Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 27/2012 - 13 de messel 2012

Lies

9

Presidënt nuef N sada dan otodì iel unì lità l cunsëi diretif dla Lia Tublà da Nives te Sëlva. Cin’ cumëmbri tl diretif scientifich, plu inant uniràl mo lità n cunsëi artistich. Vinzenz Senoner ie l presidënt.

Cuncors

IR

Brac de fer con Roma

Comentar de pruma

Les Autonomies de Bulsan y Trent se lascia su contra les mesures de sparagn spontanes y nia programedes de Monti. L president dla Jonta provinziala de Bulsan Luis Durnwalder: “En tot de milions podonse ciamò dé ca, ma spo onse ence nos l’ega al col!”

11

Russes vënc Te Sëlva iel pra l segondo Karl Unterkircher Award unì premià alpinisć che à fat vies scialdi ries ti ultimi doi ani. Trëi jëunes dla Ruscia à giapà l prim pest.

Al Plan

16

Sön le crëp de Furćia dai Fers él gnü êrt sö y benedì na crusc nöia.

17

Arjunt le centenà Mëda Sabina de Curcela a Badia à arjunt la bela eté de 100 agn. Festa àn fat te familia y te dlijia.

Badia

19

Inaudaziuns Bëgn cater strotöres publiches àn podü inaudè dan otedé a Badia. Na festa de döt le paîsc.

Corvara

21

Iubileum di stödafüch En gaujiun dla festa di 100 agn di Stödafüch da Corvara gnaràl inće dè fora n bel liber, che i ves presentun danfora.

Fascia

de Iaco Rigo

Al é isté, al é ćialdin y i dis lunć, al é bel da lovè da doman, cuché da vider fora y odëi ći bel dé che al é, na scincunda mefo. Y le pinsier ô demez dala cuotidianité, jorè demez, jì söalalt, al motivëia les iames da pié ia, chirì inzai n tru che porta sö alalt, sön munt o ti crëps, por se alisiré y se ressanè. Y i pinsiers po spo jorè, i pinsiers é liberté. “Tan bel che l ie sa mont, amesa l instà, canche dut flëur y canche l vën sià, l’enes da mont à for purtà mpue' de bona ueia a n cuer tralascià.”

Ganastories: Les eles se muev

Crusc en pé Porsones

"Tan bel che l ie sa mont"

I doi presidenc de provinzia Dellai (Trent) y Durnwalder (Bulsan) te n moment plu ligherzin che sen: ai 17 de fauré 2009 sotescrijòvai a una la domanda ufiziala de assunzion dles Dolomites tl’UNESCO. (foto: Provinzia de Bulsan)

Politica/1 - Al é n cercl dl malan, cie che l Stat Talian à avié con l Govern Monti: al é ora de taié les speises de gestion y i spaterlamenc, al é da auzé l’IVA (l prum gre é bele gnu fat con l aument dal 20 al 21% d’auton) y d’autres coutes (sun i davagns plu auc y ence cherian l’IMU), ez.,... ma tl medem temp pesa la cracia de coutes y speises per i zitadins y la produzion economica y l svilup dà do. Al moment va inant l Govern Monti sun chesta streda, ence sce al é n cercl da chel che al é rie da nen gnì

fora. Aldò dl’acordanza de Milan dl 2009 deida ressané les provinzies de Trent y Bulsan i busc dles casses dl Stat, y avisa chesta acordanza pèr sen ester l ram tles rodes dla politica statala de “stabelté”, ajache Trent y Bulsan dij de ester - tl respet dl’acordanza de Milan - a una con l Stat y si intervenc de ressanament. I temps s’à mudé da chel auton dl 2009 encà tant debota che al pèr che al vae debujegn de na tratativa nueva anter l Govern Monti y les does Provinzies, tratativa che

dantaldut Bulsan se damana da plu edemes encà massivamenter. Aldò de Durnwalder ne jarà la streda dla “stabelté” anter Stat y Südtirol nia inant, sce l Stat ne s’enconta nia con Bulsan y Trent “per ordiné danuef na acordanza de stabelté”.

Durnwalder: “Enscì ne vàla nia plu inant!” Mertesc, ai 10 de messel 2012. La mesa dles ot da doman met l va inant a plata 2

I son ruvés enscì al numer 19. Gana se arvejina al compiment de 5 agn: n travert segur nia da puech per n projet nasciù da la pascion y la bona vueia de n grop de eles ladines, che à abiné te si percurs trueps aprijamenc, ma ence truepes dificoltés. Chesta outa él endò l moment de “Ganastories”, n numer spezial, n puech manco “revista” y n puech plu “album”, che nes met dant stories dles eles de nost raion y che i on volù ti dediché a les eles di agn ’50, agn de gragn mudamenc, de speranza, do les stentes dla Gran Vera, canche ence les eles scomenciova a giaté stredes desferentes da cheles de ciasadafuech, stua y stala, che ova caraterisé sia vita enchin a chi agn. N gran numer de biei retrac compagna les stories de chest numer, che i ves sporjon encuei con La Usc y che speron ves pleje dassen.

22

Polemica su la ferata La posizions su la mobilità à soscedà n debatit fers anter Comun general, BIM, Transdolomites e Sociazion Fassa

Codla

27

FC Gherdëina N merdi iel stat la prejentazion dla prima scuadra y dl trainadëur nuef. Prejentazion nce dl trainadëur respunsabl dl setor di jëuni.

La edizion numer 19 de Gana.


Zoom

nr. 27 / 13 de messel 2012

Brac de fer con Roma Les Autonomies de Bulsan y Trent se lascia su contra les mesures de sparagn spontanes y nia programedes de Monti. L president dla Jonta provinziala de Bulsan Luis Durnwalder: “En tot de milions podonse ciamò dé ca, ma spo onse ence nos l’ega al col!” va inant da la pruma plata

Sender Bozen, l radio de ousc todescia dla RAI, en ona na intervista dl jornalist Hans Mayr al president dla Provinzia de Bulsan Luis Durnwalder. I publicon chesta intervista tla traduzion ladina. L govern provinzial s’à dé ju ampliamenter con les azions de sparagn dl govern Monti, che porta belau vigni di valch sorpreja, n di àuden che i pitli ospediei dess gnì scluc y n auter di che 300 lec de ospedal dess gnì destouc, spo l sistem sozial de Südtirol dess gnì comedé y ascurté. Sun les mesures dles ascurtazions per Südtirol él da audì demé indiscrezions, ales va da 300 milions de euro prevedudes da l’Acordanza de Milan - enfin a n miliard de euro. Signour president Durnwalder, al é malsegurté y ence temes, co déssela pa sen jì inant? “La situazion é de segur ardurbeda, an auda de vigni sort de informazions da Roma, vigni di, spo vegn indò dut rejené demez, comedé, baraté fora. Al é n fat che l govern nuef, tecnich, ne se cruzia daldut nia de nosta autonomia, ai

nes trata sciche na region de statut ordinar. Ai ne tegn nia ite les disposizions che é gnudes fates fora, ai ne s’interesseia nia dles disposizions dla autonomia y dles normes de atuazion, ai dij che ai à l compit de ressané l bilanz dl Stat y dut l rest ne ti an vel nia. Nos raton mefun che nostes normes mess gnì respetedes da duc, ence da n govern tecnich, dijon: enscì ne pòssela nia jì! Y sen vedaronse sciche ala jirà inant, al pèr che ence ei veide ite plan plan che ai é jus massa inant, i nes damanon auna con Trent che ai ne scote su, che ai rejone con nos, che an feje fora n import avisa, y che i podonse spo nos tò les dezijions sciche i partion su i scioldi, sciche i i tiron ite, ez.. Che i messon dé valch contribut chel savonse ben, te chesta situazion mess duc daidé y sparagné - chest vedonse ite, ma da l’autra pert volonse ence che les disposizions dl’autonomia vegne tegnudes ite.” Tant de sparagns po pa Bulsan ciamò ti pité a Roma? “Aldò dla acordanza de Milan dl 2009 onse renunzié a 500 milions de euro, y sen damana Roma ciamò n iade 120 milions, spo ciamò n iade 80, spo 180, y d’autri 80 milions

gnì sparagné. Sce ala ne va nia de ruvé a nen cef con l govern a Roma, y Roma ess da ferì nost Statut d’autonomia, spo portaronse la cuestion dant al govern de Vìena - che à da nes sconé y nes judé, ence finamai dant a l’ONU. Che al é da sparagné y taié personal y speises, savonse ben, ma canche nost Statut d’autonomia ne vegn nia respeté, sonse nos cherdés de se defene.”

Mario Monti, president dl Consei di ministri. El é l protagonist dla “spending review” (analisa dles speises, revijion dla speisa publica), prozes che dess porté a mioré l’efizienza di organs y di sorvisc dl Stat, (foto: l’indipendenza.com)

de euro, chest vuel dì endut ciamò n iade 500 milions de euro. Chisc scioldi ne podonse nia plu lascé fora dles mans. I son de segur a una de i dé ciamò 100, 200 milions de euro, ma 500 milions de euro no, chel é de massa. Nost bilanz tomessa da 5,2 miliarc de euro a 4,7 miliarc, chest potenzial ne onse nia plu, ajache i ne son nia bogn de nen gnì fora con nosc sorvisc. I on l Statut de autonomia sun nosta

I trei ponc de Durnwalder y Dellai Da la conferenza stampa de en mercui tl Palais Widmann a Bulsan

La reunion dles trei jontes, chela provinziala de Bulsan, chela provinziala de Trent y chela regionala de Trent-Bulsan, per laoré fora la strategia de jì “contra” Roma. (foto: ufize stampa prov. BZ)

Politica/2 - Bulsan y Trent i tira dant a Roma dantaldut trei mancianzes: - che al n’é deguna comunicazion, - che Roma ne concordeia nia a una con Bulsan y Trent la soma che les does provinzies y la region mess daidé paié per la “spending review”, - che Roma i dij a Bulsan y Trent te cie ciamp che al é da sparagné per la stabelté. A la conferenza stampa steda tl Palais Widman él gnu fora cler la unité de Bulsan y Trent te chesta protesta contra Roma, tres si presidenc Durnwalder y Dellai. “Demé da Südtirol se damana Roma n contribut per l ressanament dl

2

www.lauscdiladins.com

Stat tla mesura de 1.300 milions de euro (1,3 miliarc de euro), Durnwalder: “l Stat à investì 400 milions de euro, tout ite l setour militar, chesta soma fej demé fora n terz de cie che al se damana da nos!” Durnwalder à ence en chest iade dit plu outes che Südtirol é a una de daidé ressané l Stat, sun la basa de acordanzes elaboredes deberieda y nia enscì con ditac spontans. Dellai é a una con Durnwalder, y trami veid de bon uedl che les does provinzies y la region, de status autonom, possa pié do plu competenzes y n di ence l’autonomia dles finanzes,

“autonomia plena” é chilò l slogan. La conferenza stampa de Bulsan à cherdé adalerch trueps jornalisć y à ence trat na gran atenzion mediatica souraregionala sun i doi protagonisć Durnwalder y Dellai, y ence sun la situazion locala particolara y sun l status politichcultural che Bulsan y Trent à. (ir) Priesc d’abonament anual: per la Talia: 59,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

pert, y con chest nes bataronse.” Al é ence la poscibelté de jì dant a la Court Costituzionala? “Nos on contesté vigni mesura de sparagn dl ultim temp touta dal Stat en cont de nost bilanz dant a la Court Costituzionala. Ma i savon che les dezijions dla Court Costituzionala vegn empermò do da mez ann, do da n ann. Nos messon pu aprové d’auton, d’otober, mete su l bilanz nuef; zenza savei cie mesi finanziars che i on ne podonse mine fé n bilanz. Al é gnu dit che i désson aprové n bilanz provisor, n bilanz megher, ma cie bilanz é pa n tal, chesta proposta ne podonse nia azeté, cie taia longia é pa spo chesta, n bilanz che mess gnì comedé y amplié aldò dles dezijions che ruva adalerch. Nos volon aprové n bilanz per podei laoré, sciche dit: i son a una de dé ca valch laprò, i on bele fat nosta pert, ma valch podonse ciamò fé, ma spo méssel ester na fin.” Bulsan à damané ence na enconteda con Trent? “Con Trent n’onse bele rejoné, emportanta é chesta enconteda ufiziala anter i governs provinziai y l govern regional sun la cuestion. I damanaron da Roma avisa che al vuel ester encontedes y tratazions per laoré fora cie import che Bulsan podessa ciafé, y cie import che Trent podessa ciafé. Al sarà spo nost compit de ordiné danuef na acordanza de stabelté, al é spo nost compit de fé fora te cie setour che al sarà cie sparagn. A la fin onse na legislazion y aministrazion autonoma, chel vuel dì che mé nos fajon fora te cie setour che al dess

Cie provedimenc penseise pa sen de fé, l’economia te Südtirol ves tira dant che i fajeis massa pech? “I on bele tout provedimenc aldò. Al sarà de mete de jì les scemplifcazions burocratiches, l smendriment dl personal, ez., i assessours é ence a una de cialé avisa te si ciamps de competenza, olà che ai po sparagné. Nos on l interes de alisiré dut, scemplifiché dut, per che dut vegne plu asvelt, trasparent y a miour marcé, ma chest messonse nos spo fé - nia Roma. Ence i zitadins messarà vedei ite che l iter buricratich ne sarà spo nia plü tant asvelt y bon, sce al é manco personal.” I eis chisc dis fat fora de mete sun na pert y resservé ciamò l 3% di scioldi de bilanz, ciuldì pa? “Sce la Court Costituzionala ess da dé na nota negativa a nosc recursc, spo messonse ester a l’alteza per jì inant. Nos on te vigni caje metù sun na pert bele l 5% y sen ciamò l 3%. Per che nos ne rovonse nia ti problems con l’aministrazion y i sorvisc. I n’oron nia messei fé debic. Chesta é na precauzion, na sigurté, per che podonse ester dagnora ciamò positifs ence ti momenc plu negatifs.” Ultima domanda: sce l Statut d’autonomi a pre ve de ss a l’autonomia finanziara, spo n’ess Südtirol sen nia chisc problems... “Samben nes damanonse tresfora l’autonomia finanziara. Sce nos podésson nes aministré instesc nosc scioldi, con les entredes y les speises, spo podésson ence manajé les coutes y i dì a nosc zitadins: cialede, chest adoronse per chest servisc, y enscì inant. I savésson de nes regolé aldò de cie che i on y ence de cie che i podésson i damané o manco a nosc zitadins. L’autonomia finanziara foss n gran vare dl vers dl’autonomia plena.” (ir)

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi, Katia Pizzinini. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Per i inserc speziai, i jolantins y les ajontes, menés fora con l foliet La Usc di Ladins, respon per la forma, l contegnù y i lingac adorés, mé l comitent instes de chisc, y nia la redazion de La Usc di Ladins, l diretour de La Usc di Ladins y l editour de La Usc di Ladins. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 27 / 13 de messel 2012

Incuntada di cin’ padoans ladins Cin’ personalitês ladines che à studié deboriada a Padoa, y à dötes albü da fà tröp con la scora, la cultura y la politica ladina. Ares é rovades adöm do passa 40 agn sö La Crusc por baié de recordanzes y trus profescionai, mo inće en cört dla situaziun politica culturala ladina d’aldedaincö Porsones - Al é döt inoms plü o manco conesciüs: Erwin Valentini, Bonifazio Willeit, Carlo Willeit, Lois Craffonara y Lois Castlunger. Ći che i liëia é suradöt i agn de stüde deboriada tla Université de Padova. Sü trus s’à spo plü o manco despartì, mo impò ési romagnüs lià da n ater fatur, chël che ai à düć ciafè n tru che condüj tl ćiamp dla scora, dla cultura y dla politica ladina. Do passa 40 agn dala laurea, ési rovà adöm sö La Crusc, te na incuntada d’aorela cörta, che é stada ocajiun por recordè i agn da studënć, mo inće por baié di trus che ai é jüs, dles esperiënzes profescionales che i à acompagnè te chisc 4 dejenns. Program ofizial n’êl nia, mo tratè temesc de cultura y politica ladina foss stè d’öga; chisc à ma podü gnì atocà püch. ”Al foss stè interessant da se fà val’ idees y ćiodì pa nia inće propostes”, dij Erwin Valentini, ”mo ala fin n’éra nia plü jüda fora”. Val’ conscidraziun él impò gnü fat. Ći che an sint, é che les porsones studiades se dà jö dolarata püch cun le ladin. ”En general vëigon da pert di studià na certa fiaca - o na certa manćianza de interes por la politica culturala ladina, por le ladin en general. Da pert de chës porsones da chëres che an s’aspetass n cer’ interes, inće n contribut de chësc vers.” Na rajun vëiga Valentini magari tl fat che tröc arata che al é pö istituziuns che fistidiëia de chëstes tematiches, ”porchël ne sënti magari gnanca tan le bojëgn da fà

val’ o da se dè jö cun temesc dla politica culturala ladina”. La situaziun di ladins - dij inant Valentini - é dagnora ćiamò sotmetüda a cer’ prighi - de cer’ versc ćiamò maius co inlaôta. Al é ćiamò n gröm de cosses da arjunje, por le suravire dla popolaziun ladina sciöche comunité autonoma, por le suravire de na cultura ladina autonoma. ”Le bojëgn de idealism é aldedaincö almanco ćiamò tan gran co inlaôta”. Inlaôta êl magari atramënter che i sintîn le bojëgn, ćinamai la ligrëza da fà val’ por le ladin y i ladins. Incö él dolarata püch interes y püćia iniziativa. An s’acontentëia cun ći che les istituziuns porta inant.” De gran contlujiuns n’él te chësta ocajiun nia gnü trat, mo magari podéssel ester argomënt te na incuntada o deplü incuntades tl dagnì. Le consëi, le savëi de chi che é stà o é ćiamò diretamënter o indiretamënter protagonisć dla politica y cultura ladina po ester scrin de tesurs por n svilup tl dagnì.

Chertes de identité Erwin Valentini de Cëch de Freinademez é nasciü a Badia y vir incö a Minca. Do avëi fat le ginase pro i franziscans a Balsan àl studié linguistica y filologia, rovan ala laurea dl 1969. Da chël ann ćina al 1978 él stè dozënt de leteratöra taliana tl’Université Catolica de Leuven tl Belgio, dal 1978 al 2007

àl laurè pro la Uniun Europea a Luxemburg. Danter l’ater àl laurè dl 1978 por val’ mëisc pro la Rai Ladina, dal 2000 al 2003 él sté diretur dl proiet SPELL. Danter sües publicaziuns alda la Gramatica y le Dizionar dl Ladin Standard. I agn 2008/09 àl inće tignì cursc de traduziun ladina tla Université Lëdia de Balsan. Bonifazio Willeit d’Ansele é nasciü a La Pli de Mareo - Curt y vir incö a Balsan. Do avëi fat le ginase a Porsenù y a Balsan àl studié chimica y arjunt la laurea dl 1968. Dl 1969 él rové a Feltre, tl Istituto di Lingue Moderne, Università Bocconi, sciöche dozënt de todësch. Dal 1970 ćina al 1995 él spo stè ales dependënzes dla Provinzia, rovan ala inćiaria da diretur dl Laboratore Provinzial. Tut pert àl inće ala politica ladina, al à daidé mëte sö dl 1978 la Comunanza Ladina a Balsan y dl 1991 le movimënt politich Ladins. Dal 1988 ćina al 1996 él stè aconsiadù de comun a Balsan. Un di plü prominënć é bëgn Carlo Willeit, inće ël d’Ansele da Curt a La Pli, che vir incö te Sëlva. Le ginase àl fat a Salern, Bornech y Balsan, por jì spo a studié lege, rovan dl 1968 ala laurea. Dal 1971 al 1983 él stè dependënt provinzial, dal 1981 al 83 diretur di Ënć Locai. Dal 1983 al 1986 él inće stè a će dla Union Generela di Ladins dla Dolomites. Te süa cariera politica alda dl 1978 la Comunanza Ladina a Balsan, dal

Erwin Valentini, un di cin’ ”padoans”.

1991 incà le movimënt politich Ladins, tres chël che al é rovè dal 1993 al 2003 te consëi provinzial - dal 2001 al 2003 sciöche vizepresidënt dl consëi regional. Stè él inće aconsiadù de comun te Sëlva. Lois Craffonara dal Bocà da Longega vir incö a Bornech. Do avëi studié tl Vinzentinum àl studié dal 1960 al 64 teologia, dal 1964 al 68 spo linguistica y filologia, arjunjon dl 1972 la laurea. Dl 1968 él rové te scora a San Martin y dal 1977 al 1992 él stè diretur dl Istitut Ladin Micurà de Rü. Dal 1998 él aconsiadù scientifich dl Museum Ladin. Gragn mirić s’àl fat por la publicaziun Ladinia, de chël che al é stè fondadù y redadù ti pröms 24 numeri. Dl 2003 àl dé fora la publicaziun Flus, y à tignì cursc de toponomastica

ladina tla Université Lëdia da Balsan. Al à podü pié do deplü pesć y reconoscimënć. I nominun le Walther von der Vogelweide Förderungspreis dl 1980, le Premi Nadâl Furlan dl 1999 y le ”Ehrenzeichen des Landes Tirol” dl 2001. Por ći che reverda la politica, él rové dl 1973 tl grup politich Ladins, che s’â presentè en chël ann le pröm iade ales lîtes provinziales. Dal 1985 al 1990 él stè aconsiadù de comun a Bornech. Lois Castlunger da Grones é nasciü a Rina y vir incö a La Ila. Al à studié tl Vinzentinum y s’à spo laureè te filosofia. Al é stè por tröc agn insegnant de scora a La Ila y tl ćiamp politich àl surantut la inćiaria da secretêr dl movimënt politich Ladins.

L’üsc de stala davert Desche an à podü lì ti folieć à la Lia di paurs de Südtirol albü na buna idea da i dè ala jënt por deplü domënies la ocajiun da jì a se conscidré jö n lüch da paur Paurs - An po feter dì che la gran pert dla jënt jona ćina ai 40 agn za. (tuć fora i fis di paurs) de nosta valada n’à feter degüna idea sciöche al vëgn incö laurè pro n paur alaleria, no te stala no te majun. A passè dlungia n mêsc da paur ia vëigon ma na porsona sentada sön na mascînn che sprinza boacia te chi prà, sentada sön la mascînn da sié vara debota ite y fora, n’atra mascînn spann bagoć, oj, abiné y ćiarié le fëgn. Te majun él na grifa

che alza le fëgn te tablé a zopa. Y dan chi 40 agn gnôl döt laurè de forza a man da na scür al’atra; la miù mascînn da trà ê le ćiaval o la vaćia pro feter düć i laûrs. Chësta modernisaziun gnüda tan defüga inće te nüsc paîsc é gnüda adalerch canche an à davert sö i confins di stati che po insciö condüje y vëne sü produć olache ai ô; porchël ciafon chilò da nos te botëga inće feter döt. Jënt ne mët nia tan averda da olache la roba vëgn, madër che le prîsc y la cualité vais bun. Chësta

Tröc jogn ne sa incö nia plü sciöche al gnô laurè. (Foto: Hans Pescoller, tuta dal liber ”Val Badia - retrać y impresciuns” dè fora dal EPL, 1995)

bona idea dl ”Dé dal üsc de stala davert” pro val paurs jiss gran bojëgn da mëte en pratica inće te nosta valada, à pö tröpa jënt da incö mai plü albü da fà sön n lüch da paur.

de vila ad aboré. A tröc i sàl nia da crëie sce ai alda che val’ paur sta pa plü de döes ores te stala da doman y da sëra.

La mangiaria chersciô söl lüch

I arati che al foss gran bojëgn che an ti dess a düć i interessà la poscibilité da ciapè daite da üsc de stala y te majun por odëi sciöche le paur laora por zidlé armënć y podëi muje dé por dé de bun lat frësch y le condüje tla lataria. An vëiga bëgn i gragn auti dal lat che passa, mo nia chi che dà ca le lat. I savun che al é ma plü dër püć paurs te döta la valada che vir ma dl laûr da paur; la gran pert i va do a n ater laur d’invern y inće tröc d’isté, por avëi n dër davagn por la trà inant y mantignì la familia. Mo chësc ne basta nia: Balsan ti dà a vigni paur vigni ann na bela bambona, dëida cumprè mascînns y dortoré les frabiches, contribuć por sié prà da ćiasa y da munt. N paur po pa bëgn tlîpé codî pro tröpes vaćes ćina che al à despaié jö öna na rata de n tratur. An à lit che al é jü da püch te öna na dumënia 8.000 porsones sön valgügn lüsc da paur a s’informè sciöche al vëgn laurè; la jënt é dër interessada da aldì valch deplü sön i produć da paur por

Incö ciafon döt da cumprè te botëga: farines, pans, ordöra y verdöra, de vigni sort de jopes y de ćerns, ćiajos, sulzes de vigni früt, ćinamai balotes y cajincì arjignà da cöje, tutres, de vigni sort de pozi, pavè, salata, capüc y zetlcraut - blot mangiaries che le paur zidlâ y les patrones se fajô dandaìa instësses. Les botëghes te nüsc paîsc â ma val püćes bisineles da vëne, apëna n pîcn o n struzn de pan blanch, trëces de fighi y val vaìnes da munché. Deache al ne vëgn tla valada feter ignó plü zidlé blâ, ne sa tröc jogn nia ći che n ćiamp é, sciöche al gnô laurè, ći laurs che messâ gni fać dal granel te ćiamp al pan sön mësa. Ai ne conësc nia la blâ. Dër tröpa jënt jona n’é mai stada te na stala a ćiarè sciöche le paur ojora, muj y stridla. I armënć é feter ¾ dl ann nia da odëi alaleria, ài pö te stala söes copes da bëre, deperpo che ai gnô denant parà fora da fistì

Daurì stales y majuns

gnì lassura tan plü sagns y da sostanza che ai foss da cumprè söl post o söl marćé da paur impede ti supermarćià, inće sce ai costass deplü. Patrones podess n te dé arjigné ca mangiaria da paur da vëne che tröc nia paurs chir tan: balotes, gnoch, golasc y zetlcraut, jopa ajia y panicia, tutres y fortaies, zigher ez. Tröc foss dër ligri da ciafè cëi da paur. D’atri podess mostrè n te’ dé val’ laûr da artejan: da tiscere, da carigà, da fà scofuns, restì, cestuns y mostrè te val’ majunela massaries da laurè da naota. Por i mituns podéssal gnì arjigné jüć, da depënje, da pastlenè, da trà salć te majun, da ćiantè ez. Al è da sperè che valgügn paurs - chi che azeta inće n pü’ de bries y desturbs por n te’ dé - tòles sö chësta idea de sü compagns foradecà; ara podess fà le laûr dl paur plü conesciü. Ći che an conësc miù sàn inće da sciazè deplü. Le paur à debojëgn de gnì conscidré y valuté y daidé, sce i orun che nüsc renć y nostes pares vëgnes inant siades, coltivades y insciö mantignì la natöra plëna de vita no ma por chi che vir sön le post, mo inće che turisć vëgnes inant a passè chilò da nos sües feries y i dais insciö laûr a tröpa jënt y cumpres i produć di paurs. (Lois Trebo) www.lauscdiladins.com

3


Atualité

nr. 27 / 13 de messel 2012

Ghesć dala Nordfrisia N grup de vint porsones dai paîsc frisc dl Bundesland Schleswig-Holstein é stà otedé alalungia tla Val Badia por odëi y ćiarćé söl post les particolaritês ladines. Vijita inće ala redaziun de La Usc di Ladins a San Martin de Tor Mendranzes - Les mendranzes de lingac y cultures tl’Europa à gonot les medemes carateristiches de vita y i medemi problems por vire y svilupé so lingaz y söa vita culturala. Chësc àn inće podü gnì lassura dan otedé stan cun i frisc dl nord, gnüs adalerch por odëi olache nos ladins viun y cô che i sun sconà desco mendranza. La Nordfrisia fej pert dl Bundesland Schleswig-Holstein. I frisc dl nord, che se desfarenziëia culturalmënter y linguisticamënter dai frisc dl vest, é na mendranza linguistica, reconesciüda dala Cherta dles mendranzes d’Europa y inće dala Germania. Le lingaz nordfris alda pro la familia di lingac ingaevonns o germanics dl Mer dl Nord. Tla Germania dess aldì al dédaincö chës 50.000 porsones pro le popul di frisc dl nord (sön tera frëma y sön Helgoland), de chëstes dess baié ćiamò - aladô dla

informaziun da ciafè sön Wikipedia - ma plü chi 10.000 un di dialeć nordfrisc. I frisc à albü n iade lunch 1.300 km da desfiré por ruvé a Picolin tla Val Badia, olache ai stô spo otedé alalungia. Tratan chisc dis ài podü odëi le Museum Ladin de Tor, la redaziun de La Usc di Ladins, l’Istitut Ladin Micurà de Rü, la vila de Seres, la val di morins ta Lungiarü, la ćiasa dl Parch natural Fanes-Senes-Braies a Al Plan, la ćiasa vedla da Plazores a Al Plan y la Dlijia d’Al Plan. Dui dis ési jüs fora dla Val Badia, n dé a Urtijëi a ćiarè la Cësa di Ladins cun le Museum de Gherdëina y jì cun la funivia sön Pordù, y n dé a Balsan al Museum Archeologich (olache al é Ötzi). Tla redaziun de La Usc di Ladins él stè le diretur Iaco Rigo che i à dè ai norsdfrisc deplü informaziuns söl foliet ladin, söi idioms ladins y le ladin unifiché, y inće söla

strutöra y söl funzionamënt dla redaziun dl edemanal ladin. Rigo i à splighé ai ghesć inće la situaziun dl Rumantsch Grischun tla Svizra. Interessant él stè da odëi chisc dis tan vijines che les problematiches pro i frisc y i ladins é. Bele dala storia infora é te trami i caji la jënt gonot gnüda strumentalisada y inće trata ia y ca danter chësta y chë politica y le podëi. I frisc n’à so lingaz nia tan ancorè tla vita da vignidé sciöche i ladins, scrit y insegné vëgn le fris massa püch, por che al ess inće n dagnì plü sigü. Na “Usc di Ladins” po i nordfrisc ma se somié. Canche an à odü ći gola che i nordfrisc ti à a n edemanal fris, vëigon inće ći importanza y valüta che n te’ foliet à. Porchël dess düć i ladins inće ćiarè da fà plü bel cun so foliet “La Usc di Ladins”, na vita zënza chësc medium oress dì “ma plü püch ladin scrit y lit tla vita da vigni dé”.

Le grup dla Nordfrisia cun le caporedadù Iaco Rigo.

Aiut Alpin Dolomites Chisc dis udòven che la sajon da d’instà a livel turistich se muev y for plu y plu turisć vën te nosc raions al frësch. L joler de sucors ie unì cherdà plu iedesc per caji de prim aiut y datrai nce per caji nia tan de prëscia, ma ulache mené l pazient cun l joler ti à sparanià truep cruzi sibe al pazient che nce ala grupa de sucors. No mé tla montes ma nce te d’autri caji vëniel cherdà l joler. Nscila iel suzedù a Leifers, ulache doi lauranc che fova sun n puent a cumedé n tunel ie tumei ju per n 6 metri se fajan scialdi mel. L dutor dl Aiut Alpin ruvà do puec menuc sun l post à riesc capì che l fova de bujën dantaldut per un di doi de l mené riesc te spedel. Nscila ti àn dat la prima cures sun l post y ciarià tl joler che do puec menuc ova bele dat sëura dlongia l spedel de Bulsan. L segondo laurant ne l’ova nia tan paieda y nscila l àn menà te

4

www.lauscdiladins.com

spedel cun na ambulanza. Chisc dis àn nce fat n ntervënt, ulache, nia dalonc un dal auter, fòvel doi persones che ova de bujën de ruvé aslune te spedel. Chësc ie suzedù dlongia la Brixnerhütte, ulache l ie unì cherdà n iede per n’ëila che se n stajova scialdi mel y ova n drë mel al magon. Ntan che n ciariova l’ëila àn giapà mo na cherdeda de aiut, chëst iede da n valgun 100 metri delà da ulache n ova dat sëura. N’ëila fova tumeda ntëur zënza ne dé plu batimënt. Nscila iesen mo riesc julei a cialé de cie che l se tratova y n à ciarià tramedoves tl medemo jol per ruvé riesc te spedel de Bulsan. Na desgrazia ti crëps ie suzeduda sun la via Abraham sun Piz Ciavazes, ulache n arpizadëur fova tumà tla corda per n 20 metri firan dassënn contra l crëp. L se à fat tan mel che l ie mort sun l colp. L dutor à mé plu pudù cunstaté la mort y nscila l àn menà nchin pra streda ulache l aspitova bele i destudafuech per l

de Armin Moroder sëurantò y l mené tla capela di morc a Cianacei. Sun la Tridentina fòvel da julé a purté aiut a n ël de Treviso che fova sbriscià ora se rumpian n jenodl. Cun l ntervënt dl joler àn riesc pudù ciarië l desfertunà che do puec menuc fova bele te spedel. Datrai vëniel nce cherdà l joler da jënt che miena de avëi udù zachei n deficultà. Nscila iel suzedù sun la via fereda dla pitla Cir, ulache zachei ova cherdà su l 118 de Bulsan dijan che l vëija na persona n panich y che adrova riesc aiut. Canche n ie ruvei sun l post cun l joler àn riesc capì che i arpizadëures ne adrova degun aiut. I fova tachei tla corda y dajova dessënn sëni cun i braces che dut va bën. Nscila àn inò dat ëuta y ie julei ora a Puntives tla zentrela.

Dancà y da na pert Uedli y oredles daverc sun la sozieté ladina d’aldidancuei Ilse Runggaldier Polizai de Chemun a Urtijëi

US C: Ëis’a b ele fat straufonghes ncuei? Ilse Runggaldier: No, ncuei mo deguna. Co sëis’a ruveda pra l lëur da polizai? A Urtijëi crivi zachei. Ie me é nunzià y son unida tëuta. Dant éi laurà tla butëiga da Fëur, cater ani alalongia sons stata iló. É for bele abù nteres per l mestier da polizai, ma ne ove nchinamò mei abù l’ucajion, che se à pità sën. Y nscila sons te mi ncëria nueva dai 25 de juni incà. Dant ons rujenà de straufonghes. Ma sambën saràl plu lëures da fé. Ciuni pa? L ie da cialé do la lueges ulache l vën fabricà, per cialé dla segurëza sun l lëur y che l vënie tenì ite i tëmps dac dant dala lizënzes de fabriché. Pona iel l cuntrol dl marcià, ulache cialon do la lizënzes che duc muessa avëi. N auter cuntrol ie chël dla maroca, ulache cialon pra i containeri che l vënie metù ite dlonch la drëta roba y che l ne vënie nia lascià pestaria dlongia i containeri. N auter cuntrol ie chël dla residënza, ulache jon a cialé sce la jënt viv bën tla cëses. Ma ne fajon nia mé cuntroi. Sambën ie l gran lëur chël de avisé l trafich, per garantì la viabltà tl luech. De tanc sëis’a a Urtijëi? Son de cater. L cumandant ie Oliver Kostner, pona iel Karl

Runggaldier, Fabio Luzi y ie. Ve à pa Vosc cumpanies azetà, nce dal pont de ududa che sëis n’ëila? Sci, scialdi bën, duc mi cumpanies, nce duc i autri cumpanies de Chemun. Iel pa vel’ reazion particulera di ëi de viers de Vo? No, perdrët ne n’éi mo fat deguna esperienza negativa. Cuntëis’a mpue’ de zeche de Vo? Son nasciuda tl 1983, sté a S. Cristina sun Plesdinaz, mi oma ie Gertrud Prossliner da Sacun, mi pere ie Klaus d’Aldos. É mo na sor de cater ani plu jëuna, Lea, che studieia a Viena tl ciamp dl’ert. Mparà éi a depënjer figures do la scola mesana. N set ani éi nce fat chël lëur y pona éi mudà sun i purtoies dai schi via n Fascia pra la Crëusc Cuecena, ulache é fat sucors sun purtoi; chësc doi ani alalongia. Y pona sons unida a Urtijëi a lauré te butëiga, coche dit. Vosc hobbies? Dut chël che à da n fé cun l sport, ma dantaldut jì cun i schi d’inviern y nce for mpue’ de palestra. Pona iel mi cian Asta, n Labrador de set ani, cun chël che son truep dedora y for n muvimënt. Ntervista de David Lardschneider


Université

nr. 27 / 13 de messel 2012

Con inovazion tl laour sozial

Se arjigné denant a la université

Robert Vorhauser fej l master de ”Inovazion tla Enrescida y Pratica tl Laour Sozial” tla Facolté de Scienzes dla Formazion. Na intervista

La preparazion a la université pòn sen bele fé da la cuarta scola auta. Tl davegnì ne vegnirà nia demé maturanc touc su ti cursc de lingaz da d’isté dla ULB a Bulsan; ence studenc dla cuarta classa de scola auta à la poscibelté da frecuenté n curs de lingaz. Te n temp de cater edemes pò joegn mioré sies conescenzes de todesch, talian y ingleis. I cursc de lingaz d’isté à l fin da arjonje l livel de referiment B2 tl talian, todesch o ingleis, ajache la padronanza de doi lingac é condizion per la iscrizion a n stude dla Université Ledia de Bulsan. Te chest ann pò per l prum iade ence studentes y studenc dla cuarta scola

Trent laore da 10 agn sciche assistent sozial tl distret sozial da Maran. Mia enciaria m’à porté empruma da l’acompagnament y consulenza de families y minorens enfin a la consulenza de adulc. Da 6 agn encà sonse laprò responsabl per les strutures soziales tl ciamp dles dependenzes dla Comunité Comprensoriala dl Burggrafenamt.

Robert Vorhauser.

Cie esperienzes profescionales eise pa bele podù fé dant l meteman de Vost stude tla Université de Bulsan? Do mi stude tla Université de

Percie eise pa cernù l master IRIS? Al fova bele da temp mia intenzion da me formé profescionalmenter. Propi do n temp de laour plu lonch él endò emozionant da se dé ju a livel universitar con temesc dl laour sozial. L master IRIS fova dret de uega, per cie che dlongia la vejinanza locala vàl ence plu sot tl laour sozial. Co ves plej pa l stude? Al me plej l tentatif da crié n liam anter teoria y pratica. Esperienzes pratiches pò y dessa vegnì portedes

ite tl master y dessa vegnì clerides con i svilups teoretics atuai. Esperienzes pratiches arichesc l confront teorich tla université. Enscì nascel na interazion reziproca y vantajosa. Co seise pa bon da giaté na balanza anter stude y laour? Al ne fova y ne é per me nia tres scempl da giaté la balanza anter stude, familia y laour. Per l master ae giaté da mi datour de laour vacanza de formazion, laprò me sostegn ence mia fomena. L stude enstes é conzepì a na moda che les p ersones che laora p ò prinzipalmenter frecuenté. L stude se lascia perchel fé ence da persones che laora.

auta dé ju i ejams de lingaz, ajache n zertificat de lingaz pò vegnì adoré do la matura per la preiscrizion a la ULB. I cursc de lingaz vegn tegnis dal 31 de messel ai 24 de agost, dal lunesc al vender tla senta prinzipala dla université a Bulsan, te blocs de cater ores. Per l curs él da paié 200,00€. La iscrizion pòn ciamó fé anter i 20 de messel. L numer de partezipanc é limité. Informazions giaten pro la Consulenza di studenc al 0471/012100 o a la mail study@ unibz.it. I ejams de lingaz vegn fac - 17 de messel (y dis dedò iscrizions anter 13 de messel) - 28 de agost (y dis dedò)

Cie voleise pa fé do avei sclut ju l master? L stude arichesc mia confrontazion profescionala sun temesc concrec dl laour sozial. Ie me dejidreie che ala vae enant enscì.

Master te Innovation Engineering Da d’auton dl 2010 é pié via l master paralel ala profescion, che se oujova a dirigenc ti ciamps plu desvalifs. N valgunes domandes al partezipant Sebastian Kurz, diretour tecnich tla firma Karl Pedross Samben fòvel na ciaria emplù. L conzet prevedova da tò pert a les lezions vigni does edemes, con laprò distance learning tles autres fins dl’edema.

Vos seis diretour tecnich - tant ves à pa daidé l program dl master per vost laour? Les lezions à daidé amplié l orizont. Ie vegne da l setour tecnich y sen ài ence giaté p.ej. na vijion de temesc sciche venuda, marketing y controlling. Particolarmenter de arichiment ài sentù la materia de manejament di projec. Na condizion per tò pert al master fova trei agn de esperienza tl manejament. Àn sentù chest tles discuscions pro les lezions? A pora nia. Nost grup fova dret eterogen, y enscì fova vignun ben n spezialist te si ciamp, ma ne conesciova feter nia d’autri ciamps. Les discuscions con i colegs é stedes na pert de valuta dles lezions. Rejonon dla creazion de na rei. Scì, nos duc son te nost laour tant emplis fora, che an se desmentia tan emportant che al é da crié na rei con i dirigenc de autres imprejes.

Sebastian Kurz à cernù l Executive Master tla Facolté de Scienzes Naturales y Tecnica, che al scluj sen ju con n laour de projet.

Enscì nàscel sinergies che dura enant soura l temp de stude fora. Chest program paralel al laour dura 20 meisc. Co s’à pa lascé lié laour y stude?

Motiveia pa i contegnùs dl master da fé mudazions te Vosc laour da vigni di? Scì, ajache a la nen va tlermenter da giaté fora potenziai inovatifs te vigni impreja. Nos òn giaté te chisc meisc n orizont ampl, ence sce 40 ores per materia é n puech strent per n aprofondiment. Ma duc conesc sen la prozedura per prozesc de mudazion inovatifs y olache al pò aprofondì temesc. Cie ves toleise pa para? I à emparé da conesce d’autri ciamps dl manejament dla impreja y pò sen i capì da miec. Per mi é la creazion de na rei dret emportanta. Da mia tesa finala me aspete tres l acompagnament profescional ciamó n input emportant per mi laour.

Chest ann pò ence i studenc dla cuarta scola auta tò pert ai cursc de lingaz.

L ejam de stat é despassé Sies studenc à sclut ju con suzes l ejam da agronoms y economics forestai tla Facolté de Scienzes Naturales y Tecnica Da l ann passé encà é la ULB na senta reconesciuda per chisc ejams y à enchinamai podù pité per doi candidac l ejam per todesch. L ejam de stat per la sezion A y B dl ordin di agronoms y economics forestai é metù adum da does perts scrites, una pratica sciche ence una orala. Al ejam oral de na mesora s’à sotmetù sies studenc dla Università degli Studi di Padova e Udine, dla Universität für

Bodenkultur da Viena y dl bachelor de Scienzes y Tecnologies Agrares dla ULB - Anton von Longo Liebenstein. ”Ajache i sies candidac à duc despassé l ejam, pòi sen senté ite tl mestier de si stude. Per l prum iade se à n candidat ence lascé ejaminé tl ciamp de biotecnologia”, à splighé l prof. Stefano Cesco, vize-degan dla Facolté de Scienzes Naturales y Tecnica.

En colaborazion con la Université Ledia de Bulsan

Studié tla Université Ledia de Bulsan Enfin ai 20 de agost va la fasa de candidatura per i studes bachelor tla ULB Al vegn pité entratant 11 studes bachelor per maturanc ti ciamps de economia, turism, sozial, formazion, agrara, enjignaria, informatica y design. Laprò vegnel studes master y de dotorat: l program de stude avisa pòn vedei online. Con l ann academich 2012/13 pò duc i enteressés che à n diplom de maturité endò se scrive ite al Studium Generale y tò pert a

lezions de etica, savei - online, iurisprudenza, scienzes naturales, storia regionala y lingac. ”Chest troi de formazion onse svilupé per duc chi che vuel tò pert a lezions y discuscions universitares”, dij l retour Walter A. Lorenz. La carateristica de stude plu emportanta dla ULB é y romagn l insegnament te trei lingac todesch, talian y ingleis: ”L trilinguism de nosc studenc vegn

tl davegnì zertifiché con n document, che ti vegn sourandé deberieda con l diplom de bachelor o master. Per concretisé chest travert ambizious, damanonse dai studenc che se scri ite bele de bones conescenzes te doi di trei lingac de lezion. Tl terzo lingaz pòn mete man ence zenza conescenzes particolares”, à splighé l prof. Konrad Bergmeister, president dla Université.

En pé dmc: i membri dla comiscion de ejam - dr. Nicola Tomasi, prof. Stefano Cesco (ULB), dr. Giovanni Martinelli, prof. Matteo Mario Scampicchio (ULB), dr. Heinrich von Lutterotti (president dla comiscion), dr. Josef Rungger, dr. Matteo Salaorni. Dantcà dmc: 5 di 6 candidac: Anton von Longo Liebenstein, Giuseppe Fazio, Alessandro Condini Mosna, Martina Bodner, Andreas Franz Platter. www.lauscdiladins.com

5


Atualité

nr. 27 / 13 de messel 2012

Te Fascia n film con Erri De Luca La scenes de “Il turno di notte lo fanno le stelle” é states toutes jù sun Pordoi, Rodela, sal Vaiolet, tel refuge Salei e a l’Hotel Arnica de Soraga. Regist l’é Edoardo Ponti e tel cast l’é Nastassja Kinski, Enrico Lo Verso e Julian Sands

L’ator Enrico Lo Verso col scritor Erri De Luca.

Film - La val de Fascia se à mudà chisc dis passé te n set cinematografich a ciel avert. I paesajes da encant, i ciantons tradizionèi de nesc paìjes e i spic più auc de noscia monts l’é stat la location del cortometraje dal tìtol “Il turno di notte lo fanno le stelle” tout dal nef liber scrit dal cognosciù scritor e alpinist Erri De Luca. La regìa del film la é de Edoardo Ponti, fi del produtor cinematografich de nonzech Carlo Ponti e de l’atora Sophia Loren e l’é prodot da Silvia Bizio e Paola Porrini Bisson tras sia compagnìa OH!PEN. L film, che vegnarà prejentà chest uton al Festival del Cinema de Roma, l'é stat realisà de gra al sostegn de la Trentino Film Cimmission e de Trentino Marketing. La produzion esecutiva la é de Decima Rosa Video srl de Trent e l’é stat fat per talian e ingleis. Chest percheche l cast l’é internazionèl: Nastassja Kinski, che spilenea endodanef per la televijion

dò 10 egn, Julian Sands, cognosciù ator american che à lurà te n muie de film desche “Boxing Helena”, “Via da Las Vegas” e “Stargate SG1” e Enrico Lo Verso, ator palermitan che à lurà te desvalives film de Gianni Amelio e de Ridley Scott e che l se à dit “n teron anter i monc” sul set te Fascia. Apede a chisc atores l’é ence Erri De Luca che l fèsc la pèrt de Lois, l gestor de n refuge.

La storia L liber de Erri De Luca conta de n om solarin, Matteo (interpretà da Lo Verso), e de na fémena maridèda Sonia (Kinski) che se cognosc te ospedèl ajache duc doi à abù na operazion al cher; Matteo vif ades de gra al cher de na fémena. Con Sonia, sia compagna de malatìa e de varijon te ospedèl, i se empromet de jir a se tor deretorn la vita e i dezide de jir a rampeèr

L scritor Erri De Luca lascia sia firma sun parei de la cambra de l’Hotel Arnica.

Atores, regisć e scenografes ensema a Silvana con te brac la pìcola Gaia e Marco e Silvija Pederiva de l’Hotel Arnica.

sul Ciadenac. L’é na storia de vita che auza fora l simbol del don e del rengraziament. L spiz che i arjonc ensema l’é la ponta da olà peèr via per la vita ciapèda deretorn.

L film é stat śirà ence te Fascia L scritor Erri De Luca l’à n leam fon con Fascia e l’à volù che la scenes del film leèdes a la mont vegne śirèdes proprio te noscia val. “Te mia storia doi persones à abù n intervent a cher avert e sobito, te mia imaginazion, é pissà che l post mior olà varir da chesta ferides fossa stat la Dolomites, gé enstes passe chiò mie mior temp ledech” l’à dit De Luca. Per dut l temp de la ripreses, la troupe é stata ghesta a l’alberch Dolasilla a Vich da olache i atores pontèa demez per jir sun Pordoi, sun Rodela, sul Ciadenac. La scenes sa mont é states toutes jù ti Refuges Vaiolet e Salei e cheles ti paìjes é states śirèdes gran pèrt a Soraga e a l’Hotel Arnica. “Sion stac te Fascia a brinchèr con duta la forza l vent e la nìgoles – l’à dit Erri De Luca – con n temp che dalbon ne à dat gran intensità e intimità a la scenes”. Su la Dolomites Enrico Lo Verso e Nastassja Kinski, i atores protagonisć, à emparà a rampeèr: “Son dassen contenta de aer podù fèr chest film – l’à dit Kinski – me vegn tel cef i momenc con Enrico canche se aon troà taché su tel vet, te na scena che fin ades aee vedù demò ti documentaries, aon tacà a grignèr e no eraane più bogn de lascèr ló, l’é stat beliscim”.

cultura, i é stac n muie ascorc a duc i particolares, tant te sala che te cambra: la sistemazion di desć, de la mobilia, i colores de le coltrine, perfin i cadres, te cambra i à volù l cader con su l’agua del Tirol. Gio e Marco sion contenc de ge star dò a dut chel che i domanaa, enceben che aane jent te hotel e per na dì entrìa aon cognù revoluzionar sù dut, ma i ghesć à entenù e i à abù pazienza e per noi l’é stat na gran bela sodesfazion.” Ence la Procuradora del Comun general de Fascia Cristina Donei se à troà coi atores e regisć endèna che i śirèa a l’Hotel Arnica. “Cognosce Erri De Luca da canche desche assessora de Comun endrezae “Moena Incontri” – l’à dit Cristina Donei - e é volù jir a l saludar personalmenter e a inom de duta la val. L me à dit che te Fascia i se à troà n muie ben, i à podù śirar de beliscime scene e i é contenc del resultat.” A fèr da comparse l’é stat ence i patrons del refuge Salei, teater de vèlch scena. La troupe é jita a tor jù ence i ciantons particolères del Sester e de Soraga Auta inant de se tramudèr a Roveredo olache i à endrezà l set tedant a l’ospedèl de Sènta Maria del Chermin.

L projet L projet l’é spartì te doi pèrts: l film “Il turno di notte lo fanno le stelle” de presciapech 18 menuc e n documentarie “Conversazioni all’aria aperta” de 40 menuc. Chest documentarie, che vegnarà dat fora

ensema al film, mena i protagonisć a pissèr sora ai argomenc uzé fora desche trapiant e donazion de orghegn, i monc, l raport om e fémena e om e natura, metan al luster la vita e l pensier de Erri De Luca e de dut l cast. De Luca defat l’é l leam de na lingia de scontrèdes e de dialogs a l’averta, anter la Dolomites: na ciacolèda de spontan tedant a na chichera de café o de vin boì, a cèsa de la scritora Roberta Dapunt e del zipiador Lois Anvidalfarei, na spazierada col cognosciù rampinador Pietro Dal Pra, donator de megola de os e president de la sociazion per i trapianc, Nives Meroi e Romano Benet.

Erri De Luca l’encanta ence sul Vaiolet L scritor e alpinist De Luca é stat protagonist enstadì ence de “I Sons de la Dolomites” sun Vaiolet olache se à binà passa doimile persones per l scutèr. Chiò l’à rejonà ence del projet del cortometraje “Il turno di notte lo fanno le stelle” e del segnificat del don. Descheche l poet ge “dona” sia poejìes ai scutadores, coscita l’om ge dona a l’auter ence canche no l veit l segnificat de chest segn. Erri de Luca l’à recordà a chest propojit l’empegn de Emergency che à avert n zenter de ezelenza per la operazions al cher a Karthoun tel Sudan, l soul te duta l’Africa. Monica Cigolla

La bela acolienza e la desponibilità di patrons de l’Hotel Arnica

La firmes di atores lascèdes sun parei.

6

www.lauscdiladins.com

Silvana Pederiva e sie fi Marco, patrons de l’Hotel Arnica de Soraga, i é stac dassen contenc de aer podù meter a la leta sia strutura per la produzion de chest film. “L regist Edoardo Ponti l’é proprio na persona a la man e gustégola – l’à dit Silvana – ensema a la produtora e la scenografa i é vegnui dotrei oute a veder co se meter jù per śirar le scene. I cerìa n ambient tradizional, da mont, leà a noscia storia e

Erri De Luca con si compagnes del film sun Vaiolet à rejonà tedant a passa doimile jent.


nr. 27 / 13 de messel 2012

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Ert ta La Bula

Cialé do i cuatieres

Te na mozion se damanda i Freiheitlichen de Sëlva che l vënie cialà do i cuatieres cunvenziunei. Tres n cuncors de ideies iel unì cris ora n’opra d’ert per abelì l puent ta La Bula te Sëlva. La iuria à cris ora l lëur de Otto Plata de Chemun de Gherdëina Piazza Sëlva Chemun - Te Sëlva iel na senteda de Chemun, n merdi ai 17 de lugio dala 19.00. Chësc ie l odenn dl di: 1. Comunicazions dl ambolt. 2. Nterugazion dla grupa de Cunsëi "Die Freiheitlichen" aldò dl art. 12 dl regulamënt ntern: Costruzion dla Cësa de Paussa S. Elisabetta te Sëlva. 3. Nterugazion dla grupa de Cunsëi "Die Freiheitlichen" aldò dl art. 12 dl regulamënt ntern: Mozion da pert dl Chemun de Sëlva di 13.04.2011 - cuntrol di cuatieres cunvenziunei. 4. Dé pro l rëndicont dl ann finanzier 2011 di Destudafuech ulenteres de Sëlva. 5. Ejam y dé pro dl cont finel per l ann finanzier 2011. 6. Mudazion al regulamënt cumenel per l’aplicazion dla chëuta per la gestion dl refudam dla cëses. 7. Mudazion dl articul 23 dla normes de atuazion al plann

urbanistich cumenel. 8. Sentadoies Dantercëpies S.p.A. - Sëurandata dla realisazion y dl manejamënt dl garasc y locai che toca leprò pra la stazion nueva japé dl mplant portamont

„Dantercëpies“ aldò dl art. 16 dla L.P. nr. 13 di 18.08.1997. 9. Dé pro dl statut per la plata de chemun di chemuns de Gherdëina. 10. D’uni sort.

Te Sëlva iel n merdi senteda de Chemun.

Plata de Chemun La ie tosc tan inant. Finalmënter vëniel ora na plata de Chemun a livel de valeda! Nscila se mpënsa n valguni. A nëus dla USC nes sà chël nia tan bel. Y niancanó drët. Ufizialmënter ne l dij deguni, ma te plu de una na ucajion nia ufiziela iel stat da audì che n uel tò y tres la USC, te Gherdëina. Critica costrutiva y cuncurënza ie una na cossa, y i privac possa fé cieche i uel. Na cuncurënza privata porta povester nce pro a ti dé mpulsc nueves al mond di media ladins. Ma che l’aministrazions publiches ladines ne desmostra nia la drëta sensibltà de viers de n organn de nfurmazion coche la USC, che giaperà te n valgun mënsc l pest nternaziunel Claus Gatterer per si mpëni tla nfurmazion ma nce tla rujeneda y tla cumenanza, ie

bën da muië. Sambën che l vën dit che tla plata de chemun a livel de valeda saràl mé dac y cuestions aministratives, ma chël ie mo dut da udëi. La USC ie na plata de cumpartezipazion, chël uel dì che truep articuli vën scric dala jënt. La USC ie nscila nce for stata davierta al’aministrazions de Chemun, per nfurmazions y articuli d’uni sort. La USC à nce fat la pruposta dan plu ani de cialé de na cunlaurazion danter USC y Chemuns, ulache n metova a despusizion know how, tecnica, njins, strutures y logistica. La pruposta valëssa mo for. Śën vëniel ora na plata de Chemun de valeda . Cun finanziamënc aldò da Trënt y/o da Bulsan. Scioldi che n ëssa nce

pudù ti dé a La Usc di Ladins, tenian cont dl mesun y dl’ublianza aldò dl Statut de Autonomia, articul 102, che dij che la jënt ladina à l dërt dla valorisazion de si scumenciadives y ativiteies de stampa.

Sëlva - L Chemun de Sëlva ova bele dan n valgun mënsc scrit ora n cuncurs per la realisazion de n lëur artistich sun l puent per chëi dai schi “La Bula”. La tematica fova liedia, ma dassova avëi n liam cun l ambient y l raion ntëurvia. Per chësc cuncors iel unì nvià i artisć dl raion a fé pea. De ndut iel unì dat ju diesc lëures; nteressant iel stat a udëi che truep lëures se semiova. I diesc artisć che à mandà ite si idea ie Oskar Mussner, Gabriella Ploner, Hugo Senoner, Isabell Pitscheider, Jonas Senoner, Roland Perathoner, Otto Piazza, Adolf Vinatzer, Samuel Perathoner y Leo Ferdinando Demetz. La iuria metuda adum dal ambolt Peter Mussner, dai assessëures Lukas Plancker y Andrea Mussner, dal espert Josef Perathoner, dala presidënta Thea Blaas, artista y nsenianta, y dala studënta d’ert Karin Bernardi d’Alësc, à ulù ti sëurandé l prim pest a Otto Piazza. Ël à metù sun tët dl puent i profii de un che va cun i schi y de un che va cun l snowboard. Chësc ti à plajù l plu de duc ala cumiscion. Segondo tlassificà ie Samuel Perathoner, cun la mutivazion dla iuria che i liniamënc dla figures mostra

La cumëmbra dla iuria Karin Bernardi, a man cianca, y la presidënta Thea Blaas.

l’evoluzion storica di purtoies dai schi y ie ntegrei bën tl ambient. L terzo pest ti ie jit a Isabell Pitscheider: „La figures de dumbria se lascia muever sun scines, a na maniera che chëi che passa via l puent possa spusté chëi che va cun i schi y l crëp coche i uel,” nscila la iuria. L lëur de Otto Piazza unirà fat ti proscimi mënsc. (tb)

Ala fin ulëssi mo tò l’ucajion de rengrazië de cuer duc Vo letëures che tenieis da nëus, che bruntlëis y critichëis nce unitant, povester nce cun rejon plu che un n iede, ma l fajan tres na critica che ie mpue’ sciche craunië un de familia o n cumpani, dajan nce vel’ cunsëi y tenian ala fin dla finedes mpo for da d’ël, coche tenieis inant da La Usc di Ladins. Chël ie zeche de bel, che nes fej bon. David Lardschneider

L’idea de Otto Piazza ie unida premieda cun l prim pest y unirà realiseda ti proscimi mënsc.

Vita a Urtijëi Tl zënter de Urtijëi vëniel al didancuei pità truepa manifestazions cultureles ma nce de cumpania, mpurtantes dal pont de ududa soziel ma nce dl turism de Gherdëina Cumenanza - Te Gherdëina n generel vëniel ti ultimi ani pità for plu y plu manifestazions cultureles, ma nce de aurela curta, per ravivé la cumenanza ma nce per ti dé n mpuls al’uferta turistica dla valeda. Chëst’ena ulons prejenté n valgun mumënc dla vita soziela de Urtijëi, ulache l ie ultimamënter stat la segra cun i Destudafuech che à urganisà a puntin la festa sun Plaza de Sant’Antone, pona iel stat l cunzert di Nolunta’s cun Tobia Dellago y d’autra scumenciadives nteressantes y dalaibon, ulache jëuni y chiche se sënt jëuni a pudù passé n valguna ëura deberieda, s’la ciaculan, s’la rijan y fajan cumpania. David Lardschneider

Tobia Dellago cun i Nolunta’s.

I Destudafuech à urganisà a puntin.

Beatus inter feminas pulchras.

Do truep ani à inò giaurì la ustaria di Ianesc.

Mutans cun na drëta hez. www.lauscdiladins.com

7


Gherdëina

nr. 27 / 13 de messel 2012

“Canche l on udù fòvel na persona, sciche uni autra!” Ntraunides y stories nteressantes de y ntëur al pilot american che fova unì stlupetà ju cun si julier ti ultimi ani dla viera y che fova unit ju cun l para te Val d’Ana a Urtijëi

Florian “Flëur” Pitschieler.

Storia - Tla ultima edizion dla USC ons publicà l segondo articul n con’ dl bomber american che fova unì stlupetà ju dala Flak y dl pilot american che fova unit ju cun l para a Urtijëi. L ’ena passeda nes ova Hubert Holzknecht da Martin dat plu nfurmazions nteressantes. Ti dis passei iel pona mo passà te redazion dla USC Florian Flëur Pitschieler de Lina o da Nudrëi de Urtijëi y Arnold Lardschneider de Urtijëi. Rengrazion mo n iede nce tres la USC per si testemunianzes nteressantes, sibe n con’ dl julier tumà ju ora n Ciani y dl pilot unit ju a Urtijëi, che per la nfurmazions y anedotes che à da n fé n generel cun i ultimi ani de viera te Gherdëina.

Florian “Flëur” Pitschieler Bera Florian Flëur Pitschieler ie nasciù tl 1929, si oma Lina ie stata carant’ani alalongia la cuega dla polizai y di carabinieri a Urtijëi. Flëur de Lina ie perchël nce ti ultimi ani de viera stat te caserma, y sà da cunté plu avisa. N con’ dl culëur dla pel dl pilot american rata bera Flëur che l ne fova nia n fosch o mulat, ma che l culëur dla pel y i ciavei ie mé nscila ajache brujei dal fuech che l fova rot ora tl julier. I doi dovia, dij Florian Pitschieler, ne n’ie nia saudeies ma jandarms, ntlëuta ti dijòven la “Schutzpolizei”; l se tratova de tudësc da laora. L n fova mé n doi o trëi de chisc jandarms a Urtijëi. “I ne fova no miec no piec che d’autri jandarms, ma unfat coche i autri,” dij Pitschieler, che njonta de ne cunëscer deguni di jëuni da udëi sun la fotografia da udëi mo n iede pra chësc articul. Ma l sà da dì avisa che “chël a man ciancia dancà, cun la brea stluta japé, y l semea nce chël dovia ascundù, ie taliani paracadutisć dla Divisione Folgore dla Republica de Salò, che fova sa “La Zecca”. Chisc stampova scioldi, lires, per i tudësc do l 1943. De ndut rata bera Flëur de se lecurdé che l n fova cater dla Zecca, unic adalerch a Urtijëi tl 1943. N con’ dl julier stlupetà ju sëura Urtijëi ma tumà ju ora n Ciani a San Piere sà Pitschieler da dì cun segurëza che l se tratova de n bomber B 29, “la superfurtëza”, coche n ti dijova. L pilot american

8

www.lauscdiladins.com

fova unit ju cun l para te Val d’Ana, coche ova bele cuntà Hubert Holzknecht da Martin, iló ulache l ie ncueicundì la ustaria de Pauli, y ulache l fova plu lerch da dé sëura. L pilot fova unì menà ora a Urtijëi, te vedla caserma di carabinieri, ulache l ie l fabricat de Chemun al didancuei. Iló fòvel unì tenì giut per respuender a truepa dumandes. Un di puec che savova nglëisc fova ntlëuta Josef Mauroner de Urtijëi, ad saeculum bera Śepl da Gustin, pere de Lotte Mauroner dl Corso y nëine dl patron da śën dla ustaria, Moritz Senoner. Bera Śepl, nasciù tl 1896, savova nglëisc, conta si muta Lotte cuntateda dala USC, ajache l ie jit truep ncantëur te si vita, fajan danter l auter nce l diretëur de hotel tl furest. L savova da rujené truepa rujenedes, gherdëina, tudësch, talian, nglëisc, franzëus y rus, che l ova mparà ajache l fova stat cin’ ani te perjunia di rusc do la Gran Viera. “Oradechël savòvel mo na rujeneda, ne me lecorde nia plu avisa ciuna, danter rumen y cech.” Nsciuma, bera Śepl da Gustin ie stat n gran poliglota. Flëur Pitschieler conta che i julieres julova da Mont de Sëuc ca, iló ulache l ie al didancuei la stazion lassù dla furnadoia. “Te chëi tëmps me sàl de lecurdé che l fova passà te doi-trëi dis de ndut 9 julieres americans. Do che la Flak n ova stlupetà ju un ài pona mudà la trassa, unian do Saslonch ca y stajan plu inite per unì pona da Resciesa ora, a na maniera che la Flak de Laion ne fossa nia stata bona de i tuché,” conta Pitschieler. Ntlëuta fòvel i “Beobachter”, chëi che scrijova su tan de julieres che l passova, de ce sort che i fova, ciuna cëria de bombes che i ova, y dut ntëur la nozions tecniches di julieres; nchin ai 8 de setëmber dl 1943 fòvel taliani, dopro tudësc. Nce Pitschieler fova jit ora n Ciani: ”Fove jit te na gran ela dl julier, y ngali vëiji na man cun n tòch de brac.” Bera Flëur se ova tëut pea na roda, cun chëla che n ulova pona fé soles de ciauzei, ma les fossa pona garatedes massa grosses y nscila nia adatedes. Na anedota cóntel de coche la fova jita a unì da San Piere ite: “Ruvei dal Rabanser, n luech da paur de San Piere, nes ie la roda muceda. “Ocio che la maza mo zachei!” ans dit. Y la roda burdlova ju per ch’i ronesc cun n drë’ sgors, ju sun l troi dla ferata, ulache la se ova fermà,” nscila Pitschieler; ël y l Schnarf, fant ora da bera Gottfried de Dos, ova tacà ite la roda pra doi cordes per la mené a cësa. Do che la fova burdleda ju la ovi meneda pra stazion dla ferata de San Piere. Pitschieler: “L capostazion Rocco - si muta viv mo a Urtijëi - ne se nfidova nia a lascé mëter la roda sun la ferata. Ma ngali se n fova i saudeies tudësc che fova iló de verdia jic, y nscila ans auzà ite la roda te ferata y ite a Urtijëi.” La fova n generel nscila che i jëuni dl luech ti jiva permez a julieres tumei ju. Dantaldut jivi a crì “Kugellager” da fé moles per

chiche zipla y per i tistleri. Zeche Bastl fajova chësta moles. Pitschieler se lecorda che i “Kugellager” di julieres americans tumei ju te Gherdëina univa duc dala Svezia. Uni julier ova n’autra mesura de “Kugellager”, ma te un n julier n fòvel for na gran cumpëida. I jëuni vendova pona chëi che i fova boni de se tò pea. L fova priculëus a jì te joler. Pitschieler se lecorda che te julier fòvel n gran mitra ciarià de colps de 20 cm. “Mo plu che a tò “Kugellager” jiva i jëuni a tò colps. Tulan ora l polver y l fajan sauté!” conta bera Flëur dl hobby mpue’ extra de chëi dis.

Arnold Lardschneider: “N marzian!” Nce bera Arnold Lardschneider de Urtijëi ie unit a nes crì te redazion dla USC. Ël ie dl ’32. Lardschneider: “L fova frëit, ie rate che l fova tl ’44, ma l pudëssa nce vester stat tl 1945, ne son nia segur. Nëus fan te scola, sun Plaza de San Durich. Nosta maestra fova Elsa Runggaldier da Passua. N chël di ti cialans su al pilot che univa ju de viers dl Crist de Col de Flam. Da scola su fòvel da udëi plu suvënz julieres che passova, ades uni di, y do n struf ne se fajans nia plu gran dainora. Ma cieche nes ova pona sapù da stramp nteressant fova l pilot american che univa ju cun l para. Ne fan nia stai boni de sté te tlas. Ie y mi cumpanies, me lecorde che l fova David Moroder de Gottfried y Oskar Moroder da Pradel, fan sautei ora de tlas y via y su per Plajes y ite de viers de Val d’Ana, che udan che l pilot univa ju te Val d’Ana. Ulan jì a ti cialé al american. Nosta maestra univa mata: “Nein geht nicht hinaus!” svaiòvela, che l ie pu pricuëus, ma per nëus fova dut massa nteressant, che ne audian nianca no che la bruntlova. Canche fan iló ulache l ie al didancuei la stazion japé dla furnadoia de Secëda, unìvel bele n trëi polizaies cun l american da laite ora. L pilot ova i ciavëi brujei y l ova n tòch de pel che tacova ju dala massela a man drëta, che la fova brujeda,” conta bera Arnold. A d’ël y a si cumpanies ti savòvel da stramp na granda che l american “jiva normal, l cialova ora coche na persona, cieche nes à a nëus propi fat scialdi marueia.” Chësc a desmustrazion dla gran propaganda che l fova ntlëuta. “L univa dit che i americans vivëssa ti gran bòsc (“Urwaldmenschen”) y che i ciauniova gumi! L nes savova de udëi n marzian, ma mpo dut ntëur na persona normala. Chësta ie la majera mprescion che on abù!” Dl pilot ne ova Lardschneider nia plu sapù na drëta: “I ova dit che i l ova menà a Bulsan, ma cieche l ie de vëira ne séi nia da dì.”

L julier ora l Falzutter Chësc nes à cuntà Arnold Lardschneider n con’ dl pilot

L pilot american a Urtijëi.

american unit ju cun l para a Urtijëi. Ma mo na esperienza ova Lardschneider abù de chësc viers: “Fove te chëi ani a Tenurz a vardé. L fova na grandiscima sëcia. Me lecorde che i fova jic cun crëusc cun l pluan Mons. Engelbert Comploi dla Lores, che jiva danora a ciaval. I jiva ora n Jevun per prië che l pluëssa tosc. L ne fova tan che deguna pastura, messan tlupé ju fueia dala sienes y dai lëns per avëi mpue’ de vejeladura per l bestiam. Fan iusta dlongia l luech dl Falzutter a tlupé ju fueia da sienes de rincioles, canche on udù n julier che fova jit ite per i ëures de San Michiel y ova lascià ju n doi-trëi bombes, per julé inant y fé la raida y unì pona da Resciesa basora. L à fat n trëi raides y ora de nia se àl raidà danjù y univa ju bel ndrët. L fova propi sëura mé via, ie é mé plu metù la mans sëura l cë me mpensan che mi vita finëssa iló. Ma la me à butà. Engele Maierhofer de Mariangiul de Urtijëi, che fova ënghe a San Piere - l n fova pu de plu de Urtijëi che jiva ora a lauré - à udù l julier unian ju bel ndrët; ma al ultimo mumënt ài inò nderzà l julier, che ie pona julà inant danter cësa y tublà dl Falzutter, ulache l ie frit via per fonz. L ie stat na gran esplujion. La paura, “die Tota” y l’autra ëiles che fova tl gran porte dl Falzutter fova unides rumedes y tres dal druch dl’aria, tres dut l porte y ruvan monce ora sun piguel che fova ala fin dl porte. Mpo ne fòvel mort deguni de chëi de cësa. Di piloc y di saudeies americans te julier séi che i fova sautei ora cun l para, un ie ruvà a Brembach, un a Laion sun plaza y un a Tenurz. Ie fove mé plu fat ite te n tel gran nibl fosch. É tëut l ceston y me n son pià via dut a sparon. Permò da dedò éi udù avisa cieche l fova suzedù, me rendan cont dl

gran pricul. Sce l julier ne ëssa nia raidà al ultimo secunt fossi ie stat sotite. L luech dl Falzutter fova vardù ju defin. Cun la sëcia che l fova fans duc jic su sun i tëc, per la gran pert fòvel ëiles y mutons, ajache i ëi fova duc tla viera. Se an tëut pea sun tët rames de pëc per paré demez la tizes che univa dal Falzutter su; l fova pu dut tëc de scintles. Ie fove sun tët dla cësa dl Mëune, ulache laurove. L ie stat na marueia che fan stai boni de salvé duta la cëses iló ntëurite, ajache ega ne n fòvel pu tan che deguna, cun la gran sëcia. Restà da chëla ntraunida me ie la tëma dala esplujions. Canche vëije te films la flama cuecena dla esplujion y pona l gran fum fosch me féjel for na gran mprescion, do chël che é fat pea. N con’ di saudeies che sautova ora de julier y che univa ju cun l para me lecordi mo che l fova de tei che jiva a ciacia y che ova n stlop che ti stlupetova su ai saudeies tachei pra l para.” Nscila conta Arnold Lardschneider. David Lardschneider

Arnold Lardschneider.


Gherdëina

nr. 27 / 13 de messel 2012

Vinzenz Senoner presidënt

Sëurandata dla tleves

N sada dan otodì iel unì lità l cunsëi diretif dla Lia Tublà da Nives te Sëlva. Cin’ cumëmbri tl diretif scientifich, plu inant uniràl mo lità n cunsëi artistich

L presidënt ad interim Lukas Plancker ti à sëurandat la tleves dl Tublà da Nives al presidënt nuef dla Lia, Vinzenz Senoner

Lies/1- Do che la Lia Tublà da Nives fova bele unida metuda su dan n struf, iel śën nce stat la lita dl cunsëi diretif. L presidënt ad interim Lukas Plancker, assessëur per la cultura de Sëlva, ova nvià ala reunion generela, pra chëla che l ie unit adalerch na bela cumpëida de cumëmbri. Plancker à auzà ora che l se trata de na lia mpue’ sui generis, ulache i prim vares ie unii muec dal’aministrazion de Chemun y ulache n à pona ulù ti dé inant dut a na lia, cun n cuntrat de gestion dl fabricat y l sustëni logistich dl Chemun de Sëlva, ma ulache l dëssa jì ite la criatività, la vëta artistica, la prupostes y l mpëni dla jënt che fej pea pra la Lia. L ambolt de Sëlva Peter Mussner à per l’ucajion abù paroles de lauda y de rengraziamënt per l lëur fat da Plancker, ma nce da si pert lecurdà che l se trata de na lia particulera, che uel tré ite duta la categuries. Per la vela dl cunsëi diretif à Mussner lecurdà che l se trata de n mumënt storich, cun l prim cunsëi y nce cun l prim presidënt lità. Che l ie pona unì lità

Lies/2 - Vinzenz Senoner à n sada ai 7 de lugio tëut la parola, do che l cunsëi diretif, permò lità, l ova lità coche presidënt, l prim presidënt dla Lia Tublà da Nives. Senoner à rengrazià dla crëta, dijan che l lascëssa gën la lerch a un de Sëlva, ma l’adunanza di cumëmbri iló te sala à sotrissà che la ie a una cun la vela da pert dl diretif. Vinzenz Senoner ie nasciù ai 25.09.1962 sun l luech da Fussel a S. Cristina. Do la scoles de ublianza scumëncia ël cun 14 ani a mparé a ziplé tla berstot da scultëur de Vinzenz Mussner (Giacobbe Scizer) y plu tert tla berstot de Rumerio Giuseppe a Urtijëi. Dal 1986 inant àl fat pea pra cuncorsc, manifestazions artistiches y mostres de scultura y pitura tla Talia, ti Paejes Tudësc, tl’Austria, tla Svizra, Spania, Franzia y Ruscia.Ti ani 199296 àl fat pea pra i cursc de dessëni da sëira tla Scola d’Ert d’Urtijëi cun l maester Tone da Cudan. Tl 1987 se àl maridà cun Roberta Perathoner de Urtijëi. Tl 1998 nasc la muta Ruth, tl 2004 l mut Ismael. Ti ani 1992-1994 se crùziel dl ressanamënt dl vedl luech da Fussel che ie sot a scunanza a S. Cristina. Dal 1974 inant, canche l ova 12 ani, ie Vinzenz

L cunsëi diretif dla Lia Tublà da Nives. Da man ciancia: Lukas Plancker, Georg Mussner, Doris Mussner, Vinzenz Senoner y Rudi Perathoner.

Vinzenz Senoner de S. Cristina coche presidënt, à Mussner valutà coche sëni de giaurida, contra l ciampanilism tla valeda, n sëni che n uel ti cialé ala cossa. Deberieda cun Vinzenz Senoner saràl per i proscimi ani te cunsëi Georg Mussner tla ncëria da vizepresidënt, Rudi Perathoner respunsabl dla strutura y Doris Mussner. De rejon

iel te cunsëi nce l reprejentant dl Chemun, che ie Lukas Plancker. La Lia Tublà da Nives se tol sëura de mené la strutura nueva per mostres y d’autra ativiteies cultureles bel amez al luech de Sëlva y de jì inant cun l lëur nvià via chisc ani dal cumité artistich per ti dé vivanda dantaldut ala cultura dl luech y nce de duta la valeda. Coche n à udù se àl bele muet truep y n à plu suvënz pudù se urté te Tublà da Nives per de bela manifestazions, ma l se lascia mo fé scialdi y chi che à legrëza y ueia de fé velch de chësc viers ie drët bel nvià a se nunzië pra la Lia. L vën mo n iede fat a l savëi tres la USC che duc chëi che ie nteressei possa se scrì ite tla ”Lia culturela Tublà da Nives”, paian n cuntribut de iscrizion de 30 euro sun l cont dla Cassa Raiffeisen de Sëlva.

David Lardschneider

David Lardschneider

Na bela cumpëida de cumëmbri ie unida adalerch per lité l cunsëi diretif dla Lia Tublà da Nives.

Georg Plancker, a man drëta, ie stat cassier ad interim, l’assessëura Milva Mussner à judà pea ntan la nduneda.

Senoner cumëmber dla Mujiga de S. Cristina; plu tert, cun 22 ani, dal 1984 al 1986, iel stat dirighënt dla Mujiga de S. Cristina. Dal 1984 al 1987 studieia Senoner mujiga tl cunservatore de Bulsan, stlujan ju cun l diplom. Dal 1985 al 2001 nseniant tla Scola de Mujiga de Gherdëina. Ntan chisc ani à Vinzenz Senoner for inò esperienzes tl ciamp dla mujiga, coche solista y d’autra furmazions de mujiga, danter l auter cun l’urchestra Haydn, la Streicherakademie de Bulsan y d'autri. Dal 1999 al 2007 iel stat dirighënt dl’urchestra “Sonoton” Gherdëina. Ti ani 2007-2008 studënt “master“ tl’Università de Persenon, scienzes dla mujiga. Dal 2005 al 2010 à Senoner tenì cursc de furmazion n con’ dl „management“ de istituzions de scola y de lies cultureles. Dal 2005 al 2011 àl fat trasmiscions per l radio y la TV ladina, y abù plu cunlaurazions cun la televijion Rai Sender Bozen. Rujenedes: ladin, talian y tudësch (livel A), nglëisc y franzëus (mesanmënter). Dal ann 2001 incà diretëur dla Scola de Mujiga de Gherdëina.

I mutons cun l’armonica sona uni iede scialdi bel, cun sentimënt, pascion, savëi y monce adamënz. L ie for na gran legrëza a pudëi ti cialé y i scuté su.

L assessëur dl Chemun de Sëlva y presidënt ad interim Lukas Plancker, a man drëta, ti sëurandà la tleves dl Tublà da Nives al prim presidënt lità Vinzenz Senoner.

La Lia culturela Tublà da Nives Na pitla cronistoria dla Lia. Gran lëur dl cunselier Dietrich Mussner Lies/3 - Sun ncëria dl Chemun de Sëlva ova ti ultimi ani n cumité artistich laurà ora n program de mostres y manifestazions, pona metù n droa y cuordinà cun savëi y mpëni dal cunselier nciarià per la cultura y l Tublà da Nives, Dietrich Mussner. Purtruep ie Dietrich Mussner unì a mancë i dis de Nadel dl 2011, lascian n gran uet tl manejamënt dla strutura y dl’atività che tucova leprò. Śën ie la Lia culturela Tublà da Nives nciarieda de mené inant la strutura. L ambolt de Sëlva Peter Mussner: “L Chemun de Sëlva à ncueicundì chësta strutura scialdi bela y particulera che possa y dëssa unì nuzeda per ti

dé vita ala cultura de nosc luech y de nosta valeda. La possa mé jì suvier, l putenzial ie grant y śën iel tla mans dla Lia cie y tant che l unirà pità a livel de cultura y manifestazions paraleles te Sëlva. Nëus ti on gran crëta che chësc suzede, nce per chël che à da n fé cun l turism y l’economia de nosc luech. L turism culturel ie n cunzet mpurtant ncueicundì.” Lukas Plancker ova sëurantëut l manejamënt dl’atività ntëur al Tublà da Nives do l unì mancia de Dietrich Mussner, ma cun la costituzion dla Lia iel tl lëur de dé ju i lëures y la cumpetënzes ntëur a chësta istituzion. Plancker ova laurà ora l

statut y metù n droa diretives y urientamënc che jiva debujën. “Passé da n manejamënt ndrët dl Chemun de Sëlva a chël de na lia culturela autonoma fova drët y de utl. L Chemun, scebën patron dla strutura, ne n’ie nia la drëta istituzion per mené l’atività tl Tublà, chësc per na lingia longia de problems buro cratic s y aministratifs,” lecorda Lukas Plancker, che ie segur che la persones mpeniedes tla Lia possa dé n cuntribut mpurtant ala vita culturela tl luech. “Sëlva à truep de bon artisć al mumënt, n valguni monce da Champions League dl’ert, y perchël iel duta la cundizions per

mëter mpe na bona atività culturela te nosc luech,” sotrissea inant l assessëur Plancker.

L fabricat dl Tublà da Nives Tublà de lën y cubo de scipa, canche zacan y ncuei se anconta te na simbiosa passenënta: bele n ucajion dla truepa mostres metudes a jì nchinamò à la jënt de Sëlva, ma nce de duta Gherdëina y nce i turisć, prijà dassënn la belëza y la funziunalità dl Tublà da Nives. 300 metri cuadrac de spersa per l’espusizion, partii su te cater salamënc, danter l uriginel da zacan,

l taflà de lën dal tof antich y l modern dla scipa, linëus y vijiuner, reprejënta la cundizions ideéles per n’atività espusitiva, desmustrativa y comunicativa de suzes. L pensier fundamentel roda śën ntëur al pont de co gestì al miec la strutura per purté inant n’atività culturela de livel. L statut dla Lia scrij dant co fé, ti lascian gran lerch ala fantajia urganisativa y gestiunela de chiche la mëina. L prim var ie fat, d’autri mpurtanc saràl da n fé per purté aria nueva, aria frëscia tl eter culturel, ma nce soziel, economich y turistich t'insom la valeda de Gherdëina. Leo Senoner www.lauscdiladins.com

9


Gherdëina

nr. 27 / 13 de messel 2012

”Cialé de pité zeche deplù che l seniëur se aspieta” Te Gherdëina scumëncia śën inò la sajon da d’instà. La Usc di Ladins à ancuntà Günther Pitscheider, diretëur de Val Gardena Marketing, per ti fé n valguna dumandes n con’ de plu aspec che à da n fé cun l turism Turism - Te tëmps de crisa scumëncen uni sajon cun mpue de trica, ma nce cun fidanza, ie pu l mpëni grant per ti unì ancontra ai bujëns de chi che vën tlo adalerch a passé si feries, cun urëdles y uedli for davierc de viers de chël che pudëssa vester de nteres per chëi che ulëssa unì tlo da nëus. Nce n cont dla tecnologies de comunicazion cëlen for de jì cun i tëmps. Na ntervista n chësc cont a Günther Pitscheider dl cunsorz turistich de Gherdëina, che fej mpue n cherder dla situazion. USC: Ëis’a bele dac dla sajon da d’inviern? Günther Pitscheider: On n pitl manco de 1,47 %. Chël uel dì che l ie feter sciche ti ultimi ani (cëla statistica a pert). Co à pa scumencià la sajon da d’instà? Perdrët se aspitons na sajon mpue’ coche l ann passà. Sambën sënten mpue la crisa. Apustà vëniel plutosc al ultimo mumënt y i ghesć ie plu sensibli n cont di priejes. Plu che auter vëniel manco turisć taliani. À pa chël nce da n fé cun l tremot da chëst ann? Te tëmps de crisa vëijen bën a ciun paejes che la ti va bona y che à l muet de jì de viac. La Talia ie cun la crisa sambën plu ala strëntes. I turisć dl’ Emilia Romagna ie for stai mpurtanc per nëus. N ucajion dl Sellaronda Bike Day ons metù su scatules per dunfiertes, ulache n à abinà adum 5.100 euro. Cun nosc cuntribut mo sëuraprò ons pudù ti sëurandé al Chemun de Mirandola de ndut 11.000 euro. Da ulà vën pa i ghesć che vën tlo da nëus? L 51% vën dala Talia, 22% dai Paejes Tudësc, 5% dal’ Olanda, 3% dala Ruscia, 2% dala Nghiltiera y 2% dal’Austria. Ciuna ativiteies cultureles vëniel pa pità ntan l instà? D’instà vëniel te Gherdëina jënt plutosc de tëmp y families. Chisc se nteressea deplù ala cultura y perchël pitons ativiteies d’uni sort coche per ejëmpl la Bienela d’ert a Urtijëi, la lingia de cunzerc ValgardenaMusika, defiledes cun l guant dala gherdëina, l cëif da zacan a Urtijëi, ma nce ativiteies tl Museum de Gherdëina, l marcià dl artejanat a S. Cristina, la sëires de folclor y l Val Gardena Active, n program de ativiteies per cunëscer la natura y i crëps dla Dolomites, che ie, coche savon, patrimone mundiel dl’Unesco. Chësta sort de ativiteies à abù n gran suzes l ann passà. Ie pa i turisć cuntënc cun chël che l vën pità? I turisć ie bën cuntënc, n muessa mefun cialé de ti pité for velch deplù, ora de chël che i pertënd, zeche che i ne se aspitova nia. Tleca pa la strutures che on te Gherdëina per ntujiasmé l turista?

10

www.lauscdiladins.com

Strutures n iel bën assé, śën muessen cialé de miuré la situazion che ie bele. N à mé per dì nce fat na strutura Kneipp te Val d’Ana. Per d’inviern ulëssen nce fé n purtoi da Mont de Sëuc ju a Urtijëi y un da Ciandevaves/Pana ju a S. Cristina. Cie chier pa i turisć y dantaldut i jëuni? I turisć vën suvënz per se paussé tla natura, ma l ti nteressea nce velch de atif y culturel. Dantaldut i jëuni se noza di mesuns da fé sport, coche jì cun la roda, jì a crëp, julé cun l parapënd y l program Val Gardena Active. Ciun tlienc chirëis’a vo, chëi che sta te hotel a se lascé fé massajes o chëi che se nteressea deplù al ambient y ala cultura? N muessa cialé de abiné n bon mescedoz danter chësta doi sortes de turisć. Purempò ie la pert ativa scialdi majera. Na bela ududa sun l Saslonch, la montes y i luesc sot via.

Iel pa na desferënzia danter i luesc de Gherdëina tl ciamp dl turism? La desferënzia ne n’ie nia propi granda. Te Sëlva ie l turism da d’inviern plu sterch. A Urtijëi vëniel d’instà plu jënt, che se nteressea nce deplù ala cultura. La plata internet valgardena. it à abù n gran suzes. Ciuldì pa? Aldò dla nrescida ”Südtirol Panorama” ie valgardena.it de duta la plates internet de Südtirol la cuarta plu vijiteda, do stol.it, dolomitisuperski.com y provinz. bz.it. Chël uel dì che la ie cun 180.000 ”clicks” la plata internet plu vijiteda dla destinazions de Südtirol. Plu che auter à l online booking purtà pro a chësc suzes. I tlienc possa apusté na majon tres internet. Chësc ie dantaldut per turisć da dalonc caprò scialdi saurì, ajache a chësta maniera possi apusté n liet te curt tëmp y zënza spënder scioldi. Nscila ne muessi nce no se tenì ala mudazions dl’ëura, sce i chërda per ejëmpl su dal Canada. Cie ie pa l App Val Gardena? L App Val Gardena ie na aplicazion per iPhone, iPod Touch, iPad y d'autri "Smart-Phones" per mparé a cunëscer la Dolomites cun fotografies y videos, per savëi coche ie l tëmp te Gherdëina. Chësc App te dà nce nfurmazions n con’ dla manifestazions, nuviteies, adresses y strutures de albierch che ie te Gherdëina. Nchin śën à 16.500 persones desćiarià ju chësc App.

de curieres ecologiches y mëndres, a na maniera che l ne vënie nia mpifà su duta la stredes. Co udëis’a Vo l turism tl daunì? Cie ve ëis’a tëut dant? Tl daunì saràl for plu y plu patins che sarà for plu y plu nfurmei n cont de Gherdëina y cherderà su l ultimo mumënt per apusté na majon. L’ecologia y stravardé l ambient sarà la gran seves per l daunì. Nëus on bele śën lascià fé doi pumpes dal penzin eletriches. Ai 22 de setëmber saràl na manifestazion cun auti eletrics che furnerà ntëur al Sela. L miëur auto unirà pona premià. Ntervista de Sofia Stuflesser

Turism te Gherdëina d’inviern Statistica dai 1. de nuvëmber 2011 ai 30 de auril 2012 Ann Hotiei

Pensions cun restaurant

Pensions

Garnis

Residences

De ndut

Fitamajons

Co se muev pa i ghesć da n post al auter? Truep turisć se noza dla Val Gardena Card, che on śën bele da 14 ani incà. Nsci iel śën plutosc la tendënza de se muever cun la curieres publiches. Nëus ulessan miré a n trafich plu ecologich che l ie mesun. Dantaldut ulëssen smendré l trafich su per i jëufs. L’idea de na curiera che mëina i patins ntëur ai jëufs ie bona, mé che n muessa cialé de la mëter a jì miec che la va, chël uel dì cun n sistem

Günther Pitscheider.

Cuatieres

Cëses de vacanza

Uties da mont

De ndut

De ndut Duta la strutures adum

Unic adalerch

+/-%

Nuetes

+/-%

Tan giut Strutures Liec

Liec lascei via %

% Dis

2011/2012

126.655

0,00

708.678

0,00

5,6

122

7.066

55,4

100

2010/2011

130.599

-3,02

726.744

-2,49

5,6

118

6.774

59,3

107

2011/2012

6.320

0,00

32.816

0,00

5,2

9

374

48,5

88

2010/2011

6.581

-3,97

34.010

-3,51

5,2

9

319

58,9

107

2011/2012

5.570

0,00

30.213

0,00

5,4

16

387

43,1

78

2010/2011

7.039

-20,87

41.672

-27,50

5,9

20

506

45,5

82

2011/2012

36.008

0,00

192.793

0,00

5,4

117

2.569

41,5

75

2010/2011

36.384

-1,03

192.823

-0,02

5,3

119

2.591

41,1

74

2011/2012

24.662

0,00

164.778

0,00

6,7

75

1.937

47,0

85

2010/2011

24.284

1,56

161.711

1,90

6,7

76

1.902

47,0

85

2011/2012

199.215

0,00

1.129.278

0,00

5,7

339

12.333 50,6

92

2010/2011

204.887

-2,77

1.156.960

-2,39

5,6

342

12.092

52,9

96

2011/2012

6.271

0,00

31.719

0,00

5,1

66

637

27,5

50

2010/2011

6.674

-6,04

33.157

-4,34

5,0

73

689

26,6

48

2011/2012

35.301

0,00

227.331

0,00

6,4

468

3.847

32,6

59

2010/2011

33.683

4,80

219.096

3,76

6,5

470

3.820

31,7

57

2011/2012

602

0,00

4.089

0,00

6,8

1

75

30,1

55

2010/2011

605

-0,50

4.030

1,46

6,7

1

75

29,7

54

2011/2012

0

0,00

0

0,00

0

2

14

0,0

0

2010/2011

0

0,00

0

0,00

0,0

2

14

0,0

0

2011/2012

42.174

0,00

263.139

0,00

6,2

537

4.573

31,8

58

2010/2011

40.962

2,96

256.283

2,68

6,3

546

4.598

30,8

56

2011/2012

241.389

0,00

1.392.417

0,00

5,8

876

16.906 45,5

82

245.849

-1,81

1.413.243

-1,47

5,7

888

16.693

85

2010/2011

46,8


Gherdëina

nr. 27 / 13 de messel 2012

La russes vënc su per i crëps Te Sëlva iel pra l segondo Karl Unterkircher Award unì premià alpinisć che à fat vies scialdi ries ti ultimi doi ani. Trëi jëunes dla Ruscia à giapà l prim pest. Pra la manifestazion fova nce i doi sherpa Temba y Subin

La trëi russes Anna Yasinskaya, Marina Kopteva y Galina Chibitok che à venciù l prim pest sëurandat dala fëna de Karl Unterkircher, Silke (a m.c.). Ëiles à fat na via nueva sun l Great nueva sun l Great Trango Tower tl Pakistan.

Alpinism - Truep alpinisć de inuem y ghesć d’unëur, danter l auter Kurt Diemberger y doi sherpas dl Nepal che à nstësc cunesciù Karl Unterkircher, ie unic adalerch per la festa de sëurandata dl segondo Karl Unterkircher Award, n pest per alpinisć che à fat vies scialdi ries ti ultimi doi ani. Chësta festa ie stata n vënderdi ai 6 de lugio, dala 9 da sëira tla Cësa de Cultura Oswald von Wolkenstein de Sëlva. Do l suzes dl prim Karl Unterkircher Award, ulache alpinisć cunesciui sëura dut l mond fova unic adalerch per ti fé unëur al inuem y ala persona de Karl Unterkircher, se à la grupa de lëur metuda adum da Silke Unterkircher, vëidua de Karl, Herbert Mussner y l fra de Karl, Peter Unterkircher, mpensà de tenì inant chësc pest y de l sëurandé uni doi ani. N chësta sëira à la grupes che ie unides tëutes n cunscidrazion per l pest prejentà si arpizedes. Tl scumenciamënt à Simone Moro lascià udëi n video dla prima arpizeda da d’inviern dl Gasherbrum II (8035 metri) tl Pakistan ulache l fova -50°C de frëit. Ël se à arpizà sun chësc crëp deberieda cun Denis Urubko (KZ) y Cory Richards (USA), che ne à purtuep nia pudù unì te Sëlva.

I doi fredesc che cianta Da dedò à Nicolas y Olivier Favresse dl Belgio mustrà de beliscima fotografies de si viac tla

Olivier y Nicolas Favresse dl Belgio ie unic premiei dal assessëur provinziel Mussner cun l segondo pest. Ëi ova fat deberieda cun si cumpanies Sean Villanueva dl Belgio y Ben Ditto di USA nuef vies nueves su per la Big Walls de Cap Farewell tla Groenlandia.

Groenlandia, ulache l ti ie garatà cun Sean Villanueva dl Belgio y Ben Ditto di USA nuef vies nueves su per la Big Walls de Cap Farewell. Per fé chësta vies muovi da si berca che ova nce la funzion de ciamp de basa. I doi fredesc à nce purtà dant n valguna cianties cun l’armonica y la chitara, dijan che la mujiga y la bona ueia ie per ëi tan de mpurtanza sciche la arpizedes.

La russes 38 dis te parëi Pona à trëi jëunes dla Ruscia cuntà de si arpizeda sun l Great Trango Tower 6.286 metri tl Pakistan. Marina Kopteva, Galina Chibitok y Anna Yasinskaya ie jites su per na via nueva sun l parëi nordovest, stajan bën 38 dis te parëi. Nce sce les à abù diesc dis de bur’ tëmp ieles states bones de arjonjer la piza. Da dedò à i doi Sherpa Temba y Subin prejentà l proiet a Thulopakar tl Nepal. Ëi se à cruzià dassënn dla populazion te chësc pitl luech ti crëps metan su n zënter saniter, na scola per trëicënt mutons y fajan nce cundotes dal’ega y puenc per ti fé avëi n miëur daunì ai mutons de chësc luech. La Sagarmatha International Foundation pieta nce viages de solidarietà, vendan prudoc solidei y udan scialdi de bon uedl uni dunazion.

Stil de arpizeda La iuria metuda adum da Oswald

Oelz dla Svizra, dai alpinisć Silvio Mondinelli, Christoph Hainz y Ivo Rabanser dla Talia y dal jurnalista espert Carlo Caccia à abù l rie lëur de partì su i pesć. „L ie unì valutà aldò dla mpurtanza dl’arjonta, aldò de sce l ie zeche de nuef y aldò dl stil,“ dij Oswald Oelz. I ghesć de unëur, danter l auter Kurt Diemberger, i presidënc dla Lies dl Turism de Gherdëina, l ambolt de Sëlva Peter Mussner, l presidënt dl Aiut Alpin Willi Costamoling y l assessëur per la cultura ladina Florian Mussner à abù paroles de lauda y de rengraziamënt per la manifestazion y per la arjontes. Urganisadëures y autoriteies à giapà na bela sciarpa blancia. Tres la sëira à menà Ellis Kasslatter, diretëura dla Lia dl Turism de Sëlva y i presidënc Adam Holzknecht di Catores y Reinhard Senoner di Mëinacrëp Gherdëina à prejentà la trëi grupes y si meric. Ala trëi jëunes dla Ruscia ti iel unì sëurandat l prim pest y nce 3.000 euro. L’ autra doi grupes à giapà n segondo pest y 1.500 euro metui a despusizion dai sponsores. „Marina Kopteva, Galina Chibitok y Anna Yasinskaya se à merità l prim pest ajache les à desmustrà che la vedla regula – chi va piano va lontano – à dì dl talian, vel mo for!“, à dit Kurt Diemberger. „La vita te zità ie tan monotona. Fajan de tel arpizedes mpèren a ti

Autoriteies y urganisadëures dla segonda edizion dl Karl Unterkircher Award.

I doi sherpas, Temba y Subin che à nstësc cunesciù Karl Unterkircher, à prejentà na scumenciadiva a bën dla populazions de n luech danter i crëps dl Nepal.

dé valor ala cosses che nes sà normales, sciche per ejëmpl l’ega o la roba da maië. Da dedò te vëijes ora de tel pitla cosses che ne te fossa dant mei sautedes tl uedl,“ à spiegà una dla trëi. Ala dumanda de ciuna che ie stata la tle dl suzes per chësta arpizeda, respuendeles che: „L sentimënt positif, la bona luna y fé matades ie de grandiscima mpuntanza.” Dut s’la rijan cónteles che per l daunì se àles śën tëut dant de arpizé n valgun parëies tla Groenlandia. „Per i alpinisć iel dessegur n gran unëur a unì premiei. Tl mond dl alpinism ne vënien nia tan suvënz premiei, nce sce n se l meritëssa dassënn. L ie per ëi n mesun de fé cunëscer l’arpizedes. Scenó ne sà deguni ciuna piza che i à arjont. Perchël ie chësta manifestazion de gran mpurtanza“, dij Oswald Oelz presidënt de iuria. Ma chësc pest d’unëur ne n’ie nia da udëi coche cuncors. N se à abinà per uneré Karl Unterkircher che fova stat l prim a arjonjer tl 2007 la piza dl Gasherbrum II su per l parëi nord. Ël ie stat nce l prim a arpizé l Everest y l K2 zënza l aiut de bombules d’aria. Chësc fova stat n record mundiel. Danz che Unterkircher ie mort ntan che l arpizova l parëi Rakhiot dl Nanga Parbat tl ann 2008. Kurt Diemberger, che à bele fat truepa esperieza tl ciamp dl alpinism arjunjan sciche prim doi otmile nes conta: „Al didancuei va la tendënzes dl alpinism for plu tl estrem, l ie belau

acrobatica. Purtruep va i alpinisć śën suvënz su per i parëies di crëps mé cialan sun l’ëura, cialan mé plu de vester i plu asvelc. Karl Unterkircher ne fova nia nscila. Ël cialova for de crì zeche de nuef. Chël ie da stimé!“ Sofia Stuflesser

L segondo pest a pèr cun i alpinisć dl Belgio à Simone Moro pudù pië do dala mans de Willy Costamoling, presidënt dl Aiut Alpin. Deberieda cun Denis Urubko (KZ) y Cory Richards (USA) à Simone fat la prima arpizeda da d’inviern dl Gasherbrum II.

Herbert Mussner, Kurt Diemberger y Ellis Kasslatter. www.lauscdiladins.com

11


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Poste spa vòl sarè l ufize de Rèba E per chël da La Plié se descor de riorganizazion del orario Per la fin del ann l ufize de le Poste de Rèba l é destiné a saré. Chëst chël che perveiga n proget de Poste spa per sparagné e che portarà a saré n duta Italia ben 1152 ufizi e a nen razionalizé autri 634. N Provinzia de Belum i ufizi destinèi a sarè i é ben 18, la maiou pèrt ntel Agordin. Dal “manarin” de Poste spa no se salvarà deldut gnánca chëla da La Plié, che toma ite ntra chi n aria de riorganizazion, che n parole plu scemple volarà di riduje l orario de giourida. L ufize de Rèba

l ava bele risćé de ester sarè ntel 2003. Ma ò davánt a le proteste de la jent, dei operadous turistizi, del Comun e co “l’empermetuda” che le Poste le vignarà dourade deplù ence per servisc finanziars ( chël che a Poste spa nterescia deplù che lëtre e cartoline ), l iufize l é resté dalvièrt fin aldidancuoi. Ma ades l destin l ensomeia proprio dezedù se l proget de razionalizazion l é ste presenté senza gnánca ester descorëst coi sindacać. Per na localité turistica come Rèba pièrde

l ufize de la posta fossa de segur n dann. Ence come paruda del vièrs del scior. E se vignarà scurté l orario del ufize da La Plié l dann l sarà gran ence per la jent de temp, usada a jì a se tò la penscion o a se mëte via i scioldi proprio a la posta. Nte Comun la notizia l’é ruada da Poste spa co na lëtra. “De segur mossaron fè vèlch per se paré” disc l Capocomun Ugo Ruaz. Se veiga che l’intenzion l’é proprio de saré. Chilò i ne tòl i servisc un davò l auter.” (ls)

I 100 agn del monument a Caterina Lánz I scizeri da Fodom i metarà a jì, sabeda 21 de lugio, na zerimonia a La Plié per recoré l aveniment Storia - I conta che ai 23 de jugn del 1912 a La Plié l eva rué adalèrch ben 3000 persone n ocajion de la festa de inaugurazion del monument a Caterina Lánz. Una de le feste plu grane che la storia da Fodom abe vedù e che la vignarà recordada sabeda 21 de lugio da la Schütznekompanie Buchenstein n ocajion dei centené. Mëda Trinele, coche l’eva clamada nta Fodom, l’eva nasciuda Al Plán de Mareo ntel 1771. Davò l suo at de eroism a Spinges ulache la s’ava paré contra i franzeji de Napoleon, l’eva ruada massera del preve nta Col, spò nt’Andrac, ulache la jiva a sen morì ntel 1854, con troc agn su le spale. La sepultura l’eva stada a La Plié con duc i onour militari. Ntel 1901 la compagnia dei Standschützen da Buchenstein, comanada da Genio Finazzer, la s’ava pensé de ie èrje n muliment. I ava con chëst intent metù su n comitat a la memoria sot al protetorat del prinzipe ereditar del AustriaUngheria Franz Ferdinand. L comitat l eva sté njignè ca per dé su a nen scultor del Tirol l laour de mëte mán a na opera d’ert. La cernuda l’eva stada dada n nciaria a la Andreas-Hofer-Verein de Viena. La compagnia da Fodom l ava spò ntel 1904 dé su la realisazion del monument a Josef Parschalk. L’opera la mossëva ben raprejenté l gaist de chël temp, con laprò ence n fin de politica: come na „Dolomitenwacht“, na persona cruenta e gaierta che ciala soura i paisc e i confins del Impero l monument „l mossa mostré cotánt che i Standschützen e duta la popolazion de Fodom i à na mentalité austriaca e cotánt che i se dà ju per l’Austria, con dut suo avei e suo sánch per ,Dio, l’Imperadou e la Patria’”. La maiou pert del cost, 12.000 corone, l’eva stada paiada ju dal prinzipe Franz

Na foto storica del di de l’inaugurazion del monument a Caterina Lán ai 23 de jugn del 1912.

Ferdinand, n’autra pert l’eva tocada al comun da Fodom. Le donazion i eva ruade da vigni canton de l’Austria-Ungheria: da taulac e compagnie de Schützen, dal “Deutscher und Österreichischer Alpenverein” e da troc donadous, ntra de chisc l prinzipe Johann de Lichtenstein l eva sté un dei benefatori plu da cuor. La zerimonia de inaugurazion l’eva stada per i fodomi na festa trop spezial, na festa tánt grana che i no n ava mei vedù. Bele la sëra davánt, ai 22 de jugn del 1912, l eva sté mpié su fuosc che slumináva le mont da Fodom, su dal taulac l eva sté taché su doi gran lëtre, K. L. sluminade a eletrico, dei falconëc i nunziáva l scomencé de la zerimonia del di davò, ntánt nte la plaza de La Plié sonáva la bánda d’Ampëz. A la festa ai 23 de jugn ava tout pèrt desferente compagnie de Schützen: chëla de Ampëz/Hayden, Fascia, Sánta Maria de Gherdëna e Sán Laurenz. L discoršo l eva sté fat dal Profescior Dr. Tone de Sisti da Fodom. La festa l’eva juda nnavánt co na parada, desferenti

juosc, ntra de chisc l vajo de la fortuna e l trè al taulac de dut l Schützenbund. Ntánt la Pruma Viera, ai 29 de jugn 1915, l muliment l é sté porté dai scizeri a Corvera e, ruei i fascisc, ai 23 de otober 1923 chëst simbol “puoch talian” l’à ciapé l teriol delviers de Rorei/Rovereto ulache l é rué ntel mujeo de la Storich del la pruma viera auna con opere de ert “todëscie”. Del 1931 l podestà de Fodom l ava damané de podei l fonde per fè n nuof monument ai saudei tomei taliagn de la pruma viera, ma la “Sourantendenza a le Bele Èrt ” l eva decontra. L capocomun Felize Degasper l é ncandenò ste bon ai 17 de otober 1964 de la porté ndavò nte plaza da La Plié e a ie scrive chëste righe: “A Caterina Lanz la jovena de Spinges, nasciuda a Plan de Marebe el 21.9.1771. Jovena da ‘n gran front la sa paré davànt ai Franzeji che volàva vignì a comané ste tiere. Vivësta troc agn, l’é morta nt’Andrac ai 8 de lugio del 1854. Fodom a la recordé per sua prodëza el la ndita a duta la jent ladina.” (sl)

L program de la festa Chëst l program de la festa. Da le 17 se bina a La Plié le compagnie dei scizeri de le val ladine e de le delegazion da fòravia. Da le 18 S. Mëssa nte gliejia da La Plié. Da le 18:45 le compagnie le se mët su nte Plaza Nuova. Da le 19 peia via la sfilada fin

12

www.lauscdiladins.com

davánt al monument de Caterina Lánz giourida da la Bánda da Fodom. Nte plaza se scomenciarà co i saluc e discorši de le autorité, se va nnavánt co na relazion storica sul monument de Caterina Lánz. I scizeri metarà ju po na corona sul monument. Per fenì la

salva da pèrt de la compagnia d’onour “Schützenkompanie A n p e z o – H a y d e n”. L ccompagnament mujical l vignarà fat da la Bánda da Fodom. Per l’ocajion vignarà ence refat la medaia drucada fòra per l’ocajion ntel 1912.

nr. 27 / 13 de messel 2012

Rich “menù” per la Siègra de S.Iaco 2012 Sabeda da sëra la comemorazion dei 100 agn del monument de Caterina Lánz. E pò mujica e gastronomia La Plié - Mujica, tradizion, storia tendon l giourirà bele da le 10.30 e divertiment sarà l rich “menù” del ulache se podarà marené. L fin setemana che ven, dal 20 al 22 davòmesdì l sarà ndavò ntel senn de lugio, per la Siègra de S.Iaco a de la mujica. Da le 3 scomenciarà l La Plié. Se scomencia vender da conzert de la Bánda da Fodom e de sëra cánche nte Plaza Nuova, come sceguito sarà l’ejibizion del grop ogni ann, giourirà l tendon metù a ospite de chëst ann: l “Urtijei Brass jì dal Coro Fodom, con gastronomia Quintett”. L grop l é ste metù su ntel e juosc. La specialité de la sëra da ann 1992 da cinch componenc de la cèsadafuoch sarà la polenta co le la Mujica da Urtijei co l fin de se de seppie. Da le 20.30 apuntament co ju co la mujica per quintet de banda le ousc del Gruppo Vocale Cristallo e avei gusto a sonè deberiada. da Roma, nsigné via dal maestro A sonè pro manifestazion, nte Piero Melfa. L coro, che da agn l à ogni sort de conzerc, nte sale e nte n raport de amicizia coi corisć del gliejia, siebelo nte Ghrdëna che Coro Fodom, l proponarà n repertòr fòravia, l quintet l é deventé na mescedé e internazional de ciancion. formazion che s’à concuisté n lèrsc La sëra la jiarà nnavánt co la mujica ntel ciámp de la mujica de Gherdëna. dei Dual Pickers, oramei ospiti fisci L é souradut la voia de fè de bona del tendon. Sabeda da sëra da le 18 mujica che à fat a na moda che l apuntament co la storia e la tradizion quintet, sebènche con chèlche co la zerimonia de comemorazion mudazion dei componenc, l vade dei 100 da l’inaugurazion del nnavánt nte sua ativité. L quintet l monument a Caterina Lánz, metuda é ades formé da: Jonas Pitscheider a ji dai scizeri da Fodom. A la e Manuel Goller a le trombe, Egon manifestazion tolarà pèrt le Lardschneider al corn, Matthäus compagnie ladine e autre delegazion Crepaz al trombon e Egon Goller da foravia ( ciala l program plù ntel al bas tuba. Sarà l grop dei “Tirataie” menù chilò dinongia ). Davoprò se da la Val del Biois a saré ite la trei podarà balé co la mujica dei “Die dis de festa co la mujica e le sue Verspielten”, grop che ava soné n l matade. Da sabeda da sëra ntei locai ann passé a la festa de rifondazion de la calonia, sarà dalvierta ence sto dei scizeri da Fodom. L clou de la ann la pesca per i miscionari fodomi. siègra l sarà sesaben la domënia. Se L’estrazion de la loteria liada a la scomencia co la pèrt sacra: la pesca la vignarà fata la domënia da S.Mëssa da le 9 e mesa dadomán, sëra, da le 20.30 sot al tendon. (ls) dita dal Degán Mons. Alfredo Murer e dal Vicar General de la Diozeji Mons. Luigi del Favero. Come da tradizion, ntratánt la celebrazion, vignarà premiade copie che festegeia deplù agn de nòze. Sun plaza l Grop Insieme si Può Fodom l fajarà ciarcé douc e speisa da nzacan njignada da le mëde de la val per tre su scioldi per i miscionari da I “Urtijei Brass Quintett” i sonarà la domënia Fodom. Nte plaza l davòmesdì a la Siègra de S.Iaco a La Plié.

Borsa de studio de la Pordoi S.p.a. L’è resservada ai diplomei fodomi ntei istituc tecnici La sozieté Pordoi S.p.a. Che gestisc i lifc su per Pordou l’à metù fòra na borsa de studio ntra i diplomei nte istituc tecnizi residenc ntel comun da Fodom. La scomenciadiva l’é destinada ai studenc de istituc tecnici che à n plán de studio de cinch agn e che à fat la matura ntel ann de scola 2011 – 2012. La borsa de studio l’a sarà de 1.500 euro al nët de le trategnude pervedude per lege. Podarà tò pert i studenc che avarà na media de voti no sot a 90/100. Nte l’assegnazion del premio, vignarà de priorité ai studenc che à fat corsi de studio che à da ci fè co l’ativité de l’azienda e chi che desmostra de ester plu portei a

studié. Davò avei ciapé le dománde, l consei de aministrazion de la Pordoi S.p.a. L fajarà ju la graduatoria drio i criters dic de soura e l giudize l no podarà ester sindaché. La Borsa de studio la no po ester metuda auna a autre sovenzion compagne. Le dománde le mossa ester prejentade no plu tert del 7 de setembre sul modulo che po’ ester damané a la sozieté a info@pordoi. it e manade per e mail a la medema miscion o a la sozieté per lëtra racomanada a Pordoi S.p.A. – Via Passo Pordoi, 16 Fraz. Arabba – 32020 Livinallongo del Col di Lana (BL). Ogni autra informazion o l regolamement l po’ ester damané via mail a info@pordoi.it


nr. 27 / 13 de messel 2012

Redadoura Katia Pizzinini lunesc y mertesc a La Plie de Fodom, tel. 0436 7472 mercui y juebia a Cortina d’Anpezo, tel. 0436 868615 - katia.usc@rolmail.net

Souramont

A se vedei, siur Alfredo! De setember lasciarà l degan la cuera da Fodom, olà che al é oramai da 12 agn encà. Intervista a Siur Alfredo Murer Fodom - La notizia é ruveda l 24 de jugn. Siur Alfredo Murer, degan da Fodom, sen jirà y lasciarà l post a Siur Dario Fontana. A gouja dla eté y dla sanité malsegura lasciarà l degan la cuera olà che al fova oramai da 12 agn, dal 2000, encà. L salut é dagnora ert, ma a la volonté dl vescul y de Die mésson ti stimé, dij don Alfredo, che nes à conté deplù te na intervista: La Usc: Co recordeise pa vosta vegnuda te Fodom? Siur Alfredo Murer: Al fova l 19 de november dl 2000 can che i son vegnù tout ite da la cuera de Fodom. I ove 68 agn. Al fova n di de plueia, truepa jent ova tout pert a la Santa Messa. Anter chisc fòvel fodoms, ma al fova ence truepa jent dles cueres de Zopé y Pieve di Zoldo, olà che i fove sté preve per 25 agn alalongia. Les persones s’ova dret afezioné a mi, ai ne me lasciova nia jì massa gen, ma ie messove scuté su la volonté dl vescul che me ova destiné a chesta cuera chilò. Co é pa sté mete man te na cuera nueva dapò tant d’agn? I à atira metù man da me dé da fé, bele i prums dis ae arjigné la plata dl decanat, “Le nuove del Pais”, y i à dagnora cialé de zelebré con gran solenité – sciche la jent dl post se ghiera – les Santes Messes y les festes. Co é pa l raport con la comunité dla cuera da Fodom? La jent me à tout su gen, ence per via dla emportanza che avei n preve aldidancuei à per na comunité. I à metù man defata da

emparé da conesce i membri dla cuera, i son jù fora per les ciases a vijité i malés y enscì ae ence emparé da conesce l post. Cialan zeruch, cie eise pa fat te chisc 12 agn per la cuera de Fodom? N degan mess i jì do dantaldut a la pert spirituala, cialé dl ben dles animes, cialé che la jent vae te gliejia, che duc toles pert a la vita dla cuera. Ma al é ence sté da fé cosses materiales. Dl 2006 onse restruturé la gliejia de Andraz, al é vegnù metù a post l ciampanì dla gliejia de Digonera (che fej pert dl comun de Rocia, ma che toca pro la cuera da Fodom ndr) y l ann passé él vegnù restauré l organ dla gliejia de San Iaco, chilò a La Plie. Ala se trata de cosses emportantes, ma i ne vue nia me laudé, al é da laudé Die che à davignora dé a me la forza da laoré y a la jent da colaboré. I seis passé da Zoldo a Fodom y sen messeise lascé ence chesta cuera . Co viveise pa personalmenter chisc mudamenc? Personalmenter messe dì che al ne n’é nia sté tant saurì da lascè la cuera olà che i fove sté per 25 agn. Ma l vescul fej n plan pastoral y sun la basa de chest destinéiel preves, caplans y degans a les cueres. Al ne n’é samben nience saurì per l vescul che mess dampruma baié su i preves a se sposté. Can che i ove salpù che i messove lascé la cuera de Zoldo, l ove dit 3 meisc dantfora a la jent, y chesta spona de temp à daidé ence mi da me

arjigné plu saurì a la partenza. Ma sie ie che i membri dla cuera on patì truep chest trasferiment, y enscì saràla ence da s'en jì da Fodom. Cie fajareis pa sen che s'en jeis da Fodom? I jirà a vive te n apartament a Belun, metù a desposizion da la diozeja, olà che i cialaré de varì, de me tré su. Ence sce i son sté puere, é l spirit tres bon, sciche ence la vueia y la volonté de me dé da fé. Che sarà pa vost suzessour te Fodom? Mi suzessour sarà Siur Dario Fontana, preve nasciù a Alie, che è bele da n valgugn agn famei dles animes a Cavalzano, na cuera scialdi grana, olà che al à podù fé esperienza. Al é ence sté diretour dl zenter dediché a Papa Luciani a Santa Giustina, olà che al é na ciasa de spiritualité vijiteda vigni ann da trueps pelegrins. Al ruvarà te Fodom de setember. Cie consei voleise pa ti dé a Siur Dario? Ie pò ti dì de fé dut con gran entusiasm y i son segur che al l fajarà ajache al à de bones capazités. A trueps ti fajaràl a scusa, a n valgugn magari no. L numer de Santes Messes la domenia messarà samben vegnì smendrì, ajache ence Siur Vito de Vido, plovan de Rèba vegnirà trasferì y siur Dario sarà soul chilò te Fodom a messei dì Messa. Fina sen fòvel 7 Santes Messes la domenia, cater vegniva zelebredes da Siur Vito y trei da me, una chilò a La Plie, una

Siur Alfredo Murer (sun la man dreta) deberieda con Siur Vito de Vido.

a Andraz y una a Digonera. Na vita con trueps impegns chela de n degan y de n preve… Sci, al ne n’é nia tant saurì da fé l preve te chisc pici paisc de mont, dantaldut d’invern con la neif, ma les Santes Messes mess vegnì zelebredes, perchel él pa mé da tò ca l auto y jì. Ne n’él pa nia preves che vegn Ves a dé na man? Sci, Siur Vito me à daidé truep can che i fove sté puer d’invern. Tratant l’edema fòvel al che tolova mi post y la domenia vegnìvel adalerch siur Luigi Del Favero. D’isté végnel scialdi miscionars, ma chisc pò demé ruvé adalerch na outa vigni trei agn, perchel ne n’él chest isté degugn. Al é temps de crisa, nia demé per l’economia, ma ence per la gliejia y la religion. Co veideise pa Vos chesta situazion te Fodom? En general pòn di che te Fodom

va la jent deplù te gliejia che te d’autri posć, ajache chesta valeda é lieda a les tradizions. Ence l fat che Fodom sie sté lié per trueps secui a la diozeja da Persenon é dret emportant. Chestes tradizions religiouses mess sen vegnì emplides de contegnus per deventé zeche che tira inant la vita dla comunité cristiana. D’isté, per via de manifestazions sportives, musicales y ii, él de manco jent a messa. Ma spo mésson samben ence pensé al moment storich che i vivon, n moment olà che la jent i va do a les modes, a stii de vita nuefs; n preve à te chest caje l dovei de aconsié y de descore con la jent, de fé dut l poscibel per l ben dla comunité cristiana. Voleise ciamò i di val a la comunité dla cuera de Fodom? Tla plata dl decanat, che vegnirà fora per la festa de San Iaco – spere – saràl na letera de salut, perchel ne vue ciamò antizipé nia. (Intervista de katia pizzinini)

Sourainoms da zacan, na tradizion ciamò viva te Ampez Trueps ampezans vegn ciamò aldidancuei caraterisés con i sourainoms da zacan, deplù che con i cognoms Ampez - “De che este pa, pice tosat?”, “De ci sόšto, pizo?”, chesta fova na domanda che vegniva fata de spes enlaouta dai gragn ai mutons che ai ne conesciova nia. Zacan, can che al fova de gran families y de manco jent foresta. I gragn i damanova ai tosac che ai encontova de chi che ai fova, de cie familia che ai fajova pert. Inoms y cognoms fova scialdi i medemi, trueps fova i caji de omonimia. Desferenzié un da l auter ne fova nia tres tant saurì. Perchel vegnìvel metù sourainoms, inoms che vegniva enjontés ai cognoms dles families y che podova datrai ence - sceben me informalmenter - i remplazé. I sourainoms, adorés per se capì da miec y intene atira de chi che al vegniva rejoné, ova origines desferentes, ai podova se referì al post olà che la familia stova da ciasa, al mestier dl pere de familia, a les carateristiches fisiches de n member dla familia, y enscì inant. Inoms, cognoms y sourainoms da enlaouta fej ence pert dla tradizion y dla storia de nost popul, ma aldidancuei ési n pue’ jus a perde. I cognoms da enlaouta é scialdi restés, ma les persones s’à mescedé, al é ruvé adalerch jent foresta y ence inoms foresti touc fosc da libri, films o da

la televijion. I sourainoms vegn perchel de spes demé plu adorés da persones plu de temp, persones che se i recorda ciamò da zacan. Sce tla Val Badia végnel ciamò rejoné de chi dl Moro o de chi dl Cargà, vegn i sourainoms ence te Fascia adorés souradut te na maniera informala. Chilò végnei endere ence adorés tles litazions dles Frazions, olà che al ne n’é nia listes de candidac ofiziales, per evité

caji de omonimia. Sce al ne vegn nia scrit l sourainom, vegn la zedola anuleda. Desfantés via dldut ne n’ési donca nia, ma i sourainoms vegn scialdi mé plu adorés tl lingaz rejoné. Chest ne n’é endere nia l caje de Ampez. Chilò é l’adoranza di sourainoms dles families ciamò valgamia slarieda fora ence per cie che reverda l lingaz scrit. Ai vegn enchinamai adorés te scric per talian y ence da les generazions plu

L legn genealogich dla familia Ghedina. Tl pice cheder sun la man dreta él duc i sourainoms de chesta familia: Basilio, Crepo, de ra Picola, Matiuco, Macheto, de Matia, Martin, Frajo, Tadeo, Biajo, de Justina, Broco, Tomasc, Ponuco, Casier y de Antonia.

joenes. Trueps é i caji de omonimia te Ampez, truepes é les families che porta l medemo cognom. Per se desferenzié à vignuna si sourainom. Y chest vegn adoré ence te comunicac ofiziai, sciche per ejempl i programs eletorai.

N liber che spliega plu de 400 sourainoms Truepa lerch ne n’à l tema di sourainoms - che é aldidancuei na particolarité enteressanta dla popolazion ampezana – nia giatè tla leteratura dl post. Al é na tematica intravaieda, che afonsieia les raijes dret sot tl passé, tla storia di antenac. Tl liber “De ci sόšto, pizo?”, vegnù fora dl 2004, à Ernesto Majoni “Colèto” volù fé l prum vare tl vers de chesta enrescida. Te chesta pulbicazion spliega l autour l significat de plu de 400 sourainoms ampezans. Majoni, che ne n’é nia n linguist o n espert de toponomastica, se delclareia responsabel per fai y mancianzes tl liber, ma dij ence de ester brau de avei scomencé chest troi, con la speranza che la tematica posse vegnì aprofondida da val’ auter studious. Nia trueps ne n’é stés i ampezans

che se à dé ju con la tematica, Majoni, tl liber, féj l ejempl de n studious de Ampez, Agostino Girardi, Tino de Jesué. “Al vegn dé sourainoms per fé damat o per dessené zacai, per l bujegn de desferenzié persones che à l medemo inom, o demé per la volonté de storpié i inoms”, scriv Girardi. Chisc inoms, sourandés per motivazions desvalives, resta y vegn spo tramandés da pere a fi, da na generazion a chel’outra. Enscì é la presidenta dla Generela Elsa “Sorìza”, ajache n si antenat ova porté a scola y sprigolé la maestra con chest pice tier (te chest caje é la spliegazion tl liber de Majoni nia coreta), l redadadour dla Usc d’Ampez é Marco Dibona “Moro”, sourainom lié à na carateristica fisica (scuer de pel o de ciaveis) de n vedl member dla familia. Ma al é ence sourainoms che à na origina todescia, sciche “Mòidel”, che se referesc an post, “Da Melères”, a laours “Fòuro”, a persones “Iacarede” y trueps é ence chi che à na origina nia conesciuda, sciche per ejempl “Bròco” o “Filèno”. La maioura pert di ampezans se carateriseia ciamò aldidancuei con chisc sourainoms, ciamò deplù che con si cognoms. (katia pizzinini) www.lauscdiladins.com

13


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

Un fiol e un fiastro Daante a ra Rejon de el Veneto, dute arae da aé i medeme derite: Anpezo, Col e Fodom conpain de Plodn. El referendum ‘l à da aé el steso valor par dute

Adriano Verocai Daloio ‘l é el loudaduó ladin de el Comun de Anpezo.

Mercui ai 4 de luio, in Ciaśa de Comun de Anpezo, i s’à ciatà chi de ra Consulta de i tre comune ladis storiche de Anpezo, de Col de Santa Luzia e de Fodom. Pi che see, i à parlà de ra situazion de ades, dapò de el referendum de el 2007, par mudà rejon, par tornà aduna con chi outre Ladis de ra Dolomites, inze ra Rejon Trentin Südtirol. S’à vardà chel che ‘l éP suzedù a Plodn, inze ra todesca Sapada, dapò che el consilio de ra Rejon Veneto ‘l à dito de sci, con dute i consiliere che ‘l ea in sala, a fei pasà chesto comun co ra Rejon de el Friul. Ignante ‘l ea stà anche el consilio de ra Rejon Friul Venezia Julia a dì de sci, a ra medema moda. Alora ra Consulta

ra i à dito a el comitato par el referendum de se moe, su ra medema strada, par darśonśe chel che i à abù a Plodn. El pensier de ra Consulta, inze ra paroles de Adriano Verocai Daloio, loudaduó ladin de el Comun de Anpezo: “Nośoutre speron che duta ra istituzios, che ‘s é interesades a chesta cuestion, i me responde in prescia, e polito, par chel che i domandon, par rispeto de chel che ra nostra śente r’à dito, d’outon de ‘l 2007. Coscita se podarà i dà, anche a i nostre tre comune, i medeme strumente che à chi outre, par moe el Governo da Roma, cemodo che s’i à domandà śa zinche ane”.

Su ra crodes de el mondo I Alpis de ancuoi, par ra esercitazion Fuzargo 2012, de el comando da Bolzan. Su ra Dolomites i se parecia, par lourà daparduto, agnó che i vien ciamade

(Foto: Comando Truppe Alpine)

“Una ota i me domandaa se ‘l ea ancora el cajo de dorà ancora i Alpis, inze un mondo che muda. Ancuoi ‘l é i melitare de outre Paes che vien a se parecià con nośoutre”. El capo de stato maggiore de ‘l Esercito talian, el general de corpo d’armata Claudio Graziano, ‘l à dito in poca paroles parcé che i fesc ogni an chera esercitazion, su ra Tores de Fuzargo, su el Col de i Bos. El ‘l à dito co ‘l ciapel sun testa,

co ra pena bianca, parcé che el ‘l é ufizial de i Alpis. “Fajon chesta esercitazios par ese boi de se moe, agnóchemai, canche ocore, canche i me ciama; el nosc Corpo ‘l à algo de vecio e algo de noo, drio ra tradizion de ‘na ota, ma co ra tecnolojia de ancuoi, che ra mantien senpre, daante de duto, ‘l òn, o ra femena”. Ra tośates ‘s é senpre depì, inze i Alpis, co ‘l ciapel da ra pena negra,

Ra esercitazion Fuzargo 2012, de i Alpis da Bolzan, su ra crodes de Anpezo.

14

www.lauscdiladins.com

sun testa, anche su par ra crodes, o inze ra operazios, che i fesc in śiro par el mondo. “I s’à incorto che śoa, anche ancuoi, aé calchedun che ‘l é bon de se moe su par ra crodes, con un rucsoc sun schena, da portà duto chel che i dora. I Alpis i vien ciamade indrioman a fei el so laoro, a mostrà chel che i sà fei, chel che i à inparà, in tenpo de pasc, o agnó che ‘l é gueres. Ancuoi, su chesta crodes, ón vedù cemodo che i s’à parecià polito, dapò mesc de laoro”. El jeneral Graziano ‘l à dito algo, de ce che suzede ancuoi, in Italia e inze el mondo: “Ra forza armades es muda, ‘s à da fei i conte co ra crisi de ra economia, che me porta a aé senpre manco śente. Coscita ón da pensà, pi che see, a i reparte operative; el nosc ‘l é senpre depì un esercito de profescionistes che, par lourà pi in longo, inze i anes, i à da ese pareciade polito”. Se ‘l à vedù, su par ra parés de croda, su i graoi, i troes, ra via ferata, con cuatrozento Alpis, alcuante elicotere, a mostrà el so mestier. Senza sbarà gnanche un colpo, par rispeto de ra natura, de ‘l anbiente agnó che i vive e i laora. (Mdm)

nr. 27 / 13 de messel 2012

Un patriarca, un castel, una bela storia Su chel sasato, a pionbo su ra Boite, ‘l é pasà tropa storia de Anpezo. Un laoro scomenzà ‘l an pasà, che el và inaante ‘sto an, par ra fei conosce Par contà ra storia de el Castel de Botestagno no basta una mostra, no n’é asei in fei does, ma ‘l é da caminà, fei ‘na strada longa. Se sirà inaante par pi de doi mesc, a scomenzà da i 9 de luio, fin ai 15 de setenbre. Lunes dapò mesodì i à daerto un’outra mostra, inze ra sales de el Comun Vecio, dapò de chera che aon vedù ‘l an pasà, de outon, par i zinchezento ane de storia, da canche ‘l ea ruà in Anpezo ‘l inperator Masimilian I e el s’aea tolesc el castel e el paes, de otobre de ‘l 1511. Ades ra storia de chel castel, e de el nosc paes, ra torna danoo, con chesta outra mostra. Par ra daerse, da Belun ‘l é ruà el prefeto Maria Laura Simonetti. “Ei senpre acaro de tornà in Anpezo – r’à dito – parcé che ca ciato fora, ogni ota, algo de noo. Chesto me śoa, par capì meo ra śente, chel che r’à biśoin, e me dia a no me sentì ‘na foresta, ma deboto una de el posto. Me fesc capì cuanto ben che i voré, a ra vostra tèra, e son parsuaśa che i vorede outrotanto ben a r’Italia”. Cemodo che i à recordà el capocomun Andrea Franceschi de Matia e el loudaduó ladin Adriano Verocai, duto nasce dal laoro, fato ‘l an pasà d’outon, par “Masimilian I e el Castel de Botestagno 1511 – 2011”; coscita el Comun de Anpezo, ra Union de i Ladis d’Anpezo, ra Regoles d’Anpezo e el Comun de Toblach, i à vorù moe danoo, con algo de noo, con algo depì. Inze chesta outra mostra se parla de i vece Privilegi, che i lea ra storia de chesto nosc castel con de outre, almanco doi, anche chi vorude da el Patriarca de Aquileia, un a Piee de Cadore e un a Partistagno, in provinzia de Udin. El Patriarca de Aquileia el segna tante anes de ra nostra storia, de bona parte de el Veneto, de el Friul, fin in Cadore e in Anpezo, chesta tèra sarada inze da i doi castiei, de Botestagno e de Piee, cemodo

che s’i vede inze el stema de el Cadore. “Chesta mostra, conpain de chera de ‘l an pasà, ra me dia a insegnà ra nostra storia a i nostre śoen – r’à dito Elsa Zardini Soriza, presidente de i Ladis de Anpezo e de ra Dolomites – a fei el laoro che no n’à fato, fin ancuoi, ra scores. Propio ancoi, ón dute pi biśoin de se defende, da chi che preme, defora, co ra politica, r’economia, el consumismo”. Ma no sarà asei, chel che se fajarà inze el Comun Vecio, co ra cartes, i documente, duto chel che conta ra storia de chel castel. Inze ‘l museo etnografico de ra Regoles, fato fora da ra vecia sia pede ra Boite, a ‘l Ponte de ra zesa, se podarà liese outra pajines, outre sfoes de ra storia de el paes. Se podarà vede un model, fato in pizo, de chel castel. Se son ancora pi inaante, ai 4 de agosto sarà el profesor Giancamillo Custoza, de ra Università de Udin, che el me parlarà de un projeto, par ciatà fora algo, a jaà chel sito, su a Botestagno. Da ra archeolojia a ra musica: inze el gran Festival Dino Ciani, soiba ai 2 de agosto, se podarà sì inze, inze ra jeja de san Nicolò, a Ospedà, par ra vede, par scotà de storia, de arte, par inparà algo de noo. Dapò, senpre inze chera jeja, ra pi vecia de Anpezo, consacrada de setenbre de el 1226, i sonarà musiches de chi tenpe, anche de Oswald von Wolkenstein. Dinultima sarà una bona zena, co ra Accademia italiana della cucina, senpre a ospedà, e un’outra lezion su Masimilian de Asburgo. Sabeda ai 4 de agosto se podarà anche sì a vede ra vecia jejeta de san candel, a Cianpo de Sora; domegna ai 12 de agosto se sirà inveze inze a Toblach, par vede chera Via Crucis, voruda da Masimilian I de Asburgo, con calchedun che conta ra storia de chel monumento. Via par ‘l istade sarà outra ocajios, de sì su a Botestagno, par outra vijites, co ra guides.

El prefeto da Belun Maria Laura Simonetti, ruada in Anpezo, par vede chesta mostra su ra storia de el paes.


Anpezo

nr. 27 / 13 de messel 2012

Television made in Japan

Ra croda ra taje Someaa de ese tornade in guera, i dis pasade, su par pede ra Penes de Naerou. Un outro film, chesta ota austriaco, śirà su par ra nostra crodes. Ra storia de amor de Francesca e Andreas, śa zento ane Inze ra trincees che core duto d’intorno a ra Penes de Naerou, ra nostra Zinche Tores, i dis pasade se vedea ome co ra mondures de ra Prima guera. I ea de un grun, supośò de zincuanta, par śirà un outro film. El rejista Erns Gossner, che el rua da ‘l Tirol, ‘l é drio a śirà “Der stille Berg - La montagna silenziosa”, pagà da ra produzion austriaca Sigma Film. Intrà i atore, ra pi conosciuda par el publico talian r’é Claudia Cardinale. Intrà chi outre gnomes, ‘l é chi de William Moseley, Eugenia Costantini, Fritz Karl, Harald Windisch, Giulio Cristini, Michael Cadeddu, Corrado Invernizzi ed Emily Cox. Dapò ‘l é dejines de conparses, de outre atore, che s’i vede co ra mondures de inalora, de drapo, ‘l elmo ben fracà sun testa, el s-ciopo inze man. I à vorù vegnì ca, su ra nostra crodes, a fei chesto film, parcé che ‘l é chera bela trincees de ra Prima guera, che i à netà fora, che i à comedà, da ‘na diejina de anes. I à sapù bel vegnì fin ca, a contà ra storia de Francesca, che r’é taliana, e de Andreas, austriaco. I se vó ben, chiste śoen, intrà de lore arde ‘l amor, ma rua ra Guera 1014 – 1918, co ‘l so drapo negro, a cuerśe duto. Poco inporta, par ra storia, se chera trincees, chera baraches, chera postazios intor Naerou es fose talianes e no austriaches, a

Chi de ra television Tbs, inze piaza, in Anpezo, par contà algo de nośoutre, a ra so śente.

Mondures de ‘na ota, par el film noo, su ra Prima guera su ra Dolomites.

man dreta de ra val che vien śo da Fuzargo, viśavì ra postazios de el Lagazuoi, el Col de i Bos, de ra Tofana, cheres sci ‘s ea inze man de i austriache. Ignante de ruà in Anpezo, chi de ra produzion de el film i ea stade via par el Trentin, inze outre poste agno che ‘l é restà i segne, lasciade da ra Prima guera. Ruade ca, i à śirà ra prima scenes de di, co ra lun, e ‘pò de outres di note, co ‘l scuro. Se sà che chesta no n’é de zerto ra prima ota, che i vien in Anpezo, par contà stories de guera, co ‘l

cinema. De dute i film che i à fato ca, trope se pó i vede anche inze el bel libro “Set in Cortina”, scrito de ‘l 2010 da Ludovica Damiani. Un de i prime, de ‘l 1931, ‘l é “Berge in Flammen – Crodes in fiames”, de Luis Trenker. Par lourà meo, par un pei de setemanes, su sote ra nostra crodes, chesta produzion austriaca de ‘sto an ra i à domandà ‘na man a ra sozietà de inpiante Averau, co ‘l so presidente Marco Zardini. Ra troupe e el cast i à dromì poco indalonśe, a Pocol, inze ‘l hotel Argentina.

Un’Italia pi bela, co i Ladis Se studia ra comunità ladina, a r’Università todesca de Jena. Una minoranza masa spartida. Par ra tegnì aduna, podarae śoà anche ra musica, con un festival, da fei in Anpezo riconosciude, par minoranza. Dapò duto s’à ficià, par ra politica e ra burocrazia, che no se vede ra fin de chel cridor, e ra comunità ladina de ra Dolomites ra prozede spartida, cemodo che i vó chi de ra provinzies, de ra rejos, pi o manco parsuaśes de dià, de mantegnì, de bete sode par dià ra cultura ladina.

Ra dotoresa Luisa Conti, co i so tre studentes Nadine Grosse, Lisa Schirmer e Axel Franke i mostra el so projeto Die Ladiner – Eine Minderheit in Italien..

Inze ‘l corso de Storia de ra cultura taliana, de el Dipartimento de comunicazion interculturale d’inpresa de ra università todesca Friedrich Schiller de Jena, chesto an no s’à parlà solo de mafia e anti-mafia, de crisi de ra economia e de chel che suzedarà co ra politica, ma anche de ra situazion de i Ladis. Alcuante studentes, co ra dotoresa Luisa Conti, i à abù acaro de zerne fora chesto corso. El nosc anpezan Jacopo Hirschstein Ris-cia, che el laora là, el me conta chel che ra disc chesta studiosa, da Treviso: “Che in Italia see i Ladis, ‘l é un segnal che inze chesta nazion,

I rua da indalonśe, par toi śo ra nostra crodes, ra nostra storia

pitosc śoena, ma agnó che s’incroja ra cultures, da mile e mile ane, ancuoi ‘l é tropa sprtes de cultura noes”. Inze chesto corso a r’università, no s’à studià tanto el folclore, cuanto pitosc ra situazion geopolitica de ra Ladinia, con chesta comunità spartida par tre provinzies, cheres de Belun, Trento e Bolzan, e doa rejos, el Veneto e el Trentin Südtirol. S’à recordà che, de ‘l 2007, co ‘l referendum de i 28 de otobre, i Ladis de i tre comune de Anpezo, Col e Fodom i à fato saé a dute de voré tornà aduna con chi outre, inze una medema rejon, de ese

Par dià i Ladis a se fei vede depì, chiste studentes de ra Università de Jena i à fato un sito Internet, par ades off-line, ma i à anche abù outra idees. S’à pensà a un festival de musica, da fei in Anpezo, agnó bete aduna artistes che dora el talian e outre che dora el ladin o el todesco. Se podarae, coscita, fei conosce a pi parsones ra cultura de ra nazion taliana, che ra parla con pi vojes. Se mostrarae, soralduto, che duta ra sortes de cultures, che ‘l é ancoi in Italia, es no rua da i ultime ane, co ra imigrazion, ma alcuantes ‘s à radijes pi fondes, che ‘s ea inze chesto stato, anche ignante che el nascese, śa zento e zincuanta ane. “Da ra Jermania – el me disc Jacopo Hirschstein – rua donca nafré de aria noa e alcuanta idees che, cisà, fosc es podarae portà algo de noo e de bel, par i Ladis”. (Mdm)

I ón vedude par piaza, alcuante dis, co i microfone e ra telecameres. I ea de un grun, co ‘na jornalista femena e alcuante tecniche. Chesta ota i é ruade da indalonśe, par me tuoi śo, nośoutre e ra nostra crodes. Par alcuante dis à lourà, in Anpezo, chi de ra television japonese Tbs, par el so documentario “A ciatà fora ra mereées de el mondo”, che el và inaante da pi de vinte ane. Con chel che i à toles śo, i betarà aduna zincuanta menute de trasmiscion, a parlà de natura, arte, storia, lejendes, tradizios, el bon da magnà. In Anpezo, i à vardà drio, pi che see, ra crodes e ra so stories. I à lourà con Cortina turismo, soralduto con Manuela Conte, che ra conosce polito ra parlada e ra cultura de chel paes: “Con chel che i à toles śo, con chel che i mostrarà, i vó contà cemodo che ra natura ra goerna ra vita de ‘l òn. Par v’in dì una, i à vorù saé duto de ra nostra piantes, de i brascioi, pi che see de el pezuó e de el làresc, cemodo che se dora el len, ce che se và adora a fei fora. Dapò son stade su par Naerou, a caminà. I à vorù saé duto de i fosiles de ra

nostra Dolomites, coscita son stade inze ‘l museo Rinaldo Zardini, de ra Regoles d’Anpezo”. Outra otes ‘l ea ruà televisios made in Japan, ma chesta ota ‘l é stà algo depì, de noo: “I scomenza a voré saé de ra Prima guera – ra me disc Manuela Conte – e inveze, fin ancuoi, i no vorea gnanche in saé. Coscita i ón menade, co ra nostra Guides, su par Tofana, su ra ferata de el Castelletto, agnó che i à contà de ra guera, de ra mines, che à fato soutà chera crodes. Inze ra so trasmiscion i parlarà donca de el śì in croda, su ra fates de i melitare, ma anche de ra storia e de i ome”. Par dute nośoutre ‘l é un gran vantaśo, portà ra nostra belezes coscita indalonśe, inze chel paes, da agnó che rua trope turistes, duto ‘l an, ma pi che see fora stajon, d’ousciuda e d’outon. Dapò de aé lascià Anpezo, i é stade inze outra vales ca pede. Par el da magnà, i à vorù ruà a Zubiana, e ‘pò in Zoldo, a Fornesighe, par parlà de el jelato, de ra tradizion de chiste artejane, in śiro par i paes, de duto el mondo.

Par śì pi pian Zinche autovelox, su i stradoi de Anpezo S’i vede polito, de di e di note, co ‘l so color e con chera lumetes de sora, che es s’inpiza, da dasera, co vien scuro. I à fato aposta, a i bete agnó che s’i vede polito, coscita ra śente ra và pi pian. No n’é ra voia de bartaśà ra śente, de strutà su pi sode che se pó, co ra multes, ma s’à chera de fei śì pi pian ra machines, par strada. Par bete fora chiste autovelox, su ra strades d’Anpezo, i à scotà chel che domanda ra śente, ra parsones che vive śo par pede ra strada, e che vede pasà masa Fernando Alonso, da tanto che i core. El projeto Cortina segura ‘l à vedù bete fora zinche de chesta machines, su i doi stradoi pi grei, che i s’incroja inze ra nostra val: ra 51 de Alemagna e ra 48 de ra Dolomites. Una r’é a Agabona, su ra tirada, canche se rua inze da ‘l Cadore; una r’é in Begontina, viśavì el vecio hotel Dolomiti, pede ra Crosc Bianca; un’outra inze a Majon, daante a ‘l hotel Miriam. De chel outro ver, una r’é su ra tirada che rua in Alverà, pede el crojà da voltà inze a Pecol, e cher’outra r’é a Ronco, tacada a ra ciaśa de i Diornista, viśavì Bepe Selo. Ogniuna de chesta machines ra pó meśurà ra oga, de ci che pasa in su e de ci che vien in śo, e ‘pò lieśe ra targa, se se core masa. Es no sarà dutes inpizades,

inze ‘l medemo momento, es śirà a rodoleto, ma ra śente ra no sà cara che r’é inpizada e ca no, coscita se và pi pian senpre. Aduna co ra machines, sarà anche i ome, a ‘l laoro, de el comando de ra polizia de comun de Anpezo. I anes pasade s’aea proà co algo de outro, a fei śì pi pian ra śente, ma ‘l à śoà poco, chera doa tabeles, co ra lumes, che i à betù a Maion e fora In Ria. Algo ‘l é pura da ciatà fora, par fei rajonà ci che oga ra machina, e pensa senpre de ese su ‘na pista, agnó che se core, a fei ra gares. E canche ‘pò suzede ra disgrazies, canche se copa canchedun, alolo pronte a se ciamà grame, a dì che i no vorea, che i no cardea, che i no saea.

Un de i zinche autovelox che i à betù fora: chesto ‘l é a Ronco, chi outre a Agabona, in Begontina, a Maion e ves Alverà. www.lauscdiladins.com

15


Val Badia

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

nr. 27 / 13 de messel 2012

I brac dla crusc é aspanà

Ert jona söla “Panorama”

Ligrëza por le grup di jogn d’Al Plan che à podü festejé cun na bela cumpëda de porsones la benedisciun dla crusc de Furćia dai Fers

Fabian Feichter, reprejentanza ladina al intern dla mostra Panorama tl fort a Franzensfest

Na recordanza dl dé de benedisciun.

La crusc s’erj sö cuntra cil.

Al Plan - Bele tla ultima ediziun unse cuntè dl proiet di jogn d’Al Plan, che s’à metü adöm por êrje sö na crusc sön Furćia dai Fers. Do che an â dan chinescdé portè sö i pröms trëi tòć, éson la sabeda dan otedé jüs sö cun i atri trëi. Canche la crusc é stada en pé, l’àn ćiamò implida cun peres, y döt ê arjigné por la benedisciun. Chësta é gnüda a s’l dè la domënia ai 8 de messè. Dales 7.30 da doman s’à abiné na bela cumpëda de jënt por pié da Pederü sö cuntra Furćia dai Fers. D’atri à cernü le tru dai Tamersc sö. Söinsom êl rovè adöm ala fin incër 70 porsones, nia ma de Mareo, mo inće dai paîsc vijins. Ilò à spo siur Tone Fiung zelebrè la

santa mëssa y benedì la crusc nöia.

”I ćiari con morvëia....” Le pinsier ne podô nia ester n ater co chël di crëps, che se lascia confrontè da plü punć d’odüda cun la vita da vigni dé: le travert dan i edli, les fadies tratan le tru, l’alternanza danter vare, palsa y n ater vare. Insciö é inće la vita, cun momënć de fadia, cun momënć che an se va plü saurì, cun momënć olache an mëss stè chić por trà le fle, denant co se mëte indô sön tru. Y a piz aspeta la ligrëza, che i jogn à inće portè ite tla mëssa, tl pinsier de meditaziun, che dij insciö: ”Bun Bel Dio, i te rengrazi por la forza, tres chëra che i sun sté bun da roé sö atlò. Con morvëia ti ćiari al monn dai crëp, co mostra töa grandëza. Con morvëia vëgni tut ete da töa realté divina atlò sön cösta piza. Con morvëia sonti le confin co se delega danter cì y tera y i mo sonti dlungia te. I te lasci ete te mè, a na moda che i ne perdi nia la speranza dertan tomps de rassegnaziun da podëi vire endô da nö les munts.” Chësc pinsier de ”contemplaziun” va inant inće sön la tofla, che i jogn à lascè mëte sön la crusc nöia. Laprò ne manćia nia n pice liber, olache chi y chëres che rovarà sö, podarà instësc delibré sü pinsiers, sües emoziuns, süa suplica, te n post - chël dla munt - olache an se sint poester plü dlungia al Creatur, y sint sentimënt de ligrëza y liberté.

N dilan sintì

La tofla che i jogn à metü sö.

16

www.lauscdiladins.com

I jogn oress rengrazié dötes les porsones che à contribuì al garatè de chësta iniziativa. N dilan ai sponsors che à dè n contribut por curì i cosć, a chi che à daidé fà ia la burocrazia, sambëgn a chi che é jüs a daidé portè y mëte sö la crusc, y nia ala fin a düć chi che à festejé para chësc dé. (pablo)

Ert - Cater artisć raprejentëia les valades ladines pro la gran mostra d’er t nöia “Panorama 4” a Franzensfest. Aron Demetz y Gerhard Demetz é ejëmpli de artisć ladins che à bele fat strada. Fabian Feichter y Diego Perathoner fej pert de na generaziun jona che porta na vëta nöia tla maniera da fà ert ti posć ladins. Tla suravijiun dl’ert atuala tl Südtirol él da odëi indöt 33 posiziuns d’ert contemporana. I “Panorama” é rovada a söa cuarta ediziun. presentun en cört Fabian En chësc iade ésera metüda fora tl fort a Feichter. Fabian Feichter Franzensfest. é n artist etletich che proa fora y s’anüza di mesums plü funz sö, daverta y prigorosa. Sön desferënć dl’ert cuntemporana, i parëis dl salf él da odëi, busiënć porvan da arjunje na reaziun tl y ossessifs, i chedri de na proieziun spetadù, che po ester positiva o che é metüda adöm da n gröm de negativa. Tröc laûrs de Feichter à tòć de films. Feichter alza fora le da nen fà cun l’evoluziun y la comportamënt malsann de cer trasformaziun dles cosses, y inće ambienć mediatics y al critichëia cun la poetica dl contrast dissonant la prescia y la superfizialité de na danter porsona y natöra y danter s oz i e té o t a a co n s u m é vita y mort. Öna dles tematiches acriticamënter de vigni sort de che Feichter porta dant le plü pseudo-informaziuns, venüdes gonot é avisa la mort, de chëra desco paradigmata assoluć. Fabian che “an baia dagnora massa püch, Feichter é nasciü dl 1986 y é d’Al deache la jënt à tëma y l’ascogn, Plan de Mareo. Al à fat la Scora inće sce ara sa che tert o adora Profescionala a Bornech y dedô gnaràra por düć”. A Franzensfest la Scora Profescionala de scultöra presënta l’artist indò chësc te Sëlva. Al vir y laôra a Minca, argomënt, le ćiarian de dötes söes olache al é scrit ite dal 2006 incà sfomadöres tragiches y alzan fora tl’Academia d’Ert. La mostra la naturalëza dl destin, a chël che “Panorama 4” é da odëi a ara ne va nia da i sciampé. Tl Franzensfest tl fort ćina ai 30 de ambiënt claustrofobich cherié dal setëmber 2012, mertesc dales artist s’abinarà le spetadù te n 11.00 ales 21.00, dal mercui ala scenar apocalitich; al gnarà tochè domënia dales 11.00 ales 17.00 y scassè da de vigni sort de stimui (d’agost ćina les 18.00). acustics y visifs. Na fossa, impede Informaziuns ciàfon sön internet ester ćiavada tla tera, s’ërj sura www.provinzia.bz.it/panorama


Val Badia

nr. 27 / 13 de messel 2012

N bel dé, n dé de incherscimun Mëda Sabina Campei de Curcela a Badia à complì 100 agn! Y sambëgn ti àn inće fat na bela festa. Na santa mëssa de rengraziamënt cun la parentela n’à gnanca manćé N cör che bat… 100 agn alalungia N cör che lascia rogore fora tan d’amur… 100 agn alalungia, N cör che partësc soferënzes y ligrëzes… 100 agn alalungia, N cör che lascia süa merscia d’amur, de fede, de speranza… 100 agn alalungia, …chësc mirita n bel gran giulan!

Lotaria dl ”Kirschtamichl” Lotaries - Le grup di jogn da Antermëia à organisé na lotaria, de chëra che i publicun chilò i numeri fortunà: 802 bröm, 390 ghel, 515 ghel, 459 ghel, 413 ghel, 289 ghel, 410 ghel, 948 bröm, 6 ghel, 254 ghel, 294 bröm, 740 ghel, 32 bröm, 146 ghel, 951 bröm, 781 ghel, 8 ghel. Sce i ëis albü fortüna, lascésse adintëne pro Armin al 348/3977744 o Nadia al 347/4054998.

Le ”Michil” dla segra.

Te biblioteca inće da sëra Les biblioteches da La Ila, San Martin y Al Plan é davertes i mëisc de messè y agost n iade al’edema inće da sëra, por i dè la poscibiblitè inće a chi che n’à nia dlaurela ia por le dé da s’anuzé di sorvisc dla biblioteca

Inće l’ombolt de Badia Iaco Frenademetz y le vizeombolt Klaus Castlunger é jüs a portè les mius aodanzes.

Mëda Sabina de Curcela à arjunt la bela eté de 100 agn.

Aodanzes - En vëndres ai 6 de messè à mëda Sabina de Curcela podü festejé bëgn 100 agn de vita adöm a sü 10 mituns cun families, sü 24 nus y 25 pronus. N bel smaz cun 100 röses, na bela ćiandëra cun le numer 100 y na buna turta abelî la mësa tla bela stüa da paur por chësc compliann tan aspetè. Cun so bel ri, cun süa buna löna y cun süa espresciun da picia uma contënta, à mëda Sabina imprescionè düć chi che é rovà adalerch a ti aodé döt le bun. En

jö cun na beliscima sorpreja por mëda Sabina. Siur degan Iaco Willeit ti à surandè a mëda Sabina le bel retrat gnü menè adalerch da Roma, cun la benedisciun dl Papa y les congratulaziuns. Chësta é stada por ëra na gran ligrëza. Tratan la festa n’à nia manćé rimes, ćianties, rengraziamënć y 100 leghermes. ”Al é stè n bel dé, mo al é ince sté n dé de incherscimun!”, insciö à dit la uma de Curcela ala fin dla festa. (Edith y Erich)

chël dé ti àra tignì compagnia a düć; ara savô ćiamò da dì sö rimes por talian ch’ara se recordâ dai tëmps dla scora elementara; gnanca da crëie ći memoria. Por l’ocajiun él ince rové te ćiasa l’ombolt y le vizeombolt de Badia a ti sporje les mius aodanzes. 100 agn de vita mirita bëgn dui dis de festa. En sabeda ai 7 de messè él rové adöm tla dlijia de Badia döt le parentè por rengrazié de chësta gran scincunda dla vita. La santa mëssa, zelebrada da 4 proi, s’à stlüt

Letöra - I mëisc messè y agost sarà la biblioteca da La Ila daverta le mercui dales 19.30 ales 21.00, chëra da San Martin le mertesc dales 20.00 ales 22.00 y la biblioteca da Al Plan le mertesc dales 19.30 ales 21.00. I orars de daurida biblioteca por biblioteca La Ila: lal lönesc al vëindres dales 9.00 ales 12.00 y dales 15.00 ales 18:00, vigni mercui inće dales 19.30 ales 21.00. Badia: le lönesc dales 9.00 ales 12.00, le mertesc dales 15.00 ales 18.00, le mercui dales 9.00 ales 12.00 y le vëndres: dales 15.00 ales 18.00. Calfosch: le lönesc

dales 15.00 ales 18.00, le mercui dales 15.00 ales 18.00 y le vëndres dales 10.00 ales 12.00. La Val: le mertesc dales 15.00 ales 18.00, le mercui dales 9.00 ales 12.30 y la jöbia dales 15.00 ales 18.00. San Martin: dal lönesc ala jöbia dales 10.00 ales 12.00 y dales 15.00 ales 17.00, vigni mertesc inće dales 20.00 ales 22.00, y le vëndres: dales 10.00 ales 12.00. Al Plan: le lönesc dales 9.00 ales 12.30 y dales 15.00 ales 18.00, le mertesc dales 19.30 ales 21.00, le mercui dales 15.00 ales 18.00, la jöbia dales 15.00 ales 18.00 y le vëndres dales 15.00 ales 18.00.

Les biblioteches pita intrês indô inće incuntades y animaziun.

Iade tla Georgia Avis - Tla ediziun de La Usc di Ladins dl'ater edema publicarunse na reportaja de n iade fora por la Georgia tl Caucasus. Le redadù Iaco Rigo à podü rodé jö munts amples, paîsc y citês de chësc raiun ponü ite danter dui de gragn mêrs, le Fosch y le Caspich, y la morona de munts dl Gran Caucasus y chëres dl Pice Caucasus.

Iaco söl "Punt dla pêsc", atraziun de Tbilisi, proieté dal architët talian Michele De Lucchi.

Mëda Sabina cun sü 10 mituns. www.lauscdiladins.com

17


Val Badia

nr. 27 / 13 de messel 2012

Le dé dles inaudaziuns Tl paîsc de Badia àn podü inaudè y benedì en domënia dan otedé bëgn cater strotöres publiches. Metü man àn da doman cun le Punt de Costa, opera che à costè 1,8 miliuns de euro. Roman Pizzinini: ”Sce al à da sozede val’ söla strada dla Val Badia, é chësc le su coliamënt por la valada”.

Sciöche da tradiziun: le tài dla vëta.

Badia/1 - Al sozeda bëgn dainré che n comun pois inaudè le medemo dé bëgn cater strotöres publiches. Chësc é stè le cajo en domënia passada a Badia. Te n dé de festa y aorela cörta él stè na ”maratona” de inaudaziuns cun cater staziuns desvalies, por inaudè le Punt de Costa, ćiasa de Comun, magazinn di stödafüch y tonel de drenaja da La Crusc. ”Por me y por düć os, spezialmënter por chi de Costa y Grones él incö n dé de gran ligrëza y plajëi da podëi daurì y benedì le punt desdrüt dan trëi agn dala roa.” Chëstes les prömes parores pronunziades dal ombolt Iaco Frenademetz dan na bela cumpëda de jënt che ê rovada adöm dan le punt de Costa nü. Dlungia i rapresentanć de comun à tut pert inće le presidënt dla Provinzia Luis Durnwalder, l’assessur Florian Mussner sciöche inće rapresentanć dla dita Cimolai Spa da Pordenun che à fat i laûrs, tecnics y injeniers provinziai. Le punt nü fej śëgn parüda, suradöt cun so pilaster de 37 metri che s’erj sö a cil. Le punt vëgn tignì da döes tres d’acià che röia döt adöm sön 92 metri de lunghëza.

La jënt se conscidra jö le punt.

Por la stabilité dl punt él gnü ancorè tl crëp cun de gran cordes danter 70 y 85 mm grosses. I laûrs â metü man d’aurì dl 2011, feter dui agn dô che la roa â desmandrè te na nöt le punt vedl, y n’â desgort n tòch ćina jö tla Gran Ega. Chësta rô ê ma l’ultima de na ligna de dificoltês cun chëres che i abitanć dla vijinanza à messü vire na vita.

Paltan ćina sö dai jenëdli Roman Pizzinini de Costa à instës orü portè n salüt y n rengraziamënt a inom de döta la vijinanza, recordan suradöt inće situaziuns y realtês che à caraterisé la vita di abitanć ti tëmps passà. Canche ai jô dandaìa vigni dé a pé o cun la roda por rové te paîsc, a scora, a dlijia. Intres indô gnô la strada curida da paltans. ”I po me recordè bun sciöche mi pere me portâ me y mi fredesc y mia só un indôlater sura chisc paltans ia, sciöche al jô sot cun i stivà ćina ai jenëdli y se delibrâ cun gran fadia dal paltan, por nes portè sigüsc ćina dal’atra pert. Insciö rovânse a scora do n’ora, cun le guant paz y gonot inće cun i pîsc moi”, à recordè Pizzinini. Al à cuntè dles nöts zënza dormì, suradöt canche al ploiô, por i fistidi di geniturs

canche i mituns o inće i ghesć messâ tert da sëra despassè a pé la roa por rovè a ćiasa.

Nia ma le punt por trëi families Les roes gnô jö da vigni sajun canche al tempiâ, te n ann é la strada gnüda curida por bëgn 30 iadi. Gonot ne jôra gnanca plü da passè ia - é jü inant Pizzinini - inće deache al ê massa prigorus y insciö messâ i abitanć passè tres Jusciara o Curcela, ći che orô dì jì passa n’ora a pé, na desfida y na pretenjiun suradöt por pici y jënt de tëmp. La roa à spo inće - sciöche dit desmandrè le punt che ê denant, realisé cun gran fadies i pröms agn 90. ”Chël punt n’é gnanca mai gnü benedì”, à recordè Pizzinini. Y ala jënt ti sciàmpel n sorì. Pizzinini à orü alzè fora che le punt n’é ma le punt por chi de Costa: ”Al n’é nia ma le punt por trëi families. Sön chësc punt va vigni dé n gröm de porsones, vijins, ghesć cun la roda, jënt a pé, paurs cun le tractor. Al passa cotan plü jënt de co che an mina. Y an mëss inće ponsè che sce al ess da sozede val’ tl tonel dla Val Badia, é chësta la sora strada che passa por la Val Badia. Pizzinini à stlüt jö cun

Roman, Raimund y Ivana nen sona n tòch.

rengraziamënć a düć chi che à portè pro al garatè dl punt.

Cualité de vita inće da na pert fora I cosć por la realisaziun dl punt nü é stà de 1,8 miliuns de euro, ći che â inće alzè sö critiches danter la jënt. N miliun é gnü conzedü dala Provinzia. ”Mo i sperun intres ćiamò do n contribut ajuntif da pert dla Provinzia”, à injuntè l’ombolt. Durnwalder y Mussner se ćiara y s’la rì. Chësta frasa tomarà gonot pro les inaudaziuns ofiziales. Durnwalder à instës dit che al s’à spordü canche an ti à presentè i cosć por la realisaziun dl punt, mo à inće alzè fora l’importanza dla strada nia ma por les families, mo inće por i ghesć y por le fatur de coliamënt. Durnwalder à orü recordè l’intenziun da pité inće cualité de vita da na pert fora. ”Tres nosta autonomia podunse instësc tó la dezijiun co y ola che i investiun nüsc scioldi.” La benedisciun dal cil é gnüda cherdada jö da siur degan Iaco Willeit, che à recordè sciöche le punt é n liam dla jënt che abitëia tla vijinanza cun le paîsc y la vita de paîsc. Al à perié do la proteziun por la strotöra, mo inće la jënt y

Le paîsc de Badia é plü sigü Le tonel de drenaja da La Crusc ê l’ultima tapa de chësc dé Badia/2 - An po dì che le paîsc de Badia é śëgn plü sigü. Canche les ćiases sura San Linert sö, suradöt a Pransarores, â metü man da trà sfësses, ân capì che al ê gran ora da chirì na soluziun. La situaziun geologica dl terac, cun ”lënghes” de rejila sot ite, y les eghes intres en movimënt, à cherié na instabilité dl terac. Na chestiun inće ria da tignì sot a control. Bele dl 2001 àn metü man cun la proietaziun de n tonel de drenaja. La Proteziun Zivila Nazionala à finanzié deplëgn i laûrs de chi 8,3 miliuns de euro, lauran strentamënter adöm cun la Provinzia de Balsan. La direziun di laûrs é stada tles mans dl gheologh Aldo Marzola, i laûrs instësc é gnüs fać impröma dala

18

www.lauscdiladins.com

dita Gabi de Storo y spo dala Klapfer Bau da Terenten. Al é gnü realisé n tonel de chi 700 metri, olache l’ega vëgn delota te ros, che porta aladô dla sajun danter 6 y 60 litri al secunt. Cun chisc laûrs dess le paîsc de Badia śëgn ester plü sigü. La domënia passada ê i ghesć d’onur invià da vijité söl post le tonel. Ai é gnüs menà sö dai stödafüch, y dailò à siur degan Iaco Willeit inće benedì chësta opera publica, perian che la natöra scones la jënt da desgrazies. Por la jënt saràl na secunda ocajiun por odëi davijin le tonel. Al é bele gnü comuniché che ai 29 de setëmber gnaràl metü da jì n dé dla porta daverta por düć. (pablo)

Iteinsom le tonel de drenaja da La Crusc. (foto: Werner Pescosta)

döt le paîsc. Proteziun dess inće pité le Sant da Oies, porchël à le Comun fistidié da lascè mëte sö na tofla che recorda le dé dla benedisciun. An é spo passà al tài dla vëta tradizional, y la jënt à podü se conscidré jö la strotöra nöia. La vijinanza de Costa à instëssa contribuì da abelì la festa. I fredesc Raimund, Roman y Ivana à sonè val’ tòć, y por la jënt rovada alerch él gnü tenü sö val’ de bun dal danmisdé, denant che la jënt se metess indô sön tru por la secunda inaudaziun. (pablo)

La tofla dl Sant da Oies dess pité proteziun.


Val Badia

nr. 27 / 13 de messel 2012

Plü lerch por stödafüch y chi de comun Te ćiasa de comun po śëgn i colaboradus se laurè plü saurì, y inće la Posta à ciafè salamënć nüs. I Stüdafüch de Badia se ralegrëia deperpo por so magazînn sö san Linert, che é inće plü ampl y pîta lerch assà por düć i injins y sorvisc

Discurs de Luis Durnwalder dan la ćiasa de comun restrotorada.

Tratan la gran mëssa alaleria.

Badia/3 - Musiga y stödafüch ê bele metüs sö dan ćiasa de comun, che ê la secunda tapa de chësc dé. Dlungia les autoritês politiches locales y provinziales, à tut pert inće i colaboradus de comun y i rapresentanć dla Posta Taliana, che ciafa te ćiasa de comun sü ofizi nüs. L’Ombolt é jü ite en cört sön la storia dla ćiasa, che ê gnüda fata sö i agn 1976-77 sot al ombolt Otto Pizzinini. Do 45 agn jôra debojëgn da la restaurè y l’adegué ales normes. Mo inće i colaboradus â debojëgn de plü lerch por desfiré so laûr. Insciö é la ćiasa gnüda partida sö danü, cun la realisaziun de deplü ofizi nüs te dötes trëi les alzades. Öna dles novitês é stada chëra da arjigné inće l’ofize dla posta nü. La direziun dles Postes Talianes â manacè da stlü definitivamënter l’ofize de Badia, sce al ne foss nia gnü fistidié por n ofize nü. I ofizi é śëgn bele arjignà da n pez, mo la posta instëssa n’à nia ćiamò fat le trasferimënt. ”Al foss stè dër da parentè sce les postes ess stlüt a

ê da jì inant sö cuntra San Linert, olache al foss stè spo la gran mëssa.

Badia”, à dit l’ombolt.

”Na ćiasa de comunicaziun!” I laûrs de restaur dla ćiasa de Comun à metü man feter dan da n ann y à doré fina incër Nadè dl ann passè. Cun l’ann nü àn sciafié da rové ia les ultimes cosses y laprò él inće gnü fistidié dl abelimënt dla plaza dan la ćiasa de comun, che ê ćiamò püć dis dan l’inaudaziun feter n cantier. I cosć di laûrs é stà döt adöm de incër 1,2 miliuns de euro; la Provinzia daidé cun n contribut de 320 mile euro, y tres le fond de rotaziun n’àn ciafè 450 mile laprò. Siur Degan à benedì la strötöra, dijon: ”Al é la benedisciun de na ćiasa tan importanta. Al é na ćiasa de aministraziun, de laûr, de sorvisc, inće de comunicaziun. Na ćiasa olache al vëgn tut de gran dezijiuns. La benedisciun de Dî dess acompagné por döt ći che vëgn fat.” La jënt à insciö podü se fà na roda fora por i ofizi nüs, tratan che la Musiga y i stödafüch se metô sö. Al

”Mëte Chël Bel Dî al pröm post!” Te chësta ocajiun de festa é la mëssa gnüda zelebrada alaleria, sön paiun sura ćiasa dles uniuns. ”Al é n dé de festa por Badia incö”, à dit le degan, che à inće fistidié tres döt le dé por la dërta mosöra de humor. Le degan à orü recordè che al é n gröm de jënt che laora, fistidiëia y fej, y che por le garatè ôl inće ester l’aiüt de Dî. ”Chël Bel Dî dess ester dagnora al pröm post”. La mëssa é gnüda conzelebrada da siur Pire Irsara y por la solenité à inće fistidié la Müjiga de Badia, che à spo dedô acompagné la jënt jö sot la ćiasa Runcher, por la terza benedisciun dl dé - l’ampliamënt dl magazînn di stödafüch.

”I sëis tres arjignà da daidé!” Al ê intratan inće rovè alerch i

L’at ofizial pro la festa d’inaudaziun dl magazînn di stödafüch.

rapresentanć dl diretif di stödafüch de raiun y dla provinzia. Ai stödafüch ti à l’ombolt dit: ”Os stödafüch, por la comunité fajëise döt le poscibil, i sëis te vigni momënt - dé y nöt - arjignà da daidé. I dëis osc aiüt tl cajo de desgrazies y de prigo, porchël él dërt - sce i fajëis bele döt debann - che i podëise almanco avëi i locai y les massaries da se laurè saurì." Le comandant Egon Ploner à en cört cuntè di laûrs fać. I laûrs por l’ampliamënt dl magazînn à metü man da d’aisciöda dl ann passè y à doré ćina d’otober, canche an à indô podü zoruch tl magazînn amplié. Mo al ê ćiamò de vigni sort de mëndri laûrs da fà ia. Por amplié le magazînn àn tut la dezijiun da fà sö dlungia le magazînn vedl n tòch de frabicat de 46x13 metri, passa 4 metri alt. An é insciö passà da 334 a 800 m2 de lerch. Al é garatè dui de gragn garasc por mascînns, mo inće n local por stè adöm, fà sentades o cursc, sciöche inće da podëi stè a dormì sce al va debojëgn. Laprò él n local tecnich por l’atrezatöra,

sorvisc igienics y n gran logher por mëte jö le patüc che ê ćina śëgn te locai spartis sö fora por paîsc. Le vedl magazînn é inće gnü dortorè y insciö àn danter l’ater inće ciafè la lerch aladô por i stödafüch jogn. I laûrs à costè döt adöm 1,4 miliuns de euro, incër 900mile n’à dè ca la repartiziun provinziala de Proteziun Zivila. Sides i laûrs pro la ćiasa de comun co pro le magazînn, é gnüs realisà cun ”tlês tla man” dala dita Bioc Bau. La festa é jüda a piz inće chilò cun la benedisciun da pert de siur degan y spo cun la vijita al magazînn nü. Laprò podôn inće cuchè ite tl salamënt dl implant de cogeneraziun (ćiara articul a pert), y te ćiasa dles uniuns basìte gnôl mostrè n video sön i laûrs pro le tonel de drenaja da La Crusc, che foss stè la cuarta tapa dl dé dles inaudaziuns. Mo misdé ê bele passè ia da n pez. Val’magun burâ sigü inće y la jënt ćiarâ bele cun gola al gran renfrësch che i ostis â fistidié da arjigné ca, olache tröc s’à ćiamò tignì sö en bona compagnia. (pablo)

Tài dla vëta dan le magazînn di stödafüch.

Inaudaziuns tl’inaudaziun La polizia de comun à n auto nü y cun n implant de cogeneraziun vëgnel scialdè i frabicać publics Badia/4 - Dlungia les cater strotöres plü importantes che an à inaudè a Badia, él inće gnü injuntè na ”inaudaziun tla inaudaziun” - sce an po dì insciö. Jö dan ćiasa de Comun àn tut l’ocajiun da benedì inće n auto nü por la Polizia de Comun, che sarà d’öga por le sorvisc de regolamentaziun sön strada. Pro la ćiasa Runcher él gnü inaudè l’implant de cogeneraziun

ralisé dala sozieté ACEAT Badia Srl, na sozieté deplëgn tles mans dl comun. L’implant ê bele gnü realisé danter l’isté y l’altonn 2010, por na soma de incër 650.000,00€ (al é en previjiun n contribut provinzial dl 30%). Ara se trata de n implant alimentè a metann che prodüj sides ćialt co forza eletrica. Le ćialt vëgn partì fora cun la rëi de telescialdamënt, la forza eletrica

vëgn venüda sciöche ”energia ecologica”. Por le momënt vëgnel sor vì cun chësta rëi de telescialdamënt la ćiasa J.B. Runcher cun le local dla musiga, la scora elementara, la scolina nöia, la ćiasa di pici y la strotöra dla scora vedla. En previjiun él che al röies pormez ćiamò d’atri frabicać de comun, sciöche inće n valgügn frabicać privać. (pablo)

La verda de Comun Franz Dapoz fej bele sorvisc cun l’auto nü. www.lauscdiladins.com

19


Val Badia

nr. 27 / 13 de messel 2012

N liber é por dagnora Por le iubileum de 100 agn di Stüdafüch da Corvara él gnü metü adöm n liber che documentëia cun tröpes fotografies la storia dla uniun, mo inće les majeres desgrazies che à atochè le paîsc che va zoruch ai agn do le 2000 é stades le mèdefüch tla sauna dl Hotel Panorama dl 2001, n mèdefüch te na ćiasa sön Plan dl 2005, olache ara é jüda da salvè gran pert dl’abitaziun, deplü inzidënć sön strada, ćina al mèdefüch tl Residence Piz da Lech iniann de jenà. De chisc y de cotan d’atri caji vëgnel cuntè tl liber, mo chisc ves lasciunse descurì instësc.

Comandanć da inier y incö

I mëmbri atifs di Stüdafüch da Corvara cun l’ombolt Robert Rottonara - altonn 2011.

Lies - Canche na uniun po festejé n iubileum, él na bela usanza da dè fora n liber o n codejel che documentëia süa storia. Gonot é documënć y retrać spartis chilò y ilò, romagn agn te cassëtes, manacia ćinamai da jì a perde. Cun n liber cöion adöm les informaziuns plü importantes, y an les mët a desposiziun dla jënt, che po insciö imparè da conësce la storia, che n’é feter mai ma la storia de na uniun, mo bëgn inće n tòch de storia de n paîsc. Le iubileum toronn gnarà festejé alangrana tla findledema di 21 y 22 de messè (program sot ales manifestaziuns), y te chësta ocajiun gnaràl partì fora la publicaziun nöia. Bele śëgn orunse cuntè n valgügn fostüs dla uniun di stödafüch y ves pité n valgönes pilores che an ciafarà tl liber. Le füch po ester amich, canche al scialda nostes stües, canche al nes fej löm, canche al é simbol de ćialt y de stè saurì. Al po inće ester nemich canche les flames desdrüj y desfej. I stödafüch à poèster gonot a ći fà cun chësta pert rodosa dla medaia. Da intres incà à le füch inće gaujé de gragn danns. A Corvara vëgnel p.ej. cuntè de n mèdefüch dl 1752 a Pedecorvara, che ti à costè la vita a cater porsones. Te n

documënt dl 1854 dla Signoria de Mareo, ciafè te calonia a Calfosch, ti vëgnel racomanè ai zitadins da mëte averda cun le füch, danter l’ater da ne fomé nia tabach dlungia stala y majun, da ne rodè nia cun ćiandëres, chentli o linternes dlungia tiac o lignan, da ne tignì nia cënder sö sot le tët. Ne se tignì nia a chëstes desposiziuns orô dì straufunghes. An â bonamënter bele odü massa desgrazies liades ala dejatenziun. N corp de stödafüch podô porchël ma ester d’öga sce al â da sozede valch. I Stödafüch da Corvara vëgn nominà le pröm iade dl 1912 - do che ai s’â despartì da chi da Calfosch. Al ê n grup de 29 omi sot al comane de Josef Kostner dl Cajarin. La sënta dla uniun ê tla vedla ćiasa dla scora basìte. Bele i agn dla vera s’archita ia l’ativité feter daldöt, deache i ëi mëss jì a combate. Tl liber sön la uniun vëgnel cuntè i fostüs plü importanć dla uniun, sciöche la reunificaziun cun chi da Calfosch, ti agn dal 1925 al 45. Comandanć ê chi agn Sepl Thaler d’Aisanć y Leopold Clara. Cun dolarata püch test y tröc retrać y documënć vëgnel cuntè insciö daimproìa la storia da inlaôta ćina

aldédaincö. An po lì impröma inće na cörta storia dl svilup dl paîsc tl ultim secul, por passè spo ales informaziuns che reverda la uniun en particolar. Insciö lìon dles incuntades di stödafüch de Puster, che é gnüdes tignides a Corvara bele dl 1924, spo indô dl 1960 y l’ultim iade propi chësc ann da d’aisciöda. Al vëgn cuntè dles majeres eserzitaziuns y dla formaziun di omi, che jô intres deplü debojëgn, man man che le paîsc chersciô y se svilupâ. Al vëgn cuntè de sciöche la uniun s’à daimpròia arjigné les mascînns y i injins tres plü moderns y al vare cun i tëmps, por podëi pité aiüt ala jënt tl debojëgn. An vëiga insciö che gonot é propi les majeres desgrazies che à portè ala cumpra de injins nüs.

Füch, desgrazies y inzidënć Tla storia à i Stüdafüch da Corvara albü da saltè por n gröm de intervënć - n valgügn é inće stà dër pesoć y s’à damanè n gran sforz nia ma de brac da pert de düć i omi. Avisa de chisc majeri intervënć vëgnel cuntè tl liber, y n valgügn orunse nen recordè chilò. Un di

1975, un di majeri mêsdefüch, pro le Hotel La Perla. Döes jones à pordü la vita, 40 é stà i feris.

maius mesdefüch é bëgn stè chël dl 1. d’aurì dl 1975, sö dal Hotel La Perla. Tl liber stàl scrit che canche al gnô cherdè do d’atri grups, minâ tröc che al foss n müsc d’aurì. Al rovâ alerch stödafüch da döta la valada, inće da Bornech, Porsenù y Balsan. L’intervënt é gnü compliché dal fat che le dé y la nöt denant êl ćiamò tomè incër n meter y mez de nëi. Döes jones che laurâ te hotel pordarà la vita. D’agost dl 1977 él sozedü che n jolier di soldas arentâ te n crëp y tomâ jö dlungia le Lêch de Crespëna. I dui piloć ne suravir nia y i stödafüch à ma plü podü destodè val’ flama y romenè sö. De setëmber dl 1986 tocâra da jì a destodé n medefüch tla ütia ”La Baita”, mo les dificoltês da rové pormez sön les strades ërtes ê granes. Inće sce stödafüch de deplü paîsc à döta nöt combatü cuntra les flames, é la ütia gnüda desdrüta en gran pert. Recordè pòn inće i 19 d’aurì dl 1996, canche al rumpî fora n mèdefüch te bosch dlungia le Hotel Bel Sit. Do ores é i grups de stödafüch bugn da destodé les flames, mo bele tla medema nöt rumpel fora n secundo medefüch tla localité Murin a Calfosch, y i stödafüch à indô da jì. Desgrazies

Incö é i Stödafüch da Corvara sot al comane de Hubert Costner de Col, che é comandant dal 1999 incà. Sü predezessurs dal 1948 incà é stà Johann Dapunt da la Lega (1948-58), Alois Thaler d’Aisanć (1958-79) y Herbert Pezzedi de Merscia (1979-99). I agn denant vëgnel dant plü porsones, mo al n’é nia documentè sce ai é stà comandanć o vize. Sigü é Josef Kostner dl Cajarin stè pröm comandant. Al vëgn spo dant ćina al 1948 inće Sepl Thaler d’Aisanć, Vico Alfreider da Murin, Franz Pezzei dl Carigà, Alois Posch da Burjè y Franz Kostner de Col. Pro i stödafüch da incö podôn cumpedè da d’altonn dl ann passè 46 mëmbri atifs, 9 mëmbri d’onur y 9 totes. Laprò él inće n grup di jogn dai 12 ai 17 agn, che dess ester na fujina por condü docà omi che jarà - chësc spéron - n dé ti intervënć a daidé.

Cotan de mans à laurè Le liber é gnü realisé da n grup de laûr metü adöm da Elisabeth Penazzi, Hubert Costner, Stefan Alfreider, Roman Crazzolara, Helmut Thaler, Freddy Alfreider, Dieter Niederkofler y Nikolas Seppi. Siur Andreas Perathoner à chirì fora i documënć vedli y Angela Castlunger da Calfosch à fistidié da i traslatè. Le layout é dl stüde Misign. La popolaziun da Corvara y düć chi che à interes cun la storia dla uniun ciafarà n documënt interessant, che condüj zoruch te tëmps dadî passà, che ne toma insciö nia tl scrin dla desmentianza. (pablo)

Injins da zacan. La ”Campagnola” cun le gratun de massaries da trà do. www.lauscdiladins.com

21


Fascia

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

nr. 27 / 13 de messel 2012

Bolifes su la scines per la ferata te Fascia Moena, giames e inovazion L Comun general ponta a soluzions integrèdes, più adatèdes a la realtà de val, ma sia posizion à soscedà critiches ferses da più pèrts Mobilità - “La posizion del Comun General de Fascia en cont de mobilità la é chièra, e l’é l resultat del lurier portà dant da la Comiscion per la viabilità, trasporc e mobilità de chest medemo ent. Na comiscion che tol ite 15 componenc, e de chisc demò un ombolt, l’ombolt de procura con delega a la mobilità Riccardo Franceschetti, e dapò i componenc del Consei general, tant esponenc de la maoranza che de la mendranza, che à volù se meter a la leta daìte da chesta medema comiscion e etres esperc e raprejentanc del teritorie e de la categorìes de Fascia.” Coscita la Procuradora Cristina Donei, cercenèda da duc i 7 ombolc de Fascia, ge à dit ai giornalisć chiamé ite en mèrtesc passà per responer a la cuses che ge é stat uzà fora al Comun general da più man, e con gran lèrga sui sfoes regionèi, aldò de la scontrèda del BIM stata en vender ai 6 de messèl.

Nesciun “niet” a la ferata “Nos no aon palesà nesciun “niet” a la ferata, a chela che no sion pregiudizialmenter de contra, – à dit amò Donei – é demò rebadì te la scontrèda del BIM l conzet frut de la sintesi politica fata dal Comun general, che aee scrit te la letra manèda al president de la Valèdes de la Veisc del medemo Consorzie, Armando Benedetti: Fascia à besegn de studièr fora soluzions de mobilità neves e alternatives a la ferata, con chela che ampò se podessa ence troèr formes de integrazion. L’era jà stat fat, da pèrt de Transdolomites, n studie de fatibilità su la ferata, ma dapò che cogn meter la ressorses l’é ampò la Provinzia e i Comuns, donca l’é ence de giust che se posse se confrontèr. La valèdes de Cembra e Fiem pel fèr sia valutazions, ma nos cognon portèr inant dant da dut i besegnes particolères de Fascia, cree che te chest no sie nia de scandalous.”

Fiem e Cembra l’é stat criticà debel che na comunanza abie “ferà” n studie che servìa per duta la streca de la Veisc. Na “crepa” che l conseier de Fascia tel BIM, Francesco Dellantonio Tasin, à vardà de “concèr ite”. “L BIM – à dit Franz Dellantonio – per statut l chier de sostegnir l svilup sozio-economich de si teritories; apontin dal teritorie l’era vegnù la domana de fèr n studie per la mobilità te la valèdes de la Veisc, e l BIM à vardà de responer a chest. La competenza en materia de mobilità la é de la Provinzia, donca dant de fèr l studie volaane aer ence so parer, e apontin per chest l’é stat programà la scontrèda con Pacher per en jebia (angern, ndr). Ades sarà la PAT a dezider se fèr enstessa, dajan sù l’encèria per n studie più complessif; ampò nos desche BIM sion contenc de aer soscedà la discuscion sun chest tem tant emportant per nosc teritorie, pisson de aer fat chel che ne pervegnìa, e de segur no volon jir de contra a nesciugn.”

“boicottato vigliaccamente” l projet de mobilità alternativa no demò per Fascia ma ence per la valèdes vejines, e de “politica sporca e sudicia” de jent fosc “droghèda dal poder”, te chela che n muie de conseieres, “tegnui a scur” no i se recognosc. E l ge dèsc di “Signorotti fassani che à ciapà l’orden dal Prinz Vescof de Trent”. No l’é de segur chest – disc amò la Sociazion Fassa – l Ben Comun a chel che pissèa i 6000 che à sotescrit per sostegnir la ferata de la Veisc e i imprenditores che cree te chesta. Critiches che i aministradores de Fascia à definì strumentèles, e de cheles che i à condanà i “toni”. “Nos sion i raprejentanc che la comunanza de Fascia à lità democraticamenter – à dit la Procuradora - e a chi che la ge à dat sù l’encèria e la responsabilità de portèr inant la costions, en cont de mobilità e ence de etres problemes. No sion n “commando”, e manco che manco “droghé”, cerc intervenc no i palesa ne respet ne democrazìa e ge volessa dalbon “arbassèr i toni”.”

Franceschetti: i besegnes de la mobilità per Fascia

Transdolomites: speron che se posse jir inant zenza preclujions per ruèr dassen a na soluzion

“Nos desche aministradores sion responsàboi de la sceltes e cognon vardèr a 360° - à rebadì l’assessor a la mobilità del Comun general Riccardo Franceschetti – no podon se permeter de se “enamorèr” de na soluzion parzièla. Critichèr canche no se à chesta responsabilità l’é sorì. No sion contra la ferata, ma aon fat valutazions e aon vedù che la scines spacassa en doi la val, te più lesc no se saessa olà les fèr passèr e fossa problemes per l percors per la rodes e per la Marcialonga. Amò apede con la ferata se podessa spostèr demò 800 persones a l’ora, e tel temp de pien turism l’é massa pech, donca per Fascia chesta soluzion no va ben, ge vel soluzions integrèdes con mesi a alimentazion alternativa, trasport coi impianc e “people mover”, descheche l Comun general à domanà tel Piano Stralcio per la mobilità.

Ence l pre sident de Transdolomites, Massimo Girardi, l’indoman de la scontrèda del BIM, aea palesà gran permèl e marevea, rejonan de na val che se à “politicamenter isolà” e olache la Procuradora e i ombolc à desmostrà amò n’outa de no tegnir en conscidrazion la proponetes che vegn da la sozietà zivila e dal teritorie. Sia sociazion se dèsc jù da egn per chesta costion, e el en pruma persona à metù temp e scioldi per studièr fora, fèr cognoscer e sensibilisèr sui problemes del trafich e de la alternatives possìboles. Demò dò la conferenza stampa l Consei di ombolc de Fascia à abù na scontrèda con Girardi, che l’à aprijià che, zacan, i aministradores se abie N mez “azident confrontà. “Ence gé son a una che diplomatich” col BIM e la ferata, da soula, no pel esser “la coi raions vejins soluzion” de duc i problemes de La critiches ferses de la mobilità de Fascia, ma son autertant Ampò l’intervent de la spervajo che la valutazions de contra Sociazion Fassa e de Transdolomites Procuradora e de l’ombolt Franco da pèrt di aministradores les sie Lorenz a la scontrèda del BIM à states fates zenza aer na cognoscenza soscedà critiches ferses; Armando L comunicat sotescrit dai dirigenc e n aprofondiment de la costion. Benedetti, à dit che la Donei no aea de la Sociazion Fassa Elena Testor, Apontin a chest aessa joà l studie titol per entervegnir e che en cajo Luca Guglielmi e Francesco de fatibilità, descheche desmostra i ombolc de Fascia aessa cognù se Pitscheider dò la scontrèda del BIM ence la esperienzes te raions vejins palesèr contra l studie de la ferata no se à sparagnà paroles e enjuries. e che ge somea al nosc, desche vin amò de jené; ence da la valèdes de I à rejonà de “commando” che à Gherdena. Me augure che ades chesta “zarèda” abie joà amàncol a desblochèr na situazion che da massa temp no fajea nesciun vère ch concret e che ades se posse jir inant zenza preclujions ne da na man ne da l’autra, per poder zacan ressolver l grief problem del trafich te noscia valèdes.” La Procuradora Donei con i ombolc de Fascia e l conseier del BIM Dellantonio a la scontrèda con la stampa. Lucia Gross

22

www.lauscdiladins.com

Per 2 dis la “Perla” à rejonà de mobilità sostenìbola, metan apede la neva tecnologìes ti trasporc e l’emportanza del jir a pe

Michieli, Weiss, Pacher, Franceschetti e Casanova al debatit su la mobilità sostenibola a Moena.

Moena - Dò l suzess de l’an passà, ai 7 e 8 de messèl Moena à endrezà da nef l convegn “Gambe e innovazione” sul tem de la mobilità sostenìbola, con laboratories, veìcoi a alimentazion eletrica metui fora te Sotegrava e da poder proèr, scomenzadives e debàtic per uzèr fora da na man la neva tecnologìes sui spostamenc e da l’autra la descorida de la vida più naturèla de se mever: jir a pe. La sabeda se à avert con la prejentazion di resultac e obietives de la “Perla fascèna” e domesdì l Cai Sat da Moena e i compagnadores del teritorie à menà la jent sul percors da fèr en pe nut da Ischiez a Roncac enaudà l’an passà da Tom Perry: n percors inovatif, chest an miorà e smaorà, che dèsc l met de tocèr... con piesc, l’èga, i muschies, la erbes, i fiores, e la scorza di èlbres e che l tol ite duc i sensc, a la descorida de sensazions che no sion più usé a proèr. Duc dapò é stac compagné stroz per Moena a veder cèses e ciantons veies, per cognoscer mìngol de storia e cultura; na scomenzadiva rencurèda da l’assessora Ilaria Chiocchetti che vegn portèda inant dut istà.

Franco Michieli: n raport sćiantif anter om e natura Da sera te Piaz de Sotegrava se à podù scontrèr Franco Michieli, geograf, scritor, regist e gran cognoscidor de Èlpes, Pirenei e etres crepes, che l descour a pe zenza strumenc per l’orientament, te n raport sćiantif anter om e natura. Michieli à contà de sia aventures e l’à moscià l film “La via

invisibile”, sul viac che l’à fat con n amich sui monc de crep e giacia del Nordland, sunsom la Norvegia, olache se passa via l Zircol Polar Artich. Na nota enteressanta: sul numer de mé de la revista Meridiani Montagne, che rejona de crepes e cultura alpina, Michieli fèsc n bel reportage su la Alta Via nr. 2 de la Dolomites, olache vegn rejonà ence de Moena e de sie empegn desche Perla.

L debatit su la mobilità sostenìbola La domenia l’é stat l debàtit sul viver la mont aldò de na mobilità doucia e sostenìbola, con Franco Michieli, l’assessor a l’ambient e trasporc de la PAT Alberto Pacher, l’ombolt da Moena e assessor a la mobilità del Comun general Riccardo Franceschetti, l president de la Sat da Moena Luigi Casanova e l president de la Marcialonga Alfredo Weiss. Apede a la lauda per i vèresc fac da l’aministrazion per librèr Moena dai auti, l confront à rebadì l’emportanza de spenjer la jent, soraldut i joegn, a jir sa mont e jir a pe e se mever manco en prescia per poder goder dut l bel che l’ambient ne sporc. Alfredo Weiss à prejentà la neva publicazion “Troi di Ladins” e l’é stat tocià ence costion “ciaudes” desche i impianc: “noscia priorità l’é l coleament con Lujia – à dit Franceschetti – ma no volon se serèr la strèda per n p o ssìb ol cole ament con Costalongia, e per chest l’aon metù tel Pian de mobilità de val.” I doi dis se à sturtà sù con la raida con la roda endrezèda da la U.S. Monti Pallidi entorn Moena fin sun Pra de Sort. (cri.m/lg)

Endèna l convegn se à podù veder e proèr desvalives mesi a alimentazion eletrica.


Fascia

nr. 27 / 13 de messel 2012

Amò n’outa Te anter i tobié Chest an la festa, per sia 16^ edizion, l’à mudà vèlch te l’endrez, ma l suzess l’é stat gran e la partezipazions amò de più

Desvaliva sociazions con n muie de volontadives à tout pèrt e lurà per l bon ejit de la festa sporjan da magnèr, da beiver, bona musega e desmostrazion de mestieres de n’outa.

Cianacei - Se aea sentù ence che no i l’aessa più fata, ma enveze la festa “Te anter i tobié” é ruèda a festejèr 16 egn. Endò na ventèda de musega, de golosarìes e tradizions à viventà amò n’outa la pèrt più bela e veia del paìsc de Cianacei. Te dut l raion dintornvìa la gejia de Sèn Florian che pèrt da sun som, ló da la veia sia, e l va ju per Dolavila, l’é stat endò avert i ujes de la majons e di tobié che é resté desche n’outa e che amò no i é stac fac fora. A ciapèr su l’endrez l’é stat chest an l Comitat de la manifestazions de Cianacei, vidà da Alessandro Anesi, che l’à dezidù de tachèr a

averjer tobié e cèsa veies jà dal vender sera e jir inant enscin a la domenia sera ai 7 de messèl. Apede ai magnères douces e salé desche ogne an, ence chest an l’é stat endrezà desvaliva desmostrazions di lurieres de n’outa. Aló dal Tobià de Eleonora se podea veder coche nesc veies fajea a ferlèr e coche se menèa la pegna per fèr smauz, che dapò l vegnìa metù te n bel stamp veie. Ju per strèda Dolavila se podea veder i lurieres de ram de Frido Zapin e ence i boschieres e segac che taèa la bores; sun Col de Sot Ort i fajea formai e l’era ence ciavalins e ciaures a

Una de la neves de chest an l’é stat l museo de la Gran Vera.

endeletèr i più pìcoi. No mencèa Modesto con si cestons e Bruno con la tornarecia... ence se ogne tant i plindernèa lo apede... da chi da la chèrtes. No l’é mencià segur la musega, con gropes rué da la Ladinia e ence da più dalonc, e se sà ben la Musega Auta Fascia, che aea ence so stont. Anter la neves de chest an l’é stat l’esposizion su la Gran Vera de Andrea De Bernardin, patron del Museo sun Fedaa, per l rest vèlch espositor à mudà post e vèlch auter no à più tout pèrt, ma per gran pèrt la sociazions se à endò proponet desche i etres egn, e anter i stonc

più “toc d’assaut” l’é stat desche semper chel de la fortaes. L mudament maor l’é stat te la gestion di biliec, con la casses metudes fora per la festa, enveze che te ogne stont: na proa che fosc l’é stat n vantac per l Comitat de endrez, ma no la é stata tant aprijièda da la jent che, n’outa fat l biliet, la cognea jir a se troèr fora chel che la volea magnèr e magari se spartir anter più stonc se i volea robes desferentes o jir endò fin a la cassa per se tor amò vèlch da beiver. Aboncont Te anter i tobié l’é semper bel: per 3 dis somea de esser te n auter temp e te n auter paìsc,

strèda Dolavila, strèda Dolomites, Piaz de Sèn Florian e Col de Sot Ort se empienesc de jent da duta Fascia e da la valèdes ladines, de taliegn e de foresć. Se à l’ocajion de se binèr a magnèr o a fèr na raida e de veder da nef amisc che no se vedea da n trat. N gran develpai ge va donca a duc chi che se dèsc jù ogne an per l bon ejit de chesta festa, dai responsaboi ai volontadives che laora per ge dèr l met ai etres de se goder. Speron che se posse jir semper inant, enscin canche... sarà amò i tobié!

La domenia é stata endeletèda col conzert de la Musega Auta Fascia.

Aló dal tobià de Eleonora Valeria Dantone à moscià coche se fajea smauz. www.lauscdiladins.com

23


Fascia

nr. 27 / 13 de messel 2012

Pianifichèr l passaje generazionèl La colaborazion anter Joegn hotelieres e Sparkasse à fat rejonèr e cognoscer n argoment de gran enteress: l passaje de gestion de n hotel dai genitores ai fies

I reladores e organisadores (da cencia) Nicola Sandri, Alessandro Franco, Fausto Demozzi, Riccardo Donei e Guglielmo Lasagna.

Poza - Joegn Hoteliers e Sparkasse i se à binà per la seconda outa e i l’à fat enstouta per ge dèr n didament o vèlch consei ai hotelieres de Fascia su n argoment de gran emportanza. Se trata del “passaje generazionèl” de chel che l’é stat rejonà a Poza, te sala de sot del restorant “Le Giare”. Guglielmo Lasagna, president di Joegn hotelieres de Fascia e del Trentin, e Riccardo Donei, responsabol de la Filiala Sparkasse a Cianacei, à chiamà ite duc i sozi de Fascia per rejonèr di problemes che vegn fora canche se cogn passèr na atività da n genitor a n fi. Dintornvìa n desch l’era desvalives hotelieres, genitores e fies, e duc à scutà con enteress e tolan pèrt ence con domanes a la fin de la desvaliva relazions. L’era l dotor di conc e aministrador de

ASAT Servijes Fausto Demozzi, l notèr Alessandro Franco e l capo marcià de la Sparkasse Nicola Sandri. L tem de l’enconter l’à garatà e l’é stat aprijià a duc, soraldut percheche, descheche à dit Fausto Demozzi, “chel del passaje generazionèl l’é n tem n muie slarià fora e l’é ence n argoment che tel cajo de la aziendes alberghieres é più senester che per autra sorts de aziendes, ajache per i patrons di hotìe i problemes che vegn fora da na spartijon i é leé no demò a na costion de scioldi, ma ence al gran valor de la strutura”. Canche se rejona de passaje generazionèl, che l vegne pianificà o manco, se se troa tedant desvaliva costions desche, per ejempie, chela che un de familia vel jir inant con l’atività di genitores e n auter component no

l ne n vel saer. Te chest cajo l problem l’é chel de cogner paèr fora l’auter e de cogner spartir la pèrt del patrimonie imobilièr da chela da la gestion de l’hotel. Amò l’é stat fat l’ejempie de canche vegn dat a fit n hotel o de canche na pèrt di ritadins volessa fèr fora cartier enveze che jir inant con l’alberch. L comerzialist Demozzi é proprio jit inant a rejonèr de possibola situazions, ma a la fin, l consei che l’à volù ge sporjer ai prejenc l’é stat chel de no se lascèr ciapèr massa tèrt con chesta robes e de se sforzèr a pianifichèr l passaje generazionèl. Te sia esperienza l’à vedù e emparà che n muie de outes la dificoltèdes maores les é proprio canche no l’é n testament o spartijons

Chi él che à vent l “Cunst del salvan”? Te anter i tobié de Cianacei se se à mateà ence con l jech de paroles proponet te la stua de Gostin da l’Union di Ladins ensema con l’Istitut cultural “majon di fascegn” più tant ai fascegn che ai foresć. Te cèsa de Lino de Gostin, apede che meter fora publicazion e materièl per ladin, l’é stat endrezà la neva edizion del “Cunst del salvan”, l jech che aea abù n bon suzess ence l’an passà, e che tira cà veies dic e proverbies touc sù

Fascegn e foresć se à sproà a fèr l “Cunst del Salvan” proponet ti tobié da Union e Istitut Ladin.

24

www.lauscdiladins.com

di ritadins e no se cognarà meter endò dut ensema coi etres titolères de la familia, descheche sozedessa zenza spartijon dantfora. L consei de se cruzièr dant del passaje de na azienda da na generazion a l’autra l vegn dit fora ence da Nicola Sandri che conta che la banca cogn se tor dant chesta dinamiches familières canche la se troa tedant ai caji de liquidazion. L’é n muie senester, ogne tant più che gestir la crisa atuèla”. Joegn hotelieres e Sparkasse de Busan à trat cà dassen n bon argoment ùtol mìngol per duc chenc, e l’é jà stat domanà che scontrèdes de chesta sort posse vegnir endrezèdes amò ence più inant. (vr)

L grop de hotelieres e joegn hotelieres biné te sala de sot del restorant “Le Giare” per rejonèr del passaje generazionèl.

***** L cianton de la Union***** Ence chest an l’Union di Ladins, ensema con l’Istitut Cultural e l Museo ladin, à tout pèrt a la festa Te anter i tobié ta Cianacei. Na ocajion per stèr te anter la jent e meter dant vèlch de noscia cultura ladina per la fèr cognoscer mìngol de

dantfora. Canche chestes vegn fates per temp se pel amò mudèr, rejonèr e se confrontèr. A chest se à leà l’intervent del notèr Franco, che à spiegà la desvaliva soluzions per na spartijon. Apede a la donazions e a la divijions del patrimonie con testament, dal 2006 se pel se emprevaler ence del Contrat de familia. Chesta soluzion, pech durèda, l’é na forma a mez anter donazion e divijion e la ge dèsc l met al patron de na azienda de ge dèr ai ritadins, en dut o en pèrt, l’azienda medema. L vantage del Contrat de familia l’é prum de dut che pel esser metù n limit de temp, e dapò dut pel jir de retorn te la mans del père, ma l’ùtol l’é ence per chi che ciapa, percheche n’outa fat l Contrat de familia l’hotel resta

da Simon de Giulio e Hugo de Rossi. Jent de ogne età, soraldut fascegn ma ence vèlch turist talian, se à sproà a scriver ite con la biro “scrif ence tu per ladin” la zedoles da color con sù i desvalives dic da fenir, proan a endoinèr la soluzion. Chest an per i più joegn l’é stat endrezà ence na seconda sort de jech: chest’outa l’era da troèr fora la paroles aldò de definizions curtes e sorides. Per i più curiousc, ve scrivon la soluzion finèla de la 4 zedoles coi dic fascegn. Zedola bruna: “Pan e paradis n’é per duc”; śalina: “Prest e ben no se convegn”; verda: “Fora de superbia vegn meseria” e resa: “No aer fon ne cuerchie”. Chi che é stac bogn de fèr dut l jech giust à abù l met de tor pèrt a l’estrazion de 10 pesć metui a la leta da l’Istitut Cultural, da l’Union di Ladins, da la SITC (biliec de entrèda al zenter Dòlaondes), e

Union di Ladins de Fascia Strèda de la Pieif 10, Sèn Jan, Vich Telefon e fax 0462 756545 e-mail: union@ladinsdefascia.it oraries al publich: dal lunesc al vender da les 8.30 a les 12.30 e da les 14.00 a les 18.00

da Alessandro Anesi (maies e guanc de la linea Ladinstyle). Sibie la sabeda che la domenia sera l’é stat trat fora i numeres a la brusca: chi de la domenia é stac duc dac fora, enveze anter chi de la sabeda l’é restà da scoder amò l premie numer 455 brun che à

vent un abonament a La Usc di Ladins per l 2013. Chi che à l numer venjidor pel vegnir a se tor l pest te senta da l’Union di Ladins, te strèda de la Pieif a Sèn Jan, o telefonèr al 0462.764545 enscin en lunesc ai 16 de messèl. (vr)

N nef jech de paroles é stat proponet chest an per i bec, protagonisć del moment de l’estrazion.


Fascia

nr. 27 / 13 de messel 2012

Istà de èrt te Fascia

Blood Rockers endò per l’ADVSP

Evenc, mostres e scomenzadives per slarièr fora la cultura artistica te noscia val

Va inant con gaissa e pascion l’empegn de la sociazion Soraga Ladin Rock per portèr inant e fèr cognoscer tras l rock l mond di donatores de sanch

Bianca se podarà aprijièr i lurieres di zipiadores Andrea Soraperra e de Matthias Sieff e dapò amò i chèdres de Walter Riz, Renato Fuccini e Tullio Bernard. A chisc artisć ge vegnarà dat lèrga ence delaìte dal zenter “Dòlaondes”. Fascia Èrt Events l’é dassen na scomenzadiva de valuta che ge fèsc onor, dant dal dut, ai artisć medemi che é stac bogn de se meter ensema e portèr te noscia val na vida desferenta e aprijièda che deida a slarièr l lurier di artisć e donca, la tradizion de l’èrt. Andrea Soraperra con sia operes metudes fora al Paradis per la festa “Te anter i tobié”.

Èrt - N muie de scomenzadives é en program ence chest istà per ge sporjer al ghest na maora e miora oferta culturèla e aprijièr la operes de artisć de anchecondì, tant dal post che da foravìa. Apede a la mostra del gran artist da Soraga Luigi Pederiva, de chela che scrivaron l’outa che vegn, a Vich, te Sala Taradat (apede a la Biblioteca), la sociazion Kultura met fora dai 17 ai 31 de messèl na mostra d’èrt coletiva che se podarà veder ogne sera, e dapò via per de aost ge vegnarà dat lèrga a la mostra de “Schützenscheiben” de Letizia Soldà. De etres evenc é en program te la Val de Sora, a Cianacei e Ciampedel, descheche se pel lejer chiò junsot, e dapò se fenirà fora con l Simposie de zipiadores dedicà a Tony Gross en program a Poza dai 4 ai 8 de setember.

Fascia Èrt Events L’é Andrea Soraperra, Walter Riz, Matthias Sieff, Tullio Bernard e Renato Fuccini i protagonisć de l’esposizion de operes “Forma e Colore” che é stata prejentèda

I tobié de Nino Ovan

enstadì ta Cianacei e che jirà inant per dut istà. Se trata de na scomenzadiva vegnuda dal bas, da la colaborazion di medemi artisć che à dat vita a Fascia Èrt Events, che à troà l sostegn de l’Apt de Fascia, del Comitat Manifestazions de Cianacei, de la Sociazion di hotelieres e de la Trentino Spa. Per dut istà chisc 5 artisć i sarà te 10 hotìe de Cianacei che i tegnarà i ujes averc a duc i enteressé de èrt che podarà ite per nia. Ogne 15 dis a roda al Rita, a l’Italia, al Tirol, al Cavalletto, al Grìes, al Conturina, al Dolomiti, a l’Astoria, al Lupo Bianco e al Croce

Te sala de la mostres del Comun de Ciampedel, da jebia ai 19 de messèl enscin ai 12 de aost l’aministrazion de Comun de Ciampedel dèsc l met de veder na bela mostra dal tìtol “Tobié. Identità ritrovata” de l’artist de naa furlèna Nino Ovan (oraries te la piates info). Se trata da na esposizion de presciapech 20 operes che tol jù desvalives tobié de noscia valèdes. I depenc a èga, realisé con gran prezijion, fajan atenzion ai particolères e a la doura di colores, moscia la vijion de l’artist de la mont. “La mont, de chela che – disc l medemo artist – é semper abù gran respet. I tobié l’é l’ejempie tipich de l’integrazion de la capazitèdes de l’om de se leèr al teritorie, zenza violenza, ma duran e desfrutan duta la possibilitèdes che l lech ge dajea. L fal de l’om d’aldidanché l’é vardèr la mont coi eies del zitadin, no coi eies de chi che stèsc sa mont e che cognosc e I tobié de Pian te n depent de Nino Ovan. respeta l teritorie”.

Musega - Dò i conzerc stac a Cianacei l’istà passà con la proiezions de filmac de Tone Valeruz e a Poza entorn Pèsca de chest an con la prejentazion del nef cd dal tìtol “L’om che va a crepes”, la Blood Rockers Band e la Ciantarines da Soraga portarà dant n auter conzert te tendon de la manifestazions del paìsc de naa de la sociazion: Soraga. Chest grop che fèsc musega rock é dassen cognosciù te Fascia e apede al “boss”, l dotor Massimo Ripamonti, l veit la partezipazion de etres si coleghes de l’ospedèl Santa Chiara de Trent e ben segur de n bel grop de jent dal post pascionà de musega. Apede a ic te duc chisc egn l’é restà fon l sentiment de amicizia con l schiador estrem e alpinist Tone Valeruz, che l’é ence vizepresident de la sociazion Soraga Ladin Rock e che à scrit desvalives tesć de la cianzons. Chel che vegnarà endrezà a Soraga sarà l soul gran conzert de dut l’istà e l vegnarà fat en sabeda ai 14 de messèl da les 20.45 tel chèder de la festa te tendon metuda a jir en colaborazion con l'ADVSP e i Alpins a peèr via da les 6 da sera. Dò aer didà fora desvaliva sociazions, chest’outa la Blood Rockers Band va endò al zil per chel

che la é nasciuda, col slogan “la musega salva la vita ma l sanch amò de più”: la donazion de sanch. La sociazion di volontadives de sanch e plasma de la valèdes de la Veisc (ADVSP) l’é l partner de chest conzert e la sarà ló duta la sera apede a sonadores, ciantarines, autores e musizisć, per i engaissèr ma ence per ge dèr informazions a duc chi che vel n saer de più sul mond de la donazion, che à semper debesegn de neves volontadives. Chi che enveze volessa n saer de più sul grop, su la sociazion Soraga Ladin Rock e sun sia produzions, i pel jir sul sit internet: www. soragaladinrock.it.” (vr)

La Blood Rockers Band e la Ciantarines da Soraga endèna n conzert.

Chi él pa? Soluzion del retrat su La Usc nr 26 del 2012 L retrat publicà la setemèna passèda l ne era stat portà da Francesca Mazzel de l’Ors, maridèda Sottsass che la ne à contà che l retrat l’é stat fat ti prumes egn Trenta, ajache dò, dai egn ’33 inant, sot l Fascism, no se podea più se trèr ite l guant. A ne dèr la resposta, apede a Francesca, l’é stat Lino Soraperra

Medico da Poza. Sul retrat l’é: 1. Carlo Ploner “de la Posta”; 2. Anna Micheluzzi de Adam, mère de Graziella Dovolavilla da Penìa; 3. Battista Lagnol “Tita Piasech”; chela zenza numer tedant col guant a la fascèna l’é Giulia Iori de Adam, sor de Farinol (mère di nr 2 e 8); 4. Augusto Riz “Gusto Peta”; 5. Giuseppina “Zefele” dal

Todesch da Busan, fia de Oliva Soracreppa da Cianacei; 6. Eugenio (Tita) Mazzel de l’Ors, père de Francesca; 7. Angela Bernard del Grisc; 8. Giacinto Micheluzzi de Adam; 9. Beniamin Bernard, capocomun de Cianacei da enlouta; 10. Elisa Iori de Mita, maridèda Mazzel, mère de Francesca. Chest’outa ve meton dant n

retrat con su omegn da Soraga en ocajion de na raida. Ve envion a ne dèr voscia resposta dant da mèrtesc sera te redazion, ence per telefon o fax al 0462.764545 o per mail a la direzion lausc@ladinsdefascia.it. Chi che ne dèsc la resposta giusta ciapa en don n liber o n CD de musega sporc da l’Union di Ladins

4

2

6

1

de Fascia. Desche semper ve envion ence a chierir fora i retrac veies che aede te vèlch crigna e ne i portèr te redazion a Sèn Jan, olache podon i tor sù col scanner e ve i dèr de retorn sobito. A chesta vida ne didède a viventèr chesta rubrica e a meter ensema vèlch mizacola de storia de noscia jent. Develpai!

8 9

11

12

3 5

7

10

www.lauscdiladins.com

25


Sport

nr. 27 / 13 de messel 2012

Garejèdes de downhill a Poza

Moena se entenc de viola

Tel prum fin de setemèna de messèl ju per la pistes de downhill de Bufaure a Poza l’é stat l DH Nord Est contest 2012

Dò la longia fradaa con la Sampdoria, chest an l paìsc fascian ge dèsc alberch a la Fiorentina, che la vegn endò tel Trentin

Downhill - La sajon de la roda te Fascia la é scomenzèda da n bon trat, ma con la pruma setemèna de messèl l’é ence tacà la pruma garejèdes de downhill. Proprio tel prum fin de setemèna de messèl l paìsc de Poza e i troes fora per l bosch da Bufaure ju i à vedù se binèr pascioné de roda da mont da duta la Tèlia per tor pèrt al Zircuit “DH Nord Est” 2012 endrezà da Moser Sport e la sociazion de cèsa Fascia Bike, en colaborazion con la ASD Gravity Project de Vicenza e l’Agenzìa 2Bi Sport de Schio. La garejèda é stata nominèda per l’ocajion Trofeo Moser Sport Bufaure. L percors “Furios Line”, n

L moment de la premiazions de la garejèdes Ta Mongo a Poza. (Foto Eugenio Bellotto per 2bisport.it).

Balon - Moena chest istà muda color e la se entenc de viola. La Fiorentina defat, la squadra de balon vidèda dal nef alenador Vincenzo Montella, la sarà tel paìsc fascian per trei setemènes alalongia, per i tradizionèi alenamenc da d’istà dant dal campionat, ghesta de l’Hotel Dolomiti, olache ti egn passé l’aea troà alberch n’autra squadra de serie A, la Sampdoria, leèda a Moena da na fradaa “storica”, jita inant per passa 10 egn. Dai 16 de messèl enscin ai 8 de aost, a pèrt na curta paussa anter i 28 e i 31 de messèl, sarà donca l viola l color prinzipal a Moena e i tenc sostegnidores e ghesć rué te val per sia vacanzes podarà jir a veder si beniamins endèna i alenamenc e la partides da peconc endrezèdes tel zenter sportif Cesare Benatti con la sozietèdes sportives del post o che les é a se alenèr al fresch ti raions vejins. I viola tacarà via donca ofizialmenter en jebia ai 19 de messèl da mesa les 6 domesdì, canche i scontrarà i patrons de cèsa de la Monti Pallidi. Trei dis dò, ai 22 de messèl semper da mesa les 6 domesdì, sarà l test contra i diletanc veneti de l’Us Vigonovo e ai 27 de messèl, da mesa les 7 da sera, ruarà l’Hellas Verona, che à tanche sturtà na sajon ezelenta te la serie B, con na promozion sfumèda demò ai play off. L quarto apuntament l’é en program per i 2 de aost da mesa les 6 domesdì contra l Fascia Balon e i

Su l’ert enscin sun Rodela

Greg Kuznik endò al Fascia

Sodesfazion da man di atlec e di Bogn da Nia per l bon ejit de la Vertical Rodela

Na bela neva per i pascioné de hockey fascegn che per la sajon che vegn vedarà endò jièr l defensor Greg Kuznik

Corsa sa mont - Per la 2^ Proa Vertical Trophy “La Sportiva”, enstouta se é rué sun Rodela. En domenia ai 8 de messèl te na bela dì de bon ciaut e gran soreie se à binà presciapech n centené de atlec pascioné de corsa a pe su l’ert per tor pèrt a la Vertical Rodela. Da les 10 dadoman duc i atlec é ponté via dal Piaz de Cianacei e mìngol a l’outa i à coret en sù, dò l troi che rua sun Col Rodela enscin aló dal Refuge Des Alpes vejin a la stazion de la forenadoa. N percors senester e segur bon ert, ma dut l’era da garejèr per 5,5 chilometres con n dislivel 1460 metres e l ruèa ai 2404 de Col Rodela. A ruèr prum al travert, te 39 menuc e 39 seconc l’é stat Davide Facchinelli e dapò l’é rué duc i etres

muie tecnich e da poder jir debel l’é stat metù en esser dai joegn del Fascia Bike e l se troa te la Skiarea Bufaure. Chiò i concorenc à podù entener sobito la dificoltèdes di 3,8 chilometres en lonch con n dislivel de 600 metres. L program del fin de setemèna pervedea l prum dì, en sabeda ai 30 de jugn, dedicà a la proes, e la domenia la garejèda che é tachèda da la una domarena con la pruma e la seconda manche e dapò a la fin de dut premiazions “Ta Mongo”. Passa 100 atlec da dut l Trivenet e da fora de cà, à volù tor pèrt a la garejèda a Poza che à vedù ite per anter ence l campion de roda da

La premiazion é stata fata su la paladina de Piaz de Sèn Florian a Cianacei, te la cornisc de la festa de Te anter i Tobié. Sul sit www. bogndania.com se pel troèr de bie retrac e ence duta la classifiches de la garejèda. Ennio Dantone, Valerio Lorenz e Walter Costa e dut l diretif di Bogn da Nia, grop che à endrezà la garejèda, tol l’ocajion per rengrazièr i colaboradores: l Socors Alpin e l Cai Sat de la Val de Sora, la Crousc Biencia e i Studafech de Cianacei. (vr)

(Bela Ladinia); 3. Elisabeth Benedetti (AS Cauriol); 4. Silvana Iori (Bogn da Nia); 5. Ornella Tarter (AtleticaFassa08).

Classifiches

Joegn ic: 1. Giovanni Lastei (Bogn da Nia); 2. Gianni Scola (Bogn da NIa); 3. Daniele Felicetti (US Monti Pallidi).

Assoluta eles: 1. Jennifer Senik (Montanaia Racing); 2. Nadia Scola

Chiara Detomas e Magdalene Pellegrin con l president Ennio Dantone.

26

www.lauscdiladins.com

strèda Gilberto Simoni che à avert la garejèda dant da Mauro Tarter responsabol del percors “Furios Line”. Anter i fascegn na gran bela proa é stata chela de Rosa Carpano da Poza e scrita ite al Fascia Bike. Da man de Roberto Lorenz, responsabol di impianc portamont del Bufaure l’é stat dit che: “sion n muie contenc de coche la é jita la manifestazion, sibie da pèrt mia che da Alferio Moser, organisador del post e da Mauro Tarter. Sion segures che ge daron lèrga ence i egn che vegn al DH Nord Est. Endèna luraron per poder ge dèr n servije e n percors semper miores a nesc clienc”.

Assoluta ic: 1. Marco Facchinelli (Bogn da Nia); 2. Davide Pierantoni (GS Alpini Vicenza); 3. Stefano Gardener (US Cornacci); 4. Henry Hofer (SC Sarntal); 5. Christian Varesco (US Cornacci). Joegn eles: 1. Chiara Detomas (AtleticaFassa08); 2. Magdalene Pellegrin (Bela Ladinia).

Silvana Iori vejin al travert sun Rodela. Tedò se veit la Marmolèda e l paìsc de Dèlba.

Hockey - Enstadì la sozietà sportiva de hockey vidèda da Roberto Ongari à anunzià che per l campionat de hockey 2012/13 l’é stat tout sù n jiador jà cognosciù e aprijià te noscia val: Greg Kuznik. L defensor dal Canada con passaport sloven e fascian de adozion ajache l’é maridà proprio a Cianacei, l’invern che vegn l se tirarà endò ite i colores bienc e bruns de la maia ladina, descheche l’aea fat te la sajon 2005/06 e 2006/07. Da semper stimà per sia capazitèdes tecniches, ma soraldut per cheles umènes e profescionèles, Greg Kuznik é conscidrà n defensor tecnich e bon de se la fèr cà te ogne situazion de jech, dal power play al penality killing enscin a la fasa de empostazion de na azion. La cariera de Greg Kuznik scomenza del 1998 con la maia di New Haven te l’AHL (American Hockey League). Te la cater sajons dò l miora sia capazitèdes te la leghes de hockey americhènes (AHL), internazionèles (IHL) e cheles de l’Est Cost (ECHL). Del 2003 l dezide de vegnir te l’Europa per proèr l campionat ingleis e dò doi campionac dassen bogn jié coi Flyers l dezide de vegnir a jièr col Fascia, olache l’é stat premià anter i miores defensores de la lega per doi sajons de seghit. La bona prestazions taliènes ge à dat l met de troèr lèrga te l’EBEL, dant con la maia de l’Olimpia Lubiana e dò con

test de la squadra de Montella i se serarà sù ai 5 de aost da la medema ora con na partida de gran nonzech contra adertura l’Aris Salonicco, una de la formazions più prestigiouses del campionat grech. Tel Trentin donca per troèr nef sbunf dò n campionat belebon senester, la Fiorentina la lurarà n muie te Fascia con n obietif prezis, chel de miorèr la posizion concostèda te la sajon passèda e poder aer na pèrt de prum pian tel panoram nazionèl del balon. L’é sorì pissèr donca che sarà de n muie i sostegnidores che ruarà a Moena da la Toscana, e no demò, per ge fèr sentir a sia squadra dut sie calor. L chiet de “la fata”, l’ospitalità de l’Hotel Dolomiti e l sostegn de la Monti Pallidi, da egn a la leta per ge dèr alberch a la squadres de balon che rua per i alenamenc da d’istà, sarà i ponc de referiment de la Fiorentina endèna la trei setemènes de preparazion. (cri.m)

Vincenzo Montella, l nef alenador de la Fiorentina.

Greg Kuznik enlouta endèna na partida con la maia del Fascia.

chela del Villach. Te la terza lega europeèna, Kuznik l tira sù ben 233 prejenzes e adertura 70 ponc. La sozietà Val de Fascia Hockey é segura che chest nef jiador ge darà l met a dut l compart defensif del Fascia a fèr n bon saut de calità e che sie leam con la maia sciudarà i cheres di fans del Gianmario Scola. Defat, canche Greg era se n jit a Lubiana duc i pascioné de hockey se aea enirà, ma el amò enlouta l’aea emprometù de vegnir de retorn a se trèr ite endò i colores del Fascia. Ajache la emprometuda é stata mantegnuda... se pel endò scomenzèr. Te chisc dis i dirigenc del Fascia i é dò che i laora per portèr a cèsa n auter gran protagonist del panoram talian. Speron che se posse troèr na cordanza ti dis che vegn... vardaron de ve fèr aer de bona neves al più prest. (rs)


Sport

nr. 27 / 13 de messel 2012

La prima scuadra dl FC Gherdëina coche referimënt di jëuni N merdi à l diretëur generel dl FC Gherdëina Michael Platzgummer nvià ala prejentazion dla prima scuadra y dl trainadëur nuef. Prejentazion nce dl trainadëur respunsabl dl setor di jëuni I jugadëures Nemce Selvir, Guido Schmalzl, Daniel Senoner, Raphael Senoner, Jonas Runggaldier, Stefan Vallazza, Daniel Vallazza, Andreas Wieser, Jonas Senoner, Raphael Runggaldier, Vanni Valdemarca, Aaron Kostner, Marco Senoner, Achim Frontull, Jan Piere Prugger, Kurt Trocker, Peter Mittermeier, Alfi Piazza, Mirco Kostner, Daniel Dellago, Luca Perathoner, Thomas Stuffer, Luca Werdaner. Trainadëur: Scalzo Mario

I funziuneres

La prima scuadra y i fuziuneres dl FC Gherdëina n ucajion dla prejentazion ufiziela n merdi de chëst’ena.

Codla - I fova duc iló,dan l Hotel Dorfer te Sëlva dl diretëur generel Michael Pltazgummer. I fova duc iló, i jugadëures dla prima scuadra dl FC Gherdëina. Da coche i stajova ca, da coche i cialova ca, udòven la ueia de jì ite te n capitul nuef dl

juech dala codla te Gherdëina, de cialé de jì inò su, scialier per scialier, de viers de partimënc plu auc dl firmamënt dla codla de Südtirol. L presidënt Ivo Malsiner à abù paroles de salut per la scuadra, i trainadëures nueves y duc i fuziuneres prejënc

per l’ucajion.

Pellegrini: „La pascion“ L trainadëur nuef respunsabl dl setor di jëuni, Yuri Pellegrini,à dit de ulëi dé si cuntribut, lauran bën, dajan inant dantaldut la pascion che va debujën per na tel’atività sportiva, se mbincian che l posse lauré pea nia mé un n ann, ma nce plu ani. L lëur sun l ciamp sarà mpeniatif, ma l dëssa nce vester de devertimënt. Pellegrini à auzà ora la mpurtanza dla prima scuadra, cun i jugadëures che ie idols di pitli y di jëuni.

Schwingshackl: „Sentì la purtenienza pra la lia“

L mister dla prima scuadra, Mario Scalzo.

L trainadëur nuef respunsabl dl setor di jëuni, Yuri Pellegrini.

L diretëur sportif Patrik Schwingshackl à fat referimënt ala mpurtanza che n posse se lascé sun duc i jugadëures, che duc feje pea, che n cële de fé scuadra y de sentì

la purtenienza ala lia. Schwigskhackl à dit che al trainadëur nuef ne ti iel unì dat deguna nfurmazions plu avisa n con’ di jugadëures, ajache zeche n iel de nueves, zeche de jëuni, y per fé a na maniera che l mister nuef posse valuté la scuadra sun la fundamënta dl lëur, dl mpëni y dla cualiteies tecniches y tatiches ma nce caraterieles che uniun tol pea, coche dì, uniun messerà cialé de se merité si luegia te scuadra.

L mister nuef: „La mpurtanza dl cë“ L trainadëur nuef Mario Scalzo à lecurdà la partida valiveda ora dal FC Gheredëina contra l Gries d’ansciuda, ulache i ladins fova danora per 4 a 2, se giapan pona mo doi goi, perdan nscila ponc y nce l secondo plazamënt che ëssa povester cumpurtà che n fossa unii mpo mo lascei pro te seconda categuria. „Mpurtant ie l cë, dijësse

Michael Platzgummer diretëur generel, Ivo Malsiner presidënt. Patrik Schwingshackl diretëur sportif, Werner Hofer diretëur tecnich, Gerhard Ploner cassier y derijënt, Christoph Rifesser respunsabl di jëuni. Alfre d Runggat scher respunsabl marketing, Massimo Max Tiozzo derijënt, l cunselier Ivan Wieser setor di jëuni, l cunselier Günther Insam setor di jëuni y l cunselier Raphael Runggaldier. l 80%“!“ L mister à dat ora l program dl proscimo mëns, che scumëncia ai 18 de lugio. „N mëns da lauré y sté deberieda, nce per se cunëscer miec!“ Prejenton tlo tla USC nce duc i jugadëures dl FC Gherdëina che fajerà sën pea l prim mëns de preparazion, ma nce duc i funziuneres dla Lia. Per l’atività di jëuni y per la struturazion dla scuadres y i trainadëures che juderà pea, fajerons proscimamënter n articul plu avisa tla USC. (David Lardschneider)

Na plueia de tituli Pra i campiunac provinziei de tennis à i jugadëures de Gherdëina arjont de biei resultac se davanian tituli sibe pra i ”pitli” che nce pra i ”granc”. Verena Hofer vënc de ndut doi tituli de singuler y un de dopl y Patric Prinoth doi tituli de singuler Tennis - Bele pra i campiunac provinziei de tennis resservei ala categuries sot a 10, 11 y 12 ani stac de juni a Maran se ova doi jëunes de Sëlva davanià l titul provinziel, Laura Mair pra la mutans sot a 10 ani y si sor Ellen pra la mutans sot a 11 ani, inant iela pona jita cun la categuries sot a 13, 14 y 16 ani a St. Georgen te Puster dai prim nchin ai 8 de lugio. Tlo à n iede Jonas Ciechi de Urtijëi batù Peter Mulser te na finela cumbatuda te trëi set per 6 a 7, 6 a 2 y 7 a 5 se seguran l titul sot a 14 ani, Verena Hofer de Urtijëi à venciù tla categuria dla mutans sot a 16 ani y Patric Prinoth de Sëlva chëla di Under 16 purtan nscila a cinch l numer de tituli de singuler venciui de ndut pra i Under. Mo n majer valor à sambën pona i tituli arjonc pra i campiunac stac

a Kaltern dai 30 de juni nchin ai 8 de lugio, ulache n cumbatova per i tituli tla categuries de cuarta, terza, open, dopl y dopl mescedà. Scumencion cun la cuarta categuria dl’ëiles ulache Karin Moser à batù te finela si sor Martina che juega per l TC Urtijëi, chësta partida ie jita ora 6 a 4 y 6 a 3. Tla categuria open à pona inò Verena Hofer desmustrà duta si cualiteies vencian n iede contra Claudia Marini ti lascian un n pont sëul tl segondo set, mé n pont per set ie Vera Ploner stata bona de fé te finela contra la campiunëssa Under 14 dl 2011 de Gherdëina. Verena à pona mo venciù l campiunat de dopl deberieda cun si cumpania Diana Moroder, batan Lochmann/Kuen te finela per 6 a 2 y 6 a 4. Mpue plu sëur da sensazion à l

titul venciù da Patric Prinoth de Sëlva tla categuria open di ëi. Patric ie muet dai cherc de finela ulache l à batù David Botti per 6 a 1 y 7 a 5, stramp iel pona stat a vëncer contra Lukas Holzner cun n dopl 6 a 4, te finela à Simon Berger de 2,02 metri de Puster mé tenì pea tl prim set che Patric à ala fin venciù per 6 a 4. Cun n 6 a 0 sëch àl pona metù te sach un di tituli plu mpurtanc nchin śën te si cariera desmustran de gran colps, n bon juech de giames ma dantaldut na gran forza mentela. Cun chisc resultac desmostra nosta scola de tennis che l vën fat n gran bon lëur y perchël iel nce drët ti fé i cumplimënc ai trainadëures Stefano Bassetto y Patric Prader per si mpëni y prufesciunalità. Alex Runggaldier

Erwin Tröbinger, Patric Prinoth, Ellen Mair, Verena Hofer y Laura Mair do la fineles a Kaltern cun si trainadëur Stefano Bassetto. www.lauscdiladins.com

27


Sport y Infos

nr. 27 / 13 de messel 2012

Cinquina del Fodom al Falcade La scuadra ladina se segura de passé dërta ai cherc de final Autra goleada del Fodom e a la paié sto viade l é l Falcade. Sul ciámp de la Val del Biois la “premiada copia” Crepaz e Martini la segna trei gol l prum e doi l secondo. La gara de trè la taulac contra la porta de portier falcadin la scomencia al 24’, cánche Martini l ven ben servì n profondité e co l pé dërt l segna l prum vantagio per i fodomi. La scuadra del mister Crepaz la spenc sul acelerator e a la mes’ora la segna ence l secondo. Corner da la mán ciámpa e Davide Crepaz l sauta plu aut dei autri per mëte l balon ntel sach. Con chëst resultat se va a paussé. Ma la scuadra del Falcade la no ven fòra dai spogliatoi e Martini davò gnánca n menuto da cánche l arbitro l à sciolé i secondi 40 menuti de juoch, l no pièrt l’ocajion de na falada del portier de cesa per segné l terzo gol. Ades per i ladins la strada la va duta nju. L poker l porta la firma de Crepaz. Al 70’ l Fodom l se “mpermët” de falé ence n rigor con Palla che l tira fòra dai undesc metri. Sedenò l resultat l fossa ste plu da partida de

tennis che de balon. A cinch menuti da la fin, Crepaz l segna de testa sua tripleta personal. L gol de la bandiera del Falcade l rua davò doi menuti con Trematore. Senza colpe nte chësta ocajion l secondo portier Riccardo Pezzei, metù ite dal mister Crepaz sul 4 – 0. Domënia l Fodom, per ester rué secondo ntel giron, l podarà paussé e speté de vedei chëla de le doi scuadre ntra Voltago e Gosaldo che se sogarà i “mini otavi” che i é ruarà davánt ai cherc de final. Falcade - Fodom: 1 - 5 Fodom: Amicone, L.Crepaz, P. Adami, G.Palla,, Murer, M.Denicolò, M.Palla, Fersuoch, A.Palla, Martini, D.Crepaz. Alenadou: Massimo Crepaz. Falcade: Mottes, Gallone, Viel, Schena, De Francesco, Valt, Bortoli, De Biasio, Del Negro, Rignanese, Vattai. Gol: 24’ e 50’ Martini, 31’, 60’ e 75’ D. Crepaz, 77’ Trematore. Amonis: buté fora De Francesco per proteste.

♦ Albert Mellauner ales edemes “Gustav

Mahler” Mostra tl Foyer dl Kulturzentrum Grand Hotel a Toblach Indoman sabeda ai 14 de messè 2012 dales 17.00 gnaral daurì tl Foyer dl Kulturzentrum Grand Hotel a Toblach, al’entrada dl salf di conzerć en onur dl gran componist Gustav Mahler, la mostra personala de Albert Mellauner. La mostra vëgn metüda da jì en colaboraziun cun le Südtiroler Künstlerbund (SKB) y les Edemes N depënt de Albert Mellauner. de musiga “Gustav Mahler”. La mostra sarà daverta dai 16 de messè ćina ai 10 d’agost 2012, dal lönesc ala sabeda, dales 10.00 ales 18.00.

♦ Les edemes de “aterTEATER” Le cërtl de teater tla Val Badia é pié ia La terza ediziun de “aterTEATER” é bele piada ia, y va inant ćina ai pröms d’agost. Incö vëndres ai 13 de messè 2012 dales 21.00 saral tl Salf “Domëne Moling” a La Val le grup “Fun Fatale” da Balsan che presentarà “Täglich grüßt die Nachbarin”, n tòch da rì de Angelika Gruber y Ingrid Maria Lechner, por todësch. En mercui ai 18 de messè dales 21.15 tl Salf manifestaziuns a Corvara, en jöbia ai 19 de messè y vëndres 20 de messè dales 21.00 tl Salf manifestaziuns a Al Plan de Mareo, saral le grup Gank da Genova che presentarà le tòch “Molto rumore per nulla” de William Shakespeare. En jöbia ai 19 de messè dales 18.00 tla Ćiasa dl Parch a Al Plan de Mareo y en vëndres 20 de messè y en vëndres ai 20 de messè dales 18.00 tl Salf manifestaziuns a La Ila saral l’aturia Giovanna Cotugno da Berlin che presentarà n sò tòch por mituns dal inom “Coccolori”. Le program jarà inant spo l’edema do. La scuadra dl Fodom.

Alessia vënc l ”Kinder” a Ostuni Alessia Piccoliori à purtà a cësa la copa per l titul venciù a Ostuni tla Puglia Tennis - Do che la scola fina iel per trueps ëura de pië via per jì al mer o scenó nzaul per passé mpue de tëmp de vacanza. L n ie nce de chëi che nuza l’ucajion ntan si vacanzes de fé pea pra vel’ turnoi de tennis che vën metù a jì tl raion che ëi à cris ora per si feries. Pra l ”Trofeo Tennis by Kinder + Sport” iel de ndut 82 tapes de turnoies promuzionei te duta la Talia y ala fin vëniel mo fat n master finel per duc chëi che à venciù o ie ruvei te na finela. I finalisć dl Master naziunel possa pona monce jì a fé pea pra l Master mundiel a Shenzen tla Cina. L turnoi de Ostuni, dai

24 nchin ai 30 de juni, fova l’ultimo de chësta serie metuda a jì tla Puglia, l 70ejim de duc i turnoies tla Talia. Alessia Piccoliori ne se à perchël nia lascià mucé chësta ucajion per se museré cun atletes dl ”sud” y la ti ie nce jita fata de vëncer chësc titul pra la Under 10. Te semifinela àla batù Sabrina Fanuli de Ostuni per 6 a 4 y 6 a 4 y cun l medem resultat àla pona venciù nce la finela contra Maria Paola Frisario de Molfetta. Alessia ova nce bele venciù la tapa de Partschins stata de fauré. Runggaldier Alex

Alessia Piccoliori cun la finalista Maria Paola Frisario de Molfetta.

28

www.lauscdiladins.com

“Fun Fatale” é Ingrid Maria Lechner, Angelika Gruber y Monika Costabiei.

♦ Gerald Moroder a San Martin de Tor La daurida dla mostra personala incö vëndres ai 13 de messè 2012 dales 18.00 L’EPL-Ert por i Ladins y l’Istitut Ladin Micurà de Rü mët da jì inće en chësc ann cater mostres d’ert tl salf d’Istitut a San Martin de Tor. Les mostres sarà da odëi öna indolatra da incö inant ćina ai pröms de setëmber. Chësc ann gnaral metü fora dui artisć dla Val Badia, mëmbri dl’EPL, y dui da foradecà: Gerald Moroder, Gabriele Grones , Lili Cristofolini y Davide Brandlechner. Al artist de Gherdëina Gerald Moroder i tocaràra incö domisdé dales 18.00 da rumpì la dlacia de chësta sajun espositiva. Gerald fej scultöres che é caraterisades da na forma de corp che é sotì y lisier. Al cheriëia söes operes cun materiai sciöche tera, pera y lëgn. Söa mostra, che romagn daverta da incö inant Pert dla scultöra dal titul “Sciomié” de Gerald Moroder. vigni dé dales 10:00 ales 18:00 ćina ai 23 de messè 2012, gnarà daurida cun i salüć dl pres. d’Istitut Ladin Albert Videsott y dl dir. d’Istitut Ladin Leander Moroder y l’introduziun de Else Prünster. La grupa Secco se cruziarà dla cornisc musicala.


nr. 27 / 13 de messel 2012

Chino Chino Eden Cortina Programazion de chesta fin dl’edema. En vender, ai 13/07 saràl da vedei, da les 17.00, 19.30 y 22.00 l film dramatich “7 days in Havana”, la sabeda ai 14/07 da les 17.00, 19.30 y 22.00 “Biancaneve e il cacciatore” y la domenia ai 15/07, da les 18.00, 20.00 y 22.00 “La guerra è dichiarata.” Per infos 0436/881812. ”Sherlock Holmes” a La Ila

En mertesc ai 17 de messè mët man a La Ila les proieziuns de chino tl salf dles manifestaziuns. Chësc dé dales 21.00 gnaràl mostrè le film ”Sherlock Holmes: Gioco di ombre”. L’entrada é a paiamënt. Al Chino de Cianacei

En vender ai 13 e en sabeda ai 14 de messèl da les 21.15 se pel veder “Quasi amici” e en domenia ai 15 e en lunesc ai 16 vegn moscià “Dark Shadows”. En mercol ai 18 da les 17.30 e 21.00 l’é l film de animazion “Pirati” e ai 18, 19 e 20 de messèl da les 21.15 se pel veder “Biancaneve e il Cacciatore”. En mèrtesc ai 17, da les 21.00 conzert del Cor ValFassa. Al Chino de Pardac

En vender ai 13 de messèl, da les 21.15 se pel veder “Silent Souls. Soltanto l’amore non ha fine” e en sabeda ai 14 e en domenia ai 15 da les 21.15 vegn moscià “The Amazing Spider-Man”. Al Chino de Tieser

En vender ai 13 de messèl da les 17.00 e 21.15 se pel veder “The Amazing Spider-Man”. En sabeda ai 14 e ence ai 15, ai 16 e ai 17 de messèl, da les 21.15 vegn moscià “Biancaneve e il Cacciatore”. En mercol ai 18 e en vender ai 20, da les 21.15 se podarà veder “Marilyn” e ai 20 e ai 21, da les 17.00 l film de animazion “Sea Food”.

Informazions y Manifestazions ♦ Ćiantan fora por les üties En domënia ai 15 de messè mët man la ligna de apuntamënć musicai ”Cantando per rifugi 2012” Inće tratan chësta sajun da d’isté vëgnel metü da jì la ligna de apuntamënć musicai ”Cantando per rifugi”, che liëia la belëza dles munts y la musiga. La bela atmosfera dles üties da munt, i paesaji dles Dolomites y nostes beles contrades i fajarà da cornisc ales melodies de cors da munt desvalis. Le pröm apuntamënt gnarà desfiré ai 15 de messè tla ütia Scotoni da San Ćiascian, olache al sarà da aldì dales 13.30 inant le cor di Alpini ”Monte Cervino” da Gessate (MI). La domënia ai 29 de Le ”Coro Monti del Sole” de Sedico. messè ćiantarà tla ütia Nagler de Badia le cor ”Monti del Sole” de Sedico, ai 5 d’agost le ”Coro Fodom” da La Pli de Fodom tla ütia Las Vegas a San Ćiascian y la domënia ai 19 d’agost le cor Plose da Porsenù tla ütia Lée a Badia. I cors metarà man da ćiantè do marëna, dales 13.30 inant. Düć é dër bel invià da tó pert ai conzerć por passè n bel dé en compagnia, adöm ala familia y ai amisc.

Al Chino de Ciavaleis

En vender ai 13 e en domenia ai 15 de messèl da les 21.15 se pel veder l film da la Franzia “Piccole bugie tra amici”.

Avisc Sun Ciampedìe cena e degustazion de vins con Re Laurin

En mèrtesc ai 17 de messèl e ence ai 28 de aost te duc i refuges de Ciampedìe vegn endrezà na cena con degustazions de vins del Trentin dal tìtol “Il banchetto di Re Laurino”. L biliet de 30 € da comprèr sul post l tol ite la cena (5 piac e 5 vins) e l cost de la forenadoa. A Poza na serèda col neuropsichiatra con Bambi

En lunesc ai 16 de messèl, h 21.00 te sala del Consei del Comun de Poza, la sociazion Bambi “Bez malà” col patrozinie de l’aministrazion de Poza endreza na serèda informativa dal tìtol “Neuropsichiatrìa infantile medicina per bambini e adolescenti”. Relator sarà l prof. Emilio Franzoni, primarie de l’ospedèl de Bologna.

Referac Omeopatia por i agn de müda (Wechseljahre)

Le Consëi de Formaziun da Corvara inviëia al referat ”Homöopathie in den Wechseljahren”, che é gnü sburlé al mertesc ai 17 de messè dales 20.30, te Ćiasa dles Uniuns da Calfosch. Referënta é Anneliese Obermann.

Segres y Festes Festa te Ciajeole a Moena

En sabeda ai 14 e en domenia ai 15 de messèl a Moena te Ciajeole vegn endrezà doi dis de festa con musega, magnadiva e la prejenza di zipiadores de faceres de la sociaizon “Mascherai alpini”. I 100 agn di Destüdafüch da Corvara - dui dis de festa

Al vëgn fat gran festa por le iubileum. En sabeda ai 21 de messè gnaràl metü da jì le Dé dla Proteziun Zivila. La domënia ai 22 vara inant cun la festa di 100 agn. Program: 8.30 santa mëssa, 10.00 at ofizial dla festa sön plaza de comun y conzert dles musighes, 15.00 defilada tres paisc, dales 18.00 inant sona la ”Hopfenmusig”. Benedescion dl crist nuef de Piz Miara N dumënia ai 15 de lugio saràl dan l Tublà da Nives la santa mëssa cun benedescion dl crist nuef de Piz Miara. I Jëuni de Sëlva nvieia nce ala mostra de fotografies y articuli che à da n fé cun l vedl Crist de Piz Miara, tl Tublà da Nives, nchin ai 15 de lugio, 17.00 – 19.00 y 20.00 – 22.00. L unirà nce metù ora l vedl Crist.

♦ Presentaziun

dla CD nöia di Kyrios Le titul dla scëiba é ”Les Usc devënta üna”. Presentaziuns ćiamò ai 13 y 14 de messè a La Ila Le cor ”Kyrios” inviëia dër bel ai conzerć de presentaziun dla CD nöia ”Les Usc devënta üna”. Do la premiera da inier jöbia sarà i Kyrios da aldì ćiamò incö ai 13 y en doman ai 14 de messè dales 21.15, tl salf dles manifestaziuns da La Ila. Le cover dla CD di Kyrios. Al gnarà pité musiga pop, gospel, rock, musiga da film y tòć fora dla seria televisiva ”Glee”. Al é la poscibilité da resservè posć da se sentè al numer 0471/847455 o al 333/2525740, o cumprè les chertes diretamënter te salf dan i conzerć.

♦ La Jöbia de Corvara 2012 Le zënter da Corvara gnarà animé da festa vigni jöbia, dai 19 de messè ai 23 de agost: devertimënt cun musiga y clowns por mituns y families cun le grup “Tiatro”. L’Assoziaziun Turistica da Corvara-Calfosch mët da jì inće tratan l’isté 2012 la manifestaziun ”La jöbia de Corvara - festa di mituns”, che à albü n gran suzes l’ann passè. Vigni jöbia, dai 19 de messè ai 23 de agost, gnarà le zënter dl paîsc stlüt al trafich di auti dales 17.00 ales 19.00 y dales 20.00 ales 22.30. En chësc ann gnarà la manifestaziun daldöt dedicada ai mituns, cun le grup ”Tiatro”. Clowns y striuns metarà da jì n domisdé plëgn de devertimënt y bona löna fora por le raiun da jì a pé dl paîsc. I mituns po tó pert a deplü ativitês y jüć, sciöche se lascè depënje le müs da n grup de profescionisć o se devertì cun ”scultöres” de palês d’aria fates dai clowns. La strada gnarà implida de magia y devertimënt. Na bona ocajiun por mituns y families por stè adöm y passè n domisdé n pü’ atramënter. Implü sarà por chëstes sëres inće gran pert dles botëghes davertes. Le pröm apuntamënt cun l’assoziaziun Tiatro tl zënter de Corvara vëgn metü da jì en jöbia ai 19 de messè. En chësc iade podaràn odëi le striun Pallina che porta dant sü strinëć y le ”Limen Teatro” I clowns é inće protagonisć dla Jöbia mostrarà spetacui de acrobazia y jüć de prestisc. Ćiarede da ne manćé nia. de Corvara. www.lauscdiladins.com

29


Informazions y Manifestazions Temp lede Le proiet ”Isté Deboriada” mët man Le Sorvisc ai Jogn Val Badia lascia alsavëi che le proiet da d’isté mët man en lönesc ai 16 de messè a: Calfosch te Ćiasa dles Uniuns, a San Ćiascian, La Ila, La Val y Antermëia te scora elementara, a Al Plan te local di jogn. I mituns y les mitans scrić ite é perià da se presentè ti posć indicà dales 9.00. Informaziuns tl SaJ al 0474/523070. Griliada dles families a Al Plan

Le Zënter Families Mareo inviëia en domënia ai 15 de messè ala griliada dles families ta Fodara Masarônn (Pera). Ara mët man dales 12.30. An s’incunta dales 11.30 dan calonia por jì ite cun la roda o a pé. S’anunzié anter incö vëndres ai 13.07 pro Luca Raiffeisen al 338/6690440. Al vëgn damanè 4,00€ a će por la marëna. Ativitês dl Zënter Families Ergobando

Le Zënter Families Ergobando, dl comun de Badia, inviëia a deplü ativitês. Incö vëndres ai 13 de messè dales 15.00 s’incuntunse pro l’Ergobando por na spazierada ćina al Lech da Sompunt. En vëndres ai 20 s’incuntunse dales 15.00 tl Ergobando por jì a vijité le magazînn di Stüdafüch da La Ila. Domisdé di mituns a Calfosch

En mertesc ai 17 de messè dales 17.00 inant vëgnel metü da jì tl parch di tiers a Calfosch n domisdé por mituns. Ai podarà se devertì cun i clown che porta dant de vigni sort de strinëć. Sön les pedies dla laûrs preistorica En mercui ai 18 de messè vëgnel organisé n domisdé por mituns dal tema ”Sön les pedies dla laûrs preistorica”. Apuntamënt é dales 17.30 tl zënter da San Ćiascian. I mituns jarà a vijité le museum dla laûrs, al gnarà mostrè n film y ai podarà pastlenè y se lascè depënje sö le müs. Infos y prenotaziuns tles assoziaziuns turistiches dl’Alta. Storia, ert y artejanat – vijita meneda tl Museum de Gherdëina

N juebia ai 19 de lugio da mesa la cater domesdì pieta l Museum na vijita meneda tres la culezions dl’ert y dl artejanat de nosta valeda, tla rujeneda taliana y da mesa la cinch tla rujeneda tudëscia. N possa se lascé nuté su tl Museum o tla Lies dl Turism dla valeda. www.museumgherdeina.it De vedli juesc scuvierc da nuef tl Museum de Gherdëina

N juebia ai 19 de lugio ie duc i mutons y nce i granc nviei a unì te museum dala 16.00 inant per fé y scuvierjer da nuef de vedli juesc cun la cunlauradëures dl mueum. Cabaret “Wachstum?! - so segn holt mir’s“ La Mëisa Turonda dl’Ëiles mët a jì na jita a Kaltern a ti cialé al cabaret “Wachstum?! - so segn holt mir’s“, n lunesc ai 23 de lugio. Pion via te Sëlva (Hotel Oswald) dala 19.10, a S.Cristina (Destudafuech) dala 19.20 y a Urtijëi (plaza da lascé i auti dl Despar) dala 19.30. N muessa se lascé nuté su tla Raika de Sëlva, paian ite 25 € y dajan sëura sciche gauja de paiamënt “Prantl“. Pastlenè te biblioteca En mercui ai 18 de messè dales 15.00 é düć i mituns y les mitans dla scora elementara invià da gnì te biblioteca a San Martin de Tor, olache al gnarà pastlenè. Organisaziun: Biblioteca Sas dla Crusc.

Mujiga Mujiga te dlieja de S.Cristina

N mierculdi ai 18 de lugio mët la Lia per l Turism de S.Cristina a jì na sëira de mujiga cun la grupes Urtijëi Brass Quintett y i Unknown Brass, dala 9 da sëira te dlieja de S.Cristina. La ntreda ie debant.

nr. 27 / 13 de messel 2012

♦ Alta Badia Sanité - sanité y bëgnester a

2.000 metri En lönesc ai 16 de messè mët man la iniziativa nöia dedicada deplëgn ala sanité y al bëgnester dl corp y dl spirit cun ativitês desvalies sciöche: nordic walking, yoga, jites a tema mo inće n dé cun n preparadù atletich, terapia musicala y iniziatives sön l’alimentaziun Tratan les ultimes döes edemes de messè, dai 16 ai 27, vëgnel metü da jì por le pröm iade l’inziativa Alta Badia Sanité, organisada dal Consorz Turistich Alta Badia. Le program tol ite de vigni sort de ativites liades ala sanité y al bëgnester por pici y gragn, sportifs y manco. Dlungia les escursciuns y i eserzizi por le corp y le spirit saràl inće val’ highlight sciöche la prejentaziun dla derzada dl bëgnester, la preparaziun atletica cun Kristian Ghedina y la presentaziun dl liber de Simone Moro. Tla pröma edema gnaràl organisé en lönesc ai 16 de messè na escursciun de nordic walking che gnarà stlüta jö cun le percurs Kneipp sön Piz La Ila. Por döt isté podaràn anuzè sides sön Piz La Ila che sön Piz Sorega i dui areai ”Movimënt” che contëgn injins de fitness, percursc Kneipp y zones por le reflès plantar. Le mertesc vëgnel pité na escursciun olache al vëgn splighé deplü sön les erbes de medejina cun marëna ala ütia Valparola, y le mercui vëgnel tignì dales 10 danmisdé na sentada de step alaleria sön Piz La Ila. Sce al ess da ester bur’ I percursc Kneipp tl’Alta Badia. tëmp gnaràra organisada tla palestra a La Ila. La jöbia ti vëgn dedicada deplëgn ales ëres, cun na picia presentaziun dles carateristiches dl’ega da solper dla fontana de Pantansarè a Pedraces. Dedô vëgnel metü da jì n curs da fà cremes cun erbes y ciüfs locai. An se incunta dales 10.00 dan l’Assoziaziun Turistica de Badia. La pröma edema se stlüj jö le vëndres cun na sentada de yoga, che vëgn metüda da jì alaleria sura la Ütia Boconara a Corvara, dales 17.30. Informaziuns plü menüdes ciafon tles assoziaziuns turistiches dl’Alta Badia, olache an podarà inće se prenotè. Le medemo program d’ativitês ia por le dé gnarà inće pité l’edema dai 23 ai 27 de messè. Da sëra vëgnel inće pité de vigni sort de iniziatives liades ala sanité y al bëgnester. Al ne manćiarà nia val’personaj conesciüs dl monn dl sport - sciöche Kristian Ghedina o l’alpinist Simone Moro - y dla gastronomia - sciöche por ejëmpl le cogo Giancarlo Morelli. Nia ma movimënt y relassamënt, mo inće na dërta alimentaziun ôl ester por ester sagns intun. Porchël à le nutrizionist dr. Lucio Lorusso metü adöm na derzada dl bëgnester, che é spo gnüda interpretada dal cogo Giancarlo Morelli dl restorant Pomiroeu. Chësc taì contëgn i ingrediënć ideai por na alimentaziun sana; al gnarà presentè por le pröm iade en mercui ai 18 de messè en ocajun dl ”Paîsc in Festa”. Giancarlo Morelli instës spligarà les carateristiches dla derzada en mercui dales 18.00, tl zënter da San Ćiascian. Dedô podaràn ćiarćé chësta spezialité ascutan sö les melodies dla Böhmische da La Ila. La jöbia ai 19 de messè vëgnel metü da jì na incuntada alaleria cun terapia dla musiga ”Nada Yoga” tl parch natural Fanes-Senes-Braies. Al é na terapia indiana-tibetana che dëida ciafè l’armonia danter spirt y corp tres i sonns dla musiga de Riccardo Misto y Silvia Refatto adöm a Max Castlunger. Chësc apuntamënt metarà man dales 17.30 y sce al ess da ester bur’ tëmp gnaràl tignì tla Ćiasa J. B. Runcher a Badia. Le vëndres ai 20 de messè saràl la poscibilité da jì a fà la via ferata Tridentina adöm a na guida alpina. An pëia ia dales 6.30 da doman por jì sön Pisciadù a gostè. Inće la secunda edema (dai 23 ai 27 de messè) sarà caraterisada - dlungia les ativites preodüdes por le danmisdé - da valgügn highlights sciöche le dé dediché ai mituns ai 23 de messè. A Corvara gnaràl arjigné ca jüć y percursc por mituns y families y an baiarà inće dl’alimentaziun sana di mituns cun la ”picia marëna dl campiun” (merenda del campione). D’atres manifestaziuns tratan la secunda edema é la presentaziun dl liber ”La voce del ghiaccio” de Simone Moro ai 24 de messè a Corvara y la preparaziun atletica adöm a Kristian Ghedina, che gnarà tignida sön Piz Sorega en vëndres ai 27 de messè.

Cunzert de giaurida de Valgardenamusika 2012

N dumënia ai 15 de lugio dala 21.00 saràl tl zënter dal tennis de Urtijëi/Runcadic l prim cunzert dla lingia de cunzerc de Valgardenamusika. L sunerà l Bundesjugendorchester Deutschland sot ala direzion de Mario Venzago. L unirà purtà dant mujighes de Gustav Mahler, Robert Schumann y Maurice Ravel. Chertes danora pra la Lies dl Turism de Gherdëina Jazz sön plaza a Corvara

Le Val Badia Jazz Festival mët man chësta domënia ai 15 de messè. Sön le paiun dla plaza de comun a Corvara saràl da aldì dales 11.00 le grup ”Pamstiddn Kings”. I 6 jogn porta dant tòć che va dal jazz al hard rock. Sce al ess da ester bur’ tëmp, vëgn le conzert tignì te salf dles manifestaziuns. Cristina Donà te Gardecia per i Sons de la Dolomites

♦ Aorela cörta y movimënt Söl ćiamp dl sport a San Ćiascian vëgnel pité vigni dé jüć, aorela cörta y movimënt, te n bel post y cun tröpes atraziuns Söl ćiamp dl sport a San Ćiascian vëgnel pité vigni dé dales 10:00 ales 19:00 (inće sabeda y domënia) divertimënt y aorela cörta por mitans y mituns - jogn y manco jogn. I jüc dla “Scolina Salterina” é na gran atraziun - la picia y la gran sliziadoia, jüć soflà sö por slisorè, s’arpizé, trà salć. Laprò de bi trampolins. I mituns plü gragn po porvè fora i go-kart a pedai y fà le percurs de gara. Poscibilité da śoghé a ”beach-volley” y da śoghé al palê sön le ćiamp sintetich nü. L’Uniun Sport San Ćiascian ves aspeta, passede a nes ciafè y stè en cumpagnia te n bel post y en movimënt.

Per “I Sons de la Dolomites” anché, vender ai 13 de messèl, te Gardecia da la does domesdì l’é la ciantarina Cristina Donà. En sabeda ai 14 da la medema ora a Panevelge se pel scutèr l conzert per vidola e piano de Gidon Kremer e Daniil Trifonov. Dut l program é sul sit www.isuonidelledolomiti.it. A Spas co la Musega a Poza

En mercol ai 18 de messèl da les 21.00 la Strada de Meida vegnarà serèda al trafich per ge dèr lèrga a la manifestazion “A spas co la Musega”, con musega, animazion, spetacoi e cerces de bogn douces. Festa a Soraga con la Blood Rockers Band En sabeda ai 14 de messèl da les 18.00 te tendon de Soraga pea via la festa per endrez di Alpins e de l’ADVSP (Sociazion di donatores de sanch e plasma). L moment “clou” l’é l conzert da les 20.45 de la Blood Rockers Band con l dotor Massimo Ripamonti e la Ciantarines da Soraga. A San Ćiascian él inće na bela pista por go-kart a pedai.

30

www.lauscdiladins.com


nr. 27 / 13 de messel 2012

Informazions y Manifestazions

♦ Alalergia

♦ Le ”Kronplatz Family Day 2012” cun

La Union di Ladins de Gherdëina nvieia de cuer duc y dutes a n domesdì leterer “Alalergia“ cun cërcia de vins y mujiga, n vënderdi ai 27 de lugio dala 18.00 tl verzon dla Cësa di Ladins

Manuela y Manfred Mölgg L’apuntamënt é por en domënia ai 15 de messè, sön Plan de Corones. Spazierada da Furćia sö y spo jüć, devertimënt y buna löna cun i campiuns de schi

Autëures ladins liejerà dant poejies y tesc' de prosa. Te na curnisc musichela uniràl servì vel’ bon bucon cun cërces de vins. L fej pea Rafael Prugger, Carlo Suani y Elisabeth Oberbacher, prim, segondo y terzo pest pra l cuncors de poejies “Angelo Trebo” y Tobia Moroder, prim pest pra l cuncors leterer “Auturs ladins scrì”. Sce l ie burt tëmp unirà la manifestazion tenida tla biblioteca ladina tla Cësa di Unide duc ala blòta festa… “Alalergia”! Ladins.

Mostres y Ert Mostra de dessegnes de Luigi Canori

Te Museo Ladin de Fascia se pel vijitèr la mostra de retrac dal tìtol “Anter la jent. Dessegnes de Luigi Canori 1947-1981”. La mostra restarà fora te Museo enscin ai 29 de messèl, duc i dis con orarie 10.00-12.30 e 15.00-19.00. Entrèda per nia. Mostra de Paolo Maggis

La Lia Mostra d’Ert nvieia duc ala giaurida dla mostra dal titul “Sketches from Life“ ai 20 de lugio dala 19.00 a Urtijëi, tla sala dla mostres dla lia sun plaza Sant Antone. La mostra sarà da udëi nchin ai 14 de agost, da merdi nchin a dumënia 10.00 – 12.00 y 17.00 – 19.00. Panorama 4

La gran mostra d’ert nueva a Franzensfeste pieta ntan trëi dumënies, ai 22 de lugio, ai 12 de agost y ai 30 de setëmber, la ntreda debant per udëi cie che l’ert dla trëi grupes de rujeneda dl Südtirol dà ca te chësc mumënt. De merdi sëira pieta “Panorama 4” vijites cumpaniedes dai curadëures y artisc’. Terza “Biennale Gherdëina“

Chësta mostra de ert cuntemporana vën a se l dé uni doi ani tl raion da jì a pe a Urtijëi. Chëst ann cun i artisc’ Esther Stocker, Arnold Mario Dall’O, Gehard Demetz, Hubert Kostner y Walter Moroder. La giaurida sarà ai 20 de lugio dala 18.00. Dlongia la mostra tl raion da jì a pe uniràl a se l dé trëi mostres a pert. L se trata de na mostra de Paolo Maggio tla sala dla mostres dla Lia Mostra d’Ert a Urtijëi, de na mostra de Chris Gilmour tla Galaria Ghetta (20.07. – 03.08.) y de na mostra de Gerhard Trumler tl Art IQ’s Galerie de Franz Canins a Urtijëi (18.07. – 30.08.) Mostra de Robert Bosisio y Willy Verginer

L zënter d’ert cuntemporana de Ciavaleis dedichea si mostra da d’instà a doi artisć de Südtirol, n moler y n scultëur. La giaurida dla mostra sarà duman sada ai 14 de lugio dala 17.30. La mostra resterà davierta nchin ai 2 de setëmber uni di dala 15.30 nchin la 19.30, de lunesc iel dsarà. Mostra “Tobié” de Nino Ovan

En jebia ai 19 de messèl da les 17.00 a Ciampedel vegn enaudà la mostra “Tobié. L’identità ritrovata” del pitor Nino Ovan. L’esposizion, endrezèda dal Comun de Ciampedel, sarà da poder veder te la Sala Mostres del Comun enscin ai 12 de aost con orarie 16.00-19.00 e 20.30-22.00. “Semper inant” con la sociazion Kultura

La sociazion Kultura endreza te Sala Taradat a Vich na mostra coletiva d’èrt dal tìtol “Semper inant”. La esposizion vegn enaudèda en mèrtesc ai 17 de messèl da les 21.30 e la restarà averta enscin ai 31 de messèl con orarie 21.00-22.30. Verginer e Bosisio met fora a Ciavaleis En sabeda ai 14 de messèl da les 17.30 al Zenter d’èrt contemporanea de Ciavaleis vegn enaudà la mostra “Alle porte del silenzio”, dialogh anter la scultures de Willy Verginer e i depenc de Robert Bosisio. L’esposizion resta fora enscin ai 2 de setember duc i dis fora che de lunesc h. 15.30-19.30 e de vender e sabeda ence 21.00-23.00.

Religion Preparaziun al Bato

En doman sabeda ai 14 de messè dales 15:00 ales 17:00 vëgnel tignì te calonia a San Ćiascian la preparaziun al Bato cun Erich Frenademetz. I geniturs interessà é perià da s’anunzié te calonia da San Ćiascian al nr. 0471/849474.

Le Fanclub Mölgg y le comprensor turistich de Plan de Corones s’à por en chësc ann studié n apuntamënt particolar cun i campiuns de schi Manfred y Manuela Mölgg. En domënia ai 15 de messè gnaràl desfiré le ”Kronplatz Family Day”. An s’incunta dales 10 danmisdé dan l’implant ”Ruis”, por se fà na spazierada ćina sön Plan de Corones. Lassö gnaràl pité n domisdé en compagnia cun i fredesc Mölgg, por les families y fans. Dales 13.30 ćina ales 17.00 pitarà i ”Kinderfreunde” intratenimënt por i mëndri, söl program él inće les olimpiades por families y ćiamò Manuela y Manfred Mölgg. An po passè n dé la poscibilité da raité cun i ponys. Dales d’aorela cörta impara pro le ”Kronplatz Family 17.15 saràl la premiaziun dles olimpiades, Day”. por stlü jö dales 17.30 cun na acrobatic air show cun Franz Weisssteiner. I mituns ćina 16 agn podarà chësc dé anuzè le lift debann. La manifestaziun vëgn tignida ma sce le tëmp le pormët.

♦ Gran festa por i 100 agn di Stüdafüch da

Corvara Dui dis de festa a Corvara por le iubileum toronn: ai 21 de messè le dé dla proteziun zivila, ai 22 la festa de iubileum I Stüdafüch da Corvara po festejé chësc ann le iubileum de 100 agn dala fondaziun. Chësc gnarà recordè cun dui dis de festa, en sabeda y en domënia ai 21 y 22 de messè. La sabeda él preodü n Dé dla Proteziun Zivila cun deplü eserzitaziuns. Dales 14:30 gnaràl simulè n mèdefüch te na abitaziun, dales 15:30 n inzidënt, dales 16.30 n mèdefüch te bosch y dales 17:30 gnaràl porvè l’evacuaziun de n implant portamunt y socurs söl parëi. Dales 15.00, 16.00 y 17.00 él söl program n concurs de rendimënt de grups di jogn dl’alta Val Badia. Dales 18.00 vara inant cun festa sön plaza de comun, acompagnada dala musiga di ”Lechner Buam”. La domënia ai 22 de messè saràl la gran festa de iubileum, che mët man dales 8.30 cun la santa mëssa. Dales 10.00 La junta di Stüdafüch cun scrivan, cassier, él l’at ofizial dla festa sön plaza de magaziniers, comandanć y vizecomandanć de comun, dales 15.00 defilada y dales grup y verdajogn. 18.00 inant musiga cun la ”Hopfenmusig”. Por chësc iubileum à i Stüdafüch inće dè fora n liber che cunta dla storia dla uniun, abelì cun de bi retrać da dandaìa ćina aldédaincö.

♦ 11. Turnier de calceto L’apuntamënt é por en sabeda ai 21 de messè söl ćiamp dl sport a Antermëia Le Sport Club Amatorial Antermëia mët da jì la önejima ediziun dl turnier de calceto, che gnarà desfirada en sabeda ai 21 de messè söl ćiamp dl sport a Antermëia. Le turnier mët man dales 10 danmisdé y al sarà söl post inće n tendun y musiga dal DJ. La finala é preodüda dales 18.00, y te chësta ocajiun gnaràl inće incoronè le ”Re di 7 metri”. Dedô A Antermëia vëgnel indô desfiré le turnier de calceto. vara inant pro la party cun DJ. Por iscriziuns y informaziuns pòn telefonè a Armin al 347/9102642 o tres mail a arminerlacher@yahoo.it. www.lauscdiladins.com

31


Informazions y Manifestazions Iadi, jites y escursions Jita sun l dlacier La Lia da Mont de Gherdëina mët a jì na jita sun l Zuckerhüttl, 3.507 m ai 28 y 29 de lugio. N possa se nuté su nchin a vënderdi 20 de lugio. Per nfurmazions plu avisa pudëis cherdé su Mirko, 333/1533649. Jita tl raiun de Börz/Plose

Les Lies da Munt Val Badia inviëia a na jita de trëi dis, dai 20 ai 22 de messè, cun stè suranöt te na ütia dl AVS sön Börz/Plose. Al sarà inće jüć y poscibilitês da arpizé. La jita é por mitans y mituns, inće cun families. Informaziuns y prenotaziuns (obligatores) pro Paul al 347/4736300 anter i 15 de messè. Cun i mënacrëp söla Marmolada

Tla cornisc dles ativitês dla Lia da Munt Jonila - Val Badia vëgnel metü da jì en vëndres ai 21 de messè na escursciun cun i mënacrëp söla Marmolada - Punta Penia, por jogn da 13 agn insö. Informaziuns pro Verena Dapoz al 338/3399409. Escursciun da Delba a Malga Ciapela Les Lies da Munt Val Badia mët da jì en domënia ai 15 de messè na escursciun da Delba, Rif. Contrin, ju Ombretta, Rif. Falier y Malga Ciapela. Ara é saurida, cun n deslivel de 1200 metri y n tëmp da jì de za. 7,5 ores. Informaziuns pro Giorgio Kostner al nr. 0471/836322. Dui dis tla Granatspitz-Gruppe

Les Lies da Munt Val Badia - grup alpin dlacià, organisëia ai 21 y 22 de messè na jita de dui dis söl Weißseegletscher tl’Austria. Suranöt stàn tla Rudolfshütte. Por informaziuns: Richard Pezzei al 338/1387680 o Denis Moling al 340/5990115. Sön la via ferata dl Pisciadù

En domënia ai 22 de messè mët da jì les Lies da Munt Val Badia na escursciun sön la Ferata dl Pisciadù, cun spaghetada. La dificoltè é mesana cun n deslivel de 700 metri y n tëmp da jì de za. 2,5 ores. Informaziuns pro Jan Paul Adang al nr. 338/1423183. Escursciun sön les munts de Prettau

Les Lies da Munt Val Badia mët da jì en domënia ai 22 de messè na escursciun che pëia ia da Kasern (Prettau) y porta tres Röttal ala Lenkjöchlhütte, spo tres le Windtal y indô zoruch a Kasern. La dificoltè é mesana cun n deslivel de 1000 metri y n tëmp da jì de za. 6 ores. Informaziuns pro Giovani Pescollderungg al 328/4624159.

Cursc Curs da nodè por les scores elementares

Organisé dala Uniun Sport Alta Badia. Dal lönesc ai 16.07 ćina ai 28.07, indöt 10 leziuns. Le curs vëgn tignì da Ubi Valentini. An ne mëss nia se prenotè, al basta da se presentè le pröm dé.

nr. 27 / 13 de messel 2012

♦ Sauté da mont su N dumënia ai 22 de lugio mët i Gherdëina Runners a jì per l prim iede la garejeda de sauté da mont su “Val Gardena Mountain Run“, da Urtijëi nchin sun Secëda. L sarà da sauté 14,5 km La garejeda muev japé dla furnadoia de Secëda, n passa sa Sacun per sauté inant nchin sun Secëda, pra la stazion dla furnadoia. L ie unì fat ora de premië ëi y ëiles unfat y l sarà da vëncer de biei pesc’. I prims giaperà 600,00 euro. Dlongia i atlec che fajerà pea la garejeda a livel amatoriel, se àl bele nunzià vel’ atleta plu cunesciù coche David Hofer, Hannes Rungger y Georg Piazza. L ti vën lascià ai atlec al plu trëi ëura y mesa per ruvé tl travert. N sada ai 14 de lugio saràl mesun de purvé ora la trassa. N se anconta dala 8.00 daduman pra la stazion a val dla furnadoia Secëda. Prion bele duc chëi che ulëssa sauté pea de ti l fé a l savëi a Manuela, 339/7004045 o de scrì a manuela@ L cumité che mët a jì la garejeda. gherdeinarunners.it

♦ Marcià dl artejanat a S. Cristina Uni merdi nchin ai 28 de agost da mesa la 8 da sëira inant, vëniel inò metù a jì tl raion da jì a pe “Bënunì” de S. Cristina l marcià dl artejanat y di prudoc de Südtirol I artejans prejënta si lëur da zacan y si prudoc fac a man. L unirà nce pità prudoc naturei coche śulzes, sofc, miel, ega de vita, ciociul, vin, ierbes de medejina, prudoc de belëza y n.i. Oradechël saràl nce mujiga y devertimënt, chësc merdi ai 17 de lugio cun Sepp Messner Windschnur che sunerà y cianterà si cianties plu cunesciudes. L sarà nce vel’ stont che pieta velch per la gola y da bever y la butëighes sarà daviertes. L merdi sëira sarà perchël ntan chësc instà l di da se ancunté tl raion da jì a pe ”Bënunì” de S. Cristina!

Curs de palê

La Uniun Sport Alta Badia organisëia n curs de aviamënt al jüch dl palê por les scores elementares, a La Ila söl ćiamp dl sport y te palestra. Al mët man ai 19.07 y va inant ćina ai 30.08, lönesc y jöbia, por i pici mituns dales 15.00 ales 16.30, por i gragn dales 17.00 ales 18.30. An ne mëss nia se prenotè, al basta da se presentè le pröm dé. Curs de beachvolley por scolars L’Uniun Sport La Ila organisëia n curs de beachvolley por scolars. Pröm iade en mertesc ai 17 de messè dales 17.30, spo por indöt 8 iadi (vigni mertesc y jöbia dales 17.30 ales 19.00), tl ćiamp de beachvolley a San Ćiascian. Mudaziuns dl dé po gnì fates aladô dl tëmp. Informaziuns y iscriziuns al 347/0842309.

L cianterà Sepp Messner Windschnur.

Prudoc de lana sun l marcià.

Curs por tecnics de sorvisc de schi - curs de basa

Organisé dal Zënter de Formaziun Profescionala da Bornech, indöt 100 ores dai 07.09.2012 al 31.01.2013, sabeda y domënia dales 8.00 ales 17.30, a Bornech. Referënć é Ernst Messner, Horst Gamper y d’atri referënć spezialisà. S’anunzié anter i 27 de messè al 0474/573435, robert.huber@schule.suedtirol.it.

♦ L’aria sutila y

Curs por tecnics de sorvisc de schi - curs por progredis

L artista de Urtijëi Wilhelm Senoner nvieia duc duman sada ai 14 de lugio dala 18.00 ala giaurida dla mostra “L’aria sutila y nëta“ a Fie, tla Galerie Völs am Schlern , Kirchplatz 10

Organisé dal Zënter de Formaziun Profescionala da Bornech, indöt 48 ores dai 15.09 ai 28.11, sabeda y domënia dales 8.00 ales 17.30, a Bornech. Referënć é Ernst Messner, Hubert Rabensteiner y d’atri referënć spezialisà. S’anunzié anter i 27 de messè al 0474/573435, robert.huber@schule.suedtirol.it. Curs de eletropneumatica

Organisé dal Zënter de Formaziun Profescionala da Bornech, por implià tl ciamp de sistems eletropneumatics, dai 3 ai 5 de setëmber dales 8.30 ales 17.30, a Bornech. Referënt é Erich Brun (CH). S’anunzié anter le 31 de messè al 0474/573435, robert. huber@schule.suedtirol.it. La Via della Freccia - le Tru dla Saìta

Chësta sabeda y domënia ai 14 y 15 de messè vëgnel metü da jì a Calfosch n curs dal titul ”La Via della Freccia”, n curs da trà cun l’arch adöm a tecniches por le bëgnstè. Informaziuns pro Sara Bassot al 340/3868879 o www.laviadellafreccia.it. Curs da jadiné por mitans y mituns L’Ice Club y le Hockey Club Alta Badia organisëia a Corvara n curs da jadiné por mitans y mituns dai 5 agn insö, che mët man ai 30 de messè. Prinzipianć: lönesc y jöbia dales 16 ales 17; progredis (che à bele fat n curs): lönesc y jöbia dales 15 ales 16. Cost: 60,00€, Infos y prenotaziuns al 347/0846845, nadiadelazzer@ hotmail.com.

32

www.lauscdiladins.com

nëta

Wilhelm Senoner mët ora 6 scultures de lën nueves y pitures. La ntroduzion ala mostra sarà de Beatrix Unterhofer cun paroles de salut de Reinhold Janek. La mostra sarà da udëi nchin ai 26 de lugio, orar de giaurida ie dala 10.00 - 12.00 y 16.00 - 20.00. L artista cun doi de si scultures.


nr. 27 / 13 de messel 2012

Infos y Congratulazions

Avisc Udiënzes dla Uniun di Ostis La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen.

Ai 18 él bëgn n gran dé,

nosta Nikol

Restartemilia: diapositives de Tamara Lunger por daidé les vitimes dl tremoroz

arjunj la majera eté. La festa ne po bëgn nia manćé, chisc 18 mëssun dassënn festejé. L’proseco tochera spo da tó ca, canche ”cin cin” él da fà. ”Na viva” saral spo da intonè, y ”Düt le bun” te ćiantè.

La assoziaziun Valtù mët da jì en doman, sabeda ai 14 de messè dales 20.45 tl salf dles manifestaziuns da Corvara na sëra de diapositives sön l’impreja de Tamara Lunger, la ëra plű jona che à arjunt la piza dl Lhotse, a 8.516 m. La manifestaziun vëgn inviada ia por daidé les vitimes dl tremoroz dl’Emilia. 60° de la Polizia de Moena

Enscin a domenia ai 15 de messèl festa a Moena per i 60 egn del Zenter de adestrament alpin de la Polizia a Moena. En vender da les 10.30 pea via la zerimonia ofiziala; en sabeda domesdì e en domenia dut l dì “Climbing Day” su la neva strutura de rampinèda del zenter.

Pur tü 18 agn les mius audanzes te fajun, y düt le bun pur le dagnì te augurun.

“Ispirazions” rejona de politica economica En vender ai 20 de messèl da les 21.00, te chino de Cianacei, tel chèder de “Ispirazions d’istà” mons. Giancarlo Bregantini, e i l prof. de economìa Stefano Zamagni e Tiziano Salvaterra rejonarà de “Coluna politica economica per l dò-crisa?” co la moderazion de Matteo Ploner.

Tüa familia

Ujes averc... e auter, te Museo

Per dut istà l Museo Ladin de Fascia, apede a la vijita a la sales (h. 10.00-12.30 e 15.0019.00), met dant scomenzadives desferentes ogne dì. De mercol l’é “Ujes averc”: se pel ite zenza paèr, e da les 10.30, 15.30 e 17.30 l’é la vijites vidèdes al cost 2 euro. La neva de chest an l’é la raida per families con bec “I secrec del Latemàr”, ogne mèrtesc fin al Lech de Ciareja, pean via da les 9.15 te Museo. Info sul sit www.istladin.net. Viver la mont con “Parole Vista Dolomiti”

En vender ai 13 de messèl da les 21.00 a Cianacei te Piaz Marconi l’alpinist Sergio Valentini rejona de sia spedizions e en mèrtesc ai 17 da la medema ora a portèr dant sia esperienza l’é Simon Kehrer te tendon de Poza. En vender ai 20, h 17.30 te Piaz de Sotegrava a Moena Angel de La Rezila prejenta l nef liber “Mi sono perso nel mio bosco”.

Sport Ladinia Beach Cup

L turnoi de beachvolley vën metù a jì dala lia Volley Gherdëina y dala Union Sport Amatoriel La Ila. L sarà doi tapes, ai 29 de lugio a Urtijëi pra l zënter dal tennis a Runcadic y ai 2 de setëmber tl raiun dl sport a San Ciascian. 7° Tornoi Champions Vich

Enscin ai 21 de messèl, al ciamp de balon Cotura, va inant la 7^ edizion de “Champions Vich”, con 2^ “Champions Girls” e 1^ “Champions Junior”, en colaborazion con Sportabili. Vigni sera sul ciamp de balon a 5 se jia fora la partides te n clima de festa e giust agonism. Info: 339.4854991.

Trasmiscions TV y Radio Da Tita Piaz al Canori tel Cianton de l’Istitut

Te “L Cianton de l’Istitut” sun TML vegnarà manà fora l video “Anter la jent. Dessegnes de Luigi Canori”, che dèsc tras la operes del musizist moenat n chèder de la vita de la metà del ’900. Oraries: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15 e vender h. 11.30.

Ai nüc

Manuela y Werner ti augurunse döt le bun por la vita che ai mët man deboriada! Ostes families

Düt l’ bun a nostes 2 cocoles da La Val.

A nosta Sara neca

che cumplësc incö i 18 agn, śëgn se fajun pa impurmò en gran vadagn, da Pastrogn demez piaràla ia y sperun che nosta cocola se résti tres daimprò. Ti urun pö tan tröp bun y tla vita tröpa furtüna ti augurun. Y ince

la Lina

che cumplësc i 18 ai 21 en grüm de baji ti dun. Tö, la nosta plö picera é inće bel’ grana! Te augurun düta la felicité dl monn y sperun che cun nos sarast’ tres inturonn. Ostes B&B :*

“Ercaboan Istà” sun TML e sul web

Sun TML se pel veder “Ercaboan Istà”, la verscion da d’istà de la trasmiscion de Silvano Ploner, olache se enterza doi condutores a setemènes alternèdes: Fernando Brunel e Claudia Conta. Chisc i oraries: sabeda h. 18.00 e 20.45 e domenia h. 13.30 e 18.15 e en replica duta la setemèna: lunesc h. 20.45; mèrtesc h. 17.30; mercol e jebia h. 18.15. I oraries de TML é da poder veder sul sit www.tmltv.it. La produzions de Ercamedia ence sul sit www.tvladina.com. Kairos sun TML e sul web

Sun TML de sabeda e domenia se pel veder la rubrica de spiritualità “Kairos”, de sabeda h. 18.30, 19.45, 21.15 e 22.15; de domenia h. 7.15, 10.00, 12.00, 14.00 e 18.45. La programazion de TML é ence sul sit www.tmltv.it. La produzions de Ercamedia sun www.tvladina.com.

Dotors y Apoteches

Emmilein, de cör t’aodunse döt döt le bun por to complì dai agn. Romagn dagnora tan da orëi bun y snaidigh desche t’es. Trepa ligrëza y fortüna por le dagnì, t’aoda dötes les porsones co t’ô bun.

Dotors

L dutor de servisc dala 8.00 da duman de n sada 14 de lugio nchin la 8.00 da duman de n lunesc 16 de lugio ie l dutor Giuliano Piccoliori de S. Cristina, tel. 0471/792282. Le dotur en sorvisc tla findledema di 14 y 15 de messè, ti comuns de Mareo y San Martin, é le dotur Aldo Marcocci, Al Plan de Mareo, tel. 0474/501039 o 338/7280518. Ti comuns de Badia, Corvara y La Val saràl en sorvisc le dotur Guido Caretta, Calfosch/ Corvara, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënderdi (dala 19.00) ai 13 de lugio nchin n vënerdi ai 20 de lugio ie chëla de Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). L’apoteca en sorvisc tla Val Badia, fora dl orar ordinar, dal vëndres ai 13 al vëndres ai 20 de messè, é chëra da San Martin/Picolin, tel. 0474/523020.

www.lauscdiladins.com

33


Congratulazions y Inserac Ai 11 de messè é inće

nosc caro Daniel ala majera eté roè. Cun gran sodesfaziun ast’ slüt jö cösc ann de scora por che te pois śën te divertì śogan ala mora. Jì cun mascinns é dagnora stada töa gran pasciun porchël vaste pa bën inće dagnora ći che t’es bun. Mo l’palê ne lasciasste bën empò mai inće sce al é rie da śoghé zonza fà fai. Por tü compagns resteste dagnora ćiamo l’ ”Tulper“ y porchël ćiara dagnora da stè sö y da ester munter. Ala patent messaraste śën punsé y chës beles biondes sön na pert lascé. Döt l’bun t’aoda de cör tü compagns.

nr. 27 / 13 de messel 2012

Da chirì Al vëgn chirì n motor enduro o cross, 50 cc, de secunda man. Tel. 339/6870823. (26/12) ••• Al vëgn chirì n studënt o na studënta che dais leziuns de cunć por n studënt dla mesana. Telefonè al 347/8811764. (26/12) ••• L vën cris n cuatier per trëi persones te Gherdëina o ti luesc ujins, per dut l ann. Tel. 347/2217323. (26/12) ••• L vën cris n cuatier per cater persones a Soplajes, S. Cristina o Urtijëi, da śën inant. Tel. 0471/790269 o 389/1929980.

••• Doi studënc che va tla sezion sportiva dl ITE de Urtijëi, un ie de Funes y l auter de Bulsan, chier n cuatier nia dalonc dala scola, da tò a fit dal scumenciamënt de setëmber nchin a mez juni. Tel. 335/6755499. (26/12) ••• L vën cris n cuatier a Urtijëi per cater persones y per dut l ann da śën inant. Tel. 392/6591991. (26/12) ••• L vën crì n cuatier da tò a fit per 6 persones da śën inant a Urtijëi o a Runcadic. Tel. 349/3540971. (27/12) •••

A San Linert/Badia el gnü pordü na roda da munt grija y vërda. Chi che l’ess ciafada é perià da cherdè sö le 335/7879518. (27/12)

Da dè via L vën scincà ca cater de pitli giac drët da ulëi bon y omli. Tel. 339/8212398. (25/12) ••• Dajon via na pìcola de cian “labrador” de 3 meisc, cauja alergìa del patron. Domanon serietà, atenzion e amor per la besties. Chiamèr l 334.7883143. (26/12)

Da vende Al vëgn venü n Suzuki Jimmy, 1.5 Turbo Diesel, corù antrazit, imatricolè 09/2010. L'auto à 20.000 km, é te de buniscimes condiziuns. Prisc dl auto 12.500 euro. Por deplü informaziuns telefonè al 338/1329796. (25/12) ••• L vën vendù n scooter Malaguti F12 Phantom 50, culëur blanch. Tel. 333/7773702. (25/12)

Da vënder n pèr de schi da garejeda nueves dla marca Völks Tiger RS, da 1,70 m cun liadures Marker. Tel. 347/5928459. (26/12) ••• Da vene de secunda man na mascinn da planè combinada ”L’invincibile Universal Woodwork-Ing Machines”, Model 2000 d - N 1800 16’’ - 14’’. Tel. 333/5455805. (26/12)

N ël dla Romania chier da lëur te Gherdëina sciche chelner de sala, chelner o scenó nce a fé d’uni sort de lëures, da śën inant, per dut l ann. L sà da rujené drët bën talian y nglëisc, tudësch y franzëus. Pusciblmënter cun albierch. Tel. 329/9871906. (25/12) ••• N’ëila chier da lëur a lavé ju o a rumé su majon, te Gherdëina, da śën inant. Tel. 389/9285066. (25/12) ••• N’ëila chier da lëur te na butëiga, a cialé de pitli mutons o de jënt de tëmp, te Gherdëina o ntëurvia. Tel. 340/5298027. ••• Maestra de pilates, ginastica soft, yoga, chier da lëur per la sajon da d’inviern te Gherdëina. La rejona talian, nglëisc y rus. Tel. 348/6909178, e-mail vilmante669@mail.com. (25/12) ••• Na studënta chier da lëur te Gherdëina o tla Val Badia, a judé te cësadafuech o a rumé su la majons, o nce te ustaria, da lugio nchin utober. La sà talian, franzëus

y mpue’ de nglëisc. 347/3079345. (25/12) ••• N’ël de 37 ani chier da lëur a lavé ju o a fé d’uni sort de stroc, l à ot ani de esperienza te hotiei da cater stëiles, l rejona tudësch, talian y nglëisc. Tel. 339/8665047. (25/12) ••• Na jëuna da Falcade chier da lëur. Tel. 346/6392130. (25/12) ••• Na studënta de 15 agn chir laûr por l’isté te hotel o incé sciöche möta da mituns. Telefonè al 340/4100054. (25/12) ••• N’ëila chier da lëur a cialé de jënt de tëmp (badante), da śën inant, unfat ulà. Tel. 329/2008036 (26/12) ••• N jëunn chier da lëur a lavé ju, a fé d’uni sort de stroc, a puzené. L à nce la patent nternaziunela da avisé l auto. Tel. 327/0475775 (26/12) ••• Na ëra rumena cun referënzes chir da atira n post de laûr tla Val Badia sciöche fancela de ćiasa. Tel. 339/3775969. (26/12) ••• N’ëila chier da lëur a cialé de jënt de tëmp (badante) da śën inant. Tel. 327/2417692. (27/12) ••• N ël de 49 agn chir laûr tla Val Badia. Al é anfat de ći laûr che al se trata. Al à esperiënza da barist y da eletrizist. Tel: 333/3696532 o e-mail: gasser.e@tiscali. it ••• N’ëila chier da lëur a puzené, a rumé su cuatieres o a fé stroc o a cialé de na persona de tëmp. Tel. 329/8463037.

••• Al vëgn venü a n bun prisc n madroz de lana nü, 190x95 cm. Telefonè prëibel al 0471/839647. (26/12) ••• Da vëne 18 timer analogics por löms defora. Tel. 328/4620101. (26/12) ••• Al vëgn venü a mez prisc za. 70 “Alpensteine“. Tel. 339/6870823. (27/12)

Chirì da laour

Ai 18 de messè éla tan inant

nosta Maddy i 18 agn complësc, oh ći spavënt. Na bela jona tres dala bona lüna este garatada, che se la rì por vigni matada. Vì ma! Fajun festa śëgn, i ingleji te aspeta pa bëgn. Mo denant che mët’ man düt le bun te augurunse, y a n toch de torte se la confortunse. Düć chilò por te tres sarunse, deache n gran bun te orunse. Miri, Dany, Lukas, Julia, Giuggi, Lisa U. , Lisa O., Sara, Anna

Congratulaziuns ala doturia

Morena Bertoldi che à stlüt jö ai 4 de messè 2012 la laurea spezialistica te Storia dl’Ert tla Université de Pisa, con la valutaziun mascima de 110 y lalt! N abrac cun afet da döta tüa familia geniturs, neni, berbesc, cujins y fre.

Congratulaziuns a

Ursula Tavella che à stlüt jö so stüde de scenografia cun 110 y lalt ala Nuova Accademia di Belle Arti a Milan. Ti aodun döt le bun y tröpa sodesfaziun tl laûr. Mama, Franzl y la familia dl Cere

Sofia “Te chest pra de fiores tu ere la più bela e noscia prinzessa Sissi tu restaras semper, ence coi fiores sul ciapel”. N grumon de augures per tie 18 egn e telpai de esser tant bela, scempia e doucia con duc noi. L papi Cristian con Sabry, Chiara e duc chi de Martin Vich, ai 14 de messal 2012

34

www.lauscdiladins.com

A S. Ćiascian vëgnel chirì na barista por n pêr d’ores da sëra. Prëibel cherdè sö le 339/2972865.

Club Moritzino Piz La Ila, 2.100 mt chir da mez messè ćina ala fin d'agost 1 dëidacogo cun esperiënza. Prëibel cherdè sö le 331/3560713.

L vën crì laptops, usb-sticks y aparac da fé fotografies da duné a studënc te scoles de Goma/Congo. Prëibel purté te butëiga PC-Shop a Urtijëi. De gra.

Vendon lënia de fagher, sëcia, meneda sul post, zetli da 50, 33 o 25 cm Tel. 0471/665750 Hotel Centrale a Calfosch chir por la sajun da d’isté 1 chelner/a por salf. Prëibel telefoné al 0471/836118.

(27/12) ••• N ël chier da lëur da cuech o a rumé su. Tel. 320/8222524. (27/12) ••• Na studënta jona de 16 agn da La Ila chir laûr por la sajun da d’isté, tl’Alta Badia. Tel. 346/6375782 o 0471/847548.

Desvalies Da plü co diesc dis él jü manćia a La Val n pice iat fosch de za. 10 mëisc, che respogn al inom ”Zwirgi”. Al vëgn assigurè na reconescënza. Prëibel lascésse adintëne al nr. 0471/843194 o al 347/0358185.

L vën cris n'ëila che unissa a puzené cuatieres la sada. Prëibel cherdé su l 0471/795456.

L vën fità via plu cuatieres da 60 a 150 m² a Runcadic n pert cunvenziunei. Per nfurmazions plu avisa 338/9592446. A Urtijëi vëniel fità via n local linëus, renuvà, da 40 m3 te na luegia zentrela. Tel. 0472/837271 o 392/3458398 Tl zënter da S. Martin vëgnel afité ia n cuatier da dui locai (54 m²) por döt l'ann. Prëibel cherdè sö le 338/4482233.

Al vëgn venü n vedl morin dlungia le zënter da Lungiarü, nr. parzela 548. Prëibel cherdè sö le 389/5973066.

Le Nagler a Pedraces afita ia n pice apartamënt. Prëibel cherdè sö le 335/8297363.


Anunzies y Auter

nr. 27 / 13 de messel 2012

La mort empede la salveza

15. Domënia ia por l’ann B, ai 15 de messè 2012

Tragedia di migrés, indò 54 morc da seit! Atualité - L’ANSA à publiché dant val’ di, ai 10 de messel, na notizia che desceida dolour, compascion y ence senn per les situazions y politiches de chest mond. 54 persones, en migrazion da la Libia dl vers dla Talia sun na barca de gume, é mortes da fam. L’ANSA scriv che de dut l grup él demé sté un che s’à salvé, y chest à podù conté dla tragedia sozeduda, da n ospedal enfora. L calvare à duré 15 dis. L Comissariat dles Nazions Unides che se dà ju con i migrés à metù a la verda la politica internazionala per chest problem. I migrés fova piés via a Tripolis la fin de jugn, sun na barca de gume, dl vers dla Talia, do n di de navigazion - scriv l’ANSA, fova la barca bele tles vejinanzes dles spones talianes, canche venc forc à indò trat tl mer plen la barca. L’ANSA scriv inant dla tragedia: Tl mer plen à spo metù man l calvare, la barca à metù man te puech temp da perde aria y sun la barca ne fòvel deguna ega; n grum, sciche l souravit, à metù man da bere ega sareda dl mer, ma a la fin ne ti l’ài

Vangel dla Domenia Dal vagnele do San Merch, 6, 7-13 Te chël tëmp à Gejù cherdè i dodesc y i à menè fora dui a dui. Al ti à dè la potesté de parè fora i spirić impurs, y ti à racomanè de ne se tó, ater co na maza, nia cun ëi sön tru, degun pan, degöna tascia de proviant, degügn scioldi tla centöna, degöna secunda ćiamëja y ti pîsc mâ sandai. Y al ti à dit: ”Restede te chë ćiasa, olach’i storjëis pro, ćina ch’i jëis demez da chël post. Sc’i ne gnëis indere nia tuć sö te n post, y an n’ô nia ves ascutè, spo jide inant y scassede jö le stöp da üsc pîsc, por testemonianza cuntra d’ëi.” I dodesc s’à metü sön tru y cherdâ la jënt ala converjiun. Ai parâ fora tröc demonns y unjô n gröm de amarà cun öre y i varî. Parora dl Signur. - Lalt a té, Gejù Crist!

Na barca con migrés africans. Na foto d’archif.

nia fata, morian un indò l auter, per dejidratazion. La migrazion da les teres nordafricanes dl vers dla Talia n’à deguna fin. Sozedù él chisc dis ence che na barca de 50 persones n’à nia tout su i socoursc pités da les Forzes Armedes de Malta, ruvan indò fora tl mer; al é eritrés y somai, che é piés via bonamenter ence da la Libia per ruvé tla Talia. “Demé bele chisc meisc dl 2012 é 1.300 persones ruvedes tla Talia da les spones libiches, y ence a Malta ési bele zirca mile”, ess dit aldò dl’ANSA l’ONU. Penson te chesta situazion ence a d’autres situazions che

suzed nia dalonc da les spones dl mer talianes: peiapesc tira fora da l’ega con sies reis corps morc de migrés sun si iade contra la Talia, ma i sgnaca indò ite tl mer per se delibré da n grum de grovaries, sciche cherdé la polizia, testemonié, gnì trac ite - te val’ caje - ence instesc tl “comerz” y l marcé con clandestins. L mond é zenza paroles dant a chestes tragedies dla migrazion, y enfin che i statesc, da olà che i migrés peia via, n’é bugn da controlé assé y endlonch les imbarcazions y si aviament, é les tragedies programedes dantfora. (iaco rigo)

Rengraziamënt

Lecort Ai 27 de lugio iel 12 ani ca che

Franz Kelder da Poz nes à lascià. L bel lecort che purton te nosc cueres nes dà cunselazion. Ulon se lecurdé de ël pra na santa mëssa ncuei vënerdi, ai 27 de lugio dala 8.30 daduman te dlieja de Urtijëi. La fëna Berta y la mutans cun families.

Partezipazion L Diretif de l’Union Autonomista Ladina tol part al dolor de Roberto Pellegrini e de soa familia, te chest grief moment de manconia per la departida de soa sor

Maria

Pur nos saral öt y chît, tristëza y dolur. Mo to recort nes darà forza y consolaziun.

Ve sion apede col spirit e col cher. Poza ai 9 de messal 2012

I familiars dla defunta

Clara Crazzolara *26 de mà 1929 +2 de lugio 2012 dij de cör giulan a düć chi che s’é stà dlungia y s’à daidé te chësc mumënt de dolur. Giulan a chi che é gnüs a dì les curones te ćiasa y te dlijia y a chi che à fat val’ sorvisc dala supultüra. Giulan inće a düć chi che à portè ciüf y à fat ofertes. Giulan y che Dî s’l pàies!

Partezipazion La Procuradora, l Consei di Ombolc, l Consei General e duc i dependenc del Comun General de Fascia i é vejins a l’Ombolt Roberto Pellegrini per la mort de la sor

Dijun giulan a düć chi che s’la recorda te sües oraziuns! I familiars

Maria Fascia ai 9.07.2012

Rengraziamënt ”La mort é la fin dla soferënza, la mort é l’ mëteman dla vita eterna.”

Partezipazion

I rengraziun les tröpes porsones y amisc che à, adöm a nos familiars y parënć, tut comié cun amur y reconescënza da nosc tati, nen y om

L’Aministrazion de Comun, i dependenc e la Comunanza de Soraga tol pèrt con gran cher al dolor che à colpì la familia de so Ombolt per la mort de la sor

Tone Frenademez

Maria “Madi” Pellegrini

Tone dl’Agata

Soraga ai 7.07.2012

mort ai 28 de jügn al’eté de 79 agn. N gran giulan ai proi por la bela santa mëssa tan sintida y a dötes les atres porsones che à fat val’ sorvisc. Dër bel giulan ai doturs Edoard Agreiter y Martin Spetchtenhauser, al Raiun Sozial y ales infermieres dla ćiasa de palsa da San Martin de Tor, che ti é stades dlungia cun amur y paziënza. N gran giulan particolar ala Roberta R. y Waltraud P. por süa disponibilité tratan chisc dis de dolur. Rengrazié orésson inće por les parores de confort, les tröpes lëtres, i ciüf y les spënores fates a fin de bëgn. Giulan a düć chi che se recorda inant de ël tla oraziun. I familiars

Partezipazion L Diretif de l’Union Autonomista Ladina tol part al dolor de Elio Liberatore e de duta soa familia, te chest moment de manconia pe la departida de soa mare

Faustina Cerminara Ve sion apede col spirit e col cher. Poza, ai 10 de messal  2012

www.lauscdiladins.com

35


La Usc di Ladins  

edition 2712

Read more
Read more
Similar to
Popular now
Just for you