Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 25/2010 - 03 de messel 2010

IP Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Scola

9

aaaaa

Reforma y patentin De plu ie la nuviteies che à caraterisà l ultim ann de scola: danter l auter la reforma dla scola auta y la cuestion dl l recunescimënt o manco dl patentin B cun l ejam de maduranza. Na ntervista al ntendënt Roland Verra.

Urtijëi

Bulsan enconta la Ladinia

Comentar de pruma

Bel suzes per la scomenciadiva pieda via dant cater agn da pert dla Consulta Ladina dl Comun de Bulsan y da la Comunanza Ladina a Bulsan. Colaborazion menuda con l Museum Ladin Ćiastel de Tor per les vijites y la publicazion de n codejel garaté “Enconton la Ladinia”

Le re dl palê

de Iaco Rigo

10

Tunel inuvatif A Urtijëi iel n sada ai 26 juni unì prejentà coche n possa ressané n tunel cun tecniches inuvatives per pité plu segurëza, respet dl ambient, sparanian energia y sparanian tl mantenimënt.

Sëlva

10

Stadio dsarà L sëul stadio dala dlacia te Gherdëina resterà stlut ntan dut l instà. Pra l stadio Pranives de Sëlva vàl debujën de fé plu lëures de manutenzion.

Musiga

15

Serada ladina Musiga ladina à ringhinì tl Nordrhein-Westfalen, olache la jënt à salpü da aprijé nosta cultura.

Porsones

17

Sciandro d’Lista Fostüs de vita de un di pioniers dl turism dl’Alta Badia.

Teater

18

Festival 18

Tone dal Ferber Tla Galaria d’ert Teresa él gnü daurì na retrospetiva dl artist d’Al Plan.

Fascia

Ladinité - Piés via ésen dl 2006 con la scomenciadiva “Bulsan enconta la Ladinia” y sen do cater agn pòssen fé n prum bilanz dret positif. Dal auton dl 2006 encà a l’aisciuda de chest ann él sté endut 3.614 mutans y mutons de scoles dl Comun de Bulsan y 440 de si maestri che à traté la materia “Ladins y Ladinia” te scola y é spo ence gnus o tla Val Badia o te Gherdeina a imparé da conesce dal vif la cultura y la storia di ladins. Dut ova donca metù man tl pice dant trei agn sun scomenciadiva dla Consulta Ladina dl Comun de

“Ater-te-ater” é le titul dl pröm festival de teater tla Val Badia.

Al Plan

Do na prejentazion a Bulsan te scola di ladins y de si mond é dl 2006 n grup de scolés ruvés te Badia y Gherdeina per se vejiné ciamò deplù ai ladins. Enscì à podù pié via l suzes per la scomenciadiva “Enconton la Ladinia”!

22

L’Erasmus de Elisa Na joena da Vich à publicà n liber de 300 piates sun sia esperienza de 9 meisc de vita a Cracovia.

Bulsan y la Comunanza Ladina a Bulsan. Laota fòvel gnu avié n percurs informatif per les scoles dla zité de Bulsan per fé conesce miec la popolazion ladina, si lingaz, sia cultura y les usanzes che la desferenzieia dai autri; do n prum azich con na prejentazion generala te classa, ova i mutons fat na escurscion tla Val Badia y te Gherdeina per se vejiné ciamò deplù a les marevueies dl mond dolomitich y de sia jent. L president dla Consulta Ladina dl Comun de Bulsan Helmuth Moroder dij: “Per se conesce miec anter grups de cultura y lingaz desferenc vuelel ester n interes

reziproch, al n’é nia dagnora colpa di g r up s plu dominanc numer ic amenter, sce les mendranzes n’é nia bones de gnì fora y se mostré, en realté sonse segurs che avisa les piceres comunités mess se sforzé deplù, cherian ocajions per se fé conesce al rest dla zité.” Moroder enjonta che per arjonje l fin val debujegn che chestes mendranzes ae l stolz y l plajei de se prejenté per descedé curiosité y interes. Sce la comunité ladina a Bulsan conta cheles 600 persones y puec di autri à nu l’esistenza de chest grup cultural va inant a plata 3

Le re dl palê romagn inće püch dan les finales di Mondiai Joseph Blatter, deache al é la porsona che comana le plü de düć incër le palê a livel mondial, al é le presidënt dla FIFA. Ël à bazilé ćina śëgn da adorè tecnologies modernes desco secundo diretur de gara por arvëne les partides. N te’ presidënt adora bëgn ma la FIFA, degöna aziënda privata ne l’adorass. Sües rajuns: le palê é n sport popolar y düć sön chësc monn à le dërt da śoghé cun les medemes regoles, dai pici ti slams ai gragn ai Mondiai - so comënt: “la scemplëza y l’universalité dl sport dl palê é öna dles rajuns por le suzes dl palê.” Y spo baia Blatter che la dinamica dl jüch gniss rota cun fà palses por valuté dan a n video ći che é davëi sozedü söl ćiamp... Iö crëii che la FIFA dessi ester dantadöt credibla y trasparënta te so sistem de dezijiun söl ćiamp de jüch te partides de valüta internazionala y mondiala, y che n secundo diretur de gara dan a n video ne desturbass degügn! Blatter vir de chësc vers te tëmps medievai. Cô fêjon pa da iustifiché n anulamënt de n gol che é davëi stè gol te na partida tla fasa finala di Mondiai? Blatter le fej y al le fej cun chël müs inozënt da dagnora, ma che tratan é n gröm de śogadus y fans fora por le monn indô gnüs apià n iade dala realté, da chë iniustizia che comana tan tröp, inće tl jüch tan scëmpl dl palê!

La stampa scouta “Di dl chiet dla informazion” ai 9 de messel, avié da la FNSI (federazion nazionala dla stampa), per protesté contra l ddl (dessen de lege “imbavament”) che strenjessa la liberté de publicazion de notizies. L PDL à nunzié de volei propone l ddl en Aula ai 29 de messel, do l ejaminazion dla manovra economica. Entratant él sté ence Francesco Pizzetti, president dl’Autorité garanta per la privacy, che à desmostré antipatia dl vers dl ddl. Tl parlament àl dit che “tl ddl se sposta ogetivamenter l pont de ecuiliber anter liberté de stampa y sconanza dla reservateza, dut a utl dla riservateza, y chest podessa giustifiché che da truepes perts se aferme che, va inant a plata 9


Letres y Atualité

nr. 25 / 03 de messel 2010

Da les zentrales de partic politics y listes

Corvara - lîtes de comun

Estremism y mosöres dla Junta Provinziala Les mosöres cuntra l’estremism tutes dala Junta Provinziala va dl dër vers. L’aplicaziun pratica é plü ria, ajache l’estremism é chersciü ite tla sozieté. Tles parores é düć decuntra, mo i fać desmostra döt val’ d’ater. Le fat da ti dè plü pëis ala formaziun y al impëgn politich é le dër tru. La politica ne po nia ma ester de bi slogans, mo mëss ester plü ponsada sura. Ultimamënter sunse jüs tla direziun de na politica olache la scemplificaziun vëgn danfora;

scemplificaziun che é dër prigorosa, ajache ara porta a na trataziun vercia di problems. Por ći che reverda la maiù partezipaziun politica él da dì che al é dovëi de düć nos da tó pert ativamënter ala vita politica por le bëgn de düć, mo al é inće da dì che chësta partezipaziun mëss ester ponsada y suradöt autonoma. Por ći che reverda l’integraziun danter i grups linguistics te Südtirol él da dì che ma la conoscënza danter chisc po portè a jì sura chi preiudizi fora che é tres ćiamò

presënć. Ladins, todësc y taliagn dess mantignì süa identité mo inće imparè dai atri zënza orëi se stlü ite. La funziun dla scora é chilò fondamentala. I odarun sce les bones intenziuns portarà spo inće a fać. Ći che i podun zënzater dì, é che i ladins é chi che é plü inant de chësc vers y che i problems de estremism vëgn plü co ater portà tles valades ladines plü co ester bele presënć chilò da nos. Ladins Dolomites

Segra de Urtijëi, mé per i tudësc? Duman dumënia ons inò segra de Urtijëi y cun chësc bel tëmp saràl truep zitadins de Urtijëi y de Gherdëina che va a fé festa sun plaza de S. Antone. Chëst ann ie i Destudafuech de Urtijëi che mët a jì la festa. On udù placac metui

ncantëur che nvieia la jënt a unì ala festa, ma a liejer i placac seméiel che i Destudafuech de Urtijëi nvieia mé la jënt de rujeneda tudëscia. Nianca una na parola de ladin ne sons stac boni de se udëi ora sun l placat de nvit ala festa. Bëndebòt

da desplajëi te n luech ulache passa l 80% dla populazion ie de rujeneda ladina. Sce la va inant de chësc viers messons veramënter se damandé “ladin quo vadis?” Ladins Dolomites de Urtijëi

Bike day Na beliscima „raida-roda“ Sela Ronda, y n pitl cunsëi! N dumënia ai 27 de juni, cun n tëmp da surëdl y bon ciaut, ulache nosc crëps dla Dolomites univa a valëi al mascimo, éi nce ie fat pea la raida di jëufs ntëur Mëisules, o Selaronda, cun la roda, i biei Jëufs de Frea, Ciaulonch, Pordoi y Sela, y dut me à sapù scialdi bel, o beliscimo, y plën de senificac nce sozio-culturei, cun na psicologia plëina y sota. Na cossa unica, cun na gran bela sudesfazion y cuntentëza per uniun y per duc chëi che ti la vega cun si forzes. Uniun ie da dedò defin cuntënt de chël che ël ie stat bon de fé! Dala esprescion dl mus y dla maniera de rujené de milesc y milesc de partezipanc iel mesun se rënder cont tan bon che l sforz fisich y psichich y dut l muvimënt ti à fat a uniun. L ie perchël dessegur drët de ulëi ti lascé a l savëi na bona lauda y n Dievelpaie senzier ai urganisadëures, che à dessegur abù n gran lëur a mëter a jì vel’da de

tel, tan bën y a puntin cun dut cant. Y l ie nce l cajo de speré che chësta ntraunida amatoriel-sportiva vënie mantenida inant ti ani che vën. Chësc ie plu dessegur na minonga y na aspirazion de duc, tla valeda y nce chëi da oradecà. Ma una na cossa de mpurtanza ulëssi njunté, a chël che l vënie tenì cont tla proscima edizions, per l bon fin de mo n miëur y majer perfeziunamënt! Mi pruposta y cunsëi jissa dl viers de slungë l tëmp de „dsaré“ dut l parcours di jëufs al muvimënt motorisà, ai auti, motores y dut l rest, y de njunté almanco mo n doi ëura, lascian pië-via pona l trafich permò ntëur la 18.00. L n ie truepiscimi che ie nce mpue’ melsegures y scialdi stanc, y che adrova scialdi giut, l n ie truepiscimi che se fërma mo nchin tert per vel’gauja speziela, o nce per l fat che l ie massa bel y „da paravis“ per vester bele inò zeruch dala 16.00, ulache n ie zënza

for, l n ie nce de tei che ie piei via mpue’ tert, per vel’gauja dl ultimo mumënt, y nsci inant. N dassëssa nce ti dé a duta chësta jënt, da capazità desferënta n con’ de jì debota y ruvé inant, la bona aurela de pudëi se tò defin dl’aurela y fé l plu bel plan che la va! Perchël, sce n vën bele ntëur mesa la cater, te n colp y sciche ora de n bel sarëinn, cunfruntei, y datrai manacei, cun la levina nervëusa y periculëusa dl trafich, ie chësc na cossa che ne passenea nia, y tendenzialmënter scialdi ora de luegia! Chësta mi cunscidrazions y usservazions ie mé per fin de bën, che l ne posse mei suzeder nia, pra n tel beliscimo di de roda y de batalia cun sé nstësc, che l sibe for l mascimo bon resultat, y daniëura mo n iede cun lauda y recunescënza a duc y a dutes che à judà ntëurite!

Ara à rajun La Usc di Ladins canche ara scrì che tl comun da Corvara él gnü fat “na mesa maratona” de sentades por porvè da mëte sö la junta. Les incuntades é veramënter stades sfadioses sciöche na maratona. Y chësc por düć: por l’ombolt, por i candidać de intrames les listes, por le secretêr de comun, por i zitadins che é jüs a ascutè sö y inće por i jornalisć. Forsc él avisa porchël che al é gnü desmentié da menzionè tl foliet n punt dër important che ne po nia gnì tralascè por ne ti tó nia obietivité ala cossa y trasparënza al’informaziun. Al é vëi che tla penultima sentada à l’ombolt Robert Rottonara fat la proposta de tó ite te junta i trëi aconsiadus plü jogn (Natalie Dalponte, Marco Bassot y Stefan Costa), proposta che é spo gnüda refodada cun la motivaziun che düc trëi i candidać ne à degüna esperiënza te comun. Y chësc é gnü scrit. Mo al é inće vëi che le medemo ombolt à fat ćiamò na secunda proposta por tó ite trëi candidać dla lista “Düć Adüm”, plü avisa Natalie Dalponte, Oscar Alfreider y Roland Adang. Inće chësta proposta é gnüda refodada, mo baldi n’é chësc nia gnü scrit, scebëgn che intrames les propostes

é gnüdes metüdes a protocol dal secretêr de comun! N lalt ti va al ombolt por avëi porvè tratan chëstes 5 sentades cun pîsc y cun mans da ti dè na junta a so comun, tla orentè de laurè deboriada cun serieté y desponibilité. Dötes sües propostes (y al n’é stè tröpes) é tomades t’ega, ćiodiche dal’atra pert n’àn nia porvè da daidé costruì le punt che foss stè la soluziun. Da alzè fora é inće le comportamënt di candidać dla lista Uniun Calfosch-Pescosta-Corvara che s’à dagnora presentè ales sentades puntualmënter y zënza mai manćé y ne s’à mai lascè ite tles provocaziuns. Tl gran desplajëi de ne ester nia stà bogn, te n pice paîsc sciöche Corvara, da ciafè na soluziun, me ralegrëii impo’ de valch: tratan les sentades ti él gnü trat dant al ombolt Robert Rottonara de avëi fat politica, por avëi metü sö na lista sot ala picia stëra de munt dla SVP. Da canche le movimënt politich Ladins Dolomites s’à detlarè a öna cun la lista Düć Adüm, n’arà chësta critica plü degöna fondamënta y finalmënter podarà inće la lista Düć Adüm mëte man da “fà politica”! Elisabeth Penazzi, Corvara

Anne Marie Prinoth dl Rezia, Urtijëi

EROI... Eroi. Sti ultimi dis a la radio s’à sentù da spëss sta parola per definì chi sportifs che à tout pèrt a la manifestazion co la roda da mont ntourn al Sela. Dighe davántfòra che me plèsc l sport de la ròda da mont e che de segur l veighe plù sportif de chël de jì co la ròda su strada. Ma pense che definì “eroe” na persona che fèsc sport siebe esageré e volësse spieghé l percié. “Eroe” ntel nòst temp l’é definida na persona che co nen generous at de coragio l mët de sua bona a riscio e a le oute l la remët, sua vita per daidé jent che l’é n pericol o l’à debujen de aiut. Chëst, purmassa, l suzede e mi come duc chi che fèsc pèrt del aiut alpin on ncora ntel cuor l dolour dei nuosc compagni che à perdù la vita n Val Lasties l inviern passé o a Cortina sul Cristallo l an passé. Chisc e duc chi che a vèlch moda

2

www.lauscdiladins.com

à remetù sua vita per l ben dei autri i é “eroi” e degugn assa da se mpermëte de qualifiché “eroi” autra jent. E se ntel mondo d’aldidancuoi i doura sta parola per enfatizé vèlch manifestazion o valgugn che con sta parola no i à nia da ci fè, i sbalia. Ntel descore talián o ladin o ci che se vòl n’é mile de autre parole per definì n brao sportif o na persona ecezionale. Dourón chële. Per finì volësse demè dì che, souradut per l rispet de chi che, come che è bele dit, i s’à comporté veremente da “eroi”, sta parola no la vegne dourada ala lesiera, perciéche l significat l é dut auter che lesier. Ánzi, l pësa segur trop per chi che à da ci n fè souradut davòche i “eroi” per daidé i autri i à lascé soi i suoi. Davide Testor

Vosta usc sun La Usc di Ladins info@lauscdiladins.com (mandede ite Vosc tesć nchin a n merdi sëira)

Priesc d’abonament anual: per la Talia: 54,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 25 / 03 de messel 2010

Bulsan enconta la Ladinia Bel suzes per la scomenciadiva pieda via dant cater agn da pert dla Consulta Ladina dl Comun de Bulsan y da la Comunanza Ladina a Bulsan. Colaborazion menuda con l Museum Ladin Ćiastel de Tor per les vijites y la publicazion de n codejel garaté “Enconton la Ladinia” va inant da la pruma plata

y linguistich, spo podonse capì ciuldì che al é tant emportant da mete da jì chestes scomenciadives scolastiches che informeia sun i ladins. I fruc che la scomenciadiva a Buslan à porté enchin sen à ence mené a crì n maiour contat con l’Intendenza scolastica taliana; y l resultat é demé bon: l dot. Vidoni dla Intendenza à tout su l projet y l destenarà fora d’auton ence a scoles fora de Bulsan. Na gran sodesfazion, ence personala, per chest vare à la colaboradoura dla Consulta Ladina de Bulsan Kerry Nagler, che i à dagnora soflé ite duta la pascion tl’organisazion dles lezions y dles jites per conduje scolaresches tla Ladinia. Da nia ne végnel nia, y sce i organisadours é dagnora stés bogn de motivé per si programs mutons y maestri, spo se resserveiei dret n gran merit.

L projet: in loco Tl ultim temp abraciova l projet does perts: la pruma é l’introduzion a la cultura y al lingaz ladin con esperc tla spana de lezion de na ora y mesa; la seconda pert varieia anter i liviei de scola, da les scoles elementares a cheles mesanes y a la fin a cheles autes. Les scoles elementares à vijité l Museum Ladin de Tor a San Martin, à tout pert chilò a na “ciacia al tesour”, y é spo judes tla Val di Morins a Lungiarü. Pes les prumes classes dles scoles mesanes él prevedù l medem program, per les secondes indere na unité didatica “a la descorida dla geologia dles Dolomites” tl Ćiastel de Tor con dedò n spazier curt a San Martin de Tor; les terzes classes desfira na jita didatica te Gherdeina con vijita al Museum de Gherdëina a Urtijëi y n laboratore “len y scultura”, ajontan domesdì na escurscion a la Gliejia de Sacun y

En vijita al Museum de Tor.

al mes Peza. La seconda pert per les scoles autes sourantol l program dles secondes classes dles scoles mesanes (troi geologich al Museum Ladin a San Martin y jita tla Val di Morins). Les speises de trasport con l bus y i onorars ai esperc dles lezions sourantol dal prum moment encà la Consulta Ladina dl Comun de Bulsan, l contribut che i scolés paia é de 3,00 euro a jita.

La revista “Enconton la Ladinia” Les scomenciadives per informé sun la Ladinia y i ladins ne s’archieta nia te na lezion a scola y te na vijita. I iniziadours dl projet à pensé de enjigné ca valch che restassa tles mans de chi che enconta la Ladinia. Nadia Chiocchetti y Hilda Pizzinini à a chesta moda azeté l invit de Helmuth Moroder, president dla Consulta Ladina de Bulsan y enchin chesta aisciuda consiadour comunal a Bulsan, de mete adum n codejel sun la storia, la geografia

Kerry Nagler dl ofize dla Consulta Ladina dl Comun de Bulsan.

y la cultura ladina. L codejel pò duc i mutons a scola y si insegnanc se cialé avisa, al é na informazion y n retrat sun i ladins che resta. La revista à na grafica che invieia a cialé y lì. Sun 84 plates da colours DinA4 végnel splighé sie per talian che per todesch (dutes les plates é partides su te does colones) chi che i ladins é, da olà che ai vegn, co che si sistem scolastich ciala fora, cales che é les carateristiches de sia economia, cales che é les tradizions, l cei y les lijendes tipiches y co che i media ladins funzioneia y arjonj la jent. La publicazion se scluj ju con na cherta geografica che reporta i toponims plu importanc ti trei lingac ladin, talian y todesch. Vigni capitul met dagnora man con n titul ladin, enscì che i letours pò se fé na pruma idea de sciche l terz lingaz dla provinzia sona, almanco te n valgunes paroles. L contegnù vegn splighé con paroles scemples, adaté a n publich joen o che se sent joen. Dret rica é ence la documentazion fotografica che descriv tres les imajes l mond ladin. (la usc)

L cuertl dl codejel nuef. Chesta informazion y documentazion de basa sun i ladins y si mond podessa ence gnì nuzeda te d’autres ocajions. Che i ladins, con sia cultura y sia storia, pò interessé assé desmostra avisa l projet “Bulsan enconta la Ladinia”. www.lauscdiladins.com

3


Atualité

nr. 25 / 03 de messel 2010

Aiut Alpin Dolomites de Armin Moroder y n chël di bën cater iedesc. N à nscila udù che l ie drët fé na paussa acioche l ne sibe nia massa joleri de sucors che sta decà cun duta la scuadra che muessa mpo vester for njenieda, ma pernanche l scumëncia la sajon iel riesc na gran cumpëida de cherdedes y de cunseguënza adròven dessegur nce l joler dl Aiut Alpin deberieda cun i doi dla provinzia de Bulsan per curì dut l raion y pité n servisc de sucors asvelt y efizient.

Nëif che crëpa ite

L joler dl Aiut Alpin.

N sada ai 12 de Juni à per l Aiut Alpin Dolomites inò scumencià l’atività de sucors per chësc instà. Ntan l’enes de paussa dl’atività de sucors àn tëut l’ucajion per fé truepa proes cun mpue’ duta la scuadres de judacrëp de Südtirol y cun la urganisazion dla prutezion zevila. Nce l joler

à abù si dis de manutenzion, a na maniera che n posse scumencé la sajon cun duta la forzes njeniedes. Bele riesc l prim di de sucors univa cherdà l joler dal 118 de Bulsan per n ntervënt sun jëuf de Frea, ulache l fova n jëunn de Bulsan che ne se n stajova nët nia bën. Nce l di do, la dumënia ai 13 de juni, fòvel da muever cun l joler,

Te chisc dis vëijen for mo i crëps y vel’ valeda alauta curides dala nëif. Nëif che ie ntant unida freda y de cunseguënza nce periculësa, ajache la crëpa riesc ite. De chësc à messù se ntënder cater ëi de Bulsan che se ova ncaprizià de jì a fé na tour sun l Sela canche l fova n di frëit y da nibl. I ne ruvova nia plu inant y ova la forzes finedes. Gran legrëza ài abù canche i à pudù senté ite tl joler che i à pona menei a destinazion segures.

Ntervënc sun streda Nia mé ti crëps fòvel da julé permez cun l joler, nce sun stredes. Dantaldut per vel’ un dal motor che se ova fat mel tuman o firan sëura ju. Bëndebò tucà ie unì n jëunn tudësch che furnova

cun si motor ju per l jëuf de Frea de viers de Colfosch. Te na raida iel sbriscià ora y ie tumà scialdi melamënter, se fajan dassënn mel al fil dl spinel. L motor ova pià fuech y dut semiova mo plu grief che la ne fova. Adalerch iel nce unit na ambulanza dala Crëusc Blancia, i carabinieri y i destudafuech.

Ntervënc per la sanità Nce ntervënc per la sanità n iel stat trueps ti ultimi chindesc dis de juni. For inò fòvel vel’ persona de tëmp che ova problems cun l cuer; cun i njins de prim aiut tl joler àn pudù smendré l mel o l pericul. Nce tla uties da mont vëniel unitant adurvà de prëscia l dutor y nsci iel tl joler dl Aiut Alpin for nce n dutor anestesista che possa suvënz ressolver la situazion bele sun l post. Nscila iela stata per l ost dla Sesselhütte che se ova fat n tai scialdi sot te na giama ntan che l njeniova ca la cërn. L dutor dl Aiut Alpin à riesc fermà l sanch che regurova ora dala ferida y l à ciulà su aldò che n pudova fé l trasport cun l joler nchin te spedel.

Gran esperienza cun l joler N ntervënt tecnich nia saurì iel

stat tl raion dl Viel del Pan. N’ëila fova sbrisceda ora sun l troi, burdlan ju per i ronesc per passa 100 metri, se fajan mel mpue’ dloncora. La fova te na luegia scialdi ncompra da ruvé permez. L pilot dl joler à messù mëter n droa duta si esperienza, lascian ju dal joler la duturëssa avisa dlongia la melcapiteda. Iló sun l post àla pona ntubà la desfertuneda che n à pona trat su tl joler cun na binda. Riesc l’àn meneda te spedel. Sun la streda te Plan dlongia l Hotel Alpino fova n pitl camion zessà zënza udëi che dovia fòvel n’ëila de 77 ani che se mpensova che l camion jissa inant mpede zessé. L’ëila ie unida meneda sot dal camion. Dantaldut si giama cialova ora scialdi melamënter, cun l os dedora y truep sanch che univa ora. Ora dl dutor dl Aiut Alpin iel nce unit adalerch l dutor Tröbinger de Sëlva che à judà tl ntervënt. Ntan i ultimi dis dl mëns de juni àn nce pità l servisc de sucors per la garejeda Südtirol Sellaronda Hero y per l Bike Day. Te chisc caji fova l joler cun duta la scuadra nia staziunà a Puntives tl Hangar ma sun jëuf de Frea.

Adincuntra ala Trienala Ladina SisartisćmetaràforasüesoperesalaTrienalaLadinatlMuseumLadinĆiasteldeToraSanMartindeTor.Lafestadedauridadlamostrasaràlevëndresai23demessè. AlconcursporlaterzaediziundlaTrienalatlĆiasteldeToràtutpertindöt36artisćdalesvaladesladinesdlesDolomites,diGrijunsydlFriûl.Ipresentunedemapor edema dui profii di artisć selezionà BarbaraTavella

Vita nasciüda dl 1972 a La Val. Ara vir a La Ila. 1986-1991 Scora d’ert a Urtijëi, Gherdëna 1991-1995 Academia d’Ert “Brera”, Milan Ćerna de mostres 2009 “Immaginario su tela“ ZonaK – Milan 2006 Fotokunst aus Südtirol tl Parlamënt a Viena 2005 Galerie Prisma, Balsan (Mostra individuala) 2005 “Wenn sie hier ist, möchte sie dort sein”, Vetrine Kunstraum

4

www.lauscdiladins.com

Cafè Mitterhofer, Sanćiana 2005 Kunstszene Südtirol Aktuell, Lanserhaus-Eppan 2003 Panorama 03, Balsan 2002 Das absurde Bekannte, Phoenix Art – Sammlung Falkenberg, Hamburg 2002 Gemine muse, Trënt 2001 Kunstmesse, Desproch 2000 Sënta dl Consëi Provinzial, Balsan 2000 R adar, Foto- und Videoarbeiten in Südtirol, Stadtgalerie Bozen 1998 Motive der Stille, St. Pölten, NÖ 1998 Schloss Katzenzungen, Prissian 1998 Galerie Museum, Balsan Le lingaz dl corp Barbara Tavella à metü man so percurs artistich cun le dessëgn informal. Dedô àra adorè dantadöt la fotografia y le video por se ciafè spo indô tla pitöra. Tl zënter dl laûr artistich de Barbara Tavella él la perzeziun sensoriala dl corp feminil en contraposiziun ala figöra dl corp sciöche rapresentaziun dla feminilité. I laûrs de Tavella se caraterisëia tres dër na gran varieté de corusc; le sotfunz se basëia sön motifs y tapeć. Les figöres feminiles ponüdes tl cheder ne mostra

degöna unité tl corp, l’artista mët insuralater tòć dl corp cun chedri idealisà bele dà dant fora di mass-media, ara mët insuralater tòć dl corp te posiziuns desvalies, injunta n cheder dl corp sintì sogetivamënter ćiamò cun n ater corp amplié, insciö che ara le radoplëia y le moltiplichëia y mët adöm perts singoles te n corp feminil spachè te de plü tòć. Les figöres ne dà porchël nia la impresciun de ester autonomes, ares pê ester forestes y süa feminilité vëgn sovënz impormò definida dal guant o da pezes da corusc che mët en relaziun les composiziuns de corusc cun la varieté dl sotfunz. Cun chësta inrescida artistica se ponn Barbara Tavella te na tradiziun cun les artistes tl cheder dl movimënt surealistich, che à bele laurè cun aspeć dla relaziun danter ëra, cheder y corp. Ti laûrs de Barbara Tavella vëgnel alzè fora dassënn le conzet dl lingaz dl corp. Le corp feminil é le protagonist dla crisa: le confrunt cun la odlada dl ater,

insciö sciöche cun de plü proieć de feminilité, ne conzed nia na vijiun coerënta dl corp feminil idealisé y sbürla l’artista a se confrontè criticamënter cun la funziun de so ester ëra tla sozieté, sciöche inće a dubité dles funziuns tradizionales che ti vëgn surandades. (Sabine Gamper) Barbara Tavella s’interessëia dl collage, ara conësc la ideologia dl teater y tira dant l’argomënt dla framentaziun. La composiziun de

perts che pügna é por ëra avisa tan importanta co les ëres y so monn. Ëres ponüdes vëgn dant gonot ti laûrs de Tavella, ares é espresciun dla passivité fisica y ćiamò deplü de chëra spirituala. Tla pitöra éra afascinada dal presënt dagnora dan man. “Sce i destödi indere mi computer, Tavella laôra inće cun animaziuns video, spo s’un é döt cant. Chësc me destürba“ sotliniëiera. Ma indiretamënter y zënza orëi é sü chedri datrai inće autobiografics. Le surealism y le dadaism l’à influenzada. En cunt dl lian cun süa inćiasa dîjera: “Sce i sun chilò ôi ester dailò”. Al respidlëia le sentimënt de Tavella de s’un stè ert che rapresentëia tl medem momënt inće la imposcibilité de ester invalgó d’ater. Tavella sënt la manćianza de comunicaziun, la jënt ne se capësc nia (plü). L’artista ti salta do a öt al ideal de portignënza. Rubrica en colaboraziun cun le Museum Ladin


Atualité

nr. 25 / 03 de messel 2010

Dala Jonta de Bulsan: deliberes de majera mpurtanza La dezijions de majer nteres dla Jonta provinziela de Bulsan tla ultima doi enes Pruvedimënc nueves tl marcià dl lëur La Jonta provinziela ti à cialà al marcià dl lëur, tenian cont che la cumpëida di zënza-lëur ie passeda via l 3%. De mei de chëst ann fòvel belau 10.000 zënza-lëur. La Provinzia à fat ora de udëi dant na lingia de pruvedimënc acioche la jënt manco jëuna abine inò da lëur fajan furmazion. „L ne n’ie nia da azeté che na persona, ora che sce l ie deficulteies de familia, ne azetea nia n lëur ajache la muessa furné n’ëura da cësa,“ à dit Durnwalder. La repartizion provinziela per lëur ti prejenterà ala Jonta provinziela na lingia de ntervënc spezifics n con’ de chësta normes. La Jonta uel oradechël stlarì la posizion di zitadins che vën da oradecà y che do avëi laurà tla provinzia de Bulsan ne à nia plu da lëur y se nuza de sauridanzes de bënsté. „Resté per n valgun mënsc zënza lëur ie bën da capì, ma canche la se trata de plu ani iel drët capì la rejons de chësta situazions,“ à dit l presidënt dla Provinzia.

Tuesse tl raion dl furnel dal refudam A giavé grunt per l furnel nuef dal refudam a Bulsan Sud iel unì abinà 8.500 tones de refudam scialdi da tuesse. „L se trata de

material che pudëssa nce purté cunseguënzes per l’eghes te chësc raion, perchël iel debujën de rumé demez riesc chësc refudam da tuesse,“ à dit Durnwalder. Per chësc lëur y nsci purté na soluzion al problem muessa la man publica spënder feter 4,5 milions de euro. L refudam unirà menà a na firma spezialiseda ti Paejes Tudësc.

Stlarimënc dla Comunità Europea La Jonta provinziela à tratà la dumanda de stlarimënt da pert dla Union Europea n con’ dl atestat de bilinguism, n referimënt ala norma de atuazion nueva che jirà n droa cun i 29 de juni. La Jonta provinziela tën da si posizion n con’ dla norma che garantësc che i zitadins da tlo vën tëuc dant canche la se trata de stieres publiches. Sce l sarà debujën tenirà la Provinzia permez per defënder i nteresc dla jënt da tlo, ajache l ie n pont zentrel dl’autonomia y dla defendura dla mendranzes.

Meric per la Provinzia La Jonta à cris ora i inuemes de chëi che dëssa giapé uneranzes provinzieles per l ann 2010. Tla zeremonia de sëurandata ududa dant per l 5 de setëmber tl Ciastel Tirol uniràl danter l auter unerà l

presidënt da dant dl Cunsëi di Ministri y Cumisser UE Romano Prodi y l cumponista de mujiga Giorgio Moroder de Urtijëi.

Bilinguism: cumisseres nueves La Jonta à dat pro l’acurdanza cun l Cumissariat dl Guviern sun la nomina de 50 cumisseres nueves per l ejam ntan i ani 2011-2013.

Cunliamënt per fonins ti tuniei La Jonta provinziela à dat pro ntervënc per miuré la rezezion de telefonns zeluleres ti tuniei, tenian cont che te truep caji toma la linea canche n passa cun la ferata tres n tunel.

Comunicazion provinziela nueva La Jonta uel svilupé si atività de comunicazion istituzionela sun doi pertes. Deberieda cun l servisc stampa bele nvià via, ulëssen nce avëi n servisc dedicà deplù ala comunicazion strategich-politica. Per i cunlauradëures di mass media y per l zitadin saràl na funtana de nfurmazion sëuraprò che ti dà priurità ala Jonta ti argumënc zentrei dl program de aministrazion y di proiec prinzipei dla Jonta.

Adatamënc al plann di purtoies “I purtoies dai schi ie de prinzip per chëi che va cun i schi, ma nce chëi che uel jì a pe dëssa giapé si lerch da na pert su,” nsci ie la vijion dla Jonta provinziela acioche la jënt posse nce jì su per i purtoies. Mpurtant, nsci Durnwalder, iel che la lerch per chëi che va a pe sibe marcheda. Cun delibra de Jonta provinziela dëssel unì metù l orar canche l possa unì fat la manutenzion di purtoies, ntan chisc lëures ne pòssen pona nia jì a pe. L’ublianza de tò l casco resta per jëuni nchin a 14 ani. A categureis spezifiches sëura i 14 ani, sciche per ejëmpl maestri de schi, possa la Jonta provinziela scrì dant de tò l casco. Ti raporc danter patrons di grunc y mprenditëures dai lifc à i assessëures provinziei udù dant n pruvedimënt per ruvé a una zënza jì dan suneria. La servitù per purtoies dai schi ne possa nia avëi na limitazion de tëmp.

Tofles y rujenedes La Jonta provinziela de Bulsan à tratà la lëtra dl minister per la Regions Raffaele Fitto che se damanda mo chësc mëns na soluzion dla problematica dla rujenedes cun la tofles di troies da mont. L presidënt Durnwalder à

stlarì che chësta cuestion ie de cumpetënza provinziela y che l uel vester bona ulentà da tramedoi pertes. La va de abiné na forma che respeteie l pensé europeich y deguni ne possa sfurzé su na forma che vede contra valores storics. La Jonta provinziela lecorda si vedla posizion scrijan na lëtra ala lia da mont taliana CAI y ala lia tudëscia AVS. “Sce la tofles vën fates cun scioldi publics o sce les ie sun puscion publica, muesseles vester te doi rujenedes,” nsci l presidënt dla Provinzia che a spiegà che do si minonga dëssel unì scrit te doi rujenedes duc chëi inuemes che ie purtei ite tl cataster cun spiegazions sciche per ejëmpl: „streda, troi, plaza, direzion per...“ y nsci inant. Inuemes tramandei storicamënter che ne à nia na traduzion recunesciuda tl cataster dëssa resté te si forma uriginela.

Park de inuvazion TIS La Jonta provinziela à nciarià l architet Claudio Lucchin de Bulsan y si grupa nglëija de lauré ora l proiet ejecutif per l parch de inuvazion TIS a Bulsan Sud. Te chësc gran parch iel udù dant na cubatura de 160.000 metri cubich per istituzions publiches y la medema cubatura da dé a fit a privac. L custimënt udù danora ie de feter 100 milions de euro. (usp)

Adincuntra ala Trienala Ladina SisartisćmetaràforasüesoperesalaTrienalaLadinatlMuseumLadinĆiasteldeToraSanMartindeTor.Lafestadedauridadlamostrasaràlevëndresai23demessè. AlconcursporlaterzaediziundlaTrienalatlĆiasteldeToràtutpertindöt36artisćdalesvaladesladinesdlesDolomites,diGrijunsydlFriûl.Ipresentunedemapor edema dui profii di artisć selezionà PeterDemetz

Vita 1969 nasciü a Balsan, al vir y laôra a Urtijëi (BZ) 1983-84 Frecuënza dla scora d’ert “Cademia” a Urtijëi 1984-1990 Aprendistat tl laboratore de Heinrich Demetz 1993 Diplom da Maester scoltur 1993-09 Partezipaziun a mostres coletives a Urtijëi (UNIKA), Milan, Vail/Colorado, Leipzig, Lichtenstein/SA, Gent, Firenze, Lecce, Palma de Mallora, Istanbul y Roma. Laûrs sön comisciun tla Talia, Austria,

Paîsc Todësc, Islanda y USA. 1995-02 Insegnant tla Scora profescionala de Urtijëi y de Sëlva por les materies: dessëgn, storia dl’ert y scoltöra 1997-00 Presidënt dl’assoziaziun “Artejanat Artistich de Gherdëna” y coordinadù dl grup UNIKA 1999-02 Formaziun por la pedagogia, didatica, psicologia dl aprendimënt y dl svilup dal 2001 incà àl tignì seminars sön i argomënć lià ala scoltöra, sciöche inće dl modelè le lëgn y l’arjila, dessigné y le stüde dla natöra; d.l’a. por le Designcenter dla Fa. Swarowski a Wattens (A), la LKJSachsen a Leipzig y le DaetzCentrum tl Lichtenstein/SA. 2002-06 dozënt responsabl por le curs de stüdi “ert dla scoltöra tl lignan” dla université de Zwickau (Paîsc Todësc), facolté d’ert aplicada de Schneeberg, pro le DaetzCentrum tl Lichtenstein/SA. dal 2007 incà colaboraziun cun la galaria “Artforum” de Bolgona (Talia). Reconescënzes 2007 Pröm pest pro le concurs “Nova” dla Provinzia de Balsan, opeera: “Dialogh” 2007 Pröm pest pro le concurs por le 60° aniversar dla Fiera de Balsan,

opera: “Paiun 1” 2008 Premié pro le “Premio Arte” dla revista Arte – Giorgio Mondadori, opera “Lo Specchio”, 2008 2009 Premié pro le concurs artistich “eroism – inier, ncuei, duman” dl assessorat ala cultura ladina en colaboraziun cun le “Südtiroler Künstlerbund”, opera: “... hero...”, 2009 2010 Davagnadù dl concurs artistich “Trienala Ladina” dl museum ladin Ćiastel de Tor a San Martin de Tor 2010 Pröm Pest pro le “Premio Arciere” a Sant’Antioco tla Sardegna, opera: “L’analfabeta” Peter Demetz: Les lercs dl iö ... Le scoltur pê orëi sf idé i conf ins dimenjionai. Stargates che se le pormët da jì sura chël che i definiun normalmënter sciöche realté fora,

soziala y se ciafa insciö daldöt ël instës y süa integrité interna. Valerio Dehò, Bologna ... Les composiziuns plastiches de Demetz ne corespogn a degönes lercs abitatives, ares n’ô nia cuntè les stories de certes figöres, mo ares ô m o s t rè s ö l e rc s esistenziales, sciöche lercs te chëres che ara va da ciafè indô la cosciënza de se instësc. Ma tres chësta cosciënza rovunse tles lercs dl iö. (Maurizio Vanni, Firenze) ... Peter Demetz m’à tochè cun sü chedri pici/ gragn, dër autentics. Demetz inscenëia, cheriëia lercs por la vita da vigni dé, che me lascia ponsè te süa tlarëza geometrica definida avisa plütosc a bunker co a lercs abitativ. (Bruno Raetsch, Dresden) por rové a na situaziun, olache l’individuum perd süa mascora

Rubrica en colaboraziun cun le Museum Ladin

www.lauscdiladins.com

5


Atualité

nr. 25 / 03 de messel 2010

La Maratona di 9.000

Dancà y da na pert

La 24ejima ediziun dla Maratona dles Dolomites, sot al tema “Eco?Logical! 2010”. La gara amatoriala plü conesciüda dl monn sarà da odëi inće te na direta de sis ores sön Rai Tre. Novité de chësc ann: na derzada dl ziclist söi menüs de deplü restoranć dl’Alta

Les Dolomites protagonistes dla Maratona dles Dolomites.

Michil Costa, chef dla Maratona.

Ziclism - La Maratona dles Dolomites é arjignada a na ediziun nöia. En doman domëna ai 4 de messè éra tan inant. I apresciapüch 9.000 ziclisć, selezionà danter na meja de 25.000 domandes, sarà al start a La Ila por la “Reìna dles Granfondo” internazionales. I trëi percursc é chi che an conësc: chël lunch de 138 km y 4190 m de deslivel, le mesan cun 106 km y 3090 m de deslivel y le percurs Sella Ronda cun 55 km y 1780 m de deslivel. I partezipanć dla Talia é en maioranza cun 4.980 scrić ite, dan la Germania y i Paîsc Basc. Danter i partezipanć él inće ziclisć dal Iapann, dal’Australia, da Cile, Ruscia, Südafrica, Qatar y Argentina. 777 é les ëres al start.

firmada da Mario Cipollini.

Sis ores tla televijiun La Maratona sarà da odëi en direta dal mëteman ćina misdé, dal start a Corvara ćina ai pröms atleć al travert. La RAI pitarà sön RaiTre dales 6.10 ales 12.00 odüdes dal alt y comentars te stüde cun ghesć desvalis che cuntarà stories de vita

dales Dolomites. La manifestaziun promöi vigni ann inće temesc soziai. Chësc ann vëgnel sostegnì l’Assistënza al Sport de Südtirol y l’Associazione Gruppi de Belun “Insieme si può” Onluns/ONG por le proiet “Ega Nëta” tl’Uganda. An ô daidé chësc paîsc da alisiré l’azes al’ega da bëre. Le proiet é chël da forè te tera y arjigné vistis nüs tla regiun dl Karamoja.

La derzada dla Maratona Öna dles novitês dla Maratona 2010 é sigü incé la derzada “sana y cun saù” cheriada aposta por i ziclisć da Lucio Lorusso, espert de nodrimënt y spezialist de Sciënzes dl’Alimentaziun. La derzada é metüda adöm da pasta de jandela (farro, Dinkel) cun zuchini y erbes aromatiches. La spëisa vëgn arichida cun ciote de munt y cioce. La derzada vëgn pitada sön la cherta de deplü restoranć dl’Alta Badia tla cornisc dla Maratona 2010 y dl’iniziativa “In vetta con gusto”. Ara vën aconsiada da Maria Canins y é

La Maratona di manager y di sportifs Al start dla Maratona saràl sciöche da plü agn inće cotan de managers industriai y sportifs. Danter i inoms ciafon i imprenditurs Rodolfo De Benedetti, James Murdoch, Vittorio Colao, Beppe Ercole, Peter Thun, Paolo Garimberti, Antonio Marano, Gianfranco Comanducci y Linus. Ćiamoò plü lungia la lista di sportifs cun le schiadù olimpich Giuliano Razzoli, i compagns de scuadra Manfred y Manuela Mölgg, sciöche inće Mario Cipollini, Alessandro Pittin, Fabrizio Ravanelli, Iuri Chechi, Antonio Rossi, Cristian Zorzi, Filippo Magnini, Pietro Piller Cottrer, Karen Putzer, Christof Innerhofer, Massimiliano Lelli, Maurizia Cacciatori, Isolde Kostner, Francesco Graziani, Rossano Galtarossa, Simone Rainieri, Stefano Maniscalco, por stlü jö cun Fausto Pinarello, Armando Novelli, Ralph Hasenhüttl. (pablo)

Strades stlütes en gaujiun dla Maratona En doman ai 4 de messè él l’ora dla Maratona. I publicun i orars dles strades stlütes Strada

Percurs

Orar de stlüta cuntra la direziun dla gara

Orar de stlüta tla dir. dla gara

Orar de daurida preodü

SS244

La Ila zënter - zënter

5.00

5.00

7.15

SS244

La Ila - Reba

6.00

6.15

7.30

SS48

Reba - Ju de Pordù

6.30

6.45

8.45

SS48

Ju de Pordù - Incrujada SS242

7.00

7.15

9.15

SS242

Incrujada SS48 - Plan de Gralba (incr. SS243)

7.10

7.25

10.45

SS243

Plan de Gralba (incr. SS242) - Ju de Frara

7.30

7.45

11.20

SS243

Ju de Frara - Corvara

7.45

8.00

11.35

SS244

Corvara - Reba

7.55

8.10

11.30

SS48

Reba - Cernadoi

8.20

8.35

12.00

SS638

Cernadoi - Selva de Ćiadura

8.35

8.50

12.15

SS638

Sëlva - Ju Giau/Pocol

8.55

9.10

12.50

SS48

Pocol - Ju de Falzares

9.40

9.55

13.35

SS48

Cernadoi - Ju de Falzares

8.35

8.50

12.50

SP32

Ju de Falzares - Valparola

9.15

9.30

14.45

SP32

Valparola - La Ila

9.15

9.30

14.45

SS244

Corvara - La Ila

9.30

9.45

15.05

6

www.lauscdiladins.com

Uedli y oredles daverc sun la sozieté ladina d’aldidancuei Franco Rizzi, chech da Ciampedel

Te vosc Mini Restorant siede da soul te cèsadafech? Ei, chiò se rangion gé e mia femena Patrizia. Che él più emportant te vosc lurier? Ge dèr bon da magnèr! Fajede magnères de noscia tradizion ladina? Fae na sort de supa da mont con ite capusc, orc, gnoches e l gröstl che l’é n muie aprijià. La jent domanela chisc magnères? Semper, l’é jent che vegn chiò demò percheche la sà che fae chisc magnères. E i me disc che gé son bon de fèr la cojina da n’outa, zenza dut chest ciapotament, che la roba cogn aer sia saor e no la cogn esser grieva. I disc che canche i magna chiò no ge resta sul stomech. Ge sporjede vèlch de particolèr dantfora o a la fin? Na, chisc vic no i fae. L’é demò na comedia che no serf. Aede demò pecia robes sul menù? Ei, é vedù che la jent aprijia na chèrta curta, se no no i sà che tor. N’él de chi che domana robes fora dal menù? Se i domana spaghetti ge n fajede? Se i domana vèlch auter de solit l’é per i bec. No fae spaghetti, ma posse ge dèr tagliatelle con sos de pomidor, e se i domana na milanese ge la impane, ma l fae demò per no ge jontèr ghesć. Dapò fae ogne dì vèlch de particolèr, trop da salvèrech, con anerla o con fonghes o con prodoc de sajon desche ciariejes o sperjes. Fajede ence pesc? Na, se i me domana fae demò trota: al mèr no se magna capriol e sa mont no se magna pesc. Durède prodoc da chiò? Mah, no n’é prodoc da chiò e chel che l’é no vèl trop! Chel pech che cresc te ort, desche salata o saores... pomes de tera na, percheche l’é massa lurier ge stèr dò. L formai no l’é bon, i lo sbrama massa, i vel fèr su vaces con uresc tanche na mastela e tel lat l’é ite de de dut. L speck l compre te la Val Pusterìa e l formai a Lienz, olache troe na sort de formai bel gras che l’é mior che l Puzzone. No Ve costel de più jir fin forin Austria a l tor? Ma na, vae fora de spes, e se no i me lo porta.

Co fajede col vin? L tolon dal Trentin e dal Sudtirol, ma no n’aon n muie de sorts, la maor pèrt i tol chel de la cèsa. La jent beivela demanco ades co la restrizions de la lege? Eh scì, enveze che se tor na bocia de doi i se n tol una de sie. I beif n muie de èga. Vesc ghesć él più foresć o jent da chiò? Foresć, soraldut d’invern rua todesc, daneisc, svedeisc, e ence australiegn e rusc. Jent dal post pecia dassen. Somea che la spezialità ladina sie la pizza. Aon na val ciarièda de pizerìes. E no l’é percheche costa de manco. L priesc l’é valif ma l valor de la roba che te ciapes l muda. Canche é scomenzà a fèr gnoches i dijea: Per jir a magnèr gnoches, me i fae a cèsa..! Duc patrons de fèr chel che i vel! Coluns él i ghesć più senestres? A mi me sà i rusc, i é bogn de prenotèr e dapò magari no se prejentèr, e dapò i é doventé pitoches. Ve fajede cognoscer travers la reclam? Na, gé son contra la reclam, l’é demò n cost: luron più che auter col “passaparola”. D’invern rua i joegn e d’istà i veiac che so fi ge à dit de vegnir da nos. Dapò sion te internet, ma no sé tant che joa. Aede metù tel menù vèlch scrita per fascian? Na, ma fossa segur bel. Tel restorant a Maran olache lurèe acà 40 egn, l patron aea metù sul menù tòc scric da poec. Me é amò pissà che fossa bel l fèr, magari per fascian, ma no me é mai metù. Sentide ence Vo la crisa? N goc scì, la jent enveze che magnèr n prum, n secont e n douc, la tol demò n piat. O enveze che tor n dessert per om, i n tol un demò e i cercia duc. Ma nos no se lamenton. N’él ghesć che ve domana l rebas? Na, e me n fae pa ence marevea. Canche ere bez che stajee chiò con mie père i domanèa semper l rebas e mie père ge responea che “l’é demò l preve che sconta i pecé.”


Atualité

nr. 25 / 03 de messel 2010

Lumes e ombrìes del legn Cater artisć, met fora sia operes te la esposizion che viaja, e che enscin ai 8 de messèl sarà da poder veder a Trent. Trei de chisc i é ladins: Lara Steffe, Vinzenz Senoner e Hermann Josef Runggaldier

La operes de Lara Steffe, Vinzenz Senoner (ence ti retrac sotìte) che à vent l simposie de scultura “Luci ed Ombre del Legno”. A dreta l “torso” de Hermann Josef Runggaldier.

Èrt - La é ruèda ence a Trent la mostra endrezèda dal CDLB, l Zenter de documentazion di lurieres ti bosć del Tesin, che fora per chest an 2010 l’à viajà e la viaja per meter al luster la gran calitèdes e potenzialitèdes del legn, chest materièl vif, coscita leà e vejin a noscia tera, e bon de conservèr sia vitalità naturèla ence dò che l’artist, tolan demez chel che ge sà “de massa” l’é bon de ge dèr foja e segnificac neves e desferenc, metan en relief sia lumes e sia ombrìes. Dal 2002 en ca l simposie de scultura che à per titol apontin “Luci ed Ombre del Legno” chiama tel Tesin artisć de valuta tel lurèr l legn da la Tèlia e da l’Europa. Se trata de n simposie dassen bel, ben endrezà e aprijià dai artisć, a chel che te la otava edizion à tout pèrt 28

scultures, rué da 8 desferenc Paìjes. De gra a la colaborazion e al sostegn de n grum de istituzions, e anter chestes la Provinzia Autonoma de Trent, ti ùltimes 4 egn i più bie lurieres de la manifestazion à podù vegnir cognosciui e aprijié da n muie più de jent, de grazia a n bel catalogh enjignà per l’ocajion, ma soraldut travers la “esposizion che viaja”, olache se pel apontin mirèr na selezion de lurieres di 4 artisć cernui, descheche sozet da cater egn en ca, tolan fora i trei venjidores del simposie e envian ensema con chisc n artist anter i più raprejentatives de la region Trentin Sudtirol a fèr da “non”. Vint operes per 4 artisć, ma la roba de maor marevea l’é che ben trei de chisc cater scultores i é ladins: la fascèna Lara Steffe da Moena,

venjidora de chesta edizion del simposie, che per la seconda outa te sia storia à vedù na fémena se vadagnèr l prum pest; Vinzenz Senoner da Sènta Crestina te Gherdena, che à vent no demò l terzo pest de la jurìa ma ence l pest del publich, e dapò amò da Gherdena Hermann Josef Runggaldier, envià desche artist de prestije a fèr da “non” a la esposizion. Ensema con ic, autor de l’opera classifichèda al secondo pest, Mario Iral da Belun. Lara Steffe, ensegnanta te la Scola d’èrt de Poza, l’à vent l simposie con na opera dal titol “Nell’aria libera”: na fegura zevila coi ciavei lonc, che raprejentea la voa e la capazità de la ela de se librèr dal peis di condizionamenc per se lascèr jir lijiera. A la “Leggerezza nell’essere” l’é dedicà ence n auter lurier de Lara, che te chesta enrescida de lejiereza la se à arvejinà ence al tem de la fegura feminina del Giapon, la geisha, che se troa raprejentèda te doi operes de la mostra apede a “Il sorriso più dolce di Dani”, na fegura chièra, de legn che somea béleche de mèrmol, ciarièda de douc sentiment. L’é enveze l temp de la joentù l protagonist de la operes de Vinzenz Senoner. Apede a “Primo amore”, che ge à fat vadagnèr l pest al simposie, sia autra operes à per tem “Adolescenza”, “Ambivalenza”, “Autoritratto” e “Sogno e libertà”. Operes con n stil iperrealistich, che lascia veder ite na certa ironìa ma les trasmet tel medemo temp n sens de “inquietudine”. De gran efet e beleza la operes de Hermann Josef Runggaldier, olache la esprescions vegn palesèdes dai corpes, soraldut “torsi” de ic e eles, che con stil modern e elegant moscia l solentum del mond de anchecondì. Dò esser stata per sie meisc te desvalives lesc de la provinzies de Bologna, de Perugia, Modena, Ferrara, e enscinamai a San Marino, la mostra “Luci ed Ombre del Legno” é vegnuda de retorn tel Trentin: dant te la Valsugana e dò a Trent, aló da la cèvenes de Torre Mirana de Palaz Thun, olache se podarà amò la veder enscin ai 8 de messèl che vegn.

N auter istà rich de evenc per l Museo Ladin Na bela neva: ogne lunesc ujes averc con entrèda debant te museo da les 10.00 enscin les 19.00 L Museo Ladin de Fascia à metù ensema ence chest istà n rich program de scomenzadives per arvejinèr a la cultura ladina tant i gregn che i pìcoi. Se pea via sobito con na gran bela neva: dai 5 de messèl ai 30 de aost, ogne lunesc, l Museo aur si ujes debant da les 10 da doman enscin les 7 da sera. Duc podarà ite a veder la sales espositives zenza paèr, e amò apede da les 10.30, da les 15.30 e da les 17.30 i podarà ence se emprevaler de la vijita vidèda, che al priesc de 2,00 euro ge permetarà de fèr n viac compagné dai operatores del Museo per descorir la storia, la cultura, la tradizions di Ladins de Fascia, da la preistoria a anchecondì. Vigni mèrtesc da les 17.00 a les 18.00, enscin a la fin de aost, vegn endò proponet “Jia e pastroza”, n viac per bec dai 5 ai 12 egn te la sales del Museo a la descorida de la cultura de noscia valèdes con contìes, jeghes e ativitèdes de laboratorie curé dal personal del Museo. L cost l’é de 3 euro e te chel temp i genitores podarà ite a veder l museo a n priesc rebassà. Vigni mercol da les 4 enscin les 7 sarà enveze i gregn e i joegn sora i 12 egn a poder se sproèr tel laboratorie de decorazion tradizionèla fascèna con “Pitores e colores”, per descorir i percorsc di pitores fascegn a la foresta, i

èrc e materièi che i durèa, la tecniches e i sìmboi e segnificac de si depenc. De jebia sarà endò i bec, ma ensema con sia familia, a poder fèr n percors “Dò l troi de la contìes” con la forenadoa e dapò a pe, a spas con Re Laurin, enscin al refuge Gardecia. Ai 22 de messèl e ai 5 de aost da la does domesdì apede al refuge vegnarà portà dant l spetàcol “L secret del lech de l’ercabuan” contìa de Fabio Chio cche tti spilenè da e compagnèda da la museghes de Gianfranco Grisi, coi musizisć de la Sociazion Neuma e la bela ousc de Noemi Iori (se fossa catif temp la vegnarà fata da les 17.30 te la sala grana de l’Istitut Ladin a Sèn Jan). De vender da les 16.30 enscin les 18.00, i bec dai 4 ai 11 egn podarà cognoscer minerèi e carateristiches geologiches de la Dolomites travers n viac de fantasìa con Rocky la Crepa, n gustégol personaje didà fora da n geologh del Museo Tridentin che menarà i bec te n viac zis enteressant tras la trasformazions de la grosta terestra. Ai 9 e ai 27 de messèl, ai 6 e ai 20 de aost e ai 3 de setember i bec podarà fèr na esperienza ferùscola anter reèl e fantasìa tel mond maraveous di minerèi e de la minieres per descorir l mistèr del tesor trafugà.

L Museo Ladin de Fascia sporc n muie de proponetes per arvejinèr gregn e pìcoi a la cultura de noscia valèdes.

N post de assistent cultural per l’ICL L’Istitut Cultural Ladin “majon di fascegn” met a jir na selezion publica per tor sù con contrat de lurier a temp determinà personal con manscions de assistent/a cultural/a categorìa C, livel basa, 1^ posizion retributiva. Per l’amiscion a la proa de selezion, apede ai requisic de lege, vegn domanà l diplom de scola auta de second livel.

La domanes de amiscion a la selezion, scrites jù su papier scempie, cognarà ruèr a l’Istitut Cultural Ladin - loc. Sèn Jan - Str. de la Pieif n. 7 - 38039 Vich (TN) dant che sie fora les 17.00 de mércol ai 21 de messèl 2010. Per aer copia entrìa del bando de selezion e per de autra informazions aldò, chiamèr aló da l’Istitut Ladin a Sèn Jan (tel. 0462/764267 - fax 0462/764909).

Lucia Gross www.lauscdiladins.com

7


Atualité

nr. 25 / 03 de messel 2010

L vën pertendù plu savëi bele pra i sculeies Bele tla scola mesana muessen mustré su deplù cumpetënzes y savëi per ti vester ala pertendudes pra l prim gran ejam de scola. I sculeies à arjont de bon resultac finei pra l ejam. Per l prim iede iel chëst ann unì sëurandat na zertificazion dla cumpetënzes Scola/1 - N lunesc ai 14 de juni à metù man l ejam de stat dla scoles mesanes. Tla valedes ladines iel stat de ndut 245 sculeies che à fat sies proves pra l ejam per finé via la scola mesana. Da nuef iel stat chëst ann che l ejam nstës à giapà n majer pëis permez ala valutazions ntan l ann de scola. Per l prim iede iel nce unì sëurandat na zertificazion dla cumpetënzes. Tla Val Badia y te Gherdëina à scumencià i ejams de stat cun na prova scrita per ladin. Dal lunesc al vënderdi à i sculeies messù dé ju -te cin dis mbën- cin proves scrites defrëntes. Do l tema per ladin, ài messù scrì n tema per tudësch y pona per talian. Cunescënzes y culegamënc spezifics dut auter che saurii se à damandà la prova naziunela INVALSI, te chëla che i sculeies à messù respuender a dumandes de conc y de talian. Ala fin pona mo

la prova scrita de conc. I ejams a usc à scumencià la sada do y ie jic inant aldò dla cumpëides de candidac te uni scola. Permez ai ani passei, iel chëst ann da nuef che n à pudù sëurandé la lauda a chëi che à arjont la valutazion plu auta dl 10. Pra la valutazion finela iel unì fat la media dla sies proves d’ejam plu l resultat de amiscion che vën a s’ l dé dala media de duta la valutazions dl segondo semester. I sculeies che à passà l ejam à giapà, deberieda cun l diplom na zertificazion cun na descrizion dla cumpetënzes arjontes. L se trata de cumpetënzes scrites dant dala ndicazions provinzieles y che tën cont de prupostes y svilups tl mond dla scola a livel d’Europa. Na tel zertificazion à giapà chëst ann nce per l prim iede chëi che à finà i cin ani de scola elementera. La zertificazion à la funzion de nfurmé miec l sculé y si familia de

Ejams de terza mesana Indöt à 245 scolars dla Val Badia y de Gherdëna dè jö i ejams de terza mesana. Un n scolar n’é nia passè, 21 à arjunt la nota dl diesc o diesc y lalt Scora/2 - I ejams de stat por les scores mesanes dla Val Badia y de Gherdëna é jüs a piz. Tles cin’ scores mesanes se presentâ indöt 245 scolares y scolars ai ejams: 53 a La Ila, 48 a San Martin, 22 a Al Plan, 43 te Sëlva y 79 a Urtijëi. Un n scolar su (SM La Ila) n’à nia passè i ejams, por i atri se deura śëgn les portes por les scores altes. Danter i 244 che

à passè l’ejam n’él stè 5 che à arjunt la nota de “Diesc y lalt”, trëi a Urtijëi, un te Sëlva y un a San Martin. La nota dl diesc é gnüda arjunta da 16 scolares y scolars: 9 a Urtijëi, 3 a Al Plan, 3 a San Martin y 1 a La Ila. Tles cin’ scores mesanes à 40 scolars stlüt jö cun le nü, 57 cun la nota de ot, 65 cun le set y 61 cun le sis. (pablo)

chël che l ie stat bon de arjonjer te scola y de judé inant l sculé sun si troi persunel dl mparé.

Verra: “Ejam plutosc pesoch per i sculeies” L Ntendendënt dla scola ladina Roland Verra à sotrissà oradechël, che: „L ejam de terza tlas dla scola mesana ie chëst ann stat plutosc pesoch per i sculeies, sce n tën cont che i messova fé cin scric y n ejam a usc sëuraprò. La prova INVALSI fova scialdi ria y ie é bele damandà l’autra Ntendënzes de fé zeche, acioche l ann che vën pudons crì na regulamentazion plu adateda a nosc sculeies de na scola de mendranza cun carateristiches particuleres. N chësc cont saràl i ispetëures y i diretëures de ufize dla trëi Ntendënzes a crì na soluzion sun mesura per nosta Provinzia. Purempò iel stat mesun arjonjer drët de bon resultac, danter l auter plu de n chert di resultac dal nuef insù, sëni che nosta scoles ie al’autëza de chël che i tëmps de al didancuei se damanda. N chësc cont ulëssi ti fé na lauda particulera ai cumëmbri dla cumiscions d’ejam y a chëi che te nosta aministrazion se à cruzià per l bon funziunamënt di ejams. La nuvità dl diesc cun lauda vëiji do la rata drëta per pudëi valivé ora i ejams ala fin dl prim zitlus cun chëi dla scola auta y nce per auzé ora sculeies che se merita n recunescimënt particuler. La zertificazion dla cumpetënzes ala fin dl prim zitlus ie n’autra inuvazion positiva, ajache la curespuend ala ndicazions educatives nueves, che cëla plutosc de renfurzé la cumpetënzes y nia mé la cunescënzes“, nsci Verra.

Ntervista al’ispetëura L’Ispetëura Romy Crazzolara tol posizion n cont dl andamënt y di resultac dl ejam de stat dla scoles mesanes, sotrissan che la scola à l gran duvier de sopië i sculeies a na maniera che i arjonje chël che la scola se damanda. Diagram dles perzentuales aladô dles notes.

La Usc: Vëgnel pa pordërt

damanè tres deplü dai scolars y é pa düć bogn da tignì para?  Romy Crazzolara: Do mia minunga ne vëgnel obietivamënter nia damanè tres deplü, mo al vëgn sintì insciö, deache i scolars y les scolares sënt tres deplü le druch de arjunje n bun rendimënt, a chël che al ti vëgn dè tres plü pëis, nia ma tl monn dla scora. Insciö él n valgügn scolars che n’é nia bogn da tignì para y da arjunje le resultat minim. La scora à porchël le gran compit da portè le scolar tan inant che al é bun da arjunje ći che la scora damana, da “fordern” y da “fördern”. Ći pëis à pa la proa INVALSI, ćiüna é pa süa funziun avisa? La funziun dla proa a carater nazional é chëra de verifiché i livì de aprendimënt di scolars y dles scolares tles materies talian y cunć. I tesć de chësta proa vëgn chiris fora dal ministêr por la scora danter les propostes arjignades ca dal INVALSI (Istituto nazionale per la valutazione del sistema educativo di istruzione e di formazione). Ai 17 de jügn 2010, tratan i dis de ejam, él stè düć i scolars y les scolares dla Talia che à respognü ales domandes metüdes dant y che é stades, chësc ann, scialdi tröpes y pretenzioses. La valutaziun de chësta proa contribuësc por n setim ala nota finala dl ejam. Ći valur à pa le lalt y la zertificaziun dles competënzes? Da chësc ann inant él stè poscibil da ti assegnè inće le lalt a chi scolars y a chës scolares che à arjunt la nota diesc y che s’à desfaranzié dai atri por n rendimënt ćiamò plü ezelënt. Na novité é chësc ann inće la zertificaziun dles competënzes che ti é gnüda dada ai scolars adöm al diplom de ejam: Ara se trata de competënzes scrites dant dales Indicaziuns Provinziales y che tëgn cunt  di svilups tl monn dla scora a livel europeich. Dlungia la descriziun de vigni competënza resultëiel le livel arjunt dal scolar y dala scolara. Chësta zertificaziun à la funziun

Gran festa de Belsy Monce Norbert Rier ie unit adalerch per la bela festa sun plaza de Chemun de Sëlva Sëlva - N sada ai 26 de juni iel inò stat l Belsy Festival. Giaurì la sëira dala 18.00 à l jëunn Florian Fesl dl Bayern, che ie, coche trueps sà bele, l nevic de Belsy. Deberieda reprejenterài i Paejes Tudësc pra la finela dl Grand Prix dla Mujiga Populera ai 28 de agost. Inant jìvela pona cun i Ladiner, cunesciui da duc nce ajache i à danter l auter venciù l Grand Prix tl 2004. Dopro à sunà i Calimeros, na grupa drët cunesciuda dla Svizra; si mujiga lecorda mpue’ chëla di Flippers. Zënzauter ne pudòvel pona nia mancé la patrona dla sëira, Belsy, che à purtà dant truepa cianties

8

www.lauscdiladins.com

nueves ma nce de teles cunesciudes bele da plu da giut. Ntan la sëira fòvel pona coche surprëija nce la Grupa da Bal di mutons cun si maestra Helga Lardschneider, che à purtà dant si biei bai populeres. L mumënt plu mpurtant y nteressant ie pona dessegur stat i duec de Belsy y Florian, che ti à plajù a duc. De agost uniràl pona ora la CD de ëi doi deberieda. Prejënc nce truep ghesć de unëur; danter chëi l ambolt de Sëlva Peter Mussner, l assessëur provinziel Florian Mussner, Josef Kelder, Reinhard Stuffer y monce Norbert Rier! L ie stat na beliscima sëira de

bona ueia, l fova truepa jënt unida a scuté su la grupes da dlonch caprò, danter l auter dai Paejes Tudësc, dala Svizra, dal’Austria, dala Norvegia, dal’Olanda y dala Finlandia. Belsy: „N gra de cuer ti va ai Destudafuech de Sëlva, che à abù n gran lëur a abelì la plaza de chemun, ti dajan na beliscima atmosfera, ulache duc se n stajova bën; y nia da desmincë l boniscimo maië! De gra nce a Tullio y Lydia Mussner, che se à cruzià dla chertes per la ntreda, Dievelpaie! De gra a vo duc che ëis judà a fé garaté inò l Belsy Festival, a se udëi a n auter ann!” Nscila la ciantarina de Sëlva.

(usc)

Belsy.

de informè damì  le scolar y la scolara (y les families) sön ći che al/ara é stè/stada  bun/bona da arjunje te scora, mo inće de mostrè sö y daidé inant le scolar y la scolara sön so tru personal dl imparè. Ći impresciun finala Ëise pa dl ejam de scora mesana?  I ejams é gnüs trać tres cun gran scerieté da pert di presidënć, di insegnanć y di scolars y dles scolares. L’ejam é por tröc scolars y tröpes scolares na bona ocajiun por lascè odëi ći che ai à imparè y ći livel de cultura generala che ai à arjunt. La proa a usc se damana dai candidać na gran competënza personala che ti pormët da portè dant a na comisciun de 10 o 11 pórsones sües conscidraziuns y süa manira da ponsè. Por ći che reverda i resultać di ejams sunsi dër contënta: les notes arjuntes se despartësc fora dër bun danter la scala dal 6 al 10 y ares respidlëia la situaziun reala che an à te oramai vigni tlas. Sciöche an vëiga tla tabela él mec i candidać che arjunj notes dal 8 insö y i atri mec le sis o le set. Al é interessant y positif   da odëi che chësc ann n’él feter degöna desfarënzia danter les notes arjuntes dai mituns y dales mitans: la nota 10 p.ej. é gnüda arjunta da 9 mituns y da 7 mitans, la nota 9 da 19 mituns y da 21 mitans. Por stlü jö oressi inće dì che l’ejam de terza mesana é suraćiarié de proes scrites (5 indöt!) y che al é por i scolars na gran fadia. Al vëgn ponsè, a livel provinzial y inće statal, de reformè y alisiré l’ejam de terza mesana, mo na te’ reforma ne vara nia da fà da incö a en doman. Ai scolars y ales scolares oressi ti fà i complimënć por i bogn resultać y ti aodé a düć de beles y miritades vacanzes. A düć ti aodi da ester bogn da tignì inant chësc livel inće tla scora alta, se recordan che na bona nota pro l’ejam de terza mesana n’é pa nia automaticamënter na garanzia por fà bun inant ti agn che vëgn. Daniela Villotti


Atualité

nr. 25 / 03 de messel 2010

N ann de scola plën de ntraunides

Dumandes per ulenteres soziei

Nchin ai 2 de agost possa urganisazions y istituzions fé De plu ie la nuviteies che à caraterisà l ultim ann de scola: danter l auter la reforma dla scola dumanda per ulenteres soziei pra l Ufize provinziel per auta, l recunescimënt dl patentin „B“ cun l ejam de maduranza tla scoles autes paritetiches dla cuestions de cabinet a Bulsan valedes ladines Scola - Danter la nuviteies iel nce chël de lauré ora de n cunzet nuef de prumozion da pert dl’Ntendënza Ladina de duta la rujenedes de scola, coche l ladin, l talian, l tudësch y l nglëisc. Man man che la reformes vën cuncretisedes, unirà nce chësc cunzet aplicà cun l aiut de personal spezialisà. Chësc à sotrissà nstadì l ntendënt scolastich ladin Roland Verra, che respuend tlo dessot mo a n valguna dumandes che à da n fé cun l mond dla scola. USC: Inò iel finà n ann de scola, do la rata muvimentà da plu ponc de ududa. Ciuni ie pa i aspec da auzé ora particularmënter n con’ de chësc ann scolastich? Roland Verra: L majer lëur ie segurmënter stat l’atuazion dla ndicazions nueves provinzieles tla scolina, tla scola elementera y tla scola mesana. Per la scola auta ons laurà ora la lege provinziela de reforma che dëssa pona jì n droa dal ann scolastich 2011-2012. L ie unì rujenà truep n cont dl recunescimënt dl ejam de bilinguism do i cin’ ani de scola auta per i studënc ladins. Cie àn pa arjont al mumënt? Iesen pa cuntënc? Al mumënt iesen permò te tratatives per arjonjer na soluzion che vëija danora chë s c recunescimënt. Segurmënter ne puderàn nia azeté na soluzion che ne curespuende nia ala rejons de scunanza de nosta mendranza. Perdrët ie i ladins unic stluc ora de chësc viers, ne n’iesi pa nia da paredlé cun l’autra grupes linguistiches o plutosc n cajo a pert? L’autonomia de nosta provinzia ie frabicheda su sun l prinzip dl respet di dërc dla mendranzes, perchël muessen ti seguré nce ala mendranza ladina si rejons te n aspet tan fundamentel dla normes d’atuazion al statut. Co iela pa perdrët n con’ dl

ejam de ladin, for per l patentin B o A; àn pa bele na normativa aldò o iesen pa mo n tratativa? Tlo iel da lecurdé che tla scola auta iel mé una n’ëura al’ena de ladin. Fóssel pa drët nce te chësc cajo l recunëscer cun l ejam de matura, co ie pa Vosta minonga n chësc cont? Ie son for stat dla minonga che una n’ëura al’ena de ladin ie massa puech; mo plu mpurtant fóssel a ti cunsentì de se nuzé dl ladin coche rujeneda de nseniamënt per cërta materies o almanco per cër’ cuntenuc. N con’ dl ejam de ladin ne n’iel mo nia de fat ora definitivamënter, ma l pudëssa vester che sce l vën recunesciù l patentin B cun la matura paritetica, unìssel nce recunesciù la cunescënza dl ladin. Do mi ntënder messëssen te chësc cajo renfurzé l nseniamënt dl ladin tla scola auta. Co udëis’a Vo l svilup o l mantenimënt dla rujeneda ladina, che per na gran pert di jëuni ie mo la rujeneda dl’oma, de ce viers iel pa drët lauré tl daunì? Te n valgun luesc de nosta valedes ie l ladin da stramp ndeblì y l fossa ëura che duc se rendëssa cont de chësc problem. L va debujën de n sforz cuordinà per l ladin te duc i ciamps dl viver soziel, sce n uel arjonjer n miuramënt n chësc cont, ajache la scola da sëula ne possa nia purté a bon fin l problem. La reforma dla scola auta ie dan porta: iesen pa njeniei ca sciche l toca, màncel pa mo zeche de vel’ viers, ciun ie pa l aspet plu mpurtant y cie se muderà pa cuncretamënter cun la reforma? On na grupa de lëur metuda adum da reprejentanc dla Ntendënza, dl IPL, di diretëures y di nsenianc che se fej pensieres n cont dl plann de raion dla scoles autes y di cuntenuc. Do mi ntënder possa la reforma vester na chance per ti dé ala valedes ladines chëla

sortes de spezialisazions che nosc jëuni adrova per si daunì, ma chësc ie sambën nce n problem de mesuns. Possa pa la scola ladina tenì pea cun la globalisazion che ie perdrët na gran cuncurënza? Per si carater multilingual ie la scola ladina iusta chël sistem scolastich che, do mi minonga, ie l plu adatà per njenië ca nosc sculeies al mond globalisà. Cie se aspieten pa tl daunì per la scoles dla valedes ladines? Ie me aspiete che l unirà laurà dassënn sun la formes dl nsenië y dl mparé, sun la inuvazion y sun la valutazion, sun i standards de cumpetënza y sun i valores educatifs; chësc ie almanco cie che ie me mbincësse. Vo sëis urmei belau vint ani ntendënt scolastich ladin, cie Ve toma pa tl uedl te chësc struf? Ulësse lecurdé che te chisc ani ie la scola ladina, che univa suvënz sotvaluteda y datrai ududa criticamënter, chersciuda dassënn tla cunscidrazion dla populazion y vën al didancuei ududa nce oradecà coche n ejëmpl, nce per la cumpetënzes plurilinguales che la garantësc.

Servisc zevil - La rejon de fé dumanda à urganisazions zënza fin de davani che lëura bele da almanco trëi ani te n ciamp recunesciù dal Servisc soziel. I ciamps de atività ie la cura sanitera y soziela, l nserimënt tla cumenanza y d’autra ativiteies sciche aiuc tla ciarestia, ativiteies de furmazion, jëuni, cultura, ambient, prutezion zevila, defendura di cunsumadëures, cunlaurazion de svilup, ntervënc de pesc, tëmp liede y sport. Urganisazions de chisc ciamps possa se damandé ulenteres soziei pra l Ufize provinziel per cuestions de cabinet tl palaz

Widmann, streda Crispi 3 a Bulsan. Fé servisc soziel ulenter possa duc i zitadins dla Comunità Europea, che à cumplì 28 ani y che viv tla provinzia de Bulsan. L servisc possa unì fat 8, 16 o 24 mënsc alalongia, tenian cont che chiche fej 8 y 16 mënsc de servisc possa l slungë a 24 mënsc. Tëmp de n’ena pòssel unì fat 20, 30 o 40 ëura de lëur cun n cumpëns. Aldò dl’ëures, da 360, 400 o 450 euro. Nfurmazions plu avisa n cont dl servisc soziel ulenter ie nce da giapé sun la plates provinzieles www. p r o v i n z . b z . i t / z i v i l d i e n s tsozialdienst. (usp)

Scola auta da sëira La Jonta provinziela à dat pro de pité nce per l ann de scola che vën la puscibltà de na scola da sëira per fé do la matura Scola - Chësc servisc ie pensà per nteressei sëura i 17 ani y vën a se l dé sce l se scrij ite almanco 12 nteressei per scola. L ann passà iel stat de ndut 275 sculeies per chëi che la Provinzia à spendù ite 1,1 milions de euro. Per i sculeies costa la scola da sëira 4.364 euro al ann. Nteressei possa mo se scrì ite nchin d’instà.

Pesć per svilup y tueda

Ntervista de Daniela Villotti La Jonta provinziela à dat pro n pest per l daunì a cin’ categuries de svilup y tueda. Te na majera manifestazion, bonamënter tl Kursaal de Maran, dëssa chisc proiec unì prejentei y premiei. La categuries ududes dant ie l marketing y l carater nternaziunel, l svilup y tueda, energia y ambient,

economia y pona mo furmazion, cultura y media.

Nvestimënc per l spedel La Jonta provinziela uel che l spedel de Bulsan posse adurvé l ciaut dl furnel dal refudam a Bulsan Sud. Per chësta gauja iel debujën de fé la roles de cunliamënt danter la doi strutures. La nfrastrutures publiches per l tòch nuef dl spedel dëssa unì fates dala Provinzia. L custimënt de feter 12 milions de euro muessa unì ntegrà tla somes bele ududes dant. Nchin tl 2022 fej la Jonta provinziela cont cun nvestimënc de na miliarda de euro per i spediei tla provinzia. 648 milions ie destinei per l spedel de Bulsan: chëst ann àn udù dant nvestimënc de 115 milions. (usp)

La stampa scouta va inant da la pruma plata

L ntendënt Roland Verra.

enscì, méten al pericol la liberté de stampa”. Laprò dìjel che l provediment ruvinessa de truep tres les sanzions i editours y nia tant la profescion dl jornalist, ajache cie che vegn proibì é les

publicazions di tesć dles interzetazions y nia l’archirida de chestes interzetazions. Chest ultim arat ne po nia gnì partì da pert di jornalisć, ajache l jornalist à puech dainciarà da sie laour sce al ne pò nia publiché cie che al é sté bon de archirì.

www.lauscdiladins.com

9


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

nr. 25 / 03 de messel 2010

L plu inuvatif dla Talia

Stadio Pranives dsarà

A Urtijëi iel n sada ai 26 juni unì prejentà coche n possa ressané n tunel cun tecniches inuvatives per pité plu segurëza, respet dl ambient, sparanian energia y sparanian tl mantenimënt

L sëul stadio dala dlacia te Gherdëina resterà stlut ntan dut l instà. Pra l stadio Pranives de Sëlva vàl debujën de fé plu lëures de manutenzion

L stadio Pranives de Sëlva resta stlut nchin de setëmber.

Florian Mussner ntan l tai dla pinta dl tunel de Petlin cumedà ca cun tecniches inuvatives a Urtijëi.

Stredes - L assessëur Florian Mussner à pra la vijita di lëures finei tl tunel de Petlin a Urtijëi prejentà l ressanamënt plu inuvatif dla Talia. I lëures tl tunel a Urtijëi ie unì fai do n proiet pilot, cun tecniches tëutes ca per l prim iede tla Talia. “L fej legrëza y dà nce sudesfazion a mustré su che nce tl ciamp dla stredes vëniel svilupà manieres de lëur inuvatives per la segurëza, sparanië custimënt y respeté l ambient,” à dit l assessëur Florian Mussner.

Sëuraprò a sensores per l linëus iel unì njenià na luminazion LED che sparania strom y luna deplù. La desfrënzia permez a d’autri tuniei luminei cun la tecnica LED ie che tl tunel de Petlin iel nce unì fat la luminazion plu sterscia orainsom cun chësta tecnica inuvativa. L vantaje dla luminazion LED ie dantaprima che la lumes tën plu giut, che l ie na regulazion plu scëmpla, n majer linëus y che de cunseguënza adròven manco lumes y manco energia.

mantenimënt y manco mpaziamënt dl’aria ajache l gas di auti vën tlupà su dai parëies. L ressanamënt dl tunel de Petlin, che mesura 152 metri, à custà 352.000 euro. Dl custimënt di lëures inuvatives à sëurantëut la firma SCT de Brescia che à realisà l proiet pilot. Chësc lëur ëssa do priejes de marcià scenó custà 534.800 euro, chël uel dì che l assessorat à te chësc cajo sparanià feter l 34%.

Mauta speziela blancia

Asfalt linëus

Tl tunel a Urtijëi iel n iede unì tëut demez la mauta smauteda dedite ora cun n sistem de ega a prescion. L revëut dl tunel ie pona unì smautà ora da nuef cun na mauta speziela de culëur blanch. Lessù iel mo unì straicà na sort de forba inuvativa che ne tlopa nia tan su l ledam, che refletea la lum y che tlopa su l gas di auti.

La terza nuvità prejenteda a Urtijëi reverda l asfalt linëus cun na miëura reflescion dla lum. L fonz linëus y i parëies blanc deberieda cun la luminazion plu sterscia porta pro a plu linëus a furné tres tunel y nsci ala segurëza sun streda.

Tla provinzia de Bulsan ons 2.700 chilometri de streda. Te raions da mont iel suvënz debujën de fé tuniei per garantì la segurëza, nsci ons de ndut 189 tuniei per na lunghëza de 51 chilometri. “Do la bona esperienza a Urtijëi cialerons de adurvé chësta tecniches de ressanamënt per i 37 tuniei che messon cumedé ca,” à dit l assessëur provinziel ala stredes. “L strom te chësc tunel a Urtijëi nes custova dant 24.725 euro al ann, cun l ressanamënt fajons cont de spënder mé plu 11.075 euro che uel dì n sparani dl 55%,” à dit l assessëur Mussner. (usp)

Luminazion nueva N’autra nuvità ie la luminazion nueva fata do la norma UNI 11095.

Sparanià truep Dut adum porta l ressanamënt de n tunel cun chësta tecniches scunanza di parëies de peton, n mënder cunsum de energia per la luminazion, manco lëur de

Ntan la vijita deberieda cun ambolc y tecnics dl tunel cumedà ca a Urtijëi.

10

www.lauscdiladins.com

„Tuniei uel dì segurëza“

Sëlva - Ntan chësc instà resterà l stadio dala dlacia Pranives te Sëlva stlut per dut l instà per lëures de manutenzion. Perchël ne saràl degun stadio dala dlacia a despusizion te Gherdëina. N messerà furné ora dla valeda per jì cun i jadins o fé training, davia che nce l stadio dala dlacia d’Urtijëi ne n’ie nia plu da garat, do che na smueia tl 1999 l à desdrù. L stadio dala dlacia de Sëlva fova unì fat su tl 1988 aldò de n plann dl njenier Siegfried Comploj. L stadio à giapà na soluzion de tët drët ntressanta che se desferenzieia da d’autra costruzions y che se adatea bën ala cuntreda ntëurvia. La pert sotite ie curida cun truep lën, danterite y danterora iel plu vieresc. Dedoravia iel mo mantenì bën, dedite pert fòvel śën ëura de fé n valgun lëures de manutenzion. Aldò dla lege fòvel śën de bujën de fé na revijion al mplant da desferdé ju y cialé de sparanië energia dut ntëur. Ajache i lëures ie de gran mpëni y se damanda truep tëmp, resterà l stadio stlut ntan dut l instà y giaurirà permò de setëmber. L cuntenut de amoniaca che passa tres la roles sot ala dlacia unirà arbassà da zirca 4.500 chilo a manco de 75 chilo, nscila da ne avëi plu tan che degun problem n con’ dla segurëza. Tl mplant nuef saràl chësta pitla pert de amoniaca mé plu tl local dla

mascins. Tla roles sot ala dlacia ite uniràl mé plu lascià ite ega cun n licuid che ne dlacia nia.

Sparani de 42.000 litri de gasuele al ann Uni mplant da desferdé ju produj nce ciaut. N ejëmpl cuncret che duc canc cunescion ie la dlaciadoia. Tlo vën l’aria ciauda inò sufleda de reviers te cësadafuech. Tl stadio vëniel nstalà n mplant scialdi inuvatif da giapé de reviers l ciaut. L se trata de n mplant cun na pumpa a amoniaca. Dut l ciaut che ruva de reviers vën adurvà per sciaudé i locai, la palestra, l’ega sanitera y sce l ie debujën nce la streda da jì a pe danter Plaza Nives y scola elementera. N auter particuler drët ntressant dl mplant nuef ie la regulazion che adatea la cualità y la temperatura dla dlacia ala sort de sport che vën praticà te chël mumënt. Dut chësc fej sparanië scialdi energia y sce n fej n cunfront cun n mplant tradiziunel sparania l mplant nuef da sferdé ju zirca 35-40% de energia, che curespuend a zirca 42.000 litri de gasuele al ann. L ie perchël dessegur na bona che l vënie fat chisc lëures y adatà nsci l mplant ai bujëns y ala normes de ncueicundì. Daniela Villotti


Gherdëina

nr. 25 / 03 de messel 2010

Generela dl Museum de Gherdëina De juni iel stat la reunion generela anuela dla Lia dl „Museum de Gherdëina“ tla Cësa di Ladins a Urtijëi. Na gran atività via per l ann, de gran valuta per l’arpejon y la cultura de Gherdëina Museum - L presidënt dl Museum Wolfgang Moroder à pudù saludé i cumëmbri dl Museum, tulan l’ucajion de rengrazië duc, deberieda cun la istituzions y l’autoriteies, per l sustëni dat via per l ann. Per l’ucajion iel unì dat pro l rëndicont y l bilanz de cassa ai 31 de dezëmber, do avëi nce audì l bënsté, la relazion di revisëures di conc. Ntan la senteda generela iel unì metù su n pert da nuef l cunsëi dl Museum. Presidënt ie coche dit Wolfgang Moroder, cumëmbri de cunsëi ie Harald Schmalzl y Marie-Theres Thaler, doi reprejentanc dla Union di Ladins de Gherdëina y i reprejentanc di Chemuns de Urtijëi, S. Cristina y Sëlva. Chisc reprejentanc di Chemuns unirà nciariei da nuef, do che l ie permò stat la veles cumeneles y l ne n’ie mo nia unì dat su la ncëries spezifiches. Cooptei te cunsëi iel mo unì Bernd Moroder y Claudia Insam-Steiner de Urtij��i y Guido Demetz de Sëlva. Do la relazion dla diretëura Paulina Moroder n con’ dl’atività 2009 (c. dessot), ie duc canc unii nviei a ti cialé ala dunazions nueves di ultimi doi ani. Danter l auter iel tlo pec d’ert, placac y recuisić per l archif Luis Trenker, de gran dessënies de auteresc, ueves depënc de anda Aurela Langer de Urtijëi ti ani sessanta.

Capital culturel y arichimënt per la cumenanza La relazion anuela dla atività dl Museum de Gherdëina ai 11 de juni pra la reunion generela dla lia, purteda dant dala diretëura Paulina Moroder, à mustrà coche i finanziamënc ie unic trasfurmei te capital culturel y arichimënt per la cumenanza. L Museum de Gherdëina festejea chëst ann ai 7 y 8 de agost i 50 ani dala inaugurazion cun na festa iubilera y n Di dla porta davierta cun manifestazions per granc y pitli. Gherdëina à nsci la fertuna de avëi un danter i museums plu rics de Südtirol n con’ de arpejon culturela, che porta inant si atività cun finanziamënc mëndri permez a si tradizion longia de engagement culturel a bën dla cumenanza ladina.

Lecort Ai 23 de merz dl 2009 nes à lascià Faidi Stuflesser de Petlin y ai 2 de setëmber si oma anda Lina, cumëmbri y sustenidëures dl Museum per truep ani. La lia dl

D’autra manifestazions

N ucajion dla giaurida dla mostra de bera Śepl da Jumbierch.

Museum à 200 cumëmbri.

Cura dla mostra y cunservazion L museum ie na istituzion cumplessa cun funzions y ciamps de lëur desferënc. N mpëni reguler se damanda la bona cunservazion dla culezions y la cura dla mostra. Nce tl 2009 iel inò unì lascià fé lëures de derturamënt, plu avisa per vint de pitla scultures religëuses dunedes al Museum da pert de privac y per plu pec ora dla culezion Luis Trenker. I resultac unirà prejentei pra la proscima Nuet longia ai 19 de setëmber.

Dunazions Na bela dunazion de ot mandli per la cripl da Nadel ziplei tl zirm da Konrad Prinoth (1905-1986) à l Museum pudù pië do dala mans de Rita Holzknecht Prinoth. Na vedla gherlanda spiza y d’autri de biei pec dl guant dala Gherdëina à sëurandat Franziska Bleikircher Prucker y Elfriede Demetz; per la culezion Luis Trenker ot placac uriginei dl film „Il prigioniero della montagna“ (1950) da pert dl Museo Nazionale dla Montagna de Torino y na mascra de ghips de bera Luis ora dl film „I Condottieri“ da pert de Armin Sertl. Per la culezion de archeologia à n turista dl Luxenbourg purtà adalerch n pitl manarin de ram dl Mesolitich da d’ël abinà sun Sela y che vën sën studià da esperc. A duc n gra de cuer per si cuntribut de valor!

Documentazion y nventarisazion digitela N auter lëur n con’ dla culezions ie la nventarisazion tres computer, n proiet che va inant per plu ani,

ulache l vën repurtà l nventar sun papier tl medium digitel y sëuraprò documentà la storia de uni pez coche l ie ruvà ite tl museum. La realisazion ie de Marie-Theres Thaler n cunlaurazion cun l presidënt da dant bera Robert Moroder. Te n archif digitel a pert iel unì cataloghisà la culezions dla arpejon „Luis Trenker“, lëur fat aldò di criteres nternaziunei da Barbara Gabrielli y stlut ju mo ntan l ann.

Proiet „Mejes de Gherdëina“ L ie unì laurà inant per publiché la „cherta di mejes“, che reporta graficamënter la situazion atuela de 514 luesc da paur y passa 300 tublei. Tl cuntest dl „Masterplan“ per Gherdëina iel unì purtà dant la pruposta de njenië ite n zënter de nfurmazion per i patrons dla vedla cëses che ulëssa les derturé su o fé ora. N à nce purtà inant la cunlaurazion cun la Facultà de Architetura dla Università de Dispruch: 38 studënc à fat documentazions tecniches dla architetura de vedla cëses sa Bula y sa Sacun.

Proiet „Josef Moroder Lusenberg 1846-1939“ N ucajion di 70 ani dala mort de bera Śepl da Jumbierch iel unì metù mpe na cunlaurazion cun l Istitut ladin Micurà de Rü, cun la finalità de dé ora n liber monografich dla vita y l’opra dl artista plu cunesciù de Gherdëina su per l 1900. Harald Schmalzl y Markus Schenk à nrescì y documentà passa 1200 lëures de bera Śepl, che ie te culezions y cëses privates, dantaldut te Gherdëina. D’instà iel unì metù a jì la doi mostres di lëures de bera Śepl a

Urtijëi y a Bulsan, de gra ala despunibltà di patrons a mpresté ca si chedri, dl sustëni finanziel cunzedù da pert dla Cultura Ladina y Tudëscia y tres la cooperazion danter Museum, Istitut Ladin y Südtiroler Kulturinstitut. Cun passa 3500 vijitadëures y plu articuli ti media à la scumenciadiva purtà pro a fé cunëscer na persunalità storica de Gherdëina a n majer publich nce oradecà y a nriescer de plu lëures mo descunescui. L vën laurà inant per l liber. Per l aniverser dla mort iel nce unì prejentà ai 14 de fauré tla Cësa de Cultura a Urtijëi l film „Josef Moroder Lusenberg. Ein Grödner Meister der Farbe“ fat dal reghisser Lucio Rosa. (Sibe la DVD dl film che nce l catalogh dla mostra ie da pudëi giapé tl Museum).

Proiet „Museum y Scola“: Dal ann 2002 incà lëura l Museum de Gherdëina deberieda cun l Istitut Pedagogich Ladin per lauré ora material didatich y nuzé l museum cun si culezions coche luegia de educazion culturela per la scoles. Per tò ite persones dl post che à legrëza a lauré cun i mutons y dé inant nosta storia y cultura ala generazion jëuna iel unì pità tl Museum per l prim iede n curs de furmazion didatica de de ndut 50 ëura. 13 partezipanc à pudù pië do l zertificat de prejënza pra na pitla festa ala fin de mei. La grupa nueva de culaburadësses didatiches à judà pea de ulentariat pra plu azions nteratives cun sculeies, pra l Di nternaziunel y la Nuet Longia di Museums y d’autra manifestazions. I programs didatics per la scoles ie unic prejentei d’utober ai maestri pra n domesdì de furmazion. Cun 25 tlasses de sculeies iel unì fat via per l ann atività nterativa.

17.05. „Di nternaziunel di museums“: festejà cun n „Di dla porta davierta“ y azions nteratives per fé cunëscer miec la richëzes y testemunianzes uniches dla storia y cultura de Gherdëina. 19.09. „Nuet longia di museums“: Lijëndes de ganes y salvans cuntedes da Ingrid Runggaldier y la „Architetura di luesc da paur de Gherdëina“ fova l argumënt dla sëira. La Università de Dispruch à prejentà i resultac dla documentazion fata chëst ann sa Bula y sa Sacun y te Sëlva y S. Cristina bele ti ani passei. I resultac ie da udëi sun la tofles dla mostra tl verzon dan la Cësa di Ladins.

Anelamënt di uciei y usservazions dla migrazions tres l raion de Gherdëina Marco Obletter deberieda cun la Grupa per la defendura di uciei y n cunlaurazion cun l Museum à purtà inant si stude n con’ dla mierla dal’ega y dla migrazions di uciei che passa tres l raion de Gherdëina d’ansciuda y d’autonn. Nchinamò iel tlo unì anelà de ndut 2000 uciei y documentà plu sortes nueves che se lascia ju tlo da nëus.

Viac culturel cun l professëur Wilhelm Lutz Te Sachsen à purtà l ann passà da Pasca de Mei nosc viac culturel metù a jì deberieda cun l professëur Wilhelm Lutz. Son jic a ti cialé al gran drap dla pascion de Zittau, ziteies storiches, museums y tradizions che à n liam tematich cun l ert y artejanat dl ziplé de Gherdëina. La grupa de lëur per la troht à fat n viac a Sarnthein per se giamië esperienzes de lëur.

Rengraziamënt A duc canc che à judà pea a purté a bon fin l lëur udù dant y dantaldut ai cunlauradëures y ala cunlauradësses ulenteres n gra de cuer per si bela cunlaurazion, si gran mpëni y idealism! De gra nce a duc i privac, ai sponsores y ala man publica, dantaldut ala Provinzia, ala Region y ai Chemuns de Gherdëina per avëi sustenì l’atività y i proiec de lëur cun cuntribuc finanziei. L Museum à na homepage nueva: www. museumgherdeina.it. (dl)

N valgun mumënc dl’atività dl Museum de Gherdëina ntan l ann passà. www.lauscdiladins.com

11


Gherdëina

nr. 25 / 03 de messel 2010

Pian via da Maciaconi Do l gran suzes dla garejeda cun la roda da mont “Südtirol Sellaronda Hero” ie la stredes su per i jëufs unides dsaredes n dumënia per dut l trafich motorisà y daviertes mé ai truep apasciunei dla roda: l fova l di dla roda

N di cun la roda per granc y pitli.

Sëlva - Degun auti y deguna fueres di motores n ucajion dl cuinto Sellaronda Bike Day n dumënia ai 27 de juni. L tëmp fova bele daduman scialdi bel y la temperatures dala 8 daduman bele autes. I prim pasciunei dla roda fova da udëi te Gherdëina bele dala 7 daduman. La stredes su per i jëufs ie unides dsaredes dala 8.30 nchin ala 15.30. L ie stat chëst ann mo scialdi plu jënt di ani passei, l fova mesun pië via da Corvara, Reba, Cianacei y sambën Gherdëina, tlo fova la streda bele dsareda dala ncrujeda de Maciaconi inant. Dala 9 daduman iel tlo nce unì dat l via ufiziel ala manifestazion dala presidënta de Val Gardena Marketing Christina Demetz: „De gra per Vosta partezipazion y n

rengraziamënt sentì a duc i ulenteres y ala autoriteies che à fat a na maniëra che chësc di dla rodes unisse inò a s’l dé, dantaldut al prësident dla Jonta proviziela Luis Durnwalder, ai assessëures Florian Mussner, Thomas Widmann y Hans Berger, y sambën nce ai ambolc de Gherdëina“. Cun chësta paroles de salut à Christina Demetz ulù ti dé l bënunì a duc chëi che se à abinà per l start deberieda. Demetz, che fova nstëssa unida adalerch cun la roda, à spiegà tla trëi rujenedes la mpurtanza de na tel scumenciadiva, ma à nce lecurdà tan n gran lëur urganisatif y burocratich che ie for dovia a na tel manifestazion. Propi perchël fòvela scialdi cuntënta dl bon garaté. Per finé via ti àla mo mbincià n bel di y truepa emuzions positives a duc i partezipanc, che

ne aspitova nia l’ëura de arpizé i jëufs cun la roda. De ndut à chëi dala rodes pudù se goder 55 km de stredes dsaredes, cun n deslivel de bën 1.790 metri. Sambën ne n’ie nia duc canc furnei sëura i cater jëufs, ma l bel de chësta manifestazion nia cumpetitiva ie propi l fat che uniun possa jì tan lonc che l uel y dé ëuta canche l uel. Nsci àn pudù udëi sun streda families cun mutons, jëuni y manco, de tei cun rodes tradiziuneles y rodes mpue’ ora dl solit. Chësta dumënia ie propi stata n bel di de sport y de bona ueia per duc! Danter i partezipanc al 5° Sellaronda Bike Day fòvel nce n valgun sportifs cunesciui sciche Maria Canins, Isolde Kostner y l campion dla roda Gilberto Simoni. “Tan de jënt cun la roda ne éi mo mei udù sun streda!” Nscila la minonga de duc chëi che à fat pea chësta bela manifestazion. Restauranc y ustaries sun la stredes ntëur ai jëufs ova n note stramp a ti dé da maië y da bever a duc chëi che cherdova. L cumité urganisadëur dla cater valedes cun a cë l diretëur de Val Gardena Marketing Günther Pitscheider ie scialdi cuntënt dl gran suzes che chësc di dla rodes davania uni ann, y ulëssa nce tò l’ucajion per rengrazië duc chëi che à judà pea, per fé deventé chësc di dla rodes for n bel lecort per duc canc. (id)

Scultura de Josef Kostner

Cumiscions n iel assé Senteda de Cunsëi de Chemun a Urtijëi. L sarà da numiné truep cumëmbri te cumiscions y te cunsëies de aministrazion. Gerlinde Goller Canazei zapa ite, Leo Moroder ie zapà ora. Utia de Resciesa Urtijëi Chemun - La senteda de Chemun a Urtijëi ie n merdi ai 6 de lugio dala 16.00. Chësc ie l ordenn dl di: 1. Ejam de Goller Canazei Gerlinde, che vën do ala ncëria de cunseliera de chemun, n con’ dla cundizions de pudëi unì liteda y de cumpatibltà; cunvalida de chësta y sostituzion de Moroder Leo Felix Franz che se à trat zeruch dal Cunsëi. 2. Dé pro i protocoi dla sentedes dl Cunsëi de Chemun di 30.03. y 04.06.2010, dates ju tl ufize secretariat dl Chemun. 3. Prejentazion y dé pro dl

Senteda de Chemun a Urtijëi.

12

www.lauscdiladins.com

documënt - program dl ambolt nuef. 4. Mudazions dl bilanz 2010 cun njontes dl program generel di lëures publics y dl plann de finanziamënt revardënt. 5. Tré de reviers la deliberazion dl Cunsëi de Chemun n. 8 di 26.02.2010 n con’ dl numiné de n cunselier tl cunsëi de aministrazion dl “Zënter per la defendura dl ambient Gherdëina / Ciastel S.p.A.” 6. Numiné la cumiscion cumenela per la veles. 7. Numiné reprejentanc dl Chemun tla adunanza generela dl Cunsorz di Chemuns dla Provinzia de Bulsan per l raion dl Adesc. 8. Numiné i cumëmbri dl Cumité de gestion dl parch naturel PuezOdles. 9. Numiné l reprejentant dl Cunsëi de Chemun tl cumité per la educazion permanënta. 10. Numiné reprejentanc dl Chemun tl cunsëi dl “Museum de Gherdëina”. 11. Numiné l cumité de redazion dla plata de nfurmazion de Chemun “Chemun de Urtijëi - nfurmazions”. 12. Numiné i cumëmbri dla

cumiscion per ejaminé la prupostes de auzé i mpunibli per la chëuta n con’ dl davani fates dal Chemun - D.P.R. 29.09.1973, n. 600. 13. Numiné i cunselieres de Chemun che tol pert ala cumiscion per mëter adum la listes cumeneles di aucac populeres. 14. Numiné i cumëmbri dl cunsëi de aministrazion dla sozietà “Park Urtijëi s.r.l.” 15. Numiné l cumité cumenel per i bòsc. 16. Zaré ju y fé su da nuef la utia de Resciesa - p.ed. 870 C.C. Urtijëi - dé pro l proiet fat danora per l aredamënt. 17. Dé pro l plann de atuazion per l raion da sté “C3” - raion de espanscion “Pitl Pilat” aldò dl art. 32 dla lege urbanistica provinziela dl 11.08.1997, n. 13. 18. Mené l servisc ntegrà dl’eghes - mudé la cunvenzion per la cunlaurazion danter i chemuns dl setor utimal OEG - ATO n. 2. 19. Fé ora l cuntribut da paië al Chemun per fé plazes publiches da mëter ju auti (art. 123, coma 2. L.P. 11.08.1997, n. 13). 20. Comunicazions.

Sun la foto iel da udëi la sëurandata dla scultura dl artista Josef Kostner al ambolt Ewald Moroder n lunesc ai 28 de juni. La scultura reprejënta na ava senteda. La ie unida fata su per i ani ’80. La scultura fova unida metuda ora d’inviern pra na mostra tla sala dla Lia mostra d’Ert, ulache l Chemun la à crissa ora. L lëur costa 8.500 euro.


Gherdëina

nr. 25 / 03 de messel 2010

I lauranc dla lies dl turism N bon „bravo“ ai lauranc dl’aziendes! La Val d’Ana ie de marueia Urtijëi - La natura y l lëur: sën che nosc luesc se prejënta te si miëur guant naturel-ambientel, sciche uni ann da nuef d’ansciuda y tl scumenciamënt dl instà, lëura la forzes natureles dassënn, les mëina y spënj y fej crëscer la ierba, la sienes, i prei, la vegetazion y la plantes de uni sort, y chësc gran druch dla natura, te na cumpëida zënza fin de tunaliteies y nuances de vërt, dal plu scur al plu linëus, porta pona daniëura nce n cër’ lëur a tenì dut al ordn, a rumé su ntëurite y ntëurora, la moda lasceda da n inviern lonch. La frosces che ne mancia mei sot ai lëns, la sieves che ie datrai melciafiedes y stortes ite, y a tré inò ndrët troies y stredes, a mëter inò da nuef la giara ulache la ie unida slavateda demez, y a valivé ora ulache l’erujion à dassënn revinà y tëut demez.

I bon lauranc dal pich y badil, dala fauc y dal restel Te chësc cheder naturel de na natura che ne sta mei fërma, cun l frëit y cun l ciaut, cun l vënt y la plueies, iel uni ann da nuef da udëi y da valuté l gran y bon lëur che vën fat dai lauranc artenienc dla

trëi Lies per l Turism de nosta Val de Gherdëina, che ne schiva nia bries y fadies, y che se dà da fé, cun sëura n bon gurmel o auter guant passenënt, per arjonjer che nosc luesc de turism da d’instà te nosc raions alpins sibe inò te si miëur guant, per saludé y ti fé n bel mus ai truep seniëures che ruva caprò per se refé ana y spirt dala vita puech naturela y scialdi da stress, che vën vivuda tla gran pert de chësc nosc mond nsci „mat“ y mbusià, y nsci de zes y dalonc da chël che fova „n iede“ la maniera plu sana y plu scëmpla dl viver y dla vita!?

I lauranc dl’Azienda de Urtijëi Na bona lauda possa nce chëst ann inò unì fata ai lauranc lezitënc y ulentives de Urtijëi, che nëus udon uni di, y che ie damprovia: bera Rudi Wanker da Lavies da Bula, bera Walter Senoner de Runcata de Chël Piz, Jenegger Adam l fra dl postin, y i jëuni Raimund Colcuc de Fridolin y Peter Piccoloruaz dl Flich. Chisc à abù sën, enes alalongia, n grandiscimo note, y chësc mo for, ulache la ierba ie inò cresciuda auta, ulache la natura se damanda

curta, ma scialdi danman per Urtijëi, y nia mé, iel pona la ustaria storica de Val d’Ana, dla families Prinoth da Brida y Rifesser da Pertan, cun urmei bele passa mez secul de vita. Tlo iel strutures recreatives y dl tëmp liede per la families cun pitli mutons; dut dl mascimo bon livel y a puntin, y metù tla miëura armunia y balanz cun la natura de n bosch y de n bel ruf rauscënt! Pudëi tlo se maië zeche de bon, ntan che l ie na bela gran lerch per i mëndri che possa fé damat, ie te Val d’Ana na situazion unica, che Urtijëi à, cun chësc si raion mo mantenì defin! Urtijëi da sëurajù.

la man sapienta y sensibla „a man“ de n bon laurant, zënza la sgrinfles de pacres, ulache l ie bon de mëter ju de bela stanges ndrëtes per ti vester ala forza dla plueies, ulache la va de senté ite te na bona traviersa stanges y canai, y de rumé ora sasc y mauta da tei pitli lec, y de fé dut che l sibe inò dut a puntin y al ordn te chëla luegia scialdi bela per families cun pitli mutons, feter amez dla trassa dl troi che mëina te Val d’Ana. Tlo possa nosc seniëures inò udëi cun si uedli

Duc chëi de S. Cristina y Sëlva se à abinà ai 24 de juni per fé na bela festa di nasciui tl ann 1940

Chëi de 70 ani de Sëlva y S. Cristina.

Klobenstein. On bu n bon aperitif, s’la ciaculan y s’la ciantan mpue’. L fova pona ëura de na bona marënda. Cun nëus fova nce pea dut l di Pater Kurt, che ie stat scialdi dalaibon cun duc. Do marënda ie n valguni jic de reviers cun la ferata, d’autri ie jic a pe nchin pra furnadoia. Ruvei a Bulsan fòvel inò la curiera che nes à menà de reviers a cësa. Sambën che dant ons mo messù tlamé a cëina te na ustaria

Lueges da paussé

Oscar Prinoth

Ite insom de chësta valeda

N unicat de Gerold Moroder

Festa de chëi di 70 ani Festa - Son piei via daduman cun la curiera de viers de Bulsan. Tlo ans da mesa la diesc la mëssa cun Pater Kurt Egger, l jumblin dl Vëscul da dant. Nce ël ie nasciù tl 1940. Do avëi ciantà de bela urazions y lecurdà nce chëi che ie bele morc, sons jic ite a pe nchin pra la furnadoia dl Renon. Ruvei suinsom sons furnei inant cun la ferata cun i vagons biei nueves nchin a

usservënc che ite per la Val d’Ana, nsci mo naturela y bën mantenida, iel unì fat n bon lëur, y n possa bën dì che l ie na fertuna canche la man publica, o la man „semipublica“ sciche l ie l cajo de nosta Aziendes per l Turism, à de drë’ lauranc, da druch y da talënt, cun nce na cërta autonomia y scumenciadiva de dezijion.

Mo de chësc viers iel nce bel de pudëi junté pro, che da za. n ann incà ie ruveda leprò mo na segonda ustaria, ënghe drët garateda y esteticamënter de na drët bela paruda, y chësc ie la ustaria „da Pauli“ de Pauli Demetz de Giancarlo da Fëur, che lëura pea y fej ënghe si bona pert per fé garaté mo miëur y majer l servisc gastronomich per l turism de nosta val, ma daniëura y dantaldut nce gën per la jënt da tlo, che possa se mpaië dassënn de de tei posć da trieva y gheneda!

a Tluses. Iló à Adi da Merch inò tëut ca l’armonica y nes à sunà su n valgunes. Nscila iel mo unì balà y l ie stat scialdi bel y da rì; l tëmp ova ënghe judà pea dut l di a fé garaté la festa. Speron che te cin’ ani jirons inò a fé na tel bela festa. Da rengrazië iel sambën duc chëi che se à cruzià de mëter a jì dut tan a puntin. Karl Perathoner

L pest che unirà sëurandat pra l Karl Unterkircher Award 2010 ie n unicat dl artista cunesciù de Urtijëi Gerold Moroder Ert - L pez de Moroder ie de uel dì zënza l aiut di sherpas y 30x30 cm, si pëis ie ntëur ai 10 ossigenn, dezijif pra uni spedizion chilo. L reprejentea la pizes de alpinistica che Karl Unterkircher Saslonch, l crëp simbol de ova metù a jì. Gherdëina. Drët singuler coche l artista a metù adum trëi materiai Ntan la sëires ne uniràl ënghenó tan desferënc coche l sas desmincià la scumenciadiva che dolomitich, l lën de ciarieja y l Karl Unterkircher ova metù a jì inox. Tl sas amezite se auza ora l per i pitli mutons dl Tibet. La fëna portret de Karl. Nsci a Gerold de Karl, Silke, y si fra Peter Moroder, si bon cumpani de Unterkircher, deberieda cun i arpizeda, ulù lecurdé Karl cumpanies, uel purté inant chësc Unterkircher, un di granc dl proiet n si lecort. www. alpinism mundiel. De Gerold karlunterkircher.com (per l Moroder, iel nce la tofla n program plu avisa c. sot a plates lecurdanza metuda su pra l ciamp de informazion). (id) de basa dl Nanga Parbat, japé dl crëp, ulache Karl à perdù la vita de lugio dl 2008. Pra la doi sëires, n vënerdi 9 y sada 10 de lugio, purterà dant i alpinisć numinei per l „Karl Unterkircher Award 2010“ la arjontes alpinistiches ntan l ann 2009. L se trata de Simone Moro, Denis Urubko, Simon y Samuel Anthamatten, Ueli Steck, Marko Prezelj, Robert Jasper y Roger Schaeli. La iuria de unëur cun Hans Kammerlander, Ines Papert, Rolando Larcher, Carlo Caccia y Volker Leuchsner chirerà ora, danter chisc, cin’ alpinisć o grupes de alpinisć che ova tenì cont mascimamënter di criteres de arpizeda tl stil alpin, chël L unicat de Gerold Moroder. www.lauscdiladins.com

13


Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

nr. 25 / 03 de messel 2010

Mëmbri, consëi y colaboradus

Generala dl SaJ Le Sorvisc ai Jogn Val Badia à tignì a San Martin la sentada generala 2010. Al é gnü presentè le consëi y portè dant l’ativité desfirada l’ann passè. An ćiara inće al dagnì y öna dles novitês podess ester n musical por i jogn dla valada

Le Sorvisc ai Jogn é metü adöm da 53 grups y 3 porsones singoles. Dl consëi fej pert diesc porsones y trëi é i colaboradus Mëmbri Comuns

San Martin, La Val, Badia, Corvara, Mareo

Schira Jonila

La Ila, Badia, San Ćiascian, La Pli, San Martin, Lungiarü

Grups SKJ

La Pli, Antermëia, Rina, La Val, San Martin, Badia, San Ćiascian, Al Plan, La Ila, Corvara/Calfosch, Grup Decanal Val Badia

Ministranć

La Pli, Al Plan, La Ila, Badia

Jonëza da Paur

La Pli, Rina, La Val, San Martin, Badia

Ploanies

La Val, Rina, Antermëia, Lungiarü, San Martin, Calfosch, Corvara, La Ila, Badia, San Ćiascian, Al Plan, La Pli

Grup jogn Crusc Blanćia

Alta Badia, Mareo

Müjiga di Jogn

Alta, Bassa,

Schira Jonila/Minis Val Badia Grup Taizé

N valgügn mëmbri dl comitê dl SaJ tratan la sentada generala.

San Martin - En mercui ai 9 de jügn dales 20.00 él gnü tignì la Sentada Generala dl Sorvisc ai Jogn 2010. Tröc é stà i presënć, danter l’ater rapresentanć di Comuns, dles Cöres, i rapresentanć di grups mëmbri dl Sorvisc ai Jogn, mëmbri dla Consulta di Jogn, le Consëi y les dependëntes. La sentada à metü man cun le salüt dl presidënt Valentin Erlacher da La Pli y le pinsier religius de Siur Pire. Tres na presentaziun power point él gnü presentè impröma i mëmbri dl SAJ: do le cambiamënt dl statut él gnü pormez grups, y al momënt po le SAJ cumpedè 53 grups y 3 porsones singoles. I portadus dl SAJ aladô dl statut nü é les Cöres dla valada y i Comuns. Al é spo stè vignun dl Consëi dl SAJ che s’à presentè singolarmënter y le presidënt à presentè les döes colaboradësses Carla Burchia y Silvia Alfreider. La sentada é jüda inant cun la presentaziun dl’ativité dl 2009. Al é gnü fat 27 manifestaziuns, danter l’ater: turnier de ping pong, curs

Ala sentada à tut pert cotan de jënt.

14

www.lauscdiladins.com

de preparaziun al maridé, velia da Pasca, referać, festes dla majera eté y l’Edema di Jogn, manifestaziuns organisades o en pert organisades dal SaJ. Al é gnü metü da jì 2 proieć: le „Hoppla“ , olache al i vëgn dè ai scolars dla elementara y mesana sostëgn pro i compić, y le „Floppy“, che é le proiet da d’isté por i mituns. Le presidënt à spo presentè le bilanz sintetich dl Sorvisc ai Jogn, che é gnü aproè al’unanimité.

Baié ingleje y n workshop por i jogn Al é inće gnü presentè l’ativité dl 2010, olache al é bele gnü realisé valch: le “English chatting cafe” cun le grup SKJ de Badia, olache jogn y jones s’incuntâ a baié ingleje sot ala moderaziun de Lalena Stull, insegnanta de ingleje da Los Angeles. Ai 23 d’aurì él gnü organisé la festa dla majera eté tl Comun de Badia, cun n pice workshop da pert de Michael Peer y Katja Nocker dl Jugendring; ala fin àn podü ćiarćé de vigni sort de

coctails tla Trendy Bar, arjignà cà da Alex Ploner. Tratan l’invern él gnü fat cursc de formaziun por la plata internet por düć i grups che ô avëi na plata, y d’aurì él gnü organisé sciöche vigni ann le curs de preparaziun al maridé cun Lois Kastlunger, Siur Iaco Ploner, le primar Engl y l’avocat Christian Pedevilla. Proscimamënter piarà ia le proiet “Floppy” y da d’altonn le “Hoppla” en colaboraziun cun le Raiun Sozial Val Badia. Sön le program él inće n curs da cujiné y na manifestaziun cun l’AVS (Lia dai Crëp) che reverda le tema dl ann: “la munt - reach beyond”. Plü inant él inće gnü fat la proposta de fà n contest por grups musicai dla Val Badia. La novité prinzipala de chësc ann podess ester n musical por i jogn dla valada, organisé en colaboraziun cun Iaco Rigo, da arjigné ca tratan l’invern 20102011. Ala fin dla serada i él gnü lascè lerch a idees y minunghes. La serada s’à stlüt jö cun n bun buffet. (Sorvisc ai Jogn)

Cor di Jogn

Pro Voxis, Mosaic

Porsones singoles

Siur Pire, Helene Pescoll, Albert Frontull

Consëi Inom

Grups raprejentà

Inćiaria

Erlacher Valentin

GD (Grup Decanal), SKJ

presidënt

Frenademez Alma

Cöres, GD

vize, personal, ordinamënt intern, proieć

Dr. Mischì Dolorico Comuns, Crusc Blanćia

finanzes

Pescoll René

Schira jonila, Ministranć

proieć

Siur Pire Irsara

Cöres, GD

personal, ordinamënt intern

Rigo Paul

GD, SKJ

proieć

Rungger Alex

SBJ (Jonëza da Paur)

finanzes

Pitscheider Alex

SKJ, Crusc Blanćia

finanzes

Frontull Albert

/

proieć

Valentin Walter

SBJ

personal, ordinamënt intern

Colaboradus Burchia Carla à metü man de laurè a tëmp plëgn tl Sorvisc ai Jogn a mez aurì Dr. Silvia Alfreider, laora a mez tëmp tl Sorvisc ai Jogn da otober 2008 Karl Heinz Castlunger, laora sciöche volontar dui iadi al’edema


Val Badia

nr. 25 / 03 de messel 2010

Serada ladina a Herscheid y Neunenrade

Raiun sportif cun novitês

Musiga ladina à ringhinì tl Nordrhein-Westfalen. Le cuartët Göma y le duo Hilda y Paul Schuen à ćiantè y sonè ćianties ladines, y portè insciö foradecà na ćerćia de nosta cultura. Zoruch ài ciafè le ćialt y la cordialité dla jënt de chisc posć

A San Ćiascian él gnü realisé n funz de erba sintetica por le ćiamp dl palê y n funz nü por i jüć dla Scolina Salterina. I mëmbri dla US San Ćiascian à instësc realisé i laûrs

Le Cuartet Göma cun “Les Gömes”, acompagnà da Hilda y Paul Schuen, à ćiantè y sonè tl salf dles manifestaziuns a Herscheid, en gaujiun dla serada ladina.

Iadi - En sabeda, ai 29 de mà, é le cuartet Göma pié ia da doman adora en compagnia dles fomenes, cun le duo Hilda y Paul Schuen, Gottfried Trebo en rapresentanza dl’Assoziaziun Turistica da San Martin y d’atri amisc, foraissö cuntra Köln (NordrheinWestfalen). Le iade é gnü invié ia dal referënt por la cultura dl comun da Herscheid da denant, Gerd Kohlhage, che conësc dër bun Südtirol y che s’à ultimamënter inamorè tla jënt, tl lingaz, tla cultura y tles usanzes dla Val Badia.

döes porsones tl paîsc d’Al Plan, n pest che à ćinamai fat rogore leghermes de ligrëza. Ala fin dla pert culturala à düć podü se pascentè pro de bun cioce y n gote de vin chersciü sot a sorëdl de Südtirol, deperpo che te Sauerland plöiel scialdi. Dedo éra ćiamò jüda inant balada ćina che i ghesć s’un é jüs a ćiasa dër reconescënć de avëi podü assistì a chësta sëra ladina. Danter le publicum él inće stè na bela incuntada cun Martin Prousch da San Martin y süa fomena Gisela che vir lafora bele passa 40 agn.

Melodies y contrades dla Ladinia

Les Antlês a Herscheid

La Val Badia n’ê nia ćiamò dër conesciüda lafora y valgügn minâ cinamai ch’ara foss tla Sicilia. Gerd Kohlhage tingiâ porchël bele da n pez da condüje iaifora n grup, por i presentè ai Sauerländer la contrada ladina y sü abitanć tl guant da zacan cun ćianties, musighes y dias y laprò inće cioce, liagnes y pan dla valada y vin de Südtirol. La sabeda sëra spo s’à le grup presentè tl salf dles manifestaziuns a Herscheid, olache le cuartet Göma à amplié so repertore inće cun ćianties ćiantades deboriada cun sües compagnes tla troht. Fora por le program à condüt André Comploi entusiasman cun maestria n bel publich dër interessè dles richëzes culturales y naturales dla Ladinia. Danterite gnô la sëra tres indô renfrescada da Paul y Hilda Schuen cun i orghi da man y la chitara. Les fotografies de Hans Pescoller proietades söl parëi dla paladina daidâ cuntè dles belëzes dles Dolomites. Tla lotaria él gnü partì fora de bi libri scincà dal Istitut Ladin, dala Uniun di Ladins y dal assesur Florian Mussner. Le plü bel pest ê n’edema de feries por

La domënia sunse gnüs invià da tó pert ala festa d’Les Antlês a Herscheid. Zënza ch’i s’al ésson aspetè à le ploan cuntè tla pordica de Sant Ujöp da Oies, dla bela contrada incër Oies, dla vita dl Sant ladin da pice insö ćina ch’al é jü tles misciuns y de süa devoziun por le sacramënt dl altè. I se fajôn tres indô demorvëia ći amur che i Sauerländer à por Südtirol y nostes valades y tan informà ch’ai é. Do ch’i ân tut pert ala mëssa d’Les Antles inće cun valgönes ćianties ladines sunse gnüs invià dala comunité tl salf dla ploania olach’an s’à tenü sö na buna jopa ćialda. Do na spazirada danter i urć plëgns de rododendron incër les ćiases bel rencurades de Herscheid, s’à Gerd Kohlhage invié ite da d’ël a tó n cafê nes vizian cun de vigni sort de de bunes turtes. La domënia sëra unse albü tl comun da Neuenrade na secunda presentaziun söporjö cun le medemo program; i plü bi besć de chësta sëra ê indô n’edema de feries por döes porsones tla Val Badia, danter l’ater a San Martin. Te na bela atmosfera de

comunicaziun éson defata gnüs a baié y a s’la cuntè cun i ghesć rovà adalerch a chësta sëra.

Vijita a Düsseldorf y Köln Le lönesc sunse jüs a vijité Düsseldorf, la capitala de Nordrhein-Westfalen, na cité moderna söl Rhein, olache n’acompagnadëssa nes à condüt fora por le zënter storich. Do na marëna da de gran porziuns tla Brauerei “Zum Schüssel” unse fat na roda cun na barca söla gran ega 310 metri leria dl Rhein. Le dedolönesc sunse jüs a vijité Köln, che é sciöche Düsseldorf n’ora y mesa d’auto dalunc da Herscheid. Inće chilò nes à n’acompagnadù mostrè la cité. Köln é na cité storica fata sö sön les fundamëntes dla cité romana Colonia Claudia Agrippinensium, plëna de monumënć dl tëmp passè. Sot i gragn punć fora, che liëia les döes perts dla cité, passâ les barches di passajiers che se godô les belëzes dl Rhein. Sura döta la cité s’avërsc sö le dom monumental de Köln che contëgn les relicuies di Trëi Resc y che ti à tignì bot ai bombardamënć dla secunda gran vera, deperpo che i palać, les ćiases incëria y i punć ê gnüs bombardà y desdrüć deplëgn. Demorvëia sciöche la orentè de suravire, de recostruì y la lezitënza di abitanć ti à indô dè vita ala cité che ti pîta laûr y ospitalité a n gröm de imigranć.

Na bela odüda söl ćiamp dl sport curì jö cun erba sintetica y le paîsc da San Ćiascian.

San Ćiascian - Do avëi programè bele da trëi agn incà, à l’Uniun Sport Amatoriala da San Ćiascian podü realisé ti mëisc de mà y jügn n ćiamp sintetich y d’atri laûrs de mioramënt tl raiun sportif da San Ćiascian. Le ćiamp da śoghé al palê sön na spersa de 1.800 m2 é gnü arjigné ca cun erba sintetica de ultima generaziun. Implü él gnü realisé por i jüć y i injins dla Scolina Salterina n funz de lëgn traspirant, che é spo gnü curì jö cun erba sintetica. Sön na spersa dlungia, inće chësta de 800 m2, él gnü realisé n asfalt che po gnì anuzè por plü ativitês dl tëmp lëde. Por naota él gnü adatè a na bela pista por gocard a pedai. Tres l’ativité chersciüda ti ultimi agn é inće gnü maiù le bojëgn da realisé n magazînn plü gran por mëte ia dötes les atrezadöres. Al s’à pité l’ocajiun da realisé n bel frabicat de lëgn adatè en pert a magazînn y en pert a terassa cun tët por deplü poscibilitês de anuzamënt. Grana é la ligrëza suradöt por i mituns, i jogn mo inće i manco jogn, che à bele śoghé tröp al palê

sön le ćiamp nü y s’à ciafè dër bun. I scolars dla scora elementara à podü porvè fora por pröms le ćiamp sintetich, en gaujiun de na jita alaleria. Da alzè fora él che i laûrs desvalis é gnüs realisà en economia dai mëmbri dl’Uniun Sport, che ti é inće stà do ai laûrs, a na moda che ai garêtes polito. Denant s’àn ćiarè jö ćiamps desvalis bele realisà, s’à interessè söi materiai y à confrontè i cosć. N dilan sintì a düć chi che à portè pro al garatè di laûrs. N bel dilan al Comun de Badia y ala Provinzia de Balsan por le finanziamënt. Le raiun sportif é davert ofizialmënter vigni dé dales 10.00 ales 19.00, inće sabeda y domënia. Le raiun sportif da San Ćiascian pîta n gröm de poscibilitês: śoghé al palê söl ćiamp sintetich, partides de beach-volley, injins y jüć da soflè sö dla Scolina Salterina, pista da go-card a pedai, relax, n bun dlacin... Le raiun é adatè suradöt por mituns, umes cun mituns, families, jogn y inće manco jogn. (Uniun Sport Amatoriala San Ćiascian)

Cun le sostëgn dl assessorat ala cultura ladina, dles aziendes turistiches d’Al Plan, da San Martin y dl’Alta Badia, dl uniun ostîs da La Val y de deplü sponsors danter ostis d’Al Plan y da Colfosch unse indô n iade portè y fat conësce l’inom dla Val Badia sura i confins fora y dessigü nen n’unse invoié nia püć da gnì a nes ciafé te nüsc bi paîsc. Sciöche le cuartet Göma mantëgn chësc iade te n bel recort dantadöt inće por la bela compagnia, insciö é inće chësc iade stè na bela ocajiun da ćiarè indô a sü 15 agn de musiga corala don so contribut por la cultura ladina. Elfriede G. y Tone G.

Al vëgn fat asfalt sön la plaza por i go-card a pedai. Iadedô vëgnel laurè pro le frabicat adatè a magazînn y terassa adassosta. www.lauscdiladins.com

15


Val Badia

nr. 25 / 03 de messel 2010

Proa d’evacuaziun tla Ćiasa de Palsa adöm ai Stödafüch! Te na eserzitaziun à i stödafüch dl Comun da San Martin de Tor porvè da evacuè n valgügn berbesc dla Ćiasa de Palsa, arjignada ite al momënt tl Hotel Diamant é i grups atira gnüs menà cun i respiradus, dui grups di Stödafüch da San Martin y un da Antermëia tles ćiamenes che gnô evacuades. Ai â le compit de acompagnè fora en sorà i berbesc che ê da condüje al sigü.

Hanspeter Graffonara i mostra ai grups cun i respiradus te ći ćiamena che ai à da jì.

San Martin - Le frabicat dl Hotel Diamant é n frabicat bele n pü’ ti agn, che podess portè a n valgönes dificoltês tl cajo de medefüch. Le frabicat é partì sö te 2 seziuns: na pert scialdi vedla tacada pro na pert scialdi nöia. Te chisc dui frabicać vëgnel ospité la jënt dla Ćiasa de Palsa, ćina che i laûrs tla ćiasa ite en Pinis vëgn stlüć jö. Tl fabricat ciafunse plü portes che tëgn sö por n tëmp deteminé le füch: ares despartësc te plü seziuns i dui frabicać. Les portes é de gran vantaje, ajache ares se para dal föm y dal füch. Insciö él rî che le füch se sleries fora sura döt le frabicat. Tla pert vedla ciafunse porti y üsc strënć, che n’alisirëia daldöt nia l’intervënt di stödafüch tl cajo de nezescité. Por chisc motifs él gnü organisé na proa d’evacuaziun, por odëi les poscibilitês y sciöche an fej plü

saurì y snel da evacuè la jënt tl cajo de medefüch o de n’atra desgrazia.

L’Evacuaziun Na sabeda de jügn danmisdé, cun n beliscim tëmp, él rovè adöm 18 omi di Stödafüch da San Martin: de chisc 6 cun respiradus a aria, laprò sis omi di Stödafüch da Lungiarü cun la tenda por arjigné le post de indunada di paziënć evacuà, 5 omi di Stödafüch da Antermëia, de chisc trëi cun i respiradus a aria, un n stödafüch d’Al Plan à condüt adalerch l’auto dala litra dl raiun dla Bassa Val Badia, stazionada a Al Plan. Al’evacuaziun à inće tut pert dui mëmbri dla Crusc Blanćia de Mareo cun n auto de pröm aiüt. Le coordinamënt de döta la proa é stè sot al comane dl vizecomandant da San Martin Hanspeter Graffonara. Cun l’aiüt de n plann dla ćiasa

Insciö à mëtü man i grups di respiradus da gnì cun i paziënć fora sön sorà, olache ai é gnüs daidà da jì te cëst dla litra por podëi spo i condüje ia por tera. Dailò êl spo d’atri omi di Stödafüch da San Martin che i à acompagnè ćina tl post de indunada. Le post ê gnü arjigné ca dai Stödafüch da Lungiarü cun na gran tenda y ai s’à fistidié adöm ai dui mëmbri dla Crusc Blanćia da coordiné le post d’indunada. Chilò vëgnel protocolè i inoms di berbesc evacuà, al vëgn ćiarè che la jënt evacuada sides al sigü y che ara ti vais bun. La Crusc Blanćia vijitëia chilò döta la jënt che röia adöm y sce al va debojëgn, vëgn les porsones condütes te ospedal. La proa é gnüda osservada avisa dal ispetur di Stödafüch dla Bassa Val Badia Franz Zingerle, dal comandant di Stödafüch da San Martin Alex Zingerle, dal comandant di Stödafüch da Lungiarü Roman Clara, dal comandant di Stö daf üch d’Antermëia Ulrich Rubatscher, da pert dla Crusc Blanćia da Andrea Miribung y da Gerhard Rubatscher- stödafüch da San Martin y inće vardian dla Ćiasa de Palsa. La proa é jüda bun y an é stà bugn da condüje fora dl fabricat bindebò debota düć i paziënć preodüs. Tratan l’evacuaziun àn podü odëi olache l’auto dala litra po gnì anuzè cun efiziënza, zënza perde tröp tëmp. Da alzè fora é stada la buna colaoraziun danter i grups di stödafüch y dla Crusc Blanćia. An po dì che sce al va debojëgn, sàn

N berba vëgn tut jö cun la litra.

Le post de indunada olache i paziënć evacuà röia adöm.

che te n cört tëmp él n gröm de istituziuns de pröm aiüt arjignades da gnì a daidé. I Stödafüch da San Martin oress

rengrazié la Direziun dla Ćiasa de Palsa y dandadöt Gerhard por avëi daidé organisé chësta eserzitaziun. (Stödafüch San Martin)

Na guida por jì a pé Te n pice codejel à le Consorz Turistich Alta Badia coiü adöm les escursciuns plü sugestives tl cör dles Dolomites. An ciafa laìte na descriziun menüda dles jites, tesć sön la richëza culturala y na cherta panoramica Turism - Jì a pé fej pert dla natöra dla porsona y fej sambëgn inće bun por le bëgnstè. Jì a pé te nostes

Le cuertl dl codejel.

16

www.lauscdiladins.com

munts impormët da se gode le tëmp danter corusc, löms y sonns dla natöra. L’Alta Badia pîta n gröm de poscibilitês por escursciuns. Insciö à le Consorz Turistich arjigné na guida dles escursciuns plü spetacolares y sugestives. Tl codejel vëgnel pité la descriziun de indöt 50 jites, dales plü saurides ales plü impegnatives, por le ghest che se damana deplü. A vigni escursciun ti él gnü dediché döes plates intieres, sön chëres che le turist ciafa na cherta dla escursciun cun na descriziun menüda sön les carateristiches. Al ciafa insciö informaziuns sön la dorada dla escursciun, la lunghëza y le deslivel, sciöche inće le degrè de dificoltè y i posć de restoraziun olache al po storje pro a fossenè forzes nöies. Döt cant é abelì cun retrać sugestifs y inće informaziuns

che po ester d’interes por le ghest. Na pert é resservada ala storia dla Ladinia y a nosc lingaz, n’atra ales viles. Inant vara cun informaziuns sön flora, fauna, geologia y corëć, la storia dl alpinism y consëis por jì sigüsc sön munt. Al ne manćia nia na pert resservada ai trus adatà por les families, cun na spligaziun di trus tematics dl’Alta. Al ne manćia gnanca infos sön le Mountain Pass, les üties y l’oferta turistica por le scior che va ion sö por munt. La guida dles escursciuns é gnüda realisada te trëi lingac: talian, todësch y ingleje. I titui prinzipai é scrić te dötes les verjiuns por ladin, y maius. Cun chësc ôn alzè fora ćiamò n iade la particolaritè de nüsc raiuns, che é propi inće le lingaz. La guida é da ciafè al prisc de 12,00€ te düć i ofizi d’informaziun dl’Alta Badia. (pablo)


Val Badia

nr. 25 / 03 de messel 2010

Sciandro d’Lista complësc 80 agn Le motif ćiodiche i orun recordè Sciandro Canins sta tla storia dl turism dl’Alta Badia, te chëra che Sciandro po gnì conscidrè un di pioniers

te na ostaria a San Ćiascian pro i mituns dl ostì jö te ćianô ia por tera. Da se paié na ćiamena n’âl nia ćiamò le möt. An sa che la pecügna agüza l’invenziun y insciö ti éra garatada a Sciandro da mëte en pè l’ann 1954 la scora de schi a San Ćiascian. Chëra i pitâ na organisaziun regolara ai turisć y na fontana de davagn ai plü jogn.

Le lift tira alerch i turisć Sciandro d’Lista à acompagnè agn alalungia i sciori sö por nostes munts, canche al n’ê nia ćiamò implanć portamunt.

Porsones - Sciandro Canins d’Lista é nasciü ai 8 de messè dl 1930 a Pedraces da Mariangel y Maria Irsara. Sciöche plü vedl de set mituns (un é mort da pice) messâl mëte man adora da daidé sü geniturs da laurè ite la picia grüzena da paur, che, por mantignì na familia de ot porsones messâ s’afité düć i prà tla vijinanza, che foss scenò romagnüs da sié. Do avëi laurè chilò y ilò pro plü

Ti agn da plü jonn, canche Sciandro ê maester de schi.

patruns, piâ ia Sciandro a imparè n mistier. Al ciafâ n post pro berba Sepl Zelter ite Altin a imparè roder. Da doman do ch’al â ojorè i tiers, piâl ia cun la roda o inće a pé da Pedraces demez cun la marëna da se scialdè da misdé. Sce le frogorè te chë vedla ćiasadafüch fomâ tan che al messâ sciampè fora, restâ mefo la marëna n te’ pice müdl de ćiarbun bel fosch. Do trëi agn ciafâl a Pedraces na te’ picia baraca da se lascè jö les massaries, y te chëra metôl man da laurè da roder por so cunt. Do vëies y tl tëmp lëde s’abinâl peres fora dla gran ega y saurun fora de na picia ćiavara te bosch, sambëgn cun l’intenziun da se fà sö na fujina y plü tert na ćiasa. Gnü derevers dal soldà, che vigni stagno jonn messâ fà inlaôta, piâ indô ia le laûr. A San Ćiascian êl bele val’ ostaria che afitâ ia a chi püć sciori che rovâ adalerch trasportà dai ćiavai. Al Rosa Alpina rovâ l’ann 1950 n grup de monies che chirî n maester de schi. Deache Franzl d’Lista (Franzl

dala posta sciöche al ti gnê dit), un di püć che savô da jì cui schi, n’â nia dlaorela, ti damanâl a so nu Sciandro sce al n’ess nia albü vëia da insigné jö chës monies. Sburlè dal bojëgn da se davagné valch, s’âl lit jö n liber cun les regoles fondamentales y l’â vagada da jì a fà le maester de schi. Implanć portamunt n’êl sambëgn degügn y insciö jô vignun cun sü schi söles sciables y cun les pels. Al acompagnadù ti tocâra gonot da portè plü schi sce valgügn ê massa debli o stanć. A Sciandro ti plajô chë vita alaleria y insciö s’âl istruì inant tl’êrt da insigné le sport di schi y â metü man da rodè jö i hotì y les ostaries a se chirì schiadus, dal momënt che al n’ê ćiamò degüna scora de schi olache la jënt ess podü s’anunzié.

Sciandro mët sö la scora de schi a San Ćiascian Da jì a ćiasa da sëra ne pordejôl nia y por fortüna ciafâl da dormì

mo iüst y düć i dependënć le stimâ por süa manira sinziera, umla y de respet. D’isté, canche ai â sturté fajôl inant so laûr da roder y pro chël aldîl inće fà liöses da trà jö chi che se fajô mè da jì cui schi.

La familia Pro döt le laûr ne s’âl nia desmentié la vita privata. L’ann 1959 àl maridé Emma de Runch y s’à arjigné na bela familia cun trëi mituns y na möta. Chisc àl metü düć apost cun n laûr y na ćiasa y śëgn él set de te’ pici nus che ti salta do al nene. Sciandro é dagnora stè ausè da laurè y śëgn che al ne mëss nia plü fistidié di lifć, laôrel ćiamò inant te so mistier y fej de beles liöses da ćiaval, do le stamp de chëres da zacan, y ciovires da mëte ite i ciüfs. Mo d’invern mëssel naota jì n valgünes ores cui schi por se ćiarè jö döt le raiun olache al ê jü tan de iadi a pè. Sciandro é na porsona che tol la vita cun serenité, che ne brava nia de süa ativité che à daidé svilupè le turism da d’invern. No ma süa familia, sü parënć, sü compagns, mo dötes chës porsones che à albü profit da sües scomenciadies ti aoda inant tröpa sanité, ligrëza y na bela aorela cörta pro na bela cartada, y ti sporj n dilan de cör. (I. P.)

Do agn de suius a acompagnè i schiadus a pé sö por les munts, ne zedô Sciandro nia al’idea da fà sö n injin portamunt, mo che â pa le capital por la costruziun de n lift? A Corvara, dal’atra pert dla munt, â Erich Kostner dl Ost bele fat sö dl 1947 na sentadoia y plü tert n valgügn lifć sö por munt. Sciandro sperâ che l’idea da lié adöm n bel dé le raiun ess podü ti plajëi al scior Kostner y insciö s’âl fat coraje y ê jü a portè dant süa proposta. Erich, da gran pionier dl trasport portamunt à azetè ala condiziun che Sciandro surantoless döt le laûr y fistidiass da abiné i terac da fà la trassa, y sambëgn i lauranć y d’invern la suravijiun dl funzionamënt di lifć y dles pistes. Dal momënt che Sciandro n’â nia capital da mëte pormez, metôl a desposiziun sües forzes y cun gran sodesfaziun podôl osservè cun ći entusiasm che i turisć se sentâ söl scagndla sentadoia por arjunje Piz Sorega l’ann 1961. La comodité dla sentadoia y de n valgügn lifć che tirâ i schiadus sö por chi coi à cherdè adalerch tröpa jënt y danter i agn 60 y 70 s’à svilupè San Ćiascian a na manira che dl 1972 àl messü gnì injuntè n lift a pêr dla sentadoia de Piz Sorega. Sciandro y so fre Igi à fat sö na ćiasa dlungia la staziun nöia dl lift, olache al à ciafè lerch la scora de schi, n bar y restorant y basìte n salamënt da imprestè fora schi. Sciandrô ti dê jö la direziun dla scora de schi a Franz Thaler, mo restâ responsabl dles pistes y dl Aldedaincö fej Sciandro de beles liöses da personal. Al ê rigorus, ćiaval, do le stamp dles liöses da zacan. www.lauscdiladins.com

17


Val Badia

nr. 25 / 03 de messel 2010

N ater teater “ATER-TE-ATER” – n jüch de parores che sta por “ater te l’ater” y inće “ater teater” – é le titul dl festival de teater che Erehwon organisëia tla Val Badia chësc isté Tavella. Les rapresentaziuns gnarà tignides a Al Plan, San Martin y La Val. Al é n festival al’archirida de n “ater teater”, n teater inovatif y che descëda morvëia, mo dër dlungia la jënt, che é bun da trà ite n publich ampl y desvalì. Al é n festival internazional cun grups che vëgn dala Talia, Germania y Svizra cun tòć de teater por talian, todësch y rumanc, cun le fin de respidlé le carater multicultural y multilingual de nosta regiun y por promöie l’incuntada y le confrunt danter les realtês desfarëntes. Na scena fora dal teater “Hotel Paradiso” de Familie Flöz. (Foto: Michael Vogel).

Teater - Dai 13 ai 25 de messè ospitarà la Val Badia le “Festival Internazional de Teater Val Badia - Ann I”, metü en pè dal’assoziaziun

Erehwon. Le proiet y l’organisaziun é tles mans de Erika Castlunger, Valentina Kastlunger, Bernardetta Nagler, Barbara Tavella y Ursula

Chësta pröma ediziun é dedicada ales tröpes formes di lingac, intenüdes sides sciöche chëres di lingac baià, co inće les formes desvalies di lingac teatrai y ara ospitëia rapresentaziuns adatades por adulć, jogn y mituns: n monologh fora de n tòch tlassich,

n teater de figöres, n teater cun comics, n teater cuntè cun ogeć, n t e s t d e d r a m atu rg i a contemporana. Tl medemo tëmp tëgn Maria Consagra, öna dles figöres plü importantes dla pedagogia teatrala europea d’aldédaincö, n seminar sön le corp, la usc y le movimënt por aturs y aturies.

Cotan de compagnies Les rapresentaziuns mët man le mertesc ai 13 de messè dales 21.00 tl salf dles manifestaziuns d’Al Plan cun la “Familie Flöz” dala Germania. Por chësc festival à les organisadësses abiné adalerch inće Mauro Pescio da Roma, “Die Kleinste Bühne der Welt” dala Germania, Le Teatro dell’Argine da San Lazzaro di Savena/Bologna y le teater Muntanellas dala Svizra, che porta dant n tòch de teater por talian, todësc y rumanc. N

Le grup “Muntanellas” sarà da odëi a Rumestluns/La Val.

seminar por aturs cun Maria Consagra completëia le program rich de chësc festival teatral tla Val Badia. (bn/pablo)

Hommaja a Tone dal Ferber Daurida la mostra restrospetiva de Tone dal Ferber tla Galaria d’ert Teresa. Scovrida de laurs de n ater artist Rungger, Berto Rungger

Retrat recort dla vernissaja a Al Plan. Da man ciampa: Elisabeth Frenner - referënta ala cultura dl Comun de Mareo, Maria Teresa dl Cafê Galaria Teresa, Melitta Craffonara - colezionista di chedri de Tone dal Ferber, Iaco Rigo - presidënt dl’EPL, les döes vidoristes Margareth Huber y Angela Palfrader.

Al Plan - Passa vint é i chedri de Tone Rungger alias Tone dal Ferber metüs fora por chësta mostra d’ert dl isté 2010 a Al Plan de Mareo. Laprò él inće cater

dessëgns (stüdi) cun raisplais dl nene de Tone, Berto Rungger, che ê nasciü a La Val y ê spo gnü a stè a Al Plan de Mareo. Tone dal Ferber ê nasciü dl

1923. Al â fat la Academia d’ert a Aunejia. Ël é stè n artist pitur che s‘à trat le vire por döta la vita cun dessegnè y depënje: portrês, contrades, ćiases, bandires, tofles

da trà la scëiba, liëndes ladines... Por i paesaji adorâl la tecnica a öre, por i portrês por la maiù pert le raisplais. Les reproduziuns de ćiases y contrades realisâl cun tröc corusc, püch de scür, tl stil romantich che jô fora ćiamò i agn do la Pröma vera da Aunejia. Por se trà ite val’ jô Tone Rungger inće fora Bornech a depënje, tla produziun de ceramiches dla ćiasa Kuntner. Chilò depenjôl sö aladô dla tradiziun popolara ciüfs, fajô scrites, ez., sön bocà, goti, ez. Tone é mort dl 2002 y à lascè indô n gröm de chedri da contrades y portrês fora por les ćiases, en gran pert te so paisc d’Al Plan. La coleziun da odëi a Al Plan é gnüda fora dla ćiasa de Hermann Kastlunger y de Melitta Graffonara a Al Plan. Laprò él gnü dui dessëgns da Gustl Kaneider y n gran ensemble de plü motifs a öre dla liënda dl Gran Bracun dala filiala dla Cassa dl Sparagn d’Al Plan. Interessant él por la cronica che cun la coleziun fora dla ćiasa de Hermann y Melitta él inće gnü

descurì laurs artisć de n antenat de Tone, Berto (Bartholomäus) Rungger, nasciü dl 1835 a La Val y gnü a stè a Al Plan tla ćiasa de Berto (al dédaincö “Restorant Tabarel”). Da amirè él deplü stüdi de Berto Rungger pro n maester a Minca/München, te na reproduziun strënta, neotlassizista. Inće chisc chedri é metüs fora al intern dla mostra a Al Plan y po gni odüs por döt isté tl Cafê dl Hotel Teresa. Ala daurida él stè le duo de vidores Angela Palfrader y Margareth Huber che à sonè, le salüt de ćiasa é gnü da Paul Vallazza, i salüć ofiziai da pert dl Comun de Mareo dal’assessuria ala cultura Elisabeth Frenner. L’introduziun ala mostra é gnüda da Iaco Rigo, presidënt dl’uniun EPL - Ert por i Ladins, colaboradëssa dla mostra. Tone dal Ferber é da conscidré un di maius artisć dl paisc d’Al Plan y é inće stè un di fondadus dla uniun de ert y cultura EPL i agn dan le 1960.

Na fossenara por auti eletrics A San Martin pòn da śëgn inant inće fossenè energia eletrica. La SEA à metü sö na fossenara tl zënter da San Martin. Ai 10 de messè la benedisciun dla fossenara y inće dl auto eletrich dla dita San Martin - Martin Clara, presidënt dla SEA (Sorvisc Energia Ambiënt) da San Martin l’â anunzié te na intervista a La Usc di Ladins: San Martin ess tosc ciafè na fossenara por auti eletrics. Śëgn éra tan inant. La fossenara é gnüda metüda sö tl zënter dl paîsc, tla plaza da parchè danter

18

www.lauscdiladins.com

la dlijia y la botëga de alimentars. Al vëgn ćiamò rovè ia les ultimes finëzes, por podëi avëi la fossenara al complet por le dé dla inaudaziun y benedisciun, che gnarà tignida söl post en sabeda ai 10 de messè dales 17.00. La SEA va danfora cun le bun ejëmpl, porchël gnaràl en chël dé benedì inće n auto eletrich - model

FIAT Panda. Por fossenè energia eletrica vàl debojëgn de na cherta aposta cun n chip, che an po damanè do diretamënter pro la SEA. Le cost una tantum por la cherta à ćiamò da gnì definì, mo l’energia eletrica é por n iade debann, nes vëgnel dit. (pablo)

La fossenara metüda sö tl zënter da San Martin.


nr. 25 / 03 de messel 2010

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Val de Fascia

I fascegn tol sù la gran endesfida

Bon ejit per i ejames de ladin

L Comun General de Fascia, ciareà de poder e responsabilità, pea via recordan la storica radunanza di Ladins del Sela del 1946

Passa l 70% di candidac à otegnù la valutazion de 7/10 che dèsc l met de passèr la proa

Politica - L Comun General de Fascia à tacà a mever si prumes vèresc ofiziai. Chisc dis passé l’é stat chiamà ite na scontrèda outa ai neves aministradores de Fascia, voluda dal President del Comprenjorie Ladin Leonardo Bernard adum con la neva Procuradora Cristina Donei, con l’obietif de spieghèr coche l’é nasciù la neva istituzion. A la scontrèda à tout pèrt l’assessor ai Enc Locai Mauro Gilmozzi, la dotora Patrizia Gentile, funzionaria de la Provinzia autonoma de Trent e l conseier ladin Luigi Chiocchetti. La pruma radunanza del Consei General sarà bonamenter ai 14 de messèl, na data storica - à deschiarì Cristina Donei – che vel recordèr la radunanza di Ladins del Sela apontin di 14 de messèl del 1946, de gran segnificat donca per l percors che ades à dedant noscia comunità. Sarà n gran besegn de jent con abilitèdes, competenzes, pragmatism e desponibilità – à dit la neva Procuradora – per arjonjer i doi obietives de percacenza e efi zienza che se meton dant. Ma no podarà mai mencèr l respet per la istituzions e la persones, la condivijion di

Se à serà sù ence chest an i ejames per l zertament de la cognoscenza del lengaz ladin de prum e secont livel pervedui dai decrec legislatives 592/93 e 321/97, per poder aer la prezedenza ti posć de lurier publich de Fascia. La pruma pèrt de l’ejam, la proa scrita per l secont livel (che ades l perveit ence na proa a ousc), era stata metuda a jir ai 19 de oril, e di 45 candidac che se aea enscinuà i se à prejentà de 39. De chisc ben 27, béleche l 70%, i à otegnù la valutazion de amàncol 7/10, che ge à dat l met de sostegnir ence la seconda proa, a ousc, che dapò duc e 27 i à passà. Chisc i candidac che à otegnù l patentin de secont livel: Adriano Bernard, Christian Bernard, Walter B ernard, Martina Cianciulli, Chiara Dantone, Nicola Decrestina, Stefano Defrancesco, Alessio Degiampietro, Doris Fosco, Pierangelo Giacomuzzi, Simonetta Iori, Daniela Pederiva, Sebastian Pederiva, Valentina Rasom, Valentina Redolfi, Arianna Riz, Giulia Riz, Martina Riz, Giulio Rizzi, Romina Sommavilla, Letizia Soldà, Stefania Tivelli, Rosanna Verra, Bernardino Zulian, Daniela Zulian, Simone Zulian, Valentina

valores etics, la coerenza, la gaissa e l trasport per ge jir dò a l’obietif de arjonjer l’unità de val. La parola “responsabilità” é ressutèda da più man endèna la scontrèda, responsabilità envers l passà e envers l davegnir – à dit Luigi Chiocchetti – per passèr sorafora ogne campanilism; consaputa che maor poder vel dir ence maor responsabilità – à uzà fora l’assessor Gilmozzi – responsabilità de ruol che duc arà tel nef organism – à auspicà apontin Cristina Donei. Te l’averjer la scontrèda l president del Comprenjorie Bernard, che l’à volù ge sporjer n salut a duc dant de sturtèr sù sia encèria publica, l’à deschiarì che la gran desferenza che caraterisea l Comun General da la oramai veia istituzion l’é l met de portèr inant azions aministratives nia più per delega, donca te l’inom de la Provinzia, ma per competenzes, donca da protagonist, con la piena autonomìa e coi strumenc aldò, delaìte da n chèder de referiment stabelì se sà ben da la Provinzia. Ve speta a voi aministradores ades, empienir de contegnui chesta scatola veta – l’é stat l’envit de

Bernard - acioche duta la forzes en ciamp mete a jir na colaborazion percacenta e concreta. L’é una de la più gran endesfides per Fascia per tor so davegnir te anter la mans – à dit l’assessor Mauro Gilmozzi – che dèsc l met de portèr danef na lingia de temes sul teritorie. Amò apede l’à arsegurà duc chi che é cruzié che l Comun General posse menèr a descancelèr pìcola realtèdes de comun: no se serarà nia – l’à sotrissà – ma vegnarà portà inant n fon lurier de valorisazion de chel che l’é, col miorament di standards de duc i comuns, la otimisazion de la ressorses e, se l’é meso, l smendrament de la speises. L’aspet burocratich-formal l’é stat uzà fora delvers da la dotora Patrizia Gentile, l funzionèr de la Provinzia responsàbol del Projet spezièl per la reforma istituzionèla. La dotora Gentile, col didament de na prejentazion en power point, l’à rejonà de vèresc, doeres e encèries del nef organism, deschiarian desferenzes , particolaritèdes e potenzialitèdes. Cristina Marchetti

Zulian. L’é da dir che chest an, per la pruma outa, l’é stat scrit ite a sostegnir l’ejam, diretamenter da la Scola, ence i studenc che à fat l percors de ladin tel Liceo de Fascia. Na neva oportunità che jirà inant ence ti egn che vegn, magari ence con na sescion de ejames “ad hoc” per i studenc. Ai 18 de mé enveze l’é stat la proa de ejam per l prum livel, chel demò a ousc, che dèsc la prezedenza per i posć publics te la carieres ausilières. Sun 17 candidac scric ite 2 no se à prejentà e demò 4 no i à arjont la valutazion de 7/10, donca l 73% à abù ejit positif. Chisc i candidac che à otegnù l patentin de prum livel: Orietta Brunel, Elisa Cincelli, Fausto Dantone, Michele Degasper, Braian Grasser, Eugenia Pezzei, Diego Francesco Riz, Giancarlo Sommavilla, Maria Sottsass, Elisabetta Vian, Marilia Daniela Zorzi. L’é da dir che ti dis sobito dò l’é stat endrezà ence i ejames de ladin de la Scola, che dèsc la prezedenza per chi che vel ensegnèr te Fascia, ampò chisc resultat i cogn vegnir touc dant e aproé a Trent, e donca no i é amò desponìboi.

Parèda maladeta Massimo Girardi de Transdolomites auza fora la costion de la segureza su la strèdes, en particolèr i perìcoi de la protezions de metèl

La funzionaria provinzièla Gentile, l’assessor Gilmozzi, e l conseier Chiocchetti é entervegnui a la scontrèda coi aministradores de Fascia, voluda dal president del Comprenjorie Leonardo Bernard, che resta en cèria fin a l’ensediament ofizièl del nef Comun General, e da la neva procuradora Cristina Donei.

L Comun General de Fascia La lege provinzièla n. 3 di 16 de jugn del 2006, cognosciuda desche lege de reforma istituzionèla, la ge dèsc n nef endrez al sistem de la istituzions trentines, Provinzia, Comuns e Comprenjories, tel respet di prinzipies de sussidiarietà, adatament e desferenziazion, con l’obietif de portèr la azions aministratives più vejines al sentadin. L’é tel chèder de chesta lege, che ge dèsc valor a la autonomìes locales, che vegn disciplinà la formes per l’ejercizie de la funzions aministratives da man de sociazions de comuns ti ambic teritorièi, la comunitèdes

de val. Su nosc teritorie, olache vif popolazions de lengaz ladin, vegn metù a jir l Comun General, che dal pont de veduda giuridich l’é n ent publich struturà apontin desche sociazion de comuns. L Comun General gestesc la funzions aministratives che ge à passà la Provinzia e l pel tor sù ence competenzes che volarà ge passèr i Comuns. La gran neva l’é che i trasferimenc de poder vegnarà gestii a na vida autonoma e nia più desche brac operatif de la Pat. Orghegn de chesta neva istituzion l’é l Procurador, che corespon al President de la Comunitèdes de val, l Consei

general, che fossa la radunanza e l Consei di ombolc, la Jonta politica. Dal 2015 sarà ence l Consei de procura, l’òrghen esecutif: la funzions de chest ùltim per i cinch egn che vegn ge pervegnarà al Consei di ombolc. La pruma radunanza, fissèda per i 14 de messèl, la sarà n muie formala, desche l’insediament de n consei de comun. L Comprenjorie vegnarà tout jù dò l decret de trasferiment de la funzions del president de la Provinzia e l’adozion di ac fondamentèi da man del Comun General. (cri.m)

L’azident con la moto sozedù enstadì sa Valongia à soscedà gran imprescion. Estra la solidarietà a la vitima de chel che l’é sozedù, me prem oujer l’atenzion a la conseguenzes abudes da l’impat con la parèda de metal che per tòc lonc, en particolèr te la utèdes, la serf desche protezion enlongia strèda. Rejonèr de mobilità vel dir ence rejonèr de segureza su la strèdes, donca ence de la òperes de prevenzion pissèdes per chest fin. La tuscèdes violentes con chesta sort de parèdes, estra l cajo sozedù sa Valongia, les pel se verifichèr per via del giarel su la strèda, de la velozità massa auta, de la pecia esperienza, de la inclinazion de la utèdes che de spes les “trèsc en fora” e amò de auter. Ma no l’é assà: tropa outes chi che va con la moto dò esser suté jabas i rua permez la strèda e la parèda de metèl e chest pel provochèr la amputazion de na giama o aer conseguenzes amò piores. Per limitèr o adertura schivèr chisc evenc dramatics da vèlch an la Provinzia autonoma de Busan à enjontà sotite la parèdes na fascia de metèl a ones, con chela de schivèr l risech che chi che va con la moto ma ence con la roda posse ruèr a se ficèr sot ite. Chest intervent é stat metù a jir ence forin Mont da la man de

Busan, sturtà sù endèna l’aisciuda passèda. Da la man de Trent enveze no l’é stat tout sù chest provediment, ma chest vèl ence per autra strèdes. L pensier che nasc l’é chest: tropes, residenc o no, va su la strèdes dolomitiches, desche sun tropa autra strèdes, con la moto o con la rodes. La logica e l ferstont cognessa menèr a pissèr che i provedimenc per miorèr la segureza de la circolazion stradèla i cognessa vegnir apliché dut entorn sul teritorie e no se fermèr sui confins aministratives de provinzies, regions o Stac. Canche se se fèsc n pensier sun dut chest, se rua a la conclujion spropojitèda che la probabilità che sozede n azident é più leèda a na costion de teritorie o de nazionalità che al destin o risech che aon en comun duc nos omegn mortèi. Massimo Girardi, president de Transdolomites

L logo de Transdolomites. www.lauscdiladins.com

19


Val de Fascia

nr. 25 / 03 de messel 2010

Sora desch n tòch de Cher de Fascia Gregn investimenc per la Mèlga de Ciampedel che ge à mudà inom al formai e che vèrda a sia dreta valorisazion e comerzialisazion Coscita però l’é n passaje en più... “Ei, ma l’é ence n control maor di priesc e a chesta vida podon ruar ence a la gran distribuzion. De chest vers vegn fat na politica comerziala più giusta e ruon a vener più prodot, a la fin l’é chel che ne enteressa de più. Aer più vadagn per scuerjer le speise che vegnarà dal frabicar e far scì che i sozi no ge n jonte. L’é chesta noscia politica comerziala, ge jir encontra ai sozi e ge dar so giust vadagn sul lat.”

Paolo Brunel, president de la Mèlga, con apede l “Cher de Fascia”.

Paolo Brunel, president de la Mèlga, ne porta dant bilanz e atività de chesta coprativa sozièla. Cotenc sozi èla la Mèlga e cotant de lat vegnel portà? “Ades aon 36 sozi con 24.000 quintai de lat regoet. Gio pense che te n an e mez più o manco, canche saron te la malga neva, se podarà ruar sui 27/28.000 quintai percheche l’é stat dat fora valch conzescion edilizia, per far sù stale neve e più grane. Una a Moncion de Giulio Brunel, una a Soraga de Alberto Pederiva e una a Vich de Mattia Detomas.” Cotenc dependenc aede? “Ades chiò n’aon ot.” Can sarèla enjignèda la mèlga de Pera? “Se spera che a la fin de mé, metà de jugn de l’an che vegn se posse ite. Aló vegnarà fat magasins n muie più gregn, n post olache vegnarà fat formaes a lat cruf e a lat pastorisà, l’arà si cele de stagionatura per ogne sort de prodot. Chiò sion n muie strenc, ne tocia stagionar cerc prodoc vejin ai autres, e chest no va proprio ben per la calità. Ja Pera vegnarà fat na bela boteiga, vegnarà fora ence n pìcol cartier per valch malghèr che magari no l’é del post. L’intenzion l’é chela de enjignar ence n pìcol museo co le art da bacan e da malghèr per ge far veder a la jent coche vegnìa lurà n’outa ence su le

malghe da mont.” De cotant sarèl l cost de l’investiment? “Sarà n investiment de 5 milions e 600 mile Euro che scuerjaron col 40% de finanziamenc publiches e l’auter 60% vegnarà da la vendita de chesta malga e chel che resta vegn paà dai sozi travers l lat che vegn portà, na part del vadagn cognarà jirà a amortisar l cost.” Chest vel dir che i sozi ciaparà demanco sul lat? “Podessa esser ence se vardaron de ge dar semper l medemo vadagn. Aon tenc joegn che é dò che se fasc su na stala neva, che i à mutui e no podon se permeter de jir sot a na certa zifra. E tel valif moment aon la gran speisa de la malga neva. L’é per chest che aon tout la dezijion de jir col Consorzie “Formaggi del Trentino” olache l’é ite duc i più gregn marchies.” Podede ne spieghèr miec? “L’é semper stat che na part de prodot vegnìa venuda dal Consorzie e na part se la tegnaane noi per se la vener fora enstesc. Enveze ades, da jené del 2010, duta la comerzialisazion vegn fata dal Consorzie e vegn faturà donca dut da el, fora che chel pech che se tegnon per noscia boteiga. Ensema col Consorzie se é dò che se cer la strada giusta per la dreta valorisazion de nesc prodoc.”

Vèl de chest vers ence l “Cher de Fascia”? “Ei, ben segur. Aon pensà de ge dar n nef inom al “Nostrano de Fascia” per l valorisar miec. N inom nef, fascian, leà a noscia val e a l’imagine turistica. Canche saron te la neva boteiga de Pera, più grana e sun stradon, proaron te dute la maniere a l valorisar semper de più.” Fin olà vegnel venù l Cher de Fascia? “Na gran part la vegn venuda tel Trentin e valch rua ence fin a Milan. Più en ju na percheche muda i gusć e no daperdut vegn aprijià chisc saores.” Co se fajel a aer la DOP? “Per la DOP vegn creà na zona che cogn esser n muie grana. Per ejempie per la DOP del Puzzone l’é stat tout ite l Primier che l’é coleà col Parch de Panevelge a la val de Fiem (le malghe de Ciavaleis e Pardac) e la val de Fascia co la malga de Ciampedel. Inant de l’uton la domana de zertificazion del Puzzone la ruarà al Minister per le politiche agricole e alimentare de Roma per na publica audizion olache vegnarà prejentà l nef disciplinare de produzion, dapò la vegnarà touta dant da l’Union Europeana e fosc te n an la vegnarà conzeduda.” L Cher de Fascia no podessel l’aer? “Ge volessa aer na zona più grana e tor ite più malghe. Per l Cher de Fascia se pel pensar a autres recognoscimenc desche l presidie Slow Food, o la zertificazion del CSQA che recognosc la valuta e la tipicità del prodot. Na part de la produzion del Cher de Fascia podessa zenz’auter se vadagnar una de cheste zertificazion.” Cotanta de formes fajede de Cher de Fascia? “Per l 2010 aon na previjion de 10.000 forme de Cher de Fascia che l’é l 40-45% de duta la produzion. De chesta se tegnon l 30% per vener sul teritorie.”

Con la neva senta la Mèlga de Ciampedel podarà smaorèr la produzion e miorèr la comerzialisazion de si prodoc.

20

www.lauscdiladins.com

L’é doi egn e mez che siede president, che él mudà te chisc egn? “Te chisc egn aon cognù corer percheche se aon troà tedant al besegn de chisc gregn investimenc. Prum de dut l’era gran besegn de aer na malga più grana, chiò ades se fasc fadìa a aer i requisic che serf per jir inant, ence sot l’aspet sanitarie. Dapò ge à volù mìngol se dar da far per se far cognoscer dal

A Pera va inant i lurieres per la neva senta de la Mèlga de Fascia.

Consorzie, per aer n post de valuta delaìte de chest grop. La malga de Ciampedel da soula più che tant no la é bona de far, ence percheche l’é la Federazion che comana e che met le condizion per vener. A star col Consorzie ge n vadagnon, gio é batù n muie sun chesta strada. L fasc certificazion, assistenza tecnica, l’à i strumenc te man per ne didar ence te la produzion del formai; certe oute col formai ge vel mudar la rezeta per elemenc desvalives che lo modifichea, te chisc caji l’é i tecnics che vegn e ne conseia co far. E dapò per grazia le coprative de la val le à semper abù na certa atenzion per la malga de Ciampedel e per nesc prodoc.” Che Ve metede dant per l davegnir? “Far su la neva malga, verjer la boteiga, vardar de troar le persone giuste che sie bone de vener delvers nosc prodot. Se spera che anter bachegn se vae semper più d’acort. Dapò fossa bel poder valorisar ence

dute le malghe sa mont, a Vich e a Soraga valch l’é jà stat fat, sion dò che luron ence te l’auta val. Ence se cogne dir che i Comuns e le Asuc le é n muie sensìbole sun chest.” Che vegnarèl fat de la veia mèlga de Ciampedel? “Sion dò che proon a la vener, ma l’é n problem, percheche acà n pec de egn i à fat na varianta al pian urbanistich e ge é stat dat na destinazion urbanistica soziala e chest ne penalisea percheche l valor del frabicat l’é n muie mender. Chiò l’é semper stat destinazion comerziala, demò coscita podassane la vener a so giust valor. L’aministrazion somea che l’aesse capì e che l’aesse la volontà de far n cambie de destinazion. Aboncont no sarà na speculazion percheche i scioldi che se ciapa i vegn reinvestii e donca i jissa semper a dar n benefize sozial.” Intervista de Monica Cigolla


Val de Fascia

nr. 25 / 03 de messel 2010

N viac anter passà e anchecondì, miran retrac de gran beleza En ocajion de la Sègra de Sèn Vile a Moena l’é stat metù fora te Navalge doi mostres de moenac che, te tempes e modalitèdes desferentes, ge dèsc luster a duta Fascia

N gran aprijiament per i cinch “Cucaloch”

L’autoritèdes e i organisadores a l’inaugurazion de la mostres.

“L’amor per noscia tera dèsc de crescimonia, la valorisazion e la bogn fruc”. Chesta paroles, fosc promozion de la cultura, l’identità banalisèdes da la doura te na veia e la storia ladina, e dapò più avisa reclam, l’é l fil che lea doi mostres, te la mostra del Canori l’é jit ite deldut desferentes che se pel veder Federico Zanoner, che à rencurà tel teater de Navalge a Moena. chesta esposizion. Chesta l’é demò Una de dessegnes de musc, fac na pìcola selezion de duc i presciapech acà mez centené da n dessegnes de mie giaf – à dit l nez personaje moenat cognosciù e del Canori. L’é stat chierì fora aprijià (ades che no l’é più), l’autra soraldut i dessegnes de la jent da de fotograf ìes naturalistiches de Moena, che i moscia la volontà de gran beleza fates aldidanché da n mie giaf de jir ite anter la jent, de se averjer a la comunanza. grop de pascioné da Moena. La doi mostres, una a pepian e una sun aut, é states enaudèdes en sàbeda passèda, dì de Sèn Vile. La neva assessora a la cultura de Moena Ilaria Chiocchetti, ensema a la Procuradora Cristina Donei, che ge stèsc apede a sia ritadina te l’endrez de la scomenzadives culturèles, à prejentà la doi scomenzadives una dò l’autra, palesan la sodesfazion per poder ge sporjer a la jent da Moena Un di bie sogec de la mostra di “Cucaloch”. e ence de duta Fascia de scì bie prodoc, frut de la braùra, So obietif de durèr l lapisc no ma soraldut de l’amor per sia tera, demò desche strument de de chisc moenac. aplicazion academica, ma ence de N intervent de aprijiament per enrescida e de studie de sia jent, la valuta di autores e per l’empegn rich de partezipazion ence emotiva, desmostrà é stat portà dant ence vegn palesà dai intervenc che l dal conseier provinzièl Luigi Canori à amò fat te n muie de chisc Chiocchetti, e dapò la parola é jita retrac temp dò, jontan ite trac più ai autores, curatores e organisadores marché, o notes biografiches o sul de la doi mostres. carater de la jent touta jù. Per chest L president de l’Istitut Cultural – à dit amò Federico Zanoner – l’é Ladin Antone Polam à sotrissà l de giust che chisc retrac no i reste gran valor de chesta jent da Moena, demò te la majons de familia, ma che l’à dat e la seghita a dèr n i posse vegnir metui a la leta de contribut fondamentèl per la duta la comunanza, e donca,

L’esposizion di retrac de nosc ambient te Navalge.

amàncol chi che revèrda la jent da Moena, i ge vegnarà lascé en don a l’Istitut Cultural Ladin, che da n muie de egn l’à portà e l porta inant n gran lurier de recuperazion e valorisazion de l’opera del Canori – l’à dit rengrazian l diretor Fabio Chiocchetti e l staff de l’Istitut per chest bel e gran lurier. A la inaudazion à tout pèrt ence la vedova del Canori, Concetta Bevilacqua, che con spirit gaert e feruscol che no moscia segur si 94 egn, l’à portà dant paroles de rengraziament pienes de comozion.

Descorir noscia belezes col Cucaloch N gran batiman à saludà i cinch pascioné de fotograf ìa e de natura autores de la seconda mostra. La jent aea jà abù l met de veder la esposizion de retrac: presciapech na sessantina, de gran format, un più bel che l’auter, e amò apede compagné da didascalìes gustégoles, per ladin e per talian, che fèsc pissèr e aprijièr amò de più dut l valor e i segnificac che à ence la pìcola robes che nosc ambient ne sporc. Te sia esposizion Livio, Alberto, Ennio, Elio e Alberto i ne moscia particolères da restèr encanté, paesajes e monc con na lum che se pel “ciapèr” demò a stèr ores e spetèr l moment giust, per no parlèr de la besties, fermèdes proprio te chela posizion o situazion che se pel arjonjer demò canche se met ensema la pazienza de l’apostament, la capazità de coer l moment giust e la braùra tecnica. I cinch “Cucaloch” moenac no vel segur “se fèr veder”, no i à nience volù palesèr l’inom de l’autor de ogne retrat: duc ensema aon cernù colugn meter fora e duc ensema se scrivon desche autores – i à dit. A na vida scempia e sćiantiva i à portà dant ensema con la sodesfazion per l’aprijiament abù, i obietives de so projet: fèr veder i fruc de sia pascion, empegn, temp, e sacrifizies, ma soraldut envièr duc a ge vardèr con eie mìngol più ascort a nosc ambient, a ge voler più ben e a l respetèr. De la

sociazion “I Cucaloch” aane jà scrit su La Usc. De più se pel dir che chesta mostra la é dassen beliscima, e che paa proprio la speisa jir a la veder.

Da la musega al lapisc: l talent ecletich del Canori Se trata dassen de na mostra neva e particolèra, chela che l’Istitut Cultural Ladin à enjignà per chest istà 2010. Na lingia de retrac, musc de jent, per gran pèrt da Moena, che desche la tesseres de n mosaich deida a meter ensema recorc e momenc de vita passèda, leé a persones che per gran pèrt oramai la é se n jita per semper. Ma apede a chest aspet leà ai recorc e a la valuta storica, che la jent, soraldut chela da Moena, à podù aprijièr vardan chisc retrac, la maor marevea de la mostra l’é la descorida de n gran patrimonie artistich nasciù dal lapisc de n moenat de nonzech, Ermanno Zanoner, più cognosciù con l’inom de Luigi Canori desche componist e musizist, e che chiò desmostra n gran talent artistich desche dessegnador, bon de moscèr e fèr entener adertura l carater de la jent travers sia esprescions, con gran atenzion e capazità fisiognomica. Luigi Canori (1907-1991) l’é un di personajes de maor nonzech de la storia culturala de Fascia del XXem secol, che à vivù anter la Liguria - olache l’ensegnèa - e Moena, tegnan semper n leam strent co la tera olache l’era nasciù. En ocajion di cent egn da canche l’autor moenat era nasciù, l’Istitut Cultural Ladin, de gra a la

colaborazion de Federico Zanoner, nez del Canori e curador de chesta esposizion, l’à envià via n projet de ordenament e studie de na rica regoeta de documenc mai publiché, conservé a Genova da la vedova de l’artist, Concetta Bevilacqua, o Busan da la sor Veronica Zanoner. Dal studie de chesta documentazion de desvaliva sorts – dessegnes, letres, fotograf ìes, partidures, scric de poejìa, bloch notes, registrazions audio e c.i. – l’é vegnù fora n gran numer de retrac che Canori à fat anter l 1947 e l 1981, per la maor pèrt sun sfoes format album o sun bloch notes. La mostra, dal titol “Anter la jent/Tra la gente”, met al luster la maniera deldut particolèra te chela che l’artist, ensema co la musega, l’à raprejentà e consegnà a la storia sia tera. Apede a na selezion de chisc “musc”, l’esposizion documentea etres aspec de l’ecletich Canori: l scambie de letres con l Zerilo Dell’Antonio Bora, che met al luster sie raport de colaborazion con la Scola d’Èrt reta dal zipiador moenat te so paìsc, e la registrazions de bona calità radiofonica, n’autra pascion del Canori che aea colaborà con la Rai de Busan desche coordenador de programes radio per ladin. La esposizion restarà fora tel teater de Navalge a Moena enscin ai 21 de messèl olache se podarà la veder da les 17.00 a les 19.00 e da les 21.00 a les 22.30, dò la vegnarà portèda ló da l’Istitut Cultural Ladin dai 9 de aost enscin ai 3 de setember. Lucia Gross

L fi e l nez de Ermanno Zanoner te anter i retrac fac dal musizist-artist. www.lauscdiladins.com

21


Val de Fascia

nr. 25 / 03 de messel 2010

Elisa Vian e sia straordenèra esperienza de Erasmus Te n liber de 300 piates la joena da Vich ne aur l’usc a spalanch sun nef meisc de sia vita “mata” a Cracovia, che ge à permetù de descorir ciantons descognosciui del mond e de se enstessa Elisa Vian l’é na joena de 23 egn da Vich. Dò l liceo scientifich al Rainerum a Busan, la é jita a studièr psicologìa a Roma, a la Sapienza, olache la é al 3° an e chest an la se laurea. L’an passà la é stata per nef meisc a Cracovia, en Polonia, a fèr na esperienza Erasmus, n projet che ge permet ai studenc de jir a studièr per n trat te l’Università de n Paìsc forest, travers na cordanza anter Università. Da chesta esperienza l’é nasciù n liber, che l’é vegnù fora l meis passà. Te “Il diario di un Erasmus” Elisa ne conta te 300 piates doicentesetanta dis de sia vita, zenza sconer nia, descheche se fèsc apontin te n diarie. Dì per dì la ne envìa a cuchèr ite te chest temp de sia esistenza, fosc mìngol più trasgressif che etres, ma segur emportant per sia madurazion. Treicent piates no l’é pech, ma chest l’é n liber lijier, che se lascia lejer sorì: Elisa sà contèr metan apede con n bel stil fac e riflescions. Te chesta piates la se met endirao “a nut”, e te chest temp olache a n muie de jent ge sà bel vardèr ite per busc de la chief chel che fèsc i etres tel privat, magari per dapò i giudichèr con (vero o faus) moralism, Elisa aur l’usc a spalanch, empean ma ence destudan coscita la coriosità maliziousa del publich da “Grande Fratello”. L’amor, l’amicizia, i devertimenc, l ses, la nets ti locai a balèr e beiver, i studies: dut ne vegn contà a na vida sinziera. Vèlch outa autocritica, ma ence zenza faussa modestia, Elisa conta a la medema maniera i suzesc e i falimenc, l’entusiasm e la delujions, co la convinzion che dut deida a crescer. Vèlch piata più poetica o fona, de valuta soraldut conscidran che a la scriver l’é stat na joena de 23 egn, fèsc aprijièr amò de più l liber e fèsc desmentièr vèlch pìcol fal ortografich che chiò e ló l’é stat bon de sciampèr a la corezion de bozes. L liber “Il diario di un Erasmus” l’é vegnù fora per “La Riflessione” de Davide Zedda, n editor de la Sardegna, e ai l8 de messèl l vegnarà prejentà te na libreria a Roma, olache de setember l’é pervedù na prejentazion amò maora te l’Università. Se pel l troèr tel web su: www. larif lessione.com - www. libreriauniversitaria.it - www. deastore.com e etres, o chiò entorn

senso che i é proprio algegres e n muie averc. Na zità “solare” donca? Scì, scì. Ence perché l’é semper n muie de soreie e l’é semper n muie ciaut.

La soracuerta del liber “Il diario di un Erasmus”.

da Athesia a Bornech, Libreria Mardi Gras a Busan e Libreria Ancora a Trent. Se pel ence l domanèr diretamenter a l’autora o a chi de cèsa a Vich o te noscia redazion. Nos endèna aon domanà fora Elisa per se fèr dir vèlch de più sun ela, sun coche l’é nasciù chest liber e la reazions che l’à soscedà enscin ades. Co éla che tu as dezidù de far psicologìa e de jir a la far a Roma? Fin da picola aesse semper volù studiar medejina, ma doi meisc dant de me scriver ite a l’università é capì che en realtà volee cerir de curar le persone no tant dal pont de veduda medico, che l me someaa freit e zenza gran partezipazion emotiva. Con la psicologìa se pel curar la jent con la comunicazion, la partezipazion a le medeme esperienze e sensazion. Poder didar apontin a n livel più fon, chest l’é chel me sente de voler far. E dò trei egn de studies este amò segura de chest? Scì, amò de più. E più studie e più capesce che l’é apontin mia strada. Son convinta al 100% che l’é per me. É cernù Roma percheche en quarta superiore sion jic 5 dis a Roma a far n viac con la clas e me é proprio enamorà de chesta zità fantastica. Amò ades daperdut olache vae se me varde dintorn veide semper valch da maraveous. E dapò ence i romani l’é proprio tipi ”ganzi”, tel

Elisa e n grop de amisc de l’Erasmus fèsc festa a Cracovia.

22

www.lauscdiladins.com

Enveze Cracovia no tant? Eh na. Gio tempruma per l’Erasmus aee domanà la Spagna; canche i me à dit che aesse podù jir demò a Cracovia é dit “l’emportant l’é partir”. Chiò aon ence valch pregiudizie su la Polonia e chi paìjes de l’est, ma é dit ”proon”. Aboncont canche son jita via no l’é stat tant freit, é ciapà un di egn più ciauc. Canche son stata aló dapò l’é stat n muie desferent. Soraldut “esser en Erasmus” vel dir esser te na certa condizion. No tu vas aló per studiar per cont to, ma con joegn da l’autra part del mond che tol part a chest projet e se doventa béleche desché na familia, desché n popol che te partegn e tu tu ge partegne, l’é zeche che te dasc segureza e protezion. Cracovia no la é tant grana e duc i gropes i era n muie leé, saron stat en dut 600 bec, e a Roma 600 i é demò te n picol cianton. La zità la é n muie bela, l’à na piaza n muie grana olache rua tante strade che l’era n ritrovo per duc, e per me la é magica. L’era desché se fosse stat n grop de agnoi che me defenea, me sentìe n muie segura. L’esperienza Erasmus la é segur bela e emportanta, ma n muie de studenc i la fasc, e no duc scrif n liber. Co éla che tu te as pissà de scriver n liber? Percheche chesta esperienza la me à dassen dat n muie a livel de crescimonia personala e volesse condivider chesta mia sensazion e aventura con tantiscimes joegn, che i ciape gaissa ence ic a jir fora. No desche n viac olache tu te ferme na setemana o doi, tu dorme te n alberch e dapò tu vegne de retorn. No l’é la valiva roba. Jir te n post a la foresta e viver descheche i vif ic, o demò partir da soul e studiar aló, se endrezar la vita aló dalonc da duc i parenc, chi de ciasa e amisc e te crear na neva vita dal scomenz, l’é na gran possibilità per cognoscer miec l mond ma soraldut se enstesc. A mi, fosc più che a autres, chesta esperienza la me à tocià fin junsom. Fosc percheche me piasc esplorar i segnificac de la vita, de chel che sozede, analisar mìngol e descorir robe de la situazion olache se se troa... e dute le situazion de l’Erasmus le é state coscita incredibili! L’é semper stat n mie ensomech scriver n liber, ma no é mai abù l’idea giusta. N’é scomenzà n muie, ma no aee chela gaissa de jir inant, me menciaa semper valch. Jà da pìcola, scrivee contìe con apede i dessegnes, mia mare l’à tegnù sù duc chisc librec, e é semper scrit mie diarie secret. Chest pel esser conscidrà desche l diarie de l’Erasmus. L’aste scrit dì per dì? Na, l’é scrit dò, ma m’é recordà

dut istesc. L’era na mia amica che seghitaa a far foto, proprio a dò a dò. A ge vardar a cheste foto me é recordà dut chel che aee fat. L’é stat na esperienza dalbon piena che é volù meter per scrit. Can aste dezidù de l scriver? Son pontada demez a la fin de setember del 2008 e son vegnuda deretorn l prum de messal del 2009, entorn la fin de mé m’é pissà de scriver l diarie, ma no troae mai l temp per tacar ite, percheche aee da studiar n muie o ence jir stroz coi amisc. Canche son vegnuda deretorn, via per l’istà, me é tout l temp per star te familia e scriver l diarie. Co aste fat a l publichèr? Dò l’aer scrit l’é stampà, ge é vardà amò na uta per le corezion, e ge l’é manà a 30/40 editores che aee troà te internet, chi che tol dant scritores “emergenti”. E é spetà le resposte. Valch una la é ruada sobito, n’era de chi che me domanaa n muie de scioldi per l publicar, ma me é pissà che se i volea coscì tenc de scioldi no ge enteressaa dalbon mie liber. É ciapà 10 o 15 resposte, ma nesciuna me dajea la segureza che i l’aesse let. De firé me é ruà na letra da la ciasa de edizion de la Sardegna “La Riflessione”, olache i me fajea i complimenc per coche l’aee scrit, con apede ence n pìcol libret per me far veder che che i aea amò publicà. I me à domanà n pìcol contribut, ma chest l’é ence giust, n scritor emergent no l pel pertener che i te publiche l liber zenza paar nia. Gio é pissà che chesta l’era la proponeta giusta. Ic i endrezarà ence na prejentazion del liber a Roma, olache volesse tor ite duc i studenc. Che reazion aste abù te ciasa a to liber? A mie pare ge aee dat mia stampa da se lejer fora endana che spetae na resposta dai editores. L se à metù le man ti ciavei per l contegnù. Ma bon bon, chesta l’é la verità. I genitores volessa semper che i fies sie i miores. L’é bel ence per chest mie liber, percheche l’é la verità nuda e cruva, no é sconet nia. Gio peisse che a la fin duc i joegn se troarà laìte... E toa mare? No la l’à amò let. No la se à amò fidà! Co éla che tu as cernù chest tìtol? L’é n tìtol n muie chiar che fasc entener sobito che se trata de n diarie olache vegn contà dut chel che é fat te nef meisc de mia vita, no demò a livel esterior, ma ence daìte de me. Da grana veste far la psicologa o la scritora? Gio da grana voi far tante robe. Endana l’Erasmus se se n ascorc che se à n muie de ressorse, che no le se palesa fin che se fasc la vita da duc i dis. Aló se se troa proprio nuc e cruves, e se se n adasc che se pel

N bel prum pian de Elisa Vian.

far dut chel che se vel. A mi me piajessa scriver autres libres, percheche scriver l’é n muie bel, me piajessa me spezialisar en psicologìa, ma chela leada al teater, far na terapìa teatrala, crear na compagnìa e viajar te n muie de posć, far na terapìa del “sorriso”, de la legreza. Aste jà abù esperienze de chesta sort? Ei, l prum an che ere a Roma é fat n cors per emparar le basi del teater e aon metù en pe n spetàcol “La tempesta” de Shakespeare. Fae ence psicodramma, na tecnica terapeutica per recognoscer, travers l se imedesimar te desvalives personajes, part de te che magari no tu saee de aer. A la fin noi sion na facera, e donca no ge volessa se tor massa sul scerio, no ge volessa se cruziar massa. Coluns él stat i momenc che te é resté daìte? Endana l’Erasmus é abù n muie de conquiste, che podessa somear pìcole, ma ite de me le é n muie grane, che me à dat gran sodesfazion. Canche ere al secondo an de università é fat n cors per doventar istrutora de fitness a Roma, é ciapà l diplom e da canche é 21 egn ensegne te palestra. E no me aesse mai pissà che podee ensegnar ence per ingleis, é proà e la é jita benon. É creà n grop con mi amisc Erasmus olache ge ensegnae fitness per ingleis. L’é stat beliscim e n muie aprijià. Dapò é vivù te ciasa per nef meisc con joegn omegn. No aesse mai cherdù, ma l’é n muie miec che co le femene. I me n’à fat passar de ogne sort, ma i me à ence fat entener cai che l’era mi limic, olache cognee lasciar esser, no me empontar. Viver l “carpe diem” l’é la roba più emportanta, se goder la giornada zenza tenc de cruzies, che che vegnarà vegnarà, zenza se iluder, percheche la ilujion l’é la pruma roba che te crea l dolor te la vita. Intervista de Lucia Gross


Val de Fascia

nr. 25 / 03 de messel 2010

Neva viesta per l Roda de Vael Te na bela dì de pien soreie la Sat, patrona de la utia, e l gestor Bruno Deluca de Nenucia, i à festejà i lurieres de restruturazion del refuge

Desvaliva autoritèdes à tout pèrt a la festa de inaudazion di lurieres de restruturazion che ge à dat na neva parbuda al refuge Roda de Vael. (foto Alfredo Weiss)

Na bela dì de soreie à enlumenà i bie monc del Ciadenac en domenia passèda, canche la Sat, ensema con l gestor Bruno Deluca, à volù festejèr i lurieres de restruturazion del Refuge Roda de Vael. La utia da mont, che à da pech festejà i 100 egn de vita, à troà na neva foja con la scandoles de legn e la porteles de color bianch e brun carateristiches di refuges de la Sozietà di Alpinisć Tridentins – descheche à sotlineà ence Paolo Scoz de la Sat, tel portèr dant i aspec tecnics de na restruturazion

che à vardà de miorèr i servijes ence dal pont de veduda ambientèl, con i tulins del soreie per la produzion de l’energìa. Dò la bela messa a l’averta ofizièda da fra Aldo, l menacrep Bruno Deluca, che da cinch egn gestesc l refuge, ge à dat la parola a la autoritèdes ruèdes enscin al Roda de Vael per l’ocajion. A orir la lingia de intervenc l’é stat l president de la Sat Piergiorgio Motter, che à aprijià l’intervent e rengrazià duc chi che à didà a l portèr a compiment, recordan che

n refuge cogn restèr n refuge, e no pel esser n hotel. Paroles de aprijiament per chest refuge e per la gestion de Bruno Deluca é ruèdes ence da man de la presidenta de la sezion Cai Sat del Zenter Fascia Christine Gögele Fontana, che à tout l’ocajion per ge uzèr fora al president Motter l gran besegn che tel programèr i entervenc de restruturazion l diretif de la Sat Trentina se recorde ence del Refuge Ciampedìe. De bela paroles de salut e de aprijiament per l valor de nesc monc é ruèdes ence da l’ombolt de

Vich Franco Lorenz, e da la Procuradora del Comun General Cristina Donei, che à portà ence l salut del conseier Luigi Chiocchetti.

Dò i descorsc e i batiman, a duc ge é stat sport n bon sluch e dapò i à podù se refizièr con n bon piat da mont. (lg)

Chi él pa? Soluzion del retrat su La Usc nr 24 L retrat che aon publicà la setemèna passèda ne era stat portà da Anna Bernard vedova Favé da Ciampedel e l’era stat fat sun Sela apede al Refuge Valentini. L’é sù apontin i gestores e l personal che lurèa te Refuge. A ne dèr la resposta, apede a Anna Bernard l’é stat Vigilio Lazzer da Ciampedel e l’à proà ence Lino Medico da Poza che l’à trefà demò l numer 7. Tant Anna che Vigilio i é a una che sul retrat l’é: 1. Carlo Valentini Soricia; 2. Rita Soraruf de Muc (mère de Vigilio); 3. Aurelia Valentini (sor de Carlo nr 1); 4. Anna Bernard vedova Favè; 5. Carlina Valentini (sor de Carlo);

7. Gioachino Spinel da Fontanac. N dubie resta enveze per chel che vèrda l nr 6, che per cont de Anna fossa n Vittorio che vegnìa da Fedom, enveze per Vigilio l’é Osvaldo Ninz. Fosc vèlch auter letor podarà ne deschiarir chet dubie sul numer che vegn. Endèna ne é amò ruà vèlch prezisazion en cont del retrat de la scola de muradores, publicà su La Usc nr 22, da pèrt de Ivo Vadagnini del Ciavadela, da Moena enciasà a Mazin e che l’era sun chel retrat con l numer 8. Se trata de n retrat de gran enteress per meter ensema n picol chèder de noscia storia, ence se la calità del retrat no la era proprio n muie bona. Ivo ne à dit che chela scola era stata tegnuda ti invergn

1954-’55 e 1955-’56; la pontèa via dò i Sènc e la jìa inant enscin da Pèsca, per 6 dis en setemèna 8 ores en dì. I maestres l’era Aldo Deflorian da Cianacei, che l’ensegnèa teoria duc i dis inant marena da les 8 enscin les 12 te la veia scola mesènes e ex scola d’èrt, e Gio Batta Vadagnini “Noni”, da la una enscin les 5 domesdì l’ensegnèa la pràtega ju da la Copara. “A la fin di doi egn de cors – recorda Ivo - l’é ruà sù i professores da Trent a ne far i ejames e a ne dar i diplomes. L’é stat fat ence valch laoro emportant, come per ejempie l teater del veie asilo de la parochia, che per chi egn aló l’era jà valch da bel.” Ivo l’é a una sun béleche duc i

inomes che i ne aea dit e che aane publicà su La Usc nr 23, fora che sun dotrei: en cont del numer 10, che ne era stat segnalà (con dubie) desche Flavio March, Ivo l disc che fossa Armando Daprà del Cialin; l numer 11 (che aane scrit n Dariz da Fodom) fossa per Ivo Gio Batta Chiocchetti del Cherlo. Ivo no l’é a una amò sun vèlch auter inom, ma se trata de jent da Soraga che fazile Francesco Pederiva de la Romana e Carletto Rossi del Baila, che aea responet l’autra outa, i cognoscea miec. Ge sporjon n bel develpai a Ivo e a duc chi che ne à didà ence chest’outa a troèr fora la jent, e ajache la setemèna passèda aon scrit del pelegrinaje de Ospitalità

tridentina a Loreto, chest’outa ve meton dant belapontin n retrat (no tant veie) fat en ocajion de n pelegrinaje. No ve dijon nia de auter, ajache l’é belebon sorì recognoscer la jent che l’é su. Ge sporjon n bel develpai a duc chi ne à dat sia resposta. Speton voscia respostes te redazion a Sèn Jan per telefon o fax al numer 0462.764545, o per mail a la direzion lausc@ ladinsdefascia.it. Ve envion ence desche semper a chierir fora e ne portèr i retrac veies che aede te majon, per seghitèr a viventèr noscia rubrica e ne didèr a meter ensema vèlch mizacola de la storia de noscia jent.

10

13 11

15 2

12

14

9 8

4

7

6

1

5

6

2

3 1

3

4

5

7

www.lauscdiladins.com

23


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

nr. 25 / 03 de messel 2010

La Diòzeji riorganizeia le Foranie, ma Fodom no perdarà suo Decanat Na dezijion voluda dal Vësco nstëss. Mons. Murer:”Senn de respét per la storia gloriosa passada sot la Diozeji de Persenon” Picola rivoluzion nte la strutura organizativa dela Diòzeji n Agordin, che l vedarà se riduje da 4 a 2 le Foranie. L decret firmé nchëstadì dal Vësco Mons. Andrich, l perveiga defati l’union de le Foranie de Canal de Ègort, che tòl ite le paròchie de la Val del Biois e de Ròcia, che tòl ite le paròchie del Aut Cordoul, con chëla de Ègort. Na rivoluzion che no tocarà però Fodom, che l mantignarà suo Decanat, (le paròchie da La Plié e Rèba) auna a Còl. La gauja de chësta riorganizazion la va cherida, mprumadedut, nte la manciánza très plu cronica de prevesc. Da chilò l debujen de razionalizé le forze che l é “sul ciámp” e le fè laoré nte contesć plu funzionai a la realté de le comunité. Na dezijion nia saurida chëla de jì a toché paròchie e decanac, coche à sotlineé ence l Vicar dela Diòzeji don Luigi del Favero nten articol, perciéche se trata de realté liade al teritòr, a la tradizion e al sentì de la jent. E jì a

le tò via o le cambié de sciòlito vol di descedé polemiche e proteste. Per chëst l Consei Presbiterial, che à adoté chëste dezizion, no l à volù tignì cont de na divijion de la Diozeji n Foranie drio critèrs storizi o geografizi (per ejemple per val) o demografizi (drio l numer de abitánc) , ma plutòst drio critèrs de funzionalité. Critèrs che i é stèi n pratica deroghèi demé per l decanat da Fodom, per volonté del Vësco Andrich n persona, coche spiega scior degán da La Plié, Mons. Alfredo Murer. “Nte riunion jun Ègort” l conta,”valgugn ava fat la proposta de fè na Forania sola nte dut l Agordin che fèje cè a Ègort. Ma a chësta s’à paré proprio l Vësco, che l à dit “L Decanat da Fodom no se l toca.” La manciánza de prevesc spò se la sent très deplù ence nte chëste val, ulàche nviade le vocazion le floriva. E la gliejia la mossa core ai ripari, coche se disc e se organizé. “Si l prinzip l é chël de mëte auna le forze” spiega

nconra Mons. Murer, “de creé comunité plu grane ulàche se pòbe de daidé fòra merio un con l auter. Coche ven fat bele da temp per ejemple n Zoldo o a S. Giustina col coscita clamé “Preve n solido”. N pratica deplù prevesc i vif nte la medema calònia e i “gestisc” deplù paròchie, ulàche duc i é nominèi plevàns de dute. A chësta moda se un no ciafieia a jì a di na Mëssa po’ ji chël auter. Chëst sistema l à porté però ence chèlche lamentela, perciéche coscita la jent la no capìsc plu chèl che l é suo pleván. Nlouta l’é stada creada la figura del “moderadou”, a na mòda che siebe très plutostr un sol preve che vade nte la medema paròchia e l vegne sostituì demé n cajo de debujen. Podarà suzede coscita ntel davignì ence nta Fodom. N ejemple l é bele ja Còl, ulàche l preve l à trei paròchei, tra l auter nte doi Foranie, nte chëla de Ègort e Còl ntel Decanat da Fodom.” Da spëss se sent a di che no jiarà via trop che

L’invajion pazifica de 18 mile ziclisć Troc i apuntamenc organizèi sa na Rèba per la Sellaronda Bike Day, co la Bánda da Fodom, l Grop da Bal, l stand dei Scizeri. L assesor Manuel Roncat:”On porté vèlch de nòst. Stemprade le polemiche su per le gare de ròde”

L’invajion” dei ziclisć sa na Rèba. (Foto: Roberto Grones)

Ròde - Zirca 18 ciclisć à tout pèrt ndomënia passada a la Sellaronda Bike Day, la manifestazion reservada a le ròde. Per l’ocajion i cater jous dintourn l Sela i é stèi sarèi al trafico dei auti da le 8.30 a le 15.30 e coscita i amánc de le doi ròde i a podù se giaude per cinch ore i 55 chilometri de strade e i 1780 metri de dislivel total demè per lori, nten scenar da iè lascé i ogli per la bela giornada. Troc ence i “vip” che à volù tò pèrt a chësta giornada nia competitiva, come Maria Canins, Isolde Kostner e Gilberto Simoni. Per garantì n’assistenza ai ciclisć sul percors l eva sté metù su dei pòsc da podei comedé le ròde e na stazion de prum aiut. Sui jous i ristoránc i proponëva l “piat del ziclist” per spòrje vèlch da toch a chi che volëva se giuade na gionrnada de sport, ma souradut de relax, dalonc dal stress de la vita da vignidì e souradut de la competizion. Ence Rèba s’à njigné polito per chësta invajion pazifica. Da le 8 dadomán l Capocomun Ugo Ruaz, con damprò

24

www.lauscdiladins.com

doi jovene col guánt da fodoma, l à taié simbolicamente la vëta per de l via a la manifestazion, ntánt che la Bánda da Fodom la deva l bon dì n mujica. Ntourn mesdì l é l Grop da Bal da Fodom che à fat se fermé na mucia de jent a cialé ai biei bai. Sot gliejia i Scizeri da Fodom i ava metù su n stand ulàche i deva fòra da mangé e da beibe. Content de coche l’é juda l assesor al turismo del Comun da Fodom, Manuel Roncat. “L bilánz l é de segur plu che positif” l disc, e chëst grazie souradut a le associazion che s’à de da fè. Zerto ence la bela giornada l’à daidé prò. L’é stada na nòsta volonté come Comun, n colaborazion co l’Aft, chëla de volei creé chisc momenc de ntrateniment per i ciclisć, per i acòlie, i é fè vedei vèlch de nòst. On volù ence, a chèlche moda, antizipé chël che sarà l tema de la Maratona dles Dolomites de ndomënia, che sarà “Eco?Logical”. Defati i donadous de sánch da Fodom i à porté sun Pordou e Ciaulonch e a Rèba nvalgugn bidons per inzentivé e

sensibilizé i partezipánc a fè la diferenziada. N gran contribut à de ence carabinieri e polizia. L Comun à fat sua pèrt e l à tout su 8 jovegn, 2 per dutoldi, che i à tignù nët e remonè su a la fin de la manifestazion i jous de Pordou e Ciaulonch. E mpèr che l mesagio l siebe passé, perciéche l é ste sturté su trop mánco refudam respét ai agn passèi. Ma no volonse che chëst reste n slogan demé de na giornada, de na manifestazion, ma che siebe n conzet che va ntel cé de la jent.” N ejìt de la manifestazion che podëssa spò stemperé le polemiche de le setemane passade dintour a le gare de ròde. “Crei proprio de si” disc ncora Manuel. Per l stagion da d’isté l ziclist l é n client scialdi mportánte e duc i ciala de sensibilizé de sto vièrs. Come Comun e Aft cialón trop de sto vièrs. Defati nos no n on fat degune polemiche e no son contra le gare de ròde. I dac i disc che ndomënia 18 persone i é passade sa na Rèba e i à ciapé n paisc vif e ordiné. Se po’ pensé che troc i tourne, magari da schiadous o da motoclisć. I esercenc de Rèba che mi è sentù i eva duc contec. No se chi sui jous. Ma dut l é ju polito. Zerto per valgugn chëste gare le porta n desturbo. Ma toca cialé ence al davòvia, a ci che le porta per l’economia de la val. Valgugn de lamenta che i è una ndavò l’autra. Ma ence l’isté l’é curta. E po’ no dute le damana de saré le strade. Le manifestazion le ven concordade col Comun e chële che a nos no ne porta nia podón no le autorizé. Rèba la se ciapa ntaméz a chisc gròsc evenc, come la Sellaronda Bike Day, la Maratona dles Dolomites o la Gran Fondo Dolomiti Stars e crei che per chël che le ne porta se pòde soporté trei dis de desturbi.” (ls)

nta Fodom restarà n preve sol. Davò chësta picola rivoluzion n Agordin, se podaralo se speté che chëst devente na realté très plu damprò ? “Ades come ades no l é nia che fèje pensé che chësta prospetiva la siebe nte l’aria. Zerto l problema de stopé ite i busc che resta vuoc nte le paròchie l é e nte la Diozeji l é n continuo se core davò de luoghe che ven curide e de autre che depièrpoi resta vuote.” Vedù l problema cronico de la manciánza de prevesc, se descor très deplù den coinvolgiment dei laici, de na Gliejia che deventarà très deplù manada nnavánt co l impegno dei fedeli nstësc. Elo bele coscita ? “Da temp” spiega ncora Mons. Murer, se descor, per ejemple, de damanè la colaborazion de laici per sbrighé via chi “scuf” come la contabilité o vèlch da de tèl, coscita che l preve abe temp de jì a di Mësse e dut l rest. Ma chilò da nos la colaborazion dei laici l’on bele da temp. L é 6 “ministri”, che me dáida a portè fòra

la comunion co mi no ciafieie.” Dal Corpus Domini a La Plié, nte la perdica don Luigi Del Favero l à recordé l “privilegio” che à Fodom de podei avei le Mësse ence nte le gliejie “mendre” come nt’Andrac, Renac, Ornela, che da autre pèrt i é stade toute via. Cotánt podaralo resté chëst “privilegio” ? “Toca di che drio chëst l é na motivazion mpruadedut storica. Chëste eva vegle Curazie, ulàche l eva n preve che fajëva cuaji dute le funzion, fòrache le sepolture. Ma ence pratica, perciéche l é ste tignù cont che l é paisc scialdi dalonc e descòmedi. Zerto da chèlche pèrt, come da Larcionei, la Mëssa l’é stada touta via perciéche l’é vignuda a mancé la “materia pruma”, la jent. Ma mpò chèlche Mëssa la ven fata via per l ann. Ence chësta ultima dezijion de mantignì l Decanat l’à tignù cont de la storia gloriosa del Decanat da Fodom sot a la Diozeji de Perseson. E de chëst rengrazie de cuor l Vësco.” (ls)

“Muro dei Turchi” N viade apascionánt a nconté luof e lors, nte l’ultima publicazion de Dino Dibona Publicazions - L Paisc de le Aquile l é da puoch vignù fòra da na ditatura e ades l’é la democrazia, la fin del ijolament e l’é la poscibilité de se giourì del vièrs dei paisc ozidentai che se paleseia ence perméz de deplù scomenciadive e acordi politizi, comerciai e culturai, na mont de ciacole e chèrte, referac, invic ufiziai e ndontade ntra scienziac, dozenc, rizercadous e studiousc universitars. Ma ence n’ocajion da no pièrde per chi, spent da da curiosité e nterésc, l chier de de jì plu sot a chël che l é suo savei de storia e ambient den paisc che nsomeia ester resté ndrio respét al progrès de la storia, co l enconté jent vetra:bacagn, boschièrs e pastri, jent che à ncora la modestia de no se lascè fòra la presunzion e l’arogánza che nsomeia la

carateristica pruma de trope persone de nòsta sozietè disumanizada. Nte la foresta de conifere, su le rive da mont de le Èlpe Albaneji, vif ncora trope sòrt de vegetai e animèi autrò n gran pèrt mòrte fòra e l é le aquile, la lors bruna, la lince e i luof, creature forti, ladine e nteligenti. Chi che à la fortuna de le nconté nte suo ambient natural i prova n’emozion che i no se desmentia saurì. Ma ncontè i luof no l é saurì e l é debujen de ciapé na guida che cugnësce i luosc ulàche i luof i vif e le bitudini de chisc animèi coscita meravigliousc. Hilmi Cioba l é la guida che fajarà nconté al autore del la storia autobiografica la strega, i luof e le “vergini de fièrn.” “Muro dei Turchi” de Dino Dibona, l é de fòra da “edizioni dbs” e se l ciapa nte dute le boteighe dai libri. (ls)

Se consegna ai politizi le firme “pro scòla” Encontada publica vender 9 de lugio jun Ègort. N va del davignì de le scòle da mont Scòla - Vender 9 de lugio da le 6 da sëra sul Broi n Ègort e n cajo de burt temp nte la Sala don Tamis, vignarà tignuda n’encontada publica per consigné le firme coiëste su a sosten de “Na scòla a mesura de la mont, no n privilegio ma na nezessité”. La scomenciadiva l’é stada metuda a jì come senn de protesta contra la “lege Gelmini”. A l’encontada à bele de l’adejion nvalgugn politizi belunesc, ntra chisc l’ex prescident de la Provinzia e consiadou regional Sergio Reolon, l colega Dario Bond, l vizeprescident del consei regional Matteo Toscani, l parlamentar Maurizio Fistarol. N Agordin s’à muovëst l istitut de Cencenighe, che à metù a jì na regoiësta de firme e l Capocomun de Falcade, Stefano Murer, che l à

metù ju n ordine del dì, voté ence dal consei de comun da Fodom, da chël de la Comunità Montana Agordina e da autri comuns. Chël che ven damané l é che se conzede deroghe a le śòne da mont, n particolar ntel parametro del numer minimo de tosac per clasce ( che salvëssa ence le scòle fodome ) e che vegne seguré i finanziamenc che va debujen per mantignì le scòle nte paisc bele penalizèi perciéche descòmedi, ulàche, coche l é ste scrit ntel ordine del di voté dal Comun da Fodom, “le distánze no se le mesura n chilometri, ma n chilometri plu i disliviei, le strade strente e rote, la nei, la glac, ecn.” Mportánte spò che tropa jent tòle pèrt a chësta ncontada per fè sentì plu auta la ousc de la jent da mont. (ls)


nr. 25 / 03 de messel 2010

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Ce ‘na poereta, chesta scora

Crodes in festa Ra storia de agnere, chera de ancuoi, i projete par doman, intor ra Penes de Naerou, par i inpiante e i refuje de Cinque Torri e Averau. Una mesa, un disnà, ra śente de ‘l paes, i amighe ruade da fora

Duto intorno ‘l Averau ‘l é stà fato refuje e inpiante, da cuaranta ane; ades se laora inaante, par el turismo de doman.

Ce biei cuaranta ane, che ‘l é stà, par i inpiante e i reuje de Cinque Torri. Domegna ai 27 de śugno s’à ciatà un grun de śente, su pede ra Penes de Naerou, a fei festa, par recordà chel che ‘l é suzedù, da ‘l 1970 fin ancuoi, ma anche par vardà inaante, a chel che podarà suzede doman. Chel inpianto ‘l à scomenzà a śirà ai 4 de febraro 1970; el rifujo Scoiattoli ‘l é stà daerto pche dis dapò, ai 14 de febraro, anche se ‘l é stà fenì via par ‘l istade. Duto ‘l é nasciù da un pensier de Lorenzo Lorenzi e Giusto Zardini, che i à vorù śì drio a ra storia pi vecia, de i schie in Anpezo, canche se se montaa in Jou, e pede a ra Penes de Naerou. Se parla de i anes Vinte, Trenta, de ‘l secolo pasà, canche se scriea ra prima pajines, de chel libro, e alolo sote Jou ‘l ea Capanna Gino Ravà, fata su da ‘l Ski club Veneto. A ra fin de i anes Sesanta chiste doi ome i s’à pensà de fei śì danoo ra vecia pista, che ra ruaa śo in Landries, con un inpianto noo, da se montà. Ma i é stà dito de no.

Alora i s’à betù aduna con chi outre, ‘na dejina de parsones, dute de ra Guides de Anpezo, ‘l é stà fato un outro projeto, pi in outo, con un inpianto che moea da Bain de Dones, e coscita r’é stada. Claudio Zardini, anche el co ra guides, el s’à pensà de fei un bar śo da ‘l pe, Lorenzo e Giusto de fei chel su inson; ‘l an dapò Giusto el s’à tirà fora e ‘l é restà Lorenzo, fin ancuoi, co ra so bela familia, ra femena, i fioi. Ra sozietà Inpianti Averau r’é śuda inaante. Da chel prin inpianto de ‘l 1970, ancuoi r’é parona de tre e ra in fesc śì inaante un outro, chel de Fedare, su chel de Col de Santa Luzia. De ‘l 2008 ‘l é stà daerto ‘l inpianto noo, de ra Croda Negra, co ‘l skiweg da s’in śì śo a Fouzarego, a se ciapà inze co i inpiante de Col Gallina, che i é de ra sozietà Ista, e co ra teleferica de ‘l Lagazuoi. Ades, che và su da Bain de Dones a ‘l Scoiattoli, ‘l é un inpianto noo, co ra scentes a cuatro poste, da se sarà inze, se ‘l é jonfedo. Par ‘l an che vien ‘l é el projeto de mudà ‘l

Anpezo

inpianto che da Potor rua in forzela, e el fei pi svelto, pi longo, pi gran. I laore i arae da scomenzà beleche ‘sto an. Intanto i é drio a lourà, su in forzela, par fei fora duto noo el rifujo de i Siorpaes, anche chel pi gran, da i dà un bon azeto a i foreste che rua a magnà e a dromì. Par el doman, ‘l é un projeto ben pi gran: ra tre sozietàs Averau, Ista e Fouzarego es pensa de fei un gran inpianto, bel longo, da Som dei Prade fin a Bain de Dones, da tacà inze i inpiante de Pocol e de Tofana con chi de Fouzarego. Su par chera crodes ‘l è stà fato gran laore anche par el turismo d’istade; duto d’intorno a ra Penes de Naerou ‘l é stà netà fora e comedà ra vecia trincees de ra Prima guera, che ‘s é algo de bel, par vede cemodo che ra vivea, e ra moria, chera śoentù de inalora. De pasc e de amor ‘l à parlà frate Leone, domegna 27, inze ra mesa che ‘l à dito su chel pra, intrà el rifujo e ra crodes, intrà ra Tofana e ra Croda da Lago, co ‘l Coro Cortina che ciantaa alcuantes de ra so pi bela canzos. A ra festa ‘l ea i doi capecomun de i doi comune che fesc confin, su chera crodes, Andrea Franceschi par Anpezo, Oscar Troi par Col. “Ra croda ra me mostra ra forza de ‘l Signor – ‘l à dito el frate franzescan – par chesto beśen che see senpre un’anima, inze ra crodes, anche canche se res dora par fei turismo. E inze ‘l nosc vive, ogni di, sarae da ese senpre boi de se fermà un iejo, de no śì senpre de coren, de se vardà intorno, par pensà sora, cuanto bel che ‘l é el Creato, fato da ‘l Signor”. Dapò ‘l é stà un disnà che someaa ‘na noza, par duta ra śente che ‘l ea stà ciamà par ra festa, che r’é śuda inaante a ra longa, cemodo che se sore, cemodo che ‘l é de iusto, par cuaranta ane, coscita biei. (mdm)

Ra festa par i cuaranta ane de ‘l inpianto e de i refuje, co ra mesa, par i dì gramarzé a ‘l Signor, daante a ra Penes de Naerou.

El festide par ra nostra scores, che in see senpre demanco, che es laore senpre peśo: ra riforma Gelmini ra taia i sode e, su par ra crodes, inze ra nostra vales, se padisce depì che par chi outre luoghe. Moe da ‘l Agordin una protesta, tolesta su anche in Anpezo, ruada fin a Roma

Ra nostra vecia Scora d’Arte, nasciuda del 1846, da ‘l outon che vien ra sarà un liceo artistico, con tropo festide par el so doman.

Alcuanta scores, de chera nostres, che ‘s à sarà i dis pasade, es podarae no śì adora a daerśe danoo, d’outon. Duto chel che ‘l é stà taià da ra riforma Gelmini, el podarae mancià, par i conte de chesta scores, e calcheduna ra podarae restà sarada. A ‘l dì par prin ‘l é stà Stefano Murer, el capocomun da Falcade. “A ese sinziere, i prime a s’incorśe i é stade chi de ‘l Istituto comprensivo da Cencenighe, agnó che ‘l é inze ra scoretes, ra scora popolares e ra meśanes da Cencenighe, San Tomaso, Vallada, Canale d’Agordo e Falcade. Lore i ‘l à scrito e i s’à betù a strutà su formes, da i śontà pede. Dapò i à mandà chel documento a duta ra aministrazios: nośoutre ‘l ón votà, ignante inze ra Comunità montana Agordina, ‘pò inze ‘l consilio de Falcade. Dinultima ‘l ei madà fora, a dute chi outre comune, e vorarae che i fose de trope a ‘l votà, a aé el medemo festide che ón nośoutre, a me dià ‘na man”. Un de i prime comune a toi par man chesto documento ‘l é stà chel de Anpezo. El capocomun Andrea Franceschi e i so loudaduós i ‘l à votà. Franceschi ‘l à dito che ra scora r’é un de chi servizie che beśen tegnì, inze un paes, par tegnì ca i śoen, ra families, ra śente. No se pó fei tanta ciacoles, su ra montagna, cemodo che i fesc i politiche, e ‘pò no mantegnì, o mangare portà via, dute i servizie che ra śente dora, ogni di. “On scomenzà alolo a vede che ‘l ea trope comune da ra nostra – el śonta pede Stefano Murer – da ra provinzia de Belun, da duta ra nostra vales, ca pede, ma anche da ches’outra provinzies de el Veneto e da ‘l resto d’Italia. On sapù che el documento ‘l é ruà a ‘l Presidente de ra Republica taliana Giorgio Napolitano, che ‘l à dito de voré vardà drio, par capì ce che suzedarà dasen, inze ra nostra scores. Alcuante deputate i ‘l à tolesc sun man, i ‘l à lieto, i vardarà drio. Vorarae che el Stato

intiero el podese capì polito ce che podarae suzede, inze un paes pi pizo, inze ra scores pi pizores”. Ra riforma Gelmini ra taia śo i toche de ra scora, par spende senpre demanco; vos aeo festide par i maestre, par i profesore? “Aì, zerto, par maestre e profesore. Ma negun disc che ‘l é da aé festide anche par ches’outra parsones, che es laora inze ra scora. Se mancia i Ata, cemodo che à gnon ancuoi, chi che laora par tegnì neto, bete in ordin, fei i conte, i bidele de ‘na ota, o i sacretarie, ra scora ra no daerśe pi. Se mancia i maestre e i profesore, suzedarà che i ingruma i pize, i scolare e i studentes, inze clases senpre pi grandes, con senpre pi śoen. E chesto no zuderarà inze ra zitàs pi granda, ma inze ‘l paes pi pizo, agnó che son nośoutre. Pi che see su par ra crodes, inze ra nostra vales, cheres desmenteades, de ra provinzia de Belun, de el Veneto. Par chesto m’ei moesc anche co ‘l Uncem, co i comune e ra comunitàs montanes de Belun, de Verona, de Vicenza; i é dute spaśemade, no se sà se ‘sto outon, par ‘l an che vien, podaron daerśe ra scores. Sedenò i nostre pize, i nostre śoen, i arà da lascià el so paes e se tramudà, senpre pi indalonśe, anche par ra scores pi pizores e no solo da grei, par ra superiores o par r’università”. Inze ‘l documento, betù śo in Agordin, agnó che i à betù sote ra so firma anche chi de ‘l Comun de Anpezo, se recorda a i politiche che vive su par ‘na croda ‘l é pi difizile de vive inze ‘na zità. Su par ra crodes beśen mantegnì i servizie, no i sarà, di par di: scora, sanità, trasporte, sport e duto el resto. A se moe da ‘l paes, par ruà indalonśe, se spende tenpo e sode, tanto che a calchedun i vien voia de se tramudà, de s’in śì da ra so ciaśa. Dinultima se domanda, inze ‘na parola, che par ra croda see lejes fates aposta, e no śontes, par ra lejes che và ben daparduto. www.lauscdiladins.com

25


Anpezo

nr. 25 / 03 de messel 2010

Ra storia de ‘l orso

Fregores

Par alcuante mesc, d’ousciuda, de orse in ea daparduto, inze dute i ciantoi de ra nostra provinzia e de cheres pede. Ades duto s’à chietà, fosc parcè che ‘l é masa śente che śira e i orse i s’in stà pi vorentiera da sole, inze ‘l bosco, o fosc parcé che i s’à tramudà

Alcuanta noes in curto, dal paes e da fora

Da calche tenpo se parla de ’l orso, o de i orse, che ‘l é in śiro par ra nostra vales. Pi che see chesta ousciuda, s’in à sentù nafré de dute i colore. E alora śon a i domandà a ra guardies de ra Provinzia de Belun, ce che ‘s à ciatà, a lourà drio chesta bestia, chesto selvatego, che ‘l é tornà danoo su ra nostra crodes, inze i nostre bosche, i ultime ane. Da i studie che ‘l é stà fato, de maśo ‘l é ruà un orso noo, inze ra nostra provinzia: i à betù gnon MJ4, ‘l é un mas-cio, de zinche ane, ‘l é nasciù in Trentin, da un scianel de orse ben conosciude, da anes. Chesto MJ4, par i so prime doi, tre ane, ‘l à śironà par ra Svizera e el Tirol, dapò ‘l é tornà in Trentin, de ‘l 2009, e ‘sto an ‘l à mudà provinzia, ‘l é pasà inze ‘l Veneto, su chel da Belun. Duto chesto me disc cemodo che i vive i orse, cemodo che i é boi de se tramudà, anche de un grun de chilometre, in poche dis. Par saé ce che i fesc, agnó che i và, cemodo che i se conporta, ra guardies i à betù intor el col, fin da pize, ‘na radio, che ra mola fora un segnal. Coscita, co ra antena iusta, se và adora a i ciatà, a i stà drio. E i s’à incorto che ‘sto an, fora da ’l inverno, de aprile, canche i orse i se desceda e i é infamentade, gouja che i à dromì par alcuante mesc, chesta bestia MJ4 r’ea in Val dUltimo, a i confis con chel de Bolzan. Dapò ‘l orso el s’à tramudà de oga, ‘l à caminà par un grun de dis, e svelto, vesc est. Ai 28 de maśo, par ciatà miel, ‘l à pestà su ‘na albina de ra eśaes a Bolzano Bellunese: là i à ciatà el so pelo, e i ‘l à conosciù, da i esames che i à fato. Doi dis dapò i à ciatà ra fates de un orso, ra so zapores, a Soffranco, pede Longaron: anche ca ‘l ea nafré de pele che, ‘na ota studiade, i m’à dito che ‘l ea senpre el. Par un pei de setemanes, intrà maśo e śugno, ‘l é stà duto un core drio a chesta besties, che es se mostraa, de un ver o de ‘l outro, nafré daparduto. Ai 23 de maśo i à vedù un orso a Falcade. Ra note intrà el 23 e el 24 de maśo ‘l à fato dane a Ciapuza, de San Vido, agnó che ‘l à roto ‘na albina de eśsaes e ‘l à proà a ciapà alcuanta pites, inze un purinei. I carabiniere i ‘l à vedù, che el scaazaa el stradon, alolo sora ra ciaśes de Ciapuza. Ra medema

Padre Michelangelo Anpezo ‘l é in festa, domegna 4 de luio, par i sesanta ane de pree de padre Michelangelo Menardi Menego. Par ci che à acaro, à voia e và adora, dares 11 da bonora sarà ‘na gran mesa solene. Poco ignante, dares 10.45, se moarà in corteo da ra calonega, su par piaza, a ruà inze jeja. Ra Union de i Ladis de Anpezo ra i domanda, a dute chi che à i sarvije a r’anpezana, de se vestì da canpanoto, da festa granda, e de i fei onor a chesto òn de Anpezo.

Ra Sagra de Anpezo

Un de i orse che se sconde inze i bosche de ‘l Trentin.

note ‘l é stà fato dane in Val Noana, e donca ‘l é de seguro almanco doi orse; ai 28 de maśo i ‘l à vedù a Sappada e, ra medema note, intrà el 28 e el 29, ‘l à fato dane a Bolzano Bellunese. Ai 29 de maśo i à ciatà outre segne in Auronzo, ma somea che chiste i see de alcuante dis ignante. El 1 de śugno ‘l ea a Soffranco, pede Longaron, da ‘l indoman ‘l à lascià zapores a forzela Scodavacca, in Vedorcia, sora Piee de Cadore. “A fei dute i conte de chel che on ciatà e vedù – me disc ra guardies de ra Provinzia – podon dì che, de maśo de ‘sto an, ‘l ea almanco doi orse ca da nośoutre, parcé che ‘l é suzedù, pi de ‘na ota, de aé segnai che ruaa da doi poste, indalonśe un da ’l outro, inze ‘l medemo momento”. Ma ‘l é un’outra storia da contà: ra guardies da Tarvisio, ai 2 de śugno, ‘s à ciatà un orso co ‘na noda sala, su ‘na rea. De i so orse, che i à là, intrà Carnia, Friul e Slovenia, negun ‘l à chesta noda śala, donca podarae ese stà M5, chel che ‘l é pi conosciù co ‘l gnon de Dino, par recordà Dino Buzzati, gouja che anche ‘sta bestia r’à acaro de śironà, de se moe par ra Dolomites, cemodo che el fajea el scritor da Belun. Poche dis ignante, però, Dino ‘l ea inze ‘l Vicentin, agnó che el vivea da ‘l 2009: donca el podarae ese moesc, par darśonśe danoo i

so poste, agnó che ‘l é nasciù. A fei chesto viaśo, el podarae ese pasà par Auronzo e par Sappada, agnó che ‘l é stà ciatà chi dane, che se dijea ignante. Ma, se domandon nośoutre, cemodo alo fato a darśonśe Auronzo, da agnó elo pasà, inze ‘l so viaśo ves est: par el Cadore, su par ra val de ra Piave e dapò de ‘l Ansiei, o elo pasà par Anpezo, mangare ruà da i bosche che ‘l é ves Col de Santa Luzia, Selva de Cadore e Zoldo, par dinultima śì su par Son Śuogo e śo par Valbona? “Se sa benon che, canche rua r’istade, i orse i fesc manco dane, de chi che i fesc d’ousciuda, canche i se desceda, alolo fora da ra dormida de ’l inverno – me disc ra guardies de ra Provinzia de Belun – coscita i lascia in pasc i vasciei de ra esaes, ra pites e ches’outra besties che vive co ‘l òn. I s’in stà inze ‘l bosco, i viaśa, i se moe de un grun de chilometre, coscita se pó restà anche par diverse dis, o setemanes, senza sentì nuia, senza saé agnó che i é ruade”. Par ci che studia ra natura, ‘l é un bon segnal, che see tornà danoo ‘l orso, su ra nostra crodes, inze i nostre bosche: vó dì che ‘l é poste agnó che el và adora a s’in stà polito, poco desturbà da ‘l òn. Aì, parc che ‘l orso ‘l é spavio, ‘l à festide, el no vó in saé de aé ome pede. E se pó el capì, a vede zerte ome. (mdm)

Ma no n’é da se desmenteà che chel di, ai 4 de luio, ra prima domegna de ‘l mes, ‘l é ra Sagra de Anpezo. Se taca da bonora inaante, co i banchete, fora par piaza, e sote el padeon de ra musica sarà ra canzos de i core, de ra seconda edizion de Cortina InCanta. El bel el vien de ‘l dapò disnà, dares 15 inaante, canche se podarà scotà ra Banda a sonà, senpre inze piaza, e dapò sarà ra Corsa de i Sestiere, par el Palio de i pize, de ra femenes, de i grei, e i śoghe agnó che ‘l é da ese zerza, a tirà el funazo e el sion da bosco. No manciarà algo de bon, da se magnà e da se bee, co i Sestiere de Anpezo.

Ra nostra crodes Alora, rueres o no rueres? Son drio a dì de ra nostra crodes, che ‘s arae da me tornà, dapò de nonanta ane. I se tira pede, ma i no rua ancora a darśonśe el projeto de fei tornà chesta crodes a i Comune de Anpezo, Col e Fodom, par comedà el torto che i m’à fato alolo dapò de ra Prima guera. Che ra Tofana e duta ches’outra zimes es torne danoo a ‘l Comun, in prescia. E mangare, cemodo che domanda pi de un, inze ‘l paes, a ra Regoles, che ‘s é coscita varentes, da mile ane, a se mantegnì el so, a ‘l precurà, che negun pode scarà fora peton daparduto.

Dotore noe, par un ospedal noo Con martes 6 de luio scomenza a lourà a ‘l Codivilla el dotor Stefan Hofer. El rua da ‘l ospedal de Parsenon, agnó che ‘l à lourà par trope anes e ‘l é conosciù par duta

Italia e anche fora, par chel che ‘l à fato. Co i 13 de setenbre scomenzarà a lourà anche un outro primario, el dotor Federico Botto, che trope in Anpezo conosce polito, parcé che ‘l à studià ca, da śoen, e ‘l à lourà, senpre a ‘l Codivilla, canche ‘l é deentà dotor. Ades ‘l é inze ‘na clinica privata de Abano, pede Padova. Duto chesto par dì che el nosc ospedal ‘l à chera de śì inaante, de vive polito, no de soravive, e de dà senpre algo de noo, a ra nostra śente e a i foreste.

Inaante co i tacoi I laore par fei fora noo el vecio stadio Olinpico de ra jaza i no n’é gnanche fenide, e i é beleche drio a fei outre laore, da comedà chel che no và polito. Da un pei de setemanes i é su par el cuerto, chel vecio e chel noo, a stopà i buje, da agnó che vien inze aga. Beśen dì che algo ‘l é anche stà roinà śa doi ane, con chera gran gneera, che i à abù da sarà el stadio, par alcuante dis, e ‘l é ruà un grun de śente, anche da fora de ‘l paes, a dià a bicià śo el gnee da ‘l cuerto. Tanta śente, un gran laoro, trope atreze, e ‘l é stà fato alcuante buje inze ra banda noa. E ades ‘l é da taconà. Su ‘l cuerto vecio, inveze, ‘l é ra banda che zede, coscita beśen bete man, e ‘l é da taconà. Chel che conta, da ‘l vecio in fora, ‘l é che no see el tacon peśo de ‘l busc.

Par dià ci che ‘l é pi indalonśe Dià chi outre no basta, aé bona voia de bete el so tenpo, par chi outre, no n’é asei. El sà polito chi de ra Crosc Bianca, anche par ra sezion de Anpezo. Inze un mondo che ‘l é senpre pi gran, o senpre pi pizo, se pó se ciatà a no saé ce fei, par dià chi outre. No solo inze ra zitàs, ma anche inze ra nostra vales, ‘l é senpre pi śente che rua da indalonśe, con outra cultures, con outra relijos, e coscita ‘l é da saé cemodo i toi, ce fei, cemodo se conportà. Inze ‘na ciaśa o ‘na familia de relijon islamica, par in dì una, beśen i tende, soralduto se ‘l é una femena che stà mal, che à biśoin de ese diada. Coscita anche ra Crosc Bianca de Anpezo, cemodo che à beleche fato chera da Bolzan, par ra so sezios, r’arà da fei corse par insegnà algo, de chesta cultures, che rua da duto el mondo, coscita pizo, coscita gran.

Un pioan anpezan par Falcade Undesc ane in Cadore, pree e pioan de Vigo, e ades una pajina noa, par ra storia de chesto śoen anpezan. Ra so devozion par sant’Orsola. De ‘l 2007 ‘l à dà el bon azeto inze ‘l so paes a papa Benedeto XVI Don Andrea Constantini Ghea ‘l é el noo arcipree de ra parochia de san Sebastian, de Falcade. Monsignor Giuseppe Andrich, vescovo de Belun-Feltre, ‘l à vorù bete là chesto pree anpezan, dapò che ‘l é stà par ane pioan de Vigo, in Cadore. Nasciù de ‘l 1973, don Andrea Constantini Ghea ‘l é deentà pree de ‘l 1998, ordenà da ‘l vescovo de inalora, che ‘l ea monsignor Pietro Brollo. Canche el studiaa inze ‘l seminario Gregoriano de Belun,

26

www.lauscdiladins.com

‘l aea beleche lourà inze alcuanta parochies. Dapò ‘l ea stà, da vicario, inze ra parochia de Polpet, de Ponte nelle Alpi. A Vigo ‘l é ruà de ‘l 1999, da pree, e dapò ‘l é stà fato pioan, de ‘l 2003; chiste sarà i ultime mesc in Cadore, par el, gouja che, co ‘l outon, ‘l arà da śì a Falcade. A Vigo de Cadore, don Constantini ‘l à lourà par ra prima edizion de “Tesori d’arte nelle chiese dell’Alto Bellunese”, voruda da ra diocesi, daerta da i doi cardinai Silvano

Piovanelli e Tarcisio Bertone, che inalora ‘l ea arcivescovo de Genova. El pi gran onor el ‘l à abù śa tre ane, de luio de ‘l 2007, canche ‘l é ruà el papa Benedeto XVI, inze ra vecia jeja de sant’Orsola. Incraota don Constantini ‘l à vorù leà el so paes co ra zità de Köln, in Jermania, agnó che Sant’Orsola r’é nasciuda; el cardinal Meisner, arcivescovo de chera zità, ‘l à mandà a Vigo ‘na relichia de sant’Orsola, che ades r’é inze ra jeja antica, inze meśo a ‘l

paes. Ra śente de Anpezo r’é senpre stada pede a ‘l “so” don Andrea e tropa parsones ‘s é śudes a Vigo, canche ‘l é deentà pioan, e anche par outra ocajios, a i fei festa. De seguro se vedarà danoo chi sarvije da festa, da canpanoto, de ra tradizion ladina anpezana, anche d’outon, canche el deentarà pioan de Falcade. E mangare ra mondures de ra Conpagnia de i Scizar, che r’à par capitagno Ugo Constantini Ghea, so pare de don Andrea.

Don Andrea Constantini.


Sport

nr. 25 / 03 de messel 2010

Turnier dal palê dles uniuns da San Martin Ai 6 de jügn él gnü tignì por le secundo iade a San Martin tl ćiamp dal sport Pradel n turnier dal palê por les uniuns dl paîsc cun la partezipaziun de bëgn diesc scuadres. Davagné à la Uniun di Jogn

Sciöche bele l’ann passè à i Omi inće en chësc ann messè s’acontentè dl secundo post.

da Jù. La copa dl turnier él stè l’Uniun di Jogn che à davagné, baton tla finala i Omi do les trates da set metri. La finala por le terzo y cuarto post él stè l’Assoziaziun Turistica che à davagné cuntra i Stödafüch. L’Uniun di Jogn à davagné la copa dl turnier baton tla finala i Omi.

Palê - En domënia ai 6 de jügn él gnü metü a jì dala uniun dl sport por le secundo iade n turnier dal palê por dötes les uniuns dl paîsc da San Martin. Al é stè diesc scuadres che à azetè l’invit y che à tut pert: i Jogn, i Omi, i Sorvidus, la Jonëza da Paur, les Tifoses, i Stödafüch, la Musiga, l’Assoziaziun Turistica, i Mituns da Jù y i Pici. Le turnier à metü man dales 14.00 tl ćiamp dal palê da San Martin. Inće sc’al n’ê nia preodü dër bel temp éra jüda da śoghé döt le domisdé. La plöia é por fortüna gnüda pormò do la premiaziun.

Do la fin dl turnier éson passà ala premiaziun, olache oramai vigni scuadra à ciafè na copa. Śogadus y spetadus é dedô ćiamò stà adöm en compagnia a se mangé na liagna, ćina ch’al é gnü la plöia, che à pare düć a ćiasa. (p.g.)

La Musiga à davagné le pozer baton tla finala I Sorvidus.

Al s’â abiné nia ma i śogadus, mo inće compagns y cotan de jënt dl paîsc gnüda a ćiarè pro y a contribuì a chësta scomenciadia. Les diesc scuadres é gnüdes partides sö te dui grups da cinch. Do che vignöna â albü śoghé cuntra vignöna de so grup, é les prömes döes de trami i grups rovades ales semifinales dl turnier, les terzes y cuartes é rovades ales semifinales por le “pozer” y les döes cuintes é rovades ala finala por le penultim y ultim post. Ala fin él ćiamò gnü śoghé la finala y la finala por le terzo y cuarto post dl turnier y la finala por le terzo y cuarto post dl

“pozer”. La finala por le penutlim y ultim post é gnüda Śogada danter i Pici y les Tifoses, al ê na partida inanter umes y mituns, che é ala fin gnüda davagnada dai mituns; pordërt n’é i Pici nia stà dër reconescënć defrunt ales Tifoses che i mëna incërch ales partides y ti lava le guant dla scuadra. Almanco n bel dilan dess les consolè y les daidé sura chësta desfata fora. Le “pozer” él stè la Musiga che à davagné do ch’ai à batü i Sorvidus do les trates da set metri. Al terzo post dl pozer é rovada la Jonëza da Paur y al cuarto post é rovà i mituns

I Pici à stlüt jö le turnier al nono post baton tla finala por le penultim y ultim post les Tifoses.

Danter i miëures dla Talia Campiunac taliani de parapënd a Poggio Bustone. Deberieda cun l Team Südtirol à i piloc de Gherdëina venciù l titul naziunel di clubs Parapënd - Dai 12 ai 17 de juni à piloc dl Parapendio Club Gherdëina fat pea pra i campiunac taliani de parapënd. Garejedes de parapënd ie for na bela ucajion per se abiné cun d’autri piloc, julé deberieda, s’la ciaculé y fé festa. L viac lonch nchin dlongia Roma se à paià per i cin’ cumëmbri dl club Martin Senoner, Heinz Senoner, Peter Gebhard, Egon Prader y Jimmy Pacher. A Poggio Bustone, n pitl luech sun l autplan de Rieti, se àl abinà passa cënt piloc dla Talia. Danter chisc nce l campion d’Europa de parapënd Luca Donini. Chësc post ie nce cunesciù dai ”Segler” y l ie drët adatà per fé garejedes. Purtruep ne à l tëmp y dantaldut l vënt nia drë judà pea. Dla cin’ garejedes che fova sun l program, n àn mé pudù fé doves che valova per la tlassifica, y doves n àn desdit ntan la garejeda pervia dl gran vënt che ne lasciova nia julé cun la drëta

segurëza. Pra chësta garejedes se tràtela de julé da na luegia al’autra tl tëmp plu curt puscibl. L jol vën documentà tres GPS, che do la garejeda vën desćiarià ju sun l computer. Bele do la prima garejeda à i piloc dl Team Südtirol desmustrà de savëi da julé y à monce miurà si prestazion tla segonda garejeda. Nsci à l Team Südtirol venciù la tlassifica di clubs. Da auzé ora ie l segondo plazamënt te tlassifica de Joachim Oberhauser de Tramin. La gara ie unida vënta da Littamè Marco dl Piemont y terzo ie ruvà l campion d’Europa y dl Mond Luca Donini de Molveno. Jimmy Pacher y Peter Gebhard dl Parapendio Club Gherdëina ie ruvei cuarto y cuinto. N gran cumplimënt ti va a duc i piloc dl club dai parapënc de Gherdëina. Heidi Insam

L Team Südtirol cun i piloc de Gherdëina a Poggio Bustone. www.lauscdiladins.com

27


Sport

nr. 25 / 03 de messel 2010

Fascia Balon, fojina de cultura sportiva L nef alenador de la pruma categorìa sarà Lorenzo Giuliani. Cordanza co la Monti Pallidi per la squadra di Allievi Massimo Zanoner. La squadra podarà fèr cont ence sui Juniores che sarà alené da Massimo Manenti. Ai alenadores e a duc i jiadores ge fajon i più bie augures per la neva sajon de sport.

L’Hockey Fascia se enjigna per la neva sajon La squadra podarà fèr cont sun Giudice e Edwardson coi neves jiadores David e Caudron e l nef goalie Frank Doyle, n atlet de gran braùra che cognarà fèr desmentièr Adam Dennis

Maor empegn da man di genitores

I dirigenc del Fascia Balon a l’assemblea generèla.

Balon - Na sozietà sportiva che l’é la nègherla sul corpet per duta la Val de Fascia. Coscita l’é stat prejentà l Fascia Calcio, enstadì te sia assemblea generala, da man de Edy Rizzi, responsàbol del setor del sport per l’aministrazion de comun de Vich. “L sport l’é maester de vita – l’à dit Rizzi – se se forma l carater e se empara a star delaìte de n grop. Ge augure per chest a duc i joegn de viver chest temp con gaissa, con amor e respet per la maieta che i porta e a duta la sozietà de aer semper maores suzesc per l davegnir.” L bilanz de chesta sajon de sport tanche serèda sù per l Fascia Balon é segur bon. 270 jiadores, 12 squadres scrites ite al campionat provinzièl, na squadra de eles che à jià fora con gran empegn l campionat regionèl de serie C e 4 stages per joegn jiadores che empèra a jièr a balon. Na atività che doventa ogne an più grana – l’à dit l president Walter Ghetta – che roda dintorn a n grum de persone, anter dirigenc, alenadores, autisć, jiadores e duc chi che dasc na man per biot volontariat. A duc ge va n fort develpai de cher. N rengraziament ence a le aministrazion e ai sponsor che dasc n contribut emportant per far garatar al miec l sforz organisatif: aon semper besegn de jent che deide e de valch sponsor en più, ajache fajon fadìa a tirar ensema n bilanz en atif.”

Neves per la squadres del Fascia Bilanz positif per duta canta la squadres, ence se no dutes à arjont resultac ezelenc. La sodesfazion maora rua da la venta de la Copa Provinzies, n resultat che ge dèsc luster a duta la pruma squadra

vidèda da Mister Luciano Cigolla e che paa di sacrifizies fac con dedizion da duc i jiadores che se tol dant via per duta la sajon trei alenamenc ogne setemèna più i dis de partides. Endèna l’assemblea l’é stat metù al luster la scomenzadives endrezèdes via per l’an passà: la pruma edizion del Val de Fascia Kids Festival (n tornoi nazionèl per Pulcini e Giovanissimi), l tornoi di volontadives, l’Inter Camp (co la partezipazion de na sessantina de bec con si alenadores) e Champions Vich. Manifestazions che porta n grum de jiadores sul ciamp sportif de Cotura e che dèsc la sodesfazion de l veder desfrutà da bec e gregn. Per chel che vèrda enveze la neva sajon de sport 2010/2011 l’é pervedù passa 300 iscrizions per 4 gropes de scola balon (2 a Vich e 2 a Cianacei), 5 squadres de Pulcini (3 a Vich e 2 a Cianacei), 2 de Esordienti, 1 de Giovanissimi, 1 de Juniores, 1 de Amatori, la squadra de eles e la Pruma squadra. Per la categorìa di Allievi l’é stat fat na cordanza co la Monti Pallidi per meter ensema i jiadores de la doi sozietèdes. La squadra se prejentarà co l’inom de Fascia Calcio ma la farà duc si alenamenc e partides sul ciamp de Moena. Chest per l fat che l’é na età mìngol critica e che de spes mencia jiadores a la partides de campionat. Autra neva emportanta l’é che Luciano Cigolla no rejarà più la squadra de Pruma categorìa. Dò 5 egn de empegn l’à dezidù de se tor n an de paussa e de ge lascèr l post a zachei de etres. L Mister sarà Lorenzo Giuliani, che no é nef a chest empegn ajache l’à jà ret la pruma squadra inant de Cigolla, dal ’93 al ’95 ge fajan fèr l saut de categorìa. Secondo alenador sarà

Ence a Cianacei l’é n bon grop de pìcoi che empèra a jièr a balon.

28

www.lauscdiladins.com

Tel cors de la scontrèda l’é stat l moment ence per vèlch critica. Zachei se à lamentà del fat che ogne tant mencia l lurier de segreterìa, de la pecia prejenza da man di dirigenc a l’atività che vegn portà inant a Cianacei e soraldut de la pecia partezipazion di genitores: ge vel che i se tole l’empegn de ge stèr dò de più ai fies, percheche i tole pèrt con empegn e puntualità ai alenamenc e la partides. Dubies é stac palesé en cont del priesc de 300 Euro de iscrizion al Fascia Balon, n cost che se à smaorà debel respet a l’an passà e che fosc no duc pel se tor dant ma che, descheche à spiegà Roberto Lorenz, l tol ite n kit de massarìes che va dal colet da vent, a doi tutes, al guant per jièr e scufons. Na mondura per duc valiva, dai più pìcoi ai più gregn, che ge dèsc maor parbuda e degnità. I dirigenc à aboncont sotrissà che se vèlch familia aessa problemes, la sozietà ge va encontra bolintiera e che per cheles che à più che un fi l’é pervedù rebasc. L’obietif del diretif de la sozietà l’é defat chel de fèr crescer i bec tel sport e soraldut co la cultura sportiva e che se spera che sie semper n bon grop de atlec che cresc delaìte del Fascia Balon.

Confermes per l president e l diretif L’assemblea l’é stat ence l’ocajion per l’aproazion del bilanz 2009 che se sera sù co la debita de 6.382,51 Euro e per la litazions del nef consei diretif per i 4 egn che vegn che tol ite Walter Ghetta, Roberto Lorenz, Carlo Camerano, Gianni Rasom, Simonetta Ghetta, Giovanni Bernard, Leonardo Bernard, Pierpaolo Trottner, Raffaele Trottner e Mauro Sommavilla. Probiviri l’é stat lità Giorgio Mazzel, Franco Lorenz e Gianni Casari. L diretif dapò ge à confermà sia stima a Walter Ghetta, president per i 4 egn che vegn e ai vize-presidenc Roberto Lorenz e Carlo Camerano. Monica Cigolla

Lorenzo Giuliani.

Jean Francois Caudron e l goalie Frank Doyle, doi di neves jiadores touc ite dal Fascia.

Hockey - Col scomenz de jugn i atlec de l’Hockey Fascia à endò tacà ite si alenamenc per se prejentèr al miec per la neva sajon che li vedarà segur anter i protagonisć del campionat nazionèl de serie A. Endèna che i atlec se arcedea su la giacia, l coach Steve Stirling laora per enjignèr l roster 2010-2011. L prum atlet “comprà” anter i foresć l’é l defensor canadeis Jean-Francois David. Volù dassen da l’alenador Stirling, l’atlet de 28 egn de Montreal, l’é n jiador n muie bon con na forta sensibilità de passaje: steca cencia, aut 185 zentimetres, 86 chili. L’à tacà ite sia cariera te la QMJHL co la maia di Shawingan Cataractes. Te 245 partides l neo fascian à concostà ben 180 ponc. L’é doventà profescionist te la sajon 2002/03 e l’à jià tel Nord America ma ence te l’Europa te la Bundesliga, tel campionat austriach e te chel franzous. Etres doi vèresc emportanc per la squadra fascèna de hockey é stac porté a compiment chisc dis passé dal staff de dirigenc. Dò la sotescrizion sui contrac de Gerome Giudice (confermà) e David, etres doi preziousc elemenc va a se jontèr a la scachiera che coach Stirling é dò che l dessegna per meter ensema na squadra forta e competitiva: la conferma de Derek Edwardson e la neva de Jean Francois Caudron. Autor de na sajon positiva serèda sù con 46 ponc te 40 partides, l Top Scorer ladin Edwardson arà l’encèria de

vidèr l’atach fascian ence te chela neva. Per l didèr l’é stat belapontin firmà l canadeis Jean Francois Caudron: 32 egn, de St. Hubert, l’é stat volù dal medemo Edwardson, che lo aea jà abù desche fideil compagn de linea co la maia di Heilbronn Falcons te la seconda lega todescia. Caudron l’à tacà ite la cariera tel campionat NCAA co l’Università del Vermont. L’é aut 1,75 metres, l peisa 82 chili. Dal 2001 al 2009 l’à jià te l’Europa e tel campionat todesch co la maies de Bremerhaves e Heilbronn, l’à concostà 256 ponc te 153 partides te l’Oberliga e 165 ponc te 137 partides te la Bundesliga. Con chest nef jiador, che se jonta ite ai forc jiadores de cèsa, l team del Fascia cognessa aer troà i elemenc giusć che pel ge fèr front a la dificoltèdes de la sajon passèda. De chisc dis passé l’é amò vèlch neva: se da na man l defensor canadeis Matt McDonald lascia la squadra del Fascia per jir a jièr te la Danimarca, da l’autra l Fascia somea aer troà l jiador che cognessa ge fèr desmentièr ai fascegn la braùra de Adam Dennis te gabia: se trata del goalie del Canada Frank Doyle, clas 1980, jà cognosciù e aprijià da temp da Stirling, che l ge é stat dò n pez per l convenjer a sotescriver l contrat e a vegnir a jièr te Fascia te la sajon che vegn. Portier de spessor e esperienza, l’à tacà a jièr da profescionist te la sajon 2004-05 en ECHL coi Idaho Steelheads. Da chiò, con na perzentuèla del 92% de dischec fermé, l se à vadagnà l’azess en AHL con l’Utah, e dapò l’é jit tel New Jersey Devils (NHL) di Albany. Dò la prejenza en DEL col Colonia tel campionat 2008-09, l’an passà l’à jià en ECHL anter Charlotte e Alaska e en AHL col farm team di San Josè (Worcester). N curriculum dassen emportant, che cognessa apontin ge permeter a Frank Doyle de valivèr, se no passèr via, la prestazion de Dennis te l’ùltima sajon.

La Tour Transalp Rodes - Incö sabeda ai 3 de messè va a piz la gara dla roda Tour Transalp, che à fat tapa inće a Al Plan de Mareo. Al start êl inće cin’ teams dala Val Badia y un da

Fodom. Tla proscima ediziun d’La Usc di Ladins ciafarëise deplü sön i resultać de chësta gara, che se damana dai indöt 1.200 partezipanć de gragn sforc. (pablo)

I 1.200 atleć pëia ia da Al Plan por rovè a Alleghe.


Sport

nr. 25 / 03 de messel 2010

I sautadëures de Gherdëina for leprò Trëi garejedes per i ”Runners” de Gherdëina n dumënia ai 12 de juni tëmp de 4:15:41.

Birmehl Duathlon a Verdings

Clara Nogler y Birgit Klammer.

Atlec di Gherdëina Runners sa la Villanderer Alm.

Sauté - La 11ejima edizion dl Liechtenstein Alpin Marathon ie unida vënta da Simona Staicu dl’Ungaria y Patrick Wieser dla Svizra. Cun 985 atlec scric ite fova chësta la terza majera cumpëida de scric ite tla storia de chësta maratona tlassica de sauté da mont su. 872 cuncurënc ie ruvei tla tlassifiches dla trëi proves che n

pudova se crì ora: la mesa maratona, la maratona ntiera y l nordik walking. Pra la maratona tlassica de 42,195 km iel ruvà tl travert 534 ëi y 128 ëiles. Chësta maratona vel nce coche Mountain Marathon Cup, chël uel dì che ala fin dla trëi maratones (l Liechtenstein Marathon cun n deslivel de 1870 metri, l Zermatt Marathon ai 10 de

lugio cun n deslivel de 1944 metri y per ultim l Jungfrau Marathon ai 11 de setëmber cun n deslivel de 1829 metri) vëniel cumpedà adum i trëi tëmps y premià l miëur de uni categuria. Peter Perathoner de Sëlva se ova bele l ann passà tlassificà al prim post tla categuria M60 y nce pra la prima maratona de chëst ann iel stat bon de ruvé prim cun n

La segonda garejeda fova ënghe ai 12 de juni y plu avisa la cuarta edizion dl Birmehl Duathlon a Verdings. L fova da furné cun la roda da mont per 11,5 km sun n percurs bëndebò tecnich, y da sauté 8 km ntëur al luech. L fova de plu categuries, sibe ëi y ëiles che fajova duta la garejeda da sëui, che nce la stafetes di ëi y dl’ëiles o mescededes. Pra la stafetes dl’ëiles àl venciù Danese Valentina de Sterzing, che à metù cun la roda 41 menuc y 14 secunc y Manuela Perathoner di Gherdëina Runners Cassa Raiffeisen de Ciastel che ie sauteda i 8 km te 44 menuc 4 secunc, che fej ora de ndut n tëmp de 1:25:18.

Frauenlauf a Maran La terza garejeda de chësc di fova l Frauenlauf a Maran. Tlo fòvel da sauté 5 km ntëur la zità y venciù à Helga Rauch cun 18 menuc y 55 secunc dan Elena Casaro cun 19:15 y Christina Teissl cun 19:30. Fat pea pra chësta garejeda ova 319 ëiles.

Birgit Stuffer Klammer di Gherdëina Runners ie ruveda 16. tla tlassifica generela y 4. tla categuria 1971-75 cun n tëmp de 21:31. Clara Nogler se à tlassificà al 33. post tla categuria 1961-65 y al 198. te chëla generela cun n tëmp de 28:45.

Totenkirchl Duathlon da Villanders su N sada ai 26 de juni àn metù a jì per l segondo iede l Totenkirchl Duathlon, da Villanders su nchin sa la dlieja dl Totenkirchl sun la Villanderer Alm. Nce tlo fòvel plu categuries de ëi, ëiles y stafetes. Piei via iesen tl luech de Villanders cun la roda da mont per ruvé do za. 9 km sa la Gasserhütte, da tlo inant fòvel da sauté 5,5 km nchin pra la dlieja Totenkirchl. Pra la stafeta dl’ëiles àl venciù Claudia Wegmann de Jenesien che à metù cun la roda 50:52 y garejova deberieda cun Hilde Mitterstieler di Gherdëina Runners che ie pona sauteda inant finan si garejeda te 35:53. Al segondo post se àl tlassifica Valentina Danese cun la roda cun n tëmp de 55:57 deberieda cun Manuela Perathoner che ie sauteda y à finà si garejeda te 38:30. (mp)

Canche profies lëura

Fodom a la grana contra l Le Ville

L fova la prima edizion dl Sellaronda Hero. Ma bele danora, coche nce pra la cunferënza stampa, àn udù che l lëura pea jënt che sà da fé l fati sie

Prova de gran carater de la scuadra ladina

Roda - Pra la cunferënza stampa n vënerdi savòven bele che la ëssa butà. Bën 450 biker se ova scrit ite per chësta garejeda longia y sfadiëusa, la curta de 50 y la longia de 82 chilometri. Pra la longia n àl fat pea passa 300. Per l prim iede ie chësta na cumpëida de dut respet. Na lauda se merita l’urganisazion, la L podest di ëi. maniera profesciunela de ti jì permez, che ie nce unida ora ntan la prejentazion da pert dl courganisadëur Gerhard Vanzi, dl presidënt dl Sellaronda Hero Peter Runggaldier, dla presidënta dl Cunsorz Turistich Christina Demetz y da pert de Hansi Felder n reprejentanza dl assessorat L podest dl’ëiles. provinziel. Stefan Leitner dla Südtiroler Sporthilfe à laudà terzo Riccardo Milesi. Pra l’ëiles à l’urganisazion, rengrazian dl venciù Anna Ferrari. Sun l percurs cuntribut ai jëuni che fej sport. de 50 km vënc Andrea Zamboni, Fat pea pra la garejeda à nce l Daniel Jung ie segondo, terzo assessëur Thomas Widmann, y i Maurizio Broll, dan Günther Goller. atlec dl schi Peter Fill, Christoph I doi de Gherdëina ie perdrët passei Innerhofer, Florian Eisath y Kristian via l travert se dajan la man, ma a Ghedina. norma de regulamënt muessa un vester danora. Pra l’ëiles à venciù N vënerdi y sada iel oradechël Andrea Tasser sun la curta. Boni i stat mesun pudëi scuté su de bona atlec dai schi che à fat pea la raida de 50 km: Florian Eisath 12ejim, mujiga dal vif sun Plaza Nives. Peter Fill 23ejim, Christoph I Hero ie Klaus Fontana y Innerhofer 39ejim.(dl) Anna Ferrari Tlassifica ëi 82 km 1. Klaus Fontana ASC Valdaura Sun l percurs lonch à venciù 4.46.06.64 Klaus Fontana de Valdaura; segondo 2. Georg Piazza Sunshine Racer ie ruvà l’enfant du pais Georg Piazza, ASW Nals 4.56.55.92

3. Riccardo Milesi Lissone MTB 4.59.20.94 4. Paolo Alberati AEG Sporting Test Team 5.07.15.05 5. Michele De Gasperi Bren Team Trënt 5.09.36.29 Tlassifica ëiles 82 km 1. Anna Fe r r a r i Elettroveneta Corractec 6.10.58.57 2. Antonella Incristi Ki.Co. Sys Cussigh Bike Ermetic 7.00.29.31 3. Nadia Pasqualini Extreme Factory Team 7.39.57.00 4. Valentina Vallinotto Lissone MTB 7.50.36.13 5. Elisabetta Carboni Asd Ferretti Team Green Devils 8.30.20.67 Tlassifica ëi 50 km 1. Andrea Zamboni Petrolvilla Bergner Brau 3.05.51.98 2. Daniel Jung Otzi Bike Team 3.12.24.76 3. Maurizio Broll MSP 3.20.27.09 4. Günther Goller Rodes Gherdëina Halti 3.20.27.11 5. Christian Chiavedale Ki.Co. Sys Cussigh Bike Ermetic 3.30.38.05 Tlassifica ëiles 50 km 1. Andrea Tasser ASC Sarntal Rad 4.00.21.75 2. Cariza Munoz Los Locos ASD 4.22.02.25 3. Heidi Unterweger ASC Sarntal Rad 4.45.18.31 4. Francesca Stanguellini S.I.M.B. 5.54.36.53 5. Barbara Ratti ASD Pedale Vignatese 6.42.10.35

L Fodom l bat l Le Ville e l tourna al secondo pòst ntel giron “B” del torneo agordin de balon. I ponc regoiësć nte Freine ndomënia i é de chi che pësa. L Le Ville defati l’é la scuadra che sul piet à ncora cujì l scudeto e de segur l’è una de le gran favoride ence sto ann. Ma l Fodom co le scudre de valour l no sbaglia n colp. Trei a doi l risultat final merité de plen. E pensé che nte la formazion metuda n ciámp da Roberto “Bet” manciáva l Germano Ballis e souradut l Nicola Costa ntamez a filé l juoch del centrociámp. L Fodom l à fat vedei delongo de ci pasta che l é fat e con de bele azion l à metù delongo n dificolté la scuadra del Agordin. Puoć i risći nveze per l portier Vincenzo Amicone. A la mes’ora rua l prum gol. Davide Crepaz l rua nte area e davò avei saute n aversciario l ven smazé ju per jubas. N rigor sacrosànt che dël nstës mët nte la rete. La prescion del Fodom la no cala e coscita davò autre azion de n scatené Davide rua l suo secondo gol grazie a na bela nvenzion che fèsc resté mpontasù l portier aversciario. Duc a paussé sul doi a zero. Ma l Le Ville l’é scuadra gaièrda e nte diesc menuti l porta l risultat sul doi a doi co na dopieta de n atacánte apëna rué nte ciámp. Sul secondo gol nia da fè per la scuadra ladina a gauja de na punizion del bom imposcibile da paré. Sul doi a doi la partida la se fèsc ence masćia percieche le doi scuadre le vòl porté a cèsa la posta ntiera. L spirito del Fodom l é plù gran e coscita rua l gol, terzo per l Davide

Crepaz co nen colp de testa che se veiga demè n serie A. L Fodom sul finì de la partida l patìsc ncin i aversciari a gauja ence de n’ espulsion ( per dopla chèrta śèla ) del suo capitán Sandro Soratroi. Davò ben cinch menuti de recupero la partida la se sierà ite e l Fodom l porta a cèsa i trei ponc. Domënia toca al S.Tomèsc rué sun Freine per porté a cèsa ponc. Per l Fodom ence n pari podëssa ester bon per fenì la pruma pèrt del giron nte le prume doi. Ma la voia de vadagné l é segur grana.

Risultat Fodom – Le Vile 3 – 2 Goi: Davide Crepaz (trei) Formazion del Fodom: Vincenzo Amicone, Giuliano Palla, Omar Irsara, Gianpaolo Soratroi, Valerio Troi, Cristian Azzolini, Gianni Crepaz, Sandro Soratroi, Alex Martini, Andrea Palla, Davide Crepaz. A joghè ence Omar Irsara e Luca Crepaz All.: Roberto Foppa Risultac del giron B S. Tomèsc - Rivamonte 1 – 2 Gosaldo – La Val 3 – 4 Cencenighe - Alie 3 – 1 Clascifica: Cencenighe 15, Fodom 14, Le Ville 12, La Val 10, S. Tomèsc e Rivamonte 6, Gosaldo 3, Alie 2. Pròscima partida: domënia 4 de lugio a Cernadou da le 16:00, Fodom - S.Tomèsc www.lauscdiladins.com

29


Informazions y Manifestazions Avisc Scinché ca tëmp La Ćiasa de Palsa a San Martin chir inant porsones che scincass ca de süa buna n pü’ de so tëmp da fà compagnia, da jì a spazier o da ti fà n pü’ d’aorela cörta ai berbesc, danter les 9.00 y les 11.00 o danter les 14.00 y les 17.00. Ara ne va te chësc cajo nia de scioldi, mo de ti scinché a porsones che se sint sores n pü’ de tëmp. Bel fóssel inće sce zacai liess dant val’, lasciass odëi fotografies o val’ picia proieziun de film. Por studënć él inće la poscibilité da abiné adöm cun de te’ ativitês punć por l’ejam de maturité. Mo al foss dërt, mëte man adora assà, bele dala 3° tlassa de scora alta insö. Por plü informaziuns cherdéde sö le numer de fonin 0474/523112, damanan do Albina Sottara o Gitti Pizzinini. N volontar s’à n iade pronunzié insciö: “La ligrëza che chësc sorvisc porta é mi maiù paiamënt.” I s’incuntun te biblioteca

La Biblioteca Sas dla Crusc inviëia düć i mituns y les mitans dla scora elementara a n domisdé cun stories, pastlenè y jüć, en mercui ai 7 de messè dales 15.00, te biblioteca a La Ila, y en lönesc ai 12 de messè dales 15.00, te biblioteca a Calfosch. Dé dles families sön munt

La sozieté di lifć da La Crusc y la Ütia Lée mët da jì le Family Day - Dé dles families sön munt, en domënia ai 11 de messè dales 11.00 a Badia/Lift da La Crusc. Al gnarà pité intratenimënt musical cun jüć por mituns de vigni eté, cun animadus profescionisć. Infos al nr. 347/2383927. Udiënza dla defensuria popolara La defensuria popolara dr. Burgl Volgger o süa sostituta dr. Verena Crazzolara, tignarà na udiënza en vëndres ai 9 de messè dales 14.30 ales 16.00, te ćiasa de comun a San Martin. Por informaziuns plü menüdes pòn telefonè al nr. 0471/301155. Udiënzes cun l’Uniun di Ostis

La Uniun di Ostis HGV tëgn udiënzes inće tla Val Badia, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen a La Ila. Museum de Gherdëina daviert plu giut d’instà

Ntan i mënsc de lugio y agost sarà l Museum de Gherdëina daviert da lunesc nchin vënderdi for dala 10.00 – 12.00 y dala 14.00 – 18.00. Un n di al’ena iel daviert nce da sëira y plu avisa de juebia, dala 20.00 – 22.00 y pona mo la dumënia domesdì dala 15.00 – 18.00. Per nfurmazions o per apusté na vijita meneda, pòssen cherdé su l 0471 797554, Jì a pe y jì a crëp. Gran vela de libri tla bibliotech T. Gruber Ntan dut l instà iel tla bibliotech “Tresl Gruber” a S. Cristina na gran vela de libri da jì sa mont, da jì a crëp o cun la roda tla Dolomites. Ai amanc dla natura y dla mont ti vëniel metù a despusizion libri, chertes per jì sa mont y zaites. Chisc unirà sambën nce mprestei ora. Bibliofestival 2010 te bibliotech Tresl Gruber

I sculeies possa se mpresté ora y liejer n grumon de libri. Chëst ann se raida dut ntëur al mond di tieres. Sce te ues savëi tan de giames che à la furfejidles, cie che maia la lores, tant che vëij na talpina, po’ vie te bibliotech Tresl Gruber y fé pea pra l bibliofestival 2010. Pità vëniel na gran cumpëida de libri sun l argumënt, libri per ladin, tudësch, talian y nglëisc. Fé pea nce tu! Chiche ëssa mo vel’ dumanda po’ sambën cherdé su te bibliotech (0471/790016). Bibliotech Tresl Gruber davierta nce da sëira

nr. 25 / 03 de messel 2010

♦ N dé sciöche stödafüch Ai 10 de messè é i mituns dai 7 ai 12 agn di paîsc dl’Alta invià a n dé particolar, por conësce les assoziaziuns de socurs tres le jüch y le devertimënt Inće chësc ann organisëia i grups di Stödafüch dl raiun Alta Badia, en colaboraziun cun la Crusc Blanćia y l’Aiüt Alpin Alta Badia, le dé dla proteziun zivila por mituns y mitans dai 7 ai 12 agn, ocajiun da conësce chëstes organisaziuns y sü injins cun jüć y devertimënt. An s’incunta la sabeda ai 10 de messè dales 9.30 dan magazînn di stödafüch de vigni paîsc, por jì spo deboriada cun sü mesi a San Ćiascian, tla localité Sciarè, olache al s’aspeta de v ig ni sor t de devertimënt y desmostraziuns desvalies. Da misdé saràl por düć na bona marëna pro le ćiamp dl sport da San Ćiascian. Ala fin dla manifestaziun, che é preodüda incër les 15, gnarà düć i mituns acompagnà dai stödafüch zoruch te so paîsc. Düć é L’ann passè ê le “Dé sciöche stödafüch” gnü organisé a Corvara. dër bel invià da tó pert.

Temp lede La plu bela partides di campiunac dl mond

Unide duc tla sala di jëuni “Saut“ a Urtijëi, a ti cialé a chësta partides di campiunac dl mond de juech al palé sun la gran tëila. Tres la plata dla Nëus Jëuni Gherdëina, www. njg.it uniràl fat nce n quiz sun i campiunac dl mond, pra chël che duc i jëuni danter 13 y 25 ani possa fé pea. L sarà da vëncer de biei pesć. Per plu nfurmazions pudëis gën passé tla sala di jëuni “Saut“ o cherdé su tl ufize dla Nëus Jëuni Gherdëina, 0471/799006. Traverseda da Matrei nchin tla valeda de Stubai La Lia da Mont Gherdëina mët a jì n dumënia ai 11 de lugio na traverseda da Maria Waldrast, sëura Matrei (A) nchin a Kampl tla valeda de Stubai passan per l Serlesjöchl y la piza de Serles. Da jì saràl zirca 5 ëura y mesa. Per nfurmazions pòssen cherdé su Ugo al 349 0089939. Se scrì ite pòssen sciche for da Ciofs Inge a Urtijëi, Sport Service a S. Cristina, Sport Bruno Riffeser te Sëlva. Trix tl Fun & More te Sëlva Es’a ueia de te devertì te na blòta cumpania? La sëira de juesc da mëisa Trix ie pona iust l drët per té. N vënderdi ai 9 de lugio dala 8.00 da sëira ala 12.00 de nuet, tl local di jëuni Fan & More. Metù a jì dala Grupa Trix dl VKE sezion Gherdëina.

Referac

Orar de giaurida dla bibliotech: merdi dala 15.00 ala 18.00; mierculdi dala 8.30 ala 11.30, dala 15.00 ala 18.00 y dala 19.30 ala 21.30; juebia dala 8.30 ala 11.30 y dala 15.00 ala 18.00; vënderdi dala 15.00 ala 18.00; sada dala 19.30 ala 21.00; dumënia dala 9.45 ala 11.30. La bibliotech T. Gruber resterà davierta de mierculdi sëira mé de lugio y agost. La bibliotecheres nvieia duc canc a se nuzé dla bela sëires per unì te bibliotech.

Sasc y cristai y si fazion varienta Meditazion cun sasc y cristai y union sëura dla fazion che varësc. Sëira davierta a duc n vënderdi ai 9 de lugio, dala 20.30 tla sënta dla Lia Sanynton tla streda La Sëlva 101. Referënta ie Annamaria Künig de Persenon.

Na neva ferata per i “4 àgnoi del socors”

Sun chësc argumënt tenirà Ernst Ulrich von Weizsäcker na cunferënza n juebia ai 8 de lugio dala 20.00, tla sala nueva dla ”Sparkasse Academy” a Bulsan tla streda Cassa dl Sparani 16. Ernst Ulrich von Weizsäcker ie al mumënt un di scienziac dl ambient y cunsiadëures politics plu recunesciui, che se à fat n inuem sëura dut l mond per si respostes piunieristiches n cont de problems generei dl ambient y dl’energia. La fundazion Cassa dl Sparani nvieia duc i nteressei a chësta sëira.

Doman, domenia ai 4 de messèl sa Bufaure a Poza vegn inaugurà na neva ferata averta per endrez de Stefano Zulian Cuz e dedichèda a “I magnifici 4” Luca, Erwin, Alex e Diego. Dut é nasciù aldò de n projet de recuperament de n veie troi atrezà de la Gran Vera, che à metù al luster l percors da la Val de Sèn Nicolò enscin sun Bufaure. La ferata, dassen empegnativa e senestra, resservèda a jent esperta, é stata enjignèda col didament de Mauro Giovanazzi, Gianni Ghetta, Luigi Zulian e Maurizio Davarda. Chi che se sent de fèr front a la ferata i cogn se troèr, enjigné aldò, da les 8 da doman 200 metres sunsora Capitel. Duc i etres pel se troèr da les 9.30 olache pea via la cabines per Bufaure, per jir sù con l’impiant. Jita dla tlasse de chi dl 1980

Düć i nasciüs l’ann 1980 dla Val Badia s’arjigna da festejé i 30 agn. Ai 23 y 24 d’otober gnaràl metü da jì na jita de dui dis. Al vëgn bele śëgn invié da se tignì lëde le terminn.

L daunì dl mond y si fazion sun Südtirol

Omeopatia por la vita da vignidé

Ai 13 de messè dales 21.00 mët da jì le Consëi de Formaziun da Corvara n referat sön l’omeopatia dal titul “Omeopathie für das alltägliche Leben” (omeopatia por la vita da vignidé). Le referat vëgn tignì da Anneliese Obermann, tla ćiasa dles uniuns a Calfosch.

Dotors y Apoteches

Grup de autoaiüt por porsones che ćiara de jënt atempada y/o püra

Dotor

La proscima incuntada sarà en mertesc ai 6 de messè dales 15.00, a Picolin tla sënta dl Raiun sozio-sanitar.

L dutor de servisc dala 8.00 daduman de n sada 3 de lugio nchin la 8.00 daduman de n lunesc 5 de lugio ie l dutor Aba Fallaha de Sëlva, tel. 0471/794111 o l 0471 797540. Le dotur en sorvisc ti tla findledema di 3 y 4 de messè ti comuns de Badia, Corvara y La Val, é le dotur Guido Caretta, Calfosch/Corvara, tel. 0471/836870 o 337/616080. Ti comuns de Mareo y San Martin saràl en sorvisc le dotur Edoardo Agreiter, San Martin de Tor, tel. 0474/501927.

Religion Iubileum 50 agn de sazerdoze de P. Fidelis Pezzei Lungiarü festejëia ai 11 de messè le iubileum di 50 agn de sazerdoze de P. Fidelis Pezzei y rengraziëia de dötes les vocaziuns che la ploania à albü la grazia de avëi. La festa mët man dales 8.30 cun l’ingres, spo mëssa solëna, prozesciun da festa. Dedô bufé por düć! En chësta ocajiun vëgnel metü fora fotografies dles mësses noeles da Lungiarü dal 1900 incà.

30

www.lauscdiladins.com

Apoteches L’apoteca de servisc che à daviert ora dl orar ordiner da n vënderdi (dala 19.00) ai 2 de lugio nchin n vënderdi ai 9 de lugio ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). Les apoteches en sorvisc tla Val Badia, fora dl orar ordinar, dal vëndres ai 2 de messè al vëndres ai 9 de messè, é chëres da Corvara, tel. 0471/836173, y Al Plan, tel. 0474/501240.


nr. 25 / 03 de messel 2010

Cursc Curs da jì a ćiaval Le club “Amisc di ćiavai Val Badia” lascia alsavëi che al vëgn organisé tratan l’isté cursc da jì a ćiaval por mituns prinzipianć, dai 7 agn insö, a n prisc plü bas. Le curs gnarà tignì tla raitadoia Teresa a Badia y tla  raitadoia “Col dala Vara” a San Ćiascian. Por informaziuns pòn telefonè a Evelyn al nr. 339/3913677 o a Sara al nr. 347/7231520. Curs de lauré ora fotografies cun Gimp y Photoshop

Per duc i sculeies dla scola mesana, dai 2 ai 6 de agost, dala 14.00 ala 16.00, tla scola mesana de Urtijëi, cun dr. Vito Miribung. N mpera a adurvé l aparat digitel, a lauré ora fotografies cun Gimp y Photoshop, n va tl studio dl Fotoclub Gherdëina a fé fotos. Chëi che uel possa fé pea pra n cuncors de fotografia. L curs costa 70 euro. Da se scrì ite iel pra l Servisc Furmazion, tel. 0471/773225. Curs de tudësch y talian per sculeies dla scola elementera

Un n curs de talian ie a Urtijëi te scola elementera dai 19 nchin ai 30 de lugio, danmesdì dal lunesc nchin vënerdi, per duta la tlasses, dala prima ala cuinta elementera. Te Sëlva, te scola elementera iel n curs de tudësch, dai 19 nchin ai 30 de lugio, danmesdì dal lunesc al vënderdi, per duta la tlasses, dala prima ala cuinta elementera. Referënta ie la scola de rujeneda Alpha Beta. Nfurmazions plu avisa, tel 0471/773225. Jì a ciaval

L vën metù a jì cursc de jì a ciaval per mutons da 10 ani insù y per jëuni da 18 ani insù. Per nfurmazions plu avisa prëibel cherdé su l Zënter dai Ciavei a Runcadic, numer 338/2430900. Curs de aerobica

L’Uniun Sport Corvara y Calfosch mët da jì te palestra a Corvara n curs de aerobica y stretching cun Marisa Clara. Do la leziuns de aerobica fajaràn ćiamo ginastica d’estenjiun por iames y spiné. Le livel é de basa. Le curs mët man ai 6 de messè y jarà inant por 10 iadi, dales 20.00 ales 21.30. Por se scrì ite prëibel cherdè sö Nadia al 347/8906642, da sëra. Curs da arpizé por pici y gragn

Les Lies da Munt Val Badia mët da jì n curs de arpizada adöm cun i mënacrëp Simon y Max. Le curs é ponsè por pici y gragn y gnarà tignì te de bi posć sciöche les Cinque Torri, Börz, Sas Dlacia, Pederü... Al gnarà insigné les tecniches de assiguraziun y dla arpizada. Le curs vëgn tignì de messè, cater iadi de mercui o cater iadi de sabeda. Le numer de partezipanć é limité. Por informaziuns y iscriziuns pon cherdè sö Max al 335/6849422, e-mail max.willeit@rolmail.net o Paul al nr. 347/4736300. Les prenotaziuns vëgn tutes sö ćina ai 4 de messè. Curs da jì cun la roda da munt

Informazions y Manifestazions Iniziatives Sportives 12. Turnier de nöt a La Val L’U.S. La Val organisëia al 31 de messè fina al 1. de agost 2010 (dala sabeda sëra fina ala domënia da doman) la 12. ediziun dl turnier de calceto de nöt por scuadres dl tëmp lëde (5 śogadus + portier), söla plaza dl palê sintetica “Plans” a La Val. Al po tó pert fina 20 scuadres. Les iscriziuns po gnì fates fina ala jöbia ai 22.07.2010 pro Klaus Rubatscher al nr. 335/6905507 o tres fax al 0474/523035 o cun e-mail a klaus@verginer.bz.it y le paiamënt dl prisc d’iscriziun de 120,00€. Pesć: 1. post 600,00€, 2.post 400,00€, 3.post 200,00€, “pozer” 200,00€. 3. Viola Football Camp a La Val L’Uniun dl Sport La Val lascia alsavëi che en chësc ann gnaràl indô organisé söla plaza dl sport Plans le “Viola Football Camp” por düć i mituns de nosta valada nasciüs dal 1996 al 2001. Le camp gnarà tigní dai 23.08 ai 28.08.2010. Informaziuns y inscriziuns pro Fabian Sottara sot al nr. 333/4750466 (do les 5 da sëra) o söla plata internet www.uslaval.it. La palestra de arpizeda Nives ie inò davierta I orares de giaurida ie de lugio, agost y setëmber, uni di dala 17.30 nchin la 22.00. De sada ie la palestra stluta. Per i trëi mënsc da d’instà pòssen inò fé l abunamënt. L priesc ie de 30 euro. Nfurmazions pra Manuel Nocker, 334/5497706 o tl ufize di mëinacrëp, 0471/794133. Jì a fé pallavolo

Duc i jëuni de Gherdëina ie nviei a unì a fé pallavolo, uni mierculdi tl ciamp da pallavolo de Mulin da Coi. Se ancunton uni ena per dut l instà for de mierculdi sëira, dala 19.00 inant. Per fé pea ne àn nia drë de se scrì su, l tleca unì a fé pea. Per plu nfurmazions pòssen zënzauter cherdé su tl ufize dla Nëus Jëuni Gherdëina l numer 0471/799006. Garejèda “Pian Trevisan-Pian di Fiacons”

Doman, domenia ai 4 de messèl, vegn endrezà la 6^ edizion de la garejèda de corsa sa mont “Pian Trevisan-Pian di Fiacons” de 6,5 chilometres, endrezèda da la sozietà sportiva “Bogn da Nia” en colaborazion col gestor del refuge Pian di Fiacons Guido Trevisan. La garejèda ponta via te Pian Trevisan da les 9.00. I concorenc cognarà corir l percors te 3 ores jan su envers Ciamorciaa, la Marmites, Forcela Marmolèda e refuge Pian di Fiacons. Iscrizions sul sit internet www.bogndania.com o info@piandeifiacconi.it opura chiamèr Guido Trevisan al 328.1218738. Corsa a pe a Ciampestrin

Va inant l Campionat de corsa a pe de la sociazion sportiva “Atletica Fassa 08” per arvejinèr i joegn e la families de Fascia a na sèna atività sportiva. Dò la pruma proa metuda a jir a Soraga ai 29 de mé, doman domenia ai 4 de messèl sarà la 2^ proa a Ciampestrin en ocajion de la Festa di 3 paìjes. L’autra proes sarà a Poza ai 18 de aost con la garejèda de net “Anter le Lum” e a Cianacei ai 25 de setember co la premiazion finèla e la festa. La gara de chesta domenia pea via da les 10.00 da doman. Per aer maor informazions su l’atività de la sociazion se pel veder l sit www.atleticafassa08.com; per se enscinuèr per tor pèrt se pel manèr na mail a atleticafassa08@yahoo.it o n fax al 0462.601742 o chiamèr l numer 328.6450706.

I maestri dla roda dla “Dolomite Biking” organisëia por chësc isté n curs da jì cun la roda da munt por mituns dai 8 ai 14 agn. Dal curs vëgnel insigné la tecnica da jì cun la roda por imparè da se devertì deplü. An s’incunta a La Ila vigni mertesc y vigni sabeda danmisdé, dai 6 de messè ćina ai 7 de setëmber. Le curs costa 95,00€. Por informaziuns y prenotaziuns prëibel cherdè sö diretamënter i maestri:André Mersa al 328/6464410 y Richard Feichter al 329/8627659.

Mini Soraga Ramp Taca ite anché, sàbeda ai 3 de messèl a Soraga, la pruma proa del zircuit Mini Bike Fascia, Fiem e Primier 2010 de garejèdes co la roda da mont per bec dai 7 ai 16 egn. L program de la Mini Soraga Ramp, endrezèda da la sozietà 3 Esse, perveit de se troèr te Pra del Preve da les 13.30, i prumes concorenc ponta via da les 15.00. Sobito dò la garejèda sarà la premiazion con de bie pesć per duc. Per se scriver ite ge vel telefonèr al 339.3397037.

Imparè da śoghé a golf

En domenia ai 4 de messèl l’Artistico Ghiaccio “Pavei d’Arjent” verc la neva sajon sportiva 2010/2011 con na bela festa tel stadie de la giacia de Dèlba con amelec, nutella, musega a bai per duc. En mèrtesc taca ite i corsc per emparèr a jir coi feres per i bec dai 4 ai 12 egn. Chi che volessa se scriver ite pel chiamèr l numer 347.4765278. L president Mauro Battisti ge augura a duta la atletes e atlec e al staff tecnich na sajon rica de sodesfazions e suzesc.

Le Golf Club Alta Badia mët da jì n curs de golf coletif por prinzipianć. Le material gnarà metü a desposiziun debann pro le golf club. Le curs mët man ai 5 de messè dales 13.00 y vëgn tignì dui iadi al’edema, por indöt cater edemes. Por infos plü menüdes pòn telefonè al 0471/836655.

I “Pavei d’arjent” aur la neva sajon

♦ Marcià di pulesc per mutons a Urtijëi

♦ Segra d’Antermëia

Juech y devertimënt lià a velch de utl! Metù a jì chëst ann per l prim iede dai Buteghieres de Urtijëi n sada ai 17 de lugio sun la plaza Rezia, dala 15.00 ala 18.00

Trëi dis de festa cun l’alzada dl “Kirschtamichl”, DJ y intratenimënt cun la Musiga, platleri y Alex. La domënia sëra proieziun söl gran linzó dla finala di campionać dl monn de palê

De un n viers spera i Buteghieres de Urtijëi de dé nce cun chësta manifestazion n cuntribut atif a purté vivanda tl luech, dl auter viers iesen nce dla minonga che chësta scumenciadiva a n si valor pedagogich. N uel ti dé na sburdla a mutons dla scola elementera y mesana a fé zeche de utl cun si roba da fé damat cun chëla che i ne se tripa bele giut nia plu. Sce i mutons possa se urganisé nstësc y pona se mëter a jì cun suzes l di per vënder, juda chësc inant si pensé mprenditoriel. N ulëssa ti mustré ai mutons che l ie bel a lauré per sé nstësc, ti dé la puscibltà de fé na esperienza positiva sëuraprò che puderà ti jué per si daunì. Ma la manifestazion ie nce a fin de bën: l vën scudì n priesc per fé pea (5,00 €). Chisc scioldi ti jirà al Medicus Comicus, che piterà n chësc di n program de devertimënt per mutons. Chëi che uel fé pea muessa se scrì ite nchin ai 15.7. tla butëiga Manuela, str. Rezia 169, tel. 0471796095, e-mail kaufleutestulrich@shopping.bz.it. La roba da vënder dëssa vester nëta, nia rota y avëi l priesc lessù. Uniun muessa nstës se njenië ca l stont che ie de za. 2 x 1 m2.

Le paîsc d’Antermëia s’arjigna da festejé la segra dl paîsc. Chësc ann fajaràn trëi dis de festa, dal vëndres ai 9 ala domënia ai 11 de messè. Le vëndres metaràra man dales 19.30 cun l’alzada dl “Kirschtamichl”, por passè dedô ala party cun DJ Roland. La sabeda ai 10.07 dales 20.00 inant gnaràl pité la “Deejaydisco” on tour cun DJ Floh. La domënia mët man la festa dales 10.00 danmisdé cun intratenimënt musical, liagnes blanćes y “Weißbier”. Dales 2 domisdé sonarà la Musiga da San Martin y dales 16.00 gnaràl pité intratenimënt cun i platleri, por passè spo ala musiga da bal cun Alex. Dales 20.30 inant gnaràl proietè söl gran linzó la finala dla Copa dl Monn de palê. Por spëisa y boanda vëgnel f i stidié. Org anisa z iun: Stödafüch Antermëia, Sport Club Antermëia y Grup di Jogn. Antermëia festejëia la segra. www.lauscdiladins.com

31


Informazions y Manifestazions Segres y Festes Segra de Urtijëi cun i destudafuech Ncuei sada y duman dumënia ai 3 y 4 de lugio mët i Destudafuech de Urtijëi inò a jì la festa sun Plaza S. Antone n ucajion dla segra. N scumëncia n sada dala 3 domesdì cun mujiga nchin da sëira. N dumënia do la gran mëssa uniràl fat la defileda ju per l raion da jì a pe y da mesdì saràl l cunzert dla Mujiga de Urtijëi y da dedò chël dla Mujiga da Bula. L sarà nce na ola dala fertuna cun de biei pesć y da maië y da bever ne manceràl. Per i pitli mutons uniràl metù su n ciastel da peté sauc y da sëira puderàn cialé la partida de juech al palé sun na gran televijion. 125 ani turism a Urtijëi N dumënia ai 4 de lugio saràl a Urtijëi la festa per i 125 ani de turism a Urtijëi. Tl zënter de Urtijëi àn metù ora tofles cun fotografies storiches y pra la gran festa ai 4 de luglio saràl tl zënter de Urtijëi, dala 10.30 danmesdì, na gran desfileda storica. Segra da La Val

I Stüdafüch da La Val inviëia en doman domënia ai 4 de messè ala tradizionala festa dla Segra dl paîsc. La festa vëgn tignida por döt le dé sön plaza de comun y metarà man do mëssa cun n conzert dla Musiga da La Val. Domisdé podaràn inće ascutè sö deplü conzerć y da sëra jarà la festa inant cun musiga da bal cun i “Alpenduo”. Tratan döt le dé gnaràl sambëgn inće fistidié por dè fora da mangé y da bëre por düć. Te anter i tobié 2010

Ence chest an l’é dut vertech per la 12^ edizion de la gran manifestazion “Te anter i tobié” de Cianacei en program ai 9, 10 e 11 de messèl. La festa se orirà en vender da les 21.00 co la gran defilèda fora per l paìsc de Cianacei chest an dedichèda ai sorainomes de Fascia. La sàbeda i stonc averjarà da les 11.00 e via per dut l dì se arà l met de jir a cuchèr stroz per i tobié te la pèrt veia de Cianacei, che se viventarà de saores, mestieres da zacan, festa e mùsega. Chi che vel veder l program più avisa, pel jir sul sit: www.teanteritobie.it Festa di 3 paìjes

L Comun de Mazin, ensema con i Studafech e l Comitat Manifestazions del paìsc - col didament de la Cassa Rurala – met a jir ence chest an la “Festa di 3 paìjes”. Doman, domenia ai 4 de messèl, la comunanza de Mazin, Ciampestrin e Fontanac se troa jà da doman a Ciampestrin te Palua, olache da les 9 vegn ofizià la Messa Grana. Dò messa pea via la seconda proa del Campionat de Fascia de corsa a pe, dapò vegn endrezà na bona marena e da les 14.30 sarà la premiazion compagnèda da la sonèdes di Pazedins. L domesdì jirà inant con la tombola endrezèda dal Grop di Joegn de Mazin e con la loterìa e autres jeghes. Duc é envié a chesta dì de festa.

Chino y Films Al chino de Cianacei

Al chino de Cianacei insnet sabeda ai 3 e doman domenia ai 4 de messèl da les 21.15 vegn moscià “La nostra vita” de Daniele Luchetti con Elio Germano, Isabella Ragonese e Raoul Bova. Al chino de Pardac

Al chino de Pardac insnet sabeda ai 3 de messèl, en domenia ai 4 e en lunesc ai 5 da les 21.15 (domenia ence da les 17.00) se pel veder l film “The Twilight Saga: Eclipse” de David Slade con Kristen Stewart, Robert Pattinson e Taylor Lautner. Al chino de Tieser

Al chino de Tieser insnet sabeda ai 3 de messèl da les 21.00 l’é en program l conzert del Cor Genzianella, doman, domenia ai 4 de messèl da les 21.15 se pel veder l film “Agorà” de Alejandro Amenabar con Rachel Weisz, Rupert Evans, Max Minghella e Oscar Isaac. En lunesc ai 5 e en mèrtesc ai 6 de messèl da les 21.15 l’é en program l film “The Twilight Saga: Eclipse”. En mercol ai 7 de messèl sa les 21.00 sarà l conzert de la Musega da Vich e da en jebia ai 8 a en domenia ai 11, da les 17.00 e da les 21.15 se podarà veder l nef film de la Disney “Toy Story 3”. Al chino de Ciavaleis

Al chino de Ciavaleis insnet sabeda ai 3 de messèl, en domenia ai 4 e en lunesc ai 5 da les 21.15 (domenia ence da les 17.00) se pel veder l film “The Twilight Saga: Eclipse” de David Slade con Kristen Stewart, Robert Pattinson e Taylor Lautner. Da vender ai 9 e per dut l fin de setemèna che vegn l’é en program “Prince of Persia” de Mike Newell con Jake Gyllenhall, Ben Kinglsey e Alfred Molina.

Musiga Cunzerc per judé la jënt dl’Africa

La band “Westcoast“ dl dutor Toni Pizzecco mët a jì na lingia de cunzerc per judé la jënt dl terzo mond y dantaldut l spedel Attat tl’Etiopia. La sëires a fin de bën vën metudes a jì deberieda cun la Crëusc Blancia de Terlan. I cunzerc sarà n sada ai 10 de lugio a Bulsan tl parch Europa, n sada ai 31 de lugio a Torri del Benaco, n vënerdi ai 6 de agost a Malcesine, n sada ai 18 de setëmber a Persenon y n sada ai 2 de utober a Maran. Duc i cunzerc scumëncia dala nuef da sëira. Badia Music Days Festival 2010

En vëndres ai 9 de messè dales 19.00, mët man a Badia, sön paiun, la secunda ediziun dl festival de musiga contry, rock, pop. Festival che jarà inant inće la sabeda, dales 18.00 inant. Sön paladina saràl da aldì indöt 10 bands che sona sorts de musiga desvalia. Serada folcloristica

En mertesc ai 6 de messè dales 21.00 vëgnel metü da jì na serada folcloristica, sön paiun da San Martin. Al sonarà Alex Pezzei. Sce al ess da ester bur’ tëmp, gnarà la manifestaziun tignida te salf dles manifestaziuns da San Martin.

32

www.lauscdiladins.com

nr. 25 / 03 de messel 2010

♦ Josef Kostner artist Prejentazion dl liber sun l lëur artistich de Josef Kostner da Stlujuc, n sada ai 10 de lugio 2010, dala 6 da sëira tla galaria de antichità Digart a Urtijëi, cun mostra de si lëures che sarà da udëi nchin ai 18 de lugio L ie na vita dedicheda al’ ert, chëla de Josef Kostner. L gran nteres per dut y la ueia de fé, ne l à mei lascià sté chiet. Nsci ie nce si ert stat n jì a crì tresora, n crì de ideies nueva, n crì de formes de esprescion nueves. Ma l bujën dedite de messëi comuniché tres l’ert, ie for stat tan grant che l messova ora. Suënz ie stai patimënc sentii nstës o strambaries dl mont, che l à purtà a crië persones che chërda aiut, che uel dì zeche y che se pera da na vita zënza sentimënc. La figura umana, che Josef Kostner tol ca per la gran pert, semea dedora tan sterscia, pervia dla linies taientes y vaghedes. Ma tl sot móstreles nce la deblëza y la splaiedes. Ti prim ani ie l’opres de Josef mo plu fines, ma cun i ani devënta si linies for plu segures y ti lascia mé plu lerch al essenziel. L’esprescion sterscia de si lëures ne lascia, chël che ti cela, nia zënza emozion. L ie na gran streda tl’ert chëla che Josef Kostner à fat. Perchël iel bel a mustré su l svilup de n tel artist, che se à dedicà cun cuer y ana al’ert y ala cultura. Ve nvion de cuer ala prejentazion dl liber sun l lëur artistich de Josef Kostner da Stlujuc tla galaria de antichità Digart a Urtijëi/Runcadic ulache l sarà nce da udëi la mostra de si lëures, che resterà davierta uni di nchin ai 18 de lugio. Se ncunferton sun Vosc unì.

Musiga Musiga di Jogn Bassa Val Badia Do la bela esperiënza fata l’ann passè, vëgnel inće chësc isté metü en pè la Musiga di Jogn Bassa Val Badia. Le fin dl proiet é chël da ti dè la poscibilité ai jogn da sonè te na formaziun jona, olache la desfarënzia de eté n’é nia grana. La Musiga di Jogn é na buna basa por alisiré le integramënt di jogn tles musighes de nüsc paîsc y é insciö inće n gran aiüt por les musighes instësses, che adora forzes nöies por jì inant te süa ativité. Le proiet se destira fora por i mëisc de messè y agost ćina mez setëmber, cun öna na proa al’edema che gnarà tignida n iade a San Martin y n iade a Al Plan. Ala fin dl proiet gnaràl fat un o dui conzerć. Le proiet mët man le lönesc, ai 19 de messè 2010 dales 19:00 tl local dla musiga a San Martin. Tó pert po düć chi che sona da almanco dui agn incà n stromënt a flè o percusciuns. Chi che à interes da fà para dess s’anunzié ćina ai 10.07.2010 pro un di verdajogn dles musighes dla Bassa Val Badia: Stephan Ploner (Musiga da San Martin, 334/6015128), Manuela Ploner (Musiga da La Pli, 340/3255905). Ivan Weiss (Musiga d’Al Plan, 335/1050231), Christian Pallestrong (Musiga da Rina, 333/3608384). “I Sons de la Dolomites” Isnet sabeda ai 3 de messèl, da les 10 da sera aló dal Refuge Vaiolet sunsora Vich, l’autor e ator Marco Paolini porta dant n spetàcol dal tìtol “Uomini e cani” ispirà al scritor american Jack London. En vender ai 9 de messèl da la does domesdì sun Laguscel, te la mont de Poza, se podarà scutèr i “Quintetto Bislacco” con “Amusing classics”, interpretazions gustégoles e deletégoles de la musega classica. N auter apuntament emportant te Fascia sarà en sabeda ai 17 de messèl da les 6 da doman, canche per “L’èlba de la Dolomites” al Refuge Sandro Pertini de Ciampedel, sot l Sas Piat, Erri de Luca rejonarà del valor del limit e de sie liber “Il peso della Farfalla”. L program entriech de la manifestazion, che tol ite con n grum de spetacoi dut l Trentin, é da poder veder sui sit internet www. isuonidelledolomiti.it

♦ “Yo-Yo” de Dumëne Comploi Gran debut dl artist marou jonn che vir atualmënter a Los Angeles. La mostra romagnarà daverta ćina ai 19 de messè 2010, vigni dé dales 10.00 ales 12.00 y dales 14.00 ales 19.00 En vëndres ai 9 de messè dales 18.00 gnaral daurì tl salf esposiziun dl Istitut Ladin tl zënter da San Martin de Tor la mostra personala de Dumëne Comploi d’Al Plan de Mareo che vir atualmënter a Los Angeles tl’America. L’artist y designer architetual y sperimental metarà fora na istalaziun sot al tema “Yo-Yo”. La festa de daurida gnarà incornijada dala musiga de Alexander Kaiser. Parores de presentaziun y de introduziun gnaral spôrt da Simon Kostner da Corvara. Dumëne Comploi à slüt jö i stüdi regolars de architetöra al’Universität für Angewandte Kunst a Vìena sot al professur Greg Lynn l’ann 2008. Al à inće studié ala SCI-Arc (Los Angeles) y TU-Viena. Süa esperiënza tl ćiamp artistich é formada da colaboraziuns desferëntes cun designers y artisć desco Ross Lovegrove, Olafur Eliasson, Casey Reas, Ichiban o laurs por aziëndes desco Nike, Red Bull, Materialise.MGX. Les prömes esperiënzes tl ćiamp dl’architëtöra àl fat cun le stüde da Pidrô NaglerNagler. Al momënt é Dumëne tl arjunje le titul March2 (’Master de secundo degré’) a Los Angeles tla UCLA, olache al é assistì da so mentor Greg Lynn en colaboraziun cun Walt Disney Dumëne Comploi. Imagineering.


Informazions y Manifestazions

nr. 25 / 03 de messel 2010

Iadi, Jites y Escurscions Sindacat di ponsionà SGB-CISL - Jita da isté Le grup dla Val Badia dl sindacat di ponsionà SGB-CISL inviëia a na picia escursciun saurida (40 menüć a pé) söi pra d’Armentara (Ütia Ranch) en sabeda, ai 10 de messè 2010. Post d’incuntada: ales 10.00 a Pidrô/Pederoa. Cun i auti ćina sura Armentara y inant a pé sö dala Ütia Ranch de Andrè de Martignano, olache i passun n valgünes ores en compagnia pro musiga, ćiantè y na bela cartada. Le bëre y le mangé se paia düć instësc. Por informaziuns plü menüdes pon cherdè sö le surastant dl Grup Val Badia Paul Pedevilla (tel. 333/6731119). Escursciun sön la Plätzwiese Les Lies da Munt Val Badia inviëia a na escursciun sön la Plätzwiese - Dürrenstein Schluderbach, en domënia ai 11 de messè. Le deslivel é de 850 m söpert y 1400 m jöpert, por n tëmp da jì de za. 5 ores y mesa. Le bus pëia da Calfosch demez ales 7 da doman y archita a Corvara, La Ila, Pedraces, Pidrô, Piculin y Longega. Informaziuns plü menüdes pro Maria Kostner al nr. 339/8368922.

Mostres Mostra “La fotografia por comuniché...” Te Museum Ladin él dötaorela da odëi la mostra “La fotografia por comuniché...”, che romagnarà daverta ćina ai 11 de messè, dal mertesc ala sabeda dales 10.00 ales 18.00, la domënia dales 14.00 ales 18.00. Cueres de Martha Silbernagl

La mostra de Martha Silbernagl dal titul ”Herzen”, ie da udëi dai 5 de lugio ai 7 de agost, tl Café Surëdl a Urtijëi. Duc ie nviei ala giaurida che sarà n mierculdi ai 7 de lugio dala 20.30. L Café Surëdl ie daviert da lunesc nchin sada dala 10.00 ala 19.00. Mostra cun i artejans dl’Unika a Burnech

Ëi si lëures a Burnech tl palaz de chemun. Duc ie nviei ala giaurida dla mostra n lunesc, ai 5 de lugio dala 17.00. Sëuraprò ala scultures de uni artist, uniràl nce metù ora na pitla grupa di tifosi. I pec metui ora ie coche for unicac di artisć de Gherdëina ziplei a man da fonz ora. La mostra resta davierta nchin ai 10 de setëmber da lunesc nchin vënerdi, 8.30 – 12.30.

Jita acompagnada sön Medalges

Egon Rusina Karikatour

Tla cornisc dl’iniziativa “Almerlebnis Naturparks 2010” vëgnel metü da jì deplü jites acompagnades fora por les munts di parcs naturai de Südtirol. Öna de chëstes sön Medalges, en doman domënia ai 4 de messè. An s’incunta dales 9.30 tla plaza dai auti Pares a Lungiarü, deboriada cun l’acompagnadù Walter Frenademetz jaràn sön n tru saurì, por rovè sön la Munt de Medalges (2.294 m). Le tëmp da jì é de za. 2,5 ores. Lassö saràl l’ocajiun da ćiarćé de bugn produć de munt. La jita é debann, por la degustaziun vëgnel damanè 10,00€ a porsona (mituns ćina 14 agn debann). Les prenotaziuns vëgn tutes sö tla Ćiasa dl Parch a Al Plan, al nr. 0474/506120.

Tl Lanserhaus a Eppan iel tla streda J.G. Plazer 24 na bela mostra de caricatures de plu artisć. Da udëi iel lëures de cënt ani de caricatures. Gran mpurtanza ti vëniel dat a Eduard Thöni che ie stat un di caricaturisć dal majer talënt. Na si lerch giapa nce Egon Moroder Rusina, Peppi Tischler y Hans Peter Demetz. La mostra ie davierta nchin ai 11 de lugio, da merdi nchin vënerdi dala 15.00 – 18.00, de sada y dumënia dala 10.00 – 12.00 y dala 15.00 – 18.00. Lunesc dsarà.

Iade tl Vietnam

Amez otober vëgnel metü da jì n iade de 12 dis tl Vietnam, cun Marion Posch. An jarà a vijité le nord cun Hanoi, y fajarà n iade sön la barca tla baia de Halong (UNESCO). An rovarà spo tla cité imperiala de Hué, Hoi-An (UNESCO), y tl süd a Saigon/Ho Chi Minh. An starà suranöt te hotì da 4 stëres. Por informaziuns plü menüdes pon cherdè sö Marion al nr. 335/6164156.

♦ Karl Unterkircher Award 2010 Sun plaza de Chemun de Sëlva n vënderdi ai 9 y sada ai 10 de lugio dala 21.00. Ntan la doi sëires de films y referac, uniràl prejentà la arpizedes de alpinisć cunesciui y si arjontes ntan l ann 2009 N vënderdi ai 9 de lugio dala 21.00 vëniel prejentà: Denis Urubko y Simone Moro (Kazachistan y Talia) y si prima arpizeda da d’inviern sun l Makalu (8463 m) dai 7 ai 9 de fauré dl 2009; Simon Anthamatten, Samuel Anthamatten y Michael Lerjen (Svizra) y la giaurida de na via nueva ndrëta tl stil alpin sun l parëi sud-est dl Jasemba (7350 m) fata dai 27 ai 29 de utober dl 2009 (1500 m, M5 y 90°); Robert Jasper y Roger Schaeli (Paejes Tudësc y Svizra) y la ”JapanerDirettissima“ sun l parëi nord dl Eiger dai 28 ai 31.08.2009 (8a). N sada ai 10 de lugio, dala 21.00 vëniel prejentà: Marko Prezelj, Rok Blagus y Luka Lindic (Slovenia) y la trëi vies nueves che i à giurì: Bhagirathi IV (6194 m) ai 15.09.2009 (1000 m, D+), Bhagirathi III (6454 m) ai 21 y 22.09.2009 (1300 m, 6b, M5 y WI5, ED), Bhagirathi II (6412 m) dai 29.09. ai 01.10.2009 (1300 m, 6b+, M8 yWI6+, ED+/ABO-); Ueli Steck (Svizra) y si arpizedes polivalëntes: la Schmid-Route sun l parëi nord dl Matterhorn te 1h y 56 menuc ai 13 de jené, la Golden Gate-Route (8a) sun l El Capitan (California) tl mëns de mei, la arpizeda dl Gasherbrum II ai 9 de lugio (8035 m) y l Makalu ai 24 de setëmber (8463 m), for tl 2009. Pra la premiazion n sada sëira ti uniràl sëurandat al alpinist o grupa de alpinisć che vënc chësc prim “Karl Unterkircher Award 2010” n bel unicat dl artista Gerold Moroder y n schech de 3.000 euro. L priesc de ntreda per una na sëira ie de 10,00 euro, per la ntreda a tramedoi sëires iel de 15,00 euro. L davani de chësta prima edizion dl Karl Unterkircher Award jirà al pruiet de Karl per l sustëni ai mutons de Lhasa tl Tibet.

Mostra de Lothar Dellago

A Fie tla galaria de Fie iel da udëi na bela mostra de scultures de Lothar Dellago. La giaurida ie ncuei sada ai 3 de lugio dala 18.00. L rujenerà Marlies Lüdtke, mujiga de Norbert Dalsass/Achille. La mostra resta davierta nchin ai 15 de lugio, da lunesc nchin vënerdi, 17.00 – 20.00 y de sada y dumënia 10.00 – 12.00 y 17.00 – 19.00. Anter la jent: i “musc” dessegné da Lugi Canori L’Istitut Cultural Ladin, en colaborazion col Comun de Moena, porta dant na mostra de dessegnes de Luigi Canori. “Anter la jent/Tra la gente” l’é l titol de chesta esposizion che met dant per la pruma outa l musizist moenat da n pont de veduda desferent: chel del “dessegnador de musc”. Chesta mostra vel esser n dialogh co la comunanza ladina, e en particolèr con chela de Moena, che ti dessegnes del Canori pel recognoscer na pèrt de sia storia. I retrac é da poder veder jun Navalge a Moena enscin ai 21 de messèl da les 17.00 a les 19.00 e da les 21.00 a les 22.30. Dai 9 de aost enscin ai 3 de setember la mostra vegnarà tramudèda a Sèn Jan, te la sala grana de l’Istitut Ladin. Mostra de retrac “I Cucaloch”

La resta fora jun Navalge a Moena enscin ai 21 de messèl, la mostra de fotografìes de “I Cucaloch”, cinch amisc da Moena pascioné de retrac, de la natura e de la roba beles che vel envièr sia jent e i ghesć a vardèr più da vejin dut chel che de bel l’é entornvìa nesc paìjes. La mostra é da poder veder duc i dis da les 17.00 enscin les 19.00 e da les 21.00 enscin les 22.00. Dapò via pe l meis de aost i retrac de chisc bravi fotografes pascioné, compagné da bela didascalìes per ladin e talian, i sarà da poder veder a Sèn Jan tel Museo Ladin. Debant al Museo ogne lunesc

L’Istitut Cultural Ladin à metù a jir na bela scomenzadiva che jirà inant per dut istà. Dai 5 de messèl ai 30 de aost, ogne lunesc, l Museo Ladin de Fascia orirà si ujes debant e se podarà ite a veder la sales espositives a Sèn Jan da les 10.00 a les 19.00. Amò apede se podarà se emprevaler de la vijita vidèda compagné dai operatores del Museo per fèr n viac te la storia, la cultura, la tradizions di Ladins de Fascia, da la preistoria a anchecondì. La vijites vidèdes vegn fates da les 10.30, da les 15.30 e da les 17.30 al cost de 2,00 euro.

Al Andrea e ala Iolanda che festegia ai 27 de jugn i 40 agn de matrimonio, da chëst folgio ve auguron de cuor encora troc de biei agn da ve gode auna. Cici, Sisto, Tania e Davide

Düt l’bun a

Jennifer che cumplësc incö ai 3 de lugio i 18 agn, ti augurunse furtüna y sanité. Mama, Tati y René

L inuem de Karl Unterkircher ala cësa multifunziunela N sada ai 10 de lugio dala 17.00 sun Plaza Nives, ti uniràl metù inuem ufizialmënter ala cësa multifunziunela dl Chemun de Sëlva. L ti unirà dat l inuem n lecort de Karl Unterkircher. www.lauscdiladins.com

33


Congratulazions

nr. 25 / 03 de messel 2010

Ai 2 de lugio à nosta pitla

Mary

A nosta Berta

cumplì si tan aspitei 18 ani. Te mbincion che tosc la patent posses fé acioche cun n drë auto posses furné ora l Saltos a bever l café o nzaul a balé. Che la te bute inant, che te restes for tan ”boni” y sann y nton chësc de cuer cun n gran bos

I te ringraziun de cör de döt ći che te fejes y ći che t’as fat por nos. I te audun döt le bun, trepa sanité y che te sii dagnora dla bona löna. Döt le bun por tü 60 agn! Cösc t’aoda l’om, i mituns y i nus

da mami, tati, Christian, Sara y Markus, lava y nene

A nosc tata y nene

Ai 4 de messè él inće pur nosta

Jepele da Plazores

Simi

gnü l’ gran dé: ara po finalmënter i 18 festejé! Śëgn gnarala da mëte man da se astilé, deache te tüa vita assà nen aste cumbiné... Le maester de guida adurarà na paziënza mata, deache z’rucada te val’ si este pa defata. Te “Chemieraum” vaste tres cun na dërta pasciun, inće ma pur via dl professer, chël savun! Bel’ da picera te udôste tla Francia maridada, mo ma ćina jö dal vijin este brudurada. Aiai, tantes che al nen foss ćiamò da cuntè, mo i te fajun n plajëi da scutè... Śëgn te auguruns’ ćiamò düt l’ bun y a na buna torte se incunfurtun!

co complësc ai 5 de iuli la bela eté de 90 agn. Por l’amur che te s’as scinché y por döt ći che te s’as emparé orunse te rengrazié. Dé por dé la sanité dess t’acompagné cösc orunse nos düć adöm de cör t’aodé. Tü mituns con families

A nosta mama

Sandra, Giulia, Michi, Ale, Nathalie, Mary, Miriam, Arthur, Andy, Fabian

döt l’ bun por l’ complì di agn da to om y tües mitans. Congratulaziuns a

Manuel Moling da La Ila

por avëi passè cun suzès l’ejam da avocat. Döt le bun por le dagnì y tröpes sodesfaziuns te to laûr t’aoda i tü de familia.

A

Paul Zardini co complësc ai 4 de iuli 2010 i 60 agn.

A chëla picera Jenny

I Te aodi döt le bun por le tomp co à da gnì! Che Dio Te benedësci.

finalmënter inće tö i 18 agn as’ cumplì la patënt él da fà y cun l’auto gnaràla da jì. Bel te sal da sunè y insnöt gnaràla sambëgn da balè fox y boarisc é na tüa gran pasciun, por na sëra mëti da pert, al é da fà n gran festun! Resta tres tan da or��i bun tröpa fortüna te augurun!

Ida

Paula,

Takketto, Vera, Fabo, Kiki, Caua, Silvy, Steffy, Sara, Lisa, Aaron, Didi, Nicola, Aleks, Lucy, Ossy, Daniela, Nikolas y Marion

śën 85 ani es cumplì y ora dla zaita posses ncuei t’la rì. Per dut chël che te es fat ulons te sentì gra Dut l bon y sanità te mbincia de cuer

Incö ai 3 de messè tü 18 agn aste arjunt, purchël che al gnarà da paié da bëre tëgn cunt. Tüa gran pasciun é tres stada da jì al Pik a balè, mo cun chël “piffero” te sàl sambëgn inće bel da sunè. De tües cumpagnes ne poste impò nia te desmentié, deache adüm él tres tan bel da fantiné. Y inće sce a chësc dé s’l unse bele dî dötes confortada, śëgn gnaràla da gnì sceri inće sön strada. A nosta picia

Jenny ti augurunse düt l’bun y tröpa felicité, deache le post te nosc cör àla bele dadî davagné. Da chëles da Calfosch che t’ô tan bun Miriam, Marlies, Betty, Verena, Alexa y Maddalena

34

www.lauscdiladins.com

Duc chëi dala Plates

A Evi en ocajion de tie cedean toron te venjon dut l bon toa familia e duc chi che te à festejà la sera de Sèn Piere


Religion y Anunzies

nr. 25 / 03 de messel 2010

Vangel dla Domenia

Recordanza Dan 3 agn, ai 8 de messè, é Siur Fonjo gnü cherdè da Chël Bel Dî te so rëgn. Le recordun tles santes mësses dl ann che vëgn zelebrades: a Calfosch, ai 7 de messè, dales 19.30 a Corvara, ai 8 de messè, dales 19.30

Siur Fonjo En gran giulan de cör da pert dles ploanies da Corvara y Calfosch! 3 agn él passè I te un aspetè sot chëla crusc mai plü n’uns’ aldì tüa usc mo te nosc cörs te ast’ fat lerch y to recort é tres ćiamò sterch. I ne podun nia desmentié tüs paroles tan sintides to ejëmpl y tüa buntè tüa riüda ligherzina tüa compagnia tan chirida. Da chël bel post olà che t’es ćiara de nos intratan de düt ći che t’es stè incö te dijunse giulan. (pk)

14. Domënia ia por l’ann C, ai 4 de messè 2010 Dal vagnele do San Lüca 10, 1-12,17-20 Te chël tëmp à le Signur chirì fora setantedui d’atri discepui y i à ortié dui a dui danfora te dötes les citês y ti posć olach’al ê por jì. Al ti à dit: “La racoiüda é grana, mo al é mâ püć lauranć. Periede porchël le patrun dla racoiüda ch’al mënes fora lauranć por süa racoiüda. Jide! I ves ortiëii fora sciöche bisces danter i lus. Ne tolésse degun tacuin, degöna sportula y degügn ćialzà! Ne saludede degügn sön tru. Sc’i rovëis te na ćiasa, spo dijede por pröm: pêsc a chësta ćiasa! Y sc’al abitëia dailò n chestian dla pêsc, spo s’architarà la pêsc, ch’i ti aodëis, sön ël; sce nia, gnaràra derevers sön os. Romagnede te chësta ćiasa, mangede y boiede ći ch’an ves pîta; deache chël che laora, à n dërt sön so paiamënt. Ne jide nia da na ćiasa al’atra! Sc’i rovëis te na cité y an ves tol sö, spo mangede ći ch’an ves tënn sö. Varide i amarà che é dailò y dijedi ala jënt: Le rëgn de Dî é daimprò. Mo sc’i rovëis te na ćité, olach’an ne ves tol nia sö, jide fora sön strada y scraiede: Inće le stöp de osta cité che taca sön nüsc pîsc scassunse jö sön os. Chël indere desses savëi: Le rëgn de Dî é daimprò. A Sódom ne ti jaràra en chël dé nia tan mal co a chësta cité.” I setantedui ê gnüs derevers y cuntâ plëgns de ligrëza: “Signur, ćinamai i demonns nes stima, sc’i pronunziun to inom.” Dailò ti àl dit: “I à odü le sàtann toman sciöche n tranì dal cil. Ćiarede, i ves à dè la potesté de pestè sön bisches y scorpiuns y de ti ester bugn a döta la potënza dl nemich. Nia ne po ves fà dann. No ralegrésse porchël che i spirić ves stima, mo ralegrésse che üsc inoms é scrić sö tl cil. Parora dl Signur. - Lalt a té, Gejù Crist!

Na aziun dles Cöres dla Val Badia

Rengraziamënt

"Iö feji impara!"

Uma y lava, orun rengrazié Idî, che i un podü T’avëi tan dî.

Rosa Oberbacher nasc. Costner *15-01-1922 +17-06-2010 Oresson inće rengrazié l’ dotur de ćiasa Guido Carretta y les assistëntes dl sorvisc sozial dla Val Badia che é stades dër lezitëntes. Giulan i dijunse a düć chi che é gnüs ales corones y ala supultüra, ai proi, ai ćiantarins y ai Stüdafüch da Calfosch, y a düć chi che s’la recorda tles oraziuns.

L’om Sepl I mituns Gabriel cun Bruna Edeltraud cun Alfons, Nicole y Jessica Lorenz, L’ jënder Vizenz

I prô da tó pert ala vita dla ploania, deache la comunité cristiana é por mè le miol de n paîsc. I ne podun nia lascè sozede ch al se desfantes ia 㶛i che é gnü fat sö cun bria por tröc secui alalungia. Al se sta bëgn a dü㶛 a cör che la comunité sighites da s abiné inant la domënia, che la jënt dl paîsc ne vires nia un dlungia l ater Tone Gasser, 64 agn, ia, mo tëgnes via la conferta y partësces. San Martin de Tor Sciöche cristian sunsi oblié da incundé y testemonié Gejù ressorì, vi amesa nos ite: Ël é le su che nes dëida da jì fora por i dis de chësc tëmp. Inultima ne se tràtera nia mâ de responsabilité mo in㶛e de reconescënza ch i ti sun de debit a Chël Bel Dî y a chi che nes é jüs danfora, a chi incër nos ia y a chi che vëgn do. Ai 7 de novëmber 2010 él les lîtes di consëis de cöra. ´ Tö a desposiziun! Mëtete ince

Rengraziamënt Ai 27 de juni nes à lascià tl’età de 84 ani nosc uem, pere y nëine

Guido Daurù Rengrazion de cuer duc chëi che ti ie stac daujin, i culaburadëures dla Cësa de Paussa, l dutor Raphael Insam, seniëur digan Vitalis Delago, duc chëi che ie unic a vedlé y ala supeltura. N gran Dievelpaie a duc i ujins che nes à judà te chisc dis y a duc chëi che ie stac cun nëus te chisc mumënc, che nes à dit o scrit paroles de cunfort.

Cunduel La Scola d’Ert Cademia de Urtijëi tol pert al duel dla professëura Nadia Daurù y de chëi de familia per la mort dl pere

Guido Daurù (a man ciancia) tla Scola d’Ert de Urtijëi, 1942.

Guido Daurù che ie nce stat nseniant per plu ani tla Scola d’Ert de Sëlva.

La familia

Lecort

Cunduel La cundulianzes plu senzieres a nosc cunselier Mirko Daurù per la mort de si pere

Dan doi ani nes à lascià nosc tata y uem

Michael Silbernagl

bera Guido Daurù

Ël nes mancia dassënn!

La Lia da Mont de Gherdëina

Ulon se lecurdé de ël te na santa mëssa n sada ai 3 de lugio, dala 18.30 tla dlieja de Urtijëi.

www.lauscdiladins.com

35


Inserac

nr. 25 / 03 de messel 2010

♦ Program sportif da d’isté por mituns L’Uniun Sport La Ila/seziun Fitness mët da jì tratan l’ìsté deplü cursc de ginastica por mituns dai 2 ai 11 agn Trëi é i cursc che vëgn metüs da jì dala US La Ila/seziun fitness. Düć i cursc vëgn tignis da Thomas Valentini y Lorenz Clara y vëgn fać te palestra nöia a La Ila. Por s’anunzié ai cursc pòn cherdè sö le nr. 0471/847109. Informaziuns ciafon al nr. 339/1433016. Curs de ginastica spezifica por mituns dai 2-4 agn adöm ala uma/pere An s’incunta indöt 10 iadi, tres de lönesc y jöbia dales 17.00-18.00, cun scomenciamënt ai 12 de messè. Curs de ginastica por i mituns dla scolina Por i mituns dai 2 ai 11 agn vëgnel pité trëi “Śoghé fej crësce” Le curs mët man en lönesc ai 12 de messè cursc a La Ila. dales 15.00. An s’incunta dagnora de lönesc y jöbia, por indöt 14 iadi. Program sportif da d’isté por i mituns dla elementara y pröma mesana Le curs vëgn tignì tres de mertesc y vëndres, por indöt 15 iadi, cun scomenciamënt ai 13 de messè. Le pröm grup (1., 2. y 3. elementara) s’abina le pröm iade dales 14.30 y le secundo grup (4. y 5. elementara y 1. mesana) s’abina le medemo dé dales 16.00, te palestra nöia a La Ila.

Spëises smendrides Strom de nöt miù marćé! Dai 2 de messè incà él ćiamò novitês: telefonè t’Europa a miù prisc, aumënć dl daz söles autostrades talianes Novitês - Śëgn pòn baratè contrat cun le fornidù dla forza eletrica, mo desche i aconsiadus di consumënć dij pàiel ma la mëia sce na abitaziun adora almanco le 66% dl consum de forza eletrica de nöt, danter les set da sëra y les ot da doman, o i dis dla findlédema (aratè chilò dui iadi 24 ores). Sce an ne müda nia romagn i prisc por le strom de dé n pü’ plü alć co chi de nöt.

Cavallino Bianco Family Spa Grand Hotel a Urtijëi chier na vize-Gouvernante L ie n lëur nteressant. N muessa savëi da adurvé l computer. Per nfurmazions cherdé su Leander al 0471/783333.

Bar Dantercëpies chir da śen inant nchin ala fin de setëmber na barista. Tel. 0471/794355. Da chirì L vën cris n cuatier per 5 persones te Gherdëina per dut l ann. Tel. 333/7475704. (23/10) ••• L vën cris per na persona da tlo n monolocal cun bani y na mascin da lavé guant, a Urtijëi per dut l ann. Tel. 331/5922185. (12.30 - 14.30 y 19.30 20.30) (23/10) ••• Al vëgn chirì na sënta da mituns (seggiolone) da scinché ca. Prëibel sce valgügn n’ess öna che ne vëgn nia plü adorada, tel. al 339/7755651. (23/10) ••• Al vëgn chirì na mësa che se lascia adatè a let da dormì (Reschbank) y na gabia por i cunici. Tel. 339/8801406. (24/10)

Da vende

Telefonè tla UE Telefonè danter statesc tla UE ne po nia plü costè plü co: - 46 centejims al menüt por telefonades fates y 18 centejims por telefonades gnüdes ite. N regolamënt prevëiga inće n avis por les telefonades tla rëi roaming.

Autostrades N plü de 2% vëgnel śëgn aratè por jì cun auti personai y camions söl’autostrada. (ir)

Dui jogn dla Val Badia maridà, chir na ćiasa/apartamënt/terać da frabiché da cumprè, por podëi vire te nostes beles munts! Prëibel cherdè sö le 339 4729898. Dilan!

Telefoné cun i fonis inće sura i statesc dl’Uniun Europeica fora ne po nia plü costè plü co n tant!

L vën vendù na pedana vibrante belau nueva a 250 euro y n banch multifunzionel cun 160 chili de pëisc, 2 manubri 1 bilancere angolato, 1 bilancere 2,20 metri a 500 euro. Tel. 348/7437694. (23/10) ••• Al vëgn venü na tascia da scora da möt tignida dër bun y na vaina dai corusc (astuccio). Tel. 334/2786241. (23/10) ••• Da vëne n motor da trial gas 50 dl 1997 te de bones condiziuns. Tel. 333/6770105. (23/10) ••• Da vëne n gratun da tachè ite pro la Jeep, pëis complessif: 1.300 kg. Prëibel telefonè al 339/7306011. (23/10) *** Al vëgn venü cërtli originai dla Panda Cross da 15’’ nüs. Tel. 347/8907846. (24/10) ••• Al vëgn venü lëgna da fëia sëćia fata sö 50 cm lungia (da fà pizza). Tel. 339/7882587. (24/10) •••

Crì da laour N jonn de 22 agn cun esperiënza chir laûr da aiüt cogo/pizzaiolo, chelner o barist. chiara.trevisan@rolmail.net (23/10) ••• N ël cun esperienza chier da lëur te Gherdëina te na cësadafuech a lavé ju o nce coche segondo cuech. Tel. 320/2145117. (23/10) ••• N jëunn chier n lëur de vel’ sort a judé te cësadafuech o nce sciche sciafer cun patent B. Tel. 388/1141530. (23/10) ••• N ël chier da lëur a fé de uni sort de stroc o nce coche vardian. Tel. 345/8097702. (23/10) ••• N ël chier da lëur coche barista y n’ëila chier da lëur a rumé su majons, tramedoi per l mëns de agost. Tel. 388/0548762. (23/10) ••• N ël chier da lëur coche segondo cuech. Tel. 331/8488445. (23/10) ••• Na ëra che vir a San Ćiascian chir laûr inće da atira, por fà ćiamenes o te bar. Prëibel telefonè al nr. 338/6990046. (23/10)

36

www.lauscdiladins.com

••• N studënt universitar (informatica y fisica) dl’Alta Badia chir n laûr te ofize (tecnich, alberch) por i mëisc messè setëmber. Tel. 333/6769096. (23/10) ••• N’ëila cun esperienza chier da lëur a rumé su majons te Gherdëina o nce a paidelné o a fé gusteies, cun albierch. Tel. 388/9347353. (23/10) ••• N’ëila chier da lëur per n valgun’ ëures al di te n hotel a rumé su majons. Tel. 320/9128432. (23/10) *** Na jëuna chier da lëur sciche ciuliera o barista de na ustaria, sce l ie mesun te Gherdëina. Tel. 320 6665063. (24/10) ••• N’ëila chier da lëur a rumé su la majons, sce l ie mesun te Gherdëina. Tel. 338 1676129. (24/10) ••• Na jëuna studënta chier da lëur a cialé de pitli mutons, sce l ie mesun te Gherdëina. Tel. 333 9950789. (24/10) ••• N’ëila chier da lëur a rumé su la majons, sce l ie mesun te Gherdëina. Tel. 320 6665063. (24/10)

N ël cun esperienza chier da lëur a lavé ju o a fé de uni sort de stroc te Gherdëina. Tel. 389/7940618. (24/10) ••• N ël cun esperienza chier da lëur a cialé de na persona de tëmp. Tel. 389/7940618. (24/10) ••• N ël chir laûr a lavè jö te na ćiasadafüch tla Val Badia. Tel. 331/3375023. (24/10) N ël chir laûr sciöche chelner por salf, bar o val’ de té, da atira. Prëibel cherdè sö le 333/6704519 - Dino. (25/10) ••• Na ćiamenëssa, taliana, cun esperiënza chir laûr por la sajun da d’isté, da atira. Prëibel cherdè sö le 338/3375382. (25/10) ••• N studënt de 24 ani de Stuttgart chier n lëur da agost nchin ala fin de setëmber te na butëiga, te sala o a lavé ju. Ël sa da rujené tudësch, nglëisc, spanuel, portughesc y mpue de talian. Per nfurmazions cherdé su prëibel l +4917638074159 o scrì na e-mail a lipperemix@hotmail.com. (25/10) ••• N ël chier da lëur coche barista per l mëns de agost y n’ëila chier da lëur a rumé su la majons, tramedoi per l mëns de agost.

Tel. 388/0548762. (25/10) ••• N ’ël chir n laûr sciöche fadöt o lavataîs. Prëibel cherdè so le 338/1404096. (25/10) ••• L vën cris n lëur a judé te cësadafuech per dut l ann o per la sajon. Tel. 328/2062651. (25/10) ••• L vën cris n lëur a judé te cësadafuech. Prëibel cherdè sö le 331/8488445. (25/10) ••• N’ëra chir n laûr sciöche chelnera for salf. Prëibel cherdè so le 338/1195680. ••• N’ëila chier da lëur a rumé su la majons, sce l ie mesun te Gherdëina. Prëibel cherdé su l 328/0606551. (25/10) ••• N’ël chier da lëur a lavé ju o a fé d’uni sort de stroc, te Gherdëina. Tel. 377/1406737. (25/10) ••• N’ël chier da lëur a lavé ju o a fé d’uni sort de stroc, te Gherdëina. Tel. 327/3469334. (25/10) ••• N’ëila cun esperienza chier da lëur a cialé sun jënt de tëmp, te Gherdëina. Tel. 340/5298027. (25/10)

I cumprun lignan vedl de vigni sort (tafladöres, brëies de func, lëgns scadrà...) Rustikalholz Promberger Tel. 340/8107918.

La Skiarea Miara a Al Plan de Mareo chir por la sajun da d’invern 1 cassier/ra por l’ofize dl schipass. Prëibel cherdè sö le 0474/501366.

Hotel Savoy ***S a La Ila chir por la sajun da d’isté 1 tornanta por ćiamenes y por lavè jö. Prëibel telefonè al 0471/847088.

Al vëgn chirì 1 chelnera por na pizzeria y n restorant a Badia. Prëibel telefonè al 389/6836901.

Romantik Hotel Cappella a Calfosch chir por la sajun da d‘isté y da d‘invern na secreteria jona cun n pü’ de esperiënza y conoscënza dl ingleje. Prëibel telefonè al 0471/836183 o menè na e-mail a info@hotelcappella.com

Restaurant Camping Sass Dlacia a San Ćiascian chir da atira 1 barista cun conoscënza dl talian y dl todësch. Prëibel cherdè sö le 331/6894517.

Bela vila per una familia njenieda ite defin cun stua, cësadafuech, trëi majons, doi banies, portesc, verzon, garage y nudadoia sciaudeda da vënder al Garda. Tel. 0471/053044 Zel. 348/2254810

Bel pitl mesc ”Höfl” sciche cësa per fin dl’ena, per feries o per zachei che fej paur per hobby (za. 2 ha). Bela streda da furné permez. Luegia panoramica a Laion. Imubilies ARGO d. Morin Tel. 0471 260153 o zel. 348 6939976

Chiron da cumpré n pra te Sëlva o a S. Cristina. Tel. 340 9675906

Al vëgn afité ia na ćiamena a n studënt te n cuatier da trëi porsones a Desproch da messè inant. Scriéde a elias.pezzedi@gmail.com

Te Gherdëina vëniel vendù cuatieres nueves resservei a residënc tla provinzia de Bulsan, cun doi majons, stua cun cianton da cujiné, doi banies, piguel, ciulé y garage. Per nfurmazions cherdé su l 0471/053044 o l 348/2254810

Les Ploanies d’Al Plan y La Pli chir 1 assistënt/a pastoral/a a tëmp plëgn o inće a mez tëmp. Este na porsona che à vëia da laurè a contat cun la jënt y da i dè espresciun a süa creativité, te n ćiamp olache te pos fà valch inće por tüa personalité y tüa vita spirituala? Spo este la dërta porsona por nos. Al vëgn damanè: - motivaziun religiosa - la capazité da laurè cun jënt y da laurè autonomamënter - flessibilité. Les porsones che à stlüt jö i cursc de teologia tira dant, mo al vëgn inće pité la poscibilité da laurè y da i fà i cursc deperpo. I periun da menè ite les domandes cun curriculum vitae y foto a: Ploania d’Al Plan, siur Heinrich Perathoner, str. Catarina Lanz 46, 39030 Al Plan de Mareo. Le terminn por dè jö les domandes é i 16 d’agost 2010.


La Usc di Ladins