Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 33/2010 - 28 de agost 2010

IP Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Via fereda

7

aaaaa

Smueia de sasc Sun la via fereda ”Oskar Schuster” sun Sasplat iel unì schivà de puech na desgrazia. Do che l ie cherpà ca de majeri sasc sun chësta via iela unida stluta. N cialerà de la giaurì inò pernanche la va.

Aniverseres

Antersasc: discusciun sön le por y le cuntra Do edemes che al vëgn debatü ti media y sön i social network dla costruziun dla strada de Antersasc, à le movimënt Salvun Antersasc orü cherdè intrames les perts pro y cuntra incër na mësa por fà na discusciun sön ći che baia por la strada y ći che baia decuntra. Passa 200 porsones é gnüdes a ascutè sö

10

Runcadic festejea La cumenanza de Runcadic fej festa. Plu avisa àla l unëur de fé festa per doi rejons: n iede per i 25 ani dala cunsagrazion dla dlieja nueva de Sant Ujep y pona nce per i 50 ani da preve de Seniёur Johann Tscholl.

San Martin

11

Personala de Lois Irsara L’artist de Badia à daurì na mostra retrospetiva cun chedri y inće stüdi por de gragn sgrafić.

La Ila

12

Gran defilada Les Dolomites é stades la tematica dla gran defilada tignida en la festa de Santa Maria dal Ciüf.

Corvara

14

Stala soziala Ara ê nasciüda por cöie adöm les vaćes di assozià, mo śëgn àra pordü süa finalité prinzipala.

Fascia

16

Troà l corp de n sudà Sot l giacé de la Marmolèda l’é stat troà l corp de n sudà. Na descorida n muie emportanta che ne conta Andrea De Bernardin.

Sport

20

Rodes Grana é stada la partezipaziun al trofê Auto Alta Badia a San Ćiascian. Le Rodes Val Badia à arjunt le pröm post pro les scuadres.

La mësa torona sön paladina: dmc Flavio Ruffini, Silvester Regele, Paul Profanter, Diego Clara, siur Paolo Renner, Sepp Kusstatscher, Cristina Kury y Vito Zingerle.

Natöra - Gran interes à descedè la discusciun publica dal tema "Antersasc: Pro & Contra", inviada ia en lönesc dan otedé te palestra da San Martin. La discusciun ê en le dé che le TAR à tut sö le recurs dl WWF y à comanè da tignì sö i laûrs pro la strada ćina ai 14 de setëmber. Mo al ê inće le dé che l’assessur Laimer à fat n surapost sön Antersasc deboriada cun le proprietar dla munt y i ombolć da San Martin y Badia. La proposta de Laimer é chëra da realisé la secunda pert dla strada manco leria de sciöche ara é preodüda tl proiet, pitan la poscibilité da rovè sö cun n quad, y da condüje sö cun le jolier le material por dortorè les frabiches.

Le moderadù dla serada Diego Clara â cun ël sön paladina set ghesć: Paul Profanter, diretur dla repartiziun provinziala de economia forestala, Silvester Regele, diretur dl ispetorat forestal da Bornech responsabl di laûrs y Flavio Ruffini, diretur dla repartiziun provinziala de urbanistica, ambiënt y energia. Dal’atra pert dla mësa êl dui esponënć di Vërć - l’ex parlamentar europeich Sepp Kusstatscher y l’ex aconsiadëssa provinziala Cristina Kury che é śëgn aconsiadëssa comunala a Maran, y Vito Zingerle, diretur dl Museum dla Natöra. La funziun de balanza danter les perts - sce an ô dì insciö - à surantut le

teologh siur Paolo Renner.

La porsona é natöra "La porsona à debojëgn dl ambiënt y l’ambiënt à debojëgn dla porsona". Cun chëstes parores à siur Renner daurì la seria de intervënć, ne tolon nia posiziun por o cuntra la strada. Renner à sotrissé che la porsona dess coltivé la tera, mo ne dess nia la sfrutè demassa, deache düć i intervënć dla porsona tomarà zoruch sön ëra, sön les generaziuns che vëgn, é pö inće la porsona pert dla natöra. "Ma le paraîsc de Chël Bel Dî é etern", é jü inant le teologh, "mo va inant a plata 13

Comentar de Pruma

Sarkozy e i rom Te tempes de crisa economica e tema del davegnir i omegn cogn troèr n “capro espiatorio”. Zachei de “desferenc” per ge dèr sù la colpes. Che sie ebrei, gay o sinti e rom (o “zinghegn”). I sinti e rom l’é la maor mendranza europeana. Na mendranza ampò nia recognosciuda, zenza defendura giuridica te la maor pèrt di stac. Del 2008 l Parlament European à aproà na ressoluzion sul besegn de adotèr na strategìa per rom e sinti e de condanèr ogne sort de discriminazion. E ades Sarkozy pèra fora i rom da la Franzia. Chest provediment va de contra a la leges: nesciugn pel vegnir parà demez da n stat demò per sia origines, se no l vegn condanà per vèlch reat. No se pel stèr a vardèr chest tant zenza pissèr a la leges razistes di egn ’30 contra i ebrei (ma ence contra gay, rom, sinti, comunisć, pedimenté... duc chi conscidré “inferiores” ai arians), che à portà a la Shoah. E se per Hitler l’era stat ipotesà reijes ebrees, per Sarkozy, de reijes unghereises, vegn fora leames con l’etnìa rom: no l’é confermes, ma ence l maor portaousc de la comunità rom de l’Austria, Rudolf Sarkozy à chest cognom de tradizion rom. de Lucia Gross de Erwin Valentini

Cherta d’identité ladina Chi laora pa a dann dl lingaz ladin? Tl comunicat stampa publiché ai 23 de agost sun l “Dolomiten” respon l diretour dl Istitiut ladin “ Micurà de Rü” a les critiches levedes su da plu perts en cont dla cherta d’identité ladina aproveda da la provinzia de BZ aldò de na consulenza dl Istitut. Ajache i é abù l onour de vegnì zité, zenza vegnì nominé diretamenter, a sosten dla dezijion dl Istitut - con chela che i ne son dldut nia a una -, volessi sclarì doi o trei ponc. Te mia prejentazion dl “Dizionar dl Ladin standard” sotrisseii che l ladin adoré ilò y altrò é n prototip o n model de lingaz scrit unitar. N prototip é per definizion na proposta che à debujegn de vegnì proveda fora y valideda tres la pratica dl scrive; va inant a plata 3


Letres y Atualité

nr. 33 / 28 de agost 2010

Da les zentrales de partic politics y listes

Lecurdanzes de Magnago Do che l ie mpo passà bëndebot de tëmp dala mort de Silvius Magnago, presidënt dl Guviern Provinziel dla provinzia de Bulsan y che si mort à arlevà truepa rujenedes ti media dlonch ora y nce lonc sëura i cunfins de nosta tiera, àn pudù cunstaté cun marueia dla stima che chësta persona à abù te si vita sciche presidënt de na pitla tiera, tiera che se à fat unëur y bënulëi, cun dut che la à messù cumbater dassënn per arjonjer na cërta pesc. Savëi da se astilé politicamënter ie stat da for la gran snesa de chësta persona, ma che ne se à mei lascià perchël tré ntëur dala gloria, de chëla che l n à nce abù

ti ani de si lëur, cun nia puecia arjontes tla politica de nosta tiera. Silvius Magnago à daniëura abù doi de bona giames tla politica, nce sce l n ova mé una y l’autra batuda via dala viera, ma si tompra l à purtà a fé truep per nëus. Sciche persona éi abù da n fé n valgun iedesc cun Magnago y me lecorde mo avisa la trëi festes di 80, 85 y di 90 che ti àn fat a Urtijëi a bera Luis Trenker y che fova stata gran cossa. Sambën me òvel pona sapù cër pesoch a tenì n pe chësta persona, l Magnago, pra la supeltura de bera Luis Trenker, a pensé che an mo ciantà ani dant deberieda ! Sé che l me ova dit ca:

“Tenideme mé n pue’ plu dassënn, no che tome pa!” Zeche che ne me desminceré mei de Silvius Magnago: fan a Maran al cungres dla SVP che univa fat uni ann y nëus jëuni an fat ora de dì l salut y la rujeneda per gherdëina y an minà de ti l dì a n sëurastant che ova bel debota dit de no, ma ie l ove mpo liet ju y do chël per tudësch! Ala fin fova unic Magnago, Riz, Mitterdorfer y Benedikter a nes tuché la man dijan ”bravi y nsci tuchëis da fé vo ladins, l ie l prim iede che n aud ladin pra n cungres!” Toni Senoner, Urtijëi

Fantasies da d’isté Al é na bela tradiziun d’agost tles Dolomites da fà sö n bel gran tam-tam cun certes notizies. Insciö unse podü passè agosć cun laurs te Fanes o almanco pedies de laurs. Chësc ann él stè la manifestaziun scraiënta de Börz cun Michil Costa che à sciuré sö n stöp mat de polemiches. I n’ô nia forè tla plaia dla cuestiun, mo val’ punć mëssi dì: basta s’ascogne iadô ales tradiziuns y ala fede per delegimité manifestaziuns che n’à nia de blasfem y n’à ofenü degügn ne portan nia crusc y talars cun

laprò le sonamënt de strumënć stonà. Sce i jun inant se mostran de gragn defensurs dla fede y cun śabla trata sciurunse fora sentënzes de condana ne fajunse davëi dessigü nia por coltivé la convivënza, le respet (parora dagnora dër maladorada) y dantadöt somenunse le granel dla spartiziun. Isolè n grup de porsones é la cossa plü cuntraproduzënta che i podun nes aodé. La religiun se manifestëia tl chît y tla contemplaziun. Le spazier de na schira de “jobleri

teatrai” sigüsc davëi te se instësc de sües intenziuns y protestes ne po nia sprigorè plü co n tant. N cristian implì de fede y dediziun mëss odëi a destanza chisc confrunć che caraterisëia le tlima politich atual. Dessigü nen odarunse ćiamò de beles. Paziënza, ne se lasciun ma nia sciurè jö y ćiarun ma da s’la rì n pü’ val’ iade. N salüt ćert a düć! Adriano Trevisan, surastant di Ëi dla Val Badia

Serada publica sön Antersasc La strada de Antersasc é stada le motif de discusciun prinzipal tles valades ladines tles ultimes edemes. La serada publica organisada a San Martin nes pormët da fà n valgönes conscidraziuns. Imprömadedöt la tuta de posiziun dl prou Paul Renner che à atira dit che la sopoltöra organisada sön Börz n’à nia de blasfem sciöche al é stè metü fora dala SVP. Atenziun mirita inće l’intervënt di esponënć dla forestala che à porvè a iustifiché a vigni moda i laûrs, mo no tan da n punt de odüda tecnich sciöche an s’ess aspetè mo da n punt de odüda dl respet dles impartiziuns dla junta provinziala. Cun d’atres parores pòn dì “ćiarede mo tan loiai che i sun cun l’aministraziun provinziala”. Interessant inće l’intervënt de Florian Mussner, te discursc plëgn de contradiziuns tl stil SVP olache al vëgn alzè fora i mirić de düć mo olache al ne vëgn dit nia. Intervënt porater dër aplaudì feter te n tlima da stadium da pert di sü! Florian Mussner confermëia sciöche ara

Ladins Dolomites

Natöra y porsona Al n’esist nia respet por la natöra zënza respet por la porsona. Al n’esist nia respet por la porsona zënza respet por la natöra.

Ambient, cura dl luech Nce chëst ann d’instà à nosc luech de Urtijëi inò prejentà flëura. Cun gran mpëni y gusto à l Chemun y la Lia dl Turism sentà ora ciofs te droc y verzons – no mé tl raion da jì a pe, ma nce ti rondiei, ti

se trata tl cajo dla strada de Antersasc de n intervënt prinzipalmënter por na porsona singula, y al dij ćiamò che al é contënt dla dezijiun che al à tut. Chilò él bëgn da ti damanè al Assessur sce al arata che adorè scioldi publics por interesc privać sides de bones dezijiuns? Scioldi publics che ne vëgn nia dala SVP o da Durnwalder, mo che vëgn da nostes cutes. Y chilò pòn bëgn dì che al ô ester plü responsabilité. Scioldi publics mëss gnì adorà por interesc publics. La resposta de Paul Renner é stada taiënta y à sonè sciöche na tuta por le nes por Florian Mussner y sües posiziuns de “bonism populistich”! Por jì zoruch al ćiamp politich vëigon indere ćiamò na gran incapazité da pert de na pert dl publich da adorè so će y ponsè n pü’ sura. An odô avisa che l’aplaus por cer’ intervënć ê n aplaus mecanich da stadium y nia deplü. Mo la discusciun à metü man y chësc é n sëgn positif.

Christian Ferdigg, Al Plan de Mareo trëbesc y sun i dlandri di puenc. Nce la plazes dai juesc per i mëndri y la promenada ie unides curedes, lascian sië for inò i prei. Urtijëi à nsci n cialé ora curà y nët. Respeté l luech y la natura a

na tel maniera merita do mi minonga na gran lauda y n bel Dievelpaie a duc i respunsabili. Karin Rabanser, Urtijëi

Ocio, ocio, ocio: ”Nosc mond dal zement y dal peton!” Ne n’ons’a bele mo datrai audì dala TV y dai media n generel, da persones de scienza y de cultura y da chëla faculteies tla Universiteies che se tlama ”sociologia“ y ”economia“, che son al didancuei, per gauja de chëla mentalità de afares y de n materialism che stica de n zaron duc i autri valores – nce ”cristians” y ”musulmans” – te na sozietà che n possa nce tlamé ”dla petonisazion” for plu ntensiva y che va inant a uedl udan, zënza che l sibe de bujën mo de d’autri stlarimënc! L tleca, per ejëmpl tlo a Urtijëi, sce penson y ti cialon a chël che ie suzedù su per nosc bel bosch de Resciesa, ulache l mplant de na blòta sentadoia tradiziunela, mo ”naturela” y sun mesura per n bosch de gran valuta y richëza ambientela, ie unì barateda ora cun n mega-mplant nuef, cun scialdi na bela gran cëria de peton, che ie unida meneda adalerch y metuda ju, cun n custimënt mat, te chël ambient naturel tan delicat, cun la gran legrëza dl mond di tieres y dla plantes y plu dessegur nce de duta la jënt! No pa? Ma de chësta cossa, nia da puech, ons bele rujenà tla Usc di 7 de agost. N cont de chësta nosta bela y

2

www.lauscdiladins.com

vel’ iede feter gloriëusa sozietà dl capitalism viulënt, sciche crëidum assolut, cun si zementificazion y petonisazion, che va adum y a pèr, ons dan nosc uedli y te na esperienza ndrëta, uni iede che ruvon a Tluses, chëla beliscima costruzions feter faszinëntes, che n pudëssa dì che l ie n vëir emblem, n simbul y n sëni de identificazion de chësc nosc tëmp, ulache l zement y l peton asvelt y aslune ie deventei i gran fatores de nosta sozietà y de nosta vita sëurameneda dal ”for de plu”, zënza respet y zënza uedl sun jënt che à puech y nia, o che muessa murì da fam y da sëit! Arëis tlo ntendù che la costruzions desmesuredes che ie tlo minedes, ie do nosta minonga, la piecia burtura formel-estetica de duta la valeda dl Isarch, ma povester nce n cër primat te dut nosc Lond dal Cuer de Gejù! Ie pa chësc nosc Lond mo for ”dal Cuer de Gejù”!? Chësta costruzions nsci bela grandes, chedres y dures, che les ne pudëssa nia vester plu dures y da ciantons ie n vëir puni te n uedl y tl magon de tanc che passa y che vëija! Na lauda a na tel Aministrazion de Chemun che à lascià fé iló de

tei frabicac enorms y scandalëusc, y che romp l’armunies te chëla val strënta, dala bona ues y versures su per ch’i coi y chëla tëmples, te chëla cuntreda sudtiroleja che vën nsci suënz tlameda ”Kulturlandschaft” che dasson stravardé cun duta nosta forzes. No pa? Chësta cossa ”aricëula” y assurda suzed te na blòta pitla zità sciche Tluses, che ie la luegia che ti à purtà l’ispirazion artistica a un sciche Albrecht Dürer, na zità cun chëla beliscima streda zentrela storica, na zità cun cunvënc y cun d’uni sort de marueies artistiches: chësc dut ie unì ntegrà y cumpletà cun chësta gran costruzions bela chedres, geometriches, de peton, de fier y de acel, che dut se tol ora nsci artistich y scialdi bel! No pa? Ne sons’a te n mond scialdi mat y bizar?.... nce tlo da nëus tl Südtirol y tla Ladinia??? Oscar Prinoth de J. da Brida Urtijëi Priesc d’abonament anual: per la Talia: 54,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Letres y Atualité

nr. 33 / 28 de agost 2010

Antersasc... insciö no Döt à na fin: les porsones, i tiers y les munts. Mo da desplajëi él can che les porsones instësses, por rajuns economiches y de profit, rovina y desdrüj perts dla natöra che ne variarà nia plü da sores. Natöra che fajô pert dl patrimone dl’umanité. Perles cun chëres che i podésson ester braui da les avëi dlungia, te nostes munts. Perles che i podarun ti lascè inant a nüsc mituns y ai mituns de nüsc mituns. Na richëza che

Cherta d’identité ladina degöna strotöra artifiziala cheriada dala porsona, parch, zoo, lunapark o d’atres strambaries ne sarà mai buna da sostituì. I me feji dër demorvëia che an mësses ćiamò combate por chëstes cosses aldedaincö, olache al é bele gnü desdrüt tan y le monn va dl vers dla destruziun da pert dla porsona instëssa. La natöra n’à nia debojëgn de nos, mo nos ùn debojëgn dla natöra.

incuntada “Pro y Contra Antersasc” a San Martin y al m’à dër desplajü da avëi aldì porsones tan prepotëntes che à atachè y ofenü Michil Costa cun de burtes parores, desmostran insciö da avëi sentimënć razisć danter paîsc dla Val Badia. L’intervënt dl’assessur Mussner é stè do mia minunga un di plü stleć de döta la sëra. I ùn nostes deblëzes, mo datrai orésson dì che i gnun tres da peso.

I à tut pert en lönesc ala

Alma Daporta, Lungiarü

strada ne gniss nia plü fata inant, mo le surastant â dit che al ne dê nia do, scemia che la comisciun provinziala por la sconanza dla natöra ê stada cuntra la strada. Inće l’assessur al ambiënt Michl Laimer é do les protestes jü a se ćiarè jö la situaziun y à dit che la fà inant foss n gran dann. Tratan é la chestiun de Antersasc rovada tla stampa nazionala y à indesprè n dër ospà de protestes cuntra la strada. Le WWF y d’atres organisaziuns dla natöra à fat recurs. Dan val’ dis ti à le Tribunal Aministratif da Balsan proibì ala Provinzia, al Comun de Badia, al Comun da San Martin y ala Vijinanza de Pescol da fà inant la strada; na dezijiun finala gnarà tuta ai 14 de setëmber. Le Tribunal é dla minunga che la lizënza da Balsan sides ilegala, mànćel pö na dërta motivaziun.

Antersasc é patrimone dl UNESCO y é de gran importanza por flora y fauna. Sce al gniss fat ite na strada, dailò se tëmon che al gniss tosc fat na ütia da dè fora da mangé y da bëre; impröma podess ma le patrun ji ite cun auti, spo podéssel menè ite de sü sciori; sce an condüjess indô ite de gragn armënć, spo ciafass i paurs la lizënza de jì ite sciöche al é tles munts de Mareo, olache i paurs à tiers. Por na pert de paurs bastel avëi sön munt n videl o n porcel, spo poi bele jì sö cun l’auto canche ai ô, ma anfat sce la munt é tl parch natural; la gran pert de chisc va ma sö a ćiarè incërch, di tiers ćiara pa bëgn le famëi. Chësc sistem n’é nia sconè la munt, mo la daurì al crabal, a lovè sö n dër stöp y a n trafich che ne i fej nia bun no ala ćiaussa no ala natöra. La salverjina n’à gnanca na pêsc. Che le patrun cundüjes ite Antersasc le material da dortorè les frabiches cun müsc o ćiavai ne pòn nia ghiré incö. Porchël mina na pert che n tru n pü’ plü lerch podess la munt soportè. Laimer à ćinamai surantut la proposta dl ex-ombolt da San Martin Pepi Deiaco, che le material da frabiché podess gnì condüt ite cun le jolier, spo fóssel por agn na pêsc. Ara büta bëgn che feter dötes les atres munts s’ais ciafè dla manara jö por le će y la pêsc s’an é scialdi do l’ega fora. Le fin da jì sön munt é pö jì a palsè tla bela natöra, a se gode le chît dla natöra. An spera che le ciorvel laores y che les emoziuns se calmes por i lascè indô la pêsc ala munt Antersasc, che gnarà sön chësta chirida tres deplü da jënt amanta dla natöra.

Antersasc ô la pêsc! Al desplej che chësta bela munt che à albü por tan de secui la santa pêsc y à ralegrè cun süa bela natöra – flora y fauna - tan de porsones da chilò y da foradecà, é śëgn da val’edema incà argomënt de gran stritaries y beghes. Pié ia é chësc do che Balsan ti â conzedü ai patruns dla munt y dl bosch da fà ite na strada por podëi jì ite cun de gragn auti a tó lignan, y che le patrun pois se dortorè les frabiches che é cotan en malester; chësc vàl bojëgn, deache al n’é mai gnü dè n bot por les comedè o les mantignì. Bele dan 30 agn ti â la Forestala da Bornech fat al patrun dla strada na proposta de fà ite n dër tru, mo al n’â nia azetè. Pormò canche bindebò de toch de strada é stè fat ite ćina a Plan de Loćia, él gnü protestè sön Börz, deache Durni ê en chël de lassö cun sü sostegnidus. An damanâ che la

Cun ćiavai y gratuns àn condüt material tla munt de Antersasc. La pêsc ê garantida.

Chi laora pa a dann dl lingaz ladin? va inant da la pruma plata

demé l’adoranza sistematica te vigni ciamp dla comunicazion scrita pò dé ca indicazions cleres tant inant che les regoles dl model funzioneia y vegn azetedes da la jent. Te na tel sperimentazion ne dess samben les regoles nia vegnì conscidredes sciche normes stares ma sciche propostes, che pò vegnì ampliedes, mioredes y samben ence comededes ma respetan i criteres generai dl Ladin standard laoré for a da H. Schmid. L Ladin dolomitan o standard é n sistem comples y, almanco idealmenter, coerent olà che dut taca adum. Cie che an ne pò nia fé é se chirì fora cie che scusa y baraté fora cie che ne scusa nia zenza tegnì cont dla fazion che de tel mudamenc pò avei sun l model; na tel “revijion” ad hoc desdrujassa l Ladin standard. I volesse recordé che l ladin unifiché, unfat coche al ciala fora concretamenter, dess ester dantaldut n “lingaz tet” che posse vegnì azeté da duc i ladins y te duta la Ladinia. L diretour dl Istitut Micurà de Rü preten che l lingaz adoré tla cherta d’identité proponuda da sie Istitut ne é nia na forma “gher-badiota” ma é defin valiva al ladin dolomitan (standard) che pò vegnì azeteda da duc. Ma avisa les polemiches levedes su entourn chesta soluzion “ad hoc” desmostra che ala ne vegn nia azeteda da duc! L defet prinzipal de chesta dezijion “sovrana” é de jì contra i sforc de unificazion linguistica dles valedes ladines sclujan fora – endò n iade - i ladins de Fascia y de Souramont. L comportament dl Istitut de San Martin é la negazion de duc si fins statutars y ence de sies ativités enchin l ann 2002 (ciala p.ej l projet SPELL metù a jì y finanzié dal Istitut Micurà de Rü en colaborazion con l Istitut Majon di Fascegn, l IPL y la Union Generela di Ladins dla

Dolomites). Mìnei veramenter i raprejentanc dl Istitut Micurà de Rü che sie “standard” y la maniera coche al é vegnù metù adum (degugn ne sà aldò de ciugn criteres) posse vegnì azeté dai ladins de Fascia, Fodom y Ampez? L diretour dl Istitut Micurà de Rü i tira dant a chi che à critiche sun i media sia forma de cherta d’identité de laoré “a dann dla rujneda”. Chilò méssen veramenter se damané chi che laora a dann dl lingaz ladin: chi che chier la colaborazion y soluzions interladines o chi che se enteresseia demé a sie velin y preten magari che sies dezijions vegne toutes su da duc i autri ladins, ence fora di confins de Südtirol? Ciamò n ultim pont. Che i raprejentanc dl Istitut Micurà de Rü sie plutost alergics a les critiches savonse bele da n pez. Che l Consei d’istitut ne à degun linguist daite é n fat y bel perchel jìssel debujen de n consei linguistich che l deide tles dezijions linguistiches che giata dapò fazion legala ti decrec dla jonta provinziale de BZ. Les chestions giuridiches en cont dl’adoranza dl lingaz é dessegur de competenza dles istanzes politiches, chest vel tamben per l ladin che per la ortografia todescia. Perchel pò Alexander von Humbold (lascion da pert sce al é un dl Istitut o no) ence avei rejon canche al dij che la linguistica é na cossa massa seriousa per ti la lascé demé ai linguisć, ma i savon che les autorités todesces, austriaches y svizeres à adoté la grafia todescia nueva do avei damané la colaborazion de praticamener duc i istituc de germanistica di paisc entressés. L Istitut Micurà de Rü essa demé da davagné sce al damanassa valch iade la minonga di linguisć y ne ti jissa nia demé do a les ghiranzes politiches-ideologiches de una na pert dla popolazion ladina.

Lois Trebo, Badia

www.lauscdiladins.com

3


Letres y Atualité

nr. 33 / 28 de agost 2010

N cont di priejes massa cëres per la furnadoies Bele trëi ani ons pra la Secëda y pra la Ciampinëi i medemi priejes. Ma śën for plu y plu unions metui sot a prescion, monce da pert de jënt de Chemun, de jì ju cun i priejes coche l’autra furnadoies che marati, coche i dij, furnea plu bonmarcià. Dassons’a jì ju per ti dé n colp ala Resciesa? (Ne me tumëssa nianca ite no) O cie ie pa śën la gauja de chësta mosses? Nëus dla Secëda ulessan stlarì n valgun ponc che na persona che ie dedora dal marcià ne sà povester nia. Per prim iel pruibì de fé d’autri priejes a jënt da tlo o dla provinzia permez a chëi per vel’ fulestier ma zitadin dl’Union Europeica. Savon che truepa d’autra furnadoies fej chësc, ma nëus ne ulon nia resië na straufonga. L bastëssa na plura a Bruxelles per mëter a jì straufonghes o almanco spëises d’uni sort per recursc, avocac y n.i.. Perchël l’ons metuda a jì autramënter per ti lascé do i priejes ala jënt da tlo, dajan la puscibltà de se scrì ite te na Club Card, che dà pona n sconto dl 50% bele dal prim iede che n furnea. La, da trueps bele cunesciuda, “Secëda & Ciampinoi Club Card” ti dà la puscibltà a uniun, nce a mutons, de furné un n ann alalongia dal mumënt che la vën cumpreda inant a mez priesc dla furneda scëmpla. Cun chësc sistem, do vester furnà cin’ iedesc sun Secëda – per ejëmpl doi iedesc d’inviern y trëi iedesc d’instà mé suvier, plu doi iedesc mé juvier y doi iedesc mé juvier da Furnes a Urtijëi (magari mé d’instà) da chël di che l l’à cumpreda – ti costa uni furneda mé 5,42 €. O mé 10,84 € per una na furneda Urtijëi-Secëda! Sce chësta persona furnëssa mo vel’ iede deplù se arbassëssa chësc priesc mo de bëndebot nchin a ruvé a puech sëura 4,50 € per una na furneda per un n mplant che sibe Urtijëi, Furnes, Fermeda o

Ciampinëi o de reviers! I mutons sot a 6 ani va pu mpo debant, y chëi sëura 6 ani a mez priesc. Lascià do l 50% vëniel pu nce sun la furnadoia de Ciampinëi per un n ann ntier! Sce cumprëis mé per dì ncuei 28 de agost la Club Card pudëis la nuzé nchin n auter ann ai 27 de agost 2011. Pudons’a raté doi cappuccini per una na furneda cun un de nosc 7 mplanc? O ie pa chël de massa? Deguna furnadoia ne furnea tan bonmarcià! Mé ferates, curieres y furnadoies dl Lond furnea belau debant, ajache nëus duc paion pea tres la chëutes. Chël ie danz scëmpl, bëndebò scëmpl!!! a se fé “unëur” da pert de ch’i berbesc dl Lond! For inò vëniel purtà l ejëmpl che per na familia de 4 cumëmbri iel massa cër a jì sun Secëda. L priesc de basa per na tel familia, da tlo o fulestiera che la sibe, ie nscila: 2 genitori 18+18 € y doi mutons sot a 6 ani debant = 36 €; genitori 18+18 € y un n mut sot a 6 ani debant y un danter 6 y 14 ani al 50 % (+ 9 €) = 45 €; 2 genitori 18+18 y doi mutons danter 6 y 14 ani, tramedoi al 50% (+ 18 €) = 54 € Ie pa chësc tan n gran priesc? O mienen pa cun “mutons” che messëssa furné debant de tei de 18 ani, che va bel plan a tré zedules! Y cun la “stënta” dla familia magari trëi dis a lumpené ncantëur? Pona nes vëniel trat dant che i mutons di patins nchin a 3 ani paia mé 3 € per n’ena desmincian che i nosc ne paia nët nia nchin ai 6 ani d’età! A nëus nes sàl che per la gran families fajons bën bëndebò de sconti. Sce n cajo che l Chemun ulëssa lascé jì chësta families debant, o n pert debant, dijan che mutons nchin a na cërta età (14,16,18 ani) vede debant, ne fóssel per nëus nia n gran lëur a nuté su chësta furnedes y ti les raté, o les

tré ju dala soma dla chëutes che ti paion al Chemun uni ann per passé sun si terac, stredes y n.i. Nscila pudëssen sparanië cun la “Secëda & Ciampinëi Club Card”: Prima spëisa cumpré la € 16. Prima furneda Urtijëi-Secëda (2 mplanc) € 9, de ndut 25 €. Segonda furneda d’instà o d’inviern (2 mplanc) € 9, de ndut 34 €. Terza furneda (2 mplanc) € 9, de ndut 43 €. Doi mesa furnedes da Furnes a Urtijëi (1 mplant da € 4,50) € 9, de ndut 52 € Cuinta furneda Urtijëi-Secëda y de reviers (4 mplanc) € 18, de ndut 70 €. Sesta furneda Urtijëi-Secëda (2 mplanc) € 9, de ndut 79 €. Setima furneda Furnes-Urtijëi (1 mplant) € 4,50, de ndut 83,50 € Una furneda sun Ciampinëi d’inviern o d’insta (1 mplant) € 4,50, de ndut 88 €. Una furneda da Ciampinëi ju n Sëlva (1 mplant) € 4,50, de ndut 92,50 € Dut adum per 17 furnedes sun un o l auter de nosc mplanc pàien 92,50 €, che fossa per uni furneda mé 5,44 €. Per uni furneda deplù che un fej (magari a jì a tò su fën, coche à scrit bera Hans Rifesser tla Usc dl 21 de agost) se arbassëssa chësc priesc for plu y plu, ruvan ju a za. 4,80 € per una na furneda sun un de nosc 7 mplanc che la “Secëda & Ciampinoi Club Card” mët a desposizion a duc chëi che uel jì plu suvënz sa mont sibe d’instà che d’inviern. Mutons danter 6 y 14 ani a mez priesc! Ce furnadoia te Gherdëina furnea pa a n miëur priesc? For a desposizion per cunlauré cun duc de chësc viers, saludons cun stima La Secëda

Aiut Alpin Dolomites Chisc dis passei fova dessegur i dis de majer note de chësc instà per i uemes che porta aiut tla montes. Sibe cun l joler che nce cun la scuadres staziunedes tla valedes, che se nuza de n auto cun njins speziei per l sucors, fòvel da muever scialdi suvënz. Ntan chisc dis ulache l ie truepa jënt te nosc raions, ie nce l lëur per i uemes che respuend al telefonn tla zentrela dl 118 scialdi mpeniatives. Danter i ntervënc ti crëps fòvel nce chël sun la via fereda ”Schustersteig” sun Sasplat de chëla che on repurtà velch deplù sot ala pert de Gherdëina. N auter ntervënt fòvel da fé sun la gran Cir, ulache un dassova vester tumà tla corda se fajan plutosc mel. Dal joler ora àn pona nce riesc udù ulache chësc fova suzedù y à tëut ora dl parëi l jëunn de 34 ani de Fië. Do che n l ova curà n mumënt tl joler l àn riesc dat inant ai dutores dl spedel de Persenon, che l aspitova bele pervia che n à for n culagamënt danter joler,

4

www.lauscdiladins.com

zentrela y spedel, a na maniera che n possa ti spieghé ai dutores avisa bele ntan l jol de cie che l pazient à debujën. Nia plu da n fé ne fòvel per n ël de 36 ani de Persenon che fova jit a fé l Günther-Messner-Steig che muev dala utia de Pütia y ruva sun l Tullen, che ie n crëp de chësta via. Ël fova sbriscià ora y tumà ju per n 100 metri se mazan sun l colp. N drë’ mel ova n ël che fova tl lëur de jì sun l Hochfeiler. L se à astilà a na vel’ moda nia massa bën y ie zapà cun i grifs te si giama se fajan n gran mel. Per fertuna iel tosc ruvà adalerch l joler cun l dutor che ti à dat velch contra l mel y la prima cures. Chësc desfertunà àn menà te spedel de Sterzing ulache i l à dejenfetà y ciulà su sciche l toca. Bëndebò mel se à fat n’ëila che fova tl lëur de fé l Pfitscher Höhenweg. Danter la utia da mont Europa y l Pfitscherjoch iela sbrisceda ora batan dassënn l cë y se fajan nce bëndebò mel a na giama. Cun la binda la àn trata tl joler, che la à pona juleda al plu prësc

de Armin Moroder te spedel de Persenon.

Ntervënc per chëi dala roda Vel’ iede iel chisc dis nce unì cherdà l joler per turisć che fova jic cun la roda da mont tuman burt y se fajan bëndebò mel. Nscila danter l auter a Aldein, ulache n à messù ntubé sun l post l sportif y mo n auter amant dla roda che fova tumà burt te Val se fajan bëndebò mel, tant che n à cherdà l joler per l mené riesc te spedel. L ie pona nce stat truep ntervënc fac dala scuadres di judacrëp dla valedes. N muessa pensé che ora dla scuadra dl Aiut Alpin cun l joler iel for n valgun judacrëp che ie njeniei sun cherdeda sce n cajo che l ie bujën. Plu suvënz suzédel nce che n judacrëp vën tëut pea dai joleri dla provinzia, ajache i cunësc miec si raion. Nce chisc sucoridëures ie njeniei 24 ëura sun 24 per l bën de duc i alpinisć.

Dancà y da na pert Uedli y oredles daverc sun la sozieté ladina d’aldidancuei Intervista Gigio (Luigi) Iori, sonador del grop folk

Da tenc de egn soneste tel folk? Tel folk son ite da 45 egn, e che sone sarà 30 egn, percheche dant balèe demò. Can èste emparà a sonèr? É semper abù tel cef l’orghen e l bombardin, vardèe semper chi che sonèa e dapò canche é abù 16 egn é tacà ence gé. Notes no n sé, me metee sù na veta e ge jie dò a ureia fin a canche la cianzon no la doventèa. Per 15 egn é balà tel folk, é fat ence l capo bal, ma canche Antonia l’à abù la bezes é scomenzà a sonèr con Riccardo (Iori). Dapò l’à tacà Giordano (Costa) e ence Piergiorgio (Riz) da Ciampedel. Ades sion resté gé e Giordano. Coluna él la roba più bela e chela più burta de sonèr te n grop? La roba più bela l’é canche va dut ben e ti es content. La roba più burta l’é che chi che sona i cogn esser ogne outa, ence a proes. Chi che bala pel ence no jir vèlch outa. Vèste semper bolintiera a proes? Ades vae mìngol de manco, percheche da sera se per cajo poje l cef da vèlch pèrt no me meve più. Ge èste mai ensegnà a zachei? Ge é moscià dotrei sonèdes a chi bec da Penìa. I me aessa ben domanà, ma no ge ensegnasse giust. No é nience la man giusta su l’orghen. No posse ge dir “fa desche gé!” Aldidanché él amò jent joena che sona? L’é chi ta Penìa: Valentino (Baroni), Marco (Defrancesco), Andrea (Diana) e Cesare (Sottsass) che i sona e i é ence bravi, ma no sé se i ne vegn dò col folk. Ades l’é ence la banda che tol via mìngol e dapò l’é senester emparèr duc i bai, e canche l’é ora ge jir dò l’é una, ma jir da prum l’é n’autra. Fossa ben bel se vèlch joen ne vegnissa dò, gé é sessant’egn e Giordano l me vegn dò, no sion più tant feruscoi.

Sozedel che a outes i balarins no te vegne dò? Sozede ben a outes che nos jon mìngol più coran o che ic va più pian. L’é mìngol più da osservèr con l bal del moliné canche i bat i piesc, ma se se valiva ben ite e i balarins i va ben belebon a temp. S one ste ence etre s strumenc? Da bez, canche jie con la vaces, ma amò ence ades vèlch outa, sone l’orghen da bocia; dapò sonèe ence l bombardin canche con Guido (Iori) e Giordano i ne chiamèa per la festes di conscric o per vèlch noza. Ence col bombardin é emparà da soul. Son stat te stua 2 egn a ge jir dò a na veta per vegnir fora con zeche. Te sèl più bel sonèr per i ghesć o per la jent del post? Più bel che dut me sà a la mascherèdes, però l’é bel ence canche con Giordano sonon a la festes e fajon i jodler. A chisc ghesć ge pièsc, i scouta bolintiera e se se engaissa ence mìngol. Coluna él la sonèda che te pièsc de più? Chela che me pièsc de più l’é Mein Heimatland Tirol. Dapò l’é Alte Kameraden, Guten Morgen, Auf der Autobahn, Urlaubszeit, l’é pien de bela sonèdes, me pièsc i Zillertaler e duta la musega Oberkrainer. Scouteste demò folk o ence de autra sorts de musega? No n muie, ma scoute ence musega classica, jazz e ence schlager, musega pop di paìjes todesc. Can él stat l’ùltima outa che te t’ès taà la bèrba? L’é stat canche siere morojo con Antonia, l’era del ’78. La é taèda canche é fenì de fèr l maester de schi e aee l vis dut ros e l menton dut bianch, me tegnìe tant de mèl che jie stroz co la man su per l menton e me saea n freit, ma n freit, ajache la bèrba la tegn ciaut. Da enlouta la é semper rencurèda ma no la é mai più taèda, e ades se la sauta jù pazienza, ma se la stèsc sù me la tegne! (vr)


Atualité

nr. 33 / 28 de agost 2010

Na tascia per Gana Al é ciamò presciapuech n meis de temp per tò pert al concurs realisan na tascia con l chertamodel pité tla revista dles eles y vence de biei pesć

Les redatoures de Gana é vegnudes enviedes da “manu” a Bulsan che à proponù la realisazion dla tascia de Gana te si laboratores.

Concurs - “Fajede na tascia y vencede n viade!” Con chest slogan ova la redazion de “Gana” sun l numer dl’aisciuda passeda dla “Usc dles Ladines” envié les letoures y i letours a tò pert a n concurs desćiadenan fora sia fantasia per crié la tascia plu bela y originala sun la basa dl chertamodel pité tla revista. L’idea à abù n bon suzes y sun la miscion gana@gmail.com él bele ruvé les fotografies di prums laours. La scomenciadiva é vegnuda touta su ence tla scola d’ert de Fascia, che à envié i studenc a liberé sia fantasia y creativité per realisé la tascia de Gana. Enchinamai fora da les valedes ladines, tla zité de Bulsan, é l’idea dla tascia de Gana vegnuda touta

su dal laboratore de manualité “manu”, che à slarié fora la proposta de tò pert a n curs per la realisazion de chesta tascia. Enstadì é les componentes dla redazion de Gana vegnudes enviedes tla senta dl laboratore “manu” per ti splighé plu avisa l significat y les carateristiches de Gana y dl concurs a les enteressedes, che pò sen, con l aiut dles espertes de “manu”, realisé les tasces ti laboratores da sartoura, de filz y ciamò con d’autres tecniches. Per tò pert al concurs messen mané ite na foto dla tascia realiseda enchin ai 30 de setember 2010 per mail a la miscion: gana@gmail.com o per posta a: Concurs Gana - Union Generela di Ladins dla Dolomites, Streda Rezia 48, 39046 Urtijëi (Bz),

metan ite l inom, la miscion y n contat mail o telefon per podei contaté chi che fej empara. La redazion de Gana tolarà dant i laours che ruvarà ite y la endrezarà na ocajion per podei i mete fora al publich. Anter i laours realisés vegnirà chirì fora i trei conscidrés plu biei y originai che vegnirà premiés con n viade de fin dl’edema a Lisbona (prum pest), a Roma (secont pest) y con n tratament wellness te n hotel tla Ciarencia (terz pest). Al é ciamò presciapuech n meis per podei realisé la tascia de Gana: fajedeve inant per tò pert al bel concurs. Per d’autres informazions o per avei l chertamodel pòn ti damané a la redazion de Fascia dla Usc di Ladins, tel. 0462.764545.

Les Mujighes Ladines se abina te na gran enconteda La Gran Festa da d’Istà ti dà alberch a la Enconteda dles Mujighes Ladines, na scomenciadiva penseda y voluda dal vize president dl Consei Regional Luigi Chiocchetti Volontariat - Tl cheder dla 31^ trueps apuntamenc en program edizion dla Gran Festa da d’Istà, darà la poscibelté de apriejé i dai 29 de agost ai 5 de setember elemenc senziers y plens di valours végnel metù a jì te Fascia la dla comunité ladina, che se Enconteda dles Mujighes Ladines, respidleia tles Mujighes y te sies aldò de n projet dl vize president stories. dl Consei Regional Luigi L volontariat é una dles majeres Chiocchetti, che preveid l endrez ressurses che i on te nostes Valedes de evenc che met al luster i grups y te nost raport cultural ti confronc de volontariat dles valedes ladines. de nos enstesc y di autri, chi che Mostres, conzerc, debatudes y ruva da foravia y veid, sent, vegn momenc de stude y confront tochés da cotant y da coche al ti viventarà la scomenciadiva che vegn sport a duc tres servisc y aiuc vuel sporje souraldut la ocajion che ai ne giata, sovenz, iniò – dij de fé na reflescion sota, che ala ciamò Chiocchetti – de chest vers desceide fora tles coscienzes i vuel la enconteda ester na ocajion valours che lieia nostes valedes. ence per les comunités ladines y L spirit de chesta enconteda che i grups de volontariat dl Trentin, cherda adum dejedot Mujighes dl Südtirol y dl Venet per se abiné da duta la Ladinia, va apontin do adum, se conesce y se baraté l troi dla reconescenza y dl valour esperienzes. L program dla enconteda é da sozial y personal aut che soné tla Mujiga anter tradizions y podei lieje tles plates dles Info. mudazions met en pe y sun l viade (cri.m) da temps vedli y vedlons - dij Luigi Chiocchetti tles paroles dantfora dl liber che é vegnù scrit per l’ocajion y che vegnirà prejenté tratant la enconteda. L liber dal titul “Sonèr adum, sonèr col cher” tol ite toc per ladin che rejona dla storia dles Mujighes dla Ladinia y d’autri scric de Stefen Dell’Antonio Monech. L spirit de volontariat, l assoziazionism, la solidarité é elemenc fondamentai per la chersciuda soziala, bogn de porté union y acordanza y de renforzé tla comunité La souracuerta dl liber ”Sonèr adum, l sens de partegnuda: i sonèr col cher”.

Entener la sozietà d’anchecondì con la filosofìa Cater encontres ta Cianacei per entener l segnificat de “la poura e de la marevea” Filosof ìa - “La poura e la marevea” l’é l titol del percors leterarie e filosofich metù a jir da la biblioteca de comun de Cianacei con a cef Domenico Volcan e dal servije atività culturèles de la provinzia de Trent. I professores de l’Univerisità de Trent Alessandro Genovese e Nicola Zuin via per dut l’istà i à metù a la leta del publich de Fascia si studies tel ciamp de la filosof ìa. Dai prumes de aost ogne mercol te la sala del consei del Comun de Cianacei l’é stat rejonà de “la sozietà de la poura”, n percors che pèrt da la reijes per ruèr a la costruzion e al besegn de legitimazion de la sozietèdes. Col jir di tempes l’é mudà la caujes de la poura, tel Medioevo l’era la poura de l’infern, e amò più endò l’era la poura de la desgrazies de la natura, aldidanché se podessa dir che la poura la vegn dal desvalif, ajache l’é semper zeche che no se cognosc. N muie de outes la poura no l’é na emozion naturèla, ma la vegn creèda da zachei, bèsta pissèr a la manaces fates dai gregn ai bec (se

6

www.lauscdiladins.com

no te fès l valent rua l’orco) e te noscia sozietà la poura à na pèrt dominanta ence te la relazions de la politica e del comerz. Apede a la poura i doi studiousc à rejonà de n’autra emozion, che é tel medemo temp vejins e dalonc: la marevea. La poura ne fèsc sciampèr da la robes, la marevea che enveze ne fèsc restèr cec e la ne spenc a cognoscer, ajache nos no sion besties e donca tedant a la poura proon ence la marevea de saer che che l’é tedò. La poura l’é semper stat n element fondamentèl per la costruzion de la sozietà soraldut canche i omegn à tacà a se endrezèr tras na clasc de persones legitimèdes a goernèr. Chest l’é stat l’argoment del prum enconter olache l’é stat metù man e spiegà l pensier assolutist de Thomas Hobbes a confront con chel più democratich e otimist de J.J. Rousseau. Amò l’é stat rejonà de coche la poura e la marevea à condizionà la sozietà economica, de coche l capitalism à portà al nascer de n

besegn de crescer dal pont de veduda economich e da la poura de cogner binèr e binèr per jir semper più inant te la scèla sozièla. Per chest l’é stat rejonà del capitalism aldò de Adam Smith, Karl Marx e Max Weber, per chest ùltim adertura enmuièr più scioldi ne porta a ruèr più vejin al Segnoredie. Con l’aprofondiment de la teorìes de Carl Smith e de Franz Rosenzweig l’é stat rejonà de coche la lege che vida l’om, n’outa pojèda su la reijes de la tera o del ciel, aldidanché con la secolarisazion e la globalisazion cognessa troèr na neva essenza ajache se la gestion de la giustizia vegn lascèda te man al popol, la fenissa per portèr demò a la violenza. Enstadì enveze l’é stat tratà, a partir da la reflescions de Horkheimer e Adorno, de la poura del piajer e del pericol de restèr vitimes de la sugestions e de la tentazions. Se n’outa n muie de jent se pojèa su la gejia e sia idea de paradis o de infern per fèr front a la poura de

Alessandro Genovese e Nicola Zuin à portà dant si studies su la filosofìa.

morir e per chierir consolazion de la meseries de la vita, anchecondì che chesta fiduzia se à trop smendrà la maor pèrt de la jent chier de se remir da la poura de morir chierian la soluzion e ge dajan fiduzia ai prodoc de la reclam e a duta la robes materièles che à l’obietif de ne fèr viver miec sun chesta tera... sarèl

vera? De bie complimenc a Alessandro Genovese e Nicola Zuin che à dat l met de cognoscer la rejons che ne spenc a se comportèr a na certa vida olache dut l’é scambies e gabolèdes al medemo temp, ma coscita l’é e pech se pel fèr per mudèr. (vr)


nr. 33 / 28 de agost 2010

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

La zircunvalazion de S. Cristina vën nuzeda deplù che n se ëssa aspità N ann do che l ie unì giaurì l gran stradon che astiela ora l zënter de S. Cristina mostra la cumpëides di auti che l n passà deplù che n se ova aspità tla proietazion

Ududa dla streda de zircunvalazion de S. Cristina, ulache l ie unì fat cumpededes drët nteressantes n cont tl trafich. (foto: usp/Stuffer)

Frabiché - Sëuraprò ai auti y mesuns pesoc che passa via l luech, vën na gran pert dl muvimënt a se l dé da chëi che furnea ite y ora de S. Cristina. Purempò passa feter 2/3 de dut l muvimënt tres la zircunvalazion. “N media pàssel 5.700 auti al di tres la zircunvalazion y nia plu danter la cëses dl luech. Chësc porta cun sé n gran

miuramënt dla cualità de vita tl zënter” spiega l assessëur Florian Mussner.

Gran defrënza danter la fin dl’ena y via per l’ena L muvimënt sun la zircunvalazion de S. Cristina muda dassënn danter la fin dl’ena y via

per l’ena. Ntan la sajon turistica iel ntan i dis de festa unì arjont na mesaria de feter 8.600 mesuns al di, via per l’ena na cumpëida mesana de 6.600 mesuns che furnova itevier o oravier. Ora de sajon ie la cumpëides sambën scialdi mëndres: i dis de festa 3.700 mesuns (spartii su sun 24 ëura) y via per l’ena feter 3.900 mesuns. La streda de zircunvalazion ie 1.700 metri longia y à cin puenc y doi tuniei. Chësta cumpededes ie unides fates tl prim tunel a unì da Urtijëi ite, tlamà “tunel Monte Pana”. Tl “tunel Saslonch” iel feter la medema cumpëides, mé i dis de festa ntan la sajon iel te chësc tunel stat 2,7% manco muvimënt, che depënd bonamënter dal purtoi dai schi Saslonch che ie danter i doi tuniei. Nce danter la doi direzions dl muvimënt sun streda, de viers de Sëlva o de Urtijëi, iel mé na pitla defrënza.

Plu gheneda, plu cualità de vita tl zënter Ntan chësc prim ann che la streda de zircunvalazion de S.

Cristina ie davierta àn nce pudù furné do la vedla streda. Tla proietazion òven fat cont che feter mesa la cumpëida de duc i mesuns tulerà la streda nueva. “Aldò de sciazedes y dla cumpededes sun la zircunvalazion udons śën che feter 2/3 dl muvimënt ne passa nia plu tres l zënter de S. Cristina” spiega l njenier Georg Fischnaller, proietant dla zircunvalazion. Chësc vel canche l zënter dl luech ne ie nia śarà ai auti. Ti ani passei òven cumpedà i auti che passova tl raion de La Poza, riesc do la sëida danter S. Cristina y Sëlva.

L ne n’ie nia plu da se nmaginé che tan de auti passëssa tres l luech Tenian cont che te Gherdëina se à l muvimënt sun streda auzà dl 2% al ann, vëniel per l ann 2010 sciazà che ta La Poza pàssel 8.000 mesuns al di (n mesaria). Feter 2/3 de chisc ie unic cumpedei sun la zircunvalazion de S. Cristina, plu avisa tl tunel Saslonch. L turism te nosta valedes porta pro che de sada iel l plu auti sun streda. Nsci iel nce unì arjont la

Florian Mussner, assessëur provinziel per la stredes.

majera cumpëides de dut l ann ntan la sades de jené y fauré cun passa 11.300 mesuns al di. Ai 13 y 27 de fauré n iel passà plu de 13.200. “Messon se nmaginé sce duc chisc auti fossa passei tres la streda Dursan, tl zënter de S. Cristina” sotrissea l assessëur provinziel Mussner. (as/usp)

L vën ju de gran purons sun la via fereda Sun la via fereda ”Oskar Schuster” sun Sasplat iel unì schivà de puech na desgrazia. Do che l ie cherpà ca de majeri sasc sun chësta via iela unida stluta Via fereda - Na cossa che à fat scialdi nutizia chisc dis fova dessegur chëla suzeduda sun la via fereda cunesciuda ”Oskar Schuster”, che ruva da dossù sun

Sasplat. Chësc ie n luech ulache n anconta for truep alpinisć. Deguni ne se mpensova che l pericul fossa tan daujin. N juebia ai 19 de agost do marënda, ntëur

Su per l ”Oskar-Schuster-Steig” sun Sasplat.

la un, per fertuna canche la gran pert de chëi che va iló su ie bele ruvei suinsom, crëpel ca de gran purons sun la fereda. L fova mo trëi alpinisć n streda y n jëunn de Gherdëin fova tl lëur de unì juvier. Chësc ova audì puech dant fueres mpue fetres che univa da dessëura ju. Riesc àl capì che tlo pudëssel unì ju vel’ sas y à cherdà i trëi tudësc che i dëssa se mëter al segur. Bel mpont, do puec secunc unìvel ju na smueia de sasc avisa ulache i trëi tudësc fossa stac sce l jëunn ne i ëssa nia mandei al segur. Na gran fertuna per i alpinisć. La cherdeda pra l 118 ie ruveda ite ajache n ne savova nia sce l ie povester mpo mo unì tucà zachei dai sasc. Nscila àn tëut la dezijion de crì ju a puntin chësc raion. Sun l crëp sëura la via udòven che l pericul ne fova mo nia scunjerà. Nsci àn tëut la dezijion de dsaré per ntant l Oskar-Schuster-Steig nchin che n arà segurà l parëi. Ulache l ie cherpà ca l crëp iel dlacia dovia che se dlëiga y mëina nsci for inò ju material y sasc. Sambën che l ie la sajon ulache l vën adalerch truepa jënt a jì da mont su, y la Lia da Mont de Gherdëina se festidierà perchël de fé n bon lëur tl tëmp plu curt che la va. Coche on audì dal presidënt dla Lia àn bele cialà de avisé la via sun n tòch nuef, nsci che n schiva chësta luegia periculëusa y posse njenië ca la fereda che la sibe inò mesanmënter segura. E, mesanmënter segura ajache segura defin ne saràla mei. Coche nce i mëinacrëp dij: mpue na

resieda iel for, chësta ie la natura, cun chësc muessen fé cont. L ie pa for bele unit ju sasc, de majeri y de mëndri, mé che al didancuei iel scialdi plu jënt che va a crëp y nsci pòssel suzeder plu saurì che zachei ie iust iló ulache l vën ju sasc. Sce n cunscidra tan giut che la via fereda de Sasplat ie bele y l ne n’ie mo mei suzedù vel’ da de tel, pòssen bën mpo rujené de caji singuli y plutosc reres. Na ndicazion de coche n possa udëi danora de tei caji o de coche n dëssa se astilé per vester segures, ne n’iel nia. Chi che va da mont su, nce mé a fé na via fereda, messerà pa mé inant se tò nstës la respunsabltà per chël che l fej, che gaujes da tlo su ne puderàn ti dé a nia y a deguni. (am/uk) www.lauscdiladins.com

7


Gherdëina

nr. 33 / 28 de agost 2010

Festa garateda per i ministronc sun Pana

Tofles de gran mpurtanza

N prim var de viers dla union pastorela de valeda à la grupes di ministronc de S. Cristina y Sëlva ulù fé, metan a jì na ancunteda sal verzon dai lëns sun Pana

Sun i ëures dla stredes foresteles à i destudafuech metù ju tofles cuecenes, che mostra ulache n à da mëter ju la pumpes sce n cajo che l unissa su fuech tl bosch. La jënt ie prieda bel de respeté chësc lëur fat cun gran mpëni ti ultimi doi ani

Ancuntedes - N sada ai 31 de lugio domesdì se ons abinà te chësc bel post chiet. L bel tëmp sotrissova la marueies dl crià de Chël bon Die. Belau 80 ministronc y ministrontes dla doi pluanies se à tëut dl’aurela de unì a se goder n bel domedì. Do na pitla funzion zelebreda dai doi pluans Sn. Raimund Perathoner y Sn. Pire Clara, ons scumencià a fé juesc. I mutons y la mutans ons partì su te ot grupes mescededes: granc y pitli, de S. Cristina y de Sëlva. Ulon ti nsenië a lauré deberieda scumencian cun l juech. Duc fajova

pea cun gran mutivazion y gaissa. Pra vel’ juech fòvel da vester asvelc, pra n auter da avëi forza, pra mo n auter da avëi fertuna, ma nce da pensé coche pra i diesc cumandamënc. I pluans ons pona prià bel de cialé do. Cun gran legrëza ài pudù cunstaté che duta la grupes à fat drët, giapan nsci l mascimo di ponc. Bele pra la funzion à Sn. Pluan rujenà di cumandamënc, ti lecurdan ai mutons de i adurvé di per di coche tl tëmp liede, te familia, cun i cumpanies, te scola, te grupa, …… Daldò fòvel per duc de bona lianies prates y da bever assé.

Do la premiazion à duc mo giapà n bon crafon y pona ài mo pudù sauté ncantëurt, ntan che i granc rumova su dut deberieda. Ëi ne ulova nia plu jì a cësa, tan bel ti savòvel cassù. Ulon nce tò l’ucajion de sentì gra al Chemun de S. Cristina, a chëi che à dat velch per la festa, ai genitores che à judà ntëurite y sambën a duc chëi di doi cunsëis di ministronc. Speron che tl daunì pudonse mo mëter a jì na tel blòta ancunteda. Per la grupes di ministronc, Evelyn y Christine

I ministronc de S. Cristina y de Sëlva, che se à urtà sun Pana.

A spaz cun i Ciambonfs La Lia di Ciambonfs ie na lia che ti va do a n bel hobby, chël de jì a pe, de jì a spaz tla natura danter nosta bela montes y suvënz nce oradecà. Ma la lia se dà nce ca per ti purté vel’ mumënt de aurela curta y legrëza a d’autri Soziel - Nscila à la Lia di Ciambonfs cun a cë si presidënt Reinhold Bernardi chësc instà inò metù a jì na lingia de jites, uni juebia ntan i mënsc de lugio y agost deberieda cun i cumëmbri dla Locia y de d’autra lies sozieles de Gherdëina. N à fat jites plu o manco longes, datrai nce mé mpue na majera spazireda. Bel ti sàl daniëura a duc a jì da Val ite nchin te Pra da Rì.

N auter iede iesen jic da Sëlva nchin a Urtijëi passan dal ciastel ”Fischburg”, y pona iesen nce furnei cun la furnadoia sun Secëda. Sa la Rodenecker Alm ulache n à urtà tan n bel di y da Jëuf de Frea via tl ”Edelweißtal” ti àl sapù a duc tan bel. Sciot iel stat che n doi iedesc àn messù desdì la jita pervia dl bur’ tëmp. L’ultima jita che n fajerà sarà sambën pra la marcia de Luis Trenker, te Sëlva

Destudafuech - Povester ti iel bele a de plu capità de udëi ora per la stredes foresteles dl chemun de Urtijëi uni tant vel’ tofla cuecena sun ëur de streda cun la scrita FF St. Ulrich. Chësta tofles ne n’ie nia unides metudes su per bel o per n da rì, ma bën per n’autra rejon. Duc sà che l bosch de Resciesa ie n bosch bëndebò sut y cun puec de majeri ruves. Te n cajo de meldefuech messëssa i destudafuech pumpé su l’ega o dal resservar da Juaut, da chël sun Col da Luca o dal ruf de Cuecenes su tl piec cajo nchin suisom Resciesa. L sëul calon dal’ega da pudëi avëi ie chël su per l purtoi dai schi dla Secëda per la nëif artifiziela. Nce sa Sacun ne n’ie la situazion nia iust miëura, ajache l ultimo idrant che purtëssa ega assé ie sa Banch, dlongia l Jakoberhof, praticamënter japé dl luech. Tëmp de doi ani à i Destudafuech de Urtijëi, deberieda cun chëi da Passua, S. Piere, S. Cristina, Sëlva y la pitla grupa da Sacun, fat proes y laurà ora na cherta, per se giaté ora ulà che l uem di destudafuech à, te n cajo de meldefuech tl bosch, da mëter ju la pumpes dal’ega per les sfruté l miec che la va a na moda che n ruve plu insù y plu lonc che l ie mesun. Te chësta lueges àn metù ju tofles, per ti fé a l savëi sce n cajo nce ai destudafuech da oradeca, ulache i à da mëter ju si pumpa, davia che sce l ëssa da verder ti bòsc de Urtijëi, saràl de bujën no mé di destudafuech de Gherdëina, ma nce de chëi da oradeca. Chësta tofles ie de gran aiut sce l ëssa da unì su fuech y nëus prion bel duta la populazion de no les zaré ora y scirmé ju per n rone coche l ie bele suzedù plu iedesc.

Chësc lëur i trueps d’autri ie for unii fai per duta la jënt dl luech y nce per l chemun nstës, dai uemes di destudafuech te si tëmp liede, debant, stajan demez da si families y manacian datrai nce de mëter n pericul si sanità. Ma chësc fajons gën y cun legrëza y l toca pra nosc lëur y nosc ideal, l ideal de ti judé al proscimo che a de bujën de aiut. I destudafuech ie na istituzion che ie tlo per ti judé al proscimo, unfat de ce culëur, religion, raza o rujeneda che l ie. La lia ne dëssa perchël nia unì nuzeda per fins politics o de propaganda da d’autra lies o partic per si fins, ti trajan dant, tl ultimo tëmp for plu suvënz, de simpatisé per una o l’autra rujeneda. Per i Destudafuech de Urtijëi, Kostner Manuel da Zaramin

Nscila cëla ora la tofles che ie da udëi ncantëur ti bòsc y che ie de gran mpurtanza per i destudafuech sce n cajo che l ëssa da unì su fuech te chëi raions.

ai 4 y 5 de setëmber a chëla che la Lia di Ciambonfs nvieia sambën nce duta la jënt de Gherdëina y dla valedes ujines. N se à inò studià ora trëi de bela raides da fé, vel’ una mpue plu longia, l’autres plu curtes, che menerà ora per i plu biei luesc de Sëlva y dla valeda. Cun l davani de chësta manifestazion sustën i Ciambonfs nce scumenciadives y istituzions sozieles. (usc)

Ntan la jita sun la Rodenecker Alm. www.lauscdiladins.com

9


Gherdëina

nr. 33 / 28 de agost 2010

Seniëur Vijo Pitscheider inò te Gherdëina Vijo Pitscheider, che fova bele stat dan truep ani caplan a Urtijëi, sëurantulerà la pluanies de Urtijëi, S. Cristian y Bula-Runcadic Religion - Coche duc sà iel scialdi puec prevesc y perchël messeràn tl daunì ciafië cun manco prevesc che arà da servì te n majer raion. Nsci nce te Gherdëina ulache Sn. Vijo ie unì cherdà a sëurantò la cura d’anes te trëi pluanies per ntant y n auter ann, canche nce Sn. Pire Clara jirà n pension, ruveràl leprò nce la pluania de Sëlva. Seniëur Vijo ie unì cherdà dal vëscul a unì te Gherdëina, ajache nchin che l ie mesun iel drët che n preve ladin, che sà la rujeneda y cunësc miec la situazion dl raion, se debe ju cun l’assistënza spirituela dla jënt de chisc luesc. Sn. Vijo ie perauter bele stat te Gherdëina, plu avisa a Urtijëi sciche

caplan. Trueps se l lecorda mo dai ani de scola ulache l jiva a tenì l’ëures de religion. Ma no mé chël nce pra la ativiteies dla Jungschar o di jëuni se lasciòvel udëi plu suvënz y pra la garejedes de scola fajòvel pea sciche gëurapurtoi o nce pra vel’ partida de juech al palé. L fova nce na persona de cumpania y duc l ova pa drët gën, perchël pòssen dessegur dì che trueps se ncunforta bele a pudëi l saludé inò.

Bënunì a Sn. Vijo. Cumià da Sn. Vitalis Duman dumënia ai 29 de agost dan la gran mëssa da mesa la diesc saràl a Urtijëi la festa ufiziela de

sëurandata . Sun rëjes ti sëurandajerà l pluan da śën Vitalis Delago simbolicamënter la tleves dla dlieja de San Durich a Sn. Vijo sciche sëni che l mët cun chësc te si mans la cura de anes dla jënt de chësta pluania. L sarà na festa de bënunì y de cumià dut te un. Cumià da Sn. Digan Vitalis Delago, che jirà a sté tl seminar a Persenon. Mpo uniràl de reviers te Gherdëina tan giut che l ie bon sa Bula a liejer la mësses la sades y dumënies. Te S. Cristina y a Runcadic resteràl inant Sn. Raimund Perathoner y Sn. Johann Tscholl a tenì la mësses y funzions y a ti judé nce te d’autri lëures al digan nuef.

Runcadic festejea La cumenanza de Runcadic fej festa. Plu avisa àla l unëur de fé festa per doi rejons: n iede per i 25 ani dala cunsagrazion dla dlieja nueva de Sant Ujep y pona nce per i 50 ani da preve de Seniёur Johann Tscholl avisa di dis de festa ie da pudëi liejer do dovia sun la plates dla informazions. De coche la ie unida a s’l dé cun la dlieja y dla vita da preve de seniëur pluan Johann Tscholl se l’à Laura Ciechi mpue ciaculeda cun ël. Tlo na ntervista. L ie dantaldut Vosc merit, sce l ie unit a s’l dé la costruzion dla dlieja de Sant Ujep a Runcadic dan 25 ani. Ce lecorc ёis’a de chёl tёmp? Me lecorde dla surpreja che ove abù a ruvé sa Bula al scumenciamёnt de setёmber dl 1974 y udёi che cun l mёter man dl ann de scola, fòvel de bujёn de n servisc dopl da curat. Sa Bula fòvel trëi tlasses La dlieja nueva de Sant Ujep a Runcadic cun 37 sculeies y a Runcadic fòvel 64 sculeies. Danter i doi dlongia la pitla capela da Passua. luesc iel, coche savon, na Runcadic - L à mpo durà n defrёnza de autёza de 400 metri y valgun ani da canche l ie unit su l ie da jì n’ёura a pe. La identiteies l’idea de na dlieja granda assé per di doi luesc fova scialdi defrёntes la jënt che sta te chësc ridl, al y uniuna se damandova na atenzion mumënt nchin che n se à parà ite particulera. Tl 1975 fòvel a la manies y l’à mplanteda cun la Runcadic bele 72 sculeies y me proietazion. A uni maniera iel stat ntendove, che nce chёl luech y si n var de gran mpurtanza che ti à jënt ova de bujёn, che me dedichёsse dat na sburdla al svilup de chësta deplën a d’ёi. L vёscul ausilier cumenanza. Ntant iel passà n chert Heinrich Forer, che fova tl 1975 de secul y mplu se pòrtel pro chëst unit a vijité Bula y Runcadic per ann che l pluan Sn. Johann Tscholl ncёria dl vёscul dla diozeja Josef ie bele 50 ani preve. Gargitter, ova cunsià de abiné n Per chёsta ucajion se à l Cunsёi local adatà per la funzions de dlieja de pluania de Runcadic deberieda a Runcadic. Tl 1978 ova Ujep cun i reprejentanc dla lies dl luech Runggaldier, che fova stat ambolt mpensà de mёter a jì, l’ena che vёn de Urtijёi y fova patron cun si plu manifestazions per lecurdé i surans dla capela da Passua, dat doi aniverseres. Nsci saràl n referat pro, de pudёi adurvé la capela per storich che à da n fé cun l luech, l servisc de dlieja, ma bёn prёsc se tenì dal dr. Josef Nössing. L unirà òven ntendù, che n adurvova na mustrà n film sun i mumёnc dlieja scialdi majera y plu linёusa senificatifs de canche l ie unì frabicà per l luech. Me lecorde, che bera la dlieja de Sant Ujep y metù ora Ujep me ova n iede tёut pea, canche fotografies che à da n fé cun i doi l fova furnà a Defreggen tl Osttirol, aniverseres. Per festejé Sn. pluan a crì na muta mo n vita de si saràl na sёira de bona ueia y n besavon Josef Runggaldier da dumёnia ai 5 de setëmber uleràn Passua, che ova lascià fé su la blòta sentì gra per chёsta fertuna cun na capela da Passua (1900-1901). pruzescion y la gran mёssa cianteda Co ie pa stat l svilup tl luech dal cor de dlieja de Runcadic cumpanià dal’orchestra. L program do la costruzion dla dlieja nueva

10

www.lauscdiladins.com

de Sant Ujep? Cun la costruzion dla dlieja de S. Ujep, dla scola elementera y dla scolina y nia da giut dla curtina, dla cёsa nueva di destudafuech y dla cёsa dla lies, à la populazion de Runcadic capì, che la va de lauré deberieda y che uniun à da dé si cuntribut per l bёn dl luech. Metan a jì y realisan deberieda, à dantaldut i jёuni udù ite che Runcadic possa vester si ncёsa, che ie de mpurtanza fundamentela per la vita. La trasparёnza y l se sentì da cёsa te n luech, permёt de tò sul scerio i autri, de purvé ora faculteies y talёnc y tl medem tёmp de se sperimenté a na maniera plu sota, deventan nsci plu segures tl crёscer. N mpera a fé si pert tla cumenanza y a se tò la respunsabltà per sé ntёsc y per i autri. Nsci iela stata te chёsc luech, ulache dlongia i destudafuech, che ie bele dal 1907 incà, iel unì metù su n cor de dlieja, n cor di mutons, n cunsёi de pluania, la grupa dl’ёiles de pluania, la grupa 50 plus, na grupa de teater y n.i. L ie 12 lies o grupes atives a Runcadic. Cie iel pa de bujёn te nosc luech, per garantì na cunvivёnza sana y de pesc danter nosta populazion, che avanea for deplù? La jёnt dl luech muessa capì, che chёl che la realisea, ne ie nia dut na cossa naturela (selbsverständlich), ma n donn, na vertù. L ie drёt nsci y mé nsci se cumpletons. Nёus lascion pro, che uniun te si vester, nes arichёsc nёus y nosta cumenanza, nce sce l ie datrai na ndesfideda. Uni luech svilupea si particularità y l ie drёt nsci, ajache uni luech ie sciche n pra da ciofs de uni culёur, che comunichea danter ёi. Uni persona à n spirt y na denità, che ti ie unic dunei da Chёl Bel Die y che ti permёt de vester for criatifs te dut si pensé y si fé. L ie 50 ani ca, che sёis unì cunsagrà preve a Roma y da 36 ani incà fajёis Vosc servisc tla pluania de Bula/Runcadic. Te chisc 50 ani ёis nce nsenià te de plu scoles, Ve ёis dat ju cun i

Sn. Pluan Johann Tscholl ntan na santa mëssa zelebreda chëst ann.

lauranc jёuni y d’autra grupes prufesciuneles tl KVW y cun la logoterapia. Ciun ie pa stat vosc prinzip de vita te chisc ani de atività? Do vester stat n ann caplan a Kurtatsch, ulache é messù passé dala mёssa bizantina-slava a chёla latina, sons danter l 1961 y l 1965 stat caplan a Vöran, Leifers y Tschars. De setёmber dl 1965 me à la diozeja nciarià de lauré coche caplan per l KVW. Me é dat ju cun i lauranc jёuni y i dependёnc de hotiei y ustaries, lauranc de fabrich y jёnt che menova na cёsa per studёnc o lauranc. Ove tёut su cuntat cun i fundadёures y cumpaniadёures di lauranc catolics jёuni d’Europa per nes giamiё ora esperienzes y cun vel’un de ёi sons mo al didancuei n cuntat. Me é for sentì njenià te mi atività cun i lauranc, nce ajache é abù l mesun de studiё sociologia tl cunfront cun l nseniamёnt soziel cristian. L me ie tumà tl uedl l prinzip dla “sussidiarietà”, che ie pona deventà l prinzip fundamentel de duta mi ativiteies. L se trata de recunёscer tl auter si capazità de ntёnder ciunes che ie si respunsablteies, che ti permёt de crёscer te si persunalità y de se mёter a desposizion dla cumenanza per judé pea a dé soluzions. Nce te

mi svilup coche logoterapeut do l prof. dr. Viktor Frankl y fundadёur y diretёur dl ISLAE( Istitut sudtirolesc de logoterapia y analisa esistenziela) dal 1996 al 2008, me ei basà sun chёsc prinzip. Dal mëns de setёmber 2010 inant saràl mé plu un n digan/ pluan per duc i luesc de Gherdёina , Seniёur Vijo Pitscheider. Per duc i pluans y digans che à arjont i 75 ani, fina via si ncёria ufiziela. Co iela pa cun Vo, restёis’a inant a Runcadic? Tan giut che mi sanità me l permёt, iel per mé na legrёza a fé inant mi servisc da curat te chёsc luech y sustenì la jënt te si raport cun i autri y cun Die, sibe singularmёnter che tla cumenanza. Tres mi studies defrёnc a Roma danter Gregoriana, Istitut Urientel y Russicum, éi capì, che mi servisc ala persona se damanda for inò furmazion. A chёi che azetea la ndesfidedes dla vita y uel ti judé ai autri a ruvé a piz limpea, ne ti vёniel nia ert sёura a studiё a na maniera costanta. L ti sà monce bel! De gra dla respostes y dut l bon!! Ntervista de Laura Ciechi Vinatzer fata ai 12.08.2010


nr. 33 / 28 de agost 2010

Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Na festa de reconoscimënt Lois Irsara à daurì tl Istitut Ladin a San Martin na mostra retrospetiva cun chedri y inće stüdi por de gragn sgrafić. Tröpa jënt à orü tó pert ala daurida, inće por onorè l’artist che à complì dan püćes edemss i 87 agn

Da artist a artist: l’introduziun ala mostra de Lois Irsara (secundo da man ciampa) é gnüda spôrta da Lois Anvidalfarei. (foto: Werner Pescosta)

Ert - N salf plëgn de jënt à orü i fà onur al artist de Badia la sëra dla daurida ai 20 d’agost. Danterìte tröc badioć y inće conoscënć dl artist da Bornech y de Puster. Lois Irsara à albü na gran ligrëza a odëi tan de jënt che s’â tut dlaurela y s’à inće emozionè por parores y complimënć. Iaco Rigo à en inom dl’EPL - Ert por i Ladins, organisadëssa de chësta mostra en colaboraziun cun l’Istitut Ladin, saludé l’artist, la jënt y les autoritês, à spo invié l’assessur provinzial y regional Florian Mussner do n salüt. Mussner à orü onorè l’artist dantadöt desco “portretist” de nosta jënt badiota, de süa natöra y de sües tradiziuns, l’à rengrazié por so laur da ambasciadù de süa ert scëmpla y sinziera fora dles valades ladines, y l’à invié te chësta ocajiun a ponsè da s’arjigné ca a na mostra personala por i 90 agn te trëi agn a Balsan, Mussner: “chësta mostra da incö ne po nia ester l’ultima sciöche l’artist à orü

anunzé ti media”. Le presidënt dl Istitut Ladin Hugo Valentin à portè le salüt dla ćiasa y dl salf, post de chël che Lois Irsara dij che al é “le plü bel salf lunc y lerch” por chësta süa mostra personala. L’introduziun ala mostra é spo gnüda fata dal artist de Badia Lois Anvidalfarei, scolare de Lois Irsara, vijin, nu y compagn. Anvidalfarei à alzé fora le tru che Lois Irsara à orü jì te süa vita, desco porsona y artist, pian ia cun i agn de stüde tla scora de pitöra I ciüfs de nostes munts é n motif amè dal “Colombo” a Milan, artist; chësc laur a öre é inće da odëi a San por se chirì n mode da Martin ćina ai 29 d’agost 2010, vigni dé. odëi, tó sö y depënje natöra , ciüfs , porsones ... l’importanza che la fede à dagnora Anvidalfarei à inće cuntè dl albü te süa vita y te süa vijiun da pseudonim che Irsara â adorè da fà y comuniché l’ert. Inće Chiara en tëmp “ssopn” (sedes sapientiae, Lubich à ciafè lerch tla relaziun ora pro nobis), por alzé fora de Anvidalfarei, desco porsona de gran ejëmpl por Irsara y fondadëssa dl Movimënt di Focolarins. Iaco Rigo ti à spo ćiamò surandè al artist Lois Irsara en inom dl’EPL na orchidea tla massaria, “na sort nia da ciafè söi prà de munt danter düć chi ciüfs che Lois Irsara depënj da agn y agn, al dess ester n dilan simbolich por le laur che Lois Irsara à fat tl’EPL dal ann 1958 insö, y na motivaziun por Lois Irsara da depënje inant”.

Natöra morta, da odëi tla mostra a San Martin de Tor.

Chësta festa de daurida é gnüda arichida cun le bel ćiantè dal cuartet Pinzimonio che à portè dant bëgn sis ćianties indöt cun parores ladines, laprò “Bel lingaz dla oma cara” y “Crusc de crëp”. Do la pert ofiziala à la familia dl artist de Badia invié al renfrësch tl foyer d’Istitut. (ir)

Val Badia

L’orcena dal’edema Sëmenes amarsciades mo prigoroses, rodes y ćiavai Ala fin de chësc ultim inver n (09/10) àn messü constatè che te chi bosc êl cotan de lëgns spacà y rosedà, y chësc plü insö por bosch che an va y deplü che al n’é. La gauja é bëgn en gran pert la nëi mola y porchël pesoćia tomada d’invern. Alüsc é chisc lë g ns ro s e dà intratan gnüs sià sö y metüs da na pert. Mo an mëss dötaorela ćiamò odëi che al n’é bëgn tröc intoronn encrusc do chi trus y cis chës sëmenes amarsciades che condüj da munt sö. Alüsc, olache al ne n’é nia prigorus, vara da jì dlungiaìa y sot- o sorafora; mo altró, p.ej. por Cherta panoramica dada fora dal’Assoziaziun chi banć da crëp, Turistica d’Al Plan, realisada da Tappeiner ne vara no da i foto&grafic&edition. tignì fora, no da i sora- o sotpassè y an röia insciö Da munt sö por chës sëmenes te de gragn prighi da slisorè y amarsciades mësson tres deplü tomè foraijö por rogns y forgnuns. incuntè o ciafè söl spiné jënt söla Ara va śëgn cuntra l’altonn y an roda, fat che comporta de gragn mëss odëi che al ne n’é alüsc prighi por chi che va a pè y chi ćiamò gnü fat nia por romenè sö che va cun la roda: un o l’ater le lignan y fà lëdies les sëmenes mëss se mëte fora de sëmena y da munt, cun döt che tanć à odü risćia tl burt da brodorè jö por chësta orcena. Al é n miracul che rogns y forgnuns. Les sëmenes al ne n’é dontè degöna desgrazia. amarsciades (zënza val’atra Vëgnel aspetè che al donti na indicaziun) é resservades por desgrazia por mëte en movimënt chi che va a pè y nia por chi dla val’ scuadra d’intervenziun? N roda. ejëmpl de chëstes condiziuns é Ći che é gnü dit por chi dla la sëmena amarsciada nr. 9, da roda vêl inće por chi che va a San Martin cuntra Göma ćiaval: te chisc caji é i prighi por intrames les perts ćiamò maius. (situaziun ai 14.08). I trus y les sëmenes Implü rüna i ćiavai dassënn les amarsciades alda da gnì controlà sëmenes. Chi dales rodes y/o a ćiaval n iade al ann (poscibilmënter d’aisciöda y nia impormò da dess ma podëi passè y rodè por d’altonn) dales istanzes trus dla larghëza de altamo 1,5 competëntes y/o responsables, metri (sciöche al é scrit dant da y metüdes apost por canche la Ampëz ia). Chi che va a spazier jënt pëia ia da rodè sö por munt. y/o da munt sö dess podëi jì y Les sëmenes rünades y se gode la natöra en pêsc y no prigoroses dess gnì segnalades messëi se temëi da se ciafè ados cun tofles o daldöt sarades jö en val’ roda o ćiaval. cajo de gran prigo, ćina che ares Albert Daverda, Lungiarü é indô metüdes apost.

Pesć dla lotaria Lotaries - En domënia dan otedé él gnü trat fora les zetoles fortunades en gaujiun dla lotaria dl Schi Club Ladinia. I publicun i numeri trać fora. Che che ess davagné n pest, po le damanè do ćina ai 30 de setëmber te ofize dl Schi Club Ladinia (ćiasa de Copa dl Monn) a La Ila, vigni

mercui dales 17.00 ales 18.00, tel. 0471/836434. I numeri fortunà é: 167, 202, 564, 607, 745, 1215, 1558, 1916, 1985, 2063, 2274, 2429, 2600, 2971, 3028, 3063, 3417, 3453, 3466, 4121, 4645, 4952, 5304, 6142,  6366, 7051,  7166, 7187, 7190, 8521.

www.lauscdiladins.com

11


Val Badia

nr. 33 / 28 de agost 2010

Defilada por les Dolomites En chësc ann anse orü dediché la defilada ales Dolomites, detlarades Patrimone Natural dl’Umanité UNESCO. y à concuisté les pizes plü altes dles Dolomites. I alpinisć é gnüs raprejentà cun les atrezatöres da inlaôta, mo inće cun atrezatöres plü modernes d’aldedaincö.

Le laûr de nüsc paurs y le turism

Impresciun dla defilada. Les güces é gnüdes infornides cun gran savëi. Inće sce al ploiô cotan, ne s’à la tröpa jënt nia lascè sprigorè, sciöche an po odëi dal gran publich sön ur’ de strada.

La Ila - Sciöche da tradiziun, él inće chësc ann gnü metü da jì a La Ila la festa cun defilada, le dé de Santa Maria dal Ciüf. Ara se trata de na manifestaziun de gran atraziun, conesciüda sides dala jënt dl post, che dai tröc sciori che passa sües vacanzes da d’isté tla valada. Bele da doman é la jënt rovada adöm te dlijia dl paîsc, olache al é gnü benedì i ciüfs, portà do vedla tradiziun sö dan alté, por che ai tëgnes dalunc dala jënt, dai tiers, dales ćiases y dal ćiampoprè vigni mal o desgrazia. La festa de dlijia é spo jüda inant cun la prozesciun incër dlijia, olache les jones à portè la statua de Santa Maria. La festa tl zënter dl paîsc à bele metü man dan marëna cun le conzert dla Müjiga da La Ila, che à porté dant tòć fora de so repertore scialdi rich, dai tòć tradizionai tiroleji, cina a tòć plü moderns. Le zënter de döta la manifestaziun é dessigü stada la defilada, metüda da jì cun gran savëi, sciöche vigni ann, da Paola Crazzolara y Loise Rottonara. A vigni ediziun dla defilada ti vëgnel dè n tema, do chël che al vëgn spo fat sö i ćiars. Chësc ann ti é la defilada gnüda dedicada a nostes beles munts, les Dolomites, gnüdes detlarades ai 26 de jügn 2009 Patrimone Natural Mondial dl’Umanité UNESCO. Cun chësc àn orü recordè la gran importanza y belëza de nostes

munts, conesciüdes inće sciöche “crëps stlauris”, detlarades plü iadi de ester les munts plü beles dl monn. L’Alta Badia y le paîsc da La Ila é pö posizionè avisa danter i dui parcs naturai Fanes-SenesBraies y Pöz-Odles, che fej propi pert dl Patrimone Natural dl’Umanité Unesco: le pröm parch é conesciü por les liëndes ladines, ambientades te chëstes munts y le secundo, conesciü suradöt dai geologs por süa conformaziun y strotöra. Tartan la defilada àn orü ti dè na gran importanza nia ma ales munts y ala natöra, mo an à suradöt inće orü recordè la jënt ladina, che vir y laora te chisc bi posć: i mënacrëp, i iagri, i paurs, y i.i.

Le ćiar de “Dolomieu” Al é gnü abelì deplü ćiars trać dai ćiavai dla valada por ti portè dant ai ghesć les belëzes y la richëza culturala, che ai ne conësc nia, o che ai conësc ma en pert. Sön un di ćiars él gnü metü le monumënt, dediché a Déodat de Dolomieu, da chël che les Dolomites à ciafè l’inom. Le geologh franzeje â ciafè fora y studié la pera, de chëra che les Dolomites é fates y a chëra che al ti é gnü dè l’inom de “dolomia” tl ann 1791. N’atra gücia ti é gnüda dedicada ai pröms alpinisć, che é por pröms gnüs dal’Inghilterra y dai Paîsc Todësc te nostes valades

La Musiga da La Ila festejâ le iubileum de 25 agn.

12

www.lauscdiladins.com

Sön d’atres güćes él gnü rapresentè la flora y la fauna, sciöche p.ej. sön le ćiar di iagri, olache an podô odëi de vigni sort de tiers de bosch. Gran importanza ti él inće gnü dè al laûr da paur tles munts, sciöche p.ej. cun le ćiar che raprejentâ le prè da munt cun le linzò da fëgn o le tablé da munt, olache i paurs lasciâ le fëgn da munt da ti dè da mangè ai tiers tratan l’invern. N ater argomënt important por la localité, de chël che an n’à nia orü se desmentié, é sambëgn stè le turism, sciöche ativité economica prinzipala por döta la valada. Insciö àn orü raprejentè l’invern, le sport dai schi, cun schiadus da n iade, canche al n’ê nia ćiamò i implanć portamunt y döt le svilup, ćina al schiadù cun atrezatöra moderna d’aldédaincö. Dër plajü à le ćiar cun lassura la raprejentaziun de un di pröms implanć portamunt. Implü àn inće orü lascè odëi d’atres ativitês sportives, che an po pratiché tles valades dles Dolomites. Cun la roda à insciö tut pert les campionësses Maria Canins y Debora Agreiter. Por abelì la defilada ne podôl sambëgn gnanca manćé i raiteri y les ëres cun la troht, les mitans cun i ciüfs por recordè la festa de Santa Maria dal Ciüf y i pici gratuns cun ćialzà dl cuch, pavà cöci, gerani y rapunzoli. Les musighes da La Ila, La Val y Milland, sciöche inće le Bal Popular Val Badia y n grup de platleri à inće contribuì da fà bela la defilada fora por paîsc.

Dër plajü à le ćiar cun la raprejentaziun de un di pröms implanć portamunt.

Desmostraziun da marcè Un di highlights dla defilada de chësc ann é stada la esibiziun da pert dles musighes da La Val y da La Ila, che à orü ti portè dant ai tröc spetadus val’de nü, che ai à lascè odëi por le pröm iade propi te chësta ocajiun. Bele tröp tëmp denant s’â intrames les musighes

Mitans y mituns cun le guant tradizional.

dè da fà por imparè ite la “Große Wende” da marcè. Les döes musighes s’à spo incuntè dui iadi l’edema dan la defilada, por porvè fora adöm y perfezionè l’esibiziun. Grana é stada la sodesfaziun da pert di musicontri y suradöt da pert di mënamaza Lukas y Helmuth da odëi le gran suzes che la esibiziun à albü. Cun chësc à la Müjiga da La Ila orü recordè y festejé en gaujiun dla defilada de Feragost i pröms 25 agn de ativité. Tartan le domisdé é la festa jüda inant cun i conzerć da pert dles musighes da Milland y da La Val y da sëra à i apascionà dl bal, che ne s’à nia lascè sprigorè dal bur’ tëmp, podü balè cun la musiga dl grup Partyexpress. Tratan döt le dé àn inće orü ti pité ai sciori y ala jënt dl post n valgönes spezialitês tipiches da chilò. Porchël s’à n grup de ëres metü a desposiziun por fà tutres y fortaies, che à dagnora n gran suzes. I stödafüch y la musiga oress rengrazié döta la jënt che se mët dagnora a desposiziun y ofrësc sö

n pü’ de so tëmp lëde por abelì la festa de Feragost. N gran dilan ti va sambëgn a Paola Crazzolara y a Loise Rottonara, che fistidiëia bele mëisc danfora por che la defilada garetes. Insciö podunse bele se confortè ala defilada da n ater ann! (nicole dorigo)

Alpinisć da zacan.


Val Badia

nr. 33 / 28 de agost 2010

Antersasc: discusciun sön le por y le cuntra Do edemes che al vëgn debatü ti media y sön i social network dla costruziun dla strada de Antersasc, à le movimënt Salvun Antersasc orü cherdè intrames les perts pro y cuntra incër na mësa por fà na discusciun sön ći che baia por la strada y ći che baia decuntra. Passa 200 porsones é gnüdes a ascutè sö domanda é co rovè sö." La minunga de Zingerle é che l’agricoltöra estensiva n’é nia de dann por la munt, mo bëgn na agricoltöra intensiva, cun l’incultè la munt y limité insciö la biodiversité.

Johann Mair: "I sun paur y i ô fà inant le paur!"

Gran interes da pert dla popolaziun por la serada de discusciun. va inant da la pruma plata

nüsc paraîsc söla tera ne l’é nia", ći che se damana na atenziun particolara por i ultimi posć de pêsc y de chît. Renner à inće baié dla sopoltöra sön Börz, dijon che ara n’ê nia blasfema. "Plü blasfem é bëgn che cer’ politics va ala comuniun", à dit siur Renner, che à inće recordè tl Radio Ladin che a Balsan vëgnel metü fora le corp mort de Ötzi, vijité da miliuns de porsones, y degügn ne se scandalisëia.

La strada de Antersasc nia n prigo por l’UNESCO? Le diretur dl ispetorat Silvester Regele à sotrissé che Antersasc é n paraîsc, mo inće na munt che dess gnì mantignida y dess podëi vire inant. Regele à insciö defenü l’intervënt sön Antersasc. Insciö inće Paul Profanter, che à splighé che la strada n’é nia n problem, sce ara vëgn fata aladô dla tecnica d’aldedaincö, y che i paurs mëss ciafè la poscibilité da rovè sön sües munts cun i mesi da incö. Flavio Ruffini à porvè da portè la discusciun sön n livel plü ogetif, y à tlarì inće le conzet de sconanza Natura 2000 y UNESCO. "Natura 2000 ô dì che an mëss sconè ambiënć de vita, la biodiversité. Sce chisc ne vëgn nia comprometüs tres la strada, pòn la fà. L’UNESCO se

damana na valorisaziun dl teritore. Chësta strada ne sarà nia na rajun por ti tó chësc predicat ales Dolomites. Scemai po la soma di intervënć te Südtirol rapresentè n prigo".

I Vërć: politica dl’aroganza Sepp Kusstatscher à tut ca l’ejëmpl dla Villanderer Alm por mostrè sö co che l’azes ales munts po avëi conseguënzes prigoroses por le teritore. Por Kusstatscher à Antersasc arjunt n carater simbolich. L’esponënt di Vërć à critiché che le govern provinzial à aproè le proiet,

do che i esperć tles comisciuns â dè jö arat negatif. Sön la medema ona inće Cristina Kury, che à critiché la politica che va sura les comisciuns fora. "Ći joa pa la sconanza, sce Südtirol n’ô gnanca fà de pici sacrifizi?", se damana la Kury, sotrissan che la politica mëss mëte dancà l’interes dla coletivité y nia chël dl singul. Vito Zingerle, diretur dl Museum dla Natöra da Balsan, n’à nia tut posiziun por o cuntra la strada. Ël instës à scrit süa tesa de laurea sön la biodiversité de Antersasc. "I sun dagnora stè lié al teritore de Antersasc. Sambëgn fóssel bel sce i frabicać gniss dortorà sö, mo l’atra

Do i intervënć di ghesć incër mësa ia, ti él gnü passè la parora al proprietar dla munt de Antersasc Johann Mair, che à splighé tlermënter da n’avëi nia la orentè da fà sö üties da munt o da fà l’ostì sön Antersasc, mo ma da dortorè sö les üties por podëi laurè la munt. "Dan 30-35 agn êl vita sön Antersasc. Por me é la munt morta en chël dé che i à lascè da jì sö cun i tiers. Iö sun paur y ô fà inant le paur", à dit Mair, che à inće prezisé che chësta é süa orentè, mo che al ne po nia dì ći che les generaziuns dl dagnì fajarà. Mair à stlüt jö cun l’afermaziun tlera che sce la strada n’ess nia da gnì fata, lasciaràl sö daldöt la munt."

Nosta contrada é mirit di paurs Dër animé é stè l’intervënt dl assessur Florian Mussner, sentè sciöche ghest danter le publich. "I sun contënt da avëi dit de scê ala strada", à dit l’assessur, "Al é i paurs che fej a na moda che nosta contrada sides tan bela y al é mirit di paurs y di verdabosc sce nosc teritore alda incö pro l’UNESCO." Mussner à inće fat le confrunt danter les munts de Südtirol che vëgn laurades y mantignides, y les munts dl belunesc che é öna indôlatra gnüdes lasciades sö, cun i frabicać che va inmalora. "Ti lasciun fà les propostes ai paurs, che à dagnora salpü da fà indertöra.", à dit l’assessur. L’intervënt de Mussner à ciafè gran aplaus tl publich, mo é gnü definì da Cristina Kury ma populistich, "che ne dëida degügn."

tomada de stil tl final, canche la parora ti é gnüda passada al publich. Sterch dantadöt l’intervënt de Pepi Videsott, stè por 40 agn a će dla Lia di Paurs tla Val Badia. Videsott é jü ite te na critica dër personala cuntra Michil Costa, che â invié ia la sopoltöra sön Börz y che à inće na ćiasa de proprieté a Lungiarü. Videsott ti à trat dant a Costa da avëi somenè rî sanch, stlujon jö cun l’invit da "s’un stè lassö", dit en cört, da s’un jì, ći che n’é nia stè tl spirit de na discusciun zivilisada.

Na osservaziun personala Le proiet dla strada y le proprietar dla munt à ciafè gran sostëgn dala politica tres Mussner y inće i dui ombolć Heinz Videsott y Iaco Frenademetz. Mo gran sostëgn y desmostraziun de forza é inće gnüs dai paurs instësc, dër numerusc danter le publich. La orentè da ne fà nia la strada é indere gnüda defenüda feter ma dai esponënć di Vërć. Sce an ćiara la discusciun animada cuntra la strada sön Facebook, féjel demorvëia che tanco degügn di sostegnidus de "Salvun Antersasc" n’ais fat n intervënt, tignin cunt che püć dl publich à podü dì la süa. La politica vëgn chilò da nos tres ćiamò fata da porsona a porsona, y nia sön internet, porchël ne bàstel bonamënter nia da pronunzié les posiziuns sön i social network. (pablo)

Final desplazè

Ghesć dla serada: Michil Costa, l’aconsiadù provinzial Riccardo Dello Sbarba, la portausc di Vërć Brigitte Foppa, i ombolć Heinz Videsott y Iaco Frenademetz, l’assessur Florian Mussner, le presidënt dl’AT San Martin Philipp Tolpeit.

Ći che ê stada por bun döes ores y mesa na discusciun zivilisada sciöche le moderadù s’l’â aodada bele dal mëteman dla serada, é

Le proprietar dla munt Johann Mair: "Sce la strada ne vëgn nia fata, lasci sö daldöt la munt."

Juel asfaltè? “Nos ne savun nia!”, dij i ombolć Sön Facebook rodâ la noela che al foss l’intenziun da asfaltè la strada de Juel. I ùn damanè i ombolć Videsott y Frenademetz, che ne sa nia dl proiet y se detlarass a vigni moda decuntra. “Scemai la stlü al trafich”, dij Frenademetz Badia/San Martin - Dan püć dis rodâl sön Facebook la noela che al dess gnì asfaltè la strada forestala de Juel. Noela che le foliet “Alto Adige” à atira surantut y publiché cun bindebò de resalt tla ediziun dl mertesc ai 24 de agost. Le foliet scri che al foss bele pié ia na racoiüda de firmes por tignì sö chësc proiet, che foss aladô dl articul - sostegnì dai

comuns da San Martin y de Badia. Nos ùn orü damanè i ombolć do na süa tuta de posiziun. Gran morvëia dla domanda se fej l’ombolt Heinz Videsott, che prezisëia atira che le comun da San Martin n’é nia a conoscënza de chësc proiet. I damanun inant al ombolt de Badia Iaco Frenademetz, che spliga sön la medema ona da ne savëi nia de chësc proiet, prezisan che al foss

“assolutamënter decuntra”, insciö inće l’ombolt Videsott. Frenademetz nes spliga inant che al à plülere l’intenziun da valutè la poscibilité da sarè la strada: “La strada de Juel é na strada forestala fata tres na interessënza. Y chësta po damanè al comun la poscibilité da mëte sö na proibiziun o limitaziun dl trafich”. (pablo)

www.lauscdiladins.com

13


Val Badia

nr. 33 / 28 de agost 2010

“Stala soziala”, na stala zënza tiers Nasciüda sciöche stala por cöie adöm les vaćes di assozià à la stala soziala Tranrüs da Corvara pordü süa finalité prinzipiala: laite él ma plü fëgn y de tiers ne vëigon plü nia Chisc laurs se damanâ tröc scioldi che n’ê baldi nia. Porchël êl gnü tut sö d’atri assozià, sciöche por ejëmpl le Comun da Corvara, l’Assoziaziun Turistica, la firma Sciovie Ladinia y la Cassa Raiffeisen Val Badia.” A chësta moda à chisc intervënć podü gnì concretisà. Ma che porchël n’ê i problems impò nia desgorć: les spëises por tignì la stala romagnô inant altes. Dl 2006 àn spo ponsè da fà sö na fujina dl’eletrizité; l’eletrizité gnô venüda y l’ega gnô adorada por les vaćes.

Problem personal

Tla stala soziala Tranrüs a Corvara n’él plü degügn tiers.

Agricoltöra - L’11 de merz dl 1979 gnôl firmé tl hotel Posta Zirm da Corvara le contrat por la realisaziun dla stala soziala tla localité de Tranrüs, sön n grunt metü a desposiziun da Heinz Kostner. 14 assozià s’â metü adöm sot ala presidënza de Lois Declara d’Lena cun le fin da fà sö na stala che fajess n sorvisc por la comunité. Bele agn denant indere, êl rodé fora por i dui paisc dl comun da Corvara l’idea da mëte sö na stala soziala tla localité da Rönn a Colfosch, mo chël proiet n’ê mai gnü realisé. “La costruziun de na stala soziala é n conzet bindebò modern. Te n paisc de turism él l’aodanza de vigni paur da ne messëi nia lovè vigni dé a ojurè, dantadöt sce le lüch é pice y ne porta nia tröp”, nes dij le presidënt atual dla stala, Angelo Costamoling, che à tut sö l’inćiaria do che Carlo Agreiter, suzessur de Lois Declara, l’â dada jö. La stala soziala dê ester na stala unica che cöi adöm i tiers de düć i paurs assozià y che se crüzia dl’ojorada y dla venüda di produć sciöche lat y cern. Ći che gnô trat ite dala venüda de chisc produć gnô adorè por paié i cosć de manutenziun dla stala y por le paiamënt di ojoradus. Por n tëmp cört, canche Carlo Agreiter ê presidënt, gnôl inće fat y venü ćiajò. Le lat dles vaćes dla stala soziala gnô portè a Reba tla lataria dl Bar Bianco olache al gnô fat le

Le presidënt dla stala soziala Angelo Costamoling.

14

www.lauscdiladins.com

ćiajó. Chësc tentatif da mëte da funzioné stala y produziun n’à baldi nia albü n gran suzes. La cooperativa é metüda adöm da paurs da Corvara y Colfosch (por la maiù pert) y da La Ila. Tl mëte man podô tó pert ales ativitês dla stala soziala ma i paurs ch’â vaćes, mo a gauja dles dificoltês finanziares i à la cooperativa daurì sües portes inće a chi che n’â nia tiers. I paurs assozià podô insciö se delibré da sü tiers y de chëstes grovaries, y condüje les vaćes tla stala. Les cuotes de partezipaziun al capital dla cooperativa é partì sö te vaćes y vigni paur messâ condüje adalerch le fëgn por ojorè i tiers ch’al â te stala.

La stala à dagnora ma mangé, mai frütè “Tröc pënsa che la funziun dla stala soziala sides chëra da sié i prà da munt. Mo chësta n’é mai stada la funziun prinzipiala. Vigni assozié messâ sié instës sü prà y portè ite le fëgn por ojorè sües vaćes che al â te stala”, spliga le presidënt da incö. “Gonot êl i paurs che â les mascinns da sié che siâ inće i prà di atri assozià y ti menâ spo le cunt”, nes cunta Costamoling. I paurs che siâ le fëgn che gnô condüt te stala soziala ciafâ contribuć dala Provinzia. Da set agn incà ne i vëgn chisc contribuć nia plü dà ai assozià, mo ala cooperativa che ne po nia i partì fora. I finanziamënć mëss restè tla cooperativa y mëss gnì adorà por ativitês che reverda la stala soziala. “Baldi él gnü slobré da fà i cunć - nes dij Angelo Costamoling deache la stala n’à te chisc 25 agn mai albü davagns, mo dagnora ma debić. Les spëises é dagnora stades maius co ći che gnô trat ite y i assozià n’à mai ciafè nia a pert le sorvisc.” Le presidënt nes cunta spo di problems che chersciô man man y gnô intres maius: “Por ester en regola y por podëi ciafè inant i contribuć provinziai, nes gnôl damanè da fà sö na zopa dala coltöra nöia, n plann por la sigurté y n plann cuntra le medefüch.

Por podëi ressanè la situaziun finanziara precara dla stala soziala àn spo tosc lascè jì le personal. Ma che lascè jì le personal ess orü dì inće s’un desdì di sorvisc, dantadöt lascè jì i tiers, y ne fà nia plü pert dl sorvisc prinzipal. Y chësc àn inće lascè sozede, meton insciö al prigo la funziun dla cooperativa, deache: sce al ne vëgn nia plü fat n’ativité, vëgn la cooperativa metüda a lìzita y ći che vëgn trat ite mëss gnì dè jö al fonds nazional dles cooperatives, i assozià restass a ćiarè pro. Al momënt é la funziun dla stala ma plü chëra da magazinn dal fëgn. Le fëgn vëgn menè adalerch dai assozià y vëgn spo venü. “Baldi é le fëgn püch, deache i sotusc s’l tol para”, nes dij le presidënt dla stala. Zënza tiers é inće la zopa dala coltöra por nia, insciö i vëgnera afitada ai implanć portamunt por mëte ite l’ega da fà la nëi artifiziala. La stala soziala é na taialungia, y i problems pê zënza fin. “Al mëss gnì fat valch, inće por motifs de sigurté, deache le tët dla stala é frat - dij Costamoling.

Na vila ladina? Le sît olache la stala ê gnüda fata sö à la destinaziun urbanistica de raiun produtif - stala soziala. An à inće porvè da jì n ater tru, plü rentabl: insciö él gnü fat na domanda al Comun da Corvara por mudé en pert la destinaziun urbanistica dla zona y la resposta dl consëi (ćiamò sot al ombolt Franz Pedratscher ndr) é stada de sce, mo sot ala condiziun che almanco le 30% conservëies la destinaziun originara de stala soziala. Mo l’ultima dezijiun de chësc vers tolarà proscimamënter la Provinzia. N’idea foss chëra da fà sö n valgönes de pices majuns cun n garasc por mëte ite les mascinns da sié y n apartamënt suraìa, y n “tablé” amesa ite por lascè jö le fëgn. Chëstes costruziuns podess gnì realisades sciöche na vila tradizionala ladina. I assozià podess cumprè le grunt dala cooperativa por se fà sö na ćiasa y la cooperativa ess insciö i scioldi por fà sö na stala sciöche al alda”, chësta la proposta dl presidënt dla stala soziala Angelo Costamoling. (katia pizzinini)

Le variöl d’Antersasc Te plaza da Lungiarü él gnü metü sö n variöl demorvëia

Le variöl de Antersasc verda te plaza da Lungiarü.

Curiositês - Le capitul “Antersasc” é n iade implü deventè plü rich de curiositês. En mercui ciafân te plaza da Lungiarü n variöl de morvëia, variöl de raîsc de lëgn, acompagnè da na tofla de pera cun lassura döes stëres de munt y la scrita “Antersasc Reich des Adlers UNESCO 09” (Antersasc rëgn dl variöl UNESCO 09.) La posiziun dl variöl lascia ponsè al blasun de nosta provinzia, mo chësta é na interpretaziun daldöt personala. Ći che le variöl ô comuniché, dess vigniun instës interpretè. Da ti ćiarè ne se stàl gnanca ite tan mal. (pablo)

La pera cun la scrita.


Val Badia

nr. 33 / 28 de agost 2010

Pan por la fan: n aiüt ai africans “Nia dè i pësc, mo insigné da pié pësc” é le moto dl’assoziaziun AGAPE che à metü da jì proieć desvalies de volontariat tl paisc de Afagnan, tl Togo

Claudia Tolpeit adöm ai africans.

Sozial - En domënia ai 22 de agost él gnü metü da jì tl zënter da La Ila la secunda ediziun dla “Festa dl pan por la fan”. L’ann passè ê la festa gnüda organisada it a Sas Dlacia, a S.Ćiascian. La festa é gnüda metüda da jì dal’assoziaziun ONLUS AGAPE de Franca Razza, de chëra che al fej pert Claudia Tolpeit da La Val, Emanuela Rossini da La Ila y Roberto Pallestrongg da Badia. L’obietif de chësta organisaziun nia governativa é chël de cöie adöm contribuć por la costruziun de n paisc di mistiers cun frabiches de materiai biologics tl Togo. Stè adöm, daidé y colaborè é parores che vëgn dant gonot tratan la ciacolada cun dui organisadus dla festa, Claudia y Roberto. La Usc: Ći é pa l’assoziaziun AGAPE de Franca Razza? Claudia: Agape é na parora greca ch’ô dì amur danter i fredesc, amur che ne ghira nia. Le pröm fin dl’organisazun é insigné y cherié mistiers. Nosc moto é: nia dè i pësc, mo insigné da pié pësc. Chê é pa Franca razza? Claudia: Agape é n inom dër adorè, porchël jôl debojëgn da mëte n sottitul al inom dl’assoziaziun. I ùn porchël fat fora da dediché l’assoziaziun a na porsona che s’à daidé dër tröp, dantadöt tl mëte man. L’assoziaziun é gnüda dedicada a Franca Razza por ti desmostrè

Tratan la Festa dl pan por la fan de chësc ann. (fotografia de Daniel Töchterle)

nosc reconoscimënt. Che fej pa pert dl’assoziaziun? Claudia: Dl assoziaziun fej pert volontars dla Val Badia, dl Agordin y dl Belunesc; ara se trata de n’assoziaziun dles Dolomites. I ùn inće volontars africans che laora por nosta organisaziun che é n’organisaziun nia governativa (ONG), tl Togo. I colaborun spo inće cun n’atra assoziaziun, l’assoziaziun vaticana “Green Accord” che se crüzia dla salvaverda dla creaziun. Olà laora pa prinzipalmënter l’organisaziun AGAPE? Claudia: I ùn metü man cun n proiet tl Ghana che n’é baldi nia gnü realisé y śëgn sunse tl laur da daidé le paisc de Afagnan tl Togo. Al é n paisc de tistleri y de sculturs. Canche i à odü por le pröm iade n tistler african che laorâ, spo m‘ai prësc dodè che i ne i â mai daidé. Na siëia y n martel ê döt ći ch’ël â. Do ch’an vëiga na te situaziun ne pòn nia savaié de nia; an à le dovëi da daidé y chësc dovëi devënta spo n plajëi. Él volontars dl’assoziaziun inće tl Togo? Claudia: E, al é volontars taliagn che ti va do ai laurs y volontars africans che laora cun nosta assoziaziun. I colaborun inće cun proi, patri y miscionars ch’é bele da plü dî dailò. Na man dëida l’atra é inće n nosc moto; nos daidun ëi

Le plann dl paisc di mistiers fat dal architët belga Lucien Kroll.

y ëi dëida nos y adöm daidùn le popul african. Ći sort de proieć vëgn pa metüs da jì dal’organisaziun AGAPE tl Togo? Claudia: Por merit dla colaboraziun dl stüde de Bioarchitetöra da Balsan y da süa direturia Wittfrida Mitterer ùn metü da jì le proiet por la costruziun de n paisc de mistiers cun frabiches de materiai biologics. Le plann dl paisc é gnü fat dal architët y luminar dl’urbanistica belga Lucien Kroll. Ite tl paisc é preodüda la costruziun de na tistlaria d’insegnamënt, olache al gnarà insigné le mistier da tistler ai africans a na moda che ai àis la poscibilité n bel dé da mëte sö da susc süa tistlaria. Dan da püch tëmp s’él incé gnü damanè da pert dl minister dl istruziun, dl prefet y dl capo dl paisc de Afagnan, da fà sö na scora. La scora de Afagnan, che é na costuziun de lëgn é tl laur da gnì desdrüta dales termites. Porchël oresson nos fà sö na costruziun de mür y tratè al lëgn a na moda che les termites ne le bocolëies nia plü sö. Él inće bel gnü portè a fin val proiet tl Togo? Claudia: E, al é gnü fat sö n poz y al é gnü dè fora libri y sföisc ai mituns. Cun chësc ùnse capì che al ê n gran bojëgn da fà sö na scora. En domënia ëise metü da jì tl zënter da La Ila la Festa dl pan por la fan. À pa la festa albü suzès? Claudia: La festa à metü man cun la benedisciun da pert dl degan, Siur Franz Sottara, dl pan y dles Santes Maries de lëgn d’eben, che é spo gnüs venüs tratan le dé. Inće cun les Santes Maries dùnse nos da laur ai africans. Al é gnü metü da jì griliada, venü turtres, furtaies y d’ater patüc dûc metü a disposiziun da volontars dl post y da africans. Sön la festa él inće gnü metü fora chedri dl artist de pitöres etniches Nunzio Terano. Roberto: Cun chëstes festes, al n’é bele stè cater, n’orùnse nia ma cöie adöm contribuć, mo inće y dantadöt sensibilisé la jënt sön chësta tematica. Le laur por daidé

i africans de Afagnan é gran, porchël é vigni porsona in plü che oress gnì a se daidé bëgnodüda. I fajarun sö tl Togo na tistlaria pochël ne damanunse nia ma aiüć sot forma de scioldi, mo inće massarìes da tistler che ne vëgn nia plü adorades. Cun chësta festa ùnse inće orü moscedè le folclorism ladin cun la cultura africana. Tambürli africans, mo inće les melodies dla Bömische da La Val y les usc de Walti, Gisela, Monica, Bruno y Lois à abelì la festa. Claudia: Canche i à odü jogn dl post che sonâ y balâ adöm ai africans âi capì che i â arjunt mi obietif: cherié amur anter i fredesc; chël é pö n pilaster dla cristianité. Roberto: La festa à albü n gran suzes nia ma por i ghesć, mo inće por la jënt dl post che à dër aprijé l’intrategnimënt musical, la mostra, y inće la scomenciadìa por la sconanza dl ambiënt cun le cendrin por aleleria “Teo, le compagn dla natöra.” Teo é n cendrin ch’i à realisé adöm al tistler de Badia Erich Pescoller y al feur de Lungiarü Isidoro Clara. Al é n invit a nia sciuré i zunfi de zigareć incërch. I sun stà dër contënć, dantadöt dl laur di volontars di comuns de Badia, de La Val y de San Martin ch’é gnüs a nes daidé. I orun ti dì n bel gran giulan por la gran orentè che ai s’à desmostrè. En particolar orunse rengrazié i stüdafüch da La Ila por süa gran disponibilité y l’aministraziun comunala, Ći manifestaziuns vëgnel pa ćiamò metü da jì por cöie adöm scioldi? Claudia: A pert la festa ch’é gnüda organisada a Egort ai 8 d’agost vëgnel venü furtaies tratan la Festa dl paisc a S.Ćiascian y spo

vëgnel metü da jì venüdes de pan y de Santes Maries de lëgn d’eben, che vëgn ziplades dai africans. Scioldi vëgnel inće trat ite tratan i conzerć che i organisun y implü ciafunse donaziuns da pert de privać y inće por man publica. Os sëis i organsadus de chëstes festes y de chisc proieć. Ći é pa por vos l’aiüt “che ne ghira nia”? Claudia: La vita. Roberto: La vita é la definiziun plü iüsta. Ći ves aspetëise pa por le dagnì? Claudia: I me aodi che le proiet dl paisc di mistiers vëgnes realisé y che vigni mistier ciafes süa ćiasa. Cun n mistier al iade vëigon che le paisc crësc plan plan y döt chësc por mirit dla colaboraziun danter nos dl’assoziaziun y ëi, i africans. Roberto, os fajëis pert impormò da püch tëmp de chësta organisaziun. Ći emoziuns proëise pa da fà volontariat? Roberto: Iö à tröpes de beles sensaziuns che è ries da cuntè mo che vigni persona che ó, pò avëi. Al basta püch. La sënta dl’assoziaziun AGAPE é a La Val, via Pidro1, por informaziuns: tolpeitclaudia@libero.it

Por donaziuns: Raiffeisen Val Badia - IT 90A 08010 58181 00030 7010389 Cod. F. + 5 x 1000: 92029000210 Cassa Rurale Val di Fassa e Agordino - IT70 W081 4088 2600 0000 6039 320

www.lauscdiladins.com

15


Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Val de Fascia

nr. 33 / 28 de agost 2010

Troà l corp de n sudà talian su la Marmolèda Transdolomites zenza paussa Na descorida dassen emportanta chela fata da Dino De Bernardin da Rocia su la giaces fascènes de la Marmolèda schelet sui monc desche l Cauriol, l Col de Lana o sui monc olache l’é stat la Gran Vera. N muie senester enveze l’é n retroament te n giacé, desche te chest cajo.” Co éles la condizions del corp? “La condizions del corp no les é segur bones. Fazile chest om l’era sutà soravìa na granata. L’é dut rot e ence chi del socors no i à nience entenù ben olache l’era la copa del cef. Aboncont se se fegura che sie stat n sudà talian, enceben che no l’é amò deldut segur. Se l’à entenù più che auter dal guant, mìngol ence dai scarpons e dal colet. Ades spere che l vegne sepolì te n post adatà. Se l’é n sudà austriach sun Pordoi, se enveze l’é talian podessa esser al Pocol sun Fauzaregh o sun Pian di Salejei vin Fodom olache l’é i ossaries taliegn.” Peisseste che n sie de etres sot ite? “L giacé resserva semper sorpreses. L’à lascià fora del 2008 n ciapel da alpin amò en bona condizions e amò l’é stat troà roba dassen bela e conservèda n muie ben. L’Adamello, la Marmolèda e l’Ortles i à chesta particolarità, ajache l’é lesc olache l’é stat scombatù, canche l giacé se tira endò l’é più fazile troèr reperc.”

L corp del sudà talian troà da pec dis su la Marmolèda.

L dì di 21 de aost 2010 vegnarà recordà desche n dì n muie emportant per l setor de l’enrescida su la Gran Vera. Te duc chisc egn no l’era mai sozedù de troèr sot l giacé de la Marmolèda l corp de n om, de n joen sudà che à scombatù la Gran Vera. Sion jic a ge domanèr de ne contèr mìngol più tel particolèr coche la é jita a Andrea De Bernardin, ombolt de Rocia e titolèr del Museo su la Gran Vera sun Fedaa e enrescidor de storia e de la giaces de la Marmolèda. Co éla stata che aede troà chest corp? Andrea De Bernardin: “En sabeda dadoman, ai 21 de aost, mie jorman Dino De Bernardin l’é jit descheche l fèsc semper su per la giaces de la Marmolèda per chierir reperc de la gran vera da portèr te nosc museo sun Fedaa, e l se à embatù te na roba mìngol desferenta dal solit: l’era n scarpon che vegnìa fora da la giacia da la man del tach. L’à scomenzà a tor demez la giacia dintornvìa e l se n’à adat che l’era zeche de più te sot. Coscita l’é vegnù sobito da me e l me à dit che fosc l’aea troà n corp. Desche ombolt de Rocia ge é dit che aló l’é teritorie del Comun de Cianacei e che dant de dut se aessa cognù jir su a tirèr via amò mìngol de giacia e veder se dassen fossa stat n corp e en cajo chiamèr l socors. L’é jit su con n nosc amich Maurizio Manfroi da Cencenighe, i à tirà via amò mìngol de giacia e

16

www.lauscdiladins.com

i à capì che l’era apontin l corp de n om. Dachelanvìa gé é chiamà sobito i carabinieres de Cianacei, l marescial l’é vegnù sù sobito, l’à fat l verbal e l’à chiamà l socors de l’Auta Fascia. La domenia dò no i à podù vegnir, ma en lunesc domarena i era sul post ensema a mie jorman, i l’à tirà fora e dapò i l’à portà jù. Ades l corp l’é te la zela di morc de Cianacei.” L’é dalbon na roba curiousa... “Ei, l’é dassen na roba certa. Chiò dintorn no l’era mai sozedù de troèr l corp de n sudà, no é recorc de na roba tèla. L’an passà de aost, da la pèrt de Rocia, l’era stat troà te la giara n schelet de n fante talian, ma l’é na roba desferenta troèr n

Co aede fat a spostèr i resć? “L’é stat fat na operazion de socors alpin. I lo à metù te n sach aposta e dapò te n vascel de zinch e ades l’é al freit te la zela di morc. Vegnarà n patologh a l veder e fosc se podessa troèr fora ence l DNA. Ma te sès, chisc fac te lascia semper mìngol de pensieres... a ge pissèr ben chest chiò no l’é n mort tanche duc i etres, no l’é n mort de alpinism, chest chiò l’é n mort de la vera, dapò che l sie austriach o talian no l’é emportant, l’é n joen mort en vera.” Él roba che te podesses recuperèr e conservèr te tie museo? “Gé no volesse, preferisse no l tegnir. Podesse tegnir magari vèlch oget che se troa te la gofes, o la capa, ence percheche la mondura e dut l rest i é metui n muie mèl.” Intervista de Valentina Redolfi

Andrea De Bernardin te sie Museo de la Gran Vera sun Fedaa.

Va inant la mobilitazion de la sociazion a sostegn de la ferata Trent – Cianacei. Ence la sociazion Fassa é a una con chest projet Mobilità - L’empegn de la sociazion Transdolomites per sostegnir la ferata desche sistem de mobilità alternativa sa mont no cognosc paussa. Va inant defat la regoeta de firmes per ge domanèr a la Provinzia autonoma de Trent de envièr via la projetazion de la linia Trent - Dèlba travers la val de Cembra, firmes tant de jent del post che de foresć che é states toutes sù ence te Fascia a Cianacei e a Poza. Per chel che revèrda la val de Sora anter l’auter, la fermèdes pervedudes enlongia ju i tropes impianc portamont les dèsc l met de programèr na sort de mobilità percacenta ma ence fascinégola te l’ambient dolomitich alpin – disc te n comunicat Massimo Girardi, president de Transdolomites - con n servije de chesta sort sarà possìbol ence redimenjionèr debel l’endrez del skibus da d’invern e sporjer na alternativa sorida, spedienta e moderna, che podessa mudèr fora sun duta la val i skibus veies de anchecondì, con cosć mendres respet a chi da ades. N

servije redimenjionà pel esser adatà miec ai besegnes di paìjes e desche coleament con la frazions per menèr i sentadins a la fermèda più vejina – va inant Girardi – e valif l’é per l’istà, olache na rei anter i impianc portamont e la ferata pel meter a jir te noscia realtà n servije de mobilità dassen de valuta. Anter l’auter sarà l meso più spedient ence per jir fin a Trent. Ence la sociazion Fassa à palesà so sostegn a Trandolomites e a la ferata Trent – Cianacei. Travers n document sotscrit da n conseier del Diretif, Francesco Pitscheider, la sociazion auza fora l’idea che passèr al treno volessa dir se oujer a n turism ecologich, sostenìbol e, no da ùltim, più bonmarcià, e la se augura che se posse ruèr te curt temp al projet e a la realisazion de la ferata, domanan adaut che la Provinzia tole dant la soluzion uzèda fora da Transdolomites e che l Comun General de Fascia ejaminee dassen chesta oportunità, per smaorèr la calità de noscia oferta turistica ma ence la calità de noscia vita. (cri.m)

Trent e Busan se corda sui trasporc L’é stat aproà la convenzion anter la doi provinzies de noscia region per razionalisèr servije e tarifes su la linia Penìa – Ora. Neves ence per chel che revèrda l garasc de Penìa Trasporc - Chisc dis passé la Jonta provinzièla su proponeta de l’assessor Alberto Pacher à aproà la convenzion anter la provinzies de Trent e Busan per la razionalisazion del servije de trasport su la linia Penìa-Ora e l’integrazion de la tarifes. La doi provinzies, ensema con la sozietèdes di servijes de trasport Sad e Trentino Trasporti Esercizio, les à lurà fora n projet per razionalisèr chesta linia che anchecondì vegn gestida da duta does la sozietèdes ma a na vida no integrèda. La reorganisazion perveit na corsa vigni ora enlongia dut l percors e la corespondenza a Ora del treno da e per Trent; la Sad se cruziarà del tòch Ciavaleis – Ora enveze la Trentino Trasporti del tòch Penìa – Ora, con vèlch corsa direta Penìa – Trent passan per Egna; duta la corses arà corespondenza de oraries. Amò apede l provediment fèsc fora la integrazion de la tarifes anter la does provinzies, ge dajan l met a la utenza de viajèr sun duta la linia con n biliet demò. L nef orarie doventarà operatif con la sajon da d’invern 2010/11. De Penìa e de trasporc se rejona ence per via del garasc di autobus de la sozietà Trentino Trasporti, che no l’é adatà ai besegnes del servije e l soscedea empac e dificoltèdes ti residenc e te chi che à ativitèdes apedejù. L conseier provinzièl ladin Luigi Chiocchetti à uzà fora la costion al Consei de la Provinzia travers na interogazion e te la responeta l’assessor Alberto

Pacher à fat a saer che l’é stat troà n’area aldò e lurà fora n projet definitif per realisèr n garasc con l’impiant per lavèr i mesi, n local de servije per i autisć, n deregoladoi e n cartier. Podessa vegnir dat sù l’apalt dant che vae fora l’invern che vegn e podessa scomenzèr i lurieres via per l’istà che vegn – à dit amò Pacher – la Provinzia à finanzià l nef garasc per passa 2 milions e 300 mile euro. Endèna che va inant l’iter, per smendrèr i festidesc lamenté da la popolazion, la Provinzia à scomenzà la enrescida de n depòjit adatà per loghèr la corieres fin tant che no sarà sturtà sù i lurieres. Neva de chisc dis l’é che l’é stat dat parer positif a la realisazion del nef garasc per chel che revèrda i aspec idrogeologics e che l projet é stat autorisà con na varianta che perveit che la parèda de defendura del piazal la vegne tegnuda più endò. (cri.m)

Neves per i trasporc con la Sad.


Val de Fascia

nr. 33 / 28 de agost 2010

La festa di 60 egn del Grop Folk de Cianacei l’é stat la festa de na gran familia che adum se dèsc jù per duta la comunanza

L cianton dal temp

Nesc giaves ne conta valch de che che sozede te la Ciasa de la jent de età de Fascia

“ Torta Emily

Per chest apuntament co la USC, noscia Mery à volù ne contar co che se fasc a far la torta Emily. L’era dal bon n trat che no la ne dajea più na soa rezeta!!! Chisc coghi i stenta sempre a dir fora soe rezete miore!!!! Ve arseguron che l’é na peta n muie bona, proprio da se leciar ite!!!

L Grop Folk de Cianacei à fat festa per si 60 egn de vita premian si componenc più fidei.

Dèlba - Dut l publich che l’era entornvìa stradon endèna la defilèda e amò dut chel tedant a paladina en domenia passèda ta Dèlba à podù viver dassen na bela festa che à vedù ence momenc de comozion e de fort sentiment da pèrt de la jent del post. Chela jent che à vedù crescer l grop e mudèr sie componenc, che da 60 egn ge bat la mans, che se emoziona a i veder balèr e ge dèsc ogne outa neva gaissa per jir inant. Dò l gran suzess de en vender sera, col tendon pien de jent ma ence fora per strèda de paìsc, la festa per i 60 egn la é jita inant per dut l fin de setemèna. En domenia te tendon apede ai conzerc de la Musega de Pruca e chela de l’Auta Fascia, via per dut l dì l’é stat dat l met de se vardèr video e fotografìes, recorc di egn passé. La defilèda é pontèda via da les trei dal pìcol piaz

de Dèlba col Grop de la Paic, la Mèscres de Dèlba e Penìa, la Mùsega Auta Fascia, i Schuhplattler de Ciampedel, la Banda de Pruca, n grop dal Tirol e l Grop Folk de Cianacei con la Schuhplattlerinnen che é jit sobito sun paladina olache l’ombolt Mariano Cloch, l’assessor Luigi Chiocchetti e la Procuradora Cristina Donei à volù sporjer saluc e rengraziamenc. L’ombolt à volù sotrissèr che l Grop Folk de Cianacei l’é n ejempie de prestije per duta la vita sozièla del paìsc, ajache ogne component é semper vertech a dèr na man te ogne ocajion. L’assessor Chiocchetti à portà i saluc da pèrt di presidenc de la provinzies de Trent e de Busan e l’à dit che “i bai e i guanc fèsc del grop n testamonech de la tradizion, l’ènema de l’identità e de la cultura ladina”. La Procuradora de Fascia à sotrissà che l’é demò con

l gran lurier e la gran pascion che se é bogn de jir inant adum e chest l’é stat fat da chest grop che ades l veit n muie de joegn se dèr jù acioche vegne portà inant chesta gran arpejon. Ence l president de l’Apt de Fascia Enzo Iori sun paladina ge à fat i complimenc a duc e l ge à consegna n recognosciment da man de l’Azienda del turism de Fascia. L moment più bel e emportant de la festa l’é stat canche sun paladina l’é stat chiamà sù “i pilèstres del folk”, chi che l’é ite da più egn: Eugenia Testor, Guido Iori, Eugenio Planchesteiner, Rosanna Micheluzzi, Augusto Dantone e Luigi Iori, e amò apede l’é stat envià sù ence l fotograf Piero Bongiovanni. L’é stat dant de dut na sorpresa, ajache n muie de ic era dò a lurèr te tendon, n moment de comozion che fèsc sentir stolza duta la comunanza e che ge dèsc neva gaissa soraldut ai joegn. I componenc del grop, con gran gaissa e n fort batiman, no se à desmentià de sie president Stefano Bernard de Manele, che à ciapà n picol chèder de rengraziament. “Telpai, porta pazienza e tira inant la careta”. Chest l’augurie per l davegnir che l sie semper scì rich de sodesfazions. Che chest grop no lasce mai de viventèr la comunanza de Cianacei percheche dassen l’é l simbol de noscia tradizion, noscia cultura e noscia storia che an dò an l grop é dò a empienir de segnificat fon e sćiantif. N gran ejempie per duc nos. (vr)

Te la Bassa Baviera col Cai Sat Zenter Fascia La sociazion vidèda da Christine Fontana é dò a endrezèr na bela raida per chest uton e la ve envìa a tor pèrt Sociazions - Va inant con gran sbunf l lurier per l Cai Sat de PozaZenter Fascia, che sot la direzion de la presidenta Christine Gögele Fontana l’é dò che l se endreza per meter a jir ence chest an la gita sozièla da d’uton. Per chest’outa i dis cernui l’é chi dai 23 ai 26 de setember, canche duc i sozi e i amisc podarà jir a Berchtesgaden e al Königs See te la Bassa Baviera. L program perveit de pontèr via en jebia ai 23 da doman prest e de se fermèr prum de dut a St. Johann tel Tirol a veder i bie lesc del Kaisergebirge, olache ence Tita Piaz à rampinà e à avert de bela neva

vies. Na pìcola paussa vejin a Erpfendorf per dapò ruèr a Berchtesgaden, una de la più beles zitèdes de la Bassa Baviera. Se jirà a veder l Kehlsteinhaus, l “Nido dell’aquila” descheche l vegn chiamà a 1.834 metres, na miniera de salgemma e na raida col batel sul romantich Königs See. Se podarà ence fèr na escurscion sul mont Watzmann, l secondo mont più aut de la Germania, opura jir co la gabina sul Jenner per veder jù l parch nazionèl del BerchtesgadenerLand, opura jir su la neva ferata Grünstein, inaugurèda de oril de chest an. L program definì vegnarà

consegnà più inant, ma endèna chi che vel tor pèrt i cogn dèr jù sia adejion. L cost per i sozi del Cai Sat sarà entorn i 420 - 440 Euro, e ge vel se enscinuèr dant da la fin de chest meis de aost da la presidenta Christine, chiaman i numeres 0462.769080 opura 339.7066872. Endèna va inant ence l lurier per meter a jir, adum con i menacrepes fascegn, n prum cors de rampinèda per i bec de noscia val dai 7 egn en su. Vèlch de più sun chest podede l troèr te la piates de la scomenzadives e manifestazions, e vèlch più avisa podaron ve l dir amò la setemèna che vegn.

Va ite: 300 gr. de farina 00 125 gr. de farina de cocco 150 gr. de smauz 50 gr de cacao braus 150 ml. de lat na bustina de vanilina na bustina de levà per douces 3 eves 250 gr. de zucher

Develpai Genia, Rosanna, Guido, Gusto, Genio e Gigio!

Aede enjignà dut? Siede vertesc a tacar ite??? Emben dapò lurà l smauz con l zucher, metege ensema i eves, la vanilina, l lat, l cocco e l cacao. Mescedà dut cant e per ùltim la farina e l levà. Tolé n test da 26 o 28 zentimetres de diameter, onjelo col smauz e soraìte n vel de farina e metege ite l’empast de la peta. Fajé sciudar l forn a 180 gradi e canche l’é ciaut meté ite la peta e lasciala ite per 45 menuc. Na outa cota, podede la fornir con na “glassa” a la ciocolata o con na sos a la vanilia. Ve auguron n bon lurier e soraldut... n bon apetit!

“Anchecondì i é duc scritores...” A Cianacei su envit de la Biblioteca la scritora Grazia Livi à rejonà de l’esser femena e scritora Cianacei - “Gé vegne da n temp olache l scriver domanèa na “gaveta” longia.” Coscita Grazia Livi se à prejentà enstadì te sala del Consei de Comun de Cianacei a n grop de peconc e pascioné de si libres - o di libres e del lejer en generèl - che à responet a l’envit sport da la Biblioteca de Cianacei per cognoscer chesta scritora, che à vent pesć de prestije e che era ta Dèlba per passèr vèlch dì al fresch. Un di tenc apuntamenc culturai che l program de evenc de Fascia à sport chest istà, e che somea troèr semper maor enteress anter l publich, tant forest che da chiò. Dò vèlch parola de salut e introduzion da pèrt del responsàbol de la Biblioteca Domenico Volcan e de l’assessora a la cultura del Comun Lara Brunel, Grazia Livi, na bela segnora de la clas 1930, à rejonà con stil gustégol e zevil de l’esser femena e scritora, pean via apontin da “scritor”, na parola che anchecondì vegn durèda per defenir n muion de jent, ajache n’é n muion che scrif e publica libres, ma che n’outa l’aea dut n auter spessor e la era resservèda a chi che saea dassen co durèr la parola scrita. É tacà a scriver da Londra per la revista “Il Mondo” e dapò é scrit per “L’Europeo” e “Epoca” - à dit Grazia Livi - te tempes che femenes giornalistes n’era dassen peces, ma sentìe che no ere contenta, ajache chest no me permetea de durèr la parola scrita coche aesse volù. No me sà bel – à dit amò Grazia Livi – scriver de “fac” e no scrive nience per “fèr piajer”. L mie l’é n scriver “dal daìte”. Jà da pìcola aee la pascion de scriver e la sensazion che travers la parola aesse podù dir vèlch da fon e, per tor adimprest na definizion de Lalla Romano “re stituire l’ir r ip e tibilit à dell’esistenza”. I mie no l’é romans – à dit amò l’autora – ence se, amàncol a vèlch un, l’editor à volù

ge dèr chesta definizion, ajache somea che la “tire” de più sul marcià. I mie l’é più che auter “saggi”, o “saggi-racconti”. Na scritura n muie “feminina”, che met al luster i percorsc fac da la fémenes per ruèr a n “io” rich de consapevoleza e libertà. Di prumes egn ’90 l’é i saggi “Le lettere del mio nome” e “Da una stanza all’altra”: l prum analisea fegures feminines te la letradura, da Simone de Beauvoir a Virginia Woolf a Colette, da Gertrude Stein a Ingeborg Bachmann e autres, l secondo pean via amò da Virginia Woolf e passan per Jane Austen, Emily Dickinson e Katherine Mansfield, met dant la dificoltà de la femenes de se taèr fora dai doeres feminins sia “stua”, so lech de scritura, o aboncont de reflescion e libertà, zenza se sentir en colpa per chest. I ùltimes libres se aur de più ai raporc coi etres: i raporc anter om e fémena te “Lo sposo impaziente” (Garzanti, 2006) che rejona del viac de nozes de Tolstoy, e i raporc compliché anter mère e fi te “Il vento e la motocicletta” (Garzanti 2008). Libres desferenc, ma duc con n stil bel e rencurà, che doura la parola scrita desche strument per parlèr a cher avert, ge dajan ressonanza de interiorità. (lg)

www.lauscdiladins.com

17


Val de Fascia

nr. 33 / 28 de agost 2010

I 50 egn i vegn n’outa demò N bel grop de conscric del 1960 de Fascia e Fiem é jic en gita a Barcellona

Ence “La Usc” é ruèda a Barcellona coi conscric del 1960.

N moment per lejer “La Usc” se l troa semper...

Viajes - Trenta conscric del ’60 de Fascia e Fiem à tout pèrt a n viac de 3 dis a Barcellona en ocajion di 50 egn. Con guida o zenza guida l’é stat trei dis tel segn de la legreza e de la cultura. Barcellona, la capitala de la Catalunya, l’é na zità dai mile colores e saores e dai doi lengac. I scartabìe con la indicazions i é duc per catalan e castellan e la jent algegra e gustegola con so lengaz sorì da intener. Da veder a Barcellona n’é giusta teis e per duc, dai musei de Picasso e Mirò, al festil magich con so spetacol de lumes e sons, da la strutures sportives fates sù per la Olimpiades del 1992 a la desvaliva piazes. E dapò la cognosciuda Rambla, con si marcé de fruc, sia boteighes e sia statues viventes ló che la fantasìa no à spones.

Cher e simbol de la zità l’é sessaben la “Sagrada familia”, la gejia dessegnèda e scomenzèda via da l’artist Anton Gaudì del 1882 e amò da fenir sù. I rejona de la fin di lurieres per l 2020 o 2040. E dapò l beliscim “barri gotic”, l raion gotich con sia pìcola strèdes e ciantons da marevea. Da meter vèrda ai lères che con cusć de ogne sort te n senteamen te roba l tacuin fora de gofa o de tascia. La gita a Barcellona l’é stat inant da dut ocajion per strenjer leames più fogn e se cognoscer miec anter de conscric. Se va magari n’outa a l’an a cena, ma no se é bogn de leèr desche co na gita ence bele de doi o trei dis. Nos del ’60 sion stac bogn, e se aon dat apuntament per n auter an. Cecilia Mazzel, una de la conscrites del ’60

Trittico, i depenc de Marta Sasso La artista enciasèda a Vich à metù fora ence chest an soa produzion: colores su legn e teila, enterzé a autres materiai, dasc de bele sugestion Vich - “Trittico” l’é l’inom de la mostra che Marta Sasso à metù fora a Vich. Marta l’é na joena artista che depenc dal 2004: dò pech l’à scomenzà mosciar te Ciasa Marmolada soa produzion gustégola e originala, che la jent à semper desmostrà de aprijiar. Chest an si cadres é stac metui fora a pian teren de la scola populara de Vich e Marta la era aló a depenjer, semper vertia a tor dant i vijitadores che ruaa e a i menar a descorir soe emozion depente, che rejona de n gran amor per l’ambient da mont, la natura e le tradizion de la tera ladina. Marta no la é fasciana, la é nasciuda a Trent e l’à vivù te desvalives lesc del Trentin, ma canche la é vegnuda a star chiò e l’à abù l met de se arvejinar a la cultura ladina la é stata touta ite tolan l’ispirazion per palesar la vena artistica che l’aea daìte. La artista depenc con de bie colores lumenousc e vives su legn e teila, se emprevalan ence de autres materiai desche pìcoi tòc de spieie, tessere da mosaich, foe de òr: da chiò l’inom “Trittico” desche tìtol de la mostra. I depenc de Marta prejenta na

inovazion envers l “naif ” che vegn cà da la idea di “Lumins”. Ma che él pa chisc Lumins? Se trata de personajes de imaginazion che Marta à pissà, protagonisć de dotrei contìe per bec che l’à scrit (che ge saessa bel ence publicar) e che l’à raprejentà con chesta tecnica scempia ma dassen gustégola, duran colores vives e forme elementare. La invenzion de chisc Lumins à soscedà apontin n mudament de direzion te soa vida de depenjer, zenza aboncont desmentiar l stil da dant, che resta n muie aprijià. Defat apede a na lingia de depenc pìcoi e gregn coi Lumins, l’era da poder veder i depenc su bree de legn ence veie o su teila, che moscia la natura e l paesaje, i fiores e i crepes, olache colpesc la capazità de depenjer la lum, le ombrìe e l ciel, duran penelade nete e colores forc. No menciaa l’omage che Marta à volù ge far a la Musega da Vich per si 190 egn: n depent a tecnica mista che dò la mostra ge vegnarà donà a la sociazion. Se zachei no à abù l met de veder i lurieres de Marta Sasso e i fossa enteressé, i pel la contatar al 338/1009582. (cri.m)

I Lumins, i personajes de l’imaginazion de Marta Sasso.

Cort en fior e Orc a Vich premia l valor de l’ambient L’é stat cernù i venjidores del concors metù a jir dal comun col Comitat Manifestazion per i ciantogn verc più bie del paìsc Vich - Ence per chest istà 2010 l’aministrazion de comun e l Comitat Manifestazion de Vich à metù a jir con bon ejit la scomenzadiva oramai belebon colaudada e aprijiada de le “Cort en fior” e “Orc”, l concors che premia i ciantogn verc più bie del paìsc. L concors é avert ai sentadins de Vich e a chi che é enciasé sul tegnir de comun e l perveit trei categorìes, hotìe, privac e na classifica speziala per i orc, che a Vich i é de n muie, n’é stat dombrà passa 200. Na jurìa metuda sù aposta, con ite chest an Claudia Demartin, Giliola Ghetta, Ivana Guglielmon e Marta Sasso, col coordenament de Lucia Deluca e Paola Sieff, la é jita stroz per l paìsc a cerder fora i ciantogn più bie de vigni categorìa, aldò de criteries de originalità, tradizion, armonìa,

18

www.lauscdiladins.com

empegn e vivibilità e tel cors de la festa del ghest, stata en vender passà te tendon, l’é stat uzà fora i venjidores, che i à ciapà ence n pest metù a la leta da le firme Creativa Giardini e Creativa Piscine de Juan, che colaborea a la scomenzadiva col comun. En vender sera donca, ensema a la premiazion di ghesć che rua a Vich a passar soe vacanze da amàncol 5 egn, tel cors de la bela serada prejentada dal president del Comitat Manifestazion Andrea Rizzi, col didament de Magda Lorenz de Bora e la gustégola compagnìa di Schuhplattler, l’é stat recognosciù ence l’empegn, la pascion e la gaissa di sentadins de rencurar e fornir sù bel delvers i spazies a l’averta de paìsc, te la consaputa che l’ambient dintornvia le ciase e olache se laora é de gran emportanza per viver e star ben.

L’assessor al turism Andrea Rizzi à sotrissà l’emportanza de chest aspet per l’aministrazion e l’à volù ge sporjer n gran detelpai a duc chi che, volontadives e no, se cruzia de la parbuda de paìsc, co l’endrez de le conseiere Lucia Deluca e Paola Sieff. Per la categorìa Cort en fior – hotìe l’é stat premià 1. l’Hotel Olympic, 2. l’Hotel Latemar 3. l’Hotel Renato. Per la categorìa Cort en fior – privac: 1. Ciasa Milena de Sergio Nicolucci, te Strada Neva, 2. con medemo merit Mariangela Cassol sun Tamion e Maria Cincelli, endò te Strada Neva, 3. Vito e Franzi Vian sun Tamion. Per la categorìa Orc: 1. Mariano Cecco sa Valongia, 2. Franco Zanoni via Val, 3. Tone Polam jal Toni. (cri.m)

Ciasa Milena, ejempie de co rencurar delvers i spazies a l’averta.


Val de Fascia

nr. 33 / 28 de agost 2010

Dut vertech per la Polartec Scufoneda 2011

Na puza da l’ors de passa 5 chili

I Scufons del Cogo se à binà enstadì con i raprejentanc de la istituzions per prejentèr la setemèna dedichèda al telemark

La é stata troada a Poza, vejina a ciasa, dai 2 frades Thomas e Daniele Brunel. Apede n’era n’autra de zirca 2 chili

L grop di Scufons del Cogo à prejentà enstadì al Refuge Rezila la Polartec Scufoneda 2011.

Lujia - I Scufons del Cogo, grop de omegn e femenes leé da na forta amicizia e da la pascion per l telemark, i à arjont n auter travert emportant. Enstadì te na bela dì de soreie i se à binà aló dal Refuge Rezila per la prejentazion de la Polartec Scufoneda 2011, en program dai 13 ai 20 de mèrz che vegn. Ogne an semper de più chest grop de amisc l’é stat bon de se fèr inant e portèr l’inom de chesta manifestazion te la Tèlia e adertura sora fora i confins de l’Europa e enscinamai te l’America. Ponté via del 1997 con demò 5 sozi, aldidanché chesta sociazion la conta ben 292 sozi da duta la Tèlia. Na gran sodesfazion per dut l grop che no à fat auter che stèr ensema ev se dèr da fèr. No l’é nesciun manager e nience nesciun capo, la forza di Scufons l’é proprio chela de esser n grop de amisc che se deverte a stèr ensema.

A la prejentazion l’era su duc i sostegnidores del grop e de l’event. L prum a rejonèr l’é stat l’ombolt Riccardo Franceschetti, dapò Felice Canclini president di Scufons, Alberto Kostner vizeombolt de Moena, e amò Ilaria Chiocchetti assessora al sport, cultura e oportunitèdes pervalives, Livio Gabrielli de l’Apt, Francesco Cocciardi president di hotelieres de Moena e la giornalista Virna Pierobon. Ite per anter à rejonà ence l titolèr del refuge Angel Jellici che à domanà ai Scufons de se fèr portadores per la defendura de la besties e de meter segnai de diviet olache fossa miec no jir coi schi ajache podessa esser besties che stèsc sora invern. N messaje dassen emportant che se durà te na manifestazion desche chesta podessa ruèr a tochèr la sensibilità de etres schi club taliegn e mondièi. La firma americhèna Polartec à

volù renovèr amò sia colaborazion con i Scufons, ajache chiò a Moena l’à troà no demò n bel post ma ence e soraldut n ambient positif dal pont de veduda de la relazions umanes. La jent che se bina per la Scufoneda l’é scì jent leèda da la pascion per i schi e per l sport, ma no l’é demò chest: i vegn chiò su per la Dolomites per la compagnìa, per l’ambient familièr e per l spirit de amicizia che é nasciù. Chesta manifestazion no l’é demò agonism, ma trop de auter e de più. Anastasia Cigolla conseiera de la FISI per l telemark à sotrissà che la garejèda de chesta disciplina, desche chela de freeride, la vegn fata te condizions de mascima segureza e semper sot l’eie de la guides, e se la condizions del temp no l’é la miores, se muda percors o se fèsc sutèr l’event. L’obietif de la Polartec Scufonèda l’é chel de spenjer envers na valorisazion de la mont te duc si aspec, arvejinèr la jent pascionèda de sport da d’invern a descorir da nef la disciplina del telemark a na vida che ence i joegn aesse gust envers chest stil de jir coi schi veie, ma che ti ùltimes egn à ciapà semper più lèrga e che se emprevèl de massarìes modernes e segures ence dal pont de veduda tecnich. Apontin i Scufons vel tor ite la neva generazions e jà da n pec de egn con corsc e alenamenc i é rué enscinamai a Ovindoli te l’Abruzzo per tor pèrt a na garejèda. Donca la Polartec Scufoneda no l’é demò garejèdes ma l’é soraldut na neva vida de viver la mont, na neva filosof ìa di sport da d’invern, l’é n ensegnament de che che l’é la vera cultura de la mont, no demò abilità e ruèr prumes ma l fèr con cef, sentiment e soraldut ensema. (vr)

Poza - Someaa proprio n gran sas bianch, chel che Thomas e Daniele Brunel i à troà chisc dis passé ti pré bele pech dalonc da ciasa, te chi Ciancoai a Poza. Ma a ge vardar più da vejin i doi bec, de 13 e 10 egn, i se n’à adat che chela gran “roba” entoronada no l’era n sas, ma l’era proprio n fonch: na gran puza da l’ors (per talian “vescia gigante”), che i bec no saea nience co far a binar sù. Thomas e Daniele i à cognù chiamar papà Marco per poder la tor sù dalvers, zenza roinar nia. Thomas e Daniele moscia una de le doi puze Ence percheche dapò, da l’ors troade a Poza. pech dalonc da la pruma, n’é sutà fora n’autra, ence chesta chel te anter i denz, ge à confermà “fora de mesura”. I doi fonghes é ai 2 bec de esser stac proprio stac touc sù con gran atenzion, fortuné: passade per le man de vardan de lasciar aló la part te tera, mama Cristina, le fiete de chi dò aer tout jù con l’aparat valch foto fonghes, empanade, no aea nia da e video de duta l’operazion, e dapò ge envidiar a na bona e tendra i é stac mesuré e pesé: passa 5 chili “cotoletta”, che la familia Brunel ge (5.100 grames) l prum, presciapech à dat l met de ciarciar ence a valch 2 chili (1.960 gr.) l’auter, e béleche parent e vejin, fin canche i fonghes 50 cm. de diameter per l maor. La era bie e bogn fresć. marevea se à tramudà te na legreza No ne resta che ge far i amò più grana canche i fonghes é complimenc a Thomas e Daniele stac taé ju pe mez: l daìte l’era dut e... jir a fonghes, ajache ades somea bel bianch e solvie, tant che na dalbon che se n troe teis, speran de “mozzarella”. Ence l’ùltim passaje, aer la medema fortuna! (lg)

Chi él pa? Soluzion del retrat su La Usc nr 32 L retrat che aon publicà la setemèna passèda ne era stat portà da Remo Bernard de Cechinol da Pera, che l ne aea dit de no saer chi che l’é la jent

touta jù. A ne dèr la resposta l’é stat demò Lino Soraperra Medico, che l’à cognosciù fora valgugn e l ne à dit che chest retrat l’é stat fat sunsora l Zot, sora l’hotel Ladinia,

2 3 5

1 4

percheche se veit ite Saslonch e Foscac, entorn l’an 1935. Sul retrat donca a dita de Lino l’é 1. Maria Gross dal Zot de Poza; 3. Ester Bernard de Franco da Pera; 5. Renzo Gross del Zot da Poza, jorman de Maria. I etres no l li cognosc. Ge sporjon n bel develpai a Lino che ence chest’outa se à sproà a troèr fora la jent e a chi che ne aea portà l retrat, e i envion a se fèr inant: chi che tol pèrt i pel ciapèr en don na publicazion de l’Union di Ladins. Chesta setemèna ve meton dant n retrat dassen enteressant che vegn da la Val de Sora. Speton voscia respostes per telefon o fax al 0462.764545, o per mail a la direzion lausc@ ladinsdefascia.it e ve envion desche semper a ne portèr i retrac veies che aede te majon per seghitèr a viventèr noscia rubrica e ne didèr a meter ensema vèlch mizacola de storia de noscia jent.

4

2

3

1

www.lauscdiladins.com

19


Fodom

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 33 / 28 de agost 2010

Pluriclasce: insegnánc paièi dal Comun

I bacagn n vièra co la Region

Genitori volontari e l prescide nstëss njignèi a fè ore debann per curì ite le ore che máncia per sdoplé la clasce almánco nte le materie primarie. Templari:”Chësta l’è bele na protesta”

L assessor de la Cma Paolo Frena:“Jiarón a Venezia a damané garanzie. Che i vegne a vedei coche laorón su per ste rive”

Scòla - L Comun l entervegnarà con nen finanziament per paié nvalgune ore ai insegnánc e mpermëte coscita de sdoplé la pluriclasce almánco nte le materie de maiou mportánza come l todësch e la matematica. Chësta la dejizion vignuda fòra da la riunion de nchëstadì coi genitori dei tosac de la mesana. “Fè vedei che son bogn de se rangé e resté auna l’é nòsta protesta e la maiou vergogna per chële istituzion che no ne da chël che ne speta de derìt” disc l assessor Sorarui. La notizia, ruada nchëstadì dal Ufize Scolastich Provinzial, che a la mesana de Brenta ruarà na pluriclasce l’ava mpié la rabia dei genitori e la protesta del Comun. I cinch nsegnánc mplù assignèi da la Region a la Provinzia de Belum, i é stèi duc manèi nte le scòle de la Valbelluna. “Ncora nviade l’é stada penalizada la mont per privilegé la planura” l é ste l prum coment del assessor Caludio

Bacagn - Crësc di per di l mèlcontent e le proteste ntra i bacagn de la pèrt auta de la Provinzia de Belum lascèi fòra dai finanziamenc regionai del Psr. Davò l consiadou del comun da Fodom Paolo Degasper, ades nterven ence l assessor a l’agricoltura de la Cma Paolo Frena. “La mesura l’é plena. Son njignèi a jì n Region coi contadins per damané che la Region se mpegne con scomenciadive precije per l nòst setór. Nel mirin de le critiche l prescident de la jonta de la Region Zaia e l assessor a l’agricoltura Manzato. “Conscidereie sua indiferenza nte nuosc confronc come una de le forme peso per disprezé nòsta civilté de abitánc de la mont” l disc. “Purmassa son restèi de puoc a scraié. Basta pensé che nten valgune localité del Agordin no l é plu gnánca na vacia. Solezité da plu pèrt è damané nchëstadì de nconté mprescia l prescident Zaia e l assessor Manzato. Se l governator l azetarà de ne nconté, jiarón a Venezia co na delegazion de contadins, ntenzionèi plu che mèi a damané impegni preciji e da no podei plu sburlé nnavánt ntel temp.” Frena l à bele njignda nte fonda la lista. “Mpruamdedut damanarón de ciapé ca mprescia autri finanziamenc per nvalgune “mesure” del Psr per podei fè tomè ite chi che eva restèi fòra e n particolar chi che volëva fè nuove stale. Volón po’ savei se l’é la volonté da pèrt de la Region de assigné a nòste aziende n puntegio maiou drio parametri che tegne

Sorarui. A la riunion al Taulac à tout pèrt l’assessor Sorarui, l prescide Andrea Serafini, l assessor provinzial Daniela Templari e l prescident del Istitut Comprensif Andrea Crepaz. L prescide l à giourì suo ntervent co l dì che la scòla e i nsegnánc i fajarà l dut chël che la pò per cialé de passé fòra al meio chësta situazion e garantì mpò che i tosac abe n’istruzion compagna coche se i fossa nte doi clasci despartide. E ntel di chëst l à fat ence n apél a tignì auna i tosac. L à po’ spieghé che le doi clasci che jiarà auna sarà la pruma e la seconda perciéche l’é plu saurida da gestì e perciéche chi de terza i à l ejam. “Ai prums de setembre” l à spieghé,”vignarà njigné ju l program adaté a la pluriclasce che po’ l vignarà prejenté ai genitori.” E l à po’ prejenté sua proposta de damané la disponibilité de chèlche nsegnánt a fè de le ore mplù per podei sdoplé la clasce almánco

nte le ore de maiou mportánza didatica, come l talián e la matematica. Per chësta ultima materia dël stëss l à de per prum la disponibilité a fè ore debann, coscita come chèlche genitor cualifiché. L assessor Sorarui l à dit che l Comun l é njigné a mëte dei sciòldi. Cinch mile euro i eva bele stèi stanzièi per ore mplù de todësch. Se no se ciaparà autri sciòldi ntel bilánz se dourarà chisc. “Zerto” l à recordé, “l é sciòldi che ven touc via da autri setors.” Ncora l prescide l à rebadì che toca ntervegnì per mudé la lege Gelmini e otignì numer plu basc per clasce per le scòle da mont. “N’on bele descorëst col prescident de la Provinzia Bottacin” à responù la Templari. “Che l à comenté:”Se na comunité la mossa se tò via sciòldi da autri ciámp per ntervegnì ulàche l Stato l assent, spò chësta l’é bele na protesta.” (sl)

Teriòl geologich de Rèba: na nuova guida L’é stada publicada dal Cai. Ence l teriòl l é ste comedé fòra dai volontars de la Lia Ladina da Mont Publicazions - L’é stada publicada dal Cai la seconda edizion, renovada e integrada, de la guida al teriòl geologich de Rèba. Inauguré ntel 1982, l teriòl che ròda dintourn le crëpe del Padon e de Chël Vësco per nvalgugn agn l eva resté senza na manutenzion. Coscita n l ann passé, su scomenciadiva de la Lia Ladina da Mont da Fodom, con a cé l prescident Gilberto Salvatore, l é ste nvié via n gran laour per l comedé fòra, l slargé e l mëte n segurëzza con cordins de acèl ulàche l eva debujen. I laour, che à vedù mpegnèi na dejina de volontars sòzi de la Lia, daidèi per la pèrt del traspòrt da nvalgugn alpini de la cajerma Gioppi de Rèba metùs a disposjizion dal Comándo de Bolśán, i é jus nnavánt per duta l’isté del 2009 e na pèrt de st’ann. L teriòl l é lonch ben 13 chilometri e l toca ence i comuns de La Ròcia

Na veduda de na pèrt del teriòl.

20

www.lauscdiladins.com

e Cianacei. Se peia via da Chël Vësco, ulàche l é poscibile rué su col Funifor co l é dalvièrt, se va del vièrs de Sourasasc, Pizac, Col Toront, Mont Auta de Ornela, ulàche se passa da trincee austriache a chële taliane, se rua sun Padon per po’ tourné sun Chël Vësco. Nte la pèrt del teriòl che passa ntel comun de Cianacei, l é ste metù su na tabela coi inoms dei saudèi austriazi che ava giavé fòra na cengia, luoch de gran mportánza strategica ntel temp de vièra. Ence chësta cengia l’é stada comedada fòra e metuda n segurëzza. Se trata spò ence den percors co na gran valuta storica. Per fè l teriòl vòl da le 5 a le 7 ore. L percors l é despartì su nte 18 tape o “Stop” coche le ven clamade nte la guida, che spò se mossa avei davò se se dezide de fè chësta gita. Ogniun l é segnalé da na tabela e l fèsc riferiment a na descrizion su la guida. Ogniun

dei 18 luosc l é ste segnalé perciéche da ilò se po’ vedei, ilò damprò o a se cialé dintournvia, chèlche particolarité sot l aspet geologich, de la fauna o la flora. Dal “Stop” numer 1, per ejemple, se po’ vedei da dalonc, su per i crëp del Sela, n sourascoriment vergent a W, che s’à formé nte l’eté Paleogenica o C r e t a c e o S u p e r i o r. L a comprenscion la se trasmët da nen anticrinal al Jou de Chier fin al Piz da Lèch. Dal “Stop” numer 4 al numer 6 nveze se po’ vedei, per ejemple, la tipica “formazion de Contrin”. Nte la guida se ciapa ence, davántfòra, na picola descrizion de la storia geologica de le Dolomiti e nvalgune note storiche, su la botanca a la fauna de Fodom curade da Luciana Palla, Carlo Doglioni e Cesare Lasen. Japé n curt le notizie de maiou mportánza per inglesc. La guida la ven dada fòra n Italia e ence fòravia. ( sl )

La cuartela de la guida.

cont de le dificolté de nòst laour sa mont, aspét chëst che savón ester ste aprové da la comiscion competenta nte la passada legislatura, ma che no se capìsc polito ci fin che i à fat. Mplù damanarón se se mpegné a mudé i parametri de compensazion lièi a la mesure del Psr, che nos valutón ester nia assé per chi che laora sa mont. Per chël che auda prò la lege regional 2/94, damanarón che la vegne finanziada coche toca, perciéche ncuoi come ncuoi ntel bilánz regional 2010 no l é ste metù gnánca n euro. Proprio i dis passèi” spiega ncora Frena,” è ciapé da la segreteria del assessor manzato n comunicat stámpa dal titol:”Coscita riorganize l’agricoltura veneta.” Ntel document se perveiga l’ativazion de la conferenza regional de l’agricoltura, l sportél unich agricol, la riorganizazion de l’Avepa, la semplificazion de le prozedure, la taula de concertazion e inovazion, la taula de coordinament e control e ence concorsi de idee e inovazion nte l’agricoltura. Sciode che la mont la no vegne citada gnánca de strisc. Forsci n Region convén deplù sponsorizé na politica che veiga la mont come n parco juosc da sfruté ogni stagion, ulàche le aziende da bacán i avarà da curé l aspet folkloristich come element “taroché” de nòsta identité cultural. Volësse acompagné gënn nviade nuosc governánc n Region co nen “terra trac” su per na riva de Còl de Lana o de Poure per i é fè toché con mán l nòst laour da vignidì.” (sl)

I albergadous a sostén dei bacagn Beker:” Ci ambient volónso prejenté ai turisć senza l contribut dei contadins ?” Bacagn 2 - A sostén dei bacagn restèi fòra dai contribuc del Psr, n particolar per i doi jovegn fodomi che vòl fè autretánte stale nuove, se muof ence i operadous turistizi del Aft. “No pò passé sot fòra l fat che i nuosc bacagn i é stèi ndavò lascèi fòra da la ripartizion dei contribuc regionai per l sostén dei investimenc nte l’agricoltura” disc l prescident Sebastian Beker. “No se capìsc cohe se pòbe traté a sta mòda doi jovegn fodomi, ntenzionèi a fè su due stale che darà na mán coscita a mantignì l’agricoltura de la val. Volonse fè savei a nuosc politizi che se i nuos jovegn bacagn arabndonarà la mont, sarà n dann gròss ence per l turismo. N turismo da podei sostignì sot l aspet ecologich l é n element fondamental per la competitivité del setór. Defende l patrimoni ambiental e la valorizazion del teritorrio assa da avei i medemi obietifs. Per chëst l é plu che da capì che duc ciale con nterésc a chël che suzede da agn nte le provinzie autonome vejine. L é vera che i à trope plu disponibilitP

de sciòldi. Ma l é autertánt vera che ilò i ò idee nuove e che ciala davántfòra. Se tradusc parole nte fac concrec perméz de na programazion che ten cont demè dei obietifs. Purmassa da nos à très la souramëssa i juosc de potere de la politica, che da spëss i premia demè i chi plu podëoi a dann de chi plu dëbli. Na programazion politica turistica ecocompatibile la jissa organizada aldesoura e aldefòra del recugnisciment del Unesco e da la vijita dei ispetori ntel 2011 per la pruma verifica dei progresc che l é ste fat. A la provinzia de Belum tocarà la programazion turistica del patrimonio mondial de l’umanité e una de le prume ròbe da cialé che no suzede l é che i jovegn no arbandone la mont. Ci ambient volónso prejenté ai turisć senza l contribut dei contadins ? per no descore de la nezessité de ristruturazione e ricualificazione de le struture rizetive, ence dal pont de veduda ecocompatibile.”Purmassa” sièra ite Beker, “nte la realté du i mossa se rangé e fè cont demè de sue forze.”(sl)


nr. 33 / 28 de agost 2010

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

I dis vere de Giovanna Zangrandi Par conosce ra vita, el laoro, i scrite de una femena che r’à vito, par anes, intrà Anpezo e el Cadore. Un de i gnomes de ra leteratura taliana de ra femenes de ‘l Noezento

A Borcia, inze ra sala La Scola, una de ra conferenzes de chesto 2010, su Giovanna Zangrandi, ra so vita, i so libre. A man zanca ra profesoresa inglese Penelope Morris, a man dreta Myriam Trevisan, de r’Università Sapienza da Roma.

Ci eelo Giovanna Zangrandi? Ci elo stà chesta femena, nasciuda Alma Bevilacqua, de ‘l 1910, a Galliera, pede Bologna, e morta de ‘l 1988, a Borcia, in Cadore? Ra so vita r’é longa da contà, par duto chel che r’à vito. Coscita ‘sto an, fora par Cadore, i é drio a fei un grun de manifestazios, par i zento ane da canche r’é nasciuda. I à fato mostres, conzerte, convegne, i à stanpà danoo libre vece e i à stanpà libre noe, par ra prima ota, de i so scrite. Parc che chera femena, pi che see, r’à scrito. Par duta ra so vita r’à insegnà a scora, r’é stada partijana, in guera, dapò ese stada fascista, r’à lourà su par ra crodes, su ra montes, ra s’à fato su un refujo, r’é stada pastora, ra in à fato de duta ra sortes, ma r’à senpre scrito. Ancuoi se conta un grun de libre, de chi stanpade, ma pi che see ‘l é outre scrite, betude via, che i no n’é mai ruade inze un libro. Calche ota, ra storia pi curtes, ‘s é ruades su par i jornai, su ra gaśetes. Pede a i so romanze, se conta pi de cuatrozento stories. Intrà i anes Zincuanta e Sesanta, alolo dapò de ra Seconda guera, r’ea pitosc conosciuda, par duta Italia, r’à ciapà premie, r’à fato libre con Mondadori. Dapò ra so lun ra s’à studà śo, era ra s’à marù, de ‘na burta marescia, el Parkinson, fin a morì, da sola, de ‘l 1988. R’ea da sola anche parcé che r’aea un burto natural, r’ea straerta, conastra, ra no śia d’acordo con negun. El so prin libro ‘l é de ‘l 1951, agnó che r’à betù inze un grun de lejendes, che r’à curà su da ra śente, da i vece, pi che see in śiro par el Cadore. Tre ane dapò, de ‘l 1954, vien fora I Brusaz, un de i so laore pi biei, che el venze el Premio Deledda. De ‘l 1957 rua Orsola nelle stagioni, de ‘l 1959 Il campo rosso, ra storia de ‘l so laoro, par fei su el refujo Antelao, fora in Cadore, sora el Tranego. De ‘l 1963 rua el so libro pi conosciù, I giorni veri, agnó che ra conta ra so storia de partijana, un diario, scrito di par di. I ultime ane ra stenta a scrie, ra no và pi adora, co ra mas e co ra testa, coscita ‘l é i amighe a ra dià, a strutà su chel che r’aea scrito ignante e el bete aduna. Chel che el ra dia depì, fin dinultima, ‘l é Arturo Fornasier. Ancuoi, che ‘l é morto Arturo, ‘l é so fia Roberta, a tegnì ‘l archivio de dute i scrite,

de duto el material vanzà, de Giovanna Zangrandi. Coscita vien fora outre libre, i Racconti partigiani, Gente alla Palua. Inze ‘l libro Anni con Attila ra conta de ‘l so vive da sola, co ‘l so cian. Un de i ultime laore ‘l é stà Il diario di Chiara, un libro par i śoen, su i fate de el 1848, su Pier Fortunato Calvi. Ades, propio par i zento ane da canche r’é nasciuda, ‘l é vegnù fora outre doi libre, che no s’aea mai vedù ignante: Silenzio sotto l’erba e Racconti del Cadore. Parcé elo da parlà de Giovanna Zangrandi su un sfoi de Anpezo, par anpezan? Parcé che trope ane de ra so vita, ra i à pasade in Anpezo. Era r’é ruada casù de ‘l 1937, par insegnà, inze el liceo de ra familia Antonelli. R’ea una de ra poca femenes, incraota, co ‘na laurea, e ‘l ea una laurea in chimica, coscita ra insegnaa scienzes a i tośate. R’aea chera de fei sport, e ra śia polito co i schie, coscita ra s’à betù a menà su ra pistes ra tośates de el Fascismo, de ra scuadres de sport, dutes co ra mondura negra, e ra fajea ra sfilades par piaza, cemodo che uśaa inalora. Ra insegnaa in Anpezo e a Piee de Cadore, coscita ra śia inaante e indrio, dute i dis, co ra farata, el vecio trenin de ra Dolomites. Canche ‘l é vegnù ra guera, e dapò de ‘l 8 de setenbre 1943, r’é pasada co i partijane e, co ‘l so viaśà inaante e indrio, ra portaa ra noes, i ordine, calche ota finamai armes. Duto chesto ra ‘l conta polito, inze ‘l libro I giorni veri, el diario. Inze chel libro ra mostra duto el mal che ra vó, par Anpezo e ra so śente. Finamai, inze ‘l libro, ra no dora mai el gnon Cortina, ma ra scrie C. par el desprojià. Se era ra no vorea ben a i anpezane, de seguro i anpezane i no podea ra lanpà; alolo dapò de ra Seconda guera, vien fora par el paes alcuanta satires, betudes in rima, agnó che i peta seco, in disc de dute i colore. I ra tol par el nas parcé che r’é ‘na burta, parcé che r’é mata, parcé che ignante r’ea fascista, par el so vantaśo, e dapò r’é pasada da cher’outra, senpre par vantaśo. Era ra responde a scrie su i sfoes, su i jornai, su ra gaśetes: se ignante ra doraa Cortina, Cadore, Atesia Augusta, Dolomiti, duta gaśetes de el Fascismo, dapò ra stanpa era Val Boite, par alcuante mesc, el sfoi de i partijane, dapò de ra guera.

Canche ra scomenza a ese conosciuda, ra scrie par un grun de jornai, de chi da dagnadì e de chi par ra setemana, da Il Gazzettino a L’Unità, a Gente, a outre sfoes, de duta Italia. Poco dapò, de ‘l 1957, ra s’in và da Anpezo, ra vende ra so ciaśa, che ra s’aea cronpà ca, e ra và a stà fora a Borcia, agnó che ‘l é alcuante so amighe, che i ea stade partijane, a ra dià, a i ciatà un fondo, agnó che ra se fesc su ignante ‘na baracheta de len, dapò ‘na ciaśeta. Un gnon, par dute, ‘l é chel de Mario De Nard, che dapò ‘l é stà anche capocomun e presidente de ra Comunità montana de ra Valboite, ignante de morì, de un colpo, scentà inze machina, inze ‘l piazal de ra stazion de Anpezo, śa alcuante ane. Inze chesto libro I giorni veri se lieśe anche ra storia de chi doi ome de Anpezo, Bellodis e Sottsass, che i partijane i a copà fora a Dogana, inze ra baracheta de len de ra Sod, agnóche i à sbarà inze co ra mitraglia. De chel fato s’in à sentù contà tantes, de un ver e de chel outro, vedù da i anpezane e vedù da i cadoris. Ra guera ra i à fato mudà vita e gnon: da Alma Bevilacqua r’é deentada Anna, el gnon da partijana, e dapò Alda, fin a se bete el caśal Zangrandi, che i someaa pi cadorin, pi leà a ra crodes, agnó che i saea coscita bel vive. El scrie ‘l é deentà el so laoro, anche se r’aea acaro de fei fadia, de dorà ra mas e i braze, da òn. Canche r’é morta, de ‘l 1988, dapò aé tanto padì, par ra so marescia, r’ea stizada anche co i cadoris, parcé che ra dijea che i r’aea desmenteada, e r’à domandà de ese seporida a Galliera, el paes de ra so familia, pede Bologna. Par restà su ‘l scrie, senza zapà su ra politica, beśen dì che Giovanna Zangrandi r’é stada un de i gnomes conosciude, inze ra leteratura taliana, de ra femenes, de ‘l Noezento. Ancuoi se ra studia polito: r’à scomenzà una profesoresa ingleje, Penelope Morris, che ra s’à laureà a Oxford, de ‘l 1996, co ‘na tesi de dotorato su ra Zangrandi. Ruada in Italia, r’à lourà par anes co ‘l Istituto da Belun su ra Resistenza, co ‘l so diretor de inalora Ferruccio Vendramini, e ‘l é vegnù fora un libro su ra vita e i scrite de ra Zangrandi. Ades in é un outro, fato da ra Università Sapienza da Roma, da ra profesoresa Myriam Trevisan, stanpà propio par el 2010, par i zento ane. Outre studie, outre scrite, i é stade fate da outra universitas, ignante de duto chera de Padova, co ra profesoresa Antonia Arslan, che ancuoi trope conosce par i so libre su i Armene. Par nośoutre, resta i libre de Giovanna Zangrandi, de chesta femena che r’à scrito tanto de ra nostra crodes, de ra nostra śente, pi che see de ra femenes, de ra stories e de ra lejendes de ra nostra tèra. E r’à scrito polito. Par duto chesto, ra merita de ra conosce nafré depì. Marco Dibona Moro

Anpezo

Vita noa, par el museo de arte de ra Regoles d’Anpezo Par un de i pi grei, intrà i patrimonie de ‘l nosc paes, s‘à mudà diretor, ‘lé stà fato un catalogo noo de ra operes che ‘l é inze, se varda de el fei conosce depì, fora da ‘l paes e intrà ra nostra śente. Che in sà masa poco

Renato Balsamo, el vecio diretor de ‘l Museo d’arte de ra Regoles d’Anpezo, aduna co ra presidente Cinzia Ghedina de Antonia.

El museo de arte Mario Rimoldi, de ra Regoles d’Anpezo, ‘l à un catalogo noo. I ‘l à mostrà, beleche fenì, sabeda ai 21 de agosto e dute i é restade, a vede chel libro, coscita un bel, coscita gran, pien folà de fotografies, con un grun de studie, fate da Renato Balsamo, da Federica Luser e da Gabriella Belli, che ra dirije el museo Mart de Rovereto. El museo de arte moderna Mario Rimoldi ‘l é nasciù de ‘l 1973, canche Rosa Braun, ra so vedova, r’à vorù i donà duta chesta operes a ra Regoles d’Anpezo. Alcuante ane dapò, de ‘l 1982, i à stanpà el prin catalogo, ma ancuoi no s’in ciatà pi, ‘l é fenì. Intanto ra Regoles ‘s à ciapà un grun de outra operes, da outre pitore e artistes, che i à vorù res donà, e alora se sentia el biśoin de bete duto aduna, par saé ce un patrimonio che ‘l é. “On propio acaro de aé darśonto chesto tanto, de aé stanpà chesto libro – ra me disc Cinzia Ghedina de Antonia, ra presidente de ra Regoles de Anpezo – e coscita ón darśonto un insogno. De duto chesto, ‘l é da i dì gramarzé a Renato Balsamo, che ‘l é stà diretor de el nosc museo par trentasete ane a ra longa”. “Chesto catalogo ‘l é bel, parcé che el śoa par algo, parcé che se ‘l dora – el śonta pede Renato Balsamo – parcé che se ciata inze dute i cuadre, i depente, ra operes de el museo de ra Regoles. Ades che lascio el me posto da diretor, ei acaro de i lascià a ra Regoles chesto laoro, agnó che ‘l é segnà dute i valore. Pede a ra donazion de Rosa Braun, che r’aea vorù me bete me, a fei el diretor, s’à śontà el donatio de Lia Cohen, de ra operes de Alis Levi, che r’ea una so amiga, e ca ‘l é pi de trezento operes. Propio Federica Luser, che r’à lourà con me, a fei chesto catalogo, ra s’à laureà co ‘na tesi su Alis Levi. Dapò ‘l é stà outre artistes, che i à donà alcuanta so operes a ‘l museo; se podarae in ciapà de outre, ma ‘l é masa poco posto, da res bete fora, e coscita es s’in stà sarades via, inze ‘l caveau”. Par bete aduna el catalogo ‘l é stà fato un gran laoro, ‘l é stà da fei duta ra fotografies de i cuadre, un laoro de Gabriele Crozzoli: ra grafica r’é de Ugo Brugiolo, de ra stanparia

Grafiche Sanvitesi, che dapò r’à stanpà el libro. Par ra Regoles de Anpezo, ‘l é stà Andrea Bernardi a lourà, a i stà drio. “Coscita ades dute podarà vardà su ‘sto libro, e vede i tesore de ra Regoles – el disc Balsamo – e ignante de dute chi outre, propio i regoliere, che i conosce masa poco chel che ‘l é so. Inze ‘l paes se sà tanto de i laore de ra Regoles, inze ‘l bosco, de ra canpagna, de ra monte, ma poco o nuia de chesto museo. Epura i vien da duta Italia, e da fora, par vede chesta operes. Io son ruà in Anpezo, da śoen, parcé che saee che ca ‘l ea un parsonajo che aea gnon Mario Rimoldi. El ‘l ea ruà a aé supośò doimile operes, ‘l aea siezento De Pisis. Ancuoi, inze ra nostra colezion, in é restà 54; son chi che in à depì, inze duto el mondo. Nośoutre s’ón inventà algo de noo, par r’Italia, dijon a “r’americana”. Canche dajon ra nostra operes in prestito, in śiro par el mondo, se fajon pagà. Calchedun el no n’é masa parsuaśo, de chel che fajon, in Jermania i no n’é uśade a pagà, ma in America sci. Ades se laora aduna con de outre: me sovien el Mart, da Rovereto. E ei acaro de aé una fegura noa, par diretor: ei dito io de bete ra dotoresa Alessandra de Bigontina . R’é śoena, r’é pareciada, ra conosce polito ra storia de r’arte, ra conosce a menadeo chesto museo: son parsuaśo che ra podarà fei un bon laoro. Io i stajarei pede, inze ‘l consilio de ‘l museo, i dajarei ‘na man, par chel che pos, gouja che conoscio trope de chiste cuadre da zincuanta ane, da canche lourae aduna con Mario Rimoldi”. (Mdm)

Alessandra de Bigontina r’é ra śoena che r’à ciapà su el braghier de diretor de el Museo. www.lauscdiladins.com

21


Anpezo

nr. 33 / 28 de agost 2010

Un recordo che el no smamisce

Ra armentes, el pastor, ra saeta

I cuatro ome de ‘l Falco, tomà inze ‘l Ru de ra graes, inze ra memoria de dute chi che à amor par Un fato suzedù śa trope ane ra nostra crodes Da Cianpo de Sote ‘l ea un crojà

Ra volmenera de parsones, che ‘s é ruades Inpó Pontió, par ra mesa de chi cuatro ome de Falco.

Ce de śente che ‘l ea, domegna ai 22 de agosto, su Inpó Pontió, pede a ‘l Ru de ra graes, agnó che un an ignante, chel sabeda ai 22 de agosto 2009, ‘l é morto cuatro ome, inze ‘l elicotero Falco, de el Suem 118 de Piee de Cadore. Tropa parsones ‘s é ruades fin lasù, su chi graoi, sora ra pista da schie de el Cristallo, da duta ra provinzia, e alcuantes anche da fora. “No me spetae duta ‘sta śente – el me disc Mauro Dapoz, capo de ra stazion de Anpezo de el Socorso in croda, che à vorù parecià chera mesa, chera śornada da recordà – e chesto el me mostra che el nosc ‘l é un grupo leà, che ‘l à ‘na forza da no crede. Propio canche suzede chesta burta robes, podon s’incorśe de duto chesto”. Da un agosto a ‘l outro, ‘l é stà un an burto, negro, greo, par el mondo de ra croda, in Anpezo e su ra Dolomites. “Canche se và fora, par dià chi outre, ci che ‘l é incrodà, o ‘l é tomà,

nafré de ris-cio ‘l é senpre – el śonta pede Mauro Dapoz – e se sà che zerta robes es pó suzede. Podon dì dasen che ‘l é stà un an negro, da agosto de ‘l an pasà, canche ‘l é tomà el Falco, a ra desgrazia che ‘l é suzedù d’inverno, in Fascia, agnó che i é morte de cuatro, sote ‘na laina, de chi de el Socorso. E ‘pò outre morte in croda e finamai su ‘l laoro, ca in Anpezo, de aprile: el Socorso ‘l à pardù ome valide, ra desgrazies es m’à tuà, ma r’unica r’é śì inaante, no resta outro da fei”. Intrà duta cher’outra śente, ‘l ea el dotor Angelo Costola, che ‘l é stà chel che ‘l à betù a śì el Suem, śa vinte ane. “El dolor che sento ancuoi, el padì, inze ‘l cuor, ‘l é conpain de chel che sentie ‘l an pasà. De chi cuatro ome ei un bel recordo, de dute lore. E ei acaro de vede duta chesta parsones, vegnudes fin casù, par chesta mesa: vó dì che ra śente de ra provinzia de Belun, e de fora, r’à amor par chiste ome”.

Dinultima, dapò de ra mesa, i à dà ra benedizion a ‘l capitel, che ‘l é stà fato su, de sas e de peton, con via par sora un cuertuco de sciandores de laresc, tacà a ra croda, pede el Ru de ra graes, agnó che ‘l é inze ‘na tabela, de smalto, co i gnomes de Dario, Fabrizio, Luca e Marco. Là daante, a dì doa paroles ‘l é stà “Rufus” Fabio Bristot, el capo de ra delegazion de Belun de el Socorso in croda: “Duta chesta parsones, che ‘s é ruades ca – ‘l la dito Rufus a ra femenes che pianśea, a ra mare de un de chiste ome – ‘s é vegnudes par ve scioudà de inze, ma ve fei sentì el cioudo de ra nostra śente, de ra nostra tèra. Recordà chi outre pó ese algo de bel, canche se recorda dute i dis, con chera de fei lujì chi jeste, chera ridudes, chera fazes, che i nostre amighe i m’à lascià; ‘l é par chesto che s’i recordaron par senpre”. Dinultima, dapò de ra mesa, dute i é moeste par s’in tornà a ciaśa, a pe, co ‘l cuor pien de duta ra emozios. Anche ci che mangare el no conoscea chi cuatro, ma ‘l à un parente, un de ciaśa, un amigo che laora par el socorso, e se sà ce che vó dì, canche ‘ste ome i moe, par dià chi outre, e se sà che i podarae no tornà pi. Da ‘l graon là sote, ‘l é leà su ‘l elicotero noo de el Suem, chel śal, e ‘l à oujorà via par sora el Ru de ra Graes, a saludà par r’ultima ota chi cuatro ome, chi cuatro amighe, ignante de se ogà vesc Piee. Pronto a moe, duta ra otes che i ciama, duta ra otes che ‘l é biśoin.

de ra strada che ra mena ves Śuel e, pasà el ponte de ra Costeana, ves el lago de Pianozes, che una ota ‘l aea gnon Oltres. Agnó che ‘l é chesto crojà, sà trope anes ‘l ea i brites, da i dorà da stales e par bete in meśena el fen; ‘l ea alcuante paroi, che aea ‘ste brites, i ea da Cianpo de Sora, Cianpo de Sote e Salieto. Inalora i monteaa ra armentes da late, via par ‘l istade, e un pastor, ogni di, ‘l ea pronto par res menà de fora de ‘l lago de Pianozes, agnó che ‘l ea ‘na bona monte. Ognis era es ruaa inze i brites, agnó che ogni paron res mośea e, da ‘l indoman, es fejea el medemo śiro. ‘L ea un piazer, a vede ‘sta besties che ruaa śo par ra Ria de ra armentes, un toco de strada che ancora ancuoi el porta ‘sto gnon. Ra armentes ‘es ruaa ogni sera, in fila, una dapò cher’outra, e no parea vero a vede che ogniuna ra śia inze ‘l so posto de ra cianà, senza ese ogada da ‘l pastor; es no se falaa mai e nośoutre famea vardaon con piazer cemodo che chesta besties se recordaa el so posto. Ognis era ‘l ea el medemo e, canche i aea fenì de ‘s mośe e de res guarnà, dute scentade su ‘l sorei de i brites se stajea a se ra contà. Intanto nośoutre famea śuiaon a pacasconde, o a se core drio, e se ra godaon un mondo. Ma un bel di, ves sera, s’à vedù ruà ra armentes da soles, senza pastor, e alolo se s’à stremì dute. I ome i é moeste alolo a vede, ves el Pianozes, parcé che dapò disnà ‘l ea stà un gran tenporal e i à pensà alolo: “Ca mancia algo,

che no se vede el pastor”. I ‘l à ciatà scentà sote un laresc, ‘l ea là par śì a sosta, ‘l aea inze man ‘l arloio de arśento che el segnaa res cuatro dapò disnà, una saeta ‘l aea copà, ‘sto pastor, e se pó crede cuanto mal che i sarà restade a vede ce che ‘l ea suzedù. Ancora ancuoi ‘l é segnà agnó che ‘l é morto e ‘sto fato ‘l é stà tanto sentù da dute cuante, con tanto despiazer. E ‘l é stà r’uśanza che, inson de ra Ria de ra armentes, par anes, chi da Cianpo de sote i pariciaa un bel fó, in vea de ra Madona de agosto. Inveze chi da Cianpo de sora i lo fajea inze par Coento. Incraota no se uśaa a stà là, a magnà e fei merenda, ma dute aduna, intor fó, se preaa e se ciantaa canzos a ra Madona e, da ‘na zerta ora, dute se tornaa a ciaśa: ‘l ea una bela uśanza, parcé che ogni an, dute se fajea inze ‘l medemo posto e, de no n’ea el caal, se menaa duto cuanto, biei les da pan, co ‘l gartorìn e algo sun schena. Tante foghe intorno, par duta ra val, ‘l ea un bel vede e, se ‘l ea una bela sera, senza neoles, ‘l ea ancora pi bel. Ades almanco ‘sta uśanza ra vive ancora, in Anpezo, ma isteso da inalora ‘l é tanto canbià; ades pede chi foghe i fesc ra grigliata, i souta, i bala, i magna, i fesc baracada. No sei se calchedun el se pensa d’aé un pensier par ra Madona, par i dì gramarzé de ‘l ben che s’à. Duto ‘l é tanto canbià, ma ‘l é uśanzes che ‘l é un ben a ‘s tegnì, parcé che i nostre vece is aea e i m’à lascià bona radijes. Teśele Michielli Hirschstein

A scora de socorso Doa iniziatives par i ome de el socorso in croda: una scora che ra portarà el gnon de i cuatro morte de el Falco, e ra scultures de len, donades par ra Crosc bianca de Anpezo Par se recordà de i cuatro ome, che ’l é morto ‘l an pasà inze ‘l elicotero Falco, de el Suem de Piee, i fajarà ‘na scora, par parecià outre śoen, de el socorso. De chesto projeto, che el podarà nasce ca de poco, s’à parlà in Anpezo, mercui 25 de agosto. I é ruade dute ca in Anpezo, parcé che el nos cComun ‘l é stà un de i prime, da ‘l indoman de chera desgrazia, suzeduda ai 22 de agosto 2009, Inpó Pontió, a se moe, a fei algo, a bete i prime sode. Dapò ‘l é stà outra śente, che à vorù sporśe algo, par dià ‘na man, e in duto ‘l é ruà 29.144 euro. El capocomun Andrea Franceschi ‘l i

à dade a Roberto De Rocco, presidente de ra asociazion Dolomiti Emergency, che ‘l ea aduna a Angelo Costola e Giovanni Cipolotti, el vecio primario de el Suem e el primario de ades, ‘pò ‘l ea Fabio “Rufus” bristot, el capo de el socorso in croda de ra provinzia de Belun, e Mauro Dapoz, el capo de ra stazion de Anpezo de el Cnsas, e Gianpaolo Bottacin, presidente de ra Provinzia de Belun. Con chesta scora, che ra podarà moe co ‘ste sode, s’à chera de parecià i śoen, ra sente che fesc i socorse pi difiziles, parcé che i see senpre pi pronte. Ma s’à anche chera de ruà

inze ra scores, da i tośate, a i insegnà ce che ‘l é da fei, inze ra vita da dagnadì, se ‘l é biśoin, se ocore. “Con chiste sode podaon pensà de cronpà algo, mangare calche machina, da dorà par i socorse, ma co ‘l é stà dinultima ón vorù fei algo de outro, par recordà i nostre amighe. E ‘l é nasciù r’idea de bete a śì ‘na scora – ‘l à dito el dotor Cipolotti – una scora che ra sarà par duta ra parsones, i vorentie de ra asociazios de duta ra provinzia, che i me dia ‘na man, a fei i socorse, canche ‘l é biśoin de moe. E voron fei algo anche par i pi śoen, inze ra scores”.

El Comun de Anpezo ‘l à sporto algo de bon, de prezios, par daerśe ‘na scora noa, da insegnà cemodo fei i socorse pi gree. Par recordà i cuatro ome de el Falco, tomà ‘l an pasà de agosto.

22

www.lauscdiladins.com

Roberto De Rocco, el presidente de Dolomiti Emergency, ‘l à spiegà cemodo che ra sarà fata, chesta noa scora: “No sarà una scora de muro, ferma inze un luó, ma se moaron, par fei ra lezios, par duta ra provinzia, daparduto, agnochemai. Chel che ‘l é seguro ‘l é che se ruarà ogni an in Anpezo, parcé che chesto Comun el m’à dià polito, e ‘l é stà un de i prime a slongà ra man, par me sporśe algo, da ‘l indoman de chera desgrazia. Drio el Comun, ‘l é ruà tropa outra parsones, ra śente de ‘l paes. On dito che ra sarà ‘na scora “permanente”, parcé che no voron che el recordo de chi cuatro nostre amiche el se stude, el smamisce co i anes, ma voron che el vade inaante, inze ‘l tenpo”. El capo de ra delegazion da Belun de el Cnsas, Fabio Rufus Bristot, ‘l ea coscita ingropà da stentà a parlà, canche ‘l à dito che se respiraa inze r’aria, el cuor de ra nostra śente, che r’à vorù i dà algo a el socorso, par podé dià meo chi outre. Alolo ignante de chesta zerimonia, ‘l ea stà algo de outro, de bel, da contà: el sinposio de scultura de len. Diesc artistes, da duta Italia, i à respondù de sci,

canche Mauro Lampo Olivotto i à domandà: i é vegnude in Anpezo, i à lourà par tre dis, par deban, e i à donà ra so operes. Merita menzonà i gnomes de chiste diesc scultore, da ‘l cuore gran e da ra mas de oro: Franco Anselmi, Ivan Boneccher, Fabiano De Martin, Paolo Frattari, Arianna Gasperina, Heidi Leitner, Roberto Merotto, Marco e Roberto Nones e Franco Vergerio. Chesta scultures i ‘s à vendudes, a ci che betea pi sode, e i à strutà su 15 mile euro. Dinprin ‘l ea chera de i dà meśe a ‘l Socorso in croda e meśe a ra Crosc bianca, de ra doa sezios de Anpezo. Ma Mauro Dapoz, el capo de ra stazion de el Cnsas, ‘l à dito: “Nośoutre ón senpre biśoin de algo, cemodo che suzede a dute i vorentie, ma nośoutre ón beleche abù tanto, da ra śente de Anpezo, i anes pasade, par se fei su ra sede noa, e ades r’é là. Inveze in é de outre, che à biśoin de fei i laore, par ra soa, de sede, da ra comedà fora, e ‘l é chi de ra Crosc bianca. Coscita i dajon a lore, anche ra nostra parte”. Un gran bel jesto, da i petà ra mas, a mostrà cemodo che r’é fata ra nostra śente, senpre pronta a i dià ‘na man a ci che à pi biśoin.


Sport

nr. 33 / 28 de agost 2010

Florian Kostner mé batù da Molinari N sada ai 22 de agost àn metù a jì per l 18ejim iede la garejeda nternaziunela de sauté da mont su da Tisens nchin sa la mont de Marinzen

Florian Kostner (tamez) cun Antonio Molinari (a man ciancia), che à venciù la garejeda.

Sauté da mont su - Da Tisens, a 900 metri, fòvel da sauté de viers de Ciastel y pona inant nchina su a Marinzen a 1500 metri, cun n deslivel de 600 metri y na lunghëza de 6,5 km. L record dla trassa ie bele da 8 ani incà de Michael Mamleef, che ne n’à nia pudù fé pea chësta edizion, ajache l fova pra n’autra garejeda. Chëst ann à venciù pra i ëi Antonio Molinari cun n tëmp de 32 menuc

I atlec di ”Gherdëina Runners” Christian Peterlunger, Clara Nogler y Claudio Mussner che à fat pea la garejeda.

y 34 secunc, dan Florian Kostner cun 33:32 y Martin Obexer cun 34:49. Pra l’ëiles à venciù Stefanie Santer cun 41:16 dan Karin Oberhofer che ie ruveda segonda cun 44:18 y terza fova Dorothea Wierer cun 45:39. Nce n valgun atlec di Gherdëina Runners Cassa Raiffeisen de Ciastel fova leprò pra chësta garejeda: Clara Nogler se à tlassificà 3. tla

categuria nasciudes danter l 1961 y l ’65 cun n tëmp de 1:02:10. Pra i ëi udons Claudio Mussner, che do n valgun mënsc de paussa pervia che l se ova fat mel, se à tlassificà al 25. post danter duc canc y al 10. tla categuria di nasciui dater l 1976 y l ’87 cun n tëmp de 39:47. Christian Peterlunger ie ruvà 63. tla tlassifica generela y 8. te chëla di nasciui danter l 1966 y l ’70 cun n tëmp de 46:17. (mp)

La Copa Provinzia Resultać dles partides dan otedé y partides da incö sabeda ai 28 d’agost. Inće i campionać de 2a y 3a categoria mët man, cun les prömes partides tla findledema di 4 y 5 de setëmber Palê - Dan otedé à les scater scuadres dla Val Badia śoghé les partides dl pröm rode de Copa Provinzia 2010/11. Tla secunda categoria à le Rina à stlüt jö cun n 1 a 1 te ćiasa cuntra Ulten. Te terza categoria à La Val parejé 1 a 1 fora de ćiasa cuntra Lijun. Le Mareo à rosedè te ćiasa le Mühlwald cun n 4 a 0 y la scuadra Val Badia à davagné fora de ćiasa por 2 a 3 cuntra Laiun. Incö sabeda ai 28 d’agost vëgnel śoghé trëi partides cun scuadres dla Val Badia. Le Rina śoga fora de ćiasa cuntra Ulten, La Val śoga te ćiasa cuntra Percha, Val Badia śoga

a San Martin cuntra Wiesen. Les partides mët man dales 16.30. La formaziun dl Mareo à le dé lëde y śogarà süa secunda partida dl triangolar en mercui ai 8 de setëmber dales 20.00 a Raas, cuntra le Raas. En domënia ai 5 de setëmber mët man i campionać de 2a y 3a categoria. Les partides vëgn śogades dales 16.00, plü avisa Rina - Kiens a Rina, Percha - Val Badia a Percha, Mareo - San Laurënz a Al Plan. Ezeziun fej la sacuadra da La Val, che śoga bele la sabeda ai 4 de setëmber dales 18.00, a Wiesen cuntra le Wiesen.

Reunion generela dl club Lueses Gherdëina Vela dl cunsëi nuef y coche for a de teles àn nce purtà dant la relazions dl’atività, di conc y de chël che n se tol dant per la sajon che vën

N minova de avëi la vënta tla man N la ultima sada àl scumencià per l FC Gherdëina si aventura tl campiunat de segonda categuria. La partida fova a Schabs y valova per la Copa de Südtirol Juech al palé / 2. cat. - L ciaut fova l patron de chësc domesdì, ulache nce mé a sté decà suòven bele. N chësta sada fòvel nce mo unit pea n valgun jugadëures che messova sté ora ajache i se ova fat mel. Cun la speranza che i se varësce ora tosc y de recuperé per l bën dla scuadra, cialovi pro a si cumpanies che se fajova na “sauna” sun la plaza dal palé. L prim tëmp ova scumencià bën per l Gherdëina, ajache l Schabs ne fova mo nia tan ruvà ite tla partida y se stentava a tenì nosc ritm, che ne fova nia da stramp aut pervia dl ciaut, ma ruvan un o doi vares dan l Schabs sun la codla. Te chësta partida iel stat n valguna mudazions tla furmazion: Christian Demez de Sëlva fova l’ultima sada la sëula “punta” dla scuadra fajan drët bën si lëur. Per dut l prim tëmp iel stat bon de tenì bën la pert ofensiva, jugan bën deberieda cun Antonio, Jonas y Manuel. L prim gol fova ruvà do la rata cun n pue’ de fertuna sun na codla auta de viers dl verdiaporta dl Schabs che fova tla pitla area. Ël ova lascià tumé la codla y Christian fova iló apront a la tré ite te cassa, fajan l 1:0. Da dedò iel ruvà i 15 menuc de Christian, l fova dlonch y ti dajova da stramp da cë ala linia de defendura dl Schabs. Cun Manuel a man ciancia y Jonas a man drëta, Antonio do Christian, fans boni de vester plu suvënz periculëusc dan la cassa aversera, ma purtruep ie l FC Gherdëina massa puech rie dan cassa. La scuadra ova l juech tla man y l Schabs se stentava dassënn. La

azion che à purtà al 2:0 per l Gherdëina ie pieda via da n contrapé, ulache Christian ie muet feter a mez al ciamp y ie pona stat bon de ti mucé ai pecs dl Schabs, dajan pona via na bela codla tamez per Antonio che à fat l 2:0. L gol ie ruvà da na bela cumbinazion asvelta de Christian y Antonio, che fej si duvier. A mez al ciamp y dovia àn tenì bën la pusizions, perchël ne fova l Schabs ruvà cun tan che deguna azion periculëusa dan nosta cassa, y sce pona fòvel Kurt iló, for segur y univa ora adrët a pië la codla. Do l 2:0 à l FC Gherdëina mo abù n valguna ucajions da gol: n iede cun Jonas, ma l verdiaporta dl Schabs ie stat bon de desvië la codla, y pona cun Manuel che fova tla drëta luegia tla pitla area dl Schabs, ma ne ruva purtruep nia bën sun la codla. Nscila jiva l FC Gherdëina sun l 2:0 tla cabines, ulache l fova mo plu ciaut!!! L prim tëmp fova positif per l Gherdëina, ma n ova arjumà massa ucajions da gol. Tl segondo tëmp se ova mudà la mujiga. La partida fova te nosta mans y i nosc univa ite minan de urté l Schabs dl prim tëmp, ma nscila ne fòvela nia! I fova plu riei tla cunfruntazions a doi, ulache la ciavidles y i jenodli de Antonio, Vanni y Jonas la paiova. Fajan nsci iesi inò ruvei ite te partida y nëus scumencian a falé for plu passedes y se lascian for plu stlù ite. L gol dl Schabs fova n pratica unit da do l cianton. Nosta segurëza sun la codla fova sparida y l Schabs udova che se stentan. Ëi univa inant suvënz o belau for cun codles

autes sëura nosta linia de defendura o cun codles che i se tulova ti “cuntrasć” cun nosc jugadëures. L juech ne n’ie per dut l segondo tëmp nia plu stat te nosta mans y nëus an perdù la calma. I goi ie ruvei sun codles perdudes y recuperedes dal Schabs dan nosta area y nscila ie la partida fineda via sul 2 :2. Dan pië via fóssen stac cuntënc cun n resultat a pèr, ma do che an duc i trionfs tla man per vëncer chësta partida ie l 2 :2 n pue’ ante. Ma chësc dëssa mé vester na lezion. N muessa dé dut nchin ala fin per se davanië la vënta, ajache scincà ne vëniel nia. L ie nce plu bel a vëncer sce l averser dà dut, pona à l juech plu valor tecnich y atletich, sibe per chëi che vënc che per chëi che pierd. Sce n dà dut pona tóchen for da giapé l respet dal’autra scuadra! ASV Schabs - FC Gherdëina 2:2 (0-2) Furmazion dla scuadra: Trocker Kurt, Vallazza Stefan, Mittermair Peter, Demetz Daniel, Schenk Luis, Stenico Alex, Valdemarca Vanni, Divisi Antonio, Irsara Manuel, Demez Christian, Runggaldier Jonas (modul 4-2-31) Baratà ora: al 46’ Runggaldier Raphael per Vallazza Stefan, al 50’ Kostner Aron per Runggaldier Jonas, al 60’ Senoner Marco per Demez Christian Usservazions: n ciaut ora de mesura, scialdi n bel ciamp dal palé a Schabs. Goi: 0-1 Demez Christian (10), 0-2 Divisi Antonio (25)

Jëuni dl club Lueses Gherdëina dlongia l purtoi sun Plan de Gralba.

Luesa - Ultimamënter iel stat tla pitla sala dl Chemun de S. Cristina la generela dl club Lueses Gherdëina. Ala ancunteda iel unit adalerch truep nteressei al sport dla lueses, parënc di jëuni atlec, la referënta per l sport Milva Mussner y l cunselier nciarià per la nfrastrutures sportives Günther Perathoner dl Chemun de Sëlva. L presidënt dla lia Leander Moroder à cuntà dl’ atività dl ann passà, rujenan dantaldut dl purtoi dala lueses sun Plan de Gralba y de cie che n ulëssa fé chësc autonn per se njenië ca ala sajon sportiva nueva. Oradechël al rengrazià l Chemun de Sëlva per avëi metù ju la roles dal’ega, i Chemuns de Urtijëi y S. Cristina per l cuntribut giapà, la sozietà Plan de Gralba per i njins mprestei y i sponsores dla joches da vënt di atlec. Dedò à l cassier Kuno Moroder liet dant la relazion de cassa, cuntan su i majeri custimënc che ie unic a se l dé. Tlo iel dantaldut l custimënt per i alenamënc, la fresa che n se à njenià, la lueses cumpredes, la joches da vënt y n.i.. Daniel Quitta à cuntà de coche ie jic i alenamënc y dla garejedes

fates. L à spligà duta la atività sportiva n generel, dla Ladiniacup metuda a jì deberieda cun i clubs dla lueses dla Val Badia y dla gran garejeda naziunela per jëuni, pra chëla che l à fat pea bën 156 atlec! La Generela à dat pro la relazion de atività y de cassa dla lia. Dal dedò à i reprejentanc dl Chemun de Sëlva cuntà che l Chemun à la ntenzion de finé l mplant dal’ ega y dal strom nchin japé y augurà na bona sajon. Dedò iesen passei ala vela dl Cunsëi, che ie metù adum da chësta persones: Goller Sepl, Goller Oskar, Perathoner Toni, Kuno Moroder, Daniel Quitta, Egon Ploner, Roman Runggaldier y Leander Moroder. Pra la prima senteda dl Cunsëi nuef iel unì fat ora chësta ncëries: Leander Moroder presidënt, Toni Perathoner vizepresidënt, Kuno Moroder cassier, Daniel Quitta trainer. De setëmber scumencerà i alenamënc per se njenië ca ala sajon da d’inviern, alenamënc che unirà tenii da Andreas Prinoth. Per Lueses Gherdëina, Leander Moroder www.lauscdiladins.com

23


Sport

nr. 33 / 28 de agost 2010

Gran partezipaziun al Jugendtrophy 2010 L’assoziaziun Rodes Val Badia Raiffeisen se davagna le Trofê Auto Alta Badia, tignì dan otedé a San Ćiascian. La gara varô por le VSS Raiffeisen Jugendtrophy a livel provinzial Tlassifiches (pröms cinch) Mituns 2004 y plü jogn: 1) Simon Paris, Sunshine Racers ASV Nals, 2.02,3; 2) Noah Laner, Südtirol Rainer-Wurz Team, 2.04,6; 3) Matteo Di Genova, Rodes Val Badia Raiffeisen, 2.06,5; 4) Hannes Bacher, Südtirol RW Team, 2.28,0; 5) Iaco Piai, Rodes VB, 2.28,3.

Atleć jogn dl Rodes Val Badia Raiffeisen aspeta al start.

Rodes - En domënia ai 22 d’agost à l’Uniun Sport Amatoriala da San Ćiascian organisé la IX. ediziun dl Trofê Auto Alta Badia. La gara cun roda da munt é dal 2009 incà varënta por le VSS Raiffeisen Jugendtrophy a livel provinzial. La competiziun é gnüda tignida sön n percurs tl zënter de paslunch dl Sarè- Armentarola. I volontars dl’Uniun Sport San Ćiascian à arjigné ca ala perfeziun le percurs, che odô danfora trëi variantes de gara, aladô dla eté di atleć jogn: le percurs “ghel” de 400 m, le percurs “ble” y le percurs “cöce” de 1.600 m. Aladô dles categories, pian ia dai “baby” cun 400 m de percurs, rovâ la competiziun sportiva fina a 4.800 m tla categoria iunior sport. I 132 concorënć rovà adalerch bele da doman adora da döt Südtirol y Fascia, s’à ćiarè jö le percurs y l’à porvè fora dan la gara, por podëi dè le miù tla competiziun sportiva. Al start dales 10.30 éson spo pià ia cun les categories baby, fina rovè sö ala categoria iunior sport che fajô le percurs plü lunch. Le Rodes Val Badia Raiffeisen, che garejâ te ćiasa, à albü la miù partezipaziun de scuadra cun 36

atleć ala partenza. Chësc à portè pro che tla tlassifica a scuadres à le Rodes Val Badia Raiffeisen arjunt le pröm post. Da alzè fora chilò él les mius prestaziuns: i 3. posć de Matteo Di Genova, Esther Valentini y Melanie Ploner, y le 2. post de Judith Pezzei. I atri pröms, secundi y terzi posć i é jüs ai atleć stersc gnüs da foradecà. Dales 2 domisdé él gnü tignì söl ćiamp dl sport a San Ćiascian la premiaziun, olach i atleć jogn à podü pié do les copes y medaies por la premiaziun dl Raiffeisen Jugendtrophy 2010. Na picia scincunda ofrida dala Uniun dl Sport a düć i atleć jogn presënć ala premiaziun y na picia ola dla fortüna à portè pro che al restes n bel record dla gara de roda da munt a San Ćiascian. N dilan de cör a düć i sponsor dla competiziun y a düć i volontars che s’à dè ca cun döta la profescionalité por fà garatè la competziun sportiva. Thomas Pescollderungg por la Uniun Sport Amatoriala San Ćiascian

Le Rodes Val Badia à davagné le trofê dles scuadres.

24

www.lauscdiladins.com

Mitans 2004 y plü jones: 1) Sophie Auer, ASV San Laurënz, 2.04,7; 2) Marie Aichner, ASV San Laurënz, 2.22,7; 3) Tabea Plaikner, ASC Tiroler Radler Balsan, 2.45,1; 4) Alexa Piccolruaz, Rodes VB, 2.45,9; 5) Anna Auer, ASV San Laurënz, 3.11,4. Mituns 2002/03: 1) Benjamin Schwingshackl, SSV Pichl Gsies, 2.54,7; 2) Jan Laner, Südtirol RW Team, 3.05,5; 3) Alex Tappeiner, ASV Kortsch, 3.13,0; 4) Lukas Goldner, Bike Club Neumarkt, 3.15,8; 5) Nils Stocker, Südtirol RW Team, 3.24,7. Mitans 2002/03: 1) Michaela Schnarf, ASC Valdaora, 3.18,3; 2) Lea Bacher, Südtirol RW Team, 3.32,8; 3) Esther Valentini, Rodes VB, 3.42,1; 4) Mara Plaikner, ASC TR Balsan, 3.43,0; 5) Franziska Paris, Sunshine Racers ASV Nals, 3.44,6. Mituns 2000/01: 1) Hannes Alber, ASC TR Balsan, 4.44,4; 2) Simon Plaikner, Profi Bike Team, 4.48,5; 3) Alex Plankensteiner, SSV Pichl Gsies, 4.49,8; 4) Daniel Denicolò, ASV San Laurënz, 4.53,2; 5) Fabian Lesina Debiasi, ASV Kortsch, 5.01,6. Mitans 2000/01: 1) Petra Thaler, ASC Sarntal, 5.17,2; 2) Kristin Aichner, ASV San Laurënz, 5.20,9; 3) Laura Steinmair, ASC

Premiaziun dles mitans dla categoria 2000/01.

Valdaora, 5.21,4; 4) Mara Rainalter, ASV Kortsch, 5.28,3; 5) Emmi Frenademez, Rodes VB, 5.40,9.

Matordes, Società Sportiva 3s Soraga, 9.58,0; 2) Lisa Nalter, ASC Kardaun, 10.24,1.

Scolari 1998/99: 1) Roland Thurner, SR ASV Nals, 6.39,9; 2) Jonas Seiwald, SSV Pichl Gsies, 6.57,9; 2) Thomas Plaikner, ASC Valdaora, 6.57,9; 4) Stefan Denicolò, ASV San Laurënz, 6.59,6; 5) Matthias Oberhauser, Profi Bike Team, 7.05,0.

Scolari 1994/95: 1) Maximilian Alber, ASC TR Balsan, 12.33,6; 2) Maximilian Kompatscher, ASC TR Balsan, 15.12,0.

Scolares 1998/99: 1) Nina Jocher, Dynamic Bike Team, 7.11,5; 2) Nadine Ellecosta, ASV San Laurënz, 7.22,3; 3) Melanie Ploner, Rodes VB, 8.14,3; 4) Franziska Lunger, ASC Kardaun, 8.21,6; 5) Nadia Schiener, Profi Bike Team, 8.22,9. Scolari 1996/97: 1) Nicolò Matordes, Società Sportiva 3s Soraga, 8.29,5; 2) Donemik Messner, ASC TR Balsan, 8.38,7; 3) Luca Scalzini, Südtirol RW Team, 8.40,1; 4) Dominik Lageder, Profi Bike Team, 9.05,4; 5) Fabian Gatscher, ASC TR Balsan, 9.39,7. Scolares 1996/97: 1) Pamela

Mituns dla categoria 2002/03.

Scolares 1994/95: 1) Monika Rabanser, SR ASV Nals, 16.16,5; 2) Judith Pezzei, Rodes VB, 17.36,2; 3) Johanna Reider, ASC TR Balsan, 18.29,5. Iunior Sport 1992/93: 1) Andreas Tröbinger, ASC Kardaun, 16.10,9.

Tlassifica scuadres 1) Rodes Val Badia Raiffeisen 70 punć, 2) ASC Tiroler Radler Bozen 67 p., 3) ASV St. Lorenzen, 56 p.; 4) Südtirol Rainer-Wurz Team, 47 p.; 5) Sunshine Racers ASV Nals, 44 p.; 6) ASC Val d’Aora, 32 p.; 7) SSV Pichl/Gsies Raiffeisen, 31 p.; 8) Profi Bike Team Brixen, 29 p.; 9) 3 Esse Soraga 23 p.; 10) ASV Kortsch Raiffeisen, 19 p.


Sport

nr. 33 / 28 de agost 2010

Bon ejit per l tornoi de tennis de l’aost a Moena Terza proa del campionat de corsa L Trofeo Cassa Rurala Fascia e Agordin, metù a jir dal Tennis Club Moena col sostegn del Comun sui neves ciampes de erba faussa, é stat vent da Samuel Carraro e da Verena Hofer de Gherdena

I dirigenc del Tennis Club Moena con i venjidores e i arbitri del tornoi “Trofeo Cassa Rurala”.

Tennis - No podea aer mior batum i neves ciampes da tennis de erba faussa de Moena che é stac endrezé tel renovà zenter sportif de Navalge, col tradizional tornoi de aost “Trofeo Cassa Rurala Val de Fascia e Agordin”. Se à scrit ite 88 tenisć (66 omegn e 19 femenes) che vegnìa da ogne part de la Talia e co na bona prejenza de jiadore e jiadores con classifica de terza categorìa. La competizion é stata de bon livel tecnich e vidada dal bravo giudize Gianluca Personi, didà dai volontadives del Tennis Club Moena. A venjer l tornoi l’é stat Samuele Carraro da Rorei per i omegn e la gherdenera de tredesc egn Verena Hofer per le femene.

jiador da Belun Matteo Bergagnin (3.1). La semifinala anter Carraro e Piazzi (testa de serie nr. 4) l’é stat fosc la partida più bela del tornoi. Duc doi sul jech de atach, ogne tant ence con responeta e presa de rei (chel che vegn chiamà “chop and charge” che se veit da chiar anter i diletanc) i à imprescionà per i scambies, la regolarità e la gran tecnica. Carraro à vent l prum set de gra a n soul break per dapò se destener massa e perder l secondo e se troar endodanef a desfrutar n cal atletich de l’aversarie tel terzo. Resultat 6/4 4/6 6/2. Ence la finala é stata n muie bela. A jiar de contra a Carraro l’é stat l joen Matteo Bergagnin (3.1), testa Carraro (3.1), vero dominator de serie nr 2, n joen de gran potenza del zircuit tenistich regional tenistica. Bergagnin à arjont la (undejeisem tornoi vent te chesta finala con gran padiment dò aer sajon) e testa de serie nr 1, l’à sobito batù te la semifinala Giacomo desmostrà superiorità e segureza. Buratto (3.3). Chiò l’à perdù l prum Purampò l’à cognù se dar jù set per 6/7 e dapò l’à dominà con belebon, soraldut te la semifinala n sech 6/0 6/3. Tel prum set se à e finala, per se portar a ciasa la vedù n muie de servijes ma n break venta. Dò aer dominà l trentin demò te l’otavo jech l’é stat assà Enrico Paoli (3.4) ti carc de finala per Carraro per jir en vantaje. con n sech 6/1 6/2, l’à vent demò Positiva aboncont la reazion de al terzo set contra l fiemac Severino Bergagnin tel secondo set ajache Piazzi (3.2) e te la finala contra l l’é stat bon de desfrutar la tenjion de l’aversarie e venjer coscita l tie break de gra a valch fal de massa de Carraro. L’é stat segur bel veder jiar de contra doi jiadores de chest livel, duc doi che é dò a passar te la classifica de seconda categorìa. Anter le femene à vent Verena Hofer, pruma ladina a venjer l tornoi de aost de Moena. La Hofer (3.3) e testa de serie nr 2, l’à desfrutà delvers l’eliminazion de Isabel Steger, testa de serie nr 1. La gran regolarità, n bon dret e la capazità de l’atleta (enceben la joena Verena Hofer, joena de 13 egn de Gherdena, se à età) à consentì a la Hofer de venjer l vadagnà con merit la venta anter eles.

tornoi e de jir ai campionac taliegn di joegn de Genova con maor gaissa e sodesfazion. La gherdenera dant l’à batù ti carc de finala, dò na longia partida serada sù col resultat de 673? 5/7 6/2, Tania Dalssas (4.2) e dapò con più segureza Carolina Cestarollo da Rorei (3.4) te doi set 6/2 7/5. Te la finala la Hofer l’à scombatù contra la joena de chinesc egn da Cremona Alice Casali (3.4). L prum set vent per 7/5 ge à dat rejon a la Casali, però dapò valch se à rot e dal 2 a 2 la partida à mudà mus: la Casali à perdù concentrazion e l’à lascià dominar la Hofer che de gra a n dret sech l’à spent la aversaria a jiar su la linea junsom al ciamp. L secondo e terzo set se à serà sù col resultat de 6/2 6/1 per la Hofer. Na venta meritada per chesta joena dal davegnir arsegurà. Ti tabelons de recupero per categorìa ge vel segnalar la venta de Mirco Martelli (4.1) da Livorno, fra del più cognosciù Marzio, jà ti prumes 150 al mond da classifica ATP. Anter le femene se aea scrit ite Alessia Serra Zanetti (3.4) la sor de Adriana, otima tenista de livel mondial. N tornoi anter frades più pìcoi? Pech luster per i tenisć del post. Demò Severino Piazzi e l pardacian Stefano Narduzzi à demostrà de poder competer a la par coi miores tenisć da foravìa e che merita donca na giusta segnalazion. Pec, pecià dassen! Endana la premiazion l’é stat sotlineà l sostegn finanziarie de la Cassa Rurala Val de Fascia e Agordin (sponsor maor), la desponibilità del Comun de Moena e de la sozietà de svilup turistich de Moena, zenza desmentiar i dirigenc del Tennis Club Moena che ge à tout no pech temp ai empegnes de lurier te n moment turistich emportant per endrezar al miec l’event sportif de l’istà a Moena. L comun de Moena à demostrà amò n’outa de creser tel tennis ajache l’à volù renovar i ciampes e dut l polo sportif de Navalge. Ades speton che i mete a post dintornvìa e che vegne avert ence n bar. Enlouta l zenter sarà deldut fenì e l podarà aer n svilup sportif n muie enteressant. Manuel Farina

L’atletica Fascia 08 à garejà tel chèder de la manifestazion “Anter le lum” Corsa - En mércol ai 18 de aost se à tegnù a Poza la terza proa del campionat de corsa endrezà da la sociazion Atletica Fascia 08 tel chèder de la manifestazion “Anter le lum”. N grumon de atlec à garejà fora per i pré anter Poza e Pera duc co la lumes sul vis. Da les 7 da sera à tacà ite i più pìcoi che se à dat batalia sun percorsc studié fora aldò de l’età e da les 9 enveze i protagonisć l’é stat i gregn. I dirigenc de la sociazion Atletica Fascia 08 é contenc de la partezipazion e i se augura che semper più atlec, soraldut joegn, se arvejine a chesta bela e sèna disciplina. N bel batiman va segur ai atlec de la Monti Pallidi da Moena che se dèsc jù con gran empegn e gaissa tolan pèrt a duta la garejèdes de corsa. Ades l’apuntament l’é ai 11 de setember a Cianacei col prum campionat de corsa de Fascia e Fiem. Per veder i retrac de la garejèda e aer maor informazions se pel jir tel sit www.atleticafassa08.com Ma jon a veder la classifiches de la garejèda per ge dèr onor ai prumes trei de ogne categorìa. Cuccioli de ic: 1. Alessandro Chiocchetti Bernart; 2. Alessio Gottardi; 3. Francesco Degiampietro. Cuccioli de eles: 1. Alessia March; 2. Martina Ambrosi; 3. Marzia Telaroli. Esordienti de ic: 1. Denis Rossi; 2. Giovanni Ticcò; 3. Rinor Hasani. Esordienti de eles: 1. Arianna

Pasero; 2. Sabrina Pellegrin; 3. Evelin Pederiva. Ragazzi de ic: 1. Daniele March. Ragazzi de eles: 1. Virginia Pellegrin; 2. Angelica Felicetti; 3. Federica Lazzari; Juniores de ic: 1. Matteo Betta; 2. Cristofer Wrobel; 3. Luca Fusco. Allievi de ic: 1. Marco Guadagnini; 2. Samuel Cincelli; 3. Roberto Pasero; Allievi de eles: 1. Ilaria Petrone; 2. Valentina Aliprandi; 3. Livia Failoni. Cadetti de ic: 1. Mattia Bosin; 2. Manuel Morandini; 3. Daniele Felicetti. Cadetti de eles: 1. Caterina Ganz; 2. Maria Vittoria Ventura; 3. Lara Tonini. Seniores de ic: 1. Federico Redolf; 2. Alessandro Claut; 3. Silvestro Claudio Grasso. Seniores de eles: 1. Mariangela Antolini; 2. Michela Dalle Mulle; 3. Elvira Mujadzic. Adulti de ic: 1. Alessandro Vuerich; 2. Marcello Bosin; 3. Roberto Degaudenz. Adulti de eles: 1. Caterina Zanoner; 2. Ornella Tarter; 3. Eleonora Corradini. Veterani de ic: 1. Fiorenzo Giacomelli; 2. Giovanni Franchi; 3. Marco Tonini. Veterani de eles: 1. Rosalia Zanoner; 2. Maria Sofia Brigadoi; 3. Simonetta Florian. Pionieri: 1. Vito Vanzo; 2. Giorgio Degiampietro; 3. Armando Leonardi.

Evelyn inò te na bona forma Ntan la fin dl’ultima ena à la atletes talianes dl saut cun i schi fat pea la cumpetizions dl Continental Cup a Oberwiesenthal ti Paejes Tudësc. Trëi de ëiles ie ruvedes tramedoi dis danter la vint miëures y dantaldut la jëuna Evelyn Insam à mustrà che n muessa inò fé cont cun ëila Saut cun i schi - Tla garejeda de n sada ai 21 de agost fova Evelyn inò la miëura dla scuadra taliana. Do avëi arjont l di dant l 14ejim plazamënt se àla l di do miurà de doi pusizions ruvan 12ejima. Tla garejeda de n vënderdi ova Lisa Demetz scumencià scialdi bën cun n prim saut de 90,5 metri che la ova fata ruvé tla otava pusizion, do l segondo saut iela purtruep tumeda zeruch al 16ejim plazamënt. L di do n sada ie nce ëila stata bona de se miuré se tlassifican bel do si cumpania de scuadra al 13ejim post. Tramedoi dis danter la primes vint udons nce Roberta D’Agostina. Cuntënt nce l trainadëur Fabian Ebenhoch che dij che la mutans à mustrà de vester te de bona cundizions y che n ie muec cun l drë var de viers dla sajon da d’inviern sun chëla che n ie tl lëur de se njenië ca. Dantaldut Evelyn à bele mustrà pra i alenamënc drët de bon sauc. Nce Lisa y Roberta ie costantes. N cëla cun otimism de viers dla sajon che ie dan porta, nsci l trainadëur dla scuadra naziunela. Mé de puech à Simona Senoner arjumà la cualificazion per l segondo saut, ruvan 33ejima. Ma nce d’autra

atletes à problems, coche mé per dì Anette Sagen, una dla favorites dla sajon passeda, che ne se à ënghe no cualificà per la segonda manche. Sibe n vënderdi che n sada àl duminà la atleta dl’Austria Jacqueline Seifriedsberger. Danter la primes trëi ie ruveda te tramedoi dis la franzëusa Corinne Mattel, che ie śën do Sarah Hendrickson (USA, 249 p.) y Sara Takanashi (JPN, 220 p.) tl Continental Cup cun 213 ponc tla terza pusizion. Ncuei sada 28 de agost 2010 vëniel garejà per i campiunac taliani iuniores.

Evelyn Insam. www.lauscdiladins.com

25


Sport

nr. 33 / 28 de agost 2010

L Fascia pea via col pe dret

Cun sgors tla sajon nueva

N bel 3 a 1 paa fora i fascegn da la pruma fadìa te la Copa Provinzies

Jadiné ie n sport da d’inviern, puremò ne possa la mutans dl Eisclub Gherdëina nia paussé massa giut d’instà. Daniela Delago de Urtijëi, che jadinea nstëssa, nes conta mpue coche la sta śën che les à nce giapà n trainadëur nuef, che ti à propi nce dat ite n gran druch a duta la atività

Patrizio Cigolla à segnà l prum gol de la sajon.

Balon - Somea ingern che se festejèa la venta de la Copa Provinzia 2009/10, e jà se ponta via co la neva edizion 2010/11. E se ponta via con dotrei neves de emportanza. Belapontin, dò na sajon dalbon positiva olache apede jù la Copa l’é stat arjont ence l terzo post, l’alenador Luciano Cigolla dessema a sie colaborador Matteo Gabrielli, à dezidù de lascèr l temon de la squadra e de se pussèr mìngol. Temon che l’é stat metù te la mans de Lorenzo Giuliani da Sorèga col didament de Max Zanoner e Max Manenti. L nef “mister” no l’é segur l’ùltim ruà, ajache l’à jà jià e l’é jà

stat alenador de la squadra ladina dant del luster targà Cigolla, ence con de bie resultac. Apede la gran neva del mudament de la vida di fascegn, l’é stat ence mìngol de jir e vegnir de jiadores: anter i jic l’é Manuel Bernard “Jef”, Simone Delladio, Giorgio Dorich e Andrea Trettel. A vegnir l’é stat enveze l portier Nicolò Cincelli, Denis Volcan, e dotrei joegn sche Stefano Rizzi, Federico Cincelli, Mario Detomas, tiré sù da la juniores. Dò n muion de alenamenc e partides “da peconc” che à vedù ence l burt azident (leamenc del jeneie e os roc) a Simone Bolgiani, a el ge sporjon n gran augurie e speron de l veder prest a jièr a balon, in domenia passèda se à jià la pruma partida ofizièla de la sajon. A scontrèr la squadra fascèna sun chel del Cotura de Vich l’é ruà su l Valsugana, squadra che se à desmostrà mendra respet ai patrons de cèsa, ma de segur più cativa. E a paer daz l’é stat soraldut l joen Stefano Rizzi, portà fora de ciamp a brac dò vint menuc con n jeneie sotessora. I miores augures ence a el. Dò i prumes vintecinch menuc olache i ladins, enceben jian miec di valsuganoc, à fat mìngol de fadìa a troèr l scomenz de l’acia, na bela jièda del trio de atacanc à portà Pat

Cigolla soul de contra al portier ghest e a trèr ite l’un a nia. L pont del vantaje ge à dat gaissa ai ladins, che te diesc menuc à fat ite etres doi goi con Fede Deluca e Denis Volcan. A la fin del prum temp l resultat l’era te cassaforta. Ti secondi carantacinch de jech, l Fascia à tegnù la bala zenza mai risćèr scin a l’ùltim menut, canche na distrazion di defensores ge à dat l met a l’atacant valsuganot de se troèr soul dedant l’usc fascian e poder zenza fadìa bater l portier de cèsa per l trei a un finèl. L resultat dèsc n bel vantaje a la squadra de Giuliani per la partida de outa che se jiarà doman, domenia ai 29 de aost a Scurelle, aboncont se cogn semper jièr al miec e vardèr de no perder. Cristoforo Debertol Fascia – Valsugana 3 a 1 Goi fascegn de Patrizio Cigolla, Federico Deluca e Denis Volcan Formazion Fascia: Nicolò Cincelli, Stefano Rizzi (20° Federico Deluca), Mathias Defrancesco, Maurizio Bonani, Davide Bosin, Denis Volcan, Cristoforo Debertol (30° Nicola Rizzato), Davide Porcu, Gianmaria Ganz, Daniele Deluca, Patrizio Cigolla.

Se museré jan a ciaval N dumënia ai 8 de agost iel unì garejà ora Pozamanigoni per la 10a edizion dl cuncors Val Gardena Raité - I ciavalieres unic mpue da dlonch caprò se à muserà te plu proes, nsci danter l auter de sauté sëura rëms ora, de fé i plu biei vares, chiche ie i plu asvelc, y l ie nce stat na nuvità, n ”Gimkana Jump” cun sauc auc 50 cm, ulache l à fat pea set scuadres: trëi dl Trentin, una de Maran y trëi de Gherdëina. La scuadres che se à plazà tla prima trëi pusizions fova chëles dl ”Centro Equestre Val Gardena”, dla scola de Alexia, che ie tlo da cësa. L ie stat n bel di, dut à butà, l tëmp à lascià fé y nsci ie nce truepa jënt da tlo, ma nce seniëures, unic a cialé pro pra chësta bela manifestazion, che ie bele ruveda a si decima edizion. L club de raité à pudù se prejenté cun na gran scuadra de mutons metuda adum dala maestra Alexia. I urganisadëures da Pozamanigoni ie nce stac cuntënc che deguni ne se à fat mel y tol l’ucajion de rengrazië duc i cumpanies y sponsores, che à dat si cuntribut per l garaté dla manifestazion. Cun chël che n à trat ite à i urganisadëures nce pudù dé inant na bela dunfierta a na familia cun cater pitli mutons, che à perdù si pere te na desgrazia suzeduda d’ansciuda. Ntan dut l di iel stat truepa jënt che à fat tifo a duc i cuncurënc che à fat pea.

cun Ludovic: Crepaz Julia, Pellizzari Jamie Lee, Senoner Vera; cun Ute: Aita Alessandra, Sacco Francesca, Mussner Patrizia, Cipolla Manuela; cun Seppe: Bernardi Anna, Passaro Samanta Chësta mutans fej dutes pert dl ”Centro Equestre Val Gardena”. Mo degun fal ne à fat Karinne cun Gherlinzoni Eleonora, Peter Pan cun Gherlinzoni Paola, Majans Nadia cun Planatscher Philipp, Freddy cun Gögele Sabrina, Rocky cun Casalis Beatrice y Calypso cun Dorfer Carolin. Tla categuria B80 (autëza 80 cm) ie ruvei prims ex-aequo cun Lunis: Albertini Helena y Piccinini Francesca; cun Lebed: Sacco Cosimo Damiano de nosc club de raité; y pona mo Freddy cun Gögele Sabrine, Rocky cun Casalis Beatrice, Betty Boop cun Bonapace Sveva, Onelia cun Bressanini Giulia y Hronos cun Komjanc Giovanni.

Tlo i resultac dla garejedes

Tlassifica a tëmp, categuria B110 (autëza 110 cm): 1. post per Pada cun Vera Senoner, 2. post per Chivas cun Susan Senoner, 3. post per Ibis Baio cun Thurner Egon, 4. post per

Tla categuria BP 60 (autëza 60 cm) ie ruvedes primes ex-aequo (zënza ne avëi smacà ju degun saut):

26

www.lauscdiladins.com

Racchetta cun Selmi Francesca Tlassifica a tëmp, categuria C115: 1. post per Sydney cun Menapace Paolo, 2. post per Colani cun Julia Senoner, 3. post per Ritmikal cun Sciacca Marco, 4. post per Paya Bay cun Alexia Senoner A doi fases (l unvia tëut ju l tëmp dla segonda fasa): Categuria C120: 1. post per Sydney cun Menapace Paolo, 2. post per Baloo cun Egon Gatterer, 3. post per Marillù cun Senoner Julia, 4. post per Elianto cun Schindele Karin. Categoria C130: 1. post per Lord Liberty cun Busen Heinz (unit dal’Austria), 2. post per Bulgary cun Fornwagner Helena (ënghe dal’Austria), 3. post per Baloo cun Egon Gatterer.

Categuria B100 (autëza 100 cm) tla tlassifica de “stil” – chiche ie jit l plu bel: 1. post per Pitaux cun Barbie Traversi Sofia, 2. post per Pada cun Vera Senoner, 3. post per Blondie cun Caretta Desiree

Alexia Senoner, istrutëura de raité tla scola de Pozamanigoni.

N valguna atletes dl Eisclub Gherdëina cun si trainadëur tl stadio dala dlacia de Corvara.

Jadiné - Nce sce la sajon da d’inviern ie mo dalonc y nosta strutura, l stadio dala dlacia te Sëlva iesen mo tl lëur de restruturé, à l Eisclub Gherdëina scumencià cun gran druch si sajon nueva.

nce l camp de Mishin, un di miëur trainadëures dl mond, cun si atlec che sarà te puec ani da udëi a livel olimpich.

Trainadëur nuef, suzesc nueves

Dutes ie ruvedes de reviers a cësa cun na gran mutivazion de jì inant y de se purvé dassënn per pudëi ruvé ala garejedes njeniedes ca bën. Dai 7 de agost inant sons pona jites uni di a Corvara, ulache pudon, deberieda cun l club de jadiné dl’Alta Badia, se nuzé dl stadio dala dlacia. Chësc sport a de bujën de truep alenamënt y lezitënza y perchël messons se alené uni di. Nosc tatis se muda ju a nes mené a Corvara cun n pulmin. Daduman ons for doi ëura sun dlacia y pona mo n’ëura de off-ice, ulache lauron sun nosta flescibltà, cundizion, coordinazion y balanz. Doi iedesc al’ena ons pona mo balet cun na maestra de Bulsan, Barbara Ante, tla sala dla vedla scola a S. Cristina. Chësc uel dì che messon pië via dala 9 daduman y ruvon a cësa permò ntëur la 5 domesdì. La plu pitles ie ënghe scialdi lezitëntes y furnea trëi iedesc al’ena a Corvara a se alené cun si trainadëura Tiziana Mussner. L ie bën mpue sfadiëus, ma a nëus dutes nes sàl tan da stramp bel a fé chësc beliscimo sport che ulessan sté plu gën dut l di sun dlacia.

A mez lugio iel ruvà nosc trainadëur nuef, Guillaume Kermen dla Franzia. Ël à n gran curriculum persunel de garejedes a livel mundiel y na gran cumpetënza te chësc sport. Dan che l ie ruvà da nëus fòvel tl’Islanda a nsenië. Per merit dl bon lëur che l à fat, ie nuef mutans de si club ruvedes tla scuadra naziunela. Ël ie scialdi mutivà y uel arjonjer de gran suzesc nce cun nosc club. Si metoda de nsenië ie mpue autramënter che chëla de nosta trainadëura da dant Michelle Currie, che ie jita de reviers tl Canada ulache la se à maridà l’ena passeda. Ntan l training ne daussons danz nia resté fërmes n secunt. Ël ne se acuntentea mei de chël che fajon, ajache l ie dla minonga che n possa for fé miec y che pudon for mo perfeziuné nosc sauc. Per merit de si mutivazion y si tecnica perfeta ti sauc, sons njeniedes ca bën per la sajon nueva y se ncunferton bele sun la prima garejedes.

Alenamënt a Corvara

Stage a Mittenwald Ajache ne pudan nia adurvé l stadio de Sëlva à l cunsëi dl Eisclub cun si presidënta Christi Demetz, metù a jì n ”stage” a Mittenwald tla Germania, che ne n’ie nia dalonc da Seefeld. L ie stat scialdi mpeniatif, ajache uni di messans se alené per truepa ëures. Daduman ans balet cun nosta coreografa Ingrida dla Estonia. Domesdì pona messans fé truepa ëures sun dlacia per purvé sauc, trotoles y nia da desmincë, perfeziuné nosc jadiné. L ie stat na esperienza scialdi bela y rengrazion dut l cunsëi de avëi metù a jì n tel bel stage. A Mittenwald fòvel te chëi dis iust

L franzëus Guillaume Kermen "Giom" ie l coach nuef.


Sport

nr. 33 / 28 de agost 2010

La scuadra dl hockey ie metuda su Ti ultimi dis àn mo stlut ju i ultimi cuntrac per i jugadëures che fajerà pert tla sajon 2010/11 dla scuadra dl Hockey Club Gherdëina

Ntan la sëira de prejentazion l ann passà: Stefan Prinoth, presidënt dl HC Gherdëina cun Alexander Stuffer. Tla segonda y terza foto: Leo Insam y i doi verdiaporta Benjamin Saurer y Florian Großgasteiger che sarà leprò nce chëst ann.

Hockey/A2 - Ntan che i jugadëures majeri y mëndri dl Hockey Club Gherdëina à fat ti mënsc da d’instà i alenamënc a sut te palestra o sun la plaza dal palé, se tratòvela per i derijënc cun a cë l presidënt Stefan Prinoth de tò su cuntat cun i jugadëures da tlo y de n crì n valguni de boni da oradecà che unissa a renfurzé la scuadra. Do truepa melsegurëzes, davia che la federazion per l sport sun dlacia ne n’à nia metù ora la regules abenëura assé, iesen śën finalmënter stac boni de mëter adum la scuadra. Chëst ann iel stat extra rie fé, n iede ajache n ne savova mei tan de fulestieres che n possa tò y tan de

scuadres y ciuna scuadres che l fej pea, sce l verdiaporta muessa vester talian o possa vester fulestier y n.i. Permò ai 26 de lugio savòven mesanmënter na drëta y chël ie danz tert per avëi mo la vela di jugadëures.

Ron Ivany trainadëur, ma nchin ala fin dl ann Marco Liberatore sun l banch dl Gherdëina te A2 Per prim àn pudù fé via per n ann l cuntrat cun l trainadëur Ron Ivany. Ël ova scumencià si cariera propi tlo de Gherdëina tl ann 1979/80 vencian mo n chël ann l campiunat. N ova pensà a d’ël do

che l fova unit liede, ajache do i stritoc cun la Federazion taliana dl sport sun dlacia ne n’à l Renon nia plu ulù l tò pervia che l ie dsarà nchin ai 31 de dezëmber de chëst ann. Chësta straufonga vel’ danz nce tlo da nëus y perchël sarà nchin a chësta data Marco Liberatore dla Val de Fascia sun banch dla prima scuadra. Marco Liberatore ie oradechël unì nciarià sciche trainadëur dla scuadres di jëuni U20/18. Ivany fajerà nce da supervisor de duta la scuadres di jëuni dl Hockey Club Gherdëina y se à nce detlarà a una de nsenië ju i trainadëures che se dà ju cun i jëuni, che arà nsci ucajion de mparé da n gran prufesciunist.

Duc i jugadëures da tlo che à fat l ann passà ie inò leprò Coche dit àn plutosc tert pudù fé via i cuntrac cun i jugadëures. Duc chëi da tlo che à fat l ann passà ie unic damandei y duc à dat pro de fé pea, nce i jëuni che à pudù se fé si prima esperienzes l ann passà te prima scuadra.

Bourassa, per la legrëza de duc i tifosi Sciche fulestieres àn inò tëut l ”beniamino” dl publicum Jarad Bourassa y Patrick Wallenberg. Sciche nueves àn metù sot a cuntrat Schaafsma Jamie (NL/CAN) y Graig Watson (CAN). Perdrët òven nce damandà Brendan Bernachevic cun chël che n fova stac drët cuntënc ntan l’ultima sajon, ma ël ulova fé

inant si studies y ova perchël dit n iede de no. Ala fin fóssel pona mpo mo unit, ma ntant se òven bele mpenià cun Watson.

La mascin da goi Watson - Schaafsma Da chësc duo se aspieten segurëza de contlujion dan cassa. Chisc doi jugadëures se cunësc bele, che i ova jugà deberieda via n Fascia. I se capiva drët bën y deberieda ovi fat nce truep goi. Graig Watson ie stat doi ani tla Talia y à jugà te A1 coche dit n iede cun l Fascia y dopro a Burnech y for fòvel pra i miëres de fé gol. Schaafsma ie deventà campion talian cun l Bulsan dan doi ani.

Großgasteiger y Saurer inò te cassa Do n grum de cuntac cun truep verdiaporta taliani, ti àn ala fin mpo inò dat la crëta a nosc doi verdiaporta Florian Großgasteiger y Benjamin Saurer. Nce sce chëst ann fóssel tla serie A2 la puscibltà de tò n verdiaporta fulestier àn mpo tëut la dezijion de resté pra chëi da tlo, naziunei, povester nce mpue per na cuestion de custimënc. Dala scuadra dl Renon sciche farm team ne puderàn chëst ann bonamënter nia fé cont cun vel’ jugadëur. Chëst’ena che vën jiràn sun dlacia, śën tl prim a Persenon nchin che l stadio dala dlacia de Sëlva sarà inò a desposizion y n calculea che chësc sarà ntëur mez setëmber. Sun l prugram iel nce n valguna partides

de preparazion, dutes sambën oradecà sciche a Lustenau contra l Dornbirn, doves pona contra l Kaltern y una contra l Neumarkt a Persenon y pona mo una contra l Maran.

L campiunat A2 scumencerà n dumënia ai 3 de utober L calënder avisa dla partides ne n’ie mo nia unì metù ju. A uni moda sàn da dì che l unirà jugà la gran pert de vënderdi y de dumënia. La scuadres che fajerà pea l campiunat de A2 ie: Eppan (campion dal ann passà), Gherdëina, Neumarkt, Kaltern, Maran, Milano, Torino y l EV Bulsan che à venciù l ann passà l campiunat dla serie C. Sce l Sterzing fajerà tla A1 o tla A2 chël ie mo scrit tla stëiles! L fossa da muië sce l Sterzing ne fossa nia plu, ajache chësta scuadra judëssa a tenì a n bon livel l campiunat de A2. Per l Sterzing vëniel for mustrà n tan de nteres y l tira for nce n bel publicum a cialé pro. Da trueps vën l campiunat de A2 cunscidrà sciche l drë campiunat talian, ajache tlo giapa i jëuni che ie chersciui su tla scuadres talianes nce lerch da jughé. Tulan de bon furesti iesen ti ultimi ani nce stac boni de arjonjer n bon livel y na cërta spetacularità te chësc campinat. L presidënt Stefan Prinoth cun si cunlauradëures ie dla minonga che cun chësta scuadra puderàn dessegur inò miré ai resultac dal ann passà. (uk)

Azions ntan la partida contra l "Sterzing", tl campiunat dal ann passà. www.lauscdiladins.com

27


Informazions y Manifestazions Cursc Cors de rampinèda per i joegn de Fascia

Vedù l bel ejit di egn passé, i menacrepes de Fascia ensema al CAI SAT del zenter Fascia endreza l VIII cors de rampinèda per jech per bec dai 7 egn en su. L cors se tegnarà dai 6 ai 8 de setember e en domenia ai 12 vegnarà endrezà na rampinèda de fin del cors sun Sela. La quota de iscrizion la é de € 135.00 che tol ite duta la massarìa e duta la speises per i trasporc. Per aer maor informazions e per se enscinuèr se pel chiamèr Fabio Giongo al 339.6938726 o ge domanèr a Paolo Lastei, responsabol de la sezions alpinism joegn del Cai Sat de Poza. Curs de inglesc por chi dla mesana A Calfosch vëgnel tignì n curs de inglesc por scolares y scolars dla mesana cun Marion Posch. Le curs vëgn metü da jì ai 30 y 31 d’agost y al 1. de setëmber, dagnora dales 14.00 ales 16.00. Por informaziuns plü menüdes pòn cherdè sö Marion Posch al nr. 335/6164156. Curs da fà jö cun lovè dl sorëdl

Les Lies da Munt Val Badia mët da jì tla findledema di 11 y 12 de setëmber n curs da fà jö cun lovè dl sorëdl. La sabeda ai 11 pëion ia y va sö dal “Rifugio Biella”, olache an stà suranöt. An jarà spo sön Sas dla Porta y Lech de Fosses. Infos y prenotaziuns ćina ai 2 de setëmber pro Paul al nr. 347/4736300. Curs da laurè cun Gimp

Le Fotoclub Val Badia mët da jì n curs da laurè cun Gimp, tignì da Vito Miribung da Urtijëi. Gimp é n program che an ciafa debann (freeware) da laurè jö retrać digitai. Le curs vëgn tignì 4 sëres a La Ila (ai 20, 24 y 27 de setëmber y al 1. d’otober 2010, dales 19.30 ales 21.30) y é davert a düć. Se prenotè pòn pro Helmut Elzenbaumer. Tel. 0471/843331 o menan na e-mail a: fotoclubvalbadia@rolmail.net. Omeopatia tla vita da vignidé

Chësc le titul de n seminar che vëgn metü da jì dala Uniun dles Ëres d’Al Plan en colaboraziun cun le Consëi de Formaziun. Le seminar mët man en vëndres ai 17 de setëmber dales 19.30, te salf de calonia d’Al Plan y döra indöt 8 sëres da 90 menüć l’öna. Tó pert po danter 8 y 15 porsones. S’anunzié pòn pro Annamaria Complojer al nr. 0474/501286 o al 334/6102551. Scora por geniturs a Corvara

Le “Katholischer Familienverband de Südtirol mët da jì chësc altonn la “Scora por geniturs”, en colaboraziun cun le Consëi de Formaziun dl Comun da Covara. Te cin’ referać gnaràl tratè tematiches en cunt dl’educaziun di mituns dai 2 ai 6 agn. Referënta é la ddra. Margarethe Mayr, psicologa y psicoterapeuta. I referać mët man ai 29 de setëmber, vigni mercui por indöt 5 iadi, tl salf de calonia a Corvara, dagnora dales 20.00 ales 22.00. Le cost é de 50,00€ a porsona (75,00€ por pêrs). Le numer de partezipanć va da n minim de 10 a n mascim de 16. Infos y prenotaziuns (obligatora) pro Roland al nr. de telefonn 335/5629824. Cursc per assistënc soziei

L KVW sezion de Bulsan mët a jì da nuvëmber inant nchin de juni dl 2014, cursc de furmazion dl Fond Soziel Europeich FSE, per assistënc/tes soziei/les. L fin ie chël de ti fé cunëscer a chëi che fej pea, ciuni che ie si duvieres coche assistënc soziei y de ti nsenië co curé persones, co les secudì y les acumpanië, co se astilé cun persones autramënter ables y amaledes psichicamënter. N merdi ai 21.09. saràl n domesdì de nfurmazion dala 16.00, ti locai dl KVW sezion Bulsan, Kornplatz 4. Per plu nfurmazions, tel. 0471/978056. Karin.Wieser@kvw.org

Mostres Debant al Museo ogne lunesc

Enscin ai 30 de aost, ogne lunesc l Museo Ladin de Fascia aur si ujes debant e se pel ite a veder la sales espositives a Sèn Jan da les 10.00 fin les 19.00. Se pel ence se emprevaler de la vijita vidèda compagné dai operatores del Museo per fèr n viac te la storia, la cultura e la tradizions di Ladins. La vijites vidèdes vegn fates da les 10.30, 15.30 e 17.30 al cost de 2 euro. Mostra te la galarìa Ufofabrik a Moena

La resta averta enscin ai 19 de setember te la galarìa Ufofabrik de Mauro Defrancesco a Moena la mostra dal tìtol “Dove sono le montagne?” retrospetiva 1970-2010 endrezèda en colaborazion co la galarìa Goethe de Busan; 17 artisć internazionèi se confronta a na vida originèla con l tem di monc. Se pel ite ti oraries 10-12.00 e 17-22.00.

Dotors y Apoteches Dotor

L dutor de servisc dala 8.00 da duman de n sada 28 de agost nchin la 8.00 da duman de n lunesc 30 de agost ie l dutor Simon Kostner de Sëlva, tel. 0471/794002 o l 798626. Le dotur en sorvisc ti tla findledema di 28 y 29 d’agost, ti comuns de Badia, Corvara y La Val, é le dotur Giuseppe Di Marino, Badia/Pedraces, tel. 0471/839691. Ti comuns de Mareo y San Martin saràl en sorvisc le dotur Edoardo Agreiter, San Martin de Tor, tel. 0474/501927. Apoteches

L’apoteca de servisc che à daviert ora dl orar ordiner da n vënerdi (dala 19.00) ai 27 de agost nchin n vënerdi ai 3 de setëmber ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 27 d’agost al vëndres ai 3 de setëmber, é chëra da San Martin/Picolin, tel. 0474/523020.

28

www.lauscdiladins.com

nr. 33 / 28 de agost 2010

♦ Armunia Tla cësa de cultura Luis Trenker a Urtijëi iel ncuei sada ai 28 de agost dala 18.00, la giaurida dla mostra “Armunia – Harmony“ de Herbert Comploj L se trata de pitures a uele che reprejënta figures danter ël y ëila. Ti cialan ala pitures vëijen che l ie nce dovia n stude de cumposizion che porta a n’armunia, coche l titul dla mostra dij. Pra la giaurida saràl l assessëur ala cultura Florian Mussner y l ambolt de Urtijëi Ewald Moroder a saludé la jënt. Duc ie nviei a unì a ti cialé ala mostra nchin ai 8 de setëmber, uni di dala 10.00 – 12.00 y dala 16.00 – 19.00. N depënt de Herbert Comploj.

♦ Cunzert cun Sabina Willeit N juebia ai 2 de setëmber iel a Urtijëi, tla cësa de cultura Luis Trenker, dala 21.00 n cunzert cun l’urchestra Haydn y la ciantarina de Sëlva Sabina Willeit Sabina Willeit à studià cianté tl conservatore de Bulsan y à fat deplù cursc cun ciantarins cunesciui. Si repertore lirich ie scialdi grant y la à bele ciantà tla majera ziteies dla Talia coche nce oradecà. Dal 2009 incà ciàntela cun l Staatstheater de Karlsruhe. Ëila se à davanià na luegia mpurtanta y de respet tl panorama operistich d’Europa. For inò se làscela audì cun suzes y la ie deventeda na solista drët damandeda. Deberieda cun l’Urchestra Haydn cianteràla n cunzert dedicà defin al repertore operistich. Propi pervia dla mujiga rossiniana, puderons zënzauter fé pea, ntan l’ultima sëira de ValgardenaMusika pra la vënta dl’ironia. La direzion ie de Ekhart Wyclk. Chertes danora pra la Lies dl Turism de Gherdëina. La ciantarina Sabina Willeit.

♦ Jita dl Moviment politich LADINS

DOLOMITES En domenia ai 5 de setember 2010 gniral metù de jì la jita tradizionala sun mont te Badia Chest ann se endunonse da les does domesdì dant la sentadoia Santa Crusc a San Linert de Badia per furné spo sun La Crusc. Chi che à de bones giames pò zënz’auter jì su a pe. Tla Ostaria La Crusc saral l ost Erwin Irsara che nes enjignarà ca per les trei domesdì na pitla marena y enlò se sentaronse ju duc deberieda a s’la conté y a sté en bona compagnia. Laprò a de bogn ciauzà y a n forniment adaté de jì sun mont saral da se to pera la bona vueia. Duc i scric ite a LADINS DOLOMITES, i amisc y i simpatisanc é inviés de cuer a to pert a chesta jita che garatarà, sce l temp arà n pue da judé pera, dessegur ben! Gnide duc y tolede pera ence vosta familia! L diretif de LADINS DOLOMITES se inconforta bele sen a vosta partezipazion.


nr. 33 / 28 de agost 2010

Mostres I retrac de “I Cucaloch” te Museo Ladin

Enscin ai 3 de setember te Sala Heilmann del Museo Ladin de Fascia se pel veder la mostra de fotograf ìes de “I Cucaloch”, retrac che vel envièr sia jent e i ghesć a vardèr più da vejin la natura e dut chel che de bel l’é entorn nesc paìjes. La mostra é da poder veder canche l’é avert l Museo: duc i dis con orarie 10.00-12.30 e 15.00-19.00 e de lunesc con orarie unich 10.00-19.00. La Scola de Polizìa te la Comunanza de Moena

L Comun de Moena e la Scola de Polizìa ve envìa de cher a veder la mostra “Il Centro di addestramento alpino nella Comunità di Moena”: èrc, massarìa e mondures di egn ’50 e ’60 e retrac en bianch e neigher de chi egn. L’esposizion resta fora te teater de Navalge enscin doman, domenia ai 29 de aost con orarie 10-12, 17-19 e 20-22. Mostra de Fernando Brunel

Che se ensoméel Re Laurin te anter i crepes de chesta Dolomites, patrimonie de l’umanità de spes massa pech aprijià, conscidrà e respetà? A ne l moscèr travers si chèdres l’é l pitor Fernando Brunel da Soraga. Sia mostra é amò da poder veder te la sala a pian teren ite te Ciasa de Comun de Poza enscin doman, domenia ai 29 de aost, con orarie 17.00 - 19.00 e 20.30 – 22.00. Mostra su la Dolomites a Moena

Tel teater Navalge de Moena l’é avert la mostra “La creazion zipièda ite te la Dolomites, la Dolomites zipièdes ite te l’om” endrezèda dal grop de joegn Fassa Lux. L’esposizion resta fora enscin ai 31 de aost con orarie: 17.30 - 22.00. Se pel domanèr ence de aer la vijita vidèda. Te Istitut Ladin la mostra de dessegnes de Luigi Canori

Informazions y Manifestazions ♦ Festa por l’urt al Ćiastel de Tor Le dé vëndres ai 3 de setëmber 2010 dales 18.00 gnaral presentè y inaodè l’urt nü, y inće ćiarćé produć locai y dl marćé solidal La festa metarà man dales sis da sëra cun la spligaziun di laurs y la revalutaziun dl urt pro le Museum Ladin, dedô saral la presentaziun di produć dl marćé solidal che le Museum Ladin à metü man en chësc ann da adorè y vëne tl bar. An ciafarà da ćiarćé deplü spëises arjignades ca sides cun ortam y erbes dl urt co cun produć che vëgn da paisc en fasa de svilup tres le marćé solidal. Andreas Delago dla Botëga dl Monn de Urtijëi y sü coleghes spligarà ći ch’al ô dì “marćé iüst y solidal - fair trade” y cuntarà de proieć fora por le monn, y dijarà deplü söla proveniënza y l’adoranza de val’ produć che n’é nia ćiamò tan conesciüs chilò da nos, sciöche la chinoa, l’amarant, le guaranà, l’ervamate, le rooibos, yii. Les döes iniziatives vëgn liades adöm, deache ares passenëia adöm por la sort La coltivaziun tradizionala y le marćé y de produziun de mangiaria, che é biologica, consum solidal sarà al zënter dla sana y frësca, y che é früt inće dla cultura y manifestaziun dl 3 de setëmber da sëra al tradiziun di posć dla jënt. Dlvers dl marćé iüst Museum Ladin. y adincuntra a chël globalisé, dess chi che laora la tera y prodüj avëi le plü dainciarà, por che le laur paies la mëia y la jënt pois vire na vita dëgna olache ara à sües raisc.

Te sala grana del tobià de l’Istitut Ladin a Sèn Jan se pel veder la mostra de dessegnes “Anter la jent / Tra la gente” de Luigi Canori. L’esposizion endrezèda da l’Istitut Cultural “majon di fascegn” é da poder veder enscin ai 3 de setember dal lunesc a la jebia da les 15.00 a les 19.00 e dapò ti oraries che l’é avert l’istitut.

A Moena l “Talent Show 2”

Mostra sön la biodiversité tla Ćiasa dl Parch a Al Plan Les Naziuns Unides à detlaré le 2010 sciöche “Ann Internazional dla Biodiversité”, la gran varieté de sistems ecologics, tiers, plantes etc. Tla Ćiasa dl Parch a Al Plan él da odëi ćina ai 22 de setëmber na mostra sön la biodiversité, cun sis staziuns desvalies: informaziuns generales, zifres y statistiches, mudamënć, valur dla biodiversité, sconanza y jüć söl computer. La mostra po gnì vijitada tratan i orars de daurida dla Ćiasa.

Dò l gran suzess de la pruma edizion, domanà a gran ousc da tropes l zenter di joegn de Moena porta dant amò n’outa sie empegn con spetacoi de musega e de bal. Biju Vadagnini, president de la sociazion, dessema ai 80 joegn tiré ite per endrezèr l spetacol, l’à l piajer de envièr duc chenc, joegn e manco joegn, al Talent Show 2 che l tacarà da les 9 da sera en mèrtesc ai 31 de aost aló dal teater Navalge a Moena. Entrèda ben segur debant.

Personala de Lois Irsara Ćina en doman domënia ai 29 d’agost él da odëi te Istitut Ladin a San Martin de Tor na mostra personala dl artist de Badia Lois Irsara. La mostra é daverta dales 10.00 ales 12.00 y dales 15.00 ales 20.00.

Radunanza de la Museghes de la Ladinia Dai 29 de aost ai 5 de setember te Fascia vegn endrezà la radunanza de la Museghes de la Ladinia con desvalives apuntamenc fora per i paìjes. En mércol prum de setember da les 21.00 te Sorastanza de la Scola de Fascia, serèda de recordanza dal tìtol “De Mùseghes, de Jent e de autra Stories”. En vender ai 3 de setember, semper da les 21.00, tel chino Marmolèda scontrèda sul tem: “La Banda lech de la comunanza: anter sozialisazion, agregazion e formazion artistica” coi Maestres Daniele Carnevali, Gottfried Veit, Fiorenzo Brigadoi, Carlo Deflorian e Lauro Ventura, i Maestres de la Museghes de Fascia e l Maester Stefano Lazzer. En sàbeda ai 4 de setember tel tendon de la manifestazions de Poza da les 21.00 conzert de la Banda di joegn en raprejentanza de la Federazion del Trentin. En domenia a Cianacei defilèda e conzert tel chèder de la Gran festa da d’Istà.

Chedri de Tone Rungger dal Ferber

Da odëi tratan i dis da d’isté tla galaria dl Cafè Hotel Teresa a Al Plan de Mareo. Trienala Ladina La mostra dla 3a Trienala Ladina dal titul “Mirrored stories - stories spidlades” é da odëi ćina al 31 d’otober, tratan i orars de daurida dl Museum Ladin a San Martin de Tor. Le Museum é davert d’agost vigni dé, dal lönesc ala sabeda dales 10.00 ales 18.00 y la domënia dales 14.00 ales 18.00. Mostra de Simon Perathoner

La mostra de fotografies de Simon Perathoner “Iceland“ ie da udëi nchin ai 7 de setëmber tl Café Surëdl a Urtijëi. L orar de giaurida ie da lunesc nchin sada dala 10.00 ala 19.00.

Musiga

“Le Giardiniere” a Corvara

Incö sabeda ai 28 d’agost dales 21.15 vëgnel metü da jì tl salf dles manifestaziuns F.A. Rottonara a Corvara le conzert “Le Giardiniere”. Tl conzert gnaràl baratè jö tòć musicai y letöres tutes fora dales operes dles “giardiniere” y de scriturs lià ala cité de Milan i pröms agn dl ’800.

♦ 4. Wood

♦ 20 + 20 fej 40 (20 por iama)

Bobby Car Race 2010

Festa dles nasciüdes y di nasciüs l’ann 1970, en sabeda ai 25 de setëmber 2010

Do l gran suzes di ultimi iedesc vëniel chëst ann inò metù a jì chësta garejeda per i sculeies dla scola elementera y dla scola mesana I buteghieres de Urtijëi y la Lia dl Turism nvieia duc a fé pea pra la garejeda de Wood Bobby Car. Mutons y mutans dla scola elementera y mesana se mesurerà te chësta cuarta edizion dla garejeda che sarà duman dumënia ai 29 de agost, dala 16.00 tla strede Rezia a Urtijëi. Unide duc a ti cialé a chësta blòta garejeda. L julantin che nvieia ala manifestazion.

25 de setëmber 2010 é le dé! Porchël no t’al desmentié! Incër Pütia ia édl da rodé sonza fadia, mo nia düć n’à bria, chi che ne sciafia nia ? ? (po inće ma gnì a cëna). Les 9.00 sön Börz s’encuntunse, y spo la roda fajarunse. Da sëra sö da Fritz la cëna unse comané, por düć, inće por chi che ne vëgn nia ia por le dé! Dales 19.00 saral l’aperitif… spo la cëna... Cun na bela musiga balarunse... y ćina da doman festejarunse. Por se prenotè y confermé édl da paié ite ćina ai 20 de setëmber 65,00 € (cëna y musiga) sön le cunt bancar dla Cassa Raiffeisen Val Badia IBAN IT 77 G 08010 58550 000305017491. Infos ciàfon al tel. 335/1050233 (Gaby) o 335/5882562 (Monica). www.lauscdiladins.com

29


Informazions y Manifestazions Chino y Films

nr. 33 / 28 de agost 2010

Iniziatives Sportives

Al chino de Cianacei

12. Val Gardena Extrem, garejeda nternaziunela de sauté da mont su

Insnet sabeda ai 28 de aost da les 21.15 vegn dat fora l film “Sansone”. Semper da la medema ora doman, domenia ai 29 e lunesc ai 30 de aost se pel veder l film horror “Saw VI”, en mèrtesc ai 31 de aost enveze l’é en program “L’apprendista stregone”. Dapò la setemèna che vegn per 4 outes sarà fora “Shrek”: mercol 1 de setember da les 17.00 e 21.00, jebia ai 2 e sabeda ai 4 da les 21.00.

La garejeda sarà ai 5 de setëmber. Pià via uniràl dala 10.00 danmesdì da Urtijëi, plaza Rezia, per sauté nchin sun la furcela de Saslonch. La lunghëza ie de 19,1 km cun n deslivel de 1.525 metri. L unirà nce fat na garejeda de nordich walking dal jëuf de Sela demez, for dala 10.00 danmesdì, nchin sun la furcela. L sarà da sauté 3 km cun i fusć. La garejeda fej pert dla grupa skyraces. La premiazion sarà dala 14.30 sun jëuf de Sela. Chësta edizion vën metuda a jì dal Hockey Club Gherdëina. Per nfurmazions plu avisa www.valgardena.it o www.hcgardena.com. Da se scrì ite iel nchin ai 3 de setëmber, paian ite 30 € per la garejeda de sauté y 20 € per chëla de nordich walking, pra la Lia dl Turism de S. Cristina, pra l HC Gherdëina o scrijan ora la zedula metuda ora tla purtines de duta la val dla Cassa Raiffeisen de Sëlva. Chëi che se scrij ite n l di dla garejeda messerà paië ite 35 € o 25 € per una o l’autra garejeda.

Al chino de Pardac

Anché sabeda ai 28 e doman domenia ai 29 de aost a Pardac va inant la programazion en 3D de “Shrek” con 2 apuntamenc, da les 17.00 e da les 21.15. L film de animazion é en program ence lunesc ai 30 e mèrtesc ai 31 da les 18.00, e ti medemi dis da les 21.15 se podarà veder enveze l thriller “The Box”. En mercol 1 de setember da les 21.15 vegnarà dat fora “Sansone” e en jebia ai 2 da la medema ora “A-team”. En vender ai 3 e en sabeda ai 4 de setember da les 21.15 vegnarà dat fora “Il segreto dei suoi occhi” e se podarà veder amò l film “Shrek” en 3D da vender ai 3 a domenia ai 5 de setember da les 18.00, e en domenia ence da les 21.15. Al chino de Tieser

Anché sabeda ai 28 de aost da les 21.15 se pel veder per la pruma outa l thriller “Giustizia Privata” e doman, domenia ai 29 da les 21.15 vegnarà moscià “L’apprendista stregone”. En lunesc ai 30 sibie da les 17.00 che da les 21.15 se podarà veder “Sansone”. En mèrtesc ai 31 de aost e en vender ai 3 de setember da les 17.00 e da les 21.15 se pel veder l film “Shrek”. Al chino de Ciavaleis Anché sabeda ai 28 de aost e doman, domenia ai 29 da les 16.30 e da les 21.15 se pel veder l film “Shrek”. En lunesc ai 30 da les 21.15 se podarà veder l film “Giustizia Privata” e en mèrtesc 31 da les 16.30 vegnarà dat l film de animazion “Dragon Trainer” e da les 21.15 enveze se podarà veder l film horror ”Saw VI”. Da vender ai 3 a domenia ai 5 de setember semper da les 21.15 vegnarà moscià l film ”Qualcosa di speciale”. Chino a La Ila: “L’era glaciale 3” Tla cornisc dles serades de chino a La Ila, vëgnel mostrè en mertesc al 31 de agost dales 21.00 le film animé “L’era glaciale 3”, tla Ćiasa de Cultura a La Ila. Organisaziun: AT Badia.

Per me 30,00 euro

na manifestazion 13,5 x 12 cm cun foto tla USC!

Musiga Prejentazion dla DVD Feelmusic

La Nëus Jëuni Gherdëina nvieia duc de cuer a unì ala prejentazion dla DVD che ie unida tëuta su ntan la sëira dl cuncors de mujiga Feelmusic 2010. On lascià fé na copia de chësta DVD che unirà spartida ora a duc chëi che à fat pea pra l cuncors de mujiga. Sambën ie nce duc i autri nteressei nviei a unì a ti cialé a chësta DVD, n vënderdi ai 10 de setëmber dala 20.30 inant tla sala di jëuni Saut a Urtijëi.

La palestra de arpizeda Nives ie davierta I orares de giaurida ie de setëmber, uni di dala 17.30 nchin la 22.00. De sada ie la palestra stluta. Nfurmazions pra Manuel Nocker, 334/5497706 o tl ufize di mëinacrëp, 0471/794133. Ladinia Beach Cup

En domënia ai 5 de setëmber se stlüj jö le Ladinia Beach Cup, cun la secunda y ultima tapa a San Ćiascian. Le turnier de beachvolley, che vëgn organisé dal U.S. La Ila, mët man dales 9.00, tl raiun dl sport a San Ćiascian. Por infos y iscriziuns pon cherdè sö le 347/0842309 o jì sön la plata internet www.uslaila.it. Do le turnier saràl la premiaziun dla miù scuadra di dui turniers dl Ladinia Beach Cup, organisé por le pröm ann dala US La Ila y le Volley Gherdëina. En gaujiun dla 10ma ediziun dl turnier de beachvolley sonarà ia por le dé le grup “Cosa Nostra” da Bornech. La “Sbulderèda” a Ciampedel Anché, sàbeda ai 28 de aost da les 15.00 su la strutura de rampinèda sportiva tel zenter sportif de Ischia per endrez del Val di Fassa Climbing vegn metù a jir na garejèda amatorièla de boulder “La Sbulderèda”.

Referac L gran itiosaur de Secëda Cunferënza de Marco Avanzini sun l itiosaur Cymbospondylus, de chël che n ova giatà i osc fossilisei tla vëtes de Fedoam sun Secëda. Per la festa iubilera di ”50 ani Museum Gherdëina” à Harald Schmalzl realisà deberieda cun Markus Insam l itiosaur de Secëda te grandëza naturela. L Museum de Gherdëina à l plajëi de ve nvië ala cunferënza de Marco Avanzini sul itiosaur Cymbospondylus de Secëda y d’autri saures tla Dolomites ncuei sada ai 28 de agost, dala 20.30, tla Cësa di Ladins a Urtijëi. Rucadic inier, ncuei y duman

Runcadic festejea l 25ejim aniverser dla cunsacrazion dla dlieja y 50 ani preve de seniëur Johann Tscholl. N merdi ai 31 de agost da sëira dala 20.30 saràl tla Cësa dla Lies dlongia la sënta nueva di destudafuech n referat sun l tëmp passà, l prejënt y l daunì de Runcadic. Referënt ie Josef Nössing. N puderà ti cialé a n film sun i mumënc senificatifs dla costruzion dla dlieja de Sant Ujep y l sarà nce da udëi na mostra de fotografies, chësc tla Cësa dla Lies dlongia la sënta nueva di destudafuech. La manifestazion vën metuda a jì dal Cunsëi de pluania.

♦ A ćiacia cun l’aparat da fà jö

♦ Conzerć dla Müjiga di Jogn dl’Alta

Proieziun de fotografies de Carlo Dapoz y Pire Ploner, ai 9 de setëmber a San Martin

I musicontri jogn dl’alta Val Badia tëgn deplü conzerć tla valada, mo inće foradecà. Le pröm é en lönesc ai 30 d’agost a San Ćiascian

Da rodè fora por la natöra cun l’aparat da fà jö incùnton de pices y de gran morvëies. Le Fotoclub Val Badia inviëia en jöbia ai 9 de setëmber a na serada de proieziun de fotografies, olache Carlo Dapoz y Pire Ploner mostrarà de chëstes morvëies, sot al titul “A ćiacia cun l’aparat da fà jö”. La serada mët man dales 20.30, tl salf dl Istitut Ladin a San Martin de Tor.

La Müjiga di Jogn dl’alta Val Badia, metüda adöm da mituns y mitans di paîsc da Calfosch, Corvara, La Ila, San Ćiascian, Badia y La Val, mët da jì tles proscimes edemes deplü conzerć, plü avisa en lönesc ai 30.08 dales 19.30 te salf dles manifestaziuns a San Ćiascian na defilada y conzert; en mercui al 01.09 dales 19.30 saràl te salf dles manifestaziuns a Calfosch na defilada y conzert; en sabeda, ai 11.09 a Rèba, en ocajiun dl’incuntada dles musighes di jogn ladines (defilada dales 16.00 y conzert), y en domënia ai 19.09 a Perca, en ocajiun dl’incuntada dles musighes di jogn dl Raiun da Bornech (defilada dales 10.30 y conzert dales 16.15). Düć canć é bel invià La Müjiga di Jogn dl’Alta tëgn deplü conzerć. da gnì a ascutè pro.

Carlo Dapoz y Pire Ploner mostrarà deplü retrać fać tratan süa “ćiacia cun l’aparat da fà jö”.

30

www.lauscdiladins.com


nr. 33 / 28 de agost 2010

Iadi, Jites y Escurscions Escursciun ala Uinaschlucht Les Lies da Munt Val Badia mët da jì en domënia ai 5 de setëmber na escursciun ala Uinaschlucht (Sesvenna - Vinschgau/Svizra). An va cun le bus ćina a Watles (za. 3 ores), spo sö cun le lift y inant por na sëmena dër panoramica ćina ala ütia Sesvenna. Da dailò inant sura le Schliningpass y por la Uinaschlucht ćina Sur-En tla Svizra y dedô zoruch cun le bus. Le deslivel é de 400 m söpert y de 1200 m jöpert, por n tëmp da jì de za. 6 ores. Infos y prenotaziuns ćina ai 2 de setëmber al nr. 340/4910875. Jita te Sarntal nchin a Astfeld L Muvimënt catolich dl’ëiles mët a jì chësta jita n merdi ai 7 de setëmber. N jirà a ti cialé a na “Federkielstickerei”. L unirà pià via a S.Cristina, Hotel Dosses dala 8.30. N possa senté su pra duta la stazions dla curiera. N possa se nuté su y paië ite pra la Cassa Raiffeisen de S.Cristina. L priesc ie de 40 euro per l viac y la marënda zënza buandes. Plu nfurmazins pra Anneliese Kasslatter, 339/6783073. Viac a Montegrotto Terme La grupa KVW de Sëlva mët a jì da juebia 4 de nuvëmber a juebia 11 de nuvëmber, n’ena de cures y bona ueia tl Hotel Terme Augustus, a Montegrotto Terme. Nviei a unì pea ie duc chëi che ie scric ite pra l KVW de duta Gherdëina cun si families. N puderà se scrì su dai 1. de setëmber inant pra Rudolf Mussner, 0471/795344. L priesc per l viac y l hotel ie de 480,00 € per persona tla majon cun doi liec y de 540,00 euro tla majon cun un n liet. Jita de doi dis a fé l Pfunderer Höhenweg I jëuni dla Lia da Mont de Gherdëina nvieia duc a unì pea n sada ai 11 de setëmber a fé l Pfunderer Höhenweg. Pion via dala 7.00 daduman sun plaza S. Antone per furné a Pfunders. Da iló muerons cun n bon var de viers dla Hochgrubbachspitze ulache l unirà zelebrà na mëssa. Da sëira durmiran tla Tiefrastenhütte ulache l ne sarà dessegur no da stufé. N dumënia fajerons l Pfunderer Höhenweg. L sarà na beliscima jita per de tei che ie usei a jì lonc. Da tò pea iel da maië y da bever per doi dis, l ABO+ (chiche l à) y truepa bona ueia. Per nfurmazions plu avisa y per se nuté su prions bel de cherdé su tl ufize dla Nëus Jëuni Gherdëina al numer 0471 799006 o de scrì a info@njg.it. N possa se lascé nuté su nfin n sada ai 4 de setëmber. Jita da Pederü a La Val La Lia da Mont de Gherdëina mët a jì na traverseda da Pederü a La Val passan per la Piza S. Antone (2.656 m) n dumënia a 5 de setëmber. L sarà da fé n deslivel de 1.300 metri, da jì plu o manco 6,5 ëura. N possa se nuté su nchina n vënerdi, 3 de setëmber a Urtijëi da Ciofes Inge, a S.Cristina da Sport Service y te Sëlva da Sport Bruno Riffeser.

Religion Renforzè la fede - i cursc por renovè la fede va inant da d’altonn Da d’altonn va inant i cursc de aprofondimënt dla fede cun la referënta Michaela de Beyer. A La Ila vàn inant cun le tema “Bibia” y al ti gnarà ćiarè deboriada al vagnele dla domënia tres letöra, catechesa, dialogh y oraziun. A San Martin tràton chësc ann le tema “oraziun”: deboriada ćiararàn ći che l’oraziun é, ći formes che al é, co che an po ti jì pormez a dificoltês etc. Intrami i cursc vëgn tignis da setëmber 2010 a mà 2011 (indöt 30 iadi), vigni mercui (dai 22. 09 inant) dales 17.00 ales 18.30 a San Martin, y dales 19.30 ales 21.00 a La Ila, dagnora te calonia. Porsones nöies che oress tó pert al grup po gnì zënza impëgn ales prömes döes incuntades y tó dedô la dezijiun sce fà para o manco. Infos ciafon a pè de dlijia te vigni paîsc o sön la plata internet www.glaubenserneuerung.de.

Informazions y Manifestazions ♦ Scora por geniturs a Corvara Te cin’ referać vëgnel tratè l’educaziun di mituns dai 2 ai 6 agn, l’eté olache i mituns fej ion le mül Le Katholischer Familienverband de Südtirol mët da jì chësc altonn en colaboraziun cun le Consëi de Formaziun dl Comun da Corvara la scomenciadia formativa dal titul “Scora por geniturs”, cun chëra che an à intenziun de i pité a geniturs la poscibilité da renforzè sües competënzes tl ćiamp dla educaziun di mituns. Te indöt 5 referać gnaràl tratè l’educaziun di mituns dai 2 ai 6 agn. Al é l’eté olache i mituns fej ion le mül, conesciüda por todësch sciöche “Trotzalter”. L’eté olache i geniturs é particolarmënter damanà da i stè do a sü mituns. Propi te chësta fasa à i mituns bojëgns da gnì sostegnis te süa capazité de independënza, tl svilup dl lingaz, dla fantasia y dl control de se instësc. Al gnarà baié danter l’ater dla funziun di geniturs y de sües competënzes, dles fases de svilup di mituns, di stils d’educaziun, la comunicaziun, le raport danter i geniturs, l’educaziun religiosa. Referënta é la ddot.ra. Margarethe Mayr, psicologa y psicoterapeuta. Por la pert sön l’educaziun religiosa n’àn nia ćiamò l’inom dl/a referënt/a. I referać mët man ai 29 de setëmber, y jarà inant vigni mercui por indöt 5 iadi, tl salf de calonia a Corvara, dagnora dales 20.00 ales 22.30. Le costimënt é de 50,00€ a porsona (75,00€ por pêrs). L’iscriziun é de oblianza, dal momënt che al é preodü la partezipaziun a düć i 5 referać y che le numer de partezipanć é limité a n minim de 10 ćina a n mascim de 16 porsones. An po s’anunzié bele da atira pro Roland, al numer de fonin 335/5629824.

Temp liede Jita tl zënter di vierces a Bulsan

La grupa di jëuni de Sëlva mët a jì na vijita tl “Blindenzentrum” de Bulsan. Iló puderá duc purvé ora a jì n tòch te na sala che ie defin scura, per pudëi capì coche n vierc fej tla vita da uni di. Ora de chel uniràl n puech spligà de chësc pruiet y povester iel monce la puscibltà de maië da cëina “tl scur” cun i culaburadëures dl zënter. La vijita sarà n sada, ai 18 de setëmber. Per plu nfurmazions y per se lascé nuté su sëis priei bele de cherdé su tl ufize dla Nëus Jëuni Gherdëina al numer 0471 799006 o de scrì a info@njg.it Trix, domesdì de juesc per families y mutons

Ncuei sada ai 28.08., domesdì de juesc da mëisa per families y mutons dla scolina, scola elementera y mesana a Urtijëi te calonia, dala 14.00 ala 17.00. Unide duc a fé juesc deberieda cun d’autra families y d’autri mutons. Puderëis crì ora danter i plu biei juesc da mëisa dl mumënt. L nvieia la grupa TRIX dl VKE sezion Gherdëina. Trix da sëira per jëuni

Ncuei sada ai 28.08., sëira de juesc da mëisa per jëuni y granc a Urtijëi tla Cësa di jëuni, ert y cultura, dala 20.00 nchin la 24.00. Unide duc a mparé a fé vel’ juech nuef y a ve devertì cun nëus! L nvieia la grupa TRIX dl VKE sezion Gherdëina.

Sozial Secudì zachei de familia a cësa

L Servisc sozio-saniter de Gherdëina nvieia duc i familieres nteressei ala ancuntedes dla grupa de auto aiut de chëi che à te familia zachei da secudì. N se anconta n lunesc ai 6 de setëmber dala 16.00 – 18.00, a Urtijëi tla Cësa de Paussa tl 5. partimënt. Referënta ie Carmen Kostner, 339/2864026.

♦ Josef Kostner mët ora tla galaria Prisma

♦ Mostra de Daniele Marcon

“Troies de vita” ie l titul dla mostra de Josef Kostner, che ie da udëi dai 4 nchin ai 25 de setëmber tla galaria Prisma a Bulsan

La Lia Mostra d’Ert à l plajëi de Ve nvië ala giaurida dla mostra dl artista Daniele Marcon, n vënderdi ai 3 de setëmber dala 20.30 tl self dla mostres dla Lia Mostra d’Ert a Urtijëi

Tl svilup artistich de Kostner vëijen ora trëi tendënzes desferëntes de esprescion. Tl prim se lasciòvel ispiré dai crëpes, te n segondo tëmp, da formes vegeteles y plu inant iel jit via sun si majer nteres, che ie l stude dla persona. Ma de chësta ti nteressova plu che auter l’anima y l sentimënt. Te si lëures à Josef crià n liam danter l’emozion persunela de chël mumënt y la figura che ël ulova reprejenté. Ël nstes dij: “Ove for l cë plën de ideies y cun i ani n fòvel for de plu.“ Perchël iel nce stat debujën de lascé ora si sentimënt tl'ert, tan inant che i lëures deventova cun i ani for plu da temperamënt. I lëures de Josef, che ie da udëi a Bulsan, mostra su i auc y basc dla vita te duta si formes de esprescion. La giaurida dla mostra ie ai 3 de setëmber dala 7 da sëira. I orares ntan l’ena ie, da merdi nchn a sada dala 10.00 nchin ala 12.30 y dala 16.00 nchin ala 19.00. Troies de vita de Josef Kostner.

La mostra resta davierta nchina n sada ai 18 de setëmber. I orares de giaurida ie, de lunesc, merdi y mierculdi, dala 16.00 - 19.00, de vënerdi y sada, dala 17.00 - 21.00 y de dumënia dala 10.00 - 12.00 y 17.00 - 21.00. L artista Daniele Marcon ie nasciù a Marostica tl 1965. Ël se dà bele ju da passa vint ani cun l’ert se nuzan dla tecnica dl “assemblage”. Do avëi arjont l diplom d’ert tl’Academia de Unieja, àl scumencià a jì tl plu sot dl’ert dl esprescionism, per abiné pona plu tert tl’ert primitiva l’ispirazion per si opres. N ucajion de viages tl cuntinënt asiatich àl l mesun de cunëscer formes esprescives de cultures desfrëntes che sarà de mpurtanza fundamentela per si atività artistica. L se mudé dla sajons dà dant la metodologia de lëur dl artista, che se nuza de materiai desfrënc, n tòch de stof, na man de forba, n fil, na gota de cëira. Taië ora y cujì, tò adalerch y mëter inò adum per abiné te si chedri resonanzes y armunies. “Pernanche n cheder ie finà devënta l liam plu sutil y plu ntim danter l’opra nstëssa y l artista”. (www.danielemarcon.com) N’opra dl artista. www.lauscdiladins.com

31


Informazions y Manifestazions Avisc Udiënzes cun l’Uniun di Ostis

La Uniun di Ostis HGV tëgn udiënzes inće tla Val Badia, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen a La Ila. Avis dal’assoziaziun dla Sclerosa multipla de Puster/Val Badia

nr. 33 / 28 de agost 2010

♦ Mostra sa Nudrëi La Lia Mostra d’Ert à l plajëi de Ve nvië ala giaurida dla mostra “Schnellkochtopf III“, ncuei sada ai 28 de agost dala 3 domesdì inant sa Nudrëi

Chësta assoziaziun é gnüda metüda sö por che les porsones atocades dala maratia pois laurè sö damì la maratia. Al vëgn metü da jì na incuntada n iade al mëis, vigni pröm vëndres dales 19.30, tla pizzeria “Alte Post” a San Laurënz. Tl grup àn l’ocajiun da conësce porsones nöies, se baratè fora esperiënzes y sentimënć, superè tëmes y se capì damì se instësc. Informaziuns ciafon pro Edith Nagler al nr. 0474/772593 o al 335/8311222. Edema di Jogn 2010

Dai 6 ai 12 de setëmber vëgnel metü da jì l’Edema di Jogn 2010, sot al tema “Prezius este tö dan mi edli”. Chësc le program: lönesc ai 06.09 dales 20.00, mëssa de daurida a Oies; mertesc ai 07.09 dales 20.00, curs da fà cocktails analcolics cun Ivan Atzwanger dla Trendy Bar, te salf dles manifestaziuns a La Pli; mercui ai 08.09 dales 20.00, turnier de calceto y cartè te Sorvisc ai Jogn. Da se prenotè anter i 6 de setëmber - cost: 3,00€ a porsona; jöbia ai 09.09 dales 19.30, film “L’ottavo giorno” cun discusciun, te salf di jogn a Badia; vëndres ai 10.09 y sabeda 11.09 - iade a pé a Weissenstein (ćiara info dessot); domënia 12.09 dales 8.30, mëssa de contlujiun a Calfosch. Prenotaziuns desvalies te SaJ al nr. 0474/523070. Avis dl iade a pé da Oies a Weissenstein

Tla cornisc dl’Edema di Jogn vëgnel metü da jì le iade a pè da Oies a Weissenstein. Al é döes poscibilitês: an po pié ia da Oies ai 10.09 o zënza saràl ai 11.09 na coriera che condüj ćina söl Ju de Ćiarëza (Karerpass), y da dailò inant a pè. La prenotaziun vel cun le paiamënt de 50,00€ (dui dis) o 15,00€ (un n dé) söl cunt dl Grup Decanal - IBAN IT05I 08010 58180000302009285, y menè ite na copia dl paiamënt al nr. de fax 0474/524312. Cun le paiamënt éson scrić ite, mo por rajuns d’organisaziun vëgnel impò perié inće da telefonè te Sorvisc ai Jogn al nr. 0474/523070. Orars dla coriera: 4.30 Longega, 4.40 burćia da San Martin, 4.50 Pidrô (Posta), 5.00 Badia (Comun), 5.10 La Ila (Ladinia), 5.20 Corvara (Col Alt) y 5.30 Calfosch (Alimentars Pescosta). Cëna de chi dl 1950 dla Val Badia

Al vëgn organisé n iade dla tlasse dl 1950 de döta la Val Badia, en sabeda ai 25 de setëmber. An va a Madonna della Corona y Lech de Garda. Informaziuns y prenotaziuns pro Giovanni Complojer (Jonson) anter i 15 de setëmber, fonin: 335/5232892. Cunsulënza dla Zentrela di cunsumadëures a Urtijëi

Nuzëve dla ucajion che l KVW ve pieta n mierculdi ai 1. de setëmber, dala 15.00 ala 17.00 canche l auto dla zentrela di cunsumadëures unirà a Urtijëi sun plaza Stetteneck à nfurmé y dé cunsëies n cont de telecomunicazion, assegurazions, sté y frabiché, cumpré tres internet da stati oradeca, register per tenì i conc de cësa online, proa di udleies da surëdl, museré la raiazions dl fonin y n.i. Udienza dla aucata populera a Urtijëi

Uni doi mënsc dà la aucata populera udienza a Urtijëi. La proscima udienza ie n juebia ai 2 de setëmber te Cësa de Chemun, tla streda Roma 2, dala 9.30 nchin la 11.30. Per plu nfurmazions y per se nuté su pòssen cherdé su l 0471/301155. Museum de Gherdëina daviert plu giut d’instà

Ntan l mëns de agost ie l Museum de Gherdëina daviert da lunesc nchin vënerdi for dala 10.00 – 12.00 y dala 14.00 – 18.00. Un n di al’ena iel daviert nce da sëira y plu avisa de juebia, dala 20.00 – 22.00 y pona mo la dumënia domesdì dala 15.00 – 18.00. Per nfurmazions o per apusté na vijita meneda, pòssen cherdé su l 0471 797554. Estrazion di pesc’

Tla biblioteca San Durich iel n merdi ai 31 de agost dala 15.00 l’estrazion di pesc’ dl’azion de liejer de instà. Danter duc chëi che à dat ju la tessera per tëmp y ëura, (dan la 12.00 dl 31 de agost) uniràl trat ora de biei pesc’. Biblioteca Oswald von Wolkenstein davierta nce da sëira

Nchin ala fin de agost resta la biblioteca “Oswald von Wolkenstein” de Sëlva davierta de merdi, mierculdi, juebia y vënerdi nchin la diesc da sëira. Biblioteca T. Gruber davierta nce da sëira

Orar de giaurida dla biblioteca: merdi dala 15.00 ala 18.00; mierculdi dala 8.30 ala 11.30, dala 15.00 ala 18.00 y dala 19.30 ala 21.30; juebia dala 8.30 ala 11.30 y dala 15.00 ala 18.00; vënderdi dala 15.00 ala 18.00; sada dala 19.30 ala 21.00; dumënia dala 9.45 ala 11.30. Cuncors dla verdia de finanza

La bandida de cuncors per tituli y ejams per tò su 27 ”Allievi Ufficiali” ie unida publicheda tla Gazzetta Ufficiale nr. 61 di 3 de agost (4. serie speziela). La dumandes messerà unì dates ju nchin ai 17 de setëmber 2010. Nfurmazions plu avisa y i formuleres per la dumanda ie da pudëi desćiarië ju dala plata internet dla verdia de finanza sot al adres www.gdf.it.

Mostres

La cherta che mostra co jì sa Nudrëi.

N “Schnellkochtopf.“

L sarà n valgun artisć da tlo che mët ora si opres de ert: Andrea Cazzaniga, Silvia Cuncu, Egon Dejori, Leonardo De La Fuente, Markus Delago, Gerald Demetz, Xavier Escala, Arnold Holzknecht, Andreas Kondrak, Hubert Kostner, Matthäus Kostner, Andreas Linder, Octavio Llorens, Nadia Mair, Jamila Moroder, Miko Pavoni, Diego Perathoner, Erich Perathoner, Fabio Perathoner, Igor Perathoner, Simon Perathoner, Christine Runggaldier.

♦ 37ejima marcia Luis Trenker Stimei zitadins de Gherdëina y dla valedes ladines! La Lia di Ciambonfs de Gherdëina à l plajëi de nvië ai 4 y 5 de setëmber te Sëlva a fé pea la marcia Jì a pe ie na bona medejina per corp y ana, y perchël ie duc nviei de cuer a fé pea la marcia y a passé n valgun’ ëura deberieda. Trëi raides nueves, de 6, 12 y 21 km, porta a Ntan una dla edizions passedes dla marcia. cunëscer troies ntëur Sëlva y S. Cristina, y ti cunsion a uniun de se tò dl’aurela de ti cialé nce mpue a nosta bela montes ntëurvia. Pià via vëniel sun plaza de chemun, ulache l ne mancerà segur de no na mujiga da druch, zeche de bon da maië y da bever. N bënunì a Vo duc dla valedes ladines y ntëurvia y dantaldut a chëi de Gherdëina che speron de pudëi saludé te chisc dis de manifestazion. La Lia di Ciambonfs cun si presidënt Reinhold Bernardi tol l’ucajion de rengrazië duc chëi che juda pea ntan l ann. Nce la Lia proa a judé inant!

♦ Conzerć dl cor di jogn

ProVoXis Ai 4 de setëmber a Corvara y ai 5 de setëmber te Sëlva Le cor di jogn ProVoXis inviëia a dui conzerć. En sabeda ai 4 de setëmber dales 21.00 gnaràl tignì n conzert a Corvara, tl salf dles manifestaziuns F. A. Rottonara. La domënia ai 5 de setëmber dales 21.00 vëgnel tignì n conzert te Sëlva, tla Ćiasa de Cultura Oswald von Wolkenstein. Sön le program él stils de musiga desvalis, che va dal gospel ala musiga da film, y tòć de componisć sciöche Freddy Mercury y John Rutter. Düć canć é bel invià da gnì a ascutè sö.

Mostres de la Museghes de Fascia

Dai 29 de aost ai 4 de setember, tel chèder de la radunanza de la Museghes de la Ladinia, vegn endrezà cater mostres da man de la Bandes de Fascia. A Cianacei te sala de consei de comun con orarie 20.00-22.00, a Poza te sala a pian teren te Ciasa de Comun con orarie 16.00-18.30 e 20.30-22.00, a Vich te Ciasa Marmolada e a Moena te sala proes de la Banda, strèda Zerilo Dellantonio Bora, avertes da les 20.00 a les 22.00.

32

www.lauscdiladins.com

Le cor di jogn “ProVoXis” ćianta a Corvara y te Sëlva.


Informazions y Congratulazions

nr. 33 / 28 de agost 2010

Segres y Festes A Cianacei la 31^ edizion de la Gran festa da d’Istà

Les mius aodanzes a nosta lâ

Da jebia ai 2 a domenia ai 5 de setember a Cianacei vegn endrezà la 31^ edizion de la “Gran festa da d’Istà”. Cater dis de legreza, devertiment, musega, bai e folclor che chest an sarà amò più riches ajache te chisc dis vegn endrezà ence la radunanza de la Museghes de la valèdes ladines. L tendon te Parèda aur en jebia da les 19.00, da les 20.30 conzert de la cater Museghes de Fascia. Sobito dò conzert del grop dal bal “Hattinger Buam”. En vender sera mùsega col grop “Nordwand” e en sàbeda da les 11.00 Frühschoppen col grop “Alpencasanovas” che sonarà ence da les 17.30, enveze da sera musega da bal col grop “Die Grafen”. En domenia ai 5 de setember da les 10.00 vegn dit messa tedant tendon e da les 14.30 pèrt la defilèda de la museghes e gropes de folclor de la Ladinia. Dò la defilèda gran conzert de la museghes e ejibizion di gropes da bal. La festa se sera sù co la musega del grop “Die Pucher”.

Celestina Valentin

Na festa spezièla te Val de Sèn Nicolò

Doman, domenia ai 29 de aost te Val de Sèn Nicolò aló da la ciajaa de Lino Detomas, Lifeline Dolomites co la colaborazion del Comitat Manifestazions de Poza, endreza la festa de l’amicizia e de la solidarietà co l’amich dotor Carlo Spagnolli. Na giornèda spezièla... con n amich spezièl e col recort vif de sia femena Angelina, che ne à lascià ai 11 de firé de chest an. Runcadic festejea

La cumenanza de Runcadic à l unëur de fé festa per doi rejons: n iede per i 25 ani dala cunsacrazion dla dlieja nueva de Sant Ujep y pona nce per i 50 ani da preve de Seniёur Johann Tscholl. N merdi ai 31 de agost saràl tla Cësa dla Lies, dala 20.30 n referat sun l tëmp passà, l prejёnt y l daunì de Runcadic, n film sun i mumёnc senificatif dla costruzion dla dlieja de Sant Ujep y na mostra de fotografies che à da n fé cun i doi aniverseres. N vёnerdi, ai 3 de setëmber saràl dala 20.30 na sёira de bona ueia per festejé seniëur pluan Johann Tscholl, metuda a jì dal cor de dlieja de Runcadic, dal cor di mutons, dala grupa de teater, dala grupa dl’ёiles dla pluania, dala grupa 50 plus y da mutons, mutans y jёuni dl luech. Nce i “Ladiner “abelirà la festa cun n valguna cianties. N dumёnia ai 5 de setëmber, dala 8.45, ulerons sentì gra cun na pruzescion y la gran mёssa cianteda dal Cor de dlieja de Runcadic deberieda cun l’urchestra. Do mёssa saràl sun plaza de scola na pitla festa metuda a jì dai Destudafuech dl luech. “Paîsc in festa” a San Ćiascian

La festa tl paîsc da San Ćiascian vëgn metüda da jì por l’ultim iade, en mercui al 1. de setëmber dales 16.00 inant. An podarà ciafè de bun patüc da mangé pro i stonć gastronomics, n pice marćé de produć tipics dl post y produć artejanai. Dales 17.00 inant vëgnel metü da jì n curs de ladin cun Hilda Pizzinini, tla scora elementara dl paîsc. Dales 19.00 inant sonarà spo la “Albeinser Böhmische”.

Congratulazions Na cossa nia da crëi, mo che é vëi y fej plajëi, y che a

“chël plü pice” da urëi bun, bel düt l’bun por i 18 agn ti auguré pudun. Che te vëgnes da śëgn inant tres plü cosciënt de te instës y madü, chël savunse bëgn sigü. Y che döt l’miù che te te dejidrëies da tüa vita pois se averè, chël sperunse dassënn düć nos pur te.

Agreiter

che à cumplì ai 25 d’agost la bela eté de 95 agn. Düt l’bun, sanité y ligrëza da Nando y Rita y i nus David, Debora, Daniel y Dominik

Ai 21 de agost inće

Noemi à fat i 18 agn. Döt le bun y che te restes tres inant tan da urëi bun te audun de cör. Rafael, Rosa, Claudio, tüa tota Ilda y Tina

Ai 1 de setëmber complësc

Colin un n ann. I urùn ti auguré düt le bun. I geniturs Janes y Jana, i nenesc Carlo, Daniela y Magdalena, la besaona Maria y le tot Julien

A Fabio Somea angern che t’es nasciù, e varda coche t’es cresciù… 18 egn t’as compì… no tu vedee l’ora che rue chesta dì…!! Resta semper valent coscita e che sie legreza, duta toa vita!! Tenc de augures volon te far e duc ensema festejar!!

Te aoda mama, pere y Sylvia Mama, papà, Angela, la “tata” e duc chi de ciasa. Aiaiai, an sënt la sëi! Le plö bel jonn da San Ćiascian, mo cun n’ëra mai da odëi! An spera por chisc 18 agn che tö complësces, che l’erba sö dal sorëdl crësces, por che tö la varizia mai patësces. N bel festun pòl dè ca y nos deperpo tües mascinns junse a desfà! Baié indortüra l’ladin n’é por te nia saurì, mo almanco est’ pa da rì inće sce an se stënta da se capì! Düt le bun y n festun se audun! Y nos dijun: “E Gabbo!!” Tü compagns: Manić, Valz, Tromba, Pinga, Sem, Giuly, Gertur, Robertino, Milaus, Tony, Rangi y tüa só.

Poza, ai 26 de aost del 2010

A

Monica y Hermann per i 45 ani maridei che festejëis ai 30 de agost dut l bon, sanità y mo truep de biei ani deberieda. Ve rengrazion per dut chël che ëis fat per nëus, per l bon ejëmpl, la pazienza y l amor da vosc mutons Maria, Erwin y Karin cun families

www.lauscdiladins.com

33


Religion, Vita y Mort

nr. 33 / 28 de agost 2010

Vangel dla Domenia

Lecort Ulon se lecurdé cun na Santa Mëssa te dlieja de Urtijëi

22. Domënia ia por l’ann C, ai 29 d’agost 2010 Dal vagnele do San Lüca, 14, 1.7-14

de nosta sor

Sabine Moroder che nes à lascià dan 16 ani. Chëi de familia.

Recordanza “Ci che é restè é l’gran amur che düć nos ùn albü pur te.”

Gejù ê rové n dé de sàbat a past tla ćiasa de n farisê alangrana y la jënt l’osservâ. Canch’al odô, sciöche i ghesć se chirî fora i posć de onur, àl tut l’ocajiun por i dè n insegnamënt. Al ti à dit: “Sce t’es invié a na noza, no te chirì fora le post d’onur. Deache al podess ester invié n ater, che é plü nobl co tö. Al podess spo gnì chël che à invié tè y l’ater, y te dì: lasci lerch a chël. Tö messass te dodè y jì a tó ite l’ultimo post. Sce t’es invié, va, canche te vëgnes, a tó ite l’ultimo post; spo gnarà chël, che t’à invié, y te dijarà: mi amì, vì ma plü inant! Chësc sarà por tè n’onur dan da düć i atri ghesć. Deache chël che s’inalza gnarà umilié, y chël che s’umiliëia gnarà inalzè. Spo ti àl dit a chël che l’à invié: sce t’ofrësces da misdé o da sëra n past, spo ne stè a invié tü amisc o tü fredesc, tü parënć o tü vijins rić; zënza t’inviëii inće ëi, y cun chël te vëgnel döt indô retü. Nou, canche t’ofrësces n past, spo inviëia ite püri, storpià, zoć y verc. Tö saras beat, deache ai ne po nia t’al rete; al te gnarà retü dala ressoreziun di iüsć.” Parora dl Signur. - Lalt a té, Gejù Crist!

Valentina te vires inant te nüsc cörs. L’Grup Decanal

Na aziun dles Cöres dla Val Badia

"Iö feji impara!"

Recort Recordun

Othmar Costabiei tla Santa Mëssa insnöt sabeda ai 28 d’agost dales 18.00, tla gran dlijia da Corvara.

Lecort Ai 2 de setëmber iel n ann che

Tone Kelder da Poz nes à lascià. Ulon se lecurdé de ël ntan na santa mëssa n juebia, ai 2 de setëmber da mesa la nuef daduman, te dlieja San Durich a Urtijëi.

La verité de Dî pòn confrontè cun le splendur dl sorëdl, a chël ch’i ne podun nia ti ćiarè a edl desnü. Dal sorëdl ciafunse ma i rais dl lominus y dl ćialt y porimpò ne podunse nia vire zënza. Al pê püch, mo i efeć é sostanziai por vigni forma de vita sön chësta tera. Insciö ésera inće cun Chël Bel Dî: i ne l’odun nia tl müs, mo i savun sciöch’al ćiara Lois Kastlunger, 54 fora tres les parores dl vagnele y i odun süa agn, La Ila presënza te döta la creaziun. Da pici insö orunse capì le monn incër nos ia y ti dè n significat a döt cant. Insciö ésera inće cun la vita instëssa y dailò él la religiun che nes dëida da ciafè respostes, valurs, fins y significać. Iö feji indô impara por daidé testemonié la valüta dla fede y ti dè visibilité a Chël Bel Dî, por daidé chirì formes de manifestè l’ester cristians tl vire adöm tla comunité, por ne perde nia l’orizont spiritual tles cosses ch’i feji vigni dé y por ponsè para a livel de cöra y de decanat tla reorganisaziun dla pastorala. Le Consëi de Cöra davagnarà tl dagnì de importanza y al ô ester porsones che é “be-geistert” (implides de spirit) dala y por la Parora de Dî. Fej inće tö impara! Ai 7 de novëmber 2010

él les lîtes di consëis de cöra.

Lecort

´ Tö a desposiziun! Mëtete ince

Melitta Moroder Ai 2 de setëmber iel 2 ani che nosta bona oma y lava nes à lascià. Se lecurdon de ëila pra na santa mëssa n chël di, dala 8.30 te dlieja de San Durich a Urtijëi. Rengrazion duc chëi che unirà.

Recort

Genoveffa Irsara nasciüda Agreiter, morta ai 19 d’agost 2010. “Ti ùn dè zoruch a Chël Bel Dî na porsona, a chëra che ti ùn orü tan bun y che Ël s’â ma imprestè.”

Fam. H. Moroder Doss

Orun rengrazié de cör düć chi ch’à tut pert a nosc dolûr, che s’é stà dlungia y s’à daidé cun val’sorvisc te chisc ri momënć; düt chësc à alisiré nüsc cörs, s’à dè forza y s’à fat bun.

Lecort L ie bele 25 y 15 ani ca che nosc cari Rudi y Franz à messù lascé la vita. Ulon se lecurdé de ëi cun amor y recunescënza n mierculdi, ai 1. de setëmber, pra la santa mëssa da mesa la nuef daduman, te dlieja de Urtijëi.

Rudi Runggaldier Sodlieja 30.11.1964 – 1.9.1985

34

www.lauscdiladins.com

Rengrazion duc chëi che se lecorda de ëi tl pensier y tla urazions. Ne Ve desmincian mei, Clara y Ingrid cun familia.

“Al é ma dui punć che liëia adöm la vita y la mort: l’amur y la fede.” L’om Riccardo y i mituns Maria Pia, Carlo y Sepl cun families

Recort

Vale, Franz Runggaldier Sodlieja 8.2.1934 – 3.2.1995

al é bel’ passè n ann da canche l’Signur t’à cherdè, mo le recort che tö nes as lascè ne passarà mai. Te recordun inant te nostes oraziuns. Tü cumpagns di Kyrios


Inserac

nr. 33 / 28 de agost 2010

Crì da laour N ël chier da lëur coche bardian. Tel. 339/1750175. (31/10) ••• N’ëila chier da lëur da setëmber inant a rumé su majons. Tel.3284721667. (31/10) ••• N ël chier da lëur a lavé ju te na cësadafuech. Tel. 389/7994777. (31/10) ••• N ël de 38 agn cun patent C y D chir n laur sciöche ciafêr o inće n ater laur. Tel. 340/1655669. (31/10) ••• N’ëila chier da lëur a cialé de na persona de tëmp o a rumé su majons. Tel. 331/5968130. (32/10) ••• N ël chier da lëur te n hotel a lavé ju o a fé de uni sort de stroc. Tel. 377/1406737. (32/10) ••• N pêr jonn dl post cun n picé möt chir da atira da cumprè n terac da podëi frabiché o na picia ćiasa, poscibilmënter a Calfosch. Tel. 340/2960164. (32/10) ••• N’ëila dla Romania de 38 ani chier da lëur a rumé su majons per la sajon da d’inviern. Tel. 349/3336850. (32/10) ••• N ël cun esperienza chier da lëur coche

Da scinché ia

pizzaiolo o a fé de uni sort de stroc. Tel. 320/4866241. (32/10) ••• N ël chier da lëur a lavé ju te na cësadafuech. Tel. 331/3375023. (32/10) ••• Na ëra dl post chir laûr por n mëis, da atira. Telefonè al nr. 331/8151546. (32/10) ••• N’ëila cun esperienza chier da lëur a cialé de na persona de tëmp a Urtijëi o te Gherdëina. Tel. 340/5298027. (33/10) ••• N ël cun esperienza chier da lëur coche cuech. Tel. 348/9159627. (33/10) ••• N ël chier da lëur coche aiut per n pizzaiolo o nce a fé de uni sort de stroc. Tel. 339/1750175. (33/10) N ël chier da lëur a lavé ju, a judé te cësadafuech, a fé d’uni sort de stroc o nce l vardian. Sce l ie mesun te Gherdëina. Tel. 327 8378389. (33/10) •••

Da scinché ia L vën dat ca n vedl gran schermo per n computer belau mei adurvà. Tel. 331/3667234. (33/10)

L Chemun de Sëlva chier per la scolina 1 aiut per la cuega, 3. cualifica funzionela cun orar al 50% (19 ëura/ena) La stiëra ie per l ann de scola 2010/2011. La dumandes ie da dé jù nchin ai 3 de setëmber 2010. Per nfurmazions plu avisa pòssen cherdé su l’ufize personal dl Chemun, tel. 0471/772142 o 0471/772132.

Hotel La Perla a Corvara che fej pert di “The small Leading Hotels of the World” chir por la sajun da d’invern na porsona por le “booking“ na porsona por le “front office“ cun conoscënza de talian, todësch y ingleje. Porsones che conësc le program por hotì ASA tira dant. N/na conditer/a n/na secundo/a conditer/a cun conoscënzes de basa da arjigné patüc duc tiroleje n/na chelner/a por bar na chelnera por salf Al vëgn damanè na bona conoscënza de talian, todësch y ingleje. n/na porsona por le zënter de bëgnester na ćiamenëssa Les porsones interessades po menè le curriculum con autorisazion ai dać personai tres e-mail a info@hotel-laperla.it o por fax a 0471/836568.

L vën dat ca doi de pitli giac da trëi culëures. Nteressei possa cherdé su l 333/3988656. (33/10)

inserac@lauscdiladins.com

Da vende L vën vendù n njin da fé pëisc Unica dla TechnoGym cun na “panca“. Tel. 338/4848678. (31/10) ••• L vën vendù na Panda blancia dl 2003 cun 94.000 chilometri a 2.500 euro. Tel. 320/7233433. (32/10) ••• Da vëne n casco da jì cun le scooter, adorè püch, cöce, sciöche nü. Tel. 333/9293877. (32/10) ••• L vën vendù n Audi S5 dl 2009 cun 15.000 km, blanch cun optionals. Tel. 335/8067229. (32/10) ••• Al vëgn venü n tlarinet en B nü a n bun prisc. Tel. 328/5669703. (32/10) ••• Al vëgn venü n Fiat Grande Punto 1.9 dl 2006, corù fosch. Tel. 333/5930397. ••• L vën dat ca a n bon priesc ciauzei de lach dla marca Geox, tan che nueves, trac sëura doi iedesc, numer 38 che va bën per servì. Tel. 0471/792036 o 335/6610470. (32/10) ••• L vën vendù n australian shepherd. Tel. 335/6756570. (33/10) ••• Da vëne a n bun prisc n Quad Suzuki LTZ 400 tignì dër bun y colaudè chësc ann. Por informaziuns 340/4878309. (33/10)

Da chirì L vën crì na mascin da lavé jö dla Miele, pitla mesura. Tel. 339/8533723. (31/10) ••• L vën cris n penic y scarpiei. Tel. 335/6018754. (31/10) ••• N per che sta a Urtijëi chier n cuatier cun doi majons da tò a fit te Gherdëina. Tel. 346/6073656. (15.00 - 17.00) (31/10) ••• Doi jëuni dl post chier n cuatier per doi persones da to a fit te Gherdëina. Prëibel cherdé su l 333/3022122. (31/10) ••• N’ëila da tlo chier da dezëmber inant n cuatier te Sëlva. Tel. 339/1088841. (32/10) ••• L vën cris libri per la prima tlas dla scola Kaiserhof a Maran. Chiche n ëssa da dé ca, nce de segonda man ie prià bel de cherdé su l 0471/792036 o l 335/6610470. (33/10) ••• L vën cris n motor TRIAL da cumpré a n bon priesc. Prëibel cherdé su l 339/1796786. (33/10) ••• Al vëgn chirì n vedl frogurè pör na ütia da munt. Prëibel cherdè sö le 3356135635. (33/10) ••• Al vëgn chirì n pice apartamënt da tó en afit por döt l’ann tla Val Badia. Tel. 349/5003783. (33/10)

Le Camping Sass Dlacia a San Ćiascian chir por la sajun da d’invern o inće por döt l’ann n/na secreter/ia. Por informaziuns cherdè sö le 331/6894517.

Tl “Gewerbepark“ a Tluses vëniel vendù o fità via n gran local de 433 m2 cun magasin, ufize y n local ulache n possa mëter ora zeche. Prëibel cherdé su l 348/8533675.

Alta Badia Shop & Rental a San Ćiascian chir boteghiers por l’imprast de schi. Prëibel telefonè al numer 335/6116526.

Pizzeria Traföi a Pidrô chir da setëmber inant na chelnera por döt l’ann. Por informaziuns cherdè sö le 0471/843024.

Tl zënter da La Val vëgnel afité ia n apartamënt de 70 mq por döt l’ann. Por informaziuns cherdé sö le 0471/843123 o le 340/7404670.

A Rèba se chier en joven per concè e dè fora schi dai prums de dizembre fin ala fin de merz. Ven domanè vèlch conoscenza de todàsch o ingleje. Per informazions podei telefonè al 0436/79142. Mode Sport

Ütia L’ Tamà a Badia chir por la sajun da d’invern na chelnera. Prëibel telefonè al 333/4918190.

Monolocal da fité via da setëmber a juni daujin ala scoles de Urtijëi. Prëibel cherdé su l numer 0471/797289.

Hotel La Majun a La Ila chir n/na secreter/ia cun esperiënza y de bones conoscënzes dl todësch y ingleje, da setëmber inant por döt l’ann. Na chelnera por salf cun esperiënza y conoscënza dl todësch, dai 20 de novëmber inant. Prëibel cherdè sö le 0471/847030.

Hotel Col Alt a Corvara chir por la sajun da d’invern n/na secreter/ia personal. Tel. 0471 836009 Fax 0471 836066 e-mail: info@colalto.it.

Hotel Gran Ancëi a San Ćiascian chir por la sajun da d’invern chelneres por salf cun esperiënza. Prëibel cherdè sö le 0471/849540.

Hotel Bel Sit a Corvara chir por la sajun da d’invern na secreteria poscibilmënter dl post, cun de bunes conoscënzes dl todësch y ingleje na barista na ćiamenëssa. Prëibel cherdè sö le 0471/836001 o le 333/5312571 info@belsit.it

Pension La Müda a Badia chir por la sajun da d’invern n pröm cogo. Prëibel telefonè al 0471/839698.

Chir 1 secreteria cun esperiënza y bona na conoscënza dl program ASA 1 barista 1 ëra a puzenè. Prëibel cherdè sö le 0471/849503.

A Urtijëi sun Ch’l Piz vëniel fità via n cuatier per doi persones per dut l ann. Prëibel cherdé su l 0471/797816 o l 328/0853519. L vën cris a Urtijëi zachei che rujenëssa gherdëina a ti fé cumpania a doi persones de tëmp per n valgun’ëura domesdì. Tel. 338 8718790

Hotel Mirabel***S a Al Plan chir por la sajun da d’invern 2 chelneri/res por salf y bar. Prëibel telefonè al 0474/501280 o menè le curriculum a info@hotel-mirabel.com

La berstot da mechanicher Rungger a Puntives chier da sën inant n lerner. Prëibel cherdé su l 0471/797095.

Provinzia Autonoma de Bulsan L’aministrazion dla Provinzia à scrit ora n cuncors per chësc profil profesciunel:

Camping Colfosco chir n/na secreter/ia dl post cun de bones conescënzes dl program ASAj y di lingac talian, todësch y ingleje. Interessà dess prëibel cherdè sö le numer 348/0425058 o 0471/836515.

Hotel Cappella a Calfosch chir 1 secreteria dl post cun n pü’ de pratica y d’esperiënza cun le program ASAJ hotel y che sais inće l’inglesc. Prëibel cherdè sö le 0471 836183

1 ispetëur/a tecnich/ca (VIII qualifica funzionela) per la repartizion 31 – agricultura. La stiera ie resserveda per la grupa de rujeneda tudëscia. Damandà vëniel l atestat de bi/trilinguism A. La dumandes muessa unì dates ju nchin la 12.00 di 08.09.2010. 1 analista/sistemista EDP (VIII qualifica funzionela) per la repartizion 9 – informatica. La stiera ie scrita ora per la grupes de rujeneda tudëscia, taliana y ladina. Damandà vëniel l atestat de bilinguism A. La dumandes muessa unì dates ju nchin la 12.00 di 08.09.2010.

Per nfurmazions plu avisa iel mesun cuntaté la Repartizion dl Personal, Ufize per tò su personal, a Bulsan tla streda Renon 13, telefonn 0471/412106 o 0471/412244 . La bandides de cuncors y i formulares per fé dumanda ie tl internet sot ala plata web dla Repartizion Personal: http://www.provinz.bz.it/personal/0401/ wettbewerbe_d.htm.

www.lauscdiladins.com

35


La Usc di Ladins  

Nr. 33/2010 - 28 de agost 2010