ de “Die Flugrettung in den Dolomiten: Damals – Heute – Morgen.“ N chësta sëira ie la ntreda debant. N dumënia ai 16 de setëmber se ancónten dala 8.00 da duman pra la stazion dl mplant de Secëda. L unirà jit a crëp deberieda cun i mëinacrëp Catores. Plu nfurmazions y iscrizions tl ufize di mëinacrëp Catores, 17.00 - 19.00.

Trasmiscions TV y Radio Paladina – Nosta Scola

En jöbia ai 20 de setëmber dales 20:30 deura la trasmisciun “Nosta scola” trëi finestres sön la scora y sön la scolina ladina por informè sön deplü inizatives tl contest educatif. Tratan l’isté pîta l’Intendënza Ladina ativitês desvalies por mituns y mitans de vigni eté. Da odëi saràl n proiet de teater y ert che à le fin de condüje i mituns y les mitans tres le prozess de mudamënt y de passaje dala scora elementara ala scora mesana. Vigni ann de scora vëgn inaugurè cun la gran adunada de insegnantes y de insegnanć al „Dé dla Scora Ladina“. La presentaziun dles novitês scolastiches a livel aministratif y le referat dl porf. Rico Cathomas à caraterisé le contignü de chësta manifestaziun. Insigné i lingac é n aiüt por l’ integraziun. Cun chësta tematica s’à dè jö la scolina por mituns y mitans de migranć te Gherdëna. Tesć y conzet dla trasmisciun é studià da Sara Frenner cun camera y tai de Jan Piere Karbon. “Kairos” l temp del Spirit sun TML

Sun TML de sabeda e domenia se pel veder la rubrica religiousa “Kairos”, con letura del Vangele e coment. A ne portèr dant sia reflescions su la Parola de Die l’é ades don Alfredo Pederiva. L program vegn manà fora de sabeda h. 18.30, 19.45, 21.15 e 22.15; de domenia h. 7.15, 10.00, 12.00, 14.00 e 18.45. La programazion de TML é ence sul sit www.tmltv. it e i programes de Ercamedia ence sun www.tvladina.com.

Program: Do les parores de salüt da pert dl dr. Heinz Videsott - Ombolt da San Martin de Tor, saral le prof. dipl-ing. T. Will dla Université de Dresden La jënt é inviada da gnì ala presentaziun dl stüde söla vila de che tignarà na Seres. introduziun, y spo cuntarà le dipl.-ing. Andreas Fuchs dla medema université söl stüde che é gnü fat. Dedô jaran a ćiarè la vila de Seres. Le domisdé gnarà stlüt jö cun n renfrësch. Düć é dër bel invià!

Mujiga Jean Ruaz a la Grenz En vender ai 21 de setember rua te Fascia l ciantautor badiot Jean Ruaz, che te so conzert per ousc e chitara l ne portarà te n viac musical fin a l’Havana, Cuba, per prejentèr so nef cd “Perde”. L conzert tacarà da les 21.30 te la senta de la Grenz, te strada Saslonch 56 a Moena. Info sul sit: www.lagrenz.org. Conzert “Ćiantè cun ligrëza” a Calfosch

Le Cor de Dlijia organisëia chësc conzert, en domënia ai 23 de setëmber, dales 18:00 tl Salf dles manifestaziuns.

Referac Avëi ligrëza y ester contënć, inće sce i agn pësa

Referat de siur Tone Fiung, tl Salf dles manifestaziuns a La Val, en mercui ai 19 de setëmber dales 15:00. Organisaziun: grup jënt atempada y Consëi de formaziun. Nosta pension al segur o muessi pa fé zeche deplù?

La SVP nvieia i zitadins de Urtijëi ai 14.09. dala 20.30 tla pitla sala dla Raiffeisen de Sëlva, filiela de Urtijëi a na sëira de descuscion cun l espert de pensions Helmuth Renzler. L ie la puscibltà de se ancunté n chël domesdì cun l espert. Per se nuzé de chësc muessen se lascé scrì su sot a svpurtijei@gmail.com o de cherdé su l 335/5432071 (Alexander Comploj).

Religion Preparaziun al Bato

La Uniun dles Ëres da La Val inviëia a La Val i geniturs che aspeta n pice y i toć ala Preparaziun al Sacramënt dl Bato, en sabeda ai 15 de setëmber dales 15.00 a La Val. Prenotaziuns te calonia da La Val al 0471/843121. Pelegrinaje cun coriera a Trens y a Pfitsch L’Uniun dles porsones vëdues y sores dla Val Badia inviëia a chësc iade che sarà en jöbia ai 27 de setëmber, la pröma coriera pëia ia dales 7:00 a San Ćiascian, l’atra dales 7:15 a La Pli de Mareo. Informaziuns: dan i 24 de setëmber pro la rapresentanta de paîsc, o al nr. tel. 0474 590069. Gran festa n ucajion dl ancunteda dla pluania a S. Cristina L Cunsëi de Pluania mët a jì n’ancunteda cun duta la jënt dla pluania, ai 17 de setëmber dala 20.30 te gran sala de chemun a S. Cristina per spieghé chël che vën fat y per crì plu cuntat cun Ia populazion. Seniëur pluan Vijo Pitscheider y seniëur pluan Raimund Perathoner rujenerà di mudamënc che la dlieja fej y dla deficultà che porta l unì demanco di prevesc.

“Istadela Comandela” tel Cianton de l’Istitut

Te “L Cianton de l’Istitut” sun TML amò chest fin de setemèna l’é l program su la scomenzadiva “Amisc del Museo Ladin” e l filmat “Antica terra ladina”. Con en lunesc ai 17 de setember se podarà veder l spetàcol “Istadela Comandela. L viac di joegn draghes” portà dant l’istà passà dai arlieves de la scola de musega “Il Pentagramma”. Oraries orientatives: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15 e vender h. 11.30. “Ercaboan Istà” sun TML e sul web

Sun TML chesta sabeda ai 15 de setember pea endò via la programazion tradizionèla de “Ercaboan” con la conduzion de Silvano Ploner. Chisc i oraries: sabeda h. 18.00 e 20.45; domenia h. 13.30 e 18.15 e replica duta la setemèna: lunesc h. 20.45; mèrtesc h. 17.30; mercol e jebia h. 18.15. La programazion de TML é ence sul sit www.tmltv. it e la produzions de Ercamedia sun www.tvladina.com.

I i augurun a

Vinzenz y Siegrid döt le bun! Tröpa fortüna, sanitè y benedisciun por osc dagní se aoda de cör üsc cumpagns.

www.lauscdiladins.com

45


Congratulazions y Inserac A Mary y Manuel che se marida en sabeda, ai 15 de setëmber, uruns’ ti fà les mius aodanzes de tröpa ligrëza y furtüna cun tröpes sodesfaziuns te süa vita deboriada. Da ostes families Pezzedi y Riz

A Manuel e Maria … da rujum mai no vegn un cher dut cant de arjent che vif sorì e seren con pievia o sot al vent… Andy Warhol, Marge Simpson, Catwoman e Banksy

Manuel e Maria ve auguron na vita piena de colores, legreza e… patoFIES! la amiches de la redazion de La Usc de Fascia

Ai 20 de setëmber festejëia

Emma y Albino

nr. 36 / 14 de setember 2012

N pèr de Südtirol chier na pitla pension o n residence da tò a fit te Gherdëina. Prëibel cherdé su l 0473/656115.

L vën vendù a bon priesc doi de gran dlaciadoies 2,3 x 1,75 x 2,23 m. Prëibel cherdé su l 335/1837777. info@frigoinstal.it

Al vëgn afité ia n apartamënt a Al Plan por döt l'ann. Prëibel cherdè sö le 339/7899107.

L vën fità via n cuatier tl zënter de Urtijëi y na luegia da lascé l auto per dut l ann. Prëibel cherdé su l 338/6663333.

Al vëgn afité ia dui de pici apartamënć a Badia, Pransarores. Prëibel cherdé sö le 0472/812315.

A San Ćiascian vëgnel afité ia a jënt dl post n apartamënt de 70 m2. Prëibel cherdé sö le 339/7004608.

Art Hotel Cappella ****S a Calfosch chir por söa ćiasadafüch gourmet n bun chef de partie cun esperiënza por la sajun da d’invern. Prëibel cherdè sö le 0471/836183 o diretamënter le Executive Chef, Albin Widmann al numer 335/6868600   o scriede na e-mail a info@hotelcappella.com

Ütia Boconara da Corvara chir por la sajun da d’invern na porsona a daidé te ćiasadafüch, cun esperiënza y poscibilmënter dl post. I interessà pò cherdé sö le numer 338/8725621 o scrì na e-mail a life@boconara.com

L vën crì n’ëila ulentiva per cialé de na pitla muta de n ann y fé stroc te cësa, te Sëlva per 5 o 6 dis al’ena danmesdi. Per nfurmazions prëibel cherdé su l 333/3128877.

Ostaria Plazores a Al Plan chir por la sajun da d’invern na chelnera poscibilmënter dl post, n secundo cogo, n aiüt te ćiasadafüch. Prëibel cherdè sö le 347/4334373 o menè na e-mail a info@plazores.com

50 agn de matrimone. I mituns adöm a sües families ti aoda düt le bun y ćiamò tröc agn de ligrëza un cun l’ater.

Snack Bar Corf a Corvara chir por la sajun da d’invern n/na porsona a daidé te ćiasadafüch, poscibilmënter dl post. Prëibel cherdé sö le 328/3347411.

Les mius aodanzes a

Maria y Enrico che mët man induman sabeda ai 15 de setëmber 2012 süa vita deboriada. Che osc dagnì sides implì de ligrëza, sanité y benedisciun. Chi de familia

46

www.lauscdiladins.com

A Urtijëi vëniel cris per l studio inj. Siegfried Comploi y arch. Paul Costa n cunlauradëur che sà da dessenië cun Autocad y sà nëut cun Archicad. Nteressei possa cherdé su l 0471/798453.

La Scola de Schi de Sëlva chier secreters/es, persones per l mprëst dai schi. Prëibel cherdé su l 0471/795156 o mandé n email a info@scuolasciselva.com

Tl zënter de Urtijëi vëniel fità via a jënt da tlo dal prim de utober inant y per dut l ann n pitl cuatier per al plu 2 persones bele njenià ite. Prëibel cherdé su l 340/3037181.

L vën vendù a Pruca n blòt cuatier de 76 m2 cun 3 locai te na luegia chieta. L ie 2 majons, stua y cësadafuech dut un, n bani, 3 piguei, ciulé y garage y n lift. Tlass de energia G. Prëibel cherdè su l 0471/053044 o l 348/2254810.

L vën fità via a jënt da tlo n gran cuatier a Ciastel, cun 3 majons, stua, cësadafuech, doi banies, ciulé y luegia da lascé n auto. L cuatier ie fat ora. Prëibel cherdé su l numer 0471/053044 o l 348/2254810.

Tl zënter a la Ila, sön strada, vëgnel afité ia n local y magazin por botëga o ofize. Prëibel cherdè sö le 339/7052729.

Garni Mirabell a Calfosch chir por la sajun da d’invern por les sabedes na ëra a puzenè. Prëibel cherdé sö le 0471/836341.

A Badia vëgnel afité ia da otober inant a jënt dl post n apartamënt da 53 m² cun 2 ćiamenes, na ćiasadafüch/stüa y 1 bagn. Por informaziuns podëise cherdé sö le 335/5772247.

Hotel La Tambra a Corvara chir por la sajun da d’invern n cogo por le grill, na secreteria/chelnera, coghi, na chelnera/ćiamenëssa. Prëibel cherdé sö le 0471/836281. info@latambra.com

Hotel Miramonti a Pedraces/Badia chir por la sajun da d’invern n secundo cogo cun esperiënza poscibilmënter dl post. Prëibel telefonè al 0471/839661 o menè le curriculum a info@miramontihotel.it

Hotel Arkadia ***S a Corvara chir por les proscimes sajuns chisc colaboradus dl post: 1 tornanta por salf, y ćiamenes, 1 lavataîs, 1 secundo cogo. Prëibel cherdé sö le 335/6565787 o scrì a info@hotelarkadia.it

Pizzeria Restaurant Fornella a Corvara chir por la sajun da d’invern n cogo, na chelnera, n lavataîs. Prëibel cherdé sö le 335/6088668 o menè le curriculum a oscar@morin.it


Inserac, Religion y Anunzies

nr. 36 / 14 de setember 2012

Da chirì L vën crì n cuatier da tò a fit te Gherdëina per dut l ann per 3 – 4 persones. Tel. 389/1929980 o 0471/790269. (34/12) ••• L vën crì n cuatier per na familia de 4 persones te Gherdëina per dut l ann. Tel. 349/4964230. (34/12) ••• Na familia de 3 persones dla Talia che

stà bele te Gherdëina chier n cuatier cun 2 majons, stua, cësadafuech y n piguel a S.Cristina o a Urtijëi. Tel. 347/9715458. ••• L vën cris n cuatier da to a fit a Urtijëi per 2 persones. Tel. 333/3001113. (34/12) ••• L vën crì a Urtijëi na majon per una na persona per la sajon da d’inviern da mez

dezëmber nchin a mez auril. 338/5027357. ••• L vën crì n cuatier da tò a fit a Urtijëi per na familia dla Talia che stà bele te Gherdëina. Tel. 349/7551258. (36/12) ••• N ost da tlo chier n apartamënt cun 2-3 majons da to a fit per la sajon da d'inviern. Tel 339/3238833. (36/12)

Da vende Al vëgn venü n portaschi de inox por VW Caravelle. Tel. 335/7373981. (34/12) ••• Al vëgn venü n tanch cun pumpa por gasöre da 750 litri. Tel.  335/7373981. (34/12) ••• Da vëne 60 m2 de laminat corù ros, cun laprò le tapet sotite, adorè mo nia roviné. Tel. 338/1247479. (34/12) ••• l vën vendù na mascin da suië besc dla Miele y na mascin da paidlnè dla Miele, 120 cm lergia. Tel. 339/7127472. (35/12) ••• Da vëne brëies da tët de lersc, trëi func, por na spersa de zirca 100 m2 de tët, adorades cater agn. Tel. 335/8460560. (35/12) ••• Da vëne lëgna fata sö y vancëis a Al Plan. Tel. 0474/501272. (35/12) ••• L vën vendù n dlaciadoi y na “fritteuse“

te Sëlva. Tel. 0471/795156. (36/12) ••• Al vëgn venü na dlaciadoia a S.Ciascian a 50,00 euro. Tel. 339/6870823. (36/12) ••• Al vëgn venù n BMW 118i 129CV cun 87.000 km imatricolé dl 2005. Laprò el montli y cërtli da d’invern. Tel. 0474/523214. (36/12) ••• L vën vendù na roda da d’ël per na persona granda 1,75 – 1,85 m cun telaio de carbonio y dut l material Shimano Dura-ace, a 1.850,00 euro da traté. Tel. 0471/793671 o 335/7040572. (36/12) ••• L vën vendù n pèr de schi Elan da slalom de 1,50 cm fac ju da gara y n per de schi Elan da slalom lerch de 1,76 cm fac ju da gara. Tel. 0471/793671 o 335/7040572. (36/12) ••• Al vëgn venü lëgna sëćia bele fata sö de liac de 40 cm y vancëis, a Mantëna (Al

L vën cris da lëur te Gherdëina sciche segondo cuech per la sajon da d’inviern. Tel. 333/8356981. (34/12) ••• N jëunn chier da lëur da pizzaiolo per la sajon da d’inviern te Gherdëina y ntëurora. Tel. 329/5662262. (34/12) ••• N ël che stà bele da 13 agn tla Val Badia chir n laûr te ofize, reception, te na botëga dal sport o a imprestè fora schi. Tel. 327/6237300. (34/12) ••• N ël dl Perù cun esperienza che à laurà te na cësa de paussa chier da lëur a cialé de na persona de tëmp. Tel. 320/3311500. ••• N pizzaiolo chier da lëur per la sajon da d’inviern te Gherdëina. Tel. 346/6073656. ••• Om y fomena che abitëia a San Martin, chir laûr por la sajun da d’invern, te n hotel o na ütia da munt dla Val Badia, ëra sciöche ćiamenëssa, ël sciöche lavataîs o fà-döt. Tel. 373/3336241. (34/12) ••• Badante ucraina che laora da egn te Fascia, con referenzes, chier lurier fis e regolèr dai 15 de setember che vegn. I enteressé pel chiamèr te redazion de La

Usc de Fascia, tel. 0462.764545. ••• Al vëgn chirì n post de laûr da ciafêr, inće da taxi, o desco magazinier. Tel. 338/7780366. (35/12) ••• N’ëila de Gherdëina chier n lëur te butëiga o nce vel’auter lëur, da śën inant. Tel. 0471 793222. (35/12) ••• N ël chier da lëur per la sajon da d’inviern a lavé ju o a fé d’uni sort de stroc, sce l ie mesun te Gherdëina. L à bele esperienza te chësc lëur ajache l à bele fat trëi sajons tl hotel Antares te Sëlva. Tel. 328/9318568. (36/12) ••• N’ëila chier da lëur sciche ciamenëssa o a puzené te cëses privates, la à bele esperienza te chësc lëur, a Urtijëi o ntëurvia. Scenó cialëssela nce sun pitli mutons. La stiera pudëssa vester a mez tëmp o per dut l di, ma nia da sëira. Tel.

Plan). Tel. 0474/501679. (da sëra). ••• Da vene rans sec de lersc, pinch o pecio sies sö de 50 cm e vencëis. Tel. 347/5004691. (36/12) ••• L vën vendù n Quad Arctic Cat 550i, dl 2011, 4x4 cun ridotes, deferenzial dancà y dovia, servo, cuplung per njin da taché do, binda cun na forza de 1.360 kg, 1.200 km a 7.750,00 euro. Tel. 345/7110501. (36/12) ••• Da vëne n Jeep Suzuki Jimni 1.4 diesel cun 40.000 km, curù grij metalisé, mantignì der bun, ince por neopatentes. Tel. 335/5474768 da sëra dales 18.00 inant. (36/12) ••• Da vëne n triciclo Ape Cross Country 50 cc. cun 4.502 km, curù cöce, roll-bar, lada curida jö cuna aluminio, mantignì dër bun. Tel. 335/5474768 da sëra dales 18.00 inant. (36/12)

Vangel dla Domenia Dal vagnele do San Merch Domënia, ai 16 de setëmber 2012 - 24ejima Domënia ia por l’Ann B Te chël tëmp é Gejù jü cun sü discepui ti paîsc dlungia Zesarea de Filipus. Sön tru àl damanè i discepui: Chê dij pa la jënt che iö sun? Ai ti à dit: Valgügn Jan Batista, d’atri Elìa, indô d’atri n ater di profeć. Dailò i àl damanè: Os indere, chê dijëise pa os che iö sun? Scimun Pire ti à respognü: Tö es le Messia! Mo ël ti à proibì de baié cun zacai porsura ël. Spo àl metü man da i istruì che le Fi dl Om mëssarà patì tröp y gnarà refodè dai plü vedli, dai gragn proi y dai studià dla lege; al gnarà copè, mo do da trëi dis ressoriaral. Y al baiâ davert daldöt de chësc. Dailò l’à Pire tut da na pert y à metü man da le bruntorè. Gejù s’à ôt y ti à ćiarè ados a sü discepui y à amonì Pire cun les parores: Vàtun demez da mè, sàtann! Deache tö ne n’as nia imënt ći che Dî ô, mo ći che la jënt ô. Al à cherdè adalerch la meja de jënt y i discepui y à dit: Chël che ô me gnì do, chël s’un desdijes de sè instës, toles süa crusc sön ël y me vëgnes do. Deache chël, che ô salvè süa vita, la pordarà; mo chël, che pordarà süa vita por mia gauja y por gauja dl vagnele, la salvarà.

Lecort A duc chëi che i à cunesciui y abù gën acioche se lecurdon for de ëi.

Chirì da laour

Hotel Sassongher a Corvara chir da atira por la sajun da d’invern o inće por döt l ann 1 secretêr/ia poscibilmënter dl post cun esperiënza, che sa todësch, talian y inglësc y da laorè cun le computer. Prëibel cherdè sö le 0471/836085 o mené na email a info@sassongher.it

Hotel La Stöa a Al Plan chir por la sajun da d’invern n secundo cogo por i ghesć de ćiasa. Prëibel cherdé sö le 0474/501055 lastoea@sanvigilio.net

Ütia Florian Ütia nöia a La Ila chir por la sajun da d’invern 1 barista, 1 chelnera, 1 aiüt te ćiasadafüch. Prëibel cherdè sö le 333/6770105 o menè na mail a florianfrenademetz@ me.com

Residence Sonia a La Ila chir por la sajun da d’invern personal da puzenè apartamënć la sabeda. Prëibel cherdè sö le 338/4051738.

Le Salon New Wave a La Val chir da atira na friseria, na lernera o na porsona a daidé. Por informaziuns prëibel cherdé sö le 0471/843088.

Hotel Monte Paraccia a Al Plan de Mareo chir por la sajun da d’invern 1 chelner/a con esperiënza, 1 chelner/a por trëi ores da sëra, 1 secretêr/ia. Prëibel cherdè sö le 0474/501018.

Na pension a S. Cristina chier n’ëila da tlo a lavé ju per n doi ëura da sëira per la sajon da d’inviern. Prëibel cherdé su l 0471/793443.

331/5635788. (36/12) ••• N ël chier da lëur sciche cuech (capo partita) da mez setëmber inant, l à esperienza, sà da cujiné pësc y nce la spëisa tipica de nosc raions, l ie na persona respunsabla y che sà da fé. Tel. 328 3590803 (prëibel cherdé su danter la 14.30 y la 16.30 o do la 21.30). (36/12) ••• N ël chier da lëur a lavé ju te na cësadafuech o a fé de uni sort de lëures. Tel. 327/0475775. (36/12) ••• Na ëra a San Martin de Tor cun esperiënza chir da sechedì na porsona tla Val Badia o Gherdëna. Tel. 366/2703569. (36/12) ••• Al vëgn chirì na porsona che ess interes da se assozié cun jënt tla Romania por na ativité profescionala. Tel. 373/3336241. •••

La Scola de Schi de Urtijëi chier per la sajon da d’inviern personal per l ufize y lauranc per l mprëst dai schi. Per plu nfurmazions prëibel cherdè su l numer 0471/796153. A La Ila vëgnel chirì por la sajun da d’invern na ëra a fà ćiamenes por 3 ores danmisdé. Prëibel cherdè sö le 0471/ 847027. La Dolomiti Sportclinic a Urtijëi chier 1 secreter/a a tëmp plën da śën nchin ala fin dla sajon da d’inviern 1 OSS/ nfermier/a da mez nuvëmber inant. L vën damandà cunescënza dla rujenedes tudësch, talian y nglëisc. Infos: 0471/086000 info@dolomitisportclinic.com

Pizzeria Traföi a Pidrô chir da atira na chelnera. Prëibel cherdè sö le 0471/843024.

Se lecurdon de ëi cun nchersciadum. La fëna Emilia y la muta Sabrina cun familia.

20 ani Andrea

La santa mëssa n si lecort unirà zelebreda ai 16.09.2012 dala 18.30 te dlieja de Urtijëi.

27.09.1973 – 18.09.1992

1 an Franco 02.11.1936 – 22.05.2011

Pension Gardenazza a Badia chir por la sajun da d’invern n’ëra poscibilmënter dl post a daidé fora danmisdé (dales 9 ales 11 ca.) y a fà la chelnera por salf da sëra. Por informaziuns prëibel cherdé sö le 0471/839716.

Bella Vista Hotel Emma ****s a Al Plan chir n/na secrêter/ia por döt l’ann. I s’aspetun esperiënza profescionala, conescënza di lingac y pasciun por le laûr. Prëibel cherdé sö le 335/364306 Martina o menè na e-mail a martina@hotelemma.it

Hotel Gran Ancei ***s a San Ćiascian chir por la sajun da d’invern chelneres por salf, na tornanta. Prëibel cherdé sö le 0471/849540 info@granancei.com

Taxi Badia chir por la sajun da d’invern n ćiafêr cun patent B + CAP y iscriziun al rodul. Por informaziuns: 335/7373981.

Al vëgn chirì n’ëra por romenè sö apartamënć a Badia tratan la sajun da d’invern. Por informaziuns prëibel cherdè sö le 339/7994251.

I Dolci di Ricky a Badia chir por la sajun da d’invern 1 chelnera por domisdé. Prëibel cherdè sö le 0471/838018.

A Fie daujin dal zënter vëniel vendù n pra de 11.000 m2 nia tan ërt cun tublà y stala de 230 m3. Nteressei possa cherdé su l 335/245055

Garni Gabrieli a Corvara chir na ćiamenëssa por 3 ores danmisdé por la sajun da d’invern. Prëibel cherdè sö le 0471/836051.

Hotel Störes a S. Ćiascian chir da atira 1 chelner/a cun esperiënza y conoscënza dl talian, todësch y inglesc. Prëibel menè le curriculum a info@hotelstores.it o cherdede sö le 0471/849486.

La Scora de Schi da San Ćiascian chir por la sajun da d’invern 1 secretêr/ia che sais todësch, talian y inglesc. Prëibel cherdè sö le 339/1104003 o mené n email a info@ scuolascisancassiano.it

Ütia L'Tablà chir por la sajun da d’invern 1 barist/a, 1 chelner/a cun conoscënza dl ordermann y de talian y todësch. Prëibel menè le curriculum a itabla@ladinia.it o cherdè sö le 333/2884417.

www.lauscdiladins.com

47



La Usc di Ladins