Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 26/2010 - 10 de messel 2010 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Resciesa

13

aaaaa

Ferata I lëures pra la ferata de Resciesa va inant bën, ma l ne sarà śën de lugio mo nia mesun inauguré coche preudù l mplant portamont nuef. N messerà bonamënter sburdlé la giaurida al mëns d’agost che vën.

Natura

Dì dla unité ladina te Fascia Ai 14 de messel, en ocajion dla pruma senteda dl Comun General de Fascia, met a jì la Union Generela y la Union di ladins de Fascia na scontreda sun les prospetives per l’autonomia di ladins

14

Smueies Do l gran ciaut di ultimi dis nce te nosc luesc da mont, iel unì docà de gran temporai che à gaujà smueies te Sëlva y a S. Cristina.

Val Badia

16

Cultura da munt Intervista cun Gaby Irsara da Antermëia, presidënta dl’uniun “Cultura da Munt”.

San Martin

17

Zënza ëres Critiches al ombolt da San Martin Heinz Videsott por la junta zënza ëres. Ći nen dìjel pa?

Al Plan

19

Orcena

Reprejentanc ladins con les bandieres entournvia l monument di Ladins sun Salei.

Canche la cortina devënta n post da fà pic-nic.

Ai 14 de messel él n di storich per i ladins, che apontin chel di dl 1946 se binòvei sun jouf de Sela de passa 3000, ruvés da dutes les valedes, per dì adaut che ai ne vuel nia vegnì despartis y che ai vuel jì inant adum. 50 agn plu tert, ai 14 de messel dl 1996, reclamova l popul ladin ciamò sun Sela la vueia de jì “Inant Adum”. Da enlaouta é l 14 de messel vegnù declaré “dì dla unité ladina”. Chest an sarà i 14 de messel na data storica ciamò de plu per la

Fascia

20

La ferata di 4 amisc Sun Bufaure l’é stat enaudà na neva via ferata voluda da Stefano Zulian Cuz e dedichèda a Alex, Diego, Erwin e Luca.

Julon

27

Campion talian Anton Moroder jola al prim post. Nstadì se àl abinà l’elite di piloc de julon per i Campiunac Taliani de julé cun l julon. Danter chisc nce Anton Moroder de Urtijëi y Alex Ploner de San Ciascian (campion mundiel 2009).

Sport

Maratona Spetacul danter les Dolomites, cun l’ambria dl doping.

30

comunanza de Fascia, ajache en mercui vegniràl cherdé ite la pruma enconteda ofiziala dl nuef Comun General de Fascia: la procuradoura Cristina Donei à cernù chesta data apontin per sie gran valour simbolich per i ladins. Scialdi en ocajion dla pruma senteda ofiziala dl Comun General, vegnirà chest ann l di dla unité ladina recordé te Fascia. Da les 17.30 vegniràl endrezé tla senta dl Comun General (bele

Comprenjore) a Poza na scontreda de reflescion sun l tem “Inant Adum. Prospetives per l’autonomia ladina en ocajion dla pruma senteda dl Comun General de Fascia”. A porté dant si intervenc saràl Marco Pizzinini, Ivan Lezuo y Antone Polam. Al vegnirà porté dant l salut dles autorités y do saràl l buffet tl Museo Ladin de Fascia. Da les 20.30 saràl dapò la pruma senteda ofiziala dl Comun General de Fascia.

Comentar de pruma

Senza paroles Da l’agenzia ANSA da dant trei dis: <L “superscudo” per premier y ministri ne fova nia na idea personala de n senatour singul. Sen él la ligna dl Pdl, che s’à pronunzié al Senat a sie ben damanan che al gnissa prevedù tl lodo Alfano costituzional nuef, en discuscion a Palazzo Madama. L “arat condizioné” dla comiscion Giustizia, scrit dal president Filippo Berselli (l medem che ova dant valch dis proponù la proposta) damana che l’ombrela anti-prozesc preveduda dal lodo Alfano devente plu lergia, a na moda da i evité al president dl consei y a sia scuadra ence i prozedimenc per reac cometus dant la nomina. Tl dessen de lege é l “superscudo” prevedù me per l president dla Republica, ma aldò dla comiscion él da stene fora a dutes les inciaries autes dl Stat, premier y ministri laprò. En realté ne se tràtel nience, aldò Berselli, de na estenjion dreta y veira, ma plu de na corezion de na desmentianza: ajache l salvament per i vedli reac fova prevedù ence tl vedl lodo Alfano, chel refodé da la Cort ajache al ne ova nia gre de lege costituzionala, y sce al n’é nia passé dal vedl test a chel nuef él ajache “an s’à desmentié da l reinserì”.

Müsa a scüsa N te’ isté n’unse bëgn mai vit! Do i pröms chinesc dé de jügn cun tëmp mol y frëit él gnü i dis ćialć che döra dötaurela. Les nöts é plü co ater frësches y conzed da dormì zënza de gragn tormënc. Ći bel isté! Al scialda sö natöra y jënt. Ma che śëgn él bele indô problems: l’isté pê bele por tröc massa ćialt y spere. “Al oress ester plöia!”, àldon baian. “Insciö ne crëscel bëgn no fonguns!” Le tëmp n’à mai na müsa a scüsa, tan da parentè... O n’él nia forsc ma n ater problem? La müsa che le tëmp fej ne me scüsa nia, a mé! Magari vëighi y sënti iö ma damat: sce i à sorëdl daite, spo él pö döt incër me ia che va bun: plöia, néores, ergobandi... y inće i fonguns che ne crësc nia ne me sta nia söl magun! va inant a plata 2


Letres y Atualité

nr. 26 / 10 de messel 2010

Resposta ala lëtra de Elisabeth Penazzi “Lîtes de Comun a Corvara Tla lëtra scrita dan da n’edema dij Elisabeth Penazzi che da canche le movimënt politich Ladins Dolomites s’à detlarè a öna cun la lista Düć Adüm, n’à la critica a Robert Rottonara de fà politica de partì plü degöna fondamënta. I oress sotrissé por coretëza politica che la lista Düć Adüm n’à mai fat politica de partì y n’é nia liada a Ladins Dolomites. Tan inant che la lista Uniun sides liada ala SVP, dess le litadù iudiché. Ći che desplej plü co ater é le tlima che al é a Corvara, olache vigni ocajiun vëgn anuzada por strumentalisé detlaraziuns y

azentuè la divijiun danter la popolaziun. A na scëmpla detlaraziun sura la coerënza politica de na lista ti vëgnel dè n significat che va sura ći che é miné fora. Ćiamò n iade: te na democrazia él tler che chi che à davagné les lîtes dess podëi se chirì fora sü rapresentanć te junta. Ai à ciafè le mandat dala jënt y à le dërt da tó les dezijiuns che ai arata mius. Por ći che reverda les lîtes nöies a Corvara à Ladins Dolomites l’intenziun - sce al é la orentè da pert di zitadins da jì sura les stritaries fora - da mëte sö na lista de porsones a chëra che al ti sta a

cör le bëgn dl Comun da Corvara y di ladins. Na lista che dess ester autonoma, che porta inant n conzet de aministraziun efiziënta tl interesc di zitadins dl Comun de Cor vara, che vais sura i personalisms fora. Tles proscimes edemes passarà Ladins Dolomites a chirì candidać che se mëtes a desposiziun. Chi che ess vëia, ideai y ardimënt da se mëte a desposiziun po me cherdè so diretamënter al nr. 339/7969204. Albert Pizzinini President Ladins Dolomites

Maratona dles Dolomites (Eco?Logical!) La Maratona dles Dolomites ie bele dai ani incà na manifestazion che plej, da ne pudëi nia plu se nmaginé demez te nosc raions y che ie nce n simbol de liam danter la valedes. Oradechël ne n’iel nia da desmincë la fazion turistica de retlam che la à, cun si ëures y ëures de trasmiscion tla televijion naziunela taliana. Turistica, ma

de na sort de turism che ne prijea nia mé nosc raions da mont dal pont de ududa estetich, ma che se nteressea a nosta cultura y a nosta rujeneda! Y co stàla pa cun la drëdia de jënt y cun l scich che la pudëssa lascé ncantëur? Canche son jit via per Frea chësc lunesc da duman (l di do la manifestazion) me iel

unit ancontra doi jëuni che rumova mo su i ultimi pitli tòc de papier! Dut l rest ne fova plu da udëi, no ju per streda, no a Corvara. Veramënter nia mé paroles uetes chëles de na maratona eco-logica. Cumplimënc al team dla Maratona, cumplimënc Michil Costa! Leander Moroder, Urtijëi

Onestè inteletuala por ći che reverda les lîtes de comun a Corvara I n’orun nia jì ite te polemiches strumentales deache i ne les aratun nia d’ütl y nia da capì te chësc momënt de dificoltè istituzionala por le Comun de Corvara. Chëstes ne contribuësc dessigü de degun vers da restabilì n tlima de serenité te nosta comunité, serenité indispensabla por podëi jì a lîtes nöies chësc altonn y ti dè n goern y na soluziun ai problems che i stà a cör a nüsc zitadins. Porimpò aratunse important che al vëgnes almanco garantì l’onestè inteletuala te n valgügn punć. Trasformism politich: an à pretenü che la maioranza s’ess sforzè da deventè mendranza. Nostes ghiranzes, chëres dla maioranza te consëi de comun, ê plü co legitimes. Nos ùn damanè le post por trëi porsones te junta y chilò chëres plü litades dla lista Düć Adüm, avisa sciöche la lista “Uniun” à inće fat da süa pert. Chësc ne ti scusâ nia al Ombolt, insciö ti él gnü damanè da podëi almanco se chirì fora les porsones che dê jì te junta. Mo gnanca chësta ghiranza n’é gnüda respetada! Pretëne indere

de ester plü colaboratifs, azetan les propostes che nes é gnüdes scrites dant y che an savô bele danfora che n’ess nia podü gnì azetades, é stada da pert dl Ombolt y dla lista Uniun ma na proa de forza. Al é vëi che l’Ombolt à porvè “cun pîsc y cun mans” da mëte sö la junta de comun, mo chësc ma cun les porsones che ti scusâ a ël, fajon i inoms di assessurs al ultim momënt tles sentades dl consëi, zënza mai chirì danfora le dialogh cun la lista Düć Adüm, fajon inoms inant y zoruch, sciöche le iat śoga cun la sorücia! Por ne baié nia di tröc atri punć che foss stà da sciacarè fora: program lital, inćiaries ai assessurs y.i.i. En chësc cunt n’él gnü spenü gnanca na parora, ê pö le majer y su problem chël dl 2+2+1 o dit atramënter: dl 3 a 2, y chilò baiunse di posć te junta por öna y l’atra lista! Al nes desplej tröp che le prinzip democratich dla ghiranza legitima de na maioranza sides gnü definì dal Ombolt “politica dla majera cresta” y che le respet de chësc prinzip foss stè, do süa minunga, “lascè jö la braia”. Mo la braia é atira indô jüda sö zoruch, à pö l’Ombolt

tla ultima sentada indô portè dant süa minunga y proposta fata dal mëteman, dijon che la proposta fata la sëra denant é stada na ocajiun che la lista de maioranza “s’à injomè ia”?! Al nes é gnü damanè da avëi plü bun sëns, mo bun sëns é dantadöt respet dles regoles istituzionales y ćiamò deplü respet dla orentè di litadus; chësta é na realtè cun chëra che l’Ombolt y la lista Uniun n’é nia stà bogn da se mosorè indertöra. Che le resultat de mesa devënta o mesa pordüda ti ê scomot al Ombolt y che propi porchël n’él nia stè bun da ciafè na soluziun stabila de compromis por goernè le Comun, é resultè plü co evidënt. Mo che al gnô pretenü che la maioranza foss deventada fora de nia na mendranza, chësta é na ghiranza che fej ponsè a na politica de livel bas sön chestiun essenziales, zënza baié porater di afrunć personai y dles “usc” che rodâ y roda dötaorela te paîsc sön chestiuns privates….! En contlujiun à nosta lista Düć Adüm sostegnì cun coerënza na posiziun tlera y legitima sciöche inće la funziun istituzionala de maioranza che ti é gnüda surandada dai litadus, fajon de chësc vers nosc dovëi ti confrunć di litadus. Al nes fej plajëi che la Lista Ladins Dolomites ais aprijé la coerënza de na maniera de laurè, mo impò restunse nos na lista zivica lëdia da condizionamënć politics, deache i cherdun tla capazité de nosta jënt da chirì soluziuns al’altëza de na buna aministraziun. Lista Düć Adüm Priesc d’abonament anual: per la Talia: 54,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

2

www.lauscdiladins.com

Müsa a scüsa va inant da la pruma plata

Zacò él indere ma bun che i podun baié dal tëmp, deache zënza ne savésson gonot nia ći dì. “Bun dé, Francësch, cô vara pa? Encö scê, catö ći bel dé sarëgn!” I sun capité zacan n dé a na cëna olache degügn

ne podô baié, na sëra dldöt tl chît, sö al Perla da Michil. Ilò n’ê le tëmp degun problem, deache degügn ne baiâ dl tëmp. Datrai se tirunse bëgn ma adalerch i problems, o no? Cun baié demassa dal tëmp y ascutè massa püch ći che “nosc tëmp” à da nes dì! (ir)

De gra Rengrazion tres la USC duc canc chëi che à judà pea pra l ntervënt do la desgrazia de nosc uem y pere Hansi da Larejac. Duc à desmustrà

na gran profesciunalità y n gran mpëni. Mo n iede de gra de cuer. La familia

Eroi… Lieje cun respet senzier la lëtra scrita da bera Davide Testor tla ultima edizion dla USC. Son a una cun ël che n titul coche “Eroe” sibe da ti dé dantaldut a chëi che se dà ju per l proscimo, l fajan suvënz tl chiet y zënza degun recunescimënt. Avëi dat l inuem “Eroe” a na scumenciadiva sportiva ie da nterpreté tl cuntest sportif, per l curaje, l mpëni y la fadia che chëi dala roda à a fé la raida dl Sellaronda Hero, na raida che ie propi ria da fé. L’urganisazion dl Sellaronda Hero à ulù lercurdé nosc eroi dla Val Lasties, Erwin Riz, Alex Dantone, Luca Prinoth y nosc bon cumpani Diego Perathoner. A d’ëi ti ons dedicà n pensier sun la zaita dl’urganisazion Hero Times. Tole l’ucajion per l publiché mo n iede, chëst iede sun la Usc di Ladins, ajache i drë’ eroi muessa for unì lecurdei cun unëur: “Ciau Diego Ulësse lecurdé n’autra data, for

n 26 che à abù da n dì te na maniera sterscia che l Sellaronda Hero ie nasciù. L fova la sëira di 26 de dezëmber dl 2009, canche nosc cumpani Diego Perathoner à perdù la vita jan a purté aiut te Val Lasties, deberieda cun Erwin Riz, Alex Dantone y Luca Prinoth. Diego fova na pert ntegranta dl Dolomiti Superski, l se dajova ju cun gran nteres y pascion tl’urganisazion dl raion dl Belvedere y de Col Rodela, propi ulache l passa nce la raida dl Sellaronda Hero. L fova coche nëus n pasciunà dla mountain bike, l criova tl svilup dla roda da mont tla Dolomites, deberieda ons studià y urganisà la raides de mountain bike ntëur al Sela. L destin à ulù che l ne ësse nia pudù fé pea pra l Sellaronda Hero. Per nëus, Diego, per l mpëni che ti es dedicà al proscimo, ies nosc eroe y te l resteres per for te nosc cueres.” Gerhard Vanzi, Sëlva

“Ciau Diego”. Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 26 / 10 de messel 2010

Adam Budak: “Spidl dl real y dl ireal” Conferënza stampa sön la Trienala Ladina a Balsan cun le curadù Adam Budak, curadù dla terza ediziun dla Trienala Ladina che sarà daverta dai 23 de messè ćina la fin d’otober tl Museum Ladin Ćiastel de Tor

Dancà y da na pert Uedli y oredles daverc sun la sozieté ladina d’aldidancuei Na ciacolada con Franco Deltedesco, ideadou e sourastánt del Mujeo Ladin da Fodom

I reladus ala conferënza stampa a Balsan sön la Trienala Ladina 2010 y le Pest Richard Agreiter. Da man ciampa: Peter Demetz, Vito Zingerle, Letizia Ragaglia, Adam Budak, Claus Vittur, Barbara Tavella.

Ert - Adam Budak é n ël de 44 agn romagnü jonn. Al é nasciü a Cracau tla Polonia, al dédaincö vîrel danter Graz (olache al é curadù d ’e r t contemporana tl Landesmuseum Johanneum) y Cracovia. Ël é stè le curator responsabl por le paiun dla Polonia ala Biennale de Aunejia dl 2004 y curadù ghest dla Manifesta07 stada tla regiun dl Trentin/Südtirol. Ala conferënza stampa a Balsan por la Trienala Ladina se móstrel frësch y spontann, y al cunta söla location Museum Ladin y söi artisć ćernüs por la mostra (indöt sis). Trëi de chisc é gnüs invià dai organisadus dla conferënza stampa danter la roda di reladus dlungia a Budak, Letizia Ragaglia dla juria y Vito Zingerle - diretur pro tempore dl Museum Ladin de Tor: Claus Vittur, Barbara Tavella y Peter Demetz. Na artista premiada chësc ann él ćiamò laprò danter le publich, Veronica Zanoner, che vëgn inće inviada danterìte da pert de Adam Budak a cuntè sön süa creativité y sön süa pasciun da scrì y depënje.

a chësc titul: “Al sarà na mostra dopla, o - dit damî, n stüde söla simetria, n tentatif da deligneè la dicotomia de na naraziun singola y na rapresentaziun; chësta esposiziun, organisada incër na strutöra che despartësc dala suraspersa che respidlëia, aviëia na conversaziun, n barat danter sogetivité, desfidan ćiamò laprò la singolarité y l’integraziun dl’espresciun artistica; ara se trata de n strumënt, de n spidl, de n stüde söla tenjiun ala suraspersa: na mostra y so doplun, la lerch dl iö y dl Ater, na imaja tùrghera y na ambria, n liam ales ambiguità dl real; l’esposiziun sarà n autoretrat de se instëssa, te na escalation de trompe l’eoil y ingianaziuns, deache ara é esperiënza spzio-temporala de n soget despartì; sce an manipolëia chësta esperiënza tres la tenjiun continuativa danter proscimité y destanza, proponn la mostra n jüch de perzeziun te chël che les döes perts dla medema storia vëgn respidlà tres na topografia simetrica costruida da döes lercs espositives simetriches; Archirida danter dejidré ara se trata porchël de döes mostres, deache döt le proiet espositif se y refodè basëia sön na spartiziun feter Le moto dl concurs dla Trienala schizofrenica; “mirrored stories” é Ladina 2010 é stè “Tl museum por desco na rapresentaziun de teater, comuniché...”. Le titul dla mostra che ćiaa y meditëia söl real y söl dla Trienala Ladina 2010 sarà ireal, söl ester y nia ester, söla lerch “mirrored stories” (da translatè cun y süa ilujiun, te n barat continuatif “cunties respidlades”, “cunties da danter presënza y assënza, spidli”). Adam Budak en referimënt spartiziun y apartenënza.” Budak inant: “an po dì che la mostra é instëssa n spidl, deache ara se resservëia le dejider da se destëne fora instëssa te na lerch fora dla lerch espositiva.” Aladô de Adam Budak romagn l’architetöra y la lerch por i artisć i mesi de comunicaziun y espresciun preferis dal artist, inzai danter porvè fora y zidlé, dejidré y refodè, danter le “chilò” y le “delà”, la lerch é ensemble de ilujiun y esperiënza L’artista fasciana Veronica Zanoner s’la cunta fisica, na archirida y comunicaziun zënza cun le curadù dla Trienala Adam Budak.

fin”. Da ajuntè él inće che l’olandeje Niels Jonkhans à arjigné le cheder architetonich por cherié l’ambivalënza y la dualité metüda en evidënza dal curadù Budak.

Veronica Zanoner: cun 88 agn ala Trienala Ladina Danter i sis artisć ćernüs dai 36 partezipanć indöt dal Friûl, dai Grijuns y dales valades ladines dolomitiches él inće la fasciana Veronica Zanoner. Tl publich dla conferënza stampa a Balsan éra gnüda inviada da Budak a cuntè sön süa pasciun cun l’ert. Zanoner à cuntè dles poesies y dles liëndes ladines che l’à entusiasmada da picera insö, y da süa vocaziun da scrì jö te parores y depënje “a süa manira” les impresciuns de süa fantasia y de süa odlada söles munts dolomitiches. Budak s’à mostrè dër de morvëia söl livel y resultat artistich dla Zanoner. Domandes i él inće jü a Claus Vittur y a Barbara Tavella sön cô - y cun ći - che ai se lascia ispirè por süa pitöra, Peter Demetz de Gherdëna à inće respognü a domandes sön la tradiziun dl ziplé tles vals ladines y söl prozes artistich che arjunj da see destanzié dala figöra tradizional-popolara. Dlungia ai cater ladins da ćiasa tles Dolomites él ćiamò Romana Prinoth, gherdëna che vir a Desproch, y Esther Schena, grijona che vir a Turić.

Le Pest R. Agreiter L’inom dla davagnadëssa dl concurs d’ert dediché a Richard Agreiter gnarà lascè al savëi en gaujiun dla vernissaja dla Trienala Ladina le vëndres ai 23 de messè al Ćiastel de Tor. 53 artisć (31 ladins, 12 südtiroleji y 10 austriacs) à tut pert a chësta secunda ediziun dl pest de scultöra. Partezipé à podü en chësc iade concorënć dal Tirol dl Nord, Tirol dl Est, Südtirol, Trentin y dales cinch valades ladines dl Sela. Le pest é ćiarié cun n import de scioldi de 10.000,00 euro. Le pest é gnü aiudiché da na juria internazionala che gnarà “publicada” en gaujiun dla premiaziun. (iaco rigo)

Franco,l Mujeo Ladin da Fodom l è de segur na bela realté. Cotánc de vijitadous al ann alo? Ma, mi no descorësse de numer, perciéche l mujeo l é dalvièrt demè puoc meisc al ann, conscideré che no se po’ sciaudé ite. Nlouta vignissa fòra che l é ben vèlch de pico. Nveze mi descorësse de coche resta la jent al vedei. Descorón de chëst spò. Si, la jent la se fèsc de marevoia che i pico paisc come Fodom l pòbe avei n mujeo coscita gran. Gran per la cuantité de material che l à laìte, con sue sezion dedicade a l’architetura da Fodom davánt e davò la vièra, l modo de vive, le tradizion, chëla su flora e fauna e po’ su la storia vegla, col ciastel d’Andrac e chëla plù damprò, su la Gran Vièra, trop cherida, damanada e aprezada. Forsci ence massa material, ma a tò fòra vèlch manciëssa na pèrt del percors. Respét ai autri mujei, ci elo che caraterizeia l Mujeo Ladin da Fodom. Dijësse proprio l fat che l conta la vita de la jent ladina da Fodom. Ti te l ass ideé e ades te mëne i vijitadous. Se t’asse da tourné ndrio, cambiësseto vèlch de coche l é ste mposté o t’asto ndentenù che l va polito coscita. No, no cambiësse nia, proprio per le carateristighe che è dit ndánt. T’as dit che l mujeo d’invièrn l mossa resté saré. Chèi elo i problemi struturai che no mpermët de podei l tignì dalvièrt dut l ann? Mprumadedut, come dit, volëssa podei sciaudé ite. Ma chëst volëssa di fè n intervent scialdi gran, perciéche l mujeo l é nte la sofita del ex Hotel Tirol

e spò fossa da refè ence l tët e ijolé. Po’ máncia n ascensor. Ma chël che máncia l é ence n comitat per l mujeo che laore, propone, mëte a jì idee e scomenciadive. Chëst l ejiste demè su la chèrta e mi l é agn che bate sun chëst. L mujeo elo plen o vegnelo njonté vèlch massaria o document ndriomán? No l mujeo l é vif, l cámbia. No se po’njonté vèlch de gròs, coche podëssa ester n ciar, ma picole massarie ben. Da puoch, per ejemple, i m’à porté pirona e cazuol co la mèrscia Hotel Tirol e doi i à su l inom de chi che l ava fat su, Dora e Gildo. Troc mujei aldidancuoi i à sezion dedicade al multimedial. Vedësseto debujen del avei ence ntel mujeo da Fodom? A chël si, de segur. No dighe come ntel Ciastel de Tor, che ilò l é proprio vèlch de particolar. Ma bastëssa coche è vedù per ejemple al mujeo de Fascia, ulàche l é ste metù dei computer, ulàche l vijitadou l po’ se cialé na descrizion del particolar che l à davánt. Per ades mi l é fat per la pèrt su la Pruma Vièra. Elo plu taliagn o foresti che ven la vedei? Come ades foresti, ingleji e todësć. De agost plu taliagn. Elo assé publizizé? A livel local vegnelo fat a savei che l é da pèrt dei operadous turistizi? Fossa ben debujen del publicizé ncin deplù. A livel local? Forsci fossa l cajo che mpruma vegne chi del luoch al vedei per po’ conté e nvoié i autri a vignì. Elo valgugn che te dáida e n di tolarà tua luoga? Chëst l é l problema. Per chël che mi bate che vegne fat n comitat.

www.lauscdiladins.com

3


Atualité

nr. 26 / 10 de messel 2010

Cumiscion culaudea l orgun Do la bela festa de benedescion dl orgun nuef cun l Vëscul Karl Golser, ulache l fova ruvà adalerch n grum de jënt nce da ora de Gherdëina, ie l orgun unì culaudà ufizialmënter Urtijëi - L colaude n vënerdi ai 25 de juni ie unì fat dala Cumiscion diozejana per i orguni. La Diozeja de Bulsan-Persenon ti scrij dant ala pluanies che uni orgun nuef y uni majera derturazion muessa unì culaudeda dala Cumiscion per i orguni metuda su aposta. De chësta cumiscion fej pert i miëur ugristri de nosta diozeja. Presidënt ie Pater Urban Stillhard OSB dl Cunvënt Muri-Gries. Na bona pert de chësta cumiscion à ulù unì a scuté su y a purvé ora l orgun nuef tla dlieja de S. Durich. L professëur dl Cunservatore y dirighënt dl Dom de Persenon Heinrich Walder à lascià audì damprovia gran pert di 31 registri dl orgun nuef, ntan che duta la cumiscion scutova su ti śessli lajù te dlieja. Ala fin àl mo sunà l preludium y fuga in C dassënn brilant per organo pleno de Georg Böhm, mustran duta la forza y l tonn da festa che chësc orgun nuef ie bon de dé ca.

Cialà tres pont per pont Da dedò ie duta la cumiscion jita sun porica pra l orgun ulache n ie jic tres pont per pont l cuntrat fat cun la firma Pirchner de Steinach per udëi sce dut ie unì fat aldò. N ti à cialà ala sortes de lën che ie unides tëutes per fé l castl y i manuai, ala posizion y ala

grandëza di foi che fej l vënt per dut l orgun, ai filec che lieia la tastes ai ventii dla pives y al funziunamënt de duta la pertes mecaniches dl orgun.

Lauda per l orgun nuef

cianton de dlieja. Nce tla capeles iel mo mesun audì drët bën l sonn dl orgun nuef. Nce l’estetica dla dlieja à davanià tres l pruspet dl orgun cun si bela pives longes y lucëntes y cun si biei urnamënc y si culëures che passenea ite tla

dlieja. Pra l pruspet y pra l gran castl dl orgun, che ie belau tan grant sciche na cësa (za. 8 per 8 metri) à pudù lauré pea na lingia de artejans dl luech. Nsci iel unì fat n protocol drët

positif dl culaudamënt ufiziel de chësc strumënt da pert dla cumiscion. Cun chësc documënt tla mans puderà la Pluania ti paië i ultimi debic ala firma Pirchner che dà sun chësc strumënt na garanzia de bën 10 ani.

Do dut chësc lëur de analisa dl material, ma dantaldut dl sonn y dla ntunazion che n ti à dat al orgun, ti à l Presidënt dla cumiscion diozejana per i orguni Pater Urban Stillhard OSB fat na gran lauda ai trëi reprejentanc dla firma Pirchner - l pere cun si 81 ani y i doi mutons Hannes y Martin - che fova unic per l’ucajion. Ël à dit che i ie stac boni de fé l orgun a na maniera che n possa suné mujiga de uni epoca y de uni stil, na richëza chësta che sà da aprijé dantaldut chël che sona l orgun uni dumënia y festa pra la funzions liturgiches. I tonns che n possa fé va da n pianissimo dl register “vox coelestis” al fortissimo dl plenum cun leprò la tumbrëtes, la posaunes y la bombardes tl pedal. Ma nce sce l tonn ie ghert y sterch réstel for mujel y nia agrescif.

Acustica nueva nce tla capeles L’acustica nueva dla porica ie bona de purté l tonn nchin tl ultim

Da man ciancia: Franz Comploi, Heinrich Walder, Urban Stillhard, Leonhard Tutzer, Martin Pirchner, Otto Rubatscher, Hannes Pirchner y Herbert Paulmichl.

Adincuntra ala Trienala Ladina SisartisćmetaràforasüesoperesalaTrienalaLadinatlMuseumLadinĆiasteldeToraSanMartindeTor.Lafestadedauridadlamostrasaràlevëndresai23demessè. AlconcursporlaterzaediziundlaTrienalatlĆiasteldeToràtutpertindöt36artisćdalesvaladesladinesdlesDolomites,diGrijunsydlFriûl.Ipresentunedemapor edema dui profii di artisć selezionà Claus Vittur

nasciü dl 1967 a Bornech, al vir a La Ila 1981-1986 S cora d’er t “Cademia” a Urtijëi, Gherdëna 1988-1992 Academia d’Ert “Brera“, Milan Ćerna dles mostres plü importantes 2005 Ragenhaus Bornech (Südtirol) 2007 Museum dla Zité de

Tlüses (Südtirol) 2007 Galleria Lietti – Como 2008 Campus Point – Lecco 2009 ZonaK – Milan 2010 Analogie – Chiesa S. Pietro in Atrio – Como Claus Vittur dessëgna y depënj jö de retrać y motifs bele dan man, mo al ti va do a n tru daldöt personal y puzenëia le cheder da döt ći che é demassa. Süa ert n’é nia na reproduziun un a un de motifs, mo n prozès, che cheriëia n oget nü che madorësc y chilò se müdel y se svilupëiel sön tru la grandëza, le raport de löm, les formes y i contignüs. Vittur desdrüj sü chedri por i implì spo de na tenjiun döta süa. Fora de chisc vëgnel spo n chît perfet. La contrada reala ne ti interessëia nia a Vittur, mo an descür sambëgn pro d’ël n gran incherscimun do la daurida dla natöra, dada dal mer, da sperses amples y da de gran planöres. N valgügn motifs pê te n pröm momënt scëmpli y banai, mo sce an ti ćiara avisa devënti tres plü complesc. Inće le cheder che pê tl pröm nia avisa y turgher vëgn tres plü prezis sce an l’analisëia avisa. Le contrast crësc ti laûrs de Vittur y ti dà da ponsè a chi che ti ćiara. Dainré

incùnton ti motifs de Vittur porsones, gonot vëgnel inće eliminé düć i atri ogeć. La pitöra de Vittur é caraterisada dal chît y dal öt, da contrades bludres y malinconiches, che ti trasmët al

osservadù sensaziuns desperades de eternité y surité esistenziala. (Simone Frangi) A Claus Vittur ne ti sal nia bel da baié de sü laûrs. Al i adora da

comuniché y prô de capì olache le tru ô le condüje. Sües operes le dëida ciafè so tru artistich, mo inće esistenzial. I ogeć ne n’é te sü chedri mai al pröm post, dër important é l’öt por ël. Lercs frëides, bludres dominëia sü laûrs y la löm determinëia la scena. I motifs, che ispirëia sü chedri, vëgn da archifs virtuai, al é motifs universai. Vittur va le tru dla semplizité y dla normalité y se tralascia deplëgn sön sü sënsc y sentimënć. Chësc tru ne le condüj indere nia te n post sigü, inće le tëmp resta indefinì. Le ćiarü fej ia la odlada sön l’orizont y les stighes condüj dagnora söpert: al é la metafora dla vita. Sü chedri trasmët malinconia y incherscimun do l’assolut, ai ne s’insëgna nia veritês, mo s’implësc plütosc de domandes. Vittur ti sciampa a süa storia personala y pëia ia te na dimenjiun universala, te chëra che vignun de nos svilupëia aspeć desvalis, individuai. (Angela Madesani)

Rubrica en colaboraziun cun le Museum Ladin

www.lauscdiladins.com

5


Atualité

nr. 26 / 10 de messel 2010

Cursc opzionai dla Repartizion ladina tl semester da d’invern 2010/11

“Tesć ladins dl 19ejim y 20ejim secul”

Tl semester da d’invern 2010/11 pieta la Repartizion Ladina dla Facolté de Scienzes dla Formazion dla Université Ledia da Bulsan de plu cursc opzionai, che pò vegnì frecuentés da interessés desche “student ghest”

“Tesć ladins dl 19ejim y 20ejim secul metüs te musiga” é stè n curs de cater sabedes a cin’ ores tla Repartiziun ladina Université Lëdia de Balsan a Porsenù. Les leziuns é gnüdes tignides dal ddr. André Comploi, musicologh y teatrologh – al momënt a ćé dl’ufize stampa dla Staatsoper da Vìena – che laora bele da deplü agn tal ćiamp dl’educaziun corala y se dà jö cun le repertore de ćianties ladines. Les leziuns â na pert storichteoretica, pedagogich-teoretica y pratich-creativa. Le pröm travert dl curs ê na soravijiun leria dla storia y dl repertore dla musiga vocala ladina, dandadöt dla Val Badia y de Gherdëna. Insciö él naôta gnü chirì ći che s’à mantignì dles ćianties de tradiziun anonima (= Volkslied), sciöche ćianties da firé, rimes y jüć por mituns con melodies, nines nanes etc. Le secundo vare ê spo stè le se dè jö cun les ćianties popolares dla secunda pert dl 19ejim secul pro chëres ch’an conësc almanco l’autur dl test o le compositur dla melodia o intrami. Chilò àn inće podü constatè che val’ compositur à scrit n test ladin y ti l’à metü sot a na melodia foresta, sciöche p.e. “Na sëra serëna“ de Jepele Frontull. Sambëgn él inće gnü tratè i auturs y compositurs ch’i ciafun te nüsc libri de ćianties sciöche Angelo Trebo, Jepele Frontull, Leo Runggaldier, Lipo Verginer, Siegfried Demetz, Amando Alfreider, Alejio

L dr. Lois Craffonara tegnirà indò n curs al’Université a Persenon.

Toponomastica dles valedes ladines y ”proa reala” (Codesc 13024) Curs tegnì dal dr. Lois Craffonara. Do na introduzion generala sun ie che toma dut sot a “proa reala” y sun cie che an enten sot a “geografia lessicala” y tant inant che una y/o l’autra pò iustifiché plulere o asseguré una na spligazion etimologica al post de n’autra, vegniràl fat na spazirada tres dutes les valades ladines a chirì d’autri

ejempli che se lascia plazé te chesc cherder, desco Ric/Riz, Flés, Picolin, “Zirades”, Pastrogn, Pudres, Sotinglacia, Pignacia/Pignaza, Reciavà/Reciavè, Puntea, Puntives, Delba etc. etc., che ciafa (o pò ciafé) sun la basa dai criters nominés, spligazions etimologiches altamo plu segures, o finamai segures y (en pert) nueves. Man man che an passarà da n ejempl al auter, vegniràl ence fat - aladò che al uega conscidrazions de fonetica storica, letura y interpretazion de documenc y debatù sun chestions de metodologia. L curs de 30 ores vegn tegnù tres de vendres con chisc orars: 15 d’otober (14.00-18.00); 21 d’otober (14.00-18.00); 12 de november (14.00-18.00); 19 de november (14.00-17.00); 3 de dezember (14.0017.00); 10 de dezember (14.0017.00); 17 de dezember (14.0017.00); 14 de jené (14.00-17.00) y 21 de jené (14.00-17.00).

Curs de Ladin per nialadins Per chi che volessa emparé ladin, végnel organisé da pert dl Zenter Linguistich dla Université de Bulsan doi cursc de ladin per nia-ladins

(un a Persenon y un a Bulsan) . La varianta vegnirà chirida fora aladò dles iscrizions dedes ju. Informazions emportantes: Les lezions dl curs de toponomastica y de un n curs de ladin vegnirà tegnudes a Persenon tla Facolté de Scienzes dla Formazion (streda Regensburg 16); l’auter curs de ladin vegnirá tegnù a Bulsan tl Zenter Linguistich (str. Dante 9). Duc pò se scrive ite, al ne vegn nia damané la matura. Informazions plu menudes soura les condizions d’iscrizion é da giaté tl secretariat di studenc dla Facolté de Scienzes dla Formazion (0472/012200); i formulars pò ence vegnì desćiariés dal internet (http://www.unibz.it/ web4archiv/objects/pdf/ standard/2008_f_gasthoerer_ beidesitze_neu_ohnematura.pdf ). Les informazions sun l curs de ladin dà l Zenter linguistich (0471012400; language.centre@unibz.it). Informazions plu avisa sun vigni curs pòn ciafé dal prof. Paul Videsott (mailto:paul.videsott@unibz.itpaul. videsott@unibz.it). L ultim termin per se scrive ite è i 20 de setember 2010. Ai maestri ti végnel reconesciù 15 ores dl curs dl dr. Lois Craffonara sciche formazion.

Curs tl’Université da Porsenù Baldissera, Vinzenz Maria Demetz, Emrich Kostner, Hans Demetz, Stefan Demetz, Alfons Willeit, Lois Ellecosta, Lois Craffonara, Eduard Demetz, Iarone Chizzali, Iaco Rigo, Rut Bernardi, Bruno Rives y d’atri. Ejemplarmënter él gnü analisé le test, la musiga y le contest dles ćianties. N secundo travert é stè chël da ciafè fora ći tòć y ći ćianties che é adatades por le ćiantè te scolina y te scora. Plü inant ti él gnü ćiarè ai parametri de basa dl’educaziun al ćiantè cun mituns: la fisiologia dla usc di mituns (fle, sonn, ambitus, mutaziun), les capazitês dla usc di mituns (desposiziun, defizić), les “massaries“ dl’educaziun dla usc (vocai, consonanć). Al é inće gnü pité propostes de eserzizi por scialdè ite la usc denant che mëte man da ćiantè y por svilupè la usc di mituns. Aladô di eserzizi desvalis por le portamënt dl corp, por le fle, la resonanza, la vocalisaziun, le löchernamënt, le ćiantè alt y bas, legato y staccato, la dinamica y.i.i. él tres indô gnü tut ca les ćianties ladines ch’an â imparè a conësce tla pert teoretich-storica. Implü él gnü prejentè schemes cô ch’an podess insigné ite na ćiantia a na tlassa de mituns. N terzo travert ê la pert creativa dl curs: les studëntes y i stüdënć â la poscibilité da traspone la teoria tla pratica, p.e. ti insigné ite na ćiantia al grup, fà na traduziun de na ćianćia tl ladin y.i.i..

Adincuntra ala Trienala Ladina SisartisćmetaràforasüesoperesalaTrienalaLadinatlMuseumLadinĆiasteldeToraSanMartindeTor.Lafestadedauridadlamostrasaràlevëndresai23demessè. AlconcursporlaterzaediziundlaTrienalatlĆiasteldeToràtutpertindöt36artisćdalesvaladesladinesdlesDolomites,diGrijunsydlFriûl.Ipresentunedemapor edema dui profii di artisć selezionà Veronica Zanoner

Veronica Zanoner (del Tinoto Gabana) é nasciüda dl 1922 a Gabana. Ara é chersciüda sö te n ambiënt artistich, te chël che al ê de plü artisć, musizisć, scolturs y leterać. Da de plü agn vîrera a Balsan, olache ara é dagnora stada te n contat strënt cun la scena artistica locala y ara à tut pert a de plü cursc de pitöra y scoltöra. Veronica Zanoner é stada öna dles prömes colaboradësses dl Radio Ladin da Balsan.

6

www.lauscdiladins.com

Da tröc agn publichëiera inće regolarmënter sü scrić tla “Usc di Ladins“. Veronica Zanoner é l’auturia de tröc scrić sön liëndes y cunties de süa patria ladina, danter l’ater “Racconti e leggende delle Dolomiti di Fassa”, “Montagne dell’Enrosadira”, “I Segnai, storie di pastori e contadini al confine del reale”, “L Stradon de la Ladinia” y la racoiüda de rimes “Leam ke rekonjonc”. Da d’alzè fora él implü ćiamò sü chedri depënć a öre “Dolomic feruscoi” y les series di “Ciavai” y döes operes singoles “Orchidee” y “le trei Grazie”. Vigni crëp tles Dolomites é lié a n mit y a na liënda, gonot é chëstes pizes fates ia te motifs mistics y trascendentai. “Vera”, insciö l’inom da artista de Veronica Zanoner, prô de definì chisc elemënć plü daimprò y plü avisa, da i rapresentè, insciö che ara tol ite les formes carateristiches de “sü” crëps. Te chësc prozès adôrera le meso stilistich dl’ert, che é da ćiasa tl cubism y tl imprescionism.

Rubrica en colaboraziun cun le Museum Ladin


Université En colaboraziun cun la Université Lëdia de Balsan

nr. 26 / 10 de messel 2010

Na facoltè sciöche fabrich de idees Dui stüdi nüs por la Facoltè de Sciënzes Naturales y Tecnica. Dal 2011 n dotorat Da d’altonn gnaràl arjigné ite tla Facoltè de Sciënzes Naturales y Tecnica dui stüdi nüs: le master de “Fruit Science” y le master “Innovation Engineering”. La Facoltè ampliëia insciö l’oferta atuala, cun i dui bachelor de “Sciënza y Tecnica Agrara” y “Injignaria Logistica y dla Produziun”, sciöche inće le master de suzes “KlimaHaus”. L’oferta de stüde gnarà completada da jenà 2011 cun n stüde da dotorat.

Le prof. Massimo Tagliavini, degan dla Facoltè de Sciënzes Naturales y Tecnica.

“Dorada, ambiënt de vita alpin y efiziënza energetica é les tematiches che caraterisëia le svilup de nosta Facoltè”, insciö le ressüme dl prof. Massimo Tagliavini, degan dla Facoltè de Sciënzes Naturales y Tecnica. “I orésson operè sciöche ’fabrich de idees”, por fà rovè adöm competënzes interdisciplinares dai ćiamps dla fisica, matematica, chimica, biologia y injignaria.” Do chësta filosofia él gnü invié ia cooperaziuns aladô: tl ćiamp dla tecnica industriala vëgnel portè inant na colaboraziun strënta cun l’istitut renomè Massachusetts Institute of Technology (MIT, Cambridge/Boston), sciöche inće cun la sozieté Fraunhofer Deutschland y la sozieté nöia Fraunhofer Italia Research tla Federaziun dles Imprejes, cun a će le prof. Dominik Matt, che insëgna inće tl stüde de “Injignaria Logistica y dla Produziun”. Söl teritore local é la colaboraziun tl ćiamp tecnich-scientifich dassënn intreciada cun le monn dles imprejes. Chësc é desmostrè dal

Studënć dl Master KlimaHaus.

model de stüde dl studënt che laora (ti ultims agn 60 studënć te imprejes partner dla Federaziun dles Imprejes), sciöche inće dal svilup dl master nü “Executive Master in Innovation Engineering”, che à ala basa na inrescida danter imprejars y manager sön sües ghiranzes de figöres profescionales. Le master a livel internazional “Fruit Science” é adatè a düć chi che laora tla coltivaziun de früć. Al vëgn pité en colaboraziun cun les universitês da

Ljubljana (Slovenia) y Brünn (Republica Ceca). I studënć fej n semester te vigni université y n semester de contlujiun por realisé la tesa de Master. I studënć dess ciafè dai paîsc spazialisà tla coltivaziun de früć na vijiun ampla sön la planificaziun cualificada, la gestiun y l’evaluaziun di sistems de produziun. Aladô dl carater internazional dl stüde vëgn les leziuns tignides por ingleje. Les domandes d’amisciun por i stüdi

nüs, sciöche inće por i stüdi de “Sciënza y Tecnica Agrara” y “Injignaria Logistica y dla Produziun” pòn ćiamò fà ćina ai 10 de setëmber . Por le master “KlimaHaus” cun na spezialisaziun por architëć y injiniers toma le terminn bele ai 13 d’agost. Da jenà 2011 gnarà le stüde dla Facoltè de Sciënzes Naturales y Tecnica completè cun le dotorar de “Management of Mountain Environment”.

Salamënć nüs, degan nü

Gran interes por Design

Facoltè de Design y Êrts: canche i laûrs gnarà stlüć jö da d’altonn, déssel gnì amplié le program de stüde

Ćina al 1. de messè s’â 153 candidać anunzié por n post de stüde tla Facoltè de Design y Êrts. La pröma seleziun tomarà chisc dis y a mez messè gnaràl cernü i studënć che ciafarà un di 60 posć a desposiziun. “Les tröpes domandes é por nos na proa che le contignü de nosc stüde vëgn aprijé y che tröc Designer dl dagnì à capì che le model de stüde dla ULB deura cotan de prospetives de laûr”, dij le degan de Facoltè prof. Kuno

(al momënt n’él dui) y dodesc professur de secundo livel (al momënt cinch).

Laurè a livel local y internazional

Al momënt él ćiamò na gran büja, mo da d’altonn ciafarà la Facoltè de Design y Êrts cotan plü lerch.

Chësc altonn s’arjigna la Facoltè de Design y Êrts a dui momënć dezisifs. De un n vers podarà la Facoltè pié do les berstots y i frabicać nüs. Dl ater vers ciafarà la Facoltè n degan nü: le prof. Kuno Prey, che é da plü agn degan de Facoltè, ne po nia plü gnì tut en conscidraziun. Aladô dl statut d’Université po n degan ciafè le mandat alplü por dui iadi indôlater. La Facoltè cun le stüde de Design é en pè dal 2002 incà. Vigni ann tìrera adalerch ćina a 150 candidać, che mëss passè tres na seleziun por arjunje un di 60 posć a desposiziun. Canche i laûrs sarà stlüć jö, ô la Facoltè amplié süa oferta de stüde: dl 2011 él preodü n master de Design (dui agn do le stüde de basa), y a tëmp mesan - aladô dl plann de svilup tl ann 2012 o 2013 - n Bachelor de Êrt (stüde de basa de trëi agn). Plü dalunc é ćiamò le dejidêr da arjigné ite n dotorat tl ćiamp dles Sciënzes de Design. Tl plann de svilup dla Facoltè pòn lì che al é meso da fà chësc

ampliamënt dl stüde tres le plann d'anuzamënt aproè dala Provinzia de Balsan. Da d’altonn inant podarà i studënć laurè diretamënter tla sënta prinzipala a Balsan: fà fotos, tó sö y taié videos, laurè sö lignan, metal y materiai sintetics, stampè cun deplü tecniches, taié y lié, modelè ghips y cherié formes. Al é inće preodü ateliers implü, salamënć por leziuns y seminars, ofizi por insegnanć y aministraziun.

L’ativité dla Facoltè mantignarà süa inćiaria da conzentrè i contesć de laûr a livel local, nazional y internazional. A livel local àn ciafè sinergies cun le Museion, la Südtirol Informatik AG, le Messner Mountain Museum, le Grand Hotel Toblach y le Parkhotel Laurin. Ejëmpli de cooperaziuns tla Talia y foradecà é: Salone del Mobile di Milano, magazînn Abitare, Deutsche Guggenheim Berlin, Deutsche Bank , R AD O Switzerland, Volvo y Illycaffè.

La Facoltè ciafa n degan nü An s’arjigna inće ales mudaziuns a će dla Facoltè: le prof. Kuno Prey é dal 2002 incà degan de Facoltè y à albü tles mans chësta inćiaria dui iadi indôlater, porchël ne mëssel da d’altonn gnì fat mudaziuns. Aladô dl statut pòl gnì tut en conscidraziun ma n professur ordinar al intern dla Facoltè. Le plann de svilup vëiga danfora anter la fin dl ann de stüde 2013/14 n aumënt tler dl personal academich: sis professurs ordinars

Prey, che se ralegrëia inće por la cualité alta di videos menà ite. Danter i 153 candidać/ candidates por n post tla Facoltè n’él 47 da Südtirol, 67 da d’atres provinzies talianes, 34 dala Germania y d’atri singui vëgn vëgn da Ghana, Albania, Bulgaria, Croazia, Kosovo, Ungaria, Moldavia, Messich, Polonia y Slovachia. “Le publich internazional de nosta Facoltè é inće por i studënć de Südtirol n gran arichimënt”, sotrissëia le degan Prey.

La Facoltè de Design y Êrts dla Université Lëdia de Balsan tira adalerch n publich internazional.

Inrescida: bun resultat por la ULB

Le prof. Kuno Prey ne podarà nia plü gnì tut en conscidraziun por la inćiaria da degan de Facoltè.

Alma Laurea à invié ia sura döta la Talia na inrescida olache al gnô inrescì la sodesfaziun di assolvënć de master. I resultać à mostrè sö che le master de dui agn “Global Management and Markets”, pité tla Facoltè de Sciënzes Economiches dla ULB, é gnü stlüt jö dai studënć

cun sodesfaziun plëna. Le 100% se scriess indô ite, respet al 80% pro d’atri programs nazionai. Da d’altonn pëia ia tla Facoltè de Sciënzes Economiches dui masters nüs - intrami de dui agn: le Master de Gestiun dla Impreja y Inovaziun y le Master de Economia y Management dl Setur Publich. www.lauscdiladins.com

7


Viajes

nr. 26 / 10 de messel 2010

Con “Dajaloo” Fascia e Gorée se spieia ti sons de na fradaa Na beliscima esperienza é peada via da n projet de “La Grenz” che à metù ensema jazz e percuscion africane del Senegal. N conzert che rua ades ence da noi meis de messal, tel Trentin, te posć prestigiousc te autre Region de la Talia e sessaben a Moena, olache i sonarà per endrez de la sociazion La Grenz. L’é ence pervedù la registrazion audio del program finalisà a na produzion discografica. L’originalità del projet la stasc tel scomezar n dialogh anter lengac e orizonc desvalives, olache se pel svilupar n descors de scambie e de lurier fat de condivijion, de scontrade e de proe. Demò coscita se pel evitar la superfizialità e l “esotism” che da spes caraterisea le produzion de “world music”, olache vegn sorapeà lengac desvalives, ma zenza n arichiment reziproch. “Toe medeme man, che l’é semper chele, le é desvalive: le sà de tera, de saores ciauc, de strente de man de jent che vegn da ogni man del mond, le à na saor neva...”

L’é senester scriver n articol chiò, te l’Africa, zenza sentir che la te menciarà, zenza sentir che mai desché chiò me é sentù a ciasa, vejin a mi reisc che mai é sentù scì fone e forte. Doman vegne de retorn te la Talia, te Fascia, olache chel paradis de vert, monc, pasc e chiet se pert tel corer de duc i dis, tel cogner far e jir, tel cogner esser ma no poder esser, tel jir zenza mai se fermar. Chiò te l’Africa, sarà percheche son en ferie, sarà perché da chiò l’é nasciù dut, sarà perché la realtà la é più dura, manco sorida, che la fasc i conc con la natura e si limic vigni dì, dut ciapa n nef segnificat. Toe medeme man, che l’é semper chele, le é desvalive: le sà de tera, de saores ciauc, de strente de man de jent che vegn da ogni man del mond, le à na saor neva. Sarà ence che no le é usade a sonar l djembé e chele pache forte che é dat per ore ansera, le sente amò… Però ence ele é più forte e no le sarà più desché inant. Rengrazieré semper de aer podù far chesta esperienza. Aprijieré amò de più mia val che jà saee esser n paradis ma aboncont me é semper tout massa pech temp per me la goder. La maor part del temp se l tolon semper per i doeres, per l lurier, che ben segur, guai se no l fosse, ma ence per corer dò a robe che no servisse. Aprijieré ence chele robe che da noi é scontade: l’aga, l’aga ciauda, la lum, na cuerta. Ma tegniré ence manco empeé la televijion, l fonin, l computer, internet... La tecnologìa ge la vel, guai se no la fosse, se no fosse l progress, no fosse nence ruada te l’Africa, ma ogni tant restar tel scur co na ciandela e l chiet o sot le stele a vardar la luna e nesc monc, ne didasse a se sentir più vejins a chel che sion, più vejins a noscia mare tera e a nosce reisc. Ne didasse a capir che la vita la é una, che la va vivuda dajan valor a le robe che merita. A no se la tor per stupidade, a no se far roinar la giornada da robe che a la fin l’é nia respet al valor de la vita, del raport con noi enstesc e con chi che ne vel ben. Fosc fosse demò far chel che fajea nesc aves, acà pec egn, nia de

8

www.lauscdiladins.com

che, ma ge à volù l’Africa a me far capir fin junsom cheste robe che tante ute mie cher aea proà a me dir ma che fosc coscita, no aee mai scutà.

L projet La sociazion La Grenz de Moena, che del 2008 à portà a compiment na produzion musicala che à metù ensema l jazz e la tradizion leterara ladina, documentada tel cd “Encresciadum – A Dream and a Tale”, à scomenzà via na neva aventura. Pietro Tonolo e Enrico Tommasini, musizisć pascioné de la cultura musicala africana, i à metù ensema n projet che perveit la creazion de n grop fat da musizisć africhegn e jazzisć taliegn. Tel cors de trei viajes su l’ìsola de Gorée tel Senegal, l’é nasciù n bel raport de amicizia con n grop de joegn percuscionisć che da temp se dedica a la mùsega tradizionala del post. L panorama artistich-cultural del Senegal é caraterisà da n gran ferment, e da la jent nasc proponete de livel aut, ma che fasc fadìa a aer l recognosciment che le meritasse. L’é coscita che l’é nasciù l’idea de chest projet, de chesta union e scambie de culture, che veit la composizion de museghe originale per n organich fat da cinch percussionisć del Senegal e cater musizisć taliegn: desché n frut che nasc da culture desvalive, ma che tras la mùsega le se met ensema. L Projet “Dajaloo”, che tel lengaz wolof vel dir “se somear” à l’ambizion de far scontrar doi mondi lontegn e l se califica desché inter vent de cooperazion internazionala tel ciamp cultural, per chest l’à ence l sostegn del Servije Solidarietà de la Provinzia Autonoma de Trent e de la Fondazion Cassa de Risparmio de Trent e Rorei. A Gorée l’é stat elaborà l repertorie, su la basa di temes proponec dai musizisć taliegn e se à fat le proe per enjignar delvers i toc. Ades l grop “Africa Djembè Junior” l vegnarà chiò da noi per na tournée de conzerc via per l

I sonadores da Gorée, che prest ruarà a sonar chiò da noi, i à proà per na setemana doi oute en dì coi musizisć taliegn.

L Diarie Sion partii, de tenc? Valgugn da Moena, chi da Bologna, Rimini, Ravenna… tenc de noi no se cognoscea nence, ma canche se aon troà a l’aeroport e se aon prejentà, aane duc l’imprescion che fosse stat de bie dis. Sion rué su l’isola de Gorée, tel Senegal, da le doi de not, e dò varie aventure se aon troà, straches morc, a se far sù l let a lum de ciandeila! Beliscim! Benvegnui te l’Africa! Che dapò… noi touse l’aane n let, ma zachei enveze l’à dormì sun canapé, o sora mez madroz... L’indoman, giusta metù l nas fora da usc, se aon fat ite sobito con le femene che venea colane e autre robe de soa produzion, coi bec, tenc..., coi musizisć, i sonadores de djembé e de cora. La jent é sorida, duc te domana da olache tu vegne e: “ça va? Bien?” Scomenzon a tirar fora noscia cognoscenza de franzous e de engleis. Chi che, per fortuna, n sà de più, chi de manco, ma sion bogn de se entener duc con duc... ...Na, no posse far n diarie de doi setemane a Gorée... ma posse dir de segur che n projet musical à fat nascer e ne à fat descorir a duc n mondo nef e tante persone. I bec da chiò, che sonarà te chest projet e i ruarà prest te la Talia e te Fascia, i é n muie gustégoi e de cher. Estra che esser percuscionisć i é de gran braùra. I se à dat jù n muie e duc i dis con nesc musizisć taliegn, i à proà per na setemana doi oute en dì. L prum “conzert”, ence se no ofizial, i l’à fat chiò a Gorée te n restorant (Dolce vita), na sabeda sera, en ocajion de la festa che aon endrezà per Enrico, che l compìa i egn. L’era n muion de jent, e l gran braciacol che à strent l festejà l’é stat demò n’autra desmostrazion del calor e de l’umanità de chesta jent. I à sonà dalvers, dut é jit ben e l’é stat una de le tante bele serade che aon passà chiò, desché chela coi bec del paìsc. Sion ence jic mìngol stroz, (chi che no cognea far proe), e aon vedù n beliscim parch natural con n muie de bestie, dai cocodrii, ai fenicoteres, al piton e la “aquila pescatrice”. Aon vedù Dakar, si mercé. Sion jic a Saint Luis, al nord e aon

“...ge à volù l’Africa a me far capir fin junsom tante robe...”

“Balla proa l djembé che l'à giusta fenì de far...”


Viajes y Atualité

nr. 26 / 10 de messel 2010

Matura: belau duc passei Di 44 studënc che se à prejentà per l ejam de Stat tla scoles autes ladines n iel passà 42. La majera pert di candidac à finà via la scola auta cun n resultat danter 71 y 80 ponc Scola - Cun l sistem n fregul nuef ne n’iel chëst ann stat deguni che à arjont i cënt ponc. Tla valedes ladines ne n’ie mé doi sculeies nia passei l ejam de maduranza. La majera cumpëida di sculeies à chëst ann arjont na valutazion mesana pra i ejams de stat. L 88% di 44 sculeies à finà via la scola auta cun na valutazion danter 61 y 90 ponc. Tl ITC a Urtijëi à diesc finà la sezion IGEA y undesc la sezion turistich/ linguistica. Set sculeies ie passei l ejam tla Scola d’Ert a Urtijëi y sëidesc l ITC a La Ila, ulache doi ne à nia arjont l diplom. Permez ai ani passei iel chëst ann stat de pitla mudazions tl sistem de dé i ponc

dla matura. Sun na cumpëida mascima de 100 ponc, à daniëura la cater proes scrites abù l majer pëis cun al plu 45 ponc. Da nuef iel che 5% di ponc ie unic spustei dala proa a usc de viers dl credit furmatif che i sculeies tol pea dala cin’ tlasses de scola auta. Deberieda cun l diplom de maduranza iel per l prim iede nce unì dat ora na zertificazion dla cumpetënzes, te chëla che l sculé giapa na descrizion dl livel arjont te na forma damandeda y recunesciuda a livel de Europa. “Sëuraprò al savëi mostra la zertificazion dla cumpetënzes l savëi da fé,” spiega l ntendënt ladin Roland Verra. (usp)

Aiut Alpin Dolomites de Armin Moroder “Chiò l son del mar l’é l vero protagonist. Con le prume lum se jonta ite man a man le ousc de la jent, di bec, di turisć, de le bestie, desché te n rangiament de n toch de musega. Dapò, canche va ju soreie, la vita se retira, le ousc cala e l’ozean doventa endò l soul protagonist.”

cognosciù soa storia e soa jent. Ma la maor part del temp l’aon passà chiò su l’ìjola de Gorée. Chiò l son del mar l’é l vero protagonist e con le prume lum de l’alba a chest son se jonta ite man a man le ousc de la jent, di bec, di turisć, de le bestie, desché te n

rangiament de n toch de musega. Dapò, canche va ju soreie, la vita se retira, le ousc cala e l’ozean doventa endò l protagonist. L lengaz ofizial l’é l franzous, ma anter ic i goreans i rejona wolof, un di lengac rejoné te desvalives stac de l’Africa Zenter Ozidentala.

“Amulbai!”, vel dir: “No molèr!, Creisege!” e la resposta pel esser: “Deuguele!”, “L’é vera!”. N salut, chest, che ne é restà daìte per soa forza. L’é valch che tu capesce ben demò a star chiò, ma che pel valer per ogni popol, per ogni cultura. L’é na vida per dir: “Gio son! E tu? Me racomane”, n se dar coraje e forza un con l’auter. Voi amò ge dir devalpai a chi che à abù l’idea de chest projet, a chi che l ’à permetù finanziariamenter, a Paulina, soa douceza e soa cojina, ai bec de Gorée che sona con noi, a Balla, soa gentileza e desponibilità a ne didar en dut, a la jent de chest post, a l’Africa e a la musega! N rengraziament amò a duc i musizisć che é vegnui da la Talia, che dant da chesta esperienza no cognoscee, fora che Pietro e Enrico, e che me à fat più rica con soe persone, soe esperienze e soa musega. N ùltim rengraziament amò a Paulina, che tel scutar gio e Enrico che rejonaane per ladin la ne à dit: “Canche parlade somea che ciantassade... L’é beliscim”. Detelpai Paulina, de cher.

“A Dakar aon troà n restaurant olache i fasc... ladins a la griglia!”

Alberta Rossi

Dajaloo: l jazz talian se conjobia con la percuscions del Senegal L grop “Africa Djembé Junior” tol ite i percuscionisć Ibrahima Kande, Alliou Diop, Baba Idrissa Diop, Souley Mbodj, Boubacar Ndiaye. Tel projet “Dajaloo” i sonarà ensema con Pietro Tonolo ai sax, Giampaolo Casati a la tromba e corneta, Roberto Rossi a trombon e concoles, e Giancarlo Bianchetti a la chitara eletrica. Chisc i apuntamenc più

vejins a nos: -ai 14 de messèl da les 14.00 a Malga Kraun sul Mont de Mezzocorona per “Dolomiti di Pace”; -ai 16 de messèl da les 21.00 a Rorei te Piaz Malfatti; -ai 17 de messèl da les 14.00 te Fuciada (se fossa burt temp da les 21.00 te tendon de Soraga) -ai 18 de messèl da les 16.00 a Moena te Pala da Rif (se fossa burt

temp da les 21.00 te Navalge). L conzert vegnarà portà dant ence te n muie de etres lesc, anter chisc a Mestre al Zenter Cultural Candiani ai 15 de messèl, a Milan te l’auditorium del Parco Trotter ai 20 de messèl, a Palermo al Summer Jazz Festival ai 25 de messèl e a Trieste al Loves Jazz Festival ai 29 de messèl.

Chisc dis iel inò stat plu ntervënc sun nosta montes y oradechël iel nce stat da jì a judé plu iedesc sun stredes ulache l fova vel’ desgrazia. Nscila iel suzedù a Luttach, ulache l fova frit adum doi auti. N Audi A3 y n Opel Corsa. Tl Audi fòvel trëi jëuni che à abù na gran fertuna tla desfertuna. Ëi fova ferii, ma nia te na maniera grieva. Piec ti iela jita a n ël cun si fëna che fova tl auter auto. Riesc àn udù la gravità dl cajo y n à riesc scumencià a purvé a reanimé l uem cun si fëna.

Desgrazies sun streda Sun l post fòvel ruvà l dutor dl Aiut Alpin y nce l dutor de emergënza dl spedel de Burnech. Nscila à tëut un n dutor tla mans l’ëila y l auter l ël y n à purvà a duta la manieres de i reanimé. Ma dut l mpëni ne à juà nia. Nscila à tramedoi perdù la vita te chësta desgrazia. N auter cajo scialdi grief ie suzedù sun la streda che va da Birchabruck a Neva Ladina/Welschnofen. N’ëila tudëscia de 42 ani fova frida cun si motor te n auto che ulova raidé ite te na pitla streda zënza udëi l motor. Ëila ie unida smacheda sëura auto ora tuman dassënn sun l cë. Nce sce la ova n casco àn riesc udù che la se n stajova scialdi mel. L dutor la à ntubeda mo iló y do d’autra cures la àn meneda cun l joler tl spedel de Bulsan. La ferides fova scialdi grandes y l ie rie da dì sce chësta ëila se l’à caveda. Dal spedel ne àn plu audì nia. N auter cajo de na desgrazia cun l motor iel stat a Montan, ulache n ël fova sbriscià ora cun si motor te na raida, tuman burt y se rumpian na giama cun na fratura davierta. Tlo fòvel nce de mpurtanza de ruvé riesc sun l post per ti fermé dantaldut l sanch che l perdova dassënn. Do che n à ciulà su bën la giama l àn pona menà cun l joler te spedel. Na desgrazia drët particulera sun streda iel suzedù sun Secëda. N camion furnova sun la streda danter la uties

Fermeda y Col Raiser. Sun chësta streda n iel for trueps che va a pe y nsci fòvel nce n chël di. L camion fova tl lëur de passé via na grupa de turisć tudësc, canche n ël che ova astilà ora l camion se ferman dlongia streda ie sbriscià avisa ntan che l camion passova, ruvan sot ala roda cun n pe. L pëis dl camion à schicià dassënn l pe y l ël de 75 ani ova n gran mel. Riesc àn cherdà l joler, che do puec menuc fova nce iló. L dutor à udù la gravità dl cajo y à tëut la dezijion de mené riesc l ël te spedel de Bulsan. Plu tert iel pona nce mo unit sun l post i carabinieri de Sëlva. Chisc dis iel nce suzedù plu iedesc na cossa che n ne aud scenó nia tan suvënz. L ie suzedù plu iedesc che paures che fova tl lëur de sië si pra ie ruvei sot ala mascin da sië ite, ajache i fova sbriscei ora, se fajan bëndebò mel. Nscila iel stat danter l auter a Pederoa, ulache l paur de 65 ani se ova rot drët burt na giama. A San Piere dlongia Laion iel ënghe suzedù che l paur ie ruvà sot ala mascin y te chësc cajo se àl rot vel’ rëpa y ova scialdi mel al spinel. Da mont su iel stat plu ntervënc; danter l auter sun l Grohmann, ulache sun la via normala fova n’ëila de St. Pauls sbrisceda sun la nëif, se rumpian n cumedon. Sun i Cin’ Dëic iel pona chisc dis ënghe mo stat n ntervënt; plu avisa per ti judé a trëi tudësc che fova sun l parëi canche l univa su n gran temporal. Nsci i àn tachei ite te na binda y menei cun l joler al segur sun jëuf de Sela. Tl raion dl Ciadinat iel stat da purté aiut a na alpinista che fova sbrisceda ora, se sburian su dassën l mus y se fajan nce mpue’ mel al cë. Chësta àn n iede curà sun l post y do che n la ova stabiliseda iela unida ciarieda tl joler y meneda te spedel. D’autri ntervënc iel stat sun la fereda de Stevia, sun la fereda Santner tl Ciadinat y sun l Pordoi.

www.lauscdiladins.com

9


Atualité

nr. 26 / 10 de messel 2010

Zipiadores d’aldidanché sorafora l’orizont

Na petizion populèra per la ferata

L Zenter d’èrt contemporanea de Ciavaleis met fora operes de 30 scultores de nonzech internazionèl, anter chisc desvalives ladins. Tel program ence n spetacol teatrèl dedicà a Toni Gross

Transdolomites e l Comitat per la Ferata tol sù sotescrizions per ge domanèr a la Provinzia che la envìe via la projetazion del studie de la Qnex

N nef event del Zenter d’èrt contemporanea de Ciavaleis veit Rinaldo Cigolla anter i espositores. L’artist Toni Gross sarà recordà te n spetacol de teater.

Dò l gran suzess de la mostra “Sie artisć per trei valèdes” metuda fora l’invern passà, l Zenter d’èrt contemporanea de Ciavaleis va inant con n auter percors prejentan na neva esposizion dal titol “Oltre l ’O r i z z o n t e – s c u l t u r a contemporanea nell’arco alpino”. Con chesta rassegna de scultura contemporanea se vel ge dèr l met a la jent del post, ma ence ai ghesć, de aprijièr la operes de passa 30 artisć de nonzech internazionèl de dut l raion de la Èlpes, da la Franzia, al Piemont, al Trentin Sudtirol enscin a la Slovenia, che vegn metudes fora per la pruma outa dutes ensema tel Zenter d’èrt contemporanea, te n percors che aboncont no se ferma te la sales espositives ma l jirà ence de fora, ti lesc più bie del zenter de Ciavaleis enscin a ruèr te la magica cornisc naturèla del parch de la Pieif. L’inaudazion sarà en sabeda ai 17 de messèl da les 17.30 e la mostra la restarà averta enscin ai 12 de setember. La scultura alpina contemporanea protagonista de chesta esposizion, a raprejentanza de la cultures desferenta che vif te duta la Èlpes, l’à chela de conjobièr identità locala e inovazion, moscian l mudament de prospetiva de na èrt che va

sorafora i confins, con chela de se averjer al barat e a la contaminazion culturèla d’aldidanché. L resultat de chesta ambiziousa rassegna l’é n mescedament straordinarie de cultures e de stii che metui duc ensema i soscedea tel vijitador stìmoi desferenc te ogne cianton. Se passa da la operes arcaiches de Cirillo Grott da Folgaria, a la provocazions del sloven Marko Pogacnik, ruan a la operes de acèl de Riccardo Cordero dal Piemont. Amò dai gregn bloches de legn del svizer Raffael Benazzi enscin a la instalazions del todesch Martin Rasp. Emozions desferentes e fortes vegn soscedèdes da la formes de èrt visiva che dai monc tol cà si materièi: l legn, l sas, l metèl e la creida. De legn, ensema con la òperes del venet Augusto Murer e de Marco Nones da Fiem, troon cheles de cater artisć ladins, che viaja anter interpretazions armoniches e inovatives e ence abinamenc de materièi olache l temp à lascià l segn. Reinhold Cigolla da Cianacei, Helmut Pizzinini da La Ila vin Badia, Willy Verginer e Adolf Vallazza da Gherdena, l’é i cater artisc de noscia valèdes a chi che se jonta Peter Senoner con si

lurieres de bron. L bron l’é materièl cernù ence da Josef Zenzmaier da Salzburg, de sas enveze i lurieres de Giuliano Orsingher da Canal San Bovo, de mèrmol chi de Jan Horinek, sudtiroleis de adozion, e creida l’é enveze l materièl durà dal lombard Marco Cornini e da Roberto Priod da la Val d’Aosta. N rich percors de operes che via per dut istà l vegn compagnà ence da na lingia de evenc desche l percors vidà te la pèrt veia de Ciavaleis e i doi dis de scultura te piaz. Anter la scomenzadives leèdes a chest projet del Zenter d’èrt contemporanea de Ciavaleis n moment de gran emportanza sarà ai 4 de aost, canche tel teater de Ciavaleis vegnarà portà dant n spetacol de teater dal titol “Punta Emma: lo scultore e la montagna”, dedicà a l’artist fascian Toni Gross: l’ator Andra Brunello contarà la vita, la impreses e l’èrt del zipiador e menacrep da Poza, compagnà da la cianties del quartet “Gaudio Musicale” che portarà dant cianties per ladin. Se pel troèr maor informazions su la mostra e sul Zenter d’èrt contemporanea de Ciavaleis ence sul sit internet www.artecavalese. com

Nef finalisć per Suns A la finèla de Udin tolarà pèrt ence l’Orchextra Terrestre con l furlan Loris Vescovo e les Ganes badiotes Musega - Gran suzess de partezipazion a la seconda edizion de Suns, l festival per cianties tel lengaz de mendranza endrezà da l’ARLeF, l’Agenzìa regionèla per l lengaz furlan, che dèsc derit a doi gropes finalisć de tor pèrt al Liet International, la più emportanta e prestigiousa scomenzadiva europeèna de musega de mendranza, che dò esser stata te la Frisia e te la Lapponia la ruarà a Udin del 2011. A la competizion podea tor pèr gropes e ciantarins de la mendranzes linguistiches storiches de l’Austria, de la Franzia, de la Tèlia, de la Slovenia e de la Svizra con tòc neves

10

www.lauscdiladins.com

o jà dac fora. L’é stat manà ite 35 cianties da 9 desferentes mendranzes linguistiches. Per la jurìa no l’é stat segur sorì cerner fora la miores percheche l livel calitatif l’era dassen aut. A la fin la jurìa l’à cernù 9 finalisć enveze che 8 descheche l’aea fat te la pruma edizion. Anter chisc l’é ence l’Orchextra Terrestre col tòch furlan de Loris Vescovo “Ellis Island” e les “Ganes” Maria Moling, Marlene e Elisabeth Schuen, col tòch “Motivaziun” che fèsc pert del nef CD “Rai de soredl” giusta dat fora da la braves ciantarines badiotes. I etres venjidores l’é: l grop Alba col tòch per corsican “IFanali”, l

grop Bentesoi col tòch per sard “Trémini”, Lou Seriol col tòch per ozitan “Zigodon”, Pantan col toch per furlan “In fors”, Pascal Gamboni col tòch per romanc “Co Voi Oz Cun Te”, Shardana col tòch per sard “Sa Battalia”. A duc ge va i complimenc del staff de Suns col despiajer de aer cognù lascèr fora l’autra cianties, dassen dutes n muie beles. Chisc nef finalisć tolarà pèrt a la fasa finèla del concors che sarà a Udin ai 27, 28 e 29 de aost. La pruma e seconda classifichèda podarà jir al Liet International Festival che sarà a Lorient te la Bretagna en ocajion del Festival Interceltique.

Trasport publich - Te la valèdes de Fascia, Fiem e Cembra se troa semper na maor coscienza sui limic de la “monocultura de l’auto” e sul besegn de recalifichèr l’oferta de mobilità sul teritorie, con n modern sistem de trasport publich complementèr a l’auto privat. Te chest chèder la revalutazion ti ùltimes egn del trasport sun scines, vedù ence i ejempies concrec de la ferates Trent-MalèMarilleva e de la Meran Malles, à stimolà l’idea che ence te la valèdes de Fascia, Fiem e Cembra la ferata podessa esser la soluzion ideèla per ressolver i problemes de mobilità e tel valif temp fèr più rica la perferida turistica. Te chest ùltim temp la Provinzia de Trent à prejentà Metroland, na proponeta de rei de scines provinzièla che perveit n coleament anter Trent-Perjen-BorgoCiavaleis-Soraga o desche seconda opzion l coleament Trent-PerjenPont de l’Amicizia-CiavaleisSoraga. L’endesfida maora che aon tedant l’é regoer chest moment giust e pontèr a la realisazion de n nef sistem de trasport publich; ma l’emportanza economica e sozièla di investimenc domana che, col passèr da la paroles ai fac, vegne fat na fona valutazion de la sceltes co na ascorta analisa di cosć, e benefizies. Te la valèdes de Fiem, Fascia e Cembra èl n sens fèr na ferata o n sistem che ge somea? E se scì, co pa e olà pa? Desvaliva esperienzes te realtèdes medemes somea desmostrèr che la ferata pel dèr na resposta efizienta ai besegnes de la mobilità di residenc e di ghesć, d’invern e d’istà: ma chest pel vegnir fat con desvalives livìe de intervent. De spes la schèrsa doura del trasport publich te la Tèlia vegn giustifichèda con la desvalivanza culturèla respet ai paìjes del Nord de la Èlpes. Chest l’é faus. L problem l’é che amò aldidanché no vegn creà na oferta de trasport che mete l sentadin te la condizions de poder durèr l meso publich. Problem culturèl politich e tecnich che de spes aon troà te la proponeta de Metroland. La cultura del trasport taca ite da l’idea che se cogn fèr mever persones e no mesi. L’obietif de la pianificazion e projetazion de n

nef meso de trasport no l’é fèr sù na linea de ferata o fèr viajèr i vagons, ma portèr stroz persones. Ge vel pontèr via dal servije e no da l’opera L studie de fatibilità dat sù da Transdolomites à volù se svilupèr con chesta filosof ìa chierian de dèr na resposta concreta a la domanes de la jent de la valèdes de la Veisc e di ghesć, verifican dal pont de veduda economich, sozièl e ambientèl possibola ipoteses de realisazion. L Comitat per la Ferata de la valèdes de Fascia, Fiem e Cembra, metù sù chest an, à tout sù l studie de fatibilità e ades l vel tor ite concretamenter duc i sentadins e i foresć travers na regoeta de sotescrizions. Per chest en vender ai 16 de messèl da les 20.30 te la sala de la cultura a Jian la sociazion Transdolomites e l Comitat per la Ferata envìa duc i aministradores publics, la sociazions e la jent a na scontrèda per endrezèr na g iornè da de rego eta de sotescrizions te la piazes de duc i paìjes per na petizion populèra che domane a la Provinzia de Trent de envièr via la projetazion de la linia de ferata portèda dant dal projet Qnex che perveit l coleament anter Trent e Dèlba passan per Cembra. Se volessa che chesta scomenzadiva publica ponte demez te la medema giornèda te duta trei la valèdes, ence te la zità de Trent, per dapò jir inant dut istà con scomenzadives autonomes. Jà da vèlch setemèna se pel jir a sotescriver ti comuns e i ponc per la regoeta vegnarà smaoré. Con chesta giornèda se vel dèr n segnèl unitèr e visibol de la scomenzadiva che se ouc a sentadins e ghesć. La jent vegn chiamèda donca a se palesèr sun n projet de gran emportanza che la veit protagonista en pruma persona. Endèna l’é jà stat tout su n centené de sotescrizions e sacotanta ence la adejions per l Comitat de la Ferata. Na bona responeta da man di sentadins ma ence di foresć che veit con particolèr enteress la possibilità de se mever sul teritorie zenza auto. Massimo Girardi, president de Transdolomites e Comitat per la Ferata

L'obietif no cogn esser fèr sù na linia, ma portèr stroz persones.


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

nr. 26 / 10 de messel 2010

Gherdëina

Segra y gran festa dl turism a Urtijëi Do la mostra de fotografies che ie unides metudes ora tl zënter de Urtijëi, iel n dumënia passeda stat la festa dla Segra de Urtijëi sun Plaza de Sant Antone cun la gran defileda storica. Liber de storia y fotografies dl turism a Urtijëi

Seniëures zacan.

Urtijëi - Defileda storica n dumënia ai 4 de lugio da mesa la undesc, da Col de Mureda ju de viers de Plaza de Sant Antone: l tëmp ie beliscimo, truepa jënt ie sun ëur de streda, dantaldut nce truepa jënt da tlo. La defileda ie n spiedl che documentea la ntraunides y l devenì dl turism de Urtijëi, cun la drëta lerch nce ala categuries economiches, cultureles y de artejanat.

Chëi fova mo tëmps: la flower power generation cun i auti da ntlëuta.

ntlëuta nchin a ncuei, la storia dl schi, la storia dl alpinism, n valguna paures de Gherdëina, l artejanat artistich, i buteghieres 1885-2010, i prim seniëures che vën adalerch. Na esplujion de culëures, de lecorc, de arpejon. Gran aplaus da pert de duc i prejënc. Na defileda garateda, chëla che ie unida metuda a jì per lecurdé i 125 ani dl turism a Urtijëi n ucajion dla Segra. Na curiusità: sce ntan la defileda iel unì mustrà dantaldut i prim seniëures de Gherdëina, zacan y do y do, danter l auter chëi dla flower power generation y nsci inant, pona fòvel nteressant a udëi i truep turisc´d’al didancuei che univa ju do, ala fin dla defileda: zënza ulëi deventova ëi nscila na pert dla defileda, mustran su la realtà turistica d’al didancuei, cun i turisć de ncueicundì.

Segra a Urtijëi

Na tofla metuda ora tl zënter de Urtijëi.

Nscila iel da udëi i corni da mont, l’ëiles dal guant dala gherdëina a ciaval, la Mujiga da Bula, i Scizeri de Urtijëi, la calesses cun l’autoriteies, la defileda da noza cun guant dala gherdëina, la Grupa de Bal de Urtijëi, l Hockey Club Gherdëina cun jugadëures da

Chëst ann à i Destudafuech de Urtijëi metù a jì la festa sun Plaza de S. Antone n ucajion dla Segra. Scumencià àn n sada dala 3 domesdì cun mujiga per duc. Dala 8 da sëira iela jita inant cun la grupa “Solide Alm“. N dumënia do la gran mëssa iel pona stat la defileda ju per l raion da jì a pe. Da dedò i cunzerc dla Mujga de Urtijëi y dla Mujiga da Bula. Domesdì iel stat da audì oldies cun “Giango y Tommy“ y i “Viera Blech“. Ntan la festa iel nce stat na ola dala fertuna y l ie sambën unì dat ora da maië y da bever. Per i pitli mutons iel unì metù su n ciastel da peté sauc. Per da sëira iel unì metù su n gran schermo per ti cialé ala

La blòta mutans cun la gherlanda spiza.

partida di campiunac dl mond de juech al palé.

Tofles dl turism a Urtijëi Per l anuel di 125 ani turism a Urtijëi à la Lia dl Turism nce metù ora plu tofles tres dut l raion da jì a pe cun fotografies storiches. Coche bele scrit tla USC ieles propi beles y nteressantes. Drët nteressanta ie danter l auter na fotografia che mostra che bele ti ani ’30 iel unì fat na defileda de moda. Na bela lerch ti àn nce dedicà ala ustaries y ai hotiei, da zacan nchin a dan vel’ dejené - per chëles d’al didancuei àn mé drë’ de cialé ntëurvia - tantes che ne n’ie nia plu y che ne savon nianca no che les fova n iede y tan dassënn che truepes se à mudà. Na mudazion che on nce pudù fé pea, ma de chëla che se rendon inò cont ti cialan propi a chësta fotografies. Mancë ne pudòvel sambën nce no, bel dan l ufize dla Lia dl Turism su, la fotografies de duc i presidënc che ie stai a cë dl ”Verschönerungsverein”, dla ”azienda”, dla ”Lia dl Turism” dal scumenciamënt tl 1885 nchin su a nosc dis. Tulëve dl’aurela de jì a ti cialé a chësta fotografies, l se paia y cialerëis mé ca tant che n se à povester bele desmincià o che n ne savova nia. La tofles ie da udëi tl raion da jì a pe nchin a mez utober.

Mpue’ de bon ciociul.

mëinacrëp autorisei de Gherdëina. Ntëur al’ëuta dl ultim centené unìvel nce fat scultures de nëif y defiledes n slita. N à pona scumencià cun la prima manifestazions de sport, cun garejedes de schi o cun la luesa che ova l travert tl luech. Bel plan unìvel pona su nce la prima strutures per l sport, la plaza dala dlacia, la prima partides de hockey, l tennis y i turnoies naziunei ti ani ’60, l schi cun i campiunac dl mond dl 1970.

L liber Mo plu nfurmazions n con’ di 125 ani de turism a Urtijëi iel tl liber dat ora dal Ufize dla Lia dl Turism de Urtijëi. Danora la ntroduzion dl’autoriteies. Da dedò n cheder dl turism de Urtijëi, scrit da Jolanda Senoner. L’autora a partì su plu capituli, dal 1885 al 1910, l segondo

capitul cun l turism danter l 1911 y l 1935, pona danter l 1936 y l 1960, inant dal 1961 al 1985 y ala fin l turism dal 1986 al 2010. Coche dì, na spartizion de capituli aldò de na logica dl’evoluzion var per var de chësc ram dl’economia de Urtijëi. La gran pert dl liber ie pona tëut ite da truepa fotografies, propi de bela fotos, che mostra su a puntin la storia dl turism da zacan nchin al didancuei. La fotografies ie de Albert Moroder de Sodlieja.

Cëif da zacan Danter la manifestazions per l turism de Urtijëi iel da auzé ora mo na scumenciadiva: n dumënia ai 18 de lugio dala sies da sëira inant saràl sun la Pitla Plaza de Sant Antone la manifestazion dal titul „Cëif da zacan“. (dl/uk)

La storia dl turism a Urtijëi L turism te nosta valeda à bele na storia longia. Dan bën 125 ani fòvel unì metù su a Urtijëi l ”Verschönerungsverien” coche n ti dijova, che se tulova sëura dl cialé ora dl luech per l fé mpue’ da plajëi per i seniëures che univa bele ntlëuta tlo ca tla montes. La tofles ie n pitl viac tres la storia dl luech udù sambën plu dal pont de ududa turistich, ma lascia inò unì su vedli lecorc de cosses che n se ova povester bele desmincià. Per plu de jëuni iel na ucajion per se rënder cont tant che nosc luech se a mudà y dla gran evoluzion che ie stata te chisc ultimi cënt ani, ulache n ova scumencià a fé turism y a tò su i ghesć te na maniera scëmpla y purempò univel pità drë dl dut. Nsci pòssen mé per dì udëi che bele tl 1900 fòvel na bela cumpëida de

Fotos ora dl liber „125 ani turism Urtijëi 1885 – 2010“: I prim seniëures a Urtijëi tl 1885 (verzon Hotel Marienheim) y hotiei y ustaries dan l 1900. www.lauscdiladins.com

11


Gherdëina

nr. 26 / 10 de messel 2010

******* L cianton dla Union******** Scrijëde per l Calënder de Gherdëina 2011! Ti sention bele śën gra a duc chëi che se tol dl’aurela de scrì per l Calënder de Gherdëina 2011, liber che - coche savon - ruva te drët truepa cëses de nosta valeda y nce oradecà y ie aprijà da nosta jënt. Mé cun vosta cunlaurazion sarons boni de fé garaté l “Calënder” 2011, che ruverà śën a si 68ejima edizion, rich, plën de vivanda y nteressant.

Festival di cores di mutons “Cianta cun nëus”

L Cor di mutons de Sëlva, sot ala bachëta de Pauli Senoner, ntan si reprejentazion sun palch pra na edizion passeda dl Festival di Cores di mutons “Cianta cun nëus”.

La redazion dl Calënder de Gherdëina fej a l savëi che n possa inò mandé ite articuli o poejies per l Calënder - edizion 2011. Sce ëis ntraunides o stories da cunté, sce ulëis ti fé cunëscer a n majer publich vel’

manifestazion mpurtanta o lecurdé vel’ persona che se à fat meric, scrijëde tl “Calënder”, l resterà per for n bel lecort. L ultim tiermul per dé ju i articuli ie ai 30 de setëmber 2010. I tesć ne dëssa nia vester plu lonc de 2

Union di Ladins de Gherdëina, Cësa di Ladins, str. Rezia 83, Urtijëi nr. de telefonn 0471 796870, fax 0471 781570 e-mail: info@ulg.it Orares al publich: lunesc y merdi dala 16.00 ala 18.00; de mierculdi, juebia y vënerdi dala 10.00 ala 12.00

plates (4 pertes). Pra l scrit pòssen nce ti mëter pro vel’ fotografia che dëssa scencajo unì acumpanieda da na descrizion curta. L material ie da dé ju tl ufize dla Union di Ladins de Gherdëina tla Cësa di Ladins a Urtijëi, sce l ie mesun sun CD; n possa sambën mandé i articuli nce tres e-mail a: info@ulg.it Oradechël vëniel nce te chësta edizion abinà adum la fotografies da noza; chiche se marida ntan l ann 2010 possa ti fé avëi ala redazion dl “Calënder” n si retrat da noza.

Coche do tradizion vëniel chëst ann inò metù a jì l festival di cores di mutons “Cianta cun nëus”. Uni doi ani ti toca la urganisazion a n’autra Union di Ladins de valeda. Chëst ann se cruzia la Union di Ladins de Fedom de urganisé chësta manifestazion nterladina che sarà avisa ai 3 de utober 2010 a La Plief da Fedom y Reba. Per i pitli ciantarins devënta chësta na ucajion per se ancunté cun mutons y mutans dl’autra valedes ladines, na maniera per mparé a se cunëscer, per audì coche sona i autri idioms de valeda, per purté plu daujin danter ëila la generazion jëuna ladina dla valedes ntëur l Sela. Per uni valeda ladina féjel pea n 2-3 cores de mutons. Per Gherdëina se à chëst iede bele nunzià l Cor di mutons de Sëlva

y l Cor di mutons de S. Cristina. Sce l fossa mo vel’ cor di mutons che ëssa nteres a fé pea, dëssel ti l lascé a l savëi al plu prësc al ufize dla Union di Ladins de Gherdëina, tla Cësa di Ladins a Urtijëi.

La Biblioteca ladina dla Union Tla biblioteca ladina dla Union di Ladins de Gherdëina iel mesun cunsulté y se mpresté ora libri per granc y pitli, dantaldut de tei scric per ladin o che reverda la cultura ladina, la storia, la geologia y n grum d’autri ciamps de nosc raion ladin. Oradechël pudëis cumpré libri, chertes de audanzes per d’uni sort de festes y ucajions y CDs … śën danman nce l CD nuef dla Ganes “Rai de surëdl” dla ciantarines dla Val Badia Maria Moling, Marlene y Elisabeth Schuen.

Ambulanza per la Moldavia Soziel - L’ena passeda ti iel unì sëurandat a Bulsan ala Grupa Caritas y Miscions d’Urtijëi na ambulanza nueva per la puera jënt dla Moldavia . La Grupa Caritas y Miscion d’Urtijëi ti juda bele da plu ani incà ai pueresc dla Moldavia. Aurelia Moroder dla Grupa Caritas y Miscions conta che la fova stata iló dan cin’ ani, propi per cialé coche l ie, y per se fé n cheder plu tler dla situazion. Lavia tla Moldavia cunësc la grupa na persona che partësc ora la roba,

che la Grupa de Urtijëi porta via, y se cruzia de dut, dantaldut che la roba ruve diretamënter danter la puera jënt. N à udù che l ie debujën de dut. Dala roba da maië y roba da fé damat per pitli nchin ala medejines, al guant y auter. Tla Moldavia iel na gran miseria y nscila ie nce la situazion sanitera scialdi stleta. “L ie un di stac plu pueresc tl’Europa, udan coche l vën menà ncantëur i amalei. Lavia ie la situazion mo coche tlo da nëus dan 50 ani, n spavënt mefun.

Perchël se ons mpensà de ti damandé ala Crëusc Blancia de mëter a desposizion na ambulanza de segonda man,” à dit Hans Rifesser. Ai 30 de juni ti iel nscila unì sëurandat a Bulsan, da pert dl presidënt dla Crëusc Blancia G e org R ammelmeier, na ambulanza de segonda man ala Grupa Caritas y Miscion, che se cruzierà pona che la ruve via tla Moldavia. La Moldavia ie n Stat amez ite danter la Ucraina y la Romania,

n drë’ sgors do ruf ite. L me savëssa drët sce l unissa scrit dant de pudëi furné me n tan debota dan nosta cësa, ajache on nce gialines. Y nce nëus, danter l auter nce na persona de tëmp, à datrai debujën de passé via la streda…L giat ie unì menà sot o mé striscià da n auto sun la streda de zircumvalazion che passa avisa sëura nosta cësa y l ciamp de atletica: streda ulache deguni ne tën mei ite l lim de furné de 90 al’ëura. Chësc ie ënghe n fat che ne me sà nia drët che l ne vën nia cuntrulà. Ie fosse dla minonga che n dassëssa mëter su na tofla luminëusa sciche l ie canche n va a Bulsan che mostra su a tant che n va y tan de ponc che unissa tëuc demez. N valguni se

penserà y dijerà: “Ma cie ues’a, l fova pu me n giat?!” I ne se rënd nia cont che l ie jënt che à gën y respetea i tieres che fej ënghe pert de nosta vita. Mi minonga ie chëla che sce na persona ne respeta nia n tier, pona ne respetéiela niancanó la persona. Lascian n tier mez mort dlongia streda y ne se cruzian nia, ne àn da mé ora degun cuer, n tier sënt y patësc l mel drë’ tant che un de nëus. L giat ne fova nia platà; da dedora semiòvel che l durmissa; l ie dessegur mort da ferides dedite! Mi apel a duc chëi che furnea cun l auto ie de jì mpue’ plu plan, ajache datrai iel nce jënt che va do stradon ite y nia mé for n giat. De gra.” Nscila scrij Clara Nogler de S. Cristina.

Mé n giat?! Tieres - „Dan doi enes iel suzedù na burta ntraunida: nosc giat Pica ie mort. Ël ie unì menà sot da n auto sëura nosta cësa.” N valguna cunscidrazions de Clara Nogler. Publicon tlo la minonga de Clara Nogler n con’ dl giat mort, ma n generel n con’ de auti che furnea massa debota: “Pica fova n giat tan valënt y da ulëi bon y l fova bele set ani pra nëus. L àn giapà che l fova mo pitl; ël fova per nëus duc sciche un che tucova pra la familia. L giat fova unì castrà acioche l ne vede nia tan ncantëur per duc i priculi che ie ncantëur. Nëus stajon te na bela luegia adateda per tenì tieres, ma da canche i à fat l raion artejanel iel scialdi plu trafich y i auti passa cun

12

www.lauscdiladins.com

tla pert urientela dl’Europa zentrela, zënza n cunliamënt ndrët cun l mer, cun passa cater milions de abitanc. La rujeneda ufiziela ie l moldav, che vën dal neolatin, varianta dla rujeneda rumena. Ntant che la rujeneda scrita ie belau la medema dl rumen, curespuend la rujeneda a usc n gran pert al dialet moldav che vën rujenà tla pert urientela dla Romania. Na pert mpurtanta à la rujeneda russa che ti uega ala comunicazion nteretnica y che ie

la rujeneda de cumerz. Ntan i tëmps dla Union Sovietica messova duta la populazion mparé rus. Tl cheder dla ndependënza dala Union Sovietica (1989 nchin al 1991) àn inò tëut ite la scritura latina. Oradechël ie la Moldavia per truep ani alalongia stata sot al cumunism, cun duta la cunseguënzes che chësc à purtà y che n cunësc urmei nce n pert ti detai. Cun la fin dl mper sovietich ài lascià la Moldavia te n desaster total. (dv)


Gherdëina

nr. 26 / 10 de messel 2010

Ferata de Resciesa: n ie a bon pont I lëures pra la ferata de Resciesa va inant bën, ma l ne sarà śën de lugio mo nia mesun inauguré coche udù dant l mplant portamont nuef Resciesa - Na storia longia iel dovia: coche mplant portamont nuef drët mpurtant per l turism te Gherdëina do la segonda viera mundiela, iel unì laurà ora ai 6 de dezëmber dl 1950 - tres l mpëni dl njenier Leo Demetz y Luis Trenker - la idea per l lift dai stuei de Resciesa Srl. Do doi ani de lëur iel unì giaurì d’ansciuda dl 1952 l mplant portamont nuef. De utober dl medemo ann iel unì inaugurà ufizialmënter cun na bela festa. Ai 31 de agost dl 2009 ie la sentadoia de Resciesa furneda per l ultimo iede. Chësc lift dai stuei, cun na cuntreda de marueia ntëurite, fova 2.400 metri lonch y piova via a n’autëza de 1.345 metri per ruvé nchin a 2.132 metri de autëza, da ulache n ova y n à na ududa de marueia. I 818 metri de

Lëures pra la stazion japé.

desferënzia de autëza fova da fé te vint menuc de viac da sté saurì...

L mplant nuef La sozietà che mëina l mplant portamont, la “Resciesa Srl», à prejentà n proiet per n mplant portamont nuef cun na ferata da doi vagons. Da doi ani porta la sozietà inant chësc proiet sot ala presidënza de Peter Comploj y la vizepresidënza de Rainer Bernardi. La ferata nueva Urtijëi-Resciesa sustituësc la sentadoia urmei storica. La trassa nueva tol ite avisa chëla che fova bele, cun na stazion japé sa Dos y la stazion suinsom dlongia la utia. I lëures à scumencià ai 1. de setëmber 2009 y l fova udù dant de finé ai 1. de lugio 2010.

dat la cunzescion drët aspiteda per fé sun Resciesa na ferata moderna. La sentadoia urmei vedla menova su mé puecia jënt, 300 persones al’ëura. L vedl lift dai stuei fova unì fat tl 1952 y pona renuvà dl 1981. Śën tumova i trënt’ ani y pona fóssel stat da fé da nuef. N lift da taché ite automatich coche n dij à na vita tecnica de vint ani. N lift dai stuei, coche chël da dant, trënt’ani y la ferata nueva arà na vita de sessant’ani.

milions de euro. L fova la sëula soluzion tecnica puscibla, coche l ie unì dit, ajache pra la stazion lajù ne fòvel nia lerch per n mplant da taché ite automatich o per na furnadoia. L ie preudù doi vagons da 90 persones che viagerà a diesc metri al secunt, chël uel dì che te ot menuc iesen sa la stazion suinsom.

Per Urtijëi saràl nce - ora che n cunliamënt funziunel - na atrazion turistica. Dla ferata àn rujenà tla cumiscion per frabiché y prejentà l proiet nce ai cunselieres. L grunt per la trassa ie per la gran pert unì dat a fit dal Chemun.

La Jonta provinziela à dat n si bënsté a cundizion che l vënie fat vel’ mudazion al proiet sotscrit da Klaus Zuber. L puent d’acel de 283 metri y 19,5 metri aut à messù unì sustituì, nscì da senté ite miec la trassa dla ferata tl paesaje, schivan danns de erujion. Ala fin di lëures messerà i ronesc ntëurvia unì metui a post aldò dla morfologia dl luech y nverdiei aldò di bujëns. L medemo vel per i troies. La sozietà minova de scumencé

Cunzescion dl Chemun tl 2009

Doi vagons da novanta persones

D’instà dl 2009 à la Cumiscion per l frabiché dl Chemun d’Urtijëi

La ferata nueva menerà 770 persones al’ëura y custerà passa 9

Lëures pra i vagons.

L local dla mascins suinsom.

Bënste dla Jonta provinziela

Lëures pra puent.

bele d’ansciuda dl 2009 cun i lëures, ma l “no” tl mëterman da pert dla II Cumiscion per la scunanza dl paesaje à trat n lonch i tëmps de n valgun mënsc.

L “No” dla Cumiscion provinziela Chësta Cumiscion provinziela à nce refudà ai 23 de merz dl 2010 la variantes liedes ala realisazion dla ferata sun Resciesa. La variantes prejentedes tla sanatoria, n pert bele realisedes, udova dant de slargë la fundamënta dla ferata nueva da 2,5 a 4,2 metri y de slungë la strutura dl puent che ie mpue’ sëura Troi Paian. Oradechël ulòven fé drenajes te raions da crëp cun ega, slargë de truep i sotpassajes per la streda de Resciesa, de chisc n valguni dlongia troies che ie bele, y nce spusté la streda che va de viers dl restaurant dlongia la stazion suinsom.

Lëures pra la stazion suinsom.

“Nia masses de jënt”

La zifres

Rainer Bernardi, vizepresidënt dla sozietà «Resciesa Srl» respuend a n valguna dumandes, spligan plu ala menuda plu cuestions. Na ntervista

Mpue’ de spiegazions tecniches dl mplant portamont

USC: Dan belau n ann, ala fin de agost, àn metù man cun i lëures per frabiché l mplant portamont nuef de Resciesa: a ce pont iesen pa al mumënt? Rainer Bernardi: Al mumënt sons tl lëur de finé via la stazion japé, la stazion suinsom y l puent. La linia cun la scines ie tan che fineda, da les pertes ora àn belau finà de rumé su y l ie bele unì senà la sumënza per fé crëscer ite dut. A luesc vëniel bele bel plan vërt. Ciunes ie pa states la majera deficulteies ntan l frabiché? Iesen pa laite ti tëmps, iel pa mo mesun giaurì l mplant śën d’instà coche preudù, can saràla pa tan inant? La majera deficulteies ie states a tò ora l material pra la stazion lajù. Nce ajache se on tëut dant de fé chësc lëur zënza stlupeté, per respeté i ujins che se ova damandà chësc. Per fé chësc iel unì laurà cun n sistem nuef che fajova n busc tla lasta. Cun n sistem idraulich unìvel pona scanà ora la lasta, che se rumpiva nsci. Cun chësc sistem nuef jiva i lëures sambën scialdi plu plan inant y nsci se à dut trat ora nchin d’ansciuda. Nce l tëmp ne n’à nia massa judà pea, davia che l ie stat n inviern scialdi frëit. L ie mpo unì laurà nchin ai 18 de dezëmber dl 2009 y n à inò metù man ai 18 de jené de chëst ann. Ma sambën

che cun l frëit jìvela inant scialdi plu plan. D’ansciuda iel stat problems n cont dl’apruazion dla variantes de proiet da pert dla II Cumiscion provinziela per la scunanza dl paesaje: àn pa tlo abinà na soluzion? Son nce unic tenii su dal arat negatif dla II Cumiscion per la scunanza dl paesaje, che ne n’ova nia dat pro la variantes dates ite. Chësc fova per nëus na cossa nia da udëi ite, ajache la variantes che àn dat ite ova da n fé n gran pert cun mudazions al proiet damandedes da pert dl Ufize provinziel forestel. Na pitla pert fova mudazions tecniches, che la firma che fej la ferata nes ova damandà. Ntant ie chësc dut unì dat pro dala Jonta provinziela y son tl lëur de finé via i lëures. Can ie pa i lëures finei? La previjions fossa de finé per i prims d’agost y de pudëi nsci tò su l servisc mo tla prima enes d’agost. N terminn ne n’iel coche ncuei mo nia mesun dé, ma fajeron dessegur a l savëi pernanche savon velch plu avisa. L vën nce a dì coche la buta śën te chësta ultima enes. Dessegur

sons nce nëus nteressei a finé via l plu prësc che la va cun i lëures. Ti cialan ala trassa dl mplant iel bën mpo na mudazion nia da puech permez al vedl mplant: na Vosta minonga n chësc cont? N con’ dla trassa iela sambën śën mpue’ plu da udëi che no dant. Ma canche dut sarà finà y l sarà dut vërt a man drëta y man ciancia dla trassa, ne saràl nia tan na gran desferënzia permez al vedl lift dai stuei. Canche n frabica zeche de nuef iel for na mudazion tl prim, nce ajache n se ova usà ala situazion da dant. Speron che la jënt ebe mo mpue’ de pazienza de udëi l lëur finà. Son dla cunvinzion che canche la sarà tan inant, sarà la ujes negatives la mendranza. La mont de Resciesa ie da for n raion da paussé, cun n panorama de marueia. Resteràl pa nsci nce tl daunì o purterà pa la ferata n mudamënt radical n chësc cont? Ce idea o vijion iel pa de chësc viers? Ala dumanda dl mudamënt radical muessen mé se fé una na dumanda: l vedl lift dai stuei ne fova

nia plu atuel y ne fossa ënghenó plu unì dat pro dal Ufize di mplanc portamont dla Provinzia. N lift da taché ite automatich, coche n dij, sciche chël de Mont de Sëuc o Secëda ëssa purtà sun Resciesa danter 1.500 y 2.400 persones al’ëura. La ferata nueva porta 770 persones al’ëura. Da chësta zifres pòssen bele udëi y capì che nëus ne son mei stac dla minonga de purté masses de jënt sun Resciesa, ma de resté te n cheder de svilup che la mont possa zënzauter tenì ora. N muessa nce tenì cont che cun na ferata possa nce jënt che à vel’ problem de se spusté furné sun Resciesa, per ejëmpl jënt che muessa sté sun n stuel da rodes y duta la jënt che à tëma dal’autëza o che se tëm a jì cun na furnadoia tl’aier. L ne fova nia puec che canche i univa ju dal vedl lift dai stuei dajova ëuta, dijan che i ova tëma a jì cun n tel lift. Tant custerà pa l proiet finà, iel pa da garat nce vel’ cuntribut da pert dla Provinzia? N cont di custimënc ne sei nia mo da dì avisa na zifra, ma l ie udù dant na soma de 9.200.000 euro. De chësta soma à la Provinzia dat pro n cuntribut dl 37%. Articul y ntervista de Daniela Villotti

Ajache la lerch a despusizion ie puecia ie na pert dla stazion japé unida fata sot a tiera, cun la ntreda a livel de streda. La scines jirà do la stazion per n valguna desëines de metri sot a tiera nchin che n ie passei via la streda Sobosch. Su per la trassa iel cater sotpassajes, sibe per l purtoi dla lueses che per i troies da jì a pe. L ie nce udù dant na stazion a mez, propi amez ala trassa, ulache l sarà mesun senté su y unì ora.

Dac tecnics prinzipei Autëza stazion japé 1.304,0 m Autëza stazion suinsom 2.122,7 m Deslivel 818,7 m Lunghëza urizuntela 2.253,9 m Lunghëza de traviers 2.402,4 m Pendënza mesana 18,60 ° Pendënza mascima 25,10 ° Pendënza minima 11,80 ° Velozità mascima 10 m/s Tëmp de viac 301 sec. Lerch per vagon 90 persones Cëria al’ëura 828 p/h Diameter corda 40 mm, 7,62 kg/m Pëis ferata ueta 13400 kg Pëis passajieres 7200 kg Putënza numinela motores 800 kW Motor idraulich 250 kW

www.lauscdiladins.com

13


Gherdëina

nr. 26 / 10 de messel 2010

La parola al diretëur artistich Eduard Demetz ie bele l otavo ann diretëur artistich de ValgardenaMusika. Si minonga n con’ de chësta manifestazion ValgardenaMusika - Eduard Demetz fej n valguna cunscidrazions te si ncëria da diretëur de ValgardenaMusika, prejentan nce mpue’ si devenì artistich: “Sciche diretëur artistich dla urchestra Sonoton ovi dant bele curà plu proiec te Gherdëina, danter l auter “La storia dl saudé” de Strawinski. Sciche cumponist fova mi tòc bele unii purtei ala prima reprejentazion da istituzions y nterprec mpurtanc. Oradechël ovi giapà tl 1998 l stipendium statel austriach per cumponisć y tl 2001 l pest Walther von der Vogelweide. Canche é pudù sëurantò tl 2003 la direzion artistica de ValgardenaMusika, fòvel nce te d’autri luesc de Südtirol unit su l’usanza de mëter a jì linges de cunzerc da d’instà. N ëssa belau pudù rujené de na sort de «Festivalitis». L semiova che dlonch fóssel ruvà ite l spirt artistich y che duc messova avëi na majera manifestazion de mujiga. Gherdëina fova na ezezion, ajache tlo òven bele

na gran tradizion de chësc viers. Al didancuei pòssen cialé de reviers a belau cincant’ani de manifestazions de mujiga urganisedes regularmënter tla valeda. Bele ti prim ani ’60, n tëmp ulache i cunzerc de mujiga tlassica univa metui a jì mé tla ziteies, ova la jënt de Gherdëina for inò ucajion de scuté su n cunzert de mujiga tlassica. Nscila iel chersciù l nteres de viers dla mujiga de n cër’ livel; chësc fova ntlëuta dut auter che de usanza. Chësc lëur straurdiner de cultura à purtà si fruc, y te si ntensità d’al didancuei iel per l publich de Gherdëina, sibe per chëi da tlo che per i turisć, deventà pert mpurtanta de cultura y tradizion, de chëla che n ne possa nia plu fé a manco. Chësc fova l scumenciamënt per n urientamënt nuef per chël che à da n fé cun la lingia di cunzerc da d’instà dla ValgardenaMusika sot a mi direzion artistica. I trëi ponc de chëi che é tenì cont per lauré ora n cunzet nuef per l festival ValgardenaMusika ie

n iede de mantenì la nternaziunalità dl festival cun urchestres, cores y solisć cunesciui sun dut l mond. Pona dëssa l festival mustré inant n referimënt local sterch y i musizisć dl luech dëssa for inò unì trac ite tla manifestazions. É ala fin nce for ulù purté inant l’idea de giaurì n viere de viers dla rujeneda di populi y dla rujenedes de mendranza, n argumënt che vën trasfurmà tl lingaz dla mujiga tl cheder de ValgardenaMusika.” Nscila l diretëur artistich de ValgardenaMusika Eduard Demetz. Chëst ann iel la 26ejima edizion de “ValgardenaMusika”, la manifestazion de mujiga che fej pert dla tradizion de Gherdëina. L cunzert de giaurida unirà metù a jì tl Tennis Center de Urtijëi n vënerdi ai 16 de lugio 2010 dala 21.00. L sunerà l’Orchestra Sonoton (c. nce sot ala plates de informazion, cun l program plu avisa). Nfurmazions nce sot a www. valgardenamusika.com (id)

L diretëur artistich de ValgardenaMusika Eduard Demetz, tlo cun Giorgio Moroder n ucajion de n cunzert dl ann passà.

Smueies te Gherdëina Do l gran ciaut di ultimi dis nce te nosc luesc da mont, iel unì docà de gran temporai che à gaujà smueies te Sëlva y nce a S. Cristina.

L arani ntan l lëur. Ntant ie i lëures bele finei, coche à dit l assessëur Andrea Mussner.

Smueies - Ai 2 de lugio de nuet ie jita la sirena per cherdé adum i destudafuech a purté i prim aiuc. Da dì che danterite àl nce tampestà per n bel struf. Per fertuna ne n’ie deguni ruvei sot ala smueies ite. Tl pra sëura l Hotel Bel Mont, ulache l ie l lift Plan da Tieja, iel unit ju tiera y sasc de viers dl hotel y dla stredes che passa a man drëta y a man ciancia. Iló sun pra fòvel unì menà adalerch tl’ultima enes material, che n chëla nuet se à mescedà cun l’ega che à furmà n pitl ruf de mauta. Per fertuna ne n’iel nia stat de majeri danns, ma plu che auter na gran sperduda. (dv)

“L’eghes blances te ruf” Do la smueies unides ju nce te Sëlva ti à la USC fat n valguna dumandes al assessëur per i purtoies y stredes dl Chemun de Sëlva Andrea Mussner USC: Assessëur Mussner,

14

www.lauscdiladins.com

pudëis’a cunté zeche plu avisa dla smueies unides ju n vënerdi sëira? Andrea Mussner: Sci; n vënerdi sëira al pluët ora dl normal dassënn, a pensé che dala Scola d’Ert ju ne perdujova l tumbin nia a lascé tres l’ega. Truep cuiertli ie unii auzei su dal’ega. Nsci jiva gran pert dl’ega ju per streda y n pert nce ju per purtoi da Tieja. Sambën iel pona jit ite ega nce te vel’ cësa y ciulé. Da dì iel che eghes iel mo unit ju, nscila sun la streda Pozamanigoni y sun l purtoi Valpudra. Ulësse stlarì che ora Plan da Tieja ne pòssen nia propi rujené de smueia, ma mé de ega cun mpue’ de pantan che ie ju. Y ora Nucia? Tl raion da Nucia iel da dì che l ie ju ega per l purtoi y à rot ora n pitl tòch de purtoi de za. 10 metri cuadrat te raida da Nucia, fajan muever na pitla smueia de za. 50 metri cubich che ie jita ju y che per

La smueia unida ju ora Nucia.

fertuna ne à nia fat dann a jënt. Ce sort de ntervënc iel pa stat y ciuni ie pa stai i danns? Dantaldut ie i Destudafuech de Sëlva cun a cë l cumandant Josef Perathoner riesc unic sun l post, sambën nce l ambolt Peter Mussner, nce ël destudafuech y a cë dla prutezion zevila dl luech. Unit adalerch ie l assessëur per l’eghes Adrian Senoner, che ie ënghe destudafuech. Sun l post fòvel nce l gheologh provinziel. L plu gros ie bele unì rumà su. Che l à pluët savons. Ma che do mpue’ de plueia vëniel bele ju smueies, o coche ulëis ti dì, dà bën mpue’ da pensé. Ciunes ie pa la gaujes natureles, de chi ie pa la gauja - sce l ie na gauja, de chi ie pa la respunsabltà? A rujené de gaujes ne n’iel nia tan saurì y ie ne son nce nia al’autëza per respuender tlo a chësta dumanda. Smueies natureles

iel for stat; penson ala smueia da Insom, ala gran smueia da FusselFrëina. Ora La Sëlva conti ënghe che l fova unit ju zeche plu da giut. Ntlëuta ne fòvel nia unì laurà cun pacres o fat purtoies. Perchël, de gran eghes possa purté a cunseguënzes che n ne possa nia udëi danora. Pona, sce l pluev pona pluevel y l unirà for ju eghes, y l ne n’ie deguna respunsablteies de deguni, sce bele nia gaujes? De gaujes y respunsabltà muessen ti damandé a jënt cumpetënta te chësc ciamp. Sce n tën cont de cieche l ie suzedù via n Mareo sun l Cianros y sën tlo da nëus, cun smueies grandes o pitles che les sibe, ne n’ie pa chisc nia n alarm che l vën laurà te na maniera massa superfiziela, dantaldut da pert dl’aministrazions publiches y dai geologs y tecnics? Ajache, cie

ëssel pa da suzeder sce l unissa fat de majeri lëures te de majeri raions ërc y l pluëssa plu giut? Paredlé nscila ie bën mpue’ massa vagà. Me mpënse che pra la smueia de Cianros à dessegur i geologs y proietanc mparà truep. Ëis’a bele rujenà te Jonta de Chemun dla smueies y dla mesures da tò? Per la segurëza vëniel rujenà uni di. L ie nce unì laurà ora n plann di raions de pricul. Son dla minonga che l’eghes blances muessa dutes dant o do ruvé te ruf. Perchël saràl da fé truep lëures tl daunì, n chësc cont. L se trata de ntervënc che ne porta finanzialmënter nia y che n ne vëija niancanó, ma che ie de gran mpurtanza per ti dé plu segurëza a nosta jënt y a nosta puscions. Ntervista David Lardschneider


nr. 26 / 10 de messel 2010

Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

La "Milchbar" à stlüt les portes Nadia Erbisti Mühlmann d’Al Plan/Lungiarü à albü por 18 agn en afit le "bar dal lat" a Al Plan. Da püch àra dè sö l’ativité

Val Badia

Heinrich Huber é comissar a Corvara La junta provinziala l’à nominé tla sentada di 5 de messè

Heinrich Huber é gnü nominé comissar dl Comun da Corvara.

Corvara - Do che ara n’é nia jüda da ciafè na junta tl comun da Corvara, messâ le goern provinzial nominé n comissar. Chësc é gnü fat tla sentada di 5 de messè, olache al é gnü nominé Heinrich Huber da Rina, secretêr personal dl presidënt dla junta Luis Durnwalder, sciöche inće vizepresidënt di museums de Südtirol. Durnwalder à dit che la proposta é gnüda dal assessur ladin Florian Mussner. Ti ultims tëmps êl tomè plü inoms: L’ex ombolt da Corvara Heinz Kostner ê gnü damanè, mo n’â nia orü surantó chësta inćiaria. Tomè é inće l’inom dl ex-ombolt da San Martin Pepi Dejaco. La lîta é indere tomada sön Huber, che manajarà l’aministraziun da Corvara ćina ales lîtes nöies, che gnarà tignides danter le 1. de novëmber y i 15 de dezëmber. (pablo)

Söi fostüs di tiers salvari Por stlü jö en alegria la fin de na generaziun, él gnü fat na picia festa cun amisc. (Foto: Foto Hansi)

N tru tematich a Badia dëida conësce plü avisa i tiers salvari

Al Plan - An po bëgn dì che la "Milchbar" - sciöche düć la conësc - ê na carateristica dl paîsc. Le bar cun picia botëga tl zënter de paîsc ê laôta le post olache paurs y ostis jô a cumprè ite i produć da lat. Al gnô manajé dala Senni. I ultims 18 agn él stè tles mans de Nadia Erbisti, che à da püch tut la dezijiun da dè sö süa ativité. I ti ùn damanè cun ći sentimënt che ara à tut chësta lîta. La Usc: Nadia, cun la stlüta dla "Milchbar" pòn dì che na generaziun s’an va. Co é pa madorida chësta dezijiun? Nadia Erbisti Mühlmann: Le contrat d’afit se rovâ. Mia uma Rosa

Badia - Da püch él gnü daurì a Badia n tru tematich nü, che pëia ia dala staziun a munt dl lift da La Crusc, y se röia dlungia le bel Lêch dla Lee. Le tru é gnü realisé sön iniziativa de Stefan Valentin dla Ütia Lee y de Luigi Frenademetz, presidënt dla sozieté di lifć da La Crusc. L’idea ê nasciüda tratan l’aisciöda 2009. Do avëi tut sö contat cun Gottfried Nagler dl Ofize Parcs Naturai, él gnü valutè les poscibilitês. Gottfried ti à mostrè ai promoturs i trus realisà dal Ofize Parcs Naturai te Südtirol, insciö él gnü tut la dezijiun da realisé le tru sön i tiers salvari. Le tru é ponsè dantadöt inće por families, deache an po le fà saurì inće cun i bagheli. Sön na lunghëza

Nadia Erbisti cun le ploan signor Heinrich Perathoner. (Foto: Foto Hansi)

Obojes y mia mëda Paola n’ê nia plü bones da daidé y a me dassora me gnôl inće massa pesoch. Mies mitans à tut d’atres strades, le laûr n’é nia plü chël che ê n iade y insciö unse tut la dezijiun da dè sö nosta ativité. Tan dî Ëise pa albü le bar tles mans. Podésses pa nes cuntè en cört la storia de chësc bar? Le bar é gnü daurì da d’altonn dl 1969, y la Senni fistidiâ da le manajé en afit. Mëda Angela dal Tabach (uma de Anna dal Tabach, adr), proprietara dla ćiasa, ess albü tan ion n bar dal lat dailò y insciö âra damanè la lataria da Bornech sce ai ess albü interes da daurì. Chi l’à spo tut en afit. Impröma êl Rosa y Nane da Torpëi che laurâ lajö, dal 1974 él stè mia uma. Canche i à albü 14 agn, dl 1975, ài inće iö metü man da laurè impara y tosc dedô inće mia jormana Rosalia. I ultimi 18 agn ài spo albü le bar en afit . Denant ênse dötes colaboradësses dla lataria da Bornech. Sce i pensëis zoruch a canche i Ëis surantut le bar. Co s’à pa mudè le laûr ćina aldedaincö? Tl pröm êl cotan plü da laûr cun i sciori, mo inće cun i paurs, che gnô düć dailò a cumprè ite le patüc. Dedô ài metü man da jì diretamënter fora dla Senni a cumprè. Tl pröm gnô inće gran pert di hotì da nos a cumprè le lat, la brama y d’atri produć. Chësc é stè insciö ćina che dites à metü man da menè fora le patüc cun i camions.

Por la jënt dl post ê le bar n post de incuntada, no pa? Cun i sciori é le laûr jü zoruch ti ultims agn, mo le laûr cun la jënt dl post é tres gnü deplü. I â n beliscim raport cun la jënt dl paîsc. Nosc bar i somiâ deplü a na stüa co a n bar. Düć gnô a s’la cuntè, a stè en compagnia. Ponsan propi al raport cun la jënt dl post, ći sentimënt Ëise pa da lascè zoruch döt chësc? Sambëgn che al m’un crësc n pü’ do la jënt y do les compagnes che gnô dé por dé, mo por ći che reverda le laûr instës, mëssi dì che i me sënti incö plü lisiera. I n’à nia plü chël pëis da avëi instëssa valch da fistidié.

de apresciapüch 400 metri ciafa i vijitadus informaziuns sön le variö da sas, stambëch, pich, olp, muntagnola, gran ial, laûrs y le puhi (düle). Vigni tier é rapresentè sot forma de na scultöra de lëgn, acompagnada da na tofla te trëi lingac - ladin, talian y todësch - cun lassura informaziuns sön spersa de vita, nudrimënt y particolaritês dl tier. Les scultöres é gnüdes realisades cun la mascînn di lëgns da Josef Heinisch da Matsch te Vinschgau, che à ciafè te chësc "hobby" süa pasciun. Öna na scultöra manćia ćiamò - chëra dl stambëch - che gnarà "siada dal vì" la domënia al 1. d’agost, dales 11.00 inant, söinsom le lift da La Crusc. (pablo)

I Ëis metü man da laurè instëssa te n restorant dla Val Badia, sciöche dependënta. Co Ves sàl pa da passè da patrona a porsona sot a patrun? Al me sa bel. I me laori saurì y cun ligrëza nöia. I à le će plü lisier y i me stà veramënter dër saurì. Al é döt val’ d’ater. I m’arjigni inće da gnì lâ, porchël ài śëgn dlaorela por d’atres cosses. Laprò ài inće da fistidié a ćiasa te nosta raitadoia, olache i dëidi impara tl laûr cun i ćiavai. I oress tó l’ocajiun ćiamò da rengrazié nüsc tliënć por la crëta che ai nes à dè te düć chisc agn y inće dötes les porsones che m’é stades dlungia y à dagnora daidé. Intervista: Pablo Palfrader

Le tru tematich söi tiers salvari se röia tla bela contrada dl Lêch dla Lee.

Suzes por i stödafüch Pröm post a Lana La Val - Le grup de Stüdafüch jogn da La Val à tut pert al concurs provinzial di stödafüch a Lana, arjunjan le pröm post söla gara por la medaia d’arjënt. Deplü tla proscima ediziun d’La Usc.

www.lauscdiladins.com

15


Val Badia

nr. 26 / 10 de messel 2010

Ëres de Badia söl Ritten

“Ater te ater” pëia ia

Ai 10 de jügn é n bel grup de ëres de Badia jüdes en jita söl Ritten y söl lech de Kaltern

Chësc mertesc ai 13 de messè vëgnel daurì a Al Plan le festival internazional de teater “ater - te - ater” te süa pröma ediziun, cun le toch “Hotel Paradiso”

Badia - Al é bele na tradiziun che la Uniun dles Ëles de Badia mët da jì vigni ann da d’aisciöda na jitapelegrinaje. Chësc ann unse chirì fora da jì söl Ritten. Le vësco ti à dediché chësc ann a Josef MayrNusser y la urna cun so cënder é gnüda portada te na picia capela söl Ritten. Al é inće chësc ann 100 agn che al é nasciü y al dess tosc mëte man le prozes de beatificaziun. Ala jita à tut pert 35 ëres. I sun piades ia dales 7 da doman y bele söl iade nes à siur degan Franz Sottara cuntè dër tröp sön la vita y la opera de Josef Mayr-Nusser. Canche i sun rovades söl Ritten, nes àl dit na santa mëssa te chësta

bela picia capela. Tratan la pordica nes àl metü a cör l’ejëmpl de vita de Mayr-Nusser. Sciöche püć d’atri, ti él jü do ala usc dla cosciënza, savon damperfora che chësc ti ess costè la vita. Dedô unse ćiarè ite tla Ćiasa dles Families dailò dlungia. I nes ùn informè sön döt ći che vëgn pité y organisé te chësta strotöra. Spo sunse jüdes a ti ćiarè al museum dles ês dailò daimprò. A dötes ti àl salpü dër interessant. I ùn odü de vigni sort de massaries da laurè cun les ês de cënć d’agn vedles. Te na picia botëga unse spo podü ćiarćé y cumprè de vigni sort de mil y d’atri produć dles ês. Da gnì cuntra Balsan

sunse spo stortes pro tla fabrich dla Loacker, olache dötes s’ùn cumprè na gran tascia de bogn biscoti. A marëna sunse jüdes a Kaltern, te n bel post söl lech. Deache le tëmp ê bel gnü sciöche i s’l ân comanè, sunse stades döt le domisdé a spaziré incër le lech y a nes gode le sorëdl y le pröm ćialt de chësc ann, do n invern lunch y frëit. I orésson rengrazié de cör siur degan che s’à tut dlaorela da gnì cun nos. Dilan a Bruno che é bele da agn nosc ciafêr y a dötes les ëres che à tut pert, desmostran insciö de tignì sön nosta uniun y sostegnì nostes iniziatives. Uniun dles Ëles de Badia

Les döes colaboradësses de “ater-te-ater” y l’assessur provinzial Florian Mussner tratan la conferënza stampa sön chësc festival, stada a Balsan.

Teater - Te püć dis sarara tan inant. Do la fasa organisativa y la comunicaziun mediala pëia ia chësc pröm festival de teater estif dla Val Badia. La premiera de “Ater te ater” portarà sön paladina en mertesc ai 13 de messè dales nü da sëra tl Salf manifestaziuns a Al Plan le toch “Hotel Paradiso” de Familie Flöz, sot ala rejia de Michael Vogel, cun i jobleri Anna Kistel, Sebastian Kautz, Thomas Rascher , Frederik Rohn. Ara se trata de n teater de figöres, zënza parores. L’invit da jì a ti ćiarè i va ai adulć, jogn y mituns. Da odëi sarà le medemo toch inće ćiamò le mercui ai 14 de messè 2010 dales 21.00, dagnora tl Salf dles manifestaziuns a Al Plan.

La trama te hotel

“Nosta forza é le tignì adöm” Dij Gaby Irsara d’Antermëia, presidënta dl’uniun culturala “Cultura da munt” Lies - “Cultura da munt 2010” se mostra indô cun n program che dess descedè d’isté l’interes de ghesć y jënt dl post por folclor, musiga popolara, escursciuns incër Pütia y intrategnimënt cun le bal tradizional dles stries sot Pütia. Le cërtl de manifestaziuns pëia ia en sabeda ai 17 de messè les cater domisdé cun na indunada de orghi da man y dedô spo - dales set da sëra - cun la inaudaziun. N azënt particolar i vëgnel dè ales döes escursciuns “Roda de Pütia” che gnarà metüdes da jì les domënies 18 y 25 de messè dales nü da doman ćina da sëra. I ùn arjunt Gaby Irsara por na intervista sön le program de “Cultura da munt” de chësc isté. La Usc: “Cultura da munt” ala secunda ediziun, manco ert, plü folclore y gastronomia? Gaby Irsara: “L’ann passè en ocajiun dl 50^ aniversar dl’EPL él stè meso da organisè val’ plü de cultural. Ert é dessigü valch dër de bel, mo ara ne va sambëgn nia da realisé valch proiet, p.ej. n teater a 2000 m vigni ann, ajache al comporta massa tröpes complicaziuns. Al é na desfida por düć nüsc volontars che laora tröpes ores debann y che an ne po nia suraćiarié. Cun folclor unse fat la esperiënza che la jënt dl post se sint plü trata ite y dëida plü ion para pro la realisaziun. Chësc ann colaborunse tla pert culturala cun l’Uniun di Ladins Val Badia y le Museum Ladin cun na esposiziun

16

www.lauscdiladins.com

de guant da zacan y cun l’Istitut Ladin che nes à metü a desposiziun material bibliografich.” Olà aratëise pa os che al podess ćiamò ester n potenzial por valutè Börz, i prà incër Pütia y alzé l’atraziun di paisc sot al’Assoziaziun turistica da San Martin? “Börz é dër na bela munt leria cun prà y bosc de ciers, zënza implanć y pistes, che po gnì arjunta saurì. Al ne va nia debujëgn de tröp deplü. La natöra incër Pütia vëgn bele adorada gonot  te retlams  por döt Südtirol. Nosc potenzial sta tl ester autentics, tl mode da ti fà odëi y vire i valurs dl post, da paur, y da ester bugn da conservé ći che i ùn. Le laur ti proscims agn sarà chël da ester bugn inće da sensibilisé nosta jënt por ći che i ùn!” Chësc ann ëise dantadöt manifestaziuns en colaboraziun cun düć trëi i paisc dl comun, ći porta pa chësc? “I fajun düć pert dl medem comun y tignon adöm podunse arjunje deplü co sce vigni paisc cöj süa pert psunder. Tl contest de Pütia él natural, ajache la ’Roda de Pütia’ tol ite trames les perts dla munt y insciö döt le comun. Tignì adöm é nosta forza - porchël chiriunse inće la colaboraziun di atri paisc.” L’ann passè él gnü critiché che Börz dess romagne dantadöt natöra sconada y chîta... Ći

respognëise pa a chëstes usc? “Les munts é beles y la Gaby Irsara, natöra resta. Le surastanta raiun de Pütia dl’uniun nofej pert dl parch profit “Cultura da natural Pöz- munt”. Odles y é sot sconanza. A pert de messè y agost, i mëisc dal plü gran ćialt, canche al röia inće adalerch tröc foresć, él sön Börz  dagnora n gran chît. Te chisc dui mëisc orunse inće conzentrè nostes ativitês de intrategnimënt scëmples y davertes a düć, lascian da na pert mostruositês che an po osservé te valch ater post da munt.” Aratëise che “Cultura da munt” sön Börz y incër Pütia pois gnì na tradiziun cun i agn? Te ći direziun orëise pa jì, plü tl folclor o inće impò indô tl’ert manco popolara? “Cultura da Munt é na assoziaziun de volontars: al vëgn damanè tröpes ores de laur de volontariat da pert de tröpes persones. Les idees gnarà coiüdes adöm y ćina che la jënt dl post à ligrëza y orentè da laurè para y da mëte en pé proieć, aran inće  n suzes. Döt depënn dales capazitês che nos sun bugn da armöie. I ne orun nia dè n vare plü gran dla iama, mo realisé scëmples en sintonia cun nosta ’cultura da munt’. I fajarun ći che nes plej y ći che nes gareta.” (ir)

Le tru por le paraisc passa fora por l’infern. Al sozed cosses bizares tl Hotel Paradiso, le pice hotel tradizional de munt che vëgn condüt inant a stënta dala ustira vedla. Na fontana cun ega da medejina impormënt varijiun da maraties fisiches y psichiches y sura la porta d’entrada slomina cater stëres. Mo al manacia tëmp. Le möt somiëia le gran amur y intratan se stritel’cun süa só por la gestiun dl hotel. La ćiamenëssa aroba y le cogo sbocarësc nia ma tiers... Canche al vëgn a löm le pröm mort, röia döt le hotel te n rodel de de bur’ avenimënć. Danter altöres da gnì ciurns se déurel sö frignuns scürs a chi che degügn ne po i sciampè. Oramai él le hotel che va inmalora, deache cadavers ne porta mai bun. “Familie Flöz” é n grup teatral cun sënta a Berlin, metü adöm da artisć che vëgn da plü co 10 naziuns. Al se trata de na familia particolara, che va a cör, avisa tan sciöche ara

Motif che inviëia al teater dla “Familie Flöz”.

se desmostra scurila, y che é gnüda al monn fora de na sfëssa scöra dal vënter dla tera fora - cun chësta imaginaziun s’à fat conësce Familie Flöz tl ann 1996 tl monn internazional dl teater. Tres le laur de descurida dles disciplines secolares sciöche l’ert dla rezitaziun, le jüch dles mascheres, le bal, la clowneria, l’acrobazia, la magia y l’improvisaziun nes pita “Familie Flöz” esperiënzes teatrales sënza confrunć.

Inće Shakespeare tla Val Badia I dis jöbia ai 15 y vëndres ai 16 de messè dales 21.00 gnaral spo rapresentè al Museum Ladin Ćiastel de Tor a San Martin “Un Amleto”, toch costruì sön l’opera de William Shakespeare, de y cun Mauro Pescio, realisè en colaboraziun cun Giulia Valli. Al é n toch por talian, por adulć y jogn. Mario Pescio s’à fat la domanda “i me damani ćiodì che i lasci passè ia mi dis dijon: chësc foss da fà, deperpo che por le fà essi rajuns, orentè, forza y mesi…” Tres chësta frasa àl metü man so laur de reduziun, al ajunta: “i à chirì fora les scenes che me plajô deplü y che dëida la comprenjiun y i à lascè spizoré na forma. Amleto se confrontëia cun sü limić. Al é cosciënt che la porsona é responsabla de süa vita. Ći che al é gnü fat fora de nos, é fat, mo por chësc ne podunse nia rinunzié a nüsc obietifs. “La contemporanité de mi Amleto sta avisa te chësc”, dij Pescio, y inant: “sciöche al é usanza tla poetica dl Gloriababbi Teatro, le grup de chël i feji pert, ài metü al zënter me instës sciöche persona, denant co sciöche atur, tolon demez y desmentian da rapresentè. Al é n tentatif da cherié n spidl da se ćiarè ite tl chit y odëi nosc retrat refletè.” Mauro Pescio s’à diplomè ala “Scuola d’arte drammatica Paolo Grassi” y à laorè cun Cristina Pezzoli, Paolo Latella, Valentina Kastlunger; al é mëmber fondadù dl Gloriababbi Teatro, le grup cun chël che al laora dal 2003. Atualmënter laorel c un Massimiliano Civica sön le “Sogno di una notte d’estate”. Les rapresentaziuns dl festival “ater-te-ater” jarà spo inant te otedé, en sabeda ai 17 de messè, a La Val, cun n spazier teatral. “La Usc di Ladins” cuntarà ćiamò de chisc apuntamënć.


Val Badia

nr. 26 / 10 de messel 2010

Sotpassaje nü bele zinzorè sö... y depënt surajö Scrites ofensives cuntra la jënt dl post “abelî” le sotpassaje nü por les rodes a Corvara. “Da dodè”, dij l’ex-aconsiadù de comun Marco Bassot. Mo śëgn é döt indô apost comissar - mostrâ le dëit sön le sotpassaje por les rodes a Corvara, che ê impormò gnü inaudè da d’altonn dl ann passè, mo ê bele deventè vitima de porsones che arata da messëi lascè süa firma sön le bëgn publich.

Marco Bassot, stè aconsiadù de comun ćina ala nominaziun dl comissar.

Corvara - “Corvara sciöche la metro de Milan: da dodè!”. Chësc le titul de n comunicat stampa che Marco Bassot â menè fora dan otedé. Bassot - stè aconsiadù de comun ćina ala nominaziun dl

“Le sotpassaje por chi che va a pè y ziclisć”, dij Bassot, “é te n post fondamental olache al mët man le tru do l’ega ite che condüj a La Ila. Chësta opera é gnüda rovinada da val’ un che ne se rënd nia cunt dl dann che al à gaujé, da valgügn che ne conësc ne l’educaziun ne le respet”. Le sotpassaje ê gnü zinzorè sö cun scrites desplazades, dessëgns y firmes olache la jënt dl post gnô inviada da se fà sü “afars”, dit cun n vocabular plü volgar. Laprò aratâ l’autur o i auturs da messëi ti comuniché a vignun che passa sotìa che le “spraying”, tanco la moda da sprinzé sö i mürs, sides na pratica legala. Bassot dij inant: “Sce na

porsona de nosta comunité à albü le coraje da fà val’ de te’, ne pòl nia aratè da ester na porsona de chësta tera.” Laprò manćiâl püć dis ala Maratona, olache al röia adalerch milesc y milesc de porsones, che ess insciö odü le sotpassaje zinzorè sö, ći che n’é zënz’ater nia le miù retlam por na localité sciöche

Corvara. Mo tan inant n’éra nia rovada. Bele le dé che le comunicat ê rovè ti media de Südtirol, él gnü dè na man de tintöra sura les scrites jö. Bassot dij: "Sciöche aconsiadù comunal stè en ćiaria ćina ala nominaziun dl comissar, y sciöche amant dla natöra me dodi de chësta desfida ala ’cossa publica’”. Do che le “dann” é gnü comedè stlüj jö

Bassot insciö: “L’apel é gnü ascutè sö. Al é ma da parentè che an arjùnjes ma valch canche les inosservanzes dl’aministraziun vëgn publiches. La cossa de majera importanza é che i turisć y la jënt dl post podarà śëgn se fà demorvëia dl’öga che le sotpassaje pîta, y nia di graffiti che rovinâ süa dignité.” (pablo)

Mürs zinzorà sö pro le sotpassaje a Corvara. Scrites va inće cuntra la jënt dl post.

Critica: al manćia les ëres te junta

Tëmp de jügn

L’ombolt dl comun da San Martin s’à ciafè critiches por n’avëi nia tut ite na ëra te junta. La Consulta por la Valianza di dërć protestëia. Intervista

Le mëis de jügn 2010 é stè tla media cun les temperatöres, mo à scinché ca püćia ega

San Martin - La Consulta por la Valianza di dërć y la referënta por les medemes oportunitês Simone Wasserer à critiché che te valgügn comuns de Südtirol é la junta ma metüda adöm da ëi. Dlungia Schnals y Niederdorf él inće a San Martin de Tor na junta zënza ëres. “Chësc, sciomia che al é a San Martin döes ëres te consëi, litades cun n bun resultat, y öna s’â metü a desposiziun”, scri la Consulta y la referënta. Deboriada cun l’assessur provinzial Roberto Bizzo àres invié l’ombolt da San Martin Heinz Videsott da anulè la delibera dl consëi y mëte sö danü la junta, tolon ite na ëra. Da dì él che l’ombolt Heinz Videsott â presentè öna na proposta de junta cun na ëra laìte - la terza dles cater propostes. Mo chësta n’â nia ciafè la maioranza. “Al ne basta nia che i ombolć se referësces al statut de comun, che prevëiga na rapresentanza dles ëres te junta ma sot a certes condiziuns, o daldöt nia”, spliga la presidënta dla Consulta Ulrike Oberhammer”. La lege regionala prevëiga che al mësses gnì garantì na rapresentanza de intrami i sesc te junta, ti organns colegiai di comuns sciöche inće ti ënć y tles istituziuns de comun. Tla sentada de consëi a San Martin, stada inier ai 9 de messè - canche nosta redaziun ê bele stlüta jö - â la Consulta impormetü da invié ia na aziun de protesta. Tla proscima Usc ciafarëise deplü. Ćiamò denant unse orü baié cun l’ombolt Heinz Videsott, por le damanè co che ël la vëiga.

Tëmp - Le mëis de jügn é jü a piz y tröc se recordarà i dis da nio y le gran ćialt gnü i ultims dis. Por ći che reverda les prezipitaziuns à jügn sparagné cotan. Indöt él tomè 80,1 mm d’ega (litri/m2). La media di agn danter le 1981 y 1990 ê de 117,6 mm, la media dal 1991 al 2000 de 143,8 mm, dal 2001 al 2009 de 104 mm. Sc’i ti ćiarun ai pröms sis mëisc dl ann, spo odunse che al é n ann plü assöt co zënza. Ti pröms 6 mëisc dl 2010 él tomè indöt 313,3 mm d’ega o nëi. La mesana dal 1981 al 1990 ê ćinamai de 437,9 mm. Sc’i ćiarun zoruch tles statistiches di agn passà (dal 1971 incà), odunse che le jügn plü assöt é stè dl 2003, cun 62,5 mm d’ega. Le plü mol é stè dl 1997 cun 228,6 mm d’ega. Por ći che reverda les temperatöres, n’é jügn nia stè tan fora de mosöra. La temperatöra mesana é stada de 13,27 °C. Danter le 1991 y 2000 ê la media de 13,33°C, danter le 2001 y le 2009

La Usc: Heinz Videsott, la Consulta provinziala por la valianza di dërć à critiché le Comun da San Martin deache al manćia na ëra te junta. La

situaziun é rovada ti media. Ves aspetâse pa na te’ reaziun? Heinz Videsott: Incër val m’aspetâi na te’ reaziun, inće deache les rapresentates dla Consulta m’â bele dit danfora che ares ess trat sö tröp stöp. Mo i n’arati chësta nia na gauja por trà zoruch ći che an arata dërt. Aladô dl comunicat stampa dla Provinzia, s’à la Consulta damanè deboriada cun l’assessur provinzial Roberto Bizzo che le Comun tìres zoruch la delibera de junta y tòles ite na ëra. Fajarëise pa chësc vare? I ùn baié te junta de chësta cossa y en vëndres (inier, adr) odarunse co che i aconsiadus la vëiga, ester él le consëi che po trà zoruch na süa delibera. Personalmënter arati che la delibera che mët sö la junta ais valüta, mo al podess ester che le statut dl Comun da San Martin sides de chësc vers falè. Te plü comuns él fissé tl statut tan de ëres che mëss fà pert dl consëi, por che öna röies de dërt te junta. La lege regionala dij che na ëra mëss rovè te junta, tan inant che al n’é öna te consëi. Él pa na chestiun de interpretaziun? Bele le fat che tröc d’atri comuns ais interpretè chësta lege sciöche le Comun da San Martin é n sëgn che la lege n’é nia tan tlera sciöche la Consulta por la valianza di dërć dij. Ester dàl da ponsè, che le Consëi Regional ne sides nia stè bun da formulè a na moda tlera na cossa tan importanta y pordërt saurida da dì. An à l’impresciun che gonot vëgn les ëres tutes te junta impormò canche an mëss, zënza

ćiarè ales cualitês. Éra pa insciö? Personalmënter arati che na ëra sides n arichimënt por vigni junta. Mo sce an tol sciöche ejëmpl San Martin, él cater posć te junta, de chisc va trëi do statut ales fraziuns, implü fóssel da tó en conscidraziun tan de usc che vigni aconsiadù à ciafè, che dötes les categories sides rapresentades y ćiamò d’atres cosses. Y inultima mëss la proposta dl ombolt ćiamò ciafè na maioranza te Consëi. I n’arati nia che ara nen vais ma dles cualitês di singui aconsiadus, mo an mëss odëi döt te n cheder plü ampl. Metarëise pa śëgn tl statut de comun regoles plü tleres en cunt dles ëres? Sce bëgn, por ći soluziun Sëise pa os? Sciöche bele dit, odarunse naota en vëndres (inier) sciöche le Consëi la vëiga. Al po zënz’ater ester che i mudarun nosc statut de nosta buna, mo magari aspetunse a n recurs y odun ći che al salta fora dan signoria. Pordërt fóssel gran ora che chësta situaziun gniss stlarida daldöt.

de 12,76°C. Le jügn plü ćialt unse albü dl 2003, cun na media de 17,07°C, le manco ćialt dl 1989, cun na media de 9,22°C. Les statistiches reportades tl articul se referësc ai dać registrà ta Lungiarü, olache le maester Albert Daverda scrì sö dé por dé les corëtes dl tëmp. A ël n bel dilan por nes avëi metü a desposiziun i dać. (pablo)

Albert Daverda da Lungiarü.

Test y intervista: Pablo Palfrader

L’ombolt da San Martin Heinz Videsott. www.lauscdiladins.com

17


Val Badia

nr. 26 / 10 de messel 2010

Cun les Lies da munt dla Val Badia tl’Umbria Les Lies da Munt dla Val Badia à metü da jì da Pasca de Mà, dai 21 ai 24, n bel iade tl’Umbria cun escursciuns, vijites culturales y degustastaziuns culinares. Lajö él inće stè na incuntada cun le CAI da Perugia

Gubbio: dan le Palazzo dei Consoli.

Iadi - L’organisaziun à tut tles mans la Lia da Munt La Val, cun a ãe so surastant Franz Moling, che à tut sö contat cun le CAI da Perugia che nes é gnü dër adincuntra y nes à tratè daspavënt bun. Le vëndres, ai 21 de mà, é le bus cun 50 porsones, dötes bele n pü atempades, mo dala buna löna, pié ia bele adora da doman dala Val Badia. Tut pert al iade à mëmbri dla Lia da Munt La Val, dla Lia dai Crëp Mareo y dla Lia da Munt Ladinia – CAI Val Badia. Le ciafêr Hubert Moling, espert y sigü te so mistier, nes à condüt bun dales munts foraijö tla planöra. Do n pêr de palses y la marëna te n restorant söl’autostrada sunse rovà söl pröm domisdé a Perugia. Cun la picia ferata moderna dla Firma Leitner da Sterzing sunse jüs sö tla cité alta, olache i sun gnüs saludà dai rapresentanć dl CAI da Perugia. Partis sö te dui grups nes ài acompagné a fà na roda fora por la cité. Ai nes à cuntè n pü dla storia y nes à mostrè les belëzes y i posć plü carateristics dla cité. Dër bela y rica d’ert é chilò la dlijia de San Pire; particolarmënter bela la tafladöra a cassëtes sössot. Do la vijita ala cité sunse gnüs invià tla sënta dl CAI da Perugia, olache i

ùn ciafè de bun vin y spezialitês tipiches dla zona da mëte sot i dënz. Sciöche sëgn de amizizia y reconescënza ti à Franz surandè ai amisc dla munt da Perugia n valgügn produć tipics de nüsc raiuns. Söla sëra sunse spo rovà a Passignano söl Lêch de Trasimeno tl Hotel Villa Paradiso, olache i ùn dormì trëi nöts.

Söi fostüs de San Francësch Le dé do (sabeda) sunse jüs cun le bus ćina a Viole San Vitale, dlungia Santa Maria degli Angeli, y inant a pé cun acompagnadus dl CAI da Perugia, en gran pert fora por bosch, sö dal convënt Eremo delle Carceri, n post chît y sugestif, olache San Francësch se tirâ zoruch a perié y a fà penitënza y olache al pordicâ inće ai vicì, insciö vëgnel cuntè. Da pié ia unse odü urć de lëgns da orì y sperses beles cöcenes de pavè salvare, plü alalt te bosch unse podü amiré ziclamins salvari, ciüfs che ne crësc nia chilò da nos. Do na cörta vijita al convënt sunse jüs inant devers de Assisi. L’ultimo tòch de strada é stè bindebò lunch y sfadius, jô dassënn jöpert y ê plëgn de podruns. Deplü s’un à dè na ria y n pêr d’ëres s’à tut impara

La guida nes spliga les belëzes de Gubbio.

18

www.lauscdiladins.com

sciöche souvenir val’ viscìa o plaia ai pîsc, mo la buna marëna y le bun vin tl restorant “Da Giovannino” nes à indô fat desmentié la fadia y trat sö le moral. Domisdé unse vijité cun la guida la bela cité de Assisi, dantadöt la basilica de San Francësch y chëra de Santa Chiara. Rovà zoruch te hotel sunse jüs fora a cëna tl restorant “Ai 4 Camini”, olache i ùn mangé de vigni sort de pësc. Sciode che al falâ n pü’ la gran fan, deache i ân ćiamò da rové da majenè sö la buna marëna.

Escursciun söl Monte delle Cerrete La escursciun plü lungia unse fat la domënia, ai 23 de mà, mo nia düć ne l’à vagada da tó pert, deache al nes aspetâ cin’ores de zaporada cun 800 m de deslivel. Na picia desëna é romagnüda te hotel y é spo jüda cun la barca söl’Isola Maggiore söl Lêch de Trasimeno a s’la dè buna y se palsè fora. I atri é jüs cun le bus ćina a Ponte, olache i s’ùn incuntè cun n grup dl CAI da Perugia. Chilò él gnü fat dui grups. I plü ausà da jì tröp a pé é jüs cun i compagns dl CAI a fà la escursciun lungia pian ia da Ponte por la Valle del Tissino ćina söl Monte delle Cerrete y do avëi

marnè fora de rucsoch éson jüs inant ćína a Mucciafora, n paîsc interessant, mo en gran pert mort fora. Scemìa ch’al é cotan de ćiases y inće valgamia en bëgnester, ne vîrel dailò gnanca 30 porsones döt l’ann. A Mucciafora s’unse incuntè cun l’ater grup che ê rové dailò cun le bus y â fat na picia escursciun tl raiun incëria. Do na vijita ala picia dlijia dl post s’unse abiné düć adöm sön plaza, olache i amisc dl CAI da Perugia nes à vizié cun scialami y ćiajó dl post y sambëgn inće cun de bun vin, fat veramënter cun üa. Denanche se despartì y raité zoruch te hotel s’unse ćiamò metü sö te n cërtl te plaza y dè na bela ćiantada. Falè n’à sambëgn nia podü la ćiantia ladina plü conesciüda “Na sëra sarëna”.

Cultura, usanzes y curiostiês de Gubbio L’ultimo dé, Lönesc de Pasca de Mà, tirâl baldi bele aria de ćiasa. Danmisdé sunse ćiamò stà chîć a Gubbio, na bela picia cité söla tëmpla dl Monte Ingino. La guida nes à mostrè y splighé i posć plü importanć dla picia cité, danter l’ater la statua de San Francësch y le lu, la dlijia de San Francësch, la Piazza Grande y le Palazzo dei

Cun le CAI da Perugia söl Monte delle Cerrete.

Consoli, le Palazzo del Bargello cun la “Fontana dei Matti”.Tl 17ejim secul gnôl ćiamò aberè i tiers pro chësc fistì te plaza. Impormò do le 1900 à le folclor popolar fat fora che chi che roda trëi iadi incër chësc fistì ia y vëgn sprinzà jö ciafa la patent da mat. Dër conesciüda a Gubbio é la “Corsa dei Ceri”. Ara se trata de na prozesciun en onur de Sant Ubaldo che vëgn fata vigni ann ai 15 de mà söl tert domisdé, en la vëia dla festa dl sant protetur dla cité. Al vëgn chirì fora i jogn plü gaierć y chisc porta, sciöche al vëgn portè chilò da nos les statues di sanć tles gran prozesciuns, n injin de lëgn a forma de gran ćiandëra che pësa daimprò da 400 chili. De chisc “ceri” nen vëgnel portè trëi cun söinsom la statua dl sant protetur dles corporaziuns: Sant Antone por i paurs y chi che va coi müsc, San Iere por i artejagn y i comerzianć y Sant Ubaldo por i moradus y zompradus. Chisc “ceri” vëgn portà dlun saltan dal Palazzo dei Consoli ćina söl Monte Ingino tla dlijia de Sant Ubaldo. Do avëi odü Gubbio sunse jüs a marëna n pü fora de cité tla “Osteria al Bottaccione”, olache al nes é gnü portè n gröm de derzades sciöche pro n past da noza. Do marëna s’unse metü sön tru cuntra ćiasa. La maiù pert s’à fat na bela dormida te bus somian magari dl bun mangé y dl bun vin. Al é stè n iade dër plajor y istrutif cun na bela compagnia. I ùn fat döes de beles escursciuns a pé y ùn inće podü se arichì culturalmënter. A inom de döt le grup n bel dilan a Franz Moling y a so team che à metü da jì döt cant ala perfeziun. Dilan inće al CAI da Perugia por süa gran desposiziun y ospitalité. Al é stè n bel iade, na esperiënza da nia desmentié. Giuvani Pescollderungg (por les Lies da Munt dla Val Badia)


Val Badia

nr. 26 / 10 de messel 2010

Vijita d’onur Le vësco Jose Romeo O. Lazo é passè a La Ila La Ila - Na vijita straordinara él stè en la festa dl Sacher Cör de Gejù a La Ila. Le vësco Jose Romeo O. Lazo dla diozeja Antique tles Filipines à conzelebrè la santa mëssa adöm a siur Ulrich y siur Christian y à spo tut pert ala prozesicun solëna cun döta la comunité. La festa dl Sacher Cör de Gejù é na ocajiun particolara por sintì l’amur de Chël Bel Dî por nos porsones. Te nüsc paîsc ti dunse espresciun a chësc sentimënt religius cun les prozesciuns fora por les strades, olache musighes y cors implësc nüsc cörs de melodies che va plü sot, olache les statues y i confaruns alza nüsc pinsiers al cil, olache le Santiscimo Sacramënt dl Altè é al zënter dl’adoraziun. Le vësco Jose Romeo à tut pert cun comoziun a chësta manifestaziun de fede y al à podü

odëi cun sü edi olache le miscionar de süa diozeja siur Gustl Frenademez é chersciü sö. La religiun cristiana é rovada a Antique tles Filipines dl 1581 y dl 1906 él rovè söla ijola de Panay inće i miscionars de Sant Ujöp (o de Mill Hill). Siur Gustl, che à festejé l’ann passè i 45 agn da prou, ti à dediché süa vita ales comunitês cristianes dles Filipines olach’al à incundé la parora de Dî, à portè ligrëza y speranza danter mituns y jogn, olach’al à consolè porsones tl dolur y tla delujiun, olach’al à daidé porsones tla stënta. Cun l’aiüt material dla Val Badia, y particolarmënter da La Ila, àl inće cherié chës strotöres che é nezesciares tla meseria por vire n pü’ damì. La vijita dl vësco Jose Romeo n’é porchël nia stada por caje a La Ila, mo al à orü renforzè le liam

che esist bele cun süa diozeja. So tru tl’Europa l’à portè a Roma por stlü jö l’ann dediché ai proi, a La Ila tla comunité de nasciüda de siur Gustl, a Oies olach’al à vijité la ćiasa de Sant Ujöp, a Balsan a ciafè nosc vësco y spo tl’Austria a fà na vijita pastorala ales comunitês filipinejes che vir dailò. La fotografia ufiziala unse orü fà cun le grup de ëres vistides cun le guant da paur, che ares à por chëstes ocajiuns de festa. Nia ma chëres che porta la statua de Sant’Anna s’l vist, mo inće n valgönes d’atres. I savun ch’al n’é nia tan saurì da s’identifiché cun les usanzes dl tëmp passè, mo sc’i orun mantignì nosta originalité spo é dessigü chëstes les mius ocajiuns. I sperun che nüsc guanć da festa ne restes nia ti armà mo ti dais le dër corù a nosc ester ladins. (lk)

L’orcena dal’edema La Transalp y degun respet

Atlet se palsa fora te cortina nöia. (Foto: www.tourtransalp.de - Geissler)

Al é zënz’ater bel por n paîsc turistich sciöche Al Plan da podëi ospité na gara dla roda döra y spetacolara sciöche la Transalp Tour. Al é bel che le paîsc s’implësc de atleć, che al vëgn vita, che al s’abina adöm n gröm de jënt liada dala pasciun por la roda. Manco bel é ći che é sozedü chësc ann, canche i ziclisć é rovà adalerch a Al Plan. Na pert - i arati val’ caji singui - à baratè la cortina de paîsc cun n areal de relassamënt. Le prè dla cortina nöia à n valgügn aratè le post ideal por se desfridé jö i pîsc ćialć, o inće sciöche post adatè por fà pic-nic. La roda sambëgn tóch dlungia. Ziclisć s’à sentè jö, à despochenè fora süa mangiaria y s’à conzedü n pü’ de relax, danter i morć. N te’ comportamënt n’é te

degun cajo da azetè. Al ne po nia sozede che al vëgnes strabacè insciö - cun o zënza orëi - i sentimënć dla jënt liada a chës porsones che é bele jüdes iadelà y messass pordërt “palsè tla pêsc”. La cortina é n post sacher y dailò alda dantadöt la devoziun y le respet. An n’oress nia dì che an messass splighé, informè sön val’ de te’. An spera che les autoritês de gara y i atleć vëgnes informà tl dagnì da chi de competënza, da avëi respet por i sentimënć y les strotöres religioses. I azetun, i nes adatun feter a döt, mo al strabaciamënt de ći che i stà a cör ala jënt - y chilò é i defunć ai pröms posć - chël n’azetunse nia. Pablo Palfrader redadù y presidënt dl consëi de Ploania

Retrat de recordanza: le vësco Jose Romeo cun siur Ulrich Fistill, siur Christian Moroder, le presidënt dl consëi de cöra Lois Kastlunger y les ëres cun le bel guant da paur.

Jazz sön munt

Mangé y bëre danter les fosses. Nia da capì. (Foto: www.tourtransalp. de - Geissler)

Le Südtirol Jazz Festival à pité dui conzerć sön Fanes Musiga - Inće chësc ann él gnü organisé dai 25 de jügn ai 4 de messè le Südtirol Jazz Festival, cun deplü conzerć fora por la provinzia. Tla cornisc de “Jazz on the Mountains” àn podü ascutè sö dui conzerć inće te Mareo, tla cornisc dla bela munt de Fanes. Al é stè l’ocajiun por sintì la saù di sonns dles Dolomites y dla natöra. La usc possënta y tlera de Manuel Randi y chëra dućia y ficiosa de Shanti “Kumari” Roat, anima dl’India, à pité n domisdé plajor tla Üćia de Fanes, cun ritms y repertori musicai desvalis. Tla Üćia Lavarella àn podü aldì i Indigo Landscapes cun süa ćiantarina che à interpretè na performance entusiasmanta dal stil morjel. Al é stè l’incoronaziun dl apuntamënt da mez isté dla ligna

de conzerć jazz te Südtirol. Sön munt él rovè apascionà n pü’ da indlunch adalerch, por n bel

domisdé de festa. (Adriano Trevisan, d’atres fotos ciafon sön www. dalitsonlus.blogspot.com)

Manuel Randi y Shanti Roat sona tla Üćia de Fanes. www.lauscdiladins.com

19


Val de Fascia

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

nr. 26 / 10 de messel 2010

N cordin de acèl ne lea a cater amisc maraveousc Enaudèda sun Bufaure la ferata “I magnifici 4”, voluda da Stefano Zulian Cuz per recordèr Alex, Diego, Erwin e Luca

L’ombolt de Poza Dellagiacoma, l capo del Socors Comelli e l president Dellai rec la targa che é stata benedida sun Bufaure. Sotite Stefano Zulian Cuz, che à volù e endrezà la ferata, con sia femena Lucia. (foto Robert Bernard)

L soreie no à volù mencèr en domenia a sciudèr i cheres de chi che se à binà sun Bufaure per recordèr amò n’outa i cater volontadives del socors da mont de la Val de Sora, resté sot la levina de la Val Lastìes ai 26 de dezember del 2009. De tropes i à responet a l’envit uzà fora da Stefano Zulian del refuge “Baita Cuz”, per enaudèr la neva ferata, che Stefano à volù e endrezà col didament de Mauro Giovanazzi, Gianni Ghetta, Luigi Zulian e Maurizio Davarda, e che l’à entitolà “I Magnifici 4” apontin per onorèr e recordèr i cater amisc che, metan al prum post la vita di etres, i à donà la sia.

L valor del socors Alex, Diego, Luca e Erwin é stac recordé prum de dut te la messa, zelebrèda da don Alessandro, che dedant ai parenc di joegn morc e ai amisc del socors l’à uzà fora l

segnificat e l valor fon de la solidarietà e del dèr la vita per i etres. La capazità e la pronteza di volontadives de jir coran olache l’é besegn, se l’à veduda ence endèna la messa, canche n sgorle de vent mìngol più fort che i etres l’à fat levèr la tenda enjignèda per varentèr dal soreie chel utèr a l’averta: te n senteamen cater volontadives é corec a ciapèr ite i pèi sui ciantons, e dut é restà a so post. Dò messa l’é stat benedì na targa de bron a recordanza di cater joegn morc te Val Lastìes e dapò paroles de recordanza e de rengraziament per ic e per duc i volontadives e per chi che à volù e endrezà la ferata de Bufaure e sia inaudazion é states portèdes dant da l’ombolt de Poza Tullio Dellagiacoma e dal president de l’Apt de Fascia Enzo Iori, che con comozion à volù recordèr i cater amisc, jontan ite n pensier per Dimitri Rizzi, ence el sgolà massa joen da noscia crepes enscin sul

paradis. Ence l president de la Provinzia de Trent Lorenzo Dellai e l’assessor Tiziano Mellarini à tout pèrt a la zerimonia de inaudazion: Dellai à abù paroles de stima per i joegn volontadives e de confort per sia families. L’à uzà fora l valor del socors, che da chisc momenc grieves l ciapa amò maor forza per jir inant, e l’à recordà che l’é apontin chisc i valores che fèsc pèrt da semper de noscia jent: la solidarietà, la sobrietà, l’identità, l jir adum. Noscia tera à dedant tempes senestres – à dit amò Dellai – e la comunanza de Fascia e chela de dut l Trentin les podarà passèr via chest troi adort demò se saron bogn de portèr inant chisc valores del volontariat, e de jir duc adum desche a fèr na ferata.

La ferata En realtà demò na mendra pèrt de duc chi che é rué sun Bufaure i à podù fèr la ferata di 4 amisc, ajache

la é dassen senestra. “La ferata più empegnativa, ma ence più bela che aesse mai fat” – à dit zachei - “più senester che jir su la Stabler” – à jontà zachei etres. Dut l percors de la ferata, che é spartì te trei pèrts, é spiegà avisa te n codejel che é stat enjignà per l’ocajion e olache se pel lejer ence mìngol de storia de chel scito olache endèna la Gran Vera l’era n troi atrezà. Apontin da la volontà de recuperèr e revalutèr chisc percorsc storics l’é nasciù l’idea de la ferata. I lurieres é peé via jà l’an passà e chest invern, dò la tragedia de la Val Lastìes, Stefano Zulian Cuz à pissà sobito de ge dedichèr chest percors ai 4 amisc. “L prum tòch l’é n muie senester – spiega Stefano – e aon volù che l sie coscita, per ge far entener sobito a chi che volessa la far se ge sà l cajo de jir inant o se l’é miec che i dae de outa sobito, piutost che se troar en dificoltà n bon tòch en su.” Toc verticai con pec ponc per poder

pojèr i piesc, se enterza a straverc e traversèdes aerees, con na beleza ma ence n vet sotite da tor l fià, per ruèr con n troi panoramich ai ùltimes 60 metres su dret, olache ge vel saer desfrutèr duta la forza restèda amò ti brac per se troèr sunsom, a n centené de metres dal refuge “Baita Cuz”. La enrescida storica fata te l’Istitut Cultural Ladin à permetù de troèr fora veies retrac olache se veit ence i sudé de l’imper austroungarich sot ite i Maerins e adertura na veia sia te val de Sèn Nicolò sul troi che porta japede la ferata, olache vegnìa enjignà l legnam per duta la fortificazions. Dassen na bela idea, chesta ferata, che fèsc mìngol più riches nesc monc, la ne deida a recordèr mìngol de noscia storia e l valor de noscia jent, e a no desmentièr cater de nesc fenc miores. Complimenc a Stefano Cuz e a duc chi che l’à didà a portèr a compiment chest bel lurier. (Lucia Gross)

Nasc ofizialmenter l Comun General Per chest emportant aveniment l’é stat cernù la data di 14 de messèl. Chel medemo dì te la senta del Comun General l’Union di Ladins de Fascia e l’Union Generèla recorda l dì de l’unità ladina L’é stat fissà per en mercol che vegn, ai 14 de messèl, l dì de pruma scontrèda ofiziala del nef Comun General de Fascia. La procuradora Cristina Donei à cernù chesta data apontin ajache l’à n gran valor simbolich per duc i ladins. L’era defat apontin i 14 de messèl del 1946 canche passa 3000 ladins rué da duta la valèdes se à binà sul jouf de Sela per dir adaut che no i vel esser despartii e i vel jir inant adum. E dò 50 egn, ai 14 de messèl del 1996, l pòpul ladin à endò rebadì sun Sela la voa de jir inant adum. Da enlouta la dì di 14 de messèl é

20

www.lauscdiladins.com

stata declarèda “dì de l’unità ladina”. Chest an chesta festa vegnarà recordèda te Fascia, proprio en ocajion de la pruma sentèda ofiziala del Comun General. Da mesa les sie domesdì te senta del Comprenjorie, ades senta del Comun General, vegnarà endrezà n moment de reflescion dal tìtol “Inant Adum. Prospetives per l’autonomìa ladina en ocajion de la pruma sentèda del Comun General de Fascia” Dò cena da les 20.30 te la medema senta vegnarà chiamà ite

la pruma sentèda del nef Consei General de Fascia, che te chesta ocajion vegnarà ofizialisà formalmenter con la valutazions de la compatibilità de duc i componenc. Te la medema sentèda vegnarà lità l president e i 2 vize presidenc del Consei, e dò l jurament la procuradora Cristina Donei metarà en consaputa de la nomina del vize procurador e de la competenzes che te la pruma aplicazion del statut vegn dates sù al Consei di ombolc. Per chisc prumes 5 egn l Consei General é metù adum dal

Procurador e da 30 componenc, de chisc nef lité a stima universèla, catordesc lité dai consees de comun e i set ombolc componenc de derit. Chisc donca i inomes di componenc del Consei Generèl chiamé ite ai 14 de messèl che vegn. Raprejentanc lité diretamenter da la popolazion: Claudio Bernard, Cesare Bernard, Paolo Brunel, Tiziano Davarda, Andrea Donei, Gino Fontana, Christian Lorenz, Emilio Talmon e Alfredo Weiss. Raprejentanc nominé dai Comuns: a Cianacei Luca Guglielmi per la maoranza e Riccardo Nemela

per la mendranza; a Ciampedel Paolo Lazzer e Gianni Rasom; a Mazin Martino Cassan e Nicola Ganz; a Poza Francesca Dorich e Norbert Bernard; a Vich Manuel Ghetta e Enrico Battisti; a Soraga José Sommariva e Gianluigi De Sirena; a Moena Marcellino Chiocchetti e Flavio Volcan. A chisc se jonta ite i ombolc di 7 comuns de Fascia: Mariano Cloch, Renzo Valentini, Fausto Castelnuovo, Tullio Dellagiacoma, Franco Lorenz, Roberto Pellegrini, Riccardo Franceschetti.


Val de Fascia

nr. 26 / 10 de messel 2010

Lurier da bacan: sostegn demò a paroles

Ispirazions d’istà

A Ciampedel n joen che à studià a Sèn Micel speta da doi egn de poder fèr sù na stala

N rich program de apuntamenc anter cultura e religion che envìa a se n arloèr envers l’Aut. En jebia ai 15 de messèl te piaz a Mazin cianta Luca Carboni

Sozietà - Turism e bachegn pélei jir d’acort? Somea na domana stramba, che per i più tropes paressa scontèda co na resposta positiva zenza che sibie nesciun problem. Purampò la situazion te Fascia no é semper coscita, e i bachegn à dassen vita grieva tel jir inant, sibie a livel economich che cultural vedù che chest lurier – n muie emportant – l’é semper n model de vita per la neva generazions. A ogne bon cont l’ejempie del Sudtirol desmostra tant che l’é emportant l lurier del bacan per rencurèr l’ambient e tant che i ghesć chier de veder e capir i ritmes de la vita da paur, de la vita che tel passà l’era l’economìa zentrèla de Fascia. Apede a chest mudament economich e cultural dat dal turism, l bacan l’à ence da se bater de spes contra la burocrazìa, la normes e i papieres che no semper i deida, o miec che da na man i deida e da l’autra i fera. L’é l cajo del joen Michele Riz, de 29 egn da Ciampedel, co na gran pascion per la vita da bacan e da arlevador, che se troa te na situazion senestra. L volessa poder fèr sù na stala sun n sedim destinà dal pian de frabica apontin a zona per l’arlevament e agricol, ma – descheche l ne disc - da passa doi egn no ge vegn dat na resposta. “Mia gran pascion l’é semper stat la vita da bacan, coscita é volù fèr na scola a Sèn Micel de trei egn per operator agricol. Te chisc trei

L scito “Crousc” sunsora Ciampedel, olache n joen del paìsc volessa se fèr sù na stala per se envièr via l’atività da bacan e arlevador.

egn é podù dassen emparèr n muie de robes e me fèr na bona cultura per mie lurier, che porte inant con pascion e profescionalità aldò di tempes neves. Da man de mia cèsa son patron de n sedim a destinazion urbanistica per fèr sù na stala per l lurier da bacan, chest sedim se troa sora Ciampedel, sa la Crousc: n post dassen bel, fora de anter e che no ge dèsc d’empaz a nesciugn. Fossa dut a post per poder fèr sù na stala e pontèr via con na firma da bacan, ma l’é doi egn che spete na resposta da l’aministrazion de comun. L’é stat tirà fora l problem de la strèda per ruèr sa l mèsc de la Crousc, ma la Provinzia de Trent dajessa fin a 40 mile euro de contribuc per didèr i joegn che vel pontèr via col lurier da bacan. Gé

no voi fèr polemiches o soscedèr biteboi - disc Michele Riz – no l’é te mie carater, ma spere dassen che i aministradores posse ciapèr te man l problem e troèr la dreta soluzion. Gé no voi nesciun regal, voi demò che vegne respetà duta la normes e che se l’é vèlch picol problem duc ensema se posse l ressolver e ruèr al bon ejit. Gé cree – fenesc fora l joen da Ciampedel - che dò tant rejonèr de l’emportanza anchecondì de la vita da bacan, sibie per l teritorie che per l’economìa, chesta sie na ocajion per desmostrèr l’atenzion e l’enteress de l’aministrazion publica envers n joen e n projet de gran valor soraldut cultural.” Domenico Volcan

L sanch sèlva la vita e la musega deida L’é smaorà l sanch donà te Fascia, ma l besegn l’é amò gran

I “Blood Rockers Band”, l grop del dotor Ripamonti che vel portèr inant ensema l valor de la musega con chel amò maor de la donazions de sanch.

Sozietà - Acà n an per endrez del dotor Massimo Ripamonti, diretor del dipartiment de Medejina Trasfujionèla de l’Azienda Provinzièla per i servijes sanitères de Trent che coordenea duc i zentres trasfujionèi de la provinzia, l’é stat avert a Poza n nef pont de regoeta per i donatores de sanch per no cogner più jir fin fora Ciavaleis. Chest à portà si fruc te val ajache i ùltimes dac apena touc fora dal sistem operatif disc che a Poza l’é stat regoet 1035 unità contra les 880 de l’an passà. N dat positif che à portà a smaorèr a trei

la carieghes per i prelieves del sanch, per no aer brea fèr massa coudes. Ma ence a livel provinzièl l’é stat n smaorament di dac te chisc prumes sie meisc, 10130 unità contra les 9937 de l’an passà. Chest ence per la bona colaborazion che l’é soraldut con Ciavaleis col dotor Alberto Marcolla responsabol di medizi de l’unità de regoeta e Floriano Bonelli responsabol di infermieres semper de Ciavaleis, ma ence col personèl de Poza, co la capo sala Lucia Dellagiacoma e duc i responsaboi de la Sociazion de volontariat da Ciavaleis fin ta

Cianacei. A Poza dò la paussa da d’invern l’é endò operatif l servije per duc i donatores de sanch, olache na outa al meis se pel jir a fèr l prelief, chestes la dates: 16 de messèl, 13 de aost, 10 de setember, 8 de otober, 19 de november, 10 de dezember. L dotor Massimo Ripamonti, che l’é de naa da Soraga, l’é semper n muie leà a sia val e ades che l’é chiò l se à pissà de envièr la comunanza a n apuntament per uzèr fora l valor de la donazions de sanch e tel medemo temp per fèr festa coi volontadives e con la comunanza, zenza desmentièr noscia cultura. Per duc i volontadives e ence per chi che volessa saer vèlch de più, l’apuntament l’é per en domenia ai 18 de messèl da les 20.30 te tendon a Soraga, olache Massimo Ripamonti portarà dant con so grop i “Blood Rockers Band” n conzert olache apede a cianties per ingleis se podarà scutèr ence vèlch toch scrit o traslatà per fascian, portà dant ensema al nef grop “I ciantarins da Soraga”. Te chesta ocajion sarà ence Tone Valeruz, Bruno Pederiva, Heinz Mariacher e Luisa Iovane, che i mosciarà video e foto sun sia pascion per la crepes. Duc é envié donca a Soraga per na bela serèda rica de novitèdes, ma soraldut duc i é envié a donèr sanch percheche.... la musega sèlva la vita, ma l sanch amò de più! (lr)

Cultura e religion - I ghesć che rua te no s cia v alè de s , soraldut d’istà, de spes va a chierir chiet e belezes naturèles. E te chisc bie paesajes da encant i à l met ence de descorir na gran desvalivanza de belezes culturèles che l’é dassen n patrimonie da fèr cognoscer e valorisèr. L’ambient da mont se sà ben l’envìa a la reflescion e a la spiritualità. La graneza di monc, i panorames zenza fin, i spic che se slongia envers l ciel, l’é Luca Carboni ciantarà te piaz de Mazin. desche se i tolessa per L’envit a “Ispirazions d’istà” l’é man l’ènema de ogne un per jir, ence metaforicamenter, envers out se sà ben ence a duta la jent l’Aut. del post ajache vegn sport momenc Dò chest troi la Comiscion per de gran valuta culturèla che va la cultura, l’ecumenism e l dialogh sorafora l biot ciamp religious ma interreligious del Decanat de che se verc ence a autres ambic. L prum apuntament en calandèr Fascia (de chel che fèsc pèrt n raprejentant per ogne parochia) l’é out soraldut ai joegn. En jebia en colaborazion co l’Apt de Fascia ai 15 de messèl da les 21.00 te piaz e i Comitac manifestazions di de Sènta Maria Madalena a Mazin desvalives paìjes, se à pissà de l ciantautor Luca Carboni, che à meter dant “Ispirazions d’istà n leam particolèr co la val de 2010” na rassegna de apuntamenc Fascia, portarà dant n conzert e de scontrèdes anter religion e olache l prejentarà ence la cianties cultura, che viaja su la strèdes de che l’à scrit chiò te val. l’èrt, de la storia, de la musega, Auter apuntament de gran relief ma tol dant ence argomenc de sarà en vender ai 16 de messèl, atualità, emportanc a livel sozièl. semper da les 21.00, te gejia de L’obietif l’é chel de valorisèr i Dèlba con “Costruire il sacro” n bens culturèi, la testimonianzes moment de discuscion su la storich-artistiches e spirituèles de publicazion de la bergamines de la gejies de Fascia. Defat la maor l’archivie parochièl de Dèlba en pèrt di apuntamenc é pervedui te ocajion del VI centené da la la gejies, te vèlch cajo prejentan i fondazion de la gejia de Sènt lurieres de ressanament o pìcoi Antone. Rejonarà Emanuele tesores de èrt. Amò apede, per Curzel, enrescidor de storia valorisèr proprio l gran patrimonie medievala a l’Università de Trent artistich de noscia gejies, l’é stat e espert de storia de la Gejia e endrezà ence n program aldò de Gian Maria Varanini, professor vijites vidèdes con persones ordenarie de storia medievala a volontadives che se à metù a la l’Università de Verona. leta ti desvalives comuns per les Amò tel meis de messèl, en verjer e les fèr cognoscer a la jent. Chisc apuntamenc l’é l’ocajion vender ai 23 tel chino Marmolèda per troèr momenc de enconter e da les 21.00, l’é stat endrezà n de dialogh anter l’esperienza debatit sul raport anter etica e umèna e l divin, dassen enteressanc economìa dal tìtol “Dèr per aer, per i credenc, ma ence per chi che dèr per doer, dèr per amor: la no cree, per condivider e descorer sceltes te l’economìa”. Tolarà pèrt ensema sun valores e idees. Chesta Stefano Zamagni professor de scontrèdes é states pissèdes ence economìa politica a l’Università per ge dèr na responeta a chi che de Bologna, president de l’Agenzìa chier proponetes de calità, che per le Onlus e consultor del stimolee sia curiosità, si enteresc Pontificio Consei “Giustizia e sun chisc argomenc. Pace”, Savino Pezzotta deputat al L turism religious l’é dò che l Parlament talian e jà stat secretèr ciapa semper maor peis e valuta nazionèl de la CISL e Riccardo proprio percheche la belezes de Felicetti, imprenditor, patron de chisc posć de vacanza envìa a la la firma de pasta Felicetti. reflescion, a la cognoscenza, a En mércol ai 28 de messèl da l’arichiment personèl, a la les 21.00 te gejia de Mazin rejonarà descorida endodanef de valores enveze l Cardinal Attilio Nicora che se à sopì tel corer de la zitèdes. president de l’aministrazion del Chisc momenc de enconter vel patrimonie de la Senta Apostolica esser ence n envit a descedèr fora, (Apsa). col didament di momenc de pèsc L program entriech vegnarà e chiet personèl, la sensibilità metù fora te duta la gejies de la envers valores no demò materièi. val e publicà tel sit de l’Apt www. N’autra strèda donca per jir envers fassa.com. Monica Cigolla l’aut. www.lauscdiladins.com

21


Val de Fascia

nr. 26 / 10 de messel 2010

L’Apt de Fascia regolèda da Luis Trenker

Raides a ciaval, na pascion che cresc

Na neva mondura che se referesc a la tradizion ladina é stata inaudèda per la sajon estiva 2010

La Dolomiti Horse’s Game à fat tapa tel paìsc de Soraga co na bela defilèda che à encantà jent del post e foresć

I dependenc de l’Apt de Fascia con la neva mondures.

I ofizes de l’Apt de Fascia chest istà i à avert i ujes con na bela neva: a dut l personal ge é stat dat na neva mondura da se trèr ite, mìngol desferenta da chela che se era usé a veder, en stil “vintage” e dassen aprijièda dai lurieranc e da la jent da fora. L’idea de mudèr l guant la é sutèda fora dai colaboradores del diretor Andrea Weiss; se destachèr da la mondura classica col tailleur brun l’era mìngol l’idea de duc. L dopie obietif de aer na mondura più leèda a la tradizion e al patrimonie culturèl de Fascia e de la Ladinia, manco formala e ence più lijiera, soraldut per d’istà, era stat palesà jà da Diego Perathoner, member del Comitat de endrez de l’Apt de Fascia. A la fin à vent la proponeta de n stil mìngol da “telemark” o da menacrep da n’outa, che recorda i prumes pionieres che jia sa mont. Dò aer capì che che se volea l’é stat sorì ruèr a contatèr la firma da Busan “Luis Trenker” che l’à azetà

con gran piajer de meter a la leta sie guant de nonzech per i operatores che laora a dret contat col publich e l’à fat n bon rebas sui prijies, ajache ence per la firma da Busan poder aer na vedrina desche i ofizies de l’Apt l’é jà na bona reclam. Sibie per i omegn che per la femenes la mondures é medemes: ciameija biencia, corpet e corpet de sot de fustagn brun, maron o vert e fazolet de seida entorn al col, dut compagnà da na centa de curam con l marchie de la firma Luis Trenker. Sul corpet l’é stat recamà la bandiera ladina, l marchie “Val di Fassa” e la scrita Dolomites. Per chel che vèrda la braes enveze ge vegn lascià libertà ai dependenc de se trèr ite chel che i vel. L diretor Andrea Weiss à palesà sia sodesfazion per la neva mondura, che l’é scì simbol de serietà e acolienza, ma soraldut ades l’é “na mondura mìngol identitaria, che fèsc entener a na vida dreta a la jent che nos sion leé

a la tradizion e la cultura ladina, ajache noscia val l’é n raion da mont, ma soraldut n raion con sia tradizion, cultura e lengaz, ades ence leèda al recognosciment de la Dolomites desche ben Unesco.” N’autra neva per chesta sajon da d’istà per l’Apt l’é che per l secondo an va inant la scomenzadiva “Buongiorno Val di Fassa”, n foliet che ogne dì ge vegn manà fora a duta la strutures di sozi, acioche i posse l stampèr e dapò l tachèr fora o ge l sporjer ai ghesć per i meter en consaputa de la neves sui evenc del dì e de autra informazions e curiositèdes per ejempie sul temp o sun carateristiches o aspec de la cultura de noscia val. L’é Elisa Salvi a se cruzièr de chesta scomenzadiva, che ensema al portal internet gestì da l’area web de l’Apt con Pierpaolo Boso, Francesco Abatantuono e Claudia Chiocchetti l’é strumenc ùtoi per valorisèr la scomenzadives che l’é te Fascia con chela de dèr maor spenta a n svilup organich de informazion e comunicazion. (vr)

Raides a ciaval - Na sessantina de ciavai con cavalieres e amazones à viventà l fin de setemèna passà l paìsc de Soraga. La Dolomiti Horse’s Game, na manifestazion de ciavai no competitiva, nasciuda del 2001 per endrez del Zenter Ipich Agordin Club “Le Piane”, à fat tapa chest an proprio te Fascia. Per festejèr i 10 egn de vita, Fabio e Anna Maria Scarpa, ideatores de la manifestazion, à pissà a n percors deldut particolèr, anter la Dolomites patrimonie de l’Umanità, anter mèlghes e refuges, per passèr cater beliscima giornèdes da d’istà. L turism equestre l’é dò che l ciapa pe: na neva vida de se mever, scempia e chieta, che sporc na gran sodesfazion personèla e che conjobia aspec del setor turistich e del bacanism, lascian ai partezipanc la legreza de coer fin junsom l’essenza e la carateristiches di lesc che vegn passà fora. I cavalieres, che vegnìa da Sudtirol, Trentin, Veneto e ence da etres lesc de la Tèlia, é ponté demez da Gherdena, passan per l Mont Pana i é jic sul Molignon, Pas de Duron, ju a Ciampedel e da sera i é rué a Soraga, olache vejin al ciamp da balon, ge era stat endrezà i box per lascèr i ciavai soranet. Ciavai de raza beliscimes, n muie rencuré, segn de na fona pascion per chesta besties maestouses. Chiò, chi che aea de besegn, à troà ence l dotor de la besties e l faure. I cavalieres era compagné dai Forestai a ciaval, che apede che serèr sù i percorsc i à metù a la leta i mesi per jir a recuperèr i ciavai en dificoltà. Da sera, per endrez de la Pro Loco de Soraga, l’é stat endrezà musega te tendon de la

manifestazions col grop Dual Pikers e la jent à podù jir a veder i ciavai. L moment clou de la manifestazion l’é stat la domenia inantmesdì: a verjer la defilèda fora per paìsc l’é stat i frèdes Danilo e Lucia Moar de Lucol con si ciavai e col guant a la fascèna con te man la bandiera de la Regola de Soraga. Sobito vindò i Forestai, la Contessa Marzotto, e duc i cavalieres e amazones. Dò la raida fora per paìsc i se à enarloà sun Sèn Pelegrin per jir ju fin a Falcade e Val Biois, cernù desche zil de la manifestazion, olache l’é stat fat la premiazion e a duc i partezipanc ge é stat consegnà n chèder de l’artist Franco Murer, desche recort de la bela raida a ciaval. (mci)

Danilo e Lucia del Grop Folk de Soraga à avert la defilèda fora per l paìsc col guant a la fascèna.

Chi él pa? Soluzion del retrat su La Usc nr 25 L retrat che aon publicà la setemèna passèda ne era stat portà da Ermanno Winterle da Pera e l’é stat fat en ocajion del pelegrinaje a Loreto del 1984. A ne dèr la soluzion, apede al medemo Ermanno, l’é stat Irma femena de Giancarlo Trottner

de Uc, Lino Soraperra Medico, Franca Trottner de Uc e Giuseppina Rossetti. Sul retrat l’é: 1. Marietta Bernard da Rancolin femena de Vito Trottner de Uc; 2. Ermanno Winterle de Zilia da Pera; 3. Luigi (Gigioti) Bernard de Barbolucia; 4. Alfonsina Dantone de Alberto del

Pic da Cianacei; 5. Leopoldo Dantone de Fonjo del Pic da Cianacei (bèrba de Alfonsina); 6. Paolo Bernard de Alberto de Nato da Pera; 7. Luis Obletter fi de Albert da Vich; 8. Franco Pellegrin fi de Luciano becé da Vich. I etres sul retrat, ence se ge era stat metù n

10

numer, no i é fascegn. Ge sporjon n bel develpai a duc chi che ne à didà ence chest’outa a troèr fora la jent e chesta setemèna ve meton dant n retrat fat d’istà ite per i egn ’60 te Fuciada. Speton voscia respostes te redazion a Sèn Jan per telefon o fax al numer 0462.764545,

o per mail a la direzion lausc@ ladinsdefascia.it. Ve envion ence desche semper a chierir fora e ne portèr i retrac veies che aede te majon, per seghitèr a viventèr noscia rubrica e ne didèr a meter ensema vèlch mizacola de la storia de noscia jent.

13 11

15

12

14

9 8

7

6

2

2

3 1

1

22

www.lauscdiladins.com

3

4

5


nr. 26 / 10 de messel 2010

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Proget da 2,5 milions per i paralevine sun Fauzare Veneto Strade l l à metù ite ntel Program Region Trienal. Ntánt l é ste comedé chi vegli Viabilité - Na ditta specializada l’à fenì via, i dis passèi, i laour de realizazion de nvalgugn paralevine su per Fauzare, ntel tòch sot al Sass de Striat. Ma per chël trat de strada, l sol a ester pericolous da levine, e per chëst da spëss l juo l ven saré, Veneto Strade a nte lada n proget da 2,5 milions de euro, pervedù ntel Plán Regional Trienal, per l mëte n segurëzza. “Chël fenì via i dis passèi” spiega Sandro d’Agostini, sourastánt de Veneto Strade per la provinzia de Belum, “l eva n intervent de manutenzion per comedé nvalgugn paralevine ruinèi

da le gran nevëste del invièrn 2008 – 2009. Chëst daidarà de segur a fè crësce la segurëzza bte chël tòch de strada via per l invièrn. Ence se chëst no bastarà a se parè deldut dai pericoi n cajo de gran nevëste e garantì très de podei passé. L trat de strada nterescé l é de puoce centinaia de metri. L sol a ester pericolous per le levine, siebelo da la pèrt de Fodom che da chëla de Ampëz, ma che da spëss obligheia i sourastánc de Veneto Strade a saré l jou per via de le levine che se destaca da chële rive sot al Sass de Stria. Con gròsc problemi per

La śòna sot Sass de Stria, co le doi tetòie despartide, ulàche Veneto Strade à n proget da 2,5 milion de euro per mëte n segurëzza la strada.

chësta mportánte via de comunicazion ntra la val da Fodom e l ampez0225n ence per via dei troc laoránc che passa ogni di da nen vièrs e da chël auter. Su per i agn ’60 l eva ste fat doi tetòie, ma ntra una e l’autra l eva ste lascé n busc ulàche le levine le rua mpò e le mët n pericol la circolazion. Veneto Strade l’à da nen tòch n proget nte lada per mëte n segurëzza chël tòch de strada e che speta demè de ester finanzié. “Se trata den proget da 2,5 milion de

I nuos paralevine apëna fenìs.

euro” spiega ncora D’Agostini. “Ma vedù che se trata den impòrt coscita aut, che no podëva ester finanzié coi laour de manutenzion ordinaria, l é ste pervedù ntel Plán Regional Trienal dei laour. Nel concret l intervent l perveiga de taché auna le doi tetòie e la realizazion de autri paralevine su per le rive plu njù, del vièrs de Andrac. Laour che, na outa fac, i podarà del bon mëte n segurëzza la strada e riduje al minimo le oute che toca la saré.” Ntánt da l’autra

pèrt de la val, i é pié via ndavò i laour per fenì via i paralevine a protezion de la sp 244 de la Val Badia ntra Rèba e Vèrda, su per Ciaulonch. Laour che i eva scomencéi l auton passé e finanzipi co nen contribut de 500 mile euro da pèrt de la Region Veneto. Très nte chëla śòna l é n proget, pervdù ence chëst nte program trienal, per fè autri paralevine su per le rive sot la strada de Ciaulonch, a protezion de la Sr 48 che va del vièrs de La Plié. (ls)

La scolina la rengrazia Trope i é stade ence sto ann le ativité che l é ste poscibile fè nte la scolina grazie al bon cuor e la disponibilitè de privac e enc, che coscita stopa ite i servisc publizi e le poscibilité che máncia a na scòla sa mont Scòla - Ence per i tosac de la scolina l’é ruada l’ora de podei saludé maestre e bideli e pensé a le vacánze. Se sièra ite ndavò n ann plen de scomenciadive, ativité, esperienze che, per chi plu gragnm servirà a rué nte la scòla. Per nos che vivon cassù da spëss per la scòla deventa difizile podei fè fé ai tosac dute chële ativité che nveze é poscibile fè ntei paisc plu gròsc, ulàche l é zerti servisc publizi. Ma a compensé chëst rua la colaborazion e l bon cuor de la jent. Bele da nvalgugn agn, per ejemple, ven metù a jì n cors per mparé a sté nte ièga. Nel Agordin ejiste la piscina comprensoriala, ma per chi pichi tosac de la scolina fossa massa lonch l viade su e ju per fè demé n’ora de lezion. I agn passèi nloita l é ste la

Na giornada su la nei sun Pescòi.

Baita Antlia, sun Precumon, che à metù a dispojizion, debann, la piscina de cèsa per i sciori. Sto viade l é ste damané al Hotel Portavescovo, che gënn l à giourì sua piscina ncin plu grana che à mpermetù a cuaji duc i tosca de fè l cors, tignù n vòt lezion dal maestro Roberto Broglio e da la maestra de la scolina Valentina Fiorin. “Per nos che vivon dalonc dal mèr” disc le nsegnánti, “l é de gran mportánza podei fè scomencé bonora ai tosac a ciapé confidenza co la ièga.” Chël che cassù nveze no máncia de segur l’é la nei. Coscita nviade ntel inviérn, i tosac de la scolina i ven portèi a se passé na giornada su per le piste. Luoch ideal per chësta ativité l’é la śòna de Pescòi, sun Chël Vësco, ulàche l’é lapruma stazion de la

cabinovia “Forcella Europa” che mpermët ai tosac de jì su daìte e al segur. Chëst ence grazie a la sensibilité de la sozieté Sofma, che ogni ann la scinca a tosac e maestre l bilieto da jì su e ju. Mplù la fèsc bate ai giac n bel pico plán davò l rifugio “Pescòi”, ulàche i tosac i po’ śoghé nte la nei senza pericoi, defòra da le piste folade de jent. Ston ann la bela giornada la nviáva a sen sté colassù. E coscita la clapada de tosac, maestre e bideli e se n’è stèi a marëna ntel rifugio “Pescòi”, de la fameia del “Zucher” da Ornela che, auna a l’ospitalitè, i volù po’ ence scinché a la scolina i sciòldi per compré n letor Dvd. La mujica l’é de cèsa a la scolina de Rèba. E un dei momenc per fè rué prò i tosac al ritmo e a la musicalité l’é stada

Se sona e se śoga defòra.

dada da nen grop de maestre de mujica del “Music Institut” de Sedico, che i é jude nvalgune ore debann nte scòla co nen valgune percusción e na chitara per nsigné ai potenziai musicisć del davignì a se vijiné a la mujica col “metodo Rusticucci”. Gran divertiment per i tosac che i é restéi mpontasù a scouté e nterescèi i à podù tò su i prums rudimenc del ritmo e del sonn. I tosac del ultimo ann i à tout pèrt nveze a nen proget de “Provincia Spettacolo”, finanzié dal Comun, dal titol “L cuaderno del cuor” sul tema de l’emozion. Per lori l é ste nteresciánte mparé coche se po’ se de fòra le emozion col còrp: co la bocia, i ogli ecn. Grazie al Istitut Compensif nveze i tosca i à podù tò pèrt a na raprejentazion teatral

e l é ste metù a jì ence n’encontada co nen espèrt sul sport. Todësch e ingleje nveze i é ruèi nte la scolina grazie al metodo clamé “Hocus and/ und Lotus”, che nsegna i lengac ai tosac per mez del juoch. No po’ mancé l ladin col proget “Nel bòsch è vedù”. I tosac i é stèi portèi nte bòsch a coie su dut chël che se ciapa nte chëst ambient, come pitole, foie, ecn, che po i é stèi portéi nte scòla per mparé coche i se clama per fodom e per talián. A la fin del ann de scòla, i tosca plu gragn i à de vita nveze a na raprejentazion per fodom dal titol “L Cordoul che descor” che à fat mparé l inom de duc suoi i afluenc ju per la val da Fodom. L’ativité la fèsc pèrt de nen proget plu gran sui cater elemenc: tièra, ièga, aria e fuoch. Co ven la fin de la stagion da d’invièrn, l é deventada na tradizion oramèi chëla de jì a fè n giro co la caròza trata dai ciavai, metuda a dispojizion dal Paolo “Pëzol” del Hotel Alpenrose, che po’ a la fin del “viade”, l spòrc a duc na bona cicolada ciauda. Per fenì via l ann de scòla n alegria, la maestra Lara l’à nvié n’amica che l’à ntratignù i tosca co nen spetacol da paiazo e de magia. Coche se veiga le ativité i é stade trope e nteresciánti, e no i é zèrto dute, che l é ste poscibile fè grazie al bon cuor de privac e enc. De chëst maestre, tosac e genitori i disc a duc n bel gran Diovelpaie. Le maestre nf ìin, le rengrazia i raprejentánc dei genitori per la gran disponibilité. (ls) www.lauscdiladins.com

23


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Anpezo

nr. 26 / 10 de messel 2010

Una bela Sagra d’Anpezo Alverà e Śuel daante de dute, con algo de noo, che rua da Ciae. Un dapò disnà de gares e de śoghe, inze piaza, con un grun de śente a vardà, intrà i banchete, par ra festa del paes intiero

I tre śoen de ‘l sestier de Alverà, che i à vento el Palio de i pize: Anna Comarella, Davide Majoni Mancin e Greta Alverà.

Par Anpezo ‘l é ruà, anche par ‘sto an, ra so Sagra. Ai 4 de luio, ra prima domegna de ‘l mes, cemodo che se sore, dute inze piaza, a vede ra gares, a craià par i śoghe. Par ‘sto an ‘l é stà algo de vecio e algo de noo, a dì che a venze calche gara ‘l é stà senpre i solite e inveze, par outre śoghe, s’à vedù un color noo. Ma śon par ordin. Ignante de duto dijon de i pi pize, agnó che chi da Nert, de ‘l Sestier de Alverà, i é śude adora a venze e ‘l é restà indrio Śuel, che par solito el venzea. Coscita i tre pi svelte ‘l é stà Greta Alverà, Anna Comarella e Davide Majoni Mancin. Par chesto tośato, anche el meo tenpo de ra gara. Dapò Ciae, con Veronica Gardini, Frida Dimai e Kevin Ottaviani; Śuel, con Roberto e Gaia Pompanin e Giorgia Caldara; Ciadin, con Erica menardi, Valeria Girardi e Giulia Lancedelli: Azon, con Lorenzo e Giacomo

Colli e Erica Gaspari; Cortina, con Haron Franceschi, Benedetta Dell’Osta e Silvia Da Rin. Par ra gara de ra femenes, ra gucia śales de Śuel daante a dutes, cemodo che suzede da ‘l 1998, col meo tenpo de ra so tre femenes e Monica Gaspari pì svelta de Sabrina Boldrin e Giorgia Pompanin. Dapò Alverà, con Francesca Comarella, Sandra Fazio e Valentina Bachmann; Cortina, con Angela Menardi, Sabrina Bagnara e Marianna Vallazza; Ciadin, con Agnese, Serena e Susanna Menardi; Ciae, con Silvia Alverà, Francesca Mastel e Giorgia Constantini; Azon, con Francesca Talamini, Giorgia Alberti e Jessica De Zanna. Intrà i ome, ra gara pi bela, co i doi sestiere de Cortina e de Alverà un pede ‘l outro, fin dinultima, canche Emanuele Cagnati el s’in é śù via e ‘l à fato venze ra so

scuadra, agnó che ‘l ea inze so fardel Antonio, Giovanni Gaspari e Giuseppe Alverà; secondo Cortina, con Simone Viotto, Cristian Faoro, Nicola De Luca e Andrea Rezzadore; terzo Śuel, con Manuel Majoni, Sandro Dimai, Silvio Zambelli e Federico Majoni; dapò Ciae, con Simone Santer, Riccardo Fantina, Giacomo De Biasi e Giovanni Pompanin; Azon, con Antonio Melandri, Massimo Costan, Alessandro Talamini e Tommaso Pompanin Dimai; Ciadin, con Matteo Menardi Diornista, Matteo Menardi Lucabeca, Federico Svaluto e Federico Lacedelli. Con doa paroles, Joani Coletin ‘l à dito de cuanto acaro che ‘l à abù, a core el Palio, co ‘l so sestier, dapò ese stà presidente, e finamai el venze. Beśen recordà che ‘l é da ‘l 1949 che se fesc chesta corsa, d’istade, inveze chera d’inverno, su i schie da fondo, r’é nasciuda de ‘l 1936. Par i śoghe, agnó che se ciapa inze i ome pi grei, pi mastinaze de ogni sestier, ‘l é stà danoo i doi fardiei Gaspari, Federico e Riccardo, a fei venze Alverà, par sià ra bora, co ‘l sion da doa manties: nuia da dì, chi doi fardiei de ‘l Brite de Larieto i é propio varentes, śa da alcuante ane. Drio de lore Ciadin, Ciae, Śuel, Azon e Cortina. Inveze ‘l é stà calche cridor, nafré de bateboi, a tirà el funazo, ignante co ra scuadra da ra gucia verde, chi da Nert, dapò intrà Cortina e Ciae. Co ‘l é stà dinultima, ‘l é stà propio Ciae a domà chi outre, con Patrick Ball, Davide e Erwin Dandrea, Loris Ottaviani e Davide Siorpaes. Drio de lore Cortina, Alverà, Śuel, Ciadin e Azon. Propio una bela śornada de festa, sote un soroio cioudo, con un grun de banchete, par piaza, co ‘l mercà agnó se cronpà algo de bel, o mangare calche fijicaria. Una

Alverà ‘l à abù Cortina śo par pede, par duta ra gara, ma dinultima ‘l à vento el Palio de i ome, par ra sodisfazion de el so presidente Igor Gaspari Baldo.

24

www.lauscdiladins.com

Senpre pi sveltes de duta ches’outres, ra femenes da Śuel, con Monica Gaspari meo de dutes, intrà Giorgia Pompanin e Sabrina Boldrin.

bona ocajion par stà aduna, cemodo che ‘l à recordà Herbert Huber, el loudaduó de ‘l sport de ‘l Comun de Anpezo. Una festa

par stà polito, dute aduna, e pasà sora a ra burta śornades, grees, che ‘l é stà i mes pasade, par ra nostra comunità.

Gucia verde e bareta fracada, par Federico e Riccardo Gaspari, i doi fardiei pi svelte co ‘l sion da doa mànties.

Chi da Ciae, par ra prima ota daante a dute chi outre, dapò noe ane indrioman che ‘l ea chi da Nert a domà dute chi outre.


Anpezo

nr. 26 / 10 de messel 2010

Una vita par el Signor

Un saludo a Brustolon

Ra comunità de Anpezo in festa, par i sesanta ane da pree de padre Michelangelo Menardi Menego

Un profesor che el s’in và in penscion, i amighe che i lo saluda, con ‘na bela festa, e con un soneto, cemodo che se sore, par ra tradizion anpezana

Jeja”. El Signor el ‘l à scotà, i à dà duto el ben che el s’à merità, ‘l é stà ‘na bela festa, propio el di che Anpezo vive ra so Sagra, co ‘l Palio de i Sestiere, ra corses, i śoghe, el mercà co i so banchete. Par chesta ocajion, cemodo che se sore in Anpezo, ‘l é stà betù śo un soneto par ladin anpezan, che ‘na pizoreta à lieto, sun porta de jeja, par i dà el bon azeto a chesto pree.

Padre Michelangelo Menardi Menego sun porta de jeja, el scota el soneto par anpezan, intrà el pioan de Anpezo don Davide Fiocco, don Andrea Constantini Ghea, ignante pioan de Vigo de Cadore e ca de nafré a Falcade, e monsignor Renato De Vido.

Nasciù in Anpezo ai 19 de setenbre del 1923, bateà col gnon Mario, prin de sié fardiei, inze una familia che r’à donà a ra jeja anche doa mognes, padre Michelangelo ‘l à scomenzà ra so miscion ai 25 de agosto 1943 e ‘l é stà ordenà pree a Venezia, ai 25 de śugno 1950. Dal 1951 al 1954 ‘l é stà inze ‘l santuario de Santa Teresa, de Tombetta, pede Verona, ‘l é stà maestro inze ‘l seminario dei Carmelitane. Dal 1954 al 1959 ‘l é śù drio ra pastorale a Carlentini, perde Siracusa, pi che see co ra śoentù, co ra tośates de i Scout. Dal 1959 al 1960 a Ragusa, inze ‘l seminario minore. Dal 1960 al 1965 ‘l é vize pioan e asistente de ra Azion catolica e dal 1963 al 1969 pioan de Gretta, a Trieste. Dal 1969 al 1979 el torna a Tombetta, pede Vicenza, inze ‘l santuario. Dapò, dal 1979 al 1987, ‘l é fora a Piee de Cadore, economo de ra comunità de i Carmelitane, al santuario del Cristo, agnó che, dal 1984, ‘l superior. Dal 1987 al 1990 ‘l é vize prior a Venezia e dal 1990 al 1994 danoo a

Ragusa, vize economo. Dal 1994 al 1996 el se sposta a Palermo, inze ‘l santuario de ra Madona dei rimedi; dal 1996 inaante a Ragusa, economo de ra comunità. Padre Michelangelo el no s’à mai fermà, ‘l é senpre in oga e pronto agnó che i ‘l à ciamà. Beśen i fei i conplimente e i dì gramarzé, de cuanto che el s’à prestà e ‘l à fato, fin ades, par tanta śente che ‘l à conosciù. El varda senpre ra television, par saé ce che suzede in śiro par el mondo; par chesto el dora anche el conputer e el viaśa par Internet. Canche ‘l à da se moe, ‘l oga ‘l automobile da so posta: “Par vegnì in Anpezo, par chesta festa de i sesanta ane da pree, son vegnù su da solo, da Treviso, agnó che son ades – el conta – e i dis che son stà ca in Anpezo, no son stà de ban, son senpre śù in śiro par ra jejes, ra capeles de ra val, a dì mesa, par i dià ‘na man a ‘l pioan. Ei acaro de ra festa che m’à fato ra comunità de Anpezo, ma no n’é stà una festa par me: ‘l é stà par ra śente, par ra

Gran festa in Anpezo Padre Michelangelo a un bel traguardo ‘l é ruà da canche el Signor el ‘l à ciamà ; ‘l à fato el pastor a pize e grei, indalonśe da ciaśa dal so paes da dute i suoi con gran amor ‘l à obedì al Signor. Ades ‘l é stà premià in Anpezo ‘l é ruà sesanta ane ‘l é pasà da ra prima mesa con pare, mare, fardiei e soreles: con tanta emozion el recorda chel di. Anpezo intiera ra i fesc corona con tanta comozion. Preon ra Madona de ra Salute śo par pede ciaśa soa che el precure che in Anpezo el rue de spes. I auguron tanto ben de śì inaante gramarzé ben ringrazion de cuore che ‘l à fato del ben e con gran emozion preon ra so benedizion. Teśele Michielli Hirschstein

L ultimo di de scora i profesore de tre scores i s’à ciatà aduna, coi pes sote toura, al refujo Costapiana, a Val, par saludà Quinto Brustolon, profesor de relijon de ra doa scora meśanes de Anpezo e de chera de San Vido, che dapò depì de trenta ane de laoro, l é śù in penscion. Intanto ra zena, i é stà lieto śo un soneto par anpezan, scrito da una so colega, che podé lieśe su sto sfoi. I se r’à goduda dute e Quinto l à abù gran acaro de se pasà alcuanta ores in bona armonia co chi che, par anes, i à lourà con el. Ades l arà pi tenpo par paricià ra conserves e ra beereles de fruta. Par śì par bosco a curà jajenes, sfrees, moes, i so coleghes i à pensà de i fei don de una roda. Speton de l vede spontà montà, fora par ra vecia farata. Un outro an el s’ n é śù, gran zavarie on abù. Son dute tropo scanade, ma no coscita tuade da no podé i dì “gramarzé” a Quinto Brustolon, el Profesor de relijon. Par 31 ane, a pi de una jenerazion de Anpezo e S. Vido ‘l à insegnà ra devozion. ‘Na fré spavio, siesto, pitosc ceto da Forno de Zoldo ‘l é ruà ca śoeneto. Par chera famea ‘l ea ‘na gran mereea: chel che de ‘l Signor dijea pree propio el no n ea. “Don Brustolon” el sonaa benon! Ma a el poco i piaje: par i bete dute a taje,

zenza śì de buriada, ra so Teresa el se r’à maridada. Trope jenitore del di d’ancuoi i se pensa de canche i ea borsoi: śa inalora el Brustolon ‘l ea pitosc bronśeon. Dapò de se aé stravià, por grame ci che aea indujià: ra nota r’ea beleche là! Stimà Quinto, no stà a te ra ciapà se fin ades on smatiśà par parà via ra pascion che te t’in vas in penscion. De zerto ‘l é tropo outro e outo el to prezios insegnamento: iustizia, pasc e amor daparduto drio el vecio e noo testamento. Son dute ‘na fré ingropade a se pensà che, pasà sto istade, no te te scentaràs pi con nos a bete śo ra malandreta programazios. Son pies de invidia, no te ‘l scondon, che da doman te sos a sbrindolon. Parcé che te darśonśes pi in prescia ra fonjes, te cures ra jajenes e i brusciei pi boi e pi grei, de sta roda da monte te fajon don. Dorera con judizio e ston. Quinto, no stà a me desmenteà torna despes a me ciatà, mangare con inze scarsela ra to conosciuda beerela. Anpezo a i 9 de śugno 2010 Giuliana Bellodis e dute chi che à lourà con te

Ciantà dute aduna in bona armonia Tre dis de conzerte, par ra seconda edizion de Cortina InCanta

Ra tośateles de “I śoen” de el Coro Cortina, inze piaza, sote el padeon de ra musica, co ra so bela canzos.

Ce ben podé scotà, par tre dis, un grun de conzerte, par duto el paes. Da vendres 2 a domegna 4 de luio, ‘l é stà duto un ciantà, par ra val de Anpezo. S’à scomenzà inze piaza, de ‘l vendres dapò disnà, e ‘l é stà bel, a sentì chera vojes bianches, de i tośatiei, con doi core. El prin, a daerśe strada,

‘l é stà chel de i śoen de el Coro Cortina. Ma fosc sarae da dì ra śoenes, gouja che ‘l é solo che femenes, che tośateles. Propio varentes e beles, con dute chi colore. Alolo dapò ‘l é ruà el coro DoReMi, da Auronzo, con chera de daerśe ra portes, ignante de duto, a ra vijinanza. Conpain da

dasera, canche ‘l à ciantà anche el coro de San Vido, par el secondo concerto, che ‘l é stà fato inze jeja, co ‘l Coro Cortina e ‘l Ensemble La Rose, da Piovene Rocchetta, pede Vicenza . Del sabeda i s’à tramudà su par ra crodes, cemodoc he ‘l ea stà fato ‘l an ignante, co ra corale de San Marino che r’aea ciantà in Jou; ‘sto an ‘l é stà el coro Cai da Belun, su da ‘l rifujo Scoiattoli, pede ra Penes de Naerou, e inveze una corale de femenes, ‘l Ensemble Le Rose, che à ciantà in Col Druscié. Da dasera, danoo un bel conzerto, con tre core aduna, ‘sta ota inze ‘l Alexander Girardi. Ma ra no n’ea fenida ca, gouja che de ‘l domegna, da bonora, dares 10, s’à podù scotà outra canzos, par el di da festa, el di de ra sagra, inze piaza, sote el padeon de ra musica, agnó che s’aea scomenzà, doi dis ignante. De dute i amighe cantore, chi che ‘l é ruà da pi indalonśe i vegnia da ra Svizera, da Lugano.

El presidente de el coro Cortina, che ‘l é Diego Gaspari Moroto del Bandion, e el diretor Marino Baldissera i à acaro de cemodo che r’é śuda inaante, anche ‘sto an, chesta bela manifestazion, dapò ra prima, fata ‘l an pasà. Se vó che chiste tre dis de musica e de canzos

i daerśe ‘l istade, co ‘na gran festa de i core, cemodo che ra festa de ra bandes, a ra fin de agosto, ra sara ra stajon. Una manifestazion intiada, fata polito, con un grun de śente che laora drio, che dia ‘na man. Par fei sentì che Anpezo ‘l é un paes che cianta aduna.

Ra femenes de ‘l Ensemble La Rose, vicentines da Piovene Rocchetta, su in Col Druscié. www.lauscdiladins.com

25


Sport

nr. 26 / 10 de messel 2010

Transalp 2010 a piz

De corsa su per la Reìna

Sis teams ladins à tut pert ala Tour Transalp de chësc ann, cun resultać da respetè. Mo cun la Transalp à garejé inće i leri. A sis ziclisć ladins ti él gnü tut la roda

Bon ejit per la sesta edizion de la Pian Trevisan – Pian dei Fiacconi, venta da Urban Zemmer e Alice Gaggi

Werner Pescosta, Andreas Irsara, Günther Frena, le couch Ernesto Kastlunger, Roland Ploner, Alex Feichter y Valentin Erlacher.

Rodes - En sabeda dan otedé é jüda a piz la ediziun 2010 dla Tour Transalp, gara piada ia a Mittenwald tla Germania, por rovè anter set tapes a Arco, tl Trentin. Ala gara, che à fat tapa inće tla Ladinia - a Al Plan de Mareo - à tut pert indöt sis teams ladins: cinch dala Val Badia y un da Fodom. N fat püch plajor ti é sozedü a sis ziclisć ladins. A Alleghe, travert dla cuarta tapa, ti él gnü tut les rodes, insciö che ai à messü jì inant cun rodes imprestades, ći che à sigü inće condizionè so resultat. Trëi scuadres ladines ê tla categoria di ëi, davagnada dal Team Roadbike Holidays/Hotel Panorama cun Hanspeter Obwaller y Philip Götsch, cun le tëmp de 24:53.18,7. Ëi comana inće la tlassifica generala. Danter i 153 teams che resultëia tla tlassifica, ciafunse al 24ejim post le Team San Vigilio cun Alex Feichter y Valentin Erlacher d’La Pli (tëmp de 28:32.44,5), che à arjunt so miù resultat tla secunda tapa, cun n 12ejim post. Sis posiziuns dedô

ciafunse le Team Rodes Val Badia cun Roland Ploner da San Ćiascian y Werner Pescosta de Badia (28:55.19,3). So miù plazamënt é le 24. post tla cuarta tapa. Le Team Roda Fodoma cun Luca Palla y Filippo Beccari à stlüt jö al 55ejim post de categoria, cun le tëmp de 31:01.40,5. So miù resultat ài arjunt cun le 19. post tla cuarta tapa.

De bortes tomades Tla categoria Grand Masters garejâ le Team Mareo 2 - Rodes Val Badia, metü adöm da Franz Fiung da Longega y Albin Feichter d’La Pli. Na gara cun dificoltês él stè dantadöt por Albin, che é tomè dassënn tla secunda tapa da Sölden a Porsenù, y spo ćiamò n iade le dé do, püch dan le travert a Al Plan, insciö che ara ne ti é nia garatada da pié ia pla tapa da Al Plan a Alleghe. La devënta de categoria ti é jüda al Team Scott Adidas Naturns, cun Walter Platzgummer y Marco Poier, che à stlüt jö les set tapes cun le tëmp total de 26:47.41,2. Le Team

Edmund de Vettori y Giovanni Mischì é arjignà.

26

www.lauscdiladins.com

Mareo 2 à stlüt jö al 44ejimo post de categoria cun 38:03.02,0, sön 89 teams tlassificà.

Bun plazamënt de categoria por Frena y Irsara Tla categoria masters garejâ dui teams Rodes Val Badia. Cun le tëmp total de 25:38.45,9 à davagné le B r e nTe a m Speikboden Bergrestaurant cun Werner Weiss y Andreas Laner. N boniscimo 14ejim plazamënt é gnü arjunt dai badioć Günther Frena da San Ćiascian y Andreas Irsara da La Ila, che à rovè la Transalp cun 29:18.55,8. Tla pröma tapa ài ćinamai arjunt n 6. post de categoria, tla secunda n 11. post y tla cuarta n nono plazamënt. Le secundo team cun Giovanni Mischì da Lungiarü y Edmund De Vettori da San Ćiascian é rovè 46ejim, cun le tëmp total de 31:39.55,1. So miù resultat de categoria ài arjunt tla terza tapa cun le 23. post. Indöt él tla categoria 229 teams tlassificà. (pablo)

Franz Fiung é pié ia su da Al Plan demez cuntra Alleghe. Le compagn de scuadra Albin Feichter à messü stè zoruch por gauja de döes tomades.

Sesta edizion de la garejèda de corsa sa mont da Pian Trujan a Pian di Fiacons endrezèda amò n’outa dal gestor del Refuge “Pian dei Fiacconi” Guido Trevisan e dal president de la garejèda Domenico Volcan. A pontèr via passa 120 atlec te na giornèda de pien soreie che a vedù te sie splendor la biencia Reina de la Dolomites: la Marmolèda apontin. Al via gregn inomes de la garejèdes de corsa a pe sa mont desche Zemmer, Steinhacher, Tacchini, e anter la eles Gaggi, Scola e Nanu, amò n’outa pruma ence a la Traslaval. Anter chisc inomes sul travert de Pian Trevisan l’é ruà amò n’outa prum Urban Zemmer, l coridor che à taà l travert da soul desmostran de aer na forza e na capazità al de sora de duc i etres. Te la categorìa de la eles bela venta, dò chela de acà vèlch an, de Alice Gaggi da la Valtellina, che la se à lascia a la spales la brava atleta de Bela Ladinia Nadia Scola e amò Anna Nanu. Na garejèda che à vedù ruèr dò duc i etres, con n bon livel de preparazion enceben se l temp de trei ores consentì per ruèr sunsom ge à dat a duc l met de fenir la garejèda te n spirit agonistich, ma

La premiazion de la garejèda.

ence e soraldut sportif e de fradaa, chest amàncol ti intendimenc di organisadores. Domesdì via l’é stat fat la premiazion di atlec e soraldut da pèrt di organisadores ge é stat dit a duc i volontadives e a duc chi che à dat na man n gran develpai, ajache zenza chisc didamenc no fossa segur possìbol endrezèr la garejèda. L’apuntament é donca a n auter an per la pruma domenia de messèl 2011.

Classifiches Ic: Urban Zemmer, Bogn da Nia, 0.50.52; 2. Dario Steinacher, Bogn da Nia, 0.54.25; 3. Massimo Benedetti, Val di Cembra, 0.56.08; 4. Michele Maccabelli, SC Valle dei Laghi, 0.58.04; 5. Ivo Zulian, Bogn da Nia, 0.59.03; 6. Ferruccio Soppelsa, Atl. Agordina, 0.59.09; 7. Giuliao Braus, US Cornacci, 0.59.27. Eles: 1. Alice Gaggi, Team Valtellina, 1.03.47; 2. Nadia Scola, Bela Ladinia, 1.05.02; 3. Anna Nanu, Gabbi Bologna, 1.05.43; 4. Silvana Iori, Bogn da Nia, 1.15.01; 5. Alice Perenzin, Virtus Nemeggio, 1.15.51; 6. Elena Turchetto, Pol. Valcovera, 1.16.33; 7. Riccarda Deville, Bela Ladinia, 1.18.06. (dvt)


Sport

nr. 26 / 10 de messel 2010

Anton Moroder jola al prim post Dai 19 ai 27 de juni se àl abinà sun Plan de Corones l’elite di piloc de julon per i Campiunac Taliani de julé cun l julon. Danter chisc nce Anton Moroder de Urtijëi y Alex Ploner de San Ciascian (campion mundiel 2009) stimené dut y ala fin àn mo de bujën dla fertuna, de fé drët ulache i autri fej n fal. Mé nsci iesen boni de bater i miëures. Tan granda ie pa la cuncurënza danter i piloc? Muesse dì che plu che cuncurënc sons cumpanies, che se juda un cun l auter. Dantaldut Alex Ploner me à judà scialdi ti ani passei a miuré mi tecnica y nce a deventé plu segur de mé nstës y a crëier te chël che son bon de fé. Y canche n va a fé garejedes a livel nternaziunel muessa la scuadra sambën lauré deberieda bën, se giamian ora ntan l jol nfurmazions y cunsëies, ajache ala fin conta i ponc de duc i piloc per ruvé dancà. Anton Moroder puech do che l ie muet cun l julon.

Julé - Anton ne n’à ntan chëst’ena de jol nia mé desmustrà de vester bon de tenì pea cun i miëures, ma l ie monce stat bon de i bater y ie nsci deventà campion talian. L fova udù dant de fé n’ena de garejedes te Puster, pian via da Plan de Corones. Purtruep ne n’à l tëmp nia judà pea, nsci àn permò pudú fé la prima garejeda n mierculdi, ai 22 de juni. I piloc julova da Plan de Corones, nchin al lech de Braies, Sanciana y pona inò de reviers nchin a Redant/ Rodeneck. Ntan doi garejedes ie i julons ruvei nchin te Gherdëina, via n Fascia y tla Val Badia. La emuzions fova grandes, nia mé per i ladins, a pudëi julé sëura la Fermedes, Mëisules y Saslonch. L vënt sterch te chisc dis fajova deventé a strufs la garejedes nia drë’ saurides, ma nosc piloc ne se à nia lascià sprigulé. L prim y ultimo di à Christian Ciech dl Trentino venciù. Tla segonda garejeda à Alex Ploner fat l prim post. Anton Moroder fova for costant te si prestazion y à venciù la garejeda l terzo di. Tl’ultima garejeda, nsci conta Moroder, ne n’àl nia ulù resië de massa y ie julà

cialan de ruvé segur cun i prims. La drëta dezijion y n ultimo jol fat bën, coche i autri trëi, ti à purtà l titul de Campion Talian. “É abù n pez da me rënder cont, che son propi ie chël che à venciù!”, conta Anton Moroder a si cumpanies de jol, che à festejà cun ël chësc bel titul arjont! L Parapendio Club Gherdëina se cungratulea cun Anton y ti mbincia mo n grum de biei joi! Ala fin de lugio fajerà Anton Moroder pea cun la scuadra naziunela taliana pra i Campiunac d’Europa de julon a Ager tla Spania. Ti mbicion dut l bon!

Nvalguna dumandes al campion talian nuef Fòvel pa per té n vantaje che la garejedes fova te Südtirol, n raion che te cunësces scialdi bën? L possa vester n vantaje o nia. Te mi cajo me àl judà, ajache te nosc raions iel bon sce n sà coche ie fates la montes y la valedes, per pudëi sfruté miec la cundizions termiches. Ma chël ne n’ie segurdenó la sëula cossa de mpurtanza. L muessa

Chëst ann fejes nce pert dla scuadra naziunela, che jirà a fé i campiunac d’Europa tla Spania. Nce chësta dessegur na grandiscima sudesfazion... Sci, vester leprò iló, te na scuadra de sies danter i miëur piloc dla Talia me fej propi na gran legrëza. La scuadra dla Talia à venciù l ann passà l titul mundiel y perchël iel mo n majer unëur a pudëi dé mi cuntribut chëst ann. Cialeré de fé l miec che son bon. Can es’a scumencià a julé y cie te à pa purtà a fé chësc sport? Scumencià éi tl 1980, che uel dì che posse cialé de reviers a 30 ani de jol. Dant jivi a crëp y canche ruvove sun piza udovi datrai l’eguia y nsci ie nasciuda te mé la ueia de ti fé do. Iel pa stat mudamënc tl mond dl jol da canche tu es scumencià? Dan n valgun ani fans mo de 35 dai julons te Gherdëina, al didancuei sons restà tan che da sëul tlo da nëus. L se à mudà truep da ntlëuta incà te nosta maniera de julé dantaldut n cont dla tecnologia di materiai, che à fat a na moda che

Anton Moroder.

son ruvei mpue plu daujin ala maniera de julé de nosc maestri i uciei, l valtoi ... Trueps vëija l jol coche zeche de periculëus. Co la vëijes’a tu? Mpue da muië iel mefun che canche l suzed zeche tl jol, pona vëniel riesc mustrà cun l dëit sun duc chëi che jola y perchël à chësc sport mpue giapà l inuem de vester periculëus. Ma ala fin dla finedes ne ie l julé nia plu periculëus che n auter sport, nce ajache al didancuei ie i julons scialdi segures. L sëul pericul ie mefun sce n ne cëla nia avisa ala cundizions dl tëmp y sce n sotvalutea la forzes dla natura. Cie ie pa l bel dl julé? Davia che son tan che for sun la tiera y puech tl aier devënta l’aria n elemënt particuler, ulache duc i problems persunei o nia sfanta ora de nia, te chël mumënt che n ie tl aier, che ne n’ie nia nosc ambient naturel, svilupea nosc organism mpue tres la tëma y la emuzions stersces, sustanzes, adrenalina, che nes fej sté miec che canche son sun

fonz nce sce ne son nia te nosc ambient naturel. Cie o co se sënten pa pona? Julé ie do tan de ani per mé zeche zënza chël che ne pudësse nia plu vester. L ie zeche che é urmei te mé laite y fej pert de mi vita. Y nce do duc chisc ani me dà l julé for mo de gran emuzions. L ie propi zeche d’auter a vester te n auter elemënt, che ie l aier. Cassù, cialan al mond da lassù ju, vëighes dut autramënter, te vëighes dut mé positif, i problems ie dalonc da té y duc i cruzi sparësc. L ne n’ie degun auter post sul mond ulache n se sënt propi liedesc y plu che n jola y plu che n chier chësta sensazion. Una na cossa éi abadà, che canche n vëija la valedes y montes da sëurajù, coche canche n ie sun n crëp aut, prijéien mo deplù la natura che ie ntëurvia y n capësc che nëus son mé tlo per ntant per n pitl struf y se rendan cont de chësc iesen suvënz nce boni de viver miec si vita. Ntervista de Heidi Insam, Parapendio Club Gherdëina

Andrea Carpano jia endò col Fascia Dò cater sajons jièdes tel Friul col Pontebba, l goalie da Poza vegn de retorn te sia val

Andrea Carpano defenarà de nef la gabia del Fascia.

Hockey - Ultima neva en cont de hockey. La sozietà sportiva de Fascia enstadì à ofizialisà la prejenza te squadra de Andrea Carpano. Dò esser stat demez per cater sajon l portier fascian l’é endò vertech a jièr su la giacia de cèsa. Carpano l jiarà desche “back up”, descheche se disc, del prum portier giusta tout sù, Frank Doyle. Na cobia de portieres de nonzech che empienesc l vet lascià da Adam

Dennis e da Michel Favre, che lascia l Fascia dò aer metù serietà e empegn te dut l temp chiò te Fascia. Andrea Carpano l cognarà se fèr troèr vertech ogne outa che l’alenador Stirling l lo domanarà e amò al jiador de 34 egn ge vegnarà dat l’encèria emportanta de meter sia esperienza e sia braùra a la leta di più joegn. De gra a na cordanza con la sozietà sportiva de hockey de Egna, l jiador fascian arà dapò l met de se tegnir sun standard auc jian con maora continuità. Dò aer sapù la neva sion jic a l scontrèr e a ge domanèr coche l se sent a vegnir endò de retorn te Fascia. Co ela che t’ès dezidù de vegnir endò te Fascia? Andrea Carpano: “Mah, l’é stat na scelta de vita, percheche mia

fia più grana la scomenza la scola e dapò dò cater egn che ere demez me saea giust vegnir de retorn e far part endò de la sozietà de Fascia.” Co te èste troà tel Pontebba? “Di cater egn a Pontebba son content de coche la é jita. L’é stat cater egn positives tant dal pont de veduda sportif che uman, però son ence content de esser vegnù de retorn, se posse ge dar na man al Fascia son semper più che content.” Cognosceste l prum portier Frank Doyle? “Na, no l cognosce.” Che n peisseste de vegnir de retorn e fèr l secondo portier? “Dijon che é 35 egn, e chest ruolo

l me dasc manco da me cruziar. Dapò é ence l met de jir a jiar a Egna. Segur é en ruolo de manco responsabilità, ma cognaré de me far troar enjignà ti momenc che serf.” E apontin chesta colaborazion con l’Egna, che vélel dir? “L’Egna l’é farm team del Fascia e se ic i à debesegn l portier l pel jiar tant te na squadra che te chel’autra.” Este content de esser vegnù de retorn? “Content l son segur, dapò n muie de jiadores i cognoscee jà da dant, e ence chest l’é segur positif. Speron che dut vae polito.” Intervista de Valentina Redolfi www.lauscdiladins.com

27


Sport

nr. 26 / 10 de messel 2010

Gran suzess per la 12^ edizion de Traslaval

Flurina zaporina é indô en aziun

Ana Nanu se conferma per la terza outa la miora de eles te la garejèda de 5 tapes de corsa anter i paesajes e i ciantons più bie de Fascia. Per ic al prum post Massimo Tocchio

Do plü agn de palsa garejëia Flurina Comploi d’Al Plan indô pro deplü gares da saltè. Pro le campionat regional da saltè sö por munt àra arjunt la medaia d’arjënt de süa categoria

I venjidores de ic e de eles Massimo Tocchio e Ana Nanu, duc doi del G.S. Gabbi. (foto Newspower Canon).

Corsa - La Traslaval l’à serà sù con gran suzess n’autra edizion, la numer 12. La raides de corsa a pe fora per duta la val é tachèdes ite en domenia ai 27 de jugn da Cianacei per fenir en vender ai 2 de messèl sun Sèn Pelegrin. Na gran sodesfazion sibie per l staff de endrez, con a cef Stefano Benatti, che per duc i atlec che ence chest an i à abù l met de se n arloèr fora per i bosć e per i percorsc te anter la beleza naturèles de Fascia, te na garejèda che à desmostrà amò n’outa de esser bona de conjobièr l sport e l’agonism con l’amor per l’ambient che ne stèsc dintornvìa. Traslaval defat no l’é demò na garejèda de fadìes e de competizion, l’é ence n moment per i concorenc de se destachèr dai ritmes de la vita de duc i dis e da l’ambient caotich e frenetich che porta l viver te zità. Na vacanza dant da dut che permet ence de stèr ensema te n clima de agonism positif e lijier. Béleche 60 chilometres de corsa spartii fora dì per dì e con ite per anter ence na dì de paussa, con gran partezipazion a duta la tapes, soraldut de joegn co la pascion per la corsa ma amò de più per la natura. I era de 450 a la partenza de la pruma garejèda pontèda via a Cianacei da les 5 domarena, e la endesfida anter i prumes é tachèda via sobito: dò 500 metres l grop di 5 miores era jà fat e a ruèr te piaz Marconi per prumes l’é stat l

L grop di miores che se à dat batalia per duc i 5 dis de garejèdes: Tocchio, Battelli, Ghallab e Concas. (foto Newspower Canon).

marochin Khalib Ghallab e l coridor da Modena Paolo Battelli. Per la eles enveze prum post per la rumena Ana Nanu, che no à tradì l pronostich. La dì dò da les 9.30 dadoman i coridores era jà vertesc per pontèr endò demez, chest’outa da Fontanac, per na cronometer de 6 km piena de soreie e de bie paesajes. Per la femenes a venjer l’é stat endò Ana Nanu, e anter ic se à endò metù al luster l quintet: Ghallab e Battelli é stac ciapé da Concas e Tocchio e ence l bergamasch Emanuele Zenucchi l se à trat inant. A venjer chest’outa l’é stat l ligure Salvatore Concas, ma te la classifica generèla Ghallab é restà prum. La garejèda più emportanta per i ejic de la classifica l’é stat segur chela da Soraga enscin sun Tamion. A spetèr i coridores sun Tamion ence la besties de l’Agritur Weiss, che à soscedà de gran emozions e na sensazion de esser rué dassen te n cianton de paradis. Sui 16,3 km de percors e na erta de gran fadìa, l prum l’é stat Massimo Tocchio da Ferrara, più fort di aversaries soraldut tel vegnir en ju. Per la eles al prum post amò Ana Nanu, semper più soula a cef de la classifica. Dò aer pussà na dì, la quarta tapa de la Traslaval la é tachèda via da Moncion, e chiò l’é stat la pruma neva con la venta de Elena Riva dant da Ana Nanu, che à mantegnù aboncont l prum post

Sun Tamion ence la vaces te stala à podù veder passèr i atlec de la Traslaval. (foto Newspower Canon).

28

www.lauscdiladins.com

te la classifica generèla, e de Angela De Poi da Belun. Per i ic enveze Massimo Tocchio à firmà sia seconda venta sul percors enscin a Vich e de retorn, olache te l’ùltim toch Ghallab l se à straout na cevila. Nia da grief, ma assà per lascèr strèda a Tocchio che ge é passà dant e l’à vent la garejèda. Ence Salvatore Concas no à zedù e l’é ruà a se arsegurèr n bon terzo post. I ùltimes chilometres de la Traslaval 2010 (avisa 13.6) i jìa da Sèn Pelegrin fin te Fuciada e dapò de retorn e su fin al refuge Paradis sora i 2000 metres. A venjer chesta ùltima 5^ tapa l’é stat Salvatore Concas, che purampò à bele cognù ge lascèr l prum sciaier de la classifica finèla al compagn Tocchio, e la “mitica” Ana Nanu, che à vent la Traslaval per la terza outa. Na venta col cher, ajache te la ùltima doi edizions passèdes l’aea volù ge lascèr la tapa finèla a sia aversaries, chest an enveze l’à volù se regalèr ence la finèla, ruan pruma sal Paradis. Ma na medaa Stefano Benatti ge l’à metuda dintorn al col a duc chenc. La Traslaval se à serà sù con n gra suzess, da ogne pont de veduda. (vr)

Classifica finèla de Traslaval 2010 Ic: 1. Massimo Tocchio, G.S. Gabbi; 2. Khalid Ghallab, Genova di Corsa; 3. Salvatore Concas, Genova di Corsa; 4. Paolo Battelli, Calcestruzzi Corradini; 5. Emanuele Zenucchi, Gruppo Satrini Gang Umbria; 6. Danilo Lantermino, Podistica Valle Varaita; 7. Mauro Toniolo, Atletica Verbano; 8. Andrea Basoli, Runners Valbossa; 9. Franco Chiera, Cus Torino; 10. Claudio Braganti, Gruppo Satrini Gang Umbria. Eles: 1. Ana Nanu, G.S. Gabbi; 2. Elena Riva, Genova di Corsa; 3. Francesca Scarselli, Olympic Runners Lama; 4. Angela De Poi, Us Aldo Moro Paluzza; 5. Cinzia Passera, Runners Valbossa; 6. Barbara Pavani, Atl. 85 Faenza; 7. Chiara Quartesan, Runners Valbossa; 8. Arianna Mazzel, Atletica Fassa 08; 9. Silvia Lucchi, G.S. Gabbi; 10. Lorena Brusamento, A.S. Azzurra Garbagnate.

Flurina Comploi röia sö Aschbach, a man ciampa te prè él la fia Luianta che la sostëgn dassënn.

Saltè - Do da valgügn agn de palsa, olache ara à messü ti saltè do a sües döes pices mitans Luianta y Moltina, à Flurina Comploi d’Al Plan dan da püch indô metü man süa cariera da atleta tles disciplines da saltè. L’ann passè àra tut pert a deplü meses maratones (21 km), fajon stè chita la ora sön 1 ora y 30 menüć, che ti à valü plazamënć tles top 10 general y sön paiun te süa categoria. Iniann à le program metü man ai 12 de jügn cun le Frauenlauf da Maran, na gara de 5 km te cité, resservada ma ales ëres. Plü de 400 é stades les partezipantes y cun n tëmp de 22’04’’ é Flurina Comploi rovada 23jima assoluta y 6a tla categoria Ëres 35. Inće cun chësc resultat é la saltarina marora stada contënta, deache i 5.000 metri ne n’é daldöt nia süa destanza, éra pö na spezialista dles gares plü lunges. Y do tröp tëmp à Flurina inće indô descurì so pröm amur sportif: le saltè sö por munt. En chë domenia àra tut pert al campionat regional sön le percurs da Algund a Aschbach – 5,8 km de lunghëza y plü de 800 metri de deslivel. Cun n tëmp de 49’ 22’’ y n destach de 6

menüć y mez dala miù, Elena Casaro da Toblach, é Flurina Comploi gnüda 6a assoluta y vizecampionëssa regionala tla categoria Ëres Elite. I proscimi apuntamënć sigüsc por l’atleta d’Al Plan sarà la ¾ mesamaratona da Bornech ta Türesc ai 29 de agost, la Maratona de Südtirol da Maran a Balsan ai 3 de otober y la mesa maratona de Frangart ai 7 de novëmber. Y bonamënter fajaràra danterìte ćiamò val’ gara da saltè sö por munt, tan por se tignì ćialć i muscui. (dc)

Flurina Comploi mostra la medaia d’arjënt dla categoria Ëres Elite.

Ivan Tschaffert se lascia odëi al Hochpustertal Run Saltè - En sabeda ai 3 de messè à Ivan Tschaffert de Badiasport indô desmostrè süa bona condiziun pro le Hochpustertal Run da Sanćiana a Sillian. Cun n tëmp de 44,55 min. sön le percurs de 12,1 km àl arjunt le bun 10. post y à davagné te süa categoria (M-20). Badiasport à inće tut pert cun döes atletes al Frauenlauf a Maran, stè ai 12 de jügn. Carla Valentini à adorè 27,30 min. por curì le percurs de 5,2 km y à arjunt le 158. post general, che é le12. post de categoria. (badiasport)

Ivan Tschaffert pro le Hochpustertal Run.


Sport

nr. 26 / 10 de messel 2010

Seconda proa del campionat de corsa N bel grop de bec à tout pèrt a la manifestazion endrezèda a Ciampestrin en ocajion de la festa di trei paìjes Corsa - En domenia ai 4 de messèl, en ocajion de la “Festa di trei Paìjes”, l’é stat endrezà a Ciampestrin da la sociazion Atletica Fascia 08 la seconda proa del campionat de corsa. La garejèda é tachèda ite da les 10.00 con n bel soreie che ne à compagnà dut l dì e che à permetù na festa beliscima de sport e amicizia che é jita inant ence dò la gara co la festa campestre. A la garejèda de corsa à tout pèrt 134 concorenc, anter gregn e pìcoi. N muie de atlec de la Monti Pallidi da Moena, ma ence da Pardac su; i fascegn stenta semper mìngol, fosc ence percheche l’era na garejèda de corsa ence te la Val de Sora, la Pian Trevisan-Pian di Fiacons. N gran rengraziament ge sporjon al Comitat Manifestazions de Mazin e ai Studafech volontadives che à endrezà via la festa. Da les 9 l’é stat dit messa grana, dapò l’é stat la garejèda e dal mesdì na bona marena con polenta, liènies e de bon craut, dut cojinà dai Studafech de Mazin. Da

per i più gregn, enveze per i più pìcoi vegnarà studià fora percorsc aldò e i pontarà demez da les 19.00. Per veder i retrac de la garejèda e per aer maor informazions se pel jir tel sit www.atleticafassa08.com. Diego Salvador

Chisc i prumes trei de ogne categorìa

N bel schiap de pìcoi à tout pèrt a la seconda proa del campionat de corsa.

la does domesdì l’é stat la premiazions tant spetèdes da duc chisc bec che volea saer l’éjit de la competizion e dapò la festa é jita

inant con jeghes. La terza proa del campionat la sarà ai 18 de aost a Poza tel chèder de la manifestazion “Anter le lum”

Cuccioli de ic: 1. Alessandro Chiocchetti Bernart; 2. Alessio Gottardi; 3. Simone Deflorian. Cuccioli de eles: 1. Alessia March; 2. Gloria Cincelli; 3. Aurora Iellici. Esordienti de ic: 1. Denis Rossi; 2. Nicolò Nones; 3. Giovanni Ticcò. Esordienti de eles: 1. Arianna Pasero; 2. Sabrina Pellegrin; 3. Lara Sommariva. Ragazzi de ic: 1. Simone Daprà; 2. Francesco Lorenz; 3. Lorenzo Tomio. Ragazzi de eles: 1. Angelica Felicetti; 2. Virginia Pellegrin; 3. Marzia Monteleone;

Juniores de ic: 1. Roberto Tomio. Allievi de ic: 1. Marco Guadagnini; 2. Roberto Pasero; 3. Martin Rasom; Allievi de eles: 1. Ilaria Petrone. Cadetti de ic: 1. Andrea Cassan; 2. Daniele Felicetti; 3. Massimino Chiocchetti. Cadetti de eles: 1. Caterina Ganz; 2. Veronica Broll; 3. Lara Tonini. Seniores de ic: 1. Mirko Ghetta; 2. Paolo Longo; 3. Silvestro Claudio Grasso. Seniores de eles: 1. Michela Dalle Mulle; 2. Daniela Parente; 3. Franca Sommavilla. Adulti de ic: 1. Alessandro Vuerich; 2. Marcello Bosin; 3. Diego Goss. Adulti de eles: 1. Ornella Tarter; 2. Eleonora Corradini; 3. Tessa Caini. Veterani de ic: 1. Fiorenzo Giacomelli; 2. Marco Tonini; 3. Sergio Cavada. Veterani de eles: 1. Rosalia Zanoner; 2. Maria Cristina Ausermuller. Pionieri: 1. Vito Vanzo; 2. Armando Leonardi; 3. Valter Lanza.

Bravi i atlec de la 3 Esse

Mo n titul provinziel

Passa 130 bikers à tout pèrt a la pruma proa del zircuit de Mini Bike Fascia, Fiem e Primier

Campiunac provinziei de tennis dla categuries Over. Titul de campion provinziel per Alex Runggaldier de Sëlva

L grop de atlec de la 3Esse de Soraga che à tout pèrt a la pruma proa del zircuit de Mini Bike.

Roda da mont - La giornèda ciauda de pien soreie l’é stat dassen la cornisc giusta per la pruma garejèda de roda da mont per bec dai 7 ai 16 egn del zircuit Mini Bike Fascia, Fiem e Primier, endrezèda en sàbeda ai 3 de messèl a Soraga da la sozietà sportiva 3 Esse. N grum de atlec, pìcoi e gregn, se à sproà sul percors studià fora te Pra del Preve: per i più pìcoi demò n giro, per i più gregn adertura fin a cater. Na gran sfadièda che i bikers à tout dant con gaissa, spirit sportif e ence chel giust piz de competitività. Passa 130 atlec se à scrit ite a chesta pruma proa del zircuit che jirà inant anché, sàbeda ai 10 de messèl a Primier. Ence chest an l zircuit Mini Bike met dant l fin de solidarietà. Na pèrt de la iscrizions jirà desche contribut per i zentres de enrescida e assistenza per la malatìes di bec. A la fin de la gara l’é stat la premiazions: ai prumes trei g’é jit na bela copa e a duc chi che à tout pèrt n bon per n giacin e n pe de maneces. Chi che tol pèrt a amàncol 4 garejèdes sun 7 podarà fèr pèrt de la classifica finèla per se vadagnèr

l tìtol de campions de categorìa. Endèna, dò la pruma proa, per chel che vèrda la classifica de la sozietèdes sportives la 3 Esse é pruma con 241 ponc, seconda l’é la U.S. Litegosa con 105 ponc e terza la ASC Cardaun con 89. (mci)

Ma vedon i prumes classifiché de ogne categorìa: Topolini de eles e de ic: 1. Samuele Felicetti, Pol. Molina; 2. Gianluca Guadagnini, US Dolomitica; 3. Dante Bressanini, Scurelle. Pulcini de eles: 1. Martina Defrancesco, 3Esse Soraga; 2. Giulia Volpe, 3Esse Soraga; 3. Angelica Desilvestro, 3Esse Soraga, 4. Sara Sommariva, 3Esse Soraga; 5. Mara Pellegrin, 3Esse Soraga. Pulcini de ic: 1. Mattias Rosso, 3Esse Soraga; 2. Cristian Baldo, Bike Club Egna; 3. Samuel Rizzoli, Pol. Molina. Baby de eles: 1. Julia Maria Graf, ASC Cardaun; 2. Rebecca Sommariva, 3Esse Soraga, 3. Elena Pellegrin, 3Esse Soraga; 4. Greta Dorigoni, 3Esse Soraga; 5. Laura Rasom, 3 Esse Soraga. Baby de ic: 1. Simon Baldo, Bike

Club Egna; 2. Sebastiano Rossi, 3Esse Soraga; 3. Marian Pallabazzer, Bike Club Egna; 4. Tomas Delmarco, Pol. Molina; 5. Eddi Delalovic, 3Esse Soraga. Cuccioli de eles: 1. Isabel Bellante, US Litegosa; 2. Franziska Lunger, ASC Cardaun; 3. Anna Kunig, ASC Cardaun; 4. Simona Volpe, 3Esse Soraga. Cuccioli de ic: 1. Andrea Vanzetta, US Litegosa; 2. Lorenzo Varesco, US Litegosa; 3. Adolfo Canal, Team Todesco. Esordienti de eles: 1. Magdalena Haas, ASC Cardaun; 2. Tanja Bellante, US Litegosa; 3. Lisa Nalter, ASC Cardaun; 4. Pamela Matordes, 3Esse Soraga. Esordienti de ic: 1. Patrick Seber, 3Esse Soraga; 2. Simone Sartena, US Primier; 3. Christian Graf, ASC Cardaun. Allievi de eles: 1. Franziska Tanner, Bike Club Egna; 2. Hanna Santifaller, ASC Cardaun; 3. Giulia Pellegrin, 3Esse Soraga. Allievi de ic: 1. Igor Gottardi, Bike Club Egna; 2. Giovanni Deflorian, 3Esse Soraga; 3. Sergio Negara, US Primier; 4. Nicolas Pellegrin, 3Esse Soraga.

Tennis - L cumité provinziel tennis Bulsan à metù a jì, sciche uni ann, n cunlaurazion cun la lia dl TC Bulsan i campiunac provinziei Over. La partides ie unides jughedes ntan l’ena dai 26 de juni nchin ai 4 de lugio. Fat pea à nce n atlet de Gherdëina che ie stat bon de se purté a cësa l titul de campion provinzeil pra i over 40. L se trata de si terzo titul provinziel, do chël venciù a scuadres tl 2004 tla serie D2 y tl dopl mescedà venciù deberieda cun Greys Moroder dan doi ani, ma si prim te na cumpetizion ndividuela per Alex Runggaldier dla lia dl tennis S. Cristina/Sëlva. Sambën che l ie na bela sudesfazion per l tennista de Gherdëina, ma nce per dut l muvimënt dl tennis n generel te nosta valeda a desmustrazion che l alenamënt, che Alex fej nce for pea feter ntan dut l ann, suvënz deberieda cun i mutons, porta si fruc y che l ie for mo tëmp per se miuré te chësc sport. La vënta dl titul ie ruveda batan

Alex Runggaldier.

te semifinela Elmar Agosti te doi set per 6 a 4 y 6 a 2, y pona, da 39 gradi de ciaut, Alessandro Dall’O de Maran for te doi set per 6 a 4 y 6 a 3. La lies dal tennis de Gherdëina se cungratulea per l titul arjont... y for inant nscila! Karin Bagozza

Sun i ciamps de tiera cuecena tl zënter dal sport Iman a S. Cristina iel ncuei domesdi la fineles dl turnoi naziunel FIT dla categoria 3-4NC. www.lauscdiladins.com

29


Sport

nr. 26 / 10 de messel 2010

Devënta cun ambries Indô n gran suzes por la Maratona dles Dolomites: 8.798 ziclisć s’à prejentè al start. Dui à tut chësta ocajiun por se dì de scê por la vita. Pro les ëres davagna Barbara Lancioni, pro i ëi Michele Maccanti, che é indere resultè positif a n test de doping fat de mà y n’ess pordërt nia podü pié ia. Gran cuarto post por Debora Agreiter da La Ila, che garejâ por le pröm iade sön i 106 km 1. Donatella Giudici, 1972, Cupra Marittima (AP), 2:26.15,8 2. Stephanie Santer, 1981, Toblach (BZ), 2:32.19,3 3. Maddalena Sesiani, 1966, Omegna (VB), 2:34.56,4 4. Laura Ruggeri, 1979, Modena (MO), 2:38.18,5 5. Karen Putzer, 1978, Nöia Todëscia (BZ), 2:40.56,7

Les Dolomites s’à indô mostrè da süa plü bela pert.

Maratona/1 - Sciöche tan gonot tla storia dla Maratona dles Dolomites, é inće chësta ediziun - la 24ejima - gnüda bajada da n tëmp che lasciâ cun la boćia daverta. Y chësc, deboriada cun la contrada spetacolara dles Dolomites y le gran förtl dl’organisaziun, à indô lascè garatè n evënt unich al monn por i amanć dles rodes. “Eco?Logical!” ê le tema che i organisadus incër le chef Michil Costa â chirì fora, por sensibilisé ala sconanza dl ambiënt. Ales 6.30 da doman êl 8.798 ziclisć al start a La Ila, sön i 9.271 ametüs ala gara.

Noza sön la roda Le start é gnü antizipé da n evënt particolar. Dui ziclisć, Monica Fantoli y Carlo Ruschetta da Verbania, à orü avëi la Maratona sciöche culissa por se dè joramënt de amur por la vita. La noza ê bele gnüda zelebrada le dé denant dal ombolt de Badia Iaco Frenademetz, y é gnüda repetüda dan le start. Le iade da noza à i dui fat en chël dé, söles Dolomites, te na maniera scëmpla y dalunc dai gragn festejamënć pro mësa.

N danmisdé tla televijiun Püch dan le start, dales 6.10, é piada ia sön RaiTre la maratona de sis ores tla televijiun. Lerch ti él gnü lascè sambëgn a imajes y comentars söla gara, a intervistes sön cultura, contrada y particolaritês de nüsc

raiuns. Na lerch à inće ciafè ejëmpli concreć de sconanza dl ambiënt te nosta valada, sciöche l’implant privat de lauraziun dles laadöres a San Ćiascian, o inće la promoziun dl Consorz Turistich “Inće l’auto va en vacanza”, por invié i sciori da lascè l’auto chit tratan süa sojornanza tl’Alta Badia.

Ambries de doping sön Maccanti - indô devënta por Lancioni La gara instëssa é stada por la maiù pert la ocajiun por vire na esperiënza unica danter les Dolomites, stlütes al trafich tratan döta la gara. Na ocajiun por vire chësta atmosfera che à motivé l’ann passè chës 25.000 porsones da s’anunzié cun la speranza da ciafè un di posć al start. Mo na pert va sambëgn inće por le resultat. Tla categoria di 138 km à davagné pro i ëi Michele Maccanti da Migliaro (FE), che à destachè de passa 3 menüć Dainiuis Kairelis da Breganze (VI). Baldi él gnü fora do püć dis che Maccanti ê resultè positif a n test de doping fat de mà, y n’ess porchël gnanca podü tó pert. Śëgn nen paiaràl les conseguënzes y ne podarà mai plü tó pert a na Maratona dles Dolomites. Pro les ëres degöna mudaziun a će dla tlassifica respet al ann passè: Barbara Lancioni da Filottrano (AN) à destachè dötes les aversares rovan al travert cun 6 menüć de vantaje sön la secunda. Tla categoria di 55

Noza dan le start: Monica Fantoli y Carlo Ruschetta da Verbania à chirì fora la Maratona por se dì de scê: söl retrat cun l’ombolt de Badia Iaco Frenademetz, Michil Costa, deplü assessurs y i bi guanć da zacan.

30

www.lauscdiladins.com

T’amez Barbara Lancioni, che â bele davagné l’ann passè.

km à davagné pro i ëi Marco Loguercio da Bornech, pro les ëres Donatella Giudici da Cupra (AP).

Debora Agreiter - pröm iade söi 106 km y atira 4. post Gran sodesfaziun él garatè sön i 106 km por Debora Agreiter da La Ila, atleta de paslunch. Do i bi resultać arjunć i ultims agn sön la 55 km (l'ann passè âra davagné), àra chësc ann garejé söl percurs mesan. Acompagnada da so alenadù Bruno Bonaldi à la jona dl 1991 trat tres la gara cun gran movitaziun, arjunjan le cuarto post, a dui menüć dal podium. Tla categoria di ëi à davagné Luigi Salimbeni da Castiglione (BO), che s’l à fata avarëi cun n menüt de vantaje sön Alessio Pareschi da Bologna.

La Maratona dla ambiënt y dla solidarieté Cun chësta Maratona àn orü sensibilisé sön n ambiënt plü nët, tematica che acompagna pordërt vigni Maratona. I organisadus à orü lascè calcolè fora les emisciuns y le sparagn de emisciuns CO2 tratan i dis, por arjunje la zertificaziun de “Carbon Neutrality”, tanco n evënt a impat nul. So contribut à dè l’evënt diretamënter o indiretamënter inće sön la discusciun di jus Dolomitics, tan inant che l’ombolt de Badia Iaco Frenademetz à bele anunzié da orëi presentè na proposta te consëi.

Da ćiasa é inće stada la solidarieté, cun sostëgn al’Assistënza al sport de Südtirol, sciöche inće all’Associazione Gruppi di Belluno “Insieme si può”, che porta inant le proiet “Ega Nëta” tl’Uganda.

Giulan! Canche na ediziun dla Maratona va a piz, à i organisadus bele imënt l’ediziun che gnarà. Ai 10 de messè 2011 saràra tan inant: la Maratona dles Dolomites festejarà so pröm chert de secul y le festejarà cun n “Giulan”, che ô ester n sëgn de rengraziamënt por düć chi che à portè pro al svilup de chësc evënt. Dancà inće i volontars - al n’é passa 1.000 - zënza de chi che ara ne jiss mai da cherié ći che imprescionëia ann por ann tres indô: la Maratona. (test: pablo, fotos sön intrames les plates: freddy planinschek y daniel töchterle)

106 km ëi 1. Luigi Salimbeni, 1979, Castiglione dei Pepoli (BO), 3:25.40,8  2. Alessio Pareschi, 1971, Bologna (BO), 3:26.40,6 3. Marco Madrigali, 1972, Lucca (LU), 3:26.48,0 4. Giuseppe Corsello, 1971, Bologna (BO), 3:27.57,0 5. Roberto Napolitano, 1968, Occhieppo Superiore (BI), 3:33.12,2      106 km ëres 1.Claudia Gentili, 1976, Montemurlo (PO), 3:54.17,2 2. Ilaria Lombardo, 1970, Tizzano Val Parma (PR), 3:56.43,7 3. Astrid Schartmüller, 1973, Maran (BZ), 4:08.12,0 4. Debora Agreiter, 1991, La Ila (BZ), 4:10.11,0 5. Raffaella Carloni, 1970, Faenza (RA), 4:11.11,6

Les tlassifiches 55 km ëi 1. Marco Loguercio, 1974, Bornech (BZ), 1:56.55,8 2. Fulvio Scola, 1982, Falcade (BL), 2:01.19,8 3. Pietro Piller Cottrer, 1974, Talia, 2:02.39,6 4. Davide Ferrari, 1976, Lesignano Dè Bagni (PR), 2:04.38,0 5. Romano Neri, 1984, Terracina (LT), 2:05.10,5 55 km ëres

Gran resultat por Debora Agreiter da La Ila, söl retrat cun Bruno Bonaldi. Chësc ann àra garejé sön le percurs de 106 km y é rovada cuarta.

Michele Maccanti à arjunt la devënta sön le percurs plü lunch, mo al ne podarà mai plü tó pert ala Maratona dles Dolomites, deache al é resultè positif a n test de doping fat de mà.

138 km ëi 1. Michele Maccanti, 1979, Migliaro (FE), 4:32.20,2 2. Dainius Kairelis, 1979, Breganze (VI), 4:35.52,1 3. Andrea Beconcini, 1980, Fucecchio (FI), 4:35.57,4 4. Matteo Cappe, 1977, Livorno (LI), 4:42.51,4 5. Maurizio Coccia, 1975, Tivoli (RM), 4:43.58,0      138 km ëres 1. Barbara Lancioni, 1981, Filottrano (AN), 5:09.29,9 2. Edith van Den Brande, 1982, B-Sleidinge, 5:15.02,9 3. Leontien Waaijer, 1979, USANew York, 5:51.46,4 4. Vincenza Fumarola, 1967, Canossa (RE), 5:53.02,3 5. Judith Visser, 1985, NLGroninge, 5:58.57,8


Sport

nr. 26 / 10 de messel 2010

Maratona vën da maravilia y tonich Tonich nia minà coche Gin Tonic, ma coche tonizità, di mustli y dl cervel. Y che l ie na marueia, chël vëijen y sënten, sce, ie dije sce! n possa fé pea

Chëi dl cumité: Oskar Alfreider y l diretëur dla Maratona Claudio Canins.

Maratona/2 - Zënza paroles. Spieghé la Maratona dla Dolomites? Nce sce l ie retorica, sce l possa vester paroles uetes: la miecia fossa a ne dì nët nia, che cun uni parola manàcen de ti tò l sentimënt de avëi pudù se goder n tel bel di. L bel dla Maratona ie che i jëufs tla plu bela cuntreda dl mond ie ti cumpanies. Ti cumpanies, nia ti nemics! Nia ëi ne vàla de bater. Ëi ie ti cumpanies che te juda a bater zachei d’auter, a te bater té nstës. Canche te ves ntëur, un, doi y pona trëi y pona cater jëufs, pona ie chëla fadia, ma fadia positiva, adrenalina pura, goduria a ruvé sun l ultimo jëuf, ulache i sona tan bel, cun melodia y ritm. Te ies bon de te bater té nstës, zënza ne te fé dant nia. A mentì iel mé mez tan bel, o miec: niancanó mpue’ bel. Ti mentì ai autri ie zeche che ne te dà nia, te mentì a té nstës ie zeche che te revina: fé na raida dopei uel dì dantaldut se mentì a sé nstësc. Cun tan de saluc a Maccanti, puere Pinocchio zënza mesun de redenzion, ajache la Maratona ne fajeràl mei plu, coche à dit drët Michil. Dla Maratona ovi audì, ovì udù tla televijion. Son nce stat iló, pra travert, tl ntëurvia dla televijion. Chëst ann fòvela autramënter. Chëst ann fovi un di puech passa 9.000 parezipanc che à abù la fertuna de pudëi fé pea. Mbën pona. Damprovia. A scumencé dal Ufize stampa de Christian Pizzinini y si cunlauradëures. Efizienza, dalaibon. Cunferënza stampa n sada sëira. Una dla puecia cunferënzes stampa, de regula n "must" da stufé per uni jurnalista, che me sà bela. Flair

nternaziunel, na manifestazion de carater nternaziunel, mundiel. Rujeneda nglëija y talian y mpue’ nce l’autra rujenedes y ladin, almanco tl salut. Prejënza de media da dut l mond, presidënt RAI y vizediretëures generei. Mpue’ de Tibet, mpue’ de Africa, solidarnosc cun dut l mond. Sport, turism, roda, ambient, soziel, cosmopolis. Corona che fej si batudes, che conta che l ti à respundù a una che ti à dit che l ne n’ie pu nia a fé la raida per jënt che à na roda che pëisa doi chilo. “La peserà mé doi chilo, ma la raida muessessa for fé da sëul, cun fadia! Da sëula ne vàla!” Y Corona che filosofea dla fadia, mpurtanta tl’educazion di mutons. La fadia, che te fej sté bën, che do n di che te ies jit a pe su per mont ies dut autramënter, “te ruves a cësa che monce ti fëna te sà inò bela, do 32 ani maridei!” Mpue’ maschilista, ma mpo da rì. Inant pona sal Murin, de Matthias Costa, che pieta n buffet de marueia iló dedora, cun duta la familia Costa. Cun Mario Cipollini iló dlongia, cun na vita o vënter de 40 cm de zircumferënza y doi metri de autëza. Y pona vips y nips, da oradecà y da tlo, presidënc, diretëures, assessëures, ambolc. Nce chël de Badia, Iaco Frenademetz che à mpermetù, mo dant te cunferënza stampa, de purté la delibera te Cunsëi per fé dsaré i jëufs danter la diesc y la trëi domesdì, per chëi dala rodes. Y cun Michil Costa che ti respundova, te si cumozion nce sce mpue’ sëura la risses, de avëi pel de gialina a audì vel’ da de tel. Mpue’ de ciociul, n trëi tutres, un o doi o trëi goc de chël bon, mpue’ de paella,

Mario Cipollini cun l campion de schi Manfred Mölgg.

na mes’ëura de small talk. Bona sëira y ciau, vo pudëis mo sté, ma per mé y mi cumpani Sandro Marcellini, atlec dala roda, fòvel ëura de jì a durmì. Ju tl Garnì Aiding dla familia Pescoller. N garnì coche da nëus a cësa, pitl, ma blòt, dut bel nët, cun mami Pescoller che mëina dut l birbl. Y che se à rot n brac, dan n valguna enes. “Propi sën, dan la sajon!” Ma la à i siei de familia che juda ntëurite. Dala cater daduman iel bele da pudëi gusté. N Bon gusté: pan, ma pan frësch! Y pona śulza, nutella, ciajuel, crudo o ciociul, briosc, yogurt, müsli y dut l Bën de Die. Me druche ju iusta n pan da smauz y śulza, deplù ne va nia; la tenscion pre-garejeda. Pona vedi mo a m’la mpië, y pona proi a me tré sëura la malieta ufiziela dla Maratona. XXL. Ma percie iela pa pona tan strënta, dantaldut ntëur al vënter? Boh, i se arà falà cun la Xes. Bon pona, ite tla vedla malieta y su cun l auto a La Ila. N’ëura dant iel da vester iló. L plu rie dla Maratona? Aspité n’ëura danter milesc y milesc de partezipanc. Claustrofobia acuta, tenscion a mile. I autri a saurì dì, trëi secons che ne giapa nia da maië a cësa. Ma ie, mpue’ sëura l pëis ideél de n vinttrënta chilo: "M’la caveréi pa? Sarons’a bon de fé la raida? Bën “mé” 55 km, ma cie uel pa dì “mé”? Y sce muesse dé ëuta, dan che l me dà l bòt? "Pona l salut: Michil Costa, salut multietnich y te uni rujeneda, prosodica o tonn dla usc che semea chël dl Papa: Michil XXIV, me vëniel belau da dì, cun 24 che sta per la edizion da chëst ann. Pensier de batuda blasfemica. Ajache ce bel, canche Sn. Cristl dà la benediscon per latin, cun T. Chël ie solene, chël me tol mpue’ de nervojism, a mi, puere piciadëur tan pitl, dan pië via per la Maratona. Y sën péiela via, milesc y milesc che ti va ancontra al Sela, bussei dal plu bel surëdl dla Dolomites, tla cuntreda plu bela dl mond, chëla che nëus ne son nia plu boni de udëi. L ie la Maratona, l ie mi Maratona! Adrenalina pura y goduria, do che ruve te travert, doi ëura do mi cumpani jurnalista Sandro, ma cun MI giames y cun MI fla y cun MI sanch. Son stat bon de me bater mé nstës! De gra a vo duc, de gra Michil, mpue’ "fora" y mpue’ vijioner, mpue’ snob cun ch’i ciauzei de cuiam vërt, “lucido”, che luj, coche à udù mi cumpani Sandro. Mo na critica, coche te es damandà? Mbën pona: tën for cont che te ies

Acrobazies cun la roda.

un de nëus. Dài inant, o miec dài mo deplù lerch a nosta realtà culturela, ladina. Y per i orares di auti, miec ti dì a chëi dai auti che la stredes ie stlutes nchin da sëira che i fé aspité te codes mo do passa n’ëura dala giaurida che fossa stata ufiziela. Ma chëstes ie mé fruzies, ajache ncuei ne fòvel nia n di de critiches, ajache ie é fat la Maratona, cun 9.000 d’autri fertunei! David Lardschneider Michil Costa, "chef" dla Maratona.

Fé pea la Maratona Fé pea la Maratona dles Dolomites ie na esperienza fantastica per chiche, coche ie, à bele da for incà gën i crëps y ie deventà n pasciunà dla rodes permò dan doi ani Maratona dles Dolomites/3 urganisedes bën. La strutures - Canche n ruva tla Val Badia iel rezetives ie ezeziuneles - l garnì bele l di dan la garejeda che n ulache stajove nes à njenià ca n possa tré ite l’atmosfera de na gran boniscimo gusté dala cater festa. I urganisadëures y daduman! - l presidënt Michil prumotëures ie mpeniei cun i Costa y si staff cun a cë l diretëur lëures per njenië ca, la Claudio Canins à sapù coche manifestazions y ancuntedes deguni d’autri nchinamò da tré ntëurvia fej unì adum jënt de luesc ite duta la cumenanza te chësta y cultures d’uni sort, ma liei dala manifestazion che ti fej da pascion per la roda. L plu bel prumozion ala Dolomites, y nia mumënt ie dessegur canche n pëia mé dal pont de ududa turistich via. Duc i partezipanc che tl’ëures ma nce culturel y soziel. dant ova mo dat la mprescion de N gra de cuer a chiche me à dat fé mé na jita iusta dan porta, cun l mesun de pudëi fé pea, na lauda l pensier belau mpue’ dalonc dala al Ufize stampa per la cunlaurazion proa dla Maratona, se à trasfurmà y despunibltà y assudëi a n ora de nia te de drë’ atlec cun n proscimo iede. Y per finé via toli spirt scialdi sterch de cumpetizion ca la batuda dalaibon y da rì dl y cun la determinazion de ulëi dé speaker Luis Mahlknecht canche l miec de sé. La festa ie deventeda son passei tres travert: “I jurnalisć na garejeda, cun spirt sann de ne n’ie nia ega. Nce i jurnalisć va cumpetizion te na cuntreda che cun la roda!” (Sandro Marcellini) ie bele patrimone dl’umanità, che zënza duta ch’la fueres y tofs di auti fej da curnisc a chësta gran beca de jënt cun la roda che fej fadia sun la stredes di jëufs. N di mpue’ extra danter i crëps; n cunsëi ai aministradëures acioche i feje a na moda che i auti ne posse nia furné d’instà, almanco ntan l’ëures z e nt rel e s d l d i . L’urganisazion ie da ti dé dl Vo, la lueges ulache i A man drëta l fotoreporter Sandro dà ora da maië y da bever Marcellini de Sassoferrato tla provinzia ntan la gerejeda ie de Ancona, cun Mauro Corona.

Zeche per la gola! www.lauscdiladins.com

31


Sport

nr. 26 / 10 de messel 2010

Christian y Hilde sun podest N sada ai 3 de lugio àn metù a jì per l prim iede l Dolomiten Marathon de 42,195 km, la prima maratona de sauté da mont su a Persenon

Christian Insam, l miëur atlet di Gherdëina Runners pra la maratona da Persenon sun la Plose.

Maratones - La maratona de sauté da mont su muev sun la plaza dl dom a Persenon a 560 metri per ruvé sun la Plose, la mont de cësa de chëi de Persenon coche n dij a 2450 metri. Da sauté iel sun prei, tres l bosch y vel’ tòch nce sun asfalt. Per la stafetes fòvel da se baraté ju sa la stazion dla furnadoia dla Plose cun l segondo cuncurënt. Pona jìvela inant sun prei y a mez al bosch ite de viers de Afers a 1504 metri, ulache n mudova per l segondo iede. N sautova da tlo inant sun asfalt sun troies di mejes (Höfewege) itevier de viers dla Schatzerhütte. Da tlo jìvela pona danter bòsc y prei nchin sa la Skihütte y a Kreuztal a 2070 metri. Per l terzo iede se baratova tlo la safetes. Sun la trassa de viers dla Ochsenalm pudòven cialé ju tla Val dl Isarch dan che n ova da sauté i ultimi 3,2 km cun n deslivel de 400 metri nchin sa la Plosehütte a

2450 metri. De ndut iel 1890 metri de deslivel da sauté. Coche bele dit ne n’ie chësta maratona nia velch per uniun, perchël àn dat nce la puscibltà de sauté de cater te na stafeta da destanzes defrëntes. L prim cuncurënt ova da sauté 9,6 km, l segondo 7,9 km, l terzo ova la destanza plu longia che fova de 16 km y l ultimo tòch dan ruvé tl travert ie de 8,7 km. Piei via iesen bele dala 8.30, purempò fòvel belau massa ciaut per i atlec, che à messù bever scialdi. Trueps ne n’ie nianca no ruvei nchin tl travert. Tlo udons la tlassifica. Venciù à l favorit Hermann Achmüller cun n tëmp de 3:37:04, segondo ie ruvà Alfred Mair de Sest/Sexten cun n tëmp de 3:51:32 y al terzo post udons Paul Gschliesser de Ratschings cun 3:53:45. Pra l’ëiles à venciù Irene Senfter de Lana cun n tëmp de 4:47:11. Nce nosta atleta

di Gherdëina Runners Cassa Raiffeisen de Ciastel, Hilde Mitterstieler se à batù bën te si prima maratona se plazan al 3. post tla categuria F35 y 6. tla categuria generela dl’ëiles cun n tëmp de 5:10:15. Y tlo udons mo i autri atlec di Gherdëina Runners: l miëur ie stat Christian Insam che ie ruvà prim te si categuria la M30 y al 7. post te chëla generela cun n tëmp de 4:12:06. Segondo miëur de nosc atlec ie stat Stefan Pitscheider de Sëuc che ie ruvà 3. tla categuria M50 y 18ejim te chëla generela cun n tëmp de 4:34:50, pona udons Georg Rabanser cun n tëmp de 4:56:37 se plazan al 10. post tla categuria M40 y al 40. te chëla generela, y pona fòvel mo Mario Falchi che cun si 4:56:49 ie ruvà 11ejim tla categuria M40 y 41ejim te chëla generela. N valguni de nosc atlec à nce fat pea pra la stafeta mescededa. Tlo fòvel trëi ëi y una n’ëila cun Steven Stuffer, Daniel Ploner, Karl-Gustav Mahlknecht y Evelin Steiner, ëi se à plazà al 6. post te chësta categuria cun n tëmp de 4:39:44. Hilde Mitterstieler, Mario Falchi, Georg Rabanser, Stefan Pitscheider y Christian Insam se anjenierà śën ca per la proscima fadia, l Jungfrau Marathon che sarà pona de setëmber.

Georg Demetz segondo a Ties N dumënia ai 4 de lugio iel unì metù a jì la prima edizion dla garejeda de sauté da mont su da St. Zyprian dlongia Tiers nchin sa la Grasleitenhütte cun n deslivel de 1000 metri y 8 km longia. Nosc atlet di Gherdëina Runners Cassa Raiffeisen de Ciastel, Georg Demetz se à tlassificà segondo cun n tëmp de 55 menuc y 35 secunc. L miëur tëmp dl di fova de 53:49 menuc. (mp)

L Fodom l nen fèsc cater al S. Tomèsc e la va ai cuarti La scuadra ladina la fenësc la pruma pèrt del torneo senza mèi avei perdù

Alex Martini, autor de trei dei cater gòi al S.Tomèsc.

L Fodom l ten l secondo pòst ntel giron “B” del torneo agordin e l sgòla direttamente ai cuarti de final senza mossei passé per le eliminazion dei otavi. Chëst l verdét de ndomënia passada. I ultimi trei ponc i é ruèi sun Freine de Cernadou col Fodom che à fat n bocon sol del S. Tomèsc 1082 batù per cater a un. L prum temp de la partida l eva fenì sul un a un co la scuadra ladina alenada da Roberto “Bet” nia bona de concretizé dute le azion da gol pariciade. Ncin la braura del portier e ncin la puocia mira dei atacánti fodomi no n à permetù al Fodom de mëte al segur l risultat. L prum segnal l é rué con a trata del Gianni “Tormenta” che l é rebatù nte la porta n balon rebatù a sua outa dal portier davò na bela azion del Valerio Troi. L vantagio del Fodom l à duré puoch percieche na falada de la difeja e del portier à porté l S. Tomèsc a concretizé la sola azion del prum temp. La seconda pèrt de la partida l é ste dut n auter juoch. L Fodom l à ciapé per mán la partida e coscita i é ruèi ence i gòi. Ben trei e duc per merito del Alex Martini

I Pavei d’Arjent taca ite con gaissa Co na bela festa l’é stat avert la neva sajon sportiva. L’é amò avert la iscrizions per i bec che vel emparèr a jir coi feres Bal sui feres - En domenia passèda ai 4 de messèl tel stadie de la giacia Gian Mario Scola de Dèlba l’é stat avert la neva sajon sportiva 2010-2011 del Val de Fascia Artistico Ghiaccio “Pavei d’Arjent”. Musega, bai e n golous “Nutella Party” à engolardì e engaissà la sacotanta persones, anter genitores, parenc e atlec, che à tout pèrt a la festa, tant per l’estro de se meter endodanef i feres, dò béleche 2 meisc, ma ence per la gola de amelec e nutela. Béleche 5 kg de nutela ge à volù per encontentèr la golouses atletes che aboncont da en lunesc se à endò metù a stech co la empegnatives lezions su la giacia. En mèrtesc l’é tacà ite ence i corsc per emparèr a jir coi feres che l Val de Fascia Artistico Ghiaccio endreza ogne an per i

32

www.lauscdiladins.com

più pìcoi dai 4 ai 12 egn. A la pruma lezion à tout pèrt 7 neves bec e bezes e autres 6 se à jontà ite chisc dis passé. La iscrizions per chisc corsc, che jirà inant via per i meisc de messèl e aost, é aboncont amò avertes. L cost de 8 lezions al meis é de 50 euro enveze l cost de iscrizion é de 15 euro. Chi che aessa amò enteress pel chiamèr l numer de telefon 347.4765278 per aer maor informazions. E donca, amò n’outa, inant a la grana... a la atletes di Pavei d’Arjent e al staff tecnich olache l’é ite Valery, Elena e Olga i alenadores che oramai da vèlch an é dò che i dèsc de gran sodesfazions; a ic ge auguron n bel lurier, rich de resultac emportanc, per na sajon sportiva duta de òr. (mb)

La atletes di Pavei d’Arjent a la festa de benvegnù.

che del bon l à fat vedei sue grane cualité. Sciode per n problema al jenogle che à fat sen ji fòra dal ciámp l Nicola Costa. Per dël se speta nvalgugn dis de riabilitazion e chëst podessa ester n problema per le pròscima partida del Fodom. Con chësta partida vadagnada l Fodom l fenës la pruma pèrt del torneo senza mèi avei perdù. L é curious che i unizi doi paregi i é ruéi co le doi scuadre, Alie e Rivamonte, ruade ultime ntel giron. L torneo agordin l va nnavánt coi “mini otavi” e nte doi domënie i cuarti de final. Al Fodom tocarà la scudra che vadagna tnra Voltago e proprio l S. Tomèsc. Fodom - S. Tomèsc 1082 4 – 1 Goi: Gianni Crepaz, Alex Martini (3) Formazion del Fodom: Vincenzo Amicone, Giuliano Palla, Omar Irsara, Gianpaolo Soratroi, Valerio Troi, Cristian Azzolini, Gianni Crepaz, Luca Crepaz, Alex Martini, Andrea Palla, Nicola Costa. A joghè ence Arthur Grones, Matteo Sorarui, Daniele Quellacasa, Omar Petri, David Palla All.: Roberto Foppa

Risultac del giron B Cencenighe - Rivamonte 2 – 1 Gosaldo – Alie 4 – 3 La Val – Le Ville 3 – 1 Clascifica: Cencenighe, Fodom, La Val 13, Le Ville, S. Tomesc, Rivamonte e Gosaldo, Alie 2. Pròscime partide: domënia 11 de lugio sui ciámp de Taibon e Cencenighe. Le Ville - Taibon La Val - Falcade Valada - Gosaldo Voltago - S. Tomèsc


nr. 26 / 10 de messel 2010

Avisc La pasciun por les erbes: al nasc n grup de apascionades Le Consëi de Formaziun La Val à formè n pice grup dles apascionades dles erbes (Heilkräuterfreundinnen) che se incunta n iade al mëis, le lönesc dales 20.00, te biblioteca a La Val. La proscima incuntada sarà ai 26 de messè. Al é na ocajiun por baratè fora nostes esperiënzes cun les erbes, por baié dles erbes, co les adorè, co les conservè, por che la pasciun y la ligrëza por les erbes che crësc te nüsc urć y te nostes munts crësces tres deplü. Scinché ca tëmp La Ćiasa de Palsa a San Martin chir inant porsones che scincass ca de süa buna n pü’ de so tëmp da fà compagnia, da jì a spazier o da ti fà n pü’ d’aorela cörta ai berbesc, danter les 9.00 y les 11.00 o danter les 14.00 y les 17.00. Ara ne nen va te chësc cajo nia de scioldi, mo de ti scinché a porsones che se sint sores n pü’ de tëmp. Bel fóssel inće sce zacai liess dant val’, lasciass odëi fotografies o val’ picia proieziun de film. Por studënć él inće la poscibilité da abiné adöm cun de te’ ativitês punć por l’ejam de maturité. Mo al foss dërt, mëte man adora assà, bele dala 3° tlassa de scora alta insö. Por plü informaziuns cherdéde sö le numer de fonin 0474/523112, damanan do Albina Sottara o Gitti Pizzinini. N volontar s’à n iade pronunzié insciö: “La ligrëza che chësc sorvisc porta é mi maiù paiamënt.” I s’incuntun te biblioteca

La Biblioteca Sas dla Crusc inviëia düć i mituns y les mitans dla scora elementara a n domisdé cun stories, pastlenè y jüć, en lönesc ai 12 de messè dales 15.00, te biblioteca a Calfosch, y en vëndres ai 16 de messè dales 15.00, te biblioteca a Badia. Udiënzes cun l’Uniun di Ostis

La Uniun di Ostis HGV tëgn udiënzes inće tla Val Badia, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen a La Ila. Jita dla tlasse de chi dl 1980

Informazions y Manifestazions ♦ Josef Kostner artist Prejentazion dl liber sun l lëur artistich de Josef Kostner da Stlujuc, ncuei sada ai 10 de lugio 2010, dala 6 da sëira tla galaria de antichità Digart a Urtijëi, cun mostra de si lëures che sarà da udëi nchin ai 18 de lugio L ie na vita dedicheda al’ ert, chëla de Josef Kostner. L gran nteres per dut y la ueia de fé, ne l à mei lascià sté chiet. Nsci ie nce si ert stat n jì a crì tresora, n crì de ideies nueves, n crì de formes de esprescion nueves. Ma l bujën dedite de messëi comuniché tres l’ert, ie for stat tan grant che l messova ora. Suënz ie stai patimënc sentii nstës o strambaries dl mont, che l à purtà a crië persones che chërda aiut, che uel dì zeche y che se pera da na vita zënza sentimënc. La figura umana, che Josef Kostner tol ca per la gran pert, semea dedora tan sterscia, pervia dla linies taientes y vaghedes. Ma tl sot móstrela nce la deblëza y la splaiedes. Ti prim ani ie l’opres de Josef mo plu fines, ma cun i ani devënta si linies for plu segures y ti lascia mé plu lerch al essenziel. L’esprescion sterscia de si lëures ne lascia, chël che ti cela, nia zënza emozion. L ie na gran streda tl’ert chëla che Josef Kostner à fat. Perchël iel bel a mustré su l svilup de n tel artist, che se à dedicà cun cuer y ana al’ert y ala cultura. Ve nvion de cuer ala prejentazion dl liber sun l lëur artistich de Josef Kostner da Stlujuc tla galaria de antichità Digart a Urtijëi/Runcadic, ulache l sarà nce da udëi la mostra de si lëures, che resterà davierta uni di nchin ai 18 de lugio. Se ncunferton sun Vosc unì.

Referac

Düć i nasciüs l’ann 1980 dla Val Badia s’arjigna da festejé i 30 agn. Ai 23 y 24 d’otober gnaràl metü da jì na jita de dui dis. Al vëgn bele śëgn invié da se tignì lëde le terminn.

Omeopatia por la vita da vignidé

Museum davert döta l’edema

Ai 13 de messè dales 21.00 mët da jì le Consëi de Formaziun da Corvara n referat sön l’omeopatia dal titul “Omeopathie für das alltägliche Leben” (omeopatia por la vita da vignidé). Le referat vëgn tignì da Anneliese Obermann, tla ćiasa dles uniuns a Calfosch.

De messè y d’agost romagnarà le Museum davert döta l’edema, inće de lönesc dales 10.00 ales 18.00, zënza dé de palsa. Museum de Gherdëina daviert plu giut d’instà

Ntan i mënsc de lugio y agost ie l Museum de Gherdëina daviert da lunesc nchin vënderdi for dala 10.00 – 12.00 y dala 14.00 – 18.00. Un n di al’ena iel daviert nce da sëira y plu avisa de juebia, dala 20.00 – 22.00 y pona mo la dumënia domesdì dala 15.00 – 18.00. Per nfurmazions o per apusté na vijita meneda, pòssen cherdé su l 0471 797554, Jì a pe y jì a crëp. Gran vela de libri tla bibliotech T. Gruber

Ntan dut l instà iel tla bibliotech “Tresl Gruber” a S. Cristina na gran vela de libri da jì sa mont, a crëp o cun la roda tla Dolomites. Ai amanc dla natura y dla mont ti vëniel metù a despusizion libri, chertes per jì sa mont y zaites. Chisc unirà sambën nce mprestei ora. Bibliofestival 2010 te bibliotech Tresl Gruber

I sculeies possa se mpresté ora y liejer n grum de libri. Chëst ann se raida dut ntëur al mond di tieres. Sce te ues savëi tan de giames che à la furfejidles, cie che maia la lores, tant che vëij na talpina, po’ vie te bibliotech Tresl Gruber y fé pea pra l bibliofestival 2010. Pità vëniel na gran cumpëida de libri sun l argumënt, libri per ladin, tudësch, talian y nglëisc. Fé pea nce tu! Chiche ëssa mo vel’ dumanda po’ sambën cherdé su te bibliotech (0471/790016). Bibliotech Tresl Gruber davierta nce da sëira

Orar de giaurida dla bibliotech: merdi dala 15.00 ala 18.00; mierculdi dala 8.30 ala 11.30, dala 15.00 ala 18.00 y dala 19.30 ala 21.30; juebia dala 8.30 ala 11.30 y dala 15.00 ala 18.00; vënderdi dala 15.00 ala 18.00; sada dala 19.30 ala 21.00; dumënia dala 9.45 ala 11.30. La bibliotech T. Gruber ie davierta de mierculdi sëira mé de lugio y d’agost. La bibliotecheres nvieia duc canc a se nuzé dla bela sëires per unì te bibliotech. Entorn Vich

Pea endò via la scomenzadiva “Entorn Vich” che l Comitat Manifestazions endreza via per i meisc de messèl e aost per sporjer a ghesć e jent del post l’ocajion per descorir la tradizions, l’èrt, i saores, i veies mestieres e la mùsega de noscia jent. N grum de stonc vegnarà endrezé entorn l paìsc con prodoc tradizionèi, mùsega e veies mestieres da n’outa. L prum apuntament sarà en mèrtesc ai 13 de messèl da les 20.30 inant. Siede duc envié a passèr na serèda en compagnìa de la comunanza de Vich.

Cursc Jì a ciaval

L vën metù a jì cursc de jì a ciaval per mutons da 10 ani insù y per jëuni da 18 ani insù. Per nfurmazions plu avisa prëibel cherdé su l Zënter dai Ciavei a Runcadic, numer 338/2430900. Program sportif da d’isté por mituns Trëi é i cursc che vëgn metüs da jì dala US La Ila/seziun fitness. Düć i cursc vëgn tignis da Thomas Valentini y Lorenz Clara y vëgn fać te palestra nöia a La Ila. Por s’anunzié ai cursc pòn cherdè sö le nr. 0471/847109. Informaziuns ciafon al nr. 339/1433016. Curs de ginastica spezifica por mituns dai 2-4 agn adöm ala uma/pere: An s’incunta indöt 10 iadi, tres de lönesc y jöbia dales 17.00-18.00, cun scomenciamënt ai 12 de messè. Curs de ginastica por i mituns dla scolina “Śoghé fej crësce”: Le curs mët man en lönesc ai 12 de messè dales 15.00. An s’incunta dagnora de lönesc y jöbia, por indöt 14 iadi. Program sportif da d’isté por i mituns dla elementara y pröma mesana: Le curs vëgn tignì tres de mertesc y vëndres, por indöt 15 iadi, cun scomenciamënt ai 13 de messè. Le pröm grup (1., 2. y 3. elementara) s’abina le pröm iade dales 14.30 y le secundo grup (4. y 5. elementara y 1. mesana) s’abina le medemo dé dales 16.00, te palestra nöia a La Ila. Curs da nodè por mituns dla elementara Le curs mët man en lönesc ai 19 de messè dales 9.00, te nodadoia a La Ila y vëgn organisé dala US La Ila. Por informaziuns plü menüdes y prenotaziuns pòn tó sö contat cun i referënć dl curs: Ubi Valentini al nr. 0471/839714 y Leo Pitscheider al nr. 0471/847142. Ziplé cun la sia a motor

Tla Scola prufesciunela per l Artejant artistich a Urtijëi, 2. partimënt, cun n maester dla Scola. L curs vën tenì da merdi 20 de lugio nchin juebia 22 de lugio, dala 8:00 ala 18:00 per de ndut 24 ëura. L priesc ie de 92,00 € per persona. Se scrì ite pòssen te scola, tel. 0471/796733.

“L davegnir l’é vejin”

En jebia ai 15 de messèl da les 9 da sera aló dal tendon de la manifestazions vegnarà endrezà na serèda dal titol “Il futuro è vicino” olache vegnarà prejentà e fat na desmostrazion de modìe de robot. A tor pèrt a chesta manifestazion sarà ence Sebastian Cincelli, l joen da Poza che chest an à vent n concors nazionèl con n projet de robotica dal titol “I giovani e le scienze 2010”.

Religion Iubileum 50 agn de sazerdoze de P. Fidelis Pezzei Lungiarü festejëia en doman domënia ai 11 de messè le iubileum 50 agn de sazerdoze de P. Fidelis Pezzei, y rengraziëia de dötes les vocaziuns che la ploania à albü la grazia de avëi. La festa mët man dales 8.30 cun l’ingres, spo mëssa solëna, prozesciun da festa. Dedô bufé por düć! En chësta ocajiun vëgnel metü fora fotografies dles mësses noeles da Lungiarü dal 1900 insö.

Dotors y Apoteches Dotor

L dutor de servisc dala 8.00 daduman de n sada 10 de lugio nchin la 8.00 daduman de n lunesc 12 de lugio ie l dutor Raphael Insam de Urtijëi, tel. 0471/797369 o l 0471/797076. Le dotur en sorvisc ti tla findledema di 10 y 11 de messè ti comuns de Badia, Corvara y La Val, é le dotur Giuseppe Di Marino, Pedraces, tel. 0471/839691. Ti comuns de Mareo y San Martin saràl en sorvisc le dotur Erhard Spies, Al Plan de Mareo, tel. 347/4798885. Apoteches L’apoteca de servisc che à daviert ora dl orar ordiner da n vënderdi (dala 19.00) ai 9 de lugio nchin n vënderdi ai 16 de lugio ie chëla de Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). L’apoteca en sorvisc tla Val Badia, fora dl orar ordinar, dal vëndres ai 9 de messè al vëndres ai 16 de messè, é chëra da La Ila, tel. 0471/847152.

www.lauscdiladins.com

33


Informazions y Manifestazions

nr. 26 / 10 de messel 2010

Cursc

Iniziatives Sportives

Curs da dessigné y da depënje Le Consëi de Formaziun da La Val mët da jì n curs da dessigné y da depënje cun Barbara Tavella y Claus Vittur. Le curs mët man en lönesc ai 26 de messè dales 20.00, te scora elementara a La Val. An s’incunta indöt 8 iadi, tres de lönesc y mercui. Le cost dl curs é de 70,00€ a će. Infos y prenotaziuns al nr. 338/1807072 (Paula).

La palestra de arpizeda Nives ie davierta I orares de giaurida ie de lugio, agost y setëmber, uni di dala 17.30 nchin la 22.00. De sada ie la palestra stluta. Per i trëi mënsc da d’instà pòssen nce fé l abunamënt. L priesc ie de 30 euro. Nfurmazions pra Manuel Nocker, 334/5497706 o tl ufize di mëinacrëp, 0471/794133.

Curs de lauré ora fotografies cun Gimp y Photoshop

Jì a fé pallavolo

Per duc i sculeies dla scola mesana, dai 2 ai 6 de agost, dala 14.00 ala 16.00, tla scola mesana de Urtijëi, cun dr. Vito Miribung. N mpera a adurvé l aparat digitel, a lauré ora fotografies cun Gimp y Photoshop, n va tl studio dl Fotoclub Gherdëina a fé fotos. Chëi che uel possa fé pea pra n cuncors de fotografia. L curs costa 70 euro. Da se scrì ite iel pra l Servisc Furmazion, tel. 0471/773225.

Duc i jëuni de Gherdëina ie nviei a unì a fé pallavolo, uni mierculdi tl ciamp da pallavolo de Mulin da Coi. Se ancunton uni ena per dut l instà for de mierculdi sëira, dala 19.00 inant. Per fé pea ne àn nia drë de se scrì su, l tleca unì a fé pea. Per plu nfurmazions pòssen zënzauter cherdé su tl ufize dla Nëus Jëuni Gherdëina l numer 0471/799006.

Curs de tudësch y talian per sculeies dla scola elementera

Serada folcloristica cun Alex

Per l 13° an te Fascia vegn metù a jir n fin de setemèna tel segn del sport estrem con la manifestazion de corsa a pe più emportanta de l’an: la Dolomites Sky Race. L’edizion 2010, en program dai 15 ai 18 de messèl, sarà dedichèda soraldut a Diego Perathoner, ideator e organisador de chesta manifestazion. L program perveit en vender ai 16 l Campionat Mondièl “Vertical Kilometer 2010 SkyRunning”: la garejèda pearà via da les 10.30 ta Ciasates a Dèlba, la marena su per i refuges sun Ciampac e da les 16.00 te Piaz Marconi de Cianacei vegnarà dat fora i pesć e i titoi per l campionat mondièl. En domenia ai 18 de messèl la garejèda ponta via da les 8.30 te Piaz Marconi, da les 12.30 sarà la marena per duc i atlec al parch de Cianacei e da les 14.30 te piaz de Cianacei sarà la premiazions. La Dolomites Skyrace 2010 se lea a l’autra manifestazion sportiva pissèda e voluda da Diego: la Sellaronda Skimarathon: l’atlet che concosta l resultat mior te duta does la garejèdes se portarà a cèsa l trofeo Memorial Diego Perathoner.

Ai 13.07 dales 21.00 vëgnel metü da jì tl salf dles manifestaziuns da Antermëia na serada folcloristica cun Alex.

Turnier de calceto a Antermëia

Un n curs de talian ie a Urtijëi te scola elementera dai 19 nchin ai 30 de lugio, danmesdì dal lunesc nchin vënerdi, per duta la tlasses, dala prima ala cuinta elementera. Te Sëlva, te scola elementera iel n curs de tudësch, dai 19 nchin ai 30 de lugio, danmesdì dal lunesc al vënderdi, per duta la tlasses, dala prima ala cuinta elementera. Referënta ie la scola de rujeneda Alpha Beta. Nfurmazions plu avisa, tel 0471/773225.

Musiga

♦ Edema de iubileum por la Müjiga de Badia La Müjiga de Badia festejëia chësc ann i 175 agn da süa fondaziun. Le iubileum gnarà recordè cun n’edema intiera de apuntamënć musicai, dai 17 ai 25 de messè. Dui punć culminanć é la prejentaziun dl liber sön la Musiga y dla CD “Vire la müjiga” Por festejé i 175 agn de iubileum, à la Müjiga de Badia metü sö n program rich y desvalì che se sleriarà fora por döta l’edema dai 17 ai 25 de messè. Por l’ocajiun gnaràl metü sö n tendun, olache al gnarà tignì i conzerć y les presentaziuns. Le program I festejamënć mët man la sabeda ai 17 de messè dales 21.00, cun n conzert dla Musiga da Comerio (VA). Inant vara la domënia ai 18.07 dales 11.00 cun na matinée. Al sonarà la Böhmische dla Müjiga de Badia y dales 14.00 podaràn ascutè sö n conzert cun i musicontri che é n iade stà pro la musiga. Al tol pert indöt bëgn 37 musicontri da n iade, sot la direziun de Raimund Pizzinini. La Müjiga y so liber Le lönesc ai 19.07 dales 21.00 vara inant tla Ćiasa J.B. Runcher cun na relaziun sön la storia dla Müjiga de Badia. Te chësta ocajiun gnaràl prejentè le liber “175 agn Müjiga de Badia”, metü adöm da Lois Trebo. En mertesc ai 20.07 dales 20.30 pîta la musiga la poscibilité da assistì dal vì ala proa generala, che sarà chësta sëra daverta al publich. Inant vara la jöbia ai 22.07 dales 21.00 cun n conzert dla Musiga da Fones. Le vëndres i lasciaràn la paladina a grups de jogn. Dales 20.00 inant saràl festa cun le grup de ćiasa Acoustic Project y la Spolpo Blues Band. Conzerć cun prejentaziun dla CD Rich é le program dla sabeda ai 24 de messè, che mët man dales 19.00 cun le conzert dla Müjiga di Jogn. Ales 20.30 i lasciaràn la paladina ala Müjiga de Badia por so conzert de iubileum, olache al vëgn prejentè la CD “Vire la müjiga”. Dales 22.00 vara inant cun le grup “Saxroyal”. Gran festa de Iubileum L’edema de festajamënć va a piz la domënia ai 25 cun la gran festa de iubileum. Bele dales 6.30 da doman sarà i musicontri fora de let por descedè le paîsc cun le sonn de sü stromënć. Dales 9.30 gnaràl fat l’ingres por la santa mëssa , sonada y ćiantada dala musiga deboriada cun i cors de Badia. Dô la funziun passaràn ala pert ofiziala cun i salüć y les onoranzes. Dales 12.00 saràl i conzerć dles musighes da La Ila y San Ćiascian y dales 14.00 la defilada dles musighes, denant co passè ai conzerć dles La Müjiga de Badia. musighes da Poza, Cortina y Eltersdorf (DE). Dales 18.00 vara inant cun musiga da bal cun i “Fegerländer”, y dales 20.00 gnaràl trat fora de bi pesć dala ola dla fortüna. Düć é invià da rovè adalerch por festejé cun i musicontri chësc gran avenimënt. Por spëisa y boanda él fistidié. Tratan döta l’edema podaràn gustè tl tendun spezialitês ala grilia y boandes.

34

www.lauscdiladins.com

Dolomites Sky Race 2010 Memorial Diego Perathoner

En sabeda ai 17 de messè mët da jì la SCA Antermëia le 9. Turnier de calceto. Tó pert po indöt 16 scuadres. Le turnier mët man dales 10.00 danmisdé. Al gnarà inće incoronè le re di 7 metri. Les prömes 8 scuadres podarà pié do n trofê y al sarà ćiamò d’atri de bi pesć. Da cornisc fajarà la musiga dal DJ. 12. Turnier de nöt a La Val

L’U.S. La Val organisëia al 31 de messè fina al 1. de agost 2010 (dala sabeda sëra fina ala domënia da doman) la 12. ediziun dl turnier de calceto de nöt por scuadres dl tëmp lëde (5 śogadus + portier), söla plaza dl palê sintetica “Plans” a La Val. Al po tó pert fina 20 scuadres. Les iscriziuns po gnì fates fina ala jöbia ai 22.07.2010 pro Klaus Rubatscher al nr. 335/6905507 o tres fax al 0474/523035 o cun e-mail a klaus@verginer.bz.it y le paiamënt dl prisc d’iscriziun de 120,00€. Pesć: 1. post 600,00€, 2.post 400,00€, 3.post 200,00€, “pozer” 200,00€.

Segres y Festes A Cianacei Te anter i tobié 2010

Va inant anché e doman la 12^ edizion de la gran manifestazion “Te anter i tobié” te la pèrt veia del paìsc de Cianacei. I stonc restarà averc via per dut l dì e se arà l met de jir a cuchèr stroz per i tobié te la pèrt veia de Cianacei, che se viventarà de saores, mestieres da zacan, festa e mùsega. Festa alaleria a Pidrô

Tla findledema di 17 y 18 de messè vëgnel metü da jì a Pidrô na festa alaleria. La sabeda sëra dales 20.30 inant party cun DJ y le "manz mecanich". La domënia ai 18 mët man la festa dales 10.00 cun la santa mëssa. Dales 11.00 matinée cun la Böhmische da La Val, dales 14.00 defilada, dales 14.15 conzert dla Musiga da Sarnthein, dales 16.15 conzert dla Musiga da La Val. Dales 19.00 musiga da bal cun "Die 3 Schneidig’n". Por spëisa y boanda él fistidié y por i mëndri saràl le ćiastel de gume por trà salć.

♦ Ater-te-ater Pröma ediziun dl festival teatral estif tla Val Badia Le festival “ater-te-ater” mostrarà en mertesc ai 13 y en mercui ai 14 de messè dagnora dales 21.00 tl Salf dles manifestaziuns a Al Plan le toch “Hotel Paradiso” dla compagnia Familie Flöz (Paisc Todësc). Al sarà n teater zënza parores. Invià é adulć, jogn y mituns. La jöbia ai 15 de messè y le vëndres ai 16 de messè, dagnora dales 21.00, gnaral presentè tl Museum Ladin a San Martin le toch “Un Amleto” cun Mauro Pescio (Roma). Le lingaz sarà talian. La sabeda ai 17 de messè dales 18.00 saral spo na spazirada teatrala da Tolpëi a Biëi (La Val) cun “Die Kleinste Bühne der Welt” (Paisc Todësc), tl lingaz todësch. Chësc pröm spazier é aratè por adulć y al orarà ester la prenotaziun. La domënia ai 18 de messè dales 11.00 saral spo tla majun da Biëi a La Val la “Kleinste Bühne der Welt” che portarà dant “Fünf Stücke Glück” por todësch, en chësc iade por mituns dai sis agn insö, cun sü adulć. Le placat che inviëia ai Le mercui ai 21 de messè y la jöbia ai 22 de messè dagnora dales teatri. 21.00 saral tl Salf manifestaziuns a Al Plan le Teatro dell’Argine (San Lazzaro di Savena, Bologna) che portarà dant “Gli equilibristi” de Giulia D’Amico, Pietro Floridia e Andrea Paolucci. Le teater sarà por talian, aratè él dantadöt por adulć y jogn. La sabeda ai 24 de messè y la domënia ai 25 de messè dagnora dales 21.00 saral tla majun a Rumestluns (La Val) le Teater Muntanellas (Svizera) che joblenarà “Rosa e Cruna” de John Boynton Priestley, por todësch, talian y rumanć. Adulć y jogn é invià.


nr. 26 / 10 de messel 2010

Chino y Films Al chino de Cianacei Insnet sabeda ai 10 da les 21.15 e doman domenia ai 11 da les 17.15 e da les 21.15 se pel veder “The Twilight Saga: Eclipse” de David Slade con Kristen Stewart, Robert Pattinson e Taylor Lautner. Te la Sala 2 insnet da les 21.00 vegn moscià l film documentèr de Sabrina Guzzanti “Draquila: l’Italia che trema” e domenia ai 11 da les 17.30 e 21.00 “Oceani”, film documentèr ence per bec. En lunesc ai 12 da les 21.15 vegn moscià “Robin Hood” de Ridley Scott con Russel Crowe e Cate Blanchett. En mèrtesc ai 13 e en mercol ai 14 da les 17.30 e da les 21.15 se podarà veder l film Disney “Toy Story 3”, en jebia ai 15 da les 21.15 vegnarà moscià “Il Concerto” di Radu Mihaileanu con Melanie Laurent e en vender ai 16 da les 21.15 “Notte folle a Manhattan” de M. Newell con Ben Kinsley, Gemma Arterton e Jake Gyllenhaal. Al chino de Pardac

Insnet sabeda ai 10, en domenia ai 11 messèl da les 17.00 e da les 21.15 se pel veder “Toy Story 3”. L film vegnarà moscià ence en lunesc ai 12 e en mèrtesc ai 13 demò da les 17.00. En mercol ai 14 e en jebia ai 15 de messèl da les 21.15 se podarà veder enveze “The Twilight Saga: Eclipse”. Demò en jebia ai 15 da les 21.15 se podarà veder “5 appuntamenti per farla innamorare” n film de e con Nia Vardalos. En vender ai 16 de messèl da les 21.15 vegnarà moscià l film “A-Team” de John Singleton e Joe Carnahan con Patrick Wilson e Ernst Harth. Al chino de Tieser Insnet sabeda ai 10 e doman domenia ai 11 de messèl da les 17.30 e da les 21.15 vegn moscià “Toy Story 3”. En lunesc ai 12 e en mèrtesc ai 13 de messèl da les 21.15 se pel veder “Cosa voglio di più” de Silvio Soldini con Pierfrancesco Favino, Alba Rohrwacher e Giuseppe Battiston. Al chino de Ciavaleis

Insnet sabeda ai 10 de messèl e doman domenia ai 11 da les 21.15 vegn moscià “Prince of Persia: le sabbie del tempo” film de Mike Newell con Jake Gyllenhaal, Toby Kebbell e Alfred Molina. Demò en lunesc ai 12 de messèl da les 21.15 se podarà veder “Matrimoni e altri disastri” con Nina de Majo con Luciana Littizzetto. Robin Hood a La Ila

En mertesc ai 20 de messè pëia ia les serades de chino a La Ila. Al gnarà mostrè le film Robin Hood. La presentaziun mët man dales 21.00, tla Ćiasa de Cultura a La Ila. Organisaziun: AT Badia.

Musiga “Dajaloo”: jazz talian e percuscions del Senegal

Tel projet “Dajaloo”, che per african vel dir “se someèr”, l grop “Africa Djembè Junior” coi percuscionisć Ibrahima Kande, Alliou Diop, Samba Ndiongue, Souley Mbodj, Boubacar Ndiaye sona ensema con Pietro Tonolo ai sax, Giampaolo Casati a la tromba e corneta, Roberto Rossi a trombon e concoles e Giancarlo Bianchetti a la chitara eletrica. La tournee che va fora per duta la Tèlia rua ence te Fascia con 2 apuntamenc: ai 17 de messèl da les 14.00 te Fuciada (se fossa burt temp da les 21.00 te tendon de Soraga) e ai 18 de messèl da les 16.00 a Moena te Pala da Rif (se fossa burt temp da les 21.00 te Navalge). Musical-Show di ani setanta

“Die verrückten Siebziger” reprejentazion teatrala cun cianties cunesciudes dla grupa ABBA, Boney M. y d’autres, n merdi ai 27 de lugio, dala 19.00 sun la ”Kalterer Seebühne”. Metù a jì dala Mëisa turonda dl’ëiles. Val Badia Jazz Festival

En doman domënia ai 11 de messè dales 11.00 gnaràl metü da jì sön le paiun dla plaza de comun da Corvara le pröm conzert dl Val Badia Jazz Festival. Al sonarà la “Tiger Dixie Band…Beatles”, che portarà dant tòć fora dl repertore dl grup da Liverpool. Serada folcloristica

A Colfosch, tl salf dles manifestaziuns Tita Altonn, gnaràl metü da jè en mercui ai 14.07 dales 21.15 na serada folcloristica. Al sarà da aldì le Cor de Dlijia da Corvara, le grup da bal da S. Cristina y la Böhmische da Calfosch-Corvara.

Informazions y Manifestazions ♦ Cultura da munt ala secunda ediziun Start dles manifestaziuns en sabeda ai 17 de messè. Novité: Roda de Pütia, tradizionalité: Bal dles Stries La lia “Cultura da Munt” adöm cun uniuns da San Martin, Lungiarü y Antermëia, mët da jì en chësc isté indô n program de intrategnimënt sön la munt de Börz sura Antermëia tl comun de San Martin de Tor che pëia ia en sabeda, ai 17 de messè 2010, dales 16.00, cun na indunada de grups de orghi da man; dales 19.00 saral l’inaudaziun ufiziala dl cërtl “Cultura da munt 2010”. Respetivamënter en domënia ai 18 de messè y la domënia do, ai 25 de messè, saral la “Roda de Pütia” che vëiga danfora nü palses sön le iade, olache al gnarà presentè valch sön la cultura, la storia y l’orela cörta dl monn ladin. Les üties incër Pütia arjignarà ca de vigni Invit ala “Cultura da munt” sön Börz, cun desco sort de spezialitês culinares. Da en lönesc, ai 19 de messè, al lönesc gran novité la Roda de Pütia. do, ai 26 de messè, dales 20.00, saral da odëi tl Museum Ladin “Ćiastel de Tor” na mostra de guant da zacan dla Val Badia. La mostra restarà daverta ćina ai 31 de messè. Le vënders, ai 23 de messè, saral spo dales 10.00 inant la Festa dles Stries, cun n program cun mituns, desfilada, sonns di corns da munt y tla finada le “Bal dles Stries”.

♦ Dumëne Comploi tl

Istitut Ladin a S.Martin La mostra é daverta ćina ai 19 de messè 2010, vigni dé dales 10.00 ales 12.00 y dales 14.00 ales 19.00 La mostra personala de Dumëne Comploi d’Al Plan de Mareo che vir atualmënter a Los Angeles tl’America é daverta y po gnì odüda vigni dé. Dumëne Comploi à slüt jö i stüdi regolars de architetöra al’Universität für Angewandte Kunst a Vìena sot al professur Greg Lynn l’ann 2008. Al à inće studié ala SCI-Arc (Los Angeles) y TU-Viena. Söa esperiënza tl ćiamp artistich é formada da colaboraziuns desferëntes cun designers y artisć desco Ross Lovegrove, Olafur Eliasson, Casey Reas, Ichiban o laurs por aziëndes desco Nike, Red Bull, Materialise.MGX . Les prömes esperiënzes tl ćiamp dl’architëtöra àl fat cun le stüde da Pidrô NaglerNagler. Al momënt é Dumëne tl arjunje le titul March2 (’Master de secundo grado ’) a Los Angeles tla UCLA, olache al é assistì da so mentor Greg Lynn en colaboraziun con Walt Disney Imagineering. Dumëne Comploi.

♦ Curs da fà inzijiuns L’EPL - Ert por i Ladins inviëia inće chësc ann a n curs da realisè stampes sön linol, plastica, ez., cun la maestra Mariana Acuña

Conzert dl grup vocal “Cristallo” Le grup vocal “Cristallo” tëgn n conzert ai 16.07 dales 21.00, sön paiun da San Martin. Sce al ess da ester bur’ tëmp, vëgn le conzert tignì tl salf dles manifestaziuns. Erri De Luca al Pertini per “I Sons de la Dolomites”

En sabeda ai 17 de messèl da les 6 da doman, per “L’èlba de la Dolomites” al Refuge Sandro Pertini de Ciampedel, sot l Sas Piat, Erri De Luca rejonarà del valor del limit e de sie liber “Il peso della Farfalla”. En mèrtesc ai 20 de messèl enveze sun Refuge Micheluzzi te Val Duron sora Ciampedel vegnarà portà dant n spetacol de mùsega del grop jazz “The Rosenberg Trio” che sonarà per duc a partir da la does domarena. L program entriech de la manifestazion, che tol ite con n grum de spetacoi dut l Trentin, é da poder veder sui sit internet www.isuonidelledolomiti.it Cunzert cun i ”Virtuosi Venti”

N lunesc ai 12 de lugio dala 9.00 da sëira sun plaza de dlieja-cunzert cun i ”Virtuosi Venti”. Cunzert dla Mujiga de Urtijëi N merdi ai 13 de lugio dala 9.00 da sëira sun plaza de dlieja- Cunzert dla Mujiga de Urtijëi. Mujiga y bal folcloristich

N juebia ai 15 de lugio dala 9.00 da sëira tl zënter dl luech a Urtijëi- Mujiga y bal folcloristich. .

Al curs dl ann passè a San Martin de Tor.

Al gnarà tignì indöt sis unitês da trëi ores l’öna, dal dé 19 de messè 2010 inant, dagnora i dis lönesc y jöbia, danter les 15.00 y les 18.00, tl Salf de laur dles Uniuns suracomunales al Istitut Ladin a San Martin de Tor. Le curs gnarà metü da jì cun almanco ot prenotà. Le material por le curs saral l’EPL che mët a desposiziun debann. Tó pert al curs de 18 ores indöt costa indöt 20,00 euro. Les prenotaziuns vëgn tutes sö ćina ai 15 de messè 2010 al numer telefonich 333 1595085 (Mariana Acuña). Sot al medemo numer pon ciafè de v ig ni s or t de informaziuns che reverda le curs. www.lauscdiladins.com

35


Informazions y Manifestazions Iadi, Jites y Escurscions Escursciun sön la Plätzwiese Les Lies da Munt Val Badia inviëia a na escursciun sön la Plätzwiese - Dürrenstein Schluderbach, en doman domënia ai 11 de messè. Le deslivel é de 850 m söpert y 1400 m jöpert, por n tëmp da jì de za. 5 ores y mesa. Le bus pëia da Calfosch demez ales 7 da doman y archita a Corvara, La Ila, Pedraces, Pidrô, Piculin y Longega. Informaziuns plü menüdes pro Maria Kostner al nr. 339/8368922. Iade tl Vietnam

Amez otober vëgnel metü da jì n iade de 12 dis tl Vietnam, cun Marion Posch. An jarà a vijité le nord cun Hanoi, y fajarà n iade sön la barca tla baia de Halong (UNESCO). An rovarà spo tla cité imperiala de Hué, Hoi-An (UNESCO), y tl süd a Saigon/Ho Chi Minh. An starà suranöt te hotì da 4 stëres. Por informaziuns plü menüdes pon cherdè sö Marion al nr. 335/6164156. Viac dl KVW tla Svizra

La trëi grupes dl KVW de Gherdëina mët a jì l viac da d’autonn dai 6 ai 10 de utober. N jirà tl Berner Oberland a ti cialé ala zità de Bern y ai lec Thunersee y Brienzersee, ma nce al Wallis cun Sion y Sierre. Sce l ie bel tëmp puderà chiche uel nce jì sun l Jungfraujoch. N passerà nsci a Montana, Montreux, Fribourg y Disentis y su per i biei jëufs cunesciui dla Svizra. Duc i scric ite al KVW, ma nce i nteressei a chësc viac ie nviei a unì pea. N puderà se scrì ite dai 26 de lugio inant, pra la purtines dla Cassa Raiffeisen de Sëlva, ulache n giaperà nce l program plu avisa.

Mostres Mostra de Lothar Dellago

Tla galaria de Fie iel da udëi na mostra de scultures de Lothar Dellago, davierta nchin ai 15.07., da lunesc a vënerdi, 17.00-20.00, de sada y dumënia 10.00-12.00 y 17.00-19.00.

♦ Alta Badia: “Paîsc in festa” a San Ćiascian Musiga, gastronomia y tröp devertimënt inće por i mituns. Le pröm iade ai 14 de messè tl zënter da San Ćiascian, dales 16.00 inant Inće tratan la sajun da d’isté 2010 vëgnel metü da jì la manifestaziun por sciori jënt dl post “Paîsc in festa”, tl zënter da San Ćiascian. La manifestaziun gnarà organisada 5 iadi tratan l’isté, dagnora de mercui, dales 16.00 inant. Le pröm iade ai 14.07, spo ćiamò ai 28.07, ai 11.08, ai 25.08, y al 01.09. Ara se trata de na bela ocajiun por stè n pü’ en compagnia y s’la lascè jì bona. Ai 14 de messè dales 16.00 inant, sciöche pro düć i atri apuntamënć de “Paîsc in festa”, podaràn ciafè tl zënter da San Ćiascian n pice marćé de produć tipics dl post, produć di artejans dla valada sciöche inće de Egort y de Puster, y grups musicai che sona i orghi da man. De bun patüc da mangé ciafaràn pro i stonć gastronomics, olache an po ćiarćé les spezialitês dl St. Hubertus, tutres y ćern ala grilia pro i Stüdafüs da San Ćiascian, polënta y fonguns arjignà ca dala Scora dai Schi da San Ćiascian, n aperitif cun Spritz & Hugo y na jopa de linses (lenticchie) y liagnes da “La Vedla”, fortaies dla “Agape Ass. Onlus Franca Razza”, organisaziun de solidarieté por l’Africa, iameta de porcel, jopa da golasc y bales dućes arjignà ca dal cogo dl Hotel Vajolet, de vigni sort de patüc duc dla “Pasticceria Ploner” y crêpes duces, arjignades dal grup dla Schira Jonila dl paîsc. Inće por i mituns gnaràl metü da jì n bel program de intratenimënt cun Le zënter da San Ćiascian implì de jënt en gaujiun de öna dles laborators didactics y ediziuns passades de “Paîsc in festa”. Le pröm apuntamënt por de vigni sort de jüć. chësc ann é ai 14 de messè. Dales 18.00 inant gnarà les serades animades da de vigni sort de grups musicai. La sëra di 14 de messè é dedicada ai Joblêri d’La Pli y al conzert dla Müjiga da La Ila. Hilda Pizzinini tignarà n curs de ladin y portarà dant deplü sön la cultura y les tradiziuns ladines ai 14 de messè, ai 11 y 25 de agost y al 1. de setëmber, tres dales 17.00 te scora elementara dl paîsc, na novité dl ann passè che à dër plajü y che vëgn porchël pitada inće chësc ann. Tla cornisc dl proiet gastronomich “Saûs dl isté - In vetta con gusto” vëgnel inće metü da jì n curs da cujiné alaleria, tignì dai trëi coghi cun stëra Michelin dl’Alta Badia. Le mercui ai 28 de messè en gaujiun de “Paîsc in festa”, dales 17.30 sön plaza dla scora elementara, fajarà Norbert Niederkofler dl restorant St. Hubertus, Claudio Melis dl restorant “La Siriola” y Arturo Spicocchi dl restorant “La Stüa de Michil”, n curs da cujiné dal tema “La tradizione contemporanea dei Dolomitici: Piatti di oggi, ingredienti di ieri con i ristoranti stellati”. La novité de chësc ann é la serada dedicada ala “Musiga ladina te plaza” di 11 de agost, olache an podarà ascutè les melodies y les ćianties de grups locai en colaboraziun cun l’Uniun Ćiantauturs Ladins.

36

www.lauscdiladins.com

nr. 26 / 10 de messel 2010

Mostres Anter la jent: i “musc” dessegné da Lugi Canori L’Istitut Cultural Ladin, en colaborazion col Comun de Moena, porta dant na mostra de dessegnes de Luigi Canori. “Anter la jent/Tra la gente” l’é l titol de chesta esposizion che met dant per la pruma outa l musizist moenat da n pont de veduda desferent: chel del “dessegnador de musc”. Chesta mostra vel esser n dialogh co la comunanza ladina, che ti dessegnes del Canori pel recognoscer na pèrt de sia storia. I retrac é da poder veder jun Navalge a Moena enscin ai 21 de messèl da les 17.00 a les 19.00 e da les 21.00 a les 22.30. Dai 9 de aost enscin ai 3 de setember la mostra vegnarà tramudèda a Sèn Jan, te la sala grana de l’Istitut Ladin. Mostra de retrac “I Cucaloch”

La resta fora jun Navalge a Moena enscin ai 21 de messèl, la mostra de fotografìes de “I Cucaloch”, 5 amisc da Moena pascioné de retrac, de la natura e de la roba beles che vel envièr sia jent e i ghesć a vardèr più da vejin dut chel che de bel l’é entornvìa nesc paìjes. La mostra é da poder veder duc i dis da les 17.00 enscin les 19.00 e da les 21.00 enscin les 22.00. Via pe l meis de aost i retrac de chisc bravi fotografes pascioné, compagné da bela didascalìes per ladin e talian, sarà da poder veder a Sèn Jan tel Museo Ladin. Debant al Museo ogne lunesc

Enscin ai 30 de aost, ogne lunesc, l Museo Ladin de Fascia orirà si ujes debant e se podarà ite a veder la sales espositives a Sèn Jan da les 10.00 a les 19.00. Amò apede se podarà se emprevaler de la vijita vidèda compagné dai operatores del Museo per fèr n viac te la storia, la cultura, la tradizions di Ladins de Fascia, da la preistoria a anchecondì. La vijites vidèdes vegn fates da les 10.30, da les 15.30 e da les 17.30 al cost de 2,00 euro. Mostra de Gianfranco Asveri

Asveri viv sun i coi daujin a Piacenza deberieda cun si tieres, che ie zënz’auter i prutagonisć de si cuntedes de fantajia depëntes sun tëila. Tres si sënies liedesc, l culëur da tan de vivanda y la cumposizions ireguleres nes tol l artista pra la man y nes mëina delà dal reél mpian inò su te nëus la sensibltà di mutons. Tla pitures fates da permò giapa l culëur la sëuravënta y ne à nia tan na fazion de nmaginazion passiva ma fej plutosc sauté ora na produzion drët ativa dla nmaginazion. I chedri de Asveri ie da udëi tla Galaria Ghetta a Urtijëi, streda Rezia 59, nchin ai 5 de agost. Cueres de Martha Silbernagl

La mostra de Martha Silbernagl dal titul ”Herzen”, ie da udëi nchin ai 7 de agost tl Café Surëdl a Urtijëi, che ie daviert da lunesc nchin sada dala 10.00 ala 19.00. Mostra cun i artejans dl’Unika a Burnech Ëi mët ora si lëures a Burnech tl palaz de chemun. Sëuraprò ala scultures de uni artist, uniràl nce metù ora na pitla grupa di tifosi. I pec metui ora ie coche for unicac di artisć de Gherdëina ziplei a man da fonz ora. La mostra resta davierta nchin ai 10 de setëmber da lunesc nchin vënerdi, 8.30 - 12.30. Egon Rusina Karikatour

Tl Lanserhaus a Eppan iel tla streda J.G. Plazer 24 na bela mostra de caricatures de plu artisć. Da udëi iel lëures de cënt ani de caricatures. Gran mpurtanza ti vëniel dat a Eduard Thöni che ie stat un di caricaturisć dal majer talënt. Na si lerch giapa nce Egon Moroder Rusina, Peppi Tischler y Hans Peter Demetz. La mostra ie mo davierta nchin duman dumënia ai 11 de lugio, dala 10.00 - 12.00 y dala 15.00 - 18.00. Mostres de Gerald Moroder de Rico

1. Mostra persunela a Bibione: "Il gesto e la forma". Bibione; Spazio Arte Lido dei Pini; giaurida ai 18 de lugio dala 20.30h; Davierta nchin ai 24 de lugio. 2. Mostra coletiva "(un)defined 10" a Maran tla vedla casermes F. Rossi; giaurida ai 15 de lugio dala 19.00, finissage ai 25 de lugio www.un-defined.net/. 3. Mostra coletiva "O genießt die Augenblicke" da udëi dut l instà tl Labyrinthgarten dl Weingut Kränzl a Tscherms.

♦ Badiamusica festejëia i pröms 10 agn En lönesc ai 19 de messè dales 21.15 saràl tl salf dles manifestaziuns da San Ćiascian le pröm apuntamënt dl festival “Mountains and Music” cun le conzert dl grup ARTango L’Assoziaziun Badiamusica, nasciüda cun l’idea da organisé conzerć de musiga tlassica por la jënt dl post y por i dè la poscibilité ai musizisć jogn dl post da se presentè dan da n publich, röia chësc ann a süa diejima ediziun. De messè y d’agost él preodü indöt sis apuntamënć: le pröm conzert gnarà pité ai 19 de messè dales 21.15 tl salf dles manifestaziuns a San Ćiascian. Te chësta ocajiun podarà le publich ascutè sö le conzert dl grup ARTango. Ara se trata de trëi musizisć da Vìena y dl pianist y componist dl’Argentina Diego Collatti. So program tol ite tòć fora dl Tango Argentino, dl Tango Nuevo y composiziuns da pert de Diego Collatti. Ara se trata de na esibiziun rica de tenjiun y che va dër sot. Tango ô pö dì dolur, incherscimun do la mort, mo tl medemo momënt inće pasciun. I conzerć jarà inant ai 3 d’agost dales 21.15, tl salf dles manifestaziuns da Corvara, cun le grup “Nuovo Quintetto Italiano”, n grup metü adöm dai mius musizisć dles istituziuns musicales plü importantes dla Talia: Andrea Oliva - pröm fabló solist dla orchestra dla Academia Nazionala de Santa Cecilia a Roma, Francesco Di Rosa - pröma oboa solista dl Orchestra dl Teatro alla Scala, Fabrizio Meloni - pröm tlarinet solist dla Orchestra dl Teater alla Scala, Luca Benucci - pröm corn solist dla Orchestra dl Maggio Musicale Fiorentino, y Claudio Gonella - pröm fagot dla Orchestra Rai, al momënt dozënt tl Conservatore “G. Verdi” de Torino. Implü saràl conzerć cun le “Urtijëi Brass”, l’”Ensemble Cordia” cun la solista de fama mondiala Dorothee Oberlinger, le grup “Schrammeln”, che porta dant musighes tradizionales da Vìena cun stromënć da zacan, y le spetacul “Le Giardiniere-Musica al femminile”, sön les ëres dla carboneria. Por plü informaziuns www.badiamusica.it.


Informazions y Manifestazions

nr. 26 / 10 de messel 2010

♦ L inviern tla Dolomites N vënderdi ai 16.7. dala 20.30 uniràl giaurì chësta mostra cun na pruiezion multimediela de ududes panuramiches tëutes su ntan n di de marueia da d’inviern. La mostra de fotografies resterà davierta nchin ai 25 de lugio L Fotoclub Gherdëina se à mpensà de purté ite mpue de frësch cun chësta pultredes da d’inviern te chisc dis ciauc da d’instà. L ie na bona ucajion per lascé udëi nosc biei raions che on ntëurvia te dut n auter guant che no coche l se prejënta śën. Ntan n beliscimo di, do na gran nevera, ie Paul Walpoth julà cun n palon sëura nosta montes via, pudan nsci tò su mprescions de marueia dantaldut danterëures cun si juesc de linëus y scur. Chëstes unirà mustredes pra la giaurida cun l Beamer nuef de cualità full HD che l Fotoclub à giapà da permò. La fotografies metudes ora ie te na gran mesura de 60 x 40 cm y ie unides fates da cumëmbri dl Fotoclub Gherdëina. Curatëur dla mostra ie Matthäus Kostner de Urtijëi. La mostra ie tla sala dla Lia Mostra d’Ert sun plaza S. Antone a Urtijëi y ie davierta uni di dala 10.00-12.00, 17.00-19.30 y 21.00-22.30.

♦ ValgardenaMusika 2010 N vënderdi ai 16 de lugio, dala 9 da sëira uniràl giaurì chësta 26ejima edizion de ValgardenaMusika cun l cunzert dl’Orchestra Sonoton y i Cores de Südtirol. La lingia de cunzerc dura nchin ai 2 de setëmber

Temp lede Trèr co l’archet La sociazion arcieres de Jian fèsc a saer che l’é stat avert l nef ciamp per tirèr co l’archet aló da la partenza de la ex sentadoa a Jian, vejin a la pista per la rodes, ogne mércol sera da les 21.00 a les 23.00 e de sàbeda e domenia da les 14.30 a les 19.00. Se pel tor a fit l’archet e proèr l percors 3D te anter l bosch. Per maor informazions vijitèr l sit internet www.arcieriziano.it opura telefonèr al 340.6862187. Śoghé al palê söla jafa

La Jonëza da Paur d’La Pli inviëia en domënia ai 18.07 dales 9.30 inant, al turnier de palê sön jafa, tla zona dl sport da Ćiamaor a Al Plan. Prenotaziuns fina en jöbia 15.07 al nr. 347/8353097 (Judith). Śoghé vëgnel de 5 plü 1 dl ater ses (max. 10 por scuadra). Cost: 60,00€ por scuadra. Fineles di campiunac dl mond de juech al palé

Unide duc mo ncuei sada sëira y duman dumënia sëira tla sala di jëuni “Saut“ a Urtijëi, a ti cialé a chësta partides di campiunac dl mond tl’Africa dl Sud sun la gran tëila. Fajëde dassënn tifo. Tres la plata dla Nëus Jëuni Gherdëina, www.njg.it àn nce fat n quiz di campiunac dl mond, pra chël che duc i jëuni danter 13 y 25 ani possa fé pea. L ie da vëncer de biei pesć. Per plu nfurmazions pudëis gën passé tla sala di jëuni “Saut“ o cherdé su tl ufize dla Nëus Jëuni Gherdëina, 0471/799006. Marcià di pulesc per mutons a Urtijëi

N sada ai 17.07. sun plaza Rezia, dala 15.00 ala 18.00. N uel ti dé na sburdla a mutons dla scola elementera y mesana a fé zeche de utl cun si roba da fé damat cun chëla che i ne se tripa bele giut nia plu. La scumenciadiva ie di Buteghieres de Urtijëi y ora che purté mpue de vivanda tl luech àla nce n si valor pedagogich. L vën scudì 5,00 €, che ti jirà al Medicus Comicus, che piterà n chësc di n program de devertimënt per mutons. L ie da se scrì ite nchin ai 15.7. tla butëiga Manuela, str. Rezia 169, tel. 0471796095, e-mail kaufleutestulrich@shopping.bz.it. La roba da vënder dëssa vester nëta, nia rota y avëi l priesc lessù. Uniun muessa nstës se njenië ca l stont che ie de za. 2 x 1 m2. L inuem de Karl Unterkircher ala cësa multifunziunela Ncuei sada ai 10 de lugio dala 17.00 sun Plaza Nives, ti vëniel metù inuem ufizialmënter ala cësa multifunziunela dl Chemun de Sëlva. L ti unirà dat l inuem n lecort de Karl Unterkircher. Karl Unterkircher Award 2010

N vënderdi ai 16 de lugio, dala 21.00 tl Tennis Center de Urtijëi La orchestra Sonoton y i Cores de Südtirol purterà dant “The Queen Symphonie” de Tolga Kashif, do la meludies dla grupa rock cunesciuda The Queen, sot ala bachëta de Matthäus Crepaz. Al tlavier Judith Piccolruaz. Vënderdi ai 23 de lugio dala 21.00 te dlieja de Sëlva La Company of Music, ie n cor da camera sot ala direzion de Johannes Hiemetsberger y l unirà ciantà pec de Frank Martin, Iannis Xenakis, Francis Poulenc y Claude Debussy. Vënderdi ai 30 de lugio dala 21.00 te dlieja de S. Cristina La grupa Windkraft deberieda cun l ensemble di jëuni de mujiga da banda de Südtirol cun l solist Kasper de Ro. La direzion ie de Arnold Leimgruber y la mujiga purteda dant ie de cumponisć dl Tirol di ultimi 100 ani. Juebia ai 5 de agost dala 21.00 te Cësa de Cultura Luis Trenker a Urtijëi La ”Streicherakademie” de Bulsan cun ala vidula l solist Alexander Gilman. Sot ala direzion de Gregor Egger uniràl purtà dant pec de Gustav Holst, Felix Mendelssohn Bartholdy, Ralph Vaughan Williams y Heinrich Willhelm Ernst. Per la pert che à da n fé cun la ”Mujiga di Popoli” uniràl prejentà n merdi ai 10 de agost dala 21.00 tl Tennis Center de Sëlva la grupa ”Les Tambours du Bronx”. Vint percuscionisć se lascia ora tla rabia metropolitana y tl medemo tëmp tla faszinazion dl arcaich. Vënderdi ai 20 de agost dala 21.00 te dlieja de S. Cristina Ensemble of the Royal Concertgebouw de Amsterdam. La orchestra porta dant opres de Wolfgang Amadeus Mozart, Antonin Leopold Dvorak, Johannes Brahms. Vënderdi ai 27 de agost dala 21.00 tl Ciastel Fischburg te Sëlva Cunzert di sunadëures che à fat pea i cursc “masterclass” de strumënc a archët tenii dai dozënc ”New Virtuosi Mastercouse” sot ala direzion de Ani Schnarch. Al tlavier Walter Delahunt y Luis Pares. L vën purtà dant mujiga de Antonio Vivaldi, Nicolò Paganini, Eduard Demetz, Edward Elgar, Franz Schubert y Aaron Copland. Juebia ai 2 de setëmber dala 21.00 tla Cësa de Cultura Luis Trenker a Urtijëi Per finé via la lingia de cunzerc de ValgardenaMusika 2010, lascia la Orchestra Haydn de Bulsan audì deberieda cun l mezzoprann Sabina Willeit y sot ala direzion de Ekhart Wycik aries da opres de Gioacchino Rossini. Chertes danora per i cunzerc pòssen cumpré ti ufizies dla Lies dl Turism de Gherdëina: tel. 0471 777600, 0471 777800, 0471 777900. L priesc de ntreda per i cunzerc ie danter 15.00 y 18.00 €. N rengrazia per l sustëni: Provinzia Autonoma de Bulsan, l Assessorat per la cultura y la scoles ladines, l Assessorat per l Turism dla Region TrentinoSüdtirol, la fundazion dla Cassa dl Sparani de Südtirol y Chemuns de Sëlva, S. Cristina, Urtijëi y Ciastel y la Lies per l Turism de Gherdëina. La orchestra Sonoton.

Ncuei sada 10.07. dala 21.00, sun plaza de Chemun de Sëlva iel mo la segonda sëira de films y referac, cun prejentazion dla arpizedes de alpinisć cunesciui y si arjontes ntan l ann 2009. Do che n à nsëira bele prejentà trëi grupes de alpinisć y si arjontes, ti tucheràla nsnuet a trëi uemes dla Slovenia y a Ueli Steck y si arpizedes. Pra la premiazion n chësta sëira ti uniràl sëurandat al alpinist o grupa de alpinisć che vënc l prim “Karl Unterkircher Award 2010” y n schech da 3.000 €. L priesc de ntreda ie de 10,00 €. L davani de chësta prima edizion ti jirà al pruiet de Karl per l sustëni ai mutons de Lhasa tl Tibet. Jita de doi dis sun l dlacier Piz Buin (3.312 m) Lia da Mont Gherdëina mët a jì ai 17 y 18 de lugio na jita tla grupa dl Silvretta sun l dlacier Piz Buin. Per nfurmazions pòssen cherdé su Manuel: 328 23 40 322. Da se scrì ite iel nchin n merdi ai 13.07. a Urtijëi da Ciofs Inge, a S. Cristina da Sport Service y te Sëlva da Sport Bruno Riffeser. Dé dles families sön munt (Family Day)

En doman domënia ai 11 de messè dales 11.00 inant vëgnel organisé sö La Crusc tla ütia Lee n dé de aorela cörta por pici y gragn. Animadus profescionisć, trucadus y jongliers pitarà devertimënt y ativitês interessantes por mituns de vigni eté. L’intratenimënt musical fajarà da cornisc plajora inće por le publich adult. Organisaziun: Ütia Lee y Sozieté di lifć da La Crusc. Por informaziuns plü menüdes podëise cherdè sö le numer 347/2383927. Serada por i mituns A Corvara, tl salf dles manifestaziuns F.A. Rottonara, vëgnel metü da jì en jöbia ai 15 de messè na serada particolara por i mituns, che podarà ti ćiarè al teater de casperli “Le avventure di Fagiolino”.

Sozial Deberieda: Jon a ti cialé ala rojules sa l Uhrerhof Dëur sa Bula N se ancunterà n juebia ai 15 de lugio dala 4.00 domesdì dan la Cësa de Paussa tla streda Stazion a Urtijëi. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per nfurmazions plu avisa pudëis cherdé su Ulrike Rabanser, tel. 0471/798015

Congratulaziuns a

Emanuela Pezzei da Corvara che s’à laureè ai 05.07.2010 cun 110 y lalt ala Universitè IULM de Milan cun la tesa “La sostenibilité sciöche stromënt de competitivité de na destinaziun turistica da munt: le cajo de Corvara”. Tüa familia

www.lauscdiladins.com

37


Congratulazions

nr. 26 / 10 de messel 2010

Encö complësc ca

A Klaus y Barbara, nosta Zettla

Olga de Cestun

60 agn. Na gran festa urunse ti fà a chë bela “flu de mà”! Ćiantè urunse düć adüm: Tö, verd inant, t’es nosta lüm! Y resta sana, chël t’audun, cun gran ligrëza y benedisciun! To om Janni y tü mituns Ruth cun Wolfgang y Jacob, Julius, Ewa cun Matthias y Ella Magdalena, Mara

che se marida incö ti auduns’ de cör döt le bun, tröpa furtüna y en gröm de ligrëzes. Les miopi

N juebia ai 8 de lugio à

Jenny, śëgn che da Malta est’ gnüda zeruch, saràl da jì a festejé cun n dër druch! Pur i 18 agn vëgn’la da fà festa, mo purchël impò nia ma punsè a bëir y basta! Deach’ sce t’ôs ti jì do a chi de familia messarast’ inće punse ala patent zënza aspetè tres al dër mumënt. Che nos nosc “personal driver” taxi Jenny uruns’ cherdè canche la sabeda a ćiasa él da se purtè! N curs da balè messaraste pa ma organisé, olache prëitambel inće n pêr de mituns fóssel da invié! A chëla Jenny che é drio da crësc’ y che incö i agn cumplësc ti augurunse düt l’bun da nos düć che te orun tan bun.

Giulia cumplì i biei 18 ani. Savon che ne te aspitoves l’ëura, che nscila posses muever da uni ëura y nia plu sté a mami y tati sot ma t’la lascé jì bona, cun ti desdot. Dut l bon Giulia xoxo Diana y da duc i tiei de familia.

Cungratulazions a

Paula y Giuani

Liz, Tino, Leen, Guz, Corinna, Olex, Elena, Peky, Caro, Nicio y Lük.

per i 50 ani maridei che festejëis n dumënia ai 11 de lugio. Ve fajon i miëur auguresc per chësc bel di, ve mbincion mo truepa legrëzes y restëde giut nton de cuer da Renate y Siegfrid cun Martin y Nadia Erwin y Michaela cun Diego y Maicol

Ai 10/07 dl 1990

nosc Siccio

é nasciü, sce ara ne foss nia stada insciö, nos düć tan manćia l’ésson albü… Da śoghé cun le palê, palaman, sbujé montli, sunè y da ćiantè indlunch sun stà bugn da l’ingajé! Döt l’bun nos te augurun, resta inant tan da urëi bun! S’la confortun da pudëi gnì a fà festa cun te y 1000 riödes déssl spo indô garatè! Melanie, Sofia, Elena, Marion, Zirkl, Philip, Exald(tschhh-tschh), Heidi, Oskar, Jan, Paul, Mariu, Peato, Simon, Dyui, Mike, Alan, Milio y düć chi che t’ô bun!

Congratulaziuns a

Manuela Obojes Nosta bona mami y nosc bon tati,

co à passé l’ejam de stat da avocat. La mama y le tata töa só Karola con Ingo

dan 40 ani ve ais mpermetù, na vita deberieda y mo deplù... Duc chisc ani ie julei tan snel, do l bur tëmp univa for inò l bel. La drëta streda nes ëis mustrà, y nëus de cuer Ve sention gra. Mbincé ve ulons per i ani che vën, che ëise mo truepa legrëzes, Ve on tan gën…

Bona fortüna a

Verena y Stefano da Mantëna

Bernardette y Liliana cun Demy, Julia, Manuel, Jimmy y Werner

por le

picio Giulio co è gnü ai 3 de messé a fà pert dla familia dlungia Giada y Ginevra.

Cun 12 mëisc cun chësc auto mëssâst’ t’acuntentè, mo śëgn plü n gran pudaraste t’un vaghè.

Al Carlo düt l’bun, sanité y ligrëza pur l’cumplì di 18 agn ai 11 de messè, te augüra la mama, tati, Hubert, Filip, Andrea, l’nene y la lâ.

38

www.lauscdiladins.com

Le nene Lois, la lala Augusta y le toto Daniel

Congratulaziuns ai

Stüdafüch jogn da La Val adüm a sü dui responsabili

Diego y Stefan por le prüm post al concurs provinzial di stüdafüch. Complimënć y ma insciö inant!! Üsc fans da La Val


Religion, Anunzies y Inserac

nr. 26 / 10 de messel 2010

Vangel dla Domenia

Rengraziamënt “Sce me chiris, chiride te üsc cörs. Sce me ciafês dailò, viri inant te os.”

15. Domënia ia por l’ann C, ai 11 de messè Dal vagnele do San Lüca, 10, 25-37

Ai 30 de jügn nes à lascè improvisamënter

Costamoling Giuseppe Bepi de Vijo tl’eté de 79 agn I rengraziun de cör düć chi che à tut pert ales corones y chi che l’à acompagné l’dé dla sopoltüra te so ultim iade sön cortina. Giulan ti dijunse a Siur Andreas, ai ministranć, al mone, ai Ćiantarins da Corvara, ala Uniun di Destüdafüch, ala Uniun di Iagri da Corvara y Calfosch deboriada a chi che ti à tan bel sonè i corgn da ćiacia, a chi che à portè le cunfarun y a düć chi che à fat n sorvisc. Giulan a Raimund y Stefan Alfreider, a Edith Kostner por süa desponibilité y a Richard Costabiei por avëi dit dant les corones. Giulan a chi che à fat spënores de ciüf, de ćiandëres o a fin de bëgn. Giulan a düć chi che se recordarà de nosc caro defunt tl pinsir y tles oraziuns. Che Chël Bel Dî se l’paies

Te chël tëmp orô n maester dla lege mëte Gejù ala proa. Al l’à damanè: “Maester, ćî mëssi pa fà por davagné la vita eterna?” Gejù ti à dit: “Ćî stal pa scrit tla lege? Ćî lìeste pa dailò?” Al à respognü: “Te desses ti orëi bun al Signur, to Dî, cun döt le cör y döta l’anima, cun döta tüa forza y cun düć tü pinsiers, y a to proscim sciöche a té instës.” Gejù ti à dit: “T’as respognü dërt. Fà aladô, y te viaras.” Le maester dla lege orô iustifiché süa domanda y ti à dit a Gejù: “Y chê é pa mi proscim?” Sön chëra ti à Gejù respognü: “N ël ê jü da Ierùsalem jö Ièriho y é gnü pié dai ladruns. Ai l’à arobè fora y l’à dramè jö ia por tera; spo s’un ési jüs y l’à lascè dailò mez mort. Por caje él gnü n prou jö por le medemo tru; al l’à odü y é jü inant. Inće n levit é rové söl post; al l’à odü y é jü inant. Spo él gnü n ël dala Samarìa, che ê söl iade. Canch’al l’à odü, àl albü compasciun impara, ti é jü pormez, à juté öre y vin sön sües plaies y les à liades sö. Spo l’àl alzè sön so tier da ćiaria, l’à condüt te na ostaria y à fistidié por ël. Le dé do àl trat fora dui denars, ti ai à dè al ostì y à dit: Tôletun sura de ël y sce t’adores deplü spo t’al paii canch’i vëgni indô. Ćî mìneste pa: cal de chisc trëi s’à pa demostrè sciöche proscim de chël che é gnü pié dai leri?” Le maester dla lege à respognü: “Chël che é stè misericordius impara.” Dailò ti à Gejù dit: “Spo va y fà inće tö insciö!” Parora dl Signur. - Lalt a té, Gejù Crist!

I familiars

Na aziun dles Cöres dla Val Badia Crì da laour Na jëuna chier da lëur sciche ciuliera o barista de na ustaria, sce l ie mesun te Gherdëina. Tel. 320 6665063. (24/10) ••• N’ëila chier da lëur a rumé su la majons, sce l ie mesun te Gherdëina. Tel. 338 1676129. (24/10) ••• Na jëuna studënta chier da lëur a cialé de pitli mutons, sce l ie mesun te Gherdëina. Tel. 333 9950789. (24/10) ••• N’ëila chier da lëur a rumé su la majons, sce l ie mesun te Gherdëina. Tel. 320 6665063. (24/10) N ël cun esperienza chier da lëur a lavé ju o a fé de uni sort de stroc te Gherdëina. Tel. 389/7940618. (24/10) ••• N ël cun esperienza chier da lëur a cialé de na persona de tëmp. Tel. 389/7940618. (24/10) ••• N ël chir laûr a lavè jö te na ćiasadafüch tla Val Badia. Tel. 331/3375023. (24/10) N ël chir laûr sciöche chelner por salf, bar o val’ de té, da atira. Prëibel cherdè sö le 333/6704519 - Dino. (25/10) ••• Na ćiamenëssa, taliana, cun esperiënza chir laûr por la sajun da d’isté, da atira. Prëibel cherdè sö le 338/3375382. (25/10) ••• N studënt de 24 ani de Stuttgart chier n lëur da agost nchin ala fin de setëmber te na butëiga, te sala o a lavé ju. Ël sa da rujené tudësch, nglëisc, spanuel, portughesc y mpue de talian. Per nfurmazions cherdé su prëibel l +4917638074159 o scrì na e-mail a lipperemix@hotmail.com. (25/10) ••• N ël chier da lëur coche barista per l mëns de agost y n’ëila chier da lëur a rumé su la majons, tramedoi per l mëns de agost. Tel. 388/0548762. (25/10) ••• N ’ël chir n laûr sciöche fadöt o lavataîs. Prëibel cherdè so le 338/1404096. (25/10) ••• L vën cris n lëur a judé te cësadafuech per dut l ann o per la sajon. Tel. 328/2062651. (25/10) ••• L vën cris n lëur a judé te cësadafuech.

Prëibel cherdè sö le 331/8488445. (25/10) ••• Na ëra chir n laûr sciöche chelnera de salf. Prëibel cherdè so le 338/1195680. ••• N’ëila chier da lëur a rumé su la majons, sce l ie mesun te Gherdëina. Prëibel cherdé su l 328/0606551. (25/10) ••• N’ël chier da lëur a lavé ju o a fé d’uni sort de stroc, te Gherdëina. Tel. 377/1406737. (25/10) ••• N’ël chier da lëur a lavé ju o a fé d’uni sort de stroc, te Gherdëina. Tel. 327/3469334. (25/10) ••• N’ëila cun esperienza chier da lëur a cialé sun jënt de tëmp, te Gherdëina. Tel. 340/5298027. (25/10) ••• N’ëila chier da lëur a rumé su majons o cuatieres, nce mé n valgun dis al’ena. Prëibel cherdé su l 340 7258366. (26/10) ••• N’ëila chier da lëur a rumé su majons o te na cësadafuech. Tel. 349/8474988. (26/10) ••• N’ëila chier da lëur per n 3-4 ëura al di, a rumé su o a cialé de pitli mutons, sce l ie mesun te Gherdëina. Tel. 320/9128432. (26/10) ••• L vën cris n lëur a fé d’uni sort de stroc o sciche idraulicher (mparà ora). Tel. 380/ 6352993. (26/10) ••• L vën cris a Urtijëi n lëur a mez tëmp per danmesdì sciche barista. Tel. 329/4123241. (26/10) ••• N’ëila de 30 ani chier per da sëira, do la 8.00, n lëur. Ëila rejona talian, nglëisc, rus y n puech nce tudësch. Tel. 327/1968597. (26/10) ••• L vën cris n lëur da sciafèr (patent C) o da pacherista. Prëibel cherdé su l 338/7780366. (26/10) ••• N jonn de 26 agn dla Polonia, scerio, chir laûr sciöche lavataîs, fa-döt, tl raiun de Corvara te hotì olache al ciafa inće da dormì. Cun esperiënza. Baia inće talian. Tel. 320/8031230. (26/10)

Da vende Al vëgn venü cërtli originai dla Panda Cross da 15’’ nüs. Tel. 347/8907846. (24/10) ••• Al vëgn venü lëgna da fëia sëćia fata sö 50 cm lungia (da fà pizza). Tel. 339/7882587. (24/10) ••• Da vëne a n bun prisc n üsc de lëgn cun telare mosöres 95 x 200 cm te de bunes condiziuns. Tel. 333 9671105. (26/10) ••• Da vëne a n bun prisc na finestra de plastica Feba dles mosöres 90 x 90 cm te de bunes condiziuns. Tel. 333 9671105. (26/10) ••• Da vëne a n bun prisc 2 de beles löms de fer batü te de bunes condiziuns. Tel. Tel. 333 9671105. (26/10) ••• Da vëne a n bun prisc mëses y scagns de lëgn te de bunes condiziuns. Tel. Tel. 333 9671105. (26/10)

"Iö feji impara!" I sun 8 agn tl consëi dles ëres d Al Plan y i à podü fà de beles esperiënzes de na bela compagnia tl grup - mo dantadöt él stè n gran arichimënt spiritual. Insciö m ài ponsè da me mëte a desposiziun por le consëi de cöra, por jì Karin Plazza, 37 agn, inant chësc tru. Intant oressi dì che a mè Al Plan de Mareo me sta a cör nosta fede cristiana catolica, deache an ne ciafa ignó val plü de bel y de gran. Porchël me pënsi che an dess testemonié Gejù le Fi de Dî te nosta vita, cun le laûr y les operes da vignidé.

Ai 7 de novëmber 2010 él les lîtes di consëis de cöra. ´ Tö a desposiziun! Mëtete ince

Bela vila per una familia njenieda ite defin cun stua, cësadafuech, trëi majons, doi banies, portesc, verzon, garage y nudadoia sciaudeda da vënder al Garda. Tel. 0471/053044 Zel. 348/2254810

Chiron da cumpré n prà te Sëlva o a S.Cristina. Tel: 340/9675906

La botëga Sport Lagazoi a San Ćiascian chir da atira por döt l’ann 1 por fà la contabilité a tëmp plëgn o mez tëmp. Por informaziuns telefonè al 0471/849328 o al 335/6761788

Te Gherdëina vëniel vendù cuatieres nueves resservei a residënc tla provinzia de Bulsan, cun doi majons, stua cun cianton da cujiné, doi banies, piguel, ciulé y garage. Per nfurmazions cherdé su l 0471/053044 o l 348/2254810 Da chirì Al vëgn chirì na mësa che se lascia adatè a let da dormì (Reschbank) y na gabia por i cunici. Tel. 339/8801406. (24/10) ••• L vën cris na mascin da sfënder lënia. Tel. 340 2825175. (26/10)

Sun Mont de Sëuc, danter l lift Leo Demetz y Monte Piz, vëniel vendù n grunt de 5,3 hectar (53.000 m2) zënza medel ma cun n tublà de plu o manco 130 m2. Prëibel cherdé su l numer 328/6352063.

I cumprun lignan vedl de vigni sort (tafladöres, brëies de func, lëgns scadrà...) Rustikalholz Promberger Tel. 340/8107918.

Da vëne n prè cun tablè indöt 22.000 mq, tl raiun Arlara-Corvara. Telefonè al numer 339/2201941.

Les Ploanies d’Al Plan y La Pli chir 1 assistënt/a pastoral/a a tëmp plëgn o inće a mez tëmp. Este na porsona che à vëia da laurè a contat cun la jënt y da i dè espresciun a süa creativité, te n ćiamp olache te pos fà valch inće por tüa personalité y tüa vita spirituala? Spo este la dërta porsona por nos. Al vëgn damanè: - motivaziun religiosa - la capazité da laurè cun jënt y da laurè autonomamënter - flessibilité. Les porsones che à stlüt jö i cursc de teologia tira dant, mo al vëgn inće pité la poscibilité da laurè y da i fà i cursc deperpo. I periun da menè ite les domandes cun curriculum vitae y foto a: Ploania d’Al Plan, siur Heinrich Perathoner, str. Catarina Lanz 46, 39030 Al Plan de Mareo. Le terminn por dè jö les domandes é i 16 d’agost 2010.

www.lauscdiladins.com

39



La Usc di Ladins