Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 30/2012 - 03 de agost 2012

Mont de Sëuc

10

Ëura da surëdl Sun Col dal Fil sun Mont de Sëuc iel unì metù su la majera ëura da surëdl naturela da Simon Moroder y si fra Roland de Go.

Cuntreda

IP

A Cristian Deville na “Gondel” a Kitzbühel

Comentar de pruma

Gran festa tel Tirol per l campion de slalom strent da Moena, a chel che ge é stat dedicà la cabina numer 22 de l’Hahnenkamm Bahn

Pussy Riot

12

Assudëi troi! Ora dl troi che jiva da Ronc a Laranzan iel unì fat na streda per pudëi mené i trames di lëns taiei. Tla pacher iel unì metù ega da zucher.

Sëlva

12

Ciamp dala codla Nuvità te Sëlva: belau nia da crëier, ma la ie tan inant: l mplant dala codla nuef cun ierba artefiziela dl’ultima generazion te Sëlva ie tan che finà.

Al Plan

17

Püra Catarina

I raprejentanc dles comunanzes ladina, mochena y zimbra s’à abiné a Trent per manifesté si sosten a l’autonomia dla Region y dles Provinzies Autonomes 18

Festa por le degan Gran festa àn fat a Badia por i 40 agn da prou de siur degan Iaco Willeit.

San Martin

20

Gabriele Grones L’artist da Rèba/Fodom à daurì tl Istitut Ladin na mostra personala. Intervista.

Corvara

22

Stödafüch fej festa Dui dis de festa por le iubileum di 100 agn di Destüdafüch da Corvara, cun tröpes desmostraziuns y na festa cun onoranzes.

Fascia

De più a piata 6

Les mendranzes defen l’autonomia

L’orcena dal’edema baia dla posiziun cernüda dal Comun de Mareo por la statua de Catarina Lanz.

Badia

Cristian Deville con i amisc del fan club, parenc e autoritèdes.

26

Renovà l termen L Grop Cai Sat de Moena à inaugurà n nef troi che dal Sester mena al veior termen del 1551 che l’à restaurà

L assessour regional a les mendranzes Luigi Chiocchetti y la presidenta dla Union Generela di Ladins dla Dolomites Elsa Zardini.

Atualité - La presidenta dl’Union Generela di Ladins dla Dolomites Elsa Zardini s’à abiné dant otedì (la juebia) a Trent per na scontreda, olà che i raprejentanc dles mendranzes linguistiches che viv tl Trentin-Südtirol à volù manifesté i cruzes per la situazion problematica ti raporc anter Autonomia y Govern Nazional y confermé dadaut si sosten a l’autonomia dla Region y dles Provinzies Autonomes de Trent y de Bulsan. En raprejentanza dles trei mendranzes, ladins, mochens y zimbres, fòvel l assessour regional per les mendranzes linguistiches dl

Trentin-Südtirol Luigi Chiocchetti, l assessour per la scola y la cultura ladina dla provinzia de Bulsan Florian Mussner, la procuradoura dl Comun general de Fascia Cristina Donei, la presidenta dl’Union Generela di Ladins Elsa Zardini, l president dla Lia di Comuns Ladins Albert Palfrader, l assessour dles mendranzes linguistiches dla Comunità Alta Valsugana y Bernstol Diego Moltrer, l president dla Assemblea mochena Bruno Groff y l ombolt de Luserna Luca Nicolussi Paolaz. va inant a plata 2

de Iaco Rigo

Musiga punk te dlijia por protesté cuntra le conformism santarel y le sistem repressif de Putin. “Pussy Riot” é deplü co ma na band feminila, al é na organisaziun y aziun feminila che é stada buna da atrà l’atenziun dl monn sön le sistem de Putin da tignì basc y controlé i ćes de sü conzitadins. Trëi “Pussy Riot” é sarades ia dal 21 de forà, do che ares é jüdes sö dant tl presbitere dla Catadrala de Crist Salvatur a Mosca y à metü man da ćiantè na ćiantia oraziun punk cun le refrain “Madona, delibrëiesse da Putin”. Te n sistem tan prepotënt vëiga la jënt ma plü le scandal y la blasfemia, por plajëi (cuntra le rejîm) y por desplajëi (cuntra la religiun y la rebeliun feminila). “I n’ùn nia podü dormì y i n’ùn ciafè nia da mangé - chësc é n tormënt”, dij Maria Aljochina, öna dles trëi jones. Tles metropoles Mosca y St. Petersburg ess la polizia aresté chisc mëisc 35 critics de Putin, jënt che à protesté “zënza autorisaziun”. Pro les “Pussy Riot” é la musiga le meso da comuniché y protesté, l’ert dà asil - pêl - sce bele la Dlijia ne le dà nia plü.

Löm y scür “Al é da odëi löm forainsom le tunel”, Monti à finalmënter dit val’ de positif! Sambëgn é la speranza l’ultima a morì - “sperun” ma inće en chësc iade, deperpo che l’Istat mët dant dać che é döt aterco otimisć: tla Talia él 22 miliuns 970 mile porsones che laora, -29.000 respet a mà. La dejocupaziun jonila (dai 15 ai 24 agn) à arjunt a jügn le 34,3%. I jogn danter 15 y 24 agn che chir laûr é indöt 608.000. I jogn dejocupà fej fora le 10,1% dla popolaziun de chësta spana de eté (i atri é studënć). Le numer de dejocupà de jügn é stè tla Talia de 2 miliuns 792 mile, n dat alarmant. Ćiamò val’: la Verda de Finanza é stada zacan n dé a Palermo y provinzia a fà controi: le 70% di operadus comerziai ne dà fora degun scontrin y recioiüdes fiscales. Inće controi cuntra le “laur fosch” él gnü fat: sön 3 stabilimënć al mêr, 14 danter bars y conditories, 20 restoranć y pizzeries, 5 botëghes de patüc damangé, 3 agriturisms y 9 ativitês de vigni sort, à 34 albü al laûr 11 lauranć nia en regola y 122 daldöt a fosch. (ir)


Zoom

nr. 30 / 03 de agost 2012

Les mendranzes defen l’autonomia I raprejentanc dles comunanzes ladina, mochena y zimbra s’à abiné a Trent per manifesté si sosten a l’autonomia dla Region y dles Provinzies Autonomes va inant da la pruma plata

Chisc raprejentanc à metù al luster i cruzes dles comunitedes de mendranza respet a sie davegnì, palesan sosten plen a les azions en defenjion dla Autonomia, metudes en ciamp dai presidenc Lorenzo Dellai y Luis Durnwalder. La mancianza de respet ti confronc dl’autonomia speziala é n dann ence per les mendranzes linguistiches che viv sun nost teritorie – ài dit, y al vegn porté dant posizions nia dretes, che deida alimenté i sentimenc de ostilité y les acuses de vive na situazion de privilegh che ruva da la politica y dai zitadins dles autres regions. A chesta moda, sce al é da na man l’Union Europeica che spenj y sosten iniziatives per la valorisazion y l svilup dla multiculturalité y dl plurilinguism, él tla Talia l pericol de valuté desche privilegh na aministrazion acorta dl teritore y de sies mendranzes, che recognesc la valuta culturala - desche l Trentin-

Südtirol y les provinzies autonomes de Trent y Bulsan à semper fat. Les istituzions dl’Autonomia n’à mai schivé l dovei de tó pert al ressanament finanziar dl Stat, donca ne pòssen nia souravedei che anché végnel metù en ciamp da man dl Govern n comportament che castieia nosta Autonomia y nience che duc i teritori vegne metùs sun l medem livel - à sotrissé i raprejentanc istituzionai provinziai Chiocchetti y Mussner, y ai s’à aodé che l Govern respone a les propostes che Trent y Bulsan ova porté dant te n document bele proponù de fauré, a chel che ne é mai vegnù dé resposta, y olà che vegniva rejoné dla poscibelté che les does provinzies autonomes se tole su chel che l Stat spen con sia strutura sun nost teritore.

Tratant la conferenza stampa a Trent.

I raprejentanc dles mendranzes linguistiches à ciamò manifesté dant al president dla Provinzia de Trent Lorenzo Dellai y al president dla

Provinzia de Bulsan Luis Durnwalder l reconesciment per l impegn metù a defenjion de nosta peculiarité y i à sport l sosten plen

Unesco: relazion positiva

per sia iniziativa de tó ite i governadours dles autonomies di teritori alpins, Val d’Aosta y Friûl, per contrasté l’azion, faleda y

enjuriousa, che l Stat à metù de jì ti confronc de nosta Autonomia, se impegnan tl medem temp de fé sia pert tles istituzions y sun l teritore.

Siur Paolo Arnoldo sarà degan de Ampez

Che la gestion dla Dolomites sciche arpejon mundiela Unesco ie sun la drëta streda desmostra l cumité Unesco, che à azetà la relazion positiva do la vijita de cuntrol de utober. Chësta relazion tol nce ite i pruvedimënc che ie unic tëuc per stravardé la Dolomites

L degan nuef, che tolarà ite l post de Siur Davide Fiocco, ruvarà te Ampez de setember. Ala se trata de Siur Paolo Arnoldo, nasciù a Goima, te Zoldo, dl 1945. Don Paolino, sciche al vegn clamé da si fediei, é bele da undesc agn encà tla cuera de Santa Maria dal Ciuf a Maran y passarà sen da la Diozeja de Bulsan-Persenon a chela de Belun.

Laudes per i pruvedimënc tl’arpejon mundiela Dolomites: de utober 2011 à l ispetëur IUCN Worboys nce vijità i raions cun regulamentazion dl trasport.

Cuntreda - Chiche possa se tlamé arpejon mundiela Unesco, se tol nce su la ncëria de tenì ite criteres sciorfs che vën for inò cialei do. Sce i cuntroi mostra su na valutazion negativa, pòssel nce unì tëut demez l titul. Chësc pericul ne n’ie per la Dolomites per ntant nia plu. Tla relazion che Grame Worboys, ispetëur dl’urganisazion nternaziunela per la defendura dla natura (IUCN) à fat do n’ena de vijita, iel nce laudes per la gestion dl’arpejon mundiela Dolomites. Chësta relazion ie unida azeteda tla senteda dl cumité Unesco, ai prims de lugio a St. Petersburg. “On da permò giapà la relazion ufiziela dl’Unesco y l nes fej gran plajëi che la ie tan positiva,” dij l presidënt dla Provinzia Luis Durnwalder. Ël sotrissea dal’autra pert nce che n ie permò te n scumenciamënt: “Nce l ispetëur nes à mustrà su che l ie unì fat la

2

www.lauscdiladins.com

fundamënta, ma śën vala de lauré inant y de ti sté do”. Na nota drët positiva ti à l’cumité dl’Unesco dat ala cunlaurazion dla cin’ provinzies. Che la gestion ie unida sëurantëuta da na fundazion, à aldò dl cumité carater de ejëmpl. La cunlaurazion cun despartizion di lëures danter la cin’ provinzies se mostra nce tla strategia generela de gestion. I ciamps de azion ie la cuntreda, la geologia, l turism y svilup sustenibl, la mubltà, la furmazion, la tueda y i raions de defendura. Uni Provinzia à n si ciamp, y chësc ie aldò de Durnwalder de gran mpurtanza per lauré ora la strategia che muessa vester njenieda nchin tl 2016. La Provinzia de Bulsan à sëurantëut i ciamps dla mubltà y dl turism cun svilup sustenibl. L’Academia Europeica EURAC lëura bele pra na strategia turistica per l raion de arpejon mundiela.

Tla relazion iel nce unì laudà che n cëla de cunedì la particulariteies dl’arpejon mundiela Dolomites. De chësc viers ne n’iel nia mé unì metù su tofles ulache n ruva ite tl raion, ma nce ponc de nfurmazion per chemuns y cëses di parcs naturei, y mostres. La relazion positiva ie n var mpurtant, ma danz mé n prim var per l’arpejon mundiela Dolomites. L cumité Unesco cialerà do coche l vën laurà inant tres i cuntroi ufiziei dl 2013 y 2015, y pona nce dl 2016 cun na pruzedura ufiziela tl raion dla Dolomites nstës. (Ufize stampa provinziel de Südtirol) Priesc d’abonament anual: per la Talia: 59,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi, Katia Pizzinini. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Per i inserc speziai, i jolantins y les ajontes, menés fora con l foliet La Usc di Ladins, respon per la forma, l contegnù y i lingac adorés, mé l comitent instes de chisc, y nia la redazion de La Usc di Ladins, l diretour de La Usc di Ladins y l editour de La Usc di Ladins. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Zoom

nr. 30 / 03 de agost 2012

Na scrita ladina sön Comun Le Comun da San Laurënz de Puster, sön porta dla Val Badia, respetëia le lingaz ladin y inće la rapresentanza ladina te junta y tles comisciuns San Laurënz - Bele a Tlüses, ales portes de Gherdëna, pòn incuntè le lingaz ladin. Dër gonot ôl ma ester la bona orenté de püć foradecà por adoré y scrì sö val’ parora ladina, che jënt po spo odëi y lì. Por le lingaz ladin y i ladins él n gran plajëi, y inće n sëgn de respet y azetanza, sce ai po odëi che inće fora dles valades ladines él jënt che à ion le ladin y respetëia le grup de lingaz plü vedl, mo mënder, de Südtirol. I sun jüs a San Laurënz de Puster, plü avisa te Ćiasa de comun, por damanè do chê che à albü l’idea y l’iniziativa da scrì sö inće ladin söla falzada de Comun. I s’l’ùn cuntada n pü’ cun l’ombolt Helmut Gräber y cun l’assessur ladin, le dotur Herbert Ferdigg. San Laurënz é un di posć plü vedli de Südtirol, ai tëmps romans êl öna dles staziuns plü importantes söla strada de Puster. Le Museum nü tl zënter de paîsc documentëia y mostra i tëmps preistorics y romans (Sebatum), al é le maiù museum söla storia y vita di romans tl teritore dl Südtirol. Al dédaincö à San Laurënz, che confinëia sides da Sares ite che da Onies sö cun Mareo y la Val Badia, bëgn 3.788 abitanć (fin dl ann 2011). Degun comun tla Val Basdia n’à tan tröc zitadins. Dala cumpedada dla popolaziun dan önesc agn s’à detlarè le 1,34% ladins, le 2,64% taliagn y le 95,31% todësc. I ti ùn fat n valgönes domandes al assessur comunal Ferdigg, che é bele por la secunda legislatöra te Junta de comun. La Usc: Tan de ladin pòn pa ciafè te chësc comun? Herbert Ferdigg: „Ofizialmënter él ma la scrita sön Ćiasa de comun. Zënza n’él ignó da ciafè val’ scrit por ladin. Gnanca tla Plata de comun. Al ne gnarà pa gnanca deplü, deache i sun massa püć.“ Che os sëis te Junta é le merit dla lege de compartezipaziun dles mendranzes? „Scê, chël é vëi. Iö sun n assessur sön cater assessurs indöt y l’ombolt. Le Statut de comun scrî dant che sce n grup de lingaz à dui rapresentanć te consëi de comun,

spo à un le dërt da jì te Junta – chësc scebëgn che nosc comun à 20 aconsiadus. Dlungia me, desco ladin, é Franz Frenner om de comun, n ladin chersciü sö chilò, detlarè ladin.“ Ći referać ëise pa da arvëne? „Te chësta legislatöra ài l’ambiënt, i fabricać de comun y le trafich. Laôta ài i ressorts dl sozial y dles families.“ Chê à pa pordërt albü la proposta da damanè do na scrita ladina sön Ćiasa de comun? „La proposta é gnüda da plü porsones dala Val Badia fora. Menè inant ài iö la pratica.“ Él stè rî da arjunje chësta scrita ladina? „Scê, al n’é nia stè saurì. Te Junta ne ruvânse nia a nen ćé. I à spo metü l’argomënt al ordin dl dé de consëi, al é gnü sö na discusciun. L’inom ladin n’é nia gnü metü sö cun na deliberaziun, nia düć ne orô chësta cossa, al ê n pü’ zite.“ Cares é pa stades les motivaziuns cuntra na scrita ladina sön Ćiasa de comun? „Ara ne se trata nia de preiudizi cuntra i ladins. Al gnô dit: ći adorunse pa chësc, ćiodî mëssel pa ester chësc? Y ći cosć compôrtel pa?“ Ći ô pa dì por os ladins da San Laurënz chësta scrita ladina? „Al é n sëgn che i gnun azetà, respetà. Al n’é nia tan n sëgn de avijinamënt ala Val Badia y ala cultura ladina.“ Os sëis assessur al trafich de n comun valgamia strategich por strades y zircunvalaziuns. Te chësc comun se deloj da Puster la strada dla Val Badia, cun düć i problems che ara comporta. En ater ann dess la Provinzia mëte man cun l’azes nü ala Val Badia, a pé de Ćiastelbadia cuntra Porsenù. É pa chësta la soluziun che os orôse? „Iö personalmënter foss stè por la varianta „Tobl“, dal punt d’odüda dl ambiënt y dl impat ambiental,

L’ombolt Helmut Gräber y l’assessur ladin, le dotur Herbert Ferdigg, dan la Ćiasa de comun, cun söla falzada les scrites te trëi lingac.

mo la jënt dijô che chël azes foss stè massa a desman por i auti che röia da Bornech y Puster Alt jö, y che chisc ess impò spo anuzé la strada atuala che destürba San Laurënz y inće Flaurënz.“

da Sares ite, al confin cun Mareo, strada anuzada tröp da pert de jënt che va a pé y cun la roda... „Nos n’ùn baié dantadöt di motors che va da Sares ite, do che le Comun de Mareo â menè do da

tratè chësc problem. Mo i mëssi inće dì che da Sares ite n’unse nia tan de jënt che abitëia y püć nes à mobilisé por chësc problem.“ (intervista y fotos: Iaco Rigo)

San Laurënz é strategich y inće ideal por adorè la ferata. „Nos nes ùn damanè na architada dla ferata a San Laurënz, scebëgn che i sun 5 menüć da Bornech. Ći che i sun ćiamò tl laûr da fà śëgn, é eliminé les corieres te San Laurënz. Proscimamënter sarunse tan inant. Chi dles botëghes y chi dles ostaries vëiga ite che al é damî sce al vëgn fat val’ por desgorje le trafich. Al é gnü fat na cumpedada di auti che passa fora por San Laurënz y al é gnü a löm che le 60 – 70% di auti passa ma tres. Sambëgn unse d’invern le trafich por jì pormez a Plan de Corones.“ Problem „regolaziun“ dl trafich

Assessur de comun Herbert Ferdigg: „Plan plan vàra inće a San Laurënz da desgorje le maiù trafich!“

Regulamentazion per lerneri N var al iede vën la reforma dla scoles autes nce metuda n pratica per l nseniamënt de mestieres tla scoles profesciuneles. Da mez lugio vel l regulamënt nuef y dal ultimo lunesc nce i tëmps de nseniamënt per 108 mestieres Scola - L assessëura Sabina Kasslatter Mur à ai 25 de lugio prejentà la nuviteies per lerneri y patrons de lëur. Cun la reforma dla scola auta possa i sculeies che fina la scola mesana crì ora danter trëi pusciblteies de istruzion: i lizeums, l istituc tecnics o la scoles profesciuneles. Chëi che chier ora de mparé n mestier possa mo n iede crì ora danter la scola a tëmp plën o l nseniamënt tres moster y scola profesciunela. Propi cun chësta segonda forma se à la Jonta provinziela dat ju, fajan n urdenamënt nuef y lauran ora

normes de atuazion dla lege, udan dant tan giut che dëssa duré l nseniamënt dl mestier, i standard te scola y te berstot, ma nce scemplificazions burocratiches. Nsci iel unì recunesciù l nseniamënt per 108 mestieres. „Per degun de chisc mestieres ne dura l tëmp da lerner plu che cater ani,” à dit l’assessëura Kasslatter Mur. Per 59 mestieres iel unì metù trëi ani y per 49 cater ani de nseniamënt. La Jonta provinziela à tëut demez l paradox che lasciova pro tëmps da lerner desferënc per l medemo mestier aldò dl ciamp

spezifich. Nchinamò messova per ejëmpl n conditor mparé cater ani da lerner sce l fova mpartì sciche artejan, ma mé trëi sce l fajova pert dl cumerz. Cun l urdenamënt nuef iel unì unificà de tei caji. Da nuef ie nce l titul cun chël che n fina via l nseniamënt. Do trëi ani giapa l lerner na cualificazion profesciunela, do cater ani alincontra n diplom de mestier. N’autra nuvità ie nce che i lerneri muessa uni ann nce jì a scola: 400 ëura ntan i prim trëi ani, 160 tl cuarto ann cun leprò

cursc tla dita per ruvé a 400 ëura de furmazion. La ublianza de jì uni ann a scola cumporta l vantaje che l ne passa nia tan de tëmp danter la lezions de scola y l ejam da fant. “L nseniamënt teorich resta a chësta maniera plu frësch, plu jëuni fajerà l ejam y nce pra i resultac fajons cont cun miuramënc,” à dit Hartwig Gerstgrasser, diretëur dla furmazion profesciunela. Da nuef iel nce i standard che i lerneri y i patrons de lëur muessa tenì ite. L vën pertendù njins y

massaria aldò, la cumpetënza dl moster y n curs de 16 ëura sun capaziteies pedagogiches. Nuef ie nce la prozedura a tò su n lerner. Nchinamò fòvel debujën de n bënsté dl Ufize provinziel de referimënt, śën bàstel na comunicazion dla dita. Chësc fej sparanië tëmp y rënd l tò su de lerneri plu scëmpl. Nfurmazions plu a puntin dl urdenamënt nuef per l nseniamënt de mestieres ie da giapé sun la plates web www.provinz.bz.it/ lehrlingswesen. (Ufize stampa provinziel) www.lauscdiladins.com

3


Atualité

nr. 30 / 03 de agost 2012

Sustëni dl’ativiteies di jëuni La Consulta provinziela ladina per l ciamp di jëuni sustën che l vënie dat priurità al finanziamënt de ativiteies per jëuni permez ai nvestimënc te strutures. Chësc ie stat l pensier zentrel dla senteda che la Consulta à tenì n mierculdi ai 25 de lugio a La Ila Jëuni - Un di lëures prinzipei dla Consulta di jëuni ie propi chël de fé prupostes coche la Jonta provinziela dëssa mpusté l finanziamënt dl lëur per y cun i jëuni. Tla senteda a La Ila iel bele

unì cialà inant a ciunes che pudëssa vester la priuriteies per l 2013. I reprejentanc dla Val Badia à purtà dant che l studi di jëuni a mustrà su na gran ulentà per ativiteies a livel de valeda. Tlo se tràtela śën

La Consulta. Dovia da man ciancia Wilma Runggaldier, Vito Campei, Valentin Erlacher, Klaus Nothdurfter, Doris Mussner Delago, Lena Mulser, Martina Rier y dancà da man ciancia Gottfried Nagler, Silvia Valentin, Patrick Stuflesser, Heidi Rabanser y Milena Kostner.

de cialé che per de tei proiec sibe nce mesun n sustëni finanziel. Davia che na lege se damanda de dé majer pëis ai nvestimënc te strutures iel per l Ufize provinziel per i jëuni rie a mëter a jì l finanziamënt de ativiteies straurdineres a livel de valeda. La Consulta ladina di jëuni se damanda perchël cun duc a una che per l ann 2013 vëniel dat majer pëis al capitul che à da n fé al finanziamënt de personal, ativiteies y proiec. “Chësc ie debujën per pudëi lauré cun i jëuni coche l vën nce adurvà,” sorissea Wilma Runggaldier dl Ufize provinziel di jëuni. Tla senteda a La Ila à la Consulta Ladina danter l auter nce cialà inant al’ancunteda dla consultes provinzieles dla trëi grupes de rujeneda d’autonn y a argumënc de atualità per i jëuni. L diretëur de Ufize Klaus Nothdurfter à prejentà proiec che l Ufize provinziel ie tl lëur de nvië via per i jëuni de duta trëi la grupes de rujeneda. (Ufize stampa provinziel)

Paures y IMU La Provinzia de Bulsan à tres ndicazions ai Chemuns udù dant che nce i paures dëssa paië si pert dla chëuta IMU Paures - La Jonta provinziela de Bulsan à ai 23 de lugio dat pro i caji cuncrec, tl cuntest dla pauraria, ulache l pudëssa unì fat delibrazions dal IMU. Per i fitamajons iel udù dant na chëuta IMU de 7,6 permile. “L ne fossa nia drët che per chëla pertes che vën nuzedes per la feries sun l luech da paur, ne n’iel da paië deguna IMU, nsci iel la Provinzia de Bulsan, la sëula tla Talia ulache nce i paures messerà paië si pert,” à dit l

presidënt Durnwalder do la senteda dla Jonta. Nscì iel unì dat la ndicazion ai Chemuns de tò ite l IMU nce per cooperatives da paur y frabicac nuzei per feries sun l luech da paur. Sce cuatieres sun n luech da paur vën nuzei da chëi de familia, dëssa chisc cuatieres unì cunscidrei per l IMU sciche prim cuatier. Sce l se trata de n ufize pra l luech da paur, pona ne dëssa chësc aldò dla Jonta provinziela nia unì valutà

autramënter che duc i autri ufizies. Ntan l frabiché da nuef de na strutura zareda ju, iel nchinamò unì tëut ite la vedla chëuta ICI. “Ntan i lëures muessa i paures bele cialé ulà che i lascia l bestiam y la mascins, perchël ne n’iel nia drët tò ite na chëuta te chësc tëmp,” à dit Luis Durnwalder. La Jonta provinziela à tëut demez chësta regulamentazion jan contra la ulentà dl’Assoziazion di Chemuns. (Ufize stampa provinziel)

Puscions dla ferata La Provinzia de Bulsan ova fat n acurdanza cun l Stat che la ëssa pudù sëurantò puscions dla ferata te chëla che la ëssa fat lëures pra la strutures

Toblach. (foto: montagnaestate.it)

4

www.lauscdiladins.com

Puscions - Do che la prima pert di lëures, majera pert te Puster, ie stluta ju, à la Jonta provinziela de Bulsan ai 23 de lugio azetà ufizialmënter de sëurantò la prima pert dla puscions dla ferata. Per la prima pert di lëures che la Provinzia à fat pra la stazions dla ferata iel unì fat nvestimënt per de ndut 19,2 milions de euro. L Stat à nsci sëurandat puscions n majera pert te Puster, a Ehrenburg, Toblach y Niederdorf, ma nce a Bulsan y Maran, per n valor de 9,48 milions de euro. Per la segonda pert de chësc barat vëniel mo fat la stimes dl valor. La sëurandata de chësta segonda pert dëssa aldò de Durnwalder unì fata ti proscimi mënsc. (Ufize stampa provinziel)

Spetar n fi Spetar l prum fi l’é n aveniment che porta de gregn mudamenc per duc doi i genitores: n passaje da la part de fia e de fi a chela de mare e pare. Te la femena chesta mudazion la é amò più grana e la é tel corp ma ence te la fegura che l’à de sé, de soa feminilità. No la vif più soa gravidanza sche na outa, che béleche la la sconea o la la vivea desche n aveniment demò “matern”. Ades la femena la porta l “pancione” con orgolie, l’é n moment glorious, no la renunzia a se sentir bela e femena desche dant, anzi, con amò zeche de più, desche la neva vita da ite de sé. E aldidanché con la tecnologìa l’é doventà zeche de amò più concret e che se veit, percheche se sà dut de so svilup, dal conzepiment al nasciment: l’é n esser che stasc te so corp e l se nutresc de soa sostanza man a man che l cresc daìte. Ades saon che l’é n “esser” con si comportamenc, reazion, segnes, esprescion: l verc e l sera la bocia, l magna, l ciucia l polesc, l desferenzia i saores, l sent, l scouta, l noda, l muda posizion per star più sorì, l veit, l dorm e valch outa somea che l grigne, desche se l se ensomeassa… Spetar n fi l’é semper stat n moment muie emportant te la vita de na femena, pien de segnificac emotives fogn, ma anché l’é vivù con maora consaputa respet a na outa. E chest proprio percheche l’é na cernia e no demò n destin: un fi l’é dejidrà e volù. Donca ence l raport anter mare e fi l’é scin dal scomenz de la gravidanza n muie ascort e sentù. La scienza la é ruada a capir coche ence i nef meisc de gestazion i fasc part de noscia vita: chiò se enjignon i strumenc per soraviver dò l nasciment, l’é i fondamenc de dute le funzion che vegnarà svilupade dapò, podon jà sentir i sons, aon jà n muion de sensazion, podon responer e reagir ai stimoi. Se sà ben che l stress en gravidanza no l’é positif per la mare e nience per l fi. Ma no semper se pel l schivar, soraldut canche se con lurar scin a l’ultim dì o béleche. N muie de femene le fasc chesta cernia per se sentir amò ative o per no mudar nia e jir inant più che l’é meso con la vita de semper. L’é fondamental no scutar demò i consees del medico, ma ence se scutar enstesse, ge jir dò ai mudamenc che rua, ai ritmes e tempes che muda e spartir chesta esperienza con l’om che se à apede. Na maternità vivuda de pien l’é na esperienza unica che

pel far doventar riches duc doi. Ence la cobia en gravidanza la é mudada tel temp: la femena no la é più veduda desche n esser demò “matern” che renunzia a soa feminilità. Anchecondì la maternità e la sessualità pel ence star ensema, no l’é più doi robe che se contrapon. Na outa da na man l’era la femena-mare e da l’autra man la femena-femena. L’integrazion de chisc doi aspec e ruoli de la femena l’à n condizionament positif su la cobia. Fin ai egn ’50-’60 l’era scinamai i dotores che dijea che l’era miec no aer raporc sessuai per no far dan al feto, pericol che l’enrescida scientifica à neà (fora che te na gravidanza a risech). Chest l’é emportant ence per l pare, che l se sent manco taà fora da la gravidanza e dal prozess generatif che va inant tel corp de la femena, l sent che l pel far part e esser più vejin te chesta esperienza coscì particolara. L’om apontin, a respet de na outa, l’é più bon de spartir con soa femena chel aveniment misterious che ela la vif daìte de sé. E l lo moscia te desvalive maniere: co la delicateza del contat del corp, con la vejinanza fisica, l ge slizia l venter, l met l’oreia apede per scutar l bater del cher. L spartesc con ela soa felizità, soa sodisfazion e so orgolie. Ma ence si cruzies. Na outa l’om béleche no l rejonaa nience de chest fat, desche se no fossa na roba soa, amàncol scin al nasciment. Anché enveze l ne n rejona, l spartesc coi autres l spet e l nasciment. Canche se speta n fi l’é normal che rue pensieres, dubies, domane che per forza fasc pissar, su de sé, sun soa vita, ades che se é dò a ge dar vita a n fi. Donca l’é tante emozion che roda: felizità, legreza, sodesfazion, ansia, cruzie. Va ben coscì e l’é giust scutar e recognoscer duc chisc sentimenc, che i pel ence esser en contrast, contenteza apede a festidech: aer n fi l’é n aveniment per semper e i conflic te la femena i é naturalmenter più forc che te l’om, percheche la i vif daìte. L’é na vida desvaliva de viver chest moment, ma l’é ence doi maniere che é bone de se completar e che fasc chesta esperienza amò più unica e straordenara, che vel dir fora dal normal. Sarah Vian, psicoterapeuta con studie a Moena www.sarahvian.it


Atualité

nr. 30 / 03 de agost 2012

La globalità dla persona Danter la lingia de cursc da d’instà per l’educadësses dla scolina y nsenianc de scola te Südtirol, iel nstadì unì finà via n curs particuler a Calfosch Scolina - Deberieda cun doi relatëures se à 18 educadësses dla scolina n vënderdi ai 19 de lugio dat ju cun stories che conta dla vita per ti jì plu sot al argumënt dla furmazion di pitli. L’educadësses dla scolines ladines se à ntan doi dis de furmazion dat ju cun educazion y furmazion di pitli urienteda ala globalità dla persona.

I referënc Franz Kett y si assistënta Petra Ostermann à cun l aiut dla culissa naturela de Calfosch sapù da mëter a cuer la tematica ala maestres che d’autonn se dajerà inò ju cun plu pitli tl sistem de furmazion. L’esperienza di cursc da d’instà ie bele ti ani passei stata drët

positiva: “Te scolina vëijen che chël che ie unì mparà te chisc cursc vën nce trasfurmà tla pratica da uni di,” sotrissea la diretëura Hannelore Insam. L curs a Calfosch ie unì metù a jì tres i ufizies provinziei per inuvazion y cunsulënza dla scoles ladines cun la cuordinazion de Mathias Stuflesser. (dal Ufize stampa provinziel)

Dancà y da na pert Uedli y oredles daverc sun la sozieté ladina d’aldidancuei Zacotan de domandes a Jasmin Ferdigg da Rina, studënta

Te sàl bel d’isté? Scê, al me sa dër bel, sce al foss madër n pü’ plü ćialt! Ći fejte de bel chisc mëisc che te n’as nia scora? I laori, y sce i ne laori nia passi le tëmp cun la familia y cun i compagns. Fosste plü ion inzai al mêr a ne fà nia? I sun stada öna na edema al mer y da ne fà nia me stüfi engalin.

Maestres dla scolina ntan l curs a Calfosch cun l referënt Franz Kett y l cuordinadëur Mathias Stuflesser.

“Straverda ti cuer” I Testemons de Iehowa à abù n cungres pra chël che “l ie unì renfurzà la fede te Die,” coche l ie unì dit

Te sàl bel da abité a Rina, o fosste plü ion te na cité sciöche Bornech o Roma? Rina é n paîsc dër chît. Tratan l’ann de scora sunsi a Porsenù y la findlédema passi dagnora ion a Rina, dalunc dal stress dla scora. Canche i à debujëgn de pêsc sunsi ion a Rina. Mo plü ion abitassi te na cité, ajache al é plü ala man por nos jogn da se möie. Ći te savéssel pa bel da fà de laûr n bel dé? Chësta é na domanda a chëra che i n’à nia ćiamó na resposta. Al me savess bel tl ćiamp jornalistich, o tl ćiamp dla musiga, mo i n’à ćiamò degöna idea tlera ći che i oress fà n bel dé. Tan importanta é pa l’amizizia por te? L’amizizia à na gran importanza por me. Zënza amisc ne röion nia cis lunc, an adora gonot valgügn da baié, n consëi o na man, valgügn che te sta dlungia tl bel y tl burt. L’amizizia é öna dles cosses plü importantes tla vita. Tan important é pa l’amur? Inće l’amur, sce al é le dër amur, é fondamental. Sce an à na porsona che te fej stè saurì y cun chëra che te te stas bun dlungia, ciafa l’amur tres plü importanza.

Mumënc dl cungres de Persenon.

Religion - Nstadì, ai 17 de lugio, à i Testemons de Iehova abù n cungres che tratova l argumënt “ S t r av e rd a t i c u e r ”. L a manifestazion ie stata tl zënter dal Sport Sud a Persenon. L cungres ie stat per 772 Testemons de Iehova de Südtirol na gran festa, coche i à dit. Scumencià àl n vënderdi ai 13 de lugio, durà àl trëi dis. Uni di unìvel tratà argumënc trac dala Bibia, sciche

1. Samuel 16,7, 1. Chronica 28,9 y Mateo 12,34. L titul dl cungres “Straverda ti cuer” ie unì tëut da Proverbs 4,23. Renfurzé l crëidum fova l zënter dl program. Ai prejënc ti iel unì stlarì ciuldì che l possa vester de utl stravardé l cuer: l juda a tò drëta dezijions, a viver na miëura vita familiera, a renfurzé la relazion cun Die y sentì na drëta

legrëza. Nchin mez agost vëniel tenì tla Talia 87 cungresc te 21 ziteies. L medemo program vën tenì ti lingac talian, tudësch, nglëisc, franzëus y mo te d’autri chindesc d’autri lingac y nce n valgun lingac di sënies per i sëurc. I Testemons de Iehova se aspieta plu de 300.000 prejënc. Duc possa fé pea pra chisc programs debant, scrij Jens Plümacher y Wilmer Naldoni. (dl)

La crëta pa? Por me é la crëta na cossa essenziala. Por ejëmpl tl amur. N amur zënza crëta ne po nia funzioné y la crëta n iade maladorada é dër ria da davagné zoruch. Por me n'é la crëta nia ma tl amur importanta, crëta ôl ester indlunch, sides te familia co inće söl laûr. Podëi avëi crëta te valgügn é na cossa dër bela. Cal é pa to gran som? Soms ài n gröm. Un de chisc

che i ô realisé tosc, é jì tla Francia y stè n pez ilò. N ater gran som é rodé le monn y imparè a conësce cultures nöies y jënt nöia. Sce te podess striné, ći fajesste pa de bel o de burt? I strinass demez la meseria y la vera söl monn, y incö (vëndres dan otedé, da doman) strinassi adalerch le soredl. Cujìneste ion? Cara é pa töa spëisa preferida? Cujiné lasci ćiamò la mama, ara cujina tan bun! La pasciun por le cujiné n’ài nia, magari vëgnera ćiamò, an ne sa pa mai nia. Na spëisa preferida n’ài gnanca, i ne sun nia mölia, mo dër ion mangi patüc fat ala grilia y la carbonara de mia mama. Tö portes l’inom de n ciüf, te sàl n bel ciüf? Avisa! Al é bëgn n bel ciüf, mo al n’é inće plü de bi. Conëscte so tof, te plêjel? I n’à mai albü l’ocajiun da le tofè, mo śëgn che te damanes me savéssel interessant da savëi ći tof che al à. Tö es inće pro la Musiga da Rina, ći stromënt sóneste pa? I soni le fablo traversal. Sciàfieste da jì ales proes y ai conzerć? I ćiari dagnora da ester ales proes, d’invern sunsi a Porsenù, spo él por me manco comot da gnì a Rina a proa y porchël manći gonot d’invern, mo d’isté me vàra scialdi fora y ilò ćiari tres da jì. Cal te sa pa le plü bel tòch che i sonëis? Le toch che me fej gni vigni iade pel de iarina, canche i le sonun, é Pearl Harbor. Ći ô pa dì por te ester pro la Musiga? Al é zënz’ater n impegn fà pert de na uniun, mo al me sa dër bel, ćiodîche an po gonot inće s'la rì y fa damat. La musiga é por me na pasciun, ara trasmët ći che parores n’é nia bones da dì, y unësc tröpa jënt. Canche t’as n iade la patent dal auto, olà jarasste pa? Dër lunc. (ir)

www.lauscdiladins.com

5


Atualité

nr. 30 / 03 de agost 2012

A Cristian Deville na “Gondel” a Kitzbühel Gran festa tel Tirol per l campion de slalom strent da Moena, a chel che ge é stat dedicà la cabina numer 22 de l’Hahnenkamm Bahn

Cristian Deville à festejà sia cabina con parenc, amisc e autoritèdes.

Kitzbühel - No l’é da duc i dis e no l’é per duc, se veder dedichèr na cabina de l’Hahnenkamm Bahn de Kitzbühel, dal 1931 teater de garejèdes e dal 1967 capitala mondièla del schi. L’é passà sie meisc da chela gran dì a Kitzbühel e en mercol ai 25 de messèl l’é stat endò festa per Cristian Deville che te la zità del Tirol l’à tout pèrt a la zerimonia de “batum” de sia cabina, la numer 22. N moment storich e de gran nonzech a chel che à tout pèrt desvaliva autoritèdes del post, giornalisć da duta l’Austria e ence aministradores e promotores de noscia val. Cristian no era segur soul e si amisc del club i à pissà de fèr doventèr chesta zerimonia na dì da recordèr. I l’à fat, apede che con sia prejenza, ence con na maieta, na polo bruna scura per ic e biencia per l protagonist, olache sul tedant, apede a la firma de Cristian, l’é stat scrit “The Perfect Day”, la dì de la venta de la medaa de òr, ai 22 de jené del 2012 e sul tedò enveze “The Official Day”, ai 25 de messèl del 2012, la dì del “batum” de la gondola checena. I ge disc coscita colavìa tel Tirol a la cabines de l’impiant, che da tradizion vegn dedichèdes a duc chi atlec che venc na medaa de òr te la garejèdes del Trofeo de l’Hahnenkamm (che vel dir cresta de gial e l’é l’inom de la mont olache vegn jù i portoes e che per todesch l’é Hahnenkammrennen).

Venjer na medaa de òr te na garejèda de Copa del mond l’é zeche de spezièl, ma amò de più l’é la venjer a Kitzbühel che l’é una de la localitèdes de maor nonzech e più beles del turism da d’invern. E coscita la venta tel slalom strent de chest an ge à dat l met a Deville de esser pèrt de la storia de chest post. L’é l quinto anter duc i taliegn che veit se dedichèr na cabina a Kitzbühel. Dant da el la ge é jita fata demò a Alberto Tomba e Piero Gros tel slalom strent, al ladin da Ampez Kristian Ghedina te la juissa (libera) e a Gustav Thöni, che à vent per trei outes la combinèda. “L’é na bela emozion chela de anché. L’é na cabina che restarà per semper. Ades me sà dut più reèl, i ensomesc é doventé reèi”, disc Cristian Deville, che aló da la stazion a mont de l’impiant l’é stat azetà da n muie de jent e ence da la musega de l’òrghen da mantech, che ence Cristian l’à proà a sonèr... desmostran che l se la fèsc cà miec coi schi! A festejèr Cristian l’era ence l diretor de l’Hahnenkammrennen Peter Obernauer, l president de la sozietà de impianc portamont de Kitzbühel, la Bergbahn AG, Josef Burger e l campion Gustav Thöni. Dapò l’era i amisc da Moena, so père con etres parenc e ence so skiman Giuseppe Bianchini. Amò l’era la procuradora del Comun general de Fascia Cristina Donei, l president de l’Union di Ladins e

giornalist Silvano Ploner, dut sot l’endrez del president de la sozietà portamont Lusia, Umberto Anzelini che é de cèsa a Kitzbühel e che jà ge aea dedicà na cabina de la forenadoa del Lujia a Deville. Apede a Anzelini l’era ence Roberto Degiampietro e Livio Sommariva. N’outa che la gondola é stata metuda ite apede a l’autres, se é se n jic en ju, ampò no zenza dant jir a vijitèr la cabina olache pèrt i atlec per la juissa e che d’istà doventa na sort de “museo”. Defat, apede a de bie retrac, l’é fora i inomes di venjidores de la Copes del Mond dal ’67 al 2012 e dapò ence n gran retrat di venjidores de chest an: Cristian Deville tel slalom strent, Didier Cuche te la juissa e Ivica Kostelić te la combinèda. L’é stat proprio na bela dì fora Kitzbühel, che é jita inant coi compliments a Cristian da pèrt di maores raprejentanc del tradizionèl Torneo de tennis de Kitzbühel avert proprio ti medemi dis e che Cristian, pascionà de tennis, arà l met de proèr a n fèr pèrt ajache l’organisazion ge à regalà la “wild card” per tor pèrt a la calificazion del tornoi 2013. Dò chesta vijita da d’istà a Kitzbühel no ne resta auter che spetèr l’invern che vegn e poder endò viver de bela emozion con Cristian e con duc i atlec de schi ladins. (Valentina Redolfi)

Cristian Deville con sie père Roberto.

Dò la cabina sun Lujia l’é ruà la dedica ence sun chela de Kitzbühel, recordèda ence su la maietes che ge à enjignà si amisc del club.

6

www.lauscdiladins.com


nr. 30 / 03 de agost 2012

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

La bela Resciesa L sonn, la ujes y la mujiga de Gherdëina: nstadì iel unì prejentà n bel liber de nrescida n cont dla mujiga populera te Gherdëina. Nce na CD ie metuda pro al liber

Pra la prejentazion dl liber “La bela Resciesa” àl sunà y ciantà plu grupes.

Mujiga - “Nina nana bel pupin, ulà ie pa mami, ja mulin a tò farina, fé la papa al pitl pupin.” Chësc ie l prim pez dla de ndut 68 registrazions che ie da liejer do tl liber “La bela Resciesa”. L titul ie “Nina nana”. La usc sun CD ie de Barbara Costalunga “Babi da Nudrëi” nasciuda tl 1928. La registrazion ie unida fata da Paolo Vinati a Urtijëi ai 13 de agost dl 2009. L Istitut Culturel Ladin Micurà da Rü ova nvià ala festa de prejentazion dl liber n sada dan otodì ta la Utia Ciampac te Sëlva. Danter la ntroduzions y spiegazions di espunënc dl Istitut y dl autor dl liber Paolo Vinati, à plu grupes de Gherdëina sunà y ciantà de bela cianties tradiziuneles de mujiga populera de Gherdëina. Nia mancë ne pudova sambën no n valgunes ciantedes ta Ciampac da duc deberieda, coche “Gherdëina Gherdëina.” Vinati à prejentà l liber, cun na CD dovia acioche n possa nce scuté su vel’ pez: laite iel cianties y taialonges per i pitli, mujighes strumenteles, mujiga cianteda, mujiga da familia ora, dala stua ala televijion y l’evoluzion dla mujiga tradiziunela, la “Volksmusikpflege”, mujiga per l’aurela curta, la ciantia ladina, cianties ritueles y cianties religëuses y urazions. Vinati à rengrazià l Istitut Ladin Micurà de Rü, che à sustenì l proiet, ma nce te na maniera particulera Barbara Kostner che à cialà tres i lëures y dat truep cunsëies de nrescida, y Monika Kelder, per si sensibltà y pascion y per avëi judà a abiné la drëta persones che cunesciova mo i pec de mujiga. N rengraziamënt ti ie nce jit a Silvia Costabiei per si lëur de trascrizion, a Ulrike Maierhofer per la traduzion tl gherdëina y a Meike Höpfner per la traduzion tl tudësch. L liber cun CD ie da cumpré tla

butëighes dla valeda, tla sënta dl Istitut Culturel Ladin Micurà de Rü te Sëlva y tla Biblioteca Ladina tla Cësa di Ladins a Urtijëi.

Te si ntroduzion scrij Paolo Vinati che “l ie luesc ulache la mujiga ie na pert zentrela tla vita soziela de na cumenanza, ulache n ti dà la mpurtanza de n savëi che va de bujën y chëi che fej mujiga vën cunscidrei cun gran stima, ulache duc à da n fé limpea, nce canche la se trata mé de na descuscion n cont de n ciantarin che à ciantà tla televijion, de n cunzert sunà dal vif o na funzion religëusa acumpanieda dal cor de dlieja. Na materia - chësta dla mujiga - che ne purtën perchël nia mé ai musicisć. Gherdëina ie dessegur un de chisc luesc. De chësc possa se ntënder chi che mei, che sta tlo nce mé vel’ di y che, ti cialan ala zaita ladina La Usc di Ladins, possa zënzauter ruvé pra nutizies n cont dla ativiteies, la manifestazions, i anuei y festes de Cores y de Mujighes, de cursc de mujiga y de cunzerc, che te Gherdëina n vëniel metù a jì tan che uni ena. De chësc possa se ntënder nce l seniëur - la valeda à na tradizion turistica - che stajan tlo n struf puderà se rënder cont de tant che l vën cialà y de tan de mpurtanza che l ti vën dat ala mujiga, ntan la funzions de dlieja, n ucajion de manifestazions folcloristiches publiches, pra i truep cunzerc. Y chël che i vijitadëures jega de avëi ntendù vën pona nce cunfermà da zifres, che mostra su na perzentuela auta de alfabetisazion tla mujiga sibe a livel ndividuel che de grupa, che ie

La prima plata dl liber.

L autor Paolo Vinati, a man ciancia, pra la prejentazion dl liber.

“La Mujiga ie te Gherdëina na pert zentrela dla cumenanza”

dessegur nce merit de na politica culturela nvieda via urmei bele da plu dejeneies, che à fat unì su danter la jënt de Gherdëina na vivanda tla mujiga nia da puech. L’idea de nvië via na nrescida etnomusicologica ie, sun na tela, belau unida de si bona; sun ncëria dl Istitut Ladin Micurà de Rü àn metù man de crì do tulan n cunscidrazion i luesc y la frazions dl raion ladin de Gherdëina, cun la ntenzion dant a prima de udëi tant che l ie mo restà ncueicundì dl patrimone dla cultura dla mujiga data inant a usc, de ce viers che chësc patrimone se à svilupà, y ce senificac che l à giapà. Ntan la nrescida iel sautà ora che tan che duta la manifestazions ie pensedes per n publicum, fé mujiga te n ambient privat “te familia” semea perchël de avëi perdù chëla mpurtanza che l à abù n iede. Ntan la tuedes iel unit a lum cuestions che n ne cunesciova nia - che l vën fat mujiga te na maniera semiprufesciunela, o l lecort de repertores da zacan tla taialonges destinedes per i pitli - che à descedà curiusità y nteres se meritan na pitla reflescion n cont de chël che n fova tl lëur de nriescer. Tulan n cunscidrazion oradechël studies fac bele dant tl raion, àn cialà de mustré su damprovia ce streda che la mujiga à fat y ulache l liber cun CD - cun si cërcia de 78 menuc permez ala passa 40 ëura tëutes su ntan l lëur de nrescida y l material audio che vën mo da d’autri archifs - se prejënta al nuzadëur coche n mesun che l mëina, na “mapa sunënta” che l acumpanieia, pez per pez, tres chisc luesc tan rics de mujiga, tulan ite nce sonns alalergia che caraterisea l raion. Chësc lëur mët dant oradechël n valguna cunscidrazions che me mbince feje unì mpue’ dal bunder sibe l

apasciunà che l spezialist, per se dé ju cun chësta realtà dla jënt de Gherdëina, che ulësse tlo rengrazië per si bënulënza y despunibltà desmustreda, ma nce n publich che

va bën sëura la sëides dla valeda ora davia che chësta publicazion vën data ora te trëi rujenedes.” David Lardschneider

Ta la Utia Ciampac iel stat n bel domesdì de aurela curta, cun mujiga, n bon bucon y n bon got.

www.lauscdiladins.com

7


Gherdëina

nr. 30 / 03 de agost 2012

L’ert de varì tla medejina generela La medejina ie deventeda cun l passé die ani na scienza suvënz massa tecnica, la ne n’ie nia plu n’ert sciche plu da giut. L dutor Piccoliori de S. Cristina stlarësc chësta evoluzion dl sistem saniter, che manacia de pierder man man i valores umans

Giuliano Piccoliori, dutor de S. Cristina.

Medejina - L cunzet de medejina se à svilupà tla storia. Tl’antichità univa la medejina cunscidreda n’ert. Lecurdon per ejëmpl l aforisma de Ipocrates “Ars longa, vita brevis.” Chësc uel dì che la medejina à giut per unì mpareda y unì metù n droa drët. La vita dla persona, de contra, ie scialdi curta. Nchin tl XVII-XVIII secul fova la medejina cunscidreda n’ert y na scienza umana. Cun la revoluzion ndustriela, cun l svilup dla manieres de lauré plu scientifiches y cun l pensier positivista iel unit ora n cunzet de medejina che ti cëla for plu y plu ala malatia y nia ala persona. L à scumencià n paradigma biomedich che cunscidrea la persona belau na mascin y porta la teoria de despartì l corp y la mënt.

La medejina fej malaties “La medejina à fat truep vares inant te chësc secul. Pensëde a tan truepa malaties che la à sapù da nventé,” à dit Enzo Jannacci. Martin Luther minova: “La medejina fej sauté ora persones amaledes, la matematica persones melcuntëntes y la teologia piciadëures.” Nce sce tla Talia iesen stai boni de slungë la vita de uni cuinta persona de un n ann, mostra la jënt na cërta desfidënza de viers dla medejina ufiziela. La crëta che l pazient à tl dutor se à smendrà ti ultimi trënt’ ani. I dutores scumëncia à jì for plu y plu demez dal pazient, se cunzentran mé sun la biologia y sun l’epidemiologia y sun l’economia

sanitera. La medejina se à despersunalisà, la tecnologia ie deventeda prevalënta, la persona ie secundera. Per la medejina moderna iel nteressant chël che suzed l plu suvënz y nia i pruzesc biologics che uniun fej tres autramënter n con’ dla manifestazions de malaties y la reazions ala medejines. Cun l unì su de malaties degeneratives à l mudel biomedich, che tënd de viers dla reparazions, scumencià a mustré che l ne n’ie nia adatà. La medejina ufiziela à perdù valores sciche relazions, l scuté su, l’empatia de viers dl pazient y ne porta nscila nia inant i bujëns de majera mpurtanza. Per chësta gauja se noza for plu y plu jënt dla medejines auternatives, datrai monce d’uni sort de varidëures che à ablteies particuleres, ulache la jënt giapa la atenzion y la cura che i adrova.

Schivé prozedures standard Nëus cialon de traté la persona cun si ndividualità te na maniera criativa per se adaté al individuum singul cun si bujëns, si tëmes y chël che l se aspieta, mpede ti jì do a prozedures standard. “La statistica possa vester n’urità prubabla, ma la ascuend l’ana y la ndividualità,” ova dit B. Blown. L dutor muessa savëi da tò la drëta dezijions, ti cialan al pazient o cunscidran i dac de lauratuere o di strumënc da vijita. L muessa crì ora l tratamënt particuler o la terapia adateda che joa l plu, cunscidran uni persona per sé te na maniera persunela, zënza fé unì su na majera manaceda per la malatia.

Ert y scienza “La medejina ie l’ert dla nsegurëza y dla puscibltà,” ova dit W. Osler che à vivù dal 1849 al 1919. Nosta cunescënzes, nosta esperienza y la funtanes scientifiches ne n’ie suvënz nia assé per tò la drëta dezijions. Suvënz ti jons do a nosc istint, nce sce ne l dajon nianca no for pro a nëus nstësc. Duta chësta cumbinazion de cunescënza tl ciamp dla medejina, ntuizon y iudize ie cunesciù coche ert de varì o ert de medejina. La paroles possa varì ma nce ferì dassënn y monce desdrù na persona. Les muessa dé speranza, otimism y gheneda. La paroles, l

tonn y la mimica che n chier ora à na gran fazion sun la terapia. Chësc ie l’ert dla medejina che ne à deguna regules o tecniches. Ne n’ie pa chësc nia ert? La medejina ie perchël n puent danter scienza dla natura y la scienza umana. L dutor vën suvënz udù coche persona tecnica che dà inant si savëi spezifich al pazient. Ma la ne n’ie nia nscila, ajache la medejina ne n’ie nia mé scienza ma nce ert, che se damanda truepa cunescënzes dl’ana dla persona. La medejina coche scienza naturela ie urienteda a analisé fenomenns biologics y ala derivazion de regules genereles, canche la vën praticheda muessen mëter n droa paradigmata dla scienza umana y storica. La medejina coche scienza y la medejina coche ert ne n’ie nia n cuntrer, ma les toca adum, coche la njenieria dl joler y l’ert dl julé. Nëus dutores ne son nia tecnics dla medejina, degun mecanicri, nce sce tl’università unions nseniei ju nscila.

Dutores strënc ite Al didancuei se sënt i dutores for plu y plu strënc ite te si autonomia de tò dezijions, sibe tla pert aministrativa y normativa (notes CUF, budget), che tla linies crisses ora dai gran trials che sention coche fulestieres, tumedes da alauta ju, che ne tën nia cont dla esperienzes y ressurses dl raion, nce persuneles. N auter elemënt cundiziunea la lidëza de dezijion: la tendënza for majera di pazienc de damandé ejams y terapies aldò de chël che l ti vën recumandà ti mass media, tla zaites, tl radio, tla televijion, ma nce tl internet. Dantaldut la ndustria uel fé crëscer pruzedures de dianiostica, terapies y monce malaties per cialé de arjonjer l majer prufit che l ie mesun. Sibe i pazienc, nce per gauja dl’assoziazions de cunsumadëures, che nëus dutores ne son purtruep suvënz nia cuscienc y on gran crëta te chësc fenomenn. Truep pazienc y nce i media ti va pona permez cun na cërta agrescività ai dutores, i sburdlan a ti jì do a na medejina defensiva, cun la realisazion de verifiches suvënz da degun utl y cëres y cun la prescrizion de terapies preventives ai pazienc sani o a manaceda bassa. A chësta maniera iel tler che ne son nia boni de ti jì permez a duc i bujëns de nosc pazienc y che ti dajon a na pert de ëi la minonga nia realistica de na medejina che possa fé dut. La lerch dl’ert dla medejina vën nscila strënta ite y l ie for plu y plu rie a ti jì ancontra ala natura psico-fisica y sozio-culturela dla persona cun l svilup dla scienza y dla tecnica dla medejina che va for plu y plu aslune.

Sustëni uman

Bele tla Grecia, dan za. 2400 ani, fova la medejina n’ert. Sun chësc relief vëijen l dutor Asklepios che cura n’amaleda. A man drëta iel la dea che varësc.

8

www.lauscdiladins.com

N’autra deficultà a chëla che nëus messon ti jì de contra ie che i problems de sanità ne n’ie nia for spezifics. Suvënz se sënt la jënt mé mpue’ cëurna o ie sotsëura per n busiamënt. La majera pert se tràtel de desturbs che toca leprò pra la natura dla persona y che va a bon

L dutor devënta tres l scuté su nstës medejina.

fin te na maniera spuntanea. “La malatia ie na cunvinzion,” à dit Italo Svevo 1861-1928. L dutor muessa datrai nce ti dì al pazient che l muessa mé aspité nchin che l varësc. Ti dé crëta al pazient, dé inant gheneda y otimism ie suvënz la miëura scumenciadiva per l varì. “L miëur dutor ie chël che dà inant speranza,” à dit Samuel Taylor Coleridge. Jënt zënza sudesfazions y cun frustrazions tl lëur o tla familia chier aiut. Vel’ persones à bën de bujën de terapies de medejines ma dantaldut de n sustëni uman y psicologich. Baltasar Graciàn ova dit bele al scumenciamënt dl XVII secul: “L dutor che sà da fé muessa vester tan espert de dé medejines o de ne dé datrai nce nia.” L dutor devënta tres l scuté su y l’empatia nstës medejina.

N’autra medejina Nëus on l pricul de unii sotmetui coche tecnics dla medejina dala scienza, dal pazient y dal sistem saniter cun si economia, leges y politica. Da mé ora possa chësta manaceda unì smendreda sce n scumëncia inò a pratiché la medejina plu coche ert, na pratica plu daujin

ala natura dla persona. “Lecordete che l miëur dutor ie la natura. La varësc doi terzi dla malaties y la ne rejona nia mel de ti colegs,” dijova Galenus 129-201. Per avëi na medejina plu umana vëniel per ejëmpl nsenià ti Stac Unic desciplines sciche la filosofia, la etica, la psicologia, la storia, l’ert, la comunicazion y la leteratura aldò dl prinzip de Edgar Morin, che dij che l svilup dla nteligënza ne n’ie nia da destaché cun l svilup dl’afetività, sciche per ejëmpl la pascion y l vester curiëusc. Co possa pa n dutor ntënder l sentimënt de n amalà, sce l ne à nia liet l Idiot de Dostoiewski o udù l teater dl amalà nmaginer de Molière? Ert, leteratura y cura ie liei tres la cura umana. Povester iel na utopia, ma zënza ideai manacia la medejina de tumé te n’atività de bioreparazion ipertecnologica. Nëus on de bujën de na maniera auternativa a chëla che on śën. On de bujën, coche B. Lown ova dit, plu che de jì plu sot tla scienza, de pratiché l’ert.

La medejina possa nce avëi aspec negatifs.

ciaslat

Giuliano Piccoliori Traduzion tl gherdëina de Sofia Stuflesser


Gherdëina

nr. 30 / 03 de agost 2012

Leteratura alalergia dan la Cësa di Ladins La Union di Ladins Gherdëina à metù a jì na sëira de leteratura cun cater de bon poec dla valedes ladines

L cunsëi dla Union di Ladins Gherdëina.

I sunadëures à lascià audì plu pec.

Leteratura - Autores ladins à liet dant poejies o tesć de prosa n la sëira ai 27 de lugio tl verzon dla Cësa di Ladins a Urtijëi, purtan l publich te na bela atmosfera, te n tlima de cumpania y aurela curta da se n sté saurì. Rafael Prugger, Carlo Suani y Elisabeth Oberbacher, prim segondo y terzo pest pra l cuncors interladin de poejies “Angelo Trebo“, y Tobia Moroder che à arjont l prim pest pra l cuncors leterer “Auturs ladins scrij“ à ncantà l publich cun paroles, cuncedes via una dlongia l’autra te na maniera particulera y povester nce nueva per chiche scutova su, ti dajan senificat plu sot a cërta esprescions. Cun n vocabuler drët rich nes à uni autor fat jì ite te si mond. Tres la sëira à menà cun savëi Milva Mussner; dut l cunsëi dla Union di Ladins de Gherdëina cun a cë l presidënt Stefan Kasslatter se à cruzià a puntin dla urganisazion.

l pavé y l tëmp da vedl cun la negules. Carlo Suani dla Val Badia nes à pona menà tl mond di eroes y dla deviniteies greches. Ël à liet dant plu poejies ladines che trata di personajes dl’Ilias y dl’Odissea, coche per ejëmpl Penelope, fëna de Ulisse. Canche la ova finà de tiejer n drap messòvela maridé un di Proci. Perchël tiejòvela de di y desfajova l drap de nuet. Ala fin nes à Rafael Prugger liet dant n valguna poejies dl mond scientifich y economich. Prugger nes à lascià audì pec drët particuleres per si sintassa ma nce per la richëza de si vocabuler. N generel iel unit ora che l gherdëina y l badiot y l ladin n generel possa jì ite te duc i ciamps, che la rujeneda à vivanda y funziunalità, te chësc cajo tla poejia, ma pona nce te duta la pertes che à da n fé cun l mond, nia mé da zacan ma nce d’al didancuei.

I autores y si opres

Poejies pra n bon bucon y de bon vin

ciaculeda mpue’, stajan deberieda, pudan nce ciarcë de bon vins o maië vel’ bucon. Udan la mëisa de leteratura ladina metuda ora me éi damandà tan giut che la rujeneda ladina sarà mo data inant da l’oma a fi. Rujenan cun un o l auter éi audì minonghes d’uni sort. Dantaldut i autores fova drët otimisć per cie che à da n fé cun chësc. Rafael Prugger che ie de Urtijëi ma sta a Milan rejona ladin cun si mutons. Ël miena che l ladin ne n’ie nia tan sterch ajache mé puec autores, filosofs o scienziac cunesciui scrijova te chësta rujeneda. La minonga de Tobia Moroder ie chëla che la nfrastrutures se romp, ma la cultura resta. „Sce penson al ciastel Stetteneck che ie unì descurì da puec ani vëijen che la natura desdruj la cosses materieles. La rujeneda ladina alincontra à sëuravivù per prësciapuech 2000 ani.“ L ie perchël de gran mpurtanza che autores scrije tla rujeneda dl’oma per ne desmincé nia chësta bela rujeneda.

Tobia Moroder de Urtijëi, che à studià archeologia, nes à tl prim purtà tl ambient storich. Te na maniera particularmënter zerileda y da culëur à Moroder descrit l raion y i pensieres de na persona de tëmp che à vivù per n dassënn ala fin dl 1300. L se trata n vedl che scrij su si sentimënc y si lecorc dla slata di Stetteneck che sarà fineda do che ël mor. Elisabeth Oberbacher de Curvea à dat n cheder dla periodes dla vita dla persona, raprejentan la nfanzia cun la salieta, la junëza cun l preve, l’età da persona chersciuda ora cun

Na bela atmosfera ie unida su cun la letura dl’opres ma nce ajache mutons dla Scola de Mujiga à sunà cun l saxofonn. Ai autores ti iel unì sëurandat na boza de vin cun etichetes scrites, fates a man da Tone da Cudan. Ala fin iel unì metù a lincant de bona bozes de vin cun etichetes particuleres fates aposta per chësta manifestazion da artisć cunesciui de Gherdëina. Edith Prugger, David Lardschneider y Tone da Cudan à pità l plu, dajan nsci nce n cuntribut ala Union di Ladins de Gherdëina. N se l’à

La bozes de vin che ie unides sëurandedes.

Cunlauradëures dla sëira.

I autores Carlo Suani, Tobia Moroder, Elisabeth Oberbacher, y Rafael Prugger, che à liet dant n valguna de si opres. Dovia a man drëta Milva Mussner che à menà tres la sëira.

Marion Kostner, Veronika Insam, Sofia y Marie Stuflesser dla USC che à judà a njenië ca l buffet y a sté pra banch, l Schiclub Gherdëina che à mprestà l mplant audio, l Chemun de Urtijëi che à mprestà l palch, la butëiga Conad che à fat n

miëur priesc pra la roba da maië, Moritz Peristi che à njenia ca la luminazion, Rudi Funtanela che à dat la buandes y duc chëi che à judà ntëurite. Sofia Stuflesser

Rengraziamënc Per chësta festa garateda rengrazia la Union di Ladins de Gherdëina dantaldut i autores, i sunadëures Pia Demetz, Alex Designori y Christian Senoner cun si maester Thomas Piazza, La Usc di Ladins y la Rai Ladina, i artisć che à fat l’etichëtes dal vin Gregor Prugger, Albert Moroder y Tone da Cudan, Ivo Moroder che à purtà de bon vins y à nce abù l’idea dla degustazion cun cultura, Ivana Moroder, David Lardschneider,

Na bela atmosfera fòvel ntan la sëira de leteratura.

Bozes de vin che ie jites a lincant. www.lauscdiladins.com

9


Gherdëina

nr. 30 / 03 de agost 2012

Capela de Resciesa monumënt culturel

L’ëura da surëdl

La capela sun Resciesa dedora ie unida recunesciuda coche monumënt culturel da custedì

Sun Col dal Fil sun Mont de Sëuc iel unì metù su la majera ëura da surëdl naturela da Simon Moroder de Go y si fra Roland de Urtijëi

La capela sun Resciesa ie ufizialmënter recunesciuda sciche monumënt culturel.

Resciesa - La Jonta provinziela à sun pruposta dl’assessëura Kasslatter Mur dat pro chësta defendura di bëns culturei, scrij la Provinzia: “La mutivazion per recunëscer la defendura de chësta capela à dantaprima da n fé cun l’architetura baroca. La capela ie unida fata su tl 1752 y ie pona do y do unida cumededa plu iedesc. Si carateristica ie la porta a archët spiz danter doi vieresc dala medema forma. Sun la pert a sud iel n ghibl cun na crëusc. L tët ie de scintles. Dedite iel n Crist ziplà de lën y depënt, dl 18ejim secul.“ La capela “Santa Crëusc” sun Resciesa ie de avëi dl Chemun da Laion. La defendura sciche monumënt culturel unirà sun la fundamënta dla delibera dla Jonta provinziela purteda ite tl liber fundier a Tluses. (dl)

N pest per la cultura dl vin La Lia di Osć HGV y l Cunsorz de vins de Südtirol ti à sëurandat al Gourmet Restaurant Nives de Sëlva y al restaurant Terzer de Kurtatsch na uneranza per la cultura de vins de Südtirol Uneranzes - Na iuria ie jita a ti cialé ai restauranc y ciuleies tëuc n cunscidrazion y à valutà aldò de chël che i pieta, dla prejentazion y dl service de vin, ma nce aldò dl’istruzion di cunlauradëures te chësc ciamp y sce i vins passenea cun la spëisa piteda. „L Hotel Nives se à merità chësc pest,“ à scrit la iuria, „ajache i cëla a puntin dla cultura de vins de Südtirol. La familia Linder à cun autenzità y pascion metù su te chësc restaurant da na spëisa inuvativa y criativa na cherta de vins spezialiseda. Plu suvënz vëniel pità cercedes de vin y vijites tl ciulé. Nteressant

N ucajion dla uneranza, Alexia y Alex Linder, 5. y 6. da man ciancia.

y inuvatif nce l bar dal vin, cun si forma da barijel.“ Oradechël iel unì laudà l service cumpetënt y

profesciunel, che porta pro a n ambient da sté saurì, da coche l ie unì dit. (sst)

Iubilares de cënt ani Mo mei tla storia dla Cësa de Paussa ne n’iel stat na festa te un n ann cun bën trëi che cumplësc cënt ani dala blòta mujiga dl trio GollerRunggaldier, che à purtà ite gran vivanda y bona ueia tla bela cumpania. L ie na fertuna che duta trëi la iubilares ie mo lucëntes, les à mo nteres de dldut, de chël che suzed ntëurvia y nce ora per l mond. Ëiles se lecorda mo truepa roba da zacan y sà da cunté d’uni sort de ntraunides da plu da giut.

10

www.lauscdiladins.com

Ëura - Sun Mont de Sëuc, plu avisa sun Col dal Fil, iel danter l auter nce n sas de marcheda dla cosera Maria Theresa, da ulache l univa muserà gran pert dla grandëzes dla puscions de Mont de Sëuc; mo al didancuei ti vàn do a chësta mesures che fova bëndebot a puntin. Sun l Col dal Fil iel da chësc instà mo n’atrazion sëuraprò. N’ëura da surëdl ie unida metuda su cun n gran mpëni. L col ie te na luegia strategica dla Mont de Sëuc, da ulache n vëija ora n bel panorama. Dan n valgun ani ie Rudi Lardschneider de Urtijëi l patron de chësc col. Ël cëla cun gran pascion de chësc raion, acioche l reste mo inant tan idilich. Perdrët ti ova l patron dla puscion damandà a Roland sce l pudëssa unì a ti cialé ala luegia per fé vel’ opra d’ ert. Ma dal inuem Col dal Fil ti ie ai fredesc Roland y Simon Moroder de Go prësc tumà ite che chësta ie la luegia adateda per n’ëura da surëdl, ajache i raies dl surëdl dà ite dassënn te chësta luegia. L ti ie nce tumà ite de taché n fil da n lën ju nchin sun tiera y cun truepa mesurazions iesi stac boni de mëter a jì la majera ëura da surëdl naturela.

Calculé, museré y usservé Ajache Simon ie n gran espert de ëures da surëdl y l n à bele fat te truep luesc, iel sautà ora la idea, che ie bëndebot riesc unida cuncreta. Dantaldut fòvel de mpurtanza de fé velch zënza tuché la natura, zënza fé mures o fabricac, ma propi mé fé chëst’ëura ora di lëns che crësc te iló. N à cris ora l majer lën y n l à mpue’ taià pro. Pona àn tacà ite n fil, o miec dit na rola y n l’à lasceda

sëura sun fonz. Simon, che ie bele passa 30 ani che fej chësta ëures, à nscila fat duta la calculazions dla pendënza dla rola y de ulà mëter i sasc sun chëi che Roland scrijova pona su l’ëura che univa tucheda avisa dala dumbria tl drë’ mumënt. N ie mo jic plu inant ajache do truep calculamënc iesen nce stac boni de mëter su na lingia de sasc ulache la dumbria dla corda mostra nce sun I mëns. Nscila iela propi n’ëura cumpleta. Per arjonjer chësc resultat iesen stac plu dis sun Mont de Sëuc, cialan for la pusizion dl surëdl y dla dumbria. Tla calculazion fòvel nce for da ti cialé al’autëza dl lën che ie de 19,50 metri, pona ala pendënza dla tiera. De gran mpurtanza ie nce la stëila polara che muessa vester paralela al ascil dla tiera. L ie n’ëura scialdi granda, l basta pensé che ai 21 de dezëmber se mostra la dumbria a na distanza de feter sessanta metri. N’ëura da surëdl ie for velch scialdi de bel da cialé. Te Gherdëina àn l’ucajion de n udëi danter l auter sun Ciandevaves. Da permò iel unì fat n’ëura pra la luegia a Gummer ulache n ti cëla ala stëiles y che ie dantaldut nuzà dala scoles che vën adalerch. N ne giapa nscila nia mé na idea dla stëiles y di planec tres i telescops, ma n possa nce mparé a cunëscer na forma tradiziunela y antica de savëi ce ëura che l ie. Sce ëis l’ucajion de ruvé sun Mont de Sëuc tl raion de Col dal Fil, se merita l’ëura da surëdl dessegur che passëise a ti cialé. ... Y sce Rudi ie pra utia sàutel dessegur nce ora na bona buanda.

La plu vedla, anda Jole, à bele 102 ani. Ëila vën unitant a sté n mëns tla Cësa de Paussa a Urtijëi, sce no vìvela a Bulsan pra si muta. La trëi iubilares ie drët bënuludes dala jënt che viv tla Cësa y da dut l personal, che les secudësc cun lezitënza.

L ambolt cun la trëi iubilares.

Festes - La trëi andes, Jole Sgavioli, Elena Paolina y Hilda Quitta Schnarf, à bel mpont pudù festejé, ai 5 de lugio, i cënt ani y passa, tl cërtl di siei de familia, deberieda cun l’autoriteies dl luech, l presidënt y l cunsëi de aministrazion, la diretëura y l

L’ëura da surëdl sun Col dal Fil.

personal dla Cësa de Paussa. Cun legrëza àles pudù pië do n bel maz de ciofs da pert dl ambolt de Urtijëi Ewald Moroder. Drët bel ti à sapù ala trëi andes a giapé truep bósc, ajache chisc àn mefun for mo gën, cun uni età. La festa ie unida ncurnejeda

Nëus ti mbincion inant dut l bon, la sanità y mo truepa legrëzes per l daunì. Per la Cësa de Paussa, Erika Senoner I fredesc Simon y Roland Moroder de Go.

Armin Moroder


Gherdëina

nr. 30 / 03 de agost 2012

Ntervënc pra purtoies

Chegadoies a Urtijëi “Chegadoies sci, ma la luegia manco: miec na soluzion definitiva. N la segra d’Urtijëi ai 8 de lugio de chëst ann àn pudù udëi na sauridanza piteda te na luegia plutosc nia adateda,” scrij Vinzenz Peristi per l Cunsëi dla Union di Ladins de Gherdëina

Cumedures ai purtoies dai schi sun Secëda y Dantercëpies. Chisc ntervënc ie nstadì unic azetei dala Segonda Cumiscion provinziela per la scunanza dla cuntreda Purtoies - L purtoi danter Secëda y Marëufer possa unì slargià. La Segonda Cumiscion provinziela per la scunanza dla cuntreda à azetà n ntervënt sun n tòch de 130 metri che fova plutosc strënt. L proiet dla sozietà Secëda AG de Urtijëi vëija dant de slargë l purtoi de trëi metri, arjunjan na larghëza de 12 metri. Sun la pert dessëura uniràl trat ju n tòch de crëp y dessot pert uniràl metù su na rë de segurëza. La cumiscion provinziela à azetà l ntervënt a cundizion che l vënie laurà metan

dassënn a verda y che l vënie abinà na soluzion per n miëur cialé ora dla rë. L patron dl purtoi muessa paië ite na cauzion de 8.000 euro y garantì che l unirà do i lëures inò fat crëscer ite l raion. Tl raion dai schi de Dantercëpies puderàl unì fat mudazions al purtoi Frara. Aldò dl architet Walter Karl Dietl, che à menà la senteda, se tràtel mé de n pitl ntervënt per pudëi taché adum doi purtoies dai schi. L proiet ie unì mandà ite dala sozietà Dantercëpies AG de Sëlva. (as)

Chegadoies dan la Curta y la Cësa di Ladins

Urtijëi - Peristi: „L ie bën vëira che ulache l ie l majer trafich iel nce scialdi debujën de de tel lueges, ma zeche de nëubl ne fòvel iust nia. Te n luech de turism da 4-5 stëiles ne se prejentova chësta cesotes nia iusta sciche na nfrastrutura adateda sun n ëur de na streda, per jì su per la Curta.“ Nscila Vinzenz Peristi per l Cunsëi dla Union di Ladins de Gherdëina, fajan inant vel’ cunscidrazion: “L ie unì usservà che datrai restova vel’ usc nce daviert, bonamënter ajache zachei ova massa prëscia o puecia maniera o che i ujes ne se stlujova nia saurì, n spetacul plu da festa sun n pra che de n luech de gran turism. Sce zachei s’à damandà ciuldì che la Union di Ladins de Gherdëina à lascià mëter chisc chegadoies sun si grunt propi iló, messons dì che l ne n’ie nianca no unì damandà o rujenà de chësc cun chëi dla ULG. Nëus assan plu gën ulù cunsië, sce n cajo, vel’ autra

soluzion, ma ulessan tlo dì che la Union di Ladins fossa mo plu a una de crì deberieda cun la Chemun na soluzion per se nuzé de plën inò dla Cësa di Ladins, cun l Teater, Museum, la Biblioteca y i Ufizies dla Union di Ladins.”

“Na soluzion definitiva” Peristi sburdla de viers de na soluzion definitiva: “Pra n tel lëur se lascëssel povester abiné na soluzion definitiva per i “bujëns” che ne se lascià nia schivé pra de gran manifestazions sun Plaza de Sant Antone. Na plaza dala curieres se damandëssa pu ënghe na tel nfrastrutura, ma per chisc bujëns ne ulons segur de no ti fé cuncurënza ai osć. Ma per ucajions straurdineres ne fossa la ULG segur de no de contra de crì a na maniera de njenië ca tla Cësa di Ladins i chegadoies da śën, che ne

n’ie bele giut nia plu a norma, a na maniera che nia mé l Museum, la gran sala da teater y chino, la biblioteca y i ufizies, ma nce l publich che fej festa via n Plaza de Sant Antone y/o dan la Cësa di Ladins pudëssa se nuzé, povester te na maniera tan eleganta sciche l ie tla Cësa di Cungresc, sciche n dijova n iede. Chësc ti dajëssa nce na nota scialdi positiva ti uedli di vijitadëures n generel dla Cësa di Ladins, ma nce de duc nëus y di seniëures che vën a Urtijëi. Raton che chësta nosta pruposta vënie ududa de bon uel da trueps y assan gën sce n pudëssa tò chësta ucajion per ti dé na sburdla cuncreta acioche n ruve pra finanziamënc per fé duc i lëures che va debujën per ti dé de reviers duta la funzions che chësta Cësa à abù cincant’ani alalongia per duta la populazion.” Nscila Vinzenz Peristi per l Cunsëi dla Union di Ladins de Gherdëina. (dl)

Da Secëda ju vëniel fat n ntervënt pra purtoi.

Grupes nueves te Gherdëina Ultimamënter vëijen cun legrëza che l panorama dla grupes de mujiga se slergia ora dassënn te Gherdëina. Danter chëstes iel i “Name in Progress” Mujiga - La grupa “Name in Progress” ie na grupa de trëi, che sona mascimamënter covers, ma cun l drë’ sentimënt per la mujiga, cun la drëta sensibltà tl raport cun la jënt che scota su y cun sensibltà

per i modui che l va debujën per dé inant la pertes plu sotes dla mujiga, che ie per ëi ntratenimënt, ma nce zeche deplù: l ie cuer, cervël y nce punza. Na lauda perchël ai trëi jëuni

Ivan Schenk guitar/vocals, Marco Kerschbaumer keyboard, Maikol Demetz percussions di “Name in Progress”. David Lardschneider

Da man ciancia: Ivan, Maikol y Marco. www.lauscdiladins.com

11


Gherdëina

nr. 30 / 03 de agost 2012

L’audio-guide, l cumpani nteratif

Assudëi, troi tres l bosch!

Cun la audio-guide nueva, l mëinaturisć nteratif, iel mesun descuvierjer Gherdëina te na maniera drët inuvativa

Ora dl troi che jiva da Ronc a Laranzan iel unì fat na streda per pudëi mené i trames di lëns taiei. Tla pacher iel unì metù ega da zucher

Turism - La storia de Gherdëina, curiusiteies, cultura, nfurmazions spezifiches y genereles unirà da sën inant nce fates a l savëi tres n “podcast”. L se trata plu avisa de scuté su n test y de ti cialé a n video che duc possa se ciarië sun si fonin. Pra i argumënc iel unì cris ora la gastronomia, trohtes y folclor, sport da d’instà y da d’inviern, lifc y furnadoies, flora y fauna, geologia dla Dolomites, cunsëies per cumpré ite, manifestazions, tradizions dl turism te Gherdëina y mo truep d’auter.

Paul y Marina Demetz de Sulé La persones che descrij y mëina tres Gherdëina ie l reghisser, atëur y arpizadëur cunesciù Luis Trenker tres la usc de Paul Demetz de Sulé, y na figura nventeda, la “Ladina”, cun la usc de Marina Demetz de Sulé. Tres dialogs danter chësta doi figures possa chiche scota su se deleté y mparé tres avisa caranta menuc de cumedia radiofonica. De ndut cuntën l’iGuide vint stazions, che n vijitadëur de Gherdëina possa se crì ora

Ora dl troi iel unì fat na streda. Vint ie la stazions dl’iGuide per la valeda de Gherdëina.

ndividualmënter y tla secuënza che l uel. Sëuraprò ie la spiegazion audiofonica slargëda cun de bela fotografies y de blòt videos.

L aparat nce da mpresté La “audio-guide Gherdëina” ie n mesun modern per purté dant y fé viver a chiche scota su na storia plëina de vita n con’ de nosta valeda. La ie da garat tla rujenedes

tudësch, talian y nglëisc y l ie mesun de la ciarië sun uni fonin smartphone, aparac MP3 y Windows Mobile; oradechël iel nce na APP debant per l fonin iPhone. Per chëi che ne ëssa degun de chisc njins moderns iel mesun de se mprëste ora debant l aparat aposta pra la purtines dla Lies per l Turism de Gherdëina. Irene Delazzer

Ciamp dala codla te Sëlva Nuvità te Sëlva: belau nia da crëier, ma la ie tan inant: l mplant dala codla nuef cun ierba artefiziela dl’ultima generazion te Sëlva ie tan che finà. A dis puderàn bele jì ite a fé cun la codla Sëlva - La ie tan inant. Ti ultimi dis iel mo unì fat i ultimi lëures, pra l ciamp nuef te Plan. La ierba artefiziela dla ultima generazion ie laite; plu inant de chësta ie mé plu chëla mez artefiziela y mez naturela coche la vën metuda ite tl stadio a San Siro o Giuseppe Meazza a Milan, ma chësta muessa nce regulermënter unì mudeda ora. La ierba de Sëlva dëssa duré per truep ani. Ti dis passei iel mo unì metù ite la risses per l gran ciamp, y la risses per i Under 12 da area a area y chëles per i Under 10 dl lerch, l sablon che va debujën, y pona l granulat, per ti sauté pona ite ala rëies. Chisc dis sarà dut finà. Pudon duc bele se ncunferté a jì ite a scarpeté mpue’, a purvé ora coche la ie sun l ciamp nuef. Dut

Bosch - Sce n va da Ronc ora per l troi che passa pra Busc da Bleje y ruva nchin a Laranzan vëijen belau duc i lëns cun n tai tl tram. Duc chëi lëns che ie marchei vën taiei. Ora dl blòt troi iel unì fat na streda per pudëi mené i trames di lëns ora dl bosch. Dan n valgun dis à zachei zarà su l tanch y metù ite ega da zucher tla pacher che geva su la tiera, dessegur minà coche azion de prutesta, fata da zachei che ulëssa stravardé l ambient y l bosch y l troi idilich de Sureghes. Ne n’iel pa nia da muië fé vel’ da de tel? Chi à pa lascià pro chësc? Do che l ie unì fat la pruposta dala Furestela ie l proiet jit tres la Provinzia. La Cumiscion tecnica à pona dat la lizënza. Ambros Hofer, assessëur de Chemun de Ciastel y respunsabl dla Frazions ladines, dij: “L proiet ne n’ie nia jit tres l Cunsëi de Chemun y la nfurmazion à mpue’ mancià. L fossa nce stat miec fé i lëures d’autonn o d’ansciuda, mpede śën tla sajon auta. Pra la senteda de chësc proiet éi nce lascià audì chësta mi minonga. L fova ponc

L mplant dala codla nuef.

ntëur iel śën na sauridanza, che jiva nce debujën a 1.600 metri, dantaldut per i jëuni che fej ala codla, ma pona nce per la scuadres

de tëmp liede y per duc chëi che uel fé mpue’ de sport ntan si aurela curta. David Lardschneider

La pacher ta Busc da Bleje.

I ultimi lëures: i sac cun l sablon vën menei adalerch.

12

www.lauscdiladins.com

Aldò dla normes iel nce unì fat na bela rampa.

I lëns taiei ora dl bosch sëura Ronc.

de ududa desferënc, ma coche l ie unì dit fòvel de bujën de rumé ora l bosch, acioche l giape inò aria. Chësc dëssa vester unì fat l ultimo iede dan trënt’ani. Per ruvé permez cun i njins àn messù fé na streda.“ Martin Schrott, presidënt dla stazion Furestela de Ciastel, à dat n valguna nfurmazions sëuraprò: “N ne senterà nia lëns nueves. Chëi crësc da sëui, a na maniera che te diesc o chindesc ani sarà l bosch inò sciche dant. Nëus cialon de fé l mënder ntervënt tla natura. Nce sce l ie zeche de nia leghel, pudons nce udëi ite la gauja che à purtà pro al’azion de prutesta, sambën zënza ulëi la scusé. La Furestela ulëssa arjonjer l bën per l bosch y per la cumenanza cialan de spënder l manco scioldi che la va.“ Uniun à na si rejon. Vëira iel che ora dl blòt pitl troi iel unì fat na streda, che puderà nce unì nuzeda coche troi da jì a pe o cun la roda, ma l ambient y la emuzions ne sarà povester nia plu chëles da dant. Sofia Stuflesser


nr. 30 / 03 de agost 2012

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Ambulánze: rua la Crousc Bláncia da Bolśán “Nos soi ncora senza autovelox” Per n meis sarà le ambulánze da Corvera e La Vila a seguré l servisc de prum aiut Sozial - Da lunesc 6 de agost l servisc de prum aiut nta Fodom l vignarà fat da le ambulánze de la Crousc Bláncia da Bolśán. Chëst l acordo che a ciapé la Uls de Belum e chëla de Bolśán. Le ambulánze del Coordinament Agordin, che da de auril nca a rodol i à stopé ite l busc lascé da la Crousc Bláncia da Fodom davòche no l’à firmé la convenzion co la Uls, i ava bele dit davántfòra che le segurëva l servisc demè per nvalgugn meisc. Difizile per lori, souradut ntel plen de la stagion turistiga, ester bogn de curì ence Fodom. Coscita nte sti meisc l’é stada proprio la Uls de Belum a contaté chëla de Bolśán per cherì na colaborazion a na moda da podei seguré l servisc ence nta Fodom. E Bolśán a dit de sci a mané ite, n cajo de debujen, sue ambulánze da Corvera e La Vila. “M’é sentù siebelo co l prescident de la Crousc Bláncia da Bolśán Bonamico che co l diretor sanotar de Ègort De Col - spiega l capocomun Ugo Ruaz – che i m’à confermé che la convenzion l’é bele stada njignada. No se dut ntel menù ci che l é pervedù, ma De Col m’à

confermé che la Uls de Belum la paiarà fòra le ambulánze de Bolśán al medemo priesc de 1,55 euro per chilometro coche l’assa paié chële fodome.” L acordo l valarà per ntánt fin al 11 de setembre. N cajo de debujen l’ambulánza la ruarà da la Val Badia ite e la portarà l pazient jun Ègort coche suzedëva fin ades, très che un no voie ji autrò. Che siebe l prum vare perciéche la Crousc Bláncia da Bolśán la rue a fè servisc fiscio nta Fodom, coche l é dagnëra ste a Cortina e coche se descor da chelche meis nca, l lo conferma ence l Capocomun. “I volontari de la Crousc Bláncia da Fodom i à voté a l’unanimité de ester auna a passé con Bolśán. Nte sto meis Bolśán l avarà la poscibilité de valuté e capì co e come che la podëssa organizé l servisc nta Fodom. Mi me pèr che se siebe su la bona strada per rué a nen acordo. Chël che conta l é che ombe ndavò n servisc de prum aiut.” Se Ruaz l é otimist, autertánt no se pò dì su la cuestion del prescident de la Crousc Bláncia da Fodom Paolo Delmonego. Che l mët le mán davántfòra:”L é

trope cuestion da mossei definì.” Ma ci fin fajëssela la Crousc Bláncia da Fodom se la passëssa con Bolśán? “Come associazion la resta mpé – l spiega – ence perciéche l’é parona del fabricat ulache l’à sua senta. E chësta sarà una de le cuestion da descore fòra. Nos son auna de ie conzede a la Crousc Bláncia da Bolśán de douré l fabricat deban, pur che i acordi i ne vade ben. I é trope le dománde da respone. Per ejemple: chi elo che se tòl su l debìt de la Crousc Bláncia ? Cotánt paiela la Uls de Belum a Bolśán. No pense che baste che la ie paie fora i chilometri. L servisc i é costarà deplù. Paielo Bolśán ? Se rua lori lafora, i à ntenzion de mëte 4 persone fisce plu 3 d’inviern Se fossa coscita vòl di che nos onve rejon a damané chël che damanonva a Belum per fè servisc. Ánzi, damanonva ncora puoch; l mez. E po l é la custion de ci fè de nuosc meśi. I volontari nveze i restarà ma i vignarà comanei da Bolśán. No l’é na cuestion saurida e pense che volarà temp. E no l’é dita che se jiarà adacordo.” (sl)

Segiovia “Carpazza” njignada bele per de setembre I dis passèi n gran elicotero l é rué da la Svizera per monté i pilons Rèba - I dis passèi n gran elicotero ros l à fat auzé l cé a duc chi da Rèba. Se tratëva den Kamov KA-32 A12 de la firma svizera Heliswiss, rué adalèrch per monté i pilons de la nuova segiovia “Carpazza” sun Chël Vësco. Nte zirca na giornada l meśo l a porté su duc i pilons e le ruliere, che i vigniva metus auna ndriomán da le scuadre specializade sul pòst. L elicotero l é oramèi n meśo scialdi douré per chisc laour. Sebénche l abe n cost aut, a la fin l conven ncora perciéche l empermët de fè i laour scialdi plu mprescia, con mánco risći e spò mánco cost de personal. Cánche se trata de lifc gragn, con tòc che pësa da soi troc cuintai, nlouta no basta plu i elicoteri che l é chilò dintourn, che pò porté fin a 7 o 10 cuintai, ma le sozieté o chi che fèsc i laour, i mossa clamé chisc meśi plu gròsc che ven, de sciolito, da la Svizera. Chël rué sa na Rèba, n particolar, l pò auzé fin a 50 cuintai e l po’ rué a laoré fin a 5 mile metri. Le 2 pale, una soura l’autra, i é longe ndut 16 metri e l meśo l é aut 5 metri e mez. L pò jì fin a 250 km/h e l à n’autonomia de 2 ore e n chert. L cost per n menuto de laour l é ntourn ai 150 euro e nte chël temp l consuma ence zirca 50 litri de gasolio. Demè l fè rué da la Svizera

costa zirca 30 mile euro. Per chëst le ditte che l doura le ciala de se organizé e ven metù ju n davántfòra n plán de laour a na moda che l abe deplù laour da fè dintourn. Ma come dit, ence se i cosć de intervent i é auc, l laour che l rua a fè nte puoch temp l se paia fora. “Son ntei programs e per la fin de setembre la segiovia la sarà colaudada” ne spiega l diretor de stazion de la Sofma Leandro Santin. “Le doi stazion i é bele stade metude auna e per mez agost sarà su ence la corda. Po duc i laour che va

ndavòmán.” Ci mportánza alo sto lift per la Sofma ? “L é l prum vare per sleśeré l Sellaronda e tò via pèrt de la jent che ven ju per l prum mur de Chël Vësco, che tánc de problemi l ne porta. Chëst se podarà l realiśé cánche sarà refata ence la segiovia “Portados” che la sozieté l’à ntenzion de refé ntei 3 agn che ven e la nuova pista per rué a la Carpazza. Nlouta chi che rua a Rèba e a da fè la Sellaronda, i podarà tò la Portados, po’ la Carpazza e jì nnavánt del vier de Pordou o de la Marmolada senza mossei rué sunsom Chël Vësco.” (sl)

L Kamov KA-32 A12 nte piazal de la Sofma.

L vizecapocomun l à concordé coi autri capicomuns de le val ladine sul debujen de controlé deplù i jous contra l crabal de chi da le moto Viabilité - Plu polizia e carabinieri per controlé i jous e n lime de velozité plu bas e ugnol per duc i jous del Sela. Chëst chël che i Capicomuns de le val ladine del Sela i a fat fòra de domané a le autorité per contrasté l sciusciuro de chi da le moto, nte la sentada che i à bu la setemana passada n Badia. La riunion l’eva stada clamada ite dal Capocomun de Badia Iaco Frenademetz. Proposta che duc i coleghi de le val ladine del Sela i à azetè ben gënn. D’acordo sul debujen de controlé deplù le strade che va su per i jous ence l vizecapocomun da Fodom Claudio Sorarui, che l à tout pèrt a la riunion. Ma l ent fodom l mossa fè i conc co l personal da mëte a fè sto servisc. “On mefo n guardia – disc Sorarui – spo sarà ben difizile podei fè velch. Ma vedaron se se ciafieia a colaboré con Corvera per l Ciaulonch. E su l’idea che mëte n lime de velozité ugnol, magari a 60 a l’ora su duc i jous, coche l é bele sun Ciaulonch e Gherdëna da la pert de la Val Badia l disc.”L é n velch da verifiché co i ence locai che gestisc le strade.

Zerto, se chi da le moto i va plu pián i fèsc ence mánco crabal. E per i guardie o carabinieri l é ence plu saurì controlé. Se po ntra chi da le moto va fora la ousc che i jous i é plu controlei, magari i va de suo ncin plù pián.”Nte la riunion i capicomuns i s’à ence descorëst fora su ci che ogniun à fat per riduje la velozité ntei paisc. “Me n’é ncapì – disc ncora Sorarui – che nos da Fodom son i soi a no avei ncora metù su i autovelox ( l comun demè da puoch l à metù a bilánz 9 mile euro per compré le cassëte ulache va ite i aparac da mëte a La Plié e Rèba n.d.r. ). Duc i capicomuns i à confermé che basta che siebe metuda su la cassëta, ence se pò daìte no l é l autovelox, perciéche automobilisće motociclisć i vade plu pián. L é nteresciánt se descore fora – l siera ite. “Duc son stei auna a no volei fè passé l mesagio che chilò i bikers no i volon, coche ava poura l prescident de l’Aft Michela Lezuo. Ma son de l’idea che toca fè vèlch per tutelé i dërc de duc nuosc clienc: ciclisć, automobilisć, bikers e chi che va a pe.” (ls)

S.Ubaldo cialarà soura dal Col de Lana La statua del sánt patrono de Gubbio la vignarà metuda nte la capela su la ponta domënia che ven davò la S. Mëssa per i morc de dute le viere Col de Lana - Come oramei da tradizion, l prum fin setemana de agost l é dediché al Col de Lana e a recordé duc i saudèi che colassù i é morc da la Pruma Gran Viera. Se scomencia sabeda da sëra, da le 9, nte gliejia da La Plié, co l conzèrt clamé “Oh Col di Lana. Il vento le stelle e i gigli” ulàche se podarà scouté su l Coro de le Ële Col di Lana, nsigné via da Anna Devich e l Coro Ana Coste Bianche de Negrar ( Vr ), nsigné via dal maestro Damiano Ceschi che l di davò l acompagnarà ence la S. Mëssa de le 9:30 a la Plié. La sëra la sarà prejentada da Franco Deltedesco. Domënia l apuntament l é su la ponta de Col de Lana, ulàche l grop dei alpini da Fodom l mët a jì la zerimonia per recordé i morc de dute le vière. L program l perveiga da le 10:45 i saluc de le autorité, de sceguito i onour a le bandiere e da le 11 la S. Mëssa che la sarà dita dal Vësco de Gubbio S. E. Mario Ceccobelli e acompagnada dal Coro de Gliejia S.Iaco nsigné via da Denni

Dorigo. A la fin de la celebrazion nte la capela de la ponta, vignarà metuda ite na picola statue de S. Ubaldo. Chësta scomencidiva l’é piada via dai eugubins ( i abitánc de la zité de Gubbio, che da puoch l’é njemelinada con Fodom ), che spò n domënia i sarà de troc a la zerimonia auna, come da tradizion, a raprejentánze de alpini, carabinieri, saudei del 24° Jaegerbattalion de Lienz, scizeri e autorité militari, per recordé i plu de 12 mile morc sun Col de Lana e l gran simbol de pèsc e fradelánza che ncuoi raprejenteia chësta mont e la comemorazion de la pruma domënia de agost. S. Ubaldo, patrono de la zité umbra, l é ste definì defati ntel 1985 da Papa Giovanni Paolo “Sánt de la Riconciliazion.” La definizion del Sánt Père l’é stada atestada da na lëtra manada al nlouta vësco Ennio Antonelli e l’é stada metuda ntel satut comunal ntra i prizìpi fondamentai. La statua del sánt n ceramica, auta zirca 80 cm. l’é stada fata dal artist Enrico Nicchi. (sl)

i scolari i ven spenc del viers de la nrescida de co scrive ju na poejia e co douré l lengaz, e l plu dei viadesc l é sauté fora poejie e proje propio meritëole e che le dáida a fè rivive e a valorisé i lengac de mendránza. Sul scito www.istitutoladino.org se podarà ciapé dut chël che auda le

opere premiade. A vigni partecipánt vegnarà mané na comunicazion de chel che l é l ejit final del concors laprò al invit de partecipé a la zerimonia de premiazion del concors “Mendránze n poejia” de sabeda ai 8 de setember del 2012 da le 8 da sëra a Reba.

Mendránze n poejia: fenì l laour de la giuria Sto ann manade ite 109 poejie. La premiazion ai 8 de setembre sa na Rèba Cultura - La giuria del concors nazional de poejia “Mendránze n poejia”, prescident Domenico Morelli e giurei Nicola Tanda, Lucia Trusgnach, Lilia Slomp, Giuliana Bellodis, Andrea Nicolussi Golo, la s’à biné vender ai 27 de lugio del 2012 da le 10 davántmesdì ntei self

del Istitut Cultural Ladin Cesa de Jan per dé su i premi ai autor che à scrit le poejie plu meritëole e de valuda. La giuria l’à ence premié le poejie e le proje vegnude ite da le scole. Le opere ruade dai autor ugnoi i é stade 109, le scole à mané ite 63 poejie e 20 scric n proja. L

laour de la giuria no n é sté saurì percieche i scric manei al concors i eva tánc e valgugn de chisc i eva trop de valuta, acioche l é sté stentous tré fora le poejie / proje plu bele. La giuria l’é stada contenta che le scole e i maestri i s’à dé ju per mané ite i scric dei tosac; a sta moda

www.lauscdiladins.com

13


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

nr. 30 / 03 de agost 2012

El Grest de ra parochia

Ra Boite tenta de ros

Un istade pien de bela robes da vive, par i śoen de Anpezo

El guergno, un sguazo, ra pioa, una roa, r’aga ra muda color, intrà alcuante biei gnomes, de i nostre luoghe Aga duta rosa, śo par Boite, alolo bonora. Dute a vardà, śo da i pontes, chel color rosito, de pantan, de leda, de limo. Calchedun à vorù in saé depì, capì ce che ‘l ea suzedù, e ‘l é tornà su par ra Boite, a zesacù. Dapò Fiames, s’à vedù che r’aga de el Felizon r’ea neta, un viere. Dapò ra Piencia de i cazadore, inze ves Pian de Loa, anche ra Boite r’ea polito, agnó che ra rua śo da Ra Stua, da Antruiles. Coscita s’à abù da voltà a man zanca, agnó che

Una setemana dapò de cher’outra, prozede ‘l istade de el Grest, el Gruppo estivo de ra parochia de san felipo e Iaco, de Anpezo. A i ciatà par el paes, i bete de bon umor, dute chi śoen, che i smatiśea. S’i ciata par piaza, su i troes, inze ‘l bosco, o inze ‘l Parco de ra Dolomites de Anpezo, mangare drio a lourà, a i dià ‘na man a i ome. Calche ota i rua inze ra casermes, de ra forzes de polizia, che ón in Anpezo. Ra setemana pasades i ea su da ra Finanza, co ‘l capitagno Leonardo Landi, a inparà algo de ‘l laoro de

chiste ome co ra mondura, pi che see de el socorso in croda Sagf. Chi ome de ra Conpagnia de Cortina i à dà un bon azeto a i śoen: ignante in Comelego, a San Nicolò, a Cima Vallona, dapò inze ra caserma de Anpezo. Là i à conosciù anche Vacor e Tappo, un pastor todesco e un bordier collie, che i à dià i ome a insegnà. Inparà và ben, ma ‘l é anche da smtiśà, da famea, coscita i porta a fei sport, de chi che se conosce, ma anche de chi noe, par lore, cemodo che pó ese el golf, fora par Fraina e Noolù, e ‘pò su da ra pista

da bob, agnó che i pó se ranpinà, su par i laresc, tacade a i funaze. I vive in Anpezo, coscita ‘l é de bon che i conosce ra storia, ra usanzes, ra parlada ladina de chesto paes. E ‘pò i śoghe de ‘na ota, śuiade su ra ares, fora par Convento, cemodo che fajea i nostre jenitore, i nostre none. I à acaro i śoen, che i se ciata intrà de lore, che i vive śornades pienes de vita; i à acaro i grei, che i vede i so fioi segure, con calchedun che i tende e che i insegna algo. I à acaro chi de ra parochia, che i vede el so laoro donà biei frute. Da ‘l ponte de ra Salute, ves Ciadin, ra Boite rosa, intrà i sasc.

Ra fregores

El guergno, el dan, el laoro

Alcuanta noes in curto, da ‘l paes e da fora Da Anpezo a ra Olinpiades Nicola Colli, Francesco Dariz e Alberto Manaigo i laora, par ra Olinpiades de London 2012. I é là da alcuanta setemanes, ignante par parecià, dapò par ra gares. Dute e tre i à fato outra Olinpiades ignante, e Mondiali, e outra gares, in śiro par el mondo, da anes. I à scomenzà co i cronometristes de Anpezo, par dapò ciapà ra strades de el mondo. “Ra Olinpiades ‘s é un insogno par dute – el me disc Nicola Colli – ‘l é coscita par i atletes, che i core drio par cuatro ane, ma anche par nośoutre, par i cronometristes, par un ufizial de gara, par dute chi che laora par el sport, che i no speta outro, de ruà a ra gares pi grandes”.

Su ra Dobbiaco-Cortina El sacretario de ra gara su i schie da fondo Dobbiaco-Cortina ra lascia Anpezo, par s’in śì a Toblach. El nosc paes el perde un outro toco; śa tre ane i aea tramudà ra sede, inze l noo stadio par i schie da fondo, che ‘l é sote ‘l hotel Santer, a man zanca, canche se rua a Toblach, da Anpezo. Ades tocia a ra sacreteria. Luigi Apollonio, che el louraa inze chel ufizio da oto ane, da canche ‘l é mancià Paolo Martini, ‘l à scrito ‘na letra, agnó che el disc de no azetà chesta noa: “Son despiajù, parcé che aee ciapà amor, par chesta gara, par chesta śente, par dute i vorentie che laora; de dojento, zento e zincuanta i é de Anpezo. Coscita,

14

www.lauscdiladins.com

rua śo i doi rus, de Fanes e de Travenanzes, par ciatà ra roa, che r’à moesc ra tèra rosa, a i dà chel color a r’aga. Un tenporal di note, un sguazo de aga, de tanpesta, e duto ‘l é sboà śo. Ancuoi se sà, se capisce duto, se studia, se conosce. Una ota, un fenomeno coscita ‘l inpizaa duto un bateboi, par vede de capì ce che ‘l ea suzedù. Ancuoi se sà duto, se capisce duto. E coscita se và a vede de algo de outro, de poesia, de sentimente, de fantasia.

nafré a ra ota, aee inparà a conosce depì, e meo, duto chesto mondo. De chesta gara, ei scrito che r’é nasciuda in Anpezo, da chi amighe che i r’aea voruda, aduna con Fredy Dibona Pilato, de ‘l 1977, e che i r’à portada inaante par anes”. S’à scomenzà, inalora, co i schie da fondo. Ades s’in fesc pi de una, de gares, de un ver e de chel outro. Co i schie ‘l é ruà el Tour de Ski, par i pi varentes de ra Copa de ‘l mondo. Dapò se core a pe, e co ra roda, da Anpezo in inze, ves Toblach, par 30 chilometre.

El trenin par piaza Ce che i se ra gode, i pize, ra famea, a sentì ra cianpanela de el trenin, che el pasa par piaza. Ma, con lore, i se pasa biei momente anche i pi grei, i jenitore, i none, che i torna śoen, a se scentà su chel trenin, duto depento, che el sona, che el viaśa intrà ra śente. Chesto an el comun el ‘l à vorù danoo, co ra so sozietà Servizi Ampezzo, che ‘l à par presidente Marco Siorpaes Negro, dapò de ‘l aé vedù d’inverno, par Carnaal. Coscita par ‘l istade i ‘l à vorù nafré pi gran de chel che ‘l ea de febraro, da podé portà zincuanta parsones, su tre vagoi. E chesto an i à slongà el viaśo, i se moe intrà ra piazes, inze ‘l paes, ma anche pi indalonśe, i rua fin a ‘l lago de Pianozes, e ‘pò su, fin a Pierosà, agnó che ‘l é chel sito, da fei śuià ra famea. El treno el se ferma daante a ra ciaśa de comun, par fei montà ra parsones, el viaśa fin inze da ‘l stadio de ra jaza, el

pasa daante a ‘l Alexander Girardi, agnó che i à betù fora chera bela mostra de trenìs, fate in pizo, de ra colezion de Evaldo Gaspari Moroto, e su ra storia de ra nostra Farata de ra Dolomites. Dapò el śira par ra piazes, par ra strades. A enpì el paes de color, de susuro, de vita.

Un fascian par el Cortina Dute chi che s’indereta de hockey, in Anpezo, i à abù acaro de sentì che par ‘sto an el torna danoo Luca Felicetti. Chesto śogador fascian, che ‘l ea stà con nośoutre ‘l an pasà, ‘l à lascià un gran bel recordo, pi che see par ra so voia de fei, de śuià, de ciapà inze. «On vorù con duta ra nostra forzes, che Luca el tornase in Anpezo, dapò chel che ‘l aea mostrà de bel, ‘l an pasà – el me disc Sandro Moser, presidente de ra Sportivi ghiaccio – e son parsuaśe che i arà acaro, i tifose. Felicetti ‘l é un brao śogador, outra scuadra talianes i aea domandà, de śì a śuià da lore, ma el ‘l à abù acarod e restà con nośoutre: ca el s’aea ciatà polito, ‘l an pasà, e i nostre tośate con el. Coscita ‘l à vorù tornà, par ra stajon che vien». Nasciù de ‘l 1981, cresciù inze ‘l Fascia, ‘l é restà là fin de ‘l 2009, dapò ‘l é śù a Pontebba, par un an, e ‘l an pasà ‘l à proà a Torre Pellice, ma el no s’à ciatà polito, coscita ‘l é ruà in Anpezo, ciamà da Stefan Mair, e ‘sto an ra sozietà ra no se ‘l à lascià scanpà.

Tocia fadià, e spende, par comedà el dan che fesc el guergno, ra brentanes, i sguaze d’istade Calche ota basta poche menute de pioa, o de tanpesta, un sguazo, anche curto, par fei dane: ‘l é suzedù danoo, in Anpezo, i dis pasade. De ‘l dapò disnà, ra pioa r’à petà dasen, su par Inpó Pontió, sote el Cristallo, e r’aga r’à ingrosà el Ru de ra Graes, chel che ‘l é conosciù par ra desgrazia de sabeda 22 de agosto de ‘l 2009, canche ‘l é morto i cuatro ome de ‘l elicotero Falco, de el Suem da Piee de Cadore. Chesta ota el ru ‘l é śù par sora, via par stradon, a sarà ra 48 de ra Dolomites, che ra mena da Alverà su in Son Śuogo. I à ciamà alolo chi de Veneto Strade, che i à sarà ra strada, i ome e ra machines de el Comun de Anpezo i r’à netada, i à jaà i sasc, ra jera, el lido. I à daerto el stradon da ‘l indoman, da bonora de martes, e par ‘sta ota r’é śuda polito, ma ‘l é senpre da stà de sguaita. Da ‘l Ru de ra Graes, r’aga r’é ruada inze ra Begontina, che ra vien śo fin inze ‘l paes, intrà ra ciaśes: i à abù festide pede el Lagoscin, agnó che el ru el pasa inze ‘na strentoira, intrà i sasc. Dapò in Alverà, agnó che r’aga ra pasa pede ra ciaśes. E dinultima śo inze ‘l paes, agnó che ra Begontina ra rua sote el ponte outo, de ra farata, pede a ra botega Kanguro, agnó che i à fato un piazal, par i automobiles. Là s’aea festide che r’aga ra śise par sora, a fei dan, e ‘l ea i ponpiere a i tende. Adesresta alcuanta bores, che r’aga r’à

strascignà fin là, e radijes de brascioi, a segnà chel che ‘l é suzedù. E a me fei pensà sora.

El Ru de ra Graes ‘l é śù par sora, anche s’to an, e ‘l à fato dan, su ‘l stradon par Son Śuogo.


Anpezo

nr. 30 / 03 de agost 2012

Ra Madona de Pezié de Parù In dute, se fesc duto. Ra luje danoo, inze chera pizora grota, voruda da ra pi bela devozion de ra nostra śente. “Ei propio acaro, son propio contento che a calchedun i see vegnù r’idea, e ‘l ebe abù ra voia, de lourà, de fei algo, par chesto luó sacro, dedicà a ra Madona. De chiste tenpe, no suzede de spes, de vede de chiste laore. Ancuoi se varda de bete fora ben outra fegures». Don Sirio Da Corte, che el tien ra parochia de i sante Felipo e Iaco de Anpezo, ‘l à abù acaro, de i dà ra so benedizion a ra statua de ra Madona, chera noa, che se vede inze ra croda, a man dreta, da Pocol a śì ves Pezié de Parù, par el stradon de Jou, agnó che ‘l é chel posto che à gnon Ra Sapada. Duto ‘l é nasciù, anche chesta ota, da ‘l amor de Oreste Lacedelli Iacantone par el so paes. V’aon beleche contà de chel outro so laoro, ‘l an pasà, par comedà fora ra crosc de Ester, che se vede a śì su da Lazedel, Inpó Crepa, che r’é là da ‘l 1889. Chesta ota ‘l à vorù comedà fora un outro segn de ra devozion de ra nostra śente de Anpezo, par ra Madona. Ignante ‘l à domandà a ‘l marigo

Ra Madona r’é tornada danoo, inze ra grota de ra Sapada, intrà Pocol e Pezié de Parù.

de ra Regola de Pocol de ‘l an pasà, che ‘l ea Agostino Colli Meśo, de i dià ‘na man. Dapò i à domandà a ‘l marigo de ‘sto an, che ‘l é Orlando Alberti Minel. Chi ome, aduna con

Ra devozion de ra śente de Anpezo, el di de ra benedizion.

de outre, i à fato netija, i à tolesc via ra cejes, ra erbates, i à jaà alcuante sciarìs inze ra croda, i à betù un pasaman de len, i à petà śo alcuanta piantes. Un dapò chel

outro, dute i à betù algo, i à fato algo, a scomenzà da Romano Pin, che conoscion par el so laoro aduna co ‘l monego de San Iaco, e ‘pò par ra jejeta de sant’Andrea, in Col. Aduna con Franco Pison, che el laora inze porteà, par el Comun, i à ciatà fora una bela statua de ra Madona, da netà śo, da comedà, da depenśe. Dapò ‘l é stà outra parsones a dià ‘na man, da Ilario Zardini Lacedelli Sgneco a Alberto Constantini Ghea, a Dino Zardini Sgneco, a Nicoletta Gillarduzzi de Jobe: “Io see ‘na famea, i anes Cuaranta, canche me pare Teofilo el me menaa fin cafora, da ‘l nosc hotel Argentina, in Pocol, par i portà i fiore a ra Madona. Chera ota r’ea beleche ca, e ‘l ea ra devozion de ra śente” – ra se recorda. A domandà, negun sà però dì da agnó che nasce chesta devozion, e canche ra nasce. Fosc ‘l é stà i caalere, chi che strozaa ra taies, co i caai, inze ‘l bosco. Canche i ruaa śo da Ra Sapada, i ciariaa ra taies su una liośa pi granda, o un ciar, da śì par stradon, fin in

Anpezo, e i aea da tacà outre caai, parcé che da là inaante no n’é pi da pian, cemodo che ‘l é a Pezié de Parù, ma ‘l é da śì in su, ves Pocol. Coscita, śa zento ane, canche nascea e crescea par duta Europa ra devozion par Lourdes, se betea fora statues de ra Madona, agnó che se ciataa grotes, jaades inze ra croda, i sasc. Se ra no fose śuda coscita, se calchedun sà algo depì, aason acaro de ‘l saé, de inparà algo de noo. “Ei acaro – ‘l à śontà dinultima don Sirio Da Corte, ignante de intonà ra canzon par ra Madona “O dolce nome” – che ades, su chesto stradon, see danoo un luó agnó se fermà, a pensà sora, a preà. Me sà bel vede chesta Madona che ra ride, inveze de chera Madones che pianśe, che ‘l é de spes. Chesta ra ride, a vardà ra belezes de ra natura, che r’à d’intorno, con chesta bela crodes, e ra ride, daante a ‘l bon cuor de chesta śente, che r’à vorù lourà, se dà da fei, par i rende onor. Ve auguro, a dute vośoutre, che ra ride inaante”. (Mdm)

El nosc don Sirio Da Corte, aduna con alcuanta de ra parsones che à lourà, in onor de ra Madona.

Da ‘l Comun in fora Ra ultima noes, da ra ciaśa de comun. Outre gnomes, pede a chi che ‘l ea ignante. Anpezo torna inze ra comunità montana de ra Val de ra Boite. Nasce zinche consultes, par ra cultura, i śoen, el soziale, i artejane El Comun de Anpezo el torna danoo inze el consilio de ra comunità montana de ra Val de ra Boite. Da ‘l 2007 inaante, par i ultime zinche ane, de cuatro che i aea da ese, par el Comun de Anpezo, in ea noma un: el consilier Gianpietro Ghedina Crepo, par ra minoranza. Alolo dapò de ese deentà capocomun, de luio de ‘l 2007, Andrea Franceschi de Matia ‘l aea dito de no voré in saé, de stà inze chel consilio, fora a Borcia, con chi outre comune. Ancuoi ‘l à mudà pensier e ‘l à dito, inze ‘l consilio de comun de martes pasà: “Nośoutre reston de ra medema pugnon, su ‘l fato che ra comunità montana de ra Val de ra Boite r’é fora da ‘l tenpo, parcé che r’é masa pizora, r’à masa poca śente: el 70% de ci che stà ca, el stà inze ‘l Comun de Anpezo. Ma penson che

see el cajo de tornà inze, soralduto ades, che se parla de mudà chesta comunità, de bete aduna outramente i nostre comune”. Coscita, pede a Gianpietro Ghedina, che el torna inze el consilio de ra comunità montana, par ra minoranza, par outre zinche ane, fin de ‘l 2017, sarà anche outre tre ome, par ra lista de el capocomun: i consiliere Nicola Bellodis Smalzo e Stefano Dandrea Podar e el loudaduó Adriano Verocai Daloio. Ades sarà da vede ce che suzedarà, de ra comunitàs montanes, drio chel che disc el Governo talian: se i res sara, se re smuda gnon, par deentà unios de comune, se es deentarà algo de outro. Dapò de chesta delibera, el consilio anpezan de martes 31 de luio ‘l à betù a śì ra noa comiscion

par el fabricà: aduna co ‘l presidente Luigi Matti, che el resta, ra lista de el capocomun r’à betù Fabrizio Luchetti e Christian Siorpaes, con Michele Merlo a i dià; ra minoranza r’à vorù i gnomes de Fabio Ghedina de Justina, par vize presidente, che ‘l ea stà ignante presidente, e Gianluca Ghedini Lemo. Con lore sarà Paolo Zanetti, par el bosco e ra canpagna. Intrà dute chi outre laore, inze el consilio s‘à parlà de i conte par ra candidatura de i Mondiali 2019, che ra moe danoo, dapò che s’à studà śo chera par el 2017. Par scomenzà, el comun el betarà zentomile euro. A śontà duto pede, intrà chi che ocore par sarà i conte pasade, con 300 mile euro, e chi outre 600 mile, par el 2019, se rua deboto a un milion de euro, o poco

de manco. Dinultima i à betù su Zangiacomi Pompanin, Paola Valle zinche consultes, che ‘s arà da dià e Sandra Giacobbi; par el bel de ‘l el consilio, par dute i laore. Ogni paes Roberto Menardi, Matteo consulta r’é fata da cuatro parsones, Apollonio, Luigi Alverà e Mauro does betudes da ra lista Progetto Dandrea; par i artejane e ra boteghes per Cortina, does da ra lista Per la Renzo Siorpaes, Loris Zanol, Marco nostra Cortina. Trope de lore ‘l é Dimai e Roberto de Zanna. (Mmd) śoen, śente che inpara a conosce el laoro in comun, p e de a calchedun che ‘l é inze da anes. Coscita par ra cultura sarà Samuela Bellodis, Gioia de Bigontina, Alessandro Barozzi e Giorgio Zardini; par i śoen Lucia Lacedelli, Ilenia De Villa, Giorgio da Rin e Davide Gardini; par el soziale Paola Zardini S g n e co , S i l v a n a Un treno noo, par ra ciśa de comun. www.lauscdiladins.com

15


Souramont

Redadoura Katia Pizzinini lunesc y mertesc a La Plie de Fodom, tel. 0436 7472 mercui y juebia a Cortina d’Anpezo, tel. 0436 868615 - katia.usc@rolmail.net

nr. 30 / 03 de agost 2012

CortinainCroda, per descorì la cultura dla mont Sport, cultura y spetacul é i protagonisć de CortinainCroda, festival dediché a la mont, che é ruvé en chest ann a la cuarta edizion. Metudes man de messel, jirà inant les encontedes con alpinisć, scritours, fotografs y les proiezions de films fina a mez setember Ampez - “Sce an vuel l clamé sport, l alpinism é dessegur l sport plu nobl de duc.” Enscì scrivova l scritour y jornalist Dino Buzzati te “La solitaria conquista” dl 1932. L alpinism é n sport olà che al ne vegn nia dé fora pesć o scioldi, olà che al n’é n publich che claceneia – scriv inant Buzzati – al é n sport te che i arpizadours é da sousc sun les crodes ertes tl gran chiet, crodes sun cheles che ai mess ence passé ence la nuet, aspetan che al vegnes da doman, cialan ju a val, olà che la vita é segura y saurida. Chest é l alpinism aldò Dino Buzzati, che l definesc n sport nobl, n sport sfadious, na competizion con la mont. Ma l alpinism ne n’é nia demé chest. L alpinism é ence amour per les crodes, armonia, magia y ert, dij l curadour dla manifestazion CortinainCroda y assessour al sport, al turism y a la polizia locala de Ampez, Marco Ghedina Tomasc. Chesta filosofia nueva, che ne veid l’arpizeda nia demé plu sciche na batalia contra la mont y contra se instesc, se à slarié fora tres deplù y é ence la protagonista de chesta cuarta edizion, che invieia adalerch alpinisć y arpizadours da dut l mond per porté dant sia esperienza. Per

dut l isté, fina l 14 de setember, vegniràl invié via encontedes y proiezions de films, per fé vedei a duc che la mont ne n’é nia demé fadia y sforc, ma ence cultura. Deplù te na intervista con Marco Ghedina Tomasc. La Usc: Can y co é pa nasciù CortinainCroda? Marco Ghedina Tomasc: CortinainCroda é nasciù sciche manifestazion en ourt dl 70ejim aniversar dl grup alpinistich ampezan “Scoiattoli”, dl 2009. Ala pert fòvel l president di Scoiattoli da enlaouta Stefano Dimai y l president atual Mario Lacedelli, che é ence curadour y president de CortinainCroda. L ann dapò, dl 2010, se onse despartì dal grup “Scoiattoli” y i on metù su na assoziazion culturala clameda belapontin “CortinaIncroda”. Chesta assoziazion met da jì tratant l’isté encontedes con alpinisć y arpizadours, scritours y fotografs dla mont, che vegn adalerch per porté dant sia esperienza. Cal é pa l obietif de chesta ligna de encontedes? Nos volon fé vedei che la mont

I fredesc alpinisć Nicolas y Olivier Favresse é stés ghesć dl secont apuntament de chesta sajon de CortinainCroda. (foto: ZOOMFOTOCORTINA)

Marco Ghedina Tomasc, curadour dla manifestazion.

ne n’é nia demé sport, ma ence cultura, leteratura, films y mujiga. An mess dì che al n’é degun sport che à à na leteratura tant ampla sciche l alpinism. Al é autours che à scrit desenes de libri soura la mont, ajache al é na realté che à deplù fassettes y che é dret lieda ence con la natura che é entourn via. Tant de encontedes él pa en dut isté? La manifestazion é metuda man l 6 de messel y jirà inant fina a mez setember. Les encontedes, é scialdi l vender. Emplù saràl proiezions de films metus a desposizion dal Filmfestival de Trent, l festival dediché al chino dla mont, con chel che i colaboron. Al é spo ence sté na seira dedicheda al balet, al tango argentin, l prum de agost. Ciuldì pa enjonté a chesta manifestazion na seira dedicheda al bal, y ciuldì pa avisa l tango argentin? En chesta outa onse pensé de dediché na seira al tango argentin, ajache al é deplù encontedes olà che al vegn rejoné de America dl Sud. Can che an descor de alpinism, pénson de spes mé a les Alpes y al Himalaya, ma al é crodes soura dut

l mond. Nos on abù l plajei de podei avei con nos chest ann Ermanno Salvaterra, alpinist trentin che é sté 26 outes tla Patagonia, y é perchel un di plu gragn esperc de chest teritore dal pont de veduda dl alpinism. Sun cie basa végn pa invié adalerch i alpinisć, arpizadours y autours che tol pert a les seires che i meteis da jì? Al ne n’é nia regoles. Vigni ann é l colour dla manifestazion mudé: l prum ann fòvel cueciun, corù di Scoiattoli, l ann dapò brum, corù de Cortina, per la terza edizion onse cernù fora l rosa, ajache al é sté na edizion dedicheda dantaldut a les eles y chest ann é l corù de CortinainCroda l vert, ajache i rejonon truep de natura. I ne invion mai adalerch alpinisć dret conescius, nia per cie che ai ne l merita nia, ma per porté dant al publich arpizadours che giata n pue manco lerch ti media, ma che à fat esperienzes dret enteressantes. Podeise nes fé n valgugn ejempli? Al é ruvé adalerch i doi fredesc alpinisć Nicolas y Olivier Favresse,

dal Belgium, che à davagné l Piolet d’Or 2011 per avei descorì 9 vies a sun la costa meridionala y ozidentala dla Groenlandia, da olà che ai é ruvés derevers – tla Scozia – sun na barca a vela. Al sarà spo sun nosta paladina ai 17 de agost Stephanie Bodet y Arnaud Petit, n per su per mont ma ence tla vita, liés da la medema pascion per les crodes. Emplù él sté protagonist l alpinist franzeis Patrick Gabarrou, l alpinist – artist Simone Pedeferri, l fotograf Alberto Bregani. Opinionist dla manifestazion é Alessandro Gogna, che se à cruzié de neté deplù 8.000 dla Tera, anter chisc l K2, ma ence la Marmoleda olà che ti canai él vegnù giaté dldut, finamai mascins da lavè guant. Sun l program él spo ciamò na prestazion artistica de Flash Mob da pert dl artist Mario Martinelli, na seira con la “Schirata” Luca Zardini y na enconteda che vedarà sun paladina does generazions a confront: Mauro Corona y Matteo Corona, si fi. Proiezions al chino y encontedes, ma saràl pa ence prejentazions de libri dedichés a la mont? I autri agn fòvel na rassegna che ova inom “Libri a 1224 m”, olà che i prejentove zacotan’ de libri. En chest ann esse abù zeche en ment che ne n’é perempò nia jù da realisé… Les encontedes de CortinainCroda jirà inant fina a mez setember tl Alexander Girardi Hall y tl Chino Eden. Per informazions plu menudes pòn vedei l program complet dla manifestazion sun la plata internet www.cortinaincroda.org. (katia pizzinini)

Mess pa Siur Vito da veira sen jì? La dezijion dl Vescul da Belun de mandé Siur Vito demez da Rèba y de lascé Fodom con n preve soul é sté n gran colp, ma la comunité de fedei ne vuel nia la dé su Rèba - Rèba restarà zenza n preve. Chesta é steda la dezijion dl Vescul da Belun, Mons. Giuseppe Andrich. Tratant che l degan, Siur Alfredo, lasciarà La Plie per via dla malatia, messarà ence Siur Vito arbandoné sia cuera. Val, Venes y Zibiana tl Ciadoura é les destinazions che l Vescul s’à pensé fora per al. La notizia é steda n gran colp per la comunité da Rèba; l consei de cuera e de frazion se à lascé su y à volù nen descore con l Vescul. A la enconteda ne s’à Mons. Anrdrich nia prejenté y à mandé adalerch l Vicar General y ex plevan da Rèba Siur Luigi Del Favero, che à bel atira metù clareza: la dezijion dl Vescul ne vegnirà nia mudeda, Fodom arà n preve soul. L desplajei dla comunité di fedei é gran, “messei mudé prevesc tant de spes ne n’é nia giust”, végnel dit. Te 90 agn él sté a La Plie cater plevans, Rèba à mudé preve 12

16

www.lauscdiladins.com

outes, 8 dal 1973 al 2012. Y da la fin dl isté inant nen saràl demé plu un. L degan nuef, Siur Dario Fontana, messarà se cruzié da soul di fedei despartis su te 17 frazions. Ence sce la Diozeja à empermetù che Rèba arà n preve per les gran festes, per Pasca y Nadel, ne sàn nia cie che al sozedarà tratant les sajons turistiches. “D’isté e d'invern él trueps sciors a Rèba che vuel jì a Messa y a se confessé”, nes dij na membra dl consei de cuera. Ma sce al sarà n preve soul, che starà te calonia a La Plie, messarà les messes a Rèba y tles autres vejinanzes vegnì scurtedes.

“Sen jì é sciche arbandoné na familia” Siur Vito é ruvé a Rèba dant cinch agn. Al vegn da San Vì de Ciadoura, ma al se à ambienté sciche al toca tla comunité fodoma

y al à ence emparé da descore ladin. “Al fova bel da podei jì a se confessé y a descore con l preve per fodom”, nes dij na fedela. Siur Vito ova la speranza de vegnì nominé degan da Fodom. Ence la comunité de La Plie ova emparé da l conesce, ajache al à remplazé Siur Alfredo tratant sia malatia. “La dezijion dl Vescul é steda n colp, nia demé per mi, ma ence per trueps fedei che se aspetova che i restasse te Fodom”,nes confesseia Siur Vito. Ma can che i ti damanon sce al à prové de se lascé su con l Vescul nes dìjel che la volonté dla Diozeja de mandé prevesc de 40 – 50 agn te cueres plu granes é da respeté, can che al é vegnù consacré àl empermetù de stimé ai ordins dal aut, te chest caje dl Vescul. “Al é burt da sen jì, al é n pue’ sciche arbandoné la familia, ma al é ence bel da vedei che i fedei é desplajus che i men

va, chel vuel dì che i à fat val’ de bon te chisc cin’ agn”, dij ciamò Siur Vito. “Al é sciche sce al sen jiss un de familia” dij spo n’autra membra dl consei de cuera, scialdi desseneda per la dezijion dl Vescul, che ne tol nience n pue’ en consciderazion la volonté dla comunité. L consei de cuera à prové de i splighé al Vicar che Fodom, con sies 17 frazions, é n decanat nia tant saurì da manajé per n preve atempé, dantaldut d’invern a gouja dla neif y dles burtes stredes. “Siur Vito é joen y plen de energia,l preve ideal per Fodom”, dij i fedei, che ne la dà nia su. Deplù letres é bele vegnudes menedes al Vescul da pert de privac, di ministranc y ence da pert de zacontan’ de fedei dla Val Badia. Trueps é i fedei che vegn adalerch da la valeda vejina a scuté su la Santa Messa de Siur Vito, jent atempeda y families, che veid

te al na persona de referiment da chela che an pò jì per conseis, ma ence jent joena. Na joena de Corvara nes dij de se sentì fortuneda de avei conesciù na bela persona sciche Siur Vito, che fej tant truep per la comunité de Rèba y “ence sce al pò palei n picé d’egoism– dìjela – sonse dret desplajuda che Siur Vito messarà lascé Fodom.” Ma Siur Vito ne n’à nia demé concuisté fedei badioc. Na ela ucraina che laora te Fodom i é dret reconescenta, ajache al à salpù da la consié y da la daidé tratant i momenc erc passés tant dalonc da ciasa, nes dìjela con i uedli che slomina. Ence sce l Vicar é sté cler ne n’é la speranza di fedei nia desfanteda via dldut, la speranza che l Vescul, dapò avei lit les letres, posse mudé sia minonga y lascé Siur Vito te Fodom. (kp)


nr. 30 / 03 de agost 2012

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Salon por l’ert

L’orcena dal’edema

Mostra de chedri dl artist Albert Mellauner tl foyer dl zënter cultural Grand Hotel a Toblach Ert - La mostra é gnüda daurida por les edemes de musiga dedicades a Gustav Mahler, an po la odëi ćina ai 10 d’agost 2012, dal lönesc al vëndres dales 10.00 ales 18.00. Mellauner à tachè sö tl foyer dl Grand Hotel, al’alzada de sura, döes desënes de chedri. La mostra é gnüda metüda da jì en colaboraziun c u n l e S K B -S ü d t i r o l e r Künstlerbund, i laûrs él stè Helga von Aufschnaiter (presidënta dl SKB) y Lisa Trocker (direturia) che à cernü. Cun les mostres d’ert al intern

dla ćiasa dla musiga dedicada a Gustav Mahler ciafa le foyer na ćiaradöra tres indô nöia, i ambiënć vedli y nobli se vist na pàtina de nüsc guanć, sciöche na dama di tëmps plü vić dla “K. und K. Monarchie” che se vist por val’ edemes i guanć de nüsc tëmps. Al é sambëgn inće na desfida y n contrast , mëte fora ert contemporana te chisc ambiënć, scebëgn che da decoraziun pòi dagnora ester. Tan inant che i chedri de Mellauner po avëi val’ funziun importanta tl contest di locai y tles

manifestaziuns dl Grand Hotel i lasciunse ai organisadus dla mostra. I chedri va zeruch inće de vintecinch agn tla cariera dl artist ladin da Bornech, na pert é inće elaboraziuns te n maiù format de sboc (dessëgns te diare) de iadi (laprò de Fes tl Maroco). Te vigni caje po l’ert dla pitöra astrata acompagné le spetadù y ascutadù di gragn conzerć dles edemes musicales Gustav Mahler, le motivé da ciapé te na dimensciun che ne va nia da descrì cun parores o retrać - ilò, olache al é inće da ciafè la musiga. (ir)

Pert di chedri de Mellauner: n foyer “K. und K.” devënta n “salon”.

Musiga söla Gran Plaza L’UCL-Uniun Ćiantauturs Ladins y la Jonëza d’La Pli de Mareo à indô metü da jì le conzert cun deplü grups de musiga moderna. Le tëmp à dër butè, l’atmosfera da d’isté à podü s’alzé, y inće arsì

Atmosfera da d’isté söla Gran Plaza.

Musiga - “Marc y Valentina”, “Iaco Rigo & compañeros” y i “Wisetime” à trategnü l’ultima sabeda sëra de messè tla plaza d’La Pli de Mareo cënć de porsones jones y che se sint jones, ćina tles plü piceres ores dla nöt. Al é indô stè na bela serada, tröc s’arà confortè dî a chësc evënt, n’él pö nia plü gnü fat i ultimi trëi agn. Ia por le dé n’ê le tëmp nia tan sigü, mo söla sëra podôn odëi che al ess lascè fà y che le festivasl ess podü pié ia. La plöia é spo impormò gnüda encër les cater da doman, canche al ê ma plü püć che â da se tó les tlàucheres y jì a ćiasa. Marc y Valentina à sonè na ora y mesa, dales 21.00 inant, dedô é le ćiantautur Iaco Rigo cun i musizisć “dal cör” gnü pro, y inće les jones Angelika Willeit y Katrin Ellecosta à ćiantè val’ ćianties. Iaco Rigo à anunzié te chësta ocajiun

inće la CD nöia, che gnarà fora ai pröms de dezëmber 2012 (che tolarà ite inće ćianties da Nadè y ćianties de Andrea Federa d’Al Plan). Por la colma dla serada à fistidié i Wisetime, grup metü adöm da sis jogn de Badia y incërìa, cun gran simpatia y n bel sonn rock. Le solo

Val Badia

dl batarist dl grup (Guz Mangutsch) à scassé sö val’ orëdla stanćia, y la usc dl ćiantarin Fabian, lesiera y morjela, i é arsida bunamënter tl som a chi che dormî bele. Canche Stefan Piccolruaz (keyboard) à spo anunzié la fin dl conzert, ess tröc orü menè de revers le zogher dal’ora.

Oh Catharina, defënn la cortina! Pornanche la scultöra é stada metüda sö te chësc post, à tröpa jënt metü man da alzé la usc “Püra Catharina, a pé dl mür atribut co desco massaria y de cortina”, “Ma chi è questa erma. La gran importanza i à fanciulla con la forca in mano?”, dè l’artist ala statöra scëmpla “Insciö no, chësc sarà n patüc”... y ćiaradöra umila dla jona, Al è vëi, la jont, co cunta, baia cristiana y fedela, y dantadöt y mont - mo forsc é val’ critica ala man ciampa, cun chëra che en chësc iade motivada, y jënt ara para y tin dalunc i “nemisc”. à b ona rajun da f à Le post, olache la statua ê chisc conscideraziuns. agn, ê plü arjigné por mostrè Mo jun pa damproìa: la la scultöra y la lascè baié te so scultöra de brom dl artist da significat, y dlungia ai inoms La Ila Otto Irsara (mort dl 2004) di tomà dles Veres n’ê la mostra la jona da Spines, scultöra nia te n ambiënt a nasciüda dl 1771 a Al Plan de desman, Catharina Lonz à albü Mareo desco Catharina Lonz, da nen fà cun na vera y inće ruvada a Spines sura Porsenù cun invajiuns de foresć y a sorvì y gnüda conesciüda sterminaziuns de vigni vers. Falé fóssel te vigni cajo da chilò por so coraje desmostrè ai 2 d’aurì 1797: ara s’à defenü inalzé la scultöra de Catharina cun na furćia sön mür de Lonz sön mür de cortina d’Al cortina cuntra i franzeji. Morta Plan, porvan da presentè danü é Catharina Lonz al’eté de 83 la batalia cuntra i franzeji: la agn ai 8 de messè dl 1854 a jona dla scultöra ne combat Andrac, olache ara ê cöga dl nia, la cortina storica é a benefiziat Jan Maneschg. Lonz Spines y nia a Al Plan. é sopelida a La Pli de Fodom, Na proposta da tó en olache al é inće da odëi sön conscideraziun é zënz’ater plaza de paîsc na scultöra chëra da i arjigné a Catharina inalzada dla eroìna (fata dan Lonz sön plaza de paîsc n 100 agn dal artist Josef monumënt cun n vistì che plej, Parschalk). tl post olache al é śëgn bele le La scultöra de Catharina vistì. Inće a La Pli de Fodom Lonz é gnüda metüda sö a Al é le momumënt amez paîsc. Plan de Mareo en gaujiun di Al é tradiziun te nosta cultura 200 agn da söa nasciüda pormez da i dè importanza al vistì al Monumont dai Tomês, söla amesa les viles y amez le paîsc, bronta d’en vistì. Monumënt y y Catharina Lonz instëssa vistì à messü zessé śëgn por i ciafass n sò ambiënt, dainciarà laûrs de costruziun dl paiun nü assà da influsc architetonics y dla Musiga. Les tofles di tomà dal transiamënt de porsones, dles döes Veres é gnüdes ći che dëida pro a inflé na spostades te cortina tla cornisc interpretaziun desancada y artistica de Giovanni Rindler, daldöt falada dla figöra y dl dlungia la Capela di Morć, le ideal dla jona eroìna ladina y vistì de Catharina Lonz n’é nia tiroleja. metü sö te n ater post. Por n Le plü da aconsié fóssel, sce post nü dla scultöra de brom le Comun scriess fora n n’él nia gnü scrit fora n concurs concurs por “posizioné” danü de idees y la cuestiun n’àn nia Catharina Lonz sön plaza d’Al aratè importanta assà por nen Plan, forsc söla bronta de n baié tl consëi de comun. Śëgn bel vistì. (iaco rigo) éra da n dé al ater gnüda metüda fora (deplü co “sö”) te plaza dan cortina, nia dalunc dala tofla che cunta sön “Katharina Lanz”, por todësch. Le post da śëgn é sambëgn plü publich y esponü co dandaìa, ći che fala é sambëgn na tofla de informaziun te deplü lingac sön chê che la “jona dla furćia” é y ći che ara à da chirì ilò... ma che al é ćiamò n problem: artistich! Baldi ne vir l’artist nia plü, insciö ne pòl nia gnì damanè do le significat y l’arma che al i à metü ite ala scultöra. La scultöra rapresënta Catharina Lonz nia tan combatënta y agressiva (sön depënć desferënć éra cotan plü idealisada y inće La scultöra de Catharina Lonz: te n dramatica), a Al Plan post amesa la jënt, mo impò a tìgnera la furćia plü desco desman.

Le duo “Marc y Valentina” che plej dër tröp. www.lauscdiladins.com

17


Val Badia

nr. 30 / 03 de agost 2012

Da 40 agn famëi dles animes Gran festa ti él gnü fat en domënia ai 29 de messè a Badia a siur Iaco Wendelin Willeit, degan dla Val Badia y ploan de Badia, La Ila, La Val y Rina, por sü 40 agn da prou canche al ti â damanè a so pere sce al podô jì tl Vinzentinum a studié. Al à cuntè che tla vita da prou él inće momënć nia saurisc, momënć de dübi, mo cun l’aiüt de chi che stà incëria y spezialmënter cun l’oraziun - cun tröpa oraziun - éson bugn da jì inant y da superè chisc momënć. La vita da prou comporta sigü inće tröpes sodesfaziuns y ligrëzes. La misciun dl prou é pö chëra de

daidé la jënt, ćiarè de la portè sön la buna strada. Chilò à siur Degan orü sensibilisé i jogn, che ai dess ma ascutè sö so cör, se dè jö cun les vocaziuns y jì inant te chësc vers cun coraje. La dlijia adora jënt jona, la dlijia prëia por vocaziuns. La festa é gnüda stlüta jö cun n conzert dla Müjiga de Badia sön paiun dla Ćiasa Runcher, cun le iubilar y döta la comunité. (ff )

Rima por i 40 agn da prou de siur degan Iaco Wendelin Willeit Gran festa él incö por l’paîsc de Badia düta la comunité se à abiné incër Os ia. I orun pö festejé cun Os chësc bel dé porchël sun gnüs nos düć a Ves saludé.

Le degan vëgn saludè dan calonia, acompagné da na schira de ministranć.

Badia - Bele la sabeda sëra él gnü fat te dlijia na funziun en preparaziun ala festa. La domënia é spo döta la comunité de Badia, adöm ai familiars dl iubilar y ai rapresentanć dles atres ploanies, rovà adöm dan calonia por saludé siur Degan y l’acompagné düć adöm te dlijia. Trëi mitans ti à dit sö na bela rima por recordè insciö en cört la vita dl festejé y por le rengrazié de döt ći che al fej por la comunité de Badia. La Müjiga de Badia n’à nia orü ester da manco y ti à sonè le tòch de Ludwig van Beethoven ”Die Himmel rühmen”, y ti à dè insciö ala festa n tonn de solenité implü. Siur Degan é spo gnü acompagné te dlijia da döta la comunité, adöm ai ćiantarins,

ala musiga, ai ministranć, chi dai confaruns, sambëgn düć cun i guanć da festa.

Dilan por la festa Te dlijia é le degan gnü tut ite dala presidënta dl consëi de cöra Rita Pitscheider Lerchegger, che l’à saludè cun de beles parores y ti à fat les mius aodanzes por sü 40 agn de vita da prou. Siur Degan à spo zelebrè la santa mëssa. Por l’ocajiun à le cor de dlijia, acompagné da componënć dla musiga, ćiantè la mëssa de Robert Führer ”Du sollst den Feiertag heiligen”. L’esecuziun é stada ezelënta, y porchël àl ciafè

tröc aplausc. Tla pordica à siur Degan orü imprömadedöt rengrazié düć canć por la gran festa che ti é gnüda fata. Ël à inće rengrazié sü familiars, che é gnüs adalerch, recordan insciö le bel dé de süa mëssa noela a La Pli de Mareo dan 40 agn. N rengraziamënt particolar àl orü ti sporje ai ministranć, che se presënta intres tan tröc, y che sorvësc propi cun le cör. Le giulan ti va sambëgn inće al coordinadù di ministranć Klaus Untersteiner.

Oraziun - tröpa oraziun Siur Degan à spo cuntè de süa vita, de süa vocaziun da prou. Ël à ćiamò dër dan i ödli le momënt

Dan carant’agn ëis dit de scê a Chël Bel Dî cun ligrëza y cun coraje l’ëis spo tres servì. A Porsenù tl Vinzentinum sëis jü a studié da jì inant tl Seminar ëise spo ponsè n bel dé. La cherdada por deventè prou se â oramai tl pügn fina che ala é spo garatada tl 72 en San Pir’ de jügn. Dales mans dl vësco Gargitter ëis ciafè la consacraziun cun coraje y dediziun ëis spo scomencè la gran misciun. Fora por les cüres de düt Südtirol sëis jü a pordiché por portè la bona noela a düć, zënza mai Ves stanćé. Impormò en l’ann passè sëis’ gnü cherdè a Badia y da se fà orëi bun ne ëise adorè degüna fadia. Cun ostes parores ciarês da daidé pici y gragn da i portè sön la buna strada y i salvè dai malagn. Os sëis arjigné da daidé sides sagns che amarà y a nos da se dè la soluziun por nösc pici pićià. Da fà festa te dlijia cun düta la comunité Ves sàl dër bel ala se gareta pa inće, chilò mesunse se tó jö le ćiapel. Cun ostes parores dër scëmples y saorides da capì metëise gunot düta la jënt te dlijia a s’la rì. Inće in Jeo nüsc ëi ëise podü acompagné sentè söl ćiaval, düta la jënt podôs Os saludé. Nos de Badia se dijun de cör giulan por düt ći che fajëis a nos de bëgn. Giulan de osta buntè y oraziun chësc vëgn incö dal cör de vignun. Cun ligrëza se acompagnunse sëgn te dlijia dan altè y düć adüm nosc Sant Ujöp da Oies orunse invochè che ël chërdes jö la benedisciun dl Signur sön nosta comunité y inviun sambëgn inće ël a fà festa cun nos en chësc bel dé. Rima de Fortunato Flatscher dita sö da Valentina, Ivana y Annalisa, che é gnüdes insignades jö dala maestra Sonia Schmid

La festa a siur degan é stada na festa dla comunité, cun la dërta porziun de alegria.

Siur degan Iaco Willeit: espresciun de bona löna.

Les trëi mitans che à dit sö la bela rima: Valentina, Ivana y Annalisa.

La presidënta dl Consëi de Cöra Rita Pitscheider Lerchegger salüda le degan y la comunité.

18

www.lauscdiladins.com


Val Badia

nr. 30 / 03 de agost 2012

Escursciuns cun tröp devertimënt y alpinism De bi dis cun i jogn dla Lia da Munt Ladinia Val Badia. Al é stè da jì en tënda y sön la piza plü alta dla Marmolada amisc de Ćiavalëis, che nes à ospité y tratè dër bun chisc dui dis.

Sö sura i trëimile

Ara vëgn da mëte sö la tënda.

Lies - Le program por mituns y mitans, jogn y jones dla Lia da Munt Ladinia Val Badia, va inant cun ćiamò de beles escursciuns. Te chëstes risses n pêr de reflesciuns sön les jites pormò fates. Ai 7 y 8 de messè sunse jüs tla Val de Flem, olache i s’ùn incuntè cun le grup jonil da Ćiavalëis y adöm a d’ëi unse fat na bela escursciun lungia sura Tesero, tla munt de Pampeago. Ilò sunse rovà sön le Monte Cornon, olache an odô jö danter l’ater la val de Stava - conesciüda por la desgrazia dl 1985 cun 268 morć, deache dui lêć â dè do, y le Cermis - olache al é bele stè döes desgrazies pro l’implant portamunt. Jöpert sunse jüs por n bel tru, olache al é ćiamò da odëi sön le crëp dessëgns y scrites cöcenes che é gnüdes fates dan da 200-300 agn, dai famëis dl post. Les scrites é gnüdes fates cun n mineral (ematite ferrosa) che â n corù dër cöce, y che i famëis tolô da amarscè

les bisces. Chëstes scritöres s’à ćina śëgn mantignì dër bun, y ultimamënter ti él gnü dè gran importanza a chisc depënć. Söl plü tert, sunse rovà sön la munt de Truden, avisa sot le Trudner Horn, olache i ùn pudü se chirì fora n bel post por mëte sö nostes tëndes. Da sëra sunse jüs spo te ütia a se mangé na buna cëna cun pasta y galüc apratà. Sambëgn n’él nia stè meso da podëi dormì massa te tënda, y insciö sunse bele ”lovà” dales 5 da doman, por jì a ti ćiarè al lovè dl sorëdl. Do n bun gostè unse fat na picia roda ilò tles vijinanzes, a ćiarè le ”Lago Nero”. Incër misdé sunse pià jö tl vers de Capriana, olache al ê na incuntada dles lies da munt joniles, dla Val de Flem y de Fascia, y ilò unse indô ciafè düć na bona marëna. Insciö unse plan plan stlüt jö nosta escursciun de dui dis cun la tënda, che é por valgügn inće stè le pröm iade che ai à fat na te’ esperiënza. N gran dilan a nüsc

N’atra escursciun dër garatada é gnüda a s’l dè en domënia ai 22 de messè. Cun i jogn dai 13 agn insö sunse jüs a fà la Punta Penia, che é cun sü 3.343 metri la piza plü alta dl dlacià dla Marmolada. I sun pià ia adora da doman, le cil ê bel sarëgn y le dé podô ma impormëte bun. Bëgn 6 jogn y öna na jona à tut pert a chësta escursciun. Dal ju de Fedaia sunse jüs cun n implant portamunt sön le Pian dei Fiacconi. I sun jüs n tòch a pé y i sun tosc rovà pro le dlacià. Da chilò inant s’unse vistì l’imbraiadöra y i grifs. Tacà adöm te na corda y cun n pitl tla man, sunse spo gnüs menà dai mënacrëp ćina sön la piza, fajon inće n tòch de via ferada. Tan prigorus che n dlacià po ester, à düć odü ćiaran ite tles sfësses che an â passè ia y jon sö por n valgünes pares dër dlaciades. I mënacrëp ti à splighé ai mituns cô s’armöie sön la dlacia y a ći che an mëss dër mëte averda. N dlacià é plëgn de prighi ascognüs, al basta mëte n pé tl post damat por tomè jö te na sfëssa, porchël él tan important se tachè indertöra y s’armöie cun sigurtè. Deperpo che i jôn söpert, odôn che le ciarü curî ite intres deplü le crëp. Baldi n’odôn nia plü la piza. Le ciarü s’â tut le bel panorama, mo nia la ligrëza de avëi arjunt la piza plü alta dles Dolomites. Dilan ai mënacrëp Andrea y Francesco, y braui a nüsc jogn dla Lia da Munt Ladinia Val Badia: Alexa y Samuel da La Ila, Patrik y Tita da Calfosch, David, Christian y Andreas da La Val, che à desmostrè n bun comportamënt y ligrëza por la munt. Les proscimes escursciuns

Le grup é rové sön Punta Penia.

che é ćiamò sön le program por la seziun jonila, sarà: ai 4 d’agost sö dal ander dles laûrs de Conturines, na escursciun mesamënter ria. Ai 25 de agost fajunse spo la Viel del Pan sön Pordù, na bela escursciun

dër panoramica y saurida. Ai 8 de setëmber saràl na arpizada sportiva, le post é ćiamò da definì. Por informaziuns y prenotaziuns telefonè a Verena al 339/3399409. (verena)

Scritöres demorvëia - incër 200-300 agn vedles.

Ona de filosofia, mo nia ma Trëi serades cun ghesć de pëis pro la cuinta ediziun dl festival ”Idee a San Vigilio”. Tla pröma serada à baié inće le filosof Massimo Cacciari Al Plan - ”Nos y l’ambiënt: le dagnì é incö”. Chësta é la tematica che an à cernü por la cuinta ediziun dl festival ”Idee a San Vigilio”, desfirada l’edema passada a Al Plan de Mareo. Te trëi serades s’an dè jö cun tematiches desvalies, en presënza de ghesć taliagn de inom y pom. Le festival ê nasciü dan 5 agn da na idea dl jornalist Stefano Mascioni y é incö sot la direziun de Roberto Bertinetti. Tla pröma serada àn podü ascutè sö le filosof, parlamentar y ex ombolt d’Aunejia Massimo Cacciari y Fabrizio Spada, diretur dla raprejentanza dla Comisciun Europeica a Milan. La moderaziun é stada tles mans de Gianfranco Fabi y le tema dla serada ê ”Iö y nos: porsona y sozieté incö”. Le salf ê chësta sëra plü co plëgn de jënt. Tla discusciun éson atira jüs ite sön la posiziun dla porsona tla sozieté da incö. Cacciari à orü desfarenzié la diziun porsona dala diziun individuum. Sce la porsona é chëra che se presentëia al ater, spo é l’individuum chël che se vëiga se

instës sciöche na realtè sora, che n’à nia debojëgn dl ater. Atira él jü ite tla critica sterscia che le monn patësc de individualism. Les porsones é tresfora impegnades da defëne süa individualité, ”na batalia bele pordüda dal mëteman”, à dit Cacciari. L’individualism é n fal che la sozieté à fat tla storia y fej intres indô, y che é bonamënter ala raîsc dla crisa ch’i viun incö. Cacciari à dit che la fadia é chëra da ciafè le proscim, che n’é bonamënter nia l’ijin de ćiasa, mo po ester inće le nemich. Al é jü ite tl comandamënt che dij ”Ama to proscim sciöche te instës”, na cossa dër ria, cis sce le proscim é - sciöche dit - le nemich. Le proscim por ezelënza, é jü inant Cacciari, é Chël Bel Dî instës. La tematica dl’individualité sön na basa manco filosofica y plü pratica é gnüda metüda sön mësa da Fabrizio Spada, canche al dij che ”L’Europa ne rapresentarà mai na unité ćina che ara ne superëia nia l’individualité di stać.” Cacciari à respognü che le conzet de stat é oramai al desflorì, y che la domanda

é ma tan che chësc desflorì dorarà, y tan che al nes costarà. Cacciari é jü inant cun critiches pesoćes ala politica, dijon che i politics n’à nia salpü da fà so laûr y da anuzè i vantaji dla monëda unica, che la Talia à vit inant sura sües poscibilitês fora. Spada é spo jü ite en cört sön la monëda unica, spligan che al foss n gran fal da miné che jì fora dal

euro y zoruch ala lira portass la salvëza. Atramënter, al foss n gran vare zoruch. Inant é jüda la discusciun plü tl tema dla crisa instëssa, che la jënt sint te chisc tëmps plü co mai sön süa pel y te so tacuin. Le festival à odü ćiamò döes serades. Tla secunda serada àn baié dl tema dl’energia, danter l’ater cun

Andrea Vianello, ex condutur de ”Mi manda RaiTre”, y śëgn condutur de ”Agorà”, che n’à ala fin nia podü ester presënt, mo é intervenü tres coliamënt telefonich. La moderaziun é stada de Giorgio Zanchini. A piz é jüda la cuinta ediziun cun le tema ”Nos y le sëns dla munt”, che à odü sön paladina inće le scritur, poet y arpizadù Mauro Corona. (pablo)

La paladina dla pröma serada de ”Idee a San Vigilio”. Dmc le diretur dl festival Roberto Bertinetti, le moderadù Gianfranco Fabi, Massimo Cacciari y Fabrizio Spada. www.lauscdiladins.com

19


Val Badia

nr. 30 / 03 de agost 2012

“Ichnos”, retrać por analisé la porsona Intervista al artist Gabriele Grones Ert/1 - Ara é gnüda inaugurada en vëndres ai 27 de messè 2012, la secunda dles cater mostres dedicades a artisć ladins metüdes da jì dal’EPL-Ert por i Ladins en colaboraziun cun l’Istitut Ladin Micurà de Rü. Le titul dla mostra é “Ichnos”, l’autur à inom Gabriele Grones y al vëgn da Rèba/Fodom. Grones à stlüt jö i stüdi tla Academia dles Beles Erts de Aunejia y é n retratist. Al à fat so debut dl 2005 tla Talia, meton fora söes operes ala Bienala de Aunejia. Dl 2008 s’àl fat conësce a livel internazional meton en mostra sü chedri tla National Portrait Gallery de London. Le soget al zënter dl laûr de Grones é le müs dla porsona, depënta cun corusc a öre sön tëra. La pitöra é por l’artist na manira por analisé y inresce le individuum, y en program - nes antizipëiel - àl operes nöies, nia plü liades al retratism - “figöres y particolars dla natöra, che evochëia l’esperienza umana”. La Usc: Can aste pa metü man da depënje? Gabriele Grones: “I dessëgni y depënji bele da pice insö. Canche i pënsi do a me da pice, me vëighi dagnora cun n raisplais tla man.” Ći te savôl pa bel da depënje canche t’ês n pice möt? “Da pice dessegnâi tiers de vigni sort. La varieté y la spezifizité di elemënć naturai m’à dagnora incantè. I m’intenô de sciöche les formes y i corusc di tiers ê elemënć sostanziai y comunicatifs, y nia ma aspeć decoratifs. Forma y funziun jô a öna, chësc conzet é stè por me valch de fondamental.” É pa stè to pröm cheder n retrat? “I ne savessi nia da dì chël che é stè mi pröm cheder. Sce i conscidri mi pröms dessëgns ‘cosciënć’ de canche i ê pice, se tràtel dessigü de dessëgns de tiers. Sce i toli indere en conscideraziun i depënć a öre sön tëra é mi pröm laûr, che m’à spo inće insigné a depënje, la copia de n cheder de Albin Egger-Lienz.” Cun ći tecnica depënjeste pa? “Mies pitöres é a öre sön tëra. I mëti dagnora man le cheder dessegnan cun le lapis da corù sön le tesciü blanch, spo ti vài suraìa cun i corusc a öre. Denant che depënje mëssi ti dè la forma, les ambries y les löms. Canche le pröm funz é assöt, ti vài suraìa cun d’atri zaindli - velatöres, ćina a ruvé a depënje i particolars.” T’es n retratist. Ne depënjeste mai d’atri sogeć? “Te chisc ultims agn s’à mi interesc conzentrè dantadöt sön i retrać y sön la figura umana. Tröc de mi proscims laûrs jarà tres ćiamò a conscidrè le müs dles porsones y la figöra umana en general, sciöche inrescida de mia ert, mo inće cun d’atri svilups, cun aspeć nüs de composiziun y alestimënt. Te chësc momënt ài n valgönes idees por d’atri laûrs, nia plü lià al retratism. Al é n bun momënt por svilupé y dè forma a mi ponsiers.”

20

www.lauscdiladins.com

Tratan la daurida dla mostra a San Martin de Tor. Da man ciampa: l’artist Gabriele Grones, la curadëssa y presentadëssa Katharina Moling y le presidënt dl Istitut Ladin Albert Videsott.

Da ći pënseste pa che al sides nasciü chësc to interes por i müsc dles porsones? “I crëii che l’atraziun comunicativa de na forma liada a so contegnü, che i â bele da pice por i tiers, s’à mantignì te mi laûr y m’à portè a analisé y a depënje retrać. Le müs é chël che nos conscidrun l’elemënt plü carateristich de na porsona y che conzentrëia gran pert dles funziuns comunicatives. Al me plej la frasa de Hegel che dij: ’Al ne n’é nia de plü sot che chël che aparësc tla suraspersa’.” Aste bele fat n autoretrat? “Scê, le pröm autoretrat é stè n laûr monumental ruvé dl 2010, gran 3,36 por 2,26 metri, metü adöm da plü retrać de d’atres porsones. Chisc depënć é metüs adöm sciöche sce vigni retrat foss n punt - pixel. Da dalunc ne s’intënon nia che al é deplü retrać, al pê ma cuadrać da corù che se delega adöm te n autoretrat gran y unich. Da daimprò se perd indere la ilujiun dl gran autoretrat y an po odëi i chedri singui. Chësc laûr é stè metü fora da d’aisciüda por na mostra personala te na dlijia de St. Peter am Perlach a Augsburg, tla Germania."

dis tla Galerie MZ de Augsburg, dal titul ’Identità’, é n cërtl de nü retrać de amisc y parënć y n autoretrat. Chisc chedri ô inresce do le conzet dla identité, che se forma tles porsones tres esperiënzes che ares fej deboriada. Insciö s’à inće formè mia identité.” Cô chîreste pa fora i sogeć? “Gran pert de mi sogeć é amisc y parënć. I i chiri fora sön la basa dl’idea che i ô fà trasparì dal retrat. Te vigni caje crëii che vignun ais carateristiches uniches y interessantes da podëi ester inrescides te n retrat.” T’as bele tut pert a tröpes mostres, tla Talia, y inće tla Inghiltera, tl’Austria, tla Slovenia yii. Tan important é pa por n artist y por söes operes da tό pert a mostres, da se fà odëi y conësce? “Por n artist él fondamental da tό pert a mostres y a evënć culturai. Ales prömes mostres ài tut pert por merit de concursc metüs da jì da galaries y museums. Da mi debut

Canche te reprodüjes na porsona, ći ôste pa cöie da so müs, da söa espresciun? “I ćiari dagnora da cöie la porsona te n momënt neutral, zënza na espresciun particolara. Al é bel chësta condiziun che me pormët da analisé aspeć y elemënć, formes y corusc che po lascè trasparì fostüs de so vire. Al ne se trata nia de val’ de ilustratif, mo plütosc de val’ de evocatif.” Ći comunichëia pa n to retrat? “N cheder é a forma de na idea y mi retrać é les formes de mi pinsier. An ne po nia definì a parores ći che n retrat comunichëia, mo i po fà n pice ejëmpl. I laûrs metüs fora te na mostra personala, daurida chisc

N depënt de Grones, da odëi tla mostra a San Martin de Tor. I laûrs é metüs fora ćina ai 6 d’agost, vigni dé dales 10.00 ales 18.00.

tla Talia, pro la Bienala de Aunejia dl 2005 y foradecà, tla National Portrait Gallery dl 2008, él nasciü n interes por mi laûrs inće a livel internazional y chësc m’à dè la poscibilité da podëi conësce tröc artisć y laurè cun curadus importanć che fej pert dl monn dl’ert contemporana.” Tan importanta é pa chësta ligna de mostres de artisć ladins organisada dal’EPL-Ert por i Ladins deboriada cun l’Istitut Ladin Micurà de Rü? “L’interes che istitutziuns y uniuns desmostra ti confrunć de artisć dl post é dër prezius y pormët da cherié y alimentè le lian anter l’ert y la jënt. Por mia mostra ’Ichnos’ é stè fondamental le laûr dla curadëssa Katharina Moling, che à inće scrit la critica.” Aste na opera che te plej plü co d’atres? “Düć mi laûrs à na söa storia particolara, i ne savess nia da nen chirì fora un. Plütosc podessi dì che i me sënti lié ai laûrs che me à dè la poscibilité da tό pert ales mostres plü importantes, sciöche por ejëmpl ’Manuel’, metü fora tla National Portrait Gallery dl 2008, ’Luce’ che m’à fat davagné le secundo pest ’Celeste’ dl 2010 y ’Roberto’ y ’Elio’ portà dant ala Bienala de Aunejia dl 2011.” Tü depënć é tan avisa che te n pröm momënt podésson ponsè che al se trata de fotografies. Cô definësceste pa tö chësc to talënt? “Le realism de mi laûrs po te n pröm momënt portè en confujiun chi che ti ćiara, mo sce an mët plü averda se intënon pa bëgn dles penelades y dla strutöra dla materia y dl corù. Mia manira da depënje y mia tecnica é plü daimprò ala tradiziun artistica europeica dl 1400, al’ert flaminga, a Antonello da Messina o a Dürer, por ejëmpl, plütosc co ai fotorealisć di agn ’60 y ’70 dl Nücënt.”

Cal é pa le som de töa vita? “Podëi fà dagnora sciöche laûr chësta mia pasciun.” T’as stlüt jö i stüdi tla Academia dles Beles Erts de Aunejia. Tan t’à pa daidé i stüdi por deventè chël che t’es al dedaincö? “L’Academia de Aunejia é n post dër particolar. Canche i à metü man da studié ê la sënta ćiamò chëra vedla, plëna de storia y atraziun. Savëi da podëi studié te n post che à odü n valgügn di artisć plü importanć dla storia me fajô tremorè les iames, mo m’à inće dè tröc impulsc. Tla Academia ài podü imparè da conësce tröc artisć jogn y plëgns de talënt, baratè fora minunghes y me cunfrontè cun ëi, i à podü studié cun de bogn insegnanć y odëi tröc museums y operes d’ert de gragn artisć dl passè, osservé y studié chëres operes che m’à insigné da depënje.” Ći podesseste pa ti aconsié a n jonn che oress mëte man la cariera da artist? “Mi consëi é chël da ester dagnora curius y sinzier cun se instës tl laûr, al mëss crëie te söa inrescida artistica y la fà crësce, zënza azetè compromisc.” Aste val’ opera en program, o val’ atra mostra importanta, a chëra che te tolaras pert? “Mia mostra che vëgn sarà n intervënt deboriada cun d’atri artisć tl Museum Etnografich dles Regoles d’Ampëz de agost. N’atra mostra importata sarà ’Dolomiti Contemporanee/next’, a cura de Gianluca d’Incà Levis, che se dauriarà de setëmber tla provinzia de Belun. Te chësta mostra gnaral metü fora mi laûrs nüs, nia plü retrać, mo operes che raprejentëia figöres y particolars dla natöra che devënta elemënć evocatifs de na dimensciun dl’esperiënza umana.” (Intervista de Katia Pizzinini/La Usc di Ladins)


Val Badia

nr. 30 / 03 de agost 2012

Śoghé cun l’odlada Katharina Moling à curé la mostra y l’à inće presentada. I reportun söa introduziun

Na cornisc musicala interessanta y originala por la festa de daurida à portè le duo RAW, che é David Clement (chitara y usc) y Irene Hopfgartner (cello).

Ert/2 - Le tema di laûrs de Grones é le müs dla porsona, isolé y analisé te sü mëndri particolars, y depënt cun corusc a öre sön tëra te na manira estremamënter realistica. Le titul dla mostra “ichnos”, parora greca che ô dì sëgn o pedia, po avëi dui significać: da öna na pert chël de sëgns che la vita y l’esperiënza lascia do sön le müs dla porsona y dal’atra chël de pedia sciöche sëgn artistich che mët man dal dessëgn cun corusc de lëgn ćina ala realisaziun finala cun corusc a öre. L’artist ti mët dant al spetadù portraits, scialdi te na posiziun frontala y cun l’odlada dl vers dl osservadù, cun le doìa de un n corù y neutral. Ai recorda i retrać fiamings dl mëteman dl 400 y inće sce chisc é l’espresciun de na

Spasibo - Dilan

devoziun sota y contegnüda, pòn fà n confrunt cun les operes de Grones. Sciöche retrać da passaport o de album privać plëgns de recorć, somëia i müsc depënć dal artist a icones cun chëres che ai partësc la statizité. L’artist mët da jì n jüch de dejorientamënt y de turbamënt cun le spetadù: tl mëteman àn l’impresciun da odëi fotografies, mo man man che an i va pormez, vëgnon lassura de söa materia pitorica. L’odlada dl spetadù, che n’é te n pröm momënt nia bun da rové a na definiziun prezisa, vëgn metüda en discusciun; Grones podess orëi dì che ći che nes pê atira tler y evidënt, ascogn gonot significać plü soć. I laûrs dla mostra ne pòn nia descrì sciöche na reproduziun scëmpla de fotografies: cun la pitöra à l’artist la poscibilité

da fà na inrescida sogetiva plü sota y na letöra personala dl müs. I retrać é insciö espresciun dl’idea de realté dl artist. Grones se dëida cun la fotografia sciöche meso por depënje sü retrać te chi che an po odëi iadô so virtuosism tecnich. Cun la tecnica a öre é l’artist bun da ti dè al müs n aspet vi, na gran varieté de sfomadöres, richëza y gradaziun cromatica. Le müs dla porsona é bele da deplü agn tema prinzipal dl’ert de Grones. I retrać stlüj ite l’unizité de vigni müs, che po gnì confronté cun n paesaje unich y inconfondibl. L’artist ti va do ala personalité de sü sogeć tres na atenziun ai details sciöche les faldes, les cëies y les perts cöcenes. Al é na ert dla profondité y dl descurimënt de ći che é ascognü sot le dat ogetif, depënt te döta söa concretëza.

Jogn abinà cun droghes

N vësco dla Ruscia é gnü a Pliscia a dì mëssa

I Carabiniers à abiné tl comun da San Martin dui jogn dl post cun droghes. Percuisiziuns t’auto y a ćiasa Lungiarü - Ai 11 de messè de nöt, à i Carabiniers de Badia arestè a San Martin dui jogn dl post, S. H. y M. P. de 19 agn, por detenziun proibida de droghes cun le fin da les vëne inant. En particolar à i carabiniers controlè l’auto cun i dui jogn. Ai à ciafè 170 grams de marijuana partida sö te 15 scarmic, sciöche inće 30 grams de hashish, partis sö te cater doses. Les forzes dl ordinn é insciö passades ala percuisiziun

a ćiasa, olache al é gnü ciafè 17 pilores de ecstasy, 3,50 grams de polber MDMA (fej pert dles anfetamines) y 31 grams de marijuana. Tratan i controi él inće gnü a löm incër 100 bustes de zelofann da adorè por vëne inant les sostanzes, sciöche inće na stadira de prezijiun y apresciapüch 600,00€. I jogn é gnüs sotmetüs al arest a ćiasa. (Comunicat Carabiniers)

Proieć azetà Döta la ”comunité” tla bela dlijia da Pliscia.

Pliscia/Mareo - Tla picia dlijia da Pliscia vëgnel ultimamënter zelebrè püćes mësses. Ći che ti sa dër sciode al mone Berto, che fajess tröp por süa moniaria. Al ne ti savô nia da crëie, canche le vësco Clemens Pickel dla diozeja de Saratov - süd dla Ruscia - â dit che al foss gnü ion a zelebrè la mëssa tla bela dlijia da Pliscia. En lönesc ai 23 de messè danmisdé él rové alerch cun 12 monies de süa diozeja por zelebrè la mëssa y stè n pü’ cun nos. La picia comunité de Elista, olache Alberta Declara da Calfosch é bele da tröc agn, é gnüda por n pêr de dis tla Val Badia, cun i jogn che vir te süa ćiasa-familia. Por chësta ocajun él gnü le Vësco che tëgn dër sön la presënza de chësta comunité te süa diozeja, a odëi le post da olache ara vëgn y incuntè süa familia. Le momënt plü significatif é stada la mëssa tla picia dlijia, dita y ćiantada por rus. Tla pordica à le vësco ćiarè sön pergo, ala man che tëgn le Crist. Al à recordè che i ne messun nia se temëi da se tignì

pro la crusc, deache te vigni momënt de nosta vita él ma ëra che nes tëgn sö, dötes les atres strades porta a na strada vercia. De morvëia se savôl che les monies ê dötes jones, sön i 30 agn. Al ti é gnü damanè ćiodì che al é tan de monies jones tla Ruscia. Cun scemplité àres respognü: ”magari deache i cherdun y i periun

deplü por les vocaziuns.” La festa é jüda inant cun na buna marëna y tröpa alegria jö da Berto. Inće te chësta ocajun, olache al n’ê nia tres saurì da comuniché, unse sintì ći che Sant Ujöp da Oies nes â dit: le lingaz dl amur él düć che capësc. I s’ùn lascè contënć de chësta bela condivijun. (Patrizia y Alberta Declara)

La II. Comisciun por la sconanza dla contrada à valutè y aproè deplü proieć tles valades ladines. Danter l’ater él gnü tratè proieć tl’alta Val Badia. Tl raiun danter Piz Sorega cuntra La Ila podaràl gnì realisé n coliamënt sot tera por taché adöm dui resservars dal’ega por fà nëi. Le proiet é gnü menè ite dala sozieté Grandi Funivie Alta Badia, y

reverda i resservars ”Piz Sorega 2” y ”La Frëina”. Azetè él inće gnü da mëte jö tl raiun Planac incër 2000 metri cubić de material, che gnarà ćiavà fora por amplié le Hotel Costes a Corvara. La comisciun à alzè fora che al ne podarà nia gnì lascè jö material de d’atri y che do i laûrs messarà le raiun indô gnì fat vërt.

N momënt cun le vësco dala Ruscia ca. www.lauscdiladins.com

21


Val Badia

nr. 30 / 03 de agost 2012

100 agn de storia te dui dis I Destüdafüch da Corvara à festeje dan chinesc dé n iubileum important, olache an à invié ia anter dui dis n Dé dla proteziun zivila cun tröpes desmostraziuns, sciöche inće la festa ofiziala cun onoranzes, na publicaziun nöia, la benedisciun de n auto, na gran defilada y na msotra

Les autoritês presëntes ala festa de iubileum, dan le paiun.

Cor vara - Cun deplü scomenciadies à la uniun di Destüdafüch da Corvara festejé le iubileum di 100 agn da süa fondaziun. Al é stè dui dis de desmostraziuns, de storia mo inće de festa, che à sotligné la gran importanza de döt le volontariat y dla colaboraziun danter i grups de pröm aiüt.

Sabeda, le ”Dé dla proteziun zivila” Canche döt ê oramai organisé a pontin por festejé le iubileum de 100 agn dla uniun di stödafüch, manćiâl ma plü le bel tëmp. Les previjiuns, dolarata nia massa bones, à fat stè sön les spines fina ala fin. Spo, incër misdé dla sabeda, s’à les niores jutè fora dala plöia y an à podü mëte man sciöche al toca cun le program, che odô danfora deplü proes y eserzitaziuns de socurs. Tröpa jënt é rovada adalerch por ćiarè pro y à insciö podü tó vijiun de sciöche al vëgn laurè te deplü caji desvalis. Le grup di Destüdafüch da Corvara à portè dant l’intervënt pro n mèdefüch te na abitaziun cun le suport dla litra di Stüdafüch da La Ila y dl Skylift da Urtijëi, tratan che i Destüdafüch da Calfosch y da La Ila deboriada cun la verda forestala à portè dant n mèdefüch te n bosch, cun le suport dl elicoter dl Elikos. Le grup di Destüdafüch da San Ćiascian y la Crusc Blanćia à mostrè la simulaziun de n inzidënt sön strada, te chël che al é inće gnü adorè la forfesc idraulica, deperpo

che le grup da Badia, deboriada cun i omi dl Aiüt Alpinisć Alta Badia, à lascè odëi le socurs sön parëi y l’evacuaziun de n implant portamunt. Sön plaza êl spo inće la poscibilité da vijité i stonć dla Polizia, di Carabiniers, dla Crusc Blanćia, dla Forestala y dla Kron Action. Da odëi êl de vigni sort de mesi y massaries por la sigurtè. Danter l’ater él gnü metü da jì inće n concurs de rendimënt di grups di jogn dl’alta Val Badia, che é gnü davagné dal grup da La Ila. Da sëra é la festa jüda inant tl salf dles manifestaziuns F.A. Rottonara, cun la musiga da bal dl grup musical di Lechner Buam.

Mëssa, onoranzes y na publicaziun nöia La domënia à la festa metü man cun la defilada di omi di stödafüch, dles bandires, dles totes y dles autoritês, dal Hotel Col Alt demez, acompagnà fina sön plaza de dlijia dala Müjiga Calfosch-Corvara. Tratan la funziun, abelida dal ćiantè dl cor, à siur Andreas Perathoner orü mëte l’azënt sön la gran importanza di stödafüch te n paîsc; al à baié dles bries y dles responsabilitês, mo inće dl dërt da fà festa te na ocajiun tan speziala. An é spo passà ala pert ofiziala dla festa, che s’à spostè sön plaza de comun, olache deplü autoritês à tut la parora, danfora le comandant di Destüdafüch da Corvara Hubert Costner, che à saludé i presënć y rengrazié düć chi che à portè pro al garatè dl

La bandira di Destüdafüch da Corvara à daurì la gran defilada dla domënia.

22

www.lauscdiladins.com

I grups jonii che à tut pert al concurs de rendimënt.

iubileum. Le microfonn ti é spo gnü dè al presidënt provinzial di stödafüch Wolfram Gapp, al ombolt Robert Rottonara y ala fin al Landeshauptmann Luis Durnwalder, che à albü tröpes parores de lalt por la uniun. Te so discurs, en pert inće por talian por respet di tröc foresć presënć, àl alzè fora le gran potenzial che i ùn te nosta provinzia por mirit dl volontariat. Na reflesciun é jüda inće al momënt de crisa: impede baudié dla situaziun, dess vignun te so pice dè so contribut y odëi les cosses cun plü otimism. Presënć ê inće l’assessur provinzial Florian Mussner, Herbert Thaler - l’ispetur dl raiun comprensorial di stödafüch dla bassa val de Puster, l’ombolt dl Comun de Badia Iaco Frenademetz y le presidënt dl’Assoziaziun Turistica da Corvara y Calfosch, Oskar Alfreider. Te chësta ocajiun él gnü surandè deplü onoranzes, danter l’ater n cheder de recordanza ales totes y n prousc d’or a chi che é stà comandanć o vizecomandanć dla uniun, sciöche Herbert Pezzedi, Giuvani Dapunt, Vijo Thaler, Pire Costner, Helmuth Thaler y Hubert Costner. Partis fora é gnüs inće prousc d’arjënt ai mëmbri atifs y ai mëmbri d’onur, y de brom a chi omi ćiamò en vita che é stà tla uniun por deplü agn. Düc i onorà à podü pié do ince la bela publicaziun di 100 agn de storia dla uniun. Le liber, porater dër garatè por mirit dl grup de laûr, contëgn tröpes fotografies da inlaôta y informaziuns sura la uniun. Le liber é ince gnü partì fora

por les ćiases y restarà dessigü n bel recort de chësc iubileum.

Benedisciun de n auto nü Denant co mëte man cun l’at ofizial dla festa, él gnü presentè n auto nü. Siur Andreas Perthoner à cherdè jö dal alt la benedisciun söl meso Mercedes Sprinter y sön düć chi che le rovënarà. La particolarité de chësc meso é dessigü le cassun che po gnì adorè por trà do tambëgn la pumpa che la gran löm. L’auto nü à sambëgn ciafè inće döes totes: Heidi R o tto n a r a y M a rg a re th Costamoling.

Na defilada storica y na mostra de fotografies Dales trëi domisdé à spo scomencè la gran defilada, a chëra che tröc grups de stödafüch à contribuì. Le publich à podü odëi

de vigni sort, dal visitmënt da inlaôta a chël plü tecnich da śëgn, dales massaries che gnô adorades dan 100 agn ai mesi plö moderns che vëgn adorà al dedaincö. Dër interessant él stè da odëi la pumpa di grups da Sëlva y da Rina, y les litres da zacan. Danterite à defilé la musiga dl comun, chëra da La Pli y chëra da La Val. Le domisdé é jü inant cun i conzerć dles musighes y la poscibilité da mangé y da bëre. I dui dis de festa é gnüs stlüć jö cun la Hopfenmusig, che à portè bona vëia fina da sëra tert. Tratan chisc dui dis à bele tröpa jënt vijité la mostra che i Destüdafüch da Corvara à organisé en gaujun dl iubileum. Ara se trata de na esposiziun dër curada y particolara de fotografies, injins y mondures. La mostra, che é da odëi tl salf de consëi te ćiasa de Comun, é daverta fina ai 24 de agost, vigni dé dales 21.00 ales 23.00. (test: Elisabeth Penazzi, dötes les fotos: Ugo Visciani)

La desmostraziun de n socurs por inzidënt sön strada é gnüda portada dant dal grup di Destüdafüch da San Ćiascian deboriada cun la Crusc Blanćia.

Les döes totes Heidi Rottonara y Margareth Costamoling cun le vizecomandant Helmut Thaler y le comandant Hubert Costner.

La simulaziun de n mèdefüch te na abitaziun.


Val Badia

nr. 30 / 03 de agost 2012

I recordun Vijo Vittur Le mede de Pescol Vijo Vittur é nasciü dan 130 agn y mort dan 70 agn; al é inće 100 agn che al à dè fora le liber ”Enneberg in Geschichte und Sage”, che cunta la storia dla Val Badia Porsones - Personalitês todësces de inom y pom â bele chi agn recordè le dr. Vijo Vittur, nosc compaejan ladin cotan conesciü. Pro chëstes él da nominé le curat da Vahrn Karl Staudacher (1875 1944) che à scrit le ”Faneslied”, gnü dè fora dal EpL; inće l’ostì, bocà y scritur Hans Fink (1912 - 2003) da Porsenù â conesciü bun le mede Vittur a Vahrn; sides Staudacher che Fink ti â dediché tl foliet ”Dolomiten” plü articui a Vijo Vittur por sü mirić da mede y da scritur.

La vita dl jonin Vijo Vijo Vittur é nasciü dan 130 agn, ai 7 d’agost dl 1882 sö Pescol te ćiasa vedla. Pescol é na vijinanza sot Juel che liëia Badia cun Lungiarü. Canche Vijo â cin’ agn, i morîl le

gnü n gran artist di altà a Porsenù. Arjigné ca da jì a studié l’â so tot y le curat Micurà Sottara. A scora a Porsenù l’â menè dl 1893 le curat cun la speranza che al gniss sigü n prou; de chësta minunga ê inće stè le maester Pire Vittur (+1916) y sambëgn la uma. Compagns de scora ê Nazio Canazei de Runch a Badia, gnü gran miscionar y mort tla Cina dl 1946, Beniamin Sottara de Fornacia/La Val, mort da seminarist cun 22 agn, Vijo Pescolderung de Jusciara (+1955), gnü degan da Fodom, Scebio Pescollderungg (+1967) d’Anvì é stè diretur de scora. Alberch y mangé àl ciafè tl pröm pro sò tot Gustin y spo él rové tl Vinzentinum. Al ciafâ d’isté leziuns de todësch dal curat y da so tot. Le iade dla matura à Vijo de Pescol fat cun Tone Canins de Ćiastel/Badia dai 16 ai 22 d’agost 1902; ai â fat na roda da Pfunders a Pfitsch, da Sterzing ćina fora Dala y Absam y indô a ćiasa. Do la matura é Vijo Vittur jü tl seminar, mo do da n’edema él incandenò araité defićio sura le Brenner iaifora Desproch a studié medejina. Laota êl n te’ mez scandal sce n maturant dl Vinzentinum ne gnô nia prou. La noela che Vijo ti â dit aroeder al Seminar s’â tosc spanü fora sura döta la bachëta. Vijo n’ê mefo nia dla medema ancrëna che süa uma. Al â tut la dezijiun da jì do so tru impede gnì prou y i fà n plajëi a chi da ćiasa y a döta la parentela.

Le mede de Pescol Tët y scianora, alberch y cëi ti â chirì mons. Franz Konrater (1853 - 1911) da La Pli, benefiziat a Desproch.Te na lëtra a süa uma che ê te na gran doreja, s’â Vijo despleidé, iustifiché, ćiodì che al n’ê nia jü tl seminar; al i scriô che al n’ess porchël nia pordü la crëta cristiana y ne s’ess nia impiciadré, mo al foss

La proposta de Vijo Vittur por le statut dla uniun di studënć ”Ladinia”.

pere de 53 agn; süa uma ê Maria Pescoler (*1850). Ta Lungiarü é pice Vijo gnü confermè dal vësco Simon Aichner (1884 - 1904), nasciü a Terenten. So tot ê Gustin Valentin (1858 - 1940) da Ćialaruns, che é

La familia de Gustin Valentin cun le jëinder dr.Vijo Vittur.

Pescol cun la ćiasa vedla dl 1500.

romagnü inant n bun cristian y fi de Pescol. Lafora n’â Vijo nia da garat, mo al viô te na gran pecügna, deache ćina dasëgn ti â la uma menè scioldi por le stüde, mo intant nia plü. Vijo à tut scioldi a speta da so tot Gustin Valentin y al dê ores a studënć por slisiré süa meseria antia. A Desproch fajô Vijo Vittur pert dla uniun di studënć universitars ”Tyrolia”. Cun gran energia y orentè à Vijo finanzié sü stüdi y i à rové dl 1908 a Vìena. Rové de studié él gnü mede a Piculin. Ai 4 de novëmber 1908 àl maridé Gusta Valentin (*1889), na fia de so tot Gustin. Dl 1911 él rové mede ta Fodom tl spitol nü. So fre Sepl é tomè dl 1916 söl Pasubio, a ćiasa êl ma plü romagnü süa so Maria (1884 - 1972) che â do la vera maridé le paur Bernerd Irsara (1885 - 1942) a Pescol. Vijo Vittur à vit la esplojiun dl Col de Lana y à medié n gröm de soldas feris. La jënt da Fodom â messü s’un sciampè y la familia dl mede de Pescol é rovada a Porsenù. Dl 1918 é le dotur de Pescol stè cört tëmp a Porsenù mede tl Sanatorium. Dl 1919 i morîl la fomena dales ries coies lascian indô l’om cun cater mituns; le medemo ann àl maridé ai 9 d’otober süa cognada Milia Valentin (1895 1961). Indöt à Vijo Vittur albü 10 mituns. Al é stè agn a Mühlbach mede, olache al messâ inće socodì chisc paîsc: Meransen, Vals, Spines, Aicha, Schabs y Redant. Les gran fadies ti â gaujé na trombosa che l’â sforzè da lascè le post y da se lascè

jö a Vahrn por se varentè; indô gnü sann intun àl fat dailò mede de comun. A Vahrn s’âl cumprè la ”Vila Mayr” y â arjigné ite dailò süa ordinaziun.Vahrn é gnüda so secundo daćiasa. Por gauja che al laurâ trö’ massa s’àl amarè y atempè ne s’âl nia plü trat en ester. Arbagotè dal laûr él jü iadelà ai 6 de jügn dl 1942 y é gnü metü ia a Vahrn.

Les publicaziuns Bele da jonn âl metü man da abiné adöm material storich y chësc àl fat por 12 agn alalungia. Al ne s’â mai desmentié da ester n ladin dal će al ćialćiagn. Al ê jü tla Val Badia da n lüch al ater a se informè y a se lascè cuntè dant da jënt atempada de vigni sort de stories: liëndes y saghes, storia de süa valada por nia la lascè jì en desmentianza. Cun le tëmp àl abiné n gröm de material che à bastè da mëte adöm la publicaziun ”Enneberg in Geschichte und Sage”, dada en publich dl 1912 a Lana. Laite ciafon la storia vedla dla valada, chëra dla sozieté dl Mediev, dla Revoluziun ćina al 1910. Tröpa lerch i àl lascè ala storia y ales beghes danter les monies de Ćiastelbadia y i paurs afitadins dla valada y dal prinz de Tirol. Ala storia de dlijia cun sües 12 cöres ti àl dediché gran lerch; al l’à ciafada fora studian bragamins, documënć di archifs dles calonies. Inće la storia dla scora à ciafè süa lerch, àra pö tröp da fà cun la dlijia, deache secui alalungia é i proi stà i maestri de scora.

Le cuertl de so liber.

Le vësco Simon Aichner. (Foto: Josef Gelmi - Die Brixner Bischöfe in der Geschichte Tirols - Ediziun Athesia)

Dles tröpes families nobles che â vit zacan tla valada y de sü ćiastlins à le dr. Vittur inrescì bindebò. Nia desmentié ne s’àl les personalitês che la valada à albü sön de vigni sort de ćiamps: medi, avocać, miscionars, artisć, professurs de teologia, scienzià, ofeziers y artejagn. Le dr. Vijo Vittur à saulè tröp; zënza süa archirida foss n gröm de informaziuns y de storia ladina jüdes a perde. Chësta publicaziun é romagnüda ćina incö la sora opera todëscia che baia dla storia dla Val Badia y ara à complì i 100 agn. Ara à na gran valüta y ara é n tesur che püć à la antöra da avëi pro sü libri. Recordè oressi inće n’atra süa publicaziun. Bele da möt messâl pascorié i tlaparoć, i pici tiers cun so bronsiné da Juel sö y ite por Antersasc, olache al ê n tamarin da stè ad assosta por canche al rumpî fora stratëmp. Dal contat cun la natöra àl coiü sö la pasciun da conësce ciüfs, flus y plantes. Da mede savôl tan de medejina che tröpes plantes é y sön chësta âl scrit adöm ći che al savô dles plantes y à de fora tl ”Kalender Ladin” dl 1915 l’articul ”Erbes de medejina de nostes valades”. Al é n laûr de gran valüta por chi che ô se informè sön la forza da medié de nostes plantes. A chësta fosa àl inće salvè tröc inoms ladins por plantes, ciüfs y erbes de medejina. Le mede de Pescol se miritass da gni recordè por avëi descurì y saulè tröpa storia ladina. Le frabicat dla sanité a Pedraces o la strada da Pedraces cuntra Sotparacia podess portè sò inom. A Vahrn él na strada che porta l’inom ”Alois Vittur Strasse”. (lois trebo) www.lauscdiladins.com

23


Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

nr. 30 / 03 de agost 2012

Moena e Soraga vel jir forin Mont de Vich con l’impiant I promotores à costituì la Sozietà e cresc l debatit sun n coleament che vegn prejentà desche proponeta de mobilità alternativa, ma che soscedea desvalives dubies Impianc - L’é jà da vèlch an che se rejona de la proponeta de n impiant che pee via da Soraga e da Moena per jir forin Mont de Vich. La proponeta é nasciuda su domana de la Sozietà Latemar Carezza S.r.l. de Georg Eisath, che se sà ben la chier de portèr l maor numer de jent che l’é meso sun si impianc, e per chest l’à vardà a la possibilità de fèr ruèr lassù più sorì ence i ghesć de Fascia. Chesta proponeta ge à piajù a n grop de hotelieres e imprenditores de Moena e de Soraga, che i mira ence a aer n impiant che pee via dal paìsc acioche i ghesć posse ruèr en aut zenza besegn de tor l’auto, e che i se à dat jù trop per chierir de tor sù adejions per poder meter a jir chest projet. Chest impiant no l vegn finalisà al schi, ma l’é stat conscidrà desche n projet de mobilità alternativa, e de chest vers l vegn sostegnù ence da l’aministrazions de Moena e Soraga. Dò chest troi la proponeta é stata portèda ence tel Pian de mobilità del Comun General de Fascia.

SMA: Sozietà Mobilità Alternativa Ai 25 de messèl l’é stat fat n auter

vèrech inant con la costituzion ofiziala de la SMA – Sozietà per la Mobilità Alternativa, che à desche obietif chel de portèr inant l svilup sostenìbol te Fascia apontin travers “la realisazion del sistem de mobilità alternativa sun fun per leèr anter ic Moena, Soraga e l Pas de Costalongia”. La Sozietà tol ite 150 sozi e con sia costituzion – disc i promotores – “l’é stat arjont n nef emportant obietif, trampolin del lonch e articolà lurier portà dant en cordanza anter i Gropes de Mobilità de Soraga e Moena, la respetives aministrazions de Comun e chela de Neva, la Sozietà Latemar Carezza Srl e l Comun General de Fascia.” L capital sozièl formà travers la sotescrizion de azions per l valor de 5 milions de euro (de chisc l 25% jà depojità), l’é stat arjont de gra al sforz de hotelieres, comerzianc, artejegn e sentadins de Moena, Soraga e del Pas de Costalongia che i à podù se emprevaler de la oportunità de credit agevolà metù a la leta da la Cassa Rurala de Fascia e Agordin. La senta legala de la sozietà,

che la se à dat 3 egn de temp per otegnir la conzescions e concretisèr l projet, la é a Moena e l Consei de Aministrazion tol ite l president Marco Pederiva da Soraga, l vizepresident Francesco Cocciardi e Patrich Sommariva da Moena, Georg Eisath e Paul Jakomet de la Latemar Carezza S.r.l. e Josef Brigl de la sozietà Seggiovia Carezza- Catinaccio S.p.A.

Ma i dubies é tropes e la SAT é de contra I promotores ge tegn a sotrissèr la gran partezipazion de la categorìes economiches, ampò en cont de chest projet no mencia i dubies e la critiches. Chisc é stac uzé fora ence sui sfoes, e i revèrda l gran sacrifizie de bosch e ambient che l nef impiant domanassa, ma ence la sostenibilità economica de la gestion, so peis publich per duta la comunanza e la consaputa che te chisc tempes de crisa la comunanza de Fascia la cogn – descheche l’é stat rebadì più outes ence dal goernador e dai assessores de la Provinzia de Trent - fissèr prioritèdes de intervent, ajache

dut no se pel fèr. Desche a dir: Moena la cogn cerner se la vel n impiant te paìsc che l vae envers Lujia o envers Costalongia. La SAT à chiamà ite da pech si sozi te na scontrèda a chela che à tout pèrt ence l vizepresident Stefano Fontana, e te chesta ocajion l’é stat uzà fora dubies ence en cont del pian de cosć, passajes e finanziamenc, fat aldò de na analisa conscidrèda pech ascorta e obietiva. Chesta e n grum de autra rejons à fat spervaji i componenc de la SAT a rebadir sie “na” a chest projet dijan che l paìsc de Moena cognessa piutost pissèr dant a ressolver l problem de l’arvejinament ai impianc de Lujia.

Te la UAL n confront con istituzions e comunanza La costion del nef impiant é stata touta dant ence dal diretif de la UAL, che l se à binà ence con i ombolc de Fascia. L moviment politich à dit de vardèr con atenzion chel che sozet ti paìjes de Moena e Soraga, che legitimamenter domana de aer n impiant te paìsc, l’à tout at del

sostegn che la scomenzadiva à abù a Moena e Soraga e l’à dit che la volessa jir più a fon su la costion tant con i raprejentanc de la SMA che con etres esponenc de Fascia desche impiantisć, APT e raprejentanc de la Sat. La UAL à perauter rebadì che per so cont la priorità resta l coleament envers l Lujia e che l projet cogn tegnir cont ence di besegnes de la comunanza de Soraga. De segur fossa emportant che ence sun chesta costion i raprejentanc istituzionèi envìe via na discuscion averta e sinziera, ajache enscin ades l’é stat l’imprescion che la posizions mude belebon te la sentes ofiziales respet a cheles no ofiziales, olache ence i raprejentanc istituzionèi disc che “tant no vegnarà fat nia” opura “se l toch da Soraga no l se paa l vegnarà lascià fora”: l sens de responsabilità domanassa de tor na posizion chièra per no dèr faussa speranzes ne ai ambientalisć ne a chi che cree te chest projet e i é dò a ge meter empegn, temp e scioldi. Lucia Gross

L martirie de la Gejia tel Pakistan Monsegnor Bressan, Suor Teresa Bernard e Suor Josephine Michael à portà dant sia esperienza tel paìsc asiatich

Don Erminio Vanzetta e Cesare Bernard prejenta la doi Monies e l Piscop Bressan.

Soraga - L’é stat rejonà del Pakistan enstadì te gejia de Soraga tel quarto enconter endrezà da la Comiscion per la cultura del Decanat de Fascia tel chèder de la rassegna “Ispirazions d’istà 2012”. Del Pakistan e de la situazion de la Gejia te chest paìsc de l’Asia del Sud, con trei reladores de gran spessor: l Piscop de Trent Monsegnor Luigi Bressan che é stat nunzie apostolich tel Pakistan, Thailandia e Cambogia, Suor Teresa Bernard da Pera e Suor Josephine Michael, pakistana, che à portà dant sia esperienza direta.

N paìsc con n aut tas de meseria e analfabetism Monsegnor Bressan à prejentà, col didament de vèlch retrat, la situazion del Pakistan dal pont de veduda geografich, sozièl e religious. L Pakistan l’é n paìsc da mont, n muie sut, fora che la pèrt dintorn al ruf Indo, che l’é la soula che se pel coltivèr e donca vitala per l’economìa. Chiò vif la maor pèrt de la popolazion, i prodoc agricoi

24

www.lauscdiladins.com

prinzipai l’é gran e bombèsc. Pecia l’é la fontènes de èga che pel vegnir durèdes e dachelanvìa gran pèrt de la jent no à èga. Co la egajon de l’istà del 2010, la più grana che sie mai stat tel paìsc, la situazion é n muie piorèda, vilajes entriesc é stac dessaté e milions de persones à perdù dut. N terz de la jent vif sot l livel de meseria e l tas de iscrizion a la scola populèra del 2010 l’era del 76% per i bec e del 57% per la touses, che é de spes vitimes de discriminazion. La religion ofiziala l’é l’islam, più che l 95% i é sunniti; i cristiegn i é l 2%, i indù l’1,6% e l rest l’é pìcola setes.

Sun chest laora da egn la Monies Miscionaries de la Scuola, anter chestes Suor Teresa Bernard da Pera e Suor Josephine Michael, na cristièna pakistana. Suor Teresa Bernard, n muie emozionèda a rejonèr tedant a la jent, à contà de sia esperienza personèla tel Pakistan. Te chest paìsc asiatich e più avisa te la zità de Sahiwal, la é ruèda del 1968, canche l’aea 33 egn. Sobito ge é stat dat sù l’encèria de se cruzièr de la scola de la miscion, olache l’era ite mile bec, spartii te clasc de 80 arlieves ogneuna. La é stata dura al scomenz soraldut per l lengaz, ajache chisc bec rejonèa urdu e Suor Teresa no l lo cognoscea. “É padì ence per chel che varda la sanità – l’à dit Suor Teresa - ma chisc bec me à volù sobito ben.” Te chi prumes egn ge é stat dat sù la restruturazion de la scoles e de gra a na bonaman sporta da don Edy la é stata bona de fèr sù n dormitorie e de enjignèr n pulmin per l trasport di bec. “I montèa sù de 120” l’à dit coi eies che slumenèa. Ti egn la se à cruzià ence de la

formazion de la sezion de eles de scout. Tel Pakistan la é restèda 27 egn, dapò l’à cognù vegnir deretorn per via di combatimenc e l malvoler contra i ozidentèi. Tel meis de mèrz de chest an Suor Teresa é jita deretorn per n meis tel Pakistan, dò 17 egn. N muie de sia ex joenes de l’orfanatrofie é jites a la saludèr, ge fajan cognoscer sia families. Duc ge à fat na gran festa e Suor Teresa l’à moscià i retrac de chisc momenc che ge restarà per semper tel cher.

La scola, laboratorie de convivenza Tel Pakistan l’é 30 monies de la Scuola, 29 pakistanes e 1 talièna. Suor Josephine Michael l’é la ritadina de Suor Teresa, l pent anter la Tèlia e chest paìsc. Co la bonamans che rua dal Zenter miscionarie de Trent la monies de la Scuola pel fèr n muie tel setor de l’istruzion. “Nosc projet educatif – l’à dit Suor Josephine – l’à l’obietif de ge dèr degnità culturèla e spirituèla a nesc joegn percheche mude sia posizion sozièla te la

L’esperienza de Suor Teresa Bernard L’educazion pel esser de ùtol per l respet e la convivenza ence olache la situazion culturèla e sozièla no é sorida. Te n paìsc olache partegnir a na mendranza vel dir cogner tegnir fora dì per dì discriminazions e prescions, l’educazion pel dalbon fèr crescer persones respetouses e avertes a la desvalivanza e al dialogh.

Suor Teresa Bernard da Pera e Suor Josephine Michael tel cors de la scontrèda.

comunanza, olache i joegn cristiegn e chi che partegn a l’autra mendranzes vegn de spes descriminé. La scola ge dèsc alberch a studenc cristiegn, musulmegn e de autra religions e l’é donca n pìcol laboratorie de convivenza per na sozietà desvaliva. Ma la situazion é n muie ria. I musulmegn peissa che dut cogn vegnir fat aldò de che che disc l Corano e che demò l’islam sie la vera religion, per chest i fèsc terorism e de spes i colpevolisea i cristiegn de blasfemìa, ruan a i brujèr vives te sia cèses. Suor Josephine à moscià retrac n muie cruves di “martires de la gejia”: Asia Bibi l’é na femena cristièna che é stata condanèda a mort per blasfemìa per aer beù da n poz de n musulman, ades la é te perjon te condizions desumènes. Per sia liberazion l’é entervegnù ence l Minister de la mendranzes del Pakistan, l catolich Shahbaz Bhatti e l goernador musulman de la Provinzia de Punjab Salman Taseer, duc doi é stac sassiné. “Che podone pa fèr nos percheche mude vèlch?” - à domanà Cesare Bernard. “Cognon sostegnir l dialogh interreligious te la scola olache se laora per la convivenza.” à responet Monsegnor Bressan. La serèda é stata serèda dijan sù l’Aimarìa per urdu e l Pater Noster per talian. I apuntamenc de “Ipirazions d’istà 2012” va inant en mércol ai 8 de aost da les 21.00 te gejia de Pera con Monsegnor Francesco Cavina, Piscop de Carpi, che rejonarà de l’opera de la Gejia per l svilup del continent african. Monica Cigolla


Fascia

nr. 30 / 03 de agost 2012

L ben de viver N event metù a jir a Moena per recordèr l professor Giampiero Giuliucci, che ti egn ’70 l’aea ensegnà te la scoles mesènes lascian n recort n muie fon

I protagonisć che à viventà l’event se got l’aprijiament del publich.

Moena - Enstadì la gejia de Moena ge à dat alberch a na serèda dassen particolèra, olache musega e poejìa se à enterzà te na atmosfera spezièla, fata de efec de lum e scur. Se trata de n event che ge é vegnù dedicà al professor Giampiero Giuliucci, scritor e poet da Pèdua, che ti egn ’70, tanche laureà en filosof ìa estetica, l’aea ensegnà per cinch egn alalongia a la scola mesèna de Moena, lascian n recort n muie bel ti bec e n segn de segnificat te la vita culturala de la comunanza, con chela che l'aea spartì tradizions e spìrit. Dachelanvìa l professor Giuliucci aea semper mantegnù n leam fon con Moena, olache l vegnìa de spes d’istà per passèr sia vacanzes tel chiet de la frazion de Medil, fin canche, ai 30 de otober del 2011, l’é se n jit da chesta tera, a l’età de 71 egn. Moena, a nef meisc da sia mort, l’à volù l recordèr con chest event

de musega e poejìa dal tìtol “Il bene di vivere”, n dialogh anter maester e arlief tel jir de na giornèda, olache la domanes sul sens de la vita les ciapa resposta da l’esperienza vivuda e l maester ge lascia al joen l’encèria de l recordèr tolan cà si ensegnamenc, empienii de neva esperienza de vita. Tel jir de la serèda Michele Longo, Enrico Vinante e Andrea Bazzocchi se à enterzà a lejer tòc de tesć de autores grecs, tòc da la Divina Comedia, etres de autores contemporans e del medemo Giuliucci, enterzé da la sonèdes de orghen de Alex Gai e Ai Yoshida, na cobia che del 2006 à metù sù l grop “Organ Duo”, e da la cianties del Quartet Gaudio Musicale, che tol ite Angela Chiocchetti, Francesca Degiampietro, Maurizio Zanon e Enrico Vinante. Mirko Bonelli à creà l’atmosfera con i efec de lum. L’event é stat endrezà con la

L Quartet Gaudio Musicale à moscià amò n’outa sia braùra.

colaborazion de l’assessorat a la cultura de Moena, del Consorzie Moena Perla Alpina, de la parochia de Sèn Vile, de Salvatore Sommavilla per l retrat de la scomenzadiva e di ex arlieves che à volù recordèr sie professor. Giampiero Giuliucci l’era trop cognosciù per sia regoetes de poejìes e per aer endrezà e viventà sacotanta scontrèdes leterères e spetàcoi de musega, danza e poejìa. L’à dedicà sia vita a l’educazion e la promozion de ogne forma e esprescion artistica, viventan n gran numer de Biblioteches e fajan pèrt de gropes e zircoi culturai. L’à publicà sia poejìes e scric te la regoetes: “Lei e le altre”, “Bella e l’amore”, “Medil”, “Il fuoco e la neve”, “Canzoniere per Albertina”, e tropes se dejouc a Moena e sun Medil olache l professor é vegnù per passa 30 egn. L’à lascià ence n gran numer de scric no publiché, che en pèrt é stac duré per la realisazion de

chest spetàcol. De messèl del 2010, semper te la gejia de Moena, tel chèder de n event chiamà “Nel mezzo del cammin di nostra vita” Giuliucci

aea let tòc da la Divina Comedia enterzé ence enlouta da musega d’orghen e ousc. Da chiò l’omaje a la memoria col spetàcol “Il bene di vivere”. (cri.m)

L professor Giuliucci en ocajion de la serèda che l’aea portà dant a Moena d’istà del 2010.

www.lauscdiladins.com

25


Fascia

nr. 30 / 03 de agost 2012

N nef troi mena al termen restaurà L Grop da Mont Cai Sat de Moena auza fora l valor storich culturèl de nosc patrimonie

L grop de jent che à tout pèrt a l’inaugurazion del nef troi e l restaure del veie termen anter Moena e Soraga.

L tai de la veta per festejèr i lurieres del Cai Sat de Moena.

En sàbeda ai 28 de messèl la sezion del Cai Sat de Moena l’à festejà l’inaugurazion de na varianta al troi che dal Sester a Soraga rua fin a Peron Bianch, sul confin col paìsc de Moena olache se troa l veior termen. Entorn la does n grop de sozi compagné dal vizepresident Domenico Sighel, che l’é l responsàbol di troes de Moena e Soraga, l vizepresident de la Sat de Trent Stefano Fontana, l’ombolt de Soraga Roberto Pellegrini col vizeombolt Francesco Dellantonio e l’assessor ai bosć Umberto Zulian, ensema a vèlch raprejentant del diretif de

meter adum e no per spartir” l’à jontà apede Domenico Sighel. N fort rengraziament per l lurier portà inant con pascion e atenzion da Domenico e Damiano del Cai Sat de Moena é ruà da l’ombolt de Soraga e dal vize president de la Sat de Trent. Tinùltima, dant de aprijièr l bon marendel sport dal Grop da Mont, la storica da Moena Maria Piccolin à portà dant vèlch mizàcola de storia sui confins. Na veia mapa del Setcent moscia n bel numer de termegn zipié tel sas coi simboi di doi Prinzipac, che dal bosch de Costalongia segnèa l confin fin jai

la Sat del Zenter Fascia, se à troà sal Sester per se n arloèr a pe sul troi da bosch che mena a Peron Bianch, a 1.800 metres. Chiò, col tai de la veta, l’é stat inaugurà na varianta, n pìcol troi da bosch scempie, de demò 140 metres, segnà desche E 571 (la E identifichea i troes che l’é te la pèrt Est del Trentin) che l’à so gran valor ajache l mena tel post olache l’é l confin storich, na pera che é aló da passa 500 egn. “Chiò dant ruaa demò chele persone che cognosc l post e saea olà jir – l’à dit Sighel – ades l troi l’é stat segnà e donca duc podarà apede a veder

l veior confin.” Se trata del termen nr 8, datà 1551, che segnèa l confin anter l Prinzipat Vescovil de Trent e chel de Persenon. Su la pèrt trentina l’é su l’ègua e la scrita Tridentum, su la pèrt de Persenon l’é su l’agnel e la scrita Brixen. “Enteressant l’é veder che i ge à sćiavà int n pìcol capitel con su n Crist, oità envers mesodì – l’à spiegà Sighel – per mosciar la fe che aeva nösc aves.” Chesta pera é stata netèda jù delvers, ence percheche la era stata segnèda adinfal de checen e l temp l’aea fata doventèr de n color grisc scur. “Chest termen l’é chigiò per

Bergheil Bruno! Amisc, parenc e omegn da mont i se à strent en domenia sun Roda de Vael entorn a Roberta e a duc chi de ciasa per recordar Bruno Deluca de Nenucia En domenia ai 29 de messal l’é stat l dì per recordar i morc sa mont. Endana che tel Trentin l’era la comemorazion ofi ziada dal Piscop Bressan al Refuge XII Apostoli, te Fascia i omegn da mont se strenjea entorn al refuge Roda de Vael per recordar l’amich e menacrep Bruno Deluca, che la mont ge à portà demez a la femena Roberta, al pìcol Emilio, a chi de ciasa e ai amisc giusta acà n an, ai 29 de messal del 2011. Enceben che la giornada no aesse emprometù bon temp, de n muie i à volù se enarloar enscin tel cher de Ciadenac, a chel refuge de la SAT che Roberta l’à volù portar inant ence chest an, con gran

forza, coraje e determinazion, per seghitar coi pìcoi Emilio e Agata chela esperienza de vita che l’aea scomenzà col papà Bruno, che ades l li varda via da amò più en aut. Menacrepes e omegn del socors, amisc de Bruno e de soa familia, à tout part da le 11 a la messa, ofiziada da don Erminio Vanzetta . Na zelebrazion compagnada ence da le note del sax, olache le goce de pievia se à mescedà a le lagrime che tropes no é stac bogn de tegnir ite, soraldut canche Roberta à volù ge sporjer a duc so devalpai, let jù da Alessio, fra de Bruno.

Bruno Deluca con Roberta e l fi Emilio, dò l’é ruà ence la pìcola Agata.

26

www.lauscdiladins.com

“Devalpai, devalpai a duc per esser vegnui fin cassù a saludar Bruno n’autra outa, e devalpai ence a chi che aessa volù vegnir, ma per valch rejon no i à podù. Devalpai soraldut per l ben che ne aede desmostrà, a mi, a Chiara, a Emilio e Agata. Devalpai a duta la familia de Bruno, a noscia familia, perché zenza so aiut e l beliscim raport non crese che fossa stat coscì “sorì” jir inant. Devalpai a dut l staff del refuge che, desché na familia, me à didà a portar fin junsom, te n moment tant senester, la sajon passada, e devalpai per esser resté con noi ence chest an. Devalpai a duc i amisc de Bruno, perché i se à semper comportà da amisc ence con noi, che no l’é coscì scontà, semper desponiboi per ogni roba. Devalpai a mia familia e a duc mie amisc, che ence se fisicamenter dalonc, i é semper stac vejins con amor e benvoler. Devalpai a duta la comunanza per me aer tratà desché se fosse nasciuda e semper stata chiò. Soraldut, detalpai a Bruno, per me aer dat chesta familia stupenda, per me aer ensegnà l’amor e l respet per i monc, speran de esser bona de ge l trasmeter de pien a nesc fies descheche tu tu es stat bon de far con Chiara, e detalpai percheche sé che t’es semper chiò con noi, che tu ne compagne col grignot che tu as semper abù, te ogni moment de noscia vita. Bergheil Amore. Bergheil Bruno”

piesc de Piz Meda. Aldidanché i termegn é resté pec. Pèrt é stac dessaté da la operes de l’om desche la diga de Pecé e fazile etres é stac robé. “Se pel lejer da n veie document – à dit Maria Piccolin – che chisc termegn é stac metui ju del 1551 percheche la jent seghitava a se scinternar per deric de jir a past o per taiar bosch. Fazile al scomenz l confin l’era sui rives gregn, dò i tacà a meter ju chisc sasc per segnar la spartijon anter i doi Prinzipac.” Na spartijon che aldidanché no à aboncont più nesciuna rejona de esser. (mci)

40 egn de istoria che é pèrt del paìsc de Dèlba La familia Planchensteiner à recordà enstadì i 40 egn da la naa de La Cacciatora de Dèlba mé l’é vegnù a mencèr Fiorenzo, clas 1947, che duc recorda, descheche se lejea sul recort, desche n om “che fajea de l’onestà so ideèl. L lurier l’era sia vita, la familia sie cher.” Te chisc egn La Cacciatora l’é stat n pont de referiment per duta la val: dal ’73 l Dancing Veruska, olache ades l’é l Binocol, fajea balèr i fascegn con la musega disco, e dal ’81 la pistes da Bowling e la costituzion del Kegel Club à portà a l’endrez de tornoes con squadres che vegnìa ca ence dal Sudtirol. Del ’97 l’é stat saut de calità a cater steiles, fajan fora per la L’evoluzion de la Cacciatora te 40 egn. quarta outa l’hotel e del 2002 l Biergarten, enaudà apontin Dèlba - L’era l’an 1972 e ta Dèlba en ocajion de la pruma edizion de no l’era trop, ma l’era la forenadoa, la corsa “Entorn Dèlba per strèdes e l’idea de fèr sù n hotel vejin a e troes”. L’era 30 egn da la naa de l’impiant l’era na bona prospetiva l’hotel e, conta Regina, “Fiorenzo per l davegnir. Ai 23 de messèl, se à pissà de endrezèr na garejèda con l grop de folclor de Dèlba e per i ghesć de hotel e per la jent Penìa, l’é stat coscita enaudà l’hotel del post. Da chel an sion semper “La Cacciatora”, e l’an dò, ai 12 de jic inant e ence chest an l’aon fata, mé del 1973, l’é stat fat gran festa ence percheche aon cognù la meter per l maridoz de Regina e Fiorenzo tel calandèr de la manifestazion jà Planchensteiner, che i à portà inant de jené”. Coscita en domenia ai 29 l’hotel te duc chisc egn, la maor de messèl la familia Planchensteiner pèrt spartii coi fies Heinrich (1974) à abù l’ocajion de recordèr chisc e Katia (1978). 40 egn de atività, ge sporjan l benvegnù a duc i paejegn e i amisc Te 40 egn l’é sozedù n muie de che i à podù amò n’outa stèr e jir robes, de beles e ence de senestres, inant ensema, descheche l’é stat e che lascia n gran vet, desche l’é te la Familia Planchensteiner. l’aisciuda passèda, canche ai 28 de (vr)


Fascia

nr. 30 / 03 de agost 2012

N nöf Crist sun Spiz de Boce L Grop Ladin da Moena à portà sù l Crist da meter su la crosc növa menada sù l mes passà

L grop de amisc del Grop Ladin da Moena sun Spiz de Boce davant al Crist nöf.

Moena - Ai 28 de luio, col sol aut tel ciel seren, enceben che l meteo aeva emprometù piövia da mesodì, ruada belapontin, l Grop Ladin da Moena l’é jit sun Spiz de Boce a portar sù l Crist nöf da meter su la crosc, ence chela fata növa e menada sù l mes passà co l’elicotero. La crosc, sunsom la ciadena de Boce, l’à na istoria. Voluda del 1979 dal maester Simonin Chiocchetti Maza, la era stata portada sù co l’elicotero de la Provinzia fin sal bivaco e te l’ultim toch da cater “cirenei”: l Carlo Pelin, l Giacomin Ganz, l Mario Tajin e apontin l Simonin. La era stata metuda colassù a recort de duc i morc del 1917, tagliegn, todesć, bosgnachi e stonc de nosce val che à padì l’oror de la guera, l freit, la fam, le fadie e le lavine che se desćiareava ju per le gole de Boce te chel burt invern. L Crist de legn l l’aeva zipià fora e donà l Batistin

Gianot. De setember del 2001 l Grop Ladin aeva endrezà na gita per portar sù n Crist che l Batistin aeva zipià fora nöf, ajache chel velge l’era marcì deldut. L prim a ruar sù enlaoita l’era stat proprio l Simonin Maza rechies, e ades che el no l’é più, l Grop Ladin da Moena à rità l capitel e l’à volù se l rencurar, a recort de le struscie, de la fam, del freit e de la mort che à tocià i soldai ma ence la jent che ampò l’à padì dute le conseguenze che na guera se porta dò. Via per l’an passà, chel Crist l vardava fora mal deldut. Marc e sbujà, zacà da le ciaure e brujà da le saete, l’é stat fat en toc e portà ja la malga Boce. L Grop, per enteressament soraldut del Ruggero Baiz che se à tot a cör chesta arpejon, l’à provedù a n far far n auter. L Comun de Moena à metù l legnam

e l viac a l menar en ponta, olache l Livio Defrancesco, a inom de la sociazion “Sul fronte dei ricordi” l’à dat na man a l meter en pè. Amò na oita l Batistin à metù man al sćiarpel per ge dar al Crist na bela parbuda e en sabeda l’é stat portà sù e metù endò te so post. N picol schiap de jent, dotrei del Grop Ladin, valch raprejentant di alpini e de la Schützen Kompanie ladina, estra che dotrei amisc, vegnui sù da troes desvalives, chi da Lujia, chi da Col da le Palue, chi da Ciadinon e autres dal Col Margherita, i se à binà entorn capitel a ge oijer n pensier e na orazion ai morc de la Guera Grana. En prescia i é se n jic en ju, canche da mesodì nigole negre se à binà minaciose tel ciel, lascian da sol chel Crist, jà forà da na saeta, a vardar via majarees e trincee e a dominar l gran panoram che da colassù se pol se goder. (mac)

Manconies te la comunanza Fascia Saverio Sommavilla e Alberto Felicetti à sturtà sù massa prest sia esperienza terena

Saverio Sommavilla.

Alberto Felicetti.

Manconies - Chisc dis passé doi neva manconies à tocià noscia val, n burt mèl se à portà demez massa bonora Saverio Sommavilla e Alberto Felicetti. Saverio, 66 egn, l’era da Moena ma da egn l stajea sa Vich, olache l fajea l montèr, ma l’é stat ence n cognosciù personaje del Fascia Balon, percheche del 1978, an de fondazion de la sociazion sportiva, l’é stat l prum vizepresident e l prum sponsor, con sia firma de termoidraulica. L gran sostegn che l ge à arsegurà ti prumes egn Otanta ge à permetù a la sozietà de pontèr via e de fèr front a la pruma speises, ge donan ence la pruma maies per jièr. L’empegn sozièl de Saverio ampò no l’era limità demò al Fascia Balon: defat l’aea fat pèrt ence del prum diretif de sezion de la Crousc Chécena de Fascia, che l’era stat lità a la fin del 1976. La femena Maria, ensema con la fies Sabrina e Debora e duta la comunanza i ge à sport l’ùltim salut en lunesc passà, te la gejia de Moena, lech a chel che Saverio l’era restà n muie leà. Ence Alberto Felicetti l’era da

Moena. L’era nasciù a Pola del 1944, da mère istriana e père moenat, ma l’à vivù soraldut a Trent, olache l’à lurà desche consulent aministratif te desvalives enc, desche l Museo de Scienzes Naturèles, l Museo Storich, l Mart al scomenz, canche l’é stat metù sù, l Museo de la Usanzes de Sèn Micel, l Zenter de Ecologìa Alpina. Da la fin di egn ’90 fin al 2002 l’é stat ence responsàbol aministratif del Film Festival de la Montagna. L vegnìa de spes a Moena, semper vertech a dèr na man a chi che podea aer debesegn de sia longia esperienza aministrativa, che l’à metù a la leta ence te Consei de comun, olache l’era stat lità per doi outes e l se aea perferì ence desche candidat ombolt. Desche conseier de mendranza dalaìte del veie Comprenjorie ladin l se aea trop batù per la fin di lurieres al teater Navalge, che ampò no l’é ruà a veder sturté sù; amò apede l se aea dat jù ence per contrastèr l’azion de Emilio Talmon contra l recognosciment de Moena ladina. Da temp malà, Felicetti l’é mort a Trent, olache en mèrtesc passà l’é stat ence zelebrà l’obit.

Chi él pa? Soluzion del retrat su La Usc nr 29 del 2012 L retrat publicà la setemèna passèda l’era stat portà da Carletto Rossi del Baila che l ne à dit che l retrat l’era stat fat al

scomenz di egn ’70 canche se jìa te Fuciada a seèr. L’é sù, ensema con l medemo Carletto, la familia de Emilio Deluca de Nenucia da Poza,

2

6

5

1 4 7

3 8

con sia femena Giovanna, i fies e n nez. A responer, apede a Carletto, l’é stat Lino Soraperra Medico da Poza, Antonietta Pederiva maridèda Winterle, Ernesto Brunel de Cela, Giuseppina Rossetti, Beatrice Rossi del Baila e Andreina Locatin de Patron da Poza, maridèdes fora Ciavaleis e Giulia Zulian da Soraga, che la ne à dit ence che sul retrat de la setemèna dant (messa noela de don Luigi Trottner) l seminarist col numer 19 l’era Don Giuliano Pellegrin da Soraga, che l’era conscrit de don Paride Chiocchetti del Janac da Moena, che l’é sul retrat apede e col numer 18. En cont del medemo retrat, Rita Rossi del Baila ne à dit ence che l preve col numer 32 no pel esser Padre Mario Rossi del Baila. Sul retrat de la Usc 29 l’é sù: 1. Carletto Rossi del Baila, del ’32; 2. Agostino Pederiva, fi de Alma, sor de Giovanna (per cont de Beatrice

fossa enveze n auter nez, Tone Zulian Cuz); 3. Bruno Deluca del ’63 prum fi de Milio e Giovanna; 4. Milio Deluca de Nenucia del ’31; 5. la fia Elisabetta; 6. Giovanna Brunel de Cela del ’32 e sor de Ernesto; 7. l fi più joen Alessio; 8. l fi Giorgio.

Chest’outa ve meton dant n retrat n muie veie che vegn da la Val de Sora. Ve envion a ne dèr voscia resposta dant da mèrtesc sera te redazion, ence per telefon o fax al 0462.764545 o per mail a la direzion lausc@ ladinsdefascia.it.

3 1 2

www.lauscdiladins.com

27


Sport

nr. 30 / 03 de agost 2012

Steven pra la Maratona storica Steven Stuffer de S. Cristina à fat pea pra la Maratona de Stockholm, n revival dla garejeda olimpica de dan cënt ani

L stadio de Stockholm.

Tlo y a man drëta: n valgun mumënc dla Maratona de Stockholm, ulache l à fat nce pea Steven Stuffer de S. Cristina.

Maratona - Cun la Maratona de Stockholm ne se à Steven Stuffer nia mé muet tl sport, ma nce tla storia: la Maratona tl Paesc

dla Scandinavia fova sun l program ai 14 de lugio. N chël di fòvel avisa cënt ani ca che n ova fat la maratona olimpica iló te chëla zità

scandinava. Per chësc anuel ie la maratona plu o manco passeda ora per la medema stredes coche dan cënt ani. I prims ie muec avisa dala 13.48, iust dala medema ëura coche ntlëuta per la maratona olimpica. Fat pea n àl de plu de Südtirol, danter chisc sambën nosc Steven Stuffer, che conta che l ne se à nia tratà de na maratona tlassica ala ndrëta, ma che la jiva plu su y ju, n ruvova 21 km ora de zità y pona inò de reviers sun la medema streda. N se ancuntova sun stredes ulache la univa nce plutosc strënta. Pià via iel unì tl stadio olimpich per ruvé for te chësc stadio. Stuffer stlarësc che perdrët fòvel tl 1912 unì sautà 40,075 chilometri. N ti lasciova perchël, pra la garejeda de chëst ann, doi opzions ai partezipanc: canche i ruvova te stadio pudovi crì ora, uniun coche l se sentiva, de fé chësta lunghëza storica o la destanzia da maratona d’al didancuei de 42,195 km. Venciù la maratona olimpica (40,075) à Hermann Achmüller de Persenon. Coche dit ne n’ie chësta nia na maratona che ie de regula sun i programs dla garejedes, chësta ie propi mé unida fata dan cënt y unirà bonamënter inò fata te cënt ani. Per dì bel la urità manciòvel perdrët la cuncurënza plu sterscia, ajache l ne fova nce no pesć de scioldi coche zënza. I pesć fova propi sciche ntlëuta tla maratona olimpica n ”catl”, venciù chëst iede da Achmüller. Stuffer conta che l ie stat na bela manifestazions, duc chëi che se cruziova dla garejeda y sun la trassa fova furnii sciche dan cënt ani y l fova da udëi nce auti da zacan. Propi mpue’ n revival. L

Foto storica dl start dan cënt ani.

fova nce unì njenià malietes coche dan cënt ani cun la bandiera dla nazion y cun n fazulët da mëter sun l cë. Bel ie nce stat l start, cun na grupa che à stlupetà cun ermes da ntlëuta. Nia tan butà ne n’àla cun la tlassifiches y à to ju i tëmps. Ma n doi curiusiteies: un à fat la maratona zënza ciauzei. L fova da

stramp ciaut cun 32°, l di do ie monce mort un, cun gran desplajëi de duc i partezipanc y urganisadëures. Te cënt ani ne sarà Steven Stuffer nia plu leprò, ma chi sà vel’ auter Stuffer de S. Cristina.

scuadra agordina la prova a se fè plu pericolosa con Cancel che l angoleia massa l balon che l va fora. Ntel secondo temp l Fodom l prova de se tò nte la mán l juoch ncora con Alex Martini che l sponta fora da ogni pèrt del ciámp

e sgòla de ca e de là a se tò balons ma senza suzess. Prova Ganz al 17’, ma Palla l ciapa saurì. Autra ocajion de òr per l Fodom al 20’. Davide Pellegrini, apëna vignù ite, l se vadagna n corner. La bala la rua su la testa de Davide Crepaz, ma Somma l fèsc n mez miracol e l smaza fora. Passa n chert de ora e i ladins i à ndavò la poscibilité de signé. Andea Palla l passa na bela bala a Azzolini che da bona pojizion l ciapa l pèl. Ultima ocajion a nen menuto da la fin del temp regolamentar, ma la bala nsomeia proprio che la no voi jì ite. L Taibon l à la pruma bona ocajion ntel prum temp sourafora. Su na punizion, la bala la rua a Appamea che, mèlmetù, l tira fora. Ncora per Martini la bala bona, ma l pèl l é ncin plu nca. Se rua a la roulette dei rigori. Somma l disc de no a Martini e Gianni Crepaz. Contestazion per doi rigori del Taibon, ulache i sogadori i s’à fermé e po i é ndavò pièi via per trè. Ma per l’arbitro D’Alpaos va dut ben e chi del Taibon no n sbalia un. (sl)

David Lardschneider

Delujion fodoma La scuadra ladina pièrt ai rigori la semifinal contra l Taibon Balon - La loteria dei rigori l’à condané l Fodom a no podei soghé la final del torneo agordin. Contra la sepur jovena e gaièrda scuadra del Taibon i sogadori del mister Massimo Crepaz i ava dute le poscibilité de passé. Nveze ncora na giornada storta e proprio n cèsa no la i à mpermetù de slinché la poscibilité de se vadagné suo prum scudeto. Grana la delujion ence ntra l trop publico rué adalèrch nte Freine per l’ocajion. Valgugn à de la gauja de dut a la partida che la scuadra l’à śoghé n vender contra na delegazion da la Republica Ceca, ulache s’à fat mèl trei sogadori de peis: l portier Vincenzo Amicone, Giuliano Palla, che a fadia domënia l à soghé e l difenjor Paolo Adami. Se pò ester vera per l cajo de Adami, che à oblighé l mister a fè śoghé plu ndrio Gianpaolo Soratroi, nveze che ntaméz ciámp, da ulache l assa podù servì plu saurì de biei balons a le ponte Martini e Crepaz, mánco a volù dì ntra i pèi, ulache Luca Palla l à bu puoch laor ( fora che ai rigori ) e

28

www.lauscdiladins.com

chël che l à fat l à fat polito. Siebele coche la siebe, l Fodom l s’à soghé na stagion che podëva ester chëla bona, ence se l se confermeia mpò ntra le 4 meio scuadre del Agordin. Gnánca l temp de se sentè ju che davò 3 menuti l Taibon l segna l prum gol. De Nardin l remët da na pèrt na bala che la rua a Cancel e che a sua outa l veiga dut sol Dino Ganz sul secondo pèl. Saurì per dël mëte ite. L Fodom l no ressent del colp e tòst l reagisc. Alez martni l prova a passé via l portier co nen balon aut ma la bala la fèsc la bèrba al pèl e la va fòra. Ocajion de òr ndavò al 15. Sandro Soratroi l se ciapa dut sol con Somma, l prova al passé via ma n difenjor l rua a se mëte ntamez e l salva la porta. La partida la deventa viva, co le doi scuadre che se bat senza se sparagné. L Fodom l prova de sfruté le intuizion de la copia Martini - Crepaz. Al 18’ chëst ultimo l ven metù jù al lime de l’area. Se tòl su l’enciaria de bate l specialist Omar Petri ma la bala, sepur a efèt, la va fòra damprò al

set de la porta. L é la cërcia del gol. Alex Martini l passa via n difenjor ntamez al ciámp, l rua n area ulàche l prova a ngiané Somma co na bala auta. L portier l rua a la toché demè co i deic ma la bala la rua mpò sul pèl e po davò la linea porta. La

L Fodom.


Sport

nr. 30 / 03 de agost 2012

Gherdëina Runners for atifs

Cun la roda sun i crëps dl Garda

N valguni di Gherdëina Runners à abù l’ucajion de fé pea pra doi garejedes mpurtantes, pra chëles che la ti à drët butà, dantaldut a Christian Insam

La grupa Gibgas cun Walter de Gherdëina ie stata sun l Monte Caplone al Garda y à fat na bela trassa che passa nce tres i tuniei dla prima viera mundiela

tla M45 cun 1.16.10 I plazamënc dl’ëiles di Gherdëina Runners ie: 50ejima Manuela Perathoner y 13ejima tla categoria M45 cun 1.11.17. 269ejima Perathoner Christina y 59ejima tla M45 cun 1.23.55. 334ejima Renate Pichler y 82ejima tla M40 cun 1.26.07. 466ejima Clara Nogler y 37ejima tla M50 cun 1.31.16.

Christian Insam se fej unëur

Christian Insam ntan la garejeda de nuet.

Sauté - N sada dan otodì iel unì metù a jì la 13ejima edizion dl Reschenseelauf, na raida de 15,3 chilometri ntëur al Lech de Reschen. Chësta ie una dla majera manifestazions de sauté te Südtirol. L à fat pea 719 ëiles y 1.822 ëi. Pona iel mo la categuria per i atlec sun l stuel da rodes, la categuria dl Nordik Walking y vel’ garejeda per mutons. De ndut àl fat pea passa 3.200 atlec.

Garejeda di ëi L bur’ tëmp ti à dat vel’ da problems ai urganisadëures. Dala un domesdì, pra la prima garejeda di mutons, àl scumencià a pluëi, y la garejedes ie unides spëntes de n’ëura plu inant. Dala doi domesdi àn pona pudù scumencé cun la prima garejedes. Da dedò se à la plueia y l surëdl mudà ju, nchin che l ie pià via i majeri da la cinch domesdì, cun temperatures adatedes y nce mpue’ de surëdl. Peter Lanziner se à bel snel destacà dai autri y ie sautà belau duta la raida da sëul danora. Mé per 45 secunc ne n’iel nia stat bon de bater l record dla raida, ajache l tëmp ne fova nia massa adatà, àl dit. Purmpò fòvel cuntënt cun si resultat. Lanziner, che ova venciù chësta garejeda bele tl 2010, à dit che te chësc mumënt iel tla forma de si vita. Nce cun cundizions de

tëmp nia massa bones à l atleta de Truden venciù chësta edizion cun n tëmp de 49 menuc y 52 secunc, dan l cech Michal Horacek che à abù 52.34 menuc.

Garejeda dl’ëiles Pra l’ëiles à venciù Sandra Urach de Andelsbuch tl’Austria cun 1.00.25 dan Monica Carlin 1.00.33 y Maja Gautschi 1.01.00, che ie ruveda per l otavo iede sun podest.

I atlec y la atletes de Gherdëina Śën passons mo ai plazamënc che à fat nosc atlec di Gherdëina Runners. L miëur ie stat Christian Stuffer, che se à plaza al boniscimo 34ejim post tla categuria generela y 10ejim de la M40 cun 57.49. Santifaller Frohwalt se à plazà al 104ejim post y 15ejim tla M45 cun 1.00.27. I autri resultac di ëi: 359ejim Elmar Perathoner y 45ejim tla M50 cun 1.06.47. 377ejim Perkmann Klaus y 66ejim tla M35 1.07.05. 416ejim Galiani Klaus y 86ejim tla M40 1.07.45. 429ejim Felix Ploner y 83ejim tla M45 cun 1.07.53. 558ejim Rumerio Luigi y 114ejim tla M45 1.09.57. 565ejim Alex Perathoner y 115ejim tla M45 1.09.59. 971ejim Stefano Zanotti y 193ejim dla M40 1.15.38. 1.016ejim Guido Stuffer y 214ejim

I prims tlassifichei di ëi pra la garejeda Lavaredo Ultra Trail. Daniele Palladina sun l scialier plu aut, segondo Christian Insam.

Pona passons a na garejeda che ie ënghe stata n sada, la prima edizion dla Trans d’Havet, 80 chilometri de sauté cun 5.500 metri de deslivel. Chësta garejeda, estrema pòssen dì, valova per l titul de campion talian de Ultra Trail, destanzia mesana. Pià via iesen a Piovene Rocchette tla provinzia de Vicenza, per ruvé tl travert a Valdagno. Daniele Palladino, cun n tëmp de 10.58.44 y Francesca Canepa, pra l’ëiles, cun 11.44.55 ie i campions talians nueves de chësta desciplina. Tlo ons la boniscima nutizia de n atleta di Gherdëina Runners, Christian Insam. Ël à abù mé n valgun menuc deplù che l prim y plu avisa 11 ëura 3 menuc y 47 secunc. Ël se ova nce plazà al cuinto post pra la LTU (Lavaredo Ultra Trail) tl 2012 y prim di taliani pra chësta garejeda. Al terzo post se à tlassificà Stefano Ruzza cun 11.13.15, che ie nce campion talian di Ultratrail tla destanzia longia. De Christian dij la stampa che ël ie unit ora dal nia tla garejeda dl Lavaredo y ncuei àl desmustrà che l ie la montes de si cësa a ti purté fertuna. N auter inuem nuef tl panorama dl Trail talian. Pra la garejeda iesen piei via da mesanuet, cun temperatures autes, per chëles che n valguni à messù dé su bele do la segonda pert dla garejeda. Do 28 chilometri y belau 2.000 metri de deslivel, sautan duta nuet, ie Christian ruvà per prim al Colle Xomo, cun n vantaje de cin’ menuc sun si doi cuncurënc Ruzza y Canetta y set menuc sun Roberto Rondoni. Daniele Palladino ie passà permò 17 menuc do Christian. Tl tòch de garejeda che lascia pona ala fin vëncer Palladino (al chilometer 45,7 a Campogrosso) iel stat bon de sauté la streda dla 52ejim tunel te n tëmp record, ti passan dant a Rondoni y Ruzza. Nscila iel stat bon de ti ruvé permez a Christian de ot menuc. Al 66ejim chilometer, ulache l ie mé plu da sauté juvier de viers de Valdagno, ie Palladino stat bon de ti passé dant nce a Christian y à ulù se la fé ora cun l sauté juvier. Nscila iela nce jita, ël ie mo stat bon de destaché Christian de cin’ menuc nchin tl travert. Do na tel struscia muessen ti fé n gran cumplimënt a Christian per si grandiscimo rendimënt, che mé puec atlec se tol su, y che vën ora dal training, la ulentà y la ueia de vester for boni de se miuré. Son stolc che te fejes pert di Gherdëina Runners! (mp)

Truep tuniei y bujes iel pra l Monte Caplone.

Roda - “Do n valguna cunscidrazions cun l aiut di cumpanies n con’ dla lunghëza y dl deslivel ons fat ora de fé na raida cun la mountain-bike tl raion dl Lech dl Garda. L ie na raida drët nteressanta, ajache la passa tres plu tuniei dla prima viera. Ulessan perchël ti cunsië ai apasciunei de roda chësta bela trassa da de ndut cënt chilometri y cun 3.510 metri de deslivel,“ conta Ivan Kostner. Y inant: “Son muec abenëura da Limone y son tosc do ruvei a Vesio. Pona sons jic inant a Tremosine, passei tres i bòsc y ruvei su pra la utia Piemp a 1.100 metri. Nchin tlo fòvel la drëta temperatura y àn na beliscima ududa sun l lech. Da dedò sons furnei sun l Passo Ere y tres na bela streda tres l bosch su y ju nchin che son ruvei sun l Monte Tombea a 1.850 metri, ulache l ie mo for na bela ududa sun l lech. On fermà per maië ora de flucion y riesc do pudans passé tres tuniei

dla prima viera sun l Monte Caplone. Da tlo udans via l Monte Tremalzo y chël ne assans nia pudù lascé ora. Do che àn fat mo 500 metri de deslivel juvier y nce l medemo suvier, jiva n beliscimo troi su nchin dala utia Garda. Finalmënter fòva iló do ot ëura na puscibltà de se fermé per bever zeche. Pona sons mo su n pitl tòch sun l Tremalzo, nce iló iel scialdi bel. Da dedò jivela dut mé plu juvier sun na streda da sasc ulache n messova drët mëter a verda. Ruvei a Limone, nes ons merità na pizza y on mo fat n saut tl’ega. Fan duc cuntënc de avëi fat chësta raida particulera, ulache l ne fova nce belau deguna jënt. Rengrazie perchël duc i cumpanies Walter, Werner, Klaus, Veto, Hansi, Armin y Florian che à tenì pea,“ nscila Ivan Kostner ost dla ustaria Haiti a Urtijëi. Ivan Kostner

L percurs passa tres lueges drët nteressantes.

Ntan furné pòssen nce se goder la bela ududa di crëps. www.lauscdiladins.com

29


Sport

nr. 30 / 03 de agost 2012

Mìngol de bilanz de la Skyrace! Presciapech 200 volontadives à didà ti trei dis de garejèdes a Cianacei, l president del comitat de endrez, Diego Salvador, à volù amò n’outa ge dir detelpai

I volontadives che à didà per la garejèdes de corsa.

Corsa sa mont - Se pel dir che l’é stat n an de record chel de la 15sema Dolomites Skyrace. A partir da la garejèda del vender che pervedea l Vertical km. de Crepa Neigra, olache l’era 241 scric ite, a la gara di bec de sabeda domesdì, olache i era de ben 107 dai 9 ai 16 egn, per dapò passèr a la garejèda de domenia, la Dolomites Skyrace, a chela che se à enscinuà 758 atlec. L’auter suzess l’é stat la serèda per i rengraziamenc ai colaboradores. En vender ai 27 de messèl aló da la scola de schi de Cianacei l Comitat à endrezà na serèda olache l’é stat envià duta la jent che à didà al bon ejit de chesta garejèdes. L’era béleche la metà di colaboradores, donca

schèji 100 persones. Ei, ède let polito, perché la jent che dèsc na man al Comitat de la Dolomites Skyrace rua béleche a 200! Indèna che scrive ju ’sta doi righes me chiama Ivano Ploner, Noce per i amisc; ge dighe che son dò a fèr ju doi righes per La Usc di Ladins e ge domane se l vel dir vèlch. L se met a grignèr …“dai Noce dime vèlch che l scrive …”- ge dighe… L me disc de meter sù che se aon arjont chest gran suzess l’é de gra al didament de duta la jent che i dis dant e i dis indèna la manifestazion ne deida, tant su per l percors che ju te paìsc, da la touses de l’ofize gares a chi che injigna la marenes e n gran develpai va ence a chi che

ne deida finanziariamenter...“zenza dut chest fajassane pech!”, l disc... e tize amò ite mìngol e ge domane: “Ma n auter an fajone amò vèlch?”, e l disc: “ma se aon amò da sturtèr via chela de chest an… lascete de paze!!!”. L’à rejon… perché l lurger del Comitat no l fenesc la domenia de la gara, ma l va inant amò per n bel trat. Ades ge vel paèr, scoder e tachèr a contatèr sponsor, se prenotèr la data per l’edizion che vegn, ajache la doi gares l’é ormai doventà apuntament segur te la garejèdes Skyrunning World Series, la Copa del Mond de corsa sa mont. “Èste zachei che te ves rengrazièr en modo spezièl?”, ge domane. “ … Duc é da rengrazièr, percheche duc

A Antermëia n bel ”Misch Mosch” La scuadra d’Al Plan s’à davagné la 11ejima ediziun dl turnier de palê a Antermëia, dan la scuadra dl sportclub de ćiasa. Re di 7 metri é Micky Frenes da La Val

I ”Misch Mosch” d’Al Plan à davagné le turnier.

Antermëia - En sabeda ai 21 de messè à le Sport Club Amatorial Antermëia indô organisé le turnier de palê söl ćiamp dal sport a Antermëia. En chesc ann n’edema plü tert, mo impò él stè ot scuadres che é gnüdes adalerch por se mosorè tl sport dl palê. Do le program ess la pröma partida messü mëte man da misdé, mo le tëmp n’à nia orü che an podess mëte man adërtora. A gauja dla plöia, abòć inće dër sterscia, él gnü tut la dezijiun da mëte man le turnier n’ora plü tert. Insciö à les prömes döes scuadres śoghé la pröma partida dl turnier dala öna. I śogadus à śoghé sot a de ries condiziuns y s’à ciafè na bela bagnada. Mo dedô él gnü fora sarëgn y dötes les partides à podü gni śogades al assöt y por fortüna zënza inzidënć. Les ot scuadres da Antermëia, San Martin, Al Plan y La Val ê partides sö te dui rodi. Tles prömes 12 partides s’à les scuadres fat fora i plazamënć ti dui rodi por

30

www.lauscdiladins.com

conësce spo l’aversar tla partida di cherć de finala. SC Antermëia, Misch Mosch, Joga Bonito y Football Predators é les scuadres che é spo rovades tla semifinala. I ”Misch Mosch” y SC Antermëia à ćiamò albü les plü forzes te chëstes döes partides, y s’à insciö davagné le post tla gran finala. Chësta é gnüda śogada dales 6 da sëra. Do dui temps de ot menüć l’un y les trates ai setmetri, à i ”Misch Mosch” d’Al

Plan podü lascè le ćiamp sciöche davagnadus dla 11ejima ediziun dl turnier de palê a Antermëia. Do chësta ultima partida àn inće ćiamò orü incoronè le ré di 7 metri. Dër tröc é stà i partezipanć a chësta competiziun. Le śogadù che n’à trat gnanca n iade dlungia porta ia o tles mans dl portier é Micky Frenes da La Val. Do la premiaziun é la festa ćiamò jüda inant tl Bar dl Sport, olache düć é stà adöm a festejé i resultać dl turnier. Insciö s’à stlüt jö öna dles manifestaziuns organisades dal SCA Antermëia, che fej gni adalerch jënt da döta la Val Badia, no ma a śoghé, mo inće a ćiarè pro. Dilan a düć y a s’odëi n ater ann.

à dat e fat l mascimo, ma n rengraziament mìngol maor l va a Olivo, per dut l’impegn che l ge à metù su per l percors del Vertical km, l’à fat n lurger super!!! Dighe amò n’outa che no volesse smendrèr l lurger di etres perché duc é stac braviscimi”. Se saludon e meton jù e vaghe inant… olache siere restà? Ah ei, ai 200 volontadives che ne deida… se pisson che la garejèda vegn fata a Cianacei ai 20 de messèl e ne dèsc na man 200 persones, vel dir che duta la comunanza de Cianacei, e no demò, la cree te chesta manifestazion. Chest an l’era ence l 15sem cedean e aon volù con duc i colaboradores festejèr chest gran travert con na bela torta fata da Mauro…. Bela e soraldut n muie bona! … ben segur, fossa stat più bel poder festejèr chest cedean con

l’ideator de la Dolomites Skyrace, Diego Perathoner, ma ence se no l’era te sala con nos, sion segures che da colassù l ne vèrda semper via…. ence per chest vardon de no falèr, per no l deluder! La serèda é fenida via con la consegna de n pìcol segn de rengraziament a duc, na bela plus e na maia de nosc sponsor… se aon beù vèlch e fat doi ciacoles en compagnìa e dò duc a cèsa. Fenesce su col rengrazièr duc chi che cree te chesta manifestazion. Lasciame scomenzèr col rengrazièr l Comitat, che fora per dut l’an se dèsc ju per ruèr de messèl con dut endrezà al miec; dò duc chi che ne deida dant, indèna e dò la garejèda, chi che ne sostegn finanziariamenter e chi che ne fèsc cognoscer tel mond. Emben dapò DETELPAI e a l’an che vegn. Diego Salvador

La bela e bona torta enjignèda per l cedean de la Dolomites Skyrace.

Bogn resultac di fascegn a Pradellano Ence i fascegn del club Rode a Motor, Alex Depaul e Emil Brunner, à tout pèrt la 5^ proa del campionat trivenet de trial Trial - Te mez a la sajon da d’istà da Fascia rua neves ence en cont de “Rode a motor”. En domenia passèda, ai 29 de messèl i atlec de trial de Fascia ensema a duc chi del Trivenet i se à binà a Pradellano, na pìcola frazion del Tejin. Per la quinta proa del Campionat trivenet de Trial se à binà più o manco 80 piloc de trial e anter chisc no l’é mencià nience i fascegn Emil Brunner da Dèlba e Alex Depaul da Mazin. I doi amisc, compagné ence da etres pascioné fascegn de

rode a motor, à tout pèrt a la garejèda, portèda inant con pecia penalitèdes e de bogn resultac. L trialist da Mazin Alex Depaul, te la categorìa TR3, con n Gas Gas, l’é ruà terzo con 32 penalitèdes, enveze Emil Brunner, te la categorìa TR4, con na moto Beta, l’é ruà al 10° post. Chi che volessa n saer de più su la garejèda, veder i retrac di coridores e ence se vardèr fora l calandèr de la garejèdes, i pel jir sul sit www.trialtriveneto.it.

Tlassifica: 1) Misch Mosch, 2) SC Antermëia, 3) Football Predators, 4) Joga Bonito, 5) Sganghes, 6) Dynamo Dosenbier, 7) Jacky Colas, 8) Carpe Diem.

T’amez Micky Frenes da La Val é le re di 7 metri. Söl retrat cun le presidënt dl SCA Antermëia Armin Erlacher (amd) y le premiadù Oswald Prada (amc).

Emil Brunner endèna la garejèda a Pradellano tel Tejin.


Sport

nr. 30 / 03 de agost 2012

N batiman de diesc menuc per La Soreghina Te stadie de la giacia de Dèlba l’é stat portà dant l prum spetacol del “Dolomiti Ice Festival” con de bela sodesfazion per atlec e organisadores Bal sui feres - L spetacol, la braùra e la colaborazion l’é stat i protagonisć te stadie de la giacia de Dèlba en vender ai 27 de messèl canche l’é stat portà dant l spetacol de bal sui feres “La Soreghina” endrezà per l Dolomiti Ice Festival che perveit trei apuntamenc via per dut istà. Con la prejentazion del campion talian de bal sui feres Maurizio Margaglio, la endesfida de contèr tras l bal la lejenda de Soreghina é stata passèda via e per duc chi che à endrezà l’é ruà la pruma sodesfazion. Enceben che sie stat na dì te mez istà e te n moment de sajon bona, al Gianmario Scola no l’era proprio pien e rès de jent. Chel che ampò à bastà e à serà sù la serèda con la sodesfazion l’é stat sentir, a la fin ma ence ite per anter l spetacol, l publich che no lascèa più de bater la mans. Chela che se à podù veder te stadie de la giacia l’é stat na

interpretazion de la lejenda ladina dassen originèla e da aprijièr te duc si aspec. Da la coreograf ìa, con la mobilia de legn e na gran e maraveousa stampa del Vernel, a la musega moderna e atuèla a la basa di bai che à segur ciapà ite l publich. Ma apede a dut chest, chel che à soscedà l piajer e l’aprijiament da pèrt de la jent l’é stat la braùra di atlec de nonzech internazionèl e de chi del post, che à sapù ge dèr vita a na vida maraveousa a Soreghina, a Eie de Net e so amich, a Dolasila e al Re del Regn de Fanes e duc i etres protagonisć de la contìa. Apede a Samuel Contesti, Paolo Bacchini, Diana Zanta, Laurent Tobel e i etres balarins, la valuta de chest spetacol é stata data ence da la colaborazion de duc i atlec del Val de Fascia Artistico Ghiaccio. Dai più pìcoi de 5 o 6 egn a chi più gregn, duc à fat sia pèrt e ge à metù so empegn. Sot la vida de la maores, Martina Bernard,

Paolo Bacchini à fat la pèrt de Eie de Net. (Foto de Mara Genio)

Duc i protagonisć del spetacol, i balarins de nonzech internazionèl e i Pavei d’Arjent. (Foto de Mara Genio)

Caterina Nemela, Viviana Felicetti, Monica Bernard e Adele Battisti, ence i più pìcoi à podù se sproèr e tor pèrt al spetacol te la pèrts de la servidores de Soreghina e i morchies del Regn de Fanes. N moment che

fèsc crescer duc. Fèsc crescer la segureza di pìcoi atlec, fèsc crescer la sozietà sportiva e ence la valuta de chest sport de noscia val. Per chi che se aessa perdù chest prum spetacol sui feres de “La Soreghina”,

i pel amò comedèr ite. I campions mondièi e i Pavei d’Arjent, sarà endò ta Dèlba ai 10 e ai 24 de aost canche se podarà endò se emozionèr con una de la lejendes più beles de nosc raion. (vr)

A la fin del spetacol duc i balarins se à ciapà n gran batiman dal publich. (Foto de Mara Genio)

Corer “Entorn Dèlba” da 10 egn!

Artejegn e Turon col Fascia

En domenia ai 29 la familia Planchensteiner à endrezà ence chest an la garejèda de corsa a pe entorn Dèlba e na bona marena en compagnìa

La sozietà fascèna de hockey de Fascia à firmà enstadì i contrac con la Coprativa de tislerai “Artigian Associati” da Moena e col defensor David Turon

Corsa a pe - L prum a passèr via l travert chest an l’é stat l fascian de adozion Sandy Ballis ruà tedant a Javier Tirapu (36’e 36”) e Federico Redolfi (37’ e 43”) e per la eles Maria LLorens (43’e 40”), Daria Cavada (48’ e 18”) e Ornella Tarter (48’ e 59”). L’é chisc i inomes di venjidores de la 10^ edizion de “Entorn Dèlba”, la garejèda de corsa a pe che pèrt e rua aló da l’Hotel La Cacciatora de Dèlba e che se slèria fora te 7 chilometres e 800 metres con en dut 200 metres de dislivel. En domenia ai 29 de messèl, ló defora da La Cacciatora, 67 atlec se à binà entorn les 10 per se scriver

ite a la garejèda che é pontèda via col son del gran bronsin da mesa les 11. I coridores, dai più gregn ai più pìcoi, é sprizé via coran e te nience n menut tedant al start no l’é restà più nesciugn. I coridores é jic de là da l’èga e fora enlengia Veisc e dapò enscin fora da pènt de la Roa. Con tedant Enrico Planchensteiner con la moto che ge moscèa l percors, l grop de ic e eles é jit amò en fora enscin al vièl che va sù enscin ai Poc. Fora e fora per i Poc e dapò jù enscin jun Cernadoi e endò su e ite, fin te pian da la Pera. Passà via l Ruf de Contrin e l portoi de la neigra de Ciampac,

I coridores al start de la garejèda “Entorn Dèlba”, endrezèda da 10 egn ai piesc del Colac.

i atlec à podù se molèr ju per la strèda del bosch, che rua ju enscin al piaz de la forenadoa Ciampac e endò tedant a La Ciacciatora, olache ensema a chi de cèsa l’era ence i Bogn da Nia che à didà te dut l’endrez e a tor jù i tempes. I prumes a ruèr i à abù ence la fortuna de no se ciapèr la pievia. Se sà ben che l temp sa mont l muda en prescia... e coscita, ponté via col soreie, vèlch atlet dant de ruèr al travert se à ence ciapà l’èga. Ma bon che n’outa rué i à podù recuperèr e se beiver zeche. A tor pèrt a la garejèda l’era jent da fora, ma ence muie de jent dal post, amisc de la familia Planchensteiner e pascioné. Dò la garejèda duc ensema se se à passà na bela domenia de festa, con la marena sporta da la familia Planchensteiner e amò con la premiazion e l’estrazion de bie premies per duc. Sul sit di bogn da nia, www.bogndania.com, se pel troèr duta la classifiches de la garejèda e te la piates de Fascia se troa ence de autra informazions su la naa de chesta garejèda, pissèda e endrezèda da Fiorenzo Planchensteiner. (vr)

Hockey - Endò neves per l Val de Fascia Ferrarini, che te pec dis l’à manà fora de bela neves: David Turon é stat confermà per l’an che vegn, e la Coprativa de tislerai “Artigiani Associati” de Moena sarà partner de la squadra. Proprio da pec dis l’é stata anunzià chesta pruma neva emportanta con l’augurie che la sodesfazions les sie dassen da duta doi la pèrts. Per la sajon agonistica 2012/13 no demò l’azienda de nonzech te Fascia e foradecà sarà l nef cosponsor de la squadra de serie A,

ma te la medema squadra jiarà amò l fort jiador dal la Republica Ceca, David Turon. La cordanza é stata arjonta ence de gra a la volontà de l’alenador Frycer e i dirigenc del Fascia, vedui i resultac (18 ponc te 42 partides) e so leam con la squadra e col publich de l’an passà, à pissà ben de confermèr sia prejenza per la sajon che vegn. Sul sit internet de la squadra de Fascia www.hockeyclubfassa. com se pel troèr i comunicac e de autres info. (rs)

L jiador David Turon pel endò esultèr col Fascia. (Foto Doriano Brunel). www.lauscdiladins.com

31


Sport

nr. 30 / 03 de agost 2012

Le titul de campiun dl jore é de Alex Ploner Por le pröm iade à le club de jore lëde ”Volo Libero Carnia” albü l’ocajiun da organisé y ospité i campionać taliagn de deltaplann, che é gnüs a s’l dè dai 14 ai 22 de messè, ti raiuns de jore furlans. I atleć é rovà adalerch da bëgn diesc naziuns desvalies Glemone (Gemona del Friuli) - Les gares de deltaplann cun ara stara y cun ara flessibla por le titul nazional à odü danfora la manifestaziun tla formula ”open”, che i à insciö daurì les iscriziuns inće a atleć da d’atres nazionalitês. Incër cënt é stà i atleć che é decolà le pröm y le secundo dé dala munt Quarnan iadô Gemona y i atri dis dala munt Crostis, tla Carnia. Ara s’à tratè dla 38ejima ediziun di campionać taliagn de jore de deltaplann, che inće en chësta ota ti à scinché ai spetadus y a düć i apascionà dl jore rovà adalerch ai decoi y ti prà da arsì, de beliscimes emoziuns y momënć de gran amiraziun por chësc sport de liberté y por i atleć en gara. Le pröm dé de gara àn podü se congratulè cun le campiun mondial atual, Alex Ploner, che à davagné la proa cun so Icaro Z9 Laminar, do begn 117 km de jore. La proa plü ria é stada chëra dl secundo dé, che é gnüda davagnada dal austriach Manfred Ruhmer, rovè dassù al ”gol” do plü co cater ores de jore, adorades por curì i 124 km de percurs. Le terzo dé à Ruhmer rovè la gara dan le furlan Suan Selenati (inće responsabl tecnich dl evënt), do 64 km de jore. L’ultim dé s’à l’austriach Ruhmer confermè le plü asvelt, al é arsì dan Ploner, che à sciurè demez la gara (y bunamënter inće le

campionat) deache al s’à suraodü na boa. Chësc fal é stè fatal por la devënta dl cërtl de gares, mo ne ti à nia impedì da davagné le titul nazional. Tla finada, do cater dis de gares, à le total di punć descurì che re dla competiziun ê l’ex campiun mondial Manfred Ruhmer, che i l’à sticada a Alex Ploner por püć punć. Le titul de campiun talian i é jü a ”Tani” Ploner, che i l’à insciö sflochè a Anton Moroder, rovè ala fin al 12ejim post. Les mius formaziuns talianes s’à tlassifiché al pröm y al terzo post, despartis dala scuadra austriaca. La pröma scuadra é gnüda formada da Alex Ploner, dal trentin Christian Ciech (vizecam-piun mondial), da Filippo Oppici, Elio Cataldi, Suan Selenati y Davide Guiducci, dla secunda scuadra à fat pert Paolo Rosichetti, Anton Moroder, Karl Reichegger, Tullio Gervasoni, Edoardo Giudiceandrea y Vanni Accattoli. Tla tlassifica àn podü reconësce scuadres rovades adalerch dala Republica Ceca, dala Svizra, dala Germania, dala Slovenia, dal’Ucraina, dala Ruscia, dal’Inghiltera y dala Polonia. Al é stè bel incuntè Alex a Gemona; al é na porsona dagnora dala bona löna y n campiun straordinar. I à tut l’ocajiun por ti fa n valgünes domandes al portabandira nazional de deltaplann.

Alex Ploner da San Ćiascian é gnü campiun talian.

da düć fej plü plajëi, mo Manfred é n gran atlet, al é stè deplü iadi campiun dl monn, al é espert, n gran deltaplanist. Ester secundo do ël é n bel resultat. Y sce i ne m’ess nia trat ia malamënter l’ultima gara, pòl ester che le resultat foss stè atramënter.

I pröms trëi dla tlassifica assoluta: dmc Christian Ciech (3.), Alex Ploner - Tani (2.) y Manfred Ruhmer (1.)

La Usc: Alex, aste denant jorè tl cil furlan? Ći impresciuns aste pa albü de chisc raiuns? Alex Ploner: Al é stè le pröm iade che i à jorè tl Friûl. Al é dër na bela zona; jorè te posć nüs descëda dagnora tröpes curiositês. I mëssi dì che i ùn jorè te aries che pîta der tröpes poscibilitês: da Gemona cuntra la Slovenia, dl vers de Caporetto y ćina al nord, devers dl confin cun l’Austria, ćina a Tumiec, alalt tles munts cuntra la planüra. Les poscibilitês é tröpes, sambëgn inće aladô dl tëmp. Arateste che conësce bun i

Ploner tl laûr da arsì a Bordano.

raiuns de jore sides fondamental por le bun esit de na gara? Conësce le post de jore dëida zënzater. Mo i arati che al ne sides nia ma n vantaje: le jorè n’é nia n sport automatich, les condiziuns müda tresfora y, gonot, sce an ne sa nia cares che é les zones problematiches, surajoron les dificoltês zënza problems. Le titul de campiun talian é to. Mo Manfred Ruhmer é rové dant. I sun rové secundo assolut y n post söl podest é dagnora n post de prestisc. Sambëgn che rové dan

Te odarunse ćiamò jorè amesa les niores furlanes? Jorè tl Friûl m’à dër plajü y cun l’ocajiun gnarài dessigü indô a jorè chilò. I à odü gran interes por le jore, da pert dla jënt y da pert di organisadus dla manifestaziun. Dainré vëigon na te’ organisaziun pro les gares de jore; an à podü cumpedè feter tan de aiutanć volontars co piloć! I oress ti sporje complimënć sinziers al’organisaziun, che s’à dè da fà da splighé bun i posć por arsì, les zones de jore, por recuperè i piloć y döt ći che à albü da nen fà cun la manifestaziun. Le vizeombolt de Glemone, Roberto Revelant, m’à damanè na opiniun sön cô che an podess fà conesce deplü le Friûl sciöche raiun d’interes por jorè; chësc é dessigü n bel invit por vijité danü chësta Regiun. Alex, dër bel dilan dles respostes y danü congratulaziuns por le titul nazional. Articul: Sara Planatscher

En jore sön le Cuarnan.

Vertical Kilometer - les gares di ćiamurc Bun 2. post de categoria por la saltarina Flurina Comploi d’Al Plan, pro la gara de Gossensass che prevëiga da saltè curin n deslivel de 1.000 metri söpert

Flurina a 200 metri dal travert, dan la fasciana Nadia Scola.

32

www.lauscdiladins.com

Saltè - En chë domënia él stè a Gossensass dlungia le Prener na gara de ”Vertical Kilometer”, olache i atleć mëss saltè söpert, fajon 1.000 metri de deslivel. Te chësc cajo ê le travert sura la ütia Hühnerspiel. Flurina Comploi, saltarina d’Al Plan de Mareo, ê inće ala pert, deache ara â bele fat le vertical da Mühlwald ai 24 de jügn, che ê en combinada cun la competiziun dl Wipptal. La gara che vëgn fata cun les mazes, deache al é tan ërt, é gnüda davagnada da Irene Senfter, spezialista dles destanzes lunges, che s’arjigna śëgn ca por la Transalpin Run, te 47’09’’. Flurina é rovada bona 4a indöt y secunda de categoria cun n tëmp de 48’51’’, do la atleta dl’Austria Andrea Reithmayr. Ala pert inće la atleta fasciana Nadia Scola, rovada 5a

cun n tëmp de 49’18’’. Pla combinada à la atleta marora arjunt le 3. post assolut, do la tirolera y la pustra Astrid Renzler. Bele ai 20 de messè â Flurina Comploi tut pert ala gara de World Series (copa dl monn) de

vertical da Delba te Fascia sön Crepa Neigra, arjunjon le 18ejim post te na gara cun danfora les mius profescionistes dla Talia, dla Spagna, dla Ruscia y dla Inghiltera. (dc)

Le podium dla combinada Gossensass-Mühlwald. Dmc Flurina Comploi, Andrea Reithmayr y Astrid Renzler.


Informazions y Manifestazions

nr. 30 / 03 de agost 2012

Iadi, jites y escursions Al ander de Conturines En doman sabeda ai 4 d’agost gnaral fat por la Lia da Munt Jonila l’escursciun sö dal ander dles laûrs de Conturines. An pëia ia dales 8.00 da doman ala Capanna Alpina. Informaziuns y prenotaziuns: tel. 338 3399409 (Verena Dapoz). Escursciun cun les Lies da Munt Val Badia

En domënia ai 5 d’agost vëgnel metü da jì na escursciun che condüj da Gardeccia - Vajolet - Zigolade - Roda de Vael (Fascia). La dificoltè é mesana, cun n deslivel de 800 metri y n tëmp da jì de za. 8 ores. Informaziuns pro Roland Moling al 335/6573078. I jun sön Furćia Rossa

Les Lies da Munt Val Badia - alpin, mët da jì en domënia ai 5 d’agost na escursciun sön Furćia Rossa (2.700 metri). La dificoltè é mesana cun n deslivel de 1.350 metri y n tëmp da jì de za. 9 ores. Informaziuns pro Albert Palfrader y Paul Willeit al nr. 339/2075428. A s’arpizé tai Tamersc La Lia da Munt Jonila - Val Badia mët da jì ai 11 d’agost n dé da s’arpizé, tla palestra da arpizé tai Tamersc - Pederü. Informaziuns pro Paul Erlacher al 347/4736300. Jita dla tlassa dal 1987 dla Val Badia

Le comitê dla tlassa '87 dla Val Badia lascia alsavëi che la jita di 25 agn gnarà fata l’ultima findledema de setëmber, plü avisa la sabeda ai 29 y la domënia ai 30, porchël é düć perià da se tignì lëdi chisc dis. D'atres informaziuns gnarà comunicades plü inant.

Referac “100% Vittorio Brumotti” a Cianacei

♦ Bun Prò Al Plan- gastronomia y

devertimënt sot le cil ladin Ćiamò ai 9 d’agost vëgnel pité a Al Plan na iniziativa che à al zënter le bun mangé y tröc apuntamënć de intratenimënt, cun na mostra artejanala, musiga dal vì, na show da cujiné y program por mituns Sot al motto ”Bun Prò” - la forma marora de Bun Apetit - él deplü restoranć dl post che inviëia ai 2 y ai 9 d’agost da sëra - dales 18.00 ales 23.00 - da gnì te plaza d’Al Plan de Mareo. Do le pröm apuntamënt stè chësta jöbia passada, vara inant en jöbia ai 9 d ’agost. Te plaza él gnü metü sö deplü üties, olache i sis eserzizi pîta spezialitês gastronomiches tirolejes y dla Val Badia. Y deache l’ödl mangia pö inće impara, ne manćiarà nia le program de cornisc. Spetacolara vëgnera incër les 10 da sëra, canche Angelo y Julian dla Üćia Picio Pré pîta süa show da cujiné cun azot (Stickstoff ) lüter. Program de cornisc por pici y gragn Dlungia la oferta culinara, él deplü bands dal vì che fistidiëia por aorela cörta y atmosfera plajora. Chësta sëra sonarà i grups ”The placid notes” y ”Cosa Nostra”. Paralelamënter ala iniziativa ”Bun Prò Al Plan” él inće artejagn dl post che mostra so förtl, che va dala scultöra a laûrs de Klosterarbeit, ćina ai cësć fać a man, decoraziuns y tröp d’ater. Sambëgn ne tira i mituns gnanca ala cörta. Al vëgn pité n program atratif por i plü pici, cun le ćiastel de gume da trà salć, jüć sön rodes y n ćiantun por se depënje sö. Ala iniziativa ”Bun Pro Al Plan” tol pert deplü eserzizi: Restorant - Pizzeria da Arnold’s, Restorant - Pizzeria La Bronta, Restorant - Pizzeria La Miara, Ostaria Plazores, Restorant Ciolà, Üćia Corones y Üćia Picio Pré. Informaziuns plü menüdes ciafon sön le sît dl’Assoziaziun Turistica d’Al Plan www. sanvigilio.com, o inće al nr. de telefonn 0474/501037.

Insnet, vender ai 3 de aost, da les 21.00 te Chino Marmolèda a Cianacei, l campion de bike trial che laora con “Striscia la notizia” dal 2008 ruarà te Fascia a rejonèr col publich de ParoleVistaDolomiti. Duc podarà tor pèrt e fèr domanes.

Sport 9. Turnier dles Valades Ladines - memorial ”Ulrich Irsara”

En sabeda ai 11 d’agost organisëia la Uniun Sport Alta Badia le 9. Turnier dles Valades Ladines, en recordanza de Ulrich Irsara. Le turnier vëgn tignì söl ćiamp dl sport da La Ila, cun la partezipaziun de 4 scuadres dla Ladinia. La pröma partida (Alta Badia Fodom) é dales 16.00, la gran finala é preodüda por les 19.30. Dedô la premiaziun.

Cursc Curs de Macintosh por progredis a Badia

Este interessè/ada da imparè da laurè cun computer Mac, da imparè da gestì programs desvalis, o chireste val’ consëi por fà na plata internet y la mëte online? Tl dagnì gnaràl organisé n curs a Badia. Por informaziuns plü menüdes, telefonè a Helga, al nr. 349/2550404.

Trasmiscions TV y Radio Documentar sön i Campesinos de Huaraz En jöbia ai 8 d’agost dales 20.30 él da odëi sön la Rai Ladina n documentar che cunta la storia di campesinos, che abitëia tl parch nazional de Huaraz tl Peru. Dan da n valgügn agn à Pamela Pitscheider da La Ila fat n iade tl Perù, olache ara à laurè sciöche orentara adöm cun Charo, na doturia che se cruziâ dla püra jënt ti pici paîsc dla planöra alta peruviana. Pamela Pitscheider é personaje prinzipal dl documentar, che cunta dl stil de vita di campesinos, mo inće de süa mentalité y dla dificolté da suravire ti paîsc a passa 4.000 metri. Le fin dl documentar é chël da descrì na realtè en pert dër dalunc da chëra de Südtirol, mo dal’atra pert inće similara, se tràtera pö inće de n teritore da munt abité da na popolaziun de mendranza. I campesinos é na popolaziun dër püra, mo tl medemo tëmp cun na gran cultura. Anuzan i produć dla tera ési bugn da suravire y da condüje n stil de vita che é de cer’ versc da amiré. L’idea y la regia dl documentar é de Willy Costamoling, le tài de Heinz Witzke, i tesć de Daria Valentin. “Tempes neves” tel Cianton de l’Istitut

Te “L Cianton de l’Istitut” sun TML se pel veder amò l filmat “Tempes neves. Na fenestra sul davegnir” che moscia, con la Sala 5 del Museo Ladin, l gran mudament stat dò la descorida de la Dolomites, e se aur sui neves tempes tras la produzion culturèla de artisć, per cognoscer creatività e contradizions de la sozietà ladina da anchecondì, spieie de na comunanza veiora che chier dò e dò sia strèda. Oraries: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15 e vender h. 11.30. “Ercaboan Istà” sun TML e sul web Sun TML se pel veder “Ercaboan Istà”, la verscion da d’istà de la trasmiscion de Silvano Ploner, portèda dant chest an a setemènes alternèdes da Fernando Brunel e Claudia Conta. Chisc i oraries: sabeda h. 18.00 e 20.45; domenia h. 13.30 e 18.15 e replica duta la setemèna: lunesc h. 20.45; mèrtesc h. 17.30; mercol e jebia h. 18.15. I oraries de TML é da poder veder sul sit www.tmltv.it. La produzions de Ercamedia ence sul sit www. tvladina.com. “Kairos”: l temp del Spirit sun TML Sun TML de sabeda e domenia se pel veder la rubrica de spiritualità “Kairos”, con letura del Vangile e coment de don Celestin Riz. De sabeda h. 18.30, 19.45, 21.15 e 22.15; de domenia h. 7.15, 10.00, 12.00, 14.00 e 18.45. I oraries de programazion de TML é ence sul sit www.tmltv.it; la produzions de Ercamedia se pel les veder sun www.tvladina.com.

I ostis che tol pert al’iniziativa, deboriada cun le diretur dl’AT Al Plan.

♦ Conzert de vidora y tlavier En lönesc ai 6 d’agost dales 21.00, tl salf dles manifestaziuns d’Al Plan, cun Angela Palfrader y Renzo Huber L’Assoziaziun Turistica d’Al Plan inviëia cun plajëi a n conzert che gnarà desfiré en lönesc ai 6 d’agost dales 21.00 te salf dles manifestaziuns d’Al Plan. Da aldì saràl Angela Palfrader ala vidora y Renzo Huber al tlavier. Ai portarà dant la sonata por tlavier y vidora en C-moll Op. 30 nr. 2 de Ludwig van Beethoven, dedicada al imparadù Alexander I. de Ruscia, y la sonata por vidora y tlavier en A-dur de Cesar Franck, dedicada a Eugene Ysaye. Por l’entrada vëgnel damanè na spënora de buna man. Angela Palfrader y Renzo Huber pîta n bel conzert a Al Plan. www.lauscdiladins.com

33


Informazions y Manifestazions Dotors y Apoteches Dotors L dutor de servisc dala 8.00 da duman de n sada 4 de agost nchin la 8.00 da duman de n lunesc 6 de agost ie l dutor Raphael Insam de Urtijëi, tel. 0471/797369 o l 0471/797076. Le dotur en sorvisc tla findledema di 4 y 5 d’agost, ti comuns de Mareo y San Martin, é le dotur Aldo Marcocci, Al Plan de Mareo, tel. 0474/501039 o 338/7280518. Ti comuns de Badia, Corvara y La Val saràl en sorvisc le dotur Guido Caretta, Calfosch/Corvara, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënderdi (dala 19.00) ai 3 de agost nchin n vënerdi ai 10 de agost ie chëla de Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). L’apoteca en sorvisc tla Val Badia, fora dl orar ordinar, dal vëndres ai 3 d’agost al vëndres ai 10 d’agost, é chëra da San Martin/Picolin, tel. 0474/523020.

Segres y Festes

nr. 30 / 03 de agost 2012

♦ Mobilia e guanc da la Andes en mostra A Pardac e a Poza i lurieres fac ti “talleres” de tislerai e de sartoria tel Perù La sociazions Don Bosco 3A e Operazione Mato Grosso endreza 2 mostres marcià te nosc raion. En sabeda ai 4 de aost da les 17.00 a Pardac te la Scoles populères en Cors Degasperi vegn enaudà la mostra de mobilia andina fata a man ti laboratories de tislerai di Artesanos Don Bosco tel Perù. La mostra resta averta enscin ai 19 de aost, da lunesc al vender con orarie 16.00 – 22.00 e de sabeda e domenia con orarie 10 -12.30 e 15.00 -22.00. A Poza en sabeda ai 11 de aost vegn metù fora la mostra de guanc, tapec e recames fac da la touses del Perù ti laboratories de l’Operazione Mato Grosso: dut roba duta fata a man con design rencurà e modern e materiai de calità. La mostra marcià dal titol “Oltre l’alpaca” vegn metuda fora chest an te Oratorie de Poza, olache la restarà enscin en sabeda ai 25 de aost con orarie 9.00-12.30 e 15.00-23.00. Duc é envié de cher a jir a veder.

A Soraga “Doi varesc anter i maestres da zacan”

Insnet vender ai 3 aost da les 19 inant a Soraga Auta vegn avert fora i tobié de paìsc e vegn moscià i mestieres da zacan, desche bater la fauc, lurèr l sas, fèr scandoles e salaes, zipièr l legn, fèr cortìe e ence filèr e lurèr la lèna e fèr miel. Ite per anter vegnarà ence dat fora da beiver e da magnèr, sarà musega stroz per la strèdes e da les 21.00 l conzert del Cor Enrosadira. Corvara: festa alaleria

La Müjiga Calfosch/Corvara y i Ćiantarins da Corvara inviëia chësta domënia ai 5 d’agost a na festa alaleria, tl pecëi (pineta) da Corvara. La festa mët man dales 12 cun le conzert dla musiga. Domisdé dales 14.30 él la defilada cun d’atres musighes, che pëia ia dal zënter de paîsc por rové söle post dla festa. Por spëisa y boanda él fistidié.

Chino Chino da mont al Eden, a Cortina

En vender ai 3/08 da les 21.00 vegniràl mostré– tla cornisc de “Chino da mont” de CortinainCroda –“Piccola Terra”, l documentar de Michele Trentini y Marco Romano che à davagné CinemAmbiente 2012, concurs de documentars talians pro l Film Festival de Trent. Per infos: www.cortinaincroda.it. Chino Eden Cortina

I films de chest’edema: 03/08 da les 18 “Alvin Superstar 3”, 04/08 da les 18, 20 y 22 “Hysteria”, 05/08 da les 18 y 21 “The Avengers”, 06/08 da les 17.30, 19.45 y 22 “W.E. Edward e Wallis”, 07/08 da les 18, 20 y 22 “Detachment”, 08/08 da les 17.30 “Lorax il guardiano della foresta” y da les 19.45 y 22 “Il mio miglio incubo!”, 09/09 da les 18, 20 y 22 “Il dittatore”. Chino a La Ila: ”To Rome with Love”

En mertesc ai 7 d’agost vëgnel pité tl salf dles manifestaziuns da La Ila na serada de chino. Chësc dé dales 21.00 gnaràl mostrè le film ”Quasi amici”. Le film cunta de döes porsones che vëgn da monns daldöt desfarënć, mo devënta mius compagns. L’entrada é a paiamënt. Al Chino de Cianacei En sabeda ai 4 e en domenia ai 5 de aost da les 21.15 “The amazing Spider Man”; en lunesc ai 6 e en mèrtesc ai 7, h 21.15, “Il dittatore”; en mèrtesc ai 7, h 17.30, “Lorax” e en mercol ai 8 e en jebia ai 9, h 21.15 “Biancaneve e il cacciatore”.

♦ Ukulele Lovers Conzert a pé di saltadus de Pisciadù cun le grup ”The Ukulele Lovers” Do le gran suzes dl ann passè, vëgnel inće chësc isté metü da jì dui conzerć a pé di saltadus dl Pisciadù a Calfosch. Te chësta cornisc particolara podaràn aldì en lönesc ai 6 d’agost le grup ”The Ukulele Lovers”. L’ukulele, che ô dì por ladin ”pöresc che tira salć”, é na sort de picia chitara che vëgn dales Hawaii, y à n sonn particolar che porta alegria y contentëza. Le grup ”The Ukulele Lovers” é formè da 12 musizisć, che lasciarà aldì melodies de jazz tradizionales, gospel mo inće val’ ćiantia de Michael Jackson y di Bee Gees. Le conzert, che fej pert dla ligna de conzerć ”Valbadia Jazz Festival”, mët man dales 3 domisdé. A chësta moda à i amanć dla munt la poscibilité da passè n domisdé n pü’ atramënter, cun de bona musiga y tl medemo tëmp ston alaleria a se gode la natöra jödapé di saltadus dl Pisciadù y le grup dl Sela. Le grup ”The Ukulele Lovers” se lascia aldì ai pîsc di Sce al ess da ester bur’ tëmp, gnarà saltadus dl Pisciadù. le conzert desdit. Le grup ”The Ukulele Lovers” podaràn inće aldì da sëra tl hotel Tablé a Corvara, olache ai mët man da sonè dales 21.15. N secundo conzert tla cornisc particolara di saltadus dl Pisciadù vëgn metü da jì en lönesc ai 13 de agost, três dales 15.00 inant, cun le grup P-Funking Band.

34

www.lauscdiladins.com

♦ Festa ta mont Doi dis da encant anter la tiejes te la mont de Poza Dò l suzess di egn passé, chest fin de setemèna vegn endrezà la 5^ edizion de la “Festa ta Mont” che porta dant te n ambient da encant la tradizion ladina, con magnères tipics, musega, veies mestieres, jeghes, èrt e contìes. De gra al didament de passa 200 volontadives, en sabeda ai 4 e en domenia ai 5 de aost te val de Sèn Nicolò a Poza vegn endò metù a jir chela magica festa che conjobia natura, atmosfera, fradaa e legreza. Se taca jà insnet da les 21.00 con la defilèda da Piaz de Sèn Nicolò di gropes de volontariat, de la Musega da Poza e de la fegures storiches de la contìes ladines ju per Strada de Meida fin te Piaz de Comun, olache vegn prejentà la festa e si volontadives. Doman, sabeda ai 4 de aost, da les 8 da doman vegn serà la strèda aló dal Vidor, dachelanvìa se pel jir te val de Sèn Nicolò demò a pe o con la navetes. L scomenz ofizial de la festa l’é pervedù per les 11.00, con la cèses da fech che taca a verjer e con la desvaliva ativitèdes a la leta: jeghes, musega, scomenzadives per gregn e pìcoi. Chest an, apede a descorir la contìa de Re Laurin con la compagnìa Estroteatro ti domesdì de sabeda e domenia, l’é doi bela neves: l concors nazionèl de fotograf ìa artistica “Festa ta mont”, metù a jir en colaborazion con l’Apt de Fascia e l comun de Poza, e l Vilaje de l’Ert endrezà con la colaborazion de la Scola d’Èrt Bepin Soraperra, per fèr cognoscer la potenzialitèdes espressives de na scola leèda a sie teritorie e a sia comunanza. Te chest chèder en domenia i 5 de aost da les 17.00 sarà la meisa torona sul tem “Èrt e tradizion”, con Arnaldo Tranti, ideator del logo de la fondazion Dolomites Unesco, Egidio Petri, scultor de nonzech internazionèl, FabioVettori, dessegnador de la cognosciudes “formìes”, Manuel Riz, dessegnador de comics e Claus Soraperra, pitor e poet. Amò apede n muie de autra ativitèdes e scomenzadives che arsegura n bon spas a duc! De autra informazions e l program é da poder veder sul sit www.festatamont.it

Festa ta mont: bona magnadiva, musega e spas, te na cornisc da encant. (Foto Anton Sessa)


Informazions y Manifestazions

nr. 30 / 03 de agost 2012

Temp lede Na mont de libri a Cortina d’Ampez En domenia ai 5 de agost vegnirà inaugureda te Corso Italia la mostra dl vignetist dl “Corriere della Sera” Emilio Giannelli. Emplù saràl vigni di prejentazions y relazions de professours y esperc te salfs y hotiei de Cortina. Per infos plu menudes sun dutes les econtedes: www.unamontagnadilibri.it.

♦ La jöbia de Corvara va inant Inće chësta jöbia ai 9 de agost, gnarà le zënter dl paîsc da Corvara animé cun corusc, magia y tröp devertimënt por mituns y inće gragn

CortinainCroda - Flash Mob

En vender ai 10/08 saràl anter les 18.00 y les 21.00 te Corso Italia, a Cortina, na reprejentazion dl artist Mario Martinelli con mujiga, colours, lums y dantaldut ambries. Per infos www. cortinaincroda.it. L Museum Incanta

L mertesc ai 07/08 da les 16.30 met da jì i museums dles Regoles d’Ampez l domesdì per mutons dal titul “Jì tres les Dolomites con i uedli dl somiadour”. L cost é de 6,00 €. Per informazions y prenotazions 0436/866222 o didattica.musei@regole.it. Festa di draguns a Corvara En domënia ai 5 d’agost dales 15 inant él söl ćiamp dl sport a Corvara i istruturs dl’assoziaziun Alba Vita che mostra sciöche an fej da fà y da fà jorè n dragun (aquilone). An po se scrì ite diretamënter söl post dales 13.30 inant. Domisdé di mituns a Calfosch

En mertesc ai 7 d’agost dales 17.00 inant vëgnel metü da jì tl parch di tiers a Calfosch n domisdé por mituns. Ai podarà se devertì cun i clown che porta dant de vigni sort de strinëć. I s’incuntun te biblioteca

La Biblioteca Sas dla Crusc inviëia mitans y mituns da gnì en mertesc ai 7 d’agost dales 15.00 te biblioteca de Badia, por n domisdé cun stories, pastlenè y jüć. Domisdé cun jüć da mësa

La Biblioteca Sas dla Crusc inviëia a n domisdé d’aorela cörta cun jüć por döta la familia, deboriada cun le Spieleverein Dinx. An s’incunta en mercui ai 8 d’agost dales 15.00, te biblioteca a La Ila. La iniziativa vëgn inviada ia vigni secundo mercui dl mëis, tres dales 15.00.

Clown ne manćia nia pro la ”Jöbia de Corvara”.

L’Assoziaziun Turistica da Corvara-Calfosch mët da jì vigni jöbia tratan l’isté la festa di mituns adöm al’Assoziaziun Tiatro. Le zënter da Corvara, che vëgn stlüt al trafich dales 17:00 ales 22:30, vëgn implì da grups d’animaziun desvalis por i plü pici. En jöbia ai 9 d’agost saràl le clown Karamela che mostra de vigni sort de strinëć y acrobazies, y trasformëia insciö l’apuntamënt te n iade fantastich. Implü lasciaràra aldì sües capazitês musicales cun le sonn de n valgügn stromënć y cun süa bela usc. Tl zënter da Corvara saràl inće le grup de teater ”Cataldo” che portarà dant de vigni sort de animaziun. Implü po i mituns tó pert a deplü ativitês y jüć, sciöche inće se lascè depënje le müs da n grup de profescionisć o se devertì cun formes de palês d’aria y cun lönes de jafa. La festa di mituns tratan la jöbia de Corvara gnarà ćiamò tignida dui iadi tratan le mëis d’agost, plü avisa ai 16 y ai 23 d’agost. Chësta manifestaziun é na bona ocajiun por pici y gragn da passè n domisdé n pü’ atramënter y por fà na roda fora por les botëghes, che sarà davertes inće da sëra.

♦ Long River Rock Revolution 2012 Le grup River Rock Val Badia organisëia en sabeda ai 11 d’agost, dales 20.00 inant, tl salf dla scora a Lungiarü, la cuarta ediziun dl conzert ”Long River Rock Revolution”

Sön les pedies dla laûrs preistorica

En mercui ai 8 d’agost vëgnel organisé n domisdé por mituns dal tema ”Sön les pedies dla laûrs preistorica”. Apuntamënt é dales 17.30 tl zënter da San Ćiascian. I mituns jarà a vijité le museum dla laûrs, al gnarà mostrè n film y ai podarà pastlenè y se lascè depënje sö le müs. Infos y prenotaziuns tles assoziaziuns turistiches dl’Alta. Findledema en tënda sön Munt da Rina

Organisada dal Zënter Families Mareo, ai 11 y 12 d’agost. Por cëna y marëna él fistidié. A gostè pòn jì te ütia. Tëndes y sać pòn s’imprestè pro la Lia dai Crëp Mareo o le Sorvisc ai Jogn. An pëia ia dales 13.45 dan nodadoia d’Al Plan o 14.00 sö dal ćiamp dal sport da Rina. Prenotaziuns pro Petra al 348/2365089 o Rosmarie al 339/5912655. Trix - Sëira de juesc da mëisa

N sada ai 4 de agost nvieia la grupa Trix duc a na sëira de juesc per jëuni y granc, dala 20.00 inant tl local di jëuni Saut tla Cësa per Jëuni Ert y Cultura a Urtijëi Marcià di artejans y di paures tl raion da jì a pe a S.Cristina

N merdi sëira ai 7 de agost, dala 19.30 inant, vëniel inò metù a jì tl raion da jì a pe de S.Cristina l marcià di artejans y di paures. L vën prejentà lëures da zacan y prudoc fac a man y l unirà nce pità prudoc naturei de uni sort. Oradechël saràl nce vel’ stont che pieta zeche de bon y la butëighes sarà daviertes. Marcià de roba dëucia

La grupa Caritas y Miscion mët a jì a Urtijëi, n dumënia ai 5 de agost do la santa mësses n pitl marcià de roba dëucia. Chël che vën trat ite ti unirà mandà al pluan de Bondeno tl’ Emilia. Prion duc de judé pea y fé velch de dëuc, che n possa dé ju n sada ai 4 de agost do la 17.30 te calonia bas ite tl local di jëuni. Storia, ert y artejanat – vijita meneda tl Museum de Gherdëina

N juebia ai 9 de agost da mesa la cater domesdì pieta l Museum na vijita meneda tres la culezions dl’ert y dl artejanat de nosta valeda, tla rujeneda taliana y da mesa la cinch tla rujeneda tudëscia. N possa se lascé nuté su tl Museum o tla Lies dl Turism dla valeda. www.museumgherdeina.it De vedli juesc scuvierc da nuef tl Museum de Gherdëina

Co se tripova pa i mutons dan 100 ani? De ce material fova pa la roba da fé damat dan l tëmp dla plastica y dl gumi? L Museum de Gherdëina nvieia granc y pitli a scuvierjer da nuef y purvé ora juesc y a fé damat for de juebia, dala 16.00 nchin la 17.30 nchin ai 30 de agost. N possa se nuté su tl Museum Gherdëina o pra la Lies dl Turism www. museumgherdeina.it

Sciöche pröms, dales 20.45, saràl da aldì le grup ”Dejvalì” d’Al Plan, che sona musiga alternative/acustic. Sciöche secundo grup sonarà i ”Frace” da Bornech, che sonarà dales 22:10, cun ćianties Punk/Metal di Metallica, Offspring, Judas Priest, etc. Dales 23.30 vara inant cun le grup ”Vintage” dla Val Badia, cun ćianties de Bon Jovi, Kiss, AC DC, Scorpions y i.i. Le conzert rock gnarà stlüt jö dal grup ”Blue City Window” da Sterzing, che sonarà dala 1.00 inant ćianties di Pink Floyd y Jimi Hendrix. Chësc grup se à metü adöm tl 2006 y à albü cotan de suzes te chisc ultims agn. Ai à ince scrit ćianties instësc, che ai sonarà sön paladina dl Long River Rock Revolution. Chësc ann vëgnel inće indô organisé la gara de ”airguitar”, che vëgn tignida tratan le conzert, olache al é n pest de 150,00€. An po se scrì ite sot al nr. 338/1432339 o sön internet sot a www.vintageband.it/airguitar, olache an ciafa inće informaziuns plü menüdes. Al vëgn inće metü sö na picia tënda defora, olache an ciafarà val’ da se parè la sëi. Düć é indô dër bel invià da gnì a stè adöm en compagnia, y a ascutè la bela ert dla Le grup ”Vintage” da Lungiarü. musiga rock. Por informaziuns www.vintageband.it.

♦ Pice marćé de benefiziënza A La Ila vëgnel organisé d’agost n pice marćé de benefiziënza, por daidé na familia cun n möt che à de gran problems de sanité y por sostegnì le proiet ”Daidé zënza confins” Śëgn d’agost, inviëia ia le KVW da La Ila n marćé de benefiziënza, che jarà a bëgn de na familia cun n möt cun problems de sanité. Le marćé gnarà tignì te Ćiasa de Cultura a La Ila te chisc dis: en domënia ai 5 d’agost, en jöbia ai 9 d’agost, en sabeda ai 11, en domënia ai 12 y en mercui ai 15 d’agost, dagnora dales 16.00 ales 21.00.

Film sot ala stëiles

N juebia ai 9 de agost nvieia la Nëus Jëuni Gherdëina duc a unì ala sëira de film alalergia, ta Fussel de Nis, a Urtijëi sun la promenada, dala 21.00. Plu nfurmazions: www.njg.it

Sozial Marćé de benefiziënza a Calfosch Inće en chësc ann vëgnel invié ia a Calfosch, tla Vila Pinter, n marćé de benefiziënza. Le marćé restarà davert döt isté, la domënia dales 10.00 ales 12.00 y dales 14.30 ales 19.00. Chël che gnarà trat ite ti jarà ales misciuns tl Malawi. Söl marćé gnaràl venü de vigni sort por daidé na familia. www.lauscdiladins.com

35


Informazions y Manifestazions Mostres y Ert Peutelstein y i ciastì di patriarcs La mostra, invieda via da l’ULdA, restarà daverta fina l 15/9 vigni di da les 16.30 a les 20.00 tl Comun Vecio. Al sarà ence vijites acompagnedes con l storich, l prof. P. Giacomel l 15, 29/8 y 12/9 da les 17.30 tl salf dla mostra y l 8 y 22/8 y 5/9 a la ruina de Peutelstein da les 10.30. Per infos: 0436/868615. Mostra ”Lana-fi-drap”

En ocajiun dla ”Roda dles Viles”, él la Uniun di Seniors da Lungiarü che lascia odëi tl salf de paîsc a Lungiarü la mostra ”Lana-f ì-drap”, olache al sarà da odëi de vedli injins adorà por laurè la lana, firé y fà drap. La mostra é daverta en domënia ai 5 d’agost dales 8.00 ćina ales 18.00. Mostra de laûrs de convënt y laûrs cun ciüfs de scaia

Les Patrones dl Comun da San Martin de Tor mët da jì na mostra de laûrs de convënt (Klosterarbeit) y laûrs fać cun ciüfs de scaia (ćiapì da plömes), fać cun gran savëi da ëres dl post. La mostra é tl salf dla Cassa Raiffeisen altaite chisc dis: domënia 12.08 dales 10 ales 12 y dales 16 ales 20, mercui 15.08 dales 10 ales 12 y dales 16 ales 20. Ert tl aredamënt

Mostra de laûrs de Adalbert Tolpeit tla galaria d’ert “la vita é ERT” tl zënter da San Ćiascian. Da odëi ćina ai 10 d’agost 2012. Albert Mellauner ales edemes “Gustav Mahler”

I chedri dl artist dla Val Badia che abitëia a Bornech é daverta ćina ai 10 d’agost 2012, dal lönesc ala sabeda, dales 10.00 ales 18.00. Mostra de Helmar Demetz

La biblioteca Tresl Gruber a S.Cristina nvieia duc ala giaurida dla mostra “Cosmologia“ n sada ai 11 de agost dala 18.00. La prejentazion ie de Egon Rusina. La mostra sarà da udëi nchin ai 26 de agost ntan l orar de giaurida dla biblioteca. Mostra di retrac de Alessio Bernard Enscin ai 10 de setember tel Museo Ladin de Fascia se pel veder la mostra de retrac dal tìtol “Alessio Bernard. 1922 – 2012. Fotograf per sessant’egn”. La mostra é averta duc i dis con orarie: 10.00-12.30 e 15.00-19.00. Entrèda per nia. Mostra de mobilia andina a Pardac

La sociazion Don Bosco 3A e l’Operazion Mato Grosso, endreza la mostra-marcià de mobilia fata a man tel Perù. La mostra vegn enaudèda ai 4 de aost da les 17.00 a Pardac te la Scola Populèra, en Cors Degasperi e la resta fora enscin ai 19 de aost da lunesc a vender h. 16-22; de sabeda h. 15-22 e ti dis de festa h. 10-12.30 e 15-22.

nr. 30 / 03 de agost 2012

♦ Conzert cun la ”MerQury Band” La tribute band taliana di Queen descedarà indô les emoziuns che le fajomo grup inglesc trasmetô cun sües ćianties conesciüdes sura döt le monn. L’apuntamënt é por i 10 d’agost Inće en chësc isté vëgnel metü da jì a La Ila n conzert dediché a na band conesciüda sura döt le monn. Ai 10 de agost saràl la ”MerQury Band” che portarà dant les ćianties di Queen, le grup inglesc che é gnü metü sö ti agn ’70. Le grup formè da Freddie Mercury, Brian May, Roger Taylor y John Deacon à arjunt n suzes internazional cun i tòć "Bohemian Rhapsody, We are the champions, We Will Rock you, Somebody to Love" y n gröm d’atri laprò. La tribute band taliana "MerQury Band" lasciarà aldì chëstes melodies te n conzert tl La ”MerQury Band”. parch dlungia la scora dai schi tl zënter da La Ila, dales 21.15 inant. Le grup festejëia chësc ann i 10 agn d’ativité, do avëi tignì tröc conzerć nia ma tla Talia, mo inće t’Europa. Sön paladina n’ô la MerQury band nia ma devertì le publich cun guanć y coreografies tipics di Queen, mo ai trasmët les emoziuns che le grup adöm a Freddy Mercury descedâ ti spetadusc tartan sü conzerć. La manifestaziun mët man bele dales 19:00 cun musiga da pert de DJ Patrick. Por l’ocajiun saràl la Müjiga da La Ila y i Stüdafüch da La Ila che dà fora da bëre y da mangé, spezialitês ala grilia, sciöche inće tutres. Sce al ess da ester bur’ tëmp, vëgn i conzerć metüs da jì tl salf dles manifestaziuns da La Ila.

♦ Mëssa dla Ploania sön Plan de Corones La Ploania d’Al Plan inviëia döta la comunité ala mëssa sö alalt, chësta domënia ai 5 d’agost dales 12.00 Sciöche al é oramai tradiziun la pröma domënia d’agost, inviëia la Ploania d’Al Plan ala mëssa dla ploania sön Plan de Corones. La mëssa vëgn zelebrada dales 12.00, dan la ćiampana Concordia, y gnarà abelida dal cuartët de ëi y cun ćianties dla comunité. Dedô él i Stödafüs d’Al Plan che pîta la poscibilité da stè a marëna. Rovè sö pòn sambëgn a pé, o zënza inće cun l’implant ”Ruis” da Furćia sö. Düć canć é bel invià da tó pert.

Mostra “Tobié” de Nino Ovan

A Ciampedel te la Sala Mostres del Comun enscin ai 12 de aost se pel veder la mostra “Tobié. L’identità ritrovata” coi depenc del pitor Nino Ovan. L’esposizion, endrezèda dal Comun de Ciampedel, é da poder veder ti oraries: 16.00-19.00 e 20.30-22.00. Verginer e Bosisio en mostra fora a Ciavaleis

Al Zenter d’èrt Contemporanea de Ciavaleis se pel veder la bela mostra “Alle porte del silenzio”: dialogh anter la scultures de Willy Verginer e i depenc de Robert Bosisio. L’esposizion resta fora enscin ai 2.09, duc i dis fora che de lunesc h.15.30-19.30; de vender e sabeda ence 21.00-23.00. Mostra tl Tublà da Nives L zënter culturel Tublà da Nives y la Lia per l Artejanat Artistich de Sëlva nvieia duc a unì a ti cialé ala mostra “Il taglio – Der Schnitt“ te Tublà da Nives te Sëlva. La mostra ie da udëi dai 3 de agost nchin ai 26 de agost, 16.00 – 19.00 y 20.00 – 22.00. La vernissage sarà ai 13 de agost dala 18.00.

Avisc Udiënzes dla Uniun di Ostis La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Sëira de nfurmazion n con’ dl frabiché alesirà

L chemun de Sëlva nvieia a na sëira de nfurmazion sun l frabiché alesirà ai 8 de agost dala 18.00 tla sala dla sentedes dl cunsëi de chemun de Sëlva. La dumandes per fé pea pra l frabiché alesirà ie da dé ju nchin ai 31.08.12 te chemun. Per plu nfurmazions: 0471/772151. Ujes averc... e auter, te Museo

Per dut istà l Museo Ladin de Fascia, apede a la vijita a la sales (h. 10.00-12.30 e 15.0019.00), met dant ogne dì scomenzadives desferentes. De mercol l’é “Ujes averc”: se pel ite zenza paèr e da les 10.30, 15.30 e 17.30 l’é la vijites vidèdes al cost 2 euro. La neva de chest an l’é “I secrec del Latemar”, raida per families con bec fin al Lech de Ciareja, ogne mèrtesc pean via da les 9.15 te Museo. Info sul sit www.istladin.net. Erbes da medejina te sala Taradat

Per endrez de la sociazion Kultura te Sala Taradat a Vich (vejin a la Biblioteca) en mercol ai 8 de aost da les 21.00 vegn metù a jir na scontrèda su la erbes da medejina con l’espert Marco Detomas.. Entorn Vich En mèrtesc ai 7 de aost da les 20.00 l paìsc de Vich se empea: fora per la strèda Rezia serèda ai auti se pel cercèr de bogn prodoc, scutèr musega e veder veies mestieres, tradizions e curiositèdes del post. I biliec per la degustazions é a la leta fin les 21.15 o enscin canche i é fenii.

36

www.lauscdiladins.com

La pröma domënia d’agost, tëgn la Ploania d’Al Plan la santa mëssa sön Plan de Corones.

♦ La nöt dles netores Ai 8 d’agost da sëra podaràn descurì tla ćiasa dl parch a Al Plan les morvëies dles netores, y forsc inće les aldì, cun aparać aposta En mercui ai 8 d’agost, dales 19.30 ales 22.00, sëise düć invià a na incuntada cun n espert tla Ćiasa dl Parch Natural Fanes-Senes-Braies. Al Ves informarà sura la vita y la sconanza dles netores che vir chilò da nos. Spo afistiarunse chisc iagri dla nöt y i impararun da conësce so habitat natural. Cun n aparat aposta pòl ester che i podunse inće aldì i versc che les netores fej. Sce an pënsa do ales netores, spo nes tómel ite gonot parores sciöche nöt, tëma o scurité. Ne ves ëise mai damanè ći funziun che les netores à tla natöra y tan importantes che ares é? L’ann 2011/2012 é l’ann internazional dles netores y porchël Ves gnaral splighé les carateristiches, le comportamënt y tröpes d’atres cosses de chisc tiers demorvëia. Les netores é na pert dër importanta de tröc ecosistems te döt le monn. Mo scialdi dötes les sorts é al prigo, deache i posć olache ales vir vëgn desdrüć y sü sîć de Les netores é tiers demorvëia. nudrimënt vëgn smendris. Ćiamò al dedaincö vëgneres gonot assoziades a vampirs o spirić, an mina che ares portes desfortüna y al ti vëgn dè na imaja negativa. Pordërt é les netores dër d’öga, vigni sëra pëieres tan de inseć sciöche na terza pert dl pëis de so corp. Ares spann inće somënzes y impolinëia tröc ciüfs. Porchël él dërt sensibilisé la jënt por ći che reverda la sconanza y le mantignimënt de chësc tier. I ves recordun inće che ćina al 31 de otober pòn odëi tla ćiasa dl parch na mostra sura i düli y les ciuites. Informaziuns plü avisa podëise ciafè tla Ćiasa dl Parch Natural a Al Plan de Mareo, info.fsp@provinz.bz.it, tel. 0474/506120. Orar nü por le publich: dal mertesc ala domënia 9.30 - 12.30 y 14.30 - 18.00. Entrada debann!


Informazions y Manifestazions

nr. 30 / 03 de agost 2012

♦ Gherdëina cun la troht S.Cristina nvieia duc ala festa tradiziunela de “Gröden in Tracht“ n dumënia ai 5 de agost tl zënter Iman. Dala 11.30 nchin la 13.30 sunerà la Böhmische dla Mujiga de S.Cristina. Domesdì dala 16.00 gran defileda de trohtes, mujighes, grupes da bal y carëc

Nce la Gherlanda Spiza saràl da udëi n dumënia a S.Cristina.

I carëc dla defileda mustrerà su la vita da zacan. L sarà da udëi na vedla pumpa di destudafuech, l lëur da fever, l lëur ti ciamps y tl bosch, na ustaria da ntlëuta, na vedla stua, coche l univa jit a crëp y cun i schi y coche l vën ziplà. L sarà nce da audì la mujighes dla valeda y da udëi la grupes di balarins. Nce la Lia dla Trohtes prejenterà la bela trohtes de Gherdëina. Dala 16.30 sunerà la cin’ mujighes deberieda y dala 17.00 balerà la doi Grupes da Bal de Urtijëi y de Sëlva/S.Cristina. Dala 18.00 inant mujiga cun Vincent y Fernando. Sambën ne manceràl nia da maië y da bever per duc. La Lia per l Turism y i Destudafuech de S.Cristina se ncunforta sun Vo.

♦ Dolomitici fej pic - nic Sciöche da tradiziun, vëgnel d’agost metü da jì le Pic Nic di Dolomitici sön i prà de Piz Sorega a 2000m. I coghi gourmet dl’Alta Badia cujina I coghi da stëres Michelin é Norbert Niederkofler dl restorant St. Hubertus, Fabio Cucchelli dl restorant La Siriola y Arturo Spicocchi dl restorant La Stüa de Michil. Sciöche l’ann passè, gnarà la manifestaziun organisada en colaboraziun cun la EOS (Export Organisation Südtirol) dla Ćiamena de Comerz da Balsan, y le contribut finanziar da pert dla Cassa Raiffeisen Val Badia. L’ediziun de chësc ann gnarà metüda da jì en jöbia ai 9 d’agost, da misdé inant. Al zënter de chësta ediziun, dal tema ”dala tradiziun al’inovaziun”, saràl la colaboraziun danter turism y agricoltöra, cun i produć da paur y i produć tipics de Südtirol. Derzades fora dla ćiasadafüch ladina vëgn portades dant dala Uniun Patrones y dala Jonëza da Paur Badia, deperpo che i Dolomitici arjigna I Dolomitici inviëia indô al pic nic ca les derzades gourmet. En chësc ann rovarà i tradizional sön Piz Sorega. trëi coghi adalerch sön les e-bike, por presentè le sistem nü de bike sharing, che vëgn pité pro cater staziuns sön Piz Sorega, Col Alt, Piz La Ila y Pralongià. Le cost dl Pic Nic, davert a düć i amanć dla buna ćiasadafüch, é de 70,00€ (cun i vins). La soma de 4.000,00€ che gnarà trata ite, jarà en benefiziënza al’assoziaziun provinziala ”Südtiroler Bäuerlicher Notstandsfond”. I posć por le Pic Nic di Dolomitici é limità, porchël mësson se prenotè pro l’ofize dl’Assoziaziun Turistica da La Ila al numer 0471/847037. Sce al ess da ester bur’ tëmp, vëgn le pic nic metü da jì tla ütia Club Moritzino sön Piz La Ila.

♦ Franz J. Noflaner:

♦ Stars on Ice - les stëres söla dlacia

dejidré, cialé, nmaruië

An podarà amiré i mius atleć dl monn dl jadiné artistich, en mercui ai 8 d’agost tl stadium dala dlacia a Corvara. Cun la partezipaziun straordinara de Tomas Verner, che é stè campiun europeich dl 2008, y dl’atleta taliana Valentina Marchei

Mostra tl Museum Ladin Ćiastel de Tor a San Martin de Tor. Giaurida i n vënderdi ai 10 de agost L Museum Ladin Ćiastel de Tor y la Lia Mostra d’Ert Circolo nvieia duc canc ala giaurida dla mostra dal titul ”Franz J. Noflaner: dejidré, cialé, nmaruië”, n vënderdi ai 10 de agost dala 6.00 da sëira tl Museum Ladin a San Martin de Tor. Do avëi fat la scola elementera y la scola prufesciunela à Noflaner mparà a ziplé y à laurà coche scultëur y restauradëur tla berstot de si pere. Ti ani 1960 mpera Franz J. Noflaner a depënjer y a dessenië coche autodidat. Te chësc tëmp féjel n valgun viages curc cun cumpanies artisć, a chëi che l se sënt lià, sciche Markus Vallazza, cun chël che l va a Berlin, Siena, Paris y Firënza. N recunescimënt Na pitura dl artista de Urtijëi Franz de si lëur artistich giàpel mpermò plu tert, cun Noflaner. trëi mostres persuneles y n ucajion dla partezipazion a cunvënies letereres y letures ti ani 1970 y 1980. Tl 1989 mòrel tla cësa de paussa a Urtijëi. Si arpejon artistica ie de n 400 lëures sun tëila, dessënies y na lingia de tesć letereres nia publichei. La mostra ie da udëi ntan i orars de giaurida dl museum y resta davierta nchin ala fin de utober.

♦ Scritëures se dà ju cun tradizions y rituai te

Gherdëina N lunesc ai 6 de agost dala 9 da sëira te sala de Chemun a S. Cristina L Museum Ladin Ćiastel de Tor y la Lia dl Turism de S. Cristina nvieia duta la populazion y i turisć ala sëira de manifestazion ”Argonauti nelle Alpi, scritëures de viac”. Tl cuntest dl proiet europeich ECHI, pra chël che l Museum Ladin Ćiastel de Tor fej pea deberieda cun l Piemont, la Lombardia, Valle d’Aosta, l Cianton Wallis, Cianton Ticino y i Grijons, vëniel metù a jì na sëira de letura cun autëures cunesciui a livel naziunel che nes conta de si scuvierta dla tradizions, di rituai y dl vedl savëi de Gherdëina. Marco Albino Ferrari, scritëur y diretëur dla revista Meridiani Montagne, liej dant tesć scric n ucajion dla ancunteda cun jënt de nosta valeda che ti à cuntà cosses nteressantes dla vita da zacan. N lunesc ai 6.8., dala 21.00, te sala de Chemun de S. Cristina. La sëira vën tenida tla rujeneda Mené l bestiam da mont ju. taliana.

Inće en chësc isté vëgnel metü da jì da pert dl’Assoziaziun Turistica Corvara/Calfosch le Stars on Ice, le spetacul sön la dlacia cun campiuns dl jadiné artistich. La manifestaziun vëgn tignida en mercui ai 8 d’agost dales 21.15, tl stadium dala dlacia a Corvara, olache an po inće tratan i mëisc plü ćialć pratiché chësc sport tipicamënter da d’invern. Danter i artisć sön le program ciafunse jadinadus taliagn sciöche Stefania Berton y Ondrej Hotarek. Bele do püć mëisc che la copia â metü man da jadiné deboriada, ài arjunt resultać significanć: dui iadi ési rovà tles mius cinch copies d’Europa y tles mius diesc dl monn, y da dui agn incà ési inće campiuns taliagn. So jadiné é caraterisé da n bun liam danter forza, eleganza, interpretaziun y acrobazia. Da odëi saràl inće la jona Valentina Marchei, che é te süa cariera stada bëgn cater iadi campionëssa taliana. Inće a livel internazional àra arjunt de bogn resultać, sciöche por ejëmpl le cuinto post ai campionać europeics de Varsavia, y l’otavo post ai mondiai de Nizza tignis tl’ultima sajun da d’invern. Na copia dër jona é chëra de Lorenza Alessandrini y Simone Vaturi, che à Pro le Stars on Ice a Corvara rovaràl adalerch jadinadus de rapresentè cun de bogn inom y pom. resultać la Talia tles competiziuns di iuniors fora por le monn, y mostra de bones prestaziuns inće tla categoria assoluta. Nia ma jadiné, mo inće acrobazies tl’aria, gnarà presentades da Elisa Angeli. L’artista fej pert dl Cirque du Soleil; ara laora insciö cun les mius compagnies de spetacul t’Europa y ti Stać Unis d’America. Implü podaràn amiré les esibiziuns da pert de n valgügn atleć conesciüs a livel internazional, sciöche Tomas Verner dla Republica Ceca. Tl 2008 él gnü campiun d’Europa, do avëi davagné arjënt tl 2007 y ester stè por 8 iadi campiun nazional de so paîsc nadè. Verner é le su jadinadù al monn che é stè bun da bate Patrick Chan, un di mius jadinadus, ti agn 2010-2012. Nia ma les medaies, mo la bona interpretaziun y l’ironia dl jadinadù cech fej fora de ël n personaje unich y stimé da pert dl publich. Acrobazies de vigni sort gnarà portades dant dala copia Aidas Reklys and Akop Manoukian. I dui jogn à tut pert en chësc ann a dötes les produziuns mondiales plü importantes, cun sües esibiziuns acrobatiches. La compagnia Ghiaccio spettacolo stlujarà jö le Stars on Ice a Corvara. Ara se trata de n grup metü adöm da jadinadus profescionisć de vigni spezialité dl jadiné artistich, che à fat pert dla nazionala taliana. Les chertes d’entrada pòn cumprè bele danfora ti ofizi dles sssoziaziuns turistiches da Corvara/Colfosch y La Ila (orar d’ofize 8.00-12.00 y 15.00-19.00) y tl Bar Stadio a Corvara a n prisc de 19,00€ por i gragn y de 14,00€ por i mituns da 6 a 12 agn. I mituns sot i 6 agn po jì ite debann. www.lauscdiladins.com

37


Informazions y Manifestazions Mujiga Loris Vescovo a la Grenz de Moena La sociazion La Grenz aur endò i ujes. Se taca en mercol ai 8 de aost con i furlegn Loris Vescovo (ousc e chitara) e Caia Grimaz (ousc) che te so conzert portarà dant de bela cianties dal cd “Cjantà Vilotis”. L conzert pea via da les 21.30. Info: www.lagrenz.org. Sëira de mujiga cun la grupa Acajo

L Café Surëdl a Urtijëi à l plajëi de nvië duc al cunzert de mujiga ladina moderna cun la grupa Acajo ncuei vënderdi, ai 3 de agost dala 21.00. Cunzert cun la grupa Westbound N sada ai 4 de agost saràl a Urtijëi sun Plaza S.Antone dala 21.00 n cunzert dla grupa Westbound che sona y cianta per na bona man, che unirà mandeda tl’Africa per sustenì la costruzion de n spedel tl’Etiopia ulache l lëura nce dutores dl Südtirol. Cunzert cun i trëi cores de S.Cristina

N mierculdi ai 8 de agost mët la Lia per l Turism de S.Cristina a jì na sëira de cianties cun l Cor Saslong, l Cor de Dlieja y l Cor di Jëuni, dala 9 da sëira tl zënter Iman. Cunzert cun i Belgian Brass

N juebia ai 9 de agost saràl dala 21.00 te cësa de cultura Luis Trenker a Urtijëi n cunzert di Belgian Brass, dodesc danter i miëur sunadëures de strumënc a fla dl Belgio che porta dant opres dala Renaissance nchin al didancuei sot ala direzion de Manu Mellaerts. Chertes danora pra la Lies dl Turism de Gherdëina o da sëira pra la ntreda. Festival Dino Ciani te Ampez L Festival de mujiga classica va inant anter Sanciana y Ampez, con vijites a gliejies y a capeles, conzerc di pianisć y vidorisć dla Academia y conzerc de musizisć conscius sciche p. ej. la pianista Angela Hewitt che sonarà la sabeda ai 5/08 da les 21 tl A.G. Hall. Per infos plu menudes sun dut l program: www.festivaldinociani.com. Mujiga y ert tl Ciastel d’Andrac

En domenia ai 5/08 saràl da les 11.00 l cor “Voci in Valle” che recordarà n compagn mort sun l Sas de Stria con l conzert “D’in fra le mura della torre antica”.L Ciastel pò ence vegnì vijité aldefora dles manifestazions fina l 15/09, vigni di da les 10.30 a les 18.00. Per infos y prenotazions pòn cherdé su l numer 334/3346680. Conzert dl Coro Cortina

Encuei, vender ai 3 de agost, saràl da les 21.15 dla gliejia de Ospedà a Cortina d’Ampez n conzert dl Coro Cortina. L ingres é debant. Conzert dl ”Coro Fodom” a San Ćiascian

nr. 30 / 03 de agost 2012

♦ Conzert dl duo “Ones” Incö vëndres ai 3 d’agost 2012 dales 21.00 tl Ćiastel da Valsperch Le duo “Ones” presënta tla cornisc de “Musiga Isté de Puster” n conzert tl ćiastel da Valsperch, incö vëndres ai 3 d’agost dales 21.00 inant. Angela Palfrader (vidora) y Claudia Nössing (chitara) portarà dant tòć de N. Paganini, M. Giuliani, E. Charlton y G.F. Händel. Por la jënt che ô gnì menada al Ćiastel por le conzert pëiel ia dales 20.30 y dales 20.45 n sorvisc de trasport dal Pavillon dla musiga demez. Tl Rittersaal dl Ćiastel él ma n tant de posć, porchël vëgnel aconsié la prenotaziun: AT da Valsperch, tel. 0474 944 Le duo “Ones”. 118, 349 7542862.

♦ Ichnos La mostra de Gabriele Grones tla Val Badia à davert L’artist jonn fodom Gabriele Grones é conesciü dantadöt fora dla Ladinia ćina te raiuns di Paîsc Todësc. Cun la mostra a San Martin de Tor i vëgn l’artist presentè a nosta jënt ladina y a nüsc ghesć. L’esposiziun dles pitöres a öre (portraits) po gnì odüda ćiamò ćina ai 6 d’agost, cun i orars da vigni dé dales 10:00 danmisdé ales 6:00 da sëra. Gabriele Grones (1983) à studié pitöra al’Academia d’Ert de Aunejia. Al vir y laora danter Reba y Rovigo. Le soget de süa ert é le müs dla porsona. Al depënj cun corusc a öre sön tëra. La pitöra é por l’artist n meso de inrescida che al tol por analisé y jì plü sot tla porsona.

Tla ligna dl cërtl musical ”Cantando per rifugi”, vëgnel pité en domënia ai 5 d’agost le terzo apuntamënt, cun n conzert dl ”Coro Fodom” da La Pli de Fodom, che sarà da aldì dales 13.30 inant, tla ütia Las Vegas. Val Badia Jazz Festival Tla cornisc dl festival él da aldì en domënia ai 5 d’agost dales 21.15 le grup "3’S Amis" tl hotel Armentarola a San Ćiascian. Ai 7 d’agost dales 21.15 sona tla patisserie Table a Corvara le grup ”The Yuya”, ai 9 d’agost dales 22.00 sona tla taverna dl Posta Zirm a Corvara la ”Mike Sponza Band”. Unknown Brass y De Cater

En jöbia ai 9 d’agost dales 21.15 vëgnel tignì tla dlijia de Badia n conzert cun i grups ”De Cater” y le ”Unknown Brass Quintett”. I Sons de la Dolomites

Tel rich program de “I Sons de la Dolomites” en lunesc ai 6 de aost a Poza te Val Sèn Nicolò ló da le “Cascate” se podarà scutèr la musega jazz de Enrico Rava e Gianluca Petrella. L’apuntament l’é da les 14.00.

Leteratura Apuntamënć cun l’autur tl’Alta Badia ”Un libro, un rifugio” va inant ai 07.08 te Ćiasa de Cultura a La Ila cun Sergio y Beda Romano che presentëia ”La Chiesa contro. Dalla sessualità all’eutanasia tutti i no all’Europa moderna”. Ai 09.08 ”Farla franca. La legge è uguale per tutti” de Gherardo Colombo, y ai 10.08 tl salf dles manifestaziuns a Corvara ”Léonie”, de Sveva Casati Modignani, tres dales 17.30. Ancuntedes cun autëures La Lia per l Turism de Urtijëi mët a jì de agost, te Cësa de Cultura “Luis Trenker“ a Urtijëi, 6 ancuntedes dal titul “Un libro – una montagna, incontri con l’autore”. L unirà prejentà scritëures cunesciui dla Talia y si publicazions. La segonda ancunteda sarà n mierculdi ai 8 de agost dala 17.30 cun Sergio y Beda Romano. Sëira de leteratura Francesca Melandri, l’autëura dl liber “Eva dorme” nes prejënta si liber nuef “Più alto del mare” n merdi ai 14 de agost, dala 9 da sëira sun plaza de dlieja a S.Cristina. Sce l ie burt tëmp unirà la prejentazion fata tla biblioteca Tresl Gruber. Danterite saràl da audì cianties de Silvia Malsiner y Maria Paola Asson.

Referac Scontrèdes de “Ispirazions d’istà”

En mercol ai 8 de aost , da les 21.00 te gejia de Pera, Mons. Francesco Cavina rejonarà de “L’opera de la Gejia per l svilup del continent african” e en lunesc ai 13 da les 21.00 te Comun de Vich l vaticanist de La Stampa tratarà de “L secret de papa Luciani”.

38

www.lauscdiladins.com

Odüda söl salf dla mostra en gaujiun dla daurida. Dancà odunse inće l’artist espositur Gabriele Grones, che s’la cunta cun l’artist dl post Hubert Prousch.

♦ Mitans y jones, sëise da jadinè? Na bona ocajiun: le mëis d’agost ćina ai pröms de setëmber saral a Corvara na “maestra dl jadinè” ezezionala Por promöie le jadinè de figöra é le Ice Club Alta Badia stè bun śëgn da tó sö contat y ciafè la desponibilité de Linda Mariotti, medaia d’arjënt ai campionać mondiai 2012 de Göteborg (Svezia), en cualité de atleta dla scuadra campionëssa canadeja “Nexxice”. L’atleta y maestra federala de pröm livel sarà la insegnanta dles mitans y jones dl curs N bel grup de jones y mitans dl jadinè artistich dl Ice Club Alta Badia. de jadinè sincronisé dla sozieté Ice Club Alta Badia che gnarà metü da jì tl stadium dala dlacia a Corvara le mëis d’agost ćina ai pröms de setëmber, i dis dal lönesc al mercui dales 17:00 ales 20:00 y la jöbia dales 17:00 ales 19:10. Informaziuns ciafa les jones, mitans y families interessades al numer de telefonn 0471 836142.


Congratulazions y Auter

nr. 30 / 03 de agost 2012

Trus y tënores por la contentëza Te tëmps che an alda ma baian de crisa, baiunse nos dla contentëza, n sentimënt che tröc chir dé por dé. Te trëi ediziuns jarunse ite sön ći che limitëia la contentëza y spo sön ći che an po fà por l’aumentè. Pröma pert La contentëza: vignun prô da ciafè fora cô che an po ti rové plü daimprò. Al pê val’ iade n sentimënt zënza control. N bel momënt éra chilò, y spo pêra bele indô dër dalunc. Sce i ves ëis bele fat le pinsier, spo sëise en bona compagnia. Bele i filosofs dl tëmp antich se dê jö cun chësc sentimënt misterius. Incö n’éra nia atramënter. Al basta se fà na roda te na botëga de libri, che an rovarà tosc pro publicaziuns che se dà jö, stüdia, analisëia o impormët ćinamai contentëza. Danter dötes les ”teories”, ciafon l’impresciun che ares sides ma dagnora n fragment de düć i aspeć che la contentëza ascogn. N scienzié che s’à dè jö cotan é p.ej. Martin Seligman, le ”pere” dla psicologia positiva, la psicologia che ne se dà nia jö cun i mai che la jënt à, mo dantadöt cun ći che renforza les porsones y fej süa vita plü via.

”I mius zitadins” N ater studié che s’à dè jö cun la contentëza é le professur d’université Ed Diener. Ël à studié por passa n chert de secul la contentëza, y te düć sü stüdi àl metü adöm na ligna de aspeć che caraterisëia les porsones contëntes. Öna dles carateristiches é p. ej. che les porsones contëntes à en media n sistem imunitar plü sterch y vir plü dî. O che ares é plü creatives, deache ares se crüzia da ciafè soluziuns AI problems, y nia da se baudié DI problems. Inant dij le professur che les porsones contëntes é de mius colegs de laûr, à plü suzes tla vita, davagna plü scioldi y se fej plü saurì tla vita de copia y te familia. Döt adöm podésson dì che les porsones contëntes é ”i mius zitadins” deache ares ne chir nia da strité, ares n’à nia gauja da ti fà dl mal ala jënt o da arobè o ći sai ćiamò. Dì orésson porchël che la contentëza de vignun, ćinamai de döta la sozieté, messass ester n gran valur a chël che la jënt aspirëia.

La contentëza se lascia imparè I arati che i sëise düć a öna - stimês leturs - sce i diji che al n’é nia un n tru por arjunje la contentëza, mo n gröm de desvalis. Un jarà bun por os, un jarà bun por te, un jarà bun por me. Sön un n fat é i studià a öna, che la contentëza se lascia imparè, desche an impara da scrì, da lì, na maestria.

A Raimondo Valeruz che ai 27 de messèl de chest an l’à arjont la bela età de 70 egn. I più bie augures de dut l bon, sanità e legreza da duc chi de cèsa

Acà 90 egn, sul più ciaut de la sajon ai 2 de aost, te stua de Luijio de Tone sun Tamion na belota popa l’é nasciù, e N sentimënt che tröc chir: la contentëza. (Foto: ameliarozianty. wordpress.com)

Al é interessant da savëi che tla vedla Grecia êl ćinamai ”scores de contentëza”, che ê indere ma resservades a püćes porsones privilegiades. Aldédancö n’él baldi nia plü de te’ scores, inće sce al po ester che ares jiss pa tan debojëgn. Aldédancö él l’economia al zënter: al mëss gnì prodüt, al mëss gnì fat, le produt sozial brutto mëss jì sö ann por ann. Bunamënter éra insciö, deache te nostes naziuns industrialisades él la minunga che le bëgnester material sides fontana dla contentëza. Che ara n’é nia insciö podunse odëi dé por dé. I incuntun magari le vedl paur che à stracè na vita, che vir tla maiù scëmplité, à tan che al adora, mo é daldöt contënt. Y spo odunse la porsona che se stà bun, che à döt ći che le cör material po se dejidré, mo roda cun le müs lunch. Da chësc podunse almanco fà na deduziun che la richëza materiala ne sciafia nia da ester LE tru por la contentëza.

Cherdënzes falades I oress jì ite en cört sön valgünes reflesciuns dla contentëza, basades sön le liber “77 Wege zum Glück” de Wolff Horbach. Te chësta pröma pert jarài ite te valgünes modes da ponsé che archita plülere la contentëza. Al vëgn dit che scioldi y richëza fej fora la contentëza. Miliuns de porsones śoga al Superenalotto cun la speranza da atochè le jackpot che ti scincarà finalmënter na vita zënza problems y fistidi. Stüdi desmostra le contrar, che la maiù pert di milionars é do n ann avisa tan contënć o malcontënć co denant. Valgügn à ćinamai plü problems co denant, deache ai à investì scioldi damat y à pordü döt o cuaji. Na secunda cherdënza é chëra che tëmp lëde y ne fà nia fejes contënć: chilò feji la zitaziun de stüdi dl scienzié Mihaly Csikszentmihaly, che dij che la maiù pert dles porsones se sint damì sce ares po laurè co sce ares n’à nia da fà. Chësc vëigon gonot

inće pro i mituns, che é do les vacanzes da d’isté gonot ligri sce al é indô da jì a scora a fà valch. Na terza cherdënza é che ”la contentëza é le paiamënt por le suzes”. Chësc oress dì che al ô ester laûr sfadius por podëi se gode la contentëza, do avëi scintré na vita. Stüdi desmostra che porsones contëntes à plü suzes co les porsones malcontëntes. La contentëza n’é nia le resultat dl suzes, mo na fondamënta por avëi suzes. La contentëza ne depënn nia dales gran cosses davagné al lotto, arpè de gragn avëis - ara é gonot ascognüda tles pices cosses dla vita.

Aneta

inom i ge à metù. Mare, giava e ence besava la é doventada e a chesta bela età la é ruada. Duc chenc de cher la rengrazion e duc ensema n gran braciacol ge fajon. Thomas, Giorgio, Alexander, Emma e duc chi de ciasa

A Elisa, co à slüt jö dër bun so stüde de Scionzes dla Formaziun Primara al’Université da Porsenù, ti fajunse i complimonć! Śën poste finalmonter jì a ensigné ći che te t’as belo da dio dejidré. Trepa pazionza orunse t’aodé y ch’al te sais bel dé por dé. Tü familiars

Se stravardè dai confrunć N ater aspet che fej gnì nosta contentëza plü turghera, é i confrunć cun i atri. Metun che al é n grup de porsones: düć ciafa 10,00€, öna nen ciafa 5,00€. Chël che nen ciafa 5,00€ é bonamënter malcontënt, inće sce al é de 5 euro plü rich, deache al se confrontëia cun i atri. Sce al se confrontass cun chi che n’à ciafè nia, ti jìssera bonamënter damì. Porchël é confrunć falà gonot fontana de malcontënt danter la jënt. Se confrontè cun i rić y i fortunà é n tru sigü por gnì malcontënć. Stravardesse da trasmisciuns che mostra le stil de vita di rić. Se confrontè cun chësta jënt descëda gonot sentimënć de falimënt, invidies ti confrunć de chi che à deplü. Miù fajésson da ponsè che sc’i ùn n tët sura le će, val’ da mangé sön mësa y la poscibilité da jì a scora, nes vàra bele miù co al 80% dla popolaziun dl monn. Tla proscima ediziun jarunse ite plü avisa te ći che an po fà por aumentè la contentëza: cosses che i podun fà vigni dé, y suradöt cosses che an ne mëss nia cumprè. Ći che la porsona adora por vire - i mini l’essenzial che ti fej bun a so spirit - chël ciafunse düć debann.

A nosc Gustl döt l’bun por tü ....anta!! Tü vijins da Pedraces S’la confortun da fà festa cun te!

Congratulaziuns a

Veronica Moling che à stlüt jö tla Université da Porsenù so stüde de sciënzes dla formaziun, cun la buna valutaziun de 110. Nos düć pici y gragn ti audun düt le bun y tröpa sodesfaziun te so laûr. Mama y pere, Manfred cun Valentina y Julian, Magdalena cun Max, Jan Daniel, Elia y Lea, y Matthias

Pablo Palfrader www.lauscdiladins.com

39


Anunzies y Inserac

nr. 30 / 03 de agost 2012

Da chirì

Manconia L’é se n jit te la Pasc del Segnoredio

Mario Chiocchetti da Vich 25.02.1932 - 26.07.2012 Le fie Franca e Maria Luisa, con duc chi de ciasa, lo recorda con encresciujum N Develpai de cher a la dotora Monica Costantini, ai assistenc soziai e i infermieres, a Don Giuseppe Da Prà e a duc chi che ne é stac apede te chest grief moment de manconia

Al vëgn chirì na roda de secunda man por n möt de 6 - 8 agn. Tel. 338/9918326. (28/12) ••• L vën cris n n pitl cuatier per doi persones o scenó n cuatier per cater persones a Urtijëi, S. Cristina o Sëlva. Tel. 333 7475704. (28/12) •••

N jëunn chier n cuatier per 4 persones da tò a fit te Gherdëina per dut l ann. Tel. 327/8842803. (29/12) ••• N ël dla Talia che lëura te n hotel de Sëlva chier n pitl cuatier da tò a fit per dut l ann te Gherdëina o nce ntëurora. Tel. 340/8838246. (30/12) •••

Al vëgn chirì zacai che ti dess leziuns de fisica a na möta che fej la cuarta tlassa dl lizeum tlassich tla Val Badia. Tel. 347/4788551. (30/12) ••• Na familia da tlo cun 2 mutons chier n cuatier da tò a fit a S.Cristina. Tel. 349/1673618. (30/12) •••

Da vende Da vëne n Opel Corsa 1.2 benzinn dl 2005. Tel. 333/4767054. (28/12) ••• Al vëgn venü na mascinn combinada profescionala, 5 iadi combi cun 3 motors 380 volt, plana da planè sön 2 perts, da forè, da fresè y zircular cun düć i azessurs. Tel. 338/5239336. (28/12) ••• Da vëne n motor Kawasaki Z 1000 dl 2005 inzidentè. Prisc 1500,00 €. Tel

328/2823469. (29/12) ••• L vën vendù 4 montli da d’instà per n Panda dla marca Bridgestone Dueler H/T 185/65 R 14 86 T a 280,00 euro. Tel. 338/5071674. (29/12) ••• A La Ila vëgnel venü n Fiat Panda 4x4 dl ann 1998 a 800,00 €. Tel. 338/6360951. (30/12) •••

Al vëgn venü n Quad por mituns a benzinn. Tel. 338/5307438. (30/12) ••• L vën vendù n Pick Up Toyota Hilux 3.0 vërt scur cun 27.000 Km, full optional mantenì bën. Tel. 335/7490363. (30/12) ••• L vën vendù n Quad LTZ 400 dl 2005. Tel. 339/5071778. (30/12) •••

Al é vegnù ciafé A Calfosch él stè mituns che à ciafè y pié n cocorite ble (papagal). Por informaziuns, tel. 349 0608790. (30/12)

Chirì da laour

Partezipazion L Comun General de Fascia recorda con encresciujem

Alberto Felicetti da Moena om atif te la politica e te l’aministrazion de la val, ex conseier del Comprenjorie C11 de Fascia. Poza, ai 31 de messèl 2012

Rengraziamënt Nëus sention gra Per la gran partezipation y i truep sënies de bon liam uman n ucajion dl unì a mancë de

Leo Prinoth Per la santa mëssa da mort rica de senificat rengrazions seniëur digan Vijo Pitscheider y duc i prevesc. Rengrazion l personal dl Servisc Soziel y dla Crëusc Blancia per si despunibltà. Ti sention gra ai ujins che nes à judà, al Cor de Dlieja de Urtijëi per avëi abelì la santa mëssa, per l dì dant dla curona y dut l personal dla firma LEPI. Ulessan mo rengrazië duc i cumpanies y la cumpanies, i parënc y cunescënc che ie unic a vedlé y che fova ala supeltura y che à mustrà si sentimënt cun dunfiertes, ciofs y cun l cunduel a usc y scrit. Che duc tënie nosc bon pere te si lecort y che i pënse a d’el te si urazions.

N ël cun 15 ani de esperienza chier da lëur da chelner te n restaurant o te n hotel te Gherdëina o ntëurora cun albierch. Tel. 328/1634542. (28/12) ••• N’ël cun 12 ani de esperienza chier da lëur da chelner o barista da śën inant y nce per l inviern. Ël rejona tudësch, talian y mpue’ de nglëisc. Tel. 320/4526232. (28/12) ••• N’ ëila jëuna de 20 ani de Gherdëina chier n lëur per dut l ann coche cassiera

Residence Villa Gran Baita te Sëlva chier dai 1. de utober inant, per dut l ann na secretera che sà talian, tudësch y nglëisc per lauré tla reception, sce la va cun esperienza y scenó nce da nsenië ju. Prëibel cherdé su l 339/3549150.

Hotel Alpenrose a Reba chir na secreteria por döt l’ann cun conescënzes dl todësch y dl inglesc y cun esperiënza y poscibilité de contrat a tëmp indeterminé. Prëibel cherdè sö le 3356784052.

o a judé te na butëiga. Tel. 3313426341 (28/12) ••• N’ ëila de 39 ani de Gherdëina chier n lëur per dut l ann a judé te na cësa o ulache l ie debujën. Tel. 3471726165. (28/12) ••• Na jëuna chier n lëur da śën inant te Gherdëina a puzené o paidelné. Tel. 328/1083241. (29/12) ••• Na ëra cun esperiënza che stà a San

La firma Goller de Sëuc chier persones da tlo cun esperienza per jì cun la pachera y cun l camion. Per fé ora n terminn pudëis cherdé su l 335/7024117.

L vën vendù a Urtijëi n cuatier (bilocale) cunvenziunà che unirà tosc fat. Per plu nfurmazions pudëis cherdé su l 0471/053044 o l 348/2254810.

Martin de Tor chir n laûr da badanta da atira. Tel. 366/2703569. (29/12) ••• N ël de 40 agn che abitëia a San Martin chir laûr sciöche laurant tl frabiché o tl’agricoltöra. Al à esperiënza y inće la patent B y C. Tel. 366/2703569. (29/12) ••• Na jëuna da tlo chier da lëur a rumé su o a puzené per dut l ann. Tel. 338/1568397. (30/12) ••• N möt dla Val Badia chir n laûr da lerner da mecanich. Tel. 339/2858824. (30/12) ••• N’ëila chier da lëur la dumënies a rumé su. Tel. 389/9870776. (30/12) ••• N ël che sta a S.Cristina chier da lëur a fé de uni sort de lëures, da vardian o te na cësadafuech. Tel. 320/7109821. (30/12) ••• N ël dla Val Badia chir n laûr da ciafêr. Tel. 338/7780366. (30/12)

Al vëgn chirì na stala da tó en afit tl raiun dl’alta Val Badia, poscibilmënter a La Ila. Prëibel cherdè sö le 346/4786239

L vën vendù lënia da tizé. La lënia ie mo da sfënder. Prëibel cherdé su l 377/2458488.

Da n ater ann inant vëgnel afité ia a Pidrô sön strada tla zona artejanala na ćiasa cun poscibilité de na ativité artejanala o terziara cun apartamënt. Por informaziuns prëibel cherdè sö le numer 0471/844164 o le 335/1050321.

I mutons Fredi, Roland y Diego cun families.

Vangel dla Domenia 18. Domënia ia por l’ann B, ai 5 d’agost 2012

Lecort Ai 6 de agost iel 4 ani ca che

Adam Insam “Odl“ nes à lascià. Ai 9 de agost iel 31 ani ca che

Silvia Insam nes à lascià. Ulon se lecurdé de ëi ntan la santa mëssa ai 6 de agost dala 8.30 te dlieja de Urtijëi. La fëna Maria y i mutons.

40

www.lauscdiladins.com

Dal vagnele do San Jan, 6, 24-35 Te chël tëmp, canche la jënt â odü ch’al n’ê no Gejù, no sü discepui sön spona dl lêch, s’ài sentè tles barches y é jüs tl vers de Cafàrnaum a chirì Gejù. Canch’ai l’â ciafè sön l’atra spona dl lêch, l’ài damanè: ”Rabbi, can este pa rové chilò adalerch?” Gejù ti à respognü: ”Amen, amen, i ves diji: Os ne me chiris nia, deach’i ëis odü sëgns, mo deach’i ëis mangé de chi pans y i sëis gnüs pasciüs. Ne stede a se fà bries por la spëisa che va ”Iö sun le pan dla a dezip, mo por la spëisa che romagn por la vita eterna y che vita”. le Fi dl Om ves darà. Deache Idî, le Pere, l’à confermè cun so sigil.” Dailò l’ài damanè: ”Ći messunse pa fà por ademplì les opres de Dî?” Gejù ti à respognü: ”Chësta é l’opra de Dî, ch’i cherdëise te chël, ch’al à menè.” Ai ti à respognü: ”Ći sëgn fêjeste pa, ch’i odunse y te cherdunse? Ći fêjeste pa tö? Nüsc peri à mangé la manna tl desert, sciöch’al sta scrit tla Scritöra: Pan dal cil ti àl dè por spëisa.” Gejù ti à dit: ”Amen, amen, iö ves diji: Nia Mosè ne ves à dè le pan dal cil, mo mi Pere ves dà le dër pan dal cil. Deache le pan che Idî dà, vëgn jö dal cil y ti dà al monn la vita.” Sön chëra l’ài perié: ”Dasse dagnora chësc pan!” Gejù ti à respognü: ”Iö sun le pan dla vita; chël che vëgn da mè n’arà mai plü fan, y chël che crëi te mè n’arà mai plü sëi.” Parora dl Signur. - Lalt a té, Gejù Crist!

La Usc di Ladins  

edition 3012

Read more
Read more
Similar to
Popular now
Just for you