Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83,

Nr. 32/2009 - 22 de agost 2009 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

aaaaa Sanité

6

Al mët ite Inflamaziuns po ester plü prigoroses co co che an po miné.

Politica

8

Falzada dla speranza

Comentar de pruma

Descurida y benedisciun dles cater figöres nöies de Lois Anvidalfarei por la falzada prinzipala dla Capela dl Landhaus a Desproch: le Mal che bazila, la Converjiun, le Spavënt por le Mal y la Benedisciun

Al n’é nia anfat!

de Pablo Palfrader

Durnwalder Ancunteda a Falzes cun l presidënt Luis Durnwalder. 400 mile euro demanco tla casses dla Provinzia. Nce i Chemuns messerà sparanië.

Urtijëi

11

Zircumvalazion Proiec per na streda de zircumvalazion de Urtijëi iel bele unì fat dan cater ani, dij l Chemun de Urtijëi. “La cossa pudëssa unì cuncreta ti proscimi cin’ ani”.

Sëlva

13

Raions da fabriché

I n’orun degügn messëi n dé plüré na desgrazia. I escremënć fora por strades, marciapîsc y trus, trogneres rovinades y proprietês nia respetades é spo la cherscia sön chësta torte dala saù plü co ajia.

„L svilup urbanistich de Sëlva ne va nia do a n cunzet de prugramazion generela.“ Nscila la critiches dla frazion Ladins dl Cunsëi cumenel.

Natöra

23

Cultura da Munt Ćiacia al tesur di verdaparch por descurì coriositês y socreć de natöra y munt.

Mareo

24

La Val stlüta N ater ann déssel gnì metü sö n sorvisc publich por menè la jënt d’Al Plan ita Pederü y derevers. I prisc dla plaza dai auti ta Pederü gnarà alzà cotan. Chësta la proposta dl Ombolt y dl Diretur dl’Assoziaziun Turistica d’Al Plan/ Mareo.

San Ćiascian

25

Alex mondial Festa a Alex Ploner che à davagné (al n’é nia le pröm iade) le titul mondial de deltaplann.

Fascia

27

La pruma cèsa L besegn de la pruma cèsa l’é n muie sentù te la val. La Copratives dèsc agevolazions ma domana temp e scioldi.

Ala fin de messè él mort a Catania n möt de 6 agn, “scarzè” da ćians. Dan dui mëisc él gnü mort dassënn na mëda a Rina, dan da n’edema à n ćian feter copè n polerin a Ćiastel, chi che va a saltè se lascia sö che ćians lëdi ti salta do. Chëstes noeles é al ordinn dl dé. Impò vëigon te nüsc paîsc n gröm de ćians che roda lëdi, zënza smusè, zënza control. Gonot sàn de che ch’ai é, gonot ne féjon baldi nia. Nes stravardun da tó la chestiun massa ala lisiera. Nes stravardun da la bagatelisé, s’ascognon do n amur por i tiers capì damat. Les aministraziuns de comun ne po nia ćiarè pro. Les regoles é tleres y dess gnì respetades.

Comportamënt da dodé! Tratan la benedisciun dles cater scultöres de brom de Lois Anvidalfarei, stada la vëia de Santa Maria dl Ciüf domisdé.

Les Dolomites UNESCO patrimone y speculaziun

Desproch - La Capela benedida a San Iöre, patronn dandaìa dl Land Tirol (denant che al gniss detlarè patronn de Triol Sant Ujöp da pert dla Kaiserin), ê gnüda costruida i agn 1725 - 1728 aladô di planns dl Hofbaumeister Georg Anton Gumpp. Dl 1730 êra gnüda consacrada dal Vësco da Porsenù Caspar Ignaz Graf Künigl. Chësta dlijia alda pro i ejëmpli plü significatifs y importanć

Ai 26 de jügn 2009 é les Dolomites gnüdes tutes sö desco patrimone dl’umanité UNESCO. L’UNESCO é l’organisaziun di stać mondiai (incö ca. 193) por l’educaziun, la sciënza y la cultura. La sënta é a Paris. La candidatöra dles Dolomites é gnüda portada dant da plü agn y é śëgn realté. La contrada metüda sot l’UNESCO arjunj 5 provinzies: Belun, Trënt, Balsan, Pordenone y Udin, indöt 141.000 ha. Te Südtirol fej pert dl’UNESCO i parcs naturai Dolomites dal Sest, Fanes-Senes-Braies, Pöz-Odles cun le Latemar y la “Bletterbachschlucht.” Ultimamënter él saltè fora na gran gara por la sënta dl’UNESCO-Dolomites. Düć ô l’avëi, do che ai à capì ći föm mediatich che chësta cossa comporta. Interessant él che rodunt chi comuns ô la sënta, chi che la sënta toca le manco: Balsan, Sëlva, Corvara. va inant a plata 2

dl’architetöra dl Baroch Alt de döt Tirol. La falzada, articolada cun faziun simbolisëia cun sües corones ioniches y i cater nići por scultöres i cater Tiroler Landstände (les cater tlasses soziales). Che l’artist de Badia Lois Anvidalfarei à podü realisé cater scultöres che fej śëgn pert desco componëntes dla falzada baroca dla capela dl palaz provinzial a

Desproch, é gran merit de Herwig van Staa. L’ann 2004, canche van Staa (śëgn presidënt dl consëi provinzial/Landtag) ê Landeshauptmann (presidënt dla Junta provinziala dl Tirol), gnô Lois Anvidalfarei invié a se dè jö cun le proiet por na ajunta contemporana dla falzada dla capela. L’artist badiot à albü na gran ligrëza y motivaziun va inant a plata 3


Letres y Atualité

nr. 32 / 22 de agost 2009

Ma bogn da paié? Te nosta provinzia vìrel da trëi ćina a cater realtês etniches dër desfarëntes. Ultimamënter ài podü fà n pü’ l’osservaziun, che nosta mendranza perd tres deplü valüta y nia inultima na süa espresciun politica tla popolaziun, scebëgn che al é ćiamò jënt che s’an tol sura con seriosité dla chestiun ladina. Na bela gran pert dles cutes che röia tla cassa dla Provinzia vëgn dales valades ladines, de chël vers podessai se respetè politicamënter cotan deplü y ćiamò denant coche mendranza. Sce i sun te na realtè de 30.000 ladins che vir incër le Sela ia, me despléjel tres deplü che zerti

I à capì che i n’à capì nia!? ladins fej aposta da ti oje le spiné ala situaziun delicata che i ùn dan i edli dé por dé y che influenzëia le dagnì de nos düć canć: la comunicaziun danter les valades, l’adoranza y la sconanza dl teritore, la colauraziun politica y economica, la sconanza dl lingaz y de sü inoms, l’autonomia di comuns ladins. Le partì de maioranza de Südtirol pêl che ais inće na seziun ladina. Chilò él bëgn da se damanè tan ladina che ara é. Sce la mendranza vëgn bele arbandonada a sè instëssa, ne sunsi nia bun de capì, ćiodiche al ti vëgn saltè do ala gran ćiampana? Sce la chestiun é ma economica por rovè

pro cer’ finanziamënć o pro certes rajuns, fóssel inće damì da podëi damanè le dërt y le iüst a inom dla zitadinanza y dla mendranza, impede co jì a petlè tresfora y indlunch. Te plü caji me damani ćiodiche la jënt sciampa da na realtè che i ùn dan i edli. Stlü o fà paié i jus, refodè l’aiüt a na Ćiasa di Ladins, lascè les zirconvalaziuns de nüsc paîsc por ultimes é sëgns tlers de tan püch che i valun a Balsan canche ara se trata de ciafè. Denant vëgn magari i extracomunitars. Insciö vàra da se tralascè tresfora söi atri. Roland Thaler, Calfosch

Comportamënt da dodé! va inant da la pruma plata

I sun dla minunga che la sënta tóches tla Ladinia, mo al dess ruvé te n comun toché dal patrimone UNESCO, desco chël de Mareo cun le Parch Natural Fanes-Senes-Braies. Al mo sa demorvëia che Sëlva aspira ala sënta, fajon propaganda cun Sas

Lonch y Sas Plat, trami dui nia patrimone UNESCO, y inće Corvara, che sarà dessigü tl cör dla Ladinia, mo che à dan i edli le grup dl Sela, gnanca patrimone UNESCO. “Patrimone UNESCO” ô dì strënje les investiziuns, le frabiché, y ćiarè dla natöra y dantadöt renunzié a de

gragn intervënć, p.e. lifć yii. Al me vëgn imënt, che chëstes iniziatives sides detades dal moto: “I atri dess sconè la contrada y la jënt, nos tirun l’ütl dainciarà”, y chësc me sa bëgn n pü’ da dodé. Felix Ploner

Aiut Alpin Dolomites Sciche nce i autri ani ie l mëns de agost chël ulache l ie l plu jënt su per nosta montes. Nscila pòssel nce suzeder plu suvënz che n adroa aiut per vel’ persona n deficultà o ferida. A cunté de uni ntervënt de chisc dis se adurvëssen feter la lerch de plu plates y perchël cialons de mëter adum la cosses che nteressea povester deplù. Na cossa ulache de prëscia fòvel debujën de n dutor ie suzeduda suinsom Val da Lasties, ulache n’ëila ne ova per n mumënt nia metù a verda ulache la zapova y ie nscila sbrisceda ju per plu metri, se fajan n gran mel al cë y se sburian su dut l corp. Metan dassënn a verda ti àn dat la prima cures, dan che la ie pona ruveda te spedel. De prëscia fòvel nce da ruvé cun l joler sun Pas Pinëi, ulache a na seniëura taliana de 37 ani ti unìvel dassënn la dueies y l pop che la ova tl vënter fova per nascer. Nscila, zënza pensé doi iedesc, àn cherdà l joler che fova riesc iló, n à pona ciarià l’ëila y n l’’à meneda te spedel, ulache te puec menuc àla dat ala lum n blòt pitl mut. Curiëus ie nce stat n ntervënt ulache n univa cherdei dal raion dl Lupo Bianco. N ël de 51 ani che ulova dé sëura sun n pra cun si parapënd à zilà avisa n pitl tublà che fova amesa l pra y à dat sëura sun tët. Tlò àl perdù la balanz y ie tumà ju de tët, se fajan bëndebò mel al cë y al piet. N ntervënt plu ncomper ie stat

sun i Cin’ Dëic, ulache doi alpinisć fova ruvei te n gran temporal y la plueia ti ova blandà tan dassënn la cordes che i ne fova nia plu boni de jì inant. L fova scialdi da nibl y perchël àn menà doi judacrëp de Gherdëina nchin sot al nibl. Ëi ie pona jic inant a pe, ruvan do n pez pra i melcapitei. Chisc àn pona menà al segur sun Furcela de Saslonch. N nter vënt n cunlaurazion cun i judacrëp de Sëuc iel stat sun Bulacia. Pra i Banc dla Stries fova n’ëila sbrisceda ju n doi metri sëura n sas ora y se ova rot dassënn burt na giama. N à cherdà i judacrëp cun l Jeep, ma canche i à udù la gravità dl mel, àn cherdà l joler per mené la desfertuneda riesc te spedel, ti sparanian nscila la struscies dl viac sun streda. Nce sun la stredes suzédel suvënz desgrazies y na tel cossa ie suzeduda danter l auter danter Vintl y Terenten, ulache n jëunn dal motor ie tumà burt se fajan dassënn mel. Cun truepa fratures y autri mei iel unì menà cun l joler te spedel, ulache l messerà dessegur sté per n pez nchin che l ie inò a post. Nchin a Cortina iel nce stat da julé chisc dis; plu avisa sun la via fiereda Falloria, ulache n’ëila de 56 ani se ova rot burt la ciavidla ntan na escurscion. I dis ntëur l di dla gran Santa Maria fòvel pona per la scuadra dl Aiut Alpin da lauré zënza ne se fermé feter mei. For inò unìvel ite cherdedes de sucors

de Armin Moroder tres l 118. Nce tlo n cajo de n jëunn dal motor che fova tumà burt sot a Bulsan, se fajan n gran mel. N ntervënt scialdi ncomper iel stat sun la “Laurinswand”, ulache doi alpinisć ne s’la cavova nian plu a jì inant. L fova te chël mumënt scialdi da nibl y n à messù aspité l drë’ mumënt, canche l nibl se giaurissa mpue’ y n fossa pona ruvei permez al parëi cun l joler. Judà à te chësc cajo nce la scuadra dl Aiut Alpin de Tiers. Na burta desgrazia ie suzeduda sun l parëi dl Grohmann. Trëi alpinisć fova tl lëur de se arpizé sun l prim saut dl parëi sud per jì pona inant a fé la via Dimai. Te chël tòch ne fovi mo nia tachei y do 100 metri che i fova tl crëp ie un di trëi, n jëunn de 27 ani de Baselga di Piné, sbriscià ora tuman ju nchin japé dl parëi, se mazan sun l colp. N ne à plu pudù fé auter che jì a tò i doi cumpanies che fova sot a choc y i mené al segur per jì pona a tò l corp zënza vita dl jëunn. N ntervënt che truepa persones che fova sun Secëda à pudù viver pea cialan cun la rola fova chël sun la gran Fermeda, ulache l fova trëi alpinisć de Bulsan che se arpizova. Mpue’ dan la piza se à un trat ora de luegia na sciabla, ne pudan nscila nia plu jì inant. Te n ntervënt drët spetaculer y asvelt àn, cun n judacrëp tacà tla binda, tëut ora dal parëi l desfertunà, che ie pona unì menà nchin sun Secëda y do iesen mo n iede julei pra parëi per tò ora i autri doi. L melcapità ie pona unì menà cun l joler te spedel a Bulsan. Priesc d’abonament anual:

L joler dl Aiut Alpin.

2

www.lauscdiladins.com

per la Talia: 54,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Bun dé, al me dà imënt da ester a marćé. Al s’à pormò rovè l’invern bel ćer, che al s’an é inće bele l’isté dal bun marćé. I les porvun pö dötes, les strades stlütes. Stlujun i jus, y sön Börz i metunse inće i cagadus. I cherdun ite “Quo Vadis” a nes daidé, y tl’Unesco nes ài inće azetè. Y döt chesc por capì che ala fin se tràtera tres dl medemo marćé. “Trö’ massa scioldi” ćiantâ bele Alexander i agn passà, mo ćiamò

mai assà. I sun pö tl’Alta Badia, olache al ne po pö manćé nia. Al gnô fat la fan, mo i sun pö deventà val’ de gran. Sce i nes sentàsson mefo n dé sön n banch, y nes ćiaràsson n pü’ incërch. Les belëzes che al nes é gnü scinché, magari savesson n pü’ da les aprijé y nia ma da les sfrutè. Mo ne stede a s’la tó sö y avëi la ria, iö n’à pö gnanca capì nia!? Arnold Ploner La Ila

Ladinisé Andreas Hofer à pa bëgn inće por ladin inom Andreas Hofer y nia André Hofer (La Usc di Ladins, Trail, “La liberté dal variö”). Mo sce an mëss bele “ladinisé” a ries döt y düć, danlò podèssun i mëte inom a Giuseppe Verdi “Jep Vërt”, a Johann Sebastian Bach “Jan Bastl de Rü” y a Richard Wagner magari

“Ricardo Gratun”. Iö arati che do döt ći che al à messü s’an stè fora chësc ann 2009, se mirit le Sandwirt (magari... ostì dal saurun) da podëi palsè inant tla pêsc de Dî cun so dër inom... inće por nos ladins. Hans Comploi, La Pli de Mareo

Uniun coche l uel Son stata te na ustaria te Sëlva a me bever n café, che ove ancuntà n mi ujin badiot. Cun mi ujin badiot éi for rujenà tudësch „südtirolerisch“ limpea, ciuldì pa no? Mi rujeneda dl’oma ie pu tudëscia. Fan pra mëisa che s’la cuntan cun gheneda, canche l univa ca un da La Poza de Sëlva a rujené danterite: chësta ne va nia tlo, tu muesses rujené ladin cun ël, tu ies pu de Gherdëina y ël badiot!

Cun ciuna maniera se tol pa n tel l dërt de me dì coche ie é da rujené cun mi ujin? Cie nen sà pa n tel sce ie me é detlarà ladina o tudëscia? Nchinamò fova chësc for stat n Stat liede. Spere che n tel scumënce n iede a scué dan si porta y lasce rujené i autri te ciuna rujneda che ëi uel! Monika Lardschneider, Sëlva

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, David Lardschneider, Pablo Palfrader, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 32 / 22 de agost 2009

Falzada dla speranza Descurida y benedisciun dles cater figöres nöies de Lois Anvidalfarei por la falzada prinzipala dla Capela dl Landhaus a Desproch: le Mal che bazila, la Converjiun, le Spavënt por le Mal y la Benedisciun portè a fin cun suzes. Ala daurida à cuntè van Staa sön cô che les scultöres à podü gnì comanades adalerch, zënza messëi avëi le consëns dla maioranza dla popolaziun. Le Land Tirol à ciafè adöm i sponsors por paié le material y le laur, y chësc indeblësc inće les critiches ales figöres de Anvidalfarei ti nići storics y ales spëises. Sides le Tirol co Südtirol à laurè deboriada te chësc proiet y le momënt de descurida dles scultöres dla Landhauskapelle é tochè en chësc ann cun le iubileum di 200 agn dales combatüdes de Tirol cuntra l’invajiun napoMomënt dla descurida dla “falzada dla leonica y bavareja, speranza” dan otedé. “G eschichte trifft Zukunft” - la storia incunta le dagnì” - é pö le laitmotif de chësc ann iubilar 2009. I sponsors dles cater gran scultöres de brom dl artist Anvidalfarei da Ćiaminades é le Consëi provinzial de Südtirol, la Fondaziun dla Cassa dl Sparagn da Balsan, la Dr. Klocker-Stiftung da Desproch y la Wirtschaftskammer Tirol (ćiamena dl comerz de Tirol). La cité da Desproch y le Land Tirol n’à nia daidé pro al La falzada “nöia” dla Landhauskapelle tl finanziamënt dl proiet. zënter da Desproch. Les scultöres romagn va inant da la pruma plata sambëgn inće do süa colocaziun definitiva ti nići de proprieté di tl laur che i ê gnü confidé, y al sponsors. Ala daurida à baié inće chirî atira na soluziun tl stüde le professur dl’université OT Ewald tlassich dla figöra umana. Inće sce Volgger söla personalité de San Iöre l’iter à incuntè spo dificoltês de vigni y söl resultat dl confrunt dl artist vers, ćinamai chëres fondamentales da Ćiaminades cun chësc sant y süa de finanziamënt dla opera a gauja veneraziun fora por la storia. dl mudamënt di aministradus dl Volgger à cuntè söl messaje dles Land Tirol, à chësc proiet podü gnì cater figöres de Lois Anvidalfarei, sön so liam reziproch y inće söl “figuratif” dl artist che mostra l’om scëmpl y zënza atribuć y cosmetica.

San Iöre, dal mal tl dragun al mal tla porsona

Dan la benedisciun da pert dl mons. Hermann Röck. Le professur universitar Ewald Volgger baia de San Iöre y dl resultat artistich de Lois Anvidalfarei.

San Iöre é n martire dles perseghitaziuns cuntra i cristiagn de Dioclezian, sozedüdes tl 4^ seco. L’inom Georgius ô dì “paur”, y San Iöre ess vit tla Capadochia tla Mëndra Asia. Incër ël ia se roda n gröm de liëndes, la plü conesciüda é chëra che foss nasciüda tl’Eté Mesana cun San Iöre a ćiaval (da riter) che copa le rî dragun. L’artist Lois Anvidalfarei, che é instës n “georgius” (paur), à studié la vita, la liënda y la veneraziun de San Iöre, por ruvé a öna dles contlujiuns che San Iöre à na funziun da cuntrastè le mal, le rî, le dragun di tëmps, dla sozieté y dl’interiorité dla porsona. L’artist de Badia n’à indere nia orü presentè San Iöre cun le dragun o te so martire (decapitaziun), mo al à orü le proieté tla dimenjiun reala

dla porsona de nüsc tëmps. Le mal ne dess nia ester tl dragun, mo tla figöra umana, deache vignun sint le mal - dlungia al bun - te se instës y tröpa jënt manifestëia inzai tl monn chësc mal. La desfida por l’artist é stada grana, mo inće interessanta. Al é stè n stüde inće psicologich, dlungia a chël teologich (religiun, Dî) y popolar (veneraziun de San Iöre, comunité, fede).

Lois Anvidalfarei tl’Austria A Desproch dlungia (vis a vis) la Landhauskapelle cun süa falzada śëgn “ajornada” él da odëi tla Galerie Maier (Palais Trapp) dantadöt dessëgns (y val’ scultöres) de Lois Anvidalfarei. La daurida é gnüda inviada ia do la descurida dla falzada dla speranza dan otedé, le vëndres sëra, ala presënza de tröpes autoritês de politica, ert y economia dl Land Tirol, dla politica y inće dla Fondaziun dla Cassa dl Sparagn de Südtirol. Ara romagn daverta ćina ai 12 de setëmber 2009.La domënia ai 6 de setëmber i trëi cherć dles dodesc da misdé gnaral daurì a St. Michael Mondsee (Oberösterreich) na mostra de Lois Anvidalfarei tl Kreuzgang dlungia la Basilica. Chësc gareta en gaujiun dl fin y benedisciun di laurs dl artist badiot por le presbitere dla Basilica (altè, ambo y cattedra).

Defata dan la descurida, da man ciampa: Herwig van Staa (presidënt dl Tiroler Landtag), Beate Palfrader (referënta dla cultura dl Land Tirol), Dieter Steger (presidënt dl Consëi provinzial de Südtirol), l’artist Lois Anvidalfarei y Gerhard Brandstätter (presidënt dla Fondaziun Cassa dl Sparagn).

Aratëise da avëi śëgn n monumënt etern te Tirol, é pö chësta Capela l’architetöra dl Baroch Alt plü importanta a Desproch? “I arati che degügn ne toles plü jö tan atira chëstes mies creatöres. I speri che ares pois vire inant tl tëmp cun l’architetöra.” Aratëise chësc laur le plü important de osta cariera? “Scê. Inće deache chësc laur se dà jö cun la porsona. Altà de dlijies ài denant fat, mo śëgn ài podü realisé figöres umanes, y chësc é stè na gran y bela desfida y sodesfaziun

por me.” Olà é pa romagnü San Iöre che copa le dragun o vëgn decapitè? “Al n’é nia mi compit da cuntè la storia de San Iöre, al é pö libri assà che la cunta. Mi compit é chël da incuntè chësta storia y da la mëte tl confrunt d’al dédaincö. Ara va te vigni caje - sura i tëmps - dl bëgn y dl mal, y les porsones che desdrüj, copa y decapitëia é inće al dédaincö da ciafè sön le monn. Iö vëighi la storia de S. Iöre dër atuala y so messaje arjunj sura i tëmps fora.” (articul, retrać y intervista: iaco rigo)

“I à vit por cater agn te chisc nići!” La Usc: Lois Anvidalfarei, da olà é pa gnü le miù complimënt por chësc to ultim gran laur? Lois Anvidalfarei: “I ne m’aspetâ nia tan de feedback. Le maiù complimënt por me é che i à podü mëte sö chëstes scultöres sön na dlijia en funziun.” Merit de van Staa? “Le merit é dantadöt sò, ël à orü, ël é stè intres doìa a söa idea y proposta, an po dì: le merit é ma sò!” La critica plü posoćia che ves é ruvada a orëdla por chësc proiet? “Ćiamò ne l’ài nia ciafada.” Tan po pa y tan mëss pa trà l’atenziun y provochè ostes scultöres, dantadöt chëra dl “Mal che bazila” che mostra le spiné y le sentè? “Chësc pinsier ne m’ài nia fat. Iö m’à fat le pinsier da fà le miù laur por completè chësta falzada, i à vit sura agn te chisc nići!” Tan grana é pa la maiù scultöra de chëstes cater, y tan pësera pa? “Les döes scultöres ti nići sö alalt é 2,20 metri altes, y ares pësa 500 chili porom, cun la plata de funz laprò.” Ćiodî sta pa le “Mal che bazila” en pé y ne toma nia jö? “Al é bolì sön la plata y la plata é murada ite tl mür. Al intern é la figöra armada.” www.lauscdiladins.com

3


Atualité

nr. 32 / 22 de agost 2009

“Val’ de bel!” Edi Pizzinini, 86 agn d’Al Plan, nes cunta deplü sön co che al à vit la festa de surandada dles medaies al mirit Onoranzes/1 - Edi Pizzinini é öna dles porsones ladines che à ciafè la onoranza a Desproch. Al é nasciü a La Ila, sön le lüch de Marin. Dl 1952 s’àl maridé cun Anna Taibon a Al Plan, olache al é incö aćiasè. Al à 86 agn. Tröc é i sorvisc - cotanć debann - che al à surantut te süa vita. Al nes dij: “Dlungia les pisimeles che i à fat, él stè trëi punć en particolar olache i à dè mies maius fadies: la scora, olache i sun stè indöt 41 agn, spo sunse stè 33 agn licare de pêsc. I â fat l’ejam de abilitaziun da secretêr de comun, olache i à ciafè conoscënzes de dërt zivil, dërt penal y dërt aministratif. Dailò ài podü dè inće consëis che valô val’ y fà a na moda che jënt ne rovass nia dan signoria. Na terza cossa é stada la musiga. 46 agn sunse stè dirighënt de cor y laprò orghelist pro le cor de dlijia d’Al Plan. I à inće insigné ćiantè y menè le bachët te mi paîsc nadè La Ila, spo a La Pli de Mareo y inće sö La Val. I sun stè cotan d’agn mënabachët pro le Cor Jepele Frontull. I sun inće stè pro le cor di ëi d’Al Plan y por 7-8 agn dirighënt dla musiga.” Cun Edi s’l unse n pü’ ciacolada sön l’onoranza, la festa y d’ater. Co ëise pa tut sö la noela? I m’à fat morvëia che i sun gnü chirì fora por chësta onoranza. I savô che i à fat te mia vita n gröm de laûrs debann y i me ponsâ: sce d’atri la ciafa y iö nia, spo sunsi mefo gnü desmentié. Ara se trata de na onoranza y nia de n paiamënt. Sce chëstes 140-150 porsones foss jüdes a Desproch y ess ciafè n paiamënt por ći che ares à laurè debann, spo ess Durni y so colegh da Desproch messü avëi grosc assà

te so tacuin. Co s’à pa salpüda la festa? Iö sun gnü menè fora da mi möt Marco, y lafora sunse gnüs tuć sö cun na solenité che n’é chilò nia saurida da ciafè. Al ê scizeri, musighes, autoritês y n gröm de jënt che ćiarâ pro. I sun jüs tla Jesuitenkirche y dailò unse aldì la bela mëssa de Franz Schubert “Wohin soll ich mich wenden” a cater usc cun acompagnamënt de stromënć a fle. Dedô sunse jüs tl salf, olache al ê dötes chëstes porsones che ciafâ la onoranza. Sambëgn düć scialdi vedli: cun öna na crocia, döes croces. Durnwalder y Platter à baié da spavënt bel, döt de brac, zënza messëi lì jö. An conesciô te chës porsones che ciafâ l’onoranza che ai â na gran ligrëza, deache zacai s’â recordè de ëres. Ći Ves à pa fat le plü impresciun? Le plü impresciun m’à fat les mognans. Sce an pënsa che an à fat tröp laûr debann tla vita, spo à chëstes mognans dè ca döta la vita por daidé d’atra jënt. I me pënsi gonot che sce chëstes ne ciafa degöna onoranza, spo podunse düć jì a s’ascogne. Ëise pa inće Os sintì chësta emoziun, ćinamai comoziun? Sciöche i à dit, é chësta stada na onoranza y chësc é val’ de bel. I me ponsâ sciöche al ê laôta, canche i â daidé scolars da studié inant, che ai gnô do agn i me dijô: “Dilan y Dî s’l pàies”. Spo me ponsi, sciöche le todësch dij: “Das ist Lohn, der reichlich lohnet!” I Ëis inće anunzié la scora

Les personaliteies premiades de Gherdëna y dla Val Badia. Foto: Hans Pescoller.

sciöche ćiamp olache i ëis laurè cotan, y che é gnüda dada dant sciöche motivaziun prinzipala por la onoranza. I arati che al sides gnü metü döt n pü’ adöm. La scora m’à costè n gröm de fadies. I à fat tröc laûrs paià, por ći che reverda l’insigné, spo cotan de laûrs sotpaià y inće laûrs debann, canche ara se tratâ

da fà la scora nöia. I sun stè 11 agn te comun y dailò ài fat inće n gröm de vari por la scora. Canche al ê da fà suplënzes, ne gnô chëstes nia paiades. I ne les ess pa gnanca orüdes paiades. Por nen dì öna: suplënzes êl da fà canche chi maestri â le pere da morì püć dis dan les vacanzes da Nadè. Do Nadè êl na

uma che ne varî nia, spo messân inće i lascè stè. Ći che me fej incö mè, chël é do 41 agn che an à laurè tla scora - sce al é porsones che tira dant cosses che n’é nia sozedüdes o che an à miné da fà dërt. Mo chësc toca inće laprò.

Palsa, che ti dij a monia Justine n gran dilan por le bëgn che ara fej. “Atira canche i à ciafè la comunicaziun, m’ài spordü”, nes dìjera. “Mo ala fin ài azetè y i mëssi dì che lafora él stè dër na bela festa, na bela zerimonia, n gröm de jënt.” Impò ne sìntera nia chësta onoranza sciöche na onoranza

personala: “Iö n’à nia pié do la medaia por mè instëssa, mo por dötes chës monies che à laurè n iade chilò te ćiasa de palsa. Chëres é inće stades codî y à fat so sorvisc. La medaia ess porchël inće podü gnì piada do da n’atra. La medaia é dessigü inće n onur por nosta comunité.”, stlüjera jö. (pablo)

le lingaz dles valades ladines: tles trasmisciuns vëgnel defat rajonè can por badiot, can por marô, gherdëna, fascian, fodom y ampezan, aladô dles ocajiuns che se pîta ai auturs. Y deache al sozed gonot ch’an sa püch de ći che sozed tles valades sura i jus, rapresentëia „Scenar“ na buna ocajiun por cherié n pü’ plü de coejiun danter la jënt ladina. Da canche le proiet é pià ia s’à inće le grup de laûr n pü’ slarié cun le contribut de Rut Bernardi da Tlüses e Karin Pizzinini da

Calfosch. Dal punt d’odüda finanziar à le proiet en chestiun inće ciafè le sostëgn dla „Fondaziun Cassa dl Sparagn – Stiftung Südtiroler Sparkasse“ a chëra ch’al ti va n bel dilan!

Intervista: Pablo Palfrader

Na onoranza por dötes les monies Monia Justine é gnüda onorada por i tröc agn de sorvisc a bëgn dl proscim Onoranzes/2 - Na secunda porsona dla Val Badia à podü pié do la medaia al mirit dl Land Tirol: Teresa Pescollderungg d’La Costa/ San Ćiascian, da monia Justine. La motivaziun por la surandada dla onoranza é na vita intiera al sorvisc dl proscim y dla coletivité. Monia Justina é originara da San Ćiascian, mo é da oramai n chert

de secul aćiasada a San Martin de Tor, olache ara pîta so sorvisc sciöche sartorëssa te Ćiasa de Palsa. Monia Justine à fat dl 1958 la profès pro l’ordinn dles “Barmherzige Schwestern des Hl. Vinzenz von Paul”. Por 10 agn alalungia àra fat sorvisc a

Mitterbad/Ulten, spo por 12 agn a Martinsbrunn/Maran, tres sciöche sartorëssa. Te süa vita àra tignì n gröm de cursc da cujì por ëres y mitans. Dal 1985 laôrera te Ćiasa de Palsa a San Martin de Tor, olache ara fej dé por dé so sorvisc al proscim, debann. N gran reconoscimënt vëgn inće da pert dl’aministraziun dla Ćiasa de

„Scenar“, trasmisciuns sura êrt y cultura ladina Dan da plü o manco cater agn à Erika Castlunger da Corvara y Hans Peter Karbon da Urtijëi invié

4

www.lauscdiladins.com

ia le proiet „Scenar“, na linia de trasmisciuns por la televijiun sura cultura, êrt y atualité tles valades

ladines. De regola vëgnel tut sö y metü en ona 9 trasmisciuns al ann y dal 2005 incà éson intratan rovà a trëntecinch; vignöna trata indöt trëi argomënć desvalis, insciö che al ne vëgn dessigü nia a manćé la varieté de program. Tres chësta iniziativa, che à ciafè le sostëgn dala Provinzia, dala Rai da Balsan y dal Istitut Ladin „Micurà de Rü“, ne vëgnel nia ma documentè de vigni sort de ativitês y de iniziatives, mo al vëgn inće ćiarè de valorisé deplü

La proscima trasmisciun de „Scenar“ sura l’êrt de Flavio Senoner y la Festa de Ra Bandes a Cortina sarà da odëi la jöbia ai 3 de setëmber 2009 sön Rai 3. Por l’Istitut Ladin “Micurà de Rü” Werner Pescosta


Atualité

nr. 32 / 22 de agost 2009

Festa sa Bula

Dancà y da na pert

Uneranza y festa a bera Leonhard Delago de Rumanon Bedaia de merit - Ai 15 de agost, l di dla gran Santa Maria, à bera Leonhard Delago da Rumanon giapà a Dispruch la bedaia de uneranza dl Tirol per si meric tl luech y tla cumenanza da Bula. L di do, ai 16 d’agost, dumënia, ti iel perchël unì fat na bela festa sa Bula cun duta la populazion, cun na bela mëssa dedicheda a d’ ël, cianteda y suneda dal cor y dala Böhmische da Bula. Nscila à dut l luech deberieda cun vel’ autorità ulù ti sentì gra per duta si ativiteies y dantaldut per dut si mpëni tl y per l luech. Truep ani alalongia iel stat l ugrister da Bula, ël ti à nsenià a truep jëuni a suné vel’ strumënt, ie stat dirighënt sibe dl cor che nce dla mujiga da Bula, dajan ca a chësta maniera truep de si tëmp liede. Per mpue’ de ani fòvel nce raprejentant dla frazions ladines tl Chemun de Ciastel y se à nteressà dassënn che l vënie fabricà la scola elementera sa Bula. Dant fova la scola te cësa dl mëune y do che l ne fova nia plu

Uedli y oredles daverc sun la sozieté ladina d’aldidancuei Doi ciacole con Flavio Crepaz, malghèr a la lateria da Renac

Uneranza y festa a bera Leonhard Delago de Rumanon (amez).

la lerch iló ova Leo per un n ann de scola nchinamei metù a desposizion si berstot per l nseniamënt. Ël se à nce dassënn cruzià che l vënie fat la streda da Albion sa Bula. Chësc à purtà pro che l luech fova scialdi plu saurì da arjonjer nce cun de majeri auti o cun na curiera. Nce la dlieja àl abelì cun de plu de bela scultures, fates a man da

d’ël nstës, nscila i cater vangelisć sun canssla, S. Giuani y la Madona japé dl tabernacul do che i uriginei fova unic rubei, la statua de S. Ujep Freinademez y la beliscima Ultima Cëina pro autere. A bera Leo ti sibe rengrazià de cuer per dut chël che l à fat per l luech da Bula cun n gran Dievelpai. (isk)

La bedaia de merit dl Tirol La USC se à ancuntà cun Stefan Demetz y Maria Cristina Senoner che à giapà la bedaia de merit dl Tirol. Ti fajan n valguna dumandes per capì avisa la mutivazions dla uneranza y i valores persunei, iel unit ora doi persunaliteies scialdi stersces. La ntervistes Stefan Demetz Danter la mutivazions per la uneranza iel dantaldut dut chël che Demetz à abinà adum sun la ciantia ladina. L à cris adum de vedla cianties, ma l n à é nce scrit de nueves. Pona iel stat 40 ani alalongia dirighënt dl cor y 50 ani ugrister. Dan n vint ani njeniòvel ca un n iede al mëns trasmiscions per l radio, canche l fova mo Bruno Moroder. L à scrit nce 3- 4 stories per l Calënder de Gherdëina y danterite y danterora articuli per la zaita. Y pona àl nce fat referac cun dias, ulache l à fat nstës fotografies, test y mujiga.

Sci, nia mé chëla ladina, ma nce chëla tudëscia y taliana. Ie son stat per dodesc ani dirighënt provinziel per l Sängerbund. Iló éi cialà de fé cunëscer l ladin. Canche l fova la festes di ciantarins, pona cialovi for de mëter ite vel’ ciantia ladina. Ciuna ie pa stata vosta maniera de ti jì permez al lëur? Do la scola elementera, canche scumenciove a pensé cie fé, fova mi idea stata chëla: duc i lëures fossa drëc, basta che posse fé mujiga leprò. Pona éi fat l maester de scola, ulache l fova mesun suné y avëi a cie fé cun mujiga. Vosc pensier de vita? L me sà scialdi bel pudëi fé zeche per l proscimo. Maria Cristina Senoner Danter la mutivazions per la uneranza iel che la ie nsenianta tla scola mesana da passa 30 ani. Dal ’81 incà nce te biblioteca y tl 1989, canche la ie passeda al Chemun, pona òvela tëut su la direzion. La biblioteca de S. Cristina ie la sëula te duta Gherdëina ulache l lëura mé ulenteres, 22 persones de ndut. I libri ie si hobby y si lëur ie cunlià cun i libri. „Chël me sà dassënn bel,“ coche dij Maria Cristina Senoner.

Stefan Demetz.

USC: Sëis’a cuntënt dla uneranza? Stefan Demetz: Sci! De no, chël ne possi mianó dì! (s’la rij, ndr.) Ma ne me l’ove mei mpensà! Vo ëis cuntribuì dassënn al mantenimënt dla cultura ladina.

maniera de ti jì permez ala vita y al lëur? Ie rate de vester na persona omla. Per mé iel mo mpurtant cër’ valores che cële de dé inant a scola. Te biblioteca àn a cie fé cun truepa jënt, granc y pitli, y ie feje gën mi lëur, cun sudesfazion. Ulësse rengrazië l presidënt dla biblioteca y assessëur ala cultura de S. Cristina, Alexander Bauer, che se à fat inant per mi uneranza. N gra ti va nce a mi cumpanies y a mi familia che me à nsenià cër’ valores y che me à dat la puscibltà de lauré y de me dé ju cun la biblioteca. N cunsëi ai jëuni per ti jì permez ala vita? Ie ti cunsiesse de se scrì ite pra vel’ lia o assoziazion. Iló tóchen pra zachei y chël juda nce a se udëi ora na streda. Nce sce l ie bën da dì che truepa persones fej dl bën ala cultura y al soziel lauran tl chiet. Articul y ntervistes de Giulia Insam

USC: Seis’a cuntënta dla uneranza? Maria Cristina Senoner: É abù dassënn legrëza. Me é diret sperdù, canche é liet la zaita, ne me l’ësse mei mpensà. Trueps d’autri à legrëza cun mé y chël fej dassënn plajëi. Ciuna ie pa stata y ie pa vosta

Flavio, cotánc de agn elo che te fèje l malghèr? Ven 25 agn che laore chilò n lateria. Come asto scomencé a fè chëst laour? Ntel pruma che l’eva stada fata su la lateria i contadins i mossëva vignì a ròdol a daidé a fè l formai, perciéche l eva trop laour e l eva n malghèr sol. Mi sonve vignù per mio nòno e mia nòna. M’ava tòst sapù bel e nlout, n previjion ence de mpareé n mestier è dezedù de prové. Son ste n ann a Tiene, damprò Vicenza, a scòla e po’ è scomencé, ence per via chëst me mpermetëva de avei n laour damprò cèsa. Pòsto ne conté coche l’é la giornata den malghèr nte na lateria? Ma, no l’é plu come naiade che i scomenciáva da le cater dadomán. Se taca da le set, set e mesa dadomán, cánche rua l lat. Se scomencia a l laoré. Po’ drio a ci sòrt de formai che se fèsc, se l è pastorizé, cotánt che n’è da fè, perciéche nvalgune laorazion le dura doi ore, autre ence cater o cinch, se fenësc ntourn mesdì e mez la una. Davòmesdì se torna per puzené su dut, ste davò al magazin del formai e autri scuf che no se rua a fè davántvia. Se sa che le normative su la produzion del mangé i é severe e le cámbia da spëss. Mosseto jì a corsci de agiornament per tuo laour? No. L unico cors de agiornament l è chël che te fèje ogni dì davánt a le ciaudiere. Ncuoi gran pèrt dei malghèr che ven fòra da le, puoce, scòle che l è resté i è usèi a fè formai co le bustine dei fermenc fac n laboratorio. Nos nveze i è mignon ncora a se i fè nos. Zèrto chëst pòrta al riscio che se n di l lat no l é proprio perfeto, l formai l no ven coche l’assa da vignì. E chilò conta l’esperienza del malghèr, proprio coche l eva nviade. Defati nos volón mantignì le tradizion e le tipizité de chël che produjon. Sedenò ven fòra dut formai co la medema sou e nos chëst no volón che suzede. Ci vòlelo per fè n bon e tipich formai? Mprumadedut vòl di trop l’é la cualité del lat e ci che mángia le

vace. E po’toca ste davò a coche l va nnavánt . L é l formai che comana, nos mossón demé i é cialé davò, controlé la temperatura e valuté l moment bon per l tò fòra. La tipizité ncuoi l’é scialdi cherida, souradut dai sciori. L é vera e nos cherión e laorón polito proprio per chël. Ncin coche l eva l formai de malga da nzacan per se capì. Ence se mosson mpò se adegué a dute le normative igienico – sanitarie che ven fòra. Cotánte de sòrt de formai produjeiso e ci diferenza elo una da l’autra? Fajon su le set, vòt sòrt de formai. Da chi frësć che se po’ vëne depongo, che spò no se riscia che i vade a remengo. E po cater cinch sòrt de chël plu stagioné. Chisc i dipende trop da coche se l laora nte la ciaudiera, coche se taia su l stress, da cotánt che l ven lascé ite, sciaudé o mánco. I é troc i fatori che nfluìsc. N laour cuaji da chimico. Ma, gnánca da chimico. Proprio da malghèr. Elo diferenza ntra ci sòrt de formai che compra deplù la jent da chilò dal scior che passa? L fodom o la jent da ju per l’Agordin che l é chi che ven a compré fòra stagion i vòl n formai plu stagioné. Chi che vòl n bon formai i ven proprio per n ciapé un che à sou. E chilò ven fòra la diferenza ntra chël nòst e de na gran lateria, perciéche se sa che nte chi frësć la sou la no ven fòra trop. L scior nveze l compra proprio chisc, a n eto o doi a la outa. La lateria l’à ciapé plu oute premi per chèlche sòrt de formai. Na bela sodisfazion nòe? Si. La plu grana davánt trei o cater agn che on vadagné n premio interregional a Asiago con en formai a longia stagionatura, che l è chi plu difizili da fè. Son ruèi prum sun 150 concorenc e l’è stada na gran sodisfazion. Ogni ann tolón pèrt ence ai concorsi dei formai de malga del Agordin e ruon très ntra i prums. La jent compra formai che son très senza. Meio de coscita. (ls)

Maria Cristina Senoner. www.lauscdiladins.com

5


nr. 32 / 22 de agost 2009

Le prigo sotvaluté: inflamaziuns - “al mët ite” Sce bateries descëda na inflamaziun tl corp vëgn indô döt bun! Le sistem imunitar combat y eliminëia les gaujes de maraties. Mo śëgn avertësc stüdi nüs: inflamaziuns nia conesciüdes po te na spana de tëmp plü lungia gaujè alzheimer, le bot y crebesc desco pro n śogadù nazional dl palê dl Camerun pro le FIFAConfederation Cup o de n profi dla roda franzeje à sprigoré la vita publica. - Menengitis do la strüscia tres staphylococs itineranć tl ciorvel - Le germ dl magun heliobacter pylori desco fatur de risch por le bot - streptococs desco killers dl corp do inflamaziuns dles tonsiles (sofladësses) o coies - atach de baters yersins tres ega da bëre paza o ćern de porcel nia nëta Dënz sagns y jonjies sanes é früt de na buna cura dla boćia. Foto: www. zahnaerzte-mb.de

Pro laurs de bosch se fićia Sebastian Oberschmied (inom mudé) na spina tla man ciampa: al é le mëteman de na morona de evënć tragics, desche scienzià dl’Université recostruësc plü tert fora. Deache cun la spina röia baters agressifs dal lëgn de streptococs tl corp dl laurant de bosch. Tres les avënes dl sanch röii ćina al cör. Ot mëisc plü tert vëgnel condüt te na clinica universitara cun na inflamaziun al muscul dl cör. - Insufiziënza dl cör tres na spina - Crebesc ai baroć tres na picera ferida a n pé - Meningitis - cun coies da degun spavënt? Ći che sona desco na noela de sensaziun é n fat tla medejina! Intres plü gonot scovrësc śëgn doturs liams sigüsc danter frogorês de inflamaziun tl corp y de gragn maraties saltades fora desco alzheimer, bot al cör, bot al će, crebesc, reuma, che à ćinamai na conseguënza mortala. An vëiga śëgn ite che al é gnü sotvaluté prighi, che é pià ia da inflamaziuns scëmples y infeć tl organism. “Inflamaziuns é le pröm refles de defenjiun cuntra infeziuns”, dij le professur Daschner dla Université Freiburg. Sce ares

devënta croniches spo pôres se svilupé a n pirgo mortal. Normalmënter é inflamaziuns na istituziun porta-aiüt, plü o manco desco stodafüć de nosc corp, che mët man da laurè dagnora canche baters o virusc i salta ite a nosc organism. Mo ći sozedel pa, sce chësta unité d’elite ne ti é nia o röia fora control? I ùn dui scenars che fej fora de inflamaziuns na bomba a tëmp: 1) la defenjiun zënza suzes. Germs ne vëgn nia atira conesciüs do süa introduziun y combatüs, y se desleria fora, ataca d’atri organns. 2) l’inflamaziun svilupëia na vita autonoma. Desposiziun genetica, presciun dl sanch alta o d’atri tosseri desco nicotinn o alcohol po portè al punt che prozesc svilupëia na vita autonoma riscanta, y spo vëgnera prigorosa, dij le dr. Libby, cardiologh tl Boston Hospital ti USA. Le prozes d’inflamaziun, che messass pordërt combate n infet, se desleria fora y ne ciafa degöna resposta decuntra dal corp. Le sistem imunitar devënta instës na manacia por chël corp che al messass pordërt sconè. Caji de mort do desfridades

Scienzià à ciafè sö intratan ma bele na desëna de microorganisms che po roviné le cör. Al ne passa gnanca plü na edema, olache al ne vëgn nia publiché stüdi ulteriurs sön la conseguënza fatala de grops de inflamaziun cronica tl corp. L’Université Wayne a Detroit à le merit che al é gnü scovrì che chamydies tl ciorvel fej gnì a löm inflamaziuns cun la conseguënza da perde dldöt les capazitês mentales. La maratia vëgn tlamada alzheimer. Tratamënć antibiotica cun danfora la determinaziun dles sorts de baters é na terapia ütla, por archité ia les inflamaziuns prigoroses y les assighé ite. Fa z i u n preventiva à combinaziuns de vitamina de A, C, E y Beta-Carotinn y al é davëi de morvëia: sëda di dënz! Y insciö unse inće la resposta ala domanda, che dënz é dër gonot lià a inflamaziuns cun d’atri organns. Pro sangonamënt dles jonjies, mudaziuns inflamatores di dënz y dl tiesciü incërìa se instradëia n gran numer de baters dla boćia tl sanch. Inće baters é creatöres (vites) y à n so metabolism. Ai prodüj sostanzes agrassives, tlamades enzims. Chëstes sostanzes digestives se liëia tles avënes dl sanch cun les partizeles dl sanch, inće tlamà thrombozyć, y inzitëia chëstes al indurimënt. Ares se arcunćia sö pormez ai parëis dles vënes cun le risch de impifamënt o tromboses. La conseguënza é le bot al cör, le bot al će, presciun dl sanch alta. Chisc risć po gnì maius cun le fomè y cun le mangé grassin, cun stres. Plü dî che chëstes inflamaziuns ales jonjies döra, maiù che le risch é!

An po in e portè döt söl medemo scalin: na gauja aratada de picia importanza o le spazamënt o slobramënt tla igiena dla boćia po avëi conseguënzes duratures y posoćes söla vita che vëgn. La boćia va dai dënz ćina al dlotadù. Sporfogne bun la boćia alda pro l’igiena da vigni dé. Inće le se po daidé pro a na buna sanité de dënz y boćia.

6

www.lauscdiladins.com

Por tignì fora chësc risch él important da se lascè controlé dal dotur di dënz. Deache l’igiena dla

Inflamaziuns söi slefs y söles jonjines po ester prigoroses!

boćia personala y l’eliminaziun profescionala di baters che desdrüj les jonjies é por la sanité y tignì la sanité n “DOVËI”! 1) Ćiamò laprò pòl gnì fat vijites eletromicroscopiches y tests te labors microbiologics che i mostra sö ai paziënć le risch y che po ester na motivaziun implü por na igiena

personala dla boćia. 2) N stüde de profilassa di dënz po aconsié 3) Na buna igiena di dënz alda pro n stil de vita sann. Tres na igiena di dënz sconëise osta sanité generala, ala per de na alimentaziun sana, de sport y dla renunzia a comportamënć danusc.

Dënz sagn y jonjies sanes n’é nia ma bi esteticamënter, ai alisirësc i contać soziai y ai é inće importanć por döta la sanité.

manco circa 3 menüć. Inće te religiuns é la cura dla boćia pert rituala importanta. Por moslems à l’igiena dla boćia y le puzenè i dënz priorité alta. Le Corann scri dant lavaziuns rituales y sporfogns dla boćia - 15 sporfogns al dé. Por Mohamed ne po la netëza dl corp nia gnì despartida dala netëza dl spirit, y corp y spirit é lià adöm. Mohamed se puzenâ i dënz cun na rama dla Salvadora Persica (n lëgn). Le lëgn de chësc siwach o miswach é ćiarié de sostanzes che influenzësc positivamënter söles jonjies. Inće al dédaincö anüza moslems la rama dl siwach por netè la boćia dan l’oraziun da doman y dan les lavaziuns. Inće i cristiagn à tut ite la cura di dënz tla religiun. Inće tl Budhism à i dënz na valüta particolara.

Igiena ajuntiva dla boćia y di dënz cun Sole/Se y/o öre de ciüfs sorëdl - sporfogns Se é n mesum ezezional por l’igiena dla boćia y di dënz y prevëgn la gnüda de tartar y caries. La maiù pert di mai di dënz à sües gaujes te n aje alt tla boćia. Cun Sole podëise smendrì le tartar y les inflamaziuns. Cun se vëgnel trat sö na flora dla boćia neutrala, che varësc sides maraties atuales co scona inće l’ander dla boćia y i dënz da atocamënć nüs. Lavesse vigni doman i dënz cun Sole conzentré, fracede cun la lënga la Sole danter i dënz y gurgelnede. Döt dess duré plü o

Dr. Gebhardt Jahns Dr.-Sporn-Strasse 14 39030 San Laurënz de Puster tel. +39 0474 476206 - Medejina dai dënz generica +39 388 3615740 - Odontoiatria de mëndra invajiun - Chirurgia di gramorins ambulanta - Ortopedia di gramorins preventiva - Implantologia - Tratamënć tles ćiases de palsa y dai seniors - Sorvisc asvelt de reparaziun dles proteses - Agopuntöra ales orëdles - Analisa de material odontoiatrich - Tratamënć ozonn-ossigenn


Atualité

nr. 32 / 22 de agost 2009

Saurun tla politica

Economia

N comentar de Lois Trebo sön les medaies al mirit, sön i hotì che dess deventè apartamënć y sön la gran defilada a Desproch, por comemorè i 200 agn dala mort de André Hofer

Chësc residence cun apartamënć ê denant n hotel.

Medaies: bëgn tan miritades? Al é vedla tradiziun da plü de 50 agn che les autoritês politiches dà fora en la Festa dla Gran Santa Maria dai Ciüfs a Desproch medaies y diploms, la crusc al mirit a porsones che s’à fat nia püć mirić por la comunité. Da ti dè na vidlada ala lista di onorà che an conësc valgamia, éson tentà da ponsè che al vëgn chilò scialdi premié porsones dl gran partì. I ti consënti a vignun no ma öna na medaia, mo n dër jop; impò désson se fà pinsiers, ći mirić che al é iadô la medaia de certes porsones. N valgönes n’él inće chësta ota sön lista de chëres dla politica, che à laurè por la comunité sciöche aconsiadus provinziai, nia mal paià. Iö sun dla minunga che onoranzes y medaies dess ma ciafè chës porsones che laora sön le ćiamp de volontariat por i atri, zënza gnì paià; chi che vëgn paià à pö bele ciafè so reconoscimënt finanziar por so laûr. Implü dess i comuns onorè jënt che à laurè ma por so comun sön le ćiamp dl volontariat! Chi che à fat laûrs suracomunai de volontariat, a chisc dess Desproch i dè na reconoscënza tla forma de diploms,

medaies o crusc. Da canche le surastant de Südtirol adöm a chël da lafora firma y partësc fora i diploms a Desproch, él indô gnü metü na merscia nöia che mostra che Tirol é despartì. Sce an baia bele de un n Tirol, ne tocàssel nia che chël da Balsan foss ala pert, mo al butass chël da Desproch su!

Durni, tëgni dür! Sciöche an à lit te deplü folieć, oress na pert - insciö le surastant dl HGV Meister y E. Lanzinger dl LTS - che la Provinzia mudass la lege che proprietars de frabicać de turism podess vëne sües frabiches zënza liadöra, che an podess fà dinfora apartamënć. An dij che frabiches plütosc vedles - hotì, garnis ez. - che ne porta nia plü, messas podëi gnì vënüdes por fà d’infora apartamënć. Durni à dit n nou sëch a chëstes propostes, y cun rajun bona: la liadöra da ne podëi nia mudè hotì te apartamënć é gnüda scrita dant por schivé che al vëgnes venü fora tres deplü de nüsc paîsc. La ingrandida cualitativa y cuantitativa n’é mine gnüda

La Ladinia è inće öna sora. (Foto tuta dal liber “Tirol 1809 – 1984”)

N simbol y na scrita pro la defilada dl 1984. (Foto tuta dal liber “Tirol 1809 – 1984”)

conzedüda por fà n dé apartamënć fora de n hotel. Mo ći n’él pa spo cun i caji olache an à bëgn lascè tl hotel basìte bar y restorant, altaìte él indere gnü fat fora apartamënć, che é te val’ caji ćinamai gnüs venüs. La svenüda de nüsc paîsc é bele rovada massa inant. Al é gran ora che i comuns fejes dles dötes por ti sarè le tru a chisc speculanć che se fej sü scioldi sön les sciables de nüsc paîsc, che la paia ma lassura cun gnì tres deplü inforestis. Sce al vëgn baudié che al é manco sciori, mësson inće conscidré le fat: che i à pa venü a tan de foresć apartamënć chilò da nos y che s’à pa parè? Comuns à ćiarè pro! Rodunt chisc foresć foss incö ćiamò nüsc ghesć, sce ai n’ess nia ciafè da cumprè so cuatier chilò; cumprè ài ma, deache la contrada i plej tan.

Gran defilada, gran stritada L’ann iubilar de André Hofer é caraterisé da n tlap de manifestaziuns y la colm vëgn arjunta cun la gran defilada a Desproch, a chëra che milesc de porsones da döt Tirol tol pert, de vigni categoria y lia. Amez él dagnora i scizeri che s’arata i garanć de Tirol cun so lingaz y süa cultura y religiun. Chësc vëgnel tres dit y sön chësc tëgni. Dala gran defilada vëgnel dagnora inće portè de vigni sort de bandires, placać cun scrites che ne i fej nia aicia ai taliagn; deplü iadi àn portè na corona de spines dër grana, che dess simbolisé la despartida de Tirol en dui toć y le stlet tratamënt da pert dla Talia. Do che Roma à mostrè les manies scialdi leries y ti à conzedü a Südtirol na bela gran autonomia ponja de scioldi - an vëiga pö olache ai é gnüs spenüs - pêl che al ne foss plü degöna gauja da portè chësta corona, dij chi dla politica. Mo i scizeri la pënsa atramënter, deache ai é dla minunga che Südtirol aldiss da rovè pro l’Austria, demez da Roma. Bel n placat cun chësta scrita foss por Roma na gran ofenüda y ara à bele dit tler che na te’ scrita foss na provocaziun y Vìena podess s’aspetè na bela protesta diplomatica. Les eghes é dötaorela ćialdes, an prô da les desfridé, mo danter i scizeri n’él de deplü corusc, inće de chi che n’oress nia zede. I organisadus ghira che vigni placat o trasparënt che an oress portè pro la defilada lafora, dess denant i gnì metü dant ai organisadus por schivé descordies y protestes. Inće i scizeri y musighes ladines tolarà pert ala gran defilada desco vigni iade düć adöm, por ti desmostrè a Tirol che i ladins tëgn adöm, sciöche i todësc à inće tres pordiché. Tirol s’aspeta inće che i ladins röies indô adöm pro Südtirol sciöche ai é stà ćina che ai ê düć pro l’Austria. I sperun che Roma respetëies la orentè de ampezagn y fodomi - de Suramunt, che à cun le referendum dit tler: nos orun indô rovè olache i tocun: pro Tirol!

Les acordanzes de familia de Albert Pizzinini, tel. 3397969204 La suzescion de azienda tl panorama normatif talian à dagnora raprejenté n problem de soluzion ria. Da n pont de veduda economica é la suzescion de azienda un di momenc delicac de na impreja. L respet dla volonté testamentara dl mort (de cuius) y dla cuota legitima, ma souraldut la proibizion assoluta de fé fora acordanzes suzessoures cherieia de gragn problems tla organisazion dla suzescion dl imprenditour. A la dificolté de ciafé anter i arpadours chel che é plu adaté a tò tles mans l’impreja gniva permez l problem de carater giuridich de mete a una duc i componenc dla familia dl imprenditour. L fin é chel de despartì l’azienda y i autri bens dl de cuius a na moda de contenté i interesc de duc y tl medem moment lascé la gestion imprenditoriala a chel che an rata che essa les maioures cualités. Dut chest suzedova indere me do la mort. Da n pont de veduda economich él truep miec podei organisé l passaje dl testament bele dant la mort dl desponent. Chest é l obietif che les acordanzes de familia vuel arjonje. Con i articoi da 768 a 768 octies dl codesc zivil él gnu mudé la proibizion de chi che vegn dic “patti successori” (con d’autres paroles acorc sciche partì su l’arpejon dant la mort). La norma a la proibizion de fé fora acordanzes suzessores à l fin de garantì la liberté testamentara, con d’autres paroles messa avei l desponent la poscibelté de mudé te vigni moment les desposizions testamentares. La norma ratova vigni “patto sucessorio” senza forza. Con l prum coma dl articol 458 dl c.c. nuef végnel espressivamenter vedù dantfora na norma che derogeia a chest diviet. Al va debujegn de dì che jache al é na norma derogativa a na norma de carater general messarà chesta gnì interpreteda a na maniera restritiva y ne podarà nia ester oget de interpretazion analogica. En particolar él gnu con l “patto de f a m i g l i a” espressivamenter legitimé na acordanza suzessora de tipo despositif limitatamenter a la suzescion parziala o totala de azienda o de partezipazions sozietares ti confronc de un o de plu legitimitars. Al se trata de n contrat plurilateral, intuitus personae a titul debant che messa gnì fat tla forma solena tl at publich (forma ad substantiam art. 1325 n.4 c.c.). Sun la basa dla seconda pert dl art. 768 quater dl c.c. messa chi che ciafa l’azienda o les

partezipazions i paié fora ai autri partezipanc al contrat - tant inant che chisc ne renunzieia nia - na soma corespondenta al valur dles cuotes prevedudes dai articui 536 y seguenc; la licuidazion po ence ester en pert o totalmenter “in natura”. I bens assegnés con l medem contrat ai autri partezipanc che ne ciafa nia l’azienda, do dl valor assegné dal contrat gnirà trac ju da les cuotes de legittima che ti speta a ei. Da sotrissé él che la norma ne individueia nia l prozediment con chel che an ruva a la valutazion di bens en cuestion che messa enscì ester lasceda a la autonomia dles perts. Ai fins dla valutazion dl’azienda o dles partezipazions é senz’ auter miec de lascé fé na perizia da n espert, perizia che deventa nezessara tl caje te chel che al n’é nia acordanza anter duc. Les conseguenzes dl’azetazion dl’acordanza de familia sciche evidenzié dal ultim coma dl art. 768 quater é cheles dla esclujion da la azion de reduzion y de colazion. Te d’autres paroles con disposizion daldut ezezionala respet a la disciplina dla suzescion n’é i bens che costituesc oget dla acordanza de familia naouta daverta la suzescion nia sogec a d’azions de riduzion per lesion dla legittima (pert de arpejon che ti speta de dert ai familiars) y in sede de divijion eventuala ereditara nia sogec a la azion de colazion. Vigni assegnatar perd enscì la poscibelté de eserzite ti confronc di autri, l’azion de reduzion, con d’autres paroles la poscibelté de arjonje giudizialmenter la reintegrazion dla legittima, tres la riduzion dles disposizions testamentares y dles donazions ezedentes la cuota de chela che l de cuius pudova fé cie che al volova. Emplù n’é degugn di assegnatars obliés a conferì a la massa ativa dl patrimone ereditar azeté les libertés eventuales ciafedes can che le de cuius é en vita; con d’autres paroles n’él nia oblié de les despartì con d’autri coeredi en proporzion a les cuotes respetives.

Lois Trebo www.lauscdiladins.com

7


Atualité

nr. 32 / 22 de agost 2009

Nce Bulsan sënt la crisa

Durni y i ladins

Ancunteda a Falzes cun l presidënt Luis Durnwalder. 400 mile euro demanco tla casses dla Provinzia. Nce i Chemuns messerà sparanië. Utopia na provinzia ladina

N con’ di argumënc che toca i ladins plu da daujin ti ons mo fat vel’ dumanda a pert al presidënt dla Jonta provinziela Luis Durnwalder n ucajion dla cunferënza stampa a Falzes USC: Śën che la Dolomites ie unides numides patrimone naturel mundiel dl’Unesco, cie uniràl pa fat deplù da pert dla Provinzia per nosta montes? Luis Durnwalder: Savan bele da for che vivon te n bel raion y che la Dolomites ie dessegur pra la montes y i crëps plu biei dl mond, ne fajerons nia scialdi deplù de chël che on for bele fat. Sambën unirà chësta nomina adurveda bën per publizisé mo deplù nosc raions, ma l sarà nce na bona sburdla, che ie pu nosc duvier, de lauré, curé y valorisé drët nosta Elpes. Les tenì nëtes, les respeté y les fé respeté. Aldò dla crisa ëis dit che la jirà de sparanië y de taië vel’ da cuntribuc, co ti jiràla pa ai ladins? Ce cuntribuc ti taieis’a? On for sustenì i ladins y l fajeron inant. La scoles, la majera nfrastrutures o stredes de mpurtanza arà nce tl daunì nosc sustëni. Sambën ne saràl nia plu tan de scioldi sciche dant, ma nce la cultura y la rujeneda ne paierà nia lessù.

Pra la cunferënza stampa a Falzes.

Politica - N juebia ai 13 d’agost iel inò stat la cunferënza stampa tradiziunela de mez agost a Falzes te Puster cun l presidënt dla provinzia de Bulsan Luis Durnwalder. L presidënt à trat ca truep argumënc, dajan n cheder tler dla situazion puech saurida y scialdi zitia tla provinzia. “Co che udëis sons inò tlo y resteré inant nchin al 2013. Tan prësc ne ti la zedi nia, nchin che la sanità y l cë me juda laureréi inant per l bënsté dla provinzia. Muessa vester che la jënt ie mpo mo cuntënta cun mi lëur sce ncuei sons duc inò tlo. Te chësta legislatura nueva iel plutosc rie a lauré, l’oposizion ie scialdi sterscia y nsci ne n’iel nia saurì a ruvé prësc a na bona contlujion di proiec y dla prupostes. Ma l ie nce la crisa finanziela che sention nce a Bulsan, che ustaculea nosta previjions de lëur dantaldut per i majeri proiec. Tres l calé dl lëur y l smendrì dla produzion dla majera dites dla provinzia, vëniel nce ite manco chëutes te nosta casses. N calculea che l unirà ite danter 300 y 400 mile euro demanco. Chësc cumporterà de messëi sparanië. Messeron calculé avisa y seleziuné dassënn a chi ti dé ora i cuntribuc y tanc n dé ora. Mé ai proiec de majera mpurtanza ti uniràl dat priuriteies finanzieles. Strutures y nfrastrutures sciche stredes y tuniei, nia essenziei, messerà aspité.” Nsci la prima paroles de Durnwalder. Do la doi ëura de referat à l presidënt lascià da dedò sciche for nce la lerch ala dumandes dla gran cumpëida di jurnalisć unic adalerch per l’ucajion. Prejenton tlo dessot n valgun

8

www.lauscdiladins.com

argumënc tratei da Durnwalder.

Burocrazia

Roma

Cialeron de fé dut l puscibl per smendrì la burocrazia almanco dl 20%. Chësc per sparanië tëmp y nsci nce scioldi.

La mudazion tl guviern naziunel ne à nia purtà de gran benefizies per nosta cunlaurazion. L a mascin burocratica a Roma va massa plan. Nosta dumandes tleres y de mpurtanza vën scutedes su dai ministri, ma ne vën nia purtedes inant. Chiron soluzions y miuramënc tl ciamp dla cumpetënzes, dla sanità, dla scoles, dla posta, dla ferata, dla polizai y plu lerch nce tla televijion.

Scoles Ne son nia cuntënt defin cun la scoles, dantaldut nia cun chëles talianes. Tlo muessen mo fé truep. La va de smendrì la cuantiteies di proiec de mëndra mpurtanza per valorisé y ti dé plu lerch ala cunescënza y furmazion dla gran rujenedes plu adurvedes y a materies ndispensables. L ie drët svilupé na soluzion per fé sentì duc bën te si scola y de nia spartì linguisticamënter la populazion scolastica. L talian dëssa mparé l tudësch y l tudësch dëssa pudëi mparé la rujeneda taliana, chësc per garantì na bona cunvivënza danter la doi grupes de rujeneda.

Sanità Nce tl mond dla sanità vàla de cuncretisé y de focalisé deplù la spëises. L ie drët spartì su la spezialisazions sëura duta la uniteies saniteres dla provinzia. Uni spedel arà si dutores spezialisei y esperc de setor, garantian mpo l servisc primer de urgënza.

La crisa Bulsan ne n’ie nia na ijula vërda y zënza problems, la crisa se fej sentì nce da nëus y niacanó tan puech. La ndustria dai auti, ma nce autres de gran dimenscions, à tëmps riei. L setor dl turism va per fertuna mo plutosc bën, y nsci vëniel garantì n jì inant nce sce mé a pe zot dl’economia. Nosta provinzia se la cava mpo mo a unì ora mé cun n uedl brum. Nosta fertuna ie che on truepa de mëndra ndustries o dites nce mé familieres che à la puscibltà de vester plu flescibles. Les sënt la crisa ma les ie bones a vel’ maniera de crì soluzions auternatives. Ntant ons n gran minus tla ntredes te nosta casses y chësc puderà cumpurté taies finanziei ai lëures publics. Nce i chemuns messerà se fé deplù i conc y dé priuriteies. Messeron duc mudé filosofia de vita.

L vën rujenà de na provinzia ladina. Ciuna ie pa Vosta minonga? Defin negativa y utopica. Segurmënter ne guderà na provinzia ladina giut nia dla gran autonomia y bënsté che on bele. Rujené de ulëi mëter su na provinzia spartida y autonoma mé per i ladins ie mpue’ vagà y segur mpue’ provocatorich. N uel mpue’ massa jughé cun l fuech. L ie bele utopich, aldò dl iter burocratich-politich a Roma, de rujené che la valedes ladines de Belun ruve pra Bulsan, pona nmaginonse de na provinzia ladina autonoma. La ne jirà segurdenó fata. Atuel ie mo śën sciche dant la stredes di jëufs. Ciuna ie pa Vosta minonga, fé paië l passé sun i jëufs o no? Ie son dla minonga che abiné na tel soluzion fossa dessegur la miëura. Ma sambën vàla tlo de unì a una nce cun la valedes y provinzies ujines. Se damandan n pitl cuntribut a chiche passa, pudëssen se nuzé drët bën de chëi scioldi. N pudëssa i tò ca per abelì y curé i jëufs, pitan servijes sciche mëises,

banc o bases de usservazion. Ma sambën nce per miuré la stredes y la mesures de segurëza. L fossa mefun scioldi sparaniei ala Provinzia. N tel bon ejëmpl y che funzioneia drët bën ons pu bele. Gherdëina y Badia ie valedes de turism, y per garantì l servisc vàla debujën de lauranc nce nia UE. Ie pa do Vosta minonga chësta situazion di emigranc extracomuniteres regulamenteda a drët? Nce tlo messons mo fé truep. Tl daunì puderà mé sté te nosta provinzia chiche à n albierch, n lëur segur y paia la chëutes. Mandon bele śën cuntroi, ma n manderon mo deplù ti proscimi ani. Iel pa drët nvestì tan de scioldi sciche te Gherdëina per la stredes de zircumvalazion y tuniei, o fóssel pa miec nvestì tla sensiblisazion de fé lascé sté i auti deplù a cësa? Sambën che fajan stredes àuzen nce la ueia de furné, ma sce la ne va nia autramënter y sce chisc lëures garantësc na miëura cualità de vita tl luech, y sce i lëures sciche tl cajo de S. Cristina vën fac bën, iel drët che i vënie fai. L ne n’ie no unì fat de gran parëies de peton, i tuniei ie bën metui via y i lëures ie unii fac tl respet per l ambient y dla cuntreda. Sambën che dut chësc ne smendrerà segurdenó l muvimënt di auti, ma chël ie n problem che ne ëis nia mé te Gherdëina. Per finé via ulons nce nëus Ve mbincé dut bon per la nasciuda de Vosta pitla Greta. Se muderà pa zeche te Vosc lëur? Ntant de gra per i auguresc. No, per mi lëur ne se muderàl nët nia, povester éi plu ueia de unì a cësa. Per mé iel na situazion scialdi nueva. Muesse nce ie permò me usé, ma son cuntënt, y mi lëur da presidënt feji inant y chësc cun gaissa nchin tl 2013. Perchël speri inò de ve ancunté tlo da mé a cësa, mo per chisc ani che vën. Assudëi. De gra presidënt. Ntervista de Egon Vinatzer

Cunvivënza y sozietà L ie da cuntrulé deplù i jëuni y da dé inant na istruzion y sensiblisazion de viver plu soziel. I estremisć sciche la “Hitlerjugend” ne n’ie nia da sotvaluté. Ma ne pudon nia mé straufé o cundané, l ie drët ti spieghé a chisc jëuni che i se revina l daunì y svilupea ti raions n melsté y na melsegurëza tla sozietà. Ma cun legrëza possi dì che danter la grupes linguistiches y cultureles ne vàla nia tan mel. (ev)

Luis Durnwalder cun Alexia Grossi y Egon Vinatzer.


Atualité

nr. 32 / 22 de agost 2009

L di nadalin dla Lia Rumancia L apel y l conzet de Giachen Conrad à splané l troi per la Lia Rumancia. Ai 27 de messel/ fenadour él sté rodunt 90 agn che reprejentanc dles unions rumances à tout la dezijion a Tusaun da realisé la Lia Rumancia (LR) che é spo gnuda metuda su trei meisc plu tert - ai 26 d’otober 1919 a Coira. N medieje da recordé per la Rumancia

Costruziuns a munt tipiches per l Grijon.

Grijons - Tla cronaca per i 75 agn scrivova Bernard Cathomas, enlaouta secreter general meritous dla Lia Rumancia: “Fora dl raion Renania él gnù la idea per la Lia Rumancia”. Al se referiva a na letra de Stefan Loringett da Vargistagn/ Schons de mei dl 1919 a la s oura st anz a dla S o c ie té Retoromancia (SRR). Te chesta ova n member dla Uniun rumancia da Schons prejenté n program per l miorament dl lingaz rumanc y sia situazion; al ova souradut aconsié da consolidé l ciuch rumanc sun basa de na organisazion generala y da ti dé a les sozietés rumances na costituzion uniforma per aumenté i sforc da mantegni l rumanc contra l´influenza todescia.

I scrais de Cassandra à abù fazion L member souradit dla Union rumancia da Schons ne fova degun auter che Giachen Conrad da Andeer, enlaouta secreter dla posta a Coira. Al ova scrit articui sot al titul “Kassandrastimmen vom Hinterrhein” ai 16 y 17 de auril dl 1919 tla “Nova Gasetta Grischuna”. Te chi contribuc ova Giachen Conrad prejenté la situazion atuala dl rumanc, deplüré l progres dla germanisazion che manaciova sie lingaz tl davegnì. Perchel metòvel dant en pruma linia che les sozietés rumances desvalives dess se scluje adum te “una na lia generala” per savei da combate con forzes unides. Sun chesta à la Uniun rumancia da Schons sostegnì la idea y envié la Societé Rumancia da tò l’iniziativa.

a la adunanza dal titul “L mantegniment dal lingaz rumanc” à Giachen Conrad definì cler y bon sies teses. Al à damané dantdaldut na organisazion generala con n secretariat zentral per duc i Rumanc Grijons; l medem àl prejenté n program de laour menù per schivé n spidiciament dl lingaz rumanc y per i mete rams tles rodes a la germanisazion. L referat ezelent y benfondé àn fat fora da lascé stampé y partì fora a dutes les vejinanzes (comuns) rumances che l popul vegne clarì sun la intenzion dla organisazion nueva.

N Referat à dé l’impuls Do l referat enteressant y na discuscion òven - aldò dla Gasetta Romontscha - fat fora a l´unanimité da mete en pe na organisazion generala con secretariat zentral y da realisé l conzet prejenté da Giachen Conrad. Les unions rumances fova gnudes enviedes da dì la sia enchin d’auton dl 1919 sun na forma de na organisazion zentrala. La adunanza ova lité n comité provisore per na Lia Rumancia con reprejentanc de dutes les unions rumances: Societad Retoromontscha – Romania – Uniun dals Grischs – Uniun romontscha da Cuera ed Uniun romontscha da Schons. L comité ova da realisé dutes les conclujions toutes da la adunanza

enjignenta y à tegnù deplù sentedes. La “Gaseta Romontscha” à comenté positivamenter: “La adunanza enjignenta di 27 de messel/fenadour dessova ester l’esprescion dla volonté ferma dl popul rumanc da nia bazilé no pesimé sun l combate per nosc lingaz. Viva la Grischa!” La Romania che à abù de setember dl 1919 sia senteda generala a Domat s´à fat pensiers sun na Lia Rumancia proieteda desche la chestion plu emportanta. Sot al presidium dl primiziant signour Gion Capaul dla Romania él gnù dé l benvedù a na alianza anter les sozietés rumances desvalives en forma de n cartel con la garanzia de completa autonomia y de independenza de chestes. Ai 23 d´otober 1919 encunda la ”Gasetta Romontscha” la adunanza di 26 d´otober tl “Capricorn” a Coira con la tratanda: “Fondazion y costituzion de na Lia Rumancia!” Y Giachen Conrad che é sté l prinzipiant y ova dé l impuls dezisif per realisé la LR fova gnù lité sie prum sourastant y al à manejé chela union tet per 25 agn alalongia. Chesta lia é steda per l rumanc la forza portanta che à daidé tegnì su y svilupé inant l lingaz rumanc con siei idiom desvalifs. (da LQ 27.07.09 de Giusep Capaul)

Sté adum per laoré miec Sun chesta à la Sozieté Rumancia con a cef l aconsiadour nazional Andrea Vital envié ai 27 de messel 1919 les sourastanzes dles unions rumances a na senteda enjignenta tl hotel “Crusch Alba” (Blancia) a Tusaun per deliberé che ai podessa se enstradé en unité y energia te n moviment per la mantegnuda dla favela rumancia. Te sie referat

Gran interes per lingaz y cultura rumancia Te deplù posć y valedes dal Grijon végnel bele da trueps agn organisé de pert de deplù lies rumances cursc per emparé y se perfezioné tl lingaz rumanc. Ai cursc tol pert persones grijones de lingaz rumanc y todesch, ma ence nia pueces persones da foradecà, cis dal sud de Teratodescia Grijuns - A Scuol tl Grijon à abù luech de messel/fenadour n curs da rumanc, organisé sciche vigni ann da la Lia Rumancia en strenta colaborazion con l’”Uniun dals Grischs”. Tl salf comunal a Scuol à la presidenta dla “Uniun dals Grischs” Maria Sedlacek y l ombolt da Scuol Jon Domeni Parolini mostré su gran plajei per la bona partezipazion ai cursc Al s´ova anunzié damprò da 100 persones che é gnudes partides su te ot grups: la maiour pert fova prinzipianc y bon la terza pert de chi plu inant. Laprò él ruvé n grup che volova demé renfresché sies bones conescenzes dl rumanc. L program regolar é gnù acompagné con tems storics, economics y leterars. Politica meritousa dà la poscibelté da podei organisé de tel cursc sun l lingaz y la cultura rumancia. Rumanc é l lingaz ofizial per scola y aministrazion. I partezipanc é gnus priés de ester de bogn ambasciadours dl lingaz rumanc. Les lezions durova dantmesdì 2 ores y n chert y domesdì fòvel n´ora y mesa de curs intensif. Vigni di metova la lezion man con na mesa ora de cianté. Anter ite él gnù tegnù referac sun i ciastiei dla Engiadina y sun les opres idrauliches dla Engiadina Bassa, depierpul che na enconteda con Urs Cadruvi, l secreter dla Lia Rumancia, à sclut ju l curs. A Vignon à ot families rumances y bilinghes con 21 mutons dal Grijon todesch y dla Bassa defora dal ciuch rumanc fat n´edema de messel vacanzes tla ciasa da scola da denant per emparé rumanc y baraté fora esperienzes. La Lia Rumancia à sostegnì chesta iniziativa privata. I mutons emparova l lingaz con pascion dut l di. Ai fajova vacanzes da comunanza y adorova per l plu l lingaz rumanc per la comunicazion. L secreter dla Lia Rumancia Urs Cadruvi é da puech jù a giaté l camp: “L’idea de chesta iniziativa privata corespon a la filosofia dla Lia Rumancia” àl sotlinié y al à prejenté l projet che dess resté n crep de dureda tl mosaich dles ativités dla Lia Rumancia, é pu les families la clef per la generazion che vegn.” Aldò de Cadruvi dess chesta iniziativa jì inant vigni ann te n´autra region.

sun basa privata. Na oma de lingaz todesch con mutons che rejona todesch y rumanc à dit che i mutons empara tal camp saurì y con gran vueia l rumanc; ai à ocajion da audì i autri idioms rumanc, i genitours pò baraté fora esperienzes, i mutons po emparé zenza prescia y stress. Chest dess ence fé i genitours y l camp pieta la ocajion ideala. Con les ativités sportes tl camp polivalent vegn i mutons y i genitours tres confrontés sun l lingaz rumanc adum a la contreda y a la cultura. Laprò tóchel na vijita a na nodadoia y a n museum; con sport, cianté y mujiga vegn i mutons metus en contat con l lingaz rumanc. Personal de ciasa y ensegnanc al camp é de lingaz rumanc. Na figura da marioneta à tres acompagné i mutons che ai veide che rumanc n´é nia demé n lingaz de familia, ma ence n lingaz vif y che vegn adoré tla vita da vignidì. (LQ 29.07.09) A Samedan él gnù organisé dai 13 ai 24 de messel/fenadour de chest ann cursc de rumanc, manejés da la signoura Barbara Camichel. L ann passé ova 78 persones tout pert y chesta outa ben 113; an à partì su trei sortes de cursc: un per chi enchin ai 30 agn, un per chi da 30 a 60 agn y un per i pensionés. Pert à tout persones da duta la Svizera y cotanc dal ester; ales à formé na gran familia y garantì na bona atmosfera. Tratan l curs él ence gnù traté l bosch tla Engiadina Alta, la Val Müstair, i scritours Luisa Famos (1930–74) y Oscar Peer (*1928 ) é gnus portés dant y plu de joegn à liet dant fora de sies operes; an à fat viadesc tla Val Müstair y a Bravuogn. Vigni di fòvel programé da cianté chi 25 menuc y al ne manciova nia anterite referac sun tems atuai. An à constaté che descursc da 2–3 persones é dret ideai per ruvé ite tl baié rumanc. Ence n curs de ortografia y de gramatica dl rumanc à fat pert de n curs; per i 10 partezipanc dl post àn scrit adum valgunes regoles essenziales per emparé da scrive dret; la ressonanza a chest curs é steda dret positiva. L Cianton Grijon y la Lia Rumancia à sponsorisé la gran pert de chisc cursc. (LQ 06.08.09) Lois Trebo

Iniziativa privata

L bel gran convent de Mustér tal Grijon.

L ann passé à Miriam Rischatsch y Corina Peterelli organisé l camp per families rumances y bilinghes a Churwalden Na veduda sun la localité de Scuol. (Foto: Daniel Schwen) www.lauscdiladins.com

9


Atualité

nr. 32 / 22 de agost 2009

Anno Domini 1809: doi evenc che à segnà la storia de Fascia

Assegnazion de la pruma cèsa

L’Istitut Cultural Ladin e l Comun de Vich à dat fora n liber che recorda la fegura de Antone Rizzi, pionier del turism e capitan di scizeres de Fascia te la veres de liberazion contra i franzousc

L Comun de Soraga à avert l bando per l’assegnazion de n teren destinà a la realisazion de 6 abitajons de pruma cèsa tel scito del Sester. Podarà prejentèr domana de assegnazion i sentadins del Comun de Soraga e chi di Comuns vejins de Moena, Vich e Poza. Chisc ùltimes vegnarà metui ite te la graduatoria de assegnazion con màscimo 2 cartieres. La domanes, ensema a la documentazion perveduda, cognarà ruèr ite dant da les 12.00 de en mércol ai 30 de setember che vegn. Per i enteressé te Comun de Soraga l’é a la leta i projec e i

Ne dijede vèlch del lurier storich fat per chesta publicazion? Cesare Bernard: “Son peà via dai scric publiché del 1987 sun Mondo Ladino e dapò é recuperà e metù a post i documenc de Pare Ma veia chèrta de posta con l’Hotel a la Corona Frumenzio; é fat d’Oro de Vich. na introduzion s to r i c a e 4 Storia - Acà 200 egn nascea te “appendici documentarie”. La Fascia la pruma strutura de valuta pruma sui documenc relatives ai “turistica”: la Osteria alla Corona evenc de la vera: letre o picoi d’Oro, o miec, Gasthaus an der “dispacci” che i capitans ge scrivea goldene Krone, fata sù a Vich al maggiore Rizzi; l’é 15 documenc apontin del 1809 da Antone Rizzi coi inomes de duc i fascegn che à (1776-1848). Te chel medemo an tout part e l document de la Antone Rizzi, che l’era ence capitan bandiera del 1809. La seconda la é di Scizeres, l tolea pèrt apede a sui documenc de l’Hotel Corona: Andreas Hofer a la batalies contra la letra del 1806 olache l domana Napoleon, per librèr l Tirol dai de far sù la ciasa, n beliscim prospet Franzousc e dai Bavareisc. del 1808 olache Rizzi à segnà dute En ocajion de chest cedean l le giornade de lurier de chi che à Comun de Vich à pissà che fat sù l’alberch che à lurà n istà, meritassa ben fèr cognoscer miec dapò na lizenza per poder vener chisc doi evenc, che à lascià l segn sgnapa e c.i. N lurier enteressant te la storia de Vich e de duta Fascia, che à domanà n muie de temp l’é e recordèr la fegura de chest om, stat chel de vardar fora l prum pionier del turism e capitan de la register firme del Corona enscin milizia locala, che se à dat jù e l’à al 1873. No l’é stat sorì dezifrar i abù n ruol emportant te la inomes, ma a la fin é troà fora n comunanza de Vich e de duta muion de personajes, soraldut Fascia, tel defener l teritorie dai geologhes e alpinisć, de chi che aon franzousc, ma ence tel didèr sia reportà la firma, con valch nota jent a se envièr via e crescer a livel biografica che l’é stat belebon sorì troar fora te internet, ajache l’era imprenditorièl. L projet se à concretisà te na p e r s o n aj e s d e n o n z e c h produzion editorièla che à permetù internazional de chel temp. Dapò de meter apede competenzes e l’é na terza part coi retrac de familia, material de l’Istitut Cultural Ladin, olache aon metù ence n alber che del 1987 aea publicà su “Mondo genealogich, ajache da Antone Rizzi Ladino” n studie de P. Frumenzio vegn cà più familie, i Rizzi del Ghetta sun Antone Rizzi e na letra Corona ma ence chi de Salin via enteressanta scrita per fascian, Pera, perché Antone Rizzi l ge à manèda del 1836 a Rizzi da l’om lascià l Corona al fi più pìcol e al de sia fia, Giovanni Battista Rossi. più gran l ge à comprà via Pera. Chi scric é stac ciapé te man dal Pecià demò che no sion stac bogn professor Cesare Bernard, che à de troar nience n retrat de Antone fat amò n gran lurier de enrescida Rizzi: chel che jìa stoz e che i dijea ti documenc per ge dèr ai evenc de che l’é el, l’é enveze n nez, l’é n chi egn n encadrament storich depent tout jù da n retrat adatà, e ti retrac, ensema con fotografich. La quarta “appendice” Alessio Deluca, per fornir l liber la é sui lesc, sun Vich e l’evoluzion. de n bel e rich aparat iconografich. A la fin l’é vegnù fora n liber n muie L liber “Anno Domini 1809. rich, de 160 piate.” Antonio Rizzi pioniere del turismo e capitano della milizia locale”, dat En curt, colun él l ruol de fora adum da l’Istitut Ladin e dal Antone Rizzi te la remida del Comun de Vich, à abù ence la 1809? preziousa colaborazion de la familia “Antone Rizzi l’era un di 5 Rizzi-Anzelini de Vich, patrona de capitegn de le milizie, e l’é da l’Hotel Corona, e l vegnarà prejentà recordar che l Tirol no l’aea na en jebia ai 27 de aost da les 21.00 defendura n muie endrezada, l te tendon de Vich te na serèda teritorie vegnìa defenet da milizie viventèda dal Grop de Folclor “La locale. Del 1809 Rizzi l’é un di Marmolèda” da La Rocia. Te chesta capitans de le milizie che va contra ocajion l ge vegnarà sport ai i Franzousc che aea ocupà l Tirol. L’é la jent del Tirol che se rebela, sentadins del comun. perché l Tirol ge era stat dat a la Per saer vèlch de più de chest Baviera e i Bavareisc n’aea n bel liber e di evenc scì emportanc del festidech de le istituzion locale. 1809, aon domanà fora l professor L’Austria, che l’à perdù 4 vere co la Cesare Bernard. Franzia, no l’à la forza de ge jir de

10

www.lauscdiladins.com

contra, coscì l’é la popolazion del Tirol a se remir. Andreas Hofer l se troa a ciaf de na rebelion n muie popolara, e Antone Rizzi l’é un di capitans de cheste milizie popolare. Le 5 compagnìe de Fascia le é belebon mobili, le va vin Fodom o te la val de l’Adesc, olache l’é besegn per defener so teritorie. La più gran campagna l’é chela a la fin de la vera tiroleisa: a la fin de otober Rizzi l va ju a Trent, l’é na gran batalia a Lavis e aló, per soe capazità, l doventa “maggiore”. L’é ence da dir che chest l’é n temp de graniscimes mudamenc co le vere napoleoniche, n moment critich e emportant per la comunità de Fascia percheche chiò l’é giusta stat tout jù l Prinzipat vescovil, pont de referiment del centené, se no pa de milené te Fascia. Te chest temp de mudamenc, Rizzi l’é n pont de referiment ence istituzional, l’é capocomun, e canche muda l Goern, i funzionaries resta e la jent se ouc semper a le medeme persone.” E amò apede chest personaje l’à temp per se meter al luster ence desche pionier del turism... “Ei, apontin del 1809 l porta inant la costruzion de chela che al scomenz l’era soa ciasa, anzi la ciasa de la mare de soa femena, ajache el l’era da Ciampedel, maridà sa Vich e funzionar del Giudizie de Fascia. La familia de soa femena aea na boteiga aló da chi de Pierucol, apede le scole. El l domana de se far sù na ciasa e l se porta dò l’atività de ostarìa/emporio, olache i venea mìngol de de dut, pan de forment, vin, ciarn. Antone Rizzi, no demò desche comandant o albergador, l’era una de chele persone che nasc ogne tant, ence a livel de inteligenza. Tu vedesse i conc... l’aea na ment n muie ascorta e l’era ence n impreditor modern: per ejempie ajache l cognea se proveder la roba per la ostarìa l se à endrezà a far trasporc per autres e l’à metù sù na compagnìa de trasporc. Dapò l met a post l cataster, no demò chiò, ma ence mec i archivies del Giudizie de Cles, olache i lo chiama desche espert. L’é n ragionier n muie en gamba e no per nia i ge dasc sù ence de aministrar i bens de la mensa vescovile. Me à colpì per ejempie l fat che te l’archivie de la Pieif, Antone Rizzi l’é semper chiamà “signor”, onor che no ge vegn resservà nience ai noboi. L’é dalbon n personaje capaze, n imprenditor con gran anteveder, e tel medemo temp n om de la comunità, che se dasc jù ence per didar soa jent.” Rengrazion Cesare Bernard per sia desponibilità e per l lurier fat per ne didèr a cognoscer mìngol miec noscia storia, e envion duc a la prejentazion de chest liber en jebia ai 27 de aost sa Vich. (lg)

La domanes per poder apede a la pruma abitajon cogn vegnir prejentèdes dant dai 30 de setember preventives de speisa per la realisazion di cartieres. Chi che vegnarà touc ite tel bando podarà se comprèr l teren a metà priesc respet a la quotazions de marcià. Te chest scito, ma endependentes, ence l’Itea, l’Istitut Trentin per l’Edilizia Abitativa, con chela che l Comun à sotescrit na convenzion, farà su 3 cèses. Inant dai 10 de otober l Comun metarà fora la graduatoria e ti dis dò chi che é stac touc ite cognarà paèr la pruma pèrt de speisa de 5 mile Euro. Aboncont per maor informazions se pel se oujer te Comun de Soraga, telefon 0462-768179.

N uton rich per l’Union di Ladins Sacontenc apuntamenc ouc a la comunanza de Fascia leé a la storia de sia jent, con viajes a Dìspruch per la gran defilèda di 20 de setember e al Museo de Andreas Hofer te la Val Passiria Passà l gran lurier de la sajon da d’istà, che pian pian é dò a se fenir sù, l Consei de l’Union di Ladins de Fascia é dò che l peissa a dotrei apuntamenc de gran enteress da ge sporjer a si sozi e a la jent de Fascia. L’ocajion per fèr mìngol de bilanz e per meter jù l calandèr de la scomenzadives l’é stat la sentèda che l president Silvano Ploner à chiamà ite en sàbeda prum de aost te na cornisc dassen particolèra, la Mont de Poza: ocajion che é stata dassen aprijièda dai conseieres che coscita à abù l met ence de veder l gran numer de ativitèdes che vegn endrezà per la Gran festa ta Mont. Chest an 2009 l’é l’an dedicà a la recordanza de Andreas Hofer con sacotanta scomenzadives te duta la Region Trentin-Sudtirol. Andreas Hofer l’é per n muie de jent n eroe populèr e populèra l’é stat ence la remida tiroleisa del 1809, vidèda apontin da Hofer, contra i franzousc de Napoleon. Per recordèr chisc avenimenc del passà, che à segnà la storia de noscia jent, ence l’Union di Ladins de Fascia se à pissà de ge dedichèr vèlch moment. L prum apuntament en calandèr l’é la gran defilèda che sarà a Dìspruch ai 20 de setember che vegn, co la partezipazion de presciapech 25.000 persones, anter Compagnìes de Schützen, Museghes e Gropes de Folclor. Per chel dì l’Union endrezarà na coriera per jir a veder chesta gran defilèda che pea via da les 11 da doman e

la durarà presciapech trei ores. Tel vegnir de outa se se fermarà a cena. Ence la Festa del Rengraziament, che la é en program en domenia ai 11 de otober a Poza, la é dedichèda chest an a la memoria de Andreas Hofer, en colaborazion con la Schützenkompanie Ladins de Fasha che chest an recorda i 25 egn de vita. Dò messa la Schützenkompanies Ladines, la Mùsega de l’Auta Fascia, i gropes de Folclor e la jent jirà en defilèda fin te tendon de la manifestazions olache vegnarà prejentà la riedizion del liber “I fascegn a le vere de liberazion” te la verscion ence per talian e todesch, dat fora da l’Union di ladins adum con l’Istitut e la colaborazion di Schützen de Fascia. La festa se serarà su co na bona speisa da zacan per duc chi che tolarà pèrt. I apuntamenc che endrezarà per chest uton l’Union di Ladins de Fascia no i é amò fenii ajache la domenia dò, ai 18 de otober, vegnarà endrezà na raida per duc i sozi per veder olache l’é nasciù Andreas Hofer a Sèn Leonard en Passiria e la mostra endrezèda al Touriseum del Trauttmansdorff olache à metù fora na sia òpera artistica ence Manuel Riz da Cianacei. Per maor informazions o per tor pèrt a chisc viajes podede ve oujer te senta de l’Union di Ladins a Sèn Jan; per jir a veder la gran defilèda de Dìspruch l’é ben fat se enscinuèr prest e dèr jù l’adejion, ence chiaman l numer de telefon 0462-764545.

L Consei de l’Union di Ladins de Fascia se à binà te la Mont de Poza.


nr. 32 / 22 de agost 2009

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Tosc zircumvalazion per Urtijëi? Proiec iel bele unì fai dan cater ani, dij l Chemun de Urtijëi. “La cossa pudëssa unì cuncreta ti proscimi cin’ ani”

L ambolt de Urtijëi Ewald Moroder y l assessëur Armin Lardschneider.

L proiet de Georg Fischnaller. Zircumvalazion che peia via dan l rundel dlongia l purtoi de Ronc, ite sot al purtoi de Ronc y ora nzaul caite insom l pra da Minert, ca per puent iló dedite dala stazion dal penzin, mo dan l trëbe cun la streda che va ite ta Mulin da Coi. L njenier Flavio Mussner à te si proiet na soluzion similara.

La pruposta, nia tëuta su dal Chemun, dl njenier Adriano Fragiacomo. Zircumvalazion che peia via ora Runcadic, iló dlongia la Typak ite nchin do l ciamp dal palé de Urtijëi, cun eventualmënter mo na streda cun segondo tunel nce dal rundel pra purtoi de Ronc.

Urtijëi - La resposta ie tlo bele riesc. Mo dan’ena damandovi coche la fossa per na zircumvalazion de Urtijëi. Tla USC ovi scrit: “Nia rujenà ne vëniel de Urtijëi. Do mi ntënder iel tlo l majer problem. La Tresval ie la streda de zircumvalazion, vëniel dit. Ma chëla ie mé na streda de zircumvalazion sun l papier. De facto iela na streda de cunliamënt dl luech de Urtijëi, povester la sëula streda de cunliamënt estovest. Mpifeda sëuraprò dantaldut tla sajons turistiches dal trafich che passa ite y ora. Y uderon d’inviern, cun la streda de zircumvalazion de S. Cristina che lascerà unì permez mo plu auti te n iede l’ora, sot al Diamant ju. Da tlo la dumanda: co fóssela pa a pensé do a na streda de zircumvalazion de Urtijëi?” Nscila ovi damandà. Y la resposta ie bel riesc unida data.

N proiet bele tl 2005 Bele dai aniscimi se muev l Chemun de Urtijëi de chësc viers, scencajo che zachei ëssa da damandé. Danter i prim lëures dla Jonta nueva, conta l ambolt de Urtijëi Ewald Moroder, fòvel unì prejentà cun deliberazion di 30 de nuvëmber dl 2005 n prim proiet per na streda de zircumvalazion. Scarteda, a dì dl talian, la varianta sot al Tresval ite, ajache la fova tecnicamënter massa ria da fé, cun

l ruf massa daujin, cun la cëses massa daujin y fuera y scassoc nia da schivé per i fabricac sun la Tresval, tl cajo de n tunel, cun na fasa de lëures massa longia, de almanco doi ani, cun dut l cajin che chësc ëssa cumpurtà, cun n custimënt do la rata grant, almanco tant che per na streda de zircumvalazion nueva, nzaul d’auter, cun n tunel sot al rone de Ronc ite. Scarteda chësta prima ipotesa sot ala Tresval, àn metù sun mëisa l proiet dl njenier Georg Fischnaller. Zircumvalazion che peia via dan l rundel dlongia l purtoi de Ronc, ite sotite sot al purtoi de Ronc y ora nzaul caite insom l pra da Minert, ca per puent iló dedite dala stazion dal penzin, mo dan l trëbe cun la streda che va ite ta Mulin da Coi. N proiet cun previjion de 38 milions de euro. A una cun S. Cristina òven valutà de fé eventualmënter n rundel pra trëbe sun la Tresval per Mulin da Coi, a na maniera de tò y tres nce la luegia ncompra y mascimamënter periculëusa dl trëbe coche l ie śën, cun i auti che vën dal Diamant ju che manacia de te frì ite sce te ues raidé ite ta Mulin da Coi. Na medema pruposta, similara, ie unida fata dal njenier Flavio Mussner.

Terza pruposta nia azeteda Mo na terza pruposta ie unida

“Ma no che unieis do y do cun prupostes de stredes che vën ora tlo y iló, che taca ite tla streda de zircumvalazion. Zircumvalazion y basta!” Y cuncretamënter? Damandons. “La cossa pudëssa o messëssa se cuncretisé bele ti proscimi cin’ ani,” dij l ambolt Moroder. Y sce l ne n’ie nia bele na mpermetuda prelitela, pona uelel dì che n sà bele zeche de plu avisa. O mo miec, che l ie bele vel’ da garanzies da Bulsan su. L ambolt Moroder y l assessëur Lardschneider auza mo ora che n elemënt positif ie

zënzauter che la zircumvalazion, che l tunel de zircumvalazion fossa aldò di doi proiec tan che dut sun cumenel, cieche ne n’ie ënghenó de dann. Bon pona, la resposta ie unida data bel riesc, n con’ dla zircumvalazion de Urtijëi. Zënza ulëi dì massa o mpermëter bele śën, nce ajache “non dire gatto finché non ce l’hai nel sacco,” a dì de Giuani Trapattoni: tëmp de diesc ani arà nce Urtijëi na si zircumvalazion. Povester o bonamënter. David Lardschneider

Sënta Unesco sun Resciesa

fata. Da zech’un njenier Adriano Fragiacomo, che à de si bona dat ju n proiet. Cun la zircumvalazion che peia via ora Runcadic, iló dlongia la Typak ite nchin do l ciamp dal palé de Urtijëi, cun eventualmënter mo na streda cun segondo tunel nce dal rundel pra purtoi de Ronc. Custimënt sun la 67 milions. Massa cër, massa grant, à ratà l Chemun de Urtijëi. Cun lëtra 15 de merz 2006 ti manda la Jonta de Chemun ju al assessëur Florian Mussner na lëtra, damandan de na valutazion y de na minonga n con’ di doi proiec de Fischnaller y Mussner. Nce l Chemun de Ciastel à mandà na medema lëtra. L proiet ie pona unì valutà, y metù ite tla graduatoria dla stredes, al 34ejim post ntlëuta. Śën iel bele al 28ejim post.

Cuncret ti proscimi cin’ ani “L ie de bona chances che la vënie a se l dé,” dij l ambolt Moroder y l assessëur Armin Lardschneider, nce ajache l Chemun ie a una de judé pea tla pruietazion y scencajo nce n mumënt tl finanziamënt, nce sce tlo resta la Provinzia chëla che messerà se sëurantò tan che duc i finanziamënc y i lëures. Na ancunteda ie propi nce mo stata n lunesc de chëst’ena cun l assessëur Florian Mussner, che ti l’à cumetuda:

N ucajion dl’ancunteda cun l ambolt per rujené dla streda de zircumvalazion s’la ciaculons nce dla sënta Unesco. Dumanda: “Urtijëi ie propi l sëul Chemun che ne se à mo nia lascià audì de chësc viers.” Resposta dl ambolt: “Nosta pruposta ie: sënta Unesco tla Utia de Resciesa!” Alea iacta. Sun la foto l ambolt Ewald Moroder cun si cunlauradëures Martina Anvidalfarei, a man ciancia, y a man drëta Anita Senoner.

www.lauscdiladins.com

11


Gherdëina

nr. 32 / 22 de agost 2009

Mostra de Wilfried Mussner

A spaz cun i Ciambonfs

Truepa jënt pra la giaurida dla mostra de Wilfried Mussner a Mühlbach te Puster

La Lia di Ciambonfs ie na lia che ti va do a n bel hobby, chël dl jì a pe, te nosta montes y oradecà. Ma nce for cun n uedl al soziel

garatova mei tan bel, a nëus. A cësa, danter la cosses che à per mé n valor persunel, éi mo for tenì su un n tel dessëni fat ntlëuta da mé, per gauja, o miec per merit, de Wilfried.

Sentimënc y tecnica

Pra la giaurida dla mostra.

Ert - L ne se à nia me tratà de na giaurida „scëmpla“, n vënerdi ai 7 de agosta Mühlbach, ma de na sëira plëina de senificac y de emuzions.

Mujiga, poejia, aplausc y cumuzion „Tl ultim ann éi abù na burta crisa de vita. Te chësc tëmp me à l dessenië judà dassënn. Son stat bon de fé truep chedri. Pona me à mi berba Koni dat l’idea de mëter ora i chedri te na mostra aposta. Ël l’à metuda a jì cun l aiut dl galarista Alex Pergher,“ conta Wilfried Mussner.

I prims dessënies Dessenië ie for stata na pascion de Wilfried. Me lecorde mo canche fove pitla. Cun mi ujines fans belau dut l instà dedora a fé damat. N bel di, ne sé nia plu avisa coche la fova

Wilfried Mussner cun un de si chedri.

12

www.lauscdiladins.com

unida a se l dé, nes ova nosc ujin Wilfried nvià via te si pitla cesota dlongia cësa te verzon. Na mëisa sot al vier dl tët dla cesota y n stuel aspitova sun Wilfried, che possova n valguna de si ëura a dessenië vases cun d’uni sort de ciofs laite. Te una na man tenìvel l raisplais, tl’autra l gumi per ti dé ite la sfumatures. L se tratova de n dessëni sun na tel pitla plata chedra. Degun culëures; mé blanch y fosch. Ie y mi fra y mi cumpanies fan faszinei dala gheneda y dal chiet che l fova te si pitla „berstot“. Pudan sté mpe dlongia ël a cialé coche l desseniova. L mascimo! Se ncunfertan uni iede canche pudan jì via. La fertuna de n giapé un uriginel fat da Wilfried ova abù mi fra Fredrik, ma danz nia ie, nce sce sperove mefun tan dassënn che n bel di me n ëssel scincà un. Ala fin ans nchinamei nëus scumencià a dessenië de tel pitla vases cun i ciofs, ma l ne

Depënjer uel dì per Wilfried for nce jì a crì zeche, de se giapé ora n tòch de streda per si vita. L se trata de mescedé adum ntelet y sentimënc. La pitura y l depënjer, coche dit, ie for stac danter si nteresc. N con’ dla tecnica de mescedé ju tempera y sablon ne sà Wilfried nia da dé na resposta de coche la ie unida à se l dé. „Suvënz suzédel roba ulache l ne n’ie deguna spligazion. Chësc ie chël che ie tlame cajo ulù,“ dij l artista. Cun si chedri uel Wilfried dé inant che tla vita ne n’iel deguna umbria zënza lum. Te na prima udleda pudëssa i chedri semië duc bëndebò medemi, ma ti cialan plu a puntin y cun n mumënt de reflescion, ie la desferënzies tlo, tleres, uni cheder giapa nscila n si valor scialdi sot. Ti culëures scures iel for da udëi na rissa de lum, de speranza y de vita. Wilfried ulëssa rengrazië duc; chëi che se à dat ju limpea y chëi che ti ie stac daujin. La mostra tl Wolkensteinerhaus a Mühlbach ie mo da udëi nchin ai 30 de agost, dala 10.30 y dala 17.00 ala 19.30, lunesc dsarà. Cumplimënc a Wilfried per si mostra, ma dantaldut per si forza, ulentà y ardimënt che ël à abù tl jì permez a chësta plates de si gran liber de vita. Giulia Insam

Vijitadëures ntan la mostra.

Soziel - Nscila à la Lia di Ciambonfs cun a cë si presidënt Reinhold Bernardi chësc instà metù a jì plu jites, de lugio y agost, nce deberieda cun i cumëmbri dla Locia y de d’autra lies sozieles de Gherdëina. Danter l auter iesen jic te Val y Pra da Rì, ora a Santa Cristina y a Urtijëi passan tres Insom y Col da Mëssa, sun Mont de Sëuc y da Bula ju, a Meransen. N juebia ai 13 de agost iesen jic ntëur Sëlva, ite te Plan, su sai Uedli, inant te Val y de reviers te Plan, n juebia ai 20 de agost sun Col Raiser y ca sun Juac y ju te Sëlva. Chëst’ena

che vën jiràn duc deberieda su da Gerhard, ite per i Plans de Frea, ju ja Linacia y te Plan. Coche n vëija mët la Lia di Ciambonfs a jì n bel program, ann per ann. I Ciambonfs ulëssa bele sën tò l’ucajion de lecurdé nce tres la USC che n sada y dumënia ai 5 y 6 de setëmber saràl la gran Marcia de Luis Trenker, chëst ann te Sëlva. Duc ie nviei de cuer a fé pea, nce per sustenì i Ciambonfs, che dà for inant duc i scioldi trai ite per istituzions y scumenciadives sozieles. (dl)

Doi mumënc dla jita che i Ciambonfs y i cumëmbri dla Locia à fat nstadì ntëur Sëlva.


Gherdëina

nr. 32 / 22 de agost 2009

Gran mostra de bera Śepl Truepa jënt ie unida adalerch per la giaurida dla bela mostra de bera Śepl da Jumbierch -Lusenberg tla Cësa de Cultura a Urtijëi intimes dl artista, ntan che tla Cësa de Cultura a Urtijëi àn ulù documentè deplù si troi artistich. La nrescida per cumpleté l archif digitel, che à bele plu de mile lëures, va inant, speran de abinè l majer numer de lëures che l ie mesun. Da chël uniral laurà ora na publicazion che dëssa deventè la monografia cun duta si opres. Nfurmazion plu a puntin iel nce da giapé tla plata internet nueva dl Museum de Gherdëina www. museumgherdeina.it

La doi mostres, l catalogh y l liber La grupa de lëur cun la autoriteies. Dancà da man ciancia: l presidënt dl Istitut Ladin Micurà de Rü Hugo Valentin, l presidënt dl Südtiroler Kulturinsitut Marjan Cescutti, l ambolt de Urtijëi Ewald Moroder, l assessëur provinziel Florian Mussner, la respunsabla dla cultura dl Chemun de Urtijëi Marina Demetz y l diretëur dl Istitut ladin Leander Moroder. Dovia da man ciancia: Gerd Amann (storich d’ert che à prejentà l artista), i curadëures dla mostra Carl Kraus y Eva Gadner, l presidënt dl Museum de Gherdëina Wolfgang Moroder, Adolf Vallazza y Edgar Moroder, i trëi pronepoc de bera Śepl da Jumbierch cun l guant dala gherdëina, la diretëura dl Museum Paulina Moroder, Harald Schmalzl y Markus Schenk (mancia sun la fotos), tramedoi se à cruzià de crì adum i chedri.

Ert - N vënerdi ai 14 de agost iel stat la giaurida dla mostra. Prejëntes truepa jënt y truepa autoriteies. Danter l’autoriteies l ambolt de Urtijëi Ewald Moroder, l assessëur provinziel Florian

Mussner, l presidënt dl Istitut Ladin Micurà de Rü Hugo Valentin y l diretëur Leander Moroder, l ambolt de Sëlva Roland Demetz y l ntendënt dla scoles ladines Roland Verra, assessëures y cunselieres de

L presidënt dl Museum de Gherdëina deberieda cun l assessëur Florian Mussner, l ambolt de Urtijëi y l diretëur dl Istitut Culturel Ladin pra l mumënt dla giaurida ufiziela dla mostra.

Chemun y cumëmbri dla Lies de Turism. La ntroduzion ala mostra ie unida fata da Gert Ammann, storich d’ert che à auzà ora l svilup artistich de bera Śepl, la nfluënza dl Defregger y si destacamënt dala scola. L diretëur dl Istitut Ladin Leander Moroder à prejentà l catalogh. L presidënt dl Museum Gherdëina Wolfgang Moroder à rujenà dl proiet che ie unì metù a jì dal Museum Gherdëina y dal Istitut Ladin Micurà de Rü per auzé ora la persona y l artista bera Śepl y i meric che l se à fat sibe tl’ert che tla documentazion storica y tla sensiblisazion sozioculturela. La ntenzion ie de l fé cunëscer plu avisa te Gherdëina, tla Ladinia, ma nce oradecà. L proiet à scumencià a Urtijëi cun la mostra, ma l jirà inant cun na mostra a Bulsan che vën fata de setëmber cun la cunlaurazion dl Südtiroler Kulturinstitut. Iló saràl da udëi dut d’autri chedri, dantaldut opres plu

mpurtant de Gherdëina dl 19ejim secul. Bera Śepl se à nce dat ju truep cun la storia y la cultura de Gherdëina. Miuran y derturan l guant dala gherdëina, àl metù a jì truepa defiledes y festes, mustran nsci nosta cultura y usanzes. Cun chësc àl sentà ite tla jënt de Gherdëina la legrëza per si tradizions. Do l tëmp dla furmazion a Minca iel stat bon nce de se svilupé inant, abinan na si maniera espressiva particulera. Cater ani àl studià tl’Academia dl’Ert figurativa y tlo àl frecuentà la Scola naturalistica pra l professëur Ludwig von Löfftz y la Scola de pitura pra l professëur Wilhelm von Diez. Da n dì à pona abù te si pitura l tëmp passà tl atelier de Franz von Defregger, pra chël che Moroder da Jumbierch à laurà dal 1880 inant y da chël che l à tëut ju la maniera de cumposizion y de depënjer y se l’à fata sia. La mostra a Urtijëi ie cumpanieda da n catalogh de 112 plates. De ndut iel da udëi za. 110 opres d’ert, belau dutes de avëi privat, n gran pert da udëi per l prim iede. La scumenciadiva ie unida finanzieda dal Assessorat ala Cultura ladina y dal Chemun d’Urtijëi. La mostra „Bera Śepl da Jumbierch“ ie davierta nchin ai 27 de setëmber, dala 10-12, dala 16-19; juebia y sada dala 20-22; lunesc dsarà.Tla mostra a Bulsan de setëmber saràl da udëi dut d’autri chedri. (usc)

Coche bele repurtà tla USC se tràtel pra l proiet n con’ de bera Śepl da Jumbierch de mëter a jì la doi mostres, de prejenté l catalogh y de dé ora na publicazion n unëur dl gran artista de Gherdëina mort dan 70 ani, che à lascia fusties sotes tl ciamp dl’ert, nia mé a livel de valeda ma nce sëura i cunfins ora. „Gherdëina à debujën de lecurdé Śepl Moroder da Jumbierch che ne n’ie nia mé stat un di artisć de majer valor ma nce na persunalità che à desmustrà si gran liam cun la valeda te si chedri y nce te truepa lëtres y diares. Chisc documënc ie reres per Gherdëina, ma de gran vivanda, che conta de truepa uriteies dla vita da ntlëuta, suvënz desmincedes...“. Nsci pòssen liejer tla prejentazion dl catalogh. Na publicazion vën data ora pona plu inant n unëur dl gran artista de Gherdëina. Śepl Theodor Moroder fova nasciù ai 27 de mei dl 1846 coche cuarto de nuef mutons sun l luech da Scurcià y tlamà aldò de si luech da paur nce l „Lusenberger“. L fova l moler plu N valguni chedri de bera Śepl da Jumbierch.

„Fabriché zënza cunzet!“ „L svilup urbanistich de Sëlva ne va nia do a n cunzet de prugramazion generela.“ Nscila la critiches dla frazion Ladins dl Cunsëi cumenel de Sëlva Sëlva - „Perdrët tuchëssa uni Chemun de lauré ora y ejaminé da nuef uni diesc ani n program generel per l svilup urbanistich de si raion, se dajan la drëta direzions per sparanië grunt y cunservé l ambient, per lascé crëscer l paesc urganicamënter damprovia, zënza spedicé massa i raions da fabriché. La drëta nfrastrutures toca da acumpanië l svilup. L’ultima senteda dl Cunsëi de Chemun de Sëlva ie stata n ejëmpl de coche n ne tuchëssa nia da prugramé, a destanza de doi ani dala rielaurazion dl plann urbanistich.“ Nscila la frazion Ladins. Y inant: „Danter Col da Lech, Rainel y Daunëi iel preudù cater raions nueves da frabiché. Trëi pitli raions ie fac acioche i privac posse se fé y finanzië si cësa; ma per fé una na

cësa muessen n fé trëi. Per l fabriché soziel ie i majeri raions (ANRIRainel), ulache cooperatives à lerch, plu adatei. La finalità soziela ne n’ie perchël nia la gauja di miniraions, nce sce l privat muessa dé ca mez l grunt al 60% dl priesc per cuatieres populeres y cunvenzioné na pert dla cubatura liedia, che resta privata y possa unì venduda al priesc de marcià coche prima cësa a duc chëi dla provinzia, o afiteda a n priesc regulà.“ Nscila tla premisses dl comunicat stampa dla Frazion Ladins dl Chemun de Sëlva, che critichea che l ne n’ie degun cunzet dovia, pra chisc raions da fabriché: „La cossa plu dlicata ie che chisc raions nasc a cajo, dedora da n cunzet plu lerch de planificazion y urbanisazion. Te chësc cunzet toma uramei ite

nce i raions ANRI, ulache la realisazion de n raion defin liede per l patron ne n’ie defin nia da iustifiché, sce l Chemun ne nuza nia tl medemo tëmp l raion destinà al fabriché populer. De n majer raion da fabriché nuef te Plan, tl cajo che l ciamp dla codla unissa trasferì te Val, iel ënghe unì rujenà, mo n iede zënza n studi y n cunzet programatich sun l bujën, sun la luegia y la destribuzion di raions da fabriché y dla nfrastrutures sportives y de recreazion. La frazion LADINS ie cuntrera a chësta maniera da traté l plann urbanistich coche n strumënt da mudé uni di, a dann de na vijion generela plu studieda y plu azeteda n con’ dl daunì dl paesc,“ scrij la frazion Ladins de Sëlva te n si comunicat. (dl)

Sëlva. www.lauscdiladins.com

13


Gherdëina

nr. 32 / 22 de agost 2009

Bedaia d’or per Mick

Calënder dla lies

La Camera dl Cumerz ti à dat a Hermann Mick de Sëlva la bedaia d’or per i 50 ani de lëur te si berstot. Hermann Mick lëura bele da 62 ani coche marangon. Na ntervista

Duta la lies de Gherdëina ie inò nviedes a mandé ite si manifestazions per l Calënder dla manifestazions www. manif.it dl Servisc Furmazion de Gherdëina

lëur. I jëuni che uel se fé ite na cësa al didancuei à puec scioldi. I uel spënder demanco. Ëi ne n ti dà nia l valor ala mubilia. Chësc nce ajache l se à mudà l cunzet de viver adum. Al didancuei vàn a viver adum zënza se maridé. N ne sà nia tan giut che la dura y perchël se féjen mefun ite la cësa mpue’ coche la va. Zacan fòvela autramënter, n se maridova y n se fajova su na cësa per l rest dla vita. L univa dit „Mubilia per la vita“.

Hermann Mick te si berstot cun l diplom y la bedaia d’or per i 50 ani de lëur te si berstot adum cun l presidënt dla Lia di artejans de Gherdëina Ivo Insam.

Persones - Na gran uneranza ti ie l unì dat al moster Hermann Mick: l ie cincant’ani ca che l à giaurì na si berstot da marangon te Sëlva. La USC se à ancuntà cun Hermann Mick per se fé cunté, danter l auter de coche la fova ntlëuta ma nce mpue’ de zeche d’al didancuei. USC: Ie pa l lëur da marangon for stat vosta pascion? Hermann Mick: Sci, bele canche ove 12 ani ziplovi ora da de tei tapli de lën vel’ figura. A dì la urità ëssi abù n’autra puscibltà. L me fova uni pità de lauré cun la polizia. Iló ëssi davanià trëi iedesc mo ntant. Ma da jëunn insù éi for abù legrëza cun la materia da tuché y pië ite, y tlo nce la materia lën. Chël fova mi mond. Canche é pudù jì, do la viera, a mparé l lëur da marangon, chël ie stat mi majera scincunda. Ulà ëis’a mparà? Mparà a fé l marangon ovi tla scola profesciunela „Stams“ tl Nordtirol. Al didancuei iel iló na scola per l sport, ulache l ie nce stat true ps de Gherdëina. Do i ani da lerner y te d’autra berstots, co iela pa pona unida a s’dé che ëis nstës giaurì na berstot? Franz Nocker ova giaurì na berstot tl 1956. Ël fova scultëur y ulova mëter su na berstot da marangon. L se à pona nce mpensà de me tò ite mé, da Bulsan su, te si berstot. Iló éi pudù lauré per belau cater ani. Messove dessenië y me fé dut nstës. Franz ova scialdi crëta te mé y me lasciova fé dut. Cun l tëmp à pona mi tlienc scumencià à me cunsië de giaurì nstës na berstot. Tl prim ne ovi nia l snait. Pona me éi lascià ciaculé su y é fat ora na pitla berstot da Bruno dla Posta. Iló ovi monce bele n lerner y n fant. Fòvel pa ntlëuta rie a scumencé o iel pa al didancuei mo plu rie per n jëunn a scumencé a fé l marangon? L ie rie fé n cunfront. Ti ultimi ani se à mudà dut. Dantaldut iel scialdi cuncurënza. Ntlëuta fans

14

www.lauscdiladins.com

mé de 5 o 6 te duta la valeda. Sën n iel 30-35. L se trata perchël de cuncurënza de chëi da tlo, de chëi da ora de Gherdëina, ma nce de chëi dal’Austria. N jëunn che ulëssa mëter su na berstot da marangon muessa bën pensé nce a chësc. N con’ di lëures iel da dì che ntlëuta univa i lëures dac su, bele mez ann, nchin mo un n ann dant. Śën uel duc i lëures bel snel y te ses mé puech dant cie che te es da fé. Mé che pra na berstot de n 3-4 lauranc iel rie a ti la fé a finé dut per tëmp y ëura. Pona iel nce da tenì cont dla burocrazia y di cuntroi che vën al didancuei fac da uni pert. Da pert dl Chemun, dla Provinzia ma nce da pert dl Stat. Dant ne fòvela mo nia tan dlicata, duta la storia. Ciun cunsëi ti dajëis’a a n jëunn che ulëssa se giaurì na si berstot? Dantaldut muessen cunëscer adamënz l mestier, avëi fat esperienza y avëi na bona cunescënza teorica. Te chësta maniera se féjen l inuem che devënta pona na garanzia. N ne daussa mei pierder l ardimënt. Auc i basc, chël iel pa for. Tl prim saràl rie, chël ie segur. L ie mpurtant a ne mudé nia mestier pra la prima deficultà. N muessa tenì dur. Mi moto dla vita ie for stat „chi la dura la vince!“, a dì dl talian. Dlonch iel śën crisa, te uni ciamp. Nce do la viera fòvel crisa, monce plu de sën. N muessa cialé de produjer fajan calculi razionei y cialan de fé dut snel y bel. Chësc ie zënzauter rie, ma sce n se proa vàla pa bën. Al didancuei adròven snait per scumencé. Ce desferënzia iel pa danter l lëur da marangon de dan 50 ani y chël da ncuei? I lëures da śën ie belau medemi de chëi da zacan. N possa dì che al didancuei ie l lëur plu tecnich. La jënt se damanda mubilia cun linies plu scëmples. I lëures vën fac trueps a mascin, cun dut n auter stil. Ntlëuta fova i lëures plu criatifs, artisticamënter plu biei. L univa damandà truep urnamënc y decurazions. Nscila messova dut unì ziplà ite a man, chël tulova plu

Ce desferënzia iel pa danter i tlienc d’al didancuei y chëi da ntlëuta? Al didancuei iesi stressei y nscila feji stressé nce l laurant. Nia mé per l tëmp, ma nce per l priesc. I ie deventei scialdi plu critics. N valguni pertënd scialdi y datrai iesi nce aruganc y preputënc. N ne possa sambën nia generalisé. Zacan, coche dit, ova i tlienc plu dl’aurela de aspité y paiova chël che l fova da paië. Ciuna ie pa stata la majera legrëza pra i lëures che ëis fat? Ie ne posse nia dì che é abù plu legrëza cun un o n auter lëur. Ma zeche ie segur. L lëur plu rie y che tulova plu lëur me dajova l plu legrëza. Iló pudovi monce dé vel’ cunsëi. Ie pudove lauré bel plan. Nce sce ove n’ena deplù, chël fova unfat. Canche l fova njenià pona fovel njenià. Cunvëniel pa se spezialisé o no? L cunvën fé n puech de dut. N muessa vester flessibl, chël ie scialdi mpurtant. Fé mé ujes o mé portes, chël ne porta nia. Iló ie pa bën chëi che fej la produzion de seria. N ne possa nia miné de ti fé cuncurënza a la gran fabriches. Chëi possa vënder si lëures a n chert dl priesc de na pitla berstot. Tan de lerneri ëis’a nsenià ju? De ndut 21. L prim ie stat Albert Runggaldier de Dosses y l ultimo David Prinoth de Urtijëi. Tan de lauranc ëis’a mo? Jëis’a sën n pension o laureis’a mo inant? Śën ne n’ei plu deguni. Nce sce ie lëure mpo. Canche me adrove zachei per n’ena o doves, pona cherdi su zachei de mi ex lauranc che à iusta dl’aurela. Co ie pa stat vosc raport cun i lerneri? Ie é for lascià fé i lerneri. Me é lascià cunsië y ti é mpermetù de crëscer y de fé unì ora si ideies. Te berstot iel for stat na atmosfera de cunlaurazion, respet y crëta. Mpurtant fòvel per mé che ëi se sentiva da cësa y che l ti savova bel a unì te berstot. Fan dut l di deberieda! Ti lerneri éi for udù n nvestimënt. Sce ti nseniove a lauré sciche l se toca pona ovi nce n aiut plu inant. Na forza de lëur che valova. N muessa dé per giapé, y chël che é dat éi dut giapà de reviers. Ntervista de Giulia Insam

Lies - „On l plajëi de Ve nfurmé che nce chëst ann da d’autonn uniràl publicà da pert dl Servisc de Furmazion l Calënder dla manifestazions, y plu avisa per i mënsc de utober, nuvëmber y dezëmber. Ve prion bel de Ve nuzé de chësta puscibltà per fé cunëscer sëura duta la valeda Vosta atività. Dl calënder dla manifestazions vëniel stampà 1.800 ejemplares, mile de chisc vën dac ora tres la Usc di Ladins, chëi che resta sarà da abiné tla ustaries y tla biblioteches de Gherdëina,“ scrij Tobia Moroder dl Sercvisc de Furmazion y l diretëur dl Istitut Culturel Micurà de Rü Leander Moroder L vën pona dat stlarimënc plu avisa: „Pudëis mandé ite vosta scumenciadives cultureles - cursc, referac, sëires de nfurmazion, mostres, jites, cunzerc y n.i. - nchin al plu tert ai 30 de agost 2009 al Servisc furmazion Gherdëina dl Istitut Ladin Micurà de Rü. Dut chël che vën urganisà y dat ju do chësta data ie pona mé plu da udëi tla plata Internet, ma ne vën nia publicà tl calënder dla manifestazions.“

Dé ite tres internet Ve perion bel de ve nuzé dla plata internet www.manif.it per dé ite vosta scumenciadives. Per chiche ne les à mo mei dates ite, ie i vars da fé drët scëmpli: 1. Jì ite te internet sota www. manif.it 2. A man ciancia dla plata druché sun “Dé ite iniziatives” 3. Crì ora l luech te chël che l vën metù a jì Vosta manifestazion y druché lessù (prëibel nia l luech de chiche la mët a jì!). L viere se gëura cun l inuem dl Cunsëi de furmazion dl luech te chël che l vën metù a jì zeche. 4. Scrì ora n curt duc i ciamps de chësc viere, y plu che la va per gherdëina. Mé sce ëis scrit ora duc i ciamps pudëis dé l ok. Sce l referënt rejona per tudësch o talian, pòssen lascé l titul tla rujeneda uriginela. 5. Japé, a man drëta, dé l ok cun

“mëna le formular”. 6. L se gëura n auter viere ulache pudëis cuntrulé sce la nfurmazions stimenea y dé mo n iede l ok cun “inserì chësta manifestazion”. Sce ëis dumandes pudëis daniëura cherdé su l Servisc de Furmazion Gherdëina ntan y orars de ufize.

Cialé sce l ie n’autra manifestazion Mpurtant: Dan mëter a jì vel’ scumenciadiva y crì ora na data, nuzëve de chësta plata internet per nrescì sce l ne n’ie bele velch de valif n chël di sun l prugram. Mé cun Vosc aiut sarons boni de cuordiné mo miec la scumenciadives dla valeda y schivé che l vënie dant dublëtes o de plu manifestazions l medem di. La nfurmazion va inant ai media Coche truepes de vo saverà bele vën la nfurmazions, dates ite dala lies y dai Cunsëies de Furmazion tl calënder dla manifestazions Manif, menedes inant da pert dl Servisc de Furmazion ai media ladins. La nutizies vën nsci publichedes uni ena tla Usc di Ladins sun la plates “Informazions y Manifestazions”, ma les vën nce dates tres plu iedesc da Radio Gherdëina y Radio Ladin. Na nuvità di ultimi mënsc ie la trasmiscion sun Radio Gherdëina dedicheda al Servisc de Furmazion. Da chësta vëniel purtà dant duta la manifestazions cultureles metudes a jì te Gherdëina ma nce tla Val Badia che ie ruvedes ite tres l Manif ti ufizies dla doi valedes. Chësta trasmiscion vën fata uni merdi y vënderdi dala 18.00. Duta chësta formes de retlam ie per la lies debant. N ultima ve priessans mo bel de mandé a chësc ufize i inuems cun l e-mail di presidënc nueves tl cajo mpermò litei. Nscila scrij Tobia Moroder dl Sercvisc de Furmazion y l diretëur dl Istitut Culturel Micurà de Rü Leander Moroder, rengrazian dla bona culaburazion y mbincian a duc che la bute a mëter a jì l’ativiteies. (dl)

Bon ciaut de lugio Tëmp y temperatures ntan l mëns de lugio 2009 te Sëlva Sëlva - L mëns de lugio 2009 ie stat plu ciaut de chël dl ann passà cun 15,02 C° degree de mesana, contra i 13,94 C° dl 2008. La mesaria ie chëst ann perchël de 1,08 C° sëura la temperatura dl mëns de lugio dl 2008. L di plu frëit éi muserà ai 18 dl mëns cun na mesana de 8,67 C° y na minima ai 19 de lugio de 2,0 C° dala cater daduman. L di plu ciaut éi muserà ai 14 dl mëns cun 19,83° de mesana y na mascima ai 23 dl mëns de 26,50 C° dala 14.30 domesdì. L mëns à s c umencià mesanmënter cun plu dis de mez y mez y vel’ di de bur’ tëmp nchin ai 15 dl mëns, dopro à scumencià l surëdl a sciaudé ite mo deplù cun

vel’ di de dut sarëinn danterite nchin ala fin. N possa dì che lugio ie stat l mëns ciaut y bel cun plu dis de mez y mez. Cater temporai iel stat de ndut ntan l mëns de lugio. N possa dì che lugio ie stat n mëns per i paures y setëures da mont permò do ai 15 dl mëns. Sarëinn iel stat ot dis dis y 17 dis de mez y mez y mé sies dis de bur’ tëmp. 13 dis iel stat da vënt. Pluët àl puech, sciche l tuchëssa de lugio, bën dodesc iedesc mé cun 74 mm de ega. N valguna vares dala plueia de juni, che ie unides siedes ala fin de chël mëns, cëla ora mo bela vërdes. Nce i ruves dla Planadura Padana porta truep plu ega che dan n valgun ani. (jm)


Gherdëina

nr. 32 / 22 de agost 2009

Festa de Radio Gherdëina

Manco trafich y cuntroi

La festa n sada ai 8 de agost ie garateda, nce sce l tëmp ne à nia judà pea. De bela mujiga dla Coverband Take Off

Plu cuntroi sun la streda che passa tres l luech de S. Cristina. Do che n à giaurì la streda nueva de zircumvalazion cëlen de smendrì l trafich tres l luech, „per pité plu cualità de vita y manco trafich“

La grupa Take Off.

Truepa jënt ie unida a se devertì pra la festa urganiseda da Radio Gherdëina.

Festes - L radio de nosta valeda à metù a jì si prima festa da instà, a Urtijëi tla streda Purger 181. Scumencià àla bele domesdì via cun mujiga “soul” dla butëiga Soul and Fashion de Sëlva. Da sëira à pona sunà la grupa Take Off, che à abù n gran suzes. L’idea de na tel festa ie nasciuda dan plu mënsc. N ulova mëter a jì na manifestazion per jëuni y manco jëuni y nsci àn nce cialà de mëter a jì n program aldò. Ajache l fova l Radio Gherdëina che metova a jì chësta festa, àn cialà de pité dantaldut n bel program de mujiga. Ntëur mesa la 9 à scumencià l cunzert de na grupa che se à fat te chisc ultimi ani n bon inuem te Südtirol, la Coverband Take Off. L se trata de na grupa de jëuni danter i 20 y i 30 ani che sona do mujiga de ciantarins y grupes cunesciudes a livel nternaziunel, sciche Bryan Adams, Dire Straits, U2, Bon Jovi o Zucchero. Trueps de chëi che ie unic adalerch à fat i cumplimënc, dijan che nia suvënz ne àuden grupes sunan do tan bën y ciantan tan a puntin cianties cunesciudes, plucheauter rock, d’al didancuei y vel’ pez nce plu vedl. L fova na ciantarina y n ciantarin. Do l cunzert à mo DJ Simon, che ie danter l auter nce cunlauradëur y ideatëur dla festa, metù su de bela mujiga. Nia drët butà ne àla cun l tëmp. La plueia à dessegur sciautrì vel’ un o vel’ autra. N ova sperà de pudëi fé la festa alalergia, ma danz che n à messù sté dedite. Ala lergia fòvel mé da abiné chëi che jiva a s’la mpië... N de gra ti va da pert de Radio Gherdëina al Chef dla Bar181 y a dut si team, ai sponsor y a duc chëi che à judà pea pra chësta prima festa da d’instà. Lecurdon che ai 20 de setëmber meterà Radio Gherdëina a jì na festa per la families, sa mont, sun Mont de Sëuc cun mujiga, juesc per mutons, velch de bon da maië y da bever. (usc)

La tofles pra streda de S. Cristina: la va de druché sun l pedal da dsaré ite.

Ju per streda de S. Cristina iel unì metù casses cun ciofs y sienes.

Santa Cristina - L trafich y la velozità unirà da śën nce cuntrulà deplù, ntan l’ëures ulache la streda resta davierta. N merdi dl’ena passeda iel unì scumencià cun i cuntroi radar sun la streda Dursan a S. Cristina, per ti vester a chëi che furnea massa debota, chël uel dì plu de 30 km al’ëura, coche preudù dala tofles sun streda, te chël tòch che va da Maciaconi nchin jal Hotel Post. Chësc pruvedimënt ie debujën, da coche l ie unì dit, per straufé chëi che ne se tën nia ala regules metudes dant per chësc tòch de streda. Ju per streda iel unì metù ora de gran casses de lën, ulache n à metù ite ciofs, propi per ti tò mpue’ de sgors ai auti che furnea tres l zënter dl luech y per fé tenì ite la velozità metuda dant. La straufonghes preududes ie plutosc grandes y l se paia furné plan, coche cunsieia i polizaies de S. Cristina, che fajerà damoinla duc i cuntroi radar. L vën cunsià de se tenì a chësc, per ne messëi da dedò nia paië straufonghes cëres. L zënter de S. Cristina resta dsarà uni di dla 17.00 ala 22.00. (dv)

www.lauscdiladins.com

15


Gherdëina

nr. 32 / 22 de agost 2009

Valgardenamusika n suzes

Se fé nstës n liber

I cunzerc de Valgardena Musika, l festival da d’instà te Gherdëina, ie inant n suzes. Sot ala direzion artistica de Eduard Demetz iel inò unit a s’l dé n festival de mujiga de gran cualità artistica. La grupa de percuscion conTakt

Ai 7 de agost à la Berstot S´Ancuntè metù a jì na sëira criativa de workshop

tradizions dla mujiga tlassica uzidentela, che bandiva l percuscionista te na pert mé de fazion y de „culëur“, cun n pitl numer de strumënc. Danter chisc pòssen auzé ora i taieresc y la pauca. L prim paesc mujighel mpurtant, da chël che n possa jì ora, ie bonamënter l’India, ulache bele dai tëmps dl Medieve sunòven strutures de meludia y ritm scialdi cumplesses, adurvedes ncueicundì dai chëi che sona l jazz.

La grupa de percuscion conTakt.

Mujiga - Te uni luech dla valeda vëniel prejentà i cunzerc cun gran suzes de publich. N possa bën dì che urmei iel na tradizion nraviseda ite sot, che ne n’ie nia plu da pensé demez. Dai 17 de lugio nchin ai 5 de setëmber 2009 iel stat y saràl mo da audì truep de biei cunzerc de gran livel mujighel. I ultimi dla lingia ie stai ai 12 de agost tla dlieja de S. Cristina, cun Michela Petri & I Sonatori della Giocosa Marca, y inier vënerdi ai 21 de agost tl Ciastel Fischburg te Sëlva, cun l cunzert di partezipanc dl New Virtuosi Mastercourse. Ai 27 de agost a Urtijëi tla Cësa de Cultura sona l Mnozil Brass, l ultimo cunzert de chëst ann sarà da audì n sada ai 5 de setëmber tla dlieja de Urtijëi. Iló sunerà l Ensemble Gherdëina & Marini Consort.

Percuscion conTakt Dessegur ie un di cunzerc plu particuleres y spetaculeres stat chël cun i conTakt-Percussion-Group ai 31 de lugio. Tlo àn propi pudù audì ora la forza dl ritm. Chësta grupa de mujiga ie unida metuda su tl 2007 da Manfred Gampenrieder, Philipp Höller, Georg Malfertheiner y Christian Miglioranza. Cun n ritm defin spezifich y sot iesi boni de crië na atmosfera unica. Tres la secuënza de tonns lonc y curc desferënc un dal auter, ie l resultat finel na marueia d’armunia dla mujiga, che lascia na ntraunida sota y che dura

tl tëmp. Percuscions bones de descedé sentimënc stersc te uni mudazion de meludia. Ritm che mët man cun sonns d’uni sort, che se mescëida cun mujiga y armunia y se svilupea inant te n ritm che tira pea sensazions, emuzions che descëida nmaginazions. La percuscions ie n chësc cont zeche de unich che rënd defin y auza ora l’ana sterscia de chësta mujiga. Mujiga che l cuartet conTakt sà da manejé drët bën te uni particuler, che ala fin se cristalisea te n dut un de forza ritmica mujighela che à ntujiasmà l publich.

Ritm y criatività persunela L strumënt a percuscion ie n strumënt mujighel che sona canche l vën tucà, batù lessù, muet o sfrià cun la mans dal sunadëur o da strumënc aposta, coche de pitli bachëc, bëusc o zeche cun chël che n possa peté lessù. Strumënc a percuscions acumpanieia la persona bele dala preustoria incà. Segurmënter iel n strumënt che ti dà lerch a na gran criatività persunela. Uni cultura de mujiga à si strumënc siei, cun gran desferënzies ma nce cun carateristiches medemes. Te chësta evoluzion di strumënc a percuscion à i paejes europeics mascimamënter na pert secundera. Per descuvierjer l mond dla percuscions muessen jì demez dala

I documënc Per fé la dumanda iel da tò pea chisc documënc. - situazion de familia - per genitores che ne viv nia plu

16

www.lauscdiladins.com

adum: atestat de suneria che i viv despartìi - cherta de identità - numer dla chëuta de chël che fej la dumanda y de si mutons. Sce n ne n’ie nia maridei, pona nce l numer dla chëuta dl pere o dla oma che ne viv nia te familia. - detlarazion dla chëutes per l ann 2008 - CUD 2008 de duc i cumëmbri de familia che à laurà sot a patron. - documënt dl cataster per i fabricac y puscions (da giapé te chemun) - chëi che giapa na pension o à davanies da n auter Stat muessa tò pea la documentazion - per mutons che ie dijabili sëura l 74% iel da tò pea l atestat dl dutor - chëi che à plu de euro 155.000 n cuntanc o d’autri valores tla banca muessa dé ju na ducumentazion. - l numer dl IBAN dla banca per chëi che uel che i scioldi vënie paiei

lëur, se usan nce a na strutura tlera dl di, cun orares metui dant. Ëi se usa nscila a sté danter jënt y a se ntegré. L workshop nstadì via Sureghes ie stat na scumenciadiva mpurtanta, ajache tl medemo mumënt àn fat cuntënc doi realteies, che à pudù se devertì y mëter adum tei pitli lëures, ti lascian lerch ala criatività. (gi)

Duc diplomei I cumëmbri dla grupa conTakt ie duc diplomei tl Cunservatore “Claudio Monteverdi” de Bulsan y cumëmbri dl’urchestra di jëuni “EU YO-Gustav Mahler Jugendorchester” y possa se stizé sun na esperienza de cunzerc de plu ani. La pert plu mpurtanta dl cuartet ie y tol ite l sparpanië de n rai lerch dla leteratura dla percuscions sibe ora dla tlassica che nce dal repertoire de nosc tëmps. L ensemble à oradechël fat pea pra festivals tla Talia y oradecà. Nsci tl 2007 pra la giaurida dl festival “transart” a Bulsan y “Klangspuren” a Schwaz. L à fat pea nce pra n’autra manifestazion mpurtanta, for tl 2007, canche l cuartet à sunà pra la festa de giaurida dl iubileum di 40 ani Copa dl Mond te Gherdëina. Te chëla ucajion cun na performance de Georg Malfertheiner. Tl 2008 na tournee cun l “Ensemble Gherdëina” tl cheder dl festival per mujiga spirituela n cunzert pra la “GustavMahler-Musikwochen” a Toblach. Mo n iede pra la giaurida de “transart”, chëst iede cun l „Soncino Percussion Ensemble“. Ma la mujiga uriginela di conTakt vën apusteda gën pra ucajions desferëntes. Da canche l vën laurà deberieda cun la grupa dl Tirol dl nord “Percussion group-the next step” iel danter i doi nce for na majera cunlaurazion. Daniela Villotti

Cuntribuc ala families Soziel - La grupes KVW de Gherdëina stlarësc cie che l ie da fé per giapé i cuntribuc dla Region y dla Provinzia ala families nce per l ann 2010. La families à la rejon de giapé cuntribuc sce i ie te una de chësta cundizions: un o plu mutons tl’età nchin ai 3 ani, un n mut sot a 7 ani, almanco doi mutons sot ai 18 ani, un n mut dijabl. Sce la familia ie te una de chësta situazions y l davani ne n’ie nia sëura l mascimal scrit dant per lege, pòssen fé dumanda per giapé n cuntribut. Nce chëi che à bele giapà l cuntribut tl ann 2009 muessa fé la dumanda da nuef per l ann 2010.

Soziel - Uniun, grant y pitl, à pudù mëter adum si album dla fotografies, n bloch dala nutizies, na cherta de auguresc o se fé si libri, ciulan adum. L servisc de riabilitazion dl lëur à na berstot per la persones cun malatia psichica. Cun l lëur de ciulé adum libri, i lëures te cësadafuech y mo d’autri servijes pitei, ti vëniel dat la puscibltà ai lauranc de mparé n

ite sun l cont.

Orares dl KVW La dumandes possa unì fates da setëmber inant tl ufize dl Patronat KVW che ie uni juebia dala 8.30 ala 11.30, la prima juebia dl mëns nce dala 14.00 ala 16.00, tla cësa de chemun a Urtijëi. Ëures sëuraprò per fé la dumandes ie mo n juebia ai 17 de setëmber dala 14.00 ala 18.00, n juebia ai 24 de setëmber dala 14.00 ala 15.30 y n juebia ai 15 de utober dala 14.00 ala 18.00. I nteressei che uel fé la dumanda te chësta ëures ie priei bel de se lascé nuté su tl ufize dl’anagrafica dl Chemun de Urtijëi, a na maniera che l ne n’ie pona nia da messëi aspité. Per S. Cristina y Sëlva tol Waltraud Delago dla Cassa Raiffeisen su la dumandes. (KVW Gherdëina)

Mumëntc ntan l workshop.

Te Cunfin pra la funtanes Nstadì fova duc i scric ite ala Lia per Natura y Usanzes nviei a jì te Cunfin a ti cialé ala funtanes dal’ega Lies - De ndut se ons abinà de feter 30 persones, n sada ai 11 de lugio. Na majera grupa ie jita da Iender su a pe, sun l bel troi che passa via l ruf da Iender sun l puent de Piera. Bon frësch fòvel a jì da iló su, nce ajache daujin al troi ie l ruf de Cunfin cun si bela ega sarëina y l ie na marueia a ti cialé. Da iló vëijen nce ulache l passa ju la roles che mëina l’ega da bever. Pra resservar se ons pona duc ancuntà. L vizeambolt de Urtijëi Leo Moroder nes à cuntà velch dla funtanes dal’ega te Cunfin. L ann 1938 iel unì pià su doi funtanes d’ega de Cunfin, cun doi resservares. L’ega ie unida auteda ju cun n calon de 125 mm te n resservar che ie unì fat sun Col de Flam. Ala fin di ani ’60 iel pona unì autà ju n segondo calon dal’ega de 175 mm sun Col de Flam y fat n resservar che pea su la majera funtanes de Cunfin. L Chemun de Urtijëi à na cunzescion d’ega dla funtanes de Cunfin de 54,5 litri al secunt. Ti ultimi ani ti iel unì dat 5 litri d’ega al secunt al Chemun de Ciastel per Sureghesy un n litere al

secunt al Chemun de Laion per l raion produtif de Puntives. Do y do iel for inò unì fat resservares nueves y fat lëures per garantì ega assé y nce na bona cualità dl’ega. L ex assessëur Christian Stuflesser nes à cuntà che per garantì de bona ega iel stat debujën de n gran mpëni per tenì dalonc dala funtanes l bestiam sun pastura. On po duc pudù jì ite tl resservar jan ju per na scela de feter trëi metri. Lajù passòvel cun druch truepa ega sarëina, l fova propi bel a ti cialé. Da dedò nes à l bel surëdl nvià à sté mo n pez sot a ch’i biei crëps a s’l’a, ciaculé maian vel’ piculëza. Ie rate che canche uniun che fova pea à a cësa giaurì la spina dal’ega, se àl rendù cont che l ne n’ie nia zeche de logich avëi na bon’ega te cësa. Na bon’ega ie n bën che zënza ne jìssela nia y perchël iel dassënn da cialé de stravardé i luesc da ulache la vën. Per la Lia per Natura y Usanzes, Doris Perathoner

Cumëmbri dla Lia per Natura y Usanzes ie jic a ti cialé ala funtanes dal’erga da bever de Urtijëi.


Gherdëina

nr. 32 / 22 de agost 2009

N artista ladin fej mond a Unieja Aron Demetz de Sëlva à chëst ann metù ora per l prim iede si opres d’ert pra la Biennale de Unieja. La mostra ie unida giaurida ai prims de juni y ie mo da udëi nchin ai 22 de nuvëmber l ann do. Metuda a jì la mascin d’urganisazion, vën inaugureda la prima Espusizion ai 30 de auril dl 1895. La edizion de chëst ann ie la 53ejima Espusizion Nternaziunela d’Ert. La tematica de chëst ann ie “Fé Monc”.

N mond nuef

N lëur de Aron Demetz tla Biennale de Unieja.

Ert - Chësta mostra prestigëusa d’ert vën urganiseda uni doi ani a Unieja. Passa n secul de storia faszinënta, nraviseda tl’ert de gran livel. Fat pea à chëst ann nce Aron Demetz. Nce sce on bele scrit n iede tla USC, Demetz se merita zënzauter l bis sun nosta plata, per si valor artistich y per si persunalità. Aron Demetz ie un di prutagunisć de chësta mostra coche artista cunesciù a livel naziunel y nternaziunel, che se à davanià la crëta per pudëi fé pea. Aron Demetz, nasciù a Sterzing tl 1972, à stlut ju si studi tl Istitut d’Ert de Sëlva; da dedò àl laurà pra l scultëur Willy Verginer d’Urtijëi, tl medemo tëmp àl nce fat i cursc tl’Academia delle Belle Arti a Nürnberg. Al mumënt lëurel cun galaries mpurtantes sibe tla Talia che nce oradecà y l ie nce unì cris ora per fé pea pra la Biennale de Unieja. Ël se cunzentrea dai ani sun la figura umana, sun persunajes de nosc tëmps, dlacei ite te cuntesć de n retrat artistich antich y reprejentei te cumpurtamënc bizares. Chësta galaria realistica ie suvënz mutons y jëuni, la ie scialdi fina tla denità dla formes. Ntance fej n’atmosfera de trangujënza ite la scultura y lascia ora zeche velch de tlassich y scialdi modern. Ti ultimi ani se à l artista dedicà a na traduzion desferënta dla figura, passan ala reflescion y al stude dla emuzions, a na forma d’esprescion che uel jì zeruch ala uriginn, ala ravises plu sotes dla persona. Dlongia l lën, che resta l’ana de duc si lëures, à Demetz sperimentà materiai desferënc coche folies d’arjënt y de aluminium, che ti scinca al’opra d’ert na nia realtà, na cundizion de purëza, zeche de sëuranaturel. Pona la reja, elemënt zentrel de si opres ti ultimi doi ani.

Unieja zënter dl mond artistich Unieja ie per l artista Aron Demetz na esperienza nueva. N se rënd cont che propi tlo passa dut l mond dl’ert. Na gran vijibltà

sun na gran spersa d’espusizon. I prim dis dla Biennale a Ujieja fova scialdi muvimentei per l artista. L resultat, l suzes cuncret dla partezipazion ala mostra uderàn pona ala fin. Ma l nteres per si opres d’ert fova bele grant al scumenciamënt. N vëija coche si lëures persunei possa tenì permez cun i autri. Uniun se crieia n si mond artistich, l paredlan cun i autri.

Lën y reja Aron Demetz à metù ora 9 figures, na sort de “bosch de lën”. L lën cun si elemënt reja, che ie belau la pert plu mpurtanta. N si mond artistich dut particuler. L artista lëura bele n pez sun chësta tematica. L lën y la reja ie n simbiosa. Ntan che l artista lëura ti féjel na ferida al lën y l lën se fej na pel ntëurite tres la reja. La reja cura la ferides dl lën, la ferides ala persones tl cuntest artistich. La reja coche sanch dl lën che l artista adrova per curì l lën laurà ora. La reja à nce plu culëures. L ie drët che n ti cële nce plu da daujin ai lëures. La reja ie unida spartida mo deplù: n possa desfrenzië reja linëusa da chëla plu scura. Reja coche material vif che se muda cun l ciaut y l frëit. Da paredlé cun la persona, cun si dedite. Mbën, la reja tl zënter dl’atività criativa de Aron Demetz, che se à urmei giaurì al mond dl’ert nternaziunel.

Passa cënt ani de storia Te passa 110 ani de storia ie la Biennale de Unieja al prim post n con’ dla tendënzes artistiches nueves. La urganisea manifestazions d ’e r t cuntemporana aldò de mudiei te plu disciplines, che caraterisea si unizità. La storia dla Biennale à ravises sotes, che va zeruch al 1895 cun la prima Espusizion Nternaziunela d’Ert che à fat tres dut l ’900 per ruvé, tl 2009, ala 53ejima edizion. Riccardo Selvatico fej ora tla reunion de cunsëi di 19 de auril 1893 de mëter su na Espusizion artistica naziunela uni doi ani, da inauguré

“Fé Monc” ie na mostra meneda dala ghiranza de espluré i monc ntëur nëus y dan nëus ite. L a à da n fé cun scumenciamënc nueves, chësc ie chël che n ulëssa spartì cun i vijitadëures dla Biennale. “Fé Monc”, mbën n titul sot per la espusizion nternaziunela d’ert, che ie sot ala direzion de Daniel Birnbaum, retëur dla Städelschule de Frankfurt am Main y de si lerch da fé mostres Portikus, academia che mët adum l nseniamënt dl’ert cuntemporana cun la sperimentazion y la nrescida criativa. Bele l titul nstës dij ora si spirt criatif. N’opra d’ert ie na vijion dl mond y sce tëuta sceriamënter, pòssela unì ududa coche na maniera de “fé monc”. Pertënder de “fé monc” coche pont de scumenciamënt permët nce de au zé ora la mpur t anz a fundamentela de n valgun artisć per la generazions che vën do. Bele de merz ova l Minister per i bëns y l’ativiteies cultureles PARC- Direzion generela per la cualità y scunanza dl paesaje, l’architetura y l’ert cuntemporana y la fundazion “La Biennale de Venezia”, nunzià, tl cheder dla 53ejima Espusizion Nternaziunela d’Ert a Unieja dai 7 de juni ai 22 de nuvëmber 2009, l Padiglione Italia nuef “alle Tese delle Vergini dell’Arsenale”, te chël che ie unida metuda a jì la mostra Collaudi. N unëur a F.T Martinetti sun scumenciadiva de Beatrice Buscaroli y Luca Beatrice. I artisć che ie unii nviei a fé pea cun si opres realisedes aposta ie Matteo Basilé, Manfredi Beninati, Valerio Berruti, Bertozzi&Casoni, Nicola Bolla, Sandro Chia, Marco Cingolani, Giacomo Costa, Aron Demetz, Roberto Floreani, Daniele Galliano, Marco Lo dola , M A SBED O, Gian Marco Montesano, Davide Nido, Luca Pignatelli, Elisa Sighicelli, Sissi, Nicola Verlato y Silvio Wolf. L “Padiglione Italia all’Arsenale” ie unì ngrandì, tulan ite la lerch dl ex Padiglione Italia, n segondo frabicat y passerà donca dai 800 metri cuadrat da śën ai 1.800 metri cuadrat de spersa, se cunlian cun l Giardino delle Vergini che ie dlongia y ie una dla nuviteies prinzipeles dla 53ejima Espusizion dla Biennale de Venezia.

Aron Demetz.

y Luca Beatrice, fajan a l savëi la lista di artisć crisc ora, à ulù sotrissé n valgun elemënc de basa per si vela. Dantaldut la logica da chëla che n ie jic ora. Nia na selezion de artisć ma na mostra sciche l toca, che respuend a na tematica spezifica, propi a n cunzet. Pont da chël che n ie piei via, dij i curadëures, propi n unëur a Filippo Tommaso Martinetti, che sà zeche de Collaudi. La vitalità tl prejënt che se nteressea dl Futurism, prima y unica “avanguardia” taliana dl ’900. N muvimënt daviert ala cuejistënza de duta la rujenedes, da chëles storiches coche la pitura y la scultura , ala sperimentazions dl chino d’artista, dla fotografia, dla performance, di materiai fetri. Chësta vijion zënza rëms metui danora ie propi chël che n à ulù fé, dajan gran atenzion ala opres,

proietedes y realisedes per l’ucajion, nia na vijion dalonc dal’opra o dal artista. Na udleda che se à cunzentrà dantaldut ala generazion de chëi de carantacincant’ani, metan leprò n valguna prupostes plu jëunes y cun maestri che reprejentea ponc de referimënt culturei y dal pont vijif. Nce l minister per i bëns y la ativiteies cultureles Sandro Bondi à laudà l ruvé zeruch dl Padiglione Italia, sën cun l dopl de lerch tres la cunlaurazion cun la Fundazion La Biennale di Venezia. Nsci ie la criatività taliana inò tl zënter dl’Espusizion Nternaziunela d’Ert, giapan de reviers si pert scialdi mpurtanta danter la manifestazions dl mond dedichedes al cuntemporann. N cumplimënt ti ie jit ai curadëures Beatrice y Buscaroli per l bon lëur fat.

La generazion di caranta-cincant’ani I curadëures Beatrice Buscaroli www.lauscdiladins.com

17


Gherdëina

nr. 32 / 22 de agost 2009

A duc i “pitli” culezionisć!

Stars on Ice

N merdi ai 11 de agost iel unì metù a jì te Sëlva tl stadio „Pranives“ na sëira cun i miëur artisć dl Per l segondo iede mët la Union di Ladins de Gherdëina a jì per l autonn che vën na mostra per duc i pitli culezionisć dla sport dl jadiné cunesciui sëura dut l mond valeda Union di Ladins - Sce nce tu es vel’ culezion, pitla o granda, nteressanta, particulera, povester nce unica y es legrëza a la mustré a n majer publich, fél a l savëi a nosc ufize bele da śën inant per te

resservé l post y per judé tl’urganisazion. Union di Ladins de Gherdëina, numer de telefonn 0471 796870, fax 0471 781570 o nce per e-mail a info@ulg.it. De gra per la cunlaurazion. (ulg)

La jëunes dl Eisclub Gherdëina.

Sëlva - La manifestazion Stars on Ice ie stata, sciche uni ann, n grandiscimo suzes. Na sëira spetaculera de aplausc, marueia y tenscion. Lumes, juesc de culëures, mujiga y guanc lucënc che stramuda à lascià l publich zënza paroles. Duc fova drët cuntënc. Nce sce nia plën defin, fòvel te stadio mpo truepa jënt. L inuem Petrenko ie stat na gran atrazion sibe per i seniëures che per chëi da tlo. Nëus dla USC prejenton n estlujiva n valguna fotos de Robert Perthoner che mostra su la poses y la „performances“ da marueia di artisć dl sport dl jadiné cunesciui sëura dut l mond. Danter i campions àn pudù udëi Viktor Petrenko, Fiona Zaldua y Dimitri Sukhanov, Paolo Bacchini, Alicia Cavanaugh y trueps d’autri. (gi)

Na foto ora de na culezion metuda ora n ucajion dla prima mostra de “pitli” culezionisć urganiseda n cunlaurazion cun la Union di Ladins de Gherdëina.

I stuei de Gregor “L bosch tl stuel” ie l titul dla mostra mpue’ particulera sun pitla Plaza de Sant Antone a Urtijëi. Stuei de Gregor Prugger L cowboy tl aier.

Ert - La giaurida dla mostra de Gregor Prugger ie stat n dumënia ai 16 de agost dala 11.00. Metù ora àl na desëina de stuei artistics sun Plaza de Sant Antone a Urtijëi. I stuei ie fac cun rams de lëns storc dala levines y dala forza dla natura. Uni ram, uni ciuch ie perchël n unicat cun na si storia y na si forma, dut metù adum nce per la funziunalità, coche dì che n posse nce sté sentei, y mo sté sentei saurì. Calculà fòvel de i lascé sun plaza per n valgun dis. De nuet messòven tlermënter i tò y tres, che l se trata de pec artistics che ti à tëut n gran lëur a Gregor, y l fossa stat da muië sce i fossa unii roc da vel’ un che

ëssa urtà a ciumpedé, ngali via tert de nuet. Ma via per l di, iló fovi metui ora, i biei stuei. Y i turisć, mascimamënter taliani sën de Farragosto, s’i à gudui, i biei stuei. I ti cialova cun nteres y vel’ un se sentova ju cun na bela gheneda. Chi a ti cialé ala jënt che passova, chi a se liejer la zaita, coche n vëija nce dala foto pra chësc articul. Nsciuma, na performance garateda, chëla dla Lia dl Turism de Urtijëi, deberieda cun l artista Gregor Prugger. Danz che l fossa bel, do che i turisć à desmustrà de prijé i stuei artistics, sce l se tratëssa de zeche che dura plu giut. (dl)

„Performances“ ntan la manifestazion cun „spaccata“.

Acrubazia cun una na man.

18

www.lauscdiladins.com

Sentei sun i stuei de Gregor Prugger: ti cialan ala jënt, se lijan la zaites.


nr. 32 / 22 de agost 2009

Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Diretives por le frabiché Te na sentada a Badia él gnü baié da lascè realisé n vademecum che dess gnì portè ite tl regolamënt comunal da frabiché, cun le fin da sconè l’architetöra tradizionala ladina. Al é inće gnü baié de frabiches da sconè Badia - Ai 5 d’agost él rové adöm te Ćiasa de Comun a Badia i ombolć dl’alta valada Iaco Frenademetz, Franz Pedratscher y Franz Complojer, sciöche inće Andy Pertot - coordinadù dl proiet “Alta Badia - quo vadis?”, Manfred Canins - diretur dl consorz turistich Alta Badia y i trëi mëmbri dl grup de laûr “Condiziuns generales y infrastrotöres”: Sigrid Piccolruaz, Michil Costa y Karlheinz Castlunger. Le fin dla incuntada ê chël da tratè l’argomënt che reverda i elemënć de basa dl’architetöra ladina por l’alta Val Badia. Al é gnü baié en particolar da laurè fora diretives sön co costruì o inće nia costruì por mantignì le carater ladin dles costruziuns dla valada. Le travert final é chël da rovè a n vademecum da portè ite tl regolamënt comunal dl frabiché. L’argomënt é bele gnü tratè danfora da pert dl grup de laûr suradit, che vëiga la sora soluziun chëra da inćiarié un o deplü architëć da laurè fora chësc regolamënt, tolon ite inće les minunghes de sü colegs, di ombolć di trëi comuns y dla comisciun dl frabiché. L’architetöra é n elemënt important por le turism y le turism por l’architetöra. Por sensibilisé sön chësta tematica gnaràl metü da jì manifestaziuns inće a livel de

Ćiases da sconè

La “mësa torona” sön l’architetöra.

Südtirol, portades inant da Südtirol Marketing, deboriada cun la ćiamena di architëć y le consorz di comuns. L’Alta Badia mostra bele śëgn süa sensibilité tl vers dl’architetöra. Al basta ponsè ai posć d’architada por les corieres o al regolamënt dles tofles tl Comun de Badia. De chësc vers bàion de architetöra te n contest plü ampl, tanco de döt ći che fej fora l’aspet estetich di paîsc, dal’iluminaziun publica ai marciapîsc, ćina ai parcs de devertimënt por mituns.

Na proposta anter jenà 2010 Ala fin dla discusciun él gnü tut la dezijiun da ti surandè ai architëć Sigrid Piccolruaz y Karlheinz Castlunger l’inćiaria da laurè fora diretives sön co costruì por mantignì le carater ladin de nostes costruziuns. La proposta de diretives da portè ite tl regolamënt dl frabiché gnarà dada jö anter la fin de jenà 2010.

Denant co stlü jö la reuniun àn orü tratè en cört le punt dla sconanza di ensëmbli. A Badia, sön inćiaria dl ombolt, él bele gnü ćernü frabiches che miritass da gnì metüdes sot a sconanza. Chësc

stüde ti gnarà prejentè al Comun anter setëmber. Dedô ti gnarà la proposta inće prejentada ai proprietars dles abitaziuns interessades, tla cornisc de na reuniun olache al gnarà invié esperć desvalis dl setur, che portarà dant i vantaji y les oportunitês de na frabica sot a sconanza.

Assistënt pastoral Mareo - Le consëi dl Comun de Mareo à baié en jöbia ai 20 d’agost te süa reuniun ordinara dl argomënt “Assistont pastoral: sorantuta de spëises/deliberaziun de mascima”. Al é gnü fat fora sce surantó o manco a bilanz les spëises

de paiamënt de chësta figöra profescionala che la Ploania oress ingajé por organisé les zerimonies cristianes y assistì spiritaulmënter la comunité. “La Usc di Ladins” portarà tl’ediziun dl’ater edema ći che al é gnü dit y fat fora.

www.lauscdiladins.com

19


Val Badia

nr. 32 / 22 de agost 2009

“Cujiné ô dì imparè da conësce jënt y cultures!” Esperiënza y cariera de n jonn dla Val Badia foradecà. Sistiana é n pice paisc sön le mêr, danter Grado y Triest Porsones - Le jonn de Badia Günter Piccolruaz à metü man süa cariera da cogo tl’Alta Badia, olache al à laurè te deplü hotì. Por bëgn 7 agn àl laurè desco scef de ćiasadafüch al Ćiastel Colz a La Ila. Dedô él stè por 2 agn tla Svizra a Gstaad a laurè te n restorant. Śëgn él scef dla ćiasadafüch al Vanilija Ristorante à la carte dl Hotel Eden a Sistiana, n pice paîsc sön le mêr, 10 km dan Triest. Le Hotel Eden é davert da ca. un n ann. L’inom Vanilija é na composiziun dl inom dla proprietara Veronica Logar y sü mituns Nina, Lisa y Jan. L’ostaria vedla de familia él stè

Veronica Logar che à trasformè te n hotel da 16 ćiamenes, n restorant elegant y nobl, scëmpl, informal y da se stè saurì cun na ćianô dal vin che an po inće amiré tres n funz de spidl dal alt jö. I sun stà a ciafè Günter Piccolruaz a Sistiana y i nes ùn lascè cuntè val’ curiosité y morvëia da ël y dala proprietara dl hotel Veronica Logar. La Usc: Tla Val Badia fóssel tröpes poscibilitês da laurè da cogo. Ći condüj pa n jonn badiot foradecà a laurè, a fà cariera? Günter Piccolruaz: “Ćina che an é jogn désson jì foradecà a laurè, por imparè cosses nöies, se daurì a d’atres cultures y tradiziuns. Zeruch tla Val Badia pon intres ćiamò jì.” Este bun da i fà conësce la spëisa ladina inće ala jënt dal mêr? Cô pa? Günter Piccolruaz: “La mentalité dla jënt de chësc post ti somëia dër a nosta mentalité. Chësta regiun é stada por dër tröc agn sot l’imper austro-ungarich y chilò ciafunse deplü lingac (slovenn, talian, ez.).

Günter Piccolruaz, da Badia a Gstaad, por gnì capo-ćiasadafüch a Sistiana dlungia Triest.

La sora desfarënzia é che chilò él le mêr y sö da nos unse les munts. Porchël recorda n valgügn pasć dër la spëisa ladina, desco por ejëmpl gnoch da pan, balotes, spatzlan.”

Cun ći este pa tö bun da i fà la gola a tü sciori? Günter Piccolruaz: “I sciori proi da acontentè cun na buna acoliënza, n bun mangé cun produć frësć (p.e. marmolades fates te ćiasa por le gostè, pësc, ćiajó, vin dal Carso), pasciun y la simpatia.” Sig.a Veronica, ćiun é pa le moto dal Vanilija à la carte dl Hotel Eden? Veronica Logar: “Le moto é ’elegantemente informale’.” Ći podess pa jënt dla Val Badia chirì chilò jö? Günter Piccolruaz: “I i aconsiëii da passè jö a nes ciafè, se bëre n aperitif, se fà na ćiacolada en bela compagnia y jì a descurì ći che chësc raiun pîta.” Ći pîta pa le post? Veronica Logar: “Chësc post pîta tröpes cosses interessantes da podëi ćiarè, desco p.ej. le Carso cun le gran ander, le ćiastel de Miramare, le ćiastel de Duino, la cité de Triest a 10 km, la cité de Grado y le zënter storich de Aquileia y le mêr. Desco produć dër tipics unse le ćiajó, l’öre d’orì, le pësc frësch y le vin.” Ćiun é pa n proscim evënt important por le restorant Vanilija à la carte dl Hotel Eden? Günter Piccolruaz: “Ai 5 d’otober metunse da jì na cëna nobla y degustaziun de vins cun trëi coghi conesciüs dl Trivenet. Por nos y nüsc tliënć saral n avenimënt important.”

Promoziun n iade atramënter... Da man ciampa: Veronica Logar proprietara, Günter Piccolruaz - chef de ćiasadafüch y Alberto Saglio Ponci - chelner.

Frattini y l’Alta

Fedelté da 60 agn

Le Minister tol posiziun sön le turism tl’Alta Badia y ti dà de bunes notes

Curiositês - Chisc dis à i ustis dl Hotel Antermoia a Antermëia podü festejé n ghest particolar. Adriana Corradino é da Chiavari, tla Liguria, y vëgn en vacanza a Antermëia bele dal 1949 incà, olache ara stà suranöt tres tla medema ćiasa. Ma dui iadi n’àra nia podü gnì. N iade ti agn 60, por rajuns familiares y spo dan trëi agn deache ara s’â rot na sciabla.

Turism - Inće chësc ann à le minister Franco Frattini chirì fora l’Alta Badia sciöche travert por sües vacanzes. Le minister é bele da tröc agn n amant dl’Alta Badia. D’isté röiel adalerch por s’la spaziré fora por la natöra. D’invern él apascionè de schi. “Por che na destinaziun sides buna da superè le momënt de crisa dl’economia mondiala, mëssera avëi n valgönes carateristiches importantes. Danter chëstes la poscibilité da ester daverta por dötes les gofes, pitan tl medemo tëmp n sorvisc y produć de cualité. La jënt ne renunzia nia ala vacanza, mo ara é plü acorta da ciafè la vacanza sön mosöra. Mo i sotrissëi che la cualité ne po nia manćé.” nes confidëia le minister Franco Frattini. Süa minunga va a öna cun i resultać dl stüde “Alta Badia - quo vadis?”, che sotrissëia le bojëgn da ti pité al ghest n produt de cualité te vigni fascia de prisc. La cualité n’é nia n sinonim de 4 o 5 stëres, mo ara po gnì ciafada inće tles pices cosses da vignidé. L’Alta Badia s’armöi bele da tëmp te chësta direziun. Franco Frattini à inće orü sotrissé le fat che na destinaziun turistica dess ester

20

www.lauscdiladins.com

saurida da arjunje. “Aldedaincö s’àl mudè la moda da fà vacanza. An va plü gonot, mo les vacanzes é plü cörtes, porchël él essenzial da ester bugn da arjunje plü saurì na localité. Importanć é porchël i coliamënć dles strades y les ofertes te chësc contest. N gran vare de chësc vers podess gnì a s’l dè tres l’aeroport da Balsan, tan inant che al foss la poscibilité da arlungè la pista por lascè arsì jori charter.” Le minister s’à desmostrè otimist inće por ći che reverda le dagnì dl’Alta Badia: “L’Alta Badia é na tera che me plej,

olache i vëgni bele da tröc agn. I à podü osservè chilò na presënza internazionala. La desfida dl dagnì sarà chëra da coltivé chësta presënza internazionala. Cun le savëi-co che l’Alta Badia à, jaràra zënz’ater. Al é de gran importanza da pité n produt y sorvisc de cualité alta te vigni spana de prisc. Laprò à chësta localité na natöra y contrades uniches. L’Alta Badia à porchël dötes les chertes en regola por romagne na localité de gran suzes inće tl dagnì”, stlüj jö Frattini. (Ofize stampa Alta Badia)

Le minister Frattini cun Marcello Varallo.

Por festejé i 60 agn de fedeltè à i ustis dl Hotel Antermoia orü premié Adriana Corradino y ti desmostrè insciö süa reconoscënza. Al ti é gnü scinché n relief realisé da Pire Rubatscher, tistler da Pidrô. Lassura vëigon Pütia y le hotel. Inće l’ombolt da San Martin Pepi Dejaco à orü ester ala pert, por rengrazié la sciora por süa fedeltè. (kw)

Adriana Corradino (amez) mostra le bel relief che ara à ciafè dai ostis dl Hotel Antermoia Michela y Ivo.


Val Badia

nr. 32 / 22 de agost 2009

Tles munts por imparè da scrì Beppe Severgnini à dè leziuns de scritöra y leteratöra ala Ütia Col Alt

Le diretur dl’Assoziaziun Turistica da Corvara/Calfosch Damiano Dapunt y Beppe Severgnini dl “Corriere della Sera”. Foto: Daniel Töchterle

Severgnini à baié dantadöt dl contegnü de so liber “L’Italiano. Lezioni semiserie”. Foto: Daniel Töchterle

Corvara - Sciöche vigni ann mët da jì le Consorz Turistich Alta Badia la ligna de manifestaziuns leterares “Un libro, un rifugio Incontro con l’autore” (n liber, na ütia demunt indunada cun l’autur). La realisaziun de chëstes manifestaziuns gareta en colaboraziun cun la Cassa dl Sparagn da Balsan. I protagonisć de chësta manifestaziun, coordinada y curada dala psicologa y scrituria Gianna Schelotto y dal diretur dl’Assoziaziun Turistica Damiano Dapunt, é stà chësc isté auturs conesciüs sciöche Margaret Mazzantini, Sergio Romano, Mauro Corona, Beppe S e v e rg n i n i , A nto n i o Caprarica y d’atri.

I libri di auturs conesciüs vëgn scialdi presentà ti salf dles manifestaziuns da Corvara y da La Ila. Chësc ann él gnü ponsè a na novité: n curs de scritöra te nüsc paisc de munt. La novité é gnüda realisada dal jornalist dl “Corriere della Sera” Beppe Severgnini. Le jornalist à presentè so liber dal inom “L’italiano. Lezioni semiserie” tl salf dles manifestaziuns da Corvara y spo tl tla Ütia de Col Alt. Tl salf dles manifestaziuns bel plëgn de jënt à Severgnini splighé les diesc cosses che n autur y scritur mëss fà sce al ô che degügn ne lies ci che al à scrit. Le decalogh é gnü presentè dal jornalist te na forma ironica cun ćianties intonades da Simona Bondanza, acompagnada al tlavier da Alessandro Trebo. Le dé do à l’autur portè la manifestaziun y sü za. 100 iscrić sön la Ütia Col Alt por la secunda pert dl curs, te chëra che al à splighé les 16 regoles da se recordè por scrì indortöra. La secunda leziun é stada plü pratica, mo inće lesiera: cun jüć, tesć y detać à salpü le jornalist da devertì y da trà ite le publich. La pröma regola por n scritur é sambëgn chëra da avëi valch da dì. Cô che an mëss y dess le dì à spo Severgnini porvè da nes cuntè. Consëis po ester de ütl por chi che ô imparè da lascè al savëi val’ y comuniché argomënć y sentimënć a d’atri. Laprò ôl ester indere l’eserzize, y Severgnini à tröc agn de esperiënza, él pö un di jornalisć atuai plü conesciüs de lingaz talian. (katia)

Avëi lerch da ponsè Simon Kostner y Maria Irsara à presentè danü la cuntia dl Rëgn de Fanes sön n scenar neutral, cun finëza y zënza la gran tecnica. Le mît se salva La Ila - Al n’é nia teater, al n’é nia n spetacul. Sön scenar suzedel dër püch movimënt. Le gran paiun é feter öt, lassura él ma döes porsones, o dit damî: dui aturs Simon Kostner y Maria Irsara - che presënta a na süa moda le mît de Fanes. Tl lingaz talian y cun facëttes musicales originares (Simon lî y cunta en pert inće adamënz, Maria sona sües composiziuns sön l’oboa). La musiga sotrissëia cer momënć, ara incornijëia, la musiga arjigna ca y arichësc le sentimental, l’emotif y le dramatich. La serada é gnüda metüda sot al moto “Ey de net e Dolasila - un amore antico” y toma ite te chël cërtl de manifestaziuns che l’Assoziaziun Turistica Alta Badia à orü mëte da jì chësc ann sot al tema dl “mitologich”.

fantastica. Insciö é le scenar olache an posizionëia i jobleri y i momënć, les veres, les strinaries, ez., rich y plëgn sciöche te n som y le sentimënt, amur, sënn, ez., y ne vëgn nia condizionè da rapresentaziun de personaji cun guanć, massaries, elms, ermes. Dër gonot me pënsi che la mitologia à da romagne te na dimenjiun mistica, feter spirituala, deache ma insciö pôra se tignì chël potenzial universala. Al momënt che an la caraterisëia cun atribuć umanns

(jobleri, guanć, ez.) devëntera scê plü porsona, plü nosta, mo ilò éra inće spo bele dalunc dal mît. Impò mëss podëi le film o teater, i auturs y regisć y aturs, porvè da i dè na “poscibilité de manifestaziun” al mît, cun dötes les poscibilitês logistiches y tecniches che an à al dédaincö. Tröp publich ô ma odëi le mît passivamënter, deache al é ma plü ausé che al i vëgn ciaugné dant döt tl chino y te internet. L’iniziativa personala toma cun le mît tecnizisé. Baldi! (iaco rigo)

Na minunga La desfarënzia danter chësc spetacul ideé da Simon Kostner y d’atri teatri o operes (en pert inće musicales) sön la mitologia de Fanes sta avisa tla lerch y tl öt che an i lascia ai spetadus, la lerch y l’öt da descedè na fantasia y imaginaziun dldöt personala y

Maria Irsara y Simon Kostner sön paiun chësc isté tla Ćiasa dla Cultura a La Ila.

Liënda y mît te n lomescel artistich La liënda de Fanes devënta poesia ćiantada, te n scenar naturalistich de morvëia

Scenar minimalstich te na sugestiun dada en gran pert dala natöra, dal lech y da püć efeć de löms y intervënć tecnics. Momënt cun Spina de Mul y le Cor dles Jones d’Al Plan. L’audio dl spetacul a La Ila é gnü tut sö danfora te stüde de registraziun y lascè jì jö söl post. Foto: Freddy Planinschek

La Ila - N’ambientaziun dër afascinanta é gnüda chirida fora chësc ann dal’assoziaziun culturala Fanes por la rapresentaziun dl poem epich sön la liënda dl Rëgn de Fanes. Cun le crëp de Gardenacia en sotfunz é le poem musical de Roland Verra y de Susy Rottonara gnü metü en jüch sön les spones dl lech da Sompunt. Le pröma dl teater é gnüda metüda en scena en mertesc ai 11 de agost. Le cil bröm iluminé dales stëres y le jüch de löms à daidé cherié n’atmosfera de morvëia, mitica - sciöche le tema instës.

Re mëna süa fia Dolasila te vera por combate cuntra les popolaziuns vijines cun ermes magiches che provëgn dal Lech d’Arjënt. La storia d’amur de Dolasila por l’eroe, nemich di Fanes, Ey de Net, che ne vëgn nia azetè dal Re ingorde y les strinaries dl striun Spina de Mul y dla stria Tsicuta, se liëia ite tla cuntia dles veres sangonoses che se desfira sön i prà da munt. Le Rëgn de Fanes röia canche le Re imbanësc so popul y se coliëia cun i nemisc por ciafè l’or dl Rëgn dl’Aurona. Dolasila mör tratan i combatimënć y i püć abitanć dl Rëgn de Fanes che à suravit vëgn condüs dala jomelina de Dolasila, Luianta, ti andri dles muntagnoles, da dagnora liades ai Fanes. Tla rapresentaziun teatrala pon ćiamò odëi figöres de saghes sciöche ganes y zbergli. La storia vëgn cuntada por ladin y por talian dala usc dl autur instës, Roland Verra. Les ćianties, por ladin, vëgn interpretades dala usc soprann de Susy Rottonara y dal Cor dles jones de Al Plan de Mareo. La RAI ladina à tut sö la rapresentaziun, che gnarà trasmetüda plü inant tla televijiun.

Le poem epich é gnü scrit dal scritur Roland Verra, Intendënt dles scores ladines de Südtirol, y les musighes, che pëia ia da na simbiosa cun le test poetich, é dla musizista y componista da La Ila Susy Rottonara, che rapresentëia tl spetacul teatral la pert dla prinzëssa Dolasila y de süa jomelina Luianta. I dui auturs é bele conesciüs por avëi realisé dan da n valgügn agn, adöm a Hanspeter Karbon, le film “Le Rëgn de Fanes”. Dal film é nasciü, por man de Roland Verra, le poem epich partì sö te 32 composiziuns poetiches. La maiù pert dles composiziuns musicales é gnüdes scrites danü por chësc poem epich dala musizista Susy Rottonara y é gnüdes ćiantades en pert dal’auturia instëssa, sciöche solista, y en pert dal Cor dles jones de Al Plan de Mareo. Le cor rapresentëia na gran novité. Sot la direziun de Inge Ties y de Herta Feichter fej les ćianties dles ćiantarines d’Al Plan da comentar ai avenimënc, sciöche al gnô dant tla tragedia greca. La musiga de Susy Rottonara ô ester na musiga evocativa che sotrissëia l’aspet lirich dl test. Por le cor é la musiga monodica, por la pert solista éra indere na azentuaziun dla dramatizité. De n drama trata bel avisa la liënda: la storia dla familia reala dl Rëgn de Fanes y dla sëi de potënza dl Re, che Susy Rottonara tla pert de Dolasila. portarà ala desfata so rëgn. Le Foto: Freddy Planinschek www.lauscdiladins.com

21


Val Badia

nr. 32 / 22 de agost 2009

Jüch y bal d’eleganza

Vita te na tor Albert Mellauner y Pepele Pescollderungg mostra chedri y scultöres tla tor renovada dl Ćiastel Neuhaus a Gais. Ones spirituales

Desco figöres feminiles te na liënda sta chëstes scultöres de Pescollderungg tl jaz dla tor.

Jadinadus tratan le spetacul “Frank Sinatra All Stars”. Foto: Daniel Töchterle Le ćiastelan Siegfried Hofer cun l’artist Albert Mellauner dan ala tor de Schloss Neuhaus a Gais.

Ensemble de chedri de Mellauner. Dessot na ona stilisada de Pepele Pescollderungg.

Ert - Al n’é nia le pröm iade che i odun na mostra d’ert tla tor dl Ćiastel Neuhaus a Gais, impò él mudé val’ dai ultimi iadi: la tor é gnüda renovada deplëgn y sö alalt, tl jaz, él arjigné ca na mësa por conferënzes y referać. Inće te chësta alzada pon odëi laurs di dui artisć ladins che vir foran Puster. Le ćiastelan Siegfried Hofer nes cunta tan de laur che al à albü por restauré y renové le ćiastel medieval cun capela, curt y tor. Al dédaincö é le Ćiastel Neuhaus le simbol par excellence dl paisc y de döta la

bachëta incërìa, y de nöt vëgnel lominé desco tesur storich. Y chësc cun döta la rajun. Le ćiastel ê gnü fat sö tl 12ejim seco dai Herren von Taufers. Bele Oswald von Wolkenstein ćiantâ dl entourage naturalistich dl post. Te döta süa storia é le ćiastel inće stè travert de pelegrinaje, staziun por eremić, post de vacanza. Garatà é i laurs de restaur dla capela de pelegrinaje dal 1999 incà, gnüda fata sö tl 17ejim seco. Te chësta cornisc de architetöra storich-culturala à i dui artisć dla Val Badia podü mëte ite sü laurs

che é por la maiù pert fać tl ultim tëmp. Por ruvé ala mostra mësson varié sura l’ostaria sö y azede te na sort de curt por arjunje les stighes ërtes dla tor. La tor à deplü solëtes, y tles alzades cun i parëis de pera, ilumunades da finestres, él la lerch por i chedri y les scultöres che se injunta inće valgamia bun por corusc, materiai y stil da laurè. La pitöra de Mellauner y la scultöra de Pescollderungg ciafa na “patina” sacrala al intern de chisc mürs. I ogeć de lëgn, stilisà, de Pescollderungg devënta mistics, i chedri de Mellauner déura finestres nöies tl grisc di mürs y mostra orizonć feter suranaturai, transzendentai, la ćern y le tëmp y l’umann pê dalunc dal contegnü y local, fora dai mürs storics. De Pescollderungg él inće da odëi n crist sön n mür y scultöres astrates (sgnécores) che ne mostra nia le corp umann. Tl jaz vëigon spo n grup de scultöres dla figöra feminila, stilisades y mistificades, che conserva te vigni caje na eleganza plü imaginara co reala. La scultöra devënta liënda y inće poscibilité fantastica. La pitöra de Mellauner n’é nia monotona, i corusc fistidëia dla vitalité y le raport de corusc, lignes y de lercs fej nasce composiziuns astrates plënes de lisierëza y armonia. Ti chedri él vita de ert, corù y forma, y i chedri lascia al interns les loćes por che le spetadù pois se ciafè laite val’ pinsier, dl cil, dl alt, dla speranza, dles sajuns de natöra y de süa vita terena. Ert é ester bugn da inserì le spirit te scultöra, pitöra, ez., y trasmëte chësc spirit che sta iadô döta la parüda y l’estetica.

Daurida dla mostra La mostra po gnì odüda ćiamò les finsdlèdema di 22 -23 y di 29-30 d’agost 2009. Informaziuns dà i artisć y inće le Ćiastel Neuhaus. (iaco rigo)

22

www.lauscdiladins.com

Stars on Ice: bâi, acrobazies y comizité sön la dlacia

Corvara - Inće chësc ann à le stadium dala dlacia da Corvara ospité inoms de fama dl jadinè artistich sön la dlacia, y nia ma de chisc. Le spetacul é gnü daurì dales jadinësses jones dl post che i à mostrè al publich söes abilitês sön la dlacia. Danter i atleć che s’à presentè a Corvara ciafunse un di artisć plü conesciüs al monn: l’ucrainn Viktor Petrenko, che é stè por dui iadi campiun d’Europa (1991 y 1994) y campiun dl monn dl 1992. Dl 1992 à Petrenko inće davagné i Jüć Olimpics a Albertville. Vistì da cowboy y spo acompagné da na balarina de peza à le jadinadù mostrè so savëi cun gran ironia. Paolo Bacchini, campiun talian tla categoria iuniors dl ann 2000, che tolarà pert ales Olimpiades invernales de Vancouver dl 2010, à spo jadinè sön les notes dl grup musical american Green Day. Le publich à ćiamò podü amiré les desmostraziuns de atleć dla Republica Ceca: Kerel Nekola y Lucie Krausova, dla Gran Bretagna:

Nlick Rigby, che à balè söi ritms dla ćiantia Kiss de Prince. Y di Stać Unis d’America él ruvé adalerch Alicia Cavanaugh, showgirl dër conesciüda dla televijiun americana. Tröpes é inće stades les ćerćes de dui - en per. Fiona Zaldua y Dimitri Sukhanov dala Ruscia é conescüs a livel internazional por les componëntes acrobatiches ti toć che ai porta dant. Le duo comich formè da Aleksiy Plischuck y Robert Cording (Ucraina/Canada) é stada dessigü le per plü sostegnü dla sëra, cun sü ać da rì sön les ćianties di Blues Brothers. I dui jadinadus comics é campiuns mondiai de Acrobat Skating. Le publich à spo inće podü odëi les prestaziuns de dui d’atri pers: Alexandra Shauman y Lukazs Rozycki, lià da na storia d’amur nasciüda sön la dlacia, y Jasmine Wallner y Jered Guzman. I movimënć armonics de chisc atleć che slisorëia sön la dlacia cun sü guanć slominanć y da mile corusc é n spetacul che lascia le publich zënza parores y ma cun edli de morvëia. (katia)

Aleksiy Plischuck y Robert Cording tratan söa desmostraziun che é stada dër teatrala y comica y à forsc plajü le plü. Foto. Daniel Töchterle


Val Badia

nr. 32 / 22 de agost 2009

Söi fostüs dla Natöra Ćiacia al tesur di verdaparch pro Cultura da Munt. La jënt che à tut pert al’iniziativa à podü descurì de vigni sort de curiositês che nosta natöra à da nes pité por natöra y ambiënt, y sensibilisé jënt dl post y vijitadus da foradecà ai fins dl Parch Natural. Porchël aratunse che chësc dé dediché ala natöra tratan les manifestaziuns de Cultura da Munt sides n’aziun importanta, che valorisëia, ći che po gnì conscidrè la fondamënta de nostes tradiziuns y de nosta cultura.

Fostüs de tiers, dla porsona, de tëmps passà y … di giganć

I verdaparch pîta informaziun.

Börz - La domënia ai 26 de messè ê “Cultura da Munt” dedidaca ala natöra. I verdaparcs, che laora chësc isté tla Val Badia, â arjigné ca na picia ćiacia al tesur söi fostüs dla natöra. Le fin ê chël da mostrè tan interessanć che details, te n pröm momënt da püch significat, po indere ester, sce an i ćiara plü avisa.

Ćiacia al tesur zënza tesur? Dales 10.00 inant ciafâ i vijitadus che piâ ia da Börz demez cuntra la Munt de Fornela o Pütia, na mapa dl tesur tles mans. Lassura êl dessigné ite önesc staziuns, ch’ai messâ jì a chirì. Te vigni post êl un o deplü placać, che mostrâ y spligâ n valgönes dles pices gran morvëies dla natöra y laprò êl inće indlunch n stempl por timbré la cherta. Zirca 130 chertes à i verdaparch partì fora, gonot a families, deache na ćiacia al tesur é sambëgn plü interessanta por mituns co por adulć. Mo scebëgn che i gragn ne se tolô nia tres impara na cherta, êi impò coriusc y ti ćiarâ ales spligaziuns metüdes fora pro val’ lëgns, peres y ciüć. “Y ći é pa le tesur?” La resposta, che i verdaparch ti dê ala domanda

fata plü gonot en chël dé, ê plü o manco: “Degun tesur … o, dit atramënter, önesc tesurs, chi dessignà ite sön la cherta. Önesc stories cun curiositês, informaziuns interessantes sön flora, fauna o geologia, dessigü inće tröp de nü por i partezipanć. Le majer tesur é propi l’esperiënza che i partezipanć po se tó para, inće por d’atres spazirades, deache chisc pici mirachi, che an suravëiga gonot, é da ciafè vigni iade ch’i rodun tla natöra cun i edli daverć.” Forsc ti é na te’ aziun da descedè curiosité, interesc y pasciun por la natöra. L’aziun é gnüda inviada ia dal Ofize Parcs naturai y le coordinadù di verdaparch di parcs naturai dla Val Badia Gottfried Nagler, deboriada cun l’assoziaziun Cultura da Munt d’Antermëia. I verdaparch dr.ia Katja Cimadom y Matteo Rubatscher à laurè fora le conzet y à arjigné ca le program dl dé; Maria Lena Campei, Markus Willeit y Anja Marcher, i verdaparch dl raiun, à spo inće daidé para da animé gragn y pici da jì a chirì les staziuns y da fà de pices gran descurides tl laboratore arjigné diretamënter söl post. Un di compić importanć di parcs naturai é pö chël de animé a plü sensibilité y comprenjiun

An podô descurì de vigni sort de curiositês.

Por fà la cossa plü interessanta por i mituns â i verdaparch lascè laurè süa fantasia. Les impresciuns söl tru amesa Munt de Fornela y Göma, amesa ciers, raîsc, ciüć y podruns, ti à fat gnì inmënt n monn de giganć. Cun n pü’ d’imaginaziun gnô fora de dui ciers rosedà le banch, olach’i giganć se sentâ a mangé la picia marëna, n ciüch fraidì daìte fora deventâ la fana, olach’i giganć cöj ite les granëtes. (Ma bun, ch’ai n’â nia ma lascè indô n gote dla buna sulze y bocuns da ćiarćé, mo inće la rezeta sce zacai ess orü instësc porvè da nen fà…) Amesa chës peres ite se sinton pici (porchël pêl n monn di giganć); an sint bunamënter tan picera che la porsona é tla natöra. Impò é la pert dla porsona dër importanta y ćiariada de responsabilité, che po mëte man cun le se tó indô para le ciomënt impede le lascè zeruch söles munts. N placat porvâ da splighé tan dî che chisc “fostüs” dles porsones resta incërch: n fazorel da moćé de papier, por ejëmpl, adora zirca trëis mëisc da se desfà, i filtri de zigareć bëgn dui agn, bossi de aluminium, tasces de nylon, bozes de plastiga resta zeruch da cënt ćina mile agn! Les pedies sön le placat ê fates cun refodam lascè indô da jënt tl Parch natural Pöz-Odles chësc isté y coiü adöm dai verdaparch. Vignun é damanè da dè so contribut y ne lascè nia de te’ fostüs intoronn. La natöra é dessigü reconoscënta! Plü ligrëza àn cun i fostüs di tiers, ch’an po odëi gonot, canch’an spazirëia fora por les munts o por i bosc. Ai interessà i gnôl mostrè i corgn de rehl y de cerf, ch’an po ciafè cun n pü’ de fortüna ti mëisc olache chisc tiers i perd. Da odëi êl inće les cagores di tiers, o coches mangiades da schirates, bechin-crusc, sorüces y pich: vigni tier à süa manira da rovè pro les somënzes y sc’an ti ćiara avisa ai resć dles coches, ti éson da capì ći tiers che les à muncades. Sön deplü lëgns vëigon stisciores de büsc fates dal pich da trëi dëić, che les fej da d’aisciöda por rové pro la linfa dl lëgn. Y ći cualitês che i lëgns à zënza ćiamò, gnôl inće splighé te n valgönes staziuns. Al ê da odëi inće fostüs

de tëmps dadî bele passà, por ejëmpl sce an ascuta, ći che n pice tablé à da nes cuntè: vigni će dles taies mostra sö i anì di agn y nes dij insciö, co che vigni ann é stè. Ćiamò plü zeruch tl tëmp röion, sce an se fej la bria da platernè tl liber de storia dla tera, sce an ti ćiara ales roes cöcenes y ales vëtes tla pera: an vëiga pera de saurun sedimentada te n tlima de desert dan da 250 miliuns d’agn, o plü tert sedimënć olach’i dinosaurs à lascè indô sües prömes pedies, o i fostüs de n gran atol de corai, chersciü dan da 210 miliuns d’agn sot le mer ite, ch’é spo gnü le crëp de Pütia, sburlè sö canche les plates continentales d’Africa y

Europa à metü man da erje sö les faldes dles Alpes dan 135 ćina 30 miliuns d’agn. Inće i ciers ch’an vëiga gonot sön les peres, sciöche sc’ai oress les vardè y les defëne, é le fostü de tiers: Les niciories di ciers é m a s s a p e s o će s p o r g n ì trasportades dal vënt. Al é n laûr, che les crecies dai brodi à suratut. D’isté cöieres adöm brodi, ch’ares ascogn por avëi da mangé d’invern. Sot ala nëi ne i ciaferes nia plü düć y zirca n chert dles niciories mëna fora. Insciö dëida la crecia dai brodi da somenè ciers… Katja Cimadom y Matteo Rubatscher – verdaparch

Mitans mostra la mapa por la ćiacia al tesur.

Proscim apuntamënt cun i verdaparch: Naturatlon ‘09 La proscima gran iniziativa organisada dai verdaparch é le Naturatlon. Le Naturatlon sarà chësc ann indô a La Val, plü avisa la domënia ai 23 de agost. Dales 13.00 ćina ales 15.00 pon pié ia dala plaza dai auti dan Coz por fà la spazirada. Sön trù saràl da fà deplü pices gares a tëmp: da fà do laûrs te bosch o te stala, da jì sciöche le Gran Bracun a apié i leri dl lignan, copè le dragun de Sas dla Crusc y ti portè n bel ciüf ala chestiana ia en Ampëz, ...

Fortüna y savëi ôl spo ester pro les domandes: pro vigni staziun él inće da trà fora na domanda y da porvè da respogne. Incër les 18.30 saràl spo fora Coz la premiaziun. Le Naturatlon vëgn metü da jì dal Ofize Parcs naturai deboriada cun l’Assoziaziun Turistica da La Val, la Jonëza da Paur y l’Uniun dl Sport da La Val. I inviun dër bel a chësc apuntamënt interessant por gragn y pici, por ghesć y jënt dl post.

www.lauscdiladins.com

23


Val Badia

nr. 32 / 22 de agost 2009

Transié ite por la val Intervista cun l’ombolt de Mareo Fortunato Ferdigg y le diretur dl’Assoziaziun Turistica Martin Resch, en cunt dla situaziun dl trafich ite por la Val de Mareo y ta Pederü. Proposta concreta: l’ater ann déssel gnì istituì n sorvisc shuttle ite por la val y aumentè bindebò i prisc dla plaza da parchè a Pederü Tl foliet Alto Adige él gnü alzè sö la tematica dl problem de trasport publich ite por la Val de Mareo. Le Mareo Bus vëgn por l’ultim iade da Pederü fora dales 16.00. Por i ghesć massa adora. Àn pa ciafè na soluziun?

de chësc. Nos n’orun i tó a degügn nia, no ai paurs, no a chi dales üties. I n’orun nia stlü jö le parch natural, deache inće ëi mëss vire. Chisc é details bindebò importanć, a chi che i messarun ciarè da ciafè na soluziun.

Fortunato Ferdigg: L’Assoziaziun Turistica à ciafè na buna soluziun. N gran bus va ite da sëra insciö che chi che aspeta à la poscibilité da tó le sorvisc publich.

Che finanziëia pa chësc vëgnel finanzié cun i scioldi che vëgn ite dala plaza? Fortunato Ferdigg: Ći che vëgn ite dala plaza i va le 35% a bëgn di paurs por la manutenziun dles munts. Ći che romagn à le comun vigni ann investì por le mantignimënt dla strada. Chësc sorvisc messass sambëgn inće gnì finanzié cun contribuć dla Provinzia y cun contribuć dl’Assoziaziun Turistica. Le sorvisc ne foss nia debann, i anuzadus messass inće paié n pü’ de valch..

Martin Resch: Ara é jüda insciö che nos ùn ciafè n gröm de retlamaziuns. Inće assoziaziuns turistiches dl’Alta nes à cherdè sö dijon che sciori se lamentâ, deache ai rovâ jö Pederü y ne ciafâ do les 16 plü degun bus. N valgönes segnalaziuns unse inće ciafè da pert de nüsc sciori y inće da pert de nüsc assozià. I ân bele problems dan la sajun alta, porchël unse nos messü fistidié da ciafè na soluziun. Sce nos ùn vigne dé retlamaziuns te ofize, spo pordunse tëmp, mo inće imaja. Śëgn él n bus che vëgn fora vigni dé dales 18.00, inće les domënies y les festes. L’anuzada da pert di sciori é da dé a dé desvalia, mo i sun sigü che i ùn tut la dërta dezijiun. Por le proscim ann messunse a vigni moda ciarè da ciafè n’atra soluziun, dantadöt tl mëis de sajun alta. À pa l’AT messü fistidié instëssa por chësc sorvisc? Martin Resch: Nos ùn instësc organisé le bus, deache sce i savun bele danfora che al é problems, messunse reagì. I ùn damanè do a Balsan da podëi lascè jì ite chësc bus, ći che nes é gnü dè pro. Sostëgn ciafarunse dal Comun y inće dala Provinzia. D’isté él n gröm d’auti ite por la val. Dantadöt la plaza da parchè da Pederü é massa picera. Él pa preodü por le dagnì na soluziun por chësta plaza? Fortunato Ferdigg: Al mëss gnì chirì n’atra soluziun. I ùn chësta bela val che mëss gnì valorisada deplü. I messun ćiarè da tó demez le trafich tan che ara va. Un di problems dla proscima aministraziun sarà sigü

Le diretur dl’AT d’Al Plan Martin Resch y l’ombolt de Mareo Fortunato Ferdigg: ai é a öna sön le sorvisc shuttle y sön l’aumënt di prisc tla plaza da parchè a Pederü.

chël da ćiarè che al vëgnes fat n sorvisc publich che va almanco vigni ora ite y fora y che i privać làsces l’auto a Al Plan. I sun dla minunga, cis śëgn che nosc parch é patrimone natural, che i messun le valorisé deplü y ciarè de fà döt por tignì le trafich defora dal parch. Insciö à plü bel chi che va a pè y chi che va cun la roda. Sce i sun bugn da tignì fora le trafich privat, podéssel ester che al ne jiss gnanca debojëgn da fà n tru extra por la roda. Al é bele gnü fat na proposta da limité le trafich. Podesses nes dì deplü? Martin Resch: Nos ùn metü n iade sön papier n cheder dla situaziun por chirì na soluziun. Nosta proposta é chëra da pité n sorvisc shuttle che va ite vigni ora a cosć scialdi basc, y tl medemo tëmp jì sö cun i prisc da parchè ta Pederü. N ater vare podess ester chël da colaudè la strada de Fanes, por podëi jì sö un o dui iadi al dé cun n bus eletrich. A vigni moda déssel ester n sorvisc regolamentè, cun regoles tleres por düć. Insciö ess la jënt l’alternativa. O jì cun l’auto y paié deplü la plaza, o lascè l’auto chit y jì cun le bus. Nos n’orun a vigni moda nia stlü completamënter la val. Siur ombolt, al é impröma gnü limité le trafich da Pederü sö, śëgn ôn inće le limité ite por la val. Ći dij pa chi dles üties da munt? Ći dij pa i paurs? Fortunato Ferdigg: Pro la pröma

incuntada che i ùn albü cun chi dles üties êi plülere decuntra. I à albü l’impresciun che ai ais tëma da perde ghesć, nia tan chi d’Al Plan, mo chi che vëgn da foradecà. Tëmes che n’é magari gnanca tan iustificades. Chësc sistem é n iade da porvè fora, spo odaràn co che ara va. Da i fà dërt a düć ne jaràra nia. Inće i paurs à dübi, deache ai à cer’ dërć che ai po jì ite y sö. Al ne gnarà sigü nia dit che al va ma plü ite n bus y i atri ne po nia plü. Magari jìssera inće da regolamentè che ćina a na certa ora lascion jì ite düć y dedô ma plü le bus. Chësc é döt da studié deboriada cun l’aministraziun de comun, l’Assoziaziun Turistica, i paurs, l’aministraziun dl Parch Natural y la forestala. Plü che al vëgn tut demez le trafich, plü che i ùn inće le sostëgn da pert dl’aministraziun dl parch natural. Ai foss desponüs da mëte ćiamò banć, mëses, eventualmënter fà val’ plaza por grilié. Magari podéssel inće ester che l’ofize di parcs dess n contribut por istituì le sorvisc de shuttle, mo sambëgn mëssel spo gnì smendrì le plü che ara va le trafich privat. Martin Resch: Sce nos sun bugn da arjunje che nüsc sciori d’Al Plan s’anüza dl sorvisc de shuttle, unse bele arjunt cotan. I ùn odü che le citybus é tóch y plëgn, che la jënt l’anüza. Mi obietif y arati da podëi dì inće chël dl’aziënda, é chël da istituì por le proscim ann le sorvisc shuttle. An vëiga che cis śëgn te chëstes 3-4 edemes, s’anüza la jënt

Sce an pënsa da limité le trafich ite por la val, messarán inće ponsè da ciafè na soluziun por lascè jö i auti a Al Plan, no pa? Fortunato Ferdigg: Tl plann de svilup vëgnel baié che al dess gnì fat na gran plaza dan le paîsc, por tó sö i auti. Chësc ne jarà nia da realisé da incö a en doman, mo che sarà da fà, sce Al Plan ô tó demez le trafich y gnì n paîsc plü chît. Iö inviass bele incö la jënt da jì deplü a pè. Sce an ciara n pü’, spo vëigon che la gran pert dl trafich é fat da nosta jënt. Les destanzes n’é nia tan granes te paîsc. Jì a pé fajess bun ala sanité, smendriss l’incuinamënt, fajess inće bun al tacuin y ala vita soziala. Al ne messass nia ester da jì da na botëga o da na ostaria al’atra cun l’auto. Diretur, tl festival dl pinsier contemporann nen jôra de emisciuns zero, mo an vëiga inće tan rî che al é da concretisé y sciöche jënt se lascia sö sce al vëgn limité la poscibilité da s’armöie cun l’auto. Martin Resch: Iö conësci la situaziun a Bornech. Canche al ê gnü stlüt Oberragen, êl düć che brontorâ, śëgn ési contënć. Inće a Urtijëi êl jënt che se lasciâ sö canche

al é gnü arjigné n raiun da jì a pé. Śëgn ési contënć. Por ester na destinaziun turistica sciöche al toca, arati che inće nos adorun n raiun pedonal. I ùn albü chilò le festival “Idee a San Vigilio”. L’ater ann orésson porvè da le tignì te zënter, magari sön paiun o te plaza, y sce ara jiss da avëi la plaza stlüta, spo ésson bele arjunt valch, mo i arati che l’obietif mëss ester, almanco d’isté, chël da avëi la plaza stlüta. I ùn śëgn baié de situaziuns concretes dl trafich, mo le Comun à inće fat n vare tl vers de na vijiun, chëra da colié Mareo cun Cortina tres na sort de ferata. Podésses pa nes dì valch deplü? Fortunato Ferdigg: Tl plann de svilup él gnü portè dant la orentè da valutè la poscibilité da colié Mareo cun Ampëz. Al vëgn fat n stüde, por odëi tan inant che val’ de te’ se lasciass realisé. Le Comun de Ampëz surantol la spëisa de 12.500,00€, Mareo surantolarà na spëisa de 10.000,00€ y la sozieté di lifć d’Al Plan 2.500,00€. Sigü passaràl tröp tëmp denant che val’ de te‘ vëgnes fat, sce al vëgn fat. I sun gnüs criticà te chësc contest. A chi che à fat la polemica oressi bëgn i dì da se lì jö le plann de svilup. Iö inviass da tó pert ales discusciuns, co gnì dopro cun critiches. Deache i baiun de vijiuns. Diretur, ess pa Al Plan la poscibilité da deventè n paîsc zënza trafich? Martin Resch: I messun baié de će. Sce la jënt foss desponüda da daidé impara, jìssera sigü. Chësc n’é nia n prozes che va da n dé al ater. Sciöche vijiun fóssel sigü da ćiarè da laurè te chë direziun. I ùn ejëmpli, sciöche Berchtesgaden, che à stlüt jö al trafich y é stà bugn da aumentè les presënzes tratan l’isté. Chilò va la sajun da d’invern bindebò bun, mo por l’isté messunse se dè da fà - i atri ne dorm ninenia - y datrai messunse inće avëi le coraje da tó na dezijiun. Chë vijiun da stlü gran pert dl zënter al trafich, arati bëgn che podess ester realistica. Intervista: Pablo Palfrader

N dé me ponsâi... Na reflesciun sön na ligrëza tla natöra y i agnui che respogn La natöra ne lasciarà mai da me fà morvëia. Vigni dé éra medema, y impò ćiamò tan atramënter. Iö sun dla minunga che vigni möta y möt che nasc te nostes valades, dess gnì acompagnè tla natöra, por che al/ara impàres da aprijé nostes gran belëzes dla creaziun. Sce i mituns à ligrëza cun chëres, spo savarài tl dagnì da se tripé bel assà, y magari ne röiai nia sön d’atri pinsiers. Magari. La natöra é le plü bel parch dai jüć dl monn. Sce an va tai Tamersc, daìte d’Al Plan, y tira n bel scrai cuntra

24

www.lauscdiladins.com

le parëi, spo rondenëscel gnanca da dì. Y tan bun che al sona. Tan bëgn él parëis inće te d’atri paîsc, porvè fora por crëie. Vigni iade me tómel spo ite canche i jô ala scolina. Öna de mies maestres ê Zita Call de Iosc. N iade al ann jônse tai Tamersc a fà na griliada. Ëra é stada la pröma che m’à insigné da ascutè le rondenì di crëps y i me recordi avisa co che ara nes spligâ a nos pici chësta morvëia. Ara dijô che söinsom le crëp êl i agnui che respognô. Dilan maestra Zita. Incö sunse chersciü y i sa avisa che al n’é degun agno, mo impò me vëgn

chësta bela metafora tres ćiamò imënt. Y śëgn él mi mituns che s’imaginëia che al sides i agnui cassö, y magari ti al cuntarài n dé ai sü. Na picia ligrëza, che dëida aprijé les gran morvëies che nes incertlëia. Da pice n’êl degöna morvëia sce i scraiâ ai crëp. Śëgn pol ester che val’ un m’aratass n pü’ mat, mo impò inviëii, canche le sorëdl va dojö y la natöra s’archita, da porvè fora chësc sentimënt. Se sentè jö, trà n bel cigun, y aspetè... i agnui che respogn. Pablo Palfrader

Sas dai Tamersc se god i ultims rais de sorëdl. Él lassö i agnui che respogn?


Val Badia

nr. 32 / 22 de agost 2009

Gran festa por Alex mondial En mercui 12 de agost da sëra él gnü festejé a San Ćiascian Alex Ploner, plü iadi campiun mondial de deltaplann. La festa metüda da jì dal Comun de Badia deboriada cun les uniuns, à albü n gran suzes de publich y de ghesć tles munts de ćiasa cun le bel scenar di crëps dles Dolomites ti à trasmetü al gran publich y ales autoritês la dërta emoziun dl jorè.

Le 2009 - n ann d’or

Alex Ploner cun i geniturs Nane y Walter.

San Ćiascian - Dales 21.15 é piada ia dal Hotel Tofana demez na defilada che à acompagnè le campiun Alex Ploner ćina tl zënter de paîsc. Danfora é jüda la musiga, düć i mëmbri dl’Airforce Alta Badia y spo le campiun Alex Ploner, acompagnè da familiars, autoritês y amisc sportifs. I grups de bal popolar Val Badia, i platleri, les ëres y ëi tl bel guant da zacan é insciö rovà tl zënter de paîsc, olache n gran publich i aspetâ. I onurs de ćiasa é gnüs fać dal ombolt dl Comun de Badia Iaco Frenademetz, che à podü saludè por l’ocajiun le campiun cun n gran publich, düć i ombolć dla Val Badia, l’assessur ladin Florian Mussner, grups sportifs desvalis, campiuns y autoritês rovà adalerch por la bela ocajiun. L’ombolt ti à fat i complimënć al campiun y ti à surandè n bel smaz de ciüfs y na bela onoranza, por sü mirić

La Musiga é inće stada ala pert.

sportifs. L’assessur Florian Mussner à albü parores de lalt por la familia Ploner, le pere Walter cun sü suzesc y la devënta dl titul nazional de motocross, plü titui de campiun talian y dui iadi campiun europeich de liösa a motor. Les emoziuns sön le gran linzó I campiuns sportifs Kristian Ghedina, Manfred Mölgg y Debora Agreiter à laldè l’impëgn sportif, la dediziun y la costanza dl campiun Alex Ploner. Les proieziuns dl video cun le “jore mondial” é gnüdes comentades dal atlet instës. L’emoziun danter le publich, da odëi les imajes de jore cun le deltaplann de Alex Ploner é stades granes. Sides le jore mondial de Laragne tla Francia, che i jori jö por la “Streif ” a Kitzbühel, olache inće Kristian Ghedina “Ghedo” à improvise süa conesciüda “Gretsche” cun salt söl “Schuss” final. Les imajes de jore

Le möt Alex Ploner à podü insciö festejé te so paîsc nadè la devënta de so terzo titul mondial, davagnè ai 3 de messè 2009 a Laragne, localité franzeja amesa strada danter Grenoble y Marseille. Ala competiziun â tut pert 32 naziuns cun indöt 122 piloć. Le titul mondial é gnü arjunt tla categoria FAI 1, “ara flessibla”, consciüda miù sciöche delta tradizional. Te chësta ocajiun él inće gnü recordè i atri titui che Alex à bele davagnè: dl 2001 él gnü campiun mondial de deltaplann tla tlassa FAI 2, pro i jüć olimpics dl’aria tl’Andalusia tla Spagna. Y spo le titul mondial davagnè dl 2008 a Monte Cucco tla categoria “ara stara”. Danterite à le campiun arjunt ćiamò n gromun d’atri bogn plazamënć a livel nazional y europeich. L’ann 2009 é stè por le campiun n “ann d’or”, inće por mirit dla devënta de chisc pröms posć: tl trofê internazional Valerio Albrizio a Laveno, tl campionat todësch “German Open” a Schwangau, tl campionat svizer “Swiss Open” a Biel y tl trofê internazional a Monte Cucco.

por les prestaziuns mondiales, y ti à surandè n bel diplom. Stephan Clement, en raprejentanza dl’Uniun Sport Amatoriala da San Ćiascian à inće rengrazié le campiun y ti à surandè n bel diplom. La pert ofiziala é insciö jüda ala fin. Döt le gran publich, i ghesć y les autoritês, s’à ćiamò archité sön plaza de paîsc a festejé le campiun, cun l’acompagnamënt musical dla musiga y cun les esibiziuns dër

aprijades di platleri dla Uniun Bal Popolar Val Badia. La cornisc musicala de contlujiun é gnüda pitada da Walter, Gisella, Monika, Roman y Lois, che à portè dant cun suzes i plü bi tòć musicai fora de so repertore de musiga tiroleja. N bel giulan a düć chi che à portè pro al garatè dla gran festa por le campiun Alex Ploner. Thomas Pescollderungg

Le campiun cun autoritês y atleć.

Festa do la festa Helmuth Stricker, surastant dl’Airforce Alta Badia à rengrazié cun emoziun le pilot Alex Ploner

Na plaza toćia y plëna de jënt en gaujiun dla festa por Alex Ploner.

Alex incertlè dales ëres cun la bela troht.

L’atlet de deltaplann cun l’ex-atlet de schi Kristian Ghedina.

Onoranzes por Alex Ploner da pert dl Comun de Badia, dla Airforce Alta Badia y dla Uniun Sport San Ćiascian. www.lauscdiladins.com

25


Val Badia

nr. 32 / 22 de agost 2009

Scultöra y fotografia s’injunta Mostra garatada di dui artisć Helmut Pizzinini y Leonardo Beglieri tl Implant idroeletrich a La Ila Les fotog rafies metüdes fora da Beglieri é gnüdes fates te dui statesc che vir sot a n rejim comunist: Cina y Cuba. Les fotos lascia odëi la speranza dl fotograf - tres süa testemonianza - de na “redenziun” por les popolaziuns sotmetüdes. Les scultöres de Helmut Pizzinini é composiziuns armoniches fates cun materiai desvalis: lëgn, acià y pera. Le lëgn, material ćialt che recorda la cuotidianité vëgn lié a n material frëit sciöche l’acià, n material industrial. Le corù bröm y dantadöt i lëgns a agüz y forma de lanza caraterisëia gran pert Helmut Pizzinini amesa dui de sü laurs a La Ila. dles operes de Pizzinini metüdes Ert - ”L’Implant idroeletrich da fora a La Ila; scultöres che trasmët La Ila é le su post interessant tla ordin, pêsc y armonia. Val Badia por tëne sö na mostra Te na intervista dopla cunta i de ert contemporana”, dij le scultur dui artisć de ći che l’ert é y de süa badiot Helmut Pizzinini che vir vocaziun. atualmënter danter Badia y Trënt. Cun le fotograf toscann Leonardo La Usc: Ći é pa por os l’ert? Beglieri à le scultur ladin metü fora Pizzinini: Por me é l’ert la liberté sües operes te na mostra, olache da manifestè mi pinsiers y da odëi fotografia y scultöra s’incunta. La les cosses do mi punt de odüda. mostra é daverta ćina ai 22 d’agost Mo ert ô inće dì liberté da laorè dales cater domisdé ales set da sëra. cun materiai desvalis y da i “L’implant idroeletrich recorda na trasformè. Da chësc pòl gnì fora metropola sciöche London, porchël tröpes cosses: scultöres, fotografies, é le post plü adatè por nosta architetöra. mostra” dij spo Beglieri. L’implant idroeletrich é gnü metü a Beglieri: Por me ô dì ert liberté. desposiziun dal funzionar dla Iö feji tröpes fotografies por le sozieté Paul Pizzinini che à inće retlam y dailò é chësta forma de bele ponsè dan valgügn agn ala ert sotmetüda al profit. Canche i realisaziun de n tru d’ert söla strada feji fotografies por me instës, vedla che condüj da La Ila a San sciöche chëres metüdes fora te Ćiascian. chësta mostra, spo pòn baié de ert. I retrać dl fotograf toscann Impormò dailò me sënti lëde da documentëia le caos de n monn arjunje n’estetica che acontentëies che s’alternëia danter les piceres me y, i speri, inće i atri. cosses y l’esageraziun. Contegnüs Can ëise pa os sintì da avëi la desfarënć vëgn a se somié por merit de incadratöres che chir n’armonia. vocaziun artistica?

26

www.lauscdiladins.com

Pizzinini: l l’à da tres. I pënsi da ester predestiné por le mistier dl scultur. Beglieri: Iö ne crëii nia da ester n artist, inće sce al vëgn fora te vigni foto, che n fotograf fej, süa vocaziun artistica. Na fotografia é dantadöt personala. N fotograf fej na fotografia dantadöt por n dejider personal, y spo le partëscel cun i atri. Ći é pa por os la scultöra/ fotografia? Pizzinini: Scultöra ô dì trà fora valch da n material, le trasformè. Beglieri: La fotografia é mia vita. Mia vita é fata de retrać; iö pënsi te retrać. Bele da pice me architâi a ćiarè y conscidré vigni cossa. Ći orëise pa comuniché cun ostes operes? Piz zinini: Mies operes comunichëia da sores. Canche i capësci che n’opera comunichëia da sora spo éra fata. N valgönes operes che é metüdes fora te chësta mostra comunichëia por ejëmpl solarité. Beglieri: Serenité. Iö sun n minimalist y tl caos de retrać y movimënt ćiari da trà fora valch che dais pesc y serenité y che lasces medité. Ći ponsëise pa tratan che i fajëis osc mistier? Pizzinini: I m’un sta te mia trancuilité cun i materiai che i à sotman canche i laori. Śëgn mëssi realisé a Levico Terme na fontana alta 5 m de acià inox y pera. I pënsi da realisé chësta opera sciöche ëra é gnüda proietada. Al depënn da ći che an fej. Canche i depënji me sënti lëde deplëgn, y dailò pënsi ma da fà ert.

monn. Les gran citês é fontanes de ispiraziun por me, mo inće la Val Badia me ispirëia dër tröp. Canche i sun chilò me dedichëii al’archirida de legnans vedli che an stënta intres deplü da ciafè. I mëti adöm chisc materiai denant che ai röies te mogun. De tröpes costruziuns vedles ài spo na gran documentaziun fotografica. Ći ô pa dì le corù bröm che i adorëis dër gonot te ostes operes? Y la foma spizada che vëgn tres indô dant? Pizzinini: Le bröm é n corù che i à dër ion. Al é le corù dl cil y dl mer. I adori pa bëgn inće d’atri corusc, mo plü dainré. La forma, che somëia n pü’ na lanza é na forma da me infora completa-plëna che se stlüj da na pert y se deura dal’atra. Co fajëise pa da capì ćiun che

é le dër momënt por fà na fotografia? Beglieri: Al é na predisposiziun naturala che vigni fotograf à te ël. Canche i sun incërch por le monn stai plü tëmp a ćiaré les cosses tres la mascinn da fà jö co dal vi. De dötes les fotos che i feji é pa bëgn püćes che à veramënter na valüta y che comunichëia valch de plü. Mies fotos ô jì sura la fotografia fora y jì plü pormez ala pitöra. Rapresentëia la fotografia da os infora la realté? B eglieri: L a fotografia rapresentëia tüa realté, chëra che tö ôs i comuniché ai atri; na realté che é atramënter por vignun de nos y che depënn da ći che le fotograf se tol dant da incadrè. La realté é la materia pröma. La fotografia é le punt de odüda dl fotograf. (katia pizzinini)

Beglieri: I pënsi a ći che la fotografia é: na inrescida estetica. Olà ciafëise pa l’ispiraziun por realisé ostes operes? Pizzinini: Ispiraziuns ciafi indlunch. I la ciafi tles cosses da vigni dé. I sun tröp incërch por le

Le fotograf artistich Leonardo Beglieri a La Ila.


nr. 32 / 22 de agost 2009

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Val de Fascia

La pruma cèses te Fascia

La pruma ciasa... sa Vich

Se tachèr te na Coprativa dèsc agevolazions ma domana temp e scioldi. Ge vel meter a jir azions e sinergìes che ge vae encontra a duc chi che n’à de besegn

Desferenc ponc de veduda anter sentadins e aministrazion

Te Fascia più che mec i cartieres resta vec gran pèrt de l'an, e la cobies jenes stenta a troèr cèsa.

Na fona costion, chela de la pruma cèses, che tol ite n ben prezious, zenter de la vita de la persones e pont de referiment per realisèr na stabilità de familia e profescionèla. Ti egn, man a man semper de più, la comunanza de Fascia a moscià l besegn de fèr sù neves frabicac per ge dèr n cuert a la cobies joenes, a la families con fies che doura cèses semper più granes e a la jent de età, semper più de numer. D’autra pèrt, enceben che sie stat metù jù na dura normativa a l ferèr, n muie fort l’é restà “l’orientament speculatif” del setor de l’edilizia, che à condizionà l marcià con n smaorament di cosć per fèr sù o per comprèr neva abitazions, con dan per la jent che à gran besegn de n post olà viver, ma che no à l met de se l’endrezèr. Per chi che vel se fèr sù na neva cèsa enstes, jà comprèr demò l teren l’é na speisa tant grana che taa la giames inant de tachèr ite i lurieres. Na strèda fosc mìngol più sorida per ruèr a la fèr sù l’é chela de se tachèr ite te na Coprativa, che dèsc agevolazions tel ciapèr mutui e contribuc e permet vèlch smendrament ti cosć. Jir te na Coprativa, aboncont, comporta da spes problemes de desvaliva sort: n iter burocratich lonch e senester, dificoltà de gestion e tel troèr sozi desponìboi e terens sorii

e zenza penalitèdes, mudamenc che man a man l’é anter de fegures istituzionèles de referiment. Dapò, te l’enjignèr la graduatories che vida la Copratives e che vegn scrites per l’assegnazion de cèses e contribuc, no semper vegn valutà delvers l’efetif besegn de chi che domana, ence envers a la families de naa. Ence a chi che à jà n teren adatà a frabichèr, pel esser che no ge vegnù metù ite tel PRG l teren da frabica. L’aproazion del Pian Regolator General per fèr doventèr da frabica terens privac se poja de spes sun criteries e valutazions no adatèdes a responer a l’efetif besegn de pruma cèsa de chi che domana e la leges en doura no deida a ferèr la speculazions nience l’Aministrazions che volessa l fèr. Coscì semper de più l’é stat i terens rué te man a la sozietèdes imobilières e semper più cartieres i é jic a smaorèr l’oferta sul marcià de seconda cèses, con la conseguenza che anchecondì i terens da frabica i é béleche fenii e chi pec che resta, per so aut cost, i pel vegnir desfruté demò da sozietà con gran capital e no da chi che à dalbon besegn. Vardan ence chel che l’é stat fat utró, fossa possibol e nezessèr meter adum criteries chières e per duc valives, per valutèr delvers la domanes de

variazion al PRG, ence duran olache l’é meso l strument de la perequazion. Aldò de la Lege provinzièla dai 11 de november 2005 n. 16, i Comuns i à a la leta de fat chest strument urbanistich, che perveit la possibilità per n privat de zeder n so teren per opera publiches e de aer coscì dal Comun la lizenza per se fèr sù na cèsa te n auter lech. Te vèlch comun de la val l strument de la perequazion l’é jà stat durà, ence con vèlch adatament, per l fèr rener miec che l’é meso. Apede a la perequazion, fossa ence enteressant se l’Aministrazions ruassa a incentivèr la restruturazion de frabicac che jà l’é (tobié, cèses, e. c. i.) che no se doura, ence tres conzescion volumetriches e smendrament di òneres de urbanisazion. En ùltima, fossa semper ence l met de ge zeder arees a ITEA, per fèr sù cartieres resservé ai residenc te Fascia da amàncol 5 egn, enceben che l’assegnazion de chesta sort de abitazions la sie semper longia e senestra. Segur l’é de besegn de meter a jir azions e sinergìes che porte a valorisèr chel che jà l’é e a svilupèr tel marcià publich e privat neva responetes, se possibol semper più articolèdes. Responetes che cogn esser l resultat de n prozess de na rei partezipèda, che tole ite duc i sogec che revèrda l mond del frabichèr, publics e privac. Responetes che cogn tegnir en conscidrazion i besegnes de la domana sozièla, i struments en doura per la pianificazion urbanistica e duta la neves soluzion normatives e che cogn didèr a enjignèr percorsc unitères, percheche i neves servijes abitatives i posse responer delvers ai besegnes de la jent. Se cogn meter sul ciamp desvaliva soluzions, dijan fora dret obietives e linies strategiches, tant te la politica che te la proponetes projetuèles, per ge dèr na outa a chesta costion e sostegnir tel concret chi che dalbon à più debesegn. Thomas Zulian

L problem de la pruma ciasa se à desmostrà de gran atualità sa Vich, olache chisc dis n grop de familie à domanà na scontrada co la stampa per portar dant soa situazion en cont del frabicar te so paìsc. L portaousc, Enrico Battisti de Patech, l’à contà en curt chel che l’é sozedù ti ùltimes egn. “Sion l “Grop per l derit a la pruma ciasa”, metù adum da na dejina de familie da Vich che à dute l medemo problem: aer n teren adatà a far sù na ciasa ma no l’aer ite tel P.R.G. desche teren da fabrica. L’ùltima variazion del P.R.G. de Vich la é stata fata del 1991, acà 18 egn, enceben che del 2005, te la ùltima campagna litala, la revision del P.R.G. la era stata metuda dant desche una anter le costion de maora emportanza da far fora. Dò la nomina del 2005 de n tecnich enciarià a Trent, che anter l’auter jà enlouta l’aea dit che l P.R.G. da Vich l’era veie e da comedar, del 2006 i aministradores da Vich i ge à dat endodanef la possibilità a la jent de paìsc de prejentar soe domane per mudar l P.R.G. de paìsc. L’Aministrazion, aboncont, l’à tout cà neve vertole per parar inant i tempes, desche valguna limitazion che metea dant la Provinzia e la neva normativa sul Comun General de Fascia: domanan dret jun Provinzia, dut chest se à desmostrà faus. L’assessor provinzial à osservà che l’é l Comun che cogn se cruziar del problem de la pruma ciasa, no la Provinzia e nience l Comun

General de Fascia. Emben la jonta de Comun l’à dit che en ùltima soa priorità l’é chela de l’edilizia publica e che meter da fabrica terens privac fossa stat na dezijion de contra a l’enteress publich. Te n’autra s contrada domanada da le familie per portar dant soe problematiche, olache de la jonta se à prejentà demò l’ombolt, a desmostrar l pech enteress envers la costion da man di aministradores, ge é stat dit ai sentadins che per sblocar i terens privac l’era besegn de na revijion al P.R.G. e no de na scempia varianta, e che chest l’era n dover del Comun General de Fascia. Aldò de neves chiarimenc domané da le familie dret te Provinzia, l’é stat responet che l’é l Comun che cogn se cruziar del dimenscionament de le aree residenziale e de co le durar. Apede chest, l’é stat dit che l’é semper i comuns che pel far variante ai pians, semper che le cernie urbanistiche no le abie carater soracomunal, e pel ence revijionar l P.R.G., per ruar a responer a le domane de pruma ciasa. En ùltima, te le setemane passade, dò l document ruà da Trent che à chiarì dalvers la posizion del Comun o si doveres, i aministradores i à responet dijan “che te chest moment no paa nia deldut la speisa se scontrar endò per se questionar sun chest problem, ajache te Comun se cognosc jà delvers i besegnes e i problemes di sentadins e de soa pruma ciasa”. (tz)

La Copratives pel esser na responeta a chi che à de besegn de la pruma cèsa.

Mai vedù na tèl bozolèda! I Studafech de Soraga, coldidament de chi da Poza e Moena, é stac chiamé per desbocèr tombins e ciucèr fora l’èga da cèvenes e magasins Soraga - Nesc veies dijea che “dò Sèn Bertol l temp no à più pèster”. Emben, Sèn Bertol vegn ai 24 de aost, ma chest an chel mat de temp é ruà con si vic mìngol più bonorif. En domenia ai 16 de aost, entorn les 7 da sera, de gran nigola neigres se à binà tel ciel soraìte la bassa val con vent e pievia forta. E fora de n bel nia l’é ruà ence la bozoles, granes desche noujes. La pèrt più tocèda l’é stat l paìsc de Soraga olache l’à bozolà de pien, per passa 20 menuc.

Nesciugn se recorda de aer mai vedù na tèl bozolèda. Strèdes e piazes se à sbianchejà, tombins e salèes à tacà a jir per sora. I Studafech da Soraga, col didament de chi da Poza e da Moena, à cognù entervegnir per desbocèr tombins e ciucèr sù l’èga da magasins e cèvenes. En dut 44 persones coordenèdes dal comandant di Studafech de Soraga Alessandro Pellegrin e da l’Ispetor Rinaldo Debertol, ensema a Polizia e Carabinieres. L livel de l’èga à passà via i 25

zentimetres e i volontères di Studafech à lurà enscin la una de net. I à cognù librèr da l’èga l magasin de la Coprativa, de la Cèsa de Comun, de l’Hotel Al Lago, te desvaliva cèses te strèda Gherghele, Sala, piaza Ciock, l Zester, fora Palua olache se à destacà ence na pìcola meta, sul ruf de Toalac e te magasin di Studafech. Ence a l’Hotel Dolomiti de Moena i Studafech à cognù entervegnir per librèr la cèvena da l’èga. La jent che era dò strèda coi auti no

se fidèa più jir inant e te galarìa de Pecé se à formà na longia biscia de auti. Gran dan à abù ence fiores e orc. Dut sassinà. Con gran despiajer de chi che se à dat jù per meisc e meisc a la longia a se rencurèr sia bela piantines o per valorisèr la parbuda del paìsc. L’é proprio vera, per fenir fora con n auter proverbie che “sot a burt temp e tasses, ge vel bele jir a ureia La gran bozolèda à sassinà fiores e orc. basses...!” (mci) www.lauscdiladins.com

27


Val de Fascia

nr. 32 / 22 de agost 2009

A Ciampedel ence chest an fascegn e ghesć se à strent entorn a menacrepes e volontadives del socors e i à podù entener l segnificat de na festa che no l’é demò folclor

L cianton dal temp

“ N bon bocon

Per l apuntament de chesta setemana, noscia Mery a volù ne dar una de soe miore rezete. Pissave che canche la stajea ja Moena l’era jent che se fajea centenees de chilometres per tastar so “pollo alla cacciatora”.

Momenc de la festa, co la messa, la procescion ofertoriala e la deposizion de la gherlanda dedant al monument al menacrep.

Ciampedel - Per na dì, ai 15 de aost, ence chest an i omegn da mont no i é jic su per i crepes, ma i é resté te val, e i é rué da duta Fascia enscin ta Ciampedel, per festejèr ensema Sènta Maria Maor, la patrona di menacrepes. Tel gran piaz dedant la Cèsa de la Guides l’é stat fat su la paladina duta fornida de fiores, con l’utèr olache per zelebrèr la messa grana l’é ruà l cardinal Giovanni Lajolo, president de la Pontificia Comiscion per l Stat de la Zità del Vatican, apede al preve da Ciampedel don Luigi Trottner, a père Cherubino Bernard e a etres preves foresć. Te la più bela gejia, chela coi parees fac da nesc crepes e l Saslonch desche ciampanil natural, i menacrepes, l grop di C i a m o rce s d e Fa s c i a , i volontadives del socors e del Cai Sat, de la Crousc Chécena e di studafech, i alpins e i spions del bosch, à festejà Sènta Maria Maor e per ge fèr onor ence autoritèdes

28

www.lauscdiladins.com

e gropes de folclor à tout pèrt de n muie a chesta giornèda. Sun utèr te la procescion ofertoriala l’é stat portà sù e benedì i èrc duré dai omegn da mont per rampinèr e dai gropes de socors per ge portèr aiut a chi che é tel perìcol; la orazions e la cianties se à levà per rengrazièr l Segnoredie de ne aer dat chisc bie crepes e per recordèr duc i omegn da mont che ne à lascià. Chisc omegn, che te passa 100 egn de rampinèdes da ardiment, aventures e impreses da eroes, à dessegnà la storia de l’alpinism, merita ben na dì de festa; chesta dì era stata metuda sù acà tropes egn dal preve da Ciampedel don Tito Vecchietti ensema con vèlch menacrep e col grop Cai Sat. Da enlouta ogne an, l dì de Sènta Maria Maor, menacrepes e alpinisć de Fascia i se bina adum a Ciampedel lascian endò per na dì l lurier, descheche fajea nesc giaves canche i lascèa de fèr fegn

e i vegnìa da mont ju per jir a messa. Chiò i vegn strenc tel braciacol de la jent, che la vel rengrazièr chisc omegn che ge permet de jir sa mont en segureza. Dò messa en defilèda , compagné da la Musega Auta Fascia, duc se à tramudà dedant al Monument al menacrep, per onorèr con na gherlanda duc i morc sa mont e i alpinisć che no é più apede nos. Da la paroles de l’ombolt Leonardo Bernard ence i ghesć à podù ciapèr consaputa de la storia de l’alpinism te Fascia e de si protagonisć, e entener che chela di Omegn da mont mo l’é demò na festa de folclor, ma na giornèda ciarièda de segnificac, che vegn trasmetui da jent che la pascion del jir su per i crepes i l’à tel sanch. Na pascion che per i menacrepes doventa n lurier, cernù per poder condivider ence coi etres la emozions che dèsc jir a crepes, e n’outa ence preziousa ressorsa per entoronèr l pere vadagn del lurier de la tera, per no cogner se n jir al lont. Se la pascion de jir a crepes resta per duta la vita, la gaissa de menèr jent sa mont pel ence se destudèr col temp, e ge vel semper troèr stìmoi neves: ence la fegura del menacrep, desche n muie de autres, à perdù anchecondì sia aura mitica, e la é mudèda, ma no l’é mudà i perìcoi che pel paissèr i omegn te anter nesc crepes. Enlouta nesc omegn da mont, chi del socors, ne moscia dut so ardiment, braùra e capazità, risian sia medema vita per salvèr autra vites, enjigné ogne moment per responer a chi che chiama aiut te anter nesc crepes, d’istà e d’invern, de dì e de net, col soreie o te la moza. (lg)

Chel che serf per 4/6 persone: - 1 pollo - ele - 1 cigola - 1 costa de ai - sal e peiver - 2 foe de arbagola (alloro) - vin bianch sech - mìngol de rosmarin - sos de pomidores

I Omegn da mont à onorà Sènta Maria Maor

Dant de dut cognede far jir te na fana con mìngol de ele i toc de pollo lavé e sié, a fech no massa aut; meté l’ai e utà de spes i toc de ciarn. Na uta che l’ai l’é mìngol rostì, cognede l tor de mez, e meter te fana cigola, arbagola e rosmarin; meté l sal e l peiver. Canche la cigola taca a ciapar color, bagnà con mez bicer de vin bianch sech, mescedà e canche l vin se arà sià ite bagnà dut con n ciaz de aga ciauda. Meté l cuerchie su la fana e arbassà l fech sul livel più bas fin béleche a la fin. Jontà la sos de pomidores e fenì de chejer. Bon Apetit!

Penìa à fat festa te la Veia Sia L Grop de la Mèscres à endrezà na bela festa che é stat ence l’ocajion per recordèr l Sènt del paìsc Penìa - Anter l muion de scomenzadives de l’istà endrezèdes te duta Fascia una de cheles che à bon ejit l’é semper la Festa ta la Veia Sia de Penìa endrezèda dal Grop de la Mèscres de Dèlba e Penìa che l’é ence na bela ocajion per recordèr Sèn Roch e donca l Sènt che stèsc sora l paìsc de Penìa. Na bela festa endrezèda con gaissa e amor dai volontadives del Grop de la Mèscres de Dèlba e Penìa per stèr dessema a la comunanza, ma ence per aer n contat coi ghesć e ge fèr cognoscer la sćiantiva tradizions fascènes del Carnascèr. Donca no demò bona cojina e musega da saut ma ence na cercèda de cultura ajache vegn sport l met de veder la veia sia de Penìa e l Grop de la Mèscres met fora sia bela faceres. Pecià mìngol per l burt temp de en domenia sera che à roinà la festa ma per l rest dut à garatà polito, soraldut en domenia domesdì co la defilèda da piaz de Penìa demez co la Mùsega de Cortina all’Adige, l Grop de la Mèscres, l Grop de Folclor de Cianacei e n grop folcloristich de

Innichen tel Sudtirol. Dassen na bela defilèda tel segn del folclor e de la tradizion, aprijièda soraldut dai sacontenc ghesć curiousc e encanté da scì tenc de colores. Donca na festa che vegn metuda via te crigna con n bon ejit e che segur sarà endò endrezèda ence l’an che vegn: per chel che vèrda la mèscres les vegnarà endò tirèdes cà te dotrei meisc canche vegnarà orì l gran Carnascèr 2010. (dvt)


Val de Fascia

nr. 32 / 22 de agost 2009

E Sèn Vit, l metone te n cianton? No basta 500 egn de tradizion: a Vich l’é stat “pissà” de mudar l Patron de paìsc

L’utar dedicà a Sèn Vit te lejia de Sènt’Uiana. (foto Fassa Color)

Leje su la bacheca fora de la capela de Vich l verbal del Consei pastoral de le Piovanìe de Vich e Soraga dai 8 de messal 2009, olache anter l’auter vegn dit: “L Consei pastoral sotlinea endodanef soa dezijion de festejar le Sagre de paìsc co na Messa Grana da ofiziar te la dì apontin dedicada al Sènt, te l’orarie de la Messa Grana de la domenia. Per tant che varda Vich, l preve e l Consei rebadesc soa volontà de zelebrar la sagra prinzipala de paìsc te la dì de Sèn Jan Batist, a chel che ge é entitolada la pieif. L preve se tol sù l’enciaria de ge domanar a l’Aministrazion Comunala de privilejar da chiò inant la data del 24 de jugn, festa de Sèn Jan, desche Sagra de paìsc e de serar i ofizies publiches te chesta dì.” Gio die e fae osservar che la Sagra a Vich la é semper stata la dì de Sènt’Uiana, ai 16 de firé. Te chela dì duta la jent de Fascia, da Moena fin ta Penìa, se binaa ensema per jir coi preves en procescion da Vich en su, fin sun Ciaslir, per la Messa Grana e per la Sagra di fascegn. Enveze ai 15 de jugn l’era la dì de la Consacrazion de la lejia de Sènt’Uiana e te chela medema dì, vegnìa recordà e onorà Sèn Vit,

patron de Vich. Enlouta se à semper fat la procescion col Santiscim e i doi confalons, chel de Sènt’Uiana e chel auter del Santiscim e n muie de jent aldò, che peaa via da Sèn Jan e ruaa fin sa Sènt’Uiana. Coscì l’é stat enscin a l’an 1985, canche se à scomenzà i lurieres te la lejia sun Ciaslir de Vich, con micropai daìte e de fora, fenii del 1993. Dapò, enscin al 2004, Don Cornelio Cristel l’à volù ge dar luster a Sènt’Uiana veia, da recordar semper de jugn con na procescion da Vich en su e ogni an le piovanìe de la val, a roda, se cruziaa de l’animazion e de la zelebrazion de la Messa. Anchecondì no l’é più coscì e l’é n gran pecià! Él possibol, dò na scì longia tradizion, che se abie pissà fora de n bel nia de no recognoscer più Sèn Vit desche patron de Vich? Te chisc ùltimes 4 egn, la dì de Sèn Vit, l Sènt no l’é stat adertura nience mai nominà e mai l’é stat dit Messa en so onor! Sun chesta costion scì emportanta e de valor ge é domanà ence na opinion a pare Frumenzio Ghetta de Martin, l maor storich de la Val de Fascia e de dut l Trentin, che à analisà e studià sacontec documenc e che le tradizion de noscia val l le cognosc soraìte e sorafora. E te chesta ocajion, a inom de duta la comunanza de Fascia, peisse de poder ge sporjer n gran “Develpai” a nosc storich, per so gran contribut e didament a la cauja di fascegn e per dut chel che l’à cerì cà te soa vita per mantegnir e valorisar l passà, a na vida da aer n davegnir mior e più giust. De dut cher ge auguron amò sanità, gaissa e longia vita! “Jà del 1520 – disc apontin pare Frumenzio – Sèn Vit l’era patron de Vich e del 1616 sa Sènt’Uiana la jent da Vich ge à fat n bel utar, con apede ju Sèn Modesto e Sènta Crescenzia, per l prear e per envocar soa benedizion contra le agajon, ajache te paìsc l’é doi ruves da vardar via, l ruf de Vael e chel de Pantl. Desche Vich, ence n muie de autres zentres prea Sèn Vit per se parar da le agajon; per ejempie tel Friul

l’é Sèn Vit al Tagliamento, al Torre e amò de autres.” L’é dapò ence domumenc che rejona che da Dier peaa demez ogne an la procescion per vegnir cà a Vich: su la “Ciampana de la Pieif” nr. 39 (an 2000) a piata 55 l’é na testimonianza de na femena da Dier, Paolina Damiani, touta sù jai egn da Paolin Pederiva. Se lec: “Te l’ocajion de la Festa de Sèn Vit se zelebraa la Messa Grana te lejia de Sènt’Uiana tel meis de jugn. I fidei de Dier, con lum a petrolio, i partìa da le 2 da doman en procescion devota per ruar enscin a Vich, olache i tolea part a la Messa da le 9, moscian so confalogn dai colores vives e lumenousc”. “Dapò – osserva amò pare Frumenzio – del 1912 no i é più vegnui cà chi da Dier, per dezijion de la comunità (l’é na letra del preve de Dier manada al piovan de Sèn Jan che lo conferma)”. Gio, en ùltima, peisse che segur chi da Vich fossa contenc se se ge dajesse endodanef bel luster a Sèn Vit e che chest segur no jissa “a scapito” de Sèn Jan Batist! Se pel recordar i doi Sènc a la medema maniera, zenza ge far tort a nesciugn di doi festejé. Dapodò l’é da dir che chela de Sèn Jan l’é la pieif de duta la val de Fascia, no demò de chi da Vich! Coscita spere che l’Aministrazion de Comun de Vich, ensema al Consei pastoral, la peisse delvers che far, la dezide per l ben di sentadins (fosc ge domanan dret a la jent che che la peissa, fajan n pìcol referendum che tole ite la costion) e la fae a na vida che Sènt’Uiana veia, Sèn Vit e la consacrazion de la lejia i vegne recordé de jugn con onor, fe e devozion, te ne recordanza soula. Avert a sentir mìngol chel che peissa la jent envers a chesta costion, sere sù con n pìcol interogatif: che dijessei pa chi da Poza, ades che i ge à fat sù na bela lejia neva e lustra, se i ge tolessa demez soa sagra da Sèn Nicolò? E chi da Cianacei per Sèn Florian? Arturo Rasom de Gotart

Chi érel pa Sèn Vit? Sèn Vit l’é n martire vivù tel sud de la Talia a la fin del III centené e mort te la Lucania ai 15 de jugn del 303. No se à informazion deldut segure sun so cont, ma, aldò de valch testimonianza ruada enscin a noi, se sà che Vit l’é nasciù te la Sicilia e aló l’à vivù per n bon trat. So pare l’era pagan, ma soa beila (nutrice) Crescenzia e so prezetor Modesto (doventé ence ic Sènc) i ge à dat na fona educazion cristiana te la fe, che Vit no se à mai sparagnà de portar dant con coraje e empegn. Adertura l’é stat serà via te prejon 7 egn a cajon de soa gran atività pastorala e per i miracoi che l’aea abù la grazia de far anter soa jent, mai azeté da l’emperador roman Dioclezian, e l’é mort martire endana la

persecuzion ai Cristiegn metuda a jir apontin da Dioclezian. Anchecondì l’é conscidrà n Sènt emportant tant per i Cristiegn catolics, che ence per i ortodosc de la Serbia e de la Bulgarìa: descheche l’é segnà sul calandar gregorian, soa festa la croda ai 15 de jugn. Vit martire l’é un di sènc de l’Aiut, che sporc soa particolara protezion su la jent percheche la sie sana e dalonc dai mai e dai pericoi. A Sèn Vit ge vegn domanà aiut en particolar per se parar dal mal de Sèn Valantin, da le bestie velenouse, da le agajon. I sìmboi che raprejenta l Sènt l’é la Palma e la Ola. Te la Talia l’é 150 località che à Sèn Vit desche patron e sacotenc paìjes e zità europeane (passa 1300) zelebra l Sènt per aer soa protezion e soa benedizion.

Apede chest, se cogn dir che reliquie de Sèn Vit n’é restà n muie e le vegn adorade amò anchecondì con devozion. A Mazara del Vallo, post olache se peissa sie nascù Vit, l’é amò conservà i osc del Sènt: ogne an, dal 1742 en ca, vegn fat na procescion de aost. A Roma, jà sobìto dò la mort de Vit, l’é stat fat sù na gran lejia en so onor e del 1477 la é stata fata sù endodanef per volontà de Sisto IV, chel medemo Papa che à spent per far sù la Capela Sistina. N muie de devoc va en pelegrinaje ti santuaries dediché al Sènt te la Sicilia, te la Puglia, te la Sassonia e te la Boemia, per ge domanar grazie e benedizion a chel che vegn conscidrà un di più forc interzessores apede al Segnoredio.

Paolo Bernard: che conzert! Al chino Marmolèda l pianist de Cianacei à portà dant n beliscim program de Mozart e Chopin

L pianist Paolo Bernard da Cianacei.

Cianacei - Zacan Paolo Bernard, pianist, é doventà de cèsa ence te so paìsc, e no l’à più brea jir foradecà, a dir pech ja Moena, per lascèr scutèr sù sia capazitèdes de conzertist. Ades ence a Cianacei l’é a la leta la gran sala del Teater-chino Marmolèda, e giusta aló aon podù scutèr ai 12 de aost museghes de Mozart e Chopin portèdes dant da Paolo, che per ruèr da cèsa cà l’à tant che cognù traversèr strèda. Na sala béleche piena (e la é pa grana! 400 posć...), jent che no tirèa nience l fià, tant la era ciapèda da la musega, acustica demò mìngol smorzèda desche da na “sordina”, ma neta per lascèr sentir duta la magìa de la notes. L conzert é scomenzà apontin co la cognosciuda “Sonata KV 331 in La maggiore” de Wolfgang Amadeus Mozart, chela che fenesc con l’Allegretto “Alla turca”, un di toc per piano più soné sora dut l mond, descheche à spiegà Paolo con so fèr ùmol e gustégol; a chest ge é jit dò “Variazioni su un minuetto de Duport KV 573”, toch che met ben en luster coche Mozart durèa la tecnica tradizionèla de la variazions, tolan ca n tema (so, de zachei autres, o ence na ciantia populèra) per l lurèr fora co na lingia de mudamenc ritmiches e fioridures melodiches, fin a trèr fora na composizion del dut neva che auza fora la potenzialitèdes del strument e la capazitèdes del pianist. Se con Mozart aon podù aprijièr l son net e delicat de Paolo, chel “tocco” lijier e prezis de sia man che jà cognosciaane, ti toc de Chopin che é vegnui dò se à revelà l gran temperament interpretatif che ge permet de enfrontèr zenza se la enfenjer ence l repertorie romantich più ardimentous. De chest vers, ence chi che aea amò abù l met de scutèr vèlch conzert de Paolo Bernard se n’à segur adat de tant

che nosc musizist é madurà te chisc ùltimes egn: no per nia l séghita a studièr e a se perfezionèr al Conservatorie Monteverdi de Busan, olache l frequenta l cors spezialistich de 2° livel a orientament interpretatif per piano. “Scherzo nr. 4 op. 54 – presto” e soraldut la “Ballata nr. 2 en fa maggiore op. 38” de Frédéric Chopin, autor polach strapiantà a Paris, l’é zenz’auter piates de gran dificoltà, del più tipich repertorie pianistich romantich, e chiò Paolo à podù moscèr sù no demò sia preparazion tecnica, ma soraldut na sensibilità musicala oramai madura e de aut livel: no per nia te sala no sgolèa nience na moscia, tant l publich era ciapà da la forza de chesta interpretazion. A la fin, na sdravarida de smaciaman a domanèr l bis, che puntualmenter Paolo à conzedù, sonan con segureza e “verve” l cognosciù “Notturno nr. 2, op. 9”, semper de Chopin, dedicà per l’ocajion a si fies. Na nota de mérit al Comitat Manifestazions de Cianacei che à desmostrà de creer te la capazitèdes de nosc musizist, con na proponeta de gran valuta culturèla e artistica che a la dir dut se tol fora de bel da certa straciarìes de conzerc che dogne tant sauta ite ti programes da d’istà, olache l’unica calità evidenta dev’esser chela che... i costa pech. I tempes fossa madures, amedit, che Fascia se endreze na sajon musicala da d’istà de calità, mascima tel ciamp de la musega classica, descheche da pez i à vin Gherdena, forin Fiem o via Primier. Canche se vel rejonèr de turism de calità, no se pel ge propor ai ghesć semper la solita supa sciudèda e deslavèda, e no serf nience jir semper dalonc per sporjer programes de aut livel. Fabio Chiocchetti www.lauscdiladins.com

29


Val de Fascia

nr. 32 / 22 de agost 2009

Che spetàcol, l’Alpamayo! Chest’outa l temp se à metù de contra, ma Ivan e si amisc à podù istesc se far n beliscim viac aon cenà, gio son jjt a veder olache jìa l vial sotite l parei (ajache ere gio che jìe da prum), aane intenzion de pontar demez da la una de not. L l temp per se meter ju e dò l’à tacà a neiver. Da la una de not canche aon vardà fora da tenda l’era jà 20 zentimetres de neif. L dì dò aon spetà fin mesdì e dapò aon dezidù de jir en ju, ence percheche spetar a chela auteza no l’é proprio benfat. Pecià!” Donca no aede podù ruar su la ponta? “Stajaane ben e tecnicamenter eraane enjigné, ma sa mont l’é l temp che comana e no l’era proprio le condizion per jir su. Ence chiò canche l’é burt temp no se se met a jir sa mont.”

Ivan Vian te soa spedizion tel Perù, anter giacia e roìnes archeologiches no l se à desmentià de soa tera ladina.

Ivan Vian da Vich, cognosciù da duc desche gran pascionà de monts, l’é tanche vegnù de retorn da na neva spedizion alpinistica. Chest’outa, apede che se troar tedant al mont che l’Unesco à declarà l più bel mond, l viac ge à dat ence l’ocajion per veder posć neves, cognoscer la jent e sia tradizions. Volede saer olache l’é jit e coche la é jita? Ge l’aon domanà a el enstes! Can este pontà demez e chi érel chest’outa ti compagnes de viac? Ivan: “Son pontà demez ai 23 de jugn. Son jit con Paolo, n tous da Domodossola che aee cognosciù canche é fat la spedizion su l’Everest, e con n tous da Lavis. Paolo l’era jà stat tel Perù e coscita l se à cruzià el de endrezar dut l viac.” Co éla che aede dezidù de jir su l’Alpamayo tel Perù? “L’Alpamayo l���é stat declarà da l’Unesco l mont più bel del mond. Gio volee jir soraldut per l veder da vejin e far na neva esperienza. I disc duc che l’é n post beliscim, olache dant o dò ge vel ruar.” Colune él stat toe esperienze alpinistiche de chisc egn passé? “Son stat te l’Argentina del 1998, te l’Alaska del 2006, su l’Everest del

30

www.lauscdiladins.com

2007, l’an passà son jit sul Caucaso, en Russia. A mi me sà semper bel jir a veder posć neves.” Ne conteste de chesta toa ùltima spedizion? “Chesta spedizion la é stata spartida te doi part, una alpinistica e una turistica, ajache aane la possibilità de star demez n meis e donca volaane ence far mìngol i turisć. Vint dis, più o manco, ge i aon dediché a noscia spedizion su l’Alpamayo e 10 dis per vijitar l Perù. L’Alpamayo l fasc part de la Cordillera Blanca de le Ande peruviane, l’é monts n muie cognosciui olache rua alpinisć da dut l mond, aon scontrà ence taliegn. Sion rué fin a Lima con l’aereo, dapò sion jic a Huaraz che l’é l zenter de la Cordillera Blanca per le spedizion di alpinisć; chiò se pel dormir te alberch e se enjignar l material che serf ajache se troa de dedut.” Da aló siede ponté demez per l’Alpamayo? “Na, dant sion jic mìngol più a sud, te na val che se chiama Ishinca; chiò, dò na dì a pe, sion rué te n bel pian olache l’é ence n refuge e dutentorn n muie de monts che no i é senestres, ma i vegn rampiné soraldut per se aclimatar. Noi sion

jic sul mont Ishinca (5.530), dapò aon pussà na dì e dò aon fat l mont Urus (5.495). Chiò aon podù testar nosc corp a chesta auteze e aon vedù che eraane duc trei en gran forma.” E dò ge aede tacà a l’Alpamayo? “Dò che se aon aclimatà (più o manco 7 dis), sion endò jic de retorn te zità per se enjignar a jir su l’Alpamayo (5.945) che l’é dut da n’autra man de la Cordillera, l’é più a nord. Per portar su la roba aon cognù tor i mui ajache l tòch da jir a pe l’é n muie più lonch, ge vel 4 dis, 3 dis per ruar al prum campo base.” No podaade ve aclimatar diretamenter su l’Alpamayo? “Scì, assane ence podù l far, ma aon preferì jir a veder autres lesc e autres monc, che i é dalbon n muie bie.” E dapò che él sozedù? “Chiò l temp à tacà a mudar e a doventar burt. L’à fat bel fin l dì inant de ge tacar a l’ùltim parei. Sion rué su fin al “campo colle” che l’é a 5.500. Aon cognù passar via doi straverc de 50 metres entorn ai 50 metres de dislivel, l’era dutentorn na gran moza. Se à avert fora demò per mìngol, aon podù far valch foto,

Este endespiajù? “N mìngol ben, percheche l’aee proprio aló tedant e me aessa piajù ruar su la ponta. Ma l’é stat istesc n beliscim viac. Canche na roba no tu es bon de la far percheche no tu es enjignà assà (e me é amò sozedù) enlouta scì l’é burt, tu ge reste mal, ma noi stajaane ben, l’é stat l temp che se à metù de contra. Gio son content, l’é jit dut ben.” E spetar che vegne endò bel? “Ajache aane pissà de spartir nosc viac te doi part aane jà prenotà i sgoi per se spostar a sud del Perù. E dapò dò cater dis de burt, ne era passà ence mìngol l’estro de star aló a spetar.” E l’Alpamayo él proprio scì bel descheche i disc? “Fin l’ùltim dì, canche tu rue su col, tu ge varde e tu peisse che l’é n mont desche i autres. Ence

percheche sion rué su che l’era dut na moza, ma te chela che metaane jù le tende l’à tacà a se verjer fora. Emben dalbon sion resté a bocia averta. L’aane proprio aló tedant, l’é proprio maraveous!” Dapò co él jit inant vosc viac? “Sion stac via autres 10 dis e sion jic a veder Machu Picchu, l lach Titicaca che l’é l lach più aut del mond, sul confin anter Perù e Bolivia, e la zità de Cuzco. Aon fat i turisć, cognosciù la jent e soe tradizion inca.” Coluna él toa filosofia de jir su per chisc monc? “Se goder, che l’é la roba più bela. N muie me domana de doventar menacrep, ma per endana no ge peisse ence percheche dò jisse sa mont con n auter ciaf. Rampinar, jir sa mont, aer l contat col crep l’é na roba personala e ti posć olache vae, se demò posse, me piasc ence cognoscer l paesaje, la jent e soa cultura.” Coluna él stat la roba più bela de chest viac? “Dut cant, l’é stat coscita pien e rich de emozion che me à sapù dut bel. L Perù l’à na gran fascinazion e per chest volesse endò jir via e magari ruar ence su la ponta de l’Alpamayo.” “Al temp e a le fémene no se comana!” i disc. E per chel che varda l temp, chest val amò de più tel confront diret co la mont. Emben, a Ivan ge auguron de arjonjer amò tenc autres traverc, e no demò alpinistiches!! Intervista de Monica Cigolla


Val de Fascia

nr. 32 / 22 de agost 2009

A confront coi protagonisć de la cultura La scomenzadiva leterèra ”Moena Incontri” sporc amò n ùltim apuntament col scritor Marco Zeni Moena, idea nasciuda dal gremen de l’assessora a la cultura Cristina Donei, se envìa pian a pian a la fin. Dal scomenz del meis de messèl l’à sport n carnet dassen rich de apuntamenc, na bela oportunità de enconter e de confront coi desvalives protagonisć de la letradura e cultura locala e nazionèla. Momenc de cognoscenza, de arichiment e de riflescion, leé al confront con proponetes culturèles desvalives e desferentes. Su la paladina de la sala grana de la scola de Moena se à enterzà ghesć de gran spessor da chiò o rué da foravìa: Maria Piccolin storica da Moena, che à rejonà de “Andrea Hofer e i Ladins te la veres de liberazion con Napoleon”, Cinzia Tani giornalista e L scritor e giornalist Magdi Cristiano Allam con scritora che à prejentà so liber “Lo stupore l’assessora Cristina Donei. nel mondo”, Mario Moena - La scomenzadiva Giordano diretor de “Il Giornale” leterèra de valuta “Moena Incontri”, che à prejentà a na vida dassen endrezèda ence chest an da schieta e gustégola so ùltim liber l’aministrazion de comun de “5 in condotta” che rejona del mond

de la scola, Luca Tiraboschi diretor de “Italia 1” che à rejonà de sia publicazion “Faccia di cuore”. N publich ascort e enjignà se à binà per i doi apuntamenc de maor richiam de la scomenzadiva. Chel con Valentina Colombo che à prejentà so ùltim liber “Islamistruzioni per l’uso” e la dì dò con Magdi Cristiano Allam, so om, che à rejonà de “Europa Cristiana Libera”. Allam no l’era n relador nef per la paladina de Moena, l’era la terza outa che l ruèa te Fascia. Chest’outa per rejonèr de sia neva scelta de vita, chela de se meter en

politica per envièr i sentadins a defener i prinzipies che é a la basa de noscia sozietà, soraldut la reijes cristiènes de na Europa Libera. I apuntamenc se à dapò avert a la cultura ladina col grop “I Marascogn”: i ciantastories da Moena à portà dant n bel conzert, viventà dai sons de la vidola baroca e de l’èrpa de Davide Monti e Maria Clery, aprijié ence tel duo “Arparla”. En ùltima “Moenaincontri” à sport l confront col giornalist e scritor Gianni Mura, che à chiamà a regoeta l publich sportif prejentan sie ùltim liber “La Fiamma Rossa”,

e ades per serèr sù la manifestazion resta amò n apuntament. En jebia ai 27 de aost da les 17.00, semper te sala grana de la scola de Moena, l giornalist de la Rai de Trent Marco Zeni portarà dant sie liber dal tìtol “La moglie di Mussolini”, che rejona de Ida Dalser, la femena trentina “segreta” del Duce. Da chest liber l’é stat trat l film “Vincere”, del cognosciù regist Marco Bellocchio, che vegnarà moscià semper en jebia ai 27 de aost, da les 21.00, tel teater de l’oratorie. N apuntament de enteress che serarà sù ”Moena Incontri 2009”. (mci)

L grop “I Marascogn” da Moena ge à lascià lèrga te si program “L poet e la vivana” a l’èrpa de Maria Cleary e a la vìdola de Davide Monti.

Chi él pa? Soluzion del retrat su La Usc nr 31 La setemèna passèda aon publicà n retrat portà da Fernando Brunel da Soraga fat sa Vich del 1961 aló dal cianton de Oto Pech, con sù n grop de conscric del 1911, che festejèa i 50 egn. A ne dèr la soluzion, apede al medemo Fernando, l’é stat ence Lino Soraperra del Medico da Poza, Carlotta Deluca de Canucia, Maria Casari de Ciurc da Vich e Clara Weiss da Valongia.

Vèlch dubie l’é sul numer 1, che demò Lino à cognosciù fora desche Giorgio Lorenz de Barech da Ciampestrin, maridà sa Muncion. Sui etres inomes i é duc a una: 2. Pelegrin Weiss da Tamion; 3. Fonjo Vian de l’Omenet da Vich maridà via Pera; 4. Luigi (Luigioto) Brunel de la Riza da Soraga (père de Fernando); 5. Vito Casari Ciurc da Vich; 6. Carlo Ghetta de la Lis de Fiech da Vich; 7. Dolfo Ghetta de Cheghet da Vich. Ge

sporjon n bel develpai a duc chi che ne à didà ence chest’outa a meter ensema vèlch mizacola de noscia storia, e envion desche semper chi che respon a vegnir te redazion a se

20

15

13

14 2

fèr aer la soluzion te redazion de La Usc a Sèn Jan, per telefon o per fax al numer 0462.764545 o per email a la direzion: lausc@ ladinsdefascia.it

chierir fora una de la publicazions de l’Union di Ladins o a ne chiamèr per domanèr de ge fèr la spedizion a cèsa. Ve meton apede n auter retrat che vegn da Moena su. Podede ne

22

18

17

23

16

24

21 19

3 5

1

6

4

6

4

12

7 7

11 10

5 1

2

3

8 9

www.lauscdiladins.com

31


Fodom

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 32 / 22 de agost 2009

Sánta Maria Maiou, na giornada da mëte nte na soèja La Mëssa, la sfilada, le premiazion, l’ejibizion del aiut alpin da Fodom e po’ la corsa de turisć e fodomi a se mangé o porté a cèesa tircle e crafons. Fotocronaca de na giornata de festa de la jent

La Plié - Plu che le parole de chësta Sánta Maria Maiou edizion 2009 descor le imagini, le foto che ruarà nte computer e album fin nossèulà. Ricordi dei color de la festa plu sentuda nta Fodom, chi dei guánc de le ële, dei ciar de le Vijinánze e del spetacol de la natura che sto ann à bajé la giornata che

32

www.lauscdiladins.com

segna l “giro de boa” de l’iste. La Mëssa, solene, ciantada dal Coro de Gliejia, e dita da don Fabiano Del Favero, che à plajù per sue parole scemple che ruáva al cuor. Defòra i volontari del aiut alpin da Fodom che à fat ste duc cánc per vint menuti co l nès nsù a cialé co i se caláva ju da ciampanìl per


nr. 32 / 22 de agost 2009

Fodom

simulé n intervent su crëpa. Braura e preparazion de chisc omegn da mont, très njignèi a porté aiut, nte chèlche cajo daidèi ence dal plu gran amich del om, l cián. Come ntel cajo del Giorgio d’Andrac, che l è vignù ju per na teleferica co l suo Viktor. E po’ci di de le Vijinánze che à tout pèrt co i ciar, plens de fantasia ntel raprejenté l tema de st’ann: momenc de vita. Nlouta éco Chièrz ( la pegna ) , Contrin ( la luosa da fagòc ), Ornela ( nte stua a fè cajunciei ), Pala – Daghé ( porté fen ), Brenta - Liviné ( l caleghé ), Vijiné de Ca ( la jufa ), Salejei ( l’emportánza del fen ). Très deplù se fèsc noté la presenza dei Scizeri da Fodom, co le bele mondure nuove, le sable portade dai ufiziai e la vegla bandiera vërda e bláncia, ciapada ja Còl e che vignarà dourada fin che no vignarà refat chëla ufizial. Ma ci fosselo la sfilada senza i sons de la Bánda da Fodom ?. Moment très significatif chël de le premiazion nte plaza. L’Union dei Ladins a Bino Simon per avei metù a dispojizion e per iscrìt sua memoria storica, l Comun a Damiano Demattia per avei porté nnavánt la Cooperativa Villa Roma che nte 20 agna l’à fat ben 87 cuartieri per i fodomi e la Gliejia a Stefano Palla “de Bruno Postin” per sua ativité per la paròchia. Recugnisciment ence a Gianni Pezzei per suoi agn passèi da Capocomun. La Crousc Bláncia l’à nominé sòzi onorari i fondadous Frido e Madalena Delmonego e i ex presidenc Luciano Delmonego e Teresa Pezzei. A le ële na bela sportela mpruma de jì a mangé crafons, tircle e balòte. Na festa che à ncanté le autorità, come l Sourantendent a le scòle ladine de Bolsán Roland Verra, la prescidenta de la Generala Elsa Zardini e l Prefet Provvidenza Delfina Raimondo, che à ciapé coscita l salut de Fodom mpruma de se trasferì a Ferrara. Per trè auna l significat de chësta festa se po’ douré le parole del prescident de l’Ulf, Daniela Templari.”Nos no n on tradizion” l’à dit, “chëst l é nòst modo de vive l ester Ladins.” (ls)

www.lauscdiladins.com

33


Fodom

nr. 32 / 22 de agost 2009

La Madòna l’é tournada sui Bec de Ròces Jovegn n mujica nte la “L’autra” Sánta Maria Maiou gliejia d’Andrac Trè plu aprezé l apuntament che sièra ite la giornata de Sánta Maria Maiou

N moment ntratánt l conzèrt nte la gliejia d’Andrac.

Andrac - Auter apuntament oramèi deventé tradizional per l di de Sánta Maria Maiou l é chël del conzèrt nte la gliejia d’Andrac, che sièra ite la giornata. Na scomenciadiva piada via davánt n pèr de agn da nen valgugn jovegn, per la maiou pèrt che fèsc pèrt de la Bánda da Fodom, coordinèi dal Oscar Nagler. Ence st’ann Sebastiano, Roberto, Veronica, Stefano, Oscar, Davide, Paolo; Giovanna, Giulia e Angela, i à njigné ca n bel repertòr de mujica de gliejia, adatada e sonada con òrghen de gliejia, clarin, flaut travièrs, trombëta e sassòfon.

La jent sentada ju a scouté la Mëssa sui Bec.

Bec de Ròces - L’é deventada oramèi na bela tradizion chëla de la Mëssa ai Bec de Roces l dì de S. Maria Maiou. Se renòva coscita la tradizion de avei la Madòna dei Bec per teri dis nte gliejia da Rèba, che sto ann l’é stada portada dai scizeri n procescion. Davò trei dis de rosare, ai 15 de agost l’é ndavò stada portada ai Bec de Ròces ulàche da le 11 l é ste dit la Messa dal preve da Rèba don Vito de Vido e da mons. Guido Bassani preve emerito de Vedelago Tv. N moment nò demè per se giaude n bel panorama, ma per vive na giornada de pèsc e devozion. Dut chëst l é dagnëra poscibile grazie a la disponibilité de la sozieté Sit Boè e de suo prescident Ugo De Battista, che da agn l à volu coscita e ai tànc de volontadis che dà na màn nte ste ocajion. Al prescident De Battista i é

Come solisć e deplù auna i à fat scouté su al trop publico che à mplenì la gliejia, tòc deBach, Gounod, Mozart, Chaikowski, sonèi con bravura e gran preparazion. Cuaji n’ora e mesa de conzèrt, che l è ste saréi te co na Ave Maria a 4 ousc, che nviade la vigniva ciantada dal coro curazial d’Andrac, che no l è plu da oramèi mez scecol. L spartito l é sauté fòra ntra le chèrte de la cantoria e l é ste na bela emozion per duc sentì ressoné davò cincánta agn chële note ntra chi mur plens de storia e de èrt. (ls)

“I celebránc.”

ste fat la dománda de vedei la Madòna iluminada vigni jù dal Burz e portada su ndavò co la jent n seggiovia. Dut chëst magari

deventarà poscibile cánche sarà njigné l nuof rifugio del Burz. Goffredo Dander

La Mëssa nte la capela de Valacia Rengrazièi duc chi che à laoré per la comedé fòra Valacia - La picola capela de Valacia l’à bu n ospite d’onour ai 12 de agost, Mons Guido Bassani de Vedelago ( TV ) che l é ste ence un dei promodous dei laour per comedé fòra la capela. L à dit na bela Mëssa ordinada dal Valerio Nagler, Capogrop dei ex alpini da Fodom. Per l’ocajion l é ste biné auna ence i vejin de Valacia e Pé de Ornela. Ncin de emozion l’é vignuda fòra da don Guido ntànt la perdica e la sua ncora bona ousc, a la bela esté de 90 agn l’à toché l cuor de la jent. Nte la benediscion final l à ringrazié duc per l laour fac e l à spòrt ogni ben per duc chi che à laoré per mantignì la bela capela de Valacia. (Goffredo Dander)

34

www.lauscdiladins.com

Alpini e chi che resta de Valacia e Pé de Ornela.

I jovegn mujicisć che à de vita a l’ejibizion.


nr. 32 / 22 de agost 2009

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel: 0436/868615 Fax 0436/876689 - e-mail: ra.ulda@tin.it

Par ra jeja de Santantone a Ciae

Anno Domini 1208 Un libro co i ate de ‘l convegno de i 12 de aprile, par conosce algo depì de ra storia pi vecia de ra nostra jeja, de ra nostra val, de ra nostra śente

El pioan de Anpezo don Davide Fiocco el saluda ra śente e i relatore, che ‘l é i profesore Giorgio Fedalto e Giuseppe Cuscito; intrà de lore ‘l é don Renzo Sperti.

Anno Domini 1208 ‘l é el titolo de chel convegno de studio che ‘l é stà fato in Anpezo ai 12 de aprile, su i otozento ane de ra nostra parochia de i sante Felipo e Iaco. Da chera śornada ‘l é soutà fora un grun de stories e de storia, su ra nostra jeja, su ra nostra śente. Sarae stà un pecà, che duto fose restà là, inze ra sala Enel de ‘l Alexander Girardi, e coscita s’à pensà de fei un libro, par ruà pi indalonśe, par darśonśe dute, cemodo che ‘l à dito el nosc pioan don Davide Fiocco, ai 18 de agosto, par saludà ra śente, supośò zento parsones, che ‘l ea inze ra sala Don Pietro Alverà, par scotà chel che i aea da dì i profesore Giorgio Fedalto e Giuseppe Cuscito. Con lore ‘l ea don Renzo Sperti, che ‘l é stà capelan in Anpezo, de i ane Otanta, e che ‘l à tegnù aduna el convegno de aprile e anche ra serada de agosto. No se podea ciatà un posto meo, par parlà de storia, de chera sala, che ra porta el gnon de ‘l nosc pree don Pietro Alverà, el prin storico

de Anpezo, intrà Otozento e Noezento. Canche don Davide Fiocco ‘l à dito gramarzé de ‘l laoro fato, ‘l à vorù recordà soralduto Angela Alberti Nito e Alessandra Menardi Nando, che ‘s à tanto gran spendù, tenpo e fadies, ignante par bete a śì el convegno, dapò par bete aduna el libro. I ate i é stade publicade da ra rivista “Antichità Altoadriatiche”, coscita i podarà darśonśe tropa śente depì. El vescovo de Belun – Feltre monsignor Giuseppe Andrich el scrie, inze ra prima pajines de ‘l libro: “Me beto intrà i tante che i vó lieśe chiste ate de ‘l convegno. Coscita se và adora a dà, a tropa śente, duto chel che ‘l é vegnù fora su i prime secole de ra storia d’Anpezo. De chesta i s’interesa chi de Anpezo, aduna co ra comunità de duta ra diocesi e con dute chi che i à acaro de saé depì. A dute cuante r’à da piaje, chesta storia de ra nostra śente, par vardà dute

aduna ra strada che son drio a fei, drio ra steles, ra lumes de i nostre vece, che i à fato ruà fin ancuoi, par nośoutre, el chentl de ra Fede”. A i stà drio a ‘sto libro, ‘l é stà el profesor Giorgio Fedalto, ordinario emerito de Storia del Cristianesimo a r’Università de Padova. El ‘l ea stà un de i relatore, inze ‘l convegnod e aprile, aduna co ‘l profesor Bepe Richebuono, a don Sergio Sacco, che ‘l é diretor de ‘l Istituto bellunese di ricerche sociali e culturali, co ‘l profesor de Archeologia cristiana e medievale Giuseppe Cuscito, co ra Soprintendente del patrimonio storico e artistico par el Cadore Marta Mazza e co ra doa archeologhes Silvia Cipriano e Ivana Rizzo. Ci che no n’ea martes pasà, e no n’à tolesc el libro, el pó śì a ‘l domandà inze i ufizie de ra calonega. Coscita se podarà se bete in ciaśa algo de bel, de prezios, par in saé algo depì, de ci che son, da agnó che ruon. (mdm)

Cridore in provinzia In Provinzia ‘l é el vecio presidente Reolon che el domanda a Daniela Templari de lascià el so posto de loudaduó ladin, parcé che ra i tien terzo a i referendarie de Anpezo, Col e Fodom “El podé frua ci che no ‘l à”. Chesta r’é ‘na roba che à dito un che ‘l é là, a ‘l podé, śa da canche see apena nasciù, che vó dì sesanta e pasa ane. Śonto pede io: “El podé ‘l é un touron che rośéa e frua tropo depì ci che ‘l à da chel tanto pardù. Son drio ciacolà de ‘l ex presidente de ra Provinzia Sergio Reolon, che ades, da i scagnete de ra banda pizora de ’l consilio provinziale, el damanda ra dimiscios de ra loudaduó a ra minoranza ladines Daniela Templari; iusto da poco betuda su con noseicuante vote de preferenza. Parcé? Dito da el e da i outre tre consiliere da ra so banda, Daniela no ra pó ese inze chel posto parceche ra i tien terzo a i referendarie “secesionistes” ladis che i à votà par mudà rejon, e śisin, pardon, tornasin in Outo Adije, o

Südtirol che se vore dì. Son śù a vede de ra parola “secessione” e ra beto śo par talian: - Secessione politico/geografica, dove un gruppo rappresentante una parte di un Paese o di un gruppo sociale (solitamente minoritario) si separa dall’unità nazionale per rendersi indipendente o unirsi ad un altro Stato. Ades dì che i referendarie, Ladis o outre, i vore śisin inze un outro stato ‘l é un bel se ranpinà su par i vieres, ma chesto somea el pi folà mestier de i politiche; noma che no n’eelo propio el che, da presidente, i dajea contra a ‘l governator de ‘l Veneto, parceche Giancarlo Galan el no podea lanpà ci che vorea s’in śì da ’l Veneto? Ma se sà, in politica ‘l é senpre de moda “El śogo de ra partes”, par dira con Pirandello, e mudà pugnon da un

Anpezo

dì a cheloutro, a seconda de agnó che te sos scentà, non fesc pi de mereea a negun. Ma i sovien a trope canche ‘l é ora de bete ra scheda eletorale inze r’urna. Se sà anche che zerta scopertes es lascia el medemo tenpo che ‘s à ciatà, e che nuia pó mudà, salvo che no see un teremoto politico inze ra giunta o el consilio de ra Provinzia de Belun, ma vanza senpre isteso un saorato inze bocia, a vede cemodo che se fesc presto a dì ‘na roba ancuoi e ‘n’outra doman; ma a ra fin de i conte chesto no n’à ‘sta gran inportanza. In dut’i caje: forza Daniela, fesc chel che ra śente che ra t’à dà fiduzia ra se speta che te fejes. E par dira con Dante: -Varda e tira dreto e no stà a i abadà. Tone A. Cuciarin

El noo gastaldo ‘l é ‘na femena, che ra s’à ciarià chesto braghier, par no lascià morì ra nostra uśanzes, un patrimonio che solo nos podon precurà. Nicoletta de Floro ra tol el posto che ‘l é stà, par 31 ane, de Romano Bechereto “Me s’à daerto un mondo stupendo!” Ci che parla ‘l é Nicoletta Pompanin de Floro, noo gastaldo de Santantone a Ciae, e ‘l entusiasmo s’i lo lieśe inze i oce. Outrotanto contento ‘l é el gastaldo vecio Romano Gaspari Bechereto: “Ignante de duto parceché ei ciatà calchedun che và inaante, no come da ra Salute, agnó che Silvio Menardi Menego ‘l à lascià e i é ancora che i và a vede, e dapò parceché chesto calchedun ‘l é ‘na femena, mai suzedù ignante!” - el me conta. Ma vardon de scomenzà da dinprin. Romano Bechereto ‘l à fato el gastaldo de Santantone par 31 anes. ‘L ea un toco che el śia a vede de calchedun che aese vorù se toi su ‘sto braghier ma, ci par un motivo, ci par ‘l outro, dute i dijea de no. Nicoletta inveze, dapò de aé arleà ra fies e pensà a ra ciaśa e ra famiglia par tante anes, r’aea voia de fei algo par chi outre e tornà nafré inze el mondo. Coscì canche Romano i r’à biciada là, era, senza gnanche pensà sora, r’à azetà. Romano no podea intià meo de coscì. “Ades son drio ciapà inze nafré a re ota, se sà ei duto da inparà. Ma Romano e so femena Clara, e anche el nonzolo Paolino Gaspari Leon e so femena Rosetta, i me dia tanto, con tanta creanza e amor par chel che i fesc e chel che i sà. Con lore me ciato propio polito. Romano, par no me ciarià masa inze un colpo, el me porta ra cartes e el me disc ce che ei da fei, nafré a re ota par no me spasemà. No laoro mai sola, ma con un pizo grupo de laoro agnoché ‘l é inze anche Sandro Gaspari Moroto e Bruno Dimai Fileno, oltre che Romano, Clara, Paolino e Rosetta. Se ciaton de spes, de ‘l lunes dapò mesa, e parlon de ce che ‘l é da fei e de cemodo śì inaante”. ‘L é propio bel scotà Nicoletta, duta piena de riconoscenza ves ci che i dia ‘na man. I domando ce mai segnal che r’é “consorella”. “In ocajion de i 200 anes de ra fondazion de ra jeja, ‘l é ‘stà modificà el regolamento e ‘l é stà śontà inze

che el derito de confratello el pasa sia ai fioi mas-ce, sia a ra fies. Ra fies r’es vanza consorelle vita natural durante e el derito vien pasà solo da ‘l pare. Coscì canche ‘l é morto me pare son deentades consorelle anche nośoutra fies, però no pasaron inaante el derito a negun. Chesta noa regola r’é stada azetada inze el capitolo straordinario ai 14 de śugno de el 1992, ma ra val dal 13 de śugno de el 1991” - ra disc. Ma cal elo el laoro de ‘l gastaldo? Nicoletta ra responde: “In pratega el gastaldo ‘l é el “legale rappresentante” e el tutela i interese morali e materiali de ra confraternita. Algo de pi preziśo ‘l é scrito inze el regolamento, ma ra robes vien deziśes da ‘l capitolo ordinario o straordinario e ‘pò, par res portà inaante, laoro aduna con chi otre che ei menzonà ignante. Ra roba pi inportante che ón da fei ades ‘l é ‘na ranpa parceché pode śì inze jeja senza fadia anche chi su ra carega da ra rodes. E ca beśen che dighe che son propio fortunada de aé Bruno Fileno che me dia, co i anes che ‘l é sta inze comun el sà alolo da ci śì, ce cartes che ‘l é da paricià, a ci che ‘l é da domandà e tanta otes el me disc: “No te preocupa, che penso io”. Par fei ‘sto laoro aron da domandà anche calche contributo inze ‘l paes. Son drio paricià ‘na letera da mandà fora. Ogni oferta, granda o pizora che ra see, r’é ben azeta. A parte duto, no n’é che fei el gastaldo see un laoro tanto greo e me despiaje che a ra Salute negun vore ciapà inze. Voi propio dì a chi da Ciadin: “Ciapà inze, no stajede a lascià morì ra nostra uśanzes, ‘l é un patrimonio che solo nos podon se precurà. Son segura che ciataré anche vos un grun de śente in ganba pronta a dià ‘na man. Cemodo che ei dito ignante, se daerśarà anche par vos un mondo stupendo”. Saludon Nicoletta che, co el so entusiasmo, ra fejarà seguro un gran laoro. Dijon gramarzé ben a Romano par duto chel che ‘l à fato fin ades e gramarzé ben anche a dute chi che laora e dia ‘na man. (Df )

El grupo de laoro de ra jeja de Santantone de Ciae: el gastaldo vecio Bruno Bechereto, con so femena Clara, el nonzolo Paolino Leon, con so femena Rosetta, el gastaldo noo Nicoletta Pompanin de Floro, Bruno Fileno, Sandro Moroto. www.lauscdiladins.com

35


Anpezo

nr. 32 / 22 de agost 2009

Rua ra Festa de ra Bandes Ra notes de i strumente es rua, par ‘na setemana e pi, inze duta ra piazes e ra strades de ‘l paes, inze el cuore e r’anima de ra śente. Sarvije e mondures, ciapiei e palegres, caai e carozes, co ‘l lujì de ‘l laton

Ra Banda de Anpezo sote el Padeon de ra musica, par daerśe ra gran Festa de ra Bandes, de ra fin de agosto.

A voré dà i numere, ra Festa de ra Bandes de ‘sto an r’é propio granda, da no crede: 8 dis de conzerte, da domegna 23 a domegna 30 de agosto, con 34 grupe, che sona, e supośò 40 grupe de ‘l paes, che i fesc sport, teatro, cultura, che i laora par chi outre. Par chesta edizion de ra festa, ra numero 33, el presidente de ra Banda, che ‘l é Osvaldo Majoni Boto, e dute chi che i dia ‘na man, i à parecià algo de bel. Intrà ra bandes, in é alcuantes che rua da fora de r’Italia, da r’Austria, da ra Republica Ceca, e ches’outres es vien da tropa rejos talianes, finamai da ra Sardegna. Ma se sà che ‘l é senpre da stà in bones co ra vijinanza, coscita se vedarà, e se scotarà, ra banda da Fodom, chera de ra Valboite, chera da Toblach, da San Vijilio de Marebe e da outra vales ca pede, da ra Dolomites, da ‘l Sudtirol, da ra Valbeluna e da ‘l Feltrin. Par ‘na setemana intiera se vedarà par piaza mondures e sarvije da canpanoto, ciapiei e strumente, fiore e palegrès. El programa intiero ‘l é stà dà fora ai 6 de agosto, par el conzerto de ra nostra Banda, inze ‘l bosco, intrà i laresc, su r’aga de ‘l lagoscin de ‘l Bandion. Se scomenza domegna 23 de agosto, canche a sonà ‘l é ra nostra Banda de Anpezo, dares 21.15, sote el padeon de ra musica, inze piaza. Medemo posto e medema ora, i dis dapò, par chi outre conzerte. Lunes 24 de agosto tocia ignante a ‘l Coro Cortina, co ra so bela canzos, e dapò a ‘l grupo folcloristico Holzhockar de Sapada, co ra so musiches e i so bale. Martes 25 sona el Corpo musicale Valboite. Mercui 26 rua i atore de ra Filodramatica d’Anpezo, a fei nafré de teatro, e dapò ‘l é ra Somsta Musig

de Toblach, che sona. Śoiba 27 vien su ra Banda de Arsié, pede Feltre. Vendres 28 ‘l é ra Banda Catarina Lanz de San Vijilio de Marebe. Par sabeda 29 de agosto ‘l é da se tuoi fora ra śornada intiera, che ‘l é ben zinche robes da vardà, o da scotà: da bonora se scomenza co ‘l Trio Denis Novato, che el rua da ra Slovenia, co ra so musica Oberkrainer. De ‘l dapò disnà, dares 17, se podarà vede i sarvije vece, da festa, de alcuanta vales alpines, cemodo che ‘l é stà fato ‘l an pasà, par ra prima ota. Alolo dapò, dares 18, ‘l é ra sfilades de ra bandes de Salzburg, in Austria, e de Potenza Picena, el paes de ra Marche agnó che ra nostra banda r’é śuda, pi de ‘na ota, a fei festa, intrà de amighe. Dares 18.30 i ciantarà chi de ‘l Golspel Choir La Sorgente. Dinultima, dares 21.15, ruarà ra notes da pi indalonśe, cheres de ra Jugendblaskapelle de Temelin, inze ra Republica Ceca.Domegna 30 de agosto, se sà, ra musica ra ruarà inze

dute i ciantoi de ‘l paes, par duto el di. Se scomenza alolo bonora, dares 8.30, co ‘l bondì sonà da ra nostra Banda. Dares 11 ‘l é sié conzerte, da ra medema ora, in śiro par duta ra piazes, par dute i poste che i à ciatà fora: sote el padeon, daante a ra Ciaśa de Comun, inze ra piazeta Silvestro Franceschi, su da ‘l Hotel Aquila, inze ra piazeta de i fardiei pitore Ghedina de Tomasc. Alolo dapò disnà, dares 14, moe ra sfilada, fosc mai coscita granda, cemodo che ra sarà ‘sto an; par pi de un’ora se podarà vede biei sarvije da festa, mondures, strumente, ciapiei co ra piumes, palegres da femena, ore e arśente. Gnanche fenì de se lustrà i oce, e tocia śì de coren su da ra Postes, par el gran conzerto, de dute i musicantes aduna. Anche ‘sto an i sarà almanco de zinchezento, de siezento, fosc depì, a sonà ra medema musica, co ‘l maestro Antonio Rossi, de ra Banda de Anpezo, a i dà el condar. Cardeo che ra see fenida? Ma gnanche par insogno! Dares 16 sarà finamai oto conzerte, se ciatarà bandes daparduto, sonadore inze ogni cianton, con duta ra musiches, da ra aries de opera a ra polches, da canzos americanes, de ra pi conosciudes, a ra sonades de ra nostra tradizios. E ‘pò ancora, un’ora dapò, dares 17, outre sete conzerte, e festa inze piaza, e salude, intrà i musicantes, a se inbrazorà, a se dà un bel “A se reede!”, par ‘l an che vien. Parcé che ra musica ra no stà mai ferma, ra notes de ‘sto an ‘s é ancora inze r’aria de ra val, e ‘l é beleche da se pensà de cheres de ‘l an che vien.

Dute aduna, zentenera de muśicantes, a sonà ra medema musica, co ‘l maestro Antonio Rossi a i dà el condar.

R’ostaria de ‘l Milar a Maion Recorde che core par duto el Noezento, da ra Prima guera fin ancuoi. Ra storia de una familia anpezana ra s’incroja con chera de duto el paes Co ‘l consenso de Flora Menardi Franceschi, volto par anpezan un so articolo, publicà su ra Rivista Cortina, de ra jornalista Feliciana Mariotti. Flora ra descrie ra so familia e, aśà che se conosce masa poco de ra familia anpezanes, ‘l é bon fei conosce, che trope i viene a saé ra storia de ra nostra śente; ‘l é senpre un piazer menzonà i tenpe de śa tante ane, de canche se jea famea. Ra familia de ‘l Milar, a Maion, r’é nasciuda de ‘l 1836; ‘l ea una ciaśa de contadis, con toulà, stala e besteame. I vivea a lourà ra canpagna,inze i cianpe e inze ‘l bosco, cemodo che i fajea tante, in Anpezo. Ignante de ra Gran guera de ‘l 1914 – 1918 ra ciaśa de ‘l Milar, par nafré de tenpo, i r’à dorada par caserma de ra trupes austriaches e nafrè da ostaria. Par ra Prima guera r’é stada anche ocupada da ra fanteria taliana, da caserma. Ijuco Menardi Milar, el pare de Flora, ‘l ea masa śoen par ese co i melitare austriache e, canche Anpezo ‘l é stà ocupà da ra trupa talianes, Ijuco Milar i ‘l à internà a Firenze, aduna con outre anpezane. Là ‘l à ciatà laoro da fachin, inze un albergo. Da chesta esperienza i é vegnù r’idea, a guera fenida, intor el 1920, de fei deentà ra so pension un albergo. Ai 5 de maśo de ‘l 1924 el s’à maridà con Giuseppina Zangrandi, de ra familia de i Biaje de Ra Era, e coscita, aduna, con sacrifizie e inpergno, i à scomenzà a lourà inaante, par fei deentà senpre meo ‘sto albergheto e ostaria. Ra familia ra s’à slargà, ‘l é nasciù Angelo, Flora e Frida e, aduna co ra nona Amabile, i é śude inaante; ‘l ea intor el 1930. R’ostaria ra louraa, r’aea ra parestades de len, co ‘na stua, un bel fornel de piastreles verdes, bances e careghes intor una toura, inze un cianton un telefono a jetoi, che anche chi de ra vila i podea dorà, pede ra porta de cujina un banco con casete, agnó che stajea inze tanta roba, e una caseta agnó che se betea i sode e un libro, par notà su, da ra nona, i clientes che lasciaa conte da pagà. Un bel di Ijuco el s’à stufà de ra ostaria, ‘l à sbreà su chel libro e ‘l à sarà su duto. Flora ra recorda i pi biei tenpe che r’à pasà aduna con tante anpezane, ‘l ea intorno un bel orto, tante fiore e doa bela

piazes, par śuià a ra bales, bances e toures e un cabioto inze meśo, co ‘l cuerto pien de foies, bela verdes, che pendoraa a fei onbria. Là pede ‘l ea una sciareta che ruaa su da ra strada che và a Ciae e Ciamulera. De ‘l dapò disnà, canche ‘l ea bel tenpo, me mare ra servia guantieres de gote de vin e crighel de bira, alcuante prezin a ra śente che ruaa là, par se pasà calche bela ora in conpagnia. Ra doa piazes agnó che i śuiaa a ra bales ‘s aea da ese senpre bela slisces e ben tegnudes; ‘sto conpito ‘l ea par me e Anjelo me fardel, e saon contente de tegnì tanto ordin e neto daparduto, ‘l ea el nosc laoro de ogni di. Sora de nos, in ciaśa ‘l ea el pian agnó che stajea Barba Anjelo, el fardel de ‘l nono, che ‘l ea maridà con mena Morota. Defora, su ‘l muro de ciaśa, ‘l ea una gran scrita: “Pension Menardi”, e una longa striscia de téra, con stanpà su “Tè – cafè – birra”. Ei inze ra mente Anjelo Dibona Pilato: el stajea sote ra strada e, canche i sciore i vorea śì su par ra crodes, i vorea el, e śiaon de coren a ‘l ciamà. Duto contento el me dajea senpre calche sodo, da bete inze mujina; ‘l ea un òn tanto umile e bon, i voraon ben e ‘l ea una de ra guides pi braes che ‘l ea in Anpezo, ‘l é menzonà de spes anche ades, dapò de tante anes. ‘L ea tanta śente che se fermaa a r’ostaria. Me pare ‘l aea tante amighe e dute i vegnia vorentiera là da ‘l Milar, e cuanto che me recordo de chi biei tenpe e ce che ‘l é pasà inze chera ciaśa, aduna co i me jenitore, amighe e conoscentes, che m’à vorù tanto ben. Duto chesto che ei contà, el m’é restà inze ra mente e coscita ei abù acaro de contà e che ra jornalista Mariotti r’ebe publicà. ‘L Albergo Menardi Milar el laora inaante; ades ‘l é i fioi de Anjelo e so femena Franca, che i fesc śì inaante ‘sta bela atività. Anjelo ‘l é mancià masa presto, e ‘l à lascià un gran voito in Anpezo, ‘l ea conosciù e stimà e ‘l à lascià un bel ricordo inze ‘l paes. Chesto ‘l ei betù pede io, e digo ra verità che sarae una bela roba che ogni familia ra conte algo. Se conoscion tanto poco e calche ota someon foreste, intrà de anpezane. Teśele Hirschstein Michielli

Ra lejendes de ra femenes Alcuante verse par se recordà de chel che ‘s me contaa ra vecia stories, de i nostre vece, deboto desmentades R’aga e ra femenes, inze ra storia, inze ra lejendes. Anche inze ra nostra val ‘l é alcuante poste che me recorda algo suzedù, fosc, i tenpe pasade, chi pi indalonśe da nośoutre. Podon se pensà de ‘l Lago de ra Stries, de ‘l Bain de Dones, de ‘l Ru de ra Verjines. Podon se recordà de ra anguanes. Pede a r’aga ‘l é ra crodes, che ‘s à anche eres ra so

36

www.lauscdiladins.com

bela lejendes. Se beton duto aduna, inze ‘na cioudiera, inpizon un gran pearguó, de rame de barancio, e mescedon polito, di note, su ‘l colmin de luna, mangare souta fora algo de stranbo, de bel, de majico. E par contà chera stories, nuia de meo de alcuante verse, inze un soneto par ladin anpezan, da lieśe sote vosc, co ra lun iusta, a i pize che scota, cete.

Stories strionades ŖRes luje inze i oce de ‘na pizora ra femenes de ra lejendes. Anguanes stries de r’aga scondudes inze ra bujes sote i sasc. Merisana ra pi bela Selvadega

inpiza de verde el laresc d’ousciuda. Tanna jazada rejina de i Croderes Samblana e Dona Dindia sconduda inpó Ciasadió. Te orbisce ra Raieta su ‘l vis de Dolasila che ra se specia

inze ‘l Bain de Dones. Pestuze destacade de un jen magnà da ra trames de ‘l tenpo. Stories pardudes inze ‘l caligo portades indalonśe inze ‘l vecio śarlin de ‘na ordìa goba.


Sport

nr. 32 / 22 de agost 2009

Garejada “Torn del Vaiolet”

Na bela fadia!

La pievia à sparagnà la fadìa de gregn e pìcoi atlec che se à mesurà sul percors dut entorn al paìsc de Vich

Garejedes de sauté suvier. Keller-Bauer Lauf da Burgghof tl Tauferer-Ahrntal y Vigiljoch Berglauf

Corsa - Scomenz aló dal Piaz de J. B. Massar, dapò via per strada de Val fin sal Belvedere, ca per strada de Murada e ju per Solar, fin ja Sèn Jan e dapò endò su de retorn fin sal Piz de Vich e dapò l’ùltima rencorsa duta te n fià enscin al tendon de le manifestazion de Vich. Chest l’é stat l movimentà percors de la 22^ edizion de la garejada de corsa a pe “Torn del Vaiolet”, metuda a jir a Vich dal grop di alpins e dal comitat de le manifestazion en jebia passada, ai 13 de aost, con bona partecipazion de coridores fascegn e da foravìa, en dut 212 jent. Na pievia feruscola l’à manacià duta sera de vegnir jù a batesar le fadìe di atlec, ma en ùltima l’à spetà la fin de la competizion per se far sentir, e bona secia pa! Site no n’era demò enlongia l percors, ma ence tel ciel a enlumenar l scur de la not, per ge dar na saor amò più epica a le struscie di coridores! Demò l grop de chi dal “Pe de bosch” no se à cruzià dal temporal, e pian pian, vardan de se parar la seit e de ciantar bel polito e algegher, l’à portà mìngol de folclor e de devertiment a duc chi che à tout part a la bela serada, desche atlet

Sauté - N sada ai 8 de agost iel stat la segonda edizion dl KellerBauer Lauf da Burgghof tl Tauferer Ahrntal per ruvé nchin pra la Chemnitzerhütte. La trassa fova longia bën 25 km cun n deslivel de 2.100 metri. Piei via iesen dala 8.30 da Brugghof tla frazion de Kematen a 846 metri per ruvé a 2.420 metri sala Chemnitzerhütte. Bën 101 ëi y 14 ëiles se à tëut su chësta fadia y ie ruvei tl travert. Venciù chësta segonda edizion à Paul Innerhofer cun n tëmp de 2.40.07 y pra l’ëiles Edeltraud Thaler cun n tëmp de 3.07.53. Nce trëi atlec dl Atletica Gherdëina Running Cassa Raiffeisen de Sëlva, che se alenea per l Jungfraumarathon che sarà ai 5 de setëmber tla Svizra, à fat pea chësta garejeda. Christian Insam cun n tëmp de 3.03.34 se à plazà al 20ejim post tla categuria assoluc, Mario Falchi à finà si garejeda te 3.18.51 se plazan al 44. post tla tlassifica generela y Georg Rabanser cun n tëmp de 3.32.59 per l 63ejim post tla tlassifica generela. Ti mbincion a dui trëi dut l bon per si proscima gran garejeda. N bon resultat de nosc atlec iel nce stat pra l 1. Vigiljoch Berglauf che ie stat n dumënia y che valova

De passa 200 i é peé via da piuaz Massar per la raida de corsa entorn Vich.

o tel publich. La garejada la é stata venta da l’atlet Filippo Marzin da Varena, che à fat fora i 4 km de strada erta tant en su che en ju, te pech più che n cart d’ora (15’08”). Sobito dò l’é ruà i fiamaces Roberto Tomio (15’28”) e Roberto Gabrielli (15’39”); al 6° post l fodom Loris Federa e l prum fascian al zil, apontin da Vich, l’é stat Mirko Ghetta (8°) col temp de 16’03”. Anter le ele, en orden l’é ruà dant la taliana Valentina Mora (17’55”),

dapò la moenata Rosalia Zanoner (18’33”) e terza Maria Davarda (19’31”) da Ciampedel. N muie de picoi à coret con bela gaissa, per dut l percors enjignà ence per i più gregn: l più pìcol l’é stat Alex Zanoni, del 2006. Na citazion particolara ence al più de età, Luciano Pellegrin, che con soa prejenza à dat amò più gust e valor a chesta bela scomenzadiva, ruada doentada oramai ne bela tradizion, che i ghesć e chi de paìsc speta ogne istà! (tz)

nce per i campiunac provinziei. Piei via iesen a Lana per ruvé nchin pra ustaria Jocher te travert. L deslivel fova de 350 metri cun na lunghëza de 9,5 km. Venciù chësta prima edizion à Paul Gschliesser cun n tëmp de 40.32, dan Martin Obexer cun 41.28. Boniscimo terzo ie ruvà l atleta dl’Atletica Gherdëina Running Claudio Mussner cun n tëmp de 42.31, nce prim post tla categuria nasciui danter l 75 y l 89. ti mbincion inant dut l bon per si proscima garejedes. (mp)

Claudio Mussner.

Moena: endodanef la coa dò strada, ma per jir a corer “le Notole” Endovinà restyling per la gara de la Madona de aost Corsa - Anter dute le manifestazion metude a jir via per d’istà, l Giro de le Notole endrezà da la US Monti Pallidi de Moena l’é zenz’auter una de le più cognosciude. La gara, de 6,4 Km, la vegn coreta da 34 egn en cà fora per le strade del paes la vöa de la Madona de aost, ma somea dalbon che no la mosce duc siöi egn. Alincontra, st’istà la se à envià via con più gaissa che zenza aldò de n nöf endrez organisatif che à metù al luster chi che te la sozietà

dal sport se cruzia de la corsa: la partenza, tramudada te Piaz de Sotegrava, la é ades manco pericolosa e l trat de strada te paes l’é più lonch che inant e donca più curios; la classifica, metuda jù per la prima oita te set categorie desvalive e desferenziada anter ic e ele, la é stata subit a la leta de duc e la ge à dat l möt de premiar carantadoi atlec jovegn e manco jovegn; la premiazion no l’à desfegurà con chela de manifestazion de maor nonzech. Apede chest, l’organisazion l’à podù se n prevaler de la bela növa che à caraterisà l’istà de Moena: l zenter zenza auti l’é stat segur aprejià ence te chesta ocajon, soraldut endana la premiazion che ge é jit dò a la gara. Chesta la se à serà su con resultac de marevea soraldut per i jovegn atlec de Moena, che da chesta aisciuda en cà ge à regalà de bele sodesfazion a siöi alenadores ti campionac de

corsa de Fascia e de Fiem. E sul podie, dapò da le categorìe di più picoi, l’é jit sù apontin ence i doi alenadores e tropes genitores. L’é chest un di motives che più fasc aprejiar la corsa de le Notole desché autre manifestazion de chesta sort: la vejinanza de picoi e gregn, l’empegn che ge met chi che scomenza e chi che à scomenzà jà da n pez, la partezipazion algegra de familie intiere. Tropes ence chi che se à enscinuà te la categorìa di gropes con più concorenc scric int, béleche duc jovegn e jovenec. Per via de chest le doi referente per la corsa del US Monti Pallidi, Katia Defrancesco e Ester Cengia, le à jà dit che le à en ment duta na lingia de proponete per far più bela la edizion de l’an che vegn. N rengraziament spezial ai sponsor e ai gropes de volontariat de Moena che na oita de più i se à dat da far a na moda da garantir l bon ejit de la scomenzadiva: pompier, grop de la jent de età, grop A.N.A., Crosc Checena e apede chisc la Scola de schi Moena Dolomiti. No resta che de se augurar che l giro de le Notole l vegne metù a jir amò per trope edizion e se poscibol col medemo percors de chest an. A ogni bon cont sion segures che l seghiterà a ge dar gaissa a nösc jovegn e a lear, no demò per na sera, più generazion che se recognosc ti valives valores. Bernardino Chiocchetti

Classifica: Pulcini de ele (2009-2003): Cecilia Rabbi, Zola Predosa; Gemma Chiricozzi, Hotel El Laresh; Alessandra Signorini, Verona; de ic: Andrea Signorini, Verona; Osama Awad, Moena; Gabriele Giancarlo, Latina. Cuccioli de ele (2002-1999): Sabrina Pellegrin, Soraga; Arianna Pasero, Sort; Silvia Ganz, Moena; de ic Davide Angeli, Civezzano; Alessandro Chiocchetti, Moena; Tommaso Molinaro, Reggio Emilia. Ragazzi da ele (1998-1995): Caterina Ganz, Moena; Virginia Pellegrin, Soraga; Alessia Chenetti, Soraga; de ic (1998-1995): Nicola Varesco, Sort; Massimino Chiocchetti, Moena; Gianni Scola, Cianacei. Allievi de ele (1994-1991): Alessandra Rossi, Pavia; Valentina Aliprandi, Moena; Stefania

Varesco, Sort; de ic: Fabio Borghi, Reggio Emilia; Pietro Valorz, Trent; Matteo Piazzi, Sort. Seniores de ele (1990-1974): Veronica Bello, Moena; Erika Coraini, Legnano; Francesca Costantini, Modena; de ic: Nicola Morandini, Ciastel; Enrico Nizzi, Moena; Andrea Zattoni, Trent. Amatori de ele (1973-1954): Rosa Alfieri, Trapani; Paola De Angelis, Parma; Alessandra Pederiva, Cianacei; de ic: Massimo Leonardi, Moena; Fiorenzo Giacomelli, Pardac; Aldo Guadagnini, Trent. Veterani de ele (1953-1930): Rosalia Zanoner, Moena; Tommasina Deville, Moena; Fernanda Prosperi, Hotel Monti Pallidi; de ic: Luciano Dalle Mulle, Cianacei; Armando Leonardi, Moena; Andrea Aquaderni, Bologna. I gropes: Sort; Istà Algegra; Hotel El Laresh. www.lauscdiladins.com

37


Sport

nr. 32 / 22 de agost 2009

Turnier ai fasciagn Fascia davagna por le terzo iade le turnier dles valades ladines a La Ila y se porta a će dla tlassifica dles devëntes

La scuadra de Fascia s’à davagné chësta ediziun.

La scuadra de ćiasa é rovada secunda.

Pro la premiaziun: Giuseppe Crepaz - Cassa dl Sparagn, Elmar Castlunger, assessur al sport dl Comun de Badia, Klaus Costner - responsabl y acompagnadù dla scuadra dl’Alta Badia, n rapresentant dla scuadra da Fodom y un dla scuadra de Gherdëna, Sylvia Irsara - möta de Ulrich Irsara, n rapresentant dla scuadra dl’Alta, Ingo Irsara - möt de Ulrich Irsara, n rapresentant dla scuadra de Fascia y Hildegard Lasta, fomena de Ulrich.

Terzo post por i gherdënes.

38

www.lauscdiladins.com

Palê - Dan chinescdé à l’US Alta Badia invié ia la setima ediziun dl turnier dles valades ladines, n apuntamënt sportif por recordè Ulrich Irsara, mort dl 2003, che é stè por tröc agn al sorvisc dla jonëza tla uniun sportiva, sciöche mëmber dl comité y acompagnadù. Sön le ćiamp dl sport da La Ila s’à indô presentè les cater scuadres che an à odü inće ti ultims agn: Alta Badia, Fascia, Gherdëna y Fodom. La scuadra de Gherdëna ê cherdada da defëne le trofê che ara s’â davagné tla ediziun dl ann passè, mo chësc ann ne ti éra nia garatada. I gherdënes à arjunt le terzo post. Pröms é gnüs i fasciagn, che röia insciö a süa terza devënta pro chësc turnier. Secunda é gnüda l’Alta Badia y i fodomi à messü s’acontentè dl cuarto post. A vigni moda ne stà al zënter de chësta manifestaziun nia tan la competiziun, mo bëgn deplü le recort de na porsona che

Fodom à stlüt jö al cuarto post.

à fat tröp por le sport, sciöche inće le spirit de uniun danter les cater valades partezipantes. Co é pa jüdes les partides? Tles semifinales àn odü te ćiamp impröma Gherdëna cuntra Alta Badia. La dezijiun dla partida é tomada ai 7 metri y le resultat é stè de 3 a 4 a bëgn di badioć. La secunda partida de semifinala é gnüda śogada danter Fascia y Fodom. I fasciagn s’à assigurè n resultat tler de 3 a 1. Tla partida por le terzo y cuarto post à i fodomi messü dlotì na secunda pordüda cuntra i gherdënes, che é jüs a rëi por bëgn cin’ iadi, cuntra le su gol por i fodomi. Resultat tler inće tla finala danter Fascia y Alta Badia, pro chëra che i fasciagn à stlüt jö cun le resultat de 2 a 0. Sce an ti ćiara śëgn ales devëntes tles ediziuns passades, spo ciafunse al pröm post Fascia cun indöt 3 devëntes: tl 2003, tl 2007 y tl 2009. Gherdëna à döes devëntes, arjuntes tl 2006 y tl 2008; l’Alta Badia y Fodom à intrames na devënta sora , arjunta respetivamënter tl 2004 y tl 2006. I organisadus i sporj n dilan ala Cassa dl Sparagn, che à inće chësc ann sostegnì la manifestaziun.


Sport

nr. 32 / 22 de agost 2009

Cuinta devënta por chi da Vittorio Veneto Le turnier de nöt a La Val é gnü davagné por le cuinto iade dala scuadra da Vittorio Veneto, che à mudè inom, mo nia süa strategia da davagné

Resultać Partides de cualificaziun Rode A Power Rangers - Durni’s Pub 0:14 I Mixeri - Residence Miri 1:0 Power Rangers - Maphia 1:7 Durni’s Pub - I Mixeri 11:1 Residence Miri - Maphia 0:10 Power Rangers - I Mixeri 0:2 Durni’s Pub - Maphia 2:1 Power Rangers - Residence Miri 0:5 I Mixeri - Maphia 1:5 Durni’s Pub - Residence Miri 4:1

“I Fantastici” da Vittorio Veneto à davagné le turnier de nöt por le cuinto iade.

Palê - Tla nöt danter le 1. y i 2 de agost él gnü śoghé sön la plaza dl sport Plans a La Val le turnier dl palê de nöt, che é rové en chësc ann ala 11ejima ediziun. Al s’à indô scrit ite 20 scuadres; chëstes ne gnô nia ma dala Val Badia, mo inće da d’atres perts dla provinzia y da plü dalunc; öna na scuadra s’à trat zeruch n valgügn dis denant. Le pröm pest s’à indô portè a ćiasa la medema scuadra di ultims trëi agn, plü avisa la scuadra da Vittorio Veneto, che s’à en chësc ann scrit ite cun l’inom “I Fantastici”. An po dì che chësc

inom passenëia laprò, à pö chësta scuadra bele davagné por le cuinto iade le turnier de nöt a La Val. I organisadus à inće indô albü fortüna cun le tëmp. La nöt é romagnüda zënza plöia y les temperatöres ê dër da stè saurì. N valgügn problems él stè cun l’implant d’iluminaziun, che é saltè n valgügn iadi y insciö àn messü aspetè che les löms s’impiass indô. Na novité él inće stè tl program dla manifestaziun: an à metü man döes ores denant, plü avisa la sabeda dales 5 domisdé; insciö à le turnier

La scuadra dl’U.S. Lungiarü à arjunt le secundo post.

inće podü gnü stlüt jö denant. Indöt él gnü śoghé 55 partides, en paralel sön döes plazes. La composiziun dles scuadres n’ê limitada da degügn criters y porchël ê tröpes scuadres metüdes adöm da śogadus da deplü paîsc y inće ti inoms dles scuadres ti él gnü lascè lerch ala fantasia. Tut pert à inće na scuadra moscedada dantes śogadësses y śodagus, olache al à ince soghé les döes sorus Veronica y Monica Moling da La Val, che śoga cun le Porsenù tla seria B.

Cater rodi Les scuadres ê gnüdes partides sö te cater rodi da cinch, olache vignöna à messü śoghé cuntra les atres cater. Ma les prümes döes scuadres de vigni rode passâ inant, les terzes y cuartes tlassificades podô deperpo śoghé por le “pozer”, na sort de rode de consolaziun. L’ultima de vigni rode tomâ fora definitivamënter. Ti cherć de finala y tles semifinales él spo gnü śoghé les partides a eliminaziun direta, che é stades dër combatüdes. Tla gran finala él rovè, sciöche bele dit, la scuadra sterscia da Vittorio Veneto y la scuadra dl’U.S. Lungiarü. I ladins à indere pordü chësta partida y s’à insciö assigurè le bun secundo post. Inće le pozer é gnü davagné da na scuadra dla Val Badia, plü avisa dala formaziun “Pech d’Al Plan”, che à batü tla finala la scuadra AF Aserbaijan.

Rode B Vu Cumprà - U.S. Lungiarü 1:1 US Fodom - Beach Boys 0:3 Vu Cumprà - Pension La Palsa 2:0 U.S. Lungiarü - US Fodom 3:0 Beach Boys - Pension La Palsa 0:4 Vu Cumprà - US Fodom 3:0 U.S. Lungiarü - Pension La Palsa 2:1 Vu Cumprà - Beach Boys 3:1 US Fodom - Pension La Palsa 0:3 U.S. Lungiarü - Beach Boys 6:1 Rode C Western Conf. - AF Aserbaijan

Cherć de finala: Durnis Pub - Western Conf. 3:4 US Lungiarü - I Fassli 2:1 Lachgummis - Vu Cumprà 6:5 I Fantastici - Maphia 3:2 Semifinales: Western Conf. - US Lungiarü 0:3 Lachgummis - I Fantastici 1:2 Finala 3. post Western Conf. - Lachgummis 0:3 döt cant. Al é gnü rengrazié en particolar la Cassa Raiffeisen Val Badia che à sciöche vigni ann sponsorisé le turnier y che sostëgn inće döta l’ativité dla Uniun. N bel dilan i él inće gnü sport ai volontars dla Crusc Blanćia da Corvara, ch’à indo fat le sorvisc de pröm aiüt, mo por fortüna n’él nia stè de gragn inzidënć. An po dì che la manifestaziun é indô garatada dër bun, chësc por

3:2 Misceles Ein Oiro - Pech d’al Plan 1:3 Western Conf. - Lachgummis 0:0 AF Aserbaijan - Misceles Ein Oiro 6:1 Pech d’al Plan - Lachgummis 0:2 Western Conf. - Misceles Ein Oiro 6:0 AF Aserbaijan - Lachgummis 1:5 Western Conf. - Pech d’al Plan 1:1 Misceles Ein Oiro - Lachgummis 0:7 AF Aserbaijan - Pech d’al Plan 0:0 Rode D I Fantastici - Iö y Vëi 3:1 I Fassli - Team Bracun 1:0 I Fantastici - Torpedo Torlos 4:0 Iö y Vëi - I Fassli 0:1 Team Bracun - Torpedo Torlos 2:0 I Fantastici - I Fassli 2:0 Iö y Vëi - Torpedo Torlos 3:2 I Fantastici - Team Bracun 1:0 I Fassli - Torpedo Torlos 5:0 Iö y Vëi - Team Bracun 0:5

Finala 1. post US Lungiarü - I Fantastici 1:3 Pozer I Mixeri - AF Aserbaijan 1:3 Pension La Palsa - Iö y Vëi 1:2 Pech d’Al Plan - Beach Boys 2:0 Team Bracun - Residence Miri 3:0 AF Aserbaijan - Iö y Vëi 1:0 Pech d’Al Plan - Team Bracun 7:6 AF Aserbaijan - Pech d’Al Plan 0:3 le mirit di volontars, dla tröpa jënt che é gnüda a ćiarè pro y inće dla disciplina dles scuadres che à tut pert. De chësta nöt de palê fej inće pert la festa tl tendun, te chël ch’al é dagnora na buna atmosfera, cun tröpa jënt che se devertësc al ritm dla musiga. Le mix danter sport y devertimënt é propi ći che caraterisëia chësta manifestaziun y ći che la desfarenziëia da d’atres. (sc)

Volontars à daidé

La scuadra terza tlassificada, i “Lachgummis”.

Da doman adora, do les 4, atira do ch’al é gnü stlüt jö les les partides de finala y canche al gnô bele indô prësc dé, él gnü fat la premiaziun söla plaza dl palê. Le presidënt dl’U.S.A. La Val Alex Alton y le vizepresidënt Thomas Deiaco ti à surandè ales mius scuadres les copes y sambëgn inće i pesć de scioldi. Ai s’à complimentè cun i śogadus y à danter l’ater rengrazié i tröc volontars che à laurè döta nöt y inće i dis dan le turnier por arjigné ca

La scuadra “Pech d’Al Plan” à davagné le “pozer”. www.lauscdiladins.com

39


Sport

nr. 32 / 22 de agost 2009

Rainer campion de Gherdëina Pra la 28ejima edizion dl Campionat de Gherdëina ie Rainer Demetz campion soziel. Bele per l cuinto iede Schach - L schach ne cunësc nia sajons y nsci va l’atività dla Lia Schach Gherdëina inant nce ntan i mënsc dl instà tl ann dl 50ejim aniverser dala fundazion dla lia. Cun i 25 de mei à metù man l Campionat de Gherdëina cun la partezipazion de 17 jugadëures. L ie unì stlut ju n lunesc ai 17 de agost cun l’ultima partida. Ruvà a si 28ejima edizion, god l campionat soziel dla lia dl schach da tlo de n primat te Südtirol che sotrissea l tenì adum dla lia y l mpëni costant de si cumëmbri. Per numiné l Campion de Gherdëina 2009 iel unì fat ora de fé jughé uniun set partides cun 90 menuc de tëmp prun a desposizion. L turnoi à udù partides dassënn cumbatudes, caraterisedes da n mpëni da pert de duc de dé l miec de sé, for cun gran fairplay. Nsci ie tl scumenciamënt riesc tumà tl uedl l bon juech de Sebastian Überbacher y Bruno Goller, canche plu stentei de zënza ruvova i resultac positifs de Franz Prinoth. Man man che l turnoi jiva inant fova propi i “seniors” Franz Prinoth y Richard Moroder boni de desmustré cun si juech na freschëza da amiré. La prima drëta dezijion n con’

dl campionat ie pona unida amesa turnoi, tl cuarto juech, canche Rainer Demetz à abù la sëuravënta sun Ruben Bernardi, tramedoi nchin a iló cun l mascimo di ponc. Per l numer un dl turnoi fova la streda splaneda per la vënta finela y la se tratova mé plu dla sëurandata di posć de unëur, ulache mo trueps pudova dì la sia. Ala fin se à plaza segondo exaequo Ruben Bernardi y Christian Grossi, tramedoi cun 5 ponc y 30,5 Buchholz. Di jugadëures sot a 1530 elo, categuria B, ie ruvà prim Bruno Goller cun 4 ponc, cuinto assolut, y de chëi sot a 1250 elo, categuria C, ie resultà l miëur Markus Delago cun 3,5 ponc. Sëula partezipanta ëila dl turnoi, ma che te gran pert dla partides se à mesurà ala per cun i ëi, ie stata Christine Perathoner. Campion de Gherdëina 2009 ie nsci deventà cun gran merit Rainer Demetz, vencian cun 7 ponc sun 7 per l cuinto iede chësc campionat renumà. Tla storia longia dla lia ie ël l undescejim Campion de Gherdëina. Per Christian Grossi se àl tratà dl prim arjënt do i doi iedesc bront y per Ruben Bernardi dl decimo plazamënt da podest a livel de valeda.

Gran publich per l Master de la Dolomites Tel zenter sportif de Ischia la garejèdes de dificoltà e velozità de rampinèda sportiva

Rainer Demetz campion soziel de schach, ntan che l s’la pënsa.

L jugadëur cun l plu tituli venciui resta Franz Prinoth, cun bën nuef devëntes, n record scialdi rie da valivé ora, destinà a tenì mo n struf. N rengraziamënt particuler per i pesc´ metui a desposizion ti va ala butëiga Delago Libri, ala Pizzeria Saskia y ala butëiga dala versura Klammsteiner, nsci nce ala Casses Raiffeisen de Sëlva y Ciastel che sustën l’atività ordinera dla lia ntan l ann. (rb)

Rampinèda - N grumon de jent se à binà a Ciampedel te Ischia en sàbeda passèda per la 10^ edizion del Master de la Dolomites, proa de boulder, dificoltà e velozità, de rampinèda sportiva. La garejèdes é tachèdes ite da doman bonora co la proa de boulder olache per la categorìa de ic à vent l campion Gabriele Moroni, che al moment l’é al terz post te la classifica de copa del mond de chesta disciplina. Moroni se à vadagnà l sciaier più aut a Ciampedel dedant e Stefan Scarperi e Jacopo Larcher. Te la categorìa de eles venta de Anna Gislimberti dedant a Sara Avoscan e Sara Moranti. Via per l domesdì la proes é jites inant co na via (soula) de dificoltà. Chiò Moroni l’à cognù se encontentèr del secondo sciaier,

defat la venta é jita a Jacopo Larcher e terz post per Manuel Coretti. Anter la fémenes prum post per Sara Avoscan, seconda Andrea Pruenster e terza Anna Gislimberti. L master se à serà sù da sera co la proa de velozità, fosc la più bela per l publich che se strenjea junsot a ge vardar sù ai atlec ge palesan dut sie sostegn. Anter i omegn à vent Michel Dirotti tedant a Nicola Tonet e Alessandro Boulos. Anter la eles venta de Sara Morandi che é stata bona de passèr via sia sor Jessica te la pèrt finèla e terza Anna Gislimberti. La venta finèla del master é jita a Gabriele Moroni e a la franzousa Melissa Laneve, che à garejà fora categorìa te la proes ajache no la fajea pèrt de la classifica CNO. (md)

“Voi na squadra de gran carater” Chest l prum obietif del nef coach Steve Stirling, che ensema a la direzion de la sozietà à portà a compiment na lingia de neva compres, che se spera posse arsegurèr n bon campionat Co vivede i ùltimes dis dant de scomenzèr la neva aventura te la Tèlia? Stirling: “Fin ades l’é stat n istà n muie empegnà, d’acort co la sozietà aon lurà n muie per meter ensema l roster de la squadra per l campionat.” Co éla che Ve aede pissà de vegnir a alenèr te nosc campionat e aede cernù la Val de Fascia dò la esperienzes de aut livel che aede abù tel passà, desche la NHL? “Bernd Haake, che l’é stat ence alenador del Fascia acà vèlch an, l me à rejonà tant ben de sia esperienza te voscia val, che é tout sù con piajer la proponeta di dirigenc de l’hockey Fascia. E dapò mia femena l’à reijes taliènes e amò vèlch parent che vif a Caserta, a duc doi ne pièsc viajèr, aon jà abù la fortuna de vijitèr la Tèlia ti egn passé e vosc paìsc ne pièsc n muie. Sion contenc de vegnir ence per emparèr mìngol de talian e cognoscer voscia cultura.” Dai neves jiadores che aede volù tor tel Fascia, ne sà de capir che volede pontèr su la calità. Co i aede cernui e che podede ne dir di bec che vedaron per la pruma outa sun noscia giacia? “Canche aon scomenzà a meter ensema l roster de la squadra, aon tout la dezijion de chierir carater, carater e amò carater. I neves jiadores che aon tout ite i à desche

40

www.lauscdiladins.com

pruma priorità la squadra, e dò ic enstesc. E aldelà del carater, ve arsegure che l’é ence de bogn jiadores. Tropes i à jià con suzess a livel AA tel NordAmerica e tropes à abù esperienzes a livel AAA (AHL). L portier Adam Dennis l’à la maor esperienza en AHL. Béleche duc i é vedui jièr de persona, e me à piajù chel che é vedù su la giacia. Podede scomenzèr a memorisèr si inomes: l portier Adam Dennis, i defensores Aaron Power e Matt MacDonald e i atacanc Derek Edwardson, Steve Crampton e Brad Bonello. Co la sozietà sion ence dò che luron per jontèr amò n pèr de inomes a chesta lista: chisc disc firmarà n joen “italo” n muie enteressant.”

Levoni te chest campionat? “Nosc obietif l’é chel de aer na squadra che laora debel e se la jia fora con ogne aversarie, te duta la partides. Se sion bogn de fèr chest, podaron venjer noscia quota de partides e competer con duc.” Volede ge dir vèlch ai sostegnidores del Fascia? “Rejone a inom mie e de duc i neves jiadores, canche die che no vedon l’ora de ruèr a Cianacei. Volon che duc posse esser stolc de la squadra. No veide l’ora ence de scontrèr de persona i jiadores taliegn e de scomenzèr a lurèr con ic”.

Bel tëmp y tennis Turnier tennistich a Corvara cun agonism y tröp publich

Intervista de Giorgio Pedron

Segur aede vardà co che l’é dò che se mef ence l’autra formazions. Che pissède del livel tecnich de nosc campionat? “Ti ùltimes egn é vardà delvers, via internet, ence vosc campionat de Serie A. Cognosce l jech de la maor pèrt di stranieres e ence di italo del campionat e cree che, apede ai tenc bravi jiadores de scola talièna, i podarà creèr na atmosfera forta e competitiva per dut l campionat... Nos pontaron sun na sort de jech “uptempo”, che met adum n jech da ferstont, ma ence catif en atach, vardan de schivèr gregn risesc che spert defensores e portier”. Che pèrt podarèl aer l Fassa

La strutura de rampinèda sportiva de Ischia a Ciampedel l’é stat endò teater de prestazions de aut livel.

Da man ciampa: Silvia Thunig - la miù dles ëres, spo i mius di ëi Luigi Tasser, Gabriele Matteoni y Silvio Bianchi, y Valeria Bianchi.

Steve Stirling.

Corvara - Turnier de tennis Alta Badia dai 11 ai 14 d’agost 2009, resservé a śogadus y sogadësses cun tlassifica mascimala 4.1. Le vëndres domisdé dl 14 d’agost él spo gnü tignì les finales, cun tröpa jënt che ćiarâ pro, inće por merit dl bel tëmp. Tles gares feminiles à davagné tlermënter Silvia Thunig, tratan

che ti jüć di ëi y ala fin te na finala combatüda ia y ca él stè Silvio Bianchi che à albü la miù sön le toscann Gabriele Matteoni. La premiaziun à podü i surandè ai mius y ales mairontes i pesć metüs a desposiziun dal Consorz Turistich Alta Badia. Cun n pice renfrësch à i amanć dl tennis ćiamò podü s’la cuntè pro le Bar Sport.


Informazions y Manifestazions

nr. 32 / 22 de agost 2009

Avisc Les stëres tles Dolomites: serades dedicades al’astronomia L’Assoziaziun Turistica da Corvara cun la colaboraziun dl’Assoziaziun Astronomica da Cortina mët da jì ai 26 d’agost l’ultima sëra de astronomia “Les stëres tles Dolomites”. An po s’anunzié te düć i ofizi dles assoziaziuns turistiches dl’Alta Badia o al numer 0471/836176 (ofize da Corvara). I s’incuntun te biblioteca En mertesc ai 25 d’agost dales 15.00, vëgnel metü da jì te biblioteca a Badia n domisdé por mituns y mitans, olache al gnarà cuntè stories, pastlenè y fat jüć. Organisaziun: Biblioteca Sas dla Crusc.

♦ 24. Dis dl vin a Kaltern ai 3 y 4 de setëmber Uni ann canche l vën tlupà l’ua nvieia i produtëures de vin de Kaltern ai “Dis dl vin de Kaltern“ Uni produtëur de vin mët ora sot a na tenda cuecena sun plaza n valguna dla miëura sortes de si vins da ciarcë, de ndut passa 150 vins. La paures y l cunsorz di hotelieres njenia d’uni sort de bona spëisa. L vën nce pità n program ntëurvia cun na scumenciadiva speziela bele al scumenciamënt: la “Mprescions dl lech de Kaltern“ ai 1. de setëmber da mesa la ot da sëira tl ambient unich dl Ansitz Giovanelli a St. Anton. Tlo vëniel prejentà l vin „tlassich“ de Kaltern cumpanià da d’uni sort de variazions de ciociul y pan sëch y mujiga Jazz. Plu nfurmazions giàpen cherdan su l numer de tel. 0471/96 410 o sot ala plata www. wein.kaltern.com.

Udiënzes dla Uniun di Ustis La Uniun di Ustis tëgn udiënzes inće tla Val Badia, plü avisa vigni secundo y cuarto lönesc dl mëis, dales 15.00 ales 16.00, tla Cassa Raiffeisen a La Ila. Infos sön le program www.manif.it Stephan Ploner, coordinadù dl sorvisc de formaziun Val Badia, tignará en lönesc ai 24 d’agost dales 20.00, na serada de informaziun sön www.manif.it, le program internet di consëis de formaziun, a La Ila, tl salf de computer dla scora mesana. Al gnarà splighé le program y dè consëis sön co che an po l’adorè. Al é ponsè por les uniuns y istituziuns che organisëia manifestaziuns, por presidënć y i consëis de formaziun y sambëgn por düć i interessà. Tofles nueves sun i troies La Lia da Mont de Gherdëina fej a l savëi che duc i troies de nosta valeda ie unic tëuc su cun n strumënt aposta y che da śën inant pòssen i udëi te internet sot a l portal www.trekking. suedtirol.info. Duta la tofles che ie sun chisc troies vën śën giamiedes ora cun de nueves che dëssa nce mustré su l numer dl troi y truepes dëssa nce repurté tan giut che n à a arjonjer cërta destinazions. L unirà nce metù su te vel’ luegia na tofla che mostra ulache n ie y l’autëza sëura l livel dl mer. Biblioteca de Sëlva - orares La biblioteca “Oswald von Wolkenstein” de Sëlva fej a l savëi che ntan l mëns de agost réstela davierta de merdi, mierculdi y vënderdi nchin la 10 da sëira. Zentrela di consumadëures L KVW nvieia duc ala ëures de nfurmazion cun la Zentrela di consumadëures, n mierculdi ai 2 de setëmber dala 15.00 ala 17.00 a Urtijëi, sun plaza Stetteneck, tl auto dla zentrela di consumadëures. Argumënc prinzipei: telecomunicazions, assegurazions nce per i auti, abité y frabiché, test di udleies da surëdl, mesuré la radiazions dl zeluler, cumpré tres internet y n.i. Nuzëve duc de chësta ucajion per no messëi furné a Bulsan. Entorn Vich En mèrtesc ai 25 de aost l Comitat manifestazion de Vich endreza l quarto apuntament de l’istà 2009 con degustazion, musega, artejanat e folclor fora per la strèdes del paìsc. Da les 20.30 enscin les 22.30 i volontadives é a la leta per moscèr veies mestieres, endeletèr con sia musega e sporjer magnadiva tradizionèla. Manifestazions tl Museum Gherdëina Juebia, 27.08: „Sun la fusties dl tesòr“ - Juech interatif per pitli y granc cun Milva Mussner y Roswitha Tedeschi. TRIX La grupa TRIX nvieia duc n sada ai 29 de agost a na ancunteda de juesc da mëisa tla Cësa di jëuni, ert y cultura a Urtijëi. Ancunteda per mutons: dala 14.00 ala 17.00; ancunteda per jëuni y granc: dala 20.00 ala 24.00 (open end). L sarà uni sort de juesc! Unide duc a fé pea uni ultima sada dl mëns! De plu nfurmazions pudëis giaté sot a www.trix.bz - www.gardenagaming.com

♦ Contlujiun cun le cor dla Wiener Staatsoper Le festival “Mountains and Music”, metü da jì dala assoziaziun Badiamusica, va a piz do n isté rich de iniziatives, che à portè sön les paladines ladines musizisć conesciüs a livel internazional. L’ultim apuntamënt é fissé por i 27 d’agost a Badia Le conzert de contlujun dla sajun da d’iste, ai 27 de agost dales 21.15 a Badia, tla Ciasa “Jan Batista Runcher”, é n apuntamënt che i apascionà de musiga ne podarà nia se perde. Por le pröm iade saral da aldì tla Val Badia le Cor di ëi dla Wiener Staatsoper. Le cor dla Wiener Staatsoper é metü adöm da 92 ćiantarins che se dà jö por 250 dis al ann cun operes, baleć y d’atres composiziuns por cor y orchestra. Le cor di ëi che sarà da aldì a Badia sarà formè da 24 ćiantarins, sot la direziun de Thomas Lang, che gnarà acompagnà al tlavier da Kazuko Steller. Le cor portarà dant compisiziuns corales dla perioda romantica, dal repertore de de gragn componisć todësc sciöche Silcher, Schubert, Schumann, Bruckner, Mendelssohn. La secunda pert dl program ti gnarà dedicada ales operes liriches y al gnarà portè dant composizuns corales tutes fora da operes dër conesciüdes sciöche la “Zauberflöte” de Mozart, “Rigoletto” de Verdi, “Der Freischütz” de C.M. von Weber, “Fidelio” de Beethoven, “Der Fliegender Holländer y Tannhäuser” de Wagner y ćiamo tòć fora de operes de Offenbach y Gounod. L’assoziaziun Badiamusica tol l’ocajun da invié düć i apascionà de musiga a chësc bel conzert. Le cor che ćiantarà a Badia ai 27 d’agost.

Passa 150 sortes de vin.

Religion y Meditazion UML - Spazirada tla natöra cun la Bibia La Uniun Maestri Ladins inviëia en mertesc ai 25.08. sön Senes a na spazirada cun la Bibia a odëi y medité le “BEL” dla Creaziun. An s’abina dales 9.00 ta Pederü, por pié ia deboriada cuntra Senes. Al nes acompagnëia le professur en ponsiun siur Otto Ellecosta, che à gran esperiënza te chësc ćiamp. Al vel inće sciöche trëi ores de ajornamënt. Düć é dër bel invià: amisc y d’atri. Informaziuns al 0474/501047 (da sëra) o 347/4117087. Prozesciun da Oies a Porsenù Tratan l’Edema di Jogn 2009 “Chiri mi tru” gnaràl indô organisé la prozesciun da Oies a Porsenù a pé, plü avisa la sabeda ai 12 de setëmber. An piarà ia dales 3.00 da doman. Al é bele śëgn la poscibilité da s’anunzié, te Sorvisc ai Jogn al nr. 0474/523070. Le cost por la coriera da gnì zeruch y la cëna a Porsenù é de 15,00€ a porsona. Al é da paié ite danfora tla Cassa dl Sparagn, IBAN IT 41 K 06045 58181 000000080400, don dant l’inom y le paîsc. Laprò él da menè n fax cun zertificaziun che al é gnü paié te Sorvisc ai Jogn, al nr. 0474/524312. Pelegrinaje tl santuar de Maria Lavant y a Zell am See Le KVW de Badia, La Ila y San Ćiascian inviëia düć da tó pert a n pelegrinaje de dui dis tl’Austria, plü avisa al santuar de Maria Lavant y a Zell am See, i dis 30 de setëmber y 1. d’otober. Le iade cun dormì y mangé costa 110,00€ (100,00€ por i scrić ite al KVW). Por prenotaziuns y por le program plü menü pon telefonè anter le 31 d’agost a Iaco Clement (tel. 0471/839772. I posć te bus vëgn resservà aladô dla data de prenotaziun.

Festes Popolares Festa ta Dèlba col Grop Folk Va inant anché, sabeda ai 22 de aost, e doman, domenia ai 23, la festa endrezèda dal Grop Folk de Cianacei tel tendon aló dal piaz de la forenadoa del Ciampac. Insnet da les 19.00 se podarà veder e scutèr la Schuhplattlerinnen Woldspotzn Pustertal e dapò la musega di “Dolomix”. En domenia da les 11 da doman l’é l conzert de la Mùsega de Caldonazzo, dò la marena te tendon da les 15.00 l’é la defilèda di gropes folk da piaz de Dèlba e da sera cena e musega coi “Etschland Express”. Festa dla Musiga d’La Pli de Mareo

Nia a Longega, mo tl zënter d’La Pli saral chësc ann la Festa dla Musiga. Sabeda y domënia, ai 22 y 23 d’agost 2009, gnaral pité musiga, orela cörta y de bun da mangé y da bëre. La sabeda dales 19.30 sonarà le duo Ivan y Katrin, dales 22.00 inant Alexander Dal Plan cun sü compagns. La domënia jarara spo inant bele danmisdé cun na matiné incornijada dala musiga de “Die Haller’s”.

Dotors y Apoteches Dotor L dutor de servisc dala 10.00 da duman de n sada 22 de agost nchin la 8.00 da duman de n lunesc 24 de agost ie l dut Valentin Tröbinger de Sëlva, tel. 0471/773073.. Le dotur en sorvisc tla findledema dai 22 ai 23 d’agost, ti comuns de Mareo y San Martin, é le dotur Aldo Marcocci, Al Plan, tel. 0474/501039 o 338/7280518. Ti comuns da La Val, Badia y Corvara saràl en sorvisc le dotur Guido Caretta, Calfosch/Corvara, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënerdi (dala 19.00) ai 21 de agost nchin n vënerdi ai 28 de agost ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 21 al vëndres ai 28 d’agost, é chëra da La Ila, tel. 0471/847152, orars: 8.30-12.00 y 15.00-19.00.

www.lauscdiladins.com

41


Informazions y Manifestazions

nr. 32 / 22 de agost 2009

♦ Musiga da ćiamena

♦ Conzert te Dlijia a La Val

En lönesc ai 24 d’agost 2009, dales 21.00 tl Salf dles manifestaziuns a Al Plan de Mareo podarunse ascutè sö le duo Renzo Huber (tlavier) y Angela Palfrader (vidora)

Le Cor de Dlijia da La Val inviëia en sabeda ai 22 d’agost 2009 dales 21.00 a n conzert tla Dlijia da La Val

Deplü é bele stà i conzerć che Renzo Huber d’Al Plan de Mareo y Angela Palfrader d’La Pli de Mareo à dè chësc isté. A Al Plan gnaral metü da jì le conzert da pert dl’Assoziaziun Turistica. Le repertore che i dui musizisć portarà dant tol ite: la Sonata por vidora y tlavier Nr. 1 te D-Dur, D 384 de Franz Schubert (Allegro molto, Andante, Allegro vivace), la Sonata por vidora y tlavier Nr. 4 te a- Moll Op. 23 de Ludwig van Beethoven (Presto, Andante scherzoso, piú allegretto, Renzo Huber y Angela Palfrader. Allegro molto) y la Sonata por vidora y tlavier te F- Dur de Felix Bartholdy Mendelssohn (Allegro vivace, Adagio, Allegro vivace).

Iniziatives sportives Meeting di Monciogn

Al ćianta le Cor adöm cun na orchestra metüda adöm por chësta ocajiun da deplü musizisć/ tes de nosta valada y inće da foradecà. N cuartet de tlarineć sonarà amesa ite n valgügn toć. Por le conzert vëgnel dè ca n contribut da pert dla Fondaziun dla Cassa dl Sparagn “Sparkassenstiftung”. Düć é dër bel invià!

Le Cor de Dlijia da La Val.

Cursc Curs de formaziun profescionala por asistënt/a sozial/a

L’Uniun Pëiapësc Badia organisëia en sabeda ai 5 de setëmber na gara da pié pësc por mituns dai 8 ai 16 agn, pro le lech a La Ila. Le cost é de 15,00€, cun lizënza da pié pësc sön le lech, por podëi pié alplü 3 pësc y laprò val’ da mangé. An s’incunta pro le lech a La Ial dales 10.00. La gara sarà dales 11.00 ales 12.00. Informaziuns y prenotaziuns anter la jöbia ai 3 de setëmber al nr. 335/8398720 (Enrico Zona) o al nr. 338/1807071 (Gilbert Irsara).

Le K.V.W. dl raiun de Puster mët da jì n curs (todësch) de formaziun profescionala por assistënć soziai. Le travert dl curs é chël da insigné i partezipanć da se dè jö profescionalmënter cun porsones de tëmp, porsones cun andicap y cun maraties psichiches. Do avëi stlüt jö positivamënter le curs cun n ejam, ciafa i partezipanć la cualifica profescionala de assistënt sozial cun diplom dla scora profescionala provinziala. Cun chësta formaziun profescionala podaràn laurè te istituziuns publiches o privates, sciöche ćiases de palsa, ćiases de cura, comunitês por andicapà y por jënt cun maraties psichiches. Le curs döra 3.000 ores, de chëstes 1.700 de teoria y 1.300 de practicum. Le curs vëgn sostegnì dala Provinzia Autonoma de Balsan y ne costa nia. Al metarà man da d’altonn 2009 y se rovarà dl 2013. Informaziuns plü menüdes ciafon pro le K.V.W. da Bornech, strada Dante nr. 1, tel. 0474/411149, e-mail: bezirk.pustertal@kvw.org.

N dé cun i mënacrëp

Cursc de inglesc

La Lia da Munt Ladinia - Grup jonila, mët da jì en sabeda ai 29 d’agost n dé cun i mënacrëp, sön le ju de Valparola, olache an jarà a s’arpizé y a porvè fora tecniches dl’arpizada. Düć y mituns y les mitans dla Lia da Munt é bel invià da tó pert a chësta escursciun. I piarun ia dales 8.30 da La Ila demez. Por informaziuns plü menüdes y por prenotaziuns pon telefonè a Verena, al nr. 0471/847553.

Le KVW de Badia organisëia dui cursc de inglesc, un por prinzipianć y un por progredis. I cursc mët man ai 14 de setëmber dales 20.00, tla Cassa Raiffeisen a Badia, y vëgn tignis por indöt 10 iadi (2 ores a sëra), dui iadi al’edema. Le prisc é de 60,00€ (40,00€ por i scrić ite al KVW) plü le material didatich - dui libri y CD - por 32,00€. Por informaziuns y iscriziuns pon cherdè sö Iaco Clement al nr. 0471/839772 o 339/6257779.

Turnoi de Beachvolley

Curs de balet

L ASV Volley Gherdëina mët a jì n turnoi de beachvolley n dumënia ai 23 de agost dala 9.00 tl zënter dal tennis a Runcadic. L ie n juech per amatëures cun trëi jugadëurs per scuadra. N possa se scrì ite nchin ai 19 de agost. Per plu nfurmazions tel. 339/8379616 o email egon.rabanser@dnet.it.

La Uniun dl Sport da San Martin mët da jì adöm cun la maestra de bal Renate Spetzger da Balsan, n curs de balet, plü avisa da setëmber 2009 ćina a mà 2010. Al vëgn insigné balet tlassich, modern, hip-hop y breakdance. Mituns y mitans che foss interessà al curs, po gnì a ćiarè na picia raprejentaziun, che sarà ai 9 de setëmber dales 14.00, te palestra a San Martin. Por informaziuns pon inće cherdè sö diretamënter la maestra Renate Spetzger, al nr. 0471/975078.

Ai 23 de aost a Poza vegn endrezà la garejèda de corsa no competitiva “Meeting di Monciogn”: se pea via dal paìsc da les 10.00 per ruèr sù de corsa enscin sui Monciogn. Gara da pié pësc por mituns dai 8 ai 16 agn

11.Val Gardena Extrem garejeda de sauté da mont su

La garejeda ie ai 6.09. La lunghëza ie de 19,1 km cun n deslivel de 1.525 m. Pià via vëniel dala 10.00 da Urtijëi, Plaza Rezia nchina sun la furcela de Saslonch. Garejeda de nordic walking dal jëuf de Sela nchin sun la furcela. L ie da sauté 3 km cun i fusc’. Garejeda che fej pert dla grupa garejedes for altitude. L’iscrizions ie daviertes nchin ai 5 de setëmber dala 12.00 damesdì pra l’assoziazion turistica de S.Cristina, tel. 0471/777800, fax 0471/793198, email: s.cristina@valgardena.it o pra l HC Gherdëina info@hcgardena.com. II Trofeo Mario Iori

En mercol ai 26 de aost da les 20.45 pea via te piaz de Dèlba l III Trofeo Mario Iori, garejèda de corsa sa mont no competitiva. Dal piaz de Dèlba se rua fin sal refuge Tobià del Giagher sun Ciampac dò n percors de 3,5 km. con n dislivel de 680 metres. La premiazion vegn fata te refuge olache vegn endrezà ence la cena per atlec e spetadores. Per informazions e per se scriver ite se pel chiamèr l Tobià del Giagher al numer 0462.602385, o ence l’ofize di foresć de Dèlba al 0462.609550 o Roberto Lorenz (Fritz) al 337.450044.

Sozial Deberieda a Persenon La Grupa Deberieda nvieia duc a na pitla jita tl Parch Lido a Persenon a maië n dlacin y se la ciaculé n cumpania. Se ancunton n juebia, ai 3 de setëmber dala 16.00, coche for sun l Puent de Pana a Urtijëi.

Festa per mutons dl “Pavël” L VKE Sezion Gherdëina mët a jì la festa che stluj ju l instà dl “Pavël”, n dumënia ai 23 de agost tl zënter Iman a S. Cristina. L vën scumencià cun na santa mëssa dala 10.30, acumpanieda dala Mujiga di Jëuni de Gherdëina. Da dedò vàn inant cun juesc y devertimënt sun la tematica di indians. La manifestazion vën metuda a jì deberieda cun la Mujiga di Jëuni de Gherdëina, che fajerà nce na bela defileda deberieda cun la mujighbes di jëuni dla Ladinia. Sambën saràl nce plu cunzerc da scuté su ntan l domesdì. L vën nce pità da maië y da bever.

42

www.lauscdiladins.com

♦ Gospels y spirituals Conzerć dl cor Kèrygma a Badia y te Gherdëna, cun la partezipaziun de Georg Malfertheiner Le cor dles ëres Kèrygma inviëia a trëi conzerć de gospels y spirituals. Le pröm sarà en mercui ai 26 de agost dales 21.15 tla dlijia de Badia. Chësc sarà n conzert de benefiziënza por la Cina, olache Verena Valentin de Badia laora te na “Ćiasa Familia” dl’Assoziaziun Papa Giovanni XXIII. Le secundo apuntamënt é por en lönesc al 31 d’agost dales 20.30 tla dlijia de Ćiastel, le terzo en jöbia ai 3 de setëmber dales 21.00, tla dlijia de Santa Cristina. I spirituals é nasciüs al tëmp dla stlavité di africans. Ai à ciafè forza, speranza y fede tla religiun cristiana y à insciö metü man da ćiantè ćianties che tratâ suradöt dl dejider de libertè. Plü tert él spo nasciü i gospels che gnô acompagnà da tlavier, chitara y tamburins. Le cor dles ëres Kèrygma, sot la direziun de Agnes Irsara, gnarà acompagnè te chësc conzert da Benno Canins al bas y da Georg Malfertheier ales percusciuns. Le percuscionist conesciü de Gherdëna portarà dant te chësta ocajiun inće composiziuns por Le Cor “Kèrygma” tignarà conzerć de gospels y spirituals a marimba (stromënt latin-american). Badia, a Ćiastel y Santa Cristina.


nr. 32 / 22 de agost 2009

Mostres Mostra de Fernando Brunel a Vich Va inant enscin ai 25 de aost a Vich, te tobià de Solar, strèda de la Torn de Vich, la mostra de chèdres “Invern 2009” de l’artist Fernando Brunel. Endrezèda en colaborazion col Comitat manifestazion de Vich, l’esposizion é averta ogne con orarie 17.00 - 19.00 e 20.30 - 22.00. Mostra chèrtes de posta militères a Ciampedel Va inant enscin ai 29 de aost te sala del consei de comun de Ciampedel la mostra “Cartolines militères ilustrèdes e en franchigia de la Gran Vera 1914 -1918”. L’esposizion, endrezèda da l’Assessorat a la Cultura e Istruzion de Ciampedel adum con l’Istitut e Museo Ladin de Fascia e la Scola alpina de la Guardia de Finanza, é da poder veder te l’orarie 16.3019.00 e 20.30-22.00. “Arpejon desmentièda” tel Museo de Fascia La mostra “Arpejon desmentièda”, coi dessegnes de l’architet Damiano Magugliani che moscia tobié e veia majons de Fascia e Fiem, testamonesc de n’arpejon destrabonida, é da poder veder te Museo Ladin a Sèn Jan enscin ai 10.09., duc i dis con orarie 10.00-12.30 e 15.00-19.00. Mostra de Marta Sasso a Vich Enscin ai 25.08 te la sala grana de la scola populèra J. B. Massar de Vich se pel veder la mostra de Marta Sasso “Non solo pittura”, averta ogne dì da les 16.00 -18.30 e da les 21.00 - 22.30. Bisches en mostra “I reptils de Südtirol” é le titul dla mostra a tëmp che é da odëi tla Ćiasa dl Parch Natural a Al Plan de Mareo. La mostra é daverta dal mertesc ala sabeda dales 9.30 ales 12.30 y dales 16.00 ales 19.00. L’entrada é debann. Natöra via - Dolomites Te Istitut Ladin a San Martin él gnü daurì na mostra de fotografies de Hans Pescoller y Paolo Erlacher, dal titul “Natöra via - Dolomites”. La mostra é da odëi ćina al 31 de agost, vigni dé dales 10.00 ales 12.00 y dales 16.00 ales 19.00, la jöbia inće dales 21.00 ales 22.30. Mostra de bera Śepl da Jumbierch L Istitut Ladin Micurà de Rü y l Museum Gherdëina mët a jì a Urtijëi tla Cësa de Cultura na mostra per uneré l gran artista de Gherdëina. La mostra ie cumpanieda da n catalogh de 112 plates. De ndut saràl da udëi za. 110 opres d’ert. La scumenciadiva ie unida finanzieda dal Assessorat ala Cultura ladina y dal Chemun d’Urtijëi. La mostra resterà davierta nchin ai 27 de setëmber, dala 10-12, dala 16-19; juebia y sada dala 20-22; lunesc dsarà. Tla mostra a Bulsan, che sarà plu inant, saràl da udëi dantaldut opres plu intimes dl artista de Gherdëina, ntant che tla Cësa de Cultura a Urtjiëi uelen documenté plu si troi artistich. Mostra de Wilfried Mussner Wilfried Mussner mët ota na mostra de chedri dal titul “La dumbria dla vita“, tl Wolkensteinerhaus a Mühlbach te Puster. La mostra resta davierta nchin ai 30 de agost dala 10.30 -12.00 y dala 17.00 - 19.30. De lunesc iel stlut. Mostra de libri Ntan dut l instà iel tla biblioteca “Tresl Gruber” a S. Cristina na mostra de libri da jì sa mont, jì a crëp y jì cun la roda tla Dolomites. L vën metù a despusizion libri, chertes per jì sa mont, zaites y DVD. Chisc media unirà sambën nce mprestei ora. Wilhelm Senoner tla Hofburg Tla mostra sot ai revëuc ti ciuleies medievei dla Hofburg a Persenon lascia l artista de Urtijëi udëi si scultures monocromes n pert de lën y n pert jetedes tl bront. Tres l liam strënt danter tradizion y modernità lùnel tres te si lëures na sort de realism magich y tl medemo tëmp de simbolism. La mostra tl Museum Diozejan Hofburg resterà davierta nchin ai 31 de utober da merdi nchin dumënia, dala 10.00 ala 17.00. Mostra de Viktor Senoner Duc ie nviei de cuer a unì a ti cialé ala mostra de chedri a uele de Viktor Senoner tl Hotel Tyrol a St. Magdalena te Funes. La mostra resta davierta nchin ai 5 de setëmber. Digi.tal – Mostra de Stanislav Vajce Stanislav Vajce artista dla Republica Ceca prejënta si opres tla sala dla Lia mostra d’ert. Ël à mparà l mestier da mecanicher per julieres y à bele da for na gran pascion per la tecnica y l’eletronica. Metan adum chësc savëi cun l nteres y l studio dl’ert tl’academia de Minca, iel unit a se l dé che l ie nstes bon de mëter adum de pitla y de majera mascins prugramedes, tlamedes normalmuenter robot. Sëuraprò saràl da udëi sun i pareis chedri fac cun linges de LED. La mostra ie davierta nchin ai 29 de agost dal merdi al vendërdi 16.00-19.00 y 20.00-22.00, sada y dumënia: 09.00- 12.00. De lunesc iel śarà. Mostra de fotografies de Hans Pescoller y Paolo Erlacher tl Istitut Ladin Tl Istitut Ladin a San Martin de Tor él da odëi la mostra de fotografies de Hans Pescoller y Paolo Erlacher dal titul "Natöra via - Dolomites". La mostra é daverta ćina ai 31 de agost dales 10.00 ales 12.00 y dales 16.00 ales 19.00, la jöbia inće dales 21.00 ales 22.30.

Iadi y Escurscions Lia Da Mont De Gherdëina - Jita per families sul Hirzer La jita ie n dumënia ai 30 de agost. L Hirzer ie 2.781 metri aut. L ie na jita saurida adateda per families. L ie da fé 700 metri de deslivel y da jì plu o manco 5 - 6 ëura. Iscrizions nchin a n vënerdi ai 28 de agost a Urtijëi da Ciofs Inge, a S.Cristina da Sport Service y te Sëlva da Sport Bruno Riffesser.

Informazions y Manifestazions Iadi y Escurscions Escursciun sön Col dala Pieres La Lia da Munt La Val mët da jì en doman domënia ai 23 d’agost na escursciun sön Col dala Pieres. An pëia ia da Pidrô demez (La Ćiasota) ales 8 da doman. Cun auti privać van ćina a Santa Cristina, por jì spo cun le lift sön Col Raiser. Da dailò inant jaràn a pè, passan ia la ütia de Cisles, la Forcia de Siëles (2.512 m) ćina sön la piza dl Col dala Pieres (2.759 m). Jöpert jaràn por la munt de Stevia, Sciorta de Silvester, rovan insciö indô zeruch jödapè dl lift de Col Raiser. Le tëmp da jì a pè é de 4-5 ores. Por informaziuns plü menüdes pon cherdè sö Heidi al nr. 333/9642470. Por chestiuns de assiguraziun mëss i partezipanć ester scrić ite ala Lia da Munt AVS. Lia da Mont de Gherdëina - Jita per families La Lia da Mont Gherdëina nvieia duta la families a na jita de doi dis cun pernutamënt te na utia. L post unirà mo fat a l savëi. Nfurmazions plu avisa y iscrizion a Urtijëi da Ciofs Inge, a S.Cristina da Sport Service y te Sëlva da Sport Bruno Riffeser. Catores - spedizion y trekking La scola mëinacrëp Catores mët a jì na spedizion sul Aconcagua dai 15 de nuvëmber nchin ai 4 de dezëmber. Per plu nfurmazions pudëis cherdé su Hubert 335/6380061, n trekking tla Patagonia dai 5 de nuvëmber nchin ai 22 de nuvëmber y tla terra del fuego. Per nfurmazions pudëis cherdé su Adam 335/6253156 y na spedizion sul Mt. McKinley ai 13 de juni dl 2010. Per nfurmazions pudëis cherdé su Willi 339/6313346. Jita te Puster L Muvimënt catolich dl’ëiles de S.Cristina nvieia duc ala jita te Puster n merdi ai 1. de setëmber. Furneron deberieda cun la curiera a Issing ulache jiron a ti cialé al verzon dala ierbes y la „Latschenölbrennerei“. Da dedò jirons inant a Maria Saalen per na bona marënda y pona iel na pitla funzion tla dlieja de pelegrinaje. Furneron de reviers a cësa tres la Val Badia. L vën pià via dala 8.30 dal Hotel Dosses a S.Cristina. N possa senté ite pra duta la fermedes dla curiera. Per la curiera y la marënda (zënza la buandes) iel da paië ite tla Cassa Raiffeisen de Sëlva 40 €, dai 24 de agost inant. Per nfurmazions plu avisa pòssen cherdé su Anneliese Kasslatter, 339/6783073.

♦ I tesurs dla natöra Erbes de medejina y alchimia. Al vëgn tignì n curs dai 10 ai 12 de setëmber Da vedlamënter incà à les erbes na funziun significativa tla medejina tradizionala y tl’alchimia. Chësc seminar ne se condüj nia ma tl rëgn dles erbes y te sües poscibilitês desvalies de adoranza, mo inće tl cör dl’alchimia. Deboriada orunse imparè da conësce plü avisa plantes locales, capì sües carateristiches y nes dè jö cun l’essënza dles erbes, sciöche p.ej.: ciarì, olasolz, ciüfs de San Jan, angelica, consolida majora, ćiandëra de re. Implü nes dedicarunse ala produziun de öri da massaja, tintöres, peelings, anghënt y n menü a basa de plantes y inće a nosc bëgnester personal. Adoran produć de cosmetica naturala y fajon meditaziun. Tres chësc seminar romagnon en contat cun la magia dles plantes desvalies, che arà n efet purificant y revitalisant sön nos. Chësc seminar é adatè por nia N ciüf de olasolz. profescionisć y terapeuć. La pert teorica tolarà ite la medejina Paracelsus - basa de alchimia y spagirica - tria principia - sciënza dles carateristiches y forzes simboliches di planëć plantes curatives. Tla pert pratica jaràn ite tla produziun de tintöres, öri da massaja (estraziun a ćialt y frëit), anghënć, peelings y n menü cun erbes. La referënta dl seminar é Sandra Memmo, spezialisada tl ayurveda, che se dà jö dal 1990 incà tla formaziun sanitara. Les dates é la jöbia ai 10 de setëmber dales 14.00 ales 19.00, le vëndres ai 11 dales 9.00 ales 18.00 y la sabeda ai 12 dales 9.00 ales 16.00. Le curs vëgn tignì por todësch, tl Hotel Monte Sella a Al Plan. Le cost é de 370,00€ a porsona. Por informaziuns pon inće telefonè al nr. 0474/501034.

Mostra tl Museum Ladin Ciastel de Tor

L se trata de na mostra speziela ntituleda “Sëura la montes de viers dla libertà” dai 4 de setëmber nchin ai 4 de auril dl 2010 L Museum Ladin Ćiastel de Tor à l plajëi de nvië duc canc ala giaurida dla mostra “Sëura la montes de viers dla libertà” n vënderdi, ai 4 de setëmber dala 6 da sëira. L ie na mostra sun l’alpinism dedicheda a Karl Unterkircher. Ntan la mostra iel nce vel’ manifestazions. N vënderdi ai 11 de setëmber dala 20.30 prejentazion dl liber “L’ultimo abbraccio della montagna” de Silke Unterkircher y Cristina Marrone. N vënderdi ai 9 de utober dala 8 da sëira, Maria von Blumencron letura multimediela “Auf Wiedersehen, Tibet. Auf der Flucht durch Eis und Schnee.” N possa ti cialé ala mostra dai 4 de setëmber nchin ai 31 de utober dal merdi ala sada 10.00 – 18.00, la dumënia 14.00 – 18.00. Da nuvëmber 2009 nchin de auril 2010 ntan l orar L placat che nvieia ala manifestazion. dl museum o nce sun prenotazion. www.lauscdiladins.com

43


Informazions y Manifestazions Chino

nr. 32 / 22 de agost 2009

Referac

Programazion al chino de Pardac

“La femena de Mussolini” a MoenaIncontri

Al chino de Pardac en sabeda ai 22 de aost da les 21.15 se pel veder l film “Una notte da leoni” en domenia ai 23 da la medema ora “Harry Potter e il principe mezzosangue”. En mèrtesc ai 25 vegn metù dant “Vincere” de Marco Bellocchio e en mercol ai 26 “La rivolta delle ex”. En jebia ai 27 de aost semper da les 21.15 l’é denef en programazion “Gran Torino” e tel fin de setemèna che vegn sarà da poder veder “L’era glaciale 3. L’alba dei dinosauri”.

Tel chèder de “Moena incontri 2009” en jebia ai 27 de aost da les 17.00 te sala grana de la Scola de Moena l giornalist de la Rai de Trent Marco Zeni prejenta so liber “La moglie di Mussolini”. Da les 21.00 te teater de l’Oratorie de Moena se podarà veder l film “Vincere” del regist Marco Bellocchio, che se refèsc a chest medemo liber.

Programazion al chino de Tieser

En gaujiun dla esposiziun “Edil Energia Expo Corvara 2009” él gnü metü da jì deplü serades cun tematiches incër le sparagn energetich. L’ultim referat é preodü ai 26 d’agost cun le tema “Domotica y automaziun”, portè dant da Jürgen Lechl. La serada vëgn tignida dales 20.30, tla sënta dla dita Costabiei a Corvara (raiun artejanal). Dailò él inće da odëi ćina ai 26 de agost l’esposiziun, daverta dal lönesc al vëndres dales 14.00 ales 18.00 (mercui dales 19.00 ales 22.30).

A Teser en sabeda ai 22 de aost da les 17.00 e da les 21.15 se pel veder l film “Harry Potter e il principe mezzosangue”. En lunesc ai 24 da les 21.15 se pel veder l film musical “Ballare per un sogno” e en mèrtesc ai 25 da les 21.15 l film fantastich “X-Men le origini: Wolverine”. En vender ai 28, semper da les 21.15, l’é en programazion la comedia con Robin Williams “Una notte al museo 2” e en sàbeda ai 29 “Gran Torino” de e con Clint Eastwood. Programazion al chino de Ciavaleis A Ciavaleis en sabeda ai 22 de aost da les 17.00 se pel veder l film “Heart. La nostra terra” e da les 21.15 “Transformers. La vendetta del caduto”. En domenia ai 23 da les 21.15 “The Millionaire” de Danny Boyle e en lunesc ai 24 da la medema ora “San Valentino di sangue”. En mèrtesc ai 25 da les 16.30 “Mostri contro alieni” e da les 21.15 “Uomini che odiano le donne” e en mercol ai 26 en antepruma nazionèla “Ricatto d’amore”. En jebia ai 27 l’é en program “Una notte al museo 2” e tel fin de setemèna che vegn “L’era glaciale 3”.

Edil Energia Expo Corvara 2009: referać y esposiziun

♦ Magister Manfredinus me fecit Le Museum Ladin Ćiastel de Tor inviëia ala prejentaziun dla publicaziun, che sarà en domënia ai 30 d’agost dales 20.30 a La Val

Musiga “A spas co la musega” a Poza

En mercol ai 26 de aost con scomenz da les 21.00 a Poza vegn endrezà l secondo apuntament de “A spas co la musega”. La strèda per Meida vegn serèda ai auti da les 20.30 enscin les 23.00 per ge lascèr lèrga a bandes e gropes che endeletea con sia mùsega fascegn e foresć. Anterite se pel ence veder zipiadores al lurier e cercèr vèlch golosarìa. La Grenz a Moena

La sociazion de mùsega e cultura La Grenz sporc de bela proponetes de musega dal vif vigni vender sera aló da la Baita de Moena, te strèda Saslonch. En vender ai 28 de aost da les 21.30 se podarà scutèr “Luca Boscagin Jazz Trio” con Luca Boscagin a la chitara, Lorenzo Conte al contrabas e Enrico Tommasini a la baterìa. Maor informazions sul sit www.lagrenz.org

La publicaziun “Magister Manfredinus me fecit” vëgn prejentada ai 30 d’agost a La Val.

Ancunteda dla mujighes di jëuni dla Ladinia N dumënia ai 23 de agost iel a S.Cristina tl zënter Iman la prima ancunteda dla mujighes di jëuni dla Ladinia. L unirà adalerch jëuni da duta la valedes ladines per suné deberieda. La manifestazion vën metuda a jì deberieda cun l VKE. La mujighes di Jëuni fajerà na bela defileda y l sarà da audì deplù cunzerc ntan l domesdì. L vën nce pità da maië y da bever.

“Magister Manfredinus me fecit”. Chësc é le titul dla publicaziun, che le Museum Ladin Ćiastel de Tor à le plajëi da podëi prejentè. Do la prejentaziun a Urtijëi, stada i pröms dis de messè, él gnü fissé inće la prejentaziun de chësc liber tla Val Badia. L’apuntamënt é por en domënia ai 30 d’agost dales 20.30, tl salf dles manifestaziuns a La Val. Düć canć é invià da gnì a aldì les novitês gnüdes a löm tres na inrescida sön le “Codà dla Dlijia da La Val”, la plü vedla ćiampana de nosta provinzia.

ValGardenaMusika - Mnozil Brass Chi ne cunësc pa nia chësta grupa de mujiga da banda? Cun si mujiga mescededa cun matades ie chësta grupa bele jita sëura dut l mond. Si argumënt ie, chiche sona achiet à bele perdù. L titul dl prugram ie “l ghiel dl uef ”. Deguni ne sà avisa cie che l ie laite te n uef. L cunzert ie n juebia ai 27 de agost dala 9.00 da sëira te Cësa de Cultura a Urtijëi. Ćiantè sön Munt da Rina

Le Cor “Col dla Vedla” da Rina à le plajëi da invié en doman domënia ai 23 d’agost a n apuntamënt musical oramai tradizional: le ćiantè sön Munt da Rina. La manifestaziun vëgn metüda da jì vigni trëi agn y é oramai rovada a süa otava ediziun, che sarà chësc ann sot al moto “Tirol isch lei oans”. La festa metarà man dales 11.00 cun na santa mëssa, abelida dai cors che tolarà pert ala incuntada. Le ćiantè sön Munt da Rina mët spo man dales 14.00, olache vigni cor portarà dant döes ćianties. Sciöche tles ultimes ediziuns, saràl inće pro chësta cors de düć trëi i grups linguistics ladin, talian y todësch. Laprò rovaràl adalerch inće n cor da Nordtirol y un dal Trentin. Les ćianties portades dant va dales ćianties popolares ladines, todësces y talianes ćina a Gospels y Spirituals. Le fin dl’iniziativa é chël da trasmëte la ligrëza por le ćiantè y la musiga, te na contrada naturala spetacolara. Ćiantè tles üties tl’Alta Badia

La ligna musicala “Cantando per rifugi”, che liëia la belëza dles munts y la musiga, se stlüj jö cun l’ultim apuntamënt, che é preodü por en domënia ai 6 de setëmber, cun le cor “Cortina” de Cortina d’Ampëz, che ćiantarà tla ütia Nagler a Badia.

Musiga Fiorella Mannoia te Fuciada I “Sons de la Dolomites” sarà en vender ai 28 de aost te Fuciada con n apuntament de ecezion: da les 14.00 te la mont de Soraga ruarà defat la ciantarina de nonzech Fiorella Mannoia. Se l’é burt temp l spetacol vegnarà portà dant da les 9 da sera tel teater de Navalge a Moena. A Cianacei conzert de la Corala Verdi En domenia ai 23 de aost da les 9 da sera, aló dal chino Marmolèda de Cianacei, la Corala G. Verdi de Busan e Maran sot la vida del maester Claudio Vadagnini portarà dant n conzert lirich.

♦ Naturatlon a La Val Jüć, gares cun ostacui y quiz. En doman domënia ai 23 d’agost a La Val En doman domënia ai 23 d’agost mët da jì le Parch Natural Fanes-Senes-Braies, deboriada cun l’Assoziaziun Turistica La Val, la Jonëza da Paur y l’Uniun Sport La Val le Naturatlon ’09, na spazirada cun jüć gares cun ostacui y quiz. An po pié ia dales 13.00 ales 15.00 dala plaza di auti defora da Coz. Dales 15.00 inant saràl a Coz na griliada cun intratenimënt musical. La partezipaziun é debann y düć é bel invià da gnì a fà impara.

Conzerć cun Jean Ruaz

Le musizist Jean Ruaz sarà da aldì i proscims dis te dui conzerć. Le pröm apuntamënt é por i 27 d’agost, dales 18.00 inant, tl Hotel Melodia del Bosco a Badia. Jean Ruaz sonarà spo inće ai 30 d’agost dales 22.00 inant, tl Bus Stop Pub a Al Plan de Mareo. Chilò gnaràl acompagnè inće dal musizist Max Castlunger.

Concurs Concurs placat Edema di Jogn 2009

Dai 7 ai 13 de novëmber gnaràl tignì l’Edema di Jogn 2009, sot al tema “Chirì mi tru...” Al vëgn porchël metü da jì n concurs por le dessëgn o la fotografia che dess ester sön le placat de chësc ann. An po menè ite n dessëgn, n retrat o realisé val’ te ći maniera che an ô. Le dessëgn dess avëi le format A3 y öe retrat dess avëi na ressoluziun alta y ester tl format .jpg o acrobat. Menè pon por e-mail a sorviscaijogn@rolmail.net. Le dessëgn o la foto po inće gnì portà diretamënter te Sorvisc ai Jogn a Picolin. Momënć de na ediziun passada dl Naturatlon.

44

www.lauscdiladins.com


Congratulazions

nr. 32 / 22 de agost 2009

En chël bun ann dl ’59 él nasciü

Pepi de Rü Che s’ess pa mai punsé. Tan d’agn ne ti déssun da ti ćiaré. Danter iagher y fà l’ostì, àl tröp da salté y a ćiasa s’àl ćiamò nos trëi ëres da papelé. Dilan de cör y döt l’bun y che te reste snaidigh y tan da urëi bun. Irma - Katrin - Anna

Ćiantun Leterar Ćerćia de poesies Ćerćés dl autur y dles auturies premià en gaujiun dla cuinta ediziun dl Pest Angelo Trebo, ann 2009, scrit fora dal’EPL - Ert por i Ladins. Por l’ocajiun él inće gnü dè fora le liber de dötes les poesies di auturs premià tles cinch ediziuns dl Pest dal 1997 incà. Le liber à da ciafè tl Istitut Ladin a San Martin de Tor

Saurun

A nosc tati

Harald che complësc ai 25 de agost 40 agn. Te augurun düt le bun y te dijun giulan por düć i bi momënć che i podun passè cun te! Jordan, Aron y Romina

Bianca Per ti cumplì di 18 ani te mbincions de cuer sanità, fertuna y benedescion y dut l bon per l daunì. Ti fra Franscesco y ti pitla sor Adriana.

Söla spona dal saurun lorënt dl misdé zënza ambria se perd la odüda tla lontananza dl orizont plat y smarì, y la terdeca dles ones blancojines injopa vigni pinsier che bel plan se desfanta tla zebidra bampa inciurnënta. Degügn por incërch. L’ ćiastel é tomè adöm y la strada dles sciösciures é ma plü n recort sflausse de na ligrëza cogorada fora dles mans de n pic’ müt. Carlo Suani

Ega da bëre Al s’la bëir chë ega nëta, al s’la dlot y s’encüćia chë ega tan frëida che rogor fora de pipa y che spriza. Tl vestì s’abìnera y slâta chë ega che para la sëi a vigne armont che aborëia y l’ajiëia. Ara é adorbada dal scich che l’à entonta. Al mëss aspeté che al arsësce a funz döt ći che s’armör tl’ega turghera. Boandores n’él dessigü degönes te chë ega che mëss rogore dô por s’archité ia bela tlêra.

Dut l bon

a Hartmann

per si prim 80 ani. N grum de ani sann y nton te mbincion’. Annemarie, Martin, Gevin, Barbara y Ezio.

Helene Gasser

Cungratulazions a

Trudi Runggaldier Insam Cësa Iris per l cumplì di 90 ani ai 26 de agost. Dut l bon, a nosta oma, ava y besava, mbincia i mutons Edith, Georg y Remy cun families

Cungratulazions a

Stefan Demetz de Sulé per la bedaia de merit dl Tirol. Oradechël n rengraziamënt de cuer per dut l lëur y mpëni che l à abù te duc chisc ani coche ugrister y dirighënt dl Cor de Sëlva, ma nce per i meric per la mujiga n generel di raions ladins y oradecà.

N mer de monëdes Na monëda d’arjënt ascognôl te so ciaz y cun vare slaihënt se rodâl tl lingaz. Al orô i sciampè adascusc dal patrun a chël jandarm armè che pretenô rajun. Le monn, chël n’é nia plü ai dij che al é tomè richëza é do rü y śëgn po düć petlè. I grosc é gnüs mangià da che che s’à ingianè chësc pü d’arjënt che sa sc’al öga da s’ salvè. Daria Valentin

L Cor de Sëlva

www.lauscdiladins.com

45


Religion, Vita y Mort

nr. 32 / 22 de agost 2009

Vangel dla Domenia

Rengraziamënt

Lois Irsara 7-7-1935 +7-8-2009

21ejima domënia ia por l’ann B, ai 23 d’agost 2009 Dal vagnele do San Jan, 6, 60-69

I familiars dl defunt rengrazia l’ personal dl Spitol da Bornech, l’ dotur Di Marino, les infermieres, düć chi che i é stà dlungia tl tëmp dla maratia y la Crusc Blanćia. Giulan i dijunse a düt l’ parentè, al mone, ai iagri che l’à portè y l’à acompagné sön so ultimo tru, ala müjiga di iagri, al Cor de Dlijia de Badia, ai proi, a siur Degan, ai vijins y a döta la jënt che é gnüda ala mëssa de supultüra y ales corones o à fat val’ sorvisc. N giulan a chi che à ofrì ciüfs y à fat ofertes!

Te chël tëmp n’êl tröc di discepui de Gejù che ti ascutâ pro, che dijô: “Chëstes é parores döres. Chê é pa bogn da les capì?” Gejù conesciô che sü discepui groforâ porsura, y i à damanè: “Se scandalisëise por chësc? Ćî dijarëise pa, canch’i odarëis le Fi dl Om jon sö, olach’al ê denant? Le Spirit él che fej vi; la ćern ne jô a nia. Les parores ch’i ves à dit é spirit y vita. Mo al n’é danter os n valgügn che ne crëi nia.” Gejù savô pordërt bele dal scomenciamënt, chê ch’al ê che ne cherdô nia, y chê che l’ess imbanì. Y al à dit: “Porchël ves ài dit a os: degügn ne sciafia da gnì da mè, sc’al ne ti é nia dè dal Pere.” Sön chëra s’à tröc discepui retrat y ne jô nia plü incërch cun ël. Dailò à Gejù damanè i dodesc: “Orëise inće os s’un jì?” Scimun Pire ti à respognü: “Signur, da chê désson pa jì? Tö as parores de vita eterna. Y nos cherdun y conesciun: tö es le Sant de Dî. Parora dl Signur. - Lalt a té, Gejù Crist!

N dislpài a chi che se recorda de nosc defunt Lois tl recort y tles oraziuns!

Lecort I familiars N mierculdi ai 27 de agost 2008 ulons lecurdé cun na Santa Mëssa te dlieja de Urtijëi nosta sor

Anunzia Dla porsona, a chëra che te ti as orü bun, restaral por tres n recort te to cör: n recort de sü soms, n recort de sües speranzes, n recort de süa vita, n recort de so amur. Irmgard Erath Cun gran dolur y incherscimun lasciunse al savëi che nosc

Paul Miribung Paul da Mirbun 22.07.1950 – 18.08.2009 à messè nes lascè trö’ massa adora, do na maratia crödia. Al nes sa dër rî da le lascè jì. Cun amur y reconescënza Tüa fomena Annelies, nasciüda Moling Tü mituns Veronika cun Edo, Manuel cun Ruth y Sabine cun Thomas Tü fredesc y tüa só Richard, Angel y Maria cun families I fioc Albert, Barbara y Elisabeth Le tot Paulin Les cognades y i cognà Düć i parënć y conescënć N rengraziamënt particular i va ala doturia de ćiasa Dr. M. Malknecht y ales infermieres dl Sorvisc Sozial, ai doturs y al personal dla repartiziun de chirurgia dl ospedal da Bornech.

Sabine Moroder che nes à lascià dan 15 ani. Chëi de familia.

Recort

Lukas y Lois Maneschg Dan set agn s’ánse pordü, mo le tomp n’è nia bun da nes despartì, deache l’amur y l’encorsciomun è stersc. La santa mëssa de recordanza gnarà tignida en dedemesalèdema ai 26 d’agost ales 7.15 te dlijia d’Al Plan. Dër bel iolan a düć chi co tolarà pert y co se recorda de ëi te söes oraziuns. Traudl y Sonja

Rengraziament

N fort rengraziament a duc chi che ne é stac apede prean co noi te chest moment de gran dolor per aer perdù de colp nosc pare

Giulio Recort

Heinz

Devalpai de cher Raffaela, Adriano e duc chi de ciasa

24.08.2008 - 24.08.2009 Heinz, al é bele passè n ann. N ann dër rî y plëgn de dolur a gauja dl gran öt che tö as lascè. Mo l’amur ne dess nia ester egoistich, an mëss savëi da azetè les dificoltês che vëgn dant tla vita. Dasse inant les forzes por jì inant. N bel giulan ćiamò a düć chi che nes à daidé te chësc rî momënt! Orun recordè Heinz, pere y om, en lönesc ai 24 d’agost dales 7.30, tla dlijia da S.Ćiascian. Consuelo, Iris y Davide

46

www.lauscdiladins.com

Rengraziament

Carlo Lorenz 12.02.1922 - 12.08.2009 En ponta di piesc ti es tin jit e n gran vet te n’ès lascià A Carlo, a nosc père, a nosc giaf... n gran braciacol M. Luisa e duc chi de cèsa Rengrazion de cher duc chi che ne é stac apede te chest grief moment


Inserac

nr. 32 / 22 de agost 2009

Hotel La Majun **** a La Ila chir por döt l’ann o ince por la sajun da d’invern 1 secreter/ia con esperiënza y bunes conoscënzes dl todësch y ngleisc y por la sajun da d’invern barisc con esperiënza y bunes conoscënzes dl todësch. Prëibel telefonè al 0471/847030. reception@lamajun.it

A Urtijëi vëniel crì n’ëila che cialëssa de n mut amalà la dumënies. Prëibel cherdé su l 334/3466745.

inserac@ lauscdiladins.com Botique Monika a Corvara chir na boteghiera cun esperiënza. Prëibel telefonè al 339/5609782.

Le Dolomiti Wellness Hotel Fanes ****s da San Ćiascian chir da setëmber inant na secreteria cun esperiënza de computer y conoscënza de lingac. I te aspetun! Tel. 0471/849525 info@hotelfanes.it

La Scora de Schi y Snowboard da Calfosch chir 1 secreter cun des bunes conescënzes dl talian, todësch y ngleisc y conescënzes de computer. Prëibel cherdè sö le 0471 836218 o 339/5487864.

Sport Kostner a Corvara chir por döt l’ann por le repart alimentars 1 cassiera 1 pro le taiessö (salumiere). 1 barist por le bar nü. Prëibel telefonede al nr. 0471/836117 (orar de ofize) o menede na e-mail a: kostner.claudia@ rolmail.net I ves aspetun cun ligrëza!

Comun de Badia Avis L’ombolt lascia alsavëi che le Comun de Badia é por tó sö por la dorada de n ann 1 scrivan/a inće cun mansciuns de aplicaziun dl’informatica pro la biblioteca de val cun sënta a La Ila - IV. cualifica funzionala, cun contrat a tëmp limité y cun orar a tëmp plëgn. Por fà domanda adôron: 1) diplom de scora mesana o lizënza de scora elementara, sciöche inće assolvimënt de dui agn de stüde o de formaziun profescionala ecuivalënta o diplom d’avëi imparè l’êrt o formaziun spezifica teorica-pratica nia sot a 300 ores; 2) atestat de trilinguism C; 3) apartenënza al grup linguistich ladin. L’assunziun vëgn fata aladô de na gradatöra por titui, metüda adöm aladô dl art. 20 dl regolamënt por les prozedöres de assunziun tl sorvisc di comuns. Les domandes de assunziun mëss gnì portades ite ala biblioteca a La Ila anter i 30.09.2009. Informaziuns plü menüdes po i interessà ciafè tla biblioteca da La Ila, tel. 0471/844697. L’ombolt Giacomo Frenademetz

Hotel Rezia a La Ila chir 1 secreteria dl post por döt l’ann da setëmber inant. Prëibel telefonè al 335/7878570 o 335/6292933.

Crì da laour

Le Camping Colfosco chir por le mëis de setëmber na ëra dl post a puzenè a ores. Domënia dé lëde. Prëibel cherdè sö le numer 0471/836515 o 3480425058.

L’Excelsior Resort ****s a Al Plan de Mareo chir por la sajun da d’invern chelneri por salf. Prëibel telefonè al 0474/501036. www.myexcelsior.com

Sun la plata di Inserac de La Usc di Ladins abinëis d’uni sort de inserac: - inserac de laur - chirì da laur - da vëne - da chirì

N ël che à bele esperienza chier da lëur a judé te cësadafuech, a fé de uni sort de stroc o da vardian. Tel. 333/8864979. (30/09) ••• N jëunn talian de Bulsan chier da lëur coche pizzaiolo te Gherdëina. Ël à bele 10 ani de esperienza. Tel. 348/9135403. (30/09) ••• N ël chier da lëur a ciale de na persona de tëmp o a fé de uni sort de stroc. Tel. 347/4774609 o 327/2427884. (31/09) ••• N’ëila chier da lëur a rumé su majons per la sajon da d’inviern. Tel. 338/1564121. (31/09) ••• N’ëila chier da lëur a ciale de na persona de tëmp o nce a rumé su y a fé majons. Tel. 329/1380496. (31/09) ••• N ël da tlo chier da lëur da setëmber inant nchin da Nadel. Ël laurëssa nce a cësa. Tel. 338/6974461. (31/09) ••• N’ëila dla Ucraina chier da lëur a cialé sun na persona de tëmp. Tel. 329/3413766 o 0471/655533. (31/09) ••• N ël de 34 ani cun patentino chir n lëur a lauré cun na pachera, a giavé, a lauré

A La Val vëgnel venü 1 cuatier convenzionè cun döes ćiamenes, trëi bagns, stüa, ćiasadafüch, garasc, urt y na gran terassa. Prëibel cherdé sö le 335 616 79 89 Da chirì

sun na gru, a lauré da muradëur o nce a lauré te na cësadafuech. Tel. 328/8064210. (31/09) ••• N’ëila chir da lëur a rumé su o a cialé de na persona de tëmp da utober inant. Tel. 320/3681040. (32/09) ••• L vën crì n lëur da cosmetica per la sajon da d’inviern domesdì. Tel. 346/6916672. (32/09) ••• N’ëila dla Talia chier da lëur da setëmber inant. Tel. 328/4721667. (32/09) ••• N studënt de Urtijëi chier n lëur da agost inant nce per l inviern tl ciamp dl turism. Tel. 0471/798144 o fonin 333/9568158. (32/09) ••• N ël chier da lëur a lauré te na berstot per mparé a ziplé o sceno nce da vardian. Per da sëira dala 17.00 inant vëniel cris n lëur a lavé ju, a judé te cësadafuech, te bar o te sala, nce a rumé su. Tel. 329/1164673 o 334/3473900. (32/09) ••• N’ëila chier da lëur a rumé su majons. Tel. 320/6616304. (32/09) ••• N’ëila da tlo chier da paidelné per l’ultima ena de agost. Tel. 329/1094180. (31/09)

Da dé via

Al vëgn chirì n apartamënt tl’Alta Badia por döes porsones dl post, da tó en afit por döt l'ann. Tel. 328 5930016 (telefonè do les 6 da sëra). (30/09) ••• L vën cris de vedla Vespes. Tel. 348/7809917 o vvespaa@yahoo. de (30/09) ••• Al vëgn chirì n let por öna na porsona cun madroz, rëi y n pice armè. Tel. 338/9771629. (30/09) ••• L vën cris n apartamënt per doi persones, da to a fit per dut l ann, te Gherdëina- sce la va a Urtijëi. Tel. 339/8533717. (30/09) ••• L vën cris n cuatier per dut l ann. Tel. 349/0990851. (31/09) ••• Te Gherdëina vëniel crì guant per mutons de 6 y 12 ani. Tel. 339/4815431. (32/09) ••• Na jona dl post chir da otober/ nuvëmber inant n bilocal te l Alta Badia da tò afit por düt l ann, poscibelmënter a Corvara. Tel 339/2064428. (32/09) •••

A La Pli vëgnel scinché ca de pici iać ausà te ćiasa y alaleria. Tel. 347/7496926. (30/09) ••• Da scinché ia n tablé da munt sön le jù de Pordù (te chi plans dlungia le monumënt di tomà te vera). Tel. 329/9866434 y 0471/836485. (32/09) •••

Le Comun de Badia chir cun l’ann de scora

Chiride

1 ëra a romené sö por la scolina da San Ćiascian 2 ores al dé domisdé (do les 15.00), dal lönesc al vëndres, contrat che döra l’ann de scora

vosc colaboradours

1 cogo por na scolina 28 ores al’edema

tres mail a la miscion

Tel. 0471 838228, tel. 0471 839642

tla USC DI LADINS!

inserac@lauscdiladins.com

Lagaciò Mountain Residence a San Ciascian chir por la sajun da d’invern 1 conditor/a por i gostà 1 secreteria con esperienza y conoscënza dl program ASAjHotel. Prëibel telefonè al 0471/844594. Fax 0471/847755. www.lagacio.com

L vën vendù n cuatier de 103 m2 cun trëi majons y na pitla cësadafuech a Persenon tl zënter storich sot ala pitla lauben. Prëibel cherdé su l numer 335/5369330.

Tl zënter de Urtijëi vëniel fità via da utober inant n pitl cuatier per una na persona. Per nfurmazions plu avisa prëibel cherdé su l 333/7168804. San Martin de Tor ĆIASA TLIMA Marta Ultims dui cuatiers convenzionà da vëne. Grandeëzes desferëntes cun garasc, sorà, urt, ćiana y terassa. Prëibel cherdé so le 335 616 79 89.

Tla zona artejanala da Corvara vëgnel afitè en local da setëmber enant. Prëtanbel telefonè al nr. 0471/836283. Da vende L vën vendù na roda da mont “All Mountain“ KTM Sedocra Race. Tel. 349/3200588. (30/09) ••• Da vënder schi cun atacs dla Völkl: SL155 cm, GS 183 cm, SG 200 cm, DH 210 cm, Fischer: SL 165 cm 2x GS 188 cm y n pèr de fusc’ dla Leki da juissa de 125 cm. Tel. 331/3667627. (30/09) ••• Da vëne scalires nöies y staloć de lersc y peć por 25 bisces; stala ca. 9 x 6 m al prisc de 3.300,00€. Tel. 366/3369118. (30/09) ••• L vën vendù n Fiat Coupé 2000 benz, grij dl 1997 cun sic de pel. Tel. 328/8064210. (32/09) ••• Da Vënder n motor dla marca Honda Hornet 600 Fosch 800 km mantenì scialdi bën, cumprà de setëmber 2008. Tel. 348/4602522. (32/09) •••

Hotel La Perla a Corvara chir por d’invern chelneri secreteries por le front office cun buna conoscënza dl talian, todësch y ingleje ćiamenësses, 1 portier de nöt. Por l’après ski L’Murin y tl bar dl Hotel La Perla vëgnel chirì chelneri che laora te intrami i reparć. Por informaziuns telefonè al nr. 0471/831000.

www.lauscdiladins.com

47



La Usc di Ladins