Page 1

portadoura dla onoranza claus gatterer 2012

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,80 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 25/2013 - 28 de jugn 2013

IP online sun

Rubrica

6

Parora al avocat

Lum verda per la 27eisima edizion dla “granfondo” ziclistica dolomitica

Chëst’edema baiunse dl’adoziun de mituns te caji particolars.

Badia

Sport y fadia per l’armonia

Te Sëlva fòvel nstadì dut n busiamënt de rodes da mont y da streda, duc njeniei per la Hero y l di dla rodes: ce bel! N possa dì che la garejeda Hero à chëst ann fat l saut de cualità, jan ite tl gotha dla roda mundiela. Cumplimënc ai urganisadëures cun a cë Gerhard Vanzi y Peter Runggaldier, ma nce a duc i ulenteres che à laurà ntëurite. L vën ora che na bela fëta dl daunì de nosc turism ie la roda, de chësc viers vàla de lauré inant. Coche for iel mo da limé mpue’ pra l’urganisazion, per na majera azetanza da pert de chëi che ne va nia cun la roda, per la cunvivënza ora per i troies danter chëi che va a pe y cun la roda. Da cialé iel nce de purvé a dsaré i jëufs regulermënter, coche damandà dala Lia Natura y Usanzes, n l di dla roda: danz che l’azion de sotscrizions ti ie unida pruibida... Ma cialon inant cun otimism, y gudonse n dumënia inò la Maratona dles Dolomites, for mitica!

17

A Badia ti él gnü fat festa ai zitadins che abitëia foradecà.

18

Copa dl Monn A Dubrovnik tla Croazia él gnü confermè le gigant tl’Alta Badia. Inće Al Plan se proa por ciafè na gara.

Musiga

18

Festival A La Ila él gnü presentè la 13ejima ediziun dl Festival Badiamusica, cun val’ novitês.

Fascia

19 Spetacul de vigni vers su per i joufs dles Dolomites. (foto: maratona)

Didon l’hockey L’Hockey Club Fascia, per ge fèr front a la zompa situazion economica de la sozietà, domana didament a firmes e privac.

Olimpia per duc

25

Juesc davierc! N merdi fòvela tan inant: cun na manifestazion da ti dé dl Vo, na gran defileda da Plan ora, per la pert ufiziela te stadio Pranives de Sëlva, iel unì giaurì la 13ejima edizion dla Olimpiada de sport.

Dantersasc

27

Liber di ghesć Nstadì iel stat la prejentazion dl prim liber di ghesć “Fremdenbuch” danter l 1894 y l 1908 dla sosta de Dantersasc.

Roda da mont

31

Sellaronda Hero Leonardo Paez vënc la cuarta edizion dla Sellaronda Hero y defënd nsci l titul bele venciù l ann passà.

Meteo

2

Previjions di proscimi dis.

Atualité - L di 12 de messel 1987 é resté tla storia dla Val Badia sciche debut de na manifestazion sportiva che é deventeda plan plan n fenomen per i amanc dla roda de dut l mond. En chel di se tirova 166 ziclisć (amatours) su per set joufs dolomitics per desfiré na lungheza de 175 km. Da chel ann inant él vigni ann chersciù l numer de partezipanc, tant, che durcheltant à l comité de organisazion messù pensé a n “numer sclut”.

Cenadoi, Col, Selva de Ciadoura, jouf de Giau y Pecol, Falazres, Valparola, San Ciascian, La Ila y Corvara. L percors mesan é de 106 km y comporta n deslivel de 3.090 metri. L percors ne ruva en confront a la garejeda longia nia a Col, Selva de Ciadoura, Giau y Pecol. L percors plu curt, chel de 55 km, se tin a la roda entourn l Sela. Al à endut n deslivel de 1.780 metri.

La Maratona preveid trei percorsc desferenc. L plu lonch se desfira su per 138 km endut y n deslivel de 4.190 metri. Al azica l Ciaulonch, Reba, Perdù, Plan de Schiavaneis, l jouf de Sela, l jouf de Frara, spo fora dla roda dl Sela La Plief de Fodom, Andrac,

31.600 é stedes les domandes gnudes adalerch l ann 2012 per tò pert a chesta edizion dla “armonia”. De chestes é 27.135 gnudes ametudes a la selezion di 9.469 partezipanc. I ziclisć vegn da 52 nazionalités. I partezipanc talians é la stramaioranza con 5.054 endut,

Numeri da rècord

Roda ie bel de David Lardschneider

Zoruch tl daćiasa Val Badia

Comentar de pruma

do végnel la Germania, i Paisc Basc, la Gran Bretagna y l Belgio. Les eles al start sarà endut 929.

Direta tv La Maratona dles Dolomites gnirà ence en chest ann endò mostreda dal vif tla televijion. Da les 6.15 inant a les 12.00 saral l canal RAI TRE che mostrarà la gran garejeda y ence marevueies de cornisc a la gara. La direta tv é dagnora na gran promozion per les Dolomites y les vals ladines che s’enjigna a la sajun da d’isté. Dlongia a la direta televisiva à al di da encuei da dì l’interativité di concorenc y si amisc che gareta sun i “social networks” desferenc. Passé la parola - sen a na moda virtuala resta a la fin l miour reclam. (ir)

Tan dî scuta pa la jënt? N diretur dla SMG (Südtirol Marketing Gesellschaft) che à na paga fora de vigni mosöra, dirigënć y direturs de repartiziuns, istituć y ofizi dla Provinzia che pëia do strambaries desche ara se tratass de “super homines” - chesta é la realté che Südtirol vir dötaurela desco sce la Provinzia ess intrês ćiamò entrades y scioldi da sterne. Ne vëiga pordërt degügn ti “gragn palac a Balsan” che le laûr general dà do, che tres manco jënt à da laûr y n laûr, che ponsiuns y families ne ti la fej nia plü da ruvé ala fin dl mëis zënza s’imprestè scioldi y ciafè intrês manco da s’imprestè? Personalmënter me sàl de morvëia che la jënt scuta defrunt ales iniustizies tan sintides sön vigni pel aterco sön la pel de chi che é al podëi y de chi che po se aratè privilegià. Sce al é vëi che vigni porsona che laora o é en ponsiun paia cutes por che Stat, Regiun y Provinzia cun düć sü sorvisc funzionëies, spo podess vigni porsona se interessé deplü de ći che al vëgn fat cun sü scioldi. La Provinzia de Südtirol à metü online i paiamënć di dirigënć de sü reparć y sü ofizi, le foliet de “La Usc di Ladins” publicarà les edemes che vëgn i paiamënć che reverda l’aparat provinzial ladin. (ir)


Letres y Atualité

nr. 25 / 28 de jugn 2013

Él più emportant fèr cassa o la segureza di sentadins? Sul stradon de la Dolomites, tel teritorie del Comun de Poza l’é desvalives omenec de color pomaranc, i ge disc “speed check”. Te valgugn l’é ite la cognosciuda telecamera che fotografa chi che passa via na spezifica velozità. Nesciun sfoi, nesciuna neva fora per radio, ge à dat l’avis ai automobilisć. Miec tèjer e ciapèr sul fat l’automobilist che no sà, con l’obietif chièr de fèr cassa. Sul medemo toch de strèda l’é

ence desvaliva strisces pedonèles, n muie de chestes te posć dalbon pericolousc. No l’é n passaje con duta la strisces biences entrìes e che se veit sorì. Te tropes caji se n veit fosc una o doi, te etres caji l’é vèlch parbuda de strisces e te tenc autres no l’é più nesciun segn. Dut chest a risech e pericol de chi che va a pe, veies e che magari veit ence pech. Dant di cognosciui “speed check”, no fossa stat n muie più da ferstont, apede che economich, fèr

endodanef la strisces biences, enveze che meter sù i omenec pomarances? Él più emportant fèr cassa te tempes de mègra che se cruzièr de la segureza di sentadins? Se scì, va ben coscì. Se no, l’é de besegn de mudèr comportament respet al gran problem de la segureza di sentadins su la strèdes. La sanzions pel ferèr, ma no l’é la soluzion del problem. Floriano Bernard, Pera

Joler te Val Resposta a Ludovica Pineider, coche la se ova damandà te si lëtra publicheda tla Usc di Ladins nr. 23 di 14 de juni 2013 Ulësse respuender a ti lëtra davierta pervia dla fuera di joleri ntan la proes di judacrëp te Val: te Südtirol iel doi urganisazions de judacrëp: l CNSAS (“Corpo Nazionale Soccorso Alpino e Speleologico tl CAI”) y l BRD (“Bergrettungsdienst tl AVS”). Chësta doi urganisazions de ulentariat mët a jì nce la proes di judacrëp te dut Südtirol, a pe y cun l joler. Nsci se pòrtel pro che dantaldut d’ansciuda y d’autonn, canche l ne n’ie zënza nia tan da fé per i joleri de sucors, vëniel nce urganisà proes per duc i judacrëp, chëi che scumëncia y chëi che ie bele plu giut leprò y fej bele servisc sun i joleri ntan la miscions de sucors. Per pudëi fé chësta proes vëniel cherdà dui trëi i joleri che ie staziunei te Südtirol, perchël nce chël dl Aiut Alpin. L joler dl Aiut Alpin (che ne n’ie purtruep nia plu tan nuef, ajache l à bele passà via i 9 ani cun passa setmile ntervënc y muessa tosc unì mudà) ie chël

che va plu achiet; la fuera fova nce un di criteres ciuldì che l Aiut Alpin ova cris ora chësc joler. I doi joleri dl Lond fej mpue’ plu fuera, chël ie vëira, ma cieche ie sé unirà nce chisc mudei ti proscimi ani cun joleri che fajerà manco fuera. La gauja ciuldì che n à fat chëst ann plu proes te Val ie che alauta fòvel mo massa nëif y l fova nce suvënz bur’ tëmp y nia mesun lauré sun i jëufs ulache l vën zënza belau for fat la proes, coche su da “Gerhard”. Ulësse tò chësta ucajion per rengrazië Gerhard y duta si familia che ne se à mei lamentà dla fuera, ma nes à for mé judà y nce lascià ite canche l pluova o nevova. Una dla gaujes ciuldì che l vën nce fat plu proes te Gherdëina ie nce che a julé dalonc, coche vel’ iede per na proa suinsom dla Venuesta o te Ahrntol, iel magari una na ëura de trasferimënt, via y ca, ëura de jol che à n custimënt, y che possa scenó unì nuzeda per

fé proa cun truep judacrëp. Ma ie posse ntënder che la fuera te desturba y perchël te mbinci che te posses te goder l bel raion de Val i autri 359 dis dl ann. Sun la polemica dla via fereda ne ulëssi nia jì ite, sé mé che uni iede che l ie da jì a tò zachei che se à fat mel sun chëla fereda o che ne n’ie nia plu bon de jì inant o zeruch, iel plutosc rie y priculëus davia che te Val iel dantaldut domesdì vënc stersc che sburdla su o ju y l ne n’ie per l pilot nia saurì a tenì fërma la mascin. Spere de te avëi respundù a dut cieche à da n fé cun la proes cun l joler te Val. N bel salut y de gra de cuer per ti cinch per mile per l Aiut Alpin! Spere che aron inant l muet de fé l sucors cun l joler a n cër’ livel per duc chëi che à debujën ti crëps o nzaul d’auter.

Sabeda 29 de jugn

Domenia 30 de jugn

Lunesc 01 de messel

Les temperatures plu basses y plu autes 15°/26° 6°/12°

16°/27° 6°/13°

16°/27° 7°/14°

Segureza dles previjions 60%

70%

70%

www.provinzia.bz.it/meteo-ladin

2

Paul Zardini, 24/6/2013

Registreda - LA USC DI LADINS - Plata dla Union Generela di Ladins dla Dolomites

Previjions di proscimi dis

13°/22° 5°/11°

Nos sun ladins nüsc ijins dal nord y dal sud oress se talianisé i tirolesc dandadöt proa da se dlotì lingaz, rujeneda ladina dess scomparì i ciafun trepes papes zucherlan y carameles por che paurs y bacans pois sté empè ti vëgnel daidé sot les sciables da lauré ennant con vaćes y videles d’isté alalt ćiampaneles d’invern bën coi lifć, döt bun y dërt mo, prëitambel lascesse baié ruj’né encö y inće endoman parores ladines (marores) melodioses ’mpü ćiantades lunges con en gröm de vocales corioses y da ’n bun sonn, co se lascia anentëne te cösta maniera y coscita sunse pa ma nos söle monn.

Raffael Kostner, Aiut Alpin Dolomites

L temp Vendres 28 de jugn

Ijins

www.lauscdiladins.com

70%

Encuei vendres aronse n temp plutosc asniblé y fresch. Danmesdì plueral mo dantaldut tl ost dla provinzia. Domesdì lasciaral pona bel plan do. Tles valedes plu a nord gniral endò da föhn. Endoman sabeda y en domenia podonse se speté na auternanza de soredl y nibles, via per l dì pòssel se formé val’ smiz a carater de temporal. Les temperatures cresciarà n puech.

Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it

Priesc d’abonament anual: per la Talia: 64,00 euro. Foradecá: Raion 1 - Austria, Paejes Tudësc y Svizra: 64 euro per la zaita plu 86 euro per la posta, de ndut 150 euro. Raion 2 - Rest dl’Europa: 64 euro per la zaita plu 136 euro per la posta. De ndut 200 euro. Raion 3 Dedora dl’Europa: 64 euro per la zaita plu 236 euro per la posta, de ndut 300 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Raiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294


Zoom

nr. 25 / 28 de jugn 2013

N bel di dla roda ntëur al Sela Pra l’otava edizion dl dì dla rodes „Sellaronda Bike Day“ n dumënia 23 de juni iel inò unit adalerch n gran numer de pasciunei per se goder la bela cuntreda dl mond zënza fuera y zënza auti

Na roda particulera.

Tati cun muta.

Roda - Drët garateda ie la fin dl’ena dedicheda al sport dla rodes tla valedes ladines. Do l gran suzes de n sada ai 22 de juni dla garejeda de mountainbike marathon “Sudtirol Sellaronda HERO” cun passa 3.000 atlec (c. sot ala plates de sport), iel n dumënia ai 23 de juni stat da udëi n gran numer de pasciunei dala rodes pra la otava edizion dl “Sellaronda Bike Day”.

giaurides da mesa la cater domesdì.

Deguna curieres, deguna fueres y degun gas di auti Deguna curieres, deguna fueres y degun gas de desćëria di auti, pra la otava edizion dl Sellaronda Bike Day. N dumënia passeda fova la stredes mé a desposizion per chëi dala rodes. Abenëura da duman fova l tëmp bel y la temperatures drët adatedes per se fé na raida cun la roda. La stredes su per i jëufs de Sela, Pordoi, Ciaulonch y Frea fova bele unides dsaredes da mesa la nuef daduman per unì pona inò

Start ufiziel dan l Maciaconi Chëst’ann àl fat pea pra la manifestazion mo plu dala roda ch’i ani passei. Sciche for fòvel mesun de pië via da Curvea, Reba, Cianacei y sambën nce da Gherdëina demez. Tlo fova la streda unida dsareda da Maciaconi inant. Dala 9 da duman iel tlo unì dat, coche da tradizion, l start ufiziel ala manifestazion. Christina Demetz, presidënta de Val Gardena-Gröden Marketing ti à dat l bënunì al assessëur provinziel Florian Mussner, al ambolt de Sëlva Peter Mussner y ai truep partezipanc a chësc bel di dla rodes.

La raida contra l viers dl’ëura Per gaujes de segurëza fòvel chëst ann inò unì cunsià de fé la raida contra l viers dl’ëura, chël

Sun Jëuf de Frea. Nce tla ustaries à trueps dala roda tlamà.

fossa da Gherdëina demez de viers dl jëuf de Sela. Duc dassova nce tré sëura l casco y furné se tenian a man drëta. De ndut à chëi dala rodes pudù se goder 58 chilometri de stredes dsaredes al trafich cun n deslivel de bën 1.790 metri. Sambën che nia duc ne n’ie stac boni de furné sëura dui cater i jëufs, ma l bel de chësta manifestazion nia cumpetitiva ie propi l fat che uniun possa furné tan lonc che l uel, y dé ëuta canche l ti sà massa sfadiëus. Nsci àn pudù udëi sun streda families cun mutons, jëuni y manco, tei cun rodes tradiziuneles y rodes mpue’ ora dl solit.

Truepa jënt nce tla ustaries La ustaries sun streda ova n drë’ note a ti dé da maië y da bever ai trueps che cherdova. Chësta dumënia ie inò n iede stata n bel di de sport y de bona ueia per duc canc!

Stars che à fat pea Danter i truep partezipanc de chësta edizion dl Sellaronda Bike Day iel nce stat n valgun sportifs drët cunesciui, coche Maria Canins, Cristian Deville, Maurizio Fondriest y Christian “Zorro” Zorzi.

Günther Pitscheider: “De gra y assudëi de setëmber” Günther Pitscheider, diretëur de Val Gardena-Gröden Marketing: “Son scialdi cuntënt dl gran suzes de chësc di dla rodes, chësta

manifestazion crësc da ann a ann. Ulësse tò l’ucajion per rengrazië nce tres la USC duc chëi che juda pea y che porta pro a fé deventé chësta dumënia n bel lecort per duc canc. N dumënia ai 15 de setëmber uniràl inò a se l dé l EcoSellaronda Bike Day, manifestazion

che fej bele da n valgun ani incà pert de na fin dl’ena dedicheda al’ecologia y ala “green mobility”, cun l sustëni dla fundazion Dolomiti Unesco. Assudëi de setëmber!” Irene Delazzer

La nëif de juni Se fajan propi marueia, n lunesc ai 24 de juni, cialan da viere ora y udan floc sciche ciamëijes blances che univa ju, se sentan sëura sun la ierba bele do la rata auta Meteo - N pere, Alex Runggaldier dl Pentagon, à cuntà che si mut ti ie jit permez, daduman abenëura, dijan; “Tati, l nëiv!” Resposta de tati, che durmiva mo tla pesc dla nuet: “L ie pa tosc ai 1. de lugio, no ai 1. de auril!” Danz che do n struf, canche l ie stat bon de levé y de giaurì i uedli, à nce tati udù che y coche l nevova. Sun Secëda ài dit che l à fat ju 32 cm de nëif.

Da coche conta n fòvel bele n valguni che metova la roda inò ju te ciulé per auzé ora inò i schi dala peves…Summa summarum: l ie bën mpue’ mat, l tëmp al didancuei. Speran che la nëif de n lunesc sibe stat l ultimo salut dl inviern, per n augure per n instà cun truep surëdl, che n on debujën per se sciaudé nosc vedli osc! David Lardschneider

Sëlva cun l mantel blanch, ma nia d’inviern: de juni, ai 24, dl Ann dl Seniëur 2013! (foto de Pauli Senoner de Santuel de Sëlva) N valgun mumënc dl di dla roda cun la bela cuntreda. www.lauscdiladins.com

3


Zoom

nr. 25 / 28 de jugn 2013

Al start la Maratona dl’armonia I partezipanć tla storia La 27ejima ediziun dla Maratona dles Dolomites é dan porta. N evënt de sport, unité, solidarieté start él preodü inće atleć da Malesia, India, Cina, Ruscia, Iapan, Brasil, Südafrica y Zelanda Nöia. La Maratona gnarà sciöche i agn passà trasmetüda tla televijiun, cun na direta televisiva sön Rai Tre dales 6.15 inant ćina misdé. Al sarà da odëi y aldì comentars sön la gara, arichis da n gröm de imajes, sciöche inće aprofondimënć sön nosta cultura, tradiziun, stories de vita.

L’aspet de solidarieté

La Maratona pîta scenars demorvëia.

Maratona/1 - ”Al sarà la maratona dl’armonia. Valgügn cumpëda i dis ćina al start y valgügn é cun le će bele danter i crëps. Pinsiers spidicià, che i ne podun nia tignì chîć. N bof de vënt, y ai é bvele demez.” Chëstes é les prömes parores dl salüt de Michîl Costa, chef dla Maratona dles Dolomites, sön le sît ofizial dla manifestaziun. Y insciö saràra stada bonamënter por tröpes porsones, che à sperè y s’à confortè da podëi ester pert de chësc gran evënt dl sport, chersciü y madorì tres la roda dl tëmp. Śëgn éra tosc tan inant. Dui dis, o demanco sce an ô ester avisa, mànćel ma plü al start dla gara. Ai 30 de jügn dales 6.30 da doman podaràn dè le start por la 27ejima ediziun, sot al tema dl’armonia. Magari à l’organisaziun ćiamò tremorè, en lönesc, canche al se lasciâ jö sö alalt indô n iade na cutra de nëi. Por alisiré i ultimi dis él gnü organisé l’edema dl ziclist, che à metü man cun le Sella Ronda Bike Day la domënia passada. Inant éra jüda döta l’edema cun escursciuns y apuntamënć por la

roda. Inier jöbia él gnü daurì le ”Maratona Village” a San Linert, y da sëra à metü man la surandada di petorai, che jarà inant ćina la sabeda sëra. En doman saràl ćiamò a Corvara la Maratona di mituns ”Maratona for Kids”, por i lascè lerch spo le dé do al evënt prinzipal. L’ann passè de novëmber êl stè 31.600 porsones da 76 nazionalitês che â porvè la fortüna y menè ite la domanda de partezipaziun. Y por l’ediziun de chësta domënia él preodü al start 9.469 concorënć scrić ite - da indöt 52 nazionalitês, che se mosorarà sön i set jus de Pordù, Sela, Ćiaulunch, Falzares, Frara, Valparola y Giau. Trëi é i percursc che l’organisaziun pîta. Le plü lunch é chël de 138 km cun n deslivel de 4.190 m. Le percurs mesan röia sön 106 km y n deslivel de 3.090 m, le plü cört sön 55 km y n deslivel de 1.780 m. Incër les 10 s’aspéton che i pröms atleć dl percurs mesan despasses le travert; n’ora plü tert spo i mius dl percurs lunch. La premiaziun ofiziala gnarà tignida domisdé, dales 16.00. La maioranza di atleć é i taliagn cun 5.054 scrić ite, dan Germania, Olanda, Inghiltera y Belgio. Mo al

Da agn incà vëgnel cun la Maratona sostegnì inće proieć de solidarieté. L’azënt prinzipal dla ediziun de chësc ann é metü sön l’Uganda, olache an s’à metü dant n gran travert, chël de ti pité plü cualité ales porsones cun handicap, che vëgn te chësta pert dl’Africa particolarmënter discriminades y isolades. Traverć dl proiet é chël da sostegnì la reabilitaziun de chëstes porsones tles comunitês dl post, renforzé l’aspet de dignité de chëstes porsones y sües families, cherié inće les poscibilitês de formaziun y de laûr por porsones cun handicap. Daidé pòn sön jon sön le sît www.retedeldono.it

Partezipanć de inom y pom La Maratona é inće n dé de sport por tröc managers y sportifs de livel alt, che ne n’ô nia se lascè sciampè la ocajiun. Danter i partezipanć al start s’à anunzié inće managers de de gran mutinazionales, sciöche Corrado Sciolla (British Telecom), Mario Greco (Generali), Alessandro Garrone (ERG), Vittorio Colao (Vodafone), Rodolfo de Benedetti (CIR), Matteo Marzotto, Mauro Benetton, Gianluca Rana, Fausto Pinarello y tröc d’atri. Al ne manćia nia i inoms conesciüs dl sport: Alex Zanardi, Linus, Fabrizio Ravanelli, Giovanni Bruno, Paolo Bettini, Paolo Belli, Rossano Galtarossa y inće i campiuns y ex campiuns de ćiasa sciöche le schiadù Manfred Mölgg y Maria Canins. (pablo)

Metü man â la Maratona dles Dolomites dl 1987 cun 161 al start. Incö él passa 30.000 domandes de partezipaziun y n limo de partezipanć che roda incër i 9.000 Maratona/2 - Al ê i 12 de messè dl 1987, canche al ê gnü desfiré la pröma gara che i conesciun śëgn sciöche Maratona dles Dolomites, cun n percurs de 175 km. Sön i 166 partezipanć che s’â anunzié êl ma na ëra sora. Al start se presentëia ala fin 161 ziclisć y 139 röia al travert. En chël ann â davagné l’austriach Wolfgang Steinmair, cun n tëmp de 10 ores y 15 menüć. Bele l’ann dedô à l’organisaziun podü cumpedè trëi iadi tan de partezipanć: al n’ê indöt 417. Dl 1991 röia la Maratona ala cuinta ediziun, y despassa le pröm iade i 1.000 partezipanć. Danter i 1.273 che se presentëia al start n’él 1.123 che röia al travert, mo le percurs é plü lunch co incö. Le marathon röia sön 185 km, le percurs ”cört” sön 151. Le davagnadù dl percurs lunch é Pasquale Fiscato cun 7 ores y 2 menüć. Bele dui agn dedô él bele 2.876 atletes y atleć al start. Cater é i percursc che vëgn pità: le plü lunch de 194 km, le plü cört de 70. Oramai s’à la gara fat n gran bun inom y dl 1994 él bele 4.764 ziclisć al start, pro le iubileum di 10 agn n’él 6.287.

4

www.lauscdiladins.com

I davagnadus L’atlet che à davagné plü gonot é stè Emanuele Negrini da Pianoro (BO), cun 5 devëntes: dal 2003 al 2006 y dl 2008. Baldi é chësc atlet dl 2009 resulté positif a n test de doping. Al 2. post ciafunse Giuliano Anderlini cun trëi devëntes, y spo trëi ziclisć cun döes: Daniele Bertozzi, Alessandro Paganessi y Jamie Burrow. Bëgn 20 ediziuns é gnüdes davagnades da n atlet talian. (pablo)

Na bisca de ziclisć sö por les ôtes dl ju.

Strades stlütes al trafich En domënia ai 30 de jügn él la Maratona dles Dolomites. I publicun i orars che les strades messarà gnì slütes y canche al é preodü da les daurì indô Strada stlüta

Maratona é inće tradiziun y cultura: chilò na imaja de na ediziun passada.

I trëi agn do va le numer lisiermënter zoruch, por despassè spo i 7 mile dl 2000, olache le percurs vëgn portè a 147 km. Chësc romagnarà insciö ćina dl 2006, olache al vëgn portè ite i trëi percursc che i conesciun, cun i 138 km de chël plü lunch. La domanda da podëi tó pert vëgn intres maiù, y porchël arata i organisadus dërt da limité i partezipanć a n numer incër i 9.000, por podëi garantì na manifestaziun cun n livel alt de cualité. Insciö él dal 2005 incà ćina incö dagnora pié ia incër 8.800 partezipanć, ćina a n mascinm de 9.121 tl ann 2011.

tl vers cuntra la gara

tl vers dla gara

orar de daurida preodü

Zënter La Ila

5.00

5.00

7.15

La Ila - Reba

6.00

6.15

7.30

Reba - Pordù

6.30

6.45

8.45

Pordù - Burćia SS242

7.05

7.20

9.20

Burćia SS48 - Plan de Gralba

7.10

7.25

10.45

Plan de Gralba- Ju de Frara

7.30

7.45

11.20

Ju de Frara - Corvara

7.45

8.00

11.35

Corvara - Reba

7.55

8.10

11.30

Reba - Cernadoi

8.20

8.35

12.00

Cernadoi - Sëlva de Ćiadura

8.40

8.55

12.15

Sëlva - Ju Giau/Pocol

9.00

9.15

12.50

Pocol - Ju de Falzares

9.50

10.05

13.45

Cernadoi - Ju de Falzares

8.40

8.55

12.50

Ju de Falzares - Valparora

9.15

9.30

14.40

Valparora - San Ćiascian

9.15

9.30

14.45

San Ćiascian - La Ila

9.15

9.30

16.00

Corvara - La Ila

9.30

9.45

17.00


Atualité

nr. 25 / 28 de jugn 2013

Plü alisiraziuns por i laûrs Ai 6 de jügn é jü en forza le decret ”Energia” nr. 63/2013, che pîta novitês y alisiraziuns en cunt de intervënć de ressanamënt y recualificaziun energetica de frabicać de Thomas Pescollderungg, consulënt

A) Detraziuns fiscales por manutenziun de frabicać tl 2013 (lege 449/1997) Cun le decret lege nr. 63/2013, jü en forza ai 6 de jügn 2013 él gnü arlungé fina al 31 de dezëmber 2013 l’alisiraziun fiscala dl 50% (ex 36%), sön na spëisa mascima de 96.000,00€. (La lege da denant preodô indô l’introduziun dl 36% dal 1. de messè 2013 inant, sön n mascim de 48.000,00€. Chisc limi valarà indô por les spëises fates dal 1. de jenà 2014 inant.) Cun le decret nü pòn anuzè na detraziun fiscala por 10 agn alalungia, por na spëisa mascima de 96.000,00€, che ô dì n mascim de 4.800,00€ de sparagn de cuta al ann, por indöt 10 agn alalungia. L’alisiraziun pòn fà avarëi por intervënć desvalis de manutenziun y restrotoraziun de frabicać: mudé fora i func, dortoré condütes dal’ega, mudé fora plates dl tët, laûrs da depenjadù, isolaziun di mürs, mudé fora finestres, cuncè sîs y mürs incër ćiasa ia, mudé fora implanć tecnics, spëises de proietaziun y de profesionisć por

i laûrs che vëgn fać y i.i. An po inće anuzè l’alisiraziun por cumprè o realisé le garage/box por l’auto, che alda pro l’apartamënt y/o la ćiasa. Ći él pa da fà danfora? Por s’an aprofité dla detraziun désson s’informè danfora pro n consulënt fiscal por invié ia la pratica. Dan le scomenciamënt di laûrs él da ortié na comunicaziun ala unité sanitara locala, al ispetorat dl laûr, y ti comunichè l’intervënt y/o la sort de intervënt al Comun. I laûrs mëss gnì paià tres banca y al é da dè dant tla causala dl versamënt la lege 449/1997, le numer y la data dla fatura, le codesc fiscal dl benefizar dl’alisiraziun dla cuta y la partita iva, y/o le codesc fiscal dla dita che à fat i laûrs. Döta la documentaziun - fatures, copia di paiamënć, comunicaziuns etc. - é da tignì sö tl caje de controi da pert dl’agenzia dles entrades. Alisiraziun por aredamënt Le medemo decret lege nr. 63/2013 prevëiga inće l’introduziun dl’alisiraziun fiscala dl 50% por na spëisa mascima d’aredamënt de

10.000,00€ por vigni unité abitativa olache al é gnü fat intervënć de ressanamënt di frabicać.

B) Detraziuns fiscales por laurs de recualificaziun energetica de frabicać Cun le medemo decret lege nr. 63/2013 él gnü arlungé l’alisiraziun fiscala sön la recualificaziun energetica di frabicać (ex 55%), cun n aumënt dl’alisiraziun fiscala al 65% por intervënć de recualificaziun energetica de frabicać por spëises sostignides dai 6 de jügn 2013 fina al 31 de dezëmber 2013, y por les spëises fates dai 6 de jügn 2013 ćina ai 30 de jügn 2014 sön les perts deboriada te condominiums. L’alisiraziun vëgn partida sö sön 10 agn, tla detlaraziun di davagns. Le stat talian à bele aproè cun la lege finanziara dl 2007 na prozedöra interessanta y inovativa por podëi trà jö le 55% dles spëises sostignides por recualificaziuns energetiches de frabicać (lege nr. 296 di 27.12.2006). Chësta norma che tomâ ai 30.06.2013 é insciö cun le decret 63/2013 gnüda arlungiada fina ala fin de dezëmber 2013, cun

Por ressanamënt energetich él śëgn de majeres alisiraziuns.

n aumënt dl’alisiraziun dal 55 al 65%, mo dal’atra pert él gnü arbassè i limi de spëisa aladô dla sort de intervënt. Contribuënć che à bele metü man da paié intervënć sön chësta detraziun dan i 6 de jügn 2013, ne po nia s’anuzè dl aumënt al 65%, le paiamënt fat dan i 6 de jügn 2013 é vincolant por l’alisiraziun fiscala odüda danfora. Por la pratica vara da s’anuzè de n profescionist. Danter l’ater él da ortié 90 dis dan la fin di laûrs na comunicaziun telematica al ENEA (Ente nazionale per nuove tecnologie, energia y ambiente). Les spëises por intervënć che an po trà jö mëss gnì paiades tres banca y al é da dè dant tla causala la lege 296/2007 y i codesc fiscai y/o partita iva dl contribuënt y dl benefiziar. Ći spëises pòn pa trà jö? - L’istalaziun de coleturs dl sorëdl por scialdè l’ega; - la sostituziun de de vedli implanć de scialdamënt cun implanć nüs a condensaziun; - l’isolaziun di mürs, la sostituziun de finestres; - d’atres mosöres de mëndra entité dagnora liades ala recualificaziun energetica di frabicać. Por tan d’agn pòn pa trà jö dala cuta y fina a ći soma? Sciöche dit, la detraziun passa dal 55% al 65%. La detraziun fiscala por intervënć realisà ćina ai 31.12.2013 vëgn partida sö sön 10 agn. Spëises por intervënć de ampliamëmt de n frabicat cun bonus de cubatöra ne vëgn nia agevolà. La normativa dl 65% lascia ma pro spëises por la recualificaziun energetica de frabicać che sides ”recostruziun fedela”, tanco sciöche le frabicat ê denant.

Le decret lege 63/2013 à ince arbassè i limi de spëisa y alisiraziun fiscala I.R.P.E.F. (lege 296/2007) por intervënć dai 06.06.2013 inant, por sort de intervënt: - por le ressanamënt total de n frabicat pòn trà jö alplü 100.000,00€ (65% de 153.846,15€); - por le ressanamënt energetich parzial alplü 60.000,00€ (65% de 92.307,69 €); - por l’istalaziun de coleturs dl sorëdl por scialdè l’ega alplü 60.000,00€ (65% de 92.307,69 €) - por implanć de scialdamënt alplü 30.000,00€ (65% de 54.545,45€) Da tignì cunt: pro chësta sort d’intervënt à le DL 63/2013 tut demez l’alisiraziun fiscala por sostituziun de implanć de scialdamënt cun pumpes a efiziënza alta y ne prevëiga gnanca plü l’alisiraziun por implanć de geotermia. Degüna alisiraziun ne ciafon gnanca plü sce an barata implanć da scialdè l’ega tradizionai cun implanć a pumpa de calur. Les contlujiuns che an po trà Les inzentivaziuns de sparagn sön cuta I.R.P.E.F. resta interessantes ćina al 31.12.2013. Por intervënć de recualificaziun energetica sön les perts deboriada ti condominiums vêlel le terminn ćina ai 30.06.2014. Por sfruté dötes les sovenziuns vëgnel aconsié da s’informè adora assà y da se lascè aconsié da esperć. Ma cun na buna consulënza, coordinaziun y programaziun fata adora assà danter partner bancar, consulënt tecnich, consulënt fiscal, ofizi dla Provinzia y l’Agenzia Ćiasa Tlima podaran anuzè deplëgn i vantaji dles alisiraziuns y i contribuć che dëida tl dagnì sparagné cuta y cosć de scialdamënt. Por ći che reverda informaziuns sura le sparagn de cuta I.R.P.E.F. désson s’informè y se lascè aconsié da n consulënt fiscal.

Nsenianc y cundizions valives Tl daunì ne dëssel nia plu vester de majera desferënzies de paiamënt di nsenianc de scoles desferëntes. L dessëni de cuntrat marciadà ora danter Provinzia y sindacac, ie n lunesc unì dat pro dala Jonta provinziela de Bulsan Nsenianc - La desferënzies de paiamënt danter nsenianc de scoles profesciuneles, scoles tecniches, scoles de mujiga o de scoles stateles dëssa unì tëutes ju. L cuntrat culetif, dat pro dala Jonta provinziela, vëija dant che pra i medemi tituli de stude vëniel nce pità l medemo tratamënt, zënza desferenzië la sort de scola ulache l vën nsenià. “Na situazion problematica ie chëla di nsenianc tecnics dla scoles profesciuneles, che à na furmazion profesciunela, ma deguna matura,” à dit l presidënt dla Provinzia Durnwalder. Tl daunì dëssa la posizion de chisc nsenianc unì valiveda a chëla de maestri cun matura. De ndut ie 2.200 nsenianc tuchei dala nuvità, “la majera pert vën categurisei tl setimo livel de

paiamënt, che fossa chël cun titul de matura,” à spiegà Durnwalder do la senteda dla Jonta. L adatamënt di paiamënc unirà a ti custé ala Provinzia 1,2 milions de euro, leprò vëniel mo feter 400.000 euro per i nsenianc dla scoles de mujiga. “N generel sons dla minonga che l sibe

na soluzion iusta, n bon cumpromis. Chësc nce ajache cun l tratamënt valivà, vëniel judà pea de viers de n miëur barat danter nsenianc de scoles desferëntes y nsci purtà pro a lauré cun plu flescibltà,” à dit l presidënt dla Provinzia. (Ufize stampa provinziel de Südtirol).

(foto USP)

L paiamënt di nsenianc dla defrënta scoles autes unirà valivà ora. www.lauscdiladins.com

5


Atualité

nr. 25 / 28 de jugn 2013

Nglëisc tla scoles ladines Adoziun di mituns te caji particolars de Manuela Obojes

à pordü la potestè genitoriala po inće refodè so consëns al’adoziun dl möt da pert dl/dla om/fomena dl ater genitur. Canche la refodanza dl consëns n’é nia iustificada y é cuntra l’interès dl möt, po le tribunal impò dè pro l’adoziun. Tl cajo che le genitur che à la potestè genitoriala é cuntra l’adoziun de so möt da pert dl/dla om/fomena dl ater genitur, mëss le tribunal sciuré zoruch la domanda de adoziun.

Condiziuns

Tl’ultima rubrica él gnü splighé canche n möt po gnì dè en adoziun y ći recuisić che i geniturs mëss avëi por podëi damanè l’adoziun ordinara por n möt. Al é indere situaziuns particolares olache al é poscibl da adotè n möt inće sce i recuisić ordinars ne po nia gnì desmostrà. Insciö po p.ej. inće families o porsones sores che à bele mituns adotè un o plü mituns o al po inće gnì adotè n möt che n’é nia gnü detlarè dal Tribunal te na situaziun de arbandonn.

Adoziun de n orfe La lege sön l’adoziun dà dant che n möt che é romagnü zënza geniturs po gnì adotè da n parent ćina al sest gré (grado). Chësc möt orfe po inće gnì adotè da parënć cun chi che al à n raport stabil y de dorada, zënza che chisc parënć mëss desmostrè da avëi i recuisić por na adoziun ordinara.

Adoziun dl möt dl om/fomena N möt po gnì adotè dal/la om/fomena de so genitur natural. Le/La om/fomena po insciö i damanè al Tribunal che al vëgnes tut sö legitimamënter le möt tl nojel familiar nü che s’à formè cun la noza dl genitur. La porsona che tol insciö en adoziun le möt natural dl/a om/fomena, à düć i dovëis y dërć dà dant dala lege ti confrunć de chësc möt. Chësc ô dì che al mëss mantignì, istruì y eduché le möt. Le raport dl möt cun so ater genitur natural ne vëgn indere nia deslié. Por impormëte chësta forma de adoziun mëss le adotant y sambëgn i gentiurs naturai y inće le möt che à complì 14 agn dè so consëns. Le möt che à complì i 12 agn vëgn ascutè sö dal magistrat denant che tó na dezijiun. Le genitur nia afidatar o che

6

www.lauscdiladins.com

L’adoziun particolara de n orfe o de n möt andicapé po gnì damanada da porsones maridades mo inće da porsones sores. Sce na porsona che é maridada damana l’adoziun particolara, mëss inće l’om/la fomena sotescrì la domanda. Canche le möt da adotè é n parënt o n orfe, spo mëss ester la porsona che damana l’adoziun almanco 18 agn plü vedla.

Domanda y prozedimënt La domanda de adoziun ti caji particolars mëss gnì fata al Tribunal por i minorënns competënt. Le Tribunal fej spo fora na udiënza por capì sce al é les condiziuns por l’adoziun y sce l’adoziun realisëia l’interès dl möt. Dedô dà le Tribunal l’inćiaria al sorvisc sozial y ai organns de sigurté publica da controlè les porsones che à damanè l’adoziun. Al vëgn insciö verifiché l’idoneité y la capazité da tó sö y mantignì mituns y motifs por la domanda de adoziun, mo inće la personalité dl möt. Ala fin él le Tribunal che tol na dezijiun cun sentënza, cuntra chëra che an po inće fà recurs anter 30 dis dan la Curt d’Apel competënta.

Revocaziun L’adoziun ti caji particolari po gnì revocada canche le möt adotè

comët n reat cuntra la porsona che l’à adotè o cuntra i parënć dl adotant. Por ejëmpl, canche le möt à porvè da copè l’adotant o zacai de sü parënć o inće canche al à fat n dann a chisc che é dè dant dal codesc penal sciöche delit y sanzionè cun na straufunga de almanco trëi agn de porjun. Te chisc caji po la revocaziun gnì damanada dala porsona che à damanè l’adoziun o inće da sü parënć. Ti caji che l’adotant é gnü copè dal möt adotè, po inće i arpadus damanè la revocaziun dl’adoziun. Le medemo suzed sce al é stè le adotant che à porvè da copè o à copè le möt che al à adotè. Te chisc caji él le möt o inće la procura dla republica che po damanè al Tribunal che l’adoziun vëgnes revocada.

Conseguënzes L’adoziun ti caji particolars comporta che le möt vëgn tut sö tla familia nöia desche möt adotè. La desfarënzia danter mituns naturai, mituns legitims o mituns adotifs é gnüda abolida cun la lege n. 219/2012. Le möt adotè é insciö medemo ai atri, mo al mantëgn le lian cun i geniturs y i parënć naturai. Le möt mantëgn so cognom originar y al vëgn metü denant laprò le cognom dl adotant. An po inće renunzié ai dui cognoms sce al podes ester n svantaje o n dann por le möt.

Sorvisc chilò da nos Te nosta Provinzia él da jügn dl 2010 incà atif le Sorvisc Adoziuns Südtirol che dà aiüt y assistënza ai interessà. Al é inće ćiamò d’atres formes de adoziun che gnarà tratades tles proscimes ediziuns de chësta rubrica. av.dra. Manuela Obojes, Stüde Wörndle & Partner (Balsan - Tlüses - La Ila)

La lege sön l’adoziun dà dant che n möt che é romagnü zënza geniturs po gnì adotè da n parent ćina al sest gré (grado). (foto: www.piattaformainfanzia.org)

La gran particularità dla scoles ti luesc ladins ie che les nsënia plu rujenedes. Aldò di resultac de n’analisa n con’ dla cumpetënzes dl nglëisc ne à la cuarta rujeneda nia na fazion de sëurapëis per i sculeies, ma na fazion de arichimënt

Nglëisc tla scoles ladines a n bon livel: prejentazion cun (d.m.c.) Martina Irsara, Roland Verra, Rita Franceschini, Florian Mussner y Rosa Maria Mussner. (foto USP/Stuffer)

Scola y rujenedes - I resultac ie unic prejentei ai 6 de juni dal assessëur Florian Mussner deberieda cun la professëures Rita Faranceschini, Martina Irsara y l ntendënt Roland Verra. Canche dan diesc ani fòvel unì scumencià a nsenië nce l nglëisc tla scoles ladines ova vel’ un tëma che l pudëssa unì de massa per i sculeies. L’analisa meneda a livel scientifich dala professëura Rita Franceschini desmostra che la ne n’ie nia nscila. “Plu rujenedes à na funzion de renfurzamënt l’una cun l’autra,” à dit l ntendënt Roland Verra tla cunferënza stampa tl palaz Widmann a Bulsan. Te n secul caraterisà dal spustamënt de truepa jënt da n raion al auter à la cunescënza de plu rujenedes giapà mo na majera mpurtanza. “Te na vijion europeica ie l savëi da comuniché, da ntënder y da pudëi rujené pea la fundamënta per l daunì di jëuni. La Ladinia ie sciche na pitla Europa che pieta chësta puscibltà de mparé plu rujenedes te si scola,” à dit Mussner. Tla nrescida se àla dantaprima tratà de udëi tan inant che i sculeies dla scoles ladines ruva cun la rujeneda nglëija. “On cunstatà che l livel de cumpetënza va for suvier,” à dit la professëura Franceschini, spiegan che te Gherdëina muev i sculeies da n livel plu aut permez ala Val Badia, ma ala fin dla scola auta arjonj i sculeies de tramedoi valedes l medemo livel. L livel dl nglëisc ala fin dla scoles elementeres, dla mesanes y dla scoles autes curespuend al livel standard per chëla età. “L’analisa mostra su che nce sce da nëus vëniel nsenià plu rujenedes, ne n’ie l livel arjont tl nglëisc nia manco bon che te d’autra scoles,” spiega l ntendënt Verra. La professëura Franceschini, che se dà ju cun l plurilinguism a

livel nternaziunel, à sotrissà che l sistem scolastich ladin ie feter l sëul che se dà ju cun cater rujenedes. Tla situazion ladina ie l nglëisc te na posizion particulera, ajache l ie perdrët la sëula rujeneda fulestiera che ne n’ie te nosc luesc feter nia da audì dedora da scola. Cun la testemunianza dl’analisa che mparé nglëisc ne cumporta nia n sëurapëis per i sculeies, iel nce unì analisà la situazion spezifica per imigrei che se dà ju cun de ndut cin’ rujenedes. “Mparé l nglëisc ne cumporta ënghenó degun sëurapëis per sculeies che giapa lezions de ntegrazion,” à dit Franceschini. L’analisa sun la cumpetënzes dla rujeneda nglëija ie unida fata cun 560 sculeies de dui trëi i livei de scola. Te chësta fasa iel unì analisà la cumpetënzes tl scrit dal pont de ududa cuantitatif. Per n daunì se àn tëut dant de analisé nce d’autra pertes dla cumpetënza linguistica. L nglëisc vën tla scoles ladines nsenià dala cuarta elementera inant cun doi ëura al’ena. Aldò dla sezion, vëniel tla scoles autes nsenià nchin a cater ëura de nglëisc al’ena. Do avëi fat la nrescida tla scoles à i professëures Martina Irsara, tuadëura tl ciamp dla rujeneda nglëija, y Pasquale della Rosa dl’Università Vita-Salute San Raffaele de Milan laurà ora i resultac a livel scientifich. Chisc ie unic publichei te n cudejel, scrit te cater rujenedes. Te de ndut 72 plates vëniel danter l auter nce dat pëis al svilup generel dla cumpetënzes tl nglëisc, usservazions linguistiches y cunsëies cuncrec per l nseniamënt dl nglëisc tla scoles ladines. Nteressei possa se damandé n tel cudejel tla Ntendënza Ladina pra Rosa Maria Mussner cuordinadëssa dl Servisc per l’evaluazion dla scoles ladines. (Ufize stampa provinziel de Südtirol)

I resultac dla nrescida n cont dla cumpetënzes dl nglëisc à fat unì su l nteres de truep respunsabli dla scoles ladines. (foto USP/Stuffer)


Atualité

nr. 25 / 28 de jugn 2013

Nia tunel enlongia l lech de Fedaa La 3^ Comiscion permanenta del Consei Provinzièl à fat a saer che sun Fedaa no vegnarà realisà la galarìa pèra levines ajache l’é teren Unesco. La Sociazion Fassa e la Ual no ge stèsc Marmolèda - Dò la consegna al President del Consei Provinzièl Bruno Dorigatti, la regoeta de firmes per tegnir averta la strèda del Jouf de Fedaa 12 meisc a l’an é stata touta te man da la 3^ Comiscion permanenta del Consei Provinzièl de Trent. L resultat ampò no l’é segur positif e la Sociazion Fassa, portadora de la regoeta de firmes, à manà fora n comunicat amò en chela medema dì che la Comiscion se à troà, en lunesc ai 24 de jugn. Te la sentèda de la 3^ Comiscion l dirigent generèl del dipartiment infrastrutures de la PAT, Raffaele De Col, à fat a saer che: “con la doura di Gaz-ex la situazion é miorèda e che la Provinzia la perveit en intervent de 4-5 milions de euro per meter a post l toch de strèda dant de Fedaa, ma no l’à amò tout na soluzion per tegnir avert dut l’an l toch de strèda enlongia l lech, percheche se trata de n’area dolomitica stravardèda da l’Unesco e realisèr na galarìa de passa 2 chilometres aessa n gran impat ambientèl”.

Sociazion Fassa: l'é dut vertoles Dut chest à fat enirèr i raprejentanc de la Sociazion Fassa “no demò per la pecia volontà politica e dirigenzièla de ge meter man al problem turistich e economich, ma ence per l coleament con l’Agordin e per la motivazions falèdes che i à portà dant”. La Sociazion Fassa disc che i Gaz-ex segur no i vegn duré per l toch enlongia l lech olache enveze, se vegn fat zeche, vegn durà l jolier per sbarèr jù la levines, ma amò de più vegn criticà la vertola de l’Unesco durèda da De Col. Descheche scrif l secretèr politich Luca Guglielmi: “l Dirigent él en consaputa che tant la strèda che l lech no i é stravardé da l’Unesco? L toch stravardà l rua anter la sela de Sas da les Doudesc e Sas da Unesc e l’area controlèda no la rua nience a mez de l’impiant portamont de Graffer”. “E amò – disc semper Guglielmi – la vertola de l’impat ambientèl l’é

sinonim de na longia mencianza de dialogh anter i ofizies de la Provinzia e che ence l studie de recalificazion di jouves portà dant dal Studie Ghetta e Tamion de Vich, disc che fossa ben fat fèr via e via na galarìa”. La delujion per la respostes é grana e descheche l’é stat scrit “a zeche vida les umilia la volontà de Fascia”, aboncont l’argoment no l’é segur serà sù e de chest se n rejonarà amò.

Ual: l’é temp de respostes e azions “Bèsta bibièr sul besegn de intervents straordenères su la strèda provinzièla n.641 de Fedaa”. Ence l’Union Autonomista Ladina (Ual) tol sia posizion dò l’intervent de l’enjegner Raffaele De Col. L partit fascian sun chesta costion à manà fora n comunicat per envièr amò n’outa la Jonta provinzièla, te la persona del president Alberto Pacher, a respetèr i empegnes touc dal goern provinzièl tel dalonc 2003 e confermé tel nef enconter stat ai 16 de oril de chest an col medemo President e olache l’era ence l’assessor Mauro Gilmozzi, l conseier provinzièl Luigi Chiocchetti, i ombolc de Fascia e la procuradora del Comun General de Fascia Cristina Donei. Te chest ùltim enconter l’era stat dezidù de arbandonèr per semper l’ipotesa, pissèda da la Pat ti meisc passé, de n impiant de coleament a fun da Dèlba fin sun Fedaa, passan per Ciantrujan. A sie post enveze, semper tel medemo enconter, l’era stat confermà l besegn de n intervent struturèl sun duta la strèda enscin al confin col Venet. Chest intervent per auter l’é ite tel Pian Stralcio de la mobilità del Comun general de Fascia olache l’é pervedù doi intervenc, un su la pruma pèrt de strèda fin sun Fedaa e un enlongia la diga. Te sie comunicat la Ual disc che “no se pel sostegnir che meter en segureza la strèda enlongia l lech no vae a una coi besegnes del paesaje stravardà da l’Unesco e na galarìa averta con funzion de pèra levines, dal cost stimà de zirca 24 milions de euro, l’é na opera che l’é de

besegn, per fèr a na vida che la strèda de Fedaa la reste averta 12 meisc a l’an. No bèsta instalèr sistemes esplosives per librèr da la neif, chest no l’é troèr na soluzion al problem”. Ence l partit de regoeta fascian ge conseassa a la Provinzia de tor te man, durèr e jir più a fon col studie de recalificazion del jouf proponet dai architec Ghetta, Tamion e Daprà che perveit la doura de la galarìes pèra levines desche element integrà per creèr ence na strèda per la rodes. “No se se pel sconer i problemes struturèi de la strèda de Fedaa – disc la Ual – ma ge pervegn a l’om la responsabilità de troèr la forma de antropisazion più adatèda per viver chela mont e chest no l pel segur vegnir realisà no fajan nia o sconan l problem. L jouf de Fedaa e la Marmolèda padesc da massa temp per la ferides

La galaria enlongia l lech de Fedaa.

de la beghes sui confins del giacé che à strozeà i problemes tel temp enveze che i fèr fora sobito dò la firma del Protocol de cordanza di 13 de mé del 2002”. Per l’Ual, dò 10

egn da chisc empegnes touc da la Jonta provinzièla, la paroles stèsc a zero e ence ela domana respostes: “L’é chest l temp de la responsabilità e de la azions”.

L teritorie de la Marmolèda stravardà da l’Unesco. L’area da color defat no tocia l lech e la strèda de Fedaa.

L’Union Autonomista Ladina e la primaries de coalizion Enceben che aleèda con la coalizion atuèla de zenter cencia autonomista, la sociazion politica fascèna no dèsc indicazions de inomes per la primaries Politica - Travers n comunicat stampa, la Ual fèsc cognoscer sia posizion en cont de la primaries de coalizion di 13 de messèl che vegn. La sociazion - se lec - l’à semper sostegnù l besegn de renforzèr la coalizion, de na semper maor unità anter chela forzes politiches che, ensema, les ge à dat l met al Trentin de aer 15 egn de goern responsàbol e prevident. La proponeta politica de la maoranza atuèla l’à desmostrà de esser bona de venjer e l’é l frut de na cernuda unitèra premièda dai litadores per la serietà di projec porté dant, vertesc a refudèr, alincontra, contrasć e voa de soramessa anter forzes politiches

adum tel goern atuèl del Trentin. Per l Moviment ladin fossa stat benfat tor fora n candidat comun da pèrt de la forzes politiches de coalizion, a chesta vida l’aessa dat amò n segn de coejion e unità. La cernuda de la forzes de coalizion la é stata desvaliva e la va respetèda ajache la ge sporc ampò a la comunanza trentina l met de se palesèr sui candidac proponec da la desvaliva forzes politiches de cheles che la é componuda. Per sia medema natura de Partit de regoeta per duc i fascegn, la Ual no vel dèr nesciuna indicazion a pro de un o l’auter di candidac a la leta. Ampò, tel chèder del sostegn a

chesta coalizion e te la prospetiva de n sie renforzament, l’Union Autonomista Ladina envìa la jent de Fascia a no schivèr n moment zis emportant de partezipazion democratica e a palesèr zenza tema sia preferenza personèla per l candidat president del zenter cencia autonomista del davegnir. L’indicazion che ruarà da la consultazion populèra di 13 de messèl sarà n element ùtol per la Ual che ence per i egn che vegn vel raprejentèr te la istituzions autonomistiches un di teritories più emportanc del Trentin, e donca la ge domanarà dret al candidat de coalizion la arsegurazions politiches de valorisazion e

raprejentanza tel goern provinzièl 2013-2018. L renforzament de na possibilità concreta de autogoern de la comunanza de Fascia travers l Comun general, la valorisazion de la vocazion economica de la val te sia componentes turistica, naturalistica, ambientèla, del turism, de l’agricoltura e de l’artejanat, la defendura de sie patrimonie naturalistich e ambientèl, l stravardament e la promozion del lengaz e de la cultura ladina de Fascia, pèrt de la Comunanza Ladina de la Dolomites, mendranza recognosciuda da la leges en doura a livel costituzionèl e statutarie, sarà vèlch un di ponc sun chi che l

L logo de la UAL.

candidat a l’encèria de President de la Provinzia cognarà tor sù empegnes prezisc e rigorousc. www.lauscdiladins.com

7


Atualité

nr. 25 / 28 de jugn 2013

Zucchero, la usc dla Talia tl monn Dancà y da na pert Öna na staziun dla “sesión cubana” sarà a Balsan. Zucchero à venü ćina śëgn chi 50 miliuns de CDs Musiga - So inom anagrafich é Adelmo Fornaciari, so inom d’ert “Zucchero”. Nasciü él dl 1955 a Roncocesi dlungia Reggio Emilia. Zucchero é un di ćiantaturs dla Talia plü conesciüs foradecà. Cun chi 50 miliuns de Cds venüs él un di ćiantaturs plü de suzés de düć i tëmps. So CD “Oro, incenso e birra” é stada la produziun de musiga plü venüda de düć i tëmps tla Talia. Zucchero à ćiamò metü sö n rècord: al é stè le pröm ćiantarin rock-pop

che à sonè al Creml a Mosca di la tomada dl mür da Berlin. Grana é dagnora stada söa colaboraziun cun d’atri artisć internazionai, danter chisc Joe Cocker, Ray Charles, Sting, Eric Clapton, Andrea Bocelli, Vasco Rossi. Zucchero à albü n tru lunch por fà cariera: do che al à sonè cun deplü grups emilians, él ruvé le pröm iade al Festival de Sanremo dl 1982 presesentan la ćiantia “Una notte

che vola via”, cun chëra che al röia tla seziun di jogn te finala. Mo dedô dörera plü dî por le gran suzés, messun aspetè l’ann 1987, canche al publichëia la CD “Blue’s”, che à n gran suzés de venüdes (1.300.000 tla Talia). Danter i tòć plü conesciüs de chësc tëmp: Con le mani, Senza una donna, Dune mosse, Pippo, Non ti sopporto più, Hey Man e “Solo una sana e consapevole libidine salva il giovane dallo stress e dell’azione cattolica”. Cun l’album Blue’s se presënta Zucchero al Festivalbar y le davagna. Da chilò inant ne le tin plü sö nia.

Uedli y oredles daverc sun la sozieté ladina d’aldidancuei Gabriel Insam dl Tavela de Urtijëi - Idraulicher

La Sesión Cubana La CD é gnüda fora amez novëmber dl 2012. Por Zucchero se realisëia n som, canche al va a Cuba, a l’Avana, a tó sö les ćianties de chësta produziun gnüda fora te döes versciuns linguistiches (sides taliana co ingleja), y döes versciuns pratiches: chëra normala che tol ite 13 tòć y chëra delux che abracëia dlungia ai 13 tòć n sfëi de fotografies tutes sö a Cuba tratan i laûrs por la CD y n valgügn videoclips de chëstes reegistraziuns.

Zucchero a Balsan Le mertesc ai 2 de messè gnarà Zucchero a Balsan, dales 21.00. Le conzert sarà al Palaonda. Chësc conzert fej pert dla turnê “La sesión cubana”, che é n world tour. Les chertes ciàfon inće sön internet w w w.show time- ticke t .com Interessant él inće da aldì la versciun de Zucchero de “Guantanamera”, la ćiantia cubana popolara plü conesciüda y interpretada dai ćiantauturs y musizisć al monn. Zucchero é dagnora spo n portaûsc por tröpes ćianties, nia ma talianes, y inće por la musiga tlassica, storica é la colaboraziun y la presënza sön scenar cun Pavarotti. Inće chësc ultim CD de Zucchero sarà indô n suzés, de venüda y de atualité. (ir)

Zucchero gnarà cun so grup a Balsan.

Mezdlacè ai granì de chirba

La Rezeta

de Simon Tirel I granì de chirba (o „züćia“) é n alimënt rich de proprietês che fej bun ala sanité. Al é danter l’ater desmostrè che ai fej bun al cör, ai baroć y ala prostata. I granì po gnì apratà

o al po inće gnì fat öre adinfora. L’öre de granì de chirba é na spezialité tla ćiasadafüch de n valgönes regiuns dl’Austria, dla Croazia y dl’Ungaria y vëgn porchël inće sconè dal’Uniun Europeica tres le martl IGS (indicaziun geografica sconada). Ingrediënć por za. 4 porsones 2 cogores d’ü 40 grams stöp de zücher 40 grams de öre de granì de chirba 200 ml de brama

8

www.lauscdiladins.com

Sbate les cogores d’ü cun le stöp de zücher te na ola imblagnada t’ega che cöj sö (nia massa ćialt – por talian „bagnomaria“), ćina che al vëgn na bela scaia. Moscedè inant a frëit ćina che al gareta na bela crema morjela. Sbate la brama. Ajuntè ala crema l’öre de granì de chirba, mëte laprò la brama sbatüda y sbate fora indortöra. Jutè la crema tles formes y les lascè n valgönes ores te frescara. Fronje fora o alzé fora le mezdlacè te n taì, le decorè y le tëne sön mësa. Dër bun passenëia laprò compot de marili.

USC: N aud for dla faszinazion dl idraulicher? Ciuna ie pa chëla? Gabriel Insam: De fé uni di zeche d’auter. Ma chi vel pa deplù, l postin o l idraulicher? Belau l postin, ajache chël sona for doi iedesc. Ciuldì es’a cris ora l lëur da idraulicher? É purvà a fé plu lëures, bele cater de ndut. Nchin che mi oma, Carlotta, me à dit, n bel di: “Śën basta! Chierete ora un n lëur, ngali, y resta pra chël, che plu bel ne uniràl nia!” Rujenan sceriamënter, saràl dessegur for inò na legrëza canche te es fat zeche de bel. Sci, l ie la sudesfazion de savëi de avëi fat zeche da fundamënt per d’autra persones. Iel pa stat nuviteies, mudamënc ti ultimi ani tl ciamp dl idraulicher? Gran desferënzies iel stat tla maniera de sciaudamënt; l tleche pensé ai pellets, al gas, al’energia dl surëdl, dut energies che ne fova zacan nia y che se damanda nce n auter manejamënt ti njins. De cie dëssen pa tenì cont, a fé ite n bel bani? Dlongia i njins “normai”, sce n possa dì nscila, cunsiessi for l bidet, l ventilator y l sciaudamënt dl fonz.

Iel pa, nce sce l ne taca nia adum diretamënter cun ti lëur, culëures tipics che vën crisc ora al didancuei per i banies, autramënter che no dan valgun ani? Zacan fòvel dut da ciofs, al didancuei iel plu che auter un n culëur, y dantaldut linëus, cun la plates de regula majeres. Co iela pa cun l’ega de fonz y cun pitli resservares privac che vën fai pra cësa per l’ega de chegadoi o per blandé l verzon? Perdrët vën chisc resservares fac dinrer o tan che mei. L vën iusta mé datrai tëut l’ega dla staujëines per blandé i ciofs y datrai nce per i chegadoies. Iel pa na desferënzia de lëur dan y ntan la sajons? Dan la sajons iel n gran stress, de regula, ajache la va for de finé. Per nëus lauranc iel n gran pëis a messëi ti sté do al lëur per finé te tëmps suvënz scialdi curc, canche duc uel scumencé la sajon per tëmp y ëura. Ies'a bele maridà? No. Es’a bele metù ju la cundotes de viers de ti vita de doi? Dan n mëns éi njenià ca dut cant, nia mé la cundotes, ma nce l cuatier per jì a sté cun mi Titti. Ntervista de David Lardschneider

Derturà l vedl crist Rudolf Linder de Culac à derturà su l vedl crist che fova tl busc suinsom dla streda forestela de Plan dala Sia a Soplajes Soplajes - Chësta streda fova zacan, dan prësciapuech cënt ani, na streda da ciaval. Ajache l crist nfraidiva y tumova tosc ntëur, se à bela Rudolf mpensà de derturé su l crist, de ti fé oradechël na blòta crëusc sun l pustamënt y de l depënjer cun n culëur naturel. Do avëi finà i lëures à bera Rudolf metù su l crist te na miëura luegia, tl scumenciamënt dla streda forestela. (usc)

Bera Rudolf Linder de Culac dan l crist che ël à derturà su. (foto de Albert Insam)


nr. 25 / 28 de jugn 2013

Redadoura: Katia Pizzinini lunesc y mertesc a Badia, tel. 0471 839800, mercui a Cortina d’Anpezo, tel. 0436 868615 juebia a Col de Santa Lùzia, tel. 0437 720609 - katia.usc@rolmail.net

Souramont

“Dolomiti Post”: i posts fantastics de Vincenzo Agostini

N liber dal esil

Les stories fantastiches dl scritour da Col Vincenzo Agostini, nasciudes sciche “posts” sun internet, deventa n liber. La presentazion sarà en domenia ai 7 de messel pro la utia “Città di Fiume”, con la partezipazion dl Coro Fodom

La publicazion de Andrea Franceschi vegnirà fora a mez messel

al didancuei, che an vuel splieghé dut con la razionalité y con la scienza. I pense che la fantasia é n pue’ sciche na scienza che nes deida da capì y da di certes cosses.

L scritour Vincenzo Agostini.

Leteratura - Al vegnirà presentè ai 7 de messel pro la utia “Città di Fiume” l liber nuef dl scritour da Col de Santa Lùzia, Vincenzo Agostini. Acompagné da les beles ousc dl Coro Fodom lijarà dant l autour n valgunes stories che met adum sia publicazion nueva, dal titul “Dolomiti Post. Le Dolomiti della Fantasia”. Do l roman storich “Il Furto delle Opzioni”, n liber de conties fantastiches y liendares ambientedes sun nostes montes y crodes, olà che la fantasia se mesceda con la realté y l present enconta l passé y l davegnì. L liber vegnirà ence porté dant ciamò fora per l isté, plu avisa ai 21 de messel y ai 14 de aost, tl Ciastel d’Andrac. Da sotfonz musical fajarà chilò les melodies ciantedes dal cor “Col di Lana”. Deplù sun “Dolomiti Post” onse descorì deberieda con l autour, Vincenzo Agostini: La Usc: Dant n ann vegnìvel dé fora vost prum liber, n roman storich dal titul “Il Furto delle Opzioni”. En chest ann prejenteise na publicazion che met adum stories de fantasia. Ciuldì pa chest mudament de genre? Vincenzo Agostini: “Il Furto delle Opzioni” é n roman storich che conta dl temp dles Opzions. Ence sce la trama y i personaji é inventés, se tràtel de n fat real, dret sentì da la popolazion de paisc de confin sciche Col de Santa Lùzia. Do l roman, che me à empegné scialdi truep, ae pensé de porté inant mia pascion y dedizion per la scritura te na maniera plu lisiera. I é perchel scomencé da scrive stories y conties nia plu liedes a la realté, lascian ledia mia fantasia.

publicazion nasciuda al contrar: dampruma publicheda sun internet y spo sun l papier. Les stories n’é donca nia plu da lieje sun internet? No, sen nia plu. Ma mi posts à ence trat la atenzion de Elisabetta Parisi, moderadoura dl program “In cantiere” sun Radio 3, trasmiscion che à sciche obietif chel de ti dé ousc a formes nueves de comunicazion. La seria pòn ciamò ascuté su sun internet, en podcast. Les stories che i eis scrit é fantastiches y lijendares. Da olà vegn pa la ispirazion? La ispirazion giate n pue endlonch, dai luesc chilò entourn, da les crodes, dai toponims, da libri che i é lit, ma ence da fac de cronica sozedus tla realté. Dut chest se mesceda con mia fantasia y al sauta fora conties y stories lijendares. La fantasia é da mi enfora dret emportanta, dantaldut

“Dolomiti Post”: da olà nasc pa l titul? Propi per cie che les stories é nasciudes sciche posts sun Facebook ae pensé fora chest titul. Ma i pense ence al significat latin dla parola “post”; al me dà en ment che ti ultims agn é l arvejinament fantastich a les Dolomites vegnù metù n pue’ sun na pert. I arate endere che la vijion fantastica dles crodes ti dae n sens y n significat al sté y al abité sun mont. Les lijendes dolomitiches, che i on arpé da nosc antenac l desmostra.

Ampez - Al vegnirà fora chisc dis n liber firmé Andrea Franceschi, capocomun ampezan, en esil a San Vi tl Ciadoura. La notizia dla publicazion él stè l ombolt enstes che à dé, sun sia plata de Facebook. Al scriv enscì: “Tratant l esil ne sonse nia sté zenza fé nia. I é cueiù adum material, i recordé i fac i é recostruì i avenimenc y i me é damané: ciuldì pa nia scrì n liber

lassoura? Dit y fat!” L liber vegnirà fora tles libreries entourn mez messel. Deplù n’à Franceschi nia podù antizipé, per via de n acordanza touta con la ciasa editoura. La notizia à descedé interes y curiosité, te Ampez y nia mé. Trueps i comenc, dantaldut de si sostegnidours, che aspeta ert de podei lieje l liber dl capocomun en esil. (kp)

À pa les “Dolomitensagen” abù val influs sun vostes conties? Dessegur àles abù val influs, ma i ne vue nia me mesoré con les lijendes metudes adum da K.F. Wolff. Cheles é lijendes storiches, che fej fosc fadia a nes conté valch al didancuei, perchel vàla de bujegn de mete endò en zircolazion la fantasia, de giaté endò confidenza con les lijendes y con les Dolomites fantastiches. Cie tematiches atocheise pa con vostes stories? Les stories conta dla mont, dl vive sun mont, dl ambient, dla nostalgia per la tera. Vignun de nos à na sia vijion dles montes. Les protagonistes de mies stories é mies montes, montes che descor, che à l aspet de persones. I pense che vignun de nos se à imaginé na outa tla vita che les crodes descor danter eles, s’la conta. Te una na storia ae per ejempl imaginé che la Marmoleda, la reina dles Dolomites, dà ju la corona; chest ajache ie son dla idea che les montes plu beles é cheles che é sot i 2.000m, olà che al vif la jent. Te n’autra storia ae imaginé n dialogh danter na acuila y Icaro, personaje dla mitologia greca y te una ae fat arsì na barca spaziala sun l Bus de le Neole: l present se mesceda con l passé y con l davegnì.

Vo stes conties é nasciudes sun internet, co ves él pa vegnù la idea de les publiché te n liber? Zenza de gran aspetatives éi scomencé da publiché mies stories sun internet. La jent, sibe tosac che de gran jent, les à aprijedes, ence per sia forma curta. L cuertl dl liber “Dolomiti Post”. I dessegns é de “Dolomiti Post” é na Dunio Piccolin.

Vos seis originar de Col de Santa Lùzia. Vost pr um roman fova ambienté te chest pice paisc ladin. Cie lerch giata pa Col te chesta publicazion? Col é l post olà che i son nasciù, olà che i é passé mia infanzia, n post che me restarà daite per duta la vita. I son jù demez, i é rodé, ma la merscia de Col é sota tla storia de mia vita y influenzeia chel che i é fat, chel che i fajaré, chel che i é scrit y chel che i scrijaré. (Intervista de Katia Pizzinini)

Andrea Franceschi é en esil a San Vi.

Concors metù da jì da La Usc di Ladins

Manéde vostes fotografies a la miscion e-mail katia.usc@rolmail.net o per posta a la misciun: Redazion “La Usc di Ladins”, Self dei Ladins c/o ex Hotel Dolomiti, 32020 Fodom/Livinallongo (BL). Les fotos vegnirà ence publichedes sun la plata de Facebook “L sonn fodom tla Usc” olà che duc podarà dé ju si aprijament. Chisc vegnirà touc en consciderazion da la giuria per la valutazion finala.

“Pordou: a +3° se ciala de se sciaudé!”, retrat mané ite da Davide Testor.

www.lauscdiladins.com

9


Anpezo

nr. 25 / 28 de jugn 2013

I nostre artejane de ra Appia

Amor su ra jaza

Un presidente noo, par ra asociazion che tien aduna tropa boteghes de Anpezo. I projete par un doman pi seren. El laoro co ra scora, par parecià i artejane che vegnirà

Da ra Scozia in Anpezo, par śuià, par stà intrà de amighe, par fei sport. Dinultima par se maridà. Senza se desmenteà de ra tradizios

Roger Alberti, de ra botega de marangon Bariza, ‘l é el noo presidente, par Anpezo, de ra Asociazion de ra provinzia de ra pizora industria e de i artejane. A ‘l voré ‘l é stà el consilio noo de ra Appia, betù su da ra foula granda de ra asociazion. Inze el consilio, aduna co ‘l presidente noo, ‘l é Alessandro e Silvio Alverà, Aldo Brunotti, Giancarlo Candeago, Franco Dell’Osta, Flavio Lancedelli, Rachele Ossi, Enrico Valle e Claudio Faloppa, che ‘l ea presidente fin ancuoi. Ades Faloppa ‘l é stà betù inze ra presidenza de ra provinzia, de r’Appia, par cuatro ane. “Par i mesc che vien, me speta un braghier ben greo – ‘l à dito Roger Alberti – anche parcé che in Anpezo no se stà pi ben, cemodo che ‘l ea ‘na ota, canche duta ra boteghes, de i artejane e da vende, ‘es śia polito, se fajea boi afare Ades vien par sora i zavarie, ra fadia a pagà par tenpo, gouja che a dute mancia i sode, e ‘l é manco laoro. De seguro no se fesc pi i sode che se fajea ‘na ota”. Cemodo se polo fei, par vegnì fora da ‘sto parù? “Par chesto, ón pensà de se ciatà, intor ‘na toura, nośoutre de ra Appia, i tecniche e i profescionistes,

Roger Alberti “Bariza” ‘l é el presidente noo, par Anpezo, de ra asociazion Appia, de i artejane.

che i laora inze ‘l nosc paes, co ‘l Comun de Anpezo, par saé ce che ‘l é da fei, par ciatà fora laoro noo, par chesta aziendes, anche a vardà pi inaante, ves i Mondiali de schie de ‘l 2019, se fose da i ciapà”. Epura, propio ades, ‘l é drio a lourà un consorzio noo, de boteghes de artejane, con chera de fei su outre zinche capanoi, su chera ares sote el stradon, intrà

Agabona e Śuel, sora Pian da Lago. “Aduna co ra nostra asociazion de ra provinzia – el śonta pede Roger Alberti – voron i dià ‘na man, a chiste artejane, pi che see śoen, par fei fora i conte, par i tende a ra steores, par ciapà contribute”. Par fei polito, su ‘l laoro, śoa s’aé parecià polito, a scora. “Nośoutre ón chera de lourà inaante, co ra scora d’arte de Anpezo, che ades r’é deentada liceo artistico, cemodo che s’à fato i ultime anes, parcé che son parsuaśe che see propio inze chera scora che se parecia ra parsones che, un doman, ruarà a lourà inze ra nostra aziendes”. Roger ‘l é fiol de Aldo Alberti Nito, che dute conosce par “Bariza”, de ciaśa su a Ciadelverzo, agnó che ‘l à ra so botega da marangon; un òn tropo conosciù, in Anpezo, par el so laoro de maestro de schie, d’inverno, e de artejan, d’istade. Doa pascios che ‘l à pasà a so fiol Roger, che ‘l é anche el maestro de schie. E ‘pò Aldo Bariza se ‘l conosce par duto chel che ‘l à fato, inze i anes, co ‘l grupo de Anpezo de i Alpis de r’Ana. Se pó menzonà un laoro par dute: ra jejeta de len de Vervei, a ‘l Pian de ra Costaza, śo par pede el stradon che mena in Fuzargo. (mdm)

Par ra palestra de Sopiazes Outre zavarie par el Comun de Anpezo, par ra palestra noa, da se ranpinà Chesta ota i poliziote de ra Digos de Belun i é ruade in ciaśa de comun, in Anpezo, par toi su cartes de i laore che i é drio a fei, a Sopiazes, da fabricà su ra palestra noa, da ranpinà. A mandà i poliziote ‘l é stà el procurator Francesco Saverio Pavone. I à tolesc su un grun de cartes, de documente, de disegne, ma someaa che i saese polito agnó vardà e ce toi su. “L é difizile dasen, lourà coscita, con dute śo par sora” – el disc Enrico Pompanin Marco, el vizecapocomun, che el tien ra redenes de el Comun

de Anpezo, da pi de doi mesc, da canche i à sarà via el capocomun Andrea Franceschi de Matia, ai 24 de aprile. “Anche chesta ota – el śonta Pompanin – no n’ón nuia da sconde e speron che chera cartes, cemodo che i ‘s à tolestes, i me res daghe danoo indrio, ignante che se pó. Chesto jesto de ra Procura el fajarà śì inaante i laore pi pian, ma i no se fermarà de ‘l duto. Domandaron alolo de me rende ra cartes e speron che i me scote. Che se ra fenisce de fei pesà, su ra śente de Anpezo, che r’à da spetà, de vede

fenì i laore, parcé che dute i é coscita su par sora, algo de fora de ra vies. Speron che dapò de chest’outra vijita i se dezide de me lascià prozede co ‘l laoro, che ra nostra śente ra m’à dito de fei, co ‘l voto. Nośoutre ón fiduzia de ra Istituzios e podon se pensà che, a fei moe chesta outra indajine, see duto chel bateboi, i cridore che ‘l é stà, de ‘ste tenpe, su par sora chera palestra. Par chesto, no voron cridà, fei jeste, sciosciodà el vascel, ma śon inaante, de bona voia, a lourà polito, par el ben de el nosc paes”.

Cemodo che arae da vegnì ra palestra de croda, da ranpinà, a Sopiazes, una ota fenì el laoro.

10

www.lauscdiladins.com

Andy e Kirsty Jane, su ra jaza de el stadio Olinpico in Anpezo, agnó che i s’à maridà.

A fei conosce, intrà de lore, Andy Cameron e Kirsty Jane Harrison, doi śoen da ra Scozia, ‘l é stà el sport de el curling. In Anpezo s’i conosce polito, parcé che i vien da anes, ogni istade, par el torneo internazionale, che el vede ruà śogadore da duto el mondo. Par ‘sto an, i à vorù fei algo depì, che se ciatà co i vece amighe e smatiśà, par alcuante dis: i à vorù se maridà, se leà par ra vita intiera. Propio ca, propio inze chesto paes, che i sà coscita bel. Da bonora i é śude su ra jaza de el stadio Olinpico, par se fei alcuanta fotografies, co ‘l nosc Diego Gaspari Bandion, par aé algo de bel da se portà a ciaśa, un recordo de chesta śornada, unica inze ra so vita. Andy ‘l ea vestì drio ra so tradizion, co i so sarvije da festa, cemodo che el fesc ogni ota, canche el và su ra jaza, co ‘l kilt, ra nela de i ome de ra Scozia; Kirsty Jane r’aea el so bel viestì bianco, da spośa.

Da dasera, de el di ignante, ‘l ea stà una bela festa, pareciada da Tone e Beto Milar, de ‘l Hotel Menardi, che i à dà alośo. Dares 11 i ea dute in ciaśa de comun, daante a ‘l vize capocomun Enrico Pompanin Marco, che i à maridade. I doi testimogne, el conpare par el spośo e ra brontola par ra spośa, ‘l ea outre doi śogadore de curling, doi amighe, ruade anche lore da ra Scozia. Dapò i à fato un bon disnà, de fora, su ‘l sorei de ‘l Hotel de la Poste, che ‘l ea ‘na bela śornada ciouda, ma senza ra fei masa longa, che i à abù da moe, de corèn, danoo inze a ‘l stadio, parcé che dares 15.15 i aea da ese su ra jaza, a śuià, aduna co i so amighe. I no s’à falà de un menuto, pronte co ra scoes, par tirà ra stones, contra ‘na scuadra de ra nostres, contra i śogadore de ra Anpezo. Ci alo vento? Chesta ota ‘l à vento ‘l amor. Mdm


Anpezo

nr. 25 / 28 de jugn 2013

Algo de bel, algo de bon

Ra fregores

Piantes e erbes de i nostre prade, da portà inze cujina, drio ra tradizion pi vecia, ma con chera de vardà inaante, senpre con algo de noo

Alcuanta noes in curto, da ‘l paes e da fora

Gigi Dariz a ‘l laoro, inze ra so cujina, su in Jou.

Ingrasora e cheroute, radicio e ciarié, orties e mazaincol, o pe de croo, ma anche śenoro e barancio e ziermo. Se pó dorà de duto, inze ra cujina verde, par parecià algo de bon da magnà. El sà polito Gigi Dariz, su in Jou, che el s’à pensà de fei algo de noo, aduna co ‘l profesor anpezan Dino Dibona Beto. “Nośoutre ón da conosce senpre depì, e senpre meo, duta chesta erbes, par res dorà inze cujina e fei conosce i vece piate de ra nostra tradizion, el magnà de ‘na ota, ma anche par in parecià de noe”. Par Dariz, ra natura r’é algo de bel da vede, ma anche da curà su e da magnà, cemodo che ‘l à inparà da pizo. Coscita el s’à pensà de ciamà ra śente, par doa seres, a ra fin de śugno, śoiba 27, e alolo de luio, śoiba 4, par moe aduna, fora par el pra, su ra monte de Jou, a pi de doimile metre, par vardà, inparà, strutà su piantes e erbes. Duto chesto el vó el fei aduna con Dino Dibona, che el conosce polito

ra natura e ra tradizios de ra Dolomites. Dapò se torna inze ‘l so ristorante Da Aurelio, su chel de Col de Santa Luzia, alolo de là de el śuogo de Jou, e se inpara algo de outro: a res parecià, chesta erbes, a res coe. S’à curà fora chesta setemanes parcé che su in outo ‘l é ruà da poco r’ousciuda, co ‘l so cioudo, a delegà el gnee, infinalmente, a fei vive danoo ra nostra natura. E ‘pò parcé che ‘l é duto el tenpo de fei i laore polito, che ‘l é ancora poca śente, poche foreste. “Masa fazile fei ra manifestazios de agosto, canche ‘l é pien de śente – el me disc Gigi Dariz – io inveze ei acaro de lourà polito anche ades, de mostrà algo de noo, de fei algo anche canche ra stajon d’istade r’à ancora da scomenzà. Coscita porto sun toura chel che ón inparà nośoutre, casù: ades io e, ignante de me, me pare Aurelio. Chesta noa ra no n’é una stranbaria, biciada là coscita, ma ‘l é algo che nasce da anes de laoro”. Par chesto, su ra so toura se

ciata el vonto che sà da ziermo, co ‘l so bonodor; un bon oio con inze i pitoche de barancio; ra fartaia co ra foies de crescion e formei da Col de Santa Luzia; el zervo co ‘l śenoro, inze un zesto de fonjes, de brijes, co ‘l santìo. El pra, ra monte, deenta ‘na scora, agnó śì a inparà. Deenta una cardenza, agnó śì a toi fora algo de bon. “Ra prima setemana se ciata beleche un grun de ra nostra erbes – el me conta Dariz – anche se ra stajon r’é nafré indrio, parcé che casù el gnee el s’à delegà da poche dis. Ma son parsuaśo che, par ra setemana dapò, chera prima de luio, s’in ciatarà depì. Ignante dorarei ra erbes e ra piantes che conoscio polito, da anes anorum. Ra ota dapò, podarei in proà de outres, de cheres che me insegnarà Dino Beto. Coscita vado inaante co ‘l me laoro, che fejo da canche see śoen: parecià algo de bon da magnà, da zercà, con inze ra nostra piantes, ogni ota con chera de proà algo de noo”. (Mdm)

Se moe in śiro par el paes, a vardà, a inparà. El projeto ‘l é drio a nasce e a cresce; canche sarà ora, se podarà in saé algo depì. Par intanto basta saé de chesta caminades, da podé fei, intrà storia e arte, co ‘l profesor Paolo Giacomel, a ciatà fora el bon e el meo de ra cultura, de ‘l saé, de ra storia, de ra tradizios de ra śente ladina. Pareciave.

Diesc ane de laoro I se parecia a fei festa, a ‘l ospedal Codivilla Putti, par i diesc ane che ‘l é pasà, da chel 2003, canche ‘l é scomenzà chesto laoro, intrà ra Ulss 1 da Belun e ra sozietà Giomi, da Roma. Coscita, par lunes 1 de luio, i à pensà de se ciatà dares 17, su da ra jejeta, che ‘l é de fora de el Putti, daante, su ‘l sorei, agnó che i dijarà mesa. Dapò de alcuante discorse, de ra autoritàs, sarà algo de bon, da se magnà aduna. Intanto i se crida inaante, intrà Venezia e Belun, intrà chi che vó fei tornà ‘l ospedal sote ra Ulss 1 da Belun e ci che inveze vó el fei pasà sote ‘na sozietà privata. De un ver el consilio veneto, che ai 12 de marzo ‘l à votà par ra Ulss, de chel outro ver ra giunta veneta. Coscita ‘l é danoo ra politica, a pasà via par sora duto el resto. A ra śente de Anpezo, a chi de i paes ca pede, che i dora un bon ospedal, agnó podé śì, poco inporta, de dute ‘ste cridore.

Danoo ves r’Australia

Piantes, erbes, fiore da ra nostra natura, sun piato: algo de bel. Algo de bon.

Un tapeo de brojorada Un fior pizo el conta poco: dute aduna i tenśe ra crodes Ra val de Anpezo ra se daerśe daante, canche se rua su sote ra Penes de Naerou, su chel piol, sote ra crodes. Su par strada ‘l é fadia, a sfiadazà, a fracà su i pedai, anche se da sta ora, de ‘l dapò disnà tarde, deboto ves sera, no n’é duto ‘sto cioudo. Ce un bel ceto: nuia reśiro de automobiles, nuia susuro. Ce ‘na bela lun, co ‘l soroio che el fiorisce, sora Fuzargo. Duto s’inpiza de ros. Lun da fotografies, co r’aria coscita neta. Su chesta spona, su par pede ra strada, ves el Lelo, el color ‘l é chel de ra brojorada. Un tapeo de fiore. A in ciatà un, coscita pizo, deboto no te ‘l vedes, ma canche i é dute aduna, i tenśe ra croda. Torna el fiado gario, a se fermà, a poià el pe śobas, par toi fora ra machina da fotografà. Pensiere, sentimente, emozios. Dute i fiore i ciama ‘l istade, el cioudo, ra bona stajon. Ra brojorada ra vien ignante, ra sbuja el gnee, ra ciama r’ousciuda, ra natura che se

El mercui ladin

desceda. Rua ‘na machina, i desmonta de doi. Inze i oce de chel òn, luje chi de ra so noiza. Cuatro paroles, par bona creanza: “Cemodo stasto, ce festo, agno śio de bel”.

I se varda d’intorno, i ride, i vive de el so mondo. I se tol par man, i moe su par el troi, cuatro pasc, ignante de ‘l scuro. A i vardà, un pensier solo, che vien da ‘l cuore: beate lore.

Ra tośates ‘s é pi varentes de i tośate, anche a scora. Chesto se ‘l sà, ma se ‘l ea biśoin de ‘na proa, ra vien da i gnomes de i studentes che el Polo Valboite ‘l à vorù zerne, par portà inaante el projeto Australia par i anes 2013 - 2015: diesc gnomes, diesc femenes. Coscita prozede polito chel laoro, scomenzà śà zinche ane, de ‘l 20082009. Inalora i à tacà a se parlà, intrà Anpezo e Frankstone, un paes pede ra zità de Melbourne. I à scomenzà a se scrie, i studentes de el Polo Valboite, co ra scores de Anpezo e de San Vido, e chi de el John Paul College. D’ousciuda de ‘l 2010 el prin viaśo, de i nostre śoen, in Australia, con doi profesore, e el bon azeto de chera families, che i à toleste in ciaśa. Da inalora s’à senpre fato coscita: i śoen inze ra ciaśes, a inparà cemodo che se vive, no solo cemodo che se studia. De ‘l 2011 ‘l é ruà i prime studentes da r’Australia, inze ra ciaśes de i so amighe de Anpezo. E ‘pò danoo, inaante e indrio, i nostre śoen de ‘l 2012, i tośate australiane d’ousciuda de ‘sto an 2013, co ‘l projeto che el s’à slargà fora, da ra scora alberghiera, de el prin an, a ches’outra scora outes. E ades Mara De Lotto, sorastante de ra scores, e el profesor Christian Bressan, che i tende a ‘l projeto, i à podù zerne i gnomes, de ra tośates pi varentes: Eleonora

Bernardi, Carlotta Bovalo, Giorgia Costantini, Francesca Dandrea, Gaia Gaspari, Arianna Ghedina, Deborah Maran, Irene Menegus, Giulia Pintossi e Clara Rossi. I à betù outre sete gnomes, da curà fora, se fose posto: Luca Menardi, Elisa Bizzini, Stefania Da Rin, Gaia Mosco, Simone Cordella, Stefano Del Favero e Marco Aquilini

Par San Duane Se lieśe alcuanta pajines de ra storia pi vecia de Anpezo, inze ra devozion par San Joani, de ra śente de Vinego. Anche ‘sto an i à fato festa, i à dito mesa, de ‘l domegna, pi pede ai 24 de śugno, canche se recorda un de i sante pi grei de ra Cristianità. No n’é un cajo, se ra relijon cristiana r’à vorù el bete ades, propio via par sora el solstizio de istade, de i 21 de śugno, cemodo che ‘l é stà fato par el Nadà, pede a ‘l solstizio de inverno, de i 21 de dezenbre. Inze ra so predica, don Gianni Rech, pioan de Vodo, Peaio e Vinego, ‘l à recordà ra devozion de i vece, che i domandaa a ‘l Santo de i precurà, canche i aea da moe co i besteame, ves ra monte, mangare chera pi bela, e pi indalonśe, che i aea inalora, su par Lerosa e Travenanzes. Dapò se sà cemodo che ‘l é śù ra storia, che i à abù da se ra vende, chera monte, par podé pagà e liberà i so ome, ciapade da i nemighe, e i anpezane i à cronpà. Una storia che ra se lea co ra jeja de Ospedà, fata su pede chel ospizio, consacrada ai 30 de otobre de ‘l 1226: ancuoi ‘l é el monumento pi vecio de ra storia de Anpezo.

Una montagna di libri Da mercui ai 17 de luio, par un pei de mesc, a ra fin de agosto, podaron danoo scotà un grun de parsones e de parsonaje, parlà de libre. Torna “Una montagna di libri”, de el nosc Francesco Chiamulera. El portarà in Anpezo trope scritore, jornalistes, ome e femenes de ra cultura taliana e foresta. Cemodo che el fesc ogni an, anche par ‘sta ota se scomenza con algo de ‘l nosc, con calche libro che conta de nośoutre, par dapò vardà senpre pi indalonśe. Par duto ‘l istade, se se ciatarà cuaranta otes, pi che see inze ra sala Don Pietro Alverà, ma anche inze ‘l Alexander Girardi e ‘pò inze alcuante hotiei de Anpezo. Par parlà de duto chesto, i s’à ciatà martes 25 de śugno, a Venezia, a Palazzo Labia, un de i pi biei de ra zità, agnó che ‘l é ra Rai de el Veneto. Chesta de ‘l istade 2013 r’é ra edizion numero 8, de chesta festa de el libro, de el saé: ogni an nafé pi granda, nafré pi bela. Dinultima, a ra fin de agosto, ruarà danoo el Premio Cortina, par doi libre, un de leteratura e un su ra croda. E i s’à pensà algo de noo: da chesto an inaante, i betarà śo doa piantes de ziermo, su par Potor, co ‘na tabela pede, par recordà i gnomes de i scritore che venze. www.lauscdiladins.com

11


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

“Delmonego se n’a freghé dei fodomi” Chësta la dura resposta del capocomun Ugo Ruaz al prescident de la Crousc Bláncia da Reba. “On cialé de i daidé fin al ultimo. L a sbalié a fermé l servisc” Crousc Bláncia - “Delmonego ? Na gran delujion. L n’a porté na mascia de problemi e l a descorëst ntourn mel del Comun ence se on cialé de daidé fin al ultimo la Crousc Bláncia da Reba. L se n’a freghé dei fodomi, perciéche sedenò no l assa fermé l servisc.” Parole dure chële che doura l Capocomun Ugo Ruaz per respone al prescident de la Crousc Bláncia da Reba Paolo Delomengo, che su La Usc de la setemana passada l ava ataché Comun e Uls per no avei daidé l’associazion. E ánzi, de avei de nte chisc meisc a la Crousc Bláncia da Bolśán, che da dizembre la fesc servisc nta Fodom, chël che dël ava damané da agn per chëla da Rèba per continué l servisc. “Nia de plu fauz – spiega Ruaz. “Come Capocomun e come aministrazion on cialé de daidé n dute le maniere la Crousc Bláncia da Rèba. On tout pert e fat riunion su riunion co la Uls, siebelo a Reba che a Belum. Ence auna a funzionars e consiadous regionai. Mi m’é finamei cuaji beghé co la Uls per i é fe otignì chël che lori damanáva. Ma co è capì che la corda l’eva drio a ester massa trata e l eva l risćio che la se rompe è zedù. Chël che dël nveze no n a fat. Ngalin l é ste ciaro che la Uls no l’assa plu conzedù chël contribut straordinar che i ava ciapé fin davánt chelche ann. L e vera che duc i ava mpemetù velch, ma mei senza fe zifre. Co l é ste ora de firmé la convenzion l ava da se smonejelé

e azeté. A la fin la Uls la i é deva ben velch deplù. Zirca 10 centejimi al chilometro deplù de chi autri. Che a fe doi conc co i chilometri che i fajëva, vigniva fora zirca 10 mile euro. No l eva trop ma meio de nia. L ava da azeté e jì nnavánt co n’ambulánza sola. L eva meio n servisc smendré che l saré deldut. Chëst l é chëla che a ndessené la popolazion. Mi come Capocomun me i é sentude da la jent proprio per chëst tánt. Per chël che on cialé de ciapé na soluzion. E l’on ciapada a clamé la Crousc Bláncia da Bolśán. La priorité l’eva chëla de dé l servisc mprumadedut ai fodomi.” Delmonego l v’a fat i conc nte fonda e l a dit che fin ades vos ei dé a la Crousc Bláncia deplù de chël che dël ve damanáva per daidé prò a jì nnavánt co l servisc. “L é vera che on spenù velch per i afic del cuartier e del garage st’inviern. Ma chëst l é ste demé perciéche dël n’à metù nte sta condizion de emergenza a no firmé la convenzion. Nos onve ence fat la proposta a la Crousc Bláncia da Reba de ié paié 20 mile euro al ann de fit per i locai nte sua senta per mëte ite l personal e le machine de la Crousc Bláncia da Bolśán. Coscita nte cinch agn i s’assa paié ju l debit. Ma chëst Delmonego no l a azeté. Come Comun i’onve ence conzedù n contribut de 5 mile euro. No l eva trop, ma velch l eva. Po ci alo fat? D’aisciuda l ne

siera deldut l servisc. Se l jiva nnavánt forsci velch se ciafiëva ncora a trè fora. Ma coscita.” Nte suo “j’accuse” l a dit ence che ades Bolśán fesc servisc fora stagion con doi oure fisce, una de l’associazion e l dipendent del Comun, cánche a la Crousc Bláncia da Reba iè vigniva contesté che la n’ava un. “Proprio la Crousc Bláncia da Bolśán – continua Ruaz – l’ a da puoch riferì nte articol sui giornai che la stagion da d’inviern nta Fodom l’é juda polito e che co i scioldi che i a trat ite i ciafieia a se paié ju n’oura per trei dis a la setemana ence via per l’isté. Dut chëst senza chële entrade mplù che ava la Crousc Bláncia da Reba; come chël che i ciapáva dai servisc secondari, i contribuc, le cuote paiade ite da i assocei e i fic dei locai nte la senta al personal che fesc socorso su le piste. Entrade che ndut valëva zirca 50 mile euro.” Proprio chisc dis la Uls l’a rinové, siech meisc davántfora da la scadenza, la convenzion con Bolśán fin al 2015. N at che sa tánt da porta sbatuda e sarada per tres sul mus a la Crousc Bláncia da Reba. O almánco a la dirigenza de Paolo Delmonego. “Dël l ava da di de sci e firmé la convenzion co l eva ncora n temp, che vol di d’auton de l ann passé via. No l é con chëst sistema de ataché su per i giornai che l podarà smonejelé e strenje ndavò raporc con Comun e Uls.” (ls)

Máncia i scioldi per le manifestazion. L’Aft damana a duc i assocei de se tre ite le manie e de na mán co l volontariat”

12

www.lauscdiladins.com

mesagio che a da passé l é che duc mossa de suo contribut senza pensé demè a ci che dël nstëss ciapa ndrio. Per chëst on damané a duc i assocei st’istè de de na mán a chelche moda per mëte a ji le manifestazion. No n on scioldi per paié spetacoi de degune sort. Se volon fè velch mosson l fe demè co l volontariat. Per la di duta, mosson fe turismo a cost zero. Nlouta l é debujen che duc i soci se tire su le manie e diebe suo contribut. Per ejemple on bele dit che se n ocajion de la Gran Fondo, che meton a jì come Aft, volon sporje l “Menù Ladin” ai concorenc, ogniun mossarà mëte velch debann. Fin a l ann passé vigniva paié fora velch. Sto ann no, dut mossarà ester scinché. Na persona a ence bele de sua disponibilité a acompagné i sciori a vijité l mulin. L mascimo che podaron se mpermëte – spiega ncora la prescidenta – sarà chël de mëte a dispojizion de le associazion del paisc l nost tendon per duta l’isté. Per nvalgune manifestazion ne l a bele damané la Bánda. Nos se tolaron su i cosć per l monté e l smonté.” Ntra i autri ponc al ordine del di de la

L’Uls sprelongia la convenzion con Bolśán fin al 2015 Se fèsc tres plu strent l raport co la Crousc Bláncia da Bolśán L’Uls 1 de Belum l’a rinové , siech meisc davánt de la scadenza, la convenzion co la Crousc Bláncia de Bolśán per l servisc de prum aiut nta Fodom. La nuova convenzion la valarà fin al 31 de merz del 2015. N senn chëst de la ciara volonté, da pert de la Uls, de jì nnavánt co l raport de colaborazion con Bolśán, scomencé de dizembre de l ann passé, davò dute le vizende ben cugnisciude. La notizia l’é ruada bel auna a le esternazion del prescident de la Crousc Bláncia de Reba Paolo Delmonego, che su La Usc de la setemana passada l ava critiché proprio la Uls de avei adoté n tratament plu favorevol co la Crosc Bláncia de Bolśán nte la convenzion per l servisc de prum aiut. Come recordé, la pruma convezion l’eva stada firmada ai 22 de dizembre “davò n percors ërt e articolé, che a volù de stabilité a n’ativité, segurada ntei siech meisc davánt da la stipulazion de la convenzion, grazie a la disponibilité de le associazion de volontariat che laora sul teritorio de l’azienda” scrif la Uls. La convenzion che eva drio a scade l’eva stada poscibile grazie a la disponibilité del Comun da Fodom de acolie l’associazion de volontariat nte la comunité e de cherì albierch per i volontari e le ambulánze, ma ence per le

manifestazion de volonté de la comunité, zitadins e volontari, da Fodom, de to pert a l’associazion e de daidé prò. D’autra pert le associazion de volontariat dei paisc dintournvia, come Rocia, Col, Alei e Sëlva, che a seguré l servisc davoche la Crousc Bláncia da Reba s’ava fermé e po no l’ava plu fimré la convenzion, “le no n eva plu nte le poscibilité de continué perciéche ogni associazion l’é dimenscionada, come numer de machine e de volontari, per suo teritorio de riferiment – scrif ncora la direzion general de la Uls. Che la continua po co l di che l sprelongiament de la convenzion l é rué n consciderazion del fat che “l’associazion bolzanina l’a manifestè l’intenzion de jì nnavánt co la convenzion ence davò l 2013, ma anche perciéche con chësta disponibilité vignarà completé l’ofierta del servisc de prum aiut e de trasport per malei e nfortunei fin al 2015. L’Uls la valuteia nfin come positif l fat che l’associazion l’a seguré na gestion otimal per cualité, segurëzza e continuité de servisc e che no n é ste degugn lamentánza ne da pert dei operadous, ne dai utenc ne da la coletivité. Rinové la convenzion costarà a la Uls 120 mile euro: de chisc 96 touc fora dal bilánza del 2014 e 24 mila da chël del 2015. (ls)

Pruma “salva” dei scizer ja Col Na tradizion che s’ava perdù

“Fe turismo a cost zero” Atualité - Fitaciaune che acompagneia i sciori su per mont. Albergadous che se mët na falda e prata pastin o spina bira nte tendon. Manifestazion “fate n cesa” sto ann da l’Aft n fora per l’isté sa na Reba. Máncia i scioldi per spetacoi e ntratenimenc per i sciori e coscita l’Aft a fat apel a duc i assocei de da na mán. “L é temp de se de na mán un con l auter e no cialé demè al tournacont personal” disc l prescident Michela Lezuo. La criji la mòrt dassën. Contribuc dal aut no n rua. E coscita a l’associazion turistica no i é resta auter che se afidé a chëla forza che per agn e agn l’é stada l sedim per l’organizazion de tánte e tánte manifestazion: l volontariat. O meio, “l auto volontariat”, chël ven dai medemi soci, dai operadous turistizi, che per prums avarà da se tre ite le manie se i volarà che al scior pobe vignì sport chelche ntrateniment per l’isté. La cuestion l’é stada tratada nte l’ultima sentada de l’Aft co l é ste ora de descore del program de le manifestazion da d’isté. “I temp no i é dei plu sauris – spiega la prescidenta Michela Lezuo. L

nr. 25 / 28 de jugn 2013

sentada l eva ence chël soura la couta de souranot. “No n on podù descore plu de tánt, perciéche manciáva l raprejentánt del Comun. Per chëst on demé prejenté i conc.” E cotánt elo ste paié ite ndut da le struture de la val ? “Al 18 de jugn l Comun l ava ncassé 41 mile euro. Che me sa scialdi puoch. Sot a chël che me spetëve.” Zerto, ma sto ann l scior l podëva ence no paié per via che la couta l’eva stada metuda su massa tert. Chëst dato spo ci volelo di ? “Vol di o che chelche strutura no n a ncora paié ite i scioldi al Comun o che no i l’a ncassada perciéche l scior no l’a paiada.” Ma proprio l’Aft l’ava dit che l eva problemi a ie de da ntëne al scior che l é da paié ence sta couta. “L problema l eva plucheauter la burocrazia pensada dal Comun. Chi che no volëva paié i assa mossù scrive fora na mascia de cherte. Chësta sarà na cuesion da comedé. A la fin l scior l no se lamenta plu de tánt e 8 su 10 i paia senza trope discuscion. Oramei no l é plu da n descore. La couta l’é e toca la paié.” Come autrò, njonton. (ls)

Col - Come che l’eva e l é tradizion nte duc i paisc de Tirol, ence ja Col fin davánt chelche ann l di del “Cuor de Gejù” vigniva sbaré falconëc ntánt la procescion. Na tradizion che nchëstadì i scizer da Fodom e Col a fat rivive co na “salva” sbarada davánt gliejia ntánt la funzion. Na solenité ncora trop sentuda, coche desmostra la partecipazion de mëde e jovene co l guánt da nzacan, i studafuoch co la mondura da feste. Sesaben che daperdut no se ciafieia a ester

e nlouta per ester de assé a sbaré ja Col i scizer sto ann no i a ciafié a jì a la procescion sa na Reba, come fat davántvia. Per chëst i a dezedù, per no fe tort a degugn, de to pert n ann per luoch. Da sëra, ence se l niol e la ploia a sceché, l é ste mpié i fuosc Salerace, sui Ciadiniei e sa i Magoec ja Col. Tropa la jent, souradut jovegn, che a responù al invit dei scizer e che s’à prejenté a se mangé na liania e ste n compagnia per fe rivive sta bela tradizion.

I scizer njignei a sbarè la “salva” per l Cuor de Gejù ja Col.


Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

nr. 25 / 28 de jugn 2013

Val Badia

N tesur de cultura y degun post Irma Trebo da Antermëia à a ćiasa n gröm de guant da paur y da zacan, fostüs de tëmps da inlaôta. N patrimone cultural che foss da mostrè - é süa minunga - mo al manćia ćiamò n post. Le Museum Ladin foss desponü da cumprè Cultura - Da püch unse festejé indô cun solenité les festes d’Les Antlês y dl Cör de Gejù. Chëstes é ocajiuns olache jënt tira indô fora di armà le guant da paur, s’l vist, le porta dant, por le mëte spo indô ia a palsè por mëisc alalungia. Chisc ê dandaìa i bi guanć da festa che ëres y ëi tolô ca da jì a dlijia. Incö descëda guanć da inlaôta intres indô morvëia inće pro i sciori, te chës ocajiuns che ai po gnì presentà. Gran ligrëza cun i guanć da zacan à inće Irma Trebo d’Antermëia. Sciöche ara cunta, él stè süa lâ Beta Moling Planatscher da Preroman che ti à trasmetü la pasciun por le vedl; ëra dortorâ sö ćiapì y guanć de vigni sort. ”Canche ara nen desfajô n tòch ne le sciurâra nia demez, mo ara le metô da na pert. Insciö ài inće iö ciafè la ligrëza da tignì sö chësc guant”, cunta Irma. Chësc s’à intratan bele baié incërch, Irma à abiné sö na gran cuantité de vistimënt y tòć da inlaôta: ćiapì, guanć da paur, guanć da gnidé, ćialzà, ćialzes, corpeć, śamari, tòć de trohtes vedles, tasces y tan d’ater. ”Al é döt tòć originai”, dij Irma, ”ćinamai guant da dessot, che se miritass na mostra a pert”. Danter sü tòć ara inće n guant original de Sefl Vittur, fomena dl mone da La Crusc Vijo de Curcela, che va zoruch ai agn dl 1900. Le guant é rové da Badia jö. Sciöche tan gonot, àra ciafè adalerch tòć dër vedli, che jënt sciurâ ma insciö demez. Ara à fistidié da le puzenè,

y sce al ê scarzè, da le dortoré. Sambëgn che avëi döt chësc guant vedl dà inće bindebò da laûr: ”I ne po nia ma le sciuré te n armè, mo al é inće da ćiarè dl guant, le mëte fora al’aria n pêr de iadi al ann, che al ne vëgnes nia da termes.” D’isté dl 2010 él stè le Museum Ladin che ti à pité deboriada cun la Uniun di Ladins dla Val Badia la ocajiun da mëte fora sü guanć y azessurs pro na mostra tl Ćiastel de Tor. Da ilò inant él döt scialdi chît incër i guanć, y a Irma ti parëntera che ara sides insciö: ”I ess ion che ai gniss metüs fora. Al ne joa a nia che i tëgnes sö döt agn alalungia te n armè. Chësta é cultura, che i n’ô nia ma me tignì sö da me te ćianô. Sce an ti ćiara a chisc guanć, él veramënter la storia laite.”

edl na mostra permanënta, y s’à insciö ôt al assessur Florian Mussner por damanè da tó sö contat cun le Museum Ladin. Bel avisa ti à l’assessur d’aorì 2011 scrit na cherta al diretur Planker, olache al prëia da valuté sce ara jiss da ciafè na soluziun. De dezëmber dl medemo ann ciafa Irma posta da Mussner, olache al damana n preventif di cośc: al foss l’interes da ti cumprè jö i guanć. Mo Irma n’é nia a öna. ”Iö n’ô nia vëne i guanć por trà ite scioldi, y spo magari por che ai röies indô te val’ ćianoa. Ilò m’ai tëgni bëgn.” Chësc i à Irma inće scrit a Mussner. Da chë cherta él passè oramai plü co n ann, y al n’é plü sozedü nia.

Chirì na soluziun

Le diretur dl Museum Stefan Planker nes confermëia che la proposta da cumprè jö guanć vel tres ćiamò: ”Le Museum é na istituziun provinziala, che à la funziun primara da mantignì y tignì sö. Sce ara va, ćiarunse inće da cumprè jö tòć. Te chësc cajo ésson orü cumprè intan de trohtes, les plü vedles o rapresentatives por la Val Badia, por les tignì sö por le dagnì, paian inće le prisc aladô dla valüta che i tòć à”. I damanun sce al n’é nia meso da surantó i guanć zënza i cumprè. Chilò é Planker tler: ”Chësc é n problem general por i museums. I museums ne po nia deventè n depot por i atri. Ilò messàsson damanè n fit. Nos sun na istituziun publica, i valorisun la cultura ladina, mo i ne podun nia finanzié o sostegnì privać.” Planker spliga inant che le Museum à la funziun da abiné adöm esponać, y che tröp vëgnel adalerch tres scincundes o donaziuns. ”Deache jënt sa spo che chisc ogeć vëgn spo tignis sö y valorisà”, dij le diretur. Chësc material po eventualmënter inće gnì imprestè fora por d’atres mostres.

Por Irma foss le Ćiastel de Tor le post ideal por mëte fora i guanć: ”Al é locai scürs y da mëte sö vigni tant n guant fora por le ćiastel ne foss degun desturb. Ai passenass dër bun laìte.” Le diretur dl Museum Stefan Planker alza fora che le museum à bele invié ia deplü proieć incër le guant da zacan, danter l’ater la mostra suradita, mo inće proieć cun aprofondimënć - p.ej. sön l’artejanat che stà doìa. ”Sön n’ativité de 12 agn unse te 3 agn dediché proieć ales trohtes”, dij Planker. Irma Trebo odess indere de bun

La proposta vêl ćiamò

Ciafè n post por chësc patrimone Guant da zacan y da paur metü fora tl Ćiastel de Tor. Irma Trebo dij: ”Le ćiastel foss le post ideal.”

Irma Trebo s’à dan da püch ôt

Irma Trebo mostra n ćiapel da paur, che sarà gnü vistì da na möta. La spana dl će é de 12,5 cm.

al’aconsiadëssa provinziala Maria Hochgruber Kuenzer, che ê inće stada patrona provinziala. Inće Kuenzer à impormetü che ara tolarà sö contat cun l’assessur Mussner. ”La idea vëiga düć beliscima, mo ala fin ne sozedel

nia”, dij Irma, che mët bel plan man da perde la speranza: ”Mi mituns n’à nia plü tan ligrëza cun chësc patüc. Sce al n’é nia le Museum Ladin, speri che al sides magari zacai d’atri che se fejes n pinsier. Te vigni comun él pö n assessur ala cultura. Sce i sciurun demez la cultura, spo messarài inće iö n dé la sciuré demez”. Mo la speranza é ćiamò, che al saltes fora n post ideal. Sce zacai ess na proposta, pòi tó sö contat impara.

Adatè le guant a nüsc tëmps

Chësc guant original vëgn da Badia jö y va zoruch ai agn dl 1900. Al ê de Sefl Vittur, fomena dl mone da La Crusc.

A cör ti stess inće a Irma sce i guanć da paur gniss tuć ca deplü inće dales generaziuns jones: ”I capësci che i guanć da inlaôta é bindebò strënć, y che les jones ne stà nia ion injopades ite, mo sce an i adatass a na maniera da i fà plü da stè saurì, fóssel sigü n bel guant da festa, y ares s’l vistiss indô.” Na idea àra tut da Meransen ca. Ilò - cùntera - n’êl plü feter degünes che tolô le guant da paur. Spo él gnü laurè fora, o modernisé - sce an ô dì insciö. ”Śëgn él indô tröpes jones che s’l vist.”, dij Irma, ”Al ne foss nia da le fà nü, mo da l’adatè n pice püch a nüsc tëmps.” (pablo)

Lîtes tla SVP da La Ila Da püch él gnü lité danü le comitê SVP da La Ila. La lîta dl surastant nü gnarà a s’l dè tles proscimes edemes. Curiosité: tl comitê gnanca na ëra Politica - Le 2013 é ann de lîtes, sides a livel nazional, co provinzial y inće local. Insciö él da püch inće gnü a s’l dè les lîtes pro le comitê SVP da La Ila, olache al é rové ite indöt 7 mëmbri: Manuel Moling, Aldo Bernardi, Freddy Costa, Armin Bernardi, Willy Fistill, Werner Burchia y Renato Pizzinini. Ëi romagnarà en ćiaria por i proscims trëi agn. Na picia curiosité po ester che tl comitê n’él rové ite gnanca na ëra. La sentada costituënta gnarà

tignida tles proscimes edemes. Ilò gnaràl spo inće lité le surastant nü, che surantol chësta inćiaria da Arno Crazzolara. Ala lîta ê presënć inće le surastant dla SVP Val Badia Klaus Winkler, le vizepresidënt dl partì Daniel Alfreider, l’assessur Florian Mussner y le vizepresidënt dl raiun de Puster Martin Ausserdorfer, che à rengrazié le surastant da denant por so impëgn desmostrè te cotan d’agn d’ativité. Chësta é inće stada l’ocajiun por Winkler da portè dant l’ativité dla

SVP Val Badia, alzan fora le bojëgn da trà ite deplü la popolaziun tla politica. Ausserdorfer é spo jü ite plü sön l’ativité dl partì a livel de Puster. L’assessur Florian Mussner é jü ite te tematiches desvalies danter l’ater la lege urbanistica y la lege por i pici sparagnadus - y le parlamentar Daniel Alfreider à baié dl raport de Südtirol cun le govern Letta, alzan fora n iade implü l’importanza dl’autonomia sciöche basa de nosc bëgnester y dla pêsc soziala. (pablo)

Florian Mussner, Renato Pizzinini, Armin Bernardi, Willy Fistill, l’assessuria de comun Roberta Mellauner, Freddy Costa, Klaus Winkler, Manuel Moling, Werner Burchia, Aldo Bernardi, Martin Ausserdorfer, la manajadëssa dla SVP Ladina Alberta Tamers y Daniel Alfreider. www.lauscdiladins.com

13


Val Badia

nr. 25 / 28 de jugn 2013

N bun pest por na buna publicaziun Segnalaziun particolara a Asiago por le liber “Iagri Badia” Leteratöra - Le 2013 é n ann de gran sodesfaziuns por la scrituria de Badia Daria Valentin. De merz ê süa cuntia “Le lou blanch” gnüda segnalada pro le concurs “Giacomo Rosini”, invié ia dal’Ars Venandi. Śëgn, de jügn, é le liber “Iagri de Badia”, che ara à metü adöm deboriada cun Karl Albert Irsara

y Nadia Chiocchetti, gnü segnalè pro le concurs internazional Mario Rigoni Stern. Y sce bele le reconescimënt ciafè por la cuntia ti â scinché na gran emoziun, é por ëra la segnalaziun pro chësc concurs stada na valorisaziun implü por so laûr. “Chësc reconescimënt é la desmostraziun

che chël che i ùn fat va bun, che i ùn salpü da nes mëte sön la dërta strada”, nes dîjera. 57 é stades les publicaziuns che à tut pert al concurs. Le pröm pest ti é gnü surandè al’opera de Dionigi Albera “Au fil des génerations”; sis é les publicaziuns che la iuria à orü segnalè y danter chëstes él inće “Iagri Badia”.

N pest internazional

Auturs y rapresentanć di iagri cun le presidënt dla Federaziun Taliana dla Ćiacia. (foto: Sergio Dalle Ave)

Chël dediché a Mario Rigoni Stern é n pest por la leteratöra multilinguistica dles Alpes. Al é n pest de gran valüta a livel internazional, davert a düć i lingac che vëgn baià tl raiun alpin y vëgn portè inant – danter l’ater – dala familia Rigoni Stern, dal’Ars Venandi, dala Provinzia Autonoma de Trënt, dala Regiun Venet y da Federcaccia. Le pest vëgn dè fora a roda tl Trentin y tl Venet, n ann porom, ales mius operes de leteratöra y de sagistica che trata temesc lià al paesaje alpin, ales

ativitês produtives tradizionales, al contest soziocultural dles comunanzes alpines y ala ćiacia sciöche na ativité liada a na sensibilité particolara por l’ambiënt.

N liber plurilinguistich y complet La premiaziun é stada en sabeda ai 22 de jügn tl salf dla cultura a Asiago. A pié do le reconescimënt él rovè adalerch na picia rapresentanza ladina, metüda adöm dai trëi auturs, Daria Valentin, Karl Albert Irsara y Nadia Chiocchetti y dala consulta di iagri, cun le surastant Hubert Fistill, so vize Klaus Crazzolara, Christian Valentini, ideadù dl liber, y Paul Valentin (al manćiâ Ivan Pedratscher, ndr). Por i auturs y sambëgn inće por i iagri, él stè na gran emoziun y sodesfaziun podëi pié do chësc reconescimënt de livel internazional. “An sintî fora l’aria internazionala pro la premiaziun – nes cunta l’auturia – tl salf êl jënt

da döta l’Europa, dala Talia, Francia, Svizera, Slovenia y Austria. Al é gnü fat n cheder dla jënt che vir tl teritore alpin, cherian n lian danter popolaziuns y cultures che se arvijinëia, mo che é impò atramënter.” Alzè fora él inće gnü la richëza linguistica de chësc raiun geografich. Nia ma te Südtirol ne vëgnel baié trëi lingac, mo inće d’atri raiuns de confin é caraterisà dal plurilinguism. Bel le plurilinguism é öna dles motivaziuns che à portè la iuria a segnalè “Iagri Badia”. La publicaziun, scrita te trëi lingac, ti dà la poscibilité a de plü jënt de ti rové pormez al contignü. Aprijada é inće gnüda la impaginaziun, lisiera, nëta y scëmpla, le dër abinamënt danter test y fotografies y la completëza dla publicaziun che tol ite argomënć desvalis sön la ćiacia; argomënć sciöche usanzes, tradiziuns y la storia dl revier de Badia, che vel inće por i atri reviers dla valada y plü en general de Südtirol y dl Tirol. (kp)

“Salotti del gusto”: vedrina de saù y creativité Trëi dis por mangé bun y bëre vins de alta cualité pro “Salotti del Gusto”, la manifestaziun enogastronomica nöia, metüda da jì tl Dolomiti Wellness Hotel Fanes set fredesc Crazzolara, düć impegnà tl setur turistich cun n’atra sort de strutöra, s’à metü adöm sot chësc martl por laorè deboriada y sfruté deplëgn les energies y les potenzialitês de vignun.

“Salotti del gusto” va inant

Tratan la inaguraziun.

San Ćiascian - Ara é gnüda inaugurada en sabeda tl Dolomiti Wellness Hotel Fanes da San Ćiascian la pröma ediziun de “Salotti del gusto”, manifestaziun enogastronomica de trëi dis che à cherdè adalerch tl’Alta Badia produturs de vins y spezialitês de alta cualité, coghi conesciüs y jornalisć. Ara se trata de na vidrina importanta por chi che laora te chësc setur, che à insciö albü la poscibilité de se conësce y de se fà

14

www.lauscdiladins.com

conësce. “Al é gnü desmostrè n gran interes da pert di produturs por ‘Salotti del gusto’, dantadöt por le post olache ai é gnüs organisà, l’Alta Badia, na localité conesciüda por la gran atenziun che al ti vëgn dè al mangé y al bëre de cualité, olache vigni strutöra, dala plü picera a chëra plü grana ti pîta al ghest n bun mangé”, sotrissëia Marina Crazzolara, mëmbra dl Fanes Group che à metü da jì la iniziativa adöm cun “La compagnia del Tartufo”. I

Adalerch él ruvé indöt 60 produturs – dantaldöt dala Talia, dal Nord, mo inće dal Süd - 40 spezialisà sön le vin, 20 sön le patüc da mangé. Por trà ite ćiamò deplü i produturs él gnü invié ia le Chef Contest. Caranta coghi é gnüs cherdà a realisé caranta rezetes da abiné pro i vins presentà y adoran i produć metüs fora dai produturs che à tut pert a “Salotti del gusto”. Tröpes é inće stades les manifestaziuns che à fat da cornisc a chësc evënt. Dlungia les ćërćes y les cënes él gnü metü da jì presentaziuns de libri y referać sön la tematica dl’alimentaziun y dl bëgnester. “Dessigü à la iniziativa

‘Salotti del Gusto’ portè na gran visibilité, nia ma a San Ćiascian, mo a döta l’Alta Badia. Inće sce i sun stà nos a l’organisé déssel ester valch che ne va nia ma a nosc bëgn, mo a bëgn de döt le raiun”, spliga Marina Crazzolara. Gran é stè le suzes de publich de chësta manifestaziun, a chëra che al é stè invié adalerch düć i operadus dl setur. “Al é ruvé adöm tröpa jënt, dantadöt da foradecà. Ostis dl post él gnü n pü’ de manco, magari deache i ùn düć na certa inibiziun tl jì tla ćiasa de n ater.

Iniziatives sciöche chësta dess indere gnì odüdes sciöche ocajiuns importantes por conësce y se confrontè cun val’ de nü, cun produć y spezialitês de alta cualité”, dij Marina Crazzolara slarian fora n invit por la proscima ediziun. “Salotti del Gusto” é na manifestaziun n’ô nia ester n evënt unich, mo n cërtl de apuntamënć, che jarà inant bele chësc altonn a Capri y che arsiarà indô n’ater ann tla Val Badia, sciöche Crazzolara nes assigurëia. (kp)

La premiaziun dl “Chef’s contest”, cun Reinhold Crazzolara, Raffaella Corsi Bernini y Gioacchino Bonsignore.


Val Badia

nr. 25 / 28 de jugn 2013

Adio al ultim “gran preo” Le Vësco Ivo Muser, passa döes desënes de proi, les uniuns dl paîsc y la jënt d’La Pli de Mareo y d’atres cöres ladines y nia ma à tut comié da Signor Merch Graffonara La Pli - N gran ćialt s’â lascè jö te chëstes prömes ores dl domisdé, val’ un se recordâ avisa la mëssa noela de Signor Merch dl 1948 a Antermëia dijon “en chël dé êl inće n te’ ćialt”. En mercui ai 19 de jügn 2013 à la comunité dl paîsc d’La Pli, le Vësco Ivo Muser y cotan de proi tut comié da Signor Merch, stè te paîsc - do dui agn da capolan bele dal 1949 al 1951 - dal 1968 incà sciöche ploan y maester de scora, y do le pensionamënt dl 1998 ćina püch dan la mort “ploan emeritus”. Signor Merch é dal 1998 incà inće jü ćina chësta ultima aisciöda fora Sares a dì mëssa les domënies y festes. Cun Signor Merch perd le paîsc d’La Pli de Mareo inće le prou de calonia, do che le paîsc uma dla valada â bele pordü tl 20ejim secul la sënta dl Decanat, la sënta dl Ploan (dl 1998) y spo dl 2005 l’inom dl Decanat (fora de Decanat de Mareo él gnü le Decanat dla Val Badia).

L’ultim ploan te paîsc De setëmber dl 1998, 30 agn do che Signor Merch ê dontè ploan d’La Pli, messâl jì en ponsiun don jö l’aministraziun y gestiun ofiziala dla ploania d’La Pli de Mareo al ploan d’Al Plan Signor Heinrich Perathoner. Signor Merch é stè l’ultim ploan d’La Pli de Mareo cun

sënta te calonia dlungia la Gran Ćiasa. La Pli de Mareo à insciö pordü desco cöra uma dla valada inće la sënta dl ploan de Mareo, do che la ploania de Santa Maria dl Bun Consëi â bele messü lascè jì dl 1915 la sënta dl Degan de Mareo (chësc ê stè laôta dl 1915 siur Jan Batista Mersa che abitâ a San Martin de Tor) por dagnora.

taiëntes ne i à nia dagnora plajü a düć. Signor Merch instës s’â aodé te so testamënt da gnì sopelì söla man dërta daite da üsc de cortina bel dan üsc de dlijia, ći che al i é inće gnü conzedü spo. Orü âl inće che la Grana sonass dër dî canche le scrin gnô condüt fora de Dlijia y che la comunité jiss impara n iade incër Dlijia ia.

N piniser ala sopoltöra de Signor Merch

La calonia d’La Pli de Mareo öta

Signor Merch é gnü acompagné sön so ultim iade da calonia demez jö te Dlijia acompagné dales uniuns dl paîsc, dala Musiga y dal Cor, portè da trëi Stodafüć y da trëi Scìzeri. Le tëmp ê dër ćialt chisc momënć, tratan mëssa àn indere podü trà le fle cun na ona de granüjeres tomades dal cil y na splijina. Le Vësco Muser à cuntè tratan la mëssa de sopoltöra de na cherta che Signor Merch i à scrit canche al ê gnü vësco, “tu es Christus” - le moto chirì fora dal Vësco, à Signor Merch comentè sciöche la gran misciun de n prou y vësco, y le Vësco Muser à inće dit che ël à odü Signor Merch desco “ultim gran patriarch”; signor Degan Iaco Willeit à dit che Signor Merch é stè na porsona che dijô ći che al pensâ y che söes parores datrai

Śëgn é le paîsc d’La Pli de Mareo, cöra uma dla valada, zënza n prou y la gran calonia é naôta öta. Ćiamò à La Pli de Mareo n sò bun ploan che vëgn d’Al Plan ca por les funziuns. N paîsc che é gnü amarscé por zirca mile agn alalungia da degagn, proi, ploagn y families medievales nobles, se sint forsc śëgn n pü’ dejorientè, mo mëss se confronté cun chisc mudamënć orüs da nüsc tëmps. Signor Merch inviâ pa tan la jënt da perié do vocaziuns, mo indoman arunse na gran ćiarestia de proi! Odarun sce al podess gnì n bel dé a La Pli de Mareo n ploan jü en ponsiun te n ater paîsc, te calonia fóssel naôta lerch assà y tröpa jënt sint ćiamò tröpa fede cristiana y respet por les tradiziuns che à tignì bòt ćina śëgn a tröpes corëtes. (ir)

Le clerus y la comunité acompagnëia Signor Merch sön so ultim iade.

Na man de corù prëibel Da en doman inant vëgnel indô trat ite le daz tres la Val de Mareo. N sorì söla boćia lascia n ”messaje de protesta” por la ütia dal daz en malester Curiosité - Al é bele cotan d’agn che al vëgn te Mareo trat ite n daz por i mesi che transiëia ite por la Val, cuntra Pederü. La ütia de lëgn che sorvësc da assosta y postaziun por i colaboradus à bele cotan de sajuns y tempiades sön les ares da tët. Y i sëgns di agn se lascia plan plan odëi. Inće iniann éra tosc tan inant: da en doman 29 de jügn inant, ćina ai 8 de setëmber, gnaràl indô trat ite le daz: i auti paia 7,00€, i camper 20,00€, i motors La ütia dal daz metüda sö. 4,00€ y les corieres 15,00€. Zitadins dl comun de Mareo ne le momënt 8 iadi al dé, de sajun alta paia nia y i atri po s’anuzè dl le dopl. UNESCO Shuttle che transiëia por La ütia dal daz é bele da n pez metüda sö te so post, daìte da Lé dla Crëda. A zacai ti àl bonamënter dè al edl che sües falzades é bindebò grijes y en malester, porchël s’àra o s’àl ponsè da ”protestè” en pêsc por chësta situaziun. La porsona à ”ascognü” do n placat ite n bel penel. Al pica ma fora le mane de lëgn, sön chël che al stà scrit chëstes parores: ”Prego rendetemi utile presso questa bella casetta. Grazie". (pablo) Le penel cun le ”messaje de protesta”.

www.lauscdiladins.com

15


Val Badia

nr. 25 / 28 de jugn 2013

Na usc cuntra les bombes tl parch Mareo recorda l’injenier Illing, pionier dles munts, che s’à dè tröp da fà por che les eserzitaziuns di soldas sön les munts marores y ampezanes podess avëi na fin Deache i soldas tignî amez isté sües manovres sö por chëstes munts marores y ampezanes, rovinâi cotan la cortesc dles munts cun sües bales da canuns che sprinzâ n pü’ indlunch y fajô de dër büsc; ai â sistemè i canuns te raiuns ampezans, Pederü y Fanes, y stlopetâ sö cuntra Sas dla Porta.

Termi contestà

L’inj. Ugo Illing de Ampëz é da püch gnü a manćé.

Mareo - Desche i ùn podü lì tl foliet ladin di 7 de jügn 2013 a plata 11, él mort ia Ampëz le inj. Ugo Illing, che à fat tröp por le sport y le turism ian Ampëz. Mo chi de Mareo recorda le inj. Illing (so pere ê dla Cehai) deache al s’â i agn dal 1960 insö dër dè da fà por defëne les munts ampezanes y de Mareo, olache i soldas fajô vigni isté sües manovres cun ermes pesoćes. Al é vëi che i soldas à fat n bel laûr cun fà da Pederü sö ćina a

Fodara Vedla y Senes na strada che i paurs de Mareo podess arjunje plü saurì les munts cun sü armënć (tröc ê pa bëgn cuntra la strada). Laôta messâ vigni armënt jì da süa stala demez ćina sön munt döt a pé. Chi che â le tru plü lunch piâ pa ia dales 2 da doman y ai ê chës 6 ores söl iade; valgügn trać da Pederü sö ê cotan ërć y sfadiusc por vigni armënt, da jì sö por le lastun ćina te munt. I ćiavai che condujô sö le poch ai famëis y n porcel o l’ater rovâ sö blanć da scaia dal assuius.

Mareo ne se defenô tl pröm nia cis, deache na pert fajô cun i soldas de bogn afars; paurs baratâ ite ai soldas fëgn por sü müsc sön sać de sè, zucher, riji y avëna; implü consumâ cotan de soldas tröpa mangiaria che gnê cumprada te Mareo. I ampezagn à dagnora tignì tröp sön la sconanza dla natöra, scebëgn che Ampëz à n gromun de beles munts. Püch daite dales üties de Fodara Vedla y Senes él bele le termo de Mareo cun Ampëz, y chësc ê cotan de desturb por i famëis de munt. I conesciun dala storia, dai vedl scrić dl secul 15 incà tan gonot che maroi y ampezagn ê por le termo dles munts gnüs a splunder y â albü da se bate dan signoria. Cun n termo tan dlungia les stales messâ i famëis dles döes munts marores o s’afité n tòch de munt ampezana y paié intant, o che ai metô sön le termo n famëi aposta por vardè i armënć che ai ne jiss nia a dann tla munt ampezana (Fosses, Ra Stua, Ćiamp de Crusc…). Sce les verdes ampezanes abinâ n armënt marô te süa pastöra, i gnêl fat al famëi marô la plüra y al podô ji ia Ampëz al prozes che ne jê nia dagnora fora bel tlonz; ara tocâ da paié nia na picia straufunga.

Protestes ia Ampëz

N möt de 12 agn sön Senes, dlungia na bala nia jüda ciarà. Tla foto dlungia: protestes cuntra i soldas.

I ampezans ne dorâ nia che i soldas rovinass sües munts, à pö na cortesc rovinada a 2.000 m de altöra almanco na generaziun da se engenerè indô. Porchël à i ampezans tut atira la cuestiun dles manovres di soldas sciöche

L’aeroport de Senes.

provocaziun. Ampëz â bele chi agn cotan de turism; dl 1956 él stè a Ampëz i Jüć Olimpics; i foresć se sintî al prigo da rodè fora por les munts rovinades dai soldas, êl pö olachessî spliteri de bales da canuns o bales nia jüdes ciarà, ći che metô al prigo la porsona. I ampezans â tut la iniziativa da se parè cuntra les manovres di soldas. A će de chësta oposiziun êl le inj. Ugo Illing; al organisâ protestes fora por les strades d’Ampëz cuntra les manovres. Le comun se lasciâ inće sö, ê pö le comport di soldas negatif por le turism. Le inj. Illing s’â tosc metü en contat cun le Comun de Mareo, cun la speranza che al se parass inće deplü por fà stè demez d’isté i soldas cun sü canuns a sprigorè jënt y armënć sön munt. An é rovà tan inant che i famëis de Senes y Fodara Vedla â messü nia ma n iade gnì cun i tiers jö Pederü por ester al sigü che i soldas podess stlopetè cun sü canuns da Fanes ia cuntra Sas dla Porta. Chësc gran desturb ti ê inće stè demassa a chi de Mareo. Na delegaziun de comun cun l’ombolt Tone Feichter y i assessurs Erich Kastlunger, Fritz Mutschlechner, valgügn rapresentanć di paurs y le sotescrit s’â urté dl 1967 ia Ampëz cun le grup de Illing y de chi de comun

por coordiné les aziuns por jì cuntra les intenziuns di soldas da tignì vigni ann manovres sö por les beles munts che gnô tan rovinades. La mosöra é stada plëna canche i soldas â metü man da fà sön Senes n aeroport por podëi arsì cun joliers: Ampëz y Mareo tirâ tla medema corda y s’â dassënn defenü defrunt ales autoritês militares y ziviles cuntra chësc at de malrespet dla natöra. L’aeroport ê impò gnü fat; le material da implì sö l’aeroport tolô i soldas püch dainciarà y ti fajô dailò na bela gran plaia ala natöra, che ne varësc te cënt agn nia pro. L’aeroport àn spo apëna adorè; cun le tëmp àl metü man da spizorè l’erba söl aeroport che la plaia ala natöra tomass manco tl edl. I orô recordè le inj. Illing deache al s’â fistidié che les munts ne gniss nia rovinades; al â sensibilisé la popolaziun por respetè deplü la natöra. Al é inće nia püch mirit dl inj. Illing, sce Mareo à ciafè n parch natural, chi agn nia püch contestè, mo defenü da porsones che â laôta bele capì l’importanza dla sconanza dl ambiënt por le bëgn de nosta jënt y por la sojornanza de tan de turisć tres plü afascinà da nostes beles munts. (Lois Trebo)

Rina: ultima pert dla strada Chisc dis à metü man l’ultima pert di laûrs por slarié la strada da Rina. Feter dui agn de laûr y cosć por 7,34 miliuns Viabilité - An vëiga indô val’ mascînn püch denant co rové sö Rina. La rajun é che al vëgn arjigné

ca le cantier por invié ia la terza y ultima pert di laûrs d’ampliamënt dla strada. I laûrs reverda la pert

L’ultima ôta denant co rové sö te paîsc da Rina: al mët man le terzo lôt di laûrs por la strada. Al sarà l’ultimo.

16

www.lauscdiladins.com

söinsom ćina sot dlijia de paîsc. I pröms dui loć é bele gnüs a s’l dè ti ultims agn, y an vëiga che la strada é garatada bela leria y al vare cun i tëmps. ”Sön la strada vedla stëntâ i auti dassënn da despassè n camion o na coriera, porchël êl gran bojëgn da miorè la strada, a na moda che le paîsc ciafes de mius prospetives por le dagnì”, dij l’assessur ai laûrs publics Florian Mussner. La Provinzia à sotescrit le contrat cun la firma Oberosler da San Laurënz, che fajarà laûrs sön indöt 2 chilometri, partis sö te de mëndri lôć da 4-500 metri. La rajun de chësc procedere nes spliga le diretur di laûrs Gustav Mischì: ”Al gnarà laurè sön de pici loć al iade a na moda che an pois fà daimproìa

asfalt provisor y passè plü saurì. Tratan i laûrs n’él nia preodü deviaziuns, le trafich gnarà regolè da n semafer, mo la Provinzia lascia alsavëi che an ćiararà da fà palses tles ores de maiù movimënt - da doman y da misdé - por che i auti pois passè plü saurì. La strada garatarà de 5,5 metri

leria; te plü posć vàl debojëgn da splanè la strada y amplié les ôtes, i laûrs se damana porchël passa 20 mëisc de tëmp, ajache ti mëisc frëisc ne pòn nia laurè. Le cost dl terzo lot é de 7.341.650,00€, y é insciö le maiù laûr che l’assessorat ai laûrs publics realisëia iniann tles valades ladines. (pablo)


Val Badia

nr. 25 / 28 de jugn 2013

Odëi davijin le förtl dl stödafüch

Zoruch tl paîsc y daćiasa En gaujiun dla Festa dl Sacher Cör de Gejù, en domënia ai 9 de jügn, ti él gnü fat na bela festa a chi de Badia che vir fora dl comun. La scomenciadia é gnüda portada inant dal grup dl KVW y dal Comun de Badia

Ai 26 de mà s’à i stödafüch da San Martin de Tor presentè ala popolaziun y à daurì sües portes, organisan na matinée y deplü eserzitaziuns

Tratan la presentaziun di stödafüch.

Siur degan y i ministranć à tut ite i invià dan dlijia.

Badia - Dan mëssa grana él rové adalerch za. 160 porsones sön plaza de dlijia a San Linert, olache al ti é gnü tachè sö n pice sëgn de recort, fat a man. Siur degan Iaco Willeit cun sü ministranć é gnüs sön plaza a i saludé y a i tó ite por i acompagné spo te dlijia, olache al ti ê gnü resservè les prömes proches. Te dlijia é i ghesć gnüs saludà cun na bela rima y dal degan. Cun l’acompagnamënt dl bel orghe nü y de n grup de strumentalisć dla Müjiga de Badia, à le cor de dlijia ćiantè cun solenité la ”Festmesse de Karl Nussbaumer – op. 7”. Do mëssa él spo gnü fat la gran prozesciun eucaristica ite por Jonorëis cun dui vagneli, acompagnada dal bel sonn dla musiga y dal ćiantè dl cor de dlijia, sciöche inće da confaruns y statues sciöche da vedla tradiziun. Por chi che vir da tröc agn demez, te n paîsc o na cité, olache chësta prozesciun ne vëgn nia tignida, é bonamënter chësc stè le momënt plü bel dl dé, n momënt che à descedè sö recorć de süa infanzia y jonëza passades a Badia. La prozesciun s’à spo stlüt jö cun la benedesciun eucaristica y cun la ćiantia ”Auf zum Schwur”, che ne po nia manćé te chësta ocajun. Do la pert religiosa é düc jüs jö dal paiun, acompagnà dala musiga, che à tignì dailò n cozert. A düć ti él gnü ofrì n aperitif analcolich. Deache la fan se lasciâ bel plan adintëne, à i ghesć podü jì tl salf dla Ćiasa dles Uniuns, olache ai à ciafè na buna marëna, arjignada cun gran savëi dala ostaria San Leonardo. Inće le surastant dl KVW y l’Ombolt ti à dailò portè a düć i presënć so salüt de bëgngnüs. La ”Tanzl musi” de Badia à ponsè cun so sonè plajor ala cornisc musicala. Dales tröpes y sintides espresciuns de dilan y de complimënt che an à aldì da pert di invià sides tratan la festa che ti dis dedô, àn capì che ai partezipanć ti àl salpü dër bel da se incuntè cun sü compaejagn, mo inće inanter ëi, por podëi se baratè fora esperiënzes de vita fates te süa patria nöia fora por le monn. La gran reconescënza di presënć é por i organisadus na gran

sodesfaziun, mo inće na oblianza da mëte indô da jì na te’ incuntada te n valgün agn. I organisadus ti dij n giulan gran y sintì a düć chi che à tut pert y a

düć chi che à portè pro diretamënter o indiretamënter al bun garatè dla festa. Iaco Clement, KVW Badia

Rima dita sö en gaujiun dla incuntada de chi de Badia che vir foradecà La gran ćiampana y l’orghe nü se a invié cun unur, tla ćiasa dl Signur. Cun ligrëza uressi saludé, chësta bela gran comunité. Nosc invit êse os tut sö, purchël sunse tan tröc incö. I sês gnüs adarlerch, n pü’ da vigni pert, I sês gnüs pur se incuntè y de vigni sort se recordè. Badia l’post da ulache os sês düć pia ia. L’liam sterch che liëia vignun de nos a so paîsc nadè, mai degügn ne é bogn da destachè. L’post ulache an é nasciüs, gnüs batià, jüs a scola y chersciüs sö, tan de recordanzes te nos desceda sö. Inće te Badia se à i ultimi agn tröp mudè, la gran rô che se à de dezember atuchè, à inće nosc paîsc dassënn trasformè. L’grup dl KVW, l’coro y la müjiga se à dassënn purvè, pur che chësc dé pois garatè. Dô iadi lunć, inće cun stanchëza, urunse se fà n pü de ligrëza. Te curtina jide inće a chirì, chi che palsa tla pêsc bel saurì. N bel paîsc se à Chël Bel Dî scinché, de chël urunse l’ringrazié. Punsede gonot a chësc bel post, che restarà dagnëra ost.

Lies - L’idea de chësc danmisdé ê chëra da i presentè la uniun ala popolaziun, mo inće da mostrè i injins y les poscibilitês che i stödafüch à da portè aiüt. Te chësta ocajun à düć podü ti ćiarè al magazînn, ai auti y ai injins di stödafüch. Al ti é gnü presentè la uniun, mostrè l’atrezadöra, sciöche inće portè dant deplü eserzitaziuns. Do la gran mëssa à le comandant Alexander Zingerle daurì la matinée y à presentè la uniun. Al à splighé la strotöra di Stödafüch da San Martin, al à cuntè sö sciöche la uniun é organisada, ći injins che i stödafüch à a desposiziun, ći raiuns che ai cür y ći poscibilitês che ai à da portè aiüt. Inant éra spo jüda cun les eserzitaziuns.

Esplojiuns y porsones asmaciades ite Pro la pröma eserzitaziun à la jënt podü odëi sciöche al vëgn laurè cun i plomac a aria. Chësta massaria é öna dles manco consciüdes dala popolaziun. Cun chisc plomac vara da alzè sö de gran pëisc y te chësc cajo él gnü simulé na porsona asmaciada sot n auto ite. L’auto é gnü alzè sö y la porsona é gnüda salvada. Dedô él gnü mostrè sö ći fai che an po fà sce na fana cun öre da cujiné mët man da verde, y al i é gnü splighé ala jënt sciöche al da se

comportè indertöra te n te’ cajo. Al é gnü ipotisé le cajo che al vëgnes porvè da destodé l’öre cun ega, simulan insciö na esplojiun de gras olache la ćiasadafüch pëia füch. Insciö à la popolaziun podü odëi sciöche i stödafüch cun respiradus laora pro n mèdefüch te na ćiasa o apartamënt. Tl’ultima eserzitaziun él gnü simulé n inzidënt sön strada cun 2 porsones asmaciades t’auto. Te chësc cajo él inće gnü desmostrè n ”alarm chît”, che foss n alarm zënza sirena, mo ma tres i pîpseri. Chilò à i spetadus odü sciöche al vëgn laurè cun les forfesc y la spraiza idraulica, y inće sciöche i stödafüch y la crusc blanćia laora adöm.

Na ocajiun da s’informè y imparè Por la popolaziun él stè na ocajiun da aldì y odëi val’ de nü; ai stödafüch da San Martin ti àl fat plajëi da odëi che chësc danmisdé é gnü tut sö cun gran interes. I stödafüch da San Martin oress ćiamò rengrazié de cör la popolaziun por le sostëgn che ara ti dà ala lia tratan l’ann. Le consëi rengraziëia en particolar i mëmbri di stödafüch por le gran impëgn y i sacrifizi che ai fej por le bëgn dla uniun. Damiano Moling, scrivan di Stödafüch da San Martin de Tor

(Rima de Maria Frenes Valentini)

Simulaziun dl inzidënt cun l’auto.

Aorela cörta dan paiun. www.lauscdiladins.com

17


Val Badia

nr. 25 / 28 de jugn 2013

Copa dl monn de schi: confermes y speranzes A Dubrovnik él gnü tignì ai pröms de jügn la conferënza d’aisciöda. Sön mësa i calëndri dles gares de Copa dl Monn. Tl’Alta Badia él gnü confermè le gigant. Al Plan spera inant che al pois tl dagnì garatè na gara dles ëres Gherdëna, sciöche inće na delegaziun de Al Plan Events che organisëia da agn la Copa Europa, cun Diego Clara, Raimund Promberger y Paul Pisching.

Löm vërda por le gigant

Marcello Varallo: cun la gara dl’Alta inant al top dles localitês.

Schi - Ai 5 de jügn à metü man a Cavtat, püch dlungia Dubrovnik tla Croazia, i sis dis de conferënzes y meetings sön la Copa dl Monn de schi. Tut pert a apresciapüch 600 porsones, cun laprò les personalitês plü importantes dl monn dl schi, le Consëi dla FIS cun a će le presidënt Gianfranco Kasper, sciöche inće i presidënć dles federaziuns nazionales y düć i mëmbri dles comisciuns y disciplines desvalies che fej pert dla FIS (schi, paslunch, liösa, schi nordich, brëia etc.). Laprò êl inće deplü delegaziuns ladines, danter chëstes chëra dl’Alta Badia cun le presidënt dl Comitê d’Organisaziun Skiworldcup Alta Badia Marcello Varallo y la secretêria generala Stefanie Nagler, sp o la rapresentanza dl Comitê de

Ala reuniun ”World Cup Commitee” menada da Erich Demetz de Gherdëna en presënza di direturs de gara FIS Günther Hujara y Atle Skardal, él gnü baié di calëndri dles gares de copa dl monn de schi fina al 2017. En particolar él gnü confermè le calënder por la sajun che à da gnì. Danter les gares sambëgn inće le slalom gigant sön la Gran Risa, söl program ai 22 de dezëmber, che rovarà insciö ala 28ejima ediziun. L’organisaziun é na maestria che gareta ma por mirit dla colaboraziun danter n gröm de porsones y istituziuns: volontars, sozietês di lifć, scores de schi, ostis, consorz y assoziaziuns turistiches y i comuns. Informaziuns ciafon sön www.skiworldcup.it

Dübe por le slalom strënt Por le slalom strënt mëss indere l’Alta Badia partì n ann porom cun Madonna di Campiglio. Iniann ti éssera tochè al’Alta y le slalom foss stè preodü do calënder ai 23 de dezëmber, mo le regolamënt FIS dij che do i 22 ne pòl nia plü gnì fat gares, ajache i atleć dess podëi ester a ćiasa por Nadè, porchël él tomè fora. Valuté vëgnel al momënt l’assegnaziun eventuala dl slalom

strënt por la sajun 2014/15. An odarà sce al podarà gnì organisé sön terac ladin o terac trentin. L’Alta Badia po intant se ralegrè da ester inant pro le Club 5+, che tol ite les mius localitês de copa dl monn dal punt d’odüda organisatif. Ala pert él inće Gherdëna y Cortina d’Ampëz. Tratan le meeting de Dubrovnik à le Club 5+ deliberè da tó sö tl cërtl de prestisc inće le comitê de Zagreb, che organisëia da n valgügn agn na gara de nöt.

Al Plan la proa inće Al é de plü localitês che à l’aspiraziun da organisé na gara de copa dl monn de schi. Danter chëstes él inće Al Plan de Mareo. Le comitê Al Plan Events, che organisëia da agn bele gares de Copa Europa, s’arata arjigné inće por val’ deplü. Le surastant Willy Kastlunger nes confermëia che al é gnü menè ite la domanda da podëi organisé na gara de copa dl monn sön la pista ”Erta” sura Al Plan sö. Inće sce le calënder ćina al 2017 é bele scialdi arjigné, à Kastlunger speranzes por le dagnì: ”Na chance unse da ciafè na gara dles ëres. Y dal momënt che te Südtirol n’él ćiamò degünes gares dles ëres, n’à degügn bria da se temëi che i ti tolésson val’ a zacai.” Diego Clara, che à co-rapresentè l’Al Plan Events ia tla Croazia, la vëiga plü ria da ciafè gares: ”Por prinzip sunse daverć a döt. Mo an vëiga che al é n sistem bindebò stlüt. Da ti rové pormez da defora él scialdi rî. Sce na gara vëgn lëdia, él chi che n’à bele che fej dles dötes

Willy Kastlunger (amd) cun le campiun de schi finlandesc Kalle Palander, do na gara de Copa Europa a Al Plan.

por la ciafè laprò, ajache i cosć fisc é plü o manco i medemi, mo an po trà ite dui iadi i dërć televisifs.” Dal punt d’odüda sportif, arata Diego Clara che na gara de copa dl monn sides por na localité intres ćiamò n fatur de gran prestisc, mo dl ater vers él dla minunga che cun na gara de copa dl monn ne se fej na localité che vëgn pormez danü nia plü l’inom turistich, sciöche al é sozedü pro chës localitês che é da dejenns laprò: inće Alta Badia y Gherdëna. Diego Clara: ”A titul strëntamënter personal diji che la copa dl monn é incö plü na cossa de scioldi co de prestisc. Les localitês che à i scioldi ciafa les gares. Localitês che röia incö ite tl zircuit de copa dl monn mëss fà de gragn investimënć, laprò mësseres partì cun la federaziun

ći che vëgn ite dai dërć dla televijiun. Döt chësc cun n media impact y le numer de spetadus che va tlermënter zoruch.” Willy Kastlunger indere tëgn dassënn sön le travert da arjunje na gara de copa dl monn. Al à gran crëta che ara pois n dé garatè. Speranza ti dà inće le fat che ala fin dla sajun 2013/14 saràl le südtirolesc Markus Waldner che surantolarà le post de Günther Hujara sciöche diretur dla copa dl monn di ëi. Waldner é ćina ćiamò coordinadù dla FIS por les gares de Copa Europa, y à porchël podü odëi sciöche Al Plan s’à dagnora porvè da ti dè inće ala Copa Europa n tonn implü. N impëgn che al podess magari premié cun na buna parora por na gara mondiala. Chësta é la speranza. (pablo)

Badiamusica: n festival tlassich, por düć Presentada a La Ila la 13ejima ediziun de “badiamusica”: conzerć de musiga tlassica y da ćiamena, mo inće esibiziuns plü inovatives Musiga - Le mertesc ai 19 de jügn él gnü presentè a La Ila, tla Ćiasa dla Cultura, la 13ejima ediziun dl Festival de musiga tlassica “badiamusica”. Le presidënt Konrad Tavella, le diretur artistich Franz Comploi y la mëmbra dl consëi Tania Agreiter, à portè dant le program y i artisć che an odarà sön paladina tla ediziun da en chësc ann. Önesc sarà i conzerć, che gnarà tignis te plü paîsc dla Val Badia. Al nen sarà almanco un te vigni comun.

Portè la musiga tlassica pormez ala jënt Cun musiga da ćiamena de epoches desvalies y cun stils de sf arënć à le Fe stiv al “badiamusica” ciafè süa identité. ”La musiga tlassica n’é nia na musiga de massa. Al é na musiga ‘sterscia’ che se desfarenziëia dales ‘hits’ che düć conësc y che fej da sotfunz a nosta vita da vignidé; na musiga che vëgn ascutada cun dediziun y aprijada por sües finëzes.” La musiga tlassica, definida “sterscia” dal diretur artistich, ôn porchël ti portè

18

www.lauscdiladins.com

daimprò ala jënt, ti don vita a n Festival por düć, che ti pîta a jënt dl post y a ghesć musiga de livel alt. De chësc é sigü inće Roberto Huber, presidënt dl’Assoziaziun Turistica de Badia, che sostëgn la iniziativa bele da tröc agn incà y che vëiga te “badiamusica” na manifestaziun de gran valüta dal punt d’odüda turistich.

Plü pëis a musizisć dl post A ćiantè y sonè gnaràl adalerch artisć dala Talia y da foradecà. Plü pëis ôn ti dè ai musizisć dl post. Chësc é n ater fin dl Festival: ti dè la poscibilité a ćiantarins y musizisć ladins de se fà conësce y se esibì chilò incërch. Insciö saràl da aldì pro le conzert inaugural, la domënia ai 7 de messè tl salf dles manifestaziuns J.B. Runcher a Badia, le baritonn da La Val Andrè Schuen che à te süa cariera jona bele ćiantè pro deplü orchestres dër conesciüdes sciöche i ”Berliner” y ” Wi e n e r Philarmoniker”. Da Südtirol vëgn

spo inće ”Conductus”, n ensemble de archëć che tignarà so conzert la sabeda ai 13 de messè a Corvara y l’”Ensemble SonnAiér”, de chël che al fej pert inće Priska Comploi da La Val y Esther Crazzolara, chersciüda sö a Bornech, da geniturs badioć.

La musiga incunta le teater Tla ediziun da en chësc ann saràl spo inće val sorpreja, à recordè le diretur Franz Comploi. Al jarà inant la colaboraziun d a nt e r “ b a d i a mu s i c a” y l’assoziaziun “ater teater”, colaboraziun che portarà sön paladina ai 17 y 18 de messè la musizista svizra-americana Erika Stucky, cun so stil dër particolar che ne se tëm nia da esperiënzes de confin y che moscëda stils y musighes desfarëntes, dal iodler, al blues, ćina al bal dla polca. Particolara sarà inće la esibiziun di ”Archi Riflessi”, da odëi ai 23 de messè a Corvara, cun na performance che mët adöm la musiga cun le teater te na manira inovativa, olache la musiga

Tratan la conferenza stampa de presentaziun, (dmc) Roberto Huber, Franz Comploi, Konrad Tavella y Tania Agreiter.

devënta protagonista y le teater é ma acompagnamënt. Deplü informaziuns sön le program pòn

ciafè sön la plata internet dl Festival www.badiamusica.com. (kp)


nr. 25 / 28 de jugn 2013

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Vich à festejà si preves Te la dì de la sègra del patron Sèn Jan, la comunanza religiousa ge à fat festa a don Gigi Vian, don Erminio Vanzetta e don Alessio Pellegrin

Don Gigi e don Erminio à conzelebrà la Sènta Messa.

Vich - En ocajion de la sègra de Sèn Jan, en domenia passèda la comunanza de Vich se à strent dintornvìa si preves: l’é stat festejà don Gigi Vian per si 60 egn da preve, l’era stat ordenà defat de jugn del 1953 a Monteortone te la provinzia de Pèdua, e l piovan don Erminio Vanzetta, che da preve l n’à passà 55, dò l’ordenazion stata a Trent del 1958. Amò apede, enceben che no l’abie abù l met de esser te anter sia jent per si empegnes pastorèi, l’é stat recordà ence don Alessio Pellegrin, che l’à tanche portà a compiment si prumes 5 egn al servije de la comunanza religiousa e che anchecondì l’à l’encèria belebon senestra de rejer te la val de Non ben 13 parochies. Duc i sentadins se à troà te la Pieif de Sèn Jan, olache da mesa les 11 l’é stat ofizià Messa Grana, conzelebrèda a una da don Erminio e don Gigi e viventèda da la bela e solena cianties del cor de gejia di gregn ensema con chel di joegn. Don Gigi, fon cognoscidor de l’ènema de l’om, che con la Piccola Comunità de Conegliano l’à passà 30 egn de sia vita a didèr i joegn

en dificoltà per via de la dependenzes, ge à tegnù a portèr dant sie gran develpai a si genitores che per prumes ge à ensegnà “a esser ùmol e a lejer tel liber de la natura” estra che, se sà ben, rengrazièr l Segnoredie per l’emportant cedean pastorèl arjont. Te sia perdicia don Erminio à rejonà de la fegura de Sèn Jan, patron de la Pieif de Fascia, che l’aea l’encèria de enjignèr l teren dant che rue l Messìa, sia vita e sia predicazion defat é semper states enterzèdes con l’opera de Crist. Chela de Sèn Jan l’é na storia de vocazion totala e coerenta fin al martirie - l’à dit l piovan - che tol sù valor ence per ogne un de nos, che sion stac chiamé da Die fin dal gremen de la mère e sun

chi che Die à n dessegn prezis. “Detelpai Segnor, t’ès fat de me n miràcol maraveous!”, dijea l salm responsorial portà dant da la liturgìa de la Natività de Sèn Jan, a sotrissèr apontin che l’esistenza de l’om é deldut fata ite da la veièda e da la prejenza de Die e la vita de don Gigi é segur n ejempie concret de chest. Dò la zelebrazion de la Messa, col compagnament de la Musega da Vich, la statua de Sèn Jan la é stata portèda en procescion dintornvìa la Pieif e la festa é jita inant con n gustégol moment dedant calonia, olache l Grop de la Volontadives de Vich aea endrezà n bon mez mesdì e zeche da beiver, endèna che la Musega endeletèa duc con sia bela sonèdes. (cri.m)

L’Hockey Club Fascia à de besegn de aiut La sozietà ge propon a firmes e privac de comprèr tesseres abonament che dèsc derit de jir coi feres tel stadie e de veder la partides de hockey Sozietà - No l’é n bel moment per l’Hockey Club Fascia che à serà sù chest an na sajon segnèda da gran dificoltèdes economiches e dal pont de veduda tecnich, tant che ai 18 de mèrz passé, dò se aer troà più outes a vardèr fora la situazion, la sozietà aea cognù manèr fora n comunicat per meter en consaputa atlec, genitores, alenadores e colaboradores de la dezijion de sturtèr sù duta l’ativitèdes co la fin del meis de mèrz, zenza poder sporjer nesciuna garanzìa sul davegnir. Te più che mez secol de storia la condizions de la sozietà no era mai states tant ries e mèl segures, enceben che gran pèrt de la responsabilità va zenz’auter a la crisa globala che à fat smendrèr semper de più i contribuc del setor publich e de chel privat.

Na sozietà de gran valuta sportiva

Dò la funzion la statua de Sèn Jan é stata portèda en procescion dintorn la Pieif.

La forenadoa de Ciampac à la cabina neves Dò l’azident stat via per l’uton passà la sozietà Ciampac, descheche l’era stat pervedù, la pel peèr via per temp ence con la sajon da d’istà Impianc portamont - Mìngol a l’outa la robes é dò che se comeda ite. Dò l’azident stat a la forenadoa de Ciampac l’otober del 2012, la sozietà Ciampac e Contrin spa, vidèda dal president Tullio Pitscheider, é stata bona de orir per Nadèl con la cabines toutes a fit dal Stelvio e ades, descheche aea emprometù la firmes, l’é ruà ence la neva cabines de la forenadoa. Chestes é states ordenèdes jà l’an passà d’uton e les é states fates da la firma Carvatech de Dìspruch e i lurieres per les meter sù i é stac fac da la firma Dopplemayer dal Sudtirol ensema ai lurieranc de la Ciampac. En jebia ai 20 de jugn l’era jà dut vertech e canche l’é ruà la cabines te piaz dai auti l’era jà aló dut l personal e duc i mesi per les meter sù. L president Pitscheider à dit che: “la fun maora, che jà la era stata mudèda fora per n toch dant del scomenz de l’invern, la é jà stata mudèda fora deldut te chisc meisc

Fascia

d’aisciuda e ence i lurieres sui sostegnes. N’outa metù sù la cabines, se cogn dapò peèr via con la proes de passaje sui pilons e per l’entrèda te stazion. Al prum e ai 2 de messèl i tecnics del Servije impianc portamont de la Provinzia de Trent i vegnarà a fèr la verifiches definitives ajache l mudament de la cabines vel dir ence n mudament de l’impiant che l cognarà vegnir

colaudà da nef. Speron de orir endò l’impiant al publich entorn ai 3 o ai 4 de messèl”. La neva cabines à na foja n muie scempia, les é biences con n muie de vieresc che dèsc l met de viajèr e se goder amò de più la vedudes di monc e de la val. “Les merita proprio – à dit Pitscheider – les é lumenouses e consee a duc de vegnir a se fèr n viac”. (vr)

La neva cabines de la forenadoa Ciampac giusta ruèdes te piaz dai auti.

La sozietà de l’Hockey Club Fascia é nasciuda del 1955 co l’inom de “Hockey Club Canazei”, del 1957 la é stata scrita ite per la pruma outa a la FISG e del 1985 l’à tout pèrt al Campionat de serie A olache amò aldidanché la garejea. Chesta sozietà la raprejenta una de la realtèdes più veies tel chèder sportif trentin e l’é senester pissèr a la val de Fascia zenza sia squadra de hockey, che da semper porta en aut l’inom de la val delaìte e fora de la region, defat nesciuna autra val de la provinzia à mai abù na squadra tel campionat nazionèl talian da coscì tenc de egn. L’Hockey Club Fascia l’é na pìcola sozietà nasciuda da la pascion de dotrei joegn che, vèrech dò vèrech, con empegn e sacrifizie, l’à portèda a doventèr na realtà che aldidanché la dombra 120 tesseré, 10 alenadores, 6 formazions che jia ti campionac juniores e 1 formazion de serie A, che va inant de gra a la prejenza de compagnadores, responsàboi e volontères che con autertanta pascion deida a portèr inant la tradizion de l’hockey te val. L’Hockey Club Fascia l’é una de la sozietèdes col maor numer de scric ite e a desferenza de autra disciplines, de gra a la desponibilità e al lurier di alenadores, la sporc a nesc joegn la possibilità de fèr na atività sportiva per passa 10 meisc a l’an, bèsta pissèr che te la sajon passèda i arcedamenc é stac lascé su per demò trei setemènes. Dapò amò apede ge vel uzèr fora l’emportanza educativa e sozièla de chest sport de squadra che l’ensegna la valuta del lurier de grop, la fiduzia e la colaborazion e l’é apontin da chisc prinzipies che la sozietà vel pontèr demez per passèr fora chest moment coscita senester.

Na tessera per didèr l’Hockey Chisc meisc passé la sozietà aea domanà più outes l’aiut concret de la istituzions de val. “Ge aane domanà ai Comuns che i ge recognosce a l’Hockey Fascia n contribut maor che chel che i à semper dat. En mèrtesc passà gé e Debora Scola, en raprejentanza di genitores, se aon troà apontin coi ombolc e la procuradora - à dit l president Roberto Ongari – che i ne à emprometù che i ne didarà a jir inant. L’é da dir che ence per l’aministrazions no l’é n bon moment ma i à dit che ogne ombolt se darà jù per chierir ressorses en più per l’hockey. I endrezarà ence na conferenza stampa per prejentèr e sostegnir nosc projet de regoeta de ressorses. Nos speraane de aer n aiut concret sobito ma chest no l’é possìbol e coscita aon bele cognù domanèr didament a la firmes e ai privac. I ombolc e la procuradora à dit che i chierirà de aer n enconter ence coi assessores provinzièi al sport e al turism per domanèr maor ressorses.” L termin per se scriver ite al campionat fossa jit fora ai 26 de jugn ma ajache ence autra sozietèdes se troa te chesta zompa situazion, desche Alleghe e Busan, l’é stat domanà n sperlongiament fin ai 26 de messèl, dachelanvìa la sozietà fascèna arà amò mìngol de temp per troèr i finanziamenc. “Rejonèr de sponsorisazions te chest moment de crisa economica – à dit Ongari – podessa fèr sperder, per chest l’é stat pissà a n projet che tol ite n maor numer de sogec, per sensibilisèr l maor numer de persones a sporjer sia colaborazion e sie sostegn a la sozietà sportiva.” La proposta che l’é stat metù jù vel arvejinèr duc al sport e sporjer a jent del post e ghesć l met de jir coi feres e tor pèrt a la partides de la squadres de hockey. Vegn domanà de comprèr na tessera/abonament de 100 euro che dèsc l met de jir ite per nia tel stadie de la giacia, de se tor a fit i feres e de poder jir a veder duta la partides de l’Hockey Club Fascia per dut l trat de temp dal prum de aost ai 30 de oril del 2014. Segur na bela ocajion per sostegnir la squadra de hockey de val che à de besegn de l’aiut de duc per poder jir inant. Chi che volessa dèr sie sostegn e se prenotèr la tesseres pel manèr na mail a info@hockeyclubfassa.com metan apede i dac anagrafics e fi scai opura telefonèr al 0462 602499 o passèr te ofize dal lunesc al vender da les 8.30 a les 12.30. Via per l meis de messèl i responsaboi de la sozietà passarà te la firmes fascènes per prejentèr più avisa chest projet de finanziament. (mci) www.lauscdiladins.com

19


A pe con Fernando

nr. 25 / 28 de jugn 2013

Raides per cognoscer lesc, cultura e stories de noscia valèdes Medil e Penìa, doi viles sul termen de la Ladinia vegiada su la Val Sorda, sun chi spic del Latemar, l bel Ciadin, la Ste del Latemar, a cencia l Spiz de Musc. Traversan l paìsc se veit che valch l’é mudà, no n muie, sun chel parei l’é amò chela scrita che la rejona di tempes passé.

L toch de strada che porta a Medil e a Penìa.

Anché m’é pissà de ve meter dant na spazierada n muie sorida sul termen de la Ladinia. Lasce l’auto ló dal ciamp sportif de le “Part” su la dreta sot Moena. Dò presciapech na bona ora son ló sun sora l paìsc del Forn, olache dant da le prume majon de Medil l’é mìngol de spiaz. A mesa strada son passà de dant al Masc de Val, olache stasc la familia di Piazzi. Dant de ruar a Medil la strada la traversa chel bosch adort de bie peces, jun sot i pré erc, aldidanché n pech arbandoné, l’é la veia strada, con n filar de unees, frascegn, melestres e nojelères. Te mie recorc la pruma outa che son jit sun Medil l’era ite per i egn ’70. Dal Forn en su, su su per chela erta strada da floster, anter albres da foa, frascegn, melestres, bedoes, ciastagnees mac e te chi pré sot jù le ciase l’é ence na zopa de brugnees e pomees. Fasc bela parbuda i albres de ciarejees d’aisciuda via te sia viesta biencia e sul tart istà l foam pea

chel bel rossic n goc vinà. L’é i prumes che sent l mudar de la sajon. Me n jie co mia massarìa da depenjer a cerir valch da nef. Zeche che l’era, a vardar dal Forn sù, chele cater majon e chela gejiola me soscedea na gran curiosità. L gran chiet, la bela architetura scempia da zacan, le cater ciacole che me é fat con chi pec che vivea colassù me à ciapà. É abù tras n bel recort de chel lech de pasc. I egn dò son amò jit sun Medil rejonan ore con Severino rechia, con Giulio e con Vito Piazzi che l stajea te l’ùltima majon en pech più inant de la gejiola. Su n parei de tobià, na curiousa scrita “Medil paradiso delle donne”: é domanà dò e i me à dit che n’era demò una. Recorc: aldidanché valch l’é mudà, no n muie, ma chel paìsc che risćiaa de morir fora col ruar de la strada l’à peà neva vita. Aldidanché duc à n auto e no l’é dalonc da arjonjer. Ló te chel pìcol piaz olache se pel utar l’auto, pech più inant dò la pruma ciasa, l’é la maraveousa

Te la vila de Medil l’é gran chiet e na architetura bela e scempia, da zacan.

20

www.lauscdiladins.com

N pech più inant se veit n argagn che lasce a vo endoinar. Te sot una de le più bele ciase con sia scrita del 1800: “Frazione di Medil. Comune di Forno, distretto politico di Cavalese, distretto giudiziario di Cavalese, Circondario Confinante”. L’é na scrita aldò de na lege de l’Imper de AustriaUngheria. Chesta sort de scrita la era su na ciasa de duc i paìjes a mez del 1800. N pech più inant l’é la gejiola de na architetura n muie scempia. La é stata frabicada anter l 1734 e l 1745. La é sagrada a Sènt’Ana e acà n pech de temp la é stata danef metuda al luster. Medil l’é a 1380 metres, 300 presciapech sora l Forn. Da n prum document se lec che Medil, “ex tera Medula”, l’é più veie che l Forn, l fasc part de chi paìjes a mesa costa desche Tamion, Moncion, Soracrepa e etres. A la fin del 1800 Medil l’aea 14 gran familie. Del 1935 l’era 30 scolees, del 1951 stajea te Medil 52 jent e del 1971, 23. I medilac, coche i vegn chiamé, i é cognosciui desche bogn boschieres e gregn giagres. A la fin del ’700 e ite per l’800 gran l’é stat l nonzech di giagres de Medil, l più cognosciù Giovanni Felicetti l’à segnà te sie diarie de ciacia de aer mazà 10 orsc, 32 ciamorces, 35 gialinetes, 43 gevres, 16 bolp e amò de autre bestie selvare. Enlouta caprioi no n’era. Per la ciacia de n ors i peaa 28 fiorins, n capital per chi tempes. Gran l’era l besegn de mazar l’ors ajache l fajea gran dan al bestiam. Tel me n jir su per chesta strada adorta da floster su per sora Medil, me vegn tel ciaf Vito, l’ùltim paster de le feide de Valsorda, peisse a la vita grama de la jent de Medil chi tempes passé, Vito l’era l’ùltim di frades de la familia Piazzi che l’é restà per duta la vita te la majon de ciasa.

La tabela con la curiousa scrita “Medil paradiso delle donne”.

A che serviral pa chest argagn?

Ló enlongia soa majon, tacada sù, la gran bomba desćiareada dai areoplans americhegn del ’44 ló pech dalonc e che i sudé todesć à sbetà fora dal polver. Bela la veiada envers la Valsorda e i spic lumenousc del Latemar enscin canche dò n bon toch de bosch arjonje la costa de Revers, Col de Moena e te n cart de ora son ló da Pra Compert, per chi che no fossa mai stac da Medil su, l’é l troi segnà nr 517 che l rua enscin sa Toac e Sas da Ciamp. Sun Col de Moena se tol l troi nr 517B, n troi no senester che rua a Peniola. Ló da Pra Compert bela l’é la

veiada envers i crepes de Piz Meda, de Valacia, a dreta Sas da Mesdì, Pozil e le Ponte de Viezena. Anter peces e larjes se veit la Vila de Peniola. Te n cart de ora, vint menuc, se é ló. L troi l’é de sora en ju. Chest l’é n troi che zacan vegnìa durà demò da chi de Medil e Peniola, i lo fajea per jir en vila, per jir a touse e a se didar fora ti fac de duc i dis. Anchecondì l’é più che auter durà dai turisć, Pra Compert l’é cognosciù desche n post da fonghes, da Peniola no l’é sfadious, l’é bel chiet e se é fora dal bordel de la Val. Se pel l far ence fora per l’invern, l’é da meter n goc a vèrda e se l’é debesegn se se tol dò le


A pe con Fernando

nr. 25 / 28 de jugn 2013

Na scrita aldò de la lege de l’Imper de Austria-Ungheria.

carpele ajache tel bosch pel esser giacià. Peniola, Penìa l’é miec, se no zachei se n’à per mal: l’é cater majon e na gejiola logade jù te chel bel pianejel, dut entorn l bosch. Passan te val no se se pissassa nience che colassù l’é n coscì bel lech, logà jù a 1470 metres de auteza, na bona ora apede a Moena, sot ju chi erc e bosć de Sas da Ciamp. Envers levar de soreie l’é i Crepes de Valacia, Sas Aut e Sas da le Doudesc, Ponta del Malinvern e Piz Meda, crepes de calcar, de Dolomia. Più a dreta i Crepes de porfir, de Gereburt, Cimon de Boce e l Gronton. Tedant Sas da Mesdì e Viezena, se capesc percheche del 1895 stajea 10 jent. Aldidanché l’é la cognosciuda ostarìa Malga Peniola de la familia de Maurizio Dantone Brach, fi de Enrico Dantone Brach da Dèlba cognosciù miec te duta Fascia desche l mut – no l rejonaa dalvers ma ampò so mestier de mercadent l lo saea far bel dalvers. So pare l ge aea dat Maurizio jà

N retrat de la popolazion de Medil del 1920.

da pìcol ensema a so auter fra a le doi sores Bernadeta e Modesta percheche le i arleve. L’aea problemes de familia. Le doi sores le era state per egn a servir sun Fedaa olache i Braches aea l refuge e donca le era peconte de ciasa. Modesta e Bernadeta sun Medil le fajea jir na pìcola ostarìa, le fajea valch da magnar da zacan per i foresć che ruaa da Moena su en temp de sajon. L’era i egn Setanta e Otanta. Canche le é morte, Bernadeta del 1987 e Modesta del 1995, le ge à lascià le majon a Maurizio che da gran l le à tras secodide e l ge é stat dò. Le tegnìa stala e Maurizio, te chi egn de soa joventù, l didaa dò, l fajea fegn e dut che che l’era debesegn e chest me à contà a Penìa ence la familia de Giovanni Donei. Dant de meter man e far jir l’Ostarìa con soa familia, Maurizio l’à lurà per n bon pec de egn tel bosch. Del 2006 l’à derturà sù e fat lurgeres per aer dut aldò, descheche domana la lege de anchecondì. L’é la stua e la belota stueta Kaiserstube, coche el l la chiama,

Crousdevìa olache taca i troes da mont che part da la vila de Medil.

Cater ciase de Penìa.

La bomba tacada sù ló enlongia la ciasa de la familia Piazzi.

che le é tras valive desché acà più che cent egn. Dai documenc, me conta Maurizio, se lec che Penìa l’era n Masc di Conti Firmian de Busan. E dant de se n jir da chel bel lech de pasc, voi ve contar n pech de la storia de la bela gejiola de Penìa, sagrada a Sèn Jan Nepomuch, frabicada da la familia Donei ti egn anter l 1729 e l 1732, aldò del voto fat per l manacià pericol de na agajon, n pec de egn dant. Per chest la é sagrada al Sènt de Praga, confessor del Re Venceslao III de Boemia e da chest condanà a mort e toncà jù tel gran ruf de la Moldava. Sèn Jan no l ge aea dit al Re che che ge aea contà soa femena te confescional. La gejiola la é fornida de cadres depenc da don Martino Gabrielli che l’à passà si ùltimes egn de vita a Peniola. L’era la fin del 1700. Sun pala de utar l’é n cader co la Madona e l Bambinol te mez a Sèn Jan Nepomuch e Sèn Martin. Autres cadres fornesc i parees de gejia: Sèn Jan Evangelist, n agnol custode, la nasciuda de Gejù, la p re j e nt a z i o n a l te mp i e , l’anunziazion. Sul celor l’é l depent a fresch de la cognosciuda batalia de Lepanto. Enlongia utar l’é desvalives “Ex voto”, un l’é l depent de n mal de fech co la data del 1802. Ence i foresć, che i é ló canche rue ite, i se n fasc marevea de troar te n scì pìcol lech na gejiola scì bela e fornida de depenc. L’é l gran segn de la fona fe de nesc antenac. La sagra la vegn fata ai 16 de mé, zacan i jia en prociscion da Moena en su. Reste aló bolentiera, no me en jisse da Peniola. Salude Maurizio e soa familia e te na mes’ora son jun Sort de Moena. Mìngol più inant, a dreta, l’é l scurtarel, la veia strada che servìa Penìa enscin di egn Otanta canche l’é stat slarià fora la strada da part

La Kaiserstube de Malga Peniola de Maurizio Dantone Brach.

Fernando Brunel se ciacola con Maurizio Dantone Brach te soa malga.

del Comun. A Sort pea l troi envers la gejia de Sèn Vile, traverse chi pré de Sort e passe dedant al Capitel ancona de Sèn March, olache zacan i fajea le rogazion. Te pec menuc son ló olache é lascià l’auto, ló dal ciamp sportif de le Part. Chesta l’é na bela spazierada,

La gejia de Penìa sagrada a Sèn Jan Nepomuch. Apede: la gejia te n retrat de n’outa.

sorida da far ence te na bona mesa dì o te n domesdì. Na spazierada piena de cultura, se veit doi vile bele amò desche zacan, piene de istoria. Na spazierada che ge propone a duc i fascegn, a duc i Ladins, sul termen de la Ladinia. Fernando Brunel de la Riza

La pala de utar. www.lauscdiladins.com

21


Fascia

nr. 25 / 28 de jugn 2013

N viac sot èga e daìte de sé

N bon prum an per Dòlaondes

Claus Soraperra à metù fora al zenter Dòlaondes. L’é na instalazion che anter fegures e sons vel L responsabol de la strutura per la SITC, Tullio Pitscheider ne conta de coche à lurà l zenter Dòlaondes a Cianacei soscedèr recorc e sensazions de nosc passà

L responsabol del zenter Dòlaondes, Tullio Pitscheider.

Nodadoes - L’é istà e no demò vegn gola de jir a se fèr vèlch raida stroz per i monc, ma vegn ence gola de se passèr dotrei ores al nef zenter Dòlaondes de Cianacei che aea avert si ujes la pruma outa proprio acà n an. A Tullio Pitscheider, responsabol de la strutura de proprietà de la SITC, ge aon domanà più avisa dotrei dac. Claus Soraperra endèna la prejentazion con Tullio Pitscheider e Silvano Ploner.

Èrt - Che dir? Chi che se spetèa (desche gé) chèdres dai colores forc e con su fegures de eles spizes é segur resté. Enstadì al Dòlaondes de Cianacei Claus Soraperra l’à fat troèr zeche de auter. Su per l parei a cencia ite dret l’usc maester del zenter Dòlaondes l’artist à enjignà na neva opera d’èrt, na neva instalazion che la jent pel vardèr, scutèr e tedant a chela ence se pissèr. “Oxygen”, chest l tìtol, l’é trei chèdres piens de lum olache, a mie veder, chel che sauta de più a l’eie l’é l bianch, chel bianch dintornvìa a chel om, a chel corp uman che se routola te l’èga o fosc te l’aria. E amò apede l rumor de l’èga e i versc de n pìcol bez canche l nasc. Claus Soraperra endèna l’inaudazion l’à rejonà de sia esposizion e l’à spiegà coche l’à fat a meter ensema sia opera, l percors che l’à fat da ite de sé e che fèsc capir che “Oxygen” no l’é demò na roba fisica, ma l’é soraldut sensazions. El l’à contà che: “da canche l zenter Dòlaondes l’à avert, con mia familia se aon metù en calandèr de vegnir a nodèr ogne mercol. Te chi momenc te l’èga me é vegnù endò tel cef la pruma esperienzes te nodadoa, de canche con Helmut aon emparà a nodèr e ence de en chel’outa che é risćia da arneèr”. I l’à salvà e dut se à serà sù delvers ma chesta neva esperienza con l’èga la ge à endò fat vegnir tel cef chel moment sot èga. “No l’é vera che sot èga l’é acort”, l’à dit Claus e a se pissèr delvers l’é proprio vera. L’é dut na lingia de rumores e de sensazions desferentes. Chest pensier, te Claus, l’é jit dret al prum moment de sia vita, de la vita de duc nos, de canche se é tel venter de la mère, te l’èga per 9 meisc. Da chest l’é nasciù l’idea de meter, apede a la fegures ence n audio olache se sent i versc de n bez che nasc. “É volù con chest proèr a ge moscèr a la jent che

22

www.lauscdiladins.com

nodèr no l’é demò na costion fisica, ma l’é ence sensazions che se à daìte. Chel che propon mia esposizion l’é en viac deretorn. La persona che se peta te l’èga l’é la metafora de la persona che proa a jir endò a si prumes vèresc, ai momenc de la vita olache se forma na unità de mesura che vèl per duta la vita. Me saessa bel che ogneun posse troèr sia unità de mesura, per mesurèr l valor de la vita”. Amò apede Claus l’à spiegà che enstouta i corpes umans no l’é chi de la eles, desche se era apontin usé a veder, ma omegn che é stac studié delvers, jan a tor cà la informazions sul corp da n liber che l medemo artist aea comprà canche l’era student a la Cademia de Unejia. E semper più leèdes a l’èrt de anchecondì, la operes de Soraperra enstouta l’é l resultat de na tecnica neva olache vegn tout duta na lingia de fotograf ìes lurèdes fora e metudes una sora l’autra tras programes de computer e che tinùltima é states druchèdes fora su na teila. Ades che Dòlaondes l’é avert duc i dis, l’envit l’é che duc chi che

passa ite e fora per usc i se tole n moment e proe a veder che che ge dèsc l’opera d’èrt de Claus e i spartesce si pensieres, sia idees e sensazions. No l’é che la operes d’èrt vel dèr na vijion assoluta, ma l’é na condivijion de idees che segur pel portèr a neva idees e mìngol a l’outa a mudèr noscia vijion de la vita. La dì de l’inaudazion, stata en sabeda ai 15 de jugn, l’era n muie de amisc, l’era Silvano Ploner che à prejentà e l responsabol de la nodadoa per la SITC Tullio Pitscheider che l’à dit che: “sion contenc de ge dèr lèrga ai artisć de la val. Son maraveà ence de duta chesta jent vegnuda anché. Per chest rengrazie Claus e duc voetres”. Tinùltima ence l’artist no l se desmentià de nesciugn rengrazian Tullio Pitscheider, l Consei d’aministrazion de la SITC, Daniele Dezulian, Dominik Vigl e dut l personal del Dòlaondes, Silvano Ploner e Gigi Giuriato per l’audio e “dapò – à fenì fora Claus - volesse rengrazièr duta chela persones che vigni dì, ence se no i me l disc foradret, ge capesce, i vel me dir “Claus seghita”. (vr)

La operes de Claus Soraperra al zenter Dòlaondes de Cianacei.

Co él jit chest prum an de lurier? Tullio Pitscheider: “Da jugn del 2012 enscin a la fin de la sajon da d’invern 2013 aon abù 65 mile entrèdes. Sion contenc perché l’é dassen n gran numer de jent e sion contenc ence percheche aon venù n muie de abonamenc a la jent del post. N dat segnificatif l’é che via per de november, canche l’era demò la jent del post e l’era avert demò dal mercol a la domenia, aon fat na media de 2.200 prejenzes te 22 dis. No cherdaane nience nos de poder aer chisc dac”. Co éla jita coi corsc? “Aon abù n bel suzess tant coi bec che coi gregn. En cont di bec aon ence abù la domana de fèr corsc per chi che sà jà nodèr e no demò chi che é al scomenz. Sun chest sion dò che vardon se sion bogn de meter ensema n Club agonistich che l fossa segur de ùtol ence per ge dèr l’entrèda agevolèda a chisc bec. Chest sarà un di obietives che cognaron arjonjer per l davegnir. Apede a chest ampò aon vedù che con chesta prejenzes podon ruèr a se paèr jù i cosć de gestion, desche l personal, l sciudament e l’eletrich. Mìngol ne à didà ence l’impiant fotovoltaich che aon sun cuert che ence se no se doventa riches, con chesta sort de impiant se rua semper a smendrèr mìngol i cosć. Sion enveze resté maraveé a veder chel che cognon paèr per l’IMU e la depurazion de la èghes. Per duta doi la oujes sion rué a speises sora i 40 mile, tant per l’IMU che per la èghes”. Ma per la netijia de l’èga no ve vegnel dat vèlch dal Comun? “Ence l Comun sun chi capitoi l’é obligà a ruèr al parege. I disc “Se te spenes 100 a fèr l servije, te cognes encassèr 100 dai utenc che doura l servije”. Desche nodadoa la depurazion la vegn calcolèda su la basa de l’èga che se doura e nos èga n duron segur n muie, enceben che

dant de vegnir petèda demez l’èga la vegn filtrèda, ri-neteèda e purifichèda da microbi. Ma sion oblighé per lege a petèr demez ogne dì na pèrt de èga. L’é pech da fèr, chi scioldi aló no i aane tegnui en conscidrazion e se i troon tel bilanz. Desche sozietà ampò sion contenc de aer fat l zenter. Se à lurà n muie ben, tant ti dis de bel temp che te chi de burt temp. L dì che l’é burt temp te nodadoa l’é pien dut l dì, enveze se l’é bel temp l’é più jent dò les 4 via. E dapò aon vedù che l’é vegnù ence jent da fora da Fascia”. Aede vedù aprijiament ence dai chestionères fac jù dai ghesć? “Ei, l’impiant l’é stat aprijià. Ben segur l’é stat ence vèlch critica soraldut per i dis de pienon olache magari la jent no à podù ite o l’à cognù fèr coudes, ma peisse che n’outa che un ge peissa con calma l capesce che se l’é pien più che tant no se pel fèr. La nodadoa l’à n spezifich numer de entrèdes da respetèr per lege. No l’é che podon demò manèr ite, co se fajessel? I armeres fenesc e no l’é che te pes te tegnir i ciuzé te man!” Chest an dapò, ajache aon vedù che canche l zenter l’era avert ence via per l dadoman, più che l 40% de la entrèdes les era dant del mesdì, aon pissà de orir dut l dì. Dai 15 de messèl a la fin de aost oriron duc i dis dadoman, da les diesc enscin les ot da sera e de mercol enscin a les diesc da sera. Ence chiò no l’é stat sorì perché che ge vel più vèrda bagnes e più personal, ma aon dit “proon!” gé peisse che la jent la posse aprijièr”. Co éla jita enveze col zenter benesser èghes? “Via per l’istà cogne dir che no l’à n gran rechiam per i ghesć da fora. L’é béleche più jent dal post che vegn. Via per d’invern enveze l laora semper ben, aon vedù che l’invern passà l’à abù i medemes numeres di tempes miores. No aon perdù ma nience smaorà. Cognon ence dir che ades béleche duc i hotìe à sie zenter con la sauna e donca sion segur contenc de coche la va.” Aede intenzion de l fèr fora? “A dir fora dret, n mez projet l’é, ma vedù i cosć e la prioritèdes de la sozietà no l’é n projet che se ciaparà te man te curt temp. Dant l’é la forenadoa de Dèlba e dapò ge volarà ge meter man ence a chela de Ciampedel”. (vr)


nr. 25 / 28 de jugn 2013

Raiffeisenkasse, fèr benefizenza ensema coi bec Da passa 40 egn l’Istitut de credit met a jir n concors per i bec de la scoles a livel european con n obietif benefich Ence chest an, descheche sozet da oramai passa 40 egn, la Raiffeisenkasse à metù a jir l concors per i bec de la scoles con na finalità de benefizenza. L tem del concors de chest an l’é stat “La natura e sia desvalivanza” destinà ai bec de duta la scoles del Sudtirol e de n muie de autra scoles a livel european. L zil del concors l’é chel de didèr i bec manco fortuné, defat per ogne depent portà dant, la R aif feisenka sse dèsc 50 centeisemes a na sociazion che deida e ge dèsc socors ai bec purec. Chest an l’é stat cernù doi sociazions: Naturtreff Eisvogel, che se cruzia del sostegn de la natura e de la recuperazion de razes de besties, e Debra onlus Italia, sezion del Sudtirol, che se cruzia de didèr i bec malé de epidermolisi bollosa. L tìtol del concors de chest an à engaissà i bec a cognoscer l’ambient. I elaborac cognea moscèr coche i bec vif la natura, la cognoscenza de fiores e besties,

I bec de la populèra de Poza con Patrick de la Raiffeisenkasse endèna la festa a scola.

l temp ledech vivù a contat con la natura, sie respet, l’emportanza de l’ecosistem. La tecnica del dessegn era ledia: se podea durèr tant i colores a èga che i lapijes da color, l collage o

materièl da rezicle. I bec de la populèra de Poza à responù belebon en gran numer e i lurieres porté dant i é stac de n muie. Gran lurier donca per la jurìa locala cernuda da la Raiffeisenkasse,

che l’à cognù selezionèr duc i elaborac e cerner i miores per ogne clas. La jurìa à cognù ence tor fora i lurieres miores da ge manèr a na jurìa regionèla jun Busan, olache l’é stat fat amò na selezion per la

calificazion a livel european. Chest an, ence se i lurieres prejenté era dassen bie e creatives, nesciun lurier se à calificà a livel european, descheche era enveze sozedù l’an passà col dessegn de Erica Cloch. Aboncont no se pel semper venjer! Chel che conta l’é l projet, desche semper enteressant, del rest canche se rejona de solidarietà i bec se lascia tor ite sorì, ajache a didèr si conscric i doventa semper più pèrt de na sozietà olache no duc à abù l medemo destin. L projet se à serà sù con n moment de festa canche Patrick, che laora a la Raiffeisenkasse de Vich, l’é jit a scola per consegnèr i bie pesć ai venjidores. Bravi bec, seghità coscì e recordà che nesciun é tant pìcol da no aer vèlch da dèr per fèr mior nosc mond. Donca dajeve da fèr, lurà e fajelo con legreza percheche no ge jontarede mai chel che aede dat. La maestres

Se scomenzèr l’é stat bel, fenir l’é stat amò più bel L’ùltim dì de scola, festa te Piciocaa per duc i bec e la maestres de la scola populèra de Poza I bec de la scola e la maestres les à endrezà per l’ùltim dì de scola, ai 11 de jugn, na bela festa te Piciocaa. Timpruma, l’era stat fat fora de fèr la festa sun Bufaure. Per chest se cogn ge dir n gran develpai al president Cristian Lorenz che l ne aea dat l met de jir su per nia co la cabinovia. Dapodò, dò duta la neif e la pievia states via per l meis de mé, se à pissà de mudèr l post, dalajache sun Bufaure l teren l’era amò n muie mol. Coscita l’é stat fat fora de jir te Piciocaa al parch di jeghes. I bec, mené via da la maestres, à endrezà na giornèda de festa del sport, de la solidarietà, de la spartijon e del spas arsegurà. I bec i era de 81, dalajache n muie i era jà ponté demez per l mèr; i é stac mescedé per clasc e spartii a gropes. Coscita l’é vegnù fora 8 squadres. Per ogne squadra l’é stat endrezà 4 jeghes, a roda un dò

l’auter. Per vigni jech vegnìa dat ponts. La squadra che à vent l’é stat chela chécena, premièda, aldò de l’ambient olache eraane, co na bela gherlanda de fiores de pra. Al secont post l’é ruà la squadra biencia, a chela che ge é stat dat n bel maz de fiores, nience da dir, coec sù te chel moment te pra. Al terz post, la squadra fucsia, a chela che ge é stat dat n ram. Duta la ativitèdes les é states endrezèdes via delvers, ai bec ge à sapù n gran bel jièr ensema, gregn e pìcoi, e passèr vèlch ora te mez a la natura e a l’ambient, l temp à tegnù e n bel soreie à sciudà la giornèda. La maestres les é states contentes, percheche stèr ensema a l’averta e zenza leames dèsc l met de se cognoscer amò de più, roba che enveze l’é più senester a scola per via di spazies, la ativitèdes endrezèdes e la mesura del temp. La maestres

La pruma classifichèda se à vadagnà na gherlanda de fiores.

N bel retrat de grop coi scolees e la maestres de la populèra de Poza.

A la seconda ge é stat dat n maz de fiores.

A la squadra che à arjont l terz post n bel... ram.

www.lauscdiladins.com

23


Fascia

nr. 25 / 28 de jugn 2013

Sèntes, stries e eroìnes Ogne mèrtesc sera scontrèdes coi autores. Ai 2 de messèl da les 5 domesdì te Ciasa de Noscia Jent a Poza aur la mostra de operes grafiches de Mariano Vasselai L roda dut entorn a la fegures feminines te la cultura ladina, anter storia, letradura e mitologìa, l program culturèl metù a jir dal Comitat manifestazions de Poza en colaborazion co l’Istitut cultural ladin de Fascia via per chest istà. Se trata de desvalives apuntamenc che rejonarà apontin de sèntes, stries e eroìnes, tel segn de na integrazion semper più fona anter cultura e turism. Ogne mèrtesc sera da les 21.00, aló da la sala de consei del Comun de Poza, delaìte de la rassegna “ParoleVistaDolomiti” metuda a jir col sostegn de l’Apt de Fascia, sarà n enconter con autores, studiousc e enrescidores, che da egn se dèsc jù per descorir l mond misterious de la lejendes dolomitiches, de la cherdenzes populères che revèrda

Una de la operes de Mariano.

fates, prinzesses e vivènes, ma ence la dimenjion storich-antropologica di prozesc per strionarìa per ruèr

tinùltima a meter al luster fegures de eroìnes d’aldidanché, desche Maria Piaz, pioniera del turism te Fascia. I encontres coi scritores, vidé da la giornalista Virna Pierobon, se à avert en mèrtesc ai 25 de jugn con Ulrike Kindl de l’Università de Unejia, autora con Nicola Dal Falco del liber “Miti ladini delle Dolomiti” dat fora del 2012 da l’Istitut ladin Micurà de Rü e Palombi Editore. Te chesta ocajion l’é ence stat prejentà e despiegà dut l percors tematich metù dant via per l’istà che jirà inant en mèrtesc ai 2 de messèl da les 5 domesdì co l’inaugurazion de la mostra de Mariano Vasselai dal tìtol “A proposito di streghe...” che porta dant na lingia de operes grafiches refinèdes ispirèdes dant da dut ai

prozesc a la stries stac te la val de Fiem al scomenz del XVI secol. Chesta esposizion dèsc l met de se arvejinèr con respet e partezipazion a n dram che tel passà l’à tocià a na vida grieva femenes inozentes, vitimes de la superstizion e de l’ignoranza. En chela dì l’artist medemo de la mostra e l storich fiemac Italo Giordani menarà i vijitadores dò n percors deldut nef sun chest tem anter raprejentazion artistica e enrescida storica. La mostra é da poder veder fin ai 20 de aost, ló da la sala mostres de la “Ciasa de Noscia jent” a Poza, da les 16.00 a les 18.30 e da les 20.30 a les 22.00. Te la lingia de la scontrèdes coi autores se podarà scutèr ence Brunamaria Dal Lago Veneri, Luciana Palla, Cesare Poppi e Fabio

Chiocchetti che prejentarà sie nef roman “I misteri del Cjaslir” dat fora da Curcu & Genovese Editori, che é da poder comprèr ence te senta de l’Union di Ladins a Sèn Jan. L program perveit amò ence n spetacol de gran empat emotif che vegnarà portà dant aló dal teater parochial de Poza ai 6 de aost, na instalazion multimediala animèda da composizions originèles de la sopran Susy Rottonara ispirèdes a la contìes del “Ream de Fanes” e de operes d’èrt de Rott, compagnèdes da letures del scritor ladin Roland Verra. L’apuntament che vegn l’é donca en mèrtesc ai 2 de messèl da les 5 domesdì te Ciasa de Noscia Jent a Poza per l’inaugurazion de la mostra de Mariano Vasselai. (mci)

"Aon empienì noscia valisc" Imprescions sul cors de ladin per no ladins tegnù da Nadia Chiocchetti. A ela volon ge dir n gran detelpai dut l mond, l ne à dat alberch e l ne à ensegnà n muie de robes. A pech a pech, de gra a Nadia, sion jic ite per anter te na realtà che manaman aon sentù più noscia e più vejina a nos. Ne à sapù dassen bel dut chel che aon fat e dit, tout ite nesc fai che i ne à dat l met de emparèr amò miec e grignan! Se enscinuèr al cors de ladin no l’à demò volù dir emparèr a l scriver e a l rejonèr. Ence se l lengaz l’é zenz’auter n muie emportant e de gran valuta, cogne l dir che te chesta ocajion l’é stat più che zenza l met, l strument che aon abù a la leta, che ne à permetù de jir n muie più inant. Fora de n bel nia, béleche zenza se n adèr se aon troà ite n mèr de storia, de

Sion rué a la fin de chest viac, n viac curious a dir l vera! Canche se peissa a chi che pèrt ne vegn tel cef n muie de valijes. Nos no n’aane nience una! Sion partii coscita, con la mans scorlan! L bel de dut, l’é che nos les aon empienides dò strèda, ge metan ite, n grignòtol te una, na batuda te n’autra, n sgherz te n’autra amò... Duta robes lijieres che no les peisa nia. A chesta vida noscia valisc, la se à empienì de legreza, en piajegola compagnìa. Adinfal, te na sera freida ai 14 de jené, vita nosces se à scontrà e encrojà. L’é da no creer, coche béleche mesa Tèlia e enscinamai la Romanìa se assane retroà duc ensema chiò te Fascia! Chest bécol de ciamp l’é doventà

cultura e de tradizions ladines. No l’era lìmit de temp! La storia la podea esser chela veia veiora o i fac de anchecondì. Chel che a la fin ne tocia de più l’é l leam n muie gaert e enseparabol anter la desvaliva pèrts. L’é ben segur che l’un l’é l spieie e l refless de l’auter. Lengaz, cultura e tradizions les va sot brac co la storia, desche l bez che l’é te vigniun de nos. L bez cresc, l se muda e l doventa gran, ma bez e gran l’é e restarà semper leé. No se pel jir inant zenza se vardèr endò! Te Fascia l’é na richeza dassen grana ti cheres e ti ceves de sie popol. Nos l’aon poduda stimèr tras Nadia, na persona spezièla, semper grignolenta e pazienta che se à

cruzià de nos, ne dajan jù sie temp con gran gaissa. Ge fajon de cher n gran detelpai a Nadia Chiocchetti,

per dut chel che la ne à ensegnà e amò ne ensegnarà. Detelpai Nadia! I corsisć

Chi che à tout pèrt al cors de ladin co l’ensegnanta Nadia Chiocchetti.

Chi él pa? Soluzion del retrat su La Usc nr 24 del 2013 L’ùltim retrat publicà su La Usc di Ladins l ne era stat portà da Ivan Pezzei de Mongo da Poza. L retrat l’é stat fat en ocajion de la noza de Luigi Favé Gioto e Anna Riz, stata ai 15 de jené del 1955 a Ciampedel. L retrat l’é stat fat tedant a l’Albergo Agnello. A ne dèr la soluzion chesta setemèna l’é stat la mère de Ivan, Lina Riz, Silvano Favè de Gioto e ence Lino Soraperra Medico Sul retrat l’é: 1. Maria Davarda

26

27

de Paul; 2. Federico Riz del Todesch; 3. Anna Riz de Federico, la sposa e fia de 1 e 2; 4. Rosalinda Soraruf de Stefin; 5. Rosalinda Mattioli maridèda Ghirardini, da Vich; 6. Luigi Favè Gioto l spos e fi de 7 e 8; 7. Giochele Favè de Bastian Rich; 8. Vittoria Valentini; 9. Oliva Soraruf de Stefin, maridèda Favè; 10. Don Marino Cavada; 11. Luigi Favè de Rich, per Silvano enveze l’é Lodovico Depaul de Rich; 12. Giovanni Favè de Rich; 13. Maria Domenica Favè; 14. Ziperla Bernard de Manele; 15.

29

28

30

31

32

33

34

23

22

20

36

21

16

18 19

6

2

5

www.lauscdiladins.com

retrat fat te Contrin. Ve preon de ne dèr voscia resposta te redazion, ence per telefon o fax al 0462.764545 o per mail a la direzion: lausc@ ladinsdefascia.it. al più tèrt per en mèrtesc sera. Ve recordon che chi che ne dèsc la resposta giusta o troa fora amàncol la maor pèrt de la jent sul retrat i ciapa en don n liber o n CD de musega, sporc da l’Union di Ladins de Fascia.

13

38

12

11

2

10

3

4

24

37

17 3

1

14

15

Depaul de Rich; 33. Ilda Vian femena del 34. Carlo Deluca Piston che l’era stat a Cefalonia ensema al spos e che l se aea salvà ensema a el; 35. Lorenzo Favè de Stefin; 36. Maria Cassan, nona de la sposa e mère de Mario Tabach; 37. Maria Deluca de Cruf, jomelina del père del spos, del numer 7; 38. na ameda de Gioto da Ciampestrin, sor de la numer 8. Desche ogne outa ge sporjon n bel develpai a duc chi che ne deida a meter ensema vèlch toch de noscia storia. Chest’outa ve meton dant n

39

35

25

24

Anna Maddalena Favè; 16. Guerrino Endrich del Biencia; 17. Marianna Riz; 18. Guido Deluca Cruf; 19. Bepina Ninz del Monech; 20. Carlo Deluca Cruf; 21. Lina Riz; 22. Paul Riz; 23. Miri Riz, maridèda Dantone; 24. Bepin Ninz Zusana; 25. n bèrba del spos; 26. Giovanni Riz del Todesch, fra de Federico; 27. Geltrude, perpetua de don Tita; 28. Olinda Riz; 29. Giorgio Lazzer de Zepele de Micel; 30. Rosina Riz; 31. Celso Rizzi Pezol, ma per Silvano l’é Ziperla de Manele; 32. Guido

1 7

8

9


nr. 25 / 28 de jugn 2013

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

“I juesc olimpics ie davierc!” N merdi fòvela tan inant: cun na manifestazion da ti dé dl Vo, na gran defileda da Plan ora, per la pert ufiziela te stadio Pranives de Sëlva, iel unì giaurì la 13ejima edizion dla Olimpiada de sport populer. Inn ufiziel de Eugen Verra, sunà live dala grupa “Name in Progress”

Urganisadëures y autoriteies.

Olimpiada de sport populerGherdëina à fat na bela paruda, dan al mond ntier, n merdi domesdì y da sëira pra la giaurida ufiziela dla Olimpiada de sport populer. Defileda, mujiga, spetaculi, balec,

Ntan la zeremonia te stadio Pranives.

na coreografia che à trat pea i za. doimile y passa partezipanc unic adalerch aposta per la gran manifestazion te Gherdëina. Da mesa la sies piova via la defileda cun la truepa nazions unides

La defileda.

La grupa Name in Progress cun Eugen Verra, che à scrit l inn ufiziel.

Alex Runggaldier y Ellis Kasslatter.

Autoriteies.

adalerch, mutons da tlo purtova la bandieres. Te stadio Pranives à Ellis Kasslatter y Alex Runggaldier menà tres la zeremonia, propi cun gran savëi, fé dalaibon y segurëza tla cater rujenedes: cumplimënc! L ie pona stat la paroles de salut dl ambolt de Sëlva Peter Mussner y dl ambolt de S. Cristina Eugen Hofer y dl assessëur provinziel Florian Mussner. La band urmei bele mitica di “Name in Progress” à sunà y ciantà la verscion moderna de “Gherdëina, Gherdëina”, nce coche cuntribut per la cultura ladina de nosc raions; nce l’autoriteies à auzà ora nosta rujeneda y rujenà per gherdëina, cie che ie da laudé. Povester ëssen dal’autra pert pudù vaghé nzaul almanco una na bandiera ladina, tla sdredia che fova da udëi dloncora. Ma inant cun la manifestazion: l ie pona jit sun palch mo na lingia de autoriteies, la presidënta dl Cumitat de Urganisazion Christina Demetz, l presidënt dla Federazion Nternaziunela IVV Internazionale Giuseppe Colantonio, l presidënt dl Südtiroler Volkssportverband Friedrich Ploner. La giaurida ufiziela ie unida fata da

Colantonio y Ploner, cun plu inns che ie unì sunei. Beliscimo i spetaculi tematisei ti cater elemënc tiera, ega, aria y fuech, y cun referimënt ala trëi disciplines cun l Performing Group Centro Danza y la coreografia de Sabrina Borzaga. Bel y che va a urëdla ie l inn scrit da Eugen Verra, sunà live da Name in Progress; la grupa à ala fin mo sunà de bela cianties, desmustran de vester profesciunei, boni, blòc, dalaibon y dantaldut da druch. Bel iel stat!

Mo nchin duman sada La Olimpiada de sport per duc te Gherdëina à scumencià ai 25 de juni, y jirà inant nchin a duman sada ai 29 de juni te Gherdëina. La Federazion nternaziunela de sport populer à cris ora nosta valeda per la Olimpiada de sport per duc (“Volkssportolympiade dl IVV Internationaler Volksport Verband”), na manifestazion sportiva nia cumpetitiva y davierta a duc i pasciunei. Diletanc da dlonch caprò fej pea ntan chisc dis pra plu disciplines. La particularità de chisc juesc olimpics ne n’ie nia la

cumpetizion ma l pensier coletif, de ancunteda y de sté deberieda. La Olimpiada de sport populer te Gherdëina ie na manifestazion de sport per duc. L se trata de jì a pe o cun la roda tres duta la valeda. L ie mesun pië via ulache n uel, sibe a pe coche nce cun la roda, da Sëlva, S. Cristina y Urtijëi demez. La lunghëza dl percurs pòssen se crì ora danter 5, 11, 18 y 25 km per chiche va a pe, y 17 y 24 km per la roda. Oradechël iel nce udù dant na proa de nudé sun la lunghëza de 300 metri tla nudadoia Mar Dolomit. Ntan chisc cin’ dis de sport amatoriel iel te uni zënter dl luech metù su na gran televijion ulache duc possa udëi, via per l di y da sëira, la registrazions che vën fates ntan la manifestazion. Duc ie mo nviei a fé pea, nce pra la sëires che vëija dant manifestazions de mujiga, cultura y tradizion ladina. Nfurmazions sëuraprò sun la plata www.ivvsuedtirol.info; pra la Lies dl Turism de Gherdëina iel da giapè debant na brosciura cun duta la nfurmazions per chësta ntraunida de sport y cumpania. (David Lardschneider)

L ie unì mustrà coreografies scialdi beles.

(fotografies de Diego Moroder)

www.lauscdiladins.com

25


Gherdëina

nr. 25 / 28 de jugn 2013

La cucia de coco

Sport y ert al mer

Chi ne cunësc pa nia i berbesc dal “Coccobello!” che va su y ju L ie bele ani che l Servisc dl sport te scola dla Ntendënza Ladina cun a cë Brigitte Pedevilla ti dà l mesun a una o l’autra scola ladina dla Val Badia o de Gherdëina de jì ntëur ala fin dl ann de per la spiages? Śën che l à scumencià l instà, giàpen da cumpré nce da nëus la cuces de coco, fruc tropics bënului per scola per n’ena de sport al mer a Lignano si bona sëur

Cuces de coco.

Foto de grupa di sculeies dla terza tlasses dl Lizeum d’Ert de Urtijëi.

Scola - Chëst ann à per l prim iede la terza tlasses dl Lizeum d’Ert de Urtijëi pudù se nuzé de chësta ucajion. Bele tl scumenciamënt dl ann de scola àn pensà de ti dé l mesun ai sculeies de mëter adum l sport cun l’ert. Chësta cumbinazion ti à riesc plajù, sibe ai nsenianc che ai sculeies. La prima ena dai 3 ai 7 de juni ie nsci i 24 sculeies cun i doi acumpaniadëures, l maester de ert figurativa Markus Delago y la maestra de sport Gabriella Senoner, furnei a Lignano cun na curiera che univa dai badioc ca cun 24 d’autri sculeies y doi cumpaniadëures dl Lizeum y ITE de La Ila. L albierch ons giapà tl bel zënter turistich-sportif Ge.Tur, ulache l ie truep ciamps dal sport, de basket, volley y codla, plu nudadoies dedora y curides, n palaz dal sport, plu cëses per l albierch y na bela gran spiagia lergia de sablon. L program dl’ena ie unì metù adum a na maniera che i sculeies, partii su te doi grupes, à pudù fé uni danmesdì plu sortes de sport, coche l windsurf y la canoa, nudé y salvamënt, apnea y sub, beachvolley y na pitla garejeda de urientamënt cun la cherta topografica aposta. I domesdis fova

L coco vën tëut ju da persones, te vel’ luesc nce da afes macaches.

Ert tl sablon.

prugramei cun l maester d’ert figurativa Markus Delago per se dé ju cun la scultura. L ie unì fat ora de fé n gran lëur deberieda tl sablon. L fova bel a udëi coche duc i sculeies ti ie sautei ite cun badil, condla y ega per ti dé forma a si idea. L prim di iel unì fat la gran forma y man man udòven che l deventova na gran piramida. I

ultimi dis iesi stac boni, cun gran pazienza y prezijion, de finé n tëmpl che lecorda la cultura Maja. N vënderdi ai 7 de juni do marënda sons inò muec de reviers a cësa. L ie stat na bela esperienza a mëter adum muvimënt y criatività. Ai sculeies ti va na lauda per l mpëni y l ntujiasm ntan duta l’ena. Gabriella Senoner

Coco - La cucia de coco ie l frut de na palma, che vën dal’Indonesia. Chësta planta possa viver scialdi giut, nce passa cënt ani, y possa unì plu auta de 35 metri. Si pleces ie scialdi longes, cun mesures dai cater ai sies metri. L plu rënd la palmes de coco dai dodesc ani inant. Do i 30 ani ieles massa autes per chëi che scana su a tlupé la cuces. Chëstes vën tlupedes da persones cun l aiut de curtiei da n mane lonch, tl’Asia nce da afes nseniedes ju aposta. L’afes macaches ie tachedes pra na corda y scana su sun la palmes. I patrons ti svëia su canche les dëssa tò tla man na cucia de coco y la raidé tan giut nchin che la toma ju. L tol scialdi lëur a nsenië ju chësta afes, ma canche la ie tan inant, ieles de gran aiut per i patrons.

Copes ma nce scultures Ora dla crosa dla cuces vëniel fat copes, sciadons y d'autri cuntenidëures, ma nce scultures, roba da se tripé, rucins, antlaries, tasces y monce strumënc de mujiga, coche la kalimba. Chësc ie n pitl strumënt african sunà cun i polesc, perchël nce tlamà tlavier da polesc. Ora dla fibres dla crosa vëniel fat spec, cordes y tepihs. La cuces de coco dla Butëighes dl Mond talianes vën dal’Africa, dala Costa de Avore, ulache la grupa de produtëures Cocopack lëura dal 2001 per zidlé y vënder coco biologich. Per la Grupa Butëiga dl Mond, Sabine Vinatzer

Tl’Indonesia, sun la Filipines y tl’India La cucia de coco vën zidleda te belau duc i paejes tropics, dantaldut tl’Indonesia, sun la Filipines y tl’India. Dan che n la compra pòssen la scassé, per audì sce l ie laite l’ega de coco. Sce n l aud, ie la cucia de coco frëscia.

Truepa vitamines

Ntan l’ena iel nce unì fat sport d’uni sort.

26

www.lauscdiladins.com

La cucia de coco ie scialdi da sustanza. Tl frut iel 50% de ega, 9,4% de fibres, 14% de carboidrac, 10% de zucher y grasc. L ie laite dantaldut la vitamines B1, B3, B5, B6, B9 y E; ma nce la vitamines C, K y J. Ora dla polpa de coco vëniel fat l uele de coco, l gras de coco, i floc de coco y nce na sort de massa de coco, che vën tëuta per cujiné.

Ora dla cuces de coco vëniel fat d’uni sort de roba, danter l auter rucins o nce strumënc coche la kalimba.


Gherdëina

nr. 25 / 28 de jugn 2013

L liber di ghesć de Dantersasc Nstadì iel stat tla gran sala dl chemun de Santa Cristina la prejentazion dl prim liber di ghesć “Fremdenbuch” danter l 1894 y l 1908 dla sosta de Dantersasc, cumprà dal Museum de Gherdëina Liber Dantersasc/1 - Na sëira dut ntëur garateda, de storia de alpinism y de turism, ma nce de cuntreda y de jënt. Na sëira nteressanta metuda a jì dal Museum de Gherdëina, cun a cë l presidënt Wolfgang Moroder y la diretëura Paulina Moroder, n juebia sëira ai 13 de juni. Do la paroles de salut da pert dl ambolt de Santa Cristina Eugen Hofer à l presidënt y la diretëura dl Museum Gherdëina Wolfgang Moroder y Paulina Moroder nvià via ala prejentazion dl liber che l Museum à abù la fertuna de pudëi cumpré y purté inò te Gherdëina, de gra al sustëni dla Repartizion Cultura y Ntendënza ladina, dl Chemun de Santa Cristina y de privac. Ingrid Runggaldier, tuadëura dla storia dl turism y dl alpinism, à tenì n referat dla nasciuda tl 19ejim secul dla lies alpinistiches y di mëinacrëp tl’Europa y te Gherdëina. La à cuntà coche l se à purtà pro che la Sezion Academica de Viena dl DuÖAV à tl 1894 fat su la sosta de Dantersasc, per tudësch Langkofelhütte y per talian Rifugio Vicenza. La à oradechël nce cuntà di prim ani de storia dla utia che ie documenteda dassënn bën tl liber di ghesć, l “Fremdenbuch”. L ie stat da udëi fotografies dla utia, de persunaliteies che à abù da n fé limpea y sambën nce vel’ ejëmpl dl cuntenut dl liber. Do l referat iel mo stat n cërtl de descuscion cun ntervënc di mëinacrëp Wolfi Mussner, Luis Schenk, Mario Senoner y Walter Piazza, bele da truep ani ost dla utia, che à njuntà la nfurmazions n con’ dl liber y dla utia de Dantersasc cun si c une s cënze s stor iche s y lecurdanzes. La sëira ie unida metuda a jì dal Museum de Gherdëina, dal Cunsëi de furmazion de Santa Cristina y dala

Lia da Mont Gherdëina. L liber puderà tl daunì unì consultà tl Museum Gherdëina per tuedes storich-scientifiches.

La sosta de Dantersasc Lascion cunté la diretëura dl Museum de Gherdëina Paulina Moroder: “Dan avisa 120 ani - l fova ai 23 de juni 1893 – fòvel tumà a Viena pra i cumëmbri dl D&Ö. AV la dezijion de fé su na sosta sun Dantersasc, japé dl Saslonch, per duc chëi che scumenciova ntlëuta a unì tla Dolomites a fé jites sa mont y a jì a crëp. Bele n ann do, ai 9 de setëmber dl 1894, fova la prima pitla utia de Dantersasc unida inaugureda cun na festa . Cun chësc di dl’inaugurazion scumëncia l „Fremdenbuch der Langkofelhütte“, l prim liber di vijitadëures dla sosta de Dantersasc, ncueicundì Rifugio Vicenza. N liber gros cun 511 plates plëines de sotscrizions y anutazions d’uni sort scrites ite da persones che se à nuzà, de un o dl auter viers, dla utia ntan na jita o na arpizeda tla grupa dl Saslonch. Dantaldut la prima plates dl liber ie abelides da dessënies de Emil Terschak, un di gran piunieres dl turism te Gherdëina. Sëuraprò iel tlo da pudëi liejer do relazions anueles n con’ di ghesć dla utia danter l setëmber dl ann 1894 y l setëmber dl 1908. “

L liber de Dantersasc te na cësa privata a Viena Paulina Moroder conta inant che “cun l 1908 fina via l liber, scebën che l fossa mo stat plates uetes da pudëi scrì inant. Ne savon nia ciuldì che l liber ie ruvà demez y ulache l ie jit a finé ti ultimi cënt ani. Dal’autra pert à povester iusta chësc varentà l liber dala

Foto de grupa de urganisadëures, referënc y partezipanc dla mëisa turonda.

ntraudindes dla prima gran viera che à desdrù gran pert de chisc prim documënc dla sostes te nosc crëps. Dan n diesc ani ons per l prim iede abù l’ucajion de ti cialé a chësc liber storich unit a lum te na cësa privata a Viena. Ntlëuta ons pudù l mpresté ora per n struf, ma an inò messù l purté de reviers davia che la persona ne ulova mo nia se destaché defin. L fova tler che l se tratova de n documënt rer y de gran valuta storica y perchël se ons coche Museum mpenià de l varenté per Gherdëina. Permò tl 2012 iela pona stata tan inant de pudëi cumpré ju l liber y l purté de reviers te nosta valeda. L sustëni finanziel ie unit da pert dla Cultura Ladina, dl Chemun de S. Cristina y nce dal ost dla utia da sën. Perchël iel nce stat n mumënt de gran legrëza a pudëi prejenté chësc liber ala jënt da tlo! L liber dla sosta de Dantersasc se njonta tl Archif dl

Museum de Gherdëina ai documënc alpinistics de Luis Trenker. Tl Museum a Urtijëi vëniel nce tenì su la caranta chertes da vijita di ani dan l 1914, abinedes

tl 1974 te na scatula de banda sun la piza dla Odles,” nscila la diretëura Moroder. David Lardschneider

Ntan la mëisa turonda.

Cuntenut y valor dl liber L liber dla sosta de Dantersasc ie zënzauter n iede n „diare“ de 14 ani de storia dla utia de Dantersasc, cun plantes y relazions dla prima utia desdruda da na levina y dla segonda utia fata su l ann do, n reghister „ufiziel“ di ghesć, ma nce scialdi deplù Liber Dantersasc/2 - L liber à da una na pert n senificat nteletuel per cunëscer y ntënder miec la ravises dl alpinism y dl turism te Gherdëina a ciaval dl 1900.

La prima plata dl liber dla sosta de Dantersasc. L liber possa unì consultà tl Museum de Gherdëina per tuedes storich-scientifiches.

L nes lascia ntraudëi la sort de publich alpinistich y turistich che univa adalerch te Gherdëina da oradecà, chiche fova i pasciunei di crëps y piunieres dl’arpizeda tla grupa dl Saslonch do Paul Grohman, coche Norman-Neruda, Emil Terschak, Oskar Schuster, Bindel, Johann Santner, Eduard T. Compton, Gustav Jahn, Christomannos y trueps d’autri. Lijon de esperienzes y bravures tl crëp y dla vies nueves che i à giaurì su per l Saslonch, i “Fünffinger”, o l “Zahkonfel”.

Prim publich turistich L liber nes lascia nce udëi ciun che fova l prim publich turistich dla sozietà urbana auta, dantaldut di Paejes Tudësc, ma nce nglëisc, franzëusc y talians che univa adalerch a descuvierjer la belëzes di crëps y a passé nce plu enes ala bon’aria, danter l auter njenieres, architec, dutores y avocac.

Senificat emuzionel L liber à nce n senificat afetif/ emuzionel che toca i sentimënc dla jënt dla valeda: lijon do la sotscrizions nia mé di prim mëinacrëp y purtadëures da tlo che cumpaniova chisc arpizadëures su per l Saslonch, i “Fünffinger”, l

“Grohman”, ma nce inuemes de nosc nëinesc y nosta aves, che jiva bele ntlëuta gën sa mont de dumënia o i dis de festa. Belau degun inuem de familia ne mancia tlo.

Moral de alpinism L liber documentea nce la moral dl alpinism de assistënza da purté tl crëp, coche nce pitla ntraunides dla storia da tlo, per ejëmpl la scumenciadiva dl Chemun de Urtijëi tl ann 1908 cun la spedizion per nluminé la piza dl Saslonch tl ann 1908 n ucajion dl cumplì di ani dl coser Franz Josef I. Paulina Moroder

www.lauscdiladins.com

27


Gherdëina

nr. 25 / 28 de jugn 2013

Ingrid Runggaldier conta dl Saslonch N estlujiva per La Usc di Ladins à Ingrid Runggaldier, esperta de alpinism, metù a desposizion na pert de si ntervënt ntan la sëira de nfurmazion a S. Cristina Liber Dantersasc/3 - Ingrid Runggaldier à tëut ora dl liber di ghesć dla sosta de Dantersasc, frabicheda y giaurida tl 1893/94 na lingia de nfurmazions, che la à purtà dant te si referat scialdi prijà da duc i prejënc. La referënta à danter l auter rujenà dla prima arpizedes, di prim vares dl turism tla Dolomites, dla nasciuda dla lies alpinistiches y da mont, dl avanamënt dl turism y dla prumozion dl turism, di mëinacrëp y dl svilup de na prufescion nueva, dla “Akademische Sektion Wien des DÖAV”, la Sezion Academica de Viena dl DÖAV. Da dedò àla rujenà plu avisa de chël che à da n fé cun la utia de Dantersasc: frabica y storia dal 1894 al 1922. Pra l liber di ghesć àla dat na descrizion dl cuntenut, cumpedan su n valguna persunaliteies coche Ludwig y May Norman Neruda, la à rujenà dla fin dla vedla utia y dl scumenciamënt dla nueva, cuntan de plu ntraunides, coche l’arpizeda sun Saslonch per l cumpliani dl mperadëur. Ma jon mpue’ damprovia:

Grohmann sun Saslonch Ai 13 d’agost dl 1869 ie Paul Grohmann de Viena y i mëinacrëp Franz Innerkofler de Sest y Peter Salcher de Maria Luggau tl Lesachtal jic sun Saslonch. I arpizadëures univa da oradecà, l se tratova, pra l’arpizeda, dantaldut de n fenomenn zitadin. Di arpizadëures dla valedes (iagri, pastri) sàn puech. Franz Moroder scrij che i prim arpizadëures de Gherdëina fova: Christian Perathoner di Coi de Urtijëi (Furchëta, ti prim ani dl 1800), Josef Metz de Palua te Santa Cristina (Sas dla Porta, ani 1820), Giuani Batista Vinatzer (vulgo Carai) de Urtijëi (Furchëta y Sas Rigais te un n di, ma pona nce tl 1884 l Sas de Mesdì).

La nasciuda dla lies alpinistiches y da mont Damprovia nàscel plu lies da mont : Alpine Club 1857, Österreichischer Alpenverein ÖAV 1862, Schweizer Alpen Club 1863, Club Alpino Italiano (CAI) 1863, Deutscher Alpenverein (DAV) 1869, Deutscher und Österreichischer Alpenverein 1873, SAT (Società alpina del Trentino/Società degli alpinisti tridentini) 1872, Club Alpin Français (CAF) 1874, Naturfreunde 1895. Pona iel mo na lingia de sotlies, sezions te luesc desferënc, coche la sezion de Frankfurth, Viena, München, Torino, Belluno, ma nce sezions d’elite o academiches, cun studënc y persones cun n titul academich, o de lauranc.

La sezion de Gherdëina dl DÖAV, la Sezion Ladinia y la Sezion de Bulsan La sezion de Gherdëina dl DÖAV ie unida metuda su ai 2 de

28

www.lauscdiladins.com

lugio dl 1885. L prim presidënt ie Fritz Gedon (1885), l segondo Franz Moroder (1886-88), l terzo Josef Moroder Lusenberg (188994). La funzion dla lia fova chëla de ncurajé la ueia de jì sa mont y a crëp, ma nce chëla de fé, marché y seguré troies, y pona nce chëla de fé su uties. N’autra lia che ie unida metuda su te chëi ani (1886) fova la Sezion Ladinia tla Val Badia cun sënta a Corvara. Si presidënt fova Jan Batista Alton. La sezion à fat su la utia de Puez danter l 1887 y l 1889. La Sezion de Bulsan fova bele unida metuda su tl 1869 (“Schlernhaus, 1885; GrödnerjochHospiz 1895/96 deberieda cun n cunsorz y l mpëni dl ambolt de Urtijëi Franz Moroder; SellajochHaus, 1903”).

Mëinacrëp: svilup de na prufescion nueva Chëla dl mëinacrëp devënta na prufescion recunesciuda. Te Gherdëina fòven do la rata tardives. Te Gherdëina fòvel dal 1872 inant mëinacrëp autorisei, chël uel dì mëinacrëp che ova fat n curs y ova l’autorisazion de dejëujer si prufescion y de se tlamé mëinacrëp. Tl 1885 (tl ann che l ie unì metù su la Sezion de Gherdëina dl DÖAV) resultéiel te Gherdëina cater “mëinacrëp autorisei”. Do l 1885 cëla la Sezion de Gherdëina dl DÖAV de fé a na maniera che l unissa do plu mëinacrëp; dantaldut fòvel debujën de plu mëinacrëp che fossa stac boni de fé nce vies plu ries. Tl 1894, n l ann che l ie unì giaurì la utia de Dantersasc, fòvel cumpedà su tl indesc di mëinacrëp de Gherdëina publicà dala Sezion de Berlin dl DÖAV de ndut 9 mëinacrëp (cun i ciamps de spezialisazion curespundënc). Tl 1909 fòvel te Gherdëina bele 32 mëinacrëp, purtadëures y aspiranc.

La Sezion Academica de Viena dl DÖAV La Sezion Academica de Viena dl DuÖAV ie unida metuda su tl 1887, tl tëmp tlassich dl “alpinism dla deficulteies”. L fova la segonda sezion dl DuÖAV a Viena (do la Sezion Austria, 1874) y la prima dla lies alpinistiches academiches che se à costituì coche lia autonoma dl DuÖAV. L fova stat l professëur universiter de geografia Albrecht Penck à ncurajé la fundazion, do che l ova bele fat suvënz escurscions tla Dolomites cun si studënc. N pudova mé vester cumëmbri dla lia per l tëmp che n fova studënc. La fova perchël mé na lia alpinistica de studënc y ova nce cërta tradizions dla unions di studënc. Do che n ova finà de studië lasciòven la lia. Chësta fova tl scumenciamënt mé na lia maschila, ma do l’ëuta dl secul unìvel nce lascià pro ëiles. Aldò de si mira alpinistica de „rënder la Elpes azescibles“ ova la lia nce ntenzion de frabiché sostes y fé troies. Perchël òven bele doi ani do la fundazion dla lia (1889) njenià ite na “cassa” per dé pro, do trëi ani,

Ingrid Runggaldier.

la costruzion de na sosta tla Dolomites. Do mé n ann de lëur de frabiché àn tl 1894, set ani do che la lia fova unida metuda su, pudù giaurì la prima utia dla Sezion japé de Saslonch.

Naziunalism A dì la urità ova chësta lia n carater eliter y tudësch-naziunel. La Sezion Academica de Viena à bele tl 1907 y giut dan che l ie unit su l nazism dat pro la ntroduzion te si statuc dl nsci tlamà “Arierparagraph”, na tlausula che pruibiva l’amiscion de persones de pruvenienza y religion judiera ala lia. La lia à dal scumenciamënt incà abù n mpëni particuler tla “defendura dl “tudësch”, uel dì dl “Deutschtum” ti raions de cunfin dl Tirol dl Sud y dl Trentin, contra la tendënzes y mires iredentistes. De chësc viers ne fòvela nia ora dla norma. Tan che duta la lies alpinistiches, dantaldut chëles tudësch-austriaches (ma nce n pert chëles talianes) fova muetes da ssënn da mutiv az ions naziunalistes. Les cialova de marché y ocupé i raions de cunfin mustran si prejënza fajan su uties y troies y ti dajan finanziamënc ai hotelieres de chëi luesc, metan su urganisazions de mëinacrëp, ma nce scumencian na sort de garejeda de chiche ëssa arpizà per prim la pizes mo nia arpizedes. Te nosc raions: l Schlernhaus (Sezion de Bulsan, 1885); Ncisles (Sezion de Regensburg 1888), Puez (Sezion Ladinia, 1889); Dantersasc (Sezion Academica de Viena dl DÖAV) 1894, sun l massif dl Sela japé dl Boè (Sezion de Bamberg 1894), Hospiz (Cunsorz y Sezion Gherdëina 1895/96), l “SellajochHaus” (Sezion de Bulsan, 1903), Resciesa (Sezion Gherdëina, 1903). Pra la sosta de Saslonch fòvel ora che mutivazions alpinistiches nce mutivazions naziunalistes.

La utia de Dantersasc Bele tl 1888 ova la Sezion de Bulsan dl DÖAV abù l’idea de fé su na sosta sun Dantersasc. Tl medemo ann ova la Sezion de Regensburg dl DuÖAV fat su na utia te Ncisles, japé dla Odles tl chemun de Santa Cristina, y la

Sezion Ladinia dl DÖAV fova ntlëuta tl lëur de frabiché na pitla sosta te Puez. La sezion de Gherdëina ova tl 1892 fat n troi dai Plans de Cunfin sun Furcela de Saslonch y ju sun l Jëuf de Sela (“Santnerweg”). Tl 1893/94 à pona la Sezion Academica dl DÖAV frabicà la sosta sun Dantersasc. A crì ora la luegia fòvel stat l arpizadëur cunesciù Johann Santner. Ntan l inviern 1900/1901 ie la utia unida desdruda da na levina. La ie pona debota unida fata su da nuef te n’autra luegia iló daujin y giaurida tl 1903. N ucajion dla giaurida nueva ie l troi dai Plans de Cunfin su unì batejà “Santnerweg” (Troi Santner) y n à descurì na tofla per Santner, l troi y la sosta. Ti ani 1906-1908 iela unida fata majera pervia dla gran cumpëides de jënt che univa for adalerch.

L liber di ghesć dla utia de Dantersasc Ma cialonsti al liber di ghesć: l va dal 1994 al 1908. Udon dala prima plata che la utia ie unida giaurida y benedida ai 9 de setëmber dl 1894. Dlongia la truepa sotscrizions, la relazions y la cumetudes nteressantes nes dà dantaldut i blòt dessënies tl uedl. Tl scumenciamënt dl liber iel na ntroduzion dl dutor de filologia Robert Kauer. Chësta scumëncia cun l titul “Grüß Gott!” L test conta coche l ie unit a s’l dé che n à fat su la utia. Che l ie stat ai 23 de juni dl 1893 che la Sezion de Viena dl DÖAV à dat pro la dezijion de la fé su y che Johann Santner à cris ora la luegia, na cossa nia massa adateda, sce n pënsa che la utia ie bele unida desdruda da na levina sies ani do. Kauer scrij nce che n cër Dr. Heinze à cumprà l grunt y ti l à scincà ala lia. La sezion à sparanià truep ani nchin che la à abinà adum la soma che fova debujën per la frabica. L n fova trueps che à dat spendules, danter l auter fòvel n cër „C.A.“ che à dat na soma de scioldi particulermënter granda. Zënza si bona man ne ëssa la utia nia pudù unì realiseda tan debota. Nce l architet ne se à nia damandà truep per lauré ora l proiet. Dr. Robert Kauer rengrazia duc, chisc y chëi, nce l sëurastant dl cunsëi de costruzion dla utia, Hans Lorenz, che se ova mpenià dassënn acioche la utia ësse pudù unì realiseda. La utia, scrij Kauer inant, sarà per la Sezion Academica de Viena n monumënt amesa crëps che na n'ie belau nia mesun arpizé. Kauer adressea i ghesć dl daunì amics y amiches (“Freunde und Freundinnen”). L se desmostra oradechël scialdi cuntënt dl fat che l proiet de frabiché na utia sun Dantersasc fova unì tëut su te Gherdëina, y dantaldut pra la Sezion de Gherdëina dl DÖAV, cun gran ntujiasm y che l ie unì sustenì dassënn. L nunzieia i osć di hotiei da Mauriz (Adler) y Dëur (Rössl) y l “pere dla utia, Fritz Gedon, che laurova te Gherdëina y che lascerà si sotscrizion n valgun iedesc tl liber. Ël ie nce l prim

aministradëur dla utia.

La giaurida dla utia Danter la persones prejëntes pra la giaurida iel sambën truep funzioneres dl DÖAV y si sezions, ma nce ghesć (ëi y ëiles) dl raion y dla valeda. Danter chisc iel nce l Curat de Santa Cristina Angelus Perathoner, che à benedì la utia y tenì na mëssa, l arpizadëur cunesciù Ludwig Purtscheller, May Norman Neruda, la fëna dl arpizadëur Ludwig Norman Neruda, Jakob Trenker (l pere de Luis Trenker), i arpizadëures Toni Santner y Jenny Herzberg, l dutor Richard Huldschiner, Conrad Skasa dla Sezion Ladinia dl DÖAV, Hans Davolavilla, studënt de medejina y plu tert per plu ani “Hüttenwart” dla utia de Dantersasc, plu mëinacrëp sciche per ejëmpl Josef Pescosta, ma nce truepa families dl luech coche la familia Jirasek y truepa d’autra persones cunesciudes y manco cunesciudes. De ndut se scrij n l di dla giaurida dla utia, ai 9 de setëmber, 205 persones ite tl liber. Y do i 9 de setëmber nchin ala fin dla sajon, ai 14 de utober, àl durmì te utia bën 54 turisć y 3 mëinacrëp.

N valguna persunaliteies che se à ti ani do scrit ite tl liber Ai 15 y 16 de setëmber 1894 ie nce l depenjadëur Edward Theodore Compton (dla Sezion de Minca/ München dl DÖAV) tla utia. D’autra persunaliteies cunesciudes che ie ti ani che vën ghesć tla utia ie Hermann Delago, l arpizadëur cunesciù de Dispruch cun descendënzes da Gherdëina che se à tl 1895 arpizà per prim sun una dla Tores dl Vaiolet che porta da ntlëuta si inuem. Emil Terschak ie un di ghesć che vën tla utia bonamënter l plu suvënz: da sëul, cun la fëna, cun l mut, cun la jocera o cun cumpanies. L vën tan che da uni tëmp y da d’ansciuda nchin d’autonn. N auter vijitadëur che vën suvënz ie l mëinacrëp Franz Fistill, ma nce Josef Pescosta, Eustachius Dapunt y d’autri mëinacrëp cunesciui, nce da oradecà sciche Antonio Dimai y Santo Siorpaes de Cortina, Luigi Bernard de Ciampedel o Michele Betega de Primiero. N valgun ejëmpli de chiche se à scrit ite ie Josef Moroder Lusenberg, Ludwig y May Norman Neruda y Rose Friedmann, Hermann Delago (prim arpizadëur dl “Delagoturm” - Vaiolet), Baron Eötvös cun mëinacrëp, Oskar Dyhrenfurth (à fat ti ani ’30 doi spedizions tl raion dl Kantschöntschönga), Oskar Schuster (do chël che l Schustersteig sun Sas Plat I/II grado ie numinà). Ma nce Eduard Pichl, che ie stat plu tert n gran antisemit y nazi se à scrit ite plu iedesc tl liber.

La fin dla vedla utia y l scumenciamënt dla nueva Do l 1900 ie l dutor Dovolavilla


Gherdëina

nr. 25 / 28 de jugn 2013

l vardian nuef dla utia: Dr. Hans (Giovanni Battista) Dovolavilla ie nasciù tl ann 1868 a Delba de Cianacei y mort tl 1924 a Salzburg, ulache l fova stat dutor dai dënz. L fova stat per n valgun ani l “Hüttenwart” - l vardian dla “Langkofelhütte”. Tl prim se sotscrìjel “Cand. Med. Dovolavilla”, da dedò fòvel stat dutor a Santa Cristina, bonamënter do l 1900 za. nchin tl 1906. L ova l cuatier (y povester nce la urdenazion) tl Hotel Dosses-Maciaconi d’al didancuei. D’ansciuda dl 1901, bonamënter ntëur mez merz, vën la sosta de Saslonch desdruda da na levina, mé l ciulé ie restà ntier, cun duta la roba da maië y da bever che l fova laite, coche scrij Dovolavilla.

400 al ann te utia L presidënt dla Sezion Academica dl DÖAV Pfreimbtner fej na rendicontazion dla persones che ie states tla utia ti set ani de si vita. De ndut fòvel n 400 persones al ann/ala sajon da d’instà, iló, ora che tl 1896, canche l ie mé unit adalerch 281 persones ajache l fova for bur’ tëmp. De ndut fòvel te duc ch’i ani stat n 2700 persones te utia, zënza raté i mëinacrëp.

Prima arpizedes Te chisc ani fòvel pià via dala utia na lingia de arpizadëures che à fat prima arpizedes y prima vies. Tl liber iel te na lista danter auter documentà chëstes: Saslonch: su per la cresta de sud-est l ann 1896 da Ludwig Norman Neruda, v. Arvay, Lorenz y Wagner. Cin Dëic: tl 1895 su per la via tla pert ovest da Oskar Schuster y F. Meurer; doi vies nueves tla sciorta dl Polesc dal dlacier dl Grohmann tres l prim sfundron de dlacia (Davidson cun i mëinacrëp Innerkofler y Klucker). Pi z a Grohmann: 1895 Enzenspergerweg (Frau von Chelminki, Enzensperger), 1895

parëi nord (Lorenz, Norman Neruda; Oskar Schuster, E. Wagner). Piza Innerkofler: 1900, pra la prima traverseda, jic ju per la cresta dla “Langkofelkarspitze”, la Piza de Dantersasc. Dënt: dala sciorta dl Dënt. Sasplat: dala sciorta dl Dënt, 1897 (Berger, Delago). Tor de Sasplat: 1886 da Dr. Bröckelmann y Emil Terschak. Langkofelkarspitze: dal dlacier dl Grohmann, 1895, Hermann Delago; 1898 parëi sudovest (A. Homme cun l mëinacrëp Luigi Bernard).

La segonda giaurida Pra la segonda giaurida ai 2 d’agost dl 1903 se abìnel inò na gran cumpëida de jënt pra la cësa (urmei iel na cësa) de Saslonch. Danter l auter iel nce iló l presidënt dla sezion de Gherdëina dl DÖAV Ernst Purger. Te chësta ucajion tol l architet Wilhelm Luksch la distanzes dala maniera coche la cësa ie unida fata su: tan melamënter, i lauranc ne s’à nia tenì a cie che l ti fova unì dat dant. N v alg un e j ëmpli de persunaliteies che se à scrit tl liber do l 1903 ie l Baron Eugen Rothschild, Gustav Jahn y l Conte Aldo Bonacossa.

L’ultima ntraunida: l’arpizeda sun Saslonch per l cumplì di ani dl coser Franz Josef L’arpizeda dl Saslonch n ucajion dl cumpliani dl mperadëur Franz Josef ie stata ai 17 y 18 d’agost dl 1908 sun ncëria dl Chemun de Urtijëi che fova iusta deventà “Marktgemeinde” y de n valguna lies. La grupa meneda dal mëinacrëp Luigi Rizzi ova da purté n gran pëis, ajache i ulova durmì tl crëp, ma dantaldut ajache i ulova fé n fuech da sëira y ova pea truepa lënia. Uniun ova da purté n 13 kg. La situazion dla nëif fova bëndebò ncompra. La grupa arjonj la piza

La vedla utia de Dantersasc. (foto Chemun de S. Cristina)

dala 21.05 y la nluminazion dla piza à pudù unì fata zënza deficulteies per n trëi ëura y mesa. Durmì à la grupa te na buja nchin che l stlaiova di. La grupa fova metuda adum dai doi mëinacrëp Luigi Rizzi, Engelbert Nogler, Alois Mahlknecht moler, Josef Riehs nduradëur, Josef Zwölfer scultëur.

L’ultima sotscrizions L’ultima sotscrizions tl liber ie datedes ai 10 de setëmber y ai 25 de setëmber 1908. La penultima ie de Hans Sanoner che ie stat sun Saslonch cun l mëinacrëp Josef Nogler. L’ultima ie de n’ëila, Ella Beyrer, che ie unida adalerch cun l “Obmann” dla Sezion Academica de Viena dl DÖAV.

Cuntlujion La fin? N ne sà nia ciuldi che l liber ne vën nia purtà inant. La viera à scumencià plu tert. Iel pa stat mudamënc de personal? Stritaries? L dutor Dovolavilla se n fova bele jit da Gherdëina. Se l à pa zachei tëut pea? N ne l sà nia. A uni moda iel bel che l liber ie inò ruvà te Gherdëina a nes cunté di ani passei. L semea belau n miracul, l ie puec de chisc libri tan vedli che nes ie unic tramandei. Suvënz va de tel cosses a privac, y si descendënc ne sà nia cie fé limpea y i tol y tres. Do la Prima Viera Mundiela (1921) ti ie la utia de Saslonch unida cunfischeda dal Stat talian ala Sezion Academica sciche a duta l’autra sezions dl DÖAV. Lecurdon che l’Austria y i Paejes Tudësc ova perdù la viera y l DÖAV ova fat pea scialdi ativamënter ala viera nsenian ju i saudeies per i njenië ai cumbatimënc tla montes, ma nce tres propaganda anti-taliana. Chëla che fova n iede stata la “Langkofelhütte” ie pona passeda dal Stat ala Sezion dl CAI de Vicenza. David Lardschneider

“Banches ti juda al’economia” Nstadì iel stat a Bulsan na ancunteda cun la lies provinzieles tl ciamp dl’economia, cun artejans, osć, mprenditëures y buteghieres. N generel à i espunënc de chësta lies auzà ora “l mumënt de crisa cun puecia licuidità per nvestimënc” Economia - I espunënc dla lies economiches à dat da ntënder che, nce sce les sà dla deficulteies che taca adum cun la coniuntura generela, “iel pra i mprenditëures tan che for la minonga che la banches ne juda nia pea a sustenì la dites, ne ti dajan nia scioldi per nvestimënc.” Peter Schedl, diretëur generel de banca, à al incontra segurà che nce sce l ie crisa ie “la banches tlo per sustenì i mprenditëures. Propi cun chësc pensier iel nce unì metù a jì l’ancunteda cun la lies dl’economia lochela.” Schedl: “L ie unì laurà ora programs y scumenciadives per ti dé licuidità per nvestimënc ai mprenditëures, cun cundizions particuleres, cun de miëura cundizions de fic y tëmps plu curc te chëi che la dumandes de credit vën dates pro. Per vester boni de finanzië chisc pachetli particuleres vëniel danter l auter nce pità ubligazions particuleres cun truep vantajes.”

n’ie nia contra l’economia; dut auter, les se fej tresora n pensier de coche n possa sustenì l’economia raionela, ti dajan licuidità per nvestimënc y cumpanian la dites te chisc nvestimënc.” Harich lecorda oradechël che l ie dantaldut drët cialé de fé nvestimënc nce te tëmps de crisa, metan sambën a verda y valutan avisa, per vester for boni de ti jì do ala dumandes y ai bujëns atuei di tlienc.” (usc)

Coche dì, n generel iel unit ora pra l’ancunteda a Bulsan, da coche conta l espert Paul Paul Harich: “La banches ti juda Harich, che “la banches ne al’economia.”

La utia nueva sun Dantersasc. (foto Chemun de S. Cristina) www.lauscdiladins.com

29


Sport

nr. 25 / 28 de jugn 2013

Do le Rina, inće la Val Badia

Nia da nfé contra l Forum de Roma

Inće la scuadra dla Val Badia é tomada zoruch te terza categoria, mo al romagn ćiamò na ultima picia speranza da gnì trać fora

N sada ai 21 de juni à la scuadra dla ladies 40 cun tlassifica limiteda 4.4 dl TC S. Cristina/Sëlva jugà l prim juech tl tabelon naziunel contra la jugadëures dl tennis club Forum de Roma

Palê/1 - Al ê i 27 de mà 2011 canche i podôn publiché t’La Usc l’articul dal titul ”Campiuns, campiuns, campiuns”. La scuadra dla Val Badia, che ê la gran novité dl campionat 2010/2011, ê stada buna da arjunje la promoziun tla secunda categoria, na partida dan la fin dl campionat. Śëgn, dui agn dedô, vëgnel baldi la pert rodosa dla medaia. Do che la scuadra da Rina à bele messü azetè la retrozesciun tla categoria plü bassa, é inće la scuadra dla Val Badia por le momënt tomada zoruch. I dijun por le momënt, ajache ara podess en teoria ćiamò sozede che la Val Badia mantëgnes so post, tres na combinaziun de avenimënć tles categories plü altes. Les döes scuadres ladines de Rina y Val Badia à albü tles ultimes partides de campionat da ”se combate” l’öna cuntra l’atra, por mantignì le post de categoria. Ala fin dl campionat él stè le Rina che à trat ala cörta. Por n punt su é i maroi tomà jö de categoria diretamënter. La Val Badia terzultima te tlassamënt - podô sperè inant da se tignì sö cun les partides de dezijiun, te n triangolar cun les scuadres da Mölten/Vöran

Tennis - Do la doi partides de singuler venciudes dala tennistes dla capitela ne fòvel nia plu de bujën de fé l dopl. Purempò ie l resultat de vester ruvedes tl tabelon naziunel, do che les ova venciù l campiunat a scuadres a livel de Südtirol y nscila nce l titul provinziel, mpo scialdi bel. Helga Kerschbamer y Manuela Demetz à abù da se cunfrunté cun Claudia Pietrobelli y Francesca Retrosi de Roma y do na tel pitla ëura de juech perdova Helga per 6 a 1 y 6 a 0

speran mo sun na miëura prestazion de si cumpania. Manuela ti teniva permez dassënn ala romana y ova monce trëi set point tl tie-break tl prim set, ma ala fin perdòvela mpo l prim set y nce tl segondo messòvela passé tres n tie-break, nce chësc venciù dala Retrosi che se segurova nscila l segondo y l dërt de fé l proscimo juech n cësa a Roma contra la scuadra de Catania. Cumplimënc mpo ala scuadra dl TC S. Cristina/Sëlva che ie ruveda tan inant. (ar)

Les scuadres dla Val Badia y da Mölten/Vöran va te ćiamp por la pröma partida de dezijiun. (Fotos: Hansjörg Felder)

y Laiun. Baldi n’àra nia orü ester. Ai 12 de jügn à la Val Badia śoghé la pröma partida te ćiasa, cuntra la scuadra da Mölten/Vöran, partida che i aversars à davagné cun le resultat de 0 a 2. Bele püć dis dedô tocâra da śoghé la secunda partida cuntra Laiun, en chësc iade fora de ćiasa. Chilò à la Val Badia messü se dè sot cun le resultat pesoch de 4 a

Śogadus dla scuadra dla Val Badia.

0. Chësta ê ćina ilò la ”condana” finala de retrozesciun. Mo sciöche dit indant, podéssera ćiamò n iade garatè, sce la Val Badia vëgn trata fora (ripescaggio). Co pa? I messun jì sö ćina tla seria D: ilò messassel sozede öna de chëstes döes cosses: 1) la scuadra dl Trënt (che é tomada jö) fej na fujiun cun le Fersina (che é romagnü tla seria D), o 2) le Mezzocorona vëgn trat fora por tó pert al campionat dla seria D. Te intrami i caji gnìssel un o dui posć lëdi tla categoria dessot y insciö inće tles categories amatoriales - tanco inće tla secunda categoria; insciö podess la Val Badia mantignì so post. La domanda da gnì trać fora à le ACD Val Badia bele menè ite. Sce chësc ne garatass nia, arunse da d’altonn indô trëi scuadres dla Val Badia te terza categoria, che ô dì inće trëi derbys. Tla secunda podarà se mosorè por le momënt ma la scuadra dl Mareo, che à sciöche i ùn scrit bele l’edema passada - arjunt la promoziun. Sce al sarà inće ilò n derby, odarunse y sperunse. (pablo)

Manuela y Helga cun la averseres de Roma, l presidënt Alex Runggaldier, l trainadëur Stefano Bassetto y l arbitradëur Raffaele Sibilio.

Na desfida nöia por la Assoziaziun Valtu Tamara Lunger y Maurizio Vettorato é pià ia chisc dis por na spediziun nöia. La novité é l’aparat GPS che ai se à tut para, che pormët de ti jì do ai atlec tres internet

Seleziun ladina tla Svizra En gaujiun di 100 agn dla ”Rhätische Bahn” vëgnel inće tignì na partida d’amizizia interladina Palê - Chësta findledema ai 29 y 30 de jügn vëgnel fat gran festa a Scuol tl’Engiadina, por festejé i 100 dla ”Rhätische Bahn”, plü avisa la trassa Bever - Scuol - Tarasp”. La festa dess ester n moscedoz danter cultura, sport, lingaz y tecnica. Y dal valur sportif - cultural é inće la partida d’amizizia danter ladins dles Dolomites y rumanc, che gnarà tignida la sabeda ai 29 dales 16.00. Vigni dui agn garêtel na partida d’amizizia cun i grijuns. Dl 2009 ên rovà adöm a Trun, dl 2011 a San Martin de Tor y iniann a Scuol. Responsabl dl team ladin é Giorgio Costabiei, che dij insciö: ”Dl 2016 él indô la Europeada, porchël él dërt che al s’abines vigni tan la ’nazionala ladina’ por na partida d’amizizia y por stè adöm. Cun chëstes partides y incuntades

30

www.lauscdiladins.com

unse metü man na bela amizizia cun i rumanc.”

La scuadra Dala Val Badia rovaràl ia ti Grijuns n grup de 30 porsones. La scuadra instëssa é metüda adöm da 18 śogadus, alenà da Marino Verginer. Dl ACD Val Badia tol pert Andrea Irsara, Armin Erlacher y Samuel Vittur, y al va para inće Luca Pescollderungg. Laprò él spo Adrian Miribung dla US La Val, Thomas Huber dl US Rina, Andrea Mutschlechner, Daniel Agreiter y Wilhelm Hochwieser dl ASC Mareo, Nicolò Cincelli y Manuel Bernard dl Fassa Calcio. Grana inće la partezipaziun dl FC Gherdëina cun Guido Schmalzl, Nemce Sljvir, Raffael Senoner, Raphael

Le manajadù dl team ladin Giorgio Costabiei.

Runggaldier, Peter Mittermair, Aron Kostner y Jonas Runggaldier. Che al sides na bela ocajiun d'amizizia y n spirit sportif sann. (pablo)

Maurizio Vettorato.

Tamara Lunger.

Sport estrem - Tamara Lunger y Maurizio Vettorato: döes porsones desfarëntes, unides dai medemi soms y dala pasciun por la munt y por le sport estrem é pià ia chisc dis por afrontè na desfida nöia. Maurizio é pié ia en lönesc ai 24 de jügn por la Cina, por la regiun dl Xinjiang, olache al afrontarà le Mutzagata (7.546 m) da su, cun i schi da pels. Dedô jarà inant söa aventöra cun la traversada dl ozeann, dala

Bretagna ćina a Guadalupe sön n catamaran. Le mercui ai 26 de jügn, é spo piada ia Tamara Lunger, cun sü compagns Magdalena Baur y Gerold Thaler. La spediziun i condüjarà tl Pamir Kyrghyzstan, sön le Peak Lenin, a 7.143 metri de altëza. I atleć é dotà de n aparat GPS, che pormetarà de ti jì do sön so iade, tres la plata internet dla Assoziaziun Valtu www.valtu.it, tla seziun “Live Tracking”. (kp)


Sport

nr. 25 / 28 de jugn 2013

Na garejeda dënia de n mundiel Leonardo Paez vënc la cuarta edizion dla Sellaronda Hero y defënd nsci l titul bele venciù l ann passà. Nce atlec dl post se fej unëur. Na cuncurënza for plu sterscia y n record de partezipanc Periklis dla Grecia campion dl mond marathon, titul che l ova venciù l ann passà a Ornans, ruva 30 secunc do Nissen y per mé sies secunc muessa Tony Longo se cuntenté cun la bedaia de carton.

Georg Piazza vënc pra i hobby

L podest cun i trëi prims dla Hero 2013: Sorren Nissen, Leonardo Paez y Ilias Periklis. (Fotografia: COMetaPRess/Brena/CanonDigital)

Roda da mont - N drë busiamënt de rodes fòvel bele n vënderdi dl’ena passeda tl luech de Sëlva y nce ntëurora. Sambën, l di do fòvel pu la gran manifestazion dla Südtirol Sellaronda Hero y da coche on nrescì ova chësta garejeda chëst ann cherdà adalerch mpue passa 3.000 atlec da 33 nazion, ëi y ëiles, profesciunisć dla roda y nce de tei che se dà ju per hobby cun chësc sport. Ma duc cun la gran ueia de ti jì permez ala ndesfideda nia da puech de ti vester ai 84 km cun 4300 metri deslivel o ai 62 km cun n deslivel de 3300 metri dut ntëur al crëp de Mëisules. N ova manacià de messëi mudé n fregul l percurs pervia dla nëif che l ova mo fat ju alauta y nce pervia dla gran smueia unida ju de Dandercëpies y ova revinà nce la streda su per l bosch. N ëssa nsci messù astilé ora y fé scialdi plu chilometri sun stradon, ma de gra al mpëni di chemuns de Sëlva y de Reba y al aiut di verdiabòsc y de truep ulenteres iel mpo stat mesun anjenië ca l percurs cumedan ca stredes y palan ora vel’ troi mo sot ala nëif. Nscila pudova la garejeda se dejëujer per l 87% sun stredes foresteles y troies y mé per l 13% sun stredes da asfalt. L fova mpue do la set daduman n sada ai 22 de juni, canche sun stradon bel amesa l luech de Sëlva fova i atlec bele cuncei su, grupa per grupa, per muever. L fajova propi na gran mprescion a udëi svac de cënc de atlec pian via cun sgors do stradon ite per l luech de Sëlva y su de viers de Dantercëpies.

De gran campions dla roda, favoric per vëncer chësta garejeda n fòvel bën n valguni, ma bele tosc àn udù che l “Hero” dal ann passà, Leonardo Paez dla Colombia, ova duta la chertes per se fé inò sie chësc titul y deberieda cun si cumpani dl team Bianchi, l talian Tony Longo, fajovi n juech de scuadra. Longo fova per plu che mesa la garejeda danora che trajova per ti permëter pona a Paez de pië danora. Defati ruva l sudamerican te Sëlva tl travert cun i braces spanei do 4 ëura 32 menuc y 8 secunc y bën ot menuc dan l segondo Soren Nissen dla Danimarca, che ie deberieda cun i proscimi doi plu mpralauter. Ilias

Da pert de Gherdëina pudons purté la bela nutizia dla vënta de Georg Piazza tla categuria “hobby” che à fat duta la Hero de 84 km te n tëmp de 5:20.46. Si jurman Thomas Piazza à fat na bona garejeda sun l percurs da 62 km arjunjan l cuarto plazamënt cun n tëmp de 4.08.46, messan ti la dé vënta mé ala gran mpermetudes jëunes che ie de bën diesc ani y passa plu jëuni. Tlo ie stac i miëures Samuele Porro dl 1988 (3:40.45) dan Fabian Rabensteiner (4:03.52) y Daniel Jung (4:04.01) che ova venciù l ann passà. Thomas à puremò pudù pië do l prim pest sciche miëur tla categuria di master 3. Pra l’ëiles àl nce fat pea la atleta de Sëlva Catherine Senoner, che sun l percurs da 62 km ie ruveda segonda dla categuria “hobby” batuda mé da Daniela Hartmann dla Svizra. L miëur tëmp pra l’ëiles ie unì fat dala favorita y campiunëssa UCI World Series 2012 Sally Bagham (4:14.37) che à destacà de 13 y de 20 menuc la talianes Gaddoni y Veronesi. Katrin Schwing, che ova venciù l ann passà ie ruveda sesta.

La 4. Südtirol Sellaronda Hero ie stata n suzes y vën cunscidreda una dla plu bela maratones de

Repurton tlo i resultac di atlec dla valedes ladines che à fat pea pra la Sellaronda Hero: 84 km hobby - de duc adum: 1. Georg Piazza (1979) 5.20.46, 199. Sergio Valentini (1957) 9.51.17 84 km tesserei - de duc adum: 50. Andrea Borgogno (1979) 5.31.28, 60. Gabriele Depaul (1988) 5.40.02, 67. Diego Perathoner (1987) 5.43.53, 114. Luca Palla (1986) 6.11.49, 219. Markus Willeit (1977) 6.47.40, 490. Walter Mussner (1967) 7.53.55. 62 km hobby ëiles – de dutes:

Catherine Senoner 5.36.28 62 km hobby - de duc adum: 3. Lois Craffonara (1980) 4.35.20, 6. Gregor Demez (1985) 4.46.08, 7. Günther Goller (1973) 4.50.53, 45. Giovanni Maccaluso (1964) 5.45.09, 50. Manuel Runggaldier (1974) 5.53.08, 53. Andreas Auer (1977) 5.57.05, 105. Alex Linder (1977) 6.39.43, 125. Maycol Lambacher (1984) 6.52.07, 127. Werner Goller (1969) 6.54.23, 166. Patrick Mussner (1970) 7.21.30, 164. Luca Prinoth (1968) 7.21.17, 223. Raimund Rungger (1970) 8.08.19, 239. Raff ael Landolfo (1970) 8.14.59, 305. Ivo Rungger (1979) 8.51.53, 62 km tesserei - de duc adum: 4. Thomas Piazza (1973) 4.08.46, 53. René Irsara (1981) 5.20.47, 173. Ivan Kostner (1969) 6.30.14, 335. Ivan marzola (1963) 7.44.54 a pèr cun l assess<ur provinziel de Bulsan Thomas Widmann.

l va fora. Se l Cence l smaza via balons, nte sta prum apert de gara l Fodom nveze l sfruta ogni ocajion. Al 25’ punizion per n fal su Davide Crepaz. Bat Nicola Costa che l se nventa na conclijion a efet che la rua sot al set de la porta defenduda da Baldassi per l 2 a zero. L Cence l prova a reagì e su n’azion n area, Chenet l smaza la bala su la mán de Michele Palla.

Per l arbitro l é rigor. Dai undesc metri tira Davide Rossi che ngiana Palla e mët ite central. La partida la cámbia ntel secondo temp. L Cence l peia via plu rabious e l siera l Fodom n difeja. Francesco Chenet, om partida per la scuadra de Fontanive, al 10’ l prova na conclujion ma la bala va fora. L fodom l respon con Davide Crepaz ma l balon l é na

telefonada per Baldassi che l ciapa senza cruzi. Al 22’ punizio de Davide Rossi che l crossa n area, ulache Chenet l sgola a toché de testa l balon che l rua sul pèl da l’autra pert per l 2 a 2. Nel final ncora chelche azion, ma deguna de le doi scuadre ciapa la soluzion giusta per l terzo gol e coscita le se ncontenta de l pari. (ls)

Una dla plu bela maratones dla roda Dai inuemes di atlec che à fat pea pòssen udëi che la Sellaronda Hero davania da ann a ann de mpurtanza. Nce i comentares da pert de duc chëi che à fat pea n cont dla belëza di raions tres chëi che n passà y nce n cont dla deficulteies dla garejeda nstëssa y mé stac positives. Ora che la garejeda per i “gran” atlec ie nce 300 pitli mutons y mutans danter 6 y 12 ani zapei tla piedies de si idoi, fajan pea pra la Hero Kids, na manifestazion nia cumpetitiva de 3 km tl luech de Sëlva. Thomas Piazza vënc te si categuria y ie l cuarto plu asvelt cun l percurs da 62 km. (Fotografia: Copyright Giorgio Planinschek)

Georg Piazza vënc la Hero tla categuria hobby. (Fotografia: Copyright Giorgio Planinschek)

mountainbike dl mond. Per l bon garaté dla manifestazion, cun a cë dl cumité d’urganisazion Gerhard Vanzi, à passa 400 ulenteres dat si aiut. N cëla perchël cun fidanza al 2015 canche n arà da mëter a jì i campinac dl mond UCI marathon.

Fodom sciámpa, ma l se fesc pié L Cence l recupereia doi goi Cencenighe - L’é fenìda 2 a 2 la partida sogada sabeda da sëra tra Fodom e Cencenighe. I fodomi delongo davánt de doi goi i s’a fat recuperé l vantagio. Gnánca l temp de se senté ju per i spetadous che i ladins i segna bele prum gol al 3’. Alex Martini fesc partì n cross da la mán ciámpa che ciapa la testa de Davide Crepaz. La mira l’é delongo bon

e l balon rua bele ntansom la rete. L Cence l patisc l colp e puoch davò demè per puoch ncora Crepaz l slinca l 2 a 0, ma la conclujion l arua nte la bocia del portier Baldassi. Al 8’ i paroni de cesa i prova a se remené. Francesco Chente da bona pojizion l no n é bon de fe rué da le pert de Palla na conclujion de testa. Al 21’ prova ence Simone Manfroi, ma l balon

www.lauscdiladins.com

31


Informazions y Manifestazions ♦ Prugger y Stuflesser tla galaria Vijion Gregor Prugger y Sara Stuflesser lascia udëi si lëures tla galaria nueva Vijion Nvion de cuer ala giaurida dla mostra tla galaria nueva Vijion, n sada ai 13 de lugio dala 6 da sëira, tla streda Digon 18 a Urtijëi, ulache i doi artisć de Urtijëi prejenterà n valguna de si opres d’ert fates ultimamënter. Sara Stuflesser de Petlin à studià pitura a Urbino y te si lëures lieiela i raporc y la cunvivënza dla persona, cialan de tré ite nce chël che ti cëla. Gregor Prugger à studià tla Academia de ”Sozietà” 165x80x50 (fil cun ”Tl sot dl tëmp” 140x85 (linda) Firënza. Ël ie for curiëus cola) de Sara Stuflesser. de Gregor Prugger. de crì y purté velch de nuef. La natura l ispira a jì tl sot dl’ana te n pensier datrai misteriëus. La mostra resta davierta nchin n lunesc ai 15 de lugio, dala 9.00 ala 20.00.

♦ Lën vërt, te Tublà da Nives Te Tublà da Nives vëniel prejentà la mostra nueva dal titul “Grünes Holz. Legno fresco. Lën vërt”. Chëst iede se tràtel de na cunlaurazion danter la lia culturela “Tublà da Nives” y l Südtiroler Künstlerbund Dai 5 nchin ai 28 de lugio saràl la mostra cun nuef artisć jëuni de Südtirol che se à dat ju cun l argumënt dl lën y che mët ora lëures aldò. I stii sciche nce la formes d’ert ie dl dut desferënc y propi perchël iel da se ncunfurté sun na mostra plu che mei nteressanta y varia. Pea fej i artisć Paul Feichter, Arnold Holzknecht, Bertram Kob er, Hub er t L Tublà da Nives ti dà inò lerch a na bela mostra. Kostner, Diego Perathoner, Michael Sailstorfer, Peter Senoner, Carlo Speranza y Thomas Sterna. La giaurida sarà n vënderdi ai 5 de lugio, dala 20.30, tl Tublà da Nives. La mostra resterà davierta nchin ai 28 de lugio for da merdi nchin dumënia dala 17.00 - 19.00 y dala 20.30 - 22.30.

♦ L marcià di mutons ”L podl” N sada ai 13 de lugio vëniel metù a jì a Urtijëi n marcià per i mutons dla scola elementera y mesana de duta la valeda. Duc possa fé pea y vënder si roba, ma nce njenië roba da maië y da bever Chëst ann vëniel inò metù a jì l marcià ”L podl” pra chël che i mutons y la mutans possa vënder d’uni sort de roba bele adurveda da fé da mat, juesc d’uni sort nce per computer, CDs, libri per mutons, rodes y n.i., ma nce roba pastelneda nstësc, roba da maië y buandes fates n cësa. La roba da vënder muessa vester nëta y al ordn y avëi na zedula cun l priesc lessù. L marcià sarà n sada ai 13.7., dala 15.00 ala 18.00, sun Pitla Plaza Rezia a Urtijëi, ulache L marcià dl ”podl” dan doi ani. i mutons messerà nstësc se fé su n pitl stont. Da se scrì ite iel nchin ai 11.7. tla butëiga Manuela, streda Rezia 169 a Urtijëi, tel. 0471 796095 y da paië ite iel 8 €. I buteghieres de Urtijëi uel cun chësta scumenciadiva dé n cuntribut ala vita dl luech y rengrazia bele danora duc chëi che fajerà pea y che passerà a Urtijëi n chël di.

32

www.lauscdiladins.com

nr. 25 / 28 de jugn 2013

Iadi, jites y escurscions Sön dlacià cun la Lia da Munt Jonila La Lia da Munt Ladinia Val Badia - seziun jonila organisëia ai 13 y 14 de messè na jita sön le dlacià dl Similaun (Schnals), por jogn da 13 agn insö. Infos y prenotaziuns pro Paul al 347/4736300. Escursciun sön le Großer Rosskopf

Organisada dala Lia da Munt Ladinia Val Badia, che vëgn metüda da jì en domënia ai 30 de jügn. Escursciun de dificoltè mesana, cun n tëmp da jì de za. 6 ores y n deslivel de 1.050 metri. Informaziuns pro Christof Moling al nr. 340/4910875. An va a fà la via ferada Tridentina

La Lia da Munt Ladinia Val Badia organisëia en domënia ai 30 de jügn da fà la Via ferada Tridentina 2.583 metri. La dificoltè é ria cun n tëmp da jì de 3 ores y n deslivel de 600 metri. Dedô saràl spaghetada por düć i mëmbri dla Lia da Munt tla ütia Pisciadù. Informaziuns pro Jan Paul Adang al nr. 338/1423183. Escursciun sön le Ju de Falzares fina Fiames La Lia da Munt Ladinia Val Badia mët da jì en domënia ai 7 de messè na escursciun che portarà sön le Ju de Falzares, tres la Val de Travenanzes ćina jö Fiames/Cortina. La escursciun é saurida, cun n tëmp da jì de 5-6 ores, y n deslivel de 460 metri söpert y 1.400 metri jöpert. Informaziuns pro Maria Kostner al 339/8368922. Escursciun sön la ütia de Stevia (Sëlva) cun l’Uniun Maestri Ladins

L’UML inviëia insegnanć atifs y en ponsiun, personal de scora de Badia y Gherdëna, en jöbia, ai 11 de messè. An po jì: 1) a pé da Sëlva demez, za. 2h, cun Giovanni Pescollderungg; 2) Via ferada Sandro Pertini, za. 2h (ma por esperć - material da se tó para) cun Inge Dejaco. Prenotaziuns anter 9/07 pro Inge al 339/1696311. Jita sun l Zuckerhütl

La Lia da Mont de Gherdëina mët a jì na jita sun l dlacier Zuckerhütl (3.507 m) y plu avisa n sada y dumënia ai 13 y 14 de lugio. N possa se lascé nuté su da Ciofs Inge, Activ Sport y Sport Bruno Riffeser da n lunesc 1. de lugio nchin n vënderdi 5 de lugio. Per nfurmazions pudëis cherdé su Phillip 334/3338903. Viac a Erl per jì a ti cialé ai Juesc dla Pascion

La grupa KVW de Gherdëina mët a jì ai 21 de setëmber n viac de n di a Erl per jì a ti cialé ai Juesc dla Pascion. L teater mët man dala 13.00. Sun l viac de reviers fermerons a cëina. Per nfurmazions y per se nuté su pòssen cherdé su Emmerich Senoner, 335/5713575, nchin ai 20 de lugio o scenó tla Cassa Raiffeisen de S. Cristina. Jì a cialé l levé dl surëdl y dopro a gusté

Nce chësta na manifestazion de Val Gardena Activ che vën metuda a jì uni juebia. A Urtijëi vëniel jit sun Resciesa y muet dala 4.00 daduman dan l ufize dl turism. A S. Cristina vëniel jit sun Pic y muet dala 3.30 dan l ufize dl Activ. L ie da se lascé nuté su nchin al di dant y da paië iel 30 € cun gusté leprò.

Mostres Claus Soraperra al zenter Dòlaondes

Per dut istà, enscin ai 20 de setember duc chi che rua al zenter Dòlaondes de Cianacei i podarà aprijièr l’instalazion artistica de Claus Soraperra dal tìtol “Oxygen”. L zenter sarà avert enscin ai 7 de messèl duc i dis h 14.30 - 20.00 e de mèrtesc e de jebia 10.00 - 20.00. De mercol l’é avert enscin h 22.00. Soraperra e Verginer a l’Olympic a Vich

En sabeda ai 29 de jugn h 18.00 a l’Active Hotel Olympic de Sen Jan, inaudazion de la mostra “Colores” co la operes di doi artisć ladins: Claus Sorapera e Willy Verginer. Ogne mercol per dut istà h 18.00 sarà “l’aperitivo in forma d’arte”. L’hotel l’é avert al publich da les 9 a les 20. ”Jumblins desferënc” de Christian y Matthias Verginer

Nce sce medemi n cont de persunalità y maniera de lauré, uel i doi artisć mustré vijions desferëntes te si lëures metui ora tl Stadtmuseum a Tluses. La mostra resta davierta nchin ai 27 de lugio, dala 9.30 ala 12.00 y dala 15.00 ala 18.00. De dumënia y lunesc iel stlut. Mostra de Maurizio Pacchiani La mostra de Maurizio Pacchiani ”Infanzies” ie da udëi dai 8 de lugio nchin ai 10 de agost 2013, tl Café Surëdl a Urtijëi, che ie daviert da lunesc nchin sada, dala 10.00 ala 19.00. Mostra de Aron Demetz

I lëures dl artista de Sëlva dal titul “Keimzeit” ie da udëi te na mostra persunela tla galaria d’ert Barbara Paci, sun la Piazzetta del Centauro a Pietrasanta (LU). La mostra che vën cureda da Alessandro Riva, unirà giaurida n sada ai 6 de lugio dala 19 y resterà davierta nchin ai 18 de agost. Nfurmazions sot a www.barbarapacigalley.com

Concorsc L’é ja temp de Soreghina 2014 L comitat de endrez de la Marcialonga fèsc a saer che l’é avert la iscrizions per tor pèrt al concors per doventèr la neva Soreghina 2014. Cogn esser bezes dai 18 ai 30 egn, sportives, che cognosc noscia cultura e tradizions e sà se la fèr cà con desvalives lengac. Per info: info@marcialonga.it, tel. 0462.501110.


Informazions y Manifestazions

nr. 25 / 28 de jugn 2013

Trasmiscions TV y Radio “Kairos”: l temp del Spirit sun TML Sun TML se pel veder la rubrica religiousa “Kairos”, con letura del Vangele de la domenia per fascian e coment de don Stefen Maffei. Oraries: sabeda h. 19.45, 21.15 e 22.15; domenia h. 7.15, 10.00, 17.15 e 23.15; lunesc h. 7.15, 11.30, 17.45. La programazion de TML é da veder ence su www.tmltv.it e i programes de Ercamedia su www.tvladina. com Max Castlunger tel Cianton de l’ICL

Te “L Cianton de l’Istitut” sun TML chesta setemènes se pel veder n retrat del musizist de Badia Max Castlunger realisà en ocajion del conzert “Play” stat a La Grenz a Moena del 2011. Oraries indicatives: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15, vender h. 11.30.

Referac Enconter coi joegn talenc fascegn

L Comun general de Fascia va inant col projet “Leames: en rei con tia Val” per valorisèr i joegn de noscia val. En vender ai 28 de jugn da les 20.30 te sala del Consei del Comun general a Poza sarà na scontrèda olache i joegn contarà de sia esperienzes.

Segres y festes A Moena sègra de Sèn Vile Enscin a domenia ai 30 de jugn a Moena l’é la festa de Sèn Vile endrezèda da la Musega de paìsc. Te tendon jun Navalge musega e da magnèr. En sabeda h 11.30 festa del Fansclub Deville e en domenia h 14.30 defilèda per la strèdes de paìsc. L tendon l sarà avert enscin la una de net. Info su: www.bandacomunalemoena.it. Sègra de Sen Piere e Paul a Soraga En sabeda ai 29 de jugn festa a Soraga co la Pro Loco per Sèn Piere e Paul. Da h 10.15 defilèda da l’Albergo Miralago, h 10.30 messa grana te tendon, dal mesdì marena te tendon co la Musega de Faver. Da les 15.30 e ence da les 21.00, te sala de la Coprativa, vegn moscià la II pèrt del filmat “I elges de noscia jent”. L’é endò ora de jir “Te Anter i tobié”

Anter la strèdes de Cianacei veia ence chest an vegn endrezà “Te Anter i tobié”. L’apuntament l’é dai 5 ai 7 de messèl. La festa vegnarà enaudèda te Piaz de Sen Florian en vender ai 5 da les 9 da sera.

♦ Cuinta edizion de Cortina InCanta Na manifestazion musicala, dai 29 de jugn ai 14 de messel, per scomencé la sajon da d’isté L cor ampezan di ei “Coro Cortina” met da jì en chest isté la cuinta edizion dla manifestazion musicala “Cortina InCanta”. Ence en chest ann ruvaràl adalerch cors da foradecà, tratant n’edema de musiga che inaugureia la sajon da d’isté. L conzert inaugural sarà en sabeda ai 29 de jugn tla glieja de San Filip y San Iaco a Cortina. Al sarà l cor organisadour, l “Coro Cortina, sot a la direzion de Marino Baldissera, a inauguré la edizion da en chest ann. Ciamò saràl da audì la corala “Santa Cecilia” da Resana (TV), n cor metù adum da 40 ciantarins che porta dant cianties sacres, ma ence n repertore plu modern, y spo l grup vocal de ei “Novecento” La manifestazion jirà spo inant l mercui ai 3 de messel da les 21.15, con conzerc tla gliejia dla Difesa. Chilò saràl da audì l L Coro Cortina organiseia en chest “Coro Cortina” y spo les ousc dles ciantarines dl ann la cuinta edizion dla cor “Volinvoce” y di ciantarins dla “Schola manifestazion musicala Cortina Cantorum” da Santa Giustina. La sabeda ai 6 de InCanta. messel saràl spo n conzert tl A.G. Hall con l grup strumental “Note in Blu” da Pove del Grappa (VI). La sabeda ai 13 de messel saràl spo tl zenter turistich Park Des Dolomites a San Vito, n conzert con l cors “San Vito” y “Montevenda”, da Galzignano Terme (PD). L cor “Montevenda” tignarà n pice conzert ence en domenia ai 14 de messel do la santa messa, che sarà da les 11.00 sun Col Druscié. L Coro Cortina sarà da ascuté ence ai 20 de messel a Fiera di Primiero y l 3 de agost te Fodom tla gliejia de San Iaco. Per infos pòn vijité la plata internet: www.corocortina.com.

♦ Festa por “le reflès dal cil” En chësta domënia ai 30 de jügn 2013 gnaral invié ia la pröma manifestaziun de cornisc dl proiet artistich “smach” En domënia ai 30 de jügn 2013 dales 11.00 saral iten Pares daite da Lungiarü la presentaziun ofiziala dla opera de smach (öna dles dodesc indöt) dl artist iapanesc Kei Nakamura, dal titul “Le reflès dal cil”. La cornisc musicala gnarà dal grup de saxofons “Saksò”. En sabeda ai 6 de messè dales 18:00 saral spo a Picolin tl pre dl Lüch dal Maier la vernissaja de döt le proiet smach. Dötes les manifestaziuns é davertes a düć i interessà.

Segra da La Val

I Stüdafüch da La Val inviëia en domënia ai 7 de messè ala tradizionala festa dla Segra dl paîsc. La festa vëgn tignida por döt le dé sön plaza de comun y metarà man do mëssa cun n conzert dla Musiga da La Val. Da sëra podaràn ascutè la Böhmische da La Val. Tratan döt le dé gnaràl sambëgn inće fistidié por dè fora da mangé y da bëre por düć. Segra de Urtijëi

N dumënia ai 7 de lugio vëniel festejà la segra dl luech a Urtijëi y chëst ann se cruzia la Mujiga de mëter a jì la festa sun Plaza Sant Antone. Scumencià vëniel bele n sada ai 6.7. domesdì via y da sëira suneràl i ”Tiroler Wind”. L di do puderàn audì plu mujighes y n giaperà coche for da maië y da bever y sambën de bon crafons da pavé.

Vosta informazions tla Usc di Ladins!

L’artist iapanesc Kei Nakamura é stè otedé a San Martin por realisé so laûr.

♦ Na mëssa por siur Heinrich Videsott

♦ Segra da Rina

En gaujiun de so 101ejim compliann röiel a La Val n grup de pelegrins da Vìena. Ai 3 de messè na mëssa de rengraziamënt por le prou carismatich

La Musiga da Rina inviëia ala segra dl paîsc, chësta findledema ai 29 y 30 de jügn

Siur Heinrich Videsott ê n prou da n carisma daldöt particolar. Süa fede sterscia l’à dé por dé portè a cherié n raport sintì cun Chël Bel Dî. Al zënter de döt ê por ël l’aiüt al proscim. Anfat l’orar, anfat l’ocajiun, anfat sce por val’ de bun o sce por val’ de stlet, Siur Videsott â na parora por vignun. Incö, zacotan d’agn do süa mort, le recorda na schira tres maiù de fedei. Do che le Comitê ”Amisc de Siur Heinrich Videsott” à metü man so laûr por mantignì via la personalité dl curat stimé, s’à chësta stima tres deplü slarié fora. Incö se lascia adintëne fedei nia ma da nosta provinzia mo bëgn da sura i confins de Südtirol fora, y nia inultima sura i confins dl’Europa fora. En ocajiun dl 101ejim compliann de Siur Heinrich Videsott röiel a La Val por 3 dis n grup de pelegrins da Viena. En mercui ai 3 de messè gnaràl zelebré dal caplan Reinhard Kofler na santa mëssa de rengraziamënt a siur Videsott, dales 18 tla dlijia da La Val. Düć i devoć de siur Siur Heinrich Videsott: la crëta dla jënt Heinrich é dër bel invià da tó pert. crësc.

La festa por invié ia la Segra da Rina mët bele man en doman sabeda ai 29 de jügn. Dales 21.00 inant gnaràl pité tl salf dles manifestaziuns da Rina na party cun musiga dal vì. Al sarà da aldì le grup ”6/Eighters”. La domënia mët man le program dales 9 cun la mëssa da festa te dlijia dl paîsc. Dales 10.00 jaràra inant cun na matinée, acompagnada dal grup ”Maulbürfe”. Domisé dales 13.30 inant podaràn ascutè sö conzerć dles musighes da Rina y da Gossensass, y dales 17.00 inant musiga da Le grup ”6/Eighters” fistidiëia por la dërta musiga en vëia dla bal cun i ”Pseirer Spatzen”. Segra da Rina, pro la party te salf. Sambëgn vuegnel fistidié tres fora por spëisa y boanda. La domënia él inće le Cor de Dlijia che fistidiëia por turtes y cafê. La festa vëgn tignida te paîsc y da vigni tëmp. www.lauscdiladins.com

33


Informazions y Manifestazions ♦ ”Scolina Salterina” a San Ćiascian Dal 1. de messè inant indô davert vigni dé, dales 10.00 ales 19.00, inće sabeda y domënia L’Uniun Sport Amatoriala San Ćiascian lascia alsavëi che cun en lönesc al 1. de messè é indô döt le ćiamp dl sport cun i jüć y injins dla ”Scolina Salterina” a San Ćiascian daverć vigni dé dales 10:00 ales 19:00, inće la sabeda y la domënia. La bela plaza dl sport y di jüć por mituns s’adatëia particolarmënter por ativitês dl tëmp lëde y jüć desvalis por mituns de vigni eté. Le bel post inviëia da se tignì sö cun ativitês de Dal 1. de messè é la Scolina Salterina indô daverta, cun jüć y jüch y dl tëmp lëde por pista da go-cart. pici y gragn. Le cost d’entrada ai jüć dla scolina salterina, pista go-cart y injins a pedai é fissé sön 5,00€ al dé. Por alisiré l’azes fora por döt l’isté vëgnel pité n abonamënt por döt l’isté 2013 al prisc de 30,00€. Plü informaziuns ciafon inće cherdan sö i nr. de fonin 335/7890497 o 338/1807080.

Dotors y Apoteches Dotor L dutor de servisc dala 8.00 daduman de n sada 29 de juni nchin la 8.00 daduman de n lunesc ai 1. de lugio ie l dutor Valentin Tröbinger de Sëlva, tel. 0471/773073. Le dotur en sorvisc tla fin dl’edema di 29 y 30 de jügn, ti cin’ comuns dla Val Badia, é le dotur Edoardo Agreiter, San Martin de Tor, tel. 0474/501927.

nr. 25 / 28 de jugn 2013

Avisc Contìes su la stries te Fascia L’Istitut Cultural Ladin, la Region Trentin Sudtirol e l Comun de Poza met a jir na lingia de scomenzadives dal tìtol “A proposito di streghe”. Dai 2 de messèl te Ciasa de noscia jent a Poza sarà na nostra de Mariano Vasselai averta con orarie: 16-18.30 e 20.30-22.00. Orars dl Zënter Families Ergobando

Le Zënter Families Ergobando da La Ila lascia alsavëi che d’isté é le zënter davert vigni vëndres dales 15.00 ales 17.00, le mercui él stlüt. Döt agost resta le zënter stlüt, c gnarà daurì indô ai 6 de setëmber. Proscima incuntada sön l’alatamënt y alimentaziun di pici mituns

Le Zënter Families Ergobando lascia alsavëi che pro l’incuntada dl mercui ai 10 de messè dales 10.00, baiarà les consulëntes sön l’argomënt ”Geniturs de dé y de nöt” (Das Kindliche Schlafverhalten). Düc é dër bel inviá. Informaziuns pro Fiorella ala 339/6950036 o ala e-mail:ergobando@ virgilio.it Udiënzes dla Uniun di Ostis

La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Ofize dla Zentrala di Consumadus a Picolin

L’ofize é da ciafè tla sënta dl Raiun Sozial, tla terza alzada, y é davert vigni 2. y 4. jöbia dl mëis. Telefonn: 0474/524517. Volontars por portè fora les marënes sön rodes

Le Raiun Sozial Val Badia chir volontares o volontars che portes fora les marënes sön rodes por i paîsc da San Martin y Antermëia. Al é plü poscibilitês: o adorè l’auto dl raiun, o cun l’auto privat, che vëgn assigurè. Les spëises di km vëgn inće retüdes. Por informaziuns plü menüdes: 0474/524513. Udienza dla defensëura populera

La proscima udienza a Urtijëi te Cësa de Chemun sarà n juebia ai 4 de lugio dala 9.30 nchin la 11.30. Per fé ora n terminn danora pòssen cherdé su l numer 0471/301155.

Apoteca

Orares de giaurida dl Museum Gherdëina

L’apoteca de servisc che à daviert ora dl orar ordiner da n vënderdi (dala 19.00) ai 28 de juni nchin n vënderdi ai 5 de lugio ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). Les apoteches en sorvisc tla Val Badia, fora dl orar ordinar, dal vëndres ai 28 de jügn al vëndres ai 5 de messè, é chëra d’Al Plan, tel. 0474/501240, y chëra da Corvara, tel. 0471/836173.

L Museum de Gherdëina ie inò daviert per la sajon da d’instà: da lunesc nchin sada dala 10.00 - 12.00 y 14.00 - 18.00. La mostra “Clochards y roba da fé damat” ie da udëi nchin ai 11 de utober.

Religion Mëssa di jëuni sun Piz Miara

La grupa di Jëuni de Sëlva mët a jì n dumënia ai 7 de lugio na mëssa di jëuni, dala 1 domesdì sun Piz Miara dan l Crist nuef metù su l ann passà. La mëssa vën cianteda dai Hosianna. ”N dé cun Santa Maria” a Corvara

En sabeda ai 6 de messè: dales 14.30 proieziun de diapositives te salf, dales 15.00 prozesciun cun la statua de Santa Maria te dlijia, spo esposiziun dl Santiscim, meditaziun y öspi. Dales 17.30 imposiziun dla medaia miracolosa y scapulier. Dales 18.30 mëssa solëna zelebrada da p. Ave Maria Lozzer FI y prozesciun cun Santa Maria de Fatima

Cursc Curs da arpizé cun mënacrëp y n curs por mituns La Lia da Munt Ladinia - Val Badia organisëia n curs da arpizé, ai 29 y 30 de jügn. An porvarà fora tecniches de arpizada y da s’assiguré, te palestres alaleria (tla Val Badia). Implü gnaràl d’agost fat n curs da arpizé por mituns. Infos y prenotaziuns pro intrami i cursc al nr. 335/6849422 (Max & Simon).

Aiut ala persones tuchedes dala gran eghes

La Caritas de Südtirol à metù a jì na azion de solidarietà per duta la jënt tucheda dala gran eghes tl’Austria. N possa dé na dunfierta online sot a www.caritas.bz.it scrijan leprò la parola “Hochwasser“ o fé na dunfierta pra la Südtiroler Sparkasse, IBAN: IT17X0604511601000000110801 Bank für Trient und Bozen, IBAN: IT66A0324011610000006000065 Raiffeisen Landesbank, IBAN: IT42F0349311600000300200018 Südtiroler Volksbank, IBAN: IT12R0585611601050571000032. Oraries biblioteca de Vich

La biblioteca de Vich fèsc a saer che enscin ai 28 de jugn la sarà averta con orarie 15.00-19.00. Dal 1° de messèl enscin ai 7 de setember enveze vegnarà metù en doura l’orarie da d’istà: dal lunesc al vender 10.30-12.30 e 15.00-19.00. De sabeda e dis de festa resta serà. Parole Vista Dolomiti a Moena

La rassegna “ParoleVistaDolomiti” met dant en mèrtesc ai 2 de messèl te piaz de Sotegrava a Moena h 21.00 na scontrèda con Antonella Fornari e sie liber “Cuore di Giaccio, lacrime di cristallo” e en mercol ai 3 h 17.30 te piaz Perla Alpina n enconter con Carmine Abate e l liber “La collina del vento” Pest Campiello 2012. Andrea Castelli e Mara Da Roit a Cianacei

Tel chèder de la rassegna “ParoleVistaDolomiti” en jebia ai 4 de messèl da les 21.00 te piaz Marconi a Cianacei vegn prejentà l documentarie “Lo spirito libero del bosco” sul sciamano Fèro Valentini con Andrea Castelli e Mara Da Roit.

Zumba Fitness y Zumba Toning L curs ie te Sëlva tla sala dai spiedli dl tennis curì cun Giorgia. L curs à scumencià ai 24 de juni y va inant per dut l instà, uni lunesc domesdì 17.30 - 18.30, mierculdi sëira 20.15 - 21.15 y vënderdi danmesdì 9.30 - 10.30. Vie canche te es ueia y dl’aurela! Al plu 14 partezipanc al iede.

L Troi di Ladins L Comun general de Fascia endreza na scontrèda anché, vender ai 28 de jugn da les 10 da doman, per cognoscer l Troi di Ladins, fenì ades co la segnaletica. Se se troa aló da la Sia de Penìa per jir fin sal Vera olache Assunta Dantone la contarà di egn passé.

Cursc de volley y beachvolley Ntan i mënsc de lugio y agost mët la lia Volley Gherdëina a jì cursc de volley y beachvolley per mutons y mutans. I cursc scumëncia ai 8 de lugio y vën tenii tl ciamp dal sport Mulin da Coi y a Runcadic tl ciamp da beachvolley pra l tennis curì. Per plu nfurmazion y per se nuté su pòssen cherdé su l 328/3638884.

Sun Bufaure per cognoscer la erbes da medejina La Banca del temp Ladina endreza en domenia ai 30 de jugn na raida sun Bufaure col botanich Marco Detomas per cognoscer e aprijièr la erbes da medejina. Se ponta demez da les 9.00 aló da la cabines de Bufaure, se pel se tor dò la marena o jir ló da la Baita Cuz. Se l’é burt temp no se va.

Workshop de fotografia cun Christian Martinelli

N iade ti parcs dl’America: al é n post lëde

L workshop cun Christian Martinelli unirà a se l dé te na forma nueva. N fajerà na jita cun l artista che mustrerà coche l vën adurvà l cubo de 2x2x2 m che ël tol per fé si fotos defin spezieles. Se ancunton n dumënia ai 30.6. dala 9.30 dan l Circolo y jiron nzaul a fé fotos cun l cubo. L sarà da paië 15 €. La jita vën metuda a jì dala Lia Mostra d’Ert y dal Fotoclub. Per se scrì ite iel da cherdé su l 335 5362876 o scrì a kostner.m@rolmail.net. De plu nfurmazions pòssen liejer sot a www.cubestories.com.

Dai 21 de setëmber ai 6 d’otober vëgnel organisé n iade che portarà ćina San Francisco y ti gragn parcs naturai dl’America (Monument Valley, Grand Canyon, Bryce Canyon etc.) y tl Canada a odëi l’Indian Summer. Deache n partezipant à desdit, él n post lëde. Al vëgn aratè ći che le iade costa. Chi che oress avëi plü informaziuns po telefonè al 349/3141773. La porsona dess savëi l’inglesc.

34

www.lauscdiladins.com


Informazions y Manifestazions

nr. 25 / 28 de jugn 2013

Mujiga I Sons de la Dolomites taca sun Salei En sabeda ai 29 de jugn da les 14.00, te Val Salei che se pel arjonjer da Sela e da Rodela, sarà l prum conzet de la scomenzadiva “I Sons de la Dolomites”. Nina Zilli e Fabrizio Bosso recordarà Amy Winehouse. Info sul sit: www.isuonidelledolomiti.it.

♦ Festival Badiamusica: Schuen y Heide Le pröm apuntamënt cun le Festival Badiamusica 2013 pîta na serada a Badia cun le baritonn Andrè Schuen y le pianist Daniel Heide, en domënia ai 7 de messè. L’entrada é debann

Belsy Festival 2013

Duman sada ai 29 de juni, sun plaza de chemun de Sëlva. Ite pòssen bele dala 17.00 y l cunzert scumëncia dala 18.00. L sarà da audì i ”Geschwister Hofmann”, Stefanie Hertel, i ”Zellberg Buam”, ”Vincent und Fernando” y sambën Belsy & Florian. Dl maië y dl bever se cruzierà coche for i Destudafuech de Sëlva. Per apusté mëises y chertes danora o per nfurmazions pòssen cuntaté la Lia per l Turism de Sëlva, tel. 0471 777901. Mutons sot a 12 ani possa ite debant. Brassband Fröschl Hall per Valgardena Musika

I cunzerc da d’instà de valgardena Musika scumëncia n mierculdi ai 3 de lugio, dala 9 da sëira, tl Zënter Iman a S. Cristina cun la grupa de strumënc de banda de Hall tl Tirol che sona sot ala bachëta de Hannes Buchegger. La grupa metuda su dan 25 ani à arjont n gran recunescimënt a livel nternaziunel y à daniëura n gran suzes tla sales da cunzert dl Tirol. Badia Music Days

En vëndres y en sabeda ai 5 y 6 de messè vëgnel metü da jì sön le paiun dla Ćiasa J.B. Runcher a San Linert le festival musical ”Badia Music Days”. Intrami i dis pòn aldì dales 20 inant deplü grups de musiga rock, folk, blues y pop, danter chisc i grups ”The Wise”, ”Half Print”, ”Hell Warrior”, Fabian Pitscheider y la cover band ”Level Up”.

Sport Viola Football Camp a La Val

La US La Val organisëia le camp dai 26 al 31 de agost, por düć i mituns che śoga al palê nasciüs dal 1999 al 2004. Al é na gran ocajiun por odëi y imparè diretamënter da alenadus profescionisć che laora tl setur jonil. Por informaziuns y le modul de iscriziun pòn jì sön www.uslaval.it o telefonè a Fabian al nr. 333/4750466 (do les 17:00). Turnoi de juech ala codla sun pitl ciamp

L FC Luislkeller nvieia al turnoi de calcetto per l 2. Trofeo Luislkeller. L turnoi sun pitl ciamp sarà n sada ai 6 de lugio sun la plaza dal sport de Urtijëi. L sarà pesć per de ndut 1.000 €. Per fé pea iel da paië ite 100 € per scuadra, che messerà vester metuda adum da 5 jugadëures y n verdiaporta. Dopro saràl na party cun Dj. Per se scrì ite cherdé su l 339/2273994 o mandé na e-mail a fcluislkeller@hotmail.com. 2. ”Val Gardena Mountain Run”, garejeda de sauté da mont su

La iscrizions per fé pea pra la segonda edizion de chësta garejeda de sauté da Urtijëi nchin sun Secëda ie daviertes. N possa les fé per fax al 0471 798340 o tres e-mail a info@gherdeinarunners.it. La garejeda de 14,5 km cun n deslivel de 1.280 metri sarà ai 14 de lugio. La iscrizions fates nchin ai 8.7. costa 25 €, chëles fates dopro 30 €. 15. Turnier de nöt a La Val

L’U.S. La Val organisëia tla nöt dai 13 ai 14 de messè le turnier por scuadres dl tëmp lëde (5 śogadus + portier), söl ćiamp da La Val. Al po tó pert fina 20 scuadres. Iscriziuns fina ai 06.07 pro Klaus Rubatscher al 335/6905507 o tres e-mail a info@uslaval.it. Prisc: 120,00€ a scuadra. Pesć: 1. post 600,00€, 2. post 400,00€, 3. post 200,00€, „pozer“ 200,00€. Infos: www.uslaval.it.

♦ Marcià dl artejanat tl raion da jì a pe

”Bënunì” a S. Cristina Da n merdi 2 de lugio saràla inò tan inant L unirà inò metù a jì de merdi sëira tl raion da jì a pe de S. Cristina l marcià dl artejanat y di prudoc de Südtirol, dala 8 da sëira inant nchin ntëur la diesc, mesa la undesc. N se aspieta de bela sëires da d’instà che nvieia a sté plu giut alalergia. L marcià dl artejanat ie la drëta ucajion per jì a se fé na raida tres l raion da jì a pe y per ancunté chëi da tlo. Nce i seniëures sà da prijé chësta ucajions per se viver ite mpue tla vita dl luech. Artejans y paures tlo y iló che prejënta si ert, si prudoc y coche i vën fac … truep saràl inò da udëi, da ciarcë, cunscidré y da cumpré. Chësc merdi ai 2 de lugio sunerà Alexander Rier (l mut de Norbert Rier).

En domënia ai 7 de messè dales 21.15 saràl da aldì tla Ćiasa J.B. Runcher a San Linert le baritonn badiot Andrè Schuen, che portarà dant adöm al pianist Daniel Heide ”lieder” de R. Schumann, F. Martin y H. Wolf. Andrè Schuen é nasciü a La Val tl 1984 y à studié tl Mozarteum de Salzburg. Inće sce al é ćiamò dër jonn, àl bele fat na beal cariera artistica, rovan a ćiantè cun les orchestres plü renomandes dl monn, desco i Wiener Philharmoniker y l’Orchestra dl Andrè Schuen. (simskultur.net) Daniel Heide. Mozarteum. Andrè é dër atif tl ćiamp operistich, mo à inće ćiantè pro operes de musiga sacra sciöche l’Oratorio de Nadè y la Johannes-Passion de Bach, le Requiem de Mozart y ”Ein deutsches Requiem” de Brahms. Chësc é le pröm iade che an à la poscibilité de ascutè Andrè Schuen tla Val Badia y l’entrada é debann. L’assoziaziun Badiamusica Ves aspeta cun ligrëza a chësc pröm apuntamënt dl festival 2013.

♦ Sport da d’isté por mituns dala scolina ala

mesana Cun le dé dla porta daverta ai 14 de jügn à metü man le proiet de ginastica che l’Uniun Sport La Ila metarà indo da jì tratan i mëisc de messè y agost. En vëndres ai 14 de jügn domisdé à i istruturs de ginastica Thomas Valentini y Lorenz Clara dè la poscibilité ai tröc mituns gnüs te palestra nöia a La Ila da se dè jö cun n percurs de abilité y destrëza porvan fora de vigni sort de atrezatöra, dai trampolins ai scivoli, dai injins por l’ecuiliber al percurs dai auti söi jadins, dales cordes ai punć sura ostacui fora. Bëgn 80 mituns danter scolina y elementara à tut l’ocajiun adöm ai geniturs da porvè fora öna dles tröpes ativitês che gnarà spo pitades dala Uniun fora por l’isté. Chisc sarà i cursc co gnarà metüs da jì: düć i cursc metarà man le pröm iade te palestra nöia da La Ila, ulache al gnarà inće tut sö les iscriziuns - tut fora le curs uma-möt olache an po se scrì ite al 339/1433016 y che vëgn fat sce al é almanco 10 mituns. 08/07: Curs uma - möt (2-3 agn) Vigni lönesc y jöbia dales 16.30 ales 17.30 por 10 iadi (almanco 10 partezipanć): iscriziuns al 339/1433016. A La Ila vëgnel pité cotan de cursc de ginastica, movimënt y Travert: arjunje na miù devertimënt. padronanza tl movimënt, y aumentè les abilitês motories de basa tres l’aiüt dla uma o dl pere; imparè cun l’imitaziun. 8/07: Curs mituns dla scolina (4-5 agn) Vigni lönesc y jöbia 15.00 - 16.30, por 14 iadi. Ativites: variaziuns de jüć y percursc de abilité y destrëza cun de vigni sort de injins. Ideal por miorè les capazitês motories sciöche coordinaziun, forza, velozité y resistënza tres le jüch y devertimënt. 8/07: Summer Sport’s adventure (mitans y mituns dla mesana) Vigni lönesc y jöbia 9.30 - 12.00, por 14 iadi. Ativitês: acrobatica, jüć de scuadra, turnier de Ping Pong, olimpiades dla ginastica, Percursc ”Jungla”, Adventure Park, nodè, jadiné, arpizé, beach volley, mountain bike downhill, rafting y iade cun la tënda. 9/07: Curs mituns dla elementara Vigni mertesc y vëndres, por 14 iadi: 1. grup dla 1. y 2. elementara dales 14.30 - 16.00; 2. grup de 3., 4. y 5. elementara dales 16.00 - 17.30. Ativitês: acrobatica, trampolins, jüć de scuadra, olimpiades dla ginastica, percursc ”Jungla”, nodè, jadiné, arpizé, beach volley, orienteering Adventure Park y iade cun la tënda. I istruturs de ginastica Thomas Valentini, Lorenz Clara y Davide Moling se conforta da podëi animé i mituns tres la ginastica fora por l’isté! Por informaziuns cherdè sö le 339/1433016 (Thomas). I ves aspetun! www.lauscdiladins.com

35


Info y Congratulazions

nr. 25 / 28 de jugn 2013

Temp lede

I più bie augures a

Domisdé di mituns: Sön les pedies dla laûrs preistorica Le domisdé vëgn organisé en mercui ai 3 de messè, tl zënter da San Ćiascian. L’incuntada mët man dales 17.15 y i mituns jarà a vijité le Museum Ladin ursus ladinicus, al gnarà mostrè n film y ai podarà pastlenè y se lascè depënje le müs cun les tecniches dl facepainting. Informaziuns y prenotaziuns pro les assoziaziuns turistiches dl’Alta Badia.

Maria Rosa Mazzel de l’Ors

Serada dedicada ala magia por i mituns

Dut l ben, sanità e legreza e n gran braciacol da tie om Luigi, da ti fies Andrea e Corrado, i nevoes, la nora, tia sor e ti frèdes, la cugnèdes e duc i amisc.

da Cianacei che ai 28 de jugn la festejea si 70 egn.

En mercui ai 3 de messè dales 21.15 vëgnel metü da jì tl salf dles manifestaziuns da Corvara na serada dedicada ai strinëć y ala magia por i mituns, deboriada cun la Magic Family Show. Dolomiti Horse’s Game

En gaujiun dla manifestaziun ”Dolomiti Horse’s Game”, che vëgn tignida tratan l’edema dai 2 ai 7 de messè, podaràn odëi ai 5 de messè dales 17.30 na defilada de ćiavai tres le paîsc da Corvara. Defileda de guanc dala gherdëina

Per l’ucajion dla olimpiades de sport per duc vëniel metù a jì ncuei vënderdi 28 de juni, dala 9.00 da sëira, na defileda tres l zënter de Urtijëi. Zeremonia per stlù ju la olimpiades de sport per duc

Duman sada ai 29 de juni uniràl tenì dala 2 domesdì tl stadio Pranives de Sëlva la zeremonia che stluj ju chisc juesc olimpics. Ancunteda dla Lies da Mont dla valedes ladines

Dut l bon per i 25 ani maridei a

Herbert y Adele N amor drët sterch ve à purtà nchin tlo. Ve mbincion mo truep ani deberieda! Vosc mutons Stephanie y Marc

Duman sada ai 29 de juni mët la Lia da Mont de Gherdëina a jì la 21ejima ancunteda. N scumencerà cun na santa mëssa dala 10.30 tla capela da Stufan sun Mastlé y da dedò se urteràn sa la utia Trojer, ulache l unirà fat festa duc deberieda. Sëis duc nviei a unì a fé festa cun nëus!

Duman sada ai 29 de juni cumplësc nosc

30 ani Grupa Bal Populer Sëlva y S. Cristina La Grupa Bal Populer nvieia duc n dumënia ai 30 de juni dala 3 domesdì inant ala festa per i 30 ani de atività dla lia pra la utia Pramulin te Sëlva. Dala 6 da sëira inant suneràl la grupa Dolomitenecho. La festa jirà inant nchin la 12 de nuet.

Toni Bernardi

Jita cun curs de dejënjer a acuarel

la bela età de 80 ani.

”Berna”

N lunesc ai 1.7. iel sun l program de Val Gardena Activ chësta jita per jì a depënjer cun Ivo Demetz. Da se scrì ite iel tla Lia dl Turism de S. Cristina nchin al di dant y da paië iel 18 €. N se urta dala 9.00 dan l ufize dl Activ a S. Cristina.

Dut l bon y mo truepa legrëzes te mbincia de cuer ti fëna Romana y i mutons Claudio, Adriana y Pauli cun familia

A ti cialé ai mulins da Bula

N merdi ai 2.7. dala 15.30 se ùrten dan l hotel Mesavia sa Bula, da ulache n muev per na vijita meneda ai mulins. L ie da se lascé nuté su nchin al di dant tl ufize de turism a Urtijëi y da paië ite 15 €. Crì ierbes de medejina

N mierculdi ai 3.7. cun Diego Dejana. Chësta manifestazion fej pert de Val Gardena Activ, ulache l ie da se nunzië nchin al di dant tl ufize de turism de S. Cristina y da paië ite 15 €. N muev dala 9.00 dan l ufize dl Activ De vedli juesc scuvierc da nuef

L Museum Gherdëina nvieia uni juebia ntan i mënsc de lugio y setëmber al’azion nterativa per pitli y granc. Co se tripova pa i mutons dan 100 ani? De ce material fova pa la roba da fé damat? Granc y pitli po’ scuvierjer da nuef i vedli juesc y fé damat deberieda. N se anconta n juebia ai 4 de lugio dala 16.00 tl museum tla Cësa di Ladins a Urtijëi. Nfurmazions y iscrizions tl Museum Gherdëina o tla Lies dl Turism. Bai cun la Grupa de Bal Populer de Urtijëi y stlefé dla scuriedes

Stentun bëgn düć dër da crëi’ che chësc iade tóchera a nosc bestiun da Alfarëi 18 agn de riüdes y matades y ćiamò ne éres pa dî nia rovades cun so tenor nü s’la bravatel intoronn na usc sterscia che rondenësc fora por le monn da balè, ćiantè o lovè dales 5:00 da doman a sié n bel mat ti sàle sce al à bandes o fers da limé cun l’ ”Apix” jö te paîsc l’àldon rodan inće da fà mënamaza àl pordejü da mëte man por le pröm de tröc traverć döt le bun y le bel

a nosc Sepl,

N juebia ai 4 de lugio, dala 9 da sëira tl zënter de Urtijëi puderàn ti cialé pro ai bai tradiziunei dla grupa de bal y coche chëi dala scuriedes lascia stlefé si scuriedes.

cun chël che an ne se stüfa mai tan snel!

Sëira per mutons cun l paiazo ” Mago Remy”

Bea, Karin, Ivana, Manuel, Jonni, Elisa M, Elena F, Alex, Lefti, Julian, Romina, Elvis

N vënderdi ai 5 de lugio, dala 20.30 tl raion da jì a pe de S. Cristina dan l Hotel Post.

Berta dl Samblana da te düć storj pro gian, t’es pö tan te bona man. Pici, gragn y sciori oste sochedì, gonot baié damat por podëi s’la rì. Ausé mal aste düć cun l’cujiné bun, mo l’plö te gareta ćiamò i crafuns. Danter ciüf y urt en gran dafà, ti saltè dô ai sgneć te fej perd’ tëmp bel assà. Śëgn tet’ les mazes y va en püch a pé, giames, jonëdli y spiné é da sconè. Por düt ći che te fejes de cör te ringraziun, y por tü 70 agn düt l’bun te augurun. Resta inant tan da snait, bona lüna y urëi bun, de cör tüa familia y düć chi che te ô bun.

36

www.lauscdiladins.com

A Nicole Gabrielli Al prum de messal tu dovente n an più veia e te fajon n gran braciacol, ma amò de più volon se congratular con te per aer batù l record talian de carabina C10 e aer venciù l tìtol regional juniores! Ades te auguron dut l ben per i Campionac Taliegn! To fra Kristian ensema coi jormegn Giuliano, Angelica e Stefano e duc chi de ciasa


Inserac

nr. 25 / 28 de jugn 2013

Chirì da laour Na ëila da tlo chier da lëur te n ufize o scenó nce vel’auter lëur. Tel. 339/3607277. (23/13) ••• N jëunn de 18 ani chier da lëur per la sajon da d’instà a judé te na cësadafuech, a judé a n pizzaiolo o a fé de uni sort de lëures. Tel. 388/6461449. (23/13) ••• Na ëila dla Serbia cun 10 ani de esperienza y che sa talian y tudësch chier da lëur a rumé su majons. Tel. 345/7869998 o 00381/642409436. (23/13) ••• N’ëila chier da lëur te Gherdëina a rumé su majons. Tel. 389/8232409. (23/13) ••• N cuech chier da lëur te Gherdëina. Ël sa talian y tudësch. Tel. 389/4718775. (23/13) ••• N ël cun 4 ani de esperienza chier n lëur a lavé ju o a fé de uni sort de lëures. Tel. 339/8665047. (23/13) ••• L vën crì n lëur a fé de uni sort de lëures o a lavé ju. Tel. 389/9505152. (23/13) ••• N ël chier da lëur a lavé ju, a fé de uni sort de lëures o coche segondo cuech. Tel. 338/2474652 o 380/7650921. (23/13) •••

N jëunn peruvian cun truep ani de esperienza chier da lëur a lavé ju o a fé de uni sort de lëures. Tel. 389/7940618. (23/13) ••• N jëunn chier da lëur a judé te na cësadafuech o a fé de uni sort de stroc. Tel. 327/8378389. (24/13) ••• Na jëuna de 18 ani chier da lëur per la sajon da d’instà o nce per dut l ann a rumé su majons, coche ciuliera o a cialé de pitli mutons o a fé d’uni sort de stroc. Ëila sa da rujené talian, franzëus, nglëisc y spanuel. Tel. 345/8653985. (24/13) ••• N jonn dl post de 20 agn chir n laûr a daidé te ćiasadafüch, sciöche lavataîs o fà-döt, te n hotel, n restorant, na pension o inće te na ütia da munt. Al ne n’à nia debojëgn de alberch. Tel. 0471/847878 o Cell. 339/8415644. (24/13) ••• Na ëra dla Val Badia cun diplom de maturité chir n laûr a mez tëmp, por la sajun da d'isté o inće por döt l'ann. Al é anfat de ći laûr che al se trata. Tel: 335/5815846. (25/13) ••• L vën cris n lëur da śën inant a fé d'uni sort de këures o sciche aiut cuech a Urtijëi o sun Mont de Sëuc. Tel. 338 2474652 o 380 7650921.

Da chirì L vën cris na mola, na sia a vëta y scarpiei da ziplé, bele adurvei ma mo boni. Tel. 388/0561541. (23/13) ••• L vën cris n pitl cuatier o monolocal a Urtijëi da śën inant per dut l ann. Tel. 333/7936546. (23/13) ••• Al vëgn chirì n videoregistradù VHS. Tel. 347/3223704. (23/13) ••• L FC Gherdëina chier per n si trainadëur n pitl cuatier te Gherdëina, da mez lugio

de chëst ann inant nchin a mez juni de n auter ann. Prëibel cherdé su l numer de telefonn 370 7003788, Christoph Rifesser. (24/13) ••• Al vëgn chirì na mascînn adorada da taié erba. Tel. 333/9600974. (24/13) ••• Na nsenianta chir n cuatier da tò a fit da setëmber a dezëmber, cun puscibltà de slungë, sce la va a Urtijëi. Tel. 340/3654556. (24/13) •••

Da vende Da vënder na Alfa Romeo 147 JTD dl 2002, culëur fosch, per 1.000 euro. Tel. 338 4083888. (23/13) ••• Al vëgn venü döes tutes por motor dla marca Dainese, por el n. 50 y por ëra n. 52. Tel. 339/4221806. (23/13) ••• Da vëne na braia de coran cörta, mosöra 50. Tel. 0471/847125. (23/13) ••• Al vëgn venü na chitara y na tuta da sub. Tel. 0471/847125. (23/13) ••• Da vëne a n bun prisc na roda da munt Orbea dl 2011, furćia de carbonium, mosöra L (1,80 - 1,85), cun amortisadus dant y iadedô, cun componënć Shimano

XT. Telefonè a Andreas al 329/9433043. ••• Al vëgn venü na Vespa (nia targada) che jiss da targhè y n motor da trial dla Montesa. Tel. 339/6870823. (24/13) ••• Da vëne na couch de peza por piz de stüa, feter nöia, püch adorada, le tòch lunch a man dërta de 180 x 70 cm, le tòch cört de 180 x 100 cm, multifunzional. Tel. 339/1242712 (ma domisdé). (24/13) ••• Na jona dla Val Badia vënn a n bun prisc n guant da nücia. Al é tan co nü y de chësc ann, mosöra 42. Fonin: 339/1087030. (25/13) •••

Da scinché ia L vën scincà cater pitli giac nasciui dan n mëns. Tel. 333/6870283. (23/13) ••• Al vëgn scinché ia na picia litiria de lëgn

por pici mituns. Tel.3387868208. (25/13) ••• Al vëgn scinché ia n guant da nücia blanch, mos. 44. Tel.3387868208. (25/13)

Aziënda sanitara de Südtirol Raiun Sanitar da Bornech

Chirëis’a personal? Chirëis’a da lëur? Ëiss’a zeche da vënder o da dé ca?

Avis publich Al vëgn lascè al savëi che tl Raiun Sanitar da Bornech vëgnel scrit fora n concurs publich aladô de titui y ejams por l’ocupaziun dles störes nominades dessot: 1 dirigënt/a sanitar/a – dotur/ia por la igiena, Epidemiologia y sanité publica. La störa é resservada al grup linguistich talian. Al vëgn damanè l’atestat de bilinguism A. 1 dirigënt/a sanitar/a – dotur/ia por la direziun dl ospedal. La störa é resservada al grup linguistich talian. Al vëgn damanè l’atestat de bilinguism A.

Ie aspiete tlo tla cësa di tieres che zachei unissa a me tò. Prëibel cherdé su la Cësa di Tieres Obervintl 0472/868172. www.tierheimobervintl.it

L vën fità via n cuatier cun 2 majons da durmì a Runcadic per plu giut. Prëibel cherdé su l 0471/798241.

Mandëde na e- mail a

inserac@ lauscdiladins.com o cherdëde su diretamënter te ufize!

Tl zënter da San Ćiascian vëgnel afité ia n apartamënt por 3 – 4 porsones. Tel. 333 3696952.

1 dirigënt/a sanitar/a – dotur/ia por le repart de medejina interna. La störa é resservada al grup linguistich todësch. Al vëgn damanè l’atestat de bilinguism A. 1 dirigënt/a sanitar/a – apotecher/a por l'apoteca dl ospedal. La störa é resservada al grup linguistich todësch y ladin. Al vëgn damanè l’atestat de bilinguism A. 1 dirigënt/a sanitar/a – biologh/a por la patologia tlinica. (Laboratore por analises chimiches - tliniches y microbiologia) La störa é resservada al grup linguistich talian. Al vëgn damanè l’atestat de bilinguism A. Le terminn por menè ite les domandes: anter les 12.00 di 18.07.2013. Les domandes po gnì portades/menades diretamënter o tres cherta cun recioiüda de retour (al vel le stempl dla posta), a chësta misciun: Ofize por concursc y assunziuns dl raiun sanitar da Bornech, str. Spital 11, 39031 Bornech Tel. 0474/586027-28-36, www.sabes.it. I formulars por la domanda y informaziuns plü menüdes pòn ciafè tl ofize por concursc y assunziuns sciöche inće sön la plata internet www.sabes.it

Sëura Kollmann vëniel vendù, te na cësa moderna, cuatieres da pert da surëdl, da 3 y da 2 majons. L se trata de na cësa tlima B, cun sciaudamënt zentrel a Pellets da pudëi regulé autonomanënter. L ie udù dant nce na luegia te garage y una per lascé l auto alalergia. Plates da fonz y da parëi, parchet, ujes y la ceramica per l bani possa unì crisc ora aldò dl prugram standard. Sëurandata di cuatieres te 3 mënsc; deguna spëises per l marcadënt. Tel. 335/7023562

A Urtijëi, tla streda Purgher Nr. 57 (Villa Montana) vëniel fità via n bilocal per 1-2 persones cun garage y n monolocal per 1-2 persones cun verzon y garage. Prëibel cherdé su l 338/8184493.

A Tluses vëniel vendù n bar/bistro/mensa che lëura scialdi bën, te na bona posizion. Prëibel cherdé su Dorfmann Immobilien, al 335/6526421.

Le diretur dl raiun sanitar dr. Walter Amhof Da vëne n ćian husky de 3 mëisc y dër da orëi bun, cun chip y vazinaziun. Telefonn: 328/7499277 o 333/2364830.

La dita Immobiliare Appartments Tablé chir por n mëis, dai 20 de messè ai 25 de agost za., n/na secretêr/ia, inće a mez tëmp. Al po inće ester n/na studënt/a praticant/a. Prëibel cherdè sö le 0471/830168 o le 335/7794582.

A Corvara vëgnel afité ia n local de 70 m2 por ofize o botëga tla alzada tera. Scialdamënt y forza eletrica autonoms. Tel. 335/386514.

L Cumissariat dl Guviern per la Provinzia de Bulsan y la Provinzia autonoma de Bulsan fej a l savëi che la dumandes d’amiscion dla aspirantes/di aspiranc cumisseres d’ejam per la cunstatazion dla cunescënza dla rujeneda ladina, aldò dl art.3 dl D.P.R. nr. 752 di 26 de lugio dl 1976 y mudazions y ntegrazions che vën do, per l tëmp di trëi ani 2014/2016, possa unì dates ju nchin ai 30 de lugio 2013 pra l Cumissariat dl Guviern per la Provinzia de Bulsan – Ufize Unich dl Personal dl’aministrazion statela, streda Fago 31, ulache l ie nce da giapé l formular dla dumanda. Chësc formular possa nce unì cherdà ju tl internet sota www.prefettura.it/bozen - Ausschreibungen zur Vergabe öffentlicher Aufträge - Stellenausschreibungen La cundizions d’amiscion ie publichedes deberieda cun i criteres de numinazion tl Buletin Ufiziel dla Region nr. 26/IV di 24 de juni 2013. Orar per l publich: dal lunesc al vënerdi dala 10.00 ala 12.00. Tel. 0471/294449 – Fax 0471/294432 L formuler ie oradechël ënghe da giapé pra l Servisc ejams de bi- y trilinguism – streda Perathoner 10 – 39100 Bulsan y possa unì cherdà ju tl internet sota www.provinz.bz.it/ebt

www.lauscdiladins.com

37


Religion y Anunzies

nr. 25 / 28 de jugn 2013

Condolianzes

Rengraziamënt

Le presidënt, le consëi d’aministraziun, le consёi de control, la direziun y i colaboradus dla Cassa Raiffeisen Val Badia tol pert al dolur di familiars por la mort de

“I ti ô bun, Signur, ala ćiasa olache Tö stas y al post de Töa gloria.” Salm 26 (25)

Giovanni Verginer

Signor Merch Graffonara Ploan en pensiun *16.10.1920 +14.06.2013

mëmber dl consëi d’amininstraziun dla Cassa Raiffeisen Val Badia dal 1972 al 1985 y ti sporj a düć i familiars les condolianzes plü sintides.

De cör orunse rengrazié la direziun y düć chi che laora te Ćiasa de Palsa, cun i doturs Aldo Marcocci y Eduard Agreiter che à ćiarè de Signor Merch, cun paziënza y amur.

Cassa Raiffeisen Val Badia Corvara, 25.06.2013

Dilan a nosc Vesco Ivo Muser, a signur degan Iaco Willeit, a signur ploan Heinrich Perathoner, a düć i proi, ales monies y a düć i amîsc che l’à acompagné sön so ultimo iade. Dilan al consëi de cöra y a dötes les uniuns d’La Pli che n’à sconè degöna bria da ti fà a nosc defunt tan na bela y sintida festa de comié. Dilan inće a chi che l’à daidé sön so tru, a chi che ti à demostrè respet y reconescënza, a chi che é jüs a l’ ciafè, che à fat ofertes de bëgn, che à perié por ël y a chi che se recordarà inant de ël tl’oraziun y tla S.Mëssa. Osta desponibilité y presënza, osc perié y ćiantè nes à fat gran ligrëza y nes à unì tl dolur. Cun reconescënza

Rengraziamënt N rengraziamënt de cuer a duc chëi che nes ie stac daujin te chësc mumënt de duel.

Anna Maria Runggaldier “Pramont” *24.07.1927 + 14.06.2013

Les families da Grejenara

Rengrazion particularmënter Seniëur pluan Raimund Perathoner per la paroles de cunfort y per avëi zelebrà tan bel la Santa Mëssa.

Rengraziamënt

N gra ti va al dr. Simon Kostner y ala dr. ëssa Cordula Weber, ai ujins, al cor per si bel cianté, al mëune, ai ministronc, ai fioces, a chëi dl ann, ai iagheri, a chëi che à purtà la gherlandes y a duc chëi che nes a judà ntëurite. De gra per la dunfiertes, i ciofs y per la Santa Mësses.

Berta Dekassian Kofler

Rengrazion l nonn bera Konrad de Curijel per avëi dit dant la curona, duc chëi che ie unic a vedlé y ala supeltura y a chëi che se recorda de mi fëna y nosta bona loma te si urazions.

I familiars ringraziëia de cör düć chi che é gnüs ales corones y ala mëssa de sopoltüra, y siur Vito por la funziun sintida. Dilan al dotur Eduard Agreiter, ales infermieres y ai colaboradusc dla Ćiasa de Palsa da San Martin de Tor, sciöche inće dla Crusc Blanćia y dla staziun Medejina Ost dl spitol da Bornech.

Chei de familia.

Vangel dla Domenia

San Martin de Tor *02.07.1949 +20.06.2013

N Dilan sinti a düć chi che à fat n sorvisc, chi che à fat ofertes de ciüf, por SS. Mësses o ater, y a düć chi che se recorda dla defunta tles oraziuns.

13. Domënia ia por l’ann C, ai 30 de jügn 2013

I familiars

Dal vagnele do San Lüca, 9, 51-62 Canch’al ê gnü le tëmp, che Gejù dô gnì tut demez dal monn, s’àl tut dant de jì a Ierùsalem. Y al à ortié anunziadus danfora. Chisc ê rovà te n paîsc samaritan y orô ti arjigné n alberch. Mo an ne l’à nia tut sö, ćiodich’al ê söl tru da jì a Ierùsalem. Canche i discepui Iaco y Jan à odü chësc, ài dit: ”Signur, désson comané ch’al vëgnes füch dal cil y i desdrüjes?” Dailò s’àl ôt y i à slomenè. Y deboriada ési jüs te n ater paîsc. Canch’ai jô inant por so tru, ti à n ël baié ados a Gejù y à dit: ”I ô te gnì do indlunch olache te vas.” Gejù ti à respognü: ”Les olps à sües tanes y i vicì sües coes; mo le Fi dl Om n’à degun post olach’al po lascè jö so će.” A n ater ti àl dit: ”Vì do a mé!” Al à respognü: ”Làsceme jì denant a ćiasa a sopolì mi pere.” Gejù ti à dit: ”Lascia i morć sopolì sü morć; tö indere va y incünda le rëgn de Dî!” N ater indô à dit: ”I ô te gnì do, Signur. Mo denant làsceme tó comié da mia familia.” Gejù ti à respognü: ”Degun, che à pié ite la cadria y ćiara derevers, ne n’é da val’ por le rëgn de Dî.”

Recort

Tone Frenademetz Tone dl’Agata 28.06.2012 – 28.06.2013 Al é bele passè n ann da canche tö nes as lascè, mo to recort vir inant te nüsc cörs. I orun se recordè de nosc om, pere y nene Tone tla santa mëssa, incö vëndres ai 28 de jügn dales 7.30 tla dlijia da La Ila. I familiars

Rengraziamënt

Parora dl Signur. – Lalt a té, Gejù Crist!

Milio da La Sëlva * 11.2.1933 + 22.6.2013

Oraziun por de rî momënć Divni Salvatur, sideste tö mi compagn söl tru de mia vita, sciöche t’es stè compagn ai discepui desconsolà de Emaus: tües parores ti à indô dè coraje da jì inant. Signur,

38

www.lauscdiladins.com

fà che i me recordes chësc fat canche i à la ria löna y canche i stënti da jì inant. Recôrdeme che tö vires y che t’es, dé por dé, dlungia mè. Impede me perde te mè instës y me stlü ite te mi

dolur, ôi ponsè a té. Y te tüa amizizia ôi indô jì inant, cun coraje, slöm y buna vëia, sön le tru de mi dovëi. Amen! Da: Laldun l’Signur

Rengrazion de cuer duc chëi che nes ie stac daujin cun paroles de cunfort, chëi che ie unic a tré l’ega santa, a vedlé y ala supeltura. N gra a Sn. pluan Pire Clara per si bela paroles ntan la santa mëssa y al ujin per avëi dit la curona. Rengrazion nce duc chëi che à dat ciofs y dunfiertes. Chëi de familia


2513  

edition 2513

Read more
Read more
Similar to
Popular now
Just for you