Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 25/2011 - 01 de messel 2011 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Urtijëi

11

Scizeri y Pluania Polemica per l stlupeté de salut pra la festes de dlieja: I Scizeri de Urtijëi critichea la dezijion dl Cunsëi de Pluania.

Copa Mond

Sun sela entorn al Sela

Comentar de Pruma

Garejes “Hero” y “Bike Day 2011”, aventures sun does rodes, dalonc dal trafich, tl plu bel dla natura

Roda y liam

de David Lardschneider

11

Gherdëina record Numeri televijifs da record per la Copa dl Mond te Gherdëina.

Servisc Soziel

15

Respunsabla nueva La respunsabla dl Servisc Soziel, Martina Comploi, ie jita n maternità. Erna Mussner tol ite si ncëria.

Sozial

17

Festa de salüt Giovanni Frenes da La Val é porsona conesciüda, suradöt por süa competënza tl sorvisc dl’assistënza finanziara dl raiun soziosanitar a Piculin. Do 40 agn de sorvisc vàl en ponsiun.

Val Badia

18

Fires otiches Tla Val Badia vëgnel investì 3,6 miliuns de euro por i coliamënć a internet tres fires otiches.

Comun de Mareo

21

Discusciuns N contribut ala uniun dl sport por curì debić y la limitaziun dl trafich por la val de Mareo cheriëia discusciun.

Fascia

25

Sun i joufs él enjigné ca tofles che informeia sun l auteza y sun i autri joufs che an pò fe al “Sellaronda Bike Day 2011”, per ladin l “Di dla roda entorn l Sela”.

Atualité - Chisc dis éla tant inant, sun l program él la “Sellaronda Hero”, per ladin la “roda dl Sela Eroe”, la garejeda per atlec dla roda damont é chesta sabeda l 2 de messel, l percurs va a toché cater valedes ladines, set comuns endut y trei provinzies. Does les trasses, chela de 50 km y l’autra de 82 km che se desfira per 36 km sun trois de mont, 35 km sun stredes de giara y autri 11 km sun aslaft, con endut 4.200 metri de deslivel. L’organisazion à ence tegnù cont di pitli ziclisć, per chisc él vedù dantfora na garejeda la sabeda dantmesdì, sun n percurs de 3 km. Deplù informazions sun

la “Hero” pòssen giapé sun www. sellarondahero.com

L “Sellaronda Bike Day” Per l sest iade ruva adum milesc amanc dla roda per fé deberieda la roda entorn l Sela, sun les stredes che é chisc dis plenes y ence sovenz impifedes dal trafich. L’organisazion é meneda dai cater consorc turistics dles vals ladines: Gherdëina, Alta Badia, Reba y Fascia. Chesta domenia ai 3 de messel sarala tant inant, y la novité de chest ann é che al ne sarà nia la soula domenia dl “Di dla roda”, prevedù él ciamò n auter di, plu avisa ai 18 de setember. L ann passé él gnu

cumpedé 18.000 pesones sun rodes y autri mesums ziclics su per i joufs al “Di dla roda”. La manifestazion é chersciuda da ann a ann y deventeda oramai na manifestazion popolara, fata da orela curta, sport y ence da azions per i joufs dolomitics plu ecologics y manco ajiés da trafich, vera y scich. L comité de organisazion consieia chest ann de jì chest ann contra l vers dl’ora per motifs de segurté: da Gherdëina demez devers dl jouf de Sela, y sce an fej duta la roda: Sela - Pordoi - Ciaulonch Frera. An dess se mete su ence n helm y furné sun la man dreta dla streda, dantaldut canche an va jupert. (ir)

Sèn Vile

Comentar

La sègra del patron de Moena à viventà per cater dis dut l paìsc con musega, folclor e la premiazion del prum concors musical Paolo Chiocchetti.

Fodom

Conduj pa n lingaz scrit unitar davei a la perduda di idioms ladins? De Hatto Schmidt 26

Ciacia Leandro Grones l é ste confermé ndavò prescident de la Riserva de Ciacia da Fodom. I iagri, che i s’à biné ndomënia passada per la sentada anual, i à ence liet fòra l nuof consei diretif.

La SVP de Urtijei à tout posizion te n comunicat stampa (ciala “Dolomiten” dl 17 de jugn) sun les declarazions dla presidenta dla Union Generela di Ladins dles Dolomites Elsa Zardini (ciala “Dolomiten” di 1^ y 2 de jugn). Te chest dà ju l consei de paisc SVP si arat sun temesc importanc. Chest é sia bona rajon. Ma che ala adora per chest fin argomenc che mess gnì vedus n pue plu avisa.

“La creazion de n lingaz unitar portessa te na moda sforzeda a la perduda di idioms”, scrif la SVP de Urtijei. É pa i dialec ’vinschger’ y ’pusterer’, ’bayrisch’ y ’schwäbisch’ sparis, da canche i on n lingaz scrit todesch? Ence la definizion lingaz unitar romagn puech clera. Ala ne s’à mai traté de n lingaz unitar ladin, ma expressis verbis de n lingaz scrit unitar, che vegn adoré tla

comunicazion souralocala y dess servì sciche tet per les variantes de valeda rejonedes (y ence per les scrites): Ladin Dolomitan é n lingaz de scritura y de letura; al n’é mai sté pensé de gnì rejoné. L sens de n lingaz scrit unifiché é chest: tl mond modern y globalisé splundra n grum de influesc da defora sun l lingaz. Sce n lingaz n’é va inant a plata 3

L di dla roda ie zeche de bel, dantaldut zeche che se lascia fé, cieche dan trënt’ani ne ëssen mo nia pensà de ulëi ma niancano de pudëi fé. Michil Costa, da zeche bënulù y da zeche meludù ma da deguni nia cunesciù, ova abù la vijion deberieda cun n tlap de cumpanies de mëter a jì la Maratona dles Dolomites cun la roda. L se à lascià fé y la ie al didancuei una dla majera atrazions nce turistiches de nosc raion, coche da puech incà nce la garejeda Sellaronda Hero y l di dala rodes, chëst ultimo monce doi iedesc te n ann. L ie manifestazions tla Ladinia, che à na gran fazion de liam danter la valedes, na fazion nscila culturela do chëla sportiva, nscila coche l Superski Dolomiti, de natura economica ma cun fazion soziela y culturela de liam danter la valedes ladines. Cieche ue dì ie che la stredes ne lieia nia plu de n tant, scencajo lifc y rodes y stredes stlutes. Che ne n’ie, mo n iede, nia stredes stlutes tresora, ma per n cin’ ëura al di, tl prim povester mé n doi iedesc al’ena. I duc i lauranc, i duc i turisc´ y duc i ladins possa pa bën passé cun l auto daduman y domesdì via. Ngali fóssel bel sce i uemes dla politica trajëssa ora i atribuc y se nfidëssa a avëi vijions, cun dezijions. La natura rengrazierà, ma nce la jënt y monce l’economia, y sambën la cultura.

Miec degun ladin che un n ladin? Tl Tiroler Volkskunstmuseum a Dispruch él da vedei cina de november na mostra straordinara sun la Ladina, che à bele sen abù n gran resson - souraldut per l bel y gran catalogh de 360 plates vegnù fora per todesch, talian y ladin dolomitan. Te na intervista con l RAI-Sender Bozen di 23 de jugn à l assessour Mussner baudi declaré sia contrarieté a la dezijion dl Volkskunstmuseum y che perchel ne vegnirà l catalogh nia sostegnì finanziariamenter dal assessorat a la cultura ladina. Chesta declarazion palejeia - endò n iade - na gran contradizion dla politica linguistica ladina dl assessorat a Bulsan: sce l liber fossa vegnù dé fora demé per todesch y/o talian, spo éssel plu dessegur ciafé i contribuc va inant a plata 2


Letres y Atualité

nr. 25 / 01 de messel 2011

Cumpedé la jënt

Miec degun ladin che un n ladin?

Cumpedé la jënt y la detlarazion dla grupa linguistica ladina: la sensiblisazion dl assessorat ladin ie drëta La propaganda dl assessëur ladin Florian Mussner per la detlarazion ladina n ucajion dla cumpëida dla jënt da d’autonn ie zënzauter drëta. Tl 1981, n gaujon dla prima detlarazion, ova l’Union Generela cun la Unions di Ladins sëurantëut chësta funzion de sensiblisazion, dajan ora n bel pitl cudejel. Tl 2001 iel inò na urganisazion sozio-culturela, la Consulta per i problems ladins a Bulsan, che dà ora n cudejel aposta. La mutivazions da ntlëuta y da ncuei ie la medemes y plu che drëtes tla gaujes y ti fins; i ladins muessa giapé y mantenì si posizion nia mé culturela ma nce sozioeconomica, se nuzan bën de un di mesuns plu stersc, l proporz, per se seguré si dërc y si partezipazion. Ma doi cunscidrazions ne

dàussel tlo nia mancë: 1. L zensimënt cun la detlarazion etnica ne desmostra nia mé la cunsistënza dla grupa ma nce si unità y 2. l ne tleca segur de no a fé uni diesc ani propaganda, coche pra la veles, ma l va debujën de se cruzië dl drë’ tratamënt y cumpurtamënt di per di, ann per ann, acioche uniun se recunësce lediamënter tla grupa ladina, tla cumenanza ladina, che uel avëi i medemi dërc, la medema pusciblteies, l medemo valor sciche i autri. Sce l nvit a se detlaré ladins ie acumpanià da chësta ntenzions, àl dessegur n majer valor. La ucajions ne mancia: giaurì l proporz dla autra grupes ai ladins te posć y cumiscions ulache i ie

stluc ora o se stënta a ruvé permez, zënza arziché la resserva di ladins, ajache l 4% ne ti tol nia al 70% y nianca no al 26%, ma al incontra ti tulëssa la gran grupes dut ai ladins; giaurì la porta ala furmazion y ala comunicazion dl lingaz ladin; giaurì la streda per l’unità di ladins dla Dolomites; y d’autri bujëns da giut bele mustrei su y da arjonjer cun mpue’ de bona ulentà. L prim at de sustëni cuncret ala propaganda per la detlarazion ladina pudëssa propi vester chël de ti dé ala lia numer un tl ciamp dla rujeneda y dla cultura ladina te Gherdëina, ala Union di Ladins de Gherdëina ULG, a si atività y a si sënta la drëta mpurtanza y l drë’ aiut. Carlo Willeit

va inant da la pruma plata

zenza problems, ma sce al vegn fora tl ladin “falé”, spo NJET. Sonse veramenter ruvés tant inant che al è “miec degun ladin che un n ladin”? Ne fóssel nia de sostegnì istituzions fora dla Ladinia, che vuel fé valch per duc i ladins, ma che ne vuel nia descriminé i autri Ladins tolon demé n idiom de valeda? Cie desferenza él pa anter n ladin scrit te 3, 4 o 5 formes y n dialet? Ne vàla nience da se vegnì sun un n ladin

fora dles valedes, fora dl Südtirol? Tla medema intervista à l assessour - baudi ence endò n iade - desferenzié i “bogn ladins” che va a Bruxelles da i “riei ladins” che va a Roma. Chesta è na despartizion tendenziousa che ne é dessegur nia d’utl per l davegnì di Ladins. Ma almanco podonse recordé che l Ladin Dolomitan vegn ence sostegnì da la Comunité Europeica, che l à definì “un di miours projec fac per na mendranza linguistica ti ultims 10 agn”. (Calander)

La Ladinia y Südtirol é l’urt d’Europa Sintiun la pêsc y lasciunla crësce deboriada. Les porsones dess s’incuntè y jì ite relaziuns economiches sinzieres, stersces y produtives. I ùn le cör y la forza da le fà! Le passè podarà ma nes daidé sce i

sun bogn da le purifiché da violënza, egoism y tëma! Fajun n monn plü bel, olache vignun sa cares che é sües responsabilitês.   Christian Ferdigg, Al Plan

adurvé te cosses essenzieles y fundamenteles! Vëira? La Provinzia Ladina „nventeda“: Y cun na rujeneda unificheda eventuela a livel de burocrazia aministrativa, ne n’iel ënghe de no chël malan de pericul de na „Provinzia Ladina“, coche Vo ve metëis nsci tla bocia, tulan chësc bel y bret dala nibles! Ajache de chël viers jìssel bën debujën de chël spirt tudësch y de

„tudescum“ sëuramenà y vierc, per la desmené dut l ann de mo plu autonomia y ndependënza y cun duta chëla śires anti-talianes, che l ie prësc da stufé y da dì „basta“! Na tel sort de sëuramenamënt y de auto-esaltazion ne n’à i ladins nia y nce mei abù.

Ala gran „seniëura“ SVP ladina y si deguna unestà! La rujenedes „uniteres“ (Südt. - I – A – G – F – GB – SP y nsci inant) ne n’ à pa mo mei desdrù i idioms dla jënt, y na „Provinzia Ladina“ ne n’iel nia l cajo de tré ju dala nibles, stimei berbesc y stimedes „landes“ SVP de Urtijëi! De n zaron l piec documënt anti-ladin ie unì publicà dala nsci t l a m e d a S V P „ l a d i n a “, ipocritamënter y cun puecia unestà, n documënt anti-storich, contra l’autra valedes, chëles che ne se ndesdij nia de nosta bandiera storica a blanch, brum y vërt, n documënt anti-rujeneda unitera, che ie la sëula puscibltà, n cont de cumpëida, per pudëi sëuraviver sciche „ladins“, y n cont de „cërtl litel ladin“! Daniëura for n gran „hosianna“ ala rujeneda tudëscia: Sce l ie nce da ntënder che l possa datrai vester vel’ melsegurëza y pesimé n con’ de na rujeneda unificheda, a livel aut y de aministrazion - y chësc, ajache n ne n’ie nia a tant da udëi y da audì ora che duta la rujenedes ntëur nëus ie ënghe, y blót, rujenedes unifichedes: tudësch, talian, franzëus, nglëisc, spanuel, y mo dutes chëles che ulëis, y dutes chëstes ne n’ie nia idioms dialetei de valedes, de provinzies o de regions! No pa? SVP de Urtijëi!....

ma pona ne n’ie na tel averscion a na rujeneda unificheda y aministrativamënter „inter-ladina“ defin nia iustificheda y tolerabla, canche dala SVP “ladina“ de Urtijëi vëniel lascià demez l „ladin“ tl’ucajion de veles, bele sciche sce l ne fossa deguna „terza grupa etnica“ te nosta provinzia, canche la medema SVP „ladina“ de Urtijëi nvieia a na manifestazion publica per veles cumeneles vëniel ënghe lascià demez nosta rujeneda milenera de Gherdëina, tulan ca mpede chësta la rujeneda tudëscia, y pona mo de n zaron piec, canche sun la bela cumpëida de za. 28 candidac per nosc Chemun, iel feter l 80 per cënt che se prejënta bel blót cun sëura l guant lucënt y brilant dla rujeneda tudëscia, y nia cun nosc guant storich, aldò che nosc peresc y antenac rujenova! No pa? Chësc ie la bela y blóta ipocrisia! Cun chësta situazion culturelpublica de tò „l tudësch“, mpede l ladin-gherdëina, cun chësc fat de ipocrisia y de deguna unestà de n partit tlamà „ladin“, ruvé a chëles de fé ora la rujeneda unificheda, a livel aministratif sëura la valedes, l pericul burt y viulënt per nosc rujené ladin idiomatich tan amà, ie na cossa termënt scandalëusa, na cossa nia

rëidla y nia unesta, dantaldut per jënt che tol tla bocia nce l Cuer de Gejù. Sciche fonz nteletuel de si pensier! No pa? L „tudescum“ de n cër Urtijëi y de na cërta Gherdëina: Dut chësc ne n’ie nia auter che na ana y sensibltà storica „ladina“da mat stleta, che ne n’ie nia auter che l vester mo for sterch y resistënt de chël „tudescum“ da ntlëuta. Y pona tléchel sce ti cialon a cër’ placac de lies y de autri, che ie ncantëur te nosta val, śën d’instà dl 2011, per ntënder la „santificazion“ che l ie dla gran rujeneda de nosc culonisadëures. Y nia zeche de auter ne n’ie nce de gauja y l „back-ground“ sozioculturel de cër stritoc, viulënza y sotsëura danter scialdi de jëuni te nosta val, cun chëla bela belëza y lucentëza culturela de ruvé a se fé stersc cun „....die Sprache ist Deutsch“: stimeda SVP „ladina“ de Urtijëi! Stimeda SVP „ladina“ de Urtijëi: Sëis’a Vo tan desmincënc y nia rëidli, o anti-ladins y fauc, da fé valëi y cunedì che na rujeneda unificheda - che l ie dal’autra pert nce te Südtirol, sce ne se falon nia! - ti purterà pericul a nosc rujené ladin-gherdëina, a chël che Vo ti purtëis pericul a ne ulëi nia l

Oscar Prinoth de Josef da Brida, Urtijëi

Spënt i planns de raions de pericul La Jonta provinziela de Bulsan à spënt de cin’ ani la data nchin a canche i Chemuns muessa avëi njenià si planns di raions de pericul Aministrazion - I assessëures provinziei ie stai a una de dé do ala dumanda di Cunsëi di Chemuns sce da si pert vëniel fat na lista de priurità cun i chemuns cun periculi. L plann di raions de pericul dëssa per uni chemun mustré su ulache l ie pericul de vel’ fenomenn naturel sciche smueies o levines. Nchinamò à mé doi chemuns dl Südtirol njenià chësc plann. Chël uel di che l mancia mo 114 chemuns che ne abina nia i tecnics

2

www.lauscdiladins.com

aldò y che ne ti ie perchël nia. L Cunsëi di Chemuns se ova damandà de spënjer la data per chisc planns de set ani. “Sce, pona dëssel unì fat n bon lëur y perchël ons dat pro de spënjer la data de cin’ ani,” à cunedì l presidënt Luis Durnwalder ai 20 de juni.

data deventerà ufiziel te chëla che la lege aldò sarà data pro. L finanziamënt de chisc plann di raions de periculi vën sustenì dal 30 al 50% dala Provinzia de Bulsan. (ufi ze stampa provinziel de Südtirol) Priesc d’abonament anual:

La Jonta provinziela ti dà do ai Chemuns sce l vën njenià na lista de priurità cun i chemuns ulache l ie i majeri periculi. Chësc ie de utl per respuender al Stat y ala Comunità europea. L spënjer dla

per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 25 / 01 de messel 2011

Comentar Conduj pa n lingaz scrit unitar davei a la perduda di idioms ladins? De Hatto Schmidt va inant da la pruma plata

nia bon de cherié de si paroles sciche neologisms per inovazions tecniches, artistiches, soziales o ence sportives, se imprestaral les paroles da d’autri lingac - tl caje dl ladin foss chest todesch y talian. Sce chestes creazions nueves (cheles che vegn ence te d’autri lingac arvenudes tres l lingaz scrit unitar, basta pensé al laour dl Duden!) ne gereta nia soura i cefs fora, pona varieia les variantes dles valedes intres plu indalauer. Avisa chest suzed sen con l idiom gherdeina, l badiot y l fascian: ti istituc culturai y tles aministrazions de provinzia y region végnel cherié per dutes les zircostanzes poscibles traduzions scrites nia liedes anter eles, y che se desferenzieia anter eles - en pert dret truep. Sce la SVP de Urtijei se baudia che l Ladin Dolomitan à massa talianisms, delòujela la realté. Ladin Dolomitan emaneia a la fin les maioures carateristiches dles cinch variantes de valeda - sce al é donca de ciafé te chest Ladin massa talianisms, spo é la gauja me chela, che i idioms singoi à bele te si gremo massa talianisms. Al foss perchel ciamò deplù “gran ora” de mete en pratica n lingaz scrit unitar sciche filter per chisc influsc da defora! L rodous dla suposizion dla SVP de Urtijei corespogn a la realté: zenza n lingaz scrit unitar se fregola su plan plan les chances de souravivenza di idioms singoi per gauja dl numer bas de chi che i rejona - con l sosten de n tel lingaz scrit foss l numer plu aut. Avisa a Urtijei messessen ester te chest

rajonament perdret dret sensibli: l ladin vegn chilò - y chest é documenté ben - fracé derevers en confront al todesch. Te sia touta de posizion scrif la SVP de Urtijei ciamò laprò che an volessa indò jì ti Grijons dal lingaz scrit unitar derevers ai idioms de valeda, “ajache l lingaz artifizial n’é nia gnu tout su da la popolazion”. “Lingaz artifizial” é te chest contest na definizion delouta: lingac artifiziai é Esperanto o Volapük; Ladin Dolomitan y Rumantsch Grischun é indere lingac costruis - sciche, volù rigorosamenter - l lingaz todesch scrit y l talian (koiné taliana); l Ladin Dolomitan é me gnu svilupé cotant plu debota y sun la basa de n conzet mené inant unitariamenter. Ciamò laprò logoneia la SVP de Urtijei che l Rumantsch Grischun é azeté sciche lingaz aministratif ti Grijons: I protesć atuai toca esclusivamenter sia introduzion sciche lingaz de scola, y ence pert chest cuei adum n moviment d’oposizion firmes per lascé l Rumantsch Grischun te scola. Per cie che reverda la critica dla SVP en relazion a juesc de speculazion per ruvé plan plan a n cercl lital ladin a pert, él de recordé che i ladins di trei comuns storics ladins de Belun ne se damana da dagnora encà nia me la re-adejion a la Region Trentin-Südtirol, ma che ai vuel ester al intern dla Region pert de Südtirol. Al ne se trata perchel nia me de planns de destach, ma dantaldut de pensé soura, co che i ladins pò arjonje l peis politich che ai se merita. I Volksparteiler de Gherdeina dess perchel chilò spizolé bon les

Hatto Schmidt, jornalist dla “Dolomiten” y espert dles mendranzes d’Europa. Dant cater agn él gnu premié a Cluj tla Romania da la Midas con l “Pest per les mendranzes”.

oredles, él pu si candidat che à perdù dl 2009 tla prelita al intern de partì la candidatura per l Parlament Europeich contra n concorent de lingaz todesch - sciche bele trueps iadesc dant d’autri ladins pro la cerna de canidac per la Ciamena y l Senat a Roma. Tant sovenz é pa i ladins gnus consolés dal partì ence con l’emperpetuda per n auter iade? Tant che chestes empormetudes vel, vedaran tosc, canche Christoph Perathoner se fajarà inant per n mandat - chest iade a Roma. Hatto Schmidt, traduzion ladina de si comunicat stampa publiché tla “Dolomiten” en vendres ai 24 de jugn 2011

Le multitalënt Franz Posch Che ne conësc pa nia la trasmisciun “Mei liabste Weis” che la televijiun dl ORF lascia odëi dal 1988 incà? Franz Posch é un di musizisć de musiga popolara plü conesciüs dl ORF, por sües tasmisciuns tl radio y tla televijiun Porsones - Franz Posch é nasciü dl 1953 fora Dala (Hall in Tirol). Cun cater agn àl bele metü man da se dè jö cun i orghi da man. Cun so gran talënt y tröpa ligrëza àl imparè da su da sonè tlarinet, saxofonn, possauna, chitara, erpa, tuba, flicorn, orghi da boćia, vidora y tamperle. Ma por sonè trombëta y tlavier àl albü istruziun musicala. Cun 12 agn à Franz Posch sonè tl ORF i orghi da man, cun 15 agn àl daidé tla trasmisciun de Heinz Conrads “Guten Abend am Samstag”. Al à fat le ginase di franziscaneri a Dala, spo él stè 14 mëisc pröm flicornist dla “Militärmusik Tirol”. Dedô àl studié musiga al Mozarteum da Desproch, é stè dal 1977 al 1991 professur tl ginase academich a Desproch. Dl 1979 àl albü sponsion a Mag. phil. y dl 1986 àl metü pormez le Dr. phil. Dal 1998 insëgnel tl conservatore da Desproch orghi da man. Dal 1974 al 1989 él stè mëmber dla “Tiroler Kirchtagmusig”, dal 1987 al 1997 àl dirighé i “Dixielanders Hall”. Dal 1979 insö

mëtel adöm por radio Tirol finamira dla produziun dl ORF Tirol regolarmënter trasmisciuns de de Franz Poscsh é le mantignimënt, musiga popolara. Dal 1988 incà le nudrì y la presentaziun autentica presentëiel la seria de trasmisciuns de nosta musiga tradizionala TV life “Mei Liabste Weis”. popolara. Franz Posch dà n ejëmpl Dl 1991 à Franz Posch metü sciöche an dess presentè la musiga adöm le grup “Innsbrüggler”. Al popolara! Franz Posch é maridé y sona pro chësc grup flicorn y à n möt. So tëmp lëde pàssel cun fà trombëta. Al à dl 1996 metü en pè musiga, scrì notes, śoghé al palê y la “Franz Posch Combo” de 10 d’invern cun jì cui schi. (Lois Trebo) porsones por fà musiga da bal y devertimënt. Dal 1998 incà instruëscel da sonè i orghi da man studënć che ô gnì insegnanć de musiga. Al dij dla musiga che al presentëia: “Chësta musiga ne n’é nia ota al comerz y porchël nia sotmetüda ala moda. La musiga popolara se mantëgn, deache ara é la plü adatada, ara fej plü faziun tl pice cërtl, tla comunité de paîsc”. Ostaries tradizionales locales tl’Austria y ti paîsc vijins pîta inće tl secul 21 la culissa dla ativité de Franz Posch y de sü ghesć. Posch n’é nia ma le presentadù, mo inće le musizist che branćia Franz Posch cun sü orghi da man. (Foto: do i orghi o le tlarinet. La www.prplus.at) www.lauscdiladins.com

3


Atualité

nr. 25 / 01 de messel 2011

Aiut Alpin Dolomites L instà à finalmënter scumencià nce n con’ dla temperatures y dl tëmp, ma cun chësc iel nce deplù cherdedes de sucors che ruva ite tla zentrela dl Aiut Alpin a Puntives. L prim ciaut à metù n deficultà plu turisć che ulova fé vel’ jita sun i troies de nosta bela montes. Plu che auter fòvel te chisc caji mé problems de stanchëza dl corp o problems de zirculazion dl sanch. Nscila udons n ntervënt sun Col da Lucia, che ie tl raion de Fanes, ulache na turista de Trënt de 82 ani fova arsida nsëuralauter. Bele dant òvela scumencià a rujené dut n dublët. Do n pez ne ti teniva nianca no plu la giames y tuman se àla nce mo fat n tai tla man. L dutor ti à n iede ciulà su la man, ti à pona dat vel’ spriza per la fé renvenì y do chël iela unida meneda cun l joler te spedel. Feter l medemo ti iel nce suzedù a n seniëur tudësch de 80 ani, che fajova na jita sun la Laabalm dlongia Baiston. Dal gran ciaut àl sfadià massa si corp, che à zedù. L fova tumà ntëur da nescia. Nce tlo l à l dutor cun vel’spriza inò fat renvenì. Ma l se n stajova prësc tan bën che l ne ulova gor de no zapé ite tl joler. Nscila àl sotscrit n documënt che l ne uel nia julé te spedel. Mpo à pona i judacrëp messù l mené cun la jeep da n

dutor. Problems de sanità pervia dl ciaut à nce abù n ël de 65 ani che fova sun l Meraner Höhenweg sëura Naturns. Nce te chësc cajo fòvel pundù dlongia troi zënza forzes. Chësc àn menà tl spedel de Maran. Feter l medemo ti ie nce suzedù chisc dis a Lujon a n ël de 71 ani, te Santa Cristina a n turista de Piacenza de 77 ani che fova tl lëur de unì a pe da Ncisles ora y sun Renon a n ël de 51 ani. Nia ne n’iel plu stat da n fé per ti salvé la vita a n ël de Urtijëi che fova tumà ntëur pra l fussel de Nis ulache l siova. Do puec menuc dala cherdeda ie l joler cun l dutor ruvà sun l post, ma n à mé plu pudù cunstaté la mort dl ël. N auter cajo de mort iel stat sun l Grenzknotten sëura Toblach, ulache a n ël che furnova iló cun la roda da mont ti òvel dat l bòt. Ël ova 57 ani y ie mort sun l colp. Nce per na desgrazia sun streda iel unì cherdà,

de Armin Moroder dal 118 de Bulsan, l joler cun la scuadra. L se tratova de julé te Sarntal per purté aiut a un dal motor y a un dala roda. Chël dal motor ova bonamënter tëut la raida massa lergia firan deplën te chël dala roda che univa decontra. Sambën che plu paieda s’l’à te chësc cajo chël dala roda. Te chësc ntervënt iel unì cherdà doi joleri per pudëi dé assistënza medica da tramedoi dutores che ie tl joler, chël dl Aiut Alpin y l dutor che ie tl Pelikan. Un n ntervënt ie nce stat ti crëps, sun la Teufelswand tl raion dl Ciadinat. N alpinista fova tumà tla corda se rumpian n valguna rëpes. Ël ova n drë’ mel y cun cura iel unì tëut ora de parëi, metù sun n madroz vacuum tl joler y julà te spedel.

L sport: efec speziai Per chest meis n argoment più lijier per l’istà. E apontin ades che l’é tacà la bela sajon aon più estro de se n star de fora e aon più possibilità de cerner che sport far.Se mever l’é n aiut per far front al stress, desćiarear le tenjion de duc i dis e soraldut ne ciarear endò da nef de energìa. L’é n joament donca per l corp, ma ben de segur ence per l ciaf, perché l ne deida a l sbetar canche l’é pien de cruzies e de pensieres. Se tirar fora n’ora, se regalar n moment via per l dì per far atività fisica deida a destacar la ment, a no pissar a nia o a zeche de auter. Ma vel dir ence se dar obietives, emparar zeche da nef o se miorar, cognoscer jent neva, se piajer de più fisicamenter, tirar sù l’autostima e l’umor e ge dar n scorlon a chi “stati d’animo” che ne fasc se serar da ite e pissar demò a nesc problemes de duc i dis. Le istituzion sanitare le à recognosciù l’emportanza del sport per miorar e mantegnir la sanità. L’é stat fat n’assa de enrescide olache i à podù veder coche l sport à efec su la son,

percheche l deida a relassar i muscoi e a dormir; su l’ansia, percheche se no l vegn vivù desche n auter fator de stress e l vegn fat a na vida piajegola, l ne fasc ciapar endò confidenza con nosc corp e con chele sensazion de ativazion; sun sort de deprescion lijiere, apede a la psicoterapìa e a le medejine. Canche fajon sport podon endò crear n leam con nosc corp e noscia ment e i scutar. Podon esser a contat con la natura che la ne mana na ciaria speziala, desche l’aria e la lum.Ogneun l’à da se troar fora che che ge comeda de più per coche l’é fat e che che podessa ge piajer: pel esser n sport anter ite i più cognosciui, ma ence anter ite chele bele robe che da noi le é ruade da pech, desche le discipline orientale, l yoga, l bal che vegn da fora... Donca l sport fasc viver miec, no l’é dubies! Sarah Vian, psicoterapeuta con studie a Moena www.sarahvian.it

Agenzia per ncëries publiches

Tarifes nueves de trasport

Na nterpretazion unificheda per sëurandé ncëries, sparanië scioldi y dé segurëza giuridica ie i fins prinzipei che dëssa unì arjonc metan su n’agenzia che se cruzie dla sëurandata de ncëries publiches

Da plu mënsc òven scumencià a lauré tl sistem dla tarifes dl trasport publich. La Jonta provinziela de Bulsan à ai 20 de juni dat pro l sistem nuef. L ie unì mantenì l prinzip che premieia chiche furnea deplù y sëuraprò iel mo unì udù dant reduzions per families y pendolares Trasport - Bele de fauré fova la Jonta provinziela stata a una de mëter a jì n sistem da abunamënt cun chël che n possa adurvé duc i mesuns publics de trasport tl Südtirol. Chësc unirà fat te chëla che a zapé ora vëniel trat ju l priesc da na cherta che n à dant ciarià do l prinzip de na cherta dal telefonn. “L fin dla Jonta provinziela ie chël de mutivé la jënt a adurvé deplù i mesuns publics y nce de i premië,” à dit Luis Durnwalder do la senteda dla Jonta.

Aldò di chilometri

La Jonta provinziela de Bulsan ntan na senteda de juni.

Aministrazion - La Jonta provinziela à ai 20 de juni deliberà l prinzip de mëter su na tel agenzia che dëssa vester de utl per duta l’aministrazions publiches. La basa giuridica per la ncëries y i lëures publiches ie deventeda drët cumplessa y ria da se deriejer. Chësc à purtà ala situazion che l ie plu nterpretazions y che l ne vën nia dlonch sëurandat la ncëries tla medema maniera. Cun l Cunsëi di

4

www.lauscdiladins.com

Chemuns iesen ruvei a una de cialé sce l ne se lascëssa nia mëter su na zentrela per la sëurandates y chësta pudëssa nce dé cunsulënza a d’autra istituzions publiches. La Jonta provinziela se à dat ju cun chësta problematica y à tëut la dezijion de nvië via na tel agenzia. “On nciarià l diretëur generel Hermann Berger de tò su cuntat cun la istituzions publiches y de

lauré ora n cunzet per na tel agenzia,” à dit Durnwalder do la senteda dla Jonta. L’agenzia ne dëssa nia mé vester n zënter de cunsulënza, ma la dëssa nce sëurantò l scrì ora de lëures che unissa fat a paiamënt. “A chësta maniera vëniel arjont plu segurëza iuridica, sparanià custimënc y i lëures vën nce cuordinei miec,” à dit l presidënt dla Provinzia. (ufize stampa provinziel de Südtirol)

Aldò dl cunzet dl assessëur Thomas Widmann depënd i priejes dala soma de chilometri che n furnea al ann. Per i prim 1.000 chilometri pàien 8 cent al chilometer, da 1001 a 10.000 cater cent, da 10.001 a 20.000 mé plu doi cent. “Sëura 20.000 chilometri al ann pòssen furné debant cun mesuns publics,” à dit Durnwalder.

Miëur priesc per tati y mami Da nuef iel che genitores de mutons nchin a 18 ani giapa priejes lascei do. Per i prim 1000

chilometri paia ëi mé sies cent al chilometer, nchin a 10.000 chilometri trëi cent y nchin a 20.000 chilometri, doi cent. A chësta maniera paia n genitor al plu 530 euro al ann mpede 640 euro.

Vantajes per families Families à plu vantajes. Mëndri nchin sies ani furnea defin debant. Sculeies nchin a 18 ani possa cun l Abo+ furné te duta la provinzia zënza paië. Studënc y lerneri giapa l abunamënt per dut l ann per 150 euro y śën iel mo unì lascià do la tarifes per families. Tenì cont an nce de chëi che à bele n abunamënt o na cherta per families. N auter ann ti uniràl lascià do n scialier de 500 chilometri. Chësc uel dì che i furnerà mé i prim 500 chilometri al priesc plu aut y passerà pona riesc tla categuria plu bassa. L adatamënt dla tarifes udù dant per scumenciamënt dl 2012 vën do 15 ani che l ne n’ie nia unì mudà i priejes y nianca adatei ala nflazion. “Te chësc tëmp ons perchël miurà dassënn l servisc,” sotrissea l assessëur Widmann. (ufi ze stampa provinziel de Südtirol)


Atualité

nr. 25 / 01 de messel 2011

La mostra “Ladinia” fora Dispruch Per la mostra él vegnù dé fora n bel gran catalogh a forma de liber che conta su dutes les persones y les istituzions che à daidé enjigné ca la mostra y empresté ogeć da mete fora

L cuertl dl liber che acompagneia la mostra.

Publicazions - Ai 9 de jugn 2011 él vegnù davert a Dispruch la mostra sun la Ladinia, organiseda dal “Tiroler Volkskunstmuseum” sot la direzion de Herlinde Menardi che à raijes ladines, pervia che si nene fova ampezan. Chesta mostra é per i Ladins de gran enteres y emportanza ajache al ne vegn nia gonot organisé de tel manifestazions defora dal Brenner. Da la bela mostra él da capì cie gran emportanza che Dispruch à volù ti dé ai Ladins dles Dolomites. Lafora sàn te cie situazion politica che ai viv: la tripartizion di Ladins con garanzies de souravive dret desvalives da valeda a valeda é plutost n vare adencontra a la mort che dlvers dla salveza politica! Dispruch sà da reconesce la gran emportanza che l resultat dl referendum de Souramont à per i

Ladins y per Tirol, volessa pu duc i Ladins fé pert de Tirol sciche na outa y nia demé na pert. Nos savon che Dispruch à gonot daidé studenc ladins y istituzions ladines ence soura i joufs y confins fora. Con chest desmostra Tirol sia gran simpatia per i Ladins dles Dolomites. Per la mostra él vegnù dé fora n bel gran catalogh a forma de liber che conta su dutes les persones y les istituzions che à daidé enjigné ca la mostra y empresté ogeć da mete fora. Paroles dantfora a la publicazion à scrit l diretour di “Tiroler Landesmuseen” dr. Wolfgang Meighörner; Herlinde Menardi y Karl C. Berger dl museum prejenteia la mostra - de Rainer Loose, prof. de univ. de Mannheim é la introduzion geografica - Lois Craffonara à scrit sun l ladin - Hans Goebl à traté de chertes linguistiches y dl ALD Giuvani Mischi à scrit dl ladin te gliejia - Roland Verra rejona dl ladin te scola - R. Loose rejona de mêsc y viles tla contrada ladina - Gretl Senoner à scrit dles Dolomites Moreno Kehrer dl Istitut Ladin a Col nes conta dles mineores de Fursil - Giuseppe Richebuono nes porta dant Ampez con Tirol Franco Detedesco da Fodom à scrit dla Pruma Vera ite a Fodom - Paul Videsott se damana giustizia per i trei comuns da Souramont - Karl C. Berger conta di Ladins dl Tirol - Leander Moroder informeia i letours sun les istituzions culturales dla Ladinia - Alessandro Norsa da

Milan scriv dl Atlant dles tradizions ladines dolomitiches - Fabio Chiocchetti nes prejenteia l carnescé te Fascia - Herlinde Menardi scriv sun l jì per sanc y con crousc - Leo Andergassen rejona dla costruzion di autés tla storia de Gherdeina - Rut Bernardi rejona de leteratura secreta - Ulrike Kindl conta dles lijendes dla Ladinia - Helga Dorsch informeia i letours sun la vita musicala tles valedes ladines. Dai inoms di autours di articui vedonse cie gran emportanza

che Dispruch ti à dé a chesta publicazion, scrita per todesch, talian y ladin standard. Al se trata de na plantagna de articui scric da persones competentes ladines y nia ladines che à fat de gran studes sun l ladin y i ladins. L catalogh é enscì na perla emportanta per la leteratura sun la Ladinia; l liber é da ti consié a vignun che à n puech de enteres per la Ladinia: an vegn informés sun n grum de aspec linguistics, storics, de ert, mujiga, lijendes, leteratura y politica. Na

vijita a la mostra, che é daverta fina de november, é da ti consié a vignun; ala pò vegnì lieda adum a na roda fora per Tirol. Fora Dispruch ti àl sapù de gran marevueia che l assessour ladin Florian Mussner ne à nia tout pert a la daurida dla mostra. A sia scusa d’avei bele d’autri impegns ti à cherdù puec, àl pu zenza tres dlaorela de jì a taié vetes y a festes fora per i paisc. Emplù fova l di dla daurida dla mostra sté fissé bele da giut. (Lois Trebo/ev)

Dala defileda de Tirol l ann 2009. Retrat che é da ciafè tl liber “Ladinia” dla mostra a Dispruch.

Istitut de Ladinistica La Repartizion ladina dl’Università liedia de Bulsan dëssa unì svilupeda inant Università - Te n’ancunteda danter l assessëur provinziel ladin Florian Mussner, l presidënt dl’università Konrad Bergmeister y l cuordinadëur dla Repartizion ladina Theodor Rifesser iesen stai a una n con’ dl bujën de realisé n Istitut de Ladinistica y na mëisa de descuscion per miuré la cunlaurazion cun la istituzions ladines. La despunibltà de rujené cuncretamënter co svilupé inant la Repartizion ladina dl’Università se ova ultimamënter mustrà pra l cungres n ucajion di diesc ani dla Repartizion. Nce l presidënt dl’università Konrad Bergmeister ova rujenà de svilupé inant la pert scientifica tl ciamp dla ladinistica y dl bujën de mëter su nce la strutures aldò. Per chësta rejon se à i reprejentanc dl’università chisc dis ancuntà cun l assessëur provinziel ladin. Tl’ancunteda iesen stai a una sun l bujën de mëter su n Istitut de ladinistica y nce de miuré la cunlaurazion cun la istituzions ladines tla forma de na mëisa de descuscion. „On la fertuna de avëi na repartizion ladina tla università cun nce professëures ladins, y dal’autra pert ons nce n Istitut

culturel y la Scola Ladina - à dit Mussner, perchël dëssel pra na mëisa turonda regularmënter unì jit permez a deficulteies y rujenà ora problems.“ Aldò dl presidënt dl’Uni Konrad Bergmeister dëssa la realisazion dl Istitut o dl Zënter de cumpetënza de Ladinistica tosc unì a se l dé, y chësc a pèr cun la realisazion dl Zënter per storia regiunela. „Cun la realisazion de n Istitut de Ladinistica vëniel respundù a velch che la populazion ladina se damanda bele giut,“ nsci Theodor Rifesser. Na nuvità che vën bele metuda n droa chëst ann d’autonn, ie la majera prejënza dl ladin tla furmazion dla maestres per la scolines y scoles elementeres ladines. Cun la reforma ie la furmazion di nsenianc unida auzeda a 5 ani de stude, la pert ladina y l nglëisc à śën giapà plu pëis. L respunsabl dla Repartizion ladina Theodor Rifesser à tl’ancunteda a Bulsan cun Mussner mustrà gran sudesfazion per chësta inuvazion che njënia mo miec i nsenianc per sëurantò duvieres tla scolines y scoles ladines. (ufize stampa provinziel de Südtirol)

Pra l cungres di diesc ani dla Repartizion ladina dl’Università fovel unì rujenà de la svilupé inant, śën à Mussner, Bergmeister y Rifesser rujenà inant cuncretamënter. www.lauscdiladins.com

5


Atualité

nr. 25 / 01 de messel 2011

Cater mostres de cin’ artisć L’EPL-Ert por i Ladins y l’Istitut Ladin “Micurà de Rü” é tl laur da arjigné ca indô cater mostres da d’isté tl Salf dl Istitut Ladin a San Martin de Tor. Chësc ann i tóchera a: Giovanni Rindler (Al Plan de Mareo/Vìena), Lois Rottonara ROTT (La Ila), Fernando Brunel y Rinaldo Cigolla (Fascia) y Michael Moling (San Martin de Tor)

Un di laurs grafics dl artist y grafich jonn da San Martin de Tor Michael Moling.

Ert - La colaboraziun danter l’uniun dl’ert y di artisć EPL-Ert por i Ladins y l’Istitut Ladin “Micurà de Rü” por l’organisaziun de plü mostres estives cun laurs de artisć ladins tl Istitut Ladin a San Martin de Tor va inant. Al sarà inće en chësc isté na bela ocajiun por deplü artisć da plü vals ladines da mostrè i resultać de söes inrescides, vijiuns de vita y de so impëgn, y da invié ite i amisc y i apascionà dl’ert por gnì adalerch y storje pro, y inće por s’incuntè y baraté fora idees. Les mostres de chësc isté ciafarà desco chëres dl ann passè la colaboraziun da pert dl Museum Ladin “Ćiastel de Tor” y le sostëgn da pert dla Regiun Trentin-Südtirol y Assessorat Ladin dla Provinzia de Balsan.

Giovanni Rindler

I laurs de Lois Rottonara ROTT sarà i protagonisć dla secunda mostra dl isté.

Lois Rottonara Rott publichëia na racoiüda de sü laurs. Rottonara da La Ila é conesciü lunc y lerch por söes pitöres y söes scultöres te materiai desferënć, chësc isté nes presentaral en gran pert laurs nüs. Söa mostra personala gnarà daurida ai 29 de messè y restarà da odëi ćina le lönesc ai 8 d’agost.

Da Fascia: Brunel y Cigolla Öna dles cater mostres ô i organisadus i surandè a artisć da fora dla Val Badia, chësc ann é la lita tomada sön i dui artisć fasciagn Fernando Brunel y Rinaldo Cigolla. Brunel nes mostrarà söes pitöres de natöra y contrada, intëntes cun lignes grosses y corusc stersc, Cigolla condujarà a San Martin de Tor deplü scultöres, danter chëstes inće söes rapresentaziuns dl mit

feminil. La mostra di dui artisć de Fascia sarà da odëi dal vëndres 12 d’agost al lönesc 22 d’agost.

Moling: esperimënć de stampa L’ultim apuntamënt de chësc isté espositif a San Martin de Tor i sarà metü a desposiziun al artist y grafich jonn Michael Moling. Por Moling se tràtera de söa pröma mostra personala tla Ladinia y chësta - atira bele - te so paisc da ćiasa. Moling é tl laur da arjigné na esposiziun che se metarà adöm por le mez da “design de produt” y por l’ater mez da laurs de grafica, en pert artistica y en pert convenzionala. La mostra gnarà daurida le vëndres ai 26 d’agost y jarà ćina le lönesc ai 5 de setëmber, canche al se sonarà fora chësc “cërtl de cater mostres” por chësc isté. (ir)

La pröma mostra tl Istitut Ladin a San Martin de Tor gnarà daurida en vëndres ai 15 de messè dales 17.30. Ara i tocarà al artist Giovanni (Hans) Rindler da Vìena; al metarà fora scultöres y xilografies y al nes presentarà inće söa monografia, gnüda fora dan da püch dala ćiasa edituria Folio. La mostra personala de Rindler sarà da odëi ćina al lönesc sëra ai 25 de messè 2011, vigni dé dales 10.00 ales 12.00 y dales 14.00 ales 19.00.

www.lauscdiladins.com

Stephan Ploner laora tl Sorvisc de Formaziun Val Badia, mo śëgn d’isté dëidel inće a ćiasa, söl Lüch dl Fëur sö Ju/Piculin, sié y restelè

La Usc: Stephan, sëise contënć söl lüch ch’i ëis podü mëte man da sié? Stephan Ploner: Chël scê, an é dagnora contënć sce an po mëte man. Chësc ann unse albü n’aisciöda bindebò assöta y sëćia, spo val’ edemes de mol. Co ćiarera pa fora cun le fëgn? Mah, fëgn él sigü trö’ demanco co chisc agn, deache le sorëdl à borjé fora le terac. Cun les plöies dles ultimes edemes s’àl bëgn n pü’ trat sö, mo nia da bravè. Al n’é za. le mez demanco. Chësc ann él sigü stè n ann particolar, cun la sëćia d’aisciöda. Te recordeste pa tö ćiamò agn tan sëć o é chësc stè veramënter straordinar? Dal fëgn magari nia tan, mo dô le fëgn ćina al artigöi él bëgn stè plü gonot sëch. Inće l’ann passè éra p.ej. stada insciö. Da d’aisciöda tan na gran süta ne me recordassi personalmënter nia.

La tëmpla da Ju é bindebò ërta. Tan sciafiëise pa da laurè de mascînn, tan messëise pa restelè a man? Le 90% sciafiunse da fà de Scultöra de Giovanni Rindler. (foto: pfluegl)

Rinaldo Cigolla metarà fora cun Fernando Brunel.

6

Uedli y oredles daverc sun la sozieté ladina d’aldidancuei

Te stas jö dal laûr por daidé a ćiasa. Che él pa düć sön le lüch che dëida? I sun iö, spo mi trëi fredesc, mia só y le pere y la uma.

Rott Inće la secunda mostra gnarà daurida cun na publicaziun, l’artist

Dancà y da na pert

Pitöra dl fascian Brunel.

mascînn, inće restelè, cun les mascînns aladô. Śëgn él stè n valgügn dis cun dër bun tëmp. Tan d’ores stëise pa de te’ dis alaleria a laurè sön les campagnes? Canche ara va, spo dales 7 da doman ćina da sëra. En sëra (mertesc, adr) ênse p.ej. ćiamò do les 8 por incërch. I dijess chës 12-13 ores, sce le tëmp dëida. Stephan, tö laores ia por l’ann t’ofize. Co te sara pa da stè jö dal laûr por sié y restelè. Él pa n cambiamënt plajor? Scê, al é n bel mudamënt. I mëssi bëgn dì che sc’i sun a ćiasa ch’i laori, poi veramënter destachè dal laûr. Al n’é degun pinsier che resta t’ofize. Le laûr da paur é daldöt val’ d’ater y chël fej inće bun datrai. Gonot àldon dl laûr da paur les perts manco bones, p.ej. che an é vigni dé tacà, che al é da jì a ojorè da doman y da sëra y i.i. Aste n iade damanè le pere y la uma ći che i motivëia vigni dé danü da portè inant le lüch? Concretamënter n’ài mai damanè, mo i pënsi che al sides naota la ligrëza y la pasciun y l’ester tacà ala tera chilò. I arati che chëstes cosses sides ći che i motivëia tres inant. Podesste pa tö t’imaginé n bel dé da fà le paur? (cun convinziun) Scê. (pablo)


Atualité

nr. 25 / 01 de messel 2011

Renascimënt de na opera trascurada Cun na monografia y na mostra personala post mortem tla ćiasa dla Cassa dl Sparagn “Kunst Meran” descëda l’Istitut Ladin “Micurà de Rü” y “Kunst Meran” la particolarité, l’importanza internazionala y le prestisc di laurs de Hugo Vallazza (1955 - 1997) Ert - La festa de daurida à albü deplü perts y staziuns: la proieziun dl film de Karl Prossliner “Die Farben des Hugo Vallazza” (na produziun dl Rai-Sender Bozen por ladin y todësch), la letöra fora dl diare de laur de Hugo Vallazza da pert de Markus Klammer, la vijita ala mostra y spo inće la pröma dla composiziun musicala “Doi per Hugo Vallazza” de Eduard Demetz. “Mia pitöra é zënza forma, n status spiritual. Pitöra é, é. Pitöra n’é nia otica, visuala. Pitöra é É, É, nia acontentëza estetica. Pitöra é spirit. Spirit. Ara é.” - “Nia finà ne uel nia dì nia finà, bëgnscì lascià vester, tecnicamuenter lascià, nia finà dl dut che é purtà, che porte y purteré inant (mentalmënter y spiritualmënter), nia finà.” - Chisc é pinsiers soć, metüs jö da Hugo Vallazza, tuć fora dla secuënza de so diare de laur dal 1987 ćina al 1993. L’artist proa cun parores menüdes y destantes da mëte jö y splighé por scrit ći che ert y pitöra é por ël, olache ert y pitöra dess y pò le condü. Da aldì fora él - desche an pò lì jö dai laurs de Vallazza - chë archirida de n destach complet da na forma, dai corusc y da na funziun materiala dl’ert y convenziun cun l’ert. Ala daurida a Maran él stè le

Le cuertl dl liber.

Markus Klammer li fora dl diare de laur dl artist Hugo Vallazza.

curadù dla mostra y studié d’ert Markus Klammer che à lit dant i pinsiers de Hugo Vallazza che descrì en pert inće sü iadi tla natöra, söa sëi do pascentamënt spiritual y universal por söa ert y inće söa vita. I tesć de Vallazza, che é inće da ciafè tla monografia nöia (dada fora tla ćiasa edituria Wienand) é pregnanć y soć, cunta tres na sort de sofermaziun dl contegnü desco na usc “eho de se instëssa”, al é na testemonianza de na esperiënza che é chilò y vëgn intres indô te na repetiziun che é inteletualmënter por l’artist plü n cërtl co na sortida

y soluziun. Da ascutè pro i pinsiers de Vallazza s’implëscion dla medema sensaziun che an ciafa da i ćiarè a söes pitöres.

Le film Le film de Prossliner (y l’operadù Peter Freisz) ćiara ite tla vita che Hugo Vallazza à albü. Cuntè cunta Hannes Priesch che é stè colegh de Hugo Vallazza a Vìena y é da abiné tres Skype da New York. Le fre de Hugo, Claudio, cunta dl percurs dai tëmps olache al ê studënt a chi olache al gnô spo n

maester y mistich dl corù conesciü. Anselmo Obletter, maester dla scora d’ert de Gherdëna da laora, vëiga ti laurs de Vallazza na “personalité straordinara”. Claudio Vallazza mostra tl film i laurs de so fre, al ćiara laprò y i tin sö sciöche laurs che à na na söa gran valüta.

La musiga Interessanta é stada la composiziun de Eduard Demetz “Doi”, gnüda portada dant da ël (samples) y dai dui tlarinetisć basc Roberta Gottardi y Roberto Gander.

Le toch “doi” à ciafè ispiraziun dal motif “feter maniacal” (desche Eduard Demetz dij) da rapresentè dagnora 2 elisses, 2 cërtli, 2 surasperses da corusc, 2 cuadrać, ez.. Ara döra 13 menüć. Al é na composiziun da dui strumënć dal vi y da na basa eletronica (elaboraziun: Carlo Benzi) che à laurè fora registraziuns di dui tlarinëć. I dui sonns dal vi va y variëia so tru, s’intrëcia spo intres indô cun le sonn dl sotfunz. Chësc dà fle al prinzip dla repetiziun formala y materiala. La tröpa jënt ruvada ala daurida a Maran, la maiù pert da Gherdëna, à messü gnì partida sö te dui iadi por ciafè lerch te n cërtl incër i trëi esecuturs dla musiga ia.

Le liber, la mostra

Le terzet che à portè dant la composiziun “doi”; da man dërta le componist y manajadù dl samples Eduard Demetz y i dui tlarinetisć Roberta Gottardi y Roberto Gander.

Tla mostra, la pröma grana personala dl artist, él da odëi chi 30 laurs de Hugo Vallazza sön tëra, 30 laurs sön papier y dessëgns desco inće pinsiers scrić dl artist.

La mostra de Hugo Vallazza é da odëi a Maran ćina ai 25 de setëmber 2011, dal mertesc ala domënia, dales 10.00 ales 18.00, messè y agost dales 11.00 ales 19.00. Le liber de 240 plates, ti trëi lingac todësch - talian - ladin y plëgn de reproduziuns di laurs de Hugo Vallazza y acompagné da tesć de Rut Bernardi, Erich Demetz, Arnbold Holzknecht, Markus Klammer, Walter Moroder, Hannes Priesch y Nina Schröder desco inće dal’introduziun dl diretur dl Istitut Ladin Leander Moroder, pò gnì odü y cumprè pro la mostra a Maran y sambëgn tles döes sëntes dl Istitut Ladin a San Martin de Tor y a Sëlva. (ir)

“Hugo Vallazza y si vijion estetica” Chësc ie l titul de n articul che Erich Demetz ova scrit dan passa dodesc ani, de fauré dl 1999 tla zaita Zett. Bele ntlëuta fòvel da pert de Demetz unit l nvit per na mostra y na monografia de Hugo Vallazza Ert - “Hugo Vallazza ne se à mei lascià cundiziuné dala minonghes di autri, bel achiet y zënza descuscion purtòvel inant si pitura, che cun i ani deventova for plu y plu poetica, sarëina y filosofica. Y achiet via, coche l ova vivù, se n iel jit n di, zedan al mel che per truep ani l à tenì

te si sgrinfles. Si lëur, puech nëut te Gherdëina y oradecà, resta sciche testemunianza de n gran persunaje dl’ert moderna de nosc raion. L ie da speré che n di o l auter pòssen tres na mostra, magari acumpanieda da na monografia, tò vijion dl’opra cumpleta de Hugo, na arpejon culturela dënia de vester cunesciuda

da duc chëi che ama l’ert vëira.” Nscila scrijova tl 1999 Erich Demetz n con’ de Hugo Vallazza, dijan danter l auter che Vallazza ova “bele abenëura capì che la pitura ie mé n mestier manual sciche duc i autri, sce l mancia dovia la filosofia y la spiritualità, che ie l’ana de na vijion estetica moderna, dantaldut dal

idealism tudësch incà. Ie ne sé nia tant che Hugo Vallazza posse avëi studià Kant, Hegel y dantaldut Schopenhauer o d’autri maestri dl pensier modern, segur iel che la filosofia, cun chëla che l pensova y vivova l’ert, fova colma de na spiritualità coche ie ne l’é mei plu cunesciuda pra degun auter artista

de nosc raions.” Y ala fin scrij Erich Demetz, coche bele dit: “L ie da speré che n di o l auter pòssen tres na mostra, magari acumpanieda da na monografia, tò vijion dl’opra cumpleta de Hugo.” Chësc ie śën unit a s’l dé, a Maran. (dl)

www.lauscdiladins.com

7


Viajes

nr. 25 / 01 de messel 2011

Sul Pachnes di Lefkà Ori Na spazierada sui crepes de Creta anter i doi mares

Sunsora l vulcan oriental del Pachnes.

N “zipresse” selvarech.

Viajes - L Pachnes l’é la piza più auta de la ciadena di Lefkà Ori, i crepes de la part ozidentala de l’isola de Creta. Lefkà Ori vel dir Monc Bienc, per i todesc “die Weisse Bergen”. “Lefkòs” l’é “bianch” per grech antich, enveze per l grech rejonà anché, modern, l’é “asprò”. Da chesta gran desferenza se pel veder cotant che l lengaz l’é mudà tel jir di centenees de egn. L grech l’é na rejonada veiora de mile e mile de egn, l’é la reisc de n muie de lengac dintorn l mar Mediteran e no demò. L mudament l val no demò per l grech, ma ence per de etres lengac. I Lefkà Ori l’é monc sora i 2.000 metres, l Pachnes l’é 2.453 metres, no l’é gran aut per nos ladins, ma aut percheche se l veit da dute doi le part de Creta: tant dal mar libich, costa sud de Creta, che da le coste sora la zità de Hania. Bona part de l’an l’é corì da neif, sunsora la neif la tegn en lonch, per via del fort “Ánemos”, l vent di crepes de Creta.

E apontin la voa de arjonjer chesta piza del mont corì de neif che se veit da Hania e dai paìjes de le coste de Creta la era grana. Chest an i me à dit che l’à nevet e fat catif temp ence fora per l scomenz de l’aisciuda, de marz. Soraldut envers nord l’era n muie de neif. Percors classich e più sorì per jir sul Pachnes l’é pear via dal paìsc de Anopolis, 650 metres sora l mar, te la part sud de Creta. Aldidanché Anopolis la é servida da na bela e sorida strada de 12 km. che da Chora Sfakion pea sù a tornichees su per chi costons de perons, muschies, zopees, pàbol demò per feide e ciaure. La pruma outa che é arjont Anopolis, chest bel ciadin a 650 metres sora l mar, acà i 10 egn, me à parù de ruar te n “Eden”, na sort de paradis, me saea che l temp l se aessa fermà, desche perauter te n muion de paìjes ite per i monc e le valade de Creta. Me parea de esser restà endò tel temp, ai recorc de nesc paìjes ti egn 50, canche

Fernando Brunel e sia femena Evi zacan sun ponta!

8

www.lauscdiladins.com

ere n bez. Chela strada fata sù ti egn 90 à mudà dut. L’é ruà i turisć, te chest cajo tiré dal chiet e da la natura selvara di Lefkà Ori. Sunsora l paìsc, l bosch de pins, de “zipresse” selvarech e i crepes de sas bianch, de calcare, che ge somea mìngol a nosce Dolomites.

Da Anopolis travers l bosch Anopolis l’é n paìsc de bachegn e giagres. L’é demò na taverna, na penscion per passar la not. Tel zenter del paìsc, la gejiola, la scola popolara e n piazal con te mez l monument de marmol en onor di sudé che é morc te le vere de liberazion de Creta dai Otomans. Bel e superbech l mez bust de Deskalò Ioannis Vlachoy, maester de vera, coche l vegnìa chiamà chel che à defenù la gola de Samaria dai turches. Da sera l’é n busiar de bestie che rua te stala, ciaure, beches, feide de dute le sort. Per se descedar bonora no l’é n problem: le ciampanele le sona le cinch, l’ora canche i pastres se endreza a moujer. L’é dut n beleament e n ciantar de gial. Da sera, gio e mia femena Evi, se aon provedù n paster che con so pick up l ne à tramudà n tòch inant, amàncol sunsora, olache fenesc l bosch. Aane fat fora de pear via pech dò le ot da bonora e apontin nosc trogher l’era ló sentà ju che l se beea n café e che l se fumaa n zigaret dò l’auter. L’aea tanche fenì de moujer e de portar l lat a strada. Tipich stil de om de Creta, de paster de Anopolis: ciavei neigres, barba curta e bafi spic. Regolà de neigher desche i dis de festa. L temp no l’emprometea nia da bon. E apontin endana che peaane

en su, te bosch vegn ca da dò n gran temporal, tons e saetes. Descheche l’é ruà l’é ence se n jit. Con la jeep sion rué enscin a 1.800 metres, olache l’é l secondo ciadin, na sort de mont. Ciaure e feide dut intorn. A vardar ju Anopolis, pìcole majon bience te mez l vert, pra e vidores, olache cresc de dedut. Aon traversà l bel bosch de pins, de albres de foa, da caràboles. Mìngol più en aut autres legns, na sort de “zipresse” selvarech. Più en su e più entorcolé, spenc da dute le man per se parar dal vent, dal sut e ars, i se desten béleche sul teren. Bendeché brujé jù dal veie, da le saete e dal fech. L vent ló l la fasc da patron.

L paesaje da “luna” de le boce del vulcan Da olache sion desmonté no vedeane l Pachnes ma na gran valena scura e da le man monc de tera rossicia, bie torons. Aane zirca 650 metres de dislivel, 3 bone ore da jir enscin

sun ponta. Te pech sion ló da le prume boce del vulcan oriental del Pachnes, tel scito de Amoutsarà. A cencia i gregn giarons del Trochàris, a man dreta l Dhochì. La strada é corida de neif ventada e dassen malmetuda. Somea n toal. Dut entorn n paesaje da “luna”. Bujes de le boce da fech da sacotenc egn no più ative, le fajea imprescion. Lave fossilisade neigre, fosce da folim, dut entorn perons, sasc rosc e checegn, material cot e spudà fora dal daìte de la tera. A uzar l ciaf se vedea crepes torons lavé jù da milions de egn de erojion. Magmes checegn de creida fossilisada. Fossa bel esser esperc tel ciamp vulcanich, se entenessa miec. Te noscia Dolomites l’é autramenter, i crepes vulcaniches i é enzopé ite. Dò na bona ora sion su al pas Rousiès a 2.200 metres, l’é ence ló junsot na fontanela de aga. Ló se veit la part a nord del Pachnes, béleche duta da neif.

L vulcan ozidental e la ponta del Pachnes.


Viajes

nr. 25 / 01 de messel 2011

Ciuches fossilisé.

La neif la tegn a tolech, se veit tanche l stamp di ciuzé. Per far più prest aon dezidù de jir su per la costa, su per le crepotole, nia da senester. Chiò e ló de bele zope de fiores, bosch e de pavees śai da mont.

Zacan sul Pachnes Mencia demò pech che se veit i doi mares e la costes de Creta. Ence la zità de Hania la slumenea bela biencia envers nord. I paìjes e la penìsoles de Gonias e Geroskinos. Te n amen sion sun ponta. Se fajon n bon “Iamas” con n got de “Raki”. Sion a 2.453 metres.

Envers l Pachnes.

Le boce del vulcan.

N pech dò l’é ruà n todesch, che fazilmenter aane passà via ajache no sion jic deldut dò l troi ofizial. Col canocial vardaane chiò e ló e l vial da vegnir deretorn passan per l vulcan ozidental e arjonjer l spiz del Zeranokefàla. Sun chel crep siane stac su acà n pec de egn. Tel jir en ju l’é da traversar l crep bianch, la centa biencia del Pachnes, vardan da sud. No l’é per nia senester, ma i sasc i é spic, taenc, l’é da meter vèrda, canche manco se peissa se verc n busc. E no se sà cotant fon. Se sentìa le ciampanele de le feide, a ne veder le é sciampade envers i bujes del vulcan.

Da chele mont sora i 2.200 metres, piene de cender, de bele zope de fiores pìcoi, bruns e de bronsine da mont, aon dezidù de jir a man cencia sot ju l Trochàris. A man cencia le gran boce del vulcan ozidental. L’era da traversar ence longe lenghe de neif, da meter vèrda, no se saea se ló junsot l’era bujes vec. Troi no n’era, se vedea na zopa de ciuches de albres fossilisé da miliogn e miliogn de egn. Quarz, dut che sgalizaa, se vedea i anìe e le sfesse. Lascian endò le boce del vulcan ló junsot se aon uzà sù envers la ponta del Zeranokefàla a 2.099

metres. Bela la vijion sul Girgilos e l Volakìas su la gola de Samaria envers ovest. Sot ju la costa del mar libich, Aghios Ioannis e Anopolis. Aon amò n bon tòch de troi da far. Pech ló de sot troon l troi che da Patamos rua a Anopolis. A 1.900 metres l’é na bela fontanela de aga frescia e bona da beiver. Daperdut cogoi, bujes per i pastreces de feide. Sunsora l parei del Zeranokefàla, che vel dir “ciaf, mus da fize”. “Zerano” l’é “enfizà”, “kefàla” l’é “ciaf, vis”. Te chel ambient selvare no mencia l sgolar de ague, ucìe de le gialine, de poiane. Più en bas

sgola superbech l gipeto. Traversan i bie pascoi sun sora Aghios Ioannis, n pìcol paìsc de pastres con doi gejiole. Ló rua la strada asfaltada e te doi ore sion a Anopolis, stencé ma bie contenc. Ló dal veie paìsc de Aradena se traversa la gran gola su n pont de fer, 200 metres de vet sot ite. Ju per la gola se veit la strada a tornichees per mui e musciac. L paìsc de Aradena l’é stat arbandonà ti egn 50 e 60. Na sp a z ierada long ia , enteressanta te n ambient maraveous e selvare. Fernando Brunel

L veie paìsc de Aradena, arbandonà, sot la ciadena di Lefkà Ori. www.lauscdiladins.com

9


Atualité

nr. 25 / 01 de messel 2011

Projet “No water, no life” L’emportanza di microinvertebré tel monitoraje di ruves de èga: l cajo de la Veisc Enrescida - Da pech l’é stat la premiazion di venjidores del concors endrezà da la sociazion Fassa Lux tel projet “No water, no life” che à tout ite i bec de la scola autes de Fascia te l’an de scola giusta fenì. I bec del liceo à cognù se sproèr te na enrescida su l’èga, più avisa su l’entesseament de la Veisc. Per i bec l’é stat na gran emozion e n gran ensegnament tor pèrt a chest projet, ajache l’é stat n arvejinament a la pratega de chel che se studia a scola e soraldut n moment formatif e de grop, olache se à vedù che chel che conta l’é apontin troèr na vida giusta acioche dut sie spartì delvers. Dò la fasa sperimentala de soralech a Mazin e a Poza, i bec é jic te clasc, i à analisà che che i aea troà, e da aló la enrescida la é stata ogne moment più enteressanta. Per la pèrt de enrescida i studenc i é stac didé da la professora Bottarin de l’Eurac de Busan e per la valutazion di doi projec enveze l’é stat domanà l didament de l’enjegner Roberto Bertoldi de l’Agenzìa Provinzièla per l’Energìa de la Provinzia de Trent e de la dotora Chiara Defrancesco de l’Agenzìa Provinzièla per la Protezion de l’Ambient (A.P.P.A.) che dò aer let duc doi i tesć i à decretà venjidores i studenc de la clas 4LSA del Liceo Scientifich-Linguistich de la Scola de Fascia. Publicon chiò l’enrescida che à vent l concors, con chela che chest projet posse esser da stimol a duc i joegn de noscia valèdes.

Introduzion I microinvertebré l’é pìcoi organismes vivenc che se veit a eie nut, che stèsc sul sedim de ruves, su la foes, sui muschies e su la alghes che se troa te l’èga. Chisc pìcoi animai l’é componenc essenzièi de la cedena alimentara e l’é ence bioindicatores emportanc, ajache i moscia sobito se l’é squilibries creé da l’entesseament de n ruf. Per entesseament idrich se enten l mudament di ecosistemes che à desche component de basa l’èga. L’é caujà da n muie de fatores desferenc, desche la imiscions diretes e indiretes de ativitèdes industrièles o de la azions umènes da ogne dì (desche la èga neigres) che rua ti ruves, ti leghes e mères di gregn zentres urbans zenza aer passà fora n giust tratament. L’èga, te na condizion normala, la é bona de se neteèr fora enstessa de gra a na spezifica cantità de ossìgen delegà che l muda la sostanzes te materièi composć che no entesseea (desche

l’anidride carbonica, i nitrac, i fosfac, i solfac). Se l’ossìgen delegà te l’èga no l’é assà per ossidèr duta la sostanzes entesseèdes che l’é ite te l’èga, vegn a se formèr prodoc desche l metan, l’amoniaca, la fosfina –PH3-, l’acido solfidrich, che fèsc sparir ogne forma de vita te l’èga. Per schivèr n entesseament spropojità de la ressorses idriches, la provinzies de Trent e de Busan les monitorea a dò a dò i ruves de la region (aldò del Decret legislatif 152/1999). L’esistenza de na rei svilupèda de monitoraje che cour la maor pèrt del teritorie, dèsc l met de aer na gran cantità de dac relatives ai parametres de basa de la calità de l’èga e de ruèr a dèr na valutazion su la calità di corpes idrics de la region. L zil de l’analisa portèda dant dai studenc de la 4 LSA del Liceo de Poza l’é stat chel de controlèr la condizions e la carateristiches de la Veisc.

Area de studie La Veisc l’é n ruf del Trentin, n afluent de l’Adesc, lonch 88 chilometres, che te sie percors l tol ite n muie de ruves che vegn jù dai desvalives teritories che l passa fora. Chest ruf l nasc da la Marmolèda e l passa fora la val de Fascia, la val de Fiem e la val de Cembra. Per controlèr la calità biologica de la èghes del ruf l’é stat fat doi campionamenc te Fascia, più avisa un a Mazin e un a Poza. La condizions de la pruma stazion, chela più a nord, les é otimales per l mantegniment de na bona calità de l’èga ajache se trata de n passaje naturèl del ruf che no prejenta n muie de intervenc artifizièi, percheche l’é te mez a la natura. L’autra stazion enveze se troa te mez a n passaje del dut urbanisà olache no l’é n muie de vegetazion. Più avisa la posizion de la doi zones la é zentrèla anter i doi depuratores (un a Ciampedel e un a Poza) che serf i presciapech 9.600 sentadins de Fascia.

Percorsc e materièi I campionamenc é stac fac d’invern e te l’arees toutes a ejam se à troà ence toc de giacia. La arees apede via i campionamenc é states studièdes ence aldò de la indicazions de n chestionèr (Indesc de Funzionalità Fluviala), per poder controlèr contant che l’om posse alterèr, tras l’entesseament e l mudament de l’alveis del ruf e de la parèdes, l’autodepurazion de l’èga.

Per controlèr la distribuzion granulometrica di sedimenc de l’èga, con na corda metrica longia 8 metres, l’é stat segnà fora l’estenjion de l’area enteressèda a la mesurazion. Dapò l’é stat vardà fora e segnà sù la composizion de l’alveis del ruf su la basa de la dimenjion di desvalives sedimenc troé. Per l’analisa del macrobenthos l criterie durà l’é stat l campionament multihabitat con rei de Surber; pojèda la rei al sedim del ruf, l’é stat grazà a na vida che i macroorganismes i vegne sposté dal filon de l’èga e mené te n contegnidor metù a la fin de la rei. Chest prozess l’é stat fat diesc oute, vardan de mudèr la tipologìa del sedim. Dapò i organismes é stac porté te laboratorie, al scomenz i é stac spartii su la basa de la conformazion fisica e dò i é stac classifiché al microscopie, tiran fora la sorts o la familia. Dò da chest i é stac dombré, fajan na stima del numer de taxa che passèa le 100 unità. Tinùltima l’é stat rejonà de la doura di desvalives taxa e l’é stat coscita mesurà “l’Indice Biotico Esteso”.

Resultac e discuscion Da l’analisa di sedimenc de la doi arees se pel aer confermes e incongruenzes. Te la pruma stazion l’é stat troà soraldut sedimenc de pìcola dimenjion, anter 1 e 4 zentimetres, enveze te la seconda stazion chisc sedimenc mesurèa dai 8 ai 10 cm. o adertura de più. Donca te la pruma stazion l’é n livel de funzionalità “bon”, enveze la seconda se califica te na condizion “mediocre”, anter 3° e l 4° livel. Chisc l’é i gropes trofics troé te la doi arees de campionament: SH: shredders, i sfregolea la partizeles organiches più granes. SC: scrapers, i graza la sostanza organica de l’alveis sot èga. FF: filter feeders, i filtra la partizeles da la colona d’èga. DF: deposit feeders, i filtra la partizeles anter i sedimenc. PR: predators, i se pascentea de un o più gropes che aon dit dant. Ejaminé i macroorganismes l’é stat troà desvaliva families: Plecotteri, Tricotteri, Efemerotteri, Dittari, Tricladi e Oligocheti; chesta families dapò é states spartides te gropes con desvaliva funzions. Te la pruma stazion, più del 50% di macroinvertebré i fèsc pèrt di shredders e di scrapers. Enveze, descheche vegn dit ence te la teorìa de Corkum, te la pèrt più bassa del ruf troon per la maor pèrt microorganismes de la familia di

Pìcola rubrica de informazion culturèla

Fanes. La lejenda del Ream perdù

L liber e l dvd su la lejenda del Ream de Fanes, dac fora da l’Istitut Ladin de Fascia en coedizion con la Giunti.

Ence chesta setemèna che vegn, l “Cianton de l’Istitut” portarà dant su “Tele Minoranze Linguistiche” l film de animazion che conta la lejendes de Fanes, tout fora dal liber de Bruna Maria Dallago Veneri “L Ream di Fanes”, coi bie dessegnes de Fabio Visintin. Chest liber, publicà da l’Istitut Ladin en coedizion con Giunti Progetti da Firenze, l’era vegnù fora del 2008 compagnà da n CD de musega originèla de la ciantarina badiota Susy Rottonara, la medema musega che viventea l film de “fiction” metù adum da Roland Verra, Hans Peter Carbon e la medema Susy Rottonara te la viesta de la prinzessa Dolasila, olache aea tout pèrt ence n bon dotrei fascegn: n film che à abù de bie recognoscimenc e che à adertura avent pesć de gran nonzech a livel internazionèl. Dut chest deposit feeders. Te la pruma stazion l’é stat dapò troà n numer maor de organismes respet a la seconda, che ampò la moscia n taxa più aut. L’Indice Biotico Esteso (I.B.E.) l’é n indesc durà per controlèr duta la calità de l’ambient de l’èga. L se basa su la desvaliva sensibilità ai fatores entesseanc de vèlch grop faunistich e su la desvalivanza biologica che l’é te la comunanza di macroinvertebré bentonics. Ti doi caji touc a ejam, su la basa del numer di taxa troé e duran la tabela del calcol de l’IBE, l’é stat troà la calità complessiva de l’ambient de l’èga ejaminà. Più avisa l’é stat arjont l livel 8-9 relatif a la clas 2 su 5

I studenc de la 4LSA te la Veisc a la stazion 2 de Poza con l strument per tor sù materièl da l’alveis del ruf. Te laboratorie a scola i à analisà i componenc microinvertebré per entener la calità de l’èga de noscia Veisc.

10

www.lauscdiladins.com

per dir che amò anchecondì la lejendes de la Dolomites, e soraldut la stories de Fanes, à l poder de soscedèr la fantasìa e la creatività de artisć, scritores e musizisć: lejendes che vegn cà da l’ènema più fona del popul ladin e da l’ambient unich e maraveous de la Dolomites, n muie aprijièdes te dut l mond, ma fosc anchecondì amò pech cognosciudes da noscia jent. L DVD dat fora da l’Istitut porta dant la stories de la prinzessa Dolasila, del verier Ey de Net e del strion Spina de Mul a na vida n muie piajegola e sorida, con test contà per ladin, ma ence per talian, ingleis e todesch: donca n prodot cultural pissà dant da dut per la scoles, ma n muie adatà ence per ge fèr cognoscer noscia cultura ai foresć che vegn da foradecà. Te la trasmiscion podaron scutèr ence l’Autora del test, Bruna Maria Dallago Veneri, e la professora Ulrike Kindl, esperta studiousa de tradizions populères e mascimamenter de l’opera de Karl Felix Wolff, che al scomenz del Nefcent à binà sù e lurà fora la lejendes de la Dolomites. Oraries (orientatives) de “L cianton de l’Istitut” su TML: de lunesc da les 15.45 de mèrtesc da les 18.15 de mércol da les 22.15 de jebia da les 20.15 de vender da les 11.30 de sàbeda da les 18.15 de domenia da les 21.00 (chest’ùltima la raprejenta l livel più aut de entesseament) che vel dir “Ambient con sintomes moderé de alterazion”.

Conclujion Da l’ùltima analisa di dac ejaminé te duta doi la stazions l’é stat troà che la Veisc la é te na bona condizion. Ampò la prejenza de alghes (che no les é d’aisciuda e d’uton) moscia che d’invern, canche te Fascia l’é n gran numer de ghesć, vegn molà fora na gran cantità de nitrac e fosfac. Per nosc cont l funzionament di doi impianc de depurazion l rua al colm de lurier tel temp de sajon auta. Chesta teorìa cognessa ampò esser confermèda da la analisa chimichfisica, che te chesta enrescida no la é stata fata. Al scomenz de chest percors no se cherdea che sie invertebré sconec junfon al ruf e che i aesse na pèrt scì emportanta per l’autodepurazion. L’é stat maraveous veder na cantità scì grana de chisc organismes, ogneun con na sia funzion prezisa daìte de l’ecosistem. Se i campionamenc fossa stac fac via per d’istà, fazile assane troà n numer maor e desvalif de organismes, ajache la condizions climatiches fossa states miores per i microrganismes.


nr. 25 / 01 de messel 2011

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Scizeri y Cunsëi de Pluania Polemica per l stlupeté de salut pra la festes de dlieja: I Scizeri de Urtijëi critichea la dezijion dl Cunsëi de Pluania

I Scizeri de Urtijëi.

Urtijëi - „Do na ancunteda costrutiva cun Sn. Pluan Vijo Pitscheider fova la Cumpania di Scizeri de Urtijëi dla minonga che l stlupeté de salut (che ie la majera forma de uneré Chël Bel Die aldò dla tradizion dl Tirol) pra festes de dlieja, coche pra la pruzescion de Juebia dai Andli, fossa zeche che toca leprò,“ scrij i Scizeri de Urtijëi te na si tëuta de posizion, dijan inant che „stlupeté a salve ie n vedl simbul de pesc, da coche l vën nce ora dal dit: „Per té ne n’iel mei munizion te stlop. Ie

Ntan la pruzescion.

vënie da té y ue te ancunté coche cumpani!“ Ai 18 de auril dl 2002, canche i Scizeri dl Bayern ova stlupetà a salve tl Vatican n unëur dl Cardinal Joseph Ratzinger, Papa al didancuei, ova ël rujenà te na maniera esplizita de na esplujion de legrëza y nia de n at de viera.“ Tan inant la paroles danora di Scizeri de Urtijëi, che à cun si gran desplajëi messù tenì cont dla dezijion dl Cunsëi de Pluania de Urtijëi, che à te si senteda ai 2 de mei de chëst ann, cun na dezijion che jiva dut de n auter viers: „L

Cunsëi de Pluania ti l’à raideda autramënter a Sn. Pluan, ti fajan mudé minonga, dijan nscila de no al stlupeté pra la festes de dlieja. La mutivazion fova: „Stlupeté desturba la pruzescion, ëiles y mutons scumëncia a svaië massa adaut. Stlupetà pra festes de dlieja dëssel unì te luesc desman dl Burgraviat – o zënza ulache l viv mo l tirolertum.“ I Scizeri ne la tol nia su bën, udan tl cumpurtamënt dl Cunsëi de Pluania belau la mascima latina

de Errare humanum est, perseverare diabolicum, ajache „bele dai ani,“ scrij i Scizeri, „ulova l Cunsëi de Pluania che la Mujiga de Urtijëi ne sunëssa nia plu „Großer Gott wir loben Dich“, ma per fertuna à la Mujiga de Urtijëi mantenì la tradizion. Sun na tela se damanda i Scizeri bën, sce chësta ciantia univa ntlëuta ënghe ududa coche desturb dla pruzescion, o sce l fova d’autri pensieres dovia, coche povester nce pra la dezijion negativa che ie unida tëuta da permò?“

Ala fin scrij i Scizeri che l ti „sà da muië che l Cunsëi de Pluania ne à al didancuei nia la ulentà de ti lascé la drëta lerch ala tradizions y usanzes de dlieja. Tan giut possa pa mo i Destudafuech, la Mujiga, i Scizeri y l Cor de Dlieja coche nce d’autra lies uneré l Seniëur n ucajion de festes de dlieja, sce l ne ti vën nia plu dat valuta ala tradizion y ala usanzes, udan dut chësc mé coche folclor?“ se damanda i Scizeri de Urtijëi. David Lardschneider

Festa di setant’ani

Gherdëina da record te TV

Na bela cumpëida de nasciui dl 1941 de Sëlva y S. Cristina se à abinà ai 12 de mei per fé la festa dl ann

Numeri televijifs da record per la Copa dl Mond te Gherdëina

Festes - Do avëi fat deberieda a S. Cristina na bela fotografia che njunton pro pra chësc articul tla USC, sons furnei a Neustift ulache nes aspitova Sn. Heinrich Perathoner da Linacia, che ie pluan a La Pli de Mareo. Tla beliscima dlieja de Neustift ons sentì gra de dut chël che on pudù avëi y fé te chisc 70 ani de vita y on lecurdà chëi de nosc ann che ne n’ie purtruep nia plu pra nëus. Son

pona furnei inant de viers de Schwaz tl Tirol, ulache on vijità la mineres de arjënt “Silberbergwerk” cun n acumpaniadëur che nes à menà y cuntà dant per doi ëura dla vita y dl lëur te chësta minera. Do chësc se ans propi merità na bona marënda, dan pië inò de viers de cësa. A Tluses sons sambën tlamei y pona nes aspitòvel mo a Urtijëi na cëina drët bona, mpue’ de mujiga y de bona ueia. Nscila

ons finà via chësta nosta bela festa. Ajache l nes ie mo restà mpue’ de scioldi te cassa ons pensà de i tò ca per ti dé na dunfierta ala Lia de sustëni contra la malatia dl crëibes de Südtirol. Y ajache l nes à sapù tan bel deberieda ulons jì de utober a Laion a törggelen. Speron de vester inò na bela cumpëida. Nando Mussner da Costa

Te televijion de bon resultac per la garejedes de Copa dl Mond.

Foto de grupa pra la festa di setant’ani de Sëlva y Santa Cristina.

Copa Mond - La Copa dl Mond de Gherdëina à l ann passà arjont zifres da record tla trasmiscion televijiva. Coche l vën testemunià dal raport de audience dl’agentura televijiva svizra „Infront Sports & Media“, à l ann passà d’inviern bën 184 milions de spetadëures de dut l mond cialà pro pra la garejedes de super-G y de libra te Gherdëina, permez ai 112 milions dl ann dant. La trasmiscions dla doi garejedes, spartides su te diretes, magazine, nutizieres sportifs y globei, à durà de ndut 76,2 ëura, permez ala 63

ëura dl ann dant, cun n share mesan dl 18,35%. La majera fëta dl marcià televijif ie stata tla Croazia cun l 39% de share. L vën do la Norvegia y l’Austria cun l 38%, la Slovenia cun l 24%, la Franzia cun l 15%, i Paejes Tudësc cun l 13%, la Svizra cun l 12% y la Talia cun l 9%. La proscima garejedes de Copa dl Mond te Gherdëina sarà ai 16 y ai 17 de dezëmber 2011. Gernot Mussner Chief Information Officer www.lauscdiladins.com

11


Gherdëina

nr. 25 / 01 de messel 2011

Festival de Belsy te Sëlva Na gran fola de jënt à mplenì n sada sëira la plaza de Chemun de Sëlva. Belsy à ciantà deberieda cun Florian Festl. Plata d’or

Belsy.

Spetadëures dal Bangladesh pra l Belsy-Festival.

Mujiga - Zeche ie for inò nteressant, pra Belsy. Tan “normala”, tan dala man, nce datrai mpue’ scianierta che la semea te n prim mumënt, tan plu te “atëura da palch” se tramùdela canche la fej l prim var, ora dan si publich, per cianté si cianties che l’à fata cunëscer te dut l raion tudësch. Belsy ie na star, per coche la sà da cianté, da se muever, da tré pea la jënt cun si maniera de fé da ulëi bon. Nscila nce pra l Belsy Festival, bele te si cuinta edizion, n sada dan otodì te Sëlva. Ala fin fòvel tan che duc che ciantova pea si cianties, tacan ite y se muvan tl ritm, per na manifestazion che resterà giut te si lecort. La mujiga ie chëla lesiera-populera, y l ne n’ie per nia a ulëi jì ite tl puritanejim dla mujiga, de cieche ie bel y de cieche ie drët. Belsy plej, la mujiga de Belsy plej, per si meludies y per si vester bona de tì dé n mumënt de legrëza ai truep pasciunei, coche n sada te Sëlva. Unit adalerch iel truep fans, 800 persones, de ndut, dal’Austria y dai Paejes Tudësc, ma nce dal Belgio, dala Danimarca, Olanda, Finlandia y dal Bangladesh, y sambën da dut Südtirol y dala valedes ladines. La Lia dl Turism de Sëlva se à cuzià dla logistica,

dantaldut dl’urganisazion dla chertes de ntreda. I Destudafuech de Sëlva cun a cë l cumandant Josef Perathoner se à cruzià de njenië ca dut cant sun plaza, mëises y banc y sambën l servisc de cësadafuech cun spëisa tipica y n bon got.

“Per uni gusto zeche” Scumencià àn bele dala sies da sëira, cun i Südtiroler Spitzbuam, Rudy Giovannini y l Alpentrio Tirol, che à sciaudà ite coche l toca per la ntraunida tan aspiteda, chëla de pudëi scuté su Belsy, sun plaza de si paesc. Ntan la sëira à la Grupa de Bal populer Sëlva - S. Cristina mustrà de biei bai, cie che fej for na beliscima paruda, coche n generel i biei guanc dala gherdëina dla Lia de Sëlva prejënta cun truep cumëmbri per l’ucajion. Sambën à Belsy nce ciantà cun si cumpani Florian Festl, per la gran legrëza de duc i prejënc. Ntan l cunzert iel pona stat la surpreja. A Belsy ti iel unì sëurandat la plata d’or per l gran suzes de si ultimo album “I hon di gern”. Belsy: “Da coche é audì ora dal cuntat cun la jënt ti àl a duc sapù bel, ajache l fova grupes y mujiga per uni gusto. Nce la cianties

I Destudafuech se à cruzià dl maië y dl bever.

12

www.lauscdiladins.com

nueves che é tëut su deberieda cun Florian à plajù. Butà àla nce n vënderdi, ulache bën 180 ie unic pea sa mont, per sté mpue’ n cumpania duc deberieda, danter nosta bela montes dla Dolomites. Coche uni ann iel per mé na gran emuzion a pudëi cianté pra l Festival; l ie zeche d’extra sce l ie n festival cun ti inuem, y mo te ti luech! L ie dal’autra pert n gran mpëni a mëter a jì dut a puntin, y uni ann canche l ie passà sons nce cuntënta che dut à butà. Uni ann purvons a mëter a jì zeche de nuef y de bel, per na bela sëira n cumpania che udon coche piteda s ë u r ap rò tl c h e d e r d l a manifestazions de mujiga te Gherdëina,” dij Belsy, che tol l’ucajion de rengrazië nce tres la USC duc canc che à judà pea, la lies y duc i ulenteres y sambën si pere y si oma. Raimund Demetz, pere de Belsy, s’la rijova sciche n surëdl, ala fin dla festa, do mesanuet, canche dut ova butà. L ie dantaldut ël che ie a cë de duta la mascineria de urganisazion dl Festival. Ala dumanda sce la va pa n vacanza dij Belsy che chël ie per ëila a pudëi sté n valgun dis a cësa, chisc dis passei. Te chësc fin dl’ena

De blòta jëunes ne manciòvel, pra la festa!

Belsy y Florian deberieda.

iela bele inò mpenieda, tl Europapark a Rust pra la trasmiscion “Immer wieder Sonntag” da udëi tl ARD dala diesc danmesdì inant.

La mëisa dl fan club dl’autoriteies.

Y zeche ie segur: se ncunferton bele sun l proscimo Belsy-Festival te Sëlva! David Lardschneider


Gherdëina

nr. 25 / 01 de messel 2011

Cun la roda nchin te Sizilia Da Napoli a Palermo, de un n viers: jita cun la roda tacan adum la doi ziteies plu mpurtantes dla Talia dl Sud

La grupa de chëi dala roda. Mpe da man ciancia: Dieter, Markus, Ivo, Klaus, Reinhold y Aki. Sentei da man ciancia: Oswald, Luca, Lukas y Elmar.

Jites - Canche l’ansciuda stënta te Gherdëina a se fé udëi, y la ueia de jì sun roda ie bele da n pez tlo, pona ne réstel pa auter che se n jì te luesc plu ciauc. Ruvei a Napoli per marënda n chël vënderdi ai 27 de mei y do avëi udù sun l fonin la fotos che la fenans ova mandà, che mustrova tan de nëif che l ova fat dan porta de cësa, nes savòvel

a nëus mo plu bel a pudëi pië via cun n bel ciaut su per la stredes che ruva suinsom dl Vesuvio.

Tl hinterland napoletan y ju per la costa Nosta solita tour da d’ansciuda nes à chëst ann purtà tl Meridion, ulache mer y monce crëps ie da

Da marënda ne dassòvel nia mancé n taier de pasta..., nia tan muele ulache la univa servida.

udëi cun una na udleda. Sambën ons inò cris ora la stredes manco trafichedes y plu salveres, coche l Monte Faito amesa la penijula Sorrentina, y passan sambën nce per luesc cunesciui coche Positano y Amalfi. Ma dant fòvel da passé duta la ziteies dl hinterland napoletan: Ercolano, Torre del Greco, Torre Annunziata,

Castellamare di Stabia. Dut una na zità, cun jënt y auti che vën da duta la pertes, da man ciancia, da man drëta, che sona doite, cossa scialdi de marueia per nëus che ne son nia usei a na tel confujion. De biei luesc n ons udù assé, pedalan ju per la costa: Acciaroli, Pizzo Calabro, Tropea. Sambën jans for inò ite per la montes di Appenins Calabro-Lucans, cun si Parcs Naziunei dl Pollino y dla Sila. L mëns de mei ie dessegur l plu garatà per jì te chisc luesc, dut n flëura y da culëures de marueia!

“A muntagna” Di per di fajans na mesaria de 150 km. Son pona ruvei tla Sizilia, ulache l nes aspitova te duta si grandëza „a muntagna“, coche la vën tlo numineda: l Etna. Su per l vulcan plu aut dl’Europa pòssen jì da plu ziteies demez, ma davia che l Giro d’Italia ie iusta stat tlo ai prims de mei, ulans da bon zitlisć nce nëus fé la medema raida di profis; prim tòch suvier da Linguaglossa nchin sa la utia Piano Provengano (19 km per 1.250 m

La cherta dl percurs che la grupa de Gherdëina à fat cun la roda.

de deslivel). Ju a Zafferana Etnea y Nicolosi, ulache la jiva inò suvier nchin sa la utia Sapienza (mo 19 km dut mé suvier nchin ai 1.910 metri d’autëza).

Sbujà nianca no n iede, te 1.200 km! Chësc viac fina via per la Costa Setentriunela dla Sizilia, passan per l bel luech de Cefalù y puec chilometri do la zità degradeda de Termini Imerese, ulache l vën ora duta la miseria de chiche muessa defënder si ejistënza te si post de lëur. Ruvei a Palermo sons jic su sun traghetto che nes à menà de reviers a Napoli, ulache an lascià l auto per furné de reviers a cësa. Inò n viac che à drët butà, cun deguni che ne se à fat mel, nianca no un n pòc sun diesc rodes per 1.200 chilometri de streda fata. Y ala proscima…, son bele śën tl lëur de pensé ulache la jirà n auter ann d’ansciuda! Lukas Costa

Pur de la scurté vàn nce ora per giarons... www.lauscdiladins.com

13


Gherdëina

nr. 25 / 01 de messel 2011

Sentì l tof dl vënt Plu garateda ne ëssela pudù vester, la giaurida dla mostra de Wilhelm Senoner sun Resciesa, cun l vënt che à propi n chël di lascià sentì dassënn si tof, ma nce si gran forza

La mostra Wilhelm Senoner à metù ora set scultures de bront che sarà da  udëi sun la mont de Resciesa mo nchin a mez utober L scultëur Wilhelm Senoner, nasciù tl 1946 a Urtijëi ulache l viv y lëura, prejënta te na nstalazion drët garateda set scultures de bront de 170 cm sun Resciesa: ël contravënt, ël

cun julon, ël che pënsa, ëila che aspieta, ël cun zigara, ëila tl vënt, ël sun troi. La mostra sun i ëures de Resciesa sëura la utia de Resciesa su ie da udëi nchin ai 18 de utober. (dl)

N ucajion dla giaurida dla mostra de Wilhelm Senoner sun Resciesa.

Ert - Bel y bur’ tëmp ie relatif. N sada ai 18 de juni domesdì ne fòvel nia propi n tëmp che vën de regula udù coche bel. L fova asniblà, l manaciova la plueia. L fossa stat bur’ tëmp, dijëssen. Ntantsce fòvel n bel di, ajache adatà per la mostra de Wilhelm Senoner dal titul “Tl tof dl vënt”. L nibl muova su per i ëures, aslune, mudan y stramudan tresora forma, cumpanian su i vijitadëures sun i ëures de Resciesa, n cheder naturel che jiva ite tl sureél, giaurian l liber dla truepa lijëndes dla Dolomites, che conta de cuntreda, ma dantaldut de jënt.

La persona Y propi la persona ie tl zënter dla tematica dla mostra de Senoner: “La persona vën metuda te na posizion de spetadëur te na lerch che la ne n’à nia crià, te situazions

che la porta ai cunfins cun sé nstëssa. I cunfins ie dac dala esperienza dla persona. Tlo tol la persona la dezijion sce jì inant o de reviers. Tlo iel la curiusità dla persona sce l ie mo zeche do la linia dla sëida. La persona se à fat sie l crià y perchël àla nce la respunsabltà de chësc. L’ert devënta n pensier naturel,” coche dij Leo Andergassen, diretëur dla repartizion provinziela di Bëns Culturei.

L vënt L vënt dajova resposta a dut chësc, n sada ai 18 de juni. L vënt se lasciova sentì, se lasciova tufé, draman ite cun gran forza, tan che i vijitadëures messova se stizé, ti tenì permez ala forza dla natura. Iló sun i ëures de Resciesa manacioves de unì tëut y tres, dal gran vënt. Te chësc palch, cun la

Wilhelm y Claudia Senoner, deberieda cun l ambolt Ewald Moroder.

14

www.lauscdiladins.com

trama scrita dal vënt, se abinova l artista Wilhelm Senoner y si fëna Claudia, che ova metù a jì la mostra, ma nce truepa autoriteies, coche l ambolt y l ex ambolt de Urtijëi Ewald Moroder y Konrad Piazza, l assessëur provinziel Florian Mussner, l’assessëura de Chemun Lara Moroder, Leo Andergassen y trueps d’autri. L’autoriteies à abù paroles de rengraziamënt y de lauda per la manifestazion. Scebën che l ie da dì che l vënt suflova tan dassënn, che n audiva mé l mez, de chël che l univa dit, y chël iusta mé sce n jiva via n valgun metri daujin a chiche rujenova.

Sëura moral y moralità ora Propi sciche sce l vënt ëssa ulù dì che nia la parola ne vel, ma la figura dla persona, si pensieres plu

Vënt, nibles y nibl: na figura de Wilhelm Senoner sun Resciesa, cun udera de viers de Funes.

soc, si vester, ala fin dla finedes for desnut, te na anzestralità che tol y tres dut l guant dla vita moderna, dla tecnologia, dla reflescions filosofiches y religëuses plu sotes che uel cunté y spieghé cieche la persona ie, cieche nëus son. La figures de Wilhelm Senoner ie iló, da sëules, che crësc su dala natura y dala cuntreda de Resciesa y dla Dolomites, che viv cun y tla natura, deberieda, ma nce da sëules, nscila coche les ie, no

N’opra de Senoner.

miëures y no pieces, ma mpo fates ite te n’aura devina, ajache la persona à - y chël for - si valor, che va sëura moral y moralità ora, la persona che vën purteda dala realtà suvënz crua dl mond, l’aspera, tres ëila y da ëila demez, su pra la stëiles, ad astera, ite tl ciel, sentan su sun la ferata dl vënt, che sburdla y juda, a tumé y pona a jì ite tl plu sot de nëus, tla lum de nosta cuntentëza. David Lardschneider


Gherdëina

nr. 25 / 01 de messel 2011

Fibres otiches a Urtijëi

Mudazion tl Servisc Soziel

Trëdesc lëures y nvestimënc per 3,4 milions de euro cumporta la rë de fibres otiches che unirà metuda ju tl raion Salten-Scilier

A mez juni ie la respunsabla dl Servisc Soziel, Martina Comploi jita n maternità. Erna Mussner respunsabla pro tempore

Internet - „L ie n gran custimënt, ma i vantajes per l raion ie mo majeri,“ dij l assessëur provinziel Florian Mussner, cunscidran che raions zënza internet aslune ne puderà tosc nia plu tenì l var sun l marcià. Un de chisc lëures vën nce fat a Urtijëi. Tl Südtirol iel bele na gran cumpëida de luesc ulache n possa se taché ite al internet aslune sun banda lergia, na situazion che ne n’ie zënza nia data ti luesc da mont. Chësc cunliamënt vën te plu luesc mo pità via ondes radio, che ne va nia tan bën y che vën cundiziunà dala situazions meteorologiches. Per chësta rejon se à la Jonta provinziela tëut dant nchin tl 2013 de taché ite duc i chemuns ala rë de fibres otiches. „La fibres otiches se desferenzieia da d’autra tecnologies ajache les garantësc de bon cunliamënc, ie lesieres, se lascia storjer y ne se lascia nia cundiziuné da dedora,“ spiega Mussner. L sëul desvantaje ie che l ie n gran lëur y n lëur cër a mëter ju chisc cabli. Purempò lascia la Jonta provinziela fé i cunliamënc dala linies prinzipeles tla gran valedes ala valedes da na pert ora, nchin ti luesc. Da dedò pòssel unì tacà ite cëses de chemun, zëntri de

Servisc soziel - I cunlauradëures ti mbincia dut l bon per l daunì a Martina Comploi. Erna Mussner sëurantol te chësc tëmp che Comploi ie n maternità l lëur da respunsabla y sarà de referimënt per la cumenanza per chël che à da n fé cun i Servijes Soziei de Gherdëina. Erna Mussner ie nteresseda a tenì inant na bona cunlaurazion cun i respunsabli di autri servijes, de istituzions y strutures che ie tl Raion SaltenScilier. L mpëni va dl viers de tenì su n bon cuntat cun la lies sozieles y de ulentariat tla val, cialan de mëter a jì vel’ proiet deberieda. La mira dl Servisc Soziel ie de pité cunsulënza y servijes che ie boni de ti dé na resposta a persones che viv te na situazion problematica y nsci de svilupé na sozietà davierta ai bujëns soziei. Per l Servisc Soziel: Mussner

Fibres otiches tl raion Salten-Scilier y nce a Urtijëi.

sanità, scoles, ufizies raionei, servijes de prim aiut, cëses cultureles, biblioteches y stazions de spartizion. N majer program de lëures iel unì udù dant per l raion SaltenScilier. Dantaprima muessel unì njenià la roles uetes y pona te n segondo lëur uniràl trat tres i cabli. La preparazion ie danter l auter bele unida fata danter Sëuc y Ciastel (271.000 euro), da Fie a

Sëuc iesen nchin de agost tl lëur de fé i lëures (654.000 euro). De lugio iel udù dant te tré ite i cabli de fibra otica danter l’autostreda y Ciastel (144.000 euro). Danter Runcadic y Urtijëi iel udù dant de mëter ju cunliamënc nueves per n custimënt de 165.000 euro. Tlo se àn nuzà dl’ucajion che l univa mpo giavà su per fé la streda dala rodes dal raion artejanel, do ruf ite. (ufize stampa provinziel de Südtirol)

Ai prims de juni à la Cumpania di Scizeri de Urtijëi fat si jita tradiziunela, chëst ann ora a Dispruch y sun l Berg Isel, cun vijita al Tirol Panorama Museum y al Museum di Kaiserjäger Lies - Bela daduman abenëura piòven via da Urtijëi demez de viers de Dispruch. Iló ie la grupa jita a ti cialé al gran cheder de Andreas Hofer, l’atrazion prinzipela, y ai stonc da tré tl scies di Kaiserjäger sun la plaza dan i museums. Na bona marënda iel

Partezipanc dla jita a Dispruch.

pona stat tl Kranebitterhof, cun d’uni sort de gulusaries dl Tirol. Sambën ne pudòvel nia mancë na pitla carteda do marënda, n batadù duc deberieda. Domesdì ie la grupa mueta de viers dl zënter dla capitela dl Tirol, ulache n ie jic a ti cialé ala

S chw ar z manderk irche, al Goldenes Dachl, ai biei museums, ala butëighes y al’ustaries tipiches dl Tirol. Chësta jita ora dai fredesc y dala surans dl Nordtirol ie per duc stata na jita garateda, che resterà per for n bel lecort. (ez)

Er na , sprengel.g ro e den@ bzgsaltenschlern.it. Orar per l publich: lunesc 8.00 – 12.00 o cun prenutazion tres telefonn al nr. 0471/798015.

Energia y cunvenzion Senteda de Chemun: mudazions urbanistiches, servisc de mpresté auti cun sciafer, regulamënt per la festes y manifestazions publiches Urtijëi Chemun - L Cunsëi de Chemun de Urtijëi se anconta te na senteda cunseliera n vënderdi ai 8 de lugio dala 16.00, per traté chësc ordenn dl di:

Scizeri sun l Berg Isel

Erna Mussner ie respunsabla dl Servisc Soziel Gherdëina.

1. Dé pro l protocol dla senteda dl Cunsëi de Chemun di 06.05.2011, dat ju tl ufize secretariat dl Chemun. 2. Cunfërma dla deliberazion n. 257 dl 14.06.2011 dla Jonta de Chemun n con’ dla mudazion de prëscia dl bilanz de previjion 2011. 3. Cunvenziuné n cajo de ressanamënt energetich de frabicac. 4. Mudé la planta dla stieres dl Chemun. 5. Dé pro de auzé la cuota de partezipazion al Cunsorz di Chemuns dla Provinzia de Bulsan. 6. Dé pro l regulamënt nuef de curtina dl Chemun de Urtijëi. 7. Mudé l regulamënt cumenel per l servisc de mpresté auti cun persona che avisa. 8. Fé ora l cuntribut da paië al Chemun per fé plazes publiches da mëter ju auti (art. 123, coma

2. L.P. 11.08.1997, n. 13). 9. Mudazion sustanziela al plann de atuazion dl raion da sté de espanscion “C3 - Grien” - lot n. 9. 10. Mudazion al plann urbanistich cumenel - mudazion dla trassa dla streda da jì a pe “F” te Val d’Ana dala stazion japé dla “Secëda”. 11. Mudazion al plann urbanistich cumenel - mudazion dla destinazion urbanistica da bosch te raion de vërt agricul dla p.ed.1165 y de na pert dla p.f.988/1 C.C. Urtijëi (streda Mureda). 12. Mudazion al plann urbanistich cumenel – spusté la trassa dla streda de cunliamënt per l raion de espanscion C3 “Luca 2”. 13. Dé pro l plann de atuazion dl raion da sté “C3” - raion de espanscion “Luca 2” aldò dl art. 32 dla lege urbanistica provinziela dl 11.08.1997, nr. 13. 14. Mudé l regulamënt de Chemun per la festes y d’autra manifestazions publiches. 15. Comunicazions.

L Cunsëi de Chemun de Urtijëi. www.lauscdiladins.com

15


Gherdëina

nr. 25 / 01 de messel 2011

Carrara de Bertram Kober Tla sënta dla Lia Mostra d’Ert/Circolo a Urtijëi iel unì giaurì la mostra de fotografies dl fotograf Bertram Kober, dal titul Carrara Fotografia - Jan ite tla sala dla mostres dla Lia Mostra d’Ert/ Circolo a Urtijëi te tómel tl uedl l’estetica dla fotografia. L ie de bela fotografies, coche n rata. L’estetica, tradiziunela sce n possa dì nscila, coche prim mumënt de reflescion. Nteressant iel pona nce coche n valguna fotos à la terza dimenscion, tan sotes che les ie. Una, chëla dla cuntreda ulache l vën tëut ora miermul, ie coche n relief, l semea fat te na tecnica particulera, depënta y zipleda. Pra l’autra, chëla cun la pacheres, te tómel tl uedl, dlongia l’estetica, dlongia l bel, che l semea n juech per mutons, cun i pitli che uel jì via y fé damat cun la pacheres; l elemënt ludich. L vijitadëur dëssa jì ite y ti cialé ala fotografies, les dëssa ti savëi beles. Sambën che cun l bel ne n’iel nia de fat. Dovia iel dut n pensier de raport danter jënt y cuntreda, aspec soziei, filosofics, morai. Duc nia purtei dant cun l dëit auzà, ma tres l bel dla semea. La mostra resta davierta mo nchin a n dumënia ai 3 de lugio, dala 10.00 ala 12.00 danmesdì y dala 17.00 ala 19.00.

La fotografies Carrara La mostra de fotografies Carrara ie l succus de fotografies che Bertram Kober à fat danter i ani 2002 y 2007. Cater iedesc iel jit ju a Carrara. La pascion per chësta tematica nasc da na mëisa de miermul che l’ava de Kober ova te si cësa. Kober ie n mut dla DDR, che se tol pea la fazion dla viera, cun na situazion soziela particulera. La mëisa de miermul de Carrara ie, mo dan che na sort de status symbol, l lecort de na strutura soziela borghesa, de bensté, ma dantaldut de „normalità“ nce culturela y storica dl raion y de si jënt, mo dan la prima viera, cun duta si mplicazions che va inant de viers

Miermul y mascins.

dla segonda viera mundiela y dla reurganisazion dla doi pertes di Paejes Tudësc.

Autentizità ie l liam cun tëmp y luech Kober se tol pea si mprescions da pitl mut, ma l ie sambën bele „netà“ da duc chisc stereotips storich-politics, l ie zitadin tudësch, dl’Europa, de na realtà capitalistica cun duta si fazions positives y nia manco negatives. Cieche resta ie la ulentà de rujené cun la storia, cun la jënt, cun l mond. La parola ie zeche massa de rie, per lascé ora dut te n iede. Massa truepes ie la mplicazions dla realtà. Kober rejona dla mpurtanza dl’autentizità, chël uel dì che la fotografia muessa avëi n liam cun l tëmp y l luech, per vester autentica. Ajache l ie plu mesuns de ti jì permez ala fotografia, chëla lieda, tacheda ite ala realtà nce efimera, y chëla laureda ora, sufisticheda, al didancuei tres computer, che va a ti fé cuncurënza,

Carrara, fotografia de Bertram Kober.

16

www.lauscdiladins.com

sce n uel, ala pitura. „La dezijion pra la fotografia ie tacheda al dant o al do. Sce la dezijion vën tëuta dant, pona iela autentica, tacheda al tëmp y al luech. Da dedò iela n mesun artistich esprescif, che à si rejon de vester, ma che ie dut zeche d’auter,“ dij Kober, che se muev artisticamënter tla prima varianta.

„Coche na arpizeda de n crëp“ Mut ora de na familia de artisć ma nce de pasciunei dl crëp, fòvel per Kober na sort de aventura alpinistica, chëla de muever, coche i piunieres di crëps. Y coche si nëine, arpizadëur, iel jit su, flucion sun l spinel, per la montes de Carrara, cun l sentimënt dl alpinista. Che uel ruvé sun piza, cun duta la emuzions che mé l arpizadëur cunësc. Chësta emuzions se tol Kober pona pea te si lëur da fotograf, l se mescëida i sentimënc de avëi arpizà n crëp cun l panorama che l à dan sé. Trueps ie chisc sentimënc

che se mescëida, massa riei da splighé a paroles, ma che possa giapé na si lerch tla fotografia. I cuntenuc dla fotografies, suvënz nce cun truepa contradizions, se gëura do y do, cun l tëmp. La fotografia muessa unì metuda da na pert, per ti cialé do n struf. La va de desmincé la situazion cuncreta, per giapé la drëta destanza. La fotografia vën nscila neutrela y la te dijerà pona cosses defin nueves, ma la rujenerà nce autramënter, dajan contures plu tleres al vester, ai pensieres soziei,“ nscila Kober. Y nce pra l liber y la mostra de Carrara iel stat n pruzes lonch, chiran ora, „tres selezion“, la drëta fotografies, ti dajan la drëta secuenzialità. Ala fin iel garatà liber y mostra, cun la bela fotografies, cun la gran estetica. Ma l bel che ie coche dit mé chël de n prim mumënt, ajache do y do tumeràn ite te pensieres plu soc. L tanch lascià da na pert, coche fustia dla persona, l miermul che giapa do y do n culëur fosch, fazion dl lëur dla persona y dla plueia che lëura tl crëp. „La fotografia dëssa rujené, nia la persona,“ dij Kober, che auza ora l bujën de empatia che n muessa avëi cun sujet y cun la jënt, tl cajo

cuncret de Ferrara l drë balanz danter natura y persona, „ajache scenó saràl la vendëta dla natura, coche a Fukushima“.

„Comuniché zënza nsenië“ Kober ne n’ie nia plu l rebel che l fova n iede. L à cialà de se strënjer ite te si mpulsc massa stersc, cialan de arjonjer n auter livel de comunicazion, chël plu chiet, ma perchël nia manco sot. L ie si mpëni per n livel culturel plu aut de comunicazion, sie y pona nce de chiche ti cëla ala fotos. La comunicazion tres la fotografia ne uel per l fotograf tudësch nia vester l’aruganza dl nsenië, nia zinism, ma la ulentà de unì tëut n cunscidrazion, te si pensieres, che va tres l’estetica dla fotografia, coche rata Bertram Kober, che à da pitl insù abù na vëta melancolica, che ulëssa al didancuei avëi plu dl’aurela per si proiec artistics criatifs, dlongia si lëur da dozënt de fotografia a Berlin. Un de chisc proiec iel śën a Urtijëi, la mostra tla sënta dla Lia Mostra d’Ert. David Lardschneider

L fotograf Bertram Kober deberieda cun si cumpania Christine Dorothea Hölzig, esperta d’ert.


nr. 25 / 01 de messel 2011

Giovanni va en ponsiun

Mi mituns y l’alcohol

Tröc conësc Giovanni Frenes da La Val. Tl sorvisc de assistënza finanziara dl raiun soziosanitar dla Val Badia àl podü daidé y aconsié tröpa jënt. Śëgn, do 40 agn de sorvisc, va Giovanni en ponsiun y por l’ocajiun àn invié ia na festa de salüt

Co poi pa evité che n jonn röies ti problems dl alcohol?

finanziara de basa y dantadöt le minim vital por vire. Insciö àl podü gnì daidé tröpes families fora da situaziuns de stënta y de debojëgn.

Da na valada al’atra N iade al mëis êl da tignì les udiënzes ti comuns dla Val Badia y de Gherdëna. Canche le Ju de Frara ê stlüt êl da fà la roda y sambëgn da pié ia adora por ne fà nia aspetè la jënt. Val’ sentades gnô tignides a Pruca, por s’incuntè a mesa strada, olache i colaboradus de Gherdëna rovâ plü gonot alerch cui schi. Giovanni Frenes con la torte, en gaujiun dla Tl ann 1990 él spo gnü metü sö le sorvisc festa de salüde. d’assistënza por jënt Tl salf dl Hotel Posta dan n gran atempada y families, cun süa sënta buffet cun de vigni sort de bones tla ćiasa de palsa a San Martin. cosses, à Giovanni invié i Insciö, do tröc agn dassu, à Giovanni colaboradus dl raiun sozio-sanitar ciafè na secunda porsona che podô a na festa de salüt. Dlungia i le daidé y le sostegnì tl laûr colaboradus atuai, ne s’à Giovanni aministatif, y n valgünes nia desmentié i colaboradus da colaboradësses che jô fora por les plüdadî. ćiases. La gestiun de chësc sorvisc Do che Giovanni à albü rovè le ê gnüda surantuta dal Consorz por soldà, él stè te deplü posć a laurè. l’assistënza de basa dles döes Danter l’ater àl laurè tla Ćiasa de valades ladines, olache Giovanni à Palsa a Porsenù, te Comun a San dè n gran contribut por le bun Martin, mo inće te hotel sciöche funzionamënt dl medemo; chësc bagnin y chelner. sorvisc é ćina aldedaincö chersciü Dal pröm de jenà dl 1975 é dër tröp y vëgn aprijé y anuzè tres Giovanni gnü tut sö ofizialmënter deplü dala jënt. sciöche secretêr dl Consorz por l’assistënza de basa dles döes valades ladines (conesciü da tröc Dl 1992 é le Consorz dles döes sciöche ECA), che tolô ite sides i comuns dla Val Badia (stlüt fora le valades ladines gnü deslié y la Comun de Mareo che ê pro le gestiun dl raiun dla Val Badia é Consorz da Bornech) che chi de gnüda trasferida, tres delega di Gherdëna. A chël tëmp ti él gnü dè comuns, ai sorvisc soziai dla plü importanza al lingaz che ala Comunité Comprensoriala de situaziun geografica dles döes Puster. I sorvisc soziai é insciö gnüs valades. La sënta dl Consorz ê a La partis sö te 4 raiuns y danter chisc Val. Le fin ê chël de garantì y paié él inće le raiun sozial dla Val Badia. fora les prestaziuns d’assistënza Giovanni à surantut le sorvisc

An röia pro Puster

d’assistënza finanziara. Dl 1999 é Giovanni stè por sis mëisc alalungia en maratia, che ne ti à nia fat passè la vëia da laurè al sorvisc dla jënt. Ala fin dl ann 2002 à i sorvisc sozio-sanitars finalmënter podü gnì trasferis tla sënta nöia dl raiun sozio-sanitar dla Val Badia a Picolin. I sorvisc é insciö gnüs metüs adöm cun i sorvisc sanitars, por ti jì ćiamò plü incuntra ala jënt. Giovanni à manajé sciöche responsabl le frabicat dla sënta dl raiun sozio-sanitar por 3 agn alalungia, dlungia le laûr tl’assistënza finanziara. A Giovanni ti vàl le gran mirit de avëi manajé cun savëi y competënza nia ma les chestiuns liades al raiun sozial, mo inće y dantadöt chëres dla sënta dl raiun sozio-sanitar dla Val Badia.

Giovanni om de Comun Dlungia le gran impëgn de Giovanni tl raiun sozial, él inće stè por 25 agn tl Comun da La Val al sorvisc dla popolaziun. Mec sciöche aconsiadù y mec sciöche assessur. Inće sce Giovanni à impegnè gran pert de so tëmp al laur, n’àl mai lascè sön na pert süa familia, a chëra che al tëgn dër dassënn.

Reconoscënza Tratan la festa à plü porsones recordè i gragn mirić de Giovanni, le sostëgn y la desponibilité che al ti à intres desmostrè ai colaboradus. Giovanni à fat so laur cun gran dediziun y à dagnora metü al zënter la jënt. Por consëis, problems y aiüć desvalis él dagnora a desposiziun. Al vëgn dër aprijé y respetè dala jënt, dantadöt por süa gran competënza, esperiënza, savëi y coretëza. Al s’à dagnora batü por le iüst y dërt. I rengraziun de cör Giovanni por ester stè düć chisc agn al sorvisc dla jënt y a desposiziun di colaboradusc y i ti audun döt le bun por i agn de ponsiun che al s’à cun mirit davagné.

Sce an ti ćiara ales statistiches, odunse che i jogn che bër n’é nia al pröm post. Dailò ciafunse chi che à problems cun deplü droghes ilegales. Mo gran pert de chisc à albü - denant co mëte man cun la droga - n problem cun l’alcohol. I mituns vëgn ausà dër adora ala saù dl alcohol. An le ciafa tl patüc duc y tl patüc da mangé, inće te val’ produć por mituns. Canche i pici jogn röia pro l’alcohol ési insciö bele ausà a chësta stleta saù. Bele da pici insö féjon les prömes esperiënzes cun l’alcohol. P.ej. le complì di agn dla lâ. Por festejé chësc avenimënt po düć se tó na picia bocia de vin da scaia. Por n möt é chësc le pröm vare tla vita da adult. N gran va danfora cun l’ejëmpl: le bëre fej pert dla vita di gragn. An ne po nia se fà dër demorvëia sce i jogn mët bele man da bëre cun 14 agn. Le consumè boandes alcoliches alda pro nosta sozieté. Sce n jonn ô ester al’altëza de n ater jonn, spo mëssel feter bëre. Un che ne bër nia vëgn defata metü sön na pert, stlüt fora. Al é de pices cosses che ti dà la sbürla ai jogn da fà ći che n’é nia dërt. Porchël él le dovëi de n adult da jì danfora cun le bun ejëmpl.

N valgügn consëis - Ćiarede da baié le plü gonot che ara va cun döta la familia di problems atuai; - ascutede dagnora sö üsc mituns, inće canche ai à ma de pici crüzi, forsc él por ëi de gran importanza. Insciö jaràra da costruì na basa de crëta danter le möt y n adult. - ćiarede da tignì vies les tradiziuns de familia, al é important le dialogh y le tignì adöm. Por ejëmpl podèssun gostè düć adöm tla fin dl’edema; - jide danfora cun le bun ejëmpl y limitesse inće os da bëre y fomé demanco; - organisede dis olache döta la familia stà adöm a fà val’ jüch, o na bela jita olache al ti sa bel a düć; - lascedi fà de pices cosses de importanza a üsc mituns, che ai ais val’ picia responsabilité; - inće i jogn mëss fà sües esperiënzes negatives, laprò alda

les delujiuns, se dessenè, avëi la ria löna. Lascédi porvè a d’ëi da nen gnì fora da sü pici problems. Vigni estrem po ester demassa. Chësc ô dì che sce an ti lascia massa tröpa libertè ai mituns, sce an ti lascia tres fà ći che ai ô y ne stà nia tröp a se cruzié, spo podéssi se sintì metüs sön na pert. Sce an ti stà do demassa, sce an brontora tres y an ne i lascia nia fà sües esperiënzes, ne po i mituns nia imparè da conësce le monn sciöche al é veramënter. Al é rî da ciafè n tru amesa ite, por trà sö sciöche al alda i mituns, mo al paia la mëia da porvè.

Aiüt - al é val’ che ne va nia!? Ći mëssi pa fà sce mi möt o mia möta vëgn na sëra cioch/a a ćiasa do na festa? Naota mantignì la calma. Sce an i brontora te n te’ momënt, ài la tenjiun da fà ćiamò aposta. An dess baié cun ëi le dé do, cun calma, y porvè da ti splighé che chësc n’é nia le dër comportamënt. Sce chësta cossa sozed ma un n iade, ne désson nia suravalutè le problem. Mo tignide la situaziun sot a control. Sce al mët man da sozede plü gonot y osc möt/osta möta va inće te ćiasa a se chirì l’alcohol da bëre, désson mëte averda. Chirìsse n grup de autoaiüt te n te’ cajo, baiede cun esperć, chi savarà da ves daidé. Informaziuns plü menüdes ciafëise tl ofize dl’Assoziaziun di Clubs di Alcolisć en Tratamënt a Picolin, davert al publich le mertesc y le vëndres dales 7.30 ales 11.30; nr. de telefonn: 0474-836744. (Veronica)

Bele da pici insö vëgnon a contat cun l’alcohol. L’ejëmpl che i gragn dà é de gran importanza.

Ciafè tëmp por se instësc Curè a ćiasa familiars vedli y/o püri é n compit che tol ca tröp tëmp. Al vëgn fat ion y de cör, mo al é sfadius. Gonot n’à la porsona che fistidiëia nia dlaorela por se instëssa y por ti jì do a sü bojëgns Le grup de autoaiüt por porsones che fistidiëia a ćiasa de familiars püri o vedli s’incunta un n iade al mëis y ti pîta la poscibilité a chi che tol pert, da baié de süa situaziun. Tratan les incuntades vëgnel inće invié referënć che baia de tematiches importantes por les porsones che é tla situaziun da messëi curè zacai. Tratan la incuntada dl mertesc ai 5 d’aurì él rovè alerch Karin Taibon d’Al Plan, che à portè dant

plü tecniches de relassamënt, che an po fà por desćiarié n pü’ de stress y pinsiers. Ara à splighé che an mëss fà plü gonot i eserzizi sce an ô che ai portes de bogn früć. Important él da se tó tëmp da i fà, ai ne döra nia dî, mo chi tan de menüć fóssel bun da se tó. Por se relassè él deplü metodes: jì a spazier, ascutè sö i sonns dla natöra y se conzentrè sön chisc, an po balè, lì n liber, ti jì do a n hobby.

La cossa importanta é che an sides dagnora conzentrà sön ći che an fej y che an ne pënses nia a ći che pësa. La referënta nes à spo portè dant metodes de relassamënt che an po inće fà te ćiasa. An po les fà sentà o en pè. I ùn fat eserzizi da trà le fle, i ùn fat na massaja ala conedla, al će, al müs y ai rignuns. Dedô nes àra mostrè la Jakobson Relaxion y por stlü jö la incuntada unse fat n

iade tla fantasia. Bun fejel inće da s’la rì tratan che an va a pè o tratan i eserzizi da trà le fle; an ciafa la bona löna y se stà saurì. Tratan la incuntada unse odü tan important che al é da se stè bëgn cun se instësc, sce an ô daidé i atri. I ùn odü che cun de pici eserzizi che an po fà te vigni momënt dl dé y te vigni post, pòn se relassè y fà val’ de bun por se

instësc. I rengraziun la referënta por sü consëis y ćiarun da i mëte en pratica. Dilan inće al Sorvisc ai Jogn che nes à lascè le local. Informaziuns sön le grup de autoaiüt ciafon tl Raiun Sozial a Picolin al numer 0474 524513. Por le grup de autoaiüt Michaela Taibon y Brigitte Terrabona www.lauscdiladins.com

17


Val Badia

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

nr. 25 / 01 de messel 2011

Feter 3.611.000,00 euro de spëises De gragn investimënć por l’internet asvelt tla Val Badia: al vëgn metü les condütes por trà spo tres les fires otiches. Na bona soluziun che dorarà tl tëmp Internet - Ćina l’ann 2013 dess düć i comuns de Südtirol ester colià a internet tres fires otiches a na manira da garantì coliamënć plü asvelć. Chësc é ći che la Junta provinziala de Südtirol s’à tut dant por mantignì la competitivité de Südtirol söla comunicaziun y söl marćé. Na majera pert de chisc laurs vëgn fata por la popolaziun dla Val Badia, olache al vëgn investì feter 3.611.000 euro. I coliamënć internet a vëta leria à bele arjunt gran pert dl raiun provinzial; śëgn fej la Junta provinziala le proscim vare y sleria fora la rëi de fires otiches. “Les fires otiches é defin mius co i coliamënć tres ones tl aier, ares é plü lesires, ares se lascia storje plü saurì y ne vëgn nia condizionades da defora, implü garantësceres na miù capazité de coliamënt”, spliga l’assessur Florian Mussner. L’assessur recorda dal’atra pert, che mëte jö cabli de fires otiches é dër ćer. Porimpò lascia la Junta provinziala fà i coliamënć dales lignes prinzipales tles gran valades ales valades laterales, ćina ti paisc. Dedô pòl gnì colié ćiases de comun, zëntri de sanité, scores, ofizi raionai, sorvisc de pröm aiüt, ćiases culturales, biblioteches, repetidus y chëstes lignes. Tla Val Badia vëgnel fat na

En jita a La Val Berbesc y mëdes dla ćiasa de palsa à passè n domisdé plajor Sozial - En mercui ai 15 de jügn à berbesc y mëdes dla Ćiasa de Palsa “Ujöp Freinademetz” podü fà na jita a La Val, organisada dala Uniun de San Vinzenz d’Al Plan. Passa 20 partezipanć é pià ia dales 2 domisdé da San Martin demez.

A La Val à le ploan siur Heinrich Perathoner zelebrè na santa mëssa. Dedô él stè da jì tla ostaria Pider a tó ite la picia marëna. Chësta é stada na ocajiun por ti pité a berbesc y mëdes n domisdé plajor y d’aorela cörta.

De gragn investimënć por l’internet asvelt tla Val Badia.

majera pert di laurs por colié i comuns ala rëi de fires otiches. Chisc dis vëgnel scrit fora deplü laurs por mëte jö i ros olache an podarà spo trà tres i fis de fira otica. Pro le toch danter San Laurënz y Longega él odü danfora n laur de 871.000,00 euro, da Longega a Al Plan n laur de 481.000,00 euro y da Longega a La Ila un da 1,72 miliuns de euro. Cater laurs che reverda la Val Badia vëgn te chësc momënt

proietà tl Ofize provinzial Infrastrotöres. Ara se trata di coliamënć da Picolin a San Martin de Tor de feter 150.000,00 euro, le trà tres les cordes de fira otica da San Laurënz a Longega por 150.000,00 euro y da Longega a Al Plan por 55.000,00 euro. Laprò vëgnel ćiamò la rëi de coliamënć por le raiun de produziun a San Laurënz por n costimënt de 184.000,00 euro. (as/ofize stampa provinzia de südtirol)

Pro mësa a La Val. N domisdé de compagnia.

Melodies nöies por le conzert d’aisciöda En sabeda, ai 28 de mà, dan da n salf plëgn de jënt à i musicanć dla Musiga da San Martin sot la direziun de Sepl Pezzei y de Stephan Ploner dè so miù por portè dant les beles melodies che ai à imparè ite ti mëisc passà cun gran ligrëza y lezitënza

Dmc le presidënt dla Musiga Tavella Simon, presidënt dla UMVB Carlo Castlunger, le presidënt de raiun Johann Hilber, Ewald Clara, Martina Verginer, Ivo Clara, Marco Moling, Daniela Clara, le dirighënt Sepl Pezzei.

San Martin - Do le salüt da pert dl presidënt Simon Tavella él gnü intonè le marsc “Einzug der Gladiatoren” de Julius Fucik. Le marsch é dër conesciü tl monn dl zircus sciöche toch de daurida. Inant éson jüs cun la polca por soli de Piccolo y Tenor “Grandfather’s Clock”, olache Daniela Clara y Simon Tavella à podü mostrè süa bravöra sön so stromënt. An é spo passà ales melodies conesciüdes dl grup “Abba”. Cun la ouvertüra “Il Postiglione d’Amore” y le marsc “Everest” à la Musiga da San

18

www.lauscdiladins.com

Martin stlüt jö la pröma pert dl conzert.

110 agn de ativité Le conzert d’aisciöda é inće la ocajiun ideala por onorè i musicontri che se dà bele jö da tröc agn cun la Musiga. Insciö él gnü onorè Daniela Clara por i 10 agn de ativité, Martina Verginer, Ivo Clara, Ewald Clara y Marco Moling por i 15 agn de ativité, y Alfred Ploner por i bëgn 40 agn de sorvisc tles files dla uniun. A düć i onorà n gran complimënt y

n gran dilan por döt le tëmp ofrì sö por le bëgn dla Musiga da San Martin. Do les onoranzes ti él gnü passè la direziun dla musiga tles mans dl vize-dirighënt Stephan Ploner. Sot a süa direziun à la Musiga da San Martin portè dant le toch da conzert “A Festival Prelude” y le marsc “Marche Victorieuse”. Inant éra spo jüda cun la melodia conesciüda “Time to say goodbye”, stlujon jö le conzert cun le marsc “Jubelklänge” y ciafan de gran tlocenades por le bel sonè.

Sepl Pezzei, Johann Hilber, Alfred Ploner, Carlo Castlunger, Simon Tavella.

Cun i bis “Schemua-Marsch” y “Dem Land Tirol die Treue” à i musiconć saludè le publich, che à passè na bela sëra cun les melodies de chi da San Martin. N dilan sintì i speta a nosc presidënt Simon Tavella y a düć i mëmbri dl comitê che manajëia cun savëi y lezitënza nosta uniun don ca tröp de so tëmp lëde. N dilan a nosc dirighënt Sepl Pezzei y a so vize Stephan Ploner por döt so impëgn, so savëi y süa paziënza te so laûr. La Musiga da San Martin oress inće tó la ocajiun da rengrazié

dötes chës porsones che sostëgn nosta ativité ia por l’ann, sides cun aiüt finanziar co inće moral. N dilan inće al’aministraziun de comun che ann por ann sostëgn nosta ativité. N dilan particolar al sponsor che à dè so contribut por la stampa di invić por le conzert. N gran dilan ala Uniun dles Patrones che à arjigné ca n bel y bun buffet do le conzert. N dilan de cör a düć da pert de döta la Musiga! Stephan Ploner por la Musiga da San Martin


Val Badia

nr. 25 / 01 de messel 2011

N’aisciöda rica de manifestaziuns La Jonëza da Paur de Badia à metü da jì por i paurs jogn cotan de iniziatives de formaziun mo nia ma

Pro le curs de manutenziun dles mascînns da paur.

Te n curs àn podü imparè da cujiné söla grilia.

Lies - Le comitê dla Jonëza da Paur de Badia à organisé tratan l’aisciöda cursc desvalis, sides por ëi co por ëres. I cursc é düć gnüs tignis da porsones espertes y tut pert n’à nia ma porsones de Badia, mo inće jënt da foradecà.

impröma les regoles de basa, por jì ite spo sön le perfezionamënt dl förtl te ćiasadafüch. Sëdesc porsones à tut pert al curs y à spo podü se sentè pro mësa y mangé ći che al ê gnü cujiné. Chësc ti à plajü a düć.

Metü man àra cun n curs da se fà sö (se truché), stè le vëndres ai 29 d’aurì a Corvara. Le curs é gnü tignì da Arianne Canins dl Salon Arianne. Al à metü man dales 20.00 y bëgn 16 porsones s’à tut dlaorela da imparè val’ de nü. Arianne à mostrè y splighé co che al foss dërt da se fà sö. Ara é jüda da porsona a porsona a dè consëi co che vignöna dess se depënje sö, aladô dl müs y di ödli.

Informaziuns sön i prà

Imparè da apratè polito Inant éra jüda le vëndres ai 6 de mà cun n curs da cujiné sön grilia, tignì sö La Crusc tla ütia Nagler. Le cogo Arnold Canins ti à splighé ai jogn co che an fej da grilié,

da paur rovà adöm ai 21 de mà, olache Giuvani Vallazza à tignì n curs sön la manutenziun dles mascînns da paur. Le curs é stè dër interessant, mo suradöt dër d’öga

por i 23 partezipanć, che à podü imparè tröpes cosses sön les mascînns che an adora söi lüsc. Al é gnü baié di öri, dles patrîs, dl penzînn, di filtri, di montli, dla netijia dles mascînns y d’ater. Düć chi che à tut pert a chësc curs de 7 ores, à dessigü capì che cun na bona manutenziun y sce an ćiara dles mascînns, él meso da se sparagnè de gran spëises y cosć. N bel dilan ti va a düć i referënć y a chi dl comitê che à organisé les iniziatives, y nia inultima a chi che à tut pert.

Devertimënt a Gardaland Dlungia les iniziatives de formaziun, n’à nia manćé le tëmp

lëde y l’aorela cörta. Ai 15 de mà él gnü organisé la jita por i mëmbri, en chësc iade n pü’ atramënter, cun n program olache düć gnô pro da se devertì. Le travert dla jita ê Gardaland. I sun pià ia bele adora da doman da Badia demez, cun na coriera feter plëna de jogn, che s’la confortâ dassënn a chësc dé. Le tëmp n’é nia stè sön nosta pert, al à plovü döt le iade, porchël unse naota fat i jüć adassosta o chi sot tera ite. Domisdé ia él spizorè n pü’ de sorëdl y porchël unse atira tut l’ocajiun da fà de vigni sort de jüć, inće deache al n’ê degöna coda y an n’â porchël nia bria da aspetè bëgn dî. La jita é jüda a piz cun na bona pizza, mangiada en compagnia a Vandoies. A düć ti àra dër plajü. (Jonëza da Paur Badia)

Ai 14 de mà é 21 partezipanć rovà adöm sö Fussè, por n danmisdé de informaziun sön i prà, l’incultè, les sorts de erbes che dess o ne dess nia ester te n bun prè. Sön chësc tema él stè Robert Obwegs che à cuntè y splighé de vigni sort de cosses dër interessantes y d’öga, inće por capì dales plantes che an ciafa te prè, sce la tera é incultada indertöra, o cun ći sort de coltöra che al foss dërt da incultè, por trà fora tröp dai prà, mo suradöt de bona ojoradöra por i tiers te stala.

Mantignì les mascînns Por na cuarta iniziativa é i jogn

L’aorela cörta n’à nia manćé: jones y jogn a Gardaland.

Na mostra nobla de scultöres y pitöres Daurida la mostra de Pepi Pescollderungg y Albert Mellauner tla galaria dl Cafè Teresa a Al Plan de Mareo ares é dër ordinades y emanëia na porziun de nobilté y eleganza. Vigni spetadù odarà spo l’ispiraziun y i valurs che sta do i laurs ia, chi che cöi l’artist y descëda sü sentimënć, en corelaziun cun na razionalité spraizada dala formaziun y l’empirism profescional. Mellauner y Pescollderungg romagn

I dui artisć Albert Mellauner y Pepi Pescollderungg.

Ert - Al é stè na bela festa, cun parores de salüt, introduziun y acompagnamënt por i laurs di dui artisć, chersciüs sö tla Val Badia y da ćiasa al dédaincö te Puster. Paul Vallazza dl Cafê Teresa, l’Ombolt Albert Palfrader y le presidënt dl’EPL-Ert por i Ladins Iaco Rigo à saludé la jënt y dantadöt i dui artisć. Trami à metü fora na desëna de laurs porom, Pepi Pescollderungg scultöres y Albert Mellauner pitöres sön vider (stüdi de laurs

conservadus de plü prinzips importanć che caraterisëia n bun artist. La cornisc musicala ala festa de daurida é gnüda spôrta dales sorus Susy y Tina Pitscheider de Ruac a Badia. Le duo à ćiantè cater ćianties che à dër plajü y ti à dè na saù ligherzina ala mostra.

Tina y Susy da Ruac à ćiantè cun ligrëza y bravöra.

por dlijies y d’atres strutöres publiches). Iaco Rigo à baié dla Biennale de Aunejia de chësc ann y sön le marćé dl’ert a livel mondial tres l’impresciun cuntada dal colezionist d’ert Dalle Nogare da Balsan. “Canche colezionisć y d’atri cumpra ma plü chedri por speculaziun cumpran plü l’inom y la fama dl artist co la cualité dl laur - él da mëte en discusciun le sistem dl marćé dl’ert y se fà la domanda sce

l’ert s’à ćiamò tignì un de sü valurs primars co é chël da i dì val’ y abelì n ambiënt, zënza se confrontè plü sot cun la questio sce l’ert é ala fin inće ’fin por se instëssa’”, à dit Iaco Rigo. Por fortüna podunse nos ćiamò i ćiarè ai laurs de nüsc artisć ladins, i amiré y inće i cumprè, zënza che i messunse naota tignì cunt dl gran marćé y dla speculaziun - à dit Rigo. Les scultöres y pitöres dla mostra tla galaria Teresa de chësc isté passenëia dër bun adöm, www.lauscdiladins.com

19


Val Badia

nr. 25 / 01 de messel 2011

Comisciun por les gran desgrazies La comisciun por la proteziun zivila dl Comun de Badia à tignì na pröma proa. Sce al ess da ester debojëgn, po la comisciun gnì cherdada ite da vigni ora

vëgn istituida tla ćiasa de Comun a Badia. Chilò vëgnel atira tachè ite de vigni sort de aparać che vëgn adorà por chisc intervënć, sciöche radiotrasmitëntes cun na frecuënza speziala - coliades cun dötes les uniuns che porta aiüt, computers, fax, mascînns da stampè chertes y i.i. Tla Ćiasa de Comun él bele gnü arjigné denant n bel gran agregat che podess fà strom inće por deplü ćiases.

laûr de preparaziun. Bele dan da n ann à l’assessur ala proteziun zivila Elmar Irsara y l’ombolt de Badia Iaco Frenademetz metü man cun chësc laûr de organisaziun y planificaziun. A će de chësta comisciun él l’ombolt dl Comun de Badia. Dla comisciun fej pert rapresentanć di stödafüch, dla Crusc Blanćia, dl Comun, di doturs, dla Polizia, dl Aiüt Alpin, dla Forestala y esperć de geologia. Tl cajo de nezescité, po la comisciun gnì cherdada ite da vigni ora, dal ombolt instës o da n so rapresentant.

à cherdè ite chëstes porsones a sorpresa y an mëss dì che ara é jüda dër bun. Te n tëmp cört s’à presentè te ćiasa de Comun düć i rapresentanć de chëstes uniuns che an adorâ. D’atri à atira respognü al telefonn y s’à tignì a desposiziun, tl cajo che ai foss gnüs adorà.

Tres a desposiziun

La pröma proa é jüda bun

Por ester bogn da organisé val’ de te’ atira, ôl ester iadô dër n gran

Ai 15 de jügn incër les 21.00 él gnü tignì la pröma proa. L’ombolt

Adalbert Piccolruaz, rapresentant stampa dla comisciun de proteziun zivila dl Comun de Badia

Mëmbri dla comisciun por la proteziun zivila dl Comun de Badia.

Badia - Tl Comun de Badia él gnü metü sö na comisciun por la proteziun zivila, metüda adöm da rapresentanć de vigni uniun y istituziun che à da fà cun proteziun zivila. Le compit de chësta comisciun é chël da coordiné dötes les forzes che porta aiüt te caji de de gran desgrazies dla natöra, gaujades da eghes, roes, nëis y lovines, vënt, tremoroc y i.i., mo inće te caji de de gran desgrazies sön strada, por ejëmpl sce n bus plëgn de jënt o n camion dal gas o dal penzînn ess da jì sura jö, o te caji de esplojiuns gaujades da gas o da d’atres sostanzes prigoroses, te

caji che al gniss fora invalgò de gragn tosseri sciöche pro la sarenara, nodadoies o tla desćiaria de Col Maladët. Sce val’ de te’ ess da sozede, vëgnel atira alarmè n gröm de uniuns y istituziuns por portè le pröm aiüt. Chëstes forzes mëss sambëgn gnì atira coordinades indertöra y an mëss atira ćiarè da ciafè n post por podëi lascè jö la jënt che à messü gnì evacuada o che é ferida.

La zentrala é te Comun La zentrala de coordinamënt

An spera che al ne sozédes nia de gran desgrazies te nosc comun, mo sce al ess da sozede val’ plü de gran, spo é chësta comisciun arjignada da s’abiné atira, da vigni ora, por coordiné les forzes de düc chi che porta le pröm aiüt.

Spirit positif

Söi fostüs di tiers salvari

Le consëi dl Sorvisc ai Jogn Val Badia s’à incuntè cun l’assessur provinzial Florian Mussner

N tru tematich che pëia ia dala ütia de munt Lee y condüj sön 400 metri al Lech da Lè é abelì da na desëna de scultöres de tiers salvari desco le variöl, la ciuìta y la laûrs. Ocajiun da imparè Badia - Al é n tru tematich che ô dantadöt insigné a na moda ligherzina y inće interativa val’ sön i tiers salvari plü conesciüs, te n ambiënt real, alaleria amesa la natöra y i lëgns. Sambëgn sarà dantadöt i mituns i plü coriusc da spaziré chësc tru lunch plü o manco chi 400 km. La novité de chësc ann é che i iniziadus dl proiet, la Ütia Lee y le lift dala Crusc, mët da jì por i mituns n jüch de racoiüda de timbri don ca n ćiapel y na scincunda sce i mituns à metü söla cherta de jüch descalalda düć i timbri dles

staziuns di tiers. La cherta de jüch po gnì piada do debann pro le personal de sorvisc dla sentadoia Santa Crusc y pro la ütia de munt Lee. Inće i gragn pò pié do söa cherta de jüch, inće debann, pò jì a chirì spo i timbri pro les scultöres en ur’ de tru y tó pert ala fin dl isté al’estraziun di pesć, danter chisc fej bela parüda n mountainpass por l’isté 2012, menüs intiers tla ütia Lee y d’atri de bi pesć. Informaziuns söl tru tematich ciàfon pro i organisadus y söla plata internet www.santacroce.it

Le Consëi dl Sorvisc ai Jogn Val Badia cun l’assessur Mussner.

San Martin - En lönesc ai 20 de jügn s’à incuntè a Piculin, tla sënta dl Sorvisc ai Jogn Val Badia, le consëi dl Sorvisc cun l’assessur provinzial Florian Mussner. Do le salüt da pert dl presidënt Valentin Erlacher, ti él inće gnü portè dant al assessur la strotöra dl Sorvisc ai Jogn, i mëmbri y i portadus, l’ativité fata i ultimi agn y le program che i ùn por le proscim tëmp. Al é gnü baié di raporć cun

20

www.lauscdiladins.com

Balsan, de co che an podess laurè adöm por podëi ti pité a nüsc jogn dla Val Badia le miù sorvisc poscibl y de co che an podess impostè l’ativité. L’assessur Florian Mussner à ćiamò n iade laldè l’ultim bel proiet dl musical, che é gnü metü da jì da d’aisciöda y che à albü n gran suzes. Ël à inće rengrazié da süa pert döt le consëi por le laûr che vëgn fat y ti à aodé döt le bun por le dagnì, dantadöt ala dependënta

nöia Verena Obojes, che ara ais intres tröpa ligrëza y sodesfaziun da laurè por y cun la jonëza. Döt le consëi dl Sorvisc ai Jogn Val Badia oress ti dì n bel dilan al assessur provinzial Florian Mussner che al s’à tut le tëmp da gnì a chësta incuntada, che é stada dër positiva por nos y por döta la istituziun dl Sorvisc ai Jogn y n bel dilan che al nes sostëgn intres indô te nosta ativité por y cun la jonëza. (SaJ)

Le tru tematich cun les scultöres di tiers é n “bun maester” por mituns y families intieres.


Val Badia

nr. 25 / 01 de messel 2011

Debić y limitaziuns Önesc punć êl al ordinn dl dé pro la sentada dl consëi de comun de Mareo. Sön döes chestiuns en particolar é la discusciun stada bindebò animada: n contribut ala uniun dl sport y la stlüta dla strada ite por la val de Mareo Comun Mareo - I pröms dui punć dla sentada é jüs ia lizi: l'aproaziun dl protocol y spo dl cunt consuntif, cunt economich y cunt dl patrimone por le 2010. Dal cunt consuntif resultâl n avanz d'aministraziun de chi 500mile euro. Sön la soma de 10.000,00€ a bëgn dl Sport Club Mareo jô les minunghes indalater. Le SC Mareo é te na situaziun de debić, nasciüs bele dan val' agn, cun la cumpra de na ligna de injins da mëte a desposiziun por le Rimini Calcio, scuadra de seria B che sojornâ a Al Plan. "Les intenziuns ê sigü chëres da pité n bun sorvisc por la scuadra y contribuì al bun inom de nosc comun, mo la ressonanza é stada plü stleta co ći che an ess miné", à dit l'assessur Fonjo Winkler. Intratan dess la soma sot nul ester de incër 50.000,00€. Bele dl 2009 â le diretif da denant dl Sport Club damanè le Comun dô aiüt da curì i büsc. Le Comun â sön chëra cumprè jö na pert di injins, mo s'â pronunzié decuntra da despaié düć i debić, cun la motivaziun che i scioldi n'ê nia gnüs manajà indertöra. I 10mile euro che le Comun tol dal avanz d'aministraziun s'injunta al contribut ordinar y foss destinà da curì i debić dl'assoziaziun. L'assessuria Elisabeth Frenner à critiché suradöt le modus operandi dl diretif da denant: "Les uniuns dess zënz'ater gnì sostegnides", à dit Frenner, "mo ara ne va nia che al vëgnes investì scioldi danfora, cun la speranza che valgügn pàies spo i cunć. N investimënt mëss ester curì danfora y les domandes de contribut mëss gnì acompagnades da na previjiun de spëisa", à stlüt jö

l'assessuria. A öna cun le contribut é le compagn de lista Roman Erlacher, che à invié da odëi ite le gran laûr de volontariat che stà do chëstes uniuns ia, minunga che vëgn inće partida dal aconsiadù Patrick Complojer. Prinzipalmënter à öna é inće l'aconsiadù Felix Ploner, mo al osservëia: "Le messaje che va fora n'é nia positif. I messun nes damanè ći che le Comun po fà por che val' de te' ne sozedes nia plü." Intratan à le SC Mareo n ater diretif, che sint les conseguënzes. L’assoziaziun à vigni ann n bilanz de chi 75 mile euro, de chi che al nen vëgn trat ite bun 2/3 cun sponsorisaziuns. L’aconsiadù Daniel Ellecosta é inće presidënt dla seziun palê tl SC Mareo. Süa posiziun: “Sigü é la chestiun gnüda trata fora massa dî. Al foss stè miù da intervenì canche la cossa â metü man.” Te consëi à Ellecosta alzè fora che bele ma tla seziun palê vëgnel pité ativitês por passa 150 mituns. “Sce le debit romagn, messaràn por forza n bel dé lascè i mituns a ćiasa”, àl dit. Afermaziun che l’assessuria Frenner vëiga sciöche n recat: “Dì o che i paiëis o ch’i lasciun n’é nia n rajonamënt azetabl”. Intratan à le SC Mareo presentè n plann finanziar por ressanè la situaziun. Chësc tol en conscidraziun n contribut de 25.000,00€ al ann, por cater agn alalungia. “Te chësc contribut él lëite döta la gestiun ordinara dl palê, chëra dl tennis y döt ći che reverda le raiun sportif y laprò spo na pert por curì le debit”, prezisëia Daniel Ellecosta, che alza inće fora che tla majera pert di cosć él rî da sparagnè plü co intant: “Al

basta ponsè a iscriziuns dles scuadres, assiguraziuns, trasfertes, mantignimënt y iluminaziun dl ćiamp y i.i.”.

Ola röia pa l’avanz? Tla sentada n’éra nia ma jüda dl contribut al Sport Club. L’avanz d’aministraziun gnarà destiné inće por d’atri fins. Les majeres somes é 48 mile euro por desparè nëi, 50 mile por le plann di raiuns de prigo, 60mile por la cumpra dl terac por le paiun, 50 mile por le consorz dl’ega da bëre, 50 mile por la Ćiasa de Palsa, 45mile por cumprè le terac por la plaza dal palê a La Pli, 30 mile por spëises d’avocat y 62 mile por manutenziun de strades.

Le Comun cumpra terac Danter les atres chestiuns de relevanza tutes te consëi alda che le consëi à fat fora da cumprè dala Vijinanza d’Al Plan por la soma de 50mile euro i 1.066 m2 de terac danter la scora vedla y le monumënt di tomà te vera, olache al gnarà realisé le paiun nü. Dala Vijinanza à le Comun inće cumprè le dërt de soraspersa por i ćiamps dl sport.

aconsiadus partësc. Mo les critiches n’à gnanca manćé ales modalitês. Daniel Ellecosta à critiché suradöt les tröpes ezeziuns al regolamënt y les mudaziuns che é gnüdes fates ćina al ultim dé. “Le regolamënt ne portarà bonamënter nia i früć che an s’aspeta”, à dit l’aconsiadù. Marco Pizzinini, aconsiadù y presidënt dl comitê de gestiun dl parch natural Fanes-Senes-Braies à alzè fora che

an à porvè da portè inant la limitaziun plü morjela che ara jô, por podëi n iade invié ia n vare de chësc vers. Y che les condiziuns y ezeziuns é gnüdes a s’l dè suradöt deache an à messü jì ite compromisc, zënza de chi che ara ne foss gnanca ne jüda da invié ia la cossa. La junta à da süa pert confermè l’orentè da jì inant chësc tru por la sajun da d’isté. (pablo)

Le daz y la limitaziun dl trafich Na majera discusciun él gnü fora sön le daz y la limitaziun al trafich ite por la val de Mareo. Por pröm à l’aconsiadù Patrick Complojer critiché che na dezijiun de chësta portada sides gnüda tuta dala junta y ne sides nia denant arsida te consëi; minunga che inće d’atri

Le consëi de comun à fat fora da cumprè dala Vijinanza d’Al Plan le terac che tol ite scora vedla, paiun y monumënt di tomà te vera.

Passa 40.000 euro de spënores En sabeda ai 25 de jügn él gnü tignì tl Hotel La Perla a Corvara la terza serada de benefiziënza a bëgn dl popul tibetan, sostegnì dala Costa Family Foundation di SMS de solidarieté, inviada ia danter i 20 y i 26 de jügn. Rovè ite él (dat nia ćiamò ofizial) 5.862 cherdades, da chëres che an s’aspeta apresciapüch 13.425,00€. Tres dötes

les aziuns él insciö garatè la bela soma de apresciapüch 42.340,00€. Cun chëstes spënores porta inant la Costa Family Foundation le setim proiet, che prevëiga da fà

sö n istitut por les ëres a Dharamsala, tla India dl nord, che ti pitarà lerch a 80 jones tibetanes danter i 14 y i 16 agn. Le proiet à n valur de 125.130,00 euro.

Michil Costa cun Jetsun Pema, la só dl Dalai Lama.

Corvara - Ala serada à tut pert 130 porsones. Tut pert à inće la só dl Dalai Lama Jetsun Pema y le rapresentant dl Dalai Lama tl’India Tempa Tsering. Les donaziuns gnüdes ite da chësta serada é de 13.690,00€. Mo al é inće stè porsones che n’ê nia presëntes ala serada, y à impò orü contribuì al

proiet. Chëstes à fat spënores por indöt 8.040,00€. La lotaria y les donaziuns lëdies à arjunt na soma de 7.185,00€. Insciö él gnü coiü adöm bëgn 28.915,00€. Les spëises dla serada nia sponsorisades ê de incër 4.000,00€. Por mirit dl Secretariat Sozial dla RAI él inće gnü a s’l dè l’aziun www.lauscdiladins.com

21


Val Badia

nr. 25 / 01 de messel 2011

Früć y lat, solidarieté tratan l’ann de scora I scolars y i insegnanć dles scores elementares da La Pli, Al Plan, Rina, Antermëia, San Martin y Lungiarü à tut pert al proiet metü da jì tratan l’ann de scora 2010/2011 dala direziun raionala, adöm a Pia Pedevilla y Annamaria Fiung. Ala fin él gnü ite na bela spënora de passa nümile euro

Scolars da Lungiarü à pastlenè por le proiet “Früt y lat”.

Mitans y mituns da Rina mostra sö capazi ći che ai à döt arjigné ca.

Scora - Pia s’à metü a desposiziun da ti mostrè te scora ai insegnanć n valgügn laûrs che an podô fà a man. Te vigni scora él gnü pastlenè y arjigné ca de beliscimi laûrs por de vigni sort de ocajiuns, sciöche ćiandëres por Gnissant, chertes y decoraziuns da Nadè, tovaies, fassli da ciüfs por la festa dla uma y n gröm d’atres beles cosses. Cun i scioldi trać ite en ocajun di pici marćià metüs da jì ti paîsc por vëne döt le patüc pastlenè, po nüsc mituns portè pro a daidé mituns manco fortunà, che é sforzà da s’un sciampè. Benno Röggla o zacai dl’assoziaziun „Helfen ohne Grenzen“ é inće jüs fora por les scores a lascè odëi n film che desmostra la situaziun dramatica de chisc mituns dla Birmania.

à desmostrè gran ligrëza y motivaziun da pastlenè de vigni sort de cosses che ëi instësc à spo podü se vëne ai 12 de dezëmber do la gran mëssa. La popolaziun à contribuì cun generosité y insciö él gnü trat ite na bela soma. La scora rengrazia düć chi che à sostegnì chësc proiet.

Ćiandëres a La Pli Inće la scora d’La Pli à tut pert d’otober a na aziun de solidarieté cun le proiet “Früć y lat” portè ite te nostes scores dal’artista Pia

Pedevilla. Cun chësc proiet unse podü daidé mituns profugs dl Burma. Cun l’aiüt di geniturs y di mituns instësc él gnü arjigné ca de beles ćiandëres da mëte sön les fosses por Gnissant. Düć i mituns cun maestri y geniturs é rovà adöm tl gran salf tla Ćiasa dles Uniuns na sabeda danmisdé. Ti grups y cun les istruziuns dles maestres à düć laurè cun lezitënza y à abelì les ćiandëres. La domënia do mëssa èl spo stè val’ scolars, geniturs y maestres che à venü les ćiandëres sön plaza de dlijia. A düć chi che à sostegnì chësta aziun i vàl n bel dilan. La scora à porvè da sensibilisé i mituns por la meseria che d’atri mituns tl monn mëss sofrì. Dedô à i mituns podü odëi y aldì dla situaziun de chisc mituns te n referat y te na proieziun.

Pastlenè por le marćé a Rina Ince la scora da Rina à tut pert al proiet „Früć y lat“. Düć i mituns

Marćé a Antermëia Döt altonn à les tlasses de nosta scora metü man da pastlenè por le proiet “Früć y lat”. Chi de 1. tlassa s’à dër porvè da pastlenè cogores por le lëgn da Nadè, chi de 2. y 3. tlassa s’à dër porvè da fà bocà, linternes y ćiandëres y la 4. y 5. s’à dër dè da fà da pastlenè patüc de lëgn: raîsc cun zbergli, agnui, mandli de nëi. Ai 7 de dezëmber unse fat, do nosc rorate, n marćé da Nadè olache i ùn venü döt cant. I scioldi trać ite ti é jüs ai mituns dla Birmania. Ai 12 de dezëmber él gnü na rapresentanta dl’assoziaziun “Helfen ohne Grenzen” a mostrè a

Scolars d’Al Plan cun les maestres, le surastant de “Helfen ohne Grenzen” Benno Röggla y la designer Pia Pedevilla, pro la surandada dl scech.

22

www.lauscdiladins.com

geniturs y scolars na presentaziun sön la Birmania. N gran dilan ti va a geniturs, mituns, insegnanć y jënt dl post che à daidé pro a val’manira che nosc proiet garetes.

Birmania tla Tailandia. Cun chësta bela aziun de solidarieté à les maestres orü sensibilisé i scolars da daidé d’atri mituns che à debojëgn y vir tla meseria. Les

San Martin: laûrs de lëgn y d’atri materiai Cun le proiet “Früć y lat” unse orü sensibilisé nüsc scolars da avëi n cör davert por i mituns a chi che ara ne ti va nia tan bun co a nos chilò. Ai à tut sö nosta proposta cun Tratan le marćé a Antermëia. gran ligrëza y vëia da arjigné ca de vigni sort de laûrs coordinadësses dl proiet é inće fać cun lëgn, papier y glizeri, cera gnüdes te scora a ti splighé ai scolars y peza. La secunda domënia y inće ai geniturs interessà la d’Advënt unse organisé n te’ pice situaziun di mituns profugs y a ti marćé olache i ùn venü scialdi döt. lascè odëi n filmat. Porchël à i scolars tratan les ores Al Plan: pastlenè por opzionales facoltatives pastlenè de vigni sort de pici laûrs che gnarà solidarieté spo venüs. Ai à laurè cun gran Por n valgönes edemes alalungia ligrëza y impëgn, se porvan a fà à i scolars dla elementara d’Al Plan garatè i laûrs. arjigné ca de vigni sort de patüc fat a man por podëi le vëne en ocajun En dilan particolar ti va ai scolars dl marćé da Nadè. Vigni tlassa à che s’à da spavënt porvè, ai portè pro cun sües capazitês y so insegnanć por les bries y nia savëi, insciö che ala fin àn podü inultima a dötes chës porsones che mëte fora ai 12 de dezëmber te salf à cumprè jö val’ portan insciö pro dles manifestaziuns n gröm y de a trà ete na gran soma da daidé vigni sort de bel patüc de decoraziun. mituns manco fortunà co nos. N Te porte ê la gran mësa plëna de früt y n gote de lat al’edema por n chertes da Nadè fates cun deplü ann intier ne costa nia deplü co tecniches. I scolars à saludè tröc 7,00€ por möt! Ala fin dl proiet à familiars y por l’ocajiun él gnü portè les scores de nosta direziun podü dant n valgönes ćianties y melodies ti surandè ales responsables dl por abelì y ti dè na importanza proiet na bela soma de passa ćiamò plü grana a chësc bel proiet 9.000,00€. de solidarieté. Por realisé chësc proiet po vignun daidé cun spënores sön le I scolars da Lungiarü cunt “pom y lat por la Birmania”, dëida IBAN IT09C 08010 59130 000403421341 pro la Cassa I scolars da Lungiarü à tut pert Raiffeisen Val Badia. al proiet “Früć y lat” de Pia Pedevilla Scores elementares dla direziun y Annamaria Fiung por daidé i raionala Al Plan de Mareo mituns che mëss sciampè dala


nr. 25 / 01 de messel 2011

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

La Musega de Moena ge à fat onor a Sèn Vile Cater dis de festa con musega, folclor e la premiazion del prim concors musical Paolo Chiocchetti

Mùseghe e gropes de folclor da duta Fascia à defilà fora per le strade de Moena.

Moena - Festejar la sègra de paes l’é per noscia jent n apuntament da solenisar con gaissa e con fogn sentimenc religiousc. Coscita l’é stat ence chest an a Moena, olache per l patron Sèn Vile, la Musega de paes se à dat endò n gran da far e l’�� endrezà cater dis de festa te tendon. I festejamenc se à avert en jöbia ai 23 de jugn jun Navalge con n moment dedicà ai joegn col conzert del cognosciù grop “The bastard sons of Dioniso”. Chisc trei tousc trentins à portà dant so repertorie de musega rock ma ence chi toc che li à fac cognoscer dut entorn de gra a la trasmiscion televisiva X Factor.

Sacotenc joegn se à troà te tendon per veder dal vif chisc trei ciantarins, ge domanar l’autograf e magari ence n bel retrat da encornijar. En vender e sàbeda sera enveze la sègra se à viventà co la musega folk col spetàcol di gropes “Polka Punce” e “Original Sudtiroler Spitzbuam”, co la Böhmische Judicarien e i Malgòla Quartet che à fat se sà ben l pienon de pascioné. Chest an la sègra crodaa belapontin de domenia e coscita la Musega se à dat apuntament jà bonora per jir a descedar l paes e enviar duta la jent a messa grana. La funzion, ciantada con solenità dal Cor de gejia, l’é l’ocajion ence

per ge sporjer l braciacol ai preves moenac a la foresta e coscita la comunanza se à strent dintorn a Padre Dario Zanoner del Menegon che à festejà chest an i 50 egn de servije. Padre Dario, co so far ùmol ma dassen gustégol, l’à dit sù na perdicia per moenat duta en rima, che si paesegn à trop aprijià. A più che un ge é sćiampà da grignar e fosc ence calche legrema... Dò la procescion de Corp de Crist i museganc da Moena se à tramudà te tendon olache i se à tirà int l gramial e i à bele cognù dar fora da magnar e da bever a la jent che spetaa ars de se parar da la sé e dal ciaut che zacan se à fat sentir.

Dò marena i à portà l salut l’ombolt de Moena Riccardo Franceschetti e la procuradora Cristina Donei che ge à sport l develpai a la Musega per aer endrezà la sègra e i complimenc per aer binà a una duta la comunanza de la val “segn che é dò a se enviar via polito l Comun general de Fascia”. Sobito dò l president de la Musega Maurizio Boninsegna à volù premiar i venjidores del prim concors musical “Paolo Chiocchetti”, la mior vida per recordar co la musega l’amich e l maester de la Banda de Moena se n jit acà n an. L’ombolt, la procuradora e l’assessor regional ladin Luigi Chiocchetti ge à sport

na targa a Giacomo Riz, Lara Eccher, Martina Brigadoi, Fabio Riz, Stefano Riz (consegnada al president de la Musega Auta Fascia Enzo Rovere) e Barbara Tamion. N recognosciment é jit ence al president de la scola de musega “Il Pentagramma” Stefano Lazzer che à didà la Musega a endrezar l concors musical. “I jovegn daldidancö é n muie enjignè – à dit l president Boninsegna – de gra a la colaborazion anter Bandes e scola de musega, fojina de ezelenze musicale. Stajege apede a nesc joegn museganc e a le Bande e fajege semper sentir vosc sostegn e aprijiament, n’aon trop de besogn.” Entorn le trei domesdì le strade de paes se à empienì de jent che volea se goder la bela defilada de le Museghe de Vich, Poza e Auta Fascia, l Grop de Folclor da Soraga, i Schuhplattler da Ciampedel e l grop de paicenadores da Vich. Te tendon le trei Bande à sonà dute ensema, en onor de chela da Moena, e dapò la festa é jita inant co la ejibizion di balarins da Ciampedel, la musega di Kromeri, l bel conzert de la Musega de paes e l grop di Alpenboys che à sonà fin tart per serar via te crigna n’autra gustégola edizion de la sègra de Sèn Vile. (mci)

L president de la Musega da Moena e le autorità à premià i museganc venjidores del prim concors musical Paolo Chiocchetti e dapò le Bande de Vich, Poza e Auta Fascia à sonà ensema te tendon.

Moena é stolza di chèdres de sia storia Te sala de Comun l’é stat enaudà na bela mostra, che valorisea l lurier storich, artistich e didatich fat ti egn ’60 da l’artist Mario Detomas del Monech e dal maester Simonin Chiocchetti Maza Moena - No duc i pìcoi paìjes de noscia valèdes à a la leta materièi che mosce duta sia storia, no la “gran storia” che se troa per solit sui libres de scola, ma la “picola storia” de noscia jent. Moena l’à chesta fortuna: la storia del paìsc, dai prumes ensediamenc enscin al 1900, i l’à adertura duta depenta, te 28 chèdres. I “Cadres de storia” de Moena era stac realisé ti egn ’60 dal pitor Mario Detomas del Monech da Sèn Jan su encèria del maester Simonin Chiocchetti Maza, che chi egn l ge ensegnèa storia e cultura ladina ai bec de la populères e no l’aea a la leta nesciun material didatich. Chisc chèdres, che é stac dapò taché sù sui parees de la scola, i à compagnà per egn i scolees da Moena, dapò i à risià de vegnir desmentié e destrabonii, ma ades i à troà danef sia dreta valorisazion. Chest istà duc i pel i veder te sala

del Consei de Comun de Moena te la mostra metuda a jir da l’aministrazion co la colaborazion de la Scola de Fascia e del Grop Ladin, per endrez de la maestra Maria Giovanna Jellici, che se à tout a cher l’endrez de chesta scomenzadiva. La bela esposizion é stata orida apontin l dì de la sègra, da Sèn Vile, e dassen n muie de jent à tout pèrt a l’inaudazion. L’assessora Ilaria Chiocchetti e l’ombolt Riccardo Franceschetti à avert i intervenc recordan l’emportanza per l paìsc de Moena de aer chest patrimonie storich e artistich: chèdres che ic enstesc aea amò tel cef desche recort di egn de scola e che descheche à confermà la sorastanta Mirella Florian - i troarà prest endò lèrga te la neva scola populèra de Moena. De l’emportanza didatica de chest lurier à rejonà la maestra

Jellici, che à sotrissà coche ogne chèder sie stat studià apontin per poder ge portèr dant ai bec a na vida sorida i aspec storiches e geografiches de noscia tera, enveze per chel che vèrda l’aspet artistich l’é jit ite più a fon l professor Franco Soraperra, che à metù al luster la gran capazità artistica de l’autor, prum de dut desche dessegnador de personajes, che à gran intensità espressiva, ma ence tel ge dèr profondità prospetica ai chèdres e tel rencurèr ogne particolèr. Autra informazions se pel les troèr tel liber “Moena. Cadres de Storia” dat fora dal Grop Ladin del 2009. Na publicazion che de segur à dat n gran contribut a la valorisazion de dut l lurier di doi autores, descheche à sotrissà ence l fi de Mario Detomas, Bepe, tel portèr l rengraziament de duc chi de cèsa a la istituzions, la sociazions e la jent che se à dat jù acioche no

vae dut destrabonì. L liber – recordà da la presidenta del Grop Maura Chiocchetti - tol ite duc i chèdres stampé en gran dimenscion e bela ressoluzion, compagné dai curc scric didatiches metui ju enlouta dal maester Simonin Chiocchetti Maza e da la integrazions de la bibliotecaria e

storica da Moena Maria Piccolin per l’atualisazion critica al dò de la neva enrescides storiches. La publicazion vegn data fora a n priesc rebassà en ocajion de la mostra, che vegn tegnuda averta duc i dis da les 17.00 a les 19.00 de gra a la colaborazion de la sociazion “Pian pian, bel bel”. (lg)

L’inaudazion de la mostra, (da cencia): Franco Soraperra, Maria Giovanna Jellici, Mirella Florian, Maura e Ilaria Chiocchetti, e Riccardo Franceschetti. www.lauscdiladins.com

23


Fascia

nr. 25 / 01 de messel 2011

Na neva via Crucis per jir vin chel Crist de Fedaa Enstadì l’é stat benedì i neves capitìe de la via Crucis de via Neva che porta a la pìcola gejia del Crist de Fedaa

N grum de jent se à binà per la Via Crucis.

Penìa - La dì de Sèn Jan de jugn ta Penìa aló da la gejia se à binà fidei da n muie de paìjes de la val per tor pèrt a la procescion e a la via Crucis enscin via chel Crist de Fedaa. L’é na tradizion veia e veiora dassen sentuda da la jent de Penìa e Dèlba che i jia su più outes te n istà a preèr l Segnoredio acioche l vèrde jù e l fae a na vida che i lurieres da d’istà i jisse ben. Donca se jia a preèr canche l’era massa

burt temp ma ence canche l’era massa sut e no l pievea mai. Canche l’era debesegn se se cordèa e canche sonèa la ciampènes se se verteèa e se jia su. Te duc chisc egn la tradizion de jir via chel Crist la é semper jita inant e chest an adertura la funzion l’à raprejentà n moment amò più emportant con la benediscion di neves capitìe de la via Crucis. 14 capitìe più un dedicà a la Madona,

Don Stefen à vidà con sia orazions la procescion.

Ogne stazion à mantegnù sia forma e sia posizion originèla.

L prum capitel renovà sul troi de la Via Crucis.

vejin a la 13^ stazion. Jà l’an passà l’era tacà i lurieres e chest an i é stac porté a termin da Diego Salvador, Stefano Salvador, Ivano e Ermanno Verra, Stefano Bernard, Mirco Micheluzzi, Andrea Dantone, Luca Dantone e Tullio Soraperra. Valgugn à metù la mauta, etres la scandoles sui pìcoi cuerc, valgugn à dat jù l color e valgugn amò i à metù sù l pìcol ciancel e l resultat l’é stat maraveous.

A la fin de la funzion don Stefen ge à sport n “Develpai a duc de cher” a duc chi che à lurà per fèr fora i capitìe de la via Crucis e l’à recordà ence Paolo Verra, spion dal bosch, che via per dut l’an rencura la gejia. Semper l preve l’à rengrazià ben segur ence l’aministrazion de Comun de Cianacei, la Frazion de Grìes e l Grop de la Mèscres de Dèlba e Penìa.

Sul troi de strèda Neva i fidei à preà con devozion.

Chela pìcola gejia sconeta sot la crepa l’é n pont de referiment, l’é n simbol de speranza e de fe che amò anchecondì fèsc sentir amò de più de esser na comunanza forta e adum. L’é stat segur n gran empegn ma tel medemo temp l’é stat ence na gran sodesfazion e l resultat l’é stat n muie aprijià dal preve, da chi che à lurà e ence da duta la jent che l’auter dì era en procescion. (vr)

La jent se à strent te la pìcola gejia dedichèda al Crist de Fedaa.

L’é pontà via “Istà per i bec” 133 bec se à scrit ite a la scomenzadiva endrezada dai comuns de Poza, Vich e Soraga Poza - Desche da calandar l’é tacà ite l’istà e con chest ence la aprijiada scomenzadiva de “Istà per i bec” che é ruada a soa 16^ edizion. Dai 27 de jugn ai 26 de aost, sot l coordenament de Ilda Agostini e Paola Martini del comun de Poza, n grumon de bec da Poza, Pera, Vich e Soraga arà l met de se passar le giornade coi amisc jian, fajan raide te paìsc e sa mont e emparan robe neve. En dut chest istà i é 133 i bec scric ite a “Istà per i bec”, spartii fora te 4 gropes, vardé via da 7 assistenc e 3 operatores Anffas, ajache la scomenzadiva vegn averta ence ai bec che à vèlch problem o che à maor besegn de assistenza. Marzia, Stefania, Doris, Monica, Ingrid, Gabriele, Maria Elena ensema a Francesca, Angela e Francesca endrezarà ogne dì valch da bel, nef e gustégol e mìngol de temp vegnarà dedicà ence ai doeres de scola. Per l’edizion 2011 l’é pervedù le gite a l’Acropark

24

www.lauscdiladins.com

Adventure de Piciocaa a Pera, le giornade dedicade a l’educazion ambientala en colaborazion co l’Agenzìa Provinzièla per l’Ambient, i laboratories didatiches e ricreatives al Museo Ladin, i bec jirà coi feres tel stadie de la giacia de Dèlba ensema ai istrutores de l’Artistico Ghiaccio, doi outes i jirà al Lido de Egna e ogne mércol vegn fat na gita sa mont, sun Ciampedìe, te Val de Sèn Nicolò o te Gardecia per ge far descorir a chisc bec l bel de nosc ambient. Amò apede vegnarà fat n muie de atività manuale e canche sarà massa ciaut o burt temp i bec arà l met de dessegnar, crear col papier e con autres materiai. Ence chest an ge é stat sport ai genitores l met de scriver ite i bec per dut l’istà o ence demò per valch setemana. L trat de temp più pien, con 94 bec, l’é chel che va dai 11 de messal ai 12 de aost. L’é amò post te le ùltime setemane per chi che aessa chela de se n emprevaler.

I enteressé pel se oujer te comun de Poza al numer de telefon 0462764758. La senta de “Istà per i bec” l’é la

scola mesana de Poza olache ogne dì da doman se troa i gropes de bec; l servije de mensa vegn fat aló da la scola d’art. Per chi più dalonc

Le raide sa mont le é semper n muie aprijiade.

l’é endò stat ativà l trasport col pulmin. A noi no ne resta auter che ge augurar a duc n bon istà! (mci)


Fascia

nr. 25 / 01 de messel 2011

Messner e De Gregori su per i monc de Fascia L teater che deida a crescer Te l’ambit del program de la Trentino Spa “I Suoni delle Dolomiti” n muie sarà i protagonisć fora per la uties e per i pré de noscia val da fora, ampò l’é na ocajion ence per nos dal post de cognoscer e aprijièr momenc de musega, cultura e stories de vita. Te Fascia l program l va inant enscin a la fin de aost con n muie de apuntamenc. Dai 7 ai 8 de messèl vegn endrezà na raida sa mont anter i Refuges Catinaccio e “I Suoni delle Dolomiti” ence chest an Sassolungo con Mario Brunello e Nives Meroi e porta spetacol, musega e cultura sa amò chisc doi alpinisć de mont. (foto Walter Cainelli) nonzech i sarà en sabeda ai L program de “I Suoni delle 9 da les 14.00 sun Pian de Frataces. Dolomiti” l’é ogne an più rich e l tol En vender ai 15 de messèl sarà ite ogne sort de gust e de besegn. la musega e la ousc de Martin Mayes Chest an se taca proprio chest & Horns Aloud che sun Laguscel fin de setemèna, en domenia ai 3 te la mont de Poza tegnarà de messèl, canche stroz per dut l compagnìa a partir da la does Trentin se podarà scutèr i miores domarena. cores da mont de noscia region. L Ai 22 e 23 de messèl la projet l’à inom “Dolomites de manifestazion rua al Refuge Roda encant” e te Fascia l taca al Refuge de Vael, olache l’é pervedù doi Principe con l Coro Sass Maor. Ogne encontres: en vender ai 22 da les conzert l sarà da les 11.00 dadoman 14.00 per “Il Racconto delle te dut l Trentin. Dolomiti” sarà l’alpinist Fausto De L’é de bie momenc, endrezé se Stefani e en sabeda ai 23 da les 6 da sà ben soraldut per i ghesć che rua bonora per “L’alba delle Dolomiti”

l’ator comich Enrico Bertolino. Il fin de setemèna dò enveze sarà l’outa del Refuge Vajolet olache en vender ai 29 da les 14.00 Reinhold Messner l contarà de sia esperienza sui monc e en sabeda ai 30 da les 6 dadoman Sonia Bergamasco e Rodolfo Rossi prejentarà l liber “La scimmia bianca dei miracoli”. Ence chest an “I Suoni delle Dolomiti” i rua sun Ciampac con la musega e l teater con la Piero Sidotti Quartetto Giuseppe Battiston Genteinattesa. L’ùltim apuntament te Fascia, fosc ence un di più speté de dut istà, l’é endodanef te Fuciada, olache en vender ai 26 de aost ruarà Francesco De Gregori che l tacarà sie conzert da la does domesdì. Da no perder l’é ence “Elio e le storie tese" ai 20 de messèl vin Primier a Villa Welsperg sot le Pale de Sèn Martin. Ence chest an donca su per noscia monts no menciarà l spetacol e la emozions per duc chenc. Per chi che volessa n saer de più dut l program se pel l troèr sul sit www. isuonidelledolomiti.it. (vr)

Sèn Vit, patron de Vich Dò 25 egn chest an l’é endò stat festejà Sèn Vit: procescion e messa te Santuar de Sènt’Uiana Devozion - Ai 15 de jugn l’é stat recordà Sèn Vit co na bela zelebrazion ofiziada da Monsegnor Tiziano Ghirelli da Reggio Emilia, che te la bela pardicia l’à recordà S. Vit, che l’é n muie venerà e l fasc part del “famous” grop di ausiliadores e interlocutores sun tenc de mai, donca più che Sènt. Sion ponté via dal Crist sun Piz de Vich co la corona sgranada da Mons. Ghirelli e fenida tel Santuar de Sènt’Uiana. L cor di joegn l’à solenisà la Messa e dò, con n grostol te man, duc a ciasa. No per nia pare Frumenzio Ghetta de Martin con parole scrite da el sotlineea che “da canche i à fat sù l’utar de Sèn Vit del 1520 en ca l’é patron de Vich.” Ence l maester dal Toni Valentino Polam, pare del dotor

Antone Polam, che l’é stat president de la Comunità de Fascia, sui “Diari” olache dì per dì l scrivea dut, su la festa de Sèn

L’utar dedicà a Sèn Vit te la lejia de Sènt Uiana.

Vit patron de Vich l’evidenziaa ence che che en chel dì l marenaa, per no rejonar ence de le varie publicazion, riviste, calandares olache vegnìa sotlineà che “S. Vit l’é patron de Vich.” Se auguron che da chiò inant no l mence mai de esser recordà perché cheste l’é reisc cristiane e de tradizion veiore che no le cogn vegnir desmentiade e petade te n cianton. L’é na memoria de fe che ne à lascià nesc aves ti tempes passé che no se pel sotvalutar e pissar autramenter, percheche die amò che l’é na memoria reala e de fe. A Roma l Papa Sisto IV, che l’à edificà la Capela Sistina de gran nonzech te dut l mond, l ge à ence dedicà na lejia a S. Vit tel IV sécol. Arturo Rasom de Gotart

La scola Estroteatro de Trent con La Risola porta dant la seconda edizion del cors “Teatrimparando”

N moment del spetacol “Re Laurin” portà dant l’an passà.

Teater - Dò l bel spetacol su Re setember Ivano Winterle e la scola Laurin portà dant dai bec via Pera de teater Estroteatro de Trent donca l’an passà, no se veit l’ora de veder i endreza te Fascia l secondo cors chel che chi de la Compagnìa per joegn dai 11 ai 16 egn. A la fin, Estroteatro se à pissà de endrezèr ence chest an la dì de la sègra de per chest an. L projet Sen Lorenz a Pèra, en domenia ai Teaterimparando, metù a jir delaìte 2 de otober, i bec e la bezes portarà del pian de joegn La Risola, l’aea dant duc ensema n spetacol de abù dassen n bel suzess, no demò teater. L cors taca en lunesc ai 4 de per l’aprijiament che se à vadagnà messèl da les 16.30 aló da la scola l spetacol de fin del cors, ma soraldut populèra de Pera, olache duc i é per la bela esperienza e i bie recorc envié a tor pèrt a la pruma lezion che ge é resté daìte a chi che aea de proa debant. Se jirà dapò inant tout pèrt. per duc trei i meisc d’istà, ogne L’an passà defat, de gra al pian lunesc, da les 16.30 a les 18.30. L di joegn de zona La Risola e cost del cors l’é de 50 euro. Per se scriver ite o per aer maor Estroteatro ge é stat dat l met a doi gropes de joegn e manco joegn de informazions se pel se oujer ogne se sproèr e jir sorafora sia vender da les 16 a les 18 al portel capazitèdes. Con i più pìcoi l’é stat de la Risola te Comun general. L portà su la paladina endèna la sègra formulèr de enscinuazion pel ence del paìsc de Pera n “Re Laurin” vegnir desćiarià dal sit www.larisola. modern e ironich, enveze su la com e dò l’aer scrit ite se pel l portèr paladina de la Sorastanza per doi te Comun general ogne dì te orarie outes l’é stat l’outa di manco joegn de lurier dant dai 8 de messèl. Jì con l spetacol “Per ladin…semper bec, che spetède pa? (vr) più bel?”. Te noscia valèdes chela de aer n cors de teater l’é na ocajion emportanta, e chest soraldut per i bec più pìcoi che tras l jech e la tecniches de la didatica teatrèla i empèra a cognoscer la potenzialitèdes del corp e de la ousc che i li didarà no demò tel spetacol de fin de cors e sun paladina, ma ence a tor dant con manco La Risola e Estroteatro porta dant la II edizion de “Teatrimparando” per bec tema la proes de la vita. Ti meisc de messèl, aost e dai 11 ai 16 egn.

Chi él pa? Soluzion del retrat su La Usc nr 24 L retrat che aon publicà la setemèna passèda ne era stat portà, descheche aane jà scrit, da Luisa Lorenz de Meca e la ne aea dit che l cognessa esser stat fat

da Tonin de Grava, ma de auter no la saea da ne dit. Aon vedù ampò che chest gustegol retrat de bec l’é stat massa senester per nesc letores, e demò Lino Soraperra Medico à

4 5

1 2

3

proà a endoinèr, ence se nience el à sapù ne dir i inomes di bec. Per so cont anter chi bec podessa esser i fies de Guerino Calligari, che l stajea a Sèn Jan, olache l’aea ence la boteiga. Lino ne à dit ence che per so cont l’era bec che jìa a past, ajache i à l bachet, e che l retrat podessa esser stat fat ju per Ciarlonch. Chest’outa, ajache l’é ruà l’istà e l bestiam é stat monteà, ve meton dant n retrat fat ta mont... no ve dijon de auter e ve envion duc a proèr a cognoscer fora chi che l’é su e a ne dèr la resposta per telefon o fax al 0462.764545, o per mail a la direzion lausc@ladinsdefascia.it. Ve envion ence desche semper a

vida ne didède a viventèr chesta rubrica e a meter ensema vèlch mizacola de storia de noscia jent e podede ence ciapèr en don na publicazion de l’Union di Ladins.

ne portèr te redazion i retrac veies che aede te vèlch crigna: i retrac vegn touc sù col scanner diretamenter te redazion e podede i ciapèr de retorn sobito. A chesta

3 2 1

www.lauscdiladins.com

25


Fodom

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 25 / 01 de messel 2011

Ciaciadous: Leandro Grones riconfermé prescident de la Riserva da Fodom Nuova senta sozial, n liber co le scòle e manutenzion ambiental le maiou ativité portade nnavánt nte chisc agn Ciacia - Leandro Grones l é ste confermé ndavò prescident de la Riserva de Ciacia da Fodom. I iagri, che i s’à biné ndomënia passada per la sentada anual, i à ence liet fòra l nuof consei diretif. N fajarà pèrt Giuliano Palla, Igor Masarei, Giovanni Palla e Giampietro Palla. Del colegio dei revisori dei conc nveze fajarà pèrt Germano Dorigo, Cristian Pezzei

e Antonio Sief. Grones l é a la testa dei ciaciadous da Fodom dal 1994. Dal 1997 l é ence prescident del Distret Agordin e dal 2002 coordinadou dei 10 distrec de la Provinzia de Belum. Nte la Riserva de Ciacia da Fodom, che l’é una de le 67 de la Provinzia, l é scit ite 55 sòzi; de chisc 13 i vif fòra dal comun. La superfisc zensuaria l’é de

9.999 etari e chëla da podei jì a ciacia de 7.159 etari (la cuarta n Provinzia de Belum). La Rac da Fodom la fèsc pèrt del Distret Agordin, che l é ence l plu gran de la Provinzia coi suoi 6.600 Kmq e chël co l maiou numer de Riserve, ben 15. Nte chisc ultimi agn la Riserva l’à porté nnavánt trope ativité. Chëla maiou l’é stada senz’auter la realizazion de la senta

sozial e del zenter per porté e controlé i animèi copèi al Taulac. No máncia le ativité didatiche e per fè cugnësce l mondo de la ciacia. Davánt doi agn defati l é ste nviè via na scomeciadiva co le scòle da Fodom per fè n liber su ciòf, plánte, ambient e tradizion che l é ste prejenté ence nte na trasmiscion de Sky. Auna al Comun, da n l ann passé, l’à nvié via n proget de recupero ambiental per la śòna de Saviné su na superfisc de 76.700 mq che jiarà nnavánt per 7 agn. Ntra le ativité portade nnavánt ogni ann, auna ai zensimenc de cièrf, caprioi e ciamourc, i ciaciadous i gestisc, via per l invièrn, ence 42 scaliere per i caprioi. Le tabele le fèsc vedei l andament de la popolazion cièrf de ciamourc nte sti ultimi 10 agn. Chëla de cièrf l’é una de le plu aute

Leandro Grones.

de duta la Provinzia e l’é calada demé ntel invièrn de tropa nei del 2008 – 2009. L ciamourc l é ste dezimé da la rogna sarcoptica, ma ades l é ndavò drio a ripopolé le mont da Fodom.

Ciámp de Freine: crësc l enteresc come “location” Teater per fodom L proget de la scòla e Istitut é ste porté nnavánt via per l ann per la preparazion al aut de le scuadre da la Erika Castlunger e fenì via co na raprejentazion Le setemane passade l’é ruada ence la dománda da pèrt de l’under 21 del Mali Comun- L nuof ciámp da balon sintetich de Cërnadou “location” idela per i alenamec al aut de gran scuadre de balon? N vèlch che podëssa deventé na realté se se ciala le dománde ruade nte chëste ultime setemane aal Comun da Fodom. La plu nteresciánte e ence coriosa l’é de segur chëla che à fat ntëne la nazional under 21 del Mali. A la conté l é l assessor al sport Lorenzo Pellegrini che nte le setemane passade l à ciapé la telefonada de Guglielmo Domini, colaboradou den agent de na scuadra de balon. A chëst la Federazion del stato africán l’ava damané la colaborazion per i é ciapé n ciámp da balon al aut ulà podei fè la preparazion atletica n previjion dei mondiai de categoria che vignarà fac de lugio via n Colombia. Le zitè ulàche le nazionai mendre le śogarà i é dute scialdi n aut, ence soura i 2000 metri. Da chilò l debujen per le scuadre che tòl pèrt, de se alené n condizion de autëzza e de puocia aria l plu

poscibile compagne a chële che i ciaparà ntel stato del sudamerica. Chëla dei alenamenc al aut l’é deventada na pratica trop dourada da le scuadre de balon. Ence se no i à da jì a śoghé a cuote aute, fè preparazion atletica sa mont dáida l fisico a svilupé chële carateristighe, come l ematocrito del sánch, de gran mportánza per le prestazion da dé n partida. N’oportunité che podëssa deventé n’atrazion turistica per Fodom, coche desmostra da agn chële localité come Bornech, Cortina, la Val de Fascia per n di nvalgune, che le ospiteia (a paiament) le scuadre plu blasonade del campionat talián de balon. L ciámp de balon de Freine, inauguré ntel 2009, l é a 1600 metri sul mèr e l é l plu aut, ntra chi sintetizi, d’Italia. “La Federazion del Mali l’ava dassën damané de i é ciapé fòra na localitè del norde del Veneto” conta Domini. “Coscita da internet son rué a vignì a savei del ciámp de Freine.” Apëna abuda la plena disponibilité de la

strutura da pèrt de l’aministrazion de comun, l agent l s’à metù a cherì l albièrch e dut chël che podëva avei debujen la scuadra per i dis de alenament nta Fodom. “L eva l luoch ideal” l disc ncora. “Puoch desoura l é l albergo La Baita, da ulàche se po’ rué nte Freine a pe e la cèsadafuoch l’é bona. L eva cuaji dut organizé, po’ l’é ruada la notizia che la scuadra la śogarà trop plu al aut de chël pervedù davántfòra. Se ruarà nte zité fin a 2 mile 500 metri. Nlouta la nazional l’à dezedù de fè la preparazion béleche n Colombia. Ma de segur se chèlche autr scuadra assa da me damané la medema disponibilité la manaré de segur nta Cërnadou.” Ndesplaju ence l assessor Pellegrini. “Sciode che dut siebe ju drio breia ju. Ma chësta dománda la n’à mostré de le potenzialité e de le prospetive dassën nteresciánti per nòst ciámp da balon. On bu ence trope dománde da pèrt de scuadre de jovegn da Treviso e Venezia. I é reponaron al plu prëst. (ls)

Scòla - Trop garaté e gran suzess à bu la raprejentazion dei tosac de le scòle elementari da La Plié metuda a jì davánt de sarè ite l ann de scòla. S’à traté den teater per fodom, metù auna davò n cors metù a jì via per l ann da na colaborazion ntra l Istitut Cultural Ladin Cèsa de Jan e le maestre de la scòla da La Plié. La scomenciadiva l’é piada grazie a la poscibilité, perveduda da la lege cuadro nazional su le mendránze 482/99, de mëte a jì e nvalgune ore de cors da teater n ladin. Touta su chësta oportunité, Istitut e scòla i à damané la colaborazion e l’esperienza de EriKa Castulger da Corvèra, bele

mpegnada co nen cors nta Fodom, fat via per l auton 2010 e che ence ntei agn passèi l’ava porté nnavánt medemi progec. L Istitut co la colaborazion de Mara Irsara, l à traslaté dal talián al ladin l test de teater injigné da le maestre e po i tosac i s’à de ju a mparé l dut. L resultat l é ste de gran valour, siebelo per l impegno dei tosac e de le maestre, che per l laour de Erika che l à sapù se trè i tosac e i é fè fè na bela esperienza. De nteresc l é ste ence coche i tosac à coëst su l descore n fodom nte na maniera semplize e ntel medemo temp saurida senza “forzadure”. (ls)

Pensiers I tosac de la scòla da La Plié ntánt la raprejentazion del teater per fodom.

El miracol de l’aisciuda Sta bela aisciuda, sto ann bonoriva e ciauda, ánzi trop ciauda, fòra del normal, l’à fat verdié emprescia i prèi su per mont e dintournvia. L sorogle l sciauda bele da bonora, e me l gode deplen ntántche beibe l café fòran solé. Con sti biei dis se va proprio gián defòra a se remoné su dintourn le cèse. Veighe i vejins che se concia la sié e taia i ram dei èlbri roc ju da la nei del inviern. Vèlch ële i é bele via per i ourc a sbadilé su i ceolins e i narciji. Le giamèite i é che le spizoleia damprò ourt de mia mère, ncin picole per fè cajunciei. Coscita vade su per teriol de Jòrc. Su ilò sci che i é proprio bele da coie. Ca e le ence grijoi e picole ortie e

26

www.lauscdiladins.com

pense bele a ci bon pastolé che vignarà fòra; se sà ben co nen cin de bona scota laprò. Ntánt che coie, na clapada de pichi uciei sgòla en ciantan dai ram den melëster al auter. I a festus ntel bech, i ciánta, i se clama, i fèsc proprio en bordel, pò i sgòla bas a se coie su vèlch col bech e via sot tët de la majon del Victor. I é drio a se fè le coe. No, no l é encora le zirghe. Mio père dijëva che l é i spozen. Ie ciale e pense; sti pichi uciei ci njignëoi che i é. I a fat na bela coa perfeta, zenza avei debujen de enzenieri o computer per dessegné e calcolé. Miracoi de la natura. Me ciale dintourn a sto bel pre plen de ciòf śei de le polente.

L é i “Vergissmeinnicht” del colour del ciel, ntamez ite de bele picole cënebone bláncie e via damprò roièl dut plen de ranuncoi śei. Se sent dintour via el śenament de le èf del Berto de Toratìa, che da nen ciòf al auter le se parëcia a fè la miel. Na picola schirata cor via bel emprescia e su per chël pëc. Ci vèlch de bel. Me sente via sun chël bánch damprò l Crist a pensé ncin e me gòde sta belëza del Creato. Me n tourne a cèsa no demè co la sportela plena de ièrbe per fè i cajunciei, ma ence col cuor lesier e saren perciéche me sente pèrt de sto bel dessen del nost Creator e me sente pèrt ence mi de l’aiscuida. (Marilena)

I fuosc del Sacro Cuor Tourna ence st’ann la vegla tradizion del Tirol Religion- Ence st’ann, n ocajion de la festa del Sacro Cuor de Gejù, ndomënia 3 de lugio i Scizeri da Fodom i fajarà rivive la vegla tradizion dei fuosc. Da Pordou a Còl, auna a duc i paisc del vegle Tirol, sluminarà spò le flame che recòrda la vegla devozion de chëste tière al Sacro Cuor, piada via n ocajion de le nvajion de le trupe de Napoleon. Fuosc vignarà mpiéi sun Pièraclòcia, sa Salerace (Rèba),

Sourasass, Jou de Vèrda, sui Ciadiniei, sa La Court (sun tët del forte) e sa I Maguec (ja Còl). Jou de Vèrda. La scomenciadiva l’é dalvièrta a duc chi che vòl tò pèrt. Se se binarà da le 8 da sëra per se mangé vèlch auna prò ogni postazion (ogniun pòrte vèlch). Ntourn le 9.30 vignarà mpié i fuosc. N’ocajion per ste auna, cugnësce l’ativité dei scizeri e porté nnavánt na tradizion che l’é tournada a rivive davánt nvalgugn agn e che no l’à plu da morì. (ls)


nr. 25 / 01 de messel 2011

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

Una moto todesca, su ra pista de Anpezo

Ciantà d’istade Ra canzos de el Coro Cortina, inze ‘l paes, par r’Italia e fora

Ra Bmw r’é ruada da nośoutre, par mostrà ra so moto noa. El canpion de el mondo Manuel Machata su ra pista de Eugenio Monti

El Coro Cortina a Schenna, pede Meran, ai 20 de maśo, par el prin conzerto de chesta stajon.

Dapò de aé betù aduna el Cd noo, e in é cuatordesc, fin ancuoi, agnó che ‘l é stà rejistrà outra bela canzos, el Coro Cortina el se parecia par un istade de conzerte. Se podarà el scotà inze ‘l nosc paes, inze ra vales ca pede, ma anche fora da r’Italia. Se sà che el Coro el se ciata polito, in Austria, in Jermania, agnó che el và ogni an, par se fei scotà, e ce bel che ‘l é. Dapò de ese stade a Schenna, pede Meran, ai 20 de maśo, i cantore de Anpezo, e de chi outre paesc de el Cadore, che ‘l é inze ‘l Coro Cortina, i se parecia a i dà un bon azeto a i amighe, che ruarà da fora, par r’edizion 2011 de Cortina InCanta. Se scomenza sabeda ai 2 de luio, inze ra basilica

de i sante Felipo e Iaco, da dasera, co ‘l nosc Coro, co ra Corale Santo Stefano e ra Corale Zumellese, da mel; se và inaante mercui 6 de luio, canche ciantarà el Pilgrim mission choir, da ra Corea, inze ra jeja de ra Madona de ra Difesa, ma se sentirà anche ra vojes de i nostre ome; sarà conpain vendres ai 8 de luio, inze ‘l Alexander Girardi, canche se scotarà el nosc Coro, aduna co ‘l Coro Castel, da Castelfranco Veneto. Sabeda 16 de luio el Coro Cortina el sarà fora a Piee. Dapò, ai 4 de agosto, un de i pi biei conzerte de duto ‘l an: chel inze ra jeja de Ospedà, el pi vecio monumento sacro de Anpezo, de el 1226, su ‘l

stradon de Alemagna. Scotà i nostre cantore ‘l é senpre bel, ma inze chera jeja ‘l é algo depì. Da ‘l indoman, ai 5 de agosto, i sarà a Lienz, in Austria, dares 20.30 da dasera. El programa el fenisce ai 23 de agosto, in Pusteria, a San Candel, senpre dares 20.30. Ma podon se spetà de seguro de vede el Coro par calche outra ciantada. Senza se desmenteà che, a ra fin de el mes de agosto, ‘l é ra gran Festa de ra Bandes, in Anpezo, e là ra no mancia mai, ra mondura de i nostre cantore, che i fesc onora ‘l nosc paes da ‘l 965. Coscita i se parecia, ca de poco, par ra nozes de oro co ra musica, co ‘l ciantà, co ‘l stà aduna, in bona armonia.

Pedalaladin Asto vorù ra roda? Ades pedala! Nafré da ride, nafré da sen, vien alcuante pensiere, a vede chel pupo, scentà su ra roda, che el pedala, senpre pi svelto, canche sofia el redos, o ‘l é buiroto. I ‘l à betù su chi de el rigujo, su ‘l śuogo de Jou, che ‘l é su ‘l confin intrà San Vido e Col de Santa Luzia, ma che nośoutre de Anpezo senton nafré nosc, par ra storia, par i nostre conpaesane, che i à el rifujo, Claudia e Diego, con so fiol Igor. I ‘l à depento de verde, de bianco e de zeleste, e no podea ese outramente. I colore de ra bandiera ladina i ciama ‘l ocio. Là pede ‘l é anche ra bandieres de ra Ladinia, a i contà a dute ra nostra storia, a i foreste che rua da indalonśe, ma anche a ra nostra śente. Algo de bel da vede, donca, algo da fei smatiśà i pizete, ma anche algo da fei pensà sora i grei. Chel pupo che el fadiea, che el fraca su i pedai, par śì inaante, el recorda ra śente ladina, che ra no pó stà ferma,

Ra pista olinpica da bob Eugenio Monti, de Ronco, in Anpezo, r’é conosciuda par duto el mondo e trope i se ra recorda, fosc pi fora da r’Italia che ca da nośoutre. Par ese parsuaśe de chesto, basta se pensà che, tre ane dapò da canche i r’à sarada, i ra dora ancora par fei fotografies: da ra Jermania ‘l é ruà in Anpezo chi de ra Bmw, par fei un servizio co ‘l pilota de bob Manuel Machata, che ‘l é canpion de ‘l mondo e ‘l à vento ra Copa de ‘l mondo, aduna con Andreas Bredau, de ra medema scuadra. Ra Bmw. Che r’é el sponsor de ra Nazionale todesca de bob e de cocio, par mostrà ra moto noa che r’à fato, ra S1000 RR, r’é vegnuda in Anpezo, su ra nostra pista sarada. E sci che da lore in à finamai cuatro, de pistes, che es prozede polito. I s’à betù su in son, agnó che se moe, agnó che s’i dà ra sprenta, a i bob, co ra so bela moto noa, e i à tolesc śo un grun de bela fotografies, che se pó vede sul sito de el Bob club Cortina, su chel de ra Federazion todesca de el bob e su chel de ra Bmw. No ocore gnanche śontà pede che, par el gnon de Cortina, inze ‘l mondo, ‘l é algo de bel e de bon. ”Ra pista de Cortina r’é sempre inze el nosc cuore e no vedon r’ora

de podé tornà a core ca da vośoutre; a Cortina ‘l é ra tradizion de chesto sport, ‘l é el mito, ra storia, e no s’i ciata daparduto” i à dito i doi canpioni Machata e Bredau. Ades, in Comun, se parla de ra daerśe danoo, chera pista, con chi sode che podarae ruà, par el Fondo Brancher; ‘l é un de i projete che ‘l é pasà in consilio, ai 28 de śugno e che ‘l é stà mandà inaante, par el 30 de śugno. Sarà da vede se ra comiscion Odi ra sarà de ra medema pugnon de i nostre sportive e aministratore.

I canpioi todesche de bob Manuel Machata e Andreas Bredau, su ra so Bmw, su ra pista da bob Eugenio Monti de Anpezo.

Skeleton e scora Varentes co ‘l sport, varentes su i libre I tośate che i fesc skeleton, par el Bob club Cortina, i à fenì un inverno de gares, de alenamente, ma anche de lezios, de conpite, de studio. Podarae someà stragno che una società de sport ra i tende a i so tośate, anche a scora, e inveze r’é propio coscita, cemodo che el me disc el presidente Gianfranco Rezzadore: “Duto ‘l é scomenzà ‘l an pasà, canche el nosc Bob club ‘l à firmà co ra Fiamme Azzurre, i poliziote par ra prejos: saon dute d’acordo, e son parśuaśe anche ancuoi, che ‘l é de iusto fei polito, inze sport, ma ignante de duto beśen ese varentes a scora, agnó che se se parecia par un doman, par el laoro, par ra vita. Co ‘l nosc Projeto Scora ón dito che, ci che vorea core con nośoutre, par el nosc club, par ra Nazionale, ‘l aea

da ese un varentes su i libre”. E somea che i tośate i ebe capì polito, cemodo che el me disc Orlando Volpe Maruggi, diretor tecnico de ‘l Bob club Cortina: “On propio acaro, de chel che ón darśonto, nośoutre de el club e chi de ra Fiamme Azzurre; me fesc vede che son su ra strada iusta. Ignante de parecià atletes, ón r’anbizion de fei cresce parsones, che el pode vive ra so vita, de dute i dis”. Coscita i sportive i fesc un plauso a Mattia Menardi, Stefano De Lorenzo, Giulia Gaspari, Andrea de Zanna e Erik Di Stefano: dapò de una stajon intiera su ‘l skeleton, agnó che i s’à betù in mostron, in Italia e fora, chiste śoen i à acaro de aé anche fenì polito un an de scora. E con lore, co ‘l Bob club Cortina, anche dute nośoutre. (mdm)

Pedalaladin.

scentada, a spetà. Ra nostra śente r’à da se dà da fei, da fei fadia, da fracà, se ra vó śì inaante, se r’à chera de ruà, de darśonśe algo. Pensose,

dute cuante, de chel pupo in Jou, canche fajon fadia, canche beton el nosc tenpo, i nostre sode, el nosc cuor e ra nostra testa, par ra Ladinia.

Da man zanca Stefano De Lorenzo, Orlando Maruggi e Mattia Gaspari. www.lauscdiladins.com

27


Anpezo

nr. 25 / 01 de messel 2011

Ra Fondazion Unesco, par duta ra Dolomites Gran festa, in Anpezo, par r’inaugurazion de ra sede Dolomites Unesco, co ra autoritas. Un grun de laoro da fei, i projete par el doman, senpre con chera de stà dute aduna, inze ra zinche provinzies, de tre rejos “Io vorarae che a Cortina podese restà, de calche ver, una sede operativa de ra Fondazion Unesco, anche dapò de ‘l 2013, canche sarà da pasà ra man, da Belun a Bolzan. Cortina no n’é un capoluogo de una de ra zinche provinzies de ra Fondazion, ma r’é ra zità sinbolo de ra Dolomites”. Coscita ‘l à dito Gianpaolo Bottacin, presidente de ra provinzia de Belun, e dute i à petà ra mas, el di de ra inaugurazion de ra sede, che el Comun de Anpezo ‘l à betù inze ‘l palazo de el Comun Vecio. A taià el nastro i ea de tre: el presidente Bottacin, el so loudaduó

Alberto vettoretto, che ‘l é presidente de ra Fondazion, e el capocomun Andrea Franceschi, el paron de ciaśa. “Inze chiste ufizie se laora – ‘l à dito Vettoretto – da ‘l mes de marzo, da canche on abù ‘sto bon azeto, da ‘l Comun de Anpezo. Nośoutre son parsuaśe che se śirà inaante a lourà, anche i mesc, i anes che vien, dapò de chesta zerimonia. Dute i à ‘na gran voia de fei, de reduje algo de bon”. Intrà dute i projete, in à recordà doi : ra śornada de domegna 26 de śugno, in Zoldo, agnó che i à parlà de el turismo sostenibile, de chel

I projete, i laore, ‘l ancuoi e el doman de ra Fondazion, inze ra paroles de i relatore.

che no fraca masa su ‘l teritorio, che el nopestà su duto, e s’à fato festa, par i doi ane che ‘l é pasà, da canche r’Unesco r’à dito de sci, a Siviglia, de ‘l 2009, a ra Dolomites. El pi gran projeto, agnó che i é drio alourà, ‘l é chel de ‘l Expo de ra Dolomites, che i fajarà de outon, i prime de otobre, a Longarone Fiere: ra Rejon Veneto, ra Provinzia de Belun, ra Fondazion Dolomites, es podarà lourà aduna, par fei conosce ra Dolomites Unesco par duto el mondo. El sacretario de ra Fondazion Giovanni Campeol ‘l à dito de i laore che i à fato fin ancuoi, par inpizà chesta machina, ra fei moe, con trope grupe, ogniun co ‘l so da fei. “I se parla polito, intrà de lore, i bete aduna ra zinche provinzies, i zinche teritorie de ra Dolomites: Belun, Bolzan, Pordenon, Trento e Udin – ‘l à dito Campeol – con chera de fei su algo aduna, par fei vede polito da Dolomites, fora da ca”. Pi che see, se laora co ra comunicazion, proprio par se fei conosce, in śiro par r’Italia e fora. “Ra fondazion ra no n’é nasciuda par fei marketing, cemodo che pensa calchedun – ‘l à śontà Vettoretto – ma par fei conosce daparduto un sito coscita bel, che no in é de conpagne, par el mondo”. Inze ra sala Don Pietro Alverà,

I taia el nastro, par ra sede de ra noa: Andrea Franceschi, capocomun de Anpezo, paron de ciaśa; Alberto Vettoretto, presidente de ra Fondazion; Gianpaolo Bottacin, presidente de ra Provinzia de Belun.

dapò che i à parlà de trope, de ra autoritas, ‘l é stà Stefania Zardini Lacedelli Sgneco, ‘na śoena anpezana che ra s’à laureà a Venezia, propio su ra Fondazion Unesco, a contà algo, de chel che se podarae fei, un doman, pi che see par r’arte e ra musica. A ra scotà, su ‘l palco, aduna con ches’outra autoritas, ‘l ea Giuseppe Verdichizzi, loudaduó de ra provinzia de Pordenon, e Mauro Gilmozzi, par ra Provinzia de

Trento. Su ra Fondazion in Anpezo, el capocomun Andrea Franceschi ‘l à dito: “Par nośoutre ‘l é algo de bon, da ese bule. Aé ca ra Fondazion Dolomiti Unesco ‘l é algo depì, che el se śonta pede a duto chel che aon ignante, par el turismo, ra cultura, ‘l anbiente. Beśen se recordà che chesta ra no n’é ra sede de Cortina, ma de duta ra Dolomites”.

Doa nozes de oro Un augurio sinzier, e un gramarzé ben, da ra Union de i Ladis de Anpezo. E un soneto par anpezan, drio ra vecia tradizion de ra nostra śente

Soneto Par ra nozes de oro de Roberto e Gentila de Mano

Ignazio Lacedelli Iacantone e so femena Gigliola.

Roberto Maioni de Mano e si femena Gentilla.

Tante sinziere augure a Ignazio e Gigliola Iacatone, par ra nozes de oro, gramarzé ben a dute e doi. A Ignazio par ra so pascion par el teatro anpezan e par dute i anes che ‘l à lourà par ra Filodramatica, par deban s’intende, drio ra coltrines, agnoche no se ‘l vedea. Ce saraelo - me penso calche ota - zenza chesta śente tanto vorentìa come el? Gramarzé anche a Gigliola, che r’à cojì trope sarvije a r’anpezana, par ra nostra femenes, e anche par ra bona tortes che ra fesc de spes e che dapò Ignazio el porta a chi ome che laora inze ‘l bosco: ogni di el pasa a i ciatà, e lore i à tanto acaro de ‘l vede e de fei cuatro ciacoles. I n’é poche come el, che à tanto amor e tanta pascion par ra nostra Regoles e par i nostre bosche. Ma soralduto gramarzé ben par el gran ejenpio de vita, che m’ aé dà a dute nośoutre. Duto el bon ancora par trope ane

a ra longa. Śugno ‘l é sta un mes pien de aniversarie e anche Roberto e Gentilla de Mano i à fato festa par i zincuanta ane de noza. Anche a lore gramarzé ben de cuore, par ‘l ejenpio de vita e par duto chel che i à fato par el nosc paes, par ra capeles, par ra Regoles e par trope de outre. Se sà che vó ese anche ben da fortuna, par podé darśonśe chesto traguardo, ma vó ese anche tanta pasienza e soportazion, chera che mancia a ‘l didancuoi, inze un mondo che se muda senpre pi in prescia. On acaro de ve fei lieśe ca de sote el soneto che Fiorenzo Leon ‘l à betù śo, par recordà chesto aniversario e par i fei i augure a chiste spose. Duto el bon, ancora par trope anes a ra longa.

28

www.lauscdiladins.com

Elsa Zardini presidente de ra Union dei Ladis d’Anpezo

Ce un gran contento che ‘l é ancuoi a Maion, trope parla de vośoutre, inze ‘sto bel di e se voré, con umiltà, ra me pugnon: nozes de oro no in é does a ‘l di. Zincuanta ane de maridozo i avé pasade, cuanta struscies e cuanto lourà, ma ancuoi che, graziando Dio, i é pasade, anche i despiazere ‘l é tristo lascià pasà De ra to arte, a fei el marangon, parla duto Anpezo, che i dighe dute ce che i vó, negun me pó contradì, sarvije da festa poche, ma inze man senpre un atrezo, e ca Roberto dee . . .Mano diesc diede no s’i conta pi. Ra to Gentila, de gnon e anche de fato, cuanta pasienza, inze zincuanta ane ara abù? Inze diesc lustre aduna, r’à abù da sen gran “tato” Ma son seguro zerto, che i à anche tanto piajù. Canche in moto te pasaes, co ‘l biroc tacà daos, a strutà su fen par i prade de Castel, par pasce el caval de Guido e cuatro o zinche bos. Ancuoi, inveze, con Gentila t’as tocià deboto el ziel. Tre brae pize, el Signor el v’à vorù donà, a dute i aé insegnà polito ra usanza de ‘l paes,

e lore v’à refondù, con alcuante neode da slecà, ades che fajé i none e insegnà anche a lore algo de ‘l vesc. Dijei gramarzé ben a ‘l Signor che ‘l v’à conzedù de podé ese ancora come noizo e noiza, anche se no n’é śù duto cemodo che asà vorù, i anes pasa, duto pasa, vanza solo nafré de chiza. Godeve chesto vosc bel di, con gran amor, dute ve ‘l augura co ‘l cuor inze man, no n’é nuia pi dolze de un vero amor, anche io ve voi fei i me augure, par anpezan. Ades leà su in pes, dute cuante che se ca, e, con Spirito Divino inze man, craià: “Viva i spose” che s’à danoo maridà, eviva ancuoi, par sta sera e anche par doman. Augure ancora a Gentila e a Roberto spose de ‘na ota e spose de ‘sto an, che see amor, che aede salute, sun testa un cuerto, e che ra Madona de Ciadin ve tiene ancora par man.

Maion d’Anpezo Ai 8 de śugno de ‘l 2011 Fiorenzo Gaspari Leon


Sport

nr. 25 / 01 de messel 2011

Arianna Fontana per Champions Vich Piva e Turon al Fascia Enstadì l’inaudazion del tornoi de balon l’é stat n moment de festa ence con la squadra talièna de short track

La squadra talièna de short track con Arianna Fontana ensema ai organisadores de Champions Vich.

Balon - L’é tacà Champions Vich, l tornoi a squadres de balon de Fascia e Fiem spetà da duc i pascioné

La copa che jirà a la squadra di venjidores del tornoi.

de chest sport e da dut l publich di joegn. La dì del scomenz del tornoi sa Vich, aló dal bar del zenter sportif Cotura, l’é stat fat na bela festa e l’estrazion di girons. A tor pèrt al tornoi chest an l’é adertura 24 squadres che tol ite presciapech 260 anter omegn e… femenes. Proprio coscita la neva de la sesta edizion de Champions Vich l’é n tornoi resservà demò a la femenes, “Champions Girls” e per ge fèr amò più onor a la femenes per l’ocajion l’é stat envià ence la joena Arianna Fontana, medaa de bron a la olimpiades de Vancouver che ensema a duta la squadra de la nazionèla talièna de “short track” (corsa sui feres) la é te Fascia per l “ritiro” da d’istà. La squadres che tol pèrt chest an l’é chestes: L’Insolito & Gross Sport Poza, Stua di Ladins Cianacei, Itas Pardac, Bar Teatro Pardac, Mair

Gilberto Edil Carano, Demac Cannoni Cianacei, Furie Rosse Poza, Look in motion Pardac, Hexen players Cianacei, Socoro Team Faloria Moena, Tim’s Bar Vich & L’Alpina Moena, B’Art Pardac, Pé de bosch Vich, Euroluce Pera, Barsa Yonara Someda, Deka Cianacei, Steaua Pardac, Malga Negritella Moena, Sitc Sas Pordoi Cianacei, Pink Boys Vich. Per la eles enveze l’é: Blue Girl Poza, Cornacci Tieser, Green Girl Moena e Yellow girl Cianacei. Daniele Tonet, Federico Cincelli e Fabio Detomas ence chest an i à endrezà na bela scomenzadiva che no se desmentia nience di etres e coscita vegn portà dant semper la colaborazion con SportAbili e la presidenta de chesta sociazion Iva Berasi la sarà sa Vich proprio per la finèla e la premiazions del tornoi de balon. (vr)

N atacant dal Canada e n defensor da la Republica Ceca l’é i doi neves inomes per l’Hockey Fascia Hockey - La Sportiva Hockey Club Fascia l’à anunzià enstadì che per la sajon che vegn l’à comprà l’atacant dal Canada Matt Piva e l defensor da la Republica Ceca David Turon. Volù con forza con da l’alenador Frycer, Matt Piva l’é n jiador clas 1988, aut 181 zentimetres, de steca dreta n muie fort dal pont de veduda tecnich e con na ezelenta vijion de jech. Te sia cariera l “neo ladin” l se à trat ite la maies te l’Ontario Hockey League (OHL) te desvaliva squadres desche i Oshawa Generals, i Toronto St. Michael’s Majors, i Mississauga St. Michael’s Majors, i Niagara IceDogs ruan a binèr 115 ponc te 202 prejenzes. David Turon l va a se jontèr ite apede a Dan Sullivan, da pech

confermà dal Fascia. L nef defenjor “ladin” l’é ence el de steca dreta e de bon fisich. Clas 1983 e aut 189 centimetres Turon l’à jià ti Toronto Maple Leafs del 2002. Te la pruma pèrt de sia cariera, l defensor ceco l’é stat empegnà da l’autra man de l’Atlantich olache l’à jià te l’American Hockey League (AHL) e te la East Coast Hockey League (ECHL) con la maies de la Pensacola e la Luisiana. Te la sajon 2006/2007 l dezide de vegnir de retorn te l’Europa e tel massimo campionat Ceco l jia con la maia de la squadra Slavia Praga. Enscin a l’an passà enveze l’é stat tel campionat de l’Extraliga Slovacca con la maies de la Poprad, de la Zilina e de la Dukla Trecin, olache l’à binà ensema 221 prejenzes e 66 ponc.

L jiador Matt Piva endèna na azion de jech.

Georg Demetz vënc

L gran ”Saut” dedicà a Simona

L atleta de Urtijëi di Gherdëina Runners vënc la garejeda da St. Zyprian sa la utia Grasleiten. Birgit Klammer ruva sun podest tl duathlon, ulache l fova da sauté y furné cun la roda

L Chemun de S. Cristina à lascià mëter su na tofla de bront sa i ”Sauc” sun Ciandevaves n lecort dla atleta de saut cun i schi che nes à lascià al scumenciamënt de chëst ann

Runners - Roland Osele de Maran y Anna Pircher dla Venuesta à venciù la segonda edizion dl Gitschberg-Duathlon, che ie unì metù a jì cun cundizions de tëmp ideéles n dumënia ai 19 de juni. L fova da furné 7,5 km cun la roda da mont y da sauté pona 4,7 km cun n deslivel de 800 metri. Piei via iesen sa la furnadoia dl Gitschberg per furné de viers dl Altfasstal nchin sa la Pranterstadlhütte, ulache n lasciova la roda per sauté inant de viers dl Ochsenboden, pona inant sa la Zasslerhütte y da iló mo l ultim tòch nchin sa la Gitschhütte, ulache l fova l travert. Pra l’ëiles à, coche bele dit, venciù Anna Pircher cun n tëmp de 1:12:07, segonda ie ruveda Valentina Danese cun 1:14:12 y al terzo post udons la atleta di Gherdëina Runners Birgit Klammer cun n tëmp de 1:14:36. Pra i ëi ie l prim Roland Osele cun 55 menuc y 58 secunc, segondo Alexander Erhard cun 57:15 y terzo Konrad Pareiner cun 1:00:30. Pra i ëi nasciui danter l 1971 y l 1980 udons al 5. post Christian Stuffer cun n tëmp de 1:08:52 y pra i nasciui danter l 1961 y 1970 udons mo doi atlec di Gherdëina Runners, Ivo Delago

che se à tlassificà al 6. post cun 1:08:23 y Christian Peterlunger al 8. post cun 1:18:28. N vënderdi ai 17 de juni àn garejà per la segonda edizion dl Getrum-Alm-Lauf. Piei via iesen dala 19.30 a Reinswald a 1.588 metri per ruvé do 6 km y n deslivel de 506 metri sa la Getrum-Alm a 2.094 metri. Tlo pudòven se crì ora sce sauté o jì cun la roda y mplu vel chësta garejeda sciche cumbinazion cun la garejeda da d’inviern. Pra chëi che ie sautei à venciù Henry Hofer cun n tëmp de 28 menuc y 16 secunc, dan Roland Osele cun 28:33, terzo Philip Huber cun 29:52 y al cuarto post udons l atleta di Gherdëina Runners Georg Demetz cun n tëmp de 30:14. N dumënia ai 26 de juni fòvel pona mo na garejeda da St. Zyprian nchin sa la Grasleitenhütte, cun n deslivel de 1.000 metri y 7,5 km da sauté. Chëst iede ti àla butà a nosc atleta di Gherdëina Runners, Georg Demetz, che ie ruvà prim cun n tëmp de 52 menuc y 52 secunc, dan Christian Knollseisen 53:04 y terzo Markus Obkircher 55:22. Ulon mé inò fé a l savëi a duc i

mutons y ala mutans dla scola elementera, che n juebia scumëncia inò i alenamënc per se njenië ca al 5. VSS Dorflauf, che sarà ai 6 de agost te Sarntal. Frohwalt ve aspieta inò dala 6 da sëira sun la promenada Luis Trenker a Urtijëi dan l tunel che va sa la stazion dla Secëda. Ve aspiton de trueps! (mp)

Georg Demetz ntan na garejeda de sauté.

Saut cun i schi L’aministrazion cumenela de S. Cristina cun a cë l ambolt Eugen Hofer y deberieda cun l assessëur per l sport Robert Ploner y l Schi Club Gherdëina à ulù ti dediché l gran saut sun Ciandevaves a Simona Senoner, atleta dla scuadra naziunela de saut cun i schi, Simona Senoner, l gran saut sun Pana che ova scumencià propi purterà si inuem. tlo a pratiché chësc sport, si gran pascion, ma che à purtruep L se trata de na garejeda messù lascé chësc mond tan da naziunela per jëuni nchin a 13 ani jëuna chëst ann d’inviern. L unirà cun partezipazion nternaziunela. nsci metù su na tofla de bront n si I prim atlec pierà via dala 10 lecort, fata dal scultëur Thomas danmesdì sun l pitl saut K21, da Comploi de S. Cristina, che unirà dedò se musererà i majeri sun l saut descurida cun na pitla zeremonia K32. Do marënda jiràla inant dala ufiziela n dumënia ai 10 de lugio 14.00 cun la garejeda de sauté, che domesdì n ucajion dla festa dl sport vel per la tlassifica dla cumbinazion sun Pana. nordica. Ntan che n meterà ju la Davia che l ie n di dedicà al sport tlassifiches passeràn ala pert ufiziela vëniel pona nce premià i atlec de dla festa bele nunzieda tlo dessëura, S. Cristina che se à fat unëur tl sport che unirà stluta ju cun la premiazion ntan l’ultima doi sajons. A d’ëi ti dla garejeda. uniràl sëurandat na uneranza y n L Schi Club Gherdëina y l’aministrazion cumenela nvieia blòt pitl pest. L di de sport scumëncia perdrët duc de cuer a unì a cialé ala garejeda bele danmesdì cun na garejeda da y ala premiazions. L unirà sambën d’instà de saut y cumbinazion pità da maië y da bever per duc pra nordica. chësta bela festa dl sport. www.lauscdiladins.com

29


Sport

nr. 25 / 01 de messel 2011

La maratona dla rodes ntëur al Sela Südtirol Sellaronda Hero MTB-Marthon, duman sada ai 2 de lugio iela tan inant. 1500 atlec da 27 nazions cun i inuemes plu cunesciui de chësta disciplina sportiva se musererà sun n percurs da profesciunisć che va a tuché duta la valedes ladines ntëur al crëp dl Sela Roda da mont - L ie dut anjenià per duman, dut a puntin acioche n posse lascé pië via duman ala 8.00 daduman te Sëlva i 1500 atlec, che se à scrit ite per deventé l ”hero” dl 2011. Che la manifestazion ie na gran ndesfideda udons nce dai inuemes repurtei tla listes de chëi che fej pea. Di 40 atlec scric ite tla categuria elite à 13 fat pea pra i campiunac dl mond marathon dl 2011 danter chisc coche bele nunzià dan n struf Mirko Celestino, l numer 1 dl ranking mundiel y che ie al mumënt l atlet da bater te duta la garejedes marathon a livel nternaziunel. Danter chëi che mira al titul iel nce Massimo De Bertolis (7. pra i mundiei da chëst ann) y Mike Felderer (15. pra i mundiei), Johann Pallhuber y l rus Alexey Medvedev numer 9 dl ranking mundiel, zënza desmincë Klaus Fontana che ova venciù l ann passà la prima edizion dl Hero. Al ultimo se àl mo scrit ite Roman Bianchi y

Johnny Cattaneo, che fova tramedoi leprò pra i campiunac dl mond MTB. Nteressanta uniràla nce pra l’ëiles sun i 82 km cun la taliana Michela Benzoni y la campiunëssa dal ann passà Anna Ferrari, che arà da s’la fé ora cun la tudëscia Birgit Söllner (3. tl ranking mundiel y 9. pra i campiunac dl mond 2011), l’austriaca Theresia Kellermayer (12. Tl ranking mundiel) y l’autra tudëscia Barbara Kaltenhauser. Sambën iel nce mo d’autri partezipanc de inuem che fajerà pea y tlo lecurdons mo n iede i doi atlec dl schi Peter Fill y Christof Innerhofer. Tre s la partnership stlutes ju dal cumité d’urganisazion se àl nce scrit ite l Team Scott, che se prejenterà cun sies atlec da podest, y nia per ultim saràl nce l assessëur provinziel Thomas Widmann che fajerà pea. N servisc particuler vëniel mo pità sun la plata web www.sellarondahero.com a duc i atlec y pasciunei dla

roda, ulache l ie mesun calculé ora tan de energia che un adrova per ti vester a chësta garejeda y giapé pona cunsëies aldò per se nfiré ite adrët chësta enegia. Mbën per chëi che uel jì a ti cialé ala garejeda plu da daujin lecurdons tlo i orares: l vën muet te Sëlva dala 8.00 per ruvé sun Dantercëpies/ Jëuf de Frea ntëur la 8.30, dala 8.50 a Corvara, danter la 9.20 y la 9.45 sun l Jëuf de Ciaulonch, ntëur la 9.30 sarà i prims a Reba y danter la 10.00 y la 11.00 passerai sun Pordoi per ruvé a Cianacei, furné tres la Val Duron nchin sun jëuf y via sun l Jëuf de Sela y ju te Sëlva ulache n calculea che i ruva danter la 11.00 y la 12.45. Per i pasciunei che ne arà nia la ucajion de jì a ti cialé ala garejeda sun ëur de purtoi, uniràl mustrà i ultimi 16 km dla maratona, dal jëuf de Duron 2.280 metri nchin al travert te Sëlva 1.563 metri, n direta sun la plata web dl’urganisazion www. sellarondahero.com.

L Fodom pièrt ence co l Ciaurì e l mët forsci la cualificazion Burta reazion de Amicone che se fèsc mané fòra per n’ofenduda al arbitro

Avisc Biblioteca daverta inće da sëra Al vëgn lascè alsavëi che tratan i mëisc de messè y agost é la biblioteca dl Istitut Ladin a San Martin daverta inće da sëra, vigni mertesc dales 20.00 ales 22.00. Le Golf Club Alta Badia é davert

Sön le ćiamp da golf de Tranrüs él 9 büjes che fej fora n par 72 cun n par 5 y n par 3. An ciafa inće n ćiamp da pratiché, n putting green iluminé y da jügn ćina setëmber él a desposiziun n maester. Por chi che oress porvè chësc sport, vëgnel imprestè fora fers debann. Por informaziuns plü menüdes pòn cherdè sö le 0471/836655. Isté por mituns - al é ćiamò posć lëdi

Al vëgn lascè alsavëi che pro le proiet da d’isté “Isté deboriada” él ćiamò te deplü paîsc plü posć lëdi. Por implì les edemes deplëgn, tan inant che al é ćiamò posć, vëgnel lascè tó pert inće chi dla 1. tlassa dla scora mesana. Les iscriziuns vëgn tutes sö inant te Sorvisc ai Jogn. Tel. 0474 523070.  Giaurida ufiziela dla Utia de Resciesa Duman sada ai 2 de lugio saràl dala 10.00 danmesdì na funzion cun benedescion da pert de Sn. pluan Vijo Pitscheider. Da dedò saràl na blòta festa cun mujiga y bona ueia. L Chemun de Urtijëi y la Lia da Mont Gherdëina nvieia duc a unì a chësta festa. Fuesc per la festa dl Cuer de Gejù

N dumënia ai 3 de lugio, dala 19.30 inant, ie duc i jëuni nviei a unì sun Risaccia per fé pea l fuech dl Sacro Cuer de Gejù cun la grupa di Jëuni de Sëlva. Danora uniràl pratà lianies per duc y l ne mancerà sambën nia zeche da bever. Canche l unirà scur uniràl mpià su l gran mudl de lënia che fajerà inò n bel fuech, che sarà da udëi belau ora per duta la valeda. Cunsulënza per l’energia

L Chemun de Urtijëi fej a l savëi ai zitadins de Urtijëi che n lunesc ai 11 de lugio saràl te Cësa de Chemun na cunsulënza per l’energia. Per nfurmazions plu avisa y per fé ora n apuntamënt possa i nteressei cherdé su tl ufize dla chëutes, numer de telefonn 0471 782060. Inaugurazion de Lach-Promenade e Zenter sportif a Soraga

En domenia ai 3 de messèl a Soraga vegn fat l’inaugurazion del marciapé “Lach-Promenade” e del Zenter del sport. Da les 9 da doman se se troa tel parch Vischia de Sach, dapò defilèda fin te tendon olache da les 10 vegn dit messa grana. Da les 11 vegn inaugurà l zenter sportif col salut de l’autoritèdes. Duc é envié de cher. Moena Perla Alpina con Tom Perry

En sabeda ai 2 e en domenia ai 3 de messèl vegn metù a jir l’event “Moena: giames e inovazion” te Piaz de Sotegrava, per portèr dant la filosofìa e la tecnologìes de la mobilità doucia sa mont. En sabeda ai 2 de messèl da les 11 vegn enaudà te Piaz de Sotegrava l’Ofize “Perla Alpina”. Ti doi dis l’é dapò pervedù desvaliva scomenzadives: anter chestes la scontrèda con Tom Perry, nominà personaje de l’an dal “National Geographic”: da les 17.00 l sarà te la Pala da Rif e da les 21.00 te sala grana de la scola. En domenia te Sotegrava da les 10 da doman l’é la mostra de mesi eletrics e l convegn “Moena: giames e inovazion”, e domesdì l’E-Bikes Tour e amò de auter. Per info: perla@moena.it La Marcialonga chier la Soreghina 2012

Balon - L Fodom l pièrt per l secondo viade ndavòlauter e l se mët n bur te ièghe p er la cualificazion ai otavi de final. La scuadra del Ciaurì nveze l’à confermé ndomënia passada, suo bon moment, davòche l’eva stada bona de fermé sul 1 a 1 l Ègort, prum n clascifica. E i trei ponc vadagnèi sun Freine i sièrf per la clascifica ma ence per l moral. L Fodom l peia via mèl metù sul ciámp. Dedavò se sent che máncia Adami e dedavánt, senza Davide Crepaz, no se veiga nia de bon fòrache con Alez Martini, che l prova de core da na pèrt a l’autra del ciámp a coie su balons. Formazion tipo per l Ciaurì che con Calvagno, Bellenzier e Loris De Val l sforingleia fin a fè mèl plu oute nte la difeja fodoma che la po’ demé reclamé per nvalgune dezijion nia ciare del arbitro. La partida l’é duta ntel prum temp. L prum vantagio del Ciaurì l rua bele al 7’. Davò na bela triangolazion sul lime de l’area ntra Simone e Loris De Val. Chëst ultimo l lascia piè via n diagonal che Amicone po’ demé cialé ji n

30

www.lauscdiladins.com

porta. L’azion l’eva forsci viziada da nen fòrajuoch. Doi menuti davò, da l’autra pèrt, l é Davide Pellegrini a avei sul pe l balon bon sol davánt al portier, ma la conclujion no l’é de le meio. Se rebalta mprescia l juoch e sto viade l é Bellenzier, su la pèrt ciámpa, che rua a l’autëzza del vièrs strent de l’area, l va ntamez ma l diagonal l é fòra. N menuto plu tèrt Amicone l mossa slongé ence i deic per paré la trata da dalonc de De Biasio che la rua su la travièrsa. Diesc menuti davò l é Fodom a avei na dopla ocajion, mpruma con Gianpaolo Soratroi che tira da fòra area n balon devié su la travièrsa da Ferroni. L’azion la va nnavánt e l é ncora Davide Pellegrini a mancé la deviazion davánt porta. Coche suzede, co se máncia n gòl tòst davò se l ciapa. Davò n’aziona sul lime de l’area fodoma, Calvagno l ciapa l balon del doi a zero ntra le proteste dei fodomi che contesteia n fòrajuoch plu che ciaro. Su la fin rua ence la sfortuna su na bela punizion de Petri che l ciapa l pèl. Secondo temp burt e

nervoso. Amicone no l à de meio da fè che di na burta parola al arbitro che i è costa la chèrta rossa. No l’é juda meio a chi mendri, che i à ence perdù per 1 a 0 contra l Le Ville. Apuntament domënia da le 4 davòmesdì nte Freine contra l Ègort. (ls) Fodom – Caprile: 0 - 2 Fo d o m : A m i c o n e (Pezzei), Troi, G.Soratroi, M.Palla, G.Palla, A.Palla, S . S o r at ro i , A z z o l i n i (Fersuoch), Pellegrini ( G . C re p a z ) , M a r t i n i (Denicolò), Petri. Allenatore: M. Crepaz Caprile: Ferroni, Mottes, Da Tos, De Zordo (E.Del Zenero), Soia (Scopelliti), De Biasio (D.Fontanive), B e l l e n z i e r, Davare (Benvegnù), S.De Val, L. De Val (Nicolao), Calvagno (S.De Lazzer). A. Fonatana Gol: L. De Val (7’), Calvagno (23 ‘). Fòra: Amicone. Amonìs: M.De Zordo, S. De Lazzer. Arbitro: Luca Fant

La Marcialonga chier sia neva ambasciadora, la Soreghina 2012: na tousa dai 18 ai 30 egn, sportiva e paruscenta, che sà se la fèr cà coi lengac foresć e co la jent e che vif la realtà de sia val e cognosc la cultura ladina o chela de Fiem tant te si aspec de la tradizion che de anchecondì. La tousa che venc l titol de Soreghina la se vadagna ence l pest metù a la leta da l’Itas e la colana de or sporta da la Magnifica Comunità di Fiem. La Soreghina tol pèrt a duta la manifestazions leèdes a la competizion sportiva e la ge met entorn al col la gherlanda ai venjidores de la gran garejèda de paslonch ai 29 de jené 2012. Duta la touses che vel tor pèrt a la selezion o aer vèlch informazion de più les pel tor contat con l’Ofize de la Marcialonga a Pardac al numer 0462-501110 (fax 0462-501120) o ence per mail a info@marcialonga.it. Touses de Fascia, fajeve inant: l’é segur na bela ocajion e na bela oportunità! Stomat por mitans y mituns dla scora elementara

Dal 1. de messè ćina ala fin de setëmber vëgnel metü da jì tles biblioteches dla Val Badia n stomat chi dla elementara, por i dè insciö la poscibilté da se dé jö inće tratan les vacanzes cun i libri y la letöra. Respognon ales domandes tutes fora da libri che ai ciafa te biblioteca, poi mostrè so savëi te na manira plajora. I plü lezitënć podarà pié do na picia reconoscënza.

Dotors y Apoteches Dotors

L dutor de servisc dala 8.00 daduman de n sada 2 de lugio nchin la 8.00 daduman de n lunesc 4 de lugio ie l dutor Valentin Tröbinger de Sëlva, tel. 0471/773073. Le dotur en sorvisc tla findledema di 2 y 3 de messè, ti comuns de Mareo y San Martin, é le dotur Edoardo Agreiter, San Martin, tel. 0474/501927. Ti comuns de Corvara, Badia y La Val saràl en sorvisc le dotur Guido Garetta, Calfosch/Corvara, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënderdi (dala 19.00) ai 1. de lugio nchin n vënderdi ai 8 de lugio ie chëla de Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). L’apoteca en sorvisc fora dl orar ordinar, dal vëndres al 1. de messè al vëndres ai 8 de messè, é chëra d’Al Plan, tel. 0474/501240 y Corvara, tel. 0471/836173.


nr. 25 / 01 de messel 2011

♦ Bai de grupa 2

Informazions y Manifestazions Cursc

A S. Cristina vëniel metù a jì n curs nuef. Uni sëira uniràl mparà ite n auter bal Coche pra l prim curs ne vàl nia de bujën de avëi pea n partner, l bal de grupa ie n ”line dance”, che uel dì che n bala duc deberieda cuncei su te lingia ma mpo uniun/a per si cont. Ueia de balé y se tenì n forma do l ritm dla mujiga mparan de plu bai ie l drëta rezeta! Uni sëira uniràl mparà ite n auter bal: Salsa (de grupa), Cha cha cha (de grupa), Country Line dance, Tormentone instà 2011. L curs ie for de merdi: ai 5. - 12. - 19. - 27.07. dala 20.30 ala 22.00, te palestra dla scola elementera de S. Cristina. Per nfurmazions cherdëde su Giorgia 349 4674583.

Curs de fotografia per sculeies dla scola mesana L curs de fotografia y de lauré ora fotografies cun Gimp y Photoshop ie per duc i sculeies dla scola mesana cun Vito Miribung. N mpera a adurvé l aparat digitel, a lauré ora fotografies cun Gimp y Photoshop, n va tl studio dl Fotoclub Gherdëina a fé fotos. L curs ie dai 1. nchin ai 5 de agost, dala 14.00 - 16.30 tla scola mesana de Urtijëi. L curs costa 70,00 euro. Nfurmazions y iscrizions da merdi nchin vënderdi, dala 8.00 - 12.00, Servisc Furmazion Gherdëina, tel. 0471/773225. - furmazion.gh@ micura.it Curs de palê L’Uniun Sport Alta Badia mët da jì n curs de aviamënt al palê, por mituns dles elementares. Le curs mët man ai 18 de messè y jarà inant ćina ala fin d’agost, dagnora de lönesc y jöbia. Les iscriziuns y la pröma incuntada vëgn fać en lönesc ai 18 de messè dales 15.00, sön le ćiamp dl sport da La Ila. Informaziuns pro le prof. Ubi Valentini al nr. 0471/839714. Curs da nodè L’Uniun Sport Alta Badia organisëia n curs da nodè por prinzipianć y progredis, resservè ai mituns dla elementara, dla mesana y dla scolina. Le curs vëgn tignì tla nodadoia comunala da La Ila y mët man en lönesc ai 11 de messè dales 9.00. Al dorarà indöt 10 leziuns, vigni dé adinfora dla jöbia. Iscriziuns y incuntada: en lönesc ai 11 de messè dales 9.00 pro la nodadoia da La Ila. Informaziuns plü menüdes pro le prof. Leo Pitscheider al nr. 0471/847142 o pro le prof. Ubi Valentini al nr. 0471/839714.

Balé Country Line Dance.

Chino Al Chino de Cianacei Insnet, vender 1 de messèl da les 21.15 se pel vedr “Il discorso del re”. En sàbeda ai 2 e domenia ai 3 da la medema ora vegn moscià “The tree of life” e en lunesc ai 4 e mertesc ai 5 semper da les 21.15 se podarà veder “Una notte da Leoni 2”. En mercol ai 6 da les 17.30 e da les 21.00 vegn dat fora l film de animazion “Garfied”, e semper en mercol e ence en jebia ai 7 da les 21.15 vegn moscià “La fine è il mio inizio”. En vender ai 8 da les 21.15 se pel veder “Come l’acqua per gli elefanti”. Al Chino de Pardac

Insnet, vender 1 de messèl, e dapò ence en sàbeda ai 2, en domenia ai 3 e en jebia ai 7, semper da les 17.00, se pel veder l film de animazion “Cars 2”. Vender, sabeda, domenia e ence en lunesc ai 4 de messèl, da les 21.15 vegn dat fora enveze “Transformers 3”, en 3D. En mèrtesc ai 5 e en mercol ai 6 semper da les 21.15 l’é en program “Mr. Beaver”; en jebia ai 7 e en vender ai 8 da les 21.15 se podarà veder “Una notte da leoni 2”. Al Chino de Tieser

“Teatrimparando” II edizion Ti meisc de messèl, aost e setember la scola de teater Estroteatro de Trent, col sostegn del pian di joegn de zona La Risola, porta dant n nef laboratorie de teater per i joegn dai 11 ai 16 egn. Tras l jech e la tecniches de didatica teatrèla i bec empèra a cognoscer la potenzialitèdes del corp e de la ousc, e a la fin i portarà dant duc ensema n spetacol de teater. L cors vegn metù a jir ogne lunesc da les 16.30 a les 18.30 aló da la scola populèra de Pera. Se taca ai 4 de messèl e duc é envié a tor pèrt a la pruma lezion de proa debant. L cost de dut l cors l’é de 50 euro. Per informazions e per se scriver ite se pel se oujer al portel de la Risola te Comun general, ogne vender da les 16 a les 18, o portèr l mòdul scrit ite semper te Comun general ogne dì ti oraries de lurier. Autra infos: www.larisola.com Curs da fà cripeles

La Uniun dles Patrones da San Martin mët da jì chësc altonn n curs da fà cripeles, mo por rajuns d’organisaziun vàl debojëgn da ponsè bele śëgn. Le curs é davert a düć y s’anunzié pòn pro Loise al nr. 0474/590026, ćina ai 10 de messè.

Iniziatives sportives VI edizion de Champions Vich

Insnet vender 1 de messèl, e dapò en sabeda ai 2 e en domenia ai 3 da les 17.00 e da les 21.15 se pel veder l film de animazion “Cars 2”. En lunesc ai 4 e en mèrtesc ai 5 da les 21.15 vegn moscià “La fine è il mio inizio”, en jebia ai 7 e en vender ai 8 da les 17.00 se podarà veder “Garfied” e da les 21.15 l’é l film “Mr. Beaver”.

Va inant ence chest an “Champions Vich”, l feruscol tornoi de “balon a 5” endrezà da Daniele Tonet e Federico Cincelli ruà a la VI edizion. Enscin ai 16 de messèl 20 squadres se dèsc batalia al Zenter sportif de Cotura de Vich ogne sera, da les 20 a les 23.30, te partides de 2 tempes de 20 menuc. L tornoi, che sostegn ence SportABILI, met dant chest an ence la novità del “Champions Girls”, l super tornoi out a la eles.

Al Chino de Ciavaleis

Garejeda de saut y cumbinazion nordica

Insnet, vender 1 de messèl, e dapò ence en sàbeda ai 2 e en domenia ai 3 da les 21.15 se pel veder “Transformers 3”.

N dumënia ai 10 de lugio saràl sa i “Sauc” sun Pana na garejeda naziunela da d’instà per jëuni nchin a 13 ani cun partezipazion nternaziunela. I prim atlec pierà via sun l pitl saut K21 dala 10.00 danmesdì, i majeri se musererà daldò sun l saut K32. Do marënda jiràla inant dala 14.00 cun la garejeda de sauté, che vel pona per la tlassifica de cumbinazion nordica. Te chësta ucajion uniràl nce descurì na tofla de bront dedicheda al’atleta Simona Senoner y unerà n valgun atlec per si meric. L Schi Club y l Chemun de S. Cristina nvieia duc a chësta festa dl sport.

Chino a La Ila: “Che bella giornata”

Tla cornisc dles serades de chino a La Ila, vëgnel mostrè en mertesc ai 12 de messè dales 21.00 le film “Che bella giornata”, tla Ćiasa de Cultura a La Ila. Organisaziun: AT Badia.

♦ Balé d’instà Country Line Dance Katyuscia Demez mët a jì d’instà doi cursc de balé per sculeies dla scola mesana y per jëuni da 15 ani insù. I cursc ie de lugio y agost a S. Cristina te sala de chemun Country Line Dance ie n bal de grupa. N bala un daujin al auter deberieda cun i autri balarins fajan de bela coreografies sun la mujiga country. L bal ie adatà per mutans y mutons. L curs per i sculeies dla scoles mesanes scumëncia ai 11 de lugio y va inant nchin ai 22 de agost, for de lunesc dala 19.00 – 20.00 y l curs per i jëuni dai 15 ani insù ie ënghe dai 11 de lugio nchin ai 22 de agost, ma dala 20.30 – 21.30. Tramedoi cursc ie a S. Cristina te sala de chemun. Per plu nfurmazions y per se scrì ite pudëis cherdé su Katyuscia, 339/5815220. Iscrizions nchin ai 8 de lugio. Unide duc a balé ntan l instà.

Jita cun la roda L club Rodes Gherdëina mët a jì n sada ai 9 de lugio na jita cun la roda da Tluses a Mühlbach y inant sun la Rodenecker Alm per furné pona de viers de Lüsen y inant nchin te Funes y finé la jita inò a Tluses. Nteressei possa cherdé su Flavio Goller al 347 1117484. Sauté per mutons y mutans dla elementera

I Gherdëina Runners fej a l savëi a duc i mutons y ala mutans dla scola elementera, che n juebia scumëncia inò i alenamënc per se njenië ca al 5. VSS Dorflauf, che sarà ai 6 de agost te Sarntal. Frohwalt ve aspieta dala 6 da sëira sun la promenada Luis Trenker a Urtijëi dan l tunel che va sa la stazion dla Secëda. Ve aspiton de trueps! Juesc alalergia, sauté, jì cun la roda y da mont su

La sezion nordica dl Schi Club Gherdëina mët a jì via per l’instà doi iedesc al’ena n danmesdì cun Norman ulache l unirà fat juesc alalergia, jit a sauté, cun la roda y sa mont. Chësc curs ie per duc i sculeies dla scola elementera y mesana. N se abina l prim iede n merdi ai 12.7. dala 9.30 da Mulin da Coi y jirà inant nchin che l unirà la prima nëif, ntlëuta puderà pona duc purvé a jì cun i schi da pudejé. Per nfurmazions pudëis scrì a info@ sciclubgardena.info o cherdé su l 339 8732918.

Iniziatives sozieles Deberieda: Jon a ti cialé ai mulins da Bula N juebia ai 7 de lugio se ancunterons dala 4.00 domesdì tla streda Stazion, daujin ala Cësa de Paussa per jì sa Bula a ti cialé ai vedli mulins derturei su. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per plu nfurmazions: Ulrike Rabanser, tel. 0471/798015.

www.lauscdiladins.com

31


Informazions y Manifestazions ♦ L marcià di mutons N sada ai 16 de lugio vëniel metù a jì a Urtijëi n marcià per i mutons dla scola elementera y mesana de duta la valeda. Duc possa fé pea y vënder si roba, ma nce njenië roba da maië y da bever. I scioldi dl’iscrizion ti va al Medicus Comicus Do l suzes dl ann passà se àn mpensà de mëter a jì nce chëst ann l marcià ”dl podl” pra chël che i mutons y la mutans possa vënder d’uni sort de roba, da fé da mat, ma nce guant, roba da maië coche tëurtes o zeche da bever, libri, nsciuma dut chël che possa nteressé y che ti sà bel y bon ai mutons. L marcià sarà sun Pitla Plaza Rezia a Urtijëi dala 15.00 ala 18.00 n sada ai 16 de lugio. Per uni iscrizion iel da paië ite 5 €, l stont se fej uniun nstës. Duc i scioldi dla iscrizion ti unirà dac inant al Medicus Comicus. L’azion ie nscila penseda coche scumenciadiva de ancunteda di mutons, che possa nce se tré ite zeche, ma nce coche scumenciadiva soziela, de aiut ai manco fertunei. Da se scrì ite iel nchin n vënerdi ai 15.7. tla butëiga Manuela streda Rezia 169 a Urtijëi, tel. 0471 796095. I buteghieres de Urtijëi uel cun chësta scumenciadiva dé n cuntribut ala vita dl luech y rengrazia bele danora duc chëi che fajerà pea y che passerà a Urtijëi n chël di.

Iadi, Jites y Escurscions

nr. 25 / 01 de messel 2011

Iadi, Jites y Escurscions Arpizeda sportiva sun Sëurasas La Grupa Alpinisć Gherdëina GAG nvieia duc a unì pea n sada ai 9 de lugio ala arpizeda sportiva sun Sëurasas. Se ancunton dala 13.30 sa Runcaudie per sté n domesdì deberieda a se arpizé te n post cun n bel udëi ora. A Leopoli con la Region e l Decanat

L’assessor regionèl Luigi Chiocchetti, en colaborazion col Decanat de Fascia, met a jir n viac te l’Ucraina, dai 19 ai 23 de setember 2011. L viac perveit na zerimonia te la Cortina de vera de Hijcze olache l’é sepolì ence sudé fascegn morc sul front orientèl endèna la Gran Vera e olache del 2007 raprejentanc de la Comunanza de Fascia à metù jù na làpida en recordanza. L program perveit ence l tout “Fer de Ciaval de òr”, na raida dò un di più bie percorsc turistics de la region de Leopoli. L viac é avert a duc e l cost é de € 930,00 a persona; chi che vel tor pèrt pel domanèr informazions e se enscinuèr aló da l’Agenzia Doltour de Ciampedel 0462.750555 (Raffaela) o chiamèr Nadia Valeruz al numer 0461.201084 dant dai 12 de messèl 2011.

Segres y festes Segra da La Val

I Stüdafüch da La Val inviëia en domënia ai 10 de messè ala tradizionala festa dla Segra dl paîsc. La festa vëgn tignida por döt le dé sön plaza de comun y metarà man do mëssa cun n conzert dla Musiga da La Val. Domisdé podaràn ascutè la Böhmische da La Val y da sëra jarà la festa inant cun musiga da bal cun le grup “Sommerwind”. Tratan döt le dé gnaràl sambëgn inće fistidié por dè fora da mangé y da bëre por düć.

Musiga Bona musega de vender a la Grenz

En sabeda ai 9 de messè â la Lia da Munt Jonila dla Val Badia preodü da fà la via ferata “Col dai Bos”. Le terminn é gnü antizipé a chësta sabeda ai 2 de messè. An pëia ia dales 8.30 da La Ila (Hotel Ladinia). Le deslivel é de 500 metri, por n tëmp da jì de chës 3 ores. Por informaziuns plü menüdes telefonè al nr. 338/3399409.

La sociazion La Grenz de Moena va inant con so empegn per chierir ge dèr lèrga a la musega dal vif. I apuntamenc con conzerc de artisć che porta dant generes musicai desvalives vegn metui a jir de vender da les 10 da sera te la senta de la sociazion aló da “La Baita”, te strada Saslonch a Moena. En vender ai 8 de messèl se podarà scutèr n musizist de gran braùra e nonzech: Alan Farrington, che con ousc e chitara l portarà dant so program “I’m not a Jukebox”. Informazions se pel les troèr sul sit: www.lagrenz.org.

Jita tl raion dl Lagorai

Cunzert dl cor ”Sorbisches Gymnasium” de Bautzen

La Lia da Mont Gherdëina mët a jì n dumënia ai 3 de lugio na jita tl raion dl Lagorai sun l Cauriol (2.494 m). Per nfurmazions plu avisa pòssen cherdé su Sybille 333 2852859. Se scrì ite pòssen mo ncuei vënderdi ai 1. de lugio, a Urtijëi da Ciofs Inge, a S. Cristina da Sport Service y te Sëlva da Sport Bruno Riffeser.

N dumënia ai 3 de lugio, dala 20.30, te dlieja de Urtijëi y n lunesc ai 4 de lugio, dala 20.30 a S. Martin de Tor tl self dl Istitut Ladin Micurà de Rü. L cor cun l dirighënt Friedemann Böhme, Domkantor dla dlieja de St. Petri a Bautzen, à 45 cumëmbri, duc jëuni danter 15 y 18 ani che fej l ginase sorb a Bautzen. L cor da na tradizion longia ie unì metù su deberieda cun la scola tl 1949. L cianta opres dla leteratura sorba, tlassica y moderna, opres spiritueles, ma nce cianties tudësces y de d’autra rujenedes. L sarà da audì cumposizions de Marc Antoine Charpentier, Anton Bruckner, Antonio Vivaldi y d’autri.

Cun la Lia da Munt Jonila a fà la via ferata “Col dai Bos” - terminn antizipé

Jita da d’isté dl Sindacat di ponsionà SGB-CISL – Val Badia: Ütia de Pecol

La jita vëgn metüda da jì en sabeda, ai 16.07.2011. Ara se trata de na spazirada saurida (ca. 40 menüć a pè, püch deslivel). Post d’incuntada: dales 10.00 a San Martin (zënter) o dales 10.30 a Pé de Börz (plaza da lascè i auti). I passun n valgünes ores en compagnia pro musiga, ćiantè y na bela cartada. Por informaziuns plü menüdes pon cherdè sö Paul Pedevilla al nr. 333 6731119. Escursciun tl’alta Val Badia

En domënia, ai 10.07.2011, mët da jì les Lies da Munt Val Badia na escursciun valgamia saurida tl’alta Val Badia: San Ćiascian - La Crusc - Armentara - Pedraces. Al é da fà n deslivel de 500 m söpert y ca. 700 m jöpert. Da jì a pè saràl plü o manco 5 ores. Por informaziuns plü menüdes (orars) cherdè sö Giuvani Pescollderungg/Al Plan al 0474 501294 o 328 4624159. An ne va nia cun n bus, mo cun auti privać, eventualmënter cun le bus de ligna da Pedraces ćina a San Ćiascian.

Volxfesta 2011 cun Acajo y Mattia Demetz A Bulsan sun i prei dla Talfer iel da audì ncuei domesdì, 1. de lugio, dala 18.00 inant l jëunn de Urtijëi Mattia Demetz, armonica y chitara, y mo d’autra grupes. Duman sada ai 2. de lugio for dala 6 domesdì inant sunerà i Acajo mujiga moderna ladina, Daniella Firpo 4tet tropical fusion y Russkaja soviet Ska. La ndreda ala Volxfesta, metuda a jì dala lia culturela Tandem y la Consulta ladina y l Chemun dla zità de Bulsan, ie debant. Corni da mont y chëi dala scuriedes N juebia ai 5 de lugio, dala 9 da sëira, tl zënter dl luech a Urtijëi saràl da audì sunan i corni da mont y stlefan cun la scuriedes. Cunzert dla Mujiga de Urtijëi

N juebia ai 7 de lugio, dala 9 da sëira, tën la Mujiga de Urtijëi n cunzert sun plaza de dlieja.

♦ Antermëia

inviëia al Turnier de Calceto La 10. ediziun é söl program la sabeda ai 16 de messè. Dlungia les partides dl turnier gnaràl inće garejé por le titul de “Re di 7 metri” Le Sport Club Amatorial Antermëia inviëia da tó pert ala 10. ediziun dl Turnier de Calceto, che vëgn inviada ia en sabeda ai 16 de messè a Antermëia. Al vëgn śoghé dales 10 inant y al sarà inće n tendun y musiga dal DJ. Dales 18.00 él preodü la finala y l’incoronaziun dl “Re di 7 metri”; dedô party cun DJ. Tó pert po alplü 16 scuadres. Les iscriziuns vëgn tutes sö pro Armin al nr. 347 9102642 o tres e-mail a arminerlacher@ yahoo.it. Le placat che inviëia al turnier.

32

www.lauscdiladins.com

Gran festa de “Die Ladiner“ La 10. edizion dla gran festa de “Die Ladiner” sarà chëst ann da n vënerdi 30 de setëmber nchin a n dumënia 2 de utober. N vënerdi sëira suneràl danter l auter “Die Ladiner” y “Die Grubertaler”, n sada sëira mujiga cun “Die Ladiner”, i “Zillertal Power” y “Monique”. N dumënia ai 2 de utober n ucajion dla 10. edizion dla festa n gran “Frühschoppen“ cun “Luis im Auto”, “Die Ladiner” y i “Alpenbrass Tirol”. La ntreda ie n chël di debant. Chertes danora iel da giapé bele śën te internet sot a www.dieladiner.com o cherdan su l 328/4191433. Conzert dla Müjiga da La Ila En jöbia ai 7 de messè dales 21.15 tignarà la Müjiga da La Ila so pröm conzert dla sajun da d’isté, sön le paiun dan dlijia da La Ila. Sce al ess da ester bur’ tëmp, vëgn le conzert tignì tl salf dles manifestaziuns a La Ila, tres dala medema ora. Südtirol Jazz Festival te Mareo

En domënia ai 3 de messè vëgnel tignì tles munts de Mareo sis conzerć tla cornisc dl Südtirol Jazz Festival. Tla Ütia de Fodara Vedla sona dales 13.00 inant le duo Daniele d’Agaro - Denis Biason, dales 15.00 i “Jam Session”. Tla Ütia Senes sona dales 13.00 inant Lorenzo Frizzera, tla Ütia Munt de Senes dales 13.00 inant Manuel Randi, tla Ütia de Fanes dales 13.00 inant i “Common Creature” y tla Ütia “Lavarella” dales 13.00 inant le “Maurizio Brunod Trio”.

Religion Pelegrinaje a “Maria Weissenstein”

Le KVW Val Badia organisëia n pelegrinaje a “Maria Weissenstein” ai 17 de messè, por l’aniversar dla vijita dl beât Jan Paul II. Informaziuns y prenotaziuns al nr. 0471/849353 o 339/4983474 (Luigi Clement).


nr. 25 / 01 de messel 2011

Mostres Mostra “Jir” de Valeria Battel a Moena Dal prum de messèl enscin ai 5 de aost tel teater de Navalge a Moena se per veder l’esposizion de chèdres de Valeria Battel dal titol “Jir: stories de viajes e pensieres”. La artista fascèna ne mena a descorir sia emozions pojèdes su la teila travers si chèdres, che sarà da poder veder duc i dis da les 17.00 a les 19.00 e da les 21.00 a les 22.30. La mostra vegn enaudèda anché domesdì, vender 1 de messèl, da les 17.00. Duc é envié de cher. Mostra de Harald Schmalzl

La mostra de Harald Schmalzl ”Urtijëi da uni ëura y sajon”, ie da udëi dai 11 de lugio nchin ai 13 de agost tl Café Surëdl a Urtijëi. Duc ie nviei ala giaurida che sarà vënderdi ai 15 de lugio dala 20.30. L Café Surëdl ie daviert da lunesc a sada dala 10.00 ala 19.00. ”La marueies dla stories” de Roberta Savelli

L’artista de Milan mët ora ntan l mëns de lugio tla galaria Ghetta a Urtijëi sun la pitla plaza de S. Antone. La mostra dal titul ”I Wonder” fej pert de n majer proiet dl’artista che va śën bele inant da plu ani y mostra su si raport cun l mond de marueia dla stories y dla fantajia. Si lëures fins à nsci da n fé cun la fantulëza y i prim ani dla junëza, ulache i argumënc dla cunties se cunfruntea cun la realtà. N se vëija ora l liam strënt cun stories cunesciudes y cun duc i elemënc naturei, i ciofs y i tieres che ti dà vivanda a si lëures. Mostra de fotografies de Thea Blaas

La mostra dal titul ”Nichts scheint so” tl Fotoforum a Dispruch sun la plaza Adolf Pichler 8 resterà davierta nchin ai 23 de lugio, da merdi nchin vënderdi dala 15.00 – 19.00 y de sada dala 10.00 – 13.00. Duman sada ai 2 de lugio dala 11.30 saràl na vijita meneda tres la mostra. Tel. 0043 664 1875808. Sabiaria, se plajëi? O urità y se recunëscer? Belau degun simbul ne dà tan de pusciblteies de nterpretazions coche l spiedl. La mostra nes dà la sensazion de n viac tl dedite, de n regorer de pensieres, ancuntedes y emuzions. Sentì l tof dl vënt

Wilhelm Senoner à metù ora set scultures de bront che ie da udëi sun la mont de Resciesa nchin ai 18 de utober. La persona se à fat da patrona dla criazion y se l’à fata sia, perchël àla śën nce la respunsabltà. L’ert devënta n pensier naturel, la persona se mostra do na udleda adurbeda. Mostra Carrara de Bertram Kober

La Lia Mostra nvieia ala mostra de fotografies che resterà davierta nchin n dumënia ai 3.7. uni di dala 10.00 - 12.00 y dala 17.00 - 19.00, tla sala dla Lia sun plaza S. Antone a Urtijëi. Per l artista de Leipzig iel defin carateristich lauré ora nchin tl sot n cër argumënt tres linges de fotografies. Tl proiet sun la estrazion de miermul tla Toscana à Kober pultrà ju la belëza, ma nce la destruzion. Sibe tla decadënza che nce tla belëza de Carrara se à l fotograf udù ora tematiches adatedes y ora dl solit.

Informazions y Manifestazions ♦ Dai 2-11 agn: ginastica y devertimënt L’US La Ila/seziun fitness mët da jì d’isté fora na ligna de cursc de ginastica por düć i mituns y les mitans, tignìs da Thomas Valentini y Lorenz Clara, cun scomenciamënt ai 18/19 de messè Curs de ginastica spezifica uma/pere - möt: por mituns dai 2-3 agn Le curs mët man ai 18 de messè y va inant vigni lönesc y jöbia dales 17.00 ales 18.00, por indöt 14 iadi, te palestra nöia da La Ila. Ginastica y devertimënt por mituns dla scolina “Śoghé fej crësce” An mët man ai 18 de messè, vigni lönesc y jöbia dales 15.00 ales 16.30, por indöt 14 iadi, te palestra nöia da La Ila. Program sportif da d’isté por mituns dla elementara y pröma mesana 1a, 2a y 3a elementara: scomenciamënt ai 19 de messè, vigni mertesc y vëndres dales 14.30 ales 16.00, por indöt 14 iadi; 4a y 5a elementara y 1a mesana: scomenciamënt ai 19 de messè, vigni mertesc y vëndres dales 16.00 Deplü é i cursc por mituns che la US La ales 17.30, por indöt 14 iadi. Ila/seziun fitness, mët da jì chësc isté. Program: Percurs y acrobatica te palestra, jüć te ćiamp, nodè, arpizé, jadiné, New Adventure Park, jüć da soflè sö y iade en tenda. I s’abinun le pröm iade te palestra nöia a La Ila. Düć i mituns che tol pert ai cursc po se presentè le pröm iade diretamënter te palestra. Por informaziuns cherdè sö Thomas al 339 1433016.

Temp lede Proieziun de fotografies a San Martin

L’Assoziaziun Turistica da San Martin inviëia düć ala proieziun digitala de fotografies dal titul: “Emotion: Berge Dolomiten” da pert de Paul Erlacher, en vëndres al 1. de messè dales 21.00, tl salf di stodafüch da San Martin. Informaziuns plü menüdes pro l’AT da San Martin al 0474 523175. Festa per mutons

Ncuei vënderdi 1. de lugio, dala 3 domesdì, iel na festa per mutons sun plaza de Sant Antone a Urtijëi, ulache l sarà mesun scuvierjer sasc particuleres y minerei. Festa metuda a jì dala Lia dl Turism.

Mostra de fotografies dl “Giro d’Italia te Gherdëina“

Trix sot ala stëiles

La mostra sarà da udëi mo nchin ai 3 de lugio tl Tublà da Nives te Sëlva, uni di dala 18.00 - 22.00. Avisa set iedesc iel stat te Gherdëina n travert de tapa dl Giro d’Italia, tl 1983, 1984, 1985, 1991, 1998, 2000 y 2005. N puderà ti cialé a ntëur n 100 fotografies y a de plu articuli ora dla zaites y a n video.

N sada ai 2 de lugio a Urtijëi sun la pitla plaza de S. Antone dala 20.30. La grupa TRIX nvieia pitli, jëuni y manco jëuni a na sëira, ulache n puderà fé d’uni sort de juesc da mëisa alalergia. N puderà nce dé ju la stima per ciuni che deventerà i juesc dl ann 2011 (nce sot a www.trix.cc nfin ai 26.06.2011). Sce l ëssa da vester bur tëmp jiràn tl local di jëuni ”Saut”.

Mostra de Hugo Vallazza

L Istitut Ladin Micurà de Rü y Kunst Meran ve nvieia ala mostra de Hugo Vallazza “Culëur, forma, natura“ tla cësa dla Cassa dl Sparani, Lauben 163 a Maran. La mostra sarà da udëi nchin ai 25 de setëmber, da merdi nchin a dumënia 10.00 – 18.00. Mostra 50x50x50 La mostra ie a Franzensfeste tla furtëza nchin ai 9 de lugio. 38 artisć, danter l auter nce truep artisć de Gherdëina, meterà ora si opres d’ert fates cun materiai desferënc, coche nce nstalazions video, fotografies y colages. Orar de giaurida da mierculdi nchin a dumënia, 14.00 – 19.00.

Sëira de film sot ala stëiles

Coche bele dan n valgun ani mët la Nëus Jëuni chëst ann inò a jì na sëira de film alalergia. La sëira unirà fata sun la plaza dai juesc “Fussel de Nis” pra l troi da jì a spaz a Urtijëi, n vënderdi ai 8 de lugio, dala 20.30 inant. L film che n cialerà unirà mo cris ora plu avisa ti dis che vën. La ntreda ie per duc debant y se ncunferton sun vosc unì. Sce la sëira buta y sce l sarà n suzes, pona unirà chësta manifestazion fata mo n iede d’agost y plu avisa n vënderdi ai 5 de agosti, for dala medema ëura y tla medema luegia.

♦ 150 ane de ra

♦ Te anter i tobié 2011

Banda de Anpezo

La gran manifestazion ruèda a la 15^ edizion envìa duc i ladins a Cianacei ai 8, 9 e 10 de messèl

Ra Banda de Anpezo ‘sto an ra fesc festa duto ‘l istade par i 150 ane de ra so fondazión Ra festa scomenza domegna ai 10 de luio su al Rifugio Faloria con un bón dijnà e tanta bona musica. El bilieto par ra teleferica e el dijnà el costa 20,00 Euro (14,00 Euro par i pize sote i 14 anes). Se voré ve notà inze ignante o voré outra informazios podé telefonà a ra casa de ra teleferica: 0436 2517. Se vardà inze’l sito www.corpomusicale.it sote “appuntamenti” ciatà el programa de duto ‘l istade.

La é ruèda a sia edizion numer 15 la festa “Te anter I tobié” de Cianacei, una de la festes de l’istà de Fascia più aprijièdes ence te l’autra valèdes ladines: chest la gran manifestazion é en program ai 8, 9 e 10 de messèl. La festa se orirà en vender ai 8 da les 21.00 e per chest 15° cedean vegnarà endrezà na gran festa con musega, bai e legreza te piaz Marconi, olache a la fin no menciarà na bela sorpresa. En sàbeda ai 9 da les 11.00 da doman vegnarà orì i ujes di tobié, de la stales e de la stues metudes a la leta dai sentadins de la pèrt veia del paìsc, olache via per dut l dì podarà ite a vardèr chel che la sociazions e i volontadives à metù fora, segnes de èrt, folclor e artejanat, mestieres da zacan e etres aspec de la vita da n’outa, e se sà ben no menciarà magnadiva e golosarìes, jeghes e autra scomenzadive per enterzèr cultura e devertiment e dapò da les 6 da sera enscin mesanet i desvalives ciantons del paìsc sarà viventé da sonadores, ciantores e gropes de musega. En domenia ai 10 de messèl da les 10.30 vegnarà dit messa grana te piaz de Sèn Florian e avert ofizialmenter i tobié, che restarà orii fin les 12.00 de net per sporjer spezialità gastronomiches, jeghes, musega e spas a duc. Chi che vel veder l program più avisa, pel jir sul sit: www.teanteritobie.it www.lauscdiladins.com

33


Informazions y Manifestazions

nr. 25 / 01 de messel 2011

♦ Vedli juesc y storia dla Dolomites

♦ Una

L Museum Gherdëina a Urtijëi pieta ntan chësc instà doi programs de mediazion y valorisazion dla arpejon culturela, dedichei ai vedli juesc de lën y ala storia dla Dolomites. L Museum ie daviërt lugio y agost da lunesc a sada, 10.00 - 12.00 y 14.00 - 18.00

setemana de conzerte

Vedli juesc – scuvierc da nuef (sun prenutazion) Chësc program interatif per mutons y granc vën pità tl cuntest dla scumenciadiva dla Lies dl Turism de Urtijëi, S. Cristina y Sëlva ”Val Gardena Active“. L program ie daviert sibe ai turisć che nce ala jënt da tlo. Cunsià per mutons sëura i 4 ani. Co se tripova i mutons dan 100 ani? De ce material fova pa la roba da fé damat dan l tëmp dla plastica y dl gumi? L Museum de Gherdëina nvieia granc y pitli a scuvierjer da nuef y purvé ora juesc de lën – y a se tripé deberieda! Genitores y mutons puderà nce vijité deberieda l Museum.

Terza edizion de Cortina InCanta El Coro Cortina ‘l à vorù, anche par ‘sto an, fei tre conzerte, invidà outre core, daerśe in musica ‘l istade de Anpezo. Da sabeda 2 a sabeda 9 de luio, inze tre site, ra jeja basilica de San Iaco, ra jeja de ra madona e ‘l Alexander Girardi, se podarà scotà tre biei conzerte, con zinche core, da r’Italia e da fora. Par in saé depì se pó śì a vede: www.cortinaincanta.it

Da juni nchin ai 13 de utober 2011 uni juebia dala 16.00 L’azion dura 90 menuc. Priesc dl’azion: 4,00 € per persona (plu ntreda); a n miëur priesc per cumëmbri ”Val Gardena Acitv”. Iscrizion: tl Museum Gherdëina y pra la Lies dl Turism de Urtijëi, S. Cristina y Sëlva. (max. 15 persones) Viac tl tëmp dla storia dla Dolomites cun Hans Comploj, apasciunà dla geologia y scuvridëur dl itiosaur de Secëda, deberieda cun Mainrad Strobl. Pra la vijita meneda cun na pert pratica tla sezion de geologia y paleontologia dl Museum Gherdëina pòssen mparé a cunëscer miec la vëtes geologiches di crëps y dla montes de nosta Dolomites cun duc si curëc y fossii de marueia.

♦ Conzert dl cor dl “Sorbisches Gymnasium”

da Bautzen Le conzert é söl program en lönesc ai 4 de messè dales 20.30, tl salf dl Istitut Ladin “Micurà de Rü” a San Martin

Tla rujeneda tudëscia: vënderdi 15.7., 22.7, 2.9. dala 14.15 Tla rujeneda taliana: vënderdi 29.7., 19.8, 26.8 dala 15.15 L dura: 75 menuc Priesc: 3,50 €/persona (plu ntreda) Iscrizion: Museum Gherdëina (max. 12 persones)

Temp lede I jëuni se ancona cun i reprejentanc de Chemun pra na grilieda

N sada ai 9 de lugio nvieia la grupa di Jëuni y la Chemun de Sëlva a na grilieda te sala di jëuni de Sëlva, a chëla che duc i jëuni ie nviei de cuer. Te chësta ucajion ulëssa i reprejentanc de chemun y i cunselieres dla grupa di Jëuni audì n valguna minonghes, prupostes y ideies de cie che va bën o plu che auter, che ne va nia bën, tl luech ulache i viv. Deberieda saràl pona mesun de s’la rujené ora, abiné vel’ soluzion o de fé vel’ pruposta. Uniun sarà liede de pudëi dì si minonga. Perchël nvieia la grupa di Jëuni y la Chemun de Sëlva duc i jëuni a unì a chësta sëira, n sada ai 9 de lugio, dala 19.00 inant, tla sala di jëuni de Sëlva. Se ncunferton sun vosc unì.

♦ L Cunvëni Ladin sun TML Sun TCA/TML iel da udëi l Cunvëni Ladin che ie unì metù a jì dala Union Generela di Ladins dla Dolomites deberieda cun la Union di Ladins de Gherdëina, ala fin de mei te Sëlva Ncui vënerdi ai 1. de lugio iel la trasmiscion cun la terza mëisa turonda n con’ dl svilup dl ladin da udëi tla televijion TCA dala 12.00 nchin la 15.45, y pona mo doi iedesc duman sada ai 2 de lugio dala 8.00 daduman nchin la 10.30 y n dumënia ai 3 de lugio dala 8.45 nchin la 11.15. L’ena che vën saràl da udëi la cuarta pert dl cunvëni cun la mëisa turonda che ova coche argumëntla politica ladina. N lunesc ai 4 de lugio sarà la trasmiscion dala 7.30 nchin la 10.00, n merdi ai 5 de lugio dala 20.15 nchin la 22.45, n mierculdi ai 6 de lugio dala 11.00 nchin la 13.30 y n juebia ai 7 de lugio dala 14.30 nchin la 17.00, n vënerdi ai 8 de lugio dala 12.00 nchin la 15.45, n sada ai 9 de lugio dala 8.00 daduman nchin la 10.30 y n dumënia ai 10 de lugio dala 8.45 nchin la 11.15.

34

www.lauscdiladins.com

Le Cor dl “Sorbisches Gymnasium” da Bautzen, tla Germania, tignarà n conzert a San Martin, ai 4 de messè.

Le Cor dl “Sorbisches Gymnasium” da Bautzen (Germania) é metü adöm da studëntes y studënć danter i 15 y i 18 agn, che va a scora tl ginase. Le dirighënt dl Cor é Friedemann Böhme, cantor dl dom de St. Petri da Bautzen. Le Cor à na tradiziun lungia y é gnü metü sö tl medemo ann dla fondaziun dl ginase, tl 1949. Al se dà jö cun le repertore musical sorb tlassich y modern, cun musiga sacra, mo inće cun ćianties todësces y de d’atri lingac. Al momënt é le cor tl laûr da tó sö na CD cun ćianties de dlijia de Jan Kilian, pere spiritual di emigranć sorbs dl 19ejimo secul, y s’arjigna ca por ćiantè la mëssa tl dom da Dresden en ocajiun dla beatificaziun de Jan Andricki (prou sorb che é gnü copè tl ćiamp de conzentramënt da Dachau). Te so passè à le Cor tut pert a deplü concursc musicai, inće defora dla Germania, y é gnü menè deplü iadi sciöche rapresentant de Sachsen al concurs musical “Jugend musiziert” a BadenWürttemberg. Tla regiun dla Lausitz tëgn le Cor vigni ann conzerć tradizionai d’Advënt y da d’altonn y al vëgn invié a tó pert ai momënć plü importanć dla vita dla scora y dla comunité. Le cor sarà sëgn da aldì a San Martin de Tor, plü avisa en lönesc ai 4 de messè dales 20.30, tl salf dl Istitut Ladin.


Congratulazions y Inserac

nr. 25 / 01 de messel 2011

A nosc nëine, pere y uem

N dumënia ai 3 de lugio cumplësc

Bruno Stuflesser

Rudi Ploner

de Petlin

da Scimenon

che à cumplì i 85 ani ai 28 de juni. Dut l bon, sanità, che l te sebe for bel a jì da mont su y nce te stala da ti bestiam cueciun, y che te posses mo jì suvënz sal Terrazza a sciaché la Lina.

la bela età de 85 ani Dut l bon da ti fëna Mena ti 10 mutons cun uemes y fenans ti 16 nepoc y i 2 pitli pronepoc

Dai tiei de familia

A nosta cocoliscima

Sofia

A Berba Lois

che cumplësc ai 2 de lugio i 18 agn!

che à cumplì ai 30 de jügn 70 agn ti auguruns’ inant tröpa sanité y ligrëza.

I te augurun düt l’ bun, tröpa ligrëza y che te pois realisé cun fortüna y suzes tü proieć.

Chi da ćiasa Mama, tati, to fre Emanuel, tües totes y i parënć

Chê é pa chësta biondina che complësc ai 2 i 18 agn? Pu al é

A nosc tata y nene

Jepele da Plazores

chë bela mora

co complësc ai 5 de iuli la bela eté de 91 agn. Döt le bun te augurun ligrëza y contentëza en grömun. Por l’amur che te s’as scinché y por döt ći che te s’as ensegné orunse te rengrazié. Dé por dé la sanité dess t’acompagné cösc orunse nos düć adöm de cör t’aodé.

da San Ćiascian. Canche ara va da fà festa est’ tres la prüma, sön chësc sunse dütes a öna! Cun mëte pënch scèchera ćiamò n pü’, mo purchël t’uruns’ impò tan bun bun. Düt l’bun!

Tü mituns Elisabeth, Maddalena, Claudia, Roman y Monica con families

Tües B&B

Congratulaziuns

ala Franca

Döt le bun por Üsc

pur avëi stlüt jö dër bun so stüde de Sciënzes de Cura tla Université da Vìena. Düt l’bun, ligrëza y furtüna te to dagnì. Les mius aodanzes inće por i agn che t’as cumplì ai 30 de jügn te aoda Silvan, tati, mama, Teo.

35 agn de matrimone ... y ćiamó en gröm d’agn de fortüna, sanité, ligrëza y amur. Da döta la familia

Da vende

A Melanie che complësc ai 5 de lugio i 18 agn ti auduns' de cör düt l’miù y che l’ dagnì pois ti portè ćiamò tröpes ligrëzes y sodesfaziuns. Nene y lava Cherubina y Clemente cun Daniela, Michael y Isabel

A Robert Ai 6 de lugio vëgnel l’dé che tü 18 agn post’ festejé: cul auto saràl śëgn tosc da pié ia y cun rodes y motors plö degüna fadia! De chisc bi agn ćiamò n grumun y che Tö restes tres sann intun te aoda tati, mama y Ossi.

Da vëne n Suzuki Swift GLX plus arjënt metalic, ann 2007, 40.000 km. Tel. 333/4410033. (23/11) ••• Da vëne n canape nü corù blanch avorio, de pel cun pedanes relax, mosöres 90 x 195. Tel. 333/8759838. (23/11) ••• Da vëne n Peugeot Expert, 3 posć, corù

blanch, mantignì dër bun. Tel. 335/6275263. (23/11) ••• L vën vendù na cësadafuech a n bon priesc. Tel. 338/4555126. (24/11) ••• Da vëne n poch de patrones da tinta KMP da 5 toć al prisc de 48,00 euro por na stampanta Epson Stylus C64/ C66/C84/86/CX6400/CX6600. Sce

zacai po les adorè pòi gnì a s’les do a Ćiaseles/La Pli de Mareo te ćiasa dal Stifler nr. 2 o en cajo mai telefonè dales 7.00 da doman al numer 0474 501599 damanan do Franz. (24/11) ••• Da vëne n quad Honda trx 450 imatricolè dl 2008, cun tòć sportifs. Cherdè sö le 346 6861642. (25/11) •••

Chirì da laour N pizzaiolo cun esperienza chier da lëur. Tel. 338/2713726. (23/11) ••• N ël cun esperiënza chir n laur sciche chef de rang o chelner por salf tla Val Badia. Ël sà la rujenedes talian, todesch y ingleje. Tel. 328/7935384. (23/11) ••• N’ëila chier da lëur a rumé su domesdì o da sëira te Gherdëina. Tel. 0471/794222 o 329/1550839. (23/11) ••• N monter cun esperienza de Südtirol chir laur. Tel. 320/6937093. (23/11) ••• N jonn da Corvara de 20 agn chir por la sajun da d’ isté n laur por n per de ores da sëra. Tel: 340/9662908. (23/11) •••• N ël chier da lëur a fé d’uni sort de stroc o scenó nce sciche muradëur, ajache l ie mparà ora te chësc lëur. Tel. 339/6923266. ••• N studënt de 18 agn da La Ila chir laur por i mëisc de messè y agost. Tel. 338/9330393 o 0471/847605 domisdé y da sëra. (23/11) •••

N ël chier da lëur a fé de uni sort de stroc o a cialé de na persona de tëmp. Tel. 345/3375092. (23/11) ••• N’ëila chier da lëur a rumé su o a cialé de na persona de tëmp o de pitli mutons. La rejona mé spaniol y ntënd n puech talian. Tel. 345/3375092. (23/11) ••• N’ëila chier da lëur te Gherdëina a rumé su majons, a cialé de pitli mutons o de na persona de tëmp n 3 – 4 ëura domesdì y l mierculdi dut l di. Tel. 392/3936782. (24/11) ••• N pizzaiolo cun esperiënza chier da lëur. Tel. 338/2713726. (24/11) ••• N ël da tlo che viv dlongia Reba chier da lëur da vardian te n hotel. Ël sà la rujenedes tudësch, talian y nglëisc. Tel. 348/5433574. (24/11) ••• N’ëila chier da lëur te Gherdëina a rumé su majons, a cialé de pitli mutons o de na persona de tëmp n 3 – 4 ëura domesdì y l mierculdi dut l di. Tel. 392/3936782. (24/11)

••• Na jona de Badia chir laûr sciöche möta da mituns, tratan la sajun da d’isté. Telefonè prëibel al nr. 338/6669381. ••• N’ëila chier da lëur a cialé de jënt de tëmp, ëila à bele esperienza y a bele fat chësc lëur te Gherdëina. Tel. 340/5298027. (24/11) ••• N’ëila chier da lëur a rumé su majons, te Gherdëina. Tel. 320 9370274. (25/11) ••• Na jona dla Val Badia chir n laûr a tëmp plëgn te n ofize tla Val Badia, da mëte man da novëmber inant. Tel. 348 7347007 ••• N ël chier da lëur a lavé ju, a judé te cësadafuech o sciche vardian de n hotel. Tel. 327 8273023. (25/11)

Da scinché Al vëgn scinché hamsteri. Tel. 339/8801406. (23/11) ••• Al vëgn dè ca de pici iać de 2 mëisc. Tel. 335/7879518. (23/11)

www.lauscdiladins.com

35


Inserac, Religion y Anunzies Tl zënter de San Ćiascian vëgnel venü n local de 140 m2 cun terassa a sorëdl por n eserzize publich o comerzial. Por informaziuns plü menüdes telefonè al 0471/847887 o al 335/6193439.

Butëiga dal guant per ëi y ëiles tl zënter de Sëlva, cun firmes scialdi cunesciudes, ie do 50 ani tl lëur de stlù. Per chi che ëssa nteres: CP 25 Ufize Posta Sëlva

L vën fità via tl zënter de Urtijëi na luegia per n auto y na majon cun un n liet. Prëibel cherdé su l 335/436141. L vën vendù n cuatier de 70 m2 te Sëlva tla streda Col da Lech. Prëibel cherdé su l 348/2340224.

nr. 25 / 01 de messel 2011

Vangel dla Domenia Hotel Italia a Corvara chir, por la sajun da d’isté na barista/chelnera na chelnera por salf cun conescënza dl talian y todësch. Prëibel cherdè sö le 0471/836082. info@hotelitalia.bz.it

Festa dl Sacher Cör de Gejù, ann A, ai 3 de messè 2011 Dal vagnele do San Matî, 11, 25-30 Te chël tëmp à Gejù dit: “I t’aprijëii, Pere, Signur dl cil y dla tera, ćiodiche döt cant chësc ti aste ascognü ai sapiënć y ai scicà y ti l’as revelè ai pici. Scê Pere, insciö t’àra plajü. Döt m’é gnü surandè da mi Pere; degügn ne conësc le Fi, mâ le Pere, y degügn ne conësc le Pere, mâ le Fi y chël, a chël che le Fi ti l’ô revelè. Gnide düć da mè, os ch’i se cruziëis y ch’i ëis tröp da portè. Iö ves darà palsa. Tolede mi ju sön os y imparede da mè; deache iö sun bun y umil de cör; insciö ciafarëise tria por osta anima. Deache mi ju ne drüca nia y mi pëis é lisier. Parora dl Signur. – Lalt a té, Gejù Crist!

Tl zënter de Sëlva vëniel fità via na butëiga da nuvëmber inant. Per nfurmazions 335/7622176.

L vën vendù n hotel *** cun 80 liec te na bona posizion sajon da d’instà y da d’inviern Luegia zentrela tla Val dl Isarch. Na bona tlientela fedela che vën for inò gën. L se lascia lauré bën cun davanies aldò. Per nfurmazions cherdé su l 0472/836301 ntan l’ëures de ufize fax 0472 835401 – email: amilo50@gmail.com

La Cumunità Raion Salten-Scilier fej a l savëi che la chier per la strutura de reabilitazion per personen cun handicap ”Café Surëdl” dai 1. de agost 2011 inant, n/na cunlauradëur/a a mez tëmp (19 ëura, V. livel) L vën damandà: purtenienza ala grupa de rujeneda ladina ejam de bilinguism C esperienza tl ciamp dla gastronomia legrëza a lauré cun persones cun handicap Nteressei y nteressedes possa cherdé su l 0471 797627 per nfurmazions plu avisa.

Per nosc studio de grafica chirons n/a Grafich-Designer criatif/va y mutivà/eda che se dajëssa ju dantaldut tl ciamp digitel y dla stampa.

Hotel Cendevaves a S. Cristina chier n/na chelner/a ulentif/va y deletëul/a, nce studënt/a o praticant/a, da mez lugio nchin ala fin de agost. Prëibel cherdé su l 0471/792062.

Al vëgn chirì na bona chelnera por n restorant a Al Plan da mez messè ćina mez setëmber. Prëibel cherdè sö le 0474/501123 o le 335/8233909

L’Assoziaziun provinziala di Clubs di Alcolisć cun sënta a Picolin chir dal 1. de setëmber inant na porsona por le secretariat a tëmp determiné. Prëibel cherdè sö le 333/4768558.

La Scola de Schi de Sëlva chier per dut l ann n/na secreter/a che sebe tudësch, talian y nglëisc y da lauré sun l computer. Prëibel cherdé su l 335/204278.

L vën cris n cuatier per 2 persones da tò a fit per dut l ann a Urtijëi o S.Cristina. Tel: 335/5355692.

L lëur: - lauré ora graficamënter i proiec de nosc tlienc per la stampa

Recort Dan 4 agn, ai 8 de messè, Chël Bel Dî te so rëgn

Siur Fonjo à cherdè. Recordun Siur Fonjo cun amur y reconoscënza tles santes mësses dl ann zelebrades a Corvara, ai 7 de messè dales 19.30 a Calfosch, ai 9 de messè dales 20.00 Les ploanies da Corvara y Calfosch Sön chël crëp da Os tan amè olache düt é chît y pêsc Chël Bel Dî ves à cherdè. 1.000 iadi l’ surëdl é flurì passades demeztrù é les sajuns mo Osc recort ’tres resta vi.

Rengraziamënt

Natalino Costa “Nino” *8-3-1931 Fodom +16-6-2011 Corvara Sciöch’ l’ sorëdl che slumina da duman ćina da sëra, sciöch’ la flama sterscia y ćialda de na ćiandëra, sciöch’ l’ plö bel ciüf che florësc d’isté, insciö, nosc bun om y tati, orunse te recordè. N rengraziamënt particolar ti va a Siur Andreas, che é gnü te chisc ultimi agn vigni pröm vëindres dl mëis a l’ ciafè y a ti portè Chël Bel Dî - che al aspetâ cun gran ligrëza. De cör giulan a Siur Angel, ai ministranć, al mone, al Cor de dlijia, ai Destüdafüch, al Janpaul por avëi portè la crusc, a chi che à portè l’ cunfarun, a Richard che à dit dant les corones, ala Edith y ala Giuvana, ala Lidia y ala Serena por les beles supliches. Giulan a Raimund y Stefan, al dotur Caretta, ala Crusc Blanćia, al primar dotur Marco Pizzinini y sü colaboradus, ala Unione Ciechi ed Ipovedenti, ala Uniun dles ëles, ai vijins, a düć chi che à fat n sorvisc. A chi che à fat ofertes cun ciüfs por santes mësses o a fin de bëgn y a chi che se recordarà de nosc “Nino” te sües oraziuns i dijunse n bel giulan! Che al palses tla pêsc dl Signur!

L profil dla stiera: - savëi da lauré per si cont y te na maniera flessibltà - ideies criatives - savëi nëut sun i programs In Design, Illustrator, Photoshop - savëi da lauré sun MAC y PC - esperienza y cumpetënza n cont de coche l ie da njenië ca i lëures per la stampa Nëus piton: - n cuntrat per na stiera per dut l ann - orar de lëur regulamentà te na grupa de lëur jëuna y mutiveda L nes fajerà plajëi sce nes cherdëis su: Tel. 335 1096146 o ntan l’ëures de ufize: 0471/796772.

36

www.lauscdiladins.com

a Badia chir da atira n lerner por döt l’ann. Por informaziuns 335 6155706.

Sport Lagazuoi a San Ćiascian chir por la sajun da d’isté na boteghiera por la botëga dal sport. Prëibel cherdè sö le 0471/849554 o le 335/6810026.

La familia Da chirì L vën cris n cuatier te Gherdëina da śën inant. Tel. 334/3924610. (24/11) ••• N pèr dla Talia chier n cuatier a Urtijëi o ntëurvia. Tel. 349/7259058. (24/11) ••• N’ëila de Gherdëina chier n cuatier per

3 persones a Urtijëi per dut l ann. Tel. 339 1088847. (25/11) ••• N jëunn che lëura te n restaurant a Urtijëi chier da durmì a Urtijëi, nce deberieda cun d’autri te n cuatier. Tel. 389 1418755. (25/11)

••• N pèr da tlo chier n cuatier te Gherdëina per dut l ann. Tel. 347 2535315 o 334 2421086. (25/11) ••• L vën cris n cuatier per trëi persones a Urtijëi, per dut l ann. Tel. 327 4497267.

L salon da friser New Wave a la Val chir na lernera Prëibel cherdè sö le 0471/843088.

Bar Val a S. Martin de Tor chir da atira 1 chelnera a mez tëmp. Prëibel cherdè sö le 0474/523131.

Tistlaria Perathoner te Sëlva chier n fant cun esperienza. Prëibel cherdé su l 0471/773222 o l 339/4268143.


La Usc di Ladins