Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 27/2011 - 15 de messel 2011

IP IR Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Pana

10

Festa dl sport N dumënia ai 10 de lugio iel stat pra i Sauc sun Mont de Pana na festa dl sport. Danmesdì àn metù man cun na garejeda de saut y cumbinazion nordica, domesdì àn tenì la festa cun descurida dla tofla dedicheda a Simona Senoner y la premiazion di atlec che se à fat merit.

Evënć

Fascia tl davegnì

Comentar de Pruma

L president dla Provinzia autonoma de Trent Lorenzo Dellai é ruvé te Fascia con sia jonta per sotscrive con la procuradoura dl Comun general Cristina Donei la acordanza che met ofizialmenter te man dla comunanza fasciana programs e obietifs per n svilup autonom dla deplù sun la pruma plata de Fascia, a plata 16 valeda ladina

Isté lurënt

de Iaco Rigo

14

Maratona dles Dolomites Impresciuns y intervistes dala Maratona iubilara, che à complì 25 agn. L’avenimënt sportif à odü al start passa 9.000 ziclisć.

Cianacei

17

Da 15 egn ti tobié Per l cedean la bela festa te la pèrt veia de Cianacei se à viventà con de bela novitèdes e con na torta da record!

Isté con Gana Per compagné i letours tratan la bela sajon prejenteia Gana articui sun deplù esprescions artistiches Chest numer dla Usc porta en don l numer 16 dla revista Gana, che pita sciche semper n grum de articui desvalifs. Les formes de esprescion artistica, sciche l’ert figurativa, l teater y la poejia, che vigni dì ne compagneia te dutes sies formes y che fej nosta vita plu bela, giata lerch te chest numer. Nos on debujegn dl’ert, te nosta sozieté baseda sun l’economia: nosta vita ne essa nia sens zenza les formes artistiches y adoron chest lingaz universal per mostré nostes emozions. Gana ne met dant operes artistiches de Anna Bosetti y de Brigitte Trieb, teater con l festival internazional “ater-te-ater” tla val Badia y leteratura, con composizions y traduzions de poejies. Ne mancel nia contribuc sun la storia de nost raion, reportages dal mond, architetura, conseis per cujiné y lieje, y l chestionar dediché chest’outa a Lois Kastlunger. Bon isté a dutes y a duc con Gana!

L president Dellai y la procuradoura Donei sotscriv la acordanza “Fascia tel davegnir”. (foto Ofize stampa Pat)

Confins nüs: la proposta de n decanat ladin An é tl laûr da trà danü i confins de valgügn decanać te Südtirol. Les mudaziuns reverda inće le Decanat de Gherdëna. La opziun é da le lié cun chël de Ćiastel o Tlüses, o da cherié n decanat ladin deboriada cun la Val Badia Dlijia/1 - Cun le 1. de setëmber 2012 gnaràl a s’l dè bindebò de mudaziuns ti decanać dla Diozeja da Balsan - Porsenù. Al momënt n’él ćiamò 28, mo cun les mudaziuns dl ater ann nen gnaràl tut demez ot. Chësc arà conseguënzes inće ti decanać ladins, en particolar te chël de Gherdëna. Ćiodi pa chëstes mudaziuns? I ti l’ùn damanè a siur Eugen Runggaldier, surastant dl Ofize Pastoral dla Diozeja, che nes spliga: “Bele dan val’ agn, canche al ê gnü metü adöm la mapa cun les unitês pastorales, unse atira odü che al ê decanać che deventâ öna na unité. Insciö inće te Gherdëna.” La Diozeja orô porchël tó demez chi decanać che forma tl medemo tëmp inće na unité pastorala. Siur Eugen inant: “Al n’à nia sëns da avëi döes strotöres söl medemo teritore. Gherdëna é

sides Decanat co inće Unité Pastorala”, dij Runggaldier, “y al é pö tres les medemes porsones che laora.” Gherdëna é deventè decanat dl 1949, denant aldî les cöres pro le Decanat de Ćiastel. Porchël s’ân impröma ponsè da jì indô zoruch y lié le decanat de Gherdëna pro chël de Ćiastel. Do che an à spo odü che inće le Decanat de Ćiastel formâ na sora unité pastorala, ân ćinamai ponsè da tachè intrami i decanać pro chël da Tlüses, cunta inant siur Runggaldier.

Decanat ladin: maioranza a öna tla Val Badia - “no comment” te Gherdëna L’ann passè à Gherdëna ciafè n degan nü, tla porsona de siur Vijo Pitscheider. Sce so predezessur

Vitalis Delago foss stè a öna da jì pro Ćiastel, à siur Pitscheider metü sön mësa la proposta da lié le Decanat de Gherdëna cun chël dla Val Badia, por cherié insciö n decanat ladin. Le vësco Karl Golser à inćiarié i dui degans - Vijo Pitscheider y Franz Sottara - da baié cun i proi dla valada por aldì les reaziuns, y dè jö na proposta. Tla Val Badia àn ciafè n consëns dala maioranza di proi, mo al é inće minunghes critiches (ćiara articul a pert). “Te Gherdëna ê la situaziun plü complicada”, dij siur Runggaldier, “deache siur Vijo é feter le su prou dla valada. Siur Pire Clara, ploan de Sëlva, sarà ćiamò prou ćina ala fin d’agost, y spo saràl inće ël en ponsiun. I proi de Gherdëna en ponsiun n’à nia orü dè jö na minunga o na preferënza.” va inant a plata 3

Tla Talia él temperatöres lurëntes, nia ma tl’aria. L’UE à indô n iade trat ti ćiavëis le govern talian cun le premier Berlusconi y le minister al tesur Tremonti. La Talia à massa debit y chësc debit se damana prisc alć y inće renunzies. L’economia é da agn feter astagnada. Mo la Talia à ćiamò ressorses assà y inće poscibilitês por fà val’ cuntra l’arbas. La canzeliera todëscia Merkel y le Fonds Monetar Internazional ne la vëiga nia tan foscia por la Talia, ne la posizionëia nia a livel de Grecia, Portugal y Irlanda. Al n’é nia massa tert, mo al é 5 menüć dan les dodesc, la Talia mëss śëgn s’impegné davëi: taié dantadöt i cosć dl’aministraziun publica, dl aparat politich-aministratif. Al é sön mësa bele propostes menüdes, p.ej. da smendrì i componënć dl Parlamënt da śëgn 950 jö al mez, 300 por la Ciamena y 150 por le Senat cun laprò demanco (śëgn n’él cinch) che pò arjunje le titul da “senaturs a vita”. Y dantadöt i paiamënć di parlamentars che dess gnì strenć ćinamai dl mez, cun conseguënzes inće söi atri organns legislatifs te regiuns, provinzies y comuns. Odarun sce i politics che se fej i paiamënć y i privilegs instësc é en chësc iade tan democratics da ne fićé nia plü les mans tles gofes de chi che paia les cutes, dales imprejes ai pici lauranć, mo se ćiara te spidl cun responsabilité y cosciënza. Por le bëgn de düć y la sanité dl’economia.

Leges liteles de David Lardschneider

Te Südtrol vëniel inò tratà la cuestion dla lege litela, cun sistem D’Hondt. Che ie n sistem de mandat plën, cun n pëis sëuraprò contra la lidëza di ladins te si esprescion litela. Te Südtirol fòvel bele n iede unì purvà a druché tres na tel lege, ma tres na sentënza dla Chëurt Costituziunela relativa a n recurs de Carlo Willeit fòvel unit ora che la lege va contra la esprescion ndrëta y ndependënta di ladins. Cieche ue dì: taliani y tudësc possa fé cieche i uel, nce sce l ie nteressant che n fej leges mé sun la fundamënta di conc de prubabltà per mantenì o slargë ora mandac. Ma per i ladins se damandëssen, per maniera y per dërt, n manejamënt aldò, a uni livel.


Letres y Atualité

nr. 27 / 15 de messel 2011

N gran develpai a la Crousc Checena e a chi che me à didà É inom Maurizio Parodi e scrive con chela de poder ge palesèr mia recognoscenza e mie develpai al personal e ai volontadives de la Crousc Chécena de Vich e al personal de l’Ospedèl de Ciavaleis, che en domenia ai 26 de jugn domesdì i me à portà socors e menà a l’ospedèl dò che me é vegnù mèl a Poza. De grazia che

che chel malesser se à ressolt te la medema serèda, dò esser stat mìngol sot osser vazion. I operatores de la Crousc Chécena e chi de l’ospedèl à desmostrà capazità, profescionalità e soraldut na gran umanità, che me à n muie tocià. A la fin volesse ge dir detelpai a n om n muie zevil (de chel che

Nia da crëie

no sé l’inom) e a sia familia, en vacanza tel medemo post, che per prum l’é vegnù a me didèr e l se à cruzià de chiamèr l socors. L’é bel veder che, ence te chesta sozietà malèda olache dut somea jir dò brea ju, l’é amò anter nos n muie de jent valenta. Maurizio Parodi, Genova

Da les zentrales di partis politics

Na „cordata“ contra la jënt ladina? Cun gran desplajëi àn messù cunstaté che da pert dl Chemun da Urtijëi ne àn nia ulù ti dé mo n pitl cuntribut ala Union di Ladins de Gherdëina coche la Lista Urtijëi se à damandà. Y mo pieces ie la mutivazions che i à abù per ne unì nia ora cun i scioldi. Mo n iede desmostra la maiuranza te Chemun de Urtijëi a ce livel che la ie ruveda. Da temëi iel bën che chësc fej pert de n dessëni che va bele inant da truep ani per mëter ti jenodli la Union y per ti tò la Cësa di Ladins. Tlo dovia iel bonamënter la „cordata“ Ewald Moroder -

Florian Mussner - Luis Durnwalder cun duc si fanc che ie ncantëur. Nteressant iel mé che iusta dan puec dis, n ucajion dla benedescion politica dla ustaria de Resciesa, se ova i medemi trëi abinà per ne fé nia auter che bravé y laudé si proiet. Cun chësc àn ulù crì n cunsëns y tl medemo tëmp desmustrà che n ne n’ie mpo no tan segures sce l ie drët che i Chemuns scumënce a fé su ustaries, ti fajan nscila danter l auter nce cuncurënza ai osć che à messù se les fé sù nstësc cun gran fadies. Ma sce n pënsa al scandul dl Termehotel fat su dal lond a Maran, pona ie mpo mo miec la ustaria

tlima de Ewald Moroder. N possa vester segures che la Chemun de Urtijëi ie bona de se la mantenì y scenó sauteràl mefun ite la solita „cordata“, coche l ie suzedù a Maran. Dut bon y drët, sce n à scioldi da fé ustaries che costa milions de euro, dëssen mefun les fé. Mé che pona tuchëssen nce da avëi 2.000 euro da ti dé a na lia culturela. Chësc ie n ejëmpl de ce ideai y ce fins che la SVP à, ëi ti dà plu mpurtanza a hotiei y ustaries, che ala cultura, dantaldut sce la ie ladina. Lista Ladins Dolomites Urtijëi

Cherta d’idendité te trëi lingac Finalmënter ciafa inće Sureghes, Bula y Runcadic la cherta d’identité te trëi lingac. Insciö dales normes de atuaziun che Luis Durnwalder à sciacarè fora a Roma. Ladins Dolomites salüda positivamënter chësta acordanza. Dì mësson indere inće che al é stè na ocajiun

pordüda por slarié fora la cherta d’identité inće ladina te döt Südtirol. Nia ne foss stè amez tru. Plajëi fej inće che la SVP Ladina fejes sües les idees de Ladins Dolomites. Te n comunicat da dan 2 agn se damana Ladins Dolomites propi da slarié fora la cherta d’identité te trëi lingac a döta la

provinzia. Dal comportamënt dla SVP a Roma capëscion chësc iade avisa che chësta n’é nia la intenziun da Balsan. I ladins é danü gnüs imbanis. Al pê che al sides la tëma da se bate ćina ala fin por les ghiranzes ladines. Ladins Dolomites

N comentar de Lois Trebo Sciöche an à podü aldì y li, à l’assessur Mussner boicotè la daurida dla mostra “Ladinia” fora Desproch, rodunt ma deache chi da lafora à albü la bona idea da adorè le ladin standard dlungia le talian y le todësch, tla bela publicaziun gnüda fora en gaujun dla mostra sön i Ladins dles Dolomites, org anisada dal “ Tiroler Volkskunstmuseum”. Adorè i 5 idioms ladins dlungia le talian y le todësch foss stada na cossa assurda, degügn ne l’ess capida. Lafora sàn tan bëgn co chilò che i ladins à n lingaz unifiché, metü adöm da deplü istituziuns culturales ladines por comuniché a de plü valades! Na miù ocajiun da i mostrè al monn le lingaz standard di ladins dles Dolomites n’ess Desproch nia podü avëi. A chësta fosa se fajarà sigü la gran pert di milesc vijitadus dla mostra na idea sön le ladin unifiché y süa importanza por lié adöm deplü i ladins. Al me sa na grana che Mussner à ćinamai dit che so assessorat ne daidarà nia paié cun nüsc scioldi la publicaziun dla mostra “Ladinia”! Spo daidaràl bëgn almanco paié la pert taliana y todëscia dl liber! Ći valüta che le ladin standard à y ćiodì che i ladins à bojëgn de chësc àl sigü lit da püch tla “Dolomiten” (articul de Hatto

Schmidt). Tla publicaziun da Desproch nes spliga le linguist Lois Craffonara a ći moda che i ladins ne po nia lascè sön na pert le ladin standard, mo à gran bojëgn y mëss l’adorè por daidé salvè inće i idioms. Mussner s’à astilé püch madü sce al n’é nia bun da capì che na istituziun de gran inom y pom da lafora ti à fat ai ladins cun l’adoranza dl ladin standard n gran sorvisc linguistich che à ciafè gran resonanza! Mussner va inće cuntra la orentè di ombolć dla Val Badia che s’â bele chi agn detlarè a öna cun le ladin standard. Le comport de Mussner é ćiamò plü rî da capì sce an sa che al ti â dl 2001 dè sciöche diretur dla Cassa Raiffeisen de Sëlva ala Uniun Generela n contribut por la stampa dla gramatica dl ladin standard. Iö arati che inće sce un va tla politica, ne déssel nia dè sö sües idees, mo ponsè inant cun so će. Che dij pa che al ne po nia ester tl medemo grup desvalianza de idees? Scenò fóssel pö ditatöra blota! Le Tiroler Volkskunstmuseum organisëia gonot mostres. Chësta ota àn orü fà na mostra sön la Ladinia y insciö desmostrè no ma la gran simpatia por i ladins, mo le gran respet defrunt a so lingaz, a süa cultura y a süa storia strabaciada da na politica gonot pazetina.

Por Mareo Idees massa radicales ne va nia bun. An mëss ascutè deplü la jënt y deboriada cun ëra tó dezijiuns che ti va spo adincuntra ai debojëgns reai dla comunité. Christian Ferdigg, Al Plan

Nosc ombolc adorassa plu coraje! Da puech àn liet che sen s’enfida ence ombolc todesc dla SVP da se lascé su contra Bulsan depierpul che ai jiva denant da doman adora ite a fé coda biei prosc! Essa pu i ladins almanco valgugn ombolc da n tel coraje, spo stessa i ladins sun l ciamp politich cotant miec. Da diesc agn encà n’à i ladins giaté deguna norma nueva per na maiour sconanza! Al à mancé la volonté politica di ladins y da pert de Bulsan! An rata tres che i ladins messe scuté y se contenté con valch

puech. Degugn ne pò azeté n ghirau o n tutor politich ma mess enstes se defene. Nosta jent podessa avei plu coraje zivil, cis chi che fossa metus a fé politica ladina! Vignun audissa da avei l ardiment da porté dant sies idees politiches, ma sce ales ti mancia spo él plu da sté con festide! I ladins à bele tres da combate per si lingaz dla oma che vegn scialdi lascé de na pert da la man publica! Cie nes jòvel pa sce al é demé l cef di

formulars scrit per ladin y dut l auter ti autri doi lingac? Chesta é na descriminazion politica di ladins da pert dla man publica che ne podessa nia suzede. Contra n tel tratament de nosc lingaz y de nostes istituzions audissa i comuns da se lascé su. Fina che duc scuta pò i autri fé cie che ai vuel con nos! Al fossa gran ora da fé valei duc chi punc che mancia per arjonje la parité di ladins con i autri grups! Lois Trebo, Erwin Valentini

Bike Day - Festa dl Sacher Cör de Gejú: 1 a 0 Dessigü: Pasca tan tert à sburlè inant tl calënder les majeres recorënzes de dlijia. Al ne sozedarà nia plü tan atira che la festa dl Sacher Cör de Gejù toma ite ai 3 de messè. Fora de chësc él inće vëi che la sajun da d’isté é cörta y vignun se prô da fà gnì adalerch i sciori y da mëte da jì ativitês interessantes y de ressonanza. Mo i me recordi bun che nia dër da dî à n grup de studiusc dla Svizra laurè fora n bel proiet dal inom “Alta Badia, quo vadis?”. Te chësc proiet él gnü ciafè la formula ideala por revalutè nosc raiun: chël de laurè deboriada, comuns y assoziaziuns, paurs y ostis, artejagn y uniuns y i.i.; sciöche al é gnü dit tan bel: “en sinergia”. La sinergia unse odü a Corvara

2

www.lauscdiladins.com

avisa en la festa dl Sacher Cör de Gejù, canche la strada à messü gnì sarada jö por fà passè i ziclisć dl Bike Day. N paîsc intier à messü se cufè ala orentè de chi che à orü mëte da jì chësc apuntamënt: le Consëi de Cüra à messü tó la dezijiun de scurtè la prozesciun, i omi di stödafüch à messü se partì sö ćiodì che al ê debojëgn da fà sorvisc inće sön strada, i musicontri da Calfosch é ciavatà dal Gran Col ca ćiodì che al ê bele döt sarè jö. En cört: le Bike Day é stè plü important dla prozesciun dl Cör de Gejù, prozesciun che vëgn tignida da plü de cënt agn incà, che é espresciun de fede cristiana y de unité y a chëra che les majeres uniuns de paîsc tol pert. I ne sa nia tan inant che Quo

Vadis é ćiamò en pè o sce al é tl trà i ultimi süsć. Mo inće sce ara foss insciö, él dessigü valgügn d’atri che messass tignì cunt de chësc y avëi chë sensibilité da sburlè n te’ iade le terminn. Tert o adora se portaràra indô pro che na recorënza de dlijia toma ite do mez jügn. Spo él veramënter da se augurè che i organisadus nen tëgnes inće cunt! Elisabeth Penazzi, Corvara Priesc d’abonament anual: per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 27 / 15 de messel 2011

rovass pormez inće 12 cöres dala Val Badia fóssel trö’ massa gran”, dij siur Eugen Runggaldier.

va inant da la pruma plata

Urtijëi ô mantignì le decanat La süa à dit le Consëi de Ploania da Urtijëi, olache l’idea de Gherdëna zënza decanat n’é nia gnüda tuta sö cun plajëi. “I sun stè dan da püch à baié cun na porsona dl Consëi de Cöra da Urtijëi, y ai ô a vigni moda che Gherdëna romagnes decanat”, dij siur Runggaldier, “mo al n’à pö degun sëns. Sce Gherdëna é bele öna na unité pastorala, ćiodi pa inće decanat? I ùn döes strotöres por le medemo teritore. Dötes les iniziatives y ativitês metüdes da jì ćina śëgn dal decanat, po jì inant sot l’inom de Unità Pastorela de Gherdëina.” Runggaldier spliga che tl dagnì sarà le Decanat - la conferënza de decanat - plü n sostëgn por i proi, che ai pois s’incuntè y avëi n barat de minunghes y de idees. Por la jënt ne se müda nia tröp.

La vijinanza cun Puster y Tlüses Le ju de Frara é - che al plejes o nia - na despartiziun danter Gherdëna y Badia. Te intrames les valades vëgnel inće argomentè cun le tema dla vijinanza geografica. Insciö se sënt Gherdëina plü davijin

La sënta tocass a Badia

La minonga de Sn. Vijo Cun l pluan de Urtijëi y digan de Gherdëina Sn. Vijo Pitscheider ons pudù rujené dla cuestion dla reurganisazion di decanac

Deperpo che te Gherdëna é la unité pastorala na realtè, ne sàn tla Val Badia nia ćiamò ći che al deventarà. Al momënt bàion de döes unitês - öna cun les cöres da La Val söpert y öna cun les cöres di comuns da San Martin y Mareo mo la probabilité é grana che an fejes fora dla valada na unité sora. Spo ésson inće tla Val Badia la strotöra dopla. Siur Eugen Runggaldier, surastant dl Ofize Pastoral dla Diozeja de Balsan/Porsenù.

a Tlüses y Balsan, la Val Badia a Bornech y Puster. Te tröc ćiamps éra bele insciö. Tles comunitês comprensoriales toca la Val Badia pro Puster y Gherdëina pro la Cumenanza Raionela Salten-Scilier. Inće pro les lies, sciöche musighes y stödafüch, toca Badia y Gherdëna resp. pro i raiuns de Puster y de Balsan. La proposta da tachè le decanat dla Val Badia pro chël da Bornech n’é ćina ćiamò nia stada na opziun. Le Decanat da Bornech à bele 22 cöres y nen ciafarà ćiamò 5 laprò, deache al gnarà tut demez inće le decanat da Redant. “Sce al

Sce le decanat badiot-marô ess n dé da rovè pro Bornech, él tler che la sënta ne sciafiass nia da romagne tla valada. Sce an se liass cun Gherdëna, tocàssera bonamënter a Badia. Sön chësc é inće siur Runggaldier a öna. De un n vers él les rajuns storiches: de Decanat de Mareo (deventè dl 2005 Decanat Val Badia) bàion bele dal 1788 incà, Gherdëna é gnü decanat pormò dl 1949. Badia é spo inće paîsc nadè de Sant Ujöp Freinademetz, che chërda pelegrins da indlunch adalerch y spo él tla Val Badia n majer numer de Cöres. Sce an tolarà la dezijiun da lié i dui decanać ladins, sarà chësc sigü argomënt de discusciun. (pablo)

Val Badia: düć a öna - o feter düć! Gran pert di proi dla Val Badia foss a öna da cherié n decanat danter Badia y Gherdëna. Decunta é siur Iaco Ploner, che vëiga te chësc vare n prigo por le ladin te dlijia

Siur degan Franz Sottara.

Siur Andreas Perathoner.

Siur Iaco Ploner.

Dlijia/2 - I ùn contatè le degan dla Val Badia siur Franz Sottara, por le damanè ći che al arata dla idea de n decanat danter Badia y Gherdëna. Al nes dij: “Iö sun bëgn dër a öna. I vëighi che al n’é nia n’atra poscibilité, zënza rovass Gherdëna pro Tlüses. I à aldì che chi da Urtijëi n’oress nia dè jö le decanat, mo chël messarài pa insciö. Ai oress inće che la sënta romagness laìa; chësc é ćiamò döt da fà fora.” Siur degan nes confermëia che feter düć i proi dla valada é a öna da lié le decanat dla Val Badia cun chël de Gherdëna. I damanun siur Degan sce la Val Badia ne dess nia romagne n decanat su. Al respogn: “Cis dî ne jarà gnanca chël, spo gniss nosc decanat metü pro chël da Bornech.” I orun inće aldì la minunga de siur Andreas Perathoner, ploan da Corvara y Calfosch, che vëgn instës da Gherdëna ca. Al nes dij: “I n’arati nia che an pois ma fà chësc vare insciö ala snela. Al é da ponsè sura, s’incuntè y nen baié cun i consëis de cöra y aldì la minunga dla jënt.”

Y süa minunga personala pa? “Por me va bun o un o l’ater. Sce i badioć dij che ai à n liam sterch cun Bornech y Puster, tan da jì n dé cun Bornech, azeti inće chël. Dal’atra pert, sce an ô fà n decanat ladin, él śëgn la bona ocajiun.” La minunga de siur Perathoner é che inće sce al foss n decanat ladin, él impò dui idioms desvalis: “Al sarà rî da avëi libri de liturgia deboriada. Na gran unité te chësc ćiamp ne vëighi nia.” Mo de vantaje odess siur Perathoner le liam por baié y tratè problems y chestiuns che reverda intrames les valades.

prigo por la Val Badia.” Siur Ploner arata che la sënta rovass te n te’ cajo sigü a Urtijëi y che tla gestiun dles ressorses, p.ej. da destiné por libri de religiun o por libri de dlijia, gniss la Val Badia a trà la cörta: “Insciö gniss döt le ladin te dlijia indô metü en discusciun.” I damanun siur Iaco ćiüna che foss por ël l’alternativa: “Nos ùn tla Val Badia 12 ploanies y chël é assà te un n decanat. Al me savess dërt che al foss n degan tla Val Badia. Döt l’ater é na costruziun artifiziala che n’à degöna basa. I n’ùn degönes cosses reales deboriada che iustifichëies la creaziun de n decanat de Badia y Gherdëna.” Sön l’afermaziun ch’i sun düć ladins, respogn siur Iaco: “Ai é ladins, mo te dlijia ne l’adori nia, sce nia te ocajiuns dër particolares. Le ladin é te Gherdëna gnü banì fora de dlijia. Nos ùn dodesc cöres che adora le ladin tla vita de dlijia, no ma canche zacai s’l damana. Le decanat dla Val Badia é plü daidé - sce ara vëgn a chëres - sce al stà cun Bornech co cun Urtijëi.” (pablo)

“Plütosc cun Bornech co cun Urtijëi” Prou che n’é daldöt nia a öna da lié i decanać ladins é le ploan da La Val y Rina siur Iaco Ploner: “I mëssi dì che i ne ciafi fora da chësta idea nia val’ de positif.” Siur Iaco Ploner vëiga tl liam n prigo por le lingaz ladin te dlijia: “Tla vita de dlijia ési ia en Gherdëna scialdi por le todësch, y chësc odessi plütosc n

Sn. Digan Vijo Pitscheider.

USC: Bon domesdì Sn. Digan. Sëis permò deventà digan y i uel bele Ve tò l titul. Sn. Vijo Pitscheider: L lëur resta pa bën l medemo, l toma pa mé demez l titul. Co udëis’a Vo la cuestion dla reurganisazion di decanac? Sce l fossa prevesc assé ne rujenëssen de decanac nueves? Sci, la ie propi nscila. La cuestion ie unida su ajache l mancia i prevesc, che ie for plu y plu vedli y cun for manco y manco prevesc jëuni che vën do. Ciuldì rateis’a che l ie for manco y manco prevesc che vën do? Iel pa mé na fasa, coche l ie stat plu suvënz tla storia, o iel pa na cuestion che taca adum cun l crëidum y cun la situazion nueva soziela y economica? L mond d’al didancuei ie deventà plu bel, plu nteressant, l ie n mond che la persona nstëssa se fej cun la tecnica y la scienza. Tl mond modern iel unit ora n grumon de lëures, l tleca pensé al computer y a dut l ciamp dl’eletronica. Pona à la persona jëuna la lidëza de crì ora chël che ti plej, ulache la lëura gën y ulache la davania bën. Da dì iel nce che al didancuei iel mesun tan che per duc de se maridé, zacan al incontra fòvel de regula mé l bacan, l mut plu vedl che pudova se maridé. Tla families fòvel truep mutons y truepa mutans. Jì te cunvënt o deventé preve fova ntlëuta jì sun n scialier plu aut tla sozietà. Al didancuei pòssen mé plu avëi un o doi mutons, de regula, l cuatier costa, la vita ie dut ntëur plu cëra. Nscila ne n’iel nia mutans y mutons sëurora, sce n possa dì nscila, da mandé saurì ala vocazion da preve o da muniga. Pona iel, tla cuestion dla fede, che uni persona rata de udëi che la va inant nce zënza fede. Zacan dependòven deplù dala natura, y iló unìvel nce plu prià, nia per ultimo acioche l sibe for l tëmp aldò per l pan da uni di. La fede fova ntlëuta na cossa che n messova ulghé al’autoriteies de familia, te scola, te dlieja. Al didancuei iel uni persona che, te si libertà, fej o adrova la fede coche la uel, zënza che la vënie cumandeda da sëura ju. L ie belau n cunzet laich, l Vost, o almanco bëndebot liberal? Do duta chësta cunscidrazions ie sambën la cossa plu mpurtanta che l uel vester na predicazion o na evangelisazion che mostra su che la

vita à si valuta y mpurtanza sce y canche la va ite te n liam cun Chël Bel Die. La dumanda ie pona de chiche se tol sëura dl’educazion y dla furmazion cristiana: l ne muessa nia mé vester i prevesc, ma l ie y sarà for plu y plu la ncëria dla familia, dla scola, dla pluanies y dla cumenanza ntiera. Y n’autra dumanda ie sce la persones, la generazion nueva, à al didancuei chëla respunsabltà, la pazienza, la forza, la cunvinzion, la testemunianza de dé inant l crëidum cristian. Tlo iel la gran dumanda. La mprescion ie che trueps renunzieia al mestier de educazion umana y cristiana. Da coche on udù iel tlo la gran cuestion, chëla dla respunsabltà, dla ncëria che muessa o possa unì slargëda ora a duc i cumëmbri da cumenanza, y nia mé resserveda ai prevesc. Da tlo ie la descuscion dla reurganisazion belau de velch secundera, pudëssi dì. Ma zeche messeràl unì o uniràl fat. Co ie pa la minonga te Gherdëina? La reurganisazion di decanac ie unida fata dai digans tla cunferënza di digans a Bulsan. La cuestion ie coche dit lieda ai manco prevesc. I pitli decanac vën metui adum, cun luesc che ie plu daujin geograficamënter. Mé i digans l à fat ora, sambën deberieda cun l Vëscul. Te chël cuntest ti éi damandà al Vicar Generel Anton Matzneller sce l fossa pa mesun de mëter adum Badia y Gherdëina y fé n decanat ladin. L Vicar Generel à dit che n pudova rujené. L Cunsëi de Pluania de Urtijëi à ntant da si pert dit si minonga: l ie la ulentà de mantenì l decanat de Gherdëina. La rejons purtedes ite ie che l decanat à zirca diesc mile persones, ma tla doi gran sajons turistiches vëniel adalerch na gran cumpëida de jënt, almanco vintemile deplù. Pona se tràtel de na valeda o de n decanat cun jënt ladina. Oradechël iel bele n valgun ani che l ie na gran cunlaurazion danter la pluanies dl decanat de Gherdëina. Y tla liturgia vëniel ënghe tëut ca l ladin. Tluses à dut n’autra situazion dal pont de ududa uman y de religion. Ora che la cuestion dla rujeneda iel nce d’autri presuposć n con’ dl turism, che se damanda dut n auter manejamënt dla pastoral, nia plurilingual coche te Gherdëina, y perchël ne n’ie n’agregazion oravier nia ideéla, do mi ntënder. Y co udëis’a l’auternativa de mëter adum Gherdëina y Badia te n decanat deberieda? N auternativa al decanat de Gherdëina udëssi che l fossa drët a jì deberieda danter Gherdëina y Badia. Per la cuestion dl turism, dla jënt, dla montes, iel plu naturel a jì deberieda danter la doi valedes. La sënta dl decanat ne vëiji nia tan priuritera, chëla pudëssen monce fé a rotazion. I prevesc che sarà te decanat de Gherdëina y Badia à l bujën de se ancunté danter ëi, che l ie pu dut jënt che vën dala medema realtà de nosc luesc, cun i medemi problems y bujëns de furmazion y de cuntat uman. (Ntervista David Lardschneider ) www.lauscdiladins.com

3


Atualité

nr. 27 / 15 de messel 2011

Le rock ne mör nia Joe Cocker, na liënda dl rock dai agn sessanta incà, tignarà n gran conzert a Bornech

Joe Cocker à cun sü 67 agn vit para, y formè para, la storia dl rock y blues ingleje.

Musiga - En sabeda, ai 16 de messè, dales 21.00 inant, saral söla plaza de Comun a Bornech (alaleria) le gran conzert de Joe Cocker, öna dles personalitês plü fôrtes dl rock ingleje y internazional. Joe Cocker conëscion fora inće al movimënt de söes mans y sü brac tratan l’esecuziun de so repertore. Söes ćianties - p.ej. “With a Little Help from my Friends” (1969), “Unchain my Heart” (1987), “Hard Knocks” (2010) - é staziuns y highlights de na cariera lungia y

bela, che döra bele da 40 agn incà, fata de composiziuns y esecuziuns dl gran genre dl rock, spës y rich de nuances, cun le blues laprò, chël che Joe Cocker ne lasciarà mai ia. Joe Cocker é nasciü cun l’inom anagrafich John Robert Cocker dl 1944 a Sheffield. Söa pröma band àl cun 15 agn, i Avengers. So pröm album de musiga, n singul, é la cover di Beatles “I’ll Cry Instead”, dal album A Hard Day’s Night. Dl 1969 ćianta Cocker a Woodstock, al vëgn n gran suzes. Mo Cocker n’á nia ma suzes te söa vita, i agn setanta él la maladoranza de alcohol che le muet ala proa, mo söa energia y forza le condüj indô sön scenar y tla musiga, i agn otanta arjunjel n gran suzes cun la ćiantia You Can Leave Your Hat On, scriat da Randy Newman. Chisc dis él te Südtirol y indoman sabeda sëra nes inviëiel da jì a passè cun sü sonns y sü tesć val’ bela ora da d’isté. (ir)

Despopulamënt te Südtirol La Jonta provinziela de Südtirol uel fé zeche contra l smendré dla populazion te vint chemuns Politica - Tla provinzia de Bulsan iel vint chemuns, ulache la populazion manacia de smendré. La Jonta provinziela ie ai 11 de lugio stata a una de lascé lauré ora studies ti raions singuli per pudëi pona tò pruvedimënc cuncrec da valorisé chemuns cun situazions critiches. A chësta maniera iel unì dat pro i proscimi vares per l program “Südtirol 2021”. Riesc do la senteda dla Jonta provinziela à l presidënt Durnwalder fat a l savëi che la situazion di chemuns dl Südtirol ne n’ie nia tan stleta pervia de manacé che la populazion se smendrësce. Ma per schivé de majeri problems tl daunì iel debujën ntervenì nchin che l

tleca de mëndri pruvedimënc, che se lascia nce fé te curt tëmp. Aldò de na grupa de lëur ie 21 chemuns manacei da na smendreda dla populazion. I assessëures provinziei ie stai a una de lascé fé studies spezifics per i raions plu tuchei a na maniera da pudëi nce ntervenì. Per pudëi miuré la situazion uelen lascé lauré ora ntervënc n cont dl svilup economich tres nvestimënc sun inuvazion y cump etitività , na miëur cuordinazion y cunlaurazion danter la politiches de ciamp (energia, sanità, scola y auter) cun istituzions locales. L ti vën nce dat pëis a n sistem de svilup local che se stiza sun la cunescënza. “Ulon garantì n

svilup balanzà danter i majeri zëntri y i pitli luesc”, à dit Durnwalder, ”nsci saràl de mpurtanza fundamentela pudëi ntervenì sun la nfrastrutures.” Tl’analisazion y valutazion dla situazions defrëntes ne uniràl nia mé tëut n cunscidrazion i chemuns singuli, ma i raions tuchei. Tl cajo dla Val Venuesta auta, uelen nuzé miec l cuntat cun la Svizra che à na valuta sterscia. Chësta situazion messëssa cumpurté l’atratività turistica dla Venuesta auta y nce l’atratività di priejes dla firmes. “Cun l sustëni dl EOS dëssel tlo unì laurà ora n proiet per sustenì l’economia tla Venuesta”, à dit Durnwalder. (ufize stampa provinziel de Südtirol)

Dancà y da na pert Uedli y oredles daverc sun la sozieté ladina d’aldidancuei Forgian de la familia di Pazedins

Tenc de egn èste? Gé me tegne de mèl a dir fora mia età, ma posse dir che son doventà n vip da canche l’é nasciù “Te anter i tobié”.

Che te dijela la jent de chel gran nès e de chel menton? No i se fida me dir nia percheche son n muie gran e é i zòcoi de legn da ge dèr peèdes!

Olà stèste? Stae te n tobià de Cianacei, te anter l fegn dut l’an.

Te senteste te enstes o na facera? Gé me sente me enstes, me sà più faceres chi che vel se fèr la foto con me.

Da tenc de egn él che tu laore te anter i tobié? I à tacà a me fotografèr da canche son vegnù fora per la pruma outa da mie tobià. Colun él pa to lurier de prezis? Śirèr per strèda, ge dèr fora i pic ai bec e se fèr fotografèr e bossèr da la touses. Da sera defat son semper n muie strach ajache l’é n muie più fadìa fèr chest che jir a restelèr. Che fèste via per l’an? Rencure mi pré sa mont, mia vaces e vèrde de no me fèr mai fotografèr.

Ades vèste en ferie a te pussèr da la gran fadìes de la festa? Na, na, no vae en ferie. Per me l’é assà pussèr mìngol la domenia: me tire fora i zòcoi e me sfreide fora i piesc te l’èga del festil. Che peisseste che de tia fegura i à fat n business? Aldidanché l mond l va coscita, cogne bele azetèr e fèr acort. Chest an tu ere bel grignolent, este enamorà? Ei, gé me enamore ogne outa che na fémena la me dèsc n bos.

Le catalogh dles stories spidlades Presentaziun dl catalogh nü dl Museum Ladin Ćiastel de Tor dal titul “Trienala Ladina Mirrored Stories”, tl Museion a Balsan

Dancà amc Antonia Castlunger - responsabla por l’organisaziun y coordinaziun dla mostra y dla publicaziun dl catalogh, Veronica Zanoner, Barbara Tavella y Romana Prinoth. Iadedô dmc Peter Demetz, Claus Vittur, l’assessuria provinziala Sabina Kasslatter-Mur, l’artist Richard Agreiter y le presidënt dl consëi scientifich dl Museum Ladin Heinrich Huber.

Publicaziuns - En mertesc ai 7 de jügn da sëra él gnü presentè le catalogh nü “Trienala Ladina

4

www.lauscdiladins.com

Mirrored Stories”, tla cornisc plajora dl Museion a Balsan. Le catalogh dla terza ediziun dla

Trienala Ladina y dl 2. Pest artistich por la scultöra Richard Agreiter, documentëia le proiet realisé dal Museum Ladin Ćiastel de Tor tl 2010. En chësta ocajiun él gnü scrit fora dui concursc d’ert olache artisć dles cin’ valades ladines, dl Friûl y di Grijuns, dl Tirol dl ost y dl nord sciöche inće de Südtirol y dl Trentin podô tó pert. La comisciun a livel internazional, cun a će Adam Budak, curadù che jarà śëgn da d’altonn a laurè a Washington tl Hirshhorn Museum and Sculpture Park, Letizia Ragaglia, Ludovico Pratesi, Guido Molinari, Günther Moschig y Stefan Planker à chirì fora i 7 davagnadus, che à podü mëte fora sües operes tla mostra dal titul “Mirrored stories” - stories spidlades, dai 27 de messè fina ai 31 de otober 2010. I davagnadus Barbara Tavella, Esther Schena,

Claus Vittur, Romana Prinoth, Peter Demetz, Veronica Zanoner y Kathrin Partelli é na generaziun de artisć desraijà che tol le jore zënza perde sües raîsc, à dit Letizia Ragaglia, direturia dl Museion. Porchël mët inće le catalogh man cun döes poesies de Veronica Zanoner, öna dal titul “Raîsc” y l’atra “Mia munt” che é dër importantes por capì les intenziuns de döta la manifestaziun. Da öna na pert él le raport cun les raîsc de vignun, che po gnì renforzè ma cun le confrunt cun i atri y dal’atra pert él le liam cun süa tera, odüda sciöche regiun geografica, minâ Budak. L’assessuria Sabina Kasslatter-Mur à inće recordè l’importanza de val’ de te’ che liëia le respet dla tradiziun lascian jì sura i cunfins fora, se meton a confrunt cun i atri. Le catalogh, do le conzet de Adam Budak, é gnü dè fora te

cater lingac - ladin, todesch, talian y inglesc - tignon cunt di idioms desvalis di artisć; dl badiot, gherdëna, fascian y rumanc, stampè da Silvana Editoriale, la medema stamparia che à dè fora le catalogh dla “Manifesta” y che se cruziarà inće dla destribuziun te döta l’Europa, tl’America y finamai tl Iapann. Le catalogh é da ciafè te vigni botëga dai libri, sambëgn tl Museum Ladin Ćiastel de Tor a San Martin de Tor, tl nü Museum Ladin Ursus Ladinicus a San Ćiascian (dai 30 de messè inant) al prisc de 32,00€. Y deache les novitês n’é nia rovades, ciafëise injuntè a chësta ediziun d’La Usc le calënder nü dles manifestaziuns dl Museum Ladin, cun de vigni sort de iniziatives y idees por passè n bel isté en compagnia dl museum. (Museum Ladin)


Atualité

nr. 27 / 15 de messel 2011

Canche an é borjà fora: le burn-out

Aiut Alpin Dolomites Ti dis passei ne n’iel stat feter degun mumënt de pausa per la scuadra de sucors. Daduman abenëura, pernanche l stlea di, nchin da sëira canche l surëdl ie dojù, iel uni di stat truepa cherdedes tres la zentrela dl 118, per ti damandé aiut ala scuadra cun l joler, per ruvé riesc a purté aiut a persones n deficultà. Ma nia for ne rùven per tëmp y ëura. Datrai, dantaldut pra jënt che se arpizea, toma un ju per truep metri y mor sun l colp. Ma nce per vel’ emergënzes saniteres, dantaldut canche l cuer lascia de bater per l bòt, ne joa plu nët nia, nce sce n cëla for de ruvé sun l post l plu prësc che la va. Nscila iel stat n cajo de mort a San Piere de Laion, ulache a n bacan ti òvel dat l bòt zënza pusciblteies de l reanimé. Nce per n tudësch de 70 ani che fova tumà ntëur sun l troi danter la utia Sangon y Ncisles ne fòvel plu nia da n fé, ora che l ciarië y l mené cun l aiut di Judacrëp de Gherdëina y si auto tla capela di morc.

Ntervënc te Puster Tl raion dla Drei Zinnen iel stat da julé per na turista tudëscia de 55 ani che fova arsida nsëuralauter. La fova tl lëur de fé na jita danter l rifugio Locatelli y l Fischleinboden. Si cumpanies che fova pea à riesc capì la gravità dl cajo y debota à ëi alarmà l 118 che à mandà sun l post l joler dl Aiut cun duc i njins che n possa avëi per salvé na vita n cajo de bòt. Nscila nce l defibriladëur. Do plu menuc de reanimazion semiòvel che la renvenissa, ma pona àn udù che l cuer ne teniva nia plu la fadia y à inò lascià de bater. Da Lappach unìvel ite na cherdeda despereda per n alpinista che fova tumà ju per n 200 metri dala piza de Mesules a 3.400 metri. Nia ne àn plu

pudù fé, ajache n à riesc udù l corp zënza vita japé de n gran parëi.

Trëi joleri per un n ntervënt N ntervënt curiëus iel stat tl raion dla Grasleitenhütte. Puech sëura la utia fova n jëunn de Südtirol tumà ju a jì a crëp y se ova mazà sun l colp. N iede ie ruvà sun l post l joler da Trënt che ëssa messù fé l ntervënt. Nscila almanco minòven tl prim. Ma pona ruvova adalerch l joler di carabinieri y ëi dijova che i fej chësc ntervënt. Ma pona… àn cherdà mo n terzo joler per jì a tò l corp zënza vita. L fova l joler dl Aiut Alpin. Cun l aiut di Judacrëp de Tiers àn ciarià l corp strabacià y l à menà pona tla capela di morc. Nia da capì ne n’iel cieche l fova tlo suzedù, ciuldì che trëi joleri à messù muever per jì a ciarië n mort? Nëus ne on mo nia audì na resposta.

Maratona dles Dolomites Do duc chisc morc nce mpue’ de miëura nutizies. Pra la Maratona dles Dolomites, ulache la scuadra dl Aiut Alpin à fat servisc de sucors, fòvel da purté aiut a n ël dl’Austria de 60 ani, che se ova sentì mel canche l fova ruvà tl travert. Riesc fova l dutor sun l post y à capì che l se tratova de n bòt. N l à tacà ite ti njins aldò per de teles y nscila àn pudù l tenì n vita, l stabilisé y l mené pona te spedel cun l joler. Pra la Maratona iel stat mo n ntervënt, nce te chësc cajo nia de grief. Un dala roda fova tumà sun Ciaulonch, se sburian su dassënn. N ti à dat la prima cures y do chël l àn julà a La Ila, ulache l aspitova na ambulanza per l mené te spedel. Ntervënc ie chisc dis nce stai per persones che fova unides picedes da n’eva y che ova na alergia. Te chisc caji iel nce de gran mpurtanza de ruvé riesc sun l post per ti dé la drëta sprizes che lëura

de Armin Moroder de contra.

L ie drët se nfurmé L suzed nce datrai, ma dal’autra pert muessen dì for plu suvënz, che l joler vën cherdà per caji ulache i alpinisć o turisć che fej na jita ruva te deficulteies, ajache i muev zënza avëi tëut su nfurmazions plu avisa n con’ dla raida o dla arpizeda che i uel fé. Dantaldut tla arpizedes suzédel che jënt se sënt de bon alpinisć ajache i se arpizea scialdi bën tla palestres. Ma canche n ruva tla natura, tl crëp vif, pona ie la situazion duta autramënter. Nscila iel stat per doi alpinisć de 32 y 25 ani che se arpizova sun la via cunesciuda Dimai sun l Grohmann tla grupa dl Saslonch. I fova ruvei nchin pra n post perdrët saurì da se arpizé, ma i ne savova nia plu ulache la via jiva inant y nsci unìvel for plu tert y plu tert y bel plan semiòvel nce che l unissa n temporal. Ëi à nscila cherdà l joler per i tò ora dl crëp. Sce i se ëssa nfurmà dant plu avisa ulache n muessa se arpizé ne fossa chësc segur de no suzedù. N ntervënt ulache n messova bën mé plu s’la rì iel stat sun l Monte Piana. Cun i Judacrëp de Toblach iesen unic cherdei per purté aiut a doi persones, uem y fëna che fova sun n troi ma i se temova tan dassënn che i à cherdà cun gran spavënt aiut tres l 118. N ie nscila ruvei pra chisc doi che fova sprigulei y zitrova dala tëma te na luegia perdrët nianca no tan periculëusa. Ma pona, per i mené mo plu al segur, messòven i taché te na binda y i tré su tl joler. Chësc ne fova nia tan saurì ajache per fé chësc ovi mo na majera tëma. Ma sambën, cun la mascima segurëza i àn pona tachei drët bën y trac su tl joler. Nce de tei caji suzédel te nosta montes.

Trëi dis al’edema D’isté arà i ofizi dla redaziun de “La Usc di Ladins” a Badia y San Martin de Tor davert i dis lönesc, mertesc y mercui

La redadëssa Katia Pizzinini.

Informaziun - La redaziun de nosc foliet edemanal “La Usc di Ladins” arà chisc mëisc da d’isté davert regolarmënter vigni edema,

y chësc te dui posć, a San Martin y Badia, dal lönesc al mercui, dales 9.00 ales 12.00 y dales 14.00 ales 17.00. La redaziun a San Martin de Tor à söa sënta tl frabicat dles uniuns culturales suracomunales y l’Istitut Ladin, y a Badia tl frabicat “Ćiasa di Pici” (ex scolina), sön plaza dan ala Dlijia de Badia. La redadëssa a Badia é chisc mëisc d’isté la dra. Katia Pizzinini; la jona da La Ila s’à laureè dan da püch tl’Université de Verona tla facolté de “sciënzes dla comunicaziun jornalism y relaziuns publiches”.

numer de fax de chësc ufize 0474 523005, les misciuns mail: la.usc@ rolmail.net y pablo.usc@rolmail. net - le numer de telefonn dl ufize redazional a Badia é le 0471 839800 y la misciun mail katia.usc@ rolmail.net Le numer de telefonn y la misciun internet por menè i inserać de personal, da chirì patüc, da scinché ia cosses ez. é: tel. 0471 796020 respetivamënter inserac@ lauscdiladins.com - la misciun por fà retlam te La Usc di Ladins info@ pentagon.it

Numeri de telefonn y misciuns mail

I recordun inće che le material cun articui, fotografies, inserać, ez., dess ruvé adalerch dagnora por le lönesc sëra, che al pois jì ite adorassà y cun la dërta lerch tla ediziun dl vëndres.

Le numer de telefonn dla redaziun de La Usc di Ladins a San Martin de Tor é le 0474 524042, le

Dai pröms de jügn de chësc ann vëgn porsones “borjades fora” tratà tla pröma tlinica de tratamënt dl burn-out de Tirol. L’interes é dër gran, le numer di atocà crësc defüga. Tröpes porsones s’la vëiga, perd le coraje, ne ti é nia al laûr, ô tres fa deplü, ne s’acontentëia mai, insciö s’amarai! De chëstes tliniches de reabilitaziuns él da 30 agn te Teratodëscia y tla Svizra, da set agn tl’Austria Medejina - Pire Paian de 53 agn prô da cuncè na condüta dal’ega, canche le jornalist l’abina al telefonn. Dan cater agn ti éra sozedüda: diagnosa “burn-out”. Le corp â bele n valgügn agn mostrè signai, nöts zënza dormì, degöna conzentraziun, nia ne jê plü bun. “Iö ê n perfezionist y i â tres ponsè do ći che podess jì mal”, cuntel de chël tëmp canche al ê ćiamò diretur de na banca, “N tëmp fat de 70 ores de laûr al’edema.” Da dui agn incà él autonom y manajëia na ütia dles liagnes. Laûr: 60 ores. La desfarënzia respet a denant: “I à imparè da tó les cosses plü ala lisiera y i viri tl śëgn. Chësc ne podôi laôta nia. I orô tres m’assigurè por le dagnì.” La forza por na vita nöia à Pire ciafè te na tlinica de tratamënt dl burn-out.

La tlinica “burn-out” a Lans Ai 6 de jügn à na te’ clinica daurì les portes a Lans sura Desproch. L ans é n comun sot le “Patscherkofel”, che à bele odü gares olimpiches sön so funz. Lans é n paîsc cun de bi lüsc tradizionai da paur y da cotan de turism; le tlima é ideal por jënt che chir le chît y la palsa. Tla tlinica a Lans él bele plü de 30 tliënć en terapia. Te n valgönes edemes nen saràl 100. Al é stè gran ora che le “Sonnenpark” (insciö ti dìjon a chësta sort de tliniches) deures les portes; al é n post de palsa, de pêsc, de terapia y de laûr por 70 porsones danter doturs, psicologs, terapeuc, infermiers, personal de ćiasa. Le bojëgn de posć de terapia é dër gran. Le numer dles diagnoses de burn-out é tl ultim tëmp chersciü de morvëia. La “Tiroler Gebietskrankenkasse” (TGKK) à cumpedè l’ann passè 20.000 dis de maratia por gauja de chësc sindrom; chi dis de laûr i va pordüs ales firmes y i costa tröp ales assiguraziuns. Dl 2008 êl ćiamò 1600 dis. Por Harald Meller, le primar de chësta tlinica, él deplü gaujes. “La diagnosa vëgn incö sigü fata plü gonot co denant”. Tröpes sorts de maratia toma ite sot a chësc inom - dantadöt la depresciun dl stanch! La gran gauja de chësta maratia é

la mudaziun dla sozieté di ultimi agn: le capitalism-turbo, les esageraziuns dla sozieté de consum y les relaziuns soziales plü debles. Döt chësc porta plü saurì a chisc sindroms. Berto Ćiaslat ê maester de scora; al tremorâ denant co jì te scora, scemia che al savô da insigné; al s’la odô y s’aratâ da nia. N bel dé êl gnü te scora da nescia, l’ambulanza l’â condüt tl ospedal y dailò àn diagnosé burn-out. “Mi sistem imun s’an ê jü, i ê tres indô püre y tres stanch. Fà demanco n’orôi porchël imponenia. A döta forza tl laûr y tl tëmp lëde. Inće canche al capitâ ataches de panich. I sun stè da urolog, internisć, da radiolog y ala fin da psicolog.” Do n ann y mez de terapia é la vita de Franz indô zirca apost.

Miù reabilitaziun che adora en ponsiun Mo te tröc caji porta maraties psicologiches (burn-out alda laprò) a jì adora en ponsiun, tres deplü. “Chësc à la cassa dles ponsiuns capì. Les sis edemes (42 dis) chilò da nos che costa 6.500,00€, paia la cassa feter dldöt”, é Meller contënt. Dejedot miliuns de euro à costè la clinica a Lans. Le capital da pié ia à dè ca la Uniun “Pro Mente OÖ” y “Pro Mente Tirol”, sciöche inće dui privać. Le “Sonnenpark” a Lans é la cuarta clinica de cura dl burn-out dl’Austria de Pro Mente. La daurida a Lans dess ascorté le tëmp da spetè che va da sis a set mëisc. Dl 2008 à la TGKK constatè 89 caji de burn-out y 1600 dis de maratia. L’ann 2010 êl bele 309 caji y plü de 20.000 dis de maratia. Maraties psichiches é intant tl’Austria la pröma gauja da jì adora en ponsiun, sides pro lauranć che pro impiegać. Te Tirol à l’ann passè 730 porsones porchël messü dè sö le laûr. Al é ma da sperè che de nosta jënt ais tan de bogn nerfs y forzes da laurè che ara n’ais nia bria da jì fora Lans; sce chësta sort de maratia psicologica branćiass indere ite zacai, messàsson ester ligri che al é n te’ post de terapia por daidé i pazi´ënć gnì indô de dërtes porsones. (Lois Trebo)

Proiet dl “Sonnenpark” a Lans. (Foto: www.wianet.at) www.lauscdiladins.com

5


Atualité

nr. 27 / 15 de messel 2011

Marilena Defrancesco a cef del Servije Mendranzes PAT La dirigenta provinzièla de naa fascèna, jà responsabola de l’endrez del Festival de l’economìa, à tout sù l’encèria che era de Marco Viola Pìcola rubrica de informazion culturèla

Conzert a “La Grenz” Cianzons neves e veies per recordèr l Chum, rocker da Moena

Marilena Defrancesco, responsàbola di gregn evenc de la PAT, l'é la neva dirigenta del Servije per la promozion de la mendranzes linguistiches.

Mendranzes - Chisc dis passé la Jonta de la Provinzia autonoma de Trent à nominà l nef dirigent del Servije Mendranzes provinzièl, na nomina che la comunanza ladina spetèa èrs, per poder aer endò te chela strutura n pont de referiment ùtol e enjignà. Defat dò che l’uton passà l dirigent Marco Viola aea fenì sie lurier en provinzia, l’encèria é stata corida per chisc meisc “ad interim” dal dirigent Segata, ma te na situazion provisoria che no permetea de meter l lurier a regim. En jebia ai 7 de messèl, canche la jonta provinzièla é ruèda te Fascia, l’à aproà ence la delibera de nomina che ge à metù te man l’endrez del Servije mendranzes a na dirigenta femena. Se trata de la dotora Marilena Defrancesco, che la era jà dirigenta provinzièla e la é ence de naa ladina. Marilena Defrancesco la é laureèda en lengac, l’à fat l liceo linguistich a Busan e dò l’università per interprec e tradutores a Trieste. Da 25 egn la laora te la Provinzia de Trent, olache la é a cef del setor “grandi eventi” e la pel meter dant desche proa de sia capazità l’endrez del maor event de la Provinzia de Trent: l Festival de l’economìa. L’é stat de segur con sodesfazion che, tel ge sporjer la congratulazions e i augures de bon lurier, aon podù ge fèr l’intervista per ladin a la neva dirigenta del Servije mendranzes PAT, che la é stata dassen desponìbola e sorida. Can aede sapù de chesta nomina e co aede tout su chesta enciaria? Marilena Defrancesco: “L’è sapù da pech: l president me à domanà se ere d’acort de l far e cogne dir che no ge è nince pensà sù trop, l’è azetà con piazer per più che una rejon. Prim de dut percheche, ence se l’é oramai n mulge de egn che no stae più te Fascia - e aboncont è semper amò la mama e l papà a Moena e vegne da spes - sente fortiscim le raìsc e l leam con chest teritorie. A Trent tenc i me tol per man e i me disc che son “na fasciana”, ence se stae colajù dal 1986. L’element emotif l’à na part emportanta e poder aver raporc più de spes me fasc piazer. Chest

6

www.lauscdiladins.com

l’é n element fort e giö pense che sie chel che me dasc ence la capazità de gestir le robe te na maniera giusta, perché segur na persona che vegn da na mendranza l’à na gran sensibilità tei confronc de dute le mendranze. Per chest giö son contenta e ge la metarè duta per far polito.” Ma seghitarede a ve cruziar ence di “grandi eventi”? “Scì. Chest l’era l soul dubie che podeve aver, percheche chest auter setor che porte inavant te la provinzia l me dà belebon da far, ma pense che le doi robe le pode jir inavant sorì dute doi, dapò l’é chiar che cognarè me organisar, ence per gestir l laoro” Estra al Festival de l’economìa, coluns él i “grandi eventi” che fasc la PAT? “I ge disc “grandi eventi”, ma en realtà l’é int dededut, evenc gregn e pìcoi, e aon da far dut l’an, ence percheche da canche l’é stat metù sù, semper de più ence le autre struture de la Provinzia le fasc referiment a noi se le à da endrezar valch event, e coscì aon ben da far dut l’an. Ades fajon la setemana del clima, dapò sarà l’event di miscionaries trentins, e ence cheste l’é scomenzadive grane, ma è n staff de jent che laora con me oramai da egn, i é bravi e pode ge lasciar valch de più a miöi colaboradores, che te chisc egn travers cheste esperienze emportante i é cresciui e i à oramai l’esperienza e la profescionalità per poder se gestir tante robe ence da soi.” L staff del Servije mendranzes restarà l medemo o pissède de fèr vèlch mudament? I doi staff che se cruzia de la mendranzes e di evenc restei despartii? “I doi staff resta spartii, ma l’é massa prest per dir se mudarà valch. Chi che laora aló i cognosce duc, l’é persone valide e no è nesciuna intenzion de far de gregn mudamenc. Magari tel jir inavant podesse veder che l’é besogn de valgugn autres, ma ence chest no l’é sorì, perché te chisc tempes che l’é l bloch de le assunzion poder aer auter personal fosse senester, ma pense che coche se é jic inavant fin ades se pode jir amò.”

Aede jà tout contat con l staff del Servije mendranzes o col dirigent da dant? “Giö me retegne fortunada, percheche l prim colega che è troà en Provinzia del ’86 canche è scomenzà l’é stat Marco Viola, e noi aon fat tenc egn ensema, laoreane ensema en presidenza, dapò nosce strade le se à despartì, ma sion semper restè en bogn raporc tant sul laoro che ence fora come amisc. Ge è jà parlà, se aon troà l’auter dì, sé che l’à fat n gran laoro canche el l’era dirigent e no sarà sorì tor so post, ma prim de dut cogne dir che giö è emparà tant da el, ence so modo de tor dant i problemes, e el l me à arsegurà che l me darà na man, soraldut te chest prim temp olache giö è tant da emparar e cognarè me studiar fora dut, ence percheche el l ge à metù l cör e ge piasc proprio, e per chest me sente proprio fortunada e encoragiada a l far." Cai pissade che sie i besegnes e le priorità per le mendranze? “Per chest l’é massa prest, cogne amò me far int. L sè proprio da pöc dis e te chisc dis è cerì de me engejer fora le legi e le robe più emportante, ma l’é amò prest. Ades cognarè mingol tacar a jir stroz per le 3 mendranze per cognoscer le desvalive realtà e situazion e siöi besognes.” Vo siede de naa da Moena, e saede che zachei no conscidra chi da Moena desche ladins... “Giö pense che chesta sie proprio l’interpretazion più sbaliada, perché se sion na mendranza, che coche disc jà l’inom l’é na realtà più picola, l’à pech fondament scomenzar a se spartir e far desferenze, anzi le desferenze le cogn vegnir vedude desché na forza. Int per i egn ’70, canche no l’era amò l ladin te le scole, mio pare l’ensegnava cultura ladina, e no demò a Moena, ma l jiva ence te autre scole su per Fascia. Pode ben pensar che valgugn i disc coscita, ma l lascia l temp che l troa, per me no l’à fondament, i obietives pense che sie i medemi per duc, e donca l’é miec i portar inavant ensema.” Intervista de Lucia Gross

Ence chesta setemèna che vegn l “Cianton de l’Istitut” su Tele Minoranze Linguistiche ne mosciarà l video tout sù en ocajion del conzert-tribut che la sociazion de musega e cultura “La Grenz” à volù ge dedichèr al Chum, Lucio Tullio L “Chum”. Per recordèr l “rocker” da Chiocchetti del Miro, Moena tropes gropes e ciantores à tout da Moena, se n jit pèrt al conzert de “La Grenz”, che vegn massa bonora via per moscià sun TML. de aost de l’an passà. Toc de so repertorie, trop de se fèr voler ben da duc. cognosciù te paìsc e foravìa, é stac reinterpreté a na maniera La lejenda de Antermoa sun libera e piajégola da gropes e Gardecia ciantarins, joegn e manco jeogn, te anter i etres: Valentino Lere, Valerio e Davide Rancitelli, i Ve recordon che en jebia ai Atrio, Simone, Damiana e 21 de messèl te Gardecia da les Riccardo, Vizzy e i Midnight, 2 domesdì vegnarà portà dant l Massimo Ripamonti e la spetàcol de teater, musega e Ciantarines da Soraga, Moira e contìes dal tìtol “La lejenda de Antermoa, opuramenter: L mal Valeria, e etres amò. Apede chisc se podarà scutèr d’amor”, a cura de la Sociazion ence n toch “inedit”, dal titol Culturala Neuma, che tras la “Canche vegn la nef”, documentà storia de l’amor anter na bela béleche adinfal dai amisc de la Vivèna e l poet Man de Fier l Grenz l’ultima outa che l Chum conta de coche l’é nasciù l Lech se aea prejentà con sia chitara de Antermoa. Se aessa da esser te la senta de la sociazion, e amò catif temp l spetacol vegnarà apede n toch scrit aposta per el portà dant da les 17.30 te sala da Fabio del Goti, dal titol “E grana de la Sorastanza. ades tu sgoleras”, portà dant dal grop Elionda (con Alberta del Oraries (orientatives) de Baila, Roberto Dassala e Roberto “L cianton de l’Istitut” su TML: Loiza) che depenc l ciantautor de lunesc da les 15.45 da Moena te so esser più fon e de mèrtesc da les 18.15 sćiantif. de mércol da les 22.15 Na serèda de legreza e de jebia da les 20.15 simpatìa: la vida miora per de vender da les 11.30 recordèr n amich, semper de de sàbeda da les 18.15 voler, ironich e istrionich, e bon de domenia da les 21.00

Ercaboan Istà e Fac de Fascia I oraries de la trasmiscions ladines sun TML Chesta ùltima setemènes l’é tacà ite la neva trasmiscion “Ercaboan Istà” che met dant pìcoi tassìe de informazion metui ensema da Fernando Brunel, Valentina Zanon e Rosa Carpano co la prejentazion de Stefania Pederiva. Vegn rejonà de jir sa mont, de sport, de joegn, dut a na vida n muie gustégola.

da les 18.00 e da les 20.15.

Chiò sotite ve meton dant i oraries indicatives de Ercaboan Istà che vegn moscià sun TCA: de lunesc da les 12.30 e da les 21.00; de mèrtesc da les 9.00 e da les 13.00; de mércol da les 7.30 e da les 15.45; de jebia da les 8.15, da les 18.15 e da les 22.30; de vender da les 20.15 e da les 22.30; de sàbeda da les 10.30, da les 18.45, da les 21.00 e da les 23.00; de domenia da les 7.15, da les 12.00,

Chisc i oraries orientatives, che pel mudèr de n chèrt de ora: de vender: da les 21.00 e da les 23.45 de sabeda: da les 11.00, da les 15.00 e da les 22.30 de domenia: da les 14.30, da les 22.00 e da les 00.30 de lunesc: da les 11.00, da les 16.30 e da les 21.30 de mèrtesc: da les 15.45 de mercol: da les 08.30 e da les 20.15

Amò la setemèna che vegn se podarà veder ence “Fac de Fascia”, l “talk show” de Silvano Ploner che vegn dat fora de vender sera e dapò per duta la setemèna. Dò na paussa da d’istà chest program pearà endò via de otober.


nr. 27 / 15 de messel 2011

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Destudafuech de S. Cristina Festa de S. Flurian, benedescion de n auto nuef, uneranza a doi cumëmbri. Garejeda di destudafuech a Bregenz. Doi ntervënc pra i fuesc dl Sacro Cuer de Gejù per ntervёnc tecnics. La vedla jeep, che ova bele 29 ani, ie unida data ite. La nona dl Iveco nuef ie Gertrud Perathoner. Do la benedescion da pert de Sn. Pluan Raimund Perathoner à l cumandant Christoph Senoner sёurantёut la parola per uneré doi destudafuech de S. Cristina. Plu avisa se tràtel de Emmerich Demez, che ie unì unerà per i 25 ani de servisc, y Raffael Stuffer che ie unì unerà per i 15 ani de servisc. N rengraziamёnt per dut chёl che i à fat per la populazion y la grupa de S. Cristina.

Garejeda di destudafuech a Bregenz

L auto nuef di Destudafuech de S. Cristina ie n Iveco Massif. N ucajion dla benedescion, da man ciancia: Georg Runggaldier, l presidënt de raion Hans-Peter Perathoner, l vizecumandant Georg Insam, la nona Gertrud Perathoner, l ambolt Eugen Hofer, l assessëur Robert Ploner, l vizeambolt Stefan Runggaldier, l cumandant Christoph Senoner y l presidënt dl raion Bulsan Josef Mair.

S. Cristina - N dumënia ai 1. de mei à i Destudafuech de S. Cristina festejà S. Flurian. Do la santa mёssa dala 9 fova duta la populazion nvieda a jì sun plaza de chemun. Ilò àn pona benedì n auto nuef y

unerà doi uemes per si atività. Iusta doi dis dan la festa à i destudafuech pudù jì a tò l auto nuef. L se trata de n Iveco Massif,che pieta lerch a cin’ uemes. La majera nuvità o sauridanza de chёsc auto ie l sistem

L ntervënt sëura l luech de Culac.

per ciarië la massaria che se basa sun doi containeri. Chisc possa unì mudei ju aldò dla massaria che vёn adurveda pra l ntervёnt. Da auzé ora iel che l auto à nce na binda y che l ie pensà da adurvé dantaldut

La gran fumera.

N sada ai 2 de lugio ie 9 uemes dla grupa di Destudafuech de S. Cristina piei via per furné a Bregenz tl Vorarlberg. Tlo iel unì metù a jì na garejeda per la grupes di destudafuech. Purtruep ne àla chёst ann nia butà coche ti ultimi ani. Povester fòvel mpue’ l nervosism, o la cunzetrazion che ne fova nia al mascimo. Purempò àn purtà a cёsa la doi bedaies, ma n à dessegur udù ite che l basta scialdi puech per fé vel’ pitl fal y giapé ponc de straufonga. Oradechёl à la grupa nce fat pea pra la garejeda a livel

de Südtirol, ulache n ie jic a Jenesien.

Doi ntervёnc pra i fuesc dl Sacro Cuer de Gejù L ultimo fin dl’ena ie i Destudafuech de S. Cristina unic cherdei per doi ntervёnc n ucajion dl Sacro Cuer de Gejù. L prim iede n dumënia, mpue’ passa mes’ëura dan mesanuet, ulache l ie stat da jì sun Ciandevaves. Tres l gran ciaut de n fuech se ova l burëi fat lerch sot a tiera ite y n à messù destudé ju l fuech, a na maniera da pudëi stlù ora uni pericul. Oradechël ne fova la luegia nia iusta saurida da arjonjer, y n à nce messù iluminé dut l raion, per pudëi lauré y udëi miec. N lunesc, puech do mesa la trëi domesdì, unìvel ite la proscima cherdeda. Nce chёst iede fòvel da jì sun Ciandevaves, ma sёura l luech de Culac. Tlo ova n colp de vёnt inò fat levé su l fuech dala nuet dant. Pernanche n ie ruvei sun l post se ova l fuech bele slargià ora y ova pià ite da plu pertes y te n valguna tasseles de lënia. Coche la nuet dant iel n iede unì destudà l fuech y pona fat n cuntrol plu avisa cun la camera termografica per na segura. (lg)

La grupa di Destudafuech de S. Cristina ntan la garejeda.

Cultura y/o politica? Plu sustëni da pert dl Chemun se damanda la Lista Urtijëi per la lia culturela dla Union di Ladins de Gherdëina. Mplu se damandi de tò posizion n cont dl hotel da set stëiles che dëssa unì fat su sun Ciampinëi Urtijëi/Chemun - Te n comunicat stampa mandà ite dala Lista Urtijëi n cont dla doi cuestions purtedes ite da d’ëi te Cunsëi de Chemun, ulache una ova da n fé cun l ulëi auzé l cuntribut ordiner ala Union di Ladins de Gherdëina, scriji nsci: ”L retlam che ie muet dal assessorat Ladin dla Provinzia uel sensibilisé la populazion a se detlaré ladina pra la cumpëida dla jënt d’autonn. L proporz vëija dant che plu zitadins che se detlarea ladins y plu vantajes che la grupa de rujeneda ladina arà n con’ de scioldi, stieres, scola y n.i.. Nëus raton che n dëssa valorisé deplù l cuntribut culturel ladin ala cumenanza.” Y inant scriji che: ”Son defin de contra coche l partit de maiuranza a livel de Chemun

y Provinzia à smendrà i cuntribuc ala Union di Ladins de Gherdëina, che à bele da for sensiblisà y purtà inant la cultura ladina. Dassons’a vester ladins zënza cultura?” Perchël à la Lista Urtijëi tla senteda de Cunsëi de Chemun dl 8 de lugio 2011 fat la pruposta de ti auzé l cuntribut ordiner ala Union di Ladins de Gherdëina de 2.000 euro. Ntan che l cunselier d’oposizion Martin Kofler, coche ël dij do se avëi nfurmà plu avisa sun la situazion dla lia, se à detlarà a una cun n majer cuntribut, iel da pert dla maiuranza unì auzà ora che chësc fossa n tratamënt nia valif permez al’autra lies cultures y che sce i ie te na stleta situazion finanziela iel da se damandé ciuldì che la ie nsci, che tlo muessel vester zeche che ne va nia bën. Da pert

dla Union di Ladins de Gherdëina vëniel fat a l savëi che dlongia l’atività de manifestazions cultureles che vën metudes a jì via per l ann vëniel garantì inant l servisc nce soziel y turistich dla biblioteca ladina, y l ie da cialé dla Cësa di Ladins che ti dà lerch ala Lia dl Teater y al Museum; oradechël àn cialà de raziunalisé la spëises ulache la va, tl cheder de n manejamënt sun mesura de na lia culturela. L ambolt à n ucajion dla senteda mo auzà ora che l presidënt d’unëur dla ULG, Egon Vinatzer, ne fova nianca no unì nvià al cunvëni ladin ala fin de mei te Sëlva. Ma de chësc viers vëniel assegurà sibe da pert dla Union di Ladins de Gherdëina che dala Union Generala di Ladins dla Dolomites, che l ti ie bën unì

mandà l nvit y che si inuem ie daniëura leprò pra chël de duta l’autra autoriteies y di scric ite. Oradechël iel unì auzà, ora dala maiuranza de Chemun, coche mutivazion per avëi scurtà i cuntribuc, che la Union di Ladins dë’ avëi detlarà de sustenì l ladin dolomitan - cossa che la ULG tuchëssa aldò dla maiuranza de Chemun da stlarì dant cun duc si scric ite - y che sce la sustën propi la cultura y la rujeneda de Gherdëina se meritëssela dessegur nce n majer sustëni. Ala fin iela jita ora nsci che dla oposizion fova duc a una cun chësta mozion, ntan che la maiuranza fova duta de contra. Inant vàla tl comunicat stampa n cont dl Hotel a set stëiles sci o no? Y tlo scrij la Lista Urtijëi:”Pra

la sëira de nfurmazion dl Chemun de Urtijëi de mei, se à l ambolt detlarà dassënn de contra al hotel a set stëiles sun Sochers. La Lista Urtijëi ie defin cuntrera ala costruzion de n tel hotel de nublëza y à nsci purtà na mozion cun chësc test: L Cunsëi de Chemun de Urtijëi ne vëija nia de bon uedl che l vën fat su n hotel da set stëiles sun Sochers.” Perchël dij inant i cunselieres dla Lista Urtijëi ”ne n’iel nia da capì ciuldì che l ambolt de Urtijëi ne à nia tëut la parola y dit si minonga. Degun cunselier dla maiuranza ne n’à dat pro l test dla mozion.” Chi che uel savëi mpue’ plu avisa coche la descuscion ie jita possa se scuté su l file audio che ie da abiné sun la plata internet dl Chemun de Urtijëi. (usc) www.lauscdiladins.com

7


Gherdëina

nr. 27 / 15 de messel 2011

„Nia ne semea nsci“

L marcià di artejans

Nstadì iel stat la giaurida dla mostra de Thea Blaas a Dispruch, tl Fotoforum

Na sëira de aurela curta cun truep da udëi. Mujiga y devertimënt

Na lingia de fotografies de Thea Blaas.

N ucajion dla giaurida dla mostra de Thea Blaas a Dispruch. Da man ciancia: Georg Demetz, Thea Blaas, la diretëura dl Ciastel Goldrain Claudia Santer y Magdalena Gasser.

Ert - La tematica dla fotografies metudes ora pra la mostra a Dispruch ie chëla dl spiedl, dla semea, dla figura che n vëija tl spiedl, y pona la dumandes de identità che taca adum cun chësc: „Chi sons’a ie? Sons’a chël tl spiedl? Dij pa l spiedl la urità o no? Possi pa jì dala semea al vester?“ Nscila à dit l’esperta d’ert Nina Hausmann n ucajion dla giaurida dla mostra de Thea Blaas tl Fotoforum a Dispruch, sun la Plaza Adolf Pichler 8. Hausmann à dat da lecurdé che l simbol dl spiedl ie stat nchin tl 18ejim secul n simbol religëus dl’ana dla persona, che se gëura al nflus de Die. Ma bele tla mitologia dla Grecia Antica cunesciòven la storia de Narzis, n jëunn de sëidesc ani, che mor per gauja dl spiedl, de si mus spidlà tl’ega, che ti savova tan bel che l se namurea de si cheder tl’ega, che l ne possa no tuché y no

N ucajion dla giaurida.

8

www.lauscdiladins.com

se n jì da d’ël. Hausmann à auzà ora che la persona cëla te spiedl y se vëja sé nstëssa. Ma cie vëijela pa, canche la se cëla a sé nstëssa? Aldò dla psicanalisa vëijen tl spiedl l prim iede l cheder de sé nstësc. Cun l prim iede che n se vëija te spiedl vëniel a s’l dé la funzion psichica dl IE. Ma cunëscer ie tl medemo mumënt n des-cunëscer, ajache n ne se vëija nia sé nstësc te spiedl, ma mé l cheder de sé nstësc. L sauta ora la dumanda de „Chi dëssi pa ie vester?“ y de „Chi uei pa ie vester?“ Thea Blaas se dà ju, ti chedri metui ora tla mostra a Dispruch, cun l mond dl IE. N mond de ancuntedes, de mascres y de stramudamënc. Blaas mostra fotografies y elemënc de test, che va ite te na simbiosa armonica. L liam de rujeneda y fotografia fej a na maniera da mëter a jì na ciadëina

de assoziazions per l’artista, che possa unì tëut su nce da chiche ti cëla ala fotos, che possa nce se lascé mbusië jan ite te na maniera nueva de ntënder test y foto, cun na perzezion nueva nce per la mostra. Tla fotografies iel trëi ëiles y doi ëi che se cëla te spiedl, ma for autramënter, a na maniera che l ne se lascia nia identifiché avisa tres mé una na categuria de identificazion. Nscila ne n’ie la persona nia mé una, ma cun l juech di spiedli nce trëi o cater. La fotografies de Thea Blaas, nscila stlarësc Nina Hausmann, conta de melsegurëza, de autoreflescion y de duminanza, ma nce de amor y sënn y de superbia. Dut ntëur dëssa l vijitadëur se dé ju cun sé nstës, cialan de vester bon de tò ju la mascra y de cialé plu sot te chël che n ie efetivamënter. La mostra ie mo da udëi nchin a n sada ai 23 de lugio. David Lardschneider

N ucajion dl marcià di artejans a Santa Cristina, tl raion da jì a pe ”Bënunì”.

S. Cristina - Na bela sëira da d’instà n merdi ai 12 de lugio, n ciaudin coche l ie perdrët puec iedesc tlo da nëus ntan la sajon plu ciauda dl ann, che nviova propi a sté plu giut alalergia. Y davia che a S. Cristina fòvel l marcià dl artejanat de nosc raions cun prudoc tipics de Südtirol, se pitòvel la drëta ucajion per jì a se fé na raida tres l raion da jì a pe ”Bënunì” coche l ti ie unì dat inuem ufizialmënter da pert dl Chemun de S. Cristina. Pion su per la streda sambën dsareda ju al trafich, tosc anconten vel’ cunescënt che à abù la medema idea de passé chësta bela sëira. ”Oila, co vàla pa, l ie bele giut che ne se on nia plu udù,” se dìjen y s’la ciaculea n struf. L ie na bela gheneda, jënt che spazirea su y ju per la raion da jì a pe, l pèr propi che duc se tole mpue plu dl’aurela che zënza. Da dalonc àuden nce sunan y plu insù che ruva y plu jënt che n anconta. Bel iel a n ancunté trueps da tlo, ma nce i seniëures che ie al frësch sà da prijé chësta ucajions per se viver ite mpue tla vita dl luech. I stonc cuncei su sun ëur de streda nveia a jì permez, i pieta duc prudoc mpue particuleres, prudoc che i paures di raions

ntëurvia à zidlà, che ëi à fat ju, roba scëmpla y naturela. ”Cë’ tlo n iel monce un che torna!” Trueps ne n’arà nianca no mei udù coche chësc lëur vën fat, chësc artejanat tan praticà plu da giut che manacia śën belau de sfanté da nosta berstots. Pona iel mo d’autri artejans tlo y iló, che prejentea si ert, si prudoc y mostra nce coche i vën fac. Sambën ne pudòvel nia mancë i scultëures y i moleri, tlo chël che depënj flëures. Ai mutons iel ënghe unì pensà cun n stont da pastelné y pona n fòvel nce de teles che fajova ciofs cun pintes, decurazions y tlupes da ciulé via i ciavëi. L bon tof dla fanedes, cujinedes dala paures de Gherdëina, ne te lasciova nia passé mé nsci dlongiavia zënza tlamé y nsci fòvel mo truep d’auter da udëi, ciarcé y cunscidré. N à pudù passé na bela sëira y coche l ie unì dit n saràl ntan l instà mo de tel ucajions, ulache l sarà nce mo d’autri erc y artejans da udëi. Co ve savëssel pa a udëi coche n fej oles de mauta o magari na gherlanda spiza? Perchël rati ne se lascerons nce no mucé la proscima ucajion de jì a se fé na raida sun l marcià dl artejanat a S. Cristina. (uk)

L’esperta d’ert Nina Hausmann.

L vën turnà, depënt, sunà l’armonica y rissà ite goc.


Gherdëina

nr. 27 / 15 de messel 2011

“Lasce te de bona mans” Pra la festa al diretëur dla Scola d’Ert Karlheinz Mureda iel nce unì dit su n valgun ferssli per n cunté n valgunes da rì. L diretëur à per l’ucajion tëut la parola Da maië bon àl for sapù, ma mei massa. Y ala fin n mëil, chël bën, y dan jì a durmì n bon tè de menta.

“De gra y dut l bon!”

L diretëur dla Scola d’Ert Cademia Karlheinz Mureda va n pension do 35 ani da diretëur.

Persones/1 - Pra na bona cëina ora l Hubertus ti iel unì fat festa a Karlheinz Mureda. Prejënc duc i nsenianc y l personal nia nseniant, ma sambën nce si fëna Anni. Danter na derzeda y l’autra iel stat l’ucajion de auzé ora vel’ anedota o matada di 35 ani da diretëur de Mureda tla Scola d’Ert Cademia, ulache l ie dant nce stat per truep ani nseniant. Nscila iel unì auzà ora, danter l auter, coche Karlheinz Mureda “ova arpà la scola” da si pere, coche ël nstës sà for da cunté. Dalaibon nce coche Mureda à, dan n valguna enes, mandà demez per posta a si cunescënc, che “da śën inant éi n lëur nuef, chël de cialé di nepoc.”

“Valëënnt!” Mumënc mitics, nce sce belau n mumënt temui, fova chëi iedesc - dinrer, ie pu Mureda un che mantën la contenance - canche l se sciaudova y scumenciova una de si filipiches de 360 gradi contra dut y duc. Chësc suzedova mé dinrer coche dit, ma canche, pona sciche l toca. Ajache riesc do fòvel inò bel valënt. Y propi chësta parola, “valënt y valënta, valënc y valëntes”, cun la ë destrata te n valëëënt, ie da giut incà zeche che toca pra Mureda. Ël nstës à spiegà

che l à cris ora chësta parola dantaldut canche l se trata de rengrazië y de laudé, ajache dì “danke” ie tudësch, na parola coche giulan ne n’ons nia tl gherdëina, y nscila rundeniva l valënt ora y su per ch’i porc de scola.

“Pa pu, marati, zech’un” Nteressantes pona si figures stilistiches tla rujeneda, tulan ca nia ngërt la paroles renfurzatives pa y pu, te n bel “pa pu!” O la bela paroles ala gherdëina “marati, zacan, zech’un,” dantaldut a scumencé a n cunté una da rì, cossa che Mureda fej gën y suvënz, savan nce for da les cunté a puntin. Y pona la nteriezion, coche n dij, l “mmmhh”, trat n lonch, per desmustré si cuntentëza y per prijé situazions y persones. Coche pra Carolina Kostner, si nepota, mmmh, tan bona de jadiné, cun tan de grazia y cun, mmmh, ch’la bela giames looonges. Dan n valgun ani fova Mureda jit su sun la piza dla cronica naziunela, ajache l ti ova metù a cuer, a si sculeies dal vënter desnut, de se cumpré na malieta mpue’ plu longia, per ne se nsferdì nia y messëi pona sté ora de scola. Gaujes de sanità nsciuma, no de moral.

Drë’ de bon resultac à Karlheinz Mureda arjont fajan retlam te valeda y dlonch ora per Südtirol per la Cademia. La poejia purteda dant n ucajion dla festa ie fineda via cun n rengraziamënt a Karlheinz Mureda: „De chël che te es fat bën ulons te dì de gra, de dut ti mpëni che te es da’, la à pa bën butà, la pension te es zënzauter merità. Per la familia es śën dl’aurela, la vita da nëine ie pa bën ënghe bela. Per l daunì mo ulons te mbincé sanità, cuntentëza y che te cëles nce de té.“

“Lasce te de bona mans” Do la poejia y l film che Georg Demetz à mustrà (c. articul tlo dessot), à l diretëur Karlheinz Mureda tëut la parola, auzan ora che l à pudù sëurantò la direzion dla Cademia da si pere bera Raimund, y che l possa dé inant na situazion bona, monce miureda, coche l rata: “La Scola nueva ie unida fata su, bela y funziunela, y

Karlheinz Mureda cun Elisabeth Baur, che sarà da setëmber de chëst ann inant la diretëura nueva dla Scola d’Ert de Urtijëi.

nce la cësa per studënc Assudëi ie unida a s’l dé. Lasce perchël la Scola te de bona mans, de duc vo nsenianc y personal nia nseniant, che me ëis for judà te duc chisc ani, ajache zënza vo ne fóssela nia jita fata nsci bën, dut ntëur. Y cun vo che sarëis inant te scola vëiji zënzauter n bel daunì per la Cademia. N con’ di sculeies possi dì che l plu mpurtant ie a i avëi gën, a na maniera che la scola posse

vester na segonda cësa, ulache i sculeies posse jì inant cun si talënc,” à dit Karlheinz Mureda, diretëur dla Scola d’Ert Cademia, dan jì n pension. N capitul dla Scola d’Ert de Urtijëi ie unì stlut, y l n unirà giaurì n auter. Ma tl liber dla storia dla scola saràl for laite i inuemes di diretëures Mureda pere y mut, Raimund y Karlheinz. David Lardschneider

N ucajion dl ultimo di de scola iel nce unit adalerch autoriteies, che à abù paroles de lauda y de rengraziamënt per l diretëur Karlheinz Mureda, ti mbincian dut l bon per l daunì. Sun la foto cun l diretëur Mureda iel, da man ciancia, l ntendënt Roland Verra y l ambolt de Urtijëi Ewald Moroder. L presidënt y la diretëura dla Lia dl Turism de Urtijëi Ambros Hofer y Bea Insam à premià cun n bel scech i sculeies che ova venciù pra n cuncors metù a jì via per l ann.

Tò cumià dal diretëur Mureda A Karlheinz Mureda, diretëur dla Scola d’Ert Cademia de Urtijëi, àn fat festa ajache l va n pension. L ie na festa ulache l toca sambën leprò i lecorc, ulache descedé inò mumënc che n à vivù deberieda ie sciche giaurì na funestra sun vedli dis. Iló se mescëida legrëza y nchersciadum cun sentimënc d’uni sort Persones/2- Suzeduda nscila iela ntan la festa metuda a jì per Karlheinz Mureda jal Hubertus a Solaion, ulache n ti à mustrà sun video na pitla lingia de ntervistes fates a n valguna persones, exsculeies ma nce nia, che ti ie states daujin plu o manco giut te duc chisc ani de scola: na idea chësta che ti à scialdi plajù iust ajache ël ne se l’aspitova nia. Per ejëmpl coche i ex-sculeies se l lecorda: Michi dl Fever auza ora la cualità de Karlheinz sciche maester de dessëni geometrich, mo dan deventé diretëur y Guido dla Tinderla coche l Mureda sunova la chitara canche

i fova jic a fé la prima jita a Verona. Arnold da Martin se lecorda mo avisa coche ala dumanda de ciun viers che dëssa jì na cërta rissa òvel giapà la resposta :“Ah studieia mé, te vënies’a bën sëura…“ A si sënn, nia dut ne ve vën ciaunià dant, messëis nce nstësc ve sfurzé. Carmen Müller se lecorda coche l maester ti ova dat pea na bona furmazion y coche la ti cëla mo śën cun bënulëi ai dessënies da ntlëuta. Y Manfred Mayr sotrissea cun ironia che Karlheinz fova plu che n maester: „Nia mé n maester, n motor fòvel! Mé che l motor univa mefun datrai mpue ruënt…“ Antonia Bentivoglio dij che per ëila ne ie la

“Cademia“ nia da se nmaginé zënza l maester che va śën n pension y lecorda mo n’autra gran pascion, l hockey, ulache Mureda se sciaudova. Ma nia mé ex-sculeies, nce Carolina Kostner, la nepota dl diretëur che ti fej bater l cuer plu aslune y te me l fej sté sun odles uni iede che la lima i jadins, nce ëila ti à mbincià dut l bon y ti à dat l cunsëi de se goder l daunì. Lydia, la bibliotechera, dij che: „Messon pa mé l lascé jì, scebën che la scola fova belau si familia, na scola che a d’ël ti savòvel tan bel a ti mustré a duc.“ Georg Demetz

Mureda coche Clooney: "gag" di sculeies sun la mascin dal café te scola. www.lauscdiladins.com

9


Gherdëina

nr. 27 / 15 de messel 2011

Festa dl sport sun Mont de Pana N dumënia ai 10 de lugio iel stat pra i Sauc sun Mont de Pana na festa dl sport. Danmesdì àn metù man cun na garejeda de saut y cumbinazion nordica, domesdì àn tenì la festa cun descurida dla tofla dedicheda a Simona Senoner y la premiazion di atlec che se à fat merit

Filip Schenk, dl’arpizeda sportiva, un di atlec premiei per si meric tl sport, tlo cun l ambolt y l assessëur per l sport de S.Cristina.

S. Cristina - La cumpetizion cun chëla che n à scumencià l di dl sport bele danmesdì ie unida metuda a jì dal Schi Club Gherdëina y fova cun partezipazion nternaziunela. Velch plu avisa n cont dla garejeda iel da pudëi liejer te chësta Usc sun la plates dl sport. Dala trëi domesdì à pona l Chemun nvià via la descurida dla tofla dedicheda a Simona Senoner. L’aministrazion cumenela cun a cë l ambolt Euger Hofer y l assessëur per l sport Robert Ploner à mena la manifestazion, che à scumencià cun n menut de chiet per uneré Simona. I genitores dla sportiva che nes à lascià chësc inviern, Oswald y Brigitte, à descurì l relief

de bront dl artejan de S. Cristina Thomas Comploj. L artist à pona fat na pitla descrizion dl relief. Inant iesen jic cun la premiazion di atlec de S. Cristina che se à auzà ora ti ani 2009 nchin 2011 y cun l saludé l’autoriteies unides adalerch per l’ucajion: i cunselieres de Chemun de S. Cristina, i presidënc di atlec premiei Lidia Bernardi (Schi Club Gherdëina), Stefan Printoh (Hockey Club Gherdëina), Bruno Walpoth (Arpizeda Sportiva). Unic adalerch fova nce l reprejentant dla FISI Reinhard Schmalzl, l diretëur federel de saut y cumbinazion nordica Ivo Pertile, l vizepresidënt dl cumitat provinziel Silvano Maranelli, i trainadëures

Romed Moroder y Fabian Ebenhoch, la diretëura dla Lia dl Turism de S. Cristina Renate Senoner, l presidënt d’unëur dla FISI dl Südtirol Michael Adams y i reprejentanc di media y sambën duc i atlec cun si parënc unic sun Pana a fé tifo. Pra i campiunac dl mond de chësc ultim inviern à bën set sportifs de S. Cristina pudù fé pea pra la garejedes y, coche savon, à la jëuna Elena Runggaldier monce purtà a cësa na bedaia d’arjënt, per l prim iede tla Talia. Chëst ann àn premià i atlec per i doi ani 2010 y 2011, ma passon ala lista di atlec premiei cun de biei taieresc de scipa y na scincunda: Michela Ponza, biathlon 20102011; Alexia Runggaldier, biathlon 2010-2011; Carmen Runggaldier, biathlon 2010-2011; Maikol Demetz, biathlon 2010-2011; Manuel Mair am Thinkhof, biathlon 2010; Karin Moroder, pudejé 2010; David Hofer, pudejé 2010-2011; Elena Runggaldier, saut 2010-2011; Barbara Stuffer, saut 2010; Anna Runggaldier, saut 2010; Lukas Runggaldier, cumbinazion nordica 2010-2011; Mattia Runggaldier, cumbinazion nordica 2010-2011; Verena Stuffer, schi alpin 20102011; Giulia Demetz, schi alpin 2011; Gabriel Senoner, hockey 2010; Michael Piccolruaz, arpizeda sportiva 2010; David Piccolruaz, arpizeda sportiva 2010; Filip Schenk, arpizeda sportiva 2010-

I genitores de Simona Senoner à descurì la tofla, metuda su pra l gran saut sun Pana, che purterà da moinla si inuem.

2011. L’aministrazion de Chemun rengrazia duc chëi che à laurà

acioche la garejeda y la premiazion cun leprò la descurida dla tofla garate. (rp)

La festa tl zënter de pudejé sun Pana.

“Na nudadoia per duc” Cun i ntervënc spezifics per chiche à n handicap, coche per chëi che se muev sun n stuel dala rodes, iel unì cialà dla funziunalità dla nudadoia via n Sureghes

Gabriel Malsiner ntan che l proa ora l lift.

Sureghes - Cuntentëza, da pert dl presidënt dl cunsëi de aministrazion dla nudadoia Karl Mahlknecht, n lunesc sëira, per l’ucajion dla prejentazion ufiziela di lëures de derturamënt y de

Michaela y Chiara tla sauna turca.

logistica che ie unii fai ti ultimi mënsc. Tla lingia di lëures àn cialà dantaldut de tenì ite la normes per purtadëures de handicap. Nscila iel unì fat l lift nuef per l stuel da rodes, che va dala cabines da se

La strutura nueva coche luegia da paussé alauta, la scela nueva su de viers dla sbrisciadoia y, japé a man drëta, la rampa per l stuel da rodes.

10

www.lauscdiladins.com

mudé su pra l partimënt dla nudadoia dedite. Pona iel mo unì fat na rampa che lascia pro per chiche se muev cun i stuei da rodes, de jì su dal tòch a livel de nudadoia prinzipela su pra la nudadoies di mutons. lló iel pona na nuvità, per duc: l ie unì fat na sauna davierta a duc, n hammam, n bani turch, o bani tanfënt, coche l ie nce unì scrit su te n bel gherdëina. Tlo à duc i vijitadëures dla nudadoies l mesun de se fé na bela sauna turca, zënza messëi paië sëuraprò y zënza messëi se tré ora defin, coche l ie de regula te na sauna. Propi pra la jënt mpue’ plu de tëmp, dantaldut taliana, iel for na tel pitla averscion a messëi se desfurnì defin. N’autra nuvità à da n fé cun la

segurëza. La scela che va su pra la sbrisciadoia fova scialdi priculëusa. Śën iela unida fata da nuef, acioche nce i mëndri posse jì su zënza che i genitores muessa se temëi che l suzede zeche. Amesa la scela iel pona unì fat na sort de porica, nia per i mutons, ma per chëi de majera età, cun de biei liec da pudëi sté y paussé. Ala fin dla finedes iel pona mo unì fat da nuef na pert dl tënt, chël che cëla ora de viers dla nudadoies dedora. L vedl tët ova scumencià a nfraidì, y perchël iel śën unì fat da nuef. Coche à spiegà Karl Mahlknecht iel unì fat ntervënc per za. 150.000 euro dut adum. I custimënc fossa stai plu basc, ma l cunsëi d’aministrazion à udù ite de gran mpurtanza a fé la strutures y i ntervënc per la jënt autramënter abla. Cun i mesuns dla nudadoia ne n’iel nia stat mesun curì duc i custimënc, y perchël spera l cunsëi che la man publica tënie cont dl

De gra La Lia Sustëni ala Vita cun a cë la presidënta Ulrica “Ica” Goller tol l’ucajion per rengrazië de cuer la Fundazion Cassa dl Sparani de Südtirol y la Cassa Raiffeisen de

majer sforz finanziel per la strutures de fazion soziela, judan pea a curì l busc finanziel. Ajache sce l ie vëira che l se trata, pra la nudadoia, de n mplant economich, pona àla zënzauter nce na gran funzion tl ciamp dl sport, dl soziel y dl tëmp liede, ma nce de uferta turistica a bën dla cumenanza, rata Mahlknecht, che conta che l ie mpurtant a cialé for de vester up to date. I ntervënc fai va ite te chësc pensier. Ma l ie bele śën da pensé, auza ora Mahlknecht, che tl daunì saràl for plu y plu jënt che va a nudé, propi ajache la jënt de tëmp jirà for plu y plu a nudé. Al didancuei iel do la rata puecia jënt de tëmp che sà da nudé, tl daunì saràla autramënter. N ucajion dla prejentazion ufiziela à Gabriel Malsiner, reprejentant de Chemun de Urtijëi, purvà ora l lift nuef. David Lardschneider a paiamënt

Ciastel Filiela de Sureghes per avëi sustenì finanzialmënter i ntervënc per chiche à n handicap, coche l lift y la rampa, tla nudadoia de Sureghes. De gra de cuer!


nr. 27 / 15 de messel 2011

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Iniziatives nöies Por s’arjigné damì al conzert d’aisciöda, é musicontri dla Müjiga de Badia jüs a Kematen, por se dè jö dui dis alalungia cun so stromënt. Le conzert é garatè y śëgn s’arjignon da pité na novité. La musiga pîta n conzert rock cun i “Akoustic Problem”

Transalp y viabilité Ai 19 de setëmber röia la gara dles rodes “Transalp” a Al Plan de Mareo. Al sarà porchël n valgönes mudaziuns tla viabilité Al Plan - Dai 16 ai 23 de messè él söl program la gara dles rodes “Craft Bike Transalp”, che pëia ia da Mittenwald tla Germania, por rovè do ot tapes a Riva del Garda. En mertesc ai 19 de setëmber él söl program la cuarta tapa, che pëia da Porsenù demez cun travert a Al Plan de Mareo. Por rajuns de organisaziun y sigurtè jaràl porchël debojëgn da stlü n valgönes strades y plazes, sciöche inće da mudè en pert l’orar dla coriera. L’Assoziaziun Turistica d’Al Plan nes à menè alerch les mudaziuns.

Plazes stlütes La Müjiga de Badia sona le conzert.

Lies - La domënia ai 29 de mà à la Müjiga de Badia tignì so tradizional Conzert d’aisciöda, che tröpa jënt de döta la valada n’à nia orü se lascè sciampè. Le conzert é inće stada l’ocajiun por ti surandè a Astrid Tavella la onoranza por i 15 agn de ativité a Astrid Tavella. A ëra ti vàl n complimënt y n lalt. Sce le conzert é garatè, spo é chësc dessigü inće mirit dl dirighënt Fridl y dl consëi cun so presidënt Philipp, che s’à lascè tomè ite val’ de particolar por s’arjigné ca ćiamò damì a chësc apuntamënt.

tla bela capela de Kematen, denant rock: le grup “Akoustic Problem” che al gniss spo tignì l’ultima proa. de Badia, metü adöm da Magdalena Dui dis dër intensifs de sonè mo inće de aorela cörta, che à indô n iade portè pro a na bona armonia danter düć i musicontri. Tratan le mëis de jügn à les proes n pü’ lascè do, mo de messè éra bele indô piada ia cun gran entusiasm. En sabeda al 1. de messè èl gnü tignì danmisdé na proa da marcè y atira dedô à i portabandira Le grup “Akoustic Problem” sonarà cun la La sabeda y domënia dan le fistidié por na bona Müjiga de Badia. conzert, s’à döta la musiga metü marëna, denant che al söl iade por jì a Kematen söl Ritten, metess man le pice turnier dl palê. Frenademez y Silvia Alfreider che por se dè jö bëgn dui dis alalungia ćianta, Jones Adang y Bruno Irsara cun so stromënt. Por vigni register Conzert rock cun la ala chitara, Alex Clement ala chitara él gnü chirí n bun maester che bas y Florian Valentin ala bateria; musiga insignâ no ma i toć, mo inće tecnica implü sonarà inće para Andrea da sonè, trà le fle y i.i. Le danmisdé L’apuntamënt plü important dles Tasser al synthetiser. I Akoustic ê dediché al laûr de grup y domisdé proscimes edemes é dessigü chël Problem é nasicüs sciöche proiet ê spo odüda danfora na proa düć dla sabeda ai 23 de messè. Por chël dal grup “Innuendo” tl ann 2003 y deboriada. Da sëra à spo düć dé s’à le dirighënt y le consëi indô sona musiga metal, rock, pop, sambëgn n pü’ podü s’la gode y fà lascè tomè ite n conzert ch’é dessigü sciöche inće country, blues y hip festa. La domënia da misdé à siur na premiera te nosta valada: la hop, mo suradöt tl ultim tëmp inće Sepl Granruaz dit na Santa Mëssa musiga acompagnada da n grup toć scrić y instrumentà da d’ëi instësc. De novëmber 2010 à le grup davagné le pröm pest pro le concurs “Kinderrechte Songwettbewerb” tl Cassianeum a Porsenù. L’inom “Akoustic Problem” é gnü chirì fora deache i tòć che vëgn sonà n’é nia dagnora sciöche i originai, mo cun val’ aranjamënt personal o te n contest de n proiet particolar, sciöche chël cun la Müjiga de Badia. Tratan le conzert ai 23 de messè saràl da aldì toc de Michael Jackson (Triller – Earth Song), de Elton John (Can you feel the love tonight – Don’t let the sun go down on me), Lady Gaga (Poker Face), John Miles (Music) y atri. Na repetiziun - inće sce ma en pert - saràl ai 14 Onoranza pro le conzert d’aisciöda. Dmc le dirighënt dla Müjiga de de agost tres a S.Linert de Badia. Badia Fridl Pescoller, le presidënt Philipp Lerchegger, la onorada Astrid Tavella, le presidënt dla UMVB Carlo Castlunger y Johann Hilber, Heinz Canins surastant de Puster dla Lia dles Musighes de Südtirol. por la Müjiga de Badia

La plaza da parchè dan le Hotel Corona é stlüta dai 18 de messè dales 17.00 ćina ai 20 de messè dales 10.00, chëra dan le Sportcenter Mareo é ocupada dai 13 ai 20 de messè dal tendun. La plaza de dlijia gnarà stlüta dal lönesc ai 18 de messè dales 17.00 ćina al mercui ai 20 de messè dales 10.00.

Strades en pert stlütes En mertesc ai 19 de messè sarà

la strada danter Rina y Longega stlüta dales 10.45 ales 11.45 za., chëra da Longega ćina sö dal Festl dales 11.00 ales 12.00 za., tla localité Valiares/Al Plan (dal Hotel Les Alpes ćina te plaza de dlijia) éra stlüta dales 11.45 ales 12.45 za. Al é preodü che i pröms atleć röies al travert te plaza incër misdé. En mercui ai 20 de messè saràl dales 9.00 da doman la partënza dla cuinta tapa, da Al Plan ćina Alleghe. Dales 7.30 ćina ales 9.15 sarà stlüta la str. Catarina Lanz, dal Hotel Sole ćina al Hotel Corona; dales 8.45 ales 9.15 stlujaràn la medema strada dala plaza de dlijia ćina ite dala Ćiasa dl parch natural.

Mudaziuns dl UNESCO Shuttle En mertesc ai 19 vëgnel tut demez le iade Al Plan - Longega dles 11.19 y chël da Longega a Al Plan dles 11.33. Le Mareobus zircolëia regolarmënter. Dal mertesc ai 19 al mercui ai 20 dales 10.00 vëgn la fermada tla plaza de dlijia sostituida cun chëra pro le Hotel Monte Sella. (pablo)

L’ann passè pro le start dla Tour Transalp. Chësc ann röiel alerch la Bike Transalp.

www.lauscdiladins.com

11


Val Badia

nr. 27 / 15 de messel 2011

A San Ćiascian n vider sön la preistoria Al nasc le “Museum Ladin Ursus ladinicus”, che ti dà alberch ala laûrs preistorica dles Dolomites. Ai 30 de messè la inauguraziun dl Museum. Trëi alzades cun reperć unics y le schelet intier dl tier tan vedl che se cunta de tröc socrëć dl passè Dolomites, danter stalatić de na belëza rera. N üsc che nes condüj tla preistoria.

La sensaziun dan feter 24 agn

Conturines, olache al é gnü ciafè l’ander dles laûrs.

San Ćiascian - An à 4 ores da rové sö dal ander dles Conturines, amesa na contrada straordinara: an pëia ia da San Ćiascian (1725 m), va dal Armentarola ite dala

Capanna Alpina y sö por Col de Loćia, por jì spo inant sö por Valun dles Avares ćina a na altëza de 2800 metri, olache al vëgn a löm, da n passè dër dalunc, l’Ander dles

Laûrs, sot la piza de Conturines. Na escurjiun nia saurida. Tl ander sö alalt, a 200 metri de profondité, s’â les laûrs dan da n 50-40 mile agn fat süa coa tla pera dles

L’ander ê gnü descorì ai 23 de setëmber dl 1987 da Willy Costamoling da Corvara. En chël dé ê Costamoling jü por caje ite por na sfënta sot la piza de Conturines. Al ne podô sambëgn nia s’imaginé che al ess descorì valch de unich: dan da d’ël s’âl daurì n ander plëgn de osc dla laûrs “di andri”, n tier mort fora, che à dè informaziuns importantes sön les Dolomites tl tëmp dla preistoria. Ti agn do la descurida é l’ander gnü studié, ćiavè fora y esplorè sistematicamënter da n grup de inrescida dla Université de Viena sot la direziun dl professur Gernot Rabeder. I resultać de chësta inrescida ê sensazionai: la laûrs dles Conturines aldî pro na raza nöia dla laûrs di andri mai descrita denant, batiada Ursus ladinicus, en onur di ladins dles Dolomites. Al ê inće gnü ciafè resć dl liun di andri. Reperć che ciafa na valüta fondamentala por studié le tlima preistorich tles Dolomites. Al é stè na descurida unica, sce an conscidra danter l’ater che chël dles Conturines é l’ander plü alt mai ciafè, cun reperć dla laûrs y dl liun di andri. La particolarité dla descurida dles Conturines sta inće tl fat che ara se trata dl pröm y por le momënt su fostü dla laûrs di andri de döt le raiun dolomitich. Mo ćiüna é pa stada la rajun che à sburlè les laûrs da morì tl ander dles Conturines, nes lascian n sëgn de n passè por tröc aspeć ćiamò misterius? Y ćiodì viôres pa a chë altëza? Les domandes é tröpes.

Ala fin de messè la inaudaziun

Le professur Gernot Rabeder.

Le stalagmit “Raiëta” tl ander de Conturines.

Por ciafè na resposta, por incuntè plü daimprò chësta laûrs tan vedla y por amiré le gran schelet ne mësson nia jì sön Conturines. I reperć gnarà metüs fora tl

“Museum Ladin Ursus ladinicus”, che gnarà inaugurè ai 30 de messè. Le Museum nü aprofondësc, cun na mostra permanënta, tröc aspeć dles Dolomites y de nosc passè plü dalunc y deura sö n valgönes plates sön la eté preistorica. Imprömadedöt desmóstrel che le tlima ê tles periodes danter les dlaciaziuns dan da plü o manco 40.000 agn dër ćialt y le confin di lëgns (al dedaincö plü o manco a 1900 metri) rovâ tan co sön porta dl ander, a 2800 metri. Te chësta manira podô la laûrs, daldöt vegetariana, suravire pazifica por döta l’ann a chësta altëza, incö tan estrema. Les mandles fajô sü pici tl ander, y canche i pici ê chersciüs pascoriâ les families dlungia l’ander. Ia por l’altonn spo s’un jô les laûrs tl ander a passè l’invern. Domandes y respostes, metüdes te n contest paleontologich y paleoambiental dla regiun dles Dolomites. Le museum, sënta destacada dl Museum Ladin da San Martin de Tor, se svilupëia sön trëi alzades: sö alt mëtel man la mostra cun la formaziun dles Dolomites, olache al vëgn presentè de beliscimi corëć che caraterisëia le raiun da San Ćiascian, por cuntè spo dla formaziun dl ander, dla storia dla descorida y dla escavaziun. Al vëgn implü ćiamò splighé, tres la mostra di reperć originai, düć i aspeć dl ambiënt y dla vita dla laûrs di andri. Tla pert sot tera dl museum él l’”ander dles laûrs”, na recostruziun de n valgügn ambiënć dl ander dles Conturines, olache an podarà amiré “la laûrs che dorm”. La escurjiun ćina sö dal ander ne va porchël nia debojëgn, inće sce ara stlüj jö n iade tl passè, che po mëte man cun la vijita dl museum nü y se rové cun na spazirada plütosc impegnativa mo dessigü afascinanta, da fà ma cun n mënacrëp ofizial. Informaziuns plü menüdes ciafon tl Museum Ladin Ćiastel de Tor, strada Tor 65, 39030 San Martin de Tor, tel. 0474 524020, info@museumladin.it, www. museumladin.it (Ofize Stampa Pizzinini Scolari ComunicAzione)

Lotaria dl “Kirschtamichl” I publicun i numeri dla lotaria a Antermëia, olache i pesć n’à nia ćiamò ciafè so patrun Lotaria - En gaujiun dla Segra d’Antermëia, ai 10 de messè, él inće gnü invié ia na lotaria dl “Kirschtamichl”. Le Grup di Jogn da Antermëia lascia alsavëi i numeri dles zetoles fortunades, olache i pesć

12

www.lauscdiladins.com

n’é nia ćiamò rovà pro so patrun. I numeri é: 622 ghel, 816 ghel, 762 ghel, 358 ghel, 808 ghel, 397 bröm y 649 ghel. Chi che à davagné n pest, po tó sö contat cun Armin, al nr. 348/3977744.


Val Badia

nr. 27 / 15 de messel 2011

Le Duisburg a San Martin La scuadra todëscia dl MSV Duisburg é stada de jügn por 10 dis alalungia a San Martin de Tor, por s’arjigné ca ala sajun dl palê nöia

Por laurè indô deboriada Tla sentada dl consëi de comun da Corvara él gnü istituì n comitê strategich, che dess portè pro a na miù colaboraziun danter les döes listes

Mëmbri dla Uniun Sport San Martin cun dirigënć y śogadus dl MSV Duisburg.

San Martin - Le MSV Duisburg śoga tla 2. Bundesliga dl campionat todësch. Chësc ann ési rovà tla finale de copa cuntra le Schalke 04, olache ai à pordü dan 80.000 spetadus. Le MSV à n beliscim stadium nü cun na capazité de 32.000 porsones, olache la nazionala taliana é stada “aćiasada” tratan i campionać mondiai de palê dl 2006, che i “azzurri” à spo inće davagné. La scuadra à albü tratan chisc dis so cuatier tl Hotel Fanes a San Ćiascian. Alenè s’ài vigni dé sön le ciamp al palê “Pradel”, olache ai à albü inće trëi partides d’amizizia cuntra na seleziun de śogadus de Südtirol, cuntra l’Austria Lustenau (2. Bundesliga tl’Austria) y cuntra le SC Kriens (2. Bundesliga tla Svizra). Por mirit de chëstes

partides à la jënt dl post podü odëi n jüch al palê de livel alt tla Val Badia. Inće tratan düć i alenamënć sön le ćiamp dl sport da San Martin à la jënt podü osservè śogadus tla scuadra dl MSV Duisburg, che śoga inće te sües scuadres nazionales desvalies tla Cina, Romania, Bulgaria, USA. An à inće podü amiré l’alenadù di portiers Oliver Reck, ex portier tl Werder Bremen y Schalke 04, che à inće davagné cun la nazionala todëscia i campionać europeics dl 1996. Tröpa jënt à podü tratan chësc tëmp odëi n iade sön le post i alenamënć de na scuadra che śoga a n livel alt. I rapresentanć dla scuadra todëscia é stà dër contënć y sön so sît internet ài laldè l’Uniun dl Sport da San Martin. Chësc ritiro é gnü organisé en colaboraziun danter l’ajentöra

Flash Light da Balsan, le Hotel Fanes, l’Uniun dl Sport da San Martin, le Comun y l’Assoziaziun Turistica da San Martin de Tor. La colaboraziun é dër garatada y düć à laurè bun adöm. L’Uniun dl Sport da San Martin oress rengrazié düć sü mëmbri che à fistidié dé por dé por le bun garatè dla iniziativa sön le ćiamp dl sport “Pradel”. Por organisé n te’ gran avenimënt mëss laurè adöm istituziuns desvalies y chilò ô l’Uniun dl Sport rengrazié le Comun y l’Assoziaziun Turistica da San Martin, la Uniun dl Sport Antermëia, i Jogn y i Stödafüch da San Martin, sciöche inće les dites privates che à daidé para. Tratan le campionat 2011/12 jarà na rapresentanza de chëstes istituziuns a Duisburg, a odëi na partida y a passè na bela findledema. (gc, US San Martin)

D’isté cun le nightliner L’orar por l’isté y l’altonn sarà en forza ćina ai 19 de novëmber Viabilité - Ai 5 de merz de chësc ann é pié ia inće tla Val Badia le sorvisc cun le bus de nöt “Nightliner”, che fej vigni sabeda, por döt l’ann, plü iadi a nöt le tru danter Calfosch y Bornech o al contrar. Al momënt él en forza l’orar da d’isté y altonn, che é pié ia cun i 30 d’aurì y sarà en forza ćina ai 19 de novëmber. Un n iade cun le nightliner costa 2,50€, mo al é inće la poscibilité da fà na cherta che döra döta nöt, al prisc

de 4,00€. Cun chësta cherta ne pòn nia ma s’anuzè dl nightliner tla Val Badia, mo inće di atri nightliner te Südtirol. La terza poscibilité é la cherta por 10 nöts, che à n prisc de 25,00€. Le nightliner archita danter Calfosch y Bornech pro dötes les fermades de ligna.

I paîsc da na pert fora Le nightliner transiëia sön la

L’orar da d’isté y altonn dl nightliner dla Val Badia.

strada prinzipala dla Val Badia, porchël àn inće fistidié da mëte a desposiziun de mëndri taxis che condüj ti paîsc da na pert fora. Da Longega pëia sö dales 2.42 n taxi por Al Plan, da Picolin pëia ia dales 2.50 n taxi por San Martin y La Val, da La Ila pëia ia dales 3.10 n taxi por San Ćiascian. Por informaziuns plü menüdes sön le nightliner tla Val Badia y düć i nightliner de Südtirol: www. nightliner.bz.it.

Corvara - Les lîtes de comun dl ann passè à lascè süa merscia tl Comun de Corvara. Te consëi n'à les listes Uniun y Adüm nia dagnora mostrè spirit de colaboraziun. Na situaziun che ne dess nia jì inant insciö. L'assessur Daniel Alfreider â porchël bele portè dant por la sentada de merz la proposta de n comitê strategich, che se dess jö cun tematiches importantes che reverda le Comun, pro chël che al laurass aconsiadus de intrames les listes. De merz n'êra nia garatada da tó na dezijiun, mo tla ultima sentada de consëi, chëra di 27 de jügn, ê l’istituziun dl comitê indô al ordinn dl dé. Y en chësc iade àl ciafè forma. Suradöt ti ùnse damanè al assessur Alfreider ći che an ô arjunje cun le comitê. Al nes respogn: "Le travert prinzipal é chël che les döes listes laores y crësces adöm, deache chësc é dër important te n te' pice comun. Laprò él inće le fin da lascè laurè para i mëmbri dl consëi". Chësc comitê se tol a cör da laurè fora vigni ann n tema spezifich. La pröma tematica che an à cernü é la "cualité de vita", olache le comitê se tol dant da analisé ći che cualité de vita ô dì por i zitadins. Domandes che an ô se fà, nes dij Alfreider, é: "Ći nes fej pa stè saurì tl comun de Corvara, ći dà pa ligrëza da crësce sö na familia tl comun, ći nes lascia pa ester braui de nosta tera y ći podésson pa ćiamò miorè?" Fissé él inće gnü le secundo tema, che dess ester i zëntri di paîsc y la vita ti zëntri. Le grup de laûr é metü adöm da 9 porsones. Dl consëi fej pert l'ombolt Robert Rottonara, Daniel Alfreider, Stefan Costa, Carlo Declara, Conrad Irsara, Roland Adang y Christian Pezzei. Laprò àn tut dui mëmbri esterns: Stefano Pezzei da Corvara y Martin Ausserdorfer da San Laurënz. Chisc àn orü tó ite por avëi minunghes inće defora dal consëi. La lîta de Pezzei motivëia Alfreider cun le fat che al à albü esperiënzes de laûr fora por le monn y podess portè ite idees y odüdes nöies. Ausserdorfer é sciöche diretur dl "Zënter de osservaziun" dl BBT (Tonel de Basa dl Prener) n "colegh" de laûr de Alfreider, mo inće n so compagn al intern dla SVP (Generaziun Jona), sciöche inće assessur comunal da San Laurënz. Süa lîta motivëia Alfreider cun le fat che an ô inće mantignì contat y odëi ći che

sozeda ti atri comuns, y Ausserdorfer "é bindebò engajé de vigni vers inće cun i atri comuns, y à esperiënza".

Regoles por i ćians Tla sentada di 27 de jügn à le consëi inće aproè n regolamënt por i ćians. Te chësc regolamënt vëgnel scrit dant en sostanza les regoles che toca pro la buna cherianza. Ti areai publics mëss i proprietars condü le ćian cun na corda, che ne po nia ester plü co 1,5 metri lungia. Laprò mëssi avëi para n smusè da mëte sö tl cajo de prigo por les porsones. I escremënć di tiers mëss te vigni cajo gnì romenà sö. I ćians tacà pro la corda po gnì condüć te locai publics - adinfora de chi olache al vëgn venü alimentars, mo n titolar de n eserzize à le dërt da proibì l'azes ai ćians. Cun i ćians ne pòn nia ite tles cortines, tles plazes di jüć, ti urć de scores y scolines y te ćiampoprà tl tëmp dla chersciüda. Tl regolamënt vëgnel inće definì les sanziuns, che va da n minim de 50,00€ a n mascim de 750,00€.

Partezipaziun a sozietês Danter l'ater à le consëi spo fat fora da mantignì les partezipaziuns dl Comun de Corvara a deplü sozietês, plü avisa pro le Consorz di Comuns dla Provinzia, olache le Comun à paié ite 25,82€ (partezipaziun dl 0,81%), spo pro le Golf Club Alta Badia, olache al à paié ite n capital de 10.085,53€ (partezipaziun dl 20,17%) y spo pro la sozieté Selfin Srl, olache al é gnü paié ite 6.723,48€ (partezipaziun dl 0,84%). (pablo)

L’assessur Daniel Alfreider: “laurè y crësce adöm”. www.lauscdiladins.com

13


Maratona

nr. 27 / 15 de messel 2011

Bun compliann, Maratona! 10 de lugio 2011. La Maratona dles Dolomites complësc 25 agn. Tröpes é stades les novitês portades dant en ocajiun dl compliann de chësc avenimënt sportif che à odü al start passa 9.000 ziclisć

Michil Costa adöm ai organisadus dla pröma ediziun dla Maratona: (dmc) Albert Tavella, Ezio Camol, Eduard Tavella, Moritz Craffonara y Otto Vittur.

inće ai 1.350 volontars; giulan al comité organisatif y dantadöt giulan ales Dolomites, che da 25 agn incà i dà alberch a tres deplü atleć y a sües rodes.

Nos, salvans y ganes! Sis ores de direta tla televijiun, spetacui da zircus bele da doman adora y na mega turta - inće sce ma da soflè sö - é ma n valgönes cosses che é gnüdes organisades por festejé sciöche al toca le 25ejim compliann dla manifestaziun sportiva che caraterisëia l’isté dl Alta Badia; n compliann tl sëgn dl devertimënt, dl’ecologia y dla ćiarité chël dla Maratona Le presidënt dla Maratona dles dles Dolomites, che ti à sciöche Dolomites Michil Costa dan la mega vigni ann pité ai partezipanć trëi percursc: la Sellaronda (55 turta da soflè sö, cheriada en ocajiun chilometri), le percurs mesan dl compliann dla manifestaziun. (106 chilometri) y la Maratona Maratona - “Giulan” é le moto (138 chilometri). dla Maratona Dolomites 2011, che N zircus, cun sü jongleurs, chësc ann complësc 25 agn. Al ê i trampolisć, mangiafüch y musicontri 12 de messè 1987 canche n grup de ti à aodé n bun dé ai passa 9.000 amisc cun na gran pasciun por la ziclisć che se arjignâ ca por pié ia. roda organisâ por le pröm iade Vistis sö da salvans y ganes sonâ chësta manifestaziun sportiva. I chisc personaji raîsc y corns de tiers partezipanć ê 167. I tëmps gnô scrić y i jongleurs se tripâ cun osc, rans sö a man. L’entusiasm ê gran. N y peres. “I ùn orü mostrè nüsc entusiasm che é te chisc 25 agn gnü fostüs, sciöche ara ê chilò da nos intres maiù, sciöche inće le numer dan da milesc de agn. I sun pö intres de ziclisć: plü de 9.400 é i atleć che ćiamò n pü’ sciöche i salvans y les à tut pert al’ediziun numer 25 dla ganes”, spliga Michil Costa, presidënt Maratona. Le numer de partezipanć dla Maratona dles Dolomites. é chersciü intres deplü por i tignì bot al gran numer de iscriziuns, che I mius, les mius! chësc ann é ruvé a ca. 28.000. Le giulan i va porchël ai ziclisć, giulan Le davagnadù dla Maratona dles

Inće Musicontri vistis sö da salvans y da ganes ne à nia mancé, chilò adöm al diretur artistich Max Castlunger.

14

www.lauscdiladins.com

Siur Pire Irsara benedësc i ziclisć denant che ai pëies ia.

Dolomites 2011 (dl percurs lunch, de 138 chilometri) é n studënt de iurisprudënza, dl ann 1985. Giuseppe Sorrenti Mazzocchi da Treviso à sorpassè sün le Ju dl Giau le ziclist franzeje Michel Snel, che ê stè ćina a chël momënt tresfora pröm. Le jonn triestin à davagné cun cin’ menüć de vantaje. Na davënta “da su” é stada inće chëra dla ziclista belga Edith van Den Brande, che à batü l’atleta da Ancona Barbara Lancioni cun nü menüć de vantaje. Le percurs mesan é gnü davagné “tla jorada” da Marco Madrigali da Lucca, che à insciö batü por püć secunć Alessio Pareschi da Bologna. L’atlet marou Alex Feichter à arjunt le sest post. Döes atletes de Südtirol, Sabine Gandini da Porsenù y Astrid Schartmüller da Maran, à arjunt le pröm y le secundo post sön le percurs mesan tla categoria dles ëres. L’atleta badiota Debora Agreiter s’à plazè al cuinto post. L’atlet de paslunch Pietro Piller Cottrer à davagné la Sellaronda y Michela Gorini, ziclista de Arezzo, s’à plazè al pröm post tla categoria feminila, olache Maria Canins é gnüda cuarta.

La prominënza! Ala maratona à tut pert inće porsones prominëntes dantadöt fora dl monn dl sport: i sciadus Manfred y Manuela Mölgg, Werner Heel, Giuliano Razzoli y Pietro Piller Cottrer, che s’à plazè al pröm post te süa categoria. Pro

Le davagnadù Giuseppe Sorrenti Mazzocchi röia al travert.

la Maratona à inće fat para l’ex sogadù de palè Fabrizio Ravanelli, le canoist Antonio Rossi, Jury Chechi, le speaker dla radio Linus y le vize diretur dla Rai Gianfranco Comanducci. Na gran prestaziun é stada chëra dl’ex pilot de formula un, Alex Zanardi, che, do avëi albü n gran inzidënt, à pordü intrames les iames. Zanardi à stlüt jö le percurs Sellaronda cun süa handybike te ca. trëi ores. “Adöm a mia fomena, che é chilò ia che ëra m’aspeta, é la Maratona la plü bela cossa ch’é tla Val Badia”, à dit le pilot do avëi passè le travert.

La filosofia! L’ediziun dla Maratona 2011 é stada n’ediziun dër ecologica. La sconanza dl’ambiënt i stà dër a cör ai organisadus y bel avisa él gnü metü sö na regola che prevëiga che sce valgügn vëgn abinà che ai sciüra ciomënt ia por tera tratan la gara, gnarà chësta porsona sferiada jö automaticamënter dala Maratona y da dötes les atres gares che fej pert dl proiet Five Stars League. Chësc proiet, sostignì da Coni (Comité Olimpich Nazional Talian) y dal Ministêr dla Sanité é gnü metü da jì dala Federaziun Ziclistica Taliana y da Petit Vélo A.S.D. Five Stars League é n proiet che se crüzia dla sconanza dl’ambiënt y dla sanité y se tol dant da jì de cuntra a comportamënć antisp or tifs tratan gares ziclistiches a livel amatorial. Implü se à dè jö l’organisaziun dla Maratona dles Dolomites por

La ziclista belga Edith van Den Brande (amez) à davagné le percurs lunch rovan dan Barbara Lancioni (a man ciampa) y a Monica Bandini (a m.d.).

Al start a La Ila êl passa 9.000 ziclisć.

ciafè indô, sciöche l’ann passè, na detlaraziun de “carbon neutrality”. Chësta detlaraziun vëgn arjunta tres le smendrimënt dles emisciuns de gas “efet sera”.

Ćiamò na vijiun: ćiarè ai atri! N’atra gran novité reverda les cuotes dles iscriziuns. Le prisc plü alt dl cost dl’iscriziun che é gnü paié ite dai ziclisć, à contribuì al finanziamënt de 25 de pici proieć de ćiarité metüs da jì en gran pert dal’Onlus/Ong “Insieme si può”, mo inće da d’atres assoziaziuns locales sciöche le “Südtiroler Bäuerlicher Notstadtfond”, “La strada - der Weg”, l’assoziaziun cuntra i crebesc de Südtirol y l’Assisport. I proieć de benefiziënza cöi adöm finanziamënć por daidé i popui dl’Uganda, dla Somalia, dl Ruanda, dla Costa d’Avorio, dl Benin, dl Burkina Faso, dl Madagascar, dl’Argentina, dl Brasil, dl Afghanistan, dl Pakistan, dl Vietnam, dla Tanzania y de Haiti. I finanziamënć é inće gnüs trać ite tres sms dal valur de 2,00 € che é gnüs menà ite al’Onlus/ Ong “Insieme si può”. L’ediziun dla Maratona à indo albü n gran suzes, n suzes che crësc vigni ann deplü. Al basta i ćiarè al numer de iscriziuns che ne cara nia. Döt chësc fej sperè te n bel dagnì por la manifestaziun sportiva che, sciöche le presidënt Michil Costa à bele dit danfora, arà n ater ann sciöche sò moto le rì. (katia pizzinini)

I schiadus Manfred y Manuela Mölgg y Werner Heel à inće tut pert ala Maratona.


Maratona

nr. 27 / 15 de messel 2011

“La Maratona insëgna inće y educhëia” Intervista a Michil Costa, presidënt dla Maratona dles Dolomites

Michil Costa y le logo dla Maratona 2011: 25 iadi giulan!

L'ex pilot de F1 Alex Zanardi röia al travert sön süa handybike.

La Usc: La Maratona é... Michil Costa: La Maratona é na esplojiun de ligrëza. Podëi vire cun la jënt che tol pert a chësta manifestaziun y stè amesa döt le movimënt che s’à cherié incër la Maratona ia é por me n momënt de grandiscima pêsc, n momënt de chît. I sun dla convinziun che i momënć plü gragn y plü importanć de nosta vita n’é nia i momënć da na gran vera, mo i momënć olache al é chît y pêsc.

esperiënzes plü beles de süa vita. Chësc é l’amur por la fadia, la poesia dla fadia.

La maratona à albü chësc ann indô dër n gran suzes. An po lì l’entusiasm y la ligrëza ti ödli de tröc: di partezipanć, di volontars, di organisadus y de chi che ćiara pro. Chësc entusiasm é n sentimënt che crësc vigni ann deplü... Entusiasm vëgn etimologicamënter dala parora greca entheos, che ô dì Dî te nos. Le filosof Spinoza dijô “Deus sive natura”. Chësta frasa é n pü’ le moto de mia vita. L’entusiasm crësc intres deplü, deache al é na flocora, na ona, n Zeitgeist che le amplifichëia. Sciöche na luvina, cöi ite chësc entusiasm intres plü porsones. L’entusiasm se sleria fora tres n passaparora che n’à nia ćiamò na fin. Al à impormò metü man y al crësc intres deplü. L’entusiasm vëgn inće dales stories particolares che nasc tratan la manifestaziun. I pënsi, por ejëmpl, a Alex Zanardi, ex pilot de formula un, che à pordü, a gauja de n bur’ inzidënt, intrames les iames. Al me gnô prësc da pité canche i à odü che al é rové al travert cun süa handybike. Y dedô m’àl dit che tó pert ala Maratona dles Dolomites é stada öna dles

Chësta ediziun à portè tröpes novitês. Danter chëstes la orentè da dè vita a na gara intres plü ecologica... La orentè da fà la Maratona intres plü ecologica pëia dessigü ia da na mia idea. L’ecologia y la sconanza dl ambiënt toca pro mia manira da vire. Al é na filosofia de vita. Inće chësc ann à la Maratona dles Dolomites ciafè la zertificaziun de “carbon neutrality” y la valutaziun é stada miù co l’ann passè. Le matematich Lorenz dijô che sce n paom sbàtora les ares a Sydney fêjel gnì la plöia a New York. Cun vigni boza de plastica che iö cumpri i feji n dann al planët y n tort a me instës. Vigni aziun à sua conseguënza. Sce al é 30.000 porsones al dé che mör da fan él inće mia colpa y iö pò y mëssi fà val’ decuntra.

Debora Agreiter cun Bruno Bonaldi.

25 agn de Maratona. Por Os dla organisaziun é chësc le dër travert... Por me ne se tràtera nia de n travert. Ara se trata de na bela plata de chësc liber che vëgn ćiamò scrit inant. 25 agn n’é nia n travert, al é na tapa de n iade che an ne sa nia tan lunc y olache al nes portarà.

La Maratona ô pö inće ester n meso por daidé chi che à plü de bojëgn... Scê. Tres cuotes d’iscriziun maiorades él gnü trat ite fonds por finanzié proieć de ćiarité te deplü perts dl monn. Al ê cuotes che costâ 150,00 €, 400,00 € y inće n valgönes che costâ 1.500,00 €.

"Nos stun cun i ultims". Na gran vëta por recordè che la Maratona é inće ćiarité.

Dötes é gnüdes venüdes. A chisc proieć i stunse dër do. Nos ne i menun nia ma i scioldi a chi che n’à de bojëgn, mo ćiarun inće che ai vëgnes adorà por fà val’ de ütl. Ći efet à pa albü la maratona, da Os infora, sön le turism? Por merit dla Maratona à metü man da se svilupé na forma de turism sotenibl. Iö ti diji a chësc inteligënza turistica. An podess inće fà n turism basè sön i motors, mo da me infora é plü ideal n turism fat de porsones che va ion cun la roda y che aprijëia la natöra y i crëps. An mëss ponsè che n ziclist n’é nia compatibl cun n motoziclist; le pröm chir le chît y la pêsc, le secundo la vera y la velozité. En ocajiun dla Maratona vëgnel adalerch tröpa jënt y tratan i dis dan la manifestaziun él n gran sotissura sön les strades, mo iö pënsi insciö: l’Alta Badia à a desposiziun 15.000 leć y chisc vëgn düć inplis fora. Sce al foss ma 10.000 leć gnìssel mefo 10.000 porsones. Plü leć che al é, plü jënt che al vëgn.

La "bisca" de ziclisć röia sön Ćiaulunch.

Ći efet à pa albü, da Os infora, la manifestaziun sportiva sön la jënt che vir te nüsc paisc? La Maratona à portè a n aumënt dla sensibilité dla jënt ti confrunć dl ambiënt y de na forma de turism sostenibl. Dan da diesc agn êi un di püć che ponsâ da limité le trafich sön i jus. Śëgn n’él bele deplü che la pënsa sciöche iö. Chisc dui ziclisć à fat la Maratona cun le tandem.

Cô odëise pa Os le dagnì dla Maratona? Al é dessigü cosses che mëss gnì miorades, mo iö pënsi che la Maratona ais dër n gran potenzial

nia ma por la Val Badia, mo por dötes les valades ladines. Ara pò portè a na idea de turism che tol ite dötes les valades. Mo an mëss

Maria Canins cun süa fia Concetta.

Michil Costa cun Mauro Corona. Le scritur à tut pert ala direta.

dagnora tignì cunt che le turism à inće sües limitaziuns y al ne pò nia jì a dann dla natöra. (katia pizzinini)

www.lauscdiladins.com

15


Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

nr. 27 / 15 de messel 2011

Sotescrit l davegnir de Fascia La cordanza de program “Fascia tel davegnir” é stata firmèda da la Procuradora Cristina Donei e dal president de la Provinzia Lorenzo Dellai

L president Dellai con la procuradora Donei, l president del Consei General Bernard, l vizeprocurador Cloch e l'assessor regionèl Chiocchetti.

Politica - En jebia ai 7 de messèl del 2011 l’é stat sotescrit “Fascia tel davegnir”, la cordanza de program anter l Comun General de Fascia e la Provinzia autonoma de Trent. La Procuradora Cristina Donei e l President de la Provinzia Lorenzo Dellai, tedant a duta la jonta di ombolc e chela provinzièla i à pojà sia firmes su n document che raprejenta proprio l davegnir de duta Fascia. N nef svilup unitèr scomenzà acà n an, ai 14 de messèl del 2010, canche l’é nasciù ofiziamenter l Comun General de Fascia l’an passà e che per la pruma outa met ensema i besegnes e la prospetives da Penìa a Moena. Te Comun General a Poza da doman bonora se à binà la jonta provinzièla che l’à rejonà di ponc a l’orden del dì olache l’era ite ence la nomina de la dotora Marilena Defrancesco desche nef dirigent del Servije mendranzes de la provinzia de Trent. Dò la jonta, i

ujes de la sala grana é stac averc ence al publich, che à podù tor pèrt a la firma de la pruma cordanza de program anter la Provinzia e na Comunanza de Val: “Fascia tel davegnir”. L’é stat n moment storich, de gran valuta e de gran emportanza, fosc l più gran enscin ades dò la naa del Comun general. La firma del protocol “Fascia tel davegnir” ge dèsc gran poder al Comun General che ades l podarà tachèr, semper col sostegn de la Provinzia, duc i lurieres metui ite te la cordanza che la se poja su trei filons de basa: l’identità ladina, l teritorie con particolèra atenzion a l’ambient dolomitich e l’economìa veduda desche capazità de svilup che l cogn esser semper de più en sinergìa con la cultura e l’ambient. “Fascia tel davegnir” l’aea ja abù l’aproazion tant del Consei General che de la Jonta provinzièla, ma dant de firmèr l’era stat domanà n

confront en più con la Provinzia. Coscita dal confront e da la condivijion con i servijes e i assessorac de la Provinzia se é rué a pojèr la firma su chel “gremen de idees” metudes jù su la chèrta e che ades les podarà esser convertides te azions e lurieres concrec. I ambic tematics olache se jirà a lurèr i tol ite: l svilup de la rees de conescion per la mobilità e la comunicazion eletronica; l stravardament de la promozion de l’identità con la politica de lengaz e de la cultura ladina; l stravardament e la valorisazion del patrimonie ambientèl; la promozion del turism; l potenziament di servijes sozio sanitères con l renforzament del capital sozièl. Te la pratega ge vegnarà dat priorità

a la circonvalazion de Ciampedel e Cianacei, vegnarà fenì chela de Vich e se jirà ence a fenir la strèda de la rodes che lea duta Fascia. Dapò vegnarà dat ence l met de comedèr la costion de la strèda sun Fedaa e de didèr i operatores che à intenzion de fèr fora sia strutures. No vegn tout ite la costion de l’impiant sun Marmolèda per l moment e per la costion del la viabilità sui jouves tant la Provinzia che l Comun General fèsc a saer che no i é a una per meter sù n daz. Amò vegn scrit de la politica de lengaz, de la cordanza del Ciadenac, de Cèsa Costazza e de l’area de Sèn Jan e per ogneun de chisc ponc l’é stat metù dant l’obietif e l’empegn da pèrt de la Provinzia per l portèr a compiment. Sibie la Procuradora Cristina Donei che l president de

Dellai e Donei à sotescrit la cordanza “Fascia tel davegnir".

la Provinzia Lorenzo Dellai, ma ence l president del Consei general Cesare Bernard e l’assessor a la mendranzes Luigi Chiocchetti, à palesà sodesfazion e orgolie per la sotrescrizion de la cordanza e i à uzà fora te si descorsc la volontà de portèr inant con gran empegn i obietives scric sul papier per realisèr fin junfon l dezentrament autonomistich e la devoluzion de la competenzes ai enc periferics a la basa de la reforma istituzionèla de la comunanzes de Val. L president Dellai à sotrissà che te n moment de crisa internazionèla l Trentin somea esser na ecezion ma “l’é semper debesegn de fiduzia e de empegn. Chest somea che sie n descors banal, ma la robes emportantes no les é mai banales, l svilup no l nasc da l’èlber di dejideries, l’é enveze l frut del sacrifizie, del lurier, e se se jirà inant coscita descheche la é dò a fèr Fascia, chesta sarà dassen na bona cordanza che la raprejenta n gran vèrech no demò dal pont de veduda programatich ma ence dal pont de veduda istituzionèl, che ge dèsc na posizion de gran valuta a duta la val e sia jent ti confronc de duta la provinzia”. Inant de serèr sù la sentèda, la Procuradora ge à consegnà al president Dellai na statua de legn che raprejenta n om col guant da fascian. Valentina Redolfi

L Museo à compì 10 egn La neva senta enaudèda del 2001 l’é na vedrina che moscia en curt i resultac de passa 30 egn de studies e enrescides e n pont de referiment prezious per la didatica Sèn Jan - L’à inom “N liber te museo” una de la scomenzadives pissèdes dal Museo ladin per ge sporjer na cercia de noscia cultura a chi che rua chiò d’istà e a noscia jent che vel se n emprevaler: 4 scontrèdes per rejonèr de publicazions vegnudes fora te chisc ùltimes tempes. Tel prum apuntament la scritora Brunamaria Dal Lago Veneri à prejentà so liber “L ream de Fanes”, dat fora da l’Istitut ladin en coedizion con la Giunti Progetti, e chesta l’é stat l’ocajion ence per rejonèr mìngol del Museo, che aea enaudà sia neva senta giusta acà 10 egn.

L regn de Fanes La produzion de Fanes – à dit l diretor Fabio Chiocchetti – spieia la vida de lurèr de l’Istitut: n projet peà via dal patrimonie di scric de Hugo de Rossi, che dò n lurier de studie e enrescida vegn lurà fora col lengaz atual da anchecondì, compagnà da dessegnes dal trat modern e “sgrafient”, de Fabio Visintin e da la museghes de Susy Rottonara (tel cd che compagna l liber), per ruèr a la fin al prodot de maor divulgazion, l dvd a dessegnes animé te cater lengac, destinà ence a la scoles e a la didatica, per otimisèr i sforc e ruèr daperdut olache l’é meso, ence travers la televijion, olache chest dvd é jit fora compagnà dai comenc de l’autora e de la prof.a

16

www.lauscdiladins.com

Ulrike Kindl, componenta de la Comiscion culturala de l’ICL, che à spiegà l’emportanza de n poem epich per n popol. “I poemes epiches – à dit Brunamaria Dal Lago Veneri – segna i gregn mudamenc de n popol, chel de Fanes conta l passaje da n veior ream de pèsc a un de vera. L’é l più emportant de la Dolomites, ensema a chel de Re Laurin che segna l’invajion di foresć che rua a rompir l fil de seida. Chela de Fanes l’é na lejenda veiora che conta fac che i é te nosc DNA, ma semper atuala se la troa jent che la propon endò a na vida moderna e enteressanta. Gé é chierì de durèr n lengaz che ge vae dò a la narazion a ousc, e é aprijià n muie la gran atenzion metuda da l’Istitut e da so Comitat scientifich tel vardèr fora ogne particolèr, tant di scric che di bie dessegnes de Fabio Visintin, acioche dut sie zenza fai. Spere che l dvd posse envièr la jent a se lejer ence l liber.”

a studièr fora “co” fèr te Fascia n museo vif e leà a sia tera. “Enlouta – à dit l’antropologh – sion stac i prumes, con la Sia de Penìa, a pissèr a n “museo sul teritorie”, che ades veit neva prospetives con la Mèlga de Fascia e fosc con autra sezions desche la vera e l’alpinism, se l’é l’enteress di aministradores. L Museo no l’é demò na esposizion de materièi, ma la vedrina de n conzet e de percorsc e enrescides fates da l’Istitut, che te chisc diesc egn i à seghità a jir inant. Un di ponc de forza de chesta istituzion l’é apontin l leam anter Istitut e Museo, anter n muion de

ativitèdes, che va da l’enrescida a la manifestazions, da la produzion de publicazions a la formazion de studenc e de jent che laora tel setor de la cultura e de la didatica.” En cont de la didatica é entervegnù - ence a inom de la Sorastanta – l responsabol de l’Olfed de la Scola de Fascia Vigilio Iori, che à sotlineà soraldut l’emportanza de la formazion per la didatica e de n bon coordenament con i servijes educatives del museo, e n salut e l develpai per l lurier portà inant l’é ruà ence da man de la Procuradora Cristina Donei. Su la prospetives per l davegnir del Museo à rejonà l

president de l’Istitut Ladin Antone Polam, che, dò aer recordà l’emportanza del lurier portà inant da chesta istituzion, l’à rengrazià l diretor e dut l staff e envià i fascegn a cognoscer e recognoscer de più chel che vegn fat, che somea aer maor aprijiament dai foresć che da noscia jent. Polam à ence anunzià che – dò aer mudà fora la sales de la modernità – l Museo à en program de se smaorèr per aer na sala per esposizions temporanes olache se posse meter fora e fèr cognoscer la colezions e i materièi che no troa lèrga te la sales espositives. (lg)

L Museo Ladin Per recordèr i 10 egn de la neva senta del Museo l’é ruà te Fascia ence l’antropologh Cesare Poppi, che à lurà a sia concezion fin dal scomenz, e i architec Alberto Winterle e Lorenzo Weber, che i à studià fora i alestimenc de la neva senta sot la vida de Ettore Sottsass Junior. Acà passa 30 egn Poppi, col diretor Fabio Chiocchetti, aea tacà

Na viva ai 10 egn del Museo Ladin da man di ideatores (da man dreta): Chiocchetti, Poppi, Winterle e Weber, con l president de l’Istitut ladin Antone Polam.

La scritora Bruna Maria Dal Lago Veneri à prejentà l liber “L regn de Fanes”


Fascia

nr. 27 / 15 de messel 2011

15 egn de festa te anter i tobié Per l’edizion del 2011 l’é stat endrezà na bela festa te piaz de Cianacei olache duc à podù fèr na viva e se magnèr n toch de torta

Te anter i tobié no podea mencèr la musega sonèda dal vif. (foto Francesco Pitscheider)

En vender sera se à binà tropa jent a festejèr i 15 egn de la manifestazion.

Cianacei - Ruèda a sia 15^ edizion, la festa “Te anter i Tobié” la é pontèda via con na bela festa averta a duta la jent de paìsc e da fora. Proprio coscita, chesta festes vegn fates per i ghesć, ma canche l’é l moment la festa la é bela

edizion de la festa più spetèda del meis de messèl te val de sora, che é jita inant con n bon suzess ence per dut l fin de setemèna. Anter bel temp, da magnèr douc e salà, da jièr e da pussèr, te anter i tobié se à podù curiosèr mìngol daperdut, te chela veia stues, stales e tobié se se à fat de bela ciantèdes e de gran grignèdes. L’empegn per portèr a compiment ogne an n’autra edizion l’é gran e Danilo Planchensteiner l’à volù proprio sotrissèr duc chi che se à dat jù. L’à rengrazià ence Silvano Planchensteiner e Erwin Rossi, i doi presidenc da dant, e duc chi che ensema a ic i à vidà la festa dant da el. L’augure l’é che chesta gran rei de gropes e de singoi volontadives la posse semper esser sèna e adum, percheche chisc 15 egn sie demò i prumes. (vr)

soraldut per la jent dal post. En vender sera defat i organisadores i se à pissà de se goder ence ic n moment algegher con na bela sorpresa per duc. Dant de orir ca i telons e descorir che che l’era te sot, a portèr dant vèlch

L grop de endrez de la festa con don Stefen Maffei e l’aministrazion de Comun.

La marchetenderes à moscià coche se fèsc paneles.

parola sun paladina te piaz l’é stat Mariano Cloch, ombolt de Cianacei e sobito dò Danilo Planchensteiner, president dal 2005 de la Festa e Enzo Iori president de l’Apt. Apede ic sun paladina l’era dut l comitat de endrez che tol ite l president Danilo, Giovanni Bernard, Renato Bernard, Stefano Bernard, Roberto Lorenz, Roberto Ongari e Daniela Perathoner. L piaz l’era pien e rès de jent e canche la volontadives à tacà a dèr fora la sorpresa l’é stat dut n gran biteboi de jent che chierìa de ruèr apede con aparac o fonins. Fotograf ìes n’é stat fat per duta la sera entorn chela maestousa torta da brama con soravìa duc i tobié de la veia Cianacei enjignèda da la co n d i to r ì a d e M au r i z i o Boninsegna. L’é stat coscita che l’é tacà la 15^

La couda tedant a la fortaes no la mencia mai.

Ite per anter se à vedù ence vèlch spetacol compagnà da la musega.

Ence chest an se à podù se beiver n bon café sot ciampanil de S. Florian.

La bona torta da brama enjignèda te piaz de Cianacei.

Chi él che à vent “L cunst del Salvan”? Te anter i tobié se se à mateà ence a endoinèr la paroles che mencèa ti proverbies da zacan

L Salvan l’à envià duc a tor pèrt al jech.

Una de la neves de chest an l’é stat ence “L cunst del Salvan”, l jech metù a jir da l’Union di Ladins de Fascia e da l’Istitut Cultural Ladin che i se à pissà de trèr cà veies dic e proverbies touc sù da Simon de Giulio e Hugo de Rossi. Aló da la cèsa de Lino de Gostin o stroz per la festa se à podù ciapèr te man la zedoles da color con sù i desvalives proverbies da fenir e ruèr coscita a endoinèr la soluzion. L’é stat n gran suzess che à tirà a se sproèr con chisc dic da n’outa jent de età, joegn e ence bec... e no pa demò fascegn ma ence foresć. Per i più curiousc, ve scrivon la soluzion finèla de la 5 zedoles. Zedola bruna: “Chi che paa inant resta mal servì”; biencia: “Chi che vel dut, lascia dut”; verda: “L temp laora, la jent deida” (ma l’é stat tegnù

bon ence chi che à scrit “La jent laora, l temp deida”); resa: “Bocia che veste, venter che peste”; śalina: “Freit e fam fèsc catif pelam”. A tor pèrt l’é stat più o manco 700 jent e de chisc che à endoinà n’é stat 80 che i à abù l met de tor pèrt a la doi estrazions che aea desche premie n bon da 50 euro da spener te Coprativa de Cianacei. Te l’estrazion de sabeda l’é stat tirà fora a la brusca l numer 40 e en domenia l numer 81. L’Union di Ladins e l’Istitut Cultural Ladin ge sporc n bel develpai al patron de cèsa Lino Suen de Gostin e a duc chi che à tout pèrt e i é jic a i troèr. Chi che à i numeres venjidores i pel jir a se tor i bons te senta da l’Union di Ladins te strèda de la Pieif a Sèn Jan, o telefonèr al 0462. 764545. (vr)

N muie de jent de ogne età à proà a fèr “L cunst del salvan”.

www.lauscdiladins.com

17


Fascia

nr. 27 / 15 de messel 2011

Nef comandant per i Studafech de Ciampedel Umberto Riz, dò 14 egn a cef del grop de volontadives de Ciampedel, ge lascia l post a David Favé Ciampedel - L prum de messèl l capocomun de Ciampedel Renzo Valentini, tolan su la proponeta di studafech volontadives del paìsc, che se aea ja troà via per l meis de jugn, l’à enciarià comandant del grop l jon David Favé, 30 egn, che l tol sù l’arpejon de Umberto Riz stat comandant per 14 egn alalongia. David Favé l’é ruà tel grop di studafech de Ciampedel desche arlief canche l’aea demò 12 egn, de 18 l’à scomenzà l servije e da cater egn en ca l’era capo-squadra. Vize comandant é stat enciarià amò n’outa Francesco Rizzi de Pezol, 31 egn, che l cour chesta encèria jà da cater egn.

Umberto Riz: béleche 40 egn da studafech e 14 da comandant Umberto Riz l recorda amò chela domana che ge aea fat tel meis de oril del 1972 Mario Rizzi de Pezol, “No te ves mia vegnir ti pompieres? Te vegnes ite al post de Giacum de l’Ors”. Umberto, l’aea demò 21 egn, l’à responet con

Umberto Riz l’é stat comandant di Studafech per 14 egn.

gaissa de scì a chesta domana e da enlouta no l’à mai lascià l grop. L’é jit a Trent a fèr i corsc per doventèr studafech dapò più tèrt entorn ai egn 89 - 90 l’é jit ence a Pavia per i corsc de istrutor. Dal 1972 al 1997 l’é stat sot cater comandanc Cipriano Bernard de Manele, Giuseppe Rasom de Ida, Simone Cemin e sie fra Ottorino Riz. Te chi egn i studafech de Ciampedel i à mudà trei casermes, dant i era

aló da la veia scoles, dapò te cèsa de Minela e n ùltima olache i é ades ja Pent de sera. Umberto Riz l lascia con encresciment l’encèria de studafech e comandant, ti egn che l’é stat tel grop e ence a cef l’à chierì de portèr la proponeta neves che ruèa da Trent e no duc era contenc, no l’era sorì fèr entener che l’é n regolament da respetèr e norma neves che mudèa col jir di egn, aboncont l’à semper abù te l’Ispetor de Fascia Rinaldo Debertol, no demò n sorastant ma ence n bon amich che l’à semper didà a jir inant. Te chisc 39 egn da studafech volontadif, Umberto ge à metù l cher e l’ènema, no l’à sparagnà temp, sacrifizies e fadìa per portèr inant sie servije, te paìsc, te val e ence più dalenc con pascion e dedizion. L’à portà didament a la pera jent de la Val Topina tocèda dal teremot del ’97 e no l desmentiarà mai l rie moment de la gran desgrazia de Stava a Tieser de messèl del 1985. Del ’99 l’é stat te l’Albania dò la vera del Kossovo e del 2000 a Cogne te la val d’Aosta

David Favé nef comandant del grop de Ciampedel.

a didèr la popolazions tocèdes da l’egajon. La sera che l’à lascià l’encèria l ge à sport n fort develpai de cher a duc i studafech volontadives che à lurà con el, a l’ispetor Debertol, ai capocomuns, chel da dant Leonardo Bernard che l’era ence sie vize e chel de ades Renzo Valentini. L’à envià i jogn a esser stolc de esser studafech, a ge dèr onor a la mondura che i à tel dos,

a jir d’acort, a se tegnir semper vertesc per dut chel che aessa da sozeder, a fèr sie servije con pascion ma soraldut col cher per didèr con fondament e con amor chi che à de besegn. L prum de messèl Umberto Riz l compìa 60 egn e via per l dì duc ge à fat gran festa, l capocomun de Ciampedel Renzo Valentini, dant l ge à sport a inom sie e de l’aministrazion n bel develpai de per dut chel che l’à fat per la comunanza e da sera l ge à portà ence na bona torta con su na bela doucia scrita, “Augures per tie 60 egn - te restarès semper nosc comandant”. Umberto à palesà gran emozion, l’aea n grop tel col, l’era zenza paroles. L’à sentù la vejinanza de sie peconc, de chi de cèsa, del paìsc e te sie eies se à podù veder la fadìa di sacrifizies fac te chisc egn ma ence la legreza e l content per chel che l’à podù fèr per sia jent. Ades l lascia l’encèria per costions de età, ampò te sie cher l’é semper e amò n studafech volontadif. Annelise Vian

Ispirazions d’istà 2011

Union Europea da salvaguardar

N rich calandèr de scontrèdes che se aur en lunesc te Ischia coi Lukomorie. En vender ai 22 de messèl rua te Fascia Walter Kostner per prejentèr Gibì e Doppiaw

Te dotrei Stac, ti Länder de l’Europa venc i partic antieuropees de vedude: la Danemarca la controla sove frontiere, la Grezia la volesse adertura se tirar fora da la Comunità Europea. Enlaoita l’é ampò temp e ora de tor mesure per defener la gran Union politica Europea.

Cultura - Jan dò i troes che mena sa mont se se n adèsc de na realtà n muie naturèla, evidenta ma fascinousa e ence mìngol magica. I troes che mena sa mont fèsc ruèr en aut. E da l’aut se capesc n muie de robes, dut l’é più gran, più chièr. De chest vers la mont deida a la reflescion e la stimolea na certa spiritualità. Da chesta constatazion l’era pontà demez jà l’istà passà l’idea de portèr dant momenc de enconter e de dialogh anter l’esperienza umana e la sfera del divin, enteressanc per credenc e no credenc, per spartir e descorer idees e valores. L’é nasciù proponetes de calità, de stìmol, condividudes e aprijièdes, anter chestes ence la vijites vidèdes a duta la gejies de la val. Na esperienza da endrezèr endodanef. Coscita ence chest istà la Comiscion per la cultura, l’ecumenism e l dialogh interreligious del Decanat de Fascia, con a cef Cesare Bernard, à metù

18

www.lauscdiladins.com

jù endodanef n calandèr rich e de spessor. La rassegna de scontrèdes “Ispirazions d’istà 2011”, portèda dant en colaborazion con l’Apt de Fascia e i Comitac manifestazions di paìjes de la val, taca ite en lunesc ai 18 de messèl col prum apuntament a Ciampedel, te Ischia, olache da les 17.30 ruarà 30 bec e joegn che vegn da la parochia ortodossa de Sènta Sofia a Puskhin (Sèn Pietroburgh) che co la danza e l balet folcloristich comunichea

i valores de chesta scontrèda. I bec e i joegn sarà i protagonisć ence de la scontrèda de vender ai 22 de messèl, ajache te Pluriuso de Soraga rua Leopoldo Verona, l musizist sizilian che à scrit la mùsega per i personajes Gibì e Doppiaw. A scomenzèr da les 16.00 vegnarà portà dant n laboratorie a la descorida de chisc doi “paiazi” e de si messajes de amor, de pèsc e de amicizia e da les 18.00 ruarà ence Walter Kostner, l’autor gherdener de Gibì e Doppiaw, che sarà a la leta de duc i bec per dessegnèr sia vignetes. N apuntament de gran valuta sarà ence chel de en vender ai 25 de messèl da les 21.00 te Oratorie de Poza co la serèda dal tìtol “L’empegn di catolics te la politica d’aldidanché” con Padre Bartolomeo Sorge, gesuit e teologh e Lorenzo Dellai, president de la Provinzia de Trent, co la moderazion de Luigi Giuriato. L calandèr jirà inant amò con autra scontrèdes su l’ecumenism, la bioetica, la prejentazion del liber-intervista de papa Benedet XVI, conzerc e n musical. (mci)

Gibì e Doppiaw i personajes creé da Walter Kostner.

Perché pa doron l’Europa Unida? Enscin del 1991 la maoranza di europees i saea subit responer: aon besogn dla Union percheche sun chest continent no volon più soportar n’autra Vera. La Union Europea l’é stat la mior resposta a la Gran Vera e a la seconda Vera mondiala. Al moment de so istituzion l’era chest n moment de n pian de Pasc, e l’é amò. Tel 1991, canche l’é crodà l bloch comunist de la Ruscia, le robe le é mudade trop. L’é vegnù a sel dar n’autra situazion politica e l’ordinament del dapò Vera no l’era più chel. La idea de la Union Europea la se à slargià fòra, te l’afar de pöch temp, da 6 stac al numer de 27. La integrazion di stac de l’Est la é vegnuda zenza tenc de problemes e l’é stat zenza dubie n gran aveniment. Per la Polonia, la Ungarìa, la Cechia e la Slovachia, duc stac che aea soportà e tegnù fora i orores dla seconda gran vera, l’era ’sto program de Pasc valch da no poder renunziar. Ma dò tenc de egn de regim comunist ge saea ence bèl se governar enstesc. A Warsavia e a Budapest no i capiva percheche i cognea ge lasciar n mulge de competenze da destrigar a chi de Brussel e i aesse volù, dapò da tenc egn de regim forest, poder se endestrigar enstesc. Coscita vegnìa a menciar la sgaissa de vegnir a far part de l’Europa, percheche i se sentìa manacé te so endependenza tanche ben ciapada. Jiva stroz l dit, tra de ic, che se

noi autres no volon deventar, desche europees, desche na bala da jiar per le potenze più grane, enlaoita doron l’Europa Unida. Nesciun stat de nosc continent, nince la Germania o la Franzia, tel mondo da doman l pol aer tant pes per defener o far tor en conscidrazion i interesc ence vitai de n singol stat. Demò la Union Europea la pol aer la forza de far front al mercià mondial, chel de la China, de l’India, dla Merica, e aer fosc ence la soramessa. Zenza Union Europea sion perdui; nosc continent l’ombra l bel numer de 500 miliogn de abitanc, la China e l’India la à ensema entorn ai trei miliarc de jent. L gran no l’é dut tel mondo, ma l conta. El deventa scialdi più de pes su ’sto nosc pianet olache somea che l post vegne a menciar. Se i europees i völ valer valch, se ic enstesc i völ pensar al temp che à da vegnir, enlaoita aon besogn de la Union. Còme che ’sta Union la dojesse esser l’é amò mìngol de strada da far, i völ dir e fosc no depende dut da ela; te ’sto moment la se troa te mez a n mulge de pericoi. Se cognesse se recordar da spes l percheche la é stata metuda su. Zenza Union Europea i zitadign de ’sto nosc continent i aesse de segur na vita più manaciada e stritòc de seghit, e na dì dedicada ai tempes e a recordar le vere dl passà e l viver sorì daldìdancö con grà, ge volesse la conscidrar. Na festa a l’an la Union Uropea la se la meritassa. Veronica dl Tinoto Gabana


Fascia

nr. 27 / 15 de messel 2011

Istadèla comandèla, l viac di joegn draghes La contìa musicala de la scola “Il Pentagramma” vegn portèda dant ai 16 e 17 de messèl te teater de Navalge L’é l viac de passa 100 draghes che se auza su da la valèdes de Fascia e Fiem per se n sgolèr ledesc e zevii tel ciel brun. Joegn draghes che à reijes tel passà, ma che é leé al prejent e va envers l davegnir. L’é “Istadela comandèla”, na contìa musicala scrita da Stefen Dell’Antonio, metuda en musega da Ilario Defrancesco e orchestrèda da Ezio Vinante, ensegnanc de la scola de musega “Il Pentagramma” che se à tout sù l’endesfida de meter ensema n’òpera musicala coi joegn talenc de noscia valèdes. L’é n projet ambizious che vegnarà portà dant col sostegn del Comun de Moena e de la Region TrentinSudtirol con doi spetacoi che sarà te teater de Navalge en sàbeda ai

16 e en domenia ai 17 de messèl da les 21.00. Al maester Ilario Defrancesco ge aon domanà vèlch de chesta contìa musicala. Co éla nasciuda l’idea de portèr dant na contìa musicala coi studenc? “L’idea la é nasciuda dò che l Comun de Moena l’à prejentà per trei egn n projet portà inavant da na scola de musica de Bertinoro desche stage a livel nazional, olache per 10 dis se binava a Moena n grop de sonadores dai 14 egn en su. Per solit i fajeva n coment de n filmat de na contìa tradizionala desche per ejempie Ciadina. L’an passà i ne aeva domanà la colaborazion desche scola de musica e aon tot part co na cincantina de bec duc fascegn che fajeva l cor. Chest an se aon empensà de ge propor al Comun de Moena de se tor sù dut l’endrez e coscita l’é nasciù l spetàcol musical “Istadèla comandèla - Il viaggio dei giovani aquiloni”. Per i tesć ge aon domanà a Stefen Monech, che enveze che far referiment a le contìe tradizionale che jà duc cognosc, l se à empensà de n meter jù na neva fata de rime.”

ajache co la vertola di draghes aon tot cà la contìa de “L drach de Dona”, l’é ite referimenc al mont del Saslonch, da olache per solit se peta i parapenc, e ence a la contìa “La ziriöla de Saslonch”. Stefen l’à scrit tesć belebon ermetiches, l’à chierì soraldut de passar sensazions. Da chisc tesć aon creà i dialoghes che vegn conté dai atores travers le fegure de le vivane, di arlechign e de le strìe. L’é vegnù fora na contìa che rejona del prejent ma con referimenc al passà e na veiada ence al davegnir.” Donca no l’é demò orchestra e cor... “Na l’é ence part spilenade e balec. En dut tol part 108 bec, da la terza popolara a la pruma clas de la scola auta, de duc i paesc de Fascia e Fiem. I é duc scolees de “Il Pentagramma” fora che valch

De che rejonela pa chest’òpera musicala? “L’é la contìa de “aquiloni” che per fascian se ge disc draghes, che se lea metaforicamenter al sgol, al se librar te l’aria, lascian sgolar demez i cruzies. L’é na contìa che à ence n fort leam col teritorie

L maester Ilario Defrancesco, autor de la musega de “Istadèla comandèla”.

I bec del Pentagramma tel spetacol de l’istà passà.

un del Centro Danza de Tieser.” Cotenc ensegnanc ge èl lurà dò? “Più o manco na dejina de la scola de musica “Il Pentagramma” dapò l’é ence Angela Deflorian coi balarins de la scola de Danza de Tieser e Emma Deflorian che se cruzia de le part de recitazion.” Aede fat na selezion anter i scolees? “Na, ajache l’é la pruma esperienza e donca no aon volù far na selezion, amàncol per chel che varda l cor, ence percheche se ge dasc coscita l met de crescer a duc. Sorafora l spetacol, che segur à na so emportanza, chel che conta per noi l’é duta l’atività che aon fat per ruar al spetacol, l lurier de grop, se spartir i ruoi, ma ence meter ensema la contìa, dal scomenz a la

fin. Chisc bec i à abù la fortuna de proar na roba neva che se pensa per solit per chi più gregn e donca per ic restarà zenz’auter na bela esperienza. Vedaron l resultat, ma son segur che chest stage musical ge restarà tel cör a nesc tosac.” Intervista de Monica Cigolla

L placat de la contìa musicala.

Chi él pa? Soluzion del retrat su La Usc nr 26 L retrat che aon metù sù l’ùltima outa l ne era stat portà da Adriana Pederiva de Botega amò l’an passà. L tol jù 38 eles da Poza che del 1930 les aea tout pèrt al cors che vegnìa endrezà de domenia a Sèn Jan. A ne dir i inomes de la femenes che l’é sul retrat l’é stat, apede a Adriana Pederiva, ence Giuseppina Rossetti, Lino Soraperra Medico, Maria Deluca de Nenucia, Lodovica Zacchia e Angelina Florian Bertola. Sul retrat l’é: 1. Na Deluca dal Contin, Ida (per Lino) o Rosina (per Angelina); 2. Luigia Florian

32

37

38

“Gigia Muca” (per Lino e Angelina), o na Cincelli de Zeli, o Oliva (per Adriana); 3. Rita Pezzei de Mongo; 4. Ana Pezzei de Mongo (sor de la nr 3); 5. Luigia Degasper de Drom “Gigia Fucana”; 6. Maria Florian de Piz; 7. na Cincelli de Zeli o (per Lodovica) Angelina Florian de Micelin; 8. Maria (o Anna) Dorich de Coloc o Paolina Cincelli da la Paula; 9. Giulia Cincelli “Getta da la Paula”; 10. Maestra Paolina Cinzol; 11. Giulia Pezzei Carana; 12. Tullia Florian de Simonin; 13. Paolina Gross de Zoan; 14. Pia Detomas de Pieruc; 15. Maria Trottner de Anz; 16. Albina

36

35

31

Costazza da la Torn; 17. Maria Florian de Ciout maridèda Pescol; 18. Assunta (Lorenz o Cigolla?) de Cigolin; 19. Oliva Detomas de Pieruc; 20. Maria Deluca “Rocia”; 21. Vittoria Barbolini maridèda Pederiva (mère de Adriana); 22. Giovanna Bertacco de Janmicel o (per Lodovica) Oliva Cincelli da la Bertola; 23. Rosina Pollam dal Moliné; 24. Dora Barbolini de Tieser o (per Lodovica) Maria Florian de Luijio Cech (mère de Lodovica); 25. Pia Pescol de Badia; 26. Maria Gross dal Zot; 27. Maria Deluca de Gostin; 28. Albina Detomas de Pieruc; 29. Giulia Gross de Frate;

30

29

1 18 20

19

16

23

22

21

24

26

17

9

10

25

2 1

11 4

8 2

14

15

13

4 3

5

6

12

7

11

8

Chesta setemèna con chest bel soreie se tiron fora de clas per jir sa mont. Ve meton dant n retrat no tant veie, fat da jent de Fascia endèna na raida sun Marmolèda. Ve envion ence desche semper a ne portèr te redazion i retrac veies che aede te vèlch crigna: i retrac vegn touc sù col scanner diretamenter te redazion e podede i ciapèr de retorn sobito. A chesta vida ne didède a viventèr chesta rubrica e a meter ensema vèlch mizacola de storia de noscia jent e podede ence ciapèr en don na publicazion de l’Union di Ladins.

27

28

33

34

30. Giulia Florian Bertola o sia sor Anna (per Lodovica); 31. Livia Florian de Simonin; 34. Giulia Pezzei Carana (per Angelina) o Carmela Gross de Pini (per Lino) o la maestra Maria o Irene Gross; 35. na Dorich de Coloc; 37. Livia Locatin de Patron; 38. Anna Pezzei Carana. Ge sporjon n bel develpai a duc chi che à responet e che viventea ogne setemèna noscia rubrica de retrac. Ve envion a proèr a cognoscer fora chi che l’é su e a ne dèr la resposta per telefon o fax al 0462.764545, o per mail a la direzion lausc@ladinsdefascia.it

5

10

6 7

3

9

www.lauscdiladins.com

19


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

nr. 27 / 15 de messel 2011

“Arabba Fodom Turismo” nterven a salvé l ufize Iat L ufize (de la Provinzia) l podarà resté dalvièrt demé grazie al personal de Aft. Beker (Aft) e Roncat (assessor comunal):”La Provinzia ne diebe a nos le competenze” Turism - “Arabba Fodom Turismo” mossa core n aiut de la Provinzia. L ufize Iat de Rèba l sarà dalvièrt via per l’isté demè grazie al personal de l’associazion turistica fodoma. “Passada l’emergenza de l’isté, sarà de descore fòra nuove regole e competenze” disc l prescident Sebastian Beker e l assessor al turism Manuel Roncat. Dolomiti Turismo, la sozieté compartezipada de la Provinzia de Belum che da nvalgugn agn gestìsc l setor fondamental de l’economia de nòste śòne, l’é destinada a saré. L “de profundis” l é bele ste dit su ntei meisc passèi e ades máncia demé “l òio sánt” de na delibera del consei provinzial che la sière. La criji, ufizialmente, l’é ruada davòche un dei sòzi, La Ciauna de Comèrz de Belum, la s’à trat fòra. N realté l problema l é demè un: no n é plu sciòldi. Ence l ufize Iat de Rèba, che come duc i autri l é gestì da Dolomiti Turismo, l à ressentù de chësta situazion che à porté a nen tai sëch del personal e spò a na riduzion del temp che l ufize resta dalvièrt. De

jugn l ufize l é resté dalvièrt 15 dis, demé fin le 4 e mesa davòmesdì e nia la domënia. Proprio nte chi momenc ulàche plu aut l é l debujen da pèrt del scior che rua adalèrch de avei informazion. “Na situazion da no podei sostignì” disc l assessor Manuel Roncat. A dut chëst s’à njonté ence l problema de la senta provijoria (nten sèlf del Garnì Emma), ulàche l ufize l é oramèi da nen ann. L Comun l à n previjion den fè su un dut nuof nte la śòna sot la segiovia del Burz, ulàche d’invièrn l é l atraviersament coi schi. L proget l é spò lié a la costruzion de la segiovia “Arabba Fly”, che assa da tò via dut l bordel de schiadous che passa a pé da na pèrt a l’autra de la val. “La discuscion con chi dai lifc la s’à trat ncin plu a le longe de chël che s’ava pervedù” spiega l’assessor. “Son tardìs de siech meisc , ma ades de lugio via se binaron con Aft per descore fòra l proget. Per nos ades chësta l’é la priorité. Toca di che a nos la Provinzia la n’à fat a savei demé a al fin de mèi che la no n assa bu l

personal assé per seguré de tignì dalvièrt l ufize e spò no n on ciafié a se organizé davánt. Gnánca l progranm de le sarade de jugn no l é ste respeté e ades mosson se organizé meis davò meis. Ntánt per de lugio on seguré che l ufize siebe dalvièrt ogni di fin le 6 da sëra.”

Se salvé l mus “Mosson se salvé l mus davánt ai sciori, che i no po’ n remëte per i problemi de Dolomiti Turismo. Se l’Aft l’é stada bona de fè chëst sfòrz de mëte a dispojizion suo personal l é demé perciéche l é n consòrz sann e che l’à duta la crëta da pèrt del Comun. Nte sti ultimi agn l é vignù ite de nuos sòzi e chëst n’à mpermetù de podei tò su n’autra segretaria, che ades podon mëte a dispojizion per vignì adincontra a l’emergenza del ufize Iat.” Davánt a chësta situazion” nterven l prescident Sebastian Beker, “no s’on fat trè ite nte le polemiche che s’à liet nte chëste ultime setemane sui giornai. Nveze s’on trat ite le manie

e on cialé de laoré e ciapé na soluzion per l ben de duc. Ence se n fossapa ben ste da dì.”

Competenze da rivedei “Passada l’isté” disc ncora Beker e Roncat” damanaron a la Provinzia de rué na bona outa a na La senta provijoria del ufize Iat de Rèba nten convenzion, che on sèlf del Garnì Emma. damané bele da temp”, che ne mpermëte de gestì da soi, statistizi e chèlche finanziament.” siebelo la promozion che l’acolienza. Fodom” disc ncora Roncat”, l é Ades come ades, per efet de na lege secondo demé a Cortina come regional, chëste doi competenze i numer de prejenze n Provinzia. Spò é dei consòrć locai la pruma e de la l assa da avei n’atenzion auta.” Ma Provinzia la seconda. Nos sonse coscita no nsomeia proprio che bogn de se le gestì dute doi. No se siebe, coche disc, ntel sarè ite, po’ azentré nte sto setor. L é demè Sebastian. “Oramèi m’é stufé de jì i consòrć sul luoch che à la a le riunion chiò ju, perciéche no competenza per gestì le sue se rua mèi a dezide nia. E po’ sente carateristighe. A la Provinzia assa ciaro che i l’à su con nos.” da resté n ent sol che diebe Lorenzo Soratroi formazion, competenze, dac

Che tira l é l inom “Dolomiti”

Còl de Lana, ntra teriòi e storia

Roncat contra Belum che promuof le “Dolomiti Bellunesi”

Na nuova publicazion del Cai, curada da Gilberto Salvatore

Turism 2 - Dolomiti, basta la parola. L assessor al turismo del comun da Fodom Manuel Roncat l criticheia dassën la politica turistica fata ntei ultimi agn n Provinzia de Belum, duta mirada a promuove la mèrscia “Dolomiti Bellunesi”. “Toca rué a pensé che chël che conta l é che l scior l rue nte le Dolomiti. Po’ l é listescio ulàche l va. Ngalin l ruapa

ben ence da nos. Chëst po’ l é laour de ogni singol consòrz de val se curé l scior, l fè vignì e che l tourne. Tra l auter chësta de le Dolomiti Bellunesi l’é na fauza informazion, perciéche nos cassà son nte le Dolomiti Settentrionali.” E l fèsc n ejemple. “La Val de Fascia l’à scomencé a se promuove demé co l logo del Unesco bel gran e demè sot ite, plu n pico,

co la mèresci “Val di Fassa”. Chël che tira l é l inom Dolomiti. Davánt chèlche ann, per n di ncora una, Dolomiti Turismo l ava stampé chèrte de le strade de la Provinzia che ruáva demé fin sun Ciaulonch e Pordou. Chilò da nos chëst l é vèlch che no pò ejiste. Come se fèlo a no mëte ite l giro del Sela? Defati mi chële cèrte no i é mèi dourade.” (ls)

La Plié se njegna per la Siègra de S.Iaco Ence st’ann trei dis de festa Tourna la Siègra de S.Iaco a La Plié, che ence st’ann la perveiga n fin setemana plen e toch de apuntamenc. Chëst l program. Vender 22 de lugio, da le siech da sëra, giourirà l tendon nte Plaza Nuova, gestì dal Coro Fodom, ulàche se podarà cené ence co nen bon piat de seppie co la polenta. Dale vòt piarà via l intratenimetn mujical col grop dei “Dual Pikers”. Sabeda da sëra, da le cater davòmesdì, ntei locai de la calònia da La Plié, giourirà la pesca pro miscion. Dale siech davòmesdì

tourna a giourì ence l tendon co le specialité da mangé e deplù juosc. Da le 8, mujica e bal per duta sëra col grop fascián dei “Pazedins”. La giornada de domënia la scomenciarà dale 9 co la S.Mëssa, concelebrada da scior Degán Mons. Alfredo Murer, da Padre Giuseppe Detomaso “Tono” e don Fabiano Del Favero e acompagnada dal Coro de Gliejia S.Iaco. Ntánt la celebrazion vignarà, come ogni ann, premiade le copie de spoji, na chindejina ndut, che festegeia i vinticinch, caránta,

cincánta e sessánta agn de nòze. Dale diesc e mesa davántmesdì gioura ndavò l tendon co la poscibilité de marené. La festa la jiarà nnavánt per dùtol davòmesdì ntel senn de la mujica. Dale 3 sfilada e po’ conzèrt nte tendon de la Bánda da Fodom e de la BandOrchestra Giuseppe Bovo & Majorettes Show de Carmignano di Brenta (PD). Dale vòt da sëra l gran final, ence da ride, co l gropo dei “Tirataie”. Dale vòt e mesa estrazion dei numer de la loteria de S.Iaco. Sesaben che duc i é nvièi de cuor. (ls)

Publicazions - Davò la publicazion sul teriòl geologich de Rèba, l’é fòra ence l’ultima “fadia” editorial del Gilberto Salvatore, prrescident de la Lia Ladina da Mont da Fodom, sul Còl de Lana. Se trata de la pruma publicazion su chëst mont, coscita cugnisciù njù e nfòra per ester ste teater de la Prum Vièra, che mët auna indicazion sui teriòi, storia e notiziesu geologia, ciòf e plánte. Fin ades defati, del Còl de Lana manciáva n liber che repòrte duc i teriòi e le poscibilité de fè na caminada su per chële crëpe plene de storia. Da l’autra pèrt nveze, no se contëva le publicazion che descorëva de la vièra, dei combatimenc e dut chël che l é suzedù colassù dal 1915 al 1917. Ades, grazie a Gilberto e al Cai, che l’à drucada fòra, i escursionisć i podarà avei nte la mán n bel opuscol sourì da lieje e ntel medemo temp rich de dut chël che l é da savei. Graficamente mposté sul model de chël del teriòl geologich, l liber l repòrta, grazie ence a de bele e ciare foto che mostra i luosc ulàche se passa, cinch teriòi, a scomencé dal Teriòl Ladin, che se po’ fè su per l

Còl de Lana, plu 4 variánti nte luosc de gran nterèsc dintournvia, come la ròda dintourn l Setsass o la traversada da Ciaulonch al Jou de le Omblie. Laprò notizie storiche su la vièra, la geologia del pòst, i ciòf, le plánte, i luosc de nterésc cultural. A la publicazion à colaboré ence Ezio Anzanello (Cai Oderzo), Renato Compagnone e Gianpaolo Fasolo (Lia Ladina da Mont da Fodom), Ivo Pesce e Paolo Roverato (Cai Camposampiero).

La nuova publicazion.

“L’Associazione Cucchini Agordino” s’à prejenté nta Fodom A la sentada publica al Taulac s’à descorëst de vita e de mòrt Troc i fodomi che a volù tò pèrt nchëstadì, ntel sèlf del Taulac a la Plié, a la prejentazion de chësta nuova associazion che l’à l fin de promuove e organizé l’assistenza ai malèi de cáncher e de autre burte malatie, drio l spirito de le “cure palliative”. I sozi fondadous de l’associazion i é 21, raprejentanc de le aministrazion, ntra chisc ence l vize capocomun da Fodom Cluadio Sorarui e de la Glejia. I

20

www.lauscdiladins.com

trei reladous ruèi nta Fodom, la prescident Nadia Dell’Agnola, l dotor Fornasier e l diretor del ospedèl de Ègort Sandro De Col, i à spieghé polito l gran debujen che l é ence ntel Agordin, de daidé fòra le persone malade ma souradut de ste damprò a chële fameie che vif l dolour de mossei azeté mpruma la malatia e pò la mòrt. Chi che volarà fè pèrt de chësta benemerita associazion i no

mossarà, ben da capì, fe chël che speta ai dotori, ma daidé l malé e sua fameia co l’assistenza, ji a compré ite o a compré le medejine, daidé fòra chi de cèsa o demè a porté na parola de coragio e speránza. Duta l’ativité la sarà coordinada dal Distret Sanitar. Volontari, dotori e infermieri i dezidarà auna co e come se comporté nte ogni singol cajo. L spirito de chësta associazion l vòl

ester ncin compagn a chël che l eva nviade nte nòste frazion: se daidé fòra un con l auter senza mossei vive da soi le dificolté, l dolour e a oute la disperazion. La Nadia Dell’Agnola l’à dit che no podei varì, no vòl di no podei ester curèi e che ence l malé, che no l à plù poscibilité de varì, l à da avei le atenzion e l amour de chi che ie sta dintourn via. Prinzìp che aldidancuoi, nte i ospedei, trope

oute l se “piért per strada”. Troc i é chi che bele s’à tesceré e sosten ence economicamente chësta scomenciadiva. Per chi che volësa deventé volontar, d’auton peiarà via i corsi de formazion. Speron che ence nta Fodom siebe valgugn che a voia e temp de dediché ai autri e a n’associazion con de gragn prinzipi e ideai come la “Associazione Cucchini Agordino.” (Denni Dorigo)


nr. 27 / 15 de messel 2011

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Coi zapote fin a Roma

Ra crosc noa de Ester

Da ‘l inśegno de ra nostra śente, nasce algo de bel, da fei conosce a dute

El laoro de alcuanta parsones, par i dà lustro a una memoria de ‘l paes

Ra crosc de Ester, sote Crepa, ades che i r’à fata fora noa.

Su ra pajina de Anpezo de La Usc di Ladins, ‘l outon pasà, se scriea de ra crosc de Ester, fata de len, betuda śo inze ‘l pra, sote Crepa, śo par pede ra strada de jera, ra curta che rua su in Pocol. Inze chel articolo, se scriea che ra crosc r’ea redota pitosc malamente e cisà se

calchedun arae abù tenpo e voia de fei algo, par ra comedà. Ben, chel calchedun ‘l é soutà fora. Oreste Lacedelli Iacantone, da Lazedel, dapò de aé lieto chel articolo, ‘l é śù su a vede e ‘l à deziso de fei algo. Ignante de duto ‘l é śù da ra Regoles, a domandà de in saé depì, de chera crosc ; i à dito che r’é su un fondo privato. Alora ‘l à śironà, finche ‘l à ciatà fora ra storia, de chesta Ester. Intanto, dià da so fiol Michele, che ‘l é marangon, e da alcuante de ra vijinanza, Ilario e Andrea Zardini Lacedelli Sgneco, ‘l à scomenzà a lourà drio ‘sta crosc. Ades se ra vede bela, noa lujente, danoo a ‘l so posto, co ‘l cuertuco de banda depento de verde, co ra tabela noa, agnó che se lieśe danoo polito ra vecia scrita, che ignante r’ea masa smamida, da podé ra vede: “Qui il giorno 8 agosto 1889 morì improvvisamente Ester Sprood in Constantini”. Ma no n’é asei. Oreste ‘l é śù a vede de ra storia de chesta femena, ruada da coscita indalonśe, a se maridà in Anpezo, agnó che r’é morta, de un colpo, un di d’istade, propio su sote Crepa. Da Paola Majoni Danela, ra femena de Bepe

Constantini Ghea, ‘l à ciatà ra memoria, che ‘l é bel lieśe de ‘l intiero: “Ester Vittoria Constantini Sprod, nata a Bristol li 8 settembre 1816, addì 8 agosto 1889 chiudeva in Cortina d ’A m p e z z o repentinamente gli occhi a la luce, per riaprirli nel beato soggiorno riservato alle anime pie e candide”. Dapò i śonta sote alcuanta righes, algo che ancuoi pó someà stragno, ma che inalora ‘l aea un gran valor, par ra relijon catolica: “Educata alla religione evangelica, ben presto comprese le somme verità della religione cristiana cattolica, quale anche abbracciò e scrupolosamente osservò fino alla morte. Fu donna di costumi illibatissimi: dotata di cuor generoso, ebbe sempre premurose cure pei poveri: amò di sviscerato affetto il marito Antonio, che assieme al fratello, alla cognata ed ai nipoti amaramente piange l’irreparabile perdita e raccomanda la cara estinta alle preci dei buoni”. Una Rechia che dute pó dì śo, ancora ancuoi, canche i pasa de là, daante a chera crosc. (mdm)

Croda amiga e segura Dute aduna, parcé aé manco desgrazies, su par ra Dolomites. Pi che see, par i insegnà a i grupe. Un projeto par ‘l istade, dapò chel che s’à fato d’inverno El Club alpin talian, el Corpo nazional de el socorso in croda, ra Guides alpines: i s’à betù dute aduna, par vede de śì adora a i insegnà algo, a chi che và in croda, parcé che i no se cope, parcé che i no se feje mal, parcé che no see biśoin de fei moe ra scuadre de el socorso, a i dià, de di e di note. Duto chesto inze i prime dis de ‘na stajon che, inveze, r’à beleche vedù un grun de desgrazies, su par ra Dolomites, su par ra crodes. Par contà de chesto laoro, i s’à ciatà in Anpezo, inze ‘l palazo de el Comun Vecio, agnó che ‘l é ra fondazion Dolomites Unesco. “Chesto laoro noo el và drio ra fates de chel che ‘l é stà fato d’inverno, canche ón proà a i insegnà a ra śente cemodo che ‘l é da fei su ‘l gnee, da i tende a ra laines, canche se moe co i schie co ra peles, o co ra ciaspes, o co i schie da fondo, o a pe – ‘l à contà Fabio Rufus Bristot, de el socorso in croda – e ades s’ón pensà de se bete dute aduna, con chi de el Cai e co ra Guides, par un projeto ancora pi gran: Croda amiga e segura. Ra croda r’é un’amiga, se r’é segura”. “Chel che voron darśonśe, par chesta stajon d’istade – el śonta Massimo Doglioni, istrutor nazional de el Cai Veneto – ‘l é de se ciatà con chi che và in croda, ignante che i rue su. Voron i ciatà inze i hotiei, inze i canping, canche i rua inze i refuje. No voron in ciatà un cadaun, ma in bete trope aduna, par ruà a cuanta pi parsones che se pó. Ra desgrazies, de chiste prime dis de bon tenpo, es me disc che a stà de fora, a śì su par ra crodes, a ranpinà, pó senpre suzede algo, negun ‘l é mai seguro de ‘l duto, a ‘l zento par

zento. Ra desgrazies es pó suzede anche a i pi varentes, a ci che conosce polito ra croda, parcé che pó suzede algo che negun se speta. Ma tropa otes se resta de stuco, a vede chel che suzede, canche ra desgrazies es capita parcé che i no sà ce che ‘l é da fei, e ce che no n’é da fei. I moe su par ra crodes senza i sarvije che ocore, co i scarpe da pian, i no sà nuia de el guergno, de ‘l fiedo che se pó ciatà, su par ra crodes, i moe su ra jaza senza i grife”. Par insegnà algo a duta ‘sta śente, i betarà fora alcuante scrite: un fato par ci che scomenza, mangare a se moe su i troes, e un par chi che i fesc algo depì, i và in croda, o su par ra ferates. Pi che see, ra guides, chi de el Cai, i ome de el socorso, i se ciatarà co i grupe che vien su de ca. Cemodo che s’à dito, i proarà a i ciatà inze i hotiei, canping, refuje. Intrà dute chi outre grupe, se lourarà tropo co i Scout de ra Agesci, parcé che de spes i mena i pize e i śoen su par ra crodes, senza in saé asei. “Ca no n’é da smatiśà, ca se śuia con algo de gran valor: ra vita de ra parsones – el śonta pede Massimo

Anpezo

Doglioni – e coscita ‘l é da se conportà polito, ‘l é da saé chel che và fato”. “Nośoutre, che so profescionistes de ra crodes, da dojento ane – el disc Lio De Nes, da Auronzo, presidente de ra Guides alpines de el Veneto – beton ra nostra esperienza, duto chel che ón inparà, par i insegnà algo: chel che ‘l é da fei, ma soralduto chel che no n’é da fei. In Auronzo ‘l ón beleche fato, con sié grupe de Scout, che i aea ciamà el nosc ufizio. On scomenzà coscita a lourà polito, a fei algo de bon, par lore e par nośoutre”. Ra Guides ‘s à un outro projeto, da fei dute aduna, su ra Dolomites, inze ra zinche provinzies de ra fondazion de ‘l Unesco: comedà fora polito ra via ferates, i troes pi difiziles, ra vies comunes, par ruà in son de alcuanta crodes, agnó che pasa un grun de śente. Parcé che calche ota, canche suzede ra desgrazies, no n’é propio duta colpa de ra śente, ma anche de i luoghe agnó che se pasa. Marco Dibona Moro

Masa otes i ome de el socorso in croda i à da moe, de di e di note, co ‘l bon tenpo o co ‘l guergno, par dià ci che s’à fato mal, su par ra crodes.

desgarśà. Par ra folà, chesta lana, se dora aga ben ciouda a saon, cemodo che se fajea ‘na ota. Dinultima se pó ra tenśe, de diverse colore. Con chel che vien fora, se pó cojì zapote, ma anche borses da femena o ciapiéi. Chiste laore i é algo de bel e s’à podù i vede, in Anpezo, betude fora in mostra, a “Mas de oro”, i anes pasade. I à sapù coscita biei, anche a trope foreste, che i à vorù s’i cronpà. E i à piajù a chi de ra Coldiretti, che i à pensà de i bete in mostron a Roma, ai 8 de luio, canche i s’à ciatà, par un so convegno nazional. Da ‘l Veneto, aduna co i laore de Tiziana, i à betù fora ra piumes de struzo, lourades da una I zapote e i ciapiei de lana folada, fate femena de Rosolina, pede Rovigo. da Tiziana Basilia, su a Mietres. “Chiste laore i fesc vede ‘l I é moeste da ra monte de inśegno de ra nostra śente, i fesc Mietres, sora Ciae e Ciamulera, i conosce el valor de chesto Made in zapote de lana folada, e i à caminà Italy – i me disc chi de ra Coldiretti su ‘na strada ben longa, i é ruade – e de cemodo che podon dute fei fin a Roma. A i fei ‘l é stà Tiziana algo, da poià pede, par s’in vegnì Ghedina Baśiliza, che ra s’indereta, fora da chesta crisi de r’economia, da anes, de dorà ra lana de ra fedes, de r’Italia e de el mondo. Chesta r’é arleades da so fardel Stefano. una facoltà, de ra nostra śente, che Ignante ‘l é da strutà su polito duto beśen defende, contra chi che rua chel che vanza, a tondì ra fedes. da fora, da ‘l resto de ‘l mondo, co Dapò ‘l é da ‘l portà a ciaśa e da ‘l ra so stranbaria modernes”.

Ra Polveriera de Anpezo Una fata, lasciada inze ‘l nosc paes, da ra storia pasada

Ra Polveriera de Revis, cemodo che r’é ancuoi, dapò che i r’à comedada fora. Ignante r’ea vecia, roinada da ‘l tenpo e da i ome.

Sarà una śornada de festa, sabeda ai 23 de luio, par ra inaugurazion de i laore, che ‘l é stà fato, par comedà fora ra vecia Polveriera de Anpezo. Chesto pizo, gran monumento de ra nostra storia, ‘l ea stà deboto desmenteà, par anes anorum, canche inze chel posto, agnó che i s’incrojia i doi rus pi grei de ra val, agnó che ra Bigontina ra se bicia inze ra Boite, i aea fato finamai una chipa, da bicià ra spazadures. De comedà fora chel pizo fabricato, che i aea fato su de ‘l Otozento, agnó sarà via el polar da sbarà, s’in parla da un grun de tenpo, pi che see da canche i à betù su danoo ra Conpagnia de i Scizar Anpezo Hayden. Propio lore, i nostre Scizar, aduna co ra Union de i ladis de Anpezo, i s’à dà tropo da fei, i à betù de meśo el Comun, b el e c h e co n c h e r ’o u t r a aministrazion, che ‘l ea ignante, e dapò con chesta, i à ciatà ‘l architeto

Michele Merlo, che ‘l à fato el rilievo e el projeto. Dinultima i laore, a bete su ra maltes, a netà fora ra piera, a fei su ‘na fré de cejura, da ese pi segure, de no ruà śo inze r’aga, e ‘pò el cuertuco de sciandores de laresc e ra ponta de ran, par ra saetes. I à anche comedà fora el troi, da i ruà pede, inze chel posto, nafré scondù inpó i cei, de i veterinarie, i doi dotore de ra besties. Dinultima, i à betù ra lumes, par podé śì segure anche da dasera, canche ‘l é scuro. Coscita sabeda, ai 23 de luio, se podarà fei festa. Se scomenza dares 9.30, canche se se ciata inze ‘l piazal de Revis. Dares 10 ‘l é ra mesa, inze ra jeja de ra Madona de ra Difesa. Dares 11 se se ciata là daante, su ‘l sagrà, par bete ‘na corona de fiore daante a ra lapide che ra recorda i morte in guera. Dares 11.30 se se tramuda de poche metre, fin daante a ra polveriera, agnó che sarà la benedizion e ra inaugurazion. www.lauscdiladins.com

21


Anpezo

nr. 27 / 15 de messel 2011

Falzarego 2011

El sporer pi moderno

Su ra fates de ra storia, i Alpis de ancuoi, pronte a fei el so dover, su ra so crodes e in śiro par el mondo

Da ‘l inśegno de i nostre artejane, algo da no podé crede, da bete fora in ciaśa A ‘l vede sarà, el somea un sporer, conpain de trope de outre, de chi d e’na ota. De fer, duto lustro, propio un bel, ma senpre un sporer. Dapò se tol sun man el telecomando, se scomenza a fracà i botoi, a dorà i scioltar, e in suzede de dute i colore. Propio coscita: i colore che se vede ‘l é chi de el televisor, o de el conputer, che i sponta fora, da cisà agnó. A fracà un outro boton, se scota el radio, o mangare calche bela canzon, co ‘l inpianto hi-fi. Inveze de se sciudà, con un stizo, con ben da legnes, da bete inze, ‘l é da fracà un outro boton, e vien su i cerce, da ra piastra, e sote chi pi grei ‘l é alcuanta bozes, sote chi pi pize ‘l é i gotejìs, da sin bee un stanparle. Par i pi moderne, se pó dorà finamai iPod e iPhone. Chesto sci che ‘l é un sporer moderno, outro che chel de ‘na ota, ruà a ‘l posto de ‘l pi vecio larin, par scioudà inze, par fei da magnà! Par fei fora duta ‘sta mereea ‘l é stà biśoin de cuatrozento ores de laoro, inze ra botega de el fouro Zino, che ‘l é el nosc Renzo Siorpaes. Aduna con el, ‘l à lourà i tecniche de ra aziendes Electra, Servizi informatici e Centro tecnico, ogniun par el so. Ra prima ota, chesto sporer i ‘l aea mostrà a Longaron, par ra fiera Arredamont, śa tre ane. Da inalora i à śontà pede ancora algo, de pi noo. E ades i à betù śo, negro su bianco, el breveto de chesto laoro. “On ciatà un vecio sporer – el me conta Zino – e i ón lourà drio, par el fei fora, pi moderno che se podea. Ignante ‘l ón svoità, de chel che ‘l ea inze, dapò ón betù un

El canon de ra Prima guera, portà da i Alpis co ra mondura de inalora.

Ancuoi i Alpis i é pronte, par chel che r’à da fei r’Italia, in śiro par el mondo, e se ‘l vede co ‘l laoro fato in Afghanistan, da ra brigates Julia e Taurinense, na i Alpis i à anche da restà leade a ra so crodes, che ‘s à fato ra storia de ra “pena negres”. El me ‘l à recordà el jeneral Giuseppe Valotto, che ‘l é el capo de stato maggiore de ‘l Esercito talian, vendres ai 8 de luio, su da ra Tores de Fouzarego, sote el Col de i Bos. Anche ‘sto an, cemodo che suzede da una dejina de anes, ‘l é stà fato Falzarego 2011, par fei vede cuanto polito che i s’à parecià chiste śoen, chiste tośate e chesta tośates. Su par ra crodes de ra Dolomites ‘l é śù supośò trezento parsones, par chesta dimostrazion. Inze ‘l ziel, ‘l ea i elicotere da guera e chi da portà śente, o par el socorso. Par pi de un’ora a ra longa, ‘l é stà duto un lourà, un core, un oujorà. Inze ra paroles de el jeneral Alberto Primicerj, comandante de ra Trupes alpines da Bolzan, duto el bon, par chel che i so melitare i à mostrà: “Chesto che aé vedù ‘l é el laoro che, pi de dute, el bete in mostron chel che i boi de fei i nostre tośate e ra nostra tośates, su par ra crodes.

Ra autoritas su sote ra Tores de Fouzarego, a vardà ra esercitazion.

Drio ra fates de ra so storia pi vecia, ancuoi i mostra de saé vive, se del cajo soravive, se moe e lourà, su par ra crodes, su ra nostra Dolomites e pi indalonśe. Ra croda r’é una palestra che ra parecia polito i nostre tośate e ra nostra tośates. Ancuoi aé podù vede, co i vostre oce, chel che sà fei i Alpis”. Par pi de un’ora, su par ra crodes,

Ese Alpin ancuoi, anche par ra tośates, varentes su ra nostra crodes, conpain de i ome.

22

www.lauscdiladins.com

inpianto stereo, co ra cases surround Bose, da scotà polito ra musica. Outre tecniche i à betù un iPod da lieśe, el duto con un bel televisor, de chi fine, de chi sotìsc, de ancuoi, e un conputer. Su ‘l Pc se laora senza fire, co ‘l wireless, coscita se pó bete ra tastiera e el mouse agnó che se vó, agnó che ‘l é pi comodo, senza intrigà. Inze meśo ‘l é alcuanta bozes e i gote, che i vien su da ra piastra, canche s’i ciama, a fracà un boton. Coscita no n’é nuia de stragno, a se ciatà inze stua, a se vardà el televisor, fora da un sporer”. El breveto, de chesto laoro, nasciù da ‘l inśegno de i nostre varentes artejane, ‘l é stà betù śo da alcuanta setemanes, ma inze chera botega i é beleche drio a lourà, par in fei fora de outre, de chiste sporer. “Calchedun m’à beleche domandà – el conta Renzo Siorpaes – e coscita ón ciatà calche outro sporer, de chi vece, agnó che podon i bete inze duto chel che i me domanda. Inze un ‘l é stà betù ra machina da fei cafè, ma se pó i bete ra Wi, o sedenò ra Xbox. Dute pó me domandà chel che i vó, drio chel che i à biśoin, e nośoutre son pronte, ón acaro de i contentà. Inze i nostre sporer se pó i bete inze duto chel che se vó”. E pensà che, ‘na ota, inze el sporer s’i betea ra legnes, via par sora un manèl de baregoles, o i fiore, da invià via el fó. E, a calchedun, mangare i sà ancora pi bel chel scrocà de ra legnes che arde, inveze de el susuro de un iPod. (mdm)

i no n’à sbarà un colpo, i no n’à dorà ra so armes, i no n’à fato soutà par aria nuia: duto senza susuro, se no ‘l oujorà de i elicotere. “No voron pestà su ‘l anbiente – ‘l à recordà el jeneral Primicerj – no voron lascià el segn, che son pasade, inze chesta natura coscita bela, parcé che i voron un ben de r’anima, con ben de rispeto, che ‘l é da precurà”. A vardà ra manovres ‘l ea alcuante ome de i esercite de ra Svizera e de ra Slovenia, aduna co i cadete de ra Academia militare da Modena: “E speron che, intrà de vośoutre, see calchedun che à acaro de deentà ufizial de i Alpis” – ‘l à dito el jeneral Primicerj. Intrà duta ra autoritas, ‘l ea Corrado Perona, el presidente de ra Asociazion nazionale de i Alpis, a dì cuanto che i resta amighe i Alpis co ra mondura, con chi che i r’à betuda śa anes, ma i no s’à desmenteà. Alcuante de lore, co ra mondura vecia, de ‘na ota, i à portà su un canon de ra Prima guera, i à betù aduna dute i toche, e ‘l é stà contà nafré ra storia de chel che suzedea ‘na ota. Marco Dibona Moro

Da un vecio sporer vien fora algo de noo, de moderno, da bete in ciaśa.


Sport

nr. 27 / 15 de messel 2011

Saut y combinata nordica Garejeda internazionela per jeuni sun Pana, manifestazion dassen garateda

Cun la roda y sun la montes plu autes I Gherdëina Runners ne va nia mé a sauté ma nce cun la roda. Coche truep d’autri atlec dla valedes ladines à nce n valguni di Runners fat pea pra la Dolomiti Südtirol Superbike

Un di atlec jëuni che à fat pea la garejeda de saut sun Pana.

Saut y cumbinazion nordica - Mont de Pana, for inò na marueia! pudëi jì sun Pana se plazan a mesa l pra dl zënter nordich y cialé de viers di sauc, udan dovia l Saslonch, y l surëdl che sciauda corp y ana: „Deguni ne possa ti mucé al’energia che chësc post da ca, na marueia.“ No mé saut: l gran pra japé di sauc, la rë per l juech dl volley, trëi “slack-lines” trates danter n lën y l auter, ie stac de nvit per duc canc a se descedé ora dala fraidumënza generela y se muever, se devertian, fajan sport, deberieda cun i mëndri che fajova nce saut y cumbinazion nordica.

Na festa dl sport 60 che à fat pea, i mec da oradeca: garejeda nternaziunela, Austria, Alemania y Talia. Bën 30 partezipanc da oradeca, n sëni tler de tan gën che la sozieteies dla nazions de tradizion di paejes tudësc vën sun Pana, ma segur de no ajache i sà che contra i atlec talians iel plu saurì a vëncer… ma ala fin ài mpo mo venciù te duta la categuries, sibe tl saut che tla cumbinazion nordica.

Publich nteressà Dala postazion dl palch di trainadëures, plu alauta, pudòven udëi ju l bel zënter nordich y tan de jënt che l fova nce a cialé pro,

persunalmënter n éi cumpedà plu o manco cënt (tulan demez chëi che garejova). Nianca tan puec.

L gran saut dedicà a Simona Ne se desminceron mei de Simona y ulon pratiché chësc bel sport la purtan for te nosc pensieres. L Chemun de S. Cristina à ulù dediché l gran saut a si inuem, lascian fé nce na bela tofla, nes judan nsci, canche jon sun Pana a sauté, o canche passon da iló ite a se lecurdé de ëila y la sentì for daujin a nëus. U l ë s s e p e r s u n a l m ë nte r rengrazië duc i cunlauradëures per l cuntribut che i à dat per mëter a jì chësta beliscima manifestazion. Senziermënter de gra, y cun stima. Romed Moroder

Tlassifiches Cat. pulcini (2002-2004) SAUT: 1. Ritzer Florian (WörglAut) 207,0 ponc; 2. Glarcher Adam (Wörgl-Aut) 185,4 ponc; 3. Moroder Gabriel (SCG) 174,6 ponc; 8. Moroder Daniel (SCG) 154,9 ponc. Cat. pulcini - CUMBINAZION NORDICA (sauté a pe 1km): 1. Ritzer Florian (Wörgler-Aut) tëmp 03:45,2 - 2. Moroder Gabriel (SCG) a 00:27,1 - 3. Schmid Emanuel

La tofla dl saut dedicà a Simona.

(Oberaudorf-Ger) a 00:28,6 - 7. Moroder Daniel (SCG) a 01:06,5. Cat. sculeies (2000-2001) SAU T: 1. Lehner t Luis (Oberaudorf-Ger) 217,3 ponc - 2. Ritzer Josef (Wörgl-Aut) 216,3 ponc - 3. Bresadola Giovanni (GS Monte Giner-TN) 199,3 ponc - 10. Senoner Luca (SCG) 172,8 ponc - 17. Runggaldier Natan (SCG) 163,8 ponc. Cat. scumeies CUMBINAZION NORDICA (sauté 1,5 km): 1. Lehnert Luis (Oberaudorf-Ger) tëmp 04:32,0 - 2. Ritzer Josef (Wörgl-Aut) a 00:11,2 - 3. Bresadola Giovanni (GS Monte Giner) a 00:42,6 - 7. Senoner Luca (SCG) a 01:28,8 - 16. Runggaldier Natan (SCG) a 02:19,2. Cat. aliefs (1998-1999) SAUT: 1. Schmid Constantin (Oberaudorf-Ger) 220,0 ponc - 2. Bezzi Giulio (GS Monte Giner) 214,5 ponc - 3. Diakowicz Manuel (SV Innsbruck) 211,0 ponc - 16. Kostner Aaron (SCG) 171,5 ponc - 25. Senoner Luca (SCG) 131,5 ponc - 26. Delago Thomas (SCG) 130,5 ponc. Cat . aliefs - CUMBIINAZION NORDICA (sauté 3 km): 1. Diakowicz Manuel (SV Innsbruck) tëmp 10:07,4 - 2. Sieff Mirco (US Lavazè) a 00:13,1 - 3. Schmid Constantin (Oberaudorf-Ger) a 00:31,2 - 10. Kostner Aaron (SCG) a 01:37,0 - 18. Delago Thomas (SCG) a 06:49,7.

L Fodom ai cuarti de final Batuda la scuadra del Taibon per un a zero Balon - L Fodom l sgòla ai cuarti de final del torneo agordin e l passa de dirito come una de le vòt meio scuadre de duta la manifestazion. L pericol dei “mini otavi de final” se clamáva Taibon. Na scuadra très rustia e con sogadori de bona esperienza. Mplù la sòrt, che ava dit fin dal prum dì che chësta partida la fossa stada sogata proprio sul ciámp de Taibon. Ma la scuadra alenada dal Massimo Crepaz “Mamo” la savëva dute sue potenzialité ence se la formazion titolar sto ann no l’à ncora mèi ciafié a soghé. La partida no l é stada proprio bela da vedei, forsci ence per l gran ciaut de la giornada. L Taibon à delongo scomencé a rué damprò la porta del Vincenzo ma senza rué per mez a nia de bon. L Fodom nveze l à concretizé bel davò

vòt menuti na bela ocajion col Gianpaolo Soratroi che l à devié col cé n balon che ruáva davòvia. La scuadra de cèsa l’à prové a reagì a chësta situazion ma da na pèrt l’à falé trope bele ocajion e da l’autra l’à ciapé n portier n gran giornada. Sul fenì del prum temp gran picé per n’azion concretizada dal Alex Martini per n fòrajuoch. Fossa ste proprio n bel gol. Le sprigolade plù grane per i ladins sul scomencé del secondo temp ulàche l Taibon l é rué damprò al paregio, ma le ocajion i é jude dute perdude. De contra l Fodom l à prové a se fè vedei ndavò nnavánt ma a la fin l à bu n gran da fè per se defende. L resultat l ava massa valour per la scuadra fodoma che proprio ndomenia la organizarà doi dei cater cuarti de final del torneo proprio sul ciàmp sintetich

de Cernadou. E proprio ndomënia l Fodom l ciaparà ndavò l Ègort 2009, campions del ann passé e che provarà ncora nviade de se riconferéè. Per l Fodom na partida senza cruzi ma con gran convinzion de fè polito. E no se sa mèi che no saute fora chèlche sorpreja. (sgp) Risultati otavi de final Valada – Canal 2 - 1 Falcade – La Val 1 – 3 Le Vile – Rivamonte 9 – 2 Taibon – Fodom 0 - 1 Proscime partide A Cernadoi Da le 15:00 Voltago – Valada Da le 17:30 Fodom – Egort 2009 A Cencenighe Da le 15:00 Cencenighe – Le Vile Da le 17:30 La Val - Ciourì

Runners - La 17ejima edizion dla Dolomiti Südtirol Superbike ie unida nvieda via n sada ai 9 de lugio cun passa 3500 atlec y atletes che à fat pea. N pudova crì ora la trassa curta de 60 km o chëla plu longia de 110 km. Da pië via fòvel a Niederdorf per pona ruvé do duta la raida inò iló. La trassa de 110 km, cun n deslivel de 3.357 metri, jiva da Niederdorf de viers dla Silvesteralm, pona inant a Winnebach y Vierschach, Sanciana, Sextner Sonnenberg nchin sun l Helm, che ie nce l pont plu aut dla garejeda. Da iló jìvela juvier de viers de Bad Moos, Sest, Sanciana pona inò suvier sun l Haunold. Da tlo jìvela inant sun la streda dla rodes nchin a Toblach, ite per l Höhlensteintal, dan la Drei Zinnen via per ruvé al Dürrensee y pona a Schluderbach. Inant jìvel nchin iló ulache n pëia ite a Cortina per furné pona de viers dla Plätzwiese per pona, do mo 7 km ruvé inò a Niederdorf. Per la curta de 60 km, cun n deslivel de 1591 metri, fòvel for da pië via a Niederdorf y do puec metri raidòven a man drëta ite nchin a Eggerberg y su sa la ”Aussichtswarte”. Sun stredes da asfalt jìvela inant a Wahlen per passé pona tres l luech de Toblach nchin pra l ruf dla Rienz, per furné pona ite per l Höhlensteintal, dan la Drei Zinnen via nchina al Dürrensee y a Schluderbach. I ultimi 7 km furnòven inò sun la medema trassa coche per la longia da 110 km. Tla garejeda longia da 110 km àl venciù chëst ann pra i ëi: Urs Huber dla Svizra cun 4:25:58, segondo ie ruvà Alban Lakata dl’Austria 4:26:55 y terzo Jukka Vastaranta dla Finlandia cun 4:32:36. Nce doi atlec di Gherdëina Runners Cassa Raiffeisen de Ciastel à fat pea: l miëur ie stat Ivo Delago cun n tëmp de 6:27:28 se plazan nscila al 331. post y al 43. tla categuria hobby M3. Christian Peterlunger à finà si garejeda te 7:49:55 se plazan al 992. post y al 151. tla categuria hobby M3. Pra la garejeda da 60 km àl venciù Chia Jaime Yesid Amaja dla Colombia cun 2:15:04, segondo Botero Villegas Jhonatan ënghe dla Colombia cun 2:15:54 y terzo Johann Pallhuber cun 2:15:55. Elmar Perathoner di Gherdëina Runners se à tlassificà al 696. post y al 21. tla categuria hobby M4 cun n tëmp de 3:35:33.

messù fé, y sauté 42,195 km ora per la natura dla montes dla Svizra per ruvé tl travert, bel dan l Matterhorn, a 2.585 metri sun l Gornergrat dl Riffelberg. Chësta fova la 10. edizion dl Zermatt Marathon, che ie unì metù a jì n sada ai 9 de lugio. Bën 687 ëi y 209 ëiles ie ruvei nchin tl travert. Venciù la edizion dl 2011 à Patrick Wieser cun n tëmp de 3:09:40, segondo Jean-Christophe Dupont cun 3:10:03 y terzo Tim Short cun 3:15:52. Nce un n atlet di Gherdëina Runners ne se à nia lascià mucé chësta ucajion: Peter Perathoner se à inò tlassificà dancà te si categuria, la M60, y plu avisa al 2. post cun n tëmp de 4:29:28 y cun chësc nce al 96. post dla tlassifica generela. Mé de puec menuc iel unì batù da Emil Reuter, atlet de si età, che à abù 4:26:57. Tla tlassifica dl Mountain Marathon Cup udons śën Peter al prim post te si categuria, cun n tëmp dut adum de 13:16:22, chësc do trëi garejedes. Śën màncel mo l Jungfrau Marathon, che sarà ai 10 de setëmber.

Georg Demetz for stramp 113 atlec y atletes ie ruvei te travert n dumënia ai 10 de lugio pra la 10. edizion dla garejeda de sauté da mont su da Sterzing nchin sun l Rosskopf, cun n deslivel de 915 metri y che fova 5,36 km longia. Martin Obexer ie stat l plu asvelt, ël à metù 40 menuc y 53 secunc. Segondo ie ruvà Roberto De Simone cun 42:02 y al terzo post iel Massimiliano Chemelli cun 42:22. Georg Demetz di Gherdëina Runners se à tlassificà 20ejim tla tlassifica generela y ie ruvà 3. tla categuria M40 cun n tëmp de 46:39. (mp)

Zermatt Marathon L Matterhorn sëura Zermatt ie for unì cunscidrà sciche un di plu biei crëps dla Peter Perathoner de Sëlva ie ruvà Elpes. Passa 1900 metri de segondo de si categuria tla maratona deslivel à i atlec y la atletes de sauté da mont su a Zermatt. www.lauscdiladins.com

23


Informazions y Manifestazions Avisc Orar da d’isté dles biblioteches dla Val Badia Dal 1. de messè inant à metü man tles biblioteches dla Val Badia l’orar da d’isté, che dorarà ćina ai ultimi d’agost. A La Ila: lönesc dales 15 ales 18, mertesc, jöbia y vëndres dales 9 ales 12 y dales 15 dales 18, le mercui dales 9 ales 12 y dales 19.30 ales 21. Badia: lönesc y mercui dales 9 ales 12, mertesc y vëndres dales 15 ales 18. Calfosch: lönesc y mercui dales 15 ales 18, vëndres dales 10 ales 12. La Val: mertesc y jöbia dales 15 ales 18, domënia dales 11 ales 12. San Martin: dal lönesc ala jöbia dales 10 ales 12 y dales 15 ales 17, mertesc inće dales 20 ales 22, vëndres dales 10 ales 12. Al Plan: lönesc dales 9 ales 12.30 y dales 15 ales 18, mercui, jöbia y vëndres dales 15 ales 18. Stomat por mitans y mituns dla scora elementara

Dal 1. de messè ćina ala fin de setëmber vëgnel metü da jì tles biblioteches dla Val Badia n stomat chi dla elementara, por i dè insciö la poscibilté da se dé jö inće tratan les vacanzes cun i libri y la letöra. Respognon ales domandes tutes fora da libri che ai ciafa te biblioteca, poi mostrè so savëi te na manira plajora. I plü lezitënć podarà pié do na picia reconoscënza. Ciüf: concurs de fotografia

Le Fotoclub Val Badia mët da jì inće chësc ann n concurs de fotografia, sot al tema “Ciüf ”. Les 30 fotografies plü beles gnarà metüdes fora te na mostra, preodüda chësc altonn. Les 10 fotografies plü beles gnarà cernüdes da na juria metüda sö dal Consëi dl Fotoclub. Por i pröms trëi posć él preodü pesć de 250,00€, 150,00€ y 100,00€. Dal 4. al 10. post pesć por 25,00€. Le regolamënt menü pòn ciafè sön le sît www.fotoclubvalbadia. ladinia.net. L’Isté deboriada 2011 mët man

Le Sorvisc ai Jogn Val Badia lascia alsavëi che le proiet da d’isté mët man en lönesc ai 18 de messè, a Calfosch tla Ćiasa dles Uniuns, a San Ćiascian, La Ila, La Val y Antermëia te scora elementara, y a Al Plan tla scora mesana. Düć i mituns scrić ite é perià da se presentè dales 10 ti posć indicà dessura. Le SAJ ti aoda a düć de bi dis y n bun devertimënt.

nr. 27 / 15 de messel 2011

♦ Harald mët ora si creazions tl Café Surëdl Ncuei vënerdi ai XV de lugio da mesa la nuef da sëira, saràl l’inaugurazion dla mostra dl artista Harald Schmalzl da Jumbierch. Sëis duc nviei de cuer Puderon udëi pitures a uele sun tëila y sun tofles de lën, dutes de nosc bel luech de Urtijëi, nsci coche Harald vëija Urtijëi tres ispirazion tla mudazions dla sajons. Coche ël se lascia daniëura nfluenzé dal linëus che muda y che n possa abadé nce mé tl tëmp de un n di sëul. Per ejëmpl... la variazions di culëures ntan l stlaië di, o canche l se tira daujin la nibles scures, nes anunzian n drë’ tëmp. Dal brum dl ciel che à for d’autra tonaliteies, aldò dla furmazion y densità dla nibles che se pëia una cun l’autra... Ma nce Urtijëi tl ultimo linëus dl di, chël linëus che ie suvënz l plu bel, l plu sensaziunel, ma nce l plu mujel tl chiet dla sëira. Nteressant iel che Harald à depënt belau duta chësta pitures dal viere de si stua ora. Nsci pòssen bën se l nmaginé... gën se aràl lascià vizie da si fëna ntan l depënjer cun na bona copa de café y vel’ tòch de tëurta fata n cësa. L ie propi chëla stua ulache l se teniva su gran pert dl di l besavon de Harald, bera Śepl, iló L artista, ntan che l depënj dal viere de si stua ie nce nasciudes truepes de si pitures ora. Urtijëi, nia curonà cun na curona d’or sëura che al didancuei pudons amiré te na la valeda, ma bën velch scialdi deplù ...nosta plu bela cumpëida tl Museum de Gherdënia. Assudëi a nsnuet... bela sor y l gran fra de duta la Dolomites.

Iniziatives sozieles

Museum de Gherdëina

Deberieda: Jon a praté lianies

L Museum de Gherdëina ie daviert ntan i mënsc de lugio y agost da lunesc nchin sada dala 10.00 – 12.00 y dala 14.00 – 18.00. Per nfurmazions y per apusté vijites menedes pòssen cherdé su l numer de tel. 0471 797554.

N juebia ai 21 de lugio se ancunterons dala 11.00 danmesdì tla streda Stazion, daujin ala Cësa de Paussa per jì ora Pas Pinëi a praté lianies deberieda cun la grupa “Il Nostro Spazio“. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per nfurmazions plu avisa pudëis cherdé su Ulrike Rabanser, tel. 0471/798015.

Ispirazions d’istà 2011

Taca ite en lunesc ai 18 de messèl la rassegna “Ispirazions d’istà 2011” de la Comiscion cultura del Decanat de Fascia, en colaborazion con l’Apt e i Comitac manifestazions. Da les 17.30 tel tendon de la manifestazions de Ischia de Ciampedel, 30 joegn che vegn da la realtà de la parochia ortodossa de Sènta Sofia a Puskhin de Sèn Pietroburgh porta dant n spetàcol de bai e museghes. En vender ai 22 de messèl te Pluriuso de Soraga, con scomenz da les 16.00, sarà n laboratorie per bec con Leopoldo Verona per cognoscer “Gibì e Doppiaw”, co la partezipazion de l’autor gherdener Walter Kostner. “Moena-Incontri” Va inant i apuntamenc de “Moena-Incontri”, endrezé da l’assessorat a la cultura del Comun de Moena. En lunesc ai 18 de messèl te gejia Sèn Vile de Moena da les 21.00 l’é en program l conzert de la Corala Ensemble Canticum Novum. Parole Vista Dolomiti Fascia

“Parole Vista Dolomiti”, la scomenzadiva da d’istà che chest an tol ite duta Fascia, ne sporc na lingia de scontrèdes avertes al publich. En mèrtesc ai 19 de messèl da les 18.00 te sala de consei de la Cèsa de Comun de Cianacei, Paola Lugo presentarà sie liber “101 camminate in montagna”; en mercol ai 20 da les 21.00 te Piaz Marconi a Cianacei la serèda la é dedichèda a l’alpinism con l’intervent de Antonella Fornari e en vender ai 22 da les 18.00 te sala del consei del Comun de Cianacei vegn portà dant n enconter con la scritora Margherita Oggero.

Referac y Presentazions N nef liber: “Velges Troes”

L Grop Ladin da Moena à enjignà n nef liber. Se trata de na publicazion che regoi poejìes e scric de Marcelin Chiocchetti Cenchen. L liber, dal titol “Velges troes” vegn prejentà anché domesdì, vender ai 15 de messèl, da les 17.00 te sala de consei del Comun de Moena, a la prejenza de l’autor e di componenc de la sociazion. La prejentazion sarà viventèda da momenc de musega e sarà ence l’ocajion per dèr na veièda a la publicazions del Grop Ladin da Moena e per veder la mostra “Cadres de Storia”, metuda fora te la medema sala. Omeopatia por la vita da vignidé Le Consëi de Formaziun da Calfosch/Corvara mët da jì en mertesc ai 19 de messè dales 21.00 n referat cun Anneliese Obermann, dal titul “Homöopathie für den alltäglichen Bedarf ”. Le referat vëgn tignì te Ćiasa dles Uniuns a Calfosch.

♦ Te biblioteca

♦ Dé por les

inće da sëra

families sön munt

L’iniziativa vëgn pitada de messè y agost tla biblioteca dl Istitut Ladin a San Martin de Tor Tla Biblioteca dl Istitut Ladin a San Martin vëgnel chësc isté pité na novité. Tratan i mëisc de messè y agost, podaràn jì te biblioteca inće da sëra, plü avisa vigni mertesc dales 20.00 ales 22.00. Düć é invià da storje pro. Ia por l’edema é la biblioteca da San Martin daverta dal lönesc ala jöbia dales 10 ales 12 y dales 15 ales 17, vëndres dales 10 ales 12. A San Martin pòn jì d’isté inće da sëra te biblioteca.

24

www.lauscdiladins.com

Cun animadus, jongleurs, clowns y smincadus Apuntamënć da nia perde les döes domënies ai 15 de messè y ai 5 d’agost 2011. Chisc dis gnaral metü da jì danter les 11.00 y les 16.00 sura Badia olache al röia sö le lift dala Crusc pro la Ütia da munt Lé le “dé dla familia”. Söl post saral entertainers, jongleurs , clow ns y smincadus che garantiarà orela cörta y ligrëza por mituns y chi che se sint ćiamò Jüć, val’ clowneria y strinët saral da vire por döes domënies mituns. Laprò saral da ascutè alalungia a pé de Sas dla Crusc sura Badia. sö la dërta musiga. Por informaziuns: tel. +39 335 5772247 o +39 347 2383927, sit internet www.santa-croce.it


nr. 27 / 15 de messel 2011

♦ Hit-pop dl baroch L’Ensemble Diderot pîta n conzert en mertesc ai 19 de messè dales 21.15, tl salf dles manifestaziuns da Corvara. La “follia” y d’atres composiziuns: le baroch ne conesciô nia ćiamò la distinziun danter musiga por l’aorela cörta y musiga “seria” La “follia” (inće “folia” o “Folies d’Espagne”) é le motif plü popular dl baroch y po ester dla storia dla musiga (tlassica) indöt, al é gnü elaborè da almanco 150 compositurs. Ara se trata de na melodia cun na secuënza armonica che à sües raîsc te n bal popular portughesc dër dla bona löna, ezentrich, impröma gnôl odü ćinamai sciöche n pü “mat” (da chilò inće l’inom bonamenter). Tl 16ejim secul é chësc bal gnü descurì y portè ite tla musiga alta, tla musiga dles curts aristocratiches, olache le bal é inće gnü elegantisé. Na merscia dla musiga da bal romagnüda é la ripetiziun ossessiva dl motif ritmé. Badiamusica mët da jì le conzert Le motif é gnü adorè danter l’ater da Arcangelo Corelli tla cornisc dl festival “Music & te süa “Follia” op. 5 (publicada l’ann 1700 a Roma), Mountains”. che é bonamënter stada le model diret por Antonio Vivaldi, che elaborëia na ligna de variaziuns dl motif te süa pröma coleziun de triosonates (publicades l’ann 1705 a Aunejia). Ara se trata insciö de composiziuns dl jonn Vivaldi, te chëres che an à bele chë sensualité di sonns y che impulsivité ritmica che l’ess spo val’ agn dedô fat dër popular sora l’Europa intiera. Le violinist y compositur todësch Johann Georg Pisendel é stè n ann a Aunejia pa Vivaldi y é spo gnü le promotur plü important dla musiga de Vivaldi tla Germania, plü avisa a Dresden, la perla baroca todëscia y la cité de coliamënt danter nord y süd. Inće la musiga de Pisendel é la musiga de indunades culturales.

Tl monn musical baroch àn tröpes personalitês laôta dër conesciüdes che i é incö ma plü consciüdes ai esperć. Un de chisc é le violinist y compositur Jean Cassanéa de Mondonville, che ê gnü muisizist dl re y diretur dl “Concert spirituel”, l’istituziun plü importanta a Paris. Süa musiga é der rafinada y eleganta, ara respidleia i ambiënć nobli, por chi ch’al à scrit. N förtl dër gran y na produtivité ezezionala â Georg Philipp Telemann, che à scrit dër tröpa musiga, tröpa de chësta “de aurela cörta” dër nobla y fina: musiga ê n plajëi inteletual y sensual. Sce an baiâ de “Bach” incër le 1750, n’êl nia miné le gran Johann Sebastian, mo so f ì Carl Philipp Emanuel Bach. Ël é n lian danter le baroch y le stil tlassich, al porta l’epoca dla “Empfindsamkeit”, dla comoziun sentimentala dl compositur y dl ascutadù. Süa carateristica prinzipala é les melodies nia continautives (sciöche tl baroch), mo cun destacs y interuziuns, n percurs melodich “spidicé” che metô ad espresciun comoziun y agitaziun: al ê l’aviada devers de n’epoca nöia. (mateo taibon/mt)

Informazions y Manifestazions Cursc “Chorseminar” cun Manuel Schuen a Maria Rain/Klagenfurt L’iniziativa “Tetrarts” de Maria Rain dlungia Klagenfurt tl’Austria mët da jì n curs da ćiantè por ćiantarines/ćiantadus, dai 5 ai 11 de setëmber 2011. La direziun artistica é de Manuel Schuen da San Martin, che à studié musiga sacrala y orghe tla “Universität für Musik und darstellende Kunst” a Vìena y laora śëgn sciöche dirighënt y organist tla Michaelerkirche a Vìena. Le cost ma por le curs é de 125,00€ a porsona, 100,00 € por studënć. Implü él da paié l’alberch y le mangé. An po se prenotè ćina al 31 de messè, paian ite le contribut. Por le program dl seminar plü avisa, por le formular de prenotaziun al curs y i dać de banca pòn jì tl sît internet www.tetrarts.at. Curs de pastelné

L curs ie n vënerdi ai 22 de lugio tla pitla sala de chemun de S. Cristina. L vën metù a jì n curs de 2 ëura, dala 4 nchin la 6 domesdì, per granc y pitli, ulache l vën laurà cun materiai de uni sort. L argumënt de chëst iede ie “L bosch“. Nfurmazions y iscrizions pra la Lia dl Turism de S. Cristina, 0471/777800. Curs de fotografia per sculeies dla scola mesana L curs de fotografia y de lauré ora fotografies cun Gimp y Photoshop ie per duc i sculeies dla scola mesana cun Vito Miribung. N mpera a adurvé l aparat digitel, a lauré ora fotografies cun Gimp y Photoshop, n va tl studio dl Fotoclub Gherdëina a fé fotos. L curs ie dai 1. nchin ai 5 de agost, dala 14.00 - 16.30 tla scola mesana de Urtijëi. L curs costa 70,00 euro. Nfurmazions y iscrizions da merdi nchin vënderdi, dala 8.00 - 12.00, Servisc Furmazion Gherdëina, tel. 0471/773225. - furmazion.gh@micura.it Curs de palê L’Uniun Sport Alta Badia mët da jì n curs de aviamënt al palê, por mituns dles elementares. Le curs mët man ai 18 de messè y jarà inant ćina ala fin d’agost, dagnora de lönesc y jöbia. Les iscriziuns y la pröma incuntada vëgn fać en lönesc ai 18 de messè dales 15.00, sön le ćiamp dl sport da La Ila. Informaziuns pro le prof. Ubi Valentini al nr. 0471 839714. Curs da nodè L’Uniun Sport Alta Badia organisëia n curs da nodè por prinzipianć y progredis, resservè ai mituns dla elementara, dla mesana y dla scolina. Le curs vëgn tignì tla nodadoia comunala da La Ila y mët man en lönesc ai 11 de messè dales 9.00. Al dorarà indöt 10 leziuns, vigni dé adinfora dla jöbia. Iscriziuns y incuntada: en lönesc ai 11 de messè dales 9.00 pro la nodadoia da La Ila. Informaziuns plü menüdes pro le prof. Leo Pitscheider al nr. 0471 847142 o pro le prof. Ubi Valentini al nr. 0471 839714. Curs da jadiné por mitans y mituns L’ICE Club Alta Badia mët da jì n curs da jadiné por mitans y mituns dla scolina y dla scora elementara, dal 1. d’agost inant dales 14.00 al Stadium dla dlacia a Corvara, por dui iadi al’edema, por indöt 8 iadi de n’ora porom. Cost: 60,00 euro; infos y prenotaziuns al telefonn 347 0846845 (dales 15.00 inant), o nadiadelazzer@hotmail.com

Program dl conzert Le conzert vëgn tignì da Ensemble Diderot, en mertesc ai 19 de messè dales 21.15, tl salf dles manifestaziuns da Corvara. L’entrada é debann. Tl ensemble sona Johannes Pramsohler y Ania Nowak ala vidora, Tomasz Pokrzywinski al cello y Marcin Swiatkiewicz al cembalo. Jean-Jospeh Cassanéa de Mondonville (1711-1772) Triosonata op. 2, n. 3 en G-Dur Georg Philipp Telemann (1681-1767) Sonata por vidora nr. 5 en a-Moll (da: 6 Sonates, Frankfurt 1715) Carl Philipp Emanuel Bach (1714-1788) Triosonata en D-Moll, Wq 145 (BWV 1036)

♦ Scultöres y xilografies de Rindler

Jean-Joseph Cassanéa de Mondonville Triosonata op. 2, nr. 4 en F-Dur

Incö, vëndres ai 15 de messè 2011 domisdé, dales 17.30, saral la daurida dla mostra de Giovanni (Hans) Rindler tl Istitut Ladin Micurà de Rü a San Martin de Tor

Johann Georg Pisendel (1687-1755) Sonata por vidora y bas en c-Moll Antonio Vivaldi (1678-1741) Sonata op. 1 nr. 12 “La Follia”

L’Ensemble Diderot sona ai 19 de messè a Corvara.

L’artist marou che abitëia a Vìena mostra scultöres y xilog raf ie s (stampes de lëgn) da insnöt inant ćina ai 15 de messè 2011, vigni dé dales 10.00 ales 12.00 y dales 14.00 ales 19.00, tl Salf dl Istitut a San Martin de Tor. Incö domisdé dala mesa dles sis saral la festa de daurida cun söl Na scultöra dl artist Giovanni Rindler, retrat fat jö te so atelier a Vìena porgram i salüć y l’introduziun da (Austria). pert di organisadus dla mostra - l’Istitut Ladin y l’EPL/Ert por i Ladins, musiga da pert dl duo de chitares Marc & Valentina, la presentaziun dla monografia nöia “Giovanni Rindler - Scultöres” (Folio Verlag) y n pice renfrësch. www.lauscdiladins.com

25


Informazions y Manifestazions

nr. 27 / 15 de messel 2011

♦ Segra de S. Cristina

♦ “Creatöres dl chit” tla Ćiasa dl Parch

N dumënia ai 17 de lugio iel a S. Cristina segra. Chëst ann saràl l Cor de Dlieja deberieda cun l Cor di Jëuni y l Cor di Ëi “Sasslong“ che meterà a jì la festa tl zënter Iman

Na mostra temporana y ativitês de vigni sort ves aspeta

Bele n sada sëira dala sies scumenceràn cun n bel program y de bona spëisa. Dala set da sëira inant suneràl 3 grupes de jëuni de Gherdëina. L se trata di Golden Colt, Acoustic y Phantom. Dala 21.00 inant giaurida dla cocktail-bar. N dumënia dala 9 daduman saràl l Cor de Dlieja deberieda cun l’urchestra a abelì la santa mëssa cun la “Theresienmesse” de J. Haydn. Do mëssa saràl la Lia di Guanc dala Gherdëina cun la Mujiga de S. Cristina che menerà duc tl zënter Iman ulache l sarà da maië y da bever per duc. Danter l auter uniràl fat de bona fanedes. La Mujiga de S. Cristina tenirà si cunzert per la segra. Domesdì puderàn audì l cor “Sasslong” y L Goldried Quintett. nce Matteo cun la “Steirische”. Da mesa la set da sëira inant suneràl l “Goldried Quintett” dl Osttirol. Da mesa la diesc da sëira saràl la estrazion dla ola dla fertuna cun scialdi de biei pesć. La zedules dla lotaria unirà vendudes nchin cin’ menuc dan che l unirà trat ora i pesć. Tulëve dl’ aurela y unide a scuté su de bela mujiga y a ve maië velch de bon.

Temp lede

Cun na mostra itineranta dal titul “Geschöpfe der Stille - Die Rauhfußhühner und das Steinhuhn”, dedicada ales sorts desfarëntes de iai de munt y galedri, à metü man l’isté tla Ćiasa dl Parch Natural Fanes-Senes-Braies a Al Plan de Mareo. N diorama cun esponać di iai y iarines de munt imbalsamà, vidrines y tofles informatives ô ves portè plü dlungia ala vita, la reproduziun y l’ambiënt vital de chisc tiers demorvëia. La mostra metüda adöm dal Ofize Parcs Naturai dla Provinzia de Balsan é da odëi tla Ćiasa dl Parch cina ai 8 de setëmber. Tl “ćiantun dl bosch” po le vijitadù s’informè sön i bosc di parcs naturai de Südtirol, tres tofles informatives y libri sura le bosch. Laprò él da odëi tla Ćiasa dl Parch inće ćiamò chësc iste le “Vivialp”, na simulaziun virtuala di parcs nazionai y naturai dles Alpes. Tres n joystick pòn jorè danter les pizes di crëps y les vals di raiuns alpins y vijité virtualmënter deplü particolaritês di raiuns sconà. I mituns dai 6 ai 12 agn, po La mostra sön iai de munt y galedri, da odëi tla spo tó pert al “Laboratore creatif de Daksy”. Ćiasa dl Parch a Al Plan. Deboriada cun i verdaparcs podëise jì ala descurida di socrëć dla natöra, vigni vëndres dales 15.00 inant. La prenotaziun é obligatora y i posć é limità. Fora por l’isté ne manćiaràl sambëgn nia ativitês por mituns y families. En ocajiun de deplü manifestaziuns s’aspeta i verdaparch cun so program: Cultura da Munt sön Börz, Festa di Morins a Lungiarü, Roda d’Armentara a La Val, incuntada regionala di grups jogn dl CAI y d’ater. La Ćiasa dl Parch é daverta dal mertesc ala sabeda dales 9.30 ales 12.30 y dales 16.00 ales 19.00. De messè y agost éra daverta inće la domënia y l’entrada é debann. Por informaziuns: tel. 0474 506120 o info.fsp@provinz.bz.it.

Chino

Dé por mituns

Chino a La Ila: “Rio”

En mercui ai 20 de messè dales 17.00 inant vëgnel organisé sön la plaza dla scora da San Ćiascian jüć por mituns. Al gnarà cuntè stories, i mituns podarà fà de pici laûrs fać a man y se lascè depënje sö le müs. Sce al ess da ester bur’ tëmp, vëgn la manifestaziun tignida te scora elementara dl paîsc.

Tla cornisc dles serades de chino a La Ila, vëgnel mostrè en mertesc ai 19 de messè dales 21.00 le film animé “Rio”, tla Ćiasa de Cultura a La Ila. Organisaziun: AT Badia.

Marcià dl artejanat y mujiga tl raion da jì a pe a S. Cristina

N merdi ai 19 de lugio, dala 8.00 da sëira inant saràl inò tl raion da jì a pe de S. Cristina l marcià ulache i artejans prejenterà si lëur da zacan y si prudoc fac a man. L unirà nce pità prudoc naturei coche śulzes, sofc, miel, ega de vita, vin, ciociul, ierbes de medejina, prudoc de belëza y n.i.. Oradechël saràl nce mujiga y devertimënt, n merdi ai 19.7. cun Sepp Messner Windschnur, y l sarà nce vel’ stont che pieta velch per la gola y da bever. L merdi sëira sarà perchël ntan chësc instà l di da se ancunté tl raion da jì a pe a S. Cristina. Festa tl raion da jì a pe “Bënunì“ a S. Cristina N vënerdi ai 22.07. vëniel inò metù a jì a S. Cristina la festa tl raion da jì a pe „Bënunì“. Dala 18.30 inant uniràl pità truepa spezialiteies da maië y da bever. Per de bona mujiga saràl da audì cunzerc de plu bands y l ne mancerà nia na surpreja per i plu pitli. De vedli juesc scuvierc da nuef tl Museum Gherdëina

Uni juebia ntan l instà vëniel pità n program interatif per mutons y granc, che ie daviert sibe ai turisć che nce ala jënt da tlo. Cunsià per mutons sëura i 4 ani. Co se tripova i mutons dan 100 ani? De ce material fova pa la roba da fé damat dan l tëmp dla plastica y dl gumi? L Museum de Gherdëina nvieia a scuvierjer da nuef y purvé ora juesc de lën y a se tripé deberieda! Genitores y mutons puderà nce vijité l Museum. L’azion dura 90 menuc y scumëncia for dala 4.00 domesdì. Da se lascé scrì su tl Museum Gherdëina y pra la Lies dl Turism. Priesc: 4,00 € per persona (plu ntreda). Viac tl tëmp dla storia dla Dolomites cun Hans Comploj

Pra la vijita meneda tla sezion de geologia y paleontologia dl Museum Gherdëina pòssen mparé a cunëscer miec la vëtes geologiches di crëps y dla montes de nosta Dolomites cun duc si curëc y fossii de marueia. Tres i resć fossilisei de plantes y tieres vëniel stlarì la furmazion de sasc y pieres d’uni sort. Hans Comploj prejenterà chësc program che dura 75 menuc per tudësch ncuei vënderdi ai 15 de lugio dala 14.15 y ai 22 de lugio dala 14.15 (nce plu inant, for de vënderdi, per talian). Priesc dla vijita meneda: 3,00 € per persona (plu ntreda). Da se nuté su tl Museum Gherdëina. L marcià de ”L podl” per mutons

N sada ai 16 de lugio uniràl inò metù a jì a Urtijëi, dala 15.00 ala 18.00 sun Pitla Plaza Rezia, l marcià ulache i mutons possa vënder d’uni sort de roba da fé da mat, ma nce guant, roba da maië coche tëurtes o zeche da bever, libri, nsciuma dut chël che possa nteressé y che ti sà bel y bon ai mutons dla scola elementera y mesana de duta la valeda. Chëi che uel se mëter su n stont possa mo se nunzië nchin ai 15.7. tla butëiga Manuela, str. Rezia 169 a Urtijëi, tel. 0471 796095. I 5 € per l’iscrizion jirà a fin de bën per l Medicus Comicus. Smauz y tëurtes fates n cësa

La Lia dla Paures Gherdëina mët a jì ntan l instà vel’sëira ulache l unirà fat fanedes y vendù smauz da paur y tëurtes fates n cësa, n merdi ai 26 de lugio y ai 2 de agost a S. Cristina, ai 10 de agost a Urtijëi, ai 16 y ai 23 de agost a S. Cristina y ai 28 de agost a Urtijëi.

Segres y festes Festa di Scizeri

Chisc dis, vëndres y sabeda ai 15 y 16 de messè, metarà da jì i Scizeri d’Al Plan na festa te paisc cun musiga, orela cörta y spëisa.

26

www.lauscdiladins.com

Al Chino de Cianacei

Insnet, en vender ai 15 de messèl da les 21.15 se pel veder “Pirati dei caraibi 4 - Oltre i confini del mare”. En sabeda ai 16 e en domenia ai 17 da les 21.00 vegn moscià l film fantasy “Paul” e da les 21.15 l film dramatich “127 ore”. En lunesc ai 18 e en mèrtesc ai 19 da les 21.15 vegn dat fora “Fast & Furious 5”, en mèrtesc ai 19 e en mercol ai 20 da les 21.00 l’é “Il ragazzo con la bicicletta”. En mercol ai 20 da les 17.30 e da les 21.15 e en jebia ai 21 da les 21.15 se podarà veder la seconda pèrt de “Harry Potter e i doni della morte”. En vender ai 22 da les 21.00 l’é “Habemus Papam” e da les 21.15 vegn moscià “Una notte da leoni 2”. Al Chino de Pardac Da insnet vender ai 15 enscin en lunesc ai 18 da les 21.15 ogne sera vegn moscià la seconda pèrt de “Harry Potter e i doni della morte”. En sabeda e domenia chest film é en program ence da les 17.00. En mèrtesc ai 19 da les 21.15 se podarà veder “L’ultimo dei templari”. Al Chino de Ciavaleis

Da insnet, vender 15, enscin en domenia ai 17, da les 21.15 vegnarà moscià “Una notte da leoni 2”. En mèrtesc ai 19 da les 16.30 se pel veder “Pirati dei caraibi 4 - Oltre i confini del mare” e da les 21.15 ven moscià “Il discorso del re”.

♦ "Friends on stage" prejënta “Delizie Musicali“ L cunzert sarà n dumënia ai 17 de lugio dala 21.00 tla cësa de cultura de Sëlva. L cianterà Erika Mussner de Sëlva y Gudrun Moser dl Tirol, acumpaniedes da Ingrid Czaika di Paejes Tudësc La 3 cumpanies à studià tl Conservatore de Dispruch y à uni tant fat deberieda n cunzert. N dumënia sëira se prejënteles cun n program drët rich purtan dant duec de Brahms, Lieder de Brahms y de Grieg, aries ora dla opres Carmen, Aida , Tosca, Il Trovatore y per finé via n trëi pec ora de operetes de Strauss y Léhar. L se trata de mujiga dla epoca romantica, che ie plëina de La trëi cumpanies Erika, Gudrun y Ingrid. culëur y de variazions. Ve nvion de cuer a chësc bel cunzert. La ntreda ie debant.


Informazions y Manifestazions

nr. 27 / 15 de messel 2011

♦ N dé sciöche i stödafüch

♦ Dai 2-11 agn: ginastica y devertimënt

Ai 16 de messè mituns y mitans dai 7 ai 12 agn di paîsc dl’Alta Badia invià a n dé particolar, por conësce les assoziaziuns de socurs tres le jüch y le devertimënt

L’US La Ila/seziun fitness mët da jì d’isté fora na ligna de cursc de ginastica por düć i mituns y les mitans, tignìs da Thomas Valentini y Lorenz Clara, cun scomenciamënt ai 18/19 de messè

Inće chësc ann organisëia i grups di stödafüch dl raiun Alta Badia, en colaboraziun cun la Crusc Blanćia y l’Aiüt Alpin Alta Badia, le dé dla proteziun zivila por mituns y mitans dai 7 ai 12 agn, ocajiun por imparè da Pro le “Dé sciöche stödafüch”, l’ann passè a San Ćiascian. conësce chëstes organisaziuns y sü injins cun jüć y devertimënt. An s’incunta la sabeda ai 16 de messè dales 9.30 dan magazinn di stödafüch de vigni paisc, por jì spo deboriada cun sü mesi a Calfosch, olache al s’aspeta de vigni sort de devertimënt y desmostraziuns desvalies. Da misdé saràl por düc na bona marëna. Ala fin dla manifestraziun, che é preodüda incër les 15.00, gnarà düć i mituns acompagnà dai stödafüch zoruch te so paisc. Düc é dër bel invià da tó pert.

Curs de ginastica spezifica uma/ pere - möt: por mituns dai 2-3 agn Le curs mët man ai 18 de messè y va inant vigni lönesc y jöbia dales 17.00 ales 18.00, por indöt 14 iadi, te palestra nöia da La Ila. Ginastica y devertimënt por mituns dla scolina “Śoghé fej crësce” An mët man ai 18 de messè, vigni lönesc y jöbia dales 15.00 ales 16.30, por indöt 14 iadi, te palestra nöia da La Ila. Program sportif da d’isté por mituns dla elementara y pröma mesana 1a, 2a y 3a elementara: scomenciamënt Deplü é i cursc por mituns che la US La Ila/seziun ai 19 de messè, vigni mertesc y vëndres fitness, mët da jì chësc isté. dales 14.30 ales 16.00, por indöt 14 iadi; 4a y 5a elementara y 1a mesana: scomenciamënt ai 19 de messè, vigni mertesc y vëndres dales 16.00 ales 17.30, por indöt 14 iadi. Program: Percurs y acrobatica te palestra, jüć te ćiamp, nodè, arpizé, jadiné, New Adventure Park, jüć da soflè sö y iade en tenda. I s’abinun le pröm iade te palestra nöia a La Ila. Düć i mituns che tol pert ai cursc po se presentè le pröm iade diretamënter te palestra. Por informaziuns cherdè sö Thomas al 339 1433016.

♦ Festa dl lì

Iadi, Jites y Escurscions

La “Lia di scriturs de Südtirol” (“Südtiroler Autorenvereinigung”) inviëia en domënia ai 17 de messè dales 20.30 tla Ćiasa de cultura a La Ila a na serada cun auturies y auturs de Südtirol

Via fereda sun la Punta Anna cun i jëuni dla Lia da Mont Gherdëina

N dumënia ai 17 de lugio jirons a fé na bela via fereda sun la grupa dla Tofanes. Pieron via dala 7.30 sun plaza S. Antone a Urtijëi. L sarà da jì za. 5 ëura y n valgun trac ne sarà nia zeche per tëmagiac! Da tò pea iel dut l material che n adrova per fé na via fereda, n casco, de bon ciauzei y zeche da maië y da bever. Per plu nfurmazions y per se scrì ite, pòn cherdé su tl ufize dla Nëus Jëuni Gherdëina al numer 0471 799006 o de scrì a info@njg.it. Jita sun l Monte Rite cun vijita al Messner Mountain Museum La Lia da Mont de Gherdëina grupa “Nëus jon pa bel plan“ mët a jì n dumënia ai 24 de lugio na jita sun l Monte Rite tl Cadore. L sarà da jì 5 ëura cun n deslivel de 600 metri. Da dedò jiran a ti cialé al Messner Mountain Museum. Iscrizions nchin n vënerdi ai 22.07. a Urtijëi tla butëiga dai ciofs Inge, a S. Cristina da Sport Service y te Sëlva da Sport Bruno Riffeser. Per plu nfurmazions pudëis cherdé su Elfriede 348/0469287.

Paolo Crazy Carnevale.

Daniele Barina.

Sepp Mall.

La S.A.V. (“Südtiroler Autorenvereinigung”) mët da jì desco vigni ann söa “Festa dl lì”, en chësc ann tla Val Badia, plü avisa a La Ila. L’indunada sarà inće ocajiun da recordé le compagn scritur Georg Engl, mort chësc ann ćiamò jonn. La serada gnarà metüda da jì en colaboraziun cun le Cunsëi Cultural dl Comun de Badia. La “Festa dl lì” é vigni ann na festa culturala, olache al röia adöm tröc scriturs y amanć dla leteratöra de döt Südtirol y inće da foradecà. Al gnarà lit dant tesć leterars ti lingac ladin, todësch y talian, fora de libri nüs y inće fora de “de vedli”. Tla S.A.V. él bele da tröc agn inće laprò n bel tlap de cumëmbri ladins. I scriturs che liarà dant da sü libri en domënia ai 17 de messè a La Ila é chisc: Toni Bernhard, Anne Marie Pircher, Rut Bernardi, Paolo Crazy Carnevale, Daniele Barina y Seppp Mall. Do les letöres saral da aldì musiga da pert de Jean Ruaz (usc y chitara) y Leon Price (violun). Auturs y publicaziuns Toni Bernhart „Gschmugglt weart nicht mea“ (tòch de teater - por todësch) Anne Marie Pircher „Still leben“ (cuntia te n hotel „Wellness“ tl Tirol - por todësch) Rut Bernardi „Lirica y prosa da piz a cianton - Lyrik und Prosa kreuz und quer” (ladin gherdëna cun traduziuns tl todësch) Paolo Crazy Carnevale y Daniele Barina „Macahity“ (na storia scrita cun cater mans) Sepp Mall (li dant poesies de Georg Engl „in memoriam“)

Jita sun l Dent Blanche N sada 30 y dumënia 31 de lugio mët la grupa alpinisć Gherdëina – GAG a jì na jita tla Svizera sun l “Dent Blanche” (4357 m). Jon a fé la via normal de chësc bel crëp nia tan cunesciù. Muvon n sada abenëura per ruvé su te utia per la cëina (1700 m de deslivel). L di do fajerons sibe suvier che nce juvier l “Südgrat” ulache l ie gran pert da jì a crëp (plu o manco n III. grado). Per plu nfurmazions prions bele de damandé do ala grupa Alpinisć Gherdëina – GAG, Jan Luca Senoner, 331/8825696. Jita da d’isté dl Sindacat di ponsionà SGB-CISL – Val Badia: Ütia de Pecol La jita vëgn metüda da jì en sabeda, ai 16.07.2011. Ara se trata de na spazirada saurida (ca. 40 menüć a pè, püch deslivel). Post d’incuntada: dales 10.00 a San Martin (zënter) o dales 10.30 a Pé de Börz (plaza da lascè i auti). I passun n valgünes ores en compagnia pro musiga, ćiantè y na bela cartada. Por plü informaziuns: Paul Pedevilla al 333/6731119. Escursciun sön Rît y cun la roda da munt sön la Rodeneckeralm

L’ativité di jogn dles Lies da Munt Val Badia va inant chësta sabeda ai 16 de messè, cun na escursciun da La Val demez sön Rît y Pares. An pëia ia da La Ila dales 8 da doman. Se prenotè prëibel pro Verena al nr. 338 3399409. En domënia ai 17 de messè vëgnel metü da jì na jita cun la roda da munt: Val Badia - Rodeneckeralm, cun Franz F. Le percurs é de 70 km por n deslivel de 1500 metri. Informaziuns ciafon pro Franz al nr. 333 6869409. Escursciun cun les Lies da Munt Val Badia

En domënia ai 24 de messè vëgnel metü da jì na escursciun da Delba - rif. Contrin, Ju de Ombretta - rif. Falier - Malga Ciapela. La escursciun é saurida, cun n deslivel de 1200 metri, por n tëmp da jì de za. 7,5 ores. Plü informaziuns: Giorgio K. al nr. 0471 836322.

Dotors y Apoteches Dotors

L dutor de servisc dala 8.00 da duman de n sada 16 de lugio nchin la 8.00 da duman de n lunesc 18 de lugio ie l dutor Raphael Insam de Urtijëi, tel. 0471/797369 o l 0471/797076. Le dotur en sorvisc tla findledema di 16 y 17 de messè, ti comuns de Mareo y San Martin, é la doturia Margarete Mahlknecht, La Val, tel. 349/0667034 o 0474/523018. Ti comuns de Corvara, Badia y La Val saràl en sorvisc le dotur Martin Spechtenhauser, La Ila, tel. 0471/844200. Apoteches L’apoteca de servisc che à daviert ora dl orar ordiner da n vënerdi (dala 19.00) ai 15 de lugio nchin n vënerdi ai 22 de lugio ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). L’apoteca en sorvisc fora dl orar ordinar, dal vëndres ai 15 de messè al vëndres ai 22 de messè, é chëra da San Martin/Picolin, tel. 0474/523020. Anne Marie Pircher.

Toni Bernhard.

Rut Bernardi. www.lauscdiladins.com

27


Informazions y Manifestazions Iniziatives sportives

nr. 27 / 15 de messel 2011

♦ Dé dl Vin tl’Alta Badia

VI edizion de Champions Vich Va inant con gran gaissa e partezipazion la VI edizion de “Champions Vich”, l feruscol tornoi de “balon a 5” endrezà da Daniele Tonet, Federico Cincelli e Fabio Detomas. 24 squadres se dèsc batalia al Zenter sportif de Cotura de Vich ogne sera, da les 20 a les 23.30, te partides de 2 tempes de 20 menuc. L tornoi, che sostegn ence SportABILI, met dant chest an ence la bela novità del “Champions Girls”, l super tornoi out a la eles.

N domisdé dediché ai mius vins de Südtirol, ai 22 de messè En vëndres ai 22 de messè mët da jì le Consorz Turistich Alta Badia adöm al Consorz Vins de Südtirol le pröm Dé dl Vin te chësc isté. Dales 16.00 ales 19.00 podaràn ćiarćé i mius vins de Südtirol, tl prè dlungia la scora de schi da La Ila, tl zënter de paîsc.

Turnier de calceto

Le Sport Club Amatorial Antermëia inviëia da tó pert ala 10. ediziun dl Turnier de Calceto, che vëgn inviada ia en doman sabeda ai 16 de messè a Antermëia. Al vëgn śoghé dales 10 inant y al sarà inće n tendun y musiga dal DJ. Dales 18.00 él preodü la finala y l’incoronaziun dl “Re di 7 metri”; dedô party cun DJ. Tó pert po alplü 16 scuadres. Iscriziuns pro Armin al nr. 347 9102642 o tres e-mail a arminerlacher@yahoo.it. 13. Turnier de nöt a La Val

L’U.S. La Val organisëia ai 6 y 7 de agost 2011 (sabeda sëra fina domënia da doman) la 13. ediziun dl turnier de calceto de nöt, por scuadres dl tëmp lëde (5 śogadus + portíer), söla plaza dal palê sintetica Plans a La Val. Al po tó pert fina 20 scuadres. Les iscriziuns po gnì fates fina ala jöbia, ai 28.07.2011 pro Klaus Rubatscher sot al nr. 335 6905507 o tres fax al 0474 523035 o e-mail a klaus@verginer.bz.it y le paiamënt dl prîsc d’iscriziun de 120,00,00€. Pesć: 1. post 600,00€, 2. post 400,00€, 3. post 200,00€, pozer 200,00€. 13. Val Gardena Extrem

La garejeda sarà ai 4 de sëtember dala 10.00 danmesdì da Urtijëi demez nchin sa la furcela de Saslonch. La garejeda de nordic walking sarà dal jëuf de Sela nchin sa la furcela for dala 10.00 danmesdì. La garejeda de sauté da mont su ie de livel internaziunel skyrace, 19,1 km y chëla cun i fusć a pe ie de 3 km. Chësta garejeda fej pert dla grupa de garejedes skyrunning. Chësta edizion vën metuda a jì dal Hockey Club Gherdëina. L’ iscizions ie daviertes nchin la 12.00 di 2 de setëmber. Se scrì ite pòssen pra la Lia dl Turism de S. Cristina, tel. 0471/777800, fax 0471/793198 o s.cristina@valgardena.it o pra l Hockey Club Gherdëina, info@hcgardena.com o scrijan ora l formular y paian ite 30/20 euro per nordic walking tla Cassa Raiffeisen de Sëlva, IBAN IT 30V08238 58890 000300004073 HC Gherdëina sot a Extrem Maraton 2011 pra duta la purtines dla valeda. Nfurmazions plu avisa sot a www.valgardena.it Jita sun Resciesa

I senioren dla SVP mët a jì na pitla jita sun Resciesa. L vën metù a jì n blòt di cun i senioren dl raion de Bulsan. Se abinon n vënderdi ai 22.07. dala 10.00 daduman japé dla furnadoia de Resciesa. Deberieda vëniel jit nchin pra la utia de Resciesa ulache l vën maià da marënda. Daldò saràl na blòta mujiga che nes tën cumpania.

Mostres I “Cadres de storia” de Moena en mostra

L Comun de Moena, col Grop Ladin e la Scola de Fascia, ve envìa a la mostra “Moena. Cadres de storia”. L’esposizion tol ite i chèdres didatics fac dal pitor Mario Detomas da Sèn Jan, depenc che é protagonisć ence del liber dal medemo inom dat fora dal Grop Ladin da Moena del 2009, con tesć del maester Simonin Chiocchetti Maza. La mostra resta fora dut istà te sala de consei del Comun de Moena, olache se pel jir a la veder duc i dis da les 17.00 a les 19.00. Mostra “Jir” de Valeria Battel a Moena

Tel teater de Navalge a Moena se per veder l’esposizion “Jir: stories de viajes e pensieres”, chèdres de Valeria Sarita Battel dal titol La artista fascèna ne mena a descorir sia emozions pojèdes su la teila te chesta mostra che sarà da poder veder enscin ai 5 de aost duc i dis da les 17.00 a les 19.00 e da les 21.00 a les 22.30. Verginer e Gelmi te Fascia

L’Active Hotel Olympic, sun stradon de la Dolomites a Vich, via per dut l’istà l ge verc si ujes no demò ai ghesć ma a duc i pascioné de èrt, che i podarà mirèr la operes de doi artisć de nonzech. La operes de Willy Verginer e Annamaria Gelmi é da poder veder enscin ai 30 de setember daìte e de fora da l’hotel te la mostra dal tìtol “Men in Flowers”, che é averta ogne dì da les 8 a les 10 inantmesdì e da les 20.00 a les 22.00. L’entrèda é debant. Mostra per i 30 ani dl Foto Club Gherdëina

Tradizion, pascion, evoluzion, fotografia. Chësc vëniel fermà per i 30 ani dl Foto Club Gherdëina, da 30 fotografs, sun fotografies dla mesura de 30 x 30 cm. La giaurida dla mostra ie ncuei vënerdi ai 15.7. dala 20.30 tla sala dla mostres dla Lia Mostra d’Ert/ Circolo sun Plaza Sant Antone a Urtijëi. Da udëi saràla nchin ai 24 de lugio uni di dala 17.00 – 19.00 y dala 20.30 – 22.30 Mostra de fotografies dla spedizion sun l Mount McKinley

La mostra de fotografies fates ntan la spedizion di doi Catores Christian Denicolò y Willy Comploj deberieda cun doi cumpanies badioc Felix Pescoller, Roland Pedevilla y n cumpani dla Svizra Walter Volker, l ann passà sun l Mount McKinley tl’Alaska, ie da udëi nchin ai 23 de lugio, uni di dala 15.00 – 18.00 y dala 20.30 – 22.30 tla sala Bera Albino tla cësa de cultura de Sëlva. ”Me feje marueia” de Roberta Savelli

L’artista de Milan mët ora ntan l mëns de lugio tla galaria Ghetta a Urtijëi sun la pitla plaza de S. Antone. La mostra dal titul ”I Wonder” fej pert de n majer proiet dl’artista che va śën bele inant da plu ani y mostra su si raport cun l mond de marueia dla stories y dla fantajia. Si lëures à nsci da n fé cun la fantulëza y i prim ani dla junëza, ulache i argumënc dla cunties se cunfruntea cun la realtà. N se vëija ora l liam cun stories cunesciudes y sambën cun duc i elemënc naturei, i ciofs y i tieres che ti dà vivanda a si lëures.

28

www.lauscdiladins.com

Ai 22 de messè él söl program le pröm Dé dl Vin de chësc isté, a La Ila. (Foto: Florian Andergassen)

Ai vins de Südtirol ti vëgnel dè na gran importanza pro les manifestaziuns gastronomiches dl’Alta Badia. Chisc se desferanziëia por süa cualité, por mirit de n tlima dër ideal, na tera fertila y la gran pasciun che i paurs dal vin à por so laûr. Ai 22 de messè gnaràl presentè y ćiarćé i vins dles cater regiuns de produziun de Südtirol: Val d’Isarch, MaranVal dl Adesc, Val Venosta, Balsan, Bassa Atesina - Oltradesc. Les chertes po gnì cumprades diretamënter pro le Dé dl Vin al prisc de 10,00€ a porsona. Sce al ess da ester bur’ tëmp, vëgn la manifestaziun metüda da jì tl salf dles manifestaziuns a La Ila. Le Dé dl vin gnarà metü da jì ciamò n iade ai 22 d’agost a Corvara.

♦ Otava ediziun dl Gader Sound Le conzert é söl program en doman ai 16 de messè dales 15.00 inant, söi plans dl Galber a Pidrô. Grups da Talia y Austria cun musiga Reggae, Ska y Folk L’inom “Gader Sound” él oramai düć che conësc y le conzert é na data fissa tl program di Jogn da La Val. Chësc ann vëgn organisé inće chësc ann, en doman sabeda ai 16 de messè, ti plans dl Galber a Pidrô. Al sonarà grups desvalis dala Talia y dal’Austria. Ëi ti darà corù cun musiga Reggae, Ska y Folk. Le Open Air mët man cun la pröma band dales 3 domisdé y se stlujarà ia tles ores tardies dla nöt. Al sonarà Red-Ska, Good Vibe Styla, Radio Babylon, GTO, Vintage, Ten Minutes To Go. I Jogn da La Val y i tröc organisadus inviëia jogn y manco jogn a na bela sëra plëna de musiga. I Jogn da La Val inviëia al Gader Sound.

♦ La Jöbia de Corvara 2011 Le zënter da Corvara gnarà animé cun festa y devertimënt vigni jöbia, dai 21 de messè ai 25 de agost: conzerć de musiga jazz tla strada prinzipala stlüta al trafich di auti y devertimënt por i mituns cun le grup “Tiatro”. L’Assoziaziun Turistica da Corvara/Calfosch mët da jì inće chësc isté la manifestaziun “La jöbia de Corvara”, che à albü n gran suzes l’ann passè. Vigni jöbia, dai 21 de messè ai 25 de agost, gnarà le zënter dl paîsc stlüt al trafich di auti dales 17.00 ales 19.00 y dales 21.00 ales 22.00, canche al ti gnarà lascè lerch a manifestaziuns desvalies por pici y gragn. Por vigni jöbia él gnü ponsè a n program desvalì, cun musiga jazz, le festival por mituns portè dant dal grup “Tiatro” y tröp devertimënt. Implü sarà por chëstes sëres inće gran pert dles botëghes dl paîsc davertes. La manifestaziun mët man la jöbia ai 21 de messè cun le grup “Tiatro”. Paiazi (clowns) y striuns metarà da jì n domisdé plëgn de devertimënt y bona lüna fora por le raiun pedonal dl paîsc. I mituns po tó pert a deplü ativitês y jüć, sciöche inće imparè da fà figöres cun i palês d’aria o se paiazi dl grup “Tiatro” animëia ai 21 de lascè depënje le müs da n grup de profescionisć. messè la “Jöbia de Corvara”. Ćina ala fin d’agost gnaràl metü da jì esibiziuns da pert di mius sonadus jazz, conesciüs a livel internazional (ai 28 de messè, ai 11 y ai 25 de agost) y i festivals por mituns (ai 21 de messè, ai 4 y ai 18 de agost).


nr. 27 / 15 de messel 2011

Informazions y Congratulazions

Mostres “Figura“, mostra tla furtëza de Franzensfeste La giaurida dla mostra sarà n juebia ai 21 de lugio dala 17.00. La sarà da udëi nchin ai 21 de utober, da merdi nchin a dumënia 11.00 – 18.00. Pra chësta mostra culetiva iel nce da udëi artisć de Gherdëina coche Aron Demetz, Walter Moroder, Hermann Josef Runggaldier, Thaddäus Salcher y Bruno Walpoth. Mostra de Hugo Vallazza

L Istitut Ladin Micurà de Rü y Kunst Meran ve nvieia ala mostra de Hugo Vallazza “Culëur, forma, natura“ tla cësa dla Cassa dl Sparani, Lauben 163 a Maran. La mostra sarà da udëi nchin ai 25 de setëmber, da merdi nchin a dumënia 10.00 – 18.00. Sentì l tof dl vënt

Wilhelm Senoner à metù ora set scultures de bront che ie da udëi sun la mont de Resciesa nchin ai 18 de utober. Mostra personala de Guido Tavella “Momënć de vita - Jüch de curusc - morvëies dla natöra” é i pinsiers che l’artist da La Val Guido Tavella à orü i dè a süa mostra personala nöia che gnarà daurida en sabeda ai 16 de messè dales 18.00 tl Salf dles uniuns a La Val. La mostra romagnarà daverta ćina ai 30 de messè 2011, dales 10.00 ales 12.30 y dales 17.00 ales 20.00.

Mostres Mostra “Perat” de G. Willeit A San Ćiascian él da odëi tla galaria nöia d’ert “La vita é ERT” la mostra personala de fotografies artistiches de Gustav Willeit. La mostra che gnarà daurida ofizialmënter en sabeda ai 16 de messè 2011 dales 16.00 sarà da odëi ćina ai 30 de messè 2011 dales 10.00 ales 12.00 y dales 15.00 ales 19.15, la domënia él dé de palsa.

Teater “ater-te-ater” I apuntamënć cun le cërtl di teatri “ater-te-ater” va inant chisc dis, ai 15 y ai 16 de messè, dales 19.30 respetivamënter dales 12.00, söl Lüch da Ćiaminades, cun n teater nia da vigni dé, che joblenëia pro na gran mësa, cun le publich ala pert dl jüch. Compagnia: “Teatro delle Ariette” dal’Emilia Romagna. Inant jarara spo cun le tòch “Ara va insciö...”, la produziun früt dl workshop metü da jì, che gnarà portè dant sabeda, domënia y lönesc ai 16, 17 y 18 de messè, dales 20.00 (16 de messè), dales 19.00 (17 de messè) y dales 20.00 (18 de messè), sön Dlijia Vedla a La Val.

Musiga Ciampac Summer Festival Anter la bela neves de chest istà te Fascia l’é i conzerc che vegn endrezé sun Ciampac. L nef event, dal titol “Ciampac Summer Festival”, perveit 4 conzerc con musizisć de gran braùra e nonzech, endrezé da la Sitc con l’obietif de smaorèr la doura di impianc ence d’istà. Se pea via en domenia ai 17 de messèl con n artist de cèsa: l pianist Paolo Bernard da Cianacei da les 14.30 portarà dant n program de museghes de Bach, Beethoven, Schubert, Schumann e Chopin. L’event jirà inant en domenia ai 24 de messèl da la medema ora con la “balkan band” Radio Zastava, e dapò ai 28 de aost con “Alpentrio” e ai 11 de setember con “Quartetto Desueto”. Bona musega per endrez de la Grenz

La sociazion La Grenz de Moena va inant con so empegn per chierir ge dèr lèrga a la musega dal vif. I apuntamenc con conzerc de artisć che porta dant generes musicai desvalives vegn metui a jir da les 10 da sera te la senta de la sociazion aló da “La Baita”, te strada Saslonch a Moena. En sabeda ai 23 protagonisć sarà i “Radio Zastava”, vulcanich grop che tol ite l’amich furlan Leo Virgili e en vender ai 29 enveze Chiara Canzian, la ciantarina staa ence a Sanremo, portarà dant sia cianties compagnèda da Andrea Lombardini al bas. De autra informazions sul sit: www.lagrenz.org. Mujiga alalergia cun l Urtijëi Brass

Ncuei vënerdi ai 15 de lugio suneràl dala 21.00 inant l cuintet “Urtijëi Brass“ tl zënter de Urtijëi.

Anna, Silke, Maria, Sara, Elisa, Alexia Finalmënter iel ruvà l di che ëis aspità, do cin ani de studië y mparé l ejam de maduranza ëis pudù fé y dutes sies cun suzes finé.

Ma śën basta mparé śën jide mé a lauré sce ulëis mo ve furnì y maië che mami y tati ie stufs de paië. Dut l bon per l daunì ulons ve mbincé, che la ve bute for cun chël che ulëis fé

vosc genitores, fredesc y surans

Apuntamënć cun le festival Badiamusica

Le festival va inant en mertesc ai 19 de messè cun l’Ensemble Diderot, che sarà da aldì dales 21.15 tl salf dles manifestaziuns da Corvara. Ai 26 de messè dales 21.15, podaràn aldì sön paiun de Badia le cuintët Bozen Brass. Sce al ess da ester bur’ tëmp, vëgn le conzert tignì tla Ćiasa J.B. Runcher. Conzert dl Cor Monte Cervino Incö vëndres ai 15 de messè dales 21.15, tla Ćiasa J.B. Runcher a Badia. Val Badia Jazz Festival

Tla cornisc dl Val Badia Jazz Festival vëgnel metü da jì en domënia ai 17 de messè dales 11.00 n conzert cun le grup Emotions, sön paiun dla plaza de Comun a Corvara. En mercui ai 20 de messè dales 13.00 pòn ascutè tla Ütia Jimmy sön Ju de Frara le musizist Joe Chiericati. Noemi Iori cianta “L mal d’amor” te Gardecia

En jebia ai 21 de messèl te Gardecia da les 2 domesdì vegn portà dant l spetàcol de teater e musega “La lejenda de Antermoa, opuramenter: L mal d’amor”. La ciantarina da Dèlba Noemi Iori e l’ator Paolo Vicentini, coi sonadores de la sociazion Neuma vidé dal maester Gianfranco Grisi, ne conta coche l’é nasciù l Lech de Antermoa tras la storia de l’amor anter na bela Vivèna e l poet Man de Fier. Se aessa da esser catif temp l spetacol vegnarà portà dant da les 17.30 te sala grana de la Sorastanza. Spetacol de musega de “Il Pentagramma” a Moena

En sàbeda ai 16 e en domenia ai 17 de messèl da les 21.00 tel teater de Navalge a Moena la scola de musega ”Il Pentagramma” de Fascia e Fiem en colaborazion col Comun de Moena e l’assessorat a la mendranzes linguistiches de la Region Trentin-Sudtirol porta dant l spetacol de musega, teater e bal dal tìtol “Istadèla comandèla – Il viaggio dei giovani aquiloni”. Duc é envié de cher. I Suoni delle Dolomiti sun Roda de Vael

L program de “I suoni delle dolomiti” va inant, e te Fascia ai 22 e 23 de messèl la manifestazion rua al Refuge Roda de Vael, olache l’é pervedù doi encontres: en vender ai 22 da les 14.00 per “Il Racconto delle Dolomiti” sarà l’alpinist Fausto De Stefani e en sabeda ai 23 da les 6 da doman per “L’alba delle Dolomiti” l’ator comich Enrico Bertolino. Maor informazions sul sit www.isuonidelledolomiti.it Cunzert te dlieja de S. Cristina

N mierculdi ai 20 de lugio dala 9.00 da sëira uniràl metù a jì n cunzert tla dlieja de S. Cristina. L sunerà l Brass Quintet Urtijëi y i Unknown Brass. La ntreda ie debant.

N sada ai 16 de lugio cumplësc

Anna Insam la bela età de 70 ani.

Dut l bon, fertuna y truepa sanità te mbincia de cuer ti uem Engl ti mutons Antonia, Felix y Karin cun families.

Ai 16 de messè 2011 cumplësc

nosc Helmut i 40! Düt l’bun uruns’ ti auguré y de cör le ringrazié pur düt ći che al à fat pur nos! Ti augurun inant ligrëza da laurè y da sunè, pasciun da cujiné y inće da mangé, cösses de quaglia, filet y fiorentina laprò en bun vin “de cantina”. Furtüna y sanité nos düć t’audun, y a na bela festa s’inconfortun Düt l’bun da tües mitans Anna y Katharina, tüa fomena Sabine y düć chi de tüa familia.

www.lauscdiladins.com

29


Congratulazions y Inserac Duman ai 16.07.2011 éra tan inant

Guido dl Mone cumplësc i agn, ći spavënt. Che al nun é 70 indüt n’uressun nia dì, ma la berba n pü’ grija pudess te imbanì. Te audun tres inant furtüna y sanité, pasciun y ligrëza da jì a ćiacia, emoziuns y sodisfaziuns da depënje, entusiasm y dediziun al ćiantè y suradüt tëmp da te stè saurì te familia. Tüa fomena y tües mitans cun families

Susi ...onta è śën i agn mo büsionta este ćiamó cotan, belo da picera t’la riêste dassënn y cösc rì vën entres plü bel! Döt le bun te aoda chi de familia y chi da söalt, dandadöt Romina.

teciura da Badia,

Cun nosta picera, picera cun chëla che fa festa n’é mai na stufaria, urunse incö dütes adüm festejé deache arjunt aste tüa majera eté. Manćé dan da düt ne pò nia tüa boza de vin, speran che pur da sëra ne sun nia brudurades a San Martin. Tröpes scenes y bì mumënć unse pudü passè adüm y inant sperunse da nen passè ćiamò n grüm. Che restun cumpagnes pur tres sperun, Deache te urun dütes dër n gran bun. Miri, Juli, Maddi, Dani, Sara

Auto Alta Badia s.r.l. chir n lerner da carozier. Prëibel cherdè sö le 0471/839865 o le 335/242193.

Sport Trade s.r.l. a La Ila chir da atira por döt le dé o inće ma part time na porsona por la contabilité cun esperiënza. Tel: 0471/844592 o 335/6680477.

La Scola de Schi de Sëlva chier per dut l ann n/na secreter/ia che sebe tudësch, talian y nglëisc y da lauré sun l computer. Prëibel cherdé su l 335/204278.

A S. Cristina vëniel fità via n cuatier de za. 110 m2, te na beliscima luegia panoramica y a surëdl nia dalonc dal zënter, a jënt da tlo. Per plu nfurmazions pudëis cherdé su l 335/6259775.

Altabadia Bike chir na porsona por la sajun da d’isté. Prëibel telefonè al 335/6116526. La firma Bioc Bau Srl chir n gruist da atira. Prëibel telefonè al 0474/523127. (orar de ufize) L vën vendù n cuatier de 70 m2 te Sëlva tla streda Col da Lech. Prëibel cherdé su l 348/2340224.

nr. 27 / 15 de messel 2011

Chirì da laour Hotel Sport a Calfosch chir n/na secreter/ia cun de bunes conescënzes dl talian, todësch y ingleje y dl program ASAj, da setëmber ćina de aurì. Prëibel telefonè al 335/6116105 o menè le curriculum a hotelsport@rolmail.net.

Dolomit Express chir n colaboradù por le sorvisc estern cun esperiënza tla venüda y conoscënzes de computer (bëgnodüdes), sön provijiun, da atira, raiun de Puster y valades laterales. Articui de retlam, retlam sön tesciam (textil), stampa y adesif. Les mius condiziuns, auto dla dita, provijiun, fis y i.i. Domandes ma ala mail promotion@ dolomitexpress.it Tistlaria Perathoner te Sëlva chier n fant cun esperienza. Prëibel cherdé su l 0471/773222 o l 339/4268143.

N’ëila de tëmp a Urtijëi chier n’ëila da tlo che ti judëssa a fé vel’ lëur de cësa n trëi ëura danmesdì. Chiche ulëssa nfurmazions plu avisa possa cherdé su l numer de telefonn 0471/796563. (L ne se trata nia de na persona da secudì).

a Badia chir da atira n lerner por döt l’ann. Por informaziuns 335 6155706.

N’ëila chier da lëur a rumé su majons, te Gherdëina. Tel. 320 9370274. (25/11) ••• Na jona dla Val Badia chir n laûr a tëmp plëgn te n ofize tla Val Badia, da mëte man da novëmber inant. Tel. 348 7347007 ••• N ël chier da lëur a lavé ju, a judé te cësadafuech o sciche vardian de n hotel. Tel. 327 8273023. (25/11) ••• N jëunn chier da lëur a judé te n hotel o pension, a lavé ju o te cësadafuech. L sà da rujené tudësch y talian. Tel. 327/4524790. (26/11) ••• Na jëuna de 26 ani, che à bele fat na sajon te n hotel de Gherdëina, chier n lëur dai 15 de lugio nchin ala fin de agost, nce a mez tëmp. Tel. 329/4787538 do la 10 danmesdì. (26/11) ••• N’ëila dla Ucraina, de 48 ani, chier da lëur a cialé sun jënt de tëmp o a ti fé i lëures de cësa a zachei. Tel. 329/5331078. (26/11) ••• N’ëila cun cin ani de esperienza y referënzes chier da lëur a cialé sun jënt de tëmp, te Gherdëina, da śën inant. Tel. 329/9859897. (26/11) ••• Pizzaiolo cun 15 ani de esperienza chier

da lëur te Gherdëina da śën inant. Tel. 328/7161094. (26/11) ••• N ël cun 10 ani de esperienza de lëur chier da lëur coche pizzaiolo te Gherdëina da śën inant. Tel. 348/9135403 o 338/3895490. (27/11) ••• N ël chier da lëur a judé te cësadafuech, a fé l vardian de cësa o a fé d’uni sort de lëures. Tel. 389/1017228. (27/11) ••• N jëunn chier da lëur a judé te cësadafuech, a lavé ju o a fé d’uni sort de lëures, sce l ie mesun te Gherdëina. Tel. 327 8378389. (27/11) ••• N’ëila da tlo chier n lëur a mez tëmp, da paidelné te Gherdëina da śën inant. Tel. 338/1568397. (27/11) ••• Doi jëuni cun na laurea te scienzes motories chier da lëur per dut l ann tl ciamp dl sport, fittness y wellness y scenó nce vel auter lëur. Tel. 340/7441271. (27/11) ••• N jëunn cun esperienza chier da lëur a fé de uni sort de stroc o a judé te cësadafuech. Tel. 338/7233211. (27/11) ••• N jëunn chier da lëur a fé de uni sort de stroc o te na cësadafuech. Tel. 331/2897834. (27/11)

Da vende Da vëne n quad Honda trx 450 imatricolè dl 2008, cun tòć sportifs. Cherdè sö le 346 6861642. (25/11) ••• L vën vendù n bel gran canape, da tré ora y pudëi fé n liet per doi persones dainora. L ie 2,20 m lerch y mo tan che nuef. Tel. 339/8076400. (26/11) ••• Vënde deplu cosses per umans cun pitli mutons: stuel per mëisa "Inglesina", bagl "Peg Perego" cumplet cun pitla cuna, stuel da sté sentei, tascia y ombrela y Kiddiboard, flucion da jì samont "Deuter" cun tët, marsupio "Chicco", sciaudaboza nuef. Per nfurmazions: tel. 0471 796087 (cherdé su domesdi prëibel) ••• Al vëgn venü n Mitsubishi Evolution 8. Tel. 331/3236377. (27/11) ••• L vën vendù n Audi TT 3.2 quattro 37800 km, dl 2007, grisc metal, coche

nuef, for stat te garage, volan s-line multifunzions, tlima doi zones, bi-xeno, cërtli da 18”, bluethooth, de pel a 20.900,00 euro. Tel. 392/2526209. (27/11) grazie ••• L vën vendù n Fiat Punto 1200 penzin dl 2002 y n Yamaha R1 dl 2007. Tel. 348/7073294. (27/11) ••• Da vëne n üsc de ćianô de metal, corù grisc y grisc scür, 80,5 x 209 cm. Al vëgn inće venü pera naturala “bianco-carrara”, dimenjiuns 30x60 cm, 1 cm grossa, indöt 11 m2, y pera naturala “Shiwahashi”, dimenjiuns 40x40 cm, 1 cm grossa, indöt 4 m2. Tel. 339/7006154. (27/11) ••• Da vëne n pick-up Nissan Navara, ann 2007, 23.000 km, te de bunes condizuns. Tel. 339/2889821. (27/11)

Da chirì N’ëila de Gherdëina chier n cuatier per 3 persones a Urtijëi per dut l ann. Tel. 339 1088847. (25/11) ••• N jëunn che lëura te n restaurant a Urtijëi chier da durmì a Urtijëi, nce deberieda cun d’autri te n cuatier. Tel. 389 1418755. (25/11) ••• N pèr da tlo chier n cuatier te Gherdëina per dut l ann. Tel. 347 2535315 o 334 2421086. (25/11) ••• L vën cris n cuatier per trëi persones a Urtijëi, per dut l ann. Tel. 327 4497267. ••• L vën cris per dut l ann n cuatier per 2

Hotel La Perla a Corvara chir da atira n portier/fà- döt. Prëibel cherdede sö le 0471/831000 o menede na mail a lisa@hotel-laperla.it

persones, a Urtijëi. Tel. 327 4524790. (26/11) ••• Na familia residënta te Gherdëina chier n cuatier per dut l ann. Tel. 347 5011690. Prëibel cherdé su domesdì o da sëira. (26/11) ••• Al vëgn chirì na braia de coran (Lederhose) sora i jenedli y da comoc; mosöra 11-12 agn (158 - 164). Tel. 342 3740094. (26/11) ••• L vën cris n cuatier per cater persones a Urtijëi o ntëurvia, per dut l ann. Tel. 328 8062327. (26/11) ••• Al vëgn chirì percusciuns (tambürli, taîs, ecc.) por mituns che à ligrëza y incé debujëgn. Tel. 347/9941857. (26/11) ••• L vën cris n cuatier a Urtijëi per na familia. Tel. 349/8883783. (27/11) ••• Na familia da Corvara chir n cuatier a Corvara o a Calfosch. Tel. 331/3236377. (27/11) ••• L vën cris n cuatier a Urtjëi per una na familia cun 3 majons. Tel 327/9090171. (27/11) ••• Doi jëuni chier n cuatier da tò a fit per dut l ann. Tel. 340/7441271. (27/11)

Da scinché ia Comun de Badia Al vëgn scinché n pice iat grisc de 2 mëisc dër da orëi bun. Tel. 335/7879518. (27/11)

L vën vendù n hotel *** cun 80 liec te na bona posizion sajon da d’instà y da d’inviern Luegia zentrela tla Val dl Isarch. Na bona tlientela fedela che vën for inò gën. L se lascia lauré bën cun davanies aldò. Per nfurmazions cherdé su l 0472/836301 ntan l’ëures de ufize fax 0472 835401 – email: amilo50@gmail.com

30

www.lauscdiladins.com

Avis Le Comun de Badia chir relevadusc por la 15. cumpedada dla jënt y dles abitaziuns Damanè vëgnel: - le diplom de scora alta o diplom de scora mesana, te chësc cajo tira dant l’esperiënza te relevaziuns statistiches; - conoscënzes informatiches; - conoscënzes dl talian, todësch y ladin; - patent B. Perioda de relevaziun: otober, novëmber, dezëmber 2011. Les domandes mëss gnì dades jö al Comun de Badia che selezionarà te n secundo momënt i relevadusc. Por informaziuns cherdede sö le Comun de Badia - ofize anagrafich,tel. 0471/838232, mail: lucia.pitscheider@gemeinde.abtei.bz.it.

Comun de Badia Avis L’Ombolt lascia alsavëi che cun deliberaziun dla Junta comunala nr. 188 di 07.07.2011 él gnü metü da jì na gara publica por l’assegnaziun dla conzesciun dl sorvisc de scoaćiamins por le comprensor unich dl Comun de Badia. Les domandes de partezipaziun mëss rovè tl ofize lizënzes comunal anter les 12.00 h dl 01.08.2011. La documentaziun de gara revardënta vëgn depositada pro l’ofize lizënzes comunal, olache ara po gnì damanada tratan i orars d’ofize. La medema vëgn inće publicada sön la plata internet dl comun www.comunbadia.it olache ara po gnì desćiariada. L’Ombolt Giacomo Frenademetz


Religion y Anunzies

nr. 27 / 15 de messel 2011

Vangel dla Domenia

Lecort

16. Domënia ia por l’ann A, ai 17 de messè 2011

A Karl Unterkircher

Dal vagnele do San Matî, 13, 24-43

Trëi ani iel śën ca che sun l Nanga Parbat ti vita es lascià. Mei ne desmincerons ti gran pascion per la montes y ti legrëza de viver. Se lecurdon de té ai 16 de lugio dala 18.00 te dlieja dla Madona de Sëlva cun na santa mëssa y penson a ti.

Rengraziamënt

Stefo Pizzinini Mone da La Ila * 21.04.1919 + 12.06.2011 I oress rengrazié de cör la Ćiasa de Palsa da San Martin cun düt l’personal y l’dutur Agreiter, l’dutur de ćiasa Di Marino, i proi siur degan Franz Sottara, siur Gustl Frenademez y siur Angel Complojer, i ministranć, l’mone, l’consëi de cüra, chi che à portè l’cunfarun y la crusc, i ćiantarins, i stüdafüch. N bel giulan a chi che à dit dant les corones te ćiasa y te dlijia y a düć chi che à tut pert ales corones y ala supultüra. Rengrazié oressi inće chi che à fat ofertes, à scinché ciüfs y gherlandes y düć chi che à surantut val’ sorvisc pur la supultüra, dantadüt la fa. Alfreider da Corvara.

Te chël tëmp ti à Gejù cuntè ala meja chësta parabola: “Cun le rëgn dl cil éra sciöche cun n ël, che à somenè de bona somënza te so ćiamp. Tratan che la jënt dormî, él gnü so nemich, à somenè zizania danter le formënt y s’un é indô jü. Canche la somënza ê chersciüda sö y fajö spì, é inće gnü la zizania a löm. Dailò é i fanć jüs dal patrun y à dit: Signur, ne n’aste nia somenè de bona somënza te to ćiamp? Da olâ vëgn pa la zizania? Al à respognü: chësc é stè n mi nemich che à fat. Dailò ti à i fanć dit: désson jì y la trà fora? Al ti à respognü: nou, zënza tirëise fora inće le formënt cun la zizania. Lascede crësce intrami ćina dala racoiüda. Canch’al é spo chilò le tëmp dla racoiüda, dijarai ai lauranć: abinede impröma adöm la zizania y liédela te manes por la burjé; le formënt indere condejede te mia majun.” Al ti à spo cuntè n’atra parabola y à dit: “Cun le rëgn dl cil éra sciöche cun n granel de sënf che n ël à somenè te so ćiamp. Al é le mënder de düć i granì da somënza; mo canch’al é chersciü sö alt, él maiù co düć i ćiarîs y devënta n lëgn, tan gran ch’al vëgn i vicì dl cil y fej coa te sües rames.” Y al ti à ćiamò cuntè na parabola: “Cun le rëgn dl cil éra sciöche cun le lovè, che na ëra à moscedè ite te trëi vëntores de farina, ćina che döt n’é stè arlovè.” Döt chësc ti à Gejù cuntè ala meja te paraboles; al ti baiâ ma te paraboles, por ch’al s’adempliss ći che é gnü dit dal profet: i deuri mia boćia y i baii te paraboles, i incündi, ći che é ascognü dala creaziun incà. Spo àl lascè la meja y é jü a ćiasa. Y sü discepui ti é jüs pormez y à dit: “Splìghesse la parabola dla zizania tl ćiamp.” Al à respognü: “L’ël che somëna la bona somënza é le Fi dl Om; le ćiamp é le monn; la bona somënza é i fis dl rëgn; la zizania é i fis dl ri; le nemich che l’à somenada é le malan; la racoiüda é la fin dl monn; i lauranć pro chësta racoiüda é i agnui. Sciöche la zizania vëgn coiüda adöm y burjada te füch, insciö saràra inće ala fin dl monn. Le Fi dl Om menarà fora sü agnui y ai abinarà adöm fora de so rëgn düć chi che à trat al mal i atri y à dejosservè la lege de Dî, y ai i sciurarà te furn, olach’al verd le füch. Dailò bradlarài y rotarài i dënz. Spo lominarà i iüsć tl rëgn dl Pere sciöche sorëdl. Chël che à orëdles, chël aldes!” Parora dl Signur. - Lalt a té, Gejù Crist!

La fomena Giuvana

Rengraziamënt Lecort

L plu mpurtant tla vita ie la fusties de amor che lascion canche se n jon.

Cun gran tristëza y duel fajons a l savëi che nosc pere, nëine y fra

Ai 5 de lugio se n ie jita

Paula Vinatzer

Franz (Azi) Prugger

vëidua Holzknecht * 29.06.1925  + 05.07.2011

* 21.5.1928 + 8.7.2011 de 83 ani ie mort a Bulsan ai 8 de lugio. Rengrazion Chël Bel Die de l avëi abù pra nëus nchin śën. La fia Prisca L mut Uli cun Monica, Johanna y Julia y duc i parënc.

Nëus de familia ulon rengrazië de cuer duc chëi che à tëut pert a nosc duel per la mort de nosta bona oma, lava y nona. De gra al Servisc Soziel, dantaldut ai ulenteres, ai prevesc Alphonse Lichter, digan Vijo Pitscheider y sn. Paul Campei per la bela mëssa, a Eugen Verra che à dit la curones y che nes ie for stat daujin. N bel Die ve l paie nce ala Mujiga de Urtijëi, ai ujins y parënc. Rengrazië ulons nce duc chëi che ie unic a vedlé, a tré l’ega santa, ala santa mëssa y supeltura, a chëi che à dunà ciofs o dat dunfiertes a fin de bën n si memoria. Che la pausse tla pesc dl Seniëur.

Cunduel A Gilo Prugger che ie stat presidënt dla Union di Ladins de Gherdëina y presidënt dla Union Generela di Ladins dla Dolomites ulons ti fé la cundulianzes plu sentides per la mort de si fra

Franz Prugger che ie for stat atif per la cultura y rujeneda ladina Union di Ladins de Gherdëina Union Generela di Ladins dla Dolomites

Recort Bel’ n ann él passè che nosc pere, om, fre

Carlo Planatscher * 14-2-1940 +14-7-2010 se à lascè. Rî él stè da s’ausè al gran öt che te as lascè, mo te chësc mumënt nes aste dè forza da jì inant y pur chësc te dijun’ de cör dilan. Urun te recordè cun na santa mëssa in sabeda ai 16 de lugio dales 20.00, tla Dlijia da Lungiarü.

Benedisciun dl tëmp Por la benedisciun dl tëmp pòn lì danfora le vagnele do San Merch (4, 35-41), olache Gejù archita ia vënt y mer y tëgn dalunc la tempesta Religiun - Do la letöra dl vagnele vëgnel tignì la benedisciun. Ploan: Periun! Dî onipotënt, creatur dl monn y nosc pere, nos te periun: dàsse bun tëmp y fà crësce i früć dla tera. Tëgn dalunc

tempestes y rogossies, mëna plöia y sorëdl a so tëmp y conservëia ći che t’as lascè crësce, ch’i podunse, cun ligrëza y reconescënza, cöie i früć de nosc laûr. Benedësc l’opera de nostes mans y tëgn dalunc i prighi dl’anima y dl corp. De chësc te periunse por Gejù Crist, nosc Signur. Amen! Do i pinsiers che vëgn respogn düć: Nos te periun, o Signur. Dàsse bun tëmp y lascia crësce y madorì i früć dla tera. Benedësc nosc laûr y nostes

fadies y fà ch’i te sorviunse cun ligrëza y fedeltè. Dàsse plöia y sorëdl a so tëmp; tëgn dalunc tempesta y rogossies y vigni dann che vëgn dal rî tëmp. Dàsse na buna racolta y a düć le pan da vignidé. Fà ch’i odunse les nezescitês de nüsc fredesc y ch’i daidunse chi che vir tla meseria y patësc la fan. Fà ch’i adorunse dagnora do tüa orentè, por nosc bëgn y tüa gloria, ći che te nes scinches. Ploan: La benedisciun de Dî onipotënt, dl Pere, dl Fi y dl Spirit Sant, vëgnes jö sön nos y sön nosc laûr y restes dagnora pro nos. (Tut da: Laldun l’Signur) www.lauscdiladins.com

31


La Usc di Ladins  

Edition 2711